@001A *, ,'PHAGS PA SHES RAB KYI PHA ROL TU PHYIN PA SDUD PA MCHAN DANG BCAS PA BZHUGS SO, , @001B #, ,RGYA GAR SKAD DU, A'ARYA BRADZNY'A P'A RA MI T'A SANYTZA YA G'A TH'A, BOD SKAD DU, 'PHAGS PA SHES RAB KYI PHA ROL TU PHYIN PA SDUD PA TSIGS SU BCAD PA, 'PHAGS PA 'JAM DPAL LA PHYAG 'TSAL LO, ,DE NAS YANG BCOM LDAN 'DAS KYIS 'KHOR BZHI BA DE DAG YANG DAG PAR RAB TU DGA' BAR MDZAD PA'I PHYIR, YANG SHES RAB KYI PHA ROL TU PHYIN PA 'DI STON CING, DE'I TSE TSIGS SU BCAD PA 'DI DAG BKA' STZAL TO, (,NA MO GU RU BHYA: RNAM MKHYEN MTSON BYED KYI CHOS BCU LAS, DANG PO LAM GYI RTZA BA SEMS BSKYED PA NI,) DGA' DANG GUS DANG DAD PA'I MCHOG NI NYER BZHAG STE, ,SGRIB PA NYON MONGS BSAL NAS DRI MA LAS 'DAS PA, (,ZHES PA'I RKANG PA GNYIS PO 'DI BUDDHA SHR'IS SNOD LDAN NYAN PAR BSKUL BA LA SBYAR NAS SEMS BSKYED KYI NGO BO RKANG BA LHAG MA GNYIS KYIS BSTAN PAR 'CHAD KYANG SLOB DPON SHLOO KA GCIG PO 'DIS SEMS BSKYED GTZO BO @002A #, ,BSTAN NAS ZHAR LA SNOD LDAN NYAN PAR BSKUL BAR GSUNGS PAS PHYI MA SOR BZHAG GO ,'GRO DON MNGON ZHUGS NGES PA'I SHES RAB PHA ROL PHYIN, ,GANG LA DPA' RNAMS SPYOD PA DE NI MNYAN PAR GYIS, ,ZHAR BYUNG RAB 'BYOR SOGS KYIS SHER PHYIN STON PA SANGS RGYAS KYI MTHU YIN PAR DPES BSGRUBS PA NI, 'DZAM BU'I GLING 'DIR CHU KLUNG JI SNYED CIG 'BAB CING, ,ME TOG 'BRAS LDAN SMAN DANG NAGS TSAL SKYED BYED PA, , MA DROS GNAS PA'I KLU DBANG KLU BDAG RTEN GNAS TE, ,DE NI KLU YI BDAG PO DE YI MTHU DPAL YIN, ,RGYAL BA'I NYAN THOS BDAG JI SNYED CHOS STON DANG, ,'CHAD DANG RIGS PA DAG DANG LDAN PAR BRJOD PA DANG,, MCHOG 'PHAGS BDE BA BYED DANG DE YI 'BRAS THOB PA, ,DE DAG KUN KYANG DE BZHIN GSHEGS PA'I SKYES BU'I MTHU, ,CI PHYIR ZHE NA RGYAL BAS CHOS TSUL GANG BSTAN PA, ,DE LA MI MCHOG SLOB MAR GYUR PAS MNGON @002B BSLABS SHING, ,MNGON SUM BYAS NAS BSLABS PA JI BZHIN STON BYED DE, ,SANGS RGYAS MTHUS BYED RANG GI STOBS KYI MTHUS MA YIN, (,NYAN THOS SANGS RGYAS DANG DE YANG SHER PHYIN GYI SDOMS LTA BU'I SEMS BSKYED LAS 'KHRUNGS PA'AM SHER PHYIN RANG DBANG DU STON PA'I SANGS RGYAS SU GYUR BAR 'DOD PAS DE LA BSLAB PAR BYA'O ZHES 'BRAS BU'I SGO NAS BSGRUBS PA'O, ,GNYIS PA GDAMS NGAG GI GTZO BO BDEN PA GNYIS LA 'DOMS PA'I GDAMS NGAG NI,), GANG LA SHES RAB PHA ROL PHYIN MCHOG MI DMIGS SHING, ,BYANG CHUB SEMS DPA' MI DMIGS BYANG CHUB SEMS MI DMIGS, ,DE SKAD THOS NAS RMONGS PA MED CING MI SKRAG PA, ,BYANG CHUB SEMS DPA' DE NI BDE GSHEGS SHES RAB SPYOD, (,GSUM PA GDAMS DON LA SGOM BYUNG GI THOG MA SBYOR LAM 'CHAD PA LA, NGO BO DMIGS RNAM RGYU GSUM GYI KHYAD PAR, 'BRAS BU MTSUNGS LDAN SPANGS RTOGS KYI BYAD PAR, RGYU YONGS 'DZIN BSHES GNYEN GYI KHYAD PAR GSUM, DANG BO LA DROD RTZA BZOD PA CHOS MCHOG BZHI LAS, DROD KYI DMIGS PA NI, DMIGS PA ME RTAG LA SOGS PA, ,BDEN PA'I RTEN CAN ZHES PA LTAR,) GZUGS MED TSOR BA MED CING 'DU SHES SEMS PA MED, ,DE LA RNAM SHES RNAM PA NI, GNAS PA STE MNGON PAR ZHEN PA, NI RDUL TZAM YOD PA MIN, ,RGYU'I KHYAD PAR NI DE CHOS KUN LA MI GNAS GNAS PA MED PAR SPYOD, ,YONGS SU GZUNGS MED BDE GSHEGS RNAMS KYI BYANG CHUB 'THOB, (,RTZE MO'I DMIGS PA NI,) JI LTAR KUN TU RGYU BA PHRENG CAN SHES PA YIS, ,DMIGS MED PHUNG PO RNAM PAR 'JIG PA 'BYUNG @003A *, ,BA LTAR, ,BYANG CHUB SEMS DPA' GANG ZHIG DE LTAR CHOS SHES PA, ,MYA NGAN 'DAS LA MI REG DE NI SHES RAB GNAS, ,RNAM PA NI, YANG 'DI SHES RAB 'DI NI GANG YIN SU YI YIN, ,GANG LAS YIN ZHES CHOS 'DI THAMS CAD STONG PAR RTOG ,NYE BAR BRTAGS NAS ZHUM PA MED CING SKRAG MED PA, ,BYANG CHUB SEMS DPA' DE NI BYANG CHUB NYE BA YIN, ,BZOD PA'I DMIGS PA NI, GAL TE MI SHES BZHIN DU GZUGS SU 'DU SHES SHING, ,TSOR BA SEMS PA RNAM SHES PHUNG POR SPYOD BYED NA, ,PHUNG 'DI STONG ZHES RTOG NA'ANG BYANG CHUB SEMS DPA' NI, ,MTSAN MA LA SPYOD SKYE MED GNAS LA DAD MA YIN, ,RNAM PA NI, GANG ZHIG GZUGS MIN TSOR MIN 'DU SHES SEMS PA MIN, ,RNAM PAR SHES LA MI SPYOD GNAS PA MED PAR SPYOD, ,DE NI SPYOD CES BYA BAR MI DMIGS SHES RAB BRTAN, ,SKYE MED BLO LDAN BUDDHA SHR'IS 'DI NAS CHOS MCHOG LA SBYAR TING 'DZIN ZHIB MCHOG LA REG ,CHOS MCHOG GI DMIGS PA, BYANG CHUB SEMS GANG DE LTAR 'DIR BDAG ZHIR GNAS PA, ,DE NI SNGON GYI DE BZHIN GSHEGS PAS LUNG BSTAN YIN, ,BDAG NI MNYAM PAR BZHAG CE'AM LANGS ZHES RLOM SEMS MED, ,CI PHYIR ZHE NA CHOS KYI RANG BZHIN YONGS SHES PHYIR, ,DE LTAR SPYOD NA BDE GSHEGS RNAMS KYI SHES RAB SPYOD, ,DES NI SPYOD MED SPYOD PA YIN PAR RAB SHES PHYIR, ,CHOS GANG SPYOD PA DE YANG DMIGS @003B PAR MI 'GYUR TE, ,'DI NI SHES RAB PHA ROL PHYIN MCHOG SPYOD PA YIN, (,GZUNG RTOG GNYIS NI, GANG ZHIG YOD PA MA YIN DE NI MED CES BYA, ,BYIS PA RNAMS KYIS DE BRTAGS YOD DANG MED PAR BYED, ,YOD DANG MED PA 'DI GNYIS MED PA'I CHOS YIN TE, ,'DZIN RTOG DANG PO NI BYANG CHUB SEMS DPA' GANG GIS 'DI SHES NGES PAR 'DI RNAM BYANG GZUNG RTOG LA YANG YANG SBYAR 'BYUNG, ,GANG 'DIR PHUNG PO LNGA DAG SGYU MA 'DRAR SHES SHING, ,'DZIN RTOG GNYIS PA, SGYU MA GZHAN DANG PHUNG PO GZHAN DU MI BYED LA, ,SNA TSOGS 'DU SHES BRAL ZHING NYE BAR ZHI SPYOD PA, ,'DI NI SHES RAB PHA ROL PHYIN MCHOG SPYOD PA YIN, ,YONGS 'DZIN NI, DGE BA'I BSHES DANG LDAN ZHING LHAG MTHONG LDAN GYUR PA, ,RGYAL BA RNAMS KYI YUM THOS SKRAG PAR YONG MI 'GYUR, ,DE LTAR YONGS 'DZIN GYI KHYAD PAR RJES 'GRO'I SGO NAS BSTAN TE, YANG LDOG 'GRO'I SGO NAS STON PAR, GANG ZHIG SDIG PA'I GROGS LDAN GZHAN GYI DRING 'JOG PA, ,DE NI SNOD SO MA BTANG CHUS RE GZHIG BA BZHIN, ,BZHI PA THEG CHEN SGRUB PA'I RTEN RANG BZHIN GNAS RIGS STON PAR, CI PHYIR 'DI NI BYANG CHUB SEMS DPA' BYA ZHE NA, ,CHAGS PA GCOD BYED KUN LA CHAGS PA ZAD BAR 'DOD, ,LNGA BSGRUB PA'I DMIGS PA 'CHAD PAR, RGYAL BA RNAMS KYI BYANG CHUB CHAGS MED GYUR LA REG ,DES NA 'DI NI BYANG CHUB SEMS DPA'I MI THOB BO, ,DRUG PA CHED DBYU MA CHEN PO GSUM NI, CI PHYIR DE NI SEMS DPA' CHE ZHES BYA ZHE NA, ,SEMS CAN TSOGS RNAMS MANG PO'I MCHOG TU GYUR PA DANG, ,SEMS CAN KHAMS KYI LTA RNAMS CHEN PO GCOD PA STE, ,DE PHYIR SEMS DPA' CHEN PO ZHES NI RAB BRJOD DO, ,BDUN PA GO SGRUB 'CHAD PAR, GTONG BA CHE DANG BLO CHE BA DANG MTHU CHE DANG, ,BUDDHA SHR'IS 'DI NAS 'JUG SGRUB BYAG RGYAL BA RNAMS KYI @004A *, ,THEG CHEN MCHOG LA ZHUGS PA DANG, ,BRGYAD PA 'JUG SGRUB 'CHAD PAR, GO CHA CHEN PO BGOS SHING BDUD KYI SGYU 'DUL BA, ,DE YI PHYIR NA SEMS DPA' CHE ZHES RAB TU BRJOD, ,DGU BA TSOGS SGRUB STON PAR, DPER NA SGYU MA MKHAN GYIS BZHI MDOR SPRUL BYAS TE, ,SKYE BO PHAL CHEN MGO MANG BYE BA GCOD BYED PA'I, ,BSAD BYA DE DAG CI 'DRA DE LTAR BYANG CHUB SEMS, ,'GRO KUN SPRUL 'DRAR RAB SHES DE LA 'JIGS PA MED, ,GZUGS DANG 'DU SHES TSOR BA DANG NI SEMS PA DANG, ,RNAM PAR SHES PA MA BCINGS MA GROL YOD PA MIN, ,DE LTAR BYANG CHUB LA 'JUG ZHUM PA'I SEMS MED PA, ,'DI NI GANG ZAG DAM PA RNAMS KYI GO CHA MCHOG ,CI PHYIR 'DI NI BYANG CHUB THEG CHEN BYA ZHE NA, ,DE GANG ZHON NAS SEMS CAN THAMS CAD MYA NGAN ZLO, ,THEG PA 'DI NI MKHA' 'DRA GZHAL MED KHANG CHEN TE, ,DGA' SKYID BDE BA MNGON PAR THOB BYED THEG PA'I MCHOG ,GANG ZHIG ZHON NAS PHYOGS SU 'GRO BA DMIGS SU MED, ,MYA NGAN 'DAS PAR 'GRO BAR GSUNGS PA 'GRO MI DMIGS, ,DPER NA MI SHI DE YI 'GRO RGYU MED PA BZHIN, ,RGYU DES DE NI MYA NGAN 'DAS ZHES RAB TU BRJOD, ,BYANG CHUB SEMS DPA' SNGON GYI MTHA' DANG PHYI MTHA' DANG, ,DA LTAR BYUNG BAR MI DMIGS DUS GSUM DAG PA STE, ,GANG DAG DE NI 'DUS MA BYAS YIN SPROS MED DE, ,'DI NI SHES RAB PHA ROL PHYIN MCHOG SPYOD PA YIN, ,BCU PA NGES 'BYUNG SGRUB PA STON PAR, BYANG CHUB SEMS MKHAS RIG PA GANG GI DUS KYI TSE, ,SKYE MED RNAM PAR BSAMS TE 'DI LTAR SPYOD BYED CING, ,SNYING RJE CHEN PO BSKYED BYANG SEMS CAN 'DU SHES MED, ,'DI NI SHES @004B RAB PHA ROL PHYIN MCHOG SPYOD PA YIN, ,GAL TE SEMS CAN 'DU SHES SDUG BSNGAL 'DU SHES BSKYED, ,'GRO BA RNAMS KYI DON BYA SDUG BSNGAL SPANG SNYAM STE, ,BDAG DANG SEMS CAN YONGS RTOG BYANG CHUB SEMS DPA' DE, ,'DI NI SHES RAB PHA ROL PHYIN MCHOG SPYOD MA YIN, ,BDAG CI 'DRA BA DE 'DRAR SEMS CAN THAMS CAD SHES, ,SEMS CAN THAMS CAD CI 'DRA DE 'DRAR CHOS KUN SHES, ,SKYE BA MED DANG SKYE BA GNYI GAR MI RTOG PA, ,'DI NI SHES RAB PHA ROL PHYIN MCHOG SPYOD PA YIN, ,'JIG RTEN DAG NA CHOS MING JI SNYED YONGS BRJOD PA, ,KUN LA SKYE BA DANG NI YANG DAG 'DAS SPANGS NAS, ,YE SHES 'CHI MED DAM PA DE LAS GZHAL MED THOB, ,DE PHYIR 'DI NI SHES RAB PHA ROL PHYIN CES BYA, ,BYANG CHUB SEMS DPA' GANG ZHIG DOGS MED DE LTAR SPYOD, ,SHES RAB LDAN DE MNYAM NYID GNAS PAR SHES PAR BYA, ,CHOS RNAMS RANG BZHIN MED PAR YONGS SU SHES GYUR BA, ,'DI NI SHES RAB PHA ROL PHYIN MCHOG SPYOD PA YIN, (,RNAM PA THAMS CAD MKHYEN PA NYID LA 'JUG PA'I LE'U STE DANG PO'O, ,SKABS DANG PO'O,, ` ,, RNAM MKHYEN THOB BYED KYI THABS LAM SHES BSHAD PA LA, LAM SHES MTSON BYED KYI CHOS BCU GCIG LAS, DANG PO LAM SHES KYI RTEN GEGS NGA RGYAL MNGON GYUR BA DANG BRAL BA SOGS LAM SHES KYI YAN LAG STON PAR,) GANG ZHIG GZUGS LA MI GNAS TSOR LA MI GNAS SHING, ,GANG ZHIG 'DU SHES MI GNAS SEMS PAR MI GNAS LA, ,RNAM SHES GANG MI GNAS PA CHOS NYID GNAS PA STE, ,'DI NI SHES RAB PHA ROL PHYIN MCHOG SPYOD PA YIN, ,GNYIS PA NYAN THOS KYI LAM SHES PA'I LAM SHES STON PAR, RTAG DANG MI RTAG BDE DANG SDUG BSNGAL SDUG MI SDUG ,BDAG @005A *, ,DANG BDAG MED DE BZHIN NYID DANG DE BZHIN STONG, ,'BRAS BU THOB DANG DGRA BCOM SA LA MI GNAS SHING, ,RANG RGYAL SA DANG DE BZHIN SANGS RGYAS SAR MI GNAS, ,DE RGYU NGES 'BYED CHA MDUN ??? STON PAR, JI LTAR 'DREN PA 'DUS MA BYAS KHAMS MI GNAS SHING, ,DE BZHIN 'DUS BYAS LA YANG MI GNAS GNAS MED SPYOD, ,DE LTAR BYANG CHUB SEMS DPA' GNAS LA GNAS MED GNAS, ,GNAS MED GNAS YIN 'DI NI RGYAL BAS GNAS PAR GSUNGS, ,GSUM PA RANG RGYAS KYI LAM SHES PA'I LAM SHES STON PAR, GANG DAG BDE GSHEGS NYAN THOS 'GYUR BAR BYA SNYAM DANG, ,RANG SANGS RGYAS DANG DE BZHIN CHOS RGYAL 'GYUR 'DOD PA, ,BZOD PA 'DI LAM BRTEN THOB PAR MI NUS TE, ,DPER NA PHA ROL TSU ROL 'GRO DOGS MI MTHONG BZHIN, ,CHOS 'CHAD PA DANG NYAN DANG BSHAD BYA GANG YIN DANG, ,'BRAS BU THOB DANG RKYEN RGYAL DE BZHIN 'JIG RTEN MGON, ,MKHAS PA GSAL BAS THOB PA'I MYA NGAN 'DAS GANG YIN, ,DE KUN SGYU MA LTA BUR DE BZHIN GSHEGS PAS BSTAN, ,GANG ZAG BZHI PO 'DI DAG DE LA MI SKRAG STE, ,RGYAL SRAS BDEN LA MKHAS DANG PHYIR MI LDOG PA DANG, ,DGRA BCOM DRI MA BSAL CING SO MA NYI SPANGS PA DANG, ,BZHI PA DGE BA'I BSHES KYIS YONGS SU ZIN PA'O, ,DE LTAR RANG SANGS RGYAS KYI LAM LA YANG BYANG CHUB SEMS DPAS MKHAS PAR BYAS TE GOMS DGOS PAR BSTAN PA'I PHYIR GSUNGS PA, BYANG CHUB SEMS DPA' MKHAS RIG DE LTAR SPYOD PA NI, ,DGRA BCOM SA LA MI SLONG RKYEN RTOGS SA LA MIN, ,THAMS CAD MKHYEN NYID CHED DU SANGS RGYAS CHOS RJES SLOB, ,GANG @005B ZHIG SLOB MI SLOB LA MI SLOB DE SLOB YIN, ,DE'I RGYU NGES 'BYED CHA MTHUN STON PAR, GZUGS 'PHEL YONGS SU NYAMS DANG YONGS SU BZUNG PHYIR MIN, ,CHOS RNAMS SNA TSOGS YONGS SU BZUNG PHYIR MI SLOB PAR, ,SLOB CING THAMS CAD MKHYEN PA NYID KYANG YONGS 'DZIN LA, ,NGES 'BYUNG GANG YIN 'DI NI YON TAN DGA' BA'I SLOB, (,BZHI PA BYANG SEMS KYI MTHONG LAM STON PAR,) GZUGS NI SHES RAB MA YIN GZUGS LA SHES RAB MED, ,RNAM SHES 'DU SHES TSOR DANG SEMS PA 'DI DAG NI, ,SHES RAB MA YIN 'DI DAG LA YANG SHES RAB MED, ,'DI NI NAM MKHA'I KHAMS DANG MTSUNGS TE THA DAD MED, ,MTHONG LAM GYI RNAM PA BDEN BZHI 'CHAD PAR, ,DMIGS PA SDUG BDEN RNAMS KYI RANG BZHIN DE NI PHA MTHA' MED, ,SEMS CAN RNAMS KYI PHUNG SOGS SKYED PA'I RGYU KUN 'BYUNG GI RANG BZHIN GANG YIN DE YANG PHA MTHA' MED, ,NAM MKHA'I KHAMS LTAR SGRIB BZAD PA'I 'GOG BDEN CHOS KYI DBYINGS KYI RANG BZHIN DE YANG PHA MTHA' MED, ,'JIG RTEN MKHYEN PA'I SHES RAB LAM GYI BDEN PA DE YANG PHA MTHA' MED, (,CES DE LTAR BDEN PA BZHI PO DE YANG PHA MTHA' MED PA STE BDAG MED PA'I RNAM PAR MNYAM PA NYID DU BSTAN PA LA, CI'I PHYIR DNGOS PO THAMS CAD STONG PAR SMRA ZHE NA CHOS THAMS CAD NI MING DU BRTAGS BA TZAM DU ZAD PAS LTA BA PHUN TSOGS KYI PHA ROL TU 'GRO BAR 'DOD PA RNAMS KYIS BDEN PAR ZHEN PA'I 'DU SHES RNAM PAR BSHIG STE BSGOM DGOS SO ZHES BSTAN