@345 BLO SBYONG GSUNG BGROS MA'I KHA SKONG BZHUGS SO,, *, ,DUS GSUM RGYAL BA SRAS DANG BCAS RNAMS LA, ,SGO GSUM DANG BA'I SGO NAS PHYAG 'TSAL LO, ,THEG CHEN BLO SBYONG LAM GYI RTEN GYI CHOS, ,SNGON 'GRO'I CHOS BZHI CHUNG ZAD 'DIR BRJOD BYA, ,'DIR THEG PA CHEN PO BLO SBYONG GI SNGON 'GRO'I RTEN GYI CHOS BSTAN PA LA BZHI LAS, DANG PO DAL 'BYOR RNYED DKA' BSAM PA NI, 'KHOR BA'I RGYA MTSO LAS BSGRAL TE THAMS CAD MKHYEN PA'I GO 'PHANG THOB PAR BYED PA LA, RGYU THABS SHES ZUNG DU 'BREL BA'I CHOS RNAM PAR DAG PA BYED DGOS PA LA, DE LTA BU'I CHOS BYED PA LA, RTEN DAL 'BYOR MI LUS RNAM PAR DAG PA CIG DGOS TE, SLOB SPRING LAS, BDER GSHEGS LAM RTEN 'GRO BA 'DREN PAR CHAS GYUR PA, ,SEMS KYI STOBS CHEN MI YI RNYED PA GANG YIN PA, ,LAM DE LHA DANG KLU YIS MI RNYED LHA MIN DANG , ,MKHA' LDING RIGS 'DZIN MI 'AM CI DANG LTO 'PHYES MIN, ,ZHES GSUNGS PA LTAR, ,DES NA CHOS SGRUB PA'I DAL 'BYOR GYI LUS 'DI SHIN TU RNYED PAR DKA' LA, BDAG GIS DA RES DAL 'BYOR THOB PA 'DI, DON MED DU MI 'GYUR BAR CHOS RNAM PAR DAG PA CIG BYED DGOS SO SNYAM DU BSGOM MO, ,DAL 'BYOR RNYED PAR DKA' BA CI STE SNYAM NA, 'DI LA BZHI STE, RGYU'I SGO NAS, NGO BO'I SGO NAS, GRANGS KYI SGO NAS, DPE'I SGO NAS RNYED PA DKA' BA DANG BZHI'O, , DANG PO NI DAM PA'I CHOS BSGRUB PA'I RTEN DAL 'BYOR GYI MI LUS 'DI THOB PA LA, RGYU CHOS RNAM PAR DAG PA CIG BYED DGOS TE, ZHI BA LHAS, DGE BA DAG KYANG MA BYAS SHING , ,SDIG PA DAG KYANG NYER BSAGS NA, ,BSKAL PA BYE BA BRGYAR YANG NI,, BDE 'GRO'I SGRA YANG THOS MI 'GYUR, ,ZHES PAS, DGE BA MA SPYAD CING SDIG @346 PA BSAGS NA, DAL 'BYOR THOB PA LTA CA SMOS, BDE 'GRO ZHES PA'I SGRA TZAM YANG THOS PAR DKA' BA'I PHYIR RO, ,DES NA SEMS CAN GYI BYED TSUL LA BRTAGS NAS, CHOS DANG CHOS MIN PHYID PA'I BLOS DPYAD NA, CHOS RNAM PAR DAG PA SHIN TU NYUNG BAS, 'BRAS BU DAL 'BYOR THOB PA SHIN TU DKA' 'O, ,GNYIS PA NGO BO'I SGO NAS RNYED PAR DKA' BA BSAM PA NI, 'O NA DAL 'BYOR ZHES BYA BA CI LTA BU ZHIG LA ZER ZHE NA, DAL BA BRGYAD 'BYOR PA BCU STE, CHOS BCO BRGYAD TSANG BA'I LUS GCIG LA ZER BA YIN NO; ;DE LA DAL BA BRGYAD NI, MI MA YIN PAS BSDUS PA'I MI KHOM PA BZHI DANG , MI'I 'GRO BA BAS BSDUS PA'I MI KHOM PA BZHI DANG , MI KHOM PA BRGYAD SPONG BA'O, , MI MA YIN PAS BSDUS PA'I MI KHOM PA BZHI NI, NGAN SONG GSUM DANG LHA TSE RING PO'O,, NGAN SONG GSUM NI PHAL CHER LA CHOS KYI SGRA YANG MI GRAGS LA, NGAN SONG GI SDUG BSNGAL SHIN TU DRAG POS GZIR BAS, SDUG BSNGAL GYI KHA KHYER 'BA' ZHIG LA SONG NAS, CHOS SGRUB TU MI KHOM MO, ,LHA TSE RING PO NI MNGON PA'I NGA RGYAL SHAS CHE ZHING , 'GAL RKYEN LOG LTA SKYE BA'I GNAS YIN PAS, CHOS SGRUB TU MI KHOM MO, ,MI'I 'GRO BA BAS BSDUS PA'I MI KHOM PA BZHI NI, MIR SKYES KYANG KLA KLO DANG , SANGS RGYAS MA BYON PA'I 'JIG RTEN GYI KHAMS SU SKYES PA DANG , LOG LTA SKYES PA DANG , LKUGS PA RNAMS NI CHOS SGRUB TU MI KHOM MO, ,DE LA KLA KLO NI, CHOS KYI SGRA YANG MI GRAGS LA, MA BAG MAR LEN PA LA SOGS PA CHOS DANG 'GAL PA'I THA SNYAD PHYIN CI LOG PA SPYOD PA'O, ,SANGS RGYAS MA BYON PA'I 'JIG RTEN GYI KHAMS SU SGRUB RGYU'I SANGS RGYAS KYI GSUNGS PA'I CHOS MED PA'O, LOG PAR LTA BAS NI, CHOS KYI RTZA BA GCOD PA'O, ,LKUGS PA NI DBANG PO NYAMS TE, DE YANG YID KYI DBANG PO NYAMS PAS CHOS DANG CHOS MIN PA'I RNAM 'DBYE LA RMONGS PAS @347 CHOS KYI THA SNYAD LAS 'DAS PA'O, ,DE NYID KYI PHYIR NA, MI KHOM PA BRGYAD LAS THAR PA NI SHIN TU DKA' STE, RIGS DRUG GI 'GRO BA PHAL CHER 'DI NYID KYI NANG DU 'DRA PA'I PHYIR 'BYOR PA BCU NI, GZHAN 'BYOR LNGA, RANG 'BYOR LNGA STE BCU'O, DANG PO NI, SANGS RGYAS 'JIG RTEN TU BYON PA DES CHOS GSUNGS PA, BSTAN PA GNAS PA, BSTAN PA'I RJES SU GZHAN 'JUG PA YOD PA, GZHAN GYI PHYIR SNYING BRTZE BA YOD PA'O, ,GNYIS PA NI, RANG NYID MAR SKYES PA, YUL DBUS SU SKYES PA, LAS KYI MTHA' MA LOG PA, DBANG PO TSANG BA, GNAS LA DAD PA'O, ,DE LA SANGS RGYAS 'JIG RTEN DU BYON PA DKON TE, SPYIR SANGS RGYAS BYON PA'I BSKAL PA LA SGRON BSKAL DANG , SANGS RGYAS MA BYON PA'I BSKAL PA LA MUN PA'I BSKAL PA ZHES BYA LA, DENG SANG GI BSKAL PA 'DI LA SANGS RGYAS STONG BYON PAS SGRON MA'I BSKAL PA BZANG PO ZHES ZER RO, ,DE'I RJES SU MUN PA'I BSKAL PA DRUG CU, DE'I RJES SU YON TAN BKOD PA ZHES BYA BA'I SGRON MA'I BSKAL PA GCIG ,DE'I RJES SU MUN PA'I BSKAL PA KHRI, DE'I RJES SU BSKAL PA SNYAN PA CHEN PO ZHES BYA BA SGRON BSKAL GCIG ,DE'I RJES SU MUN BSKAL SUM BRGYA, DE'I RJES SU DPE SKAR MA LTA BU ZHES BYA BA'I SGRON BSKAL GCIG 'BYUNG BAR GSUNG STE, DE LTAR NA SGRON BSKAL BZHI'I RING LA MUN BSKAL KHRI SUM BRGYA DRUG CU 'BYUNG BAR GSUNGS PA DANG , SGRON BSKAL YANG , SKYES BU'I TSE YAR 'PHEL BA DANG , MAR 'GRIB PA GNYIS LAS, YAR 'PHEL BA LA SANGS RGYAS MI 'BYON PAR GSUNGS PA'I PHYIR RO, ,DE LTAR YANG SO SOR THAR PA'I MDO LAS, SANGS RGYAS 'JIG RTEN BYON PA BRGYA LAM DE, ,ZHES DANG , RNAM SNANG MNGON BYANG LAS, 'JIG RTEN DU NI KUN MKHYEN DAG ,AU DUM WA RA'I ME TOG BZHIN, ,RGYA LAM NA NI RES @348 'GA' ZHIG ,'BYUNG 'GYUR YANG NI MI 'BYUNG NGO, ,ZHES GSUNGS SO, ,DES CHOS GSUNGS PA YANG DKON TE, STON PA MNGON PAR RDZOGS PAR SANGS RGYAS NAS NI; LAN MANG DU CHOS KYI 'KHOR LO BSKAR BAR GSOL BA GDAB DGOS PAR BSHAD PA'I PHYIR RO, ,BSTAN PA GNAS PA YANG DKON TE, BSKAL PA BZANG PO 'DI LA YANG , BCOM LDAN 'DAS 'KHOR BA 'JIG GI BSTAN PA RDZOGS NAS, BCOM LDAN 'DAS GSER THUB KYI BSTAN PA 'BYUNG BA'I BAR LA, YUN SHIN TU RING BAR BSTAN PA GNAS PA MED PA DANG , DE BZHIN DU SANGS RGYAS DANG PO'I BSTAN PA RDZOGS NAS PHYI MA'I BSTAN PA MA SHAR BAR LA, BSTAN PA MED PA KHO NA YIN PAS, DUS PHAL CHER BSTAN PA MI GNAS PA NYID KYIS 'DA' BA'I PHYIR RO, ,BSTAN PA'I RJES SU GZHAN 'JUG PA'ANG DKON TE, SANGS RGYAS KYI BSTAN PA LA DAD NAS BSTAN PA'I SGOR ZHUt PAR BSGOM PA KUN KYANG , SANGS RGYAS KYI GSUNGS PA'I SDE SNOD GSUM RGYUD SDE BZHI DANG , DE DAG GI DGONGS 'GREL, BSTAN BCOS TSAD MA RNAMS KYI MING TZAM YANG MA THOS PAR DE DAG GI DGONGS PA DANG MI MTHUN PA'I BLUN PO DAG GIS SBYAR BA'I TSIG LA THOS BSAM SGOM GSUM BYED PA MANG ZHING , BSTAN PA RNAM MA LA THOS BSAM SGOM GSUM BYED PA SHIN TU NYUNG BAR SNANG BA'I PHYIR RO, ,GZHAN GYI PHYIR SNYING BRTZE BA YANG NYUNG STE, CHOS RJES SA SKYA PAntI TAS, SDOM BRTZON PHAL CHER BKUR BA NYUNG , ,BKUR BA DE DAG SDOM BRTZON NYUNG , ,SBYIN BDAG CHOS LA DAD PA NYUNG , , DAD PA CAN GYIS MCHOD BYA DMAN, ,MCHOD PA DE DAG LOG 'TSO'I RGYU, ,GAL TE LOG 'TSO MI ZA BA'I, ,CHOS BYED DE DAG DMAN DMAN 'DRA, ,ZHES GSUNGS PA LAS MA 'DAS 'DUG PA'I PHYIR RO, ,RANG NYID MIR SKYES PA YANG SHIN TU DKON TE; MIR SKYES PA LA RGYU DGE BA RNAM PAR DAG PA GCIG BSGRUB DGOS TE, DGE BA @349 BSGRUB PA NYUNG BA GONG DU BSHAD ZIN PA LTAR RO, ,YUL DBUS SU SKYE BA YANG SHIN TU DKON TE, 'PHAGS PA THOt MED KYIS, 'KHOR RNAM BZHI BZHUGS PA LA, YUL DBUS SU GSUNGS PAS, 'KHOR RNAM BZHI MI BZHUGS PA'I YUL NI NAM MKHA'I KHYON TZAM, 'KHOR RNAM BZHI BZHUGS PA'I YUL NI SHING RTA'I 'PHANG LO'I KHYON TZAM DU SNANG NGO, ,LAS KYI MTHA' MA LOG PA NI, 'TSAMS MED KYI LAS MA BYAS PA STE, 'DI CUNG ZAD BYAS PA NYUNG NA YANG , 'DIS KYANG CHOS KYI GEGS BYED PA NI SNANG NGO, ,DBANG PO SKYON MED PA TSANG BA YANG DKON NO, ,GNAS LA DAD PA YANG DKON TE, SANGS RGYAS KYI GSUNGS PA'I BSLAB PA GSUM LA SOGS PA LA SNYING NAS DAD PA THOB PA NI SHIN TU NYUNG BAR SNANG BA'I PHYIR RO, ,DE LA DAL 'BYOR GYI CHOS BCO BRGYAD PO RE RE NAS KYANG RNYED PA SHIN TU DKA' BAR 'DUG NA, THAMS CAD LUS GCIG GI STENG DU TSANG BA NI SHIN TU DKON PA LAS 'OS MI 'DUG CING , CHOS BCO BRGYAD PO GANG YANG RUNG BA CIG MA TSANG NA'ANG , DAL 'BYOR GYI LUS SU MI 'GRO STE, DPER NA RGYA GAR RDO RJE GDAN NA YOD PA'I MU STEGS BYED, LAS RGYU 'BRAS KHAS LEN PA 'BA' ZHIG LA, DAL 'BYOR GYI CHOS BCU BDUN TSANG YANG , RANG 'BYOR LNGA'I GNAS LA DAD PA MA TSANG BAS DAL 'BYOR GYI LUS LAS 'DAS PA', ,DE LTAR YANG SDONG PO BKOD PA'I MDO LAS, MIR 'GYUR BA YANG RNYED PAR DKA', DAL BA PHUN SUM TSOGS PA YANG RNYED PAR DKA', ZHES DANG , ZHI BA LHAS, DAL 'BYOR 'DI NI RNYED PA SHIN TU DKA', ,ZHES GSUNGS SO, ,DES NA RANG RE'I DA RES KYI LUS 'DI LA NI, DAL 'BYOR GYI CHOS BCO BRGYAD PO TSANG DU RUNG TZAM DU 'DUG NA, DE CHUD MA ZOS PAR BYAS LA, CI NAS KYANG DAM PA'I CHOS GCIG BYA DGOS SNYAM DU RKANG GI KHONG RUS PA'I GTING NAS BSGOM PA'O, ,GSUM PA GRANGS @350 KYI SGO NAS RNYED PAR DKA' BA NI, DAL 'BYOR THOB PA DE TZAM DU MI DKA' YI, MI MANG PO 'DUG PA SNYAM NA, DE NI BLO RNAL DU PHAB PA'I SGO NAS BRTAGS DPYAD MA BYAS PAS YIN TE, SPYIR SEMS CAN GYI KHAMS LA BRTAGS NA, DAL 'BYOR GYI LUS THOB PA LTA SMOS KYANG CI DGOS, LUS LONGS TZAM YANG SHIN TU RNYED DKA' STE, BYANG CHUB SEMS DPA'I SDE SNOD LAS, THAMS CAD MKHYEN PA'I YE SHES KYIS GZIGS, GZHAN GYIS MI MTHONG BA'I SEMS CAN GYI GRANGS 'JIG RTEN GYI RDUL PHRA RAB LAS KYANG MANG BA YOD PAR GSUNGS PA DANG , BAR DO'I SEMS CAN GCIG PO'I DBANG DU BYAS NA'ANG , LUS LONGS PA'I SEMS CAN MA LONGS PA MANG PO YOD PAR MNGON TE; SOS KA LTA BU SEMS CAN GCIG SHI BA'I RO ZHAG GSUM GYI BAR DU BZHAG NA, DE NYID LA 'BU BSAM GYIS MI KHYAB PA 'BYUNG ZHING , ,DE BZHIN DU RO CI SNYED CIG YOD KYANG , DE SNYED KYI 'BU DANG LDAN PA MTHONG NAS, 'BUR SKYE BA'I BAR DO YANG DE TZAM NA 'GRO BA GZHAN DU SKYE BA'I BAR DO YANG DE NYID LAS MA 'DAS SO, ,DE LTAR NA BAR DO SHIN TU YUN RING POR GNAS SO, ,ZHES PA'ANG DON LA GNAS PAR MNGON NO; ;LUS THOB PA'I SEMS CAN YANG 'GRO BA GZHAN KA MANG GIS, MI'I LUS KA NYUNG STE, 'DUL BA LUNG LAS, MTHO RIS NAS NGAN SONG DU 'GRO BA NI SA CHEN PO'I RDUL TZAM, MTHO RIS NAS MTHO RIS SU 'GRO BA NI SEN MO'I STENG GI RDUL TZAM, NGAN SONG NAS MTHO RIS SU 'GRO BA NI SEN MO'I STENG GI RDUL TZAM, GZHAN DUD 'GRO NI CHANG NGAR MA'I SBANG MA TZAM, YI DVAGS NI KHA BA BU YUG 'TSUBS PA TZAM, DMYAL BA NI SA CHEN PO'I RDUL TZAM YOD PAR GSUNGS SO, ,DES NA 'GRO BA GZHAN LA LTOS NA MI LUS THOB PA MED PA'I TSOD TZAM YIN LA, RANG GIS MTHONG BA'I KHA THOR BA'I DUD 'GRO LA BLTAS NAS KYANG MI LUS THOB MI SRID PA'I TSOD TZAM DU @351 'DUG STE, NAM ZLA DBYAR KHA LTA BU'A SROG CHAGS PHRA MO'I RIGS LA LTAS NA, BLO'I YUL LAS 'DAS PA LTA BUR SNANG ZHING , SEMS CAN GYI RIGS RE RE'I GRANGS LA BSAM GYIS MI KHYAB PA MNGON SUM DU MTHONG BAS SO, ,MI'I NANG NAS KHANG , DAL 'BYOR GYI LUS RNYED PAR DKON PA NI, NGO BO'I SGO NAS RNYED PAR DKA' BA'I RGYU MTSAN LA BSAM PAS SHES SO, ,DES NA SEMS CAN GYI GRANGS DE SNYED KYI NANG NAS, DAL 'BYOR GYI LUS THOB PA MI SRID PA CIG THOB PA 'DI CHUD MA ZOS PAR BYAS LA, CHOS RNAM DAG CIG BYA DGOS SNYAM DU BSAM MO, ,BZHI PA DPE'I SGO NAS RNYED PAR DKA' BA NI, ZHI BA LHAS, DE NYID PHYIR NA BCOM LDAN GYIS, ,RGYA MTSOR CHER G-YENG GNYA' SHING GI ,BU GAR RUS SBAL MGRIN CHUD LTAR, ,MI NYID SHIN TU RNYED DKAR GSUNGS, ,ZHES BSHAD PAS, DPER NA YONGS SU BRTAGS PA NYE BAR BZUNG STE, STONG GSUM GYI STONG CHEN PO'I 'JIG RTEN GYI KHAMS 'DI RGYA MTSO CHEN PO GCIG TU GYUR TE, DE'I KHA NA GNYA' SHING BU GA GCIG PA GCIG YOD LA, RGYA MTSO'I NANG NA RUS SBAL MIG YA ZHAR BA GCIG YOD LA, DE LO BRGYA NA RGYA MTSO'I STENG DU MGO NYUG PA TZAM RE BYED PA DE'I MGRIN PA GNYA' SHING GI BU GAR CHUD PA SLA'AM SNYAM NA, SHIN TU NAS KYANG DKA' STE, RGYA MTSO CHEN PO NI KHA YANGS SHING GTING ZAB LA, GNYA' SHING BU GCIG LAS MED LA, RUS SBAL YANG LO BRGYA NAS LAN RE LAS RGYA MTSO'I STENG DU MI 'BYUNG LA, GNYA' SHING YANG SA GCIG TU MI GNAS TE, RLUNG GIS BDAS PA'I PHYOGS SU 'GRO BAS, RUS SBAL SHAR NAS BYUNG NA NUB TU BDAS PA SOGS SRID PA DANG , DE GNYIS 'GRIGS PA SHIN TU DKA' NA, DUS CUNG ZAD TZAM GYIS SNGA PHYI ZHUGS PA DANG , PHYOGS KHRU GANG TZAM 'JOL NA'ANG MI CHUD PAS SHIN TU DUS DANG PHOt 'JOL BA NI SHIN TU SLA'O, , @352 DPE DE BZHIN DU MI LUS THOB PA'I RTEN 'BREL CUNG ZAD CIG 'DZOL NA, DAL 'BYOR GYI MI LUS MI THOB LA, RTEN 'BREL 'CHUG PA SHIN TU SLA STE, RANG GI RGYUD LA 'GRO BA GZHAN DU SKYE BA'I BAG CHAGS NI RGYA MTSO'I CHU BAS KYANG MANG LA, DAL 'BYOR GYI LUS THOB PA'I BAG CHAGS NI, GNYA' SHING GI BU GA TZAM DU ZAD DO, ,BAG CHAGS SAD BYED KYI RKYEN YANG , 'GRO BA GZHAN DU SKYE BA'I RKYEN MANG GI MIR SKYE BA'I BAG CHAGS NYUNG BAS SO, ,RNAM RTOG GI 'GYUR LDOG CUNG ZAD TZAM GYIS KYANG MIR SKYE BA'I BAG CHAGS LA GEGS BYED PAR NUS PA'O, ,DE BZHIN DU DPE GZHAN GYI SGO NAS KYANG RNYED PAR DKA' BA NGES PAR BYAS TE, DAL 'BYOR GYI LUS LA SNYING PO LEN 'DOD KYI BLO BCOS MA MA YIN PA RGYUD LA SKYED PAR BYA'O, ,DE LTAR RGYU MTSAN BZHI'I SGO NAS BSAMS NAS DAL 'BYOR KYI LUS 'DI SHIN TU RNYED PAR DKA' BA 'DUG MOD, RNYED PA LA PHAN YON CI YOD SNYAM NA, PHAN YON SHIN TU CHE STE, DAL 'BYOR GYI LUS LA BRTEN NAS 'KHOR BA SDUG BSNGAL GYI RGYA MTSO LAS SGROL BAR NUS SO, , MNGON MTHO LHA MI'I PHUN SUM TSOGS PA 'DI LA BRTEN NAS BSGRUB NUS, NGES PAR LEGS PA NYAN RANG GI BYANG CHUB KYANG BSGRUB NUS, MTHAR THUG RDZOGS PA'I SANGS RGYAS KYI GO 'PHANG KYANG 'DI LA BRTEN NAS BSGRUB NUS PA, DAL 'BYOR GYI LUS LA BRTEN NAS GNAS SKABS DANG , ,MTHAR THUG GI BDE LEGS THAMS CAD BSGRUB PAR NUS PAS SHIN TU PHAN YON CHE STE, ZHI BA LHAS, MI YI GRU LA BRTEN NAS NI, ,SDUG BSNGAL CHU BO CHE LAS SGROL, ,GRU 'DI PHYI NAS RNYED DKA' BAS, ,RMONGS PA DUS SU GNYID MA LOG ,CES DANG , SLOB SPRINGS LAS, GANG ZHIG THOB NA SKYE BA'I RGYA MTSO MTHAR PHYIN CING, ,BYANG CHUB MCHOG GI DGE BA'I SA BON 'DEBS BYED NA, ,YID BZHIN NOR BU BAS KYANG YON TAN CHES LHAG PA'I, ,MI NYID DE NI SU @353 ZHIG 'BRAS BU MED PAR BYED, ,CES GSUNGS SO, ,GZHAN LHA'I LUS LA SOGS PA NI, RGYU DGE BA BSAM GYIS MI KHYAB PA'I 'BRAS BU YIN PAS, LUS RANG GI NGO BO KHYAD PAR DU 'PHAGS PA YIN KYANG, DE LA BRTEN NAS DAL 'BYOR GYI LUS KYI PHAN YON TZAM 'BYUNG BA MED DO, ,DES NA SEMS CAN GYI LUS LA DAL 'BYOR GYI LUS 'DI LAS PHAN YON CHE BA MI 'DUG PAS, RNYED PAR DKA' LA PHAN YON CHE BA'I LUS 'DI SKAD CIG KYANG CHUD MA ZOS PA BYED DGOS TE, DAL 'BYOR GYI LUS 'DI DA RES YOD NA DA RES YOD, DA RES MED NA DA RES MED DU 'DUG PAS LUS 'DI LA BRTEN NAS GTAN GYI MDUN MA'I BAR CI ZIN GCIG LTA DGOS SNYAM DU BSAM MO, ,DAL 'BYOR GYI LUS LA BRTEN NAS TSE 'DI'I MDUN MA BSGRUB PAS SNYING PO LONGS PAR MI 'GYUR BA SOGS GSUNG BGROS MA BZHIN NO, ,DAL 'BYOR RNYED PAR DKA' BA BSTAN ZIN TO, ,GNYIS PA 'CHI BA MI RTAG PA BSAM PA NI, DAL 'BYOR GYI LUS LA BRTEN NAS CHOS RNAM DAG CI BYED DOGS PAR 'DUG MOG, SOS DAL DANG LONG YOD KYIS BYAS PAS CHOG GAM SNYAM NA, BRTZON 'GRUS DANG BRTUL ZHUGS DRAG POS DA LTA NYID DU 'BAD DGOS TE, MYUR DU 'CHA BAS SO,, ,, DE LA GSUM, NGES PAR 'CHI BA BSAM PA, NAM 'CHI NGES PA MED PA BSAM PA, 'CHI BA LA CHOS MA YIN PA GANG GIS KYANG MI PHAN PAR BSAM MO,, DANG PO NI RIN PO CHE BSOD NAMS GRAGS PA'I ZHAL NAS, DA LTA MI KUN NA GROS BYED TZA NA, 'CHI NA MA GTOGS MA SHIN 'DI BYED ZER TE, DE GROS RTZA BA NAS NOR, 'ONG NGES SHES PA'I 'CHI BA KHO, GROS KHOG TU 'JUG DGOS GSUNGS, DE LA CHOS RJE SEMS DPA' CHEN PO'I ZHAL NAS, DE SHIN TU MAD 'CHI BA KHO 'ONG NGES SHES PA YIN ZHES GSUNGS SO, ,DE LA 'CHI NA MA GTOGS 'DI BYED CES 'CHI BA @354 GROS KHOG TU BCUG PA 'DI GA YIN MOD SNYAM NA, DE LA 'CHI BA GROS KHOG TU BCUG PA BYA BA NI, 'CHI BA KHO 'ONG NGES SHES PAR 'DUG PAS, NGA 'CHI BA'I GDENG DANG LDAN PA'I 'CHI LUGS 'DI LTA BU GCIG YONG BA BYA DGOS SNYAM PAS DA LTA NAS 'CHI LUGS BZANG PO CIG GRABS SU 'JUG PA LA ZER BA YIN NO, ,SPYIR 'CHI BA MI RTAG PA 'DI LUNG RIGS KYI SGRUB MI DGOS, MNGON SUM DU MTHONG NA'ANG DE LA MI 'JIt PA 'DI RANG THOG TU 'BYUNG BA MA BSGOMS PAS LAN PA YIN PAS DA 'DI LTA BU SGOM PAR BYA STE, 'CHI BA ZHES BYA BA YIN, DA LTA SNOD BCUD KYI SNANG BA THAMS CAD BKRA LAM ME, NYE 'BREL MDZA' BSHES SOGS DANG LHAN CIG TU KRONG NGE ZAS GOS LA SOGS PA LA GSON POR LONGS SPYOD CING , TSE 'DI'I GTAM SNA TSOGS NI TSE 'DIR YUN RING BSDOD PA'I GRAB SHOM BYA BA SNA TSOGS BSAM ZHING , MIG YUL SNA TSOGS LA HRIG HRIG LTA BA'I 'PHRO LA DE MA THAG TU DE THAMS CAD SHUL DU BZHAG NAS RANG GCIG PU SKAD CIG TZAM YANG BSDOD PA'I DBANG MED PAR TSE 'DI'I SNANG BA NAG THIBS KYIS NUB STE, BDAG GIS KYANG GNYEN BSHES LONGS SPYOD SOGS RNA BAS KYANG MI THOS, DE RNAMS KYIS KYANG BDAG THOS PA TZAM DU MA GYUR PA'I GTAN GYES CHEN PO CIG BYAS TE, RGYUS MED PA'I RGYAL KHAMS YANG BAR RANG GCIG PU GA SHED DU 'GRO DGOS PA YIN NO SNYAM DU BSGOM, ,DE LTA BU NI 'BYUNG BAR NGES TE, ZHI BA LHAS, NYON MONGS RGYA BAS SHAR NAS NI, ,SKYE BA'I RGYAR NI TSUD GYUR CING , 'CHI BDAG KHAR NI SON GYUR PA, ,CI STE DA DUNG MI SHES SAM, ,ZHES GSUNGS PAS, RANG NYID LAS DANG NYON MONGS PA'I DBANG GIS SKYES 'DUG PAS SO, ,SKYES PHAN CHAD 'CHI BA LAS MA 'DAS TE, 'DUS PA'I THA MA BRAL BA DANG , ,BSAGS PA'I THA MA ZAD PA DANG , ,DAR BA'I THA MA RGUD PA DANG , ,SKYES PA'I THA MA 'CHI @355 BAR GSUNGS PA DANG , MYA NGAN BSAL BA LAS, SA'AM 'ON TE MTHO RIS NA,, SKYES NAS LA LA MA SHI BA, ,'GA' ZHIG KHYOD KYIS MTHONG BA'AM, ,THOS SAM 'ON TE THE TSOM ZA, ,ZHES GSUNGS PAS, STENG MI'I 'JIG RTEN DANG , MTHO RIS LHA YI 'JIG RTEN NA, ,SKYES NAS LA LA MA SHI BAR, ,DUS GTAN DU GNAS PA 'DI LTA BU, ,ZHES 'GA' ZHIG MTHONG NGAM, GA SHED NA 'DUG GO, ,ZHES YID CHES PA'I GTAM LAS THOS SAM, 'DI LTA BU MI 'CHI BA SRID DAM, SNYAM PA'I THE TSOM YANG MED DO, ,'DI LTA BU MTHONG RGYU DANG THOS RGYU DANG , THE TSOM GYI GZHI MED PA'I PHYIR TE, 'DI LTAR SKYES PA THAMS CAD KYI MDUN NA GNAS PA 'CHI BA YIN, CES DANG , DANG PO MNGAL DU ZHUGS PA'I NUB MO NAS, ,DE NAS BZUNG STE 'JIG RTEN 'DI DAG NI, ,LAM DU ZHUGS NAS LAM GZHAN MA GOL BAR,, 'CHI BDAG DRUNG DU DE NI NYE BAR 'GRO ,ZHES DANG , MA'I MNGAL DU ZHUGS TZAM NAS 'CHI BDAG GI DRUNG DU 'GRO BA'I LAM DU ZHUGS TE LAM GZHAN DU GOM PA GANG YANG MA GOL BAR SKAD CIG KYANG NGAL BA MED PAR SHIN TU MYUR BAR 'GRO BAR GSUNGS PA'I PHYIR RO, ,GZHAN YANG PHYI ROL GYI DGRA BO STOBS KYIS BZLOG PA SRID KYANG , 'CHI BDAG GI DGRA BO STOBS KYIS BZLOG PA MI SRID DO, ,DPER NA RI DVAGS KYI RGYAL PO SENG GE DES, GLANG PO CHE LTA BU'I STOBS KYANG ZIL GYIS NON, SKAD KYI NGA RO BSGRAGS PA TZAM GYIS RI DVAGS GZHAN RNAMS KYI SEMS SKRAG STE, SKAD TZAM YANG 'BYIN MI NUS PA'I STOBS DANG LDAN YANG , 'CHI BDAG GI BA SPU TZAM YANG BZLOG MI NUS PAR 'CHI BDAG BYUNG BA'I TSE RANG GI STOBS DANG , DREGS PA THAMS CAD NYAMS NAS 'CHI DGOS TE, SKYES RABS LAS, SENG GE RNAMS KYANG SEN MO RNON PO GLANG CHEN GYI, ,GZI BRJID ZIL MNAN SPYI BOR SDER MOS DBRAL ZHING GCAD,, @356 NGA RO DRAG PO BSGRAGS PAS GZHAN GYI SEMS SKRAG BYED, ,GSHIN RJE 'ONGS NAS MTHU DANG DREGS PA BCOM STE NYAL, ,ZHES GSUNGS PAS SO, ,DE BZHIN DU PHYI ROL DGRA BO, NOR GYIS BZLOG PA SRID KYANG , 'CHI BDAG NI NOR GYIS BZLOG PA MI SRID, GZHAN LA NOR GYI DNGOS GRUB STER NUS PA'I RNAM THOS KYI BU YANG NOR JI SNYED YOD KYANG , RANG NYID 'CHI BA LAS MA 'DAS SO, ,GZHAN YANG MI DANG MI MA YIN PAS BYAS PA'I GDON 'GA' ZHIG RIG SNGAGS DANG SMAN DANG RDZAS KYIS BZLOG PA SRID KYANG , 'CHI BDAG GI GDON NI RIG SNGAGS DANG SMAN DANG RDZAS KYIS BZLOG PAR MI NUS STE, SKYES RABS LAS, CHOS 'DOD BRGYA BYIN 'ONGS PA'I GDON DAG DANG , ,RIG SNGAGS GRUB PA RNAMS