@001A *, ,BSTAN PA'I 'JUG SGO SKYABS 'GRO'I KHRID YIG PHAN BDE'I
LAM BZANG GSAL BA'I SGRON ME ZHES BYA BA BZHUGS SO, ,

@001B #, ,NA MO GU RU RATNA TRA Y'A LA, MKHYEN DANG BRTZE BA
'PHRIN LAS PHUN TSOGS STON PA MNYAM MED RDZOGS SANGS RGYAS,
,LUNG DANG RTOGS PA'I BSTAN PA RIN CHEN SRID ZHI'I GDUNG SEL DAM

BA'I CHOS, ,RIG DANG GROL BA'I YON TAN BRGYAD LDAN 'PHAGS PA
PHYIR MI LDOG PA'I TSOGS, ,LUS DANG NGAG YID GUS PAS MCHOD DO
'BRAL MED BYANG CHUB BAR DU SKYONGS, ,GANG LA BRTEN NA NAM YANG
MI SLU BA'I, ,

SKYABS KYI DAM PA MCHOG GSUM DANG DBANG GI RGYAL, ,DAD PA'I
RGYAL MTSAN RTZE MOR LEGS MCHOD NAS, ,DNGOS GRUB GRU CHAR 'BEBS
RNAMS SKAL BA BZANG, ,DE SLAD MOS BRTZON DGE BA'I BLO GROS KYI,
,BGROD PA MI

DMAN ZHI BA'I MGRON RNAMS LA, ,PHAN BDE'I LAM BZANG 'JUG NGOGS
GSAL BA'I PHYIR, ,LEGS BSHAD GTAM GYI SGRON ME SBAR BAR BYA,
,DE'ANG 'JAM MGON BLA MA TZONG KHA BA CHEN PO'I ZHAL NAS, DAL
BA'I

@002A #, ,RTEN 'DI YID BZHIN NOR LAS LHAG ,'DI 'DRA RNYED PAD
RES TZAM ZHIG YIN, ,RNYED DKA' 'JIG SLA NAM MKHA'I GLOG DANG
'DRA, ,TSUL 'DI BSAM NAS 'JIG RTEN BYA BA KUN,,

SPUN PA 'PHYAR BA BZHIN DU RTOGS GYUR NAS, ,NYIN MTSAN KUN TU
SNYING PO LEN PA DGOS, ,ZHES GSUNGS PA LTAR, DAL 'BYOR TSANG
BA'I RTEN BZANG 'DI LTA BU NI RGYUD PA NGO BO GANG GI SGO NAS
BSAMS KYANG RNYAD TSUL MI

SRID PA TZAM DU DKON LA, DON SHIN TU CHE STE YID BZHIN GYI NOR
BU RIN PO CHES KYANG TSE 'DIR DBUL BA SEL BA TZAM MA GTOGS PHYI
MAR PHAN PA CUNG ZAD KYANG MI NUS LA, RTEN 'DI'I STENG NAS RANG
GIS 'BAD

THUB NA ZUNG 'JUG RDO RJE 'CHANG GI GO 'PHANG YANG TSE GCIG NYID
LA 'GRUB PAS GTAN GYI BDE SKYID MTHA' DAG BSGRUB NUS SO, ,RNYED
DKA' DON CHE BA'I RTEN BZANG BLA MA MCHOG GSUM GYI THUGS RJER
LAN GCIG

@002B THOB PA 'DI'ANG 'GAL RKYEN DU 'DZINGS PA RLUNG DMAR NANG
GI MAR ME BZHIN NAM 'CHI CHA MED PAS MYUR BA MYUR BAR GTAN DU
PHAN DES KYI SNYING PO ZHIG LEN DGOS LA, TSE 'DI'I ZAS NOR LONGS
SPYOD MNGA' THANG SNYAN

GRAGS SOGS CI TZAM RGYAS KYANG 'CHI BA'I TSE RMI LAM GYI DGA'
STON LTAR DRAN PA'I YUL DU BZHAG NAS 'GRO BA MA GTOGS SNYING PO
CI'ANG MED PA NAS KYI SPUN PA LO BRGYAR PHYAR YANG NANG NA
SNYING PO LEN RGYU MED PA DANG 'DRA, DE'I

