@454 ZHEN PA BZHI BRAL GYI KHRID YIG BZHUGS SO,, BLA MA DANG MGON PO 'JAM PA'I DBYANGS LA GUS PAS PHYAG 'TSAL LO, ,SEMS CAN THAMS CAD KYI DON DU RDZOGS PA'I SANGS RGYAS KYI GO 'PHANG THOB PAR BYA, DE'I CHED DU DAM PA'I CHOS NYAN LA DE'I DON DU NYAMS SU BLANG SNYAM PAS BYANG CHUB TU SEMS BSKYED PA DANG , CHOS NYAN PA'I KUN SPYOD RNAMS GSAL BTAB NAS GSAN PAR ZHU, 'DIR DUS GSUM GYI DE BZHIN GSHEGS PA THAMS CAD KYI BGROD PA GCIG PA'I LAM, SANGS RGYAS KYI GSUNG RAB ZAB MO MDO SDE THAMS CAD KYA NYAMS LEN GYI GNAD PHYOGS GCIG TU BSDUS PA ZHEN PA BZHI BRAL GYA MAN NGAG NYAMS SU LEN PA LA, YID CHES SHING KHUNGS BTZUN PAR BYED PA LA BLA MA BRGYUD PA'I LO RGYUS DANG , MAN NGAG DNGOS GNYIS, DANG PO NI, RNAL 'BYOR GYI DBANG PHYUG RJE BTZUN SA SKYA PA CHEN PO DGUNG LO BCU GNYIS BZHES PA'I DUS, SNYING RJE CHEN PO BA RI LO TZA BA BLA MAR BRTEN TE CHOS GSAN PAS, BLA MA'I GSUNG GIS, KHYED PHA JO SRAS KYI BU YIN PAS SLOB GNYER BYED DGOS SHING , DE LA SHES RAB DGOS PAS RJE BTZUN 'JAM PA'I DBYANGS KYI BSGRUB PA BGYIS SHIG GSUNGS NAS 'JAM DBYANGS AA RA PA TZA NA'I RJES GNANG DANG LUNG GNANG, BLA MAS KYANG SGRUB PA'I GROGS MDZAD NAS BLA BRANG SNYING PAR BSGRUB PA MDZAD PAS BAR CHAD KYI CHO 'PHRUL CUNG ZAD BYUNG BA LA MI G-YO BA SNGON PO'I BSGOM BZLAS DANG CHU BSRUNG GI SGO NAS BZLOG PAR MDZAD CING , ZLA BA DRUG BSGRUB PAS DUS RE ZHIG NA 'PHAGS PA 'JAM RIN PO CHE'A KHRI'A STENG NA BZANG PO'I 'DUG STANGS KYIS BZHUGS PA, 'KHOR BYANG CHUB SEMS DPA' GNYIS DANG BCAS PA ZHAL GZIGS, DE' TSE 'PHAGS PA 'JAM DPAL GYI ZHAL NAS, TSE 'DI LA ZHEN NA CHOS PA MIN, KHAMS GSUM @455 LA ZHEN NA NGES 'BYUNG MIN, BDAG DON LA ZHEN NA BYANG SEMS MIN, 'DZIN PA BYUNG NA LTA BA MIN, ZHES PA'I TSIG BZHI PO 'DI GSUNGS, DE'I DON LA THUGS BSAM MDZAD PAS, SANGS RGYAS KYI GSUNG MDO SDE THAMS CAD KYI NYAMS LEN GYI GNAD 'DIR BSDUS SHING ZAB PAR DGONGS NAS THUGS NYAMS SU BZHES, DES SLOB DPON RIN PO CHE LA GNANG, ,DES RJE BTZUN RIN PO CHE LA, DES CHOS KYI RJE DPAL LDAN SA SKYA PAntA TA CHEN PO LA, DES 'GRO MGON CHOS RGYAL 'PHAGS PA LA, DES ZHANG DKON MCHOG DPAL LA, DES CHOS RJE BRAG PHUG PA LA, DES CHOS RJE BSOD NAMS RGYAL MTSAN DPAL BZANG PO LA, DES BLA MA DAM PA DPAL LDAN TSUL KHRIMS LA, DES CHOS KYI RJE YE SHES RGYAL MTSAN DPAL BZANG PO LA, DES BDAG CAG GI DPAL LDAN BLA MA DAM PA KUN DGA' BZANG PO LA GNANG NGO, ,GNYIS PA MAN NGAG DNGOS LA SNGON 'GRO, DNGOS GZHI, RJES GSUM GYI DANG PO LA GNYIS LAS, ,SKYABS 'GRO NI, THEG CHEN GYI SKYABS 'GRO KHYAD PAR BZHI LDAN TE, DE 'ANG SKYABS SU 'GRO BA'I YUL NI, YON TAN GYI CHOS BSAM GYIS MI KHYAB CING, SKYON GYI RNAM PA GANG YANG MED PA'I GANG ZAG ZLA MED PA SANGS RGYAS DKON MCHOG ,DE DANG BYANG SEMS PHYIR MI LDOG PA'I THUGS RGYUD LA ZHUGS PA'I LUNG DANG RTOGS PA'I CHOS JI SNYED PA CHOS DKON MCHOG DE DAG TSUL BZHIN DU BSGRUB PA'I BYANG CHUB SEMS PHYIR MI LDOG PA DGE 'DUN DKON MCHOG STE, DE RNAMS LA SKYABS SU 'GRO, DUS DE RING NAS BZUNG NAS BYANG CHUB SNYING PO LA MCHIS KYI BAR DU GANG ZAG BDAG GCIG PO SKYABS SU 'GRO BA MA YIN G-YAS, ,PHA DANG MAS THOG DRANGS NAS NAM MKHA' DANG MNYAM PA'I SEMS CAN THAMS CAD, CHED DU BYA BA SEMS CAN THAMS CAD KYIS RDZOGS PA'I SANGS RGYAS KYI GO 'PHANG THOB PAR 'DOD NAS SKYABS SU 'GRO BAS DE'I DON DRAN ZHENG MA YENGS @456 PA'I SGO NAS NGAG TU, BDAG GZHAN MAR GYUR NAM MKHA'I MTHA' GTUGS SEMS CAN THAMS CAD PHYOGS BCU'I SANGS RGYAS BCOM LDAN 'DAS LA SKYABS SU MCHI'O, ,LUNG RTOGS BDAG NYID DAM PA'I CHOS LA SKYABS SU MCHI'O, ,RGYAL SRAS 'PHAGS PA'I DGE 'DUN RNAMS LA SKYABS SU MCHI'O, ,ZHES SKYABS 'GRO CI NUS BYAS PA'I MTHAR, DKON MCHOG RIN PO CHE RNAM PA GSUM GYIS BYIN GYIS BRLABS KYIS BDAG GI BLO CHOS LA 'GRA BAR BYIN GYIS BRLAB TU GSOL, CHOS LAM DU 'GRO BAR BYIN GYIS BRLAB TU GSOL, LAM 'KHRUL BA SEL BAR, 'KHRUL SNANG YE SHES SU 'CHAR BAR, BLO LA CHOS MA YIN PA'I RNAM PAR RTOGS PA SKAD CIG KYANG MI SKYE BAR, MYUR DU SANGS RGYAS THOB PAR BYIN GYIS BRLAB TU GSOL, ZHES GSOL BA GDAB BO, ,GNYIS PA SEMS BSKYED NI, SANGS RGYAS CHOS DANG TSOGS KYI MCHOG RNAMS LA, ,BYANG CHUB BAR DU BDAG NI SKYABS SU MCHI, ,BDAG GI SBYIN SOGS BGYIS PA'I BSOD NAMS KYIS, ,'GRO LA PHAN PHYIR SANGS RGYAS MYUR 'GRUB SHOG ,SEMS CAN THAMS CAD KYI DON DU SANGS RGYAS KYI GO 'PHANG THOB PAR BYA, ,DE'I CHED DU LUS NGAG YID GSUM DGE BA'I LAS LA BRTZON PAR BGYI'O, ,ZHES BSAM ZHING TSIG TU 'ANG BRJOD, GNYIS PA DNGOS GZHI LA BZHI LAS, DMIGS PA DANG PO NYAMS SU LEN PA LA, LUS RDO RJE SKYIL KRUNG JI LTAR BDE BAR BYAS LA, SKYABS 'GRO SEMS BSKYED SNGON DU SONG NAS, TSE 'DI LA ZHEN NA CHOS PA MIN, ZHES PA'I DON TSE 'DI LA MA ZHEN PA GCIG DOGS KYI, ZHEN NA SMIG RGYU LA CHUR ZHEN KYANG SKOM PA SEL BA'I DON MI BYED PA LTAR, TSUL KHRIMS DANG THOS BSAM SGOM GSUM CI BYAS KYANG TSE 'DI'I PHUN TSOGS BSGRUB PA'I CHED DU SONG BAS CHOS RNAL MAR MI 'GRO, ,DES NA, TSUL GNAS THOS DANG BSAM LDAN PAS, ,BSGOM PA LA NI RAB TU SBYOR, ,ZHES GZHI TSUL KHRIMS RNAM PAR DAG PA @457 LA BRTEN NAS THOG MAR THOS PA BYA, DE NAS DE'I DON LA BSAM NAS SGRO 'DOGS BCAD, ,DE NAS THOS BSAM GYIS SGRO 'DOGS CHOD DON LA BSGOM DGOS LA, DE LA YANG CHOS BYED PAR 'DOD PA'I BLO MA SKYES PA