*, ,DMIGS LA BRTAG PA'I 'GREL PA PHYOGS GLANG DGONGS RGYAN ZHES
BYA BA BZHUGS SO,,

@001A #, ,RIM PAR GZUNG 'DZIN DMIGS PA'I RGYA, ,RNAM GROL SANGS
RGYAS LA BTUD NAS, ,MKHAS PAR BRTEN TE MKHAS BA'I GZHUNG, ,MKHAS
BA'I DGONGS PA BZHIN BSHAD BYA, GANG BSHAD PAR BYA BA'I

CHOS NI DMIGS PA BRTAG BA'O, ,MTSAN DANG 'GYUR PHYAG NI, RGYA
GAR SKAD DU, A'A LAm BA NA R'AKshI, BOD SKAD DU, DMIGS PA BRTAG
PA, SANGS RGYAS DANG BYANG CHUB SEMS DPA' THAMS CAD LA PHYAG

'TSAL LO, ,ZHES TE SLA'O, ,DON DNGOS NI 'DI LTAR, GZHAN GYI
DMIGS BA'I MTSAN NYID SKYES 'DRA BA 'GOG PAR DPE'I SGO NAS KHYAB
PA 'GOG PA CHEN PO GNYIS SOGS KYIS SNA TSOGS PAR GSUNGS LA,
PHYOGS

CHOS 'GOG BA 'DI LTA STE, DMIGS PA 'DI NI NGES PAR 'DZIN PA YIN
NA PHRA BA DAG JI LTAR 'DZIN, RNAM PAR SKYED DAM, BUS PHA'I
GZUGS 'DZIN PA LTAR PHYI MAR 'DOD DGOS KYANG, DE NI SKABS 'DIR

DON DU MI PHAN TE, DES NI, DBANG PO RNAM BAR RIG PA'I RGYU,
,PHRAR BA RDUL DE DAG YIN BAR 'GRUB TU CHUG MOD KHYOD KYI DOR
BDAG GIS MI 'GO GCING, DE LAS NYEN PA CHES MNGON SUM BSGRUB SLA
BA 'DI SO NA BDUG STE, BRTAG

PA'I PHYOGS SNGAM MA BLANGS PA NYID KYIS BYOD LTAR YANG, DE MI
SNANG BA'I PHYIR DBANG SHES DES, DMIGS PA'I BDAG NYID NGES BAR
'DZIN PA'I YUL NI, ,RDUL PHRAN MA YIN TE DE RGYU TZAM YIN YANG
MI SNANG BA'I DNGOS SU TSUL GCIG DANG DE'I@002A *, ,SGO NAS RNAM PAR SKYED PA'I
RGYU'ANG MA YIN PAS DON
GYIS RTAGS GNYIS KA NYAMS TE DMIGS PAR MI RUNG BA DBANG PO
BZHIN, ZHES GZHI BSAL LO, ,'DUS PA'ANG MIN PAR GSUNG BA, RE RE
BA BSAL ZHING MI

SNANG BAR BSHAD PA'I 'OS MED KYI RIGS PAS SNANG ZHING LHAG MAR
LUS PA'I SPYI SGRA GANG NI SKABS 'DIR 'DUS PA STE, DE'ANG SHES
PA TSOGS PA LAS PHYI'I RDUL TSOGS PA MA YIN KYANG, BAG CHAGS KYI
DBANG LAS DE LTAR SNANG BA'I PHYIR LTAR

ZHES SMOS SO, ,DE LA NI SNGA MA LAS BZLOG NAS SNANG BA DE 'THAD
DU CHUG KYANG 'DUS PA DE LAS DBANG PO'I SHES PA SKYE BA MIN PAS
YANG TSUL GCIG SHOS NYAMS TE DMIGS PA MIN NO, ,MI SKYED DE RDZAS
SU

