,, *, ,RIGS LAM 'PHRUL GYI LDE MIG CES BYA BA BZHUGS SO, , @001A *, ,BLA MA DANG MGON PO 'JAM PA'I DBYANGS LA PHYAG 'TSAL LO, ,SPYI DANG BYE BRAG GNYIS KYI NANG NAS BYE BRAG DANG, RTAG DNGOS GNYIS KYI NANG NAS RTAG PA YIN BYAS PA LA, KHO NA RE, DE MI 'THAD PAR THAL, SPYI YIN PA'I PHYIR, MA GRUB NA, SPYI YIN PAR THAL, KHYOD KYI BYE BRAG YOD PA'I PHYIR, MA GRUB NA, KHYOD KYI BYE BRAG YOD PAR THAL, SHES BYA DE YIN PA'I PHYIR, MA GRUB NA, SHES BYA CHOS CAN, KHYOD KYI BYE BRAG YIN PAR THAL, KHYOD KYI BYE BRAG YIN PAR KHAS LEN RIGS PA'I PHYIR, MA GRUB NA, SHES BYA'I BYE BRAG YIN PAR KHAS LEN RIGS PAR THAL, BYE BRAG YIN PAR KHAS LEN RIGS PA'I PHYIR; MA GRUB NA, DNGOS 'GAL, YANG KHO NA RE, KHYOD SPYI YIN PAR THAL, KHYOD KYI BYE BRAG YOD PA'I PHYIR, MA GRUB NA, DE THAL, GZHI GRUB NA KHYOD KYI BYE BRAG MA YIN PAS MA KHYAB PA'I PHYIR, MA GRUB NA, SHES BYA CHOS CAN, KHYOD KYI BYE BRAG MA YIN PAR THAL, GZHI GRUB BA'I PHYIR, KHYAB PA KHAS, 'DOD MI NUS TE, DE LA 'DOD LAN BTAB PAS SHES BYA'I BYE BRAG MA YIN PAR 'DOD CES RTZIS RIGS PA GANG ZHIG ,SHES BYA'I BYE BRAG YIN PA'I PHYIR, RTAGS DANG PO GRUB STE, SHES BYA CHOS CAN, KHYOD KYI BYE BRAG YOD PAR THAL, GZHI GRUB PA'I PHYIR, ZHES PA'I THAL 'BYUNG GYIS GSAL BA LA 'DOD LAN BTAB PAS, SHES BYA'I BYE BRAG @002A #, ,YOD PAR 'DOD CES RTZI RIGS PA GANG ZHIG ,DE'I RIGS 'GROS KYIS SHES PA'I PHYIR, DE BZHIN DU SGRA MI RTAG PA YANG SKYON DU 'PHEN NO, ,YANG KHO NA RE, RTAG DNGOS GNYIS KYI NANG NAS RTAG PA MA YIN PAR THAL, DNGOS PO YIN PA'I PHYIR, MA GRUB NA, DNGOS PO YIN PAR THAL, RGYU YIN PA'I PHYIR, MA GRUB NA, RGYU YIN PAR THAL, 'BRAS BU SKYED BYED YIN PA'I PHYIR, MA GRUB NA, DE THAL, 'BRAS BU YOD PA'I PHYIR RO, ,GONG DU MA KHYAB ZER NA, 'BRAS BU SKYED PA'I DON BYED PA YIN PAR THAL, 'BRAS BU SKYED BYED YIN PA'I PHYIR, 'DOD NA, DON BYED NUS PA YIN PAR THAL, ,'BRAS BU SKYED PA'I DON BYED NUS PA YIN PA'I PHYIR, 'DOD NA, DNGOS PO YIN PAR THAL LO, ,YANG KHO NA RE, DNGOS PO YIN PAR THAL, SHES PA YIN PA'I PHYIR, MA GRUB NA, DE THAL, TSAD MA YIN PA'I PHYIR, DER THAL, RJES DPAG TSAD MA YIN PA'I PHYIR, DER THAL, RJES DPAG YOD PA'I PHYIR, MA KHYAB NA, RJES DPAG RTAG DNGOS GANG RUNG YIN PAR THAL, RJES DPAG YOD PA'I PHYIR, 'DOD NA, DE BEM SHES GANG RUNG YIN PAR THAL PA DANG, TSAD MA DANG TSAD MIN GANG RUNG YIN BAR THAL BA SOGS 'PHEN NO, ,SLA, GZHAN YANG, DNGOS PO YIN PAR THAL, LAS BSAGS PA'I PHYIR, DER THAL, LAS DGE MI DGE BSAGS NAS 'KHOR BAR SKYE BA LEN PA'I PHYIR, DER THAL, DE LTAR 'KHOR BA'I TSUL @002B SANGS RGYAS BCOM LDAN 'DAS KYI BZHED PA GANG ZHIG ,KHYOD KYIS KHAS LEN DGOS PA'I PHYIR, GONG DU MA KHYAB NA, MI DGE BA'I LAS GSOG PAR THAL, SPYIR LAS GSOG PA'I RGYU MTSAN YOD PA'I PHYIR, 'DOD NA, RDZUN SMRA PAR THAL, 'DOD PA'I PHYIR 'DOD NA, RDZUN SMRA ZHES KHAS LEN PA'I KHAS LEN DE RNAM DAG YIN PAR THAL, RDZUN SMRA BA'I PHYIR, 'DOD NI, RDZUN SMRA ZHES KHAS LEN RIGS PAR THAL, DE 'DRA BA'I KHAS LEN DE KHAS LEN RNAM DAG YIN PA'I PHYIR, 'DOD MI NUS TE, DE LTAR KHAS LEN MI RUNG BA'I PHYIR, DER THAL, DE LTAR KHAS LEN NA NYES PA 'BYUNG BA'I PHYIR, DER THAL, RDZUN MI SMRA BAR DAM BCAS NA PHAN YON 'BYUNG BA'I PHYIR, DER THAL, MI DGE BCU MI BYED PAR DAM BCAS NA PHAN YON 'BYUNG BA'I PHYIR, GZHAN YANG DAG SMRA BAR THAL, RDZUN TSIG SMRA BA'I PHYIR, 'DOD NA, SKYES BU YIN PAR THAL, DAG SMRA BA'I PHYIR, BYAS PA LA KHO NA RE, BDEN TSIG KYANG MI SMRA BAR THAL, SKYES BU MA YIN PA'I PHYIR, KHYAB PA KHAS, 'DOD NA, RTAG DNGOS GNYIS KYI NANG NAS DNGOS PO YIN