@236 BLO SBYONG TSOGS BSHAD MA BZHUGS SO,, *, ,KUN MKHYEN THUGS NI BRTZE BA'I DBANG GYUR CING, ,GZHAN DON RO GCIG THUB DBANG SRAS KYI GTZO, ,BYAMS MGON NAS BRGYUD BRGYUD PA'I BLA MA LA; ;RAB DAD DGA' BA'I YID KYIS PHYAG 'TSAL TE, ,THEG CHEN LAM GYI RTZA BA BYANG CHUB SEMS, ,BDAG GZHAN BRJE BA BLA MA RNAMS KYI GSUNG, ,BDE BA'I 'BYUNG GNAS DGE BA'I GTER CHEN PO, ,KHA 'BYED GNAD KYI GDAMS PA 'DIR BSTAN BYA, ,YANG DAG PAR RDZOGS PA'I SANGS RGYAS KYIS GSUNGS PA'I CHOS KYI 'KHOR LO RIM PA GSUM, GSUNG RAB YAN LAG BCU GNYIS, ,SDE SNOD RIM PA GSUM, ,THEG PA CHE CHUNG , CHEN PO LA SNGAGS PHA ROL TU PHYIN PA RNAMS KYI NYID KYIS GZIGS PA'I LAM THUd RJES GZHAN LA GSUNGS PAS LEGS PAR GSUNGS PA'I BKA' YIN LA, RJE BTZUN BYAMS PA LA SOGS PAS DE'I DGONGS PA BKRAL BA NI BSTAN BCOS YIN NA, ,BKA' DANG BSTAN BCOS THAMS CAD KYI BRJOD BYA MDOR BSDUS PA NI, NGA ZAD PAR BYED PA DANG , GZHAN GCES PAR 'DZIN PA GNYIS SU 'DUS SO, THEG PA'I DBANG DU BYAS NA, DANG PO NYAN RANG GI THEG PAS BSDUS LA; GNYIS PAS THEG CHEN BSDUS SO, ,DE NYAMS SU LEN PA LA SNGAGS LA BRTEN PA DANG , PHA ROL TU PHYIN PA'I LUGS GNYIS LAS, PHYI MA NYAMS SU LEN PA LA JO BO LA LUGS GSUM MNGA' STE, DANG PO DHARMA RAKshI TRA LA ZHUS, 'DI RTEN DGE TSUL DU BZHUGS, THUGS RJE CHE BAS SKU SHA BCAD NAS BTANG, RIG PA'I GDAMS NGAG SLOB DPON RTA DBYANGS KYIS MDZAD PA'I MDO SNGA BRGYAN GYI RJES SU @237 'BRANGS, LUNG DBYIG PA GSUM GYI PHRENG BA LA BRTEN, DE GNYIS KA BOD DU MA 'GYUR GSUNG, 'JUG LUGS BDEN PA BZHI'I SGO NAS 'JUG ,LTA BA NYAN THOS BYE BRAG TU SMRA BA DANG MTHUN, SGOM LUGS DANG PO NAS BDAG GZHAN MNYAM PA NAS BSGOM GSUNG, 'DI LA DANG PO'I BRGYUD PA MI GSUNG, GNYIS PA 'JAM DPAL NAS BRGYUD, BLA MA BYAMS PA'I RNAL 'BYOR BA LA ZHUS, BYAMS PA KHO NA BSGOM PAS DE LTAR GRAGS, KU SA LI CHUNG BA YIN, KHYI LA DBYUG PA RGYAB PA'I RJES BYUNG BA'I GTAM RGYUD CAN YIN, LUNG NAM MKHA' SNYING PO'I MDO LA BRTEN, RIG PA'I MAN NGAG BSLAB BTUS KYI RJES SU 'BRANGS, 'JUG LUGS MDO SDE GZHAN GYI SGOR 'JUG PA, LTA BA NYAN THOS MDO SDE PA DANG MTHUN, SGOM LUGS GONG DANG 'DRA, GSUM PA BYAMS PA NAS BRGYUD, BLA MA GSER GLING PA LA ZHUS, LUNG DRI MA MED PAR GRAGS PA'I MDO LA BRTEN, RIG PA'I MAN NGAG BYANG CHUB SEMS DPA'I RJE SU 'BRANGS, LTA BA MU STEGS PA DANG YANG THUN MONG BA, 'JUG LUGS PHAR ROL TU PHYIN PA'I SGOR 'JUG ,SGOM LUGS DANG PO NAS BRJE BA NAS BSGOM, DE LTAR BRGYUD PA'I LUGS GSUM LAS, 'DI BYAMS PA NAS BRGYUD PA STE, BYAMS PA, THOGS MED, DBYIG GNYEN, BLO GROS BRTAN PA NAS GSER GLING PA'I BAR DU BRGYUD PA'O, ,'DI LUNG DRI MA MED PAR GRAGS PA'I MDO LAS, 'JIG TSOGS LA LTA BA DE BZHIN GSHEGS PA'I GDUNG ZHES PA DANG , 'JIG TSOGS LA LTA BA RI RAB DANG MNYAM PA BSKYED KYANG, BYANG CHUB KYI SEMS SKYE ZHING, DE LAS SANGS RGYAS KYI CHOS RNAMS KYANG 'BYUNG NGO, , ZHES PA LA SOGS PA DANG , RIG PA BYANG CHUB SEMS DPA'I SA LAS, BYANG CHUB SEMS DPA' GNAS DBEN PAR SONG NAS, BSAM PA DAG CING SNYING THAG PA @238 NAS DANG BAS KUN TU RTOG PA DAG GIS SBYIN PAR BYA BA'I CHOS RNAM PA SNA TSOGS PA RGYA CHEN PO DPAG TU MED PA DAG LA MOS SHING SEMS CAN LA SBYIN PA DAG STOB PAR BYED NA, DES BYANG CHUB SEMS DPA' TSIGS CHUNG DUS TSOd DPAG TU MED PA 'PHEL BAR 'GYUR RO; ;DE NI BYANG CHUB SEMS DPA' SHES RAB CHEN PO DANG LDAN PA'O, ,ZHES PA LA SOGS PA GSUNGS SO, GRUB MTHA' PHYI ROL PA DANG MTHUN PA NI, KUN TU BTAGS PA'I BDAG 'DOD PA MA YIN YANG, LHAN CIG SKYES PA'I BDAG LA BRTEN NAS BDAG 'KHOR BAR SDUG GI DOGS PA DANG , BDAG GI MA DRIN CHE BA LA SOGS PA LA BRTEN NAS BYAMS PA LA SOGS PA SKYE BAS 'JIG TSOGS LA LTA BA DE BZHIN GSHEd PA'I GDUNG ZHES PA'I DON YIN NO, ,JO BO BLA MA DRAN GSUNGS NAS BSHUMS PA'I RGYU MTSAN YANG, KHO BO'I SEMS BZANG PO DUM TZAM 'DI BLA MA DE'I DRIN YIN GSUNGS PA LTAR RO, ,'JUG LUGS SHES RAB KYI PHA ROL TU PHYIN PA'I SGOR 'JUG PA NI, DANG PO BDAG GZHAN BRJE BA LA BRTEN NAS THABS KYI CHA GOMS PAR BYAS NAS, DE BRTAN PA NA SHES RAB BSGOM PA STE, JO BO'I LAM SGRON LAS, THABS GOMS DBANG GIS BDAG NYID KYI, ,GANG GIS SHES RAB RNAM BSGOM PA, DES NI BYANG CHUB MYUR DU THOB, ,BDAG NYID GCIG PU BSGOM PA MIN, ,ZHES PA'I SHES RAB KYI PHA ROL TU PHYIN PA'I MAN NGAG GI STOBS KYIS KHRID PAR BYA BA YIN GSUNGS, 'DI LA PHYIR MI LDOG PA'I RTAGS SBYOR LAM NAS YONG GSUNGS, 'DI JO BOS DGE BSHES STON PA MIN PA LA MA GNANG, STON PAS KHU LA SOGS PA LA 'DI DANG 'DI GNANG NAS, KHO BO LA 'DI GNANG BA JI LTAR LAGS ZHUS PAS, NGAS KHYOD MA YIN PA LA BSTAN SA MA RNYED PA YIN GSUNGS SKAD, DGE BSHES STON PAS KYANG PO TA BA MA YIN PA LA MA GNANG, PO TO BAS KYANG, SHA RA BA DANG , GLANG RI @239 THANG PA LAS GZHAN LA GNANG BA MED, DGE BSHES CHEN PO 'CHAD DKA' BA BYIS PA NAS CHOS LA MOS PAS MI SKYA'I DUS NAS CHOS MANG DU ZHUS, GNYAL DU DGE BSHES CHOS 'BAR GYI GRA SAR RAB TU BYUNG NAS CHOS KYANG MANG DU GSAN, YAR LUNGS SU SNYEGS MCHED GNYIS LA MNGON PA KUN BTUS TSAR BDUN TZAM GSAN, DGE BSHES SNYEGS DANG 'GROGS NAS, YA GAD PA LA BE'U 'BUM TSAR GCIG PHYIS GCIG GSAN TE 'DI RTZAD MA GCAD, DE NAS GLANG RI THANG PA'I SLOB MA GNYAL PA YON TAN SHES RAB LA, KHYED KYI DGE BSHES LA YON TAN JI 'DRA YOD DRIS PAS, BLO SBYONG YOD PAR THOS, KHO RANG SLOB MA YIN YANG 'DI MI BZHUGS PAR GDA', DER NYANG LCAGS SHING PA LA GLANG RI THANG PA'I LUGS KYI TSIG BRGYAD PO DE GSAN, BKA' GDAMS PA LA DAD PA'I RGYU YANG DES BYAS GSUNG, DE NAS DOL PA DANG LUNG SMAD PA DANG MJAL NAS DER LO BZHI BZHUGS, DGUNG LO SUM CU BZHES KYI BAR LA BRTEN, DE NAS GRA'I SO THANG PA DE'I ZHAL NAS, NGA'I MCHOD GNAS BYA GSUNGS PA LA SNGAR GYI TSIG BRGYAD PO DE GSAN PAS BKA' GDAMS PA LA MOS PAS MCHI BAR ZHUS, DER KHONG GIS GTOR MA GCIG MDZAD NAS, DA KHYOD MNAR MED KYI ME GSENG DU BSREG KYANG BAR CHAD MED PAR BLA MA GCIG DANG MA MJAL NA, NGAL BYIN RLABS MED PA YIN GYI GSUNGS, DE NAS SUM CU SO GCIG GI LO LA DBU RUR BYON, GLANG THANG PA LA DAD DE 'DAS, KHONG GI SHU LA NA RGYUD SUM THO DRIS PAS, MNYAN MTHO ZER, DER GLANG THANG DU BZHUD PAR BZHED NAS, G-YOG PO GSUM SNGON LA DPE CHA SKYEL DU BTANG BAS, GNYAN DANG , BA WA 'DUL BA 'DZIN PA DANG , MDO SDE DANG GSUM, GLANG THANG 'DZIN PA LAM MTHUN PAR 'DUG ZER NAS LOG NAS BYUNG, 'O NA MI 'ONG BAR 'DUG, KHYED GSUM @240 BZHOR SHA RA BA CAN DU SONG, NGA ZHANG BRAG DMAR BA CAN DU LTAR 'GRO GSUNG NAS 'BROM PA NAS GYES NAS SER BA KHAR BYON, SER THOG PA'I GNYER BA LA SNAM BU GCIG BTZONGS TE, DGUN ZLA BA GNYIS DER BZHUGS, DPYID 'JOD MOR BYON, MTSAR SNAR DGUNG LO BCU GNYIS BSAD SNYOMS MDZAD, DE NAS 'JOD MO KE RUR 'BYON PAR BZHED NAS BYON TZA NA, SHA RA BA'I GRVA BA LHO GNYEL BA ZONG TSONG BA MANG PO BYUNG, PHYAG RTEN BYAS NAS 'DI TZUG MDZAD PAS GA NA MCHI, GZHOR GSHEGS ZER NAS DRE'U RAB DGON PAR NAS KHAL GCIG PHOG NAS DER BZHUGS SU BCUG ,KHONG RNAMS ZONG SKOR LA SONG, DER LOG NAS GZHOR BYON, DBYAR DE NYAN THOS KYI SA GSUNG ZHING 'DUG ,GSAN PAS BYINGS NYOG GE BA GCIG LAS BLO 'KHUL BA KHO NA MA BYUNG, 'DI KUN GYI ZUR DANG YE MA BYUNG BAS MED SNYAM NAS RGYAGS SKYEL BA GCIG YOD PA LA NGA GAL TE DON GNYER DU 'GRO BAS MA SKYEL CIG BYAS, CHOS 'DI 'DUG NA BSDAD, MI 'DUG NA 'GRO DGOS, KHYI LUD BZHIN PHUNG PO GANG KHYER BSDAD PAS MI YONG DGONGS, ZHU BA'I SKABS MA BYUNG , NYIN GCIG GRVA BA RNAMS STON MO LA ZHUGS, DGE BSHES PA KHO RANG GIS BZHENGS PA'I 'BUM PA LA BSKOR BA MDZAD CING BZHUd PA'I SAR 'JIGS SE GCIG GIS PHYIN NAS PHYAG BYAS CAM SE GTING NAS 'DIR BZHUGS PAR ZHU DANG , ZHU RGYU GCIG BDOG ZHUS PAS, BO DHI RTZI'I PHRENG BA GCIG BGRANG GIN STON PA LA GROS MA CHOD PA CI DOG ,DGE BSHES PO TO BA LA THEG PA CHEN PO BLO SBYONG BYA BA BDOG SKAD PA ZHES GLENG NAS, KHO BO DE LA MOS, CHOS LUGS 'DI 'DRA BA YANG GDA' NA, KHANG PA MA RNYED PA LA SOGS PA LA RES PHAN PAR BYUNG, RES BTUB GRAGS PA YANG MA BYUNG, LAM DU 'GRO'AM MI 'GRO LAGS ZHUS PAS, PHRENG BA RDOG CING STON PA LA BTUB MA BTUB @241 KYI LAM NA MED, SANGS RGYAS MI 'DOD NA MI 'DOD, 'DOD PHAN CHAD LAM DER MA ZHUGS PAR 'TSANG RGYA MI SRID GSUNGS, 'DI TZAM PAS CHOG GSUNGS TSOD KYI NANG NA NYAMS MYONG KHYAD PAR CAN YOD NGES SNYAM PA CIG BYUNG GSUNGS, 'O NA LUNG CHOS PA LA LUNG DGOS NA BDOG GAM ZHUS PAS, SPYOD 'JUG GI ,'GRO BA'I SDUG BSNGAL GANG CI'ANG RUNG, ,ZHES PA DE YONG NGAM SNYAM TZA NA, SLOB DPON KLU SGRUB LA TSAD MAR MI BYED PA SU BDOG ,DE'I RIN CHEN PHRENG BA NA MAR LA, BDAG LA DE DAG SDIG SMIN CING, BDAG DGE MA LUS DER SMIN SHOG ,ZER BA GDA' GSUNG, DER PHYAG GSUM 'TSAL YONG, RIN CHEN PHRENG BA YOD DAM DRIS PAS YOD ZER, ZHAL PHYE LTAS PAS 'DUG STE, SNGAR AEN RES LTAS PA LA MA ZIN PAR 'DUG GSUNG SKAD, DER DGA' NAS RGYAGS SKYOL CIG BYAS NAS GZHOR LO GNYIS TZAM, DGE GONG DU LO DRUG TZAM LO NGO DGU 'DI SHA STAG RTZAD GCAD, GAN DMAR DGE LA ZONGS 'DOGS ZER BA BZHIN DU BYAS GSUNGS SKAD, SHAR BAR 'PHOS NAS SGANG MA SGI THOG TU SONG GSUNG, DE TZAM GCIG BZHUGS KYANG LKOG TU RTZAD GCOD PA LAS TSOGS SU SA BON GCIG YOD PA'I SAR BTUB NA DE TZUG KYANG MDZOD AANG GSUNG BA ZUR SA GCIG LAS MA BYUNG, DE YANG 'PHRIG YOD PAS GONG RUNG, GZHAN GYA DE YANG MI GO BA GCIG LAS MA BYUNG STE, DES THUGS CHUNG YANG DKYEL CHE GRAGS, GRVA BA NYIS STONG BRGYAD BRGYA TZAM RE DUS RE LA 'TSOGS PA LA, SLOB DPON GCIG PU LAS GZHAN LA 'PHRIG TSAD MA BYUNG, STABS KA BA TZAM LA YANG SPYOD YUL YONGS SU DAG PA'I MDO LA BRTEN PA GCIG LAS MA GNANG BAR 'DUG GSUNG, DE BAS MANG BA GCAG LA GNANG NA PHAN CHE BA GCIG YONG BAR 'DUG PA LA GSUNG SKAD, DE NAS 'CHAD DKA' BA KHONG DAG LA YANG DANG PO SUS KYANG RTZAD @242 MA CHOD, PHYIS MDZE BO KHA YAR LA GNANG BA LA DAG SNANG CHE CHE KHA YAR GYI TSOR NAS GCIG GIS GCIG SGRAN CING ZHUS PAS, MING MDZE CHOS SU GRAGS, BYIN GYIS SKYOR LUNG NA BZHUGS PA'I DUS SU GCUNG PO DANG , 'BAL BO CHES ZHABS TOG BYAS NAS MDZE MO RKANG LAG CHAD PA GCIG KHUR NAS BZA' BYIN CHOS GSUNGS PA DANG , LHA SDINGS SU THOS PA DKA' DANG , GNYIS PO DE LA CAM TSE SKON, SKU RGYAB TU BZHAG NAS MDZAD PA DANG , YANG MDZE PHO GSOS PHAM PHABS DANG GDAMS NGAG GNANG BAS MDZE CHOS ZER, PHYIS 'DRIS SU BYON NAS 'DI TSOGS SU GSUNGS PA'I CHOS MIN, BTUB PA KHA YAR LA LKOG TU KHRID PA YIN TE, SU LA YONG BA DANG , SU LA MI YONG YANG MI SHES PAR 'DUG ,LKOG TU KHRID PAS MI LANG BAR 'DUG PAS, DA THAMS CAD LA TSOGS SU BYED PA YIN NO GSUNGS NAS TSOGS SU GSUNGS PA YIN, DES NA 'DI THAMS CAD LA MED PA'I THEG PA CHEN PO THUN MONG MA YIN PA'I LAM YIN, CHOS GCIG LA 'DI LAS ZAB PA DANG RGYA CHEB MED, DGE BSHES CHEN PO 'CHAD DKA' BAS KYANG SHAR BA LA 'DI RTZAD MA CHOD KYI RING LA BLA MA BRGYAD CUR NYE TZAM BSTEN, JI TZAM PA'I CHOS DANG GDAMS NGAG THOB KYANG SANGS RGYAS SGRUB PA LA DA DUNG 'DA TZUG MIN PA CIG GA SHES NA YONG DE YOD DAM SNYAM PA LAS KHO THAG CHAD PA GCIG MA BYUNG BA LA, SHA RA BAL 'DI RTZAD CHOS PA DANG , DA YONG 'DI LAS LHAG PA GANG NA YANG MED SNYAM NAS THAG CHOD, 'GRAM CHU MI LDANG , NYAN SNYING MI 'DOD PA, LHOD PA GCIG BYUNG GSUNGS SKAD, 'DI BYUNG NA MIS LTAS NA THA MAL BA 'DRA BA LA, RANG CI BYED THAMS COD MKHYEN PA'I RGYU 'BA' ZHIG TU 'GRO BA CIG YONG, DE YANG RLABS CAN SHA STAG TU 'GRO BA CIG YONG, 'DI SHA STAG TU THUGS DAM DU MDZAD PAS 'DA' DKA' TZAM NA YANG 'JIG RTEN NA SGRA GCIG THOS @243 PA LA BLO SBYANG GI SGRA LAS SNYAN PA MED PAS, KHYED KYIS NGA'I RNA BAR SGROGS ZHES PA DANG , BYIS PA BRDA' PHRAD NAS GZHAN GYI SDUG BSNGAL LEN PA LA GAD NGAM ME, DGA' YAL LE GCIG YIN PA LA, DA RES NI 'DOD PA TZUG MA BYUNG , BDE BA CAN GYI SNANG BA CIG KHO NA BYUNG GSUNGS NAS THAMS CAD KYI SDUG BSNGAL KHONG LA SPANGS PAR BZHED PA DANG , GCUNG POS SKU KHAMS ZHAN PAR GDA' BAS THUGS DAM MDZOD CIG CES ZHUS PAS, BLO SBYONG GI TSIG KHA YAR GSUNGS NAS SKU KHAMS ZHAN YANG DE LTA BU MIN PA TSAM TSOM GYI SA CHOD PAR MA MTHONG GSUNGS SKAD, DES NA 'DI THUGS DAM GYI MTHIL PHYUNG BA'O,, ,, ` DGE BA'I BSHES GNYEN SPYIL BAS KYANG DANG PO GYEN GYI LHA SDINGS SU SLEBS, 'DI YANG DANG PO DER GSAN NAS LO NYI SHU RTZA BZHI BSTEN, DE'I BAR LA 'DI SHA STAG DRIS PA 'DRA BA CIG BYAS, THUGS DAM YANG DANG PO 'DI SHA STAG MDZAD PAS YENGS PA LA SOGS PA CI BYUNG YANG GNOD PA MI MNGA', SPYIL BU YANG MCHOD KHANG RANG YANG MED PAR 'DI SHA STAG SBYANG SNYAM PA YIN PA LA GSUNGS, RTOG PA YANG TSIG GI SBRANG BA'I SKABS SU SKYES PA YIN GSUNGS SKAD, PHYIS TSOGS BSDUS NAS KYANG 'CHAD KA DANG LHA SDINGS PA LA SOGS PAR MANG DU GSUNGS, PHYIS GYEN NA BZHUGS PA'I DUS NA SPYIL DU 'PHO DKAR DGE SBYONG SKYE'U CHUNG NA RE, DGE BSHES CHEN PO'I SLOB MA MANG PO CIG BYON PA LA SKU TSE THUNG BAR BYUNG , DE CIS LAN NA; NGA'I BSAM PA LA SNGAGS PHAR PHYIN GNYIS LA BLO SBYONG 'DI LAS ZAB PA MI 'DUG PA LA, DE TSOGS BSHAD BYAS PAS LAN SNYAM PA CIG BYUNG ZER BAS, DGE BA'I BSHES GNYEN PA'I ZHAL NAS, DE BDEN, 'DI LAS ZAB PA MED DE, @244 TSOGS SU BSHAD PA'I 'OS MIN YANG SLOB DPON KHONG THAG RING DU GSHEGS PA DANG , LKOG TU KHRID KYI MA LANG BAS TSOGS SU GSUNGS PAS DE'I SROL DU SONG BA YIN GSUNGS, DE NAS SPYIL GYI RING LA YANG SLOB DPON MNYES PA GCIG DANG , LHAG MA ZHIB TSEGS BREG GSUM PAS ZHUS PA GCIG DANG , STON GRVA BA SHUL MA LA'ANG DE LAS MA GNANG , DE RNAMS LA YANG 'DI TSOGS KYI 'OS MA YIN TE, KHONG MI CHEN GYI NGO MA PHYOGS PA YIN, NGA TSOGS SU 'DI LAS BSHAD PA MI YONG BAS KHYED RANG THAMS CAD NAN CHAGS GYIS SHIG GSUNGS, DES NA RANG CAG THAMS CAD KYANG GONG MA DE RNAMS KYI RJES SU SLOB CING , CI BYED THAMS CAD MKHYEN PA'I RGYU LAS GZHAN DU MI 'GRO BAR 'DOD PAS GDAMS NGAG THUN MONG MA YIN PA 'DI LA NGES PAR THOB PAR BYAS LA BLO SBYONG NGO,, ,, ` 'O NA 'DI SANGS RGYAS GANG GIS SBYONGS LUGS YIN, DUS GANG DU, JI LTAR SBYANG SNYAM NA, STON PA SH'AKYA THUB PA'I SBYONG LUGS YIN TE; SNYING RJE PAD DKAR LAS, SNGON BSKAL PA GRANGS MED PA GANGGA'I BYE MA SNYED 'DAS PA NA BSKAL PA 'DZIN PA CHEN PO ZHES BYA BA LAS 'KHOR LOS BSGYUR BA'I RGYAL PO RTZIBS KYI MU 'KHYUD ZHES BYA BA'I MDUN NA 'DON BRAM ZE RGYA MTSO'I RDUL ZHES BYA BA LA SRAS MTSAN DANG LDAN PA RGYA MTSO'I SNYING PO ZHES BYA BA BYUNG STE, DE SANGS RGYAS PA'I MTSAN DE BZHIN GSHEGS PA RIN CHEN SNYING PO ZHES BYA BA'I DRUNG DU, BRAM ZE RGYA MTSO'I RDUL GYIS BSKUL NAS RGYAL PO DANG , RGYAL PO'I SRAS STONG DANG , RGYAL PO BRGYAD KHRI BZHI STONG DANG , BRAM ZE'I BU BDE GSHEGS RIN CHEN SNYING PO'I MCHED BRGYAD CU DANG , BRAM ZE'I SLOB MA BYE BA PHRAG GNYIS KYIS SEMS BSKYED PA @245 LAS DE THAMS CAD KYIS ZHING DAG PAR SEMS BSKYED, BRAM ZE GZHAN THAMS CAD KYIS SPANGS PA'I SNYIGS MA'I SEMS CAN PHA LA PHAR MI 'DZIN, MA LA MAR MI 'DZIN, DGE SBYONG DANG BRAM ZE DANG , RGAN RAB LA DE DAG TU MI 'DZIN PA'I 'DUL DKA' BA'I DUS SU SANGS RGYAS NAS 'DUL BAR SHOG CIG PA'I SMON LAM BTAB, RAM PO BA'I ZHAL NAS, SANGS RGYAS BYIN PO SNGANGS PA LTAR BYAS NAS BSHUMS SO SKAD, DES NA BCOM LDAN 'DAS BRAM ZE RGYA MTSO'I RDUL DU SKYE BA ZHES PA NAS KYI SBYONGS LUGS YIN, DE NAS ME'I SHING RTA 'DREN PA DANG , BYAMS PA'I STOBS KYI MCHOD SBYIN DANG , STAG GI SKYES RABS LA SOGS PA GANG DU SKYES PA THAMS CAD DU JI LTAR SBYANGS PA MDO NA BZHUGS PA YIN, MGON PO BYAMS PA, SH'AKYA THUB PA BAS SEMS BSKYED PA BSKAL BA BZHI BCU RTZA GNYIS PAS SNGA BA LA, SNGON DU SHAKYA THUB PA SANGS RGYAS PA YANG BRTZON 'GRUS PHUN SUM TSOGS PAS 'DI LA BSLAB PAS SO,, DE LTA BU NYAMS SU LEN PA'I TSUL NI, DNGOS GZHI LUS LTA BU DANG , DE'I YAN LAG LTA BU GNYIS SO, ,DANG PO LA GSUM STE, SBYOR BA DANG , DNGOS GZHI DANG , RJES LA BLO SBYONG BA'I TSUL LO, ,DANG PO SNGON 'GRO DAG LA BSLAB, CES PA NA, DAL 'BYOR RNYED DKA' BA DANG , 'CHI MI BA RTAG PA DANG , 'KHOR BA'I NYES PA BSAM PA'O, ,'DI DAG DONG 'KHRID PA (DE NAS) SEMS PA LA 'JUG PA, SEMS (DE NAS) SNYING MI 'DOD PA, YENGS (DE NAS) PA LA SOGS PA THAMS CAD DU 'DI DAG GIS BSKUL (LCAG GIS) NAS SEMS PA'O,, DAL 'BYOR RNYED DKA' BSAM PA LA, DAL BA LA MI KHOM PA'I GNAS BRGYAD SPANGS NAS CHOS BYAR KHOM PA YIN LA, DE LA MI KHOM PA'I GNAS BRGYAD NI, NGAN SONG GSUM DANG , LHA TSE RING PO DE MI MA YIN PA'I 'GRO BA BZHI DANG , YUL @246 MTHA' 'KHOB PA DANG , DBANG PO MA TSANG BA DANG , LOG LTA CAN DANG , SANGS RGYAS MA BYON PA'I ZHING DU SKYES PA STE, MI'I 'GRO BA BZHI STE BRGYAD DO, ,DE LTAR YANG , DMYAL BA YI DVAGS DUD 'GRO DANG , TSE RING LHA DANG KLA KLO DANG , SANGS RGYAS 'BYUNG MIN LOG LTA DANG , ,LKUG PA 'DI DAG MI KHOM BRGYAD, ,CES SO,, 'BYOR BA NI, CHOS KYI MTHUN RKYEN 'BYOR BA STE, RANG 'BYOR LNGA DANG , GZHAN 'BYOR LNGA TSANG BA'O, ,DE LA RANG 'BYOR LNGA NI, MIR SKYES PA DANG , YUL DBUS SU SKYES PA DANG , DBANG PO TSANG BA DANG , GNAS LA DAD PA DANG , LAS KYI MTHA' MA LOG PA'O, ,GZHAN 'BYOR LNGA NI, SANGS RGYAS 'JIG RTEN DU BYON PA DANG , DES CHOS GSUNGS PA DANG , BSTAN PA GNAS PA DANG , BSTAN PA'I RJES SU 'JUG PA GZHAN YOD PA DANG , ZHUGS PA'I PHYIR SNYING BRTZE BA'O,, KLU SGRUB KYI 'KHOR LO BZHI'AM, THOGS MED KYI SMIN PA BRGYAD DAM, DBYIG GNYEN GYI YON TAN BDUN YANG 'BYOR BA YIN NO, ,DE RNYED PAR DKA' BA SEMS PA NI, NGO BA DANG , RGYU DANG , DPE'I SGO NAS SEMS PA'O, ,DANG PO NI, 'DZAM BU GLING GI MI BAS YOB PHYE RDZING GANG NGAM, MTSO MTHA' GCIG GI SBRANG MA MANG BAS SO, ,GNYIS PA NI, RGYU TSUL KHRIMS RNAM PAR DAG PA YIN TE, DE BSRUNG BA SHIN TU NYUNG BAS SO, ,GSUM PA NI, ME TOG GI TSOGS LA SOGS PA'I MDO DANG , KLU SGRUB LA SOGS PA'I BSTAN BCOS LAS, SHING BU GCIG PAR RUS SBAL GYI MGRIN PA CHUD PA LA SOGS PA DPE MANG DU GSUNGS PA YIN TE, RGYA MTSO (BSHES SPRANGS LAS,) CHER G-YENGS GNYA' SHING BUG DANG , ,RUS SBAL PHRAD PA BAS KYANG DUD 'GRO LAS, ,MI NYED CHES THOB DKA' BAS MI DBANG GIS, ,DAM CHOS SPYAD PAS DE 'BRAS MCHIS PAR MDZOD, ,CES @247 DANG , DE NYID (SPYOD 'JUG LAS) PHYIR NA BCOM LDAN GYIS, ,RGYA MTSO CHER G-YENGS GNYA' SHING GI ,BU GAR RUS SBAL MGRIN CHUD LTAR, ,ME NYID SHIN TU THOB DKAR GSUNGS, ,ZHES DANG , DE BZHIN GSHEGS PA 'BYUNG BA DANG , DAD DANG MI LUS THOB PA DANG , ,DGE GOMS RUNG BA 'DI LTA BU, ,DKON NA NAM ZHIG THOB PAR 'GYUR, ,ZHES DANG , BDE (SLOB SPRINGS LAS,) GSHEGS LAM STON 'GRO BA 'DREN PAR CHAS GYUR PA, ,SEMS KYI STOBS CHEN MI YI RNYED PA GANG YIN PA'I, ,LAM DE LHA DANG KLA YIS RNYED MIN LHA MIN DANG , ,MKHA' LDING DRI ZA MI'AM CI DANG LTO 'PHYES MIN, ,ZHES DANG , DAL (SPYOD 'JUG LAS ,) 'BYOR 'DI NI RNYED PAR SHIN TU DKA', ,SKYES BU'I DON GRUB THOB PAR GYUR PA LA, , GAL TE 'DI LA PHAN PA MA BSGRUB NA, ,PHYIS 'DI YANG DAG 'BYOR BAR GA LA 'GYUR,, ZHES DANG , MI KHOM PA BRGYAD LAS LOG PA'ANG RNYED PAR DKA', MI (SDONG PO BKOD PA LAS,) 'GYUR BA'ANG RNYED PAR DKA', ,DAL BA PHUN SUM TSOGS PA MA TSANG BA MED PA YANG RNYED PAR DKA', ZHES PA LA SOGS PA MDO BSTAN BCOS DU MA LAS GSUNGS PA LAS RNYED PAR DKA' BA 'DI THOB PA'I DUS SU CHOS MA BYAS NA DAL 'BYOR CHUD GSAN PA YIN TE, 'DI (SPYOD 'JUG LAS, ) 'DRA'I DAL BA RNYED GYUR NAS, ,BDAG GIS DGE GOMS MA BYAS NA, ,'DI LAS BSLUS PA GZHAN MED CING, ,'DI LAS RMONGS PA'ANG GZHAN MED DO, ,CES DANG GANG TSE DGE SPYOD SKAL LDAN YANG, ,BDAG GIS DGE BA MA SPYAD NA, ,NGAN SONG SDUG BSNGAL KUN RMONGS PA, ,DE TSE BDAG GIS CI BYAR YOD, ,CES PA LA SOGS PA GSUNGS PAS CHOS LA 'BAD DGOS TE, MI (SLOB SPRING LAS) YI DNGOS PO SHIN TU DKA' RNYED NAS, ,DON DU BRNAG PA GANG YIN DE NI BSTUN TE BSGRUBS,, @248 CES DANG , GANG ZHIG THOB NAS SKYE BA'I RGYA MTSO MTHAR 'BYIN CING, ,BYANG CHUB MCHOG GI SA BON DGE BA'ANG 'DEBS GYUR PA, ,YID BZHIN NOR BU BAS KYANG YON TAN LHAG PA YI, ,MI NYID DE NI 'BRAS BU MED PAR SU ZHIG BYED, ,CES GSUNGS SHING, CHOS LA BYANG CHUB GYI SEMS LAS BZANG BA MED PAS 'DI BSGOM PA LA 'BAD PAR BYA'O, ,GNYIS PA 'CHI BA MI RTAG PA BSAM PA LA GSUM STE, NGES PAR 'CHI BA DANG , NAM 'CHI CHA MED PA DANG , 'CHI BA LA CIS KYANG MI PHAN PA'O,, DANG PO LA GSUM STE, SNGAR SKYES PA LA MA SHI BA MED PA DANG , TSE 'DUS BYAS YIN PA DANG , SKAD CIG MA YIN PAS NGES PAR 'CHI BA'O, ,DANG PO NI, 'DI LTAR SKYE BA THAMS CAD KYI, MDUN NA GNAS PA 'CHI BA STE, ,ZHES DANG , SA'AM (MYANG 'DAS GSAL BA LAS,) 'ON TE MTHO RIS NA, ,SKYES NAS LA LA MI 'CHI BA,, 'GA' ZHIG KHYOD KYIS MTHONG NGAM CI, ,THOS SAM 'ON TE THE TSOM ZA, ZHES DANG , CE STE SANGS RGYAS RNAMS KYI SKU, ,MTSAN DANG DPE BYAD KYIS BRGYAN PA, ,RDO RJE'I SKU YANG MA RTAG NA, ,CHU SHING SNYING PO 'DRA BA YI, ,LUS CAN RNAMS LA SMOS CI DGOS, ,ZHES PA LTAR RO, ,GNYIS PA TSE 'DUS BYAS YIN PAS NGES PAR 'CHI BA NI, 'DUS BYAS BSAGS PA'ANG SKAD CIG 'JIG 'GYUR TE, ,SKYE LA SOGS PA'I SDUG BSNGAL NYON MONGS LDAN, ,ZHES DANG , 'DUS ('DUL BA LUNG LAS,) BYAS RTAG PAR 'GYUR BA YI, ,GNAS DE GANG NA'ANG YOD MA YIN,, 'DUS BYAS THAMS CAD MI RTAG GIS, ,MYANG NGAN MA BYED KUN DGA' BO, ,ZHES DANG , KYE MA 'DUS BYAS RNAMS MI RTAG ,SKYE ZHING 'JIG