*, ,DGE 'PHEL GLING GI BCA' YIG GSER GYI ME LONG ZHES BYA BA
BZHUGS SO,,

@001A *, (,SDEB SBYOR MNYAM PA'I PRiTTA LAS YI GE BCU GNYIS PA
SKYE 'GRO LA RNAM GRANGS BZHI STONG DANG GO DRUG YOD PA LAS
STONG DANG BRGYA DON GCIG PAR YIG BZHI BA ME TOG PHRENG CAN ZHES
GRAGS PA'I PRA ST'A RAS MDZES PAR SPRAS PA'O, ,)

[LS]

*, ,K'A RU nA S+Y'A KshA SH'U ndA RDHU TO NO KshA RE P'A DA MA
TRE BHA BEE RSHA NYTZA TA S+Y'A SI WA:

*, ,THUGS RJE'I SPYAN ZUR DUS LAS YOL MED DU, ,LHUNG BA'I MOD LA
SRID ZHI'I GDUNG SEL BA, ,

*, ,[LS]

*, ,S'U RYA BI NDHO RBHU DZEE TATZA KRA REE KH'A TZA M'U RDHE
STHI TE H'I GA MA n+Y'A GA nA SHt'A SA TU, ,

*, ,NYI MA'I GNYEN PHYAG 'KHOR LO'I RI MO CAN, ,SPYI BOR ZHOG LA
'GRO TSOGS DBUGS DBYUNG ZHIG ,

@002B MKHYEN PA'I GTER CHEN RJE BTZUN 'JAM DPAL DBYANGS, ,BYAMS
BRTZE'I MNGA' BDAG RGYAL TSAB MI PHAM MGON, ,MTHU STOBS DBANG
PHYUG PHYAG NA RDO RJE SOGS, ,RGYAL DANG RGYAL SRAS TSOGS LA GUS

PAS 'DUD, ,BYANG CHUB SEMS GNYIS YID BZHIN 'O MTSO LAS, ,LEGS
'KHRUNGS SMRA BA'I ZLA BA SRAS MCHOG GNYIS, ,GTAD RABS BDUN DANG
SHING RTA RNAM GNYIS SOGS, ,'PHAGS YUL PAn

GRUB TSOGS RNAMS PHYAG GI YUL, ,BOD YUL MUN PA'I GLING 'DIR
RGYAL BSTAN GYI, ,NYIN BYED 'DREN PA'I SHING RTA'I KHA LO PA,
,CHOS RGYAL SRONG BTZAN MES PO RNAM GSUM DANG, ,SGRA BSGYUR LO
PAn

RNAMS LA PHYAG BGYI'O, ,BKA' GDAMS BSTAN PA'I MNGA' BDAG AA TI
SHA ,DE SRAS THU BO 'BROM STON RGYAL BA'I 'BYUNG, ,GUS PAS ZHABS
BSTEN LEGS PA'I SHES RAB STE, ,ZLA MED BKA'

DRIN RNAM GSUM GTZUG TU MCHOD, ,RGYAL KUN MKHYEN PA'I RANG BZHIN
KUN DA'I DPYID, ,BSIL LDAN LUS PHRA'I MNGAL DU LCI BA'I KHUR,
,DMAR SER LHA MCHOG MI YI LANG TSO'I RTZAL, ,GRUB PA'I SKYES

MCHOG 'JAM DPAL SNYING PO RGYAL, ,BLO BZANG RGYAL BSTAN SHEL GYI
BA GAM DU, ,LUNG RTOGS CHOS KYI DZAMBU N'A DA'I KHRIR, ,BSHAD
SGRUB BYANG CHUB RIN CHEN RGYAL MTSAN MCHOG ,STER MDZAD BSHES

@003A *, ,GNYER LHA DBANG ZHABS LA 'DUD, ,DPAL LDAN SGRUB BRGYUD
SHING RTA CHEN PO GANG, ,ZAS GTZANG SRAS PO'I BSTAN PA'I NOR
'DZIN LA, ,'DREN MDZAD RGYAL KUN SGYU 'PHRUL

DRA BA'I GAR, ,'DREN MCHOG DGE 'DUN CHOS SKYONG RGYA MTSOR 'DUD,
,THABS SHES ZUNG 'JUG 'CHI MED BDUD RTZI'I DPYID, ,RGYAL KUN
GSANG BA RAB 'BYAMS 'KHOR LO'I MDZOD, ,RIGS BRGYA'I KHYAB

BDAG DBANG POR LHUN GRUB PA, ,BLO BZANG BSTAN PA'I DBANG PHYUG
ZHABS ZUNG MCHOD, ,DAM PA RNAMS KYIS BKA' BSKOS BSTAN SRUNG
GTZO, ,LHA CHEN MGON DANG RGYAL CHEN RNAM THOS SRAS, ,DAM CAN

CHOS RGYAL LA SOGS SRUNG MAS KYANG, ,G-YEL MED SDE 'DI'I KHRIMS
KYI GNYER KHA MDZOD, ,DGEo LDAN RING LUGS BYANG CHUB CHOS TSUL
KUN, ,'PHELo ZHING RGYAS MDZAD GLING 'DI'I DGE 'DUN GYI, ,

NANG KHRIMS SPANG BLANG JI BZHIN RAB GSAL BA'I, ,BCA' KHRIMS
GSER GYI ME LONG 'DIR LTOS SHIG , ` ,,CES SHIS BRJOD PHYAG BYA
NGES BSTAN SGO GSUM PUndA RIK MNGON PAR 'THOR

BAS SDUN BSUS TE SKABS DON GLENG BAR BYA BA NI, DE YANG NI JI
SKAD DU, DPAL MGON 'PHAGS PA KLU SGRUB KYI ZHAL GYI BUM BZANG
LAS, DANG POR BYANG CHUB MCHOG TU THUGS BSKYED DE, ,BSKAL

@003B BA GRANGS MED GSUM DU TSOGS BSAGS TE, ,BYANG CHUB SNYING
POR SANGS RGYAS BDUD BZHI BTUL, ,BCOM LDAN SENGGE DE LA PHYAG
'TSAL LO, ,ZHES GSUNGS PA LTAR, SRID GSUM LUS CAN YONGS KYI

MA 'DRES PA'I MDZA' BSHES CHEN PO, RNAM 'DREN RGYAL BA STONG GI
NAD NA PADMA DKAR PO LTAR LHANG NGER MTHO BA'I SKYABS MCHOG
MNYAM MED ZAS GTZANG GI SRAS PO ZHES GRAGS SNYAN DU K'U LA'I BA
DAN DKAR PO

'CHI MED LAM BZANG KHYON LA MDZES PAR BSGRENGS PA 'DI NYID KYIS,
NAM MKHA'I MTHA' DANG MNYAM PA'I SKYE DGU LAS NYON GYI GZHAN
DBANG DU GYUR PA MTHA' DAG LA DMIGS MED BYAMS BRTZES NYE BAR
DGONGS

TE SMIN GROL GYI LAM LA BKRIS NAS ZAG MED KYI BDE BA CHEN PO'I
GRONG KHYER MCHOG TU KHRID PA'I PHYIR DU, DANG POR RGYU BSAM PA
PHUN SUM TSOGS PA BLA NA MED PA'I BYANG CHUB MCHOG TU THUGS
BSKYED, BAR DU SBYOR BA

PHUN SUM TSOGS PA BSOD NAMS DANG YE SHES KYI TSOGS GNYIS RLABS
PO CHE YONGS SU RDZOGS PAR BSAGS, MTHAR 'BRAS BU PHUN SUM TSOGS
PA SKU BZHI YE SHES LNGA LDAN GYI ZHI BA BDUD RTZI'I

GO 'PHANG MCHOG BRNYES PA'I TSUL BSTAN NAS GDUL BYA RNAMS KYI
KHAMS DANG BSAM PA DANG, BAG LA NYAL JI LTA BZHIN DU GZIGS NAS
CHOS KYI PHUNG PO BRGYAD KHRI BZHI STONG GSUNGS PA DE DAG TSUR

@004A *, ,BSDUS NA, JI SKAD DU RJE TZUN TZONG KHA PA CHEN POS,
RGYAL BA'I GSUNG RAB MA LUS SDE SNOD GSUM, ,DE PHYIR BSTAN PA'I
SNYING PO BSLAB PA GSUM, ,(ZHES GSUNGS PA LTAR,)

RGYAL BA'I LUNG GI BSTAN PA THAMS CAD RJOD BYED SDE SNOD RIN PO
CHE GSUM GANG RUNG GI PHYOGS DANG, RTOGS PA'I BSTAN PA THAMS CAD
LHAG PA'I BSLAB PA RIN PO CHE RNAM PA GSUM DU 'DU ZHING, DE
THAMS CAD

KYI RTZA BA YANG MTHAR GTUGS NA LHAG PA TSUL KHRIMS KYI BSLAB PA
RIN PO CHE 'DI NYID YIN TE, 'DUL BAR BSTOD PA LAS, JI LTAR SA NI
SKYE RGU RNAMS KYI GZHI, ,DE LAS 'BRAS RNAMS SKYE PAR GYUR BA
LTAR,,

DE BZHIN 'DUL BA'ANG SDOM BRTZON RNAMS KYI GZHI, ,DE BZHIN DE
LAS BSOD NAMS RNAMS KYANG SKYE, ,TSUL KHRIMS YON TAN KUN GYI
GNAS SU DGONGS, ,DE YI GNAS NI 'DUL BA YIN PAR GSUNGS, ,

