@001A #, ,SKABS GNYIS PA'I SPYI DON GSAL BA'I SGRON ME ZHES BYA BA BZHUGS SO, , @001B #, ,RGYAL KUN YE SHES GCIG BSDUS 'JAM DPAL DBYANGS, ,MI YI ZOL BSTAN BLO BZANG GRAGS PA'I DPAL, ,GANGS CAN MGON PO BSKAL BZANG RGYA MTSO SOGS, DNGOS BRGYUD BLA MA RNAMS LA PHYAG 'TSAL LO, ,ZHES MCHOD PAR BRJOD PA SNGON DU BTANG NAS, 'DIR GANG BSHAD PA SKABS SU BABS PA NI, RNAM PA THAMS CAD MKHYEN PA'I SAR BGROD PA'I THABS, LAM SHES DE NYID 'CHAD PAR BYED PA YIN LA, DES NA 'DI LA MTSAMS SBYAR BA DANG, LAM SHES MTSON BYED KYI CHOS KYI GRANGS BSTAN PA'O, DANG PO 'CHAD PA LA, 'GREL BA LAS, RNAM PA THAMS CAD MKHYEN PA NYID RTOGS PA NI LAM SHES PA NYID YONGS SU SHES PA MED NA MED PAS LAM SHES PA NYID ZHES PA'I GZHUNG 'DI BYUNG, DON NI RNAM MKHYEN BSHAD PA'I RJES SU LAM SHES @002A #, ,'CHAD PA'I RGYU MTSAN YOD DE, THEG PA GSUM GYI RTOGS RIGS RDZOGS PAR BSGOMS PA'I LAM SHES MA THOB PAR RNAM MKHYEN MI THOB PAS RGYU MTSAN GYIS DE LTAR BSHAD PA'I PHYIR, DE LA DGOS PA GZHAN YOD DE, RNAM MKHYEN GYI RGYU LA LOG RTOG BSAL BA'I PHYIR DU DE LTAR GSUNGS PA'I PHYIR, 'O NA RNAM MKHYEN GYI RGYU LA LOG PAR RTOG PA DE GANG YIN, DE GZHUNG GANG DANG GANG GIS SEL BAR BYED SNYAM NA, RNAM MKHYEN GYI RGYU LA LOG PAR RTOG PA DE LA DU MA YOD DE, RNAM MKHYEN RGYU MED DU 'DZIN PA, MI MTHUN PA RGYUR 'DZIN PA, RGYU GCIG KHO NAS BYAS PAR 'DZIN PA RNAMS SU YOD PA'I PHYIR, DANG PO NI, GZHAN SDE KHA CIG ,RTAG PAR RANG BYUNG GI KUN MKHYEN DANG, MI RTAG PAR RANG BYUNG GI KUN MKHYEN 'DOD PA RNAMS YIN ZHING, GNYIS PA NI, ZAS GCOD PA, ME LNGA BSTEN PA, PHYUGS KYIS MCHOD SBYIN BYED PA SOGS YIN LA, LOG RTOG DE SEL SLA ZHING LOG RTOG GSUM PA SEL BAS DANG PO GNYIS KYANG SEL BAR 'GYUR BAS, 'DI'I BSAL BYA'I LOG @002B RTOG NI GSUM PA YIN LA, DE'I TSUL NI 'KHOR BA LA NGES 'BYUNG DANG SKYO SHAS BSGOMS PA NI NYAN RANG RNAMS LA DGOS KYI, BYANG CHUB SEMS DPA' RNAMS NI 'KHOR BAR SKYE BA YANG YANG LEN PAS MI DGOS SO SNYAM PA DANG, DKON MCHOG GSUM LA SKYABS SU SONG BA TZAM GYIS RNAM MKHYEN THOB SNYAM PA DANG, GNAS LUGS KYI DON BSGOMS PA GCIG PUS KYANG RNAM MKHYEN THOB SNYAM PA RNAMS NI RNAM MKHYEN DE RGYU GCIG KHO NAS BYAS PAR 'DZIN PA'I LOG RTOG YIN PAS, DE NI SKABS 'DI'I BSAL BYA'I LOG RTOG YIN PA'I PHYIR, DE GZHUNG GANG DANG GANG GIS SEL SNYAM NA, 'KHOR BA LA NGES 'BYUNG DANG SKYO SHAS BSGOMS PA NYAN RANG LA DGOS KYI BYANG SEMS LA MI DGOS SAM SNYAM PA'I LOG RTOG BSAL BA'I SGO NAS BYANG SEMS KYIS RNAM MKHYEN THOB PA LA 'KHOR BA LA NGES 'BYUNG BSGOM TSUL NYAN RANG LAS CHES KHYAD PAR 'PHAGS PA 'DI LTA BU ZHIG BSGOM DGOS ZHES STON PA LA LAM SHES NYID KYI TSUL LA NI, ZHES SOGS DANG, GZUNG DON RTOG PA SPONG PHYIR DANG; ;ZHES SOGS GSUNGS, DKON MCHOG GSUM LA SKYABS SU SONG BA TZAM GYIS RNAM MKHYEN THOB SNYAM PA'I LOG RTOG BSAL BA'I SGO NAS DE TZAM GYIS MI CHOG PAR RNAM MKHYEN THOB PA LA GNAS LUGS KYI DON SNGAR MA RTOGS PA RTOGS BA DANG, RTOGS ZIN RGYUN LDAN DU BSGOM DGOS ZHES STON PA LA, BDEN DANG BDEN LA BZOD PA DANG, ZHES SOGS DANG, DE YI NGO BO NYID MCHOG NYID, CES SOGS DANG, SA DGU LA NI CHEN PO YI, ZHES SOGS GSUNGS, GNAS LUGS @003A *, ,KYIS DON RTOGS PA TZAM GYIS RNAM MKHYEN THOB SNYAM PA'I LOG RTOG BSAL BA'I SGO NAS RNAM MKHYEN THOB PA LA DE TZAM GYIS MI CHOG PAR PHYAG DANG SKOR BA SOGS KYIS MTSON PA'I MOS BSNGO RJES SU YI RANG SOGS KYIS BSDUS PA'I BSOD NAMS KYI TSOGS 'DI LTA BU GSOG DGOS ZHES STON PA LA, MOS PA RANG GI DON DANG NI, ,ZHES SOGS DANG, THABS DANG MI DMIGS PA DAG GIS ZHES SOGS DANG, YONGS SU BSNGO BA KHYAD PAR CAN, ,ZHES SOGS GSUNGS PA'I PHYIR, GNYIS PA NI, LAM SHES MTSON BYED KYI CHOS DE LA BCU GCIG YOD DE, LAM SHES KYI YAN LAG ,NYAN THOS KYI LAM SHES PA'I LAM SHES, RANG RGYAL GYI LAM SHES PA'I LAM SHES, THEG CHEN GYI MTHONG LAM, THEG CHEN SGOM LAM GYI BYED PA, MOS PA SGOM LAM GYI PHAN YON, BSNGO BA SGOM LAM, RJES SU YI RANG SGOM LAM, SGRUB PA SGOM LAM, RNAM DAG SGOM LAM RNAMS SU YOD PA'I PHYIR, MOG MOG POR BYED LA SOGS DANG, ,SLOB MA BSE RU'I LAM GANG DANG, 'DI DANG GZHAN PA'I YON TAN GYI, ,PHAN YON CHE BA MTHONG BA'I LAM, ,BYED PA DANG NI MOS PA DANG, ,BSTOD DANG BKUR DANG BSNGAGS PA DANG, BSNGO DANG RJES SU YI RANG NGA, ,YID LA BYED PA BLA MED DAG ,SGRUB DANG SHIN TU DAG PA ZHES, ,BYA BA 'DI NI SGOM PA'I LAM, ,BYANG CHUB SEMS DPA' MKHAS RNAMS KYIS, ,LAM SHES NYID NI DE 'DRAR BSHAD, ,CES GSUNGS PA'I PHYIR, DES NA 'DI'I SKABS SU, LAM SHES KYI YAN LAG BSHAD PA DANG, YAN @003B LAG CAN GYI LAM SHES BSHAD PA GNYIS, DANG PO LA, MTSAN NYID, DBYE BA, SA MTSAMS DANG GSUM LAS, DANG PO NI, LAM SHES KYI RGYU NGO BO 'BRAS BU GSUM PO GANG RUNG GIS BSDUS PA'I SNYING RJE CHEN POS ZIN PA'I YON TAN KHYAD PAR CAN DE, LAM SHES KYI YAN LAG GI MTSAN NYID, GNYIS BA DE LA DBYE NA LNGA YOD DE, GEGS MNGON PA'I NGA RGYAL MNGON GYUR BA DANG BRAL BA'I LAM SHES KYI YAN LAG, MTHUN RKYEN BYANG CHUB MCHOG TU SEMS BSKYED PA'I LAM SHES KYI YAN LAG ,NYER LEN THEG PA CHEN POR RIGS SAD PA'I LAM SHES KYI YAN LAG ,RANG BZHIN KHYAD PAR CAN GYI LAM SHES KYI YAN LAG ,BYED LAS KHYAD PAR CAN GYI LAM SHES KYI YAN LAG RNAMS SU YOD PA'I PHYIR TE, LHA RNAMS RUNG BAR BYA BA'I PHYIR, ZHES PA NAS, DE YI LAS ZHES PA'I BAR GSUNGS PA'I PHYIR, DE YANG RTZA BA'I DON CUNG ZAD BSHAD NA, 'PHAGS PA GROL SDE NI GZHUNG 'DI DAG GI LAM SHES SGOM PA PO'I RTEN GYI GANG ZAG KHYAD CHOS LNGA LDAN DU BSTAN PAR BZHED DE, GEGS NGA RGYAL MNGON GYUR BA DANG BRAL BA, MTHUN RKYEN BYANG CHUB MCHOG TU SEMS BSKYED PA, NYER LEN THEG PA CHEN PO'I RIGS SAD PA, SNYING RJE DANG SMON LAM GYI DBANG GIS 'KHOR BAR SKYE BA MI 'DOR BA, SEMS CAN GYI DON LA RTZE GCIG TU GZHOL BA RNAMS BSTAN PA'I PHYIR, SLOB DPON SENG GE BZANG PO NI YAN LAG DANG PO GSUM RTEN GYI GANG ZAG GI KHYAD CHOS DANG, BZHI BAS BSGOM BYA LAM GYI NGO BO'AM RANG BZHIN DANG, LNGA BAS DE'I BYED LAS BSTAN PAR BZHED DO, ,RGYA GZHUNG RNAMS LAS LAM SHES KYI YAN LAG CES PA'I THA SNYAD GSAL BAR MA GSUNG KYANG, BOD KYI tIKA BYED RNAMS KYIS GZHUNG 'DIS LAM SHES KYI YAN LAG KYANG BSTAN PAR BZHED DO, ,'O NA CHOS LNGA PO DE LA LAM SHES KYI YAN LAG CES BSHAD NA, YAN LAG GCES BAS DON GANG YIN SNYAM NA, LAM SHES SPYI DANG CHOS LNGA PO DE BYE BRAG TU BYAS PAS SPYI BYE @004A *, ,BRAG LA YAN LAG DANG YAN LAG CAN DU BYAS PA YANG MA YIN, LAM SHES GTZO BO DANG CHOS LNGA PO 'KHOR DU BYAS PA'I GTZO 'KHOR GYI YAN LAG KYANG MA YIN, LAM SHES CHA CAN DANG CHOS LNGA CHA SHAS SU BYAS PAS CHA CHA CAN GYI YAN LAG KYANG MIN LA, 'O NA JI LTAR YIN SNYAM NA, RNAM 'GREL LAS, GANG GI YAN LAG GNAS PA NI, ,TSUL GSUM RTAGS LAS DON MTHONG YIN, ,ZHES GSUNGS PA LTAR, LAM SHES SKYED BYED KYI NUS PA'AM THOB BYED KYI THABS ZHIG LA YAN LAG CES BSHAD PA YIN TE, DPER NA SKYES BU'I YAN LAG LNGA TSANG BA LA BRTEN NAS SKYES BU'I LUS YONGS SU RDZOGS PA BZHIN DU 'DIR YANG CHOS LNGA PO 'DI LA BRTEN NAS LAM SHES KYI LUS RDZOGS PAR 'GYUR BA'I RGYU MTSAN GYIS YAN LAG CES BSHAD PA'I PHYIR, DES NA GEGS MNGON PA'I NGA RGYAL MNGON GYUR BA DANG BRAL BA SOGS LAM SHES RDZOGS BYED KYI CHA SHAS SU GYUR BA'I SEMS DPA'I RGYUD KYI YON TAN DE, SKABS 'DIR DNGOS SU BSTAN PA'I LAM SHES KYI YAN LAG GI MTSAN NYID YIN TE, RGYAL TSAB RJE'I BSDUS DON RIN CHEN PHRENG BA LAS, 'DIR DNGOS SU BSTAN PA'I LAM SHES KYI YAN LAG GI MTSAN NYID NI, GEGS MNGON PA'I NGA RGYAL MNGON GYUR BA DANG BRAL BA SOGS LAM SHES RDZOGS BYED KYIS CHA SHAS SU GYUR BA'I SEMS DPA'I RGYUD KYI YON TAN NO, ,DBYE NA LNGA, SA MTSAMS NI TSOGS LAM NAS RGYUN MTHA'I BAR RO, ,ZHES GSUNGS PA'I PHYIR, DE LA KHO NA RE, THEG DMAN DGRA BCOM GYI RTOGS PA SNGON DU SONG BA'I THEG CHEN GYI TSOGS LAM CHOS CAN, MTSON BYA DER THAL, MTSAN NYID DE'I PHYIR, 'DOD NA, DE CHOS CAN, DMAN LAM SNGON DU MA SONG BA'I SEMS DPA'I YON TAN YIN PAR THAL, 'DIR DNGOS SU BSTAN PA'I LAM SHES KYI YAN LAG YIN PA'I PHYIR ZER NA MA KHYAB STE, SKABS 'DI'I DNGOS @004B BSTAN BSTAN BYA'I GTZO BOR GYUR PA'I DE LA DE LTAR KHYAB KYANG DNGOS BSTAN TZAM LA NGES PA MED PA'I PHYIR RO, ,LAM SHES KYI YAN LAG DE LA LNGAR 'JOG PA'I RGYU MTSAN YOD DE, LAM SHES SNGAR MED GSAR DU SKYE BA'I DBANG DU BYAS NAS YAN LAG DANG PO GSUM BZHAG ,SKYES ZIN GONG NAS GONG 'PHEL DU BYED PA'I DBANG DU BYAS NAS YAN LAG PHYI MA GNYIS BZHAG PA'I PHYIR, DANG PO YIN TE, DPER NA NAS KYI MYU GU PHUN SUM TSOGS PA SKYED PAR BYED PA LA 'AM GROG DANG GCONG RONG SOGS MED PA'I ZHING SA GSHIN PO ZHIG DGOS PA DE BZHIN DU LAM SHES SKYE BA LA GEGS NGA RGYAL MNGON GYUR BA DANG BRAL BA'I RTEN ZHIG DGOS PA'I DBANG DU BYAS NAS YAN LAG DANG PO NGA RGYAL DANG BRAL BA'I YAN LAG DE BZHAG ,NAS MYU GU SKYE BA LA ZHING SA GSHIN PO YOD PA TZAM GYIS MI CHOG PAR NYER LEN SA BON DGOS PA BZHIN TU LAM SHES SKYE BA LA YANG LUS SEMS KYI RTEN YOD PA TZAM GYIS MI CHOG PAR NYER LEN RIGS SAD PA'I DBANG DU BYAS NAS YAN LAG GSUM PA KHYAB PA'I YAN LAG DE BZHAG ,NAS MYUG SKYE BA LA SA BON YOD PA TZI GYIS MI CHOG PAR LHAN CIG BYED RKYEN CHU LUD SOGS DGOS PA BZHIN DU, LAM SHES SKYE BA LA YANG NYER LEN RIGS SAD PA TZAM GYIS MI CHOG PAR LHAN CIG BYED RKYEN BYANG CHUB MCHOG TU SEMS BSKYED PA ZHIG DGOS PA'I DBANG DU BYAS NAS YAN LAG GNYIS PA YUL NGES PA'I YAN LAG DE BZHAG PA YIN PA'I PHYIR, SKYES ZIN GONG 'PHEL DU BYED PA'I DBANG DU BYAS NAS YAN LAG PHYI MA GNYIS BZHAG STE, LAM SHES NI TSOGS GNYIS ZUNG DU 'JUG PA YIN ZHING, DE YONGS SU RDZOGS PA LA YANG TSOGS GNYIS ZUNG 'JUG TU GSOG DGOS, YE SHES KYI TSOGS RDZOGS PA LA YANG BSOD NAMS KYI TSOGS BSAGS PAS KHYAD PAR DU BYAS PA ZHIG DGOS PA YIN LA, DE'I TSE BYANG SEMS KYIS BSAM BZHIN DU 'KHOR BAR SKYE BA BLANG NAS SEMS @005A *, ,CAN GYI DON BSGRUB PA'I DBANG DU BYAS NAS YAN LAG BZHI PA DE BZHAG, SEMS CAN GYI DON BSGRUB PA'I TSUL YANG BSDU PA'I DNGOS PO BZHI'I SGO NAS 'KHOR DU MA BSDUS PA RNAMS SDUD PA, BSDUS PA RNAMS SMIN, SMIN PA RNAMS GROL BA, GROL BA RNAMS MTHAR PHYIN PAR BYED PA'I DBANG DU BYAS NAS YAN LAG LNGA PA BYED LAS KYI YAN LAG BZHAG PA YIN PA'I PHYIR, DE YANG YAN LAG DANG PO'I BSHAD BYA RTZA BA'I MDOR DE BZHIN GSHEGS PA'I RANG BZHIN GYI 'OD KYI DRUNG NA LHA RNAMS KYI RNAM PAR SMIN PA LAS BYUNG BA'I 'OD NI LHAM ME MA YIN, LHAN NE MA YIN, LHANG NGE MA YIN GYI DE BZHIN GSHEGS PA'I 'OD 'BA' ZHIG RAB CES BYA'O, ,ZHES SOGS GSUNGS, DE NI 'DZAM BU CHU BO'I GSER GYI DRUNG DU LCAGS NAG PO LHAM ME MA YIN PA SOGS DANG, LAM SHES KYI MDO 'CHAD PA'I 'KHOR DU LHAGS PA'I 'DOD GZUGS KYI LHA'I 'OD RNAMS DE BZHIN GSHEGS PA'I 'OD KYI DRUNG NA LHAM ME MA YIN PA SOGS DPE DON DU SBYAR NAS GSUNGS SO, ,DE'I DON RJE BTZUN GYI 'GREL BA LAS, LHA RNAMS RUNG BAR BYA BA'I PHYIR, 'OD KYIS MOG MOG POR MDZAD DANG, ,ZHES GSUNGS, MDO RTZA BA DANG BCAS BA'I DON SLOB DPON GYI 'GREL BA LAS, LAM SHES PA NYID SKYE BAR RUNG NYID DU BSGRUB PA'I PHYIR, DE BZHIN GSHEGS PA'I RANG BZHIN GYI 'OD DAG GIS LHA LA SOGS PA'I RNAM PAR SMIN PA'I 'OD MOG MOG POR MDZAD PA NI NGA RGYAL BCOM PA'I RGYUD KHO NA LA RTOGS PA SKYE'O ZHES BYA BAR SHES PAR BYA BA'I PHYIR MDZAD DE, DE'I PHYIR TSIG ZUR GYIS RTEN BRJOD PA YIN NO, ,ZHES GSUNGS, DE YANG DE BZHIN GSHEGS PA'I 'OD 'BA' ZHIG RAB CES BYA'O ZHES SOGS, 'OD KYI CHE BA BSTAN PA'I MDO'I TSIG ZUR GYIS LAM SHES DANG, THEG CHEN SEMS BSKYED SKYE BA'I RTEN BRJOD PA YIN TE, DE LTAR SHUGS LA BRJOD PA'I PHYIR TE, 'GREL PA LAS, DE'I @005B PHYIR TSIG ZUR GYI RTEN BRJOD PA YIN NO ZHES DANG, GSER PHRENG LAS, 'OD KYI CHE BA BSTAN PA'I MDOS LAM SHES KYI RTEN BRJOD PA YIN NO, ,JI LTAR NA TSIG ZUR GYIS TE SHUGS KYIS SO, ,ZHES GSUNGS PA'I PHYIR, DGOS PA NI, DE BZHIN GSHEGS PA'I RANG BZHIN GYI 'OD KYIS, LAM SHES KYI MDO 'CHAD PA'I 'KHOR DU LHAGS PA'I 'DOD GZUGS KYI LHA'I 'OD MOG MOG POR MDZAD PA LA DGOS PA YOD DE, 'DOD GZUGS KYI LHA DE RNAMS LA THUN MONG DANG, THUN MONG MA YIN PA'I NGA RGYAL GNYIS GNYIS YOD PAS, DE RNAMS BCOM NAS DE RNAMS LAM SHES DANG, THEG CHEN SEMS BSKYED SKYE BA'I SNOD RUNG DU BSGRUB PA'I CHED YIN PA'I PHYIR, DE RNAMS LA THUN MONG DANG THUN MONG MA YIN PA'I NGA RGYAL GNYIS GNYIS YOD DE, DE RNAMS THUN MONG DU NYI MA DANG ZLA BA'I 'OD LA MI LTOS PA'I RANG 'OD RANG CHAS SU YOD SNYAM PA'I NGA RGYAL DANG LDAN ZHING, THUN MONG MA YIN PA NI, RGYAL CHEN RIGS BZHI PA NI, BDAG CAG RNAMS NI 'JIG RTEN SKYONG BA'O SNYAM DU NGA RGYAL, SUM CU RTZA GSUM PA RNAMS NI BDAG CAG RNAMS NI LONGS SPYOD CHEN PO DANG LDAN SNYAM DU NGA RGYAL, 'THAB BRAL BA RNAMS NI BDAG CAG RNAMS LHA MA YIN DANG 'THAB MI DGOS SNYAM DU NGA RGYAL, DGA' LDAN PA RNAMS NI GNAS DE NA RGYAL BA BYAMS PA BZHUGS KYI GZHAN NA MI BZHUGS SNYAM DU NGA RGYAL, 'PHRUL DGA' BA RNAMS NI RANG GIS SPRUL PA LA LONGS SPYOD SNYAM DU NGA RGYAL, GZHAN 'PHRUL DBANG BYED PA RNAMS GZHAN GYIS SPRUL BA LA LONGS SPYOD SNYAM DU NGA RGYAL, BSAM GTAN DANG PO BA RNAMS BSAM GTAN DANG PO NA RTOG DPYOD ME LTA BU YOD SNYAM DU NGA RGYAL, BSAM GTAN GNYIS PA BA RNAMS BSAM GTAN GNYIS PA NA DGA' BDE CHU LTA BU YOD SNYAM DU NGA RGYAL, BSAM GTAN GSUM PA BA DGE RGYAS DGE CHUNG, TSAD MED DGE GSUM, TSANGS RIGS, TSANGS PA'I MDUN NA 'DON TSANGS CHEN GSUM, RNAMS BSAM GTAN GSUM PA 'OD CHUNG, TSAD MED 'OD, 'OD GSAL GSUM @006A *, ,NA DBUGS DBYUNG RDUB RLUNG LTA BU YOD SNYAM DU NGA RGYAL, BSAM GTAN BZHI PA BA RNAMS BSAM GTAN GYI SKYON BRGYAD DANG BRAL SNYAM PA'I NGA RGYAL DANG LDAN PA'I PHYIR, NGA RGYAL DANG PO LA THUN MONG PA'I NGA RGYAL ZHES BRJOD PA NI, DE THAMS CAD KYI RGYUD LA YOD PAS DE LTAR BRJOD PA YIN GYI, DE THAMS CAD SPRIN MED, BSOD NAMS SKYED, 'BRAS BU CHE BA STE SO SKYES GNAS GSUM DANG MI CHE, MI GDUNG, GYA NOM SNANG SHIN TU MTHONG, 'OG MIN TE 'PHAGS BA'I GNAS LNGA'O,, KYI NGA RGYAL NI MA YIN TE, 'DOD PA'I GANG ZAG GI NGA RGYAL DANG, GZUGS KHAMS PA'I GANG ZAG GI NGA RGYAL GNYIS 'GAL BA'I PHYIR, DE RNAMS LA SO SO BA DANG THUN MONG BA'I NGA RGYAL GNYIS YOD PA'I LUNG GI SGRUB BYED YOD TE, GSER PHRENG LAS, MOG MOG POR BYAS PAS LAM SHES SKYE RUNG DU JI LTAR BSGRUB NA, 'DOD LHA DRUG DANG GZUGS KHAMS PA RNAMS LA RIM PA LTAR 'JIG RTEN SKYONG BA DANG, LONGS SPYOD CHE BA DANG, LHA MA YIN DANG 'THAB MI DGOS PA DANG, BYAMS PA BZHUGS PA DANG, RANG GIS SPRUL PA DANG, GZHAN GYIS SPRUL PA LA LONGS SPYOD PA DANG, BSAM GTAN THOB PA LA SOGS PA'I RLOM PA SO SO BA DANG, THUN MONG DU RANG RANG GI GZUGS MDZES SHING 'OD DANG LDAN PAS DE LA BRTEN PA'I NGA RGYAL YOD PA RNAMS DE BZHIN GSHEGS PA'I 'OD KYIS ZIL GYIS MNAN PAS RLOM PA RNAMS ZHI BAR BYAS PA'I SGO NAS SO, ,ZHES GSUNGS PA'I PHYIR, DE YANG TSIG RKANG DANG PO GNYIS KYI SKABS NAS BSTAN PA'I 'OD YIN NA, LAM SHES KYI MDO 'CHAD PA'I 'KHOR DU LHAGS PA'I LHA'I 'OD YIN PAS MA KHYAB STE, MOG MOG BOR MDZAD ZHES PA'I SKABS NAS BSTAN PA'I 'OD DE LA, 'DOD GZUGS KYI LHA'I 'OD DANG, KLU DANG DRI ZA'I 'OD LA SOGS PA DU MA YOD PA'I PHYIR TE, LHA LA SOGS PA'I RNAM PAR SMIN PA'I 'OD MOG MOG POR MDZAD PA NI NGA RGYAL BCOM PA'I @006B RGYUD KHO NA LA RTOGS PA SKYE'O ZHES BYA BA SHES PAR BYA BA'I PHYIR MDZAD DE, DE'I PHYIR TSIG ZUR GYIS RTEN BRJOD PA YIN NO, ,ZHES GSUNGS PA'I PHYIR, KHYAB STE, 'GREL BA'I LUNG DE'I LHA LA SOGS PA'I ZHES PA'I SOGS SGRAS, MOG MOG POR MDZAD DANG ZHES PA'I SKABS NAS BSTAN PA'I 'OD DE LA KLU DANG DRI ZA'I 'OD YOD PAR BSTAN PA'I PHYIR, GSER PHRENG LAS, LHA DANG SOGS PAS KLU