PA'I CHOS CAN YIN, ,SKYES NAS 'JIG PAR 'GYUR BA STE, ,DE BAS NYE BAR ZHI BA BDE, ,ZHES PA LTAR RO,, GSUM PA NI, TSE SKAD CIG MA YEN PAS NGES PAR 'CHI STE, (SPYOD 'JUG @249 LAS) NAD MED NYI MA 'DI LTA BU, ,ZAS BCAS 'TSE BA MED KYANG NI, ,TSE NI SKAD CIG BSLU BA STE, ,LUS NI THANG CIG BRNYAN PO YIN, ,ZHES DANG , MAR (SLOB SPRINGS LAS,) ME SHUGS DRAG RLUNG GIS BSKYOD PA LTA BU YI, ,TSE NI SKAD CIG GNAS PA'I DENGS YANG YOD MA YIN, ,ZHES PA LTAR RO, ,NGES PAR 'CHI YANG DA DUNG LONG YOD SNYAM NA, DE'I GNYEN POR NAM 'CHI CHA MED PA BSGOM PA LA GSUM STE, LUS LA SNYING PO MED PA DANG , TSE LA DUS BTAB MED PA DANG , 'CHI BA'I RKYEN MANG BA'O, ,DANG PO NI, RTAG PA DANG GTZANG BA LA SOGS PA'I SNYING PO MED PAS NAM 'CHI CHA MED DE, LUS (SLOB SPRINGS LAS,) MTHA' THAL BA MTHAR SKAM MTHAR 'GRUL ZHING, ,THA MAR MI GTZANG SNYANG PO MA MCHIS PAS,, RNAM PAR 'JIG STE MYAGS PAR 'GYUR BA STE, ,SO SOR 'GYES CHOS CAN DU MKHYEN PAR MDZOD, ,CES DANG , SA DANG LHUN PO RGYA MTSO NYI MA BDUN, ,'BAR BAS BSREGS PA'I LUS CAN 'DI DAG KYANG, ,THAL BA YANG NI LUS PAR MI 'GYUR NA,, SHIN TU NYAMS CHUNG MI LTA SMOS CI 'TSAL, ,TSE NI GNOD MANG RLUNG GIS BTAB PA YI,, CHU YI CHU BUR BAS KYANG MI RTAG NA, ,DBUGS 'BYUNG DBUGS RNGUBS GNYID KYIS LOG PA LAS, ,SAD KHOM GANG LAGS DE NI NGA MTSAR LAGS, ,ZHES DANG , 'DOR (GZHON NU MA BDUN GYI RTOGS BRJOD LAS,) BAR 'GYUR BA'I LUS SROG LA,, RTZVA DANG CHU YI ZIL PA LTAR, ,ZHES PA LA SOGS PA GSUNGS PA LTAR RO, ,GNYIS PA TSE LA DUS BTAB PA MED PAS NAM 'CHI CHA MED PA YIN TE, (MDZOD LAS,) SGRA MI SNYAN NA TSE STONG STE, ,GNYIS NA PHYAD PHYED SPANGS PA'O, ,'DI NA MA NGES THA MAR NI,, LO BCU DANG PO DPAG TU MED, ,CES PA LTAR RO, ,GSUM PA 'CHI BA'I RKYEN MANG BAS NAM 'CHI CHA MED DE, 'CHI (RIN CHEN PHRENG BA LAS,) BA'I RKYEN DU MA @250 GYUR PA'I, ,DNGOS DE GANG YANG YOD MA YIN, ,ZHES DANG , 'CHI BA'I RKYEN NI MANG BA STE, ,GSON PA'I RKYAN NI NYUNG ZAD CIG ,DE DAG NYID KYANG 'CHI RKYEN TE, ,DE LTA BAS NA CHOS MDZOD CIG ,CES PA LTAR RO, ,DES NA NAM 'CHI CHA MED PAS CHOS LA 'BAD DGOS TE, SANG (MTSAN MO BZANG PO'I MDO LAS,) TZAM 'CHI BAR SUS SHES KYI, ,DE RING NYID NAS BSTUN TE BYA, ,'CHI BDAG BDE CHEN NYID DANG NI, ,KHYED CAG SHES PA MA YIN NO, ,ZHES DANG , YID (SPYOD 'JUG, LAS,) BRTAN MI RUNG 'CHE BDAG 'DI, ,BYAS DANG MA BYAS MI SDOD PAS,, NA DANG MIN KUN GYIS KYANG, ,GLO BUR TSE LA YID MI BRTAN, ,ZHES SO, ,GSUM PA 'CHI BA LA CIS KYANG MI PHAN PA LA GSUM STE, GNYEN BSHES KYIS MI PHAN PA DANG , RDZAS DANG YO BYAD KYIS MI PHAN PA DANG , RANG GI LUS KYAS MI PHAN PA'O, ,DANG PO NI, BDAG (SPYOD 'JUG LAS,) NI MAL NA 'DUG BZHIN DU, ,GNYEN BSHES MANG POS MTHA' BSKOR KYANG, ,SROG CHAD PA YI TSOR BDAG BDAG NYID GCIG BUS MYONG BAR 'GYUR, ,ZHES PA LTA BU'O, ,GNYIS PA RNYED PAS MI PHAN PA NI, RNYED (SPYOD 'JUG LAS,) PA MANG PO THOB GYUR TE, ,YUN RING DUS SU BDE SPYAD KYANG, ,CHOM POS PHROGS PA JI BZHIN DU, ,SGREN MO LAG PA STONG PAR 'GRO ZHIS DANG , (GZHON NU MA BDUN GYI RTOGS BRJOD LAS) SA YI BDAG PO 'BAD PA STONG DAG GIS, ,KHYIM DU RDZAS RNAMS BSAGS PAR BYAS PA DANG , ,MI YI SKAD CIG GIS NI 'DOR 'GYUR TE, ,DGE LEGS GCIG PU 'DI NYID LAM DU BSTAN, ,ZHES PA LTAR RO, GSUM PA LUS KYIS MI PHAN TE, SPYOD 'JUG LAS, LHAN CIG SKYES PA'I SHA RUS KYANG, ,ZHIG STE SO SOR 'GYES GYUR NA, ,ZHES PA LTAR RO, ,DE LTAR MI RTAG PAR MA SHES NA, (SPYOD 'JUG @251 'JUG LAS,) THAMS CAD BOR TE CHA DGOS PAR, ,BDAG GIS DE LTAR MA SHES PAS,, MDZA' DANG MI MDZA'I DON GYI PHYIR, ,SDIG PA RNAM PA SNA TSOGS BYAS, ,ZHES PA LTAR 'BYUNG NGO, ,DE LTAR MI RTAG PAR SHES NA RGYAL PO LA GDAMS PA'I MDO LAS GSUNGS PA LTAR CHOS 'BA' ZHIG MGON DANG SKYABS DANG DPUNG GNYEN DU SHES NAS CHOS LA 'BAD PA GCIG BYUNG ZHING, CHOS LA BYANG CHUB KYI SEMS LAS BZANG BA MED PAS DE BSGOM PA LA 'BAD PA GCIG 'BYUNG BA YIN NO, ,GSUM PA 'KHOR BA'I NYES DMIGS BSAM PA NI, ,'GRO DRUG SO SO'I NYES PA DANG ,SPYI'I NYES PA'O, DANG PO LA DMYAL BAR SKYES NAS DE'I SDUG BSNGAL SPYOD PA NI, LAS MI DGE BA SPYAD PA'I 'BRAS BU TE, (BSHES SPRINGS LAS,) SEMS CAN NYES PA SPYAD PA SPYOD RNAMS LA,, YANG SOS THIG NAG RAB TU TSA BA DANG , ,BSDUS 'JOMS NGU 'BOD MNAR MED LA SOGS PA'I, ,DMYAL BA RNAMS SU RTAG TU SDUG BSNGAL 'GYUR, ,ZHES GSUNGS PAS, DE'I SDUG BSNGAL NI, 'DI NA NYIN GCIG MDUNG THUNG SUM BRGYA YIS,, RAB TU DRAG BTAB SDUG BSNGAL GANG LAGS PA, ,DES NI DMYAL BA'I SDUG BSNGAL CHUNG NGU LA'ANG, ,'OL YANG MI PHOD CHAR YANG MI PHOD DO, ,ZHES DANG , DMYAL BA BRIS PA MTHONG DANG THOS PA DANG , ,DRAN DANG BKLAGS DANG GZUGS SU BGYIS RNAMS KYANG , 'JIGS PA BSKYED PAR 'GYUR NA MI BZAD PA'I, ,RNAM SMIN NYAMS SU MYONG RNAMS SMOS CI 'TSAL, ZHES SDUG BSNGAL DU MAS NYAM THAG CING , YI DVAGS NA YANG 'DOD PAS PHONGS PA YIN, ,SKYED PA'I SDUG BSNGAL RGYUN CHAGS MI 'CHOS PA, ,BKRES SKOM GRANG DRO NGAL DANG 'JIGS PA YIS, ,BSKYED PA SHIN TU MI BZAD BSTEN 'TSAL LO, ,ZHES SDUG BSNGAL GYI BYE BRAG DU MA GSUNGS SHING, DUD 'GRAR SKYES NA DE'I SDUG BSNGAL LAS, DUD 'GRO'I SKYES GNAS NA YANG GSOD PA @252 DANG , BCING DANG BRDEG SOGS SDUG BSNGAL SNA TSOGS PA, ,ZHI 'GYUR DGE BA SPANGS PA RNAMS LA NI, ,GCIG LA GCIG ZA SHIN TU MI BZAD PA, ,ZHES GSUNGS PA LTA BU YIN LA, MIR SKYES KYANG SDUG BSNGAL LAS MA 'DAS PAS, MI NI YANG DAG NYID DU MI BDE ZHING , ,MI RTAG BDAG MED MI GTZANG RIG PAR BGYI,, ZHES PA LA SOGS PA GSUNGS SHING , LHAR SKYES NA YANG SDUG BSNGAL LAS MA 'DAS PAS, MTHO RIS NA YANG BDE CHEN DE DAG GIS, ,'CHI 'PHO SDUG BSNGAL NYID NI DE BAS CHE, ,DE LTAR BSAMS NAS YA RABS RNAMS KYIS NI, ,ZAD 'GYUR MTHO RIS SLAD DU SRID MI BGYI, ,LUS KYI KHA DOG MI SDUG 'GYUR BA DANG , ,STAN LA MI DGA' ME TOG PHRENG RNYING DANG , ,GOS LA DRI MA CHAGS DANG LUS LAS NI,, SNGON CHAD MED PA'I RDUL 'BYUNG ZHES BGYI BA, ,MTHO RIS 'CHI 'PHO SGRON BYED 'CHI LTAS LNGA, ,LHA YUL GNAS PA'I LHA RNAMS LA 'BYUNG STE, ,SA STENG MI RNAMS 'CHI BAR 'GYUR BA DAG ,SGRON PAR BYED PA' 'CHI LTAS DAG DANG 'DRA, ,ZHES GSUNGS PA LTA BU'O, ,LHA MA YIN DU SKYES NA DE'I SDUG BSNGAL NI, LHA MIN DAG NA'ANG RANG BZHIN GYIS LHA YI, ,DPAL LA SDANG PHYIR YID KYI SDUG BSNGAL CHE, ,DE DAG BLO DANG LDAN YANG 'GRO BA YI, ,SGRIB PAS BDEN PA MTHONG BA MA MCHIS SO, ,ZHES PA LTA BU'O, ,DES NA RIGS DRUG GANG DU SKYES KYANG SDUG BSNGAL BA NI, 'KHOR BA DE 'DRA LAGS PAS LHA MI DANG , ,DMYAL BA DUD 'GRO YI DVAGS RNAMS SU NI,, SKYE BA BZANG PO MA LAGS SKYE BA NI, ,GNOD PA DU MA'I SGOR 'GYUR MKHYEN PAR MDZOD, ,CES GSUNGS PA YIN NO, ,GNYIS PA 'KHOR BA SPYI'I NYES PA NI, RGYAS PAR BYAS NA BRJOD KYIS MI LANG STE, NGES PA 'DOD PAS PHONGS DANG 'CHI BA DANG , ,NA RGA LA SOGS SDUG BSNGAL DU MA YI, ,'BYUNG GNAS 'KHOR BA LA @253 NI SKYO MDZAD CING, ,'DI YI NYES PA'I SHAS KYANG GSAN PAR MDZOD, ,CES GSUNGS PA LTAR, SDUG BSNGAL THAMS CAD KYI 'BYUNG GNAS DE LAS RAGS BSDUS PA 'GA' TZAM BRJOD NA, 'KHOR BA MTHO DMAN GYI NYES PA DANG , NGES PA MED PA'I NYES PA DANG , LUS GRANGS MED PA BLANGS PA'I NYES PA DANG , 'DOD PA LA NGOMS PA MED PA'I NYES PA DANG , GCIG PU GROGS MED PA'I NYES PA LA SOGS PA RNAMS YIN TE, DANG PO MTHO DMAN GYI NYES PA NI, BRGYA BYIN MCHOD 'OS NYID DU GYUR NAS NI, ,LAS KYI DBANG GIS PHYIR YANG SA STENG LHUNG, ,'KHOR LOS BSGYUR BA NYID DU GYUR NAS KYANG, ,'KHOR BA DAG TU YANG BRAN NYID DU 'GYUR ZHES PA LTA BU DANG , NGES PA MED PA'I NYES PA NI, PHA NYID BU NYID DE BZHIN CHUNG MA NYID, ,SKYE BO DGRAR GYUR PA NI BSHES NYID DANG , ,BZLOG PA NYID DU MCHIS PAS DE'I SLAD DU, ,'KHOR BA DAG NA NGES PA 'GA' MA MCHIS, ,ZHES PA DANG , LUS GRANGS MED PA BLANGS PA'I NYES PA NI, RE RE'I BDAG NYID RUS PA'I PHUNG PO NI, ,LHUN POR MNYAM PA SNYED CIG 'DAS GYUR TE, ,ZHES DANG , (MYANG 'DAS GSAL BA LAS,) PHAN TSUN DAG TU RTZOD PA'I PHYIR, ,MGO BO BCAD PA GANG YIN PA, ,SPUNGS NA DE LTAR MTHO BA NI, ,TSANGS PA'I 'JIG RTEN LAS THAL 'GYUR, ,ZHES PA LA SOGS PA LTA BU'O, ,'DOD PA LA NGOMS PA MED PA'I NYES PA NA, RE RES RGYA MTSO BZHI BAS LHAG PA YI, ,'O MA 'THUNGS TE DA DUNG SO SO YI, ,SKYE BO'I RJES SU 'BRANGS NAS 'KHOR BA BAS, ,DE BAS CHES MANG NYID DU BTUNG 'TSAL LO, ,ZHES DANG , KAR SHA PA nA'I CHAR PHAB KYANG,, 'DOD LDAN RNAMS LA NGOMS PA MED, ,CES PA LA SOGS PA GSUNGS PA LTA BU'O,, GCIG PU GROGS MED PA'I NYES PA NI, (SPYOD 'JUG LAS,) SKYE NA'ANG GCIG PU @254 SKYE 'GYUR ZHING , ,'CHI NA'ANG DE NYID GCIG 'CHI STE, ,ZHES PA LTA BU'O,, YANG NAS YANG DU NYING MTSAMS SBYAR BA'I NYES PA YANG YOD DE, MA YI THUG MTHA' RGYA SHUG TSIG GU TZAM, ,RIL BU'I GRANGS KYANG SA YIS LANG MI 'GYUR, ZHES GSUNGS PA LTA BU'O, ,DES NA 'KHOR BA 'DIR GANG DU SKYES KYANG SDUG BSNGAL 'BA' ZHIG LAS MED PAS, DE LTAR 'DI KUN MI RTAG BDAG MED DE, ,SKYABS MED MGON MED GNAS MED DE SLAD DU, ,'KHOR BA CHU SHING SNYING PO MED PA LA, ,MI MCHOG KHYOD KYI THUGS NI 'BYUNG BAR MDZOD, ,CES PA LTAR BSAM ZHING GO NA, SRID GSUM DAG LA RMI LAM NA YANG MI 'DOD CING , ,ZHES PA'AM, PHRA MEN MA'I BU MO LA ZHEN PA LOG PA'AM, TSAL TSIG PA'I BYA'AM, SRIN MO'I GLING GI TSONG PA LTA BU'I BLO SKYES NA, DE LAS THAR BAR BYED PA'I CHOS BYED DGOS, CHOS MA BYAS PAR RANG THAR DU YANG MI 'GRO ,GZHAN GYI BYAS PAS KYANG MI PHAN, DES NA THAR PA BDAG LA RAG LAS 'DI LA NI, ,GZHAN GYI GROGS BGYER CA YANG MA MCHIS PAS, ,THOS DANG BSAM DANG SGOM DANG LDAN PA YIN, ,BDEN PA RNAM PA BZHI LA BAG YOD MDZOD, ,CES GSUNGS PA LTAR RANG KHO NAS BYA DGOS, CHOS MANG PO CIG YOD KYANG BYANG CHUB KYI SEMS LAS BZANG BA MED PAS, (SPYOD 'JUG LAS,) BYANG CHUB SEMS SKYES GYUR NA SKAD CIG GIS, ,'KHOR BA'I BTZON RAR BSDAMS PA'I NYAM THAG RNAMS, ,BDE GSHEGS RNAMS KYI SRAS ZHES BRJOD BYA ZHING , ,'JIG RTEN LHA MIR BCAS PA'I PHYAG BYAR 'GYUR, ,ZHES DANG , (SEMS 'GREL LAS,) SKYES BU GANG ZHIG SKAD CIG TZAM, ,BYANG CHUB SEMS NI SGOM BYED PA, ,DE YI BSOD NAMS PHUNG PO NI, ,RGYAL BA YIS KYANG BGRANG MI SPYOD, ,CES GSUNGS SHING , KHYAD PAR DU, (SPYOD 'JUG LAS,) GANG ZHIG BDAG DANG GZHAN RNAMS NI,, @255 MYUR DU SKYABS PAR 'DAD PA DES, ,BDAG DANG GZHAN DU BRJE BYA BA, ,GSANG BA'I DAM PA SPYAD PAR BYA, ,ZHES PA LTAR BDAG GZHAN BRJE BA LAS BZANG BA MED, 'O NA DGYES RDOR RAM, PHYAG RGYA CHEN PO'AM, STONG PA NYID BZANG BA MA YIN NAM SNYAM NA, RGYA GAR DU DGYES RDOR BSGOM PA'I RNAL 'BYOR PA CIG RGYUN DU ZHUGS PA THOB PA CIG BYUNG BA LA, JO BO'I ZHAL NAS, DE STANGS BZANG BA YIN, MA LEGS NA 'CHUGS TE CHA BA YIN GSUNGS SKAD, PO TO BAS KYANG DE SKAD GSUNGS PA LA GZHAN MA RANGS NAS, SPYAN SNGA BA LA JO BO 'DI SKAD GSUNG ZER ZHUS PAS, DE AA CANG , DE BAS BYANG CHUB KYI SEMS MED NA, HE BADZRA BSGOM PA DMYAL BAR YANG 'GRO, YI DVAGS SU YANG 'GRO, DUD 'GROR YANG 'GRO GSUNGS TE, BYANG CHUB KYI SEMS MED NA DE DAG GI RGYUR YANG 'GYUR LA, BYANG CHUB KYI SEMS NI GZHAN DU MI 'GYUR BAS SO, ,STONG PA NYID KYANG DMYAL BA NAS RANG SANGS RGYAS MAN CHAD KYI RGYU RKYEN YIN LA; BYANG CHUB KYI SEMS NI PHA'I SA BON LTAR SANGS RGYAS KYI RGYU THUN MONG MA YIN PA YIN PAS GZHAN DU 'GYUR MI SRID LA, SANGS RGYAS KYI CHOS THAMS CAD SKYE BAR BYED PAS SA BON LTA BU'O, ,ZHES PA LA SOGS PA PHAN YON MANG DU GSUNGS PAS 'DI LAS BZANG BA'I CHOS MED, CHOS GZHAN BSAM STE RGYUD LA SKYES NA GNYEN POR 'GRO, 'DI'I TSIG DRAN PA TZAM GYIS GNYEN POR 'GRO, BDE LDAN GYIS 'GRO, NYAN RANG DU YANG MI GOL, BYANG CHUB SEMS DPA'I SPYOD PA RLABS CAN DU 'GRO, DES SNGON 'GRO'I CHOS DAG MA BSAM PAR 'DI SEMS SNYING 'DOD PA DANG , BSKUL BA DANG , BLANG RGYU MI YONG BAS, DANG POR DAL 'BYOR RNYED PAR DKA' BA GO ZHING , 'JIG PAR SLA BAS MI RTAG PAR SHES LA, SHI NAS MED PAR MI 'GRO BAR SKYE DGOS LA; DE YANG LAS KYIS SKYE ZHING LAS NGAN PAS NGAN SONG DU SKYES NAS DE'I SDUG BSNGAL @256 THAMS CAD 'BYUNG ZHING , LAS BZANG POS LHA MI THOB KYANG SDUG BSNGAL LAS MA 'DAS SHING , 'KHOR BA'I SEMS CAN THAMS CAD THOG MA MED PA NAS KYI MA RGAN DRIN CAN YIN PA LA SDUG BSNGAL GYIS NYAM THAG PA MI BZOD PAS KUN NAS BLANGS PA'I BYANG CHUB KYI SEMS 'BYUNG BAS LAM RIM 'OG MA THAMS CAD 'DI'I SNGON 'GRO YIN NO, ,DNGOS GZHI GANG BSGOM SNYAM NA, DNGOS GZHI GTONG LEN SPEL MAR SBYANG, ,ZHES BYA BA STE, LEN PA MED NA BRJE BAR MI 'GRO LA, GTONG BA MED PAR TSOGS MI RDZOGS PAS GTONG LEN GNYIS YIN NO, ,BDAG DANG GZHAN DU BRJE BYA BA, ,GSANG BA'I DAM PA SPYAD PAR BYA, ,CES GSUNGS PA'I DON YIN, DE YANG GONG DU BSTAN PA LTAR SNGON DU BDAG MED GNYIS BSGOM NAS 'DI SGOM PA'I LUGS KYANG YOD PA LAS 'DIR BLA MA GSER GLING PA'I LUGS KYI BDAG 'DZIN DANG BCAS PA'I DUS NAS BSGOM PA'I LUGS YIN, GTONG LEN GNYIS KYANG SNGON DU LEN PA BSGOM, DE'I DMIGS PA'I YUL YANG KHA CIG GYAD STOBS PO CHE THUB NA THAMS CAD THUB PA'I DPES DGRA'AM MI SDUG PA LA BSGOM ZER BA YANG YOD, SLOB DPON K'A MA LA SHI LAS THA MAL BA NAS BSGOM ZER BA YOD KYANG , JO BOS SKYE SLA BAS RTZA BA'I MA NAS BSGOM PAR BZHED, KUN SLONG GI BSAM PA TSAD MED PA'I BSAM PA YANG SLOB DPON KA MA LA SHI LAS THANG MNYAM PA'I CHU DANG SLA BA LTAR BTANG SNYOMS NAS SEMS PA YANG YOD, DPAL BSKAL BA BZANG PO'I RDO RJE LA SOGS PA RTZA BA YIN PAS SNYING RJE NAS BSGOM PA YANG YOD, JO BOS BYAMS PA NAS BSGOM PAR BZHED, DE YANG 'DI LTAR BSAM PAR BYA STE, THOG MA NYID DU RANG GI RTZA BA'I MA GANG YIN PA DE, MA SHI BAR YOD NA GANG NA YOD PA'I SA DER GSAL BAR YONG BAS DER DMIGS, SHI NAS MED NA MDUN DU DMIGS LA MA DE'I SKYE BA 'DI DANG GZHAN GYI DRIN DRAN PA SNGON DU 'GRO BAS SNYING DU @257 SDUG CING YID DU 'ONG BA DANG GCES PAR 'DZIN PA'I BSAM PA BSKYED NAS MA RGAN 'DI BDE BA DANG LDAN NA CI MA RUNG , BDAG GIS BDE BA LA 'GOD PAR BYA, PHAN PA DANG BDE BA THAMS CAD BDAG GIS BSGRUB PAR BYA'O SNYAM DU BSAM PA THAG PA NAS BYAMS PA'I SEMS GSAL SING BA BSGOM PAR BYA, 'DOD PA BDE BA 'DOD KYANG NGO BO SDUG BSNGAL LAS MA 'DAS PAS MA RGAN 'DI'I SDUG BSNGAL RGYU DANG BCAS PA THAMS CAD DANG BRAL NA CI MA RUNG, BDAG GIS SDUG BSNGAL THAMS CAD LAS BRAL BAR BYA SNYAM DU BSAM PA THAG PA NAS SNYING RJE BSGOM PAR BYA'O, ,DE YANG MA MI DRAN NA ZHANG PO LA SOGS PA GANG DRIN CHE BA NAS BSGOM ZHES RNAL 'BYOR PA CHEN PO GSUNGS SKAD, SNE ZUR PAS DGE BSHES MNGA' RIS PA AA NE LA DMIGS NAS SEMS SU BCUG PA LTA BU'O, ,BSAM PA DES KUN NAS BLANGS NAS MA'I RGYUD LA YOD PA'I SDUG BSNGAL DANG KUN 'BYUNG LEN PA STE, 'BRAS BU SDUG BSNGAL ZHES PA SKYE RGA NA 'CHI'I SDUG BSNGAL NAS, GRANG BA DANG , BTZO BSREG DANG , BKRES SKOM LA SOGS PA'I SDUG BSNGAL BRGYAD DAM, GSUM GYIS BSDUS PA SANGS RGYAS PA'I GEGS SU GYUR PA THAMS CAD MA'I RGYUD LA SKYE GRIS BZHAR BA BZHIN SANGS KYIS BLANGS NAS RANG GI SNYING GI DKYIL DU LEN, BLANGS NAS KYANG RANG LA MI 'BYUNG BAR BYED PA'I DE BLANGS NAS RTZAR 'JOG PA MA YIN TE, SNYANG GI NANG DU LEN PA YIN GYI, YAN LAG GZHAN LA 'JOG PA TZAM MA YIN, DE BLANGS PAS RANG LA PHAN DU RE BA LA SOGS PA'I LTOS PA GANG YANG MED PA LEN PA'O, DE'I RGYU KUN 'BYUNG LAS DANG YON MONGS PA GNYIS LAS, LAS KYI KUN 'BYUNG MI DGE BA BCU, MTSAMS MED PA LNGA, DE DANG NYE BA LNGA, KHAS BLANGS KYI SDAM PA GSUM 'GAL NA DMYAL BAR MDA' 'PHANGS PA BZHIN 'GRO BA'I RGYU BZHI LA SOGS PA DANG , NYON MONGS PA'I KUN 'BYUNG DUG GSUM @258 MAM DRUG RTZA BA, NYI SHU NYE BA'I MONGS PA'AM, NYON MONGS PA BRGYAD KHRI BZHI STONG NGAM, SBUBS BYE BA GSUNGS PA'AM, MTHONG SPANG DANG , SGOM SPANG STE, RDO RJE LTA BU'I SPANG BYA MAN CHAD LEN PA'O, ,DE LTAR SDUG BSNGAL DANG KUN 'BYUNG STE SPANG BYA MA LUS PA SGRIB PA GNYIS BAG CHAGS DANG BCAS PA BRAL NAS SANGS RGYAS PAR SEMS PA'O, ,DE NAS PHA DANG SPUN ZLA LA SOGS PA NAS, NYE 'BREL, YUL MI KHYIM MTSES NAS, STONG GSUM GYI BAR DU SEMS PA'O, ,SA MTSAMS LKOG CHOS NAS 'BYUNG BA BZHIN NO, ,DE NAS G-YUL YUNGS KAR DRANGS PAS BSKYED CES PA LTAR, STONG GSUM YUNGS KAR GYIS BKANG NAS SHAR PHYOGS KYI STONG GSUM RE RE YUNGS KAR RE BZHAG PAS YUNGS KAR ZAD KYANG SHAR PHYOGS LA 'BRI BA MED PA LTAR, PHYOGS BCU KUN LA SBYAR TE, NAM MKHA'I MTHA' KHYAB KYI SEMS CAN LA BSGOM PA'O,, DE NAS NGAN SONG GSUM GYI YANG DMYAL BA'I SDUG BSNGAL ME LAS GYUR PA DANG , MTSON CHA LAS GYUR PA DANG , NAD LAS GYUR PA DANG , SEMS LAS GYUR PA DANG , CHU BUR CAN NAS PADMA LTAR CHER GAS PA'I BAR DANG , RGYU KUN 'BYUNG ZHE SDANG LA SOGS PA'I NYON MONGS PA'I BAR DANG , MI DGE BA CHER SPYAD PA THAMS CAD LEN, YI DVAGS KYI YANG BKRES SKOM LA SOGS PA'I SDUG BSNGAL DANG , 'DOD CHAGS LA SOGS PA'I NYON MONGS PA DANG , MI DGE BA 'BRING DU SPYAD PA THAMS CAD LEN, DUD 'GRO GCIG GIS GCIG ZA BA LA SOGS PA'I SDUG BSNGAL DANG , GTI MUG LA SOGS PA'I NYON MONGS PA DANG , MI DGE BA CHUNG NGU SPYAD PA THAMS CAD LEN, MTHO RAS KYI YANG MI'I SKYE RGA NA 'CHI LA SOGS PA, 'DOD LHA'I 'CHI LTAS LA SOGS PA; KHAMS GONG MA GNYIS KYI 'CHI 'PHO DANG LTUNG BA LA SOGS PA THAMS CAD LEN, RES SEMS CAN GYI KHAMS DANG , RES RE RE DANG DE'I YANG SEMS CAN RE RE NAS @259 SEMS, DE MED NA KHA LA YI NAS DON THOG TU MI SKYOL, RES NAM MKHA'I MTHAS KHYAB KYI SEMS CAN MA LUS PA LA DUS GCIG LA SEMS, DE MED NA BLO'I 'BRAL MI YONG , RES DMYAL BA LTA BU SEMS CAN RE RE'I RTZAR RANG GI LUS RE BSAMS NAS LAN, RES LUS 'DI GCIG PU LA THAMS CAD KYIS LEN, RES RAGS RIM NAS LEN, RES GANG SNANG BA'I LEN, RES 'DI KUN LA SBYANG MI DGOS SNYAM PA MI GNANG BA'I LEN, RES DMYAL PA'I BLANGS, SANGS RGYAS PA NAS BYANG CHUB SEMS DPA'I BLANGS, SANGS RGYAS PA'I BAR DU SEMS RES DMYAL BA'I BLANGS, YI DVAGS SU DRANGS, DE NAS GRANGS, DUD 'GRO, DE NAS MI, DE NAS 'DOD LHA RIGS DRUG ,DE NAS GZUGS KHAMS GNAS RIS BCU BDUN, DE NAS GZUGS MED MU BZHI, DE NAS NYAN RANG , BYANG SEMS SA BCU'I BAR DU RIM PAS LEN, RES NYON MONGS PA RNAMS PHYE NAS LEN, RES LAS, RES SDUG BSNGAL RNAMS PHYE NAS LEN, RES MI RTAG PA NAS DNGOS 'DZIN GYI BAR LAM GYI MI MTHUN PHYOd RNAMS LEN, RES SER SNA LA SOGS PA PHA ROL TU PHYIN PA DRUG GI MI MTHUN PA'I PHYOGS RNAMS LEN, RES GTZANG BAR 'DZIN PA LA SOGS PA BYANG CHUB KYI PHYOGS KYI MI MTHUN PA'I PHYOGS LEN, RES SU BCU'I MI MTHUN PA'I PHYOGS LEN, RES NGAN RTOG SNA TSOGS NAS MTHONG YANG SGOM SPANG GI BAR GYI NYON SGRIB THAMS CAD LEN, RES RTAG PA DGU BZHI SUM CU RTZA DRUG NAS RTOG PA PHRA MO'I BAR SHES BYA'I SGRIB PA THAMS CAD LEN, DE LTAR SEMS TSUL SNA TSOGS KYI BSAM PAS MI SKYO, NGES SHING DON THOG TU SKYOL, BLO 'BYONGS RKYEN, SHES BYA LA SPYANGS PA CHE, ZHAR LA CHOS GZHAN GYI GRANGS YAN CHAD TSANG , SDAG PA MANG PO DAG , TSOGS MANG PO BSOG PA'I RKYEN LA SOGS PA 'BYUNG BA'O, ,DE YANG DGRA DANG THA MAL DU BYAS PA @260 LA MI SKYE BAS MA DRIN CAN DU BYAS NAS SEMS PA'O, ,DE YANG MA MA YIN PA LA YIN PAR SEMS PA MA YIN TE, THOG MA MED PA NAS KYI MA DRIN CAN YIN PAS YIN PA LA YIN PAR SEMS PA'O, ,DE RNAMS KYANG BYAMS SNYING RJE GSAL SING BA RES KUN NAS BLANGS SHING LEN PA'O, ,'PHAGS PA NYAN THOS DANG RANG SANGS RGYAS DE GNYIS LA BLANGS RGYU MED DAM SNYAM NA, YOD DE, LTOS PA DANG BCAS PA THAMS CAD SDUG BSNGAL YIN LA, KHONG 'KHOR BA LA 'JIGS PA DANG BCAS PA DANG , PHUNG PO'ANG SDUG BSNGAL YIN PAS 'BRAS BU SDUG BSNGAL DANG , DGRA BCOM PA'I PHUNG PO MA GTOGS PA SDUG BSNGAL DANG KUN 'BYUNG KHYAB MNYAM DU 'DOD PAS SO, ,YANG BYANG CHUB SEMS DPA'I NYON MONGS PA NI RNAM PAR RTOG PA'O ZHES PAS, GONG MAS RTOG PA NYON MONGS PAR 'DOD PA DANG , SHES BYA'I SGRIB PA KHA MA 'PHRI BAR YOD PA DANG , YANG SPANG BYA'I LHAG MA TSOGS LAM NA PHAL CHER YOD PA NAS BZUNG STE, SA BCU LA BTZON LCAGS SGROG LAS GROL BA'I LCAGS 'GROS LTAR SHES BYA'I SGRIB PA PHRA MO YOD PA'I BAR LEN PA'O, ,DE DAG KYANG LAM LNGA, SA BCU, 'BRAS BU BZHI RIM PAS LEN PA DANG , RE RE NAS LEN PA DANG , DUS GCIG TU LEN PA SNGAR LTAR RO; ;'O NA DE DAG GIS BLANGS NA SANGS RGYAS KYI SA LA 'JOG PA SKU GNYER CHES PA MA YIN NAM, RANG 'CHANG BA MTHA' DAG DANG MA BRAL BAS DE SGRUB PAR MI NUS SO SNYAM NA RANG GIS SEMS BSKYED PA'I TSE KHAS BLANGS PAS MI BYA BA MED, JI LTAR KHAS BLANGS NA BDAG GIS SEMS CAN MA BSGRAL BA BSGRAL, ZHES PAS SEMS CAN THAMS CAD 'KHOR BA'I SDUG BSNGAL LAS BSGRAL NAS SA DANG PO LA 'GOD PAR KHAS BLANGS PA YIN, MA GROL BA DGROL ZHES PAS MTSAN MA'I 'CHING BA LAS DGROL, SA BDUN PA LA 'GOD PA YIN, DBUGS MA PHYIN PA DBUGS DBYUNG ZHES PAS RGYA MTSO LA GRU BO CHE @261 BTANG BA LTAR SA BRGYAD PA NAS RTZOL BA DANG BRAL BA 'BRAS BU GSUM LA 'GOD PA YIN, YONGS SU MYA NGAN LAS MA 'DAS PA YONGS SU MYA NGAN LAS 'DA' ZHES PAS SA BCU RGYUN GYI THA MA RDO RJE LTA BU LA GNAS PA RNAMS KYANG, MYA NGAN ZHES PA DNGOS 'DZIN GYI BAG CHAGS CUNG ZAD KYI SHES BYA'I SGRIB PA YOD PAS DE LAS 'DAS PAR KHAS BLANGS PA YIN PAS, DE LTAR SGRUB DGOS GSUNGS, SPYIR LEN TSUL DE LTAR YIN PA LA, BYE BRAG DA LTA MNGON SUM DU MTHONG BA DANG THOS PA LA SOGS PA 'KHRUd PA BYAS NAS MI BZAD NOR 'DZAD LA SOGS PA DANG , RIMS