KYI GDON DAG KYANG , ,DKA' THUB DGE LEGS RNAMS KYIS BZLOG PA NUS, ,'CHI BDAG DE NI BZLOG PAR YONG MI NUS, , ZHES GSUNGS SO, ,DE BZHIN DU, PHYI ROL GYI DGRA 'GA' ZHIG THABS SNA TSOGS KYIS BZLOG PA SRID KYANG , 'CHI BDAG THABS GANG GIS KYANG BZLOG PA MI SRID DE, DPER NA SGYU MA MKHAN BZANG POS, BCOM LDAN 'DAS MA GTOGS PA'I 'GRO BA GZHAN PHAL PO CHE SGYU MA'I SLU BRID KYIS SLU BAR NUS KYANG , 'CHI BDAG SLU BAR MI NUS PA BZHIN NO, ,DE SKAD DU YANG , SKYES RABS LAS, MANG PO 'DUS PA'I DBUS SU BZANG PO NI, ,SKYE BO RNAMS KYI MIG KYANG BSLU BAR BYED, ,GSHIN, RJE 'DI LA MTSAR GYIS MTHU GCIG YOD, ,DE DAG GIS KYANG MIG BSLU YONG MI NUS,, ZHES GSUNGS SO, ,DE NA 'CHI BDAG LA NI BZLOG PA'I THABS KYANG MED DO, GZHAN YANG PHYI ROL GYI DGRA LA BROS PAS THAR BA DANG , DE DAG MED PA'I SAR GNAS CHOG PA SRID KYANG , 'CHI BDAG LA NI MGYOGS PAS GROS KYANG MI THAR, DE DAG MED PA'I SAR YANG SLEB PA MED DE, DRANG SRONG CHEN PO LNGA MNGON SHES, ,MKHA' @357 LA RING DU 'GRO BA YANG , ,GANG DU SPYOD YUL 'CHI MED PA'I, ,GNAS DER PHYIN PAR NUS MA YIN, ,ZHES DANG , GANG DU PHYIN KYANG 'CHI BAS MI TSUGS PA'I, ,SA PHYOGS DE NI YOD PA MA YIN TE, ,BAR SNANG LA MED RGYA MTSO'I GTING NA MED, ,RI BO RNAMS KYI PHRAG NA YOD MA YIN, ,ZHES GSUNGS SO,, DES NA BDAG LA 'CHI BDAG GI BDUD NI YOD, KHO BDAG GI STENG DU NI 'ONG DE LAS BZLOG PA'I THABS NI MED, DE LAS THAR BA NI MI SRID PAS, 'CHI BAR NGES PA LAS MED DO, ,KHA RAG SGOM CHUNG GIS, 'CHI BDAG BDUD KHO MI SDOD TSUR TSUR 'ONG , ,DE LA BROS PA'I THABS NI CI YANG MED, ,DA LTA GNYID DANG LE LO'I DBANG SONG NA, ,CI 'DRA'I DUS GCIG BDAG LA NAM YONG AANG , ,ZHES SO,, SKYE BO THA MAL PA RNAMS LA 'CHI BA 'ONG BA LTA CI SMOS, BYANG CHUB SEMS DPA' DANG , NYAN THOS DANG RANG SANGS RGYAS RNAMS KYANG SKU LUS SPONG DGOS TE, JI SKAD DU, CI STE RGYAL SRAS RANG RGYAL DANG , ,SANGS RGYAS RNAMS KYI NYAN THOS KYANG , ,SKU LUS 'DI NI SPONG MDZAD NA, ,SKYE BO THA MAL SMOS CI DGOS, ,ZHES GSUNGS SO, , SKYE BA'I PHYIR NA NGES PAR 'CHI DGOS ZHES SHES PAR BYA BA'I PHYIR, STON PA BCOM LDAN 'DAS KYIS KYANG 'KHRUNGS PA'I TSUL BSTAN PA'I RJES SU MYANG NGAN LAS 'DAS PA'I TSUL BSTAN PA YIN TE, DE SKAD DU YANG , MTSAN DANG DPE BYAD KYIS BRGYAN PA'I , ,RDO RJE'I SKU YANG MI RTAG NA, ,CHU SHING SNYING PO LTA BU YI, , LUS CAN RNAMS LA SMOS CI DGOS, ,ZHES GSUNGS SO, ,DES NA SKYES PHAN CHAD NGES PAR 'CHI DGOS TE, DPER NA RDZA DANG 'DRA STE, RDZA DE YANG BZOS PHAN CHAD 'GA' ZHIG 'DUL LEGS PA DANG , 'KHOL THABS LEGS PAS YUN RING RABS THUB NAS 'CHAGS LA, 'GA' ZHIG NYES PA DANG , 'KHOL @358 MA BZOD PAS MYUR DU 'CHAG CING , MTHAR THAMS CAD KYANG 'CHAG PA BZHIN NO, , GZHAN YANG DPE'I SGO NAS KYANG MI RTAG PA BSAM PAR BYA STE, DPER NA GSOD PAR NGES PA'I BTZON RA DANG 'DRA, LTAG CHU SGYUR BA'I RDZANG DANG 'DRA, BSHAS RAR BCUG PA'I LUG DANG 'DRA, RI GZAR PO'I KHA NAS 'BAB PA'I CHU DANG 'DRA, BYI BA DKAR NAG GI DPE DANG 'DRA'O, ,DANG PO NI, DPER NA GSOD PAR NGES PA'I BTZON DE BSHAN PA'I LAG TU BCUG NAS GSOD SAR 'GRO BA'I TSE, GOM PA GANG PHYIN PAS KYANG , 'CHI BA LA THAG JE NYE, DO PHYIN PAS KYANG 'CHI BA LA THAG JE NYE, MTHAR GSOD SA DER SLOB PA DANG , BSHAN PAS SPUR TE GSOD PA BZHIN DU, RANG RE RNAMS KYANG NYI MA GCIG SONG 'CHI BA LA THAG JE NYE, GNYIS SONG JE NYE, DE BZHIN DU 'JIG RTEN GYI BYA BA YIN YANG , GCIG SONG JE NYE GNYIS SONG JE NYE SONG AANG SNYAM DU BSAM, CHOS KYI BYA BA YIN NA'ANG, SNGAGS LTA BU LA; SNGAGS RDOG GCIG SONG 'CHI BA LA JE NYE, GNYIS SONG JE NYER SONG AANG SNYAM DU BSAM MO, ,DE SKAD DU YANG , CHED DU BRJOD PA'I TSOMS LAS, DPER NA GSOD PAR NGES PA ZHIG ,GOM PA GANG DANG GANG BGROD PA, ,'CHI BDAG DRUNG DU BSNYEN PA LTAR, ,MI RNAMS SROG KYANG DE BZHIN NO, ,ZHES GSUNGS SO, , GNYIS PA NI, DPER NA RDZING CHUNG GANG BA DE, DER 'BAB PA'I CHU BCAD NAS 'OG NAS BU GA BTOL NA CHU DE RDER GYIS MYUR DU 'DZAG PA LTAR, TSE LA'ANG LTAG CHU CHAD PA LTAR, SNON PA NI MED, BU GA DOD PA DANG 'DRA BA'I LO DANG , ZLA BA ZHAG DANG ZA MA LA SOGS PA SKAD CIG KYANG MI DAL BAR DBRI BA YIN PAS, MYUR DU 'CHI BA LAS 'OS MED SNYAM DU BSGOM, ZHI BA LHAS, NYIN MTSAN BSDOD PA YONG MED PAR, ,TSE 'DI RTAG TU GOD 'GYUR TE, ,BSNON PA'ANG GUD NAS 'ONG MED NA,, @359 BDAG LTA 'CHI BAR CIS MI 'GYUR, ,ZHES GSUNGS SO, ,GSUM PA NI, DPER NA, 'BROS SA MED PA'I DANG RA 'GA' ZHIG TU GSAD PAR BYA BA'I LUG RNAMS BCUG NAS, BSHAN PAS RIM GYIS GSAD NAS MTHAR GCIG KYANG MI LUS PA LTAR RANG RE RNAMS KYANG SKYE BO'I BSHAS RAR CHUG ,'CHI BDAG GI BSHAN PAS MDZA' BSHES DANG NYE DU SOGS RIM GYIS GSOD PAR MTHONG ZHING , DE RANG NYID LA'ANG 'ONG BAR SHES BZHIN DU, DE LA MI 'JIGS PAR BZA' BA DANG , BTUNG BA DANG GNYID LOG PA DRAN PA NI MA HE 'GA' ZHIG BSHAN PAS GSOD PA MTHONG BZHIN DU, DE MA THAG TU GSOD PA'I MA HE 'GA' ZHIG GIS DE LA MI 'JIt PAR BZA' BTUNG BYED PA LTAR SHIN TU BLUN PA YIN NO, ,DE SKAD DU YANG ZHI BA LHAS, RANG SDE RIM GYIS GSOD PA YANG , ,KHYOD KYIS MTHONG BAR MA GYUR TAM, ,'ON KYANG GNYID LA BRTEN PA GANG, , GDOL PA DANG NI MA HE BZHIN, ,LAM NI KUN NAS BKAG NAS SU, ,'CHI BDAG GIS NI LTA BZHIN DU, ,JI LTAR KHYOD NI ZA DGA' ZHING, ,'DI LTAR GNYID LOG JI LTAR DGA', ,ZHES GSUNGS SO, ,BZHI PA NI, DPER NA RI GZAR PO'I KHA NAS 'BAB PA'I CHU DE SNGA MA RNAMS PHYI MAS MA ZIN GYIS DOGS NAS RGYUG PA'I TSUL DU SHIN TU MYUR BAR 'BAB PA LTAR, ,TSE YANG SKAD CIG SNGA MA RNAMS PHYI MAS ZAN PAR BYA BA'I PHYIR MGYOGS PAR 'GRO BAS MYUR DU 'DZAD DO, ,'ON KYANG MYUR BA'I DPE TZAM DU ZAD MOD KYI, SKYES BU'I TSE ZAD PA NI DES 'GRAN PAR MI NUS TE, DPER NA SKYES BU MDA' SHIN TU SKYEN PA ZHIG GIS, PHYOGS BZHIR GCIG CHAR DUS GCIG LA MDA' 'PHANGS TE, SKYES BU YANG RTZAL SHIN TU CHE BA GCIG GIS MDA' BZHI KA SA LA MA LTUNG BAR 'DUS NA SHIN TU MGYOGS MOD DE BAS KYANG SKYE BO'I TSE ZAD PA MGYOt SO ZHES GSUNGS SO, ,RGYA CHER ROL PA LAS, SRID GSUM MI RTAG STON KA'I @360 SPRIN DANG 'DRA, ,'GRO BA'I SKYE 'CHI GAR LA LTA DANG MTSUNGS, ,SKYES BU'I TSE 'GRO NAM MKHA'I GLOG 'DRA STE, ,RI GZAR 'BAB CHU BZHIN DU MYUR MGYOGS 'GRO, ZHES GSUNGS SO, ,LNGA PA NI, GAD G-YANG SHIN TU MTHO BA YANG BA'I GAD LOGS NA RTZVA PHUNG GCIG YOD LA, MI ZHIG DER G-YANG LA LHUNG STE, LAG PAS RTZVA'I PHUNG PO DE ZIN LA, RTZVA DE LA BYI BA DKAR NAG GNYIS KYI RES MOS KYIS GCOD PA LA, MI DES RTZVA MA ZAD GONG DU RTZOL BA BYAS NA GAD KHA DER THON SRID LA, RTZVA MA ZAD GONG DU LE LO BYAS NA RTZVA ZAD NAS G-YANG LA LHUNG STE, 'CHI BA LAS MA 'DAS PA GCIG YOD NA, DE LA LE LO DANG , SOS DAL MI KHAM ZHING, DE BYED MI DRAN PA BZHIN DU, RANG RE RNAMS KYANG NGAN SONG GI G-YANG LA LHUNG LA KHAD, TSE LHAG GCIG GI RTZVA PHUNG ZAD LA KHAD GNAS PA LA, TSE LHAG CUNG ZAD 'DI NI BYI BA DKAR NAG DANG 'DRA BA'I NYIN MTSAN GNYIS KYIS SKAD CIG KYANG SDOD SA MED PAR GCOD PA 'DI LA; BRTZON 'GRUS DANG 'BAD PA MA STON NA, TSE LHAG GI RTZVA PHUNG ZAD NAS NGAN SONG GI G-YANG DU LHUNG NA, GTAN THAR SA MED PA LTA BU 'BYUNG BAS 'BAD PA THON CIG , DE SKAD DU YANG , SLOB SPRINGS LAS, GAL TE KLA KLO DMYAL BA'I BSRUNG DANG SPYOD MTSUNGS SAM, ,DUD 'GRO PHAN TSUN ZA BAR BYED PA'I NANG DAG TU, ,SKYE BA THOB PAR GYUR NA GANG GI PHYIR YANG NI, ,G-YANG DU LHUNG BAR GYUR PA'I NGANG TSUL DE NYID STON, ,ZHES DANG , ZHI BA LHAS, NYIN MTSAN SDOD PA YONG MED PAR, , TSE 'DI'I RTAG TU GOD 'GYUR TE, ,ZHES SOGS, YANG SKABS SU SHES SPRINGS LAS, LUS MTHA' THAL BA MTHAR 'GRUL MTHAR SKAM ZHING , ,RNAM PAR 'JIG NGES MYAGS PAR GYUR PA STE, ,SO SOR 'GYES CHOS CAN DU SHES PAR MDZAD, , ZHES GSUNGS PAS, 'DI LTAR BSAM STE, DA LTA BDAG GIS LUS 'DI GCES @361 PAR SKYONG STE, BDAG SHI NAS LUS 'DI MES BSREGS TE, THAL BAR GYUR PA GCIG 'ONG NGAM, SA 'OG TU SBAS TE RUL PA CIG YONG NGAM, GYANG LOG LA SBAS TE SKAM PAR GYUR PA CIG YONG NGAM, CHU LA BSKUR TE NYA SRAM GYI ZA'AM, DUR KHROD DU BOR TE BYA DANG GCAN GZAN LA SOGS PAS ZOS NAS LHAG MA TZAM YANG MA LUS PAR 'GYUR BA' DUS GCIG MYUR DU 'ONG BA YIN AANG SNYAM DU BSAM MO, ,YANG SKABS SU; RGYAL PO LA GDAMS PA'I MDO LAS GSUNGS PA BZHIN DU, RANG NYE DU DANG MDZA' BSHES SOGS DANG LHAN CIG TU 'ONG BA'I GTAM SNA TSOGS BYED PA'I TSE, DA LTA NYE DU MDZA' BSHES SOGS DANG LHAN CIG TU GNAS TE, NAM ZHIG GI TSE 'DI RNAMS DANG GTAN GYES BYED PA'I DUS 'ONG AANG SNYAM DU BSAM MO, ,DE BZHIN DU ZAS ZA BA'I TSE, DA LTA NGA ZAS BZANG PO ZA STE, NAM ZHIG NA ZAS BZANG PO ZA MI NYAN PAR SMAN KHA BA RTZUB PA ZOS KYANG MI PHAN LA 'CHI BA'I DUS GCIG 'ONG AANG SNYAM PA DANG , GOS BZANG PO GYON PA'I TSE, DA LTANG GOS BZANG PO GYON TE, NAM ZHIG NA GOS NGAN SHOS DRI MA CAN GCIG GI DRIL NAS BOR BA'I DUS 'ONG AANG SNYAM PA DANG , KHRI STAN BZANG PO LA 'DUG PA'I TSE, DA LTA BDAG STAN BZANG PO 'DI LTA BU LA 'DUG STE; NAM ZHIG NA SHING BZHI'I KHA LA BTEG NAS 'GRO BA'I DUS GCIG 'ONG AANG SNYAM PA DANG , BZHON PA BZANG PO ZHON PA'I TSE, DA LTANG ZHON PA BZANG PO 'DI LTA BU LA ZHON TE, NAM ZHIG NA RO LAS BYED PA'I SKYE BO NGAN PA ZHIG GI KHUR 'GRO BA'I DUS GCIG 'ONG AANG SNYAM PA DANG , KHRUS BYED PA'I TSE, DA LTANG KHRUS LA SOGS PA'I GTZANG SBRA 'DI LTA BU BYED DE, NAM ZHIG NA RANG GI MI GTZANG BA LUS LA GOS PA PHYOGS MI GTZANG BA DUR KHROD LA SOGS PAR 'DOR BA'I DUS GCIG 'ONG AANG SNYAM PAR BSAM MO, ,DE LTAR SGO SNA TSOGS NAS NGES PAR 'CHI BA 'ONG BA LA NGES SHES @362 MA SKYES BAR DU BSGOM, ,DE LTAR 'CHI BA 'ONG NGES SU 'DUG MOD RE ZHIG MI 'ONG NGAM SNYAM NA, GNYIS PA NAM 'CHI NGES PA MED PAR BSAM PA LA GSUM STE, TSE'I TSAD LA NGES PA MED PA DANG , TSE'I BAR CHAD BYED PA'I 'GAL RKYEN MANG ZHING , TSE GNAS PA'I MTHUN RKYEN NYUNG BA DANG LUS SROG BRAL SLA ZHING 'CHI BDAG LA BRTZE BA MED PAS NAM 'CHI NGES MED BSAM PA'O, ,DANG PO NI 'GA' ZHIG GI BSAM PA LA, TSE STOD TSE 'DI'I 'DUN MA BYAS NAS, TSE GZHUG LA CHOS BYA'O SNYAM PA DANG , YANG 'GA' ZHIG DA LO CHOS RGYAGS LA SOGS BSGRUB NAS, SANG PHOD NAS CHOS BYA'O SNYAM PA YANG YONG MOD, DE NI THOG TU 'BAB PA DKA' STE, RANG GI LO PHYI MA DANG , TSE PHYI MA GANG SNGA MI SHES DE BZHIN DU ZLA BA PHYI MA DANG TSE PHYI MA, ZHAG PHYI MA DANG TSE PHYI MA SNGON LA GANG 'ONG MI SHES SO, ,DE'I RGYU MTSAN YANG , RANG GI TSE LA NGES PA MED DE, MDZOD LAS, 'DI NA MA NGES THA MAR NI, ,LO BCU DANG PO DPAG TU MED, ,ZHES GSUNGS SO, ,'DI LA GNYIS, DUS KYI SGO NAS DANG , GANG ZAG GI SGO NAS MA NGES PA'O, ,DANG PO NI, BYANG SGRA MI SNYAN PA NI, ,DUS NAM YANG TSE LO STONG PHRAG GCIG TU NGES LA, 'DZAM BU GLING PA'I TSE LA NGES PA MED DE, DANG PO NI , LO DPAG TU MED PA'ANG THUB, THA MA'I DUS SU LO BCU LA YANG RING SHOS BYED DGOS PAS SO, ,GNYIS PA NI, BYANG SGRA MI SNYAN PA'I MI TSE LO STONG DU NGES PA'O, ,DE BAS MANG BA THUB PA'ANG MED LA; DE MA RDZOGS PAR 'CHI BA YANG MED PA'O, ,'DZAM BU GLING PA'I TSE LA NGES PA CI YANG MED DE, 'GA' ZHIG MA'I MNGAL DU TSE ZAD NAS 'CHI BA'ANG YOD LA, DE BZHIN DU KHA CIG SKYES TZAM NA, KHA CIG GOG TZAM NA, KHA CIG 'GRO TZAM NA, LA LA DAR LA BAB TZAM NA, LA LA RGAS NAS 'CHI BA YANG YOD PAS SO, ,DE @363 SKAD DU YANG , MYA NGAN GSAL BA LAS, KHA CIG MNGAL DU 'CHI BAR 'GYUR, , DE BZHIN KHA CIG SKYE TZAM NA, ,DE BZHIN KHA CIG GOG TZAM NA, ,DE BZHIN KHA CIG YONGS RGYUG NA, ,LA LA RGAS DANG LA LA GZHON, ,LA LA DAR LA BABS PA'I TSE, ,RIM GYIS RAB TU 'GRO 'GYUR TE, ,'BRAS BU SMIN PA LTUNG BA BZHIN,, CES SO, ,DES NA RANG GI TSE TSAD DA LO TZAM GYI RDZOGS NAS, SANG GI NYI MA LA TSE PHYI MA MI 'BYUNG BA'I RGYU MTSAN YID GTAN THUB PA GANG YANG MED DE, ZHI BA LHAS, DE RING KHO NA MI 'CHI ZHES, ,BDE BAR 'DUG PA RIGS MA YIN, ,BDAG NI MED PAR 'GYUR BA'I DUS, ,DE NI GDON MI ZA BAR 'GYUR, ,ZHES GSUNGS SO,, DE LTAR NA YANG RE ZHIG GSON DU RE BA'I BLO'I GTAD SO 'GA' ZHIG ,NA TSOD GZHON PA DANG , DA LTA NAD MED PA DANG , ZAS GOS LA SOGS PA'I MTHUN RKYEN 'DZOMS PA DANG , DGRA 'DRE LA SOGS PA'I 'TSEB MED PAS YUN RING DU MI 'CHI'AM SNYAM DU SEMS MOD, DE RNAMS GANG GIS KYANG BLO GTAD MI THUB STE, DE YANG GZHON PAS MI THUB STE, RGAD PO RGAD MO LDANG YANG MI NUS PAR GZHAN LA BRTEN DGOS PA'I SNGON DU, GZHON PA YANG RTZAL DANG LDAN PA MANG PO SHI BA DANG ,RANG LAS GZHON PA SHI BA MTHONG THOS SU GRUB PA DANG , TSOMS LAS, SNGA DRO SKYE BO MANG MTHONG BA: : PHYI DRO 'GA' ZHIG MTHONG MI 'GYUR, ,PHYI DRO SKYE BO MANG MTHONG BA, SNGA DRO 'GA' ZHIG MTHONG MI 'GYUR, ,SKYES PA BUD MED MANG PO DAG ,DAR LA BABS PA'ANG 'CHI BAR 'GYUR, ,DE LA MI 'DI GZHON ZHES TE, ,GSON PA'I GDENG DROD CI ZHIG YOD, ,CES GSUNGS SO, ,NAD MED PAS MI THUB STE, GDON GYIS ZIN PA'I NAD PA RANG GI 'GRO 'DUG TZAM YANG MI NUS PAR, GZHAN GYI 'DRE LDOG BYED DGOS PA'I SNGON LA, DA LTA NAD MED SKYE BO LUS STOBS DANG LDAN PA @364 GLO BUR DU 'CHA BA MTHONG BAS SO, ,MTHUN RKYEN 'DZOMS PAS MI THUB STE, MTHUN RKYEN MED PA'I SPRANG PO NANG ZAS NANG TSOL, NUB ZAS NUB TSOL BA'I SNGON DU, PHYUG PO ZAS NOR GYI MTHA' BSKOR BA DAG 'CHI BA DAG MTHONG BAS SO, ,DGRA 'TSE BA MED PAS KYANG MI THUB STE, MTHA' THAMS CAD DGRAS 'KHOR BA'I GO RAR CHUD PA'I SKYES BU'I SNGON DU DGRA'I MING TZAM YANG MED PA'I SKYES BU DU MA ZHIG 'CHI BA MTHONG BAS SO, , GDON GYI 'TSE BA MED PAS KYANG MI THUB STE, ,SHES PA GDON GYIS SLAD NAS SEMS LA RANG DBANG MA THOB BYA BYED RANG LA GANG NGAN BYED PA'I SNGON DU GDON GYIS 'TSE BA MED PA'I SKYES BU DU MA 'CHI BA MTHONG BAS SO, ,DE THAMS CAD DANG BRAL BAS KYANG MI THUB STE, DA LTA DE THAMS CAD DANG BRAL YANG GLO BUR GYI 'CHI RKYEN 'GA' ZHIG GIS DE MA THAG TU DU MA ZHIG 'CHA BA MTHONG BA'I PHYIR DANG , KHONG RNAMS KYIS GZHON PA LA SOGS PAS MI 'CHI BA'I BLO GTAD MI THUB LA, RANG GI BLO GTAD THUB PA'I RGYU MTSAN CI YANG MED PA'I PHYIR RO, ,DE SKAD DU YANG , ZHE BA LHAS, NAD MED NYI MA 'DI LTA BU'I,, ZAS BCAS 'TSE BA MED GYUR KYANG , ,TSE NI SKAD CIG BSLU BA STE, ,LUS NI THANG GCIG BRNYAN PO BZHIN, ,ZHES GSUNGS SO, ,GNYIS PA 'CHI BA'I RKYEN MANG ZHING GSON PA'I RKYEN NYUNG BA'I RGYU MTSAN GYIS NAM 'CHI CHA MED PA NI TSE LHAG CUNG ZAD YOD SRID KYANG , DE MA RDZOGS KYI BAR DU SDOD RGYU YONG BA'I NGES PA MED DE, TSE LA BAR DU GCOD BYED KYI RKYEN SHIN DU MANG BA'I PHYIR RO, ,DPER NA RLUNG DMAR CHEN PO'I NANG NA YOD PA'AM ME DE RAS SNUM LA SOGS PA MA ZAD KYANG , RLUNG GI RKYEN GYIS CUNG ZAD TZAM YANG GNAS PA'I GO SKABS MED PA BZHIN NO, ,DE SKAD DU YANG SPYOD 'JUG LAS, 'CHI BDAG RKYEN GYI KHAR GNAS PA, ,RLUNG DMAR NANG 'DUG MAR ME BZHIN, ,ZHES DANG , SLOB SPRINGS LAS, MAR ME'I ME LCE SHUGS @365 DRAG RLUNG GIS BSKYOD LTA BU'I, ,TSE 'DI SKAD CIG GNAS PA'I GDENG YANG YOD MIN NA,, ZHES GSUNGS SO, ,'CHI RKYEN SHIN TU MANG STE, PHYI'I 'BYUNG BA BZHES KYANG 'CHI BA'I RKYEN BYED DE, NANG GI 'BYUNG BA BZHI 'KHRUGS PAS NAD BSKYED 'CHI BA'I RKYEN BYED, NAD BZHI BRGYA RTZA BZHIS RKYEN BYED, LOG 'DREN GYI BGEGS STONG PHRAG BRGYAD CUS KYANG RKYEN BYED, DGRA GNYEN LA SOGS PA MIS RKYEN BYED, DUD 'GRO LA SOGS PA 'GRO BA GZHAN GYIS KYANG 'CHI BA'I RKYEN BYED, 'TSO BA'I RKYEN DU 'DOD PA, KHANG KHYIM DANG ZAS GOS LA SOGS PAS 'CHI RKYEN BYED, THA NA RANG LA RANG LAS NYE BA MED DE, RANG NYID KYANG 'CHI BA'I RKYEN DU 'GYUR BA YOD DO, ,DE RNAMS KYIS KYANG 'CHI RKYEN BYAS NAS 'CHI BA BSAM GYIS MI KHYAB PA MTHONG ZHING THOS LA KHONG RNAMS LA DE RNAMS KYIS 'CHI RKYEN BYED LA, RANG LA MI BYED PA'I RGYU MTSAN RNAM DAG MED PA'O, ,DES NA 'JIG BRTEN GYI KHAMS KYI PHYI NANG GA DNGOS PO 'CHI BA'I RKYEN DU MI BYED DO, ,ZHES NGOS BZUNG RGYU MI 'DUG PAS SO, ,DE LTA BU'I 'CHI RKYEN MED PA'I SAR 'GRO SA NI MI 'DUG ,RKYEN DE RNAMS GANG YANG RUNG BA RES KYANG 'CHI BAR 'DUG CING , DE LTA BU'I 'CHI RKYEN GCIG MI 'PHRAD PA'I GDENGS MI 'DUG PAS, DE RING 'CHI BA'AM SANG 'CHI CHA MI 'DUG PAS, DA LTA NYID DU CHOS RNAM DAG CIG BYA DGOS SNYAM DU BSGOM MO, ,DE SKAD DU YANG , KLU SGRUB KYIS, 'CHI BA'I RKYEN NI SHIN TU MANG , ,'TSO BA'I RKYEN NI NYUNG ZAD GCIG ,DE DAG NYID KYANG 'CHI BA'I RKYEN, , DE BAS RTAG TU CHOS MDZOD CIG ,CES GSUNGS SO, GSUM PA LUS SROG SHIN TU 'BRAL SLA STE, CHU'I CHU SBAR BAS KYANG SHED CHUNG BAS SO, ,LUS SROG 'BRAL SLA BA'I TSUL 'DI LTAR NA, GNYID LOG PA LAS SAD PA DANG , DBUGS 'PHYIR 'BYUNG BA LAS NANG DU RNGUB PA NGO MTSAR BA'I GNAS YIN NO, ,DE SKAD DU YANG , KLU @366 SGRUB KYIS, TSE 'DI GNOD MANG RLUNG GIS BTAB PA YI, ,CHU YI CHU BUR BAS KYANG MI RTAG NA, ,DBUGS 'BYUNG DBUGS RNGUB GNYID KYI LOG PA LAS, ,SAD KHOM GANG LAGS DE NI NGO MTSAR CHE, ,ZHES GSUNGS SO, ,'CHI BDAG LA BRTZE BA MED PAS NAM 'CHI CHA MED DO, ,'CHI BDAG LA DE RING SNYING RJE BAS BZHOG CES PA'AM, DE RING MI KHOM PAS ZHOG ZER BA LTA BU'I TSUL MA YIN PAS, RNGON PAS RI DVAGS 'DED PA'I TSUL DU SGOM PA GANG GIS KYANG ZAN PA SNGON DUS CUNG ZAD TZAM GYIS KYANG GSOD PA SNGON, SNYAM DU SEMS PA LAS MED PAS, DE BZHIN DU SONG BA MI SHES PAR TSE 'DI'I BYA BYED MANG PO CIG GI GO RIM BSGRIGS PA NI, 'CHI BDAG GI GSHIN RJES MA RANGS PA'I TSUL GYIS KHREL BA'I GNAS SU GSUNGS TE, SLOB SPRINGS LAS, 'DI NI SANG BYA 'DI NI THANG GCIG 'OG TU BYA, ,'DI NI DE'U RE BYED SKYE BO BSAMS PA NA, ,GSHIN RJE BE CON LAG THOGS ZUR GYIS LTA BA YI, ,MIG RTZA DMAR KHROS MA RANGS GAD MO RE SNYAM 'DEBS, ,ZHES GSUNGS SO, ,DES NA DA NI DE RANG 'DI BYA SANG 'DI BYA SNYAM DU YID LA MI BYED PAR, DE RING 'CHI NA 'DI BZHIN BYA, SANG 'CHI NA 'DI BZHIN DU BYED SNYAM PA'I GDENGS GCIG DA LTA NAS GRABS SU CHUD PAR BYA'O, ,DE SKAD DU YANG CHOS RJE YANG DGON PAS, BDUD 'CHI BDAG GI BREL KHOMS KYI DUS MI RTZI TSO NGES MED LA 'CHI BA'I DUS BTAB MED, DUS DE RING 'BYUNG BZHI DANG RNAM SHES GYER GYUR NA, ,GDENG BLO BDE CIG TSAGS SU CHUD DAM SEMS CIG AANG , ,ZHES GSUNGS SO, ,JO BO RJES, TSE NA YUN THUNG SHES BYA'I RNAM PA MANG , ,TSE YI TSAD KYANG CI TZAM MI SHES NA, ,NGANG PAS CHU LA 'O MA LEN PA LTAR, ,RANG GI 'DOD PA RANG LA BLANG BAR RIGS, ,ZHES GSUNGS SO, ,DES NA BDAG GI TSE DE RING TZAM GYIS MA RDZOGS PA'I RGYU MTSAN CI @367 YANG MI 'DUG ,TSE CUNG ZAD MA RDZOGS SU ZIN YANG TSE LA DUS MA YIN PA'I 'CHI BA 'ONG BA 'DUG ,BAR CHOD BYED PA'I RKYEN DU MA GYUR PA NI RNYED PAR DKA' BA 'DUG, RKYEN DE RNAMS BAR GCAD BYED PA LA YENGS PA NI MI SRID 'DUG ,BAR DU GCAD RGYU'I LUS SROG NI 'BRAL SHIN TU SLA BAR 'DUG TZA NA, BDAG DE RING NYI MI'I NGO LA MI 'CHI BA'I GDENG MI 'DUG ,DE RING SANG LA SHI NA NI SNGAR PHAN CHAD 'CHI BA GROS KHAG TU BCUG PA'I BYA BA NI GANG YANG MA GRUB, 'CHI TZA NA BDAG LA CI 'DRA BA GCIG 'ONG BA 'DUG GE AA TZA MA, DA NI BDAG NI TSE 'DI JI LTAR SONG NA'ANG SONG , 'CHI BA'I DUS SU PHAN PA'I CHOS GCIG DE RING NAS BYA SNYAM DU BSAM MO, ,GSUM PA 'CHI BA LA CHOS MA YIN PA GANG GIS KYANG MI PHAN PA NI, 'CHI BA'I DUS LA BABS PA'I TSE, TSE 'DI'I PHUN SUM TSOGS PA GANG GIS KYANG MI PHAN TE, GNYEN BSHES LA SOGS PA JI SNYED YOD KYANG , 'CHI BDAG LA 'THAB PAS ZLOG PA'AM, NGO CHEN BYAS PAS SKAD CIG KYANG 'GRUB PA MI SRID DE, ,SROG LA BRUD DU MI 'DOD, PHA ROL TU 'GRO BA'I TSE GOMS PA GANG YANG MNYAM DU 'GRO RGYU MED PAS SO, ,DE SKAD DU YANG , SPYOD 'JUG LAS, GSHIN RJE'I PHO NYAS ZIN PA LA, ,GNYEN GYIS CI PHAN BSHES CI