BSKYED PA'I PHYIR, ,DAL 'BYOR RNYED DKA' BSAM PA DANG , CHOS BYED PA LA BRTZON 'GRUS MCHOG TU 'GYUR BA'I CHED DU 'CHI BA MI RTAG PA BSAM PA GNYIS LAS, DANG PO NI, DAL 'BYOR 'DI NI RNYED PAR SHIN TU DKA', ,SKYES BU'I DON SGRUB THOB PAR GYUR PA LA, GAL TE 'DI LA PHAN PA MA GRUB NA, ,PHYES 'DI YANG DAG 'BYOR BA GA LA 'GYUR, ,ZHES GSUNGS PA LTAR DAM PA'I CHOS BSGRUB PA'I RTEN DU GYUR PA'I DAL 'BYOR GYI LUS 'DI YANG YANG RNYED PAR DKA' BAS RNYED PA'I LUS 'DIR CHOS 'DI RNAM DAG GCIG BYA DGOS SNYAM DU YANG YANG BSGOM MO, ,DE NYID CUNG ZAD RGYAS PAR BSHAD NA, RGYU'I SGO NAS RNYED PAR DKA' BA, GRANGS KYI SGO NAS RNYED PAR DKA' BA, DPE'I SGO NAS RNYED PAR DKA' BA, NGO BO'I SGO NAS RNYED PAR DKA' BA BSAM PA'O, ,DANG PO NI, ,DAL 'BYOR GYI RTEN RNAM PAR DAG PA THOB PA LA RGYU TSUL KHRIMS LA SOGS PA DGE BA'I LAS BSGRUB CING, MI DGE BA MTHA' DAG SPONG DGOS PA LA, KHAMS GSUM GYI SEMS CAN RNAMS DGE BA BSGRUB PA NYUNG, MI DGE BA SPYOD PA SHIN TU MANG BAS RGYU'I SGO NAS RNYED PAR DKA' SNYAM DU BSGOM, GNYIS PA NI, SEMS CAN GYI KHAMS LA BLTAS PAS DMYAL BA NI MANG NYUNG SA'I RDUL GYI GRANGS TZAM, YI DVAGS NI KHA BA BU YUG 'TSUBS PA'I GRANGS TZAM, DUD 'GRO NI CHANG NGAR MA'I SBANG MA TZAM DU MANG LA, DE RNAMS LA LTOS NA MI'I LUS RNAM PAR DAG PA THOB PA CHES NYUNG BAS GRANGS KYI SGO NAS KYANG RNYED PAR DKA' SNYAM DU BSGOM, GSUM PA NI, RGYA MTSO CHER G-YENGS GNYA' SHING GI, ,BU GAR RUS SBAL MGRIN CHUD LTAR, , @458 MI NYID SHIN TU THOB DKA' GSUNGS, ,ZHES GSUNGS PAS RGYA MTSO CHEN PO NA GNAS PA'I RUS SBAL ZHAR BA LO BRGYA NAS STENG DU LAN RE YONG BA DANG , GSER GYI GNYA' SHING BU GA GCIG PA RGYA MTSO'I RLABS KYIS G-YENGS BA'I BU GAR RUS SBAL GYI MGRIN PA CHUD PA SRID TZAM YIN PA LTAR SEMS CAN GYI RIGS BSAM GYIS MI KHYAB PA YOD KYANG MIR SKYES PA YANG SRID PA TZAM YIN PAS DPE'I SGO NAS KYANG RNYED PAR DKA' SNYAM DU BSGOM, BZHI PA NI, LKUG PA DANG MTHA' 'KHOB TU SKYES PA SOGS MI KHOM PA DANG BRAL ZHING, 'BYOR BA BCU TSANG BAR DKON PAS NGO BO'I SGO NAS RNYED PAR DKA' SNYAM DU BSGOM, GNYIS PA 'CHI BA MI RTAG PA BSAM PA NI, 'DI LTAR SKYES PA THAMS CAD KYI, ,MDUN NA GNAS PA 'CHI BA STE, ,ZHES BSHAD PAS SKYES PA'I MTHA' MA NGES PAR 'CHI BAS MYUR DU CHOS BYED DGOS SNYAM DU BSGOM, DE NYID CUNG ZAD BSHAD NA, NGES PAR 'CHI BA BSAM PA, NAM 'CHI NGES PA MED PA BSAM PA; 'CHI TSE CHOS LAS GZHAN GYIS MI PHAN PA BSAM PA'O, ,DANG PO NI, SPYIR 'DUS BYAS THAMS CAD MI RTAG PA CHOS NYID YIN PAS MTHAR 'JIG DGOS TE, SRID GSUM MI RTAG STON KA'I SPRIN DANG 'DRA, ,'GRO BA'I SKYE 'CHI GAR LA LTA DANG MTSUNGS,, SKYES BU'I TSE SROG NAM MKHA'I GLOG BZHIN TE, ,RI GZAR 'BAB CHU BZHIN DU MYUR MGYOGS 'GRO ,ZHES GSUNGS SHING, KHYAD PAR DU, SANGS RGYAS RNAMS KYI GZUGS KYI SKU, ,MTSAN DANG DPE BYAD KYIS BRGYAN PA, ,RDO RJE SKU YANG MI BRTAN NA, ,G-YO ZHING SNYING PO MED PA YI, ,CHU BUR LUS LA SMOS CI DGOS,, ZHES GSUNGS LA, 'CHI BA MED PA'I GO 'PHANG BRNYES PA'I RDZOGS PA'I SANGS RGYAS KYANG MYA NGAN LAS 'DA' BA'I TSUL STON NA, SO SO SKYE BO RNAMS NGES PAR 'CHI DGOS PA SMOS CI DGOS SNYAM DU BSAM ZHING, DRANG SRONG CHEN PO LNGA MNGON SHES, ,MKHA' @459 LA THOGS MED RGYU BAS KYANG, ,GANG DU 'CHI MED SPYOD YUL BA'I, ,GNAS 'DIR PHYIN PA MA YIN NO, ,ZHES BSHAD PAS KHAMS GSUM GANG DU SKYES KYANG 'CHI BAS MI TSUGS PA'I GNAS MED PAS NGES PAR 'CHI DGOS SNYAM DU BSGOM, 'CHI RKYEN MANG ZHING 'TSO BA'I RKYEN NYUNG BA'I SGO NAS NGES PAR 'CHI STE, 'CHI BA'I RKYEN NI SHIN TU MANG, ,'TSO BA'I RKYEN NI NYUNG ZAD TZAM, ,DE DAG NYID KYANG 'CHI RKYEN TE, ,DE BAS RTAG TU CHOS MDZOD CIG ,CES GSUNGS PAS 'TSO BA'I RKYEN DU 'DOD PA'I GNAS DANG , ZAS DANG SPYOD LAM LA SOGS PA 'GA' ZHIG KYANG 'CHI RKYEN DU 'GYUR BA YOD PAS NGES PAR 'CHI SNYAM DU BSGOM, GNYIS PA NAM 'CHI NGES MED BSAM PA NI, LA LA MA'I MNGAL DU 'CHI BA, LA LA SKYE KHAR 'CHI BA SOGS RGAN GZHON BAR MA NGES PA MED PAR 'CHI BA MNGON SUM GYIS MTHONG BAS, NAM 'CHI NGES PA MED PA'I TSUL BSAM ZHING BSGOM, GSUM PA NI, DE LTAR 'CHI BA'I DUS LA BAB PA NA, KHA DRAG CING DBANG BTZAN PA DANG , 'KHOR DANG LONGS SPYOD CHE BA DANG , DPA' BA LA SOGS PA GANG GI'ANG MI LDOG PAR 'CHI DGOS LA, SHI BA'I TSE CHOS MA YIN PA GANG GI 'ANG MI PHAN, DE LA TSE JI SRID GNAS KYI BAR DU CHOS BYAS PAS 'CHI TSE MI 'GYOD, 'GRO BA BZANG POR SKYE BA'I GDENG THOB PAS BLO BDE, DES NA NGES PAR DAM PA'I CHOS BYA DGOS LA, DE'ANG NAM 'CHI NGES PA MED PAS MYUR DU CHOS BYA DGOS SNYAM DU BSGOM MO, ,GNYIS PA NI, KHAMS GSUM LA ZHEN NA CHOS PA MIN, ZHES PA'I DON NI, KHAMS GSUM 'KHOR BA LA ZHEN NAS CHOS BYAS KYANG BYANG CHUB KYI LAM DU MI 'GRO BAS 'KHOR BA LA MA ZHEN PA CIG DGOS, DE LA 'KHOR BA'I NYES DMIt BSHAD PAS 'KHOR BA MTHA' DAG SDUG BSNGAL GYI RANG BZHIN DU MTHONG NAS DE SPONG BAR 'DOD PA DANG , THAR PA DON DU GNYER BA'I BLO 'BYUNG BAS DE'I RTOGS BA BSKYED PA'I @460 PHYIR 'KHOR BA'I NYES DMIGS BSAM PA DANG , 'KHOR BAR SKYE BA LA RGYU 'BRAS KYI BLANG DOR SHES PAR BYA BA'I PHYIR RGYU 'BRAS BSAM PA GNYIS, DANG PO NI, 'DOD PA'I KHAMS NI SKYON DANG BCAS PA STE, ,DE BZHIN GZUGS KYI KHAMS KYANG SKYON DANG BCAS, ,GZUGS MED KHAMS KYANG SKYON DANG BCAS PA STE, ,MYANG NGAN 'DAS PA 'BA' ZHIG