*, ,SPRUL BA'I SKU RIN PO CHE NAS GNANG BA'I GSUNG RTZOM TSIGS
BCAD KYI 'GREL BA DAD PA'I 'JUG NGOGS ZHES BYA BA BZHUGS SO, ,

@001A #, ,NA MO GU RU MANYDZU GHO sh'A YA, 'DIR KHYAB BDAG 'KHOR
LO'I MGON PO SRID ZHI'I GTZUG RGYAN ^CHE SHOS RDO RJE 'CHANG
CHEN PO'I MCHOG SPRUL RIN

PO CHE NAS DGUNG LO BCU THOG GNAS MCHOG RI BO RTZE LNGAR MJAL
SKABS RGYU MTSAN 'GA' ZHIG LA BRTEN NAS THOL BYUNG DU RJE BTZUN
'JAM PA'I DBYANGS LA PHYAG 'TSAL BA'I

TSIGS BCAD GCIG ,'GRO DON BCU GNYIS THAMS CAD DANG, ,ZAB DANG
RGYA CHE'I GNAS RNAMS KYI, ,RMA BYA'I SGRO MDONGS BCAS RNAMS
RGYAS, ,SHES RAB RAL GRI LA PHYAG

'TSAL, ,ZHES PA LJAGS RTZOM GNANG BA NI 'DIR GANG BSHAD PAR BYA
BA'O, ,DE LA PHYAG 'TSAL BA'I SKAD DOD NA MA SRE NI RAB TU 'DUD
PA'I DOR LA 'JUG PAS SGO GSUM RAB TU

@002A #, ,DANG BA CHEN POS PHYAG 'TSAL LO ZHES BSHAD PA'I GZHIR
DRANG NGO, ,YUL GANG LA ZHE NA, DE BZHIN GSHEGS PA THAMS CAD KYI
SHES RAB YE

SHES KYI SKU RMONGS PA'I DRA BA GCOD PA'I NGES DON GYI RAL GRI
CHEN PO LHAG PA'I LHA RJE BTZUN 'JAM PA'I DBYANGS DE LA ZHES
PA'I LA NI DGOS CHED DE, DE'I CHED DU ZHES PA'O, ,

TSUL JI LTA BUS ZHE NA, 'GRO BA MTHA' DAG LA BU GCIG PA'I MA
LTAR LHAG PAR THUGS BRTZE BA'I GZHAN DBANG DU GYUR PA'I THUGS
RJE CHEN POS GZHAN GYI DON KHO NA MDZAD PA'I TSUL

LA RAB TU DANG BAS ZHES PHYAG BYA BA'I DON MDOR BSDUS PA DANG
RGYU MTSAN LHAN CIG TU GSAL BAR MDZAD DO, ,'O NA 'GRO BA'I DON
MDZAD TSUL JI LTA BU ZHE NA, NYID KYIS GZIGS

@002B BA'I LAM BZANG PO GANG YIN PA DE NYID 'GRO BA RNAMS KYI
RGYUD LA BSKRUN PAR MDZAD PA'I PHYIR DU GZHAN PHAN GYI KHUR CHEN
PO SKYO BA MED PA'I THUGS KYIS KHYER BAS 'GRO BA MGON MED CING
GTING DANG MTHA' MI MNGON PA'I 'KHOR BA SDUG

BSNGAL GYI RGYA MTSO CHEN POR LTUNG BAS NYAM THAG PA RNAMS LA
RTEN 'BREL YAN LAG BCU GNYIS DANG BDEN STONG RNAM PA BCU GNYIS
LDAN GYI DAM PA'I CHOS KYI TSUL GYIS 'KHOR BAR 'JUG LDOG GI RIM
PA LA NGES PA STER BA'I SGO

NAS THAR PA DON GNYER GYI NGES 'BYUNG GI BSAM PA BCOS MIN RGYUD
LA BSKYED PAR MDZAD PA DANG, NGES 'BYUNG DE YANG BYANG CHUB KYI
SEMS RIN PO CHE RNAM PAR DAG PAS ZIN PA MED PAR BLA NA MED PA'I
BYANG CHUB KYI GO 'PHANG BDE BA