PHAN, ,ZHES DANG , BDAG NI MAL NA 'DUG BZHIN DU, ,GNYEN BSHES RNAMS KYIS MTHA' BSKOR YANG , ,SROG CHAD PA YI TSOR BDAG ,BDAG NYID GCIG PUS MYONG BAR 'GYUR, ,ZHES GSUNGS SO, ,DE BZHIN DU, ZAS NOR LONGS SPYOD NI CI TZAM YOD KYANG MI PHAN TE, 'CHI BDAG LA SBYIN PAS, CUNG ZAD KYANG BSLU RU MED, TSE LA SKAD CIG KYANG 'THUD DU MED, PHA ROL CUNG ZAD TZAM YANG KHUR DU MED PA'O, ,DE BZHIN DU KHA DRAG PA DANG DBANG CHE BA LA SOGS 'JIG RTEN CHOS BRGYAD KYI 'DOD PHYOGS JI SNYED YOD KYANG MI PHAN GYI KHA LA SLAR GNOD DE, , @368 SPYOD 'JUG LAS, BDAG NI RNYED MANG BKUR STIR BCAS, ,BDAG LA MANG PO DGA' BO ZHES, ,DE 'DRA'I SNYEMS PA 'CHANG NA NI, ,SHI BA'I 'OG TU 'JIGS PA SKYE, ,DE BAS RNAM PAR RMONGS PA'I YID, ,GANG DANG GANG LA CHAGS GYUR PA,, DE DANG DE STONG STONG 'GYUR DU, ,SDUG BSNGAL NYID DU 'GYUR ZHING LDANG, ,ZHES DANG , RGYAL PO LA GDAMS PA'I MDO LAS, RGYAL PO CHEN PO DE'I TSE, DE'I DUS NA, CHOS MA YIN PA MGON DANG SKYABS GZHAN MED DE, ZHES GSUNGS SO,, 'O NA DE'I TSE GANG GIS PHAN NA CHOS RNAM PAR DAG PA BYAS NA PHAN TE, SPYOD 'JUG LAS, DE TSE BSOD NAMS GCIG SKYABS NA, ,ZHES DANG , RGYAL PO LA GDAMS PA'I MDO LAS, DE'I TSE DE'I DUS NA, CHOS NI SKYABS DANG MGON DANG , RTEN DANG , GLING DANG , DPUNG GNYEN CHEN POR GYUR TE, ZHES GSUNGS SO, ,CHOS BYAS KYANG 'CHI'O SNYAM NA, 'CHI LUGS MI GCIG PA SOGS NA, GSUNG BGROS MA BZHIN DU SHES PAR BYA'O, ,DES NA 'CHI BA NI 'ONG BAR 'DUG ,NAM 'ONG NI CHA MI 'DUG ,DE LA PHAN PA NI CHOS MA YIN PA MI 'DUG PAS, 'CHI BAL MI 'JIG PA'I GDENGS DANG LDAN PA BZHIN DU 'DUG PA NI SHIN TU MI 'THAD DE, SPYOD 'JUG LAS, BDAG LA MI 'JIGS SU YIS BYIN, ,'DI LAS JI LTAR NGES THAR BA, ,GDON MI ZA BAR MED GYUR NA, ,JI LTAR BDAG YID BDE BAR 'DUG, CES DANG , BZHI BRGYA PA LAS, GANG LA 'JIG RTEN GSUM MNGA' BDAG ,RANG NYID 'CHI BDAG BYED PO MED, ,YONGS SHES RNAL BZHIN GNYID LOG NA, ,DE LAS MA RUNGS GZHAN CI YOD, ,CES GSUNGS SO, ,DES NA MI SNYING CAN KUN RANG LA PHYI THAG BSRINGS, RANG MI BSLU NA ZHE NAS KYI LHA CHOS GCIG MDZOD CES YANG DGON PAS GSUNGS SO, ,DE BZHIN DU TSE 'DI BLOS BTANG BA'I CHOS RE BYED PA @369 GAL CHE'O, ,'CHI BA MI RTAG PA BSGOM PA BSTAN ZAN TO,, ,, DE LTAR 'CHI BA'I DUS LA BABS PA'I TSE, TSE 'DI'I 'BYOR PA SOGS GANG YANG RJES SU MI 'BRANG BA 'DUG NA, RJES SU 'BRANG BA NI CI YANG MED DAM SNYAM NA, RANG GI BYAS PA'I LAS DGE SDIG NI SHUL DU YANG MI SDOD GZHAN DU YANG MI 'GRO, MED PAR YANG MI 'GRO, LUS DANG GRIB MA BZHIN DU RANG GI RJES SU 'BRANG TE, RGYAL PO LA GDAMS PA'I MDO LAS, DUS KYI NYEN TE RGYAL PO 'GRO GYUR NA, ,LONGS SPYOD MDZA' DANG GNYEN BSHES RJES MI 'BRANGS, ,SKYES BU DE NI GANG DANG GANG 'GRO YANG, ,LUS DANG GRIB MA BZHIN DU RJES SU 'BRANGS, ,ZHES GSUNGS SO,, GSUM PA LAS RGYU 'BRAS LA YID CHES BSGOM PA LA BZHI STE, DGE BA DANG MI DGE BA'I LAS KYI MTSAN NYID BSAM PA, DE'I 'BRAS BU BSAM PA, LAS KYI RNAM GRANGS RNAM PAR BZHAG PA, DON BSDUS TE BSTAN PA'O, ,DANG PO LA GNYIS TE, MI DGE BA'I LAS DANG DGE BA'I LAS SO, ,DANG PO NI, 'PHAGS PA KLU SGRUB KYIS, 'DOD CHAGS ZHE SDANG GTI MUG GSUM, ,DE BSKYED LAS NI MI DGE BA, ,ZHES GSUNGS SO, ,NYON MONGS PAS KUN NAS SLANG BA'I GZHI BSAM PA SBYOR BA MTHAR THUG TSANG BA'I LAS SO, ,MA CHAGS ZHE SDANG GTI MUG MED, ,DE BSKYED LAS NI DGE BA'O, ,ZHES GSUNGS PAS, MA CHAGS PA LA SOGS PAS KUN NAS SLANG BA'I GZHI BSAM PA SBYOR BA MTHAR THUG TSANG BA'I LAS SO, ,MI DGE BA LA DBYEN BCU STE; LUS KYI LAS MI DGE BA GSUM, NGAG GI LAS MI DGE BA BZHI, YID KYI LAS MI DGE BA GSUM MO, ,DE RE RE LA'ANG GZHI BSAM PA SBYOR BA MTHAR THUG BZHI BZHI TSANG DGOS SO, ,DE LA DANG PO SROG GCOD PA'I GZHI NI, RANG LAS GZHAN DU GYUR PA'I SEMS CAN NO, ,BSAM PA 'DU SHES DANG KUN SLONG GNYIS @370 LAS, DANG PO NI, BSAD PAR BYA BA DE LA DER 'DU SHES PA STE, DE LA YANG BYE BRAG ZHUGS PA DANG MA ZHUGS PA GNYIS LAS, DANG PO NI, BSAD PAR BYA BA'I SEMS CAN GCIG NGES PAR BZUNG NAS DER 'DU SHES PA'O, ,GNYIS PA NI, LUG KHYU LTA BU LA BSAD PAR 'DU SHES PAS LHAS SBYIN GSAD PAR 'DOD NAS, MCHOD SBYIN LA DER 'DUG SNYAM DU BSAMS NAS, MCHOD SBYIN GSAD PAS NI, SROG GCOD PA'I MI DGE BAR MI 'GRO BA'O, ,DES NA BYE BRAG ZHUGS PA NI, ,GANG GSAD PAR BYA BA DE YIN PA LA YIN PAR 'DU SHES PA'O, ,BYE BRAG MA ZHUGS PA LA NI, NOR NAS BSAD KYANG SROG GCOD PA'I LAS SU 'GYUR RO, ,NYON MONGS PA GANG YANG RUNG BAS KUN NAS BLANG NAS, KUN SLONG GSAD PAR 'DOD PA'O, , SBYOR BA MTSON BSNUN PA'AM DUG DANG G-YANG LA BSKYUR BA LA SOGS PA RANG NGAM GZHAN LA BSKOS PAS KYANG CHOG GO ,MTHAR THUG NI SBYOR BA DE LA BRTEN NAS RANG MA SHI BA'I SNGON ROL DU PHA ROL PO DE SHI BA'O, ,DE LA 'DOD CHAGS KYI SROG GCOD PA NI; BSAD BYA DE'I SHA LA SOGS PA LA CHAGS NAS GSOD PA'O, ,ZHE SDANG GI NI, PHA ROL PO LA SNYING NA BA'O, ,GTI MUG NI SAR SHIG PA DAG PHA MA RGAS PO LA, RGAS PA'I SDUG BSNGAL BSKYAB PAR 'DOD PA'O, ,MTHAR ZHE SDANG GIS SO, ,GNYIS PA MA BYIN PAR LEN PA'I GZHI NI, RANG LAS RDZAS THA DAD PA'I GANG ZAG GIS BDAG TU BZUNG BA'I DNGOS PO BSAM PA LA 'DU SHES NI, RKU BAR BYA BA'I DNGOS PO DE LA DER 'DU SHES PA'O, ,DE LA'ANG BYE BRAG ZHUGS PA DANG MA ZHUGS PA GNYIS SO; ;NYON MONGS NI DUG GSUM GANG RUNG GI KUN NAS SLANGS NAS KUN SLONG MA BYIN PAR LEN PAR 'DOD PA'O, ,SBYOR BA MTHU DANG STOBS KYI SGO NAS 'PHROG PA DANG , 'JAB BUS DANG , BCOL BA GNONGS PA DANG BSHAGS PA LA SOGS PAS DE RANG NGAM @371 GZHAN LA BCOL BAS KYANG RUNG NGO, ,MTHAR THUG NI GNAS NAS SPAGS PA DANG , THOB BLO GNYIS GANG RJES LA BYUNG BA'O, ,DE LA 'DOD CHAGS KYI KUN NAS SLANGS PA NI; RDZAS DE LA CHAGS PAS SO ,ZHES SDANG GIS NI, RDZAS KYI BDAG PO DE LA BSAD PAR BYA BA'I PHYIR DU'O, ,GTI MUG GIS NI, MA BYIN PAR BLANGS PA LA NYIS PA MED SNYAM DU LEN PA'O, ,MTHAR NI 'DOD CHAGS GYIS SO, ,'DOD PAS LOG PAR G-YEM PA'I GZHI NI, SKYES PA GZHAN GYIS BDAG TU BZUNG BA DANG , PHA MA DANG 'BREL BA'I BDUN RGYUD RNAMS DANG , SMAD 'TSONG MA RIN BCAL NAS LONGS MA SPYAD PA LA SOGS PA'O, ,GNAS MA YIN PA NI, DKON MCHOG RTEN DANG , PHA MA LA SOGS PA GNAS DANG , GAD KHA DANG , SNANG BA YOD PA LA SOGS PA'O, ,DUS MA YIN PA NI, SBRUM MA DANG , ZLA MTSAN 'DZAG PA LA SOGS PA DANG , MYA NGAN GYI GDUNGS PA'O, ,YAN LAG MA YIN PA NI, KHA DANG GSHANG LAM LA SOGS PA'O, ,BSAM PA DER 'DU SHES PA'O, ,'DI LA 'GA' ZHIG BYE BRAG ZHUGS PA DANG , MA ZHUGS PA KHYAD MED GSUNGS MOD, 'PHAt PA THOGS MED NI, BYE BRAG ZHUGS MA ZHUGS GNYIS YOD PAR BZHED, CES GSUNGS SO ,NYON MONGS PA DUG GSUM GANG RUNG GIS KUN NAS BLANGS NAS, KUN SLONG 'DOD PAS LOG G-YEM 'DOD PA'O, ,SBYOR BA KHRI LAS LDANG BA LA SOGS PA SBYOR BA BRTZAM PA'O, ,MTHAR THUG BDE BA NYAMS SU MYONG BA'O, ,'DI LA'ANG 'DOD CHAGS KYI KUN NAS BLANGS BA NAS, 'DZAG BDE NYAMS SU MYONG BAR 'DOD PA'O, ,ZHE SDANG GIS NI GZHAN GYIS CHUNG MA CHUD GSAN PA LA SOGS PA GZHAN LA GNOD PAR SEMS PA'O, ,GTI MUG GI NI SAR SHIG PA DAG ,MA BAG MAR BLANGS TE, LOG PAR G-YEM PA LTA BU'O, ,MTHAR 'DOD CHAGS KYIS RDZOGS @372 PAR BYED DO, ,RDZUN DU SMRA BA'I GZHA NI, SMRA SHES SHING DON GO BA'O, ,BSAM PA NI, ,SMRA BAR BYA BA'I DON DE LAS GZHAN DU 'DU SHES PA'O, ,NYON MONGS PA GANG RUNG GI KU NAS BLANGS NAS KUN SLONG 'DU SHES, GZHAN DU BSGYUR NAS SMRA BAR 'DOD PA'O, ,SBYOR BA SMRA BAR BRTZAMS PA'O, ,MTHAR THUG PHA ROL POS DON GO BA'O, ,MTHAR THUG GSUM PO GANG RUNG GIS RDZOGS PAR BYED DO, , PHRA MA SMRA BA'I YUL NI, GANG ZAG PHA ROL PO GNYIS SO, ,BSAM PA NI DER 'DU SHES PA'O, ,NYON MONGS PA GANG RUNG GI KUN NAS BLANG STE KUN SLONG DE GNYIS 'BYED PAR SMRA BAR 'DOD PA'O, ,SBYOR BA SMRA BAR BRTZOM PA'O, ,MTHAR THUG 'BYED PA'I TSIG DE BDEN YANG RUNG MI BDEN YANG RUNG PHA ROL POS DON GO BA'O, ,MTHAR THUG GSUM PO GANG RUNG GIS RDZOGS PAR BYED DA, ,TSIG RTZUB SMRA BA'I YUL NI, KUN NAS MNAR SEMS PA'I YUL LO, ,BSAM PA LA 'DU SHES NI DER 'DU SHES PA'O,, NYON MONGS PA GANG RUNG GI KUN NAS BLANGS NAS KUN SLONG PHA ROL PO'I ZHE LA PHOG PA'I TSIG SMRA BAR 'DOD PA'O, ,SBYOR BA SMRA BAR BRTZAM PA'O, ,MTHAR THUG PHA ROL POS DON GO BA'O, ,MTHAR ZHE SDANG GIS RDZOGS PAR BYED DO, ,NGAG 'KHYAL SMRA BA'I GZHI NI, SEMS CAN CI RIGS PA'O, ,BSAM PA NI DER 'DU SHES NYON MONGS PA GANG RUNG GI KUN NAS BLANGS TE KUN SLONG NGAG 'KHYAL SMRA BAR 'DOD PA'O, ,MTHAR THUG SRAS ZIN PA'O, ,MTHAR DUG GSUM GANG RUNG GIS RDZOGS PAR BYED PA'O, ,BRNAB SEMS KYI YUL NI MA BYIN LEN GYI GZHI DANG 'DRA'O,, BSAM PA DER 'DU SHES PA'O, ,NYON MONGS PA GANG RUNG GI KUN NAS BLANGS TE, KUN SLONG MI RIGS PAR BDAG GI BYA BAR 'DOD PA', ,MTHAR THUG BDAG GI BYA'O SNYAM DU BLOS THAG CHOD PA'O, ,MTHAR 'DOD CHAGS KYIS RDZOGS PAR BYED DO, , @373 GNOD SEMS KYA GZHI NI, ,KUN NAS MNAR SEMS KYI GZHI'O, ,BSAM PA NI, DER 'DU SHES PA'O, ,NYON MONGS PA GANG RUNG GI KUN NAS BLANGS TE KUN SLONG GNOD PAR BYAR 'DOD PA'O, ,SBYOR BA GNOD PAR BYA BA SEMS PA'O, MTHAR THUG GSOD PA'AM LONGS SPYOD PHRAL BA GANG RUNG GI GNOD PA 'DI LTA BU GCIG BYA'O SNYAM DU BLOS THAG BCAD PA'O, ,MTHAR ZHE SDANG GIS RDZOGS PAR BYED DO, ,LOG PAR LTA BA'I YUL NI, LAS RGYU 'BRAS LA SOt PA'O, ,BSAM PA 'DU SHES NI DER 'DU SHES PA'O, ,NYON MONGS PA GANG RUNG GIS KU NAS BLANGS TE, KUN SLONG SKUR PA BTAB PAR 'DOD PA'O, ,SBYOR BA SKUR BA 'DEBS PAR SEMS PA',, MTHAR THUG LAS RGYU 'BRAS MED SNYAM DU BLOS THAG BCAD PA'O, ,MTHAR GTI MUG GIS RDZOGS PAR BYED PA'O, ,GNYIS PA DGE BA LA DBYE NA BCU STE, SRAG GCOD PA SPANG BA LA SOGS PA LUS KYI LAS DGE BA GSUM, RDZUN SPONG BA LA SOGS PA NGAG GI LAS DGE BA BZHI, BRNAB SEMS SPONG BA LA SOGS PA YID KYI LAS DGE PA GSUM STE DE LTAR NA BCU'O, ,DE DAG GI NGO BO NI SNGAR GYI MI DGE BA BCU PO LAS LOG PA YIN MOD, DE DAG GCIG LA DPER MTSON NA, SROG GCOD PA PA SPONG BA'I GZHI NI, SROG GCOD PA'I GZHI DANG 'DRA'O, ,BSAM PA 'DU SHES NI, ,DER 'DU SHES PA'O, ,MA CHAGS PA DANG , ZHE SDANG MED PA DANG , GTI MUG MED PA GANG RUNG GIS KUN NAS BLANGS TE, KUN SLONG SROG GCOD PA SPONG BAR 'DOD PA'O, ,SBYOR BA MTSON BSNUN PA LA SOGS PA PHA ROL 'CHI BA SBYOR BA SBANGS TE, MTHAR THUG GZHI DE GSOD PA SPANGS PA'O, ,DES GZHAN RNAMS LA'ANG SHES PAR BYA'O, ,GNYIS PA DA DAG GI 'BRAS BU BSAM PA NI, ,DE LTA BU'I MI DGE BA BCU PO RE RE LA'ANG, 'BRAS BU GSUM GSUM STE, RNAM @374 PAR SMIN PA'I 'BRAS BU, RGYU MTHUN GYI 'BRAS BU, BDAG PO'I 'BRAS BU'O, ,DE LA MI DGE BA BCU'I RNAM PAR SMIN PA'I 'BRAS BU NI, DE CHEN POR SPYAD PAS SEMS CAN DMYAL BA, 'BRENG DU SPYAD PAS YI DVAGS, CHUNG NGUR SPYAD PAS DUD 'GROR SKYE BAR BYED DO, ,MDO 'GA' ZHIG LAS, 'BRING DU SPYAD PAS DUD 'GRO DANG CHUNG NGUR SPYAD PAS YI DVAGS SU SKYE BAR BSHAD PA YOD DO, ,SNGA MA DANG 'GAL BA MA YIN TE, 'BRING DU SPYAD PAS DUD 'GRO SDUG BSNGAL CHE SHOS DANG , CHUNG NGUR SPYAD PAS YI DVAGS SDUG BSNGAL CHUNG SHOS SU SKYE BA LA DGONGS SO, ,ZHES GSUNGS SO, ,DES NA 'BRING DU SPYAD PAS YI DVAGS DANG DUD 'GRO SDUG BSNGAL CHE SHOS DANG , CHUNG NGU SPYAD PA DE GNYIS SDUG BSNGAL CHUNG SHOS SU SKYE BA DE YIN NO,, DE NYID KYI NA MI DGE BA BCU'I RNAM SMIN GYI 'BRAS BU NI NGAN SONG GSUM LAS MTHO RIS SU SKYE BA MI SRID DO, ,SROG GCOD PA'I RGYU MTHUN GYI 'BRAS BU LA GNYIS TE, MYONG BA RGYU MTHUN DANG , BYED PA RGYU MTHUN GNYIS SO, ,DANG PO NI, RNAM SMIN GYI 'BRAS BU NGAN SONG GI SDUG BSNGAL MYONG BA'O, ,GNYIS PA NI, NGAN SONG LAS THAR TE, MAR SKYES KYANG SROG BCOD PA LA DGA' BA'O, ,DES NA DENG SANG GI MI SROG GCOD PA LA DGA' BA 'DI RNAMS KYANG SNGON GYI BYED PA RGYU MTHUN DU SHES PAR BYA'O, ,DE BZHIN DU MI DGE BA GZHAG RNAMS KYI BYED PA RGYU MTHUN YANG, MI DGE BA GANG YAN PA DE BYED PA LA DGA' BA'O, ,SROG GCOD PA'I MYONG BA RGYU MTHUN GYI 'BRAS BU NI, MIR SKYES KYANG TSE THUNG BA DANG , NAD MANG BA LA SOGS PA'O, ,MA BYIN PAR LEN PA'I MYONG BA RGYU MTHUN NI MIR SKYES KYANG LONGS SPYOD PHONGS PA DANG , LONGS SPYOD YOD KYANG RANG DBANG SPYAD DU MED PAR GZHAN GYIS 'PHROG PA LTA BU'O, ,'DAD LOG GI MYONG BA RGYU MTHUN NI, KHYIM PA YIN NA CHUNG MA MI @375 BSRUN PA DANG , GZHAN DANG THUN MONG DU GYUR PA LTA BU'O, ,RDZUN GYI MYONG BA RGYU MTHUN NI, MIR GYUR KYANG SKUR PA YANG MANG BA DANG , GZHAN GYIS BSLU BA LA SOGS PA'O, ,PHRA MA'I MYONG BA RGYU MTHUN NI, MDZA' BSHES NYUNG BA DANG , CUNG ZAD YOD KYANG MYUR DU PHYE BA LA SOGS PA'O, ,TSIG RTZUB KYI MYONG BA RGYU MTHUN NI; GZHAN GYIS RANG LA GANG SMRAS PA DA YANG RANG GI YID DU MI 'ONG, RANG GIS GZHAN LA SMRAS PA'ANG KUN SLONG NGAN PA MED KYANG GZHAN GYIS SNYING LA PHOG PA'I TSIG TU 'GYUR BA'O, ,NGAG 'KHYAL BA'I MYONG BA RGYU MTHUN NI, ,RANG GIS BDEN PAR SMRAS KYANG GZHAN GYIS BDEN PAR MI 'DZIN PAS TSIG MI BTZAN PA DANG TSAD MAR MI 'DZIN PA'O, ,BRNAB SEMS KYI MYONG BA RGYU MTHUN NI, 'DOD PA CHE BA DANG CHOG MI SHES PA'O, ,GNAD SEMS KYI MYONG BA RGYU MTHUN NI, ZHE SDANG CHE BA'O, ,LAG LTA'I MYONG BA RGYU MTHUN NI, ,SHES RAB CHUNG BA DANG , ,BYA BA DANG BYA BA MA YIN PA'I CHA LA RMONGS PA'O, ,DES NA DENG SANG GI MI RNAMS LA GONG DU BSHAD PA'I NYES PA GANG DANG GANG 'DUG PA RNAMS, DE DANG DE'I NYON MONGS PA'I MYONG BA RGYU MTHUN GYI 'BRAS BUR SHES PAR BYA'O, ,BDAG PO'I 'BRAS BU NI SNOD KYI 'JIG RTEN LAS 'BYUNG BAS SROG GCOD PAS SA PHYOGS GZAM DNGAS CHUNG ZHING YID DU MI 'ONG BA DANG , MA BYIN PAR LEN PAS LO THOG LA SER BA LA SOGS PA'I BAR CHAD MANG BA DANG , 'DOD LOG GIS PHYOGS RDUL GYIS 'KHRIGS PA DANG , ,RDZUN GYIS PHYOGS 'DAM RDZAB DANG DRI NGA BA DANG , PHRA MAS SA PHYOGS MTHO DMAN CAN DANG , TSIG RTZUB KYIS TSA SGO CAN DANG NGAG 'KHYAL GYIS DUS 'GYUR LDOG CAN BYED PA LA SOGS PA DANG , BRNAB SEMS KYIS 'BRAS BU NYUNG BA DANG , GNOD SEMS KYIS 'BRAS BU RO KHA BA DANG , LOG LTAS 'BRAS BU MED PA'I SA PHYOGS SU SKYE BA YIN NO, ,DE NAS PHYOGS DE LTA BU GANG NA @376 'DUG KYANG MI DGE BA DE DANG DE'I BDAG PO' 'BRAS BUR SHES PAR BYA'O, ,GSUM PA LAS KYI RNAM GRANGS RNAM PAR BZHAG PA LA LNGA LAS, SEMS PA LAS GYUR PA LNGA'I SGO NAS DANG , LAS STOBS LDAN MI LDAN GYA SGO NAS DANG , 'PHEN BYED DANG RDZOGS BYED KYI SGO NAS DANG , DKAR LA RNAM SMIN DKAR BA LA SOGS PA'I SGO NAS DANG , 'BRAS BU SMIN PA'I DUS KYI SGO NAS RNAM GRANGS RNAM PAR BZHAG PA'O, , DANG PO NI, DGE MI DGE LAS RNAMS GSOG TSUL JI LTAR SOG SNYAM NA, SEMS PA LAS GYUR PA LNGA'I SGO NAS GSOG PAR GSUNGS TE, SROG GCOD PA LTA BU LA MTSON NA, BSGO BA SEMS PA LAS GYUR PA NI, GSOD PA PO DE SEMS CAN GSOD PA LA GTING NAS MI MOS SHING 'TSER YANG, RGYAL PO LA SOGS PAS KHA DRAG PO'I SGO DE DBANG MED DU GSOD DGOS PA LTA BU'O, ,GSOL BA GDAB PA SEMS PA LAS GYUR PA NI, RANG SROG GCOD PA MI MOS KYANG , NYE DU MDZA' BSHES LA SAGS PAS GSOL BA BTAB STE, DE'I NGO MA CHOG PAR GSAD PA LTA BU'O,, MI SHES PA SEMS PA LAS GYUR PA NI, BYIS PA CHUNG NGUS SROG GCOD PA'I NYES DMIt MA SHES, NYON MONGS PA DRAG PO YANG MED KYANG RTZE DGA' LA SOGS PA'I SGO NAS GROGS SBUR LA SOGS DANG BYI'U LA SOGS PA GSOD PA'O, ,RTZA BA LA MNGON PAR ZHEN PA'I SEMS PA LAS GYUR PA NI, NYON MONGS PA DRAG POS KUN NAS BLANGS TE, SBYOR DNGOS RJES GSUM TSANG BA'I SROG GCOD PA LTA BU'A, ,PHYIN CI LOG GI SEMS PA LAS GYUR PA NI, THAR PA THOB PA'I PHYIR DU, RA DANG MA HE LA SOGS PA GSOD PA LTA BU'O, ,DE BZHIN DU MI DGE BA GZHAN RNAMS LA'ANG SHES PAR BYA'O, ,DE LA'ANG , SEMS PA LAS GYUR PA DANG PO GNYIS NI, BYAS LA MA BSAGS PA'I LAS SU GSUNGS PAS, 'BRAS BU MYONG BAR NGES PA MA YIN LA PHYI MA GNYIS NI BYAS @377 LA BSAGS PA'I LAS YIN PA'I 'BRAS BU MYONG NGES SU GSUNGS SO, ,GZHAN YANG RANG GI MA MTHUN PHYOGS LA MI 'DOD PA DRAG PO BYUNG BA LA DGA' BA BSGOM PA DANG , DGRA LA GNOD PA 'KHYOL BA LA RJES SU YI RANG BSGOM PA NI, MA BYAS LA BSAGS PA'I LAS ZHES BYA BA, NYES PA SHIN TU CHE BAR GSUNGS SHING, 'DI NI 'BYUNG NYE LA NYES PA SHIN TU CHE BAS PHYOGS 'DI LA BAG YOD PAR BYOS SHIG ,DGE BA LA YANG BYAS LA MA BSAGS PA NI, RNAM RTOG RGYA YAN LA BTANG BA'I BZLAS BRJOD LTA BU STE, SPYOD 'JUG LAS, BZLAS BRJAD DANG NI DKA' THUB KUN, ,YUN RINGS DUS SU SPYAD BYAS KYANG, ,SEMS GZHAN G-YENGS PAS BYAS PA NI, ,DE NYID RIG PAS DON MED GSUNGS, ,ZHES GSUNGS SO, ,BYAS LA BSAGS PA NI, DAD PA LA SOGS PA DRAG POS KUN NAS BLANGS TE NYON MONGS PA DANG TSE 'DI'I RNAM RTOG LA SOGS PA MA 'DRES PAR MA G-YENGS PA'I SGO NAS, BSAM PA THAG PA'I SGO GSUM GYE DGE BA GANG YANG RUNG BA BSGRUBS TE, RJES SU DGA' BA BSGOM PA'O, ,MA BYAS LA BSAGS PA NI, GZHAN GYIS BYAS PA'I LAS LA RJES SU YI RANG BA'O, , KYE MI DAG KHA NANG DU LOG LA RANG GI SGO GSUM GYI BYA BA LA SOGS DANG , RANG GIS BYAS PA'I DGE BAR BSAM PA RNAMS NI, BYAS LA MA BSAGS PAR 'GRO BA SHES CHE BA 'DRA ZHING MI DGE BA NI, ZHE SDANG DRAG POS KUN NAS BLANGS NAS, TSIG RTZUB PA GZHAN GYI RGYUD LA PHOG NGES GCIG SMRA STE, NGA'I SHUGS LEGS PA GCIG THABS SNYAM DU BSAM NA, DE'I RTZA BA LA MNGON PAR ZHEN PA'I MI DGE BA ZHES PA MI DGE BA CHEN PO STE, RNAM SMIN DMYAL BAR 'PHEN NUS PA NI DE TZAM GYIS RDZOGS LA, DE LTA BU YANG NYE MA RE RE LA YANG DU MA ZHIG 'BYUNG BAR SNANG BAS BLO ZHIB LA BLANGS NAS BLANG DOR TSUL BZHIN MA BYAS NA CHUNG ZAD TZAM GYIS 'GYOD PA CHEN PO LA GTUG PAR 'DUG PAS DRAN @378 'DZIN BYED PA GAL CHE STE, DGE BSHES PHU CHUNG BA' ZHAL NAS 'O CAG GI DAG BA NI, TSIG 'BRU LA BRTEN MI DGE BA NI DON LDAN DU 'GRO GSUNGS, DGE BA'I BSHES GNYEN KHAM PA LUNG PA'I ZHAL NAS, DA RES DGE BA DON MTHUN GCIG MA BYAS NA, RIN PO CHE'I GLING DU PHYIN NAS STONG LOG BYED DO GSUNGS, DGE BA' BSHES GNYEN KA MA PA' ZHAL NAS, RIN CHEN GLING DU PHYIN NAS DUG GI SDONG PO KHUR YONG NYEN YOD DO GSUNG NGO, ,GNYIS PA LAS STOBS DANG LDAN PA DANG MA LDAN PA'I SGO NAS RNAM GRANGS RNAM PAR BZHAG PA NI, 'DI LA LUGS DU MA 'DUG NA'ANG, 'PHAGS PA KLU SGRUB KYIS, RTAG DANG MNGON PAR ZHEN DANG GNYEN PO MED, ,YON TAN GTZOR GYUR GZHI LAS BYUNG BA YI, ,DGE DANG MI DGE RNAM LNGA CHEN PO STE, ,DE BAS DGE BA BSGRUB LA BRTZON PAR MDZOD, ,CES GSUNGS PA LTAR BSHAD NA, DUS KYI SGO NAS RTAG TU BYED PA STOBS CHE STE, DPER NA RGYAL PO LTA BUS MI DGE BA NYIN RE LA SEMS CAN 'DI TZAM GSOD CES DAM BCAS NAS GSOD PA LTA BU STE, SPYIR SEMS CAN GCIG BSAD PA DANG , DAM BCAS NAS GCIG BSAD PA GNYIS SEMS CAN GCIG BSAD PA MNYAM YANG , RGYUN DU DAM BCAS NAS BSAD PA DE SDIG PA STOBS DANG LDAN PAR GYUR PA YIN NO, ,DE BZHIN DU DGE BA YANG NYI MA RE LA CHOS SPYOD 'DI TZAM RE BYED DAM BCAS NAS BYED PA LTA BU STE, DE LA DAM MA BCAS PAR NYIN CIG CHOS SPYOD DRAG PO BYAS PA DANG DAM BCAS NAS NYIN CIG CHOS SPYOD BYAS PA GNYIS KUN SLONG LA SOGS PA MNYAM PA'I SGO NAS, NYIN CIG CHOS SPYOD BYAS PAR MNYAM YANG , RGYUN GYI NANG DU RTOGS PA'I NYIN GCIG PA DE DGE BA STOBS LDAN DU 'GYUR BA YIN NO, ,BSAM PA'I SGO NAS MNGON PAR ZHEN PA DRAG POS KUN NAS SLONG NA STONGS CHE STE, MI DGE BA LA BRTZON NA RTZA BA LA MNGON PAR ZHEN PA'I LAS LTA BU'O, ,DGE BA LA YANG DAD PA DRAG PO DANG @379 SNYING RJE LA SOGS PA' BSAM PA DRAG POS KUN NAS BLANG PA'I SGO GSUM GYI DGE BA RNAMS STOBS LDAN DU 'GYUR RA, ,GNYEN PO'I SGO NAS MI DGE BA BYAS PA LA 'GYOD PA MED PAR 'DI LTA BU BYAS ZHES DGA' BA BSGOM PA'I MI DGE BA STOBS LDAN DANG ,DGE BAL YANG BYAS PA'I RJES SU YI RANG BA 'DA LTA BU BYAS, ZHES DGA' BA BSGOM