@001A *, ,SHES RAB SNYING PO'I SNGAGS KYI RNAM BSHAD SBAS DON
GSAL BA ZHES BYA BA BZHUGS SO, ,

@001B #, ,NA MO GU RU MU N'I ND'RA YA, SHES RAB SNYING PO'I
SNGAGS, TADYA TH'A, AOm GA TE GA TE P'A RAG TE P'A RA SAm GA TE
BODHI SV'AH'A ZHES PA, BOD SKAD DU, 'DI LTA STE, SONGS SHIG
SONGS SHIG PHA ROL TU

SONGS SHIG ,PHA ROL TU YANG DAG PAR SONGS SHIG ,BYANG CHUB TU
GZHI TSUGS, ZHES PA'I DON BSHAD NA, 'DI LTA STE NI STON PA NYID
KYIS DUS DANG PO RING MO ZHIG NAS GOMS PA'I THEG PA MCHOG GI
RIGS KYI

NUS BA BRTAS PA NA, SGRUB BYED KYI RTZA BA THUGS RJE CHEN PO DAS
BSKUL TE 'GRO BA YONGS SU DGROL BAR 'DOD CING, DGROL RGYU'I
'CHING THAG NI BDAG TU 'DZIN BANG GZIGS LA, SNGON DU RANG MA
GROL BAS GZHAN

DGROL MI NUS PAR DGONGS TE, 'DZIN PA DE'I DNGOS KYI GNYEN PO
BDAG MED PA LA THABS DANG BCAS TE GOMS PA MTHAR GTUGS PAS, DE
NYID GZIGS PA LA SGRIB PAR BYED PA'I SGRIB PA BAG CHAGS DANG
BCAS BA ZAD

@002A #, ,BAS GZIGS PA YONGS SU DAG PA'I TSE RANG GIS GZIGS
SHING MNGON DU MDZAD PA 'DI KHO NA RJES 'JUG KUN GYI BGROD PA
GCIG PA'I LAM DU GZIGS NAS GOL BA'I MTHA' GNYIS

BKAG STE DBUS RNAL MA 'DI LTA STE ZHES STONG PA DANG RTEN 'BYUNG
ZUNG DU ZUNG DU 'JUG PA RANG DBANG DU 'DOMS PAR MDZAD PA YIN
PA'I PHYIR SMRA BA BLA NA MED PA TSAD MA'I SKYES BU NYAG CIG TU
'GRUB STE CHOS KHUNGS BTZUN PAR STON

PAR MDZAD PA PO'I CHE BA'O, ,YANG 'KHOR 'DAS THAMS CAD SEMS KYIS
BYAS PAR 'DRA BA LA DMAN MCHOG BYUNG STE SO SOR 'GRO BA NI SEMS
'KHRUL MA 'KHRUL KHO NA'I KHYAD YIN, DON DANG MA MTHUN NA 'KHRUL

BA DANG, MTHUN NA MA 'KHRUL PA YIN PAS, DON JI LTAR GRUB SHES TE
LOG PA DOR NAS YANG DAG PA DER 'GRO DGOS LA, 'GRO SA'I LAM DBU
MA RTAG CHAD KYI GA-YANG SA LAS 'DAS PA ZHI BA'I SGO DANG LAM
GNYIS

@002B PA MED PA, DMIGS PA JI SNYED PA LA KHYAB KYANG RNAM PA'I
DBYE BA MI MTHUN PA'I SPROS PA DANG BRAL ZHING, SGRANG RTZI LTA
BUR RO GCIG PA SO SO RANG RIG PA'I YE SHES KYIS GNYIS SU MED
PA'I TSUL GYIS GZIGS PA 'DI

KHO NA STE, ZHES RGYAL BA'I YUM RNAM PA GSUM GYI DNGOS BSTAN ZAB
MO BSDUS PAR STON PA'I CHE BA'O, ,YANG SANGS RGYAS KYI PHUN SUM
TSOGS PA DANG, 'KHOR BA PA RNAMS KYIS RGYUD PA MYONG BA NI RANG
BZHIN GYIS KHYAD

ZHUGS PA'AM GZHAN GYIS BYAS PA MIN GYI, RANG GI BYED TSUL LEGS
NYES KYIS YIN TE, SEMS CAN RNAMS BDE BA 'DOD KYANG SDUG BSNGAL
GYI RGYU BSGRUBS PAS THUR NAS THUR DU 'GRO LA, DE LAS BZLOG NA
GONG DU 'GRO

PA YIN, DER YANG CIG CAR MI PHYIN PAS MNGON PAR RTOGS PA 'OG MA
'OG MA NAS GONG MA GONG MAR RIM GYIS BGROD TSUL SANGS RGYAS SNGA
MA RNAMS GANG NAS GSHEGS PA'I LAM GYI RIM PA TSANG LA MA NOR BA
'DI KHO NA STE ZHES

YUM GYI SPAS DON MNGON RTOGS BSDUS PAR STON PAS 'DI GNYIS KYIS
CHOS KYI CHE BA ZHES BYA BA DGOS SOGS BSTAN PA YIN NO, ,DE NAS
MANTA STE YID MA RIG PA'I GDON GYIS YONGS SU BSLAD PA LAS
BSKYABS NAS BLA NA MED PA'I BDE BA

LA 'GOD PA'I SNGAGS KYI DON LA, SPYI DON DANG TSIG DON GNYIS,
DANG PO NI, SONGS SHIG CES BYA BA DE GANG NAS GANG DU 'GRO BA
YIN NA 'KHOR BA NAS MYANG 'DAS SU 'GRO BA YIN PAS, RGYAS PAR
PHYE NA DA LTA GANG DU

@003A *, ,GNAS; DER GNAS PA'I RGYU, DE NAS GANG DU 'GRO BA, DER
'GRO BA'I LAM STE BDEN PA BZHI'I TSUL GYIS GTAN LA DBAB DGOS SO,
,DE'ANG RANG CAG DA LTA GANG LA

GNAS PA NYE BAR LEN PA'I PHUNG PO'I BDAG NYID KYI 'KHOR BA'I
SKYE BA 'DI BLANGS PHYIN CHAD GNAS LONGS SPYOD GROGS SOGS GANG
GIS BDE BAR BSGRUBS KYANG SDUG BSNGAL 'BA' ZHIG LAS MA 'DAS PA

KHAB RTZE LA PHYOGS GANG NAS BRTEN KYANG MI BDE BA DANG, MI
GTZANG BA'I GONG BU NAM GNAS SU DRING BA LAS MA 'DAS PA LTA BU
'DI NI SDUG BSNGAL GYI BDEN PA'I GTZO BO YIN NO, ,GNAS DER 'PHEN
BYED MA RIG

PA DANG 'DU BYED SOGS YIN KYANG, DE DANG MI 'BRAL BAR 'CHING
BYED SRID PA'I BDE BA LA BRKAM PA'I ZHEN CHAGS 'DI YIN TE, PHAG
MI GTZANG BA'I RDZAB LA CHAGS NAS NYAL BA LTAR SDUG BSNGAL LA
SDUG

BSNGAL DU MI SHES PAR GTZANG ZHING BDE BAR RLOM STE SHI SPAR
'THAM NAS BAG MED DU GNYID LOG PA YIN PAS, KUN 'BYUNG LA LAS
NYON MANG PO YOD KYANG DNGOS SU 'CHING BYED GTZO BO SRED PA YIN
NO, ,GANG DU

'GRO BA'I YUL NI 'KHOR BA'I SDUG BSNGAL DE DAG ZAD PA'I THAR PA
YIN ZHING, DE'ANG 'KHOR BA ZAD TZAM GYI 'GOG BDEN NI DMAN PA'I
MYANG 'DAS ZHES THEG DMAN GYI BYANG CHUB YIN LA, SDUG BSNGAL
DE'I RTZA

@003B BA BAG CHAGS DANG BCAS PA ZAD PA'I 'GOG BDEN DON GNYIS
PHUN SUM TSOGS PAS BRGYAN PA MI GNAS PA'I MYANG 'DAS NI BLA NA
MED PA'I BYANG CHUB STE BGROD BYA'I YUL MTHAR THUG PA YIN NO,
,DER 'GRO BA'I LAM NI RANG BZHIN MED PA'I

DON JI LTA BA BZHIN MNGON SUM DU GZIGS PA THEG PA GSUM GYI
'PHAGS PA'I MNYAM GZHAG RNAM PAR MI RTOG PA'I YE SHES NI LAM
BDEN GYI GTZO BO YIN LA, 'KHOR DANG BCAS NA DE DANG 'DZIN STANGS
MTSUNGS PA'I BLO RTOG PA DANG BCAS PA 'OG MA DAG KYANG

LAM YIN LA, DER SBYOR ZHING PHAN PA'I YAN LAG TU GYUR PAS MI
RTAG SDUG BSNGAL SOGS SU BSGOM PA'ANG 'GRO BA'I PHYOGS TZAM LA
LAM DU BTAGS PA BZHIN THAR PA'I LAM GYI SGRAS BSDUS TE, BYANG
CHUB SEMS 'GREL LAS, MI RTAG STONG

PA SDUG BSNGAL ZHES, ,BYA BA GSUM PO SEMS SBYONG BYED, ,MCHOG TU
SEMS NI SBYONG BYED PA'I, ,CHOS NI RANG BZHAN MED PA YIN, ,ZHES
DANG, SPYOD 'JUG LAS, YAN LAG 'DI DAG THAMS CAD NI, THUB PAS
SHES RAB DON DU GSUNGS, ,ZHES SO, ,

RANG CAG 'KHOR BA 'DIR GNAS PA MYU NGAN LAS 'DAS PA'I SA DER
'GRO BA'I RIM PA DPER MTSON NA, MI BLUN PO ZHIG BTZON RAR BAG
MED DU GNYID LOG NAS BSDAD PA'I TSE, DE LA SNYING BRTZE BA'I
SHES LDAN ZHIG GIS BOS TE GNYID BSLANGS

NAS DER BSDAD NA CHAD LAS MANG PO 'ONG TSUL BSHAD PAS SKRAG NAS
'BROS THABS AE YOD ZER BAR, 'GRO SA'I GNAS RGYAL PO'I PHO BRANG
DANG, DE'I LAM BGROD TSUL SOGS BSHAD PA BZHIN BYAS NA THAR NUS
SO, ,DE DON DANG SBYAR NA, DANG POR

@004A *, ,POS TE CHOS KYI 'DU SHES TZAM YANG MA SKYES PA'I BAG
MED KYI GNYID LAS BSLANGS NAS SKYON YON GYI RGYU MTSAN DANG BCAS
TE SONGS SHIG CES GSUNG MKHAN NI SKYABS STON PA PO THUB PA SANGS
RGYAS BCOM LDAN 'DAS YIN