LA SOGS PA NAD TSAB CHEN GYIS NA BA DANG , MDZE BYUNG BA DANG , KHE 'DOD PAS TSONG BYAS NAS MDZO YAN SHI NAS GLANG SHI BRAG ZAD LA SONG BA DANG , RGAS PAS SBYOR MI BZOD PAR SONG BA DANG , RAB BYUNG GI SDOM PA SHOR NAS KHYI RO RUL BA LTAR SONG BA DANG , MA 'DZOM PA DANG , MI DANG MI MA YIN PAS GNOD PA SKYEL BA DANG , NGAD PA DANG SHES RAB MED PA LA SOGS PA DANG , JI TZAM NYAN YANG CHOS MI GO BA DANG , BSAM DU MA BTUB PA DANG , CHAGS SDANG LA SOGS PA RGYAS PA DANG , DBANG CHUNG BAS PHA SPUN LA SOGS PA MNYAM POS RDOG NYED DANG BRNYAS BCOS LA SOGS MI 'DOD PA'I GNOD PA THAMS CAD RANG LA LEN PA'O, RANG LA DE DAG BYUNG BA DANG BYUNG GIS DOGS PA DANG , GZHAN YANG CHAGS CHE BA DANG , YUL SA GNYAN PA DANG , RO BAG DANG , MI GTZANG BA BYUNG GIS DOGS PA DANG , RMI LAM NGAN PA DANG , RTAGS DANG MTSAN MA NGAN PA DANG , GZHAN GYI GTAD KHRAM DANG RBOD GTONG DANG , 'DRE 'GRAS LA SOGS PA BYUNG GIS DOGS PA THAMS CAD LA SEMS CAN GYI DE THAMS CAD RANG LA LEN, BLANGS PAS KYANG RANG LA PHAN DU RE BA'I LTOS PA GANG YANG MI BYED PA'O, ,DA NAS PHYI SNOD KYI NGAM GROG GAM, G-YANG SA'AM, TSE RA MA @262 DANG YUL NGAN PA LA SOGS PA THAMS CAD BLANGS TE BLO SBYONG BAS SO, ,GZUGS MI SDUG PA DANG , SGRA MI SNYAN PA DANG , DRI MI ZHIM PA LA SOGS PA THAMS CAD BLANGS NAS GZUGS SDUG PA LA SOGS PAR SEMS PA'O, ,MDOR NA SANGS RGYAS DANG BLA MA MA GTOGS PA PHYI NANG SNOD BCUD KYI SKYON THAMS CAD LEN PA'O, ,SANGS RGYAS SKYAN THAMS CAD SPANGS SHING YON TAN THAMS CAD RGYAS PA YIN, BLA MA LA BABS LA BLANG RGYU MED KYANG TSU ROL MTHONG BA'I BLO NGO NA BSGRES PA DANG SKU KHAMS ZHAN PA LA SOd PA BLANG DU RUNG NGAM ZHUS PAS, DE 'DRA BSAM DU MI RUNG GSUNG , DES NA CHOS GANG NAS KYANG SANGS RGYAS DANG KHYAD MED PAR BSHAD PAS BLANG DU MI RUNG GSUNG SKAD, DE DAG NI LEN PA'O, ,DA GTONG BA 'DI MED PAR TSOGS MI RDZOGS, LEN PA BAS KYANG GAL CHE BA YIN PA LAS SPYIR NI, BDAG GI LUS DANG LONGS SPYOD DANG ,, DUS GSUM DGE BA SKYES PA RNAMS, ,SEMS CAN KUN GYI DON SGRUB PHYIR, ,'PHANGS PA MED PAR BTANG BAR BYA, ,CES PAS 'DI GSUM BTANG BA DANG , BDAG GZHAN BRJE BA' BYANG CHUB KYI SEMS DANG , SEMS CAN GYI DON DU DMYAL BAR 'GRO BA CHOS PHAL DU BSHAD KYANG 'DI NI JI LTAR BSGOM PA DANG , 'DI'I DUS SU 'DI BSGOM LA SOGS PA MTHA' RGYA CHOD PA GANG YANG MED PA YIN, DA GTANG BA'I DUS SU LUS LONGS SPYOD DGE RTZA GSUM BTANG BAS, DE DAG GIS SANGS RGYAS PA'I RGYU RKYEN MA LUS PAR BYUNG NAS SANGS RGYAS PAR SEMS PA'O, DE LA LUS GTONG BA'I TSE 'DAS PA BTANG RGYU MED, DA LTAR GYI LAS DANG MA 'ONGS PA'I LUS LEN TSAD GTONG, DE LA DGAG PA GSUM STE, LHA BSGOM ZHING GTANG BA DANG , SHA KHRAG TU GTONG PA DANG , BTANG BAS ZAD PAR SEMS PA'O, ,DANG PA LHA BSGOM ZHING GTONG BA, LHA LA MA GUS PAR 'GRO, RTZA BA'I LTUNG BA YANG 'BYUNG, RAB KYIS THAMS CAD @263 LHAR SHES PA'I LHA LA LHA THIM PA LA NYES PA MED, GNYIS PA KHA CIG SHA 'DAD SHA KHYER LA SOGS PA BYED PA YANG MI RUNG STE, DES SPYIR YANG MI BTUB, LA LA DE LA MI DGA' BA YANG YOD PAS SO, ,DUG DANG MTSON LA SOGS PAR BYAS NAS KYANG MI RUNG STE, SEMS CAN LA GNOD PAS SO, (SHA KHRAG DANG MTSON DUG,) DE DAG GNYIS KYIS PHAN BDE'I RGYUR 'GRO BA NI MA GTOGS SO, ,'O NA JI LTAR BYAS NAS GTONG SNYAM NA, SDONG PO BKOD PA LAS, BDAG NYID 'GRO BA THAMS CAD KYI NYE BAR 'TSO BA'I YID BZHIN GYI LUS SU BSGYUR, ZHES PA'AM, RDO RJE RGYAL MTSAN GYI BSNGO BA LAS, 'BYUNG BA CHEN PO BZHI SGO SNA TSOGS DANG , TSUL SNA TSOGS DANG , RNAM GRANGS SNA TSOGS NAS SEMS CAN THAMS CAD LA NYE BAR 'TSO BA DE BZHIN DU BYANG CHUB SEMS DPA' BDAG NYID KYI LUS KYANG SEMS CAN GYI NYE BAR 'TSO BA'I GZHIR BSGYUR, ZHES PA DANG , SPYOD PA LA 'JUG PA LAS, SEMS CAN KUN GYI DON BSGRUB PHYIR, ,YID BZHIN GYI NI LUS SU BSGYUR, ,ZHES PA LTAR YID BZHIN GYI LUS SU BYAS NAS GTONG BA'O, (RANG GI LUS LONGS SPYOD DGE BA RNAMS YID BZHIN NOR BU RIN CHEN LTAR BSAMS NAS,) DE YANG KHA DOG DANG DBYIBS LA SOGS PA BSAM MI DGOS, CI DGOS DANG CI 'DOD 'BYUNG BA LA ZER, GTONG BA'I RIM PA YANG DANG PO RTZA BA'I MA MDUN DU DMIGS NAS DE LA BTANG BAS, MA DE'I 'TSANG RGYA BA'I NYER LEN GYI RGYU DAD PA DANG BRTZON 'GRUS DANG SHES RAB DANG BYANG CHUB KYI SEMS LA SOGS PA DANG , LHAN CIG SKYE BAR BYED PA'I RKYEN DGE BA'I BSHES GNYEN DANG , DPE CHA, (PHYI NANG GI MTHUN RKYEN,) ZAS GOS LA SOGS PA GANG DGOS SGRUB PA STE SANGS RGYAS PAR SEMS PA'O, ,DE BZHIN DU PHA LA SOGS PA NAS NAM MKHA'I MTHAS KHYAB KYI SEMS CAN MA LUS PA DANG , NGAN SONG GSUM DANG , @264 NYAN RANG DANG , SA BCU'I BYANG CHUB SEMS DPA'I BAR LA BTANG PAS SNGA MA LTA BUR GYUR NAS SANGS RGYAS PAR SEMS PA'O, ,YANG YID BZHIN GYI NOR BU LAS ZAS GOS LA SOGS PA GANG 'DOD PA 'BYUNG BA LTAR RANG GI LUS 'DI LAS KYANG NAM MKHA'I MTHAS KHYAB KYI SEMS CAN THAMS CAD LA ZAS GOS GNAS MAL, YUL ZHING, NYE 'BREL 'KHOR 'BANGS, ZHON PA LA SOGS PA 'JIG RTEN PA'I BDE BA THAMS CAD DANG , MKHAN SLOB DANG , DPE CHA LA SOGS PA THAMS CAD DANG , DAD PA DANG TSUL KHRIMS LA SOGS PA 'JIG RTEN LAS 'DAS PA'I BDE BA'I RGYU 'BRAS THAMS CAD 'BYUNG BAR SEMS PA'O, ,YANG YID BZHIN GYI NOR BU DBANG GI RGYAL PO LA SOGS PAS SEMS CAN MANG PO'I DON BYED PA DE BZHIN DU RANG GI LUS 'DI YANG SEMS CAN RE RE'I MDUN NA YOD PAR BSAM NAS SNGA MA LTAR RO, ,(GANG LA GANG DGOS BYUNG NA SANGS RGYAS,) YANG RANG GI LUS BEM PO'I RNAM PA DANG , CHU LA SOGS PA SEMS CAN RE RE'I MDUN DU GNAS NAS KYANG SNGA MA LTAR RO, ,YANG RES RIL PO'I RNAM PA DANG , RES MGO LA SOGS PA GSED NAS GTONG BA'O, ,YANG SDUG BSNGAL GYIS NYAMS THAG PA DANG MTSAN MA NGAN PA THAMS CAD GONG LTAR BLANGS NAS LUS BTANG BAS BDE BA DANG MTSAN MA BZANG BA LA SOGS PAR SEMS PA'O, ,DE YANG BSAM PA DE LTAR BLO SBYONG BA LAS BDUD GCOD PA BZHIN THO TSOR MA SONG BA DANG , THOG TU ZUR SA MED PA BYUNG BA YANG NYAM NGA BA DANG , 'JIGS PA DANG , BAG TSA BA MED PAR RANG GIS RGYANGS KYIS SONG BAR SBYONG BA'O, ,PHYI SNOD LA BTANG BAS KYANG GSER GYIS GZHI LA BEE d'URYAS MIG MANGS RIS SU BRIS PA LA SOGS PA DAG PA'I 'JIG RTEN GYI KHAMS BDE BA CAN NAM, PADMO CAN LA SOGS PA LTAR GYUR PAR SEMS PA STE, CHOS NAS ZHING SBYANG BAR BSHAD PA YANG DE NYID YIN GSUNGS, GTANG BA NI BLA MA DANG SANGS @265 RGYAS LA YANG GTONG BA STE, PHAL PO CHE'I GLING GZHI NAS BYUNG BA LTAR MCHOD PA'I SBRIN RAB 'BYAMS BSAM GYIS MI KHYAB PAR BYAS NAS PHUL BAS THUGS DGONGS THAMS CAD RDZOGS PA DANG , RNAM PAR THAR PA LA SOGS PA THAMS CAD DAR BA DANG RGYAS PA DANG , GTZANG BA LA SOGS PAR BYED PA'O, ,NYAN THOS DANG RANG SANGS RGYAS DANG , BYANG CHUB SEMS DPA' LA BTANG BAS SPANG BYA'I LHAG MA SPANGS STE, TSOGS GNYIS RDZOGS NAS SANGS RGYAS PA DANG , MCHOD PA'I SPRIN RNAMS GANG BZHED KYIS THUGS DGONGS RDZOGS PAR BSAM MO, ,LONGS SPYOD BTANG BA NI, RTA DANG GLANG PO DANG , 'BRU DANG , RIN PO CHE DANG , ZAS GOS DANG , YUL DANG KHANG KHYIM DANG , 'KHOR 'BANGS LA SOGS PA RANG DBANG BA THAMS CAD DO, ,MI DBANG BA NI, PHYI NANG GI DNGOS PO GANG YIN YANG MA BYIN PAR LEN PAR 'GRO BAS BTANG DU MI RUNG STE, PHYI SDOD KYI NAGS TSAL DANG ME TOG DANG RIN PO CHE LA SOGS PA GANG ZAG SGO RES BDAG TU MA BZUNG BA SEMS CAN SPYI MTHUN GYI BSOD NAMS KYIS GRUB PA NI RANG YANG DBANG BA YIN PAS BTANG RUNG LA, BCUD KYI SEMS CAN NI RANG RANG GIS BDAG TU BZUNG BAS BTANG DU MI RUNG STE, ROL MO YANG NGANG PA'I SKAD DE 'BUL BA YIN, LUS DE KHOS BDAG TU BZUNG BAS DBUL DU MI RUNG GSUNG BA LTAR RO, ,BLO CHUNG BA LA DE LTAR YIN LA, BLO RGYA CHE BA RANG 'DOD KYI 'KHRIS MED PA LA NI, GZHAN CHED DU GZHAN BTANG DU RUNG STE, LHA BLA MAS MI MA YIN PA CHEN PO THUN MONG BA KUN YANG DKON MCHOG LA PHUL NAS KHA YIG BTAB PA DANG , BRAN JO BO LA SHA TSA BAS DE NYID KYI BYA BA SGRUB PA LA NOR RDZAS LA SOGS PA MA DRIS PAR BTANG YANG NYES PA MED PA LTA BU'O, ,YANG GRUB MTHA' LA BRTEN PA LTAR NA, NYAN THOS PA LTAR RANG GI SNANG BA 'DI RANG GI NYON MONGS PA'I DBANG GIS 'BRAS BUR GO NA'ANG GZHAN GYIS LA BTANG BA MED PAS THAMS CAD BTANG @266 BAS CHOG ,SEMS TZAM PA LTAR NA RANG GI RNAM PAR SHES PA 'DI NYID DON DU SNANG BAR SHES NA'ANG GZHAN GYI BTANG BA MED PAS THAMS CAD BTANG BAS CHOG ,DBU MA BAS SGYU MA'I SPRUL PA LTAR SHES NAS BTANG DU RUNG STE, RANG GZHAN GNYIS MED LA GNYIS SU RTOG PA PHYIN CI LOG YIN PAS SO, ,DE LTAR LONGS SPYOD BTANG DU RUNG MI RUNG DPYAD PA THA MAL GYI BLO DANG BSTUN PA TZAM YIN GYI, CHOS KYI GO BA CIG BYUNG NA DBANG PO DRUG GI GYUR PA THAMS CAD RANG DBANG BAS GTONG BA YIN LA, DE YANG GZUGS LTA BU RE RE LA YANG SDUG MI SDUG THA MAL BA LA GSUM GSUM DU GNAS SHING, DE RE RE LA YANG LNGA'AM DRUG TSANG BAR GNAS PAS SDUG PA BTANG BAS DGA' BA BSKYED PA DANG , MI SDUG PA BTANG BAS YID 'BYUNG BA'I YAN LAG TU GTONG BA'AM, DE YANG GZUGS LTA BU RE RE LA YANG LONGS SPYOD LNGA'AM DRUG TSANG BA STE, KHA DOG DANG DBYIBS MIG GI LONGS SPYOD NAS YID KYI YUL DU CHOS SPYOD PA'I BAR DU BTANG BA DANG , DE RE RE LA YANG GZUGS KYI LONGS SPYOD DPAG TU MED PA DANG , RNGA DANG DUNG LA SOGS PA SGRA'I LONGS SPYOD DPAG TU MED PA DANG , RDO RJE RGYAL MTSAN GYI BSNGO BA DRUG PA NAS BSHAD PA LTAR BTANG NGO, ,DE RE RE LAS KYANG 'JIG RTEN DANG 'JIG RTEN LAS 'DAS PA'I YO BYAD DPAG TU MED PA BYUNG NAS SNGAR BZHIN 'TSANG RGYA BA'I RGYU RKYEN MA LUS PA BYUNG NAS SANGS RGYAS PAR SEMS TE, RE RES KYANG GDUL BYA'I NGOS NAS SBYAR NA, NOR 'DOD PA LA NOR GYI SNANG BA 'BYUNG BA NAS ZAS GOS, GNAS KHANG DANG 'BRU DANG , RTA GLANG YUL ZHING DANG , PHA MA NYE 'BREL DANG 'KHOR 'BANGS DANG , NAD DANG GDON DANG BRAL BA LA SOGS PA GANG 'DOD KYI SNANG BA 'BYUNG BA DANG , LHA CHOS KYI GNAS DANG , DGON PA DANG , GROGS DANG DPE CHA DANG , MCHOD GNAS DANG , MCHOD CHA LA SOGS PA GANG 'DOD KYI @267 SNANG BA DANG , DAM PA'I CHOS KYI DBANG DU BYAS NA RTEN DAL 'BYOR DANG , DAD PA LA SOGS PA 'PHAGS PA'I NOR BDUN DANG , BSLAB GSUM, MI RTAG PA LA SOGS PA'I LAM RIM DANG TSAD MED BZHI, BYANG SEMS GNYIS, SBYOR BA PHA ROL TU PHYIN PA DRUG ,BSDU BA'I DNGOS PO LA SOGS PA BYANG CHUB KYI PHYOGS KYI CHOS SUM CU RTZA BDUN DANG , SDOM PA'I RIM PA, RGYUD SDE BZHI, 'PHRIN LAS DANG , SANGS RGYAS KYI CHOS DANG , YON TAN LA SOGS PA GANG 'DOD PA DANG , MOS PA DANG GANG GIS 'DUL BA'I SNANG BA 'BYUNG BA DANG , DE THAMS CAD KYIS KYANG 'TSANG RGYA BA'I RGYU RKYEN DU SONG NAS SANGS RGYAS PAR SEMS PA'O,, DE BZHIN DU SGRA NAS CHOS KYI BAR DANG , BYE BRAG ZAN CHANG GCIG GTONG BA LA DE BZHIN DU SBYAR RO, ,BLA MA DKON MCHOG LA 'BUL BA YANG SPYIR, GZUGS LA RNAM GSUM SHES BYAS NAS, ,LHA RNAMS KUN LA DBUL BAR BGYI, ,ZHES PA LTAR GSUM KA YANG GONG LTAR DBUL BA DANG , BYE BRAG TU NOR RDZAS YUL KHYIM DANG ZAS GOS MA LA STAN RE RE YANG DPAG TU MED PA DANG , RE RE YANG LNGA KA TSANG BA DANG , DE RE RE LA YANG DPAG TU MED PA STE, MAR ME'I SNANG BA LAS, SANGS RGYAS KYI ZHING KHAMS THAMS CAD DU RIN PO CHE'I SGRON ME'I 'OD DANG , TSEG CHOM GYI SGRA LAS ROL MO DANG , DRI LAS SPOS KYI RNAM PA DANG , RO LAS ZHAL ZAS DANG , REG BYA LAS GOS TE, THAMS CAD DPAG TU MED PA RGYUN MI 'CHAD PA 'BYUNG BAR BSAMS TE, DNGOS PO DE NYID DANG MTHUN PAR BYAS NAS 'BUL BA'O, ,(LUS DANG LONGS SPYOD,) YANG RANG GANG LA CHAGS (CHAGS MED CIG DGE BA YIN PAS,) PA'I DNGOS PO DE DKA' ZHING GTONG NGO, DNGOS SU CHOS GOS GSUM MA GTOGS PA GTONG BA'O, ,DGE BA DUS GSUM KA'I GTONG @268 BA STE, ZHI BA LHAS, ,DUS GSUM DGE BA SKYES PA RNAMS, ,ZHES DANG , KLUS, BDAG GIS BGYIS DANG MA BGYIS PA'I, ,DGE BA, ZHES DANG , BRGYAD STONG 'GREL PA LAS, BAR GSUM GYI DGE BA RNAMS BSNGO BAR GSUNGS PA'O; DE LA ZAS BYIN PA'I DGE BA'I RTZA BAS SEMS CAN ZAS LA ZHEN PA MED PA DANG , BDUD RTZI'I ZAS NAS RO MCHOG GI BDE BA'I YE SHES KYI ZAS DANG LDAN PAR GTONG ZHING, BTUNG BA BYIN PA'I DGE BAS SEMS CAN THAMS CAD RO BRO BA THAMS CAD LA MI CHAGS PA DANG , MTSAN MAR MI 'DZIN CING CHOS KYI SHUGS DANG DGA' BA BLA NA MED PAS TSIM PAR GTONG BA DANG , MAL STAN BYIN PA LA SOGS PA RDO RJE RGYAL MTSAN GYI BSNGO BA DRUG PA LA SOGS PA NAS GSUNGS PA LTAR GTONG BA'O, ,NAM MKHA' MDZOD KYI MOD LAS, BDAG GI DGE BA'I RTZA BA'AM CHOS LA MKHAS PA GANG YIN PA DE SEMS CAN THAMS CAD KYI NYE BAR 'TSO BAR MI 'GYUR BAR MA GYUR CIG , CES PA'AM, RDO RJE RGYAL MTSAN GYI BSNGO BA DANG PO DANG , BYANG SA DANG , RGYAN DANG , RIN PHRENG DANG , SPYOD 'JUG LA SOGS PA LTAR DAD PA LAN CIG SKYES PA NAS BYANG CHUB KYI SEMS RLABS CHEN SKYES PA'I BAR BSAM PAS BSDUS PA'I DGE BA DANG ,DUD 'GRO LA ZAN CHANG BA GCIG BYIN PA NAS BSDU BA BZHIS BDSU PA'I BAR SBYOR BAR BSDUS PA DANG , BSOD NAMS GSUM, ZAG BCAS ZAG MED KYIS BSDUS PA'I DGE BA SNA RES KYANG SEMS CAN THAMS CAD LA CI 'DOD 'BYUNG ZHING SANGS RGYAS KYI RGYU RKYEN THAMS CAD TSANG NAS SANGS RGYAS PAR SEMS PA'O, ,DE YANG SEMS CAN RE RE LA YANG LUS LONGS SBYOD DGE RTZA RIL PO RE RE GTONG BA'O, ,DES KYANG GAR YANG MI PHYIN PAS DUS GSUM GYI SANGS RGYAS DANG BYANG CHUB SEMS DPA' BLA MA BRGYUD PA DANG BCAS PA DE GSUM GTONG BA'O, ,DE BTANG NA RUNG NGAM SNYAM NA RUNG STE,, @269 KHONG BDAG 'DZIN SPANGS SHING DANG PO SEMS BSKYED TZA NA THAMS CAD SEMS CAN LA BTANG BA YIN PAS SO, ,DE TZA NA YID BZHIN DU BSGYUR CING, BTANG RGYU YANG DPAG TU MED DO, ,SA DANG PO BA'I BYANG CHUB SEMS DPA' LA YON TAN BRGYA PHRAG BCU GNYIS YOD PA NAS BZUNG STE, SANGS RGYAS KYI DUS SKAD CIG MA GCIG LA 'PHRIN LAS DPAG TU MED PA 'BYUNG BA'I BAR DANG , BYANG CHUB SEMS DPA' RIGS LDAN DANG PO SEMS BSKYED PA NA YANG NAM MKHA'I KHAMS SU MI SHONG BA'I BSOD NAMS DPAG TU MED PA'I PHYIR DANG , SANGS RGYAS KYI BA SPU'I BU GA NAS BZUNG NAS MTSAN DANG DPE BYAD LA SOGS PA BSOD NAMS KYI RGYUR DPAG TU MED PA GSUNGS PA'I PHYIR RO, , DE LTAR BTANG RGYU DPAG TU MED PAS SEMS CAN GYI DON MA LUS PAR 'GRUB PA'I RGYU RKYEN TSANG BAS TSOGS RDZOGS PA DANG , DON BYED PA LA CHOGS MED PA DANG , DE DAG GI THUGS DGONGS RDZOGS PAR BYED PA YANG DE YIN GSUNGS, DE LTAR GTONG BA GSUM KA YANG RTZA BA'I MA NAS SEMS CAN THAMS CAD DANG , MNAR MED PA NAS SANGS RGYAS KYI BAR RIM PAR GTONG BA DANG 'UBAS BSDUS NAS DUS GCIG LA GTONG BA DANG , LUS LONGS SPYOD LA SOGS PA SNA RE LAS KYANG THAMS CAD 'BYUNG BAR GTONG BA DANG GSUM KA RIL BO RE RE GTANG BAS KYANG DE LTAR GTONG BA DANG , LUS LA SOGS PA MANG PO BYAS NAS SEMS CAN RE RE LA GTONG BA DANG , 'DI GCIG PUS SEMS CAN THAMS CAD TSIM PA LA SOGS PA LEN PA'I SKABS LTAR RO, ,DE LTAR BSAMS KYANG GZHAN LA DE LTAR MI 'BYUNG BAS DON MED DO SNYAM NA, RTZIGS SU MI CHE SNA TSOGS SBYONG, ,RAB BDUN LA SOGS DPE BZLAS LA'ANG, ,ZHES PA'AM, JI LTA JI LTAR MANG DU MI RTAG NA, ,DE LA GNAS PA'I RNAM PAR RTOG PA DES; ;DE LTA DE LTAR DE LA SEMS GZHOL 'GYUR, ,ZHES PA DANG , GZHAN @270 PHAN LAS LA MTHU MED KYANG, ,DA YI BSAM PHA RTAG TU BYA, ,GANG LA BSAM PA DE YOD PA, ,DE NI DE LA DON GYIS ZHUGS, ,ZHES PA LTAR DE LTAR BLO SBYONG BA YIN TE, MOS PA SPYOD PA'I DUS YIN PAS DA LTA MOS PAS SBYONG LA, DE NAS DE LA BLO GZHOL BA DANG DON GYIS ZHUGS PAR YANG 'GYUR ZHING, SA THOB NAS YON TAN BRGYA PHRAG BCU GNYIS DANG LDAN ZHING MGO DANG RKANG LAG GTONG BA LA SOGS PA SBYOR BAS DNGOS SU GZHAN DON BYED CING, SANGS RGYAS NAS YON TAN BSAM GYIS MI KHYAB PA THOB NAS 'BAD RTZOL MI MNGA' BAR GZHAN DON RGYUN MI 'CHAD PA YIN NO, ,DES NA YON TAN DANG 'PHRIN LAS THAMS CAD RGYU 'DI BZHIN SBYANGS PA LAS 'BYUNG STE, (RNAM 'GREL LAS,) RGYU TSOGS PA LAS 'BRAS SKYE BA, ,ZHES DANG , 'BRAS BU RGYU YI RJES SU 'JUG, ZHES PA LTAR RO, ,DES NA RGYU DANG MTHUN PA'I 'BRAS BU 'BYUNG BA YIN GYI RGYU MED KYI 'BRAS BU 'BYUNG BA NAM MKHA'I PADMO BZHIN NO, ,DES NA 'DI YOD NA LTA BA SPYOD PA SGOM PA 'BRAS BU GSUM PO THAMS CAD 'DAS CHOG ,SMAN DKAR PO CHIG THUB LTA BU YIN, SA THOB PA'I BYANG CHUB SEMS DPA'I MDZAD SPYOD NAS SANGS RGYAS KYI BAR GYI MDZAD PA THAMS CAD DA LTA NAS DNGOS SU NYAMS SU BLANG DU YOD PA YIN PAS 'DI LAS LHAG PA'I CHOS GANG NA YANG MED GSUNG, DNGOS GZHI DE RANG YIN, DE YANG RE RE LA SBYANGS NA SKYO BAR 'GYUR BAS SPEL MAR SBYANG ZHES PA'AM SPEL MAR BSLAB CES PA STE, SEMS CAN THAMS CAD KYI SDUG BSNGAL DANG KUN 'BYUNG RANG GI SNYING GI DKYIL DU LEN PA DANG , RANG GI LUS LONGS SPYOD DGE BA'I RTZA BA GSUM SEMS CAN LA GTONG BA NI THUN RE LA SPEL NAS SGOM PA'O, ,DE YANG GONG LTAR RES RTZA BA'I MA NAS SEMS SHING SPEL, (RES RIM GYIS MTHAR CHAGS SU DANG , RES LAS NGAN CAN DANG , RES NYON MONGS PA CAN SHA STAB DANG , RES SKAD CIG MA SNGA BAL LEN, PHYI MA LA GTONG @271 BA'O,) BA LA SOGS PA STE, DE LTAR BYAS NA BLO SBYONG RKYEN SHES PA DON LA 'GRO DON DANG RDO RUS THUG ,RKYEN 'DI BYUNG NA TSOGS RDZOGS PA DANG SGRIB PA SBYONG BA LA TSEGS MED DE, SDIG PA CI TZAM YOD KYANG BSKAL PA'I MES BYI'U SHA MED LA BYA BA BZHIN DU 'GRO GSUNG, DE YANG GANG ZAG GI KHAMS DANG BSAM PA'I BYE BRAG GIS LA LA 'DI THOS PA TZAM GYIS SANGS RGYAS SGRUB PA LA RGYU 'DI 'THAD SNYAM NAS SPRO DGAR 'JUG PA YANG YOD, KHA CIG 'DI 'DRA DRAN PA LTAS NGAN YIN SNYAM NAS MI MOS SHING SKRAG PA YANG YONG BAS PHYOGS GCIG TU NGES PA MED, DE YANG AA RE 'DOD KYI MI YONG BAS, BLA MA'I GDAMS NGAG BSOD NAMS KYI PHUL, DAD PA DANG , BRTZON 'GRUS DANG , SHES RAB LA SOGS PA'I STOBS DANG , THA NA MI RTZA DRAG PO TSUN CHAD RA MDA' BZLOG NAS DOL CHOD DU SBYONG BA GCIG DGOS, KHRAL MA TZAM BYAS PAS YONG BA'I LAM NA MI BDOG ,'BAD RTZOL DRAG PO DANG SNYING STOBS LA BRTEN NAS SBYONG BA GCIG DGOS PA YIN, DE YANG RES SA BCU'I BYANG CHUB SEMS DPA'I SPYAD PA SPYAD DU BYUNG BA SNYAM DU DGA' BA BSGOM, RES 'DI RGYUD LA SKYE BAR GSOL BA GDAB, SGOM SNYING MI 'DOD PA DANG , RGYUD LA MI SKYES PA'I GEGS SGRIB PA SBYANG, SKYE BA'I MTHUN RKYAN TSOGS BSAG ,CHOS SKYONG LA 'PHRIN LAS ZHU, SMON LAM GDAB, CHAS 'DI SHA STAG STON PA BLTA, MNYAN, GROGS 'DI SHA STAG SGOM PA DANG 'GROGS, 'DI SGOM DU MI RUNG ZER BA DANG , 'O NA TA ZER BA DANG MI 'GROGS, DES NA PHYOd THAMS CAD NAS CHOS KYI KHRI LA BLANGS LA BSGOM PA'O, ,'O NA 'DI LTA BU'I CHOS GANG NAS BSHAD SNYAM NA, MDO BRGYUD BSTAN BCOS THAmS CAD NAS BSHAD, JI SKAD DU PHAL PO CHE'I NOR BZANG GYI RNAM PAR THAR PA LAS, 'GRO BA'I SDUG BSNGAL BDAG NYID LA BSGYUR BAR NI MOS, BDAG NYID 'GRO BA KUN GYI NYE BAR 'TSO BA'I LUS SU BSGYUR ZHES GTONG LEN GNYIS GSUNGS @272 PA DANG , MCHOG GI SPYOD PA'I SMON LAM LAS KYANG , SEMS DMYAL DUD 'GRO GSHIN RJE'I SDUG BSNGAL DANG , ,DUD 'GRO'I GNAS RNAMS MI YI SDUG BSNGAL DANG ,, 'GRO BA'I SDUG BSNGAL PHUNG PO MTHA' DAG RNAMS, ,BDAG LA BABS 'GYUR 'GRO BA BDE BAR SHOG ,CES DANG , BYAMS PA MCHOG SPYIN GYI SMON LAM LAS KYANG , SRID RTZE MAN CHAD MNAR MED YAN CHAD DANG , ,'JIG RTEN BGRANG DU MED PA THAMS CAD KYI, ,LHA DANG LHA MIN LTO 'PHYE CHEN PO'I TSOGS, ,BDE BAR GYUR CIG SDUG BSNGAL BDAG GIS BLANGS, ,ZHES DANG , SLOB DPON KLU SGRUB KYIS KYANG , BDAG LA DE DAG SDIG SMIN CING, ,BDAG DGE MA LUS DER SMIN SHOG ,CES DANG , SLOB DPON ZHI BA LHAS KYANG , BDAG DANG GZHAN DU MNYAM PA DANG , ,BDAG DANG GZHAN DU BRJE BAR BGYI, ,ZHES DANG , BDAG NYID SKYON BCAS GZHAN LA YANG ,, YON TAN RGYA MTSOR SHES BYAS NAS, ,BDAG 'DZIN YONGS SU DOR BA DANG , ,GZHAN BLANG BA NI BSGOM PAR BYA, ,ZHES DANG , GANG ZHIG BDAG DANG GZHAN RNAMS NI,, MYUR DU SKYABS PAR 'DOD PA DES, ,BDAG DANG GZHAN DU BRJE BYA BA, GSANG BA'I DAM PA SPYAD PAR BYA, ,ZHES DANG , BDAG BDE GZHAN GYA SDUG BSNGAL DAG ,YANG DAG BRJE BAR MA BYAS NA, ,SANGS RGYAS NYID DU MI 'GYUR ZHING, ,'KHOR BA NA YANG BDE BA MAD, CES DANG , ,DE LTAS BDAG GNOD ZHE BA DANG , ,GZHAN GYI SDUG BSNGAL ZHI BYA'I PHYIR,, BDAG NYID GZHAN LA BTANG BA DANG , ,GZHAN RNAMS BDAG BZHIN BSRUNG BAR BYA, ZHES DANG , 'GRO BA'I SDUG BSNGAL GANG CI'ANG RUNG, ,DE KUN BDAG LA SMIN GYUR CIG ;CES DANG , RJE BTZUN BYAMS PAS KYANG , MDO SDE RGYAN LAS, BDAG DANG GZHAN DU MNYAM PA'I LAM NYID DAM, ,BDAG PAS GZHAN GCES SDUG PA RNYED NAS NI, ,DE LTAR BDAG PAS GZHAN DON MCHOG TU SHES, ,RANG GI DON @273 GANG GZHAN GYI DON GANG YIN, ,ZHES DANG , JI LTAR SNYING RJE'I BDAG NYID GZHAN GYI DON GYI PHYIR, ,BDAG LA SDUG BSNGAL MI BZAD GDUNG BAR RAB BYED PA, ,DE LTAR 'JIG RTEN GDUNG BA'I LAS KYIS GZHAN DGRA LA'ANG, ,SHIN TU BRTZE BA MED PAR 'JUG PAR 'GYUR MA YIN, ZHES DANG , SLAB DPON RTA DBYANGS KYI SMON LAM BDUN CU PA LAS, SKYE BO NYON MONGS DUG GIS MGO RMONGS PA, ,DE DAG RNAMS LA MI DGE GANG MCHIS PA, ,DE NI BDAG NYID KHO NA DGA' BZHIN DU, ,CI NAS DMYAL BA RNAMS SU GZHOL BAR BGYI, ,'JIG RTEN RAB ZHI BDE BA'I BDUD RTZI YIS; ;TSIM NAS YID NI DGA' BAR BGYID GYUR CIG ,'GRO BA DAG GI SDUG BSNGAL CI SNYED PA, ,DE NI BDAG GIS DANG DU LEN PAR SHOG ,CES DANG , SLOB DPON DBYIG GNYEN GYI TSOGS KYI GTAM LAS, RANG GI LUS DANG SROG DANG NI, , SEMS CAN KUN LA BTANG BAR BYA, ,LUS CAN KUN LA BYAMS PA DANG , ,SNYING RJI'I SEMS KYIS KHYAB