@001A #, ,RTEN 'BREL GYI RNAM BZHAG LUNG RIGS BANG MDZOD CES BYA BA BZHUGS SO, , @001B #, ,NA MO MANYDZU GHO shA YA, SRID GSUM 'DZIN MA'I KHYON LAS RAB 'PHAGS KYANG, ,ZHI BA'I MKHA' LA ZHEN PA'I GNAS MED PA, ,SKYE DGU'I MGON DU BRTZE BA'I LDING 'KHOR MKHAN; ;MI BSKYOD DGYES BZHAD RDO RJE GTZUG GIS MCHOD, ,GTI MUG MUN SEL GLOG 'PHRENG DRA BA CAN, ,MTHAR 'DZIN 'CHING BRGYA GCOD PA'I RAL GRI CHE, ,RTEN 'BYUNG STONG BAR GZIGS BA'I MNYAM NYID BLO, ,DMAR SER 'OD DU 'BAR BA DE LA 'DUD, ,'JAM DBYANGS MKHYEN PA ZLA SHEL BDUD RTZI'I GNYEN, ,GZHUNG LUGS GDENGS CAN BYE BA ROL PA'I GNAS, ,RIGS LAM CHU BO'I 'KHRI SHING ROL GAR CAN, ,LEGS BSHAD RGYA MTSO'I DGA' STON DENG 'DIR SPEL, ,SMAG RUM GLOG LTAR GA-YO BA'I TSE 'DI SLA, ,'BYOR YANG MI RING DRAN PA'I YUL DU 'GYUR, ,BRNAG @002A #, ,DKA' PHYI MA'I MTHA' DE RGYANG RING BAS, ,RNAM GROL PHYIR NI THOS PAS 'DIR ZHUGS SHIG, ,'DIR ZHI BA MCHOG GI SGO GCIG PU STONG PA'I DE NYID MTHA' BRAL RTEN 'BYUNG GI DKA' GNAD BSDUS TE 'CHAD PA LA, 'PHROS SBYOR MTHA' DPYAD PA GSUM, DANG PO NI, DE NAS SENG GE RNAM BSGYINGS ZHES SOGS RKANG PA GNYIS LAS 'PHROS, 'PHROS TSUL NI SPYIR SENG GE RNAM BSGYINGS LA MTHONG RTZE LA DBANG BA'I PHYIR BSGOM BA DANG, THOD RGAL SBYOR BA'I DE GNYIS YOD CING, DE'I THOD RGAL LA SA GNYIS PA NAS 'JUG PAR GSER 'PHRENG DANG, DRUG PA NAS 'JUG PAR RNAM BSHAD GSUNGS SO, ,DRUG TSAN DRUG GI MTHONG RTZE YANG DANG PO'I SENG GE RNAM PA BSGYINGS YIN MOD KYI, 'DIR MTHONG SBANG GI 'JIGS BZAD BAR SPANG BA'I DBANG DU BYAS TE BAR CHAD MED LAM @002B RDZOGS NAS, SENG GE RNAM BSGYINGS ZHES BYA BA MTHONG LAM RNAM GROL LAM LA 'JUG CING, DE'I RJES THOB TU KUN BYANG GI RTEN 'BREL PHRUGS BZHIR BSGOM TSUL 'CHAD PAR, RTEN CING 'BREL 'BYUNG ZHES SOGS KYI GZHUNG 'DI BYUNG BA'I PHYIR, 'DI LA GSER 'PHRENG LAS, 'DI'I RJES THOB SGOM LAM DU SHER SGRON LAS BSHAD PA GZHUNG GZHAN DANG MTHUN NO, ,ZHES GSUNGS PA YANG GZHAN DANG MTHUN PAR BSHAD TZAM YIN GYI RANG LUGS MDZAD PA YIN TE, RNAM BSHAD LAS, 'DIR BSHAD PA NI BYANG CHUB SEMS DPA'I RGYUD LA BSKYED PAR BYA BA SHES MTHONG GIS BLTAS NAS 'DA' BAR BYA BA'I MTHONG LAS DE NYID BSHAD PA YIN NO, ,ZHES GSUNGS PA'I PHYIR, 'GREL PAR, DE NYID YANG DANG YANG DU SGOM PAR BYED DO ZHES PA'I DON YANG RTEN 'BREL MNYAM RJES GNYIS KAR BSGOM PA'I DON MIN GYI, MTHONG RTZE DE NYID MNYAM GZHAG TU DON DAM PA RTOG PA'I SGO NAS BSGOM PAR MA ZAD, RJES THOB TU RTEN 'BREL LA RTOG PA'I SGO NAS BSGOM PAR GSUNGS BA YIN BA'I PHYIR, GNYIS PA SBYOR BA NI, BYANG SEMS MTHONG LAM PA CHOS CAN, KHYOD KYIS RTEN 'BREL SGOM TSUL YOD DE, MA RIG PA'I RKYEN GYIS 'DU BYED 'BYUNG BA SOGS LUGS 'BYUNG DANG, RGA SHI SKYE BA LAS BYUNG BA SOGS LUGS LDOG, STE KUN NYON @003A #, ,GYI GNYIS DANG, GNYEN PO 'PHAGS LAM SKYES BA NA THOG MA'I MA RIG PA MI 'BYUNG BAS, DES BSKYED BA'I LAS GSAR BSAGS MI 'BYUNG ZHING, DE LA BRTEN BA'I YAN LAG LHAG MA RNAMS MI 'GRUB PA LUGS 'BYUNG DANG, DE DAG GI PHYI MA PHYI MA SNGA MA LA RAG LAS PA RNAM BYANG GI LUGS LDOG STE BZHIR BSGOM BA'I PHYIR, BSGOM TSUL DER MA NGES TE, DRI BA LHAG BSAM RAB DKAR DANG, LAM RIM LTAR CHUNG NGU DNGOS SAM THUN MONG BA LA BLO SBYONG SKABS NGAN 'GRO'I SDUG BSNGAL SPONG BA'I PHYIR DU, YAN LAG DANG PO LAS 'BRAS LA RMONGS BA'I MA RIG PA'I DBANG GIS BSOD NAMS MA YIN PA GSOG TSUL SOGS DE'I YAN LAG BCU GNYIS, 'BRING GIS BDAG TU ZHEN PA'I MA RIG PA'I DBANG GIS RANG 'KHOR BAR 'KHOR TSUL DANG, CHEN POS SEMS CAN THAMS CAD YAN LAG BCU GNYIS KYI SGO NAS 'KHOR TSUL BSAM STE SNYING RJE BSKYED PA 'JUG PA LTAR YIN PA'I PHYIR, 'DIS THEG PA GSUM DANG 'BREL BA'I SGOM TSUL YANG SHES SLA, DON DAM DANG KUN RDZOB BA'I DBANG DU BYAS PA'I SGOM TSUL YANGS LU LJANG BA'I MDO LAS, SUS RTEN CING 'BREL BAR 'BYUNG BA RTAG PA DANG, SROG MED PA ZHES SOGS KYIS GSUNGS SHING, KHA CIG SNGA MA THA SNYAD @003B PHRA MO LA SBYOR BA MI RIGS TE, DE RGYAS BAR BSGOM NA CHAD MTHAR 'GRO BAS MTHA' GNYIS SEL BA LA GNYIS KA DGOS PAR KA SHIS BSHAD PAS SO, ,AA BHYAS MA RIG PA 'GAG PAS 'DU BYED 'GAG PA SOGS KUN NYON LUGS LDOG TU BSHAD PA LA DGONGS TSOD RNAM BYANG LUGS MTHUN DU 'GRO BAS GSER 'PHRENG LAS BKAG CING, SGRAS ZIN YANG MI RUNG STE, RANG RGYU RANG 'BRAS KYI DBANG DU BYAS NA RGYU 'GAG MA THAG 'BRAS BU SKYE BAR BSHAD PA DANG 'GAL LA, 'GRAG PA'I DON SPANGS BA LA BYED NA MI RIGS TE, 'PHANG 'BRAS RNAMS SRID SOGS KYI RJES SU SPANGS DGOS PA'I PHYIR, DE LA RNAM BYANG GI YAN LAG BCU GNYIS MI 'GAL TE, 'DI SNGAR YOD 'GAG PA LA MI BYED PA'I PHYIR, 'PHAGS PA THAMS CAD DE YIN NO, ,'ON KYANG RNAM BYANG GI RTEN 'BREL DE'I YAN LAG BCU GNYIS GANG RUNG MI DGOS TE, NYAN THOS TSOGS LAM DE YIN PA'I PHYIR, KUN NYON LA YANG RIGS 'DRA, DE LTAR SGOM TSUL BZHIR PHYE BA YANG; SKYE RGA GNYIS SDUG BDEN GYI GTZO BO YIN PAS 'BRAS BU'I CHA NAS LUGS LDOG GNYIS KYIS SDUG BDEN DANG 'GOG BDEN, GZHAN GNYIS KYI RGYU'I CHA NAS SEMS PA KUN 'BYUNG DANG LAM LA MKHAS CHED YIN PA'I PHYIR, SA'I DNGOS GZHI LAS, CI'I PHYIR RTEN CING 'BREL PAR 'BYUNG BRGA SHI NAS BZUNG STE LUGS LAS BZLOG PA'I GO RIM DU BSTAN CE NA, BDEN PA'I TSUL BSTAN PA'I DBANG DU BYAS TE, 'DI LTAR SKYE BA DANG RGA SHI NI SDUG BSNGAL @004A #, ,GYI BDEN PAS RAB TU BYE BA YIN NO, ,ZHES GSUNGS PA'I PHYIR, LUNG 'DI'I DON DU BSAMS TE, KUN BTUS 'GREL BAR, RGA SHI, RGA SHI KUN 'BYUNG, RGA SHI 'GOG BA, RGA SHI 'GOG BA DER 'GRO BA'I LAM, ZHES RGA SHI GCIG PU YANG BDEN BZHIR SBYAR BA GZHUNG GI DGONGS PA MIN NO, ,GSUM PA MTHA' DPYAD PA LA, RTEN 'BREL GYI RNAM BZHAG SPYIR BSTAN PA DANG, KUN NYON PHYOGS KYI RTEN 'BREL BYE BRAG TU BSHAD PA GNYIS, DANG PO LA MTSAN NYID, DBYE BA, 'DOD TSUL GSUM, DANG PO NI, RANG GI 'DOGS BYED LA LTOS NAS GRUB BRTEN 'BYUNG GI MTSAN NYID YIN TE, RTEN 'BYUNG GI SKAD DOD PRA T'I TYA SA MU DPA' DA: ZHES 'BYUNG BAS PRA T'I ZHES PA NYER BSGYUR GYI DBANG GIS DU MAR 'JUG STE, BRA T'I MO KshA ZHES PA'I SKABS SU ZLOS PA 'AM SO SO LA 'JUG PAS SO SO THAR BAR BSGYUR BA DANG, DE BZHIN DU HA RA DANG PHRAD NA MCHOD PA, BNDHA DANG PHRAD NA 'BREL PA LA 'JUG CING, 'DIR AI TI DANG PHRAD BAS PHRAD LTOS RTEN 'BREL GSUM LA 'JUG PA'I PHYIR, ,SMUNGP'A DA LTA 'BYUNG BA STE GRUB PA DANG 'DUS BYAS LA SGYAR NA SKYE BA LA YANG 'JUG CING, DE MA BSNAN NA RTEN 'BYUNG GI DON MI RDZOGS PAS,, KHA CIG RANG GI CHA SHAS LA LTOS NAS GRUB PA RTEN 'BREL GYI MTSAN NYID DU 'DOD PA NI 'DUS BYAS KYI MTSAN NYID 'DU BA'I MTSAN NYID DU BZHAG PA DANG 'DRA STE, RTEN 'BREL ZHES BA RTEN 'BYUNG ZHES PA'I ZUR GCIG YIN PA'I PHYIR, @004B GAL TE SPYI'I DON PHYOGS RE LA SBYAR CHOG NA PHRAD LTOS GNYIS KYANG DE DANG 'DRA BAS DE LTAR SBYOR DGOS LA, DE NI SNANG MUN DANG TSE SNGA PHYI DANG LHAN CIG GNAS BA'I RTA GLENG SOGS KYIS MA DRES BAS, ,RNAM GRANGS YIN KYANG DON GCIG YIN MI DGOS SO, ,SNGON GYI SLOB DPON KHA CIG, ,PRA T'I ZLOS SGRAR BYAS NAS RGYU SO SO 'BYUNG BA LA BSHAD KYANG GZHI GCIG LA SBYAR DU MED BAS RANG LUGS NI GZUGS SOGS RGYU LA BRTEN CING SKYE 'GAG MNYAM BA'I TSUL GYIS 'BREL PAR 'BYUNG BA LA GSUNGS TE, ZHIB PAR KUN MKHYEN BLA MA'I GSUNG LA BLTA'O, ,GNYIS PA DBYE BA LA, 'DUS MA BYAS DANG, 'DUS BYAS RTEN 'BYUNG GNYIS, RANG RGYU LAM BRTEN KYANG 'DOGS BYED LA LTOS NAS GRUB PA SNGA MA'I MTSAN NYID, RKYEN GSUM LA BRTEN NAS BYUNG BA PHYI MA'I MTSAN NYID, RKYEN GSUM NI, RNAM PAR 'BYED PA'I BDO LAS, 'DI YOD PAS 'DI 'BYUNG, 'DI SKYES BA'I PHYIR 'DI SKYE STE, 'DI LTAR MA RIG PA'I RKYEN GYIS 'DU BYED; CES SOGS KYIS GSUNGS PA'I DON KUN BA TUS LAS, MTSAN NYID JI LTA BU ZHE NA, GA-YO BA MED PA'I RKYEN LAS BYUNG PA DANG, MI RTAG PA'I RKYEN LAS BYUNG BA DANG, NUS BA'I RKYEN LAS BYUNG BA'I PHYIR RO, ,ZHES BA'I TSIG GSUM GYIS RIM BAR BKRAL TE, TSANGS BA DANG, DBANG PHYUG DANG, KHYAB 'JUG PA LTAR, LHA DE DAG GI BLO'I GA-YO BA LAS BYUNG BAR LTA BA BZLOG PA'I PHYIR DU, SPYIR RGYU RKYEN YOD BTZAM GYIS 'BRAS BU 'BYUNG BA YIN PAS,@005A *, ,BLO SNGON DU BTANG NAS RANG DGAR BYED PA PO GZHAN MED CES GA-YO BA MED PA'I RKYEN BSTAN, DE DAG GIS LHA RTAG PA DANG, GRANGS CAN GYIS RTZA BA'I RANG BZHIN LAS SKYE BAR 'DOD PA 'GOG PA'I PHYIR MI RTAG PA'I RKYEN BSTAN TE, RKYEN YIN NA RANG NYID KYANG RGYU LAS GLO BUR DU SKYES SHING DUS GNYIS PAR 'GAG NAS 'BRAS BU 'BYIN PA DGOS KYI, RTAG PA YIN NA 'BRAS BU RTAG TU SKYED PA'AM 'BRAS BU LA SKABS MI 'BYED PA'I PHYIR RO, , RGYANG PHAN GYIS RGYU MED DANG BRAM ZE MANG POS RGYU 'BRAS 'CHOL BAR SMRA BA DGAG PA'I DON DU RGYU GANG YIN LAS 'BRAS BU THAMS CAD MI 'BYUNG STE, 'DU BYED MA RIG PA LAS 'BYUNG BA LTA BU RANG SKYED PA'I NUS PA DANG LDAN PA'I RJES SU MTHUN PA'I RGYU ZHIG GIS SKYED DGOS ZHES NUS PA'I RKYEN BSTAN PA'I PHYIR, MDO 'DI'I DON MDZOD 'GREL LAS, MA RIG PA YOD NA 'DU BYED 'BYUNG DE LAS LHAG MA RNAMS SKYE BA'I YAN LAG BRGYUD PA DANG, SNGON MTHA'I GNYIS LAS BAR GYI BRGYANG 'BYUNG ZHING DE YAS PHYI MTHA'I GNYIS SKYE BA TSE BRGYUD PA DANG, MA RIG PA LAS 'DU BYED DNGOS SU 'BYUNG ZHING LHAG MA BRGYUD NAS SKYE BA RKYEN BYED TSUL LA SBYAR BA STE GSUM BSHAD KYANG GSUM GA MI 'THAD DE, MA RIG BA'I RKYEN GYIS 'DU BYED CES SOGS DANG ZLOS SHING PHYI'I RTEN 'BYUNG LA SBYAR DU MED PA'I PHYIR RO, ,SA'I DNGOS GZHIR MA RIG BA'I SA BON YOD NA MNGON GYUR KYANG 'BYUNG LA, DE SKYES NA LAS KYANG SKYE BA LA SBYAR RO, ,SA LU LJANG PA'I MDOR PHYI NANG GI RTEN 'BREL RNAMS @005B MTSAN NYID LNGAS BSHAD DO, RGYU MED PAR LTA BA BSAL BA'I PHYIR RGYU DANG BCAS PA LAS 'BYUNG BA'I MTSAN NYID DANG, MI MTHUN PA'I RGYU RTAG PA RIL PO GCIG BU LAS SKYE BA 'GOG PA'I PHYIR MI RTAG PA DU MA'I RGYU LAS 'BYUNG BA'I MTSAN NYID DANG, BDAG LTA 'GOG PA'I PHYIR BDAG MED PAR 'BYUNG BA'I MTSAN NYID DANG, NUS MED RTAG PA LAS SKYE BA 'GOG PA'I PHYIR NUS PA'I RKYEN LAS 'BYUNG BA'I MTSAN NYID DANG, DBANG PHYUG SOGS KYI GA-YO BA LAS BYUNG BA 'GOG PA'I PHYIR BYA BA MED PA'I RKYEN LAS 'BYUNG BA'I MTSAN NYID RNAMS SU YOD PA'I PHYIR, 'ON KYANG DBANG PHYUG GI RTZOL BA LAS BYUNG BA YOD PA'I ZHIB CHA DGOS SO, ,DE DAG STON PAR, SA LU LJANG PA'I MDO LAS, CI'I PHYIR RTEN CING 'BREL BAR 'BYUNG BA ZHES BYA ZHE NA, SMRAS PA, RGYU DANG BCAS RKYEN DANG BCAS PA LA BYA YI, RGYU MED RKYEN MED PA LA NI MA YIN NO, ,ZHES SOGS GSUNGS PA'I PHYIR, 'DIR YANG 'DUS BYAS RTEN 'BYUNG GI DBANG DU BYAS PA YIN TE, LUGS 'DIR GZHI GRUB NA RTEN 'BYUNG YIN PAS KHYAB PA'I PHYIR, RTZA SHES LAS, GANG PHYIR RTEN 'BYUNG MA YIN PA'I, ,CHOS 'GA' YOD PA MA YIN PA, ,DE'I PHYIR STONG PA MA YIN PA'I, ,CHOS 'GA' YOD PA MA YIN NO, ,ZHES GSUNGS PA'I PHYIR, GSUM PA 'DOD TSUL NI, LEGS BSHAD SNYING PO LAS, PHYI ROL PA RTEN 