LA; DE NI DA LTA DNGOS KYI BLA MA 'DI LAS GZHAN DU MED, 'BOD
PA'I SGRA RNA BAR GRAGS KYANG MAL NAS MA LANG BSHAD PA BZHIN MA
BYAS NA DON MED PA BZHIN, CHOS THOS KYANG LAG TU MA BLANGS 'KHOR
BA LAS YID MA BYUNG NA THOS PAS DON MED,

CHUNG DU DANG 'BRING GI LAM GYIS RAGS PA DANG PHRA BA'I MI RTAG
SDUG BSNGAL BSAMS TE YID 'BYUNG SKYES PA NI BTZON RA LAS 'BROS
'DOD SKYES PA LTA BU YIN GYI, BROS NAS LAM DU ZHUGS PA'I BYA BA
DNGOS MIN TE, THAR LAM DNGOS SU SLEBS

PA YANG DAG PA'I LTA BA RNYED PA NAS YIN, 'ON KYANG LAM DU ZHUGS
TZAM NAS DGRA SA BRGAL BAR MI 'GYUR BAR BRGAL MA BRGAL GYI CHA
GNYIS 'BYUNG BA BZHIN, STONG NYID RTOGS KYANG MNGON SUM MA RTOGS
PAS SO SKYES SKABS DGRA SA LAS MA

BRGAL BA LTA BU DANG, MNGON SUM RTOGS PA 'PHAGS PA'I SKABS DGRA
SA BRGAL BA LTA BU GNYIS 'BYUNG NGO, ,YANG DGRA SA BRGAL TZAM
GYIS MI CHOG PAR DA DUNG 'BAD PA BSKYED NAS SONG STE RGYAL PO'I
PHO BRANG DNGOS LA SLEB DGOS PA LTAR, STONG NYID MNGON

SUM DU RTOGS PA DER YANG YUN DU GOMS PAR BYAS TE BYANG CHUB THOB
PAR BYED DGOS SO, ,'DI LA DANG POR 'GRO TSUL BSHAD PA THOS, DE
LEGS PAR BSAMS TE NGES PA RNYED PA BYAS, DE NAS 'GRO BA'I BYA BA
LAG TU LEN DGOS PA LTAR, THOS

@004B BSAM SGOM GSUM YA MA BRAL BA'I SGO NAS SLOB PAR BYED DGOS
LA, LAM STON MKHAN DANG, LAM DNGOS, LAM GROGS GSUM GA TSANG DGOS
PAS SKYABS 'GRO RANG 'DIS 'GRUB BO, ,DE LTAR NA BLANG DOR GYI
SDOMS CHEN PO BDEN PA BZHI DANG, DE LAS PHYE BA KUN

BYANG GI RTEN 'BREL LUGS 'BYUNG LDOG PHRUGS BZHI, RNAM BYANG GI
PHYOGS LA NGO BO LAM LNGA DANG, RTEN SKYABS 'GRO ,LAG TU LEN
TSUL THOS BSAM SGOM GSUM BCAS THUN MONG BA'I LAM GYI RIM PHA
MTHA' DAG 'DU ZHING, DANG PO THOS PA DGOS PAS THOS

PA'I YUL BSHES GNYEN LAM GYI RTZA BAR 'GRUB LA, DE'ANG BSHAD LAM
GYIS DE LTAR YIN PAR SNANG NGO ZHES THOS LO STON PA TZAM GYIS MI
CHOG PAR, RANG GIS NYAMS SU MYONG BA'I STENG NAS 'DI'O ZHES STON
PA ZHIG DGOS PAS, 'DI LTA STE ZHES PA 'DIS

BSHES GNYEN GYI MTSAN NYID KYANG BSTAN TO, ,DON RANG GIS NYAMS
SU BLANGS PA DANG MTHUN PAR GZHAN DON SPYOD PA'I KHONGS SU BSDU
BZHI TSANG ZHING, DE DANG PHYIN DRUG BSLAB GSUM TSOGS GNYIS SOGS
PHAN TSUN BSDUS PAR GSUNGS PAS DE DAG KYANG TSANG NGO, ,MA BCOL

PAR GZHAN GYI DON BYED PA DE NI NANG NAS BSKUL BA YIN PAS RGYU
'BRAS MAN NGAG BDUN DANG BDAG GZHAN BRJE BA SOGS THEG CHEN THUN
MONG MA YIN PA THAMS CAD SHUGS KYIS 'GRUB STE, MDOR NA LAM GYI
KHOG BUB 'GANG CHE BA THAMS CAD SBYI DON GYI KHONGS 'DI NAS

SHES PAR BYA'O, ,GNYIS PA TSIG DON NI, SONGS SHIG CES PA TSOGS
LAM, YANG SONGS SHIG CES PA SBYOR LAM, PHA ROL TU SONGS SHIG CES
PA MTHONG LAM, PHA ROL TU YANG DAG PAR SONGS SHIG CES PA SGOM
LAM, BYANG CHUB TU GZHI

@005A *, ,TSUGS ZHES PAS MI SLOB LAM BSTAN PA YIN NO, ,DE LA 'DI
GDUL BYA THAMS CAD KYI DBANG DU BYAS PA YIN NA SKYES BU CHUNG
DU'I LAM GYIS CHOS SGRUB PA'I RTEN MNGON MTHO KHYAD PAR CAN DU
'GRO BA DANG, 'BRING DANG

CHEN PO'I LAM GYIS DES LEGS THEG PA GSUM DU 'GRO ZHING, THAMS
CAD MTHAR MI GNAS PA'I MYANG 'DAS SU 'GRO BA LA SBYAR CHOG PAS
LAM LNGA TZAM GYIS SDUD MI NUS PA DANG, THEG CHEN KHO NA'I DBANG
DU BYED TSE NYAMS LEN SBYOR BA

BZHIS 'BRAS BU CHOS SKUR 'GRO BA LA SBYAR NA LEGS PAS SBYIR GYI
LAM LNGA BYAS PA KHYAB CHE BA MA YIN NAM ZHE NA, 'DI'I SONG BA'I
DON NI DES PAR 'BYUNG BA'I SEMS KYIS THAR PA'AM MYA NGAN LAS
'DAS PA'I PHYOGS SU 'GRO BAS NA DE'I CHA DANG

MTHUN PA ZHES BYA BA YAN CHAD LA YIN GYI, MNGON MTHO SGRUB PA LA
SONG BA'I SGRA DON MED DE, MYANG 'DAS KYIS GANG LAS 'DAS PA
DANG, DES 'BYUNG GIS GANG LAS 'BYUNG BA STE, 'DI'I 'BYUNG BA NI
BTZON RA NAS PHYIR 'BYUNG ZHES PA LTA BU GZHAN DU 'GRO

BA'I DON DANG, 'DIR SONGS SHIG CES GSUNGS PA RNAMS DON GCIG GO
,THEG CHEN KHO NA LA'ANG MI SBYOR TE, GANG ZHIG BDE GSHEGS NYAN
THOS 'GYUR BAR BYA SNYAM DANG, ,ZHES SOGS SAM, RAB 'BYOR NYAN
THOS KYIS LA BSLAB PAR 'DOD PAS

KYANG SHES RAB KYI PHA ROL TU PHYIN PA 'DI NYID LA BSLAB PAR
BYA'O, ,ZHES SOGS KYIS BGROD PA GCIG PA'I LAM DU 'GRUB PAS GTZO
BO THEG CHEN YIN KYANG PHAL BA'I TSUL DU THEG PA GZHAN GNYI
GA'ANG SDUD DGOS SO, ,'ON TE GAL CHE BA LA DON GCIG

@005B RNAM GRANGS DU MAR ZLOS TE GSUNG PA'ANG YOD PAS, LAM LNGA
KHO NAR SBYOR DGOS BA CIS SHES SHE NA, RANG GI TSIG GI NUS PAS
SHES TE, DANG PO GNYIS LA PHA ROL GYI SGRA MA SBYAR ZHING GSUM
PA NAS SBYAR BA'I PHYIR RO, ,DE'ANG PHA ROL TSU ROL GYI MTSAMS

NI DPER NA LUNG PA PHAR NANG TSUR NANG GI MTSAMS PAR GYI RI'I
SGANG RGYUD NAS 'JOG PA LTAR, SKYE 'PHAGS KYI MTSAMS NAS 'BYED
PA YIN TE CHOS NYID MNGON SUM DU RTOGS PA'I YE SHES KYI NYI MA
SHAR TE, SRID PAR KUN TU SBYOR BA GSUM

GYI MUN STAG DANG GRANG BA'I GDUNG BA ZAD PA, SO SO SKYE BO
RNAMS KYIS MNGON DU MA GYUR CING 'PHAGS PA RNAMS KYI GNAS SU
GYUR PA DE LA PHA ROL CES BYA'O, ,DE 'DRA BA'I YE SHES KYI NYI
MA MA SHAR ZHING KUN SBYOR GSUM GYI GRIB MA STUG PO GRANG RAG
DANG BCAS PAS

NON PA SO SO SKYE BO RNAMS KYI RGYUN GYI SDOD GNAS SU GYUR PA DE
LA TSUL ROL CES BYA STE, LAS KYI NUS PAS DE KHO NA MTHONG ZHING,
DE'I NANG DU 'KHYAMS PA'I PHYIR TSU ROL MTHONG BA ZHES BTAGS SO,
,PHA ROL DANG TSU ROL LTOS 'JOG GIS YIN TE, SANGS RGYAS

KYIS CHOS BSTAN PA CHED DU BYA PA'I GDUL BYA'I DON YIN PAS, DE
LA GTZO BOR LTOS TE 'PHAGS PA'I SA LA PHA ROL CES GSUNG PA YIN
GYI, SANGS RGYAS RANG LA LTOS NA TSU ROL YIN TE, SRID PA THA MA
PA MANG PO BSNYEN PAR RDZOGS PA'I TSE TSUR SHOG

GSUNG BA DE 'KHOR BAR ZHEN THAG CHOD LA, SDUG BSNGAL NYE BAR ZHI
BA THAR PA'I SA 'DIR CHUR SHOG CES MYANG 'DAS KYI BSAM BA SKYED
PA YIN LA, DE SHUGS CHE BAS SBYOR BA BSLAB PA'I 'BOG CHOG THAMS
CAD KYI GO'ANG TSANGS PA MTSUNGS PAR SPYOD CIG CES

