@001A *, ,SKABS GSUM PA'I MTHA' DPYOD RJE BTZUN CHOS KYI RGYAL MTSAN GYI GSUNG RGYUN BZHUGS SO, @001A *, ,GZHI THAMS CAD YONGS SU SHES PA MED PAR LAM LEGS PAR YONGS SU SHES PA MED PAS THAMS CAD SHES PA NYID, CES PA'I SKABS SU, SBYOR BA DANG, MTHA' DPYAD PA GNYIS LAS, DANG PO NI, LAM SHES KYI RJES SU GZHI SHES 'CHAD PA'I RGYU MTSAN YOD DE, SKYES BU 'BRING DANG THUN MONG BA'I LAM GYI RIM PAS BSDUS PA'I MI RTAG SOGS BCU DRUG RTOGS PA'I LAM MA THOB PAR, SKYE BU CHEN PO'I LAM RIM GYIS BSDUS PA'I LAM MI THOB PA'I RGYU MTSAN GYIS DE LTAR BSHAD PA'I PHYIR, GNYIS PA LA, GSUM LAS, DANG PO LA, MKHAS PA KHA CIG, GZHI GANG ZAG GI BDAG MED MNGON SUM DU RTOGS PA'I NYI TSE PA'I MKHYEN PA DE, GZHI SHES KYI MTSAN NYID, CES GSUNGS PA MI 'THAD DE, SANGS RGYAS 'PHAGS PA'I RGYUD KYI GZHI SHES YOD PA'I PHYIR, YANG GZHI GANG ZAG GI BDAG MED MNGON SUM DU RTOGS PA'I MKHYEN PA DE, GZHI SHES KYI MTSAN NYID @002A *, ,ZER NA, NYAN THOS 'PHAGS PA'I RGYUD KYI 'DUS BYAS MI RTAG PAR MNGON SUM DU RTOGS PA'I MKHYEN PA CHOS CAN, MTSAN NYID DER THAL, MTSON BYA DE'I PHYIR, 'DOD NA, NYAN THOS 'PHAGS PA'I RGYUD KYI GANG ZAG GI BDAG MED MNGON SUM DU RTOGS PA'I MKHYEN PA DES, 'DUS BYAS MI RTAG PAR MNGON SUM DU RTOGS PAR THAL, 'DOD PA'I PHYIR, 'DOD NA, NYAN THOS KYI MTHONG LAM BAR CHAD MED LAM DES 'DUS BYAS MI RTAG PAR MNGON SUM DU RTOGS PAR THAL, 'DOD PA'I PHYIR, 'DOD NA, NYAN THOS KYI MTHONG LAM BAR CHAD MED LAM CHOS CAN, KHYOD KYIS DE MNGON SUM DU MA RTOGS PAR THAL, KHYOD BAR CHAD MED LAM YIN PA'I PHYIR, GZHAN YANG, RANG RGYAL GYI MTHONG LAM BAR CHAD MED LAM CHOS CAN, MTSAN NYID DER THAL, MTSON BYA DE'I PHYIR, 'DOD MI NUS TE, CHOS CAN DE'I PHYIR, GZHAN YANG, BYANG 'PHAGS KYI RGYUD KYI GANG ZAG GI @002B BDAG MED DON SPYI'I TSUL GYIS RTOGS PA'I BLO CHOS CAN, MTSAN NYID DER THAL, MTSON BYA DE'I PHYIR, RTAGS GSAL SLA, MKHAS PA KHA CIG, RANG RGYUD LDAN GYI GANG ZAG GI RGYUD KYI GANG ZAG GI BDAG MED MNGON SUM DU RTOGS PA'I SHES RAB GYIS ZIN PA'I YE SHES GANG ZHIG, NYAN THOS KYI RTOGS RIGS SU GNAS PA DE, GZHI SHES KYI MTSAN NYID ZER NA, RANG RGYAL GYI MTHONG LAM SDUG BSNGAL CHOS BZOD CHOS CAN, MTSAN NYID KYI ZUR PHYI MA DER THAL, MTSON BYA DE'I PHYIR, 'DOD NA, NYAN THOS SLOB PA 'PHAGS PAS GNYIS STONG BSGOM BYA'I GTZO BOR BYED PAR THAL, 'DOD PA'I PHYIR, 'DOD NA, DES GZUNG 'DZIN RDZAS GZHAN DU 'DZIN PA'I RTOG PA SPANG BYA'I GTZO BOR BYED PAR THAL, 'DOD PA'I PHYIR, 'DOD NA, NYAN THOS DGRA BCOM PAS GZUNG 'DZIN RDZAS GZHAN DU 'DZIN PA'I RTOG PA SPANGS BAR THAL LO, ,'DOD NA, RNAM PAR THAR BCUNG ZAD TZAM ZHIG GIS LHAG PA, ZHES SOGS KYI DON MA GRUB PAR THAL, 'DOD PA'I PHYIR, KHA CIG, THEG DMAN GYI RIGS CAN RJES SU BZUNG PA'I PHYIR, DU GTZO BOR SGOM PAR BYED PA'I 'PHAGS RGYUD KYI MKHYEN PA, GZHI SHES KYI MTSAN NYID, CES ZER NA, GANG ZAG GI BDAG MED MNGON SUM DU RTOGS PA'I THEG CHEN GYI MTHONG LAM CHOS CAN, MTSAN NYID DER THAL, MTSON BYA DE'I PHYIR, RTAGS SLA, 'DOD NA, DE BYANG SEMS MTHONG LAM PAS THEG DMAN GYI RIGS CAN RJES SU BZUNG PA'I PHYIR DU GTZO BOR SGOM PAR THAL, 'DOD PA'I PHYIR, 'DOD NA, BYANG SEMS MTHONG LAM PAS GANG ZAG GI BDAG MED GTZO BOR SGOM PAR THAL, 'DOD PA'I PHYIR, 'DOD NA, DES GANG ZAG @003A *, ,GI BDAG 'DZIN SPANG BYA'I GTZO BOR BYED PAR THAL, 'DOD PA'I PHYIR, KHO NA RE, BYANG SEMS MTHONG LAM PAS THEG DMAN GYI RIGS CAN RJES SU BZUNG BA'I PHYIR DU GANG ZAG GI BDAG MED BSGOM BYA'I GTZO BOR BYED PAR THAL, DES THEG DMAN GYI RIGS CAN RJES SU BZUNG BA'I PHYIR DU GTZO BOR BSGOM BYA ZHIG GZHI GRUB PA'I PHYIR, ZER NA, MA KHYAB STE, DES THEG DMAN GYI RIGS CAN RJES SU BZUNG BA'I PHYIR DU GANG ZAG GI BDAG 'DZIN SPANG BYA'I GTZO BOR BYED PAR THAL, DES DE'I PHYIR DU GANG ZAG GI BDAG MED GTZO BOR SGOM PA'I PHYIR, 'DOD NA, DES THEG DMAN GYI RIGS CAN RJES SU BZUNG PA'I PHYIR DU 'KHOR PA SPANG BYA'I GTZO BOR BYED PAR THAL, 'DOD PA'I PHYIR, 'DOD NA, DES DE'I PHYIR DU 'KHOR BAR SKYE BA MA YIN PAR THAL, 'DOD PA'I PHYIR, 'DOD NA, DES GZHAN DON DU 'KHOR BAR SKYE BA LEN PA DE THEG CHEN GYI RIGS CAN KHO NA RJES SU BZUNG PA'I PHYIR DU YIN PAR THAL, 'DOD PA'I PHYIR, 'DOD NA, DE LAS NGO MTSAR CHE BA CI ZHIG YOD, GZHAN YANG, BYANG SEMS MTHONG LAM PAS THEG DMAN GYI RIGS CAN RJES SU BZUNG BA'I PHYIR DU STONG NYID BSGOM BYA'I GTZO BOR MI BYED PAR THAL, DES DE'I PHYIR DU GANG ZAG GI BDAG MED GTZO BOR SGOM PA'I PHYIR, RTAGS KHAS, 'DOD NA, DES DE'I PHYIR DU BDEN 'DZIN SPANG BYA'I GTZO BOR MI BYED PAR THAL, 'DOD PA'I PHYIR, 'DOD NA, DES DE'I PHYIR DU SHES SGRIB SPANG BYA'I GTZO BOR MI BYED PAR THAL, 'DOD PA'I PHYIR, 'DOD NA, DES DE'I PHYIR DU RDZOGS PA'I BYANG CHUB THOB BYA'I GTZO BOR MI BYED PAR THAL, 'DOD PA'I PHYIR, GZHAN YANG, GZHI SHES @003B YIN NA GZHAN DON DU GTZO BOR SGOM PAR BYED PA'I LAM YIN DGOS PAR THAL, MTSAN NYID 'THAD PA'I PHYIR, 'DOD NA, 'PHAGS PA YIN NA GZHAN DON GTZO BOR DON DU GNYER BA'I GANG ZAG YIN DGOS PAR THAL, 'DOD PA'I PHYIR, 'DOD NA, NYAN THOS MTHONG LAM PA CHOS CAN, DER THAL, DE'I PHYIR, GZHAN YANG, MTSAN NYID DE LTAR 'JOG PA DANG, THEG DMAN 'PHAGS PA'I MKHYEN PA YIN NA GZHI SHES YIN PAS KHYAB ZER BA NANG 'GAL TE, STONG NYID MNGON SUM DU RTOGS PA'I NYAN THOS KYI MTHONG LAM CHOS CAN, MTSAN NYID DER THAL, MTSON BYA