PA DGE BA STOBS LDAN DU 'GYUR BA YIN NO, ,DE NAS MI DGE BA STOBS LDAN KYANG RJES SU 'GYOD PA DRAG PO SKYES NA MI DGE BA STOBS CHUNG NGUR 'GYUR BAS, MA DGE BA GANG BYAS KYANG RJES SU 'GYOD PA SKYES NAS BSHAGS PA BYED PA GAL CHE'O, ,DE BZHIN DU DGE BA LA YANG NGO, ,DGE BA STOBS LDAN MA YIN YANG, RJES SU DGA' BA BSGOMS NA STOBS LDAN DU 'GYUR BAS DGE BA GANG BYAS KYI MJUG TU RLOM SEMS MED PAR DGA' BA KHYAD PAR CAN SGOM PAR BYA'O, ,ZHING GI SGO NAS STOBS LDAN LA GNYIS TE; DANG PO DKON MCHOG GSUM LA SDIG PA DANG DGE BA GANG BYAS KYANG STOBS LDAN DU 'GRO STE, DPER NA DE BZHIN GSHEGS PA LA NGAN SEMS KYIS KHRAG PHYUNG NA MTSAMS MED KYI LAS DANG , DE BZHIN GSHEGS PA'I SKU GZUGS DANG , MCHOD RTEN 'JIG PA LA DE DANG NYE BA'I LAS SU GSUNGS PA DANG , CHOS LA BRTEN PA CHOS SPONG GI LAS BSAGS NA GNYEN PO MED PA LTA BU'I SDIG PAR GSUNGS PA DANG , DGE 'DUN GYE DBYEN BYAS NA MTSAMS MED DE, DGE 'DUN GYI DKOR BRKUS NA SDIG PA SHIN TU LCI BA STE, MDOR NA DKON MCHOG GSUM GYI PHYOGS LA SDIG PA CUNG ZAD TZAM BSAGS NA'ANG , SDIG PA STOBS LDAN DU 'GYUR RO, ,DE BZHIN DU DGE BA LA YANG , SANGS RGYAS LA DMAGS TE, ME TOG GCIG GTOR NA YANG , DGE BA STOBS LDAN NAM BSOD NAMS DPAG TU MED PAR GSUNGS PA DANG , DE BZHIN DU DKON MCHOG GSUM GYE PHYOGS LA DGE BA CUNG ZAD TZAM BSAGS KYANG DGE BA STOBS LDAN DU @380 GSUNGS PA DANG , GZHAN YANG NGES PA DANG MA NGES PA LA 'JUG PA PHYAG RGYA'I MDO LAS, MI GCIG GES 'DZAM BU'I GLING GI MI THAMS CAD KYI MIG PHYUNG ZHING LONGS SPYOD THAMS CAD 'PHROd PA'I SDIG PA LAS YUL BYANG CHUB SEMS DPA' GCIG LA KHROS PA'I SEMS KYI MA RUNGS PA 'DI LA BLTA'O, ,ZHES RGYAB KYIS PHYOGS NA SNGA MA LAS CHES SDAG PA CHE BAR GSUNGS SHING , BYANG CHUB SEMS DPA' NI GANG NA YOD MI SHES PAS PHYOGS 'DI LA'ANG DRAN 'DZIN SHIN TU GAL CHE'O, ,DE BZHIN DU SNGAR GYI MIG BTON PA DE THAMS CAD LA MIG BYIN ZHING LONGS SPYOD PHUL BA LA BKOD PA BAS, YUL BYANG CHUB SEMS DPA' GCIG LA DANG BA'I SEMS KYIS MIG GCIG LTAS NA DE CHES BSOD NAMS CHE BAR GSUNGS SO, ,PHAN 'DOGS KYI ZHING PHA MA LA YANG , TSIG NGAN CUNG ZAD TZAM BZLOG PA LA SOGS PA SDIG PA CUNG ZAD TZAM LA YANG SDIG PA STOBS LDAN DU BSHAD LA, DE BZHIN DU BSNYAN BKUR LA SOGS PA DGE BA CUNG ZAD TZAM LA'ANG DGE BA STOBS LDAN DU BSHAD DO, ,DE LTA BU' MI DGE BA STOBS LDAN 'JOG PA'I SGO RE RES KYANG GONG DU BSHAD PA'I MI DGE BA CHEN PO'I RNAM SMIN GYI 'BRAS BU DMYAL BA RU 'PHEN NUS NA RANG RGYUD LA NI STOBS LDAN DU 'JOG PA'I SGO DU MA DANG LDAN PA 'BYUNG BAR SNANG STE, GZHAN GYI DGE 'DUN GYI SDE CHEN PO LA KUN NAS MNAR SEMS DRAG POS KUN NAS BLANG STE, TSAG RTZUB DRAG PO SMRA STE, DE LA DGA' BA BSGOM PA YANG 'BYUNG BAR 'DUG PA'I PHYIR RO, ,DE LTA BU NI DMYAL BA MYONG NGES KYI LAS SU 'DUG PAS, DE LTA BU'I LAS BSAGS NAS YID BDE MOR 'DUG PA NI SHIN TU MI RIGS TE, ZHI BA LHAS, DMYAL BA YI NI LAS BYAS NAS, ,JI LTAR BDAG YID BDE MOR 'DUG ,CES GSUNGS SO, ,DES NA MI DGE BA DMYAL BAR 'PHEN NGES LA SOGS PA LA NA, RGYU MANG PO DANG , RTZOL BA DRAG PO DANG , @381 YUN RING PO LA LTOS MI DGOS KYI GONG DU BSHAD PA'I STOBS LDAN DU 'JOG PA'I SGO GANG RUNG GCIG DANG LDAN NA, TSIG DE TZAM BRJOD PA'AM, RNAM RTOG GI 'DU 'PHRO CUNG ZAD TZAM GYIS KYANG DMYAL BAR 'PHEN NUS PA'O, ,DE NYID KYI PHYIR NA TSIG NGAN DE TZAM GYIS KYANG DMYAL BA LA SOGS PA'I NGAN SONG GI SDUG BSNGAL SNA TSOGS BSKYED PAR MDO LAS GSUNGS SO, ,DE RNAMS NI KHYIM PA DANG THUN MONG GI DBANG DU BYAS PA'I MI DGE STOBS LDAN DU 'JOG TSUL DU BSHAD PA YIN LA, RAB TU BYUNG BA NI RTEN GYI SGO NAS STOBS DANG LDAN PAS MI DGE BA GANG BYAS KYANG STOBS LDAN 'BA' ZHIG TU 'GRO BAR SNANG STE; BYAMS PA SE NGGE SGRA'I MDO LAS, DMYAL BAR MDA' 'PHANGS PA BZHIN DU 'GRO PA'I LAS BZHI GSUNGS PA NI, RAB TU BYUNG BA BSLAB PA NYAMS PAS DGE 'DUN GYI DAD RDZAS LA LONGS SPYOD PA DANG , BCOM LDAN 'DAS KYIS LTUNG BA 'BYUNG BA' RGYU GSUNGS PA SHES BZHIN DU KHYAD DU GSOD PA DANG , LTUNG BA BYUNG BA DE 'PHRAL DU BSHAGS PA MI BYED PAR LTUNG BA DANG ZHAG TU 'GROGS PA DANG , GZHAN GYI PHUN SUM TSOGS PA LA PHRAG DOG PA RNAMS GSUNGS PA LA, LTUNG BA SPYOD PA LA BAG TSA BA TZAM DU YANG MI BYED CING , LTUNG BA BYUNG NA BSHAGS PA GTAN MI BYED PA YANG 'DUG PAS, 'GRO SA NGAN SONG GSUM LAS MED PA LTA BU SNANG NGO, ,DE BZHIN DU SDOM PA GSUM GYE BCAS PA PHRA MO LA 'GAL BA'I RNAM SMIN SEMS NA, GONG GI NYES PA CHEN PO RNAMS KYANG SHIN TU CHA PHRA BAR SNANG ZHING, DGE BA'I BSHES GNYEN STON PA RIN PO CHES DON LA DGONGS NAS CHOS LA BRTEN PA'I SDIG PA LA LTOS NAS SDIG PA GZHAN KUN RGYUD RGYU YIN ZHES GSUNGS SO, ,DE BZHIN DU DGE BA LA YANG MDO LAS, BYANG CHUB SEMS DPA' KHYIM PA CAN GYI STONG GSUM GYI 'JIG RTEN GYI KHAMS 'DI KONG BU CHEN PO GCIG TU BYAS LA, RTZI MAR GYIS BKANG STE SDONG BU RI RAB TZAM BTZUGS NAS DE LA @382 ME SBAR TE, SANGS RGYAS KYI MCHOD RTEN GYI DRUNG DU PHUL BA LAS, BYANG CHUB SEMS DPA' KHYIM NAS KHYIM MED PAR RAB TU BYUNG BA CIG GIS SDONG BU 'BA' ZHIG SNUM GYIS BRLAN PA TZAM BYAS NAS, DE LA MAR ME SPAR NAS SANGS RGYAS KYI MCHOD RTEN BZHUt PA'I THEM PA SNANG BA TZAM BYAS NA, DE SNGA MA BAS BSOD NAMS CHES CHE BAR GSUNGS SO; ;DE'I RGYU MTSAN NI RTEN GYI SGO NAS YIN TE, YUL DANG BSAM PA DANG , DONGS PO SNGA MA LAS PHUL DU BYUNG BAS SO, ,DES NA RAB TU BYUNG BA'I PHYOGS LA KHE NYEN SHIN TU CHE BAS SO, ,DE LTAR NA BLANG DOR PHRA ZHING PHRA BA LA'ANG 'BAD PA CHEN POS PHYIN CI MA LOG PA BYED PA GAL CHE'O, ,GZHAN YANG , MANG PO 'DUS PA'I LAS KYANG STOBS LDAN DU GSUNGS TE, DPER NA MI BRGYA THAM PAS 'DUN MA PHYOGS GCIG TU BYAS NAS, ,LUG GCIG BSAD PA NA, MI RE LA LUG RE BSAD PA'I SDIG PA 'BYUNG ZHING, GROGS MED PA'I MI GCIG GIS LUG GCIG BSAD PA NA'ANG , LUG GCIG BSAD PA'I SDIG PA BYUNG MOD, SNGAR GYI MI RE LA LUG RE BSAD PA'I SDIG PA DE STOBS LDAN YIN LA, GROGS MED NI DE LA LTOS NA STOBS MED YIN NO, DE BZHIN DU, MI BRGYA THAM PAS MCHOD RTEN GCIG BZHENGS PA DANG , MI GCIG GIS MCHOD RTEN GCIG BZHENGS PA GNYIS MI RE LA MCHOD RTEN RE BZHENGS PA'I BSOD NAMS 'DRA YANG , SNGA MA STOBS CHE LA PHYI MA DE LA LTOS TE STOBS CHUNG NGO, 'DI LA CHOS MNGON PA'I SDE SNOD LA MKHAS PA KHA CIG ,DGE 'DUN GCIG GIS RANG GI BRANG KHANG DU GROGS MED PAR MDO TSAR GCIG 'DON PA DANG , DGE 'DUN TSOGS PA'I NANG DU THAMS CAD MDO 'DON PA DANG PHYOGS GCIG TU MDO TSAR GCIG 'DON PA PHYI MA STOBS LDAN DU 'GYUR BA YIN NO, ,ZHES KYANG GSUNG NGO, ,DE LTA BU'I STOBS LDAN DU 'JOG BA'I RGYU GANG DANG YANG MI LDAN PA'I DGE BA DANG MI DGE BA'I @383 LAS RNAMS NA CHUNG NGU DANG 'BRING DU RIG PAS DPYAD NAS SHES PAR BYA'O, ,GSUM PA 'PHEN RDZOGS KYI SGO NAS LAS KYI RNAM GRANGS RNAM PAR BSHAD PA NI, GONG DU BSTAN PA'I DGE MI DGE DE RNAMS 'PHEN BYED DANG RDZOt BYED GNYIS SU YANG 'GYUR TE, DE LA 'PHEN BYED KYI LAS NI, RI MO'I SKYA RIS LTA BU YIN LA, RDZOt BYED KYI LAS NI DE LA TSON BKYE BA LTA BU YIN ZHES GSUNGS, DE LA 'PHEN BYED MI DGE BA NI NGAN SONG GSUM GYI LUS KHO NA 'PHEN PAR BYED KYI MTHO RIS KYI LUS 'PHEN PA MI SRID DO, DE BZHIN DU 'PHEN BYED DGE BAS MTHO RIS KYI LUS KHO NA 'PHEN PAR BYED KYI NGAN SONG GI LUS 'PHEN PA MI SRID DO, ,RDZOGS BYED MI DGE BA NI, NGAN SONG GI RTEN LA RDZOGS PA YANG SRID LA, MTHO RIS KYI RTEN LA RDZOGS PA'ANG SRID DO, DE BZHIN DU RDZOGS BYED DGE BA YANG MTHO RIS KYI RTEN LA RDZOGS PA'ANG SRID, NGAN SONG GI RTEN LA RDZOGS PA'ANG SRID DO, ,DES NA MU BZHIR 'GYUR TE, 'PHEN BYED KYANG MI DGE BAS 'PHANGS LA, RDZOGS BYED KYANG MI DGE BAS RDZOGS PA NI, DMYAL BA'I SDUG BSNGAL LTA BU STE, 'PHEN BYED MI DGE BAS 'PHANGS PAS DMYAL BA'I LUS GRUB LA RDZOGS BYED MI DGE BAS RDZOGS PAS TSA GRANG LA SOGS PA'I SDUG BSNGAL DPAG TU MED PA MYONG BA'O , ,'PHEN BYED MI DGE BAS 'PHANGS KYANG RDZOGS BYED DGE BAS RDZOGS PA NI, DUD 'GRO KLU PHYUG PO LA SOGS PA LONGS SPYOD CHEN PO 'BYUNG BA DANG , YI DVAGS KYI RGYAL PO GSHIN RJE CHOS RGYAL LA LHA'I DBANG PO BRGYA BYIN DANG MNYAM PA'I LONGS SPYOD YOD PA LA SOGS PA MDOR NA NGAN SONG GI RTEN LA BDE BA'I RNAM PA GANG CI YOD PA THAMS CAD RDZOGS BYED DGE BAS RDZOGS PA YIN NO, ,'PHEN BYED KYANG DGE BAS 'PHANGS LA RDZOGS BYED KYANG DGE BAS RDZOGS PA NI, STONG 'KHOR LOS BSGYUR BA'I RGYAL PO LTA BU STE, 'PHEN BYED DGE BAS 'PHANGS PAS MTHO RIS KYI LUS THOB RDZOGS BYED DGE BAS RDZOGS PAS @384 LONGS SPYOD MNGA' THANG BSAM GYAS MI KHYAB PA 'BYUNG BA YIN NO, ,'PHEN BYED DGE BAS 'PHANGS KYANG RDZOGS BYED MI DGE BAS RDZOGS PA NI, 'PHEN BYED DGE BAS 'PHANGS PAS MI LUS THOB LA, RDZOGS BYED MI DGE BAS RDZOGS PAS TSE THUNG BA DANG , NAD MANG BA DANG , LONGS SPYOD DBUL BA LA SOGS PA MDOR NA MTHO RIS KYI RTEN LA SDUG BSNGAL GANG JI SNYED CIG YOD PA'I DE THAMS CAD RDZOGS BYED MI DGE BAS RDZOGS PA YIN NO, ,DE LA MI DGE BA'I LAS GCIG GIS NGAN SONG GI LUS DU MA 'PHEN PA YOD DO, ,DE BZHIN DU DGE BA'I LAS GCIG GIS MTHO RIS KYI LUS DU MA 'PHEN PA YANG YOD DO, ,LAS DU MAS LUS GCIG 'PHEN PA'ANG YOD DO, ,DES NA DENG SANG GI MI 'DI TZO'I BSAM PA LA, DMYAL BA MYANG BA'I LAS BSOG PA LA SROG GCOD PA LA SOGS PA'I SDIG PA YUN RING PO BYED DGOS PA DANG , DMAG LTA BU LA SOGS PA'I GROGS MANG PO SBRAN PA'I RTZOL BA CHEN PO BYAS LA, SDE BRLAG PA LA SOGS PA'I MI DGE BA CHEN PO DANG , SEMS CAN MANG PO BSAD PA LA SOd PA DMYAL BAR 'GRO DGOS LA, DE LA YANG DMYAL BA GANG YANG RUNG BA GCIG TU SKYE DGOS PAR BSAM GYIN 'DUG MOD DE NI CHOS RGYUS CHUNG BA'I RTAGS YIN MOD DE, DE RNAMS KYANG DMYAL BA RU 'PHEN BYED KYI LAS SHIN TU NAS KYANG YIN ZHING , GONG DU BSHAD PA'I MI DGE BA'I LAS STOBS LDAN RE RES KYANG NGAN SONG GI LUS DU MA 'PHEN PA YOD PAR GSUNGS LA, DE LTA BU'I LUS DU MA 'PHEN BYED KYI LAS BSOG PA LA NI RTZOL BA LA SOGS PA DE LTA BU MI DGOS PA'I PHYIR RO, ,DES NA BCOM LDAN 'DAS KYIS MDO LAS, MI DGE BA RE RES DMYAL BA BCU DRUG TU SKYE DGOS PAR GSUNGS SO; ;LAS RE RES KYANG NGAN SONG GI SDUG BSNGAL MTHA' YAS PA BSKYED PAR SHES PAR BYAS LA MI DGE BA SPANG BA LA 'BAD PAR BYA'O, ,BZHI PA DKAR LA RNAM PAR @385 SMIN PA DKAR BA'I SGO NAS LAS KYI RNAM GRANGS RNAM PAR BZHAG PA NI LAS DE RNAMS DKAR LA RNAM PAR SMIN PA DKAR BA'I LAS, DKAR LA RNAM PAR SMIN PA GNAG PA'I LAS, GNAG LA RNAM PAR SMIN PA GNAG PA'I LAS, GNAG LA RNAM PAR SMIN PA DKAR BA'I BZHI LAS, DANG PO NI, DAD PA DRAG POS KUN NAS BLANGS TE, DKON MCHOG MCHOD PA LA SOGS PA LTA BU'O, ,DE LTA BU NI RGYU'I KUN SLONG DANG , DUS KYI KUN SLONG , KUN SLONG GNYIS KA DKAR BAS DKAR LA RNAM PAR SMIN PA DKAR BA'I LAS ZHES BYA'O, ,ZAS NOR LA SAGS PA LA SRED PAS, DE THOB PAR BYA BA'I PHYIR DU DE BZHIN GSHEGS PA'I SKU GZUGS LA SOGS PA RI MOR 'BRI BA NI, DUS KYI KUN SLONG DKAR BA LTAR SNANG YANG , ,RGYU'I KUN SLONG GNAG PAS DKAR LA RNAM PAR SMIN PA GNAG PA'I LAS ZHES BYA'O, ,BZA' BA'I PHYIR DU SROG GCOD PA LTA BU NI, RGYU'I KUN SLONG DANG DUS KYI GNYIS KA GNAG PAS GNAG LA RNAM PAR SMIN PA GNAG PA'I LAS ZHES BYA'O, ,BU TSA NYES PA LAS BZLOG PA'I PHYIR DU PHA MAS BRTZE BA'I SEMS KYIS 'PHRAL DU RDEG PA DANG , 'THAB PA LA SOGS PA LTA BU NI, DUS KYI KUN SLONG GNAG PA LTAR SNANG YANG RGYU'I KUN SLONG DKAR BAS GNAG LA RNAM PAR SMIN PA DKAR BA'I LAS ZHES BYA'O, ,DES NA DGE MI DGER 'JOG PA NI LAS RANG GI NGO BO MI GTZO YI KUN SLONG GTZO CHE STE, DPER NA DED DPON THABS LA MKHAS PAS MI NAG MDUNG THUNG CAN BSAD PA LTA BU RANG GI NGO BO SROG GCOD PAR SNANG YANG KUN SLONG SHIN TU BZANG BAS BSKAL PA MANG PO'I TSOGS 'DUMS PAR GSUNGS PA DANG , RNYED BKUR THOB PAR BYA BA'I PHYIR DANG , GZHAN YID CHES PAR BYA BA'I DON DU SGO GSUM DGE BA LA SBYOR BA MTSAN MA'I RNAM PAR G-YENG BA ZHES BYA BA, MI DGE BAR GSUNGS PA DANG , DE'I CHED DU DBANG PO'I SGO SDOM PA TSUL 'CHOS DANG NGAG 'JAM @386 PAR SMRA BA KHA BSAG DANG , ,DE LTA BU LA BRTE NAS THOB PA'I RNYED BKUR RNAMS KYANG LOG 'TSOR GSUNGS PAS SO, ,DES NA ZHI BA LHAS, GANG TSE 'DI NI CI SPYOD CES, DE LTAR YID LA SO SOR BRTAG ,CES PA BZHIN DU, SGO GSUM GYI LAS DANG CI BYED PA'I SNGON DU KUN SLONG LA SO SOR BRTAG NAS SPANG BLANGS PHYEN CI MA LOG PAR BYA'O,, DE LTAR MA BYAS NA, CHOS BYAS PAR RLOM YANG CHOS SU 'GRO BA'I NGES PA MI SNANG STE, KHA RAG SGOM CHUNG GIS, 'GRAN SEMS KYI SLOB GNYER BYAS PA DANG , LO 'DOD KYI STON MO BYAS PA DANG , MKHAS 'DOD KYI NGA RGYAL STON PA GSUM, CHOS SU 'GRO'AM SOMS SHIG AANG , ,ZHES GSUNGS SO, ,BZHI PA 'BRAS BU MYONG BA'I DUS KYI SGO NAS RNAM GRANGS RNAM PAR BZHAG PA NI, 'O NA DE DAG GI 'BRAS BU DUS NAM GYI TSE MYONG SNYAM NA, 'DI LA GSUM STE, MTHONG CHOS LA MYONG 'GYUR DANG , LAN GRANGS GZHAN LA MYONG 'GYUR DANG , SKYES NAS MYONG 'GYUR DANG GSUM, DANG PO NI, MDZOD LAS, ZHING DANG BSAM PA'I KHYAD PAR GYIS, ,MTHONG CHAS 'BRAS BU CAN GYI LAS, ,ZHES GSUNGS PA LAS, YUL KHYAD PAR CAN DKON MCHOG GSUM LTA BU LA, BSAM PA KHYAD PAR CAN DAD PA DRAG PA LA SOGS PAS DNGOS PO KHYAD PAR CAN MCHOD RDZAS, PHUN SUM TSOGS PA LTA BU MCHOD PA RGYA CHEN PO LA SOGS PA PHUL, DE'I 'BRAS BU TSE 'DIR MYONG BAR 'GYUR LA, DE BZHIN DU YUL KHYAD PAR CAN LA NYON MONGS PA DRAG POS KUN NAS BLANGS TE, SDIG PA CHEN PO BSAGS NA DE'I 'BRAS BU TSE 'DIR MYONG BAR 'GYUR RO, ,MDOR NA DGE SDIG GI LAS RNAMS SHIN TU STOBS DANG LDAN PA 'GA' ZHIG GIS 'BRAS BU TSE 'DI NYID LA SMIN PAR 'GYUR BA LA NI MTHONG CHOS MYONG 'GYUR GYI LAS ZHES BYA'O, ,GNYIS PA NI, MTSAMS MED KYI LAS BSAGS PA LTA BU, LAS BSAGS PA'I SKYE BA @387 PHYI MA DE LA NGES PAR SMIN PA' LAS DE LA SKYES NAS MYONG 'GYUR GYI LAS ZHES BYA'O,, SKYE BA PHYI MA'I YANG PHYI MA PHAN CHAD LA 'BRAS BU SMIN PAR 'GYUR BA'I LAS LA NI, LAN GRANGS GZHAN LA MYONG 'GYUR GYI LAS ZHES BYA BA'O, ,DE'I DUS KYI RING MTHA' 'DI TZAM TSUN LA NGES PAR SMIN PAR 'GYUR ZHES PA'I TSAD NI BZUNG BAR MI NUS TE, 'DUL BA LUNG LAS, LUS CAN DAG GI LAS RNAMS NI, ,BSKAL PA BRGYAR YANG CHUD MI ZA, ,TSOGS SHING DUS LA BAB PA NA, ,'BRAS BU NYID DU SMIN PAR 'GYUR,, ZHES BYA BA LA SOGS PA GSUNGS SO, ,DE NI MI RNAMS RANG GI SKYE BA PHYI MA'I GNAS MTHO DMAN GYI KHYAD PAR RANG GI TSE 'DI'I SDIG PA CHE CHUNG GNYIS KA LA 'JOG PAR SNANG MOD, ,TSE 'DI NYID KYI SDIG PA CHE CHUNG YANG SKYE BA PHYI MA PHAN CHAD KYA GNAS MTHO DMAN GYI RGYUR 'GYUR BA SRID MOD, MTHA' GCIG TU NGES PA MED DE, TSE 'DIR SDIG PA SHAS CHUNG ZHING , DGE BA RE 'GA' BYAS PA YIN KYANG SKYE BA PHYI MA DE LA SKYE BA THOG MA MED PA NAS BSAGS PA'I DMYAL BA MYONG NGES KYI LAN GRANGS GZHAN LA MYONG 'GYUR GYI LAS KYI BAG CHAGS DE SKYE BA PHYI MA DE LA MYONG DGOS PA'I PHYIR RO, ,DES NA TSE 'DIR SDIG PA TSABS CHEN PO BYED PA'I MI GCIG DANG DGE BA RE 'GA' BYED PA'I MI GNYES THOG MA MED PA NAS KYI MI DGE BA'I BAG CHAGS SU MTHAR THUG MI SHES PAS, MI DGE BA TSABS CHEN PO BYED PA LA KHYAD GSOD DANG RANG LA DE LTA BU MED PA'I RLOM PA BYAS NAS BLO BDE MOR 'DUG PA SHIN TU MI 'THAD DE, RANG GI THOG MA MED PA NAS BSAGS PA'I DMYAL BA MYONG NGES KYIS LAS KYI BAG CHAGS RANG RGYUD LA CI TZAM YOD MI SHES SHING , TSAD BZUNG BAR MI NUS TE, 'KHOR BA MTHA' MED DU 'KHYAM DGOS PA'I LAS KYI BAG CHAGS RGYUD LA MED PA'I YID BRTAN NAM RGYU MTSAN GTAN MI 'DUG PA'I PHYIR RO, ,TSE 'DIR SDIG PA CHER MA BYAS PA DANG , DGE BA CUNG ZAD BYAS @388 PA YID BRTAN MI THUB STE, 'KHOR BA MTHA' MED DU 'KHYAM DGOS PA'I SEMS CAN GCIG NI YOD PAR GSUNGS LA, DES KYANG RANG GI TSE 'DI'I SDIG PA SPANG BA DANG , DGE BA SGRUB PA 'DI LAS LHAG PAR BYAS TE, RANG RE'I DGE BA SGRUB PA DE NI MI LUS THOB PA'I RGYUR 'GYUR BA YANG DKA' NA, CIG SHOS KYI LHA'I LUS KYANG GRANGS MED THOB PA YOD PA'I PHYIR RO, ,DES NA RANG BZANG BZANG PO STE, MTHO MTHO BOR RLOM YANG SPYOD 'JUG LAS, ,SKAD CIG GCIG BYAS SDIG PAS KYANG , ,BSKAL PAR DMYAL BAR GNAS GYUR NA, ,THOG MED 'KHOR BAR BSAGS SDIG GIS, ,BDE 'GROR MI 'GRO SMOS CI DGOS, ,ZHES GSUNGS PAS, RANG GI TSE 'KHOR BA THOG MA MED PA NAS DA LTA'I BAR DU MI DGE BA GSOG PA LA NI, NYI MA GCIG KYANG MA DAL BAR BSAGS PA LTA BU'I TSOD DU 'DUG CING , DE LTA BU DE YANG RANG GE STENG MA YIN PA GZHAN DU 'GRO BA CUNG ZAD TZAM YANG MI 'DUG PAS, DE LTA BU'I BAG CHAGS DE MA SBYANGS PAR 'GRO BA GOM PA GANG YANG MI 'DUG LA SNGAR BYAS LAS LA 'GYOD PA DRAG PO BSKYED PA DANG , BSHAGS PA DANG PHYIN CHAD SROG LA BABS KYANG MI BYED PA'I BSHAGS SDOM RNAM PAR DAG PA DGOS PAR 'DUG GO, 'O NA DGE MI DGE GNYIS KA'I BAG CHAGS YOD NA SNGA ROL TU GANG SMIN PAR 'GYUR SNYAM NA, 'DI LA, GNAS BRTAN BYANG BZANG GIS, LAS KYI 'BRAS BU LCI GANG DANG , ,NYE BA GANG DANG GOM PA GANG , ,SNGAR BYAS GANG YIN DE KUN LAS, ,'BRAS BU THOG MAR SMIN PAR 'GYUR, ,ZHES DGE SDIG GNYIS LA STOBS CHE CHUNG YAD NA STOBS CHE BA SNGON LA SMIN LA STOBS MNYAM NA NYE BA 'CHI KHAR GANG GSAL BA DE THOG MAR SMIN NO, ,BAG CHAGS GSAL MI GSAL YANG MNYAM NA, SNGAR GANG BYAS GANG YIN DE KUN LAS, GOM SHAS GANG CHE BA THOG MAR SMIN NO, ,GOM PA YANG MNYAm NA, THOG MAR GANG @389 BSAGS PA SMIN NO, ,YANG NA CHOS MNGON PA KUN LAS BTUS LAS NI, YANG NA ZHES GSUNGS PAS, GONG GI DE RNAMS NGES PA MED PAR RNAM GRANGS PA LTA BUR GSUNGS SO, ,GANG LTAR YANG RANG RGYUD LA NI SKYE BA 'DI NAS PHYI MAR MI DGE BA'I 'BRAS BU SMIN PA'I RGYU MTSAN RNAMS CHES CHE BAR 'DUG GO ,BZHI PA DE DAG GI DON BSDUS TE BSTAN PA NI, GONG DU BSTAN PA'I LAS DANG 'BRAS BU'I RNAM BZHAG DE RNAMS KYI DON DRIL NAS BSTAN NA, BCOM LDAN 'DAS KYIS MDO LAS, SKYES BU GANG ZAG 'DI DAG NI LAS KYI SKYE GNAS PA, LAS KYI BGO SKAL LA SPYOD PA, LAS BDAG GIR BYA'O, ,ZHES GSUNGS SO, ,DE LA LAS KYI SKYE GNAS PA, ,ZHES PA NAS, SNOD BCUD BDE SDUG GI SNANG BA SNA TSOGS PA 'DI MU STEGS PA'I 'DOD PA LTAR BDAG LAS 'BYUNG BA MA YIN, RANG LAS RANG SKYE BA YANG MA YIN GYI RGYU TSANG LA MA NOR BA LAS SKYES PA YIN NO, ,ZHES BYA BA YIN LA, BYE BRAG TU RANG GI LAS BDE SDUG GI SNANG BA THAMS CAD KYANG 'DI LTAR DU MYONG BA'I LAS BSAGS PA LAS BYUNG BA YIN TE, LAS BRGYA PA LAS, LUS CAN KUN GYI BDE SDUG NI, ,LAS RNAMS YIN PAR THUB PAS GSUNGS, ,LAS RNAMS KYANG NI SNA TSOGS LAS, ,DE YI 'GRO 'DI SNA TSOGS BYAS, ,ZHES GSUNGS SO, ,'JIG RTEN GYI BDE SDUG JI SNYED PA LAS LAS BYUNG NA, DGE MI DGE'I LAS RNAMS GANG YANG RUNG BA GCIG GIS BDE SDUG THAMS CAD BSKYED PA YIN NAM, LAS THAMS CAD KYI BDE SDUG THAMS CAD BSKYED PA YIN SNYAM NA, DE LTA BU NI MA YIN GYI LAS KYI BGO SKAL LA SPYOD PA ZHES BYA BA, 'BRAS BU BDE BA CI YOD PA THAMS CAD RGYU DGE BA LAS BYUNG BA YIN GYI MI DGE BA LAS BYUNG MI SRID, SDUG BSNGAL JI SNYED YOD PA THAMS CAD RGYU ME DGE BA LAS BYUNG GIS DGE BA LAS 'BYUNG BA MI SRID DO, ,DES NA RGYU DGE BAS NI BDE BA BSKYED KYI SDUG BSNGAL @390 BSKYED PA MI SRID DE, RGYU MI DGE BAS NI SDUG BSNGAL BSKYED KYI BDE BA BSKYED PA MI SRID DO, ,DES NA LAS KYI BGO SKAL LA SPYOD PA ZHES BYA BA DGE SDIG GI RGYU 'BRAS SO SOR NGES PA KHO NA YIN GYI, PHAN TSUN 'CHOL BA MI SRID DO, ,ZHES BYA BA'I DON YAN GYI, DE LTAR NA TSE 'DIR DGE BA BYED PA LA SDUG BSNGAL CHEN PO 'BYUNG BA DANG , SDIG PA CHEN PO BYED PA LA GZUGS BZANG PO 'BYUNG BA DANG , LONGS SPYOD MOD PO LA SOGS PA'I DGE BA JI LTAR YIN SNYAM NA, DGE BA BYED PA NA TSA MANG BA DANG , LONGS SPYOD CHUNG BA 'BYUNG BA SRID KYANG , DE DE LTAR DGE BA RNAM PAR DAG PA