@006A *, ,BA TZAM GYIS CHOD PA YIN NO, ,'O NA TSOGS SBYOR GNYI
GA TSU ROL GYI SAR 'DRA BAS SONGS SHIG CES PA GCIG GIS CHOG LA,
YANG NA TSOGS LAM GSUM DANG SBYOR LAM BZHI LA'ANG SO SOR DGOS SO
SNYAM NA, 'DI NI

LAM LNGAR 'BYED LUGS RGYU MTSAN DANG BCAS PA LEGS PAR GO DGOS
SO, ,DE'ANG LAM LNGAR PHYE BA THABS KYI CHA NAS MA YIN PAR,
STONG NYID RTOGS PA'I SHES RAB KYI CHA NAS YIN TE, CHOS NYID LA
GSAL SNANG CHA 'DRA TZAM YANG MA THOB KYANG SLAR THOB PA'I

RGYU TSOGS TZAM DU 'GRO BAS TSOGS LAM DANG, NGES PAR 'BYED PA
MTHONG LAM LTA BU'I GSAL SNANG DNGOS MIN KYANG DE'I CHA 'DRA
TZAM SKYES PAS NGES 'BYED CHA MTHUN NAM SBYOR LAM DANG, CHOS
NYID DANG POR MNGON SUM DU GSAL BAR

MTHONG BAS MTHONG LAM DANG, MTHONG ZIN GOMS PAR BYED PAS SGOM
LAM DANG, DE LAS LHAG GOMS SHING BSLAB RGYU MED PAS MI SLOB LAM
ZHES BSHAD PA YIN NO, ,DES NA TSOGS SBYOR GNYIS KYANG CHOS NYID
MTHONG TSUL KHYAD PAR CHE

BAS SO SOR GSUNGS PA YIN TE, DPER NA SRIB KYI LUNG PA'I MTHIL NA
YOD PA DE LA 'DEB MA ZIN PAR DU GZHUNG BRGYUD NAS 'GRO BA'I TSE
JE MTHO JE GSAL DU 'GRO RGYU MED PA LTAR, TSOGS LAM SKABS SPANG
BYA 'DI DANG 'DI MNGON GYUR

TZAM YANG SPONG ZER RGYU MED LA, DON SBYI'I GSAL SNANG 'PHEL
BA'I KHYAD PAR DOD RGYU'ANG MED, SBYOR LAM SKABS MTHONG SPANGS
GZUNG 'DZIN GYI RTOG PA MNGON GYUR RIM GYIS NYAMS SMOD PAS SPANG
BYA RNAM RTOG LDAN TSUL GYI KHYAD 'BYED RGYU DANG,

@006B DE'I MTHUS CHOS NYID LA DON SBYI'I GSAL SNANG JE CHER 'GRO
RGYU YOD PA, DPER NA LA 'DEB NAS YAR GOM PA RE RE BZHIN JE MTHOR
'GRO RGYU DANG, DE'I DBANG GIS NYI ZER GYI MDANGS KYANG RIM PAS
RJE GSAL DU 'GRO RGYU YOD PA LTA BU YIN PAS, DROD LA SNANG BA
THOB PA DANG,

RTZE MO LA SNANG BA MCHED PA SOGS SU GSUNGS PA YIN NO, ,YANG
DROD KYI SGRA DON RNAM PAR MI RTOG PA'I YE SHES KYI ME'I SNGA
LTAS YIN PA'I PHYIR DRO BAR GYUR PA ZHES GSUNGS PAS, GTZUB SHING
GI DPE DANG SBYAR NA RE ZHIG MA BRDAR BAR DU DROD MI 'BYUNG LA,
DE

NAS DROD TZAM DANG, SHIN TU TSAB DANG, DU BA 'THUL BA DANG, ME
TZAG TZAG BA DANG, DMAR LAM GYIS 'BAR BA RNAMS RIM PAR 'BYUNG
BA'I KHYAD PAR CHEN PO DNGOS SU MTHONG RGYU YOD LA, DROD MA LANG
GONG DER DE 'DRA'I DBYE BA CHER MED DO, ,

'ON KYANG DANG PO MA BRDAR NA DROD MI 'BYUNG, DROD BYUNG YANG
YUN DU MA BRDAR NA ME MI 'BYUNG BA DANG, SRIB KYI LUNG PA'I
GZHUNG BRGYUD NAS MA SONG BAR LA 'DEB TU MI SLEB LA, LAM 'DZEG
PAR PHAR NANG DU MI PHYIN PA LTAR, TSOGS LAM MA SKYES PAR SBYOR

LAM DANG, SBYOR LAM MA SKYES PAR MTHONG LAM DU BGROD TSUL MED
DO, ,'DI LEGS PAR GO NA, KHA CIG ,RTOG PA THAMS CAD 'CHING BYED
YIN PAS DANG PO NAS MI RTOG PA LA 'JUG DGOS ZHES SMRA BA RNAMS
SGOM RIM GSUM DANG RJE'I GSUNG RAB RNAMS SU BKAG

PA'I DON KHONG DU CHUD DE, THOS BSAM SGOM GSUM DANG BSHAD SGRUB
YA MA BRAL BAS BSTAN PA'I GNAD DANG LAM GYI LUS YONGS SU RDZOGS
PA LA NGES PA RNYED PAR 'GYUR RO, ,DE LTAR NA SONGS SHIG CES PA
DANG POS CHOS NYID KYI DON LA THOS BSAM GTZO BOR GYUR@007A *, ,PA'I TSOGS LAM
BGROD TSUL DANG, GNYIS PAS DE LA DON
SPYI'I GSAL SNANG DANG BCAS PA'I SGOM BYUNG GTZO BOR GYUR PA'I
SBYOR LAM BGROD TSUL BSTAN PA YIN NO, ,DES NA TSOGS SBYOR GNYIS
PO DE MED MI RUNG DU

BGROD DGOS PA'm THAR LAM YIN KYANG, KUN BTUS LAS KUN 'BYUNG RJES
MTHUN PAR GSUNGS PA BZHIN RTEN GYI SGO NAS TSU ROL 'KHOR BA'I
PHYOGS SU GTOGS PAS LAM GYI BDEN PA'AM LAM DON DAM PA NI MA YIN
NO, ,MTHONG LAM THOB

PA NA, 'GRO MI 'DOD DANG LAM NOR DANG, ,LAM LA THE TSOM JI SNYED
CIG ,CES PA LTAR GYI KUN SBYOR GSUM SPANGS SHING, KHYAD PAR MDO
LAS, THE TSOM LAS BRGAL BA, SOM NYI LAS BRGAL BA, GZHAN GYI
DRING LA MI 'JOG PA, STON

PA'I BSTAN PA LAS GZHAN GYIS BKRIR MI BTUB PA, ZHES SOGS LTAR
DOGS PA MED PAR YANG DAG PA'I LAM BGROD NYAG GCIG PA, DGRA YUL
BRGAL NAS RANG SAR 'GRO BA LTA BU YIN PAS LAM BDEN GYI MING THOB
CING, GONG NAS GONG DU BGROD LDAN PHYIR,,

DE DAG NYID NI SAR 'DOD DO, ,ZHES BGROD PAR BYA BA'I GNAS DON
DAM PA YIN PAS DON DAM PA'I SAR YANG BSHAD DE, TSOGS SBYOR GNYIS
SU DE MOS BLO TZAM LAS DNGOS SU MA PHYIN PAS MOS PA SPYOD PA'I
SAR BSHAD DO, DE NA, DE NAS BZUNG STE DE NI

THOB PAR GYUR PA YIS, ,BYANG CHUB SEMS DPA' ZHES BYA'I SGRA NYID
KYIS BSNYAD DO, ,'DI NI DE BZHIN GSHEGS PA RNAMS KYI RIGS SU'ANG
SKYES PA STE, ,ZHES MTSAMS 'DI NAS DON DAM PA'I SA LA GNAS PA,
DON DAM PA'I RIGS SU SKYES PA, DON DAM

@007B PA'I BYANG CHUB SEMS DPAR 'GYUR LA, THEG PA 'OG MAR YANG
'DI NAS LAM GYI BDEN PA DANG DGE 'DUN DKON MCHOG TU 'GYUR RO,
,DES NA P'A RA GA TE ZHES PA'I P'A RA PHA ROL TU BSHAD PAS DON
DAM PAR YANG BSHAD DGOS TE, DE LA YI GE BSNAN

PAS P'A RA M'A RTHA DON DAM PA LA 'JUG CING, DER MA ZAD SBYOR
LAM GYI SKAD DOD PRA YO GA BRDA ZHES PA PRA P'A RA BYAS TSE DON
DAM PA LA SBYOR BA ZHES PA'I DON DU 'GYUR BAR BSHAD DO, ,DE'I
RGYU MTSAN YANG TSU ROL DANG PHA ROL ZHES PA DON GYI YUL STENG
NAS NGO BOS

GRUB PA ZHIG MA YIN GYI, BLOS PHAR 'DOGS TSUL LEGS NYES YIN TE,
BDEN GRUB KYI MTSAN MAR 'DU SHES PA'I DBANG DU GYUR TE DE LAS
'DA' MA NUS PAS KUN RDZOB 'KHRUL PA'I SNANG BAR 'PHYAN PA TSU
ROL DANG, MTSAN 'DZIN GYI DMIGS

PA'I GTAD SO BSHIG STE DE LAS BRGAL NAS DON DAM MTSAN MA MED
PA'I NGANG DU SON PA PHA ROL GYI DON YIN PA'I PHYIR, 'DU SHES
TSU ROL YIN ZHES 'DREN PAS YONGS SU BSGRAGS, ,'DU SHES RNAM PAR
BSHIG NAS SPONG BA PHA ROL 'GRO ,ZHES

GSUNGS SO, ,'O NA SO SO SKYE BO LA'ANG DON DAM RTOGS PA YOD,
'PHAGS PA LA'ANG MTSAN MAR 'DZIN PA YOD PAS PHAN TSUN 'DRES PAR
MI 'GYUR RAM SNYAM NA, SKYON MED DE, SO SKYE LA DE NYID RTOGS PA
YOD KYANG RO GCIG TU ZHUGS PA MED PAS RANG LAS

THA DAD PA'I TSUL DU 'CHAR DGOS SHING, DE LA YUL GYI NGOS NAS
TSUR SHAR BA'I SNANG TSUL MED PA MI SRID PAS MTSAN MAR 'DU SHES
PA LAS MA 'DAS SO, ,'PHAGS PAS DE NYID GZIGS TSUL RIG BYA RIG
BYED THA DAD PA'I RNAM PA MED PAR CHU LA CHU BZHAG PA BZHIN