DE'I PHYIR, MA GRUB NA SONG, DER THAL, THEG DMAN 'PHAGS PA'I MKHYEN PA YIN PA'I PHYIR, KHYAB PA KHAS, RTAGS GRUB STE, NYAN THOS 'PHAGS PA'I RGYUD LA STONG NYID MNGON SUM DU RTOGS PA'I MKHYEN PA YOD PA'I PHYIR TE, STONG NYID RTOGS PA'I NYAN THOS 'PHAGS PA YOD PA'I PHYIR TE, STONG NYID RTOGS PA'I BYANG SEMS TSOGS LAM PA THEG DMAN LAM DU 'JUG PA YOD PA'I PHYIR, RTZA BAR 'DOD NA, DE CHOS CAN, KHYOD NYAN THOS MTHONG LAM PAS GTZO BOR SGOM PAR THAL, 'DOD PA GANG ZHIG, NYAN THOS MTHONG LAM PA'I MKHYEN PA YIN PA'I PHYIR, 'DOD NA, NYAN THOS MTHONG LAM PAS GTZO BOR STONG NYID SGOM PAR THAL, 'DOD PA'I PHYIR, KHO NA RE, DE CHOS CAN, THEG DMAN GYI RIGS CAN RJES SU BZUNG BA'I PHYIR DU GTZO BOR SGOM PAR BYED PA'I 'PHAGS RGYUD KYI MKHYEN PA YIN PAR THAL, KHYOD STONG NYID RTOGS PA'I NYAN THOS MTHONG LAM PA RJES SU BZUNG BA'I PHYIR DU GTZO BOR SGOM PAR BYED PA'I 'PHAGS RGYUD KYI MKHYEN PA YIN PA'I PHYIR, MA GRUB NA, STONG NYID RTOGS PA'I NYAN THOS KYI MTHONG LAM DE STONG NYID RTOGS PA'I NYAN @004A *, ,THOS MTHONG LAM PA RJES SU BZUNG BA'I PHYIR DU GTZO BOR SGOM PAR BYED PA'I 'PHAGS RGYUD KYI MKHYEN PA YIN PAR THAL, STONG NYID RTOGS PA'I NYAN THOS MTHONG LAM PA DES GTZO BOR RANG DON DU STONG NYID SGOM PA'I PHYIR, MA GRUB NA, DE CHOS CAN, KHYOD KYI GTZO BOR RANG DON DU STONG NYID SGOM PAR THAL, CHOS CAN DE'I PHYIR, DES NA STONG NYID RTOGS PA'I NYAN THOS MTHONG LAM PA DES GTZO BOR RANG DON DU STONG NYID SGOM, RANG DON DU GTZO BOR SGOM PAZER BA NANG 'GAL TE, STONG NYID RTOGS PA'I NYAN THO MTHONG LAM PA DES RANG DON DU GTZO BOR STONG NYID SGOM PAR THAL, DES KHO RANG RJES SU BZUNG PA'I PHYIR DU GTZO BOR STONG NYID SGOM PA'I PHYIR, MA GRUB NA SONG, DER THAL, STONG NYID RTOGS PA'I NYAN THOS KYI MTHONG LAM DE STONG NYID RTOGS PA'I NYAN THOS MTHONG LAM PA RJES SU BZUNG BA'I PHYIR DU GTZO BOR SGOM PAR BYED PA'I 'PHAGS RGYUD KYI MKHYEN PA YIN PA'I PHYIR, 'KHOR GSUM GYI PHRENG BA YIN NO, ,KHA CIG, THEG DMAN GYI RTOGS RIGS SU GNAS PA'I 'PHAGS RGYUD KYI MKHYEN PA DANG, THEG DMAN 'PHAGS PA'I MKHYEN PA GANG RUNG DE GZHI SHES KYI MTSAN NYID ZER NA, NYAN THOS 'PHAGS PA'I RGYUD KYI STONG NYID MNGON SUM RTOGS PA'I MKHYEN PA CHOS CAN, MTSON BYA DER THAL, MTSAN NYID DE'I PHYIR, MA GRUB NA, DER THAL, THEG DMAN 'PHAGS PA'I MKHYEN PA YIN PA'I PHYIR, RTAGS GRUB STE, DE 'DRA YOD PA'I PHYIR, RTZA BAR 'DOD NA, DE MI MTHUN PHYOGS KYI GZHI SHES YIN PAR THAL, DE GZHI SHES YIN PA'I PHYIR, 'DOD NA, BYANG SEMS 'PHAGS PA'I RGYUD KYI STONG NYID MNGON SUM DU RTOGS PA'I MKHYEN PA DE GNYEN PO @004B PHYOGS KYI GZHI SHES YIN PAR THAL, 'DOD PA'I PHYIR, GZHAN YANG, STONG NYID MNGON SUM DU RTOGS PA'I NYAN THOS KYI MTHONG LAM DANG SANGS RGYAS 'PHAGS PA'I RGYUD KYI GANG ZAG GI BDAG MED MNGON SUM DU RTOGS PA'I MKHYEN PA GNYIS KA CHOS CAN, MTSAN NYID DER THAL, GZHI SHES YIN PA'I PHYIR, MA GRUB NA SONG, DER THAL, SNGA MA DE YANG GZHI SHES YIN, PHYI MA DE YANG, GZHI SHES YIN PA'I PHYIR, DANG PO MA GRUB NA, DE CHOS CAN, GZHI SHES YIN PAR THAL, MTSAN NYID DE'I PHYIR, KHYAB PA KHAS, RTZA BAR 'DOD NA, DES CHOS CAN, THEG DMAN GYI RTOGS RIGS SU GNAS PA'I 'PHAGS RGYUD KYI MKHYEN PA YIN PAR THAL, 'DOD PA GANG ZHIG, PHYI MA MA YIN PA'I PHYIR, 'DOD NA, SNGA MA DE THEG DMAN GYI RTOGS RIGS SU GNAS PAR THAL LO, ,KHO NA RE, THEG DMAN 'PHAGS PA'I MKHYEN PA YIN NA GZHI SHES YIN DGOS PAR THAL, THEG CHEN 'PHAGS PA'I MKHYEN PA YIN NA LAM SHES YIN DGOS PA'I PHYIR, ZER NA, THEG DMAN 'PHAGS PA'I MKHYEN PA YIN NA BDEN 'DZIN GYIS BCINGS PAS KHYAB PAR THAL, THEG CHEN 'PHAGS PA'I MKHYEN PA YIN NA STONG NYID MNGON SUM DU RTOGS PA'I SHES RAB KYIS ZIN PAS KHYAB PA'I PHYIR, KHYAB PA 'GRIG, 'DOD NA, NYAN THOS 'PHAGS PA'I RGYUD KYI STONG NYID MNGON SUM DU RTOGS PA'I MKHYEN PA CHOS CAN, DER THAL, DE'I PHYIR, GZHAN YANG, THEG DMAN 'PHAGS PA'I MKHYEN PA YIN NA, MI MTHUN PHYOGS KYI GZHI SHES YIN PAS KHYAB PAR THAL, DE YIN NA GZHI SHES YIN PAS KHYAB PA'I PHYIR, RTAGS KHAS, 'DOD NA, THEG CHEN 'PHAGS PA'I MKHYEN PA YIN NA GNYEN PO PHYOGS KYI GZHI SHES YIN DGOS PAR THAL, @005A *, ,'DOD PA'I PHYIR, 'DOD NA, BYANG SEMS MTHONG LAM PA'I RGYUD KYI KUN RDZOB SEMS BSKYED CHOS CAN, DER THAL, DE'I PHYIR, RTAGS KHAS, KHO NA RE, THEG DMAN 'PHAGS PA'I MKHYEN PA YIN NA GZHI SHES YIN DGOS PAR THAL, DE YIN NA THEG DMAN GYI RTOGS RIGS SU GNAS PAS KHYAB PA'I PHYIR, MA GRUB NA, THEG DMAN SLOB PA YIN NA THEG DMAN GYI RIGS CAN YIN PAS MA KHYAB PAR THAL, MA GRUB PA DE'I PHYIR, ZER NA, 'PHAGS RGYUD KYI MKHYEN PA YIN NA MKHYEN GSUM GANG RUNG YIN DGOS PAR THAL, THEG DMAN 'PHAGS PA'I MKHYEN PA YIN NA GZHI SHES YIN DGOS PA'I PHYIR, RTAGS KHAS, 'DOD NA, NYAN THOS DGRA BCOM PA'I RTOGS PA SNGON DU SONG BA'I BYANG SEMS TSOGS LAM PA'I RGYUD KYI KUN RDZOB SEMS BSKYED CHOS CAN, DER THAL, DE'I PHYIR, 'DOD NA, DE MA YIN PAR THAL, GZHI SHES KYANG MA YIN, LAM SHES KYANG MA YIN, RNAM MKHYEN YANG MA YIN PA'I PHYIR, DANG PO GRUB STE, THEG DMAN GYI RTOGS RIGS SU MI GNAS PA'I PHYIR, THEG CHEN KUN RDZOB SEMS BSKYED YIN PA'I PHYIR, PHYI MA RNAMS, KHA CIG, GZHI SHES LA GNYEN PO GZHI SHES DANG, MI MTHUN PA'I GZHI SHES GNYIS SU YOD ZER NA, MI MTHUN GNYEN PO'I PHYOGS DAG DANG, ZHES SOGS PHYOGS SGRA SMRAS PA LA DGOS SA MED PAR