TSE PHAN NGES PA DE GANG YIN NA SPYOD 'JUG LAS, BSKAL PA DU MAR
RAB DGONGS MDZAD PA YI, ,THUB DBANG RNAMS KYIS 'DI NYID PHAN PAR
GZIGS, ,ZHES GSUNGS PA LTAR, STON PA THUGS RJE CAN DES RANG CAG
GI DON DU

DANG POR THUGS BSKYED, BAR DU BYA DKA' BA'I SPYOD PA DPAG TU MED
PA SPYAD, MTHAR RNAM PA THAMS CAD MKHYEN PA'I YE SHES MNGON DU
MDZAD DE MA BU GCIG PA LTA BU'I BRTZE BA CHEN PO'I SGO NAS STON
PAR MDZAD PA'I LUNG

RTOGS KYI BSTAN PA RIN PO CHE 'DI GNYIS MA GTOGS GZHAN MED PAS
DE LA NGES PAR 'JUG DGOS, DER 'JUG TSUL YANG RANG GIS GANG 'DOD
BYAS PAS MI CHOG BAR CHOS KYI SARGA MA LOG PA ZHES 'JUG SGO MNOR
BA ZHIG

NAS TSUL BZHIN DU 'JUG DGOS, ,DE'ANG PAn CHEN BLO BZANG CHOS KYI
RGYAL MTSAN GYIS, DANG PO BSTAN DANG THEG CHEN LA, ,'JUG PA'I
SGO DANG GZHUNG SHING PHYIR, ,KHA TZAM TSIG TZAM MA YIN PA'I,
,SKYABS 'GRO SEMS@003A *, ,BSKYED NAN TAN BYA, ,ZHES SOGS LTAR BSTAN PA SPYI'I
'JUG SGO SKYABS 'GRO, THEG CHEN THUN MONG BA'I 'JUG SGO SEMS
BSKYED, SNGAGS KYI THUN MONG MA YIN PA'I 'JUG SGO DBANG YIN

PAR GSUNGS PAS, THOG MKHO NAR RGYAL BA'I BSTAN PA LA 'JUG PA'I
SGO GCIG PU PHAN BDE LEGS TSOGS MA LUS PA'I 'BYUNG GNAS SKYABS
'GRO RNAM PAR DAG PA'I RMAD GZHI ZIN PA ZHIG BYED DGOS SO, ,DES
NA 'DI LA

BZHI; SKYABS SU 'GRO DGOS PA'I RGYU MTSAN, SKYABS SU 'GRO BA'I
TSUL, SKYABS SU SONG BA'I PHAN YON, SKYABS 'GRO'I BSLAB BYA'O,
,DANG PO NI, BDAG DANG MRGAN SEMS CAN DE DAG THAMS CAD DUS THOG
MA MED PA ZHIG

NAS DA LTA'I BAR DU SPYIR 'KHOR BA DANG KHYAD PAR NGAN SONG GSUM
LA GTAN GYI SDOD GNAS SU BYAS TE YUN RING LA SHUGS DRAG PA'I
SDUG BSNGAL BSAM LAS 'DAS PA ZHIG MYONG 'DUG TU ZIN KYANG DA
DUNG GNYEN POS BCAN CHOD

CIG MA BYUNG NA, MYANG PAS SDUG BSNGAL GYI GTENG DANG MTHAR THON
PA ZHIG YOD MI SRID PAR 'DUG ,DA RES RTEN 'BREL PHUN SUM TSOGS
PA'I DUS 'DIR RANG GIS RANG MA BSLUS PA BYAS TE 'KHOR BA'I SDUG
BSNGAL THAMS CAD SPANGS

PA'I THAR PA MCHOG BLA MA SANGS RGYAS KYI GO 'PHANG ZHIG THOB
PAR MA BYAS NA ZANGS RBAB RI RKED NAS 'GRIL PA BZHIN 'DI NAS
RDOG SNA ZHIG 'DRED DE SLAR NGAN SONG GI GTING DU LHUNG PHYIN,
DE NAS THAR PA DANG THAMS CAD MKHYEN PA LTA

@003B ZHOG ;BDE 'GRO'I SGRA TZAM YANG BSKAL PA MU MTHA' YAS PAR
THOS DKA' BA'I SDUG BSNGAL GYI GA-YANGS BA BRGYUD MA NAS BRGYUD
MANG LHUNG DES TE RGYAS SRAS ZHI BA LHAS, DE LTA'I DGE BA NYAM
CHUNG NYID LA RTAG ,SDIG PA STOBS CHEN SHIN TU MI BZAD PA, ,ZHES
GSUNGS