@008A *, ,DE'I NGANG DU SON PAS GNYIS SU MED PA'I YE SHES ZHES
BYA BA DANG, CHOS SKU RANG STENG DU MTHONG BA SOGS SU BSHAD PA
YIN, DER BDEN 'DZIN YOD KYANG RGYAL PO STOBS PO CHES DGRA PHAL
PA ZIL GYIS MNAN PA LTAR DE'I DBANG

DU MI 'GYUR BAS, BDEN PA MTHONG LA 'PHEN PA MED, ,CES SOGS KYI
RTZA BA'ANG 'DI LA THUG GO ,DES NA SPYIR BTANG GI PHA ROL GYI
DON MTSAN MAR 'DU SHES PA'I TSUR MTHONG LA LTOS NAS BZHAG PA
DE'I DBANG DU BYED DGOS BAS 'PHAGS PA'I GNAS SKABS

THAMS CAD DER 'JOG DGOS KYANG, GTZO BO'AM MTHAR THUG GI DBANG DU
BYAS NA RGYU BDAG 'DZIN BAG CHAGS DANG BCAS PA DANG, 'BRAS BU
'KHOR BA PHRA RAGS MA LUS PAR SPANGS PA, LAS SGRUB KYI SGRA KHO
NAS BSTAN PA'I SANGS RGYAS KYI

SA 'BA' ZHIG LA BYED DGOS TE, BRGYAD STONG DON BSDUS SU, SHES
RAB PHA ROL PHYIN GNYIS MED, ,YE SHES DE NI DE BZHIN GSHEGS,
,BSGRUB BYA DON DE DANG LDAN PHYIR, ,GZHUNG LAM DAG LA DE SGRA
YIN, ,ZHES GSUNGS SO, ,'DI'I DNGOS

ZIN LTAR NA SLOB PA'I DE RNAMS BTAGS PA BA TZAM DU 'JOG PA LTAR
SNANG YANG, DGONGS PA BTZAL NA GTZO PHAL LA BZHED PAR SNANG GI
,MTSAN BTAGS KYI DON DU MI SNANG NGO, ,ZHES GSER 'PHRENG LAS
'BYUNG PA BZHIN YIN PAS GTZO BO MA YIN PA'I

DON DU DGONGS PA'I GREL DGOS SO, ,DE'I PHYIR PHA ROL TZAM ZHIG
TU SONG BAS MI CHOG PAR MTHAR THUG GI BYANG CHUB 'GRUB PA LA, DA
DUNG BSKAL PA DU MAR BRTZON PA BSKYED NAS LAM GONG DU BGROD DGOS
PAS, P'A RA GA TE STE PHA ROL TU SONGS

@008B SHIG CES PAS RJES LA, P'A RA SAm GA TE STE PHA ROL TU YANG
DAG PAR SONGS SHIG CES BSNAN NAS GSUNGS PA YIN NO, ,'O NA DON
DAM PA'I SA DANG LAM DU 'JOG LUGS CHOS NYID GZIGS TSUL GYI SGO
NAS YIN NA, MTHONG LAM GYI TSE GNYIS SNANG PHRA MO'ANG MED

PAR CHUL CHU BZHAG PA BZHIN RO GCIG TU ZHUGS PA'I SGO NAS CHOS
NYID GZIGS TSUL DE LAS LHAG PA SANGS RGYAS KYI SAR YANG MED PAS
KHYAD PAR GANG GI SGO NAS SA GONG MA GONG MAR 'JOG SNYAM NA, MDO
SDE SA BCU PA LAS, JI LTAR BAR SNANG BYA RJES MKHAS

RNAMS KYIS, ,BRJOD PAR NAS MA YIN ZHING MI MTHONG BA, ,DE LTAR
RGYAL BA'I SRAS KYIS KUN KYANG, ,BRJOD MI NUS NA MNYAN PAR GA LA
NUS, ,'ON KYANG BYAMS DANG SNYING RJE SMON LAM GYIS, ,DE LAS
PHYOGS TZAM RIM PA'I TSUL PHYIS NI, ,BSHAD BYA SEMS

KYI SPYOD YUL RNAMS KYIS MIN, ,ZHES BYA NAM MKHAR 'PHUR BA'I TSE
DE'I RJES NAM MKHA'I NGOS NA MI 'DRA BA'I MTSAMS SO SOR 'BYED
RGYU MED KYANG, SA GZHI LA MTSON NAS RI DANG, THANG DANG, KLUNG
DANG, NAGS TSAL DANG, GRONG KHYER SOGS 'DI DANG 'DI'I

THAD CES STON LUGS YOD PA LTAR, CHAS NYID GZIGS TSUL GYI NGO
BO'I SGO NAS 'BYED RGYU MED KYANG, BYAMS SNYING RJE DANG SMON
LAM SOGS THABS KYI CHAS KHYAD PAR DU BYAS PA'I SGO NAS NUS PA
RDZOGS TSUL KHYAD YOD PAR GSUNGS TE, SHAR RI'I RTZE NAS NYI MA

RDZOGS PAR SHAR BDE DANG, DKYIL DU SLEBS PA GNYIS NGO BO LA
KHYAD MED KYANG SA GZHI DROS PA'I NUS PA'I KHYAD YOD PA DANG
'DRA BAR YANG DAM PA 'GA' ZHIG GSUNGS SO, ,NUS PA JE CHER THABS
KYI SGO NAS SONG TSUL DE'I MING LA RGYAN LAS YONGS SU SBYONG BA
ZHES BTAGS TE,

@009A *, ,'DIR P'A RA SAm GA TE ZHES PA'I SAm NI SAm SHODHA BYAS
NA YONGS SU SBYANG BA LA 'JUG ,SANTA NA BYAS TSE RGYUN DU LA
'JUG PAS YUN BSRINGS NAS GOMS TE GONG 'PHEL DU GTONG DGOS PA'I
DON DU 'GRO LA, 'DIR

YONGS GRAGS BZHIN YANG DAG PA'I STENG NAS BSHAD NA, YANG DAG NI
DBUS MTHAR, GZHAN MIN PHYIN CI LOG MA YIN, ,ZHES PHYIN CI MA LOG
PA'I DON DU BSHAD PA SKABS 'DIR SBYOR TSE MTSAN MAR 'DU SHES PA
LA PHYIN CI LOG TU

BZHAG STE, MTHONG LAM GYIS DE LAS 'DAS PA TZAM YIN KYANG, DES MI
CHOG PAR DE LAS SHIN TU 'DA' DGOS PAS, GONG DU SGOM LAM 'CHAD
PA'I SKABS, PHYIN CI LOG LAS SHIN TU 'DAS NAS MYA NGAN LAS 'DAS
PAR MTHAR PHYIN TO, ,ZHES GSUNGS PA DE

DANG SBYAR TE GO DGOS SO, ,DE'I TSUL YANG STONG NYID RTOGS PA'I
SHES RAB GCIG PU GTZO BOR BSGOMS NA MYANG 'DAS TZAM 'THOB NUS
KYANG, DE NI RGYUD BLA MAR, MED PHYIR 'JIGS DANG BCAS PA'I
PHYIR, ,CES PA LTAR, TSU ROL 'KHOR PA'I SDUG BSNGAL

MED TZAM LAS GZHAN DON PHUN TSOGS MI 'GRUB CING, RANG RGYUD LDAN
DE'ANG 'JIGS PA MA LUS PA LAS SKYOB MI NUS PAS CHAD PA'I MYANG
'DAS ZHES MYANG 'DAS NYI TSE BA TZAM DU 'GYUR GYI, MYANG 'DAS
MTHAR PHYIN PA'AM YONGS SU RDZOGS PAR MI 'GYUR RO, ,

DES NA MYANG 'DAS MTHAR PHYIN PAR BYED TSE, RGYAN LAS, TSU ROL
PHA ROL MTHA' LA MIN, ,DE DAG BAR NA'ANG MI GNAS PA, ,ZHES PA
LTAR SHES RAB DES TSU ROL 'KHOR MTHA' BKAG ,DE DANG ZUNG DU
'BREL BA'I THABS KYI CHAS SO SO'I YONGS SPYOD

@009B GIS BSDUS PA RNAMS KYIS PHA ROL ZHI MTHA' BKAG STE, MTHA'
DE GNYIS DANG GRAL BA'I DBUS MI GNAS PA'I MYANG 'DAS THOB PAR
BYED DGOS PA YIN NO, ,'O NA DE DAG BAR NA MI GNAS ZHES PA MIN
NAM SNYAM NA, MTHA' GNYIS LA MI GNAS TSUL NI THA SNYAD DU

YIN PAS, MTHA' GNYIS SPANGS PA SGRUB PA'I TSE DER MI GNAS PA DON
DAM PA'I DBANG DU BYAS PAR GO DGOS KYI THA SNYAD DU MIN NO, ,GAL
TE SA SO SOR CHOS NYID GZIGS TSUL GYI NGO BO LA KHYAD MED NA,
MDO SDE RGYAN LAS, KUN TU 'GRO DON MCHOG GI DON, ,

ZHES SOGS KYIS DANG POR CHOS DBYINGS KUN 'GRO'I DON DU RTOGS PA,
GNYIS PAR MCHOG GI DON DU RTOGS PA SOGS SU GSUNGS PA CI ZHE NA,
DE NI MNYAM GZHAG TU BDAG GZHAN MTHA' DAG CHOS DBYINGS SU DBYER
MI PHYED PAR RTOGS PA'I SHUGS KYIS,

RJES THOB TU RANG LA BDOG PA THAMS CAD GZHAN LA GTONG BAR 'DZIN
CHAGS CI YANG MED PA'I SBYIN PA LHAG PA DANG, MNYAM GZHAG TU
TSUL KHRIMS DANG TSUL 'CHAL GNYI GA STONG PAR RTOGS PA'I SHUGS
KYIS RJES THOB SGYU MA'I SNANG BA TZAM LA DE GNYI GAR MCHOG DMAN

DANG 'DOR LEN ZHIB MOR BYED DGOS PAR BSNYON MED DU GZIGS TE TSUL
KHRIMS LHAG PA SOGS 'BYUNG BAS, 'DI'I RTZA BA'ANG LAS DANG PO
BA'I SA NAS BZUNG STE SBYIN SOGS THABS KYI CHA DANG SHES RAB
GNYIS KA ZUNG 'BREL DU NYAMS SU BLANGS PA'I STOBS KYIS

GCIG GIS GCIG LA NUS PA BTON PA YIN NO, ,DE NAS MI SLOB PA'I LAM
STON PA LA, BO DHI S'A H'A ZHES 'BYUNG ZHING, DE SLOB DPON PHYAG
NA RDO RJE'I 'GREL PA SENG GE RGYAL MTSAN GYIS BSGYUR BAR, BYANG
CHUB TU GYUR CIG CES BSGYUR, GZHAN MANG POR BYANG CHUB TU SONGS