ZHES MI SMRA BAR THAL, 'DOD PA'I PHYIR, 'DOD NA, DE LTAR KHAS MI LEN PAR THAL, DE LTAR MI SMRA BA'I PHYIR, 'DOD NA, DNGOS SU 'GAL LO, ,GZHAN YANG DNGOS PO YIN PAR THAL, GZUGS YIN PA'I PHYIR, DER THAL, SGRA YIN PA'I PHYIR, DER THAL, YOD PAR THAL, YOD PA'I PHYIR ZHES PA'I THAL 'GYUR YIN PA'I PHYIR, MA GRUB NA, DER THAL, YOD MED GANG RUNG YIN PA'I PHYIR, BYAS PA LA KHO NA RE, SHES BYA CHOS CAN, YOD PAR THAL, YOD PA'I PHYIR ZHES PA'I@003A *, ,THAL 'GYUR YIN PAR THAL, YOD PA YIN PA'I PHYIR, KHYAB PA KHAM ZER NA, KHYAB MED KYI LAN THEBS PA YIN TE, THAL 'GYUR DE LA KHYAB MED KYI LAN BTAB PA'I TSE, YOD PA YIN NA, SHES BYA CHOS CAN, YOD PAR THAL, YOD PA'I PHYIR ZHES PA'I THAL 'GYUR YIN PAS MA KHYAB CES BRTZI RIGS SHING, DE LTAR KHAS MA BLANGS PA'I PHYIR, YANG KHO NA RE, RI BONG RVA CHOS CAN, YOD PAR THAL, YOD PA'I PHYIR ZHES PA'I THAL 'GYUR YIN PAR THAL, MED PA YIN PA'I PHYIR, KHYAB PA KHAS ZER NA, RTAGS MA GRUB PA YIN TE, DE LTAR 'PHANGS PA'I TSE RTZOD GZHI SPUBS SU 'TSANG SONG BAS MED BA YIN PAR RTAGS MA GRUB CES BRTZI DGOS PA YIN PA'I PHYIR, GZHAN YANG RTAG PA MA YIN PAR THAL, DNGOS PO YIN PA'I PHYIR, DER THAL, DANG POR SEMS BSKYED, BAR DU TSOGS BSAGS, MTHAR SANGS RGYAS NAS CHOS 'KHOR BSKOR BA'I YUL DANG, DE'I GDUL BYA DANG, DE THOS PA'I RNA SHES TSAD MA RE RE NAS YOD PA'I PHYIR, MA KHYAB NA, CHOS 'KHOR BSKOR BAR THAL, DE BSKOR BAR RTOGS PA'I TSAD MA YOD PA'I PHYIR, RTAGS KHAS BYAS PA LA, BSKOR BA RTOGS PA'I TSAD MA YOD KYANG, BSKOR BAR RTOGS PA'I TSAD MA MED ZER NA, CHOS 'KHOR CHOS CAN, BSKOR BAR THAL, CHOS 'KHOR YIN PA'I PHYIR, ` MANG DE CHOS CAN, BSKOR BAR THAL, DANG SKOR MKHAN STON PA SH'AKYA THUB PAS BSGOR BA'I PHYIR, MA KHYAB NA, 'ON SANGS RGYAS KYIS GSUNGS PAS GSUNG BA'I GO MI CHOD PAR THAL LO, ,BYAS PA LA KHO NA RE, SANGS @003B RGYAS PAR THAL, CHOS 'KHOR BSKOR BA'I PHYIR, 'DOD NA, NYON MONGS SPANGS PAR THAL, SANGS RGYAS PA'I PHYIR, 'DOD NA, NYON MONGS GTAN NAS MI SKYE BAR BYAS PAR THAL, NYON MONGS SA BON DANG BCAS PA SPANGS PA'I PHYIR, 'DOD NA, NYON MONGS CHOS CAN, MA SKYES PAR THAL, GTAN NAS MI SKYE BAR BYAS ZIN PA'I PHYIR, DER THAL, RNAM MKHYEN RGYUD LA SKYES ZIN PA'I PHYIR ZER NA, 'O NA DA LO'I LO 'DI 'GAGS ZIN PAR THAL, LO RJES MA GRUB ZIN PA'I PHYIR, KHYAB PA 'GRIG ,MA GRUB NA, LO RJES MA CHOS CAN, GRUB ZIN PAR THAL, LO YIN PA'I PHYIR, BYAS PA LA KHO NA RE, DAM BCA' BA 'DI'I SKYE BA PHYI MA CHOS CAN, GRUB ZIN PAR THAL, GANG ZAG YIN PA'I PHYIR, 'DOD NA, SKYE BA 'DI'I 'CHI SRID PHRA MO GRUB ZIN PAR THAL, PHYI MA'I BAR DO GRUB ZIN PA'I PHYIR, 'DOD NA, SKYANG CHOG DANG DGE RTZA YANG BYAS ZIN PAR THAL LO, ,ZER NA, 'O NA DAM BCA' BA 'DI'I SKYE BA 'DI CHOS CAN, GANG ZAG YIN PAR THAL, 'DOD PA'I PHYIR, 'DOD NA, DAM BCA' BA'I SKYE BA 'DI CHOS CAN, ,RANG BYUNG YIN PAR THAL, 'DOD PA'I PHYIR, 'DOD NA, RAB BYUNG MA YIN PAR THAL, 'KHOR BA YIN PA'I PHYIR, ,DER THAL, LAS NYON GYI DBANG GIS BLANGS PA'I SKYE BA YIN PA'I PHYIR, MA GRUB NA, 'DI'I SKYE BA 'DI MI'I SKYE BA YANG MA YIN PAR THAL, DE MI YIN PA'I PHYIR, KHYAB STE, MI'I SKYE BA BLANGS BYA DANG, MI DE LEN PA PO YIN PA'I PHYIR, ZER NA, 'O NA 'DI'I SKYE BA SNGA PHYI BAR GSUM CHOS CAN, LAS GSOG PA PO DANG, RNAM SMIN MYONG BA PO MA YIN PAR THAL, GANG ZAG MA YIN PA'I PHYIR, 'DOD NA, SKYE BA SNGA MAS @004A *, ,BSAGS PA'I LAS KYI RNAM SMIN SKYE BA PHYI MAS MI MYONG BAR THAL, SNGA MAS LAS MI GSOG PA GANG ZHIG ,PHYI MAS RNAM SMIN MI MYONG BA'I PHYIR, RTAGS RE RE NAS KHAS, GZHAN YANG, RTAG PA MA YIN PAR THAL, DNGOS