'BREL KHAS MI LEN PAS CHOS BDEN GRUB TU 'DOD PA ZHES DANG, RIGS BA DRUG CU BA'I 'GREL PAR, MU STEGS CAN RTEN CING @006A *, ,'BREL PAR 'BYUNG BA MA YIN PAR SMRA BA ZHES SOGS LTAR GZHAN SDE RNAMS RTEN 'BREL GYI DON MI 'DOD LA, DER MA ZAD THA SNYAD TZAM YANG MI 'DOD DE, PHYI ROL BRDA SPROD PAS RTZOD TSUL MDZOD 'GREL GNAS GSUM PA LAS, GAL TE 'BYUNG BA'I SNGON ROL NA, ,PHRAD NA MED PHYIR RUNG MA YIN, ,ZHES MED BA PHRAD PAR MI RUNG ZHING, YOD PA PHRAD RJES 'BYUNG BA MI DGOS PAR SMRA BA'I PHYIR RO, ,RANG SDE DNGOS SMRA BA NI, MDZOD 'GREL LAS, SDE PA GZHAN DAG NA RE, DE BZHIN GSHEGS PA RNAMS BYUNG YANG RUNG, MA BYUNG YANG RUNG, CHOS 'DI NI GNAS PA KHO NA'O, ,ZHES PA LTAR YOD SMRA BDUN GYI NANG TSAN SA STON SDE PA RNAMS RTEN 'BREL RTAG PAR 'DOD KYANG, GZHAN THAMS CAD KYIS 'DUS BYAS SU 'DOD PAS BDEN MED SGRUB PA LA 'GAL RTAGS SU SMRA'O, ,RNAM BYANG PHYOGS KYI RTEN 'BREL ZHES PA'I THA SNYAD TZAM ZHIG 'DOD KYANG, RTEN 'BREL GANG YIN 'BREL PA CAN GYI RTEN 'BREL DU 'DOD DE, RGYU DANG 'BRAS BU 'BREL PAR 'BYUNG BAS DE LTAR BRJOD PA'I PHYIR, ,BYE SMRAS SKAD CIG MA'I RTEN 'BREL, GNAS SKABS PA'I RTEN 'BREL, RGYUN CHAGS PA'I RTEN 'BREL GSUM BSNAN NAS BZHIR BSHAD LA, CHOS MNGON PA LAS DE'I STENG DU SEMS CAN LA STON MI STON GNYIS TE DRUG BSHAD DO, ,DANG PO NI, SHES PA SKAD CIG MA GCIG GI SKYE 'GAG GNAS GSUM GYI CHA LA RDZOGS PAR 'DOD DE, DPER NA, CHAGS PA'I DBANG GIS SROG GCOD @006B PA'I DUS KYI RMONGS PA NI MA RIG PA, LAS DE DANG MNYAM DU 'JUG PA'I SEMS PA DE 'DU BYED, DE 'KHOR DU LDAN PA'I SEMS DE RNAM SHES, PHUNG PO GZHAN BZHI NI MING GZUGS, DBANG PO DRUG NI SKYE MCHED, DE YUL DANG PHRAD PA REG PA, DE NYAMS SU MYONG BA TSOR BA, DE'I SKABS KYI CHAGS BA NI SRED BA, DE DANG MTSUNGS LDAN GYI NGO TSA MED PA SOGS LEN PA, LUS LAS DNGOS GZHI NI SRID PA, DE SKYES PA SKYE PA, SMIN PA DANG ZHIG PA RGA SHIR 'DOD PA MDZOD 'GREL SOGS DU MAR GSUNGS PAS, SKYE RGA MA GTOGS DUS MNYAM MO, KHA CIG ,SROG GCOD PA NI 'DU BYED CES DANG, DES KUN NAS BSLANGS PA'I CHAGS PA NI LEN PA, LAS DE NUS BA MTHU CAN DU GYUR PA SRID PA ZHES BSHAD PA NI GONG MA'I SHAN ZHUGS PA'I GTAM MO, ,GNAS SKABS PA NI, YAN LAG DE DANG DE'I SKABS KYI ZAG BCAS NYER LEN GYI BUNG POS BSDUS PA'I GZUGS SOGS PHUNG PO LNGA LA 'JOG STE, 'KHOR YOD KYANG RGYAL PO 'BYON ZHES GRAGS BA LTAR THOG MA'I MA RIG PA MNGON DU GYUR DUS KYI 'KHOR BAS BSDUS PA'I GZUGS SOGS MA RIG PA'I RTEN 'BREL DANG, GNAS SKABS KYI MA RIG PA LA 'JOG PA'I PHYIR, DE YANG DUS GSUM LA RMONGS PA BZLOG PA'I PHYIR DU TSE GSUM LA SBYAR TE, SKYES NAS MYONG 'GYUR GYI LAS DBANG GIS BLANGS PA'I MNGAL SKYES KYI TSE YONGS RDZOGS GSUM LA 'BRAS BU GSUM RIM GYIS 'THOB PA LTA BU LA MTSON NA, RGYUN ZHUGS THOB BA'I RTEN LA RGYUN ZHUGS RANG NYID SKYE BA @007A *, ,'PHEN BYED DANG TSAR GCIG PA'I SRED LEN SRID PA'I RTEN 'BREL GSUM 'GRUB DGOS SHING, DE'I DANG PO GNYIS PHYIR 'ONG SKYE BA 'PHEN BYED DANG TSAR GCIG PA'I MA RIG PA'I RTEN 'BREL YIN PAS LUGS 'DIR DE LA 'DZIN TSUL YOD MI DGOS TE, SA DE'I MA RIG PA SRED PA DANG MTSUNGS LDAN LTA BUS KYANG THOG MA'I MA RIG PA BYED PA'I PHYIR DANG, 'DZIN TSUL CAN GYI NYON MONGS NI MTHONG SPANGS YIN ZHING, 'PHAGS PA LA YANG 'PHEN BYED LAS GSAR BSAGS YOD PA'I PHYIR, GSER PHRENG LAS, 'DI LA MDZOD PA RNAMS DE'I RGYUD LA GONG MA'I NYON MONGS YOD PAS, SA GONG MA'I NYON MONGS GANG YOD DES KUN NAS BSLANGS PA'I LAS GSOG PAR 'DOD KYANG, ZHES DANG, MDZOD PA LTAR NA, SA DE DANG DER SKYE BA'I NYON MONGS MA SPANG NA 'PHAGS PAS KYANG DES KUN NAS BSLANGS PA'I LAS 'PHEN PAR 'DOD PA 'DRA'O, ,ZHES GSUNGS PA'I PHYIR, SRED LEN 'DI GNYIS LAS GSAR GSOGS KYI KUN SLONG YIN PAS, GRUB MTHA' GONG MA LTAR SNGAR BSAGS LA GSOS 'DEBS BYED MIN TE, RGYUN ZHUGS KYI SKYE BA BYUNG ZIN CING, PHYI MA 'PHEN BYED KYI LAS DE DUS MA GRUB PA'I PHYIR TE, PHYI MA'I 'DU BYED DE SNGA MA'I SRID PA YIN PA'I PHYIR; MDZOD LAS, MA RIG NYON MONGS SNGON GNAS SKABS, ,'DU BYED DAG NI SNGON LAS KYI, ,ZHES GSUNGS PA'I PHYIR, DE LTAR TSE DANG PO LA GNYIS RDZOGS SHING, BAR PA LA BRGYAD, PHYI MA LA GNYIS 'BYUNG STE, MDZOD LAS, @007B SNGON DANG PHYI MTHAR GNYIS GNYIS DANG, ,BAR DU BRGYAD YONGS RDZOGS LDAN LO, ,ZHES GSUNGS PAS SO, ,BAR PA BRGYAD YOD DE, MDZOD LAS, RNAM SHES MTSAMS SBYOR PHUNG PO YIN, ,MING DANG GZUGS NI DE PHAN CHAD, ,SKYE MCHED DRUG DOD TSUN CHAD DO, ,DE NI GSUM 'DUS TSUN CHAD DO, ,REG PA BDE SDUG LA SOGS KYI, ,RGYU SHES NUS PA TSUN CHAD DO, ,TSOR 'KHRIGS TSUN CHAD SRED PA NI, ,LONGS SPYOD 'KHRIGS BA CHAGS CAN GYIS, ,NYE BAR LEN PA LONGS SPYOD RNAMS, ,THOB PAR BYA PHYIR YONGS RGYUG PA, ,DE SRID 'BRAS BU 'BYUNG 'GYUR PA'I, ,LAS BYED DE NI SRID PA YIN, ,ZHES PA LTAR RO, ,TSE GSUM PA PHYIR MI 'ONG GI SKYE BA DER NYING MTSAMS SBYAR MA THAG PA'I PHUNG PO LNGA PHYIR 'ONG SKYE BA 'PHEN BYED DANG TSAR GCIG KYANG YIN, GSUM PA RNAM SHES KYI RTEN 'BREL YANG YIN MOD KYI, DE DANG TSAR GCIG PA'I GSUM PAR MI RUNG STE, BCU GCIG PA YIN PA'I PHYIR, DE BZHIN DU PHYI MA'I MING GZUGS NAS TSOR BA'I BAR KYANG TSE BAR MA'I RGA SHI YIN TE, MDZOD LAS, NYING MTSAMS SBYOR BSKYE BA YIN, ,TSOR BA'I BAR NI RGA SHI YIN, ,ZHES GSUNGS PA'I PHYIR, DE LTAR LAS RANG RANG DANG TSAR GCIG PA'I SRED LEN SOGS LAS DES RNAM SMIN 'BYIN PA'I GROGS SU MI 'ONG ZHING, SKYE RGA GNYIS KYANG LAS DE'I RNAM SMIN MA YIN PAS, TSAR GCIG PA'I YAN LAG BCU GNYIS KYI DANG PO GNYIS RGYU DANG, DE NAS LNGA 'BRAS BU, SRED SOGS GSUM RGYU DANG, SKYE RGA GNYIS 'BRAS BUR @008A *, ,BYAS PA'I RGYU 'BRAS TSAR RE RES KYANG 'KHOR TSUL CHA TSANG RE RDZOGS PAR 'DOD DO, ,RGYUN CHAGS BA NI, TSE GSUM GYI PHUNG PO'I RGYUN LA BZHAG PA STE DON SNGA MA DANG 'DRA'O, ,GNYIS PA BYE BRAG TU BSHAD PA LA, MTSAN NYID, DBYE BSDU, RKYEN DU 'GYUR TSUL, BYED LAS, TSE DU LA RDZOGS, SA MTSUNGS, BSGOM TSUL, SGOM PA'I PHAN YON DANG BRGYAD, DANG PO NI, RANG GI RGYU RKYEN LA LTOS NAS BYUNG BA DE, SKABS 'DIR BSTAN GYI RTEN 'BYUNG GI MTSAN NYID, GNYIS PA LA, YAN LAG SO SO'I DBYE BA DANG, BSDU BA GNYIS, DANG PO LA 'PHEN BYED KYI RGYU, 'PHANGS PA'I 'BRAS BU, 'GRUB BYED KYI RGYU, GRUB PA'I 'BRAS BU BSHAD PA BZHI, DANG PO LA GSUM LAS, MA RIG PA BSHAD PA LA DGAG BZHAG SPANGS GSUM, DANG PO NI, KHA CIG MA RIG PA LA NYON MONGS CAN GYIS KHYAB PAR 'DOD PA MI 'THAD DE, LAS 'BRAS PHRA MO MED PAR 'DZIN PA LTA BU MA YIN PAR DE LA RMONGS TZAM DANG, BDEN 'DZIN GYI MA RIG PA LTA BU SHES SGRIB TU GYUR PA'I MA RIG PA DU MA DGRA BCOM GNYIS LA YANG YOD PA'I PHYIR, MA RIG PA LA DUG GSUM NANG TSAN GYI GTI MUG DGOS PAR 'DOD PA YANG 'DIS KHEGS TE, DUG GSUM RTA NYIN YIN PA'I PHYIR, KHA CIG GIS, RIG PA YE SHES KYI 'GAL ZLA MI MTHUN PA'I PHYOGS LAM RIG PAS KHYAB ZER NA, 'JIG LTA DANG MTSUNGS LDAN GYI RMUGS RGOD SOGS CHOS CAN, DER THAL, DE'I PHYIR, RTAGS GRUB STE, BDAG 'DZIN YIN PA'I PHYIR, 'JIG LTA CHOS CAN, @008B KHYOD DANG MTSUNGS LDAN LNGAS MTSUNGS PA'I RMUGS RGOD SOGS LNGA YOD PAR THAL, KHYOD RTZA NYON YIN PA'I PHYIR, KHYAB STE, KUN BTUS LAS, RMUGS PA DANG RGOD PA DANG MA DANG PA DANG LE LO DANG BAG MED PA NI NYON MONGS THAMS CAD DANG MTSUNGS PAR LDAN NO, ,ZHES GSUNGS PA'I PHYIR, RNAM GA-YENG DANG RGOD PA'I RGYU'I KHYAD PAR GYI ZHIB CHA SHES DGOS, YANG STAG LO NA RE, 'JIG LTA MA RIG PA MA YIN PAR THAL, MNGON PA GONG 'OG GNYIS KA'I LTA BA DANG, LTA MIN SO SOR BSHAD PA DE DKRUGS MI RIGS PA'I PHYIR ZER, 'O NA, SA LU LJANG PA'I MDO LAS, DE LA MA RIG PA GANG ZHE NA, KHAMS DRUG PO 'DI DAG NYID GCIG PUR 'DU SHES PA DANG, RIL POR 'DU SHES PA DANG, RTAG PAR 'DU SHES PA DANG, BRTAN PAR 'DU SHES PA DANG, THER ZUG TU 'DU SHES PA DANG, ZHES PA NAS, NGA ZHES BYA BA DANG, BDAG CES BYA BAR 'DU SHES PA DE LTA BU LA SOGS PA MI SHES PA RNAM PA SNA TSOGS PA 'DI NI MA RIG PA ZHES BYA'O,, ZHES BA'I DON MA GRUB PAR THAL, TSIG THA MA GNYIS KYIS 'JIG LTA NGOS BZUNG ZHING, DE YANG BDAG 'DZIN PHRA MO YIN PAS, GSUM LDAN GYI BDAG 'DZIN STANGS SU MI BYED KYANG DES BZUNG TSUL LA CHA MED PA'I GCIG PU, RDZAS YOD KYI RIL PO, MI 'JIG PA'I RTAG PA GSUM DANG, TSE SNGA MA NAS YOD CING SLAR YANG MI 'GAG PAR PHYI MAR 'GRO BA'I THER ZUG GI 'DZIN TSUL SOGS TSANG BA'I 'JIG LTA ZHIG THOG MA'I MA RIG PAR GSUNGS PA MA YIN PA'I PHYIR, DE BZHIN @009A *, ,DU MDO SDE SA BCU BA LAS KYANG, 'JIG RTEN NA NYES PAR SPYAD PA GANG JI SNYED PA DE THAMS CAD NI BDAG TU MNGON PAR ZHEN PA LAS BYUNG STE, ZHES SOGS YAN LAG BCU GNYIS KYI THOG MAR GSUNGS PA 'BREL MED PAR THAL LO, ,DE SKAD DU YANG tIKA CHEN RIGS PA'I RGYA MTSO LAS, DES NA MDO DES 'JIG LTA MA RIG PAR MI 'GRUB BO ZHES ZER BA NI 'THAD PA MA YIN TE, 'DI LTAR YAN LAG BCU GNYIS KYI DANG PO STON PA SKABS SU BABS PA'I SA BCU PA'I MDO DANG, MA RIG PA RANG GI NGO BO YAN LAG TU STON PA BOR NAS DE LAS DON GZHAN PA'I 'JIG LTA NI YAN LAG TU STON PA RIGS PA MA YIN PAR THAL, DE LTAR NA BCOM LDAN 'DAS SMRA BA PO MI MKHAS PAR 'GYUR BA'I PHYIR, ZHES GSUNGS PAS SO, ,BYAS PA LA KHO NA RE, 'JIG LTA CHOS CAN, MA RIG PA MA YIN PAR THAL, RANG GROGS MA RIG PA DANG MTSUNGS LDAN YIN PA'I PHYIR NA MKHYAB, DE CHOS CAN, NYON MONGS MA YIN PAR THAL, RANG GROGS NYON MONGS DANG MTSUNGS LDAN YIN PA'I PHYIR, KHYAB PA 'GRIGS, GONG GI RTAGS GRUB STE, MDZOD LAS, LTA BA DE DANG MTSUNGS LDAN PHYIR, ,ZHES GSUNGS PA'I PHYIR, 'DI'I TZA BA'I MDO LAS KYANG MTSUNGS LDAN DU BSHAD MOD KYIS, MA RIG PA LAS LOGS SU STON PA MA YIN TE, BAL SHA DANG LDAN PA'I NAGS ZHES PA LTAR 'JIG LTA MA RIG PA'I PHYOGS GCIG TU BSDUS NAS BSTAN PA YIN PA'I PHYIR, YANG KHO NA @009B RE; LTA MIN GYI MA RIG PA LA 'JIG LTA DANG MTSUNGS LDAN GYIS KHYAB PA THAL, DE RAB DANG MTSUNGS PAR LDAN PA'I GROGS LTA MIN GYI MA RIG PA DANG MTSUNGS LDAN YIN PA'I PHYIR NA MA KHYAB STE, DGRA BCOM PA'I RGYUD LA YANG BDEN 'DZIN DU GYUR BA'I SHES 'TSAL YOD LA, DE SHES RAB KYI RDZAS YIN KYANG 'O MA RUL BA LTAR GANG DANG MTSUNGS LDAN DU SONG BA'I STOBS KYIS 'CHAL BAR 'GYUR BA'I LTA MIN GYI MA RIG PA YOD PA'I PHYIR DANG, GZHAN YANG THE TSOM KHONG KHRO GNYIS DANG, SGRA RTAG 'DZIN RTOG PA DANG MTSUNGS LDAN GYI MA RIG PAS KYANG MA NGES PA'I PHYIR, DANG PO GRUB STE, KUN BTUS LAS, LTA BA NI KHONG KHRO BA DANG THE TSOM DANG MTSUNGS PAR LDAN PA MA YIN NO, ,ZHES GSUNGS PA'I PHYIR; GNYIS PA GRUB STE, BDAG 'DZIN PHRA MO MA YIN PA'I PHYIR TE, RTAG 'DZIN DE DANG MTSUNGS LDAN LNGA MTSUNGS YIN PA'I PHYIR, 'DI LA MKHAS PA'I DBANG PO 'GA' ZHIG SEMS SEMS BYUNG LA MTSUNGS LDAN LNGA MTSUNGS MI DGOS TE, BSDU BA LAS, CI'I PHYIR MTSUNGS PAR LDAN PA DAG CES BYA ZHE NA, SMRAS PA, RDZAS MTSUNGS PA DANG, YUL MTSUNGS PA