THAL, DAM BCA' DE 'THAD PA'I PHYIR, GZHAN YANG, BYANG 'PHAGS KYI RGYUD KYI STONG NYID MNGON SUM DU RTOGS PA'I MKHYEN PA DE GZHI SHES YIN PAR THAL, GZHI SHES DE LA DE GNYIS SU 'PHYED RIGS PA'I PHYIR, KHYAB STE, GNYEN PO PHYOGS KYI GZHI SHES, ZHES PA'I GNYEN PO DE STONG @005B NYID MNGON SUM DU RTOGS PA'I YE SHES LA BYED RIGS MI MTHUN PHYOGS KYI GZHI SHES ZHES PA'I MI MTHUN PA DE BDEN 'DZIN LA BYED RIGS PA'I PHYIR, GZHAN YANG, MTSAN 'DZIN GYI GZHI SHES YOD PAR THAL, GNYEN PO GZHI SHES YOD PA'I PHYIR, RTAGS KHAS, 'DOD NA, MI MTHUN PHYOGS KYI GZHI SHES DE, MTSAN 'DZIN YIN PAR THAL, 'DOD PA'I PHYIR, 'DOD NA, DE CHOS CAN, SGANG BYA YIN PAR THAL, 'DOD PA'I PHYIR, MKHAS PA KHA CIG, THEG DMAN 'PHAGS PA'I RGYUD KYI GZHI SHES YIN NA MI MTHUN PHYOGS KYI GZHI SHES YIN PAS KHYAB, MI MTHUN PHYOGS KYI GZHI SHES YIN NA, BDEN 'DZIN GYIS BCINGS PA'I GZHI SHES YIN PAS KHYAB, CES GSUNGS, STONG NYID MNGON SUM DU RTOGS PA'I NYAN THOS 'PHAGS PA'I RGYUD KYI GZHI SHES CHOS CAN, KHYAB PA SDAM LA DER THAL, DE'I PHYIR, KHYAB PA KHAS, 'DOD NA, DE CHOS CAN, BDEN 'DZIN GYIS BCINGS PA'I GZHI SHES YIN PAR THAL, 'DOD PA'I PHYIR, KHYAB PA KHAS, 'DOD NA, DE CHOS CAN, GZHI LAM BDEN GRUB TU BDEN ZHEN GYIS 'DOD PA'I GANG ZAG GI RGYUD KYI GZHI SHES YIN PAR THAL, 'DOD PA'I PHYIR, KHYAB STE, RNAM BSHAD SNYING PO RGYAN LAS, BDEN 'DZIN GYIS BCINGS PA'I DON NI, GZHI DANG LAM BDEN PAR GRUB MA GRUB BRTAGS PA NA BDEN PAR ZHEN PA LAS MI 'DA' BA'I DON TE, SNGAR CHOS KYI GNAS LUGS THOS BSAM GYIS KYANG BSTAN PA MA PHABS PA'I DBANG DU BYAS PA'O, ,ZHES GSUNGS PA'I PHYIR, GONG DU 'DOD MI NUS TE, CHOS CAN, DE'I PHYIR, KHO NA RE, STONG NYID MNGON SUM DU RTOGS PA'I DGRA BCOM PA'I RGYUD KYI GZHI SHES DE, MI MTHUN PHYOGS KYI GZHI SHES YIN PAR @006A *, ,THAL, DE YOD PA GANG, ZHIG, DE GNYEN PO PHYOGS KYI GZHI SHES MA YIN PA'I PHYIR, ZHES ZER 'DI'I LAN 'OG TU 'CHAD, KHA CIG, MI MTHUN PHYOGS KYI GZHI SHES DE SKABS GSUM PA'I BSTAN BYA'I GTZO BOR GYUR PA'I GZHI SHES YIN ZER NA, SKABS GSUM PA'I CHED DU BYA BA'I GDUL BYAR GYUR PA'I THEG DMAN GYI RIGS CAN YOD PAR THAL, DAM BCA' 'THAD PA'I PHYIR, 'DOD NA, BSTAN BCOS MNGON RTOGS RGYAN GYI CHED DU BYA BA'I GDUL BYAR GYUR PA'I THEG DMAN GYI RIGS CAN YOD PAR THAL, 'DOD PA'I PHYIR, KHO NA RE, RTZA BA'I DAM BCA' DE MI 'THAD PAR THAL, SKABS GSUM PAS MI MTHUN PHYOGS KYI GZHI SHES DNGOS KYI BSTAN BYA'I GTZO BOR BYAS NAS BSTAN PA'I PHYIR, DER THAL, SKABS GSUM PAS GZHI SHES MTSON BYED KYI CHOS DGU DNGOS KYI BSTAN BYA'I GTZO BOR BYAS NAS BSTAN PA'I PHYIR NA, MA GRUB NA, DER THAL, SKABS GSUM PA'I DNGOS KYI BSTAN BYA'I GTZO BOR YOD PA'I PHYIR, KHA CIG, SKABS GSUM PA'I BSTAN BYA'I GTZO BOR GYUR PA'I GZHI SHES YIN NA, GNYEN PO PHYOGS KYI GZHI SHES YIN PAS KHYAB CES ZER, GZHI SHES CHOS CAN, DER THAL, DE'I PHYIR, RTAGS GRUB STE, SKABS GSUM PAS GZHI SHES BSTAN BYA'I GTZO BOR BYAS NAS BSTAN PA'I PHYIR TE, BSTAN BCOS MNGON RTOGS RGYAN GYIS MNGON PAR RTOGS PAR BRGYAD BSTAN BYA'I GTZO BOR BYAS NAS BSTAN PA'I PHYIR, KHA CIG, DMAN LAM SNGON DU MA SONG BA'I BYANG SEMS SGOM LAM PA'I RGYUD KYI MI RTAG SOGS BCU DRUG MNGON SUM DU RTOGS PA'I MKHYEN PA DE, SKABS @006B GSUM PA'I BSTAN BYA'I GTZO BOR GYUR PA'I GZHI SHES YIN ZER NA, MI RTAG SOGS BCU DRUG GOMS PA LHUR LEN PHYI TSUL GYIS SGOM PAR BYED PA'I BYANG SEMS SGOM LAM PA YOD PAR THAL, DAM BCA' DE 'THAD PA'I PHYIR, 'DOD NA, NYAN THOS KYI LAM NI BYANG CHUB SEMS DPAS YONGS SU SHES PAR BYA BA YIN GYI MNGON DU BYA BA NI MA YIN PAS SGOM PA'I LAM NI MA BSTAN TO, ,ZHES GSUNGS PA MI 'THAD PAR THAL, 'DOD PA'I PHYIR, RANG LUGS NI, DMAN LAM SNGON DU MA SONG PA'I BYANG SEMS MTHONG LAM PA'I RGYUD KYI MI RTAG SOGS BCU DRUG MNGON SUM DU RTOGS PA'I MKHYEN PA DE, SKABS GSUM PA'I DNGOS KYI BSTAN BYA'I GTZO BOR GYUR PA'I GZHI SHES YIN BYAS PA LA KHO NA RE, MI RTAG SOGS BCU DRUG GOMS PA LHUR LEN GYIS SGOM PAR BYED PA'I BYANG SEMS MTHONG LAM PA YOD PAR THAL, DAM BCA' DE 'THAD PA'I PHYIR, 'DOD NA, MI RTAG SOGS BCU DRUG GOMS PA LHUR LEN GYI TSUL GYIS SGOM PAR BYED PA'I BYANG SEMS SGOM LAM PA YOD PAR THAL, 'DOD PA'I PHYIR, ZER NA, 'DI'I LAN LAM MKHAS PA KHA CIG, THAL 'GYUR PHYI MA LAM KHYAB STE, RNAM BSHAD SNYING PO RGYAN LAS, PHYI MA MTHONG LAM LA DMIGS KYIS BKAR PA'O, ,ZHES GSUNGS PA'I PHYIR, ZHES GSUNGS, DE MI 'THAD DE, LAM BSGRIGS LAS, THEG CHEN GYI MTHONG LAM MAN CHAD DU MI RTAGS SOGS BCU DRUG GOMS PA LHUR LEN GYI TSUL GYIS SGOM YANG, THEG CHEN GYI MTHONG LAM NAS GOMS PA LHUR LEN GYI TSUL GYIS MI SGOM PAR GSUNGS PA'I PHYIR, DER THAL, LAM BSGRIBS LAS, DE YANG MTHONG LAM MAN CHAD DU GOMS PA LHUR LEN GYIS KYANG SGOM PA DE BYA STE, LAS DANG @007A *, ,NYON MONGS PA'I DBANG GIS 'KHOR PA'I SDUG BSNGAL RANG MTSAN PA NYAMS SU MYONG NA, GZHAN DON LTA ZHOG, RANG DON YANG BYA BAR MI NUS PAS NYON MONGS PA'I DPAL LEGS PAR GZHOM DGOS PA'I PHYIR, BYANG SA LAS, 'KHOR BA'I SDUG BSNGAL LA BYANG CHUB SEMS DPA' RNAMS KYIS NYAN THOS LAS 'BUM 'GYUR GYIS KYANG SKYO BAR BYA DGOS SO, ,ZHES LAM BSGRIGS LAS BSHAD PA'I PHYIR RANG LUGS NI, RTZA BAR MA KHYAB CING, RNAM BSHAD SNYING PO RGYAN LAS NI PHYI MA MTHONG LAM LA DMIGS KYIS BKAR BA'O, ZHES GSUNGS PA'I DON NI, GZHI SHES KYI SKABS 'DIR MI RTAG SOGS BCU DRUG MNGON