DAM PA'I RGYUR MI 'GRO BAS BYANG CHUB KYI SEMS BSKYED DU BTZUD
CING, DE YANG RNAM PAR DAG PA'I RIGS PA RNON PO BRGYA PHRAG DAG
GI SGO NAS LDOG TU MED PA'I NGES PA BRTAN POS BDAG GZHAN MNYAM
BRJE'I BYANG CHUB KYI SEMS

RIN PO CHE BSKYED NAS SNYIGS MA LNGA BDO BA'I DUS MTHA' CHOS KYI
MTHUN RKYEN MED PAR 'GAL RKYEN KHO NAS GANG PA'I 'KHOR BA'I GNAS
BTZAN DUG GI NAGS DANG 'DRA BAR RGYAL SRAS DPA' BO RMA BYA LTA
BUS RKYEN NGAN LAM DU

'KHYER BA'I SGO NAS RGYA CHE'I LAM LA SLOB TSUL DANG, DE LTAR
NGES 'BYUNG DANG BYANG CHUB KYI SEMS LA 'BAD PAR BYAS KYANG CHOS
RNAMS KYI GNAS LUGS ZAB MO RTOGS PA'I SHES RAB MI LDAN PAR SRID
PA'I RTZA BA GCOD

@003A *, ,PAR MI NUS PAS RTEN 'BREL ZAB MO RTOGS PA'I THABS LA
'BAD DGOS SHING DE YANG RGYU RKYEN SNA TSOGS PA LA BRTEN NAS
SNANG BA'I RMA BYA'I SGRO MDOBS KYI MDANGS KHA DOG SNA TSOGS PA
SO SOR MA

'DRES PAR GSAL BAR SNANG BA BZHIN DU LAS DGE SDIG LAS 'BRAS BU
BDE SDUG 'BYUNG BA SOGS KUN RDZOB KYI CHOS RNAMS BSNYON MED DU
SO SOR SNANG YANG, KHA DOG DE DAG SNANG BA LTAR GYI DON DU GRUB
BA RDUL

TZAM YANG MED PAR GDOD MNAS MA GRUB PA'I GNAS LUGS SU RO GCIG PA
LTAR, DON DAM PAR 'KHOR 'DAS KYI CHOS RNAMS RANG BZHIN GYIS GRUB
PA CUNG ZAD KYANG MED PA'I LTA BA RNAM PAR DAG PA STONG DANG
RTEN 'BYUNG

ZUNG DU 'JUG PA DANG STONG PA NYID RGYU DANG 'BRAS BUR 'CHAR
BA'I TSUL LA NGES PA BRTAN PO RNYED PA'I SGO NAS ZAB MO'I LAM LA
SLOB TSUL DANG, DE'I STENG DU SKAL BA MCHOG DANG LDAN PA'I GDUL
BYA RNAMS LA 'JUG

DOGS RMAD DU BYUNG BA RDO RJE THEG PA'I LAM ZAB BA MTSAN MED
DANG RGYA CHE BA MTSAN BCAS LHA'I 'KHOR LO'AM, ZAB PA RDZOGS RIM
DANG RGYA CHE BA BSKYED RIM MA MA, ZAB PA 'OD GSAL GYI YE SHES
DANG RGYA CHE BA

SGYU MA'I SKU SOGS ZAB PA DANG RGYA CHE BA'I GNAS RNAMS KYI NGO
BO GRANGS NGES GO RIM RNAMS MA NOR BAR NGES PA'I SGO NAS DPE RMA
BYAS DUG KHA ZAS SU BYED KYANG DUG GIS MI GNOD PA'I KHAR DUG GI
BCUD KYIS SGRO