DANG, DUS MTSUNGS PA DANG, BYA BA BYED PA MTSUNGS PA NYID KYI PHYIR RO, ,CI'I PHYIR RNAM BA DANG BCAS PA ZHES BYA ZHE NA, SMRAS PA, RNAM PA DU MA 'JUG PA'I PHYIR RO ZHES DANG, SA'I STOD 'GREL LAS, RNAM PA DU MA STE ZHES BYA BA NI YUL GYI MTSAN NYID THA DAD PAS 'DZIN PA THA DAD PA'I PHYIR RNAM PA THA DAD PA LA BYA STE ZHES DANG, BLO BRTAN @010A *, ,GYI DBUS MTHA'I 'GREL BSHAD LAS, DE DAG KYANG GNAS DANG, DMIGS PA DANG, RDZAS DANG, DUS MTSUNGS PA NYID KYIS MTSUNGS PAR LDAN PA YIN GYI, RNAM PAR SHES PA DANG KHYAD PAR MED PAR THAL BAR 'GYUR BAS RNAM PA MTSUNGS PA NI MA YIN NO ZHES GSUNGS PA'I PHYIR ZHES 'CHAD DO, ,KHA CIG ,MTSUNGS LDAN LNGA MTSUNGS YIN KYANG ZHEN STANGS MTSUNGS MI DGOS TE, LTA MIN GYI MA RIG PA LA 'DZIN TSUL MI YOD PA'I PHYIR, LAM RIM LAS, SLOB DPON THOGS MED SKU MCHED NI, YANG DAG PA'I DON LA PHYIN CI LOG TU 'DZIN PA DANG, RMONGS TZAM GNYIS LAS PHYI MAR BZHED DE, MDOR NA LOG PAR RTOG PA DANG MA RTOGS PA'I BLO GNYIS LAS MA RTOGS PA'I BLO'O, ,ZHES GSUNGS PA'I PHYIR NA MA KHYAB STE, ,LUGS DER LTA BA MA RIG PAR MI BZHED PAS MA RIG PA LA RANG STOBS KYIS RMONGS TZAM MA GTOGS LOG PAR RTOG PA MED PA'I DON YIN PA'I PHYIR YANG NA DMIGS RNAMS NGES CAN GYI BLO DANG MTSUNGS LDAN RNAMS LA 'DZIN TSUL YOD CING, SPYIR LTA MIN GYI MA RIG PA LA ZHEN TSUL MED PA'I DON DU RUNG NGO, ,YANG KHA CIG ,MTHAR LTA SOGS BZHI YANG MA RIG PA YIN PAR THAL, 'JIG LTA LA DE'I PHYIR ZER NA TSAD LDAN GYI GZHUNG GANG NAS KYANG DE DAG MA RIG PAR MA BSHAD PAS RE ZHIG MA KHYAB, DES NA 'DZIN TSUL CAN GYI NYON MONGS LA MA RIG PA DANG MTSUNGS LDAN MI DGOS PA RTOGS SLA, KHA CIG NA RE, MA RIG PA LA LOG RTOG GIS KHYAB PAR THAL, @010B DE LA LOG SHEGS KYIS KHYAB PA'I PHYIR NA MA KHYAB, 'DOD MI NUS TE, DGRA BCOM PAS LOG RTOG SPANGS PA'I PHYIR DANG, THE TSOM DANG MTSUNGS LDAN GYI MA RIG PA'ANG YOD PA'I PHYIR, KHYAB STE, THE TSOM GYIS LEG PAR BZUNG PA MA YIN PAS LOG RTOG TU MI 'GRO BA'I PHYIR, GZHAN DU BDEN PAR YOD DAM MED SNYAM PA'I THE TSOM DE BDEN 'DZIN DU 'DOD DGOS PAS, THE TSOM MTHONG SPANGS NYON MONGS MA YIN PAR 'GYUR RO, ,GONG GI RTAGS GRUB STE, SNGON GYI MTHA' MI SHES PA SOGS MA RIG PA SUM CU LA THE TSOM DANG MTSUNGS LDAN SHAS CHE BA'I PHYIR, RNAM PAR 'BYED PA'I MDO'I 'GREL BSHAD LAS, DE LA SNGON GYI MTHA' DANG PHYI MA'I MTHA' MI SHES PA GNYIS THE TSOM DANG MTSUNGS PAR LDAN BA YIN PAR GSUNGS PA, ZHES GSUNGS PA'I PHYIR, LUNG 'DIS KYANG KHYAB PA BSTAN PA MA YIN TE, DE DAG RE RE LA YANG DON LA DPYAD PA GTAN MA ZHUGS PA DANG, ZHUGS KYANG DPYAD PA MA RDZOGS PA'I SKABS DANG, BSAM NGOR DPYAD BA RDZOGS KYANG GNAS DON MA RNYED PA'I MA RTOGS PA GSUM DANG MTSUNGS LDAN RE YOD PA GANG ZHIG ,MED PAR LTA BA'I LOG LTA DANG MTSUNGS LDAN RE YOD PA'I PHYIR, YANG KHA CIG ,THOG MA'I MA RIG PA DANG 'KHOR RTZA DON GCIG ZER NA, 'JIG LTA PHRA MOR GYUR PA'I 'THAD 'DZIN GYI THOG MA'I MA RIG PA CHOS CAN, 'KHOR BA'I RTZA BA YIN PAR THAL, THOG MA'I MA RIG PA YIN PA'I PHYIR, 'DOD MI NUS TE, LAM RIM LAS, ,KUN BTAGS KYI MA@011A *, ,RIG PA NI GRUB MTHA' SMRA BA DE DAG KHO NA LA YOD PAS 'KHOR BA'I RTZA BAR MI 'THAD PA'I PHYIR RO, ,ZHES GSUNGS PA'I PHYIR, KHA CIG ,RTZA RTAGS MA GRUB STE, MTHONG SPANG DU GYUR PA'I THOG MA'I MA RIG PA MED PA'I PHYIR, DER THAL, THOG MA'I MA RIG PA BYAS PA LAS LHAG PA'I 'KHOR RTZA BYED LUGS MED PA'I PHYIR ZER BA MI 'THAD PAR THAL, MTHONG SPANG DU GYUR PA'I YAN LAG BCU GNYIS YOD PA'I PHYIR TE, RGYUN ZHUGS KYIS SPANGS PA'I DE BCU GNYIS DANG, RGYUN ZHUGS KYI RGYUD LA DE'I NANG TSAN CI RIGS 'BYUNG YANG, PHYIR MI 'ONG LA MI 'BYUNG BA'I DO BCU GNYIS DANG, DGRA BCOM KHO NAS SPANGS PA'I YAN LAG BCU GNYIS YOD PA'I PHYIR, RNAL 'BYOR SPYOD PA'I SA LAS, RGYUN DU ZHUGS PAS YAN LAG DU ZHIG SPONG ZHE NA, THAMS CAD KYI PHYOGS GCIG STE GANG YANG RUNG BA DANG, RIL GYIS SPONG BA NI MA YIN NO, ,PHYIR MI 'ONG BAS YAN LAG DU ZHIG SPONG ZHE NA, 'DOD PA NA SPYOD PA THAMS CAD DO, ,DGRA BCOM BAS YAN LAG DU ZHIG SPONG ZHE NA, KHAMS GSUM NA SPYOD PA THAMS CAD DO, ,ZHES GSUNGS PA'I PHYIR, 'DIS MTHONG SPANG DU GYUR BA'I YAN LAG DANG PO YOD PAR GSUNGS KYANG THOG MA'I MA RIG PA YOD BAR MA GSUNGS ZHES BSHAD PA KUN MKHYEN BLA MA'I DGONGS PAR MI SNANG NGO, DON GSANG MKHAN POS THOG MA'I MA RIG PA MTHONG SPANG KHO NAR 'DOD PA'ANG MI 'THAD PAR 'DIS SHES SLA, GZHAN YANG, BDEN @011B 'DZIN DU GYUR PA'I MA RIG PA LHAN SKYES CHOS CAN, THOG MA'I MA RIG PA YIN PAR THAL, 'KHOR BA'I RTZA BA MTHAR THUG YIN PA'I PHYIR, KHYAB PA KHAS, RTAGS GRUB STE, RIN CHEN PHRENG BA LAS, JI SRID PHUNG POR 'DZIN YOD PA, ZHES SOGS DANG, STONG NYID BDUN CU PA LAS, RGYU DANG RKYEN LAS SKYES DNGOS RNAMS, ,YANG DAG PAR NI RTOG PA GANG, ,DE NI STON PAS MA RIG GSUNGS, ,DE LAS YAN LAG BCU GNYIS 'GYUR, ,ZHES GSUNGS PA'I PHYIR, GZHAN YANG 'PHAGS RGYUD KYI 'JIG LTA LHAN SKYES CHOS CAN, THOG MA'I MA RIG PA YIN PAR THAL, 'KHOR BA'I RTZA BA YIN PA'I PHYIR, RTAGS GRUB STE, RANG GI RIG 'ANG BRGYUD MAR BYUNG BA'I DBANG GIS SNGON GANG ZAG DE NYID RANG DBANG MED BAR SRID RTZVE NAS MNAR MED KYI BAR DU 'KHOR BA'I PHYIR, KHYAB STE, DE LTAR RGYUN LA BSAMS NAS MA BZHAG NA, RANG RGYUD KYI MA RIG PA DE DE'I GNAS SKABS KYI 'KHOR BA'I RTZA BAR MI RIGS SHING, DE'I DBANG GIS SLAR 'KHOR BA LA YANG BYED MI RUNG STE, 'KHOR RTZA RGYUD LA MED PA'I SO SKYE YANG 'JOG DGONGS PA HA CANG THAL BA'I PHYIR, RTZA BAR 'DOD NA, DE CHOS CAN, RANG RGYUD LDAN DES KHYOD KYI ZHEN YUL MED PAR MNGON SUM DU MA RTOGS PAR THAL, KHYOD THOG MA'I MA RIG PA YIN PA'I PHYIR, KHYAB STE, DE'I ZHEN YUL MNGON SUM GYIS SUN MA PHYUNG BAR DU LAS 'DU BYED KYANG DE PHYIN CHAD MI NUS PA GANG ZHIG 'PHEN BYED LAS DNGOS SU KUN NAS SLONG BYED MA YIN PA LA DE'I DON MA TSANG BA'I PHYIR, DANG PO @012A *, ,GRUB STE, RIGS NGES BYANG SEMS SBYOR LAM CHOS MCHOG CHEN PO PA DES 'PHEN BYED LAS GSOG PA MI SRID KYANG, 'PHEN BYED LAS GSOG PA POR 'DOD DGOS SHING, DE PAN CHAD MI STOBS CAN GYIS STOBS CHUNG BRDUNG BA LTAR BDAG 'DZIN GYI DBANG DU MI 'GRO BA'I PHYIR, LAM RIM LAS, DES NA 'KHOR BAR 'PHEN BYED KYI LAS GSOG PA PO NI, THEG CHEN SBYOR LAM CHEN PO LA GNAS PA MAN CHAD KYI SO SO SKYE BO THAMS CAD DO, ,ZHES GSUNGS PA'I PHYIR, DE'I RGYU MTSAN YANG MTHONG LAM GYIS MA BSHIG PAS DUM BUR MA BYAS PA, SGOM LAM GYIS MA BCOS PAS GSOD LDONG DU MA BYAS PA, SA BON YOD PAS BAG LA NYAL GYI RJES SU 'BREL BA STE KHYAD PAR GSUM GYIS SO SKYE DANG RJES SU 'BREL PAR MDO LAS GSUNGS SO, ,ZUR PHYI MA GRUB STE, RTEN 'BREL MDO 'GREL LAS, BDEN PA MTHONG LA 'PHEN PA MED, ,SRED DANG BRAL LA 'BYUNG BA MED, ,CES GSUNGS PA'I PHYIR, 'DI LA SPEL SGOM GYIS MI GNOD DE, 'BRAS BU CHE BAR 'PHEN BYED DE ZAG MED KYI BAR DU BCUG NAS KHA BSGYUR BA TZAM YIN PAR DON GSANG LAS GSUNGS PA'I PHYIR RO, ,RTAG GNYIS PA GRUB STE, MDO 'GREL LAS, 'DU BYED RNAMS KYI RKYEN NYID DU, ,MA RIG BSTAN PA RNAM GNYIS TE, ,NYON MONGS GZHAN LDAN SPYI YI RKYEN, ,DE MED PA NI GTZO BO'I RKYEN, ,ZHES MI DGE BA RNAMS LA SPYI'I RKYEN DANG, 'PHEN BYED DGE BA'I LAS KYI GTZO BO'I RKYEN BYED DGOS PAR GSUNGS @012B PA'I PHYIR, DES NA RTZA BA'I KHYAB PA SO SKYE LA YANG SBYOR MI RUNG STE, DE LA 'JIG LTA LHAN SKYES SHIN TU LKOG GYUR PA YOD PA'I PHYIR DANG, MNGON GYUR GZHIR BZHAG KYANG LAS GSOG PA'I SBYOR BA LA MI GNAS PA YOD PA'I PHYIR RO,, 'DI DAG GIS THOG MA'I MA RIG PA DANG, 'KHOR RTZA LA MU BZHI BRTZI TSUL YANG SHES SLA, MDO 'GREL GYI DON LA KHA CIG ,DGE BA'I DUS KYI KUN SLONG LAM RIG PA MED PAS, THOG MA'I MA RIG PAS DE'I RGYU NYON MONGS KYI NANG NAS GTZO BO'I RKYEN BYED, MI DGE BA LA SPYI'I RKYEN TZAM BYED ZER BA MI 'THAD DE, DGE BA'I DUS KYI KUN SLONG LA LAS 'BRAS LA RMONGS PA'I MA RIG PA MED KYANG, SRID 'BYOR BDE BA'I RANG BZHIN DU 'DZIN PA DANG, DNGOS GZHI THAR PAR 'DZIN PA LTA BU DE KHO NA NYID BDEN BZHI LA RMONGS PA'I MA RIG PA YOD PA'I PHYIR, KUN BTUS LAS, RMONGS PA NI RNAM PA GNYIS TE, 'BRAS BU RNAM PAR SMIN PA LA RMONGS PA DANG, DE KHO NA'I DON LA RMONGS PA'O, ,ZHES PA NAS DE KHO NA'I DON LA RMONGS PAS NI BSOD NAMS DANG MI GA-YO BA RNAMS SO, ,ZHES DANG, RGYAL SRAS MA LAS, DE KHO NA'I DON ZHES BYA BA NI 'PHAGS PA'I BDEN PA BZHI PO DAG GO ,ZHES GSUNGS PA'I PHYIR, KHYAB STE, GSER PHRENG LAS; DE LTAR GSUNGS PA YANG DUS KYI KUN SLONG LA DGONGS KYI, RGYU'I KUN SLONG NI DE KHO NA NYID LA RMONGS PA GCIG PU STE, ZHES GSUNGS PA'I PHYIR, DUS KYI KUN SLONG LA MTSUNGS LDAN GYIS KHYAB PAR 'DOD PA'ANG @013A *, ,'DIS KHEGS TE, DGE BA NYON MONGS CAN MED PA'I PHYIR RO, ,BYAS PA LA KHO NA RE, RGYU'I KUN SLONG LA LAS 'BRAS LA RMONGS PA'I MA RIG PA MED PAR THAL, GSER PHRENG GI LUNG DE'I PHYIR NA MA KHYAB STE, RGYU'I KUN SLONG GI THOG MA'I MA RIG PA LA DGONGS PA'I PHYIR, 'DOD MI NUS TE, RGYU YANG YIN KUN SLONG YANG YIN PA'I DE YOD PA'I PHYIR, KHYAB STE, GANG SBEL LAS, RGYU YANG DE YIN KUN SLONG YANG DE YIN PAS RGYU'I KUN NAS SLONG BA'O, ,ZHES GSUNGS PA'I PHYIR, YANG KHO NA RE, RGYU'I KUN SLONG ZHES PA RGYU YIN TZAM LA MI BYED PAR THAL, DE LA THOG MA'I MA RIG PA ZHES BA'I THOG MA'I DON TSANG DGOS PA'I PHYIR, DER THAL, 'PHEN BYED MI DGE BA'I RGYU LAS 'BRAS LA RMONGS PA'I MA RIG PA YANG DE'I DUS KYI KUN SLONG YIN PA'I PHYIR, SA LU LJANG BA'I 'GREL PAR, RGYU DANG 'BRAS BU LA RMONGS BA'I RGYU LAS BYUNG BA'I 'DU BYED RNAMS NI BSOD NAMS MA YIN PA NYID DU 'DOD DE ZHES GSUNGS PA'I PHYIR NAM KHYAB ZER, MDO 'GREL GYI LUNG DON 'THAD LDAN YOD DE, 'DU BYED KYI RKYEN CHAGS SOGS KYANG YOD NA, MA RIG PA NYID BSTAN MI RIGS SO SNYAM NA MA YIN TE, GTZO BO'I RKYEN GYI DBANG DU BYAS PA'I PHYIR TE, CHAGS SOGS KUN 'BYUNG BA YANG 'DI'I RKYEN GYIS YIN PAS, DES BSKYED BA'I LAS GNYIS KYI GTZO BO'I RKYEN YANG 'DIS BYED PA MI 'GAL BA'I PHYIR TE, BLON PO'I BRAN YANG RGYAL PO'I DBANG DU 'GRO DGOS PA BZHIN 'DI LAS NYON DE @013B GNYIS KA'I SPYI'I RKYEN YIN PAS GNYIS KAR DBANG BYED PA'I PHYIR, DE DANG MI LDAN PA'I ZAG BCAS DGE BA LA SPYI'I MING MI THOB KYANG GTZO BO YIN TE, DE GSOGS MI GSOGS 'DI LA RAGS LAS PAS SO, ,ZHES PA'I DON YIN PA'I PHYIR, KHA CIG ,DUS KYI KUN SLONG LA MA RIG PA DGOS ZER NA, DE MI 'THAD PAR THAL, MDZOD LAS, GSOD DANG GNOD SEMS TSIG RTZUB PO, ,ZHE SDANG GIS NI MTHAR PHYIN BYED, ,LOG GA-YEM BRNAB SEMS MA BYIN LEN, ,CHAGS PA YIS NI RDZOGS PAR 'DOD, ,LOG PAR LTA BA GTI MUG GIS, ,LHAG MA GSUM GYIS RDZOGS PAR 'DOD, ,CES PA LTAR, RDZOGS BYED DUS KYI KUN SLONG NGES CAN YIN KYANG, SBYOR BYED KUN BTUS LTAR SROG GCOD LA YANG SHA LA CHAGS PA DANG, DGRA SHA GLON PA DANG, PHYUGS KYI MCHOD SBYIN LTA BU CHAGS SDANG RMONGS PA GSUM GAS BYED