@010A *, ,SHIG CES BSHAD BA SNGA MA RNAMS KYIS ZLAS DRANGS TE
MTHAR THUG GI BGROD YUL YIN PA LA BSAMS PAR SNANG NGO, ,'ON
KYANG LAM DE DANG DER SONGS SHIG CES BA MA 'ONGS BA NA THOB
RGYU'I LAM DE'I DBANG DU BYAS

PA YIN NA BYANG CHUB TU SONG ZHIG CES PA DGOS KYANG, 'DIR DA LTA
RANG RGYUD LA LDAN PA'I LAM DE DANG DE'I SGO NAS SONGS SHIG CES
PA, DPER NA CHU BOR GRU GZINGS LA SONG ZHES PA'AM, BYA NAM MKHA'
LA SONG ZHES PA LTA BU RTEN DANG BRTEN

PA DUS MNYAM GYI DBANG DU BYAS PA YIN PAS, BYANG CHUB MI SLOB
PA'I LAM DE'I SGO NAS YANG BGROD SA MED PAS SONGS SHIG CES PA MI
DGOS TE, DE LTA MA YIN NA SO SKYE LA'ANG PHA ROL TU SONGS SHIG
CES PA SBYAR CHOG PA'I PHYIR RO, ,'DIR

SONG BA ZHES PA LTA BU'AM, SONG NGO ZHES PA LTA BU'I SGRA MA
SBYAR BAR SONGS SHIG CES BSKUL TSIG GIS GSUNGS PA NI YON TAN
GONG MA DE DAG THAMS CAD KYANG SGRUB PA BZHI DANG SBYOR BA
BZHI'I SGO NAS NAN TAN GYIS SGRUB DGOS PAR SHES PA'I CHED

YIN NO, ,BYANG CHUB NI PAn CHEN GYI LAM SGRON 'GREL PAR, BYANG
CHUB CES BYA STE SGRIB GNYIS MA LUS PAR BYANG ZHING, JI LTA JI
SNYED KYI CHOS MA LUS PA CHUB PA'I PHYIR, ZHES PA LTAR BYANG BA
DANG CHUB PA'I DON SO SOR PHYE STE SPANGS RTOGS GNYI

GA LA SBYAR YANG RUNG MOD, GTZO BO NI, DRI MA ZANG DANG MI SGYE
BA'I, ,YE SHES BYANG CHUB CES BRJOD DE, ,ZHES CHAGS THOGS DMAN
PA'I SGRIB PA MA LUS PA ZAD PAR SPANGS PA'I MTHUS CHOS THAMS CAD
CIG CAR MNGON SUM DU GZIGS PA

@010B GZHAN DON RNAM PA THAMS CAD PA 'GRUB PA LA MED MI RUNG GI
CHED DU BYA BA'I GTZO BO YE SHES LA BYED DGOS TE, NYI KHRIR,
BCOM LDAN 'DAS, JI LTAR BLA NA MED PA YANG DAG PAR RDZOGS PA'I
BYANG CHUB LAGS, BCOM LDAN 'DAS KYIS BKA' STZAL PA,

RAB 'BYOR CHOS THAMS CAD KYI DE BZHIN NYID JI LTA BAR BLA NA MED
PA YANG DAG PAR RDZOGS PA'I BYANG CHUB KYANG DE BZHIN NO, ,ZHES
CHOS THAMS CAD KYI STENG DU GZHI BDEN GNYIS JI LTAR GNAS PA
BZHIN DU GZIGS PA MTHAR THUG PA'I YE SHES LA

BYANG CHUB TU GSUNGS SO, ,DES NA DNGOS BSTAN GTZO BO NI GONG DU
STONG NYID RTOGS PA'I STENG NAS LAM BGROD TSUL RIM PAR GSUNGS
PA'I MU YIN PAS, DE'I RIGS 'DRA'I RGYUN PHYI MA LDOG CHA NAS
PHYE BA'I JI LTA BA RTOGS PA'I RNAM MKHYEN LA BYED DGOS KYANG,

SPYIR SEMS CAN THAMS CAD KYI MCHOG NYID KYI SEMS CHEN PO ZHES
BYA BA KUN LA RANG LAS LHAG PAR GCES PAS RANG NYID KUN GYI BLA
MAR GYUR PA JI SNYED PA RTOGS PA'I RNAM MKHYEN THABS GTZO BOR
GYUR PA DANG, SGRIB PA THAMS CAD SPANGS PA'I SPONG BA CHEN PO
DANG,

JI LTA PA GZIGS PA'I RTOGS PA CHEN PO STE CHED DU BYA BA CHEN PO
GSUM GA 'DIR TSANG DGOS TE, GONG DU BLA NA MED PA ZHES PA DANG,
SGRIB PA MED CING ZHES PA DANG, YANG DAG PAR RDZOGS PA'I BYANG
CHUB CES PA GSUM GYIS DE GSUM BSTAN PA 'DIR BODHI

ZHES PA'I SNGAGS 'DIS SDUD DGOS PA'I PHYIR RO, ,SNGAGS 'DI LA
AOm YOD PA DANG MED PA'I DPE RGYUN GNYIS 'BYUNG YANG YOD PA DAG
PAR BYED DGOS TE, 'DI'I SGRUB THABS KLU SGRUB KYIS MDZAD PA LAS,
TADYA TH'A DANG AOm SPEL NAS ZHES GSUNGS LA, SHR'IMH'A

@011A *, ,DZA NAS KYANG, AOm DANG SV'A H'A ZHES BYA BA NI BZLAS
PA'I 'BRAS BU THOB PA'I DON DU BYIN GYIS BRLABS PA'I SGRA'O,
,ZHES BSHAD DO, ,BYIN GYIS RLOB TSUL RGYUD RDO RJE RTZE MO LAS,
AOm NI CI ZHIG YIN PAR BRJOD, ,MCHOG

DANG NOR STER DPAL DANG GA-YANG, ,SKAL BZANG RNAM PA DANG LDAN
DANG, ,DAM BCA' BA DANG BKRA SHIS DON, ,NOR BU 'DZIN PA'I SNGAGS
YIN NO, ,ZHES 'PHRAL YUN GYI PHAN YON MANG DU 'BYUNG BAR GSUNGS
SO, ,PHYI ROL RIG BYED PAR NAMS AOm

LA DE 'DRA'I YON TAN YOD PAR 'DOD PA NI, KUN SLONG LA MA LTOS
PAR SGRA DER NGO BO NYID KYIS DE 'DRA'I NUS PA ZHIG YOD PAR SMRA
BA YIN LA, RGYUD 'DI'I DGONGS PA NI SNGAGS DE'I MTSON DON DRAN
PA'I SGO NAS BRJOD NA PHAN YON DE LTA BU 'BYUNG

BA YIN, MTSON DON NI BSHAD RGYUD RDO RJE PHRENG BA'I SNGAGS KYI
DE KHO NA NYID BSHAD PA'I LE'UR DBYANGS KYI DANG PO DANG LNGA
PA, PA SDE'I THA MA GSUM TSOGS PAS AOm GRUB CING, DE GSUM GYIS
THUGS GSUNG SKU RDO RJE GSUM MTSON PAR

GSUNGS LA, SKU GSUNG THUGS RDO RJE GSUM GYI DON DRAN PA'I KHONGS
SU MDO RGYUD MTHA' DAG 'DU BA YIN TE, MDO LUGS KYI THABS THAMS
CAD SKU GSUNG GNYIS 'GRUB BYED DANG, SHES RAB KYI CHA THAMS CAD
THUGS 'GRUB BYED YIN ZHING, DE GNYIS

SUM 'DUS PA MED, ,RGYUD BYA SPYOD GNYIS KYI LAM MTHA' DAG BSAM
GTAN BZHIR 'DU BA'I BSAM GTAN DANG PO'I BZLAS BRJOD KYI YAN LAG
GSUM SKU 'GRUB BYED YIN LA, YAN LAG PHYI MA DANG ME GNAS KYI
BSAM GTAN, SGRA GNAS KYI BSAM

@011B GTAN RNAMS GSUNG 'GRUB BYED YIN PAS MTSAN BCAS KYI LAM
THAMS CAD DER 'DUS, SGRA MTHAR THAR PA STER BA'I BSAM GTAN NI
THUGS 'GRUB BYED YIN ZHING MTSAN MED KYI LAM KUN DER 'DU'O,
,'BRAS BU'ANG SPYOD RGYUD LA RIGS GSUM 'DUS PA'I LONGS

SKU RNAM SNANG GI SGRUB THABS SHIG LOGS SU BYAS PA MA GTOGS,
RIGS GSUM DU BYED PA BYA SPYOD GNYIS 'DRA ZHING, DE'ANG DON SKU
GSUNG THUGS RDO RJE GSUM YIN NO, ,RNAL 'BYOR RGYUD DE NYID BSDUS
PA'I DUM BU BZHIS LAM 'BRAS THAMS CAD PHYAG RGYA

BZHIR BSDUS SHING, PHYAG CHEN SKU, CHOS RGYA GSUNG, DAM RGYA
THUGS 'GRUB BYED YIN LA, LAS RGYA NI DE GSUM GYI 'PHRIN LAS YIN
PAS DE GSUM DU MA 'DUS PA'I SKYON MED DO, ,BLA MED LA SKU 'GRUB
BYED BSKYED RIM, GSUNG 'GRUB BYED KUN RDZOB SGYU MA'I

RDZOGS RIM, THUGS 'GRUB BYED DON DAM 'OD GSAL GYI RDZOGS RIM YIN
LA ZUNG 'JUG NI DE TSOGS PA'I STENG NAS 'JOG DGOS PAS DON DE
GSUM DU THAMS CAD TSANG STE, MDOR NA THOB BYA'I MTHAR THUG SKU
GSUM DU NGES PAS 'BRAS BU'I GRANGS NGES KYI SGO NAS

RGYU'I LAM THAMS CAD KYI GRANGS NGES KYANG 'GRUB STE, 'DI'I
KHONGS SU MA 'DUS PA CI YANG MED PAS GSUNG RAB THAMS CAD YI GE
NA GCIG TU 'DU BA ZHES DAM PA GONG MA RNAMS GSUNG PA'ANG 'DI
'DRA LA DGONGS PA YIN NO, ,'O NA 'DI MDO SNGAGS GNYIS LAS GANG
DU

GTOGS SNYAM NA, BI MA LA MI TRAS DBANG RTUL LA GSANG STE BSTAN
BAS GSANG GSANGS SU BTAGS PAR GSUNGS, SLOB DPON PHYAG NA RDO
RJE'I 'GREL PAR, DANG PO'I AE WAm MA YA NAS BZUNG 'DUS PA SOGS
DANG PHYOGS 'DRA BAR GSUNGS LA, 'DI'ANG