MED BA'I PHYIR ZLA GNYIS BZHIN, 'DIS CHOS CAN PHYOGS SNGA'I ZHE
LA BZHAG PA'I STENG NAS YIN PAS DPE LA SBYOR TSUL YANG, KHA CIG
TU ZLA GNYIS SNANG LA DE'ANG ZLA BA GNYIS BAS SKYED DU MED PA'I
PHYIR

DBANG PO NYAMS PA KHO NAS YIN PA LTAR PHYI ROL BSAGS BA'I 'DUS
PA LTAR SNANG BA'ANG DE LA DE BSKYED PA'I NUS PA'I RDZAS YOD PA
MA YIN YANG NANG DU YID BDAG LTA'I BAG CHAGS KYIS NYAMS PA LAS
YIN TE

DPE 'DI NI 'GAL BA SPONG BA LA'ANG NUS PA CAN NO, ,DE NAS DE
LTAR PHYI ROL PHRA RAGS GNYIS KA YANG, ,BLO YI DMIGS RKYEN NAM
DMIGS YUL DU MI RUNG NGO ZHES BSDUS SO, ,RGYAS PAR SKYON SPONG
DGAG PA SOGS

@002B 'PHROS DON NI PA KHOL SOGS KHA CIG RDUL PHRAN RANG GI RNAM
PAS MI SNANG YANG, JI LTAR TIL LA SNUM BZHIN TSOGS PAR YOD PA'I
RDZAS DE NI, KHRA RE RE BA LA'ANG CUNG ZAD YOD DGOS PAS NA DE
LA'ANG 'DAS PA'I RNAM PA DAG ,YOD CING DE NI SHES

PA RANG GI RNAM LDAN DU, BSGRUB PAR RAM SKYED PAR BYED PA YIN
PAR 'DOD DO, ,DE LA RAGS PA'I RNAM PA SNANG DU RUNG BA CAN YOD
NA GO, DE'I CHOS SU MTSUNGS PA'I PHYIR, PHRA BA'I RNAM PA DE'ANG
CI'I PHYIR BSTAN DU MED CES BYA BA'I SKYON SPONG BAR

'DOD NAS, 'GA' ZHIG LA MNGON SUM DU YIN PAS THAMS CAD DU GA LA
DGOS, DES NA RDUL PHRAN NYID KYI RNAM PA NI RNAM RIG GI ,DON MIN
KYANG MTSUNGS PA'I NYES PA MED DE SA LA YOD PA'I KHA DOG BSTAN
DU YOD LA, DE'I BDAG NYID SRA BA NYID

LA SOGS SA DER YOD BA'I CHOS SU MTSUNGS KYANG DBANG PO'I NUS PA
SO SOR NGES PA NYID KYIS MTHONG BA MA YIN PA BZHIN DU RNAM
PA'ANG CHA GNYIS SU RUNG NGO, ,ZHES BYA BA NI PHYOGS SNGA MAS
SO, ,'THAD PA MA YIN TE, DE DAG LTAR NA BUM PA

DANG; ;KHAM PHOR DANG KA BA SOGS BLO LA SHAR BA'I TSE RNAM PA
MTSUNGS PAR 'GYUR RO, CI'I PHYIR NA BLO NI RANG DGAR MA YIN PA'I
YUL LA RANG GI NGO BO'I RJES SU BYED CING, YUL RDUL PHRAN NI NGO
BO MTSUNGS PA KHO NAR DBYE BA MED PA'I PHYIR BLO SNA TSOGS PAR
MI RIGS SO, ,

MANG NYUNG YOD BAS MI 'GRUB STE, NGO BO LA DBYE BA MED NA BUM PA
CHE CHUNG DU 'GYUR GYI KHAM PHOR GYI BLOR MI 'GYUR RO, ,GAL TE
RNAM PA'I DBYE BA KHA ZHABS SOGS MI 'DRA BAS KHYAD BAR DBYE'O,
,SNYAM NA DBYIBS KYI KHYAD PAR DE LTA BU NI RDUL PHRAN