PAR BYA, ,SDIG PA KUN GYI RNAM SMIN NI, ,RANG GI RGYUD LA MNGON 'DOD CING, ,BSOD NAMS KUN LA YI RANGS DANG , ,SANGS RGYAS BDAG NYID CHE LA BSAM, ,ZHES DANG , RANG GI LUS DANG SROG NYID NI, ,YID KYIS RJES BZHIN BTANG BAR BYA, ,ZHES DANG SROG CHAGS KUN GYI SDIG PA RNAMS, , THAMS CAD BDAG LA SMIN PAR NI, ,DE LTAR SDIG PA LEN BYED CING, ,'GRO BA PHONGS PA'I SDIG PA BLANGS, ,ZHES DANG , GZHAN KUN BDAG GIR BYA BA DANG ,, RANG GI RTEN LA GZHAN DU BYA, ,ZHES DANG , SLOB DPON THOGS MED KYIS KYANG , ,BYANG CHUB SEMS DPA'I SAR GSUNGS PA LTAR RO, ,BDE MCHOG GI RGYUN BSHAGS NAS KYANG , SEMS CAN KUN GYI SDUG BSNGAL BDAG LA SMIN, ,BDAG GI DGE BAS DE KUN BDE BAR SHOG ,TSE RABS KUN TU SGO GSUM RIN CHEN DANG , ,BUM BZANG DPAG BSAM SHING @274 SOGS LTA BUR SHOG ,CES PA LA SOGS PA DU MA GSUNGS PA YIN NO, ,YANG RIGS CHAD DANG , NYAN RANG GIS SANGS RGYAS MI THOB PAR GSUNGS PA DE DAG SANGS RGYAS LA 'GOD MI NUS SAM SNYAM NA, DE NI BLO CHUNG BA LA DGONGS PA YIN GYI, RNAL MAR SANGS RGYAS LA 'GOD MI NUS PA MI SRID PAS BLO 'DI LTA BU SBYONG BA'I DUS SU DE LTAR THAG CHOD NGES PAS TE, BDE GSHEGS SNYING POS 'GRO KUN YONGS LA KHYAB,, SEMS NI RGYA CHEN MCHOG TU RAB BA SKYED DE, ,'GRO BA 'DI DAG MA LUS SANGS RGYAS RGYU; ;'DI NA SNOD MIN SEMS CAN GANG YANG MED, ,CES DANG , CHOS KYI DBYINGS LA DBYER MED PHYIR, ,RIGS NI THA DAD RUNG MA YIN, ,ZHES DANG , DE BZHIN NYID NI THAMS CAD LA'ANG, ,KHYAD PAR MED KYANG DAG GYUR PAS, ,DE BZHIN GSHEGS NYID DE YI PHYIR, ,'GRO KUN DE YI SNYING PO CAN, ,ZHES DANG , RDZOGS SANGS SKU NI 'PHRO PHYIR DANG , ,DE BZHIN NYID DANG DBYER MED PHYIR, ,RIGS YOD PHYIR NA LUS CAN KUN, ,RTAG TU SANGS RGYAS SNYING PO CAN, ,ZHES GSUNGS PAS SEMS CAN THAMS CAD LA SGOM ZHING SEMS CAN GANG LA BYED PA NA MI DGE BA BCU DANG MTSAMS MED PA LNGA BYED PA DANG , ,BSTAN PA RTZA BA NAS 'JIG PA'I SDE 'KHRUG BYED PA RNAMS LA, NA BA'I BU LA KHYAD PAR YANG , ,MA NI RIM GRO BYED PA LTAR, ,DE BZHIN BYANG CHUB SEMS DPA' YANG , ,DAM PA MIN LA LHAG PAR BRTZE, ,ZHES PA'AM, SKYES BU CHEN PO'I SGRUB BYA NI, ,'KHOR BA YIN PAR MA SHES SHING,, RIGS CHAD GDUL BYA'I GTZO BO RU, ,MA SHES KYE MA BDAG NYID LA'ANG, ,ZHES PA LTAR SHES PAR BYAS LA, GTONG LEN GNYIS KYIS SEMS CAN THAMS CAD 'TSANG RGYA BA'I RGYU RKYEN TSANG NAS SEMS CAN THAMS CAD SANGS RGYAS PAR BSGOM PA YIN GSUNGS, DE YANG LEN PA'I GO RIM NI, LEN PA'I GO RIM RANG NAS RTZAM, ,ZHES BYA BA STE, @275 THOS BSAM GYIS BLO MA SBYONG BA, RANG LA GCES PAR 'DZIN PA SHAS CHE'I GANG ZAG 'GA' ZHIG GZHAN GYI SDUG BSNGAL LEN PA LA SKRAG PA LTA NA, DES DANG PO RANG NYID KYI SDUG BSNGAL LEN PA LA SLOB PA STE, RANG GI THOG MA MED PA NAS BSAGS PA'I LAS BYED NGES DANG , RNAM SMIN MYONG NGES RNAMS TSE 'DI LA SMIN PAR GYUR CIG ,CES PA NAS, 'DIR YANG TSE SMAD LA SMIN RGYU, TSE STOD LA LEN PA LA SOGS PA'O,, DE NAS BRTZAMS NAS RTZA BA'I MA NAS SEMS CAN THAMS CAD KYI BAR DANG , MNAR MED PA NAS BZUNG STE, ,NYAN RANG BYANG CHUB SEMS DPA'I BAR GYI LEN PA STE, MDO SDE RGYAN LAS, RAB 'BAR DGRA YI DBANG DU SONG, ,SDUG BSNGAL GYIS NON MUN PAS SGRIB, ,BGROD DKA'I LAM LA RAB TU ZHUGS, ,'CHING BA CHE DANG YANG DAG LDAN, ,ZAS CHEN DUG DANG 'DRES LA ZHEN, ,LAM NI RAB TU STOR GYUR PA, ,LAM GOL RAB ZHUGS STOBS CHUNG BA'I, ,SEMS CAN RNAMS LA SNYING RJE'O, ,ZHES GSUNGS PA LTA BU'O, ,YANG GANG ZAG RNAM PAR RTOG PA MANG BAS BSKOL DU MI RUNG BA DAG DMIGS PA LA SEMS GNAS PA DANG , ,'BYONGS RKYEN PAR BYA BA'I PHYIR, DE GNYIS RLUNG LA SKYON PAR BYA, (DANG PO'I DUS SU GTONG LEN YUN RING POR SPEL NAS BSGOM, DE NAS RES THUNG LA SHIN TU 'BYONGS NAS RLUNG LA SKYON PAR BYA'O,,) ZHES BYA BA NI, RLUNG PHYIR RGYU TZAN, RANG GI LUS LONGS SPYOD DGE BA GSUM SEMS CAN LA GTONG, NANG DU RNGUB PA NA SEMS CAN GYI SDIG SDUG GTAM NGAN LA SOGS PA RANG LA LEN PA'O, ,DES NI SEMS ZIN PA YANG YONG GSUNGS, DE BZHIN DU BZA' BTUNG MI DANG GTAM BYED PA LA SOGS PA THAMS CAD RLUNG LA SKYON CING BYED PA'O, ,DE DAG NI MNYAM BZHAG GO, ,RJES LA NYAMS SU BLANG TSUL NI, YUL GSUM DUG GSUM DGE RTZA GSUM, ,RJES KYI MAN NGAG MDOR BSDUS PA'O, ,ZHES @276 BYA BA NI, RJES KYI SPYOD LAM GYI DUS SU SBYANG BA'I TSUL TE, DBANG PO DRUG GI YUL YID DU 'ONG BA DANG , MA 'ONG BA DANG , BAR MA GSUM LA BRTEN NAS BDAG GI RGYUD LA NYON MONGS 'DOD CHAGS DANG , (DUG GSUM DGE RTZA GSUM DU BSGYUR,) ZHE SDANG DANG , GTI MUG GSUM SKYE BA LTAR NA, SEMS CAN GYI DE GSUM BDAG LA SMIN PAR GYUR CIG ,SEMS CAN MA CHAGS PA DANG , ZHE SDANG MED PA DANG , GTI MUG MED PA'I DGE BA DANG LDAN PAR GYUR CIG SNYAM DU SEMS SBYONG BA RJES KYI MAN NGAG GO ;MAN NGAG SNYING PO MDOR BSDUS PA, ,SPYOD LAM KUN TU TSIG GIS SBYANG ,, ZHES BYA BA NI RJES KYI SPYOD LAM GYI DUS NA BLO SBYONG BA'I TSUL TSIG GIS SBYONG BA STE, 'GRO 'CHAG NYAL 'DUG LA SOGS PA'I DUS THAMS CAD DU SNYING PO BGRANG BA BZHIN TSIG GIS SBYONG BA STE, JO BO'I ZHAL NAS, RGYA GAR SHAR PHYOGS KUN NA, SDUG BSNGAL 'PHAGS PA'I BDEN PA, KUN 'BYUNG 'PHAGS PA'I BDEN PA SOGS BZHI TSIG GIS BSGOM PA YOD GSUNGS, DGE BSHES STON PA YANG 'JIG RTEN CHOS BRGYAD MGO SNYOMS LA RES RTZA NA RNYED DANG MA RNYED GSUNGS, RES STOD SMAD CES BGYI GSUNGS, RES SNYAN MI SNYAN, RES GRAGS MI GRAGS ZHES GSUNGS, 'JIG RTEN MKHYEN PA LA SOGS PA'I TSIGS BCAD MGO PHYUNG, MJUG PHYUNG MDZAD, PHU CHUNG BA YANG RGYAL LHA KHANG GI BZA' MI SHI BA GRANGS YANG GOM PA RE DOR ZHING, YA 'CHI BA 'CHI BA GSUNGS PA DANG , GLANG RI THANG PA YANG , KHE DANG RGYAL KHA THAMS CAD JO BO SEMS CAN LA 'BUL, DE CI STE NA, BDE BA'AM YON TAN THAMS CAD SEMS CAN LA BRTEN NAS 'BYUNG BA YIN PA'I PHYIR RO, ,GYONG DANG PHUNG KHA THAMS CAD RANG LA BLANGS, DE CI STE NA, SKYON NAM NYES PA THAMS CAD BDAG TU 'DZIN PA LA BRTEN NAS BYUNG BA'I PHYIR ZHES RTAG TU GSUNG BA LTAR SPYOD @277 LAM THAMS CAD DU SEMS CAN GYI SDIG DANG SDUG BSNGAL BDAG LA SMIN PAR GYUR CIG, BDAG GI BDE BA DANG YON TAN THAMS CAD SEMS CAN LA SMIN PAR GYUR CIG , CES PA'AM, BDAG LA DE DAG SDIG SMIN CING, ,BDAG DGE MA LUS DER SMIN SHOG ,CES PA'AM, SEMS CAN KUN GYI SDUG BSNGAL BDAG LA SMIN, ,BDAG GI DGE BAS DE KUN BDE THOB SHOG ,CES SAM, MTHONG ZHING THOS SAM RJES SU DRAN YANG RUNG, ,REG GAM GTAM DU BRJOD PAR GYUR KYANG RUNG, ,RNAM PA KUN TU 'GRO LA PHAN PA NI, ,BDE DANG LDAN PA RTAG TU BYED GYUR CIG ,CES PA LA SOGS PA RTAG TU SNYING PO BGRANG BA BZHIN BYED CING TSIG GI SGO NAS SBYANGS NA MTHAR DON LA 'JUG PAR 'GYUR, MA BCOS RGYUD LA SKYE BAR 'GYUR, SNGAGS RNYING MA BA'I GYER BSGOM KUN YANG 'DI DANG DON CIG ,DE YANG DANG PO TZA NA KHAR MI THON PA BYUNG DOGS YOD, GOMS TZA NA 'CHAD KA BA SNANG SRID KYI SGRA LA BLO SBYANG GI SGRA LAS SNYAN PA MED PAS NGA'I SHED KYIS MA NUS, KHYED KYIS BRJOD DANG GSUNGS PA LTAR YONG , DE TSIG GI CANG YONG NGE SNYAM NA, SNE ZUR BAS TZANtA MH'A RO sHA BGRANG BAS JO BOR WAL GYIS YONG , (THABS DANG SHES RAB GNYIS SA DANG PO GSUNGS,) CI'I PHYIR GYI LAM NA MED GSUNGS, DES NA 'DI GNYID SMUG GI DBANG DU YANG MI 'GRO, NGES RKYEN LA LEt PA YIN GSUNG NGO; ;DE RNAMS NI BLO SBYONG GI LUS SAM DNGOS LTA BU YIN NO, ,DA NI DE'I YAN LAG GAM RGYAS BSHAD TZAM STON PAR BYED PA LA, TSIGS SU BCAD PA DANG , TSIG LHUG PA GNYIS SO, ,DANG PO TSIGS SU BCAD PA'I DON STON, 'DI DAG LA GRANGS DANG GO RIM LA SOGS PA'I NGES PA MED, DON BLO LA MA SKYES BAR DU BSGOM GSUNGS NAS SNGA PHYI'I 'BREL LA SOGS PA MED PAR GSUNGS, YANG GSUNG GI GDAMS PA'I GNAD LAS KYANG , 'GREL CUNG ZAD MDZAD PA YANG BZHUGS, BLA @278 MA'I GSUNG LAS KYANG 'GREL CUNG ZAD MDZAD PA YANG BZHUGS PAS, 'DIR YANG BLO LA RDOG BDE BA'I PHYIR 'GREL CUNG ZAD BYAS NA DON GSUM DU GNAS TE, JI LTAR SBYANG BA'I TSUL DANG , 'BYONGS PA'I TSAD DANG , SBYANGS PA'I DGOS PA'O, ,DANG PO LA GSUM STE, SKYE BA'I RGYU DANG , MI NYAMS PA'I THABS DANG , 'PHEL BA'I RKYEN NO, ,DANG PO LA GSUM STE, SNGON 'GRO KUN SLONG GI KHYAD PAR DANG , DNGOS GZHI BYA BA'I KHYAD PAR DANG , RJES LA BDE BA'I KHYAD PAR RO, ,DANG PO NI, THOG MTHA' GNYIS LA BYA BA GNYIS, ,ZHES BYA BA STE, THOG MAR MAL NAS LDANG BA'I DUS SU, BDAG GIS DE RING BDAG 'DZIN THUL ZHING RANG GCES 'DZIN GYIS MA GOS PAR BYAS, SEMS CAN GZHAN GCES 'DZIN MA NYAMS PAR BYA SNYAM PA'I 'PHEN PA BTANG, DGONG MO NYAL KHAR SENG GE RNAM PAR BRTZE BA'I TING NGE 'DZIN GYIS DE RING THOG MAR DE BYAS SO, ,DE NAS DE BYAS SO, ,ZHES BYA BA'I RNAM GRANGS RNAMS RIM PAR BRTAGS NAS SPYIR CHOS KHYAD PAR DU BLO SBYONG DANG 'GAL BA SPYAD NAS 'DUG NA, DE TSE BDAG LA RNGAN BGRANG ZHING, ,BLA MA'I GDAMS NGAG DRAN PAR BYA, ,CES BYA BA YIN PAS DAL 'BYOR CHUD GSON PA RANG LA RANG GIS GNOD PA SKYEL BA KHYOD LTA BU YONG BA SNYAM DU BSAMS LA BZOD GSOL DANG BSHAGS SDOM BYAS LA SANG NAS DE LTA BU MI BYA'O SNYAM DU BSGOM PA DANG , CHOS DANG MTHUN PAR BYAS NAS 'DUG NA DGA' BA BSGOM TE DAL 'BYOR DON YOD PAR BYAS, DUS DON YOD DU 'DAS SNYAM DU BSAMS NAS, DGE BA 'DI YIS CHOS RGYUD LA SKYE BA DANG SKYE BA THAMS CAD DU BYANG CHUB KYI SEMS DANG MI 'BRAL BAR GYUR CIG CES SMON LAM BTAB, YANG NANG PAR LNGAS TZA NA, DE RING BDAG GIS KHA SANG BAS KHYAD PAR DU 'PHAGS PA 'DI BZHIN DU BYA SNYAM DU BSAM ZHING, 'PHEN PA GTONG BA GAL CHE, DE LTAR BYED @279 CES TSIG TU MI BRJOD, BSAM PAS 'DI 'BA' ZHIG SBYANG, DGRA BYUNG BA DANG NA TSA DRAG PO BYUNG BA LA SOGS PA'I DUS SU SNGAR BZHIN DU BSAM, GNYEN PO BLA MA DKON MCHOG GI BYIN RLABS, CHOS SKYONG GI MTHU STOBS, RANG GI DUS GSUM GYI DGE BA, SEMS CAN SPYI MTHUN GYI BSOD NAMS CI 'DUG LTAS LA RKYEN BZHIS DUS BZHI PO DER BDAG 'DI BSGOM PA LA 'GRAN ZLA MED PA ME 'BAR BA LA SHING BSNAN PA LTAR 'GRO BAR BYA'O, ,KUN SLONG GI GO CHA DE LTA BU GYON PAS DNGOS GZHI'I KHYAD PAR LA GSUM STE, SHES PAR BYA BA DANG , SPANG BAR BYA BA DANG , BLANG BAR BYA BA'O, ,DANG PO LA GSUM STE, DGRA ZIN SHES PAR BYA BA DANG , NOR MA NOR SHES PAR BYA BA DANG , GZHUNG DON JI LTAR SHES PAR BYA'O, ,DE LA DANG PO SHES PAR BYA BA NI, LE LAN THAMS CAD GCIG LA GDA', ,KUN LA BKA' DRIN CHE BAR BSGOM, ,ZHES BYA BA STE, THOG MA MED PA NAS DGRA ZIN NGOS MA ZIN, SPANG BLANG DMIGS MA PHYED PAS CHOS BYAS TSAD BDAG 'DZIN GYI CHOS SU SONG BAS NOR, THAR PA DANG THAMS CAD MKHYEN PA SNGAR 'DRIS GANG YANG NYER MA SONG BAS, DA RES DGRA ZIN NGOS ZIN PAR BYA, DE RANG GANG YIN NA RANG LA DGRAR LTAS LA SPANG, SEMS CAN LA ZIN DU LTAS LA GCES PAR BYA BA GNYIS LAS MED PA YIN, DE LA BDAG TU 'DZIN PA LA DGRAR BLTAS PA NI, LE LAN THAMS CAD GCIG LA GDA',, ZHES PAS BSTAN TE, MI 'DOD PA CI BYUNG YANG GYONG GZHAN LA MI GDA', SGOM CHEN PA'I 'KHOR MED RANG GCIG PUS MAR KHU BKOL BAS MAR KHU LUD NAS BO BAS, LE LAN DRI BO SPRANG 'GYED KHO NAS LAN ZER BA BZHIN DU DA LTA RANG CAG MI 'DOD PA RE BYUNG TZA NA, SA YUL GNYAN PA DANG , 'DRES RTZER BA DANG , BLA MAS THUGS LA MA BTAGS PA LA SOGS PA GZHAN LA LE LAN 'DOD DE NOR BA YIN, LE LAN THAMS CAD @280 RANG GI NANG DU BDAG TU 'DZIN PA LA 'DED PA STE, BDAG TU 'DZIN PA LA BRTEN NAS,, BDAG YOD NA NI GZHAN DU SHES, ,BDAG GZHAN CHA LAS 'DZIN DANG SDANG , ,'DI DAG DANG NI YONGS 'BREL LAS, ,NYES PA THAMS CAD 'BYUNG BAR 'GYUR,, ZHES PA LTAR SKYON DANG NYES PA THAMS CAD DE LAS 'BYUNG BA'I PHYIR, DES NA MI 'DOD PA PHYI SNOD LA BRTEN NAS BYUNG YANG RUNG, NANG BCUD LAS BYUNG YANG RUNG, MTHO LA BZHANG BA SANGS RGYAS DANG CHOS SKYONG GI DKA' CHAD BYUNG YANG RUNG , DMA' BA MUL SPANG LA SOGS PAS BYAS KYANG RUNG, MANG BA SEMS CAN GYIS BYAS KYANG RUNG, NGAN PA SHIG GIS BYAS KYANG RUNG, RLUNG MKHRIS BAD KAN LA SOGS PA 'BYUNG BA'I GNOD PA YIN YANG RUNG, DE THAMS CAD KYI RTZAB BDAG 'DZIN GYIS LAN PAR SHES PAR BYA, DA LTA SDE PA NANG, DGE BSHES NANG, PHA SPUN NANG, DPON G-YOG NANG, DPON SLOB NANG, BKA' GDAMS PA NANG, YON MCHOD MI MTHUN PA LA SOGS PA THAMS CAD KYI RTZA BA BDAG 'DZIN YIN TE, YOD PAR 'DZIN, YOD RIGS NGA 'BA' ZHIG GCES PAR BZUNG NAS GZHAN THAMS CAD THED LA GTANG BA BYIS PA SO SO SKYE NGO THAMS CAD KYI CHOS NYID YIN, DE LA BRTEN NAS NYON MONGS DANG SDUG BSNGAL THAMS CAD 'BYUNG BAS, 'JIG RTEN DAG NA 'CHO BA GANG YOD DANG , ,'JAGS DANG SDUG BSNGAL JI SNYED YOD GYUR PA, ,DE KUN BDAG TU 'DZIN PA LAS GYUR NA, ,'DRE CHEN DE KO BDAG LA CI ZHIG BYA, ,CES GSUNGS PA YIN, 'JIG RTEN NA MI 'DOD PA'I DNGOS PO CI YOD PA THAMS CAD BDAG 'DZIN LAS BYUNG BA YIN TE, GANG DANG GANG DU SKYES PA'I LUS 'DI LA BDAG TU BZUNG ZHING NGA MED PA LA NGAR BZUNG NAS 'DI'I KHA 'DZIN 'DOD MI 'DOD GNYIS KYI DGAG SGRUB BYED BYED NA GZHAN LA G-YO SGYU KHRAM GSUM BYAS NAS NYON MONGS PA DANG @281 LAS NGAN THAMS CAD BSAGS NAS THOG MA MED PA'I DUS NAS SPYIR 'KHOR BA MTHA' MED, DGOS NGAN SONG GSUM GYI SDUG BSNGAL THAMS CAD 'DIS LAN DU BCUG, (SPYOD 'JUG LAS,) YID KHYOD RANG DON BYED 'DOD PAS, ,BSKAL PA GRANGS MED 'DAS GYUR KYANG, ,NGAL BA CHEN PO DE LTA BUS, ,KHYOD KYI SDUG BSNGAL 'BA' ZHIG BSGRUB, ,DA LTA'I SDUG BSNGAL THAMS CAD KYANG 'DIS BSKYED, DA DUNG KYANG 'DI LA DGRAR MA LTAS NA 'DI BDE BAR 'DOD PAS LAS NGAN BSAGS NAS 'KHOR BA MTHA' MED DU SDUG BSNGAL YIN RING DOS LA DRAG PAS GDOD KYANG 'KHYAM DU 'JUG PAS RANG LA DGRAR CIG BZUNG BAR BYA, 'DI YIS BRGYA PHRAG THAMS CAD DU, ,'KHOR PAR BDAG LA GNOD PA BYAS, ,DA NI 'KHON RNAMS DRAN BYAS TE, ,KHYOD KYI RANG DON SEMS PA GZHOM, ,ZHES PA LTAR DGOS, BLO BDE BAR SDOD PA MI RIGS, DE LTAR YUN RING RGYUN CHAGS DGRAR GYUR PA, ,GNOD PA'I TSOGS RAB 'PHEL BA'I RGYU GCIG PO, BDAG GI SNYING LA NGES PAR GNAS 'CHA' NA, ,'KHOR BAR 'JIGS MED DGA' BAR GA LA 'GYUR, ,ZHES GSUNGS PA LTAR YIN, NYES DMIGS CAN GYI DMIGS PA'AM, GNAS NI GANG DU SKYES PA'I LUS YIN TE, RNAG KHRAG GI THUM PO, CHU SER GYI RKYAL PA, 'DI LA GCES PAR BZUNG ZHING BSRUNG BA NI, ,GCER BU CHOR MA KHUR BA DANG 'DRA, ,'JIG RTEN SDUG BSNGAL JI SNYED PA,,, DE KUN RANG BDE 'DOD LAS 'BYUNG, ,ZHES PA LTAR YIN, SDUG TU 'JUG MKHAN 'DI DMA' 'BEBS DGOS, 'DI LA DGRAR SHES PA GCIG BYUNG NA RANG LA RANG NGAN SMRAS BYED, KHYAD PAR KHA GTONG BA THAMS CAD DGRA 'DUL GROGS BYED PAR, SNYING THAG PA NAS GON SKYID MGO BTZUGS PA YIN, THEG PA CHEN PO'I CHOS MTHA' DAG LA BRJOD BYA, BDAG PHYIR BTANG NAS GZHAN RTZER GYI BZUNG BA STE GNYIS PO DE LAS @282 MED, GZHAN YANG BSTAN PA THAMS CAD NYON MONGS SPONG BA'I CHED YIN TE, NYON MONGS PA THAMS CAD KYI RTZA BA NGA DANG BDAG TU 'DZIN PA YIN, DE CHER THUL NA BDE SKYID CHER YONG , 'BRING LA 'BRING, CHUNG NGU LA CHUNG NGU YONG , YE MA THUL BA LA BDE SKYID YE MI YONG BA YIN, DES NA SDUG BSNGAL DANG NYES SKYON THAMS CAD KYI RTZA BA 'DI LA DGRAR ZUNG DGOS , SNGAR DE LTAR MA SHES PA YIN, DE BLA MA'I MAN NGAG LA BRTEN NAS DGRAR 'DZIN PA, KHYOD KYIS KHO BO GAR BRLAG PA'I, SNGON GYI DUS DE GZHAN YIN GYI, ,ZHES PA LTAR YIN, DE TZA NA RKYEN NGAN GYI 'PHRANG LAS SGROL, GNYEN PO'I THANG LA SLEB PA'I CHOS PA GSHA' MA CIG GDOD YONG BA YIN GSUNGS TE, DE RNAMS NI BDAG 'DZIN LA DGRAR SHES PAR BYA BA YIN NO, ,GZHAN LA ZIN DU SHES PAR BYA BA NI, KUN LA BKA' DRAN CHE BAR BSGOM, ,ZHES BYA BA STE, SPYIR YANG SEMS CAN THAMS CAD DRIN CAN YIN TE, (SEMS 'GREL LAS,) GANG DAG SNGON CHAD PHA MA DANG , ,GNYEN BSHES GYUR CING YANG BTAGS PA'I, ,SEMS CAD DE DAG RNAMS LA NI, ,BYAS PA BZO BA NYID DU BYA, ,CES PA LTAR YIN LA, KHYAD PAR DU BDAG LA GNOD BYED DRIN CAN DU BSGOM PA NI, (SPYOD 'JUG LAS,) DE BAS NGAL BAS MA BSGRUB PA'I, ,KHYIM DU GTER NI 'BYUNG BA LTAR, ,BYANG CHUB SPYOD PA'I GROGS GYUR BA'I, ,DGRA LA BDAG GIS DGA' BAR BYA, ,CES PA LTAR BSGOM PA STE, SPYIR PHA ROL TU PHYIN PA DRUG MA RDZOGS PAR SANGS RGYAS MI THOB, DE SBYIN PA DANG TSUL KHRIM LA SOGS PA SLONG BA DANG , MKHAN SLOB DANG , LUNG 'BOGS MKHAN LA SOGS PA LA BRTEN NAS RDZOGS PA LTAR BZOD PA YANG GNOD BYED LA BRTEN NAS RDZOGS PAS, GNOD PA BYED PA KUN LA BKA' DRIN CAN DU BSGOM PA'O,, DE YANG 'DI LTAR BSAM TE, DA LTA BDAG LA GNOD PA BYED PA'I MI'AM MIM YIN @283 PA 'DIS THAG MA MED PA NAS MA BYAS PA'I GRANGS SA'I LTOS RGYA SHUG GI TSIG GU TZAM DU GRANGS PA BAS MANG BA GCIG BYAS NAS BYAMS PA'I MIG GIS LTA LTA BA, BRTZE BA'I SEMS KYIS 'DZIN 'DZIN PA, GNOD PA DANG MI PHAN PA LAS SKYOB SKYOB PA, PHAN PA DANG BDE BA THAMS CAD KYIS PHAN 'DOGS PA'I DRIN CAN YIN SNYAM PA YID DU 'ONG ZHING BDE NA DGA' BA'I BYAMS PA BSAM, DES NA DA LTA DAG LA GNOD PA BYED PA 'DI 'KHRUL NAS BYED PA YIN, 'DIS THOG MA MED PA NAS SDIG SDUG GTAM NGAN THAMS CAD LA MA 'JOMS PAR BDAG GI DON BYAS PAS LAS NGAN BSAGS NAS 'KHRO BA MTHA' MED DU 'KHYAMS SHING SDUG BSNGAL NYAMS SU BLANGS PAS DE THAMS CAD KYI LE LAN BDAG LA THUG NAS 'DUG ,DA LTA YANG BDAG GZHAN GYI DON DU BYANG CHUB SGRUB PA LA BDAG GI LAS NGAN GYIS MA RGAN BSKUL NAS BAR CHAD BYAS PAS SEMS CAN THAMS CAD KYI BDE BA LA BAR CHAD BYED PAS, SKYEB PHYI MA LA DMYAL BAR 'GRO BA'I LE LAN YANG BDAG LA THUG PAS NYING RE RJE SNYAM DU BSAM LA, SPYIR THOG MA MED PA NAS KYI DRIN CAN GYI MA YIN PA DANG , BYE BRAG DA LTA GNOD PA BYED PA YANG BDAG GA BYANG CHUB BSGRUB PA'I GROGS PAR BYA BA DANG , BDAG GIS SEMS BSKYED PA'I DUS SU LUS LONGS SPYOD DGE RTZA THAMS CAD GZHAN LA BTANG BAR SHES PAR BYAS NAS, BDAG GIS LUS CAN THAMS CAD LA, ,LUS 'DI CI BDER BYIN ZIN GYI, ,RTAG TU GSOD DAM SMOD PA'AM, ,RDEG SOGS CI DGAR BYED LA REG ,CES PA LTAR BYAS NAS GNOD BYED LA MI KHRO BAR DRIN CAN DU SHES PAR BYED PA'O, ,DE LTAR DGRA ZIN GNYIS SU KHA TSON GCOD MA SHES NA BLA MA'I SKYON YIN, MTHA' MA NUS NA SLOB MA'I SKYON YIN PAS DMIGS PHYED PAR BYAS LA BLANG DOR BYA, SLOB DPON ZHI BA LHAS, BDAG NI SKYON BCAS GZHAN LA YANG, ,YON TAN RGYA MTSOR SHES BYAS NAS, ,BDAG @284 'DZIN YONGS SU DOR BA DANG , ,GZHAN BLANG BA NI BSGOM PAR BYA, ,ZHES DANG 'JIG RTEN SDUG BSNGAL JI SNYED PA, ,DE KUN RANG BDE 'DOD LAS 'BYUNG , ,'JIG RTEN BDE BA JI SNYED PA, ,DE KUN GZHAN BDE 'DOD LAS BYUNG , ,MANG DU BSHAD LTA CI ZHIG DGOS, ,BYIS PA RANG DON BYED PA DANG , ,THUB PA GZHAN GYI DON MDZAD PA,, 'DI GNYIS KYI NI KHYAD PAR LTOS, ,ZHES PA LA SOGS PA DU MA GSUNGS PA YANG DGRA ZIN SHES PAR BYAS PA'I DON DU GSUNGS PA YIN, ,GLANG THANG PA YANG JI TZAM PA'I PO TI ZAB MO CIG ZHAL PHYE BA LA SKYON THAMS CAD RANG GI YIN PA DANG , YON TAN THAMS CAD SEMS CAN GYI YIN PAR GSUNGS, DE'I GNAD KYI KHE DANG RGYAL KHA SEMS CAN LA SBYIN PA DANG , GYONG DANG BUB KHA RANG GIS BLANGS SEMS PA 'DI MIN PA GO RGYU GZHAN MA RNYED GSUNGS SKAD, GSUNG RGYU YANG RGYUN DU KHE DANG RGYAL KHA SEMS CAN LA 'BUL, DE CI STE NA, YON TAN THAMS CAD SEMS CAN LA BRTEN NAS 'BYUNG BA'I PHYIR RO, ,GYONG DANG BUB KHA THAMS CAD RANG LA BLANGS, DE CI STE NA, NYES DMIGS THAMS CAD BDAG TU 'DZIN PA LAS 'BYUNG BA'I PHYIR RO, ,ZHES SNYING PO BGRANG BA BZHIN GSUNG SKAD, PO TO BA YANG , LEGS PA BYUNG NA BTZUN CHUNG 'DI'I TSOD LA SHED, DE TZAM YOD PA CES DANG , NYES BA BYUNG NA KHO BO DE'I GSEB NA ZHUGS PA LAGS GSUNGS PA LTAR RO, ,MDOR NA BDAG 'DZIN MA ZAD PAR 'KHOR BA LAS THAR MI SRID CING, GZHAN GCES PAR MA BZUNG BAR SANGS RGYAS THOB MI SRID PA YIN PAR SHES PAR BYED PA NI DGRA ZIN SHES PAR BYA BA YIN NO, ,DA BLO SBYONG NOR MA NOR SHES PAR BYA BA NI, SPYI DON GSUM LA RTAG TU BSLAB, ,'DUN MA BSGYUR LA RANG SOR BZHAG ,CES BYA BA STE, BLO SBYONG KHAS BLANGS DANG MI 'GAL BA DANG , BLO SBYONG THO CHOR MA SONG BA DANG , BLO SBYONGS PHYOGS RER MA @285 SONG BA DANG GSUM NI BLO SBYONG MA NOR BA YIN LA, SPYI DON GSUM PO 'DI DANG 'GAL NA NOR BA YIN NO, ,DANG PO BDAG BLO SBYONG BA LAGS PAS, 'DI KUN GYI MI GNOD ZER NAS KHAS BLANGS PA'I BSLAB PA PHRAN TSEGS LA SOGS TE LAS 'BRAS KHYAD DU GSOD PA DANG , BLO SBYONG 'DI YOD NA GZHAN CI YANG MI DGOS ZER NAS SDE SNOD KYI LAG LEN DANG 'GAL BA DE THAMS CAD DOR LA, BSAM PAS BLO SBYONG ZHING , SBYOR BAS KA RI KA NAS RDO RJE THEG PA'I BAR GYI KHAS BLANGS DANG DAM BCAS PA DANG MI 'GAL ZHING GTZANG MAR BSRUNG BSDE SNOD SPYI DANG MI 'GAL BA'O, ,GNYIS PA NI, GNYAN SAR NYAL BA DANG , SHING GNYAN GCOD PA DANG , 'GO BA'I NAD YOD SAR 'GRO BA DANG , DAM NYAMS DANG , MDZE PHO LA SOGS PA DANG , 'DRE DANG 'GROGS PA LA SOGS PA THO CHO THAMS CAD SPANGS LA, DGE BSHES STON BA'I RNAM THAR GTZANG MA BSTAN PA'I SROL CHEN PO RVA SGRENG DU BTZUGS PA BSTAN PA GRU BZHIR NYAMS SU LEN PA DANG MI 'GAL BAR BYED PA STE, GZHAN YANG YE SHES RGYAN LA BYA BA LA SOGS PA LAGS ZHUS TZA NA, NGA'I 'DUN MA MIN, RVA SGRENG BA'I LUGS YIN GSUNGS PA LTAR RO, ,GSUM PA NI, BDAG 'DZIN 'DUL BA DANG SER SNA SPONG BA DANG , BZOD PA BSGOM PA LA SOGS PA GANG RUNG RE LA GTUB PAR 'DUG KYANG GZHAN LA MA GTUB PAS PHYOGS RER SONG BA STE MI LA BZOD KYANG MI MA YIN PA LA MI BZOD PA 'DRE RTOGS CHE BA DANG , DE LAS BZLOG PA DANG , MI CHE BA LA GUS LA CHUNG BA LA BRNYAS PA DANG , DE LAS BZLOG PA DANG , NANG MI LA BYAMS PHYI MI LA SDANG BA DANG , DE LAS BZLOG PA