@001A *, ,DRANG NGES RNAM 'BYED KYI DKA' GNAD GSAL BAR BYED PA BSDUS DON LEGS BSHAD GSAL BA'I ME LONG ZHES BYA BA BZHUGS SO, , @001B #, ,NA MO GU RU, SKU GSUNG THUGS DANG RDZU 'PHRUL KUN 'GRO DANG, ,CI 'DOD SKYED DANG YON TAN DBANG PHYUG STE, ,DBANG PHYUG BRGYAD LDAN RDO RJE 'CHANG DBANG GI, NGO BO DPAL LDAN BLA MA'I ZHABS LA 'DUD, ,SNYIGS MAS CHER SBAGS RGYAL BA THAMS CAD KYIS, ,SPANGS PA'I 'GRO LA THAR BA'I LAM STON PAR, ,GCIG TU DPA' BA 'JAM MGON CHOS KYI RJE, ,DON YONG RDO RJE RGYAL BA'I DBANG POR 'DUD, ,MGON DE'I CHOS KYI SNYING PO YID BZHIN NOR, ,LUNG RIGS RGYAL MTSAN RTZE LA RAB BKOD NAS, ,LEGS BSHAD 'DOD DGU'I DNGOS GRUB CHAR 'BEBS PA'I, ,DPAL LDAN 'PHRIN LAS BZANG PO'I ZHABS LA 'DUD, ,CES MCHOD PAR BRJOD PA SNGON DU BTANG NAS, 'DIR GANG BSHAD PAR BYA BA NI, DRANG BA DANG NGES PA'I DON RNAM PAR 'BYED PA'I BSTAN BCOS LEGS BSHAD SNYING PO 'CHAD PA LA GNYIS, BSTAN BCOS RTZOM PA LA 'JUG PA'I SNGON DU MCHOD PAR BRJOD CING RTZOM PAR DAM BCA' BA @002A #, ,DANG; BRTZAMS PA'I BSTAN BCOS KYI LUS DNGOS BSHAD PA'O, ,DANG PO LA GNYIS, MCHOD PAR BRJOD PA DANG, BSHAD PAR DAM BCAS TE MNYAN PAR BSKUL BA'O; ;DANG PO LA BSTAN BCOS GZHAN GYI 'GYUR PHYAG DANG MTHUN PA'I MCHOD BRJOD DANG, BSTAN BCOS LUS KYI MCHOD BRJOD GNYIS LAS, DANG PO NI, NA MO GU RU MNYDZU GHO shA YA ZHES PA STE, DE YANG NA MO NI PHYAG 'TSAL ZHES PA'O, ,GU RU NI BLA MA DANG, MNYDZU GHO shA YA NI 'JAM DBYANGS DANG, YA ZHES PA LA'I DON NO, ,DE LTAR NA BLA MA DANG 'JAM PA'I DBYANGS LA PHYAG 'TSAL LO, , ZHES PA STE, DE YANG BSTAN BCOS 'DI BSUNG RAB KYI DRANG NGES KYI KHYAD PAR PHYE STE DNGOS PO'I DE KHO NA NYID GTAN LA 'BEBS PA'I BSTAN BCOS YIN ZHING, MNGON PA'I SDE SNOD DU GTOGS PAS 'JAM DBYANGS LA BKAS BCAD PA DANG MTHUN PA'I CHED DU MDZAD PA'O, ,YANG NA 'JAM DBYANGS DE RJE RANG NYID KYI LHAG PA'I LHA YIN PAS RTZOM PA PHAL CHER LA DE LTAR 'BYUNG ZHING, @002B KHYAD PAR DU YANG, 'JAM MGON BLA MA'I DRIN GYIS LEGS MTHONG NAS, ,ZHES 'JAM DBYANGS KYI BKA' DRIN LA BRTEN NAS DRANG NGES KYI DGONGS PA PHYIN CI MA LOG PAR RTOGS ZHES GSUNGS PAS, BSTAN BCOS 'DI'I THOG MAR BSTOD DAM SNYAM MO, ,GNYIS PA LA BSTAN PA'I BDAG PO LA MCHOD PAR BRJOD DANG, BSTAN 'DZIN LA MCHOD PAR BRJOD PA'O, ,DANG PO NI, BDE 'BYUNG SPRIN LA ZHON DANG GSER GYI MNGAL, ,LUS MED BDAG PO THA GU'I LTO LA SOGS, ,SRID NA DREGS PA'I NGA RO CHER SGROGS PA'I, ,RLOM PAS 'GYID RNAMS KYIS KYANG GANG GI SKU, ,MTHONG BA'I MOD LA NYI MAS ME KHYER BZHIN, ,MDZAD PAR GYUR TSE MDZES PA'I COD PAN GYIS, ,GANG GI ZHABS PAD GUS PAS BSTEN BYED PA, ,THUB DBANG LHA YI LHA LA PHYAG 'TSAL LO, ,ZHES PAS 'CHAD, DE RNAMS KYI DON CUNG ZAD BSHAD NA, MCHOG TU DGA' BA'I GZUGS 'CHANG BAS NA BDE 'BYUNG ZHES PA LHA DBANG PHYUG CHEN PO DANG, SPRIN DANG 'DRA BA'I GLANG PO CHE SA LA RAB BRTAN LA ZHON PAS, SPRIN LA ZHON ZHES PA BRGYA BYIN DANG, GRANGS CAN PA'I GZHUNG LAS, GSER GYI MDOG CAN RAB MDZES PA'I, ,SGO NGA CHU LAS BYUNG GYUR TE, ,ZHES TSANGS PA GSER GYI MDOG CAN GYI SGO NGA LAS SKYES PAR BSHAD PAS, GSER GYI MNGAL NI TSANGS PA DANG, DBANG PHYUG LHA MO HU MAS MCHOD CID DKA' THUB LA GNAS PA NA DGA' RAB DBANG PHYUG GIS, DPAL LDAN ZLA BAS 'GREL PA SGRON GSAL LAS, DREGS PAR BYED PA DANG, RMONGS PAR BYED PA DANG, KUN TU THOMS PAR BYED PA DANG, BRGYAL BAR BYED PA DANG, SEMS MED PAR BYED PA STE MDA' LNGA'O, ,ZHES GSUNGS PA LTAR GYI MDA' LNGA 'PHANGS PAS, DBANG PHYUG GI DKA' THUB NYAMS PAS, DES RIG STE @003A *, ,MIG GSUM LAS ME SBAR NAS DGA' RAB DBANG PHYUG BSREGS TE LUS MED PAR BYAS SO, ,ZHES MNGON BRJOD LAS 'BYUNG PAS, LUS MED BDAG PO NI DGA' RAB DBANG PHYUG DANG, BYIS PA'I DUS THA GU LTO BA LA BCINGS NA, THA GU'I LTO NI KHYAB 'JUG DANG, LA SOGS PA TSOGS BDAG DANG, GZHIN NU GDONG DRUG DANG NYI MA DANG ZLA BA LA SOGS PA SRID PA GSUM NA STOBS KYIS DREGS PA'I NGA RO CHES CHER SGROGS PA'I RLOM PA STE NGA RGYAL GYIS 'GYING PA RNAMS KYIS KYANG, BCOM LDAN 'DAS GANG GI SKU MTHONG BA'I MOD LA NYI MAS SRIN BU ME KHYER ZIL GYIS GNON PA BZHIN DU, DE THAMS CAD ZIL GYIS GNON PAR MDZAD PAR GYUR PA'I TSE, LHA DE DAG GI MDZES PA'I COD PAN GYIS BCOM LDAN 'DAS GANG GI ZHABS PAD GUS PAS BSTEN PA'I LHA'I LHAR GYUR PA THUB PA'I DBANG PO LA PHYAG 'TSAL LO, ,ZHES PA'O, ,YANG NA LHA DBANG PHYUG CHEN PO LA BDE 'BYUNG ZHES BYA STE, DE NYID GZUGS MCHOG DANG LDAN PAS SKYE BO GZHAN GYIS MTHONG BA NA YID LA BDE BA 'BYUNG BA'I PHYIR, BRGYA BYIN LA SPRIN LA ZHIN ZHES BRJOD PA'I RGYU MTSAN YOD DE, SPRIN GYI SHUGS 'CHANG BA'I GLANG PO CHE LA BZHIN PAS NA DE LTAR BRJOD PA'I PHYIR, TSANGS PA LA GSER GYI MNGAL ZHES BRJOD PA'I RGYU MTSAN YOD DE, GSER GYI MDOG CAN GYI SGO NGA LAS SKYES PAR PHYI ROL PA'I GTAM RGYUD LA GRAGS PAS DE LTAR BRJOD PA'I PHYIR, DGA' RAB DBANG PHYUG LA LUS MED BDAG PO ZHES BYA STE, GZUGS KHAMS PA RNAMS GZUGS SHIN TU CHE BAS, 'DOD KHAMS PA DE GZUGS KHAMS PA LA LTOS TE LUS MED PA LTA BU YIN PAS, DGA' RAB DBANG PHYUG DE 'DOD @003B KHAMS KYI BDAG PO YIN PAS DE LTAR BRJOD PA'I PHYIR, KHYAB 'JUG LA THA GU'I LTO ZHES BYA STE, BYIS PA'I TSE THA GUS LTO BA BCING PAR MNGON BRJOD LAS BSHAD PA'I PHYIR TE, DE NYID LAS, THA GU'I LTO NI BYIS PA'I TSE THA GU'I SKE RAG BCING BA'O, ,ZHES 'BYUNG BA'I PHYIR, DREGS PA'I LHA BRGYAD BSTAN TSUL YOD DE, DANG PO LNGA DNGOS SU BSTAN NAS SOGS SGRAS PHYI MA GSUM SHUGS LA BSTAN PA'I PHYIR, DE YANG LHA'I BU NYI ZLA GNYIS GCIG TU 'DREN NO, , GNYIS PA BSTAN 'DZIN LA MCHOD PAR MRJOD PA LA GSUM, SRAS KYI THU BO GNYIS LA MCHOD PAR BRJOD PA, SHING RTA'I SROL 'BYED GNYIS LA MCHOD PAR BRJOD PA, SHING RTA'I SROL 'DZIN RNAMS LA MCHOD PAR BRJOD PA'O, ,DANG PO NI, MKHYEN BRTZE'I GTING MTHA' SHIN TU DPAG PAR DKA', ,BYANG CHUB SPYOD PA'I RLABS CHEN CHAL CHIL GA-YO, ,LEGS BSHAD RIN CHEN GTER GYUR 'JAM PA'I DBYANGS, ,RGYAL TSAB RGYA MTSO CHE LA GUS PHYAG 'TSAL, ,ZHES PAS 'CHAD, DON NI, GUS PHYAG 'TSAL, GANG LA NI, RJE BTZUN 'JAM PA'I DBYANGS DANG RGYAL TSAB BYAMS MGON GNYIS LA'O, ,'O NA DE GNYIS YON TAN JI LTA BU DANG LDAN ZHE NA, DE GNYIS RGYA MTSO CHEN PO DANG CHOS MTSUGS PA'I YON TAN DANG LDAN TE, RGYA MTSO CHEN PO'I GTING DANG MTHA' DPAG PAR DKA' BA DE BZHIN DU, DE GNYIS KYI MKHYEN BRTZE DES KYANG YUL 'DI TZAM ZHIG RTOGS LA, 'DI PHAN CHAD MA RTOGS ZHES PA'I MTHA' DANG SEMS CAN 'DI TZAM ZHIG GI DON DUS 'DI TZAM ZHIG MDZAD, ZHES PA'I MTHA' DANG GTING DPAG PAR DKA' ZHING, RGYA MTSO CHEN PO LAS RBA RLABS CHIL CHIL @004A *, ,GA-YO BA DE BZHIN DU, DE GNYIS KYIS KYANG BYANG CHUB KYI PHYIR DU SBYIN SOGS SPYOD PA'I RBA RLABS CHEN PO CHAL CHIL DU GYO ZHING, RGYA MTSO CHEN PO DE RIN PO CHE RNAMS KYI GTER RAM 'BYUNG GNAS YIN PA BZHIN DU, DE GNYIS KYANG LEGS PAR BSHAD PA THAMS CAD KYI GTER RAB 'BYUNG KHUNGS YIN PA'I PHYIR, GNYIS PA NI, BDE GSHEGS GSUNG RAB TSUL GNYIS SHING RTA'I SROL, ,LEGS PAR PHYE BAS RGYAL BA'I BSTAN PA MCHOG, ,SA GSUM 'GRO NA NYI LTAR GSAL MDZAD PA, ,KLU SGRUB THOGS MED ZHABS LA SPYI BOS 'DUD, CES PAS 'CHAD, DON NI, SHING RTA CHEN PO KLU SGRUB DANG THOGS MED GNYIS CHOS CAN, RJE BTZUN BLO BZANG GRAGS PAS BSTAN BCOS RTZOM PA'I THOB MAR KHYED GNYIS KYI ZHABS LA SPYI BOS 'DUD PA'I RGYU MTSAN YOD DE, KHYED GNYIS KYIS BDE BAR BSHEGS PA'I GSUNG RAB 'KHOR LO GSUM LA DRANG NGES 'BYED PA'I TSUL, DBU SEMS GNYIS KYI LUGS KYI SHING RTA'I SROL LEGS PAR PHYE BA'I SGO NAS RGYAL BA'I LUNG GI BSTAN PA'I MCHOG THEG CHEN GYI BSTAN PA, SA 'OG SA STENG SA BLA'I SRID PA GSUM NA YOD PA'I RNAM GROL DON GNYER GYI 'GRO BA RNAMS KYI RNA BA'I LAM NA NYI MA LTAR GSAL BAR MDZAD PAS BKA' DRIN SHIN TU CHE BA YIN PA'I PHYIR, GSUM PA NI, SHING RTA CHEN PO'I SROL GNYIS LEGS BZUNG NAS, ,'DZAM GLING BLO GSAL BYE BA'I MIG 'BYED PA, ,'PHAGS PA LHA DANG DPA' BO SANGS RGYAS BSKYANGS, ,LEGS LDAN 'BYED DANG ZLA BA GRAGS PA'I ZHABS, ,DBYIG GNYEN ZHABS DANG BLO BRTAN PHYOGS GLANG DANG, ,CHOS KYI GRAGS PA'I ZHABS @004B SOGS 'DZAM GLING RGYAN, ,THUB BSTAN MI NUS RGYAL MTSAN 'DZIN PA'I MCHOG, ,MKHAS PA'I DBANG PO RNAMS LA GUS PAS 'DUD, ,CES PAS 'CHAD, DON NI, 'PHAGS PA LHA DANG, SLOB DPON DPA' PO DANG, SANGS RGYAS BSKYANGS DANG, LEGS LDAN 'BYED DANG, ZLA BA GRAGS PA'I ZHABS LA SOGS PA KLU SGRUB KYI RJES 'BRANG RNAMS DANG, DBYIG GNYEN ZHABS DANG, BLO GROS BRTAN PA DANG, PHYOGS KYI GLANG PO DANG, DPAL CHOS KYI GRAGS PA'I ZHABS LA SOGS PA THOGS MED KYI RJES 'BRANG 'DZAM GLING MDZES PAR BYED PA'I RGYAN, THUB BSTAN BSHAD SGRUB KYI SGO NAS MI NUB PA'I RGYAL MTSAN 'DZIN PA'I MCHOG TU GYUR PA'I MKHAS PA'I DBANG PO RNAMS CHOS CAN, RJE BTZUN BLO BZANG GRAGS PAS BSTAN BCOS 'DI RTZOM PA'I THOG MAR KHYED RNAMS LA GUS PAS 'DUD PA'I RGYU MTSAN YOD DE, KHYED RNAMS GONG DU BSHAD PA'I SHING RTA CHEN PO'I SROL DBU SEMS GNYIS KYI LUGS SO SOR LEGS PAR BZUNG NAS, 'DZAM BU GLING GI BLO GSAL BYE BA STE, GRANGS MED PAS GSUNG RAB KYI DON PHYIN CI MA LOG PAR RTOGS PA'I SHES RAB KYI MIG 'BYED PA'I MKHAS MCHOG YIN PA'I PHYIR, SKABS 'DIR SHING RTA'I SROL 'BYED DANG, SROL 'DZIN BSHAD PA NI, SPYIR SHING RTA'I SROL 'BYED DE LA SEMS TZAM PA DANG, NGO BO NYID MED PAR SMRA BA'I SHING RTA'I SROL 'BYED GNYIS SU NGES KYANG, KLU SGRUB DANG THOGS MED GNYIS SU MA NGES TE; SANGS RGYAS 'KHOR BA 'JIG GI BSTAN PA'I DUS KYI ZHING RTA'I SROL 'BYED YOD PA'I PHYIR DANG, RJE BTZUN BYAMS PA YANG SHING RTA'I SROL 'BYED YIN PA'I PHYIR TE, DE BSTAN PA 'DI'I DBANG DU BYAS PA'I LHA'I RTEN @005A *, ,CAN GYI NGO BO NYID MED PAR SMRA BA'I SHING RTA'I SROL 'BYED YIN PA'I PHYIR TE, GSER 'PHRENG LAS, DNGOS BSTAN STONG NYID KYI DON RIGS TSOGS DANG, SHUGS BSTAN STONG NYID BSHAD PA NA GDUL BYA'I RGYUD LA MNGON RTOGS SKYE BA'I RIM PA RNAMS RGYAN GYIS BKRAL BAS, RJE BTZUN DANG KLU SGRUB ZHABS GNYIS KYIS SHER PHYIN 'GREL TSUL GNYIS SU BYUNG NGO ZHES BYA BAR YANG GNAS SO, ,ZHES GSUNGS PA'I PHYIR, RJE BTZUN BYAMS PA NI SHING RTA'I SROL 'BYED DU RGYAL BA SH'A-KYA THUB PA'I LUNG GIS DNGOS SU MA ZIN KYANG, GSER 'PHRENG GI LUNG DE LA BRTEN NAS KHAS BLANGS PA YIN LA, KLU SGRUB DANG THOGS MED GNYIS NI MI'I RTEN CAN GYI 'GREL BYED GZHAN LA MA LTOS PAR MDO DON 'BYED PAR RGYAL BA SH'A-KYA THUB PA RANG NYID KYIS LUNG BSTAN PAS, SHING RTA'I SROL 'BYED DU BZHAG GO, GANG DU LUNG BSTAN NA, KLU SGRUB LUNG BSTAN TSUL YOD DE, LANG KAR BSHEGS PA LAS, LHO PHYOGS BE+HA TA'I YUL DU NI, ,DGE SLONG DPAL LDAN ZHES GRAGS PA, ,DE MING KLU ZHES 'BOD PA STE, ,YOD DANG MED PA'I PHYOGS 'JIG PA, ,NGA YI THEG PA 'JIG RTEN DU, ,BLA MED THEG CHEN RAB BSHAD NAS, ,RAB TU DGA' BA'I SA BSGRUBS TE, ,BDE BA CAN DU DE 'GRO'O, ,ZHES PA DANG, 'JAM DPAL RTZA RGYUD LAS, DE BZHIN GSHEGS PA NGA 'DAS NAS, ,LO NI BZHI BRGYA LON PA NA, ,DGE SLONG KLU ZHES DE 'BOD 'BYUNG, ,BSTAN PA LA NI DAD CING PHAN, ,RAB TU DGA' BA'I SA THOB PA, ,LO NI DRUG BRGYA DAG TU 'TSO, ,RIG PA RMA BYA CHEN MO NI, ,BDAG NYID CHEN PO DES KYANG 'GRUB, ,BSTAN BCOS SNA TSOGS DON DANG NI, ,DNGOS PO MED PA'I DON DE RIG @005B GANG TSE LUS DE BOR BA NA, ,BDE BA CAN DU SKYE BAR 'GYUR, ,DE NI MTHAR GYIS SANGS RGYAS NYID, ,NGES PA KHO NAR YANG DAG 'THOB, ,CES GSUNGS PA'I PHYIR, THOGS MED LUNG BSTAN TSUL YOD DE, 'JAM DPAL RTZA RGYUD RGYA NAG 'GYUR LAS, NGA NI MYA NGAN 'DAS 'OG TU, ,LO NI DGU BRGYA LON PA NA, ,THOGS MED CES BYA'I DGE SLONG NI, ,BSTAN BCOS DE NI DON LA MKHAS, ,MDO SDE NGES DON DRAD PA'I DON, ,RNAM PA MANG PO RAB TU 'BYED, ,'JIG RTEN RIG MA STON BDAG NYID, ,GZHUNG 'BYED NGANG TSUL CAN DU 'GYUR, ,DE YI RIG PA GRUB PA NI, ,SA LA'I PHO NYA MO ZHES BRJOD, ,DE YI SNGAGS KYI MTHU YIS NI, ,BLO NI BZANG PO SKYE BAR 'GYUR, ,BSTAN PA YUN RING GNAS BYA'I PHYIR, ,MDO YI DE NYID DON BSDUS BYED, ,LO NI BRGYA DANG LNGA BCUR 'TSO, ,DE LUS ZHIG NAS LHA YUL 'GRO, 'KHOR BA RNAMS SU 'KHOR BA NA, ,YUN RING BDE BA RJES MYONG NAS, ,BDAG NYID CHEN PO MTHAR GYIS TE; ;BYANG CHUB THOB PAR 'GYUR PA YIN, ,ZHES LUNG BSTAN CING, SPYI DON ROL MTSO LAS KYANG, THUB PA CHEN PO CHOS KYI DBYINGS SU SNYOMS PAR ZHUGS PA'I TSUL BSTAN NAS LO DGU BRGYA LON PA NA, THOGS MED SKU MCHED 'JIG RTEN DU BYON LA, ZHES GSUNGS PA'I PHYIR, DE YANG RJE BTZUN BYAMS MGON DANG, MGON PO KLU SGRUB GNYIS DBU MA PA'I SHING RTA'I SROL 'BYED DANG, 'PHAGS PA THOGS MED NI SEMS TZAM PA'I SHING RTA'I SROL 'BYED YIN LA, DBU MA PA'I SHING RTA'I SROL 'BYED YIN NA DBU MA THAL RANG GANG RUNG GI SHING RTA'I SROL 'BYED MA YIN DGOS TE, MGON PO KLU SGRUB DE DBU MA PA'I SHING RTA'I SROL 'BYED YIN KYANG THAL RANG GANG RUNG GI @006A *, ,DE MIN ZHING, SLOB DPON SANGS RGYAS BSKYANGS DANG SLOB DPON ZLA BA GRAGS PA GNYIS THAL 'GYUR BA'I SHING RTA'I SROL 'BYED YIN KYANG, DBU MA PA'I DE MA YIN PA'I PHYIR DANG, SLOB DPON LEGS LDAN 'BYED DE RANG RGYUD PA'I SHING RTA'I SROL 'BYED YIN KYANG, DE DBU MA PA'I SHING RTA'I SROL 'BYED MA YIN PA'I PHYIR TE, DE DBU MA PA'I SHING RTA'I SROL 'DZIN YIN PA'I PHYIR, DE YANG YIN TE, SLOB DPON 'PHAGS PA LHA DANG; SLOB DPON DPA' BO, SLOB DPON SANGS RGYAS BSKYANGS, LEGS LDAN 'BYED, ZLA BA GRAGS PA RNAMS DBU MA PA'I SHING RTA'I SROL 'DZIN DANG, SLOB DPON DBYIG GNYEN, BLO BRTAN, PHYOGS GLANG, CHOS GRAGS RNAMS SEMS TZAM PA'I SHING RTA'I SROL 'DZIN YIN PA'I PHYIR, DES NA DPAL LDAN ZLA BA GRAGS PA YAN CHAD DU DBU MA THAL 'GYUR BA ZHES YONGS SU MA GRAGS PA LA, SLOB DPON 'DIS THAL 'GYUR 'THAD RANG RGYUD MI 'THAD CES THAL RANG SO SOR PHYE NAS THAL 'GYUR BA'I SHING RTA'I SROL YONGS GRAGS LA BTOD PA YIN TE, LEGS BSHAD SNYING PO LAS, RANG SDE GZHUNG 'GYUR BA RNAMS LAS THAL RANG GANG 'DOD BRTAGS NAS RANG RGYUD MI 'THAD THAL 'GYUR 'THAD CES PA NI, ZLA BA'I GZHUNG RJES 'BRANG DANG BCAS PA MIN PA NAS DNGOS SU MA BYUNG NGO, ,ZHES PA DANG, SANGS RGYAS BSKYANGS RANG RGYUD MI BZHED PA DANG, DBU MA PAS RANG RGYUD BYA MI RIGS PA'I SGRUB BYED DANG, BZLOG PHYOGS LA GNOD BYED MANG DU BSTAN NAS SHING RTA'I SROL PHYE LA, SLOB DPON LEGS LDAN 'BYED KYIS KLU SGRUB KYI DGONGS PA RANG RGYUD DU BKRAL YANG, DE KLU SGRUB KYI DGONGS PA RANG RGYUD DU 'GREL @006B BA'I 'BREL BYED KYI THOG MA MA YIN TE, DE'I GONG DU SLOB DPON DE BA SHAR MAS KLU SGRUB KYI DGONGS PA RANG RGYUD DU BKRAL BAR SLOB DPON SPYAN RAS GZIGS BRTUL ZHUGS KYIS BSHAD PA'I PHYIR TE, LEGS BSHAD SNYING PO LAS, LEGS LDAN 'BYED NI DE BA SHAR MA'I 'GREL BA DKAR PO RNAM PAR 'CHAR BA'I RJES SU 'BRANG BAR SPYAN RAS GZIGS BRTUL ZHUGS KYIS BSHAD DO, ,ZHES GSUNGS PA'I PHYIR, DE YANG SLOB DPON LEGS LDAN 'BYED DE MDO SDE SPYOD PA'I DBU MA RANG RGYUD PA'I SHING RTA'I SROL 'BYED DANG, ZHI BA 'TSO NI RNAL 'BYOR SPYOD PA'I DBU MA RANG RGYUD PA'I SHING RTA'I SROL 'BYED YIN TE, LEGS BSHAD SNYING PO LAS, DES NA SNGAR 'DI 'DRA BA'I LUGS RE RE TZAM BYUNG MOD KYANG; GZHUNG RGYAS PAR BRTZAMS NAS THA SNYAD DU PHYI ROL 'GOG PA'I GRUB MTHA'I SROL NI SLOB DPON ZHI BA 'TSOS PHYE BAR SLOB DPON YE SHES SDES BZHED PA LTAR LEGS SO, ,ZHES DANG, STONG THUN SKAL BZANG MIG 'BYED LAS; SLOB DPON ZHI BA 'TSOS THA SNYAD DU PHYI DON MED CING RANG RIG YOD PA DANG, SHES PA BDEN PAR MA GRUB PA'I DBU MA'I LUGS KYI SROL THOG MAR BYE NAS DBU MA RGYAN MDZAD CING, KA MA LA SHI LA'I DBU MA SNANG BA DANG SGOM RIM GSUM DANG, 'PHAGS SENG DANG, SANGS RGYAS YE SHES ZHABS DANG, AA BHA+YA KA RA LA SOGS PA'I GZHUNG RNAMS KYANG LTA BA GTAN LA 'BEBS PA'I TSUL ZHI BA 'TSO'I LUGS KYI RJES SU 'BRANG BA'O, ,ZHES GSUNGS PA'I PHYIR; DE BZHIN DU RGYAL BA 'BROM STON PA DE BKA' GDAMS PA'I SHING RTA'I SROL 'BYED YIN KYANG, SPYIR SHING RTA'I SROL 'BYED MA YIN, 7RGYAL BA TZONG KHA PA CHEN PO DE BOD GANGS CAN GYI SHING RTA'I SROL 'BYED YIN KYANG, @007A *, ,SPYIR DE MA YIN PA SOGS GZHAN YANG SHES PAR BYA'O, ,GNYIS PA BSHAD PAR DAM BCAS TE NYAN PAR BSKUL BA LA GNYIS, BSTAN BCOS KYI CHE BA BSTAN TE BSHAD PAR DAM BCA' BA DANG, BLO GROS DANG LDAN ZHING DON DU GNYER BA'I NYAN PA PO LA MNYAN PAR BSKUL BA'O, ,DANG PO NI, GZHUNG LUGS MANG THOS RIGS PA'I LAM DU'ANG, ,NGAL BA MANG BSTEN MNGON PAR RTOGS PA YI, ,YON TAN TSOGS KYIS MI DMAN DU MAS KYANG, 'BAD KYANG RTOGS PAR MA GYUR GNAS DE NI, ,'JAM MGON BLA MA'I DRIN GYIS LEGS MTHONG NAS, ,SHIN TU BRTZE BA'I BSAM PAS BDAG GIS BSHAD, ,CES PAS 'CHAD, DON NI, RJE BTZUN BLO BZANG GRAGS PA CHOS CAN DRANG NGES RNAM PAR 'BYED PA'I BSTAN BCOS 'DI BDAG GIS BSHAD PAR BYA'O ZHES DAM BCA' BA'I RGYU MTSAN YOD DE, SHING RTA CHEN PO'I LUGS GNYIS KYI 'KHOR LO GSUM LA DRANG NGES 'BYED TSUL MI 'DRA BA'I GNAS SAM KHYAD PAR DE NI, GZHUNG LUGS MANG DU THOS SHING, RIGS PA'I LAM DU'ANG NGAL BA MANG DU BSTEN PA DANG, NANG GI MNGON PAR RTOGS PA'I YON TAN GYI TSOGS KYIS YID MI DMAN ZHING, PHYUG PA'I GANGS RI'I KHROD KYI MKHAS GRUB DU MAS 'BAD PA CI TZAM BYAS KYANG JI LTA BA BZHIN DU RTOGS PAR MA GYUR CING, RANG NYID KYIS BLA MA MGON PO 'JAM PA'I DBYANGS KYI BKA' DRIN GYIS LEGS PAR MTHONG NAS, DGOS PA RNYED PA DANG GRAGS PA SGRUB PA LTA BU MA YIN PAR, SHIN TU RTOGS DKA' BA'I DRANG NGES KYI KHYAD PAR 'DI GDUL BYA RNAMS KYIS RTOGS NA CI MA RUNG SNYAM PA'I SHIN TU BRTZE BA'I BSAM PAS KUN NAS BLANGS TE RTZOM PA @007B YIN PA'I PHYIR, KHA CIG, GZHUNG LUGS MANG DU THOS PA BU STON DANG, RIGS PA'I LAM DU NGAL BA MANG DU BSTEN PA CHA BA CHOS SENG ZHES SO SOR 'CHAD KYANG, YON TAN GNYIS KA DANG LDAN PA'I MKHAS PA DU MAS KYANG 'BAD KYANG MA RTOGS NA, YON TAN RE RE DANG LDAN PA TZAM GYIS RTOGS MI NUS PA LTA SMOS KYANG CI DGOS ZHES PA'I DON YIN NAM SNYAM MO, ,GNYIS PA NI, BSTAN PA'I DE NYID RTOGS PA'I RNAM DPYOD KYIS, ,SMRA BA ZLA MED 'DOD RNAMS GUS PAS NYON, ,ZHES PAS 'CHAD, DON NI, LUNG GI BSTAN PA'I DE NYID DE, GNAS TSUL DRANG NGES LA SOGS PA'I KHYAD PAR PHYIN CI MA LOG PAR RTOGS PAR 'DOD CING, RANG NYID KYIS JI LTAR RTOGS PA'I RNAM DPYOD KYIS GDUL BYA GZHAN LA SMRA BA LA 'GRAN ZLA MED PAR 'DOD PA'I GDUL BYA RNAMS LA BSTAN BCOS 'DI GUS PAS NYON CIG CES MNYAN PAR BSKUL RIGS TE, DE LTA BU'I SMRA BA ZLA MED DU BYED PA LA BSTAN BCOS 'DI NAS BSHAD PA LTAR RTOGS NAS SMRA BA ZHIG DGOS PA'I PHYIR, DGOS DON NI, DRANG NGES RNAM 'BYED KYI DKA' 'GREL LAS, DES NA 'BAD KYANG RTOGS PAR MA GYUR GNAS DE NI, ZHES PA DANG, BSTAN PA'I DE NYID RTOGS PA'I RNAM DPYOD KYIS, ,ZHES PA'I GZHUNG SNGA PHYI SBREL BAS, BSTAN BCOS KYI DGOS SOGS CHOS BZHI BSTAN PA YIN TE, SNGA MAS BRJOD BYA DANG, DE'I KHYAD PAR DNGOS SU BSTAN, PHYI MAS NYING DGOS DNGOS SU BSTAN NAS, GNAS SKABS KYI DGOS PA DANG, 'BREL PA GNYIS SHUGS LA BSTAN PA'I PHYIR, BSTAN BCOS 'DI'I DGOS SOGS CHOS BZHI YOD DE, GSUNG RAB KYI DRANG NGES KYI KHYAD PAR NI, 'DI'I BRJOD BYA DANG, 'DI LA BRTEN NAS DRANG NGES KYI KHYAD PAR PHYIN CI MA LOG @008A *, ,PAR RTOGS PA 'DI'I DGOS PA DANG, DE LA BRTEN NAS GSUNG RAB KYI DON SMRA BA LA 'GRAN ZLA DANG BRAL BA'I MCHOG THOB PA DE, 'DI'I NYING DGOS DANG, 'DI'I NYING DGOS SU GYUR PA'I DNGOS PO 'DI'I DGOS PAR GYUR PA'I DNGOS PO LA 'BREL, DE BSTAN BCOS 'DI LA 'BREL BA'I 'BREL BA DE, 'DI'I DGOS SOGS CHOS BZHI'I NANG TSAN DU GYUR PA'I 'BREL BA YIN PA'I PHYIR RO, ,ZHES GSUNGS PA LTAR YIN NO, ,GNYIS PA BRTZAMS PA'I BSTAN BCOS KYI LUS DNGOS BSHAD PA LA, BSTAN BCOS 'DIR DRANG NGES 'BYED DGOS PA'I RGYU MTSAN BSHAD PA DANG, MDO SDE SO SO LA BRTEN NAS DRANG NGES 'BYED TSUL SO SOR BSHAD PA'O, ,DANG PO NI, JI SKAD DU ZHES PA NAS, RAG LAS SHING ZHES PA'I BAR GYIS 'CHAD, DON NI, RNAM GROL DON DU GNYER BA'I RNAM DPYOD DANG LDAN PA BDAG GIS, CHOS RNAMS KYI DE KHO NA NYID JI LTAR YIN KHONG DU CHUD PA'I THABS LA 'BAD DGOS TE, CHOS RNAMS KYI DE BZHIN NYID NI SHIN TU RTOGS DKA' BA DANG, DE MA RTOGS NA 'KHOR BA LAS MI GROL BA STE, GROL MI NUS PAR GZIGS NAS THUGS RJE CAN, BDAG CAG GI STON PAS SBYIN SOGS THABS KYI TSUL DANG, RTEN 'BREL DANG, GCIG DANG DU BRAL LA SOGS PA'I RIGS PA'I SGO DU MA ZHIG GIS GDUL BYA RNAMS DE KHO NA NYID KHONG DU CHUD PA LA 'DZUD PAR GSUNGS PA DE'I PHYIR, GANG DU GSUNGS NA, 'PHAGS PA YUL 'KHOR SKYONG GIS ZHUS PA LAS, STONG PA ZHI BA SKYE BA MED PA'I TSUL, ,MI SHES PAS NI 'GRO BA 'KHYAMS GYUR PA, ,DE DAG THUGS RJE MNGA' BAS THABS @008B TSUL DANG, ,RIGS PA BRGYA DAG GIS NI 'DZUD PAR MDZAD, ,CES PAS 'CHAD, MDO DE'I DON NI, CHOS RNAMS KYI NGO BO BDEN PAS STONG BA, RGYU BDEN PAR GRUB PA'I MTSAN MA MED PA ZHI BA, 'BRAS BU BDEN PAS SKYE BA MED PA'I TSUL TE, MDOR NA CHOS RNAMS KYI DE KHO NA NYID MI SHES PAS GNAS TSUL DE LA RMONGS PA'I MA RIG PA'I DBANG GIS NI, 'GRO BA RNAMS 'KHOR BAR 'KHYAMS PAR GYUR PA YIN LA, 'GRO BA DE DAG 'KHOR BA LAS GROL BAR BYA BA'I PHYIR DU SEMS CAN THAMS CAD LA BU GCIG PA LTA BU'I THUGS RJE MNGA' BA'I STON PAS THABS KYI TSUL DANG, RIGS PA'I RNAM GRANGS BRGYA PHRAG DAG STE, GRANGS MED DAG GI SGO NAS NI GDUL BYA RNAMS DE KHO NA NYID KHONG DU CHUD PA LA 'DZUD PAR MDZAD CES PA'I DON NO, ,STONG NYID PHYIN CI MA LOG PAR RTOGS PA DE YANG 7RGYAL BA'I GSUNG RAB KYI DRANG BA DANG NGES PA'I DON RNAM PAR 'BYED PA LA RAG LAS TE, NGES DON GYI GSUNG RAB ZAB MO ZHIG GI RJES SU MA 'BRANG BAR DRANG BA'I DON GYI GSUNG RAB TZAM LA BRTEN NAS DE KHO NA NYID RTOGS MI NUS SHING, DE LA NGES DON GYI GSUNG RAB NGOS 'DZIN DGOS, DE NGOS ZIN PA LA GSUNG RAB KYI DRANG NGES TSUL BZHIN DU PHYED PA LA RAG LAS