SKYON MED YIN, ,CES GSUNGS PAS, GNAS KHAMS GSUM PO GANG DU SKYES KYANG SKYON DANG BCAS PA YIN, SEMS CAN DMYAL BA DMYAL MES NYAMS,, YI DVAGS BKRES SHING SKOM PAS NYAMS, ,DUD 'GRO GCIG LA GCIG ZAS NYAMS,, MI DAG 'CHOB THUNG BAS NYAMS, ,LHA DAG BAG MED PA YIS NYAMS, ,'KHOR BA KHAB KYI RTZE TZAM YANG, ,BDE BA NAM YANG YOD MA YIN, ,ZHES GSUNGS PAS GNAS KHAMS GSUM PO DER RTEN 'GRO BA RIGS DRUG PO GANG DU SKYES KYANG SDUG BSNGAL GYI RANG BZHIN CAN GANG LA LONGS SPYOD KYANG SDUG BSNGAL GYI LONGS SPYOD 'BA' ZHIG TU 'DUG PAS, DE LAS THAR BAR BYA BA'I PHYIR BYANG CHUB KYI LAM DU 'GYUR BA'I CHOS RNAM PAR DAG PA CIG BYED DGOS SNYAM DU BSGOM, DE NYID CUNG ZAD RGYAS PAR BSHAD NA, SDUG BSNGAL GYI SDUG BSNGAL BSAM PA, 'GYUR BA'I SDUG BSNGAL BSAM PA, KHYAB PA 'DU BYED KYI SDUG BSNGAL BSAM PA DANG GSUM, DANG PO LA DMYAL BA'I SDUG BSNGAL BSAM PA, YI DVAGS KYI SDUG BSNGAL BSAM PA, 'DUD 'GRO'I SDUG BSNGAL BSAM PA DANG GSUM LAS, DMYAL BA'I SDUG BSNGAL BSAM PA LA, GRANG DMYAL GYI SDUG BSNGAL BSAM PA, TSA DMYAL GYI SDUG BSNGAL BSAM PA, NYE TSE NYE 'KHOR BA'I SDUG BSNGAL BSAM PA DANG GSUM, DANG PO LA BRGYAD DE, CHU BUR CAN NI, NYI MA DANG 'JZO SKYOB SOGS MED PA'I GANGS RI'I BRAG DANG CHAB ROM LA SOGS PA'I NANG DU SGYE, RLUNG SHIN TU GRANG BAS LUS LA BTAB PAS GRANG BA'I RKYEN GYIS @461 LUS THAMS CAD CHU BUR GYI RANG BZHIN CAN DU SONG BA DANG , DE LAS KYANG CHES GRANG BA'I RKYEN GYIS CHU BUR RNAMS RDOL TE, CHU SER DANG RNAG LA SOGS PA 'DZAG PA CHU BUR RDOL BA CAN, DE LAS KYANG GRANG BA'I RKYEN GYIS SHIN TU SDUG BSNGAL TE, ,AA CHU AA CHU ZER BA'I DUD MO'I SGRA LHANG 'DON PA AA CHU ZER BA DANG , DE LAS KYANG GRANG BA'I RKYEN GYIS SDUG BSNGAL ZHING SKAD CHER 'DON PA'I MTHU MED PA LKOG MA NA KYI HUD KYI HUD ZER BA'I SGRA SHIB SHIB 'DON PA KYI HUD ZER BA DANG , DE LAS CHES GRANG BA'I RKYEN GYIS SKAD CHE CHUNG GANG YANG 'DON PA'I MTHU MED PAR LUS THAMS CAD SHIN TU 'KHYAGS TE, 'THAM PA'I RNAM PA CAN DU BYAS PA SO THAM THAM PA DANG , DE LAS KYANG CHES GRANG ZHING STOBS CHE BA'I RLUNG GIS BTAB PAS LPAGS PA'I MDOG SNGON BOR GYUR CING DUM BU BRGYAD LA SOGS PAR GAS PA AUTPAL LTAR GAS PA DANG ,YANG GRANG BA'I RKYEN GYIS SHIN TU 'KHYAGS TE LUS KYI PHYI NANG THAMS CAD RDO LTA BU'I DNGOS POR GYUR CING, DUM BU BCU DRUG PA LA SOGS PAR GAS TE PHYI'I LUS GAS PA'I DBANG GIS NANG GI RGYU MA DANG GNYE MA DANG LONG GA LA SOGS PA TSAL PA TSAL PAR GAS PA PADMA LTAR CHER GAS PA RNAMS KYI SDUG BSNGAL DRAN PAR BYAS NAS YANG YANG BSAM, 'DI THOG TU BYUNG NA SRAN THABS MED, 'DI LTA BU MI 'BYUNG BAR BYA BA'I PHYIR BYANG CHUB KYI LAM DU 'GYUR BA'I CHOS BYA DGOS SNYAM DU BSGOM MO, ,GNYIS PA LA BRGYAD DE, ,YANG SOS ZHES BYA BA LAS KYI DBANG GIS LCAGS BSREGS KYI SA GZHI'I STENG DU SKYES, LUS GZHON SHA CAN, BDAG TU 'DZIN CHE, LAG TU GANG BLANGS PA THAMS CAD MTSON CHAR GYUR PA SKYES BU PHAN TSUN MTHONG BA THAMS CAD DGRA ZLA'I 'DU SHES, DE RNAMS @462 PHAN TSUN GCIG GIS GCIG LA MTSON GYIS BSNUN ZHING, BTUBS PAS DUM BU DUM BUR GYUR PA DANG , NAM MKHA' NAS YANG SOS PAR GYUR CIG CES PA'I SGRA DANG RLUNG GRANG BA GCIG GIS LUS LA BTAB PAS LUS SNGA MA BZHIN DU GZHON SHA CAN LA SOGS PAR 'GYUR BA'O, ,THIG NAG CIS BYA BA, LUS LA DMYAL BSRUNG RNAMS KYIS THIG BRGYA DANG BCU DRUG LA SOGS PA BTAB NAS SOG LES GSHAG PA DANG STA GRI LA SOGS PAS GZHOG CING SDUG BSNGAL DPAG TU MED PA MYONG BA'O, ,BSDUS 'JOMS ZHES BYA BA, LUS SHIN TU GZHAN SHA CAN DE RI RA DANG LUG LA SOGS PA'I MGO CAN GYI BAR DU TIL BZHIN BCIR TE SHIN TU SDUG BSNGAL BA'O, ,NGU 'BOD CES BYA BA, LCAGS BSREt KYIS GZHIR DMYAL BSRUNGS RNAMS KYI SA DED CING BROS PAS KHANG PA RIM PA GCIG PA MTHONG STE, 'DIR 'KHYUD PAS THUB SNYAM NANG DU PHYIN PA DANG , KHANG PA SGO RANG 'GRIG TU GYUR PA DANG LCAGS KYI KHANG PAR BSREG TE, RKOS PAS PHYED PA'AM PHYIR THAR BA'I SKABS MED PA DANG , MI RANG 'BAR DU GYUR TE, SHIN TU SDUG BSNGAL ZHING DUD MO'I SGRA 'BYIN PA'O, ,NGU 'BOD CHEN PO NI, MTSAN NYID SNGA MA BZHIN LAS KHANG PA GNYIS RAMS SO, ,TSA BA NI, DMYAL BSRUNGS RNAMS KYIS MDUNG RTZE GCIG PAS BSHANG LAM NAS SPYI GTZUG GI BAR THAL BYUNG DU PHUG STE SDUG BSNGAL LO, ,RAB TU TSA BA NI, MDUNG RTZE GSUM PAS BSHANG LAM NAS SPYI GTZUG GI BAR DANG 'PHONG CHOS G-YAS G-YON NAS DPUNG PA G-YAS G-YON GYI BAR THAL BYUNG DU PHUG PA'I SDUG BSNGAL BA'O, ,MNAR MED PA NI, LCAGS BSREGS KYI SA GZHIR MES BSREGS SHING, ME 'DI YIN, LUS 'DI YIN ZHES THA DAD DU DBYER MED PAR GYUR CING BSREGS NAS DUD MO'I SGRA LAS DPAGS TE 'DI NA SEMS CAN DMYAL BA PA ZHIG 'DUG GO SNYAM DU MTSON PA'O, ,GSUM PA LA BZHI LAS, DANG PO MI MA MUR GYI 'OBS TSA BA'I @463 DMYAL BA BRGYAD PO'I MTHA' MA NA YOD, DE YANG 'OBS KYI NANG ME MA MUR GYIS GANG BA DER CHUD DE, YAN LAG THAMS CAD TSIG CING RKANG PA G-YAS BTEG PA NA TSIG PA SOS SHING G-YON PA TSIG ,G-YON BTEG PA NA SOS SHING G-YAS PA TSIG, NANG GI RGYU MA DANG GNYE MA LA SOGS PA'ANG TSIG CING DBANG PO'I SGO RNAMS NAS DU BA 'THUL BA'O, ,GNYIS PA RO MYAGS KYI 'DAM NI, PHYI SA LA SOGS PA MI GTZANG BA'I DNGOS PO MTHA' DAG NUR NUR YOD PA'I NANG DU GAN RKYAL DANG KHA PHUB LA SOGS PAR 'GYEL ZHING, DBANG PO'I SGO THAMS CAD MI GTZANG BA'I DNGOS POS GANG BAR