LA SOGS PA PHYOGS RE BA BRJOD KYI MI LANG BA YOD PAS DER MA SONG BAR PHYOGS THAMS CAD NAS 'BYONGS PA MA NOR BA YIN, GZHAN DU BU LA KHRA DANG SPYANG KHYI BYAMS SU SONG NA BLO MA 'BYONGS PA YIN NO, ,(CHAGS @286 MED MNYAM PA NYID DU SBYONG BA'O,) DE YANG SBYOR BAS LUS NGAG TU DE LTAR BYED NA NYAMS LEN NOR BA YIN PAS RANG DON BYED PA'I BSAM PA DE GZHAN BDE 'DOD PAR BLO SBYONG BAR 'DUN PA BSGYUR LA, LUS NGAG GI SPYOD PA GZHAN GYI RTZAR NGAG TU MI 'DON TE, SHA KHYER KHRAG KHYER RAM, CHOS GOS STER BA'AM, TSOGS SU MDZE PO LA SOGS PA LA SNYING RJE YOD PA LTAR BYED PA DANG , SHA BA'I GRANGS LTAR MDUNG KHA BYED PA DANG , BDAG 'DZIN THUL NAS GZHAN MI DGOS ZER BA YOD PA LA DE 'DUS PA DANG YANG 'GAL, THO CHOR YANG CHABS BLO SBYONG THAMS CAD MNGON TSAR CHUNG LA DON GYIS CHOS CHE BA GCIG BYED DGOS GSUNGS PAS GZHAN GYIS MA TSOR BAR RGYUD SMIN PA GCIG BYED NA NYAMS SU LEN LUGS MA NOR BA YIN, SEMS LA BLO MA 'BYONGS PAR LUS NGAG TU BLO SBYONG BA'I RNAM 'GYUR STON PA'AM, SEMS LA BLO CUNG ZAD 'BYONGS KYANG SDE SNOD DANG 'GAL BA DANG , SKABS SU MA BABS PA DANG , DGOS PA MED PA THAMS CAD THO CHOR 'GRO BAS SBYONG LUGS NOR BA YIN NO, ,GSUM PA GZHUNG DON SHES PAR BYA BA NI, RDO RJE NYI MA LJON SHING LTAR, ,GZHUNG DON LA SOGS SHES PAR BYA,, CES BYA BA STE, DPER NA RDO RJE RIN PO CHE PHA LAM ZHES PA DE GZUGS GRU BZHI LA SOGS PA JI LTAR YOD PA DANG , YON TAN JI TZAM YOD PA DE DUM BU BRGYA STONG LA SOGS PAR BCAG KYANG GRU BZHI LA SOGS PA'I DBYIBS DANG YON TAN MI 'DOR BA'I DPE DE BZHIN DU BLO SBYONG 'DI YANG DBU ZHABS SU DRIL BAS KYANG BLO SBYONG YIN LA, TSIG GI YAN LAG TU BSHAD PA'I TSIG RE RE LA YANG BLO SBYONG GRA MA CHAGS, ZUR NYAMS PA'I DON GNAS PA YIN NO, ,NYI MA'I 'OD ZER GCIG SHAR NA 'OD ZER THAMS CAD SHAR NAS 'ONG BA YIN, DE BZHIN DU BLO SBYONG GI TSIG GCIG GI DON BLO LA SKYES NA TSIG DON THAMS CAD BLO LA SKYES PA YIN PAS GRANGS NGES DANG GO RIM LA SOGS PA MI @287 DGOS, BLO LA GANG BDE BA NAS BSGOM PAS CHOG PA'O, ,YANG SMAN GYI LJON SHING GI RTZA BA DANG , SDONG PO DANG , YAL GA DANG , LO MA DANG , SHUN PA DANG , ME TOG 'BRAS BU RE RES KYANG NAD BZHI BRGYA RTZA BZHI MA LUS PAR SEL BA YIN, THAMS CAD LOG PAS KYANG DE NYID YIN, DE BZHIN DU BLO SBYONG 'DI'I TSIG YAN LAG RE RES KYANG NYON MONGS PA DANG BDAG 'DZIN THUL, THAMS CAD LOG PAS KYANG DE BZHIN YIN PAS 'BREL DANG GO RIM LA SOGS PA MED KYANG CHOG PAS DON RGYUD LA MA SKYES KYI BAR DU BSGOM PAR BYA'O, ,DE LTAR NA DE DAG SHES PAR BYA BA GTZO CHE BA TZAM DU BYAS PA'I MING TZAM YIN NO, ,GNYIS PA SPANG BAR BYA BA LA BZHI STE, NYON MONGS SPANG BA DANG , PHYOGS MTHUN SPANG BA DANG , RE BA SBANG BA DANG , LTOS PA SPANG BA'O, ,DANG PO NI, NYON MONGS GANG CHE SNGON LA SBYANGS, ,ZHES PA'AM, RAGS PA GANG YIN SNGON DU SBYANGS, ZHES BYA BA STE, ,CHOS BYED DU MI STER BA THAMS CAD KYI RTZA BA NYON MONGS PA YIN, DE'I RTZA BA BDAG 'DZIN YIN, 'KHOR BA THOG MA MED PA NAS SDUG TU BCUG PA THAMS CAD 'DI YIN, DA LTA YANG BYI BA TZIG TZIG ZER NA KHO'I RNA BA GCOD DAM SEMS, 'BRUG CIG BYUNG YANG KHO'I MGO LA RGYAB KYIS DOGS, RGYAL KHAMS NA NAD RIMS YOD ZER YANG KHO LA BYUNG GIS DOGS, SA YUL GNYAN ZER NA KHO DRAG LA KHYAD KYI DOGS, DE BZHIN DU LA LA GTAM NGAN GYIS DOd NAS SDUG BSNGAL, LA LA DGRA MA THUL GYI DOd NAS SDUG BSNGAL, LA LA GNYEN MA 'KHYONGS KYI DOd SDUG BSNGAL BA LA SOd PA BRJOD KYI MI LANG BA CIG YOD DE, DE THAmS CAD KYI RTZA BA BDAG TU 'DZIN PA YIN, SO SO'I SKYE BO THAMS CAD 'DI'I RANG BZHIN DU GYUR NAS CI BYED BDAG TU 'DZIN PAS BYED BCUG TE 'DI 'DUL DGOS PAS 'DI 'DUL BA LA, DE YANG ZHAR ZHER GYI MI THUL BAS, THEL POR SBYANG DGOS TE, 'DI THUL NA PHO @288 BA DUG THABS KYI NA BA BZHIN DU 'DUG PA DE ZHI BA BZHIN DU BDE LHAN PA GCIG GDOD 'ONG , DE TZUG MA BYUNG RING LA SHAM THABS MDZO KHAL GCIG ZAD, BUM PA MGO THOG TU BZHAG ,MI TSE THOS PA BYAS KYANG THAMS CAD LOG NAS YENG YENG BYAS PA GCIG YIN, BDE BA SKAD CIG KYANG MED, BDAG 'DZIN 'DI CUNG MGO NON NA CHOS GNYEN POR SONG BA YIN PAS BDE LHAN YONG , DE'I STENG DU SEMS CAN BLO PHUGS SU BCUG PA GCIG BYUNG NA THEG PA CHEN PO SHONG BA CHEN PO BYA BA YANG DE LA ZER, DE YANG LONG YOD SNYAM PAS MI YONG BAS DA LTA RANG NAS 'BUNG DGOS, MI 'DOD PA RANG LA LEN, 'DOD PA GZHAN LA GTONG NA BDAG 'DZIN THUL BA YIN, DES GZHI BYAS NAS 'DOD CHAGS ZHE SDANG LA SOGS PA GANG SHAS CHE RTAGS NAS DE KHO NA LA GTZO BOR SBYONG BA YIN, DE YANG KHA CIG RTAGS TE RTOGS PA TZAM GYI SPONG BA YANG YOD, KHA CIG RTOGS PA TZAM GYI SPONG BA'I NGES PA MED, GNYEN PO BSGOM PA'I DOD SPONG NAS YONG , KHYAD PAR DU BLA MA DANG GROGS POS RTOGS NAS 'ONG BAS RTOd DU BCUG PA YANG BYA STE, 'CHAD KA PAS SHA RA BRTOGS DU BCUG PAS MNYES PA'AM, LUGS SMAD PA SNE ZUR NA BZHUGS TZA NA GROGS PO RTOGS DU BCUG PAS RTOGS PA LTA BU YIN, DE LTAR SPYOD LAM RNAM BZHI DUS DANG GNAS SKABS THAMS CAD DU RANG GI RGYUD LA RANG GZHAN GYIS RTAGS TE, RTOGS NAS GNYEN PO DE KHO NA BRTEN, GZHAN YO DE'I BAR DU RE ZHIG BZHAG ,DE THUL NAS 'DUG SNYAM NA TSUL BZHEN MA YIN PA YID LA BYAS LA, YANG SKYE MI SKYE NYAMS SAD SKYE BA LTA NA DNGOS GZHI MA THOB PA YIN, PAS GNYEN PO BSGOM 'JUG YUL LAM RKYEN NGAN DANG 'PHRAD KYANG MI SKYE NA THUL PA YIN, DE THUL BA DANG SO CHAG 'OG NAS SE'U SKYE BSNYAM BYED KYANG BDE BLAG TU THUL 'ONG STE, GYAD STOBS PO CHE THUB NA GZHAN BDE BLAG TU THUB PA DANG 'DRA'O, ,DE @289 LTAR RAGS PA SNGON DU SBYANG BA'I TSUL YANG LAS DANG PO BAS RKYEN NGAN GYI GNAD RING LA YUL LAS 'BYOL BA DANG 'THAB NUS NA 'THAB PA YIN TE, MKHAS PAS LEGS PAR 'BROS PA'AM, ,MKHAS PAS LEGS PAR 'THAB PAR BYA, ,CES SO, ,YANG , BRTAN PA MA THOB BAR DU RKYEN NGAN GNOD, ,BRTAN PA THOB NAS RKYEN NGAN GROGS SU 'GYUR, ,ZHES PA LTAR RO, ,RKYEN NGAN GROGS SU 'GYUR BA GNYAL PA NGO SRAS KUN, ,NANG DU 'DZUGS RES YOD TZAN 'PHEL GSUNG BA DANG , STON PA SENG GE RGYAL MTSAN, GLANG RI THANG NA YOD TZAN SE BE RE LA SOGS BLO RTZA LEN PAS 'BYONGS STOBS CHE BA BYUNG BA LA DA LTA DE TZAM GYI RKYEN BLO RTZA LEN PA MED PAS DE TZAM 'BYONGS STOBS MA BYUNG ZHES PA LTA BU YANG YONG, KHA CIG RKYEN BYUNG NYID NAS NYAMS ZIN PA'I 'THAB DGOS TE, 'THAB DGOS TE, CANG AA BO KHRAS RTZE TZA NA KHYOD DA GTONG NA NGA 'DI GTONG ZER BA LTAR GANG LA GANG 'OS KYI GNYEN PO BRTEN NAS, BDAG NI BSREGS TE BSAD GYUR TAM, ,MA GO BO BCAD PAR GYUR KYANG SLA'I, ,RNAM PA KUN TU NYON MONGS PA'I, ,DGAR LA 'DUD PAR MI BYA'O, ,ZHES PA LTAR, GNYEN PO'I SRAN BCUG NAS BYED PA'O, , DGRA YIN RGYU YANG , (SPYOD 'JUG LAS) ZHE SDANG SRED SOGS DGRA RNAMS NI,, RKANG LAG LA SOGS YOD MIN LA, ,DPA' 'DZANGS MIN YANG JI ZHIG LTAR, ,'DI DAG GIS BDAG BRAN BZHIN BYAS, ,ZHES PA LA SOGS PA DANG , 'DOD CHAGS ZHE SDANG GTI MUG GSUM, ,SNYING GI NANG DU BKUG BYAS NAS, ,JAG PA RANG GI SEMS LA 'GYED, ,CHOM PO 'DI LAS CHEB MED, ,CES PA MANG DU BSAMS NAS BYED PA'O, ,GNYIS PA PHYOGS 'DZIN SPANG BA NI, PHYOGS SU 'DZIN PA THAMS CAD SPANG , ,ZHES PAS TE, YUL DUS RNAM PA NGES PA TZAM MA YIN TE, @290 PHYI NANG SNOD BCUD THAMS CAD DANG 'PHAGS PA DANG , SEMS CAN YID DU 'ONG BA DANG MI 'ONG BA THAMS CAD LA SBYONG BA'O, ,'BYONGS TZA NA, THAMS CAD LA MNYAM SKAD YONG BA CHOS NYID YIN NO, ,GSUM PA RE BA SPANG BA NI, 'BRAS BU RE BA THAMS CAD SPANG , ,ZHES BYA BA STE, 'DI BYAS PAS MI MA YIN GYI GNOD PA MI YONG DU RE BA DANG , GTAM SNYAN DU RE BA DANG , MKHAN SLOB LA SOGS PAS RTZER RE BA DANG , ZAS GOS LA SOGS PA 'DZOM DU RE BA DANG , GZHAN LA PHAN BTAGS DE'I LAN LA RE BA DANG , CHOS PA GSHA' MA YIN ZER DU RE BA DANG , THA NA SANGS RGYAS THUB TU RE BA GCIG BYUNG YANG , RJE BTZUN GYIS, RGYAL LA SOGS LA CHAGS PA PHRA, ,ZHES GSUNGS PAS 'DI PHYIS BSDUS PA'I RE LTOS GANG YANG MED PA GCIG SBYONG MA SHES NA, CHOS 'DI'I PHYOGS GCIG ZHA BA YIN PAS 'BRAS BU GANG LA YANG RE BA MED PAR SBYONG BA GAL CHE, TSE 'DI'I RE LTOS CAN GYI SPYIR CHOS TZAM DU YANG MI 'GRO, PHYI MA'I RE LTOS BYE BRAG TU BYANG CHUB SEMS DPA'I CHOS SU MI 'GRO BAS SO, ,RANG DON DU SANGS RGYAS 'DOD KYANG RANG SANGS RGYAS KYI RGYU YIN PAS SO, ,BZHI PA LTOS PA SPANG BA NI, RKYEN GZHAN DAG LA LTOS MI BYA, ,CES BYA BA STE, SPYIR THOS BSAM BSGOM GSUM CHOS SPYOD BCU THAMS CAD RKYEN GZHAN LA MI LTOS MI SRID, THAMS CAD RKYEN LA LTOS DGOS TE, ZAS GOS GNAS KHANG SGRUB ZAS NA SO LA SOGS PA'I MTHUN RKYEN TSANG BA DANG , DGRA 'DRE LA SOGS PA MED PA DGOS TE, BYANG PA SHES RAB 'BAR LA PO TO BAS CHOS BSAM DU BTUB PA MA GSUNGS PAS, ,LTO 'GRANGS, KHA NGOMS, GROGS POS BLO RTZA MA BLANGS TZA NA SRAG SRIG GTUB PAR SNANG ZER BA DANG , DGES DKOR SPYAN SNGA BA'I GRVA PAR, MA 'DZOMS YUL DU PHYIN LA 'DZOMS PA GCIG BYA SNYAM TZA NA, YAR @291 LUNGS SU PHYIN PAS 'DZOMS PA CIG MA BYUNG BAS RMONGS NAS MGO BAR 'DUG ,'KHOR BA BYA BA MA 'DZOMS PA'I MING DU 'DUG PA LA ZER BA DANG , 'KHUN KA MA BA'I DER MA 'DZOMS, GTZANG DU BYON NAS MTHUN RKYEN 'DZOMS PAS DGON MCHOG GI MCHOD PA DANG , RANG GI KHAMS GSO BA DANG BZANG DU BYAS SEMS PA LA SKYID CHEN PO BYUNG ZER BA DANG , KHA RAG PA'I SLOB MA KHAMS LOG PA LA 'BRI MAR GYI MAR KHU BTANG BAS 'BRI'I NU MA LA SGOM YOD PA DA LTA LAS CHA MED ZER BA DANG , 'KHO BO YANG KHO RANG DAG GI ZHABS KYI GNYER MA STON CING NGA'I 'DI TZUG SONG BA LA DA GRUB THOB MI 'BYUNG BA YIN GSUNGS PA DANG , GSHE STON BYANG 'BAR YANG GZHON PA 'KHUR BA DMAR THO LE BA MTHONG TZA NA, NGAS KHYOD LA PHAN THOGS PA CIG 'DUG CES DANG , RGAS KHOG PA MTHONG TZA NA, KHYOD SHAS MA LOG PAR SPYAD ZER NAS DA NGA'I 'DIR BSDAD KYANG PHAN PA MI YONG ZER BA DANG , KHA CIG DO CIG GROGS PO SEMS PA RIMS PA TSO GCIG DANG 'GROGS PAS BSAM DU BTUB PA BYUNG ZER BA DANG , KHA CIG GROGS PO TSO GCIG GI BLO RTZA BLANGS NAS MA BYUNG ZER BA YOD, KHA CIG BREL BAS MA BYUNG DAL NA YONG BAR SNANG ZER BA DANG , KHA CIG YENGS NAS MA BYUNG DBEN NA YONG ZER BA YOD, GNYAGS SENG GE GRAGS SHIG ,BKA' GDAMS PA LAM 'BRAS SGOM NA NGA'I CHOS MNGON PA'I BSTAN BCOS 'DI KUN KHONG DU MA CHUD PAR KHONG JI TZUG SGOM NAS LAS 'BRAS LAS 'BRAS ZER RAM GSUNGS PA LA 'DI LTA BU'I THOS PA LA SOGS PA'I RKYEN GANG LA YANG LTOS MI DGOS, 'DZOM NA DE NYID RGYU MTSAN DU BYAS NAS MA 'DZOM NA MA SDANG NA, BYAMS NA, LTOGS NA, 'KHYAGS NA, 'BYOR NA, RGUD NA, NA NA, MI NA NA, RGAN NA, GZHON NA, LTOGS NA, 'GRANGS NA, DGRAS GTZER NA, SPRANG 'GONG GI TSA RAGS RGYUGS NA, BLA MAS THUGS LA BTAGS NA, @292 MA BTAGS NA, GROGS POS RTZA BLANGS NA, DE DAG RGYU MTSAN DU BYAS NAS BSGOM PAS CHOG ,GLANG THANG GI GNYEN STON SHED TSA, NANG MI MANG PO MED PA LA DGE BSHES RIN PO CHE'I CHOS MTHUN RE LA DOD BYAS NAS SDAD ZER BA DANG , JO SRAS DANG SENG GE RGYAL GYI GTAM SNGAR GLENG BA LTAR YIN, ('GRO 'CHAG NYAL 'DUG,) SPYOD LAM THAMS CAD DU SBYANG BAS CHOG ,KHOM BREL THAMS CAD DU SBYANG BAS CHOG, 'DI LA MTHUN RKYEN SEMS KYI SNYING STOBS GCIG PUS CHOG ,SKYON DANG BCAS PA'I SEMS 'DI LA, ,YON TAN MANG PO GCIG MCHIS TE, ,GANG LTAR GOMS PA DE LTAR 'BYUNG BYA BA YIN PAS, GANG TZUG BYA BYAR BTUB, 'DI LAS ZIN KO MTHAS MED, GANG TZUG BSLAB BSLAB YIN, DE YANG PHYIS MI LA 'CHAD TZA NA DE SKAD ZER BA YIN SNYAM PA DES MI YONG , NGA RANG NYAMS SU BLANG SGOM SNYAM PA BYAS NA CHOS KYI BYIN RLABS GDOD YONG BA YIN, 'DI LA YANG NA LHA GSOL, YANG NA GZHOB MTHONG DU SBYONG BA CIG DGOS GSUNG, DE LTAR NA BZHI PO DE SPANG BAR BYA BA GTZO CHE BA YIN NO, ,GSUM PA BLANG BAR BYA BA LA GSUM STE, GANG NYAMS SU BLANG BA'I CHOS DANG , GANG GIS NYAMS SU LEN PA'I THABS DANG , JI LTAR BLANG BA'I TSUL LO, ,DANG PO NI, DA RES GTZO BO NYAMS SU BLANG , ,DON CHEN GANG YIN BLANG BAR BYA, ,CES BYA BA STE, THOG MA MED PA NAS PHA 'TSER RNYING PA LTA BU NGAN SONG GSUM DU 'KHYAMS PA YIN, DA RES BSOD NAMS 'GA' ZHIG GIS BSKAL PA BYE BA BRGYA STONG DU YANG RNYED DKA' BA'I DAL 'BYOR GYI LUS THOB PA'I DUS DA RES TSE 'DI'I DON BYED PA BAS PHYI MA PHAN CHAD KYI DON BYED PA GTZO, CHOS LA YANG BSHAD SGRUB GNYIS LAS BSGRUB PA GTZO, SGRUB PA YANG PHYI ROL GYA SPYOD TSUL LAS SEMS SBYONG BA GTZO BO YIN TE, BYANG CHUB SEMS DPA'I SPYOD PA DAG ,TSAD MED PAR NI GSUNGS PA LAS, ,SEMS SBYONG BA YI @293 SPYOD PA NI, ,NGES PAR DE SRID SPYAD PAR BYA, ,CES PA LTAR RO, ,SEMS SBYONG BA RNAMS KYI NANG NA YANG GTZO BO BYANG CHUB KYI SEMS YIN TE, THEG PA 'DI LA BYANG CHUB KYI, ,SEMS MCHOG YIN PAR BSTAN PAS NA, ,BYANG CHUB TU NI SEMS BSKYED NAS, ,'BAD PAS MNYAM PAR BZHAG PAR BYA,,CES PA LTAR RO, , BYANG CHUB KYI SEMS KYANG , BDAG GZHAN MNYAM PA BAS BRJE BA GTZO BO YIN TE, GANG ZHIG BDAG DANG GZHAN RNAMS NI, ,MYUR DU SKYABS PAR 'DOD PA DES, ,BDAG DANG GZHAN DU BRJE BYA BA, ,GSANG BA'I DAM PA SPYAD PAR BYA, ,CES PA LTAR RO,, DE YANG LUS NGAG TU BRJE LO BYED PA BAS KYANG RANG GIS NANG DU SBYANG BA GTZO, DE YANG LUNG RIGS KYI SKYE DBAR DU BCUG NAS SBYONG BABS BLA MA'I MAN NGAG LA BRTEN NAS AU TSUGS SU SBYONG BA GTZO, SPYOD LAM YANG 'GRO 'CHAG PAS MAL DU SBYONG BA GTZO BAS DE LTAR BSLAB PAR BYA'O, ,YANG THABS LA NYEN MI 'BYUNG BAR BYED PA, DON CHEN GANG YIN BLANG BAR BYA, ,CES PA NI, RAB TU BYUNG BAS RGYAL PO'AM KHYIM PA'I BYA BAR 'GRO BA'I DGE BA RJES CAN BYED PA STE, GSER 'BUM 'DRI BA DANG GTZUG LAG KHANG BZHENGS PA LA SOGS PA MANG PO CIG YOD DE, DE DAG BYAS PA TZAM GYIS BSLAB PA NYAMS NAS 'GRO ,DE DAG DANG 'GAL BAS ZHE SDANG SHA STAG BSOGS, DE'I RKYEN GYIS GZHAN LA GNOD PA MANG PO 'BYUNG, RANG GIS DBEN PA BSTEN PA DANG CHOS NYAMS SU LEN PA NYAMS NAS 'GRO, GROGS 'CHAL BA DANG , 'DRES KHYER RAM, DAM NYAMS LA SOGS PA GANG NA MA RUNGS PA RNAMS DANG 'GROGS DGOS, DE'I GZHIS SDE RTZOD LA SOGS PA THAMS CAD KYANG 'BYUNG, RANG GZHAN GYI LUS SROG GI BAR CHAD DU YANG 'GRO BA'I RGYU MANG BA YONG BAS DE LTA BU LA SOGS PA'I DGE BA RJES CAN GANG YANG MI BYA GSUNGS, 'O NA GANG BYA NA, RANG GI KHAS BLANGS PA'I BSLAB @294 PA DAG PAR BSRUNGS, DE DON CHE BA YIN, SDIG SBYANGS, NGAG BYIN GYIS BRLABS PA ZHU, DGE BA BYANG CHUB TU BSNGO, BLA MA BRGYUD PA DANG BCAS PA LA GSOL BA BTAB, LAM RIM BSGOM, BLA MA DANG DAM TSIG MA NYAMS PA BYA, BYAMS SNYING RJE BYANG CHUB KYI SEMS BSGOM, STONG PA DANG SNYING RJE ZUNG 'JUG TU BSGOM, YI DAM GYI SNYING PO BGRANG, DE RNAMS THAMS CAD SGRUB PA'I RTZA BA BLA MA RTAG TU BSGOM, GROGS BZANG PO DANG 'GROGS, LHA MCHOD PA LA SOGS PAS TSOGS BSAGS, SGRIB PA SBYANG, DE RNAMS LA 'BYUNG GSUNGS, DON DE RNAMS RGYUD TSOD MTHO DMAN MED PA SNGAGS PHA ROL TU PHYIN PA GANG GI SGOR ZHUGS PA YIN YANG RUNG, SGRUB PAR MI NUS PA MED PAS DON CHE BA YIN, GNYIS PA GANG GI NYAMS SU LEN PA'I THABS NI, DKA' BA GSUM LA BSLAB PAR BYA, ,DNGOS DANG YAN LAG GNYIS KAR SBYANGS, ,DRAG 'CHUN SPONG LEN DRAG TU BYA, ,CES BYA BA STE, DE LA DKA' BA GSUM NI, DANG PO DRAN PA DANG , BAR DU BZLOG PA DANG , THA MA RGYUN BCAD PAR DKA' BA'O, ,DE YANG DANG PO NI, GZHAN GYI BLO RTZA MA BLANGS, LTO 'GRANGS, KHA NGOMS PA'I DUS SU BTUB, LAB YONG BA BZHIN BYUNG YANG RKYEN NGAN DANG 'DOM THUG BYUNG TZA NA, GNYEN PO DRAN DKA' BA YIN GSUNGS, GNYEN PO DRAN PAR GYUR KYANG BAR DU BZLOG PAR DKA' STE, MID PA CHU HRIL YONG , DE TZA NA 'BUNG PA CIG DGOS TE BZLOG PAR DKA',LAN CIG BZLOG KYANG KHO'I RNAM 'GYUR MTHONG BA'AM, DRAN ZHING TSIG PA DKRUG DKRUG YONG BAS BZLOG PA DE YANG RGYAN BCAD PAR DKA' GSUNGS, DE LTAR YIN PA LA GNYEN PO SKYE LA RKYEN NGAN BYUNG TZA NA GNYEN PO DRAN PA, 'DI LA BDAG GIS ZHEN BYA ZHING, ,'KHON DU BZUNG LA G-YUL SPRAD DE, ,ZHES PA BZHIN BAR DU BZLOG PA DANG , THA MAR RGYUN GCOD @295 PA LA 'BAD DGOS, DE LTAR 'BYUNG BAR YANG GSOL BA GDAB, 'DI LA THE TSOM ZA BA CIG BYUNG YANG NAM ZHIG SKYE BA'I RGYUR 'GYUR, GROGS PO MTHUN PA GLENGS LANGS PAS NGES PA SKYE BA GCIG BYUNG YANG NAM ZHIG SKYE BA'I RGYUR 'GYUR, DA LO 'GA', ZLA BA 'GA' PO 'DI LA 'BAD NUS NA DKA' BA GSUM LAS THAR BAR 'GYUR BA YIN, NYIN PAR 'DI DRAN NA NYIN PAR BYANG CHUB SEMS DPAR BZHUGS, MTSAN MO DRAN NA MTSAN MOR BYANG CHUB SEMS DPAR BZHUGS PAS DRAN PAR BYA STE, MI MTHUN PA'I PHYOGS BZLOG LA RGYUN BCAD, SHES RAB CHEN 'DI LA BLO'I 'BRAL DANG , BRTZON 'GRUS CHEN 'DI LA SPO BA CI 'DUG BLTA, SGOM BZANG NA 'DIR MUGS KYI THENG MA THENG BLTA'O, ,YANG DNGOS DANG YAN LAG GNYIS KA SBYANGS, ZHES PA 'DI DNGOS SU BYED NA BDAG MED MAN CHAD 'DI'I YANG LAG TU BYED PA DANG , 'DI LAM GYI YAN LAG TU BYED NA NYON MONGS PA GANG BYED KYI GNYEN PO 'DIS BYED PA STE, ZAS GOS LA SOGS PA MA 'DZOM PA DANG , NAD DANG DGRAS RTZER BA DANG , NYON MONGS PA DRAG PO 'BAR BA LA SOGS MA BTUB PA BYUNG TSAD LA GNYEN PO 'DI LA 'BAD NAS, MI BDE BA GANG YANG MED PA GCIG MA BYUNG NA, CHOS 'DI YE MA BYUNG BA YIN NO, ,'DI BYUNG NA CI BYUNG YANG MI BDE BA GANG YANG MED PA GCIG YONG , 'DI BYANG SEMS 'BYONGS PA KHO NA LA DGOS BYA BA MIN, NYON MONGS PA DANG BDAG 'DZIN 'DUL BA LA SOGS PA NYAN RANG DANG THUN MONG BA GCIG KYANG YOD, 'DI TZAM GYIS MI YONG RANG LA 'PHYAR KA GTONG BA LA SOGS PA LA BKA' DRIN CHE, DGE BSHES YIN ZHES NGAG TU MI BRJOD, BSAM PA DE LTAR BSGOM SHING NYON MONGS PAR MA SHOR BAR BYED PA'O, ,DE YANG NGOS 'DZIN PAR BYAS NAS SPONG LUGS NI, DRAG 'CHUN SPONG LEN DRAG TU BYA, ,CES DANG , NYON MONGS LA BYED PA STE, CHOS THAMS CAD NYON @296 MONGS PA'I GNYEN POR SONG BA CIG DGOS, DA LTA THOS PA LA SAGS PA NGA LAS MKHAS PA MED CES PA LA SOGS PAR SONG BAS NYON MONGS PA NYON MONGS PA'I GROGS SU SONG BA DE GDON NGOS MA ZIN SNA LA YUG GAM AA KHU BYANG CHUB 'OD KYI AA PHYIS MIG LA NU MA SNUN PA DANG 'DRA BA YIN, DE BDAG 'DZIN GYI GZHI BYAS PA'I NYON MONGS PA 'DUL BA LA GNYEN POS DRAG 'CHUN CHER BYED PA'O, ,GSUM PA JI LTAR NYAMS SU BLANGS PA'I TSUL LA BZHI STE, TSE GCIG GI BYA BA DANG , NYIN GCIG GI KUN SPYOD DANG , THUG PHRAD LAM KHYER DANG , RKYEN NGAN GROGS BSGYUR RO, ,DE LA TSE GCIG GI BYA BA NI, STOBS LNGA DAG LA SBYANG BAR BYA, ,CES BYA BA NI, SKYE BA TSE GANG GI BYA BA 'DIS BYED PA STE, 'DI LA YANG SKYE BA TSE GANG DU BYA BA DANG , KHYAD PAR DU 'CHI KHA'I GDAMS NGAG TU BYA BA'I TSUL GNYIS LAS, TSE GANG DU BYA BA'I STOBS LNGA NI, MAN NGAG SNYING PO MDOR BSDUS PA, ,ZHES PA NI, STOBS LNGA DAG LA SBYANG BAR BYA, ,CES PA'I GONG 'DIR BCUG NAS 'BREL BA'ANG YOD, 'PHEN PA'I STOBS DANG , DKAR PO SA BON GYI STOBS DANG , SUN 'BYIN PA'I STOBS DANG , GOMS PA'I STOBS DANG , SMON LAM GYI STOBS SO, ,DE LA 'PHEN PA'I STOBS NI, DA NAS SANGS RGYAS KYI BAR DU BLO SBYONG DANG MI 'BRAL BAR BYA SNYAM PA DANG , TSE THUNG 'DI DANG , LO 'DI DANG , ZLA BA 'DI LA BLO SBYONG DANG MI 'BRAL BAR BYA SNYAM PA DANG , KHYAD PAR DU DE RING BDAG LA KHA ZER BA DANG , KHYAD PAR KHA GTONG BA LA SOGS PA GNOD CING CI BYUNG YANG BDAG GIS BDAG TU 'DZIN PA RNAMS THAMS CAD DU MA SHOR BAR THUL BAR BYA, THUL NAS KYANG PHYIS MI BTANG BAR BYA SNYAM DU 'PHEN PA GTONG BA STE, DPER NA NAM MA LANGS PAR SHING THU RU 'GRO SNYAM TZA NA GNYID SNGAR SAD NAS YONG BA DANG 'DRA, DE BZHIN DU 'PHEN PA'I STOBS KYIS @297 RKYEN NGAN DANG PHRAD PA DANG , GNYEN PO DRAN NAS YONG BA YIN, DKAR PO SA BON GYI STOBS NI, THUN MTSAMS SU YANG BLO SBYONG RGYUD LA MA SKYES PA SKYE BA DANG , SKYES PA GONG NAS GONG DU 'PHEL BA'I CHED DU TSOGS BSOG ,SGRIB PA SBYONG , BLA MA LA GSOL BA GDAB, CHOS SKYONG LA 'PHRIN LAS ZHU, THOS BSAM SGOM GSUM DANG CHOS SPYOD LA 'BAD NAS BSOD NAMS BSAGS NAS 'DI RGYUD LA SKYE BA'I DGE BA LA TSUL SNA TSOGS NAS 'BAD PA'O, ,SUN 'BYIN PA'I STOBS NI, BDAG TU 'DZIN PA SUN 'DON PA STE, 'KHOR BA THOG MA MED PA NAS SPYIR 'KHOR BA MTHA' MED, DGOS NGAN SONG GSUM DU 'KHYAMS TE, DE THAMS CAD BDAG GCES 'DZIN RANG BDE 'DOD PA 'DIS LAN PA YIN, TSE 'DI LA YANG MI 'DOD PA JI SNYED CIG 'BYUNG BA DANG , BZA' MI RNAmS 'GROGS MA SHES PA DANG , KHAS BLANGS GNAS SU MA 'KHROL BA THAMS CAD 'DIS LAN, MI RTAG PA NAS GNAS LUGS KYI BAR RGYUD LA SKYER MI 'DOD PA YANG 'DIS LAN, MKHAS PA, BTZUN PA, BZANG BA, THOS PA CHE BA, SGRUB PA RIM PA THAMS CAD NYON MONGS PA'I GNYEN POR MA SONG BAR GROGS SU SONG NAS NGA LAS MKHAS PA MED, NGA LAS BTZUN PA MED CES PA THAMS CAD BDAG 'DZIN MA THUL BAS LAN PA YIN, MI CHOS, LHA CHOS, GAR SONG , GANG MA MKHO BA, SANGS RGYAS BSGRUB KYANG NYAN RANG RGAN PO RE RE 'GRO BA'I BAR THAMS CAD BDAG TU 'DZIN PAS RANG RGYAL BA DANG GZHAN PHAM PAR 'DOD PAS LAN PA YIN PAS 'DI SUN 'DON, 'JIG RTEN DAG NA 'TSE BA GANG YOD DANG , ,ZHES PA'I DON BSAM, BDAG NI BSREGS TE BSAD GYUR TAM, ,ZHES PA LTAR GNYEN PO BSKYED PAR BYED PA'O, , GOMS PA'I STOBS NI, BDAG GZHAN BRJE BAR RGYUN DU GOMS PAR BYED PA STE, 'DI LA MOS PA DANG , 'DUN PA YUN RING BA DANG , DAR DRAGS PA DANG , BAR @298 MA CHAD PAR MA BSGOMS NA THOG MA MED PA NAS BDAG GCES PAR 'DZIN PA 'DOR MI NUS, GZHAN LA GCES 'DZIN MI 'BYUNG BAS RGYUN DU GOMS PAR BYA, 'DI GOMS NAS RGYUD LA SKYES NA CHOS THAMS CAD BDE BAR 