DANG DRI ZA LA SOGS PA'I ZAG BCAS DGE BA'I RNAM SMIN GYI 'OD DO, ,ZHES GSUNGS PA'I PHYIR, DE BZHIN GSHEGS PA'I RANG BZHIN GYI 'OD KYIS LHA RNAMS KYI 'OD MOG MOG POR MDZAD PA'I DON YOD DE, DES DE RNAMS KYI 'OD DRI MA CAN LTA BU MDZAD CES PA'I DON YIN PA'I PHYIR TE, GSER PHRENG LAS, MOG MOG POR TE DRI MA CAN LTA BU MDZAD DO, ,ZHES GSUNGS PA'I PHYIR, RANG LUG NI, MOG MOG POR MDZAD DANG ZHES PA'I SKABS NAS DNGOS SU BSTAN PA'I 'OD YIN NA, LAM SHES KYI MDO 'CHAD PA'I 'KHOR DU LHAGS PA'I LHA'I 'OD YIN PAS KHYAB KYANG, DE'I SKABS NAS BSTAN PA'I 'OD DE LA, LHA KLU DRI ZA'I 'OD LA SOGS PA DU MA ZHIG YOD PAR KHAS LEN NO, ,KHA CIG ,LAM SHES KYI MDO 'CHAD PA'I 'KHOR DU LHAGS PA'I RGYUD LA LAM SHES LA SOGS PA'I YON TAN GONG MA MI THOB SNYAM PA'I ZHUM PA DANG, NGA RGYAL GNYIS KA YOD ZER BA MI THAD DE, DE RNAMS KYI RGYUD LA DE LTA BU'I ZHUM PA MED KYANG, NGA RGYAL YOD PAR KHAS LEN DGOS PA'I PHYIR TE, GSER PHRENG LAS, 'DIR LHA RNAMS ZHUM PA MED CING NGA RGYAL DANG LDAN PAS DE SPANG DGOS PAR BSTAN TO ZHES 'CHAD DE, DE YANG MTSON PA YIN GYIS CHAGS SOGS GANG SHAS CHE BA SPANG DGOS SO,, ZHES GSUNGS PA'I PHYIR, ;YAN LAG GNYIS PA YUL SO SOR NGES PA'I LAM SHES KYI YAN LAG 'CHAD PA LA, MDO LAS LHA'I BU GANG DAG GI BLA NA MED PA YANG DAG PAR RDZOGS PA'I BYANG CHUB TU SEMS MA BSKYED BA DE DAG GIS KYANG BLA NA MED PA YANG @007A *, ,DAG PAR RDZOGS PA'I BYANG CHUB TU SEMS BSKYED PAR BYA'O, ,ZHES GSUNGS, DE'I DON RJE BTZUN GYIS 'CHAD PA LA, YUL NGES PA DANG ZHES GSUNGS, DE'I DON SLOB DPON GYIS 'CHANG BA LA, DE YANG BYANG CHUB TU SEMS BSKYED PA KHO NA YIN PAS YUL SO SOR NGES PA YIN NO, ,ZHES GSUNGS, DE'I DON YANG LAM SHES DNGOS SU SKYE BA'I RTEN GYI YUL SO SOR NGES PA YIN TE, BGEGS NGA RGYAL MNGON GYUR BA DANG BRAL BA'I LUS RTEN YOD PA TZAM GYIS MI CHOG PAR MTHUN RKYEN BYANG CHUB MCHOG TU SEMS BSKYED PA ZHIG NGES PAR DGOS SO ZHES PA'I DON NO, ,`YAN LAG GSUM PA'I BSHAD BYA RTZA BA'I MDOR, 'ON KYANG GAL TE DE DAG GIS KYANG BLA NA MED PA YANG DAG PAR RDZOGS PA'I BYANG CHUB TU SEMS BSKYED NA DE DAG LA YANG RJES SU YI RANG BAR BYA'O, ,ZHES GSUNGS, DE'I DON RJE BTZUN GYIS 'CHAD PA LA KHYAB PA DANG ZHES GSUNGS, DE'I DON SLOB DPON GYIS 'CHAD PA LA, THEG PA GSUM RNAM PAR GZHAG PA NI DGONGS PA CAN YIN GYI MTSAN NYID PA NI MA YIN NO, ,ZHES LUGS LAS 'BYUNG BAS SKYE BO THAMS CAD BLA NA MED PA YANG DAG PAR RDZOGS PA'I BYANG CHUB KYI MTHAR THUG PA CAN YIN TE, DE'I PHYIR 'DOD CHAGS DANG BRAL BA DANG, CIG SHOS KYI RNAL 'BYOR PAS KYANG SANGS RGYAS NYID THOB PAR BYA BA'I PHYIR LAM SHES PA NYID BSGOM PAR BYA BA YIN PAS KHYAB PA YIN NO, ,ZHES GSUNGS, DE YANG GANG YANG DAG PA'I SKYON MED PA LA ZHUGS PAR GYUR PA DE DAG LA NI BLA NA MED PA YANG DAG PAR RDZOGS PA'I BYANG CHUB TU SEMS BSKYED PA'I MTHU MED DO, ,DE CI'I PHYIR ZHE NA, DE DAG GIS 'KHOR BA'I RGYUD KYI MTSAMS BCAD PA'I PHYIR RO, ,ZHES PA'I MDO DANG, 'ON KYANG GANG YANG GAL TE DE DAG BLA NA MED PA YANG DAG PAR RDZOGS PA'I BYANG CHUB TU SEMS BSKYED NA DE DAG LA YANG RJES SU YI RANG BAR BYA'O ZHES PA'I MDO GNYIS LA BZHED PA @007B MI 'DRA BA GNYIS YOD DE, RNAM RIG PA LA SOGS PA'I MTHAR THUG THEG PA GSUM DU GRUB PAR 'DOD PA RNAMS KYIS MDO SNGA MA KHYAB PA'I BSHAD BYA RTZA BA'I MDO DANG, SGRA JI BZHIN PAR BZHED, DBU MA PA LA SOGS PA'I MTHAR THUG THEG PA GCIG TU GRUB PAR 'DOD PA RNAMS KYIS MDO PHYI MA KHYAB PA'I BSHAD BYA RTZA BA'I MDO DANG SGRA JI BZHIN PAR BZHED PA'I PHYIR TE, RGYAN SNANG LAS, THEG PA SNA TSOGS SU SMRA BA RNAMS NI GZHAN DU BSHAD DE, GANG YANG DAG PAR SKYON MED PA LA ZHUGS PA LA ZHES BYA BA LA SOGS PA'I TSIG GIS DON NI NGES PA'I DON DANG, 'ON KYANG GANG YANG GAL TE ZHES BYA BA LA SOGS PA'I TSIG GI DON NI DRANG BA'I DON DANG, KHYAB PA NI SANGS RGYAS KYI RIGS CAN GYI DBANG DU BYAS PA'O, ,ZHES GSUNGS PA'I PHYIR, KHA CIG ,RANG RGYUD PA'I SKABS 'DIR MDO SNGA MA DRANG DON DANG, MDO PHYI MA NGES DON DU KHAS LEN ZER NA, 'ON KYANG GANG YANG ZHES SOGS KYI MDO CHOS CAN, DON DAM BDEN PA YIN PAR THAL, NGES DON YIN PA'I PHYIR, RTAGS KHAS, KHYAB STE, YE SHES SNANG BA RGYAN GYI MDO LAS, NGES PA'I DON GANG YIN PA DE NI DON DAM PA'O ZHES GSUNGS PA'I PHYIR, GONG DU 'DOD NA, DE CHOS CAN, STONG NYID YIN PAR THAL, DON DAM BDEN PA YIN PA'I PHYIR, RTAGS KHAS, KHYAB STE, STONG NYID, DE BZHIN NYID, YANG DAG MTHA', MTSAN MA MED PA'I DBYINGS, DON DAM BDEN PA, CHOS KYI DBYINGS RNAM DON CIG MING GI RNAM GRANGS YIN PA'I PHYIR TE, DBU MTHA'I RNAM BSHAD LAS, STONG PA NYID NI MDOR BSDUS NA, DE BZHIN NYID DANG YANG DAG MTHA', ,MTSAN MA MED DANG DON DAM DANG, ,CHOS KYIS DBYINGS RNAMS RNAM GRANGS SO, ,ZHES GSUNGS PA'I PHYIR, GZHAN YANG DE CHOS CAN, DON DAM BDEN PA MA YIN PAR THAL, KUN RDZOB YIN PA'I PHYIR TE, KUN RDZOB BDEN PA YIN PA'I PHYIR, 'O NA GANG YANG DAG PA'I SKYON MED PA DE GANG YIN, DE @008A *, ,LA ZHUGS PA DE SU YIN, DE DAG GIS 'KHOR BA'I RGYUD KYI MTSAMS BCAD TSUL DE GANG YIN ZHE NA, DANG PO NI THEG DMAN GYI MYANG 'DAS DE DE YIN LA, DE LA GANG YANG DAG PA'I SKYON MED PA ZHES BRJOD PA'I RGYU MTSAN YOD DE, GANG ZAG GI BDAG GI RANG BZHIN GYIS RNAM PAR DAG PAS NA YANG DAG PA DANG, CHAGS SOGS NYON MONGS PA'I GLO BUR GYI DRI MA DAG PAS SKYON MED BA ZHES BRJOD PA'I PHYIR, GNYIS PA NI, 'GREL CHEN GYIS NI NYAN THOS MTHONG LAM PA MTSAN GZHIR BZUNG LA, DE LA GANG YANG DAG PA'I SKYON MED PA LA ZHUGS PA ZHES BRJOD PA'I RGYU MTSAN YOD DE, DMAN PA'I MYANG 'DAS DE, GANG YANG DAG PA'I SKYON MED PA YIN LA, DE THOB PA'I PHYIR DU BDAG MED MNGON SUM DU RTOGS PA'I LAM LA THOG MAR ZHUGS PA'I RGYU MTSAN GYIS DE LTAR BRJOD PA'I PHYIR TE, BRGYAD STONG 'GREL CHEN LAS, GANG YANG DAG PA NYID DU NGES PA LA ZHUGS SHING, RANG GI NYAN THOS KYI MTHONG BA LA SOGS PA'I LAM RNAM PA THAMS CAD DU RTOGS PA DE DAG NI, 'GRO LA PHAN PHYIR SANGS RGYAS 'GRUB PAR SHOG CES BLA NA MED PA YANG DAG PAR RDZOGS PA'I BYANG CHUB TU SEMS BSKYED PA'I SKAL BA MED CING SNOD DU MA GYUR PA YIN NO, ,ZHES GSUNGS PA'I PHYIR, NYI SNANG LAS NI, NYAN THOS DGRA BCOM PA MTSAN GZHIR BZUNG LA, DE LA DE LTAR BRJOD PA'I RGYU MTSAN YOD DE, DES DMAN PA'I MYANG 'DAS LA GZHAN DON RGYUN BCAD NAS BSKAL PA'I BAR DU MNYAM PAR GZHAG PAS NA DE LTAR BRJOD PA'I PHYIR, 'GREL PA 'DI GNYIS KYI DE LTAR BSHAD PA NI MTSAN NYID KYI GZHI SO SOR GZUNG BA TZAM YIN GYI, GNYIS KA LTAR NA YANG THEG DMAN GYI GANG ZAG THAMS CAD YANG DAG PA'I SKYON MED PA LA ZHUGS PA YIN TE, DE RNAMS DMAN PA'I MYANG 'DAS THOB PA'AM THOB PHYIR DU ZHUGS PA CI RIG PA YIN PA'I PHYIR, 'ON KYANG MDO DE'I DNGOS @008B BSTAN GYI YANG DAG PA'I SKYON MED PA LA ZHUGS PA NI NYAN THOS MTHONG LAM PA LA BYED PA YIN TE, RNAM BSHAD SNYING PO RGYAN LAS, SKYON MED PA LA ZHUGS PA NYAN THOS MTHONG LAM PA YIN LA, ZHES GSUNGS PA'I PHYIR, 'KHOR BA'I RGYUD KYI MTSAMS BCAD TSUL NI, DGRA BCOM PA DE NYID KYIS 'KHOR BA'I LAM MAM, ZAM PA BCAD PA LA BYED PA YIN TE, BRGYAD STONG 'GREL PA SNYING PO MCHOG LAS, YANG DAG PAR SKYON MED PAR ZHUGS PA DMAN LAM GYIS MYANG 'DAS THOB PA DANG, MTSAMS BCAD PA 'KHOR BA'I ZAM PA BCAD PA STE, DPER NA RGYUN ZHUGS LAN BDUN PA DANG, RIGS NAS RIGS SKYES BLA MED BYANG CHUB THOB PAR BYED MI NUS TE NAM YANG BYANG CHUB LA 'DOD PA MED PA'I PHYIR TE NYAN THOS ZHI BA BGROD PA GCIG PU BA YIN PAS SO ZHES GSUNGS PA'I PHYIR, DE'I PHYIR 'DOD CHAGS DANG BRAL BA ZHES SOGS KYI NGAG DON NI, NYAN RANG DGRA BCOM PA DANG PHYI ROL PA RNAMS CHOS CAN, KHYOD SOGS SEMS CAN THAMS CAD KYI RGYUD LA SANGS RGYAS KYI RIGS KYIS KHYAB PA YIN TE, KHYOD SOGS SEMS CAN THAMS CAD SANGS RGYAS THOB PHYIR DU LAM SHES SGOM DGOS KYI GANG ZAG YIN PA'I PHYIR, SKABS 'DIR NYAN RANG DGRA BCOM PA DANG PHYI ROL PA RNAMS CHOS CAN DU 'DZIN PA'I RGYU MTSAN YOD DE, THEG PA GSUM DU GRUB PAR 'DOD PA RNAMS KYIS ZHI BA BGROD PA GCIG PU'I NYAN RANG SANGS MI RGYA BAR 'DOD CING, PHYI ROL PA RNAMS DKON MCHOG GSUM LA SKYABS SU MA SONG BAS SANGS MI RGYA SNYAM PA'I DOGS PA SHAS CHE BAS DE LTAR BZUNG BA'I PHYIR, NYAN RANG DGRA BCOM PA RNAMS LA 'DOD CHAGS DANG BREL BA ZHES BRJOD PA'I RGYU MTSAN YOD DE, KHAMS GSUM GYI 'DOD CHAGS MA LUS PAR SPANGS PA'I RGYU MTSAN GYIS DE LTAR BRJOD PA'I PHYIR, PHYI ROL PA RNAMS LA CIG SHOS KYI 'DOD CHAGS DANG BRAL BA ZHES BRJOD PA'I RGYU MTSAN YOD DE CI YANG MED MAN CHAD LA 'DOD CHAGS DANG BRAL BA'I DE YOD KYANG 'KHOR BA @009A *, ,MTHA' DAG LA ZHEN PA LOG PA'I DE MED PA'I RGYU MTSAN GYIS DE LTAR BRJOD PA'I PHYIR, DE LA RNAL 'BYOR BA ZHES BRJOD PA'I RGYU MTSAN YOD DE, BSAM GTAN DAG PA BA TZAM RGYUD LA LDAN PAS DE LTAR BRJOD PA'I PHYIR, 'O NA KHYAB PA'I DON 'CHAD TSUL GANG YIN ZHE NA, 'DI LA THEG PA GSUM DU GRUB PAR 'DOD PA'I LUGS 'GOD PA, THEG PA GCIG TU BSGRUB PA SOGS BZHI LAS, DANG PO NI, SPYIR GRUB MTHA' SMRA BA DE LA RANG SDE DANG GZHAN SDE GNYIS LAS, GZHAN SDES DE LTAR MI 'DOD DE, DES THEG PA GSUM GYI RNAM BZHAG KHAS MI LEN PA'I PHYIR, RANG SDE'I NANG NAS BYED MDO GNYIS KYIS THEG PA GSUM DU GRUB PAR 'DOD PA YIN TE, DE GNYIS KYIS NYAN THOS KYI SBYOR LAM BZOD PA NAS RANG RGYAL LAM DU 'JUG PA YOD KYANG, BYANG SEMS LAM DU 'JUG PA MED PAR 'DOD PA'I PHYIR TE, MNGON PAR MDZOD LAS, GNYIS SLOB RIGS LAS LDOG NAS NI, ,SANGS RGYAS SU 'GYUR GZHAN GSUM YANG, ,ZHES DANG, MDZOD 'GREL LAS KYANG, DRO BAR GYUR PA DANG, RTZE MO SKYES PA DAG NYAN THOS KYI RIGS LAS LDOG NAS YANG SANGS RGYAS SU 'GYUR BA NI SRID KYI, BZOD PA THOB PA LA NI DE LTA BU MI SRID DO, ,ZHES GSUNGS PA'I PHYIR, KHYAB STE, MDZOD RTZA 'GREL GNYIS KA'I DON YANG NYAN THOS KYI SBYOR LAM DROD RTZE GNYIS NAS SLOB MA NYAN THOS KYI RIGS LAS LDOG NAS SANGS RGYAS SU 'GYUR YANG, NYAN THOS SBYOR LAM BZOD PA NAS SANGS RGYAS SU 'GYUR BA MED CING, SANGS RGYAS LAS GZHAN RANG RGYAL DU NI NYAN THOS KYI SBYOR LAM DROD RTZE MO BZOD PA GSUM KA NAS 'GYUR BA YOD CES PA'I DON YIN PA'I PHYIR TE, DE'I DON YOD PA'I PHYIR, SEMS TZAM PA LA YANG RNAM BDEN BRDZUN GNYIS LAS, SEMS TZAM RNAM BDEN PA DANG LUNG GI RJES 'BRANG GI SEMS TZAM PA DON GCIG CING, RNAM BDEN PAS MTHAR THUG THEG PA GSUM DU GRUB PAR @009B 'DOD PA YIN TE, DES ZHI BA BGROD PA GCIG PU'I NYAN THOS SANGS MI RGYA BAR 'DOD PA'I PHYIR, LUNG GANG LA BRTEN NAS 'DOD CE NA, DE YOD DE, DGONGS 'GREL LAS, NYAN THOS KYI RIGS KYI GANG ZAG ZHI BA BGROD PA GCIG PU BA NI SANGS RGYAS THAMS CAD BRTZUN PA DANG LDAN PAR GYUR KYANG BYANG CHUB KYI SNYING PO LA BZHAG STE, BLA MED RDZOGS BYANG THOB PAR BYAR MI NUS SO, ,DE CI'I PHYIR ZHE NA, 'DI LTAR DE NI SNYING RJE SHIN TU CHUNG BA DANG, SDUG BSNGAL GYIS SHIN TU 'JIGS PA'I PHYIR DANG, RANG BZHIN GYIS RIGS DMAN PA KHO NA YIN PA'I PHYIR RO, ,ZHES PA DANG, SHER PHYIN GYI MDO LAS, GANG YANG DAG PA'I SKYON MED PA ZHES SOGS DANG, BLO GROS MI ZAD PA'I MDO LAS, GSUM PO 'DI DAG NI NGES PAR 'BYIN PAR BYED PA'I THEG PA YIN TE, 'DI LTA STE NYAN THOS KYI THEG PA DANG, RANG SANGS RGYAS KYI THEG PA DANG, THEG PA CHEN PA'O MDO LA BRTEN NAS BSGRUB PA'I PHYIR, SANGS RGYAS THAMS CAD BRTZON PA DANG LDAN PAR GYUR KYANG ZHES PA'I DON LA, KHA CIG ,DE BZHIN GSHEGS PAS ZHI BA BGROD BA GCIG PU'I NYAN THOS LA THEG CHEN LA ZHUGS SHIG CES BSKUL BAR MDZAD PA'I DON YIN ZER NA MI 'THAD DE, DE BZHIN GSHEGS PA'I BYANG CHUB 'GYUR BA PO'I NYAN THOS LA THEG CHEN LA ZHUGS SHIG CES BSKUL BAR MDZAD KYI ZHI BA BGROD PA GCIG PU'I NYAN THOS LA DE LTAR BSKUL BAR MA MDZAD PA'I PHYIR TE, GSER PHRENG LAS, DE BZHIN GSHEGS PA'I THEG CHEN LA BSKUL BA'I NYAN THOS NI YONGS SU 'GYUR BA LA BSHAD KYI ZHI BGROD LA MIN LA ZHES GSUNGS PA'I PHYIR, RIG PA'I SGRUB BYED YOD DE, RIGS CAN GSUM LA LAM DU MA ZHUGS PA'I GNAS SKABS SU KHAMS SAM MOS PA MI 'DRA BA GSUM, DE'I DBANG GI LAM DU ZHUGS NAS SGRUB PA MI 'DRA BA GSUM, DE'I DBANG GI 'BRAS BU BYANG CHUB MI 'DRA GSUM DU BZHAG PA'I PHYIR TE, MDO SDE RGYAN LAS, KHAMS RNAMS DANG NI MOS PA DANG, ,SGRUB PA THA DAD DBYE BA DANG, ,'BRAS BU THA DAD MTHONG @010A *, ,BA'I PHYIR, RIGS YOD NYID CES BRJOD PA YIN, ,ZHES GSUNGS PA'I PHYIR, 'O NA MTHAR THUG THEG PA GCIG TU BSGRUB PA'I MDO DANG 'GAL LO ZHE NA SKYON MED DE, MTHAR THUG THEG PA GCIG TU GRUB PAR BSTAN PA'I MDO DE DGONGS GZHI DGOS PA DNGOS LA GNOD BYED GSUM DANG LDAN PA'I SGO NAS DRANG DON DU 'GREL BA'I PHYIR, DE LTAR GSUNGS PA'I DGONGS GZHI YOD DE, THEG PA GSUM GYI CHOS DBYANGS NAM MKHA' LTAR NGO BO THA MI DAD PA DANG, THEG PA GSUM GYI 'PHAGS PA RNAMS KYIS BDAG MED MNGON SUM DU RTOGS PAR MTSUNGS PA DANG, THEG PA GSUM LA SDUG KUN SPONG BA'I RNAM GROL YOD PAR MTSUNGS PA DANG, GNAS SKABS NYAN RANG DU RIGS NGES PA GNYIS MTHAR THEG PA CHEN PO'I LAM DU 'JUG PAR MTSUNGS PA DANG, DE BZHIN GSHEGS PAS BDAG GIS SNGON BYANG CHUB SEMS DPA'I SPYOD PA SPYAD PAS SANGS RGYAS SO ZHES GSUNGS PA NA, BYANG CHUB SEMS DPA' NYAN THOS KYI LAM LA ZHUGS PA 'GA' ZHIG LA YANG, BDAG GIS KYANG SNGON BYANG CHUB SEMS DPA'I SPYOD PA SPYAD PAS BDAG KYANG SANGS RGYA BAR 'GYUR RO SNYAM PA'I BSAM PA MTSUNGS PA THAD GCIG TZAM SKYE BA DANG, SPRUL PA'I NYAN THOS 'TSANG RGYA BA DANG, THEG PA GSUM GYI NANG NAS THEG PA CHEN PO MCHOG YIN PA DANG BDUN LA DGONGS PA'I PHYIR, MDO SDE RGYAN LAS, CHOS DANG BDAG MED GROL BA RNAMS, ,MTSUNGS PHYIR RIGS NI THA DAD PHYIR, ,BSAM GNYIS THOB PHYIR SPRUL PA'I PHYIR, ,MTHAR THUG PHYIR NA THEG GCIG NYID CES GSUNGS PA'I PHYIR, DGOS PA YOD DE, THEG DMAN RIGS MA NGES PA RNAMS THEG CHEN LAM DU KHA DRANG BA DANG, THEG CHEN RIGS MA NGES PA RNAMS THEG DMAN DU MI LTUNG BAR RJES SU BZUNG BA'I CHED YIN PA'I PHYIR, MDO SDE RGYAN LAS, KHA CIG DAG NI DRANG PHYIR DANG, ,GZHAN DAG RJES SU BZUNG BA'I PHYIR, ,RDZOGS PA'I SANGS RGYAS RNAMS @010B KYIS NI, ,MA NGES RNAMS LA THEG GCIG BSTAN, ,CES GSUNGS PA'I PHYIR DANG, GSER PHRENG LAS, KHA CIG NI NYAN THOS DANG GZHAN DAG NI BYANG SEMS RIGS MA NGES PA'O ZHES GSUNGS PA'I PHYIR, DNGOS LA GNOD BYED YOD DE, MTHAR THUG THEG PA GSUM DU SGRUB PA'I LUNG RIG GNYIS KYIS GNOD PA'I PHYIR, DE YANG YONGS SU 'GYUR BA PO'I NYAN THOS THEG CHEN LAM DU 'JUG PA NA LHAG BCAS MYANG 'DAS NAS 'JUG GI, LHAG MED MYANG 'DAS NAS 'JUG PA MIN TE, BSDU BA LAS, NYAN THOS BYANG CHUB TU YONGS SU 'GYUR BA NI, PHUNG PO LHAG MA DANG BCAS PA'I MYA NGAN LAS 'DAS PA'I DBYINGS LA GNAS SHING BLA NA MED PA YANG DAG PAR RDZOGS PA'I BYANG CHUB SGRUB PAR BYED DAM, 'ON TE PHUNG PO LTAG MA MED PA'I MYA NGAN LAS 'DAS PA'I DBYINGS LA GNAS SHING BYED CE NA SMRAS PA PHUNG PO'I LHAG MA DANG BCAS PA'I MYA NGAN LAS 'DAS PA'I DBYINGS LA GNAS SHING BYED DE, 'DI LTAR PHUNG PO'I LHAG MA MED PA'I MYA NGAN LAS 'DAS PA'I DBYINGS LA GNAS PA NI RTZOM PA THAMS CAD DANG 'BAD PA THAMS CAD RGYUN BCAD PA YIN NO, ,ZHES GSUNGS PA'I PHYIR, 'ON KYANG GZHAN NGOR LHAG BCAS PA'I RTEN DE LA GNAS BZHIN PA'I NGANG NAS THEG CHEN LAM DU 'JUG PA MA YIN TE, SANGS RGYAS RNAMS KYI GSUNG GIS BSKUL BA NA, DES SPRUL PA'I LUS KYIS GZHIN NGOR LHAG MED DU MYA NGAN LAS 'DA' TSUL BSTAN TE, DBEN PAR GNAS NAS THEG CHEN LAM DU 'JUG PA'I PHYIR, GSER PHRENG LAS, LHAG MED NAS MI LDOG PA DANG, LHAG BCAS NAS LDOG PA'I TSUL YANG RDZU 'PHRUL GYI MTHUS TSE BSRINGS NAS BYANG CHUB BSGRUB LA, RANG GIS LUS MYA NGAN LAS MI 'DA' BAR BYIN GYIS BRLABS CING, SPRUL PA'I LUS KYIS GZHAN NGOR LHAG MED DU 'DA' TSUL BSTAN NAS LUS SNGA MA LHA RNAMS KYIS KYANG MI MTHONG BAR