SUM DU RTOGS PA'I THEG CHEN GYI MTHONG LAM BSTAN KYANG, MI RTAG SOGS BCU DRUG GOMS PA LHUR LEN GYI SGOM PAR BYED PA'I THEG CHEN GYI SGOM LAM MA BSTAN PA LUNG DE'I DON YIN, DMAN LAM SNGON DU MA SONG BA'I BYANGS SEMS TSOGS SBYOR BA RNAMS KYIS MI RTAG SOGS BCU DRUG GOMS PA LHUR LEN GYI SGO NAS SGOM LA, BYANG SEMS KYI MTHONG LAM THOB NAS MI RTAG SOGS BCU DRUG GOMS PA LHUR LEN GYI TSUL GYIS MI SGOM BYAS PA LA KHO NA RE, BYANG SEMS SBYOR LAM PAS MI RTAG SOGS BCU DRUG BSGOM BYA'I GTZO BOR BYAS NAS SGOM PAR THAL, DES MI RTAG SOGS BCU DRUG GOMS PA LHUR LEN GYI TSUL GYIS SGOM PA'I PHYIR, RTAGS KHAS, 'DOD NA, DES GANG ZAG GI BDAG MED SGOM BYA'I GTZO BOR BYAS NAS SGOM PAR THAL, 'DOD PA'I PHYIR, 'DOD NA, DES NYON SGRIB SPANG BYA'I GTZO BOR BYAS NAS SPONG PAR THAL, 'DOD PA'I PHYIR, ZHES ZER NA, RTZA BAR MA KHYAB STE, LAM DE GOMS PA LHUR LEN GYI TSUL GYIS SGOM ZHES PA'I DON, ,LAM DE 'BAD RTZO LA CHEN POS @007B SGOM ZHES PA'I DON YIN LA, LAM DE 'BAD RTZOL CHEN POS SGOM NA LAM DE BSGOM BYA'I GTZO BOR BYAS NAS SGOM MI DGOS PA'I PHYIR, KHA CIG, BSHAD MA THAD PA'I LAM BSGRIGS KYI DON MA GO PA LA BRTEN NAS, BYANG SEMS TSOGS SBYOR PAS NYON SGRIB SPANG BYA'I GTZO BOR BYED ZER NA, DMAN LAM SNGON DU MA SONG PA'I BYANG SEMS TSOGS LAM PA DE, NYAN THOS TSOGS LAM PA LAS DBANG PO RTUL BAR THAL, DES TSOGS SBYOR GYI GNAS SKABS SU BSKAL CHEN GRANGS MED DU MAR NYON SGRIB SPANG BYA'I GTZO BOR BYAS NAS SPONG BA LA 'BAD KYANG, MTHONG LAM GYI GNAS SKABS SU NYON SGRIB ZAD PAR MA SPANGS, BRTZON 'GRUB SHIN TU 'BAR PA'I NYAN THOS TSOGS LAM PAS TSO GSUM LA NYON SGRIB ZAD PAR SPANGS PA'I MYANG 'DAS MNGON DU BYED PA'I PHYIR, LAN GYIS ZLOG PAR MI NUS PA'I THAL 'GYUR RO, RANG LUGS NI, RANG RGYUD LDAN GYI GANG ZAG GI RGYUD KYANG GANG ZAG GI BDAG MED MNGON SUM DU RTOGS PA'I SHES RAB KYIS ZIN PA'I YE SHES GANG ZHIG, THEG DMAN GYI RTOGS RIGS SU GNAS PA DE, GZHI SHES KYI MTSAN NYID, DON BSDU NA, THEG DMAN GYI RTOGS RIGS SU GNAS PA'I 'PHAGS RGYUD KYI MKHYEN PA DE, GZHI SHES KYI MTSAN NYID, DBYE NA, GNYEN PO PHYOGS KYI GZHI SHES MI MTHUN PHYOGS KYI GZHI SHES GNYIS, SA MTSAMS NI 'PHAGS PA'I GANG ZAG MTHA' DAG GI RGYUD LA YOD, RTZOD PA SPONG BA LA KHO NA RE, THEG DMAN GYI RTOGS RIGS SU GNAS PA'I 'PHAGS PA MED PAR THAL, 'PHAGS PA YIN NA THEG DMAN GYI RTOG RIGS SU MI GNAS DGOS PA'I PHYIR, RTAGS 'DUD, 'DOD NA, THEG DMAN GYI RTOGS RIGS SU GNAS PA'I 'PHAGS PA CHOS CAN, KHYOD YOD PAR THAL, KHYOD KYI MKHYEN PA YOD PA'I @008A *, ,PHYIR, MA GRUB NA, DE'I RGYUD KYI MKHYEN PA CHOS CAN, KHYOD YOD PAR THAL, KHYOD GZHI SHES KYI MTSAN NYID YIN PA'I PHYIR, ZER NA CHOS CAN SKYON CAN YIN NO, ,TSUR ROL PHA ROL MTHA' LA MIN ZHES SOGS KYI SKABS SU, SBYOR BA DANG, MTHA' DPYAD PA GNYIS, DANG PO NI, MI RTAG SOGS BCU DRUG MNGON SUM DU RTOGS PA'I SHES RAB KYIS ZIN PA'I THEG CHEN GYI MTHONG LAM CHOS CAN, SRID MTHA' LA MI GNAS TE, SRID MTHA' 'GOG PAR NUS PA'I SHES RAB KYIS ZIN PA'I THEG CHEN 'PHAGS PA'I MKHYEN PA YIN PA'I PHYIR, DE CHOS CAN, ZHI MTHA' LA MI GNAS TE, ZHI MTHA' 'GOG PAR NUS PA'I SNYING RJES ZIN PA'I THEG CHEN 'PHAGS PA'I MKHYEN PA YIN PA'I PHYIR, SRID ZHI GNYIS KYI BAR NA DON DAM PAR MI GNAS TE, SRID ZHI BDEN STONG DU MNGON SUM DU RTOGS PA'I THEG CHEN 'PHAGS PA'I MKHYEN PA YIN PA'I PHYIR, DE CHOS CAN, SANGS RGYAS DANG BYANG CHUB SEMS DPA' RNAMS KYI RGYUD LA NYE BA YIN DE, DUS GSUM BDEN STONG DU MNGON SUM DU RTOGS PA'I SHES RAB KYI ZIN PA'I THEG CHEN 'PHAGS PA'I MKHYEN PA YIN PA'I PHYIR, KHA CIG, 'DI'I SBYOR BA LA GNYEN PHYOGS GZHI SHES CHOS CAN, SRID MTHA' LA MI GNAS TE, SRID MTHA' 'GOG PAR NUS PA'I SHES RAB KYIS ZIN PA'I PHYIR, DE CHOS CAN, ZHI MTHA' LA MI GNAS TE, ZHI MTHA' 'GOG PAR NUS PA'I SNYING RJES ZIN PA'I PHYIR, DE CHOS CAN, SRID ZHI GNYIS KYI BAR NA MI GNAS TE, SRID ZHI BDEN STONG DU MNGON SUM DU RTOGS PA'I PHYIR, DE CHOS CAN, SANGS RGYAS DANG BYANG CHUB SEMS DPA'I RNAMS KYI RGYUD LA NYE BA YIN TE, DUS GSUM BDEN STONG DU MNGON SUM DU RTOGS PA'I PHYIR, ZER NA, @008B NGES PA'I RGYUN ZHUGS SRID PA LAN BDUN PA'I RGYUD KYI RNAM PAR SHES PA CHOS CAN, SRID ZHI'I MTHA' LA MI GNAS PAR THAL, SRID MTHA' 'GOG PAR NUS PA'I SHES RAB KYIS ZIN PA'I PHYIR, KHYAB PA KHAS, DER THAL, GANG ZAG GI BDAG MED MNGON SUM DU RTOGS PA'I SHES RAB KYIS ZIN PA'I PHYIR TE, 'PHAGS RGYUD KYI MKHYEN PA YIN PA'I PHYIR, RTZA BAR 'DOD NA, DE SRID MTHA' LA GNAS PAR THAL, NGES PA'I RGYUN ZHUGS SRID PA LAN BDUN MTHA' LA GNAS PA'I PHYIR, MA GRUB NA, DE CHOS CAN, DER THAL, 'DOD PAR LAS NYON GYI DBANG GIS RIGS MTHUN GYI SKYE SRID BDUN LEN PAR NGES PA'I GANG ZAG YIN PA'I PHYIR, RANG LUGS KYI SKYON NI, BYANG 'PHAGS KYI RGYUD KYI STONG NYID MNGON SUM DU RTOGS PA'I MKHYEN PA DE GZHI SHES YIN PAR THAL, GNYEN PO PHYOGS KYI GZHI SHES DES SRID ZHI BDEN STONG DU MNGON SUM DU RTOGS PA'I PHYIR, RTAGS KHAS, 'DOD NA, DE CHOS CAN, THEG DMAN GYI RTOGS RIGS SU GNAS PAR THAL, 'DOD PA'I PHYIR, GZHAN YANG, BYANG SEMS 'PHAGS PA'I RGYUD KYI GNYEN PO PHYOGS KYI GZHI SHES DES SRID ZHI BDEN STONG DU MNGON SUM DU RTOGS PAR THAL, GNYEN PO PHYOGS KYI GZHI SHES DES SRID ZHI BDEN STONG DU MNGON SUM DU RTOGS PA'I PHYIR, RTAGS KHAS, 'DOD NA, SLOB LAM NA BLO GCIG GIS BDEN GNYIS CIG CIR DU MNGON SUM DU