*, ,BLA MA'I RNAL 'BYOR BYIN RLABS DNGOS GRUB 'DREN PA'I KYO BA
ZHES BYA BA BZHUGS SO, ,

@001A #, ,NA MO GU RU BADZRA DHAR YA, RIGS KUN KHYAB BDAG RDO
RJE 'CHANG, ,RIGS STONG DBYER MED RDO RJE SEMS, ,RIGS KUN SPRO

MDZAD BLA MA MCHOG ,RIGS KYI BDAG POR DUS KUN BSTEN, ,RTEN BZANG
RNYED DKA' TSE MJUG 'DIR, ,BYANG CHEN THAR PA'I KHANG BZANG DU,
,BGROD BYED

ZAB LAM 'PHRUL 'DEGS 'DIR, ,DPYOD LDAN GUS PAS BSTEN PAR RIGS,
,DE LA 'DIR BLA MA'I RNAL 'BYOR BSGOM PAR 'DOD PAS, SKYABS 'GRO
SEMS BSKYED

SPYI DANG MTHUN PAR SNGON DU BTANG NAS, RANG MDUN KUN GSAL NGOS
YANGS POR, ,YE SHES PHO BRANG MCHOG GI DBUS, ,SNA TSOGS CHU
SKYES NYI ZLA'I STENG, ,

@002A *, ,RTZA BA'I BLA MA RDO RJE CHOS, ,DMAR PO PHYAG GNYIS
RDOR DRIL BSNAMS, ,GSANG YUM 'PHAGS MO SKU MDOG DMAR, ,GRI THOD

'DZIN DANG MNYAM SBYOR SKU'I, ,THUGS KA'I 'OD KYIS PHYOGS BCU
NAS, ,SKYABS GNAS MA LUS SPYAN DRANGS BSTIM, ,KUN 'DUS RTZA BA'I
BLA MA LA, ,

SGO GSUM GUS PHYAG DANG BCAS PA'I, ,KUN BZANG PHYI NANG GSANG BA
YI, ,MCHOD TSOGS 'BUL ZHING NYES PA'I TSOGS, ,SNYING NAS 'GYOD
BSHAGS

RANG GZHAN GYI, ,DGE LA YI RANGS CHOS 'KHOR BSKUL, ,BSKAL BAR MI
G-YO RTAG BRTAN GSOL, ,DGE RTZA BYANG CHUB THOB PHYIR BSNGO,
,RIN CHEN

@002B SA GZHI CHU MTSO DANG, ,RI GLING NYI ZLAS BRGYAN PA'I
TSOGS, ,BDAG POS BZUNG DANG MA BZUNG BA'I, ,DNGOS 'BYOR YID KYIS
SPRUL NAS MCHOD, ,SKYABS GNAS KUN 'DUS BLA MA LA, ,GSOL

'DEBS DBANG BZHI'I DNGOS GRUB STZOL, ,LAN GSUM, BLA MA'I THUGS
KA'I H'Um 'OD KYIS, ,DBANG LHA'I TSOGS KUN SPYAN DRANGS TE,
,DBANG BSKUR DRI BRAL BSKYED RIM DANG, ,BUM DBANG THOB CING

SPRUL SKU 'GRUB, ,BLA MA YAB YUM SNYOMS 'JUG SGRAS, ,RGYAL RNAMS
SPYAN DRANGS BYANG SEMS ZHU, ,SBYOR MTSAMS NAS 'ONGS BYANG CHUB
SEMS, ,MYANG BAS GSANG DBANG LONGS SKU

'GRUB, ,RANG LHAR GSAL BA MAN DAG BZHIN, ,HE RU KA YI GZUGS SU
BSGYUR, ,BLA MAS PHYAG RGYA GNANG BA LA, ,SNYOMS 'JUG SHER DBANG
CHOS SKU 'GRUB, ,BLA MAS ZUNG 'JUG BRDA'

SPRAD PAS, ,TSIG DBANG THOB CING SKU BZHI YI, ,SA BON BZHAG CING
MI SLOB PA'I, ,ZUNG 'JUG 'GRUB PA'I SKAL BZANG GYUR, ,SLAR YANG
LAM YONGS RDZOGS DANG 'BREL BA'I PHUR TSUGS GSOL

'DEBS NI, 'DI PHYI'I LEGS TSOGS MA LUS PA'I, ,'BYUNG GNAS SKYABS
MGON DAM PA MCHOG ,GTZUG TU BKUR ZHING CI GSUNG KUN, ,BKA' SGRUB
MCHOD PAS MNYES BYED SHOG ,

@003A *, ,YID BRTAN MI RUNG 'DI SNANG GI ,PHUN TSOGS SGYU MA'I
BSLU BRID LA, ,ZHEN LOG SKYO SHAS DRAG PO YIS, ,CHUNG BA'I NYAMS
LEN MTHAR PHYIN SHOG ,SRING 'BYOR

GLOG 'OD SKAD CIG MAR, ,MI RTAG TSUL BSAM NGES 'BYUNG DANG,
,BSLAB GSUM YON TAN MTHONG BA YI, ,'BRING GI NYAMS LEN MTHAR
PHYIN SHOG ,'GRO KUN PHA MAR NGES RNYED NAS, ,SGROL BA'I

KHUR CHEN LHAG BSAM GYIS, ,RNYED DKA' BYANG SEMS RIN PO CHE,
,PHYIN DRUG NYAMS LEN MTHAR PHYIN SHOG ,SNOD BCUNG LHA YI 'KHOR
LO RU, ,SHAR BA'I BSKYED RIM PHRA RAGS KUN, ,

MTHAR PHYIN SNYING DBUS NGES DON GYI, ,BLA MA'I ZHAL BZANG MJAL
BAR SMON, ,NAM ZHIG TSE ZAD 'CHI BA'I TSE, ,GNAD GCOD GSHIN
RJE'I 'JIGS LAS SKYOB, ,BLA MA RDO RJE RNAL 'BYOR MA, ,

RANG SEMS THUGS DANG YONGS 'DRES SHOG ,NANG GI MKHA' SPYOD MA
GRUB NA, ,BLA MA RJE BTZUN MA TSOGS KYIS, ,YID 'ONG MCHOD SPRIN
MDUN BSUS TE, ,MKHA' SPYOD ZHING DU KHRID PAR SHOG ,

DER YANG BLA MA RNAL 'BYOR MAS, ,SMIN GROL GDAMS PAS TSIM MDZAD
MTHUS, ,RING MIN ZUNG 'JUG HE RU KA'I, ,GO 'PHANG MCHOG DE MYUR
THOB SHOG ,(CES BLA MA'I RNAL 'BYOR BYIN RLABS DNGOS

@003B GRUB 'DREN PA'I KYO BA ZHES BYA BA 'DI YANG LUNG RTOGS YON
TAN DU MA'I MDZOD 'DZIN SMAN PA BLA ZUR SKAL BZANG CHOS GRAGS
NAS BSKUL NGOR ^ BAN RGAN 'DU GSUM PA BLO BZAD BYANG CHUB BSTAN
PA'I SGRON MES GANG DRAN SUG DRIS

SU BGYIS PA'O,, ,