@003A *, ,CHAR DBYE BA SOGS KYI RNAM PA BSGYUR DU MED PA'I TSUGS
CAN GYI RDZAS YOD 'DI LTA BU LA, ,BZHAG TU MED DE TSAD KYI DBYE
BA MI 'DRA BA MED PAR CHUNG BA'I MTHAR GTUGS PAR MTSUNGS PA'I
PHYIR RO, ,GZUGS

KYI CHA DBYER MED PA LA BKOD PA'I KHYAD PAR MI RUNG BA DE PHYIR
RNAM PA'I DBYE BA DE SKABS 'DI'I RDZAS SU MED PA'I KUN RDZOB KHO
NA LA YOD DE, ,CHA DBYER RUNG BA'I PHYIR, RDUL PHRAN LA DE MI
RUNG STE, RDUL PHRAN GYI CHA SO SOR YONGS SU BSAL NA NI, ,DER

SNANG GI SHES PA NYAMS TE GZUGS SNANG 'GAG PAR 'GYUR BA'I PHYIR,
,DE LTAR GZHAN GYI BA BKAG NAS GRAGS PA'I GNOD PA SPANGS PA'I
PHYIR, RANG LA 'THAD PA'I DMIGS PA STON PA NI, DMIGS PA GANG ZHE
NA, NANG GI 'DZIN PA'I

RANGS DANGS DE NYID SHES BYA'I DNGOS PO LA BZHAG GI GZHAN DU MED
PA NI ZHES PA'I DES GZUNG NGO, ,RANG LA BYA BA 'GAL BA'I PHYIR
JI LTAR SNANG ZHE NA, JI LTAR GNAS PA'I RNAM PA'I SNANG BA MA
YIN TE, ME LONG LA ZLA GZUGS SHAR BA NA

NAM MKHA'I KHAMS KYANG SHAR BAS BYED PA LAS ZLA BA RGYANG STE
CHAD PA'I RNAM PAR 'BYUNG BA JI LTA BAR PHYI ROL LTAR SNANG BA'I
TSUL GYIS GZUNG BAR GYUR KYANG DNGOS PO LA NANG DU GNAS PA GANG
YIN PA DE NI, DON ZHES BYA BA STE YUL DU MAR 'JUG

KYANG 'DIR SKABS KYI DBANG LAS DMIGS RKYEN YIN NO, ,DE'ANG RGYU
MTSAN GANG GI PHYIR NA, MNGON BAR BRJOD PA'I BAG CHAGS GOMS PA
LAS GZUNG BA DANG 'DZIN PA'I TSUL DU RNAM PAR SHES PO YUL DE'I
DNGOS PO'I RNAM PAR SKYED PA'I

@003B PHYIR DANG, ,YUL DE MED NA MI SKYE BA'I CHA NAS DE'I RKYEN
NYID DO ZHES KYANG BSHAD PA YIN PA'I PHYIR RO, ,GTAN TSIGS GNYIS
LAS RIM PAR BDAG NYID LA BYED PA 'GAL BA'I SKYON DANG DUS MNYAM
PA NI BA LANG GI RVA LTAR PHAN TSUN RKYEN DU MI RUNG

BA'I HA CANG THAL BA BSU NAS, DE GNYIS DUS GCIG CING BDAG NYID
GCIG PA'I CHA YIN NA'ANG ME LTAR RANG LA BYA BA CUNG ZAD 'JUG PA
SRID KYANG DBYE BA GTAN MED PA'I TSUL GYIS MA YIN PA SNGAR GZUNG
'DZIN DU 'GYUR TSUL BSHAD PA'I SHUGS