DE'I 'BRAS BU SDUG BSNGAL DER SMIN PA MA YIN GYIS SDUG BSNGAL MYONG BA'I LAS MI DGE BA CIG SNGON SPYAD PA'I 'BRAS BU YIN NO, ,KHYAD PAR DU DGE BA RNAM PAR DAG PA BYANG CHUB KYI SEMS LTA BU CIG THUGS RGYUD LA 'KHRUNGS PA LA, NA TSA LTA BU'I SDUG BSNGAL 'BYUNG BA STE, SNGON DMYAL BA LA SOd PA NGAN SONG GI SDUG BSNGAL MYONG BA'I LAS BSAd PA, DGE BA DE'I STOBS KYAS MI'I SDUG BSNGAL DE TZAM DU SMIN NAS NGAN SONG MYONG MI DGOS PAR GSUNGS TE, RDO RJE GCOD PA LAS, SHES RAB KYI PHA ROL TU PHYIN PA LA SPYOD BA'I GANG ZAG MNAR BAR 'GYUR RO, ,ZHES PAR, SPYOD 'JUG LAS, BSAD BYA'I MI ZHIG LAG BCAD DE, ,GAL TE THAR NA CIS MA LEGS, ,MI YI SDUG BSNGAL CHUNG NGU YIS, ,DMYAL BA BRAL NA CIS MA LEGS, ,ZHES GSUNGS SO,, DA LTA DGE BA RNAM PAR DAG PA'I 'BRAS BU NI, PHYIS 'BYUNG BAR 'GYUR RO, , DE BZHIN DU DA LTA SDIG PA STOBS CAN BYED PA LA BDE BA 'BYUNG BA NI, SDIG PA DE'I 'BRAS BU BDE BA DER SMIN PA MA YIN GYIS BDE BA DE LTA BU 'BYUNG BA'I RGYU DGE BA CIG SNGON LAS BSAGS PA'I 'BRAS BU YIN NO, ,SDIG PA STOBS CAN BYED PA KHA CIG LA BDE BA CHEN PO 'BYUNG BA NI SNGON LHA MI LA SAGS PA'I GO 'PHANG THOB PA'I BSOD NAMS RGYA @391 CHEN PO BSAGS PA DE SDIG PA STOBS CAN DE'I MTHUS TSE 'DI'I BDE BA TZAM DU ZAD NAS PHYIN CHAD SDUG BSNGAL KHO NA MYONG DGOS PA'I RTAGS SU YANG GSUNGS TE, SNGON NYI 'OG GI YUL DU SDIG PA STOBS CHEN BYED PA'I GRONG KHYER GCIG TU MU GE CHEN PO BYUNG BA LA, DANG PA ZHAG BDUN DU 'BRAS KYI CHAR PA BABS PA, DE NAS ZHAG BDUN DU NAS KYI CHAR BABS PA, DE NAS ZHAG BDUN DU RIN PO CHE'I CHAR BABS TE, SNGON BSOD NAMS CHEN PO BSAGS PA DE TZAM DU ZAD PAR BYAS TE, DE NAS ZHAG BDUN DU BYE TSAN GYI CHAR BABS TE, GRONG KHYER BRLAG PAR BYAS SO, ,ZHES 'BYUNG NGO ,, DES NA SDIG PHA LAS BDE BA 'BYUNG BA MI SRID KYI SDIG PA CHEN POS SNGON GYI DGE BA YANG 'JOMS PAR BYED DE, SPYOD 'JUG LAS, BSKAL PA STONG DU BSAGS PA YI,, SBYIN DANG BDE GSHEGS MCHOD LA SOGS, ,LEGS SPYAD GANG YIN DE KUN KYANG ,, KHONG KHRO GCIG GIS 'JOMS PAR BYED, ,CES GSUNGS SO, ,DES NA MI DGE BA DE'I 'BRAS BU PHYIS 'BYUNG , DE LTAR NA YANG DGE BA LAS 'BRAS BU BDE BA DANG , SDIG PA LAS 'BRAS BU SDUG BSNGAL 'BYUNG BA YIN YANG , DGE BA LAS 'BRAS BU SDUG BSNGAL DANG , SDIG PA LAS 'BRAS BU BDE BA 'BYUNG BA MI SRID PA MA YIN TE, DPER NA DGE BA BYED PA'I TSE DKA' THUB DANG DKA' SPYAD KYA SDUG BSNGAL MYONG BA DANG , MI DGE BA MA BYIN PAR BLANGS PA LA BRTEN NAS LONGS SPYOD PHUN SUM TSOGS PA 'BYUNG BA DANG , SEMS CAN GYI SROG GCOD PA LA BRTEN NAS SHA TSIL LA LONGS SPYOD PA'I BDE BA MYONG BA MNGON SUM DU MTHONG BAS SO SNYAM NA, DGE BA BYED PA'I DKA' THUB DANG DKA' SBYAD KYI SDUG BSNGAL MYONG BA NI, DE MYONG BA'I SAD BYED KYI RKYEN DGE BA DES BYAS PA TZAM YIN LA, DE MYONG BA'I RGYU NI MI DGE BA CIG SNGON DU BYAS PA YIN NO, ,DKA' THUB DANG DKA' SPYAD KYI 'BRAS BU PHYIS 'BYUNG BA YIN NO, ,DE BZHIN DU MA BYIN PAR @392 LEN PA'I LONGS SPYOD LA SOGS 'BYUNG BA YANG SNGON SBYIN PA LA SOGS PA BTANG BA'I RGYU LONGS SPYOD 'BYUNG BA DGE BA CIG YAD PA DE, DE'I SAD BYED MA BYIN PAR LEN PA DES BYAS PA TZAM YIN TE, DPER NA, BYE BRAG NOR MNYAM POR THOB KYANG SNGON GYI SBYIN SHUGS CHE CHUNG GI DBANG GIS 'GA' ZHIG NOR 'PHEL YOD LA, 'GA' ZHIG GI NOR MYUR DU ZAD 'GRO BA BZHIN NO, ,DES NA DGE SDIG LA 'BRAS BU 'CHOL BA 'BYUNG MI SRID DO, ,'O NA, GZHAN GYIS DGE BA BYAS PA'I 'BRAS BU GZHAN GYIS MYONG BA DANG , GZHAN GYIS MI DGE BA BYAS PA'I 'BRAS BU GANG ZAG GZHAN LA SMIN PAR 'GYUR RAM SNYAM NA, DE NI MA YIN TE, LAS BDAG GIS BYA'O, ,ZHES GSUNGS PAS, GANG ZAG RANG NYID LA BDE BA CHE CHUNG CI BYUNG YANG , RANG NYID KYIS DGE BA BYAS PA'I 'BRAS BU YIN NO, ,DE BZHIN DU RANG LA SDUG BSNGAL CI BYUNG YANG RANG NYID KYIS SDIG PA BYAS PA'I 'BRAS BU YIN NO, DES NA DGE SDIG GI 'BRAS BU BYED PA PO RANG NYID LA SMIN PAR 'GYUR GYI GZHAN LA MI SMIN NO, ,'O NA PHA MA'I DON DU BU TSAS DGE BA BYAS PA PHA MA LA MI SMIN NAM SNYAM NA, 'DI LA 'GA' ZHIG GI BSAM PA LA PHA MA'I DON DU DGE BA BYAS PA'I DGE BA DE'I 'BRAS BU'I DGE BA CI YOD PA PHA MA DE LA 'BYUNG GIS, BYED PA PO RANG NYID LA 'BYUNG RGYU MED SNYAM PA SRED MOD, DE NI MA YIN TE, PHA MA'I CHED DU DGE BA CI TZAM BYAS PA DE TZAM GYIS RANG GI RGYUD LA TSOGS GNYIS RDZOGS PA'I CHED DU BYAS PA DANG PHA MA'I RGYUD LA PHAN PA'I CHED DU BYAS PA GNYIS, PHA MA'I RGYUD LA TSOGS RDZOGS PA'I CHED DU BYAS PA RANG GI RANG RGYUD LA BSOD NAMS STOBS CHE BA CIG 'BYUNG ZHING , PHA MA'I RGYUD LA YANG SNGON GYI DGE BA'I BAG CHAGS SAD BYED KYI RKYEN LA SOGS PA, DGE BA'I BDAG RKYEN BYAS PA'I SGO NAS PHAN GYIS ZHES GSUNG NGO, ,DES NA RANG GI TSE 'DIS MI DGE BA GANG BYAS @393 PA DE'I 'BRAS BU RANG LA MI SMIN PAR GZHAN LA SMIN PA MI SRID DO, ,DE'I PHYIR RANG GI BYAS PA'I DGE MI DGE'I 'BRAS BU RANG LA KA 'BYUNG NGAS 'CHI BA'I DUS LA BABS PA DE'I TSE 'JIG RTEN 'DI GANG BA'I NOR YOD KYANG DE BAS DAD PA DRAG POS KUN NAS BLANGS TE; DKON MCHOG GI RTEN LA PHYAG GCIG 'TSAL BA RANG LA PHAN PA DANG , 'JIG RTEN GYI MI THAMS CAD DGRAR LANGS PA BAS NYON MONGS PAS KUN NAS BLANGS TE, TSIG NGAN PA GCIG SMRAS PA DANG , RAB BYUNG YIN NA NYES BYAS PHRA MO CIG SPYAD PA RANG LA DGRAR CHE BAR SHES PAR BYAS NAS DGE BA GANG BYED THAMS CAD RANG LA PHAN PA'I THABS KHO NAR SHES PA DANG , SDIG PA GANG BYAS THAMS CAD RANG LA GNOD PA'I THABS KHO NAR SHES PAR BYAS LA LAS PHRA ZHING PHRA BA NAS BLANG DOR TSUL BZHIN DU BYA'O, ,GAL TE GZHAN GYI MI DGE BA BYAS PAS GZHAN LA GNOD PA YOD DE, BSHAN PA SROG GCOD PA'I MI DGE BA BYAS PAS, LUG LTA BU'I SROG GCOD PA'I SDUG BSNGAL 'BYUNG BA DANG , GZHAN GYI DGE BA BYAS PAS GZHAN LA BDE BA 'BYUNG BA YOD DE, YON BDAG GI DGE 'DUN LA TSOGS GSOG GI DGE BA BYAS PA, DGE 'DUN GYI BSNYEN BKUR LA LONGS SPYOD PA'I BDE BA MYONG BA YOD DO SNYAM NA DE NI MA YIN TE, BSHAN PAS SROG GCOD PA'I LUG GI SDUG BSNGAL DE BSHAN PAS SROG GCOD BYAS PA'I SDIG BA DE'I 'BRAS BU MA YIN TE, DE NI LUG DE NYID SNGON GYE MI DGE BA BYAS PA'I 'BRAS BU YIN LA, BSHAN PA'I MI DGE BA DE'I 'BRAS BU NI BSHAN PA RANG NYID LA PHYIS 'BYUNG BAR 'GYUR RO, , DE BZHIN DU DGE 'DUN GYI TSOGS GSOG LA LANGS SPYOD PA'I BDE BA YANG , YON BDAG GI TSOGS GSOG DE'I 'BRAS BU MA YIN GYIS DGE 'DUN RANG NYID KYIS SNGON DGE BA BYAS PA'I 'BRAS BU YIN NO, ,MDOR NA LAS BDAG GI BYA'O, ,ZHES PA'I DON NI, DGE SDIG GI LAS GANG BYAS PA'I 'BRAS BU DE BYED PA PO RANG NYID LA NGES @394 PHAR 'BYUNG LA, GZHAN LA'ANG BDAG RKYEN BYAS PA'I TSUL GYIS PHAN GNOD DU 'GYUR RO; ,ZHES PA'I DON NO, ,NGES NA DA LTA RANG LA MI 'DOD PA GANG BYUNG YANG GZHAN GYES LAN SNYAM DU BSAM NAS GZHAN LA LE LAN 'DED PAR BYED, RANG LA 'DOD PA CI BYUNG YANG RANG GI TSE 'DI'I SGO DRAG LAB RTEN NAS 'BYUNG BAR 'DOD MOD, DE LTA BU NI MA YIN TE, RANG GI SNGON GYI LAS KYI 'BRAS BU YIN PAS MI 'DOD PA CI BYUNG YANG GZHAN LA LE LAN 'DED SA MED CING TSE 'DIR BYAS PA'I LAS KYI 'BRAS BU NI PHYIS 'BYUNG YIN NO, ,DE YANG LAS 'PHEL CHE STE, PHYI'I RGYU 'BRAS KYI 'PHEL CHE SHOS NI SHING NYA GRO TA ZHES PA SA BON YUNGS 'BRU TZAM LA 'BRAS BU RDZOGS PA'I TSE 'DAB RES KYANG DPAG TSAD KYI BAR KHYAB PAR BYED PA'I SHING SKYE BA YIN NO,, ZHES GSUNGS , ,DE BAS KYANG NANG GI RGYU 'BRAS 'PHEL CHE STE, LAS MI DGE BA PHRA MOS KYANG 'BRAS BU SDUG BSNGAL CHEN PO MYONG DGOS PAR GSUNGS TE, DGE SLONG MA GCIG GIS RANG GI GROGS MO TSO LA KHYI MO KHYOD TSO ZHES BRJOD PA LA BRTEN NAS SKYE BA LNGA BRGYAR KHYI MOR SKYES PA DANG , BRAN MO SGUR CHUNG ZHES PA GZHAN GYI BRAN BYED DGOS SHING KHA ZHAN PA GCIG GIS, LUS SGUR PO 'BYUNG BA'I RGYU; SNGAN RGYAL PO GCIG GI SRAS MOR SKYES PA'I TSE, RANG GI BRAN MO TSOL BRAN MO TSO ZHES KHYAD TSIG SMRAS PAS BRAN MO KHA ZHAN PAR SKYES PA DANG , SGUR MOR 'BYUNG BA'I RGYU RGYAL PO DE'I MCHOD GNAS RANG SANGS RGYAS MANG PO YOD PA GDUGS TSOD LA SPYAN DRANGS PA'I TSE RANG SANGS RGYAS GZUGS SGUR PO GCIG YOD PA MA TSANG BA DANG , RGYAL POS BU MO LA MCHOD GNAS RNAMS TSANG NGAM GSUNGS PA DANG , GCIG MA TSANG ZHUS PAS, SU MA TSANG GSUNGS PAS, BU MOS RANG SANGS RGYAS KYI SKU GZUGS KYI LAD MO BYAS NAS 'DI LTA BU MA TSANG ZHUS PAS, SGUR MOR @395 SKYES GSUNG NGO, ,DE LA RANG SANGS RGYAS LA MA RANGS PA'AM, NYON MONGS PAS KUN NAS BLANGS PA'I LAS MA YIN PA 'DUG NA'ANG , SKYON GYIS PHYOGS NAS LAD MO BYAS PA'I RNAM SMAN NO, ,ZHES GSUNGS SO, ,JO BO'I BLA MA AA WA DHU TI PA CHEN PO DE, RES CHOS ZHUS KYANG MI GSUNG , RES MA ZHUS KYANG GSUNG BA GCIG YIN PA LA, DUS GCIG GI TSE, DPON SLOB ZAM 'PHRANG DOG MO GCIG LA 'BYON PA'I DKYIL DU PHEBS TZAM NA BLA MA ZHAL PHYIR LOG MDZAD NAS BU BDAG TU 'DZIN PA MA ZAD KYI BAR LA LAS 'BRAS PHRA ZHING PHAR BA'ANG 'DZEM DGOS GSUNGS, ZAM 'PHRANG THON NAS, JO BOS RGYU MTSAN ZHUS PAS RNAL 'BYOR PA TING NGE 'DZIN 'DI TZAM YOD PA MI DGE BA PHRA MO SPYAD PA LA BRTEN NAS, DA LTA DMYAL BA 'DI LTA BU NA SKYES NAS SDUG BSNGAL CHEN PO MYONG ZHES BYA BA DANG , PAndI TA RIG PA'I GNAS 'DI TZAM SHES PA LAS PHRA BA CUNG ZAD CIG LA BRTEN NAS DMYAL BA LA SOGS PA GNAS 'DI LTA BUR SDUG BSNGAL 'DI LTA BU MYONG NGO, , ZHES RGYU MTSAN DANG BCAS NAS GSUNGS SO, ,GZHAN YANG , BI K'A MA LA SHI LA'I DGE 'DUN GYI GTOR KHUNG DU YI DVAGS RKANG PA PHYIN KA LOG TU BYAS PA GCIG 'DUG PA LA, BTZUN CHUNG MANG POS RDO RGYAB PA DANG , YI DVAGS DES BTZUN CHUNG GCIG BZUNG , DER MANG PO 'DUS TE, 'GA' ZHIG GIS KHRO BO'I SNGAGS BZLAS SHING DRAG 'DUL BYAS PAS KHO NGOS KYI RGOL BA DU MA BYUNG BAS, DE'I NYE 'KHOR NA RNAL 'BYOR PA GCIG YOD PAS GSAN NAS, NGO MTSAR CHE JI LTA BI GCIG YIN LTA RU 'GRO DGONGS NAS BYON PA DANG , KHONG LA MI RGOL BAR BSDAD 'DUG PAS, KHYOD GZHAN LA RGOL, NGA LA MI RGOL BA CI YIN GSUNGS PA DANG , GZHAN 'DI TSONG LA MTHA' 'TSAMS PA'I PHYIR 'ONGS PA YIN PAS RGOL BA YIN, KHYED NGO MTSAR NAS 'ONGS PA YIN PAS NI MI RGOL BA YIN, 'O NA KHYOD CI 'DRA BA GCAG YIN BYAS PAS BTZUN CHUNG 'DI RNAMS PAR THONG ZHIG ZER, @396 DE RNAMS BTANG BAS KHO NA RE, NGA BI K'A LA MA SH'I LA'I GNAS BRTAN YIN TE, DGE 'DUN GYI RDZAS CUNG ZAD TZAM MTHO SPYOD DMA' SPYOD DANG DBANG CHE SNYAM NAS DGE 'DUN LA MA ZHUS PAR DGE 'DUN RANG GI CHED DU SPYAD PAS, YI DVAGS SU SKYES, DGE 'DUN GYI GTZUG LAG KHANG DU 'JUG PA'I TSE PHYI LHAM MA PHUD PA SA RKANG PA PHYIN KA LOG TU SONG , DBANG CHE CUNG ZAD BYAS PA'I YI DVAGS KYI NANG NAS DBANG CHUNG SHAS GCIG TU SKYES TE, GTOR KHUNG 'DIR BSDAD PA YIN ZER TE, 'O NA BTZUN CHUNG TSO PAR THONG ZER BA'I RGYU MTSAN CI YIN BYAS PAS, DE TSO NGA'I MKHAN BU YIN PAS NGO TSA BA YIN ZER, DE NAS DAR CIG TZAM NYAL SONG , DE NAS KYANG LAB PA LA, DA LAN NAS 'JAM NYAL SONG BA CI YIN BYAS PAS, GA SHED CIG TU CHOS BYED MI GCIG LA BAR CHAD GTONG DU PHYIN ZER, KHYED MKHAS PA YIN PA LA SDIG LCI MOD BYAS PAS, , DE DAG LAGS TE, NGA YI DVAGS KYI SEMS LAM RANG DBANG MED PAS YIN ZER RO, , ZHES GSUNGS SO, ,YANG RNAL 'BYOR PA GCIG GTOR MA GTONG GIN YOD PA LA YI DVAGS MANG PO 'DU YIN YOD PA'I DUS GCIG GI TSE, YI DVAGS GSHIN RJE'I GSHED KYI GZUGS BYAS PA GCIG BYUNG NAS GTOR MA MYUR DU BYIN ZER, ,KHYOD CI YIN BYAS PAS GSHIN RJE GSHED KYI RNAL 'BYOR PA YIN ZER DGE 'DUN GYI TSIGS MA CUNG ZAD GCIG DGE 'DUN LA MA ZHUS PAR DGE 'DUN RANG GI CHED DU SPYAD PAS YI DVAGS SU SKYES PA YIN, GSHIN RJE GSHED KYI LHA'I DMIGS PA BRTAN PAS GZUGS 'DI LTAR DU GYUR PA YIN ZER, KHA SANG NAS GZUGS 'DI LTA BU ME STON PA CI YIN BYAS PAS, KHA SANG NAS NGO TSA NAS STON MI NUS PA YIN, DE RING LTOGS DRAG NAS 'DI KA LA 'ONG BA YIN ZER, DE NAS 'BRAS CHAN TSOS LA MYU RDU GTAR MA BYIN ZER, DE LA DGE BA'I BSHES GNYEN SHAR BA'I ZHAL NAS, 'BRAS LA SOGS PA BTZOS NAS GTOR MA @397 GTONG DGOS PAR GSAL, KHO LTOGS DE BZHIN DU SONG BA LA'ANG 'BRAS BCOS NAS GTOR MA BYIN 'DUG PA GSUNG , DES NA NYES BYAS PHRA MO DE LTA BU RES KYANG YI DVAGS SU SKYES NAS SDUG BSNGAL DE TZAM SKYED NA GZHAN MI DGE BA CHEN PO BYAS NA, SDUG BSNGAL CHEN PO BSKYED PA LTA CI SMOS SNYAM PAS, MI DGE BA PHRA ZHOR PHRA MO LA'ANG 'DZEM PA GAL CHE'O, ,DE BZHIN DU RGYU DGE BA PHRA MO SPYAD PAS 'BRAS BU BDE BA CHEN PO YONG BA RGYAL BU SBYI SPYI SKYES KYI GTAM RGYUD LA SOGS BZHIN NO, ,DE LTAR GONG DU BSHAD PA'I LAS RGYU 'BRAS KYI RNAM BZHAG 'DI RNAMS LA BSAM MON ZHIB TU BTANG STE, LAS RGYU 'BRAS LA YID CHES BCOS MA MA YIN PA MA SKYES BAR SGOM MO, ,DE LTAR SGOM PA GAL CHE, ,SPYOD 'JUG LAS, DGE BA'I PHYOGS RNAMS THAMS CAD KYI, RTZA BA 'DUN PAR THUB PAS GSUNGS, ,DE'I RTZA BA'ANG RTAG TU NI, , RNAM SMIN 'BRAS BU BSGOM PA'O, ,ZHES GSUNGS PA'O, ,YON LAS RGYU 'BRAS LA YID CHES PA'I TSAD CI TZAM ZHIG YIN SNYAM NA, DBU MA RIN CHEN PHRENG BA LAS, 'DUN DANG ZHE SDANG 'JIGS PA DANG , ,RMONGS PAS GANG ZHIG CHOS MI 'DA', , 'DI NI DAD PA CAN ZHES BYA, ,ZHES GSUNGS PA LTAR, 'DUN PAS CHOS LAS MI 'DA' BA DANG , SDANG BAS CHOS LAS MI 'DA' BA DANG , 'JIGS PAS CHOS LAS MI 'DA' BA DANG , RMONGS PAS CHOS LAS MI 'DA' BA DANG , BZHI PO DE LA 'DUN PAS CHOS LAS MI 'DA' BA NI, 'GA' ZHIG GIS RGYAL SRID LA SOGS PA'I 'BYOR PA CHEN PO BYIN GYIS LAS MI DGE BA'I NYES BYAS PHRA MO TZAM GCIG CHOD ZER NA'ANG SPYOD MI NUS PA YIN TE, DGE BA'I BSHES GNYEN PO TO BA'I ZHAL NAS, LAS RGYU 'BRAS LA YID CHAS NA DE LTA BU CIG YONG YANG YONG STE, NYES BYAS PHRA MO SBYOD PAS YI DVAGS SU SKYE BA DANG , MI DGE BA PHRA MO SPYAD PAS DMYAL BAR SKYES PAR @398 GSUNGS PAS, DMYAL BA DANG YI DVAGS KYI SDUG BSNGAL MI'I GRO SKAD RE DGOS PA BYUNG NA YANG , RGYAL SRID LA SOGS PA'I 'BYOR PA NI CI TZAM CHE YANG DE'I LAM NA MED DO, ,ZHES GSUNGS SO, ,DGE BA'I BSHES GNYEN KA MA PA'I ZHAL NAS, DA LTA MI GCIG GIS KHYED RANG MI 'DI'I GSEB TU LAG PA CHUG LA GRO SKAD CIG SDOD, NGAS STONG 'KHOR LOS SGYUR BA'I RGYAL PO LA BKOD ZER YANG , ME GSEB TU LAG PA 'DZUD MKHAN MI YONG STE, ME YIS LAG PA BSREG PA YID CHES PA'I GNAS KYIS YIN NO, ,TSIG MTHO DMAN CUNG ZAD KYI CHED DU CHOS GTONG BA NI, LAS RGYU 'BRAS LA YID MA CHES PA YIN NO, ,ZHES GSUNG NGO, ,ZHE SDANG GIS CHOS LAS MI 'DA' BA NI, GZHAN GYIS RANG GI LUS DANG LONGS SPYOD LA GNOD PA CI TZAM ZHIG BYAS KYANG , SPYOD 'JUG LAS, GAL TE LHA DANG LHA MIN RNAMS, ,THAMS CAD BDAG LA DGRAR LANGS KYANG , DE DAG GIS KYANG MNAR MED PA'I, ,ME NANG KHRID CING 'JUG MI NUS, ,NYON MONGS STOBS CAN DGRA 'DES NI, ,GONG DANG PHRAD NA RI RAB KYANG , ,THAL BAR YANG NI BRLAG BYED PA, ,DER BDAG SKAD CIG GCIG LA 'DOR, ,ZHES GSUNGS PA LTAR, ZHE SDANG LA SOGS PA'I NYES DMIGS SHES PA'I SGO NAS GNOD LAN DU KHRO BA LA SOGS PA NYON MONGS PA SKAD CIG KYANG RGYUD LA SKYER MI 'JUG PA'O, ,LAS 'BRAS LA YID CHES NAS NYON MONGS PA'I NYES DMIGS SHES NA 'DI 'ONG STE DPER NA LCAGS KYI KHANG PA ME RAB TU 'BAR BA GCIG GI SGO PHYE NAS, 'BYED MKHAN DE DE MA THAG TU SGO DE NAS ME SBAR TE THAL BA TZAM YANG MA LUS PAR BSREG PAR BYED PA GCIG YOD NA, DE LA 'GA' ZHIG SDIGS PA DANG BRID PA LA SOGS PA'I SGO NAS KHANG PA 'DI'I SGO PHYE ZHIG CES BRJOD NA SUS KYANG 'BYED MKHAN ME 'ONG BA BZHIN NO; ;DES NA TSIG MTHO DMAN TZAM LA ZHE SDANG DRAG POS KUN NAS BLANG STE, LAN @399 'JAL BA NI LAS 'BRAS LA YID MA CHES PA DANG , NYON MONGS PA'I NYES DMIGS MI SHES PA YIN NO, ,'JIGS PAS CHOS LAS MI 'DA' BA NI, SDIG PA CUNG ZAD TZAM DANG , RAB TU BYUNG BA YIN NA, NYES BYAS CUNG ZAD CHOD, GAL TE MI GCOD NA NYI MA RE RE BZHIN SHA KHAM BU DUM BUR BCAD NAS MTHAR GSOD PAR BYED DO; ;ZHES 'DZAM BU GLING PA'I MI THAMS CAD 'KHOR LOS BSGYUR BA'I RGYAL PO STOBS DANG LDAN PAR 'GYUR TE, DE SKAD DU SMRA YANG MI SPYOD PA'O, ,LAS 'BRAS LA YID CHES NA 'DI YANG YONG BAR NGES TE, GONG GI SDUG BSNGAL DE RNAMS JI LTAR CHE YANG MI'I SDUG BSNGAL YIN LA, MI DGE BA DANG LTUNG BA SPYAD PA'I RNAM SMIN NGAN SONG GI SDUG BSNGAL MYONG DGOS PA'O, ,DPER NA MI 'GA' ZHIG KHU TSUR DANG DBYUG PA LA SOGS PA 'PHYAR TE, MI GCIG LA, KHYOD RANG GI SNYING GI RTZE MO GCIG BYIN CIG ,GAL TE MI STER NA, 'DI RNAMS BRDEG GO ZER YANG , SNYING GI RTZE MO STER MI NUS PA BZHIN NO, ,RMONGS PAS CHOS LAS MI 'DA' BA NI, MI DGE BA PHRA RAGS THAMS CAD SDUG BSNGAL GYI RGYUR NGES, SDUG BSNGAL CI YOD MI DGE BA'I 'BRAS BU YIN PAR GTING NAS NGES TE, CHOS LAS MI 'DA' BA YIN NO, , DPER NA MI ZHIG GIS YUL GZHAN ZHIG TU 'GRO BA'I LAM NA, ME'I DONG CHEN PO RI RAB TZAM PA GCIG 'DUG GO ,ZHES THOS NAS, LAM DE RGYUS YOD PA'I MI LA ME DONG DE SA PHYOGS GANG NA YOD, RGYA KHYON CI TZAM YOD, DE LA PHYOGS GANG NAS 'GRO DGOS ZHES SOGS LEGS PAR DRIS TE 'GRO BA LAM DE'I SKYON YOD LEGS PAR SHES PAR BYAS LA ME DE DANG DE LAS BZUNG TE 'GRO BA BZHIN DU, LAS 'BRAS LA SEMS PA'I MI ZHIG SDUG BSNGAL MTHA' DAG MI DGE BA LAS BYUNG NGO, ,ZHES THOS PA NA, LAS 'BRAS KYI RNAM GZHAG PHYIN CI MA LOG PAR SHES PA'I MKHAS PA LA MI DGE BA GANG @400 ZHES BYA, MI DGE BA CI LTA BU SPYAD PAS SDUG BSNGAL CI 'DRA BYUNG, MI DGE BA SPANG PA'I THABS CI LTA BU YOD CES SOGS PHRA ZHING PHRA BA NAS DRIS NAS LAS 'BRAS KYI RNAM BZHAG LEGS PAR SHES PAR BYAS TE, MI DGE BA PHRA MO TZAM ZHIG CI YANG MI SKYON NA, RAB TU BYUNG BA'I PHYI DRO'I KHA ZAS TZAM KYI CI YANG MI STO ZER YANG, ,DE LAS 'DA' BAR MI NUS PA BZHIN NO, ,LAS 'BRAS KYI RNAM BZHAG LEGS PAR SHES TE; DE LA NGES SHES GTING NAS SKYES NA 'DI YONG YANG DPER NA MI ZHIG LA GCIG GIS 'CHI NGES PA'I DUG BYAN TE, DE TZAM GYIS CI YANG MI SKYON GYI ZO ZHAG ZER YANG ZA MI NUS PA LTAR KHYAD PAR DU BSLAB PA PHRA MO LA CI NAS KYANG 'DA' BAR MI NUS TE, DPER NA MI GCIG RKYAL PA GCIG LA BRTEN NAS RGYA MTSO'I PHA ROL DU 'GRO BAR 'DOD PA LA 'GA' ZHIG GIS RKYAL PA DE NAS MDZUB MO SHONG TZAM GCIG BYIN PAS CI YANG MI SKYON NGED LA PHYIN CIG ZER YANG STER MI NUS TE, DE TZAM CIG BYIN NA RKYAL PA'I DBUd THAMS CAD SHOR NAS RGYA MTSO'I PHA ROL TU BGROD PAR MI NUS PA BZHIN DU, BSLAB PA RIN PO CHE NI, 'KHOR BA'I RGYA MTSO'I PHA ROL DU BGROD PAR BYED PA'I RKYAL PA YIN PAS DE LA BUG RAL CUNG ZAD BYUNG NA'ANG 'KHOR BA'I RGYA MTSO LAS BRGAL MI NUS SO SNYAM DU YID CHES PA'O, ,DE LA DGE BA'I BSHAS GNYEN 'OD 'JO BA'I ZHAL NAS, DA LTA MI RNAMS CHOS MA SHES NAS MSDUG BYED MKHAN MA BYUNG NAS SDUG PA YIN, BYED MKHAN BYUNG NA MA nI GCIG PO BZLAS KYANG CHOG GSUNG MOD, CHOS MA SHES NA KA SDUG DA LTA NI PHAL CHER RMONGS PAS CHOS LAS 'DA' BA 'BA' ZHIG TU 'DUG PAS, DES NA LAS 'BRAS STON PA'I GZHUNG LUGS RGYA CHEN MA SHES KYANG PHUNG PO LNGA'I RAB BYED TZAM RE SHES PAR BYAS NAS LAS 'BRAS KYI RNAM BZHAG MA LOG PA RE MI SHES KA MED YIN NO ,ZHES GSUNGS SO, ,DE BZHIN DU DGE BA LA'ANG GNAS SKABS MTHAR @401 THUG GI DGE LEGS THAMS CAD 'BYUNG BAR YID CHES NA, 'BAD RTZOL GYIS BSGRUB PA GCIG 'BYUNG, DPER NA GRO SKAD CIG GI PHA ROL NA STON MO BZANG PO 'DUG GO ZHES THOS NA, DE 'PHRANG DANG CHU LA SOGS PA CI YOD KYANG BRGAL NAS 'GRO BA BZHIN DANG , ZHING SA 'BRAS BU STON THOG 'BYUNG BA'I YON TAN MTHONG NAS SO NAM LA 'BAD RTZOL BYED PA BZHIN NO, ,LAS 'BRAS LA YID CHES BSGOM PA BSTAN ZIN TO, ,DE LTAR LAS MI DGE BA SPYAD NA 'KHOR BA DANG NGAN SONG DU 'KHYAM MO ZER NA, 'O NA 'KHOR BA NGAN SONG DU LTUNG NA NYES PA CI YOD SNYAM NA, NYES DMIGS SHIN TU CHE BAS, BZHI PA 'KHOR BA'I NYES DMIGS BSAM PA NI, DRAN PA NYER BZHAG LAS, SEMS CAN