PA'I PHYIR RO, ,'O NA GSUNG RAB LA DRANG NGES GANG GIS 'BYED SNYAM NA, DE YANG SHING RTA'I SROL 'BYED CHEN PO DAG GI RJES SU 'BRANG BA'I RIGS PA DRI MA MED PA ZHIG GIS 'BYED DGOS TE, 'DI NI DRANG BA'I DON NO, ,'DI NI NGES PA'I DON NO, ,ZHES PA'I TSIG TZAM GYIS DRANG NGES 'BYED PAR MI NUS PA'I PHYIR DANG, BCOM LDAN 'DAS KYI LUNG LAS KYANG DRANG NGES 'BYED TSUL MI 'DRA BA GNYIS GSUNGS SHING, LUNG LAS @009A *, ,DRANG DON GYI MDOR GSUNGS NA DRANG DON GYI MDO YIN PAS KYANG MA KHYAB, NGES DON GYI MDOR GSUNGS NA NGES DON GYI MDO YIN PAS KYANG MA KHYAB PA'I PHYIR RO, ,DANG PO GRUB STE, DGONGS 'GREL LAS 'KHOR LO BAR PA DRANG DON GYI MDOR GSUNGS KYANG, NGES DON GYI MDO YIN PA'I PHYIR RO, ,GNYIS PA GRUB STE, DGONGS 'GREL LAS 'KHOR LO THA MA NGES DON GYI MDOR GSUNGS KYANG DRANG DON GYI MDO YIN PA'I PHYIR, 'DI NI DBU MA THAL 'GYUR BA'I LUGS YIN LA, SEMS TZAM PA'I LUGS LA YANG MA KHYAB STE, BLO GROS MI ZAD PA'I MDO LAS 'KHOR LO THA MA DRANG DON GYI MDOR GSUNGS KYANG NGES DON GYI MDO YIN PA'I PHYIR DANG, BLO GROS MI ZAD BA'I MDO LAS, 'KHOR LO BAR PA NGES DON GYI MDO YIN PAR GSUNGS KYANG, DRANG DON GYI MDO YIN PA'I PHYIR, 'DIS NI RANG RGYUD PA'I LUGS KYANG SHES PAR BYA ZHING, LUNG LAS NGES DON DU GSUNGS NA, NGES DON YIN PAS MA KHYAB CING, DRANG DON DU GSUNGS NA DRANG DON YIN PAS MA KHYAB STE, GZHAN DBANG DANG YONGS GRUB GNYIS BDEN PAR MED PA DE, BLO GROS MI ZAD PA'I MDO LAS NGES DON DU GSUNGS KYANG, NGES DON MA YIN PA'I PHYIR, DER THAL, NGES DON YIN NA STONG NYID YIN DGOS PA'I PHYIR, DE LTAR YANG YE SHES SNANG BA RGYAN GYI MDO LAS, NGES PA'I DON GANG YIN PA DE NI DON DAM PA'O, ,ZHES GSUNGS PA'I PHYIR, LUNG LAS DRANG DON DU GSUNGS NA YANG DRANG DON YIN PAS MA KHYAB STE, GZUGS DANG GZUGS 'DZIN TSAD MA RDZAS GZHAN GYIS STONG BA DE, 'KHOR LO BAR PA LAS DRANG DON DU GSUNGS KYANG NGES DON YIN PA'I @009B PHYIR TE, DE CHOS KYI BDAG MED PHRA MO YIN PA'I PHYIR, 'DI NI SEMS TZAM PA'I LUGS YIN LA, RANG RGYUD PA SOGS KYI LUGS LA YANG RIGS 'GROS SHES PAR BYA'O, ,LUNG TZAM GYIS DRANG NGES 'BYED MI NUS SHING, RIGS PAS DRANG NGES 'BYED DGOS PA'I DON GYI DBANG 'DI GZIGS NAS BCOM LDAN 'DAS KYIS, DGE SLONG DAG GAM MKHAS RNAMS KYIS, ,BSREGS BCAD BRDAR BA'I GSER BZHIN DU, ,LEGS PAR BRTAGS LA NGA YI BKA', BLANG BAR BYA YI GUS PHYIR MIN, ,ZHES DPER NA GSER GYI KHYAD PAR 'GA' ZHIG GSER RNAM DAG TU NGES PA LA, MER BSREGS PA DANG, MTSON GYIS GCOD PA DANG, BRDAR BA GSUM GYIS GSER RNAM DAG TU NGES PAR BYED DGOS PA LTAR DU, SANGS RGYAS KYI LUNG DES, GZUGS SGRA SOGS MNGON GYUR BSTAN PA LA MNGON SUM GYIS GNOD PA MED CING GRUB, SGRA MI RTAG PA SOGS CUNG ZAD LKOG GYUR BSTAN PA LA, DNGOS STOBS RJES DPAG GIS GNOD PA MED CING GRUB, SBYIN PA BTANG BA LAS LONGS SPYOD 'BYUNG BA SOGS SHIN TU LKOG GYUR BSTAN PA LA, KHAS BLANG SNGA PHYI 'GAL BA MED PA DANG, RANG TSIG DNGOS SHUGS LA 'GAL BA'I SKYON MED GSUM BSTAN PA'I PHYIR, RIG THIG PHYOGS SNGA MA MDOR BSDUS PA LAS, DE LA BSREG PA NI MNGON SUM DANG CHOS MTHUN PAR BSTAN PA'I PHYIR, BCAD PA NI RJES SU DPAG PA DANG CHOS MTHUN PAR BSTAN PA'I PHYIR, BRDAR BA NI YID CHES PA DANG CHOS MTHUN PAR BSTAN PA'I PHYIR RO, ,ZHES GSUNGS PA'I PHYIR, 'O NA DRI MA MED PA'I RIGS PA LA BRTEN NAS DRANG NGES KYI TSUL 'BYED DGOS NA, DRANG NGES 'BYED PA'I BSHAD @010A *, ,BYA RTZA BA'I MDO DE GANG ZHE NA, BSHAD DU YOD DE, SEMS TZAM PA LTAR NA MDO SDE DGONGS 'GREL DANG, DBU MA PA LTAR NA BLO GROS MI ZAD PA'I MDO DANG, TING NGE 'DZIN RGYAL POS ZHUS PA'I MDO RNAMS DE YIN PA'I PHYIR, DE LTAR YIN NA BSTAN BCOS GANG GI RJES SU 'BRANG NAS DRANG NGES 'BYED PA YIN ZHE NA, BSHAD DU YOD DE, SA'I DNGOS GZHI SOGS SU, GANG ZAG LA MI RTON CHOS LA RTON, TSIG LA MI RTON DON LA RTON, DRANG DON LA MI RTON NGES DON LA RTON, RNAM SHES LA MI RTON YE SHES LA RTON, CES SOGS KYI RJES SU 'BRANG NAS 'CHAD PA'I PHYIR, 'O NA, RTON PA BZHI'I DON CI JI LTA BU ZHE NA, BSHAD DU YOD DE, KAR LAN KLU SGRUB DGONGS RGYAN LAS, RNAM SHES LA MI RTON YE SHES LA RTON ZHES SOGS KYI DON NA, RNAM SHES 'KHRUL BA LA SNANG TZAM GNAS LUGS SU MI 'JOG, ,YE SHES MA 'KHRUL BA 'PHAGS PA'I MNYAM GZHAG YE SHES LA SNANG BA DE NYID, GNAS LUGS SU 'JOG CES PA'I DON YIN, DRANG DON GYI MDO'I DNGOS KYI BSTAN BYA'I GTZO BO DE GNAS LUGS MTHAR THUG MA YIN ZHING, NGES DON GYI MDO'I DNGOS KYI BSTAN BYA'I GTZO BO DE GNAS LUGS MTHAR THUG YIN PA NI, DRANG DON LA MI RTON NGES DON LA RTON ZHES PA'I DON YIN, GANG ZAG KHYAD PAR CAN DU GRAGS PA ZHIG GIS GSUNGS PA RGYU MTSAN DU BYAS NAS 'DI 'THAD CES SMRA BAR MI BYA YI, GANG ZAG DE'I GSUNG LA RIGS PAS BRTAGS DPYAD BYAS NAS, MTHAR GOM PA NA GANG ZAG DE'I RJES SU 'JUG PA NI GANG ZAG LA MI RTON CHOS LA RTON PA'I DON YIN, SHES RAB SNYING PO LTA BUR, GZUGS MED SGRA MED CES PA @010B LTA BU SGRA NGAN PA LTA BUR SNANG BA DANG, SNYING PO MED LA SNYING POR ZHES, ,PHYIN CI LOG LA LEGS PAR GNAS, ,ZHES PA SGRA NGAN PA LTA BUR SNANG YANG DON ZAB MO STON PA'I RJES SU 'JUG PA NI TSIG LA MI RTON DON LA RTON ZHES PA'I DON YIN, ZHES GSUNGS PA'I PHYIR, GNYIS PA MDO SO SO LA BRTEN NAS DRANG NGES 'BYED TSUL SO SOR BSHAD PA LA GNYIS, MDO SDE DGONGS 'GREL LA BRTEN LA BRTEN PA'I PHYOGS DANG, BLO GROS MI ZAD PA'I MDO LA BRTEN PA'I PHYOGS SO, ,DANG PO NI, SPYIR MDO SDE DGONGS 'GREL LA LE'U BCU YOD DE, GLENG GZHI'I LE'U NAS 'JAM DBYANGS KYIS ZHUS PA'I LE'U BAR BCU YOD PA'I PHYIR, LE'U BCU PO DES BRJOD BYA BSTAN TSUL GANG ZHE NA, BSHAD DU YOD DE, DON ZAB DGONGS PA NGES 'GREL DANG, TSUL BZHIN KUN TU DRI BAS ZHUS PA'I LE'US DON DAM BDEN PA MTSAN NYID LNGA LDAN GYI SGO NAS 'CHAD PAR BYED, BYANG CHUB SEMS DPA' CHOS 'PHAGS KYIS ZHUS PA'I LE'US BDEN GNYIS NGO BO GCIG LA LDOG PA THA DAD PA'I SGO NAS 'CHAD PAR BYED, BLO GROS RNAM DAG GIS ZHUS PA'I LE'US DON DAM PA RTOG GE'I BLOS MNGON SUM GYI YUL DU BYED MI NUS PA'I TSUL 'CHAD PAR BYED, BLO GROS YANGS PAS ZHUS PA'I LE'US GUN GA'I DANG NYON YID GNYIS 'CHAD PAR BYED, YON TAN 'BYUNG GNAS KYIS ZHUS PA'I LE'US MTSAN NYID GSUM GYI RNAM BZHAG 'CHAD PAR BYED, DON DAM YANG DAG 'PHAGS KYIS ZHUS PA'I LE'US DRANG NGES KYI TSUL 'CHAD PAR BYED, BYAMS PAS ZHUS PA'I LE'US GZHI GNAS DANG LHAG MTHONG GI RNAM GZHAG 'CHAD PAR BYED, SPYAN RAS GZIGS KYIS ZHUS PA'I LE'US SA BCU'I @011A *, ,RNAM BZHAG 'CHAD PAR BYED, 'JAM DBYANGS KYIS ZHUR BA'I LE'US 'BRAS DU SANGS RGYAS KYI SA'I SKU GSUM GYI RNAM BZHAG 'CHAD PAR BYED PA'I PHYIR, MDOR NA DRI LAN BCU PO DES SEMS TZAM PA'I LUGS KYI GZHI LAM 'BRAS GSUM GYI RNAM BZHAG CHA TSANG BAR GTAN LA 'BEBS SO ZHES SHES PAR BYA STE, THEG BSDUS LAS, SHES BYA'I GNAS DANG MTSAN NYID DER 'JUG DANG, ,RGYU DANG 'BRAS SU DE BAR BYED BA DANG, ,BSLAB PA GSUM DAD DE 'BRAS SPUNGS PA DANG, ,YI SHES THEG PA MCHOG GYUR KHYAD PAR 'PHAGS, ,ZHES GSUNGS PA DANG KHOG GCIG PAR SNANG NGO, ,KUN GZHI DANG NYON YID KYI RNAM BZHAG DANG, SEMS TZAM PA'I LUGS KYI GZHI LAM 'BRAS BU GSUM GYI RAM BZHAG RNAMS 'OG TU 'CHAD DO, ,GONG DU BZHAD PA DE RNAMS KYI NANG NAS, DON DAM YANG DAG 'PHAGS ZHUS KYI LE'U'I RJES SU, 'BRANG NAS 'CHAD PAR BYED PA LA, MDO SDE NAS JI LTAR GSUNGS PA 'GOG PA DANG, DE'I DON JI LTAR BKRAL BA'I TSUL LO, ,DANG PO LA BZHI, MDO SDE LA 'GAL SPONG GI DRI BA, 'GAL BA DE SPONG GI LAN, NGO BO NYID GSUM GYI NGO BO NGOS GZUNG BA, DE DAG GI GRUB DON ZHUS PA'O, ,DANG PO NI, DGOGS 'GREL LAS, BCOM LDAN 'DAS KYIS RNAM GRANGS DU MA PHUNG PO RNAMS KYI RANG GI MTSAN NYID KYANG BKA' BSTZAL, ZHES PA NAS, BDAG YONGS ZHU LAGS SO, ,ZHES PA'I BAR GYIS 'CHAD, 'O NA, 'DIR RANG GI MTSAN KYANG BKA' BSTZAL CES GSUNGS PA'I RANG GI MTSAN NYID DE GANG LA BYED PA YIN ZHE NA, 'DI LA RGYA NAG 'GREL CHEN LAS, CHOS RNAMS KYI RANG RANG GI THUN MONG MA YIN PA'I MTSAN YID LA BYED PA YIN, ZHES GSUNGS, @011B DE NI MI 'THAD DE, KUN BTAGS NGOS 'DZIN PA'I MDO 'DI NYID LAS RANG GI MTSAN NYID KYIS GRUB PA LA GSAL BAR GSUNGS PA'I PHYIR DANG, KUN BTAGS LA YANG THUN MONG MA YIN PA'I MTSON BYED YOD PAS, MTSAN NYID NGO BO NYID MED PA KUN BTAGS LA BSHAD DU MI RUNG BA'I SKYON DU 'GYUR PA'I PHYIR, DE LTAR YANG DRANG NGES RNAM 'BYED LAS, 'DIR RANG GI MTSAN NYID CES PA, RGYA NAG GI 'GREL CHEN LAS, THUN MONG MA YIN PA'I MTSAN NYID LA BSHAD PA NI RIGS PA MA YIN TE, MDO NYID LAS KUN BTAGS KYI SKABS SU RANG GI TSAN NYID KYIS GRAB PA LA GSAL BAR GSUNGS PA'I PHYIR DANG, KUN BTAGS LA'ANG THUN MONG MA YIN PA'I MTSON BYED YOD PAS, MTSAN NYID NGO BO NYID MED PA KUN BTAGS LA BSHAD DU MI RUNG BA'I SKYON DU 'GYUR PA'I PHYIR RO, ,ZHES GSUNGS PA'I PHYIR, SKABS 'DI'I KHAMS SNA TSOGS PA NI KHAMS BCO BRGYAD DANG, KHAMS DU MA NI KHAMS DRUG LA BYED PA YIN TE, DE NYID LAS, KHAMS SNA TSOGS PA DANG KHAMS DU MA 'GREL BA RNAMS KYIS GZHAN DU BSHAD KYANG, 'OG NAS 'BYUNG BA'I MDO DANG SBYAR NA, KHAMS BCO RGYAD DANG, KHAS DRUG LA BYA'O, ,ZHES GSUNGS PA'I PHYIR, BYANG PHYOGS SO BDUN GYI SKABS KYI MI BSKYUD PA DE GANG LA BYED CE NA, BRDA RNYING PA LAS BSKYUD PA ZHES PA BRDA GSAR GSAR BA LAS MI BRJED PA LA BRJOD PA LTAR MI BRJED PA LA BYED RIGS PA'I PHYIR TE, YANG DE NYID LAS, MI BSKYUD PA NI MI BRJED PA'O, ,ZHES GSUNGS PA'I PHYIR, 'DI'I SKABS SU MDO SDE LA 'GAL SPONG GI DRI BA ZHUS TSUL YOD DE, 'KHOR LO DANG POR GZIGS NAS BYANG PHYOGS SO BDUN GYI PAR GYI 'GRIS RGANG BDUN RANG GI @012A *, ,MTSAN NYID KYI GRUB PAR GSUNGS PA DANG, 'KHOR LO BAR PAR GZUGS NAS RNAM MKHYEN GYI BAR GYI 'GRES RKANG BRGYA RTZA BRGYAD RANG GI MTSAN NYID KYIS MA GRUB PAR GSUNGS PA GNYIS, SGRAS ZIN LTAR NA 'GAL BA LTAR SNANG YANG BCOM LDAN 'DAS LA 'GAL BA MI MNGA' BAS, 'KHOR LO BAR PAR DE LTAR GSUNGS PA GANG LA DGONGS NAS GSUNGS PA YIN ZHES DNGOS SU ZHUS NAS, KHOR LO DANG POR DE LTAR GSUNGS PA CI LA DGONGS NAS GSUNGS PA YIN ZHES DON GYIS ZHUS PA'I PHYIR RO, ,DRI MKHAN DANG DRIS PA'I DGOS PA YOD DE, THAMS CAD MKHYEN PA DGE 'DUN RGYA MTSO'I DKA' 'GREL LAS, DRI LAM 'DZAD PA PO NI DON DE YANG DAG 'PHAGS YIN LA, DE YANG KHO RANG GIS DOGS PA MA CHOD NAS DRIS PA MA YIN GYI, THEG CHEN RIGS CAN RNAM PAR RIG PA TZAM BSTAN NAS RJES SU BZHUNG DGOS PA RNAMS LA PHAN GDAGS PA'I PHYIR DU, RANG NYID LA DOGS PA YOD PA LTAR DU BYAS NAS DRIS PA YIN LA, ZHES GSUNGS PA'I PHYIR, 'KHOR LO DANG POR GSUNGS PA'I 'GRES RKANG BDUN YOD DE, GZUGS SOGS PHUNG PO LNGA, NANG GI SKYE MCHED DRUG DANG, PHYI'I SKYE MCHED DRUG STE SKYE MCHED BCU GNYIS DANG, RTEN 'BREL BCU GNYIS DANG, ZAS BZHI DANG, BDEN PA BZHI DANG, GZUGS CAN GYI KHAMS CU DANG, CHOS KHAMS TE KHAMS BCO BRGYAD, KHAMS DRUG DANG BYANG PHYOGS SO BDUN RNAMS SU YOD PA'I PHYIR, DE YANG KHAMS KYI ZAS NI 'DOD KHAMS KHO NA DANG, PHYI MA GSUM NI KHAMS GSUM GA NA YOD DE, MDZOD LAS, KHAMS KYI ZAS NI 'DOD PA NA, ,SKYE MCHED GSUM GYI @012B BDAG NYID DO, ,ZHES DANG, RER DANG SEMS PA RNAM SHES NI, ,ZAG BCAS ZAS YIN GSUM DAG NA, ,ZHES GSUNGS PA'I PHYIR, GZUGS CAN GYI KHAMS BCU YOD DE, GZUGS KYI KHAMS NAS REG BYA'I KHAMS KYI BAR LNGA DANG, MIG GI KHAMS NAS LUS KYI KHAMS KYI BAR LNGA YOD PA'I PHYIR, SEMS KHAMS BDUN YOD DE, MIG GI RNAM SHES KYI KHAMS NAS YOD KYI RNAM SHES KYI BAR DRUG DANG YID KYI KHAMS RNAMS SU YOD PA'I PHYIR, DE RNAMS KYI NANG NAS 'KHOR LO DANG POR CHOS KYI SKYE MCHED DANG, 'GOG BDEN DANG, CHOS KHAMS DANG, NAM MKHA' KHAMS STE NYUNG SHAS SHIG BDEN MED DU STAN NAS, GZHAN PHAL CHER BDEN GRUB TU GSUNGS TE, LEGS BSHAD SNYING PO LAS, PHUNG PO LA SOGS PA'I CHOS LA NYUNG SHAS SHIG MA GTOGS PA BDEN PAR GRUB PA MA BKAG CING, BDEN PAR YOD PA MANG DU GSUNGS PA'I SKAD CIG GO, ,ZHES GSUNGS PA'I PHYIR, 'DI DAG GI SKABS SU KHA CIG GIS, RJE RIN PO CHE DE NYI THAL 'GYUR PA'I GRUB MTHA' SHAM SHOR BA YIN GYI, SEMS TZAM PA'I SKABS SU 'KHOR LO DANG POS CHOS KHAMS SOGS 'DUS MA BYAS KYI CHOS RNAMS BDEN DU MA BSTAN ZHES ZER, DE NI MI 'THAD DE, RJE RIN PO CHE DE NYID GRUB MTHA' RNAM DBYE PHYIN MI LOG PAR MKHYEN PA'I GANG ZAG NA YIN PAR THAL, DES SEMS TZAM PA'I SKABS SU THA' 'GYUR PA'I SHAM SHOR NAS GZHUNG 'DI GSUNGS PA'I PHYIR, RTAGS KHAS, 'DOD NA, KHYOD NI RJE NYID KYI BSTAN PA LAS PHYI ROL TU GYUR PA YIN PAS, KHO BO NI KHYOD DANG LHAN CIG RTZOD PAR MI BYED DO, ,ZHES PA-na CHEN BDE LEGS NYI MA DANG, 'JAM DBYANGS BZHAD PA'I RDO RJE SOGS GSUNG NGO, ,GZUGS NAS RNAM MKHYEN GYI @013A *, ,'GRES RKANG BRGYA RTZA BRGYAD YOD DE, DGU NAS NYON MONGS PHYOGS KYI 'GRES RKANG LNGA BCU NGA GSUM DANG, RNAM BYANG PHYOGS KYI 'GRES RKANG LNGA BCU NGA LNGA YOD PA'I PHYIR, DANG PO GRUB STE, GZUGS SOGS PHUNG PO LNGA, MIG SOGS DBANG PO DRUG, MIG GI RNAM SHES SOGS RNAM SHES DRUG, GZUGS SOGS YUL DRUG, SA'I KHAMS SOGS KHAMS DRUG, MIG GI 'DUS TE REG PA SOGS REG PA DRUG, MIG GI 'DUS TE REG PA'I RKYEN GYI TSOR BA SOGS TSOR DRUG, MA RIG PA'I RTEN 'BREL SOGS RTEN 'BREL BCU GNYIS RNAMS SU YOD PA'I PHYIR, GNYIS PA GRUB STE, SPYOD PA'I LAM PHAR PHYIN DRUG, LTA BA'I LAM GYI MING GIS BTAGS PA STONG NYID BCO BRGYAD, RNAL 'BYOR GYI LAM BYANG PHYOGS SO BDUN, 'PHAGS PA'I BDEN PA BZHIK BSAM GTAN BZHI, GZUGS MED PA'I SNYOMS PAR 'JUG PA BZHI, RNAM PAR THAR PA BRGYAD, MTHAR GYIS GNAS PA'I SNYOMS PAR 'JUG PA DGU, RNAM PAR THAR PA'I SGO GSUM, MNGON PAR SHES PA, TING NGE 'DZIN, GZUNGS KYI SGO, 'BRAS BU'I LAM STOBS BCU, MI 'JIG PA BZHI, SO SO YANG DAG PA RIG PA BZHI, BYAMS PA CHEN PO, SNYING RJE CHEN PO, SANGS RGYAS KYI CHOS MA 'DRES PA BCO BRGYAD, RGYUN ZHUGS, LAN CIG PHYIR 'ONG, PHYI MI 'ONG, DGRA BCOM PA, RANG SANGS RGYAS, THAMS CAD SHES PA NYID, LAM GYI RNAM PA SHES PA NYID, RNAM PA THAMS CAD MKHYEN PA NYID RNAMS SU YOD PA'I PHYIR, 'GRES RKANG BRGYA RTZA BRGYAD NI 'KHOR LO BAR BA'I BRJOD BYA YIN ZHING, DE THAMS CAD 'KHOR LO DANG PO'I BRJOD BYA MIN TE, 'KHOR LO DANG PO LAM PHAR PHYIN DRUG DANG STONG NYID BCO BRGYAD LA SOGS PA @013B MA BSTAN PA'I PHYIR TE, 'KHOR LO DANG PO LAS STONG NYID RIGS PA MDOR BSDUS TZAM GYI SGO NAS BSTAN PA MA GTOGS, RIGS PA'I RNAM GRANGS MTHA' YAS PA'I SGO NAS MA BSTAN PA'I PHYIR TE, DE THEG DMAN THUN MONG MA YIN PA'I MDO YIN PA'I PHYIR, SPYIR STONG NYID BCU DRUG LA GANG ZAG GI BDAG MED PHRA MO DANG, CHOS KYI BDAG MED PHRA MO GNYIS YOD PAR MA ZAD, STONG NYID BCO BRGYAD LA YANG DE GNYIS YOD DE, DBUS MTHA' LAS, GANG ZAG DANG NI CHOS RNAMS GYI, ,DNGOS PO MED PA STONG PA NYID, ,ZHES DANG, SBUS MTHA'I DGREL PA LAS KYANG, GANG ZAG DANG CHOS KYI DNGOS PO MED PA NI STONG PA NYID DO, ,ZHES GSUNGS PA'I PHYIR, KHYAB STE, LEGS BSHAD GSER 'PHRENG LAS, DBUS MTHA' LAS KYANG, GANG ZAG RANG NI CHOS RNAMS KYI, ,DNGOS PO MED PA STONG PA NYID, ,CES STONG SNYID BCU DRUG LA GANG ZAG BDAG MED NGANG CHOS KYI BDAG MED KYI STONG NYID GNYIS BSHAD PA DANG, ZHES GSUNGS PA GANG ZHIG, MTSUNGS PA'I PHYIR, GZHAN YANG 'KHOR LO DANG PO LAS CHOS KYI BDAG MED PHRA MO DANG, THEG PA CHEN PO'I RNAM BZHAG SOGS MA BSTAN TE, DE'I CHED DU BYA 'I GDUL BYA BYE MDO GNYIS KYIS CHOS KYI BDAG MED DANG, THEG PA CHEN PO KHAS MI LEN PA'I PHYIR, BYE MDO GNYIS KYIS TEG PA CHEN PO KHAS MI LEN KYANG, DE KHAS LEN PA'I BYE MDO GNYIS YOD DE, BYANG SEMS TSOGS LAM PAR GYUR PA'I BYE MDO GNYIS YOD PA'I PHYIR, DE BZHIN DU RANG STE SNAL MA BU YI SDE BA DANG KHA CHE BYE BRAL SMRA BA LA THEG PA CHEN PO'I SDE SNOD LA SKUR PA 'DEBS MI 'DEBS GNYIS GNYIS YOD DE, RGYUD BLA MA'I DAR tI-KA LAS, SNAL MA BU YI SDE PA THEG PA CHEN PO'I SDE SNOD LA @014A *, ,SKUR BA 'DEBS MI 'DEBS GNYIS YOD LA, KHA CHE BYE BRAG SMRA BA SOGS LA YANG GNYIS SU YOD PAR SHES PAR BYA'O, ,ZHES GSUNGS PA'I PHYIR RO, ,DE YANG LAM DU MA ZHUGS PA'I NYAN THOS SDE PA KHA CIG THEG CHEN GYI SDE SNOD BKAR MI 'DOD PA YIN KYI, LAM DU ZHUGS PA RNAMS NI MIN TE, SKAL BZANG MIG 'BYED LAS, BYE BRAG SMRA BA DANG MDO SDE PA LA SOGS PA MI NYAN THOS SDE GNYIS KYI SA NYAN THOS KYI SDE SNOD TZAM ZHIG TSAD MAR KHAS LEN PAS NA NYAN THOS ZHES THA SNYAD BYAS PA DAG THEG CHEN BKAR MI 'DOD PA YIN GYI, NYAN THOS KYI BYANG CHUB DON DU GNYER BAS NYAN THOS BZHAG LA SGROGS KYI SGAR 'JUG PA'I GZHIR GYUR PA'I NYAN THOS KYI THEG PA PA DANG THEG CHEN BKA' MA YIN NO ZHE SKUR BA 'DEBS PAR GA LA 'GYUR TE, GAL TE DE DAG RKYANG DE LTAR SKUR BA 'DEBS NA, DGRA BCOM PA NYON MONGS PA MA LUS PAR SPANGS PA DAG KYANG NYON MONGS PA CAN GYI MI SHES PAS KUN NAS BSLANGS PA'I CHOS SPONG GI LAS GSOG PA YOD PAR THAL LO, ,DE BAS NA BOD DAG GIS, NYAN THOS KYI THEG PA PA DANG GRUB MTHA' SMRA BA MA PHYED PAR NOR BA SHIN TU MANG PO BYAS SNANG NGO, ,ZHES GSUNGS PA'I PHYIR, GZHAN YANG, THEG CHEN KHAS LEN PA'I MDO SDE PA YOD DE, RIGS PA'I RJES 'BRANG GI MDO SDE PAS THEG CHEN GYI BKA' KHAS LEN PA'I PHYIR TE, THAMS CAD MKHYEN PA DGE 'DUN RGYA MTHO'I DKA' 'GREL LAS, RGYAL TSAB THAMS CAD MKHYEN PA NI RIGS PA'I RJES 'BRANG GI MDO SDE PA RNAMS THEG CHEN GYI BKA' KHAS LEN PAR BZHED CING, MKHAS GRUB SMRA BA'I NYI MA NI NYAN THOS SDE PA THAMS CAD KYIS, @014B THEG CHEN GYI BKA' KHAS MI LEN PAR BZHED KYANG, RJE NYID KYI DGONGS PA SNGA MA LTA YIN PAR SEMS'O, ,ZHES GSUNGS PA'I PHYIR, KHO NA RE, 'KHOR LO DANG PO LAS CHOS KYI BDAG MED BSTAN PAR THAL, DE LAS CHOS KHAMS SOGS 'DUS MA BYAS KYI CHOS RNAMS, BDEN MED DU BSTAN PA GANG ZHIG, DE RNAMS BDEN PAR MED PA CHOS KYI BDAG MED PHRA MO YIN PA'I PHYIR, PHYI MA GRUB STE, DE RNAMS BDEN PAR MED PA DANG, DE RNAMS RANG GO MTSAN NYID KYIS MA GRUB PA GNYIS KA CHOS KYI DBAG MED PHRA MO YIN PA'I PHYIR TE, DE RNAMS RANG GI MTSAN NYID KYIS RGUB PAR 'DZIN PA'I BLO DE CHOS KYI BDAG 'DZIN YIN PA'I PHYIR, MA GRUB NA, DER THAL, NGO BO DANG MKHYAD PAR LA KUN BTAGS PA'I KUN BTAGS RANG GI MTSAN NYID KYIS GRUB PA'I 'DZIN PA'I BLO DE CHOS KYI BDAG 'DZIN YIN PA'I PHYIR ZER NA, MA KHYAB, RTAGS GRUB STE, LEGS BSHAD SNYING PO LAS, KUN BTAGS RANG GI MTSAN NYID KYIS GRUB PAR 'DZIN PA CHOS KYI BDAG 'DZIN DU 'DOD PA'I KUN BTAGS NI PHUNG PO LA SOGS PA LA, 'DI GZUGS SO ZHES NGO BO DANG, 'DI GZUGS KYI SKYE BO'I ZHES KHYAD PAR DU MING DANG BRDAR BTAGS PA'I NGO BO'O, ,ZHES GSUNGS PA'I PHYIR, YANG KHA CIG, SEMS TZAM PA'I LUGS BZHIR BZHAG PA LA, DON SMRA GNYIS KYIS CHOS THAMS CAD RANG GI TSAN NYID KYIS GRUB PAR KHAS LEN KYANG, DON SMRA GNYIS KYI RANG LUGS LA DE LTAR KHAS MI LEN TE, STONG THUN SKAL BZANG MIG 'BYED LAS, NAM MKHA' DANG MYANG 'DAS SOGS RNAM MKHA' DANG ZAG PA ZAD PA SOGS KYI MING GANG LA 'JUG PA'I GNAS SU, NAM MKHA' DANG MYANG 'DAS SOGS RANG GI GNAS TSOD KYI DBANG GIS GRUB PAR MDO @015A *, ,SDE BAS 'DOD PA DE LA, MDO SDE PA RANG GIS RANG MTSAN GYI MING MA BTAGS KYANG, SEMS TZAM PA LTAR NA MDO SDE PAS DE LA RANG MTSAN GYI DON KHAS BLANGS PAR SONG BA'I DON TE, 'DI RTOGS PA SHIN TU GNAS CHE BAR YOD NGO, ,ZHES GSUNGS PA'I PHYIR ZHE NA, SKYON MED DE, DE'I DON NI, MDO SDE PAS NAM MKHA' DANG MYANG 'DAS SOGS RANG GI MTSAN NYID GYIS GRUB LEN PAS, MDO SDE PAS DE RNAMS RANG MTSAN DU KHAS BLANG NGAR SONG ZHES SEMS TZAM PAS 'PHUL MTSAMS BYAS ZHES PA'I DON YIN PA'I PHYIR, GZHAN YANG, MDO SDE PAS CHOS THAMS CAD RANG GI MTSAN NYID KYIS GRUB PAR KHAS LEN PAR THAL, SHA-KA KHAN MUN SEL SGRON MI LAS, DES NA RJE TZONG KHA PA'I DGONGS PA RNAM PAR DAG PA NI 'DI YIN TE, 'KHOR LO DANG POR GRUB SOGS KYI CHOS RNAMS RANG GI MTSAN NYID KYI GRUB PAR GSUNGS PA'I DON SMRA GNYIS KYIS SGRA JI BZHIN PAR 'DOD CING, DE'I RGYUN MTSAN GYI NYAN THOS SDE GNYIS KYI LUGS LA BZHI GRUB NA RANG GI MTSAN NYID KYIS GRUB PAS KHYAB BO ZHES KHAS LEN DGOS PA YIN NO, ,ZHES GSUNGS PA'I PHYIR, GNYIS PA 'GAL BA DE SKUNG GI LAN LA GNYIS, GANG LA DGONGS NAS NGO BO NYID MED PAR GSUNGS PA BSHAD PA DANG, GANG LA DGONGS NAS MA SKYE PA SOGS SU GSUNGS PA BSHAD PA'O, ,DANG PO LA GSUM, ,MDOR BSTAN PA, RGYAS PAR BSHAD PA, DE DAG GI DGE BSTAN PA'O, ,DANG PO 'CHAD PA LA, DGONGS 'GREL LAS, DON DAM YANG DAG 'PHAGS, NGS CHOS RNAMS GYI NGO BO NYIS MED PA RNAM PA GSUM PO 'DI LTA STE, MTSAN NYID NGO BO NYID MED PA NYID DANG, @015B SKYE BA NGO BO NYID MED PA NYID DANG, DON DAM PA NGO BO NYID LA DGONGS NAS CHOS THAMS CAD NGO BO NYID MED PA'O ZHES BSTAN TO, ,ZHES GSUNGS, DON NI, SHER PHYIN GYI MDOR CHOS THAMS CAD NGO BO NYI MED PAR GSUNGS PA'I DE NGO BO NYID MED PA GSUM GA LA DGONGS NAS GSUNGS PA YIN TE, BSDU BA LAS, BCOM LDAN 'DAS KYIS CI LA DGONGS NAS CHOS THAMS CAD NGO BO NYID MED PA ZHES BYA ZHE NA, SMRAS PA, 'DUL BA'I DBANG GIS DE DANG DER NGO BO NYID MED PA NYID RNAM PA GSUM LA DGONGS NAS GSUNGS TE, ZHES GSUNGS SHING, SUM CU PA LAS KYANG, NGO BO NYID NI RNAM GSUM GYI, ,NGO BO NYID MED PA RGYAS PAR BSHAD PA, DON DAM PA NGO BO NYID MED PA RGYAS PAR BSHAD PA'O, ,DANG PO 'CHAD PA LA, DGONGS 'GREL LAS, DE LA CHOS RNAMS KYI MTSAN NYID NGO BO NYID MED PA NYID GANG ZHE NA, KUN BTAGS PA'I MTSAN NYID GANG YIN PA'O, ,DE CI'I PHYIR ZHE NA, 'DI LTAR DE NI MING DANG BRDAS RNAM PAR BZHAG PA'I MTSAN NYID YIN GYI, RANG GI MTSAN NYID KYIS RNAM PAR GNAS PA NI MA YIN PAS, DE'I PHYIR MTSAN NYID MED PA CES BYA'O, ,ZHES GSUNGS, DON NI, KUN BTAGS CHOS CAN, KHYO LA MTSAN NYID NGO BO NYID MED PA ZHES BRJOD PA'I RGYU MTSAN YOD DE, DGAG PHYOGS NAS RANG GI MTSAN NYID KYIS MA GRUB CING, DE NA SGRUB PHYOGS NAS MING BRDAS BZHAG TZAM YIN PA RGYU TSAN GYI DE LTAR BRJOD PA'I PHYIR, DES NA @016A *, ,'DI'I DRANG NGES BSTAN GYI KUN BTAGS YIN NA, NGO BO DANG KHYAD PAR GANG RUNG LA KUN BTAGS PA'I KUN BTAGS YIN PAS KHYAB STE, DRANG NGES RNAM 'BYED LAS, GANG GIS STONG PA'I KUN BTAGS NA MDO 'DI'I KUN BTAGS NGOS BZUNG BA'I SKABS GNYIS KAR NGO BO DANG KHYAD PAR DU BTAGS PA TZAM MA YIN PA'I KUN BTAGS GZHAN MA GSUNGS PA'I RGYU MTSAN NI 'CHAD PAR 'GYUR RO ZHES GSUNGS PA'I PHYIR, DE BZHIN DU 'DI'I DNGOS BSTAN GYI KUN BTAGS YIN NA, KUN BTAGS GANG GIS STONG PA YONGS GRUB TU 'JOG PA'I SKABS SU NYE BAR MKHO BA'I KUN BTAGS YIN PAS KHYAB STE, SPYI MTSAN DANG NAM MKHA' SOGS DGONGS 'GREL GYI DNGOS BSTAN GYI KUN BTAGS MA YIN PAR GSUNGS PA LA RGYU MTSAN YOD PA'I PHYIR, DE NYID LAS, SPYIR KUN BTAGS LA SPYI MTSAN THAMS CAD DANG NAM MKHA' LA SOGS PA DU MA ZHIG YOD KYANG DGONGS 'GREL LAS MA GSUNGS PA NI, KUN BTAGS GANG GIS STONG PA YONGS GRUB TU 'JOG PA'I SKABS SU DE DAG MI MKHO BAS SO, ,ZHES GSUNGS PA'I PHYIR, DE YIN NA RANG 'DOGS BYED KYI MING BRDAS BZHAG TZAM YIN PAS KHYAB KYANG, SPYIR MING BRDAS BZHAG TZAM YIN PAS MA KHYAB STE, GZUGS GZUGS 'DZIN RTOG PA'I ZHEN GZHIR RANG GI MTSAN NYID KYIS GRUB PA DE MING BRDAS BZHAG TZAM MA YIN PA'I PHYIR TE, DE RTOG PAS BTAGS TZAM MA YIN PA'I PHYIR TE, DE RTOG PA'I YUL MA YIN PA'I PHYIR, RTOG PAS BTAGS TZAM YIN NA MING BRDAS BZHAG PAS KHYAB KYANG, MING BRDAS BZHAG TZAM YIN PAS MA KHYAB STE, 'DUS MA BYAS KYI NAM @016B MKHA' DE MING BRDAS BZHAG KYANG MING BRDAS BZHAG TZAM MA YIN PA'I PHYIR, DE MING BRDAS BZHAG PA YIN TE, GZHI GRUB NA MING BRDAS BZHAG PAS KHYAB PA'I PHYIR, 'O NA, DRANG NGES RNAM 'BYED LAS, DE DAG GI MANG PO ZHIG MING DANG BRDAS 'JOG MI NUS PA'I YOD PA YIN YANG, RANG GI MTSAN NYID KYIS GRUB PA MA YIN TE, RTOG PAS BTAGS PA TZAM YIN PA'I PHYIR, ZHES GSUNGS PA DANG 'GAL LO ZHE NA, SKYON MED DE, DE'I DON NI, NAM MKHA' DANG SGRA RTAG STONG SOGS KUN BTAGS MANG PO ZHIG MING DANG BRDA TZAM GYIS 'JOG MI NUS PA'I YOD PA YIN YANG, RANG GI MTSAN NYID KYIS GRUB PA'I YOD PA MIN TE, RTOG PAS BTAGS PA TZAM YIN PA'I PHYIR, ZHES PA'I DON YIN PA'I PHYIR, NAM MKHA' MING BRDAS BZHAG TZAM MA YIN TE, NAM MKHA' BLO YUL DU 'CHAR BA LA MI LTOS PA'I PHYIR TE, NAM MKHA'I MING BRDA BLO YUL DU MA SHAR BAR NAM MKHA' BLO YUL DU SHAR BA YOD PA'I PHYIR, SGRA RTAG STONG MING BRDAS BZHAG PA MA YIN TE, BUM PA DE SGRA RTAG STONG DU BSGRUB PA'I GRAGS PA'I RTAGS YANG DAG MA YIN PA'I PHYIR, 'JIG RTEN NA SGRA RTAG PAS STONG BAR MA GRAGS PA'I PHYIR, KHYAB STE, SPYIR BTANG LA PHAL CHER MING BRDAS BZHAG TZAM ZHES PA'I MING DE BRJOD BYED KYI SGRA DANG, BRDA DE RTOG PA LA BYED KYANG, SGRA RTAG STONG MING BRDAS BZHAG TZAM YIN MIN DPYOD PA'I BRDA DE 'JIG RTEN GYI GRAGS PA LA BYED RIGS PA'I PHYIR; KHO NA RE, MTSAN NYID YONGS SU 'CHAD PA'I KUN BTAGS YIN NA, NAM MKHA'I MING BRDA BLO YUL DU 'CHAR BA LA MING BRDAS BZHAG TZAM MA YIN PAS KHYAB NA, DRANG NGES RNAM 'BYED LAS, MING DANG BRDAS BZHAG PA LA TSAD MAS GRUB MA GRUB GNYIS YOD DO, @017A *, ,ZHES GSUNGS PA DANG 'GAL LO ZHE NA, SKYON MED DE, LUNG DE NI RANG 'DOGS BYED KYI MING BRDAS BZHAG PA LA TSAD MAS GRUB MA GRUB GNYIS 'BYED CES PA'I DON YIN PA'I PHYIR, MTSAN NYID NGO BO NYID YOD MED KYI DON NI, RANG GI MTSAN NYID KYIS GRUB MA GRUB LA BYED PA YIN TE, DRANG NGES RNAM 'BYED LAS, KUN BTAGS LA MED RGYU'I MTSAN NYID KYI NGO BO NYID NI, RANG GI MTSAN NYID KYIS GRUB PA'AM GNAS PA LA BYA'O, ,ZHES GSUNGS PA'I PHYIR, RANG GI MTSAN NYID KYIS YOD MED KYI DON YANG YOD DE, RANG 'DOGS BYED KYI MING DANG BRDAS BZHAG TZAM MA YIN PAR RANG GI THUN MONG MA YIN PA'I SDOD LUGS KYI NGOS NAS GRUB PA DE, RANG GI MTSAN NYID KYIS GRUB PA'I DON DANG, RANG 'DOGS BYED KYI MING DANG BRDAS BZHAG PA TZAM DE, RANG GI MTSAN NYID KYIS MA GRUB PA'I DON YIN PA'I PHYIR, DRANG NGES RNAM 'BYED LAS, 'DIR RANG GI MTSAN NYID KYIS YOD MED BSTAN TSOD NI MING DANG LTOS NAS BZHAG MA BZHAG YIN LA, ZHES DANG, THAMS CAD MKHYEN PA DGE 'DUN RGYA MTSO'I DKA' 'GREL LAS, RANG GI MTSAN NYID KYIS YOD MED NI MING DANG BRDA TZAM LA LTOS NAS BZHAG MA BZHAG LA BYED PA SPYIR BTANG LA YIN YANG, ZHES GSUNGS PA'I PHYIR, DE LTAR YIN KYANG MTSAN NYID KYIS MA GRUB NA RANG 'DOGS BYED KYI MING BRDAS BZHAG TZAM YIN PAS MA KHYAB STE, 'DUS MA BYAS KYI NAM MKHA' DE DE MA YIN PA'I PHYIR, RTAGS GONG DU BSGRUBS ZIN, RANG 'DOGS BYED KYI MING BRDAS BZHAG NA YOD PAS MA KHYAB STE, NAM MKHA'I ME TOG @017B DE RANG 'DOGS BYED KYI MING BRDAS BZHAG KYANG MED PA'I PHYIR RO, ,BRDAS 'JOG LUGS KYANG THAL 'GYUR PA DANG CHES MI MTHUN TE, 'DI PA'I LUGS LA MING BRDAS 'JOG TZAM DANG, THA SNYAD BTAGS PA'I BTAGS DON BTZAL BA'I TSE RNYED PA'I GZHI MTHUN YOD, THAL 'GYUR PAS BRDA TZAM GYI SA BZHAG PA ZHES PA'I TZAM SGRAS THA SNYAD BTAGS PA'I BTAGS DON BTZAL BA'I TSE NA RNYED PA GCOD PAR 'DOD PA'I PHYIR, DES NA THAL 'GYUR PA DANG RNAM RIG PA GNYIS RANG GI MTSAN NYID KYI YOD MED KYI DON YANG MI MTHUN TE, THAL 'GYUR PAS THA SNYAD BTAGS PA'I BTAGS DON BTZAL BA'I TSE YOD NA, RANG GI MTSAN NYID KYIS GRUB PAR 'DOD, RNAM RIG PAS THA SNYAD KYI DBANG GIS BZHAG PA MA YIN PAR RANG NGOS NAS YOD PA LA RANG GI MTSAN NYID KYIS GRUB PAR 'DOD PA'I PHYIR, 'ON KYANG GZHI DE SEMS TZAM PA'I 'DOD PA LTAR GYI RANG GI MTSAN NYID KYIS GRUB PAR 'DZIN PA'I 'DZIN PA RGYUD LDAN GYI GANG ZAG YIN NA, GZHI DE THAL 'GYUR BA'I 'DOD PA LTAR GYI RANG GI MTSAN NYID KYIS GRUB PAR 'DZIN PA'I 'DZIN PA RGYUD LDAN GYI GANG ZAG YIN PAS KHYAB STE, GZHI DE THA SNYAD KYI DBANG GIS BZHAG PA MA YIN PAR RANG NGOS NAS GRUB PAR 'DZIN PA'I 'DZIN PA RGYUD LDAN GYI GANG ZAG YIN NA, GZHI DE THA SNYAD BTAGS PA'I BTAGS DON BTZAL BA'I TSE NA RNYED PAR 'DZIN PA'I 'DZIN PA RGYUD LDAN GYI GANG ZAG YIN DGOS PA'I PHYIR, MDO SEMS GNYIS DANG RANG RGYUD PA RNAMS KYIS, KUN BTAGS SEMS TZAM PA'I 'DOD PA LTAR GYI RANG GI MTSAN NYID KYIS GRUB @018A *, ,PAR MI 'DZIN KYANG, DE RNAMS KYIS KUN BTAGS THAL 'GYUR PA'I 'DOD PA LTAR GYI RANG GI MTSAN NYID KYIS GRUB PAR 'DZIN PA YIN TE, DE RNAMS KYIS DE THA SNYAD KYI DBANG GIS BZHAG PA MA YIN PAR RANG NGOS NAS GRUB PAR MI 'DZIN KYANG, DE RNAMS KYIS DE THA SNYAD BTAGS PA'I BTAGS DON BTZAL BA'I TSE RNYED PAR 'DZIN PA'I PHYIR TE, GZHAN SDE NAS RANG RGYUD PA'I BAR GYIS, GZHI GRUB NA THA SNYAD BTAGS PA'I BTAGS DON BTZAL BA'I TSE RNYED PAS KHYAB PA KHAS LEN PA'I PHYIR, DE LTAR YANG DRANG NGES RNAM 'BYED LAS, BZHAG PA LA YANG YOD PAS MA KHYAB CING, 'JOG LUGS KYANG THAL 'GYUR BAS YOD PA RNAMS MING GI THA SNYAD KYI DBANG GIS BZHAG PA DANG CHES MI MTHUN PAS RANG GI MTSAN NYID KYIS YOD MED KYI DON YANG MI MTHUN NO, ,'ON KYANG 'DI'I RANG MTSAN GYIS YOD PAR 'DZIN PA YOD NA, THAL 'GYUR PA'I RANG MTSAN GYIS GRUB PAR 'DZIN PA YANG YOD LA, GZHI 'GA' ZHIG SNGA MA LTAR MI 'DZIN KYANG, PHYI MA LTAR 'DZIN PA NI YOD DO, ,ZHES GSUNGS PA'I PHYIR, KHO NA RE, GZUGS GZUGS 'DZIN RTOG PA'I ZHEN GZHIR RANG GI MTSAN NYID KYIS GRUB PA DE, DGONGS 'GREL DNGOS BSTAN GYI KUN BTAGS YIN PAR THAL, DE'I DNGOS BSTAN GYI KUN BTAGS LA TSAD MAS GRUB MA GRUB GNYIS SU 'BYED RIGS PA'I PHYIR, 'DOD NA, DGONGS 'GREL LAS DE DNGOS SU BSTAN PAR THAL, 'DOD PA'I PHYIR ZER NA MA KHYAB, 'DOD MI NUS TE, DGONGS 'GREL LAS DE LTAR MA GRUB PAR @018B GSUNGS PA'I PHYIR, GNYIS PA SKYE BA NGO BO NYID MED PA RGYAS PAR 'CHAD PA LA, DGONGS 'GREL LAS, CHOS RNAMS KYI SKYE BA NGO BO NYID MED PA NYID GANG ZHE NA, CHOS RNAMS KYI GZHAN GYI DBANG GI MTSAN NYID GANG YIN PA'O, ,DE CI'I PHYIR ZHE NA, 'DI LTAR DE NI RKYEN GZHAN GYI STOBS KYIS BYUNG BA YIN GYI, BDAG NYID KYIS MA YIN PAS DE'I PHYIR, DE NI SKYE BA NGO BO NYID MED PA NYID CES BYA'O, ,ZHES GSUNGS, DON NI, GZHAN DBANG CHOS CAN, KHYOD LA SKYE BA NGO BO NYID MED PA ZHES BRJOD PA'I RGYU MTSAN YOD DE, RANG GI RGYU RKYEN LA BRTEN NAS SKYE BA YIN GYI, RGYU RKYEN GZHAN LA LTOS MED DU RANG DBANG DU MI SKYE BA'I RGYU MTSAN GYIS DE LTAR BRJOD PA'I PHYIR, 'O NA SKYE BA NGO BO NYID MED PA YIN NA GZHAN DBANG YIN DGOS SAM ZHE NA, MI DGOS TE, SKYE BA NGO BO NYID MED CES PA'I MED RGYU'I SKYE BA'I NGO BO NI, RGYU RKYEN GZHAN LA LTOS MED DU RANG DBANG GIS SKYE BA'AM, BDAG NYID KYI SKYE BA LA BYED PA YIN LA, DE NI CHOS GANG GI YANG RTEN DU MED PAS, CHOS THAMS CAD SKYE BA NGO BO NYID MED PAR 'JOG PA'I PHYIR, DE LTAR YANG LEGS BSHAD SNYING PO LAS, GZHAN DBANG LA MED RGYU'I SKYE BA'I NGO BO 'AM, NGO BO NYID KYIS SKYE BA NI, BDAG NYID KYIS MA YIN PAS ZHES GSUNGS PAS, BDAG NYID KYI SKYE BA'O, ,DE NI RANG DBANG GIS SKYE BA YIN TE, ZHES GSUNGS PA'I PHYIR, GSUM PA DON DAM PA NGO BO NYID MED PA LA 'JOG TSUL GNYIS LAS, GZHAN DBANG DON DAM PA NGO BO NYID MED PAR BZHAG PA NI, DGONGS 'GREL LAS, CHOS RNAMS KYI DON DAM PA NGO BO @019A *, ,NYID GANG ZHE NA, RTEN CING 'BREL BAR 'BYUNG BA'I CHOS GANG DAG SKYE BA NGO BO NYID MED PA NYID KYI NGO BO NYID MED PA DE DAG NI, DON DAM PA NGO BO NYID MED PA NYID KYI NGO BO NYID MED PA YANG YIN NO DE CI'I PHYIR ZHE NA, DON DAM YANG DAG 'PHAGS, CHOS RNAMS LA RNAM PAR DAG PA'I DMIGS PA GANG YIN PA DE NI DON DAM PA YIN PAR YONGS SU BSTAN LA, GZHAN GYI DBANG GI MTSAN NYID DE RNAM PAR DAG PA'I DMIGS PA MA YIN PAS, DE'I PHYIR DON DAM PA NGO BO NYID MED PA NYID CES BYA'O, ,ZHES GSUNGS, YONGS GRUB DON DAM PA NGO BO NYID MED PAR BZHAG PA NI, DGONGS 'GREL LAS, GZHAN YANG, CHOS RNAMS KYI YONGS SU GRUB PA'I MTSAN NYID GANG YIN PA DE YANG DON DAM PA NGO BO NYID MED PA NYID CES BYA'O, ,DE CI'I PHYIR ZHE NA, DON DAM YANG DAG 'PHAGS, CHOS RNAMS KYI CHOS BDAG MED PA GANG YIN PA DE NI DON DE DAG GI NGO BO NYID MED PA NYID CES BYA STE, DE NI DON DAM PA YIN LA DON DAM PA NI CHOS THAMS CAD KYI NGO BO NYID MED PA NYID KYIS RAB TU PHYE BA YIN PAS, DE'I PHYIR DON DAM PA NGO BO NYID MED PA NYID CES BYA'O, ,CES GSUNGS, DE RNAMS KYI DON PHYOGS GCIG TU BSHAD NA, GZHAN DBANG DANG YONGS GRUB CHOS CAN, KHYOD LA DON DAM PA NGO BO NYID MED PA ZHES BRJOD PA'I RGYU MTSAN YOD DE, DON DAM PAR CHOS BDAG GI NGO BOR MA GRUB PA'I RGYU MTSAN GYIS DE LTAR BRJOD PA'I PHYIR, 'O NA, KUN BTAGS KYANG DON DAM PA NGO BO NYID MED PA YIN NA MA ZHE NA, DE LTAR YIN KYANG, DGONGS 'GREL LAS, KUN BTAGS DON DAM PA NGO BO NYID MED PAR DNGOS SU MI 'CHAD PA'I RGYU MTSAN @019B YOD DE, GZHAN DBANG DON DAM PAR GRUB PAS RANG 'DZIN RTOGS PA'I ZHEN GZHIR RANG GI MTSAN NYID KYIS GRUB PAS STONG BA RNAM DAG LAM GYI DMIGS PA MTHAR THUG TU BSTAN PA NA, GZHAN DBANG YANG RNAM DAG LAM GYI DMIGS PA MTHAR THUG TU 'GYUR DAM SNYAM PA'I DOGS BA SHAS CHER 'BYUNG LA, KUN BTAGS DON DAM PAR MA GRUB PAS NA DE 'DRA'I DOGS PA CHEN PO MI 'BYUNG BA'I PHYIR, GSUM PA DE DAG GI DPE BSTAN PA NI, DGONGS 'GREL LAS, DE LA 'DI LTA STE, DPER NA NAM MKHA'I ME TOG JI LTA BA DE LTA BUR NI MTSAN NYID NGO BO NYID MED PA NYID BLTA BAR BYA'O, ,DON DAM YANG DAG 'PHAGS, DE LA 'DI LTA STE, DPER NA SGYU MA BYAS PA JI LTA BA DE LTA BUR NI SKYE BA NGO BO NYID MED PA NYID BLTA BAR BYA'O, ,DON DAM PA NGO BO NYID MED PA NYID DE LAS KYANG GCIG KYANG BLTA BAR BYA STE, ,DON DAM YANG DAG 'PHAGS, DE LA 'DI LTA STE, DPER NA NAM MKHA' NI GZUGS KYI NGO BO NYID MED PA TZAM GYIS RAB TU PHYE BA DANG, THAMS CAD DU SONG BA JI LTA DE LTA BUR NI DON DAM PA NGO BO NYID MED PA DE YANG CHOS BDAG MED PAS RAB TU PHYE BA DANG, THAMS CAD DU SONG BA GCIG BLTA BAR BYA STE, ZHES GSUNGS, DON NI, KUN BTAGS NAM MKHA'I ME TOG GI DPES STON PA'I RGYU MTSAN YOD DE, NAM MKHA'I ME TOG DE RANG 'DZIN RTOG PAS SGRO BTAGS PA TZAM YIN GYI, RANG GI MTSAN NYID KYIS MA GRUB PA BZHIN DU, KUN BTAGS KYANG RTOG PAS BTAGS PA TZAM YIN GYI, RANG GI MTSAN NYID KYIS MA GRUB PA'I RGYU MTSAN GYIS DE LTAR BRJOD PA'I PHYIR, NAM MKHA'I ME RTOG DE KUN BTAGS SHES BYA LA MI SRID PA'I DPE YANG DAG MA YIN TE, DE GNYIS YOD MED MI MTSUNGS PA'I @020A *, ,PHYIR; DE LTAR YANG, DRANG NGES RNAM 'BYED LAS, KUN BTAGS NAM MKHA'I ME RTOG DANG 'DRA BA NI RTOG PAS BTAGS TZAM GYI DPE YIN GYI, SHES BYA LA MI SRID PA'I DPE NI MA YIN NO, ,ZHES GSUNGS PA'I PHYIR, GZHAN DBANG SGYU MA'I DPES STON PA'I RGYU MTSAN YOD DE, SGYU MA'I SPRUL GZHI'I RDE'U SHING RTA GLANG DU MED KYANG, SNGAGS RDZAS KYIS MIG BSLAD PA'I SHES PA'I NGO BOR SPRUL GZHI'I RDE'U SHING RTA GLANG DU SNANG BA BZHIN DU, GZHAN DBANG PHYI ROL DON DU MED KYANG, MA RIG BAG CHAGS KYIS BSLAD PA'I SHES PA'I NGO BOR PHYI ROL DON DU SNANG BA'I RGYU MTSAN GYIS DE LTAR DU BRJOD PA'I PHYIR, YONGS GRUB RNAM MKHA'I DPES STON PA'I RGYU MTSAN YOD DE, NAM MKHA' NI THOBS BCAS KYI REG BYA BKAG TZAM GYI MED DGAG DANG, PHYOGS THAMS CAD LA KHYAB PA BZHIN DU BDAG MED GNYIS KYI YONGS GRUB DE YANG, DGAG BYA'I BDAG BKAG TZAM GYI MED DGAG DANG, CHOS THAMS CAD LA KHYAB PA'I RGYU MTSAN GYIS DE LTAR BRJOD PA'I PHYIR, GNYIS PA GANG LA DGONGS NAS MA SKYES PA SOGS SU GSUNGS PA BSHAD PA LA, DGONGS 'GREL LAS BSHAD TSUL DANG, KUN BTUS LAS BSHAD TSUL GNYIS, DANG PO NI, DGONGS 'GREL LAS, DE LA MTSAN NYID NGO BO NYID MED PA NYID LA DGONGS NAS, ZHES PA NAS, RANG BZHIN GYI YONGS SU MYA NGAN LAS 'DAS PA YIN TE, ZHES PA'I BAR GYIS 'CHAD, DON NI, SHER PHYIN GYI MDOR CHOS THAMS CAD MA SKYES BA, MA 'GAG PA SOGS SU GSUNGS PA'I DGONGS GZHI YOD DE, KUN BTAGS DANG YONGS GRUB LA DGONGS NAS GSUNGS PA'I PHYIR, KUN BTAGS CHOS CAN, @020B KHYOD LA MA SKYES PA MA 'GAGS LA ZHES GSUNGS PA'I RGYU MTSAN YOD DE, RANG GI MTSAN NYID KYIS MA GRUB PA'I RGYU MTSAN GYIS DE LTAR BRJOD PA'I PHYIR, DE CHOS CAN, KHYOD LA GZOD MA NAS ZHING DANG, RANG BZHIN GYI MYA NGAN LAS 'DAS PA ZHES BRJOD PA'I RGYU MTSAN YOD DE, KUN NAS NYON MONGS PHYOGS KYIS BSDUS PA MA YIN PA'I RGYU MTSAN GYIS DE LTAR BRJOD PA'I PHYIR, YONGS GRUB CHOS CAN, KHYOD LA MA SKYES PA, MA 'GAG PA ZHES BRJOD PA'I RGYU MTSAN YOD DE, 'DUS MA BYAS YIN PA'I RGYU MTSAN GYIS DE LTAR BRJOD PA'I PHYIR, DE CHOS CAN, KHYOD LA GZOD MA NAS ZHI BA DANG, RANG BZHIN GYI MYA NGAN LAS 'DAS PA ZHES BRJOD PA'I RGYU MTSAN YOD DE, KUN NAS NYON MONGS PHYOGS KYIS BSDUS PA MA YIN PA'I RGYU MTSAN GYIS DE LTAR BRJOD PA'I PHYIR, DE CHOS CAN, KUN NAS NYON MONGS PHYOGS KYIS BSDUS PA MA YIN TE, SKYE 'GAG DANG BRAL BA'I PHYIR TE, 'DUS MA BYAS YIN PA'I PHYIR, KHYAB STE, DRANG NGES RNAM 'BYED LAS, SKYE 'GAG DANG BRAL BA NI 'DUS MA BYAS YIN PAS KUN NAS NYON MONGS KYI CHOS SU MI RUNG BA'I PHYIR GZOD MA NAS ZHI BA DANG RANG BZHIN GYI YONGS SU MYA NGAN LAS 'DAS PAR BSTAN TE, MYA NGAN NI 'DIR KUN NYON YIN DGOS PA'I PHYIR, ZHES GSUNGS PA'I PHYIR, YONGS GRUB CHOS CAN, 'DUS MA BYAS YIN TE, RTAG PA RTAG PA'I DUS TE SNGA MA SNGA MA'I DUS DANG, THER ZUG THER ZUG GI DUS TE PHYI MA'I DUS KUN TU RTAG PAR GNAD BA YIN PA'I PHYIR, DE LTAR YANG 'CHAD RIGS STE, SKABS 'DI'I RTAG PA RTAG PA'I DUS NI SNGA MA SNGA MA'I DUS DANG, THER ZUG THER ZUG GI DUS NI PHYI MA'I PHYI MA'I DUS LA BYED PAR RGYA NAG 'GREL CHEN LAS BSHAD PA'I PHYIR @021A *, ,TE; DRANG NGES RNAM 'BYED LAS, RTAG PA RTAG PA'I DUS NI SNGA MA SNGA MA'I DUS DANG, THER ZUG THER ZUG GI DUS NI PHYI MA PHYI MA'I DUS LA RGYA NAG 'GREL CHEN LAS BSHAD DO, ,ZHES GSUNGS PA'I PHYIR; DGONGS 'GREL LAS GZHAN DBANG DE 'KHOR LO BAR PAR CHOS THAMS CAD MA SKYES PA ZHES SOGS KYI DGONGS GZHIR DNGOS SU MI 'CHAD PA'I RGYU MTSAN YOD DE, GZHAN DBANG LA RANG GI MTSAN NYID KYIS GRUB PA'I SKYE 'GAG YOD PAR BSTAN PA'I CHED YIN PA'I PHYIR, GZHAN DBANG DE GZOD MA NAS ZHI BA ZHES SOGS KYI DGONGS GZHIR DNGOS SU MI 'CHAD PA'I RGYU MTSAN YOD DE, GZHAN DBANG PHAL CHER KUN NAS NYON MONGS PHYOGS KYIS BSDUS PA'I PHYIR, DE LTAR YANG DRANG NGES RNAM 'BYED LAS, GZHAN DBANG LA RANG GI MTSAN NYID KYIS SKYE BA DANG 'GAG PA YOD PAS, SKYE 'GAG MED PAR GSUNGS PA GZHAN DBANG LA DGONGS PA MIN LA, GZHAN DBANG PHAL CHER KUN NYON GYIS BSDUS PAS TSEG PHYI MA GNYIS KYI GZHIR MA MDZAD PA NI MDO 'DI'I DGONGS PA'O, ,ZHES GSUNGS PA'I PHYIR, GNYIS PA KUN BTUS LAS BSHAD TSUL STON PA LA, MNGON PA KUN BTUS LAS, KUN BTAGS PA'I NGO BO NYID LA, MTSAN NYID NGO BO NYID MED PA DANG, GZHAN GYI DBANG LA SKYE BA NGO BO NYID MED PA DANG, YONGS SU GRUB PA LA DON DAM PA NGO BO NYID MED PA'I PHYIR RO, ,MA SKYES PA, MA 'GAG PA, GZOD MA NAS ZHI BA DANG RANG BZHIN GYI MYA NGAN LAS 'DAS PA ZHES 'BYUNG BA'I DGONGS PA GANG YIN ZHE NA, JI LTAR NGO BO NYID MED PA DE LTAR MA SKYES SO, JI LTAR MA SKYES PA DE LTAR MA 'GAGS SO, @021B JI LTAR MA SKYES PA DANG, MA 'GAGS PA DE LTAR GZOD MA NAS ZHI BA'O, ,DE LTAR RANG BZHIN GYI YONGS SU MYA NGAN LAS 'DAS PA'O, ,ZHES GSUNGS, DON NI, SHER PHYIN GYI MDOR CHOS THAMS CAD MA SKYES PA SOGS SU GSUNGS PA'I DGONGS GZHI YOD DE, NGO BO NYID GSUM KA LA DGONGS NAS GSUNGS PA'I PHYIR, KUN BTAGS LA MA SKYES BA ZHES SOGS BRJOD PA'I RGYU MTSAN YOD DE, RANG GI MTSAN NYID KYIS MA SKYES SHING MA 'GAG LA, KUN NAS NYON MONGS PHYOGS KYI BSDUS PA MA YIN YIN PA'I PHYIR, GZHAN DBANG LA MA SKYES PA ZHES SOGS BRJOD PA'I RGYU MTSAN YOD DE, RANG GI RGYU RKYEN LA LTOS MED DU RANG DBANG DU MA SKES SHING, MA 'GAG LA, RANG DBANG DU SKYE BA'I GZOD MA NAS ZHI BA DANG, RANG DBANG DU GRUB PA'I MYA NGAN LAS 'DAS PA'I PHYIR, YONGS GRUB LA MA SKYES PA ZHES SOGS BRJOD PA'I RGYU MTSAN YOD DE, DE LA CHOS BDAG GI NGO BOR GYUR PA'I SKYE 'GAG MED CING, CHOS BDAG GI NGO BOR GYUR BA'I NYON MONGS MED PA'I PHYIR, DE LTAR YANG DRANG NGES RNAM 'BYED LAS, NGO BO NYID GSUM GYI RANG RANG GI SKABS KYI NGO BO MED RGYU'I DBANG DU BYAS NAS JI LTAR NGO BO NYID MED PA DE LTAR MA SKYES BA DANG, MA 'GAG PA, BZOD MA NAS ZHI BA DANG, GDOD NAS MYA NGAN LAS 'DAS PA YANG YIN PA LA DGONGS NAS KUN BTUS LAS DE LTAR BSHAD DO, ,ZHES GSUNGS PA'I PHYIR, DE NI RJE BTZUN MI PHAM PA'I BZHED PA YANG YIN TE, JI SKAD DU, MDO SDE RGYAN LAS, PHYI MA PHYI MA'I RTEN YIN PAS, ,NGO BO NYID NI MED PA YIN, ,SKYE MED 'GAG MED GZOD NAS ZHI, ,RANG BZHIN MYA NGAN 'DAS PA GRUB, ,ZHES GSUNGS PA'I PHYIR, @022A *, ,GSUM PA NGO BO NYID GSUM GYI NGO BO NGOS BZUNG PA NI, KUN BTAGS MTSAN NYID NGO BO NYID MED PA YIN NA, KUN BTAGS NYID GANG YIN SNYAM NA, DE NI DGONGS 'GREL LAS, RNAM PAR RTOG PA'I SPYOD YUL KUN BTAGS PA'I MTSAN NYID KYI GNAS 'DU BYED KYI MTSAN MA LA GZUGS KYI PHUNG PO ZHES NGO BO ZHES NGO BO NYID DAM, BYE BRAG GI MTSAN NYID DU MING DANG BRDAS RNAM PAR BZHAG BA DANG, GZUGS KYI PHUNG PO SKYE'O ZHE'AM, 'GAG PA ZHE'AM GZUGS KYI PHUNG PO SPANG BA DANG YONGS SU SHES PA ZHES NGO BO NYID KYI MTSAN NYID DAM, BYE BRAG GI MTSAN NYID DU MED DANG BRDAS RNAM PAR BZHAG PA GANG LAGS PA DE NI KUN BTAGS PA'I MTSAN NYID LAGS TE, ZHES GSUNGS, 'DI'I BSTAN TSUL NI, DRANG NGES RNAM 'BYED LAS, DE LA TSIG DANG PO GSUM GYIS NI KUN BTAGS 'DOGS PA'I GZHI BSTAN LA, DE MAN CHAD KYIS KUN TU BTAGS TSUL STON TE, ZHES GSUNGS PA LTAR RO, GZHAN DBANG SKYE BA NGO BO NYID MED PA YIN NA GZHAN DBANG GANG YIN SNYAM NA, DE NI DGONGS 'GREL LAS, RNAM PAR RTOG PA'I SPYOD YUL KUN BTAGS PA'I MTSAN NYID KYI GNAS, 'DU BYED KYI MTSAN MA GANG LAGS PA DE NI, GZHAN GYI DBANG GI MTSAN NYID LAGS TE, ZHES GSUNGS, 'DI'I BSTAN TSUL NI, DRANG NGES RNAM 'BYED LAS, DANG POS GANG GIS YUL YIN PA DANG, GNYIS PAS KUN BTAGS KYI GDAG GZHI DANG, GSUM PAS RANG GI NGO BO BSTAN TO, ,ZHES GSUNGS PA LTAR RO, YONGS GRUB DON DAM PA NGO BO NYID MED PA YIN NA, DE NYID GANG YIN SNYAM NA, DE NI DGONGS 'GREL LAS, RNAM PAR RTOG @022B PA'I SPYOD YUL KUN BTAGS PA'I MTSAN NYID KYI GNAS 'DU BYED KYI MTSAN MA DE NYID, KUN BTAGS PA'I MTSAN NYID DER MA GYUR CING, NGO BO NYID DE KHO NAS NGO BO NYID MA MCHIS PA NYID, CHOS LA BDAG MA MCIS PA, DE BZHIN NYID RNAM PAR DAG PA'I DMIGS PA GANG LAGS PA DE NI YONGS SU GRUB PA'I MTSAN NYID LAGS TE, ZHES GSUNGS SO, DE RNAMS KYI DON PHYOGS GCIG TU BSHAD NA, NGO BO NYID GSUM YOD DE, KUN BTAGS PA'I NGO BO NYID, GZHAN GYI DBANG GI NGO BO NYID, YONGS SU GRUB PA'I NGO BO NYID GSUM LA BYED PA'I PHYIR, NGO BO NYID MED PA GSUM YOD DE, MTSAN NYID NGO BO NYID MED PA, SKYE BA NGO BO NYID MED PA, DON DAM PA NGO BO NYID MED PA GSUM LA BYED PA'I PHYIR, DE YANG RANG 'DZIN RTOG PAS BTAGS TZAM KUN BTAGS KYI MTSAN NYID, DBYE NA MTSAN NYID YONGS SU CHAD PA'I KUN BTAGS DANG, RNAM GRANGS PA'I KUN BTAGS GNYIS, DANG PO NI, GZUGS GZUGS 'DZIN RTOG PA'I ZHEN GZHIR RANG GI MTSAN NYID KYIS GRUB PA LTA BU DANG, GNYIS PA NI, GZUGS GZUGS 'DZIN RTOG PA'I ZHEN GZHI YIN PA LTA BU'O, ,YANG DE LA DBYE NA, NGO BO LA KUN BTAGS PA'I KUN BTAGS DANG, KHYAD PAR LA KUN BTAGS PA'I KUN BTAGS GNYIS, MTSAN GZHI NI, GZHI LA SBYAR NA, GZUGS GZUGS ZHES PA'I SGRA 'JUG PA'I 'JUG GZHI YIN PA DE, GZUGS KYI NGO BO LA KUN BTAGS PA'I KUN BTAGS DANG, GZUGS KYI SKYE BA GZUGS KYI SKYE BA ZHES PA'I SGRA 'JUG PA'I 'JUG GZHI YIN PA DE, GZUGS KYI KHYAD BAR LA KUN BTAGS PA'I KUN BTAGS YIN PA BZHIN DU GZHAN LA @023A *, ,YANG SHES PAR BYA'O, ,RANG GI RGYU RKYEN LA BRTEN NAS SKYES PA, RANG NYID GZHAN DBANG YIN PA'I MTSAN NYID, GZHAN DBANG CHOS CAN, KHYAD CHOS GSUM DANG LDAN PA YIN TE, PHYI ROL DON GYIS GZUNG BA MED PAR 'BYUNG BA DANG, RANG BZHIN GYIS YOD PA DANG, DON DAM PAR SGRA RTOG GI SPROS PA KUN GYI YUL MA YIN PA'I RANG BZHIN DU YOD PA'I KHYAD PAR DANG LDAN PA'I PHYIR, ZHES 'CHAD PA LA, SEMS TZAM PA'I LUGS BRNOD PA