PA YOD PA'I PHYIR, GNYIS PA RANG LUGS LA, MA RIG PA'I NGO BO DANG, GRUB MTHA' SO SO'I 'DOD TSUL GNYIS, DANG PO NI, RIG PA'I 'GAL ZLA MI MTHUN PHYOGS SU GYUR PA'I SEMS BYUNG RMONGS PA MA RIGS PA'I MTSAN NYID, ZUR SO SO'I DON YOD DE, MA RIG PA'I SKAD DOD AA BIDYA ZHES PA'I BIDYA RIG PA LA 'JUG CING, DE AAS BGAG PA LA DGAG TSUL MDO 'GREL LAS, YOD PA DAG NI 'GOG PA DANG, ,GZHAN PA NYID DANG 'DRA BA DANG, ,SMAD DANG NYUNG DANG BRAL DON DANG, ,GNYEN PO DAG LA 'DI YOD DO, ,ZHES PA'I DGAG SGRA BDUN GYI GANG LA BYED CE @014A *, ,NA; SHES RAB MED PA DANG, MA YIN PA DANG, 'DRA BA DANG, SMAD PA TZAM DANG, CHUNG PA DANG, MA SKYES PA STE DGAG SGRA DANG PO DRUG LA MI BYED PAR, CHAGS PA DANG CHAGS MED LTA BU 'GAL ZLA'I GNYEN PO LA BYED PAR GO CHED DU RIG PA'I 'GAL ZLA ZHES SMOS SHING, LHAG MAS SEMS SEMS BYUNG GZHAN MA RIG PA YIN PA 'GOG PA'I PHYIR, BZHI PA'I TZAM SGRA DBU MA PA LA SBYOR DGOS PA KUN MKHYEN BLA MA'I DGONGS PA STE, DBU MA PA THAG KHRA SBRUL 'DZIN DANG DPE SBYAR ZHING SEMS TZAM PAS MUN PA TZAM DANG SBYAR BA YANG DES SHES SO, ,DE LA DBYE NA, SHES SGRIB DANG, NYON SGRIB TU GYUR PA'I MA RIG PA GNYIS YOD CING, PHYI MA LA GANG ZAG GI BDAG 'DZIN DANG, DE MA YIN PA GNYIS, GANG ZAG GI BDAG MED RTOGS PA'I RIG PA'I 'GAL ZLA MI MTHUN PHYOGS KYI GTZO BOR GYUR PA'I SEMS BYUNG RMONGS PA DE, GANG ZAG GI BDAG 'DZIN DU GYUR PA'I MA RIG PA'I MTSAN NYID, GTZO BO SMOS PAS RMONGS TZAM 'GOG ,BDAG 'DZIN DE LA YANG, LTA MIN DANG LTA BA GNYIS YOD DE, DANG PO NI, 'JIG LTA DANG MTSUNGS LDAN GYI MA RIG PA LTA BU'O, ,'DI LA RTEN 'BREL CHEN MOR GZHAN RGYUD KYI GANG ZAG RANG RKYA THUB PA'I RDZAS YOD DU 'DZIN PA'I MA RIG PA BZHAG PA KHAS BLANGS MI NUS SAM SNYAM STE RANG STOBS KYIS LOG PAR 'DZIN PA SHES 'CHAL KHO NA LA SBYAR BA'I PHYIR, LTA BA LNGA GANG RUNG MA YIN PA'I @014B LTA NGAN DU MA ZHIG 'ONG BAR SNANG NGO, ,'JIG LTA LA YANG GZUGS RANG RKYA THUB PA'I BDAG TU LTA BA NAS RNAM SHES DE LTAR LTA BA'I BAR BDAG TU LTA BA LNGA DANG, RANG RKYA BA'I BDAG LA GZUGS LDAN PAR LTA BA, GZUGS RANG RKYA BA'I BDAG GIR LTA BA, GZUGS LA RANG RKYA BA'I BDAG GNAS PAR LTA BA SOGS BDAG GIR LTA BA BCO LNGA KUN BTUS LAS GSUNGS SO, ,ZHE SDANG DANG MTSUNGS LDAN GYI MA RIG PA MTHA' GCIG TU BDAG 'DZIN MA YIN PA LA BSHAD KYANG, DBUM PA LTAR NA ZHIB CHA DGOS, YAN LAG DANG PO LA YANG RGYU DANG DUS KYI KUN SLONG GNYIS YOD CING, RANG GIS KUN NAS BSLANG BYAR GYUR PA'I YAN LAG GNYIS PA'I KUN SLONG GI THOG MAR BYUNG BA'I 'JIG LTA'I RIGS GNAS KYI SEMS BYUNG RMONGS PA DE, THOG MA'I MA RIG PA'I MTSAN NYID, RIGS GNAS SMOS PAS LTA MIN SDUD CING, KUN SLONG TZAM LA DU MA YOD PAS DER MA NGES TE, BDAG SNGON BYUNG NGAM MA BYUNG, SLAR 'BYUNG NGAM MI 'BYUNG SNYAM DU THE TSOM PA DANG, DBYE BA MED PAR DE GNYIS LA RMONGS TZAM STE, SNGON DANG PHYI MTHA' DANG GNYIS KA LA RMONGS PA GSUM DANG, RANG GZHAN GYI RGYUD KYI NGA LA BDAG TU ZHAN PA DANG, GNYIS KA LA RMONGS TZAM GCIG STE, NANG DANG PHYI DANG GNYIS KA LA RMONGS PA GSUM DANG, LAS DANG RNAM SMIN MI 'CHOL BAR 'GRUB PHA LA RMONGS PA DANG, DBANG PHYUG BYED POR 'DZIN PA LTA BU LAS DANG RNAM SMIN DANG GNYIS KA @015A *, ,LA RMONGS PA STE GSUM DANG, DKON MCHOG GSUM LA RMONGS PA'I GSUM DANG, BDEN BZHI LA SO SOR LOG ZHUGS BZHI BZHI'I SOGS RMONGS PA BZHI DANG, KUN NYON GYI RGYU YAN LAG SDAMS PHYI MA SKYED CING PHYI MA SNGA MA LAS 'BYUNG TSUL DANG, RNAM BYANG GI RGYU DAM PA BSTEN PA, CHOS MNYAM PA, TSUL BZHI NYID LA BYED PA, SNGON GOMS PA DANG BZHI LAS 'BRAS BU BYANG PHYOGS SO BDUN 'BYUNG BA LA RMONGS PA DANG, DRAN NYE YANG DAG SPONG BA RDZU 'PHRUL GYI RKANG PA DBANG PO STOBS BYANG LAG 'PHAGS LAM YAN LAG STE, BYANG PHYOGS SDE TSAN BDUN NI DGE SOGS YIN CING, DE'I MI MTHUN PHYOGS MI SHES PA DANG, LE LO DANG, GA-YENG BA DANG, MI MOS PA DANG, DRAN SHES BZHIN NYAMS PAS STOBS CHUNG BA DANG, MTHONG SPANG DANG SGOM SPANG RNAMS MI DGE BA DANG KHAN MTHO BA DANG BCAS PA SOGS LA RMONGS PA NAS BYANG PHYOGS RNAMS MA DAGS BDUN DU MI MTHUN PHYOGS DANG 'DRES PAR 'BYUNG YANG, DAG SA LA DE LTAR MA YIN PA'I RNAM DBYE LA RMONGS BA'I BAR RGYU DANG YANG DAG PAR 'BYUNG BA DANG DGE MI DGE KHA NA MTHO BA DANG BCAS MA BCAS BSTEN BYA YIN MIN NGAN PA DANG GYA NOM NAG PO DANG DKAR PO DANG RNAM PAR DBYE BA DANG BCAS PA LA RMONGS PA STE BCU GSUM DANG, SKYE MCHED DRUG JI LTA BA BZHIN SHES PAR RLOM PA'I MNGON PA'I NGA RGYAL NGANG MTSUNGS LDAN GYI MA RIG PA SKYE MCHED DRUG LA RMONGS PA GCIG RNAMS SU YOD PA'I PHYIR, 'DI DAG @015B KYANG BDUN DU 'DU STE, DUS LA RMONGS PA GSUM DANG, DNGOS PO LA GSUM, 'PHOB LA GSUM, MCHOG LA GSUM, DE KHO NA NYID LA BZHI, KUN BYANG LA BCU GSUM, MNGON PA'I NGA RGYAL CAN GYI KUN RMONGS GCIG YOD PA'I PHYIR, SA'I DNGOS GZHIR KUN BYANG GI BCU GSUM BSDOMS NAS LHAG MA BCU DGU 'KHOR BAR 'JUG LDOG LA SBYAR TE NGOS 'DZIN YANG SNGAR DANG MI 'DRA BA CUNG ZAD YOD DO, ,SUM CU PO DE LA MA RTOG LOG RTOG THE TSOM GSUM DANG MTSUNGS LDAN RI DANG, DE LA CHUNG 'BRING CHA GSUM RE, DE RE RE LA THOS BSAM SGOM PA'I GEGS GSUM RE STE BRGYAD BRGYA DANG BCU 'BYED TSUL DANG DBYE BA'I RNAM GRANGS STON PAR, MDO LAS, MI SHES PA NGANG MI MTHONG BA DANG MNGON PAR MI RTOGS PA DANG RMONGS PA DANG KUN TU RMONGS PA DANG MUN PA'I RNAM PA ZHES BYA BA 'DI NI MA RIG PA ZHES BYA'O, ,ZHES GSUNGS TE, DE LA DGONGS NAS 'GREL PAS KYANG, MI SHES PA LA SOGS PA NI RNAM GRANGS SO, ,ZHES BSHAD DO, , MDO'I DON NI, DANG PO GSUM GYIS THOS BSAM SGOM PA LA GEGS BYED PA'I MA RIG PA GSUM BYED LAS DANG MTHUN PA'I MING GIS BSTAN CING, PHYI MA GSUM NI THE TSOM LOG RTOG MA RTOG PA NGANG MTSUNGS LDAN GSUM DANG, CHUNG 'BRING CHE GSUM DANG, GZUGS MED GZUGS DANG 'DOD PA'I SAS BSDUS GSUM LA YANG SBYAR BA'I SBYOR TSUL SO SO'I DBANG DU MA BYAS NA MI 'GAL LO, ,GNYIS PA GRUB MTHA' SO SO'I 'DOD TSUL LA, SPYI DANG, MA @016A *, ,'DRES PA'I MA RIG PA 'DOD TSUL GNYIS, DANG PO NI, BYE SMRA DANG SEMS TZAM PA GNYIS NA RE, DBUM PA KHYOD KYIS MA RIG PA ZHES PA'I DGAG SGRA SMAD PA LA BYAS NAS SHES RAB NGAN PA ZHIG MA RIG PAR 'DOD PA MI 'THAD PAR THAL, DE LTA MA YIN PA'I PHYIR ZHES STON PAR, MDZOD LAS, SHES RAB NGAN PA'O MIN LTA'I PHYIR, ,ZHES BYUNG, GAL TE LTA BA'I KUN SBYOR DANG MA RIG PA'I KUN SBYOR 'GAL YANG 'DIR MA RIG PAR 'DOD PA'I SHES RAB NGAN PA DE LTA BA LAS GZHAN ZHIG GO ZHES KYANG SMRA MI NUS TE, LTA BA NI MA RIG DE DANG MTSUNGS LDAN DU YOD LA, YANG DE LAS LOGS SU SHES RAB KYI RDZAS ZHIG BZHAG NA RDZAS MTSUNGS NYAMS PA'I PHYIR, MDZOD LAS, LTA BA DE DANG MTSUNGS LDAN PHYIR, ,ZHES BYUNG, RTOG DPYOD SOGS LA ZHIB CHA DGOS, GZHAN YANG, 'JIG LTA CHOS CAN, MA RIG PA MA YIN PAR THAL, MDO LAS MA RIG PAS NYE BAR NYON MONGS CAN DU GYUR PA'I SHES RAB CES MA RIG PAS NYON MONGS CAN DU BYA RGYU LA GSUNGS PA'I PHYIR, MDZOD LAS, SHES RAB NYON MONGS BSTAN PHYIR RO, ,ZHES BYUNG, BSDU BA YANG DE DANG MTHUN ZHING, LUNG DE DAG RTEN 'BREL CHEN MOR 'BRU SNON TSUL DE NYID LA BLTA'O, ,DPAL LDAN CHOS GRAGS DANG ZLA BA SOGS KYIS DE BKAG TSUL NI, THOG MA'I MA RIG PA DES BDAG MED RTOGS PA'I SHES RAB KYI LOGS PHYOGS MA BZUNG NA DE GNYIS 'DZIN STANGS DNGOS 'GAL DU MI 'GRO BAS DRUNGS 'BYIN @016B MI NUS SHING, RANG NYID 'DOD PA'I DPE DANG YANG 'GAL TE, MDZA' BA'I 'GAL ZLA LA DGRA LTA BU DGOS KYI BAR MA ZHIG MI YONG LA, RDZUN TSIG GI 'GAL ZLA LA YANG BDEN TSIG DGOS PA'I PHYIR, DES NA 'JIG LTA MA RIG PA YIN TE; RIG PA YE SHES DANG 'DZIN STANGS DNGOS SU 'GAL PA'I SGO NAS DE'I MI MTHUN PHYOGS SU SONG BA'I PHYIR, RNAM 'GREL LAS, RIG BA'I MI MTHUN PHYOGS PHYIt DANG, ,SEMS BYUNG NYID KYIS DMIGS PA'I PHYIR, ,LOG PAR DMIGS NYID MA RIG PAR, ,GSUNGS PHYIR GZHAN NI RIGS MA YIN, ,ZHES GSUNGS PA'I PHYIR, RKANG PA GNYIS PAS DGAG SGRA'I DON BSTAN CING PHYI MA GNYIS SNGAR BSHAD ZIN TO, ,GNYIS PA MA 'DRES PA'I MA RIG PA 'DOD TSUL LA; BYE SMRA RNAMS LTA BA LNGA DANG, LTA MIN GZHAN BZHI, KHRO SOGS BCU GANG DANG YANG MTSUNGS LDAN MA YIN PA'I MA RIG PA ZHIG LA 'DOD DO, ,DE SKAD DU YANG, MDZOD LAS, MI DGE LA NI MA 'DRES DANG, ,LTA DANG LDAN LA NYI SHU 'BYUNG; ;ZHES BYUNG, 'BYUNG TSUL NI, DE DANG MTSUNGS LDAN GYI SEMS DA CHOS CAN, KHYOD KYI 'KHOR DU SEMS BYUNG NYI SHU 'BYUNG STE, SEMS KYI SA MANG BCU, NYON MONGS BA'I SA MANG DRUG ,MI DGE BA'I SA MANG GNYIS, RTOG DPYOD GNYIS DANG BCAS PA 'BYUNG BA'I PHYIR, MDZOD LAS, TSOR DANG SEMS PA 'DU SHES DANG, ,'DUN DANG REG DANG BLO GROS DRAN, ,YID LA BYED DANG MOS PA DANG, ,TING NGE 'DZIN SEMS THAMS CAD LA, ,ZHES DANG,@017A *, ,RMONGS DANG BAG MED LE LO DANG, ,MA DAD PA DANG RMUGS DANG RGOD, ,NYON MONGS CAN LA RTAG TU 'BYUNG, ,ZHES GSUNGS PA'I PHYIR, ZUR PHYI MA GNYIS GRUB STE, 'JIG LTA MTHAR LTA GNYIS DANG MTSUNGS LDAN CI RIGs LAS GZHAN BA'I 'DOD NYON YIN PA'I PHYIR, KHAMS GONG NA DE'I 'KHOR DU BCU DRUG DANG BCU BDUN BCO BRGYAD YANG 'BYUNG NGO, ,SEMS TZAM PAS GTZO BOR NYON YID 'KHOR LA 'DOD KYANG MA NGES TE, KUN BTUS LAS, MA RIG PA MA 'DRES PA GANG YIN PA DE NI 'DOD PA'I KHAMS NA YID MI BDE BA DANG, BTANG SNYOMS DANG MTSUNGS PAR LDAN NO, ,ZHES GSUNGS SHING, NYON YID 'KHOR LA YID MI BDE MED PAS MDZOD LTAR MJUG SHES GCIG KYANG 'DOD PAR MNGON NO, ,MA 'DRES PA'I DON YANG MDZOD LAS MTSUNGS LDAN MA 'DRES PA LA BSHAD CING, BTZUN PA NGO BO NYID MED PAS SANGS RGYAS KHO NANG YOD PA LA DE'I CHOS MA 'DRES PAR BSHAD PA LTAR NYON YID KHO NA LA YOD PAS RTEN MA 'DRES PAR BSHAD, DON GSANG MKHAN POS 'DIS RANG STOBS KYIS CHAGS SOGS 'DREN KYANG GZHAN GYIS 'DI 'DREN MI NUS PA'I PHYIR MTHU MA 'DRES PA'AM RDZAS MA 'DRES PA LA BSHAD DO, ,PHYI MA MI 'THAD DE, DE DAG PHAN TSUN BRTEN NAS 'JUG PAS 'DI KHO NAS DRANGS ZHES BZHAG TU MED PA'I PHYIR, DES NA NYON YID 'KHOR GZHIR BZHAG LA SNGA MA NYID RJE BLA MAS 'THAD PHYOGS SU MDZAD DO, ,RTZOD SPONG LA KHO NA RE, 'JIG LTA LA MTHONG SPANG MED PAR @017B THAL; DE LA NYON YID 'KHOR GYIS KHYAB PA'I PHYIR NA MA GRUB STE, MTHONG SPANG KUN SBYOR GSUM YOD PA'I PHYIR DANG, 'JIG LTA LA KUN BTAGS DANG LHAN SKYES GNYIS MI 'BYED PA BYE SMRA'I LUGS SU GSUNGS PA'I PHYIR, YANG KHO NA RE, THOG MA'I MA RIG PA'I MTSAN NYID DE MI 'THAD PAR THAL, DE LA GNYIS PA 'DU BYED KYI DNGOS RGYUS MA KHYAB PA'I PHYIR NA MA KHYAB, RTAGS GRUB STE, DE GNYIS BAR DU SBYOR MTHA' YID BYED KYIS CHOD PA YOD LA, MI DGE BA'I RTZA BA GSUM CI RIGS KYIS CHOD PA'ANG YOD PA'I PHYIR, YANG KHO NA RE, 'JIG LTA CHOS CAN, RTZA NYON DRUG GI GRANGS 'DREN GYI MA RIG PA YIN PAR THAL, DE'I NANG TSAN GANG ZHIG ,MA RIG PA YIN PA'I PHYIR NA MA KHYAB, YANG KHO NA RE, MA 'DRES PA'I MA RIG PA LA NYON YID 'KHOR