RTOGS PA YOD PAR THAL, 'DOD PA'I PHYIR, GZHAN YANG, GNYEN PO PHYOGS KYI GZHI SHES CHOS CAN, SRID ZHI GNYIS KYI BAR NA GNAS PAR THAL, SRID ZHI GNYIS KYI DBUS NA GNAS PA'I PHYIR TE, THEG CHEN 'PHAGS PA'I MKHYEN PA YIN PA'I PHYIR, CHOS CAN DE'I PHYIR, GZHAN YANG, DE CHOS CAN, MNGON @009A *, ,SUM YIN PAR THAL, SRID ZHI BDEN STONG DU MNGON SUM DU RTOGS PA'I PHYIR, RTAGS KHAS, 'DOD NA, DE CHOS CAN, MNGON SUM MA YIN PAR THAL, BYANG 'PHAGS KYI RGYUD KYI GANG ZAG GI BDAG MED DON SPYI'I TSUL GYIS RTOGS PA'I YE SHES DE KHYOD YIN PA'I PHYIR, GZHAN YANG, NYAN THOS 'PHAGS PA'I RGYUD KYI STONG NYID MNGOS SUM DU RTOS PA'I MKHYEN PA CHOS CAN, SANGS RGYAS DANG BYANG CHUB SEMS DPA'I RNAMS KYI RGYUD LA NYE BA YIN PAR THAL, DUS GSUM BDEN STONG DU MNGON SUM DU RTOGS PA'I YE SHES YIN PA'I PHYIR, KHYAB PA KHAS, RTAGS GRUB STE, DE 'DRA YOD PA'I PHYIR, 'DOD MI NUS TE, NYAN THOS 'PHAGS PA'I MKHYEN PA YIN PA'I PHYIR, MKHAS PA KHA CIG, KHYAD PAR GSUM LDAN GYI GZHI SHES PA'I SHER PHYIN CHOS CAN, SANGS RGYAS DANG BYANG CHUB SEMS DPA' RNAMS KYI RGYUD LA NYE BA YIN TE, DUS GSUM BDEN STONG DU MNGON SUM DU RTOGS PA MTHAR PHYIN PA'I YE SHES YIN PA'I PHYIR, GZHI SHES PA'I SHER PHYIN CHOS CAN, KHYAD PAR GSUM DANG LDAN TE, SRID MTHA' LA MI GNAS, ZHI MTHA' LA MI GNAS, SRID ZHI GNYIS KYI BAR DON DAM PAR MI GNAS PA'I YE SHES YIN PA'I PHYIR, SRID MTHA' LA MI GANS TE, SRID MTHA' 'GOG BYED KYI YE SHES YIN PA'I PHYIR, ZHI MTHA' LA MI GNAS TE, ZHI MTHA' 'GOG BYED KYI YE SHES YIN PA'I PHYIR, SRID ZHI GNYIS KYI BAR NA DON DAM PAR MI GNAS TE, SRID ZHI BDEN STONG DU MNGON SUM DU RTOGS PA'I YE SHES YIN PA'I PHYIR, ZHES GSUNGS, RE ZHIG DPYAD NA, SHES RAB PHA ROL PHYIN PAR 'DOD, CES PA'I SKABS NAS DNGOS SU BSTAN PA'I SHER PHYIN DE 'BRAS BU SHER @009B PHYIN LA BYED RIGS PAR THAL, SBYOR BA DE 'THAD PA'I PHYIR, 'DOD NA, DUS GSUM PA'I CHOS RNAMS SKYE PA MED PA'I RNAM PAR MNYAM PA NYID DU RTOGS PAS SANGS RGYAS DANG BYANG CHUB SEMS DPA' RNAMS LA NYE BAR GYUR PAR 'DOD PA'I SHES RAB KYI PHA ROL TU PHYIN PA GANG YIN PA DE NI, ZHES PA'I SKABS NAS DNGOS SU BSTAN PA'I SHER PHYIN DE 'BRAS BU SHER PHYIN LA BYED RIGS PAR THAL, 'DOD PA'I PHYIR, 'DOD NA, RNAM BSHAD SNYING PO RGYAN LAS, LAM SHER PHYIN LA MI RTAG SOGS RTOGS PA'I SHES RAB DANG, SNYING RJE CHEN PO DANG STONG NYID RTOGS PA SOGS DU MA YOD PA'I NANG NAS, LAG RJES MI 'DRA BA SO SOR BZHAG NA, ZHES SOGS BSHAD PA MI 'THAD PAR THAL, 'DOD PA'I PHYIR, GZHAN YANG, SKABS GSUM PA'I DNGOS KYI BSTAN BYA'I GTZO BOR GYUR PA'I GZHI SHES KYANG YIN, 'BRAS BU SHER PHYIN KYANG YIN PA'I GZHI MTHUN YOD PAR THAL, SBYOR BA 'THAD PA'I PHYIR, 'DOD NA, BYANG SEMS MTHONG LAM PA'I RGYUD KYI MI RTAG SOGS BCU DRUG MNGON SUM DU RTOGS PA'I YE SHES DE SKABS GSUM PA'I DNGOS KYI BSTAN BYA'I GTZO BOR GYUR BA'I GZHI SHES YIN LA, BYANG SEMS SGOM LAM PA'I RGYUD GYI MI RTAG SOGS BCU DRUG MNGON SUM DU RTOGS PA'I YE SHES DE SKABS GSUM PA'I BSTAN BYA'I GTZO BOR GYUR BA'I GZHI SHES MA YIN PA'I KHYAD PAR MI 'THAD PAR THAL, 'DOD PA'I PHYIR, GNYIS PA LA MKHAS PA KHA CIG, LAM SHES GANG ZHIG, 'DIR BSTAN SRID MTHA' 'GOG PAR NUS PA'I SHES RAB KYIS ZIN PA DE, SHES PAS SRID LA MI GNAS PA'I LAM SHES KYI MTSAN NYID, LAM SHES GANG ZHIG, 'DIR @010A *, ,BSTAN ZHI MTHA' 'GOG PAR NUS PA'I SNYING RJES ZIN PA, SNYING RJES ZHI LA MI GNAS PA'I LAM SHES KYI MTSAN NYID, CES GSUNGS, BYANG SEMS MTHONG LAM PA'I RGYUD KYI KUN RDZOB SEMS BSKYED CHOS CAN, MTSON BYA DANG PO DER THAL, MTSAN NYID DE'I PHYIR, 'DOD NA, DE CHOS CAN, GZHI KUN RDZOB LA LTOS TE, SRID MTHA' 'GOG BYED KYI RTOGS RIGS SU GNAS PAR THAL, 'DOD PA'I PHYIR, GNYIS PA LA, THEG CHEN GYI MTHONG LAM BAR CHAD MED LAM CHOS CAN, MTSON BYA DER THAL, MTSAN NYID DE'I PHYIR, 'DOD NA, DE CHOS CAN, GZHI KUN RDZOB LA LTOS PA'I ZHI MTHA' 'GOG BYED KYI RTOGS RIGS SU GNAS PAR THAL, 'DOD PA'I PHYIR, 'DOD NA, DE CHOS CAN, THABS KHYAD PAR CAN GYI RTOGS RIGS SU GNAS PAR THAL, 'DOD PA'I PHYIR, 'DOD MI NUS TE, BAR CHAD MED LAM YIN PA'I PHYIR, KHA CIG, THEG DMAN GYI RTOGS RIGS SU GNAS PA'I THEG CHEN 'PHAGS PA'I MKHYEN PA, SHES PAS SRID LA MI GNAS PA'I LAM SHES KYI MTSAN NYID, THEG CHEN GYI RTOGS RIGS SU GNAS PA'I THEG CAN 'PHAGS PA'I MKHYEN PA DE, SNYING RJES ZHI LA MI GNAS PA'I LAM SHES KYI MTSAN NYID, ZER NA, BYANG 'PHAGS KYI RGYUD KYI GNYIS STONG MNGON SUM DU RTOGS PA'I MKHYEN PA CHOS CAN, MTSON BYA DER THAL, MTSAN NYID DE'I PHYIR, MA GRUB NA, DER THAL, THEG DMAN GYI RTOGS RIGS SU GNAS PA GANG ZHIG, THEG CHEN 'PHAGS PA'I MKHYEN PA YIN PA'I PHYIR, DANG PO GRUB STE, RANG RGYAL GYI RTOGS RIGS SU GNAS PA'I PHYIR, RTZA BAR 'DOD NA, NYAN THOS KYI RTOGS RIGS SU GNAS PAR THAL, 'DOD PA'I @010B PHYIR GNYIS PA LA, THEG CHEN GYI MTHONG LAM BAR CHAD MED LAM CHOS CAN, MTSON BYA DER THAL, MTSAN NYID DE'I PHYIR, RTAGS SLA, 'DOD NA, DE CHOS CAN, THABS KHYAD PAR CAN GYI RTOGS RIGS SU GNAS PAR THAL, 'DOD PA'I PHYIR, 'DOD MI NUS TE BAR CHAD MED LAM YIN PA'I PHYIR, KHA CIG, GZHI SHES LA SHES PAS SRID MTHA' LA MI GNAS PA'I GZHI SHES DANG, SNYING RJES ZHI MTHA' LA MI GNAS PA'I GZHI SHES GNYIS SU YOD, CES ZER, BYANG SEMS MTHONG LAM PA'I RGYUD KYI SNYING RJE CHEN PO DE GZHI SHES YIN PAR THAL, SNYING RJES ZHI MTHA' LA MI GNAS PA'I GZHI