PA'I PHYIR GSUNGS PA,) 'DU SHES TSU ROL YIN ZHES 'DREN PAS YONGS SU BSGRAGS, ,'DU SHES RNAM PAR BSHIG NAS SPONG BA PHA ROL 'GRO ,GANG DAG 'DU SHES BRAL BA 'DI NI RJES THOB PA, ,DE DAG PHA ROL PHYIN NAS STON PA'I BKA' LA GNAS, ,GAL TE STON PAS KYANG NI GANG+G'A'I BYE SNYED @006A *, ,KYI, ,BSKAL BAR BZHUGS TE SEMS CAN ZHES SGRA YONGS BSGRAGS KYANG, ,GZOD NAS DAG BAS SEMS CAN SKYE BAR GSAL 'GYUR, ,'DI NI SHES RAB PHA ROL PHYIN MCHOG SPYOD PA YIN, ,MTHONG BA'I LAM BSGOM PA NA DE BZHIN GSHEGS PAS LUNG BSTAN BA THOB PAR 'GYUR RO ZHES DPE'I SGO NAS STON PAR, GANG TSE NGA NI PHA ROL PHYIN PA'I MCHOG 'DI DANG, ,MTHUN PAR SMRA GYUR DE TSE SNGON GYI SKYES MCHOG GIS, ,MA 'ONGS PA YI DUS NA SANGS RGYAS 'GYUR RO ZHES, ,NGA LUNG BSTAN PAR GYUR CES RGYAL BA DE SKAD GSUNGS, ,BRGYA BYIN GYI LE'U STE GNYIS PA'O, ,LNGA PA SGOM LAM GYI BYED PA NI, SHES RAB PHA ROL PHYIN PA GANG LA MGON SPYOD PA, ,'DI NI GANG ZHIG GUS BYAS 'DZIN DANG CHUB BYED PA, ,DE LA DUG DANG MTSON DANG ME DANG CHUS MI TSUGS, ,BDUD DANG BDUD KYI PHYOGS KYIS GLAGS KYANG RNYED MI 'GYUR, ,DRUG PA MOS BSGOM LAM LA GSUM LAS DANG PO RANG DON MOS PA SGOM LAM STON PAR, LA LES BDE GSHEGS YONGS SU MYA NGAN NA 'DAS PA YI, ,MCHOD RTEN RIN CHEN BDUN LAS BYAS SHING MCHOD BYED LA, ,BDE BAR GSHEGS PA'I MCHOD RTEN DE DAG GANG G'A YI, ,BYE MA SNYED KYIS BYE BA PHRAG STONG ZHING BKANG STE, ,YONGS SU BRTAG BZUNG ZHING RNAMS BYE BA MTHA' YAS NA, ,SEMS CAN JI SNYED 'KHOD PA DE DAG THAMS CAD KYIS, ,LAS GZHAN MI BYED LHA YI ME TOG SPOS RAB DANG, ,BYUG PAS DUS GSUM BSKAL BA'AM DE BAS LHAG MCHOD LA, ,GANG ZHIG GANG LAS RNAM 'DREN STOBS BCU 'BYUNG 'GYUR BA, ,BDE BAR GSHEGS KYI YUM 'DI GLEGS BAM LA BRIS TE, ,'CHANG ZHING ME TOG BYUG PAS BSTI STANG BYED GYUR @006B NA, ,MCHOD RTEN BYAS MCHOD BSOD NAMS DE NI CHAR MI PHOD, (,GNYIS DON MOS PA SGOM LAM STON PAR,) RGYAL BA'I SHES RAB PHA ROL PHYIN 'DI RIG SNGAGS CHE, ,SEMS CAN KHAMS MANG MYA NGAN SDUG BSNGAL CHOS ZHI BYED, ,GANG DAG 'DAS DANG GANG DAG PHYOGS BCU'I 'JIG RTEN MGON, ,RIG SNGAGS 'DI BSLABS SMAN PA'I RGYAL PO BLA MED 'GYUR, ,GANG DAG PHAN DANG SNYIR BRTZER BCAS PAS SPYAD SPYOD PA, RIG SNGAGS 'DI LA BSLABS NAS MKHAS PA BYANG CHUB REG ,'DUS BYAS BDE DANG 'DUS MA BYAS BDE GANG YIN PA, ,BDE BA DE KUN 'DI LAS BYUNG BAR RIG PAR BYA, ,SA BON BTAB NAS SA LA GNAS TE 'BYUNG 'GYUR BA, ,TSOGS PA RNYED NAS RNAM MANG GZUGS DAG RNAM PAR SKYE, ,PHA ROL PHYIN LNGA BYANG CHUB YON TAN JI SNYED PA, ,DE DAG KUN KYANG SHES RAB PHA ROL PHYIN LAS SKYE, ,'KHOR LOS SGYUR RGYAL LAM GANG NAS NI RTAG 'GRO BA, ,LAM DE NYID NAS RIN CHEN BDUN DANG DPUNG TSOGS KUN, ,GANG NAS RGYAL BA'I SHES RAB PHA ROL PHYIN 'DI 'GRO ,DE NYID NAS NI YON TAN CHOS KUN 'GRO BAR 'GYUR, (,PHA ROL TU PHYIN PA'I DPAG TU MED PA'I PHAN YON 'DZIN PA DANG, MCHOD RTEN BA BKUR STI BYA BA'I LE'U STE GSUM PA'O, ,GZHAN DON MOS PA SGOM LAM STON PAR,) RGYAL BAS BRGYA BYIN DRI BA YONGS DRIS LAN GSOL BA, ,GAL TE GANG G'A'I BYE SNYED SANGS RGYAS ZHING GYUR LA, ,DE KUN RGYAL BA'I RING PA SREL BYUR BUR GTAMS GYUR KYANG, ,BDAG NI SHES RAB PHA ROL PHYIN PA 'DI NYID YIN, ,CI SLAD CE NA SKU GDUNG MI GUS BDAG MA LAGS, ,'ON KYANG SHES RAB YONGS SU BSGOS PAS MCHOD PAR BGYID, ,DPER NA RGYAL PO BRTEN MI RIM GRO THOB PA LTAR, ,SANGS RGYAS @007A *, ,RING BSREL SHES RAB PHA ROL PHYIN LA BRTEN, ,NOR BU RIN CHEN YON TAN KUN LDAN RIN THANG MED, ,GAB TSE GANG DU STZAL BA DE NI PHYAG BGYI 'OS, ,DE PHYUNG GYUR KYANG GAB TSE LA NI DGA' BGYID DE, ,YON TAN DE DAG NOR BU RIN CHEN DE YI LAGS, ,DE BZHIN SHES RAB PHA ROL PHYIN MCHOG YON TAN GYIS, ,RGYAL BA MYA NGAN 'DAS KYANG RING BSREL MCHOD PA BRNYED, ,DE LTAR GANG ZHIG RGYAL BA'I YON TAN 'DZIN 'TSAL DES, ,SHES RAB PHA ROL PHYIN BLANG 'DI NI THAR PA LAGS, ,SBYIN PA SBYIN PA'I SNGON DU 'GRO BA SHES RAB STE, ,TSUL KHRIMS BZOD PA BRTZON 'GRUS BSAM GTAN DE BZHIN NO, ,DGE CHOS CHUD MI GSAN PHYIR YONGS SU 'DZIN PA YIN, ,'DI NI CHOS RNAMS THAMS CAD TSUL GCIG STON PAR BYED, ,DPER NA 'DZAM BU'I GLING NA SHING RNAMS BYE BA STONG, ,RNAM PA SNA TSOGS RNAM PA DU MA GZUGS MANG BA, ,GRIB MAR GYUR BA'I GRANGS SU BRJOD PA MA GTOGS PAR, ,GRIB MA SNA TSOGS MED CING BYE BRAG YOD MA YIN, ,DE BZHIN RGYAL BA'I PHA ROL PHYIN LNGA 'DI DAG KYANG, ,SHES RAB PHA ROL PHYIN PA'I MING NYID 'THOB PAR 'GYUR, ,THAMS CAD MKHYEN PA NYID PHYIR YONGS SU BSNGOS BYAS NA, ,BYANG CHUB CES BYA DRUG PO 'DI KUN RO GCIG 'GYUR, ,YON TAN YONGS SU BRJOD PA'I LE'U STE BZHI PA'O, , MOS PA 'DI GSUM GYI BCOS MA'I NYES PA SPANG PA NI GOM PA YIN PAR SHES NAS SHER PHYIN BCOS MA SPANG BA'I PHYIR RJES 'GRO'I SGO NAS SHER PHYIN BCOS MA'I MTSAN NYID STON PAR, BYANG CHUB SEMS DPA' GAL TE RAB TU MI SHES BZHIN, ,GZUGS DANG 'DU SHES TSOR DANG SEMS PA RNAM PAR @007B SHES, ,MI RTAG YONGS SU STON PA BCOS LA SPYOD PA STE, ,MKHAS PA NAM YANG CHOS RNAMS 'JIG PAR MI BYED DO, ,LDOG 'GRO'I SGO NAS SHER PHYIN RNAL PAR SLOB TSUL 'CHAD PAR, GANG LA GZUGS MIN TSOR MIN 'DU SHES MI DMIGS SHING, ,RNAM PAR SHES PA MA YIN SEMS PA MI DMIGS LA, ,CHOS KUN SKYE MED STONG PA'I TSUL DU RAB SHES PA, ,'DI NI SHES RAB PHA ROL PHYIN MCHOG SPYOD PA YIN, ,BDUN BSGOM LAN GYI PHAN YON NI, ,DE LTAR MOS PA'I BYANG CHUB SEMS DPA'I SPRO BA BSKYED PA'I PHYIR, SANGS RGYAS RNAMS KYIS BSTOD PA DANG BKUR STI DAD BSNGAGS PA LA SOGS PA MDZAD DO ZHES STON PAR, LA LAS GANG G'A'I KLUNG GI BYE SNYED ZHING RNAMS NA, ,SEMS CAN JI SNYED 'KHOD KUN DGRA BCOM NYID BTUL PAS, ,GANG GIS SHES RAB PHA ROL PHYIN 'DI YIG BRIS TE, ,SEMS CAN MCHOG LA GLEGS BYIN BSOD NAMS KHYAD PAR 'PHAGS, ,CI PHYIR ZHE NA SMRA MCHOG DE DAG 'DIR BSLABS NAS, ,CHOS RNAMS MTHA' DAG STONG PA NYID DU 'DIR STON BYED, ,DE THOS NYAN THOS MYUR DU RNAM PAR GROL LA REG ,RANG RGYAL BYANG CHUB DANG NI SANGS RGYAS BYANG CHUB REG MYU GU MED PAR 'JIG RTEN SDONG 'BYUNG YOD MED NA, ,DE LA YAB 'DAB ME TOG 'BRAS BU GA LA 'BYUNG, ,BYANG CHUB SEMS MED RGYAL 'BYUNG 'JIG RTEN YOD MED NA, ,'BRAS BU BRGYA BYIN TSANGS PA NYAN THOS GA LA 'BYUNG, ,NYI MA'I DKYIL 'KHOR GANG TSE DE DKYI DRA BO 'GYOD, ,DE TSE SEMS CAN LAS BYED BRTZON PA DE BZHIN DU, ,MKHAS PA SHES PHYIR 'JIG RTEN BYANG CHUB SEMS BYUNG NA, ,YE SHES KYIS NI SEMS CAN YON TAN CHOS DANG LDAN, ,DPER NA MA DROS MTSO LA KLU BDAG MED GYUR NA, ,'DZAM @008A *, ,BU'I GLING 'DIR CHU KLUNG 'BAB PAR GA LA 'GYUR, ,CHU KLUNG MED NA ME TOG 'BRAS BU 'BYUNG MI 'GYUR, ,RGYA MTSO LA YANG RIN CHEN GZUGS MANG MED PAR 'GYUR, ,DE BZHIN 'DIR YANG BYANG CHUB SEMS MED BDE GSHEGS KYI, ,YE SHES 'JIG RTEN 'DI DAG KUN TU GAL 'BYUNG, ,YE SHES MED NA YON TAN 'PHEL MED BYANG CHUB MED, ,RGYA MTSO 'DRA BA'I SANGS RGYAS CHOS KYANG MED PAR 'GYUR, ,'JIG RTEN 'DI NA SNANG BYED SROG CHAGS JI SNYED PA, ,KUN GYIS SNANG BAR BYA PHYIR 'OD RNAMS PHYUNG BA BAS, ,NYI MA'I DKYIL 'KHOR 'OD ZER GCIG PHYUNG CHES MCHOG STE, ,SNANG BYED TSOGS KYI 'OD RNAMS KUN GYIS CHAR MI PHOD, ,BSOD NAMS KYI RNAM GRANGS KYI LE'U STE LNGA BA'O, ,STONG PHRAG BRGYA PA LA SOGS PA LTAR, RGYAN DU'ANG BSNGO BA BRGYAD PAR GSUNGS KYANG DON LA 'GAL BA MAD BAS, 'DIR DE LAS GO RIM BZLOG STE BRGYAD PA RJES SU YI RANG SGOM LAM STON PAR, NYAN THOS TSOGS RNAMS JI SNYED SBYIN DANG TSUL KHRIMS DANG, ,SGOM DANG RAB TU LDAN PA'I BSOD NAMS TSOGS BSKYED PA'ANG, ,BYANG CHUB SEMS DPA' RJES SU YI RANG SEMS GCIG LA, ,NYAN THOS TSOGS KYI BSOD NAMS PHUNG POS CHAR MI PHOD, ,DGU PA BSNGO BSGOM LAM STON PAR, 'DAS DUS SNGON GYI SANGS RGYAS BYE BA KHRAG KHRIG GANG, ,ZHING MANG MTHA' YAS BYE STONG DAG NA GANG BZHUGS DANG, ,GANG YANG MYA NGAN 'DAS PA'I 'JIG RTEN MGON PO RNAMS, ,SDUG BSNGAL ZAD PAR BYA PHYIR RIN CHEN CHOS STON PA, ,DANG POR BYANG CHUB MCHOG TU SEMS BSKYED BSKYED PA NAS, ,RNAM PAR 'DREN PA RNAMS KYI DAM CHOS ZAD KYI DUS, ,DE BAR RGYAL BA DE DAG BSOD NAMS @008B GANG YIN PA, ,PHA ROL PHYIN DANG LDAN DANG SANGS RGYAS CHOS GANG DANG, ,GANG YANG SANGS RGYAS SRAS RNAMS DANG NI NYAN THOS DANG, ,SLOB DANG MI SLOB DGE BA ZAG BCAS ZAG MED PA, ,BSDUS NAS BYANG CHUB SEMS DPA' RJES SU YI RANG ZHING, ,'GRO BA'I DON RGYU BYANG CHUB PHYIR NA THAMS CAD BSNGO, ,'KHOR GSUM MI DMIGS PA'I SGO NAS BSNGA BA KHYAD PAR DU BYA DGOS ZHES STON PAR, YONGS BSNGO GAL TE SEMS SU 'DU SHES 'BYUNG 'GYUR ZHING, ,BYANG CHUB 'DU SHES YONGS BSDO SEMS CAN 'DU SHES NA, ,'DU SHES PHYIR NA LTA GNAS SEMS NI GSUM LA CHAGS, ,DMIGS PA YOD PAS YONGS SU BSNGOS PAR CHUD MA YIN, ,'ON JI LTAR BSNGO ZHEN, GAL TE 'DI LTAR CHOS 'DI 'GAGS SHING ZAD PA DANG, ,GANG DU YONGS SU BSNGO BA DE YANG ZAD PA DANG, ,CHOS KYIS CHOS LA NAM YANG MI BSNGO SHES GYUR NA,, DE LTAR RAB TU SHES PAS YONGS SU BSNGOS PA YIN, ,GZHAN DAG MA RE, DA SNGO BDAG PA DANG, MA DAG PA ZHES PA MTSAN MAR 'DU SHES MED PA DANG YOD PAS 'JOG NA, MDO SDE KHA CIG TU DMIGS PA GTZO BOR GSUNGS PA CI ZHE NA, DE NI LAS DANG PO BA KHA CIG BZHUG PA'I PHYIR YIN GYI, MNGON ZHEN GYIS BCINGS PA'I DGE BA RNAMS NI GCIG TU RNAM BAR DAG PA MIN NO ZHES BSTAN PA'I PHYIR GSUNGS PA, GAL TE MTSAN MAR BYED NA DE NI BSNGOM YIN, ,CI STE MTSAN MA MED NA BYANG CHUB BSNGO BA YIN, ,JI LTAR DRUG DANG 'DRES BA'I KHA ZAS BZA' ZA BA, ,DKAR PO'I CHOS LA DMIGS PA'ANG DE 'DRAR RGYAL BAS GSUNGS, ,BSNGO BA'I DON BSDU BAR, DE LTAS 'DI LTAR YONGS SU BSNGO BA BSLAB BYA STE, ,JI LTAR RGYAL BA DE DAG DGE BA DE MKHYEN PA'I, ,RNAM PA GANG YIN 'BYUNG GANG MTSAN NYID GANG YIN LA, ,RJES SU YI RANG DE LTA DE LTAR YONGS SU BSNGO, ,BSNGO @009A *, ,PA'I 'BRAS BSTON PAR DE LTAR BSOD NAMS BYANG CHUB YONGS SU SNGO BYED NA, ,DUG MED SANGS RGYAS MI SPONG RGYAL BAS GSUNGS PA SMA, ,DE LTAR YONGS BSNGO DPA' BO 'JIG RTEN DMIGS CAN GYIS, ,BYANG CHUB SEMS DPA' JI SNYED THAMS CAD ZIL GYIS GNON, ,YONGS SU BSNGO BA'I LE'U STE DRUG PA'O, ,BCU PA SGRUB BSGOM LA MA STON PAR, DMUS LONG DMIGS BU MED PA BYE BA KHRAG KHRIG RNAMS, ,LAM YANG MI SHES GRONG KHYER 'JUG PAR GA LA 'GYUR, ,SHES RAB MED NA MIG MED PHA ROL PHYIN LNGA 'DI, ,DMIGS BU MED PAS BYANG CHUB REG PAR NUS MA YIN, ,GANG TSE SHES RAB KYIS NI RAB TU ZIN GYUR PA, ,DE TSE MIG RNYED GYUR CING 'DI YI MING THOB BO, ,DPER NA RI MO'I LAS NI YONGS ZIN MIG MED PA, ,JI SRID MIG MA BRIS BAR RNGAN PA MI THOB BZHIN, ,GANG TSE 'DUS BYAS 'DUS MA BYAS DANG DKAR NAG CHOS, ,SHES RAB RNAM PAR BSHIG NAS RDUL TZAM MI DMIGS TSE, ,'JIG RTEN DAG NA SHES RAB PHA ROL PHYIN GRANGS 'GRO ,NAM MKHA' GANG LA'ANG CUNG ZAD MI GNAS DE DANG 'DRA, ,DE'I CHO CHOS KYI DBYINGS LA MNGON BAR ZHEN BA'ANG PHYIN CI LOG TU BSTAN BA'I PHYIR GSUNGS PA, GAL TE BDAG NI RGYAL BA'I SHES RAB SPYAD BYA ZHING, ,SEMS CAN SDUG BSNGAL REG PA KHRAG KHRIG MANG DGROL SEMS, ,SEMS CAN 'DU SHES YONGS RTOG BYANG CHUB SEMS DPA' DE, ,'DI NI SHES RAB PHA ROL PHYIN MCHOG SPYOD MA YIN, ,DE'I 'OG TU RNAM DAG SGOM LAM YIN KYANG, MNGON RTOGS RGYAN LAS, SANGS RGYAS BSTEN DANG SBYIN SOGS DANG, ,ZHES SOGS LTAR RNAM DAG SGOM LAM DE NYID SKYE BA DANG MI SKYE BA'I RGYU GNYIS SHES DGOS PAS RGYU GNYIS STON PAR, BYANG CHUB SEMS DPA' GANG ZHIG SNGON SPYAD SPYOD @009B PA'I TSE, ,PHA ROL PHYIN 'DIR SPYAD PA MKHAS PA SOM NYI MED, ,THOS MA THAG TU DE NI STON PA'I 'DU SHES SKYED, ,DES NI BYANG CHUB ZHI BA MYUR DU RTOGS BAR 'GYUR, ,SNGON SPYOD TSE NA SANGS RGYAS KHRAG KHRIG BKUR BYAS KYANG, ,RGYAL BA'I SHES RAB PHA ROL PHYIN LAM DAD NA, ,THOS NAS BLO CHUNG DE YIS 'DI NI SPONG BYED DE, ,SPANGS NAS SKYABS MED GYUR PA DE NI MNAR MED 'GRO ,DE GNYIS KYI DON BSDUS TE LUM LA DAD BAS SLOB RIGS BA DPE DANG BCAS TE GDAMS BA NI, DE LTA BAS NA GAL TE SANGS RGYAS YE SHES MCHOG ,RIG PAR 'DOD NA RGYAL BA'I YUM 'DIR DAD PAR GYIS, ,DPER NA TSONG PA RIN CHEN GLING DU SONG NAS NI, ,ZONG ZAD SLAR LOG LTA BUR GYUR NA MI RUNG NGO, ,DMYAL BA'I LE'U STE BDUN BA'O, ,BCU GCIG PA RNAM DAG SGOM LAM LA GNYIS LAS DANG PO SPYIR BSTAN PA NI, GZUGS KYI DAG PA 'BRAS BU DAG PAR RIG PAR BYA, ,GNYIS PA KHYAD PAR DU BSTAN PA NI, 'BRAS BU GZUGS DAG THAMS CAD MKHYEN NYID DAG PAR 