KYIS KYANG SHES PAS LA NA 'DIR MI STON LA PHYI MA NI YOD MED
RJES SU 'GRO LDOG GI NGES PA MI 'KHRUL BA'I PHYIR NA RKYEN DU
GDAGS PA YIN NO, ,DE LTAR DMIGS RKYEN BTAGS PA BA STE SNANG BA'I
DMIGS RKYEN RNAM PAR BZHAG NAS, RANG GI 'DOD

PA'I GTZO BO NYID STON PA NI KUN GZHI'I SGRAR BSTAN PA'I YID LA
SHES PA SNGA MAS GANG YUL GYI RNAM PAR SKYED PA'I NUS PA BZHAG
PA DES NI PHYI MA YUL GYI RNAM PAR 'JOG PA'I PHYIR RIM GYIS PHYI
MA PHYI MA'I DMIGS RKYEN YIN TE 'DI NI DNGOS KYI DON

NO; ;GAL TE BYAD BZHIN DANG ME LONG JI LTA BAR PHYI'I GZUGS DANG
MIG LAS RNAM PAR SHES PA BSKYED NA, KHYOD LA DMIGS PA NI NANG
KHO NA LAS MDUN DU GYUR PA MED PA'I PHYIR, JI LTAR SHES PA SKYED
CE NA, YUL DANG LHAN CIG PA'I DBANG PO

'BYUNG BA'I BDAG NYID KYI BEM POR SMRA BA KHYED DAG LA YUL YANG
DE DANG MTHUN PA PHYI'I BEM PO ZHIG TU 'GYUR MOD KYANG, KHO BO
CAG NI DMIGS PA DE DANG LHAN CIG BYED PAS DBANG PO'ANG KHYOD
LTAR MI SMRA YI, 'BRAS BU LAS RGYU'I CHOS RJES SU DPOG

@004A *, ,PA'I TSEN YID KYI STENG DU MIG SHES THUN MONG MA YIN
PAR 'GRUB PA'I NUS PA YAm, NGO BO ZHIG YOD PAR LAS 'GAG KYANG
'BRAS BU 'BYIN PAR SGRUB PA'I RIGS PA SOGS KYIS 'GRUB LA, DE LTA
BU GANG YIN PA DE NI

DBANG PO'ANG YIN PAR 'DOD DO, ,'ANG SGRAS NUS PA GCIG TU BZHAG
PA MA YIN GYI GNYIS KA NUS PAR MTSUNGS PA STON TO, ,DUL LHAS NUS
PA RGYU TZAM LA BSHAD KYANG 'OG DANG SBYAR NA DPYAD GZHIR SNANG,
KHYED CAG DBANG PO 'BYUNG BA'I BDAG NYID LAS BZLOG

STE NUS PAR 'DOD NA'ANG, NUS BRTEN MED BA NI MI GNAS PAS RTEN
'BYUNG BA'I KHYAD PAR ZHIG DGOS SO ZHES BA'I RTZOD PA BSUS TE,
RNAM PAR SHES PA'I RTEN GYI DBANG PO NUS PAR BZHAG PA DE YANG
KHO BO CAG RNAM PAR RIG PA TZAM

DU SMRA BA RNAMS LA 'GAR YANG MI 'GAL TE, ,NUS PA SHES PA LA
GNAS SHING SHES BA'ANG NUS PA LAS 'BYUNG BA'I PHYIR KHYED CAG
LTAR PHYI NAS TSOL BA'I NGAL BA MI DGOS SO, ,MJUG BSDU BA NI, DE
LTAR YUL GYI RNAM PA'I NGO BO NYID KYI

SHES PA DANG, ,DBANG PO'I NGO BO NYID KYI NUS PA GNYIS NI RES
MOS KYI TSUL DU SKYE 'GAG DUS MNYAM PA'I 'BREL BA'I SGO NAS PHAN
TSUN GYI RGYU CAN DANG, ,TSUL DE NYID KYIS THOG MA MED PA'I DUS
NAS RIM PAR 'JUG PA YIN PAS, ,SNGAR