SHES YOD PA'I PHYIR, RTAGS KHAS, 'DOD NA, DE CHOS CAN, THEG DMAN GYI RTOGS RIGS SU GNAS PAR THAL, 'DOD PA'I PHYIR, 'DOD MI NUS TE, THEG CHEN GYI RTOGS RIGS SU GNAS PA'I PHYIR TE, SNYING RJES CHEN PO YIN PA'I PHYIR, KHO NA RE, SNYING RJES ZHI MTHA' LA MI GNAS PA'I GZHI SHES YOD PAR THAL, BYANG SEMS MTHONG LAM PA'I RGYUD KYI SNYING RJE TSAD MED DE DE YIN PA'I PHYIR, DER THAL, DE'I RGYUD KYI SNYING RJES TSAD MED DE GZHI SHES YIN PA'I PHYIR TE, DE THEG DMAN GYI RTOGS RIGS SU GNAS PA'I PHYIR, DER THAL, SNYING RJES TSAD MED DE THEG DMAN GYI RTOGS RIGS SU GNAS PA'I PHYIR, DER THAL, SNYING RJE TSAD MED BSGOM BYA'I GTZO BOR BYED PA'I THEG DMAN 'PHAGS PA YOD PA'I PHYIR TE, DE RGYUD LDAN GYI THEG DMAN 'PHAGS PA YOD PA'I PHYIR, ZER NA, 'DIR MA KHYAB, KHO NA RE, SHES BYA CHOS CAN, SNYING RJES ZHI MTHA' LA MI GNAS PA'I GZHI SHES YOD PAR THAL, SHES PAS SRID MTHA' LA MI GNAS PA' @011A *, ,GZHI SHES YOD PA'I PHYIR, DER THAL, BYANG SEMS 'PHAGS PA'I RGYUD KYI MI RTAG SONG, SA BCU DRUG MNGON SUM DU RTOGS PA'I MKHYEN PA DE SHES PAS SRID MTHA' LA MI GNAS PA'I GZHI SHES YIN PA'I PHYIR, MA GRUB NA, DE CHOS CAN, DER THAL, GZHI SHES GANG ZHIG, GZHI KUN RDZOB LA LTOS TE, SRID MTHA' 'GOG BYED KYI RTOGS RIGS SU GNAS PA'I PHYIR, ZER NA, MA KHYAB STE, SHES BYA CHOS CAN, GNYEN PO PHYOGS KYI LAM SHES YOD PAR THAL, SHES PAS SRID MTHA' LA MI GNAS PA'I GZHI SHES YOD PA'I PHYIR, RTAGS KHAS, 'DOD MI NUS TE, GNYEN PO PHYOGS KYI LAM SHES ZHES PA'I THA SNYAD BYAMS PA'I GSUNG RAB LAS MI 'BYUNG BA'I PHYIR, GZHAN YANG, MI MTHUN PHYOGS KYI LAM SHES YOD PAR THAL, GNYEN PO PHYOGS KYI LAM SHES YOD PA'I PHYIR, RTAGS KHAS, KHO NA RE, GNYEN PO PHYOGS KYI LAM SHES YOD PAR THAL, THEG CHEN GYI MTHONG LAM DE DE YIN PA'I PHYIR, MA GRUB NA, DE CHOS CAN, DER THAL, LAM SHES GANG ZHIG, GNYEN PO PHYOGS KYI SHES RNAM YIN PA'I PHYIR, ZER NA, THEG CHEN GYI MTHONG LAM SDUG BSNGAL CHOS BZOD CHOS CAN, BAR CHAD MED PA'I RTZE SBYOR YIN PAR THAL, BAR CHAD MED LAM GANG ZHIG RTZE SBYOR YIN PA'I PHYIR, KHYAB PA KHAS, GZHAN YANG, SHES PAS SRID LA MI GNAS SHING, ZHES PA'I GZHUNG 'DIS SHES PAS SRID MTHA' LA MI GNAS PA'I GZHI SHES BSTAN BYA'I GTZO BOR BYAS NAS BSTAN PAR THAL, SHES PAS SRID MTHA' LA MI GNAS PA'I GZHI SHES YOD PA'I PHYIR, RTAGS KHAS, 'DOD NA, SNYING RJES ZHI LA MI GNAS ZHES PA'I GZHUNG 'DIS SNYING RJES ZHI @011B MTHA' LA MI GNAS PA'I GZHI SHES BSTAN BYA'I GTZO BOR BYAS NAS BSTAN PAR THAL, 'DOD PA'I PHYIR, 'DOD NA, DE YOD PAR THAL, 'DOD PA'I PHYIR, 'DOD NA BKAG ZIN, GZHAN YANG, SHES PAS SRID LA MI GNAS SHING ZHES PA'I GZHUNG 'DIS SHES PAS SRID MTHA' LA MI GNAS PA'I GZHI SHES BSTAN BYA'I GTZO BOR BYAS NAS MA BSTAN PAR THAL, DES SHES PAS SRID MTHA' LA MI GNAS PA'I LAM SHES BSTAN BYA'I GTZO BOR BYAS NAS BSTAN PA'I PHYIR, DE LAM SHES KYI SKABS LA DOGS PA GCOD PA'I GZHUNG YIN PA'I PHYIR, GZHAN YANG, GNYEN PO PHYOGS DANG LAM SHES KYI GZHI MTHUN YIN NA GNYEN PO PHYOGS KYI LAM SHES YIN DGOS PAR THAL, GNYEN PO PHYOGS KYI LAM SHES YOD PA'I PHYIR, RTAGS KHAS, RTZA BAR 'DOD NA, NYAN THOS KYI MTHONG LAM BAR CHAD MED LAM CHOS CAN, GNYEN PO PHYOGS KYI GZHI SHES YIN PAR THAL, GNYEN PO PHYOGS DANG GZHI SHES KYI GZHI MTHUN YIN PA'I PHYIR, KHYAB PA KHAS, 'DOD NA, THEG CHEN 'PHAGS PA'I MKHYEN PA YIN PAR THAL, 'DO PA'I PHYIR, SRID ZHI'I MTHA' GANG ZHE NA, KHA CIG ,SRID MTHA' ZHES PA'I SGRA 'JUG PA'I GZHI DE LA DU MA YOD DE, LAS NYON GYI DBANG GIS SRID PAR SKYE BA LEN PA'I CHA DE, KUN RDZOB LA LTOS PA'I SRID MTHA' YIN, DE NI SHES RAB KYI TSUL ROL GYI MTHA' 'KHOR BA DANG ZHES PA'I DON YIN, LAS NYON GYI DBANG GIS SRID PAR SKYE BA LEN PA'I CHA BDEN GRUB DE, DON DAM LA LTOS PA'I SRID MTHA' DANG, LAS NYON GYI DBANG GIS SRID PAR SKYE BA LA MTHA' GCIG TU DOR BYAR BYED PA'I CHA DE, BYANG SEMS LA LTOS PA'I SRID MTHA' YIN, @012A *, ,DE NI DNGOS PO DMIGS PA NYID KYI ZHES SOGS KYI DON YIN, ZHI MTHA' ZHES PA'I SGRA 'JUG PA'I GZHI LA DU MA YOD DE, LAS NYON GYI DAS GIS 'KHOR BAR SKYE BA LEN PA CHAD TZAM GYIS THOB PA'I MYANG 'DAS DE, KUN RDZOB LA LTOS PA'I ZHI MTHA' DANG, DE NI SNYING RJES PHA ROL GYI MTHA' MYA NGAN LAS 'DAS PA ZHES PA'I DON YIN, DE 'DRA'I MYANG 'DAS BDEN GRUB DE, DON DAM LA LTOS PA'I ZHI MTHA' DANG, LAS NYON GYI DBANG GIS 'KHOR BAR SKYE BA LEN PA CHAR TZAM GYIS THOB PA'I MYANG 'DAS LA MTHA' GCIG TU BLANG BYAR BYED PA'I CHA DE BYANG SEMS LA LTOS PA'I ZHI MTHA' YIN, DE NI DNGOS PO MED PAR DMIGS PA NYID KYI ZHES SOGS KYI DON YIN, ZHES ZER, 'DI CHES MI 'THAD DE, SHES BYA CHOS CAN, LAS NYON GYI DBANG GIS SRID PAR SKYE BA LA MTHA' GCIG TU DOR BYAR BYED PA'I GANG ZAG YIN NA, BYANG SEMS LA LTOS PA'I SRID MTHA' LA GNAS PAS KHYAB PAR THAL, DE BYANG SEMS LA LTOS PA'I SRID MTHA' YIN PA'I PHYIR, RTAGS KHAS, 'DOD NA, BYANG SEMS SBYOR LAM PA CHOS CAN, DER THAL, DE'I PHYIR, RTAGS GRUB STE, LAM BSGRAGS LAS, MTHONG LAM MAN CHAD DU GOMS PA LHUR LEN GYIS KYANG BSGOM PAR BYA STE, ZHES GSUNGS PA'I PHYIR, RTZA BAR 'DOD NA, GSAL BA SONG, NYAN THOS LA SOGS PA LA DUS GSUM MNYAM PA NYID DU SHES PA MED PA'I PHYIR, ZHES NYAN THOS LA SOGS PA ZHES SMRAS PA LA DGOS PA MED PAR THAL, DNGOS PO DANG DNGOS PO MED PAR DMIGS PA GNYIS KYIS 'KHOR BA DANG MYANG 'DAS LA GNAS PA YIN PAR SHES