BDEN PAR GNAS TE TSOGS YONGS SU RDZOGS PAR BYED DO, ,ZHES GSUNGS PA'I PHYIR, MTHAR THUG THEG PA GSUM DU GRUB PAR 'DOD PA GAL @011A *, ,CHE BAS, RIGS LA 'DUS BYAS KYIS KHYAB PAR KHAS LEN KYANG, MTHAR THUG THEG PA GSUM DU GRUB PAR 'DOD PA'I SEMS TZAM PA YIN NA, RIGS LA 'DUS BYAS KYIS KHYAB PAR KHAS LEN PAS MA KHYAB STE, SLOB DPON SHANTI BA DE MTHAR THUG THEG PA GSUM DU GRUB PAR 'DOD PA'I SEMS TZAM PA YIN PA GANG ZHIG, DES RIGS YIN NA, 'DUS BYAS YIN PAS KHYAB PA KHAS MI LEN PA'I PHYIR, DANG PO GRUB STE, SLOB DPON SHANTI PA DE, MTHAR THUG THEG PA GSUM DU GRUB PAR BSTAN PA'I MDO NGES DON GYI MDOR KHAS LEN PA'I SEMS TZAM PA YIN PA'I PHYIR, GSER PHRENG LAS, SHANTI PAS KYANG THEG GSUM NGES DON YIN PAR SGRUB BYED DU MAS SGRUB PAR BYED DO, ,ZHES GSUNGS PA'I PHYIR, GNYIS PA GRUB STE, MDO SDE RGYAN DU, SEMS CAN GYI RGYUD KYI CHOS NYID RIGS SU BSTAN PA BZHIN DU SLOB DPON SHANTI PAS SEMS CAN GYI RGYUD KYI CHOS NYID RIGS SU KHAS LEN PA'I PHYIR TE, GSER PHRENG LAS, CHOS NYID RIGS SU 'DOD PA YANG YOD DE, RGYAN 'DIR CHOS NYID RIGS SU BSTAN PA LA, SHANTI PAS KYANG DE LA RIGS SU BSHAD PA BZHIN NO, ,ZHES GSUNGS PA'I PHYIR, BYE MDO GNYIS DANG SEMS TZAM PA RNAMS MTHAR THUG THEG PA GSUM DU GRUB PAR KHAS LEN PAR MTSUNGS KYANG DE GSUM MTHAR THUG THEG BA GSUM 'DREN TSUL MI 'DRA STE, SEMS TZAM PAS DE GSUM 'DREN PA'I TSE, MTHAR THUG NYAN THOS KYI THEG PA, MTHAR THUG RANG RGYAL GYI THEG PA DANG, MTHAR THUG THEG PA CHEN PO DANG GSUM DU 'DREN SHING BYE MDO GNYIS KYIS DANG PO GNYIS SEMS TZAM PA DANG 'DRA YANG, GSUM PA LA MTHAR THUG THEG PA CHEN PO ZHES MI 'DREN PAR, MTHAR THUG SANGS RGYAS KYIS THEG PA ZHES 'DREN PA'I PHYIR TE, BYE MDO GNYIS KYI THEG PA CHEN PO KHAS MI LEN PA'I PHYIR, 'ON KYANG THEG PA CHEN PO KHAS LEN PA'I BYE MDO GNYIS NI YOD DE, RIGS PA'I @011B RJES 'BRANG GI MDO SDE PAS THEG PA CHEN PO KHAS LEN ZHING, BYE BRAG SMRA BA LA THEG PA CHEN PO KHAS LEN MI LEN GNYIS YOD PA'I PHYIR, DE LA THEG PA CHEN PO'I SDE SNOD MED CES SKUR BA 'DEBS MI 'DEBS GNYIS YOD PA'I PHYIR TE, KHA CHE BYE DRAG SMRAS LA YANG DE GNYIS YOD, GNAS MA BU PA'I SDE PA LA YANG DE GNYIS YOD PA'I PHYIR, RTAGS GNYIS KA GRUB STE, RGYUD BLA MA'I DAR tIKA LAS, GNAS MA BU PA'I SDE PA LA THEG PA CHEN PO'I SDE SNOD LA SKUR PA 'DEBS PA DANG MI 'DEBS PA GNYIS YOD PA, KHA CHE BYE BRAG TU SMRA BA SOGS LA YANG GNYIS SU YOD PAR SHES PAR BYA'O, ,ZHES GSUNGS PA'I PHYIR, GNYIS PA NI, RIGS PA'I RJES 'BRANG GI SEMS TZAM PA DANG, DBU MA PA RNAMS MTHAR THUG THEG PA GCIG TU GRUB PAR 'DOD CING, DE LTAR 'DOD PA'I LUNG GI SGRUB BYED YOD DE, DAM CHOS PAD DKAR DANG, 'PHAGS PA DPAL 'PHRENG GI MDO LAS DE LTAR GSUNGS SHING, LANG KAR GSHEGS PA LAS KYANG DE LTAR GSUNGS PA'I PHYIR, DANG PO GRUB STE, DAM CHOS PAD DKAR LAS, DRANG SRONG CHEN POS THEG PA GSUM BSTAN PA, , RNAM 'DREN RNAMS KYI THABS LA MKHAS PA STE, THEG PA GCIG STE GNYIS SU YOD MA YIN, ,BSTI BA'I DON DU THEG PA GSUM BSTAN TO, ,ZHES GSUNGS PA'I PHYIR, GNYIS PA GRUB STE, 'PHAGS PA DPAL 'PHRENG GI MDO LAS, YONGS SU MYA NGAN LAS 'DAS PA ZHES BYA BA 'DI NI DE BZHIN GSHEGS PA RNAMS KYI THABS SO, ,ZHES GSUNGS PA'I PHYIR, GSUM PA GRUB STE, LANG KAR GSHEGS PA LAS, BLO GROS CHEN PO NYAN THOS KYIS THEG PA BA RNAMS NI, NYAN THOS KYI THEG PAS GROL BA MIN GYI, ,'ON KYANG DE DAG THEG PA CHEN PO'I MTHAR THUG PA CAN YIN NO, ,ZHES GSUNGS PA'I PHYIR, DE YANG MDO DANG PO GNYIS KYI DON NI, DRANG SRONG CHEN PO SANGS RGYAS KYIS THEG PA GSUM BSTAN PA 'DIR NI, GDUL BYA NGAL GSO BA'I THABS MKHAS PA'I DBANG DU BYAS NAS YIN PAS @012A *, ,MTHAR THUG THEG PA GCIG TU GRUB KYI, GNYIS PA MED PAR BSTAN TO, ,ZHES PA'I DON DANG GSUM PA'I DON NI BYANG CHUB SEMS DPA' BLO GROS CHEN PO LA POS NAS, NYAN RANG RNAMS KYIS RANG LAM DU GROL BA MTHAR THUG MI THOB PAS, THEG CHEN GYI LAM DU ZHUGS NAS DE BSGRUB DGOS ZHES PA'O, ,GZHAN YANG, MTHAR THUG THEG PA GCIG TU GRUB STE, DE BZHIN GSHEGS PAS RANG NYID KYI BRNYES PA'I GO 'PHANG DE LA SEMS CAN THAMS CAD 'GOD PA'I PHYIR, MA GRUB NA, DE BZHIN GSHEGS PAS GDUL BYA KHA CIG LA THEG CHEN KHO NA BSTAN LA, GZHAN DAG LA THEG DMAN KHO NA BSTAN PAR THAL, MA GRUB PA DE'I PHYIR RO, ,'DOD NA, DE BZHIN GSHEGS PA DE GDUL BYA BKRI RIM LA MI MKHAS PA YIN PAR THAL, GDUL BYA LA NYE RING GI MNGON ZHEN DANG BCAS PA'I PHYIR, GZHAN YANG DE SEMS CAN THAMS CAD SANGS RGYAS KYI SAR 'GOD PAR THUGS BSKYED PAS THUGS RJE CHEN PO DANG MI LDAN PAR THAL, 'DI LA THEG PA CHEN PO BSTAN LA, GZHAN DAG LA THEG DMAN KHO NA BSTAN SNYAM PA'I KUN SLONG GI RTOG PA GNYIS DANG BCAS PA'I PHYIR, GZHAN YANG, DE THEG PA CHEN PO LA GSANG SEMS KYI DPE MKHYUD DANG BCAS PAR THAL, RTAGS DE'I PHYIR, 'DOD MI NUS TE, DKON MCHOG BRTZEGS PA'I BDEN PA PO'I LE'U LAS, 'JAM DPAL GAL TE DE BZHIN GSHEGS PA KHA CIG LA NI THEG PA CHEN PO STON PAR 'GYUR LA, KHA CIG LA NI NYAN THOS DANG RANG SANGS RGYAS KYI THEG PA BSTAN NA, DE NI DE BZHIN GSHEGS PA'I THUGS YANGS SU MA DAG BAR YANG 'GYUR, MNGON PAR ZHEN PA'I NYES PAR YANG 'GYUR, THUGS RJE CHEN PO NYI TSE BAR YANG 'GYUR, 'DU SHES THA DAD PAR YANG 'BYUR, CHOS LA DPE MKHYUD BYED PAR YANG 'GYUR, ZHES GSUNGS PA'I PHYIR, 'O NA MTHAR THUG THEG PA GSUM DU BSTAN PA'I MDO DANG 'GAL LO ZHE NA, @012B SKYON MED DE, DE SGRA JI BZHIN PA MA YIN PA'I DRANG DON DGONGS PA CAN YIN PA'I PHYIR, DGONGS GZHI YOD DE, GDUL BYA RIGS CAN GSUM LA DANG POR KHAMS MI 'DRA BA GSUM, DE'I DBANG GIS MOS PA MI 'DRA BA GSUM, DE'I DBANG GI BAR DU SGRUB PA MI 'DRA BA GSUM, DE'I DBANG GI MTHAR 'BRAS BU MI 'DRA BA GSUM 'BYUNG BA LA DGONGS PA'I PHYIR TE, MDO SDE RGYAN LAS, KHAMS RNAMS DANG NI MOS PA DANG, ,SGRUB PA THA DAD DBYE BA DANG, ,ZHES SOGS GSUNGS PA'I PHYIR, DGOS PA YOD DE, 'KHOR BA'I SDUG BSNGAL GYIS DUB PA'I SEMS CAN RNAMS NGAL BSOS TE, MTHAR THEG PA CHEN PO LA BKRI BAR BYA BA'I CHED YIN PA'I PHYIR TE, BYANG CHUB SEMS 'GREL LAS, THEG PA GNYIS PO DAG KYANG NI, ,THEG PA CHEN PO 'JUG PAS NA, SRID PA'I LAM GYIS DU BA RNAMS LA, ,NGAL BSOS DON TE DE NYID MIN, ,ZHES GSUNGS PA'I PHYIR, DNGOS LA GNOD BYED YOD DE, DAM CHOS PAD DKAR LAS, MA 'ONGS DUS NA SH'A RI'I BU KHYOD KYANG, ,RGYAL BA DE BZHIN GSHEGS PA 'BYUNG 'GYUR TE, ,PAD+MA'I 'OD CES BYA BA KUN TU SPYAN, ,SROG CHAGS BYE BA STONG DAG RNAM PAR 'DUL, ,ZHES PA'I LUNG GIS GNOD PA'I PHYIR, GSUM PA NI, 'KHOR BA LA THOG MA'I MTHA' MED KYANG, MTHA' MA'I MTHA' YOD DE, MDO LAS, THOGS MED GYUR KYANG MTHA' MA DANG LDAN PA, ,ZHES DANG, RTZA SHES LAS, SNGON MTHA' MNGON NAM ZHES ZHUS TSE, ,THUB PA CHEN PO MIN ZHES GSUNGS, ,ZHES DANG, RIGS GTER LAS KYANG, SA BON THOG MTHA' YOD MIN KYANG, ,ZHES SOGS GSUNGS PA'I PHYIR, BZHI PA NI, NYAN RANG DGRA BCOM PA RNAMS THEG CHEN LAM DU 'JUG PA NA, DANG POR THEG CHEN GYIS TSOGS LAM NAS 'JUG PA YIN TE, DE KHYAB PA 'DU BYED KYI SDUG BSNGAL NYE BAR ZHI BA'I NYER ZHI'I DBYINGS LA SNYOMS PAR 'JUG PA'I 'PHEN PA MA ZAD KYI BAR DU DE LAS MI LDANG ZHING, 'PHEN PA DE ZAD PA LA NYE BA NA, 'OD DPAG MED LA SOGS @013A *, ,PA'I SKU'I 'OD ZER GYIS SAD PAR BYAS NAS, GSANG GI 'OD ZER GYIS BSKUL TE, THEG PA CHEN PO'I LAM DU 'JUG PA'I TSE, DANG POR SA GSER ZLA BA LTA BU'I SEMS BSKYED GSUM MNGON DU BYED PA'I PHYIR, LANG KAR GSHEGS PA LAS, TING NGE 'DZIN GYI LUS THOB NAS, ,BSKAL BA'I BAR DU MI SAD DO, ,DPER NA SKYES BU MYOS PA NI, ,MYOS 'GYUR MED NA SANGS PA LTAR, ,DE BZHIN DE DAG NGA YI SKU, ,SANGS RGYAS CHOS ZHES BYA BA THOB, ,ZHES GSUNGS PA'I PHYIR, 'O NA DANG PO NYID NAS THEG CHEN RIGS NGES KYI BYANG SEMS TSOGS LAM PA DANG, THEG DMAN DGRA BCOM PA'I RTOGS PA SNGON DU SONG BA'I BYANG SEMS TSOGS LAM PA GNYIS SANGS RGYA BA GANG MYUR ZHE NA, SNGA MA MYUR ZHING, PHYI MA BUL BA YIN TE, PHYI MA 'DIS BSKAL PA GRANGS MED BZHI TSOGS BSAGS NAS SANGS RGYA BAR SLOB DPON AA BHYA KA RAS BSHAD, BSKAL PA GRANGS MED BZHI BCU TSOGS BSAGS NAS SANGS RGYA BAR SLOB DPON DGE BA'I LHAS BSHAD PA'I PHYIR, DANG PO GRUB STE, SLOB DPON AA BHYA KA RAS THUB PA DGONGS RGYAN LAS, GNYIS PO DE DAG KYANG BSKAL BA GRANGS MED PA BZHI MNGON PAR RDZOGS NAS YANG DAG PAR RDZOGS PA'I SANGS RGYAS PA NYID 'BA' ZHIG GO, ZHES GSUNGS PA'I PHYIR RO, ,GNYIS PA GRUB STE, SLOB DPON DGE BA'I LHAS SPYOD 'JUG GI 'GREL BA LAS, 'DI NI BYANG CHUB KYI SEMS KYI STOBS KYIS NYAN THOS DAG LAS KYANG, BYANG CHUB SEMS DPA' THA NA BSKAL PA GRANGS MED PA BZHI BCUS MYUR BAR 'GYUR RO, ,ZHES DANG, MDO SDE RGYAN LAS KYANG, DE NYID YANG DANG YANG DU NI,, RANG SEMS KUN TU 'JUG LDAN PAS, ,MYA NGAN 'DAS LA MNGON DGA'I PHYIR, ,RTOGS PA BUL BA YIN PAR 'DOD, ,CES GSUNGS PA'I PHYIR, YAN LAG BZHI PA'I BSHAD BYA RTZA BA'I MDOR, KHO BO NI DE DAG GI DGE BA'I RTZA BA'I PHYOGS LA BAR CHAD MI @013B BYED DO ZHES GSUNGS, DE'I DON RJE BTZUN GYIS 'CHAD PA LA RANG BZHIN DANG NI ZHES GSUNGS, DE'I DON SLOB DPON GYIS 'CHAD PA LA BYANG CHUB TU SEMS BSKYED PA NI 'KHOR BA JI SRID SEMS CAN GYI DON BYED PAR ZHUGS PA NYID KYIS NYON MONGS PA RNAM PA THAMS CAD DU SPANGS PA MA YIN PA ZHES BYA BA NI RANG BZHIN YIN NO ZHES GSUNGS, DE YANG MDO DES RAB 'BYOR KHO BO NI NYAN RANG DE DAG GIS BYANG CHUB TU SEMS BSKYED MI NUS SO ZHES NYAN RANG GI SEMS BSKYED PA'I DGE BA'I PHYOGS LA BAR CHAD MI BYED PAR DNGOS SU BSTAN NAS, 'DOD SRID KYI ZAG PA DES BYANG CHUB SEMS DPA' RNAMS KYI DGE BA'I PHYOGS LA BAR CHAD MI BYED PAR GZHAN DON BSGRUB PA'I GROGS SU 'GYUR BAR DON GYIS BSTAN PA YIN NO, ,'DOD SRID KYI ZAG PA DE NYAN RANG RNAMS KYI DGE BA'I PHYOGS LA BAR CHAD DU 'GYUR BA YIN TE, DE NYAN RANG RNAMS KYI BYANG CHUB THOB PA'I BGEGS KYI GTZO BO YIN PA'I PHYIR, 'DOD SRID KYI NYON MONGS DES BYANG SEMS KYI BYANG CHUB THOB PA'I BGEGS MI BYED BAR MA ZAD, DE THOB PA'I GROGS BYED PA YIN TE, DES DE RNAMS KYI BYANG CHUB THOB PA LA PHAN PAR BYED PA'I PHYIR, DPER NA GRONG KHYER SKYE BO'I MI GTZANG BA'I LUD KYIS MYU GU SKYED PA BZHIN DU BYANG SEMS KYI RGYUD KYI NYON MONGS PAS BLA NA MED PA'I BYANG CHUB THOB PA LA PHAN PAR BYED PA'I PHYIR, DKON MCHOG BRTZEGS PA'I MDO LAS, JI LTAR GRONG KHYER SER SKYA'I MI GTZANG LUD, ,DE NI BU RAM SHING PA'I ZHING LA PHAN, ,DE BZHIN BYANG CHUB SEMS DPA'I NYON MONGS LUD, ,DE NI SANGS RGYAS CHOS RNAMS SKYE LA PHAN, ,ZHES GSUNGS PA'I PHYIR, 'DOD GZUGS KYI 'DOD CHAGS GNYIS PO DE 'DOD CHAGS YIN PAR MTSUNGS KYANG, 'DOD PA'I 'DOD CHAGS LA RANG MING NAS SMOS SHING, GZUGS KYI 'DOD CHAGS LA SRID PA'I MING GIS 'DOGS PA'I RGYU MTSAN YOD DE, 'DOD PA'I 'DOD CHAGS DE @014A *, ,'DOD CHAGS SHAS CHE BAS RANG MING NAS SMOS SHING, GZUGS KYI 'DOD CHAGS DE 'DOD CHAGS SHAS CHUNG BAS SRID PA'I MING GIS BTAGS NAS BSTAN PA'I PHYIR, DE YANG SPYIR NYON MONGS LA RTZA BA'I SGO NAS DBYE NA, 'JIG LTA, MTHAR LTA, LOG LTA, LTA BA MCHOG 'DZIN, TSUL KHRIMS BRTUL ZHUGS MCHOG 'DZIN GYI LTA BA TE LTA BA LNGA DANG, 'DOD CHAGS, KHONG KHRO, NGA RGYAL, NYON MONGS CAN GYI MA RIG PA, THE TSOM NYON MONGS CAN TE, LTA MIN LNGA DANG BCU YOD PA LAS, 'JIG LTA, MTHAR LTA, LTA BA MCHOG 'DZIN, TSUL KHRIMS BRTUL ZHUGS MCHOG 'DZIN GYI LTA BA, THE TSOM NYON MONGS CAN RNAMS BYANG SEMS 'PHAGS PA'I GZHAN DON DU SGRUB PA'I YAN LAG DU BSGYUR DU MED DE, DANG PO GNYIS KYIS THAR LAM LA 'GRO MI 'DOD PAR BYED, BAR PA GNYIS KYIS LAM LOG PAR 'KHRID PAR BYED, MTHA' MAS LAM LA THE TSOM ZA BA'I SGO NAS THAR BA BSGRUB PA LA BGEGS BYED PA'I PHYIR TE, MDZOD LAS, 'GRO MI 'DOD DANG LAM NOR DANG,, LAM LA THE TSOM JI SNYED CIG ,THAR PA BGROD LA BGEGS BYED PA, ,DE YI PHYIR NA GSUM BSTAN TO, ,ZHES GSUNGS PA'I PHYIR, KHONG KHRO DANG NGA RGYAL GNYIS KYANG BYANG SEMS 'PHAGS PA'I GZHAN DON SGRUB PA'I YAN LAG TU BSGYUR DU MED DE, BYANG SEMS 'PHAGS PA'I DE GNYIS CHED DU GNYER NAS SPONG BA'I PHYIR, NYON MONGS CAN GYI MA RIG PA DANG LOG LTA SOGS RNAM PA THAMS CAD DU GZHAN DON SGRUB PA'I YAN LAG TU BSGYUR DU MED DE, RNAM BSHAD SNYING PO RGYAN LAS, NYON MONGS CAN GYI MA RIG PA DANG LOG LTA SOGS GZHAN DON SGRUB PA'I YAN LAG TU DGOS PA CUNG ZAD KYANG MED PAS, MTHONG SPANGS KYIS BSDUS PA RNAMS NI DER ZAD PAR SPANGS PA YIN NO, ,ZHES GSUNGS PA'I PHYIR, 'DOD GZUGS KYI 'DOD CHAGS RNAMS KYIS BYANG SEMS @014B 'PHAGS PA BYANG CHUB THOB PA'I BGEGS MI BYED PAR MA ZAD GROGS BYED PA YIN TE, DPER NA SNGAGS RDZAS KHYAD PAR CAN DANG MI LDAN PA'I GANG ZAG LA LCAGS GONG DMAR 'BAR BAS TSA REG BSKYED KYANG DE DANG LDAN PA'I GANG ZAG LA TSA REG MI BSKYED PA DANG, BTZAN DUG GIS SKYES BU RANG GA BA'I SROG LA GNOD KYANG, RMA BYA'I LUS STOBS BSKYED PA DANG, ME CHUNG NGU 'BAR BA LA RLUNG CHEN POS GNOD PA DANG, ME CHEN PO 'BAR BA LA RLUNG CHEN POS GROGS BYED PA BZHIN DU THABS SHES KHYAD PAR CAN DANG MI LDAN PA'I GANG ZAG LA NYON MONGS PAS GZHAN DON BSGRUB PA'I BGEGS BYED KYANG, DE DANG LDAN PA'I GANG ZAG LA GZHAN DON BSGRUB PA'I GROGS BYED PA'I PHYIR, 'O NA DMAN LAM SNGON DU MA SONG BA'I BYANG CHUB SEMS DPAS 'DOD SRID KYI NYON MONGS GZHAN DON SGRUB PA'I YAN LAG TU BSGYUR TSUL DE JI LTA BU ZHE NA, DE YOD DE, DE 'DRA'I BYANG CHUB SEMS DPAS SPRUL BSGYUR SNA TSOGS KYI SGO NAS GANG LA GANG 'DOD KYI DON SGRUB PAR BYED CING, DE'I TSE BYANG SEMS KYIS STONG 'KHOR LOS SGYUR BA'I RGYAL PO SOGS SU SKYE BA BZHES TE, BTZUN MO STONG KHAB TU BZHES, SRAS STONG BSKRUN TE, SRAS 'GA' ZHIG CHOS KYI RGYAL SRID LA BKOD NAS GZHAN DON DU BSGRUB TU BCUG, SRAS 'GA' ZHIG 'JIG RTEN GYI RGYAL SRID LA BKOD NAS GZHAN DON BSGRUB TU BCUG LA, DE'I TSE BTZUN MO DANG LHAN CIG TU SPYOD PA'I CHAGS SOGS NYON MONGS PA DE GZHAN DON SGRUB PA'I YAN LAG TU 'GYUR BA'I PHYIR, YAN LAG BZHI PA'I 'GREL BA'I DON NI, BYANG CHUB SEMS DPAS SEMS CAN GYI DON BYED TSUL DU MA YOD DE, TSOGS SBYOR BA RNAMS KYIS GTZO BOR MOS SPYOD DANG, BYANG SEMS 'PHAGS PA RNAMS KYIS DNGOS SU 'GRO BA'I DON BYED PA'I PHYIR, GNAS GANG DU GZHAN DON BSGRUB TSUL YOD DE, SPYIR GZHAN DON SGRUB PA'I GNAS DE LA DAG MA DAG CI RIGS YOD CING, GNAS DER GZHAN DON BSGRUB PA'I TSE NA YANG, DER SKYE BA LEN MA DGOS PAR SPRUL BSGYUR SNA TSOGS PAS @015A *, ,'BAD MED LHUN GRUB DU 'JUG PA GCIG DANG, DER SKYE BA BLANGS NAS 'GRO BA'I DON BSGRUB PA GNYIS LAS, DANG PO NI, SANGS RGYAS 'PHAGS PA KHO NA DANG, GNYIS BA BYANG SEMS YIN LA, DAG PA DANG MA DAG PA'I GNAS SRID RTZE NAS MNAR MED KYI BAR DU CI RIGS PAR SKYE BA LEN PA'I GANG ZAG DE LA YANG, LAS NYON GYIS DBANG GIS MI 'DOD BZHIN DU SKYE BA LEN PA GCIG DANG, NGAM NGAM SHUGS KYIS SKYE BA LEN PA GCIG ,BSAM BZHIN DU SKYE BA LEN PA DANG GSUM LAS, SO SKYE THA MAL PA DANG NYAN RANG SLOB PA PHAL CHER NI DANG PO DANG, NYAN RANG MI SLOB PA RNAMS NI MA RIG BAG CHAGS KYI SA DANG ZAG MED KYI LAS LA BRTEN NAS DAG PA'I ZHING BDE BA CAN LTA BUR MNYES TSUL GYIS SKYE BA LEN SHING, BYANG SEMS RNAMS SNYING RJE DANG SMON LAM GYI DBANG GIS DGA' BZHIN SPRO BZHIN DU DAG MA DAG GI ZHING CI RIG PAR SKYE BA LEN PAR BYED LA, DE'I TSE BYANG SEMS 'PHAGS PA RNAMS 'KHOR BA'I GNAS DE DANG DER SKYE BA BLANGS TE SEMS CAN MA BSGRAL BA RNAMS SGROL BA SOGS KYI MDZAD PA MDZAD CING, SDUG BSNGAL DRAG PO DANG DU BLANGS TE THABS SNA TSOGS KYI SGO NAS SEMS CAN GYI DON BYED PA YIN PA'I PHYIR, NYON MONGS PA RNAM PA THAMS CAD SPANGS PA MIN PA ZHES SOGS KYI DON YOD DE, DMAN LAM SNGON DU MA SONG BA'I BYANG SEMS 'PHAGS PAS RANG RGYUD KYIS 'DOD PA'I 'DOD CHAGS DANG SRID PA'I ZAG PA GNYIS CHED DU GNYER