ZHES DANG, DGE SLONG LA RAB TU GCES PA'I MDO LAS, TSUL KHRIMS
'DI NI BDE BA'I MCHOG ,TSUL KHRIMS 'DI NI THAR PA'I LAM, ,TSUL
KHRIMS 'DI NI YON TAN GZHI, ,TSUL KHRIMS 'DI NI SANGS

RGYAS RGYU, ,ZHES GSUNGS PA LTAR, YON TAN THAMS CAD KYI ZHING SA
BLA NA MA MCHIS PA BSTAN PA'I SNYING PO 'DUL BA'I BSLAB PA'I
GNAS RNAMS YUN RING DAR RGYAS SU 'BYUNG PA NI, DE 'DZIN GYI
SKYES BU DAM

@004B PA RNAMS DANG, RIG GROL GYI YON TAN BRGYAD DANG LDAN PA'I
DGE 'DUN GYI SDE LA RAG LAS PAS, DE YANG, BU STON RIN PO CHES,
SANGS RGYAS KYI BSTAN PA DGE 'DUN GYI SDE LA RAG LAS, DGE 'DUN
GYI SDE CHOS

TSUGS LA RAG LAS PA YIN PAS, CHOS TSUGS LA 'BAD PA 'DON PA GAL
CHE ZHING, DE LA 'CHAD NYAN DGOS, ZHES DANG, MDZOD LAS KYANG,
STON PA'I DAM CHOS RNAM GNYIS TE, ,LUNG DANG RTOGS PA'I

BDAG NYID DO, ,DE 'DZIN BYED DANG SMRA BYED PA, ,SGRUB PAR BYED
PA KHO NA YIN, ,ZHES GSUNGS PA LTAR RGYAL BSTAN NI DGE 'DUN GYI
SDE RNAMS LA RAG LAS PAR GSUNGS, DE YANG, KUN MKHYEN RGYAL BA'I
BSTAN

PA SPYI DANG, BYE BRAG KHAMS GSUM CHOS KYI RGYAL PO TZONG KHA PA
CHEN PO'I RING LUGS DRI BRAL GSER SBYANGS BTZO MA LTA BU 'DI
NYID DAR RGYAS SU MDZAD PA'I DGE 'DUN GYI SDE RGYA BONG HOR GSUM
GYI YUL GRU MTHA' DAG

KHYAB PAR GYUR PA LAS, DA LAN, SUM RTZEN LHA'I LONGS SPYOD LA
MCHED ZLAR 'GRAN BZOD PA'I CHEN PO HOR GYI YUL GRU'I NANG TSAN
SHI LI GOL LA'I CHOL GAN LA MDA' TSAN BCU YOD PA'I NANG TSAN,
BSTAN PA

BSTAN 'DZIN DGE 'DUN GYI SDE DANG BCAS PA RNAMS LA GUS SHING
MCHOD BKUR LHUR LEN PA'I ZHVA SER BSTAN PA'I SBYIN BDAG CHEN PO
STOBS KYI 'KHOR LOS BSGYUR BA MI'I DBANG PHYUG AA BHA KA WANG
TSE DBANG RGYA

@005A *, ,MTSO ZHES GRAGS PA MCHOG GSUM BLA MAR 'DZIN CING BSTAN
PA BSTAN 'DZIN DANG BCAS PA LA GUS ZHABS LHUR LEN PA'I DPO MCHEN
'DI NYID KYI LHAG BSAM RNAM PAR DAG PAS GZHI

BZUNG, DAD GSUM 'GYUR PA MED PAS MTSAMS SBYAR BA'I SGO NAS,
BSTAN 'GRO'I PHAN BDE'I PAD TSAL RGYAS PHYIR SPYI DANG, KHYAD
PAR RANG GI 'DI PHYI'I LEGS TSOGS SU DMIGS NAS 'JAM MGON

RGYAL BA GNYIS PA'I THUGS BCUD BYANG CHUB LAM GYI RIM PA LA
NYAMS LEN SNYING POR MDZAD PA'I GRVA TSANG KHYAD PAR CAN ZHIG
'DZUGS RGYU BYUNG NA CI MA RUNG SNYAM PA'I SMON PAS YID DRANGS
TE,, ` 'JAM

DBYANGS GONG MA KVANG SHU KHRIR BZHUGS GNAM LO BCU GCIG PA SA
SKYONG ZHES PA SHING MO BYA YI LOR, GRO BZHIN ZLA BA'I TSES
GRANGS RIG BYED KYI NYIN GSAR 'DZUGS MDZAD PA'I DGE 'PHEL GLING
GI PHYI

NANG GI KUN SPYOD SOGS NYAMS CHAGS MI YONG RGYU'I CHED DU BCA'
YIG GSAR BSGRIGS DGOS ZHES BKA' LUNG GSER GYI ME TOG 'THOR TSE
DE NYID DON LDAN DU BYA BA'I PHYIR DU KHRIMS SU BCA' BA'I YI

GE 'GOD BA LA GSUM, DANG PO BSTAN PA LA 'JUG PA'I SGO DAM PA
'JUG SGO'I SKOR, GNYIS PA ZHUGS NAS NYAMS SU BLAD BYA'I 'GRIGS
LA CHOS THOG GI GRANGS DANG, CHOS THOG DNGOS GZHI DANG,

@005B CHOS 'TSAMS KYI SKOR, GSUM PA DE'I YAN LAG ZHAR BYUNG THOR
BU'I SKOR DANG 'GYED PHOG SOGS GTONG SGO'I SKOR,, ` ,,DANG PO
LA, KHYIM PA GOS DKAR CAN 'JUG PA DANG, RAB TU

BYUNG BA 'JUG PA GNYIS, DANG PO NI, SKRA NAG PO BREG MTSAMS
DANG, GOS DKAR PO PHUNG MTSAMS, SNAM BU DKAR PO DRI MAS MA GOS
PA, TSOS KHA GANG LA BSGYUR KYANG TSOS LEN NGES PA ZHIG DGOS

PA YIN, ,GNYIS PA LA, GRONG YAR MAR NAS 'ONG PA DANG, DGON SDE
YAR MAR NAS 'ONG BA GNYIS, DANG PO NI, PHA MAS MA GNANG BA MA
YIN PA, RGYAL PO DANG SDE DPON SOGS KYI GZHAN DBANG DU

GYUR BA MA YIN PA, NAG CAN GNAS DBYUNG BYAS NAS 'ONGS PA MA YIN
PA, RGYAL POS BKRABS PA SOGS MA YIN PA'I GTZANG SING NGE BA ZHIG
DGOS, ,GNYIS PA NI, DGON SDE GZHAN GYI LAS SNES

BSDOS NAS 'ONGS PA MA YIN PA, NYES BYAS PHYIR MA BCOS PAR THON
PA MA YIN PA, RTZA BZHI CHANG DANG BCAS PA'I MTHONG THOS DOGS
GSUM GYI GLENG GZHI'I KHA SMRAS TZAM YANG MA PHOG PA, MDOR NA
LAS SNE

TSAD DANG LDAN PA'I TSOGS GTAM GYI ZUR TZAM YANG MA PHOG PA ZHIG
DGOS PA YIN, YANG DE LTA BU'I GSAR BA DE LA, RTEN GYI KHYAD PAR,
YO BYAD KYI KHYAD PAR, JI LTAR 'JUG PA'I TSUL DANG GSUM,

@006 [* MISSING PAGE-A-AND-B]

@007A *, ,BSTEN TSUL YANG SANGS RGYAS DNGOS KYI 'DU SHES BZHAG
STE DAD PA DANG GUS PA LHUR BLANGS TE PHYAG DANG SNGON DU LDANG
BA SOGS KYI BSNYEN BKUR STOB PA DANG, BLANG DOR GYI GNAS DANG

GSUNG RAB KYI DOGS GCOD SOGS ZHU BAR BYED, DGE RGAN GYIS KYANG
SO SOR 'GRO 'CHAG NYAL 'DUG GI SPYOD LAM SOGS KYI MTHA' RTEN
PA'I SPANG BLANG RNAMS DANG, YI GE DKAR NAG SOGS SLOB PA,

SKYABS SEMS SGROL SHER SOGS TSOGS 'DON GYI RIM PA RNAMS DANG,
SLOB GNYER GYI RIGS RNAMS LA'ANG RTING BSKUL YANG YANG BYAS TE
RNAM DKAR GYI LAM DU BKRI CI THUB BYED DGOS PA YIN NO,, ` ,,

GNYIS PA NYAMS SU BLANG BYA'I BCA' KHRIMS DNGOS LA GSUM, CHOS
THOG GI GRANGS DANG CHOS THOG DNGOS GZHI DANG, CHOS 'TSAMS KYI
SKOR RO, ,DANG PO NI, LO GCIG LA DPER BRJOD PA'I CHOS THOG GI

GRANGS NI, DPYID CHOS DANG PO HOR ZLA GSUM PA'I TSES DRUG NAS
BCU DRUG GI BAR ZHAG BCU'I CHOS THOG ,DPYID CHOS GNYIS PA HOR
ZLA BZHI PA'I TSES GSUM NAS BCU BDUN GYI BAR ZHAG BCO LNGA'I
CHOS