DGOS PAR THAL, NYON YID MED NA MA 'DRES PA'I MA RIG PA MED PAR THAL BA 'PHANGS TSUL YOD PA'I PHYIR NA MA KHYAB, RTAG TU MNGON GYUR DU 'JUG PA'I DE MED PAR THAL BA 'PHANGS PA YIN BA'I PHYIR, YANG KHO NA RE, RANG RGYUD KYI MA RIG PA'I DBANG GIS 'KHOR BAR 'KHOR BA'I GANG ZAG MED PAR THAL, DE DE'I RGYUD KYI 'KHOR BA'I RGYU MA YIN PA'I PHYIR NA MA KHYAB, YANG KHO NA RE, MA RIG PA'I RGYU MED PAR THAL, 'DIR DNGOS SUM BSTAN PA'I PHYIR NA MA KHYAB STE, 'DIR MA RIG PA DANG POR BSTAN PA 'KHOR BA'I RTZA BA DE LA THUG PAR SHES CHED YIN PA'I PHYIR, DE BZHIN DU SMRE SNGAGS SOGS SLONG BA'I YID TSOR MYA NGAN DANG, DE LAS GZHAN PA'I YID @018A *, ,MI BDE SOGS SKYO BA BSKYED PA'I CHED TZAM DU GSUNGS KYANG RGA SHI'I 'OG TU YAN LAG GZHAN MA GSUNGS PAS PHYI MTHA' BZUNG BAR MI 'GYUR BA SHES SLA, DGRA BCOM PA'I RGYUD LA 'KHOR BA LDAN MI LDAN SOGS KUN MKHYEN BLA MA'I GSUNG LA BLTA'O, ,GNYIS PA 'DU BYED BSHAD PA LA, DGAG BZHAG SPANGS GSUM, DANG PO NI, MDZOD LTAR LUS NGAG GI LAS GZUGS CAN KHO NA BSAM PA'I LAS DANG, YID LAS SEMS PA'I LUS SU 'DOD ZER NA, MI 'THAD PAR THAL, YID LAS KYANG MTHAR THUG GRUB PA'I TSE BSAM PA'I LAS SU 'JOG PA'I PHYIR, KUN BTUS LAS, BSAM PA'I LAS GANG ZHE NA, LUS DANG NGAG DANG YID KYI LAS SO, ,ZHES GSUNGS PA'I PHYIR, GZHAN YANG, DE MI 'THAD PAR THAL, LAS SPYI TZAM GZUGS CAN DU SUS KYANG MI 'DOD LA, LUS NGAG GI LAS GZUGS CAN DU 'DOD PA YANG BYE SMRA DANG THAL 'GYUR BA GNYIS LAS MED PA'I PHYIR, RTZA SHE tI KA CHEN LAS, GZHUNG GZHAN LAS BYE BRAG TU SMRA BAS LUS NGAG GI LAS GZUGS CAN DU 'DOD PA BKAG NAS, LUS NGAG GI BYA BA LA 'JUG PA'I DUS KYI SEMS PA LA BSHAD MOD KYANG ZLA BAS GZUGS CAN DU BZHED DO, ZHES GSUNGS PA'I PHYIR, LUNG 'DI'I DON DU BSAMS NAS LUS KYI RNAM PAR RIG BYED DANG MNYAM DU 'JUG PA'I SEMS PA KHO NA LUS LAS ZHES SOGS SMRA BA'ANG MI 'THAD DE, RNAM 'GYUR GYIS RDZUN BYAS PA NGAG LAS DANG, @018B NGAN SNGAGS KYIS SROG BCAD PA LUS LAS YIN PA'I PHYIR, KHA CIG NA RE, BYE SMRA'I LUGS LA NGAG LAS SU GYUR BA'I BSTAN BCOS YOD PAR THAL, MDZOD LAS, NGAG RNAM RIG BYED NI NGAG SGRA, ,ZHES DE LA NGAG SGRA ZHIG BZHAG PA'I PHYIR NA DE'I LUGS LA 'GAL KHYAB BO, ,DPE STON SDE PA NA RE, BRNAB SEMS GNOD SEMS LOG LTA GSUM LAS YIN PAR THAL, MDO LAS, LAS RNAM PA GSUM BYAS SHING BSAGS PA YIN ZHE NA, 'DI LTA STE, DGE SLONG LA LA BRNAB SEMS DANG LDAN PA YIN, ZHES SOGS KYIS DE GSUM LAS LOGS SU YID LAS MA BSHAD PA'I PHYIR ZER NA MA KHYAB, 'DOD MI NUS TE, LAS NYON GNYIS 'GAL BA'I PHYIR DANG, MDZOD LAS, GSUM LAM BDUN NI LAS KYANG YIN, ,ZHES MI DGE BCU SEMS BA 'JUG BA'I GZHI YIN PAS, LAS LAM YIN PAR MTSUNGS KYANG, PHYI MA GSUM LAS MA YIN PAR GSUNGS PA'I PHYIR, LAS GRUB PA LAS, LAS KYANG YIN LA BDE 'GRO DANG NGAN 'GRO'I LAM YANG YIN PAS LAS LAM DU 'JOG TSUL GCIG KYANG GSUNGS SO, ,KHO NA RE, SEMS PA YIN NA LAS LAM MA YIN DGOS PAR THAL, LAM RIM LAS, SEMS PA NI LAS YIN LA LAS KYI LAM NI MA YIN NO, ,ZHES GSUNGS PA'I PHYIR NA MA KHYAB STE, SROG GCOD PA'I KUN SLONG GI SEMS PA LA DGONGS PA'I PHYIR, YANG GO SH'A KA SOGS NA RE, LAS DKAR DANG, DGE BA'I LAS DON GCIG LAS NAG DANG, @019A *, ,MI DGE BA'I LAS DON GCIG ZER NA, ZHE SDANG GIS KUN NAS BSLANGS TE SROG GCOD PA'I PHYIR SBYIN PA BTANG BA'I LAS CHOS CAN, DGE BA YIN PAR THAL, DKAR PO'I LAS YIN PA'I PHYIR TE, NGO BO SBYIN PA'I LAS YIN PA GANG ZHIG ,SBYIN PA NGO BO NYID KYIS DGE BAR BSHAD PA'I PHYIR, 'DOD MI NUS TE, RNAM SMIN NAG PA'I LAS YIN BA'I PHYIR TE, RNAM SMIN DKAR NAG BSAM PA DKAR NAG LA RAG LAS PA'I PHYIR; RIN CHEN PHRENG BA LAS, 'DOD CHAGS ZHE SDANG GTI MUG GSUM, ,DES BSKYED LAS NI MI DGE BA, ,ZHES GSUNGS PA'I PHYIR, 'DI'I DON 'DOD PA'I SAS BSDUS KYI DUG GSUM BYE BRAG PA GCIG LA DGONGS PAS GTI MUG THAMS CAD MA YIN TE, BSOD NAMS DANG MI GA-YO BA'I LAS KYI KUN SLONG GI 'JIG LTA YOD LA, DGRA BCOM PA'I RGYUD KYI BDAG 'DZIN YANG GTI MUG TU BSHAD PA'I PHYIR, BYAS PA LA KHO NA RE, DE CHOS CAN; BSAM BA NAG LA SBYOR BA DKAR PA'I LAS MA YIN PAR THAL, SBYOR BA NAG PA'I LAS YIN PA'I PHYIR, DER THAL, SBYOR BA NAG LA DNGOS GZHI DKAR BA'I LAS YIN PA'I PHYIR NA GRAGS TSOD DANG MTHUN CHED MA KHYAB BO; 'DOD MI NUS TE, DKAR NAG 'DRES TSUL DE LTAR YIN PA KUN BTUS LAS, BSAM PA NAG LA SBYOR BA DKAR BA'AM, SBYOR BA NAG LA BSAM PA DKAR BA'O, ,ZHES GSUNGS PA'I PHYIR, PHAN SEMS KYIS BU @019B SLOB LA MTHO 'TSAMS PA SOGS LAS NAG YIN KYANG DGE BAR MI 'GAL BA 'DIS SHES SO, ,DE LA KHO NA RE, PHAN SEMS KYIS KUN NAS BSLANGS PA'I DE CHOS CAN, DKAR CHOS KYANG MA YIN PAR THAL, DKAR BA'I LAS MA YIN PA'I RGYU MTSAN 'THAD PA'I PHYIR NA MA KHYAB, 'DOD MI NUS TE, RIGS RGYAN LAS, SPYAD PA LAS BDE BA DKAR CHOS KYI MTSAN NYID, CES GSUNGS PA'I PHYIR, 'DIR KHA CIG ,LAS DKAR DANG DKAR BA'I LAS KYI KHYAD 'BYED PA NI, SNGON GYI MKHAS PA THAMS CAD LAS MDZANGS PA'I GTAM MO, 'DI DANG MDZOD KYI BSHAD PA MI MTHUN TE, MDZOD LAS, MI DGE GZUGS DANG 'DOD GTOGS PA'I, ,DGE BA RNAMS NI RIM BZHIN DU, ,NAG DANG DKAR DANG GNYIS KA'I LAS, ,ZHES NGO BO'I SOGS MI 'JOG PAR RGYUD LA SBYAR TE 'DOD PAR MI DGE BA SHUGS CHE BAS MI DGE BA GANG YIN GCIG TU NAG PA DANG, 'DOD BA'I BDE 'GROR 'PHEN BYED PHAL CHER MI DGE BA DANG 'DRES PAR LDAN ZHING, 'BRAS DUS KYANG BDE SDUG 'DRES MAR MYONG BAS DKAR NAG 'DRES MA DANG, GZUGS SU SKYE BA 'PHEN BYED RNAMS GCIG TU DKAR BAR 'DOD KYANG, GZUGS MED MA BSHAD PA NI 'DIR GANG NA SGO GSUM GYI LAS DANG, RNAM SMIN YANG BAR SRID DANG SKYE SRID GNYIS KA YOD PA'I LAS KYI DBYE BA 'CHAD PA'I SKABS YIN PA'I PHYIR, LUNG DE'I DKAR NAG 'DRES MA LA DGE BAS KHYAB KYANG, KUN BTUS KYI DE LA MA KHYAB BO, ,KHA CIG NA RE, KUN SLONG LA PHAN @020A *, ,SEMS YOD PA'I SROG GCOD KYI LAS LA BSAM PA DKAR LA SBYOR BA NAG PA'I LAS KYIS KHYAB PAR THAL, DED DPON SNYING RJE CAN GYIS MI NAG MDUNG THUNG CAN BSAD PA'I LAS DE SROG GCOD KYI LAS YIN KYANG DGE BAR GSUNGS PA'I PHYIR NA MA KHYAB, KHA CIG RTAGS MA GRUB STE, DE SROG GCOD KYI LAS MA YIN PA'I PHYIR, GZHAN DU NA SANGS RGYAS LA YID YOD PAR THAL LO ZHES ZER, 'O NA, SA MTHON PO LA LUS NGAG GI BDUN MA GNANG BAR THAL, DE'I TSE DE DAG BYED PA MI SRID PA'I PHYIR, RTZA BAR 'DOD MI NUS TE, PHAN SEMS TZAM YOD KYANG DE BSOD PAS RANG GIS BSOD NAMS 'THOB SNYAM NA LAS 'BRAS LA RMONGS PA'I MA RIG PAS KUN NAS BSLANGS PAS MI DGE BAR 'GRO BA DPER NA DGE SLONG MA SKYONG MAS CHOM RKUN DRUG CU BSAD PAS PHAN PA BYUNG BA LTA BU YIN PA'I PHYIR, KHA CIG ,MI DGE BA'I LAS GANG ZHIG ,RNAM SMIN 'BYIN NA RNAM SMIN MYONG NGES KYI LAS YIN PAS KHYAB ZER NA, MI 'THAD PAR THAL, BYAS LA MA BSAGS PA'I MI DGE BA'I LAS KYANG GNYEN POS MA BCOM NA RNAM SMIN CHUNG MI ZA BA GANG ZHIG ,DE MA NGES PA'I LAS YIN PA'I PHYIR, RNAL 'BYOR SPYOD PA'I SA LAS MA NGES PA'I LAS NI BSAMS BZHIN DU BYAS LA, MA BSAGS PA GANG YIN PA'O, ,ZHES GSUNGS PA'I PHYIR, YANG KHA CIG ,NGES PA'I LAS YIN NA RNAM SMIN MYONG NGES YIN PAS KHYAB ZER NA, MA SKYES DGRAS PA BSAD PA'I @020B MTSAMS MED LAS CHOS CAN, DER THAL, DE'I PHYIR, RTAGS GRUB STE, MTSAMS MED LAS YIN PA'I PHYIR, KHYAB STE, MTSAMS MED DU 'GYUR BA LA PHA MA GLING GSUM GYI SKYES PA MUD MED GANG YIN ZHING, GSOD MKHAN YANG ZA MA SOGS MA YIN PA ZHIG GIS 'DU SHES MA 'KHRUL BA'I SGO NAS BSAMS BZHIN DU BYAS TE DNGOS GZHI RDZOGS DGOS PA'I PHYIR DANG, NGES PA'I LAS KYI DON DE YIN PA'I PHYIR, RNAL 'BYOR SPYOD PA'I SA LAS, NGES PA'I LAS NI BSAMS BZHIN DU BYAS PA DANG, BSAGS PA GANG YIN PA'O, ,ZHES GSUNGS PA'I PHYIR, RTZA BAR 'DOD MI NUS TE, RTOG GE 'BAR BA LAS, RGYUR GYUR PA'I SEMS PAS MNGON PAR 'DU BYAS PA NI, SEMS PA'I KHYAD PAR GZHAN THOB PA NA YONGS SU ZAD PAR 'GYUR TE, JI LTAR SOR MO'I PHRENG BA DANG, MA SKYES DGRA, ZHES SOGS DANG, BSHES SPRINGS LAS, GANG ZHIG SNGON CHAD BAG MED GYUR PA DAG ,PHYIS NAS BAG DANG LDAN PA NYID GYUR NA; ;ZLA BA SPRIN BRAL LTA BUR RNAM MDZES TE, ,DGA' BO SOR 'PHRENG MTHONG LDAN BDE BYED BZHIN, ,ZHES GSUNGS PA'I PHYIR, DES NA DMYAL BAR NGAR GYI PHO LONG BRDAB PA TZAM SKYES TSUL BSTAN PA NI LAS 'BRAS LA YID CHES SKYED PA'I PHYIR YIN LA, DE'I RNAM SMIN GYI DMYAL BA'I SDUG BSNGAL MA MYONG YANG 'BRAS BU TZAM MA LUS PAR DAG PA MA YIN PA'I ZHING CHA DGOS, 'DI LA KHA CIG ? SKYES DGRA LA MTSAMS MED MA BYUNG BAR THAL, YAB MA SHI @021A *, ,GONG NAS GSOD SEMS LOG PA'I PHYIR, 'OD LDAN LAS, MA SKYES DGRAS GSON PA'I SGRA ZHIG YOD NA MGU BA'I RDZAS SBYIN PAR DAM BCAS PA DANG, GZUGS CAN SNYING PO SHIN TU MYUR BAR 'ONGS PA RNAMS KYI SGRA THOS PAS SHI BAR GYUR PA'I PHYIR, ZHES GSUNGS PA'I PHYIR NA MA KHYAB STE, SNYING RJE SKYES KYANG GSOD SEMS MA LOG PA'I PHYIR, DE NYID LAS, RAB TU SDANG BA'I GNAS SKABS NA SBYOR BA BYAS PA NI SNYING BRTZE BA'I GNAS SKABS NA YONGS SU RDZOGS NA CHUNG NGU NYID YIN PAS MA SKYES DGRA LA MTSAMS MED PA CHUNG NGU NYID BYUNG BA'I 'GAL BA MED DO, ,ZHES GSUNGS PA'I PHYIR, YANG KHA CIG ,GANG ZAG GCIG BSAD PAS MTSAMS MED GNYIS 'BYUNG BA YOD PAR THAL, GTZUG PHUD CAN LA DGRA BCOM BSAD PA'I DE BYUNG BA GANG ZHIG ,PHA BSAD PA'I DE YANG BYUNG BA'I PHYIR NA MA KHYAB STE, MDZOD 'GREL LAS, DGRA BCOM PA MA YIN PA'I 'DU SHES KYIS DGRA BCOM PA BSAD NA MTSAMS MED PAR 'GYUR TE, ZHES DANG, GANG GIS PHA DGRA BCOM PA BSAD NA YANG MTSAMS MED PA NI GCIG KHO NAR 'GYUR TE, RTEN GCIG PA'I PHYIR, ZHES GSUNGS SHING, LUNG LAS GNYIS SU GSUNGS PA YANG SGO GNYIS NAS SPYOS PA TZAM YIN PAR BSHAD DO, ,'DUL BA'I RJES 'BRANG GI MNGON BA PA RNAMS GTZUG BUD CAN LA DGRA BCOM BSAD PA'I MTSAMS MED MA BYUNG BAR 'DOD DE, 'OD LDAN LAS, LUS GCIG LA @021B DGRA BCOM PA'I CHOS MED PAR NOR BAS BSAD NA MTSAMS MED PAR 'GYUR NA MI RUNG GI, 'ON KYANG PHAM PA NI SUS KYANG BZLOG PAR DKA'O, ,ZHES GSUNGS PA'I PHYIR, MTSAMS MED LHAG MA RNAMS 'BYUNG MI 'BYUNG GI KHYAD PAR YANG, MDZOD LAS, MTSAN NI GZHAN DU GYUR KYANG 'GYUR, ,GANG GI ZLA MTSAN LAS BYUNG MA, ,SANGS RGYAS BRDEG PAR SEMS LA MIN, ,BSNUN 'OG DGRA BCOM PA LA MIN, ,ZHES GSUNGS TE GO SLA'O, ,YANG KHA CIG ,DGE 'DUN 'KHOR LO'I DBYEN LA MNAR MED DU SKYE BA 'PHEN BYED KYIS KHYAB PAR THAL, DBYEN GYI MTSAMS MED LA DES KHYAB PA'I PHYIR NA MA KHYAB, 'DOD MI NUS TE, MA BSGRIB LUNG MA BSTAN YIN PA'I PHYIR, DE LA KHA CIG, DBYEN GYI MTSAMS MED LA YANG 'PHEN BYED LAS KYIS MA KHYAB PAR THAL, TSE GCIG LA MTSAMS MED DU MA BSAGS NA GCIG MA GTOGS RDZOGS BYED YIN PA'I PHYIR, MDZOD LAS, LHAG PA'I GNOD PA LHAG PAR 'GYUR, , ZHES GSUNGS PA'I PHYIR ZER NA, DE BYE SMRA'I LUGS YIN ZHING, DE'I DBANG DU BYAS KYANG MI GNOD DE, DBYEN GYI MTSAMS MED LCI SHOS YIN PA'I PHYIR, GONG MA LTAR NA SHIN TU MI 'THAD PAR THAL, MYONG 'GYUR GSUM TSE DE DANG