DMYAL BA DMYAL MES NYAMS, ,YI DVAGS BKRES SHING SKOM PAS NYAMS, DUD 'GRO GCIG LA GCIG ZAS NYAMS, ,MI DVAGS BKRES SHING SKOM PAS NYAMS, ,LHA DAG BAG MED PA YIS NYAMS, ,'KHOR BA KHAB KYI RTZE TZAM YANG, ,BDE BA NAM YANG YOD MA YIN, ,ZHES GSUNGS PAS, 'KHOR BA NA BDE BA'I GNAS KHAB KYI RTZE TZAM YANG MED CING, DUS SKAD CIG MA GCIG KYANG MED PAS SDUG BSNGAL GYI RANG BZHAN LAS MA 'DAS SO, ,GAL TE NGAN SONG LA SDUG BSNGAL YOD KYANG LHA MI LA BDE BA YOD DE SNYAM NA, DE DAG KYANG 'GYUR BA'I SDUG BSNGAL LAS MA 'DAS PAS, MTHAR SDUG BSNGAL YIN TE, DPER NA BKRES PA'I TSE ZAS ZOS PAS BDE BA LTAR SNANG YANG YANG ZAS HA CANG ZOS DRAG NA 'CHI BA'I SDUG BSNGAL LA GTUt PA YIN NO, ,DES NA 'KHOR BA LAS BDE BA TSOL BA NI MI GTZANG BA LA DRI ZHIM PA TSOL BA DANG 'DRA STE, RGYUD BLA MA LAS, MI GTZANG BA LA DRI ZHIM MED LTAR 'GRO LNGA DAG NA BDE BA MED, ,CES SO, ,DE LTA BU'I SDUG BSNGAL DE SHIN TU DPA' DRAG STE, RJE DAM PA'I ZHAL NAS, 'KHOR BA'I SDUG BSNGAL BSAM NA SNYING RLUNG LDANG, ,'DI @402 LA GAD MO MI BRO DANG RA BA, ,ZHES DANG , DGE BA'I BSHES GNYEN GLANG THANG PA'I ZHAL NAS, MI TSO'O CAG GLANG RI THANG PA NGO NAG PA ZER KYIN GDA' STE, KHAMS GSUM 'KHOR BA'I SDUG BSNGAL BSAMS NA 'O CAG GI NGO GDONG LA DKAR PO 'ONG NGA 'DUG GE GSUNGS SO, ,'DI SHIN TU MAD PAR 'DUG STE, 'KHOR BA'I SDUG BSNGAL KHO RANG LA DBEN BCOS MA YIN PA'I BLO YIS BRTAGS NA NGO GDONG DKAR PO 'ONG BA RANG MI 'DUG STE, DPER NA MI GCIG DNGOS PO GCES PA ZHO GANG TZAM GCIG YOD NA, DE GTOR BA'I SDUG BSNGAL DE NI 'KHOR BA'I SDUG BSNGAL CHUNG SHOS YIN NA'ANG, DE LA'ANG NGO GDONG DKAR PO MI YONG BA 'DUG PAS, DE LTA BU'I SDUG BSNGAL 'DI YANG RGYUN RING STE, 'KHOR BA LA THAR PA'I THABS GCIG MA BYUNG NA, 'KHOR BA MTHO DMAN GYI SDUG BSNGAL JI SNYED YOD PA RNAMS SEMS CAN RE RE YANG LAN GRANGS BRGYA PHRAG MANG PO MYONG YANG SDUG BSNGAL LA ZAD PA'I DUS MED DE, THOG MA MED PA NAS DA LTA'I BAR DU SDUG BSNGAL JI SNYED YOD PA DE, 'O SKOL SEMS CAN RE RES KYANG LAN GRANGS BRJOD KYIS MI LANG PA CIG MYONG STE, DA DUNG SDUG BSNGAL ZAD PA LTA CI SMOS TE SDUG BSNGAL GYI KHA PHRI BA CI YANG MED PAS SO, ,DE SKAD DU YANG SHES SPRING LAS, RE RES RGYA MTSO BZHI LAS LHAG PA YI, ,'O MA 'THUNGS KYANG DA DUNG SO SO YI; ;SKYE BO'I RJES SU 'BRANG BA'I 'KHOR BA LAS, ,DE BAS CHES MANG NYID GCIG BTUNG 'TSAL LO, ,ZHES GSUNGS SO, ,DE LTA BU'I 'KHOR BA SPYI DANG BYE BRAG GI NYES DMIGS RNAMS GSUNG BGROS MA NAS 'BYUNG BA LEGS PAR BSAM STE, 'KHOR BA 'DI LA TSAL TSIG PA'I BYA'AM, MTSO 'KHYAGS PA'I BYA LTAR KHO THAG RBAD DE BCAD LA 'KHOR BA LAS THAR BA'I THABS LA 'BAD 'TSAL LO, ,'KHOR BA LA THAR PA'I THABS LA 'BAD PA'I DUS KYANG DA LAN KHO NA YIN TE, DA RES NI DAL 'BYOR GYI LUS @403 THOB TU MA BTUB PA LTA BU THOB, THOB LAS THOB PA MI 'DRA STE, KHYIM NAS KHYIM MED PAR RAB TU BYUNG, YANG DAG PA'I DGE BA'I BSHES GNYEN DANG MJAL, THEG PA CHEN PO ZAB PA DANG RGYA CHE BA'I CHOS DANG MJAL NAS, 'DZOMS RGYU MANG PO GCIG 'DZOMS BYUNG BAS SO, ,DE LA 'BAD LUGS RANG JI LTAR BYED SNYAM NA, 'DI NA KHA CIG GIS NGED KYI BLA MA DGE BA'I BSHES GNYEN 'DI MKHAS BTZUN BZANG GSUM 'DZOMS PA; LHA CHOS DANG MI CHOS GNYIS KA MKHYEN PA DE'I SGO NAS BU SLOB DANG YON BDAG LA SOGS PA THAMS CAD KYI RE BA TSUL BZHIN DU RDZOGS PA'I BZANG PO CIG BZHUGS SO,, ZER BA YOD KYANG, DE LA DGE BA'I BSHES GNYEN SHA PO SGANG BA'I ZHAL NAS, MI GCIG GIS GNYIS MI YONG, KHYI GCIG GIS WA GNYIS MI ZAN, WA GCIG LA WA WAt GNYIS BSHU RGYU MI YONG, LUG GCIG BSAD PA'I SHAR SPU BRANG LAG PAS THEG TSAD GCIG DANG , RKYAL PA CHU THUB PA GCIG GNYIS MI YONG, DE BZHIN DU TSE 'DI'I MI CHOS KYI BYA BYED KYI SGRIG RIMS MA NYAMS PA GCIG DANG , PHYI MA 'KHOR BA LAS THAR NAS SANGS KYI SAR BGROD PA'I CHOS GCIG GNYIS DUS GCIG LA 'GRUB PA MED PA YIN TE, ,DPER NA LHO MON KHAR 'GRO BA DANG , BYANG TSVA KHAR 'GRO BA GCIG GNYIS, LAM GCIG LA 'GROGS 'GRO BA MED DO, ,LHO MON KHAR 'GRO NA RNGA MA SOGS MON LA MKHO BA'I RDZAS SGRUB STE KHA LHO LA BLTAS NAS 'GRO DGOS PA YIN, DE'I TSE LHO LA GOM PA RE PHYIN PAS KYANG , BYANG KHA LA GOM PA RES RING DU 'GRO BA YIN, BYANG TSVA KHA LA 'GRO BA NA, RTZAM PA LA SOGS PA TSVA KHAR MKHO BA'I RDZAS BSGRUB STE, KHA BYANG LA LTAS NAS 'GRO DGOS PA YIN, DE'I TSE BYANG TSVA KHA LA GOM PA RE PHYIN PAS LHO MON KHA LA GOM PA RES RING DU 'GRO BA YIN, DPE DE BZHIN DU 'KHOR BA LAS THAR NAS THAMS CAD MKHYEN PA'I GRONG DU 'GRO BA GCIG DANG TSE 'DI'I @404 MDUN MA MA NYAMS PAR BYED PA GCIG GNYIS SU 'GRO SA GCIG TU BYAS PA MED PA YIN TE, THAR PA DANG THAMS CAD MKHYEN PA'I GRONG DU 'GRO BA LA 'JIG RTEN GYI CHOS BRGYAD SPANG PA LA SOGS PA BDAG 'DZIN THAMS CAD BLOS BTANG, LAM BSLAB PA RIN PO CHE GSUM LA GCES SPRAS BYED PA LA SOGS PA RNAM PAR DAG PA GCIG BYAS NAS 'GRO DGOS PA YIN TE, DE'I TSES LAM GYI YON TAN JE MTHO JE MTHO LA SONG BAS, 'JIG RTEN GYI CHOS BRGYAD LA SOGS PA BDAG 'DZIN GYI MGO JE DMA' JE DMA' LA 'GRO BA YIN, TSE 'DI'I MDUN MA MA NYAMS PA BYED NA, DUG GSUM GYIS KUN NAS BLANGS TE, TSE 'DI'I DGRA 'DUL GNYEN SKYONG GI GZHUNG BSRANGS DGOS PA YIN TE; DE'I CHE BSLAB PA GSUM DANG CHOS RNAM PAR DAG PA GCIG DER 'ONG DON MED PA YIN, DES NA RANG RE RNAMS KYI SPYOD TSUL MDZES MDZES JE LTAR BYAS, SEMS DUL DUL JI LTAR BYAS, NGAG 'JAM 'JAM JI LTAR SMRAS KYANG, TSE 'DI'I LEGS SHOS GCIG GES RANG GI SEMS BRID DU BTUB, TSE 'DI'I MA LEGS SHOS GCIG GIS RANG GI SEMS SDIGS SU BTUB PA'I RING LA RANG GI SEMS LA CHOS NAS GSUNGS PA'I YON TAN SNA GCIG KYANG 'BYUNG MI SRID PA YIN NO, ,DES NA DA RES KYI TSE THUNG 'DI LA 'DZOMS RGYU MANG PO GCIG 'DZOMS PA'I DUS 'DIR TSE 'DI'I 'DOD PA LA DNGOS GRUB DU LTA BA'I DUS MA YIN, 'JIG RTEN CHOS BRGYAD KYI 'KHOR 'DAB SKYONG BA'I DUS MA YIN, BDAG 'DZIN GYI MKHAR DPE RTZIGS PA'I DUS MA YIN, TSE PHYI MA PHAN CHAD KYI LAM 'CHI CHOS BYED PA'I DUS YIN PAS, DE LA TSE 'DI'I MDUN MA THAMS CAD THED LA BOR, BYANG BU'I RNA CHA 'OL BA KHRAB BYANG GI DKYIL NAS 'DON PA BZHIN MI ZLA NAS BUD, NYON MONGS DANG BDAG 'DZIN LA DGRA NAG POR LTAS NAS CHOS GANG BYED THABS CAD NYON MONGS PA DANG BDAG 'DZIN GYI GNYEN POR 'GRO BA BYAS NAS NYON @405 MONGS PA DANG BDAG 'DZIN CI THUL BYED PA'I DUS LA BABS PA YIN NO, ,ZHES GSUNGS PA LTAR NYAMS SU BLANGS LA 'KHOR BA KUN NAS BLANGS PA'I MI DGE BA 'BRING KUN SLONG DANG BCAS PA DANG , DA LTA YANG THAMS CAD YOD PAR BSHAD PA DANG 'BRAS BU YIN TE, BKRES SHING SKOM PA DANG , RGYUD 'KHRUG PA DANG , GZHAN GYIS 'TSOGS PA LA SOGS PA DANG , DUD 'GRO'I RGYU KUN 'BYUNG STE, SNGAR GYI GTI MUG GIS KUN NAS BLANGS PA'I MI DGE BA CHUNG NGU KUN SLONG DANG BCAS PA DANG , 'DI LA YANG LAS DANG NYON MONGS PA THAMS CAD YOD PAR BSHAD PA DANG , 'BRAS BU SDUG BSNGAL YIN TE, GLEN ZHING GTI MUG PA DANG GCIG LA GCIG ZAB LAS THAR BAR BYA'O,, ZHES 'DI BLO NGO LA BRIS PAS, LUNG LA SOGS PA MA DAG PA YOD PA RNAMS ZHUS DAG BYAS NAS, 'DI TZAM ZHIG LA SA BON DU MDZOD, MTHA' CHOD PAR BYAS NAS NYAMS SU LEN PAR ZHU, ZHES PA BYA BRAL BAS (^DKON MCHOG RGYAL MTSAN GYIS) BRIS PA YIN NO,, ,, ` DNGOS GZHI BYANG CHUB KYI SEMS GNYIS SBYANG BA LA, SPYIR JO BO CHEN PO RJE LA BYANG CHUB KYI SEMS SBYANG BA'I LUGS SAM BKA' SROL MI 'DRA BA GSUM YOD DE SNYING RJE'I DBANG GI RANG GI SKU SHA LA RANG GIS BCAD NAS GZHAN LA STER NUS PA'I BLA MA DHARMA RAKshI TA LAS BRGYUD PA DANG , GZHAN GYI SDUG BSNGAL DNGOS SU LEN PAR NUS PA'I BLA MA BYAMS PA'I RNAL 'BYOR PA LAS BRGYUD PA DANG , BLA MA GSER GLING PA NAS BRGYUD PA'O, ,DANG PO GNYIS KYI SBYANG LUGS THOG MAR DON DAM BYANG CHUB KYI SEMS BSGOM, KUN RDZOB BYANG CHUB KYI SEMS LA BDAG GZHAN MNYAM PA BSGOMS NAS, DE NAS BDAG GZHAN BRJE BA BSGOM PAR MDZAD DE, 'DI LAS DANG PO PA @406 LA SKYE DKA' GSUNG, BLA MA GSER GLING PA'I LUGS KYI DANG PO DON DAM BYANG CHUB KYI SEMS MI BSGOM PAR BDAG TU 'DZIN PA SPRAM RIL LE BA 'DI KA'I STENG NAS KUN RDZOB BYANG TSUB KYI SEMS BSGOM PA, DE YANG DANG PO RANG NAS BDAG GZHAN BRJE BA NAS BSGOM STE, 'DI LAS DANG PO'I RGYUD LA SKYE SLA ZHING, PHAN YON CHE BAS SBYANG LUGS GZHAN LAS KHYAD PAR DU 'PHAGS PA YIN NO, ,GSUNG, DE LA 'DIR BLA MA GSER GLING PA' LUGS KYI KUN RDZOB BYANG CHUB KYI SEMS BSGOM PA LA, SBYOR BA BYAMS SNYING RJE BSGOM PA, DNGOS GZHI BDAG GZHAN BRJE BA'I BYANG CHUB KYI SEMS BSGOM PA, RJES DUG GSUM DGE RTZAR BSGYUR BA DANG GSUM MO, ,DANG PO NI, GSUNGS BGROS MA LA SOGS PA NAS 'BYUNG BA BZHIN BSGOM MO, ,GNYIS PA NI, DANG PO RANG GI RTZA BA'I MA DE MDUN DU DMIGS TE, SNGAR GONG DU BYAMS SNYING RJE'I DMIGS PA MTHAR PHYIN YANG 'DIR MA'I SDUG BSNGAL LEN PA LA SPRO BA'I PHYIR DU; SNYING RJE GSAL SING DE BA GCIG BSGOMS LA, MA DE'I LAS DANG NYON MONGS PA MI DGE BA BCU LA SOGS PA'I SDIG PA DANG , DUG GSUM LA SOGS PA'I NYON MONGS PA THAMS CAD DANG , SKYE RGA NA 'CHIL SOGS PA'I SDUG BSNGAL DANG , GANG MI MKHO BA THAMS CAD, MDOR NA SANGS MI RGYA BA'I RGYU DANG , SANGS RGYA BA'I GEGS SU GYUR PA THAMS CAD, KYI GRIS BZHAR PA BZHIN DU SANGS KYIS BLANGS NAS, RANG GI SNYING GI DKYIL DU PUR GYIS LEN PA STE, DE LAS BLANGS NAS, RANG LA MI 'BYUNG BAR BYED PA LTA BU'AM, DE LAS BLANGS NAS RANG GI RTZAR 'JOG PA LTA BU MA YIN GYI, DE BAS GZHAN LAS BLANGS NAS SNYING LA BYUNG DGOS PA TZAM YANG SPANG DGOS PAS, DANG PO RANG NAS SNYING GI DKYIL DU LEN PA YIN, DE LTAR BLANGS PAS RANG PHAN DU RE BA'I LTOS PA MED PAR LEN PA YIN GSUNGS, DE BZHIN DU PHA @407 DANG , SPUN ZLA DANG , NYE 'BREL LA SOGS PA GRONG PA DANG , YUL PHYOGS DANG , BOD DANG , 'DZAM BU'I GLING PA DANG , GLING BZHI GLING PHRAN BRGYAD DANG BCAS PA DANG , NGAN SONG GSUM DANG , 'DOD KHAMS KYI LHA DANG , DE GNYIS DANG BCAS PA'I STONG CHUNG NGU DANG , STONG GNYIS BAR MA DANG , STONG GSUM GYI KHAMS GONG MA GNYIS DANG BCAS PA DANG , STONG GSUM YUNGS 'BRU YIS BKANG NAS SHAR PHYOGS KYI STONG GSUM RER YUNGS 'BRU RE BZHAG PAS 'DI YUNGS 'BRU STER GYI ZAD KYANG SHAR PHYOGS KYI STONG GSUM BRI BA'AM, NYER SONG BA MED LA GCIG MANG DU SONG BA YANG MED DE, NAM MKHA' LA MTHA' MED PA'O, ,DE LTAR PHYOGS THAMS CAD DU GNAS DES GAR KHYAB TSAD DU SEMS CAN GYIS KHYAB PAS NA, PHYOGS BCU'I NAM MKHA' KHYAB TSAD KYI SEMS CAN GYI DE LTAR BLANG BAR BYA'O, ,DE LAS NGAN SONG GSUM GYI DANG PO DMYAL BA LA TSA BA'I DMYAL BA BRGYAD, GRANG BA'I DMYAL BA BRGYAD, NYI TSE NYE 'KHOR GNYIS BCO BRGYAD PO THAMS CAD KYI RGYU KUN 'BYUNG YIN TE, SNGA MA'I DBANG DU BYA BA NA, ZHE SDANG GIS KUN NAS BLANG BA'I LAS SAM, NYON MONGS PA CHEN PO NAS MI DGE BA CHEN PO SPYAD PA DANG , 'DI'I DBANG DU BYAS NA, SROG GCOD PA'I DNGOS GZHI MED LA, GZHAN MI DGE BA THAMS CAD YOD PAR BSHAD PA DANG , 'BRAS BU SDUG BSNGAL YIN TE, ME LAS GYUR PA DANG , SEMS CAN LAS, MTSON CHA LAS GYUR PA DANG , CHU BUR RDOL BA DANG , PADMA LTAR GAS PA LA SOGS PA'I SDUG BSNGAL THAMS CAD GONG LTAR RANG GI SNYING GI DKYIL DU LEN TE; BLANGS NAS KYANG RANG LA PHAN DU RE BA DANG , SDIG PA BYANG BA DANG , TSOd RDZOt SU RE BA MAN CHAD KYI LTOS PA GANG YANG MED PAR SANGS RGYAS PAR SEMS PA'O, , DE BZHIN DU YI DVAGS KYI RGYU KUN 'BYUNG STE, SNGAR GYI CHAGS PAS KUN NAS BLANG BA'I @408 MI DGE BA 'BRING KUN SLANG DANG BCAS PA DANG , DA LTA YANG THAMS CAD YOD PAR BSHAD PA DANG , 'BRAS BU SDUG BSNGAL YIN TE BKRES SHING SKOM PA LA, RGYUD 'KHRUG PA DANG , GZHAN GYIS 'TSOGS PA LA SOGS PA DANG , DUD 'GRO'I RGYU KUN 'BYUNG STE, SNGAR GYI GTI MUG GIS KUN NAS BLANG BA'I MI DGE BA CHUNG NGU KUN SLONG DANG BCAS PA DANG , 'DI LA YANG LAS DANG , NYON MONGS PA THAMS CAD YOD PAR BSHAD PA DANG , 'BRAS BU SDUG BSNGAL YIN TE, GLEN CING GTI MUG PA DANG GCIG LA GCIG ZA BA GZHAN GYIS BSHA' SROL LA SOGS PA'O, ,MTHO RIS KYI MI YI KUN 'BYUNG SNGAR GYA LTA BU DANG , SDUG BSNGAL SKYE RGA NA 'CHI DANG , 'DOD PA BTZAL TE MI RNYED PA DANG , MI 'DOD PA DANG PHRAD PA DANG , SDUG PA'I DNGOS PA BRAL BA DANG , MDOR NA NYER LEN GYI PHUNG PO LNGA SDUG BSNGAL YIN PA LA SOGS PA DANG , 'DOD PA'I LHA LA BAG MED PA DANG , 'CHI LTAS DANG , NYE BAR 'CHI LTAS DANG , GZHAN GYIS DPA' BSKONG BA LA SOGS PA DANG , KHAMS GONG MA GNYIS KYI 'CHI 'PHO BA DANG , LTUNG BA DANG , TING NGE 'DZIN GYIS MYOS PA LA SOGS PA THAMS CAD LEN NO, ,RES DE LTAR SEMS CAN THAMS CAD KYA KHAMS DANG RES SO SO RE RE DANG DE YI YANG SEMS CAN RE RE NAS THAMS CAD LA SGOM SEMS LA DE MED NA KHA NAS YAM PA LAS DON THOG TU SKYEL BA MI 'ONG, ,RES THAMS CAD DUS GCIG TU SEMS SO TE, NAM MKHA'I MTHA' KHYAB TSAD KYI SEMS CAN NYE RING MED BZANG NGAN MED PA THAMS CAD KYI RGYU KUN 'BYUNG , 'BRAS BU SDUG BSNGAL MA LUS PA RANG GI SNYING GI NANG DU BLANGS NAS SANGS RGYAS PAR SEMS DE MED NA BLO'I 'GRAM MI 'ONG, RES DMYAL BA LTA BU RE RE'I SAR RANG GI LUS KYANG RE RE BSAM LA LEN, RES LUS 'DI GCIG PU LA THAMS CAD LEN, RES THOG NAS 'BYUNG BA LTAR RAGS RIMS @409 NAS LEN, RES GANG NA CI SNANG BA RNAMS LEN, RES 'DI KUN LA SBYOR MI DGOS SNYAM PA'I MI SNANG BA RNAMS LEN, DE LTA BU'I SGO NAS, RES 'GA' RIGS DRUG GI SEMS CAN RE RE'I NYON MONGS PAS SO SO PHYE NAS LEN, RES SDUG BSNGAL SO SOR PHYE NAS LEN, RES SEMS CAN RE RE'I SDUG BSNGAL DANG NYON MONGS PA THAMS CAD DUS GCIG LA LEN, DE LTAR SGO SNA TSOGS NAS BSAM PAS SDUG BSNGAL DANG NYON MONGS PA LEN PA LA MI SKYO BA DANG , NGES SHING THOG TU SKYEL BA DANG , BLO SBYONG SKYEN PA LA SOGS PA 'BYUNG NGO, ,DE RNAMS KYI LEN TZA NA YANG , DGRA DANG THA MAL DU BSAMS NA, LEN PA DON LDAN GCIG MI 'ONG BAS, LEN PA'I TSE THAMS CAD RANG LA PHAN 'DOGS PHA MA DRIN CAN SHA STAG TU BSAMS NAS BYAMS SNYANG RJE GSAL SING BA RES KUN NAS BLANG ZHING LEN PA YIN NO, ,DE LTAR DGRA LA GTONG LEN GNYIS PO BSGOM PA'I LAG RJES YONG DGOS TE GZHAN GCES PAR 'DZIN PA DANG , RANG GI BDAG 'DZIN LA GNOD PA 'KHYOL DGOS SO, ,GTONG BA NI, GTANG BAR BYA RGYU GANG GTONG NA, SPYOD 'JUG LAS, ,BDAG GI LUS DANG LONGS SPYOD DANG , , DUS GSUM DGE BA THAMS CAD KYANG, ,SEMS CAN KUN GYI DON BSGRUB PHYIR, , PHANGS PA MED PAR BTANG BAR BYA, ,ZHES GSUNGS PA LTAR, RANG GI LUS DANG LONGS SPYOD DANG , DUS GSUM DU BSAGS PA'I DGE BA'I RTZA BA THAMS CAD GTONG, LUS GTONG BA YANG , MA DAG PA GSUM DANG BRAL BAR GTONG STE, YI DAM GYI LHAR BSGOM NAS BTANG BA DANG , THA MAL GYI SHA KHRAG TZAM DU BYAS NAS GTONG BA DANG , BTANG NAS ZAD PA DANG BRAL BA'O, ,DE BZHIN DU LONGS SPYOD YOD KYANG, THA MAL GYI LANGS SPYAD GZHAN LA GNAD PAR 'GYUR BA'I DUG DANG MTSON CHA LA SOGS PA DANG , BTANG BAS ZAD PA DANG BRAL BAR BYED DO, ,'O NA JI LTAR DU BYAS NAS BTANG NA, @410 SDONG PO BKOD PA'I MDO LAS, BDAG NYID 'GRO BA THAMS CAD KYI NYE BAR 'TSO BA'I YID BZHIN GYI LUS SU NI GYUR, ZHES DANG , RDO RJE RGYAL MTSAN GYI MDO LAS, 'BYUNG BA CHEN PO BZHI NI SNA TSOGS DANG , TSUL SNA TSOGS DANG , RNAM GRANGS SNA TSOGS NAS SEMS CAN THAMS CAD NYE BAR 'TSO BA DE BZHIN DU, BYANG CHUB SEMS DPA' BDAG NYID KYI LUS KYANG SEMS CAN THAmS CAD KYI NYE BAR 'TSO BA'I GZHIR GYUR CES DANG , SPYOD 'JUG LAS, YID BZHIN GYIS NI LUS SU BSGYUR, ,ZHES SO, ,DE LTAR NA YID BZHIN DU BSGYUR NAS BTANG NGO, ,DE RNAMS KYI DON YANG YID BZHIN GYI NOR BU RIN PO CHE'I KHA DOG DANG DBYIBS LA SOGS PA'I RNAM PAR BYAS NAS BTANG BA LA MI ZER GYIS, 'GRO BA THAMS CAD KYI YID LA CI 'DOD PA DANG , DGOS 'DOD THAMS CAD ZAD MI SHES PA 'BYUNG BA LA ZER BAS DE LTAR BYAS NAS GTONG NGO, ,GTONG BA'I RIM PA YANG, RTZA BA'I MA DE MDUN DU DMIGS NAS, DE LA BTANG BAS MA DE'I SANGS RGYAS PA'I NYER LEN GYI RGYU'I DBANG DU BYAS NAS, DAD PA DANG , TSUL KHRIMS DANG , BRTZON 'GRUS DANG , SHES RAB DANG , BYANG CHUB KYI SEMS LA SOGS PA'I DON NANG GI RGYU THAMS CAD 'BYUNG BAR BSAM LHAN CIG BYED PA'I RKYEN GYI DBANG DU BYAS NAS, DGE BA'I BSHES GNYEN DANG , DPE CHA DANG , MCHOD CHA DANG , MCHOD KHANG DANG , KHANG PA DANG , GROGS TSANGS PA MTSUNGS PAR SPYOD PA LA SOGS PA DANG , DON NANG GA CHOS KYI MTHUN RKYEN THAMS CAD 'BYUNG BAR BYAS NAS SEMS BSKYED RDZOGS TE SANGS RGYAS PAR SEMS SO, ,DE BZHIN DU PHA DANG NYE 'BREL NAM MKHA' MTHAS KHYAB TSAD KYI SEMS CAN THAMS CAD DANG , NGAN SONG GSUM NAS, NYAN THOS DANG , RANG SANGS RGYAS DANG , SA BCU'I BYANG CHUB SEMS DPA' THAMS CAD LA BTANG BAS KYANG SNGA MA BZHIN DU, DE DAG KYANG @411 BYANG CHUB TU SEMS BSKYED, BSLAB BYA LA BSLAB TSOGS GNYIS MTHAR PHYIN NAS SANGS RGYAS PAR SEMS PA'O, ,YANG YID BZHIN GYI NOR BU GCIG LAS SEMS CAN THAMS CAD KYI ZAS GOS LA SOGS PA CI 'DOD 'BYUNG BA LTAR, RANG GI RTZA BA'I LUS GCIG PU 'DI NYID NAM MKHA'I MTHA' KHYAB TSAD KYI SEMS CAN THAMS CAD KYI ZAS GOS GNAS MAL DANG , YUL ZHING DANG , NYE 'BREL DANG , 'KHOR 'BANGS DANG , BZHON PA LA SOGS PA'I 'JIG RTEN PA'I BDE BA THAMS CAD DANG , MKHAN SLOB DANG , DPE CHA LA SOGS PA 'JIG RTEN LAS 'DAS PA'I BDE BA'I RGYU 'BRAS THAMS CAD KYANG BYUNG BAR SEMS PA'O, ,YANG YID BZHIN GYI NOR BU RIN PO CHE DBANG GI RGYAL PO LA SOGS PA MANG POS SEMS CAN GYI DON BYED PA BZHIN DU, RANG GI LUS 'DI YANG SEMS CAN RE RE'I MDUN DU YANG RE RE YOD PAR BSAM NAS SNGA MA LTAR RO, , YANG RANG GI LUS 'DI BEM PO'I RNAM PAS SA DANG CHU DANG ME LA SOGS PA'I TSUL GYI SEMS CAN RE RE'I MDUN DU GNAS PAS DE DAG GI MKHO BA'I YO BYAD DU GYUR TE, LONGS SPYOD PAR SEMS PA'O, ,YANG RES RIL PO'I RNAM PAR GTONG , RES MGO DANG RKANG LAG LA SOGS PA BCAD DE BSAD PA'I TSUL GYIS GTONG NGO, ,SPYIR GTONG BA LA DMIGS BSAL CES PA LTAR, LA LA SHA KHRAG NYID KYANG YID BZHIN DU 'ONG BA LA, LA LA 'DOD PA'I YON TAN DER 'ONG STE, SNGAGS NANG PA'I 'GRUB KHUNG DU YANG LUS GAN RKYAL DU 'GYEL TE DE LA BCAD CING BTANG NGO, ,DE'I DANG PO LUS NYID YID BZHIN DU BSGYUR BAS, DE NAS SHA KHRAG KYANG GANG DU BYAS KYANG DE NYID ZHE THAG TU 'ONG STE, SLOB DPON GYI ZHAL NAS, NGAS NI RGYUN DAM LA SOGS PA'I CHU MIG DANG , MTSO RDZING DANG NAM RA LA SOGS PA'I THANG DANG THA NA 'CHAD KA'I GROGS PHUG YAN CHAD DU MA BSGOMS PA MED GSUNGS, YANG RAB GNAS DUS SU RTEN LA 'DRE ZHUGS PA 'BYIN @412 PA LA YANG, RANG GI LUS LA RTEN GYI RNAM PA DE 'DRA BA DU MA BYUNG BA BSGOMS NAS, DE RNAMS KHYER LA KHYOD KYI MI DGA' BA MA BYED, RTEN 'DI LA RAB GNAS BYAS NAS SKYABS GNAS BYED PA YIN CES DANG , DE BZHIN DU NAD PA'I RIM GRO DANG GTOR MA LA YANG , RANG GA LUS 'DI GTOR MAR BCUG NAS KHO LA PHYOGS THAMS CAD NAS GNOD PA RNAMS NGA'I BZA' DGA' NA 'DI KHYER LA GNOD PA MA BYED, NGA BANG PA GSER SBYIN BYAS NAS BSDUMS BYED PA YIN NO, ,GRAL MGO LA 'GRO BA'I DUS SU YANG, DER LUS DUM BU DUM BUR 'THOR ZHANG BTANG LA DE LTAR BYA, SA GNYAN POR YANG RANG GI LUS LA DE'I BGEGS GONG MA RNAMS LA MCHOD PA'I TSOGS DANG , DE'I MI DANG ME MA YIN PA RNAMS LA GONG LTAR BYED PA DANG , RMI LAM DANG , MTSAN MA DANG , PHYOGS NGAN PA DANG , BKRA MI SHIS PA'I MTSAN MA DE DAG THAMS CAD LA GONG LTAR RANG LA BLANGS LA, DE DAG LA BTANG BAS DGE LEGS DANG , NGO MTSAR BA'I LTAS DANG , MTSAN MA LA SOGS PA BZANG PO DANG LDAN PAR BYAS TE, GZHAN GYI RPOD GTONG DANG GTAD KHRAM 'DRE 'GRAS DANG , RO BAG DANG , MI GTZANG BA LA SOGS PA BYUNG GI DOGS PA THAMS CAD LA YANG DE DAG RANG GI SNYANG NANG DU BLANGS, RANG GI LUS LA SOGS PA BTANG BAS, DE DAG DGA' ZHING TSIM STE GDUG PA'I SEMS LA SOGS PA ZHI NAS RGYU RKYEN LA