NAS MI SPONG STE, DES DE GNYIS GZHAN DON BYED PA'I YAN LAG TU BSGYUR BA'I PHYIR, DE LTAR YIN KYANG BDEN 'DZIN DU GYUR PA'I MA RIG PA DANG, 'JIG LTA'I BAG LA NYAL GNYIS CHED DU GNYER NAS SPONG STE, 'GREL CHEN LAS, MA RIG PA DANG LTA BAS BSDUS PA'I BAG LA NYAL SPONG GI, 'DOD PA DANG SRID PA'I ZAG PA NI MA YIN TE, BSAM BZHIN DU SRID PAR SKYE BA LEN PA'I PHYIR, ZHES GSUNGS PA'I PHYIR, 'DOD GZUGS KYI @015B ZAG PA GNYIS NI 'DIR BSTAN PA'I NYON MONGS YIN LA, KHA CIG BLO GROS RGYA MTSOS ZHUS PA'I MDO LAS, BYANG SEMS 'PHAGS PA 'KHOR BAR SKYE BA LEN PA'I RGYU BRGYAD BSHAD PA RNAMS SKABS 'DIR BSTAN PA'I NYON MONGS YIN ZER BA MI 'THAD DE, BRGYAD PO DE LAM SHES KYI THABS KYI CHA YONGS SU RDZOGS PA YIN PAS, BYANG SEMS 'PHAGS PAS CHED DU GNYER NAS SPONG NGAM SNYAM PA'I DOGS BA SKABS 'DIR DPYAD MA DGOS SHING, SKABS 'DIR BSTAN PA'I NYON MONGS YIN NA NYON MONGS MTSAN NYID PA YIN DGOS PA'I PHYIR, SKABS 'DIR BSTAN PA'I NYON MONGS NYON MONGS BTAGS PA BA MA YIN TE, DE YIN NA NYAN THOS SLOB PA 'PHAGS PA'I SPANGS BYA'I GTZO BOR GYUR PA'I NYON MONGS NYON MONGS BTAGS PA BA YIN DGOS PAS DE MA YIN PA'I PHYIR, SKABS 'DIR BSTAN PA'I NYON MONGS NYON MONGS BTAGS PA BA MA YIN KYANG, SPYIR NYON MONGS BTAGS PA BA YOD DE, BRGYAD PO DE DE YIN PA'I PHYIR, DE LA NYON MONGS SU 'DOGS PA'I CHOS GSUM TSANG BA'I PHYIR, 'DOGS BA'I RGYU MTSAN YOD DE, NYON MONGS KYI DBANG GIS KHAMS GSUM DU SBYOR BA BZHIN DU, BRGYAD PO DES KYANG RANG RGYUD LDAB GYI GANG ZAG 'GA' ZHIG KHAMS GSUM DU SBYOR BA'I PHYIR, BLO GROS RGYA MTSOS ZHUS PA'I MDO LAS, BLO GROS RGYA MTSO 'DI LTAR DE LTA BU'I NYON MONGS PA DE DAG GIS BYANG CHUB SEMS DPA' KHAMS GSUM DU KUN TU SBYOR LA, KHAMS GSUM PO YANG NYON MONGS PA LAS BYUNG BA YIN NO, ,ZHES GSUNGS PA'I PHYIR, BTAGS PA'I DGOS PA YOD DE, BYANG SEMS 'PHAGS PA GZHAN DON LHUR LEN PA YIN NO ZHES SHES PAR BYA BA'I CHED YIN PA'I PHYIR, DNGOS LA GNOD BYED YOD DE, DE DAG DGE RTZA YIN PA'I PHYIR, RGYU BRGYAD NI, BLO GROS RGYA MTSOS ZHUS PA'I MDO LAS, DE DAG GI 'KHOR BA'I RGYU DGE BA'I RTZA BA DANG MTSUNGS PAR LDAN PA'I NYON MONGS PA GANG ZHE NA, 'DI LTA STE BSOD NAMS KYI TSOGS YONGS SU TSOL BAS MI NGOMS PA @016A *, ,DANG, BSAM BZHIN DU SRID PAR SKYE BA YONGS SU 'DZIN PA DANG, SANGS RGYAS DANG PHRANG PA DON DU GNYER BA DANG, SEMS CAN YONGS SU SMIN PAR BYA BA'I PHYIR MI SKYO BA DANG, DAM PA'I CHOS 'DZIN PA LA BRTZON PA DANG, SEMS CAN GYI BYA BA CI YOD PA LA 'GRUS PA DANG, CHOS LA CHAGS PA'I BSAM PA DANG MA BRAL BA DANG, PHA ROL TU PHYIN PA'I KUN TU SBYOR BA RNAMS MI 'DOR BA STE, ZHES GSUNGS PA 'DI BRGYAD DO, ,'PHAGS PA DPAL 'PHRENG GI MDO LAS, NYAN RANG DGRA BCOM PA DANG BYANG SEMS 'PHAGS PA RNAMS MA RIG BAG CHAGS KYI SA DANG, ZAG MED KYI LAS LA BRTEN NAS SKYE BA LEN PAR BSHAD DE, DPAL 'PHRENG GI MDO LAS, BCOM LDAN 'DAS DPER NA LEN PA'I RKYEN GYIS ZAG PA DANG BCAS PA'I LAS KYI RGYU LAS SRID PA GSUM 'BYUNG BA DE BZHIN DU BCOM LDAN 'DAS MA RIG PA'I BAG CHAGS KYIS RKYEN GYIS ZAG PA MED PA'I LAS KYI RGYU LAS KYI BYUNG BA DGRA BCOM PA DANG, RANG SANGS RGYAS DANG, DBANG THOB PA'I BYANG CHUB SEMS DPA' RNAMS KYI YID KYI RANG BZHIN GYI LUS GSUM BYUNG STE ZHES GSUNGS PA'I PHYIR, DE YANG MA RIG BAG CHAGS KYI SA DANG, NYON MONGS PA'I BAG CHAGS KYI ZAG BCAS KYI GNAS NGAN LEN RNAMS DON GCIG PA YIN TE, GTAN LA DBAB PA BSDU BA LAS, ZAG PA DANG BCAS PA'I GNAS NGAN LEN NI, NYON MONGS PA'I BAG CHAGS ZHES BYA STE, DE YANG DGRA BCOM PA DANG RANG SANGS RGYAS KYIS NAM SPANGS KYI DE BZHIN GSHEGS PA NYAG GCIG GIS SPANGS PA YIN TE, DE NI BAG CHAGS YANG DAG PAR BCOM PA GANG YIN PA DE NI SANGS RGYAS KYI CHOS MA 'DRES PA ZHES BYA'O, ,ZHES GSUNGS PA'I PHYIR, GSER 'PHRENG LAS KYANG, ZAG PA'I GNAS NGAN LEN DANG, ZAG BCAS KYI GNAS NGAN LEN GNYIS LAS, DANG PO NYAN THOS DGRA BCOM PA DANG RANG RGYAL KYIS SPANGS SHING, PHYI MA SANGS RGYAS KHO NAS @016B SPANGS PAR BSHAD PA'I PHYIR, 'DI DANG MA RIG BAG CHAGS KYI SA DON GCIG ZHES GSUNGS PA'I PHYIR, ZAG MED KYI LAS NI NGO BO LA NYON MONGS KYIS BSLAD PA MA ZHUGS SHING RANG 'BRAS 'KHOR BA'I RGYUR GYUR PA'I SEMS PA'I LAS ZHIG LA BYED PA YIN TE, GSER 'PHRENG LAS; ZAG MED KYI LAS NI NYON MONGS DANG MA 'DRES LA, SRID PA'I RGYUR GYUR PA'I SEMS PA STE SNGAR BSTAN PA BRGYAD PO LTA BUR MNGON NO, ,ZHES GSUNGS PA'I PHYIR, 'DI LTAR NA SNGAR BLO GROS RGYA MTSOS ZHUS PA'I MDO LAS BSTAN PA'I DE BRGYAD PO RE RE'I MTHAR RANG 'BRAS 'KHOR BA'I RGYUR GYUR PA'I SEMS PA'I LAS ZHES SBYAR NAS DE BRGYAD KYANG ZAG MED KYI LAS SU 'JOG PA 'DRA STE DPYAD PAR BYA'O, ,'O NA MA RIG BAG CHAGS KYI SA DANG ZAG MED KYI LAS LA BRTEN NAS YID KYI RANG BZHIN GYI LUS LEN PA DE LAM GANG NAS YOD ZHE NA, SA BRGYAD PA NAS YOD DE, RNAM BSHAD LAS, SA BDUN PA MAN CHAD LAS KYANG 'BAD PAS BSGRUBS NA MA RIG BAG CHAGS KYI SA DANG ZAG MED KYI LAS LA BRTEN NAS YID KYI RANG BZHIN GYI LUS LEN NUS MOD, NGAM NGAM SHUGS KYIS GRUB PA NI NYAN RANG DGRA BCOM PA DANG DBANG THOB PA'I BYANG CHUB SEMS DPA' RNAMS YIN PAR SHES PAR BYA'O, ,ZHES GSUNGS PA'I PHYIR, THOB BYA'I DBANG LA BCU YOD KYANG SKYE BA LA DBANG THOB PA'I DON NI, LAS NYON GYI SKYE BA LEN MI DGOS PAR SNYING RJE DANG SMON LAM GYI DBANG GIS JI LTAR 'DOD 'DOD DU SKYE BA BLANG CHOG PA NI SKYE BA LA DBANG THOB PA'I DON NO, ,DE LTAR SKYE BA LEN PA NI, SBYOR LAM BZOD PA NAS THOB STE, DE NAS 'JA' LUS LTA BU'I SKU GCIG THOB PA'I PHYIR, DES NA DMAN LAM SNGON DU MA SONG BA'I BYANG SEMS 'PHAGS PAS 'DOD SRID KYI NYON MONGS GZHAN DON SGRUB PA'I YAN LAG TU BSGYUR BA NI BYANG SEMS KYI NUS MTHU KHYAD PAR CAN MTSON PA TZAM YIN GYI DE KHO NAR NGES PA NI MA YIN TE, NYAN RANG DGRA BCOM PA'I RTOGS PA SNGON DU SONG BA'I BYANG CHUB SEMS DPA'I 'DOD SRID @017A *, ,KYI NYON MONGS GZHAN DON SGRUB PA'I YAN LAG TU BSGYUR DU MED KYANG, DE'I RGYUD KYI LAM SHES DE NYAN RANG GI LAM LAS RANG BZHIN GYI SGO NAS KHYAD PAR DU 'PHAGS PA'I PHYIR, YAN LAG LNGA PA'I BSHAD BYA RTZA BA'I MDO LAS, KHYAD PAR DU 'PHAGS PA'I CHOS RNAMS LAS CHOS KHYAD PAR DU 'PHAGS PA'I CHOS RNAMS THOB PAR BYA'O, ,ZHES GSUNGS PA'I PHYIR, DE'I DON JE BTZUN GYIS 'CHAD PA LA, DE YI LAS ZHES GSUNGS, DE'I DON SLOB DPON GYIS 'CHAD PA LA, DE'I 'OG TU DE LTA BU'I RANG BZHIN CAN GYI LAS NI YANG DAG PA'I MTHA' MNGON DU MI BYED PA DANG, SHES RAB DANG THABS LA MKHAS PA'I SEMS CAN YONGS SU MA BSDUS PA YONGS SU SDUD PA LA SOGS PA YIN PAS BYED PA YIN NO,, ZHES GSUNGS, DE YANG THOG MAR MDO'I DON CUNG ZAD BSHAD NA, 'DI'I KHYAD PAR DU 'PHAGS PA'I CHOS NI BYANG SEMS KYI LAM YIN LA DE GANG LAS KHYAD PAR DU 'PHAGS NA PHYI ROL PA DANG, 'JIG RTEN ZHI RAGS KYI RNAM PA CAN GYI LAM LAS KHYAD PAR DU 'PHAGS PA YIN PA'I PHYIR, 'DI'I CHOS KHYAD PAR DU 'PHAGS PA'I CHOS NI BYANG SEMS KYI LAM YIN LA DE GANG LAS KHYAD PAR DU 'PHAGS NA NYAN RANG GI LAM LAS KHYAD PAR DU 'PHAGS PA YIN NO, ,ZHES PA'I DON DANG, 'GREL PA'I DON NI, RANG BZHIN BSHAD ZIN NAS DE'I 'OG TU DE LTA BU'I RANG BZHIN KHYAD PAR CAN GYI LAM SHES CHOS CAN, BYED LAS KHYAD PAR CAN DANG LDAN PA YIN TE, THABS SHES KHYAD PAR CAN DANG LDAN PA'I SGO NAS DUS MA YIN PAR YANG DAG MTHA' MNGON DU MI BYED CING, BSDU BA'I DNGOS PO BZHI'I SGO NAS SEMS CAN 'KHOR DU MA BSDUS PA RNAMS SDUD PA DANG, BSDUS PA RNAMS SMIN PA DANG, SMIN PA RNAMS GROL BAR BYED PA'I BYED LAS KHYAD PAR CAN LDAN PA YIN PA'I PHYIR ZHES PA'I DON NO, ,GSUM PA SA 'TSAMS @017B NI; LAM MA ZHUGS NAS SANGS RGYAS KYI SA'I BAR DU YOD, LAM SHES KYI YAN LAG BSHAD ZIN TO, ,GNYIS PA YAN LAG CAN GYI LAM SHES BSHAD PA LA, NYAN THOS KYI LAM SHES PA'I LAM SHES BSHAD PA, RANG RGYAL GYI LAM SHES PA'I LAM SHES BSHAD PA, BYANG SEMS KYI LAM SHES PA'I LAM SHES BSHAD PA DANG GSUM LAS, DANG PO LA DNGOS DANG RGYU NGES 'BYED CHA MTHUN BSHAD PA GNYIS, DANG PO 'CHAD PA LA, RTZA BAR, LAM SHES NYID KYI TSUL LA NI ZHES SOGS TSIG RKANG BZHI GSUNGS, DON NI MI RTAG SOGS BCU DRUG MNGON SUM DU RTOGS PA'I BYANG SEMS KYI MTHONG LAM CHOS CAN, KHYOD LAM SHES NYID KYI TSUL LA NI NYAN THOS KYI LAM SHES PA'I LAM SHES YIN PAR SHES PAR BYA STE, KHYOD 'PHAGS PA'I BDEN PA BZHI DAG GI RNAM PA BCU DRUG SEMS BSKYED BSNGO BA DANG BDEN PAR MI DMIGS PAR RTOGS PA'I SHES RAB KYIS ZIN PA'I SGO NAS NYAMS SU LEN PA'I THEG CHEN 'PHAGS PA'I MKYEN PA YIN PA'I PHYIR, NGO BO YOD DE KHYAD CHOS GSUM GYIS ZIN PA'I SGO NAS NYAN THOS KYI RTOGS RIGS SU GNAS PA'I THEG CHEN 'PHAGS PA'I MKHYEN PA DE DE YIN PA'I PHYIR, SKABS 'DIR KHYAD CHOS GSUM BSTAN TSUL YOD DE, STONG NYID RTOGS PA'I SHES RAB DNGOS SU BSTAN NAS, SEMS BSKYED DANG BSNGO BA GNYIS SHUGS LA BSTAN PA'I PHYIR, SHAR CHEN NAM MKHA' RGYAL MTSAN GYI MDZAD PA'I SPYI DON LAS, SKABS 'DIR STONG NYID RTOGS PA'I SHES RAB DNGOS SU BSTAN NAS, GZHAN GNYIS DNGOS SU MI STON PA'I RGYU MTSAN CI YIN ZHE NA, DE'I RGYU MTSAN YOD DE, STONG NYID RTOGS PA'I SHES RAB GTZO BOR DNGOS GZHI'I GNAS SKABS SU LDAN PA DANG, GZHAN GNYIS GTZO BOR SBYOR BA DANG, RDZAS KYI GNAS SKABS SU LDAN PA'I RGYU MTSAN GYI YIN PA'I PHYIR, ZHES GSUNGS PA'I PHYIR, 'O NA NYAN THOS LAM 'DI SHES PAR BYA, ZHES BSHAD NA, 'DIR BSTAN SHES BYA NYAN THOS KYI LAM DE GANG @018A *, ,DE BYANG CHUB SEMS DPAS SHES PAR BYED TSUL GANG YIN ZHE NA, MI RTAG SOGS BCU DRUG MNGON SUM DU RTOGS PA'I YE SHES NYID, 'DIR BSTAN SHES BYA NYAN THOS KYI LAM YIN GYI, NYAN THOS 'PHAGS PA'I RGYUD KYI MI RTAG SOGS BCU DRUG MNGON SUM DU RTOGS PA'I YE SHES DE, 'DIR BSTAN SHES BYA NYAN THOS KYI LAM MA YIN TE, 'DIR BSTAN SHES BYA NYAN THOS KYI LAM DANG, SKABS DANG POR NYAN THOS KYI LAM GANG YIN PA DANG ZHES PA'I SKABS NAS BSTAN PA'I NYAN THOS KYI LAM DON GCIG ,DE GNYIS GANG YIN KYANG BYANG CHUB SEMS DPAS RANG RGYUD LA BSKYED NAS SHES PAR BYED DGOS PA'I PHYIR TE, LAM THAMS CAD BSKYED PAR BYA ZHING LAM THAMS CAD SHES PAR BYA'O, ,ZHES GSUNGS PA'I PHYIR, DE BZHIN DU BYANG SEMS 'PHAGS PA'I RGYUD KYI MI RTAG SOGS BCU DRUG MNGON SUM DU RTOGS PA'I YE SHES DE YANG, 'DIR BSTAN SHES BYA NYAN THOS KYI LAM MA YIN TE, 'DIR BSTAN SHES BYA NYAN THOS KYI LAM DE NYAN THOS SLOB PAS RANG RGYUD LA BSKYED NAS SHES PAR BYED DGOS PA'I PHYIR, DE LTAR YIN KYANG, 'DIR BSTAN NYAN THOS KYI LAM YIN NA 'DIR BSTAN SHES BYA NYAN THOS KYI LAM YIN PAS MA KHYAB STE, DANG PO NYID NAS THEG CHEN DU RIGS NGES PA'I BYANGS SEMS 'PHAGS PA'I RGYUD KYI MI RTAG SOGS BCU DRUG MNGON SUM DU RTOGS PA'I YE SHES DE, 'DIR BSTAN NYAN THOS KYI LAM YIN KYANG, DE 'DIR BSTAN SHES BYA NYAN THOS KYI LAM MA YIN PA'I PHYIR, DE 'DIR BSTAN GANG SHES PAR BYA BA'I NYAN THOS KYI LAM MA YIN PA'I PHYIR, 'DIR BSTAN NYAN THOS KYI LAM YIN TE 'DIR BSTAN SHES BYED NYAN THOS KYI LAM YIN PA'I PHYIR TE, DE 'DIR BSTAN NYAN THOS KYI LAM SHES PA'I LAM SHES YIN PA'I PHYIR, DE YANG YIN TE, SKABS 'DIR SHUGS BSTAN BSTAN BYA'I GTZO BOR GYUR PA'I NYAN THOS KYI LAM SHES PA'I LAM SHES YOD @018B PA'I PHYIR, RNAM BSHAD LAS, SKABS 'DIR BSTAN PA'I NYAN THOS KYI LAM SHES PA'I LAM SHES NI, MI RTAG SOGS BCU DRUG MNGON SUM DU RTOGS PA'I YE SHES YIN LA, DE YANG NYAN THOS KYI RIGS CAN RJES SU BZUNG BA'I PHYIR DU BSGOMS PA YIN NO, ,ZHES GSUNGS PA'I PHYIR, 'DIR BSTAN SHES BYA NYAN THOS KYI LAM DE BYANG CHUB SEMS DPA'I SHES PAR BYED TSUL YOD DE, SBYOR LAM GYI SKABS SU RANG RGYUD LA BSKYOD NAS DON SPYI'I TSUL GYI SHES PAR BYED PA DANG, MTHONG LAM GYI SKABS SU RANG RGYUD LA BSKYED NAS MNGON SUM DU SHES PAR BYED PA'I PHYIR, DE YANG KHYAD CHOS GSUM GYIS ZIN PA'I SGO NAS SHES PAR BYED PA YIN TE, SBYOR BA'I DUS SU SEMS BSKYED DANG, DNGOS GZHI'I DUS SU STONG NYID RTOGS PA'I SHES RAB DANG, RJES KYI SKABS SU BSNGO BA STE ZIN BYED KYI GROGS GSUM GYIS ZIN PA'I SGO NAS SHES PAR BYED PA'I PHYIR, SHES PAR BYED TSUL YANG SNGAR BSAHD PA LTAR YIN GYI NYAN THOS KYI LAM BDEN MED DU SHES PA LA, NYAN THOS KYI LAM SHES TSUL DU BYED PA NI MA YIN TE, RANM BSHAD LAS, NYAN THOS KYI LAM LA DMIGS PAR BYED NAS DE STONG PA NYID DU SGOMS PA'I CHA NAS MA YIN NO, ,ZHES PA DANG, SPYI DON LAS, KHA CIG ,NYAN THOS KYI LAM LA DMIGS PAR BYAS NAS DE BDEN MED DU RTOGS PA LA NYAN THOS KYI LAM SHES TSUL DU BYED PA NI MI 'THAD DE, BYANG CHUB SEMS DPA'I GDUL BYA THEG DMAN GYI RIGS CAN RJES SU BZUNG BA'I PHYIR DU MI RTAG SOGS BCU DRUG RTOGS PA'I LAM RANG RGYUD LA BSKYED PA'I SGO NAS SHES PAR BYA DGOS PA'I PHYIR, ZHES GSUNGS PA'I PHYIR, RIGS PA 'DI NI GZUNG DON RTOGS PA SPONG PHYIR DANG, ZHES SOGS 'OG NAS 'BYUNG BA'I RANG RGYAL GYI LAM SHES PA'I LAM SHES KYI SKABS LA YANG 'DRA BA YIN TE, GZUGS PHYI ROL DON GYIS STONG PA MNGON SUM DU RTOGS PA'I YE SHES 'DI NYID DE'I SKABS NAS BSTAN PA'I SHES BYA RANG RGYAL GYI LAM YIN GYI THEG PA SO SO'I 'PHAGS @019A *, ,PA'I RGYUD KYI GZUGS PHYI ROL DON GYIS STONG PA MNGON SUM DU RTOGS PA'I YE SHES DE, DE'I SKABS NAS BSTAN PA'I SHES BYA RANG RGYAL GYI LAM MA YIN PA DANG, DE'I SKABS NAS BSTAN PA'I SHES BYA RANG RGYAL GYI LAM DANG, RANG RGYAL GYI LAM GANG YIN PA DANG, ZHES PA'I SKABS NAS BSTAN PA'I RANG RGYAL GYI LAM DON GCIG CING, DE NYID BYANG CHUB SEMS DPA'I SHES PAR BYED TSUL SOGS KYANG SNGA MA'I RIGS 'GREL GYIS SHES PAR BYA'O, ,SPYIR BDEN BZHI'I RNAM PA'AM KHYAD CHOS DE LA MI RTAG SOGS BCU DRUG YOD DE, SDUG BDEN GYI KHYAD CHOS SU GYUR PA'I MI RTAG PA DANG, KHYAB PA 'DU BYED KYI SDUG BSNGAL DON GZHAN GYI BDAG GIS STONG PA SDUG BSNGAL RANG GI NGO BOR GYUR PA'I GANG ZAG GI BDAG MED PA DANG BZHI DANG, KUN 'BYUNG GI KHYAD CHOS SU GYUR PA'I RGYU KUN 'BYUNG RAB SKYE RKYEN BZHI, 'GOG BDEN GYI KHYAD CHOS SU GYUR PA'I 'GOG PA ZHI BGYA NOM PA NGES 'BYUNG BZHI DANG, LAM BDEN GYI KHYAD CHOS SU GYUR PA'I LAM RIG PA SGRUB PA NGES 'BYIN BZHI RNAMS SU YOD PA'I PHYIR, YANG BDEN BZHI'I STENG GI RNAM PA NYER GSUM YOD DE, SDUG KUN GYI RNAM PA BCO LNGA DANG, 'GOG LAM GYI RNAM PA BRGYAD YOD PA'I PHYIR, SDUG KUN GYI RNAM PA BCO LNGA YOD DE, SDUG KUN SO SO'I RNAM PA BRGYAD, THUN MONG PA'I RNAM PA BDUN YOD PA'I PHYIR, SDUG KUN MTHUN MONG BA'I RNAM PA BDUN YOD DE, YID 'BYUNG BAR BYA BA'I RNAM PA GNYIS, 'DOD CHAGS DANG BRAL BAR BYA BA'I RNAM PA GNYIS, 'GOG PAR BYA BA'I RNAM PA GSUM YOD PA'I PHYIR, SDUG KUN MTHUN MONG BA'I STENG GI PHA ROL DANG, 'JIG PA'I CHOS CAN GYI RNAM PA GNYIS LA YID 'BYUNG BA'I RNAM PA ZHES BRJOD PA'I RGYU MTSAN YOD DE, NYAN THOS KYI RIGS CAN RNAMS KYIS NYAN THOS KYI MTHONG LAM DU 'DI GNYIS LA YID 'BYUNG BA'I CHED DU SBYOR LAM DU @019B 'JUG PAR BYED PA'I PHYIR, SDUG KUN THUN MONG GI STENG GI GA-YO BA DANG, RAB TU 'JIG PA'I RNAM PA GNYIS LA 'DOD CHAGS DANG BRAL BA'I RNAM PA ZHES BRJOD PA'I RGYU MTSAN YOD DE, NYAN THOS KYI RIGS CAN RNAMS KYIS SGOM LAM MTHA' MA'I GNAS SKABS SU 'DI GNYIS LA 'DOD CHAGS DANG BRAL BA'I CHED DU MTHONG LAM DU 'JUG PAR BYED PA'I PHYIR, SDUG KUN THUN MONG BA'I STENG GI NAD 'GO BA DANG, 'JIG PA DANG, NYE BAR 'TSE BA'I RNAM PA GSUM LA 'GOG PA'I RNAM PA ZHES BRJOD PA'I RGYU MTSAN YOD DE, NYAN THOS KYI RIGS CAN RNAMS KYIS LHAG MED KYI GNAS SKABS SU SDUG KUN GYIS BSDUS PA'I PHUNG PO MA LUS PA 'GOG PA'I CHED DU MI SLOB PA LHAG BCAS SU 'JUG PAR BYED PA'I PHYIR, DE LTAR YANG RNAM GRANGS BSDU BA LAS, YID 'BYUNG BA NI MTHONG BA'I LAM LA'O, ,'DOD CHAGS DANG BRAL BA NI SGOM PA'I LAM YONGS SU RDZOGS PA DAG LA'O, ,'GOG PA NI, PHUNG PO THAMS CAD 'GOG PA'O, ,YID 'BYUNG BA