BYAS NAS SDUG BSNGAL ZHING, DE'I GSEB NA YOD PA'I LCAGS KYI 'BU SERIN LA SOGS PAS LUS KYI YAN LAG DANG NYING LAG THAMS CAD RUS PA LA THUG GI BAR DU 'BIGS SHING, GCOD PAR BYED PAS SHIN TU SDUG BSNGAL LO, ,GSUM PA SPU GRI'I LAM PO NI, RO MYAGS KYI 'DAM LAS 'DAS PA DANG , SPU GRI BLTAMS PA'I THANG SHIN TU RNO BA'I STENG NA PHYIN PAS RKANG PA'I SHA DANG RUS PA LA THUG GI BAR DU GTUB CING SDUG BSNGAL BA'O, ,SOGS KHONG NAS RAL GRI LO MA'I NAGS TSAL ZHES BYA BA, SHING SDONG GI SO THAM CAD RAL GRI LA SOGS PA'I MTSON CHAR YOD PAS LAS KYI DBANG GIS TSA BAS NYEN NAS SKYABS TSOL BA'I PHYIR, DE'I 'KHRIS SU BSDAD PA DANG , DE RLUNG GIS BSKYOD NAS MTSON CHA RNAMS KYIS YAN LAG THAMS CAD DUM BUR GTUB CING SHIN SDUG BSNGAL LO, ,SHAL MA RI'I SDONG PO NI, RI SHIN TU MTHO BA'I RTZE MOR PHYIN NA SNYAM PAS 'DZEGS PA DANG , LCAGS KYI THUR MA SOR BRGYAD PA DANG , BCU DRUG PA KHA THUR DU BSTAN PAS LUS THAL BYUNG DU PHUG CING SDUG BSNGAL LA, RI'I RTZER PHYIN PA DANG KHA DANG 'OL BA LA SOGS PAS MIG 'BRU, LCE 'DON, KLAD PA LA SOGS PA 'BRU ZHING SDUG BSNGAL, YANG RI'I RTZA BAR SLEB NA SNYAM NAS 'THUR LA PHYIN PA NA, LCAGS @464 KYI THUR MA RNAMS KHA GYEN LA BSTEN NAS LUS 'BIGS SHING , RI'I RTZA BA NA YOD PA'I LCAGS KYI SPYANG KI DANG , KHYI DANG , WA LA SOGS PAS YAN LAG DANG NYING LAG RNAMS ZA ZHING PHAN TSUN DU 'THEN PAS LUS DUM BUR BCAD CING SDUG BSNGAL BA'O, ,GZHAN YANG LCAGS BSREGS KYI SA GZHIR LUS PHUR PAS BRGYANGS PA DANG , LCE LCAGS PHUR GYIS BRGYANGS NAS RMOD PA LA SOGS PA'I SDUG BSNGAL BA'ANG NYI TSE NYI 'KHOR BA'I NANG TSAN YIN NO, BZHI PA THAL TSAN GYI CHU BO RAB MED PA NI, SPU GRI THANG GI PHA ROL NA THAL TSAN GYI CHUS LUS G-YENG ZHING LUS KYI PHYI NANG KUN TSIG CING , DMYAL BSRUNGS RNAMS KYIS MTHA' NAS BSRUNGS TE SDUG BSNGAL BA'O, ,DE RNAMS KYI SDUG BSNGAL BSAM ZHING , DE LAS THAR BAR BYA BA'I PHYIR DAM PA'I CHOS CIG BYA DGOS SNYAM DU YANG YANG BSGOM MO, ,GNYIS PA YI DAGS KYI SDUG BSNGAL BSAM PA LA, PHYI'I SGRIB PA CAN DANG , NANG GI SGRIB PA CAN DANG , ZAS SKOM GYI SGRIB PA CAN NAM SGRIB PA CAN GYIS SGRIB PA CAN ZHES PA GSUM MO, ,DANG PO NI, SER SNA LA SOGS PA MI DGE BA'I DBANG GIS YI DVAGS KYI RGYAL KHAMS SU SKYES, BKRES PA DANG SKOM PAS NYAMS THAG KYANG ZAS SKOM MIG GI'ANG MI MTHONG , RGYANG RING PO NA 'BRAS ZAN LA SOGS PA'I RI DANG , CHU'I RGYAL KHAMS CHEN PO 'DUG SNYAM NAS PHYIN PA DANG , SHIN TU THAG RING BGROD PAS LUS SEMS SDUG BSNGAL, DER PHYIN PA DANG , 'BRAS ZAN GYI RIR SNANG PA RDO DKAR PA'AM, SA DKAR PHUNG POR SONG , SNGAR CHU'I RGYAL KHAMS SU MTHONG BA DE SMIG RGYU 'AM, SA SNGON PO 'AM, G-YAM PA LA SOGS PA'I DNGOS POR GYUR TE, BZA' BTUNG LA SPYAD RGYU MED PAS SNGAR BAS KYANG CHES SDUG BSNGAL BA'O, ,NANG GI SGRIB PA CAN NI, SNGAR GYI SDUG BSNGAL DE LTA BU'I STENG DU'ANG ZAS SKOM CUNG ZAD ZOS PAS DANG POR KHA KHAB MIG TZAM DU DOG PA LA MA CHUD @465 PAS KHA RAL ZHING KHRAG 'DZAG TE SDUG BSNGAL, DE NAS MGRIN PA RTA RNGA TZAM DU PHRA BA LA MA CHUD CING , KHA ZAS KYANG RTZUB PA'I RANG BZHIN CAN DU GYUR PAS MGRIN PA DBRAL BA DANG TSA BAS SDUG BSNGAL, DE LAS LTA BA RI'I LTOS TZAM GYI NANG DU KHA ZAS CUNG ZAD SLEB KYANG 'GRANGS PA'AM, SKOM PA BSAL BA'I NUS PA MED PAS SLAR YANG SDUG BSNGAL BA'O, ,ZAS SKOM GYI SGRIB PA CAN NI, KHA ZAS TSOL BA'I PHYIR PHYOGS KUN TU PHYIN PA NA YI DAGS KYI SDE DPON GZHAN GYIS BRDUNGS SHING 'JIGS PA'I SDUG BSNGAL, KHA ZAS CUNG ZAS RNYED PA GZHAN GYIS PHROGS SU DOGS PA DANG , CUNG ZAD RNYED PA DE ZOS PAS SNGAR BZHIN DU KHAR MA CHUD PA LA SOGS PAS SDUG BSNGAL ZHING , LTO BAR SLEB PA NA LAS KYI DBANG GIS KHA ZAS DE MER 'BAR NAS RGYU MA DANG GNYE MA LA SOt PA KUN TSIG CING GZHOB KYI DNGOS POR BYAS PAS SDUG BSNGAL, DE LTAR SHIN TU SDUG BSNGAL YANG LAS DE MA ZAD KYI BAR DU SDUG BSNGAL DRAG PO MYONG DGOS PAR 'DUG 'DI LTA BUR MI SKYE BA'I PHYIR BYANG CHUB KYI LAM DU 'GRO BA'I CHOS RNAM DAG GCIG BYA DGOS SNYAM DU BSGOM MO, ,GSUM PA DUD 'GRO'I SDUG BSNGAL BSAM PA LA, BYING NA GNAS PA DANG , KHA 'THOR BA GNYIS, DANG PO NI, PHYI'I RGYA MTSO'I NANG NA CHU SRIN LA SOGS PA SROG CHAG CHANG NGAR MA'I SBANG MA TZAM YOD PAS, GCIG GIS GCIG GCIR TE DOG PA'I SDUG BSNGAL, RGYA MTSO'I RLABS KYIS PHYOGS MTHA' DAG TU DED PAS GNAS MA NGES PA DANG , GROGS SU DANG 'PHRAD, SU DANG 'GROt MA NGES PAS BAG PHEBS RGYU MED PA DANG , CHA BAS CHUNG BA ZA BA DANG , CHU SRIN LA SOGS PA CHE BA RNAMS KYI LUS LA DUNG LA SOGS PAS 'BIGS PAS SDUG BSNGAL BA DANG , YANG GLING BAR GYI MUN PA NA YOD PA RNAMS SNANG BA'I DNGOS PO DANG BRAL BAS GCIG GIS GCIG MTHONG RGYU MED PA DANG , CIG THOG TU GCIG BSDAD DE DOG CING @466 LCI BA DANG , SHIN TU DOG CANG GCIR BAS LUS RUL ZHING CHAD PA DANG , ZAS SKOM 'CHAL BA'I SKABS TZAM YANG MED PAS SDUG BSNGAL BA'O, ,GNYIS PA NI, MI LA BRTEN PA'I DUD 'GRO RNAMS NI, MI THEG PA'I KHAL BSKUR BA DANG , RMO BA DANG , BZHO BA DANG , LCAGS SGROG GIS BCING BA DANG , LCAGS DANG LCAGS KYUS BTAB PA DANG , LAS KYI MTHA' SNA TSOGS KYI SGO NAS LONGS SPYAD DE, MTHAR SHA'I CHED DU BSAD PA DANG , GZHAN LA BRTZONGS TE SPYUG PA DANG , MU TEG DANG , BAL DANG , RUS PA DANG , LPAGS PA'I CHED DU GSOD PA'I SDUG BSNGAL LO,, MI LA MA BSTEN