NA, DBU MA 'JUG PA LAS, PHYI ROL GZUNG BA MED PAR 'BYUNG 'GYUR LA, YOD DANG SPROS KUN YUL MIN RANG BZHIN YOD, ,ZHES GSUNGS PA'I PHYIR, GZHAN DBANG LA DBYE NA, DAG MA DAG GI GZHAN DBANG GNYIS LAS, DANG PO NI, DAG PA'I SNOD KYI 'JIG RTEN LTA BU DANG, GNYIS PA NI, MA DAG PA'I SNOD KYI 'JIG RTEN LTA BU'O, ,GZHAN DBANG DANG 'DUS BYAS, RTEN 'BREL RNAMS DON GCIG, RNAM DAG LAM GYI DMIGS PA MTHAR THUG DE YONGS GRUB KYI MTSAN NYID, DE DANG, STONG NYID, DE BZHIN NYID, YANG DAG MTHA', MTSAN MA MED PA'I DBYINGS, DON DAM BDEN PA, CHOS KYI DBYINGS RNAMS DON GCIG MING GI RNAM GRANGS YIN TE, DBUS MTHA' LAS, STONG PA NYID NI MDOR BSDU NA, DE BZHIN NYID DANG YANG DAG MTHA', ,MTSAN MA MED DANG DON DAM BDEN, CHOS KYI DBYINGS RNAMS RNAM GRANGS SO, ,ZHES GSUNGS PA'I PHYIR, YONGS GRUB LA SGRAS BRJOD RIGS KYI SGO NAS DBYE NA, 'GYUR MED YONGS GRUB DANG, PHYIN CI MA LOG PA'I YONGS GRUB GNYIS YOD DE, DBUS MTHA' LAS, 'GYUR MED PHYIN CI MA LOG PA, ,YONGS SU GRUB PA RNAM PA GNYIS, ,ZHES GSUNGS PA'I PHYIR, DANG PO DANG YONGS GRUB DON GCIG @023B GNYIS PA NI, STONG NYID MNGON SUM DU RTOGS PA'I 'PHAGS PA'I MNYAM BZHAG YE SHES LTA BU'O, ,KHA CIG GZHI GRUB NA, MTSAN NYID GSUM PO GANG RUNG YIN PAS KHYAB ZER NA, MI 'THAD DE, RANG MTSAN DE KUN BTAGS KYANG MA YIN, GZHAN DBANG YANG MA YIN, YONGS GRUB KYANG MA YIN PA'I PHYIR, DANG PO GRUB STE, DE RANG GI MTSAN NYID KYIS GRUB PA'I PHYIR, GNYIS PA GRUB STE, YONGS GRUB KYANG RANG MTSAN YIN PA'I PHYIR TE, SPYI DON RIGS RGYAN LAS, SEMS TZAM PA'I LUGS LA, DNGOS PO YIN NA RANG MTSAN YIN PAS KHYAB KYANG, RANG MTSAN YIN NA, DNGOS PO YIN PAS MA KHYAB STE, GZUGS DANG GZUGS 'DZIN TSAD MAS GZHAN GYIS STONG PA'I STONG NYID DE RANG MTSAN YIN PA'I PHYIR, ZHES GSUNGS PA'I PHYIR, GSUM PA GRUB STE, RANG MTSAN STONG NYID MA YIN PA'I PHYIR RO, ,DE YANG CHOS THAMS CAD KYI STONG DU DGONGS 'GREL LAS GSUNGS PA'I MTSAN NYID GSUM GSUM GYI RNAM BZHAG 'THAD KYANG, NYID KHRI BYAMS ZHUS KYI LE'U LAS GSUNGS PA'I MTSAN NYID GSUM GSUM GYI RNAM BZHAG MI 'THAD DE, RGYU, 'BRAS BU, MTSAN NYID, MTSON BYA SOGS KYI STENG DU DE LTAR MI 'THAD PA'I PHYIR, 'GRES RKANG BRGYA RTZA BRGYAD KYI STENG DU DE LTAR 'THAD DE, GZUGS KYI STENG DU KUN BTAGS KYI GZUGS, RNAM BTAGS KYI GZUGS, CHOS NYID KYI GZUGS GSUM YOD PA BZHIN DU, TSOR BA'I STENG DU KUN BTAGS KYI TSOR BA SOGS GSUM YOD LA, ,PHYI MA RNAMS LA YANG DE LTAR YOD PA'I PHYIR, DE YANG KUN BTAGS KYI GZUGS DANG, GZUGS KYI KUN BTAGS DON GCIG, RNAM BTAGS KYI @024A *, ,GZUGS DANG, GZUGS KYI GZHAN DBANG DON GCIG, CHOS NYID KYI GZUGS DANG, GZUGS KYI CHOS NYID DON GCIG PA BZHIN DU, GZHAN RNAMS KYANG SHES PAR BYA'O, ,CHOS THAMS CAD KYI STONG DU DGONGS 'GREL LAS GSUNGS BA'I MTSAN NYID GSUM GSUM GYI RNAM BZHAG BSHAD PA YIN TE, CHOS THAMS CAD KYI STENG DU KUN BTAGS GZHAN DBANG YONGS GRUB GSUM GSUM GYI RNAM BZHAG 'THAD PA'I PHYIR, ZHIB TU NGAG LAS SHES PAR BYA'O, ` ,BZHI PA DE DAG GI GRUB PA'I DON ZHUS PA LA, MDO 'GOD PA DANG, DE'I DON CUNG ZAD BSHAD PA'O, DANG PO NI, DGONGS 'GREL LAS, BCOM LDAN 'DAS KYI SA DANG POR YUL WA RA nA SER DRANG SRONG SMA BA RI DAGS KYI NAGS SU, NYAN THOS KYI THEG PA LA YANG DAG PAR ZHUGS PA RNAMS LA 'PHAGS PA'I BDEN PA BZHI'I RNAM PA BSTAN PAS, CHOS KYI 'KHOR LO NGO MTSAR RMAD DU BYUNG BA SNGON LHAR GYUR PA'AM MIR GYI PA SUS KYANG MTHUN PAR 'JIG RTEN DU MA BSKOR BA CIG RAB TU BSKOR TE, BCOM LDAN 'DAS KYIS CHOS KYI 'KHOR LO RAB TU BSKOR BA DE YANG BLA NA MCHIS PA, SKABS MCHIS PA, DRANG BA'I DON, RTZOD PA'I GZHI'I GNAS SU GYUR BA LAGS, BCOM LDAN 'DAS KYIS CHOS RNAMS KYI NGO BO NYID NA MCHIS LA NYID LAS BRTZAMS, SKYE BA MA MCHIS PA DANG, 'GAG PA MA MCHIS PA DANG, GZOD MA NAS ZHI BA DANG, RANG BZHIN GYI YONGS SU MYA NGAN LAS 'DAS PA NYID LAS BRTZAMS NAS THEG PA CHEN PO LA YANG DAG PAR ZHUGS PA RNAMS LA STONG BA NYID SMOS PA'I RNAM PAS, NGO MTSAR RMAD DU BYUNG BA'I CHOS KYI 'KHOR LO GNYIS PA SKOR TE, @024B BCOM LDAN 'DAS KYIS CHOS KYI 'KHOR LO BSKOR BA DE YANG BLA NA MCHIS PA, SKABS MCHIS PA, DRANG BA'I DON, RTZOD PA'I GZHI'I GNAS SU GYUR BA LAGS, BCOM LDAN 'DAS KYIS CHOS RNAMS KYI NGO BO NYID MA MCHIS PA NYID LAS BRTZAMS, SKYE BA MA MCHIS PA DANG, 'GAG PA MA MCHIS PA DANG, GZOD MA NAS ZHI BA DANG, RANG BZHIN GYI MYA NGAN LAS 'DAS PA NYID LAS BRTZAMS NAS, THEG PA THAMS CAD LA YANG DAG PA ZHUGS PA RNAMS PA LEGS PAR RNAM PAR PHYE BA DANG LDAN PA, NGO MTSAR RMAD DU BYUNG BA'I CHOS KYI 'KHOR LO GSUM PA BSKOR TE, BCOM LDAN 'DAS KYIS CHOS KYI 'KHOR LO BSKOR BA 'DI NI BLA NA MA MCHIS PA, SKABS MA MCHIS PA, NGES PA'I DON, RTZOD PA'I GZHI'I GNAS SU GYUR PA MA LAGS SO, ,ZHES GSUNGS, GNYIS PA DE'I DON CUNG ZAD BSHAD PA NI, BCOM LDAN 'DAS KYIS DANG POR ZHES PAS 'KHOR LO DANG PO BSKOR BA'I RTEN GYI GANG THAG DANG DUS DE BSTAN, YUL WA RA nA SIR ZHES PAS YUL SPYI DANG DRANG SRONG SMRA BA RI DvAGS KYI NAGS ZHES PAS YUL BYE BRAG PA DE BSTAN, DE YANG DRANG SRONG SMRA BA DANG DRANG SRONG LHUNG BA ZHES PA'I 'GYUR GNYIS YOD PA LAS, DANG PO NI; NAM MKHA' NAS LHA RNAMS KYIS 'DZAM BU'I GLING DU SANGS RGYAS 'BYUNG BA'I SGRA BSGRAGS PA NA, RANG SANGS RGYAS LNGA BRGYAS, DE NI 'DZAM BU'I GLING DU SANGS RGYAS 'BYUNG BAR 'GYUR RO ZHES SMAS NAS 'GRAN ZLA MI 'DOD PAS, MYA NGAN LAS 'DAS PA'I GNAS YIN PAS NA DRANG SRONG SMRA BA ZHES BYA LA, GNYIS PA NI, DE LTA BU'I RANG SANGS RGYAS RNAMS SKU LUS LA RDZU 'PHRUL GYI MI SBAR TE MYA NGAN LAS 'DAS PA'I RING BSREL GYI NANG BU LHUNG BAS DRANG SRONG LHUNG NGO ZHES BSGRAGS PAS NA DRANG SRONG LHUNG BA ZHES BYA ZHING, RGYAL BO TSANG @025A *, ,GYIN GYIS RI 'DI LA GNAS PA'I RI DvAGS RNAMS BSAD PAR MI BYA'O ZHES KHRIMS BCAS TE RI DvAGS RNAMS LA MI 'JIGS PA SPYIN PAS, PHYOGS GZHAN NAS KYANG RI DvAGS MANG PO 'DUS PAS NA RI DvAGS KYI NAGS ZHES BYA'O, DE YANG MDO TSAN DANG POS 'KHOR LO DANG PO KHYAD PAR BRGYAD KYI SGO NAS DRANG DON GYI MDOR BSTAN, BCOM LDAN 'DAS KYIS CHOS RNAMS KYI ZHES PA NAS RTZOD PA'I GZHI'I GNAS SU GYUR BA LAGS KYI ZHES PA'I BAR GYIS 'KHOR LO GNYIS PA KHYAD PAR BDUN GYIS DRANG DON GYI MDOR BSTAN, BCOM LDAN 'DAS KYIS ZHES PA NAS, RTZOD PA'I GZHI'I GNAS SU GYUR PA MA LAGS SO, ,ZHES PA'I BAR GYIS 'KHOR LO GSUM PA KHYAD PAR BDUN GYIS NGES DON GYI MDOR BSTAN, DE RNAMS KYI NANG NAS BCOM LDAN 'DAS KYIS DANG POR ZHES PA NAS RTZOD PA'I GZHI'I GNAS SU GYUR PA MA LAGS ZHES PA'I BAR GYIS 'KHOR LO DANG PO KHYAD PAR BRGYAD KYIS DRANG DON GYI MDOR BSTAN NA, BSTAN TSUL DE JI LTA BU SNYAM NA, DE YANG BCOM LDAN 'DAS KYIS DANG POR ZHES PA NAS, RI DvAGS KYI NAGS SU ZHES PA'I BAR GYIS 'KHOR LO DANG PO BSKOR BA'I GNAS DANG, NYAN THOS KYI THEG PA LA YANG DAG PAR ZHUGS PA ZHES PAS, DE'I CHED DU BYA BA'I GDUL BYA DE BSTAN, 'PHAGS PA'I ZHES PA NAS BSKOR TE ZHES PA'I BAR GYIS 'KHOR LO DANG PO'I NGO BO DE BSTAN, 'PHAGS PA'I BDEN PA BZHI'I RNAM PA BSTAN PAS, ZHES PAS BRJOD BYA GANG LAS BRTZAMS NAS GSUNGS PA DE BSTAN, NGO MTSAR RMAD DU BYUNG BA ZHES SOGS KYIS DE'I BSNGAGS PA DE BSTAN, DE YANG BLA NA MCHIS PA, ZHES PAS 'DI'I GONG @025B NA NGES DON GYI MDO GZHAN YOD PAR BSTAN, SKABS MCHIS PA, ZHES PAS 'DI'I DON JI LTAR BSTAN PA LTAR SGRA JI BZHIN PAR KHAS BLANGS PA LA RGOL BA GZHAN GYI SKYON GYI SKABS MCHIS PA DE BSTAN, DRANG BA'I DON ZHES PAS 'DI'I SGRA JI BZHIN PA'I DON GZHAN DU DRANG DGOS PA DE BSTAN, RTZOD PA'I GZHI'I GNAS SU GYUR PA ZHES PAS, 'DI'I DON 'DI LTAR YIN ZHES STON PAS GSAL POR MA PHYE PAS DON LA MI MTHUN PA'I RTZOD PA YOD PA DE BSTAN PA YIN TE, DE SKAD DU YANG, DRANG NGES RNAM 'BYED LAS, DANG PO NI, BLA NA STE 'DI'I GONG NA NGES DON GZHAN YOD PA'O, GNYIS PA NI, 'DI'I DON JI LTAR BSTAN PA LTAR KHAS BLANGS PA LA RGOL BA GZHAN GYI SKYON GYI SKABS MCHIS PA'O, ,ZHES DANG, GSUM PA NI, 'DI'I DON GZHAN DU DRANG DGOS PA'O, ,BZHI PA NI, DON 'DI LTAR YIN STON PAS GSAL BOR MA PHYE BAS DON LA MI MTHUN PAR RTZOD PA'O, ,ZHES GSUNGS PA'I PHYIR, MDO TSAN GNYIS PAS 'KHOR LO GNYIS PA KHYAD PAR 'DUN GYIS DRANG DON GYI MDOR BSTAN TSUL NI, BCOM LDAN 'DAS KYIS CHOS RNAMS KYI ZHES PA NAS, BRTZAMS NAS ZHES PA'I BAR GYIS BRJOD BYA GANG LAS BRTZAMS PA DE BSTAN, THEG PA ZHES SOGS KYIS, CHED DU BYA BA'I GDUL BYA DE BSTAN, DE YANG ZHES SOGS KYI DON 'KHOR LO DANG PO'I SKABS DANG 'DRA, DE RNAMS KYI NANG NAS STONG PA NYID SMOS PA'I RNAM PAS, ZHES PA'I DON GANG YIN ZHE NA, 'DI LA RGYA NAG 'GREL CHEN LAS MI MNGON PA'I RNAM PAS ZHES 'BYUNG LA, DE YANG 'GYUR SNGA MA LAS 'GYUR PHYI MA 'DI LEGS PA YIN TE, 'DI'I DON 'KHOR LO PHYI MA @026A *, ,GNYIS BRJOD BYA NGO BO NYID MED PA LAS BRTZAMS NAS STON PAR 'DRA BA YIN PA LA STON TSUL GYI KHYAD PAR NI, 'KHOR LO BAR PAS NGO BO NYID YOD MED SNGAR BSHAD PA LTAR MA PHYE BAS MI MNGON PA'I RNAM PAS ZHES BYA LA, 'KHOR LO THA MAS NGO BO NYID YOD MED SNGAR BSHAD PA LTAR LEGS PAR PHYE BAS LEGS PAR RNAM PAR PHYE BA'I 'KHOR LO ZHES BYA BA YIN PA'I PHYIR, DE SKAD DU YANG, LEGS BSHAD SNYING PO LAS, RGYA NAG GI 'GREL CHEN LAS, MI MNGON PA'I RNAM PAS ZHES 'BYUNG LA, DE'I DON YOD PA 'KHYUD PA LA BSHAD DE, 'GYUR NI DE LEGS LA, DON NI 'KHOR LO PHYI MA GNYIS BRJOD BYA NGO BO NYID MED PA LAS BRTZAMS NAS STON PAR 'DRA BA LA, STON TSUL GYI KHYAD PAR NI, BAR BAS NGO BO NYID YOD MED SNGAR LTAR MA PHYE BAS MI MNGON PA'I RNAM PAS ZHES BYA LA, THA MAS PHYE BAS LEGS PAR RNAM PAR PHYE PA ZHES BYA'O, ZHES GSUNGS PA'I PHYIR; DRANG NGES RNAM 'BYED LAS DE'I DON YOD PA 'KHYUD PA LA BSHAD DO, ,ZHES GSUNGS PA'I DON NI, 'KHOR LO BAR PA'I BRJOD BYA LA NGO BO NYID GSUM LA RANG GI MTSAN NYID KYIS GRUB PA GRUB KYI KHYAD PAR PHYE NAS BSTAN PA YOD KYANG, YOD PA 'KHYAD PA STE DE 'DRA'I RNAM BZHAG GSAL BAR MA PHYE BAS SBAS PA'I TSUL GYIS BSTAN PA YIN TE, 'KHOR LO BAR PAS NGO BO NYID GSUM GYI RNAM BZHAG BSTAN PA GANG ZHIG DE 'DRA'I RNAM BZHAG SGRAS ZIN LAM BSTAN PA'I PHYIR, MDO TSAN GSUM PAS 'KHOR LO THA MA KHYAD PAR BDUN GYIS NGES DON GYI MDOR BSTAN TSUL NI, BCOM LDAN 'DAS KYIS ZHES PA NAS BRTZAMS, ZHES PA'I BAR GYI DON NI @026B 'KHOR LO BAR BA DANG 'DRA LA, THEG PA THAMS CAD YANG DAG PAR ZHUGS PA ZHES PAS CHED DU BYA BA'I GDUL BYA DE BSTAN, LEGS PAR RNAM PAR PHYE BA, ZHES PA NAS, BSKOR TE ZHES PA'I BAR GYIS 'KHOR LO THA MA'I NGO BO BRJOD BYA STON TSUL GYI KHYAD PAR CHE BRJOD RNAMS BSTAN, CHOS KYI 'KHOR LO BSKOR BA 'DI NI ZHES PA NAS, RTZOD PA'I GNAS SU GYUR PA MA LAGS SO, ,ZHES BA'I BAR GYIS SNGAR GONG DU BLA NA MCHIS PA SOGS LAS BZLOG STE NGES DON GYI MDOR BSTAN, DE RNAMS KYI NANG NAS 'KHOR LO THA MA'I CHED DU BYA BA'I GDUL BYA LA, THEG PA THAMS CAD LA YANG DAG PAR ZHUGS PA ZHES BRJOD PA'I RGYU MTSAN YOD DE, DE LA THEG CHEN GYI RIGS CAN DANG, THEG DMAN GYI RIGS CAN GNYIS KA YOD PAS DE LTAR BRJOD PA'I PHYIR, 'KHOR LO THA MA'I CHED DU BYA BA'I GDUL BYA LA THEG PA CHE CHUNG GI RIGS CAN GNYIS KA YOD DE, DE LA THEG DMAN LA ZHUGS PA'I THEG DMAN GYI RIGS CAN DANG, THEG CHEN LA ZHUGS PA'I THEG CHEN GYI RIGS CAN GNYIS KA YOD PA'I PHYIR TE, 'KHOR LO DANG PO THEG DMAN THUN MONG MA YIN PA'I MDO YIN PAS, DE'I CHED DU BYA BA'I GDUL BYA THEG DMAN GYI RIGS CAN KHO NAR NGES PA DANG, 'KHOR LO BAR BA NI THEG CHEN THUN MONG MA YIN PA'I MDO YIN PAS, DE'I CHED DU BYA BA'I GDUL BYA THEG CHEN GYI RIGS CAN KHO NAR NGES PAS 'KHOR LO DANG PO GNYIS THEG PA CHE CHUNG SO SO BA'I DBANG DU BYAS PA YIN LA, 'KHOR LO THA MA NI RANG GI CHED DU BYA BA'I GDUL BYA THEG DMAN GYI RIGS CAN DANG, THEG CHEN GYI RIGS CAN GNYIS KA YOD PA'I DBANG DU BYAS NAS GSUNGS PA'I PHYIR TE, LEGS BSHAD SNYING PO LAS, GDUL BYA NI THEG PA @027A *, ,THAMS CAD LA YANG DAG PAR ZHUGS PA STE, SNGA MA GNYIS NI THEG PA CHE CHUNG SO SO BA YIN LA, 'DI NI GNYIS KA'I DBANG DU BYAS PA'O, ZHES GSUNGS PA'I PHYIR, 'KHOR LO THA MA'I CHED DU BYA BA'I GDUL BYA RANG RGYAL GYI RIGS CAN YANG YOD DE, DKA' 'GREL BSTAN PA'I SGRON ME LAS, STON PAS DUS GSUM PAR GNAS YANGS PA CAN DU, CHED DU BYA BA'I GDUL BYA RIGS CAN GSUM KA RJES SU BZUNG BA'I CHED DU, BRJOD BYA NGO BO NYID MED PA SOGS LAS BRTZAMS NAS, KUN BTAGS, GZHAN DBANG, YONGS GRUB GSUM LA BDEN PAR GRUB MA GRUB KYI KHYAD PAR LEGS PAR PHYE BA'I MDO SDE DGONGS 'GREL DANG, DE BZHIN DU PHYE BA'I MDO SDE RNAMS GSUM PA LEGS PAR PHYE BA'I CHOS 'KHOR YIN NO, ,ZHES PA DANG, RJE DON YOD MKHAS GRUB PAS BKA' 'GYUR PAR BYANG LAS, DE BZHIN YANGS PA CAN GYI GRONG KHYER DU, ,'KHOR YANG THEG PA GNYIS KA TSANG BA LA, ,MTSAN NYID GSUM GYI DBYE BA PHYE NAS SU, ,LEGS PAR RNAM PAR PHYE BA'I CHOS 'KHOR BSKOR, ,ZHES GSUNGS PA'I PHYIR, KHO NA RE, 'KHOR LO THA MA'I CHED DU BYA BA'I GDUL BYA RANG RGYAL YOD NA, SNGAGS RIM CHEN MO LAS, RANG SANGS RGYAS NI GRUB MTHA' SMRA BA BZHI BO GANG GI YANG NANG DU MI GTOGS PA'I PHYIR RO, ,ZHES GSUNGS PA'I DON GANG YIN SNYAM NA, YOD DE, GRUB MTHA' SMRA BA'I GANG ZAG TU GYUR BA'I RANG RGYAL YOD KYANG DE 'DRA'I GANG ZAG TU GYUR BA'I RANG RGYAL DGRA BCOM PA DANG, SRID PA THA MA'I RANG RGYAL GANG RUNG MED PA DE, DE'I DON YIN PA'I PHYIR, GRUB DON GYI MDO TSAN DANG PO'I SKABS SU NYAN THOS KYI THEG PA LA YANG DAG PAR ZHUGS PA @027B ZHES DANG, GNYIS PA'I SKABS SU THEG PA CHEN PO LA YANG DAG PAR ZHUGS PA, ZHES DANG, GSUM PA'I SKABS SU, THEG PA THAMS CAD LA YANG DAG PAR ZHUGS PA, ZHES PA'I THEG PA NI, KHA CIG THEG PA LA SGRAS BRJOD RIGS KYI SGO NAS DBYE NA, BRJOD BYED TSIG GI THEG PA DANG, BRJOD BYA DON GYI THEG PA GNYIS YOD PA'I BRJOD BYED TSIG GI THEG PA LA BYED PAR 'DOD KYANG, RANG LUGS NI BRJOD BYA DON GYI THEG PA LA BYED PA YIN NO, ,DES NA 'KHOR LO BAR PA'I CHED DU BYA BA'I GDUL BYA THEG CHEN GYI RIGS CAN DANG, THA MA'I CHED DU BYA BA'I GDUL BYA THEG CHEN GYI RIGS CAN GNYIS PO LA DBANG PO RNO RTUL GYI KHYAD PAR YOD DE, BAR PA'I CHED DU BYA BA'I GDUL BYA THEG CHEN GYI RIGS CAN DES 'KHOR LO BAR PA'I DGONGS PA MDO SDE GZHAN GYIS BKRAL BA LA LTOS MI DGOS PAR 'KHOR LO BAR BA'I DGONGS PA RDZOGS PAR RTOGS NUS LA, THA MA'I CHED DU BYA BA'I GDUL BYA DES DE LTAR RTOGS MI NAS PA'I PHYIR TE, RNAM BSHAD SNYING PO RGYAN LAS, DE'I CHED DU BYA BA'I GDUL BYA NI MDO SDE GZHAN GYIS DGONGS PA BKRAL BA LA LTOS MI DGOS BAR, DGONGS PA RDZOGS PAR RTOGS SHING, SGRA JI BZHIN PAR MI 'JON TO, ,MDO SDE DGONGS 'GREL LTA BUS DE'I DGONGS PA GSAL BAR GYI NAS STON DGOS PA'I RIGS CAN RNAMS NI THEG PA CHEN PO'I RIGS CAN YIN YANG SNGA MA LAS DBANG PO DMAN PA YIN LA, ZHES GSUNGS PA'I PHYIR, 'O NA, GRUB DON GYI MDO TSAN RNAMS KYIS 'KHOR LO GSUM GYI NGO BO BSTAN NA, 'KHOR LO GSUM GYI NGO BO DE JI LTA BU ZHE NA, BSHAD DU YOD DE, PAn CHEN BDE LEGS NYI MA'I SPYI DON LAS, DE YANG @028A *, ,BDEN BZHI DNGOS KYI BSTAN BYA'I GTZO BOR BYAS NAS STON PA'I THEG DMAN THUN MONG MA YIN PA'I MDO, 'KHOR LO DANG PO'I MTSAN NYID, MTSAN GZHI NI, MAR ME'I MDO DANG, CHOS KYI 'KHOR LO'I MDO LTA BU'O, ,KUN BTAGS RANG GI MTSAN NYID KYIS MA GRUB CING, NGO BO NYID GZHAN GNYIS RANG GI MTSAN NYID KYIS GRUB PA'I KHYAD PAR PHYE NAS STON PA RANG GI BSTAN DON LA YOD KYANG, DE 'DRA'I RNAM BZHAG SGRAS ZIN LA MI STON PA'I THEG CHEN THUN MONG MA YIN PA'I MDO DE, 'KHOR LO BAR PA'I MTSAN NYID, MTSAN GZHI NI, YUM RGYAS 'BRING BSDUS GSUM LTA BU'O, ,KUN BTAGS RANG GI MTSAN NYID KYIS MA GRUB CING, NGO BO NYID GZHAN GNYIS RANG GI MTSAN NYID KYIS GRUB PA'I KHYAD PAR GSAL BAR PHYE NAS DNGOS KYI BSTAN BYA'I GTZO BOR BYAS NAS STON PA'I THEG PA THUN MONG BA'I MDO DE, 'KHOR LO THA MA'I MTSAN NYID, MTSAN GZHI NI, DON DAM YANG DAG 'PHAGS ZHUS LE'U LTA BU'O, ,ZHES GSUNGS PA'I PHYIR, DES NA 'KHOR LO GSUM GYI KHYAD PAR NI, DUS SNGA PHYI'I RIM PA DANG, STON PA'I SKU TSE'I STOD SMAD LA GSUNGS PA'I SGO NAS 'JOG PAR BOD SNGA RABS PA RNAMS KYIS BZHED KYANG, RANG LUGS LA DE LTAR MI 'JOG PAR BRJOD BYA'I NGOS NAS 'JOG PA YIN LA, BRJOD BYA DE YANG GANG YANG RUNG BA MA YIN PAR BRJOD BYA BDAG MED PHRA RAG GNYIS STON TSUL GYI SGO NAS 'JOG PA YIN TE, DRANG NGES RNAM 'BYED LAS, DGONGS 'GREL LAS 'KHOR LO RIM PA GSUM GSUNGS PA NI, 'KHOR GYI 'DU THEBS DANG STON PA'I SKU TSE'I TSIGS LA SOGS PA'I SGO NAS MIN GYI, BRJOD BYA'I NGOS NAS YIN LA, @028B DE YANG BDAG MED PA'I DON GTAN LA 'BEBS PA'I DBANG DU BYAS PA STE, ZHES GSUNGS PA'I PHYIR, MDO SDE DGONGS 'GREL 'KHOR LO THA MA'I MTSAN GZHI YIN KYANG, MDO SDE DGONGS 'GREL RIL PO 'KHOR LO THA MA'I MTSAN GZHIR 'DZIN PA MI 'THAD DE, MDO DER DON ZAB DGONGS PA NGES 'GREL LA SOGS PA'I 'PHAGS PA BCUS, STON PA LA DRI BA ZHUS PA'I LE'U BCU YOD CING, DE RNAMS KYI NANG NAS DON DAM YANG DAG 'PHAGS ZHUS KYI LE'U DE NYID 'KHOR LO THA MA'I MTSAN GZHI YIN GYI, LE'U GZHAN RNAMS DE'I MTSAN GZHI MA YIN PA'I PHYIR, DON DAM YANG DAG 'PHAGS ZHUS KYI LE'US, KUN BTAGS RANG GI MTSAN NYID KYIS MA GRUB CING, NGO BO NYID GZHAN GNYIS RANG GI MTSAN NYID KYIS GRUB PA'I KHYAD PAR GSAL BAR PHYE NAS TSIG ZIN LA BSTAN LA, LE'U GZHAN DGUS DE LTAR MA BSTAN PA'I PHYIR, DE SKAD DU YANG, RNAM BSHAD SNYING PO RGYAN LAS, 'DI NI BLA NA MA MCHIS PA ZHES NYE TSIG SMOS PA'I MTSAN GZHIR MDO SDE DGONGS 'GREL RIL BOR 'DZIN PA MI 'THAD DE, DER SA BCU'I DBANG PHYUG GI BYANG CHUB SEMS DPA' BCUS, STON PA LA DRI BA MI 'DRA BA RE RE MDZAD PA'I DRIS LAN GZHAN RNAMS 'DI'I MTSAN GZHIR 'BREL MED PA'I PHYIR, ZHES GSUNGS PA'I PHYIR, GNYIS PA DE'I DON JI LTAR BKRAL BA'I TSUL LA, SLOB DPON THOGS MED KYIS GTZO BOR DGONGS 'GREL LA BRTEN TSUL DANG, DE LA BRTEN NAS DE KHO NA NYID JI LTAR GTAN LA PHAB PA'I TSUL LO, ,DANG PO NI, SEMS TZAM PA RNAMS KYIS GSUNG RAB KYI DRANG NGES 'BYED PA DANG, DE KHO NA NYID KYI DON GTAN LA 'BEBS PA RNAMS GTZO BOR DGONGS 'GREL LA BRTEN @029A *, ,NAS MDZAD PA YIN TE, THOGS MED SKU MCHED KYIS SA SDE SOGS SU GSUNG RAB KYI DRANG NGES 'BYED TSUL LA DGONGS 'GREL JI LTA BA BZHIN DU MDZAD PA YIN TE, STONG THUN SKAL BZANG MIG 'BYED LAS, THOGS ME SKU MCHED KYIS KYANG SA SDE, THEG BSDUS, KUN LAS BTUS, RNAM BSHAD RIG PA, NYI SHU PA, SUM CU PA, DE DAG GI 'GREL BA DANG BCAS PA RNAMS SU DGONGS PA NGES 'GREL JI LTA BA BZHIN DU 'KHOR LO BAR PA DANG, DANG PO DRANG DON DANG, THA MA NGES DON DU 'GREL BA'I LUGS GSAL BAR MDZAD LA, ZHES GSUNGS PA'I PHYIR, 'O NA, DRANG DON GYI MDO DANG NGES DON GYI MDO'I MTSAN NYID JI LTA BU ZHE NA, YOD DE, SPYI DON DE NYID LAS RANG GI BSTAN DON SGRA JI BZHIN DU KHAS BLANG DU RUNG BA'I MDO NGES DON GYI MDO'I MTSAN NYID, MTSAN GZHI NI 'KHOR LO THA MA LTA BU'O, ,RANG GI BSTAN DON DE LTAR DU KHAS LEN DU MI RUNG BA'I MDO DRANG DON GYI MDO'I MTSAN NYID, MTSAN GZHI NI, YUM RGYAS 'BRING BSDUS GSUM LTA BU'O, ,ZHES GSUNGS PA'I PHYIR, GNYIS PA LA, MTHA' GNYIS SPONG TSUL SPYIR BSTAN PA, SGRO 'DOGS KYI MTHA' BYE BRAG TU DGAG PA, DES GSUNG RAB KYI DRANG NGES 'BYED PA'I TSUL LO, ,DANG PO LA GSUM, BYANG SA NAS BSHAD PA'I TSUL DANG, BSDU BA NAS BSHAD PA'I TSUL DANG, DE DAG LAS GZHAN PA'I GZHUNG NAS BSHAD TSUL LO, ,DANG PO LA GNYIS, SGRO SKAR DU LTA BA'I TSUL DANG, DE GNYIS 'GOG PA'I TSUL LO, ,DANG PO NI, BYANG SA LAS, JI LTAR YOD CE NA, YOD PA MIN PA LA SGRO BTAGS PA'I LEGS PAR MA ZIN PA SPANGS BA DANG, YANG DAG PA LA SKUR BA BTAB PA'I LEGS PAR MA ZIN @029B PA SPANGS PA YOD DE, ZHES SGRO 'DOGS DANG SKUR 'DEBS GNYIS MDOR BSTAN NAS, DE GNYIS RGYAS PAR 'CHAD PA LA, DE NYID LAS, GZUGS LA SOGS PA'I CHOS RNAMS DANG, GZUGS LA SOGS PA'I DNGOS PO LA 'DOGS PA'I TSIG GI NGO BO NYID KYIS RANG GI MTSAN NYID KYIS YOD PA MIN PA LA SGRO BTAGS NAS MNGON PAR ZHEN PA GANG YIN PA DANG, BTAGS PA'I TSIG GI MTSAN MA'I GZHI, BTAGS PA'I TSIG GI MTSAN MA'I RTEN DU GYUR BA, BRJOD DU MED PA'I BDAG NYID KYIS DON DAM PAR YOD PA, YANG DAG PA'I DNGOS PO LA THAMS CAD KYI THAMS CAD DU MED DO ZHES SKUR BA 'DEBS LA SHING CHUNG GZON PAR BYED PA GANG YIN PA 'DI GNYIS NI CHOS 'DUL BA 'DI LAS RAB TU NYAMS PA YIN PAR RIG PAR BYA'O, ,ZHES GSUNGS, DE YANG GZUGS ZHES PA NAS DNGOS PO LA ZHES PA'I BAR GYIS KUN BTAGS 'DOGS PA'I GZHI BSTAN CING, 'DOGS PA'I TSIG GI NGO BO NYID CES PA NI TSIG GIS BTAGS PA'I KUN BTAGS LA BYA MI, 'DOGS BYED KYI TSIG LA MI BYA STE, DRANG NGES RNAM 'BYED LAS, GZUGS ZHES PA NAS DNGOS PO MA ZHES PA'I BAR GIS KUN BTAGS 'DOGS PA'I GZHI BSTAN TE, DE LA 'DOGS PA'I TSIG GI NGO BO NYID CES PA NI, TSIG GIS BTAGS PA'I NGO BO NYID LA BYA YI, 'DOGS BYED KYI TSIG LA MI BYA STE, BSDU BA LA SOGS PA NAS GSAL BAR BSHAD DO, ,ZHES GSUNGS PA'I PHYIR, GNYIS PA DE GNYIS 'GOG PA'I TSUL BSHAD PA LA, KHA CIG ,SKABS 'DI'I DNGOS BSTAN GYI SGRO 'DOGS 'GOG PA'I PHYOGS SNGA SMRA BA BO YIN NA, NYAN THOS SDE PA YIN PAS KHYAB STE, DE YIN NA RANG SDE YIN PAS KHYAB CING, SEMS @030A *, ,TZAM PA YAN CHAD LA 'GOG MI RUNG PA'I PHYIR TE, BYANG SA LAS LUNG GSUM GYI SGO NAS SGRO 'DOGS BSHAD CING, GZHAN SDE LA LUNG DE GSUM 'DREN MI RIGS PA'I PHYIR ZER NA, MA KHYAB, KHO NA RE, KHYAB STE, LEGS BSHAD SNYING PO LAS, 'DI LTAR 'DI 'GOG PA NA BYANG SA LAS LUNG GIS KYANG BKAG GCING, GZHAN SDE LA RANG GI STON PA'I LUNG GIS 'GOG TU MI RUNG BAS, DGAG PA'I YUL LA RANG SDE YANG YOD LA, NGO BO NYID MED PAR SMRA BA DANG, RNAL 'BYOR SPYOD PA'I KHYAD PAR LA 'GOG PA MIN PAS, NYAN THOS SDE PA'O, ,ZHES GSUNGS PA'I PHYIR ZER NA, MA KHYAB STE, BYANG SAR LUNG RIGS GNYIS KYI SGO NAS