@338 RTEN 'BREL SNYING PO'I KHRID YIG BZHUGS SO,, *, ,BLA MA DAM PA'I ZHABS LA PHYAG 'TSAL LO, ,JO BO LHA GCIG GI BLO SBYONG LA, DHA RMARKshI TA, BYAMS PA'I RNAL 'BYOR PA, BLA MA GSER GLING PA'I LUGS DANG GSUM YIN GSUNGS, 'DI LA SBYOR BA, DNGOS GZHI, RJES GSUM MO,, DANG PO SBYOR BA NI, MDUN GYI NAM MKHAR BLA MA BRGYUD PA DANG BCAS PA DANG , THUGS RJE CHEN PO BSGOMS LA, YAN LAG BDUN PA RGYAS BSDUS GANG RUNG DANG , 'BYOR NA MAndAL DBUL, GSOL BA GDAB PA NI, TSE 'DI'I 'DUN MA THAMS CAD CHOS SU 'GRUB PAR BYIN GYIS RLOBS, BYAMS SNYING RJE BYANG CHUB KYI SEMS RGYUD LA SKYE BAR BYIN GYIS BRLAB TU GSOL, CHOS MIN GYI BSAM PA SKAD CIG TZAM YANG RGYUD LA MI SKYE BAR BLO CHOS SU 'GRO BAR BYIN GYIS BRLAB TU GSOL, RTOGS PA DANG TING 'DZIN RGYUD LA SKYE BAR, SEMS CAN THAMS CAD MA RU GO BAR BYIN GYIS BRLAB TU GSOL, ZHES GSOL BA GDAB BO, ,DNGOS GZHI LA BYAMS PA DANG , SNYING RJE BYANG CHUB KYI SEMS BSGOM PA'O, ,DANG PO NI, BYAMS PA BSGOM PA NI, SNYING RJE'I CHU BO BYAMS PA STE, DE SDUG BSNGAL LA YANG DAG SKYE, ZHES GSUNGS PA'I DON, THOG MAR TSE 'DI'I MA LA BYAMS PA BSGOMS PA STE, BYAS PA SHES SHING DRIN DU BZO BA LA BYAMS PA SKYE PAS SO, ,DE YANG DANG PO MNGAL NA YOD PA'I DUS SU, KHA ZAS MI MTHUN PA SPONG BA LA SOGS PA, CHUD ZOS DOGS KYIS DOGS NAS BSKYANGS PAS DRIN SHIN TU CHE, DE NAS SKYES PA DANG 'BU RID LTA BU DE, SOR MO BCU'I KHA LA BLANGS, ZAS LCES BSNYED MI GTZANG BA LAG PAS PHYIS, SHA LA GCER NAS, NU ZHO BSNUN PA LA SOGS PA'I SGO NAS KYANG BSKYANGS PAS DRIN CHE, @339 CHER SKYES PA DANG , ZAS GOS NOR LA SOGS PA THAMS CAD BU LA BYIN TE, MDOR NA 'KHOR LOS BSGYUR BA'I RGYAL SRID THAMS CAD MO'I BU LA YOD NA CHES PA MED SNYAM PA' SGO NAS BDAG SKYABS PAS, DE LTA BU'I BRTZE BAS BSKYANGS PA'I MA 'DI BDE BA'I RGYU LA DGOD PAR BYA'O SNYAM DU, RKANG GI KHONG , RUS PA'I GTING NAS BSGOM PAR BYA'O, ,BYAMS PA LA 'GOD PAR BYA'O, ,SNYAM PA GO CHA DANG 'BREL BA'I BYAMS PA, GYUR CIG SNYAM PA SMIN LAM DANG 'BREL BA'I BYAMS PA, BDE BA DANG BDE BA'I RGYU DANG LDAN NA DGA' SNYAM PA RJES SU YI RANG 'BREL BA'I BYAMS PA'O, ,GSUNGS, DE NAS CUNG ZHIG NGAL BSO LA LHOD KLOD DE, MA BCOS PA'I NGANG LA BZHAG GO ,DE LTAR GSOL BA GDAB PA, BYAMS PA BSGOM PA, LHOD KLOD PA GSUM LA ZAS BZA' YUN RE TZAM BYA GSUNG NGO , ,DE NI THOG MAR MA LA DMIGS PA'I BYAMS PA BSGOM PA'O, ,DE LA SNYING RJE SKYES MA SKYES KYANG RUNG STE, GNYIS PA BYAMS PA GNYEN LA BSRE BA NI, 'DI MAN CHAD THAMS CAD LA SNGON 'GRO RJES NI GONG DANG 'DRA'O, ,DNGOS GZHI NI PHA DANG NYE DU DANG THAMS CAD 'DI RNAMS KYI MA MA BYAS PA MED, BDAG 'KHOR PA THOG MED NAS SKYE SHI'I 'DOR