PA BZHIN, RANG CAG RNAMS DGE BA GANG BYAS SHUGS CHUNG LA, SDIG
PA GANG BYAS SHUGS CHE ZHING YAN LAG MA TSANG BA MED LAG GANG SA
KYANG SHIN TU MANG BAS, RGYU DE LA DPAG NA PHYI MA'I 'GRO SA BON
SONG LAS MA 'DAS PA NI, BZHI BRGYA PA LAS, PHAL

MO CHER NI MI RNAMS NI, ,DAM PA MA YIN PHYOGS YONGS 'DZIN, ,DES
NA SO SO SKYE BO RNAMS, ,PHAL CHER NGES PAR NGAN 'GROR 'GRO,
,ZHES GSUNGS PA LTAR RO, ,DER SKYES NA GZHAN DBANG KHO NAR SONG
STE THAR MI THUB PA'I TSUL YANG DPAL LDAN ZLA BAS,

GANG TSE RANG DBANG 'JUG CING MTHUN GNAS PA, ,GAL TE 'DI BDAG
'DZIN PAR MI BYED NA, ,GA-YANG SAR LHUNG BAS GZHAN DBANG 'JUG
'GYUR BA, ,DE LAS PHYI NAS GANG GIS SLONG BAR 'GYUR, ,ZHES
GSUNGS PA BZHIN TE, DE'I TSE SANGS RGYAS BYANG SEMS

RNAMS KYIS BRTZE BAS GZIGS KYANG RANG GI LAS KYIS BSGRIBS PAS
SKYOB THABS DANG BRAL ZHING SKYABS KYI SNANG BA MI 'CHAR BAR
SDUG BA SPAL DANG 'JIGS SKRAG GI SNANG BA 'BA' ZHIG SHAR TE BYA
THABS DANG BRAL BA'I TSUL, ,SPYOD 'JUG LAS, SU ZHIG 'JIGS

CHEN 'DI LAS BDAG ,LEGS PAR SKYOB PAR BYED 'GYUR ZHES, ,BRED SHA
THON PA'I MIG BGRAD NAS, ,PHYOGS BZHIR SKYABS DGA' 'TSOL BAR
BYED, ,PHYOGS BZHIR SKYABS MED MTHONG NAS NI, ,DE NAS KUN TU YI
MUG 'GYUR, ,GNAS DER SKYABS YOD

@004A *, ,MA YIN NA, ,DE TSE BDAG GIS JI LTAR BYA, ,DE BAS RGYAL
BA 'GRO BA'I MGON, ,'GRO BA SKYOBS PA'I DON BRTZON PA, ,STOBS
CHEN 'JIGS PA KUN SEL LA, ,DE RING NYID NAS SKYABS SU MCHI,
,ZHES GSUNGS PA LTAR

YIN PAS, DA LTA BDE 'GRO NGAN 'GRO GNYIS KYI SO MTSAMS, KHE NYEN
SKYID SDUG KUN GYI 'DAM KHA RANG LAG NA YOD PA'I DUS 'DIR BLO
BDE BA'I GDENG THOB PA ZHIG BYED DGOS, DE'ANG RANG STOBS KYI NUS
PA CI'ANG MED PAS LHA DKON MCHOG

GSUM GYI ZHABS LA 'JUS NAS SKYID SDUG LEGS NYES CI BYUNG YANG
KHYED MKHYEN SNYAM DU BLO 'GEL DGOS TE, SLOB DPON PHYOGS KYI
GLANG POS, GTING MTHA' MED PA'I 'KHOR BA NI, ,RGYA MTSO'I NANG
NA RNAM PAR GNAS, ,'DOD CHAGS LA SOGS MI

BZAD PA'I, ,CHU SRIN GYIS NI LUS THOS PHAS, ,DE RING GANG LA
SKYABS SU MCHI, ,ZHES DRI BA'I TSUL GYIS GSUNGS LA, LAN DU SLOB
DPON DPA' BOS, GANG ZHIG LA NI NYES PA KUN, ,GTAN NAS YONG YE MI
MNGA' ZHING, ,GANG LA RNAM PA THAMS CAD DU, ,

YON TAN THAMS CAD GNAS GYUR PA, ,GAL TE SEMS SHIG YOD NA NI, ,DE
NYID LA NI SKYABS 'GRO ZHING, ,DE BSTOD DE NI BKUR BA DANG, ,DE
YI BSTAN LA GNAS PA'I RIGS, ,ZHES RANG LA SEMS SHIG YOD NA SANGS
RGYAS BCOM LDAN 'DAS DANG,