PA'I RI DVAGS SOGS NI, GNAS NGES PA MED CING , SHA'I CHED DU RNGON PAS MDA' BSNUN CING , KHYIS DED TE NGAM GROG DANG , G-YANG LA SOGS PAR MCHONGS PA DANG , MTSON GYIS BTAB BZHIN DU BROS KYANG MTHAR ZIN TE BSAD PA LA SOGS PAS SDUG BSNGAL SNYAM DU DUD 'GRO'I SPYI'I SDUG BSNGAL GLEN LKUG DANG , BYE BRAG GI SDUG BSNGAL LA BSAM TE CHOS RNAM PAR DAG PA BYA DGOS SNYAM DU BSGOM MA, ,GNYIS PA 'GYUR BA'I SDUG BSNGAL NI, LHA LTA BU SNGON GYI LAS KYI STOBS KYIS KHANG BZANG DANG , GOS DANG KHA ZAS LA SOGS PA BSAM PA TZAM GYIS BYUNG BA DANG , LHA MO'I BDE BA LA SOGS PA MTHA' YAS KYANG , 'CHI LTAS LNGA DANG NYE BA'I 'CHI LTAS LA SOGS PA PHAG PA NA, DMYAL BA'I SDUG BSNGAL LAS KYANG CHE BA'I YID KYI SDUG BSNGAL DANG , SHI NAS KYANG BRGYA BYIN LTA BU LHA'I GTZO BOR GYUR PA YANG MI'I NANG DU BRAN LA SOGS PAR SKYE BA DANG , ,LHA'I BU NYI MA DANG ZLA BA LTA BU RANG GI KHANG BA'I 'OD KYIS GLING BZHI GSAL BAR NUS PA YANG GLING BAR GYI MUN PAR SKYES TE RANG GI LAG PA BRKYANG BSKUM TZAM YANG MI MTHONG BAS SDUG BSNGAL BA DANG , MI LTA BU KHA DRAG PO GZHAN PAR 'GRO BA DANG , PHYUG PO DBUL BOR 'GYUR BA DANG , DGRA @467 SDANG BA DANG 'PHRAD PA'AM PHRAD KYIS DVOGS PA DANG , GNYEN SDUG PA DANG BRAL BA'AM BRAL GYIS DOGS PA DANG , 'DOD PA BTZAL TE MA RNYED PA DANG , RE BA 'BRAS BU MED PA LA SOGS PA SDUG BSNGAL BSAM GYIS MI KHYAB, LHA MA YIN RNAMS KYANG PHAN TSUN 'THAB CING MTSON GYIS 'DEBS PA DANG , YAN LAG RNAMS GTUBS PA DANG , RANG BZHIN GYIS ZHE SDANG CHE ZHANG , LHA'I DPAL LA PHRAG DOG PAS YID KYA SDUG BSNGAL BSAM GYIS MI KHYAB BO, ,GSUM PA KHYAB PA 'DU BYED KYI SDUG BSNGAL BSAM PA NI, MI RNAMS KYIS LAS KYI MTHA' BSAM GYIS MI KHYAB PA JI TZAM BYAS KYANG ZIN RGYU MED PA DANG , BYAS PA CHUD ZOS PA DANG , YANG 'DI DANG 'DI LTA BU BYED DGOS SNYAM DU MI TSE GRAB LA ZAD CING , LAS MTHAR PHYIN RGYU MED PAS 'CHI BA'I DUS BYAS TE BSAM PA MDZOGS SHING SHIN TU SDUG BSNGAL ZHING , NOR YOD PA RNAMS RKUN POS KHYER PA DANG , DBANG BTZAN POS PHROGS PA LA SOGS PA'I SDUG BSNGAL, DBUL BO TSOL BA'I PHYIR SHIN TU SHA THANG PAS SDUG BSNGAL, MDOR NA GNAS KHAMS GSUM POR RTEN RIGS DRUG PO GANG DU SKYES KYANG SDUG BSNGAL GYI RANG BZHIN LAS MA 'DAS PAS 'DI LTA BU'I SDUG BSNGAL MI MYONG BAR BYA BA' PHYIR CHOS RNAM PAR DAG PA BYA SNYAM DU BSGOM, GNYIS PA LAS RGYU 'BRAS BSAM PA NI, GONG DU BSHAD PA SDUG BSNGAL CAN GYI 'KHOR BAR SKYE BA'ANG RGYU MI DGE BA SPYAD PA LAS BYUNG BAS DE SPONG DGOS SHING , DE'ANG MDOR BSDU NA, MI DGE BA MTHA' DAG SPONG ZHING DGE BA SNA TE TZAM YANG CI NUS KYIS BSGRUB SNYAM DU BSGOM MO, DE RGYAS PAR BSHAD NA, MI DGE BA'I LAS BSAM PA, DGE BA'I LAS BSAM PA, LUNG MA BSTAN GYI LAS BSAM PA DANG GSUM, DANG PO LAGS LAS KYI NGO BO BSAM PA, DE'I 'BRAS BU BSAM PA, DE SPONG BAR GDAMS PA DANG GSUM , DANG PO NA BCU STE, KUN SLONG DUG GSUM GANG RUNG GIS KUN NAS BLANGS PA'I GSOD @468 SEMS KYIS SROG CHAG GROG SBUR NAS ME 'AM MIR CHAGS PA'I BAR GANG RUNG BSAM BZHIN DU GSOD PA SROG GCOD PA DANG , GZHAN GYIS BDAG GIR BZUNG BA'I RDZAS 'BRU'I PHUB MA TZAM YANG MA BYIN PAR LEN PA DANG , RANG GIS RIN BCAL TE GNYEN DU 'THAM PA'I BUD MED MA GTOGS, GZHAN GYI BUD MED DAM DGE TSUL MA LTA BU CHOS KYI RGYAL MTSAN 'DZIN PA DANG , NYIN GCIG PA'I SDOM PA BLANGS PA DANG , PHA MA LA SOGS PAS BSRUNG BA DANG , RANG GI BUD MED YIN YANG NYIN PAR SPYAD PA LA SOGS PA 'DOD PAS LOG PAR G-YEM PA STE LUS KYI LAS MI DGE BA GSUM DANG , 'DOD CHAt LTA BUS KUN NAS BLANGS TE GZHAN GYI MGO BSKOR BA'I 'DU SHES BSGYUR TE, TSIG DANG DON GZHAN GYIS GO BAR SMRA BA BRDZUN DANG , GZHAN MDZA' BA DBYE BA'I PHYIR PHA ROL PO LA DBYEN DU 'GYUR BA'I GTAM SMRA BA BA PHRA MA DANG , ZHE SDANG LTA BUS KUN NAS BLANGS TE DON DANG MTHUN MI MTHUN JI LTAR YIN YANG SKAD SHUGS DRAG POS GZHAN GYI SEMS LA GZER BA'I GTAM SMRA BA TSIG RTZUB DANG , DON DANG MI MTHUN PA'I GTAM CHAL TSOL MANG DU SMRA BAS RANG GZHAN GYI DGE SBYOR SOGS KYI BAR DU GCOD CING GTAD SO MED PAR SMRA BAR NGAG 'KHYAL TE NGAG GI MI DGE BA BZHI DANG , 'DOD CHAGS KYIS KUN NAS BLANGS TE GZHAN GYI LONGS SPYOD DANG DBANG PHYUG LA SOt PA BDAG GI LONGS SPYOD DU GYUR NA SNYAM DU GZHAN GYI PHUN TSOGS BDAG GIS THOB PAR 'DOD PA BRNAB SEMS DANG , ZHE SDANG GIS KUN NAS BLANGS TE GANG ZAG 'DI LA GZHAN GYES GNOD PA CIG BYAS NA 'DI SHIN TU SDUG BSNGAL NA CI MA RUNG SNYAM PA LTA BU GNOD SEMS DANG , GTI MUG GIS KUN NAS BLANGS TE LAS RGYU 'BRAS DANG , DKON MCHOG GSUM LA SOGS PA YID MED DANG , RGYU DGE BA LAS 'BRAS BU BDE BA DANG , MI DGE BA LAS 'BRAS BU SDUG BSNGAL 'BYUNG ZHES BLA MA DAG GSUNG YANG BDEN NAM SNYAM DU SEMS PA LOG @469 LTA STE YID KYI MI DGE BA GSUM DANG BCU'O, ,GNYIS PA DE'I 'BRAS BU LA GNAS SKABS KYI 'BRAS BU DANG , MTHAR THUG GI 'BRAS BU GNYIS, DANG PO NI, TSE THUNG BA DANG , LONGS SPYOD DBUL BA DANG , RANG GI KHYIM THABS LA SOGS PAS DGRA LTA BUR BYED PA DANG , GZHAN GYIS SKUR BA 'DEBS PA DANG , RANG GI MDZA' BO DANG ,MI MTHUN PAR 'GYUR BA DANG , GTAMS MI SNYAN PA THOS PA DANG , DE'I GTAM LA 'BYUNG KHUNGS MED CES BDEN PAR MI 'DZIN PA DANG , RE BA 'BRAS BU MED PA DANG , 'JIGS PA CHEN PO DANG 'PHRAD PA DANG , LTA BA PHYIN CI LOG TU 'GYUR BA LA SOGS PA'O, ,GNYIS