'GYUR, ,THAMS CAD MKHYEN NYID 'BRAS BU DGE DANG GZUGS DAG PA, ,NAM MKHA'I KHAMS DANG MTSUNGS TE DBYER MED BCAD DU MED, ,SKABS GNYIS BA'O,, ` DE LTANG RGYU LAM SHES BSHAD ZIN NAS LAM GYI GO LAS SHES PA'I PHYIR DU LAM SHES RNAM PAR DAG BYED KYI GZHI SHES STON PA LA DE MTSON BYED KYI CHOS DGU LAS DANG PO SHES PAS SRID LA MI GNAS PA'I GZHI SHES DANG, GNYIS BA SNYING RJES ZHI LA MIG NAS PA'I GZHI SHES GNYIS STON PAR, DPA' BO GAR SPYOD SHES RAB PHA ROL PHYIN PA YIS, ,KHAMS GSUM YAR DAG 'DAS LA RNAM PAR GROL BA'ANG MIN, ,NYON MONGS BSAL BAR GYUR KYANG SKYE BA STON BAR BYED, ,RGA DANG NA DANG 'CHI BA MED KYANG 'CHI 'PHO STON, ,ZHES GSUNGS TE 'DIS NI SRID ZHI'I MTHA' GNYIS 'GOG PA'I THABS LA MI MKHAS BA'I 'BRAS YUM LA @010A *, ,RING BA'I GZHI SHES DANG, DE'I THABS LA MKHAS PA'I 'BRAS YUM LA NYE BA'I GZHI SHES TE GZHI SHES MTSON BYED KYI CHOS GSUM PA BZHI PA GNYIS KYANG SHUGS LA 'PHANGS PA YIN NO, ,DE NAS LNGA BA MTSAN 'DZIN GYIS BCINGS PA'I MI MTHUN PHYOGS KYI GZHI SHES STON PAR; 'GRO BA 'DI DAG MING DANG GZUGS KYI 'DAM LA CHAGS, ,RLUNG GI 'KHOR LO LTA BU'I 'KHOR BA'I 'KHOR LOR 'KHYAM, ,'GRO BA 'KHRUL PA RI DVAGS RGYAD CHUD 'DRAR SHES NAS, ,DRUG PA MTSAN 'DZIN GYI GNYIN POS ZIN PA'I GNYEN PO GZHI SHES STON PAR, SHES RAB LDAN PA MKHA' LA BYA BZHIN RNAM PAR RGYU, ,BDUN PA GZHI SHES SBYOR BA DANG, ,BRGYAD PA SBYOR BA'I 'DZIN STANGS MNYAM NYID GNYIS BSDOMS TE 'CHAD PAR, SPYOD PA YONGS DAG GANG ZHIG GZUGS LA MI SPYOD CING, ,RNAM SHES 'DU SHES TSONG BA SEMS PAR MI SPYOD NA, ,DE LTAR SPYOD PA CHAGS PA THAMS CAD YONGS SPYONG ZHING, ,CHAGS LAS RNAM GROL BDE GSHEGS RNAMS KYI SHES RAB SPYOD, ,RNAM PAR DAG BA'I LE'U STE BRGYAD PA'O, ,DGU BA MTHONG LAM STON PAR, DE LTAR SPYOD PA'I BYANG CHUB SEMS DPA' MKHAS GSAL BA, ,CHAGS PA BCAD NAS GROL LA CHAGS PA MED PAR 'GRO ,NYI MA SGRA GCAN GZA' BRAL LHANG NGER 'DUG PA DANG, ,ME BTANG RTZVA DANG SHING DANG NAGS TSAL SREG PA BZHIN, ,SKABS GSUM PA'O,, ` ,,DE LTAR SHES KYA MKHYEN GSUM GYI RNAM GZHAG BSHAD ZIN NAS, NYAMS LEN SBYOR BZHI'I RNAM GZHAG BSHAD BA LA BZHI LAS, DANG PO DBANG DU BYED PA'I RGYU RNAM RDZOGS SBYOR BA MTSON BYED KYI CHOS BCU GCIG GI GANG PO BSGOM BYA RNAM PA'I RANG BZHIN GTAN LA 'BEBS PA LA, CHOS RNAMS THAMS CAD RANG BZHIN DAG CING YONGS DAG PAR, ,BYANG CHUB SEMS DPA' SHES RAB PHA ROL @010B PHYIN LTA NA, ,BYED PA PO YANG MI DMIGS CHOS KUN MI DMIGS TE, ,'DI NI SHES RAB PHA ROL PHYIN MCHOG SPYOD PA YIN, ,BSTOD PA'I LE'U STE DGU PA'O, ,ZHES BYUNG 'DI SKABS GSUM PA'I MJUG TU MTHONG LAm LA SBYAR BA NI SLOB DPON SENG BZANG GI SDUD 'GREL DANG MI MTHUN PAS DOR BAR BYA'O, ,BUDDHA SHR'I'I SDUD 'GREL DANG MTHUN YANG KHAS BLANGS MI RUNG STE, RNAM RDZOGS SBYOR BA MTSON BYED KYI CHOS GCIG MA TSANG BA'I PHYIR, DE NYID KYI SDUD 'BREL DU RTEN DANG BCAS PA'I SBYOR BA DANG, ,YON TAN SKYON NI MTSAN NYID BCAS, ,ZHIS RTZA BA'I TSIG BCOS TE, SBYOR BA'I RTEN DANG POR BGRANGS PA'I CHOS BCU GCIG 'DREN TSUL GCIG BSHAD MDO KYANG, 'PHAGS SENG SOGS KYI 'BREL PA TSED LDAN GANG NA'ANG DE 'DRA MI SNANG ZHING, RGYAN GYI SKABS BZHI BAR MKHYEN GSUM GYI RNAM PA DE TZAM ZHIG RGYAS PAR BSHAD PA DANG DNGOS SU 'GAL BAR SNANG NGO, ,GNYIS BA RNAM PA DE DAG BSGOM PA'I SBYOR BA BSHAD PA LA SBYOR BA BSGOM PA PO NGOS BZUNG BSNGON DU 'GRO DGOS PAS DANG PO SBYOR BA'I SNOD STON PAR, RGYAL BA LA NI LHA RGYAL BRGYA BYIN GYIS ZHUS PA, ,BYANG CHUB SEMS DPA' SHES RAB SPYOD PA JI LTAR BRTZON, ,PHUNG PO KHAMS LA RDUL TZAM BRTZON PAR MI BYED CING, ,PHUNG POR MI BRTZON DE NI BYANG CHUB SEMS DPA'I BRTZON, ,GANG ZHIG CHOS 'DI SPRUL DANG SGYU MA 'DRAR THOS NAS, ,SOM NYI MED CING SLOB LA PHYIR ZHING SBYOR BYED PA, ,SEMS CAN DE NI RING NAS THEG CHEN ZHUGS RIG BYA, ,SANGS RGYAS BYE BA KHRAG KHRIG MANG LA LHAG BYAS YIN, ,THEG PA CHEN PO MNYAN PA SOGS KYIS BAR MA CHAD LAS 'DAS PA'I BYA BA RTOGS PA'I CHED DU DBUGS PHYUNG BA'I TSIG DPE'I SGO NAS STON PAR, DGON PA'I LAM NI DPAG TSAD MANG POR ZHUGS PA'I MIS, ,GANG RDZI MTSAMS KYI NAGS TSAL PHUN SUM TSOGS MTHONG NA, ,'DI DAG GROD DANG GRONG KHYER NYE BA'I RTAGS SNYAM STE, ,DBUGS PHYIN RNYED PAR GYUR CING CHOM RKUN 'JIGS PA MED, ,DE BZHIN BYANG @011A *, ,CHUNG YONGS SU TSUL TSE RGYAL RNAMS KYI, ,SHES RAB PHA ROL PHYIN 'DI MNYAN PA GANG THOB PA, ,DE NI DBUGS PHYIN THOB PAR GYUR CING 'JIGS MED DE, ,DGRA BCOMS LAM YIN RKYEN RTOGS LA MIN, ,DE LTAR RTEN BSTAN NAS BRTEN PA SBYOR BA'I NGO BO DPE SNGON DU 'GRO BAS STON PA NI, MI ZHIG RGYA MTSO'I CHU NI BLTA PHYIR 'GRO BA YIS, ,GAL TE SHING DANG NAGS TSAL RI MTHONG DA DUNG RING, ,CI STE RTAGS MA MTHONG NA RGYA MTSO CHEN PO NI, ,NYE PAR GYUR TO SNYAM STE DE LA SOM NYI MED, ,DE LTAR BYANG CHUB DAM PAR RAB ZHUGS RGYAL BA YI, ,SHES RAB PHA ROL PHYIN PA 'DI NYAN RIG PAR BYA, ,RNAM PAR 'DREN PAS MNGON SUM LUNG BSTAN MA GYUR KYANG, ,SANGS RGYAS BYANG CHUB RING POR MI THOGS BDAG REG 'GYUR, ,ZHES RI DANG SHING SOGS KYI MTSAN MA DPA' DRA PA'I MTHONG SPANG GI RNAM RTOG RAGS PA RNAMS CHOS MCHOG TU MI SNANG BAN RGYA MTSO DANG 'DRA BA'I MTHONG LAM LA NYE BAR SHES PA STE SBYOR BA BCU PA BAR CHAD MED PA DANG BCAS PA'I SBYOR BA BSTAN TO, ,DE'I 'OG TU LO 'DAB RNYING BLTA BU'I CHOS MCHOG MAN GYI RTOG PA LAS 'DAS NAS LO 'DAB GSAR BA LTA BU'I ZAG MED KYI CHOS GSAR PA'I RTEN DU GYUR PA'I SBYOR BA BCU GCIG PA BYANG CHUB DANG NYE BA'I SBYOR BSTON PAR, ,DPYID DUS BZANG LA SDONG PO LO MA LHAGS GYUR NA, ,YAL GAS RING POR MI THOGS LO 'BRAS ME TOG BSKRUN, ,SHES RAB PHA ROL PHYIN 'DI SU YI LAG THOB PA, ,RING POR MI THOGS 'DREN PA RNAMS KYI BYANG CHUB THOB, ,BCU GNYIS PA RDZOGS BYANG MYUR DU 'THOB PA'I SBYOR BSTON PAR DPER NA BUD MED SBRUM GANG SDUG BSNGAL NYEN GYUR NA, ,DE NI DE YI BTZA' BA'I DUS LA BAB CES BYA, ,DE BZHIN BYANG CHUB SEMS DPA' RGYAL BA'I @011B SHES RAB NYAN, ,DGA' DANG 'DUN PA SKYED PA MYUR DU BYANG CHUB REG ,SBYOR BA 'DI GSUM GSER PHRENG LAS DE LTAR DNGOS SU SBYAR ZHING, BUDDHA SHR'IS GONG GI SBYOR BA'I RTEN STON BA'I GZHUNG LAS, RGYAL BA LA NI LHA RGYAL BRGYA BYIN GYIS ZHUS PA, ,ZHES SOGS RKANG PA GNYIS KHO NA RTEN LA SBYOR TE, LHAG MA'I DNGOS ZIN SBYOR BA BCU BSHAD CING DE YANG PHUNG PO KHAMS LA ZHES SOGS RKANG BA GNYIS KYI SBYOR BA BKAG PA'I SBYOR BA BSTAN, LUNG BSTAN THOB PA'I SPYOR BA DANG PHYIR MI LDOG PA'I SBYOR BA GNYIS, GANG ZHIG CHOS 'DI SPRUL DANG SGYU MA 'DRAR SHES DANG, ,ZHES DANG, SOM NYI MED CING SLOB LA PHYIR ZHING SBYOR BYED BA, ,ZHES PA'I RKANG PA GNYIS PO RE RE'I MTHAR SEMS CAN DE NI ZHES SOGS RKANG PA GNYIS SBYAR BAS RIM BZIN BSTAN, NGES PAR 'BYUNG BA'I SBYOR BA NI, DGON PA'I LAM NI ZHES SOGS SHO LO KA GNYIS YIS BSTAN, DE NAS GSUM NI SNGAR BSHAD PA LTAR DANG SHES RAB PHA ROL ZHES SOGS RKANG PA GNYIS, GANG ZHIG DIR SPYOD CES SOGS RKANG PA GSUM GYIS RIM BZHIN 'PHEL 'GRIB MED PA'I SBYOR BA DANG, CHOS DANG CHOS MIN PA MI DMIGS PA'I SBYOR BA DANG, RNAM PAR MI RTOG PA'I SBYOR BA GSUM BSTAN PAR BYAS NAS, 'DI NI SHES RAB CES SOGS RKANG PA GCIG SBYOR BA'I YON TAN LA SBYOR BA'I DANG PO BZHI DPYAD DGOS SHING, THA MA SLOB DPON DANG DNGOS SU 'GAL TE 'OG TU 'CHAD DO, ,SLOB DPON GYIS SBYOR BA 'DI GSUM RIM PA LTAR CHOS LONGS SPRUL GSUM THOB BYED LA SBYAR RO, ,'PHEL 'GRIB BKAG PA'I SBYOR BA NI, SHES RAB PHA ROL PHYIN MCHOG SPYOD TSE RNAL 'BYOR PA, ,GZUGS KYI 'PHEL BA DANG NI YONGS SU 'GRI BA MI MTHONG, ,CHOS DANG CHOS MIN PA SOGS SU MI MTHONG BA'I SBYOR BA NI GANG ZHIG CHOS DANG CHOS MIN CHOS DBYINGS MI MTHONG ZHING, ,MYA NGAN 'DAS LA MI REG DE NI SHES RAB GNAS, ,GSUM PA SBYOR BA'I YON TAN STON PAR GANG ZHIG 'DIR SPYOD SANGS RGYAS CHOS RNAMS MI RTOG STE, ,STOBS DANG RDZU 'PHRUL RKANG PA BYANG @012A *, ,CHUB ZHI MI RTOG ,RNAM BAR MI RTOG RTOG BRAL BYIN GYI RLABS KYIS SPYOD, ,'DI NI SHES RAB PHA ROL PHYIN MCHOG SPYOD PA YIN, ,YON TAN BZUNG BA YONGS SU BRJOD PA'I LE'U STE BCU PA'O, ,BZHI BA SBYOR BA'I SKYON BSHAD PA LA BSAL BYA'I SKYON DANG, SEL BYED KYI GNYEN PO GNYIS, DANG PO LA DRIS PAN GNYIS LAS DRI PA NI, SMRA BA'I ZLA BSANGS RGYAS LA NI RAB 'BYOR ZHUS, ,YON TAN DGA' BA RNAMS KYI BAR DU GCOD GANG LAGS, ,LAN NI, ,STON BAS BKA' STZAL BAR DU GCOD PAR 'GYUR MANG STE, ,DE LA SA RE ZHIG CUNG ZAD TZAM ZHIG YONGS SU BRJOD, ,DE YANG SBYOR SKYON ZHE DRUG LAS 'DIR DNGOS SU ZIN PA BRGYAD DE SPOB PA NYA CAD MYUR BA'I RLOM ZHING BAR MDOR LDOG PA'I MI BRTAN PA NI, RGYAL BA'I SHES RAB PHA ROL PHYIN 'DI YIG 'DRI TSE, ,SPOBS PA THA DAD RNAM PA DUM 'BYUNG 'GYUR ZHING, ,'GRO BA'I DON MA BYAS PAR GLOG BZHIN MYUR DU YANG, ,YONGS SU NYAMS PAR 'GYUR BA 'DI NI BDUD KYI LAS, ,THEG CHEN GYI SDE SNOD LAS PHYIR PHYOGS SHING SBONG BA'I RGYU MTSAN 'DZIN PA STE SPONG BA'I RGYU DNGOS STON PAR, 'DI BSHAD TSE NA KHA CIG SOM NYI ZA 'GYUR TE, ,'DREN PAS 'DIR NI BDAG GI MING YANG YONGS MA BRJOD, ,RIGS DANG SA DANG RUS KYANG YONGS SU MA BRJOD CES, ,DE NI NYAN BAR MI 'GYUR SLONG 'GYUR BDUD KYI LAS, ,RGYU LA MNGON PAR ZHEN PA NYAMS PA STE CHED CHER 'DZIN PA NYAMS PA NI, DE LTAR MI SHES DE DAG RTZA BOR NAS NI, ,RMONGS PAS YAL GA DAG DANG 'DAB MA 'TSOL BAR 'GYUR, ,RNAM PA THAMS CAD DU THEG PA MCHOG KUN TU 'DZIN PA LAS NYAMS PA NI, GLANG PO RNYED KYANG GLANG PO'I RJES NI 'TSOL BA LTAR, ,SHES RAB PHA ROL PHYIN THOS MDO 'TSOL DE BZHIN NO, ,BYA NOM PA'I RO 'BRAS BU MCHOG GI 'DE BA MYONG BA LAS NYAMS PA NI, @012B DBER NAL LAS RO BRGYA LDAN PA'I ZAS RNYED LA, ,ZAS MCHOG RNYED NAS ZAS NGAN 'TSOL BAR BYED PA LTAR, ,BYANG CHUB SEMS DPA' PHA ROL PHYIN BA 'DI RNYED NAS, ,DGRA BCOM SA YI BYANG CHUB 'TSOL BYED DE BZHIN NO, ,RNYED BA DANG BKUR STI DANG TSIGS SU BCAD PA'I RO MYONG ZHING DE LA BLTA BA NI, BSTI STANG 'DOD PAR 'GYUR ZHING RNYED BA 'DOD 'GYUR DANG, ,LTA DANG BCAS PA'I SEMS KYIS KHYIM 'DRIS BYED LDAN ZHING, ,LAM MA YIN PA BDUD KYIS BSTAN PA'I SDE SNOD LAS THABS MKHAS BA 'TSOL BA NI, CHOS BTANG NAS NI CHOS MIN BYA BA SBYONG 'GYUR BA; ;LAM BOR LAM GO LA 'GRO BA 'DI NI BDUD KYIS LAS, ,NYAN BA BO 'DUN PA CHE'ANG PO SNYOMS LAS KYIS NYAMS BAS NYAN PA PO YANG MA DAD PAR GYUR TE CHOS MNYAN BA LAS LDOG PA NI, GANG DAG DE YI TSE NA 'DUN CING DAD GYUR NAS, ,CHOS KYI DAM PA 'DI NI NYAN DU SONG BA LAS, , DE DAG GIS NI CHOS SMRA BYA BAR LDAN RIG NAS, ,DGA' BA MED CING YID MI BDE BAR GYUR NAS 'GRO, ,BAR GCOD KYI CHOS RGYAS PAR BSHAD PA'I DON BSDU BA NI, DE YI TSEN BDUD KYI LAS 'DI 'BYUNG BAR 'GYUR, ,DE TSE GANG DAG GIS NI DGE SLONG MANG DKRUGS NAS, ,SHES RAB PHA ROL PHYIN 'DI 'DZIN PAR MI 'GYUR BA'I, ,BAR DU GCOD BA RNAM MANG GZHAN YANG 'BYUNG BAR 'GYUR, ,BAR CHAD MANG BA'I RGYU MTSAN DPE'I SOGS SGRUB PA NI, RIN CHEN RIN THANG MED PA RNYED GYUR GANG DAG YIN, ,DE DAG DGON LA DUS RNAMS RTAG TU 'TSE BA'ANG MANG, , DE BZHIN RGYAL BA'I SHES RAB PHA ROL PHYIN PA MCHOG ,RIN CHEN CHOS KYANG DKON LA RTAG TU 'TSE BA'ANG MANG, ,THEG BA GSAR DU ZHUGS PA'I SEMS CAN BLO CHUNG BA, ,GANG ZHIG DKON BA'I RIN CHEN 'DI NI MA RNYED BA, ,DE LA BAR CHAD BYA PHYIR BDUD NI SPRO BAR @013A *, ,'GYUR, ,SEL BYED GNYEN PO NI DE LTAR BAR BCOD MANG YANG GLAGS RNYED PAR MI 'GYUR TE, CI'I PHYIR ZHEN, PHYOGS BCU'I SANGS RGYAS DE DAG YONGS SU 'DZIN LA SBYOR, ,BDUD KYI LE'U STE BCU GCIG PA'O, ,CI'I PHYIR SANGS RGYAS THAMS CAD KYIS DE LA DGONGS BAR MDZAD CEN, DE NYID DPES BSGRUB PA NI, MA ZHIG NA BAR GYUR LA BU NI MANG YOD PA, ,DE KUN YID MI BDE ZHING DE LA RIM GRO BYED, ,DE BZHIN PHYOGS BCU'I 'JIG RTEN KHAMS KYI SANGS RGYAS KYANG, ,YUM GYUR SHES RAB DAM PA 'DI LA DGONGS PA MDZAD, ,LNGA PA SBYOR BA'I MTSAN NYID BSHAD PA LA SHES MTSAN ZHE DRUG ,KHYAD MTSAN BCU DRUG, BYED MTSEN BCU GCIG ,NGO BO NYID MTSAN BCU DRUG BSHAD PA DANG BZHI, DANG PO LA YANG GSUM LAS DANG PO GZHI SHES KYI SHES MTSAN DE BZHIN GSHEGS PA 'BYUNG BA SOGS BCU DRUG STON PAR, GANG DAG 'DAS DANG PHYOGS BCU'I 'JIG RTEN MGON GANG DANG, MA 'ONGS DUS NA 'BYUNG 'GYUR DE DGA' 'DI LAS 'BYUNG ,'JIG RTEN SON PA RGYAL BA RNAMS KYI SKYED BYED YUM, ,SEMS CAN GZHAN GYI SEMS KYI SPYOD BAR STON