PO YIN PA'I PHYIR, MA GRUB NA, KHYOD DNGOS PO YIN PAR THAL, BYE BRAG SMRA BO'I LUGS LA DNGOS PO YIN PA'I PHYIR, MA GRUB NA, BYE BRAG SMRA BA'I LUGS LA DNGOS PO YIN PAR THAL, BYE BRAG SMRA BA'I LUGS LA YOD PA YIN PA'I PHYIR, KHYAB STE, DE'I LUGS LA YOD PA DANG DNGOS PO GNYIS DON GCIG YIN PA'I PHYIR, GONG DU MA KHYAB ZER NA, 'O NA BYE BRAG SMRA BA'I LUGS LA DNGOS PO YIN NA, DNGOS PO YIN PAS KHYAB PAR THAL, DE'I LUGS LA DNGOS PO DANG DNGOS MED GNYIS KA YIN PA'I MA GCIG MED PA'I PHYIR, DER THAL, DE'I LUGS LA DNGOS PO DANG DNGOS MED GNYIS PHAN TSUN SPANG 'GAL YIN PA'I PHYIR, KHO NA RE, BUM PA KHYOD DANG GCIG YIN NA, KA BA KHYOD DANG GCIG MA YIN PAS KHYAB ZER NA, BUM BA YOD PA GANG ZHIG ,MI RTAG PA MI RTAG PA CHOS CAN, DER THAL, DE'I PHYIR, KHYAB PA KHAS, MA GRUB NA, BUM BA YOD PA GANG ZHIG ,MI RTAG PA MI RTAG PA DANG GCIG YIN PAR THAL, BUM PA YOD PA GANG ZHIG ,MI RTAG PA MI RTAG PA'I LDOG PA YIN PA'I PHYIR, MA GRUB NA, DER THAL, GUM PA YOD PA GANG ZHIG ,SKAD CIG MA MI RTAG PA'I MTSAN NYID YIN PA'I PHYIR, BYAS PA LA KHO NA RE, BUM PA YOD PA GANG ZHIG ,SKAD CIG MA MI RTAG PA DANG YIN KHYAB MNYAM YIN PAR THAL, BUM PA YOD PA GANG ZHIG ,SKAD CIG MA MI RTAG PA'I MTSAN @004B NYID YIN PA'I PHYIR, 'DOD NA, BUM PA'I DGAG GZHI CHOS CAN, BUM PA YOD PA GANG ZHIG ,SKAD CIG MA YIN PAR THAL, MI RTAG PA YIN PA'I PHYIR, 'DOD NA, DE CHOS CAN, BUM PA YOD PAR THAL, BUM PA YOD PA GANG ZHIG ,SKAD CIG MA YIN PA'I PHYIR, 'DOD MI NUS TE, BUM PA'I DGAG GZHI YIN PA'I PHYIR, DE LA KHO NA RE, BUM PA YOD PA GANG ZHIG ,SKAD CIG MA YIN NA BUM PA YIN PAS KHYAB PAR THAL, DE MI RTAG PA DANG YIN KHYAB MNYAM MA YIN PA'I RGYU MTSAN YOD PA'I PHYIR, 'DOD NA, SPYI CHOS CAN, DER THAL, DE'I PHYIR, BYAS PA LA KHO NA RE, BUM PA YOD PA GANG ZHIG ,SKAD CIG MA YIN NA BUM PA YIN PAS KHYAB PA'I PHYIR TE, BUM PA YOD PA GANG ZHIG ,BUM PA LAS GZHAN PA'I 'DU BYAS YIN NA GANG DRAN DRAN YIN PAS KHYAB PA'I PHYIR, DER THAL, BUM PA YOD PA GANG ZHIG ,KA BA YIN NA GANG DRAN DRAN YIN PAS KHYAB PA'I PHYIR, DER THAL, BUM PA YOD PA DANG KA BA GNYIS KA'I GZHI MTHUN PA YIN NA GANG DRAN DRAN YIN PAS KHYAB PA'I PHYIR, GZHAN YANG, KHYOD RANG LTAR NA SHES BYA CHOS CAN, BUM BRTAG PA YIN PAR THAL, BUM PA YOD PA GANG ZHIG ,DNGOS PO MA YIN PA'I PHYIR, MA GRUB NA, SHES BYA CHOS CAN, BUM PA YOD PA GANG ZHIG ,DNGOS PO MA YIN PAR THAL, BUM PA YOD PA GANG ZHIG ,RTAG PA YIN PA'I PHYIR, RTAGS DON KYIS KHAS, YANG KHO NA RE, KHYOD MA YIN PA YOD NA, KHYOD MA YIN PA BYE BRAG YIN PAS KHYAB ZER NA, MED PA CHOS CAN, DER THAL, DE'I PHYIR, 'DOD MI NUS TE, MED PA MA YIN PA MA YIN ZHING, SHES BYA YIN PA'I GZHI MTHUN PA DU @005A *, ,MA MA GRUB PA'I PHYIR, YANG KHO NA RE, YOD PA GANG ZHIG ,KHYOD MA YIN PA YOD NA, KHYOD MA YIN PA BYE BRAG YIN PAS KHYAB ZER NA, KA BUM GNYIS CHOS CAN, DER THAL, DE'I PHYIR, KHO NA RE, YIN PA SRID PA'I SHES BYA GZHIR BZHAG ZER NA, BUM PA DANG GCIG CHOS CAN, DER THAL, DE'I PHYIR, KHA CIG GZHI GRUB NA KHYOD YIN PAS KHYAB NA, KHYOD KYI YIN PA YOD PAS KHYAB ZER NA, RANG DANG GCIG CHOS CAN, DER THAL, DE'I PHYIR, 'DOD NA, RANG DANG GCIG GI YIN PA MED PAR THAL, BUM PA DE YIN DGOS LA MA YIN PA'I PHYIR, MA GRUB NA, BUM PA RANG DANG GCIG MA YIN PAR THAL, BUM PA RANG DANG YIN KHYAB MNYAM MA YIN PA'I PHYIR, MA GRUB NA, DER THAL, BUM PA YIN NA RANG YIN PAS MA KHYAB PA GANG ZHIG ,RANG YIN NA BUM PA YIN PAS MA KHYAB PA'I PHYIR, DANG PO GRUB STE, GSER BUM ZANGS BUM GNYIS PO DE YIN PA'I PHYIR, GNYIS PA GRUB STE, SHES BYA DE YIN PA'I