DANG, 'DOD CHAGS DANG BRAL BA LA ZHUGS PA NI DE GNYIS KYI SBYOR BA LA GNAS PA RNAMS YIN NO, ,'GOG PA LA ZHUGS PA NI MI SLOB PA RNAMS YIN NO, ,ZHES DANG, RNAM BSHAD LAS, YID 'BYUNG BA SOGS GSUM MTHONG BA'I LAM DANG, SGOM LAM MTHA' MA DANG PHUNG PO LHAG MED KYI GNAS SKABS YIN LA, DE'I CHED DU ZHUGS PA NI SBYOR LAM DANG, SGOM LAM MTHA' MA MA GTOGS PA'I SKABS DANG, LHAG BCAS KYI SKABS LA DON GYIS THOB PA YIN NO, ,ZHES GSUNGS PA'I PHYIR, RNAM GRANGS BSDU BA'I LUNG DON 'CHAD TSUL DE LTAR YIN TE, GSER 'PHRENG LAS, DE LA SGOM LAM YONGS SU RDZOGS PA NI SGOM LAM MTHA' MA YIN LA, SBYOR BA LA GNAS PA NI RIM PA LTAR SBYOR LAM DANG MTHONG LAM LA MNGON NO, ,ZHES DANG, SPYI DON LAS, YID 'BYUNG BA MTHONG LAM DANG, DE LA 'JUG PA SBYOR LAM YIN @020A *, ,LA; DE LA GNYIS BZHAG ,'DOD CHAGS DANG BRAL BA BSGOM LAM DANG, DE LA 'JUG PA MTHONG LAM YIN PAS, DE LA GNYIS DANG, 'GOG PA LHAG MED PA DANG, DE LA 'JUG PA LHAG BCAS PA YIN PAS, DE LA GSUM BZHAG PA YIN NO, ,ZHES GSUNGS PA'I PHYIR, SKABS 'DIR BDEN BZHI'I RNAM PA LA MING GI RNAM GRANGS KYI SGO NAS SO GSUM YOD DE, GSER 'PHRENG LAS, YONGS SU SHES PAR BYA'O, ,GANG SDUG KUN SO SO'I RNAM PA BRGYAD, THUN MONG DU BCU BZHI, 'GOG PA'I BDUN, LAM GYI BZHI STE RNAM PA SO GSUM RTOGS PA'I YUL CAN GYI RNAM PA RNAMS ZHES GSUNGS PA LTAR YIN TE, THUN MONG BCU BZHI NI, SDUG KUN SO SO LA PHA ROL GYI RNAM PA SOGS BDUN BDUN STE BCU BZHI DANG, 'GOG PA'I BDUN NI, 'GOG PA ZHI BA; GYA NOM PA GSUM DANG, NGES 'BYUNG GI RNAM PA LA STONG NYID, MTSAN MED, SMON MED, MNGON PAR 'DU BYED MED PA BZHIR PHYE BA STE BDUN NO, ,'DI RNAMS MDO NAS BSHAD TSUL NI, YUM BAR MA'I MDO LAS, RNAM PA THAMS CAD MKHYEN PA NYID DANG LDAN PA'I SEMS BSKYED PA DE MI DMIGS PA'I TSUL GYI GZUGS NI MI RTAG PA NYID DU YID LA BYA'O, ,SDUG BSNGAL BA NYID DU DANG, BDAG MED PA NYID DANG, ZHI BA NYID DANG, NAD NYID DANG, 'BRAS NYID DANG, ZUG RNGU NYID DANG, SDIG PA NYID DANG, PHA ROL NYID DANG, 'JIG PA'I CHOS CAN NYID DANG, GA-YO BA NYID DANG, RAB TU 'JIGS PA NYID DANG, 'JIGS PA NYID DANG, 'GO BA'I NAD NYID DANG, NYE BAR 'TSE BA NYID DU YID LA BYA'O, ,ZHES PA'I SDIG PA NYID YAN CHAD KYIS SDUG KUN SO SO'I RNAM BA BRGYAD, PHA ROL NYID DANG ZHES PA MAN CHAD KYIS THUN MONG BA'I RNAM PA BDUN BSTAN PA YIN TE, GSER 'PHRENG LAS, DE LA DANG PO BZHI TSAN GNYIS KYIS NI, SO SO'I RNAM PA BRGYAD DANG DE NAS BDUN GYIS DE GNYIS KYI THUN MONG GI RNAM PA BSTAN TO, ,ZHES GSUNGS PA'I PHYIR, 'DI DAG GI KHYAD PAR ZHIB @020B PAR GSER 'PHRENG DANG RNAM BSHAD SOGS LAS SHES PAR BYA'O, ,SKABS 'DIR NYAN THOS KYI LAM SHES PA'I LAM SHES BSTAN TSUL YOD DE, SKABS 'DIR NYAN THOS RANG RGYUD KYIS BSDUS PA'I LAM DNGOS SU BSTAN NAS DE SHES PA'I LAM SHES SHUGS BSTAN BSTAN BYA'I GTZO BOR BYAS NAS BSTAN PA'I PHYIR TE, BZUNG DON RTOG PA SPONGS PHYIR DANG, ZHES PA'I SKABS SU RANG RGYAL RANG RGYUD KYIS BSDUS PA'I LAM DNGOS SU BSTAN NAS DE SHES PA'I LAM SHES SHUGS BSTAN BSTAN BYA'I GTZO BOR BYAS NAS BSTAN PA BZHIN YIN PA'I PHYIR TE, GSER 'PHRENG LAS, GZHUNG 'DIS RANG RGYAL GYI LAM MTSAN NYID PA DNGOS SU BSTAN NAS, DE MI DMIGS PAR RTOGS PA'I YE SHES SHUGS LA BSTAN TO, ,ZHES GSUNGS PA'I PHYIR, GNYIS PA NYAN THOS KYI LAM SHES PA'I LAM SHES KYI RGYU NGES 'BYED CHA MTHUN 'CHAD PA LA, 'PHAGS PA NYAN THOS LAM LA NI, ZHES PA NAS, MKHYEN NAS CHOS RNAMS MA GZIGS PHYIR, ,ZHES PA'I BAR SHOLO KA GSUM GSUNGS, DON NI DE'I MTSAN NYID YOD DE, NYAN THOS KYI RTOGS RIGS SU GNAS PA'I THEG CHEN GYI DON MNGON RTOGS DE DE YIN PA'I PHYIR, SPYI DON LAS, NYAN THOS KYI RTOGS RIGS SU GNAS PA'I THEG CHEN GYI DON MNGON RTOGS NYAN THOS KYI LAM SHES PA'I LAM SHES KYI RGYU NGES 'BYED CHA MTHUN GYI MTSAN NYID, DBYE NA, NYAN THOS KYI RTOGS RIGS SU GNAS PA'I THEG CHEN GYI SBYOR LAM DROD SOGS BZHI YOD, CES GSUNGS PA'I PHYIR, SKABS 'DIR NYAN THOS KYI LAM SHES PA'I LAM SHES KYI RGYU NGES 'BYED CHA MTHUN BSTAN TSUL YOD DE, SKABS 'DIR DE SHUGS LA BSTAN PA'I PHYIR TE, SKABS 'DIR DNGOS SU BSTAN PA'I THEG CHEN GYI SBYOR LAM YIN NA; BYANG SEMS KYI LAM SHES PA'I LAM SHES KYI RGYU NGES 'BYED CHA MTHUN YIN DGOS PA'I PHYIR, DE YIN NA STONG NYID RTOGS PA'I THEG CHEN GYI SBYOR LAM YIN DGOS PA'I PHYIR, RNAM BSHAD LAS, 'DIR DNGOS SU BSTAN PA NI, STONG NYID RTOGS PA'I SBYOR @021A *, ,LAM YIN LA, NYAN THOS KYI LAM SHES PA'I RGYU NGES 'BYED NI GZHUNG 'DIR DON GYIS 'PHANGS PA RNAM PA BCU DRUG LA DMIGS PA'I 'JIG RTEN PA'I SGOM BYUNG YIN NO, ,'O NA 'DIR DNGOS SU BSTAN PA SKABS DANG PO'I SBYOR LAM DANG, ZLOS SO ZHE NA, SKYON MED DE, DGOS PA MI 'DRA BA'I PHYIR RO, ,DE YANG SNGAR NI, NYAN THOS KYI SBYOR LAM LAS KHYAD ZHUGS PAR RTOGS PA'I CHED YIN LA, 'DIR NI RNAM PA BCU DRUG STONG NYID RTOGS PA'I SHES RAB KYIS ZIN NAS BSGOM PAR SHES PA'I CHED YIN NO, ,ZHES GSUNGS PA'I PHYIR, 'DIR DNGOS SU BSTAN PA'I THEG CHEN GYI SBYOR LAM YIN NA, BYANG SEMS KYI LAM SHES PA'I LAM SHES KYI RGYU NGES 'BYED CHA MTHUN YIN PAS KHYAB KYANG, DE'I RGYU NGES 'BYED CHA MTHUN SKABS 'DIR DNGOS SU MA BSTAN TE, DE SKABS DANG POR DMIGS PA DANG NI RNAM PA DANG, ZHES SOGS KYI SKABS SU RGYAS PAR BSHAD ZIN PA'I PHYIR, RGYAN SNANG LAS, MTHONG BA'I LAM DE'I NGES PAR 'BYED PA'I CHA DANG MTHUN PA NI, RNAM PA THAMS CAD MKHYEN PAR BSHAD PA LAS BZUNG BAR BYA'O, ,ZHES GSUNGS PA'I PHYIR, RANG BYUNG BDAG NYID RTOGS PA'I PHYIR, ZHES SOGS KYI SKABS SU GZHUNG DON NI, RANG RGYAL DGRA BCOM PA CHOS CAN, KHYOD NYAN THOS LAS LAM BGROD TSUL GYI SGO NAS KHYAD PAR DU 'PHAGS PA YIN TE, SRID PA MTHA' MA'I TSE SLOB DPON GZHAN GYI GDAMS NGAG LA MI BLTOS PAR 'DOD PA'I RTEN LA RANG GI BYANG CHUB MNGON DU BYED PAR NGES PA'I GANG ZAG YIN PA'I PHYIR, DE CHOS CAN, NYAN THOS LAS CHOS BSTAN TSUL GYI SGO NAS KHYAD PAR DU 'PHAGS PA YIN TE, GTZO BOR RANG GI GDUL BYA LA SGRA MED LUS KYI RNAM 'GYUR GYI SGO NAS CHOS STON PA'I GANG ZAG YIN PA'I PHYIR, MTHA' DPYAD PA LA, RIGS KYI KHYAD PAR, LAM BGROD TSUL GYI KHYAD PAR, 'BRAS BU MNGON DU BYED TSUL GYI KHYAD PAR, TSOGS GSOG TSUL GYI KHYAD PAR, GNAS PA'I KHYAD PAR, @021B RGYU BA'I KHYAD PAR, SGRA BSHAD PA'O, ,DANG PO NI, BSE RU LTA BU'I RANG RGYAL CHOS CAN, KHYAD CHOS GSUM DANG LDAN TE, NYON MONGS SHAS CHUNG BAS 'DU 'DZI LA MI DGA' BAR RANG NYID GCIG BU LA DGA' BA DANG, BYANG CHUB SEMS DPA' LA BLTOS TE SNYING RJE CHUNG BAS GZHAN DON RGYA CHEN PO LA MI 'JUG PAR SNYING LAS CHUNG BAR GNAS PA DANG, DBANG PO 'BRING DU GYUR PA'I SLOB DPON LA BLTOS MED DU 'GRAN ZLA MED PAR RANG NYID GCIG BUS BYANG CHUB THOB PAR BYED PA'I PHYIR, GNYIS PA NI, BSE RU LTA BU'I RANG RGYAL GYIS LAM BGROD TSUL GYI KHYAD PAR YOD DE, RANG SANGS RGYAS KYI RIGS LA GNAS PAS BSKAL PA BRGYAR SANGS RGYAS 'BYUNG BA MNYES PAR BYAS NAS, RANG BYANG CHUB TU RGYUD SMIN PAR BYED CING, PHYIS DE NYID THOB PHYIR DU MKHAS PAR BYA BA'I DNGOS PO DRUG LA MKHAS PAR BYA BA YIN PA'I PHYIR, MKHAS PAR BYA BA'I DNGOS PO DRUG NI, PHUNG PO LNGA DANG, KHAMS BCO BRGYAD DANG, SKYE MCHED BCU GNYIS DANG, RTEN CING 'BREL BCU GNYIS BAR 'BYUNG BA DANG, GNAS DANG GNAS MA YIN PA DANG, BDEN PA BZHI LA MKHAS PA STE DRUG DANG, RGYAS PAR DBYE NA LNGA BCU RTZA GSUM YOD DO, ,GSUM PA GRUB STE, BSE RU LTA BU'I RANG RGYAL GYI SKYE BA GCIG THOGS KYI TSES 'CHI KHAR SANGS RGYAS DANG NYAN THOS MED PA'I ZHING KHAMS STONG PAR SKYE BAR GYUR CIG ,SRID PA MTHA' MA'I TSE GZHAN GYI BSTAN PA LA MI BLTOS PAR RANG GI BYANG CHUB MNGON DU BYED PAR GYUR CIG ,SGRA MED LUS KYI RNAM 'GYUR GYI SGO NAS GDUL BYA LA CHOS STON PAR GYUR CIG ,CES SMON LAM GSUM BTAB PA'I SKYE BA PHYI MA LA SRID PA MTHA' MA'I TSE GLING GSUM GYI SKYES PA BUD MED GANG RUNG DMANGS RIGS MIN PA ZHIG TU SKYES TE, SBYOR LAM DROD YAN CHAD RANG RGYUD LA SKYES NAS TSE DE NYID LA RANG BYUNG GI YE SHES MNGON DU BYED PA DANG, TSOGS SBYONG CHEN PO'I RANG RGYAL GYIS SKYE BA GCIG THOGS KYI TSE 'CHI BAR SMON LAM GSUM BTAB PA'I SKYE BA PHYI MA SRID PA MTHA' MA'I TSE GLING GSUM GYI SKYES PA BUD MED GANG RUNG DMANGS RIGS MIN @022A *, ,PA ZHIG TU SKYES TE SBYOR LAM BZOD CHEN YAN CHAD RANG RGYUD LA SKYES NAS TSE DE NYID LA RANG BYUNG GI YE SHES MNGON DU BYED PA DANG, TSOGS SPYOD CHUNG NGU'I RANG RGYAL GYIS SKYE BA GCIG THOGS KYI TSE 'CHI KHAR SMON LAM GSUM BTAB PA'I SKYE BA PHYI MA SRID PA MTHA' MA'I TSE GLING GSUM GYI SKYES PA BUD MED GANG RUNG DMANGS RIGS MIN PA ZHIG TU SKYES NAS 'BRAS BU PHYI MA GNYIS RANG RGYUD LA BSKYED DE TSE DE LA RANG BYUNG GI YE SHES MNGON DU BYED PA'I KHYAD PAR DANG LDAN PA'I PHYIR, LAM DANG 'BRAS DU MNGON DU BYANG TSUL GZHAN YANG YOD DE, DRANG NGES RNAM 'BYED KYI RNAM BSHAD BSTAN PA'I SGRON ME LAS, RANG RGYAL LA GSUM YOD PA'I BSE RU LTA BU'I RANG RGYAL TSOGS LAM PAS NI BSKAL CHEN BRGYAD TSOGS BSAGS NAS SRID PA MTHA' MA'I TSE SBYOR LAM SOGS BZHI GA TSE GCIG LA SKYED PAR BYED, TSOGS SPYOD CHE BA'I RANG RGYAL TSOGS LAM PA DE SRID PA MTHA' MA'I TSE MTHONG LAM SOGS GSUM BSKYED PAR BYED, TSOGS SPYOD CHUNG NGU'I RANG RGYAL DES SRID PA MTHA' MA'I TSE PHYIR MI 'ONG BA DANG DGRA BCOM PA SKYED PAR BYED STE, KUN BTUS LAS, NGES PAR 'BYED PA'I CHA DANG MTHUN PAR SNGON MA BSKYED PA DANG SNGON 'BRAS BU MA THOB PA DANG THOB PA YANG RUNG STE, ZHES GSUNGS PA'I PHYIR, ZHES KUN BTUS KYI LUNG SHES BYED DU DRANGS NAS GSUNGS PA'I PHYIR, 'BRAS BU MNGON DU BYED TSUL 'DI SEMS TZAM RNAM BDEN PA'I LUGS YIN PA 'DRA STE, RNAL 'BYOR SPYOD PA'I RANG RGYUD PA'I SKABS 'DIR NI PHYIR MI 'ONG YIN NA NYAN THOS YIN DGOS PAS TSOGS SPYOD CHUNG NGU'I RANG RGYAL TSE DE LA NYAN THOS LAM DU 'JUG PA MED PA'I PHYIR, BZHI PA NI, MDZOD LAS, BSE RU BSKAL BA BRGYA YI RGYUS, ,ZHES DANG, MDZOD 'GREL LAS BSKAL PA CHEN PO BRGYAR BYANG CHUB KYI TSOGS DAG LA SPYAD PAS BSE RU LTA BUR 'GYUR RO, ,ZHES BSE RU'I RANG RGYAL GYIS BSKAL PA BRGYAR TSOGS BSAGS DGOS @022B PAR GSUNGS LA, 'O NA, DRIN LAN BSAB PA'I MDO LAS, RANG SANGS RGYAS RNAMS NI BSKAL PA CHEN PO BRGYAS TSAR PHYIN PAR 'GYUR RO, ,ZHES GSUNGS PAS, RANG RGYAL THAMS CAD LA NGES SAM ZHEN MI NGES TE, DE NI BSE RU LTA BU'I RANG RGYAL SPYI DANG TSOGS SPYOD KYI RANG RGYAL PHAL CHE BA LA DGONGS KYI THAMS CAD LAM NGES PA'I PHYIR, RNAM BSHAD LAS RANG RGYAL GYI RIGS CAN KHA CIG SO SO SKYE BO'I DUS SU BSKAL PA BRGYAR SANGS RGYAS 'BYUNG BA MNYES PAR BYED CING TSOGS BSAGS NAS PHYI MA LA MTHONG LAM THOB PA'I TSE DE LA DGRA BCOM PA'I 'BRAS BU THOB PAR BYED PA DANG, DUS NGES PA MED PAR TSOGS BSAGS PA DANG, YANG SLOB DPON GYI DRUNG DU NGES 'BYED CHA MTHUN MAN CHAD RDZOGS PAR BSKYED NAS, PHYI MA LA MTHONG LAM SKYED CING, DE'I SKYE BA RTING MA LA DGRA BCOM PA'I 'BRAS BU THOB PAR BYED PA'O, ,ZHES GSUNGS PA'I PHYIR, 'O NA 'DI'I SKABS KYI BSKAL PA DE BSKAL CHEN DANG BAR BSKAL GANG LA BYED CE NA, GANGS CAN GYI MKHAS PA AAR BYANG CHUB YE SHES KYI BAR BSKAL LA BSHAD KYANG, RANG LUGS NI BSKAL CHEN DU 'DOD DE, MDZOD RANG 'GREL LAS BSKAL PA CHEN PO BRGYAR BYANG CHUB KYI TSOGS DAG LA SPYAD PAS BSE RU LTA BU 'GYUR ZHES PA DANG, SNGAR DRANGS PA'I MDO LAS KYANG GRUB BO, ,DE GNYIS KYI KHYAD PAR YANG BAR BSKAL NYI SHU'I RING LA CHAGS, NYI SHU'I RING LA 'JIG ,NYI SHU'I RING LA STONG PA'I BAR BSKAL BRGYAD CU LA BSKAL CHEN GCIG TU BYED PA YIN LA, BAR BSKAL GYI TSAD KYANG MI RNAMS KYI TSE LO DPAG MED THUB PA NAS, TSE LO BCU PA LA THUG GI BAR LA YAS KYI YA THOG RING MO ZHES PAR BSKAL GCIG TU BYED PA YIN TE, RGYAS PAR MNGON PA'I SDE SNOD LAS SHES PAR BYA'O, ,NYAN THOS RNAMS BYANG CHUB THOB PA SLOB DPON LA NGES PAR BLTOS DGOS KYANG, RANG RGYAL RNAMS NI DE LA MI BLTOS PAR RANG GI BYANG CHUB MNGON DU BYED PA YIN TE, MDO LAS NYAN THOS RNAMS NI RNAM GROL SGRA PHYIR 'GRO @023A *, ,ZHES DANG, GSER PHRENG LAS, DE'I PHYIR 'DI DAG LA SLOB MA ZHES KYANG BRJOD DE, NGES PAR SLOB DPON DGOS PAS SO, ,ZHES DANG, RNAM BSHAD LAS 'PHAGS LAM BSKYED PA LA SLOB DPON LA BLTOS PA DANG MI BLTOS PA GNYIS YOD LA, DGRA BCOM THOB PA'I TSE DE LA SLOB DPON LA MI BLTOS PAR BYANG CHUB THOB PAR NGES PA YIN GYI, GZHAN DU NA NYAN THOS SU 'GYUR BAS SO, ,ZHES GSUNGS PA'I PHYIR, LNGA PA NI SKU'I GNAS TSUL RNAM SNANG GI CHOS BDUN DANG LDAN PA'I SGO NAS GNAS , GSUNG NI PHAL CHER MI SMRA BA'I BRTUL ZHUGS KYIS GNAS, THUGS NI MNYAM GZHAG TU PHYI ROL DON GYIS STONG PA'I STONG NYID LA RTZE GCIG TU MNYAM PAR 'JOG PA DANG, RJES THOB TU RTEN 'BREL LUGS 'BYUNG LUGS ZLOG TU BSGOMS PAS GNAS PA YIN NO, ,DRUG PA NI, RANG SANGS RGYAS RNAMS GRONG DANG GRONG KHYER DU RGYU ZHING GNAS PA'I TSE LUS BSRUNG BA DANG, NGAG BSDAMS PA DANG, DRAN PA DANG LDAN BZHIN DU GRONG DANG GRONG KHYER RNAMS SU BSOD SNYOMS LA RGYU ZHING, RDZU 'PHRUL LA BRTEN NAS GDUL BYA SMIN GROL LA 'GOD PAR MDZOD PA YIN NO, ,BDUN PA NI, RANG NYID GCIG PU'I DON DU SANGS RGYAS PA STE, DGRA BCOM PA'I 'BRAS BU THOB PAR BYED PA'I RGYU MTSAN GYIS RANG SANGS RGYAS DANG BSE RU LTA BUR GCIG PUR GNAS PAS BSE RU LTA BU DANG, GROGS KYI TSOGS DANG LHAN CIG SPYOD PAS TSOGS ZHING SPYOD PA ZHES GSUNGS TE, MDZOD 'GREL LAS, LUNG MED PAR RANG NYID GCIG PU'I DON DU SANGS RGYAS PAS RANG SANGS RGYAS TE, ZHES DANG, 'GREL BSHAD LAS, BSE RU LTA BU YIN ZHES BYA BA NI, JI LTAR BSE RU DAG GNYIS PA MED PA DE BZHIN DU DE DAG KYANG KHYIM PA DANG RAB TU BYUNG BA RNAMS DANG, RANG SANGS RGYAS GZHAN DAG DANG MA 'DRES PAR GNAS PAS NA BSE RU LTA BU RNAMS ZHES BYA'O, ,ZHES GSUNGS PA LTAR RO, ,TSOGS SPYOD CHE CHUNG GI SGRA BSHAD @023B NI, GROGS ZLA BO DANG LHAN CIG TU TSOGS NAS RANG GI BSLAB BYA LA SPYOD CING, TSOGS SPYOD CHEN PO LA BLTOS TE TSOGS GSOG YUN THUNG BAS TSOGS SPYOD CHUNG NGU DANG, GROGS ZLA BO DANG LHAN CIG TU TSOGS NAS RANG GI BSLAB BYA LA SPYOD CING, TSOGS SPYOD CHUNG NGU LA BLTOS TE TSOGS GSOG YUN RING BAS NA TSOGS SPYOD CHEN PO ZHES BYA'O, ,KHA CIG TSOGS SPYOD CHUNG NGUS RANG RGYAL GYI TSOGS LAM NAS BZUNG STE RANG RGYAL GYI RGYUN ZHUGS KYI BAR MNGON DU BYED PAR SLOB DPON LA NGES PAR BLTOS SHING, PHYIR 'ONG LA BLTOS PA YANG YOD MI BLTOS PA YANG YOD, PHYIR MI 'ONG NAS DGRA BCOM PA'I BAR NGES PAR SLOB DPON LA MI BLTOS PAR MNGON DU BYED PA YIN LA TSOGS SPYOD CHEN PO'I RANG RGYAL GYI TSOGS LAM NAS BZUNG STE PHYIR 'ONG GI BAR MNGON DU BYED PA SLOB DPON LA NGES PAR BLTOS SHING, PHYIR MI 'ONG LA BLTOS PA YANG YOD MI BLTOS PA YANG YOD DGRA BCOM PA NGES PAR SLOB DPON LA MI BLTOS PAR YIN NO, ,ZHES ZER BA NI, SEMS TZAM RNAM BDEN PA DANG MDO SDE SPYOD PA'I RANG RGYUD PA RNAMS KYIS NYAN RANG GNYIS KA LA ZHUGS GNAS BRGYAD KYI RNAM GZHAG 'THAD PAR 'DOD PA RNAMS KYI LUGS YIN GYI RNAL 'BYOR SPYOD PA'I RANG RGYUD PA'I SKABS 'DIR NI ZHUGS GNAS BRGYAD PO GANG RUNG LA NYAN THOS KYIS KHYAB PAS DE LTAR KHAS MI LEN NO, ,DBANG PO'I KHYAD PAR NI, TSOGS SPYOD CHEN PO'I RANG RGYAL DBANG PO BRTUL ZHING DE LAS TSOGS SPYOD CHUNG NGU'I RANG RGYAL DBANG PO RNO BA DANG, DE LAS KYANG BSE RU LTA BU'I RANG RGYAL DBANG PO RNO BA YIN NO, ,BSE RU LTA BU'I RANG RGYAL DGRA BCOM PA DE GRONG DANG GRONG KHYER LA SOGS PAR BSOD SNYOMS LA RGYU BA'I TSE PHAL CHER LUS KYI SGO NAS CHOS STON PA GTZO CHE BA YIN TE, SGRA MED LUS KYI RNAM 'GYUR GYI SGO NAS GDUL BYA LA JI LTAR MTSAMS PA'I RTOGS PA BSKYED NUS PA'I SMON LAM LEGS PAR GRUB PA YIN PA'I PHYIR, NGAG GIS CHOS MI STON PA MIN TE SGO GSUM GYIS CHOS STON PA YOD @024A *, ,BA'I PHYIR, LUS KYIS CHOS STON PA YOD