PAR BYED, ,'JIG RTEN DE BZHIN NYID DANG DGRA BCOM DE BZHIN NYID,, RANG RGYAL DE BZHIN NYID DANG RGYAL SRAS DE BZHIN NYID, ,GCIG PA NYID DE DNGOS BRAL GZHAN MIN DE BZHIN NYID, ,SHES RAB PA ROL PHYIN PA DE BZHIN GSHEGS PAS MKHYEN, ,LAM SHES KYI SHES MTSAN STON PAR, MKHAS BA 'JIG RTEN GNAS SAM MYA NGAN 'DAS KYANG RUNG, ,CHOS NYID SKYON MED CHOS RNAMS STONG PA 'DI GNAS TE, ,BYANG CHUB SEMS DPAS DE BZHIN NYID 'DI RJES SU RTOGS, ,DE PHYIR DE BZHIN GSHEGS ZHES SANGS RGYAS MTSAN GSOL TO, ,SHES RAB PHA ROL PHYIN BA DGA' TSAL @013B LA BRTEN BA, ,STOBS BCU RNAM 'DREN RNAMS KYI SPYOD YUL 'DI YIN TE, ,SEMS CAN SDUG BSNGAL NGAN SONG GSUM LAS YONGS 'DON KYANG, ,DE DAG NAM YANG SEMS CAN 'DU SHES 'GYUR BA MED, ,DPER NA SENG GE RI SUL BRTEN NAS 'JIGS MED PAR; ;RI DVAGS PHRA MO MANG SKRAG BYED CING SGRA SGROGS LTAR, ,MI YI SENG GE SHES RAB PHA ROL PHYIN BRTEN NAS, ,MU STEGS CAN MANG SKRAG BYED 'JIG RTEN SGRA YANG SGROGS, ,RNAM MKHYEN GYI SHES MTSAN STON PAR, DPER NA NAM MKHAR GNAS PA'I NYI MA'I 'OD ZER NI, ,SA 'DI SKEM PAR BYED CING GZUGS KYANG RAB TU STON, ,DE BZHIN CHOS RGYAL SHES RAB PHA ROL PHYIN BRTEN NAS, ,SRID PA'I CHU KLUNG SKEMS SHING CHOS KYANG RAB TU STON, ,BUDDHA SHR'IS 'DI MAN CHOD KHYAD MTSAN LA SBYANG YANG SLOB DPON GYI SDUD 'GREL DU SNGA MA DANG DKYUS GCIG PAR RNAM MKHYEN GYI SHES MTSAN DU GSUNGS PA NI, RGYAN LAS, BRJOD DANG SHES MDZAD MNGON SUM MDZAD, ,CES PA DANG MTHUN PAR SNANG NGO, ,GZUGS RNAMS MI MTHONG TSOR BA DAG KYANG MI MTHONG ZHING, ,'DU SHES MTHONG BA MED LA SEMS PA MI MTHONG ZHING, ,GANG LA RNAM PAR GSHES DANG SEMS YID MTHONG MED BA, ,'DI NI CHOS MTHONG YIN ZHES DE BZHIN GSHEGS PAS BSTAN, ,NAM MKHA' MTHONG ZHES SEMS CAN TSIG TU RAB BRJOD PA, ,NAM MKHA' DZA LTAR MTHONG ZHES DON 'DI BRTAG PAR GYIS, ,DE LTAR CHOS MTHONG BA YANG DE BZHIN GSHEGS PAS BSTAN, ,'JIG RTEN BSTAN PA'I LE'U STE BCU GNYIS BONG, ,DE'I 'OG TU KHYAD MCHAN STON PANG, MTHONG BA DPE GZHAN GYIS NI BSNYAD PAR NUS MA YIN, ,GANG GIS DE LTAR MTHENG BA DE YIS CHOS KUN MTHOR, ,RGYAL PO BTANG SNYOMS 'DUG CING BLON BO KUN BYED LTAR, ,SANGS RGYAS MDZAD @014A *, ,DANG NYAN THOS CHOS RNAMS JI SNYED PA, ,DE DAG THAMS CAD SHES RAB PHA ROL PHYIN PA BYED, ,RGYAL PO GRONG DU MI 'GRO YUL 'KHOR MI 'GRO BAR, ,RANG GI YUL NAS 'DU BA THAMS CAD SDUD BA LTAR, ,BYANG CHUB SEMS DPA'I CHOS NYID GANG DU'ANG MI 'GRO LA, ,SANGS RGYAS SA YI YON TAN GANG YIN THAMS CAD SDUD, ,BSAM GYIS MI KHYAB PA'I LE'U STE BCU GSUM BA'O, ,GANG LA BDE GSHEGS BYANG CHUB SEMS DPA' DAD BRTAN YOD, ,SHES RAB PHA ROL PHYIN BA MCHOG LA BSAM SBYOR BA, ,NYAN THOS RANG RGYAL SA GNYIS SHIN TU 'DAS BYAS NAS, ,ZIL GYIS MI NON RGYAL BA'I BYANG CHUB MYUR DU 'THOB, ,DPER NA RGYA MTSOR 'JUG PA'I GRU NA CHAG GYUR LA, ,MI GANG RO 'AM RTZVA BA MA SHING NI MI 'DZIN PA, ,CHU DBUS 'JIG PAR 'GYUR TE DOGS SU PHYIN MI 'GYUR, ,GANG ZHIG 'DZIN PA RGYA MTSO'I PHA ROL PHYIN PAR 'GYUR, ,DE LTAR DAD LDAN DANG BA THOB PA GANG ZHIG NI, ,SHES RAB PHA ROL PHYIN YU MA RJES SU MI 'JUG MIN, ,SKYE RGA 'CHI DANG MYA NGAN RBA RLABS 'KHRUGS PA YIS, ,'KHOR BA'I RGYA MTSO DER NI RTAG TU 'KHOR 'GYUR BA, , GANG DE SHES RAB MCHOG GIS YONGS SU ZIN PA NA, ,DNGOS PO'I RANG BZHIN MKHAS SHING DON DAM STON PAR BYED, ,DE DAG THABS KYI YON TAN SHES RAB YONGS ZIN NA, ,MCHOG TU RMAD BYUNG BDE GSHEGS BYANG CHUB MYUR DU REG ,DPER NA LA LAS RDZA SO MA BTANG CHU SKYED NA, ,NYAM CHUNG PHYIR NI MYUR DU 'JIG PAR RIG PAR BYA, ,SO BTANG BUM PAR CHU SKYED LAM DU 'JIG BA YI, ,'JIGS PA MED CING BDE BAR KHYIM DU PHYIN PAR 'GYUR, ,DE BZHIN BYANG CHUB SEMS DPA' DAD PA MANG GYUR KYANG, ,SHES RAB RNAM PAR @014B NYAMS NA MYUR DU MA RUNGS 'GYUR, ,DAD PAS SHES RAB DE NI YONGS SU ZIN GYUR NA, ,SA GNYIS SHIN TU 'DAS TE BYANG CHUB MCHOG THOB 'GYUR, ,DPER NA BCOS LEGS MA BYAS GRU NI RGYA MTSO'I NANG, ,NOR DANG BCAS SHING TSONG PAR BCAS TE 'JIG PAR 'GYUR, ,GRU DE LEGS PAR BCOS LEGS BYAS DANG LDAN GYUR NA, ,MI 'JIG NOR DANG BCAS PAR DOGS SU PHYIN PAR 'GYUR, ,DE LTAR BYANG CHUB SEMS DPA' DAD PAS YONGS BSGOS KYANG, ,SHES RAB MED NA BYANG CHUB LAS NI MYUR NYAMS 'GYUR, ,DE NYID SHES RAB PHA ROL PHYIN PA MCHOG LDAN NA, ,MA RMAS MA NYAMS RGYAL BA'I BYANG CHUB REG BAR 'GYUR, ,LO BRGYA NYI SHU LON TE RGAS SHING SDUG BSNGAL MI, ,LANGS KYANG BDAG NYID 'GRO BAR NUS PA MA YIN TE, ,DE NI GA-YAS GA-YON GNYIS NAS MI YIS BRTEN BYAS NAS, ,'GYEL BA'I 'JIGS PA MED CING BDE BLAG 'GRO BAR 'GYUR, ,DE BZHIN BYANG CHUB SEMS DPA' SHES RAB STOBS CHUNG BA, ,RAB TU ZHUGS PAR GYUR KYANG BAR DU NYAMS PAR 'GYUR, ,DE NYID THABS DANG SHES RAB MCHOG GIS YONGS ZIN NA, ,MI NYAMS DE BZHIN GSHEGS KYI BYANG CHUB REG PAR 'GYUR, ,DPE'I LE'U STE BCU BZHI PA'O, ,BYANG CHUB SEMS DPA' DANG PO'I LAS KYI SAR GNAS GANG, ,LHAG BA'I BSAM PAS SANGS RGYAS BYANG CHUB MCHOG ZHUGS PA, ,SLOB MA BZANG PO BLA MA GUS LDAN DE DAG GIS, ,BLA MA MKHAS PA RNAMS LA RTAG TU BRTEN PAR BYA; ;CI PHYIR ZHE NA MKHAS PA'I YON TAN DE LAS 'BYUNG, ,DE DAG SHES RAB PHA ROL PHYIN PA RJES SU STON, ,SANGS RGYAS CHOS RNAMS DGE BA'I BA SHES LA BRTEN TO ZHES, ,YON TAN KUN GYI MCHOG MNGA' RGYAL BA DE SKAD GSUNGS, ,SBYIN DANG TSUL KHRIMS BZOD DANG DE @015A *, ,BZHIN BRTZON 'GRUS DANG, ,BSAM GTAN SHES RAB BYANG CHUB YONGS SU BSDO BAR GYIS, ,BYANG CHUB PHUNG POR ZHEN NAS MCHOG 'DZIN MA BYED CES, ,DANG PO'I LAS CAN DE LA DE SKAD BSTAN BAR BYA, ,BYED MTSAN NI, DE LTAR SPYOD PA LEGS 'TSO SMRA BA'I ZLA BA RNAMS, ,'GRO BA'I SKYABS DANG DPUNG GNYEN DANG NI GNAS YIN TE, ,RTEN DANG BLO DANG GLING DANG YONGS 'DREN DON 'DOD PA, ,GSAL BYED SGRON MCHOS MCHOG SMRA BA MI 'KHRUGS YIN, ,NGO BO NYID MTSAN STON BAR GRAGS CHEN LDAN RNAMS BYA DKA'I GO CHA GYON BYED DE, ,PHUNG PO KHAMS DANG SKYE MCHED RNAMS KYI GO CHA MIN, ,THEG GSUM 'DU SHES BRAL ZHING YONGS SU BZUNG BA MED, ,MI LDOG GA-YO BA MED CING MI 'KHRUGS CHOS CAN YI, ,DE DAG 'DI 'DRA'I CHOS DANG LDAN ZHING SPROS PA MED, ,THE TSOM SOM NYI YID GNYIS BRAL ZHING DON DANG LDAN, ,SHES RAB PHA ROL PHYIN PA THOS NAS MI NUR BA, ,GZHAN GYI DRING MI 'JOG CING MI LDOG RIG PAR BYA, ,'DREN PA RNAMS KYI CHOS 'DI ZAB STE MTHONG BAR DKA', ,SUS KYANG RTOGS PA MED CING THOB BAR 'GYUR MED BA,, DE PHYIR PHAN MDZAD BRTZER LDAN BYANG CHUB BRNYES NAS 'DI, ,SEMS CAN TSOGS SUS SHES SNYAM THUGS KHRAL CHUNG BAR MDZAD, ,SEMS CAN RNAMS NI GNAS LA DGA' ZHING YUL RNAMS 'DOD, ,'DZIN LA GNAS SHING MI MKHAS BLUN RMONGS MUN PA BZHIN, THOB PAR BYA BA'I CHOS NI GNAS MED 'DZIN MED DE, ,DES NA 'JIG RTEN DAG DANG RTZOD PA 'BYUNG BA YIN, ,LHA'I LE'U STE BCO LNGA BA'O, ,NAM MKHA'I KHAMS NI SHAR GYI PHYOGS DANG LHO PHYOGS DANG, ,DE BZHIN NUB KYI PHYOGS DANG BYANG PHYOGS PHA MTHA' YAS, ,STENG @015B DANG 'OG DANG PHYOGS BCU JI SNYED RNAMS NA'ANG YOD, ,THA DAD GYUR BA MED CING BYE BRAG GYUR PA MED, ,'DAS PA'I DE BZHIN NYID GANG MA BYON DE BZHIN NYID, ,DA LTAR DE BZHIN NYID GANG DGRA BCOM DE BZHIN NYID, ,CHOS KUN DE BZHIN NYID GANG RGYAL BA'I DE BZHIN NYID, ,CHOS KYI DE BZHIN NYID 'DI THAMS CAD BYE BRAG MED, ,DE LTAR RNAM RDZOGS SBYOR BA SPYI'I RNAM BAR BZHAG PA BSHAD ZIN NAS, DE'I 'OG TU THAR PA CHA MTHUN NAS BZUNG STE SKYE RIM BSHAD PA LA, DANG PO THAR BA CHA MTHUN NI, BDE GSHEGS BYANG CHUB THA DAD CHOS DANG BRAL GYUR BA, ,'DI NI BYANG CHUB SEMS DPA' GANG ZHIG THOB 'DOD PA, ,THABS DANG LDAN PAS SHES RAB PHA ROL PHYIN LA SBYOR, ,'DREN PA'I SHES RAB MED NA THOB PAR 'GYUR MA YIN, ,BYA ZHIG LUS CHE DPAG TSAD BRGYA RTZA LNGA BCU PAR, ,GYUR LA 'DAB GSHOG ZAD DE NYAMS RTZAL YOD MIN NA, ,DE YIS SUM CU RTZA GSUM GNAS NAS 'DZAM GLING 'DIR, ,BDAG NYID MCHONGS NA DER NI NYAM NYES 'GYUR BA YIN, ,RGYAL BA RNAMS KYI PHA ROL PHYIN PA LNGA 'DI YANG, ,BSKAL PA BYE BA KHRAG KHRIG MANG POR BSGRUBS BYAS SHING, ,SMON LAM MTHA' YAS RGYA CHEN 'JIG RTEN RTAG BSTEN KYANG, ,THABS MED SHES RAB BRAL BA NYAN THOS NYID DU LTUNG, ,NGES 'BYED CHA MTHUN STON BAR, ,SANGS RGYAS THEG PA 'DI LA NGES PAR 'BYUNG 'DOD GANG, ,ZHES GSUNGS TE BUDDHA SHR'IS RKANG PA GCIG PO 'DI MTSAN MA MED PA'I SBYIN SOGS KYIS DES PAR 'BYUNG 'DOD BA, ZHES MTSAN MED RAB TU SBYIN LA SOGS ZHES PA'I DON DU BYAS NAS, THAR CHA LA SBYAR MDO SLOB DPON GYIS PHYI MAR SBYAR BA NI GANG ZHES PA'I YIG DON LA'ANG 'BREL LO, ,'GRO BA KUN LA SEMS SNYOMS PHA MA'I 'DU SHES DANG, ,PHAN PA'I SEMS DANG BYAMS PA'I YID KYIS BRTUL BYA ZHIR, ,THAB MED CING DRANG LA @016A *, ,TSIG 'JAM SMRA BAR BYA, ,DE BZHIN NYID KYI LE'U STE BCU DRUG PA'O, ,PHYIR MI LDOG PA SPYI'I MTSAN NYID ZHU BA NI, 'JIG RTEN MGON LA GNAS BRTAN RAB 'BYOR YONGS ZHUS PA, ,YON TAN RGYA MTSO NYON MONG MA MCHIS RTAGS BSTAN GSAL, , MTHU CHE BDAG JI LTAR SLAR LDOG MI 'GYUR BA, ,DE LTAR YON TAN PHYOGS TZAM RGYAL BAS LUNG BSTAN GSOL, ,SBYOR LAM GYI PHYIR MI LDOG GI MTSAN NYID STON BAR, THA DAD 'DU SHES BRAL ZHING RIGS BA LDAN TSIG SMRA, ,DGE SBYONG DAG DANG BRAM WE GZHAN LA RTEN MI BYED, ,MKHAS PAS DUS RNAMS RTAG TU NGAN SONG GSUM PO SPANGS, ,DE DAG DGE BCU'I LAS KYI LAM LA MNGON PAR BRTZON, ,ZANG ZING MED PAR 'GRO LA CHOS NI RJES SU STON, ,CHOS LA GCIG TU DGA' ZHING RTAG TU TSIG 'JAM LDAN, ,'GRO 'CHAG NYAL DANG 'DUG PAR SHES BZHIN RAB TU LDAN, ,GNYA' SHING GANG TZAM LTA ZHING 'GRO LA SEMS 'KHRUL MED, ,GTZANG BYAS GTZANG MA'I GOS 'CHANG GSUM PO DBEN ZHING DAG ,RNYED 'DOD MA YIN KHYU MCHOG RTAG TU CHOS 'DOD PA, ,BDUD KYI YUL LAS 'DAS SHING GZHAN GYI DRING MI 'JOG ,BUDDHA SHR'I LTAR NA 'DI NAS MTHONG LAM GYI PHYIR MI LDOG GI MTSAN NYID BSTAN PAR BSHAD DE, BSAM GTAN GYI YAN LAG YONGS SU ZAD CES PA DANG 'GRIGS, BSAM GTAN BZHI LA BSAM GTAN BSAM GTAN DER MI GNAS, ,SLOB DPON LTAR NA 'DI NAS BSTAN, GRAGS PA 'DOD PA MA YIN KHRO BAS SEMS DKRIS MED, ,KHYIM PAR GYUR NA RTAG TU DNGOS PO KUN MA CHAGS, ,'TSO BA'I PHYIR NI YANGS LONGS SPYOD TSOL MI BYED, ,DRAG SHUL SPYOD SNGAGS MI SKYED BUD MED SBYOR SNGAGS MIN, ,'DOD PA'I LAS CAN PHO @016B MOR 'GYUR ZHES STON MI BYED, ,RAB TU DBEN PA'I SHES RAB PHA ROL PHYIN MCHOG BRTZON, ,'THAB DANG RTZOD DANG BRAL ZHING BYAMS PA'I SEMS KYANG BRTAN, ,KUN MKHYEN 'DOD CING BSTAN LA RTAG TU ZHOL SEMS LDAN, ,MTHA' 'KHOB KLA KLO SKYE BO'I YUL MTHA' RNAM PAR SPANGS, ,RANG GIS LA DOGS MED RTAG TU RI RAB 'DRA, ,CHOS PHYIR SROG KYANG 'DOR ZHING RNAL 'BYOR RAB TU BRTZON, ,MI LDOG RTAGS NI 'DI DAG YIN PAR SHES PAR BYA, ,PHYIR MI LDOG PA'I RNAM PA'I LE'U STE BCU BDUN PA'O, ,DE'I 'OG TU SGOM LAM GYI PHYIR MI LDOG PA'I MTSAN NYID STON DGOS KYANG, KHYAD PAR MA BZUNG PAR KHYAD PAR CAN GYI BLO MI SKYE BA'I PHYIR SGOM PA'I LAM GYI ZAB PA'I KHYAD PAR, SGOM PA'I LAM NI ZAB PA STE ZHES SOGS DANG MTHUN BAR 'DIR YANG, GZUGS DANG TSOR DANG 'DU SHES SEMS PA RNAM SHES RNAMS, ,ZAB STE RANG BZHIN MTSAN MA MED CING RAB ZHI BA, ,DPER NA MDA' YIS RGYA MTSOR GTING THUG TSOL BA LTAR, ,SHES RAB KYIS NI BRTAGS NA PHUNG PO'I GTING MI RNYED, ,DE LTAR ZAB PA'I SGOM LAM DE LA 'BRAS BU LHAG BA CI ZHIG YOD CES DRI BA NI, BYANG CHUB SEMS DPA' GANG ZHIG DE LTAR ZAB GYUR CING, ,THEG PA DON DAM CHAGS MED GANG LA PHUNG PO DANG, ,KHAMS DANG SKYE MCHED YOD MIN CHOS 'DI RTOGS PA DE'I, ,BSOD NAMS YANG DAG GRUB PA DE LAS CI ZHIG YOD, ,DE'I LAN STON PA NI, DPER NA 'DOD CHAGS CHOS LA SPYOD PA'I SKYES BU ZHIG ,BUD MED DUS BTAB DE DANG MA PHRAD DE YI NI, ,NYIN GCIG SEMS KYI RNAM RTOG SPYOD PA JI SNYED PA, ,DE SNYED BSKAL PAR BYANG CHUB SEMS DPA' THOB PAR 'GYUR, ,DE LTAR KHYAD PAR BSTAN NAS KHYAD GZHI SGOM LAM 'CHAD PA LA, RNAM RTOG DGU'I GNYEN PO SGOM LAM DGU YOD KYANG 'DIR GSUM DU BSDUS TE DANG PO SGOM LAM CHUNG DU STON @017A *, ,BAR, BYANG CHUB SEMS DPA' GANG ZHIG BSKAL MANG BYE STONG DU, ,DGRA BCOM RANG RGYAL SBYIN BYED TSUL KHRIMS SRUNG BYED KYANG, ,GANG ZHIG SHES RAB PHA ROL PHYIN MCHOG LDAN PA'I CHOS, ,BRJOD PA'I LEGS LA SBYIN DANG TSUL KHRIMS CHAR MI PHOD, ,SGOM LAM 'BRING BSTAN PA'I PHYIR, BYANG CHUB SEMS DPA' GANG ZHIG SHES RAB MCHOG BSGOMS TE, ,DE LAS LANGS NAS GOS PA MED PA'I CHOS