@003B MDONGS KYI MDANGS RGYAS SHING PHUN SUM TSOGS PA'I RGYUR
'GRO BA BZHIN DU GDUL BYA RIN PO CHE LTA BU'I GANG ZAG DAG GIS
RANG BZHIN SHES PA'I SGO NAS 'DOD PA'I YON TAN LNGA LA CI DGAR
LONGS SPYOD KYANG MI GNOD PA'I

KHAR BDE CHEN 'BAR BA'I LAM GYI GROGS SU BYAS TE, DGA' BA BCU
GNYIS KYIS DRANGS PA'I BDE STONG DBYER MED KYI YE SHES LAM GYI
SROG TU BYED PA LAS GZUNG 'DZIN KUN BSKYED KYI RLUNG BCU GNYIS
LA SOGS PA'I LAS

RLUNG GI RGYUB DBYINGS SU BCAD DE, SLOB PA'I SA BCU GNYIS PO RIM
GYIS MTHAR PHYIN PAR BYAS PA LAS, KHA SBYOR YAN LAG BDUN DANG YE
SHES LNGA STE BCU GNYIS LDAN GYI RDO RJE 'CHANG GI GO 'PHANG
MNGON DU MDZAD NAS

SKAD CIG RE LA'ANG SPRUL PA DPAG TU MED PAS MKHA' KHYAB KYI
ZHING DU MDZAD PA BCU GNYIS KYI SGO NAS 'GRO BA'I DON NAM MKHA'
JI SRID DU SGRUB NUS PA'I LAM YAN LAG DANG BCAS PA RNAMS LEGS
PAR BSTAN PAR MDZAD

PAS SMIN GROL LA 'GOD PA'I BAR THAMS CAD KYIS PHAN BTAGS PA
DANG, DE LTA BU RTOGS MI NUS PA'I 'GRO BA BLO DMAN PA RNAMS KYI
RMONGS PA'I MUN PA SANGS SHING GSUNG RAB KYI DON LA RNAM PAR
DPYOD PA'I BLO GROS

BSTZAL TE SHES RAB KYI SNANG BA RGYAS PAR MDZAD PA PO ZHES PA'O,
,TSIGS RKANG DANG PO GSUM LA THAMS CAD DANG RNAMS DANG BCAS ZHES
PA'I MANG TSIG SBYAR BA'I GSUNG GI NUS PAS DON DE LTA BU YONG
BAR SEMS SO, ,

@004A *, ,THUGS GNYER MA GNANG BA'I GNAS SKABS DANG TSUL BSTUN
CHED BRDA TSIGS GI TSUL DU GNANG YANG BRJOD BYED BSDU CHE LA
BRJOD DON ZAB LA RGYA CHE BAS BDAG LTA BUS YONGS RDZOGS SU

SPOBS PAR MI NUS PAS MKHAS PA RNAMS KYIS RGYA CHER SPROS NA PHUL
DU BYUNG BA'I LEGS BSHAD DU 'GYUR RO, ,ZHES PA DANG ^ SPRUL PA'I
SKU RIN PO CHE NAS GSUNG RTZOM GYI THOG MA GNANG BA'I TSIGS

BCAD 'DI NYID DON LDAN GYI TSIG TU BYUNG TSE KHYED RANG GIS 'DI
LA 'GREL BA GYIS SHIG CES DAM PA GANG GI MDZOD PA CHOS RJE RIN
PO CHE NAS BKA' PHEBS PA'I GSUNG GCOG MA NUS PA DANG RANG YANG
DANG BA CHEN POS

MTSAMS SBYAR TE, KHYAB BDAG 'KHOR LO'I MGON PO RDO RJE 'CHANG
CHEN PO 'DI NYID KYI BKA' 'BANGS KYI THA SHAL DU GTOGS PA'I GYI
NA BAR BA MING PA YE SHES RGYA MTSO'AM MING GZHAN TSANGS SRAS
BZHAD PA'I BLO

RJES SU 'DZIN PA'I RGYUR GYUR CIG DZA YANTU,, ,,