DES BSTAN PA'I CHOS, DE SGRUB PA'I DGE 'DUN RNAMS LA SKYABS SU
'GRO DGOS PAR GSUNGS SO, ,GNYIS PA SKYABS SU 'GRO BA'I TSUL LA
GSUM, GANG LA SKYABS SU 'GRO BA'I YUL NGOS BZUNG BA, DE LA
SKYABS SU 'GRO BA'I DON GTAN LA DBAB PA,

@004B DE JI LTAR LAG TU LEN PA'I TSUL DNGOS SO, ,DANG PO NI,
SPYIR 'JIGS PA SNA RE SEL BA LA SANGS RGYAS BYANG SEMS DANG NYAN
THOS KYI GANG ZAG RE RE TZAM LA SKYABS SU SONG BAS CHOG PA RGYA
MTSOR TSONG PA MANG PO GANG PO LA SKYABS SU SONG BAS 'JIGS PA
LAS

THAR PA LTA BU'I LO RGYUS DU MA YOD PA LTAR YIN KYANG, THAR PA'I
GO 'PHANG SGRUB PA LA SKYABS DKON MCHOG GSUM GA NGES PAR TSANG
DGOS TE, SKYABS 'GRO BDUN CU PA LAS, SANGS RGYAS CHOS DPA DGE
'DUN NI, ,THAR PA 'DOD PA RNAMS KYI SKYABS, ,

ZHES DANG, DPE CHOS 'GREL PA LAS, RGYA GAR DU 'GRO BA LA RANG
DANG 'DRA BA'I MI GSUM DGOS ZER BA LTAR, 'O SKOL THAR PA'I BYANG
CHUB 'TSOL BA LA STON PA SANGS RGYAS LA BRTEN DGOS, LAM BSTAN
PA'I CHOS LA BRTEN DGOS, DE SGRUB PA'I GROGS

DGE 'DUN LA BRTEN DGOS, ZHES GSUNGS SHING, DPER NA NAD GSO BA LA
SMAN DANG SMAN PA NAD GA-YOG GSUM GANG RUNG RE YOD PAS MI CHOG
PAR GSUM GA TSANG DGOS PA LTAR, NYON MONGS PA'I NAD ZHI BA'I
THAR PA'I GO 'PHANG 'THOB PA LA, THABS

DE STON PA'I SANGS RGYAS, THABS DNGOS GZHI CHOS, DE SGRUB PA'I
GROGS DGE 'DUN GSUM GA TSANG DGOS SO, ,SKYABS GSUM SO SO'I NGO
BO NI RGYUD BLA MA LAS, 'DUS MA BYAS SHING LHUN GYIS GRUB,
,GZHAN GYI RKYEN GYIS RTOGS MIN PA, ,MKHYEN DANG BRTZE DANG

NUS PAR LDAN, ,DON GNYIS LDAN PA'I SANGS RGYAS NYID, ,CES RANG
DON GZHAN DON GYI YON TAN BRGYAD DANG, BSAM MED GNYIS MED RTOGS
MED PA, ,DAG GSAL GNYEN PO'I PHYOGS NYID KYIS, ,GANG ZHIG GANG
GI CHAGS BRAL BA, ,BDEN GNYIS MTSAN NYID

@005A *, ,CAN DE CHOS, ,ZHES 'GOG LAM GYI YON TAN BRGYAD DANG,
JI LTA JI SNYED NANG GI NI, ,YE SHES GZIGS PA DAG PA'I PHYIR,
,BLO LDAN PHYIR MI LDOG PA'I TSOGS, ,BLA MED YON TAN DANG LDAN
NYID, ,CES RIG GROS

GYI YON TAN BRGYAD DANG LDAN PA'I SGO NAS RIM BZHIN SO SO'I NGO
BO LEGS PAR NGOS ZIN PA DGOS KYI, RTEN GRAL DU BZHUGS PA'I GSER
SKU LTA BUR GO BA'AM, MI MNGON NAM MKHA'I DBYINGS NA BZHUGS YOD
ZER BA LTA BUS GAR YANG MI PHYIN ZHES RJE BTZUN