BRJOD CING, ,DE YANG 'GRO BA'I DON DU BYANG CHUB RGYUR BSNGON, ,DGE BA DE DANG MNYAM PA 'JIG RTEN GSUM NA MED, ,SGOM LAM CHEN PO STON BAR, BSOD NAMS DE YANG GSOG DANG DE BZHIN STONG PA DANG, ,GSOB DANG YA MA BRLA DANG SNYING PO MED SHES PAR, ,DE LTAR BDE GSHEGS RNAMS KYI SHES RAB SPYAD SPYOD NA, ,SPYOD TSE BSOD NAMS DPAG TU MED PA YONGS SU 'DZIN, ,RGYAN LAS, DNGOS PO BRJOD DU MED PA LA, ,NYAMS PA DANG NI 'PHEL MI RUNG, ,ZHES PA LTAR CHOS THAMS CAD KYI DBYINGS SU RANG BZHIN MED PAR MNYAM PA'I PHYIR, SPANG BYA ZAD PA DANG GNYEN PO SKYE BA MED PAS NA RGYAL SRAS RNAMS KYI RTOGS PA MCHOG DMAN GYI RIM PA'ANG MI RIGS SO SNYAM PA'I DOGS BA BSU BAR, SANGS RGYAS KYIS BSHAD RAB TU SBYAR ZHING RAB BSTAN PA'I, ,CHOS 'DI THAMS CAD BRJOD BA TZAM DU ZAD SHES NA, ,BSKAL PA BYE BA KHRAG KHRIG MANG POR BRJOD BYAS KYANG, ,CHOS KYI DBYINGS LA ZAD PA MED CING 'PHEL PA MED, ,DE LA DON DAM PAR 'PHEL 'GRIB MED BAR BSGRUB NA KHO BO CAG 'DOD BA KHO NA YIN PAS GRUB ZIN SGRUB PAR 'GYUR PA, BSNYAD DU NI 'KHOR 'DAS KYI CHOS RNAMS RTAG PA MED PA'I PHYIR 'PHEL 'GRIB KYANG SKYU MA TZAM DU RUNG NGO ZHES LAN STON PAR, RGYAL BA RNAMS KYI PHA ROL PHYIN CES BYA BA GANG, ,CHOS DE RNAMS KYANG MING TZAM DU NI @017B YONGS SU BSGRAGS, ,YONGS BSNGO RLOM SEMS MED PA'I BYANG CHUB SEMS DPA' NI, ,NYAMS BA MED CING SANGS RGYAS BYANG CHUB MCHOG REG 'GYUR, ,STONG BA NYID KYI LE'U STE BCO BRGYAD PA'O, ,KHO NA RE, KUN RDZOB TU YANG RTOGS PA GONG DU 'PHEL BA'I BYANG CHUB PA MI RIGS TE, SNGA PHYIR BYUNG BA'I SEMS CAN RE RES KYANG NUS PA MED PA'I PHYIR MIN SA, SEMS CAN RNAM PA NI RNAM BAR SHES PA'I RGYUN RE RE BA ZHES GSUNGS BA'I PHYIR CIG CAR 'BYUNG BA MANG POS KYANG MIN ZHING, SNGA PHYIR 'BYUNG BA MANG BOS KYANG MIN TE DE DAG NANG PHAN TSUN 'BREL BA MED BA'I PHYIR ZHES PA'I RTZOD PA KHONG NAS BSUS TE DE'I LAN DPE'I SGO NAS STON PAR, 'BRU MAR SNYING PO 'BAR BA PHRAD PA DANG PO YIS, ,SNYING PO TSIG MIN DE MED PAR YANG DE MI TSIG ,ME LCE PHRAD BA THAMS SNYING PO TSIG MIN LA, ,ME LCE THAM MED PAR SNYING PO TSIG MIN LTAR, ,DPE BSTAN BA DE NYID SKABS KYI DON BYANG CHUB BA'I TSUL DANG SPYAR BA NI, DANG PO'I SEMS KYIS BYANG CHUB MCHOG REG MA YIN LA, ,DE MED PAR YANG DE LA REG PAR NUS MA YIN, ,THA MA'I SEMS KYIS BYANG CHUB ZHI BA THOB MIN LA, ,DE MED PAR YANG DE THOB NUS PA MA YIN NO, ,BYANG CHUB KYI LAM SKAD CIG SNGA PHYI TSOGS BA BYANG CHUB KYI RGYU YIN PA SPYIR BSTAN NAS, DA NI KHYAD PAR DU BYANG CHUB KYI LAM SKAD CIG MA DANG PO YANG SA BON 'DRA BAR GTZO BO'I RGYU YIN NO ZHES BSTAN PA'I PHYIR GSUNGS PA, SA BON LAS NI MYU GU ME TOG 'BRAS BU 'BYUNG, ,DE YANG 'GAGS LA SHING YANG MED PA DE MIN LTAR, ,DE BZHIN DANG PO'I SEMS KYANG BYANG CHUB RGYU YIN TE, ,DE YANG 'GAGS LA BYANG CHUB MED PA DE MA YIN, ,SKAD CIG MA GNYIS BA YANG RGYU LEN BAR STON BA LA, SA BON RNYED NAS 'BRU DANG S'A LU LA SOGS 'BYUNG, ,DE YI 'BRAS BU DE LA YOD MIN MED BA'ANG MIN, ,RGYAL BA RNAMS KYI BYANG CHUB 'DI NI 'BYUNG BAR 'GYUR, ,DNGOS BO'I RANG BZHIN BRAL BAS SGYU MA @018A *, ,'BYUNG BAR 'GYUR, ,BYANG CHUB BA'I TSUL RGYAS PAR BSTAN NAS DON BSLU BAR, CHU YI THIGS BAS BUM PA DANG PO THA MA'I BAR, ,RIM GYIS NYUNG NGU NYUNG DUS DE YONGS 'GENGS PA LTAR, ,DE BZHIN DANG PO'I SEMS KYANG BYANG CHUB MCHOG RGYU STE; ;RIM GYIS DKAR PO'I YON TAN RDZOGS PA'I SANGS RGYAS 'GYUR, ,DE LTAR ZHAR BYUNG 'GROS DON DANG BCAS BRGYAS BAR BSTAN NAS, SKABS DON KYUS MA SKOM PA'I LAM SA GNAS BA'I PHYI MI LDOG BA'I MTSAN NYID DNGOS STON BAR, STONG BA MTSAN MED SMON PA MED BAR CHOS SPYOD CING, ,MYA NGAN 'DAS LA MI REG MTSAN MAR MI SPYOD BA, ,DPER NA MNYAN PA MKHAS PA PHAR 'GRO TSUR 'GRO YANG, ,MTHA' GNYIS MI GNAS RGYA MTSOR GNAS PA MED PA BZHIN, ,SLOB DPON LTAR NA 'DI NAS SRID ZHI MNYAM NYID KYI SBYOR BA BSTAN ZHING, BUDDHA SHR'IS TSIGS BCAD SNGA MA DANG SBREL NAS BSHAD PA 'DI'I THAD KYI BRGYAD STONG BA'I TSIG ZIN LA 'GRIG SNANG, DE LTAR SPYOD PA'I BYANG CHUB SEMS DPA' 'DI SNYAM BDAG ,STOBS BCUS LUNG BSTAN BYANG CHUB REG 'GYUR RLOM SEMS MED, ,'DI LA CI YANG MED CES BYANG CHUB SKRAG PA MED, ,DE LTAR SPYOD PA BDE GSHEGS SHES RAB SPYOD PA YIN, ,ZHING DAG SBYOR BA NI, 'JIG RTEN DGON PA'I LAM DANG MU GE'I NAD BCAS PAR, ,MTHONG NAS SKRAG PA MED CING DE NAS GO BYON TE, ,PHYI MA'I MU MTHAR RTAG TU BRTZON ZHING RAB SHES NAS, ,YONGS SU SKYO BA'I YID NI RDUL TZAM SKYED MI BYED, ,GANG+GA'I LHA MO'I LE'U STE BCU DGU PA'O, ,THABS MKHAS SBYOR BA BSHAD PA LA MKHAS BYA'I YUL NI, BYANG CHUB SEMS DPA' RGYAL BA'I SHES RAB SPYOD BYED LA, ,PHUNG PO 'DI DAG GDOD NAS STONG ZHING SKYE MED SHES, ,MNYAM PAR MA BZHAG SEMS CAN KHAMS LA SNYING RJE 'JUG ,BAR SKABS DER @018B YANG SANGS RGYAS CHOS LAS YONGS MI NYAMS, ,THABS MKHAS DNGOS LA BCU YOD PAS, BAR CHAD KYI CHES LAS 'DAS BA'I THABS MKHAS SBYOR BA NI, DPER NA SKYES BU MKHAS PA YON TAN KUN LDAN ZHING, ,STOBS LDAN MI THUB BRTZON BYAS SGYU RTZAL CHO GA SHES, ,'PHONG DANG BZO GNAS MANG PO'I PHA ROL PHYIN GYUR CING, ,SGYU MA SGRUB SHES 'GRO DON RAB TU 'DOD BA ZHIG ,PHA DANG MA DANG CHUNG MAR BCAS PA YONGS BSDUS NAS, ,DGRA BYED MANG BA DGON PA'I LAM DU PHYIN PA DANG, ,DE YIS DPA' ZHING RTUL PHOD SKYES BU MANG SPRUL TE, ,BDE BAR SENG ZHING SLAR YANG KHYIM DU 'ONG BA LTAR, ,DE BZHIN DE TSE BYANG CHUB SEMS DPA' MKHAS PA YANG, ,SEMS CAN KHAMS RNAMS KUN TU SNYING RJE CHEN SKYED CING, ,BDUD BZHI DAG DANG SA GNYIS LAS KYANG RAB 'DAS NAS, ,TING 'DZIN MCHOG LA GNAS SHING BYANG CHUB ROG MI BYED, ,MI GNAS BA'I THABS MKHAS SBYOR BA NI, MKHA' LA RLUB BRTEN DE LA CHU YI PHUNG PO BRTEN, ,DE LAS CHEN 'DI BRTEN DE LA 'GRO BA BRTEN, ,SEMS CAN LAS LA SPYOD PA'I RGYU NI DE 'DRA STE, ,NAM MKHA' GANG LA GNAS YIN DON 'DI BSAM PAR GYIS, ,DE BZHIN BYANG CHUB SEMS DPA' STONG BA NYID GNAS PA, ,'GRO LA SEMS CAN SHES PA'I SMON LAM RTEN CAN GYIS, ,BYA BA RNAM BA SNA TSOGS DU MA STON BYED CING, ,MYA NGAN 'DAS LA MI REG STONG PAR GNAS PA MED, ,SMON LAM GYI SHUGS KYIS 'PHANG BA'I DE NI, GANG GI TSEN BYANG CHUB SEMS DPA' MKHAS GSAL BA, ,STONG BA ZHI BA'I TING 'DZIN DAM PA 'DI SPYOD PA, ,BAR SKABS DER NI MTSAN MA RAB TU SGOM MI BYED, ,MTSAN MA MED PAR GNAS SHING ZHI LA RAB ZHI SPYOD, ,THUN MONG MA YIN PA'I DE NI, BAR SNANG 'THUR BA'I PHYA LA GNAS YOD MA YIN TE, , @019A *, ,DE NA GNAS PA MA YIN SA LA LTUNG MI 'GYUR, ,DE LTAR BYANG CHUB SEMS DPA' RNAM THAR SGOR SPYOD BA, ,MYA NGAN 'DAS LA MI REG MTSAN MAR SPYOD MA YIN, ,'DI NAS MCHAGS BA'I DE BSTAN BAR SLOB DPON PHYIS GSUNGS LA, BUDDHA SHR'IS, DPER, NA 'PHONG BSLAB CES SOGS SMON LAM GYI SHUGS CI BZHIN BA'I THABS MKHAS LA SBYAR BA BRGYAD STONG 'BREL CHEN DANG MTHUN PAS, SLOB DPON GYI DGONGS PA'ANG GNYIS KAR GNAS SAM DPYAD, DPER NA 'PHONG BSLABS SKYES BUS GNAM DU MDA' 'PHANGS TE, ,MDA' GZHAN DAG NI PHYI BZHIN RGYUD MAR LTONG BTAGS NAS, ,SNGA MA'I MDA' DES LA LTUNG PA'I SKABS MI RNYED, ,MI DE 'DOD NA MDA' DES LA LTUNG BAR 'GYUR, ,DE LTAR SHES RAB PHA ROL PHYIN PA MCHOG SPYOD PA, ,SHES RAB THAMS STOBS RDZU 'PHRUL GYIS NI RNAM DPYOD BA, ,DE DAG DGE BA'I RTZA BA JI SRID MA RDZOGS PAR, ,DE SRID STONG NYID DAM PA DE NI THOB MI BYED, ,MI DMIGS PA'I THABS MKHAS SBYOR BA NI, ,DPER NA DGE SLONG RDZU 'PHRUL STOBS MCHOG LDAN BA ZHIG ,NAM MKHAR GNAS TE CIG CAR CHO 'PHRUL RNAM PAR 'PHRUL, ,'GRO DANG 'CHAG PA DANG NI NYAL DANG 'DUG PA STON, ,DE NI SKYO BA MED CING DE LA DUB BA MED, ,DE BZHIN BYANG CHUB SEMS DPA' MKHAS PA STONG GNAS SHING, ,YE SHES RDZU 'PHRUL PHA ROL SON LA GNAS PA MED, ,'GRO BA DAG LA BYA BA RNAM PA MTHA' YAS STON, ,BSKAL BA BYE BAR SKYO BA MED CING DUB PA MED, ,MTSAN MA MED PA'I DE NI, DPER NA MI 'GAG GA-YANGS CHEN BOR 'DUG BYED CING, ,LAG PA GNYIS KAS GDUGS GNYIS 'DZIN CING NAM MKHA' LA, ,MCHONG BAR BYED CING GA-YANGS CHEN POR LUS BOR NAS, ,LTUNG BAR MI @019B 'GYUR JI SRID DER NI 'GRO BAR 'GYUR, ,DE BZHIN BYANG CHUB SEMS DPA' MKHAS PA SNYING RJER GNAS, ,THABS DANG SHES RAB GNYIS KYI GDUGS NI YONGS BZUNG STE, ,CHOS RNAMS STONG PA MTSAN MED SMON PA MED RTOG CING, ,MYA NGAN 'DAS LA REG PA MED LA CHOS KYANG MTHONG, ,SMON PA MED PA'I DE NI, DPER NA RIN CHEN 'DOD BA RIN CHEN GLING SONG STE, ,RIN CHEN RNYED NAS PHYIR YANG KHYIM DU 'ONG 'GYUR BA, ,DER NI DED DPON 'BA' ZHIG BDE BAR 'TSO BYED CING, ,GNYEN BSHES TSOGS YOD MI BDER 'JOG PA MIN PA LTAR, ,DE BZHIN BYANG CHUB SEMS DPA' STONG NYID RIN CHEN GYI, ,GLING DU SONG STE BSAM GTAN DBANG PO STOBS THOB PA, ,MYA NGAN 'DAS LA REG PA 'BA' ZHIG MNGON DGA' ZHING, ,SEMS CAN SDUG BSNGAL YID DU 'JOG PAR 'GYUR MA YIN, ,PHYIR MI LDOG PA'I RTAGS KYI THABS MKHAS SBYOR BA NI, DPER NA DON GNYER TSONG PA RGYUS SHES BYA BA'I PHYIR, ,BAR GYI GRONG KHYER GRONG RDAL GRONG GANG YIN PAR 'GRO, ,DER YANG MI GNAS RIN CHEN GLING DU'ANG MI GNAS LA, ,RIG BA KHYIM DU MI GNAS LAM LA MKHAS PAR 'GYUR, ,DE BZHIN BYANG CHUB SEMS DPA' GSAL DE NYAN THOS DANG, ,RANG RGYAL RNAMS KYI SHES PA RNAM GROL KUN LA MKHAS, ,DE LA MI GNAS SANGS RGYAS 'YE SHES GNAS MA YIN, ,'DUS MA BYAS LA MI GNAS LAM GYI TSUL SHES YIN, ,TSAD MED BA'I THABS MKHAS SBYOR BA NI, GANG TSE, 'GRO LA BYAMS PA RJES SU 'BREL BYAS NAS, ,TING 'DZIN STONG PA MTSAN MED SMON BA MED SPYOD BA, ,DE NI MYA NGAN 'DAS PA THOB PAR 'GYUR ZHE'AM, ,'DUS BYAS YIN PAR GDAGS NUS DE NI GNAS MED DO, ,DPER NA SPRUL PA'I MI LUS MI SNANG MA YIN ZHING, ,DE NI @020A *, ,MING GIS KYANG NI GDAGS PAR NUS PA LTAR, ,DE BZHIN BYANG CHUB SEMS DPA' RNAM THAR SGOR SPYOD PA, DE NI MING GIS KYANG NI GDAGS PAR NUS PA YIN, ,GAL TE SPYOD PA DANG NI DBANG PO YONGS DRIS LA, ,BYANG CHUB SEMS DPA' STONG PA MTSAN MA MANG PA'I CHOS, ,YONGS SU MI STON PHYIR MI LDOG PAS MI CHOS, ,MI 'CHANG DE NI LUNG MA BSTAN PA YIN RIG BYA, ,SKABS BZHI PA'O, ,`DBANG DU BYA BA'I 'BRAS BU RTZE SBYOR MTSON BYED KYI CHOS BRGYAD LAS, DANG PO RMI LAM NA YANG 'KHOR BA LA YID KHYUNG ZHING CHOS RNAMS RMI LAM LTA BUR LTA BA DANG BDEN TSIG GIS 'GRO BA'I NYER 'TSE ZHI BA SOGS RTAGS BCU GNYIS KYIS MTSON PA'I DROD RTZE SBYONG STON PAR, DGRA BCOMS DANG RKYEN GYI SANGS RGYAS YE SHES DANG, ,KHAMS GSUM DAG NA RMI LAM NA YANG MI 'DOD CING, ,SANGS RGYAS RNAMS MTHONG 'GRO LA CHOS KYANG STON BYED PA, ,DE NI MI LDOG LUNG BSTAN YIN PAR RIG PAR BYA, ,RMI LAM NA NI SEMS CAN NGAN SONG GSUM GNAS MTHONG, ,SKAD CIG DE LA NGAN SONG RGYUN GCOD SMON LAM 'DEBS, ,BDEN PA'I BYIN GYI RLABS KYIS ME YI PHUNG PO ZHI; ;DE NI MI LDOG LUNG BSTAN YIN PAR RIG PAR BYA, ,MI YI 'JIG RTEN 'BYUNG PO'I GDON DANG NAD MANG BA, ,PHAN DANG SNYING BRTZER LDAN PA'I BDEN BA'I BYIN GYIS ZHI, ,'ON KYANG RLOM SEMS MED CING NGA RGYAL SKYE MED PA, ,DE NI MI LDOG LUNG BSTAN YIN PAR RIG PAR BYA, ,THABS MKHAS PA'I LE'U STE NYI SHU PA'O, ,LUNG BSTAN THOB BAR RLOM NA BDUD LAS 'JUG TSUL NI, CI STE DE NI BDEN PA'I BYIN RLANGS SNA TSOGS DAG ,'BYOR BAS BDAG LUNG BSTAN SNYAM RLOM SEMS 'BYUNG PA'AM, ,GAL TE BYANG CHUB SEMS @020B DPA' GZHAN GYI LUNG BSTAN RLOM, ,RLOM SEMS GNAS PA DE NI BLO CHUNG SHES PAR BYA, ,MING GI GZHI LAS BDUD NI NYE BAR 'ONG GYUR NAS, ,'DI SKAD SMRAS TE 'DI NI KHYOD DANG PHA MA DANG, KHYOD KYI BDAN MES BRGYUD KYI BAR GYI MING YIN ZHING, ,GANG TSE KHYOD NI SANGS RGYAS 'GYUR BA'I MING 'DI YIN, ,SPYANGS SDOM RNAL 'BYOR LDAN PA CI 'DRA 'BYUNG 'GYUR LA, ,KHYOD SNGON YON TAN TSUL YANG 'DI 'DRA'O ZHES BRJOD DE, ,DE SKAD GANG THOS RLOM SEMS BYANG CHUB SEMS DPA' NI, ,BDUD KYIS YONGS SU BSLANG ZHING BLO CHUNG RIG PAR BYA, ,DBEN PAR SGRUB PA BYAS KYANG DES RLOM NA BDUD 'JUG TSUL NI, RAB TU DBEN PA'I GRONG DANG GRONG KHYER RI SUL DA', ,DGON PA DBEN PA'I NAGS KHROD RAB TU STEN BYED CING, ,BDAG BSTOD GZHAN LA SMON BA'I BYANG CHUB SEMS DPA' NI, ,BDUD KYIS YONGS SU BSLANG ZHING BLO CHUNG RIG PAR BYA, ,BYANG SEMS KYIS DBEN PA DNGOS BZUNG STE DE MA BYUNG NA DON MED BA'I DPE NANG, DE BYUNG NA SNANG TSOD KYI SGO NAS BRNYAS MI RUNG TSUL SOGS STON PAR, RTAG TU GRONG DANG YUL 'KHOR GRONG RDAL GNAS BYED CING, ,SEMS CAN SMIN BYED BYANG CHUB BRTZON BA