PHYIR, RANG GI LUGS LA YIN MIN GNYIS KYI NANG NAS MA YIN PA DANG, GCIG DANG THA DAD GNYIS KYI NANG NAS GCIG YIN BYAS PA LA KHO NA RE, GANG DRAN DRAN YIN PAR THAL, MA YIN PA DE YIN PA GANG ZHIG ,YIN PA DE MA YIN PA'I PHYIR, GZHAN YANG MA YIN PA YIN PA DANG, YIN PA GNYIS KA YIN PAR THAL, DE GNYIS GANG RUNG YIN PA GANG ZHIG ,DE GNYIS GANG RUNG YIN NA GNYIS KA YIN DGOS PA'I PHYIR, DANG PO KHAS, GNYIS PA GRUB STE, DE GNYIS DON GCIG YIN KHYAB MNYAM YIN PA'I PHYIR, ,'DOD NA, MA YIN PA YIN PA DANG, YIN PA LAS @005B LOG PA GNYIS KA YIN PAR THAL, MA YIN PA YIN PA DANG, YIN PA MA YIN PA GNYIS KA YIN PA'I PHYIR, KHYAB STE, YIN PA MA YIN PA DANG, YIN PA LAS LOG PA GNYIS KA DON GCIG YIN PA'I PHYIR, 'DOD NA, MA YIN PA CHOS CAN, YIN PA DANG, YIN PA LAS LOG PA GNYIS KA MA YIN PAR THAL, GANG ZAG GI BDAG MED YIN PA'I PHYIR, GZHAN YANG 'THAD MI 'THAD GNYIS KYI NANG NAS MI 'THAD PA YIN PAR THAL, YIN MIN GNYIS KYI NANG NAS MA YIN PA YIN PA'I PHYIR, 'DOD NA, 'JIG RTEN PA'I THA SNYAD THAMS CAD DANG 'GAL RIGS PAR THAL, GANG 'THAD PA DE MI 'THANG LA, GANG MI 'THAD PA DE 'THAD CES KHAS LEN RIGS PA'I PHYIR, RTAGS SONG, YANG KHO NA RE, KHYOD DANG GCIG YIN NA YOD PAS KHYAB ZER NA, RTAG PAR RTOGS PA'I TSAD MA RTAG PAR RTOGS PA'I TSAD MCHOS CAN, YOD PAR THAL, KHYOD DANG GCIG YIN PA'I PHYIR, MA GRUB NA, RTAG PAR RTOGS PA'I TSAD MA CHOS CAN, KHYOD KHYOD DANG GCIG YIN PAR THAL, KHYOD GZHI GRUB PA'I PHYIR, RTZA BAR 'DOD NA, RTAG PAR RTOGS PA'I TSAD MA RTAG PAR RTOGS PA'I TSAD MA MED PAR THAL, RTAG PAR RTOGS PA'I TSAD MA DNGOS POR RTOGS PA'I TSAD MA YOD PA'I PHYIR, MA GRUB NA, RTAG PAR RTOGS PA'I TSAD MCHOS CAN, DNGOS POR RTOGS PA'I TSAD MA YOD PAR THAL, DNGOS PO YIN PA'I PHYIR, DER THAL, SHES PA YIN PA'I PHYIR, KHO NA RE, BUM PA KHYOD DANG GCIG YIN NA, KHYOD BUM PA DANG GCIG YIN PAS KHYAB ZER NA, MA YIN PA LAS LOG PA BUM PA MA YIN PA LAS LOG PA CHOS CAN, KHYOD BUM PA DANG GCIG YIN PAR THAL, BUM @006A *, ,PA KHYOD DANG GCIG YIN PA'I PHYIR, KHYAB PA KHAS, MA GRUB NA BUM PA MA YIN PA LAS LOG PA BUM PA MA YIN PA LAS LOG PA DANG GCIG YIN PAR THAL, BUM PA MA YIN PA LAS LOG PA DANG GCIG GI YIN PA 'JOG RGYU YOD PA'I PHYIR, MA GRUB NA, BUM PA MA YIN PA LAS LOG PA CHOS CAN, KHYOD DANG GCIG GI YIN PA YOD PAR THAL, KHYOD GZHI GRUB PA'I PHYIR, YANG KHO NA RE, SHES BYA KHYOD KYI BYE BRAG YIN NA, KHYOD SHES BYA'I SPYI YIN PAS KHYAB ZER NA, RTAG PAR RTOGS PA'I TSAD MA MI RTAG PA CHOS CAN, DER THAL, DE'I PHYIR, MA GRUB NA, DE'I RTAGS GRUB PAR THAL, DE LA RTAGS MA GRUB KYI LAN BTAB PA'I TSE NA SHES BYA RTAG PAR RTOGS PA'I TSAD MA MI RTAG PA'I BYE BRAG YIN PAR RTAGS MA GRUB CES BRTZI RIGS PA GANG ZHIG ,SHES BYA RTAG PAR RTOGS PA'I TSAD MA MI RTAG PA'I BYE BRAG YIN PA'I PHYIR, MA GRUB NA, DER THAL, SHES PA YIN PA'I PHYIR, RTZA BAR 'DOD MI NUS TE, GANG ZAG GI BDAG MED YIN PA'I PHYIR, BYAS PA LA KHO NA RE, RJES DPAG TSAD MCHOS CAN, MI RTAG PA'I BYE BRAG YIN PAR THAL, SHES PA YIN PA'I PHYIR, 'DOD NA, RJES DPAG TSAD MCHOS CAN, KHYOD MA YIN ZHING MI RTAG PA YIN PA'I GZHI MTHUN PA DU MA GRUB PAR THAL, KHYOD MI RTAG PA'I BYE BRAG YIN PA'I PHYIR, 'DOD NA, KHYOD MA YIN ZHING MI RTAG PA YIN PA'I MTHUN PA MED PAR THAL, MI RTAG PA YIN NA KHYOD YIN PAS KHYAB PA'I PHYIR, DER THAL, GZHI GRUB NA RJES DPAG TSAD MA YIN PAS KHYAB PA'I PHYIR, DER THAL, RJES DPAG YOD PAS KHYAB PA'I PHYIR, KHA @006B CIG GCIG DANG THA DAD GNYIS KYI NANG NAS GCIG TU KHAS LEN MI RIGS PAR THAL, SHES BYA GCIG DANG THA DAD GNYIS KYI NANG NAS GCIG TU