SOGS PA TSANG NAS SANGS RGYAS PAR BSAM, GTZANG BA DANG RIG PA TZAM GYIS BDE BA DANG , NYES SPYOD THAMS CAD DAG PA'I YON TAN DANG LDAN PAR SEMS PA DANG , DA LTA MNGON SUM DU MTHONG BA LA SOGS PA MI ZAD NOR ZAD LA SOGS PA BYUNG BA DANG , MDZE BYUNG BA DANG , NAD TSABS PO CHE GZHAN GYI THABS PA DANG , RGAS PA LA SOGS PA'I GONG DU BSHAD PA'I SDUG BSNGAL THAMS CAD DANG , CHAGS PA RGYAS PA DANG , CHOS ME GO BA LA SOGS PA'I RIGS @413 THAMS CAD LA BTANG BAS, DE DAG DANG BRAL ZHING DE LAS BZLOG PA'I YON TAN DANG LDAN NAS SANGS RGYAS THOB PAR SEMS PA'O, ,DES MTSON NAS RNAL 'BYOR THAMS CAD GCIG GI BYA ZHES PA LTAR THAMS CAD LA MTSON PAR BYA'O, ,'DI GCIG PU YOD NA CI LA YANG YA MI NGA BA GCIG YONG GSUNG, DE LTAR GNYAN SA LA SOGS PAR SBYANG BA DE LA BSAM PAS SBYANG NA, BDUD KYI SPYOD YUL BA BZHIN SPYOD PA THO CO'I RNAM PAR MA SONG BA DANG , YANG THOG TU BZUR THABS MED PA BYUNG YANG YA NGA BA DANG , BAG TSA BA DANG 'JIGS PA MED PAR GONG LTAR RING RGYANGS KYI SONG BAR BYA'O, ,DE BZHIN DU LONGS SPYOD KYANG RANG LA GANG YOD YID BZHIN DU BSGYUR TE BTANG BAS DE RE RE LAS KYANG 'JIG RTEN LAS 'DAS PA'I YO BYAD DPAG TU MED PA BYUNG NAS, NOR 'DOD PA LA NOR, ZAS DANG , 'BRAS BU DANG , RTA DANG GLANG PO LA SOGS PA GANG 'DOD PA DANG , GZHAN YANG DAM CHOS KYI DBANG DU BYAS PA'I DAD PA DANG , TSUL KHRIMS DANG , SHES RAB LA SOGS PA SANGS RGYAS PA'I MTHUN RKYEN MA TSANG BA MED PA BYUNG BAR BSAM ZHING GTANG NGO, ,GZHAN YANG LUS DANG LONGS SPYOD LA SOGS PA LA CHAGS NA GANG NA CHAGS PA DE BKAR ZHING YID BZHIN DU BSGYUR NAS SEMS CAN THAMS CAD LA BTANG NGO, ,DE RNAMS KUN TU BZANG PO'I MCHOD SPRIN LTA BU BSAM GYIS MI KHYAB PAR BSAMS TE, BLA MA DANG SANGS RGYAS LA YANG 'BUL GSUNG NGO, ,DGE BA NI RANG GI DUS GSUM BSAGS PA THAMS CAD GTONG STE, DE YANG THA NA DUD 'GRO LTA BU LA ZAN CHANG GCIG SBYIN PA'I DGE BA'I RTZA BA NAS, PHA ROL TU PHYIN PA DRUG DANG , BSDU BA'I DNGOS PO BZHI DANG , BSOD NAMS BYA BA'I DNGOS PO LA SOGS PA, MDOR NA ZAG BCAS DANG ZAG PA MED PAS BSDUS PA'I DGE BA THAMS CAD BTANG BAS, SEmS CAN THAMS CAD 'DOD PA DANG , CI DGOS PA DANG , GANG DANG GANG GI DON @414 DU GYUR PA THAMS CAD BYUNG STE SANGS RGYAS KYI RGYU RKYEN THAMS CAD TSANG NAS SANGS RGYAS PAR SEMS PA'O, ,YANG GNAS SKABS SU LUS LONGS SPYOD DUS GSUM GYI DGE RTZA THAMS CAD BSDOM TE, NAM MKHA'I MTHA' KHYAB KYI SEMS CAN BZANG NGAN PHRA RAGS THAMS CAD LA BTANG BAS GONG LTAR DU SEMS PA'O, ,DON GRIL NA, DE LTAR BTANG BAS GSUM KA LA YANG RTZA BA'I MA NAS SEMS CAN THAMS CAD DANG MNAR MED PA NAS SANGS RGYAS KYI BAR RIM PAR GTONG BA DANG , 'UBS TE BSDUS NAS DUS GCIG LA GTONG BA DANG , LUS LONGS SPYOD SNA RE LA YANG THAMS CAD 'BYUNG BAR BSAM TE GTONG BA DANG , GSUM KA RIL PO RE BTANG BAS DE LTAR DANG , LUS LA SOGS PA MANG PO BYAS NA SEMS CAN RE RE LA GTONG BA DANG , 'DI GCIG PU THAMS CAD LA THE TSOM ME PAR GTONG BA LA SOGS PA LEN PA'I SKABS LTAR BSAM PAR BYA'O, , DE LTAR GTONG LEN BSGOM PA DE YANG SEMS CAN THAMS CAD KYI SDIG PA DANG , SDUG BSNGAL LA SOGS PA MI 'DOD PA THAMS CAD RANG GI SNYING GI DKYIL DU LEN PA RE DANG , RANG GI LUS LONGS SPYOD DUS GSUM DGE BA THAMS CAD SEMS CAN THAMS CAD LA GTONG BA RE SPEL NAS BSGOM DE YANG GONG LTAR RES RTZA BA'I MA NAS BRTZAMS TE, SEMS CAN THAMS CAD LA MTHAR CHAGS SU GTONG, RES THAMS CAD LA DUS GCIG DANG , RES LAS NGAN SHA STAG DANG , RES NYON MONGS PA CAN SHA STAG DANG , DE LA SOGS PA DU MA BKOL NAS BSGOM STE, DE YANG BSGOM PA'I TSE KHA'I YAM RGYUG PA LTA BU MA YIN THUN GYI KHRAL 'JAL LTA BU MA YIN PAR RIG PA 'JUR LA GTAD, SNYING LA ZUR THON PAR BYAS TE BSGOM PAS BLO 'BYONG SKYEN PA DANG , SHES PA DON LA 'GRO BA DANG , DON DANG RDO RUS THUG PA 'BYUNG ZHES GSUNGS SO, ,GZHAN LEN PA'I GO RIMS RANG NAS BRTZAMS PA LA SOGS PA GSUNG BGROS MA BZHIN NO, ,KUN RDZOB BYANG CHUB KYI @415 SEMS KYI BSAM PA'I SGO NAS RKYEN NGAN BYANG CHUB KYI SEMS SU BSGYUR BA NI, LE LAN THAMS CAD GCIG LA GDA', ,ZHES PA STE DE LA DA LTA RANG RE RNAMS SDUG BSNGAL DANG RKYEN NGAN CI BYUNG BA THAMS CAD KYI LE LAN GZHAN LA 'DED CING, RANG RE LE LAN MED PA'I SKYON MED GCIG TU 'DOD MOD, DE NI MA YIN TE SDUG BSNGAL DANG RKYEN NGAN CI BYUNG BA THAMS CAD KYI LE LAN NI, BDAG 'DZIN GCIG PU 'DI NYID LA THUG PA YIN NO; ;DE'I RGYA MTSAN YANG BDAG 'DZIN 'DI NYID KYIS THOG MA MED PA NAS BDAG MED PA LA BDAG TU BZUNG NAS DE'I GCES SPRAS DANG KHA 'DZIN GYIS MTHO BA LA PHRAG DOG, DMA' BA LA BRNYAS BCOS, MNYAM PA LA 'GRAN SEMS, DGRA 'DUL GNYEN SKYONG LA SOGS PA'I SGO NAS, GZHAN LA GNOD PA LA SOGS PA'I LAS MI DGE BA SNA TSOGS BSAGS PA LA BRTEN NAS SDUG BSNGAL DANG , RKYEN NGAN SNA TSOGS BYUNG BA YIN NO, ,DE SKAD DU YANG , SPYOD 'JUG LAS, YID KHYOD RANG 'DOD BYED 'DOD NAS, ,BSKAL PA GRANGS MED 'DAS GYUR KYANG, ,NGAL BA CHEN PO DE LTA BUS, ,KHYOD KYIS SDUG BSNGAL 'BA' ZHIG BSGRUB, ,DE NAS, ZHES GSUNGS SO, ,DES NA RKYEN NGAN PA LA BRTEN NAS SDUG BSNGAL LA BCUG PA THAMS CAD KYANG , BDAG GCES PAR 'DZIN PA 'DIS LAN TE, RGYAL KHAMS NA NAD YAMS 'DUG ZER NA KHO LA BYUNG GI DOGS NAS SDUG BSNGAL, PHA ROL GYI DGRA BOS BCOM GYI DOGS NAS SDUG BSNGAL, 'DRE GDON GYI KHYER GYIS DOGS NAS SDUG BSNGAL BA LA SOGS PA MDOR NA BDAG MTHO BAR 'DOD, BDAG LEGS PAR 'DOD, BDAG SKYID PAR 'DOD PA LA SOGS PA DANG MI MTHUN NAS SDUG TU BCUG PA YIN PAS SO, ,DES NA SDUG BSNGAL DANG RKYEN NGAN THAMS CAD DANG PO 'BYUNG BA'I RGYU YANG BDAG 'DZIN LA BRTEN NAS BSAGS, THA MA RKYEN DU SNANG BA YANG BDAG 'DZIN LA BRTEN NAS KHO'I 'DOD PA DANG MA MTHUN NAS @416 'BYUNG BA RKYEN NGAN CI BYUNG BA THAMS CAD BDAG 'DZIN LA THUG PA YIN NO, ,KUN LA BKA' DRIN CHE BAR BSGOM, ,ZHES PA NI, SEMS CAN KUN BKA' DRIN CAN 'BA' ZHIG YIN TE, THOG MA MED PA NAS BDAG LA PHAN 'BA' ZHIG BTAGS GNOD PA MTHA' DAG LAS SKYOB PA'I SGO NAS KYANG DRIN CHE, SANGS RGYAS BSGRUB PAR 'DOD PA LA SANGS RGYAS KYI RGYU'I GTZO BO BYANG CHUB KYI SEMS YIN DE YANG SEMS CAN LA BRTEN NAS SKYE DGOS PAS NA DRIN CHE, KHYAD PAR DU RANG LA RKYEN NGAN GTONG BA'I 'DRE GDON LA SOGS PA NI, LHAG PAR DU YANG DRIN CHE STE, BDAG GI RKYEN NGAN MYONG BA'I LAS BSAGS PA DE'I SAD BYED BYAS PAS, LAS NGAN 'DZAD PA'I GROGS BYAS PA'I SGO NAS DRIN CHE, RKYEN NGAN LA BRTEN NAS BZOD PA BSGOM PA'I GROGS BYAS PA'I SGO NAS KYANG DRIN CHE BAS KYANG SEMS CAN THAMS CAD DRIN CAN 'BA' ZHIG YIN NO, ,RKYEN NGAN BYANG CHUB LAM DU BSGYUR BA'I GNAD GZHAN RNAMS NI GSUNG BGROS MA BZHIN NO, , 'PHRAL LA GANG THUG SGOM DU SBYAR, ,ZHES PA NI, SKYID SDUG 'DZOM MA 'DZOM LA SOGS PA'I DUS THAMS CAD DANG , RANG YUL DANG MI YUL LA SOGS PA'I DUS THAMS CAD DANG , DGON PA DANG , GRONG LA SOGS PA'I GNAS THAMS CAD DANG , 'GRO 'CHAG DANG NYAL BA LA SOGS PA'I SPYOD LAM THAMS CAD DANG , MTHONG BA DANG THOS PA DANG , DRAN PA DANG , YID LA 'GYUS PA'I DBANG PO DRUG GI YUL DU GYUR PA THAMS CAD LA SBYAR ZHING BSGOM TE, DE YANG DBANG PO DRUG GI YUL DU GYUR PA LA 'DOD MI 'DOD GNYIS GNYIS YOD LA, DE GNYIS PO KHA TSON BCAD NAS 'DOD PA DE SEMS CAN LA GTONG MI 'DOD PA DE RANG LA LEN NO, ,'GRO 'CHAG LA SOGS PA SPYOD LAM GANG BYED DUS GANG DANG THUG PA'AM, GANG DANG PHRAD PA DE GNYIS LA BRTEN NAS BSGOM MO NYAL BA'I DUS SU YANG GNYID LOG PA'I BAR LA SEMS CAN GYI SDUG BSNGAL @417 DANG KUN 'BYUNG THAMS CAD BLANGS, LUS LONGS SPYOD THAMS CAD GTONG LA SEMS CAN RNAMS SANGS RGYAS PAR BYA SNYAM DU BSAM LA GNYID LOG PAS, GNYID THAMS CAD BDAG GZHAN BRJE BA'I SEMS SU 'GRO LA, SBYANG NAS MI LAM DU 'DI 'BYONGS PA 'ANG STE, MDO NAS BSHAD PA LTAR 'ONG GSUNG NGO, ,TSE GCIG GI NYAMS LEN DRIL NAS BSTAN PA NI, GSUNG BGROS MA BZHIN NO, ,BLO 'BYONGS PA'I TSAD NI; CHOS RNAMS DGONGS PA GCIG TU 'DU, ,ZHES GSUNGS SO, ,THEG PA CHE CHUNG GI CHOS THAMS CAD KYI DGONGS PA BDAG 'DZIN 'DUL BA RU 'DU ZHING, KHYAD PAR DU BLO SBYONG GI DMIGS RTZE'I GTOD SA BDAG GCES 'DZIN 'DUL BA DANG , GZHAN GCES PAR 'DZIN PA YIN PAS SPYIR DGE SBYOR BYAS PA DANG , KHYAD PAR DU BLO SBYONG BSGOM PA BDAG 'DZIN GYI GNYEN POR MA SONG NA, BLO SBYONG RGYUD LA MA SKYES PA YIN PAS BLO SBYONG RGYUD LA SKYES MA SKYES BDAG 'DZIN GYI GNYEN POR SONG MA SONG LA RAG LAS PA YIN NO, ,'DI CHOS PA SRANG LA 'JAL BA'I RGYA MA YIN GSUNG NGO, ,DPANG PO GNYIS KYI GTZO BOR BZUNG, ,ZHES PA, GZHAN BDAG GI JO BO DE KUN RGYUD LA CHOS SKYES 'DUG ,CHOS PA BZANG PO BYA BA DE NA 'DUG ZER YANG , DE DPANG PO'I GTZO BO MA YIN TE, GZHAN GYI RANG GI SPYOD TSUL LEGS PA TZAM MAM, TSIG 'JAM PA TZAM MAM, KHO RANG GI BSAM PA DANG MTHUN PA TZAM LA YANG CHOS PA BZANG POR RTZI BA YOD PAS SO, ,DES NA DPANG PO GNYIS KYI GTZO BO RANG GI SEMS KYI MA KHREL BA CIG DPANG PO'I GTZO BO YIN TE, GZHAN DAG DE'I RGYUD LA CHOS MA BYUNG BA 'DUG ZER BA SOGS BYUNG YANG RANG GI BLO GZU BOR BZHAG PA LA, DA DMYAL BAR SPYI BTZUG TU SONG YANG 'GYOD PA MED SNYAM PA DE GNYIS DPANG PO'I GTZO BO YIN TE; ;YID BDE 'BA' ZHIG RGYUN DU BSTEN, ,CES PA, BLO SBYONG RGYUD LA SKYES @418 PAS DA RKYEN NGAN CI YANG BLO SBYONG GI LAM DU KHYER BAS CHOG SNYAM DU YID BDE BA YIN LA, YANG RKYEN NGAN MA BYUNG BA'I TSE, RKYEN NGAN BYUNG NA LAM DU KHYER SNYAM PA TZAM YIN GYI, RKYEN NGAN DANG 'DOM THUG BYUNG TZA NA, DE LA SDUG BSNGAL DU MA 'DZIN PAR YID BDE LHAN GYIS 'GRO BA DMIGS DGOS SO, ,YENGS KYANG THUB NA 'BYONGS PA YIN, ,BYA BA RKYEN NGAN DANG PHRAD PA'I TSE STZOL BA BSKYED NAS BLO SBYONG BSGOM PAS RKYEN NGAN GYI DBANG DU MA SHOR BA TZAM LA MI ZER GYIS, GLO BUR DU GANG NAS BYUNG CHA MED PAR 'GAL RKYEN BYUNG BA'I TSE, STZOL BA BSKYED MI DGOS PAR RANG SHUGS KYI DE'I GNYEN POR BLO SBYONG GCER GYI SLEB PA GCIG LA ZER RO, ,LEGS PAR GAMS NA 'DI YONG YANG YANG STE; THOG MA MED PA NAS BDAG GCES 'DZIN DANG , NYON MONGS PA GOMS PA'I STOBS KYI RKYEN GLO BUR BA CI BYUNG YANG ZHE SDANG LA SOGS PA'I NYON MONGS PA RANG SHUGS KYI 'BYUNG BA BZHIN NO, ,DE LA BLO SBYONG BA'I TSAD ZER YANG BLO SBYONG RGYUD LA SKYES PA'I TSAD YIN GYIS, NGA SBYANG MI DGOS PAR 'BYANGS PA'I TSAD MA YIN NO, ,BLO SBYONG GI DAM TSIG LA, SPYI DON GSUM PO RTAG TU BSLAB, ,'DUN PA SGYUR LA RANG SOR BZHAG ,YAN LAG NYAMS PA BRJOD MI BYA, ,GZHAN PHYOGS GANG YANG MI BSAM MO, ,ZHES PA RNAMS GSUNG BGROS MA BZHIN NO, ,NYON MONGS GANG CHE SNGON LA SBYANGS, ,ZHES PA'AM, RAGS PA GANG CHE SNGON LA SBYANGS, ,ZHES PA'I DON NI, RANG GI RGYUD LA NYON MONGS PA 'DOD CHAGS DANG , ZHE SDANG DANG , GTI MUG DANG , NGA RGYAL DANG , PHRAG DOG LA SOGS PA SHAS GANG CHE BA BRTAGS NAS 'DUL BA'AM, 'JOMS PA STE, DE YANG DE THAMS CAD KYI RTZA BA'AM GZHI MA LTA BU BDAG TU 'DZIN PA YIN LA, SPYIR NYON MONGS PA CHE YANG KHYAD PAR SO SO'I SKYE BO THAMS CAD 'DI YI RANG BZHIN DU GYUR NAS CI BYED BDAG TU 'DZIN PAS BYED DU MA @419 STER, THOG MA MED PA NAS SDUG TU BCUG PA YIN PAS, 'DI DANG PO RANG DU 'DUL DGOS TE, BDAG LA 'JOMS PA'I DGRA BO DE, ,SU ZHIG GIS NI 'PHEL BAR BYED, ,AE MA MA'O MI BZOD DO, ,CES DANG , BDAG YOD NA NI GZHAN DU SHES, ,BDAG GZHAN CHA LAS 'DZIN DANG SDANG , ,'DI DAG DANG NI YONGS 'BREL LAS, ,NYES PA THAMS CAD 'BYUNG BAR 'GYUR, ,ZHES DANG , DE LTAR YUN RING RGYUN CHAGS DGRAR GYUR PA, ,GNOD PA'I TSOGS RAB 'PHEL BA'I RGYU GCIG PO; ;BDAG GI SNYING LA NGES PAR GNAS 'CHA' NA, ,'KHOR BAR 'JIGS MED DGA' BAR GA LA 'GYUR, ,ZHES PA LTAR, 'KHOR BA THOG MA MED PA NAS DGRA BYAS SDUG TU BCUG PA THAMS CAD 'DIS LAN TE BYI BA RTZIG RTZIG ZER YANG KHA'I RNAB BCAD KYI DOGS, 'BRUG GCIG THUG ZER NA YANG KHO'I MGO LA RGYAB KYI DOGS, RGYAL KHAMS NA NAD YAMS 'DUG ZER NA YANG KHO LA BYUNG GI DOGS, YUL GNYAN ZER NA DRAGS NAS KHYER GYI DOGS, DE BZHEN DU LA LA GTAM NGAN GYI DOGS NAS SDUG BSNGAL BDAG TU 'DZIN PA'I MGO LA DZA DZA, ZHES PA'AM, SHA BO SGANG PA, NGA LA NI 'THEB GANG PO GNON PA LAS GCES PA'AM MKHAR SGO GCIG TU MDUNG THUNG CIG MNAN NAS BSDOD PA LAS MED PA'AM, GLANG THANG PAS, KHE DANG RGYAL KHA GZHAN LA GTANG , G-YONG DANG BUG KHA RANG GI LEN, ,CES PA'AM, GNYAN MGO BO YAB BDUD RGYAL POS KHYER, ,CES PA LTAR RAM, 'DI LA THEM POR SBYANG DGOS PAR GDA' GSUNGS, DE LTAR SBYONG NA PHO BA DUG NAD KYI THEBS PA SOS PA BZHIN DU, KHRIM ME 'DUG PA DE BDE LHAN PA CEG KYANG BZOD YONG GSUNGS, DE TZUG MA BYUNG RING LA SHAM THABS G-YAG KHAL GCIG ZAD, BUM PA STONG PA MGO THOG TU BZHAG, TSE HRIL THOS PA BYAS KYANG , DE TSO THAMS CAD LOG NAS YENG YENG BYAS PA YIN NO, , @420 YANG KHO LA BDE BA SKAD CIG KYANG MED PAR BYAS NA, GRE MO BU NAD LANGS PA BZHIN TSUGS THABS MED PA LAS MI 'ONG BAS, GANG GI MTHEB GANG PO 'DI MA SHOR BAR RTZE RE NON PA CIG DGOS, DE LTAR 'BUNG NUS NA GDOD THEG PA CHEN PO YANGS PA CHEN PO, SHONGS PA CHEN PO BLO GROS CHEN PO BYA BA DE LA ZER BA YIN, DE YANG AEN CIG LA'ANG YONG SNYAM PAS MI YONG BAS, DA LTA RANG NAS 'BAD DGOS PAS, MI 'DOD PA THAMS CAD RANG LA LEN, 'DOD PA GSUM PO THAMS CAD SEMS CAN LA BTANG STE, DE YANG , MTHONG ZHING THOS SAM RJES SU DRAN KYANG RUNG , ,REG GAM GTAM DU BRJOD PAR GYUR KYANG RUNG , ,RNAM PA KUN TU 'GRO LA PHAN PA NA, ,BDE DANG LDAN PAS RTAG TU BYED GYUR CIG ,CES PA LTAR SBYONG NGO, ,DE NAS DE LA GZHI MA BYAS NAS, KHA CIG CHAGS PA, KHA CIG ZHE SDANG , KHA CIG PHRAG DOG SHAS CHE BA'ANG 'ONG LA KHYAD PAR DU RANG GI RGYUD LA SPYIR SBRANG MA KHRUS BYED PA LTAR NYON MONGS PA RES GANG NYUS RES GANG NYUG ,THAMS CAD 'ONG BAR 'DUG KYANG BYE BRAG TU GANG CHE BRTAGS NAS, DE DANG POR 'DUL DGOS LA, DE YANG SHES RAB CHE NA RANG GI MYUR DU GANG CHE TSOR YONG STE, TSOR BA TZAM GYI SPANG BLANG BYED PA'I NGES PA MED DE, KHA CIG TSOR MA THAG TU SPONG BA YANG YOD LA, KHA CAG GNYEN PO BSGOM NAS GDOD SPONG BA YANG YOD DE, DE LAS GZHAN PA PHAL CHER NI, BLA MA 'AM, KHYAD PAR DU GROGS PO KHO NAS RTOGS YONG STE, LUNG SMAD PA SNE ZUR NA BZHUGS TZAM NA, BYIN PO TSAD MI GDA', THUGS RGYAL DE BAG CHES GDA' ZER, DE'I LUGS MED SNYAM BSAMS NAS NGA RGYAL GYIS GZHAN LA MI 'DUD PA YIN PAS, DE AEN CIG MANG BAR 'DUG SNYAM PA BYUNG GSUNGS, DE BAS GROGS MTHUN PA PHAN TSUN BYAR BYED DU 'JUG PA YIN GSUNGS, DE LTAR GZHAN GYIS RANG RGYUD LA SPYOD LAM @421 RNAM BZHIR BRTAGS LA, GANG RAGS PA'AM, CHE BA DE'I GNYEN PO RTZAL STON NAS SBYONG BA'O, ,GZHAN TSO RE ZHIG BZHAG NAS DUS THAMS CAD DU DE LA SBYONG ZHING , THUL LAM MA THUL SNYAM TZA NA YANG , TSUL BZHIN MA YIN PA YID LA SKYE MI SKYE LTA, SKYE NA DNGOS GZHI, MA SKYES PA LA GNYEN PO BSGOM, YANG DE LTAR BLTAS NAS 'JUG YUL LAM RKYEN NGAN GANG THUL 'DUL, DER THUL TZA NA YANG SO CHAG 'OG NAS SE'U 'DRA ZER BA LTAR, GZHAN ZHIG SKYES SNYAM PA 'ONG STE, GYAD STOBS CHEN PO THUL NA GZHAN THAMS CAD BDE BLAG TU THUL BA YIN PAS, DE NAS TSEGS MED GSUNGS, DE YANG LAS DANG PO PAS, MKHAS PAS LEGS PAR BROS PA'AM,, MKHAS PAS GNYEN POS GZHOM PAR BYA, ,CES PA LTAR, DANG PO RKYEN NGAN PA LA BRTEN NAS NYON MONGS PA SKYE BA'I YUL LA 'BYOL BA MAN NGAG ,YANG NA GNYEN POS 'THAB TSUGS NA MAN NGAG GO ,YANG BROS PAS MI PHAN PA BYUNG NA, 'DI LA BDAG GI DBYEN BYA ZHING , ,KHON DU BZUNG NAS G-YUL SPRAD DE, ,CES PA LTAR 'THAB PA DANG , DES KYANG MA THUB NA GNYEN POS SA BTAB RDO BTAB BYA, CANG AA PO MIG MANG RTZE BA LTAR, ,KHYED DER BRDEG NANG 'DIR BRDEG ,CES PA BZHIN DU, GANG LA GANG 'OS KYI GNYEN PO PHAG SNA 'BU RE LA STUN LOG CHA RE GTONG BA LTAR BYA STE, BDAG NI BSREGS TE BSAD GYUR TAM, ,BDAG GI MGO BO BCAD KYANG SLA'I, ,RNAM PA KUN TU NYON MONGS PA'I, ,DGRA LA 'DUD PAR MI BYA 'O, ,ZHES DANG , NGA RGYAL NYON MONGS BSGOM PA DANG , ,ZHE SDANG SRED SOGS DGRA RNAMS NI, ,RKANG LAG LA SOGS YOD MIN LA, ,DPA' 'DZANGS MAN YANG CI ZHIG LTAR, ,DE DAG GIS BDAG BRAN BZHIN BYAS, ,ZHES DANG , 'DOD CHAGS ZHE SDANG GTI MUG GSUM, , SNYING GI NANG DU BKUG BYAS NAS, ,BYAG PA RANG GI SEMS LA 'GYED, ,CHOM PO @422 'DI LAS CHE BA MED, ,CES PA LTAR, NYES DMIGS BSGOM PA DANG , SHA BO BA TSUL BZHIN MA YIN PA SKYES PA'I SKE LA THAG PA BTAGS NAS 'GRUD PAR BSAM PA DANG , 'BAN RANG GI LAG PA NAS BZUNG STE, 'DI SGOR SONG GSUNG BA DANG , GLANG RI THANG PA 'DI LAS CES PA SOGS PA LTAR, GNYEN PO BSTEN PA DANG , CHOS BZHI'I KHRI LA LEN PA SOGS PHYOGS THAMS CAD NAS BSGOM PA'O, ,DE LTAR YANG NYON MONGS PA SKYES NAS DAR CIG NAS BZLOG SNYAM NA YANG , ,NYON MONGS DGRA DES BDAG 'JOMS SHING, ,SEMS CAN 'JOMS SHING TSUL KHRIMS 'JOMS, ,ZHES PA'AM, NGED KHYO KHA'I NANG 'THAB 'DI DKA' BAR 'DUG KHYOD SONG , ZHES PA LTAR, NYON MONGS SKYES MA THAG SPANG BA'O, ,RKYEN NGAN YANG , BRTAN PA MA THOB BAR DU RKYEN NGAN GNOD, ,BRTAN PA THOB NAS RKYEN NGAN GROGS SU 'CHAR, CES PA LTAR, KHA CIG LA RKYEN NGAN BYANG CHUB KYI SEMS PHYOGS SU 'GRO BA YANG YOD DE, GNYAL PA JO SRAS KUN LA NANG NAS NGOS 'DZUGS PA RE YOD NA SHIN TU DGE SBYOR 'PHEL GSUNG BA DANG , STON PA SENG GE RGYAL MTSAN GLANG RI THANG NA YOD TZA NA SE BE RE LA SOGS BLO RTZA LEN PA YOD PAS 'BYONGS STOBS CHE BAR BYUNG GSUNGS, DA LTA DE TZAM GYI BLO RTZA LEN MKHAN MED PAS 'BYONGS STOBS TZAM MA BYUNG , 'ON KYANG AEN RE TZAM NA NGA RANG NYAL MIS SGOR GCAR BUR BYUNG NAS AA HA BYAS PAS BAG 'BYONGS STABS CHE BAR GSUNGS PA LTAR 'ONG , KHA CIG LA RKYEN NGAN BYUNG BA TZAM GYIS NYAMS ZIN PA'I RIGS KYANG 'ONG BAS BDUD NYA BO HAG PO GNYIS YOD PAS SO BYA RO HRI BA'I KHA NAS THAR KYANG , STONG HONG DU RTZE'I KHA NAS MI THAR ZER BA'I DUS 'DIR NYON MONGS LA SRAN CHEN PO BTZUG NAS 'THAB DGOS GSUNGS SO, ,'BRAS BU RE BA THAMS CAD SPANGS,, ZHES PA NI, 'DI BYAS PAS MI MA YIN GYIS GNOD PA MI 'ONG DU RE BA DANG , GTAM @423 SNYAN DU RE BA DANG , MKHAN SLOB LA SOGS PAS RTZIR RE BA DANG , ZAS GOS LA SOGS PA 'DZOM DU RE BA DANG , GZHAN LA PHAN BTAGS PAS DE'I LAN RE BA DANG , CHOS PA BSHA' MA YIN ZER DU RE BA'AM, THA NA SANGS RGYAS THOB TU RE BA CIG BYUNG YANG RJE BTZUN GYIS, RGYAL LA SOGS PA CHAGS PA PHRA, ,ZHES GSUNGS PAS, 'DI PHYAS BSDUS PA'I RE LTOS GANG YANG MED PA GCIG SBYONG MA SHES NA CHOS 'DI'I PHYOGS GCIG ZHA BA YIN PAS 'BRAS BU GANG LA RE BA MED PAR SBYONG BA GAL CHE, TSE 'DI'I RE LTOS CAN GYI SPYIR CHOS TZAM DU YANG MI 'GRO, PHYI MA'I RE LTOS BYE BRAG TU BYANG CHUB SEMS DPA'I CHOS SU MI 'GRO, RANG DON DU SANGS RGYAS 'DOD KYANG RANG SANGS RGYAS KYI RGYU YIN PAS SO, ,DUG CAN GYI ZAS SPANG , GZHUNG BZANG PO MA BSTEN, SHAGS NGAN MA RGOD, CES PA RNAMS GSUNG BGROS MA BZHIN NO, , 'PHRANG MA BSGUG ,CES PA STON PA DAR MA 'BAR NA BAS RIM GRO LHO BRAG YO KHRAL BSDUS NAS BYED PAR GLENG BAS NA, DAR MA RIN CHEN SHED, ZHOG CIG 'DI NGA'I KHA 'OG TU MI 'DU BA CIG BYUNG, ZHES PA LTA BU DANG , 'PHAN YUL PA GCIG GIS GNYAL DU, GNAS GCIG TU SPRUR PHYIN PAS, BTZUN PA GCIG GIS SGO BAR DU BTZIR, PHYIS 'PHAN YUL DU MI MANG BAR YOD TZA NA, BTZUN PA DE BYUNG BAS, MI DES SNGAR SGO BAR DU BTZIR BA ZHE LA BZHAG NAS, 'O CAG NGO SHES PAR YONG BYAS PAS, BTZUN PA NA RE, MED DE ZER 'ONG BAS, GNAS 'DIR SGO BAR DU BTZIR BAS NGO SHES BYAS NAS DMA' PHAB PA DE LTA BU LA 'PHRANG SGUG PA BYA BA YIN, SEmS BSKYED BYAS PA DANG , BLO SBYONG BSGOM PAS 'DI BSAM PA'I SKABS MED, 'DI YOD RING LA DE GNYIS 'ONG MI SRID PAS SPANG , GNAS LA MI DBAB, CES PA, KHYED PHA NAS NGAN ZHES PA LA SOGS PA DANG , RAB TU BYUNG BA KUN LA KHYOD KYI MKHAN @424 