MA GTAGS PA; ;DE NI DGRA BCOM RANG RGYAL 'DOD PA GZHAR MI SKYED, ,'DI NI BDE BAR GSHEGS PA'I SRAS KYI DBEN PAR GSUNGS, ,GANG ZHIG DPAG TSAD LNGA BRGYA YOD BA'I RI YI SUL, ,SBRUL GYIS GANG BAR LO MANG BYED BAR GNAS BYED KYANG, ,DBEN PA 'DI MI SHES PA'I BYANG CHUB SEMS DPA' DE, ,LHAG BA'I NGA RGYAL RNYED NAS 'DRE BAR GNAS PA YIN, ,BYANG CHUB SEMS DPA' 'GRO BA'I DON BRTZON BSAM GTAN DANG, ,STOBS DANG DBANG PO RNAM THAR TING 'DZIN THOB DE LA, ,'DI NI DGON DBEN SPYOD PA MIN SNYAM BRNYAS BYED PA, ,DE NI @021A *, ,BDUD KYI SPYOD YUL GNAS ZHES RGYAL BAS GSUNGS, ,GANG ZHIG GRONG NGAM 'ON TE DGON PAR GNAS KYANG RUNG, ,THEG PA GNYIS KYI SEMS BRAL BYANG CHUB MCHOG NGES NA, ,'DI NI 'GRO DON ZHUGS PA RNAMS KYI DBEN PA STE, , BYANG CHUB SEMS DPA' DROD SNYOM DE NI BDAG NYID NYAMS, ,BDUD LAS KYI LE'U STE NYER GCIG PA'O, ,NYES PA DE LTA BU MI 'BYUNG BA'ANG BSHES GNYEN BSTEN PA LA RAG LAS BAS, DE LTA BAS NA BYANG CHUB DAM PA TSOL BA YI, ,BSAM BA DRAG LDAN MKHAS BAS NGA RGYAL DES BCOM STE, ,NAD BA'I TSOGS KYIS GSO PHYIR SMAN PA BSTEN PA LTAR, ,GA-YOL BA MED PAR DGE BA'I BSHES GNYEN BSTEN PAR BYA, ,SANGS RGYAS BYANG CHUB MCHOG ZHUGS BYANG CHUB SEMS DPA' DAG ,PHA ROL BYIN DANG BCAS TE DGE BA'I BSHES SU BSTEN, ,DE DAG RJES SU STON BYED 'DI NI BSGRUB PA'I SA, ,RGYU RNAM GNYIS KYIS SANGS RGYAS BYANG CHUB MYUR DU RTOGS, ,RGYAL BA 'DAS DANG MA BYON PHYOGS BCU GANG BZHUGS PA, ,KUN LAM PHA ROL PHYIN PA 'DI YIN GZHAN MA YIN, ,PHA ROL PHYIN 'DI BYANG CHUB MCHOG LA ZHUGS RNAMS KYI, ,GSAL DANG SGRON DANG SNANG NGANG STON MCHOG YIN ZHES BSHAD, ,DE BRGYAD STONG PA LAS, PHA ROL TU PHYIN BA DRUG PO 'DI NYID STON PA'O, ,PHA ROL TU PHYIN PA DRUG NI LAM ME, ,PHA ROL TU PHYIN PA DRUG NI SNANG BA'O, ,PHA ROL TU PHYIN PA DRUG NI SGRON MA'O, PHA ROL TU PHYIN PA DRUG NI 'OD DO, ,PHA ROL TU PHYIN PA DRUG NI SKYOB BA'O, ,SKYABS SO, ,GNAS SO; ;ZHIS SOGS MANG STE, MDOR BSDUS NA SANGS RGYAS THOB PA LA PHYIN DRUG RJES SU STON BA'I BSHES GNYEN DANG, RANG GIS DE SGRAB BA'I SA'AM SPYOD BA STE RGYU GNYIS MED MI RUNG YIN ZHING, DE TSANG NA RTAGS THOB KYANG MNGON ZHEN MI SKYE BA DANG SKYON YON THAMS CAD RTOG PAS BTAGS BA TZAM GYIS 'BYUNG CHU LA SOGS STON PAR, JI LTAR @021B SHES RAB PHA ROL PHYIN PA MTSAN NYID STONG, ,CHOS 'DI THAMS CAD MTSAN NYID DE DANG 'DRANG SHES SHING, ,CHOS RNAMS STONG ZHING MTSAN MA MED PAR RAB SHES NA, ,DE LTAR SPYOD BA BDE GSHEGS SHES RAB SPYOD BA YIN, ,SEMS CAN YONG SU RTOG PAS ZAS LA 'DOD BYED CING, ,'KHOR BAR CHAGS PA'I YID DANG LDAN RNAMS RTAG TU 'KHOR, ,BDAG DANG BDAG GI CHOS GNYIS YANG DAG MIN STONG STE, ,BYIS BA BDAG NYID KYIS NI MKHA' LA MDUD PA POR, ,DPER NA DOGS PA'I 'DU SHES KYIS NI DUG LANGS PA, ,DUG DE KHONG DU SONG BA MED KYANG BRGYAL BAR 'GYUR, ,DE BZHIN BYIS PA BDAG DANG BDAG GIR KHAS LEN PA, ,BDAG DER 'DU SHES YANG DAG MIN RTOG SKYE ZHING 'JIG ,JI LTAR 'DZIN PA DE LTAR KUN NAS NYON MONGS BSTAN, ,BDAG DANG BDAG GIR MI DMIGS RNAM BAR BYANG BAR GSUNGS, ,'DI LA GANG YANG NYON MONGS RNAM DAG 'GYUR MED PAR, ,BYANG CHUB SEMS DBAS SHES RAB PHA ROL PHYIN PA RTOGS, ,RTZE MO'I RTZE SBYOR RNAM 'PHEL BCU DRUG GIS MTSON BA'I DANG PO 'DZAM BU'I GLING GI SKYE BO SNYED KYIS SANGS RGYAS MCHOD LAS LHAG BA'I BSOD NAMS THOB BA'I RNAM 'PHEL NI, 'DZAM BU'I GLING NA SEMS CAN JI SNYED MA LUS PA, ,DE DAG THAMS CAD BYANG CHUB MCHOG TU SEMS BSKYED NAS, ,LO STONG BYE BA MANG POR SBYIN BA BYIN BYAS LA, ,KUN KYANG 'GRO BA'I DON PHYIR BYANG CHUB RGYUR BSNGO YANG, ,GANG ZHIG SHES RAB PHA ROL PHYIN LA MNGON BRTZON PA, ,THA NA NYI MA GCIG CIG RJES SU MTHUN BYED NA, ,DE LA SBYIN BA'I PHUNG POS BSOD NAMS CHAR MI PHOD, ,DE PHYIR GA-YEL MED RTAG TU SHES RAB 'JUG PAR BYA, ,THABS SHES ZUNG DU 'BREL BA'I RNAM 'PHEL NI, SHES RAB PHA ROL PHYIN MCHOG SPYOD PA'I RNAL 'BYOR PA, , @022A *, ,SNYING RJE CHEN PO BSKYED CING SEMS CAN 'DU SHES MED, ,DE TSE MKHAS PA 'GRO BA KUN GYI SBYIN GNAS 'GYUR, ,RTAG TU YUL 'KHOR BSOD SNYOMS DON YOD YONGS SU SPYOD, ,THUNG 'BREL KYI LAM DEL 'BAD DGOS TSUL DAB DANG BCAS PA NI, BYANG CHUB SEMS DPA' GANG 'DIR YUN RING 'BREL PA YI, ,LHA MI NGAN SONG GSUM GYI SEMS CAN DGROL BA'I PHYIR, ,LAM YANGS PHA ROL SEMS CAN KHAMS LA STON 'DOD PA, ,NYIN MTSAN SHES RAB PHA ROL PHYIN LA BRTZON BAR BYA, ,MI ZHIG SNGON CHAD MA RNYED BA YI RIN CHEN MCHOG ,DUS GZHAN ZHIG NA RNYED PAR GYUR TE DGA' BA LAS, ,RNYED MA THAG TU BAG MED GYUR TE STOR NA NI, ,STOR BAS RIN CHEN MNGON 'DOD RTAG TU SDUG BSNGAL LO, ,DE LTAR BYANG CHUB MCHOG ZHUGS RIN CHEN LTA BU YI, ,SHES RAB PHA ROL PHYIN LA RNAL 'BYOR DOR MI BYA, ,RIN CHEN RNYED NAS BLANGS TE RAB TU BRTZON DKRIS NAS, ,MYUR DU 'GRO BAR BYED BA ZHI BAR 'GYUR BA BZHIN, ,DGE BA'I BSHES GNYEN GYI LE'U STE NYER GNYIS PA'O, ,DES MI MTHUN PHYOGS ZIL GYIS GNON TSUL NI, NYI MA SPRIN DANG PRAL BA'I 'OD ZER DRA BA CAN, ,MUN NAG THIBS BO'I MUN PA THAMS CAD 'JOMS 'CHAR GA ,SRIN BU ME KHYER SROG CHAGS 'BYUNG PO THAMS CAD DANG, ,SKAR MA'I TSOGS DANG ZLA BA'I 'OD KUN ZIL GYIS GNON, ,DE BZHIN BYANG CHUB SEMS DPA' SHES RAB PHA ROL PHYIN, ,MCHOG SPYOD STONG PA DANG NI MTSON MA MED SPYOD PA, ,MKHAS BAS LTA BA'I THIBS PO BCOM NAS 'GRO KUN DANG, ,DGRA BCOM RANG RGYAL BYANG CHUB SEMS MANG ZIL GYIS GNON, ,GZHAN SMIN BAR BYED TSUL NI, DPER NA RGYAL PO'I @022B BU ZHIG NOR GTONG DON 'DOD BA, ,KUN GYI GTZO BOR GYUR TE MNGON PAR 'GRO BYA 'OS, ,'DI NI DA LTA NA YANG SEMS CAN MANG DGA' BYED, ,THABS THOB GYUR TE RGYAL SRID GNAS NA SMOS CI DGOS, ,DE LTAR SHES RAB SPYOD MKHAS BYANG CHUB SEMS DPA' YANG, ,BDUD RTZI SBYIN PAR BYED CING LHA DANG MI RNAMS DGA', ,'DI NI DA LTA NA YANG SEMS CAN MANG PHAN BRTZON, ,CHOS KYI RGYAL POR GNAS BAR GYUR NA SMOS CI DGOS, ,BRGYA BYIN GYI LE'U STE NYER GSUM PA'O, ,MDOR BSDU PA'I DBANG GIS DON TSAN TSANG BA MI 'BYUNG YANG GZHAN SMIN BAR BYED PA 'DI LHA'I RIS THAMS CAD NYE PAR 'ONGS PA'I RNAM 'PHEL LA SBYAR NA, BDUD THAMS CAD ZIL GYIS GNON BA'I RNAMS 'PHEL NI, DE YI TSE NA BDUD NI ZUG RNGU LDAN PAR 'GYUR, ,MYA NGAN NYAM THAG SDUG BSNGAL YID MI BDE NYAM CHUNG, ,JI LTAR BYANG CHUB SEMS DPA' 'DI YID NUR 'GYUR ZHES, ,'JIGS PA BSTAN PHYIR PHYOGS RNAMS SREG CING SKAR MDA' GTONG, ,GANG TSE MKHAS PA DA DAG BSAM PA RAB LDAN ZHING, ,NYIN MTSAN SHES RAB PHA ROL PHYIN PA MCHOG DON LTA, ,DE TSE LUS SEMS DAG NI MKHA' 'GRO BYA LTAR RGYU, ,NAG PO'I RTZA LAG RNAMS KYIS GLAGS RNYED GAL 'GYUR, ,RANG GI SPYOD PAR SKYON ZHUGS NA BDUD KYIS GRAGS RNYED TSUL NI, GANG TSE BYANG CHUB SEMS DPA' 'THAB DANG RTZOD GYUR CING, ,PHAN TSUN MI MTHUD KHROS PA'I SEMS DANG WAN GYUR PA, ,DE TSE BDUD NI MCHOG TU DGA' ZHING NYAMS BDER 'GYUR, ,DE GNYIS RGYAL BA'I YE SHES LAS NI RING 'GYUR SNYAM, ,DE GNYIS RING DU 'GYUR ZHING SHA ZA 'DRA BAR 'GYUR, ,GNYIS KA RANG GI DAM BCAS NYAMS BAR BYED BAR 'BYUR, ,SDANG ZHING BZOD DANG BRAL LA BYANG CHUB GA LA YONG, ,DE TSE BDUD RNAMS PHYOGS DANG BCAS @023A *, ,TE DGA' BAR 'GYUR, ,LUNG BSTAN MTHOB BYANG CHUB SEMS DPA' GANG ZHIG GIS, ,LUNG BSTAN THOB LA SEMS KHROS RTZOD PA RTZOM BYED NA, ,THAB SKYON LDAN SEMS KYI SKAD CIG JI SNYED GA, DE SNYED BSKAL PA GZHI NAS GO CHA BGO DGOS SO, ,DES NA BZOD BA BSTAN DGOS TSUL NI, SANGS RGYAS BZOD PA'I PHA ROL PHYIN PAS BYANG CHUB RAG ,SEMS 'DI BZANG BA MIN SNYAM DRAN PA SKYED BYED CING, ,SO SOR 'CHAGS PAR BYED CING PHYIS KYANG SDOM BYED LA, ,DGA' BAR MI BYED DE NI SANGS RGYAS CHOS 'DIR SLOB, ,MNGON PA'I NGA RGYAL GYI LE'U STE NYER BZHI PA'O, ,CHOS NYID RTOGS BA'I SGOM BYUNG GI SHES RAB KYI BSLAB BA SOGS NANG GTZO BOR GYUR PA'I RNAM 'PHEL STON PAR, GANG ZHIG SLOB TSE BSLAB PA GNAG YANG KHAS MI LEN, ,SLOB PA PO DANG BSLAB PA'I CHOS RNAMS MI DMIGS SHING, , BSLAB DANG BSLAB PA MA YIN 'DI GNYIS MI RTOG PA, ,DE LTAR GANG SLOB DE NI SANGS RGYAS CHOS 'DIR SLOB, ,BYANG CHUB SEMS DPA' GANG ZHIG DE LTA'I BSLAB 'DI SHES, ,DE NI GZHAR YANG BSLAB NYAMS TSUL KHRIMS 'TSAL MI 'GYUR, ,ZHES SANGS RGYAS KYI RIGS SU 'GYUR BA DANG, DE NI SANGS RGYAS CHOS BRNYES BYA PHYIR 'DI LA SLOB, ,CES SANGS RGYAS NYID THOB BA'I RGYU MTSAN DANG, DE NI BSLAB LHAG BSLAB LA MKHAS TE DMIGS PA MED, ,CES DANG, MKHAS PA 'OD BYED RNAMS KYI SHES RAB DE LTAR SLOB, ,DGE BA MA YIN SEMS GCIG TZAM YANG SKYED MI BYED, ,NYI MA MKHA' LA 'GRO BA'I ZER GYIS ZIL GNON PA'I, ,MDUN GYI BAR SNANG LA NI MUN PA MI GNAS BZHIN, ,ZHES BDEN 'DZIN KUN BTAGS BA MNGON GYUR SHUGS DRAG MI SKYE BA DANG, MI MTHUN PHYOGS SER SNA SOGS MI SKYE BA'I RNAM 'PHEL BSTAN LA, SHER PHYIN PHYI NANG @023B DU PHAR PHYIN THAMS CAD BSDUS NAS NYEMS SU LEN TSUL SHES PA'I RNAM 'PHEL DPE DANG BCAS TE STON PAR, SHES RAB PHA ROL PHYIN LA BSLAB PA BYAS RNAMS KYI, ,PHA ROL PHYIN PA THAMS CAD 'DIR NI 'DUS PAR 'GYUR, ,'JIG TSOGS LTA BAR LTA BA DRUG CU GNYIS 'DUS LTAR, ,DE BZHIN PA ROL PHYIN PA 'DI DAG 'DUS PAR GSUNGS, ,DPER NA SROG GI DBANG PO 'GAGS NA DBANG PO GZHAN, ,GANG DAG JI SNYED YOD PA THAMS CAD 'GAG BAR 'GYUR, ,DE LTAR SHES RAB SPYOD PA MKHAS PA MCHOG RNAMS KYA, ,PHA ROL BYIN BA THAMS CAD 'DIR NI 'DUS PAR GSUNGS, ,'DI MAN BUDDHE SHR'IS BRTAN PA LA SBYAR BAR, BRGYAD STONG PAR, BYANG CHUB SEMS DPA' SEMS DPA' CHEN PO DES GANG MA BSLAB PA'I PHUN SUM TSOGS PA DE DAG BSAM MTHONG NGO, ,ZHES PA NAS, GNAS PAR NI MI BYED DE BDAG GIS NYAN THOS KYI YON TAN 'DI NI BSHAD PAR BYA'O, ,ZHES SLOB BO, ,ZHES RNAM 'PHEL BCO LNGA PA 'DI LE'U NYER LNGA BA'I MJUG TU YOD PA BZHIN, SLOB DPON GYIS RNAM 'PHEL LA SBYAR BA LAGS PAS, BYANG CHUB SEMS MKHAS NYAN THOS YON TAN GANG DAG DANG, ,DE BZHIN RANG RGYAL YON TAN KUN LA SLOB BYED CING, ,DE DAG DE LA MI GNAS 'DOD LA MI SKYED DE, ,'DI NI BDAG GIS BSLAB BYA YIN SNYAM DE PHYIR SLOB, ,BSLAB BA'I LE'U STE NYER LNGA PA'O, ,BUDDHA SHR'IS 'DI MON SEMS KUN TU GNAS PA LA SBYAR BA, GLING BZHI PA DANG STONG DAG DANG, ,ZHES PA DANG 'GRIG KYANG, BRGYUD STONG PAR LE'U NYER DRUG PA'I MGO BRTAN PA NAS BZUNG BA DANG MI 'GRIG GO ,LE'U MTSAMS DANG TSIG RIS GNYIS KAR STUN DGOS NA, BRGYAD STONG PAR SNGAM BRGYA BYIN YI RANG TSUL DANG, PHYI MA STONG GSUM SOGS KYI DBES BSTAN PA LTAR, RKANG PA GNYIS RE SO SOR SBYAR KYANG RUNG NGAM SNYAM YANG, 'DIR SLOB DPON GYI DGONGS PA LTAR BSTAN PA NI, MI LDOG BYANG CHUB MCHOG LA RAB TU ZHUGS PHA YI, ,SEMS BSKYED PA LA BSAM PA THAG PAS YI RANG BA, , @024A *, ,STONG GSUM RI RES GRANG LA GZHAL BAS TSAD BZUNG RUNG, ,RJES SU YI RANG DGE BA DE NI DE LTA MIN, ,SEMS KUN TU GNAS BA NI, DGE BA DON GNYER PHAN 'DOD SEMS CAN JI SNYED BA, ,KUN GYI BSOD NAMS PHUNG PO LAM? MI RANG 'GYUR, ,DE PHYIR DE DAG RGYAL BA'I YON TAN THOB GYUR NAS, ,SDUG BSNGAL ZAD PAR BYA PHYIR 'JIG RTEN CHOS SBYIN BYED, ,'DIS YI RANG GI YUL NAM MKHA' DANG MNYAM PAS, STONG GSUM GYI BSOD NAMS LAS LHAG BA'I RGYU MTSAN DU 'GRO STE, RTZA BA GZHAN PHAN LHAG BSAM KYI MTHU YIN LA, PHAN 'DOD CES PA 'DIR 'GREL BA GNYIS KAR THAR 'DOD CES 'BRUM NAN 'DUG PAS DPYAD DGOS, DE NAS MTHONG LAM RTZE SBYOR LA SPANG BYA 'JUG BA GZUNG RTOG NI, BYANG CHUB SEMS DPA' GANG ZHIG MI RTOG CHOS RNAMS KUN, ,STONG DANG MTSAN MA MED DANG SPROS MED YONGS SHES PA, ,DE NI SHES RANG GNYIS KYIS BYANG CHUB TSOL MI BYED, ,RNAL 'BYOR BA DE SHES RAB PHA ROL PHYIN MCHOG BRTZON, ,NAM MKHA'I KHAMS DE DANG NI NAM MKHA' DER 'GAL BA, ,YOD BA MA YIN GANG GIS KYANG NI DE MA THOB, ,DE BZHIN SHES RAB SPYOD MKHAS BYANG CHUB SEMS DPA' YANG, ,NAM MKHA' LTA BU YIN TE NYE BAR ZHI BA SPYOD, ,SKYES BU RDZAS SU YOD BA'I RTEN CAN 'DZIN RTOG DANG PO NI, SKYE BO'I DBUS NA SGYU MA'I SKYES BU 'DI SNYAM DU, ,SKYE BO 'DI MGU BYA SNYAM MI SEMS DE YANG BYED, ,RDZU 'PHRUL SNA TSOGS RAB TU STON PAR BYED MTHONG YANG, ,DE LA LUS MED SEMS MED MING YANG YOD MA YIN, ,DE BZHIN SHIS RAB SPYOD PA NAM YANG 'DI SNYAM DU, ,BYANG CHUB RTOGS NAS 'GRO BA YONGS SU DGROL MI SEMS, ,SKYE BA SNA TSOGS DANG NI BYA BA MANG LDAN PA, ,SGYU MA LTA BUR STON KYANG RNAM BAR MI RTOG SPYOD, ,SKYES BU @024B BTAGS PAR YOD BA'I RTEN CAN 'DZIN RTOG GNYIS PA NI, DPER NA SANGS