THOG ;DBYAR CHOS DANG PO HOR ZLA BZHI BA'I NYER LNGA NAS LNGA
PA'I BCU BZHI'AM BCO LNGA'I BAR NYI MA NYI SHU'I CHOS THOG
,DBYAR CHOS GNYIS PA HOR ZLA BDUN PA'I TSES GCIG NAS BRGYAD PA'I
TSES GCIG GI

@007B BAR ZLA CHOS, STON CHOS HOR ZLA BRGYAD PA'I BCO LNGA NAS
DGU PA'I TSES GCIG GI BAR ZLA PHYED KYI CHOS THOG BCAS LNGA YOD
DO, ,DE YANG BSHOL ZLA BYUNG TSE HOR ZLA GSUM PA LTA BU YIN NA
GSUM PA SNGON MA'I TSES

DRUG DANG, BZHI PA NAS DGU PA'I TSES GCIG GI BAR ZLA BA GANG LA
BYUNG YANG, DE'I NANG DU ZHAG BCU'I CHOS THOG RE 'DZUGS DGOS,
HOR ZLA DGU PA YIN TSE DGU PA DANG PO'I TSES GCIG LA GROL RGYU
YIN NO, ,

GNYIS PA LA GNYIS, BTZUN KHRIMS SPYIR BSTAN PA DANG, THUN MONG
MA YIN PA BYE BRAG TU BSHAD PA'O, ,DANG PO NI, DGON SDE 'DIR
ZHUGS PA RNAMS BSTAN PA'I SGOR ZHUGS SHING, RGYAL BA'I GSUNG RAB
LA

THOS BSAM GYI BAG CHAGS BZANG PO 'JOG PA'I PHYIR DU 'ONGS PAS
THAR PA DON GNYER CAN SHA STAG YIN GSHIS, RGAN GZHON CHE PHRA
MTHA' DAG GIS THUGS KHUR BZHES TE YON TAN KUN GYI GZHI MTSUL
KHRIMS

RNAM PAR DAG PA DANG, PHAN TSUN THUGS MTHUN PA'I SGO NAS 'DUL BA
LAM RIM BLO SBYONG SKYES TSOMS SA RGYAN BSLAB SPYOD SOGS LA
BSLAB SBYANGS MTHAR PHYIN PA BYED DGOS SHING, DE YANG SKABS SU
BABS

PA'I GZHUNG TSIG BLO LA MA NGES PAR GLEGS PA MA LA BLO GTAD PA
NI, SA BAn GYIS, MA SGRUB PA YI GSANG SNGAGS DANG, ,RIG PA GLEGS
BAM NANG GNAS DANG, ,MA BSLAB PA YI RIG PA RNAMS, ,DGOS PA'I TSE
NA

@008A *, ,BSLU BA MANG, ,ZHES PAR 'GYUR ZHING, SPYAN SNGA BLO
GROS RGYAL MTSAN PAS KYANG, RNA BAS THOS KYANG BLOR MA BZUNG,
,DE LA THOS PA'I MING MI 'BYUNG, ,ZHES GSUNGS PA LTAR, RANG

GIS RANG MA BSLU BAR SKABS SU GANG BABS KYI DPE 'DZIN SKYOR
SBYANG NYIN MTSAN DU BYED PA NI, THOS BSAM GYI RGYU'I GTZO BO
YIN PAS, MKHAS PA SLOB PA'I DUS NA SDUG ,CES PA LTAR GNYID DANG
TSA GRANG

KHYAD DU BSAD DE SNYING RUS BSKYED DGOS PA DANG, YANG SHES RAB
DANG BRTZON 'GRUS GNYIS GAL CHE BAS DE 'PHEL PHYIR TSOGS BSAGS
SGRIB SBYONG DANG, SHES RAB KYI LHA'I BSGOM BZLAS SOGS

LA 'BAD PA DANG, DAM PA'I CHOS KYANG DKON LA RTAG TU 'TSE BA
MANG, ,ZHES GSUNGS PA LTAR, SNYIGS MA'I DUS 'DIR CHOS BYED PA
RNAMS LA BAR CHAD KYI RIGS SGO SNA TSOGS NAS 'ONGS PAR 'DUG

PAS; DE'I GEGS SEL DU SGROL SHER GDUGS GSUM SOGS KYI KHA BTON LA
'BAD PA DANG, RGYAL PO ZAS GTZANG GI ZHAL NAS, NGA YI BU NI RIGS
DAG DANG, ,RUS LA NGO MTSAR 'DZIN MA YIN, ,

YON TAN LDAN PA CHOS RNAMS KYI, ,DE LA 'DI YI YID DGA'O, ,ZHES
GSUNGS PA LTAR, GRVA SA GRVA TSANG GI BLA MA SPRUL PA'I SKU
DANG, YON TAN CAN RNAMS LA GUS 'DUD DANG, BKUR STI DANG MTHONG

@008B GZOS GANG DRAG BYED DGOS SO,, ` ,,GNYIS PA THUN MONG MA
YIN PA BYE BRAG TU BSHAD PA LA, CHOS THOG DNGOS GZHI'I SKABS KYI
SGRIGS LAM, DUS BZANG SOGS KYI SKABS MI 'DRA BA'I

KHYAD PAR BSHAD PA GNYIS LAS, DANG PO NI, DPYID CHOS DANG PO LTA
BU LA MTSON NA, HOR ZLA GSUM PA'I TSES DRUG GI NYIN GUNG YOL
BA'I DUS SU DGE BSKOS KYIS TSOD BZUNG NAS, CHAB RIL LA BRDA'
SBYAR

ZHING; CHAB RIL GYIS KYANG MKHAR BRDA' CHUNG RIM NAS BSKUL TE
CHE RIM GYI BAR KHYAB CHE LA YUN RING TZAM LAN GSUM DU GTONG
ZHING, DE DANG BSTUN PA'I THAMS CAD RANG RANG GI GZIMS GSHAG NAS
ZLA GAM ZHVA SER

BSNAMS TE SPYOD LAM DAL BUS PHEBS PA LAS, CA CO'I SGRA DANG
MCHOD RGYUG SOGS GZHAN DAG MI DAD PA'I SPYOD LAM SPANGS TE BAG
YOD KYIS 'DUS ZHING 'DU KHANG GI SGO 'GRAM G-YAS G-YON DU
'KHOD,

DUNG MKHAN GYIS DUNG KHA BRDAB PA DANG, ZHVA SER GYON, DUNG DANG
PO BTANG BA DANG DBU MDZAD KYIS DMIGS BRTZE MA RGYAD 'THEN LAN
GSUM GYIS THOG DRANGS TE DMIGS BRTZE MA GSUNG BZHIN NANG DU BYON
SKABS,

DUNG GNYIS PA BTANG, DE'I SKABS DGE BSKOS KYIS SGO PHYE STE
TSANG KHA BKAG ,BLA MA TSOGS DBUR BZHUGS YOD TSE GUS PAS ZHVA
PHUD TZAM RE BYAS TE GRAL DU 'KHOD, DUNG THENGS GSUM PA BTANG BA
DANG,

@009A *, ,DBU MDZAD KYI TSE RABS KUN TU MA'I DBU BSKUL BA, MANG
MAS RTZE ZHA PHUD PA, DGE BSKOS KYIS SGO BSDAM PA, DUNG GI 'PHRO
GCOD PA RNAMS DUS MTSUNGS SU BYED, TSOGS

'PHRAL DU DGE BSKOS KYIS PHYAG GSUM 'TSAL TE SPOS SKOR BYED
CING, 'PHYIS PA BYUNG NA PHYAG GRANGS BCAD 'OS 'TSAMS 'GEL, GRAL
DU BZHUGS LUGS GDONG GRAL DU BLA MA SPRUL PA'I SKU DANG,

DPON CHOS MDZAD DMIGS GSAL CAN, GZHAN PA GSUNG BZANG ZHING 'DON
CHA NGES PA RNAMS DANG, DE MIN DGE BSKOS KYI NGAG BKOD LTAR BABS
MTSUNGS KYI BZHUGS PA SOGS MDOR NA BSLAB GRAL KHO NAS

RGYAB MDUN 'BUR BA SOGS MA YIN PAR MU TIG DAR LA BRGYUS BA BZHIN
LUS DRANG BOR BSRANGS TE SO SO'I GDING BA'I STENG DU BZHUGS, DE
DAG GI TSE YANG, ZLA GAM GYI MDUN PHYE NAS BZHUGS PA, RTZIG PA

DANG KA BAR SNYE BA, KHA BSDUMS, GZHOGS GCUS, GNYID DANG LONG
GTAM BZHAD GAD BYED PA, GRAL PHAN TSUN GYI GDONG LA GZIGS PA,
SNA THA KHA 'THEN PA, MGO G-YAS G-YON DU BSGYUR TE BLTA BA,
KHA YENGS

MIG YENGS, MCHIL SNABS GOS KYIS MA BKAB PAR 'DOR BA DANG, MDOR
NA GTZUG LAG KHANG GI NYE 'KHOR GANG DU'ANG MI GTZANG BA GTAN
NAS 'DOR BAR MI BYED DBU MDZAD KYIS ZHAL 'DON GANG DANG GANG GI
DBU