SGRO 'DOGS BKAG BA LAS; LUNG GIS DGOG YUL LA RANG SDES KHYAB CING, DE YANG SEMS TZAM PA YAN CHAD LA 'GOG PA MI NUS PAS, NYAN THOS SDE BAS KHYAB CES PA'I DON YIN PA'I PHYIR, GZHAN YANG, BYANG SA'I DNGOS BSTAN GYI SGRO 'DOGS 'GOG YUL LA, NYAN THOS SDE PAS MA KHYAB PAR THAL, DE LA GZHAN SDO YOD PA'I PHYIR, DER THAL, DER YOD PAR MA ZAD, DE LA RANG SDE NYAN THOS SDE PA YANG YOD PA'I PHYIR, DGAG PA'I YUL RANG SDE YANG YOD LA ZHES GSUNGS PA'I PHYIR, KHA CIG YONGS GRUB DON DAM PAR MED PAR KHAS LEN PA'I GANG ZAG YIN NA, BYANG SA'I DNGOS BSTAN GYI SKUR 'DEBS 'GOG BA'I PHYOGS SNGA SMRA BA PO YIN PAS KHYAB ZER NA, MDO SDE PA CHOS CAN; DER THAL, DE'I PHYIR, KHYAB PA KHAS, RTAGS GRUB STE, BDEN GRUB LA 'DUS BYAS KYIS KHYAB PA KHAS LEN PA'I GANG ZAG YIN PA'I PHYIR, RTZA BAR 'DOD NA, DE CHOS CAN, THEG CHEN GYI GRUB MTHA' SMRA BA'I GANG ZAG YIN @030B PAR THAL, SKABS 'DI'I DNGOS BSTAN GYI SKUR 'DEBS SMRA BA PO YIN PA'I PHYIR, KHYAB STE, DE YIN NA, CHOS THAMS CAD DON DAM PAR RANG GI MTSAN NYID KYIS MA GRUB BAR SMRA BA'I NGO BO NYID MED PAR SMRA BA YIN DGOS PA'I PHYIR TE; LEGS BSHAD SNYING PO LAS, DE LA 'DIR SKUR 'DEBS 'GOG PA'I PHYOGS SNGA KHAS LEN MKHAN NI, GZHAN SDE RONG DON MED LA, RANG YANG NYAN THOS SDE PA LA MING DANG BRDAS THA SNYAD 'DOGS PA'I GZHI'I GZUGS SOGS KYI DNGOS PO RANG GI MTSAN NYID KYIS MED CES KHAS LEN PA YANG MED DO, DES NA BSDU BA LAS BSHAD PA LTAR THEG PA CHEN PO'I GRUB MTHA' SMRA BA YIN LA, DE YANG CHOS RNAMS RANG GI MTSAN NYID KYIS MA GRUB CES SMRA BA'I NGO BO NYID MED PAR SMRA BA RNAMS SO, ,ZHES GSUNGS PA'I PHYIR, KHO NA RE, BYANG SA'I DNGOS BSTAN GYI SKUR 'DEBS 'GOG YUL GYI GANG ZAG YIN NA, THAL 'GYUR PA YIN DGOS PAR THAL, DE YIN NA, CHOS THAMS CAD RANG GI MTSAN NYID KYIS MA GRUB PAR KHAS LEN PA'I NGO BO NYID MED PAR SMRA BA YIN DGOS PA'I PHYIR TE, DE NYID LAS, DE YANG CHOS RNAMS RANG GI MTSAN NYID KYIS MA GRUB CES SMRA BA'I NGO BO NYID MED PAR SMRA BA RNAMS SO, ZHES GSUNGS PA'I PHYIR ZER NA, MA KHYAB STE, DE 'DRA'I GANG ZAG YIN NA, CHOS THAMS CAD DON DAM PAR RANG GI MTSAN NYID KYIS MA GRUB PAR KHAS LEN PA'I NGO BO NYID MED PAR SMRA BA YIN DGOS PA LUNG DE'I DON YIN PA'I PHYIR; DE LTA MA YIN NA, DBU MA RANG RGYUD PA CHOS CAN, THAL 'GYUR PA YIN PAR THAL, BYANG SA'I DNGOS BSTAN GYI SKUR 'DEBS 'GOG YUL GYI GANG ZAG YIN PA'I PHYIR, KHYAB PA KHAS, MA GRUB NA, DER THAL, GZHAN @031A *, ,DBANG DON DAM PAR MA GRUB PAR KHAS LEN PA'I GANG ZAG YIN PA'I PHYIR, KHYAB STE, GZHAN DBANG DON DAM PAR MA GRUB PAR 'DZIN PA'I BLO DE BYANG SA'I DNGOS BSTAN GYI SKUR 'DEBS YIN PA'I PHYIR; RTAGS 'OG TU SGRUBS, DE YANG KUN BTAGS RANG GI MTSAN NYID KYIS YOD PAR 'DZIN PA'I BLO DE SKABS 'DI'I DNGOS BSTAN GYI SGRO 'DOGS DANG, KUN BTAGS DON DAM DU YOD PAR 'DZIN PA'I BLO DE, SKABS 'DI'I SHUGS BSTAN GYI SGRO 'DOGS YIN TE, KUN BTAGS RANG GIS MTSAN NYID KYIS YOD NA, DE DON DAM PAR YOD DGOS PA SEMS TZAM PA'I GZHUNG GI DGONGS PA YIN PA'I PHYIR, DE LTAR YANG, LEGS BSHAD SNYING PO LAS SKABS 'DIR KUN BTAGS RANG GI MTSAN NYID KYIS YOD PA NA 'DZIN PA LA SGRO 'DOGS SU GSUNGS KYI, DE DON DAM PAR YOD PAR 'DZIN PA TSIG GIS GSAL BAR MA BSTAN KYANG, RANG GI MTSAN NYID KYIS YOD NA, DON DAM PAR YOD PA GZHUNG GI DON YIN PAS, KUN BTAGS DON DAM PAR YOD PA SGRO 'DOGS SU 'GRO BA'I PHYOGS SO, ,ZHES GSUNGS PA'I PHYIR, DE BZHIN DU GZHAN DBANG DON DAM PAR MED PAR 'DZIN PA'I BLO DE SKABS 'DI'I DNGOS BSTAN GYI SKUR 'DEBS DANG, YONGS GRUB DON DAM PAR MED PAR 'DZIN PA'I BLO DE, SKABS 'DI'I SHUGS BSTAN GYI SKUR 'DEBS YIN TE, GZHUNG 'DI'I DNGOS BSTAN GYI GANG LA SKUR BA 'DEBS PA'I YUL DE YIN NA GZHAN DBANG YIN DGOS PA'I PHYIR TE, DE NYID LAS, GZHUNG 'DIS BTAGS PA'I TSIG GIS MTSAN MA'I GZHI DON DAM PAR YOD PA LA MED CES BYA BA'I DNGOS BSTAN GZHAN DBANG YIN @031B MOD KYANG, DE DON DAM PAR MED NA YONGS GRUB KYANG DON DAM DU MED PAR 'GYUR BAS, GNYIS KA LA BSHAD PA LA SKYON MED DE, ZHES GSUNGS PA'I PHYIR, RANG LUGS NI, YOD MTHA', RTAG MTHA', SGRO 'DOGS KYI MTHA' RNAMS DON GCIG, DE RNAMS GANG RUNG YIN NA MED PAS KHYAB, YOD PA'I MTHAR 'DZIN, RTAG PA'I MTHAR 'DZIN, SGRO 'DOGS KYI MTHAR 'DZIN, SGRO 'DOGS RNAMS DON GCIG MED MTHA', CHAD MTHA', SKUR 'DEBS KYI MTHA' RNAMS DON GCIG DE RNAMS GANG RUNG YIN NA MED PAS KHYAB, MED PA'I MTHAR 'DZIN, CHAD PA'I MTHAR 'DZIN, SKUR 'DEBS KYI MTHAR 'DZIN, ,SKUR 'DEBS RNAMS DON GCIG DES NA, RTAG MTHA' DE CHAD MTHA' SOGS MED KYANG, DE DAG LA GNAS PA'I GANG ZAG YOD DE, THAL 'GYUR BA DE DE GNYIS KA LA GNAS PA'I PHYIR TE, DE RTAG MTHA' LA GNAS PA GANG ZHIG CHAD MTHA' LA GNAS PA'I PHYIR, DANG PO GRUB STE, PHYI DON MED PA GANG ZHIG DE PHYI DON YOD PAR KHAS LEN PA'I PHYIR, GONG GI RTAGS GNYIS PA GRUB STE, GZHAN DBANG DON DAM PAR YOD PA GANG ZHIG DES GZHAN DBANG DON DAM PAR MED PAR KHAS LEN PA'I PHYIR, THAL 'GYUR GNYIS KAR KHYAB STE, RTZA BA SHES RAB LAS, YOD CES BYA BA RTAG PAR 'DZIN, ,MED CES BYA BA CHAD PAR LTA, ,DE PHYIR YOD MED GNYIS KA LA, ,MKHAS PAS GNAS PAR MI BYA'O, ,ZHES GSUNGS PA'I PHYIR, KHO NA RE, LAS 'BRAS MED PA CHOS CAN, MED PAR THAL, MED MTHA' YIN PA'I PHYIR ZER NA, SKYON CAN GYI LAN 'DEBS SHING, KHO RANG GIS 'DOD NA, LAS 'BRAS CHOS CAN, KHYOD MED PA YOD PAR THAL, KHYOD @032A *, ,MED PA SRID PA'I PHYIR, DER THAL, KHYOD 'DUS BYAS YIN PA'I PHYIR, KHYAB STE, BYANG CHUB SEMS 'GREL GYI RNAM BSHAD NOR BU'I 'PHRENG BA LAS, KHYOD 'DUS BYAS YIN NA, KHYOD MED PA SRID PAS KHYAB PA NI, 'DUS BYAS SKAD CIG GIS 'JIG PA'I NGANG TSUL CAN YIN PA LAS GRUB BO, ,ZHES GSUNGS PA'I PHYIR, SGRO 'DOGS DANG SKUR 'DEBS 'GAL LAM MI 'GAL ZHE NA, KHA CIG 'GAL ZER BA MI 'THAD DE, SKUR 'DEBS YIN NA SGRO 'DOGS YIN DGOS PA'I PHYIR TE, LAS 'BRAS MED PAR 'DZIN PA'I BLO DE SGRO 'DOGS GANG ZHIG ,GZHAN LA YANG TSUNGS PA'I PHYIR, DANG PO GRUB STE, DE LOG RTOG YIN PA'I PHYIR, DER THAL, DE RTOG PA LOG SHES YIN PA'I PHYIR, KHYAB STE, LOG RTOG DANG RTOG PA LOG SHES DANG SGRO 'DOGS RNAMS DON GCIG YIN PA'I PHYIR TE, SDE BDUN YID KYI MUN SEL LAS, LOG RTOG DANG THE TSOM GNYIS LAS, DANG PO DANG RTOG PA LOG SHES DON GCIG CING, DE'I MTSAN NYID, RANG GI ZHEN STANGS GYI YUL THA SNYAD DU YANG MA GRUB PA'I RTOG PA 'DI DANG SGRO 'DOGS KYANG DON GCIG CES GSUNGS PA'I PHYIR; KHO NA RE, LAS 'BRAS MED PAR 'DZIN PA'I BLO CHOS CAN, KHYOD KYI ZHEN YUL MED PAR THAL, KHYOD LOG SHES YIN PA'I PHYIR, 'DOD NA, DE CHOS CAN, KHYOD KYI ZHEN YUL YOD PAR THAL, LAS 'BRAS MED PA DE, KHYOD KYI ZHEN YUL YIN PA'I PHYIR ZER NA, RTAGS MA GRUB STE, DE 'DRA'I BLO DE, LAS 'BRAS MED PAR 'DZIN PA'I BLO YIN GYI, LAS 'BRAS MED PA 'DZIN PA'I BLO MA YIN PA'I PHYIR, DES NA, @032B LAS 'BRAS MED PAR GRUB PA DE, DE 'DRA'I BLO'I ZHEN YUL YIN CING, DE NYID THA SNYAD DU YANG MED PA YIN NO, ,MED PA LA YOD PAR 'DZIN PA'I BLO SGRO 'DOGS DANG, YOD PA LA MED PAR 'DZIN PA'I BLO SKUR 'DEBS SU 'JOG PA NI MTSON PA TZAM YIN GYI, DE KHO NAR ZAD PA NI MA YIN TE, MA YIN PA LA YIN PAR 'DZIN PA'I BLO SGRO 'DOGS DANG, YIN PA LA MA YIN PAR 'DZIN PA'I BLO SKUR 'DEBS SU 'JOG PA YANG LUNG TSAD MAS GRUB PA'I PHYIR TE, LEGS BSHAD GSER 'PHRENG LAS, DE NYID NI RIGS TE, MED PA DANG, MA YIN PA LA NI DE LAS BZLOG PA SGRO 'DOGS DANG, YOD PA DANG, YIN PA LA DE LAS BZLOG PA SKUR 'DEBS YIN PAS SO, ,ZHES GSUNGS PA'I PHYIR; DES NA, MDO SDE RGYAN, DBUS MTHA' RTZA 'GREL, BSDU BA RNAMS SU DON DAM DANG KUN RDZOG TU YOD CES PA LA, 'JOG TSUL GNYIS GSUNGS TE, THA SNYAD KYI DBANG GIS BZHAG PA TZAM GYI YOD PA DE, 'JOG TSUL DANG PO'I DBANG DU BYAS PA'I KUN RDZOB TU YOD PA'I DON DANG, THA SNYAD KYIS DBANG GIS BZHAG PA TZAM MA YIN PAR RANG GI MTSAN NYID KYIS YOD PA DE, 'JOG TSUL DANG PO'I DBANG DU BYAS PA'I DON DAM DU YOD PA'I DON YIN ZHING; DE YANG DBU MA PA DANG, DNGOS SMRA BA RNAMS DON DAM DANG THA SNYAD DU YOD MED RTZOD PA'I GZHIR GYUR PA LA 'JOG RNAM DAG LAM GYI DMIGS PA MTHAR THUG TU MA GRUB PA'I YOD PA DE, 'JOG TSUL GNYIS PA'I DBANG DU BYAS PA'I KUN RDZOB TU YOD PA'I DON DANG, RNAM DAG LAM GYI DMIGS PA MTHAR THUG TU GRUB PA DE, 'JOG TSUL GNYIS PA'I DBANG DU BYAS PA'I DON DAM DU YOD PA'I DON YIN ZHING, DE YANG BDEN GNYIS @033A *, ,KYI RNAM BZHAG MKHAS PA LA GRAGS PA DE YIN PA'I PHYIR, RTAGS GRUB STE, LEGS BSHAD SNYING PO LAS, 'DI LTAR KUN RDZOB DANG DON DAM PAR YOD PA LA 'JOG TSUL GNYIS YOD DE, DANG PO NI, THA SNYAD KYI DBANG GIS BZHAG PA'I YOD PA LA THA SNYAD DU YOD PA DANG, DE'I DBANG GIS BZHAG PA MA YIN GYI RANG GI MTSAN NYID KYIS YOD PA LA DON DAM PAR YOD PAR BZHAG PA STE, ZHES PA DANG, 'DI NI DBU MA PA DANG, RANG BZHAN GYI SDE PA DNGOS POR SMRA BA RNAMS DON DAM PA DANG, THA SNYAD DU YOD MED RTZOD PA'I GZHIR GYUR PA'O, ,ZHES GSUNGS PHYIR, GNYIS PA GRUB STE, DBUS MTHA'I 'GREL BA LAS, DON DAM PA NI, DE BZHIN NYID DE, YE SHES DAM PA'I DON YIN PA'I PHYIR RO, ,ZHES PA DANG, DE'I THAD KYI LEGS BSHAD SNYING PO LAS, DE NI NGO BO NYID GZHAN GNYIS MED KYI YONGS GRUB GCIG TU YIN PAS DE LTAR GSUNGS TE, ZHES GSUNGS PA'I PHYIR, DE YANG 'JOG TSUL DANG PO'I DBANG DU BYAS PA'I KUN RDZOB TU GRUB PA DANG, KUN RDZOB TU GRUB PA DON GCIG 'JOG TSUL DANG PO'I DBANG DU BYAS PA'I DON DAM DU GRUB PA DANG, DON DAM DU GRUB PA YANG DON GCIG 'JOG TSUL GNYIS PA'I DBANG DU BYAS PA'I KUN RDZOB TU GRUB NA, KUN RDZOB TU GRUB PAS MA KHYAB STE, GZHAN DBANG DE, 'JOG TSUL GNYIS PA'I DBANG DU BYAS PA'I KUN RDZOB TU GRUB KYANG, KUN RDZOB TU MA GRUB PA'I PHYIR, DANG PO GRUB STE, KUN RDZOB BDEN PA YIN PA'I PHYIR, KHYAB STE, 'JOG TSUL GNYIS PA'I DBANG DU BYAS PA'I KUN RDZOB TU GRUB PA DANG, KUN RDZOB BDEN PA DON GCIG DE'I DBANG DU BYAS @033B PA'I DON DAM DU GRUB PA DANG, DON DAM BDEN PA DON GCIG PA'I PHYIR, 'O NA, BSDU BA LAS, RGYU MTSAN KUN RDZOB TU YOD PAR BRJOD PAR BYA'AM, DON DAM DU YOD PAR BRJOD PAR BYA ZHE NA, SMRAS PA, KUN RDZOB TU YOD PAR BRJOD PAR BYA'O, ,RNAM PAR RTOG PA KUN RDZOB TU YOD PAR BRJOD PAR BYA'AM, DON DAM PAR YOD PAR BRJOD PAR BYA ZHE NA, SMRAS PA, KUN RDZOB TU YOD PAR BRJOD PAR BYA'O, ,ZHES GSUNGS PA DANG 'GAL LO ZHE NA, SKYON MED DE, DE NI RGYU MTSAN DANG, RNAM RTOG 'JOG TSUL GNYIS PA'I DBANG DU BYAS PA'I KUN RDZOB TU YOD PA'I DON YIN ZHING, 'JOG TSUL GNYIS PA'I DBANG DU BYAS PA'I KUN RDZOB TU YOD NA, KUN RDZOB TU YOD PAS MA KHYAB PA'I PHYIR, SKABS 'DI'I RGYU MTSAN NI, LEGS BSHAD SNYING PO LAS, RGYU MTSAN NI, MNGON PAR BRJOD PA'I TSIG GI GNAS SU GYUR PA'I DNGOS PO LA BSHAD DO, ,ZHES GSUNGS PA LTAR RO, KUN RDZOB TU GRUB NA, 'JOG TSUL GNYIS PA'I DBANG DU BYAS PA'I KUN RDZOB TU GRUB PAS KHYAB KYANG, DON DAM DU GRUB NA, 'JOG TSUL GNYIS PA'I DBANG DU BYAS PA'I DON DAM DU GRUB PAS MA KHYAB STE, GZHAN DBANG DE DON DAM DU GRUB KYANG, 'JOG TSUL GNYIS PA'I DBANG DU BYAS PAS DON DAM DU MA GRUB PA'I PHYIR TE, DER GRUB NA, YONGS GRUB YIN DGOS PA'I PHYIR, DER NI NGO BO NYID GZHAN GNYIS MED KYI YONGS GRUB GCIG PU YIN LAS DE LTAR GSUNGS TE, ZHES GSUNGS PA'I PHYIR, GZHAN DBANG DANG, YONGS GRUB GNYIS DON DAM PAR GRUB KYANG, DON DAM PAR BRJOD BYED KYI SGRA'I BRJOD BYAR MA GRUB STE, DE GNYIS DON DAM PAR RTOG PA'I @034A *, ,YUL DU MA GRUB PA'I PHYIR, DER THAL, DE RTOG PA LA GSAL BAR MI SNANG BA'I PHYIR TE, RTOG PA DE, RANG YUL GSAL BAR SNANG BA'I RIG PA MA YIN PA'I PHYIR, DER THAL, RANG YUL GSAL BAR SNANG BA'I RIG PA YIN NA, RTOG MED KYI SHES PA YIN DGOS PA'I PHYIR TE, RNAM 'GREL LAS, GNYID LOG PA'AM SAD PA NA, ,GSAL BAR SNANG BA CAN BLO GANG, ,DE NI RTOG MED GNYIS KAR YANG, ,DE LTAR MIN NA RTOG PA YIN, ,ZHES GSUNGS PA'I PHYIR, DON DAM PAR RJOD BYED KYI SGRA'I YUL DU MED NA, DON DAM PAR RTOG PA'I YUL DU MED DGOS TE, SGRA RTOG YUL LA 'JUG TSUL MTSUNGS PA'I PHYIR TE, RNAM 'GREL LAS, CI BRJOD NGANG TSUL CAN SGRA DANG, ,RTOG PA'ANG DE DANG DON GCIG NA, ,ZHES GSUNGS PA'I PHYIR, KHO NA RE, GZUGS CHOS CAN, DON DAM PAR MED PAR THAL, DON DAM PAR BRJOD DU MED PA'I PHYIR, ZER NA, MA KHYAB STE, DON DAM PAR RJOD BYED KYI SGRA'I BRJOD BYAR MED PA'I PHYIR TE, DON DAM PAR RJOD BYED KYI SGRA'I BRJOD BYA MA YIN PA'I PHYIR, MA GRUB NA, GZUGS DE CHOS CAN, PHYI ROL GYI DNGOS PO MA YIN PAR THAL, DON DAM PAR RJOD BYED KYI SGRA'I BRJOD BYA NYID YIN PA'I PHYIR, KHYAB STE, MIG GI DBANG PO SOGS RANG 'BRAS DBANG SHES KYI 'BRAS BU DANG BCAS PA NYID YIN PA'I PHYIR, DE LTAR YANG RNAM 'GREL LAS, BRJOD BYA NYID PHYIR DE DNGOS MIN, DBANG SOGS 'BRAS BCAS NYID PHYIR RO, ,ZHES GSUNGS PA'I PHYIR, DES YANG KHYAB PA YOD DE, RNAM BSHAD THAR LAM GSAL BYED LAS, TSIG RKANG GNYIS PO DE'I DON 'GREL BA NA, @034B GONG GI KHYAB SGRUB DANG BCAS PAS THAL 'GYUR DE 'PHANGS NAS, THAL PA DE 'PHANGS PA NI, DON DAM PAR BRJOD BYED KYI SGRA'I BRJOD BYA MED DE, DE YOD NA, SGRAS BRJOD TZAM GYIS PHYI ROL GSAL BAR SNANG BAR 'GYUR LA, DE LTAR NA DBANG SHES DON MED DU 'GYUR RO, ,ZHES GSUNGS PA'I PHYIR, KHO NA RE, GZHAN DBANG DON DAM PAR YOD PAR BRJOD MI NUS PAR THAL, DE DON DAM PAR SGRAS BRJOD MI NUS PA'I PHYIR ZER NA, MA KHYAB, MA GRUB NA, DER THAL, DE RJOD BYED KYI SGRA'I YUL DU DON DAM PAR MA GRUB PA'I PHYIR TE, DE RTOG PA'I YUL TU DON DAM PAR MA GRUB PA'I PHYIR, KHO NA RE, GZHAN DBANG CHOS CAN, TSAD MA'I YUL DU DON DAM PAR MA GRUB PAR THAL, RTOG PA'I YUL DU DON DAM PAR MA GRUB PA'I PHYIR ZER NA, MA KHYAB BO, SPYIR KUN RDZOB DANG, DON DAM GYI RNAM BZHAG LA, BYE BRAG SMRA BA'I LUGS BSHAD PA, MDO SDE BA'I LUGS BSHAD PA, SEMS TZAM PA'I LUGS BSHAD PA DANG GSUM LAS, DANG PO NI, BCOM PA'AM BLOS RANG GI CHA SHAS SO SOR BSAL PA NA, RANG 'DZIN PA'I BLOS 'DOD PA'I CHOS SU DMIGS PA DE, KUN RDZOB BDEN PA'I MTSAN NYID DANG, DE LTAR MI 'DOR PA'I CHOS SU DMIGS PA DE, DON DAM BDEN PA'I MTSAN NYID YIN TE, MNGON PA MDZOD LAS, GANG LA BCOM DANG BLO YIS GZHAN, ,BSAL NA DE BLO MI 'JUG GI ,BUM CHU BZHIN DU KUN RDZOB TU, ,YOD DE DON DAM YOD GZHAN NO; ;ZHES GSUNGS PA'I PHYIR, MTSAN GZHI NI, BUM PA DANG SNAM BU LTA BU KUN RDZOB BDEN PA DANG, RDUL PHRAN CHA MED DANG, SHES PA SKAD CIG CHA MED DANG, 'DUS MA BYAS KYI NAM MKHA', SO SOR BRTAG @035A *, ,'GOG RNAMS DON DAM BDEN PA'I MTSAN GZHI YIN TE, BUM PA THO BAS BCOM PA NA, BUM 'DZIN GYI BLOS 'DOR BA'I PHYIR DANG, SNAM BU'I SNAL MA SO SOR BSAL BA NA, SNAM BU 'DZIN PA'I BLOS 'DOR PA'I PHYIR, GNYIS PA MDO SDE PA'I LUGS NI, DON DAM PAR DON BYED MI NUS PA'I CHOS DE, KUN RDZOB BDEN PA'I MTSAN NYID, DON DAM PAR DON BYED NUS PA'I CHOS DE, DON DAM BDEN PA'I MTSAN NYID YIN TE, RNAM 'GREL LAS, DON DAM DON BYED NUS PA GANG, ,DE 'DIR DON DAM YOD PA YIN, ,GZHAN NI KUN RDZOB YOD PA STE, ,DE DAG RANG SPYI'I MTSAN NYID BSHAD, ,CES GSUNGS PA'I PHYIR, DE YANG RTOG PA'I SNANG YUL DANG, SPYI MTSAN, DNGOS MED KYI CHOS KUN RDZOB BDEN PA RNAMS YIN KHYAB MNYAM, MNGON SUM GYI SNANG YUL DANG, RANG MTSAN, DNGOS PO, DON DAM BDEN PA RNAMS YIN KHYAB MNYAM DU 'DOD PA YIN TE, MDO SDE PA'I LUGS 'CHAD PA NA, GRUB MTHA' RGYA MTSOR 'JUG PA'I GRUB RDZINGS LAS, RTOG PA'I SNANG YUL LA SPYI MTSAN GYIS KHYAB PA DANG, SPYI MTSAN DANG DNGOS MED KYI CHOS DANG, KUN RDZOB BDEN LA RNAMS YIN KHYAB MNYAM YIN LA, MNGON SUM GYI SNANG YUL LA RANG MTSAN GYIS KHYAB PA DANG, RANG MTSAN DANG, DNGOS PO DANG, DON DAM BDEN PA RNAMS YIN KHYAB MNYAM DU 'DOD DO, ,ZHES GSUNGS PA'I PHYIR, GSUM PA SEMS TZAM PA'I LUGS NI, SO SO'I MTSAN NYID RANG RGYUD PA DANG 'DRA ZHING, KUN RDZOB LA SGRAS BRJOD RIGS KYI SGO NAS DBYE NA, RTAG PA'I KUN RDZOB, SHES PA'I KUN RDZOB, BRJOD PA'I KUN RDZOB DANG GSUM YOD DE @035B DBUS MTHA' LAS, RTAG PA DANG NI SHES PA DANG, ,DE BZHIN BRJOD PA RAGS PA YIN, ,ZHES GSUNGS PA'I PHYIR, DANG PO DANG, RNAM GRANGS PA'I KUN BTAGS DON GCIG ,GNYIS PA DANG GZHAN DBANG DON GCIG GSUM PA DANG YONGS GRUB DON GCIG CING, DE BZHIN NYID LA BRJOD PA'I KUN RDZOB ZHES BRJOD PA'I RGYU MTSAN YOD DE, BRJOD PA DE KUN RDZOB YIN PA, DE BRJOD PA 'JUG PA'I GZHIR YOD PA'I PHYIR, YANG KUN RDZOB LA DBYE NA, YANG DAG KUN RDZOB DANG, LOG PA'I KUN RDZOB GNYIS LAS, RANG GI MTSAN NYID KYIS GRUB PA'I KUN RDZOB DANG PO'I MTSAN NYID, RANG GI MTSAN NYID KYIS MA GRUB PA'I KUN RDZOB GNYIS PA'I MTSAN NYID, MTSAN GZHI NI, GZHAN DBANG RNAMS DANG PO DANG, RNAM GRANGS PA'I KUN BTAGS RNAMS GNYIS PA YIN NO, ,DON DAM LA SGRAS BRJOD RIGS KYI SGO NAS DBYE NA, DON DON DAM, THOB PA DON DAM, SGRUB PA DON MDAM DANG GSUM YOD DE, DBUS MTHA' LAS, DON DANG THOB DANG SGRUB PA NI, ,DON DAM RNAM PA GSUM DU 'DOD, ,CES GSUNGS PA'I PHYIR, DANG PO DANG, DON DAM DON GCIG ,GNYIS PA DANG, 'GOG BDEN DON GCIG GSUM PA DANG LAM BDEN DON GCIG CING, DON DAM BDEN PA DE MTSAN NYID LNGA LDAN YIN TE, MDO SDE RGYAN LAS, YOD MIN MED MIN DE BZHIN MIN GZHAN MIN, ,SKYE DANG 'JIG MED 'BRI BAR MI 'GYUR TE, 'PHEL PA MED CING RNAM PAR DAG PA'ANG MED, ,RNAM PAR DAG 'GYUR DE NI DON DAM MTSAN, ,ZHES GSUNGS PA'I PHYIR, MTSAN NYID LNGA NI, KUN BTAGS DANG GZHAN DBANG GIS YOD PA MA YIN ZHING @036A *, ,YONGS GRUB KYI MED PA MA YIN PA, KUN RDZOB DANG GCIG MA YIN ZHING, NGO BO GZHAN MA YIN PA, SKYE 'JIG MED PA, 'PHEL 'GRIB MED PA, SEMS CAN GYI DUS NA SGRIB PA RNAM PAR MA DAG CING, RANG LA DMIGS TE BSGOMS PAS SGRIB PA DAG PAR 'GYUR BA DANG LNGA'O, ,RDZAS BTAGS KYI KHYAD PAR LA, BYE BRAG SMRA BA'I LUGS, MDO SDE BA'I LUGS, SEMS TZAM PA'I LUGS, NGO BO NYID MED PAR SMRA BA'I LUGS DANG BZHI LAS, DANG PO NI, GRUB MTHA' RGYA MTSOR 'JUG PA'I GRU BRDZINGS LAS, KUN RDZOB BDEN PA DANG, BTAGS YOD DON GCIG PAR 'DOD, DON DAM BDEN PA DANG, RDZAS YOD DON GCIG PAR 'DOD DO, ,ZHES GSUNGS PA LTAR YIN LA, ,GNYIS PA MDO SDE PA'I LUGS NI, DON BYED NUS PA DANG RDZAS YOD DON GCIG DANG, DON BYED MI NUS PA'I CHOS DANG, BTAGS YOD DON GCIG TU 'DOD PA YIN TE, DKA' 'GREL BSTAN PA'I SGRON ME LAS; MDO SDE BAS NI, DON BYED NUS PA RNAMS DON DAM DU YOD PA DANG, RDZAS YOD DU 'DOD, DON BYED MI NUS PA'I CHOS RNAMS KUN RDZOB TU YOD PA DANG, DNGOS PO SOGS MTSON BYA THAMS CAD BTAGS YOD DU 'DOD DO, , ZHES GSUNGS PA'I PHYIR, DE YANG DNGOS PO SOGS MTSON BYA THAMS CAD BTAGS YOD CHOS GSUM TSANG BA'I BTAGS YOD YIN KYANG, DE'I BTAGS YOD LA BTAGS YOD KYIS MI KHYAB BO, ,GSUM PA SEMS TZAM BA'I LUGS BSHAD PA LA, SO SO'I NGO BO DANG, DBYE BA GNYIS LAS, DANG PO NI, TSUGS THUB KYI DNGOS PO DE, RDZAS YOD KYI MTSAN NYID DANG, TSUGS MI THUB PA YIN PA'I CHOS SU DMIGS PA DE, BTAGS YOD @036B KYI MTSAN NYID DU 'JOG, GNYIS PA NI, RDZAS YOD LA SGRAS BRJOD RIGS KYI SGO NAS DBYE NA, RIGS PAS GRUB PA'I RDZAS YOD, BRTAN PA MI 'GYUR BA'I RDZAS YOD, DON BYED NUS PA'I RDZAS YOD, RANG RKYA THUB PA'I RDZAS YOD DANG BZHI YOD CING, SHES BYA YIN TSAD DANG PO DANG, YONGS GRUB DANG, 'DUS MA BYAS KYI NAM MKHA', 'GOG BDEN RNAM PA GNYIS PA YIN, DNGOS PO YIN TSAD GSUM PA DANG, GTZO SEMS THAMS CAD BZHI BAR 'JOG DANG PO GSUM GYI RANG LDOG BTAGS YOD YIN ZHING, PHYI MA LA RDZAS YOD KYIS KHYAB STE, MNGON PA KUN BTUS LAS, GCIG NI RDZAS SU YOD LA, GZHAN NI BTAGS PAR YOD PAR SHES PAR BYA'O, ,ZHES GSUNGS BA'I PHYIR, YANG RDZAS YOD LA DBYE NA, GZUGS DANG SHES PA, LDAN MIN 'DU BYED GSUM LAS, TSUGS THUB KYI GZUGS RUNG DE, RDZAS YOD KYI GZUGS KYI MTSAN NYID, DE LA DBYE NA, KHA DOG GI GZUGS DANG, DBYIBS KYI GZUGS GNYIS YOD, TSUGS THUB KYI GSAL ZHING RIG PA DE, RDZAS YOD KYI SHES PA'I MTSAN NYID, DE LA DBYE NA, SEMS DANG, SEMS BYUNG GNYIS YOD, GSUM PA RDZAS YOD DU GYUR PA'I LDAN MIN 'DU BYED NI RNAM SMIN LTA BU'O, ,BTAGS YOD LA DBYE NA, GZUGS DANG LDAN MIN 'DU BYED, RNAM GRANGS BA'I KUN BTAGS, YONGS GRUB DANG BZHIR YOD, BYAS PA LA, KHO NA RE, YONGS GRUB CHOS CAN, BTAGS YOD MA YIN PAR THAL, RDZAS YOD YIN PA'I PHYIR TE, DON DAM PAR GRUB PA'I PHYIR, ZER NA MA KHYAB, MA GRUB NA, DER THAL, RANG BZHIN GYIS GRUB PA'I PHYIR, KHYAB STE, SKABS 'DIR RANG BZHIN GYIS GRUB PA, RANG GI MTSAN NYIS KYIS GRUB PA, BDEN PAR GRUB PA, DON DAM PAR GRUB BA RNAMS @037A *, ,DON GCIG YIN PA'I PHYIR, YANG BTAGS YOD LA DBYE NA, RANG NYID BZUNG BA CHOS GZHAN BZUNG BA LA LTOS DGOS PA'I BTAGS YOD, GDAGS GZHI GZHAN LA BRTEN NAS BTAGS PA'I BTAGS YOD, RTOG PAS BTAGS TZAM GYI BTAGS YOD DANG GSUM YOD CING, KUN GZHI'I BAG CHAGS LTA BU DANG PO YIN TE, KUN GZHI'I BAG CHAGS BZUNG BA KUN GZHI BZUNG BA LA LTOS DGOS PA'I PHYIR, GANG ZAG LTA BU GNYIS PA YIN TE, DE GDAGS GZHI PHUNG PO LA BRTEN NAS BTAGS DGOS PA'I PHYIR, THAL 'GYUR GNYIS KA LA KHYAB PA YOD DE, BSDU BA LAS, GANG CI YANG RUNG STE, DE LAS GZHAN PA DAG LA MI LTOS SHING, DE LAS GZHAN PA DAG LA MI BRTEN PAR, RANG GI MTSAN NYID LDOG PAR BYED PA DE NI MDOR NA RDZAS SU YOD PA YIN PAR RIG PAR BYA'O, ,GANG CI YANG RUNG STE, DE LAS GZHAN PA DAG LA LTOS SHING, DE LAS GZHAN PA DAG LA BRTEN NAS, RANG GI MTSAN NYID LDOG PAR BYED PA DE NI MDOR NA BTAGS PA'I YOD PA YIN GYI, RDZAS SU YOD PA MA YIN TE; ZHES GSUNGS PA'I PHYIR, RTOG PAS BTAGS TZAM GYI BTAGS YOD DANG, SPYI MTSAN DANG, RNAM GRANGS PA'I KUN BTAGS RNAMS DON GCIG, GANG ZAG BTAGS YOD YIN KYANG, GANG ZAG YIN NA BTAGS YOD YIN PAS MA KHYAB STE, YID KYI RNAM SHES DANG, KUN GZHI'I RNAM SHES GNYIS RDZAS YOD YIN PA'I PHYIR TE, RNAM BSHAD DGONGS PAR RAB GSAL LAS, NYAN RANG GIS GANG ZAG RDZAS YOD DU MED PAR RTOGS PAR 'DOD KYANG, RNAM SHES GNYIS PO RDZAS YOD DU MED PAR RTOGS