KHAS LEN MI RIGS PA'I PHYIR, DER THAL, SHES BYA DU MAR KHAS LEN PA'I PHYIR, DER THAL, SHES BYA GRANGS MED PAR KHAS LEN PA'I PHYIR, DER THAL, SEMS CAN GRANGS MED PAR KHAS LEN PA'I PHYIR, DER THAL, SEMS CAN GYI SKYE BA SNGA MA GRANGS MED PAR KHAS LEN DGOS PA'I PHYIR, DER THAL, DE LTAR RIGS PA'I YA MTHA' THUG MED DU SGRUB PA'I PHYIR, GZHAN YANG 'DI'I SKYE BA SNGA MA CHOS CAN, GCIG KHO NA YIN PAR THAL, GCIG YIN PA'I PHYIR, 'DOD NA, DAM BCA' BA 'DI CHOS CAN, KHYOD KYI 'KHOR BA'I YA MTHA' YOD PAR THAL, KHYOD KYIS SNGAR 'KHOR BAR SKYE BA GCIG KHO NA BLANGS PA'I GANG ZAG YIN PA'I PHYIR, DER THAL, KHYOD KYIS SNGAR BLANGS PA'I 'KHOR BA'I SKYE BA GCIG KHO NA YIN PA'I PHYIR, BYAS PA LA KHO NA RE, SHES BYA CHOS CAN, GCIG YIN PAR THAL, MTSON BYA YIN PA'I PHYIR ZER NA, THA DAD CHOS CAN, DER THAL, DE'I PHYIR, 'DOD NA, DU MA GCIG YIN PAR THAL, THA DAD GCIG YIN PA'I PHYIR, 'DOD NA, GNYIS GCIG YIN PAR THAL, DU MA GCIG YIN PA'I PHYIR, 'DOD NA, BRGYA STONG SOGS KYANG GCIG YIN PAR THAL LO, ,'DOD NA, BRGYA STONG SOGS LA MANG NYUNG MED PAR THAL LO, ,DE RE RE NAS GCIG YIN PA'I PHYIR, KHO NA RE, DE MI 'DRA BAR THAL, GNYIS GCIG MA YIN PA'I PHYIR, DER THAL, MI GNYIS GCIG MA YIN PA'I PHYIR, MA GRUB NA, MI GNYIS GCIG MA YIN PAR THAL, MI GNYIS MI GCIG MA YIN PA'I PHYIR ZER NA, 'O NA @007A *, ,KHYOD NGA DANG 'DRA BAR THAL, MI DU MA MI GCIG YIN PA'I PHYIR, BYAS PA LA KHO NA RE, MI GCIG YIN PAR THAL, MI YOD PA'I PHYIR ZER NA, 'O NA GZHI GRUB NA MI GCIG YIN PAS KHYAB PAR THAL, 'DOD PA'I PHYIR, 'DOD NA, KHYI RGAN RGYA BO CHOS CAN, MI GCIG YIN PAR THAL, 'DOD PA'I PHYIR, 'DOD NA, DGE SLONG RNAM DAG GCIG YIN PAR THAL, 'DOD PA'I PHYIR, 'DOD NA, CHOS 'KHOR BSKOR MKHAN CIG YIN PAR THAL LO, ,GZHAN YANG LHAN CIG MI GNAS 'GAL GYI DNGOS 'GAL CHOS CAN, GCIG YIN PAR THAL, DNGOS SU GNOD BYA GNOD BYED DU ZHUGS PA'I SGO NAS RGYUN NUS MTSUNGS SU 'GRO GSU MI RUNG BA'I DNGOS PO DE KHYOD KYI MTSAN NYID YIN PA'I PHYIR, 'DOD NA, DNGOS SU GNOD BYA GNOD BYED DU ZHUGS PA'I DNGOS PO GCIG YIN PAR THAL LO, ,'DOD NA, GNOD BYA GNOD BYED GCIG YIN PAR THAL LO, ,'DOD NA, SPANG BYA GNYEN PO GCIG YIN PAR THAL LO, ,'DOD NA, 'KHOR 'DAS GCIG YIN PAR THAL LO, ,BYAS PA LA KHO NA RE, GNOD BYA GNOD BYED 'GAL BA YIN PAR THAL, THA DAD GANG ZHIG ,GZHI MTHUN MI SRID PA'I PHYIR, DANG PO KHAS, GNYIS PA GRUB STE, DE'I GZHI MTHUN YIN NA DE GNYIS RE RE NAS YIN DGOS PA'I PHYIR, 'DOD NA, DE CHOS CAN, YIN PA MI SRID PA'I SHES BYA YIN PAR THAL, 'GAL BA YIN PA'I PHYIR, 'DOD NA, DE CHOS CAN, KHYOD YIN NA GANG DRAN DRAN YIN PAS KHYAB PAR THAL, KHYOD YIN PA MI SRID PA'I SHES BYA YIN PA'I PHYIR, 'DOD NA, TSA REG DANG GRANG REG @007B GNYIS GNOD BYA GNOD BYED MA YIN PAR THAL LO, ,'DOD NA, ME DU GNYIS RGYU 'BRAS MA YIN PAR THAL LO, ,'DOD PA'I PHYIR, 'DOD MI NUS TE, RTEN 'BYUNG 'BREL YIN PA'I PHYIR, DER THAL, RTEN 'BYUNG 'BREL GYI YIN PA YOD PA'I PHYIR, DER THAL, 'BREL PA YIN NA BDAG GCIG 'BREL YIN PAS MA KHYAB PA'I PHYIR TE, RGYU 'BRAS THAMS CAD 'BREL MED DON GZHAN MA YIN PA'I PHYIR ZER NA, 'O NA TSA REG GRANG REG GNYIS PO DE GNOD BYA GNOD BYED YIN KYANG, GNOD BYA GNOD BYED GNYIS KA MA YIN PA'I ZHIB CHA 'BYED RIGS PAR THAL, 'DOD PA'I PHYIR, 'DOD NA, LHA LUNG DPAL RDOR DANG RGYAL PO GLANG DAR MA GNYIS GSOD BYA GSOD BYED YIN PAR THAL, 'DOD NA, 'KHOR BSGYUR GSO SBYONG 'PHAGS DANG RGYAL BU NGA LAS NU GNYIS PA BU YIN PAR THAL, DE GNYIS RGYU 'BRAS YIN TSUL YOD PA'I PHYIR, 'DOD NA, PHA BU'I YIN PA YOD PAR THAL LO, ,'DOD NA, PHA DANG BU MO'I YIN PA YANG