@012A *, ,DE'I GNAD BSDUS PA'I GSANG SNGAGS RNAL MA DANG, LAS
TSOGS SGRUB BYED KYI SNGAGS LAS 'DI NYID ZAB PAR GSUNGS TE, DE
NYID LAS, SHES RAB KYI PHA ROL TU PHYIN PA'I SNYING PO'I DON GYI
GDAMS NGAG 'DI

MTSAN NYID KYI THEG PA YIN NAM SNGAGS KYI THEG PA YIN ZHES THE
TSOM ZAN, SEMS CAN RNAMS KYI BLO'I SNANG BA LA THA DAD DU SNANG
MOD KYI, ZAB MO'I CHOS NYID LA THA DAD MED DE, DE 'DRA BAS NA
SHES RAB KYI PHA ROL TU PHYIN PA'I SNGAGS 'DI NI GSANG

SNGAGS RNAMS KYI DON GYI SNYING PO YIN NO, ,ZHES DANG, ZHI BA
DANG, RGYAS PA DANG, DBANG DANG, DRAG PO'I SNGAGS MA YIN NO, ,'O
NA GANG YIN ZHE NA SNGAGS 'DI'I DON RTOGS PA TZAM GYIS SEMS GROL
BA YIN NO, ,SNGAGS 'DI'I DANG PO'I YI GE BZHI

LAS BYUNG BA DANG, BAR DU YI GE BZHI'I DON GSAL BAR BSTAN PA
DANG, THA MA SNGAGS KYI DON RNAM PA BZHI LA BSDUS PAS SO, ,ZHES
GSUNGS LA, KLU SGRUB KYIS 'DI'I SGRUB THABS MDZAD PA BLA MED
DANG 'GROS MTHUN ZHING, KUN SNYING GIS RNAL 'BYOR RGYUD

DANG BSTUN NAS SGRUB THABS MDZAD PAS GDUL BYA THUN MONG MA YIN
PA 'GA' ZHIG LA LTOS TE SNGAGS SU BYAS CHOG GO ,DE'ANG DPER NA
SNGON GTUM PO RAB SNANG SDIG PA'I BU YIN PAS MAR GYI MING THOS
NA'ANG MI BZOD PAR KHONG KHRO SKYE LA GNYID MED PA DE 'TSO BYED

GZHON NUS MAR SMAN DANG SBYAR TE BYIN NAS GNYID BYUNG BAS, THABS
KYIS ZAR 'JUG RUNG YANG MAR ZO ZHES ZER MI RUNG BA BZHIN, DON LA
DGONGS PA'I PHUGS SNGAGS DANG BSRES NAS STON RUNG YANG, DANG PO
NAS SNGAGS LTAR NYAMS SU LONGS ZHES TSIG GIS

@012B STON MI RUNG NGO, ,MDO SNGAGS GNYIS LAM SROL SO SO BA YIN
PAS DON LA'ANG BSRE MI RUNG SNYAM NA, DE GNYIS GCIG TU BSRE RUNG
BAR MA ZAD NGES PAR 'DRES DGOS PA YIN TE, 'GREL CHEN DRI MED 'OD
LAS, RDO RJE THEG PA STE SNGAGS KYI TSUL DANG PHA ROL TU PHYIN
PA'I

TSUL 'BRAS BU DANG RGYU'I BDAG NYID GCIG TU 'DRES PAR GYUR PA'O,
,ZHES GSUNGS PA'I PHYIR, 'ON KYANG DE'I CHED DU BYA BA'I GDUL
BYA LA DANG PO NAS SNGAGS LUGS SU BYAS NAS BSTAN NA STON PAS MDO
SNGAGS SO SOR GSUNGS PA'I DGONGS PA MA PHYED PA DANG

SKABS 'CHOL BA'I SKYON DU 'GYUR TE, RIM LNGA GSAL SGRON LAS,
SHES RAB SNYING PO'I 'GREL PAR BUM PA CAN SGOM PAR BSHAD PA DANG
RGYUD SDE 'OG MA'I SKABS 'GA' ZHIG TU GONG MA'I LUS LA GNAD DU
BSNUN LUGS 'GA' ZHIG GIS BSHAD PA NI

MDO SNGAGS DANG RGYUD SDE GONG 'OG GI LAM GYI KHYAD PAR LEGS PO
MI SHES PA'I RANG BZO MKHAN GYIS BYAS PA YIN PAS YID BRTAN MI
RUNG NGO, ,ZHES GSUNGS PA'I PHYIR, DES NA 'BRAS BU SNGAGS LAM
GYIS THOB BYA'I MTHAR THUG PA DE ZUR TZAM BSTAN KYANG,

MDE'I CHED DU BYA BA'I GDUL BYA LA DANG POR DE MDO LUGS KYI LAM
RKYANG PAS THOB THUB PA'I DBANG DU BYAS NAS BSTAN CING NYAMS SU
BLANGS TE THUN MONG LAM SBYANG GI RTOGS PA SKYES ZIN PA NA GZOD
'DI LA SNGAGS KYI SNON PA ZHIG MA BTAB PAR 'BRAS BU DE THOB MI
NUS ZHES

SNGAGS LAM STON PA MA GTOGS, SNON PA 'DEBS RGYU'I THABS MKHAS
KYI LAM DE DANG PO NAS MNYAM DU STON PA MIN PAS THEG PA SO SO
BAR 'GRO BA'I PHYIR TE, RIM LNGA GSAL SGRON LAS, PHAR PHYIN GYI
THEG PAR 'BRAS BU BYANG CHUB KYI BDE BA'I THABS RGYU@013A *, ,LAM GYI LHAN SKYES
KYI BDE BA CHEN PO MA BSTAN PAS,
'BRAS BU'I SKABS SU BDE BA CHEN PO BSHAD DU CHUG KYANG THEG PA
GNYIS KHYAD PAR CHE BAR GSUNGS SO, ,ZHES GSUNGS PA'I PHYIR,
GSUNG 'DI'I DNGOS SHUGS KYI

TSIG DON LA CHA 'BYED TSUL ZHIB CHA GNYIS DGOS TE, RDUL GCIG
STENG NA RDUL SNYED SANGS RGYAS RNAMS, ,ZHES PA LTA BU BZHED PA
'JUG PA'I YON TAN BSHAD PA DE LAS LHAG PA'I 'BRAS BU'I YON TAN
SNGAGS LA'ANG BSNAN NAS BSHAD RGYU MED PAS

DER MTHAR THUG GI BSHAD PA 'JUG PAR SGRON GSAL LAS GSUNGS PA LTA
BU SNGAGS KYI THUN MONG MA YIN PA'I GNAD DON RE RE TZAM BSTAN
YANG, DE SGRUB BYED KYI LAM DANG BCAS TE MA GSUNGS PAS SNGAGS
KYI THEG PAR MI 'GYUR BA DANG, YANG SEMS TZAM PA'I

LUGS LA SRID PA 'PHO BA'I MDO THEG DMAN GYI MDO YIN KYANG DE'I
NANG GI ,MING NI GANG DANG GANG GIS SU, ,ZHES PA'I TSIGS BCAD DE
THEG DMAN GYI MDO YIN MI DGOS PA BZHIN, SHER SNYING MTSAN NYID
KYI THEG PA YIN KYANG NANG GI SNGAGS 'DI

SNGAGS DNGOS GNAS PA YIN PA MI 'GAL BA'I TSIG LA CHA 'BYED TSUL
GCIG KYANG SHUGS LA BSTAN PA YIN NO, ,SPYIR MDO THAMS CAD SNGAGS
LA GZHOL BA YIN MOD KYANG, DE'I NANG NAS SHER MDO NI NANG DU 'DI
LTAR SNGAGS BSRES NAS 'BYUNG TSUL DANG,

MDO GZHAN LA MI 'DRA BA'I SPAS DON GYI BSHAD PA 'ONG TSUL DANG,
MTSAN LA'ANG RGYAL BA'I YUM ZHES NGES DON GYI PHYAG RGYA CHEN
POR 'KHRID BZHENG PA'I RNAM PA SOGS SGO DU MA NAS MDO GZHAN DANG
MI 'DRA BA'I SNGAGS LA NYE BAR GZHOL TSUL ZHIG YOD PA SHES PAR

@013B BYA'O; ,DE LTAR NA 'DI'I SGRUB THABS RNAMS KYANG SNGAGS LA
'JUG RIN GYI GDUL BYA THUN MONG MA YIN PA DE'I DBANG DU BYAS PAS
DE LA LTOS TE SNGAGS YIN KYANG SPYIR SNGAGS YIN MI DGOS SO,
,THUN MONG BA'I DBANG DU BYAS TSE BIM LA DANG JO BO'I GSUNG

BZHIN GSANG STE BSTAN PA LA SNGAGS SU BTAGS PAR BYED TSUL NI,
SPYIR SHUGS BSTAN DANG SBAS DON MI 'DRA STE, SHUGS BSTAN NI
GZHUNG GANG LA'ANG YOD CING DNGOS BSTAN GYI DON LA DPYAD PA'I
RIGS PA'I STOBS KYIS RTOGS NUS PA ZHIG

YIN, SBAS DON NI BLA MA'I MAN NGAG GIS MA BSTAN PAR RANG DBANG
DU DPYAD PAS RTOGS MI NUS PA ZHIG YIN, MDO SDE GZHAN LA SBAS DON
GYI THA SNYAD MED PAR SHER MDO LA 'BYUNG BA DE BLA MED KYI RGYUD
MTHAR THUG PA RNAMS DANG KHANG NYE NGA'I RTAGS

YIN TE, DNGOS SU YUL STONG NYID GSUNG BA DE'I SBAS DON LA LAM
ZHIG STON TSUL YOD TSE MTHONG LAM GYI YE SHES DANG MTHAR THUG GI
SKU SOGS KYANG STON TSUL YOD DGOS PAS TSUL BZHI'I DON TSANG BAR
'BYUNG NGO, ,DES NA SNGAGS 'DI SHES RAB SNYING

PO'I SBAS DON MNGON RTOGS GYI RIM PA STON BYED YIN PAS SNGAGS SU
GSUNGS TE, GZHUNG RIL POS STONG NYID GTZO BOR BSTAN NAS DE NYAMS
SU LEN TSUL JI LTAR YIN SNYAM PA LA, GZHUNG DON LAM GYI RIM PAR
BSGRIGS TE GDUL BYA DBANG PO SHIN TU RNO SHOS MGO SMOS