LTAR RGOL BA DAG GI PHUGS BTZAL TE DPYAD PAS KYANG SUN DBYUNG
BAR NUS PA MA YIN NO, ,GZHAN GYI DMIGS PA NI GZUNG DON GYI NGO
BO YIN LA DE NI 'DI BA'I CHOS KYI BDAG STE DE 'GOG PAR BYED PA'I
DMIGS PA BRTAG PA SLOB DPON

@004B PHYOGS KYI GLANG POS MDZAD PA 'DI NI GRUB PA'I MTHA'I RTZA
BA CHES MCHOG TU GYUR PA ZHIG STE DE'I DON BSHAD PA RE ZHIG
RDZOGS SO, ,TSUL 'DI NI BTZUN PA DKON MCHOG BSTAN PA'I SGRON MES
RANG LO NYER DRUG PA LA GZHUNG 'DIR ZHIB DPYOD CUNG ZAD

BGYIS SKABS YID LA SHAR TSOD KYI RIM PA RNAMS BRJED DU PHANGS
PAS SPROS PA RGYA CHE BA DOR TE THO TZAM SUG BRIS SU BGYIS
PA'O,, ` ,,KHYAB PA SGRUB PA LA TSAD MA GSUM SNGON DU 'GRO DGOS
TE, RTAGS KYI MTSON GZHI NGOS 'DZIN

BA'I TSAD MA BAM RTAGS KYI ? NGES BA'I TSAD MA, DGAG BYA'I CHOS
DANG BSGRUB BYA'I CHOS DNGOS 'GAL DU NGES PA'I TSAD MA, RTAGS
DGAG BYA'I CHOS LA 'GOG PAR BYED PA'I TSAD MA 'AM ,RTAGS DANG
DGAG BYA'I CHOS KYI GZHI MTHUN 'GOG PA'I TSAD MA GSUM DGOS PA'I
PHYIR, GAL

TE TSAD MA DANG PO MED PAR PHYI MA GNYIS YOD PA TZAM GYIS RJES
SU 'GRO LDOG GI KHYAB PA 'GRUB NA, RI BONG RVA CHOS CAN, MI RTAG
PAR THAL, KHYOD RTZOD GZHIR BZHUNG? STE, RTAG PA MA YIN PAR
THAL, MI RTAG PA YIN PA'I PHYIR, ZHES 'PHANG PA'I TSE, KHYOD KYI
STENG DU DE'I RJES

SU 'GRO LDOG GI KHYAB PA NGES PA'I TSAD MA YOD PA'I PHYIR, DER
THAL, RTAG MI RTAG DNGOS 'GAL YIN PAS TSAD MA GNYIS PAS GRUB PA,
GANG ZHIG MI RTAG PA YIN NA, RTAG PA LA YOD PA, KHEGS PA'I TSAD
MA GSUM PA GRUB PA'I PHYIR, KHA CIG, RTAG MI RTAG DNGOS 'GAL

YIN PA'I RTAGS MA GRUB STE, RI BONG RVA RTAG PA MA YIN LA, MI
RTAG PA 'ANG MA YIN PA'I PHYIR, KHYAB STE, RTAG MI RTAG DNGOS
'GAL YIN NA RTAG PA MA YIN TSE MI RTAG PA YIN DGOS PA'I PHYIR
ZHE NA, 'O NA GANG ZAG GI BDAG RTAG PA YIN PAR THAL, DE MI RTAG
PA MA

@005A *, ,YIN PA'I PHYIR, KHYAB PA KHAS 'DOD NA, GANG ZAG GI
BDAG MED PA MA YIN PAR THAL, GANG ZAG GI BDAG RTAG PA YIN PA'I
PHYIR, RTAGS KHAS, TSAD MA BAR PA MED PA PHYI MA GNYIS YOD PA
TZAM GYIS RJES SU 'GRO