@009B BSKUL BA DANG SKAD GRVA PA RNAMS KYIS GZHI BZUNG, MANG MAS
MTHA' BSTEN TE GDANGS DUR THAMS CAD KUN GYI THEG PAR KHUR LEN
GYI MA G-YENGS PAR MGRIN GCIG DBYANGS GCIG TU GSUNGS PA LAS,
DGE 'DUN

GYI ZHAL 'DON BZHAG NAS RANG GI KHA BTON BYED KHUL SOGS BKA' BLO
MI BDE'I RIGS DANG, G-YAS 'THEN G-YON 'THEN SKAD LOG RGYAG PA
SOGS GRA MI 'GRIGS PA'I RIGS GTAN NAS BYED MI CHOG ,DGE SLONG

RNAMS KYIS CHOS GOS NGES PAR GYON DGOS, MANG JA SOGS BYUNG TSE
LAG PA RES MI BZED PAR LAG GNYIS KYIS BYIN LEN CHAGS NGES HA
CANG KHENGS PA MA YIN PAR BLANGS TE, CAG CAG ,HU HU, PHU PHU'I
SGRA

DANG LCES LDAG PA SOGS MA YIN PAR DAL BUS BZHES, GSOL BA SOGS
KYANG KHAM HA CANG CHE BA DANG, HA CANG CHUNG BA DANG, MKHUR BA
G-YAS G-YON DU SPO BA SOGS MIN PAR BZA' BA'I DAM TSIG DANG
BCAS

TSUL MTHUN PAR BZHES, MANG JA GTONG MTSAMS DANG GRO LA MTSAMS
SOGS DGE BSKOS NAS 'OL SPYI TZAM MA YIN PAR NGES CAN DU BYED
DGOS SO, ,ZHAL 'DON LA, DGA' LDAN LHA BRGYA MA'I DBU

BSKUL BA DANG MANG JA'I PHYAG BDE BSLANGS, DMIGS BRTZE MA GSUNG
SKABS MANG JA DANG PO 'DREN, JA MCHOD, GANGS CAN SHING RTAM, DE
NAS BSTAN PA SPYI DANG DGON GNAS SDE DANG BCAS PA LA LOG

@010A *, ,BAR 'KHU BA'I PHYI NANG GI BSTAN DGRA RNAMS LA DMIGS
NAS SHER SNYING TSAR GCIG BZLOG BSGYUR DANG BCAS, BGEGS RIGS MA,
DE NAS, DPAL LDAN SA GSUM MA, LAM GTZO

RNAM GSUM, LAM MCHOG SGO 'BYED, SGROL MA GSUNG SKABS MANG JA
GNYIS PA'I PHYAG BDE BSLANGS TE JA 'DREN, JA MCHOD, SNGON TSE
BCOM LDAN MA, MANG JA GRUB PA DANG MYUR MDZAD MA, BSTAN PA RGYAS

PA'I SMON LAM, DE'I SKABS CHAB BTANG STE SANGS RGYAS RNAM GZIGS
MA'I SKABS DBU ZHVA PHYAG TU BSNAMS NAS BZHUGS, BSTAN 'BAR MA'I
SEMS CAN DON DU ZHES SOGS KYI SKABS SU DBU ZHVA

BZHES, BSTAN PA YUN RING 'BAR GYUR CIG ,CES MJUG RDZOGS PA DANG,
DMIGS BRTZE MA GSUNG BZHIN MAS RIM NAS GROL, DE'I SANG NYIN
TSOGS TSUL SOGS SNGAR DANG 'DRA, RGYUN BAR NYIN RE'I

ZHAL 'DON GYI RIM PA NI, TSOGS PA'I GONG DU LTUNG BSHAGS TSAR
GCIG ,SPYI BSHAGS GSUM GYI BAR PHYAG MCHOD BYED, DE NAS TSOGS
'PHRAL DU, SANGS RGYAS SPRUL BA MA, SKYABS 'GRO'I SKABS

SU THAMS CAD BZHENGS TE MCHOD PA BSHAMS, MCHOD PA BSHAMS TSAR BA
DANG RANG RANG GI GRAL DU 'KHOD DE, SANGS RGYAS CHOS TSOGS MA'I
DBU BSKUL TE LAN GSUM, GUR NAS BYUNG BA'I RGYUN

@010B BSHAGS, TSAD MED BZHI, KHYAD PAR GYI SEMS BSKYED RNAMS LAN
GSUM GSUM, SKAD CIG DKRONG BSKYED, NANG MCHOD DANG, MCHOD PA
BYIN RLABS, GNAS DANG YO BYAD RNAMS BYIN GYIS BRLABS LA, ,

BDE STONG DBYER MED ZHES PA NAS MCHOD PA'I THUN DANG PO'I 'DON
BSGRIGS LTAR BYED, DE'I MJUG TU, BYANG CHUB LAM SGRON, LAM GTZO
RNAM GSUM, LHA MO'I GTOR 'BUL, DMIGS BRTZE MA GSUNGS

NAS SNGA TSOGS GROL, GSUNG CHOS KYI CHOS THUN LA, 'JAM DPAL
MTSAN BRJOD, MDO TSAR GCIG ,BZLOG PA BGEGS RIGS MA BCAS 'DON
PHRAL, GSUNG CHOS KYI MAndAL 'BUL, GSUNG CHOS

TSOGS 'PHRAL, BTANG RAG GI MAndAL BCAS PHUL NAS GROL TE RTZIGS
RVAR BZHUGS, DE'I SKABS SU 'ANG PHAN TSUN CHOS KYI GLENG MO SOGS
MDZAD PA LAS LONG GTAM RGOD BAG SOGS KYIS DUS 'DA'

BAR MI BYED, TSA RTING MA'I TSOGS LA, YONGS 'DZIN RIN PO CHES
GSUNG GI LAM RIM DNGOS GRUB KUN 'BYUNG DAL BAR 'O ? NA ZHING
DBYANGS RTA MA NYAMS PAR GSUNGS LA MJUG TU MYUR MDZAD MA BCAS
GSUNGS TE

GROL; PHYI DRO GSUNG CHOS LA, GDUGS DKAR RGYAS PA TSAR GCIG
,SHER SNYING BZLOG PA DANG SNGA PHYI'I MAndAL RNAMS GONG LTAR
RO, ,GUNG JA LA, SMAN CHOG THUNG BA, 'KHRUNGS RABS GSOL 'DEBS
@011A *, ,DANG, ZHABS BRTAN GSOL 'DEBS GNYIS RES MOS, DE NAS YON
TAN 'BYUNG GNAS NAS MCHOD PA'I THUN PHYI MA LTAR BYAS LA GROL,
DGONGS KA'I SKU RIM LA,

DGA' LDAN LHA MA, DMIGS BRTZE MA LAN GSUM, TSE RABS KUN TU MA
DANG, DENG BRTZAMS MA GNYIS RES MOS, SGROL MA TSAR BDUN NAM NYER
GCIG SOGS LONG SKABS DANG BSTUN, SHER SNYING

SENG GDOD MA'I BZLOG PA, TSE GZUNGS, BYAMS PA DAM BCA' BA'I
GZUNGS, LO GYON MA'I GZUNGS, RIG LUNG CHOS SPYOD, BSTAN 'BAR MA
BCAS GSUNGS NAS GROL, DUS BZANG GANG YIN

GYI NYIN SNGA MA'I GUNG TSIGS LA, SHER SNYING TSAR GCIG GSUNGS
NAS CHOS SPYOD SOGS SKABS SU GANG BABS KYI DBYANGS CHAGS BYED,
DE NAS DBU MDZAD SKAD GRVA PA TSANG MAS KHUR TU BLANGS TE GANG
LEGS

BYED DGOS, CHOS THOG GANG YOD KYI MJUG TU SKABS THOB KYI 'DON
CHA RNAMS DANG, LAM RIM BDE LAM MYUR LAM, SPYOD 'JUG SOGS KYI
RGYUGS MA CHAD PAR 'JOG LEN BYED, SKABS SKABS SU'ANG

DON RGYUGS LTA BU RE DANG, TSIG RGYUGS RNAMS KYANG LEN DGOS,
RGYUGS MA 'PHROD PA BYUNG TSE BAB 'OS KYI CHAD PA 'GEL BA DANG
RGYUGS CHAD SOGS 'JOG ,RGYUGS 'PHROD PA RNAMS LA BDAG RKYEN DANG

@011B GZENGS BSTOD SOGS BYA DGOS, YANG, GZHI GSUM GYI PHYAG LEN
GTAN NAS MA CHAG PA GAL CHE BAS, ZLA RE BZHIN DGE BSKOS NAS DO
KHUR GYI ZHAG GRANGS MA 'CHUG PA BRTZIS PA'I GSO SBYONG NAM BABS

KYI DUS RNAMS SU DGE TSUL SLONG THAMS CAD PHEBS STE, PHYIR BCOS
NAN TAN GYI SGO NAS GSO SBYONG GI MDO 'CHAD PA BOS KYANG TSIG
PHYED TZAM YANG MA 'KHRUL BA BLO THOG NAS SGRA DAG GSAL GSUM GYI
SGO NAS 'DON

PA SOGS PHYAG LEN RNAMS 'DUL BA'I DGONGS PA DANG MTHUN NGES SU
MDZAD DGOS, DBYAR GNAS SKABS SU DGE 'DUN TSANG MAS DBYAR ZHAL
GYIS BZHES TE, DBYAR NANG NAS RANG DON DU RGYANG GRAGS GCIG