PA NI SNGAR GRUB LA, NGAG GIS CHOS STON PA 'DUL BA LUNG LAS BSHAD, YID KYIS CHOS STON PA BRGYAD STONG 'GREL CHEN LAS BSHAD PA'I PHYIR, RANG RGYAL GYIS BRGYA BYIN LA YID KYIS TSIGS BCAD KYIS BSTOD PA RGYAN SNANG LAS BSHAD PA'I PHYIR, 'GREL PA SGRON GSAL DU, RANG RGYAL GYI DAM TSIG 'CHAD PA'I SKABS SU GTZO BOR LUS KYI CHOS STON ZHES PA'I GTZO BOR ZHES PA'I SGRAS KYANG SHES PA'I PHYIR, SGRA MED LUS KYI RNAM 'GYUR GYI SGO NAS CHOS STON PA'I RGYU MTSAN YOD DE, RTOG DPYOD MA BYAS PAR NGAG SMRAS NA SKYON 'BYUNG BA SRID LA RTOG DPYOD BYAS NA TING NGE 'DZIN GYI RGYUD 'KHRUGS PAS DE GNYIS KA DGAG DGOS PA'I PHYIR, BSE RU LTA BU'I RANG RGYAL DE YANG ZAB PA GNYIS DANG LDAN PA YIN TE, ZAB PA GNYIS NI SHES PA ZAB PA DANG, MA BRJOD PA ZAB PA'O, ,DE YANG GSER PHRENG LAS, MNYAM GZHAG TU BRJOD PA'I YUL MA YIN PA'I DON RTOGS PA NI SHES PA ZAB PA STE GZHAN GYIS RANG LA BSTAN MI DGOS PA'O, ,RJES THOB TU NGAG GI 'BRAS RTAGS LAS GZHAN GYIS MI RTOGS PA NI MA BRJOD PA ZAB PA STE, RTZA BA'I YANG SGRAS BSDUS PA GZHAN LA RANG GIS BSTAN MI DGOS PA'O, ,ZHES GSUNGS PA LTAR RO, ,ZAB PA DE GNYIS DANG LDAN PA'I RANG RGYAL GYI YE SHES ZAB PA NI, NYI KHRI LAS KYI MA 'PHAGS PA RAB 'BYOR 'DI NI YUM GSAL BAR BYED PA STE, ZAB PA BAS KYANG SHIN TU ZAB PAR STON PAR BYED PHRA BA BAS KYANG SHIN TU PHRA BA STON PAR BYED PA'O, ,ZHES PAS BSTAN LA, 'DI'I SKABS KYI, ZAB PA NI NYAN THOS KYI YE SHES DANG, SHIN TU ZAB PA NI RANG RGYAL GYI YE SHES LA BYED CING PHRA BA DANG SHIN TU PHRA BA YANG RIM PA LTAR, NYAN THOS KYI YE SHES DANG, RANG RGYAL GYI YE SHES LA BYED PA YIN TE, GSER PHRENG LAS, DE LA ZAB PA NI, GZHAN GYI SGRA LAS BDEN BZHI'I RNAM PA BCU DRUG RTOGS @024B PA'I PHYIR NYAN THOS KYI YE SHES SO, ,DE BAS ZAB PA NI RANG GI RTOGS PA'I RKYEN 'DI TZAM GYIS KHYAD PAR DU BYAS PA'I RANG RGYAL GYI YE SHES SO, ,PHRA BA NI NYON SGRIB TZAM SPANGS PA'I 'BRAS BU NYID KYIS NA NYAN THOS KYI SHES PA'O, ,DE BAS PHRA BA NI SHES SGRIB GZUNG RTOG SPANGS PAS LHAG PA'I RANG RGYAL GYI YE SHES SO, ,ZHES GSUNGS PA'I PHYIR, DE YANG SHES SGRIB GZUNG RTOG SPANGS PAS LHAG PA'I RANG RGYAL GYI YE SHES SO, ,ZHES GSUNGS KYANG, SHES SGRIB GZUNG RTOG SPANGS PA'I RANG RGYAL MED DE, SHES SGRIB GZUNG RTOG SPANGS NA SHES SGRIB SPANGS PAS KHYAB PA GANG ZHIG SHES SGRIB SPANGS PA'I RANG RGYAL MED PA'I PHYIR, DES NA LUNG DE'I DON NI GZUGS PHYI ROL DON DU 'DZIN PA'I RTOG PA LA SHES SGRIB GZUNG RTOG GI MING GIS BTAGS NAS BSHAD CING, DE SPANGS PA'I RANG RGYAL GYI YE SHES LA BYED PA'I DON YIN NO, ,YANG RANG RGYAL GYI YE SHES ZAB PA DE 'CHAD PA LA, BRGYAD STONG PAR, RING BA BAS KYANG CHES RING BA, ZHES GSUNGS LA, 'DI'I SKABS SU, RING BA NI NYAN THOS KYI YE SHES DANG, CHES RING BA NI RANG RGYAL GYI YE SHES LA BYED PA YIN TE, GSER PHRENG LAS, DE LA RING BA NI MU STEGS KYI SPYOD YUL MA YIN PAS NYAN THOS KYI SHES PA'O, ,CHES RING BA NI NYAN THOS KYI YUL MIN PAS RANG RGYAL GYI YE SHES SO, ,ZHES GSUNGS PA'I PHYIR, GNYIS PA RANG RGYAL GYI LAM SHES PA'I LAM SHES BSHAD PA LA, DNGOS DANG, RGYU NGES 'BYED CHA 'THUN BSHAD PA GNYIS LAS, DANG PO 'CHAD PA LA, GZUNG DON RTOG PA SPONG PHYIR DANG, ZHES SOGS RKANG PA BZHI GSUNGS, GZHUNG DON NI BSE RU LTA BU'I RANG RGYAL GYI SGOM LAM CHOS CAN, KHYAD CHOS GSUM DANG LDAN PAS YANG DAG PAR BSDUS PAR SHES PAR BYA STE, RANG LAM DU GZUGS PHYI ROL DON GYI RTOG PA ZAD PAR SPANGS NUS, RANG LAM DU SHES PA BDEN PAR 'DZIN PA'I BDEN 'DZIN ZAD PAR SPANGS MI NUS PAS RANG RGYAL GYI RIGS LA BRTEN PA'I KHYAD CHOS GSUM DANG LDAN PA YIN PA'I PHYIR, GZHUNG DON 'CHAD @025A *, ,TSUL DE LTAR YIN KYANG, RANG RGYAL LA CHOS KYI BDAG MED RTOGS PA YOD PAR BSHAD PA DANG 'GAL BA'I SKYON MED DE, SPYIR RANG RGYAL LA DE KHO NA NYID RTOGS PA YOD KYANG, 'DIR DNGOS SU BSTAN PA'I RANG RGYAL LA DE MED PA'I PHYIR, SKABS 'DIR RANG RGYAL GYI KHYAD CHOS BSHAD PA LA, SPANGS RTOGS KHYAD PAR DANG, SGRUB PA PO'I RTEN GYI KHYAD PAR GNYIS LAS, DANG PO NI, SKABS 'DIR RANG RGYAL GYI SPANGS PA'I KHYAD PAR DNGOS SU BSTAN NAS RTOGS PA'I KHYAD PAR SHUGS LA BSTAN PA YIN TE, SKABS 'DIR SPANGS PA'I KHYAD PAR DNGOS SU BSTAN NAS RTOGS PA'I KHYAD PAR GO SLA BAR DGONGS NAS SPANGS RTOGS GNYIS KYI NANG NAS SPANGS PA'I KHYAD PAR TZAM DNGOS SU BSTAN PA'I PHYIR, GSER PHRENG LAS, SPANGS PA'I KHYAD PAR GYIS RTOGS PA'I KHYAD PAR GO SLA BAR DGONGS NAS SPANGS PA'I KHYAD PAR TZAM ZHIG GSUNGS SO, ,ZHES GSUNGS PA'I PHYIR, GNYIS PA SGRUB PA PO'I RTEN GYI KHYAD PAR BSHAD PA LA, SGRUB PA PO'I RTEN GYI GANG ZAG BSHAD PA DANG, SGRUB PA'I DMIGS PA BSHAD PA GNYS DANG PO NI NYI KHRI LAS TSE DANG LDAN PA DAG PHYIR MI LDOG PA'I BYANG CHEN RNAMS SAM, BDEN PA MTHONG BA'I GANG ZAG GAM, DGRA BCOM PA ZAG PA ZAD PA BSAM PA YONGS SU RDZOGS PA'AM, SNGON GYI RGYAL BA LA BYA BA BYAS PA SANGS RGYAS MANG PO LA DGE BA'I RTZA BA SKYED PA DAG GAM, DGE BA'I BSHES GNYEN GYIS ZIN PA'I RIGS KYI BU DANG RIGS KYI BU MO DAG YUM 'DI LTAR ZAB PA, ZHES GANG ZAG LNGA GSUNGS, BRGYAD STONG PAR, TSE DANG LDAN PA DAG PHYIR MI LDOG PA'I BYANG CHEN RNAMS SAM, LTA BA PHUN SUM TSOGS PA'I GANG ZAG RNAMS SAM, DGRA BCOM PA ZAG PA ZAD PA GANG YIN PA DE DAG SHER PHYIN YANG DAG PAR BSHAD PA 'DI LA YANG DAG PAR 'DZIN PAR 'GYUR RO, ,ZHES GANG ZAG GSUM GSUNGS, MDO SDUD PA LAS, RGYAL SRAS BDEN LA MKHAS DANG PHYIR MI @025B LDOG PA DANG, ,DGRA BCOM DRI MA BSAL ZHING SOM NYI SPANGS PA DANG, ,BZHI PA DGE BA'I BSHES KYIS YONGS SU ZIN PA'O, ,ZHES GANG ZAG BZHI GSUNGS TE, DE RNAMS KYI DON NI, YUM BAR MA LAS GSUNGS PA'I GANG ZAG DANG PO DANG, BRGYAD STONG PA LAS GSUNGS PA'I GANG ZAG DANG PO DANG, MDO SDUD PA LAS GSUNGS PA'I GANG ZAG GNYIS PA GSUM NI GNAS SKABS RANG RGYAL DU RIGS NGES PA'I RANG RGYAL SBYOR LAM PA LA BYED, DE CHOS CAN, PHYIR MI LDOG PA'I BYANG CHUB SEMS DPA' ZHES BRJOD PA'I RGYU MTSAN YOD DE, GNAS SKABS RANG RGYAL GYI BYANG CHUB LAS PHYIR MI LDOG CING, RANG GI BYANG CHUB DON DU GNYER BAS BYANG SEMS DANG, SANGS RGYAS DANG BYANG CHUB SEMS DPA' MI 'BYUNG BA'I ZHING DU SEMS CAN GYI DON BYED PA'I BSAM PA DANG LDAN PA'I SEMS DPA' CHEN PO ZHES BRJOD PA'I PHYIR, RGYAN SNANG LAS, PHYIR MI LDOG PA ZHES BYA BA NI NGES PAR 'BYED PA'I CHA RTOGS PAS RANG BYANG CHUB LAS PHYIR MI LDOG PA'O, ,DE NYID KYI RANG GI BYANG CHUB 'DOD PA YIN PAS NA BYANG CHUB SEMS DPA' 'O, ,LUS KYIS CHOS STON PA'I SANGS RGYAS MI 'BYUNG BA'I ZHING DU SEMS CAN GYI DON BYED PA'I BSAM PA DANG LDAN PAS NA SEMS DPA' CHEN PO'O, ,ZHES GSUNGS PA'I PHYIR, YUM BAR MA NAS GSUNGS PA'I GANG ZAG GNYIS PA DANG, BRGYAD STONG PA NAS GSUNGS PA'I GANG ZAG GNYIS PA DNAG, SDUD PA NAS GSUNGS PA'I GANG GAG DANG PO GSUM NI GNAS SKABS RANG RGYAL DU RIGS NGES PA'I RANG RGYAL TSOGS LAM PA LA BYED PA YIN TE, SDUD 'GREL LAS, DE LA SHES RAB 'BRING GI LTA BA DANG LDAN PAS KUN RDZOB DANG DON DAM PA'I DBYE BA YONGS SU SHES PA'I THABS LA MKHAS PA NI RGYAL BA'I SRAS PO, ZHES DANG, GSER PHRENG LAS, NYI KHRI DANG BRGYAD STONG PA'I GANG ZAG GNYIS PA GNYIS DON GCIG YIN ZHING DE SDUD PAR BSHAD PA'I DANG YANG GCIG YIN TE, ZHES GSUNGS PA'I PHYIR, YUM BAR MA LAS GSUNGS PA'I GAN @026A *, ,ZAG GSUM PA DANG, BRGYAD STONG PA LAS GSUNGS PA'I GANG ZAG GSUM PA DANG, MDO SDUD PA LAS GSUNGS PA'I GANG ZAG GSUM PA RNAMS NI GNAS SKABS RANG RGYAL DU RIGS NGES PA'I RANG RGYAL MTHONG LAM BA DANG; BSGOM LAM PA DANG, MI SLOB LAM PA BA RNAMS LA BYED DE, 'GREL CHEN LAS, DGRA BCOM PA ZAG PA ZAD PA ZHES GSUNGS PA NI, RANG GI MTHONG BA'I LAM GYIS SGRIB PA SPANGS PA NYID KYIS NA MCHOD PAR 'OS PA'O, ,ZHES DANG, SDUD 'GREL LAS, THAMS CAD KYIS MCHOD PAR 'OS PAS NA DGRA BCOM PA STE, ZHES SOGS GSUNGS PA'I PHYIR, LHAG MA RNAMS KYIS GANG ZAG SNGA MA GSUM GYI KHYAD CHOS LA SBYAR RO, ,GNYIS PA SGRUB PA'I DMIGS PA NI RANG RGYAL 'PHAGS PA'I RGYUD KYI SKYE MCHED DRUG GI CHOS NYID LA BYED DO, ,GNYIS PA RANG RGYAL GYI LAM SHES PA'I LAM SHES KYI RGYU NGES 'BYED CHA MTHUN NI, BTAGS PA'I CHOS NYID MI 'GAL BAR ZHES PA NAS RNAM PA CAN NI CHOS KYI MCHOG ZHES PA'I BAR SHLOO KA GNYIS KYIS 'CHAD, DE YANG RANG RGYAL GYI RTOGS RIGS SU GNAS PA'I THEG CHEN GYI DON MNGON RTOGS DE RANG RGYAL GYI LAM SHES PA'I LAM SHES KYI RGYU NGES 'BYED CHA MTHUN GYI MTSAN NYID, DE LA DBYE NA RANG RGYAL GYI RTOGS RIGS SU GNAS PA'I THEG CHEN GYI SBYOR LAM DROD RTZE MO BZOD PA CHOS MCHOG DANG BZHI YOD, BSTAN TSUL NI GZHUNG 'DIS STONG NYID RTOGS PA'I THEG CHEN GYI SBYOR LAM BZHI DNGOS SU BSTAN NAS, GZUGS DANG GZUGS 'DZIN TSAD MA RDZAS GZHAN GYIS STONG PAR RTOGS PA'I THEG CHEN GYI SBYOR LAM BZHI SHUGS LA BSTAN PA YIN TE, RNAM BSHAD LAS, SKABS 'DIR STONG PA NYID KYI RNAM PA CAN GYI SBYOR LAM BZHI DNGOS SU BSTAN PA LA DGOS PA YOD DE, SHUGS BSTAN GYI SBYOR LAM BZHI STONG NYID RTOGS PA'I SHES RAB KYIS ZIN PA'I SGO NAS BSGOM @026B PAR SHES PA'I CHED YIN PA'I PHYIR, ZHES GSUNGS PA'I PHYIR, DES NA NYAN THOS KYI LAM SHES PA'I LAM SHES DANG, RANG RGYAL GYI LAM SHES PA'I LAM SHES MI 'GAL BA BZHIN DU, DE GNYIS KYI RGYU NGES 'BYED CHA MTHUN YANG MI 'GAL TE, GANG ZAG GI BDAG MED RTOGS PA'I THEG CHEN 'PHAGS PA'I MKHYEN PA RNAMS LAM SHES DE GNYIS KA YIN PA DE BZHIN DU GANG ZAG GI BDAG MED RTOGS PA'I THEG CHEN GYI SBYOR LAM RNAMS DE GNYIS KA'I RGYU NGES 'BYED CHA MTHUN YIN PA'I PHYIR, DE YANG MKHAS PA GZHAN GYI YIG CHAR NYAN RANG GI LAM SHES PA'I LAM SHES DANG, DE'I RGYU NGES 'BYED CHA MTHUN LA NYAN RANG GI SHES RAB KYI RTOGS RIGS SU GNAS PA ZHIG DGOS PAR GSUNGS KYANG RANG LUGS KYI YIG CHAR MI MTHUN PAS DE LTAR KHAS MI LEN NO, ,DE BZHIN DU GANG ZAG GI BDAG MED DE NYAN RANG SLOB PA 'PHAGS PA'I BSGOM BYA'I GTZO BO DANG, GANG ZAG GI BDAG 'DZIN DE GNYIS KA'I SPANG BYA'I GTZO BO YIN PAS, DE GNYIS KYI BSGOM BYA'I GTZO BO MI 'GAL BAS SPANG BYA'I GTZO BO MI 'GAL LO, GZUGS PHYI ROL DON GYIS STONG BA DE RANG RGYAL SLOB PA 'PHAGS PA'I BSGOM BYA'I GTZO BO YIN YANG NYAN THOS SLOB PA 'PHAGS PA'I DE MA YIN PA BZHIN DU GZUGS PHYI ROL DON DU 'DZIN PA'I RTOG PA DE RANG RGYAL SLOB PA 'PHAGS PA'I SPANG BYA'I RTZO BO YIN KYANG NYAN THOS SLOB PA 'PHAGS PA'I SPANG BYA'I GTZO BO MA YIN PA YANG SHES PAR BYA'O, ,'DI YANG RNAL 'BYOR SPYOD PA'I RANG RGYUD PA'I LUGS YIN GYI, LEGS LDAN 'BYED SOGS MDO SDE SPYOD PA'I RANG RGYUD PA RNAMS NI NYAN RANG GI LAM SHES PA'I LAM SHES GNYIS DON GCIG TU 'DOD PA YIN TE, DE RNAMS KYIS GZUGS DANG GZUGS 'DZIN TSAD MA RDZAS GZHAN GYIS STONG BAR RTOGS PA'I THEG CHEN 'PHAGS PA'I MKHYEN PA RANG RGYAL GYI LAM SHES PA'I LAM SHES SU KHAS MI LEN PA'I PHYIR, DE RNAMS KYIS DE 'DRA BA'I LAM KHAS MI LEN @027A *, ,PA'I PHYIR, GRUB MTHA' RGYA MTSOR 'JUG PA'I GRU RDZING LAS, MDO SDE SPYOD PA'I RANG RGYUD PA'I LUGS 'CHAD PA'I SKABS SU GZUNG 'DZIN RDZAS GZHAN GYIS STONG PAR RTOGS PA'I LAM ZHAL GYIS MI BZHES LA, ZHES GSUNGS PA'I PHYIR; GZHAN YANG, DE RNAMS KYIS DE 'DRA'I LAM KHAS MI LEN PAR THAL, DE RNAMS KYIS GZUGS DANG GZUGS 'DZIN TSAD MA RDZAS GZHAN GYIS STONG PAR KHAS MI LEN PA'I PHYIR, DE RNAMS KYI GZUGS DANG GZUGS 'DZIN TSAD MA RDZAS GZHAN DU KHAS LEN PA'I PHYIR, MA GRUB NA, DER THAL, DE THAL, DE RNAMS KYIS GZUGS DANG GZUGS 'DZIN TSAD MA RDZAS THA DAD DU KHAS LEN PA'I PHYIR, DE RNAMS KYIS GZUGS PHYI DON DU KHAS LEN PA'I PHYIR, DE YANG RNAL 'BYOR SPYOD PA'I RANG RGYUD PA'I LUGS LA NYAN RANG SLOB PA 'PHAGS PA'I SPANG BYA'I GTZO BO DANG, BSGOM BYA'I GTZO BO LA PHRA RAGS YOD KYANG, MDO SDE SPYOD PA'I RANG RGYUD PA'I LUGS LA, NYAN RANG SLOB PA 'PHAGS PA'I SPANG BYA'I GTZO BO DANG, BSGOM BYA'I GTZO BO LA PHRA RAGS MED DE, GRUB MTHA' RGYA MTSOR 'JUG PA'I GRU RDZING LAS, 'DI PA'I LUGS LA NYAN RANG GNYIS SPANG BYA'I SGRIB PA DANG, RTOGS BYA'I BDAG MED LA PHRA RAGS MED PAS ZHUGS GNAS KYI RNAM BZHAG GNYIS LA KA BYED DO, ,ZHES GSUNGS PA'I PHYIR, RNAL 'BYOR SPYOD PA'I RANG RGYUD PA'I SKABS 'DIR NYAN RANG SLOB PA 'PHAGS PA'I BSGOM BYA'I GTZO BO'I LTA BA LA MTHO DMAN GYI KHYAD PAR YOD KYANG, RANG RGYAL DANG SEMS TZAM PA'I BSGOM BYA'I GTZO BO'I LTA BA LA MTHO DMAN MED DE, GZUGS DANG GZUGS 'DZIN TSAD MA RDZAS GZHAN GYIS STOD PAR RTOGS PA'I LTA BA DE DE GNYIS KA'I BSGOM BYA'I GTZO BOR GYUR BA'I LTA BA YIN PA'I PHYIR, RNAM BSHAD LAS, RANG SANGS RGYAS KYI LTA BA DANG, SEMS TZAM PA'I LTA BA LA MTHO DMAN GYI KHYAD PAR CUNG ZAD KYANG MED PAS, ZHES GSUNGS PA'I PHYIR, GSUM PA @027B BYANG SEMS KYI LAM SHES PA'I LAM SHES BSHAD PA DANG, THEG PA CHEN PO'I MTHONG LAM BSHAD PA DANG, SGOM LAM BSHAD PA GNYIS LAS, DANG PO LA THEG CHEN GYI MTHONG LAM GYI RTEN BSHAD PA DANG, BRTEN PA THEG CHEN GYI MTHONG LAM BSHAD PA GNYIS LAS, DANG PO LA LUS RTEN DANG SEMS RTEN GNYIS LAS, DANG PO NI, SGRA MI SNYAN PA DANG, ZA MA DANG MA NING MA GTOGS PA'I GLING GSUM GYI MI DANG 'DOD LHA'I RTEN LA THEG CHEN GYI MTHONG LAM GSAR DU SKYE BA YOD DE, DE RNAMS KYI RTEN LA THEG CHEN GYI MTHONG LAM SKYE BA'I 'GAL RKYEN DANG BRAL ZHING MTHUN RKYEN TSANG BA YOD PA'I PHYIR, GNYIS PA SEMS RTEN NI SPYIR MTHONG LAM DE BSAM GTAN DANG PO'I NYER BSDOGS MI LCOGS MED PA DANG, BSAM GTAN DANG PO'I DNGOS GZHI SNYOMS 'JUG TZAM KHYAD GNYIS BSAM GTAN PHYI MA GSUM GYI DNGOS GZHI SNYOMS 'JUG STE BSAM GTAN SA DRUG LA BRTEN NAS SKYE BA YOD KYANG, THEG CHEN MTHONG LAM DE BSAM GTAN GYI DNGOS GZHI SNYOMS 'JUG KHO NA LA BRTEN NAS GSAR DU SKYE BA YIN TE, DE GSAR DU SKYE BA'I SEMS RTEN YOD PA GANG ZHIG DER GYUR PA'I BSAM GTAN GYI NYER BSDOGS YANG MED, BSAM GTAN GYI SAS BSDUS LAS GZHAN PA'I GZUGS MED KYI SNYOMS 'JUG YANG MED, 'DOD PA'I SEMS YANG MED PA'I PHYIR, BSDU BA LAS, BDEN PA MNGON PAR RTOGS PA NI BSAM GTAN RNAMS KHO NA DANG, BSAM GTAN DANG PO'I NYER BSNGOGS MI LCOG MED PA LA BRTEN NAS KYANG MNGON PAR RTOGS PAR 'GYUR GYI GZUGS MED PA'I SNYOMS PAR 'JUG PA RNAMS LAS MA YIN TE, 'DI LTAR GZUGS MED PA'I SNYOMS PAR 'JUG PA'I LAM NI ZHI GNAS SHAS CHE BA YIN LA, LHAG MTHONG SHAS CHUNG BA YIN PAS LHAG MTHONG SHAS CHUNG BA'I LAM GYIS NI BDEN PA RNAMS MNGON PAR RTOGS PAR MI NUS PA'I PHYIR RO, ,ZHES GSUNGS PA'I PHYIR, GNYIS PA BRTEN PA THEG CHEN GYI MTHONG LAM BSHAD @028A *, ,PA LA, MTSAN NYID, DBYE BA MTHA' DPYAD PA DANG GSUM LAS, DANG PO NI, STONG NYID MNGON SUM DU RTOGS PA'I SHES RAB KYIS ZIN PA'I THEG CHEN GYI BDEN PA MNGON RTOGS THEG CHEN GYI MTHONG LAM GYI MTSAN NYID, GNYIS PA NI, DE LA DBYE NA THEG CHEN GYI MTHONG LAM MNYAM BZHAG YE SHES DANG, THEG CHEN GYI MTHONG LAM RJES THOB YE SHES, DE GNYIS GANG RUNG MA YIN PA'I THEG CHEN GYI MTHONG LAM DANG GSUM LAS, SO SO'I MTSAN NYID, DBYE BA SOGS RJE BTZUN GYI MTHA' DPYOD DU BSHAD PA BZHIN SHES PAR BYA'O, GSUM PA MTHA' DPYAD PA LA MDOR BSTAN PA DANG, RGYAS PAR BSHAD PA, 'DA' BYED KYI MTHONG LAM, 'DA' BYA'I MTHONG LAM GYI SKYE TSUL BSHAD PA'O, ,DANG PO NI, BDEN DANG BDEN LA BZOD PA DANG, , SHES PA'I SKAD CIG RNAM BZHI YIS, LAM SHES NYID LA MTHONG BA'I LAM, ,PHAN YON BCAS PA 'DI BSHAD DO, ,ZHES PAS 'CHAD, GZHUNG GI DON NI, LAM SHES PA NYID KYI SKABS 'DIR NI CHOS CAN, THEG PA CHEN PO'I MTHONG LAM PHAN YON DANG BCAS PA 'DI BSHAD DE, SDUG KUN GYI BDEN PA DANG, 'GOG LAM GYI BDEN PA LA DMIGS PA'I CHOS BZOD RJES BZOD GNYIS DANG, CHOS SHES RJES SHES GNYIS TE, SHES BZOD SKAD CIG MA BZHIR BSDUS PA'I SGO NAS BSHAD PA YIN PA'I PHYIR, GNYIS PA RGYAS PAR BSHAD PA LA, SDUG