LDOG GI KHYAB PA DGRUB NA, DPER NA JA DKAR PO LAS GZHAN ZHES PAS
NAG PO DANG, GSER MA DANGS SER PO LAS GZHAN ZHES PAS SNGON POR
GO BA LTA BU'I SKABS YONG PA LA BSAM NAS, ZHE 'DOD SNGON POR
SGRUB 'DOD DE, AINDRA N'I LA'I KHA DOG CHOS CAN, SER PO LAS
GZHAN YIN

PAR THAL, SER PO MA YIN PA'I PHYIR ZHES 'PHANG BA'I TSE, ZHE
'DOD LTAR GYI KHYAB PA 'GRUB PAR THAL, SER PO MA YIN PAS TSAD MA
DANG PO 'GRUB, SER PO MA YIN PAS SER PO KHAGS PAS TSAD MA GSUM
PA 'GRUB PA'I PHYIR, 'DOD MI NUS TE, SER PO MA YIN PA'I RTAGS
KYIS BSGRUB

BYA'I CHOS SER PO LAS GZHAN DE LA SNGON PO YOD KYANG, GZHI GRUB
TSAD SNGO SER GNYIS SU MA 'DUS PAS, DER SNGON PO LAS GZHAN YANG
YOD PA'I PHYIR, MA GRUB NA, DUNG CHOS CAN, SNGON PO KHO NA LA
YOD PAR THAL, GZHI GRUB PA GANG ZHIG, SER PO LA KHEGS PA'I

PHYIR, ZHES PA YIN TE, ZHE 'DOD KYI DBANG GIS 'DI'I BSGRUB BYA'I
CHOS SNGON PO DANG, DGAG BYA'I CHOS SNGON PO LAS GZHAN YIN LA,
DNGOS ZIN GYI BSGRUB BYA'I CHOS SER PO LAS GZHAN DANG, ZHE 'DOD
KYI DGAG BYA'I CHOS SNGON PO LAS GZHAN GNYIS MI 'GAL BA'AM,
RTZOD TSE SER PO

LAS GZHAN PA'I SNGON PO DANG SER PO DNGOS 'GAL MA YIN PAS, DGAG
CHOS DANG BSGRUNG CHOS MI 'GAL BAR GSUNGS PA YIN TE, KHA CIG,
BDEN GRUB MIN YANG BDEN MED YIN MI DGOS ZER BA LTA BU LOG RTOG
'GOG PA'I DGOS PA SHIN TU CHE BAS, BSGRUB BYA'I CHOS NYI TSE BA

@005B TZAM DU MA SONG BAR, LOG RTOG GI MTHA' KHEGS PA LA DGAG
BYA'I CHOS DE DANG DNGOS 'GAL DU ZHUGS PA ZHIG NGES PAR DGOS SO,
,TSAD MA PHYI MA MED PAR DANG PO GNYIS YOD PA TZAM GYIS RJES SU
'GRO LDOG GI KHYAB PA 'GRUB NA, GZHAL BYA CHOS CAN, MI

RTAG PA KHO NA LA YOD PAR THAL, KHYOD KYI RTAGS KYI BUM PA MI
RTAG PAR SGRUB PA'I RJES SU 'GRO LDOG GI KHYAB PA 'GRUB PA'I
PHYIR, DER THAL, KHYOD GZHI GRUB PAS TSAD MA DANG PO GRUB PA,
GANG ZHIG, RTAG MI RTAG DNGOS 'GAL YIN PAS TSAD MA GNYIS PA

GRUB PA'I PHYIR, 'DI NI SKYABS MGON MCHOG SPRUL RIN PO CHE NAS
RTAGS RIGS GSAN SBYONG SKABS, THAD 'DIR YIG CHA RNAMS TSIG RIS
MI MTHUN ZHING, LHAG PAR RIGS RGYAN GYI TSIG RNAMS DKA' BA BZHIG
'DUG GSUNG BAR, BLO LA SHAR CHOD 'PHRAL DU PHUL BA'O,,