YOD PAR THAL LO, ,'DOD NA, BYA ROG DANG 'UG PA'I YIN PA YOD PA DANG, KA BA DANG BUM PA'I YIN PA YOD PA SOGS YIN PA MI SRID PA THAMS CAD KYI YIN PA YOD PAR THAL, DE YOD KYANG DE GNYIS KA'I YIN PA MED PAS ZHIB CHA 'BYED RIGS PA'I PHYIR, RTAGS KHAS, 'KHOR GSUM YANG KHA CIG ,BRGYA GCIG MA YIN PAR THAL, RDUL PHRA RAB BRGYA GCIG MA YIN PA'I PHYIR, MA GRUB NA, RDUL PHRA RAB BRGYA CHOS CAN, KHYOD RDUL PHRA RAB GCIG YIN PAR THAL, KHYOD RDUL PHRA RAB GCIG DANG BONG TSOD MNYAM PA'I GZUGS GCIG YIN PA'I PHYIR, MA GRUB NA, DE CHOS CAN, RDUL PHRA RAB GCIG LAS CHE BAR THAL, @008A *, ,DE DE DANG BONG TSOD MI MNYAM TSUL YOD PA'I PHYIR, 'DOD NA, RDUL PHRA RAB LAS CHE BA'I RDUL PHRA RAB YOD PAR THAL, BUM PA'I RDUL PHRA RAB THAMS CAD PO DE YIN PA'I PHYIR, 'DOD NA, BUM PA LAS CHA BA'I RDUL PHRA RAB YOD PAR THAL, RI RAB KYI TSOGS PA'I RDUL PHRA RAB THAMS CAD PO DE YIN PA'I PHYIR, DER THAL, DE BUM PA'I GO SAR MI SHONG BA'I PHYIR, 'DOD NA, KHANG PA KA BZHI MA GCIG LAS CHE BA'I MI GCIG GLING 'DIR YOD PAR THAL, GLING 'DI'I MI THAMS CAD DER MI SHONG BA'I PHYIR, GZHAN YANG ZLA BA GCIG LAS RING BA'I DUS MTHA'I SKAD CIG MA GCIG YOD PAR THAL, LO 'DI'I BRTZI GZHIR GYUR PA'I DUS MTHA'I SKAD CIG MA THAMS CAD PO DE YIN PA'I PHYIR, DER THAL, DE'I 'GO TSUGS NAS MJUG RDZOGS PA'I BAR LA ZLA BA BCU GNYIS 'GOR DGOS PA'I PHYIR, DER THAL, ZLA BA DANG PO'I TSES GCIG DANG DE GNYIS GRUB PA DUS MNYAM GANG ZHIG ,BCU GNYIS PA'I GNAM STONG DANG DE GNYIS RDZOGS PA DUS MNYAM YIN PA'I PHYIR, BYAS PA LA, DE CHOS CAN, KHYOD GRUB PA DANG 'GAG PA GNYIS GYI 'GAG PA SNGA BAR THAL, BCU GNYIS PA'I GNAM STONG RDZOGS TSE 'GAGS PA GANG ZHIG ,ZLA BA DANG PO TSES GCIG GI NYIN GRUB DGOS PA'I PHYIR ZER NA, 'O NA, SKYE BA DANG 'CHI BA GNYIS KYI SNGA MA 'CHI BA YIN PAR THAL, SHI MA THAG SKYE BA LEN DGOS PA'I PHYIR, KHYAB PA 'GRIG ,'DOD MI NUS TE, MDO LAS, SKYE BA'I RKYEN GYIS RGA SHI ZHES GSUNGS PA'I PHYIR, DE LA KHO NA RE, LO YANG DUS MTHA'I SKAD CIG MA'I YIN TSAD CAN MA YIN PAR THAL, KHYOD KYI SGRUB TSUL 'THAD PA'I PHYIR, @008B 'DOD MI NUS TE, DE SKAD CIG MA YIN PA'I PHYIR, KHYAB STE, SKAD CIG GIS 'JIG CES PA'I SKAD CIG DE DUS MTHA'I SKAD CIG MA LA BYED PA'I PHYIR NA MA KHYAB STE, LO RDZOGS PAR GRUB ZIN PAS SKAD CIG MA LAS MI SDOD PA'I PHYIR, BYAS PA LA KHO NA RE, LO RDZOGS PAR GRUB DUS MED PAR THAL, ZLA BA BCU GNYIS MNYAM DU GRUB DUS MED BA'I PHYIR NA, MA KHYAB STE, ZLA BA BCU GNYIS PA'I GNAM STONG GI NYIN LO RDZOGS PAR GRUB PA'I PHYIR, DE LA KHO NA RE, BCU GNYIS PA'I GNAM STONG GI DUS CHOS CAN, ZLA BA BCU GNYIS CAN GYI LO DE RDZOGS PAR GRUB ZIN PAR THAL, LO RDZOGS PAR GRUB PA GANG ZHIG ,LO LA ZLA BA BCU GNYIS KYI BDAG NYID CAN GYIS KHYAB PA'I PHYIR, DER THAL, ZHAG GSUM MI LONGS PA'I LO GCIG MED PA'I PHYIR, GONG DU 'DOD NA, DE'I TSE ZLA BA BCU GNYIS RDZOGS PAR GRUB PAR THAL, DE'I BDAG NYID CAN GYI LO RDZOGS PAR GRUB PA'I PHYIR, 'DOD NA, DUS DE CHOS CAN, ZLA BA BCU GNYIS GRUB PAR THAL, RDZOGS PAR GRUB PA'I PHYIR, 'DOD NA, DE DUS ZLA BA DANG PO YOD PAR THAL LO, ,DE GRUB PA'I PHYIR ZER NA, ZHAG GSUM MI LONGS PA'I LO GCIG YOD PAR THAL, ZHAG GSUM MA LON PAR LO GNYIS LON PA YOD PA'I PHYIR, DER THAL, DE'I GNAM STONG LA SKYES PA'I BYIS PA DE LO GSAR GYI TSES GCIG GI TSE LO GNYIS LON PA'I PHYIR, YANG KHO NA RE, BUM PA'I TSOGS PA NA YOD PA'I RDUL PHRA RAB THAMS CAD RDUL MA YIN PAR THAL, DE THAMS CAD CES PA TSOGS PA'I SPYI TZAM LA BYED PA'I PHYIR, DER THAL, SHES BYA THAMS CAD RTAG PA YIN TSUL YOD PA'I BYIR ZER NA, DE MI 'THAD