LEN 'BA' ZHIG BYAS, MA BYAS RES KYIS PHAN BTAGS GNOD PA LAS SKYABS PAS DRIN CAN GYI MA RGAN 'DI RNAMS BDE BA'I RGYU DANG LDAN PA LA BDAG GIS DGOD PAR BYA'O SNYAM DU SNYING THAG PA NAS BDAG GI BSGOM MO, ,MI'I 'GRO BA RNAMS LA BSGOM PA NI, YUL MI KHYIM MTSES LUNG PA GCIG GI MA GNYIS GSUM BZHI 'DZAM BU'I GLING , GLING GSUM RE RE NAS BSGOM MO, ,DE NAS DMYAL BA LA BYAMS PA BSGOM PA, DE NAS YI DVAGS LA, BYOL SONG LA, DE NAS LHA LA BSGOM PA LA YANG BYED MI'I DE SNGON LA BSGOM, LHA LA 'CHI 'PHO LTUNG BYED, RIMS NAD RAB TU TSA BAS NYOG @340 NYOG POR 'GRO BA LA SOGS PA LHA MA YIN LA 'THAB RTZOD KYA DU:- KHA LA SOGS PA DPAG TU MED PA BSGOM MO, ,LHA MA YIN LA DMIGS PA BTZUGS NA SGOM SA MED, BYOL SONG LA RIGS BYE BA STONG PHRAG BRGYAD CU YOD, PHYI'I RGYA MTSO CHEN PO'I NANG 'DOM BCU GNYIS MAN CHAD NA CHANG BSRINGS PA'I SPANG MA TZAM YOD DE, NYA CHEN PO NYA MING DE, 'DI CHU SRIN RNAMS KYI CHU THIG RE 'THUNGS PA'I NYA CHE CHUNG DPAG TU MED PA KHONG PA'I NANG DU SONG NAS 'CHI, YANG CHUNG BA MANG POS CHEN PO RE'I GZHOGS LA BUG PA BRAG PHUG TZAM DOD NAS ZAS TE, DGRA ZIN MED PAS GLO GZHIBS NAS GCIG GI GCIG ZA BA'I DU:- KHA DPAG TU MED PA DANG , YANG DUD 'GRO KHA 'THOR BA GCAN GZAN RI DVAGS BYA BYI'U 'BU SRIN LA SOGS PAS KYANG GCIG LA GCIG GI ZA BA'I DU:- KHA DPAG TU MED PAR BSAM LA BSGOM, MI LA 'KHOR BA RNAMS KYANG RGAS RGAS SHI SHI BAR LA KHAL BKAL, SPU BTAGS, ZHO BZHOS, BSHAS NAS ZA BA LA SOGS PA DU:- KHA DPAG TU MED PAR YOD PA BSGOM MO, ,YI DVAGS LA RIGS SUM CU SO DRUG YOD, DE YANG LNGAR 'DUS PAS DE RNAMS KYI DU:- KHA DRAN PAR BYAS LA BSGOM, DMYAL BA LA BYAMS PA BSGOM PA NI, DMYAL KHAMS BCO BRGYAD KYI DU: KHA DRAN PAR BYAS LA BSGOM, BYAMS PA LA SNYING RJE MA SKYES NA, GNYIS PA SNYING RJE BSGOM PA NI, GZHAN SBYOR BA DANG RJES GONG BZHIN BYAS DNGOS GZHI LA RTZA BA'I MA LA SNYING RJE BSGOM PA NI, GONG BZHIN DRIN DRAN PAR BYAS TE, DRIN CAN GI MA RGAN 'DI BDE BA DANG LDAN, SDUG BSNGAL DANG BRAL NA DGA' BA LA, 'KHOR BA SDUG BSNGAL GYI RGYA MTSO NA 'KHYAMS KYIN 'DUG PA SNYING RE RJE SNYAM DU BSGOM, 'DI MAN CHAD DANGS GZHI'I 'DUN PA BSGYUR LA DMIGS PA THAMS CA TSANG BAR BYAMS PA'I SKABS SU BKAR BZHIN BSGOM PAR BYA'O, ,YANG GONG BZHIN BYAMS PA GNYIS @341 GANG RUNG LA SNYING RJE SKYES NAS, SNYING RJE CHEN PO BSKYED PA NI LUS KYI LUS BCUN TE TZOG PU LA SOGS BYA, SO BAR DU MDZUB MO GCIG BCUG LA 'GRAM PA BSTEN LUS KYI NGAG BCUN PA NI KHONG PA'I NANG NA YAR LA AA MA ZHES DRANGS, NGAG GIS YID BCUN PA NI, SEMS CAN DMYAL BA LA SOGS RIGS DRUG LA SNYING RJE BSGOMS SHING , 'DI RNAMS KYIS MA MA BYAS PA MED PAS, MA 'DI RNAMS