BSNGAL CHOS BZOD RJES BZOD SDUG BSNGAL CHOS SHES RJES SHES TE SDUG BSNGAL BDEN PA'I STENG GI SHES BZOD SKAD CIG MA BZHI BSHAD PA, KUN 'BYUNG BDEN PA'I STENG GI DE BZHI BSHAD PA, 'GOG BDEN GYI STENG GI DE BZHI BSHAD PA, LAM BDEN GYI STENG GI DE BZHI BSHAD PA DANG BZHI LAS, DANG PO 'CHAD PA LA, DE BZHIN NYID DANG SANGS RGYAS DAG, PHAN TSUN RTEN PA RTEN MED PHYIR, ,RNAM GRANGS KHAS MI LEN PA DANG, ,CHEN PO TSAD MA MED BCAS DANG, ,TSAD @028B MED PA DANG ZHES PA'I TSIG RKANG PHYED DANG LNGA GSUNGS PA YIN TE, GSER PHRENG LAS, SDUG BSNGAL GYI SKAD CIG MA BZHI NI, DE BZHIN NYID NAS TSAD MED KYI BAR TE, ZHES GSUNGS PA'I PHYIR, KUN 'BYUNG BDEN PA'I STENG GI SHES BZOD SKAD CIG MA BZHI BSHAD PA LA, MTHA' MED DANG, DER GNAS GZUGS LA SOGS PA LA, ,SANGS RGYAS NYID DU NGES 'DZIN DANG, ,BLANG MED DOR BA MED SOGS DANG, ,BYAMS LA SOGS DANG ZHES PA'I BAR TSIG RKANG BZHI GSUNGS PA YIN TE, GSER PHRENG LAS, KUN 'BYUNG GI SKAD CIG MA BZHI NI, MTHA' MED NAS BYAMS SOGS KYI BAR TE, ZHES GSUNGS PA'I PHYIR, 'GOG BDEN GYI STENG GI DE BZHI 'CHAD PA LA, STONG NYID DANG, SANGS RGYAS NYID NI 'THOB PA DANG, ,RNAM PAR BYANG KUN YONGS BSDUS DANG, ,NYAM NGA BA DANG NAD KUN SEL, ,ZHES PA'I BAR TSIG RKANG PHYED DANG BZHI GSUNGS PA YIN TE, GSER PHRENG LAS, 'GOG PA'I SKAD CIG MA BZHI NI STONG NYID NAS NAD KUN SEL GYI BAR TE, ZHES GSUNGS PA'I PHYIR, LAM BDEN GYI STENG GI DE BZHI 'CHAD PA LA, MYA NGAN 'DAS 'DZIN ZHI NYID DANG, ,SANGS RGYAS RNAMS KYIS SRUNG LA SOGS,, SROG MI GCOD PA LA SOGS PA, ,RNAM PA KUN MKHYEN TSUL LA NI, ,BDAG NYID GNAS TE SEMS CAN DAG ,'GOD DANG SPYIN PA LA SOGS PA, ,RDZOGS PA'I BYANG CHUB TU BSNGO BA, ,ZHES PA'I BAR TSIG RKANG BDUN GSUNGS PA YIN TE, GSER PHRENG LAS, LAM GYI SKAD CIG MA BZHI NI MYANG 'DAS NAS BSNGO BA'I BAR TE, ZHES GSUNGS PA'I PHYIR, THEG CHEN GYI MTHONG LAM SHES BZOD SKAD CIG MA BCU DRUG ZHES PA'I SKAD CIG MA DE YANG, SPYIR SKAD CIG MA LA DUS MTHA' SKAD CIG MA DANG BYA RDZOGS KYI SKAD CIG MA GNYIS LAS 'DI NI BYA RDZOGS KYI SKAD CIG MA YIN TE, GSER PHRENG LAS, SKAD CIG GI TSAD NI JI TZAM GYIS RANG YUL RTOGS PA RDZOGS PA'I BAR TE, BYA RDZOGS YIN GYI DUS MTHA'I SKAD CIG NI MA YIN TE, DE NI THA SNYAD DU MI RUNG BAS SO, ,ZHES DANG, RNAM BSHAD LAS, @029A *, ,MTHONG LAM SKAD CIG MA GCIG GI DON YANG, STONG PA NYID LA MNYAM BAR BZHAG PA'I MNYAM BZHAG THUN GCIG YIN GYI, DUS KYI THUNG BA'I MTHAR THUG PA NI MA YIN NO, ,ZHES GSUNGS PA'I PHYIR, BYA RDZOGS KYI THUNG MTHA'I SKAD CIG MA'I TSAD NI SKYES BU STOBS LDAN GCIG GI SA GOL GTOGS PA'I YUN TSAD LA BYED PA YIN LA, BYA RDZOGS KYI RING MTHA' NI BSKAL PA'I BAR DU YANG MI RDZOGS PA YOD DE, BYA BA DE'I MGO RTZOM PA NAS MJUG MA RDZOGS KYI BAR DU BYA RDZOGS KYI SKAD CIG MA GCIG TU 'JOG PA'I PHYIR, DUS MTHA'I SKAD CIG MA'I TSAD NI SKYES BU STOBS LDAN GYI SE GO LA GTOGS PA'I YUN LA DRUG CU RTZA LNGA 'DAS PA'I CHA GCIG LA 'JOG PA YIN TE, DPAL LDAN ZLA BA GRAGS PA'I BZHI BRGYA BA'I 'GREL BAR SKAD CIG CES BYA BA NI DUS 'GRIB PA'I MTHAR THUG PAR GYUR PA LA BYA LA SKYES BU STOBS DANG LDAN PAS SA GOL GTOGS PA'I YUN TSAD GCIG TZAM GYIS SKAD CIG DRUG CU RTZA LNGA 'DA' STE, RNAM PA DE LTA BU'I SKAD CIG GIS RNAM PAR SHES PA SKAD CIG MA YIN NO, ,ZHES GSUNGS PA'I PHYIR, THEG PA CHEN PO'I MTHONG LAM LA SHES BZOD SKAD CIG MA BCU DRUG YOD PA LAS CHOS BZOD CES PA'I CHOS NI MI SKYE BA'I CHOS STONG NYID YIN LA CHOS BZOD CES PA'I BZOD PA NI BZOD PA 'BRING YIN TE, MI SKYE BA'I CHOS LA BZOD PA DE LA CHUNG 'BRING CHEN PO GSUM DU YOD PA LAS CHUNG NGU SBYOR LAM BZOD PA DANG, 'BRING MTHONG LAM SDUG BSNGAL CHOS BZOD DANG, CHEN POS BRGYAD PA NAS THOB PA'I PHYIR, DE LTAR MDO LAS BSHAD PA'I PHYIR, DRANGS NGES RNAM 'BYED KYI RNAM BSHAD BSTAN PA'I SGRON ME LAS, MDO LAS SBYOR LAM BZOD PA DANG, MTHONG LAM SDUG BSNGAL CHOS BZOD DANG, SA BRGYAD BAR MI SKYE BA'I CHOS LA BZOD PA CHUNG 'BRING CHE GSUM RIM BZHIN THOB PAR BSHAD PAS MI SKYE BA'I CHOS DE LA BRGYAD YOD DO, ZHES GSUNGS PA'I PHYIR, SGRA BSHAD PA NI @029B BDEN BZHI'I CHOS NYID MNGON SUM DU RTAGS PA'I SNGAR 'KHOR BAR 'DIS MA MYONG BA'I ZAB MO'I CHOS DE LA SKAG RIGS PA LA MI SKRAG PAR BZOD PAS NA CHOS BZOD DANG, DE'I RJES NAS CHOS NYID RTOGS PA'I YUL CAN RANG NYID LA SKRAG RIGS PA LAS MI SKRAG PAR RTOGS PAS RJES BZOD ZHES BRJOD PA YIN TE, RNAM BSHAD LAS, BDEN BZHI'I CHOS NYID SNGAR MNGON SUM DU MA RTOGS PA CHU LA CHU BZHAG PA'I TSUL GYIS GSAR DU RTOGS PA NA, SNGAR 'KHOR BAR 'DRIS MA MYONG BA'I ZAB MO'I CHOS DE LA SKRAG RIGS PA LAS, MI SKRAG PAS NA CHOS KYI BZOD PA ZHES BYA LA, DES NA BDEN PA BZHI'I CHOS NYID 'JAL BA'I LDOG PA NAS BZOD PA BZHI'O, ,DE'I RJES NAS CHOS NYID LA CHU LA CHU BZHAG DU SONG BA'I BLO DE LA SKRAG RIGS PA LAS, MI SKRAG PAR RTOGS PAS RJES KYI BZOD PA ZHES BYA LA, DE YANG BDEN BZHI'I CHOS NYID KYI YUL CAN LDOG PAS PHYE BA BZHI RTOGS PA'I CHA NAS RJES BZOD BZHI STE, BZOD PA BRGYAD NGO BO GCIG LA LDOG PA THA DAD PA'I TSUL DU YOD LA, ZHES GSUNGS PA'I PHYIR, MDZOD PA LTAR NA, SHES BZOD SKAD CIG MA DANG PO BCO LNGA MTHONG LAM DANG, BCU DRUG PA LAM RJES SHES SGOM LAM DU 'DOD PA YIN TE, MDZOD LAS, DE LA SKAD CIG BCO LNGA NI, ,MA MTHONG MTHONG PHYIR MTHONG BA'I LAM, ,ZHES GSUNGS PA'I PHYIR, DE LA KHO NA RE, THEG CHEN GYI MTHONG LAM SDUG BSNGAL RJES BZOD DES RANG NYID RTOGS PAR THAL, SGRA BSHAD DE 'THAD PA'I PHYIR, 'DOD NA, THEG CHEN GYI MTHONG LAM BAR CHAD MED LAM DES RANG NYID RTOGS PAR THAL, 'DOD PA'I PHYIR, 'DOD NA, THEG CHEN GYI MTHONG LAM BAR CHAD MED LAM DE THAG CHEN GYI MTHONG LAM BAR CHAD MED LAM GYI GZHAL BYA YIN PAR THAL, 'DOD PA'I ZER NA, DE GSUM KA LA 'DOD BYAS PA LA THEG CHEN MTHONG LAM BAR CHAD MED LAM CHOS CAN, STONG NYID YIN PAR THAL, THEG CHEN MTHONG LAM BAR CHAD MED LAM GYI GZHAL BYA YIN PA'I PHYIR ZER NA @030A *, ,MA KHYAB, THEG CHEN MTHONG LAM BAR CHAD MED LAM GYI GZHAL BYA CHOS CAN, DER THAL, DE'I PHYIR, KHYAB PA KHAS, MA GRUB NA, DER THAL, DES KHYOD RTOGS PA'I PHYIR, MA GRUB NA, THEG CHEN MTHONG LAM BAR CHAD MED LAM CHOS CAN, KHYOD KYIS RANG GI GZHAL BYA RTOGS PAR THAL, KHYOD TSAD MA YIN PA'I PHYIR, GONG DU 'DOD NA, DE'I GZHAL BYA CHOS CAN, MED DGAG YIN PAR THAL, STONG NYID YIN PA'I PHYIR, RTAGS KHAS 'DOD NA, DE CHOS CAN, MED DGAG MA YIN PAR THAL; MA YIN DGAG YIN PA'I PHYIR, DGAG PA GANG ZHIG RANG ZHES BRJOD PA'I SGRAS RANG GI 'PHANG BYAR GYUR PA'I CHOS GZHAN SGRUB PA 'PHEN PA'I PHYIR, RTAGS GRUB STE, THEG CHEN GYI MTHONG LAM BAR CHAD MED LAM GYI GZHAL BYA ZHES PA'I SGRAS RANG GI 'PHANG BYAR GYUR PA'I SGRUB PA 'PHEN PA'I PHYIR, DES GZHAL BYA BRJOD PA'I PHYIR, KHO NA RE, THEG CHEN GYI MTHONG LAM BAR CHAD MED LAM DES RANG NYID DNGOS SU RTOGS PAR THAL, DES DE RTOGS PA'I ZER NA MA KHYAB, 'DOD MI NUS TE, DE LA DE'I RNAM PA MA SHAR BA'I PHYIR, YANG KHO NA RE, STONG NYID MNGON SUM DU RTOGS PA'I MKHYEN PA DES KHO RANG SHUGS LA RTOGS PAR THAL, MTHONG LAM BAR CHAD MED LAM DES KHO RANG SHUGS LA RTOGS PA'I PHYIR ZER NA MA KHYAB, 'DOD NA, STONG NYID ZHES PA'I SGRAS STONG NYID SHUGS LA BRJOD PAR THAL, 'DOD PA'I PHYIR, 'DOD MI NUS SO, ,DES NA THEG CHEN GYI MTHONG LAM BAR CHAD MED LAM GYI DNGOS KYI GZHAL BYA YIN NA, STONG NYID YIN PA'I KHYAB KYANG, DE'I GZHAL BYA YIN NA STONG NYID YIN PA'I MA KHYAB BYAS PA LA KHO NA RE, DE'I DNGOS KYI GZHAL BYA CHOS CAN, STONG NYID YIN PAR THAL, DE'I DNGOS KYI GZHAL BYA YIN PA'I PHYIR TE, DES KHYOD DNGOS SU RTOGS PA'I PHYIR, MA GRUB NA, THEG CHEN MTHONG LAM BAR CHAD MED LAM CHOS CAN, KHYOD KYIS RANG GI GZHAL @030B BYA DNGOS SU RTOGS PAR THAL, KHYOD TSAD MA YIN PA'I PHYIR NA MA KHYAB STE, GZUGS 'DZIN DBANG PO'I MNGON SUM CHOS CAN, KHYOD KYIS RANG GI GZHAL BYA DNGOS SU RTOGS PAR THAL, KHYOD TSAD MA YIN PA'I PHYIR, KHYAB PA KHAS, 'DOD NA, GZUGS 'DZIN DBANG PO'I MNGON SUM GYI GZHAL BYA CHOS CAN, DNGOS PO YIN PAR THAL, DE'I DNGOS KYI GZHAL BYA YIN PA'I PHYIR, 'DOD NA, GZUGS 'DZIN DBANG SNGON CHOS CAN, KHYOD KYI GZHAL BYA DNGOS PO MA YIN PAR THAL, KYOD GANG ZAG GI BDAG MED YIN PA'I PHYIR, RANG LUGS NI, THEG CHEN GYI MTHONG LAM BAR CHAD MED LAM GYI DNGOS KYI GZHAL BYA DE YANG, DE'I SHUGS KYI GZHAL BYA YIN NO, ,MTHONG SPANG GI DBYE BA BSHAD PA LA, THEG CHEN GYI MTHONG LAM BAR CHAD MED LAM GYI NGOS SKAL GYI SPANG BYA DE LA, BDEN BZHI LA LOG PAR ZHUGS PA'I 'JIG LTA, MTHAR LTA, LOG LTA, LTA BA MCHOG 'DZIN, TSUL KHRIMS BRTUL ZHUGS MCHOG 'DZIN GYI LTA BA STE LTA BA LNGA DANG, 'DOD CHAGS, KHONG KHRO, NGA RGYAL NYON MONGS CAN GYI MA RIG PA, THE TSOM NYON MONGS CAN DANG BCAS PA'I LTA MIN LNGA TE, RTZA NYON BCU YOD LA, DE LTAR NA YANG, RTZA NYON BCU PO THAMS CAD THEG CHEN MTHONG LAM BAR CHAD MED LAM GYI NGOS SKAL GYI SPANG BYA MA YIN PA'I PHYIR TE, DE THAMS CAD MTHONG SPANG MA YIN PA'I PHYIR, RTZA NYON BCU'I NANG NAS LTA BA MTHA' MA GSUM DANG, THE TSOM NYON MONGS CAN RNAMS MTHONG SPANG KHO NA DANG GZHAN LHAG MA RNAMS LA MTHONG SPANG DANG, BSGOM SPANG GNYIS KA'I CHA YOD PA'I PHYIR, DE YANG YIN TE LTA BA MTHA' MA GSUM DANG, THE TSOM NYON MONGS CAN RNAMS SPANG BYA KUN BRTAGS KHO NA YIN LA, GZHAN LHAG MA RNAMS LA SPANG BYA KUN BRTAGS DANG LHAN SKYES GNYIS KA'I CHA YOD PA'I PHYIR, PHUNG PO LNGA PA'I RAB BYED KYI 'GREL PA LAS, LTA BA MTHA' MA GSUM DANG, THE TSOM NI KUN TU BRTAGS PA KHO NA YIN LA, @031A *, ,LHAG MA RNAMS LA KUN TU BRTAGS PA BA DANG LHAN SKYES PA GNYIS KA YOD PAR SHES PAR BYA'O, ,ZHES GSUNGS PA'I PHYIR, 'O NA DE DAG BDEN BZHI LA LOG PAR ZHUGS TSUL JI LTA BU ZHE NA, DE YANG YOD DE, LTA BA DANG PO GSUM DANG NYON MONGS CAN GYI MA RIG PA, THE TSOM NYON MONGS CAN RNAMS BDEN BZHI LA DNGOS SU LOG PAR ZHUGS PA DANG, LTA BA MCHOG 'DZIN GNYIS DANG, 'DOD CHAGS DANG NGA RGYAL GNYIS NI BDEN BZHI LA BRGYUD NAS LOG PAR ZHUGS PA DANG, KHONG KHRO NI DBANG GIS LOG PAR ZHUGS PA YIN PA'I PHYIR, DANG PO GRUB STE, GSER PHRENG LAS LOG PAR ZHUGS TSUL DE YANG DNGOS SU LOG PAR ZHUGS PA DANG, BRGYUD NAS LOG PAR ZHUGS PA DANG, DBANG GIS LOG PAR ZHUGS PA GSUM GYI RIGS PAR BYA'O, ,DE LA DANG PO NI, LTA BA DANG PO GSUM DANG, MA RIG PA THE TSOM STE, LTA MIN GYI GNYIS NI DNGOS SU LOG PAR ZHUGS PA YIN TE, ZHES GSUNGS PA'I PHYIR, GNYIS PA GRUB STE, DE NYID LAS, GNYIS PA NI, LTA BA MCHOG 'DZIN GNYIS DANG, 'DOD CHAGS DANG NGA RGYAL GNYIS NI BRGYUD NAS LOG PAR ZHUGS PA YIN TE, ZHES GSUNGS PA'I PHYIR, GSUM PA GRUB STE, YANG DE NYID LAS, GSUM PA NI, KHONG KHRO RNAMS NI DBANG GIS LOG PAR ZHUGS PA YIN TE, ZHES GSUNGS PA'I PHYIR, GSUM PA NI, SPYIR 'DA' BYA'I THEG CHEN GYI MTHONG LAM DANG 'DA' BYED KYI THEG CHEN MTHONG LAM GNYIS CIG CHAR DU SKYE YANG, DE GNYIS MNGON GYUR DU RIM CAN DU SKYE BA YIN NO, ,GNYIS PA THEG PA CHEN PO'I SGOM LAM BSHAD PA LA, THEG CHEN SGOM LAM GYI BYED PA BSHAD PA DANG, BYED PA CAN GYI SGOM LAM DNGOS BSHAD PA GNYIS, DANG PO LA MTSAN NYID DBYE BA SA MTSAMS DANG GSUM LAS, RANG THOB BYED KYI THABS SU GYUR PA'I THEG CHEN GYI SGOM LAM BSGOMS STOBS KYIS THOB PA'I PHAN YON DE, @031B THEG CHEN GYI SGOM LAM GYI BYED PA'I MTSAN NYID, GNYIS PA NI, DE LA DBYE NA DRUG YOD DE, THEG CHEN GYI SGOM LAM BSGOMS STOBS KYIS SEMS LA RANG DBANG DU BYED PA'I KUN NAS ZHI BA DANG, SKYE BO THAMS CAD LA 'DUD PA DANG, NYON MONGS PA'I GA-YUL LAS RGYAL BA DANG, SDUG BSNGAL GYI GNOD PAS NAM YANG BRDZI BA MED PA DANG, BYANG CHUB SGRUB PA'I NUS PA DANG LDAN PA DANG, RTEN BYANG SEMS SGOM LAM PA GANG DU BZHUGS PA'I SA PHYOGS MCHOD RTEN DU GYUR PA'I SGOM LAM GYI BYED PA RNAMS SU YOD PA'I PHYIR, KUN NAS ZHI DANG THAMS CAD LA, ,BDUD DANG NYON MONGS LAS RGYAL DANG, ,GNOD PAS BRDZI BA MED NYID DANG, ,BYANG CHUB DANG NI RTEN MCHOD NYID, ,CES GSUNGS PA'I PHYIR, DE YANG DANG PO BZHI SKYES BU BYED PA'I 'BRAS BU DANG, LNGA PA RGYU MTHUN GYI 'BRAS BU DANG, DRUG PA BDAG PO'I 'BRAS BU YIN TE, RNAM BSHAD LAS, SGOM LAM GYI BYED PA DRUG YOD DE, SKYES BU BYED 'BRAS DANG PO BZHI DANG, RGYU MTHUN GYI 'BRAS BU LNGA PA DANG, BDAG PO'I 'BRAS BU DRUG PA RNAMS SU YOD PA'I PHYIR, ZHES GSUNGS PA'I PHYIR, 'DIR RNAM SMIN GYI 'BRAS BU MI 'CHAD PA'I RGYU MTSAN YOD DE, THEG CHEN GYI SGOM LAM DE RNAM SMIN GYI RGYU MA YIN PA'I PHYIR, GSUM PA SA MTSAMS NI, THEG CHEN GYI SGOM LAM BSGOMS PA'I SKAD CIG GNYIS PA NAS SANGS RGYAS KYI SA'I BAR DU YOD DO, ,GNYIS PA BYED PA CAN GYI SGOM LAM BSHAD PA LA, THEG CHEN GYI SGOM LAM GYI RTEN BSHAD PA DANG, BRTEN PA THEG CHEN GYI SGOM LAM BSHAD PA GNYIS, DANG PO LA, LUS RTEN DANG SEMS RTEN GNYIS, DANG PO NI, GLING GSUM GYI MI DANG 'DOD LHA RIGS DRUG GI RTEN LA THEG CHEN GYI SGOM LAM GSAR DU SKYE BA YOD DE, DE RNAMS KYI RTEN LA DE GSAR DU SKYE BA'I 'GAL RKYEN DANG BRAL ZHING MTHUN RKYEN TSANG BA YOD PA'I PHYIR, GZUGS KHAMS PA'I RTEN LA DE GSAR DU SKYE BA MED DE DE'I RTEN CAN GYI BYANG SEMS @032A *, ,MTHONG LAM PA MED PA'I PHYIR, GZUGS KHAMS PA'I RTEN LA THEG CHEN GYI SGOM LAM SKYES ZIN GNAS PA YOD DE, DE'I RTEN CAN GYI BYANG SEMS SGOM LAM PA YOD PA'I PHYIR, GZUGS MED KHAMS PA'I RTEN LA SKYES ZIN GNAS PA YANG MED DE, DE'I RTEN CAN GYI BYANG SEMS 'PHAGS PA MED PA'I PHYIR, GNYIS PA SEMS RTEN NI THEG CHEN GYI SGOM LAM GSAR DU SKYE BA'I SEMS RTEN LA 'DOD SEMS DANG, BSAM GTAN GYI DNGOS GZHI SNYOMS 'JUG BZHI, GZUGS MED KYI DNGOS GZHI SNYOMS 'JUG BZHI STE KHAMS GSUM SA DGU YOD DE, 'GREL CHEN LAS, 'DOD PA'I KHAMS DANG GZUGS KYI KHAMS DANG GZUGS MED PA'I KHAMS ZHES SMOS PA NI 'DOD PA LA SOGS PA'I SA DGUS SGOM PA'I LAM GZUNG BAR BYA'O, , ZHES GSUNGS PA'I PHYIR, GNYIS PA BRTEN PA THEG CHEN SGOM LAM BSHAD PA LA, MTSAN NYID DBYE BA SA MTSAMS DANG GSUM LAS, DANG PO NI, THEG CHEN GYI RJES LA MNGON RTOGS, THEG CHEN GYI SGOM LAM GYI MTSAN NYID, GNYIS PA NI, DE LA DBYE NA, THEG CHEN GYI ZAG BCAS SGOM LAM DANG, THEG CHEN GYI ZAG MED SGOM LAM GNYIS, SGRA DON 'DRES RUNG DU 'DZIN PA'I RTOG PA DANG BCAS PA'I THEG CHEN GYI RJES LA MNGON RTOGS, THEG CHEN GYI ZAG BCAS SGOM LAM GYI MTSAN NYID, SGRA DON 'DRES RUNG DU 'DZIN PA'I RTOG PA DANG BRAL BA'I THEG CHEN GYI RJES LA MNGON RTOGS, THEG CHEN GYI ZAG MED SGOM LAM GYI MTSAN NYID, GSUM PA SA MTSAMS NI, SA DANG PO NAS BCU PA'I BAR DU YOD, THEG CHEN GYI ZAG BCAS SGOM LAM LA DBYE NA, MOS PA SGOM LAM, BSNGO BA SGOM LAM, RJES SU YI RANG BA'I SGOM LAM DANG GSUM LAS, YUM DON GSUM PO GANG RUNG GI 'BYUNG GNAS SU YID CHES PA'I SGRA DON 'DRES RUNG DU 'DZIN PA'I RTOG PA DANG BCAS PA'I THEG CHEN GYI RJES LA MNGON RTOGS, MOS PA SGOM LAM GYI @032B MTSAN NYID, DE LA RTZA BA'I SGO NAS DBYE NA, RANG DON MOS PA SGOM LAM, GNYIS DON MOS PA SGOM LAM, GZHAN DON MOS PA SGOM LAM DANG GSUM, YAN LAG GI SGO NAS DBYE NA GSUM PO RE RE LA CHUNG 'BRING CHEN PO GSUM GSUM STE DGU YOD, NYID LAG GI SGO NAS DBYE NA DGU PO RE RE LA CHUNG 'BRING CHEN PO GSUM GSUM STE NYER BDUN YOD DE, MOS PA RANG GI DON DANG NI, ,RANG GZHAN DON DANG GZHAN DON DANG, ,RNAM GSUM ZHES BYA DE YANG NI, ,CHUNG DANG 'BRING DANG CHEN PO STE, ,SO SOR RNAM PA GSUM DU 'DOD, ,CHUNG NGU'I CHUNG SOGS DBYE BA YIS, ,DE YANG RNAM GSUM DE LTAR NA, ,RNAM PA NYI SHU BDUN DU 'DOD, ,CES GSUNGS PA'I PHYIR, ,SA MTSAMS SA DANG PO NAS BCU PA'I BAR DU YOD, MOS PA SGOM LAM GYI PHAN YON BSHAD PA LA RANG THOB BYED KYI THABS SU GYUR PA'I MOS PA SGOM LAM BSGOMS STOBS KYIS THOB PA'I PHAN YON, MOS