PA MI 'DOD PAS, ZHES GSUNGS PA'I PHYIR DE BZHIN DU GANG ZAG RANG RKYA THUB PA'I RDZAS YOD DU MA GRUB KYANG, GANG ZAG YIN NA RANG RKYA THUB PA'I RDZAS YOD DU MA GRUB PAS MA KHYAB STE, SNGAR BSHAD PA'I RNAM SHES GNYIS PO DE, RANG RKYA THUB PA'I RDZAS YOD DU GRUB PA'I PHYIR TE, RNAM BSHAD DGONGS PA RAB GSAL LAS, GANG @037B ZAG RANG RKYA THUB PA'I RDZAS SU MED PAR SMRA BA NI, GANG ZAG RANG GI LDOG PA NAS 'DOD PA YIN GYI, GANG ZAG GI MTSAN GZHI RNAM SHES LA DE LTAR 'DOD PA MIN NO, ,ZHES GSUNGS PA'I PHYIR, DE YANG MKHAS GRUB DGE 'DUN BLO BZANG GIS, GTZO SEMS RNAMS RDZAS YOD DANG, SEMS BYUNG THAMS CAD BTAGS YOD DU BSHAD KYANG, KUN BTUS LAS, SEMS BYUNG RDZAS BTAGS GNYIS BSHAD PA DANG, RNAM BSHAD RIG PA LAS, LAS DANG RNAM SMIN YOD LA BYED PA PO NI MI DMIGS SO, ,ZHES LAS DANG RNAM SMIN RDZAS YOD DANG, GANG ZAG BTAGS YOD DU BSHAD DO, ,DES NA, LAS LTA BU SEMS BYUNG YIN KYANG RDZAS YOD YIN BAS SEMS BYUNG LA RDZAS BTAGS GNYIS YOD KYANG; GTZO SEMS YIN NA, RDZAS YOD YIN PAS KHYAB, RDZAS YOD YIN NA, RANG RKYA THUB PA'I RDZAS YOD YIN PAS KHYAB BO, ,ZHES KHAS LEN DGOS PA 'DU STE, BLO GROS DANG LDAN PA RNAMS KYIS DPYAD BAR BYA'O, ,SEMS BYUNG LA RDZAS BTAGS GNYIS YOD DE, SEMS BYUNG LA NGA GCIG YOD PA LAS, KUN 'GRO LNGA DANG, YUL NGES LNGA DANG, GTI MUG MED PA'I SEMS BYUNG, BAG YOD, 'DU BYED BTANG SNYOMS, RNAM PAR MI 'TSE BA MA GTOGS PA'I DGE BA BDUN DANG, NYON MONGS CAN GYI LTA BA MA GTOGS PA'I RDZA NYON LNGA STE, NYI SHU RTZA GNYIS RDZAS YOD DANG, LHAG MA NYER DGU BTAGS YOD YIN PA'I PHYIR TE, SPYI DON RIGS RGYAN LAS, DES NA KUN 'GRO LNGA DANG, YUL NGES LNGA DANG, BAG YOD DANG, BTANG SNYOMS DANG, RNAM PAR MI 'TSE BA MA GTOGS PA'I DGE BA BDUN DANG, LTA BA MA GTOGS PA'I RTZA NYON LNGA STE, NYI SHU RTZA GNYIS NI RDZAS YOD DANG, LHAG MA RNAMS NI BTAGS YOD MIN NO, @038A *, ,ZHES GSUNGS PA'I PHYIR, RANG SDE GRUB MTHA' SMRA BA BZHI KAS, GANG ZAG RANG RKYA THUB PA'I RDZAS YOD DU MA GRUB PAR KHAS LEN KYANG, BYE BRAG SMRA BA'I NANG TSAN SNAL MA BU PA SOGS SDE BA LNGAS, GANG ZAG RANG RKYA THUB PA'I RDZAS YOD DU GRUB PAR KHAS LEN PA YIN TE, DE RNAMS KYIS GANG ZAG RTAG MI RTAG GANG DU YANG BRJOD DU MED PA'I RANG RKYA THUB PA'I RDZAS YOD DU GRUB PAR KHAS LEN PA'I PHYIR, KHO NA RE, DE RNAMS KYIS GANG ZAG GIS BDAG KHAS LEN PAR THAL, RGYUD SDE SPYI RNAM LAS, NYAN THOS SDEB BCO BRGYAD KYI NANG NAS, MANG POS BKUR BA DANG, SNAL BU MA BU MA DANG, BLA MA PA DANG, COS SPAS PA DANG, BZANG PO'I LAM PA RNAMS BRJOD DU MED PA'I GANG ZAG GI BDAG KHAS LEN PA'I PHYIR, KHYAB STE, GANG ZAG GI BDAG DANG, CHOS BDAG GNYIS KA RANG LUGS LA KHAS LEN PA'I NANG BA SANGS RGYAS PA ZHIG MED PA'I PHYIR TE, SDE BDUN YID KYI MUN SEL LAS, GANG ZAG GI BDAG DANG, CHOS BDAG GNYIS KA RANG LUGS LA YOD NGES SU KHAS LEN PA LA, SANGS RGYAS PA'I DRI TZAM YANG LTA BRO RE SGAN, ZHES GSUNGS PA'I PHYIR, GONG DU 'PHRUL MTSAMS BYAS TSUL DE LTA YIN TE, DPER NA, THAL 'GYUR PA'I SKABS SU @038B RANG RGYUD PAS GANG ZAG GI BDAG KHAS MI LEN KYANG, GANG ZAG RANG BZHIN GYIS GRUB PAR KHAS LEN PAS DES GANG ZAG GI BDAG KHAS BLANG BAR SONG ZHES 'PHUL MTSAMS BYED PA BZHIN NO, ,GONG DU MA GRUB NA, DE RNAMS CHOS CAN, KHYOD KYIS CHOS BDAG KHAS LEN PAR THAL, KHYOD KYIS GZHI GRUB NA, CHOS BDAG YIN PAS KHYAB PA KHAS YIN PA'I PHYIR TE, KHYOD NYAN THOS SDE BA YIN PA'I PHYIR, DE RNAMS KYIS GANG ZAG RANG RKYA THUB PA'I RDZAS YOD KYIS STONG BAR RTOGS PA'I NANG PA SANGS RGYAS PA'I LTA BA KHAS ME SEN KYANG, DE RNAMS KYIS NANG PA SANGS RGYAS PA'I LTA BA KHAS LEN TE, DE RNAMS NANG PA SANGS RGYAS PA YIN PA'I PHYIR, DE RNAMS KYIS GANG ZAG RTAG GCIG RANG DBANG CAN DU KHAS MI LEN KYANG, RANG RKYA THUB PA'I RDZAS YOD DU KHAS LEN PA YIN TE, DE RNAMS KYIS GANG ZAG PHUNG PO DANG NGO BO GCIG DANG NGO BO THA DAD GANG RUNG DU MED PAR MA ZAD, RTAG MI RTAG GANG DU YANG BRJOD DU MED PA'I RANG RKYA THUB PA'I RDZAS YOD DU KHAS LEN PA'I PHYIR TE, 'JUG PA LAS, KHA CIG DE NYID GZHAN NYID RTAG MI RTAG, LA SOGS BRJOD MED GANG ZAG RDZAS YOD 'DOD, ,CES DANG, GSER 'PHRENG LAS, NANG GI MU STEGS BDAG KHAS LEN PA SNAL MA BU SOGS NI, RTAG MI RTAG GANG DU YANG BRJOD BRAL DU 'DOD PAS DE LA YANG SKYE 'JIG MI RUNG NGO, ,ZHES GSUNGS PA'I PHYIR, BZHI BA LA, RANG RGYUD PA'I LUGS DANG THAL 'GYUR BA'I LUGS GNYIS LAS, DANG PO NI, PHAL CHER SEMS TZAM PA'I SKABS DANG 'DRA BAS 'DIR MI BRJOD LA, GNYIS PA THAL 'GYUR BA'I LUGS NI, GZHI GRUB NA, BTAGS YOD YIN PAS KHYAB CING, RDZAS YOD KHAS MI LEN TE, @039A *, ,RDZAS SU GRUB PA KHAS MI LEN PA'I PHYIR TE, THAL 'GYUR BAS RDZAS SU GRUB NA BDEN PAR GRUB PAS KHYAB PA KHAS LEN PA'I PHYIR, GNYIS PA BSDU BA NAS BSHAD TSUL 'CHAD PA LA, BSDU BA NAS ZHES PA NAS, BYA DGOS PA'I PHYIR RO, ,ZHES PA'I BAR GSUNGS, DON NI, DBU MA THAL RANG RNAMS NI, CHOS CAMS KUN RDZO BTU YOD CING, DON DAM DU MED DO, ,ZHES ZER RO, ,'O NA, DON DAM GANG YIN, KUN RDZOB GANG YIN ZHES DRIS PAS, CHOS RNAMS BDEN MED DON DAM DANG, BDEN 'DZIN KUN RDZOB YIN ZHES ZER RO, ,DE YANG DON DAM GANG YIN DRIS PA NI, DON DAM BDEN PA GANG YIN DRIS PA YIN GYI, DON DAM DU MED CES PA'I MED PA DRIS SA MA YIN TE, CHOS KYI BDAG MED DU YOD NA, DON DAM DU YOD PAS KHYAB PA DBU MA PAS KHAS MI LEN PA'I PHYIR, GZHAN DU NA, DON DAM GANG YIN DRIS PA'I LAN DU, CHOS KYI BDAG MED DON DAM YIN NO, ,ZHES PA'I LAN DBU MA PAS BDE BAS MI RIGS PA'I PHYIR, KUN RDZOB GANG YIN DRIS PA YANG, KUN RDZOB BDEN PA ZHES PA'I KUN RDZOB DRIS PA YIN GYI, KUN RDZOB TU YOD CES PA'I KUN RDZOB DRIS PA MA YIN TE, BDEN 'DZIN GYI DOR YOD NA; KUN RDZOB TU YOD PAS KHYAB PA DBU MA PAS KHAS MI LEN PA'I PHYIR DANG, KUN RDZOB GANG YIN DRIS PA'I LAN DU, BDEN 'DZIN KUN RDZOB BO, ,ZHES NGO BO NYID MED PAR SMRA BAS LAN BTAB PA'I PHYIR, GSUM PA DE DAG LAS GZHAN PA'I GZHUNG NAS BSHAD TSUL LA, MDO SDE RGYAN LAS BSHAD TSUL DANG, DBUS MTHA' LAS BSHAD TSUL LO, ,DANG PO LA, NGO BO NYID MED PAR STON PA'I MDO DON BSHAD PA, SKYE MED SOGS STON PA'I MDO @039B DON BSHAD PA, SKYE BA MED PA'I CHOS LA BZOD PA'I MDO DON BSHAD PA'O, ,DANG PO NI, MDO SDE RGYAN LAS, RANG DANG RANG GI NGO BO LA, ,MI GNAS PHYIR DANG 'DZIN BZHIN TE, ,MED PHYIR NGO BO NYID MED 'DOD, ,CES GSUNGS, DON NI, RNAM BSHAD BSTAN PA'I SGRON ME LAS, ,'KHOR LO BAR BAR GZUGS MED CES PA'I MDO DE'I BSTAN DON NAM DGONGS GZHI LA BCU GCIG YOD DE, GZUGS GZUGS ZHES PA'I SGRA'I 'JUG GZHIR RANG GI MTSAN NYID KYIS MED PA DANG, GZUGS RKYEN LA LTOS MED DU RANG DBANG DU SKYE BA MED PA DANG, GZUGS KYI CHOS NYID CHOS BDAG GI NGO BOR MED PA DANG GSUM, MA 'ONGS PA'I GZUGS RKYEN LA LTOS MED DU MED PA DANG, GZUGS 'DAS PA SLAR YANG GZUGS SU MED PA DANG, GZUGS DA LTAR BA RANG GRUB DUS KYI DUS GNYIS PAR MED PA DANG, GZUGS GTZANG PA DE RTAG BDAG TU MED PA DANG, GZUGS PHYI ROL DON DU MED PA RNAMS, MDO DE'I BSTAN DON YANG YIN, DGONGS GZHI YANG YIN PA'I PHYIR, DE YANG DGONGS 'GREL LAS DANG PO GSUM DNGOS BSTAN DANG, LHAG MA BRGYAD SHUGS LA BSTAN LA, DE NYID RJE BTZUN GYIS 'DIR DNGOS SU BSTAN NO, ,ZHES DANG, DE NYID LAS, BCU GCIG GI NANG NAS DANG PO DANG, GSUM PA DANG, BCU GCIG PA GSUM NYAN RANG GIS THOS BSAM SGOM GSUM GYI SGO NAS MA RTOGS TE, LUGS 'DI LA NYAM RANG GIS CHOS KYI BDAG MED MA RTOGS PA'I PHYIR, ZHES DANG, MDO LAS, GZUGS MED CES PA'I GZUGS LA, KUN BTAGS PA'I GZUGS, RNAM PAR BTAGS PA'I GZUGS, CHOS NYID KYI GZUGS GSUM @040A *, ,DU PHYE ZHING, MED CES PA LA YANG, MTSAN NYID NGO BO NYID MED PA, SKYE BA NGO BO NYID MED PA, DON DAM PA NGO BO NYID MED PA GSUM DU PHYE NAS, KUN BTAGS PA'I GZUGS MTSAN NYID NGO BO NYID MED RNAM PAR BTAGS PA'I GZUGS SKYE BA NGO BO NYID MED, CHOS NYID KYI GZUGS DON DAM PA NGO BO NYID MED ZHES SBYAR RO, ,ZHES GSUNGS, GNYIS PA NI, SHER PHYIN GYI DMO LAS SKYE MED STON PA SOGS KYI MDO DON LA YANG BCU GCIG YOD DE, GZUGS GZUGS ZHES PA'I SGRA'I 'JUG GZHIR RANG GI MTSAN NYID KYIS SKYE MED NAS, GZUGS PHYI ROL DON DU SKYE BA MED BA'I BAR BCU GCIG PO RE, MDO DE'I BSTAN DON NAM DGONGS GZHI YIN PA'I PHYIR, GSUM PA NI, MDO SDE RGYAN LAS, THOG MA DANG NI DE NYID GZHAN NYID DANG, ,RANG GI MTSAN NYID RANG DANG GZHAN DU 'GYUR, ,KUN NAS NYON MONGS PA DANG KHYAD PAR LA, ,SKYE BA MED PA'I CHOS LA BZOD BAR BSHAD, ,CES PAS STON, DON NI, RNAM BSHAD BSTAN PA'I SGRON ME LAS, MDO LAS, SBYOR LAM BZOD BA DANG, SDUG BSNGAL CHOS BZOD DANG, SA BRGYAD PAR MI SKYE BA'I CHOS LA BZOD LA CHUNG 'BRING CHE GSUM RIM BZHIN THOB PAR BSHAD PA'I MI SKYE BA'I CHOS DE LA BRGYAD YOD DE, 'KHOR BA LA THOG MA'I SKYE BA MED PA DANG, DNGOS PO SNGAR SKYE BA DE NYID SLAR YANG SKYE BA MED PA DANG, SEMS CAN RIGS 'DRA SNGAR MED GSAR DU SKYE BA MED PA DANG, KUN BTAGS RANG GI MTSAN NYID KYIS SKYE BA MED PA DANG, ,GZHAN DBANG RANG GI RKYEN LA LTOS MED DU RANG DBANG @040B DU SKYE BA MED PA DANG, YONGS GRUB LA GZHAN 'GYUR GYI SKYE BA MED PA DANG, DGRA BCOM PA LA NYON MONGS SKYE BA MED PA DANG, SANGS RGYAS KYI CHOS SKU LA SLAR YANG PHUL DU BYUNG BA'I KHYAD PAR SKYE BA MED PA BRGYAD YOD PA'I PHYIR, DE BRGYAD LA DGONGS NAS MDO LAS MI SKYE BA'I CHOS LA BZOD PA THOB CES GSUNGS SO, ZHES GSUNGS, GNYIS PA DBUS MTHA' LAS BSHAD TSUL NI, DBUS MTHA' LAS, YANG DAG MA YIN KUN RTOG YOD, ,DE LA GNYIS PO YOD MA YIN, ,STONG PA NYID NI 'DI LA YOD, ,DE LA YANG NI DE YOD DE, ,STONG PA MA YIN MI STONG MIN, ,DE LTA BAS NA THAMS CAD BSHAD, ,YOD PAS MED PAS YOD PAS NA, ,DE NI DBU MA'I LAM YIN NO, ,ZHES PAS 'CHAD, DON NI, DRANG NGES RNAM 'BYED KYI DKA' 'GREL LAS, ,TSIG DANG POS YANG DAG PA MA YIN PA'I KUN RTOG RANG BZHIN GYIS YOD PAR BSTAN, GNYIS PAS GZUNG 'DZIN RDZAS GZHAN MED PAR BSTAN, GSUM PAS GZUNG 'DZIN RDZAS GZHAN GYIS STONG PA'I STONG NYID YOD PAR BSTAN, BZHI BAS DE @041A *, ,'DRA BA'I STONG NYID LA RANG GI STONG GZHI CHOS CAN DU GYUR BA'I GZHAN DBANG YOD PA DE BSTAN, STONG BA MA YIN MI STONG MIN, ZHES PAS, GZHAN DBANG DANG, YONGS GRUB GNYIS, RANG 'DZIN RTOG PA'I ZHEN GZHIR RANG GI MTSAN NYID KYIS GRUB PAS MI STONG PA MIN, ZHES BSTAN, DE LTA BAS THAMS CAD BSHAD, ZHES PAS, RGYU MTSAN DE LTA BAS NA SHER PHYIN GYI MDOR CHOS THAMS CAD NGO BO NYID MED PAR BSHAD, CES BSTAN, YOD PAS MED PAS YOD PAS NA, ,ZHES PAS GZHAN DBANG RANG BZHIN GYIS YOD, GZHAN DBANG DANG, DE 'DZIN PA'I TSAD MA GNYIS RDZAS GZHAN DU MED, GZHAN DBANG DANG, YONGS GRUB NGO BO GCIG TU YOD CES BSTAN, DE NI DBU MA'I LA MA YIN NO, ,ZHES PAS, YOD MTHA' DANG MED MTHA' GNYIS SPANGS PA'I LAM DE NI DBU MA'I LAM YIN NO, ,ZHES STON NO, ,ZHES GSUNGS, GNYIS PA SGRO 'DOGS KYI MTHA' BYE BRAG TU DGAG PA LA, DGAG BYA SGRO 'DOGS NGOS BZUNG BA DANG, DE JI LTAR 'GOG PA'I TSUL LO, ,DANG PO NI, SPYIR RIGS PA'I DGAG BYA LA GNYIS YOD PA'I, SKUR 'DEBS NI SPANG BYA KUN BTAGS KHO NA YIN YIN TE, GRUB MTHA' KUN BTAGS PA KHO NA YIN PA'I PHYIR TE, DRANG NGES RNAM 'BYED LAS, SKUR 'DEBS NI GRUB MTHA' BZHAG PA KHO NA DANG, DE YANG RANG SDE NGO BO NYID MED PAR SMRA BA'I LUGS SU SNGAR BSHAD PA BZHIN NO, ,SGRO 'DOGS PA NI KUN BTAGS DANG LHAN SKYES GNYIS YOD LA, KUN BTAGS NI, GZHAN SDE DANG, RANG SDE DON SMRA GNYIS KYI LUGS SO, ,ZHES GSUNGS @041B PA'I PHYIR RO, ,SGRO 'DOGS KUN BTAGS LA GNYIS LAS, GRUB MTHA' BLO BSGYUR PA LA BRTEN NAS, GANG ZAG RANG RKYA THUB PA'I RDZAS SU YOD PA 'THAD DO SNYAM DU 'DZIN PA NI, GANG ZAG GI BDAG 'DZIN KUN BTAGS DANG, DE LA BRTEN NAS PHYI DON YOD PA 'THAD DO SNYAM DU 'DZIN PA DANG, DE LA BRTEN NAS, GZUGS DE NGO BO DANG KHYAD PAR DU KUN BTAGS PA LTAR DU RANG GI MTSAN NYID KYIS GRUB PA 'THAD DO SNYAM DU 'DZIN PA NI, CHOS KYI BDAG 'DZIN KUN BTAGS SO, ,LHAN SKYES LA YANG GNYIS LAS, GRUB MTHAS RGYUD BSLAD PA LA LTOS MED DU GANG ZAG RANG RKYA THUB PA'I RDZAS YOD DU 'DZIN PA NI, GANG ZAG GI BDAG 'DZIN LHAN SKYES DANG, DES BA SLAD PA LA LTOS MED DU GZUGS 'DZIN RDZAS GZHAN DU 'DZIN PA DANG, NGO BO DANG KHYAD PAR DU KUN BTAGS PA'I KUN BTAGS RANG GI MTSAN NYID KYIS GRUB PAR 'DZIN PA CHOS KYI BDAG 'DZIN LHAN SKYES SO, ,DE LTAR YANG 'CHAD RIGS TE, LEGS BSHAD GSER 'PHRENG LAS, MTHONG SPANG DANG, SGOM SPANG LA KUN BTAGS DANG LHAN SKYES ZHES PA'I DON NI, PHYI ROL PA'I GRUB MTHAS BLO BSGYUR BA DANG, MA BSGYUR BA LA BYA YI, MNGON GYUR DANG BAG LA NYAL LA MI BYA'O, ,ZHES GSUNGS PA'I PHYIR, GNYIS PA DE JI LTAR 'GOG PA'I TSUL LA, LUNG GIS 'GOG TSUL DANG, RIGS PAS 'GOG TSUL GNYIS, DANG PO NI, BYANG SAR GZUGS GZUGS ZHES PA'I SGRA 'JUG PA'I 'JUG GZHIR RANG GI MTSAN NYID KYIS GRUB PA'I 'GOG PA NA, DGONGS 'GREL GYI LUNG @042A *, ,MA DRANGS PAR, SRID PA 'PHO BA'I MDO LAS, MING NI GANG DANG GANG GIS SU, ,CHOS RNAMS GANG DANG GANG BRJOD PA, ,DE LA DE NI YOD MA YIN, ,'DI NI CHOS RNAMS CHOS NYID DO, ,ZHES PA DANG, DON GYI SDE TSAN GYI MDO LAS, 'JIG RTEN DAG NA KUN RDZOB GANG CI YOD, ,DE KUN THUB PAS ZHAL GYIS MI BZHES TE, ,GZIGS DANG GSAN LA BZHED PA MI MDZAD PAS, ,DE NI ZHAL MI BZHES GANG GIS 'DZIN, ,ZHES DANG, SDUM BYED KA TA'I BU LAS BRTZAMS TE STON PA'I MDO LAS, 'DI NA DGE SLONG SDUM BYED NI, SA LA BRTEN NAS BSAM GTAN MI BYED DO, ,ZHES PA'I LUNG GSUM GYIS 'GOG PA'I RGYU MTSAN YOD DE, LUNG DE GSUM NYAN THOS SDE GNYIS DANG, SEMS TZAM PA GSUM GYI THUN MONG PA'I MDO YIN PAS, DE GSUM KAS SGRA JI BZHIN PAR KHAS LEN RIGS PA'I PHYIR, DGONGS 'GREL GYI LUNG DRANGS NAS MI 'GOG PA'I RGYU MTSAN YOD DE, MDO SDE DGONGS 'GREL DE, SEMS TZAM PA'I THUN MONG MA YIN PA'I MDO YIN PAS, NYAN THOS SDE GNYIS KYIS SGRA JI BZHIN PAR KHAS MI LEN PA'I PHYIR, DE LTAR YANG DRANG NGES RNAM 'BYED LAS, DE'I PHYIR DGONGS 'GREL KYI LUNG MA DRANG BAR DE DAG LA GRUB PA'I LUNG GSUM GYIS BKAG GO, ,ZHES GSUNGS PA'I PHYIR, MDO DON 'CHAD TSUL NI GZUGS GZUGS ZHES PA'I MING GI DNGOS KYI BRJOD BYA YIN PA GZUGS KYI NGO BOR RANG GI MTSAN NYID KYIS MED PA DE, GZUGS KYI CHOS NYID YIN PA, MDO 'DI'I BSTAN DON DU NYAN THOS SDE BAS 'DOD CING @042B GZUGS GZUGS ZHES PA'I MING GI DNGOS KYI BRJOD BYA YIN PA RANG GI MTSAN NYID KYIS MED PA DE, GZUGS KYI MTSAN NYID YIN PA, MDO 'DI'I BSTAN DON DU RNAM RIG PAS 'DOD LA, DON GYI SDE TSAN GYI MDO DON NI, GZUGS GZUGS ZHES PA'I SGRA 'JUG PA'I 'JUG GZHIR RANG GI MTSAN NYID KYIS GRUB PAR 'DZIN PA'I RTOG PA DE LA BLO KUN RDZOB PA ZHES BYA STE, DE NI GZUGS KYI RANG BZHIN NAM GNAS LUGS MTHONG BA LA SGRIB BYED YIN PA'I PHYIR, KHYAB STE, DBU MA 'JUG PA LAS, GTI MUG RANG BZHIN SGRIB PHYIR KUN RDZOB STE, ,ZHES GSUNGS PA'I PHYIR, RTOG PA DES BZUNG ZHING ZHEN PA LTAR STON PAS ZHAL GYIS MI BZHES TE, DE LTAR GRUB PAR 'DZIN PA'I RTOG PA DE SGRO 'DOGS DANG, GZUGS RANG GI MTSAN NYID KYIS MA GRUB PAR 'DZIN PA'I RTOG PA DE, SKUR 'DEBS GANG ZHIG, ,STON PA SANGS RGYAS LA SGRO 'DOGS DANG SKUR 'DEBS MI MNGA' BA'I PHYIR, ZHES PA'I DON NO, KA TA'I BU'I MDO DON NI, SA LA ZHES PA'I SGRA 'JUG PA'I 'JUG GZHIR RANG GI MTSAN NYID KYIS MA GRUB STE, DE LTAR GRUB NA DGE SLONG SDU MA BYED GYIS, SA SA ZHES PA'I SGRA 'JUG PA'I 'JUG GZHIR RANG GI MTSAN NYID KYIS GRUB PA BSGOM PA'AM DE LA BSAM BTAN BYED DGOS PA LA DE MI BYED PA'I PHYIR, ZHES PA'I DON NO, DES NA NYAN THOS SDE PAS NI, GZUGS GZUGS ZHES PA'I SGRA 'JUG PA'I 'JUG GZHI YIN PA GZUGS KYI NGO BOR RANG GI MTSAN NYID KYIS GRUB PAR 'DZIN PA'I BLO DE KUN RDZOB DANG, DES BZUNG @043A *, ,ZHING ZHEN PA LTAR DU STON PAS MI BZHED PA, DON GYI SDE TSAN GYI MDO DON DU 'CHAD, SA SA ZHES PA'I SGRA 'JUG PA'I 'JUG GZHI YIN PA SA'I NGO BOR RANG GI MTSAN NYID KYIS GRUB PA LA; DGE SLONG SDUM BYED KYIS BSAM GTAN MI BYED PA, KA TA'I BU'I MDO DON DU 'CHAD PAS, RNAM RIG PA DANG MDO DON 'CHAD TSUL LA PHRA RAGS KYI KHYAD PAR CHE'O, 'DI YANG DE LTAR 'CHAD RIGS TE; LEGS BSHAD SNYING PO LAS, GANG LA BRDA 'DOGS PA'I DNGOS KYI YUL DE DON DE'I NGO BOR RANG MTSAN GYIS GRUB NA, BRDA 'BREL BYAS PA LA MI LTOS PAR MING GI BLO SKYE BA SOGS KYI SKYON YOD MOD KYANG, GZUGS SOGS BRDA 'DOGS PA'I GNAS DANG, RTOG PA'I ZHEN GZHI YIN PA DE RANG GI MTSAN NYID KYIS GRUB PA LA SKYON DER MI 'GYUR RO, ,ZHES NYAN THOS SDE BA DAG SMRA MOD KYANG 'DRA'O, ZHES PA DANG, DE NYID LAS, DON SMRA GNYIS KYIS GZUGS SOGS RTOG PA'I ZHEN GZHI DANG, BRDA 'DOGS PA'I GNAS SU RANG MTSAN GYIS GRUB PA KHEGS NA DE DAG YOD PAR 'JOG MI SHES TE, TSAD MA PA LA GRAGS PA'I RANG MTSAN NI MIN NO, ,ZHES GSUNGS SHING, PAn CHEN BDE LEGS NYI MA'I SPYI DON LAS, DES NA NYAN THOS SDE GNYIS KYI LUGS LA, GZHI GRUB NA, RANG GI MTSAN NYID KYIS GRUB PAS KHYAB STE, DE GNYIS KYIS GZHI GRUB NA, RANG GI MTSAN NYID KYIS GRUB PAS KHYAB PA KHAS LEN PA'I PHYIR TE, DE GNYIS KYIS GZUGS GZUGS 'DZIN PA'I RTOG PA'I ZHEN GZHI YIN PA DANG, @043B GZUGS GZUGS ZHES PA'I MING 'JUG PA'I 'JUG GZHIR RANG GI MTSAN NYID KYIS GRUB KHAS LEN PA'I PHYIR TE, DE GNYIS KYIS GZUGS GZUGS 'DZIN RTOG PA'I ZHEN GZHI SOGS SU RANG MTSAN GYIS GRUB PA KHEGS NA DE DAG YOD PAR 'JOG MI SHES PA'I PHYIR TE, DE LTAR YIN KYANG, NYAN THOS SDE GNYIS KYIS GZUGS GZUGS 'DZIN RTOG PA'I ZHEN GZHI YIN PA DE, TSAD MA KUN BTUS DANG, TSAD MA SDE BDUN GYI RJES SU 'BRANG BA'I TSAD MA PA LA GRAGS PA'I RANG MTSAN DU KHAS LEN PA NI MA YIN TE, DE RNAMS LA GRAGS PA'I RANG MTSAN DANG, DON BYED NUS PA DON GCIG PA'I PHYIR, ZHES GSUNGS PA'I PHYIR, KHO NA RE, DE MI 'THAD PAR THAL, MDO SDE BAS SNGON PO GZUGS SO SNYAM DU ZHEN PA'I RTOG PA'I ZHEN YUL YIN PA RANG GI MTSAN NYID KYIS MA GRUB PAR KHAS LEN PA'I PHYIR TE, STONG THUN SKAL BZANG MIG 'BYED LAS, DE YANG MDO SDE BA DAG GI LUGS LA SNGON PO GZUGS YIN PAR RANG GI MTSAN NYID KYIS GRUB CING, SNGON PO GZUGS YIN PA DE NYID SNGON PO GZUGS SO SNYAM DU ZHEN PA'I RTOG PA'I ZHEN YUL YIN KYANG, DE DE 'DRA BA'I RTOG PA'I ZHEN YUL YIN PA RANG GI MTSAN NYID KYIS MA GRUB CING SGRO BTAGS YIN LA, ZHES GSUNGS PA'I PHYIR ZER NA; MA KHYAB STE, MDO SDE BA'I LUGS LA SNGON PO DE, DE 'DRA BA'I RTOG PA'I ZHEN YUL YIN PA DON DAM PAR RANG GI MTSAN NYID KYIS MA GRUB CING, DE LTAR GRUB PAR 'DZIN PA'I BLO DE SGRO BTAGS @044A *, ,YIN, ZHES PA'I DON YIN PA'I PHYIR, ZHES RJE BTZUN YAB SRAS GSUNG NGO, ` ,GNYIS PA RIGS PAS 'GOG TSUL NI, THEG BSDUS LAS, MING GI SNGAR ROL BLO MED PHYIR MANG BA'I PHYIR DANG MA NGES PHYIR, ,DE YI BDAG NYID BDAG MANG DANG, ,BDAG 'DRES 'GAL BAS 'GRUB PAR 'GYUR, ,ZHES PA'I RIG PA GSUM GYIS 'GOG LA, RIG PA GSUM PO DE YANG YOD DE; SNGON PO GZUGS ZHES PA'I SGRA 'JUG PA'I 'JUG GZHIR RANG GI MTSAN NYID KYIS MA GRUB STE, DE LTAR GRUB NA, GZUGS ZHES PA'I MING GI SNGA ROL DU SNGON PO LA DMIGS NAS, 'DI NI GZUGS SO SNYAM PA DE BLO DON MTHUN SKYE DGOS PA LA, DE SKYE BA MED PA'I PHYIR, ZHES PA NI RIGS PA DANG PO DANG, LHA'I DBANG PO DE BRGYA BYIN DANG, DBANG PO DANG, GRONG 'JOMS LA SOGS PA'I MING DU MA 'JUG PA'I 'JUG GZHIR RANG GI MTSAN NYID KYIS MA GRUB STE, DE LTAR GRUB NA YANG DE LHA'I DBANG PO LA MING DU MA YOD PA BZHIN DU, LHA'I DBANG PO DE YANG DU MAR 'GYUR DGOS PA LA, DE GCIG YIN PA'I PHYIR, ZHES PA NI RIGS PA GNYIS PA DANG, SHAR NUB KYI NYER SBAS GNYIS, NYER SBAS ZHES PA'I MING GCIG 'JUG PA'I 'JUG GZHIR RANG GI MTSAN NYID KYIS MA GRUB STE, DE LTAR GRUB NA, MING GCIG YIN PA BZHIN DU NYER SPAS GNYIS PO DE YANG GCIG TU 'GYUR DGOS PA LA, DE DU MA YIN PA'I PHYIR, ZHES PA NI, RIGS PA GSUM PA'O, ,RTZOD PA SPONG BA LA, KHO NA RE, GZUGS @044B GZUGS 'DZIN RTOG PA'I ZHEN GZHIR KUN BTAGS YIN PAR THAL, DE DER RANG GI MTSAN NYID KYIS MA GRUB PA'I PHYIR, 'DOD NA, GZUGS GZUGS 'DZIN RTOG PA'I ZHEN GZHIR RTAG PA YIN PAR THAL, DE DER YOD PA GANG ZHIG 'DOD PA'I PHYIR, 'DOD NA, GZUGS GZUGS 'DZIN RTOG PA'I ZHEN GZHIR RTAG PA DANG RTAG PA GNYIS KA YIN PAR THAL, 'DOD PA'I PHYIR, 'DOD NA, GZUGS GZUGS 'DZIN RTOG PA'I ZHEN GZHIR RTAG PA DANG RTAG PA'I GZHI MTHUN YIN PAR THAL, 'DOD PA'I PHYIR ZER NA, DE GNYIS KA LA, 'DOD BYAS PA LA, KHO NA RE, DE MA YIN PAR THAL, GZUGS GZUGS 'DZIN RTOG PA'I ZHEN GZHIR RTAG PA DANG DNGOS PO'I GZHIR MTHUN YIN PA'I PHYIR TE, GZUGS GZUGS 'DZIN RTOG PA'I ZHEN GZHIR RTAG PA YIN PA GANG ZHIG, GZUGS DE DNGOS PO YIN PA'I PHYIR, ZER NA MA KHYAB STE, GZUGS 'DZIN RTOG PA'I ZHEN GZHIR RTAG PA DANG DNGOS PO'I GZHI MTHUN MED PA'I PHYIR TE, GZHI GANG DU YANG RTAG PA DANG DNGOS PO'I GZHI MTHUN MED PA'I PHYIR, MA GRUB NA, MDUN GYI GZHI 'DIR MED PA DANG YOD PA GZHI MTHUN YOD PAR THAL, RGYA GAR RDO RJE GDAN DE DE YIN PA'I PHYIR TE, DE MDUN GYI GZHI 'DIR MED PA GANG ZHIG, DE YOD PA YIN PA'I PHYIR, KHYAB PA DON GYI KHAS BLANGS, 'DOD NA, HA CANG THAL LO, ,'O NA, GZUGS GZUGS 'DZIN RTOG PA'I ZHEN GZHIR RANG GI MTSAN NYID KYIS GRUB PAS STONG PA DANG, GZUGS DANG GZUGS 'DZIN PA'I TSAD MA RDZAS GZHAN GYIS STONG PA @45A *, ,GNYIS KA CHOS KYI BDAG MED PHRA MO YIN NA, DE GNYIS KA RTOGS DKA' SLA'I KHYAD PAR MED DAM ZHE NA, YOD DE, SNGA MA DE PHYI MA LAS RTOGS SLA ZHING, PHYI MA DE DE LAS RTOGS DKA' BA'I PHYIR TE; GZUGS GZUGS 'DZIN RTOG PA'I ZHEN GZHIR RANG MTSAN GYIS MED PAR RTOGS PA LA BRTEN NAS, GZUGS DANG GZUGS 'DZIN MTSAN MA RDZAS GZHAN GYIS STONG PAR RTOGS DGOS PA'I PHYIR, DE LTAR YANG; LEGS BSHAD SNYING PO LAS, CHOS RNAMS MING GI THA SNYAD 'DOGS PA'I GNAS DANG, RNAM RTOG GI ZHEN PA'I GZHI YIN PA DE, DON DAM PAR GRUB PA KHEGS PA NA, RJOD BYED KYI MING DANG, BRJOD BYA'I DON DANG, MING DON 'BREL BA LA