PA MTHAR THUG GI 'BRAS BU NI, MI DGE BA CHUNG NGUR SPYAD PAS DUD 'GRO DANG , 'BRING GIS YI DVAGS DANG , CHEN POR SPYAD PAS DMYAL BAR 'PHEN PA'O, ,GSUM PA NI, DE LTAR DUG GSUM GYIS KUN NAS BLANGS TE MI DGE BA DE RNAMS SPYAD PAS 'BRAS BU NGAN SONG LAS 'DAS PA MI 'DUG PAS, CI NAS KYANG SROG LA BAB RUNG MI BYED PAR YID KYIS DAM BCA' ZHING SPONG BA'O, ,GNYIS PA DGE BA'I LAS BSAM PA LA'ANG LAS KYI NGO BO BSAM PA, DE'I 'BRAS BU BSAM PA, DE BSGRUB PAR GDAMS PA'O, ,DANG PO NI, SNGAR BSHAD PA'I MI DGE BA BCU PO SPONG ZHING MA CHAGS PA DANG , SHE SDANG MED PA DANG , GTI MUG MED PAS KUN NAS BLANGS TE DGE BA BCU PO CI NUS BSGRUB PA'O, ,GNYIS PA DE'I 'BRAS BU LA GNAS SKABS KYI 'BRAS BU DANG , MTHAR THUG GI 'BRAS BU GNYIS, DANG PO NI, TSE RING BA, LONGS SPYOD CHE BA, KHYIM THABS LA SOGS PA YID DANG MTHUN PAR BYED PA DANG , PHYOGS KUN TU SNYAN GRAGS THOS PA DANG , MDZA' BO DANG MTHUN PAR 'GYUR BA DANG , DBANG PO DVANGS PA DANG , TSIG BTZAN PA DANG , YID LA RE BA 'GRUB PA DANG , 'JIG PA MED PA DANG , 470 LTA BA RNAM PAR DAG PAR 'GYUR BA LA SOGS PA'O, ,MTHAR THUG GI 'BRAS BU NI, DGE BA BCU PO CHUNG NGU DANG , 'BRING DANG CHEN POR SPYAD PAS NYAN THOS DANG RANG RGYAL DANG BLA NA MED PA'I BYANG CHUB THOB PA'O, , GSUM PA NI, DE LTAR DGE BA SPYAD PA LAS 'BRAS BU BYANG CHUB GANG RUNG THOB CING NYAN THOS KYI GO 'PHAG LTA BU THOB KYANG 'KHOR BA DANG NGAN SONG GI 'JIG PA LAS GROL BAR 'DUG PAS CI NAS KYANG DGE BA BSGRUB SNYAM DU BSAM MO, ,GSUM PA LUNG MA BSTAN GYI LAS BSAM PA LA GSUM LAS, DANG PO LAS KYI NGO BO NI, DGE MI DGE GANG GI'ANG KUN SLONG MED PAR BTANG SNYOMS SU KHA ZAS ZA BA DANG , BZO BYED PA LA SOGS PA'O, ,GNYIS PA NI; DE'I 'BRAS BU'ANG BDE BA DANG SDUG BSNGAL GANG YANG 'BYIN MI NUS PAR BTANG BSNYOMS PA' BZO BYED PA LA SOGS PA LA SPRO BA DANG LAG TU LEN PA'O, ,GSUM PA DE DGE BAR BSGYUR BA NI, KUN SLONG GI DBANG GIS 'GYUR BA YIN PAS KHA ZAS ZA BA LTA BU LA'ANG LUS KYI SRIN BU GSO SNYAM PA DANG , LUS BRTAS PAR BYAS NAS THOS BSAM LA SOGS PA BYED SNYAM PA DANG , 'GRO 'DUG LA SOGS PA BYED NA'ANG BLA MA MJAL BA'I CHED DANG DAM PA'I CHOS KYI CHED DU 'GRO BA DANG , G-YAS PHYOGS NA SANGS RGYAS DANG BYANG CHUB SEMS DPA'I SKU GZUGS YOD PAR BSAM STE, DE LA LUS KYI DRAG SHOS G-YAS BSTAN NAS BSKOR BA BYED PAR BSAM STE 'GRO BA LTA BU'O, GSUM PA, BDAG DON LA ZHEN NA BYANG SEMS MIN, ,ZHES PA'I DON, SNGAR BSHAD PA LTAR 'KHOR BA MTHA' DAG SDUG BSNGAL DU MTHONG NAS DE LTA BU LAS THAR BAR BYA BA'I PHYIR DGE BA CHUNG 'BRING CI RIGS SU SPYAD PAS NYAN THOS DANG RANG SANGS RGYAS KYI GO 'PHANG THOB KYANG , DE LA'ANG RANG DON MA RDZOGS SHING GZHAN DON RGYA CHEN PO MI NUS LA, RDZOGS PA'I SANGS RGYAS THOB PA LA GEGS DANG BCAS PA YIN PAS, DE LTA BU'I @471 RANG DON KHO NA DON DU MI GNYER BAR SEMS CAN THAMS CAD KYI DON DU RDZOGS PA'I SANGS RGYAS KYI GO 'PHANG THOB PAR BYA, DE'ANG RGYU RKYEN MA TSANG BA DANG , NOR BA LAS MI SKYE STE, DPER NA DGUN LTA BU DROD GSHER MA 'DZOMS PA'I DUS SU 'BRAS KYI SA BON BTAB KYANG MA SKYE, 'BRAS 'DOD PA LA NAS BTAB KYANG 'BRAS KYI LO THOG MI 'BYUNG GI ,'BRAS KYI LO THOG 'DOD PA LA RGYU 'BRAS KYI SA BON DANG , RKYEN CHU LUD DANG DROD 'JOM NA SKYE BA LTAR, RDZOGS PA'I BYANG CHUB NI RGYU SNYING RJE CHEN PO LAS BYUNG BA YIN, RTZA BA BYANG CHUB KYI SEMS LAS BYUNG BA YIN, RKYEN THABS LA MKHAS PAS MTHAR PHYIN PA BYAS PA YIN, ZHES GSUNGS PAS DE'I DON NYAMS SU LEN PA LA; ;BYAMS PA BSGOM PA, SNYING RJE BSGOM PA, BYANG CHUB KYI SEMS BSGOM PA, DE DAG GI SPYOD PA LA BSLAB PA'O, ,DANG PO LA BZHI GNYEN LA BSGOM PA, BAR MA LA BSGOM PA, DGRA LA BSGOM PA, SEMS CAN THAMS CAD LA BSGOM PA'O,, DANG PO LA GSUM MAR SHES PA, DRIN DRAN PA, DE LA BYAMS PA BSGOM PA'O,, DANG PO NI, RANG GI DA LTA'I MA LTA BU LA MTSON NA, 'DIS DA LTA MA BYAS PA MA ZAD, SKYE BA MANG PO'I BAR DU MA BYAS PA YIN TE, MA YI MTHAR THUG RGYA SHUG TSIG GU TZAM, ,RIL BUR GRANGS KYANG SA YIS LANG MA YIN, ZHES DANG , SEMS CAN GCIG GIS MA BYAS TE, ,NU ZHO BYIN PA GANG YIN PA, RGYA MTSO BZHI LA'ANG DE TZAM MED, ,SEMS CAN GCIG GIS PHA BYAS TE, ,RTA DANG GLANG PO BYIN PA GANG ,, TSANG PA'I 'JIG RTEN LAS KYANG BRGAL, ,ZHES GSUNGS SO, GNYIS PA DRIN DRAN PA NI, MA BYAS RES KYIS PHAN TSAD MED PA BTAGS TE, DE 'ANG MNGAL DU CHAGS NAS ZLA BA DGU 'AM BCU'I BAR DU LUS LCI BA DANG , NGAL BA DANG , DE NAS BTZAS PA'I DUS SU RANG GI LUS SEMS 'BRAL BA LA THUG PA'I SDUG BSNGAL BYUNG YANG @472 BZOD PAR BYAS, SKYES NAS BRDA DON MI SHES SHING , CI YANG MI NUS PA RAL KHA'I 'BU LTA BUR YOD PA LA BRTZE BA'I SEMS KYIS BSKYANGS , BYAMS PA'I MIG GIS BLTAS, ZAS ZHIM PA LCES BSNYOD, MI GTZANG BA LAG PAS PHYIS, SOR MO BCU'I KHA LA BLANGS , ZAS GOS LA SOGS PA CI NUS SU SBYAR, GNOD PA MTHA' DAG BSAL, CHER SKYES NAS RANG GI SROG DANG BSDOS PA'I NOR GCES PA BYIN, 'BRI KLOG LA SOGS PA BSLAB BYA'I RIGS KUN BSLABS, MDOR NA GNOD PA KUN LAS SKYABS PA SOGS DRIN CI YOD BSAM MO, ,GSUM PA BYAMS PA BSGOM PA NA, 'GRO LA PHAN PA NYER BSGRUB PA, ,BYAMS PA CHEN PO ZHES BYA'O, ,ZHES GSUNGS PAS BYAMS PA'I NGO BO, SEMS CAN RNAMS BDE BA DANG BDE BA'I RGYU DANG LDAN NA SNYAM PA'I BLO YIN PAS, DRIN CAN GYI MA 'DI BDE BA'I RGYU DANG