DE LA 'GO BRTZAMS PAS CHOG GI, RNAM SMIN RDZOGS MI DGOS PAS MTSAMS MED GZHAN RNAMS KYANG 'PHEN BYED DU BZHAG CHOG PA'I PHYIR, DE LTA MA YIN NA, GANG DAG 'GOG BYAMS NYON MONGS MED, ,MTHONG DANG DGRA @022A *, ,BCOM 'BRAS LANGS PA, ,DE LA PHAN GNOD BYAS PA YIS, ,'BRAS BU 'PHRAL DU MYONG BAR 'GYUR, ,ZHES SOGS KYIS BSHAD PA'I LAS STOBS CAN DU MA LA SKUR BA BTAB PAR 'GYUR TE, MI'I SDUG BSNGAL THAMS CAD BSDOMS KYANG DMYAL BA'I SDUG BSNGAL GYI CHAR MI 'GRO BA'I PHYIR, MDZOD 'GREL LAS SO, ,BYE SMRA LTAR NA TSE DE DANG DER RDZOGS DGOS PAS LAS GCIG GIS LUS DU MA 'PHEN PA MED DE, SKYES NAS MYONG 'GYUR SOGS 'CHOL BAR 'GYUR BA'I PHYIR, MDZOD LAS, GCIG GIS SKYE BA GCIG 'PHEN BYED, ,YONGS RDZOGS BYED PA DU MA YIN, ,ZHES GSUNGS PAS SO, ,DES NA MTHONG CHOS MYONG 'GYUR LA 'PHEN BYED LAS MED DE, MDZOD LAS, GSUM GYI RIS NI 'PHEN PAR BYED CES MYONG 'GYUR PHYI MA GNYIS, MA NGES PA'I LAS DANG GSUM DMIGS KYIS BSAL BA'I PHYIR, SKYES NAS MYONG 'GYUR 'JOG TSUL YANG BSAGS PA'I TSE LA LTOS NAS 'JOG PA MI 'THAD DE, 'BRAS BU RIM GYIS PA'I PHYIR MI 'ONG SKYES 'DA' BA DES PHYIR MI 'ONG MA THOB GONG DU DNGOS GZHI MA THOB PA'I PHYIR GSUNGS, DON GSANG LAS, BAR CHAD MED LAM KHO NA'I GONG DU YANG SKYE BA, ZHES GSUNGS PA MCHIMS tIKA TU RANG LUGS MDZAD CING, NOR BZANG BA SOGS KYANG DE LA 'PHEN BYED BZHAG NAS RDZOGS BYED DNGOS GZHI LA LTOS PAR BSHAD PA LTAR NA MA NGES KYANG, KUN MKHYEN BLA MA'I GSUNG DANG BSTUN NA DE LA 'PHEN @022B BYED MED DAM SNYAM STE DPYAD, RANG LUGS LA, RANG DANG MTSUNGS LDAN GYI SEMS YUL LA GA-YO ZHING BSKUL BAR BYED PA'I SEMS PAS RAB TU PHYE BA DE, LAS KYI MTSAN NYID, LAS LA BAG CHAGS YOD DE, BCU PA SRID PA BAG CHAGS YIN PA'I PHYIR, RTEN 'BREL MDO 'GREL LAS, BAG CHAGS KYI GNAS SKABS LA SRID PA'I MING THOB PA YIN NO, ,ZHES GSUNGS SHING, 'DI TZAM DBU SEMS KUN MTHUN PAR DBU MA'I MTHA' DPYOD DU GSUNG PA'I PHYIR DANG, ,SO THAR GYI SDOM PA LA SPONG BA'I SEMS PA SA BON DANG BCAS PA BZHAG PA'I PHYIR RO, ,RANG GI RGYU'I KUN SLONG THOG MA'I MA RIG PAS KUN NAS BSLANGS SHING SRID PAR 'PHEN BYED KYI SEMS PA'I RIGS SU GNAS PA DE, GNYIS PA 'DU BYED KYI LAS KYI MTSAN NYID, DE LA DBYE NA, SGO GSUM GYI GSUM DANG, NGO BO'I SOGS DKAR BA'I LAS SOGS GSUM DANG, RNAM SMIN GYI SGOS 'DOD PA'I BDE 'GRO DANG, NGAN 'GRO DANG, KHAMS GONG MAR 'PHEN KHYED KYI BSOD NAMS DANG, BSOD NAMS MA YIN PA DANG, MI GA-YO BA'I LAS GSUM BSHAD KYANG, BSOD NAMS MA YIN PA LA 'BRAS GNAS DANG PO GNYIS KYIS GSAR DU BSAGS PA'I MI DGE BA LTA BU YOD PAS 'PHEN BYED LAS SU MA NGES SHING, SPYIR MI GA-YO BA'I LAS KYANG BSOD NAMS KYI LAS YIN PA'I ZHIB CHA DGOS, MI GA-YO BA'I DON YANG, RTEN 'BREL MDO 'GREL LAS, BSAM GTAN DANG GZUGS MED DAG LA 'DIS GA-YO BAR MI@023A *, ,NUS PAS MI GA-YO BA YIN TE, SA 'OG MA'I NYON MONGS DE DAG GIS MI BSGUL BA'I PHYIR RO, ,ZHES PA LTAR RAM, RNAM SMIN KHAMS DANG 'GRO BA GZHAN DU MI GA-YO BA LA YANG BSHAD DO, ,SKYE BA 'GRUB TSUL GYI SGO NAS LAS GCIG GIS LUS DU MA 'PHEN PA MA 'GAGS PA RTZVA THUN DU GYUR PA'I TSE, RANG SANGS RGYAS STENG GNAS BSAM SHES LA BSOD SNYOMS GCIG PHUL BAS LTAR LAN BDUN DANG, 'KHOR BSGYUR DU LAN BDUN SKYES NAS MTHAR SH'AKYA'I RIGS SU SKYES PA LTA BU DANG, LAS DU MAS LUS GCIG 'PHEN PA, MI PHAL PAR SKYE BA 'PHEN BYED DU MA LA SRID LEN TSAR GCIG GIS GSOS BTAB NAS 'KHOR BSGYUR DU SKYES PA LTA BU YIN LA, GCIG GIS GCIG 'PHEN PA DANG, DU MAS DU MA 'PHEN PA GNYIS NI GO BAR ZAD DO, ,RNAM SMIN 'GRUB DUS KYI SGO NAS MTHONG CHOS MYONG 'GYUR SOGS GSUM YOD CING, SKYES NAS MYONG 'GYUR LA YANG MTSAMS MED LNGA DANG, RIM BZHIN DE'I CHAR GTOGS NYE BA'I MTSAMS MED LNGA YOD, BSAGS TSUL GYI SGO NAS BYAS LAM BSAGS PA SOGS BZHI, DANG PO LA YANG, SA'I DNGOS GZHIR, RMI LAM DANG, MA SHES PA DANG, BSAMS BZHIN MA YIN PA DANG, DRAG PO MIN LA RGYUN CHAGS MA YIN PA DANG, NOR BA DANG, BRJED PA DANG, MI 'DOD BZHIN DU BYAS PA DANG, RANG BZHIN GYIS LUNG DU MA BSTAN PA DANG, 'GYOD PAS BSAL BA DANG, GNYEN POS @023B BSAL BA STE BCU GSUNGS LA, BSDU BAR, MI MKHAS PAS BYAS PA DANG, RMI LAM DU BYAS PA DANG, CHED DU MA BYAS PA DANG, MI 'DOD BZHIN DU BYAS PA DANG, LAN GCIG KHO NA BYAS SHING STOBS BZHIS SRAB MOR BYAS PA DANG, 'JIG RTEN PA'I CHAGS BRAL GYIS SA BON NYAMS SMAD PA DANG, 'DAS LAM GYIS YANG DAG PAR BCOM PA STE BRGYAD GSUNGS SO, ,BSAGS LAM BYAS PA NI, GSOD SEMS YUN RING BRTZAMS KYANG SROG MA BCAD PA DANG, BYAS BSAGS TSANG BA NI, SBYOR DNGOS MJUG GSUM TSANG BA'I SROG GCOD KYI LAS LTA BU, MA BYAS MA BSAGS PA NI, GSOD SEMS SKAD CIG BYAS KYANG 'GYOD PAS BCOM PA LTA BU'O, ,YID LAS LA MU GNYIS PA MED CING, DANG PO LAS KYANG CHED DU MA BYAS PA DANG, MI 'DOD BZHIN DU BYAS PA GNYIS MED PAR LAM RIM LAS GSUNGS SO, ,LAS SO SO'I SBYOR BAS RNAM SMIN DANG, DNGOS GZHIS RGYU MTHUN, MJUG GIS BDAG 'BRAS 'BYIN PAR MDZOD LAS GSUNGS SHING RGYU MTHUN LA YANG BYED PA RGYU MTHUN DANG, MYONG BRGYU MTHUN GNYIS GSUNGS SO, ,RTZOD SPONG LA KHO NA RE, GSOD SEMS YUN RING BRTZAMS KYANG SROG MA BCAD PA'I LAS DE CHOS CAN, BSAGS LAM BYAS PA'I LAS MA YIN PAR THAL; YID LAS YIN PA'I PHYIR NA MA KHYAB STE, YID LAS BSAGS LAM BYAS PA MED PA'I DON YIN PA'I PHYIR DANG, 'DI GNOD SEMS BYAS BSAGS TSANG BA'I LAS YIN KYANG SROG GCOD BSAGS LA MA BYAS PA'I LAS YIN PA'I @024A *, ,PHYIR, 'DIS MTSON NAS RMI LAM NA BYAS PA MNGON ZHEN GYIS GSOS MA BTAB PA'I BYAS LAM BSAGS PA DANG, GSOS BTAB PA'I BYAS BSAGS TSANG BA RNAMS KYANG YID LAS SU 'GRO BA SHES BAR GYIS, DE LA KHO NA RE, RMI LAM GYI LAS LA BYAS BSAGS TSANG BA MED PAR THAL, BSDU BAS DE BYAS LAM BSAGS PAR GSUNGS PA'I PHYIR NA MKHYAB STE, LAS MED LA SOGS KLAN KA YI, ,ZHES SOGS DBU SEMS RTZOD TSUL YOD PA'I PHYIR; YANG KHA CIG MTSAMS MED SOGS BSHAGS SDOM GYIS DGRA PA MED PAR THAL, DE MED PAR BYE SMRAS 'DOD PA'I PHYIR NA MA KHYAB STE, LAS MED LA SOGS KLAN KA YI, ,ZHES SOGS DBU SEMS RTZOD TSUL YOD PA'I PHYIR; YANG KHA CIG MTSAMS MED SOGS BSHAGS SDOM GYIS DGRA BA MED PAR THAL, DE MED PAR BYE SRMAS 'DOD PA'I PHYIR NA MKHYAB, RTAGS GRUB STE, GRUB MTHA' GONG MAS 'DAG PAR BSHAD PA LAS 'BRAS LA SKUR 'DEBS SU 'GYUR ZHES SKYON BRJOD PAR RTOG GE 'BAR BA LAS GSUNGS PA'I PHYIR, YANG KHA CIG ,DGRA BCOM BA'I RGYUD LA NGO TSA MED PA DANG, KHREL MED PA GNYIS YOD PAR THAL, DE LA MI DGE BA'I LAS YOD PA GANG ZHIG , MDZOD LAS, MI DGE LA NI KHREL MED DANG, ,NGO TSA MED PA'O, ,ZHES DE GNYIS MI DGE BA'I SA MANG DU BSHAD PA LTAR KUN BTUS LAS KYANG BSHAD PA'I PHYIR NA MKHYAB STE, MI DGE BA YOD KYANG MI DGE BA'I SEMS YOD MI DGOS PA'I PHYIR; GAL TE LAS SEMS PA YIN BZHIN BAR 'GRO NA GRUB MTHA' SO SOS LAS 'GAGS KYANG 'BRAS BU 'BYIN NUS PA'I SKYON SPONG SNA TSOGS MDZAD PA 'BREL MED PAR 'GYUR RO, ,YANG KHA CIG ,GONG 'PHO DANG RGYUD GCIG PA'I @024B RGYUN ZHUGS CHOS CAN, DNGOS GZHI RGYUD LDANG YIN PAR THAL, GONG MAR SKYE BA 'PHEN BYED KYI LAS RGYUD LDAN YIN PA'I PHYIR NA MA KHYAB, RTAGS GRUB STE, SPEL SGOM GYI NANG TSAN GNAS GTZANG GI SKYE BA 'PHEN BYED KYI LAS SU BSGYUR RGYU'I 'BRAS BU CHE BAR 'PHEN BYED LAS RGYUD LDAN YIN PA'I PHYIR, DON GSANG LAS, MI GA-YO BA'I LAS BSAM GTAN SPEL MA DANG MTSUNGS PAR LDAN PA, ZHES SOGS GSUNGS PA'I PHYIR, 'GA' YIG GNAS GTZANG DU SKYE BA'I RGYU TZAM DU BSGYUR BA YIN GYI GNAS GTZANG SKYE BA 'PHEN BYED KYI LAS MI BZHAG GO GSUNGS PA NI, KUN MKHYEN BLA MA'I GSUNG DU MA DANG 'GAL ZHING, RIGS PAS KYANG MI 'GRUB STE, GZUGS KYI SKYE SRID BCU BDUN YOD PA'I PHYIR, YANG KHA CIG ,LAS GCIG GIS 'KHOR BSGYUR STONG 'PHANGS PA'I DANG PO DANG, THA MA 'PHEN BYED DON GCIG PAR THAL, DE'I YIN PA YOD PA'I PHYIR NAM KHYAB STE, SNGA MA GANG DANG GANG 'PHANGS PA DE 'PHEN BYED MA YIN PAR 'GYUR BA'I PHYIR TE, 'DU BYED DANG BCU PA SRID PA LA MU BZHI BRTZI TSUL YOD PA'I PHYIR, YANG KHA CIG ,TSIG RTZUB KYI RNAM SMIN LA BUD MED KYI SKYE BA YOD PAR THAL, SDE SNOD GSUM PA ZHIG TSIG RTZUB KYI DBANG GIS SKYE BA LNGA BRGYAD BUD MED DU GYUR PAR GSUNGS PA'I PHYIR NA MKHYAB STE, SKYES PAR 'PHEN BYED DE DER BSGYUR BA'I DON YIN PA'I PHYIR, 'DIS TSE THUNG NGUR GYUR PA DANG CHA NGUD DU MI GCIG PA SOGS 'PHEN RDZOGS KYI ZHIB CHA SHES SO, ,YANG KHA CIG , @025A *, ,MTSAMS MED LAS KYI SBYOR DNGOS GNYIS KA'I YIN PA YOD PAR THAL, BA BSAD PA'I MTSAMS MED LAS KYI SBYOR BA LA DGRA BCOM BSAD PA'I MTSAMS MED YOD PA'I PHYIR NA MKHYAB, YANG KHA CIG , GZHAN GYIS BYAS PA'I LAS KYI 'BRAS BU LA LONGS SPYOD PA MED PAR THAL, LAS MA BYAS PA DANG MI 'PHRAD PA'I PHYIR NAM KHYAB, 'DOD MI NUS TE, RNAL 'BYOR SPYOD PA'I SA DBU MA'I MTHA' DPYOD DU DRANGS PA LAS DE 'DRA YOD PAR GSUNGS SHING; LAM RIM LAS KYANG, STON PAS TSOGS GRANGS MED PA BSAGS PA'I 'BRAS BU LA LONGS SPYOD PA RNAMS KYIS DE'I RGYU THAMS CAD BSAGS MI DGOS KYANG CHA GCIG BSAGS DGOS PA YIN NO, ,ZHES GSUNGS PA'I PHYIR, GSUM PA RNAM SHES KYI RTEN 'BREL LA 'GAG BZHAG SPANG GSUM, DANG PO NI, KHA CIG NA RE, GSUM PA RNAM SHES KYI RTEN 'BREL LA RNAM SHES TSOGS DRUG YOD PAR THAL, MDO SDE 'DI LAS, RNAM PAR SHES GANG ZHE NA, RNAM PAR SHES PA'I TSOGS DRUG GO ,ZHES GSUNGS PA'I PHYIR NA MA KHYAB STE, SEMS TZAM PA LTAR NA KUN GZHI RNAM SHES DRUG GI GNAS YIN PAS DE LA DGONGS SHING, DBU MA PA LTAR NA GSUM PA RNAM SHES SMOS PA'I ZLA LA RNAM SHES SPYE'I DBYE BA BSHAD PA YIN PA'I PHYIR, MDZOD KYI RJES 'BRANG KHA CIG ,'DI SGRA JI BZHIN DU 'DOD DE, GANG SPEL LAS, SRID PA BAR MA YANG RNAM PAR SHES PA DRUG DANG LDAN PA'I PHYIR, DE LTAR BSHAD NA RNAM PAR SHES PA 025B GANG ZHE NA, RNAM PAR SHES PA'I TSOGS DRUG GO ,ZHES BSHAD PA DE 'THAD PA YIN NO, ,ZHES GSUNGS BA'I PHYIR, 'ON KYANG BAR DOR 'BRAS DUS KYI RNAM SHES BZHAG PA MI 'THAD PAR THAL, RTEN BREL MDO 'GREL LAS; CI'I PHYIR RNAM PAR SHES PA'I RKYEN GYIS SRID PA BAR MA'I MING DANG GZUGS RNAM PAR MA BZHAG CE NA, 'DU BYED NI SKYES PA'I DBANG DU BYAS TE, ZHES GSUNGS PA'I PHYIR, YANG KHA CIG ,BYE SGRAS RGYU DUS KYI RNAM SHES KHAS MI LEN KYANG, LAS KYI BAG CHAGS BSGO GZHI'I RNAM SHES KHAS LEN ZER NA, 'O NA, MDO SDE PAS CHOS NYID KYI BSAM GTAN THOB CES PA'I DON THOS BSAM SOGS LA MA LTOS PAR SNGON GOMS PA'I BAG CHAGS SMIN PAR BSHAD PA'I PHYOGS SLOB DBON GYIS BZUNG BA LA BYE SMRAS SKYON MA BRJOD PAR THAL, DES BAG CHAGS KHAS LEN BA'I PHYIR, 'DOD MI NUS TE, RGYAL SRAS MA LAS, SLOB DPON GYIS SA BON NUS PA'I KHYAD PAR GYIS MTSAN NYID YIN PAR BSHAD PA DES SUN 'BYIN PAR BYED, CES GSUNGS PA'I PHYIR, KHA CIG BAG CHAGS MI 'DOD KYANG SA BON 'DOD ZER BA YANG DPYAD DGOS TE, DGRA BCOM PA'I RGYUD LA NYON MONGS SKYE BA SA BON LA MI LTOS PAR 'DOD PA'I PHYIR DANG, RGYAL SRAS MA LAS, NUS PA DANG, SA BON