'GRO BA'I TING NGE 'DZIN CES PA'AM, LHA BDE, KLU BDE, KUN BDE, RAB GANG BYA BA YONG BAS, 'JIG RTEN BDE BA 'DEBS PA STE, ,SMON LAM GYI STOBS NI, DGE BA CI BYAS KYI RJES DANG , GZHAN YANG DUS THAMS CAD DU BDAG 'DZIN THUL BA DANG , THUL NAS PHYIS MI LDANG BAR SMON LAM 'DEBS PA STE, 'GRO BA'I SDUG BSNGAL GANG CI'ANG RUNG , ,DE KUN BDAG LA SMIN GYUR CIG ,LA SOGS PA THEG PA CHEN PO'I MDO RGYUD BSTAN BCOS NA BZHUGS PA RNAMS SMON LAM DU 'DEBS PA, DE LTAR STOBS LNGA BO DE LA SBYANGS NA, TSE GCIG GI BYA BA THAMS CAD 'CHUN, BDAG GZHAN BRJE BA'I BYANG CHUB KYI SEMS SKYES NAS 'PHEL, DE LA BRTEN NAS YON TAN THAMS CAD 'BYUNG GSUNGS, KHYAD PAR 'CHI KA'I GDAMS NGAG TU BYED NA, THEG CHEN 'PHO BA'I GDAMS NGAG NI, ,STOBS LNGA NYID YIN SPYOD LAM GCES, ,ZHES 'BYUNG BAS DANG PO DKAR POS BON GYI STOBS RANG GI YO BYAD GANG YOD PA BLA MA DKON MCHOG LA SPONG DAG BYA, ZHEN PA SKYE BA'I MI LA SBYIN DU MI RUNG , SHUL DU YANG SDIG RKYEN DU MA 'GYUR TZAM GYI SHOM PAR BYA, MCHOD GNAS RNAMS LA MCHOD PA BZANG BAR DBUL, DRIN CAN LA NOR GYI DANG POR SBYIN DU MI RUNG , DE NAS TSE 'DI'I DNGOS PO GANG LA MA CHAGS SHING PHYI MAR MI 'JIGS PA'I BLO BSKYED, DE NAS SMON LAM GYI STOBS NI, MCHOD PA BSHAMS LA BSHAGS SDOM DANG BZOD GSOL BYA, SKYABS 'GRO LA SOGS PA'I SDOM KHRIMS GSO, DKON MCHOG LA MCHOD PA DANG , CHOS SKYONG LA GTOR MA PHUL LA, BYANG CHUB KYI SEMS GNYIS BAR @299 DO DANG PHYI MAR DRAN PA, CHOS 'DI STON PA'I BLA MA DANG MJAL (CHOS 'DI NYAMS SU LEN PA DANG BLO SBYONG , ) BA LA SOGS PA'I GSOL BA DANG SMON LAM GDAB GSUNGS, DE NAS SUN 'BYIN PA'I STOBS NI, THOG MA MED PA NAS DA LTA'I BAR DU SDUG BSNGAL DU BCUG PA BDAG 'DZIN 'DI YIN, DA DUNG YANG 'DI MA ZAD KYI BAR DU SDUG BSNGAL 'BA' ZHIG SBYOR BAS 'DI BRLAG TU GZHUG ,BRLAG RGYU DE YANG LUS LA BDAG TU BZUNG BAS LAN 'DUG PAS BAR DOR LUS YE MA BLANG BAR YAL DU GZHUG SNYAM PA DANG , DE LTAR BDAG TU 'DZIN MKHAN GYI SEMS CAN 'DI YANG NAM MKHA' LA YAL DU GZHUG SNYAM PAS BDAG 'DZIN SUN 'BYIN PA'O, ,DE NAS 'PHEN PA'I STOBS NI, BAR DOR CHOS 'DI DRAN PAR BYA'O SNYAM DU YANG NAS YANG DU 'DUN PA BTANG BAR BYA'O, , DE NAS GOMS PA'I STOBS NI, SNGAR NAS GOMS PAR BYAS PA KHYAD PAR DU DRAN PAR BYAS LA, SPYOD LAM GYI STOBS KYI 'PHO BA YIN PAS NGOS G-YAS PA PHAB, LAG PA G-YAS PA 'GRAM PA LA BRTEN PA'I MTHE'U CHUNG GIS SNA BUG G-YAS PA BKAG LA, G-YON NAS DBUGS RGYU BAR BYA'O, ,DBUGS PHYIR 'GRO NA'ANG 'GRO BA LA BRTEN NAS GTONG LEN GNYAS SBYANG , DE'I MOD LA DON DAM BYANG CHUB KYI SEMS 'CHI BA MED PAR DRAN PAR BYA, DE'I NGANG LA 'PHO BAR BYA'O, ,GNYIS PA ZHAG GCIG GI KUN SPYOD NI, RNAL 'BYOR THAMS CAD GCIG GIS BYA, ,CES BYA BA STE, ,CHOS GNAS ZAS KYI RNAL 'BYOR SOGS MANG DU BSHAD PA LA 'DIR ZAS GOS SPYOD LAM LA SOGS PA'I RNAL 'BYOR THAMS CAD 'DI GCIG PUS BYED PA'O, ,DE JI LTAR BYED CE NA, ZAS GOS LA SOGS PA 'DZOMS NA BDAG GI BDE BA 'DIS SEMS CAN BDE BA DANG LDAN PAR GYUR CIG ,MA 'DZOM NA SEMS CAN RNAMS KYI MA 'DZOM PA'I SDUG BSNGAL THAMS CAD BDAG LA SMIN PAR GYUR CIG SNYAM DU SGOM PA LA SOGS PA STE, @300 SPYOD LAM RNAM BZHIR DBANG PO DRUG GI SPYOD LAM THAMS CAD GTONG LEN GNYIS SU SBYONG BA SPYOD YUL YONGS SU DAG PA'I MDO'AM, DKON MCHOG SPRIN GYI MDO'AM, RJE BTZUN BYAMS PAS, RGYAL SRAS SPYOD TSE JI LTA JI LTA BUR, ,DBANG PO'I SPYOD YUL SNA TSOGS 'JUG GYUR PA, ,DE LTA DE LTAS RIGS PAS MTHUN TSIG GIS, ,SEMS CAN PHAN PHYIR DE MTHONG 'DU BYED GCES, ,ZHES PA LTAR SHES PAR BYAS NAS BYANG CHUB KYI SEMS SBYONG BA'I RNAL 'BYOR GYIS BYED PA'O, ,GSUM PA THUG PHRAD LAM KHYER NI, 'PHRAL LA GANG THUG BSGOM DU SBYAR, ,ZHES BYA BA NI, GLO BUR DU MI DANG MI MA YIN PA DANG DUD 'GRO DANG THUG PA BYUNG BA'AM, DBANG PO DRUG GI SPYOD YUL DU GYUR PA GANG LA THUG KYANG 'PHRAL 'PHRAL DU SBYONG BA STE, SKYID SDUG LA SOGS PA'I DUS THAMS CAD RANG YUL DANG MI YUL LA SOGS PA'I YUL THAMS CAD, GNAS GDON GRVA SA LA SOGS PA'I GNAS THAMS CAD DANG , 'GRO 'CHAG LA SOGS PA'I SPYOD LAM THAMS CAD MTHONG THOS LA SOGS PA'I DBANG PO'I YUL THAMS CAD LA'ANG 'DOD MI 'DOD GNYIS YOD PAR KHA TSON BCAD NAS 'DOD PA DE, SEMS CAN THAMS CAD GTONG MI 'DOD PA RANG LA LEN PAR SBYONG BA'O, ,DE YANG LTO 'GRANGS NYI MA DRO NA DPA' SPYOD KUN KYANG CHE ZER BA LTAR, MTHUN RKYEN 'DZOM NA BLA MAS KYANG AO LO AO CO BYAS, GROGS POS KYANG BLA RTZA BLANGS TZA NA BTUB RAB YONG STE, RKYEN NGAN DANG 'DOM THUG BYUNG BA'AM, LAS NGAN GYI 'BRAS BU TSAN PO CHE SMIN NAS SDOM PA SHOR STE, GZHAN GYI KHYI RO BZHIN TZOG PAR LTA BA'AM, MTHO RGOD 'BAR BA BYUNG NA GZHAN GYI SKYUG BRO BAR LTA, MTHONG TZAM RANG NA SNA BKAG NAS 'BROS KYIN BYUNG NAS BU SMAD DANG KHANG KHYIM LA SOGS PA THAMS CAD GZHAN RKYEN MA 'DZOM PA DANG , GTAM NGAN DANG BRNYAS PA LA SOGS PA CI BYUNG YANG , 'JIG RTEN GYI KHAMS NA 'DI @301 KHO NA 'DRA BA DPAG TU MED PA CIG YOD PAS DE RNAMS SNYING RE RJE SNYAM DU BSAMS LA, (DE LTAR BYUNG BA'I DUS,) DE DAG GI MI 'DOD PA THAMS CAD BDAG LA SMIN LA, SEMS CAN GYIS 'DI 'DRA BA'I SDUG BSNGAL MYONG BAR MA GYUR CIG SNYAM DU SEMS, RANG GI LUS LONGS SPYOD DANG DGE RTZA THAMS CAD GZHAN LA BTANG NAS SEMS CAN THAMS CAD BDE SKYID SNYAN GSUM DANG LDAN PAR BSAM, RANG LA TSE 'DI LA YANG JI 'DRA YONG MI SHES TE, (JI 'DRA YONG GI GDENG THOB MED PAS,) LAS JI 'DRA BSAGS MI SHES PAS SDUG BSNGAL RI SDIB PA BZHIN BYUNG YANG JI SNYAM YANG MI BYED PAR SDUG NA SDUG THEG CING CHOS MA 'CHOR BA, SKYID NA SKYID THEG CING CHOS MA 'CHOR BA GCIG DGOS, 'DI MED NA DBYAR RE DGUN RE'I BRANG ZLA RE RE GNYIS GNYIS PO YANG MTHUN PA MED, DGE SLONG YIN NA LAG BDE MI RNYED, DGE TSUL YIN NA SLOB DPON MI RNYED, DES CE LAN NA 'DI MED PAS LAN, RANG KHO NA MTHO DGA' DANG BZANG DGA' RGYAL RGYU BYUNG NA RE 'DOD PAS LAN GSUNGS, DER MA SONG BRANG ZLA RNYED TZAM PA'I BZOD PA RE SKYED DANG , TSE 'DI LA YANG 'DOD MKHAN MED PA 'DI LAS NYES PA CHE BA MI GDA' BA GZIt DANG , BDAG TU 'DZIN PA 'DI LA KO LONG GCIG SEL MA NUS NA RTA SGA RNGAS SU BCUG NA BDE MI SRID ZER BA LTAR GANG BYAS KYANG BDE BA MED, GANG LTAR BYAS KYANG MA BTUB PA 'DI MED PAS LAN, DE LTA MA BSGOMS NA MA 'ONGS PA NA YANG MI 'ONGS, 'DI LA MOS PA CHE BA DANG SGOM BZANG BA DANG , SNGAGS KYI NUS PA THON PA LA SOGS MI DGOS, KA KHA NGO MI SHES PAS KYANG BTUB, 'DI NYID DRAN PA'I DUS NYID NAS BLO LHOD SANG NGE BDE BA RGYAS NAS 'ONG , ,NYON MONGS PA'I GNYEN POR 'GRO BAS CHOS THAMS CAD LA BDE BAR 'GRO BA'I TING NGE 'DZIN ZHES PA'AM, DGRA 'AM 'ON TE MDZA' YANG RUNG , ,NYON MONGS SKYE BA'I YUL RNAMS NI, ,DGE BSHES YIN PAR SUS @302 MTHONG BA'I, ,MI DE GANG NA GNAS KYANG BDE, ,ZHES JO BOS BDE BA'I GLU LAS GSUNGS PA'AM, GANG NA GNAS KYANG GZHAL YAS KHANG , ,SU DANG 'GROGS KYANG YI DAM LHA, ,SEMS NI YE NAS CHOS KYI DBYINGS, ,BLA MAS GSAL BAR BYED PA TZAM, ,ZHES PA DE YANG GDOD CIG YONG , 'DI MED NA RIG PA DANG YON TAN CI BSLAB KYANG PHUNG 'DON DANG DUG POS SU CHA, DE YANG MID PA CHU HRIL GYI BYUNG BA'I DUS DE NYID DU DOL CHOD DU SBYANG DGOS, AEN CIG BZHAG PAS MI YONG , 'DI BYUNG NA MI GCIG PU LA CHOS GCIG PU, CHOS GCIG PO LA GO CHOD PA BYA BA DE 'BYUNG BA YIN, DE YANG DE TSOD DU KHRAL MA TZAM DU BYAS PAS MI YONG , SNYING LA ZUR DOD AA MA'I BU RGOD DU SKYES NAS KHYOD SHI SNYAM PAS NYON MONGS PA LA 'BUR 'DZINGS BYED PA CIG DGOS, SU DANG 'GROGS KYANG PHAM LEN, KHE GZHAN LA GTONG, 'JIG RTEN GYI CHOS 'DOD SHOS GZHAN LA GTONG, MI 'DOD SHOS RANG LA LEN NA RIN PO CHE GSER GLING DU PHYIN TZA NA, KHYI LA RDEG PA'I RDO MI RNYED PA BZHIN DU 'DOM THUG GANG BYUNG KYANG SANGS RGYAS KYI RGYUR CHAS BAS 'PHRAL LA GANG THUG BSGOM DU SONG BA YIN, 'DI MED NA THOS PA CHE BA DANG SGOM BZANG BA LA SOGS PA THAMS CAD NGA'I CHOS SU SONG , NGA'I MKHAR BU BRTZIGS NAS NGA LA SDANG ZHES PA LA SOGS PA DANG , NGA LAS MKHAS PA MED PA LA SOGS PAR 'GRO ,DE TZAN LI SGOM GZHON NU GRAt GSUNG PA'I NGA DANG LA GNYIS KYI SDUG TU BCUG GSUNG BA BZHIN DU 'GRO, DE TZA NA CHOS THAMS CAD 'GRAN DOS SU SONG NAS RANG KHO NA MTHO BRTZIG 'DOD PAS LAM DU MI 'GRO BA' STENG DU 'DA RANG NAS SDUG ,THAMS CAD LA GZHU MCHOG PHAB NAS 'PHAM BLANGS NA 'DI RANG NAS JE BDE CHA, DE YANG RING PO MI THOGS DRAN PA'I DUS NYID NAS 'ONG GSUNGS, BZHI PA RKYEN NGAN LAM DU BLANGS PA LA GSUM STE, SDUG @303 BSNGAL DANG , DUS NGAN DANG , MA 'DZOM PA LAM DU BLANGS PA'O, ,DE LA SDUG BSNGAL LAM DU BLANGS PA NI, GNYIS PO TSANG NAS THAMS CAD BLANG , ,ZHES BYA BA STE, SDUG BSNGAL DANG KUN 'BYUNG GNYIS KYIS NYAMS THAG NA, 'DI LTA BU'I SKABS SU CHOS GANG 'ONG ZHES DANG , 'KHUN CING YI MUG SDOD PA MA YIN TE, DE'I STENG DU SEMS CAN GZHAN GYI YANG LEN PA'O, ,DE YANG RANG GI SDUG BSNGAL YANG RGAS PAS SBYOR MI BZOD PA DANG , DGRA 'DRE'I NAD KYIS MNAR BA DANG , NOR DANG NYE DU'I PHUNG GYOD LA SOGS PA BRJOD KYIS MI LANG BA ZHIG YOD, ZHANG BTZUN CHUNG 'CHIMS PA SPUN GNYIS GTZANG DU SLOB GNYER LA PHYIN PAS GNYIS KA LOG PAS ZHAG GCIG LAS BAR DU MA ZHUGS PAR SHI BA DANG , SPUN ZLA GCIG YAR LUNGS SU LUS PA DE LTA BU'I SDUG BSNGAL DANG , RANG RGYUD LA ZHE SDANG DRAG PO SKYES PA LA SOt PA NYON MONGS PAS GZIR BA'I TSE RANG GI NYAMS LA DPAG NAS (SBYANGS NA BLO SBYONG BLO'I GTING DU PHYIN PA CIG YANG , DE LTAR MA SBYANGS NA KHA BSHUS PA CIG LAS MI 'ONG GSUNGS,) DE LTA BU DANG LDAN PA'I SEMS CAN LA BYAMS SNYING RJE BSAM NAS BDAG LA DE DAG GI SDUG BSNGAL DANG KUN 'BYUNG MA LUS PAR LEN PA'O, ,'DI LA THOS PA CHE BA LA SOGS PA MI DGOS, GANG DGOS NA SNYING STOBS PHUN SUM TSOGS PA CIG DGOS, (SNYING LA ZUR DOD PO CIG DGOS,) DE YANG DA LTA RANG DU BYAS NA BTUB PA YIN, RGYUG THAG RING PO'I PHYI MA LTA BUS MI YONG , DKAR NA ZHO DANG , DMAR NA KHRAG BYAS, NYON MONGS DANG SDUG BSNGAL NAM SKYES KYI DUS SU NYAMS LEN GYIS SLEBS NAS BDE MAL GYIS 'GRO BA CIG BYUNG NA CHOS BYUNG BA YIN, MING 'PHAGS PAR BTAGS, DGE SBYOR SDUD PA TSAR RE MED PA DE MU STEGS PAS KYANG THU BA YIN, GNYIS PA DUS NGAN LAM DU BLANGS PA NI, SNYIGS MA LNGA PO BDO BA 'DI, ,BYANG CHUB LAM DU @304 BSGYUR BAR BYA, ,CES BYA BA NI, DA LTA LNGA BRGYA THA MA'I SEMS CAN, DUS, TSE; NYON MONGS, LTA BA SNYIGS MAR GYUR PA'I DUS 'DIR BYANG CHUB SGRUB PA LA SOGS PA'I CHOS DKA' BA'I DUS 'DIR MI 'DOD PA SHA STAG 'BYUNG BA LA DE THAMS CAD BYANG CHUB KYI LAM DU BSGYUR BA'I CHOS BLO SBYONG 'DI YIN PAS, GANG NA MA BTUB PA RGYU MTSAN DU BYAS NAS BYANG CHUB KYI LAM DU BSGYUR BA'O, ,DE YANG BDAG GZHAN PA RJE BA'I BYANG CHUB KYI SEMS MA SKYES PA SKYE BA DANG , SKYES PA GONG NAS GONG DU 'PHEL BAR BYA BA'I PHYIR KUN GYIS RANG BA'I RGYU DGU BSTEN ZHES PA LTAR, BLA MA CHOS 'DI LTA BU STON PA BSTEN, GROGS PO 'DI SGOM PA DANG 'GROGS, CHOS 'DI STON PA MNYAN, DE'I BGEGS SGRIB PA SBYANGS, MTHUN RKYEN TSOGS BSAGS, GSOL BA GDAB, CHOS SKYONG LA 'PHRIN LAS ZHU, 'DI RGYUD LA SKYES MA SKYES KYI NYES PA BSAM, RNAM RTOG NGO SHES PAS GNOD PA MED PA RKUN MNGO SHES PA'I NYAMS ZER BA BZHIN DU RANG LA NYON MONGS RAM RAM BYUNG TZA NA, NYON MONGS PA DANG PO'I RTZA BA BDAG 'DZIN DE DGRAR NGO SHES NA, ZHI BAR 'GYUR RO, ,'DI LAN CIG DRAN PA DANG , MOS PA LAN CIG BYUNG BA DANG , LAN CIG SPRO BSKYED PAS KYANG GNYEN POR 'GRO'O, ,BRGYAR 'GROGS KYANG SGOM RGYU 'DI LAS YE MED, SNYING PHYUNG YANG DMAR PO LDER LDER PO GCIG LA MED GSUNGS, GSUM PA MA 'DZOM PA LAM DU BLANGS PA NI, RGYU YI GTZO BO RNAM GSUM BLANG, ,ZHES BYA BA STE, CHOS BYED PA LA RGYU'I GTZO BO GSUM YOD DE, NYE PAR LEN PA'I DBANG DU BYAS NA, DAD PA DANG BRTZON 'GRUS LA SOGS PA PHUN SUM TSOGS PA YOD PAS MI RTAG PA NAS GNAS LUGS KYI BAR JI LTAR BSAM PA BZHIN DU SKYE BA'I BLO BKOL DU BTUB PA DANG , LHAN CIG BYED PA'I RKYEN GYI DBANG DU BYAS NA, YANG DAG PA'I DGE BA'I BSHES GNYEN @305 MTSAN NYID DANG LDAN PA, SLOB MA'I RTOGS PA SPEL BA'I GDAMS NGAG LA MA TSANG BA MED PA, RTOGS PA DANG LDAN PA, MI BAR KHYIS MA CHOD PA GCIG GI THUGS LA 'DOGS PA DANG , DE NAS ZAS GOS LA SOGS PA'I MTHUN RKYEN LOG 'TSOS MA BSGRUB PA, SU LA YANG RAG MA LAS BAR 'DZOMS PA GSUM TSANG NA, SANGS RGYAS BSGRUB PA LA TSOGS MED PA JO BO DANG , DGE BSHES STON PA 'DZOMS PA LTA BU GCIG YOD PA LA DA LTA DE GSUM 'DZOMS PA TZAM MED DE, LA LA'I GANG YANG MA 'DZOMS, LUNG LUNG GI GANG YANG MA 'DZOMS, PHAL CHE BA'I GSUM KA LA MA 'DZOM PAS, RANG NYAMS LA DPAGS NAS BYAMS BRTZES KUN NAS BLANGS NAS SEMS CAN GYI DE GSUM YANG RANG LA LEN, YANG GZHAN RANG LA CHOS MNYAM POR 'GROGS NAS MNYAN PA LA MI DGE BA DANG , SDOM KHRIMS MNYAM POR BLANGS NAS MA THUB PA DANG , SGOM LUNG MNYAM POR NOS PA LA SNGAR SGOM MA MYONG, DA LTA BSGOMS MI SRID, PHYIN CHAD BSGOM PAR MI 'GYUR BA 'DI TZAM PA'I THU BA MED DE, DE THAMS CAD LEN PA'O, , DE RNAMS RGYU DE GSUM DANG LDAN NAS SANGS RGYAS PAR SEMS PA'O, ,DE LTAR SHES PAR BYA BA LA SOGS PA GSUM GYI DNGOS GZHI SONG NAS, DE RJES NI, YID BDE 'BA' ZHIG RGYUN DU BSTEN, ,ZHES BYA BA STE, DER BLO SBYONG BA'I CHOS KYI RO MYONG BAR BYAS, RKYEN NGAN CI BYUNG RANG BLO SBYONG SGOM PAS CHOG SNYAM NAS BLO MI BDE BAR MED PAR BYA BA'O, RNYED MI RNYED LA SOGS PA DGRA BCOM PA LA YANG YOD, DGRA BCOM PA LA MDZE BYUNG BA DANG , LTOGS NAS SHI BA DANG , GTAM NGAN GYIS PHOG PA LA SOGS PA MANG PO BSHAD DE, SEMS LA MI DGA' BA MED, SO SO SKYE BO YID MI BDE BA'I RANG BZHIN DU 'DUG PA YIN, DA LTA YANG SO SKYER SONG BAS 'KHOR DANG ZANG ZING 'DOD PA DANG , BDAG 'DZIN YE MI YONG BYA BA DKA', DGA' MI DGA' MED PA @306 CIG DGOS, JO BO'I ZHAL NAS, 'DU TI BABS PA 'TSANG MI CHE, NA BA 'TSANG CHE BA GSUNGS PA LTAR BLO SBYONG BA LA MI 'DOD PA 'BYUNG BA 'TSANG MI CHE, MI DGA' BA BYUNG BA 'TSANG CHE BA YIN, SHA PO BA SHES NGED KYI DGE BSHES THUGS MA BDE ZER BA 'DI TZAM SKUR BA CHE BA MED GSUNGS PA LTAR YIN, 'JIG RTEN PA'I CHOS 'DOD MI 'DOD BZHI BZHI'I MI 'DOD PA'I CHOS BZHI LA 'DOD THOG TU BLO SBYANGS NA THAMS CAD 'DOD PA'I CHOS SHA STAG TU SONG NAS, 'PHRANG DANG BGEGS CI BYUNG YANG BLO MI BDE BAR MI 'GYUR NA MNYAM GZHAG TU GTONG LEN SGOM PA'I RTOGS PA RJES KYI GTAN LA PHAB PA YIN, BYANG CHUB SEMS KYI RTA ZHON PA, ,BDE NAS BDE BAR 'GRO BA LA,, ZHES PA'I DON YANG YIN, LHA BZHIN PHUN SUM TSOGS PAS KYANG , ,KHENGS PAR YANG NI ME BGYI STE, ,YI DVAGS BZHIN DU RGUD PAS KYANG , ,ZHUM PA NYID DU MI BGYI 'TSAL, ,ZHES DANG , BSTOD PAS MGU BAR MI 'GYUR ZHING , ,SMAD PAS 'KHRUGS PAR MI 'GYUR BA, ,'DI NI DAM PA'I CHOS NYID DO, ,CES GSUNGS PA LTAR GO BGOS SO, ,TSUL KHRIMS DANG BLA MA'I DAM TSIG LA GZHI BYAS NAS 'DI SEMS PA SKAD CIG KYANG YENGS MED DU DGOS, DE 'DRA BA CIG MA BYUNG NA CHOS MED PA DANG TSUL CHOS MKHAN YIN PAS NGAS CHOS MA BYUNG , TSUL CHOS YUN RING DU BYAS PA LA, 'O 'DOD BOD LO, MDOR NA MI 'DOD PA CI BYUNG YANG MI DGA' BA MED PAR BLO SBYONG GI GROGS SU 'GRO BAR SLOB CING , RKYEN NGAN CI BYUNG YANG BDE BAR GNAS NAS NYAMS SU BLANGS PA'I RJES MNYAM BZHAG GIS RO MYONG BAR BYA BA YIN NO, ,BLO SBYANG MI NYAMS PA'I THABS LA GSUM STE, GZHAN LA BRTEN PA DANG , RANG LA BRTEN PA DANG , GNYIS KA LA BRTEN PA'O, ,DANG PO LA GSUM STE, YUL DANG , BSAM PA DANG , SBYOR BA LA BRTEN PA'O,, @307 DANG PO YUL LA BRTEN PA NI, BKOL BA RNAMS LA RTAG TU SBYANGS, ,ZHES BYA BA STE, SPYIR YONG BA SNYAM BYED KYANG 'DI RNAMS LA MA BYUNG NA NYAMS NAS 'GRO NGAS 'DI DAG LA RTAG TU SGOM PAR BYA BA'I BKOL BA LNGA YIN TE, DANG PO RANG LA DRIN CHE BA'I MKHAN SLOB DANG PHA MA LA SOGS PA LA SDIG PA BSAGS NA TSE 'DIR GRAd PA NGAN PA 'BYUNG , , DE TZAM NA BLO SBYONG BA LA DGOS PA MED PAR 'GRO BAS DRIN CAN LA KHYAD PAR DU BSGOM, GNYIS PA GCIG TU 'DUG PA'I BRANG GROGS PO 'DU TSOGS STABS SU BYED CING , BSRE SLAD CHE BA'I RIGS RNAMS LA TSIG MTHO DMAN LA SOGS PA 'CHOR BAS RTAG TU BKOL LA BSGOM, GSUM PA RANG DANG 'GRAN DGOS SU 'DUG PA STE, MI CHOS KYI PHA SPUN LA SOGS PA DANG , LHA CHOS KYI CHOS GROGS LA SOGS PA RNAMS LA RTAG TU BKOL LA BSGOM, DE MA BYUNG NA CHOS CI TZAM BYAS KYANG RGYA MTSOR MCHIL MA SKYUR BA BZHIN CAD MED DU 'GRO, GROGS PO'I MING BYANG BRIS NAS STAN THOG TU RTZAMS PA BYUNG BA DANG , GROGS PO BAB PA LA NGAN PA DE SKYA ZHAL SONG NAS SNYING TSIM ZER BA LTA BU LA BLO SBYONG GI GNAS MED, DGE SBYONG SPYI'I CHOS TZAM YANG MI YONG BAS BKOL ZHING SPYOD PA GAL CHE, BZHI PA CHUR LA GNAG PA'I RIGS TE, PHAR LA GNOD PA CI YANG MA BYAS KYANG TSUR LA GNAG PA'I RIGS SKYE BA SNGA MA'I SHA 'KHON GYI BYUNG BA YAD DE, DE LA ZHE SDANG GI BLO RDOL NA SNYING RJE'I THAG PA 'CHAD ZER BA LTAR YOD PAS BKOL LA RTAG TU BSGOM, LNGA PA TSUR LA CI YANG MA BYAS KYANG PHAR LA THAMS CAD KYI YID DU MI YONG BA'I RIGS YOD DE, GTZANG DU BAN DE GCIG LA 'DI DANG PO NAS SNYING DU MA SDUG CES DANG , SKYID SMAD DU 'DI LAS SNYING DU MA SDUG MA BYUNG ZHES DED PA LTA BU YONG BAS DE DAG GI SDIG SDUG TSUR BLANGS NAS RANG GI DGE BA DE DAG LA GTONG BA'O, ,'DIS GTZANG MAR GTANG BA YANG DKA', DGE BSHES KUN YANG RANG @308 GIS PHAN LA GZHAN GYIS MI PHAN NA DGA' BA DANG , MI SKYA KUN 'DI SHI NA MKHAR SPE YONG BA RE BA LAS MED PA LA, BAN DE KUN LA 'DI SHI NA YUL KHAMS 'DI COG GE THAB SNYAM PA YONG BA YIN, 'DI DAG LA BKOL NAS MA BSGOMS NA, RTZA BA CHOD PA MI TSOR BA, PHU CHUNG BA'I GSUNG LTAR RTAG TU BSAM PA GAL CHE'O, ,GNYIS PA BSAM PA LA BRTEN PA NI, GZHAN PHYOGS CI YANG MI BSAM MO, ,ZHES BYA BA STE, SPYIR SEMS CAN THAMS CAD, KHYAD PAR CHOS SGOR ZHUGS PA, YANG DGOS KYI RANG GI GROGS RNAMS KYI MI CHOS LHA CHOS GANG GI YANG SKYON MI BSAM, MI BRJOD, SKYON MTHONG YANG RANG GI SKYON DANG 'KHRUL BAR SHES PAR BYA'O, ,GSUM PA SBYOR BA LA BRTEN PA NI, YAN LAG NYAMS PA BRJOD MI BYA, ,CES BYA BA STA, 'JIG RTEN GYI DBANG DU BYAS NA THENG PO, ZHAR BA LA SOGS PA DANG , 'DAS PA'I RMONGS PA, 'CHAL BA, DAM NYAMS LA SOGS PA BRJOD NA, BLO SBYONG LA SOGS PA YANG YONG MI SRID, 'DI LA MDUNG KHA BYED ZER BA'AM, NYES PA GLING DRAN BYED PA YANG DA YE MI YONG BAS YONG , GNYIS PA RANG LA BRTEN PA LA GNYIS TE; BSAM PA LA BRTEN PA DANG , SBYOR BA LA BRTEN PA'O, ,DANG PO NI, RGYU MTSAN THAMS CAD GZHOM PAR BYA, ,CES PA STE, GANG ZAG 'DIS NGA LA MI RIGS PA 'DI LTAR BYAS SNYAM PA LA SOGS PA'I RGYU MTSAN BLO SBYONG NYAMS PAR BYED PAS MI LEGS PA'I BSAM PA THAMS CAD SPANG BAR BYA'O, ,GNYIS PA SBYOR LA BRTEN PA NI, GNYIS PO GANG BYUNG BZOD PAR BYA, ,CES BYA BA STE, PHUN SUM TSOGS PA DANG RGUD PA GANG BYUNG YANG BZOD PA MED NA CHOS GTANG DGOS YOD PAS DE GNYIS THEG PA GCIG DGOS, GLO BUR DU PHUN SUM TSOGS PA BYUNG NA DA YONG NGAS CI YANG GRUB, NGA'I GONG NA MI MED SNYAM NAS GYON CHINGS SDUMS, GTZUG @309 LAG KHANG BZHENGS PA LA SOGS PA CI YANG BYED DU YONG , RAM PO'I PADMO SNUM PA YOD PAS CI MA DRAN GSUNGS, KHA CIG 'KHOR DANG BSNYEN BKUR BYUNG BA NA DREGS NAS GZHAN LA BRNYAS PA DANG DRAN TSAD BYED PA YONG STE, PHUN SUM TSOGS PA MA BZOD PA YIN PAS PHUN SUM TSOGS PAS DREGS PA DANG CHAGS PAR MI BYA, CHOS BRGYAD KYI DBANG DU MA SHOR BAR BYAS LA, CHOS KYI GROGS SU DGYOR, BSOD NAMS SKYES TZA NA BKUM PA GAL CHE GSUNGS, YANG RGUD NAS DBUL POR GYUR TE, 'OG NAS CHU MI 'BAB PA BYUNG NA NGA LA 'DI 'DRA YANG BYA SNYAM DU YI MUG PA DANG SPO SHI NAS DGE SBYOR MI NUS PA DANG , 'DI TZUG 'DUG PA LA CHOS GANG NAS 'ONG ZER NAS PHONGS PAR GYUR NAS SDIG PA NGANG GI 'PHEL ZHES PA LTAR CHOS 'CHOR DGOS YOD PAS DE MA BZOD PA YIN PAS MTHO RIS DANG , NGAN SONG GI MTHO DMAN DANG SKYID SDUG LA LTOS NAS MO'I SKYID SDUG GI BAR NA KHYAD PO CHE MI 'DUG ,PHYIR LA G-YENG BA MED PAS DGE SBYOR 'PHEL SNYAM DU BSAM STE, SKYID SDUG GNYIS KA BZOD PA GLANG RI THANG PA LTA BU GCIG DGOS, DE GNYIS GANG BYUNG YANG 'DI'I DUS SU CHOS MI BYED NA NAM BYED SNYAM DU BSAM NAS ME 'BAR BA LA SHING BSNAN PA LTAR GROGS SU 'GRO BA GCIG DGOS, ,LHA BZHIN PHUN SUM TSOGS PAS KYANG, ,KHENGS PA NYID DU MI BGYI STE, ,YI DAGS BZHIN DU RGUD PAS KYANG, ,ZHUM PA NYID DU MI BGYI 'TSAL,, ZHES PA LTAR YIN NO, ,GNYIS KA LA BRTEN PA NI, NYAMS SU BLANG BA SLA BAR BSLAB, ,LOG NOD THAMS CAD GCIG GIS BYA, ,CES BYA BA 'DI LTA BU NYAMS SU BLANGS PAR MI NUS PAR 'DUG SNYAM NA, 'DAR BAR 'GYUR BAS DE'I GNYEN PO LUS NGAG GI DKA' BA SNA GCIG KYANG MI DGOS, SBYOR BA THAMS CAD BSAM PAS SBYANGS PAS CHOG ,NANG MA GCIG GI LTO YANG BCAS MI DGOS PAS SLA'O,, @310 CHOS GZHAN LA SGRUB PA'I GNAS GROGS LA SOGS PA DU MA DGOS, 'DIR DE LTA BU LA SKYID SDUG LA SOGS PA GANG LA YANG MI LTOS PAS SO, ,'DI SBYONG MI 'DOD PA DANG , (SKYID SDUG RANG 'DZOM MA 'DZOMS LA SOGS PA'I RKYEN GANG BYUNG BA DE NYAD NYAMS SU LEN PA'I MTHUN RKYEN BYAS NAS NYAM MA SU BLANGS PAS CHOG PAS NYAMS SU BLANGS PA SHIN TU SLA'O,) SBYANGS KYANG MI SKYE BA DANG SKYE BA MED PA LA SOGS PA RGYU MTSAN GANG GIS KYANG SNGA MA LTAR LEN PA'O, ,GSUM PA 'PHEL PA'I RKYEN LA GSUM STE, MI NYAMS PA'I SPYOD PA DANG , PHYOGS MED DU SBYANG BA'O, ,DANG PA NI 'BRAL MED GSUM DANG LDAN