LDAN PAR BYA SNYAM PA SEMS BSKYED DANG 'BREL BA DANG , BDE BA DANG BDE BA'I RGYU DANG LDAN NA CI MA RUNG SNYAM PA 'DUN PA DANG 'BREL BA DANG , BDE BA DANG BDE BA'I RGYU DANG LDAN PAR GYUR CIG SNYAM PA SMON LAM DANG 'BREL BA STE, DE LTAR MA G-YENGS PAR BSGOM ZHING TSIG TU BRJOD DO; ;DE LTAR RTZA BA'I MA LA MAR SHES SHING DRIN DRAN NAS BYAMS PA BSGOM PA LTAR, BAR MA DANG , DGRA DANG , SEMS CAN THAMS CAD LA'ANG DE LTAR KHA SPOS TE, BSGOM MO, ,DE LTAR BYAMS PA BSGOM PAS LEGS PAR 'BYONGS PA NA DE'I STOBS KYIS SNYING RJE SKYE BA YIN TE, ,SNYING RJE'I CHUB BYAMS PA STE, ZHES GSUNGS SO, DES NA SNYING RJE BSGOM PA LA SNYING RJE'I NGO BO NI, SDUG BSNGAL CAN RNAMS YONGS SKYOB PA; ;SNYING RJE CHEN PO ZHES BYA'O, ,ZHES GSUNGS PAS YUL GYI SDUG BSNGAL MTHONG NAS MI BZOD CING DE DANG BRAL BAR 'DOD PA'I BLO YIN LA, DE'ANG GNYEN LA BSGOM PA, DGRA GNYEN BAR MA LA BSGOM PA, DGRA LA BSGOM PA, SEMS @473 CAN THAMS CAD LA BSGOM PA'O, ,DANG PO LA GSUM LAS, MAR SHES PA DANG , DRIN DRAN PA DANG , BYAMS PA BSGOM PA'I SKABS LTAR BYA, SNYING RJE BSGOM PA NI, RANG GI RTZA BA'I MA LTA BU GSON NAM SHI YANG DE'I RNAM PA MDUN DU GSAL BAR DMIt LA; BDAG GI DRIN CAN GYI MA 'DI SDUG BSNGAL DANG LDAN, BDE BA DANG BRAL 'DUG PA SNYING RE RJE NA, 'DI SDUG BSNGAL DANG SDUG BSNGAL GYI RGYU DANG BRAL DGOS LA, MA RANG GI GNAS LUGS LA BLTAS PAS SDUG BSNGAL DANG DE'I RGYU DANG LDAN, DE'I LONGS SPYOD CAN DU 'DUG PA SNYING RJE, 'DI SDUG BSNGAL DANG BRAL BAR BYA SNYAM PA SEMS BSKYED DANG 'BREL BA SOGS BYAMS PA BSGOM PA'I SKABS LTAR BYA ZHING BSGOM, DE NAS YANG BAR MA DANG DGRA DANG SEMS CAN THAMS CAD KYI BAR RE RE NAS KHA SPOS SNYING RJE BCOS MA MA YIN PAR SKYES SKYES BSGOM MO, ,DE LTAR SNYING RJE SKYES PA DANG , DE'I STOBS KYANG BYANG CHUB KYI SEMS SKYE BA YIN TE, DE YI RTZA BA SNYING RJER 'DOD, , ZHES GSUNGS SO, ,DES NA DE'I MUG TU KUN RDZOB BYANG SEMS BDAG GZHAN BRJE BA BSGOM PA NI, SEMS CAN KUN GYI SDUG BSNGAL BDAG LA SMIN, ,BDAG GI DGE BAS DE KUN BDE THOB SHOG ,CES PA LTAR, YUL NAM MKHA' DANG MNYAM PA'I SEMS CAN THAMS CAD KYI SDUG BSNGAL DANG YID MI BDE BA CI YOD PA THAMS CAD BDAG LA SMIN PAR GYUR CIG ,BDAG GI DGE BA DANG BDE BA DANG LEGS PA CI YOD PA THAMS CAD SEMS CAN THAMS CAD KYIS THOB PAR GYUR CIG ,CES TSIG TU BRJOD CING YID KYI'ANG ZHE THAG PA NAS BSGOM MO, ,BZHI PA DE DAG GI SPYOD PA LA BSLAB PA NI, SPYIR BYANG CHUB SEMS DPA'I SPYOD PA GZHAN LA GNOD PA SPONG ZHING PHAN PA CI NUS BSGRUB, KHYAD PAR DU RANG SMIN PAR BYED PA PHA ROL TU PHYIN PA DRUG GI SPYOD PA DANG , BSDU BA'I DNGOS PO BZHIS GZHAN SMIN PAR BYED PA SOGS RGYAS PAR NAM MKHA' SNYING @474 PO'I MDO DANG , BSLAB PA KUN LAS BTUS DANG , SPYOD 'JUG DANG , RGYAL PO LA GTAM DU BYA BA RIN PO CHE'I PHRENG BA LAS BYUNG BA LTAR NYAMS SU BLANG GSUNG NGO, , BZHI PA, 'DZIN PA BYUNG NA LTA BA MIN, ,ZHES PA'I DON, KUN RDZOB BYANG SEMS LEGS PAR SKYES KYANG BDEN 'DZIN DANG BCAS NA RTAG CHAD KYI MTHAR LHUNG ZHING GROL BAR MI 'GYUR BAS, DES NA DNGOS PO DANG MTSAN MAR 'DZIN PA'I GNYEN PO RZHI LHAG GNYIS BSGOM DGOS TE, ZHI GNAS RAB TU LDAN PAS LHAG MTHONG GIS, ,NYON MONGS SKYON RNAMS 'JOMS PAR SHES BYAS NAS, ,ZHES GSUNGS SO, ZUNG 'BREL DU BSGOM PA'O, DANG PO NI, DBEN ZHING NYAMS DGA' BA, CHOS LDAN GYI RGYAL POS BSKYANGS ZHING 'TSO BA MED PA, SKYE BO'I RGYU 'GRUL DANG DGRA'I COR GLOG SOGS BSAM GTAN GYI TSER MA MED PAR STAN BDE BA LA 'DUG NAS, THUN THAMS CAD KYI SNGON DU 'GRO BA, SKYABS 'GRO SEMS BSKYED BYAS TE, RKANG PA RDO RJE'I SKYIL KRUNG , LAG PA MNYAM GZHAG ,LCE RKAN LA CUNG ZAD SBYAR, MGRIN PA CUNG ZAD DGUG SGAL TSIG DRANG POR SRANG , MIG 'BYED 'DZUM RAN PAR BYAS LA BSGOM, DE'ANG , YANG DAG GNAS PA LA BRTEN NAS, ,SEMS LA SEMS NI 'JOG PHYIR DANG , ,ZHES GSUNGS PA LTAR, PHYI NANG GI DMIGS RTEN GANG YIN PA GCIG GI STENG DU SEMS RTZE GCIG TU 'JOG PA ZHIG ZHE GNAS YIN LA, SLOB DPON GNAS BRTAN BYANG BZANG GI TING NGE 'DZIN TSOGS KYI LE'UR, KHA PHYIR BLTAS KYI ZHI GNAS DANG , NANG BLTAS KYI ZHI GNAS GNYIS BSHAD CING , DANG PO NI, PHYI ROL GYI DMIGS RTEN KA BA'AM, RDE'U NAG PO LTA BU LA DMIGS PA GTAD NAS SEMS RTZE GCIG TU 'JOG ,NANG BLTAS NI, DUS GSUM RTOG PA'I RGYU 'GRUL BCAD, ZHES PA LTAR, @475 'DAS PA'I RJES MI GCOD, MA 'ONGS PA'I SNGUN MI BSU, DA LTAR BA LA BZO BCOS MI BYED CING YUL LA 'PHRO BA SPANGS NAS SHES PA RANG GI NGO BO LA LTA ZHING RTZE GCIG TU 'JOG PA'O, ,TING NGE 'DZIN RGYAL PO'I MDO LAS, SANGS RGYAS KYI SKU LA DMIGS NAS BSHAD CING , DE LA SNGAR RDE'U LTA BU LA DMIGS NAS BSGOM PA GNYIS SEMS RTZE GCIG TU GNAS PA'I THABS SU BYED KYANG SANGS RGYAS KYI SKU LA DMIGS NA SANGS RGYAS RJES SU DRAN PAR 'GRO ZHANG , BSOD NAMS CHE BAS DE'I DBANG DU BYAS NA, MDUN DU RIN PO CHE'I KHRI SNA TSOGS PADMA DANG ZLA BA'I GDAN LA SANGS RGYAS SH'AKYA THUB PA SKU MDOG GSER BTZO MA LTA BU PHYAG G-YAS PAS GNON DANG , G-YON MNYAM BZHAG MDZAD PA, NA BZA' CHOS GOS NGUR SMRIG CAN, RDO RJE SKYIL KRUNG GIS BZHUGS PAR BSAM LA, DE'I SKU DANG KHYAD PAR SMIN MTSAMS KYI MDZOD SPU LA DMIGS SHING BSGOM, YANG NA 'OD DPAG MED SKU MDOG DMAR PO MNYAM BZHAG GI PHYAG RGYA CAN, GDAN SOGS SNGAR DANG 'DRA BA LA DMIGS NAS BSGOM KYANG CHOG GSUNG, DE