RGYAS SPRUL PA SANGS RGYAS MDZAD PA BYED, ,BYED PA DE LA DREGS PA CUNG ZAD SKYE MI 'GYUR, ,DE BZHIN SHES RAB SPYOD MKHAS BYANG CHUB SEMS DPA' YANG, ,SPRUL PA SGYU MA BZHIN DU BYA BA THAMS CAD STON, , SHING MKHAN BZO BO MKHAS BAS SKYES BA BUD MED DANG, ,'DRA BA'I BZO BYAS DE YANG BYA BA THAMS CAD BYED, ,DE BZHIN SHES RAB SPYOD MKHAS BYANG CHUB SEMS DPA' YANG, ,RNAM BAR MI RTOG YE SHES BYA BA THAMS CAD BYED, ,SGYU MA'I LE'U STE NYER DRUG BA'O, ,DE LTAR SPANG BYA RTOG PA BZHI SPANGS PA SANGS RGYAS RNAMS KYIS BSTOD CING BDUD BZHIS MI THUB TSUL STON BAR, DE LTAR SPYOD MKHAS RNAMS LA LHA TSOGS MANG PO DAG ,THAL MO SBYAR BA BTUD NAS PHYAG KYANG 'TSAL BAR BYED, ,PHYOGS BCU'I 'JIG RTEN KHAMS KYI SANGS RGYAS JI SNYED BA'ANG, ,YON TAN BSNGAGS PA'I PHRENG BA YONGS SU BRJOD BA MDZAD, ,GANG G'A'I KLUNG MNYAM ZHING NA SEMS CAN JI SNYED PA, ,DE KUN YONGS SU BRTAG BA BZUR STE BDUD GYUR LA, ,BA SPU NYAG RE LAS KYANG DE SNYED SPRUL BYAS KYANG, ,DE DAG KUN GYIS MKHAS LA BAR CHAD BYA MI NUS, ,RGYU RNAM BZHI YIS BYANG CHUB SEMS DPA' MKHAS STOBS LDAN, ,BDUD BZHIS THUB PAR DKA' ZHING BSKYOD PAR MI NUS TE, ,STONG PAR GNAS DANG SEMS CAN YONGS SU MI GTONG DANG, ,JI SKAD SMRAS BZHIN BYED DANG BDE GSHEGS BYIN RLABS CAN, ,RTOG PA DE BZHI'I GNYEN PO MTHONG LAM RTZE SBYOR GYI RGYU BYANG CHUB KYI LAM GZHAN LA STON PA DANG SHER PHYIN GYI TSIG DON GTOD PA DANG BAR CHAD MED BA'I RGYU RANG NYID SGRUB PA LA BRTZON PA GSUM STON PAR, DE BZHIN GSHEGS YUM SHES RAB PHA ROL PHYIN PA 'DI, ,'CHAD TSE BYANG CHUB SEMS DPA' GANG ZHIG MOS BYED CING, ,BSAM PA @025A *, ,THAG BAS SGRUB PAR MNGON PAR BRTZON BYED NA, ,NGES PA THAMS CAD MKHYEN PA NYID LA ZHUGS RIGS BYA, ,MTHONG RTZE BSDUS PA'I BYANG CHUB CHEN POS DRI MA ZAD BAR BYED KYANG DON DAM PAR ZAD PA DANG SKYE BA MED PAS GNAS PA MED PAR GNAS TSUL NI, CHOS DBYINGS DE BZHIN NYID LA GNAS PA MI 'GYUR ZHING, ,DPER NA BAR SNANG SPRIN BZHIN GNAS PA MED PAR GNAS, ,RIG SNGAGS 'CHANG BA GNAS MED MKHA' RGYU GNAS 'DOD PA, ,SNGAGS MTHUS DUS MIN ME TOG LDAN ZHING BYIN GYIS RLOB, ,DE LTAR SPYOD PA'I BYANG CHUB SEMS DPA' MKHAS GSAL PA, ,RTOGS PAR BYED DANG SANGS RGYAS CHOS RNAMS DMIGS MI 'GYUR, ,'CHAD PAR BYED DANG CHOS 'DOD LTA BAR BYED MI DMIGS, ,'DI NI ZHI 'DOD YON TAN DGA' BA'I GNAS PA YIN, ,DE'I PHYIR NYAN RANG SOGS LAS GNAS TSUL KHAD BAS CHE? BA NI, DGRA BCOM RNAM THAR DE BZHIN GSHEGS KYI MA GTOGS PAR, ,GNAS PA 'DI NI NYAN THOS RANG RGYAL BCAS PA YI, ,GNAS BA ZHI BA'I TING 'DZIN RAB ZHI BDE LDAN PA, ,JI SNYED KUN GYI MCHOG DANG GONG NA MED PA YIN, ,'DAB CHAGS MKHA' LA GNAS KYANG LTUR BAR 'GYUR MA YIN, ,NYA NI CHU LA GNAS KYANG 'TSUBS TE 'CHI BA MED, ,DE LTAR BYANG CHUB SEMS DPA' BSAM GTAN STOBS DAG GIS, ,PHA ROL SON PA STONG GNAS MYA NGAN 'DA' MI 'GYUR, ,DES NA SKU GSUM GYI GO 'PHANG THOB PAR 'DOD PAS SHER PHYIN LA SLOR DGOS PA'I TSUL SEMS CAN KUN GYI YON TAN MCHOG TU 'GRO BA DANG, ,SANGS RGYAS YE SHES MCHOG TU RMAD BYANG MCHOG REG DANG, ,CHOS KYI SBYIN PA RAB MCHOG DAM PA SBYIN 'DOD GANG, ,PHAN MDZAD RNAMS KYI GNAS MCHOG 'DI LA BSTEN PAR GYIS, ,SNYING PO'I LE'U STE NYER BDUN PA'O, , @025B BYANG CHUB CHEN PO RANG GI NGO BO NA, BSLAB PA 'DI NI 'DREN PA'I BSLAB PA YONGS BRJOD PA, ,BSLAB PA JI SNYED KUN GYI MCHOG DANG GONG NA MED, ,MKHAS PA GANG ZHIG BSLAB KUN PHA ROL 'GRO 'DOD PAS, ,SANGS RGYAS BSLAB BA SHES RAB PHA ROL PHYIN 'DIR SLOB, ,'PHROS DON ZIN NAS DKYUS MA MTHONG BA'I LAM YON TAN BRGYA PHRAG BCU GNYIS SOGS KYI GTER SBYIN SOGS RE RE PHYIN DRUG PHAN TSUN BSDUS TE RNAM PA SUM CU RTZA DRUG GI MDZOD DANG, DON DAM PAR SANGS RGYAS KYI RIGS SU SKYES SHING DON DAM BA'I SA BCU'I YON TAN THAMS CAD 'DI LAS SKYE TSUL DPE TSAN GNYIS DANG BCAS PA NI, 'DI NI CHOS GTER MCHOG DANG CHOS MDZOD DAM BA YIN, ,SANGS RGYAS RIGS YIN 'GRO BA'I BDE DANG SKYID PA'I MDZOD, ,'DAS DANG MA BYON PHYOGS BCU'I 'JIG RTEN MGON PO RNAMS, ,DE DAG 'DI LAS 'KHRUNGS KYANG CHOS DBYINGS ZAD MI 'GYUR, ,SHING DANG 'BRAS BU ME TOG NAGS TSAL JI SNYED PA, , DE DAG THAMS CAD SA LAS YANG DAG 'BYUNG ZHING 'THON, ,'ON KYANG SA LA ZAD PA MED CING 'PHEL BA MED, ,YONGS SU MI NYAMS RNAM PAR MI RTOG SKYO BA MED, ,SANGS RGYAS SRAS DANG NYAN THOS RANG RGYAL 3LHA RNAMS DANG, ,'GRO BA KUN GYI BDE SKYID CHOS RNAMS JI SNYED PA, , DE KUN SHES RAB PHA ROL PHYIN PA MCHOG LAS BYUNG, ,SHES RAB NAMS KYANG ZAD PA MED CING 'PHEL BA MED, ,SEMS CAN THA MA 'BRING DANG MCHOG GYUR JI SNYED PA, ,DE KUN MA RIG LAS BYUNG BDE BAR GSHEGS PAS GSUNGS, ,RKYEN RNAMS TSOGS NAS SDUG BSNGAL 'KHRUL 'KHOR RAB TU 'BYUNG, ,MA RIG 'KHRUL 'KHOR DE NI ZAD MED 'PHEL BA MED, ,YE SHES TSUL SGO THABS DANG RTZA BA JI SNYED PA, ,DE KUN SHES RAB PHA ROL PHYIN PA MCHOG LAS BYUNG, ,RKYEN RNAMS TSOGS NAS YE SHES 'KHRUL 'KHOR RAB TU 'BYUNG, ,SHES @026A *, ,RAB PHA ROL PHYIN LA ZAD MED 'PHEL BA MED, ,BUDDHA SHR'IS 'DI BAR DU BYANG CHUB KYI RGYU GSUM SBYAR RO, ,MTHONG BA'I LAM SENG+GE RNAM BSGYINGS KYI TING NGE 'DZIN LAS LANGS NAS RTEN 'BREL LUGS 'BYUNG LDOG DANG THOD RGAL GYI TING NGE 'DZIN SOGS LA ZHUGS TE RANG BYUNG SANGS RGYAS KYI GO 'PHANG THOB PAR 'GYUR TSUL NI, BYANG CHUB SEMS DPA' GANG ZHIG RTEN CING 'BREL 'BYUNG LA, ,SKYE MED ZAD PA MED PAR SHES RAB 'DI SHES TE, ,NYI MA SPRIN MED 'OD ZER 'PHRO BAS MUN BSAL LTAR, ,MA RIG THIBS PO BCOM NAS RANG BYUNG THOB PAR 'GYUR, ,ME TOG BKRAM PA'I LE'U STE NYER BRGYAD PA'O, ,SGOM LAM RTZE SBYOR STON PA LA SPANG BYA GZUNG RTOG GNYIS NI, MTHU CHEN LDAN PA BSAM GTAN PA ZHIS KYANG GNAS BYED LA, ,RTEN PAR BYED PA MA YIN GNAS PAR BYED PA MED, ,'ON KYANG BSAM GTAN YAN LAG BCAS PA BZHI PO 'DI, ,BYANG CHUB DAM PA MCHOG THOB PA YI RTEN DU 'GYUR, ,BUDDHA SHR'IS DRAN BA ZHES PAS GZUNG RTOG DANG, GNAS PA ZHES PA 'DZIN RTOG LA SBYAR TE 'DI MAN BAR CHAD MED PA'I RTZE SBYOR LA SBYAR YANG, SLOB DPON LTAR NA 'DZIN RTOG GNYIS SPANGS TE TING NGE 'DZIN MTHA' YAS PA LA GOMS SHING SKYE BA SNA TSOGS BZUNG STE GZHAN DON SGRUB PA'I TSUL NI, SHES RAB MCHOG THOB BSAM GTAN DAG LA GNAS PA NI, ,GZUGS MED TING 'DZIN DAM PA BZHI YANG NYAMS SU MYONG, ,BSAM GTAN 'DI DAG BYANG CHUB DAM PA MCHOG LA PHAN, ,BYANG CHUB SEMS DPA' ZAG PA ZAD PHYIR SLOB PA MIN, ,'DI NI YON TAN SOGS PA'I NGO MTSAR RMAD BYUNG STE, ,BSAM GTAN TING NGE 'DZIN LA GNAS NAS MTSAN MA MED, ,DE LA GNAS RNAMS GAL TE LUS NI ZHIG GYUR NA, ,BSAM PA JI BZHIN 'DOD PA'I KHAMS SU YANG SKYE BA, ,CHU YI PADMA BZHIN SRID PAR GNAS PA SRID PAS MA GOS PA'I BAR CHAD MED @026B PA'I RTZE SBYOR NI, DPER NA 'DZAM GLING MI ZHIG SNGON CHAD LHA YUL GYI, ,LHA YI GRONG KHYER MCHOG TU MA PHYIN PHYIS SONG STE, ,DE NA YONGS SU BZUNG BA'I YUL DE RNAMS MTHONG NAS, ,PHYIS 'DIR 'ONGS PAR GYUR NA CHAGS PAR MI BYED LTAR, ,DE BZHIN BYANG CHUB SEMS DPA' YON TAN MCHOG 'CHANG BA, ,RNAL 'BYOR BRTZON TE BSAM GTAN TING 'DZIN LA GNAS NAS, ,PHYIR YANG 'DOD PA'I KHAMS SU GNAS TE CHAGS PA MED, ,CHU YI PADMA BZHIN DU BYIS PA'I CHOS MI GNAS, ,BSAL BYA LOG SGRUB NI BUDDHA SHR'I LTAR NA GONG GI, ,'DI NI YON TAN SOGS PA'I MTSAR RMAD BYUNG STE, ,ZHES PA NAS BSTAN PA YIN KYANG, SLOB DPON GYI DGONGS BA NI CHOS KUN BDEN BAR MED NA DMIGS PA DANG DON GNYER BLANG DOR SOGS JI LTAR 'THAD SNYAM DU LOG PAR ZHUGS PA LA 'KHOR GSUM GANG DU'ANG CHAGS PA'AM ZHEN PA MED PAR DON GNYIS RDZOGS BAR BYED TSUL NI, BDAG NYID CHEN PO SEMS CAN YONGS SU SMIN BYA DANG, ,ZHING SBYANG PHA ROL PHYIN RDZOGS DON BYED KHO NAR ZAD, ,BYANG CHUB YON TAN PHA ROL PHYIN NYAMS 'GYUR 'ONG ZHES, ,GZUGS MED KHAMS SU SKYE BA DON DU GNYER MI BYED, ,DPER NA MI ZHIG RIN CHEN GTER RNAMS RNYED GYUR NA, ,DE LA 'DOD PA'I BLO NI BSKYED PAR MA BYAS LA, ,DES KYANG DUS GZHAN ZHIG NA DE DAG YONGS BLANGS SHING, ,BLANGS NAS KHYIM DU SONG STE CHAGS PAR MI BYED LTAR, ,DE BZHIN BYANG CHUB SEMS DPA' MKHAS PA DGA' BA DANG, ,BDE SBYIN BSAM GTAN TING 'DZIN ZHI BA BZHI THOB NAS, ,BSAM GTAN BDE LDAN BSAM GTAN TING 'DZIN THOB BTANG STE, ,'GRO LA SNYING BRTZER LDAN PA PHYIR YANG 'DOD KHAMS 'JUG ,BLANG DOR SOGS SU ZHEN NA LHAG PAR LOG ZHUGS SU 'GRO BA'I TSUL, GAL TE BYANG CHUB SEMS DPA' TING 'DZIN BSAM GTAN @027A *, ,GNAS, ,DGRA BCOM RANG RGYAL THEG PAR 'DOD PA'I BLO SKYED NA, ,MNYAM PAR MA BZHAG RGOD CING SEMS GA-YENGS GYUR PA STE, ,SANGS RGYAS YON TAN YONGS NYAMS MNYAN PA GRU ZHIG BZHIN, ,DES NA RGYU MA LTA BU'I TSUL DU LAM LA SLOB DGOS PA NI, GZHAN YANG GZUGS DANG SGRA DANG DE BZHIN DRI DANG RO, ,REG DANG 'DOD YON LNGA LA MNGON PAR BRTZON GYUR KYANG, ,DGRA BCOM RANG RGYAL THEG BRAL BYANG CHUB SEMS DGA' NA, ,DPA' BO RTAG TU MNYAM GZHAG YIN PAR SHES PAR BYA, ,SKABS LNGA PA'O,, ,, ` MTHAR GYIS SBYOR BA NI, SEMS CAN GANG DAG GZHAN PHYIR SEMS PA RNAM DAG PA, ,BRTZON 'GRUS PHA ROL PHYIN LA MNGON BRTZON RNAM PAR SPYOD, ,DPER NA BRAN MO CHU CHUN DBANG MED RJE BO'I DBANG, ,DE BZHIN DPA' RNAMS SEMS CAN KUN GYI DBANG GIS 'GRO, ,SKABS DRUG PA'O,, ,,` 'DIS PHAR PHYIN DRUG RJES SU DRAN PAS MNGON PAR BRTZON PA DKON MCHOG GSUM DANG TSUL KHRIMS DANG LHA RJES SU DRAN NAS CI BYED DE'I DBANG DU GTONG BA LAS RANG DGANG MI 'JUG PA DANG, NGO BO NYID MED PAR RJES SU DRAN PAS SEMS RNAM PAR DAG BA BSTAN PA YIN NAM SNYAM LA, RKANG PA DANG POR RTZA BA'I 'GYUR RNAMS SU, SEMS CAN GANG DAG CES 'BYUNG YANG, 'GREL PA GNYI GAS SEMS CAN DANG GANG ZAG CES SGRA BSHAD BYAS SNANG NGO, ,SPYO BA BYAS SAM 'ON TE RTAG TU BRDEG KYANG RUNG, ,BRAN MO RJE BO LA NI ZLOG TSIG MI SMRA YI, ,'DI YIS BDAG NI BSAD PAR 'GYUR DU 'ONG SNYAM NAS, ,SHIN TU SKRAG PA'I YID KYIS 'JIGS BCAS ZIL GYIS GNON, ,DE BZHIN BYANG CHUB CHED DU BYANG CHUB MCHOG ZHUGS PA, ,'GRO BA KUN LA BRAN GYUR BZHIN DU GNAS PAR BYA, ,'DI LA BYANG CHUB THOB CING YON TAN RDZOGS PAR 'GYUR, ,RTZVA @027B DANG SHING LAS ME BYUNG BAS NI DE NYID SREG ,SKABS BDUN PA'O,, ,,`'DIS SKAD CIG SBYOR BA BSTAN TSUL NI LHAG BSAM GOMS PA MTHAR THUG PAR BSTAN PAS MTSON TE BYANG SEMS KYI LAM THAMS CAD MTHAR PHYIN PAR BSTAN PA YIN NO, ,BDAG GI BDE BA BTANG NAS RE BA MED SEMS KYIS, ,SEMS CAN GZHAN GYI DGOS LA NYIN MTSAN MNGON PAR BRTZON, ,BU GCIG PA LAM NI RIM GRO BYED LA LTAR, ,BSAM PA THAG PAS RNAM PAR SKYO MED GNAS PAR BYA, ,RJES SU RIG PA'I LE'U STE NYER DGU PA DANG SKABS BRGYAD PA'O,, ,,`'DI MAN CHAD RGYAN DANG SBYAR DU MED LA, SBYOR BA'I LUGS SHIG SNGON NAS KYANG YOD 'DUG BA SLOB DPON GYIS BKAG GO, ,'DIS CHOS SKU BSTAN TSUL NI SKU BZHI MNGON DU MDZAD DE 'KHOR BA MA STONGS BAR DU SKYOB MED PAR BZHUGS NAS 'PHRIN LAS NYER BDUN GYIS 'GRO BA'I DON MDZAD PAR GSUNGS PA YIN NO, ,BYANG CHUB SEMS DPA' GANG ZHIG YUN RING 'KHOR 'DOD CING, ,SEMS CAN DON DANG ZHING SBYONG BRTZON PA'I RNAL 'BYOR BA, ,SKYO BA'I BLO NI RDUL TZAM SKYE BA MI 'GYUR NA, ,DE NI BRTZON 'GRUS PHA ROL PHYIN LDAN GA-YEL BA MED, ,BYANG CHUB SEMS DPA' MI MKHAS BSKAL PA BYE BA BGRANG, ,GAL TE RING BAR 'DU SHES SDUG BSNGAL BYANG CHUB SGRUB, ,YANG DAG CHOS SGRUB BYED TSE YUN RING SDUG BSNGAL 'GYUR, ,DES NA BRTZON 'GRUS PHA ROL PHYIN NYAMS LE LO CAN, ,BYANG SEMS MKHAS PA RNAMS DUS YUN RING BA DANG BA DKA' BA LA MI BLTA BAR SNYING STOBS BSKYED PA 'PHAGS BA RTAG DU LTA BU YIN TE, BYANG CHUB MCHOG TU SEMS BSKYED DANG PO NAS BZUNG STE, ,BYANG CHUB BLA NA MED PA THOB PAR 'GYUR GYI BAR, ,NYIN MTSAN GCIG TZAM DU NI YID LA SEMS BYED NA, ,MKHAS PA GSAL BAS BRTZON 'GRUS BRTZAMS PAR RIG PAR BYA, ,GAL TE 'GA' ZHIG 'DI SKAD RI RAB RI BSHIG PA'I, ,RJES LA @028A *, ,BYANG CHUB MCHOG THOB 'GYUR ZHES SMRA BA LAS, ,JI STE SKYO BA'I BLO SKYED TSAD KYANG SKYED BYED NA, ,DE TSE BYANG CHUB SEMS DPA' LE LOR GYUR PA YIN, ,JI STE DE NI 'DI TZAM TSOD LTA CI DKA' ZHES, ,SKAD CIG TZAM LA RI RAB THAL BAR RLAG SEMS BSKYED, ,BYANG CHUB SEMS DPA' MKHAS PA BRTZON 'GRUS BRTZAMS BA STE, ,RING POR MI THOGS 'DREN PA'I BYANG CHUB MCHOG THOB 'GYUR, ,DE LTAR BRTZON 'GRUS RTZOM PA NA'ANG MNGON ZHEN MED PA GAL CHE BA'I TSUL, 'GRO BA YONGS SU SMIN PAR BYAS NAS DON BYA ZHES, ,GAL TE LUS DANG NGAG DANG YID KYIS BRTZON BYED NA, ,BDAG