PAR BYA, ,CES BYA BA NI, KHO BO THEG PA CHEN PO YIN ZER NAS BYA RGYU CI (GTONG LEN BSGOM TE LOG NON BYED PA'O,) YANG MED PA MA YIN GYI, LUS BSKOR BA DANG PHYAG 'TSAL BA DANG , BLA MA DANG DKON MCHOG GI ZHABS TOG DANG MI 'BRAL BA DANG , NGAG SKYABS 'GRO DANG BZLAS BRJOD MDO 'DON PA LA SOGS PA DANG MI 'BRAL BA DANG , YID KYI BLO SBYONG BSGOM PA DANG MI 'BRAL BA'O, ,YID KYI 'DI BSGOM ZHING BZLAS PA BYED PA NI GNYID DU MI 'GRO, DES MKHAR BA BYAS NAS CHOS BSAM DU BTUB PA YIN GSUNG, YANG NYES LTUNG BSHAGS MI DGOS, GZHAN GYI YANG LEN PA LA DE 'DOD THOG ZER BA MIN, GZHAN GYI LEN PA LA YANG RANG GI PHRA MO NAS YOD PA CIG DGOS, YID RNAM PAR RTOG PA NGAN PA GANG SKYES PA 'PHRAL LA 'JOMS PA'I SNYING STOBS DANG LDAN PA GCIG DGOS, DPER NA MU STEt KYI MTHU BYED PA LA THA THOR SROG CHAGS GANG BYUNG BA GSOD PA DANG 'DRA, RNAM RTOG GANG SKYES SKYES LA BYA'O, ,DE LTAR SGO GSUM DGE BA LA 'BAD PAS ME 'BAR BA LA SHING BSNAN PA LTAR BLO SBYONG GONG NAS GONG DU 'PHEL BAR 'GYUR RO, ,GNYAS PA MI NYAMS PA'I SPYOD PA NI, NYAMS PA MED PA RNAM GSUM BSGOM, ,ZHES BYA BA @311 STE; BLA MA LA GUS SEMS MA NYAMS PA DANG , BLO SBYONG LA SPRO DGA' MA NYAMS PA DANG , BSLAB PA LA BAG YOD MA NYAMS PA GSUM GYI BLO SBYONG GONG NAS GONG DU 'PHEL BAR RO, ,DE LA THEG PA CHEN PO'I YON TAN THAMS CAD BLA MAR DAD GUS LA RAG LUS PA, BLA MA LA SANGS RGYAS DONGS KYI 'DU SHES NYE BAR BZHAG LA, DUS THAMS CAD DU GUS PA MA NYAMS PAR BYA'O, ,GUS SEMS NYAMS NA LTAG CHU CHAD BA'I RDZING BZHIN DU 'GRO, YUR BA 'DOM GANG GI BYED PA LTAR, BLA MA'I MAN NGAG GCIG LA DAD GUS NYAMS KYANG RANG GI RGYUD LA YE SHES KYI CHU MI 'BAB, DAD GUS NYAMS PAS DAM TSIG NYAMS BYA BA KHO NA MIN TE, RANG RGYUD LA YON TAN SKYE 'PHRO 'CHAD PAS DAM TSIG NYAMS PA DANG 'DRA, 'DI LA BTUB TSAD KYIS BGYI YID KYIS MI YONG , BRTZE CHUNG LAS SNYAL NAS BYED PA GCIG DGOS, BLA MAR MA ZAD SU DANG 'GROGS KYANG GUS PA MA NYAMS PA GCIG DGOS TE, SU DANG 'GROGS KYANG NGAN SHES BYA, ,SPRANG PO'I BU BZHIN DMA' SA BZUNG , ,ZHES BA LTAR BSGOM PA YIN GSUNGS, DE YANG DAD GUS BYA SNYAM PA GCIG GIS MI YONG , DAD GUS BYAS PA DANG , MA BYAS PA NI PHAN YON DANG NYES PA BSAMS NAS GROGS MTHO DMAN MED PA KUN LA GUS PAR BYA, SU DANG YANG 'GROGS MI SHES LAG SDE MI RNYED PA THAMS CAD GROGS LA DAD GUS MED PAS LAN PA YIN, THEG CHEN GYI CHOS THAMS CAD GROGS LA BRTEN NAS NYAMS PAR GSUNGS PA YIN PAS GUS PA GAL CHE'O, ,BLO SBYONG LA SPRO DGA' MA NYAMS (SPRO BA NYAMS NA SKYE MI SRID PAS SPRO SEMS MA NYAMS PA GCIG DGOS,) PA NI, THEG PA CHEN PO'I YANG SNYING SANGS RGYAS KYI SA BON DRUNG PA YIN SNYAM PA BYAS NAS CHOS GANG DANG YANG MI SNYOMS PAR NYAMS SU (SPRO DGA' DANG BYAS NAS,) LEN PA'AM, ,DE YANG SPRO BAR BYA SNYAM PA (THA NA KHYI @312 GCIG DANG 'GROGS KYANG 'DI LA DAD GUS BSGOMS, MA BSGOMS NA CHOS YONG MI SRID,) TZAM GYIS MI YONG , PHAN YON DANG NYES DMIG BSAMS NAS 'JUG PA GCIG DGOS, DA LTA DANG PO MI 'DZIN, BZUNG YANG BRJED DU 'JUG ,MA BRJED KYANG SEMS SNYING MI 'DOD PA 'DI LA SBRO BA MED PAS LAN PA YIN PAS, DUS THAMS CAD DU SPRO BAS 'JUG PA CIG DGOS GSUNGS, BSLAB PA LA BAG YOD MA NYAMS PA NI, SKYABS 'GRO NAS BZUNG STE BSNYEN GNAS, DGE TSUL, DGE SLONG , SMON 'JUG DBANG GI BAR RANG GI GANG DANG GANG KHAS BLANGS PA'I SDOM KHRIMS LA SKAD CIG KYANG GLOD PA'I SKABS MED, DA LTA BSLAB PA GSHA' MAR SONG BA LA CHOS BYUNGS KYANG MI SKYE BA 'DUG PA 'DI BAG YOD NYAMS NAS GZHI RTZA CHAD PA YIN PAS, CHOS GANG BYAS KYANG MI YONG , 'DI BSHA' MA MED PAR RNAL 'BYOR PA'I RTZAR PHYIN, DE NAS CHANG GI THEM BU SKYE RE BYAS NAS KHYIM PA KUN NGED LA BSGOM CHEN BZANG PO GCIG YOD ZER NAS LOG LTA LA BKOD DE DMYAL BAR SKYUR BA 'DI BAG YOD DGOS, DE LA BRTEN 'DRES BYED PA'I GROGS PO KHO NA YANG GAL CHE, DE TZAM GYI MI GNOD ZER BA DANG , SKU KHAMS CHE BA DANG , 'DI GLING SNYING MI 'DOD PA DANG 'GROGS NA MI NYAMS MI SRID, GTZANG DU BKA' GDAMS PA GCIG DANG MTSAN NYID PA GCIG 'GROt PHYIN PAS, MTSAN NYID PA RME SHON RTZE BA LA BKA' GDAMS PA DE DANG PO MI MGU, ,PHYIS KHO RANG YANG NGA KHA CIG DANG SKOM NA ZER NAS KHO BAS THU BAR SONG LO, ,DE BZHIN DU CHA GSUNGS, GSUM PA PHYOGS MED KUN KHYAB TU SBYANG BA NI, YUL LA PHYOGS MED DAG TU SBYANG , KHYAB DANG GTING 'BYONGS KUN LA GCES, ,ZHES BYA BA STE, PHYOGS RE BAS MI 'BYONGS PAS PHYOGS MED DU SBYANGS NA 'PHEL ZHING RGYAS PAR 'GYUR BA YIN, NGA 'DRE LA BZOD STOBS CHE, KHO MI LA BZOD STOBS CHE, NGA STONG PA SHAS CHE, KHO SNYING @313 RJE SHAS CHE ZER BA KUN PHYOGS RE BA YIN, 'PHAGS PA'I YON TAN MED DANG , SO SO SKYE BA'I YON TAN THAMS CAD PHYOGS RE BAR SONG BAS CHOS NYID YIN TE, GANG ZAG GI BYE BRAG GIS KYANG KHA CIG RGYUD TZAM NA YONG LA, 'BYOR TZA NA NGA'I GONG NA MI MED, GONG DKAR GYI GONG NA KHYI MED SNYAM NAS SPA BKUG BKUG NAS SHOR BA GZHAN DU CHA BA YONG BA YIN, KHA CIG 'BYOR TZA NA BTUB PA LA, RGUD TZA NA KHYED RANG NYAMS LA MA BABS PA YIN, NGA GNAS SKABS 'DI TZUG 'DUG PA LA ZER NA SDUG MI THEG PA YANG YOD, DE BZHIN DU BSTOD TZA NA ZENG GIS PHUG RON GYI SNAR SHING BU SUG PA BZHIN 'GRO BA DANG , SMAD RA BTANG TZA NA MI BZOD PA 'DI LA DUG GCIG BTANG RGYU LA SNYAM PA YONG , YANG KHA CIG ZAS LA BTUB LA, GOS LA ZHEN PA DANG , KHA CIG NANG GI CHAGS PA CHUNG LA PHYI'I CHE BA DANG , KHA CIG DE LAS BZLOG PA DANG , KHA CIG YON TAN TZAM MED PA LA KHENGS NAS PHYIN PAR RTZA BA MTHONG NAS DE LA MI BZOD PA DANG , KHA CIG YUL DU CHOS 'CHOR, KHA CIG BYES SU CHOS 'CHOR BA LA SOGS PA DANG , YANG KHA CIG SDE PA, KHA CIG GRVA PA, KHA CIG SER SNA, KHA CIG PHRAG DOG ,KHA CIG ZHE SDANG , KHA CIG NOR PHYIR 'CHI NUS PA LA SOGS PA 'DI LA BSKAL BAR BSHAD KYANG 'DZAD PA MED GSUNGS, DA CHOS NYAN BSHAD, LTA SGOM PA THAMS CAD KYIS NYON MONGS PA'I GNYEN POR 'GRO BA CIG DGOS, DE'I RTZA BA BDAG 'DZIN YIN PAS DE'I GNYEN PO PHYOGS MED NAS SBYONG BA CIG DGOS LA, DE YANG SO SOR RTOG PA'I SHES RAB KYI MTHA' CHOD PAR BYA'O, ,BLA MA'I GDAMS NGAG YOD NA SER SNA LA SOGS PA GANG CHE BA LA THEL POR SBYONG, CI BYAS BDAG 'DZIN GYI GNYEN POR SONG NA MA NOR, BDAG 'DZIN THUL NA KHAMS GSUM SRID PA DGU THUL LO, ,THUB PA YIN DANG SHA SANG GANG LA GTAD @314 PA MED RTZE GANG LAS MED GSUNG , DE YANG ZAS LA SOGS PA'I RNAL 'BYOR THAMS CAD LA 'DIS KHYAB PA DANG , NYA MA LHA KHANG DU PHYIN PA LTA BU MA YIN GYI SNYING THAG PA RUS PA'I KHONG NAS SBYONG BA GLANG THANG PA DGE BA DMYAL BAR BSNGO NGA'AM, 'CHAD KA PA PHA ROL GYI SDUG BSNGAL LEN PA LA DGA' YAL LE GSUNGS PA LTAR SBYONG BA'O, ,CHOS NYAMS SU LEN PA BYA BA SGRENG SKYED BYAS PA DANG , TSIG DE NGO SHES PAS MI CHOG ,DON NANG DU NYAMS SU LEN PA CIG DGOS GSUNG , GNYIS PA 'BYONGS PA'I TSAD NI GSUM STE; TSAD DNGOS DANG , DE'I RTAGS DANG , SPANG PA'O, ,DANG PO NI, BYANG BA'I TSAD NI LOG PA YIN, ,ZHES BYA BA STE, LAS DANG PO MOS PA SBYONG BA'I DUS YIN PAS MOS PAS 'BYONGS PA'I TSAD NI, ,PHYIN NANG SNOD BCUD RANG BZHIN GYI RTEN CHAGS ZHEN BTANG NAS LOG RTZA NA YIN TE, ZHEN PA'I ZUG RNGU DAM GYUR NA, , BZANG NGO SNYAM YANG NOR BAR BZHED, ,CES DANG , 'KHOR BAR CHAGS PA'I YID DANG LDAN RNAMS RTAG TU 'KHOR, ,ZHES DANG , RGYAL BA RNAMS KYI BYANG CHUB CHAGS MED GYUR LA REG ,CES GSUNGS PAS GANG LA YANG MA ZHEN PAR BSLAB PA GAL CHE, SANGS RGYAS KYI CHOS GSUNGS PA THAMS CAD KYANG CHAGS ZHEN BZLOG PA'I THABS SU GSUNGS PA YIN, JO BO'I LAM RIM GSUNGS PA THAMS CAD KYANG ZHEN PA SPONG BA'I RIM PAR GSUNGS PA YIN, 'CHI BA BSAM PAS TSE 'DI LA ZHEN PA BZLOG PA NAS, BDAG MED GNYIS BSGOM PAS DNGOS PO DANG MTSAN MAR ZHEN PA BZLOG PA'I BAR RO, ,DE BAS NYAN RANG GI THAR PA TZAM SGRUB PA LA YANG , THAMS CAD BTANG BAS MYA NGAN 'DAS, ,BDAG BLO MYA NGAN 'DAS PA SGRUB, ,CES ZHEN CHAGS MED PA GCIG DGOS PAR GSUNGS PA YIN, CHAGS ZHEN MTHA' DAG SPANGS PA SANGS RGYAS NYAG GCIG YIN, BSLAB PA GSUM, TSOGS GNYIS, PHA ROL TU @315 PHYIN PA DRUG ,LAM LNGA SA BCU GSUNGS PA THAMS CAD KYANG ZHEN PA SPONG BA'I THABS YIN, TSE 'DI LA ZHEN PA'I SGO GNYIS YOD DE, LUS DANG LUS LAS GZHAN PA'O,, DANG PO LUS LA CHAGS PA NI, BDAG LUS GANG LA CHAGS PA YIS, ,'JIGS GNAS CHUNG LA 'JIGS SKYE BA, ,ZHES PA LA SOGS PA NYES PA MANG DU GSUNGS LA, LUS LAS GZHAN LA CHAGS PA NI, RDZAS YO BYAD DANG GNYEN 'BREL LA SOGS PA LA CHAGS PA STE, NOR LA CHAGS PAS G-YENGS PAR GYUR RNAMS LA, ,SRAD PA'I SDUG BSNGAL LAS GROL SKABS MED DO, ,CES PA LA SOGS PA GSUNGS PA'I NYES PA DRAN PAR BYAS LA ZHEN PA BZLOG ,DE NAS PHYI MA'I LUS LA CHAGS PA LA YANG SGO GNYIS YOD DE, LUS BYE BRAG CAN LA SRID PA PHYI MAR LUS BZANG PO CIG THOB PAR 'DOD PA DANG , SHI NAS LUS MED PAR SHES TZA NA G-YANG DU LHUNG BA SNYAM BYED NA LUS BYE BRAG MED PA LA SRED PA 'BYUNG BA'O, ,DE YANG DBUGS 'GRO TZA NA GANG DU SKYE BA'I LUS GCIG BYUNG BA SNYAM BYED PA LAS SHES PA 'PHO, NYAN THOS SDE PA KHA CIG BAR DO MI 'DOD PA YANG YOD, BAR DO 'DAD PAS KYANG DER LAS BSOG PAR MI 'DOD DANG PO BAR DO'I LUS BLANGS PA DE LAS GZHAN DU 'GYUR BAR 'DOD LA, THEG CHEN PAS BAR DOR LAS BSOG PAR 'DOD, DER SHUL NA GNAS PA'I DGE SDIG GI LAS MO BYED CING SNGAR MA SHI TZA NA SNANG BA WAL LE YOD PAR 'DOD, SHUL NA 'DUG PAS DUS TZA NA SHI SNYAM PA'I 'DU SHES SKYE, ZHAG BDUN PHRAG BDUN DU BAR DON GNAS, ZHAG BDUN BDUN NAS LUS MI 'DRA BA RE LEN PAR 'DOD, MA'I MNGAL DU 'JUG PA'I DUS NA YANG SNANG BA BZANG PO LA KHANG BZANG , NGAN PA LA 'JAG SPYIL DU 'JUG PA'I SNANG BA 'BYUNG, BAR DO'I LUS KYANG KHO RANG NANG DANG LHA'I MIG DAG PA GNYIS KYIS MTHONG , GZHAN GYIS MI MTHONG GSUNGS, DBANG PO LNGA KA TSANG , RTZIG @316 PA LA SOGS PA LA MA THOGS, ZAS SU DRI ZA, MA'I MNGAL LA THOGS NAS DE'I GZUt DE NYID KYANG PHO MO'I GZUGS THA DAD DU YOD PAS MO YIN NA PHA LA CHAGS, MA LA PHRAG DOGS PHO YIN NA DE LAS BZLOG PA'O, ,ZHES PAS MTSAMS SBYAR NAS PHA MA'I SA BON GYI RGYAS GTUM PA BZHIN SONG NAS DAR CIG BRGYAL NAS 'GRO, DE NAS MING GZUGS KYI MYU GU 'GRUB BO, ,BAR DO MI 'DOD PAS PHYI MA'I LUS LA CHAGS PAS 'TSAMS SBYOR BAR 'DOD PA YIN, GZUGS MED DU SKYE NA SNYING KHAR RANG GI SNYING GI PHYOt GCIG TU MING GZHI LA BDAG TU BZUNG BAS 'TSAMS SBYOR, SNGAR NAS BAR DO'I SEMS CAN RDO RJE GDAN LA THOGS PAR BSHAD, 'KHOR BA 'GRUB PA THAMS CAD ZHEN PAS BYED PAS BAR DOR YANG MA ZHEN PA GAL CHE'O, ,DE YANG 'CHI KHAR MA ZHEN PA GCIG DGOS, DE LA DA LTA GANG LA YANG MA ZHEN PAR BLO SBYONG DGOS GSUNGS, DE LTAR MA ZHEN PAR BSLAB PAS SNGAGS PA KUN LA BAR DOR RIG 'DZIN GYI GNAS SU PHYAG RGYA CHEN PO'I DNGOS GRUB THOB NAS LUS DE 'GRO BA RIGS DRUG GANG DU YANG MA GTOGS PA'I 'JA' LTA BU GCIG TU KHO RANG GI SNANG BA LA 'BYUNG BAR 'DOD PA'O, ,DE BAS NA SEMS CAN GYI LUS THAMS CAD LAS DANG CHAGS PA'I RTZA BA LAS BYANG CHUB SEMS DPA' SA THOB PA YAN CHAD KYI SKYE BA NYON MONGS PA'I DOD SNYING RJES BYAS, LAS KYI DOD SMON LAM GYIS BYAS NAS SEMS CAN GYI DON DU SKYE BA LEN PA'O, ,GNYAS PA 'BYONGS PA'I RTAGS NI, 'BYONGS RTAGS CHEN PO LNGA LDAN YIN, ,ZHES BYA BA STE, BLO 'DI LTA BU 'BYONGS TZA NA, BYANG CHUB SEMS DPA' CHEN PO DANG NYES PA PHRAN TSIGS LA 'DZEM PAS 'DUL BA 'DZIN PA CHEN PO DANG , GZHAN DANG 'DOM THUG BYUNG BA'I TSE BZOD PA RI BZHIN BRTAN PAS DKA' THUB CHEN PO DANG , LUS NGAG GI DGE SBYOR LA BLTAS NA RTAG TU DAD PA DANG RTZON 'GRUS DANG LDAN PAS DGE SBYOR BA CHEN PO DANG , @317 BKA' BSTAN BCOS THAMS CAD KYI BRJOD PAR BYA BA'I DON GYI GTZO BO DANG , RANG GI SEMS 'BYONGS PAS RNAL 'BYOR PA CHEN PO GCIG YONG BA'O, ,DE YANG BSLAB LEGS GCIG DGOS, KHA SANG DANG NA NANG YANG DE LAS MED KYI MI YONG , SNGA THUN PAS PHYI THUN, THUN STOD PAS THUN SMAD SKYEL TSOL DGOS, DE YANG THOS PA DANG DRAN PAS KYANG AEN RE YONG STE, 'BRAS BU DE TZAM MI 'BYUNG BAS 'DI LA DUS CIG TU TSIG DRIL DU 'BYUNG BA GCIG DGOS, DE YANG MA 'ONGS PA LA RTAG TU GO CHA BGO BYA BA YIN PAS SEMS CAN GYI SDIG SDUG RANG LA LEN PA DANG RANG GI DGE BDE GZHAN LA GTONG BAR GO CHA GYON PA YIN TE, DE RANG BAS KYANG MI DANG MI MA YIN PA'I GNOD PA CI BYUNG BA NA PHYIS 'DOM THUG LA SOGS CI BYUNG YANG BZOD PAR BYA SNYAM PA DANG , KHAS BLANGS KYI SDOM KHRAMS DANG SKAD CIG DANG MA BRAL BAR BYA SNYAM PA DANG , NGAN SMRAS, PHRAG DOG ,SKUR 'DEBS LA SOGS PA CI BYUNG YANG BZOD PAR BYA SNYAM DU GO BGOS NAS PHYIS 'DOM THUG LA SOGS CI BYUNG YANG 'PHRANG THUB PA GCIG YONG BA YIN, DE BAS KYANG CHOS DANG 'GAL BA'I 'PHRANG BYUNG TSAD LA CHOS DANG MI 'GAL BAR BYA SNYAM DU GO CHA GYON PA'O, ,GANG LA GNOD PA BYAS KYANG BDE 'BREL BA, ,BDE BA'I 'BYUNG GNAS DE LA SKYABS SU MCHI, ,ZHES DANG , DGRA 'AM 'ON TE MDZA' YANG RUNG , ,NYON MONGS SKYE BA'I YUL RNAMS LA, ,DGE BSHES YIN PAR SUS MTHONG BA, ,DE NI GANG NA GNAS KYANG BDE, ,ZHES DANG , KHA ZER 'PHAR KA GTONG BA DANG , ,SMOD CING PHRAG DOG BYED PA RNAMS, ,DPA' BO KHYOD KYI ZIL DU BRLAG ,CES PA DANG , PHAN BTAGS LAN DU GNOD BYAS KYANG , ,YANG LAN SNYING RJE CHEN PO BSGOM, ,'DZAM BU GLING GI SKYES MCHOG NI, ,NYES PA'I LAN YANG LEGS PA'I LDON, ,ZHES DANG , GANG DAG BDAG LA KHA ZER RAM, , @318 GZHAN DAG GNOD PA BYED PA'AM, ,DE BZHIN 'PHYAR KA GTONG BA'ANG RUNG , ,THAMS CAD BYANG CHUB SKAL LDAN GYUR, ,ZHES PA LTAR BLO SBYONG BA'O, ,'DI YOD NA GZHAN GANG MED KYANG 'TSANG RGYA, TSE MJUG 'DI RANG LA RGYUD KHYAD PAR CAN DU 'GRO BA YIN GSUNG , DON BYUNG BA MED KYANG TSIG 'DI DRAN PAS DA'I MOD LA ZHI BAR 'GYUR BA YIN, MYUR DU MNGON PAR RDZOGS PAR SANGS RGYAS PAR 'DOD PAS BYANG CHUB KYI SEMS RIN PO CHE LA BSLAB, CES PA'I GTAM RGYUD GSUNGS PA RNAMS KYANG 'DI LA GSUNG PA YIN GSUNGS, JI TZAM PA'I SKYE SHI MTHA' MI MNGON PA GCIG BYAS PA LA 'DI LTA BU'I CHOS BSGOM, YE MYONG BA YIN SNYAM DU BSAM, SHAR BA DANG 'JOMS PA DANG BLA MA'I THUGS LA 'DOGS NA BYA, MI'I RTZIS SU BYED NA BYA, DE DAG MED NA MI BYA SNYAM NA CHOS BOR ZIN PA YIN GSUNGS, SDINGS PA SHED RGOL BA BYUNG TZA NA CHOS GTONG BA CHOS BYED PA'I DUS NA BYIN RLABS MI YONG GSUNGS, DES NA DA NAS BZUNG NAS TSE 'DI BAR DE PHYI MA SANGS MA RGYAS KYI BAR DU CHOS 'DI DANG SKAD CIG KYANG MA BRAL BA, 'DI STON PA'I DGE BSHES DANG MJAL BA'I SMON LAM GDAB GSUNG , GSUM PA RGYUD LA SKYES PA'I DPANG PO NI, DPANG PO GNYIS KYI GTZO BO BZUNG ,, ZHES BYA BA STE, MI RNAMS NA RE, CHOS 'BYUNG NAS 'DUG ,BDAG 'DZIN THUL NAS BAL CHU NAS DRANGS PA BZHIN DU 'JAM NYAL GYIS SONG NAS 'DUG ZER BA DANG , DE SKAD ZER YANG RANG GI SHES PA LNGAS DE'I DUS SU SGUS SE BAR SONG , DE'I DUS NA YANG BDAG 'DZIN SHAR SNYAM PA DANG , DE LAS BZLOG NAS RANG GI NANG DU DMYAL BAR SPYA BO TSUGS SU SONG YANG 'GYOD PA MED SNYAM PA RANG GI GTZO BO YIN, RANG GI DAD PA DANG SHES RAB DANG BRTZON 'GRUS LA SOGS PA NUS PA YOD TSAD KYIS YENGS PA DANG , DBYE BA SKAD CIG KYANG MED PAR RGYUN MTHUD NAS SNYING KHRAG CHUS SHAL NAS @319 'BUNGS PAS DA NI DA LTA RANG DU 'CHI YANG NGA LA SKYES GDON RGYU MED SEMS PA CAG DGOS, DE TZAM NAS SGRUB PA'I NYAMS LEN TSAD DU LONGS PA YIN PAS, GZHAN GYIS BDAG GI LEGS PA SNA RE MTHONG BA DANG PHAN PA SNA RE MTHONG BA LA MGU BA YONG BA YIN PAS DE MI GTZO, DE BZHIN DU BSHAD PA DANG BZLAS PA BYED PA KUN YANG GZHAN BA BGO BA DANG , GNOD PA SEL BA GTZO, RANG GI MKHAS PA DANG NUS PA YONG SNYAM PA MNGON PA'I NGA RGYAL YIN SRID PA'O, ,DE LA SOt PA ZAD PA MED BA CIG YOD DE; PHYI'I GTZO BO RA YONG BA YANG RANG GI NANG GI BYED PAS BYUNG BA YIN, PHYI'I SPYOD TSUL LEGS PA'AM, NGAG TU SMRA LEGS PAS KYANG CHOS 'BYUNG BAR RTZI BA YOD DE, BDAG 'DZIN SPONG LO BYAS NAS KA CHA 'DRA BA PHAD PHOD BYAS NAS GTONG BA'AM, GZHAN GYI GYOD LA SOGS PA BYUNG TZA NA MAD MAD LAGS, KHO BOS LAN ZER NAS KHAS BLANGS PAS CHOS BYUNG 'DUG ZER YONG SRID DE, DE DPANG PO GTZO BO MA YIN, RANG GI SEMS LA GCIG DGOS, CHOS SPYI'I DBANG DU BYAS NA, CHOS BYUNG MA BYUNG LUS NGAG YID GSUM LA LTA BA YIN, 'DI'ANG LUS NGAG JI LTAR 'DUG NA'ANG 'DUG ,SEMS KHO NA LA LTA BA YIN, DE LA YANG BLA MAS GDAMS NGAG MA LUS PAR GNANG BA DANG , RANG LA YANG SNYING STOBS YOD PAS SGOM PA CIG DGOS, DE YANG MNGON DU MA GYUR BAR DU SGOM PA CIG DGOS, DE YANG LHA DANG BLA MA LA SNYING NAS GSOL BA GDAB, CHOS SKYONG LA 'PHRIN LAS ZHU BA LA SOGS PA LA 'BAD LA 'DI TSAD LDAN DU SKYE BA LA 'BAD PAR BYA'O, ,GSUM PA SBYANG BA'I DGOS PA NI, CHOS KUN DGONGS PA GCIG TU 'DU, ,YON TAN GZHAN PAS KHYAD PAR 'PHAGS, , ZHES BYA BA STE, BKA' DANG BSTAN BCOS THAMS CAD KYI DGOS PA THAR PA THOB PA YIN LA, DE LA BDAG 'DZIN THUL BA CIG DGOS, THOS BSAM SGOM GSUM @320 THAMS CAD KYANG BDAG 'DZIN 'DUL BA'I CHED YAN LA, BDAG 'DZIN MA SPANGS PAR NYAN RANG GI THAR PA YANG MI YONG NA THAMS CAD MKHYEN PA LTA CI SMOS, DE NAS MKHAS PAR BLO SBYONG , BTZUN PAR KHRIMS BSRUNG BA LA SOGS PA THAMS CAD NGA LAS MKHAS PA MED PA LA SOGS PA NGA'I GROGS SU SONG NA NOR LA, BDAG 'DZIN GYI GNYEN POR SONG NA BLO SBYONG BA'I DGOS PA GRUB PA YIN NO, ,'DI NI MTHUN RKYEN GZHAN LA MI LTOS PAS YON TAN KHYAD PAR DU 'PHAGS PA YIN TE, CHOS GZHAN LA RKYEN GZHAN LA LTOS DGOS PA DANG , KHAMS BZANG DGOS PA DANG , NA SO GZHON DGOS PA DANG , DBEN DGOS PA DANG , BLA MA'I RTZAR BSGOM DGOS PA DANG , NA TSA LA SOGS MED PA DGOS PA DANG , SHES PA'I BYAR GZUGS DGOS PA LA SOGS PA DU MA YOD PA LA, 'DI LA GNYIS, THUN MONG GI TSUL KHRIMS DANG , THUN MONG MA YIN PA THEG PA CHEN PO'I DAM TSIG GNYIS MED KHA MED YIN, DE GNYIS MED NA RTZA BA MED PA BYA BA YIN PAS YANG MI SRID, DE GNYIS YOD NA RKYEN GZHAN GANG LA YANG LTOS MI DGOS PAS GZHAN LAS KHYAD PAR 'PHAGS PA'I YON TAN DANG LDAN PA YIN NO, ,DE LTAR NA YON TAN KHYAD DU 'PHAGS PA'I RGYU MTSAN RKYEN GZHAN LA MA LTOS PA LA BYED NA RKYEN LA MI LTOS PA'I RGYU MTSAN CI SNYAM NA MI MTHUN SGOM GYI GROt SU BSGYUR, ,ZHES BYA BA STE, 'DI RKYEN NGAN LAM DU BSGYUR BA'I SKABS SU BYAS NA YANG BDE, 'DIR YANG RGYU MTSAN DU SBYAR DU BTUB PAS SDUG BSNGAL NYON MONGS PA DRAG PO DANG MA 'DZOMS PA LA SOGS PA THAMS CAD 'DI'I CHA RKYEN DU BYED PA STE, TSE 'DI LA BSGOM GZHAN THAMS CAD BZHOG ,DE RING NAS 'DI BSGOM NGA YANG MOS PA BYED PA YIN PAS KHYOD LA YANG SKYE STE 'ONG , 'DI MED NA BSGOM BZANG ZER BA THAMS CAD 'DOM THUG BYUNG TZA NA, GNYEN POR MA GO'AM, 'DI BZHIN DU DNGOS 'GAL @321 DU MA SONG BAR BRGYUD 'GAL DU MA SONG BA SHED KYI NYON MONGS PA CHUNG DU MA SONG BAR KHENGS GRAGS SAM NGA RGYAL CHER SONG NAS YONG BAR SNANG , 'DI RGYUD LA LAN CIG DRAN PA'AM BSGOM TZA NA, NYON MONGS RIM GYIS BYUNG BA DE 'JAM LHAN GYIS 'GRO BAR SNANG , DES NA RANG RGYUD LA MI 'DOD PA BYUNG BA DANG , BYUNG GIS DOGS PA NA SEMS CAN THAMS CAD KYI MI 'DOD PA BYUNG BA DANG BYUNG GIS DOGS PA THAMS CAD LEN PA'O, ,'DI GO NA STONG PA NYID KYANG NGANG GIS GO BAR 'ONG , 'DI MED NA LTA BA MTHO BA DANG BSGOM BZANG ZER BA THAMS CAD YUS KYIS RGYAL NAS 'ONG , KHYAD PAR DU SPYI'I KHUR 'KHUR BA LA 'DI MED KHA MED YIN, 'DI MIN AEN TZAM GYIS DGE RTZA DUNG LA RDUL PHYID GSUNGS, DE LTAR NA GANG GIS BSGOM GYI GROGS SU BSGYUR NA THAMS CAD THEG CHEN LAM DU BSGYUR, ZHES BYA BA STE, SNYIGS MA LNGA BO BDO BA, MI DGE BA MTHA' DAG TSANG BA, TSE LA YANG CHOS LA SOGS PA GANG YANG BYA LONG MED PA, LTA BA NGAN PA SNA TSOGS PAS GZINGS PA'I DUS 'DIR GTONG LEN GNYIS LA SBYANGS TE, CI BYED THEG CHEN GYI LAM DU BSGYUR RO, ,DE DAG GIS TSIGS SU BCAD PA'I DON BSTAN PA YIN NO, ,DA NI TSIG LHUG PA RANG GI SEMS LA GROS GDAB PA STON PA, YUS MI BSGOM, ZHES PA NI, PHA ROL LA BDAG GIS DRIN YOD PA'I RGYU MTSAN DANG , RANG MKHAS PA DANG BTZUN PA DANG BSGOM BZANG BA DANG , MI CHE BA LA SOGS PA RGYU MTSAN GANG GI PHYOGS NAS KYANG YUS KYI RNGAM PA DANG , RE CHE BAR MI BYA, KHYAD PAR DU PHUG NA SGOM PAR GSOL BA KUN YANG YUS CHE BAR YONG BAS, 'DI MED PA GCIG GAL CHE, GZHAN DON BYAS PAS YUS CHE NA YANG , GZHAN GYIS MA BCOS, RANG GI KHAS BLANGS PA YIN PAS YUS CHES GANG NA YANG MED, RGYU SBYANGS NA, BA DU BA DANG , SKU BSRUNGS 'CHIR MA BTUB CES NGU ZHING GROGS PO LA YUS GSOL BA @322 LTA BU PHA MA BLA MA LA SOt PA SU LA YANG MI BYA, DE BSGOM NA CI NAS KYANG SHAt NGAN YONG BAS, SHAt NGAN MA RGOD CES BYA BA NI, MI SKYA THA MAL PA YIN KYANG SHAGS NGAN SNA TSOGS YONG BA, DE LA MIS KYANG 'PHYA, RANG YANG MA BTUB NA CHOS BYED PA'I GANG ZAG GIS SHAt NGAN SNA TSOt BYED NA CHOS PAR MI BTUB, KHYAD PAR DU BLO SBYONG BA'I GANG ZAG GIS KHYED CES SHAGS NGAN BYED NA CHOS PAR MI BTUB, KHYAD PAR DU BLO SBYONG BA'I GANG ZAG GIS KHYED CES SHAGS NGAN BYED NA GTONG LEN DANG 'GAL BAS MI BYA, RANG GIS MA NYES PA DANG GZHAN GYIS NYES PA BSHAGS NGAN GYI RJES SU RANG GI NYON MONGS 'BRANG NAS GZHAN GYI 'TSANG RUS PA'I GTING NAS 'BRU BA'I BZONG BU MCHU RINGS MI BYA, RANG CAG YUL YUL LA SOGS PAR SKYE CI SKYE RENG RENG SHAGS NGAN MI RGOD PA GCIG GAL CHE, DE LTAR MI RGOD PA LA 'DI DGOS PAS, KO LONG MA SDOM, ZHES BYA BA STE, 'DI KUN BTAGS PA YIN PAS GROS BYAR BTUB, GZHAN SHUGS