BRTEN NAS BRJOD BYA'I DON GYI NGO BO DANG, KHYAD PAR DU SNANG BA'I YID KYI RTOG PA NI, JI LTAR SNANG BA LTAR GYI ZHEN PA'I DON MED PAS, DE LTAR 'DZIN PA MA 'KHRUL BA YANG MED DO SNYAM NAS GZUNG 'DZIN GNYIS MED KYI RNAM RIG TZAM LA 'JUG STE, ZHES GZUGS GZUGS 'DZIN RTOG PA'I ZHEN GZHIR RANG MTSAN GYIS MED PAR RTOGS PA LA BRTEN NAS, GZUGS DANG GZUGS 'DZIN TSAD MA RDZAS GZHAN DU MED PAR RTOG PA'I RNAM RIG TZAM LA 'JUG PAR GSUNGS PA'I PHYIR, 'JUG TSUL YOD DE, TSOL BA BZHI DANG, SHES PA BZHI'I SGO NAS 'JUG PA'I PHYIR; TSOL BA YIN YOD DE, BUM PA ZHES PA'I MING DE, BUM PA ZHES PA'I MING 'JUG PA'I 'JUG GZHIR, LTO LDING BA'I MING DU RANG GI MTSAN NYID KYIS MA GRUB PAR RTOGS PA'I RIG PA DE, @045B MING TSOL PA'I RIGS PA DANG, LTO LDIR PA DE, BUM PA ZHES PA'I MING 'JUG PA'I 'JUG GZHIR BA'I GNAS LUGS KYI DBANG GIS GRUB PAR RTOGS PA'I RIGS PA DE, DON TSOL BA'I RIGS PA DANG, LTO LDIR BA DE BUM PA'I NGO BO ZHES PA'I SGRA 'JUG PA'I 'JUG GZHIR RANG GI MTSAN NYID KYIS MA GRUB PAR RTOGS PA'I RIG PA DE, NGO BOR 'DOGS PA TSOL BA'I RIGS PA DANG, LTO LDIR BA DE BUM PA'I SKYE BA ZHES PA'I SGRA 'JUG PA'I 'JUG GZHIR RANG GI MTSAN NYID KYIS MA GRUB PAR RTOGS PA'I RIGS PA DE, KHYAD PAR DU 'DOGS PA TSOL BA'I RIGS PA YIN PA'I PHYIR, DE SKAD DU MDO SDE RGYAN LAS; MING DANG DON DANG PHAN TSUN DU, ,GLO BUR BA NI NYID DU BTZAL, ,'DOGS PA RNAM PA GNYIS PO DAG, DE TZAM NYID DU TSOL BA'O, ,ZHES GSUNGS PA'I PHYIR, SHES PA BZHI YOD DE, BUM PA ZHES PA'I SGRA DE, LTO LDIR BA'I MING DU GLO BUR DU YID RTOG LA SNANG BA'I DBANG GIS BTAGS TZAM YIN GYI, DE MA YIN PAR LTO LDIR BA'I MING DU PHYI ROL DON DU MA GRUB PAR MNGON SUM DU SHES PA'I RIGS PA DE, MING SHES PA'I RIGS PA DANG, LTO LDIR BA DE BUM PA ZHES PA'I SGRA 'JUG PA'I YUL DU PHYI ROL DON DU MA GRUB PAR MNGON SUM DU SHES PA'I RIGS PA DE, DON SHES PA'I RIGS PA DANG, LTO LDIR BA DE BUM PA'I NGO BOR PHYI ROL DON DU MA GRUB PAR MNGON SUM DU SHES PA'I RIGS PA DE, NGO BOR 'DOGS PA SHES PA'I RIGS PA DANG, LTO LDIR PA DE BUM PA'I SKYE 'GA @046A *, ,TU PHYI ROL DON DU MA GRUB PAR MNGON SUM DU SHES PA'I RIGS PA DE, KHYAD PAR DU 'DOGS PA SHES PA'I RIGS PA YIN PA'I PHYIR, DE YANG TSOL BA BZHI PO DES TSOGS SBYOR GYI GNAS SKABS SU RANG YUL DON SPYI'I TSUL DU TSOL BAR BYED CING, SHES PA BZHI PO DES MTHONG LAM GYI GNAS SKABS SU MNGON SUM DU SHES PAR BYED PA YIN TE, MDO SDE RGYAN LAS, THAMS CAD DMIGS SU MED PAR NI, ,YANG DAG YE SHES BLA NA MED, CES GSUNGS PA'I PHYIR, KHA CIG, GZUNG 'DZIN RDZAS GZHAN GYIS STONG BA CHOS KYI BDAG MED PHRA MO YIN ZER BA 'THAD DE, MDO SDE BAS DE RTOGS PA'I PHYIR, MDO SDE BAS SHES BYA DANG SHES BYA 'DZIN PA'I TSAD MA RDZAS GZHAN KYIS STONG BAR RTOGS PA'I PHYIR, KHYAB STE; SHES BYA DANG SHES BYA 'DZIN PA'I TSAD MA RDZAS GZHAN DU MA GRUB PA BZHIN DU, GZUNG 'DZIN YANG RDZAS GZHAN DU MA GRUB PA'I PHYIR TE, DE RDZAS SU MA GRUB PA'I PHYIR, MA GRUB NA, DER THAL, DE 'DUS MA BYAS YIN PA'I PHYIR TE GZUNG BA 'DUS MA BYAS YIN PHYIR, DES NA SKABS 'DIR GZUGS DANG GZUGS 'DZIN PA'I TSAD MA RDZAS GZHAN GYIS STONG BA, CHOS KYI BDAG MED PHRA MO YIN ZHING, DE GANGS CAN GYI MKHAS PA PHAL CHE BAS 'JOG KYANG, NGO BO DANG KHYAD PAR LA KUN BTAGS PA'I KUN BTAGS RANG MTSAN GYIS GRUB PAS STONG BA CHOS KYI BDAG MED PHRA MOR RJE THAMS CAD MKHYEN PA MA BYON GONG GI GANGS CAN GYI MKHAS PA SUS KYANG 'JOG MA NUS PA YIN TE, STONG THUN SKAL BZANG MIG 'BYED LAS, GANGS RI'I KHROD 'DIR BDAG CAG GI RJE THAMS CAD MKHYEN PA GCIG PUS GSAL BAR MDZAD DU ZAD KYI, MKHAS PAR KHAS 'CHE BA GZHAN MTHA' DAG GIS NI, DBANG SHES RANG GI SNANG YUL SNGON PO LA @046B SOGS PA DANG RDZAS THA DAD PA BKAG PA TZAM GYI PHYOGS GCIG PU LAS GZHAN PA, NGO BO DANG KHYAD PAR DU KUN BTAGS PA'I KUN BTAGS DANG, DE RANG GI MTSAN NYID KYIS GRUB PA BKAG PA'I CHOS KYI BDAG MED 'JOG PA'I TSUL GYI THA SNYAD TZAM YANG SMRA MA NUS TE, ZHES GSUNGS PA'I PHYIR, 'O NA, SKABS 'DIR, GZUGS DE, GZUGS 'DZIN TSAD MA'I RGYUR KHAS LEN NAM ZHE NA, MI LEN TE, DE GNYIS DUS MNYAM YIN PA'I PHYIR TE, SNGON PO DANG SNGON 'DZIN TSAD MA GNYIS DUS MNYAM YIN PA'I PHYIR, DER THAL, DE GNYIS DUS GCIG YIN PA'I PHYIR TE, DE GNYIS LHAN CIG TU GRUB PA'I PHYIR, RTAGS GRUB STE, LHAN CIG DMIGS NGES DE, SNGON PO DANG SNGON 'DZIN TSAD MA GNYIS RDZAS GZHAN MA YIN PAR SGRUB PA'I RTAGS YANG DAG YIN PA'I PHYIR, DE LTAR YANG, TSAD MA RNAM 'GREL LAS, NGES PAR BLO DANG LHAN CIG TU, , CIG CHAD DU NI 'BYUNG 'GYUR BAS, ,YUL NI DE LAS GZHAN NYID DU, ,RNAM PA GANG GIS 'GRUB PA 'GYUR, ,ZHES DANG, TSAD MA RNAM NGES LAS, LHAN CIG DMIGS PA NGES PA'I PHYIR, ,SNGO DANG DE BLO GZHAN MA YIN, ,ZHES GSUNGS PA'I PHYIR, 'DI NI PHAR PHYIN 'GREL CHUNG DON GSAL LAS, SNGON PO DANG DE'I BLO DAG LHAN CIG DMIGS PA NGES PA'I PHYIR, 'DI NI SEMS TZAM KHO NA YIN KYI, PHYI ROL GYI DON NI MED DO, ,ZHES GSUNGS PA DANG KHOG GCIG PAR SNANG NGO, ,LHAN CIG DMIGS NGES ZHES PA'I DON YANG YOD DE, SNGON PO DANG SNGON 'DZIN TSAD MA GNYIS DUS GCIG PA NI LHAN GCIG PA'I DON @047A *, ,DANG, SNGON 'DZIN TSAD MA DES SNGON PO DE RANG DANG DUS MNYAM DU RTOGS PA NI, DMIGS PA'I DON DANG, SNGON PO GRUB PA'I DUS DANG SNGON 'DZIN TSAD MA GRUB PA'I DUS GNYIS YIN KHYAB MNYAM YIN PA NI, SKABS 'DI'I NGES PA'I DON YIN PA'I PHYIR TE, PAn CHEN CHOS MCHOG GIS, LHAN CIG PA NI DUS GCIG PA'O, ,DMIGS PA NI RTOGS PA'O, ,NGES PA NI KHYAB PA'O, ,ZHES GSUNGS PA'I PHYIR, 'O NA, SKABS 'DIR NYAN RANG LA CHOS KYI BDAG MED PHRA MO RTOGS PA YOD DAM ZHE NA, YOD DE CHOS KYI BDAG MED PHRA MO RTOGS PA'I BYANG SEMS TSOGS LAM PA THEG DMAN LAM DU LHUNG PA YOD PA'I PHYIR, 'O NA, RNAM BSHAD THAR LAM GSAL BYED LAS, NYAN THOS DANG RANG SANGS RGYAS RNAMS KYI SPYOD YUL DU MA GYUR BA'I GNYIS STONG GI DE KHO NA NYID NI ZAB MO YIN LA, ZHES GSUNGS PA DANG 'GAL LO ZHE NA, SKYON MED DE, LUNG DE NI, DANG PO NYID NAS THEG DMAN LAM DU RIGS NGES PA'I NYAN RANG LA GNYIS STONG GI DE KHO NA NYID RTOGS PA MED PA'I DON YIN PA'I PHYIR, DPER NA LEGS LDAN 'BYED KYI LUGS 'CHAD DUS SU, LEGS BSHAD SNYING PO LAS, CHOS KYI BDAG 'DZIN GYIS GANG ZAG GI BDAG 'DZIN GYI GZHI BYED PA NI, NYAN RANG LA CHOS KYI BDAG MED RTOGS PA MED PAR 'DOD PA'I DBU MA PA RNAMS KYIS BZHED DO, ,ZHES GSUNGS SHING, GRUB MTHA' RGYA MTSOR 'JUG PA'I GRU RDZINGS LAS, NYAN RANG LA CHOS KYI BDAG MED RTOGS PA MED PAR BZHED CING, @047B GZUNG 'DZIN RDZAS GZHAN GYIS STONG BAR RTOGS PA'I LAM ZHAL GYIS MI BZHES LA, ZHES GSUNGS KYANG, THEG DMAN RIGS NGES KYI NYAN RANG LA DE RTOGS PA MED PA'I DON DU 'CHAD DGOS PA'I PHYIR, DE LTAR YANG; STONG THUN SKAL BZANG MIG 'BYED LAS, DE LTAR LAM GZHAN DU MA ZHUGS PAR RANG LAM GYIS DGRA BCOM THOB PA'I THEG DMAN DGRA BCOM LA, CHOS KYI BDAG MED RTOGS PA MED PAR BZHED PA'I LEGS LDAN 'BYED LA SOGS RANG RGYUD PA GZHAN RNAMS KYI LUGS LA'ANG NYAN RANG 'PHAGS PA YIN NA, CHOS KYI BDAG MED MA RTOGS PAS KHYAB PAR KHAS BLANG DU MI RUNG STE, DE DAG THAMS CAD KYI LUGS LA, MA NGES PA'I RIGS CAN THEG CHEN LAM DU ZHUGS PA'I BYANG SEMS CHOS KYI BDAG MED THOS BSAM GYIS GTAN LA PHABS NAS SGOM PAR BYED BZHIN PA, RANG LA MA LAS LOG NAS NYAN RANG GI LAM DU ZHUGS PA 'DOD PA'I PHYIR, ZHES GSUNGS PA'I PHYIR, SEMS TZAM PA'I LUGS SO, NYAN RANG LA CHOS KYI BDAG MED RTOGS PA YOD KYANG, CHOS KYI BDAG 'DZIN SPANGS PA'I THEG DMAN DGRA MED DE, GZUGS PHYI ROL DON 'DZIN GYI RTOGS PA KUN BRAGS SPANGS PA'I THEG DMAN MTHONG LAM PA MED PA'I PHYIR, DE YANG YIN TE, NYAN RANG SLOB PA 'PHAGS PA'I BSGOM BYA'I GTZO BOR GYUR BA'I BDAG MED LA PHRA RAGS MED CING, DE GNYIS KA'I SPANG BYA'I GTZO BO LA YANG KHYAD PAR MED PA'I PHYIR TE, GRUB MTHA' RGYA MTSOR 'JUG PA'I GRU RDZINGS LAS, NYAN RANG GNYIS KYI BSGOM @048A *, ,BYA'I BDAG MED DANG, SPANG BYA'I SGRIB PA LA KHYAD PAR CUNG ZAD KYANG MED PAS, NYAN RANG GNYIS KA LA ZHUGS GNAS BRGYAD KYI RNAM GZHAG TZAM ZHIG STON PAR BYED LA, ZHES GSUNGS PA'I PHYIR, GZUGS PHYI ROL DON 'DZIN GYI RTOG PA KUN BTAGS SPANGS PA'I RANG RGYAL MTHONG LAM PA MED KYANG, SPANG BYA CIG CAR PA'I RGYUN ZHUGS RANG RGYAL LAM DU 'JUG PA YOD DE, MNGON PA KUN BTUS LAS, SANGS RGYAS 'BYUNG BA MED NA RANG RGYAL BAR 'GYUR RO, ,ZHES PA 'DI SKABS 'DIR SGRA JI BZHIN PAR KHAS LEN RIGS PA'I PHYIR, 'ON KYANG DE RANG RGYAL GYI MTHONG LAM BAR CHAD MED LAM DU 'JUG PA MED DE, BAR CHAD MED LAM YIN NA RANG GI NGOS SKAL GYI SPANG BYAR GYUR PA'I SGRIB PA YOD DGOS LA, DES GANG ZAG GI BDAG 'DZIN KUN BTAGS NI NYAN THOS KYI MTHONG LAM GYI SKABS SU SPANGS ZIN CING, CHOS KYI BDAG 'DZIN KUN BTAGS SPANGS PA'I RANG RGYAL GYI MTHONG LAM RNAM GROL LAM MED PA'I PHYIR, 'O NA DE RANG RGYAL GYI MTHONG LAM GANG DU 'JUG CE NA, DES RANG RGYAL GYI TSOGS LAM DANG SBYOR LAM GNYIS RIM GYIS 'GROD NAS, RANG RGYAL GYI MTHONG LAM BAR CHAD MED LAM DANG, RNAM GROL LAM GANG RUNG MA YIN PA'I MNYAM BZHAG ZHIG TU 'JUG CES KHAS LEN NO, ,'O NA, SEMS TZAM PA'I LUGS KYI GZHI LAM 'BRAS GSUM GYI RNAM GZHAG GANG ZHE NA, DE BSHAD PA LA, BSHAD BYA'I LUNG BKOD PA DANG, LUNG DON BSHAD PA GNYIS, DANG PO NI, THEG BSDUS LAS, SHES BYA'I GNAS DANG MTSAN NYID @048B DER 'JUG DANG, ,RGYU DANG 'BRAS BU DE RAB DBYE BA DANG, BSLAB PA GSUM DANG DE 'BRAS SPANGS PA DANG, ,YE SHES THEG PA MCHOG GYUR KHYAD PAR 'PHAGS, ,ZHES SO, ,GNYIS PA LA, GZHI DNGOS PO'I GNAS LUGS, LAM 'GROD PA'I RIM PA, 'BRAS BU MNGON DU BYED TSUL LO, ,DANG PO NI, SHES BYA'I GNAS DANG MTSAN NYID CES PAS STON, SHES BYA'I GNAS LA KUN GZHI DANG, NYON YID GNYIS LAS, DANG PO KUN GZHI NI, KHYAD CHOS BZHI DANG LDAN PA YIN TE, DMIGS PA'I KHYAD PAR, RNAM PA'I KHYAD PAR, NGO BO'I KHYAD PAR, GROGS KYI KHYAD PAR, BZHI DANG LDAN PA'I PHYIR, DANG PO GRUB STE, GZUGS SOGS DON LNGA DANG, NANG GI BAG CHAGS DANG, SNOD BCUD KYI 'JIG RTEN THAMS CAD LA DMIGS PA'I PHYIR, RNAM PA'I KHYAD PAR YOD DE, GZUGS SOGS DON LNGA SOGS THAMS CAD LA RIS SU MA BCAD PAR DE THAMS CAD KYI RNAM PA CAN YIN PA'I PHYIR, NGO BO'I KHYAD PAR YOD DE, DE MA BSGRIBS LUNG MA BSTAN DU GYUR PA'I YID KYI RNAM PAR SHES PA YIN PA'I PHYIR, GROGS KYI KHYAD PAR YOD DE, SEMS BYUNG KUN 'GRO LNGA KHO NA DANG LHAN CIG TU 'BYUNG BA YIN PA'I PHYIR TE, 'JAM MGON BLA MAS, YID KUN RTZA BA LAS, LUNG DU MA BSTAN REG LA SOGS, ,LNGA NYID DANG LDAN ZHES DANG, DE'I DKA' 'GREL LAS, NGO BO MA BSGRIB PA, LUNG DU MA BSTAN PA, 'KHOR TSOR BA, 'DU SHES, SEMS PA, REG PA, YID LA BYED PA STE, SEMS BYUNG LNGA KHO NA DANG MTSUNGS PAR LDAN PA'O, ,ZHES GSUNGS PA'I PHYIR, KUN GZHI'I SGRAS BSTAN PA'I RNAM SHES @049A *, ,KYI MTSAN NYID YOD DE, MA BSGRIBS LUNG MA BSTAN YIN ZHING, DGE MI DGE KUN GYI BAG ZHAGS BSGO GZHIR GYUR PA'I BRTAN PA'I GTZO BO'I YID KYI RNAM RIG DE DE YIN PA'I PHYIR, KUN GZHI'I RNAM BYES DE YID KYI RNAM SHES YIN KYANG, RNAM SHES TSOGS DRUG TU PHYE BA'I YID KYI RNAM SHES MA YIN TE, DPER NA, BLA MED KYI RGYUD DE RNAL 'BYOR KYI RGYUD YIN KYANG, RGYUD SDE BZHIR PHYE BA'I RNAL 'BYOR GYI RGYUD MA YIN PA BZHIN NO, , 'JUG PA'I KHYAD PAR YOD DE, 'KHOR BA'I GNAS SKABS MNYAM RJES THAMS CAD DU 'JUG PA'I PHYIR, LDOG PA'I KHYAD PAR YOD DE, THEG DMAN GYI DGRA BCOM THOB PA DANG, THEG CHEN GYI DBANG DU BYAS NA SA BRGYAD PA NAS LDOG PA'I PHYIR TE, YID KUN RTZA BA LAS, DE PHYIR DBANG THOB DGRA BCOM LA, ,KUN GZHI YOD PA MA YIN TE, ,'JOG BYED GNYIS PO MED PHYIR RO, ,ZHES DANG, DE'I DKA' 'GREL LAS, DBANG THOB PA SA BRGYAD PA YAN CHAD DANG, NYAN THOS DANG RANG SANGS RGYAS DGRA BCOM PA RNAMS LA, BYE BRAG TU KUN GZHI SA BON GYI CHA MED LA, SPYIR KUN GZHI'I RNAM SHES MED DE, NYON MONGS MA LUS PAR SPANGS PAS, KUN GZHIR 'JOG BYED GNYIS PO GANG YANG MED PA'I PHYIR RO, ,ZHES GSUNGS PA'I PHYIR, 'O NA, DGRA BCOM PA'I RGYUD LA KUN GZHI MED NA, GRUB MTHA' RGYA MTSOR 'JUG PA'I GRU RDZINGS LAS, KUN GZHI DE DGRA BCOM PA'I RGYUD LA YANG YOD PAS, BSGRIB LUNG MA BSTAN MA YIN, ZHES GSUNGS PA DANG 'GAL LO ZHE NA, SKYON MED DE, DE'I DON NI, KUN GZHI'I RNAM SHES LA SGRAS RIGS KYI SGO NAS DBYE NA, BRTEN PA SA BON GYI KUN GZHI DANG, RTEN DU GYUR @049B PA RNAM SMIN GYI KUN GZHI GNYIS YOD PA LAS, DANG PO NI, KUN GZHI'I SA BON YIN PAS KUN GZHI BTAGS PA KHO NA YIN LA, PHYI MA LA DNGOS BTAGS GNYIS LAS, BTAGS PA PA DE DGRA BCOM PA'I RGYUD LA YOD ZHES PA'I DON YIN PA'I PHYIR, GZHAN YANG, DGRA BCOM PA'I RGYUD LA KUN GZHI MED PAR THAL, RNAM SMIN GYI RNAM SHES LA KUN GZHIS MA KHYAB PA'I PHYIR TE, YID KUN DKA' 'GREL LAS, KUN GZHI'I RNAM SHES LA RNAM SMIN GYI RNAM SHES KYIS KHYAB KYANG, RNAM SMIN GYI RNAM SHES LA KUN GZHIS MA KHYAB STE, DBANG THOB PA DANG DGRA BCOM PA'I RGYUD LA RNAM SMIN GYI RNAM SHES YOD KYANG, KUN GZHI'I DON MED PA'I PHYIR RO, ZHES DANG, YANG DE NYID LAS; DES NA, DBANG THOB PA'I BYANG CHUB SEMS DPA' DANG, DGRA BCOM PA'I RGYUD KYI RNAM SHES BRGYAD PA DE LA RNAM SMIN GYI RNAM SHES DANG, BSAM GYIS MI KHYAB PA'I 'CHI 'PHO BA YOD PAS, LEN PA'I RNAM SHES ZHES ZER GYI KUN GZHI ZHES MI BRJOD DO, ,ZHES GSUNGS PA'I PHYIR, GZHAN YANG, DE'I RGYUD LA DE MED PAR THAL, DE NYID LAS, SUM CU PAR YANG, DGRA BCOM NYID NAS DE LDAG GO, ,GZHES GSUNGS PAS NA, SNGAR KHO BOS BSTAN PA'I KUN GZHI MED PA'I SA MTSAMS RMA MED PAR GZUNG BAR BYA'O, ,ZHES GSUNGS PA'I PHYIR, 'O NA, DGRA BCOM PA'I RGYUD LA RNAM SHES BRGYAD PA YOD NA, DE'I RGYUD LA KUN GZHI YOD DGOS SO ZH NA; DE MI DGOS TE, DE'I RGYUD LA KUN GZHI'I SGRAS BSTAN PA'I RNAM SHES YOD PAS, DE RNAM SHES BRGYAD PA YIN LA, DE KUN GZHI DNGOS GNAS PA YIN ZHES MI BRJOD PA NI, KUN GZHI ZHES MI BRJOD DO, ZHES @050A *, ,PA'I DON YIN PA'I PHYIR, RTEN DU GYUR BA RNAM SMIN GYI RNAM SHES NI DGRA BCOM PA'I RGYUD LA YOD DE, YID KUN RTZA BA LAS, LHAG MA MING DANG RDO RJE LTA'I, ,BAR DU RGYUN MI 'CHAD DU 'JUG, ,CES DANG; DE'I DKA' 'GREL LAS, THEG DMAN GYI LHAG MED KYI MYANG 'DAS DANG, THEG CHEN GYI RDO RJE LTA BU'I TENG NGE 'DZIN GYI RJES SU LDOG CING, DE'I SNGON DU RGYUN MI 'CHAD DU 'JUG GO, ,ZHES GSUNGS PA'I PHYIR, 'ON KYANG SANGS RGYAS 'PHAGS PA'I RGYUD LA DE MED DE, SANGS RGYAS PA NA DE ME LONG LTA BU'I YE SHES SU GNAS 'GYUR PA'I PHYIR TE, SLOB DPON TZAN TRA GO MI'I GZHUNG THUB PA DGONGS RGYAN DU DRANGS PA LAS, GANG YANG KUN GZHI RNAM PAR SHES, ,ME LONG YE SHES NYID GYUR PA, ,DE YANG CHOS KYI DBYINGS KYI NI, ,NGO BO NYID DU 'GA' ZHIG 'DOD, ,CES GSUNGS PA'I PHYIR, GNYIS PA NYON YID NI, NGO BO BSGRIB LUNG MA BSTAN YIN LA GROGS NI KUN 'GRO LNGA DANG, 'DOD CHAGS, NGA RGYAL, NYON MONGS CAN GYI MA RIG PA, BDAG LTA DANG BZHI STE, DGU KHO NA DANG 'GROGS PA YIN TE, YID KUN RTZA BA LAS, NYON MONGS CAN YID MTSAN NYID NI, ,KUN GZHI RNAM SMIN CHA NYID LA, ,BDAG LTA BSGRIB LA LUNG MA BSTAN, ,REG DANG CHAGS SOGS DGU KHO NA, ,ZHES DANG, DE'I DKA' 'GREL LAS, 'KHOR NI REG PA LA SOGS PA LNGA DANG, 'DOD CHAGS, MA RIG PA, NGA RGYAL, BDAG LTA BZHI STE, DGU KHO NA 'BYUNG STE, ZHES GSUNGS PA'I PHYIR RO, ,KHA CIG, DMIGS PA KUN GZHI LA DMIGS NAS, KUN GZHI BDAG TU 'DZIN PA'I BSGRIB LUNG MA BSTAN @050B GYI GTZO BO'I YID KYI RNAM RIG DE, NYON YID KYI MTSAN NYID ZER BA MI 'THAD DE, YID KUN DKA' 'GREL LAS, NYON YID 'DI NI BDAG LTA LHAN SKYES DANG MTSUNGS LDAN YIN PAS, 'DI GNYEN PO'I MTHUS LDOG PA LA ZAG MED KYI SHES RAB BSKYED DGOS PA YIN PA'I PHYIR RO, ,ZHES GSUNGS PAS, NYON YID YIN NA, BLO LOG SHES YIN PAS KHYAB, DMIGS PA KUN GZHI LA DMIGS NAS RNAM PA NGAR SEMS PA'I GTZO BO'I YID KYI RNAM RIG DANG, KUN GZHI BDAG TU 'DZIN PA'I SHES PA RNAMS SHES PA DON MTHUN YIN PA'I PHYIR TE, KUN GZHI'I RNAM SHES DE GANG ZAG YIN PA'I PHYIR, MA GRUB NA, DER THAL, SKABS 'DIR KUN GZHI'I RNAM SHES KHAS LEN PA'I PHYIR, KHYAB STE, RNAM BSHAD DGONGS PAR RAB GSAL LAS, KUN GZHI 'DOD PAS KUN GZHI'I RNAM SHES NYID GANG ZAG GI MTSAN GZHIR SMRA'O, ,ZHES GSUNGS PA'I PHYIR, RANG LUGS NI, DMIGS PA KUN GZHI LA DMIGS NAS, RNAM PA RANG DBANG CAN GYI NAR SEMS PA'I NYON MONGS CAN GYI BRTAN PA'I GTZO BO'I YID KYI RNAM RIG DE, NYON YID KYI MTSAN NYID YIN TE, YID KUN RTZA BA LAS, NYON MONGS CAN YID MTSAN NYID NI, ,ZHES SOGS GSUNGS PA'I PHYIR, DES NA KUN GZHI DANG NYON YID GANG RUNG YIN NA LAS NGO BO TSOG DRUG GANG RUNG THA DAD PA'I YID KYI RNAM SHES YIN PAS KHYAB STE, YID KUN RTZA PA LAS, YID CHES LUNG DANG RIGS PA YIS, ,RNAM SHES DRUG LAS THA DAD PA'I, ,YID DANG KUN GZHI'I RNAM PAR SHES, ,YOD PAR CHUD PAR BYA, ,ZHES GSUNGS PA'I PHYIR, NYON YID DE KHYAD @051A *, ,CHOS BDUN DANG LDAN PA YIN TE, DMIGS PA'I KHYAD PAR KUN GZHI LA DMIGS PA DANG, RNAM PA'I KHYAD PAR RANG DBANG CAN GYI NGAR SEMS PA'I RNAM PA CAN YIN PA DANG, NGO BO'I KHYAD PAR BSGRIB LUNG MA BSTAN YIN PA DANG, GROGS KYI KHYAD PAR SEMS BYUNG DGU KHO NA DANG LHAN CIG 'GROGS PA DANG, 'JUG PA'I KHYAD PAR DGRA BCOM PA'I GNAS SKABS DANG, 'GOG SNYOMS LA SNYOMS PAR 'JUG PA'I GNAS SKABS DANG, CHOS NYID LA MNYAM PAR BZHAG PA'I GNAS SKABS DANG, 'JIG RTEN LAS 'DAS PA'I LAM RGYUD LA LDAN PA'I GNAS SKABS NA MNGON GYUR DU MED CING, GNAS SKABS GZHAN THAMS CAD DU 'JUG PA DANG, LDOG PA'I KHYAD PAR, THEG DMAN DGRA BCOM DANG, SA BRGYAD PA THOB NAS LDOG CING, SA'I KHYAD PAR, RANG RGYUD LA LDAN PA'I GANG ZAG SA GANG DU SKYES PA'I SA DES BSDUS PA'I KHYAD PAR DANG LDAN PA'I PHYIR TE; SUM BCU PA LAS, GANG DU SKYES PA DE YI'O, ,BSGRIB LA LUNG DU MA BSTAN PA'I, ,NYON MONGS BZHI DANG RTAG TU 'GROGS, ,BDAG TU LTA DANG BDAG TU RMONGS, ,BDAG RGYAL BDAG TU CHAGS PA STE, ,REG SOGS KYANG STE DGRA BCOM MED, ,'GOG PA'I SNYOMS PAR 'JUG PA'ANG MED, ,'JIG RTEN 'DAS PA'I LAM LA MED, ,CES GSUNGS PA'I PHYIR, KUN GZHI DANG NYON YID YOD PA'I LUNG GI SGRUB BYED YOD DE, MNGON PA'I MDO LAS; THOG MA MED PA'I DUS KYI KHAMS, ,CHOS RNAMS KUN GYI GNAS YIN TE, ,'DI YOD PAS NA 'GRO KUN RNAMS, ,MYA NGAN 'DAS PA'ANG THOB PAR 'GYUR, ,ZHES DANG, LANG GSHEGS LAS, DE BZHIN GSHEGS @051B PA'I SNYING PO NI, ,RNAM SHES BDUN DANG LHAN CIG GNAS, ,ZHES DANG, RGYAN STUG PO BKOD PA LAS, JI LTAR ZLA BA SKAR TSOGS DANG, ,LHAN CIG MKHA' LA GNAS PA LTAR, ,DE BZHIN KUN GZHI'I RNAM SHES KYANG, ,RNAM SHES BDUN DANG LHAN CIG GNAS, ,ZHES DANG, DGONGS 'GREL LAS, LEN PA'I RNAM PAR SHES PA ZAB CING PHRA, ,SA BON THAMS CAD CHU BO'I RGYUN BZHIN 'BAB, ,BDAG TU RTOG PAR GYUR NA MI RUNG ZHES, ,BYIS PA RNAMS LA NGAS NI DE MA BSTAN, ,ZHES PAS KUN GZHI DANG, LANG GSHEGS LAS, CHOS LNGA DAG NA RANG BZHIN GSUM, ,RNAM PAR SHES PA BRGYAD NYID DANG, ,BDAG MED RNAM PA GNYIS PO LAS, ,THEG PA CHEN PO BSDUS PA YIN, ,ZHES DANG, SHER PHYIN GYI MDO LAS, SEMS DANG YID DANG RNAM PAR SHES PAS NYON YID YOD PAR STON PA'I PHYIR TE, RNAM BSHAD BSTAN PA'I SGRON ME LAS, DE YANG SEMS ZHES PAS KUN GZHI DANG, YID ZHES PAS NYON YID DANG, RNAM SHES ZHES PAS TSOGS DRUG BSTAN PAR MNGON PA KUN BTUS LAS GSUNGS PA'I PHYIR, ZHES BSHAD DO, ,CHOS LNGA NI MING DANG, RGYU MTSAN DANG, RNAM RTOG DANG, YANG DAG PA'I YE SHES DANG, DE BZHIN NYID LNGA'O, ,RANG BZHIN GSUM NI, KUN BTAGS PA'I RANG BZHIN, GZHAN GYI DBANG GI RANG BZHIN, YONGS SU GRUB PA'I RANG BZHIN DANG GSUM MO, ,RNAM PAR SHES PA BRGYAD NI DA LTA BSHAD BZHIN PA RNAMS SO, ,YID KUN RTZA BA LAS, DGU DANG GCIG PUR 'DOD PA DGAG ,CES BSHAD NA, RNAM SHES TSOGS DGUR 'DOD PA DE GANG, GCIG PUR 'DOD PA DE GANG ZHE NA, DE YANG YOD DE, RGYA @052A *, ,GAR GYI MKHAN PO YANG DAG BDEN PAS, MIG GI RNAM SHES NAS YID KYI RNAM SHES KYI BAR DRUG DANG, NYON YID DANG, KUN GZHI'I SGRAS BSTAN PA'I RNAM SHES TE BRGYUD KYI STENG DU ZAG MED KYI RNAM SHES BSNAN TE, RNAM SHES TSOGS DGUR 'DOD CING, BYE BRAG SMRA BA'I NANG TSAN GYI'I BYA BA SEMS GCIG PUR SMRA BA'I SDE BAS, RNAM SHES THAMS CAD YID KYI RNAM SHES GCIG PUR 'DOD PA'I PHYIR TE, DES SHES PA YIN NA, YID SHES YIN PAS KHYAB PA KHAS LEN PA'I PHYIR, DANG PO GRUB STE, YID KUN RTZA BA LAS, DGU PA DRI MED RNAM SHES SU, ,'DOD PA YANG DAG BDEN PA'I LUGS, ,ZHES DANG, DE'I DKA' 'GREL LAS, DGUR YANG DAG BDEN PA 'DOD LA, ZHES GSUNGS PA'I PHYIR, GNYIS PA GRUB STE, YID KUN RTZA BA LAS, SHES KUN YID SHES GCIG PU LO, ZHES DANG, DE'I DKA' 'GREL LAS, 'DI BYANG SEMS GCIG PUR SMRA BA'I 'DOD SBYAR DU BSHAD DO, ,ZHES GSUNGS PA'I PHYIR, KUN GZHI KHAS LEN PA'I THAL 'GYUR BA MED KYANG, DE KHAS LEN PA'I RANG RGYUD PA YOD DE, SLOB DPON L'A BA PA DANG, TZAN TRA GO MIS KUN GZHI KHAS LEN PA'I PHYIR, DE LTA NA YANG SLOB DPON LEGS LDAN 'BYED DANG, YE SHES SNYING PO LA SOGS PA'I MDO SDE SPYOD PA'I DBU MA RANG RGYUD PA RNAMS KYIS KUN GZHI KHAS MI LEN TE, DE RNAMS KYIS PHYI DON KHAS LEN PA'I PHYIR, KHYAB STE, RNAM BSHAD DGONGS PA RAB GSAL LAS, SLOB DPON YE SHES SNYING PO YANG, PHYI ROL BZHED PAS KUN GZHI MI BZHED DO, ZHES DANG, DE'I LUGS 'CHAD PA NA, LEGS BSHAD @052B SNYING PO LAS, DE'I PHYIR KUN GZHI'I RNAM PAR SHES PA YANG MI BZHED DO, ,ZHES DANG, DE MI 'DOD NA NYON YID KYANG MI 'JOG GO ZHES GSUNGS PA'I PHYIR, ZHI BA 'TSO YAB SRAS LA SOGS PA'I RNAL 'BYOR SPYOD PA'I RANG RGYUD PA RNAMS KYIS KYANG KUN GZHI MI BZHED DE, DE'I LUGS 'CHAD PA NA, RNAM BSHAD DGONGS PA RAB GSAL LAS, SLOB DPON CHEN PO ZHI BA 'TSO YANG KUN GZHI'I RNAM SHES MI BZHED PAR GSAL LO; ;AA BHYA KA RA YANG DE DANG 'DRA'O, ,ZHES DANG, LEGS BSHAD SNYING PO LAS, RANG RIG THA SNYAD DU 'JOG LA, KUN GZHI 'JOG MI 'JOG GI