PAR BYA'O, ,ZHES PA'I SRID MTHA' DE, BYANG SEMS LA LTOS PA'I SRID MTHA' @012B DANG, DE'I SKABS KYI ZHI MTHA' DE, BYANG SEMS LA LTOS PA'I ZHI MTHA' LA BYED RIGS PA GANG ZHIG, BYANG SEMS SBYOR LAM PA BYANG SEMS LA LTOS PA'I SRID MTHA' LA GNAS PA'I PHYIR, LAN GYIS BZLOG DU MED DO, ,GZHAN YANG, STONG NYID MNGON SUM DU RTOGS PA'I NYAN THOS DGRA BCOM BYANG SEMS LA LTOS PA'I SRID MTHA' LA GNAS PAR THAL, LAS NYON GYI DBANG GIS SRID PAR SKYE BA LA MTHA' GCIG TU DOR BYAR BYED PA'I CHA DE, BYANG SEMS LA LTOS PA'I SRID MTHA' YIN PA'I PHYIR, RTAGS KHAS, 'DOD NA, DE CHOS CAN, DNGOS POR DMIGS PA NYID KYIS 'KHOR BA GNAS PA YIN PAR SHES PAR BYA'O, ,ZHES PA'I SKABS NAS DNGOS SU BSTAN PA'I 'KHOR BA'I MTHA' LA GNAS PAR THAL, 'DOD PA GANG ZHIG ,DE'I SKABS KYI SRID MTHA' DE BYANG SEMS LA LTOS PA'I SRID MTHA' LA BYED RIGS PA'I PHYIR, 'DOD NA, DE CHOS CAN, KHYOD KYI STONG NYID MNGON SUM DU MA RTOGS PA THAL, 'DOD PA'I PHYIR, KHYAB STE, NYAN THOS LA SOGS PA LA DUS GSUM MNYAM PA NYID SHES PA MED PA'I PHYIR, ZHES BSHAD PA'I PHYIR, BLO GZU BOR ZHOG LA LTOS SHIG, YANG PHYOGS SNGA SMRA BA PO 'DIS KUN RDZOB LA LTOS PA'I SRID MTHA' LA GNAS NA LAS NYON GYI DBANG GIS 'KHOR BAR SKYE BA LEN PAS KHYAB PAR SMRA BA YANG MI 'THAD DE, SRID PA THA MA'I NYAN THOS MTHONG LAM PA CHOS CAN, DER THAL, DE'I PHYIR, MA GRUB NA, DER THAL, KUN RDZOB LA LTOS PA'I SRID ZHI'I MTHA' GANG RUNG LA GNAS PA'I GANG ZAG GANG ZHIG, KUN RDZOB LA LTOS PA'I ZHI MTHA' LA MI GNAS PA'I PHYIR, DANG PO GRUB STE, THEG DMAN GYI GANG ZAG YIN PA'I PHYIR, KHYAB STE, SRID DANG ZHI BAR LTUNG BA'I @013A *, ,PHYIR, ZHES DANG DE'I THAD KYI tIG KAR GZIGS SHIG, PHYI MA GRUB STE, THEG DMAN SLOB PA YIN PA'I PHYIR, RTZA BAR 'DOD MI NUS TE, TSE DE LA NYAN THOS DGRA BCOM PA'I 'BRAS BU MNGON DU BYED PA'I GANG ZAG YIN PA'I PHYIR, RANG RES LAS NYON GYIS 'PHANGS PA'I 'KHOR BA KUN RDZOB LA LTOS PA'I SRID MTHA' YIN, DE LA GNAS PA KUN RDZOB LA LTOS PA'I SRID MTHA' LA GNAS PA'I DON YIN BYAS PA LA, KHO NA RE, BDE BA CAN GYI RTEN CAN GYI NYAN THOS TSOGS LAM PA CHOS CAN, LAS NYON GYIS 'PHANGS PA'I 'KHOR BA LA GNAS PAR THAL, KUN RDZOB LA LTOS PA'I SRID MTHA' LA GNAS PA'I PHYIR, KHYAB PA KHAS, RTAGS DER THAL, KUN RDZOB LA LTOS PA'I SRID ZHI'I MTHA' GANG RUNG LA GNAS PA GANG ZHIG ,DE LA LTOS PA'I ZHI MTHA' LA MI GNAS PA'I PHYIR, DANG PO DER THAL, THEG DMAN GYI GANG ZAG YIN PA'I PHYIR TE, CHOS CAN DE YOD PA'I PHYIR TE, BDE BA CAN GYI RTEN CAN GYI NYAN THOS SLOB PA YOD PA'I PHYIR TE, DE'I RTEN CAN GYI NYAN THOS DGRA BCOM PA YOD PA'I PHYIR ZER NA MA KHYAB, RTZA BAR 'DOD MI NUS TE, CHOS CAN DE YIN PA'I PHYIR, ZER NA, KHA CIG, 'KHOR BA BDEN PAR 'DZIN PA'I BDEN 'DZIN DON DAM LA LTOS PA'I SRID MTHA' DANG, MYANG 'DAS BDEN PAR 'DZIN PA'I BDEN 'DZIN DE DON DAM LA LTOS PA'I ZHI MTHA' YIN ZER NA, DON DAM LA LTOS PA'I SRID ZHI'I MTHA' YOD PAR THAL, DAM BCA' DE 'THED PA'I PHYIR, 'DOD NA, 'KHOR BA BDEN GRUB DANG MYANG 'DAS BDEN GRUB YOD PAR THAL, 'DOD PA'I PHYIR, RANG LUGS NI, 'KHOR BA BDEN GRUB DON DAM LA LTOS PA'I SRID MTHA' DANG, MYANG 'DAS BDEN GRUB DON DAM LA @013B LTOS PA'I ZHI MTHA' YIN BYAS PA LA KHO NA RE, 'KHOR BA BDEN GRUB CHOS CAN, DON DAM LA LTOS PA'I SRID MTHA' MI YIN PAR, ,BDE BDEN GRUB MA YIN PA'I PHYIR, DE BZHIN DU GCIG SHOS LA YANG SHES PAR BYA'O, ,ZHES GSUNGS, DE YANG MI 'THAD DO, 'KHOR BA BDEN GRUB TU ZHES BA'I BLO RTAG MTHA' MA YIN PAR THAL, 'KHOR BA BDEN GRUB YOD MOD MTHA' MA YIN PA'I PHYIR, MA GRUB PAR THAL, 'KHOR BA BDEN GRUB DON DAM LA LTOS PA'I SRID MTHA' MA YIN PA'I PHYIR, RTAGS KHAS, KHO NA RE, DON DAM LA LTOS PA'I SRID ZHI'I MTHA' LA GNAS PA'I GANG ZAG MED PAR THAL, DON DAM LA LTOS PA'I SRID MTHA' MED PA'I PHYIR, 'KHOR BA BDEN GRUB DON DAM LA LTOS PA'I SRID MTHA' DANG, MYANG 'DAS BDEN GRUB DON DAM LA LTOS PA'I ZHI MTHA' YIN ZER NA, RTZA BAR MA KHYAB RTAG CHAD GYI MTHA' LA GNAS PA'I GANG ZAG MED PAR THAL, RTAG CHAD GYI MTHA' MED PA'I PHYIR, KHYAB NA, KHO NA RE, SEMS TZAM PA DE DON DAM LA LTOS PA'I SRID ZHI'I MTHA' LA GNAS PAR THAL, DE LA GNAS PA'I GANG ZAG YOD PA'I PHYIR, 'DOD NA DE CHOS CAN, SRID ZHI BDEN GRUB LA GNAS PAR THAL, 'DOD PA'I PHYIR, KHYAB STE, 'KHOR BA BDEN GRUB DON DAM LA LTOS PA'I SRID MTHA' DANG, MYANG 'DAS BDEN GRUB DON DAM LA LTOS PA'I ZHE MTHA' YIN PA'I PHYIR ZER NA, MA KHYAB STE, BYANG 'PHAGS KYI RGYUD KYI DMIGS MED LA DMIGS PA'I NYING RJE CHOS CAN, BDEN MED LA DMIGS PA'I SNYING RJES YIN PAR THAL, DMIGS MED LA DMIGS PA'I SNYING RJE YIN PA'I PHYIR, KHYAB STE, DMIGS MED LA DMIGS PA'I SNYING RJE ZHES PA'I @014A *, ,DMIGS PA MED PA DE BDEN MED LA BYED RIGS PA'I PHYIR, 'KHRO GSUM, 'ON KYANG, RTAGS MA GRUB NA, DER THAL, 'JUG PA'I tIK CHEN LAS, DMIGS PA MED PA NI MCHAN 'DZIN GYIS GZUNG BA LTAR GYI ZHE NA YUL MED PAR BDEN MED DO, ,ZHES GSUNGS PA'I PHYIR, 'DOD MI NUS TE, CHOS CAN DE'I PHYIR, MKHAS PA KHA CIG SANGS RGYAS 'PHAGS PA SRID MTHA' LA GNAS, SKABS 'DIR BSTAN GYI SRID MTHA' LA MI GNAS, ZHES GSUNGS, SHES BYA CHOS CAN, SANGS RGYAS 'PHAGS PA'I RGYUD LA SRID MTHA' YOD PAR THAL, DAM BCA' 'THAD PA'I PHYIR, 'DOD NA, DE'I RGYUD LA GZHI KUN RDZOB PA LA LTOS PA'I SRID MTHA' YOD PAR THAL, 'DOD PA'I PHYIR, 'DOD NA, GZHI KUN RDZOB PA LA LTOS PA'I SRID