GI PHYI ROL TU GTAN NAS MI 'GRO ZHING, GAL TE DGE 'DUN SPYI'I
LAS DANG, CHOS LDAN GYI BYA BA'I CHED DU PHYI RU ZHAG BDUN TSUN
LA 'GRO DGOS BYUNG TSE BYIN RLABS BYAS STE 'GRO BA DANG, DE LAS
MANG BA'I

PHYI ROL TU 'DUG DGOS BYUNG TSE DGAG DBYE GLO BUR BA BYAS TE
'GRO BA LAS SNANG BAR GANG DRAN GYIS MI 'GRO BA DANG, DBYAR NANG
DU 'KHRUGS RTZOD BYED PA SOGS DBYAR RAL BA'I RGYUR 'GRO BA'I
RIGS BYUNG TSE,

BLA MA DGE BSKOS NAS ZOL 'JOG TU MA SONG BA'I NYES CHAD GTONG
LUGS BYED, YANG KHRI RIN PO CHES, RGYUN PA'I TSOGS LA RE GNYIS
TZAM PHEBS PA DANG, SNGA PHYI'I GSUNG CHOS DANG, DUS BZANG SOGS

@012A *, ,DANG, DUS 'BREL GYI GSO SBYONG SOGS KYI MGON DU PHEBS
GANG THUB RE MDZAD DE, GSO SBYONG GI MDO DANG, LAM RIM BLO
SBYONG SOGS KYI BSHAD LUNG DMAR KHRID SOGS

DANG; SHI GSON GYI BSNGO SMON SOGS GSUNG DGOS RNAMS DANG, DGE
BSKOS MAN CHAD MGO 'OG TU LUS CHUD PA LTAR SGRIGS GNON DANG,
GRVA RIGS SBYIN BDAG DANG BCAS PA LA CHOS SRID KYI BKOD

KHYAB MTHAR PHYIN MDZAD DGOS, CHOS THOG GANG DANG GANG GI MGO
MJUG BAR GSUM GANG RUNG DU BLA MA DANG DGE BSKOS GNYIS CHAR NAS
TSOGS GTAM RE GTONG DGOS, GZHAN MA RNAMS LA DGE

BSKOS RKYANG BAS TSOGS GTAM GTONG DGOS PA YIN, DGE BSKOS NAS
KYANG NYES 'GA' PHYOGS RE LA MA SONG BAR BCA' YIG NANG BZHIN
'GRIGS ZHI DRAG THABS MKHAS KYI SA GNON PAR BYED

DGOS SO,, ` ,,GNYIS PA DUS BZANG SOGS KYI SKABS MI 'DRA BA'I
KHYAD PAR BSHAD PA NI, LAM RIM DUS BZANG DANG, BLA MCHOD DUS
BZANG, BSKANG GSO'I DUS BZANG DANG GSUM,

DANG PO GNYIS KYI DUS BZANG GI NYIN ZHOGS KA'I CHOS THUN LA,
SGROL 'DON BSDUS PA BYED, PHYI MA LA SGROL 'DON SOGS MED PA MA
GTOGS TSOGS TSUL SOGS SPYI DANG 'DRA, ,DNGOS GZHI'I DUS

@012B BZANG RNAMS KYI ZHAL 'DON MI 'DRA BA'I KHYAD PAR RIM PA
LTAR 'GOD PA LA, DANG PO LAM RIM DUS BZANG GI ZHAL 'DON NI, SNGA
TSOGS KYI BLA MCHOD PAR RTA GTONG, TSA RTING MA'I SKABS KYI LAM
RIM YONGS RDZOGS

DBYANGS RTA SBRAD DE DAL BUS DBYANGS DANG BCAS GSUNGS STE GUNG
TSIGS SKABS SU THUG MCHOD LA, DKON MCHOG RJES DRAN GYI MDO DANG
MTHAR ZAS BSNGO LTUNG BSHAGS BCAS GSUNGS DGOS, PHYI DRO GUNG JA
DANG

PO SPYI LTAR DANG, 'PHAR MA LA, SANGS RGYAS SPRUL PA MA, SGROL
MA TSAR GSUM, SPYAN 'DREN KHRUS GSOL, LAM RIM GSOL 'DEBS, DGON
SDE RANG GI MKHAN RGYUD GSOL 'DEBS, SANGS RGYAS

BYANG SEMS RNAMS KYI SKU BSTOD GANG 'GRO, YON TAN GZHIR GYUR MA,
BLA MA TSOGS DBUR BZHUGS YOD TSE BSNGO BA GSUNGS, MED TSE MI
DGOS, BSTAN 'BAR MA, DMIGS BRTZE MA RGYANG 'THEN BYAS

NAS GROL, ,GNYIS PA BLA MCHOD DUS BZANG GI ZHAL 'DON NI, DGA'
LDAN LHA BRGYA MA, DPAL LDAN SA GSUM MA, SKYABS 'GRO, GNAS BCU'I
BSTOD PA, SKABS GSUM PA, SANGS RGYAS

SPRUL BA MA, BYANG CHUB LAM SGRON, LAM GTZO RNAM GSUM, LAM RIM,
SNGAGS RIM SMON LAM, DE NAS BLA MCHOD DKYUS LTAR GDANGS DBYANGS
SNYAN PO'I SGO NAS GSUNGS TE GANG GI THUGS RJE'I

@013A *, ,'GOR, BLA MCHOD LTAR GYI KHRUS GSOL BYED, DE NAS MAN
DKYUS LTAR RO, ,TSA RTING MA'I TSOGS LA, DNGOS GRUB KUN 'BYUNG
THUB DBANG RDO RJE 'CHANG ZHES SOGS LAN NYER GCIG

DMIGS BRTZE MA BRGYA RTZA, DUS GSUM SKYABS GNAS ZHES PA NAS
SKYABS 'OG TU CHUD PAR GYUR ZHES PA'I BAR BRJOD, LAM RIM GSOL
'DEBS, LAM RIM BSDUS DON, 'DUL BA RGYA MTSO'I

SNYING PO, YON TAN GZHIR GYUR MA, THUG MCHOD SOGS GONG LTAR RO,
,GUNG JA LA, SMAN CHOG BSDUS PA, BLA MCHOD KYI MJUG RNAMS SPYI
LTAR LA SMON LAM GYI SKABS SU, BZANG SPYOD, THOG MTHA'

BAR; 'JIGS BYED SMON LAM, DE NAS DKYUS KYI SMON LAM BKRA SHIS
DANG, BSTAN PA RGYAS PA'I SMON LAM, DMIGS BRTZE MA SOGS GONG
DANG MTSUNGS SO, ,GSUM PA BSKANG GSO'I DUS

BZANG GI ZHAL 'DON LA, SKYABS 'GRO, DGA' LDAN LHA BRGYA MA, BLA
MCHOD RKYANG BA ZHUR 'DON, 'JIGS BYED KYI BLA BRGYUD DANG SGRUB
THABS SOGS SPYI LTAR BTANG NAS SNGA TSOGS GROL, ,TSA RTING MA
LA,

MCHOD RDZAS BYIN RLABS NAS BZUNG MGON CHOS RNAM GSUM GYI MNGON
RTOGS SPYAN 'DREN BSHAGS PA BSKANGS PA BZLOG PA'I BAR GSUNGS NAS
GUNG SANGS, GUNG JA LA, SPYI BSKANG TSAR GSUM

@013B BZLOG BSHAGS DANG BCAS 'DON TSAR 'PHRAL, CHOS RGYAL GYI
BSKANG BSHAGS BZLOG GSUM TSAR BDUN 'GRO NGES SU BYED, DE NAS
BZLAS PA GTOR 'BUL GTOR RDZONGS MKHA' 'GRO SPYI GTOR GZHI BDAG

GTOR MA BCAS BTANG NAS, BSTOD BSKUL RNAMS SPYI LTAR BZLOG PA'I
BAR BYA, DE'I MJUG TU YONGS GRAGS LTAR GYI DRUG CU PA DANG, MGON
PO'I GSHEGS GTOR, MGON CHOS KYI MNGA' GSOL,

GTANG RAG ,YIG BRGYA, BZOD GSOL, BRTAN BZHUGS, NYER BSDU, BKRA
SHIS BCAS GSUNGS NAS GROL, YANG BLA MCHOD DUS BZANG MA GTOGS
GZHAN GNYIS LA SNGA PHYI GSUNG CHOS MED,

RGYUN DU GSUNG CHOS YOD MED GANG YIN KYANG GSUNG CHOS SKABS KYI
ZHAL 'DON MA CHAG PA DGOS, YANG RES 'GA' TSOGS NAS BSTAN PA
SPYI'I ZHABS BRTAN DANG, RTZA BA'I SBYIN BDAG DPON PO

SOGS SBYIN BDAG CHE PHRA RNAMS KYI RIM GRO MANG PO SGRUB SKABS
KYI DMIGS BSAL MA GTOGS, RGYUN PAR LAM RIM, BLA MCHOD, SMAN
THUNG, MTSAN BRJOD SOGS GTZO BOR BYED DGOS, GROL

RGYU'I NYIN TSOGS TSUL 'DRA YANG ZHAL 'DON GYI KHYAD PAR NI,
SANGS RGYAS SPRUL PA MA, BLA MCHOD RKYANG PA DKYUS LTAR SONG
NAS, ZHABS SEN 'OD CHAGS BRTAN PAR BZHUGS SU GSOL, ZHES