PA SGOM LAM GYI PHAN YON GYI MTSAN NYID, DE LA DBYE NA, BSTOD PA DGU, BKUR PA DGU, BSNGAGS PA DGU YOD DE, SHES RAB PHA ROL PHYIN PA LA, MOS PA'I GNAS SKABS RNAMS LA NI, , DGU MTSAN GSUM GYI BSTOD PA DANG, ,BKUR PA DANG NI BSNGAGS PAR 'DOD, ,CES GSUNGS PA'I PHYIR, 'O NA SHES RAB PHA ROL PHYIN PA LA, ,MOS PA'I GNAS SKABS ZHES BSHAD NA, ,'DI'I DNGOS BSTAN GYI SHER PHYIN DE GANG, MOS PA SGOM LAM GYI MOS YUL GYI GTZO BO DE GANG ZHE NA, 'DI'I DNGOS BSTAN GYI SHER PHYIN LA GZHUNG LAM 'BRAS BU SHER PHYIN GSUM KA YOD KYANG, 'BRAS BU SHER PHYIN MOS YUL GTZO BO DANG, GZHUNG LAM SHER PHYIN GNYIS MOS YUL PHAL PA YIN TE, RGYAN SNANG LAS SHES RAB PHA ROL PHYIN GNYIS MED, ,YE SHES DE NI DE BZHIN GSHEGS, ,ZHES GSUNGS PA'I TSUL GYIS GTZO BOR CHOS KYI SKU'I DE BZHIN GSHEGS PA NYID YUM YIN, ZHES GSUNGS PA'I PHYIR, DE BAS NA YUM DON GSUM GYI 'BYUNG GNAS ZHES PA'I YUM YANG GSUM @033A *, ,PO NYID LA BYED PA YIN NO, ,BSTOD BKUR BSNGAGS GSUM LA DGU DGUR 'BYED TSUL NI MOS PA SGOM LAM BZHIN NO, ,SA MTSAMS NI, MOS PA SGOM LAM BSGOMS PA'I SKAD CIG GNYIS PA NAS SANGS RGYAS KYI SA'I BAR NA YOD DO, ,GNYIS PA BSNGO BA BSGOM LAM BSHAD PA LA RANG GZHAN GANG RUNG GI DGE RTZA RDZOGS PA'I BYANG CHUB KYI YAN LAG TU SGYUR BAR BYED PA'I SGRA DON 'DRES RUNG DU 'DZIN PA'I RTOG PA DANG BCAS PA'I THEG CHEN GYI RJES LA MNGON RTOGS, BSNGO BA SGOM LAM GYI MTSAN NYID, DE LA DBYE NA BCU GNYIS YOD DE, BSNGO BA KHYAD PAR CAN GYI MING CAN GYI BSNGO BA SGOM LAM, MI DMIGS PA'I RNAM PA CAN GYI MING CAN GYI BSNGO BA SGOM LAM, PHYIN CI MA LOG PA'I MTSAN NYID CAN GYI MING CAN GYI BSNGO BA SGOM LAM, DBEN PA'I MING CAN GYI BSNGO BA SGOM LAM, SANGS RGYAS KYI BSOD NAMS KYI TSOGS KYI RANG BZHIN DRAN PA'I MING CAN GYI BSNGO BA SGOM LAM, THABS MKHAS DANG BCAS PA'I MING CAN GYI BSNGO BA SGOM LAM, MTSAN MA MED PA'I MING CAN GYI BSNGO BA SGOM LAM, SANGS RGYAS KYI RJES SU YI RANG BA'I MING CAN GYI BSNGO BA SGOM LAM, KHAMS GSUM DU MA RTOGS PA'I MING CAN GYI BSNGO BA SGOM LAM, BSNGO BA CHUNG NGU'I MING CAN GYI BSNGO BA SGOM LAM, BSNGO BA 'BRING GI MING CAN GYI BSNGO BA SGOM LAM, BSNGO BA CHEN PO'I MING CAN GYI BSNGO BA SGOM LAM RNAMS SU YOD PA'I PHYIR TE, YONGS SU BSNGO BA KHYAD PAR CAN, ,DE'I BYED PA MCHOG YIN NO, ,DE NI MI DMIGS RNAM PA CAN, ,DBEN DANG SANGS RGYAS BSOD NAMS TSOGS, ,RANG BZHIN DRAN PA'I SPYOD YUL CAN, ,THABS BCAS MTSAN MA MED PA DANG, ,SANGS RGYAS RJES SU YI RANG DANG, ,KHAMS GSUM GTOGS PA MA YIN DANG, ,CHUNG DANG 'BRING DANG CHEN PO YI, ,BSNGO BA GZHAN NI RNAM GSUM PO, ,BSOD NAMS CHE 'BYUNG BDAG NYID DO, ,ZHES @033B GSUNGS PA'I PHYIR, SA MTSAMS SA DANG PO NAS BCU PA'I BAR DU YOD, GSUM PA RJES SU YI RANG BA'I SGOM LAM BSHAD PA LA, RANG GZHAN GANG RUNG GI DGE RTZA LA DGA' BA SGOM PA'I SGRA DON 'DRES RUNG DU 'DZIN PA'I RTOG PA DANG BCAS PA'I THEG CHEN GYI RJES LA MNGON RTOGS, RJES SU YI RANG SGOM LAM GYI MTSAN NYID, DBYE NA RANG GI DGE RTZA LA DGA' BA SGOM PA'I RJES SU YI RANG BA'I SGOM LAM DANG, GZHAN GYI DGE RTZA LA DGA' BA SGOM PA'I RJES SU YI RANG BA'I SGOM LAM GNYIS YOD DE, THABS DANG MI DMIGS PA DAG GIS, ,DGE BA'I RTZA LA YI RANG BA, ,RJES SU YI RANG YID BYED PA, ,SGOM PA YIN PAR 'DIR BRJOD DO, ,ZHES GSUNGS PA'I PHYIR, SA MTSAMS SA DANG PO NAS BCU PA'I BAR DU YOD, THEG CHEN GYI ZAG BCAS KYI SGOM LAM LA MOS BSNGO RJES SU YI RANG BA'I SGOM LAM GSUM DU DBYE BA'I RGYU MTSAN YOD DE, DE GSUM RIM PA BZHIN DU DGE RTZA BSAGS PA DANG MI ZAD PA DANG 'PHEL BAR BYED PA'I BYED LAS DANG LDAN PAS NA DE LTAR PHYE BA'I PHYIR, SHER 'BYUNG BLO GROS NI, DE GSUM SBYOR DNGOS RJES GSUM GYI SGO NAS PHYE BAR 'DOD LA, RANG LUGS 'DI GSUM NGO BO THA DAD DU 'DOD PA YIN TE, 'DI GSUM 'DZIN STANGS THA DAD PA'I SGO NAS PHYE BA'I PHYIR, GSER PHRENG LAS, DE LTAR 'BYED PA'I RGYU MTSAN YOD DE, DGE RTZA BSAGS PA MI ZAD PA DANG, 'PHEL BAR BYED PAS YIN NO, ,SHER 'BYUNG NI SBYOR DNGOS RJES GSUM GYI DBYE BAS PHYE BAR 'DOD DO, ,'DI GSUM NGO BO THA DAD PA STE, 'DZIN STANGS THA DAD PAS PHYE BA'I PHYIR RO, ,ZHES GSUNGS PA'I PHYIR, DE YANG KHA CHE BYE BRAG SMRA BA GZHON NU DPAL NI, MOS PA SGOM LAM SA GNYIS PA SA GSUM PA SA BZHI PA GSUM GYIS BSDUS, BSNGO BA SGOM LAM SA LNGA PA SA DRUG PA SA BDUN PA GSUM GYIS BSDUS, RJES SU YI RANG SGOM LAM SA BRGYAD PA DGU PA GNYIS KYIS BSDUS, ZHES 'DOD PA YIN TE, DES MDZAD PA'I BSDUS DON LAS, MOS PA NI SA GNYIS @034A *, ,PA DANG GSUM PA DANG BZHI PAS BSDUS SO, ,BSNGO BA NI SA LNGA PA DANG DRUG PA DANG BDUN PAS BSDUS SO, ,RJES SU YI RANG NI SA BRGYAD PA DANG DGU PAS BSDUS SO, ,ZHES GSUNGS PA'I PHYIR, RANG LUGS NI, DE GSUM SA DANG PO NAS BCU BA'I BAR DU YOD PAS, 'DI LTAR BSHAD PA SGRA JI BZHIN DU KHAS MI LEN NO, ,NGO BO NI, MOS BSNGO RJES SU YI RANG GSUM PO GANG RUNG YIN NA SEMS BYUNG YIN PA'I KHYAB KYANG, SGOM LAM DE GSUM LA SEMS DANG SEMS BYUNG GNYIS KA YOD PAS SEMS BYUNG GIS MA KHYAB BO, ,GNYIS PA THEG CHEN GYI ZAG MED SGOM LAM LA SGRUB PA SGOM LAM RNAM DAG SGOM LAM GNYIS LAS, ZAG MED KYI THEG CHEN GYI RJES LA MNGON RTOGS GANG ZHIG, RANG GI THOB BYAR GYUR PA'I RTOHS PA MTHAR THUG GI LAG RJES 'JOG BYED DE, SGRUB PA SGOM LAM GYI MTSAN NYID, DE DANG RNAM DAG SGOM LAM GNYIS DON GCIG YIN TE, GSER PHRENG LAS, DES NA MNYAM BZHAG ZAG MED GCIG NYID YUL RTOGS TSUL GYI SGO NAS THOB BYA 'GRUB PAR BYED PA DANG, SPANG BYA 'JOMS TSUL GYI SGO NAS DRI MA SEL BAR BYED PA GNYIS KYI LDOG PA NAS BSTAN PAS 'DI GNYIS NGO BO THA DAD PAR MI BSAM MO, ,ZHES GSUNGS PA'I PHYIR, SGRUB PA SGOM LAM LA DBYE NA LNGA YOD DE, NGO BOS KHYAD PAR DU BYAS PA'I SGRUB PA SGOM LAM, 'BRAS BU MCHOG GIS KHYAD PAR DU BYAS PA'I SGRUB PA SGOM LAM, BYED LAS KYIS KHYAD PAR DU BYAS PA'I SGRUB PA SGOM LAM, GNAS SKABS KYI YON TAN GYIS KHYAD PAR TU BYAS PA'I SGRUB PA SGOM LAM, DON CHEN PO MTHAR THUG GI YON TAN DANG 'BREL BA'I SGRUB PA SGOM LAM DANG LNGA YOD PA'I PHYIR, DE YI NGO BO NYID MCHOG NYID, ,KUN LA MNGON PAR 'DU MI BYED, ,CHOS RNAMS DMIGS SU MED PAR NI, ,GTOD PAR BYED PA DON CHEN NYID, ,ZHES DANG, RNAM BSHAD LAS, SGRUB PA SGOM LAM LA LNGA YOD DE, NGO BO DANG, 'BRAS @034B BU KHYAD PAR DU BYAS PA DANG, BYED LAS DANG, GNAS SKABS KYIS YON TAN DANG, MTHA'I YON TAN DANG 'BREL BA RNAMS SU YOD PA'I PHYIR, ZHES GSUNGS PA'I PHYIR, DES NA THEG DMAN GYI ZAG BCAS SGOM LAM YOD KYANG, THEG DMAN GYI MOS BSNGO RJES SU YI RANG BA'I SGOM LAM GSUM MED DE, DE GSUM PO GANG RUNG YIN NA, THEG CHEN GYI SGOM LAM YIN DGOS PA'I PHYIR, DE BZHIN DU THEG DMAN GYI ZAG MED SGOM LAM YOD KYANG, THEG DMAN GYI SGRUB PA SGOM LAM DANG, RNAMS DANG SGOM LAM GNYIS MED DE, DE GNYIS GANG RUNG YIN NA THEG CNEN GYI SGOM LAM YIN DGOS PA'I PHYIR, DGRUB PA SGOM LAM GYI SA MTSAMS YANG SA DANG PO NAS BCU PA'I BAR DU YOD, GNYIS PA RNAM DAG SGOM LAM BSHAD PA LA, RNAM DAG SGOM LAM GYI RGYU DANG, RNAM DAG SGOM LAM DNGOS GNYIS LAS, DANG PO NI, MTHUN RKYEN GANG GIS YONGS SU BZUNG BA DANG, 'GAL RKYEN GANG ZHIG BOR BAS RNAM DAG SGOM LAM THOB PAR 'GYUR ZHE NA, DE'I LAN 'CHAD PA LA, SANGS RGYAS BSTAN DANG SBYIN SOGS DANG, ,ZHES SOGS TSIG RKANG BRGYAD GSUNGS, DON NI, PHYI'I RKYEN SANGS RGYAS BSTAN PA DANG, NANG GI RKYEN SBYIN SOGS DANG, ZHI LHAG ZUNG 'BREL GYI THABS LA MKHAS PA GANG YIN PA RNAMS CHOS CAN, RNAM DAG SGOM LAM 'DI LA MOS PA'I RGYU DAG YIN TE, DE'I MTHUN RKYEN GYI RGYU YIN PA'I PHYIR, BDUD KYI THIBS KYIS NON PA DANG, ZAB MO'I CHOS STONG PA NYID LA MA MOS PA DANG, PHUNG PO SOGS LA MNGON PAR ZHEN PA DANG, SDIG PA'I GROGS POS YONGS SU ZIN PA RNAMS CHOS CAN, RNAM DAG SGOM LAM SOGS CHOS KYI PHONGS PA'I RGYU DAG YIN PA'I PHYIR TE, DE'I 'GAL RKYEN YIN PA'I PHYIR, 'BRAS BU DAG PA GZUGS LA SOGS, ,ZHES SOGS TSIG RKANG BZHI'I DON NI, BZHI LA SBYAR NA, THEG CHEN GYI MTHONG LAM RNAM GROL LAM CHOS CAN, KHYOD THEG CHEN MTHONG LAM BAR CHAD MED LAM PA'I RGYUD KYI MTHONG SPANG GIS DAG PA NA, KHYOD KYI YUL GZUGS SOGS KYANG, DE'I RGYUD @035A *, ,KYI MTHONG SPANG GIS DAG PA YIN TE, RGYU MTSAN GANG GI PHYIR NA, KHYOD DE'I RGYUD KYI DES DAG PAS DAG PA DANG, KHYOD KYI YUL GZUGS SOGS DE'I RGYUD KYI DES DAG PA'I DAG PA GNYIS NGO BO THA DAD MIN ZHING, RIGS SO SOR BCAD DU MED PA'I PHYIR, NYON MONGS SHES BYA LAM GSUM GYI, ,ZHES SOGS TSIG RKANG BZHI YI SKABS SU BSHAD PA'I NYAN RANG BYANG SEMS DANG, SANGS RGYAS KYI RNAM DAG RNAMS NI RJE BTZUN GYI MTHA' DPYOD NAS 'BYUNG BA BZHIN SHES PAR BYA ZHING 'DIR MA SPROS SO, , ` GNYIS PA RNAM DAG SGOM LAM DNGOS BSHAD PA NI, ZAG MED KYI THEG CHEN GYI RJES LA MNGON RTOGS GANG ZHIG, RANG GI THOB BYAR GYUR PA'I SPANGS PA MTHAR THUG GI LAG RJES 'JOG BYED DE RNAM DAG SGOM LAM GYI MTSAN NYID, DE LA DBYE NA BCO BRGYAD YOD TE, 'DOD PA DANG BSAM GTAN BZHI GZUGS MED BZHI STE, KHAMS GSUM SA DGU'I SGOM SPANG BDEN 'DZIN CHEN PO'I CHEN PO LA SOGS PA'I DNGOS GNYEN DU GYUR PA'I THEG CHEN GYI SGOM LAM BAR CHAD MED LAM CHUNG NGU LA SOGS PA DGU DANG, DE DAG SPANGS PA'I THEG CHEN GYI SGOM LAM RNAM GROL LAM CHUNG NGU'I CHUNG NGU LA SOGS PA DGU YOD PA'I PHYIR, 'DIS MTSON NAS 'OG MA RNAMS LA YANG SGOM SPANG BDEN 'DZIN ZHES SBYAR DGOS SO, ,DE YANG YIN TE, SA DANG PO'I SGOM LAM BAR CHAD MED LAM KHAMS GSUM SA DGU'I SGOM SPANG CHEN PO'I CHEN PO RAGS PA'I DNGOS GNYEN DANG, SA GNYIS PA'I BAR CHAD MED LAM DE KHAMS GSUM SA DGU'I SGOM SPANG CHEN PO'I CHEN PO PHRA MO'I DNGOS GNYEN YIN PAS, DE GNYIS THEG CHEN GYI SGOM LAM BAR CHAD MED LAM CHUNG NGU'I CHUNG NGU DANG, SA GSUM PA'I BAR CHAD MED LAM DE KHAMS GSUM SA DGU'I SGOM SPANG CHEN PO'I CHEN PO 'BRING GI DNGOS GNYEN DU GYUR PA'I THEG @035B CHEN GYI SGOM LAM BAR CHAD MED LAM CHUNG NGU'I 'BRING DANG, SA BZHI PA'I BAR CHAD MED LAM DE SGOM SPANG CHEN PO'I CHUNG NGU'I DNGOS GNYEN DU GYUR PA'I THEG CHEN GYI SGOM LAM BAR CHAD MED LAM CHUNG NGU'I CHEN PO YIN PA'I PHYIR, KHAMS GSUM GYI SGOM SPANG 'BRING GSUM GYI DNGOS GNYEN DU GYUR PA'I THEG CHEN GYI SGOM LAM BAR CHAD MED LAM 'BRING SKOR GSUM YOD DE, SA LNGA PA'I BAR CHAD MED LAM DE SGOM SPANG 'BRING GI CHEN PO'I DNGOS GNYEN DU GYUR PA'I THEG CHEN GYI SGOM LAM BAR CHAD MED LAM 'BRING GI CHUNG NGU DANG, SA DRUG PA'I BAR CHAD MED LAM DE SGOM SPANG 'BRING GI 'BRING GI DNGOS GNYEN DU GYUR PA'I THEG CHEN GYI SGOM LAM BAR CHAD MED LAM 'BRING GI 'BRING DANG, SA BDUN PA'I BAR CHAD MED LAM DE SGOM SPANG 'BRING GI CHUNG NGU'I DNGOS GNYEN DU GYUR PA'I THEG CHEN GYI SGOM LAM BAR CHAD MED LAM 'BRING GI CHEN PO YIN PA'I PHYIR, SGOM SPANG CHUNG NGU SKOR GSUM GYI DNGOS GNYEN GSUM YOD DE, SA BRGYAD PA'I BAR CHAD MED LAM DE SGOM SPANG CHUNG NGU'I CHEN PO'I DNGOS GNYEN DU GYUR PA'I THEG CHEN GYI SGOM LAM BAR CHAD MED LAM CHEN PO'I CHUNG NGU DANG, SA DGU PA'I BAR CHAD MED LAM DE SGOM SPANG CHUNG NGU'I 'BRING GI DNGOS GNYEN DU GYUR PA'I THEG CHEN GYI SGOM LAM BAR CHAD MED LAM CHEN PO'I 'BRING DANG, SA BCU PA'I BAR CHAD MED LAM DE SGOM SPANG CHUNG NGU CHUNG NGU'I DNGOS GNYEN DU GYUR PA'I THEG CHEN GYI SGOM LAM BAR CHAD MED LAM CHEN PO'I CHEN PO YIN PA'I PHYIR, 'DIS NI, THEG CHEN GYI SGOM LAM RNAM GROL LAM SKOR DGU'I 'JOG TSUL YANG SHES PAR BYA STE, SA DGU LA NI CHEN PO YI, ,CHEN PO LA SOGS DRI MA YI, ,GNYEN PO CHUNG NGU'I CHUNG NGU LA, ,SOGS PA'I LAM NI DAG PA YIN, ,ZHES GSUNGS PA'I PHYIR, DE LA KLAN KA SPANGS @036A *, ,PA YIS, ,ZHES PA'I KLAN KA SPONG TSUL NI, GNYEN PO CHUNG RIM GYIS SPANG BYA CHE RIM NAS SPONG BA MI 'THAD DE, DGRA STOBS LDAN 'JOMS PA LA GSHED MA STOBS LDAN DGOS PA LTAR, SPAR BYA CHEN PO SPANGS PA LA, ,GNYEN PO CHEN PO DGOS PA'I PHYIR ZHE NA, KLAN KA DE'I LAN NI, DGRA STOBS LDAN 'JOMS PA LA DE LTAR YIN KYANG, SPANG BYA CHEN PO SPANGS PA LA GNYEN PO CHEN PO DGOS PA'I NGES PA MED DE, DPER NA GOS LA CHAGS PA'I DRI MA RAGS PA'AM, CHEN PO SEL BA LA 'BAD RTZOL CHEN PO MI DGOS LA, GOS LA CHAGS PA'I DRI MA PHRA MO SEL BA LA, BTZO LAG MKHAN NAM, KHRUS MKHAN GYIS 'BAD RTZOL CHEN PO DGOS PA'I PHYIR ZHES PA'O, ,LAM NI 'JAL DANG GZHAL BYA DAG ,MNYAM PA NYID KYI KHAMS GSUM GYI, ,GNYEN PO NYID DU 'DOD PA YIN, ,ZHES PA'I DON NI, THEG CHEN GYI MTHONG LAM BAR CHAD MED LAM CHOS CAN, KHAMS GSUM GYI SGRIB PA MA LUS PA DAG BYED KYI GNYEN PO NYID DU 'DOD PA YIN TE, 'JAL BYED SHES PA DANG, GZHAL BYA DAG DON DAN PAR MA BRUB PAR MNYAM PA NYID DU RTOGS PA'I SGO NAS SPANG BYA DNGOS SU 'JOMS BYED YIN PA'I PHYIR, SMRS PA, 'DIS MTSOM DGE BAS 'JAM DPAL SNYING PO'I BSTAN, ,BSTAN 'DZIN BCAS PA DBYAR GYI MTSO LTAR RGYAS, ,RGYAS 'BRING BSDUS PA'I DON LA 'GRO KUN SPYOD, ,SPYOD MCHOG RDZOGS TE BYANG CHEN MYUR THOB SHOG, ,ZHES PA 'DI NI 'JAM DPAL DBYANGS RJE BTZUN CHOS KYI RGYAL MTSAN SOGS MKHAS GRUB DAM PA RNAMS KYI YIG CHAR MI GSAL BA CHER MED PA BCAS, BLO GROS MKHA' LTAR YANGS PA'I SKYES BU RNAMS LA 'DI LTA BU'I NYER MKHO MED KYANG, RJES 'JUG BLO GROS DMAN PA 'GA' ZHIG LA @036B PHAN DON DANG RANG NYID KYI DRAN PA GSO PHYIR DU RJE BTZUN CHOS KYI RGYAL MTSAN GYI YIG CHA GZHIR BYAS, 'JAM MGON BLA MA TZONG KHA PA YAB SRAS KYI LEGS BSHAD KYIS ZUR BRGYAN TE GYI NA PA D'A NA'I MING CAN GYIS BKOD PA YIN PAS MKHAS DBANG RNAMS KYIS BZOD PAR MDZAD DU GSOL,, ,,AOm SVA STI, RNAM DAG SEMS KYI NYER DRANGS SBYIN SOGS LA, ,TSUL BZHIN RLOBS PA'I RGYAL SRAS SPYOD TSUL GYIS,, 'JAM MGON RING LUGS DAR ZHING RGYAS MDZAD PA'I, ,SEMS DPA' CHEN PO GANG DE'I LEGS BSHAD MCHOG, ,RGYAL SRAS RNAMS KYI BZHED DON MA LUS PA, ,LHUN GYI GRUB BYED THEG GSUM SPANG RTOG RIGS, ,MA LUS YONGS SU RDZOGS BYED LAM SHES NYID, ,MTSON BYED CHOS KYI GSAL BAR BYA BA'I TSUL, ,MI PHAM MGON DANG RGYAL SRAS SENG GE BZANG, ,'JAM MGON YAB SRAS RNAMS KYI DGONGS PA'I DON, ,'JAM DPAL DBYANGS DNGOS CHOS KYI RGYAL MTSAN GYIS, ,LEGS BSHAD JI BZHIN GSAL BA'I SGRON ME 'DI, ,BGRANGS YAS 'GRO LA SMAN PA'I LHAG BSAM GYIS, ,'DZAD MED MCHOD SBYIN SPEL PHYIR PAR DU BSKRUN, ,DGE 'DIS RGYAL BSTAN YANG SNYING ZHvA SER BSTAN, ,PHYOGS DUS KUN TU DAR ZHING RGYAS GYUR CIG, ,BSTAN 'DZIN MA LUS ZHABS PAD SRID MTHAR BRTAN, ,GSANG GSUM MDZAD BZANG YAR ZLA LTAR 'PHEL ZHING, ,'DUS PA'I SDE RNAMS THUGS @037A *, ,MTHUN KHRIMS GTZANG NGOS, ,BSHAD SGRUB CHOS SPYOD DBYAR MTSO LTAR 'PHEL SHOG ,KHYAD PAR BLO BZANG YE SHES RAB BRTAN NYID, ,PHYI NANG NYER 'TSE KUN LAS RNAM RGYAL TE, ,SKU TSE YUN BRTAN MDZAD BZANG GONG 'PHEL SOGS, ,BZHED DON MA LUS LHUN GYI GRUB GYUR CIG, ,'BREL THOG LA SOGS MKHA' MNYAM 'GRO BA KUN, ,DUS KUN CHOS 'BYOR DGA' BDES RTAG 'TSO ZHING, ,SKYE KUN DGE BA'I BSHES KYI RJES BZUNG NAS, ,SA LAM BGROD PA MYUR DU MTHAR PHYIN SHOG ,CES PA 'DI NI YANG DGON SPRUL SKU BLO BZANG YE SHES RAB BRTAN NAS SEMS DPA' CHEN PO YONGS KYI DGE BA'I BSHES GNYEN SBYIN PA DAR RGYAS KYIS MDZAD PA'I SKABS GNYIS PA'I SPYI DON PAR GSAR BRKOS BGYIS SKABS PAR BYANG SMON TSIG 'DI LTA BU DGOS ZHES BSKUL NGOR RvA SGRENG HO THOG THUR 'BOD PA SH'AKYA'I DGE SBYONG NGAG DBANG YE SHES BSTAN PA'I RGYAL MTSAN GYIS SBYAR BA'O,, ,, ` ,MKHAS SHING GRUB PA SBYIN PA'I MING CAN GYI, ,GANG DES PHA ROL PHYIN GZHUNG ZAB MO YI, ,ZAB @037B DON RIGS LAM RGYA MTSO'I SNYING POR KUN, ,NYUNG NGU'I TSIG TU 'DUS PA'I LEGS BSHAD 'DI, ,DPAR DU BSKRUN PA'I RAB DKAR DGE TSOGS KYIS, ,SA GSUM LUS CAN KUN GYI PHAN BDE'I DPYID, ,THUB BSTAN SPYI DANG BLO BZANG RGYAL BA'I BSTAN, ,NAM YANG MI NUB RING DU RGYAS GYUR CIG,