DANG, BAG CHAGS ZHES BYA BA 'DI NI DON GCIG GO ,ZHES GSUNGS PA'I PHYIR, 'DI SHES SGRIB KHAS LEN PA'I LUGS LA MI RUNG @026A *, ,NGO; ;GZHAN YANG, RTZA SHE LAS, GAL TE SMIN PA'I DUS BAR DU, ,GNAS NAE LAS DE RTAG PAR 'GYUR, ,GAL TE 'GAG NA 'GAG GYUR PAS, ,'BRAS BU JI LTAR SKYED PAR 'GYUR, ,ZHES PA LTAR GZHAN SDES BRTZAD PA'I LAN DU BYE SMRA KHA CIG THOB PA DANG, KHA CIG CHUD MI ZAB KHAS BLANGS NAS SKYON SPONG BYED, ,KHA CHE PA DANG MDO SDE BAS RNAM SHES KYI RGYUN DANG, SEMS TZAM PAS KUN GZHI, RANG RGYUD PAS YID KYI RNAM SHES; THAL 'GYUR BAS ZHIG PA KHAS BLANGS NAS SKYON SPONG BYAS PA MA YIN PAR THAL, BYE SMRAS DE LTAR 'DOD DGOS PA BAG CHAGS KHAS MA BLANGS PA'I DBANG GIS MA YIN PA'I PHYIR, YANG KHA CIG ,RGYU DUS KYI RNAM SHES BCU PA SRID PA'I BAR DANG, 'BRAS DUS KYI RNAM SHES NYING MTSAMS SBYAR MA THAG KHO NAR 'JOG ZER NA, RGYU DUS KYI RNAM SHES DE TSER GCIG PA'I MING GZUGS KYI BAR DU MI 'GRO BAR THAL, GNAS SKABS BA'I BSHAD PA GRUB MTHA' THAMS CAD LA SBYOR RIGS PA DE'I PHYIR, 'DOD NA, RNAM PAR SHES PA'I RKYEN GYIS MING DANG GZUGS ZHES PA'I RNAM SHES LA 'BRAS DUS KYI RNAM SHES GCIG KYANG YOD PAR THAL LO, ,'DOD NA, 'DU BYED KYI RKYEN GYIS RNAM SHES ZHES PA'I RNAM SHES LA YANG DE YOD PA THAL, DE DANG PHYI MDON GCIG PA'I PHYIR, 'DOD MI NUS TE, RTEN 'BREL MDO 'GREL LAS, 'DU PHYED KYIS YONGS SU BSGOS PA'I RNAM PAR SHES PA DE NYID 'DU BYED KYIS RKYEN GYIS @026B YIN GYI, NYID MTSAMS SBYOR BA'I RNAM PAR SHES PA NI MA YIN NO, ,ZHES GSUNGS PA'I PHYIR, GZHAN YANG, DE MI 'THAD PAR THAL, 'BRAS DUS KYI RNAM SHES DANG, BZHI PA MING GZUGS DUS MNYAM DU GRUB PA GANG ZHIG ,YA MTHA' YANG 'CHI SRID BAR DU YOD PA'I PHYIR, RTEN 'BREL MDO 'GREL LAS, NYING MTSAMS SBYOR BA'I RNAM PAR SHES PA DANG BZHI BA MING GZUGS DUS MNYAM DU GRUB CING, ZHES DANG, YANG DE NYID LAS, RNAM PAR SHES PA GANG YIN PA DANG, DE LAS GZHAN PA'I MING GZUGS RNAMS RGYUN GYIS 'JUG STE, NAM MA SHI'I BAR DU GCIG LA GCIG BRTEN PA'I RGYUN RJES SU 'JUG PA NYID KYI, ZHES GSUNGS PA'I PHYIR, 'GA' ZHIG LUNG SNGA MA LA BRTEN NAS RTEN 'BREL MOD 'GREL LTAR NA, YAN LAG GSUM PA LA 'BRAS DUS KYI RNAM SHES MED GSUNGS PA MI 'THAD DE, KLU SGRUB KYIS LU LJANG BA'I 'GREL BA LAS, SRID PA BAR MA'I PHUNG PO LA BRTEN NAS DANG POR MING GZUGS MNGON PAR 'GRUB PA ZHES DANG, KA SHI'I 'GREL PAR YANG RNAM PAR SHES PA DANG DUS MNYAM DU MING DANG GZUGS KYI MYU GU MNGON PAR 'GRUB STE, ZHES GSUNGS PA'I PHYIR, DE DAG LTAR NA YANG MED CES BSHAD DGOS PA LA, RANG NYID KYIS KHAS LEN BZHIN DU TSAD LDAN GYI GZHUNG THAMS CAD LAS BKAG PAR SMRA BA NI LHUN GYIS GRUB PA'I 'GAL 'DU'O, ,YANG KHA CIG ,RGYU DUS DANG 'BRAS DUS KYI RNAM SHES GNYIS RDZAS RGYUN THA DAD ZER BA MI 'THAD PAR THAL, MDO 'GREL @027A *, ,LAS; 'DU BYED KYIS YONGS SU BSGOS PA'I RNAM PAR SHES PA NI SRID PA BAR MA'I RGYUN GYIS MA'I MNGAL DU MJUG PA NYID YIN PAR RIG PAR BYA STE, DE DANG 'BREL BA'I PHYIR RO, ,ZHES GSUNGS PA'I PHYIR 'DI LA DANG GSAN SEMS TZAM PAS 'BRAS DUS KYI RNAM SHES LA RGYU DUS KYI DES KHYAB PAR 'DOD DGOS LA, RANG RGYUD PAS KYANG MI 'GAL BAR 'DOD DO, ,'ON KYANG RANG RGYUD PA LTAR NA LAS THAMS CAD KYI BAG CHAGS BSGO GZHI GCIG KHO NA MA YIN TE, SA MTSUNGS KYIS GNOD BA'I PHYIR, RANG LUGS LA, RANG DANG TSAR GCIG PA'I 'PHEN BYED LAS KYI BAG CHAGS BSGO GZHI DANG, 'PHANG 'BRAS CI RIGS KYIS BSDUS PA'I RIGS SU GNAS PA'I YID KYI RNAM SHES DE, GSUM PA RNAM SHES KYI RTEN 'BREL GYI MTSAN NYID, DE YANG LAM RIM LAM, 'DIR GTZO BO NI KUN GZHI KHAS LEN PA RNAMS LTAR NA KUN GZHI YIN LA, KHAS MI LEN PA RNAMS LTAR NA YID KYI RNAM SHES SO, ,ZHES GSUNGS PA LTAR NGOS 'DZIN MI MTHUN ZHING, DBYE NA, RGYU DUS DANG, 'BRAS DUS KYI DE GNYIS, SA MTSAMS GRUB MTHA' GONG 'OG GI KHYAD PAR SNGAR BSHAD ZIN, RTZOD SPONG LA KHO NA RE, BYE SMRAS BAG CHAGS 'DOD BAR THAL, MDZOD LAS, BSGOM PA'O SEMS LA BSGO PHYIR RO, ,ZHES DANG, GNAS BRGYAD PAR, DRAN DANG SHES BZHIN BDAG NYID GSUM, ,ZHES SOGS KYI 'GREL PAR BAG CHAGS GSUNGS PA'I @027B PHYIR NAM KHYAB STE, MDO SDE BA'I LUGS YIN PA'I PHYIR, YANG KHA CIG ,'PHAGS SENG SOGS KYANG YAN LAG GSUM PA KUN GZHIR BZHED PAR THAL, NYI SNANG LAS, KUN GZHI'I RNAM PAR SHES PA LA SOGS PA SHES BYA RNAM PA BCUS BSDUS PA'I ZHES SOGS DANG, SLOB DBON GYI SDUD 'GREL LAS, KUN GZHI'I RNAM PAR SHES PA LA CHOS THAMS CAD KYI BAG CHAGS BRTEN PAS, ZHES GSUNGS PA'I PHYIR NAM KHYAB STE, YID SHES LA DE'I THA SNYAD MDZAD TZAM YIN PA'I PHYIR TE, KLU SGRUB KYI BYANG CHUB SEMS 'GREL LAS KYANG DE'I THA SNYAD TZAM GSUNGS SHING, SNGAGS LAS KYANG DE 'DRA GSUNGS PA RNAMS KUN GZHI DNGOS LA MI BYED BA'I PHYIR, MKHAS GRUB KYI BRTAG GNYIS RNAM BSHAD LAS, KUN GZHI DANG NYON YID KYI THA SNYAD RGYUD DANG GRUB CHEN GYI GZHUNG DU MA LAS GSUNGS PA YOD CING, CHOS NYID LA KUN GZHI DANG, RLUNG LA NYON YID KYI THA SNYAD MDZAD PA SOGS DU MA YOD PAS TSIG TZAM GYIS 'KHRUL PAR MI BYA'O, ,ZHES GSUNGS PA'I PHYIR, GNYIS PA 'PHANGS PA'I 'BRAS BU BSHAD PA LA SO SO'I NGO BO NI, RANG DANG TSAR GCIG BA'I GSUM PA RNAM SHES KYI STENG GIS BON SMIN BA'I RNAM SMIN GYI GTZO BO GANG ZHIG ,LAS NGES 'PHANGS PA'I YAN LAG BZHI'I DANG PO'I RIGS GNAS KYI NYE BAR LEN PA'I PHUNG PO DE, BZHI PA MING GZUGS CI RIGS KYI RTEN 'BREL GYI MTSAN NYID, DBYE NA KHAMS GSUM GYI MING GI RTEN 'BREL GSUM YOD CING, BYI @028A *, ,MA 'DOD GZUGS GNYIS NA YOD, DE LA YANG DBYE BA MNGAL GYI GNAS SKABS LNGA SOGS DANG, GZHAN YANG 'BYUNG BZHI'I KHAMS DANG, SGRA MA GTOGS PA'I 'BYUNG 'GYUR BZHI SOGS MDO LAS GSUNGS SO, ,SA MTSAMS NI, SA'I DNGOS GZHIR, RNAM PAR SHES PA'I RKYEN GYIS MING DANG GZUGS ZHES KYANG BYA LA, MING DANG GZUGS KYI RKYEN GYIS RNAM PAR SHES PA ZHES KYANG BYA STE, DA LTAR GYIS DUS NA TSE JI SRID PAR MDUD KHYIM GYI TSUL DU 'JUG GO ,ZHES PA LTAR YIN PAS MDO 'GREL LAS, MING DANG GZUGS NI SKYA MCHED DRUG LA THUGS PA'I BAR DU YIN GYI, DE PHAN CHAD NI MA YIN NO, ,ZHES GSUNGS PA YANG SKYE MCHED KYI RKYEN DU MDO LAS DNGOS SU BSTAN PA'I MING GZUGS LA DGONGS SO, ,GAL TE LNGA PA'I SNGON DU MA GRUB NA BZHI PAR MI RUNG SNYAM DU MI SEMS TE, 'DI'I GRANGS NI MDO LAS BSTAN RIM GYI DBANG DU BYAS PA'I PHYIR, GZHAN DU NA BZHI BSRED PA ZHES BSHAD DGOS PAR 'GYUR RO, ,RANG DANG TSAR GCIG PA'I GSUM PA RNAM SHES KYI STANG GI SA BON SMIN PA'I SKYE SRID KYI KHYAD PAR RDZOGS PA'I PHUNG PO GANG ZHIG ,LAS DE'I 'PHANGS PA'I YAN LAG BZHI'I GNYIS PA'I RIGS GNAS KYI NYE BAR LEN PA'I PHUNG PO DE, LNGA PA SKYE MCHED KYI RTEN 'BREL GYI MTSAN NYID, DE LA LUS DANG YID NI DANG PO NAS YOD PAS 'DI'I MTSAMS RDZUS SKYES MA GTOGS PA GSUM LA SKYE MCHED DANG PO BZHI CI RIGS GRUB PA'AM, @028B DE'I TSOD DU SLEB PA NAS 'JOG PAR SA'I DNGOS GZHIR GSUNGS SO, ,'DI LA BYE SMRAS 'DOD TSUL NI, GANG SPEL LAS, KHA CIG DBANG PO TSANG LA KHA CIG DBANG PO MA TSANG STE, YONGS SU RDZOGS PAR BYED PA'I LAS MANG BA'I PHYIR DANG, 'PHEN PAR BYED PA'I LAS 'DRA BA'I PHYIR, DE LTA MA YIN NA 'GA' YANG DBANG PO MTSANG BAR MI 'GYUR RO, ,ZHES SKYE MCHED DANG PO BZHI RDZOGS 'BRAS KHO NA YIN LA MI DANG RIS MTHUN PA'I LUS DANG YID KYI SKYE MCHED SPYI TZAM PA 'PHANGS 'BRAS SU 'DOD DO, ,YAN LAG LNGA PA'I YUL DBANG RNAM SHES GSUM 'DUS PA'I RKYEN GYIS YUL YID 'ONG SOGS CI RIGS RANG STOBS KYIS GCIG PA'I NYER LEN GYI PHUNG POR GYUR PA'I SEMS GYUD DE, DRUG PA REG PA'I MTSAN NYID, 'PHEN BYED BSOD NAMS KYI LAS KYI 'PHANGS 'BRAS LA REG PA DRUG KA YOD KYANG, KHAMS GONG NA SAS BSDUS KYI DRI RO MED PA'I PHYIR, SNA DANG LCE'I 'DUS TE REG PA GNYIS MED LA, BSAM GTAN GNYIS PA YAN GYI MIG RNA LUS KYI DEG PA GSUM YANG DANG PO'I SAS BSDUS YIN TE, DE DAG RTOG DPYOD DANG MTSUNGS LDAN DU 'BYUNG ZHING, GNYIS PA YAN LA RTOGS DPYOD MED PA'I PHYIR, SPYIR REG PA LA SEMS BYUNG REG PA DANG, REG BYA DANG, YUL DBANG RNAM SHES GSUM RDZUD DANG 'BRAS BU'I NGO BOR 'DUS PA LA REG PAR BSHAD GSUM YOD PA'I REG PA DNGOS NI DANG PO YIN KYAN,G SA LU LJANG PAS GSUM PA LA GSUNGS PA NI RGYU MING 'BRAS LA BTAGS PA'O, ,RANG DANG TSANG GCIG PA'I DRUG PA REG@029A *, ,PA'I RKYEN GYIS DES YONGS SU BCAD PA'I YUL GSUM CI RIGS RANG STOBS KYIS MYONG BA'I MYONG BAR GYUR BA'I NYER LEN GYI PHUNG PO DE, BDUN PA TSOR BA'I RTEN 'BREL GYI MTSAN NYID, DBYEN GSUM GANG SKYES NA MI 'BREL BAR 'DOD PA SKYE BA'I RIGS GNAS KYI SEMS BYUNG MYONG BA DE TSOR BA BDE BA'I MTSAN NYID, DES GZHAN GNYIS KYANG SHES SLA, 'DIR SDOM BRTZON LA LA 'DOD CHAGS KYIS TSOR BDE MYONG TSE 'BRAL 'DOD SKYE BSAM NGES SO SNYAM NA, 'BRAL 'DOD DE NI DRAN SHES BZHIN LAS SKYES PA YIN GYI TSOR BA DE LAS MIN PAS MI GNOD DE, ,TSOR BA DE DAG LAS BTANG SNYOMS NI DGE MI DGE GNYIS KA'I RNAM SMIN LA YONG STE, BSAM GTAN BZHI BA YAN GYI TSOR BA THAMS CAD BTANG SNYOMS YIN CING, MI DGE BA'I DE LA YANG KUN GZHI 'DOD PA RNAMS DE'I 'KHOR GYI TSOR BA 'JOG CING, 'DIR YANG DMYAL BAR SKYES NAS DE'I SDUG BSNGAL MA MYONG BA GCIG BSHAD PA'I PHYIR RO, ,BSAM GTAN GNYIS PA YAN GYI RNAM SMIN GYI TSOR BA YID TSOR KHO NAR 'DOD PA SOGS REG PA DANG 'DRA LA, GONG 'OG MI MTHUN PA'I CHA 'DI YOD DE, MDZOD PAS NGAN 'GROR 'PHEN BYED KYI 'PHANG 'BRAS LA REG TSOR DANG PO LNGA LAS MA BSHAD KYANG 'DIR 'BRAS DUS KYI RNAM SHES YID SHES KHO NAR 'DOD PAS 'PHANG 'BRAS LA TSOGS DRUG KA YOD DO, ,GSUM PA 'GRUB BYED KYI RGYU BSHAD PA LA, SO SO'I NGO BO NI, TSOR BA GSUM @029B GANG RUNG LA DMIGS NAS SKYES SHING, BDE BA DANG MI 'BRAL BA DANG SDUG BSNGAL DANG 'BRAL BA DANG, BTANG SNYOMS LAS MI NYAMS BA CI RIGS SU SRED PA'I RIGS GNAS GANG ZHIG ,TSAR GCIG PA'I LEN PA 'DREN BYED KYI 'DOD CHAGS DE, BRGYUD PA SRED PA'I MTSAN NYID, 'DI'I TSOR BA LA YAN LAG BDUN PA ZHES SBYAR BA MA DAG PAR MNGON TE, DE NI TSE SNGA MA'I LAS KYI 'PHANG 'BRAS YIN PAS SRED SOGS NYON MONGS DANG MTSUNGS LDAN MI RUNG ZHES 'OG NAS KYANG BSHAD CING, SRED PA'I RKYEN GYIS TSOR BA NI SRED PA LTAR SKYE BA PHYI MA'I SAR GTOGS DGOS PA KHAMS SO SO'I SRED PA'I MTSAN NYID KYIS KYANG SHES PA'I PHYIR DANG, RTEN 'BREL MDO 'GREL LAS, SA GANG YIN PA'I TSOR BA GANG YIN PA DE YANG SA DE NYID KYI SRED PA'I RKYEN YIN NO, ,ZHES PA LTAR 'GREL BSHAD LAS KYANG GSUNGS PAS SO, ,DBYE BA DMIGS YUL DANG, KHAMS KYIS PHYE NA GSUM GSUM DANG, SPYIR SRED PA TZAM LA 'DOD SRED SOGS GSUM KYANG BSHAD DE, DE YANG CHOS MNGON PAR, 'DOD PA'I SRED BA 'DOD SRED, GONG MA GNYIS KYI SRED PA SRID SRED, PHUNG PO RGYUN CHAD BAR SRED PA 'JIG SRED, CES 'CHAD KYANG LUGS 'DIR RNAM 'GREL LTAR BDE BA THOB 'DOD KYI 'DOD SRED, SDUG BSNGAL DANG 'BRAL 'DOD KYI 'JIG SRED, SKYE GNAS KYI LUS SOGS 'DOD PA'I SRID SRED CES 'DOD DO, ,DE LAS DANG PO GNYIS LA BRGYAD PA