@014A *, ,PA'I BAR 'DON, DE NAS BZANG SPYOD SMON LAM, SPYOD 'JUG
SMON LAM, LAM RIM, SNGAGS RIM SMON LAM, BSTAN PA RGYAS PA'I SMON
LAM, CHOS SKYONG RNAMS KYI GTOR

'BUL BCAS GSUNGS NAS DKYUS KYI SMON SHIS DANG, SANGS RGYAS RNAM
GZIGS ZHES PA'I SKABS SU DBU ZHVA PHYAG TU BSNAMS, SEMS CAN DON
DU ZHES SOGS KYI SKABS DBU ZHVA BZHES,

BSTAN PA YUN RING 'BAR GYUR CIG ,CES BRJOD DE DMIGS BRTZE MA
GSUNG BZHIN GROL, CHOS THOG SKABS KYI 'DON CHA RNAMS DANG, DBYAR
GNAS SKABS KYI TSE CHOG ,SMAN CHOG ,GNAS BCU SOGS

KYI 'DON BSGRIGS JA MTSAMS DEB ZUR GSAL LTAR DGE BSKOS DANG DBU
MDZAD GNYIS KYIS LEGS PAR NGES DGOS PA YIN NO,, ` ,,GNYIS PA
CHOS MTSAMS KYI SKOR LA, SKABS SU GANG

BABS KYI YIG CHA RNAMS 'DZIN SHAR SBYANGS DANG, LAM RIM BLO
SBYONG SOGS LA DMAR KHRID DANG MDZUB KHRID SOGS BYED PA RNAMS
DANG, DUNG RGYA GLING RNGA CHINGS SOGS DANG, YI GE DKAR NAG SOGS
PA BSLAB

GRVA'I RIM PA KUN LA LE SHOR DU MA SONG BA KUN GYIS THEG PA KHUR
LEN BYED, ZHAR LA, RANG SDOD SA KHANG PA YIN TSE AARKA THIG
TSAGS DANG, PHYING GUR YIN TSE PHYI NANG G-YOG DGOS DANG, CHU
ME SHING SGRUB DGOS

@014B NA BZA' CHAB SKOR CHAS KA BSGRUB DGOS SOGS KYANG TSAGS SU
TSUD PAR BYED, CHOS THOG TSUGS PA NAS BZUNG PHAN TSUN LA 'GRO
DGOS SOGS BYA BYED LAS GSUM MTHA' DAG RGYANG BSRINGS TE GRVA
TSANG GI 'GRIGS

RANG KHUR DU BYAS TE 'CHAD NYAN LA BRTZON PA CHU BO'I RGYUN
BZHIN DU 'BAD 'TSAL LO,, ` ,,GSUM PA DE'I YAN LAG ZHAR BYUNG
THOR BU'I SKOR DANG 'GYED PHOG SOGS JI LTAR BYA TSUL GTONG SGO'I

SKOR NI, 'DIR ZHUGS DGE TSUL SLONG RNAMS SANGS RGYAS KYI BCAS
KHRIMS LAS MA 'DA' BA'I DANG TSUL CAN YIN GSHIS, TSOGS RING
THUNG DANG GRONG CHOG SOGS GNAS SKABS KUN TU RAB TU BYUNG BA'I

RTAGS CHA LUGS RNAMS TSANG ZHING, PHYI DRO KHA ZAS SPANGS TE
LHAM PHUD CHAB LEN SOGS KYIS MTSON PA'I BSLAB KHRIMS RNAMS TSUL
BZHIN DU BSRUNG ZHING ZHI DUL GYI SPYOD PA LAS MA 'DAS PA ZHIG

DGOS, DE YANG YUL DUS KYI DBANG GIS GOS SPU GU CAN SOGS GYON
DGOS NA'ANG, KO LPAGS SKYA BO SOGS KHA MA BSGYUR BA'I RIGS DANG,
RAS DKAR SNGON SOGS KYIS MGO DKRIS DANG, SKRA RING

GRI RING, ME CHA, GLO CHA, 'BAR ZHVA, GANG ZA, THA KHUG SOGS MI
'DOGS, THA MA KHA'I DU BA RDUB PA SOGS KYI NYES DMIGS NI CHANG
DANG MTSUNGS PAR DAM PA RNAMS KYIS GSUNG 'DUG PAS, GRVA TSANG
'DI

@015A *, ,KA'I GRA RIGS SUS KYANG 'THEN PAR MI BYED, 'THEN MKHAN
MTHONG THOS BYUNG TSE THOG DGU TSAN GCIG GIS CHAD PA GCOD DGOS
PA YIN, RTZA BZHI CHANG DANG BCAS PA LA MTHONG THOS DOGS

GSUM TSAD MAR BYUNG TSE NGO CHEN DO ZHU MED PAR MAR DKYIL NAS
SPU BTON PA BZHIN GRVA TSANG DE GNAS GNAS DBYUNG BYED, YANG BLA
MA DGE BSKOS KYI BAR DANG, GRVA BA NANG GSES KYI BAR LA DBYEN
BYED PA RNAMS DANG BLA

MA DGE BSKOS SOGS KYI DAG BKOD DANG DU MI LEN CING KHA LEN LAG
LEN BYED PA GRVA PA NANG PHAN TSUN 'THAB MO SHOR TE RMA KHRAG
'DON PA'I RIGS TSABS CHEN BYAS BYUNG NA GRVA TSANG DE NAS PHYIR
PHUD NAS PHYI LAM KHEGS

PA BYED DGOS, YANG DGON NANG DU ZHVA SER CHAB RIL PHRENG BA PHOR
BA LA SOGS PA'I DNGOS PO CHE CHUNG GANG YANG BRLAG POR BYUNG BA
GRVA TSANG GI GRVA BA ZHIG GIS RNYED TSE BDAG PO NGOS ZIN NA DE
LA SPROD DGOS, BDAG PO

NGOS MA ZIN TSE GRVA TSANG DGE BSKOS LA SPROD DGOS, YANG DNGOS
PO RNYED NAS BDAG PO LA MA SPRAD, DGE BSKOS LA MA SPRAD PAR RANG
GIS BDAG GIR BYAS PA KUN GYIS SHES TSE, YUL DER ZHO GANG RI BA
YAN GYI

DNGOS PO YIN TSE DE GNAS GNAS DBYUNG BYED, DE MAN GYI DNGOS PO
YIN TSE BAB 'OS KYI CHAD PA 'GEL, CHAD PA 'GEL TSUL YANG, NYES
PA SHIN TU LCI BA RNAMS LA GNAS DBYUNG, NYES TSABS CHUNG BA

@015B RNAMS LA BRGYA PHYAG DANG MCHOD ME SNYAN SHAL, THUGS DAR
LCOGS, TSOGS CHU DANG MCHOD CHU KHUR PA, 'DU KHANG PHYI NANG DU
GAD BDAR BYED BCUG PA, 'DU KHANG GI SGO YOL DANG, DKAR YOL GSAR
DU BZOS TE 'BUL

BA SOGS NI BAB 'OS KYI CHAD PA 'GEL TSUL LO, ,YANG CHAD PA RNAMS
MA BRTZI BA'I RIGS DPON PO LA SPRAD PAS CHOG ,YANG, GSHAG DANG
RVA SKOR DU TSOGS NAS DON MED KYI LONG GTAM DANG, SHO SHA DAR,

MIG MNGAS, RVA PHE SOGS KYI RTZED MOS DUS 'DA' BA RNAMS LA DGE
BSKOS NAS TSAG 'DZIN GANG DAG BYED DGOS, ,GNYER BA'I LAS 'DZIN
RNAMS NAS KYANG RGYUN JA MANG JA DRUG RE, DUS BZANG SKABS SU JA
THUG

BRGYAD RI BCAS GTONG SGO CHE PHRA MTHA' DAG CHUD ZOS SU MI GTONG
BAR DGE 'DUN GYI PHYOGS SU GTONG ZHING DGE 'DUN THUGS DGYES PA'I
MCHOD SPRIN DU 'GYUR NGES BYED, SBYIN BDAG SOGS KYI MANG JA ZUR
BA YOD TSE DGE

BSKOS KYI DGRA BKOD LTAR BYED DGOS, ,DE MTSUNGS MCHOD G-YOG
,CHAB DRIL, JA MA CHU LEN, ME 'BUD, THAB G-YOG SOGS RANG RANG
LA SKABS SU BABS PA'I LAS SKAL RNAMS THUS SHOR DU MA SONG BAR
PHYED DGOS

PA YIN, ,DGONGS PA ZHU 'DUG GI SKOR, DGOS PA KHYAD PAR CAN GYI
TSE TSOGS LA YONG MA THUB NA CHOS THUN GCIG GAM NYIN GCIG GI
DGONGS PA DGE BSKOS LA ZHU DGOS, ZHAG GNYIS PHAN GYI GNANG BA
YIN TSE

@016A *, ,GRVA TSANG BLA MA DANG DGE BSKOS RNAM GNYIS LA ZHU
DGOS, ,YANG TSOGS SU NA BA SOGS GLO BUR BA'I RKYEN BYUNG TSE
DGE BSKOS LA DGONGS PA ZHUS TE 'GRO BA MA GTOGS, RANG 'DOD
KYIS