SNYING RJE AA ZHES SNYING THAG PA NAS BSGOM, MA MIN PA LA MAR BSGOM PA MIN TE, BSTAN BCOS MYA NGAN BSAL BA LAS, MA'I THUG MTHA' RGYA SHUG TSIG GU TZAM, ,RIL BU BGRANGS KYANG SA YI LANG MI 'GYUR, ,ZHES GSUNGS, GNYIS PA BYANG CHUB KYI SEMS BSGOM PA NI, SNYING RJE RANG BYAS PAS MI PHAN GTONG LEN BSGOM DGOS TE, DMYAL BA LA SOGS KYI MA DE RNAMS KYI DU:- KHA BDAG LA TSUR BSDU, BDAG GI BDE BA DE RNAMS LA BYIN PAS, GNAS SKABS DANG MTHAR THUG GI BDE BA THAMS CAD THOB PAR BSGOM, DE YANG DU: KHAS DNGOS SU GNOD, KUN 'BYUNG GIS THAR DU MI STE, BAS, SEMS CAN THAMS CAD KYI DU:- KHA DANG , KUN 'BYUNG GNYIS SPU GRIS BZHAR BA LTAR BLANGS LA RANG LA TSUR BSDU, RANG GIS BDE BA THAMS CAD SEMS CAN GZHAN LA BYIN PAS, GNAS SKABS SU CHOS KYI MTHUN RKYEN MA TSANG BA MED PA BYUNG ZHING , MTHAR THUG SANGS RGYAS YER THOB PAR BSAM, RMI LAM DU YANG BSGOMS TE, CHUS KHYER BA KHANG PA GZHIG PA, MTSON RDEG PA LA SOGS GANG BYUNG YANG BSGOM, YANG SNYING RJE TING NGE 'DZIN GNYIS LAS, GANG LA BSGOM PA DEL SNYING RJE LHANG SKYES PA DE SNYING RJE DNGOS YIN LA, DE'I NGANG LA GTONG LEN BSGOMS NAS YID GZHAN DU MA YENGS PAR LHOD KLOD NAS BZHAG PA NI SNYING RJE'I TANG NGE 'DZIN YIN GSUNGS, YANG ZHI GNAS KYA TING NGE 'DZIN BSGOM DU SKYES NA DON RGYUD LTA BU DANG BSRES NAS SGOM GSUNG , @342 YANG 'DI'I DMIGS PA THOG MA NAS SNYING RJE SKYES NAS SNYING RJE TSAD MED PA DANG GTONG LEN BYA, DE LUNG THOB PAR BYA BA'I PHYIR DMIGS PA THAMS CAD BYA, SPYIR 'DI LA BZHI NAD THOG TU DBAB PA, GDON THOG TU DBAB PA, BAR CHAD KYI THOG TU DBAB PA, LAS DANG NYON MONGS PA'I THOG TU DBAB PA'O, ,DANG PO NI RANG LA GANG BYUNG YANG SEMS CAN THAMS CAD KYI NAD BDAG LA BSTIM LA, SEMS CAN THAMS CAD NAD DANG BRAL BDAG GI NAD JI CHE LA SONG BAR BSAM ZHING , DRUG TU RE'I BSAM PA MI BYA; YANG DANG YANG DU BSTIM ZHING BSGOM, GNYIS PA GDON THOG TU DBAB PA NI DON RGYUD LTAR PHO GDON SA BDAG MA GDON GANG BYUNG YANG SEMS CAN THAMS CAD KYI GDON BDAG LA BSTIM PA DANG , GDON YANG MAR BSGOM, BDAG GI BDE BA MA RNAMS LA BYIN PAR BSAM LA GTONG LEN BYANG CHUB KYI SEMS BSGOM, DE LTAR GDAN MAR BSGOM, BDAG BUR MTHONG STE MA DGA' BU SKYID 'ONG , GCOD BZHIN DU 'JIGS SKRAG LA SOGS BLOS MI 'ONG GSUNG , GSUM PA BAR CHAD KYI THOG TU DBAB PA NI, BDAG LA BAR CHAD GANG BYUNG YANG , ,SEMS CAN THAMS CAD DANG SGRUB PA PO THAMS CAD KYI BAR CHAD BDAG LA BSDU ZHING , BDAG GI BDE BA DE RNAMS LA BYIN PAS BAR CHAD DANG BRAL BAR BSAM PA YANG YANG DU BYA'O, ,BZHI PA LAS DANG NYON MONGS PA'I THOG TU DBAB PA LA GNYIS, RGYU NYON MONGS PA'I THOG TU DBAB PA DANG , ,'BRAS BU LAS KYI THOG TU DBAB PA'O, ,DANG PO