SRED PA RE YOD KYANG PHYI MA LA MED DE, BRGYAD BSRED @030A *, ,BA NI TSOR BA KHO NA LA DMIGS NAS 'BRAL BA'AM MI 'BRAL BAR 'DOD TZAM YIN LA, DE'I PHYIR DU 'DOD YON DANG, LTA BSOGS CHAGS PA DANG, MA 'ONGS PA'I SRID PA LA 'DUN PA SOGS NI SRENG PA DE NYID 'PHEL TE LEN PAR 'PHOS BA'I SKABS YIN BA'I PHYIR, KA SHI'I MDO 'GREL LAS, SDUG BA'I DNGOS PO LA SMIN PA'I RNAM PA NI LEN PA'O, ,ZHES DANG, RNAM 'GREL LAS, SRID 'DOD RGYU YIN GANG GI PHYIR, ,MI RNAMS YUL GYI KHYAD PAR NI, ,YONGS 'DZIN DE THOB BSAM PAS BYAS, ,ZHES GSUNGS PA'I PHYIR, 'DIS DGU PA LEN PA SOGS SRED PA GZHAN LA TSOR BAR DMIGS PAS MA KHYAB PA SHES SO, ,'ON KYANG SRED PA LA TSOR BA GSUM GANG RUNG GIS DMIGS RKYEN BYAS PA DGOS LA, GDUNG BAS KYANG DMIGS RKYEN BYAS NAS 'BRAL 'DOD KYI SRED PA SKYES PA NI DE LA SRED PA MIN NO, ,BTANG SNYOMS KYIS MI 'BRAL BAR SRED PA'I RKYEN BYED PA YANG BSAM GTAN BZHI PA YAN GYI DBANG DU BYAS TI, 'DOD PA'I BTANG SNYOMS KYIS KYANG MNGON PAR DGA' BA'I SRED PA'I RKYEN KHO NA BYED PAR MDO 'GREL LAS GSUNGS PA'I PHYIR, RANG DANG TSAR GCIG BA'I BRGYAD PA SRED BA'I RKYEN GYIS BYUNG ZHING, TSOR BCI RIGS DANG LDAN PA'AM 'BRAL BA'AM MI 'BRAL BA'I CHED DU 'DOD YON SOGS CI RIGS LA LHAG PAR CHAGS PA'I SGO NAS RANG DANG TSAR GCIG PA'I LAS LA GSOL 'DEBS BYED KYI SRED BDE, @030B DGU PA LEN PA'I MTSAN NYID, DBYE NA, TSE 'DI TZAM GYI BDE BNGON DU GNYER BA'I KHYIM PA'I DBANG DU BYAS TE 'DOD PA NYE PAR LEN PA DANG, PHYI ROL PA'I RAB BYUNG SOGS KYI MA'I DON SGRUB 'DOD KYANG LOG PAR ZHUGS PA'I DBANG DU BYAS TE LTA BA DANG, TSUL ZHUGS DANG, BDAG SMRA NYE BAR LEN PA GSUM GSUNGS SO, ,DE LA DMIGS PA'I KHYAD PAR NI, RTZA SHVE tIKA CHEN LAS, 'DOD YON LNGA DANG, 'JIG LTA MA GTOGS PA'I LTANG NA RNAMS DANG, LTA PHAN 'BREL BA'I TSUL KHRIMS BRTUL ZHUGS NGAN PA DANG, 'JIGS TSOGS LTA BA BZHI LA DMIGS NAS 'DUN ZHING CHAGS PA ZHES TSUL ZHUGS KYI LTA BA GNYIS PA'I DMIGS PA DANG, TSUL ZHUGS NGAN PA GSUM BA'I DMIGS BAR GSUNGS LA, SA'I DNGOS GZHIR, TSUL KHRIMS DANG BRTUL ZHUGS NYE BAR LEN PA GANG ZHE NA, TSUL KHRIMS DANG BRTUL ZHUGS LA LOG PAR ZHUGS PA LA 'DUN PA DANG, 'DOD CHAGS GANG YIN PA'O; ,ZHES GSUNGS PAS DE GNYIS DMIGS PA MI 'GAL LAM DPYAD PAR BYA'O, ,'JIG LTA LA BDAG SMRA ZHES BTAGS PA'I DGOS PA NI, MDO 'GREL LAS, BDAG TU LTA BA NI GZHI CAN MA YIN BA'I PHYIR, NYE BAR LEN BA'I PHUNG PO LNGA LA BDAG GO ZHES SMRAS SHING BTAGS PA YIN NO, ,ZHES ZHEN PA TZAM DU GO CHED YIN PAR GSUNGS SO, ,'DIS 'KHRUL NAS 'JIG LTA BDAG SMRA NYE BAR LEN PAR MI BZUNG STE, BYE SMRAS NYON MONGS THAMS CAD LEN @031A *, ,PA 'DI BZHIS BSDUS PAR 'DOD KYANG, LUGS 'DIR BDAG SMRA NYE BAR LEN PA 'DOD PA 'DOD CHAGS YIN PA'I PHYIR, DES NA THUB BSTAN BYI DOR SOGS LAS 'DUN PA NYON MONGS CAN DANG, 'DOD CHAGS GNYIS SEMS BYUNG RIGS THA DAD PAR GSUNGS PA YANG PHYI MAR SNGA MAS MA KHYAB PA LA DGONGS SO, ,RANG DANG TSAR GCIG PA'I 'PHEN BYED LAS LA SRED LEN GYIS GSOS BTAB STE YANG SRID 'GRUB PA'I NUS PA MTHU CAN DU SONG BA'I RIGS GNAS KYI LAS DE BCU PA SRID PA'I MTSAN NYID, RIGS GNAS SMOS PAS MTSAMS MED SOGS LAS STOBS CAN 'GA' ZHIG GRUB TZAM NAS BCU PA SRID PA YIN PA SDUD, DES NA SNGAR BAG CHAGS SU BSHAD PA'ANG SRED YEN GYIS GSOS PA'I SRID BA GZHIR BZHAG PA SHES SLA, 'DI LA BAR SRID DANG SKYE SRID 'GRUB BYED GNYIS YOD KYANG, BCU PA SRID PA THAMS CAD LA MA YIN TE, GZUGS MED NYER 'GRO'I PHYIR MI 'ONGS SOGS MNGON BAR 'GRUB BA'I KUN SBYOR? DANG, SKYE BA'I KUN SKYOR SPANGS MA SPANG LA MU BZHI GSUNGS PA'I PHYIR, MTSAMS MED DE NYID PHYIS KYI SRED LEN LA LTOS KYANG DANG PO NAS 'GRUB BYED KYI NGO BOR SONG ZIN LA, DE DANG GRUB 'BRAS KYI BAR DU SKYE SRID GZHAN GYIS CHOD PAR 'BYUNG BA 'DI'I DMIGS BSAL YIN ZHING, 'GRUB BYED GSUM GRUB NAS GRUB 'BRAS GTAN MI 'BYIN PA NI SPYIR YANG SRID DE, BAR DO NAS LDOG PA KUN BTUS SU GSUNGS PA LTAR GRUB MTHA' GONG MA RNAMS 'DOD @031B PA'I PHYIR, KHA CIG, SKYE BA 'GRUB PA SRENG LEN LA LTOS BAR MA NGES TE, DMYAL BA'I SDUG BSNGAL LA SMON PA MED PA'I PHYIR DANG, SDUG BSNGAL GYIS MNAR TE LUS 'DOR BANG 'DOD BA DE DAG PHUNG PO LA SRED BA MED KYANG SKYE BA GRUB BA'I BYIR DANG, KHAMS GONG MA NAS 'DOD PAR SKYE BA'I SPA ROL TU 'DOD NYON MNGON GYUR 'BYUNG NA, MDZED LAS, SA 'PHOS NYAMS BA DAG GIS GTONG, ,ZHES SA 'PHOS BAS GTONG BAR BSHAD PA DE BZHAG TU MED PAR 'GYUR BA'I PHYIR RO ZHE NA SKYON MED DE, 'CHI TSE GRANG NYAMS SKYES NAS TSAB 'DOD PAS TSA DMYAL DU 'PHEN PA'I LAS LA GSOS 'DEBS PAR MDZANGS BLUN LAS GSUNGS SHING, SNGAR BSAGS DUS KYI SRED PA DANG CHA 'DRA BA'I CHAGS PAS GSOS 'DEBS BA 'JUG tIKA CHEN MOR GSUNGS PA'I PHYIR, GNYIS PA YANG MIN TE, DE LA 'JIGS SKRAG SOGS 'BYUNG BAS BDAG SRED MA LOG PAR SHES SHING, DE'I BAR DU PHUNG PO LA SRED PA MI LDOG PA'I PHYIR, GSUM PA YANG MIN TE, DE'I TSE SRED LEN 'BYUNG BA'I PHYIR, MDO 'GREL LAS, 'CHI BA'I GNAS SKABS NA DES BAG CHAGS DAG 'JUG PA RNYED PAS, ZHES DANG, 'GREL BSHAD LAS, SA 'OG MA'I 'DUN PA DANG 'DOD CHAGS KYIS BAG CHAGS KYI 'JUG PA RNYED PA NI LEN PA YIN LA, ZHES GSUNGS PA'I PHYIR, 'ON KYANG MDZOD DANG MI 'GAL TE, SKYES THOB KYI BSAM GTAN DE SHI 'PHOS PA NA GTONG BA'I PHYIR RO, ,BZHI PA GRUB 'BRAS BSHAD PA LA, RANG DANG TSAR GCIG PA'I SRID BA'I RTEN @032A *, ,'BREL GYI GRUB 'BRAS GANG ZHIG 'GRO BA RIGS DRUG CI RIGS KYI SKYE BA'I RIS MTHUN GRUB ZIN MA DOR BA'I NYER LEN GYI PHUNG PO DE BCU GCIG PA SKYE BA'I RTEN 'BREL GYI MTSAN NYID ZUR PHYI MAS BAR DO'I PHUNG PO GCOD, DBYE BA MDO LAS 'DIR GANG SKYE BA DANG, SHIN TU SKYE BA DANG, 'PHOS PA DANG, MNGON PAR 'BYUNG BA DANG, RAB TU BYUNG BA ZHES LNGA GSUNGS SHING, DER MA SHI CHUN GYI GNAS SKABS THAMS CAD 'DUS PA'I PHYIR SAM TSAMS MDZOD DANG MI MTHUN NO, ,MIR CHAGS PA'I RGYUD LA YANG MI'I SKYE BA YOD KYANG MI'I LUS RTEN MED DE, DE MI'I RGYUD KYI CHOS YIN PA'I PHYIR, SKYE SRID 'GRUB PA'I PHUNG PO'I RIS MTHUN MDOR BAR NA TSOD GZHAN DU GYUR BA'I CHA NAS BZHAG PA'I NYER LEN GYI PHUNG PO DE BCU GNYIS BRGA BA'I RTEN 'BREL GYI MTSAN NYID, DE LA RTZA BA'I DBYE BA BDUN DANG, YAN LAG GI DBYE BA BCO BRGYAD YOD, SKYE SRID DU NYING MCHAMS SBYAR BA'I PHUNG PO'I RIGS MTHUN 'DOR BZHIN PA'I CHA DE, YAN LAG BCU GNYIS PA SHI BA'I RTEN 'BREL GYI MTSAN NYID, 'DIR RGA SHI GNYIS GCIG TU BGRANG BA NI RIM GYIS 'BYUNG BAR MNGES PA'I RGYU MTSAN GYIS YIN PAR GSER 'PHRENG LAS GSUNGS SO, ,GNYIS PA BSDU TSUL LA DU MA YOD DE, 'PHEN BYED KYI RGYU SOGS BZHI DANG, YANG RTEN 'BREL MDO 'GREL MDO 'GREL LAS, GANG GIS 'PHEN DANG JI LTAR GANG, ,DE SGRUB BYED DANG DE LA YANG, NYES DMIGS GANG YIN DE DAG RNAMS, , @032B YAN LAG BCU GNYIS RNAMS KYIS BSTAN, ,ZHES BDUN DU BSDU TSUL GSUNGS TE, DANG PO GNYIS KYIS RNAM SHES LA BAG CHAGS BSGOS PA'I TSUL GYIS MING GZUGS SOGS BZHI 'PHEN ZHING, SRED LEN GNYIS KYIS LAS KYI BAG CHAGS SRID BAR BYAS TE GRUB PA'I SKYE BA LA NYES DMIGS KYI YAN LAG RGA SHI 'BYUNG BA'I PHYIR, NYON MONGS GSUM MAM LAM GSUM DU BSDU TSUL YANG, DBU MA RTEN 'BREL SNYING PO LAS, BCU GNYIS CHOS NI GSUM DU 'DU, ,DANG PO BRGYAD PA DGU NYON MONGS, ,GNYIS PA BCU PA LAS YIN ZHING, ,LHAG MA BDUN NI SDUG BSNGAL YIN, ,GSUM PO DAG LAS GNYIS 'BYUNG STE, ,GNYIS LAS BDUN 'BYUNG BDUN LAS KYANG, ,GSUM 'BYUNG SRID PA'I 'KHOR LO DE, ,NYID NI YANG DANG YANG DU 'KHOR, ,ZHES PA LTAR MDZOD LAS KYANG BSHAD LA, KUN BTUS SU, 'DU BYED GANG YIN PA DANG, RNAM PAR SHES BA GANG YIN PA DANG, SRID PA GANG YIN PA 'DI NI LAS KYI KUN NAS NYON MONGS PAR BSDU'O, ,ZHES GSUNGS SO, ,GSUM PA RKYEN DU 'GYUR TSUL NI, RIG PAS RIG PA LA RKYEN BZHI BYED CING, GZUGS CAN LA BDAG RKYEN KHO NA DANG, GZUGS CAN GYIS DE LA DMIGS RKYEN BDAG RKYEN GNYIS KA DANG, GZUGS CAN LA RGYU BDAG GNYIS BYED DE, GZUGS CAN LA DE MA THAG RGYEN THAL 'GYUR BA MA GTOGS PAS MI 'DOD DO, ,SA'I DNGOS GZHIR, MA RIG PAS KYANG 'DU BYED KYI RGYU RKYEN MI BYED PAR GSUNGS @033A *, ,PA'I DGONGS PA GSER 'PHRENG LAS, DE NI DON DAM PA'I RGYU RKYEN KUN GZHI NYID YIN PA LA DGONGS LA, KUN BTUS SU, THA SNYAD PA'I RGYU RKYEN GYI DBANG DU MDZAD PAS SO, ,ZHES RKYEN BZHIR PHYE BA'I RGYU RKYEN NYER LEN LA BYED CING DE NI KUN GZHI'I STENG GI BAG CHAGS SMIN PA LAS SKYE DGOS PA SA'I DNGOS GZHI'I DGONGS PA DANG, KUN BTUS LAS BZHI GA BYED GSUNGS PA SPYI'I THA SNYAD TZAM DU RGYA RKYEN YIN PA LA DGONGS PAR GSUNGS SO; ,BZHI BA BYED LAS LA 'DRA BA'I BYED LAS YAN LAG BYI MA PHYI MA SKYED PA DANG, MI 'DRU BA'I BYED LAS DBUS MTHA' LAS, SGRIBS PA'I PHYIR DANG, 'DEBS BA'I PHYIR, ,'KHRID PA'I PHYIR DANG KUN 'DZIN PHYIR, RDZOGS BYED PHYIR DANG GSAM GCOD PHYIR, ,NYE BAR SPYOD PHYIR SDUD PA'I PHYIR, ,SBYOR BA'I PHYIR DANG MNGON DU'I PHYIR, ,SDUG BSNGAL PHYIR NI 'GRO NYON MONGS, ,ZHES YAN LAG THA MA GNYIS MA GTOGS GRANGS BZHIN NO, ,LNGA PA TSE DU LA RDZOGS TSUL NI, 'PHEN BYED GSUM DANG 'GRUB BYED GSUM CHOS SO SOR BYUNG NA TSE GSUM 'GYENGS YANG DE LAS BUL BA MI SRID DE, GSER PHYENG LAS, 'PHEN 'GRUB KYI BAR DU TSE DUMS CHER KYANG RTEN 'BREL GZHAN GYI TSE YIN LA, 'PHEN BYED DE'I RTEN 'BREL GYI TSE MA YIN PAS NYES PA MED DO, ,ZHES GSUNGS PA'I PHYIR, DRUG PAS MTSUNGS NI, LUGS 'DIR BAL CHER SA MTSUNGS KYANG KUN GZHI 'DOD PA RNAMS 'DOD PAR RGYU @033B SNYOMS 'JUG BSGRUB PA NA NYON YID 'KHOR GYI MA RIG PAS THOG MA'I MA RIG BA BYAS TSE YAN LAG DANG PO 'DOD PA'I SAS BSDUS YIN LA, RGYU DUS KYI RNAM SHES KYANG KUN GZHI YIN PAS STOD CHA 'DOD PA'I SAS BSDUS SHING, LHAG MA THAMS CAD GONG SAS BSDUS PAR 'DOD LA, GONG SA NAS 'OG SAR 'PHEN BYED LAS MI GSOG PA GRUB MTHA' KUN MTHUN NO, ,BDUN PA LA SGOM TSUL SNGAR LTAR LA, BRGYAD PAS BSGOM PA'I MA BA'I PHAN YON NI, SPANG BLANG GI 'JUG LDOG TSUL BZHIN DU BYAS TE THAR BA BLA NA MED PA'I GRONG KHYER DU ZHUGS NAS LUS CAN YONGS LA PHAN BDE'I SGO BRGYA 'BYED PA YIN NO, ,SMRAS PA, RTEN 'BYUNG YANGS PA'I KHOR YUG GSAL BYED CING, ,BLO GSAL BLO YI 'DAB BRGYA RGOD PA'I GNYEN, ,LUD RIGS 'OD BRGYA 'BAR BA'I GZI BYIN CAN, ,THUB BSTAN NAM MKHA'I RGYAN 'DI BSKRUN PA YI, ,LOGS BYAS SNYING PO MA PHAM TSA ZER GYIS, ,BZHAD BA'I GSUNG GI RJES 'GRO RKANG DRUG TSOGS, ,BSHAD SGRUB SBRANG RTZIR RNAM ROL ZAG MED KYIS, ,DGA' BA'I MYOS LDAN RTZE BAS GAR BSGYUR SHOG ,DE TSE RNAM KUN MCHOG LDAN STONG PA'I MKHAR, ,RTEN 'BYUNG CHU 'DZIN GLAL BA'I SGRA DBYANGS KYIS, , SKAL BZANG BLO GSAL BYE BA'I MDONGS MTHA' MA, ,DON GNYIS GTOS BZANG 'DZIN BAS SGEG GYUR CIG, , ,,CES PA 'DI NI BSTAN PA'I GSAL BYED MCHOG SPRUL GRAGS BA RGYAL MTSAN GYI 'DZIN CHOS SU, ^BTZUN PHA DKON MCHOG BSTAN PA'I @034A *, ,SGRON MES RANG LO NYER GSUM PA LA DPAL LDAN 'BRAS SPUNGS SU BRIS BA'O,, @034B BLANK PAGE