'GRO BAR MI BYED, TSOGS LA YANG MI YONG, DGONGS PA YANG MI ZHU
ZHING ZHE MED BYUNG BA BYUNG NA RTZAD GCOD PHYI LAM KHEGS PA
BYED, ,YANG TSOGS KYI ZHAL 'DON RNAMS KYI DBYANGS RTA PHAL CHE
BA PAndI TA DGON PA'I

DBYANGS RTA SOR BZHAG DANG, 'GA' ZHIG NI GSER KHANG RDO RJE
'CHANG GI PHYAG LEN YIN PAS GZHAN DU BSGYUR BKOD BYED MI CHOG
,RTZA BA'I SBYIN BDAG SOGS KYI GRONG CHOG LA 'BOD MI BYUNG
TSE, CHOS THOG SKABS YIN

NA'ANG BLA MA DANG DGE BSKOS GROS THOG NAS DMIGS BSAL GYI
DGONGS PA STER DGOS, YANG TSOGS CHEN NAS DGOS DBANG GIS GRVA
TSANG GI GRVA BA 'BOD DGOS BYUNG TSE, GRVA TSANG DGE BSKOS LA
DGONGS PA ZHUS

DGOS, DE MIN CHOS THOG SKABS DANG DUS BZANG GI SKABS SU GRONG
CHOG DANG, PHYOGS 'GRO'I DGONGS PA MI STER, CHOS 'TSAMS SKABS
SU'ANG RING MTHA' ZLA BA GCIG PHAN CHAD KYI DGONGS PA MI STER,

DMIGS BSAL CAN RNAMS MA GTOGS GZHAN MA RNAMS LA DGONGS PA STER
TSUL SOGS BAB MTSUNGS BYED DGOS PA YIN, YANG LO STAR BZHIN BCU
BA GNAM GANG YOD TSE DE'I NYIN DANG, MED TSE NYER

@016B DGUR CHOS SRUNG RNAMS KYI LO GTOR BRJES DGOS, DE YANG
NAS RTZAM SOGS RGYU GANG BZANG LA MAR KHU BTZAG THAG CHOD PAS
SPRUS PA'I GTOR MA BZHENGS LEGS SHING GTZANG SPRA THON PA ZHIG
DGOS, ,KHRI PA

BRJE 'TSAMS DANG, 'JOG 'TSAMS SOGS KYI SKOR NI, BRJES 'TSAMS
KYI DBANG DU BTANG NA BLA MA NI LO MANG POR GRVA TSANG GI
'CHAD NYAN BYED RGYU BYUNG NA RAB YIN MOD, 'ON KYANG DGUNG LO
BKRES SKYON DANG, SKU DON MANG

BA'I STABS BCAS BZHUGS MA THUB TSE, SKU BZHOG DANG, GRVA
TSANG, DPON PO BCAS PAR BA, NANG BA ZHUS TSE, YANG YANG BZHUGS
DGOS ZHES ZHU DGOS MOD, 'ON KYANG ZHE THAG PA NAS NAN ZHU BYAS
TSE DGONGS PA

'BUL BAR BYED, DGONGS PA 'BUL SKABS SU'ANG DPON PO'AM, DE'I MI
SNA ZHIG DANG, DGE BSKOS, DBU MDZAD, GNYER BA RNAMS NAS GRVA
TSANG DE KA'I SPYI SO NAS MANG JA, KHUR BA, SHING THOG 'DI
KA'I YUL

SROL LTAR 'BUL, SPYI SO NAS KHA BTAGS CHE BA ZHIG PHUL TE,
GRVA TSANG RJES 'DZIN GYI SKYABS 'JUG ZHUS TE DGONGS PA 'BUL,
BLA MA GSAR BSKOS BYED TSUL NI, SKU BZHOG DANG, DPON PO GNYIS
LA DGONGS

BSTUN BYAS TE, GONG SA RNAM GNYIS NAS BSKO BZHAG BYAS TSE LAS
SNE RNAMS NAS KHA BTAGS BCAS SNYAN GSAN 'BUL, KHRI 'DON NAM
BYED BLA MA GSAR BA LA RAG LAS, KHRI 'DON GYI NYIN, BLA MA
GSAR

@017A *, ,PAS GRVA JA GCIG ,SPYI SO NAS GRA JA GCIG BCAS GTONG
DGOS, TSOGS SU GNAS BCU'I BSTOD PA GSUNG STE, BCOM LDAN 'DIR
NI BYON PA LEGS, ,ZHES PA'I TSIG 'DIR BLA MA

'DU KHANG NANG DU BYON, 'BRAS DKAR GTOR, GDAN DMAR STENG DU
PHYAG GSUM 'TSAL TE DBU ZHVA BNABS NAS KHRI KHAR 'KHOD PA DANG,
MANG JA 'DREN, JA MCHOD, LHAR BCAS STON PA, JA RGYAB SOGS 'DRA,

DBU MDZAD SKAD GRVA BA GSUM GYIS BKA' CHOS KYI MAndAL 'BUL TE
GRAL DU 'KHOD, BKA' CHOS GNANG BA'I MJUG TU GTANG RAG GI
MAndAL PHUL RJES, 'BUL THO KLOGS, TSOGS CHEN NAS KHA BTAGS

MAndAL RTEN GSUM BCAS LNGA TSAN, DE MTSUNGS DPON POS LNGA
TSAN, GRVA TSANG RANG NAS LNGA TSAN GYI STENG DU BZHUGS GDAN
RGYAB YOL BCAS BDUN TSAN GCIG GIS 'BUL LAM ZHU, THAMS CAD KYIS

KHA BTAGS RE 'BUL TE MJAL KHA ZHU, DE NAS DGE BSKOS KYIS BLA
MA BLA BRANG DU PHEBS RGYU'I DGONGS LEN BYAS NAS, DBU MDZAD
KYIS MTSUNGS MED MA 'THEN SKABS SU BLA MA BLA BRANG DU GDAN
DRANGS,

BABS LTOS KYIS MANG JA GNYIS PA 'DREN, GTOR 'BUL BYAS CHAB
GTANG STE GROL, DGE BSKOS GSAR 'JOG SKABS, BLA DPON LAS BYED
THUN MONG NAS BGROS TE MING BTAGS THON ZIN PA'I GRVA RGAN ZHIG

@017B LA BLA MAS KHA BTAGS GNANG STE BSKO BZHAG DANG, DE MTSON
SPYI GNYER 'DI YANG LAS SNE DRANGS SHING SPYI BSAM CHE BA ZHIG
LA BSKO BZHAG BYA DGOS, DE MTSUNGS, MCHOG G-YOG ,CHAB RIL, JA
MA, CHU LEN,

ME 'BUD THAB G-YOG SOGS KYANG GTZANG SPRA CHE BA RNAMS LA
BSKO DGOS, DBU MDZAD NI TSOGS 'DON YONGS RDZOGS BYANG ZHING
'DON RTA DBYANGS 'DUR GANG LA YANG THOGS PA MED PA ZHIG LA
BSKO BZHAG BYA DGOS

SO; ;YANG YON CHAB 'BUL SKABS SOGS LA'ANG, HA CANG KHENGS PA
DANG, PHYIR PHO BA DANG, TING PHOR SKED TZAM DANG, PHYIS BA'I
TSE, DAG PAR MA PHYIS PA DANG, MTHEB MDZUB KYI DRI MAS GOS BA,
'OD MED

PA SOGS DANG, BSHAMS PA'I TSE, THANG GOS SOGS KYI RDUL TING
PHOR NANG DU LHUNG BA DANG, 'UR 'UR CHOM CHOM SOGS KYI SGRA
'BYIN PA DANG, KHA SNAM BKAG PAR 'BUL PA SOGS DANG, GSHEGS
TSE,

MCHOD CHU SA GTZANG BAR SKYEL BA SOGS DGE BSKOS KYIS DO KHUR
BYED DGOS PA YIN NO,, ` ,,'GYED PHOG SOGS JI LTAR BYED TSUL
NI, ZHAG GRANGS PHYOGS KYI CHOS THOG LA PHOG BRE CHUNG GSUM,

ZLA PHYED KYI CHOS THOG LA LNGA, NYI SHU'I BAR GYI CHOS THOG
LA BDUN, DBYAR SKABS SU PHOG BRE CHUNG LNGA, ZLA CHOS LA BRE
CHEN GANG GI PHOG BCAS PHUL DGOS, ,CHOS THOG GANG YOD KYI MJUG
TU BRGYAD 'GYED RE

@018A *, ,GTONG DGOS, SKU SKAL GYI SKOR LA, KHO BO DANG GRVA
TSANG BLA MA GNYIS LA SKAL BA BDUN, CHOS SKYONG LA SKU SKAL
BCU, TSOGS CHEN LAS SNE ZHAL MNGON GYUR BA RNAMS LA RANG SKAL
RE

DANG SKAL 'PHAR RE, ZHABS DRUNG BLA MA DANG, DGE BSKOS, DBU
MDZAD RNAMS LA SKAL GSUM, GNYER BA GNYIS LA SKAL GNYIS, GRVA
RGAN GNYIS LA SKAL GNYIS, DE MIN LAS CHUNG BA RNAMS LA SKAL