MTHA' 'GOG PHYED KYI SHES RAB MED PAR THAL, 'DOD PA'I PHYIR, 'DOD NA, DE YOD PAR THAL, GZHI KUN RDZOB PA LA LTOS PA'I SRID MTHA' 'GOG BYED KYI RTOGS RIGS SU GNAS PA'I THEG CHEN 'PHAGS PA'I MNGON RTOGS DE, SHES PAS SRID LA MI GNAS PA'I LAM SHES KYI MTSAN NYID YIN, GZHI KUN RDZOB PA LA LTOS PA'I ZHI MTHA' 'GOG BYED KYI RTOGS RIGS SU GNAS PA'I THEG CHEN 'PHAGS PA'I MNGON RTOGS DE SNYING RJES ZHI LA MI GNAS PA'I LAM SHES KYI MTSAN NYID DU 'JOG RIGS PA'I PHYIR, DE LTAR DU tIK KAR BSHAD PA'I PHYIR, GZHAN YANG, MYANG 'DAS DE SRID MTHA' YIN PAR THAL, SANGS RGYAS 'PHAGS PA SRID MTHA' LA GNAS PA'I PHYIR, RTAGS KHAS, 'DOD NA, THEG DMAN GYI MYANG 'DAS DE SRID MTHA' YIN PAR THAL, 'DOD PA'I PHYIR, 'DOD NA, DE CHOS CAN, SRID MTHA' MA YIN PAR THAL, ZHI MTHA' YIN PA'I PHYIR, RTAGS @014B GRUB STE, DE'I MTSAN GZHI YOD PA'I PHYIR, GAL TE SANGS RGYAS 'PHAGS PA CHOS CAN, SRID MTHA' LA GNAS PAR THAL, 'KHOR BA'I MTHA' LA GNAS PA'I PHYIR TE, 'KHOR BA'I PHYI MTHA' LA GNAS PA GNAG ZHIG ,'KHOR BA'I PHYIR MTHA' 'KHRO BA'I MTHA' YIN PA'I PHYIR, DANG PO GRUB STE, 'KHOR BA'I PHYI MTHA' MNGON SUM DU BYAS PAS GANG ZAG YIN PA'I PHYIR, PHYI MA MA GRUB NA, 'KHOR BA LA MTHA' MED PAR THAL, MA GRUB PA DE'I PHYIR, ZER NA, 'DIR MA KHYAB STE, TSIG TZAM LA RTZOD NA, SANGS RGYAS 'PHAGS PA CHOS CAN, SKABS 'DIR BSTAN GYI SRID MTHA' KHAS LEN PAR THAL, SKABS 'DIR BSTAN GYI 'KHOR BA'I MTHA' LA GNAS PA'I PHYIR, DER THAL, SKABS 'DIR BSTAN GYI 'KHOR BA'I PHYI MTHA' LA GNAS PA GANG ZHIG, SKABS 'DIR BSTAN GYI 'KHOR BA'I PHYI MTHA' DE SKABS 'DIR BSTAN GYI 'KHOR BA'I MTHA' YIN PA'I PHYIR, DANG PO GRUB STE, DE MNGON DU BYAS PA'I GANG ZAG YIN PA'I PHYIR, GNYIS PA MA GRUB NA, DE LA MTHA' MED PAR THAL, MA GRUB PA DE'I PHYIR ZHES MTSUNGS PA JI LTA BA BZHIN BYA'O, ,KHA CIG, 'KHOR BA DE 'KHOR BA'I MTHA' YIN PAR THAL, 'KHOR BA'I MTHA' YOD PA GANG ZHIG, MYANG 'DAS 'KHOR BA'I MTHAD MA YIN PA'I PHYIR, ,PHYI MA KHAS, 'DOD NA, MYANG 'DAS DE MYANG 'DAS KYI MTHA' YIN PAR THAL, 'DOD PA'I PHYIR, ZER NA, MA KHYAB, 'DOD NA, SANGS RGYAS 'PHAGS PA MYANG 'DAS KYI MTHA' LA GNAS PAR THAL, 'DOD PA'I PHYIR, 'DOD NA, SANGS RGYAS 'PHAGS BZHI MTHA' LA GNAS PAR THAL, 'DOD PA'I PHYIR, ZHES ZER NA, 'KHOR BA YIN NA 'KHOR BA'I MTHA' MA YIN DGOS PAR THAL, 'KHOR BA'I @015A *, ,MTHA' LA GNAS PA'I GANG ZAG YIN NA, MYANG 'DAS THOB PAS KHYAB PA'I PHYIR, RTAGS SONG, 'DOD NA, MYANG 'DAS YIN NA MYANG 'DAS KYI MTHA' MA YIN PAS KHYAB PAR THAL, 'DOD PA'I PHYIR, 'DOD NA, THEG DMAN GYI MYANG 'DAS CHOS CAN, DER THAL DE'I PHYIR, MKHAS PA, KHA CIG ,LAS DANG NYON MONGS PA'I DBANG GIS RGYUN RING BOR NYED MTSAMS SBYOR BA DE, SKABS 'DIR BSTAN GYI SRID MTHA' YIN, DE YANG 'GREL BAR, SHES RAB KYI TSUL ROL GYI MTHA' 'KHOR BA RTAG PA'I MTSAN NYID, CES PAS BSTAN, SRID PAR SKYE BA LA MTHA' GCIG TU DOR BYAR ZHEN PA SKABS 'DIR BSTAN GYI SRID MTHA' YIN, DE NI 'GREL BAR, DNGOS BOR DMIGS PA NYID KYIS 'KHOR BA LA GNAS PA YIN PAR SHES PA BYA'O, ,ZHES PAS BSTAN, SRID PAR SKYE BA CHAD TZAM GYIS THOB PA'I MYANG 'DAS SKABS 'DIR BSTAN GYI ZHI MTHA' YIN, DE NI 'GREL BAR, SNYING RJES PHA ROL GYI MTHA' MYA NGAN LAS 'DAS PA CHAD PA'I MTSAN NYID, CES PAS BSTAN, SRID PAR SKYE BA CHAD TZAM GYIS THOB PA'I MYANG 'DAS MTHA' GCIG TU BLANGS BYAR ZHEN PA DE YANG SKABS 'DIR BSTAN GYI ZHA MTHA' YIN, DE NI 'GREL BAR, DNGOS PO MED PAR DMIGS PA NYID KYIS MYA NYAN LAS 'DAS PA LA GNAS PA YIN PAR SHES PAR BYA'O, ,ZHES PAS BSTAN CES GSUNGS, DE RNAMS LA DPYAD NA, NYAN THOS DGRA BCOM PA SKABS 'DIR BSTAN GYI SRID MTHA' LA GNAS PAR THAL, SRID PAR SKYE BA LA MTHA' GCIG TU DON BYAR ZHEN PA SKABS 'DIR BSDAN GYI SRID MTHA' YIN PA'I PHYIR, RTAGS KHAS, 'DOD NA, NYAN THOS DGRA BCOM PA CHOS CAN, SKABS 'DIR BSTAN @015B GYI TSUL ROL GYI MTHA' LA GNAS PAR THAL, 'DOD PA'I PHYIR, 'DOD NA, 'KHOR BA SPANGS PA'I GNA ZAG GI RGYUD LA SKABS 'DIR BSTAN GYI TSUL ROL GYI MTHA' YOD PAR THAL, 'DOD PA'I PHYIR, 'DOD NA, RNAM BSHAD SNYING PO RGYAN LAS TSUL ROL NI SO SO SKYE BO LA LTOS PA STE, TSUR NGOS NA YOD KYI 'KHOR BA CHAD PA'I PHAR NGOS NA MED PA'I DON, ZHES GSUNGS PA MI 'THAD PAR THAL, 'DOD PA'I PHYIR, GZHAN YANG, NYAN THOS DGRA BCOM PA SKABS 'DIR BSTAN GYI TSUL ROL GYI MTHA' LA GNAS PAR THAL, NYAN THOS DGRA BCOM PA 'KHOR BA'I MTHA' LA GNAS PA'I PHYIR, RTAGS KHAS, 'DOD NA, DE CHOS CAN, SKABS 'DIR BSTAN GYI PHA ROL GYI MTHA' LA MI GNAS PAR THAL, 'DOD PA'I PHYIR, GZHAN YANG, LAS DANG NYON MONGS PA'I DBANG GYIS RGYUN RING BOR NYID MTSAMS SBYOR BA CHOS CAN, KHYOD SKABS 'DIR BSTAN GYI SRID MTHA' MA YIN PAR THAL, TSUR MTHONG THA MAL BA KHYOD YIN PA'I PHYIR, SRID PAR SKYE BA LA MTHA' GCIG TU DOR BYAR ZHEN PA CHOS CAN, KHYOD SKABS 'DIR BSTAN GYI SRID MTHA' MA YIN PAR THAL, NYAN THOS DGRA BCOM PA KHYOD YIN PA'I PHYIR, MA GRUB NA, NYAN THOS DGRA BCOM PA CHOS CAN, KHYOD DER THAL, KHYOD DIR ZHEN PA'I GANG ZAG YIN PA'I PHYIR, GZHAN YANG, NYAN THOS MTHONG LAM PA'I RGYUD KYI GANG ZAG GI BDAG MED MNGON SUM DU RTOGS PA'I SHES RAB DE RANG LAM DU SRID MTHA' 'GOG PAR NUS PA'I SHES RAB YIN PAR THAL, DE SRID MTHA' 'GOG NUS KYI SHES RAB YIN PA'I PHYIR TE, NYAN THOS MTHONG LAM PA'I RGYUD LA SRID MTHA' 'GOG RUS KYI SHES RAB YOD PA'I PHYIR, RTA BAR 'DOD NA, NYAN THOS DGRA