LTAR LHAG MTHONG GI SNGON DU ZHI GNAS BSGOM PA NA, THOG MAR ZHI GNAS BTZAL BYA, ZHES PA'I DON YIN NO, ,ZHI GNAS LEGS PAR GOMS SHING DMIGS RTEN GANG RUNG GI STENG DU LO ZLA MANG PO'I BAR SEMS GNAS NUS PA DANG , DE GCIG PUS MI CHOG GI NYON MONGS PA DRUNG NAS 'BYIN PAR BYED PA'I GNYEN PO LHAG MTHONG BSGOM DGOS SHING , DE STONG PAR RTOGS PA'I SHES RAB KYIS PHYI NANG GI CHOS KYI GNAS LUGS LA DPYAD NAS YOD MED RTAG CHAD LA SOGS PA'I MTHA' DANG BRAL BAR RTOGS PA'I BLO DE LHAG MTHONG YIN ZHING , SNGAR BSHAD PA'I ZHI GNAS DE SEMS RTZE GCIG TU GNAS PA'I THABS YIN LA, PHYIS LHAG MTHONG MTHONG BA'I DON LA ZHI GNAS KYI SEMS RTZE GCIG TU BZHAG DGOS PAS, GNYIS PA LHAG MTHONG BSGOM PA LA GSUM, YUL SNANG @476 SEMS KYIS BYAS PAR BSGRUB, SEMS SNANG SGYU MAR BSGRUB, SGYU MA RANG BZHIN MED PAR BSGRUB PA'O, ,DANG PO NI, YUL GYI SNANG BA SNA TSOGS PA RTA DANG , GLANG PO DANG , SKYES BU PHO MO DANG , RTZIG PA DANG , BUM PA DANG SNAM BU LA SOGS PA SNA TSOGS SU SNANG BA 'DI, RGYU MED DAM, PHYVA DANG DBANG PHYUG LA SOGS PA BYAS PA'AM, 'BYUNG BA BZHI DANG RDUL PHRAN LAS BYUNG BA'AM, SANGS RGYAS KYI SPRUL PAS BYAS PA SOGS MA YIN GYI, THOG MA MED PA NAS RANG GI SEMS LA DE DANG DE'I BAG CHAG BZHAG PA'I DBANG GIS BYUNG BA YIN, 'DI THAMS CAD KYI BYED PA PO SEMS YIN, SEMS LAS GZHAN PA'I 'DI'I BYED PO MED SNYAM DU BSGOM PA'O, ,GNYIS PA NI, SGYU MA BYED PA DAG GIS GZUGS SPRUL TE, ,RTA DANG GLANG PA SHING RTA SNA TSOGS BYAS, ,JI BZHIN SNANG YANG SNANG BA GANG YANG MED, ,CHAS RNAMS THAMS CAD DE BZHIN SHES PAR GYIS, ,ZHES GSUNGS PA LTAR, SNGAR BSHAD PA'I YUL SNANG SNA TSOGS PA 'DI 'ANG RMI LAM LTA BU, SGYU MA LTA BU YIN TE, DPER NA RMI LAM DU SDUG BSNGAL SNA TSOGS MYONG YANG SAD PA DANG MI BDEN PAR KUN GYIS SHES PA BZHIN DU, DES KUN RDZOB TZAM DU SNANG , ME LONG GI NANG GI GZUGS BRNYAN LTA BU YIN SNYAM DU NGES SHES SKYES SKYES BSGOM MO, ,GSUM PA NI, DE LTAR YUL SGYU MA LTA BU SNA TSOGS SU SNANG BA DE YANG KUN RDZOB TZAM DU SNANG BAS SNANG BA MI 'GOG CING DPYAD NA DON DAM PAR SGRUB PA SKRA'I RTZE MO BRGYAR GSHAG PA'I TSAD TZAM YANG MED SNYAM DU BSGOM MO, GSUM PA ZUNG 'BREL DU BSGOM PA NI, YUL SNANG SEMS KYES BYAS PAR BSGRUB PA LA SOGS PAS RIM PA BZHIN GTAN LA PHAB NAS SPROS PA'I MTHA' THAMS CAD DANG BRAL BA STONG PA NYID DU RTOGS SHING NGES PAR BYAS NAS, DE LTAR RTOGS MKHAN GYI BLO DANG YUL GYI GNAS LUGS DBYER MED CHU LA CHU'AM, MAR @477 KHUL MAR KHU THAM PA LTAR RO GCIG TU GYUR PA, LA SEMS RTZE GCIG TU GNAS NAS BSGOM PA'O, ,DE LTA BU'I RGYUN GOM PAR BYAS PAS GOM PA DANG , DE LTAR MA RTOt PA'I SEMS CAN LA STONG NYID KYIS DRANGS PA'I SNYING RJE SOt SKYE ZHING , DNGOS POR 'DZIN PA'I 'KHRUL BA LOG STE, 'KHRUL SNANG YE SHES SU SHAR BA ZHES BYA BA, RDZOt PA'I SANGS RGYAS SKU GSUM GYI BDAG NYID CAN GYI GO 'PHANG MNGON DU 'GYUR BA YIN NO, ,GSUM PA RJES BSNGO BAS RGYAS BTAB PA NI, THUN THAMS CAD KYI MJUG TU'ANG BYA ZHING , DE'ANG 'DI LTAR BSNGO RGYU BDAG GIS TING NGE 'DZIN ZAB MO BSGOM PA'I DGE BA DANG , DES MTSON TE, ,BDAG DANG GZHAN GYI DGE BA'I RTZA BA CI BYAS PA 'DUS BYAS KYI PHYOGS SU GTOGS PA THAMS CAD BSNGO, BSNGO BA RNAM PA THAMS CAD MKHYEN PA SANGS RGYAS KYIS YANG BLO YUL DU BYAS, CHED DU BYA BA NAM MKHA' DANG MNYAM PA'I SEMS CAN THAMS CAD KYI CHED DU BSNGO, RNAM PA RMI LAM DANG SGYU MA LTA BUR SHES PA' SGO NAS DGONGS GSOL SNGON DU 'GRO BAS, DGE BA 'DI YIS SKYA BO KUN, ,BSOD NAMS YE SHES TSOGS BSAGS SHING , ,BSOD NAMS YE SHES LAS BYUNG BA'I, ,DAM PA GNYIS PO THOB PAR SHOG ,ZHES SOGS BSNGO BA MDO LAS BYUNG BA GANG SHES BYA'O,, (ZHES PA 'DI LUNG DANG MNGON PAR RTOGS PA'I YON TAN RIN PO CHE DU MA'I DBANG PHYUG SNGAGS 'CHANG RDO RJE 'DZIN PA CHEN PO BLA MA KUN DGA' LEGS PA'I GSUNG GIS BSKUL NAS CHOS RJE THAMS CAD MKHYEN PA KUN DGA' BZANG PO'I ZHABS KYI ZHAL SNGAR TSAR GNYIS NYAN TE, ,BLA MA DAM PA DE NYID KYI ZHABS RDUL SPYI BOS LEN PA DGE SLONG KUN DGA' LEGS PA'I RIN CHEN GYIS ZIN BRIS BYAS NAS, SLAR YANG BLA MA CHOS KYI RJE LA GZId BSKYANGS PHUL NAS, DAG PAR BYAS TE BKOD PA'I SHOG BU'I RKYEN SBYOR BA PO NI, CHOS 'DI LA DAD CING 'DUN PA CAN DBON PO BLO GSAL MING GZHAN GRAGS PA RGYAL @478 MTSAN NO, ,BKRA SHES PAR SHOG, ,, DE LTAR SEMS DPA' CHEN PO GZHAN NU RGYAL MTSAN MCHOG DANG , MUS CHEN DKON MCHOG RGYAL MTSAN RNAM GNYIS KYIS PHYOGS GCIG TU BSGRIGS PA'I BYANG CHUB SEMS SBYONG GI GDAMS PA BLO SBYONG BRGYA RTZAR GRAGS PA KHE GTZANG DPE RGYUN DKON KHAR, DENG RABS KYI DUS 'DIR 'DI GRAS MANG TZAM ZHING DPAR 'GREM THUB NA, SPYI SGOS SKYE 'GRO MANG POR 'DI PHYI GTAN BDE'I LAM SGO LTA BU, SNGON LA SKYE BO RANG RANG GI LAS NYON NGOS 'DZIN GSAL PO THUB THABS LA PHAN RLABS HA CANG CHEN PO YONG RGYUR BRTEN, SER SMAD KONG PO SHAR PA SPRUL SKU DANG , SER BYES SBRA GTZANG KHAM LUNG SPRUL SKU RNAM GNYIS NAS MA DPE DANG , DPAR 'DEBS MA DNGUL THABS 'TSOL GNANG DON, BOD KYI DPE MDZOD KHANG DU SLOB GNYER BA (JOHN.N. MILLS.) SANGS RGYAS SBYIN PAS DPAR BSKRUN 'GRO SONG BTANG STE, LHA LDAN BZHI SDE PAR KHANG DU BZHUt PA'I PAR MA GZHIR BZUNG DHA SHOD SHES RIG PAR KHANG DU, BOD RGYAL LO 2100 PHYI LO 1973 LOR DEB GRANGS 200 THAM PA PAR 'DEBS ZHUS PA DGE LEGS SU GYUR CIG, ,, DD]