PAR THAL, DE THAMS CAD CES PA TSOGS PA'I@009A *, ,GZUGS RAGS PA LA'ANG BYED PA MI 'THAD, TSOGS TZAM GYI CHA'AM 'BREL PA LA BYED NA BTAGS YOD DU 'GYUR BA'I PHYIR, DANG PO MA GRUB NA, DE THAMS CAD BUM PA YIN PAR THAL, 'DOD PA'I PHYIR, 'DOD NA, DE THAMS CAD LA ZHABS MCHU SOGS YOD PAR THAL, 'DOD PA'I PHYIR, 'DOD NA, 'DI'I LUS KYI RDUL PHRA RAB THAMS CAD YAN LAG LNGA LDAN YIN PAR THAL LO, ,'DOD NA, GANG ZAG LA YOD NA, GANG ZAG THAMS CAD LA YOD PAS KHYAB PAR THAL, GANG ZAG THAMS CAD CES PA SPYI LDOG TZAM LA BYED PA'I PHYIR, 'DOD NA, GANG ZAG THAMS CAD LA YAN LAG GRANGS MED YOD PAR THAL, GANG ZAG LA DE YOD PA'I PHYIR, DER THAL, GANG ZAG GI MA YIN PA'I LUS KYI YAN LAG MED PA'I PHYIR, GONG DU 'DOD NA, DE THAMS CAD LA SDOM PA YOD PAR THAL, GANG ZAG LA DE YOD PA'I PHYIR, DE THAL, GANG ZAG GI RGYUD KYIS BSDUS PA'I SDOM PA YOD PA'I PHYIR, DER THAL, DAM BCA' BA 'DI'I RGYUD KYI SDOM PA DE DE YIN PA'I PHYIR, DER THAL, DE SKYES BU'I SHES RGYUD KYIS BSDUS PA'I SDOM PA YIN PA'I PHYIR, RANG LUGS LA YOD MED GNYIS KYI NANG NAS YOD PA YIN BYAS PA LA, MI 'THAD PAR THAL, MED PA YIN PA'I PHYIR, DER THAL, BUM PA MED PA RTOGS PA'I TSAD MA YOD PA'I PHYIR ZER NA MA KHYAB STE, BUM PA MED PA YONG PA'I PHYIR, GZHAN YANG BUM PA MED PA CHOS CAN, MED PAR THAL, CHAD MTHA' YIN PA'I PHYIR, DER THAL, SKUR 'DEBS KYI MTHA' YIN PA'I PHYIR, DER THAL, BUM PA MED PAR BLTA BA'I LTA BA SKUR 'DEBS KYI LTA BA YIN PA'I PHYIR, KHYAB STE, BUM PA MED @009B PAR BLTA BA DE'I ZHEN YUL GANG ZHIG ,DE'I ZHEN YUL LA SKUR 'DEBS KYI MTHA' GCIG DGOS PA'I PHYIR, DER THAL, DE'I ZHEN YUL 'JOG RGYU YOD PA'I PHYIR, GONG DU 'DOD NA, DE CHOS CAN, TSAD MA'I GZHAL BYA MA YIN PAR THAL, LOG SHES KYI 'DZIN STANGS YIN PA'I PHYIR, KHYAB STE, 'GAL BAL MI 'KHRUL PA'I TSAD MA MED PA'I PHYIR, GZHAN YANG YOD PA KHO NA YIN PAR THAL, YOD PA YIN PA'I PHYIR, 'DOD NA, MED PA MED PAR THAL, YOD PA KHE NA YIN PA'I PHYIR, 'DOD NA, MED PA CHOS CAN, YOD PAR THAL, MDUN GYI GZHI 'DIR YOD PA'I PHYIR, MA GRUB NA, MDUN GYI GZHI 'DIR MED PA YOD PAR THAL, RGYA GAR RDO RJE GDAN DE DE YIN PA'I PHYIR, BYAS PA LA KHO NA RE, MDUN GYI GZHI 'DIR MED PA YOD KYANG MED PA MDUN GYI GZHI 'DIR MED ZER NA, 'O NA MDUN GYI GZHI 'DIR MED PA'I BUM PA YOD PAR THAL, 'DOD PA'I PHYIR, 'DOD NA, MDUN GYI GZHI 'DIR SA BON LAS MA SKYES PA'I MYU GU YOD PAR THAL LO, ,'DOD NA, 'DIR MA RTZIGS PA'I PHO BRANG NANG DU MA SKYES PA'I RGYAL PO 'KHOR BCAS YOD PA'I THAL LO, , GZHAN YANG MED PA CHOS CAN, KHYOD RI RAB DANG BONG TSOD MNYAM PAR THAL, RI RAB KYI RTZE MO NA KHYOD KYI RTZE MO YOD PA GANG ZHIG ,RGYA MTSO'I GTING DU KHYOD KYI MJUG MA YOD PA'I PHYIR, GZHAN YANG YOD PA MA YIN PAR THAL, GZHAL BYA BA YIN PA'I PHYIR, DER THAL, RANG MCHIN MA YIN PA GANG ZHIG ,SPYI MTSAN MA YIN PA'I PHYIR, RTAGS GNYIS PA MA GRUB ZER NA, 'O NA, RTOG PA'I SNANG YUL YIN PAR THAL, SPYI MTSAN YIN PA'I PHYIR, 'DOD NA, CHOS GANG YANG RUNG BA'I DON SPYI YIN PAR THAL, @010A *, ,RTOG PA'I SNANG YUL YIN PA'I PHYIR, BYAS PA LA KHO NA RE, SHES BYA CHOS CAN, DAR THAL, DE'I PHYIR ZER NA, 'O NA KHYOD RANG LA SHES BYA CHOS CAN, KHYOD SNANG YUL DU BYED PA'I RTOG PA YOD PAR THAL, KHYOD RTOG PA'I SNANG YUL YIN PA'I PHYIR, 'DOD NA, DO MI 'THAD PAR THAL, RTOG PA SPYI LDOG MA DE'I SNANG YUL YIN PA'ANG MI 'THAD, RTOG PA BYE BRAG PA DE'I SNANG YUL YIN PA'ANG MI 'THAD PA'I PHYIR, DANG PO MA GRUB NA, SHES BYA SNANG YUL DU BYED PA'I RTOG PA DANG, NAM MKHA' SNANG YUL DU BYED PA'I RTOG PA GNYIS DON GCIG YIN PAR THAL, DE GNYIS KA