PA TZAM GYIS GO BA RNAMS LA 'DIS STON PA YIN NO, ,DES NA SHER
PHYIN GYI MDO'I DNGOS BSTAN STONG NYID KYI RIM PA DANG, SBAS DON
MNGON RTOGS KYI RIM PA ZHES RLUNG LTAR GRAGS KYANG MDO RNAMS
RGYA CHE BAS GZHUNG TSIG PHAL CHER LA MI NGES SHING, SHER SNYING
NI KUN GYI BLO LA

@014A *, ,YOD PAS 'DI'I STENG NAS DNGOS BSTAN SBAS DON GNYIS
BYUNG TSUL GO SLA BAR BSHAD NA, RGYAN LAS SKABS GONG 'OG TU LAM
LNGA TSAN YANG YANG GSUNGS PA DE LAM RKYANG PA'I LUGS SU 'DOD PA
RNAMS SKABS

PHYI MA DAG GI SBYOR MTHONG SOGS BTAGS PA TZAM DU 'DOD KYANG,
LAM KHUG PA'I LUGS KYI SGOM TSUL DANG DGOS PA MI 'DRA BA SO SOR
YOD PAS SBYOR MTHONG SGOM LAM SOGS DNGOS YIN PAR 'DOD DO, ,DE
LTAR NA RGYAN DANG SBYOR RGYU'I MDO RGYAS 'BRING

BRGYAD STONG SDUD PA SOGS KYANG LAM LNGA TSAN DU MA BSKYAR NAS
GSUNGS PA YIN LA, SHER SNYING 'DIR TSIG NYUNG BAS SBAS DON MNGON
RTOG LAM LNGA TSAN GCIG LAS MA GSUNGS SO, ,DE'ANG MDO'I MTSAMS
'BYED TSUL MA H'A DZA NAS GZHAN DU

BSHAD KYANG, JO BO'I DGONGS PA DRI MED PA SHES GNYEN DANG MTHUN
PAS DE'I LUGS BZHIN BSHAD NA, SPYAN RAS GZIGS KYIS SH'A RI'I BU
LA, RIGS KYI BU'AM RIGS KYI BU MO GANG LA LAS SHES RAB KYI PHA
ROL TU PHYIN PA ZAB MO'I SPYOD PA SPYAD PAR

'DOD PA DES 'DI LTAR RNAM PAR BLTA BAR BYA STE, ZHES PA 'DIS
TSOGS SBYOR GNYIS BSTAN PA YIN LA, 'DI'I NANG NAS KYANG SPYOD PA
SPYAD PAR 'DOD PA ZHES PA YAN CHAD KYIS THEG PA CHEN PO'I RIGS
LA GNAS PA'I GANG ZAG DE SNYING RJE'I GZHAN DBANG DU GYUR NAS
SEMS

BSKYED CING DES ZIN PA'I TSOGS GNYIS KYI SPYOD PA RGYA CHE BA LA
GTZO BOR SLOB PA'I TSOGS LAM GTZO BO DANG SBYOR LAM ZHAR BYUNG
LTA BUR BSTAN, 'DI LTAR RNAM PAR BLTA BAR BYA STE ZHES PAS CHOS
NYID LA GSAL SNANG THOB PA MTHONG LAM DANG CHA 'DRA BAR DON

@014B SPYI'I GSAL SNANG GI SGO NAS BLTA BA'I SBYOR LAM GTZO BO
DANG, DE'I DON THOS BSAM GYIS NGES PA TZAM RNYED PA'I TSOGS LAM
ZHAR BYUNG DU BSTAN, PHUNG PO LNGA PO DE DAG LA, ZHES PA NAS, MA
THOB PA'ANG MED DO, ,ZHES PA'I BAR GYIS MTHONG

LAM BSTAN TE, DE'I TSE CHOS THAMS CAD KYI STENG GI BDEN 'DZIN
KUN BTAGS SPONG DGOS PAS CHOS DBYINGS KUN 'GRO'I TSUL GYIS RTOGS
PA ZHES SHES BYA MTHA' DAG GI STENG GA STONG NYID MNGON SUM DU
RTOGS DGOS, SGOM LAM GYI SKABS DES RTOGS

ZIN DE NYID GOMS PAR BYED PA MA GTOGS SNGAR MA RTOGS PA'I CHOS
NYID GSAR DU RTOGS RGYU MED PAS DMIGS PA THAMS CAD BSDUS NAS
MTHONG LAM GYI SKABS SU BSHAD CING, SGOM LAM LA YUL GYI CHA NAS
DMIGS PA ZUR PA MA GSUNGS SO, ,MTHONG  

LAM GYI DMIGS PAR STON TSUL YANG PHUNG PO LNGA LA RGYAS TZAM
DANG, SKYE MCHED BCU GNYIS RKANG GRANGS TZAM, KHAMS BCO BRGYAD
DANG RTEN 'BREL BCU GNYIS THOG MTHA' RE TZAM SMOS SO, ,DMIGS PA
DE DAG GI STENG DU SBYOR RGYU'I RNAM PA NI ZAB MO

RNAM PA BRGYAD GSUNGS LA, DE BSDUS NA RNAM THAR SGO GSUM DU 'DU
STE, CHOS THAMS CAD RANG GI NGO BOR BDEN PAS STONG PA DANG, RANG
'JOG BYED THUN MONG DANG THUN MONG MA YIN PA'I MTSAN NYID MED PA
GNYIS NI RNAM PAR THAR PA'I SGO STONG PA NYID, 'KHOR BA'I CHOS

RNAMS 'DUS BYAS KYIS RAB TU PHYE BA YIN KYANG, DON DAM PAR RTEN
'BREL BCU GNYIS SOGS MA SKYES SHING MA 'GAG PA DANG, RNAM BYANG
DON DU GNYER DGOS KYANG DON DAM PAR DRI MA SEMS LA ZHUGS PA MED
PAS DRI MA MED CING, RANG BZHIN GYIS MYA

@015A *, ,NGAN LAS 'DAS PA LA GZOD DRI MA DANG BRAL BAR BYAR MED
PAS DRI MA DANG BRAL BA MED PA STE BZHI NI RNAM PAR THAR PA'I
SGO MTSAN MA MED PA DANG, DE LTAR NA DON DAM PAR SKYON BRI ZHIR
ZAD PA DANG, YON

TAN GANG ZHING RGYAS PAR SMON DU MED PAS RNAM PAR THAR PA'I SGO
SMON PA MED PA YIN LA, RNAM THAR PHYI MA GNYIS KYANG DANG POR
'DU BAS ZHI SGO GCIG PA NYID DO, ,RNAM PA DE BRGYAD KYI SGO NAS
PHUNG KHAMS SKYE MCHED THAMS CAD KYI STENG DU STONG NYID

BSGOM PA'I LAM BDEN GYIS SDUG KUN ZAD PAR SPANGS PA'I 'GOG BDEN
THOB PAR BYED DGOS KYANG, SGYU MA'I SENG GES SGYU MA'I GLANG PO
BSAD PA BZHIN BTAGS PA TZAM LAS DON DAM PAR MNGON DU BYED PA'I
THABS KYI YE SHES DANG, DE LA BRTEN

NAS 'GOG PA THOB PA GANG YANG MED PAS SNANG STONG ZUNG 'JUG TU
NYAMS SU LEN PA'I TSUL NI, DE BZHIN DU SDUG BSNGAL BA DANG, ZHES
PA NAS, MA THOB PA'ANG MED DO, ,ZHES PA'I BAR GYIS BSTAN, RGYA
DPE 'GA' ZHIG TU YE SHES MED CES PA'I 'PHROR, MI SHES

PA MED CES PA ZHIG YOD PAR BSHAD KYANG DON LA BRTAG NA MI DGOS
SAM SNYAM, SGOM LAM NI, DE LTA BAS NA BYANG CHUB SEMS DPA' RNAMS
THOB PA MED PA'I PHYIR, ZHES PA NAS, MTHAR PHYIN TO, ,ZHES PA'I
BAR GYIS BSTAN TE, MTHONG LAM

GYI SKABS SU RTOGS PA'I CHOS NYID KYI DON DE SA SO SO'I YONGS
SBYONG DANG 'BREL BANG YUN DU BRTEN CING GNAS TE GONG NAS GONG
DU RIM GYIS BGROD CING SGOM SPANG NYON MONGS DANG SHES BYA'I
SGRIB PA PHRA RAGS SOGS PHYIN CI LOG GI SPANG BYA'I

@015B RIGS LAS RIM PA RIM PAR SHIN TU 'DAS TE MYANG 'DAS SU
'GROD DGOS PAR GSUNGS LA, MTHAR THUG GI SPONG BA CHEN PO SKABS
'DIR GSUNGS PA NI SPONG BYED KYI DNGOS GNYEN SGOM LAM YIN PAS
SPANG GNYEN SBYAR NAS BSTAN PA LA SKABS 'CHOL BA'I SKYON MED DO,
,SA

SO SOR KUN RMONGS NYER GNYIS DANG GNAS NGAN LEN BCU GCIG SPONG
TSUL DBU MA'I MTHA' DPYOD DU GSUNGS PA DAM PA 'GA' ZHIG MI BZHED
KYANG, DRI MED BSHES GNYEN GYIS SKABS 'DIR GSUNGS LA JO BOS
KYANG DE SOR BZHAG TU MDZAD SNANG NGO, ,KHYAD PAR

GYI LAM RDO RJE LTA BU ME SLOB PA'I LAM DANG BCAS PA NI, DUS
GSUM DU RNAM PAR BZHUGS PA'I, ,ZHES PA NAS, SANGS RGYAS SO,
,ZHES PAS BSTAN TE, SNGA MA'I SANGS RGYAS NI, SA DGU 'DAS NAS YE
SHES NI, ,GANG GI SANGS RGYAS SAR GNAS PA, ,ZHES

PA DE YIN LA, RGYUN MTHA'I YE SHES DE NI RTOGS PA CHEN PO DANG
SEMS CHEN PO GNYIS KYI DNGOS RGYUR GYUR PAS SKABS 'DIR BSTAN PA
YIN, CHEN PO GSUM GYI MI SLOB PA'I LAM NI GONG DU'ANG BSHAD ZIN
PA LTAR YIN NO, ,LAM LNGA MDO DANG SBYOR TSUL 'DI JO BO'I

'GREL BAR MTHUN KYANG DRI MED BSHES GNYEN GYIS 'DI LTAR MA BSHAD
SNYAM NA, ZHIB TU MA BRTAGS PA YIN TE, NGES MDO'I MTSAMS 'BYED
LUGS DGONGS 'GREL GYI DMIGS PA BZHI DANG SBYAR BA DES LAM LNGA
GO DGOS PA'I PHYIR TE, TSOGS LAM SKABS CHOS