TU 'DU SHES GNAS PAS LE LOR GYUR BA STE, ,THAMS CAD MKHYEN PA NYID LAS RING 'GYUR GNAM SA BZHIN, ,GANG TSE LUS DANG SEMS DANG SEMS CAN 'DU SHES MED, ,'DU SHES RNAM PAR LOG NAS GNYIS SU MED CHOS SPYOD, ,'DI NI BYANG CHUB ZHI BA MI NYAMS MCHOG 'DOD PA'I, ,BRTZON 'GRUS PHA ROL PHYIN CES PHAN PA MDZAD PAS GSUNGS, ,RTAG DUS SHER PHYIN 'TSOL BA'I PHYIR CHOS 'PHAGS BSTEN PA LTAR DKA' SPYAD SDUG BSNGAL LA BZOD SRAN DGOS TSUL, GAL TE GZHAN LAS NGAN BRJOD TSIG TZUB THOS GYUR NA, ,BDAG BDE YIN ZHES BYANG CHUB SEMS DPA' MKHAS PA DGA', ,SU SMRA SUS THOS GANG GIS GANG ZHIG GANG GI PHYIR, ,BZOD PA'I PHA ROL PHYIN MCHOG LDAN PA MDZANGS PA YIN, ,BYANG CHUB SEMS DPA' GANG ZHIG BZED PA'I LEGS CHOS LDAN, ,GANG ZHIG STONG GSUM RIN CHEN BKANG STE 'JIG RTEN MKHYEN, ,SANGS RGYAS RNAMS DANG DGRA BCOM RANG RGYAL PHUL BYAS PA, ,SBYIN PA'I PHUNG POS DE LA BSOD NAMS CHAR MI PHOD, ,BZOD LA GNAS PA'I LUS NI YONGS SU DAG @028B 'GYUR TE, ,SUM CU RTZA GNYIS MTSAN DANG MTHU STOBS PHA MTHA' YAS, ,SEMS CAN RNAMS LA CHOS RAB STONG BA SGROGS BAR BYED, ,'DI NI BZOD LDAN DE LA 'GRO BA DGAR 'GYUR MKHAS, ,GAL TE SEMS CAN LA LAS TZAN DAN PHUR MA BLANGS, ,RAB GUS BYANG CHUB SEMS DPA' LA NI NYUG BYED LA, ,GZHAN ZHIG ME MDAG MGO LA 'THOR BYED GNYIS KA LA, ,DE YIS MNYAM ZHING SNYOMS PA'I SEMS NI BSKYED PAR BYA, ,BYANG CHUB SEMS DPA' MKHAS PAS DE LTAR BZOD BYAS NAS, ,SEMS BSKYED DE NI BYANG CHUB MCHOG TU YONGS BSDOS NA; ;DPA' BO 'JIG RTEN KUN LA BZOD PAS DGRA BCOM DANG, ,RANG RGYAL SEMS CAN KHAMS KYI JI SNYED ZIL GYIS GNON, ,BZOD BYED 'DI SNYAM DU YANG SEMS NI BSKYED BYA STE, ,SEMS DMYAL DUD 'GRO GSHIN RJE'I 'JIG RTEN SDUG BSNGAL MANG, ,'DOD PA'I YON TAN RGYU YIS DBANG MED GNOD MYONG NA, ,BYANG CHUB CHED DU THI PHYIR DA BZOD MI BYA SNYAM, ,LCAG DBYUG MTSON DANG BSAD DANG BCING DANG BRDEG PA DANG, ,MGO GCOD PA DANG RNA BA RKANG LAG SNA GCOD DANG, ,'JIG RTEN SDUG BSNGAL JI SNYED BDAG GIS BZOD SNYAM PA, ,BYANG CHUB SEMS DPA' BZOD PA'I PHA ROL PHYIN LA GNAS, ,CHOS KYI DON DU MGO DANG RKANG LAG GCOD PA TSUN CHAD KYANG BZOD DGOS BA'I DPER BYAS NAS BSTAN TE, SLOB DPON GYI SDUD 'GREL LAS, BZOD PA'I BA ROL TU PHYIN BA JI SNYED BSTAN BA'I RANG BZHIN LA GNAS TE RTAG DU BZHIN NO, ,ZHES GSUNGS SO, ,RTAG DU'I LE'U STE SUM CU BA'O, , TSUL KHRIMS KYIS NI ZHI BA 'DOD RNAMS 'PHAGS PAR 'GYUR, ,STOBS BCU'I SPYOD YUL GNAS SHING TSUL KHRIMS NYAMS PA MED, ,SDOM BA BYA BA JI SNYED KUN GYI RJES SU 'JUG ,SEMS CAN KUN LA PHAN PHYIR DE YANG BYANG CHUB BSNGO, ,BYANG CHUB SEMS DPA' CHOS 'PHAGS GNAS @029A *, ,SKABS 'DOD LON LNGA LA DGA' MGUR ROL BA LTAR SNANG YANG TSUL KHRIMS RNAM PAR DAG BA BZHIN BYANG SEMS KYI TSUL KHRIMS DAG MA DAG RANG DON YID BYED YOD MED KYI STENG NAS 'JOG DGOS PA NI, GAL TE RANG RGYAL DGRA BCOM BYANG CHUB REG 'DOD NA, ,TSUL KHRIMS 'CHAL CING MI MKHAS DE BZHIN SPYOD BA NYAMS, ,JI STE BYANG CHUB ZHI BA MCHOG TU YONGS BSNGO NA, ,'DOD YON BRTZON YANG TSUL KHRIMS PHA ROL PHYIN LA GNAS, ,CHOS GANG NGES PA'I BYANG CHUB YON TAN 'BYUNG 'GYUR BA, ,DE NI YON TAN CHOS LDAN RNAMS KYI TSUL KHRIMS DON, ,CHOS GANG PHAN BYED RNAMS KYI BYANG CHUB YONGS NYAMS PA, ,'DI NI TSUL KHRIMS 'CHAL CES RNAM PAR 'DREN BAS GSUNGS, ,GAL TE BYANG CHUB SEMS DPA' 'DOD YON LNGA SPYOD KYANG, ,SANGS RGYAS CHOS DANG 'PHAGS PA'I DGE 'DUN SKYABS SONG STE; ;SANGS RGYAS 'GRUB BYA SNYAM DU KUN MKHYEN YID BYED NA, ,MKHAS PA TSUL KHRIMS PHA ROL PHYIN GNAS RIG PAR BYA, ,GAL TE BSKAL PA BYE BAR DGE BA'I LAS LAM BCU, ,SPYOD KYANG RANG RGYAL DGRA BCOM NYID LA 'DOD SKYED NA, ,DE TSE TSUL KHRIMS SKYON BYUNG TSUL KHRIMS NYAMS PA YIN, ,SEMS BSKYED DE NI PHAS PHAM PAS KYANG SHIN TU LCI, TSUL KHRIMS BSRUNG ZHING BYANG CHUB MCHOG TU YONGS BSNGOL, ,DE YIS RLOM SEMS MED CING BDAG BSTOD MI BYED LA, ,NGA YI 'DU SHES SEMS CAN 'DU SHES YONGS SU SPANGS, , BYANG CHUB SEMS DPA' TSUL KHRIMS PHA ROL PHYIN GNAS BRJOD, ,TSUL KHRIMS DE LA'ANG BDAN ZHEN DANG RLOM SEMS BSKYED MI RUNG BA NI, GAL TE BYANG CHUB SEMS DPA' RGYAL BA'I LAM SPYOD PA, ,SEMS CAN 'DI DAG KHRIMS LDAN 'DI DAG KHRIMS 'CHAL CES, ,SNA TSOGS 'DU SHES @029B ZHUGS PA SHIN TU TSUL KHRIMS 'CHAL, ,TSUL KHRIMS NYAMS SHING DE LA YONGS DAG TSUL KHRIMS MED, ,GANG LA BDAG GI 'DU SHES SEMS CAN 'DU SHES MED, ,'DU SHES 'DOD CHAGS BRAL LA SDOM MIN GAL YOD, ,GANG LA SDOM DANG SPOM PA MA YIN RLOM SEMS MED, ,'DI NI TSUL KHRIMS SDOM BAR RNAM PAR 'DREN PAS GSUNGS, ,SEMS CAN DAG BA GANG ZHIG DE LTAR KHRIMS LDAN PA, ,SDUG DANG MI SDUG KUN LA LTA BA MED PA YIN, ,MGO DANG RKANG LAG GTONG ZHING ZHAM PA'I SEMS KYANG MED, ,BDOG PA THAMS CAD GTONG ZHING RTAG TU ZHEN BA MED, ,CHOS RNAMS RANG BZHIN BDAG MED YA MA BRLAR SHES NAS, ,BDAG GI SHA YANG GTONG LA ZHUM PA'I SEMS MED NA, ,DE TSE PHYI ROL DNGOS PO GTONG BA SMOS CI DGOS, ,GAL TE SER SNA BYED BA DE NI GNAS MED DO, ,BDAG TU 'DU SHES DNGOS LA BDAG GIR 'DZIN PAS CHAGS, ,BLUN PO RNAMS LA GTONG BA'I BLO LTAG LA YOD, ,SER SNA'I NYES DMIGS BYANG SEMS KYI SBYIN PA'I PHAN YON DANG BCAS BA, SER SNA CAN NI YI DVAGS GNAS SU SKYE BAR 'GYUR, ,JI STE MIR SKYES NA YANG DE TSE DBUL POR 'GYUR, ,DE TSE BYANG CHUB SEMS DPA' SEMS CAN DBUL SHES NAS, ,GTONG LA MOS PAR 'GYUR ZHING RTAG TU LHUG PAR GTONG, ,GLING BZHI LEGS PAR BRGYAN PA MCHIL MA'I THAL BA 'DRA, ,BYIN NAS DGA' BAR 'GYUR GYIS GLING THOB DE LTA MIN, ,BYANG CHUB SEMS DPA' MKHAS PA GSAL BA SRID GSUM GYI, ,SEMS CAN JI SNYED DE DAG KUN LA SBYIN BA 'DI, ,BYIN PAR GYUR CIG SNYAM DU BSAMS NAS SBYIN BYIN LA, ,DE YANG 'GRO BA'I DON DU BYANG CHUB MCHOG TU BSNGO, ,SBYIN PA BYIN NAS DNGOS LA GNAS PAR BYED PA MED, ,DE NI NAM DU'ANG RNAM PAR SMIN LA @030A *, ,RE BA MED, ,DE LTAR GTONG BA MKHAS PA THAMS CAD GTONG BA STE, ,CHUNG NGU BTANG LA MANG BO DPAG TU MED PAR 'GYUR, ,SRID PA GSUM NA SEMS CAN MA LUS JI SNYED PA, ,YONGS SU BRTAG BA BZUNG STE DE DAG THAMS CAD KYIS, , 'JIG RTEN MKHYEN PA SANGS RGYAS DGRA BCOM RANG RGYAL LA, ,BSKAL PA MTHA' YAS SBYIN BYIN NYAN THOS LEGS TSOL NA, ,BYANG CHUB SEMS DPA' MKHAS PA THABS MKHAS GANG ZHIG GIS, ,DE DAG BSOD NAMS BYA BA'I DNGOS LA YI RANG NAS, ,SEMS CAN DON DU BYANG CHUB MCHOG RAB YONGS BSNGO NA, ,YONGS SU BSNGO BAS 'GRO BA THAMS CAD ZIL GYIS GNON, ,NOR BU MCHING BU'I PHUNG PO CHEN POR GYUR PA YANG, ,RIN CHEN BEEd'UR+YA GCIG DE KUN ZIL GYIS GNON, ,BYANG SEMS THABS MKHAS BAS NOR DNGOS SUM BTANG YANG TSOGS RLANGS PO CHE TSIGS MED PAR RDZOGS PA'I TSUL NI, DE BZHIN 'GRO KUN SBYIN PA'I PHUNG PO RGYA CHEN KUN, ,RJES SU YI RANG BYANG CHUB SEMS DPAS ZIL GYIS GNON, ,GAL TE BYANG CHUB SEMS DPAS 'GRO LA SBYIN BYIN NAS, ,DE LA BDAG GIR MI BYED DNGOS PO PHANGS MED NA, ,DE LAS DGE BA'I RTZA BA MTHU CHEN 'PHEL 'GYUR TE, ,SPRIN MED 'OD LDAN ZLA DKYIL YAR GYI NGO BZHIN NO, ,ZHES RANG GZHAN GYI PHYIN DRUG GI SPYOD PA MTHA' MED DU YAR SBEL BA NI, SDUD 'GREL LAS, CHOS 'PHAGS BZHIN DU DGE BA'I BSHES GNYEN GYI BYA BA YIN BAR RIG PAR BYA'O, ,ZHES SBYAR BAS CHOS 'PHAGS KYI LE'U STE SO GCIG PA'O, ,RGYA 'GREL GZHAN GNYIS LAS BAR 'DIR SKABS LNGA BA'I LE MTSAMS BYAS SHING 'OG MA 'DI RNAMS SBYIN BA SHES RAB BAR DAG DANG, ,ZHES PA'I DON DU BSAM NAS MTHAR GYIS SBYOR BAR BSHAD DO, ,BYANG CHUB SEMS DPA'I SBYIN BAS YI DVAGS 'GRO BA GCOD, ,DBUL BA DANG NI DE BZHIN NYON MONGS THAMS CAD GCOD, , @030B SPYOD TSE LONGS SPYOD MTHA' LAS RGYAS PA THOB PAR 'GYUR, ,SBYIN PAS SDUG BSNGAL GYUR BA'I SEMS CAN YONGS SMIN BYED, ,KHRIMS KYIS DUD 'GRO'I 'GRO BA DU MA'I NGO BO DANG, ,MI KHOM BRGYAD SPONG DE YID LA BRTAG TU RNYED, ,BZOD PAS GZUGS BZANG DAM PA RGYA CHEN THOB 'GYUR TE; ;GSER MDOG SDUG CING 'GRO BAS LTA BA'I 'OS SU 'GYUR, ,BRTZON 'GRUS KYIS NI DKAR PO'I YON TAN 'GRIB MI 'GYUR, ,YE SHES MTHA' YAS RGYAL BA'I BANG MDZOD RNYED PAR 'GYUR, ,BSAM GTAN GYIS NI 'DOD PA'I YON TAN SMAD PA 'DOR, ,RIG DANG MNGON PAR SHES DANG TING 'DZIN MNGON PAR SGRUB, ,SHES RAB KYIS NI CHOS KYI RANG BZHIN YONGS SHES NAS, ,KHAMS GSUM MA LUS PA LAS YANG DAG 'DA' BAR 'GYUR, ,MI YI KHYU MCHOG 'KHOR LO RIN CHEN BSKOR BYAS NAS, ,SDUG BSNGAL ZAD PAR BYA PHYIR 'GROL CHOS KYANG STON, ,BUDDHA SHR'IS 'DI NAS SKABS DRUG BA'I LE MTSAMS BYAS SHING DE'I RGYU MTSAN NYI KHRI LAS MTHAR GYIS SPYOR BA BCU GNYIS LA RE RE ZHING, MTHAR GYIS BYANG, ,MTHAR GYIS SLOB BA, MTHAR GYIS SGRUB PA GSUM DU BYAS NAS GSUNGS KYANG, BRGYAD STONG BAR, SENG GE'I SGRA SGROGS BA'I PHYIR SHES RAB KYI PHA ROL DU PHYIN PA RJES SU RIG PAR BYA'O, ,ZHES GSUNGS PA DE GNYIS KA'I DGONGS PAR BSAM PAR SNANG LA, SLOB DPON GYIS PHAR PHYIN BCU DANG SBYAR TE SHES RAB LHAG PAR THOB NAS SANGS RGYAS SU SPRUL TE CHOS STON BA'I DON DU MDZAD, CHOS 'DI YONGS RDZOGS BYAS NAS BYANG CHUB SEMS DPA' DE, ,'DI 'ANG BUDDHA SHR'IS SKAD CIG SBYOR NI BYANG CHUB SEMS DPA'I SBYONG BA YONGS SU RDZOGS BA'I LAM GYI MTHAR THUG YIN PAR BSAMS TE RKANG PA 'DI GCIG BU SKABS BDUN PAR BYAS KYANG, SLOB DPON THABS MKHAS KYI PHAR PHYIN GYI SGO NAS TSOGS GNYIS RDZOGS PA'I DON DU MDZAD, DE BZHIN DU SMON LAM GYI PHAR PHYIN LHAG PAS BRGYAD PAR ZHING DAG SBYOR BA 'GRUB PA DANG, STOBS KYI PHAR PHYIN LHAG PAS SO SO YANG DAG RIG BA BZHI RJES SU @031A *, ,MTHUN PA'I SGO NAS CHOS BSTAN TE SEMS CAN YONGS SU 'DZIN PA DANG, YE SHES KYI PHAR PHYIN LHAG PAS SANGS RGYAS KYIS KHA REG CING RGYAL BA'I DGONGS BA RANG DBANG DU BKRAL NAS BYANG SEMS GZHAN DU MA BSKRUN PAS CHOS DANG DGE 'DUN GYI RIGS 'DZIN PA DANG, SANGS RGYAS NAS CHOS KUN 'DZIN TSUL STON PAR; YONGS DAG ZHING DANG SEMS CAN DAG BA YONGS SU 'DZIN, ,SANGS RGYAS RGYUD DANG CHOS KYI RGYUD KYANG YONGS SU 'DZIN, ,DE BZHIN DGE 'DUN RGYUD DANG CHOS KUN YONGS SU 'DZIN, ,'GRO BA'I NAD GSO MDZAD PA SMAN BA'I MCHOG GYUR PA, ,SHES RAB BSTAN PA BYANG CHUB LAM LDAN 'DI GSUNGS TE, ,MING NI YON TAN RIN CHEN SDUD PA BYANG CHUB LAM, ,LAM 'DI SEMS CAN KUN GYIS THOB PAR BYA PHYIR BSHAD,, ,,YONGS SU GTAD BA'I LE'U STE SUM CU RTZA GNYIS BA'O, ,'DIS YONGS GTAD KYI DON BSDUS TSUL NI, 'DI'I THAD KYI BRGYAD STONG PAR, SHES RAB KYI PHA ROL TU PHYIN BA 'DI LAS THAMS CAD MKHYEN PA'I YE SHES YONGS SU RDZOGS PAR 'GYUR RO, ,ZHES SOGS THEG PA CHEN PO'I LAM 'BRAS KUN 'DI LAS 'BYUNG BA'I YON TAN RIN PO CHE'I 'BYUNG KHUNGS DANG SHER PHYIN 'DI GANG DU SPYOD PA DER SANGS RGYAS BZHUGS SHING CHOS STON PA DANG DGE 'DUN 'DU BA SOGS 'BYUNG BAS MDO SDE THAMS CAD LAS 'DI NAN TAN DU BSRUNG GOS, ZHES LAN GSUM DU GTAD BA YIN PAS, 'DIR, LAM 'DI SEMS CAN KUN GYIS THOB PAR BYA PHYIR BSHAD, ,CES BA'I TSIG GI NUS PA 'DON TSUL SDUD 'GREL LAS, BYA ZHES PA NI 'PHAGS BA KUN DGA' BO LA SOGS PA LA YONGS SU GTOD BA YIN, ZHES SHER PHYIN SEMS CAN KUN GYIS THOB PA SANGS RGYAS KYI DGONGS BA'I GTZO BO YIN DANG, DE DER MED MI NYAMS PAR RA NAS BAL RAG LAS BA RGYU MTSAN GYAS NAN TAN DU GTAD PA YIN NO, ,BUDDHA SHRI 'DI'I 'ANG RKANG PA PHYI MA GNYIS MA GTOGS PA SKABS BRGYAD PA DANG SBYAR 'CHIG ZIN 'BREL CHAGS PA LTAR 'ONGS KYANG, BRGYAD STONG PA'I LE'U'I RIM BA DANG SBYAR BA'I TSE SLOB DPON GYI SDUD 'GREL DGONGS BA ZAB PAR SNANG NGO, ,RGYAL @031B YUM SHER PHYIN ZAB MO'I DON, ,NYUNG NGU'I TSIG GIS BKRAL BA'I DGES, ,RGYAL BA'I DGONGS BA LEGS RTOGS NAS, ,YANG DAG LAM BZANG MYUR BGROD SHOG ,MCHAN BU 'DI NI, ,7BTZUN PA DKON MCHOG BSTAN BA'I SGRON MES SNGAR RANG LO NYER BZHI PA LA DPAL LDAN 'BRAS SPUNGS SU CHOS GRVA 'GRIN BZHIN PA'I SKABS MDO RGYAS PA RNAMS DANG RGYAN SBYOR TSUL THAD KA RE TZAM DES THUNG KYANG CHA TSANG BLOR MI 'JAGS PAS, RGYUN GYI BSHAR SBYANG LA SDUD PA DANG SBYAR NA BDE BAR 'DUG SNYAM NAS SKABS BZHI PA'I PHYED LAN BRIS KYANG, GRVA SKOR GYIS DUS GTUGS PAS BO TI GZHAN RNAMS 'DZIN SKYOR DANG, SO SO'I MCHAN DANG BSDUS DON GSAR DU BRI RGYU SOGS KYIS 'PHRO CAN DU LUS PA, AA MCHOG DGON GYI LAM RIM KHRI BA LHAG BSAM RNAM DBYOD YANGS PA 'JAM DBYANGS PHUN TSOGS KYIS STOD CHA'I RIM PA PAR DU BSGRUBS TE MJUG CHA TSANG BA BYED DGOS ZHAS NAN TAN DU BSKUL BA BZHIN GRUB BAR BGYIS PA 'DIS KYANG BSTAN BA'I SNYING PO DAR ZHING RGYAS PAR GYUR CIG, ,