LA RTOG PA SPYI TZAM PA MA GTOGS 'JOG RGYU MED PA'I PHYIR, 'DOD NA, DE 'DRA BA'I RTOG PA MNGON GYUR DU RGYUD LA LDAN PA'I GANG ZAG GI YIN PA MED PAR THAL, DE LA SPYI LDOG GIS KHYAB PA'I PHYIR, 'DOD NA, SKYE 'PHAGS SU'I RGYUD NA'ANG MED PAR THAL LO, ,GONG GI RTAGS GNYIS PA MA GRUB NA, DE LA RTOG PA BYE BRAG PA GCIG MED PAR THAL, SHES BYA 'DZIN PA'I RTOG PA DE MA YIN PA GANG ZHIG ,CHOS GZHAN 'DZIN PA'I RTOG PA GCIG MED PA'I PHYIR, DANG PO MA GRUB NA, KHYOD DE'I SNANG YUL MA YIN PAR THAL, DE'I ZHEN YUL YIN PA'I PHYIR, RTAGS KHAS, YANG RTOG PA DE KHYOD LA 'KHRUL PAR THAL, KHYOD RTOG PA DE'I SNANG YUL YIN PA'I PHYIR, YANG RTOG PA DE KHYOD LA MA 'KHRUL PAR THAL; DE RTOG PA DON MTHUN GANG ZHIG ,KHYOD DE'I ZHEN YUL YIN PA'I PHYIR, RTAGS GNYIS PA MA GRUB NA, CHOS GZHAN 'DZIN PA'I RTOG PA MED PAR THAL, BUM PA RTOGS PA'I RTOG PA GCIG MED BDAG MED RTOGS PA'I RTOG PA GCIG KYANG MED PAS DE'I ZHEN YUL DNGOS @010B GZUNG NAS, DE DANG SHES BYA GNYIS 'DRES RUNG DU 'DZIN TSUL MED PA'I PHYIR, YANG KHO NA RE, YOD MED GNYIS KYI NANG NAS MED PA MA YIN PAR THAL, MIG SHES TSAD MES MNGON SUM DU RTOGS SHING, RNA SHES TSAD MAS MNGON SUM DU RTAGS PA GANG ZHIG, DE LTAR MNGON SUM DU MTHONG BZHIN DU SKUR PA 'DEBS MI RUNG BA'I PHYIR, ZER NA, 'O NA GZUGS KYI SKYE MCHED DANG SGRA'I SKYE MCHED GNYIS KA YIN PAR THAL, MIG SHES KYI BZUNG BYA DANG RNA SHES KYI NYAN BYA GNYIS KA YIN PA'I PHYIR ZER NA, MA KHYAB STE, MIG SHES KYI BZUNG BYA LA GZUGS KYI SKYE MCHED KYIS MA KHYAB PA GANG ZHIG ,RNA SHES KYI NYAN BYA YANG SGRA DANG DON GCIG MA YIN PA'I PHYIR, DANG PO GRUB STE, DAM BCA' BA 'DIS BA LANG DKAR ZAL MNGON SUM DU RTOGS PA'I PHYIR, KHYAB STE, DE MNGON SUM DU RTOGS BYED MNGON SUM BZHI LAS DBANG MNGON YIN GYI, MNGON SHES LNGA LTA BU'I DMIGS BSAL CAN MA GTOGS TSUR MTHONG GI YID MNGON LA SNANG LA MA NGES PAS KHYAB PA'I PHYIR, GNYIS PA GRUB STE, 'DON BZHIN PA MA YIN PA'I GANG ZAG GI RGYUD KYI MNGON RTOGS RGYAN RNA SHES KYI NYAN BYA MA YIN PA GANG ZHIG ,SGRA YIN PA'I PHYIR, DANG PO GRUB STE, DE THOS PA'I RNA SHES TSAD MA MED PA'I PHYIR, DER THAL, DBANG MNGON GYIS YUL DUS MNYAM PA 'DZIN PA GANG ZHIG ,DES DE THOS BZHIN PA YIN NA, SGRA DE YANG GRAGS BZHIN PA YIN DGOS PA'I PHYIR, DER THAL, DE'I TSOGS PA'I RDUL RNAMS LUS KYI TSOGS PA DANG GO SA GANG DU YOD PA SOGS SHIN TU DPYAD DKA' BA'I PHYIR, GNYIS PA MA GRUB NA, DE CHOS CAN, SGRA YIN PAR THAL, THAR LAM PHYIN CI MA LOG PAR STON PA'I RJOD BYED RNAM DAG YIN PA'I PHYIR RO, ,SMRAS PA, @011A *, ,GZHUNG DON ZAB MO'I LUS KYI RTZA LA RDZOGS KYANG, ,RIGS LAM 'PHRUL GYI MCHE SDER MA LDAN PA, ,RGOL NGAN GLANG PO 'JOMS PAR MI NUS PAS, ,TSIG 'KHRI'I SBYOR BA 'GA' ZUNG GTAM DU SMRAS, ,KHYAD PAR GZHI DANG MA 'BREL SPYI LDOG MA, ,RNAM PA GZHI MED SKYES BU'I DON MIN LO, ,NGES BZUNG MED LA MED CES SMRA BA YANG, ,MI RUNG MING TZAM DBU MA'I 'PHRUL 'DEGS YIN, ,ZHES NYAMS DGA' BA'I TSUL DU SMRAS PA'O, ,ZHES PA 'DI NI 'DREN MCHOG DAM PA MCHOG SPRUL RIN PO CHE 7GUNG THANG 'JAM PA'I DBYANGS BKRA SHIS 'KHYIL GYI KHRIR BZHUGS SKABS, RIGS PA'I BRDAR SHA CHOD PA'I PHYIR BSDUS GRVA PA RNAMS LA SROD CHOS SU GNANG BA LAS BSDUS GRVA PA RNAMS KYIS ZIN BRIS SU BGYIS PA'O, ,'DIS KYANG RGYAL BA'I BSTAN PA SGO THAMS CAD NAS PHYOGS THAMS CAD DU DAR ZHING RGYAS LA YUN RING DU GNAS PAR GYUR CIG ,RIGS PA'I MCHE SDER MED PA SPANG SENG DANG, ,GZHUNG LUGS RAL BA BYI BA'I 'DAM SENG GIS, ,THUB BSTAN GANGS RI SKYONG BAR MI NUS PAS, ,LUNG RIGS GNYIS 'JOM GANGS KYI SENG GER MDZOD,, @011B BLANK PAGE