NYID LA THOS BSAM GYIS DPYAD PA GTZO BOR GYUR PAS RNAM RTOG DANG
BCAS PA'I GZUGS BRNYAN, SBYOR LAM SKABS SGOM BYUNG THOB KYANG
MTHONG LAM LTA BU'I SO SOR RTOG PA MA THOB PAS, DER LTOS NA ZHI
GNAS GTZO BOR GYUR PAS RNAM RTOG MED PA'I GZUGS BRNYAN

@016A *, ,TE DE GNYIS KA DON SPYI LA BRTEN PAS GZUGS BRNYAN ZHES
BSHAD, MTHONG LAM SKABS YUL GYI DNGOS PO MTHA' DAG GI CHOS NYID
MNGON SUM DU RTOGS PAS DNGOS PO'I MTHA' ZHES BSHAD, SGOM LAM NI,
SGOM PA'I LAM,

NI RNAM GNYIS TE, ,MTHONG BA ZHES BYA ZAG PA MED, ,CES PA SGRA
JI BZHIN DU MI 'DOD KYANG MDO'I TSIG RIS YIN PAS PHYOGS TZAM
SPYI SKAD LA GRAGS CHE BAS DMIGS PAR YANG GZUGS BRNYAN GNYIS
DANG DNGOS PO'I MTHA' GSUM CHAR 'BYUNG GI ZUR DU BSTAN MI

DGOS SO, ,'ON KYANG GOMS PA JE CHER SONG BA BZHIN GYIS SPANGS
RTOGS GONG NAS GONG DU BGROD PA'I DGOS PA CHEN PO 'GRUB RGYU YOD
PAS LAG RJES KYI CHA NAS DGOS PA YONGS GRUB KYI DMIGS PAR BSHAD
PA DE DAG GIS LAM LNGAR SBYOR TSUL GO DGOS SO, ,

DE YAN CHAD KYI MDO'I DON THAMS CAD SNGAGS 'DIS BSDUS PA YIN TE,
BCOM LDAN 'DAS ZAB MO SNANG BA'I TING NGE 'DZIN LA ZHUGS PA DANG
SPYAN RAS GZIGS KYANG STONG PA NYID LA MNYAM PAR BZHAG STE GSUNG
TSUL GYIS SANGS RGYAS NAS BZUNG

BSHES GNYEN BAR MA CHAD PA LAS BRGYUD CING, NANG GI DON RTOGS
SHES RAB DANG LDAN PA'I SGO NAS STON DGOS TSUL GYI MAN NGAG
GLENG GZHIS BSDUS PA RNAMS TADYA TH'A ZHES PAS BSTAN, SKU GSUNG
THUGS GSUM GYI BDAG NYID AE WAm GYI DON MTHAR THUG

PA GLENG GZHI'I KHONGS NA GNAS PA DE NYID AOm ZHES PAS BSTAN,
SH'A RI'I BU RIGS KYI BU'AM, NAS, RNAM PAR BLTA BAR BYA ZHES
PA'I SBAS DON GYI TSOGS SBYOR GNYI GA GA TE GA TE ZHES PAS
BSTAN, PHUNG PO LNGA PO, ZHES PA NAS, MA THOB PA'ANG MED CES

@016B PA'I SPAS DON GYI MTHONG LAM P'A RA GA TE ZHES PAS BSTAN,
DE LTA BAS NA ZHES SOGS KYI SBAS DON SGOM LAM P'A RA SAm GA TE
ZHES PAS BSTAN, DUS GSUM DU ZHES SOGS KYI MI SLOB LAM BO DHI
ZHES PAS BSTAN TO, ,SV'A H'A NI GZHI TSUGS ZHES BRTAN PAR BYED
PA'I DON TE, LAM

LNGA'I NYAMS LEN GYI SGO NAS THOG MA'I AOm GYI MTSON DON DE
SGRUB PAR BYED PA LA THUN MONG BA'I DBANG DU BYAS NA, STONG PAR
GNAS DANG SEMS CAN YONGS SU MI GTONG DANG, ,ZHES PA LTAR STONG
PA NYID SNYING RJE'I SNYING PO CAN GYI GZHI TSUGS PAR BYED PA
DANG, RGYUD

SDE 'OG MAR SGYAR TSE ZAB PA STONG NYID DANG GSAL BA LHA'I 'KHOR
LO ZUNG 'JUG GI GZHI TSUGS PAR BYED PA DANG, BLA MED LTAR NA
LDAN SKYES KYI BDE CHEN DANG STONG PA DBYER MI PHYED PA'I GZHI
TSUGS PAR BYED DGOS SO, ,SNGAGS 'DI LA SHES RAB KYI PHA ROL TU
PHYIN

PA'I SNGAGS, RIG PA CHEN PO'I SNGAGS ZHES SOGS GSUNGS PA NI KHA
CIG LAM LNGA SO SO LA SBYAR, LA LA SGYU MA LTA BU DANG RNAM THAR
SGO GSUM LA SBYAR YANG, DON DAM PA RTOGS PAR BYED PA DANG, MA
RIG PA SPONG BA DANG, GZIGS TSUL DE LAS

GONG NA MED PA DANG, MI MNYAM PA SANGS RGYAS SAM NAM MKHA' DANG
MNYAM PAR BYED PA DANG, SDUG BSNGAL MA LUS PA LAS SKYOB PA SOGS
DON GCIG PU LA SGO DU MA NAS BSNGAGS PA YIN NO, ,GZHUNG 'DIR
MDO'I DON THAMS CAD BSDUS PA YIN PAS GONG 'OG BSDEBS

NA RGYAN GYI BSTAN BYA'I DNGOS BRGYAD DON BDUN CU PO THAMS CAD
TSANG DGOS KYANG LAM CHA TSANG BA TSAR GCIG LAS MA GSUNGS PAS
RGYAN DANG JI BZHIN SBYAR DU MED LA, 'ON KYANG MDO RGYAN SBYOR
TSUL LA DPYAD PA 'JUG PA'I SGO TZAM ZHIG DPER MTSON NA, SEMS
BSKYED PA

@017A *, ,DANG GDAMS NGAG DANG, ,NGES 'BYED YAN LAG RNAM PA ZHI
DANG, ,SGRUB PA YI NI RTEN GYUR PA, ,CHOS KYI DBYINGS KYI RANG
BZHIN DANG, ,DMIGS PA DAG DANG CHED DANG NI, ,GO CHA 'JUG PA'I
BYA BA DANG, ,TSOGS NI NGES

PAR 'BYUNG BCAS RNAMS, ,THUB PA'I RNAM KUN MKHYEN PA NYID, ,CES
RNAM MKHYEN MTSON BYED KYI CHOS BCU GSUNGS PA'I DANG PO SEMS
BSKYED PA BYANG CHUB 'DOD PA'I MING GIS BTAGS PA DE, ZAB MO'I
SPYAD PA SPYOD PAR 'DOD PA ZHES PAS BSTAN, GDAMS

NGAG NI SH'A RI'I BUS GUS PA DANG BCAS SPYAN RAS GZIGS LA ZAB
MO'I GDAMS PA DRI LAN BYAS PAS BSTAN, NGES 'BYED YAN LAG SBYOR
LAM NI RNAM PAR BLTA BAR BYA STE ZHES PAS BSTAN, SGRUB PA'I RTEN
CHOS KYI DBYINGS KYI RANG BZHIN GYI RIGS NI RIGS KYI

BU'AM RIGS KYI BU MO GANG LA LA ZHES PAS BSTAN, THEG CHEN SGRUB
PA'I DMIGS PA NI PHUNG PO LNGA PO ZHES SOGS KYIS BSTAN, CHEN PO
GSUM GYI BDAG NYID CHED DU BYA BA NI, SGRIB PA MED PA MYA NGAN
LAS 'DAS PA MTHAR PHYIN TE, BLA NA MED PA

YANG DAG PAR RDZOGS PA'I BYANG CHUB CES PAS BSTAN, GO SGRUB 'JUG
SGRUB TSOGS SGRUB NGES 'BYUNG SGRUB PA BZHI NI, SHES RAB KYI PHA
ROL TU PHYIN PA ZHES DANG, ZAB MO'I SPYAD PA SPYOD CES DANG,
BRTEN CING GNAS TE ZHES DANG, PHYIN CI LOG

LAS SHIN TU 'DAS NAS ZHES PAS BSTAN PA LTA BU GO RIM MTHAR CHAGS
MIN KYANG DON TSANG BAR YOD DO, ,DE LTAR NA CHOS KYI PHUNG PO
BRGYAD KHRI BZHI STONG GI SNYING PO BSDUS PA SHER MDO YIN LA,
SHER PHYIN STONG PHRAG BRGYA PA SOGS KYI SNYING PO BSDUS PA

@017B SHER SNYING YIN ZHING, DE'I DON BSDUS PA SNGAGS 'DI YIN
PAS CHOS THAMS CAD KYI NYING KHU YIN PAR RIGS PAS 'GRUB CING,
DES NA DE DAG KUN GYI PHAN YON SDUD PAR YANG RJES SU DPAG PAR
BYA'O, ,RANG GI DRAN PA GSO PHYIR DANG, ,MDO LAS NYAMS LEN

GNAD 'TSOL BA'I, ,BLO CHEN TSE 'PHEL BA LA GDAMS, ,DGE BAS YUM
DON RTOGS GYUR CIG ,SHES RAB SNYING PO'I SNGAGS KYI RNAM BSHAD
'DI NI BTZUN SA DKON MCHOG BSTAN PA'I SGRON MES 'DI LA 'DI LTA
BU'I DON RGYA CHE BA ZHIG 'ONG DGOS

RGYUR 'DUG SNYAM STE, THUB BA KUN GYI YE SHES KYI SKU CAN YAB
GCIG ^'JIGS MED DBANG PO'I ZHABS LA GSOL BA NAN CHER BTAB PAS GO
LUGS 'DI 'DRA ZHIG BYUNG BA BRI BAR BRTZAMS PA NA, RANG BZOR
'GYUR DOGS TE GZOD 'GREL PA RNAMS

LA BLTAS PA NA RANG GI GO LUGS DANG PHYOGS MTHUN PAR 'DUG PAS DE
DAG NAS KYANG CUNG ZAD BSNAN TE ME BYI'I DGUN MTSAMS SKABS NYIN
GUNG GI THUN GSENG LA SUG BRIS SU BGYIS PA LAS SHOG BUR 'BEBS PA
PO NI SNGAGS RAM PA DKON MCHOG

KUN DGA'O,, ,,DGE LEGS 'PHEL, ,