SLOB LA SDOM PA MED CES DANG , KHYOD RANG LA SDOM PA MED CES SAM, GZHAN GYE MA BSAD PA GZHAN LA RGYUS MED PA LA KHROM DU SGROGS PA LTA BU STE, 'DI DUG MA BLUD, MTSON MA BTAB PA YIN YANG, BLO SBYONG 'DI YI NGOS NAS 'DI LAS SDIG CHE BA MED, KHO BSAD PA PAS KYANG THU BA YIN, SNGON RGYA STON BYIS PA TZA NA, GZHAN RTA BSKROGS NAS BRAG LA 'CHONGS NAS BSAD PAS, PHA MAS BRDUNGS PAS MA'I NGAR GDONG PA LA RDO RGYAB, DAR KHYIM DU 'ONG DU MA BCUG PA LA, KHOS, KHYED RANG GI YON BDAG RDO RJE DBANG PHYUG GI 'BRI RKUS NAS BSAD PA ZER NAS 'O 'DOD BOS PAS RTA SKYIN DANG , 'BRI SKYIN BAB PA LTA BU 'DI LAS SDIG CHE BA MED GSUNGS, MDZO KHAL GLANG MA MI BYO, LTA LOG MI BYA, 'GYOGS KYI RTZEM BTOD, LHA BDUD DU MI DBAB, SKYID KYI YAN LAG TU SDUG MA TSOL ZHES PA RNAMS GSUNG BGROS MA BZHIN NO, ,BLO SBYONG GI BSLAB BYA LA, RNAL 'BYOR THAMS CAD GCIG GIS BYA, ZHES PA CHOS GZHAN NAS ZAS KYI RNAL 'BYOR SOGS MANG DU BSHAD PA LA 'DIR ZAS GOS SPYOD LAM LA SOGS PA'I RNAL 'BYOR THAMS CAD GCIG PUS BYED PA'O, ,DE JI LTAR BYED NA, ZAS GOS LA SOGS PA 'DZOMS NA, BDAG GI BDE BA 'DIS SEMS CAN THAMS CAD BDE BA DANG LDAN PAR GYUR CIG ,MA 'DZOMS NA SEMS CAN RNAMS KYI MA 'DZOMS PA'I SDUG BSNGAL THAMS CAD BDAG LA SMIN PAR GYUR CIG SNYAM DU GTONG LEN GNYIS SU SBYANG BA SPYOD YUL YONGS SU DAG PA'I MDO'AM, RJE BTZUN ZUGS PAS, RGYAL SRAS SPYOD PA SPYAD TSE JI LTAR BUR, ,DBANG PO'I SPYOD YUL SNA TSOGS 'JUG GYUR PA, DE LTA DE LTAR RIGS PAS MTHUN TSIG GIS, ,SEMS CAN PHAN PHYIR DE MNGON DU BYED DE, ,CES PA LTAR RGYAS PAR SHES PAR BYAS NAS, @425 BYANG CHUB KYI SEMS SBYANG BA'I RNAL 'BYOR GYI BYED PA'O, ,LOG NON THAMS CAD GCIG GI BYA, ,CES PA GSUNG BGROS MA BZHIN NO, ,THOG MTHA' GNYIS LA BYA BA GNYIS, ,ZHES PA, THOG MAR MAL NAS LDANG BA'I DUS SU, BDAG GI DE RING BDAG 'DZIN THUL ZHING RANG GCES 'DZIN GYI MA GOS PAR BYA, SEMS CAN GCES 'DZIN MA NYAMS PAR BYA SNYAM PA'I 'PHEN PA BTANG, DGONGS MO NYAL KHAR SE NGGE RNAM PAR BRTZE BA'I TING NGE 'DZIN GYIS, DE RING THOG MAR DA BYA'O, ,DE NAS DE BYAS SO, ,ZHES BYA BA'I RNAM GRANGS RNAMS RIM PAR BRTAGS NAS, SPYIR CHOS KHYAD PAR TU BLO SBYONG 'GAL BA BYAS NAS 'DUG NA, DE TSE BDAG LA RNGAN BSGRANG ZHING BLA MA'I GDAMS NGAG DRAN PAR BYA ZHES BYA BA YIN PAS, DAL 'BYOR CHUD GSON PA RANG LA RANG GIS GNOD PA SKYEL BA, KHYOD LTA BU YONG BA SNYAM DU BSAMS LA, BZOD GSOL DANG BSHAGS BSDOMS BYAS LA SANG NAS DE LTA BU MI BYA'O SNYAM DU BSGOM PA DANG , CHOS DANG MTHUN PAR BYAS NAS 'DUG NA DGA' BA BSGOM STE, DAL 'BYOR DON YOD PAR BYAS DUS DAM YOD DU 'DAS SNYAM DU BSAM NAS, DGE BA 'DIS CHOS RGYUD LA SKYE BA DANG , SKYE BA THAMS CAD DU BYANG CHUB KYI SEMS DANG MI 'BRAL BAR GYUR CIG ,,CES SMON LAM GDAB, YANG NANG PAR LANG TZA NA, DE RING BDAG GI KHA SANG GI KHYAD PAR DU 'PHAGS PA 'DI BZHIN DU BYA SNYAM BSAM ZHING 'PHEN PA GTANG BA GAL CHE'O, ,DE LTAR BYED CES TSIG TU MI BRJAD, BSAM PA 'DI 'BA' ZHIG SBYANGS, DGRA BYUNG BA DANG , NA TSA DRAG PO BYUNG BA LA SOGS PA'I DUS SU SNGAR BZHIN DU BSAM, GNYEN PO BLA MA DKON MCHOG GI BYIN BRLABS, CHOS SKYONG GI MTHU STOBS, RANG GI DUS GSUM GYI DGE BA, SEMS CAN SPYI MTHUN GYI BSOD NAMS, CI 'DUG LTAS LA RKYEN BZHIS DUS BZHI PO DER BDAG 'DI @426 BSGOM PA LA 'GRAN ZLA MED PA ME 'BAR BA LA SHING BSNAN PA BZHIN 'GRO BAR BYA'O, , GNYIS PO GANG BYUNG BZOD PAR BYA, ,ZHES PHUN SUM TSOGS PA DANG , RGUD PA GANG BYUNG YANG BZOD PA MED NA, CHOS GTONG DOGS YOD PAS DE GNYIS THEG PA GCIG DGOS, GLO BUR DU PHUN SUM TSOGS PA BYUNG NA, DE YANG NGAS CI YANG 'GRUB, NGA'I GONG NA MI MED SNYAM NAS GO GYON, CHINGS SAR SDUMS, GTZUG LAG KHANG BZHENGS PA LA SOGS PA CI YANG BYED DU YANG RAM PO'I SANG PO BSNUN PA YOD PAS CI MA DRAN GSUNG, KHA CIG BSNYEN BKUR BA NA DREGS NAS, GZHAN LA BRNYAS PA DANG , DRAN TSAD BYED PA 'ONG STE, PHUN SUM TSOGS PA MA BZOD PA YIN PAS, PHUN SUM TSOGS PA LA DREGS PA DANG CHAGS PAR MI BYA, CHOS BRGYAD KYI DBANG DU MA SONG BAR BYAS LA CHOS 'DI'I GROGS SU KHYER, BSOD NAMS SKYES TZA NA BKUM PA GAL CHE GSUNGS, YANG RGUD NAS DBUL POR GYUR TE, 'OG NA CHU LAS MI 'BAB PA BYUNG NA YANG NGA LA 'DI 'DRA BA 'ONG BA SNYAM DU YI MUG PA DANG , SRO SHI NAS DGE SBYOR MI NUS PA DANG , 'DI TZUG PA LA CHOS GANG NAS 'ONG ZER NAS, PHONGS PAR GYUR NA SDIG PA NGANG GIS 'PHEL ZHES PA LTAR CHOS 'CHOR DGOS YOD PAS, DE MA BZOD PA YIN PAS MTHO RIS DANG NGAN SONG GI MTHO DMAN DANG SKYID SDUG LA LTOS NAS, MI'I SKYID SDUG GI BAR NA KHYAD PO CHE MI 'DUG PHYIR LA G-YENG BA MED PAS DGE SBYOR 'PHEL SNYAM DU BSAM STE,, SKYID SDUG GNYIS KA BZOD PA GLANG RI THANG PA LTA BU DGOS ,DE GNYIS GANG BYUNG YANG 'DI'I DUS SU CHOS MI BYED NA NAM BYED SNYAM DU BSAMS NAS ME 'BAR BA LA SHING BSNAN PA LTAR GROGS SU 'GRO BA CIG DGOS, LHA BZHIN PHUN SUM TSOGS PAS KYANG, ,KHENGS PA NYID DU MI BGYI ZHING, ,YI DVAGS BZHIN DU RGUD PAS KYANG, ,ZHUM PA NYID DU MI @427 BGYI TSAL, ,ZHES PA LTAR YIN NO, ,GNYIS PO SROG DANG BSDOS LA BSRUNG, DKA' BA GSUM LA BSLAB PAR BYA, ,RGYU'I GTZO BO RNAM GSUM BLANG, ,NYAMS PA MED PA RNAM GSUM BSGOM, ,ZHES PA RNAMS GSUNG BGRO SA MA BZHIN NO, , 'BRAL MED GSUM DANG LDAN PAR BYA, ,CES PA, KHO BO THEG PA CHEN PO PA YIN ZER NAS BYA RGYU CI YANG MED PA MA YIN GYI LUS BSKOR BA DANG , PHYAG 'TSAL BA DANG , BLA MA DANG DKON MCHOG GI ZHABS TOG DANG MI 'BRAL BA DANG , NGAG SKYABS 'GRO DANG , BZLAS BRJOD DANG , MDO 'DON PA LA SOGS PA DANG MI 'BRAL BA DANG , YID KYI BLO SBYANG BSGOM PA DANG MI 'BRAL BA'O, ,YID KYIS 'DI BSGOM ZHING BZLAS PA BYED NA GNYID DU MI 'GRO, ,DES MKHAR BA BYAS NAS BSAM DU BTUBS PA YIN GSUNG, YANG NYES LTUNG BSHAGS MI DGOS, ,GZHAN GYI KYANG DE LEN PA LA DE 'DOD THOG ZER BA YIN, GZHAN GYI LEN PA LA YANG RANG GI PHRA MO NAS SPANG BA CIG DGOS, YID KYI RNAM PAR RTOG PA GANG SKYES PA 'PHRAL LA 'JOMS PA'I SNYING STOBS DANG LDAN PA CIG DGOS, DPER NA MU STEGS KYI MTHU BYED PA LA THAR THOR SROG CHAGS GANG BYUNG BA BSOD PA DANG 'DRA BAR RNAM RTOG GANG SKYES SKYES LA BYA'O, ,DE LTAR SGO GSUM DGE BA LA 'BAD PAS ME 'BAR BA LA BUD SHING BSNAN PA LTAR BLO SBYONG GONG NAS GONG DU 'PHEL BAR 'GYUR RO, ,YUL LA PHYOGS MED DAG TU SBYANG, ,KHYAB DANG GTING 'BYONGS KUN LA GCES, ,ZHES PA NI, PHYOGS RE BAS MI 'BYONGS PAS PHYOGS MED DU SBYANGS NA 'PHEL ZHING RGYAS PAR 'GYUR BA YIN, NGA 'DRE LA BZOD STOBS CHE, KHO MI LA BZOD STOBS CHE, NGA STONG PA SHAS CHE, KHO SNYING RJE SHAS CHE, ZER BA KUN PHYOGS RE BA YIN, 'PHAGS PA'I YON TAN MED, SO SO SKYE BO'I @428 YON TAN THAMS CAD PHYOGS RE BAR 'ONG BA CHOS NYID YIN TE, GANG ZAG GYI BYE BRAG GIS KYANG, KHA CIG RGUD TZA NA 'ANG LA, 'BYOR TZA NA NGA'I GONG NA MI MED GO MKHAR GYI GONG NA KHYI MED SNYAM NAS G-YAG BKUG NAS SHOR BA BZHIN DU YA CHA BA YONG PA YIN, KHA CIG 'BYOR TZA NA BTUB PA LA RGUD TZA NA KHYOD RANG LA MA BAB PA YIN, NGA GNAS SKABS 'DI TZUG 'DUG PA LA ZER NAS SDUG THEG PA YANG YOD, DE BZHIN DU BSTOD TZA NA ZENGS KYI PHUG RON GYI SNAR SHING BU BTZUGS PA BZHIN 'GRO BA DANG , SMAD RA BTANG TZA NA MI BZOD PAR 'DI LA DUG GCIG BTANG RGYU LA SNYAM PA'AM, YANG KHA CIG ZAS LA BTUB LA GOS LA ZHEN PA DANG , KHA CIG NANG GI CHAGS PA CHUNG LA PHYI CHE BA DANG , KHA CIG DE LAS BZLOG PA DANG , KHA CIG YON TAN TZAM MED PA LA KHENGS NAS PHYIN PAR RTZIBS MTHONG NAS DE LA MI BZOD PA DANG , KHA CIG YUL DU CHOS 'CHOR KHA CIG BYES SU CHAS 'CHOR BA LA SOGS PA DANG , YANG KHA CIG SDE PA, KHA CIG GRVA PA, KHA CIG SER SNA, KHA CIG PHRAG DOG, KHA CIG ZHE SDANG, KHA CIG NOR PHYIR 'CHI NUS PA LA SOGS PA 'DI LA SKAL PAR BSHAD KYANG 'DZAD PA MED GSUNGS, DAM CHOS NYAN BSHAD LTA BSGOM THAMS CAD KYIS NYON MONGS PA'I GNYEN POR 'GRO BA GCIG DGOS, DE'I RTZA BA BDAG 'DZIN YIN PAS DE'I GNYEN POR PHYOGS MED NAS SBYONG BA CIG DGOS LA, DE LA YANG SO SOR RTOGS PA'I SHES RAB KYIS MTHA' CHO DPAR BYAS, BLA MA'I GDAMS NGAG YOD NA SER SNA LA SOGS PA GANG CHE BA DE LA THEL PAR SBYANG, CI BYAS BDAG 'DZIN GYI GNYEN PO SONG NA MA NOR, BDAG 'DZIN THUL KHAMS GSUM SRID PA GSUM DGU THUL LO THUB PA YIN DANG SHA SRANG GANG LA MED RTZE GANG LAS MED GSUNGS, DE YANG ZAS LA SOGS PA'I RNAL 'BYOR THAMS CAD LA 'DIS KHYAB PA DANG , NYA MA LHA KHANG @429 DU PHYIN PA LTA BU MA YIN GYI, SNYING THAG PA RUS PA'I KHONG NAS BLO SBYONG BA GLANG THANG PA DGE BA DMYAL BAR BSNGO BA'AM, 'CHAD DKA' BAS PHA ROL GYI SDUG BSNGAL LEN PA LA DGA' YAL LE GSUNGS PA LTAR SBYANG BA'O, ,CHOS NYAMS SU LEN PA BYA BA BSGRENG BSKYED BYAS PA DANG TSIG DE NGO SHES PAS MI CHOG ,DON NANG DU NYAMS SU LEN PA CIG DGOS GSUNGS, BKOL BA RNAMS LA RTAG TU BSGOM, ,ZHES PA; SPYIR YOD PA SNYAM BYED KYANG 'DI RNAMS LA MA BYANG NA NYAMS 'GRO BAS 'DI DAG LA RTAG TU BSGOM PAR BYA'I BKOL BA LNGA YIN TE, DANG PO RANG LA DRIN CHE BA'I MKHAN SLOB DANG PHA MA LA SOGS PA SDIG BSAGS NA TSE 'DIR GRAGS PA NGAN PA 'BYUNG, DE TZA NA BLO SBYANGS PA LA DGOS PA MED PAR 'GRO BAS DRIN CAN LA KHYAD PAR DU BHEEm, GNYIS PA GCIG TU 'DUG PA'I GRANG GROGS PA 'DU 'TSOG STABS SU BYED CING BSRE SLAD CHE BA' RIt RNAMS LA MTHO DMAN LA SOGS PA 'CHOR BAS RTAG TU BKOL LA BSGOM, GSUM PA RANG DANG 'DREN NGES SU 'DUG STE, MI CHOS KYI PHA YUL LA SOGS PA DANG , LHA CHOS KYI MCHED GROGS LA SOGS PA RNAM LA RTAG TU BKOL BA SGOM, DE MA BYUNG NA CHOS JI TZAM BYAS KYANG RGYA MTSOR MCHIL MA BSKUR BA BZHIN CANG MED 'GRO, GROGS PO'I MING BYANG BRIS NAS STAN 'OG DU SLEB PA BYUNG BA DANG , GROGS PO BABS PA LA NGAN PA DE SKYA ZHAL SONG SNYING CHOM ZER BA LTA BU LA BLO SBYONG GI GNAS MED, BLO SBYONG SPYI'I CHOS TZAM YANG MI YONG BAS BKOL ZHING SBYANG BA GAL CHE, BZHI PA TSUR LA GNAG PA'I RIGS TE, PHAR LA GNAD PA CI YANG MA BYAS KYANG TSUR LA GNAG PA'I RIGS SKYE BA SNGA MA'I SHA 'KHON GYIS BYUNG BA YOD DO, ,DE LA ZHE SDANG GI BLO RDOL NA SNYING RJE'I THAG PA CHAD ZER BA LTAR 'ONG BAS BKOL LA RTAG TU SGOM, LNGA PA TSUR LA CI YANG MA BYAS PAR PHAR LA THAMS CAD KYI YID DU MI 'ONG BA'I RIGS YOD DE, GTZANG @430 DU BANDE GCIG LA 'DI DANG PO NAS SNYING DU MA SDUG CES PA DANG , SKYID SMAD DU 'DI LAS SNYING DU MA SDUG PA MA BYUNG ZHES DAD PA DE LTA BU YOD PAS DE DAG GI SDIG SDUG BLANGS TE RANG GI BDE DGE DE DAG LA GTONG BA'O, ,'DIS GTZANG MAR GTONG BA YANG DKA', DGE BSHES KUN YANG, RANG GA PHAN LA GZHAN GYIS MI PHAN NA DGA' BA DANG , MI SKYA KUN 'DI SHI NA MKHAR DPE YONG DU RE BA LAS MED PA LA, BANDE KUN LA 'DI SHI NA YUL KHAMS 'DI CIG GE THOB SNYAM PA YONG BA YIN, 'DI DAG LA BKOL NAS MA SGOM NA TZA BA CHAD PA MA TSOR BA PHU CHUNG BA'I GSUNG LTAR RTAG TU BSAM PA LA GAL CHE'O, ,RKYEN GZHAN DAG LA LTOS MI BYA, ,ZHES PA NI, SPYI CHOS THOS BSAM SGOM GSUM CHOS SPYOD BCU THAMS CAD RKYEN GZHAN LA MI LTOS MI SRID THAMS CAD RKYEN LA LTOS DGOS TE, ZAS GOS, GNAS KHANG, SGRUB G-YOG ,SGRUB RDZAS, NA SO LA SOGS PA'I MTHUN RKYEN TSANG BA DANG , DGRA 'DRE LA SOGS PA MED PA DGOS TE, BYANG PA SHES RAB 'BAR LA PO TO BAS CHOS BSAM DU BTUB BAM GSUNGS PAS, LTO 'GRANGS, KHA NGOMS GROGS POS BLO RTZA MA BLONGS TZA NA, SRAG SRIG BTUB PAR SNANG ZER BA DANG , DGES BKOR SPYAN SNGA BA'I GRVA PAR MA 'DZOMS, YUL DU PHYIN LA, 'DZOMS CIG BYA SNYAM TZA NA SA GNYI LUNG DU PHYIN PAS 'DZOMS PA CIG BYUNG BAS RMONGS NAS MA GO BAR 'DUG ,'KHOR BA BYA BA DE MA 'DZOMS PA'I MING DU 'DUG PA LA ZER BA DANG , MKHUN KA MA'I DER MA 'DZOMS, GTZANG DU BYON NAS 'THUN RKYEN 'DZOMS PA DANG , DKON MCHOG GI MCHOD PA DANG RANG GI KHAMS GSO BA DANG BZANG DU BYAS, SEMS DPA' LA BSKYED CHEN PO BYUNG ZER BA DANG , KHA RAG PA'I SLOB MA KHAMS LOG PA 'BRE MAR GYIS MAR KHU BTANG BAS, 'BRI'I NU MA LA BSGOMS YOD PAS DA LTA LAS CHA MED ZER BA DANG , KHO BO YANG KHONG DAG @431 GI ZHABS KYI GNYER MA STON CING DA 'DI TZUG SONG BA LA DA GRUB THOB MI 'BYUNG BA YIN GSUNGS PA DANG , SE STON BYANG 'BAR YANG, GZHON PA 'KHUR BA DMAR THOL LE BA MTHONG TZA NA NGAS KHYOD LA PHAN THOGS PA 'DUG ,CES DANG , RGAS 'KHOGS PA MTHONG TZA NA KHYOD SHOS MA LOG PAR SPYAD ZIN NAS, DA NGA'I 'DIR BSDAD KYANG PHAN PA MI 'ONG ZER BA DANG , KHA CIG DO CI GROGS PO SEMS REMS PA TSO GCIG DANG 'GROGS PAS BTUB PAR BYUNG ZER BA YOD, KHA CIG BREL BAS MA BYUNG, DAL NAS 'ONG BAR SNANG ZER BA DANG , KHA CIG YINGS NAS MA BYUNG DBEN NA 'ONG ZER BA YOD, GNYAG SENG GI GRAGS SHED DKA' GDAMS PA LAS 'BRAS BSGOM TZA NA, NGA'I CHOS MNGON PA'I BSTAN BTZOS, 'DI KUN KHONG DU MA CHUD PAR KHONG JI TZUG BSGOM NA; LAS 'BRAS LAS 'BRAS ZER RAM GSUNGS PA LA, 'DI DE LTA BU'I THOS PA LA SOGS PA'I RKYEN GANG LA'ANG LTOS MI DGOS, 'DZOMS NA DE NYID KYI RGYU MTSAN DU BYAS NAS, MA 'DZOMS NA, MI LDANG NA, BYAMS NA, 'KHYAGS NA; 'BYOR NA, RGUD NA, NA NA, MI NA NA, RGAN NA, GZHON NA, LTOGS NA, 'GRANGS NA; DGRAS BCOR NA, SPRANG 'GONG GI TSA RAG RGYUGS NA, BLA MAS THUGS LA BTAGS NA, MA BTAGS NA, GROGS POS BLO RTZE BLONGS NA DE DAG RGYU MTSAN BYAS NAS BSGOMS PAS TSOG ,GLANG THANG GI GNYEN STON SHES, TSAB NANG MA MANG PO MED PA LA, DGE BSHES RIN PO CHE'I CHOS THUN RE LA DOD BYAS NAS SDAD DO ZER BA DANG , JO SRAS SENGGE RGYAL MTSAN GYI GTAM SNGAR GLENG PA LTAR YIN, SPYOD LAM THAMS CAD DU SBYANGS PAS CHOG ,KHOM BREL THAMS CAD DU SBYANGS PAS CHOG ,'DI LA MTHUN RKYEN SEMS KYI SNYING STOBS CAN GCIG PUS CHOG ,SKYON DANG BCAS PA'I SEMS 'DI LA, ,YON TAN MANG PO GCIG MCHIS TE, ,GANG LTAR GOMS @432 PA DE LTAR 'BYUNG, ,BYA BA YIN PAS GANG TZUG BYA BTUB, ,'DA LA SA ZAN KO 'THAS MED, GANG TSUGS BSLAB BSLAB YIN, DE YANG PHYIS MI LA 'CHAD TZA NA DE SKAD CES ZER BA YIN SNYAM PA DES MI 'ONG, NGA RANG NYAMS SU BLANG BSGOM SNYAM PA BYAS NA CHOS KYI BYIN RLABS GDOD 'ONG BA YIN, 'DI LA YANG NA LHA GSOL, YANG GZHOB THOD DU SBYANG BA CIG DGOS GSUNGS, DA RES GTZO BO NYAMS SU BLANG,, GO LOG MI BYA, ZHES PA GSUNG BGROS MA BZHIN NO, ,RES 'JOG MI BYA, ZHES PA NI, RES BLO SBYONG BSGOM, RES BLO MA KHEL BAR GZHAN 'DRA TSOL, MTSAN NYID PA LA LA DAG SDE SNOD DU MA SHES KYANG 'CHI BA DRAN NA 'DIS GO MI CHOD SNYAM NAS SNGAGS PA CHUNG MA CAN RE'I GAN DU 'GRO BA YANG YOD, DE BZHIN DU KHA CIG 'DRE GDON GYI DGOS PA'I SNGAGS KHO NA BZLOS, RES 'GA' GTONG LEN BSGOM, RES 'GA' PHYI MA'I DON BYED PA DE GZHON NA GNYIS LA ZHON NA BAR DU LTUNG, KHA CIG 'DI BSGOM PAS SNYING PO BGRANG MI DGOS ZER BA DANG , LTUNG BA BSHAGS MI DGOS LTUNG BAS LUS LA GNOD DAM SEMS LA GNOD ZER BA DANG , DKON MCHOG LA MCHOD PA BYAS NA'ANG MIS MTHONG DU RE BA'AM, MTHONG NA DGA' BA 'BYUNG BAS SA GTOR BA YOD DE, DE THAMS CAD NOR ZER BAR BRDA, 'O NA 'DIR CI LTAR BYED NA LTA BA'I SHAN SPYOD PA LA MA PHOG PAR LUS NGAG GIS, SANGS RGYAS KYI BKA' LAS JI LTAR 'BYUNG BA DANG , 'DUL BA NAS, JI LTAR BCAS PA, JO BO STON PA, PO TO PA GSUM GYI GDAMS NGAG LAS JI LTAR 'BYUNG BA RNAMS GRA MA CHAG ZUR MA NYAMS BAR BSGRUB PA LA BSAM PA 'DI 'BA' ZHIG SBYONG BA'O, ,YANG SPYAD PA'I SHAN LTA BA LA LOG NAS, RNAM RTOG GI MDUD PAS BCINGS PA YONG YANG KHA CIG SNGAGS LA BRTEN NAS 'DUL BA'I PHYI, 'DUL BA LA BRTEN NAS SNGAGS PHYI, CHOS THAMS @433 CAD GRU BZHIR KHYER SHES PA, NGA'I BLA MA RGYA GAR BA LAS BYUNG BA YIN ZHES GSANG PHU BA GSUNG SKAD, 'DI LA GO BAS MTHA' CHOD PA DANG , BYED NGO MA SHES PA MED PA CIG MA BYUNG NA KHA CIG GIS JI SKAD BYAS, KHA CIG GIS JI SKAD BYAS PAS CI TZUG YIN NAM SNYAM PA 'ONG BAS, DE TZUG MA SONG BAR SGRO 'DOGS BAD KYIS CHOD PAR BYAS LA, NYAMS SU 'JUG TU BLANG BAR BYA'O, ,ZAS GOS LA SOGS PA'I RNAL 'BYOR THAMS CAD 'DIS BYA, ,'CHI BA'I TSE YANG GZHAN GYI SKYE 'CHI'I SDUG BSNGAL THAMS CAD BDAG LA SMIN PAR GYUR CIG BAR BLO SBYONGS, 'DZOMS MA 'DZOMS LA SOGS PA'I YID LA BYED PA THAMS CAD SPANGS LA 'DI KHO NA NYAMS SU BLANG NGO, ,DOL CHOD DU SBYANG, ZHES PA GSUNG BGROS MA BZHIN NO, ,RTOG DPYOD GNYIS KYIS THAR BAR BYA, ,ZHES PA NI, RANG GI RGYUD LA NYON MONGS PA GANG CHE BRTAGS NAS DE'I GNYEN PO DGOS SU BRTEN NAS SPANG BA LA 'BAD PA DRAG TU BYA, YANG KHONG GIS LAN ZER BA'I 'DAS PA'I NYES PA DANG , MA 'ONGS PA NA 'DI 'DRA BYUNG NA GNYEN PO 'DI BZHIN BSTEN SNYAM DU GO GYON ZHING SBYANG BA STE, 'DAS PA'I DBANG DU BYAS NAS, NA TSA DANG , DGRA 'DRE'I GNOD PA DANG , BRANG ZLA MA RNYED PA DANG , KHA BRANG ZER BA DANG , RKUN MA DANG , RDUNG BRDEGS LA SOGS PA CI BYUNG BA THAMS CAD LA TSE THOG MA MED PA NAS BU LON DANG , LAN CHAGS DANG , SHA KHON CI YOD PA THAMS CAD DES BYANG PAR GYUR CIG PAR BLO SBYANG, MA 'ONGS PA'I LA, DO NUB SROD DAM THO RENGS NAS BZUNG NAS KYE LA, KHYOD DER BTANG NA NGA 'DIR CHA ZER BA LTAR, NGA LA SKUR PA 'DEBS PA DANG , RKUN MA 'DZUGS PA DANG , 'DI NAS BTAN NAS STANG PA DANG , NAD DRAG PO LA SAGS 'DI LTA BU BYUNG NA BDAG GZHAN BRJE BA'I BYANG CHUB SEMS 'DI BZHIN SGOM SNYAM DU GA GYON PA STE, PO TO BA RANG CAG LA GTZANG @434 MO GCIG GIS BU CHUNG SKYEL DU BYUNG NA, ZHES PA LA, SPYAN MNGA' BA NGA NI MI DGA' BAR 'DUG CES DANG , PHU CHUNG PA NGA NI 'CHI BAS GO BA 'DUG CES PA LTAR 'DAS PA MA 'ONGS GNYIS LA SBYAR NAS BSGOM MO, ,YUS MA SGOM, KO LONG MA SDOM, YUD TZAM PA MI BYA, 'OR CHE MA 'DOD, CES PA GSUNG BGROS MA BZHIN NO, ,SNYIGS MA LNGA PO BDE BA YIS, ,BYANG CHUB LAM DU SGYUR BAR BYA,, ZHES BYA BA NI, DA LTA LNGA BRGYA THA MA PA'I SEMS CAN, DUS, TSE, NYON MONGS, LTA BA'I SNYIGS MAR GYUR PA'I DUS 'DIR, BYANG CHUB BSGRUB PA LA SOGS CHOS DKA' ZHING MI 'DOD PA SHA STAG BYUNG BA LA, DE THAMS CAD BYANG CHUB KYA LAM DU SGYUR BA'I CHOS BLO SBYANG 'DI YIN PAS, GANG MA BTUB PA RGYU MTSAN DU BYAS NAS BYANG CHUB KYI LAM DU BSGYUR BA'O, ,DE YANG BDAG GZHAN BRJE BA'I BYANG CHUB KYI SEMS MA SKYES PA SKYES PA DANG , SKYES PA GONG NAS GONG DU 'PHEL BAR BYA BA'I PHYIR, KUN NAS RANGS PA'I RGYU DGU BSTEN, CES PA LTAR, BLA MA CHOS 'DI LTA BU STON PA BSTEN, GROGS 'DI BSGOM PA DANG 'GROGS, CHOS 'DI STON PA NYAN, DE'I GEGS DANG SGRIB PA SBYANGS, ,MTHUN RKYEN TSOGS BSAGS, GSOL PA GDAB, CHOS SKYONG LA 'PHRIN LAS ZHU, 'DI RGYUD LA SKYES MA SKYES KYI NGES PA BSAM, RNAM RTOG NGO SHES PAS, GNOD PA MED PAR RKUN MA NGO SHES PA'I NYAMS ZER BA BZHIN DU RANG LA NYON MONGS PA RAM RAM BYUNG TZA NA, NYON MONGS PA DANG , DE'I RTZA BA BDAG 'DZIN DE DGRAR NGO SHES NA ZHI BAR 'GYUR RO, , 'DI LAN CIG DRAN PA DANG , MOS PA LAN CIG BYUNG BA DANG , LAN CIG SPRO BA SKYES PAS KYANG GNYEN POR 'GRO, LO BRGYAR 'GROGS KYANG SGOM RGYU 'DI LAS YE MED, ,SNYING CHUNG YANG DMAR DMAR LDER LDER PO GCIG LAS MED GSUNG NGO,, @435 MAN NGAG BDUD RTZI'I SNYING PO 'DI GSER GLING PA NAS BRGYUD PA YIN, ZHES SOGS GSUNG BGROS MA BZHIN NO, ,THEG PA CHEN PO'I SBYONG GI GSUNG BGROS 'DI RNAMS, SANGS RGYAS BSGOM PA'I TSOGS BSHAD MA LAS GSAL BAR BYUNG BA; BLO SBYONG GSUNGS BGROS MA'I KHA SKONG DU, BYA BRAL BA DKON MCHOG RGYA MTSAN GYIS YI GER BKOD PA'O, ,SARBA DZA GA TAm, ,AOm BADZRA SATVA SA MA YA, MA NU P'A LA YA, BADZRA SATVA TVE NO PRA TI shthA, DRi dHO ME BHA WA, SU TO shYO ME BHA WA, SU PO shYO MA BHA WA, AA NU RAKTO ME BHA WA, SARBA SID DHI ME PRA YATZTSA, SARBA KARMA SU TZA MA, TZITTA SHRE YAm KU RU H'Um, HA HA HA HA HO, BHA GA WAN SARBA TA TH'A GA TA BADZRA M'A ME MUNYTZA BADZRI BHA WA MA H'A SA MA YA SA TVA A'A:,, SARBA MANGGA LA,, DD]