NI, NYON MONGS PA GANG RAGS PA DE THOG MAR SLONGS LA, PHAL CHER ZHE SDANG SLONG SLA, DE YANG ZHE SDANG RAGS PA NA, MI GRI BRDEG 'DOD PA LA SOGS PA 'ONG LA, PHRA BA LA TSIG PA ZA BA GO LAG YANG 'DI SKYUR NA SNYAM PA 'ONG , ,GTI MUG SLONG DKA' STE; BSGOMS NA PHYIS NAS SLONGS GSUNGS, NYON MONGS PA GZHAN YANG SLONGS CI @343 RIGS LA YONG , DE YANG GANG GIS SLONGS BYUNG YANG , BYUNG MA THAG MI BSGOM STE; STOBS RDZOGS PA DANG BSGOM, DPER NA ZHING 'GA' ZHIG LA LO BTAB NA, THOG MAR ZLUM SKYES KYANG SKYES MA THOG NAS MI 'BAL TE, ZLUM RTZAB NAS MI THON PHYIS ZLUM GYI STOBS RDZOGS PA DANG BRAL NA RTZA BA 'THON SHING LEGS PA DANG 'DRA'O, ,DES NA NYON MONGS PA GANG SKYES KYANG STOBS RDZOGS PA DANG , SEMS CAN THAMS CAD KYI NYON MONGS PA ZHE SDANG SOGS BDAG LA BSTIM, BDAG GI BDE BA SEMS CAN THAMS CAD LA BYIN PAS NYON MONGS PA THAMS CAD DANG 'BRAL BAR BSGOM, 'BRAS BU LA DBAB PA NI, ,RANG GI NYAMS LA DMYAL BA LA SOGS NGAN SONG GSUM GYI SNANG BA GANG BYUNG YANG NGAN SONG GSUM GYI DU:- KHA THAMS CAD BDAG LA BSTIM PA YANG YANG BYA, YANG NYAM NGA BA'I RNAM PA BYUNG YANG , SEMS CAN THAMS CAD KYI NYAM NGA BA BDAG LA BSDU ZHING GTONG LEN BSGOM MO, ,SPYIR 'DI LA NYAMS THOG NAS BSGOM 'TSOL BA DANG , SGOM THOG NAS NYAMS 'TSOL BA GNYIS YIN GSUNGS, DE LA DANG PO NI, GONG GI BYAMS PA SNYING RJE BYANG CHUB KYI SEMS GSUM GYIS DMIGS PA BSGOM PA LA NYAMS GANG SKYES SKYONG ZHING BSGOM PA'O, ,BSGOM THOG NAS NYAMS 'TSOL BA NI, DPE GCOD BZHIN DU NAD GDON LA SOGS GANG BYUNG YANG GTONG LEN BYANG CHUB KYI SEMS BSGOM ZHING , NYAMS SKYONG BA KHO NA YIN NO, ,YANG BSGOM SNYING MI 'DOD PA BYUNG NA 'JIG RTEN GYI KHAMS NA SGOM MI BYED PA LA ZAD PA MED SNYAM DU BSAM LA RES KLOD LA BZHAG ,YANG JI LTAR BSGOM BYA GSUNGS, SPYIR 'DIR KHRID KYI DMIGS PA SPO ZHING BSGOM PA NI, DPER NA PHA BONG CHEN PO 'DON PA LA PHYOGS MTHA' DAG NAS GLAGS GAR CHE LTA ZHING , BZUNG BA DANG 'DRA GSUNG , CHOS THAMS CAD RTEN CING 'BREL BAR 'BYUNG BA YIN LA DE'I RTZA BA'AM SNYING PO NI, BYAMS SNYING RJE BYANG CHUB KYI @344 SEMS BSGOM PA YIN PAS NA RTEN 'BREL SNYING PO ZHES BYA'O, ,'DI BLA MA GSER GLING PA'I GTONG LEN BYANG CHUB KYI SEMS BSGAM PA'O, ,'DI'I BRGYUD PA NI, STOM PA SANGS RGYAS BYAMS PA, GSER GLING PA, JO BO RJE, SLOB DPON STON PA, PO TO BA, RGYA LCAGS RI BA, RNAL 'BYOR PA CHOS G-YUNG DRUNG , SGYER SGOM ZHIG PO, RGYA SGOM RI PA, BO DONG PA, BLA MA DBANG PA, NYAN PO PA, DE RNAMS LA BRGYUD PA LAGS SO, RANG GI RJED BYANG SPANG BA'I PHYIR, SGRO SKUR MED PA RDO RJE'I TSIG ,BLA MA'I GSUNG 'DI YI GER BKOD, ,DGE BAS MA RNAMS SANGS RGYAS SHOG ,,SARBA MANGGA LAm,, DD]