GCIG DANG PHYED BCAS YIN, GRVA TSANG LAS SNE MA GTOGS GRVA
GSHAGS SU JA THUG BLANG MI CHOG ,SPUNGS THOG GI 'GYED GTONG
TSE RANG SKAL MA GTOGS SKAL LHAG MI STER BA YIN NO, ,YANG GRVA
TSANG 'DIR

ZHUGS NAS 'DON CHOS SPYOD BZANG RIGS DANG, GRVA TSANG 'DIR
GZHUNG SEMS CHE ZHING SPYI DON THEG PA KHUR LEN BYED PA, RANG
LA GANG YOD GRVA TSANG GI PHYOGS SU BTANG STE, SPYI 'JOG YANG
YANG BYED MI RNAMS

LA; BLA MA LAS 'DZIN NAS BYED PA'AM, YANG NA DPON PO LA ZHUS
TE DE DAG RNAMS LA GZENGS BSTOD KYI CHO LO, CHOS RJE, SMAN
RAMS PA, SNGAGS RAMS PA, KU SHR'I, NANG SO SOGS KYI MING BTAGS
DANG

'DU KHANG NANG DU GDAN DANG SKAL 'PHAR RE GNANG DGOS PA LTA
BUS MTSON, GRVA TSANG SPYI NAS DE LTAR BYAS TSE 'PHRAL YUN KUN
TU SMAN BAR GYUR BAS LAS BYED RNAMS NAS DGONGS 'JAG 'TSAL, 'DI
RNAMS

@018B ZHAR BYUNG THOR BU'I SKOR GYI KHRIMS YIG RNAMS SO, ,BLA
MA LAS 'DZIN MCHOG DMAN SU'I THAD NAS KYANG NYE RING PHYOGS
KHYER LAM SONG BAR SGRIGS LAM ZHI DRAG THABS MKHAS KYI SGO NAS
BCA' KHRIMS NANG

LTAR GNON DGOS SO, ,DGE 'DUN MANG MAS KYANG BCA' YIG LTAR
THUGS NYAMS SU BZHES TE, BLA MA MJAL TSE PHYAG DANG SNGON DU
LDANG BA SOGS GUS PAR BYED, DGE BSKOS SOGS RGAN PA RNAMS
LA'ANG

GZAN 'BEBS DANG ZHVA PHUD SOGS KYI GUS PA BYAS TSE RANG LA'ANG
BSOD NAMS PHUN SUM TSOGS PA BSKYED CING, KHYIM PA RNAMS KYIS
MTHONG TSE BSOD NAMS BSOG CING DAD PA 'PHEL BA'I RGYU RKYEN
MCHOG TU

GYUR BAS NA DE NI BYA SLA LA DON CHE PA YIN NO, ,DE YANG, BDAG
LEGS SU 'DOD PA'I DGE 'DUN BSGRES GZHON BAR GSUM GYIS DAL
'BYOR GYI RTEN RIN PO CHE 'DI NYID DON MED CHUD ZOS SU MA SONG
BAR GZHAN PHUN

THUGS BSKYED BZANG POS SDOM PA GSUM GYI BSLAB BYA RNAMS LAS JI
LTAR GSUNGS PA RNAMS THUGS NYAMS SU CI LON DANG, ZHI ZHING DUL
BA BZOD PA'I RANG BZHIN GYI SGO NAS THOS BSAM BSGOM GSUM LA

GCIG DRIL TU 'BAD PAS BSTAN PA DANG 'GRO BA MTHA' DAG GI PHAN
BDE'I GZHIR GYUR BA ZHIG MDZAD DU GSOL ZHES KUN LA THAL MO
SBYAR NAS GSOL BA 'DEBS SO, ,DANG TSUL DE LAS LDOG PA'I BSAM
NGAN

@019A *, ,NGAN 'GRAN, GZHAN GYI SKYON MTSANG SGROGS PA, PHAN
TSUN DKRUGS PA, BZANG PO'I 'DUN GROS BSHIG PA, DAN PA'I 'DUN
GROS GSHOM PA, RNYED BKUR SNYAN GRAGS KHO NA SGRUB PA

DGRA 'DUL GNYEN SKYONG GI BSAM SBYOR GYIS DUS 'DA' BAR BYED PA
RNAMS KHYIM PA DANG KHYAD PAR MA MCHIS PAS SDE 'DIR GTAN NAS
MED PAR MDZAD DU GSOL, RGYAL BA SRAS DANG SLOB MAR BCAS PA,
KHYAD PAR

BSTAN SRUNG MYUR MDZAD YE SHES KYI MGON PO PHYAG DRUG PA SOGS
BSTAN SRUNG RGYA MTSO'I TSOGS KYIS RANG 'DOD KYI 'KHRI BAS KUN
NAS MA BSLANGS PAR BSTAN PA DANG DGE 'DUN GYI SDE RNAM PAR DAG
PA 'BA' ZHIG

YID LA BRNAGS TE BSGRUBS PA'I BCA' YIG 'DI'I RGYAB GNYER MDZOD
CIG ,BSAM SBYOR LOG PAR BLTA BA'I DAM NYAMS RNAMS LO ZLA ZHAG
TU MA BZHAG PAR SKAD CIG NYID LA RTAGS MTSAN BCAS SNYING KHRAG

ZHAL DU GSOL LA, RNAM SHES CHOS DBYINGS SU DRONGS SHIG ,TSUL
BZHIN BSGRUB PA RNAMS LA NAM YANG G-YEL BA MED PAR BSAM DON
CHOS BZHIN DU 'GRUB PA'I MGON SKYABS DANG SDONG GROGS MDZAD DU

GSOL; ;'DIR SMRAS PA, RGYAL BSTAN NANG MDZOD 'DUL BA'I BCA'
KHRIMS RNAMS, ,MIG BZHIN BSRUNG TSE RIGS SMRAS NANG KHRIMS
KYANG, ,GTZANG BA'I THABS MCHOG SA SRUNG LA BZHON TSE, ,

@019B THAR BA'I GRONG DU BGROD LA SOM NYI CI, ,BSLU MED SKYABS
GSUM THUGS RJE'I 'OD STONG GIS, ,DGEo 'PHELo GLINGo 'DI'I
BSHAD SGRUB CHOS SRID DPAL, ,DAR RGYAS GZHAN PHAN DON GNYIS
BDUD RTZI LA, ,

SKAL BZANG LEGS BRIS TSOGS RNAMS ROL GYUR CIG ,BLA MA YI DAM
RNAMS KYI BYIN RLABS DANG, ,BSTAN SRUNG YE SHES MGON PO PHYAG
DRUG PA, ,RNAM THOS SRAS DANG CHOS KYI RGYAL PO YIS, ,SDE 'DIR

BSRUNG SKYOB SDONG GROGS BYA RA MDZOD, ,GTZUG LAG KHANG RNAMS
KLOG PA DANG, ,KHA BTON GYIS RGYAS LEGS GNAS SHOG ,RTAG TU DGE
'DUN MTHUN PA DANG, ,DGE 'DUN DON YANG 'GRUB PAR SHOG ,

BSLAB PA GSUM LDAN DUR SMRIG 'DZIN PA YI, ,'DUS PA'I TSOGS
KYIS GNAS 'DIR YONGS BKANG ZHING, ,RTAG TU BSHAD SGRUB BYA BAS
SRID MTHA'I BAR, ,THUB BSTAN PHYOGS BCUR RGYAS PA'I BKRA SHIS
SHOG

(CES PA 'DI NI STOBS KYI 'KHOR LOS BSGYUR BA MI'I DBANG PHYUG
AA BHA KA LVANG TSE DBANG RGYA MTSO NAS LHAG BSAM RGYA CHEN
POS KUN NAS BSLANGS TE, ` LAM RIM GRVA TSANG DGE 'PHEL GLING
ZHES YONGS SU GRAGS PA 'DI NYID

GSAR 'DZUGS BGYIS SKABS KYI BCA' BSGRIGS BLO GSAL YID KYI DGA'
STON ZHES BYA BA 'DI LTA BU ZHIG DGOS ZHES, MI'I DBANG DPON PO
LVANG TSE DBANG RGYA MTSO NYID DANG, TSOGS CHEN T'A BLA MA
CHOS RJE ZLA BA KU SHR'I, TSOGS CHEN DGE SKOS

@020A *, ,CHE BA BLO GSAL, CHUNG BA BLO BZANG TSANGS DBYANGS,
DEM CHI CHOS 'PHEL, GRVA TSANG KHRI BA RAB 'BYAMS PA BSHAD
SGRUB RDO RJE, GRVA TSANG DGE BSKOS RAB 'BYAMS PA CHOS MDZAD
BCAS THUN MONG NAS

NAN CHER BSKUL BA LA BRTEN NAS, ` RGYAL DBANG MCHOG GI BKAS ME
RGAN AE RTEM THU PAndI TA P'E LIG THU NO MCHI MKHAN PO ZHES
BSNGAGS SHING, MING GZHAN CHE SHOS SPRUL MING 'DZIN PA BLO
BZANG BYANG CHUB

BSTAN PA'I SGRON MES DAM PA RNAMS KYI GSUNG LA GZHI BYAS TE
RANG GSHAG TSUL KHRIMS 'BAR BA'I GLING DU NAG ZLA'I RDZOGS PA
GSUM PA'I NYIN DGE BAR MGYOGS PAR BRIS PA DZA YANTU,, ,,)