KYIS RANG DBANG MED PAR YANG YONG BA YIN, LAN CIG MA BSDAMS NA JI SDOM DU CHAD, SDOM NA SDOM SNYING JE 'DOD DU CHA, DA LTA SDER MED NA ZAN MI LEN, AEN TZAM RE'I NYES LEGS LA BSDAMS NAS KHO BO'I JA SU GYI DOD, DE RANG GI BKA' MCHID DE LA GYIS ZER BA LTAR MI BYA, RANG LA GNOD PA MANG , SNGAR DMA' PHAB PA DANG , TSIG NGAN BSNUN PA LA SOGS PA CI BYAS KYANG RANG LA GYOD GDA', TSIG NGAN GYI LAN LA SOGS PA MI BYA ZHING , SEMS KYI KO LONG MI SDAM, DA LTA CHOS GNYEN POR MA SONG BAS BZOD STOBS SH'U BAS CHUNG , ,KO LONG TZANG BTZAN PAS DAM PAR 'DUG STE, CHOS BYAS PAS GO MI CHOD PAS BDAG 'DZIN GYI GNYEN POR 'GRO BAR BYA; RNAL 'BYOR PA CHEN PO MTHO MTHO RLUNG , DMA' DMA' CHU LA BSKYUR GSUNGS PA LTA BU GCIG DGOS, 'DI MED NA RTZA BA MED PAS BLO SBYONG YONG MI SRID, DUS @323 THAMS CAD DU SEMS SGO NAS KHRIS SE BRTZIG DGOS, 'DI BYUNG NA CHOS KYI SROG RTZA YIN PAS BLO SBYONG GZHAN RNAMS NGANG GI NGANG GIS YONG , 'DI MED NA SHAGS NGAN RGOD PA YANG MI SRID, SU DANG 'GROGS KYANG MI BDE BAS KO LONG SDOM PAS LEN PAS SO LEGS NYES CI BYUNG YANG RANG GI NANG DU MID NAS SDOD PA CIG DGOS, DE LTA MA YIN NA NAG PO'I CHOS BZHI, SEMS CAN BLOS SPONG , SKYABS KYI DAM TSIG ,DGE SBYONG DU BYED PA'I CHOS BZHI PO RTZA BA NAS GCOD, DPON SLOB DAM TSIG NYAMS SU 'DIS 'JUG, BZA' MI NANG 'DIS MI MTHUN DU 'JUG ,BRANG ZLA MI RNYED DU 'DIS 'JUG PAS 'DI DANG DUS THAMS CAD DU 'BREL BA MED PA GCIG DGOS PAS, JA SUN MTHO DMAN DANG 'DUG SA LEGS NYES LA KO LONG MI SDAM, YANG KO LONG LA SDOM PA RE YOD PA MIN, RA SGRENG BA'I RNAM PAR THAR PA LA GNOD PA CIG BYUNG NA KO LONG BSDOMS, BSDAM YANG DGOS GSUNGS, DE'I RNAM PAR THAR PA KHYIM PA DANG THUN MONG PAS SO NAM BZHI LA SOGS PA MI BYED PA DANG , CHANG SROG LA BABS KYANG MI 'THUNG BA DANG , CHOS SPYOD BCU KA MI SPONG BA LA SOGS PA DU MA YOD PA DE RNAMS LA 'GAL NA KO LONG SDOM PA CIG DGOS, DE LA 'DI YANG DGOS PAS 'OR CHEN MA 'DOD, CES BYA BA STE, RANG GI GZHAN LA PHAN PA BYAS PA LA LAN BYED PA BYUNG NA PHYA BYAD BZANG , KHYOD LTAR BYED PA MI YONG BAR GDA' ZER, LAN BYED PA MA BYUNG NA NGAS DKA' SLA SKYID SDUG DE TZAM BYAS KYANG 'OR CHEN TZAM YANG KHA NAS MI THON PA 'DUG ,MI LA BYAS MA BYAS MED ZER BA LTA BU BSAM DU MI RUNG , DE YANG NGO MI RTAG PAS MI YONG BAS YUD TZAM PA MI BYA, CES BYA BA STE, RES CI BYED, RES CI BYED KYI MI YONG , KHA CIG BYED BYED 'DRA BYAS NAS, YANG SUN SUN LTAR 'DOR BA DANG , MI DANG 'GROGS PA NA YANG MDZA' BA DANG 'THAB PA LA TSEGS MED PA MI @324 BYA TE, GZHUNG BZANG PO'I RGYUD LTAR DU SKYO BSUN MED PAR THANG NGE SGRENG NGE NYAMS SU LEN PAR BYED PA'O, ,YANG DUS LA BAB NA NGAN LAN BYED PA MI RUNG BAS, 'PHRANG MA SGUG CES BYA BA STE, STON PA DAR LA 'BAR NA BAS RIM GRO LHO BRAG PA YO'I KHRAL BSDUS NAS BYED PAR GLENG BA NA, DAR MA RIN CHEN SHED ZHAG GCIG 'DI NGA'I KHA DOG TU MI 'DU BA GCIG BYUNG BA ZHES PA LTA BU DANG , 'PHAN YUL BA GCIG GI GNYAL DU GNAS CIG TU SPUR PHYIN PAS BTZUN PA CIG GI SGO DBAR DU BRTZIR PHYIS 'PHAN YUL DU MA PAR YONG TZA NA BTZUN PA DE BYUNG BAS, MI DES SNGAR SGO DBAR BRTZIR BA ZHE LA BZHAG NAS, 'O CAG NGO SHES PA YOD BYAS PAS BTZUN PA DE 'OD ZER BAS GNAS 'DIR SGO DBAR DU BRTZIR BA NGO SHES BYAS NAS RMA PHAB PA DE LTA BU LA 'PHRANG SGUG ZER BA YIN, SEMS BSKYED BYAS PA DANG , BLO SBYONG BSGOM PAS 'DI BSAM PA'I SKABS MED, 'DI YOD RING LA DE GNYI YOD MI SRID PAS (YANG RANG LA GZHAN GYI NGAN BYAS PAS NGA LAN MA GRUB PA ZHE LA BCANGS NAS GRUB TZA NA BYED PA STE,) YANG RANG GI NYES PA GZHAN LA BRGAL DU MI RUNG BA NI, MDZO KHAL GLANG LA MA BYO, ZHES BYA BA STE, MI 'DOD PA RANG LA 'BYUNG GIS DOGS NAS GZHAN LA BYO BYO BYED PA DES BLO SBYONG YONG MI SRID, SO SO'I SKYE BO LAS MI YONG BYA BA MIN TE, GNYEN POS SUN 'BYIN PA YIN TE, 'CHAD KA BA MTSAN NYID KYI GRA SA NA BZHUGS PA'I TSE GROGS PO STON PA ZLA GRAGS BYA BAS, GNAS PO'I KHANG PA'I STENG DU MAL BCAS PAS SKAR KHUNGS NAS RDO SHOR BA, 'OG NA DKAR YOL GYI GONG RTZE YOD PA'I STENG DU LHUNG NAS RUMS KYIS SONG BA GSUNG , GZHAN ZHIG LA BTZUGS NAS MA LEGS PA CHEN PO LA THUG GSANG , DE NA SNOD BCAG PA DANG TSIGS BCAS BYAS PA GZHAN LA MA BSGYUR, LAS KA LA SOGS PA GZHAN LA MI BYA'O, ,YANG 'DOD SHOS CI THOB BYED PA'I 'GYOGS KYI RTZE LA MI BRTAt @325 CES BYA BA NI, 'DOD PA SPYI SO NA 'DUG PA MA RTZE RTOGS PA 'DI NGAN PA KHO NA LA YOD PA'I NGES PA MED, BZANG PO DRAN SHES CHE RE BA KUN LA SLAR 'BYUNG NYE, 'DI DGE BSHES GRO LUNG PA BSGRES PO BYED TZA NA, GANG 'DOD PA DANG LEGS PA G-YOR RTZANG DANG PHAN YUL BA LA BYIN, GANG NA MA BTUB PA DE'I NANG NAS KYANG KHONG DAG GI BYAS PA BZHIN DU DGOS, DE LTA RGAN PAS DA TZUG BYAS KYANG GZHON PAS 'BUG TU YONG , DE SHOR THABS NI MED YANG , GZHUNG BZANG PO LA MA BRTEN, ZHES BYA BA NI, RANG LA GNOD PA BYAS PA LA 'DI BZHIN DU BYAS ZHES 'KHON DU BYAS PA DANG , GZHAN LA GROS LA SOGS PA'I PHAN PA BSTEN PA LA NYAN DU MA 'DOD NA, PHYIS NGAS DE TZA NA BYA STE MA BTUB PA, DA NI CI DGA' BA GYIS ZHES YUN DU 'CHANG BA MI BYA, DA LTA NYON MONGS PA BYUNG DU MA TSOR BA DE GNYEN PO MA BSTEN PAS YIN, GNYEN PO BSTEN NA CHU'I GNYER MA TZAM YOD PAS 'BUR 'JOMS BYED DGOS GSUNG , YANG GNAD LA MI DBAB, CES BYA BA NI, KHYOD PHA NAS NGAN BYA BA LA SOGS PA DANG , RAB TU BYUNG BA KUN LA KHYOD KYI MKHAN SLOB LA SDOM PA MED CES DANG , KHYOD RANG LA SDOM PA MED CES PA'AM, GZHAN GYI MI BSAD PA GZHAN LA RGYUS MED PA LA KHROM DU SGROG PA LTA BU TE, 'DI DUG MA BLUD, MTSON MA BTAB PA YIN YANG BLO SBYONG 'DI'I NGOS NAS 'DI LAS SDIG CHE BA MED, KHO BSAD PA BAS KYANG THU BA YIN, SNGON RGYA STON BYIS PA TZAN GZHAN GYI RTA DKROGS NAS BRAG LA 'PHYONGS NAS BSAD PAS, PHA MAS BRDUNGS PAS MA'I NGA RDONG NGA LA RDO RGYAB, DAR KHYIM DU MA BTZUD PA LA KHOS KHYED RANG GI YON BDAG RDO RJE DBANG PHYUG GI 'BRI RKUS NAS GSOD PA ZER ZHING 'O DOD BOS NAS RTA SKYIN DANG , 'BRI SKYIN DANG , BAB PA LTA BU 'DI LAS SDIG CHE BA MED GSUNGS, YANG GO LOG MI BYA, CES BYA BA NI GO LOG DRU STE, 'DUN PA @326 DANG , RJES SU YI RANG BA DANG , RO MYANG BA DANG , GNYER SEMS DANG , SNYING RJE DANG , BZOD PA GO LOG GO ,DE LA 'DUN PA GO LOG NI, CHOS SGOR ZHUGS NAS CHOS LA 'DUN PA MI BYED PAR 'JIG RTEN PA'I CHOS LA 'DUN PA'O, , RJES SU YI RANG BA GO LOG PA NI, CHOS BSHA' MA BYED PA LA RJES SU YI RANG BA MI BYED PAR RANG GNAG PA LA MA LEGS PA BYUNG BA LA YI RANG BSAM, SDIG BYED PA DE KHO LA BAB, KHES MA LAN BYED DGOS PAR YOD ZER BA DANG , RGYA BYANG RDOR BABS PA LA G-YOR DAR MA LEGS SHED, NGAN PA YANG DAG PA SNYING TSIM, SKYA ZHAL GYI SONG NGAM ZER BA LTA BU SGOM DU MI RUNG , RO MYANG BA GO LOG NI, SNGAR BSHA' MA BYUNG BA'AM, RTOGS PA KHYAD PAR CAN BYUNG BA'AM, BYANG CHUB SEMS DPA'I SPYOD PA DANG MTHUN PA'I DGE BA LA RO MI MYANG BAR, SNGAR DGRA BRTUL BA DANG , 'DOD PA SPYAD PA YID LA DRAN ZHING RO MYANG BAR BYED, DES KHAMS SOS GNYID SANGS 'GRO NA DMYAL BAR 'GRO BAR SHES PAR BYA, GNYER SEMS GO LOG NI, (BYANG CHUB SEMS DPA'I GNYER SEMS BYA BA, NAM MKHA'I MTHAS KHYAB KYI SEMS CAN THAMS CAD KYIS MA MA BYAS PA MED, DE YANG DRIN CAN GYI MA YIN PA DE RNAMS DMYAL BAR SDUG BSNGAL GYIS DOGS DANG , 'KHOR BAR GNAS PA RNAMS SDUG BSNGAL LAS GROL BA DANG , BDE BA'I MCHOG SANGS RGYAS LA 'GOD PA YIN,) RANG GI KHA 'OG TU 'DU BA RNAMS CHOS LA SBYOR BA'I GNYER SEMS MI BYED PAR NOR BSOG PA DANG , GNYEN SKYONG BA DANG , TSE 'DI'I BYA BYED LA SBYOR BA DANG SEMS CAN THAMS CAD BDE BA LA 'GOD PA'I SEMS BSKYED PA'I GNYER SEMS YIN PA LA, SEMS CAN BDE BA LA PHRAG DOG PA DANG , RANG DANG MNYAM PO GONG DU SHOR GYIS DOGS PA LA BLO SBYONG YONG MI SRID GSUNGS, SNYING RJE GO LOG NI, SDUG BSNGAL DANG SDUG BSNGAL @327 GYI RGYU LA GNAS PA LA SNYING RJE MI BSGOM PAR CHOS BYED PA'I DKA' SPYOD LA SNYING RJE BSGOM PA'O, ,BZOD PA GA LOG NI, CHOS KYI CHED DU DKA' SPYOD CUNG ZAD KYANG MI NUS PAR 'DOD PA'I CHED DU TSONG , SO NAM DANG , DGRA 'DUL, GNYEN SKYONG GI DKA' BA DU MA NUS PA'O, ,YANG LHA BDUD DU MI DBAB, CES BYA BA NI, 'JIG RTEN PA'I LHA MA MGU NA GNOD PA BYED PA DE, LHA BDUD DU SONG BA YIN, DE BZHIN DU BLO SBYONG GIS NGA RGYAL (GZHAN LA BRNYAS PA BYED PA STE, NGA MIN PAS BDEN PAS GZHI MI SHES, BLO SBYONG MIN PAS SANGS RGYAS MI THOB CES PA LA SOGS PA RKUN MA NAGS LA BTANG NAS RJES BRAG LA GCOD PA YIN PAS DE DAG SPANG LA, SMAN NAD THOG TU BTANG ZHING ,) ZHING BDAG 'DZIN LA RMA PHEBS PAR BYAS LA 'GRO BA KUN LA BRAN GYI THA MA BZHIN GNAS PAR BYA'O, ,DE YANG NAM DGOS CHA MED PAS, YONGS THUB PAR BYA, CES BYA BA NI, DPER NA RTA LA BYANG CHE BA KUN GYI MA YENGS NA, MI BDE BA'I SAR YANG MI SKYUR LA, YENGS NA THANG BDE BA LAS YANG GLO BUR DU RTA 'GROGS NA RDEB PA YIN, DE BZHIN DU GNYEN PO BRTAN NA RKYEN NGAN CHEN POS KYANG BLO SBYONG MI NYAMS KYANG GNYEN PO BSTEN RGYU MED PA'I DUS SU RKYEN CUNG ZAD KYIS CHOS 'CHOR BAS RTAG TU MA YENGS PAR SBYONG BA GCIG DGOS TE, BDAG GIS DE RING BDAG 'DZIN THUL BA LAM YENGS PAR DRAN PAR BYA, NYON MONGS PAR MA SHOR BAR BYA SNYAM DU 'PHEN PA GTONG , DE NAS LHAN CIG RJES SU GCOD PAS NYES PAS GOS SAM MA GOS SNYAM DU RTOGS TE, DUS [DE LTAR RTOGS NAS MA SHOR BAR BYED, RTAG TU YENGS PA MED PA GCIG] THAMS CAD DU KHRIS SE BA BRTZIG DGOS, 'DI DANG BRAL DGOS NA MI NAG PO PHAL BA LAS MI YONG , YENGS MED DU SGOM PA'O, ,YANG RES 'JOG MI BYA, CES BYA BA NI, RES BLO SBYONG SGOM RES BLO MA KHEL BAR @328 GAN 'DRA TSOL, MTSAN NYID PA LA LA DAG SDE SNOD DU MA SHES KYANG 'CHI BA DRAN NA 'DIS GO MI CHOD SNYAM NAS SNGAGS PA CHUNG MA CAN RA'I GAM DU 'GRO BA YANG YOD, DE BZHIN DU KHA CIG 'DRES GNOD KYI DOGS PAS DRAG SNGAd KHO NA ZLOS, RES 'GA' TSE 'DI'I CHE THABS SGRUB, RES 'GA' PHYI MA'I DON BYED PA DE, ZHON PA GNYIS LA BZHON NA BAR DU LHUNG , KHA CIG NI SGOM PAS SNYING PO BGRANG MA DGOS ZER BA DANG , LTUNG BA BSHAGS MI DGOS, LTUNG BAS LUS LA GNOD DAM BSAMS LA GNOD ZER BA DANG , DKON MCHOG LA MCHOD PA BYAS NA'AM, MIS MTHONG DU RA BA'AM, MTHONG NA DGA' BA BYUNG BAS SA GTOR BA YOD DE, DE THAMS CAD NOR ZER BAR GDA',DON 'DIR JI LTAR BYED NA, LTA BA'I SHAN SPYOD PA LA MA PHOG PAR LUS NGAG GIS SANGS RGYAS KYI BKA' LAS JI LTAR 'BYUNG BA, 'DUL BA LAS JI LTAR BCAS PA; JO BO, STON PA, PO TO BA GSUM GYI GDAMS NGAG LAS JI LTAR 'BYUNG BA RNAMS GRA MCHAGS, ZUR MA NYAMS PAR SGRUBS LA BSAM PA 'DI 'BA' ZHIG SBYONG BA'O, ,YANG SPYOD PA'I SHAN LTA BA LA PHOG NAS RNAM RTOG GI MDUD PAS BCANGS PA YOD, YANG KHA CIG SNGAGS LA BRTEN NAS 'DUL BA PHYI, 'DUL BA LA BRTEN NAS SNGAGS PHYI, CHOS THAMS CAD GRU BZHIR KHYER SHES PA NGA'I BLA MA RGYA GAR BA LAS MA BYUNG BA YIN ZHES GSANG PHU BA GSUNG SKAD, 'DI LA GO BAS MTHA' CHOD PA DANG , BYED NGO SHES PA CIG MA BYUNG NA KHA CIG GI JI SKAD BYAS PAS JI TZUG YIN NAM SNYAM PA YONG BAS DE TZUG MA GO BAR SGRO 'DOGS RBAD KYI CHOD PAR BYAS LA, NYAMS SU ZUNG 'JUG TU BLANG BAR BYA'O, ,ZAS GOS LA SOGS PA'I RNAL 'BYOR THAMS CAD 'DIS BYA, 'CHI BA'I TSE YANG GZHAN GYI SKYE SHI'I SDUG BSNGAL THAMS CAD BDAG LA SMIN PAR GYUR CIG PAR BLO SBYONG , 'DZOM MA 'DZOMS LA SOGS PA'I YID LA BYED @329 PA THAMS CAD SPANGS LA, 'DI KHO NA NYAMS SU BLANG NGO, ,YANG GTO LOG MI BYA; CES PA NI, NAD PA KUN SHI YIS DOGS NAS GLUD GTOR, GTO BYED PA DE MI 'CHIR RE NAS BYED PA YIN, DE BZHIN DU CHOS SPYI'I DBANG DU BYAS NA, GZHAN GYI SDUG BSNGAL BLANGS PAS RANG LA BDE BA YONG DU RE BA DANG , RANG GI BDE BA SEMS CAN LA BTANG BAS MANG PO RE BA STE, DE LTAR NA SHA BO BA NI RANG CHOS PAR STON PAS CHOS BYED BZANG PO KUN JA SUN GYI SEN BAG RE BTANG NAS NGED CAG GROGS PO YIN ZER BA DANG , GNAS GZHI KHA DRAG PO LA 'JU BA DANG , LKOG TU YON BA GA RE LA BUN SKYED 'TSOL BA DANG , AA TI THUM THUM BAG RE BZLO BAR BZHI PO DE'I GSEB NAS CHOS PA'I YANG RTZE RE BA STE, BA STOR RE DANG CHUS KHYER RO LTA BU LA GCIG YONG CES 'DIR SANGS RGYAS KYI MTSAN NYID DANG , DE JI TZAM DU GAL CHE BA DANG , DE'I RGYU'I GTZO BO GANG YIN PA DPYAD NAS GNAD KYIS PHUL TE BSGOM PA CIG DGOS, DE LTA MA YIN NA GNUBS DA LANG SKRA 'DZOM PAS NGAN PA YANG DAG PA 'DI RIG PA'I GNAS KYI 'TSOL LUGS SAM, NGAS CANG MA BYAS PAR 'DI TZAM PA BYUNG BA YIN BYAS PAS AANG 'O NA 'O SKOL DPON G-YOG RGYAG PA CIG PAR BYUNG GSUNGS PA LTAR THOS BSAM SGOM GSUM BYAS PA DANG , BUM CHOG DANG BLA KHE BYAS PA THAMS CAD RGYAG PO CIG PAR SONG NA RLUNG GI KHYER BA YIN PAS CI BYED TSE 'DI DANG , RANG GI BDAG 'DZIN LA MA 'KHRIS PA CIG BYED PA'O, ,DE LA 'DI DGOS PAS, GNYIS PO SROGS DANG BSDO, ZHES PA NI, SPYI'I DAM TSIG DANG , DGOS 'DI'I DAM TSIG GO ,DANG PO NI, SKYABS 'GRO LA SOGS PA KHAS BLANGS PA DANG , BLA MA'I DAM TSIG RNAMS DANG 'GAL BA SROG DANG BSDOS NAS MA BYED PA'O, ,GNYIS PA 'BAN CHOS PA BZHIN DU LTUNG BA GLENG RES KYI MDUNG KHA BYED PA DANG , LUS NGAG @330 TU BDAG GZHAN BRJE LO BYED PA NI, 'DI NAS BSHAD PA'I, YAN LAG NYAMS PA BRJAD MI BYA, ,CES PA LA SOGS PA DANG , 'DUN PA BSGYUR LA RANG SOR BZHAG ,CES PA LA SOGS PA DANG , 'GAL BAS 'DI'I DAM TSIG DANG 'GAL BA STE, LTUNG BA GLENG BA NI, SKYON KHO NA LA RTOGS PAS BLO SBYONG YONG MI SRID, LUS NGAG TU SKYABS 'GRO LA SOGS PA KHAS BLANGS PA RNAMS GRA MA CHAG ,ZUR MA NYAMS PAR NYAMS SU BLANG DGOS PA YIN GSUNG, DE LA 'DI DGOS PAS, RTOG DPYOD GNYIS KYI THAR BYA, CES PA NI, RANG RGYUD LA NYON MONGS PA GANG CHE BRTAGS NAS DE'I GNYEN PO DGOS SU BSTEN NAS SPANG BA LA 'BAD PA DRAG PO BYA, YANG KHONG GI LAN ZER BA'I 'DAS PA'I NYES PA DANG , MA 'ONGS PA NA 'DI 'DRA BYUNG , GNYEN PO 'DI BZHIN BSTEN, SNYAM DU GO CHA GYON ZHING SPYOD PA STE, 'DAS PA'I DBANG DU BYAS NAS NA TSA DANG DGRA 'DRE'I GNOD PA DANG , BRANG ZLA MA RNYED PA DANG , KHA GRANG ZER BA DANG , RKUN MA DANG , BRDUNG RDEG LA SOGS PA GNOD PA CI BYUNG BA THAMS CAD TSE THOG MA MED PA NAS KYI BU LON DANG LAN CHAGS DANG SHA 'KHON CI YOD PA THAMS CAD DES BYANG BAR GYUR CIG PAR BLO SBYONG, MA 'ONGS PA LA DO NUB SROD DAM, THO RANGS NAS BZUNG NAS KHYI LA KHYOD DA RA GTONG NA, NGA 'DIR CHA ZER BA LTAR NGA LA SKUR BA 'DEBS PA DANG , RKUN MA 'DZUGS PA DANG , 'DI NAS BTON NAS GTONG BA DANG , NAD DRAG PO LA SOGS PA 'DI LTA BU BYUNG NA BDAG GZHAN BRJE BA'I BYANG CHUB KYI SEMS 'DI BZHIN DU BSGOM SNYAM DU GO CHA GYON PA STE, PO TO BA RANG CAG LA BTZONG MO CIG GI BU CHUNG SKYEL DU BYUNG NAS ZHES PA LA SPYAN SNGA BA NI MI DGA' BAR 'DUG CES DANG , PHU CHUNG BA NGA NI 'CHI BA BAS GSO BAR 'DUG CES PA LTAR, 'DAS MA 'ONGS GNYIS LA SBYAR NAS BSGOM (RTOGS DPYOD GNYIS KYI @331 THAR GYIS BDAG 'DZIN GYI 'KHRIS GNOD PAR BYA'O,,) PA'O, ,DE YANG DU DUS GCIG TU YONG BA CIG DGOS PAS, DOL CHOD DU SBYANG, ZHES BYA BA NI, GTAR KA'I RTZA RBAD CHOD BYED PA DOL CHOD ZER BA LTAR NYON MONGS PA SKYES MA THAG TU TSAM TSOM DANG , NEM NUR MED PAR GNYEN POS 'BUR 'JOMS BYED PA'O, ,DE LA YANG RANG DON DANG MA 'DRES PA GCIG DGOS PAS, DUG CAN GYI ZAS SPANG , ZHES BYA BA NI, ZAS BZANG POS LUS BRTAS PAR BYED KYANG DUG DANG 'DRES NA 'CHI BA LTAR, BYANG CHUB KYI SEMS LAS SANGS RGYAS 'BYUNG YANG , DNGOS 'DZIN DANG 'DRES NA 'KHOR BA'I SDUG BSNGAL SKYED PAS DUG CAN GYI ZAS DANG 'DRA'O, ,YANG PHYI MA LHA MI'I BDE BA DANG , NYAN RANG GI THAR PA'I BDE BA THAMS CAD BLO SBYONG GI DUG YIN PAS SPANG BAR BYA'O, ,YANG BDE BA 'DOD PAS GZHAN LA NGAN SEMS BYAR MI RUNG BA NYID, SKYID KYI YAN LAG TU SDUG MA 'TSOL, ZHES BYA BA NI, DGRA SHI NA RANG LA GNOD PA BYED PA MED PA DANG , NYE 'BREL SHI NA DE'I NOR BDAG LA YONG DU RE BA DANG , SGOM CHEN GROGS PO SHI NA YUL DER RANG LA BSOD NAMS YONG DU RE BA LA SOGS PA DANG , KHYIM PA DANG THUN MONG BA'I SO NAM RNAM BZHI LAS SKYID PA RE BA DANG , DE THAMS CAD SKYID PA 'DOD PAS SDUG BSNGAL 'TSOL BA YIN, GLANG RI THANG PA'I BLA SMAN JO BTZUN RIN BYANG DPON G-YOG LA YON BDAG KUN GYI ZHO BSKYAL NAS SKYID PA LA SDUG BTZAL TA, DE BAS KYANG 'DZOM PA GCIG PA BZHED NAS MDZO MO GCIG SREL BAS ZHO LA SOGS PA SKYEL BA'I 'PHRO CHAD, DBYAR MDZO ZHING GSEB TU SONG ZHING NYE GNAS PA SBYONG LO, ,DE LTA BU LA SOGS PA SKYID KYI YAN LAG TU SDUG BSNGAL 'TSOL BA MANG PO YONG BA RNAMS SPANG LA, SEMS CAN THAMS CAD BDE NA DGA', SKYID NA DGA' BA LA BSAM PA BZANG ZER BA YIN PAS DA LTAR BYA GSUNGS, @332 DE RNAMS KYI THABS KUN RDZOB BYANG CHUB KYI SEMS BSGOM PA BSTAN NAS, DA NI SHES RAB KYI CHA DON DAM BYANG CHUB KYI SEMS BSGOM PA BSDUS TE BSTAN PA NI, BRTAN PA THOB NAS GSANG BA BSTAN, ,ZHES PA NI, DON DAM PA'I BYANG CHUB KYI SEMS NYAMS SU BLANG BAR BSTAN PA 'DI LA SBYOR BA DANG , DNGOS GZHI DANG , RJES GSUM DU GNAS PA LAS, DANG PO NI, DKON MCHOG GI MCHOD KHANG DU LHA DANG BLA MA LA MCHOD PA PHUL LA GSOL BA BTAB LA, BSAM GTAN KYI KHANG PAR STAN BDE BA LA SKYIL KRUNG GIS 'DUG STE, DBUGS NYI SHU RTZA GCIG BGRANG NGO, , DE NAS LUS NGAG YID GSUM BSAM GTAN GYI SNOD DU RUNG BAR BYAS PA'O, ,DE NAS KUN RDZOB BYANG CHUB KYI SEMS SNGON DU BTANG LA, DNGOS GZHI NI, 'DI KUN GCIG CAR 'JUG PA'I LUGS YIN PAS, DNGOS GZHI BDAG THAMS CAD KYI STONG PAR GCIG CAR BSGOM YANG SBYOR BA' DUS SU SO SOR RTOGS PA'I SHES RAB KYI RIM PAR RTZIS LA GDAB STE, 'DI NI ZHI GNAS KYI RLAN GYIS RTOGS PA'I MYU GU SKYE BA'I DGOS PA YOD GSUNGS, DE LA THOG MAR BZUNG BA RANG BZHIN MED PAR BSGOM PA NI, CHOS RNAMS RMI LAM LTA BUR BSAM, ,ZHES PAS BSTAN TE, 'DI LTAR SNANG BA RANG BZHIN GYI PHYI NANG SNOD BCUD 'DI THAMS CAD RANG GI SEMS 'KHRUL BA'I SNANG BA TZAM LAS MA GTOGS PA SEMS LAS THA DAD PA'I DON RDUL TZAM YANG YE NAS GRUB PA MED, RIG PAS DPYAD NA RIGS DON BDEN PA MED PAR SEMS PA DANG , DE NAS 'DZIN PA RANG BZHIN MED PAR BSGOM PA NI, MA SKYES RIG PA'I GSHIS LA SPYAD, ,CES GSUNGS PAS SEMS 'DI YANG 'DAS PA 'GAG ,MA 'ONGS PA MA SKYES, DA LTA BA YANG CHA GSUM DANG LDAN ZHING GNAS 'DI NA GNAS BYA BA DANG , KHA DOG DANG DBYIBS DANG BONG TSOD LA SOGS PA GSHIS SPYIR MA GRUB CING MA SKYES PAR @333 BSAM PA DANG , DE NAS CHOS THAMS CAD RANG BZHIN MED PAR BSGOM PA NI, GNYEN PO NYID KYANG RANG SAR GROL, ,ZHES PAS YUL SEMS THAMS CAD STONG PA NYID DU DPYAD PA'I GNYEN PO BYED PA'I SEMS 'DI NYID KYANG MA GRUB PAS YUL SEMS GNYIS SU MA 'DUS PA'I SHES BYA MED LA, DE GNYIS RANG BZHIN MED PAR DPYAD ZIN PA'I PHYIR RO, ,DE LTAR SPYIR YANG MA GRUB PA LA CIR YANG MI 'DZIN PA'I NGANG LA GLOD LA, RIG PA GSAL LA MI RTOGS PA 'DI BYING RGOD KYI DBANG DU MI BTANG BAR SO MAR BZHAG GO CES STON PAS, LAM GYI NGO BO KUN GZHI NGANG LA BZHAG ,BDUN PO SEMS BYUNG RTOG PA (SNA TSOGS BDUN PO SEMS BYUNG RTOG PA YIN PAS RTOG PA'I SHES PA YUL CAN RANG DAG PAR MI BTANG BAR RTOGS PA GANG SKYES LA, RIG PAS BLTAS LA CHOS NYID KYI NGANG DU GLOD LA,) YIN PAS SPANG , ,ZHES GSUNGS PA YIN NO, ,PHYI RTOGS PA SKYES TSAD KYANG RIG PAS RIG PA LA LTAS LA CHOS NYID KYI NGANG DU GLOD CING 'GRO (^CHOS THAMS CAD KYI RTZA BA'I GZHI SMRA BSAM BRJOD DU MED CING SPROS PA DANG BRAL BAS GZHI MA JI LTAR GNAS PA BZHIN DU SPANGS, DE LTAR BZHAG CING NYAMS SU BLANGS PAR BYA'O,,) BAR BYA'O, ,DE YANG THUN CHUNG LA GRANGS MANG BA STE, THUN ZHABS BSDU BA DANG BCAS SHING BZANG GYIS BYED PA MCHOG YIN NO, ,ZHES PA LTAR RO, RJES LA BYA BA, THUN MTSAMS SGYU MA'I SKYES BUR BSAM, ,ZHES GSUNGS PA YIN NO,, PHUNG PO LNGA DBANG PO DRUG SPYOD LAM RNAM BZHI THAMS CAD RTEN 'BREL TSOGS PA'I SNANG BA SGYU MA LTA BUR SHES PAR BYAS NAS BDEN 'DZIN DANG CHAGS SDANG LA SOGS PA'I RJES SU MI 'BRANG BAR MA RTOGS PA'I 'GRO BA LA SNYING RJE SKYE ZHING MNYAM BZHAG GI NYAMS MA DOR BAS ZUNG 'JUG CHEN PO'I NGANG LA GNAS PAR BYA'O, ,DE LTAR BSGRUB PA THAMS CAD KYANG , ,DNGOS 'DZIN ZHEN PAS MA SLAD PAR, ,MKHA' BZHIN YE STONG CHEN RO @334 DGYER, ,'CHI MED BDE CHEN NGANG DU 'GRO ,ZHES GSUNGS PA YIN NO, DUS GSUM RGYAL BA SRAS BCAS KUN GYI LAM, ,THEG CHEN SDE SNOD MA LUS KUN GYI BCUD, , BLA MA RNAMS KYI THUGS DAM KUN GYI GTZO, ,BLO SBYONG GDAMS PA ZAB MO 'DI YIN NO, ,RNAM DBYE MA LUS GCIG TU BSDU PHYIR DANG , ,RNAM DBYE'I BYE BRAG KHYAD PAR RTOGS PHYIR DANG , ,RNAM GNYIS LA BRTEN GO BA SLA PHYIR DANG , ,RANG SEMS DGA' BA BSKYED PHYIR 'DI BYAS SO, ,RIN CHEN BLA MAS BLA MA'I GSUNG LA BRTEN, ,RANG GIS BLOS KYANG CUNG ZAD DON LA SBYONG , ,'BREL DANG GO RIM GNAD KYI GDAMS PA DANG , ,BCAS PA'I TSUL GYIS BLO SBYONG 'DI BSHAD DO, ,DE LTAR GYUR LA 'GAL 'KHRUL CI MCHIS PA, ,BLA MA BRGYUD PAR BCAS LA BZOD PAR GSOL, ,LA LAS MTHONG STE MA DAD SKYES GYUR NA, ,RGYU MTSAN BSTAN PHYIR DE YANG BZAD PAR GSOL, ,BDAG GIS 'DI SBYAR DGE BA'I ME TOG LA, ,'GRO DRUG BUNG BA'I TSOGS KYIS NYER BSTEN TE, ,GZHAN DON RO GCIG SBRANG RTZI LEGS SPYAD NAS, ,CHOS 'DI NAM MKHA'I DON DU BYED PAR SHOG ,'DI SANGS RGYAS BSGOM PA'I TSOGS BSHAD CHEN MO YIN ZHING , SEMS DPA' CHEN POS MDZAD PA'I BLO SBYONG GI KHRID YIG GI BTUS GZHI YANG 'DI YIN NO, ,LUNG MA THOB, DZA GA TAm,, ,,