TSUL GSAL BAR MA BSHAD KYANG MI BZHED PA'I PHYOGS SU MNGON NO, ZHES GSUNGS PA'I PHYIR, GZHAN YANG KUN GZHI KHAS LEN PA'I DBU MA PA YOD DE, GANG ZAG GI BDAG 'DZIN KYI DMIGS PA 'CHAD PA NA, BYANG CHUB LAM RIM LAS, SEMS TZAM PA DANG, DBU MA BA KUN GZHI'I RNAM SHES 'DOD PA KHA CIG KUN GZHI'I RNAM SHES DANG, DE MI 'DOD PA'I LEGS LDAN 'BYED LA SOGS PA'I DBU MA BA KHA CIG DANG, NYAN THOS SDE BA MANG PO YID KYI RNAM SHES DMIGS PAR 'DOD PA YOD LA, ZHES GSUNGS PA'I PHYIR, KHA CIG, THA SNYAD KYI RNAM GZHAG PHAL CHER MDO SDE BA DANG SGO BSTUN NAS SMRA BA'I DBU MA PA DE, MDO SDE SPYOD PA'I DBU MA RANG RGYUD PA DANG, THA SNYAD KYI RNAM GZHAG PHAL CHER SEMS TZAM PA DANG SGO BSTUN NAS SMRA BA'I DBU MA PA DE, RNAL 'BYOR SPYOD PA'I DBU MA RANG RGYUD PA'I MTSAN NYID DU SMRA BA MI 'THAD DE, STON THUN SKAL BZANG MIG 'BYED LAS, LEGS LDAN 'BYED DANG YE SHES SNYING PO GNYIS KA YANG THA SNYAD @053A *, ,KYI RNAM BZHAG MDO SDE BA DANG MTHUN PA MA YIN TE, RANG RIG THA SNYAD DU YANG KHAS MI LEN PA SOGS CHOS MI MTHUN PA DU MA YOD PA'I PHYIR DANG, PHYOGS GCIG MTHUN PAS MTHUN PA'I 'JOG NA, THAMS CAD THAMS CAD DANG GRUB MTHA' MTHUN PAR THAL BA'I SKYON YOD PA'I PHYIR RO, ,ZHES GSUNGS PA DANG 'GAL BA'I PHYIR, DES NA RANG LUGS NI, RNAM BSHAD BSTAN PA'I SGRON ME LAS, DBU MA RANG RGYUD PA'I NANG TSAN GANG ZHIG RANG RIG MI 'DOD CING, PHYI DON KHAS LEN PA DE, MDO SDE SPYOD PA'I DBU MA RANG RGYUD PA'I MTSAN NYID YIN, DPER NA SLOB DPON LEGS LDAN 'BYED DANG, YE SHES SNYING PO LTA BU, DBU MA RANG RGYUD PA'I NANG TSAN GANG ZHIG ,PHYI DON KHAS MI LEN CING RANG RIG YOD PAR BZHED PA DE, RNAL 'BYOR SPYOD PA'I DBU MA RANG RGYUD PA'I MTSAN NYID YIN, DPER NA SLOB DPON ZHI 'TSO YAB SRAS DANG, 'PHAGS PA GROL SDE DANG, SLOB DPON SENG GE BZANG PO LTA BU'O, ,ZHES GSUNGS PA LTAR 'JOG GO ,'O NA DE DAG GIS PHYI DON DANG RANG RIG SOGS 'DOD DAM ZHE NA, DE 'CHAD PA LA, STON THUN SKAL BZANG MIG 'BYED LAS, SLOB DPON YE SHES SNYING POS RANG RGYUD KYI GZHUNG DBU MA BDEN GNYIS MDZAD DE, 'DI DANG LEGS LDAN 'BYED GNYIS DANG THA SNYAD DU PHYI DON ZHAL GYIS BZHES SHING, RANG RIG ZHAL GYI MI BZHES PA'I LUGS SO, ,DE NAS SLOB DPON ZHI BA 'TSO'I THA SNYAD DU PHYI DON MED CING, RANG RIG YOD PA DANG, ZHES SOGS GSUNGS, DE YANG DON SMRA GNYIS DANG THAL 'GYUR BA GSUM GYIS PHYI DON KHAS LEN @053B LA; MDO SDE BAS RANG RIG KHAS LEN CING, BYE BRAG SMRA BA DANG THAL 'GYUR PAS KHAS MI LEN NO, ,SEMS TZAM PAS PHYI DON KHAS MI LEN KYANG, KUN GZHI KHAS LEN MI LEN GNYIS YOD DE, RNAM BDEN PAS KHAS LEN KYANG; RNAM RDZUN PAS KHAS MI LEN PA'I PHYIR, SEMS TZAM PAS PHYI DON MI BZHED PA NI, SA BCU PA LAS, KHAMS GSUM PO 'DI NI SEMS TZAM MO, ,ZHES PA DANG, LANG KAR GSHEGS PA LAS, PHYI ROL SNANG BA YOD MIN TE, ,SEMS NI SNA TSOGS RNAMS SU SNANG, ,LUS DANG LONGS SPYOD GNAS 'DRA BA, ,SEMS TZAM DU NI NGAS BSHAD DO, ,ZHES PA'I LUNG LA BRTEN NAS KHAS BLANGS PA YIN LA, MDO DE GNYIS KYI DON 'CHAD TSUL YANG, DPAL LDAN ZLA BA GRAGS PA DANG, SLOB DPON LEGS LDAN 'BYED GNYIS KAS SA BCU PA'I MDO DES PHYI DON MA BKAG PAR SEMS LAS GZHAN PA'I 'JIG RTEN GYI BYED PA PO'I GTZO BO BKAG PAR BZHED PA MTHUN ZHING, SLOB DPON DE GNYIS LANG GSHEGS KYI MDO DON 'CHAD TSUL MI 'DRA STE, LEGS BSHAD SNYING PO LAS, SA BCU PA LAS KHAMS GSUM PO 'DI NI SEMS TZAM MO GSUNGS PA'I TZAM KYI SGRAS DE DAG 'GOG PA NI MDO DE'I DON MA YIN TE, SEMS LAS GZHAN PA'I 'JIG RTEN GYI BYED PA PO BKAG PAR MDO LAS GSAL BAR GSUNGS PA LEGS LDAN DANG 'DRA'O, ,PHYI ROL SNANG BA YOD MIN TE, ,ZHES SOGS NI, LUNG DES PHYI ROL MA BKAG CES LEGS LDAN GYIS 'CHAD PA LTAR ZLA BA MI BZHED KYI, MDO DES DE LTAR BSTAN KYANG DE DRANG DON YIN ZHES 'GREL LO, ,ZHES GSUNGS PA'I PHYIR DANG, RNAM BSHAD BSTAN PA'I SGRON ME LAS, PHYI DON @054A *, ,MED PA MDO GANG GIS KYANG BSTAN DON MIN PA LEGS LDAN GYIS BZHED MI BZHED BLO GROS DANG LDAN PA RNAMS KYIS DPYAD PAR BYA BA YIN TE, SA BCU PA DANG LANG GSHEGS KYI LUNG 'DI GNYIS KYIS NI, PHYI DON MED PAR MA BSTAN PAR LEGS LDAN BZHED CING, PHYI DON MED PAR BSTAN PA'I MDO DRANG DON DU 'CHAD PA'I LEGS LDAN GYI GZHUNG BOD DU MA 'GYUR BA'I PHYIR, ZHES GSUNGS PA'I PHYIR, LAS KYANG 'JIG RTEN GYI BYED PA PO YIN TE, STONG THUN LAS, KHAMS GSUM PO MTHA' DAG KYANG, LAS LAS 'JIG RTEN SNA TSOGS SKYES, ,ZHES PA DANG MTHUN PAR LAS KYIS BYAS LA, ZHES GSUNGS PA'I PHYIR, RGYU MTSAN DE'I PHYIR SEMS LAS GZHAN PA'I 'JIG RTEN GYI BYED PA PO'I GTZO BO BKAG ZHES SMOS DGOS SO, ,SA BCU PA'I MDO DON 'CHAD TSUL DANG, LANG GSHEGS KYI MDO DON 'CHAD TSUL YANG, DBU MA 'JUG PA LAS, MDO LAS SEMS TZAM ZHES GSUNGS GZUGS NI 'DIR, ,'GOG PA DE LTAR MDO YI DON MA YIN, ,ZHES PA DANG, MDO SDE GANG LAS PHYI ROL SNANG YOD MIN, ,SEMS NI SNANG TSOGS SNANG DO ZHES GSUNGS PA, GZUGS LA SHIN TU CHAGS GANG DE DAG LA, ,GZUGS BZLOG PA STE DE YANG DRANG DON NYID, ,'DI NI STON PAS DRANG DON NYID GSUNGS SHING, ,'DI NI DRANG DON NYID DU RIG PAS 'THAD, ,ZHES GSUNGS SHING, LANG GSHEGS KYI LUS DANG LONGS SPYOD SOGS KYANG, RNAM BSHAD DGONGS PA RAB GSAL LAS, DE LA LUS NI MIG LA SOGS PA'I SKYE MCHAD GZUGS CAN RNAMS SO, ,LONGS SPYOD NI GZUGS SGRA SOGS YUL LNGA'O, ,GNAS @054B NI SNOD KYI 'JIG RTEN NO, ,ZHES GSUNGS PA LTAR YIN NO, ,'O NA DBU SEMS KYI MKHAS PA DE DAG GIS, GCIG GIS GCIG LA PHAN TSUN RGOL NUS SAM ZHE NA, DE 'CHAD PA LA, STON THUN SKAL BZANG MIG 'BYED LAS, SHAN TI PAS RANG GI LTA BA SEMS TZAM YIN KYANG, 'PHAGS PA KLU SGRUB DBU MA PAR BYAS NAS MI 'GOG GI ,KLU SGRUB DANG THOGS MED GNYIS KA LTA BA SEMS TZAM DU MTHUN PAR SEMS TZAM RGYAN DU BSHAD LA, SNGON GYI GNAS BRTAN CHOS SKYONG LTA BUS CHEN PO DAG GIS KYANG 'PHAGS PA KLU SGRUB DANG 'PHAGS PA LHA GNYIS GA'I DGONGS PA SEMS TZAM DU BYAS NAS, BZHI BRGYA PA YANG SEMS TZAM DU BKRAL BAR ZLA BA'I ZHABS KYIS BZHI BRGYA PA'I 'GREL BA LAS GSUNGS SO, ,'ON KYANG SHAN TI BAS 'PHAGS SENG SOGS NI DNGOS SU MING NAS SMOS TE 'GOG LA, AA BHYA KA RA LA SOGS PAS NI, SENG BZANG DNGOS SU MING NAS SMOS TE 'GOG KYANG 'PHAGS GROL LA CUNG ZAD KYANG RGOL BAR MI NUS SHING, LTA BA GTAN LA 'BEBS PA'I SKABS SU YANG ZLA BA'I LUNG KHUNGS SU 'DREN PAR SNANG NGO, ,DE LTAR RIM PA MANG DU YOD KYANG, ZLA BA GRAGS PA DANG ZHI BA LHA GNYIS LA NI MTSAN NAS DNGOS SU SMOS NAS 'GOG PA'I RGYA GAR BA SU YANG MED CING, RGYA GAR MKHAS PA'I GZHUNG GANG NA YANG DE LTAR BYAS NAS BKAG PA MED DO, ,ZHES GSUNGS, ,GNYIS PA LA, RNAL 'BYOR GYIS BZHI DANG, SA BZHI PA NYID LA SA BCU DANG, PHAR PHYIN BCU DANG, BSLAB PA GSUM DU PHYE BA'O, ,DANG PO LA, GANG ZAG GI BDAG MED RTOGS PA'I RNAL 'BYOR KYIS, SEMS TZAM LA DMIGS PA'I RNAL 'BYOR @055A *, ,GYIS, DE BZHIN NYID MA DMIGS PA'I RNAL 'BYOR GYI SA, SNANG MED LA GNAS PA'I RNAL 'BYOR GYI SA DANG BZHI'O, ,DE YANG, LENG GSHEGS LAS, SEMS TZAM LA NI DMIGS NAS NI, ,PHYI ROL DON LA MI RTOG GO ,DE BZHIN NYID LA DMIGS NAS NI, ,SEMS TZAM LAS KYANG 'DA' BAR BYA, ,SEMS TZAM LAS NI 'DAS NAS NI, ,SNANG BA MED LAS 'DA' BAR BYA, ,SNANG MED GNAS PA'I RNAL 'BYOR PA, ,DE YIS THEG PA CHEN PO MTHONG, ,ZHES PAS RNAL 'BYOR GYIS PHYI MA GSUM DNGOS SU BSTAN NAS, DANG PO SHUGS LA BSTAN PA DE NYID, THEG BSDUS, SGOM RIM, SHER PHYIN MAN NGAG, 'GREL BA DON GSAL RNAMS SU DNGOS SU BSTAN NO, ,RNAL 'BYOR GYI SA BZHI'I SKYE RIM NI, BYANG CHUB SEMS DPA' RNAMS KYI SA DANG POR TSOGS LAM GYI SKABS SU PHUNG PO'I TSOGS RGYUN GANG LA YANG RAG LAS PA MA YIN PA'I RANG SKYA THUB PA'I GANG ZAG MED DO SNYAM DU GANG ZAG GI BDAG MED RTOGS PA'I RNAL 'BYOR GYI SA DE BSGOM PAR BYED, DE NYID DER 'JUG ZHES PAS SHUGS LA BSTAN, DE NAS SBYOR LAM DROD KYI TSE, KHAMS GSUM PO 'DI NI SEMS TZAM GYI BDAG NYID YIN GYI, PHYI DON MED DO SNYAM DU YID LA BYAS PAS, PHYI DON MED PA'I SNANG BA DANG, SHES PA'I BDAG NYID KYI SNANG BA CUNG ZAD THOB PAS, DROD KYI TING NGE 'DZIN DE LA SNANG PA THOB PA'I TING NGE 'DZIN ZHES BYA'O, ,DE NAS SBYOR LAM RTZE MO'I TSE MNYAM BZHAG TU PHYI DON GYI SNANG BA CUNG ZAD YOD KYANG, PHYI DON MED PA'I SNANG BA DANG, SHES PA'I BDAG NYID KYI @055B SNANG BA CHER 'PHEL BAS, RTZE MO'I TING NGE 'DZIN DE LA SNANG BA MCHED BA'I TING NGE 'DZIN ZHES BYA'O, ,DES NA DE LTA BU'I DROD RTZE'I TING NGE 'DZIN GNYIS NI, SEMS TZAM LA DMIGS PA'I RNAL 'BYOR GYI SA YIN NO, ,DE'I RJES SU SBYOR LAM BZOD PA'I TSE MNYAM BZHAG TU PHYI DON KYI SNANG BA NUB CING, SHES PA'I BDAG NYID KYI SNANG BA DANG, PHYI DON MED PA'I SNANG BA CHER 'PHEL BAS, BZOD PA'I TING NGE 'DZIN DE LA DE KHO NA NYID KYI PHYOGS GCIG LA ZHUGS PA'I TING NGE 'DZIN ZHES BYA'O, ,DROD RTZE GNYIS KYI SKABS SU PHYI DON GYI SNANG BA DANG, SHES PA'I BDAG NYID KYI SNANG BA DANG, PHYI DON MED PA'I SNANG BA GSUM GCIG CAR MI 'BYUNG YANG RIM CAN DU 'BYUNG SRID LA BZOD PA THOB NAS MNYAM BZHAG TU PHYI DON GYI SNANG BA 'BYUNG MI SRID DO, ,DE NAS GZUNG BA DON GZHAN MED NA DER SNANG GI 'DZIN PA MA 'KHRUL BA YANG MED DO, ,SNYAM DU YID LA BYAS PAS, CHOS MCHOG GI TSE MNYAM BZHAG TU PHYI DON GYI SNANG BA NUB CING, SHES PA'I BDAG NYID KYI SNANG BA YANG SHIN TU PHRA BAR SONG ZHING MTHONG LAM DE MA THAG BSKYED PAS, CHOS MCHOG GI TING NGE 'DZIN DE LA DE MA THAG PA'I TING NGE 'DZIN ZHES BYA'O, DE LTA BU'I BZOD MCHOG GI TING NGE 'DZIN GNYIS NI DE BZHIN NYID LA DMIGS PA'I RNAL 'BYOR GYI SA YIN NO, ,SNANG BA MED LAS 'DA' BAR BYA, ,ZHES PAS NI, PHYI DON GYI SNANG BA MED TZAM DANG, SHES PA'I BDAG NYID KYI SNANG BA PHRA MO LAS KYANG 'DA' DGOS PAR BSTAN NO, ,SBYOR LAM CHOS MCHOG CHEN PO'I MJUG THOGS DE MA THAG TU MTHONG LAM BAR CHAD MED LAM GYI SNANG NGOR DGAG BYA PHYI DON GYI SNANG BA YANG MED, CHOS CAN SHES PA' @056A *, ,BDAG NYID KYI SNANG BA YANG MED PAR PHYI DON GYIS STONG PA'I STONG NYID GNYIS SNANG PHRA MOS KYANG MA CHOD PAR MNGON SUM DU RTOGS PA'I THEG CHEN GYI MTHONG LAM BAR CHAD MED LAM GYI TING NGE 'DZIN DE LA SNANG MED LA GNAS PA'I RNAL 'BYOR GYIS ZHES BYA STE, DE GNYIS SNANG MED PA LA GNAS PA'I TING NGE 'DZIN YIN PA'I PHYIR, DE YANG DER 'JUG CES PA LA GSUM YOD PA LAS, DROD RTZE'I SKABS SU KUN BTAGS LA 'JUG PA ZHES BYA STE, DER PHYI DON GYI SNANG BA DANG BCAS PA'I PHYIR, BZOD MCHOG GI TSE GZHAN DBANG LA 'JUG PA ZHES BYA STE, DE'I TSE SHES PA'I BDAG NYID KYI SNANG BA CHER 'PHEL ZHING SHES PA GZHAN DBANG YIN PA'I PHYIR; MTHONG SGOM GNYIS KYI TSE YONGS GRUB LA 'JUG PA ZHES BYA STE, ,DE GNYIS KYIS CHOS NYID MNGON SUM DU RTOGS PA'I PHYIR, DE DAG LUNG GIS STON TSUL NI, MDO LAS, SEMS TZAM LA NI DMIGS NAS NI, PHYI ROL DON LA MI RTOG GO, ,ZHES DANG, 'GREL BA DON GSAL LAS, 'DI NI SEMS TZAM KHO NA YIN GYI, PHYI ROL GYI DON NI MED DO, ,CES PAS, SEMS TZAM LA DMIGS PA'I RNAL 'BYOR GYIS DE STON, DE BZHIN NYID LA DMIGS NAS NI, ,SEMS TZAM LAS KYANG 'DA' BAR BYA, ,ZHES DANG, GZUNG BA MED NA 'DZIN PA MED DO, ,ZHES SOGS KYIS DE BZHIN NYID LA DMIGS PA'I RNAL 'BYOR GYIS DE STON, SEMS TZAM LAS KYANG 'DA' BAR BYA, ,ZHES PAS CHOS MCHOG GI DUS SHES PA'I BDAG NYID KYI SNANG BA CHUNG NGU LAS KYANG 'DA' DGOS PAR BSTAN NO, ,SEMS TZAM LAS NI 'DAS NAS NI, ,ZHES PAS NI, MTHONG LAM BAR CHAD @056B MED LAM GYI DUS NA SHES PA'I BDAG NYID KYI SNANG BA MED PAR STON, ,SNANG BA MED LAS 'DA' BAR BYA, ,ZHES PAS NI, SHES PA'I BDAG NYID KYI SNANG BA BZAD MCHOG GI MNYAL BZHAG GI NGO BOR YOD CING, PHYI DON GYI SNANG BA DE'I NGOR MED TZAM DE LAS 'DAS NAS MTHONG LAM BAR CHAD MED LAM DE SHES PA'I BDAG NYID DANG, PHYI DON GYI SNANG BA MED PA LA GNAS NAS SHES SGRIB KUN BTAGS SPONG BAR BYED DO, ,'DIR GREL BA DON GSAL DANG SBYAR BA NI, TSUL DE TZAM ZHIG SEMS TZAM PA DANG, RNAL 'BYOR SPYOD PA'I DBU MA PAS THUNG MON DU 'DOD PA'I DBANG BYAS KYI, CHA THAMS CAD NAS MTSUNGS PA MA YIN NO, ,RNAL 'BYOR, GYIS BZHI PA DE NYID LA YANG, RGYU'I SA DGU DANG, 'BRAS BU'I SA BCU PA GNYIS, DE GNYIS LA SO SOR PHYE NAS SA BCU DANG, PHAR PHYIN BCUR DBYE BA DANG, DE NYID BSLAB PA GSUM DU BSDUS NAS BSGOM PAR BYED DO, ,GSUM PA 'BRAS BU MNGON DU BYED TSUL NI, DE 'BRAS SPANGS PA DANG, ZHES PAS STON, BYANG CHUB SEMS DPA' RNAMS KYIS TSOGS SBYOR DANG SA BCU RIMS KYIS BGROD NAS, SA BCU PA'I KHYAD PAR GYI LAM RDO RJE LTA BU'I TING NGE 'DZIN GYI RJES THOG DE MA THAG TU CHOS NYID LA MNYAM PAR BZHAG BZHIN PA'I NGANG NAS JI SNYED PA MTHA' DAG MNGON SUM DU RTOGS PA'I TSE, RANG DON SPANGS PA PHUN TSOGS DANG, RTOGS PA PHUN TSOGS KYI CHOS SKU DANG, GZHAN DON 'PHRIN LAS PHUN TSOGS KYI GZUGS SKU GNYIS GCIG CAR DU MNGON DU BYAS PA YIN NO, ,LEGS PAR BSHAD DO, ,GSUM PA DES GSUNG @057A *, ,RAB KYI DANG NGES 'BYED TSUL NI, DNGOS PO'I DE KHO NA NYID CES SOGS KYIS STON, DON NI, SKABS 'DIR 'KHOR LO DANG PO GNYIS PO GANG RUNG YIN NA DRANG DON GYI MDO YIN PAS KHYAB CING, 'KHOR LO THA MA YIN NA NGES DON GYI MDO YIN PAS KHYAB STE, 'KHOR LO DANG PO GNYIS LA DGONGS GZHI, DGOS PA, DNGOS LA GNOD BYED GSUM YOD CING, 'KHOR LO THA MA DE SGRA JI BZHIN PA YIN PA'I PHYIR, DES DON GYI MDO YIN NA 'KHOR LO THA MA YIN PAS MA KHYAB STE, DGONGS 'GREL GYI LE'U BCU GA SEMS TZAM PA'I THUN MONG MA YIN PA'I MDO YIN PAS, NGES DON GYI MDO YIN KYANG 'KHOR LO THA MA MA YIN PAR GONG DU BSGRUBS ZIN PA'I PHYIR, 'O NA, LEGS BSHAD SNYING PO LAS, MDO 'DIS DRANG NGES SU 'JOG PA'I TSUL NI LEGS PAR PHYE MA PHYE GNYIS YIN LA, ZHES GSUNGS PA MI 'THAD PAR THAL, DRANG NGES KYI MDO'I KHYAD PAR MTSAN NYID GSUM LA BDEN PAR YOD MED KYI KHYAD PAR LEGS PAR PHYE MA PHYE'I SGO NAS MI 'JOG PAR, SGRA JI BZHIN DU KHAS BLANG DU RUNG MI RUNG GI SGO NAS 'JOG PA'I PHYIR ZHE NA, SKYON MED DE, LUNG DE NI GRUB DON GYI MDO'I DNGOS BSTAN GYI DRANG NGES KYI MDO'I KHYAD PAR LEGS PAR PHYE MA PHYE'I SGO NAS 'JOG PA'I DON YIN PA'I PHYIR, 'KHOR LO DANG POR PHYI DON YOD PAR GSUNGS PA'I DGONGS GZHI YOD DE, PHYI ROL DON SNANG GI BAG CHAGS SMIN PA'I DBANG GIS MIG SOGS NANG GI SKYE MCHED DRUG DANG, GZUGS SOGS PHYI'I SKYE MCHED DRUG PHYI ROL @057B DON DU SNANG BA 'BYUNG BA LA DGONGS PA'I PHYIR TE, NYI SHU PA LAS, RANG GI SA BON GANG LAS SU, ,RNAM RIG SNANG BA GANG 'BYUNG BA, ,DE DANG DE YI SKYE MCHED NI, ,RNAM PA GNYIS SU THUB PAS GSUNGS, , ZHES GSUNGS PA'I PHYIR, DGOS PA YOD DE, DE LTAR BSTAN DGOS KYI NYAN THOS SDE BA LTA BU RJES SU BZUNG BA'I CHED YIN PA'I PHYIR TE, NYI SHU PA LAS, GZUGS SOGS SKYE MCHED YOD PAR NI, , DE 'DUL BA YI SKYE BO LA, ,DGONGS PA'I DBANG GIS GSUNGS PA STE, ,BRDZUS TE 'BYUNG BA'I SEMS CAN BZHIN, ,ZHES GSUNGS PA'I PHYIR, DNGOS LA GNOD BYED YOD DE, GZUGS CHOS CAN, PHYI DON MA YIN TE, RANG SNANG BA'I SHES PA'I BDAG NYID YIN PA'I PHYIR, DPER NA, SKYE BA SNGA PHYI MED PAR LTA BA'I RGYANG 'PHEN PA 'DUL BA'I PHYIR DU, BAR SRID KYI SEMS CAN LA DGONGS NAS, RDZUS TE SKYE BA'I SEMS CAN MDO LAS GSUNGS PA BZHIN NO, ,'KHOR LO BAR BA'I DGONGS GZHI SOGS SLA ZHING, 'KHOR LO DANG PO GNYIS DRANG DON DU 'GREL BAR MTSUNGS KYANG, 'GREL TSUL MI MTSUNGS TE, DE GNYIS LA DGONGS GZHI BSTAN DON YIN MIN GYI KHYAD PAR YANG YOD DE, SGRA JI BZHIN PA BSTAN DON YIN MIN GYI KHYAD PAR YANG YOD PA'I PHYIR, DANG PO GRUB STE, KUN GZHI'I STENG GI MIG GI RNAM SHES KYI RTEN DU GYUR BA'I NUS PA DE 'KHOR LO DANG POR PHYI DON YOD PAR GSUNGS PA'I DGONGS GZHI YIN KYANG BSTAN DON MA YIN ZHING, KUN BTAGS RANG GI MTSAN NYID KYIS MA GRUB PA DANG, GZHAN DBANG RKYEN LA LTOS MED DU RANG @058A *, ,DBANG DU SKYE BA MED PA DANG, YONGS GRUB DON DAM YIN KYANG, CHOS BDAG GI NGOR MED PA GSUM PO DE, 'KHOR LO BAR BAR CHOS RNAMS NGO BO NYID MED PAR GSUNGS PA'I DGONGS GZHI DANG BSTAN DON GNYIS KA YIN PA'I PHYIR, RTAGS GNYIS PA SLA'O, ,'DI NI SEMS TZAM PA'I LUGS KYI DRANG NGES KYI MDO'I KHYAD PAR YIN LA, THAL RANG GI LUGS KYI DRANG NGES KYI MDO'I KHYAD PAR NI GZHAN DU BSHAD ZIN PAS 'DIR MA SPROS SO, ,'O NA, DRANG NGES 'BYED TSUL SOGS DE LTAR YIN NA, SEMS TZAM PA RANG GI NGO BO DE GANG ZHE NA, 'DI LA, MTSAN NYID, DBYE BA, MING GI RNAM GRANGS, SGRA BSHAD PA DANG BZHI, DANG PO NI, PHYI DON MI 'DOD CING, RANG RIG BDEN GRUB TU 'DOD PA'I THEG CHEN GYI GRUB MTHA' SMRA BA'I GANG ZAG DE SEMS TZAM PA'I MTSAN NYID, GNYIS PA NI, DE LA DBYE NA, RNAM BDEN PA DANG, RNAM RDZUN PA GNYIS SU YOD, DANG PO DANG LUNG GI RJES 'BRANG 'BRANG GI SEMS TZAM PA DON GCIG, ,KHYAD PAR NI, GRUB MTHA' 'BRANG GI SEMS TZAM PA DON GCIG, ,KHYAD PAR NI, GRUB MTHA' RGYA MTSOR 'JUG PA'I GRU RDZINGS LAS, TSUR MTHONG GI RGYUD KYI GZUGS 'DZIN DBANG PO'I MNGON SUM LA, GZUGS RAG PAR SNANG BA NI, RNAM BDEN RDZUN GNYIS KYI RTZOD PA'I GZHI DANG, DE LTAR SNANG BA DE SNANG BA LTAR TU GRUB MA GRUB TU 'DOD PA'I SGO NAS RNAM BDEN RDZUN GNYIS SO SOR 'BYED LA YIN TE, RNAM BDEN PAS DE LTAR SNANG BA DE SNANG BA LTAR DU GRUB PAR 'DOD, RNAM RDZUN PAS DE LTAR SNANG BA DE SNANG BA LTAR MA @058B GRUB PAR 'DOD PA'I PHYIR, ZHES GSUNGS PA LTAR YIN TE, RNAM BDEN PA LTAR NA GZUGS SOGS DON LNGA PO DE, PHYI DON MA YIN KYANG RAGS PAR GRUB PAR KHAS LEN, RNAM RDZUN PA LTAR NA DE RAGS PA MA YIN TE, RAGS PAR GRUB NA, PHYI DON DU GRUB DGOS PA'I PHYIR, RNAM BDEN PA LA DBYE NA, GZUGS 'DZIN GRANGS MNYAM PA, SGONG PHYED TSAL BA, SNANG TSOGS GNYIS MED PA DANG GSUM YOD, DE RNAMS SO SO'I 'DOD TSUL YOD DE, PHYE MA LEB KYI GSHOG STENG GI KHRA BO 'DZIN PA'I MIG SHES KYIS KHRA BO 'DZIN PA'I TSE, YUL GYI NGOS NAS SNGO SER SOGS MI 'DRA BA RE RE'I RNAM PA GTAD CING, YUL CAN GYI NGOS NAS KYANG SNGO SER SOGS MI 'DRA BA RE RE'I RNAM LA RNAM LDAN DU SKYE BAR 'DOD PAS NA, GZUGS 'DZIN GRANGS MNYAM PA DANG, DE LTAR 'DZIN PA'I TSE YUL GYI NGOS NAS SNGO SER SOGS MI 'DRA BA RE RE'I RNAM PA GTAD CING, YUL CAN GYI NGOS NAS SNGO SER SOGS MI 'DRA BA RE RE'I RNAM MED DU SKYE BAR 'DOD PAS NA, SGOD PHYED TSAL BA DANG, DE LTAR 'DZIN PA'I TSE YUL GYI NGOS NAS SNGO SER SOGS MI 'DRA BA RE RE'I RNAM PA GTAD CING, KHRA TZAM GYI RNAM PA GTAD, YUL CAN GYI NGOS NAS SNGO SER SOGS MI 'DRA BA RE RE'I RNAM PA RNAM MED DU MA SKYES PAR, KHRA TZAM GYI RNAM PA RNAM MED DU SKYE BAR 'DOD PAS NA SNA TSOGS GNYIS MED PA ZHES BRJOD PA YIN PA'I PHYIR, GNYIS PA RNAM RDZUN PA LA DBYE NA, DRI BCAS RNAM RDZUN PA DANG, DRI MED RNAM RDZUN PA GNYIS SU YOD, DE GNYIS KYIS 'DOD TSUL NI, @059A *, ,DANG POS SANGS RGYAS KYIS NA GNYIS SNANG YOD PAR 'DOD LA, GNYIS PAS DE MED PAR 'DOD DO, ,GSUM PA NI, SEMS TZAM PA, RNAM RIG PA, RNAL 'BYOR SPYOD PA PA RNAMS DON GCIG MING GI RNAM GRANGS YIN TE, BSTAN PA SPYI RNAM LAS, SEMS TZAM PA DANG, RNAM RIG PA, RNAL 'BYOR SPYOD PA ZHES PA RNAMS, ,SEMS TZAM PA LI SPYI MING YIN, ,ZHES GSUNGS PA'I PHYIR, BZHI PA NI, CHOS THAMS CAD SEMS TZAM GYI BDAG NYID DU 'DOD PAS NA SEMS TZAM PA DANG, CHOS THAMS CAD RNAM PAR RIG PA TZAM GYI BDAG NYID DU 'DOD PAS NA RNAM RIG PA DANG, RNAL 'BYOR GYIS BZHI'I LAM DANG, GZHAN DBANG YONGS GRUB RNAMS BDEN GRUB TU 'DOD PAS NA RNAL 'BYOR SPYOD PA PA ZHES BYA'O,, ,,SMRAS PA,, RGYAL BA GNYIS PA'I LEGS BSHAD SNYING PO YI, ,DKA' BA'I GNAD KUN DRI MED RIG PA YIS, ,GTAN LA PHAB CING MDO DANG BSTAN BCOS KYI, ,TSAD LDAN GZHUNG DANG SBYAR TE LEGS PAR BSHAD, BSTAN BCOS RTZOM PA'I RGYU GSUM MA TSANG BAS, ,'DIR 'PHAD NONGS PA MKHAS PA RNAMS LA BSHAGS, ,LEGS CHA JI SNYID MCHIS PAS RANG GZHAN GYIS, ,DRANG NGES JI BZHIN KHONG DU CHUD PAR SHOG ,DGONGS 'GREL LUGS KYI DRANG NGES 'BYED TSUL RDZOGS, ,BLO GROS MI ZAD MDO DON 'BYED TSUL NI, ,BRJOD PAR 'DOD MOD MANGS SU 'GYUR DOGS NAS, ,'DIR NI MA SPROS @059B GZHAN DU 'CHAD PAR 'DOD,, ,,CES PA 'DI NI BLO GROS MKHA' LTAR YANGS PA'I SKYES BU DANG, PHYOGS LHUNG BLO GROS SKYON GYIS MIG BSGRIBS PA'I SKYE BO RNAMS LA PHAN PA CHED MED KYANG, RANG NYID DRAN PA GSAL PHYIR DANG, GZUR GNAS BLO GROS DMAN PA LEGS BSHAD DON DU GNYER BA RNAMS LA PHAN 'DOD KYI BSAM PA'I KUN NAS BSLANG STE, GYIN BA D'A NA'I MING CAN GYIS DGA' LDAN RNAM PAR RGYAL BA'I GLING DU BSGRIGS PA'O,, ,, ` CES LHAG BSAM GYIS THUGS RGYUD LEGS PAR PHYUG PA'I SBYIN BDAG BAL YUL GNAS BZHUGS RDO RJE SLOB 'DZIN SKU ZHABS LHUN GRUB RDO RJE LAGS NAS, PHA MA RNAM GNYIS KYI GTZOS RANG GZHAN KUN GYI 'DI PHYI'I RNAM DKAR DGE TSOGS DU MA'I CHAD DRANG NGES SPYI DON DPE DRANGS BZHI BRGYA THAM PAR BSKRUN ZHUS PA'I 'GRO GRON GNANG BA'I 'DIS, SGRIB GNYIS SPANGS TSOGS GNYIS RDZOGS MYUR DU MNGON PAR RDZOGS PA SANGS RGYAS PA'I RGYUR GYUR CIG, DGE'O,, @060A *, ,BSAM NOR GLING GRVA TSANG GI YIG CHA MKHAS SHING GRUB PA'I DBANG PHYUG CHEN PO MKHAS SGRUB SBYIN PA DAR GYAS KYIS MDZAD PA'I DRANG NGES SPYI DON 'DI BZHIN DPE GRANGS GSUM RGYA THAM PA DPAR BSKRUN ZHUS PA'I 'GRO GRON GYI YON SBYAR GNANG BA'I SMON TSIG TU,, ` AO SVA STI, RNAM GROL ZHI BA'I RGYA MTSOR RO GCIG TU, ,GZHOL BA'I MTHA' YAS CHOS TSUL DAL 'BAB KLUNG, ,TSIG GI GZEGS MA RES KYANG DUG GSUM GYI, ,DRI MA YONGS 'KHRUD LEGS BSHAD BDUD RTZI 'DI, ,DPAR DU BSKRUN PA'I RNAM DKAR PHUNG PO'I MTHUS, ,YANG DAG CHOS KYI SGO MO STONG PHRAG BRGYA, ,GDANGS TE RGYUD LNGA'I 'GRO BA MA LUS PA, ,NGES LEGS NOR BU'I MDZOD LA DBANG 'BYOR SHOG, ,,CES DGE BSNGO'I SMON TSIG 'DI BZHIN 7 GONG SA SKYABS MGON RGYAL DBANG THAMS CAD MKHYEN CING GZIGS PA CHEN PO SKU 'PHRENG BCU BZHI PA RJE BTZUN 'JAM DPAL NGAG DBANG BLO BZANG YE SHES BSTAN 'DZIN RGYA MTSO SRID GSUM DBANG BSGYUR MTSUNGS PA MED PA'I SDE DPAL BZANG PO MCHOG GIS MDZAD PA'O,, ,