YE SHES RGYAL MTSAN DPAL BZANG POS GSUNGS SO, ,'ON KYANG SO SOR
SPROS NA MANG DOGS PAS RGYUD BLA'I 'GREL PA RNAMS SU SHES PAR
BYA'O, ,GNYIS PA SKYABS 'GRO'I DON GTAN LA DBAB PA NI, DE'ANG
SKYABS 'GRO'I TSIG BKLAGS PA TZAM LA SKYABS

'GROR MI 'JOG GI ,SKYABS 'GRO'I NGO BO NI PAn CHEN THAMS CAD
MKHYEN PA'I DRIS LAN BLO BZANG BZHAD PA'I SGRA DBYANGS LAS,
SKYABS 'GRO'I NGO BO AI THI BA, ,BDAG NYID LHAG PAR 'JIGS PA
DANG, ,DKON MCHOG SKYOB PA'I NUS LDAN DU, ,SHES

LAS BYUNG BA'I SKYABS 'GRO LA, ,THAMS CAD MKHYEN PA KHYOD NYID
BZHED, ,CES GSUNGS TE, RANG SDUG BSNGAL GYIS 'JIGS PA NI SKYABS
'GRO GNAD DU 'GRO BA'I RGYU'I DBANG DU BYAS PA YIN GYI, SKYABS
'GRO'I NGO BO DNGOS GZHI DKON MCHOG

GSUM GYI YON TAN LEGS PAR SHES NAS YID CHES KYI SHES RAB DANG
DAD BA SOGS LA 'JOG DGOS PA'I TSUL, KUN MKHYEN 'JAM DBYANGS
BZHAD PAS, DKON MCHOG GSUM GYI KHYAD PAR DANG YON TAN SHES PA
DANG KHAS BLANG SOGS KYIS

@005B BSDUS PA'I SHES RAB GTZO 'KHOR CI RIGS DE SKYABS 'GRO'I
NGO BO YIN, ZHES GSUNGS LA, LAM RIN CHEN MO LAS KYANG, JI TZAM
GYIS SKYABS SU SONG BA'I TSUL NI, BSDU BA NAS GSUNGS PA BZHI
STE, YON TAN SHES PA DANG, KHYAD PAR SHES PA DANG,

KHAS BLANGS PA DANG, GZHAN DU MI SMRA BAS SKYABS SU SONG BA'O,
,ZHES GSUNGS PA LTAR RO, ,DES NA DE RNAMS KYI DON CUNG ZAD BSDUS
TE BRJOD PA LA BZHI LAS, DANG PO SANGS RGYAS KYI YON TAN NI SKU
MTSAN DPES SPRAS SHING MTHONG NA MI MTHUN PA MED PA STE, DPE LA

BSTOD PA LAS, KHYOD SKU MTSAN GYIS SPRAS GYUR PA, ,MDZES GYUR
MIG GI BDUD RTZI NI, ,SPRIN MED STON GYI NAM MKHA' LA, ,SKAR
MA'I TSOGS KYIS SPRAS PA 'DRA, ,ZHES SOGS LTAR MTSAN DANG DPE
BYAD KYIS BRGYAN CING, NYON MONGS MED PA DANG SMON GNAS MKHYEN
PA'I

BYED PA MNGON RTOGS RGYAN LAS GSUNGS PA BZHIN SKU MTHONG BA TZAM
GYIS NYON MONGS ZHI ZHING THAR PA'I SA BON BSKRUN BA STE, MDO
LAS KYANG, CHOS KYI SKUS RAB TU PHYE BAS NA MTHONG BAS KYANG
SEMS CAN RNAMS KYI DON BYED DO, ,THOS PA DANG REG PAS KYANG SEMS

CAN RNAMS KYI DON BYED DO, ,ZHES GSUNGS SHING, RGYU'I DBANG DU
BYAS NA MDO SDE BSKAL BZANG DANG DBU MA RIN CHEN 'PHRENG BA LA
SOGS SU BSOD NAMS KYI 'GYUR KHYAD MTHA' YAS PA GSUNGS SO, ,GSUNG
GI YON TAN NI MDO SDE RGYAN RTZA 'GREL DANG SA SDE DBU MA

SNYING PO SOGS SU 'BYUNG BA LTAR GSUNG DBYANGS YAN LAG DRUG CU'I
KHYAD PAR RNAMS DANG GTZO BOR GYUR PA NI BDEN BA BO'I LE'U LAS,
'DI LTAR SEMS CAN KUN GYI SVA NGES PA'I TSIG ,MANG PO DAG GIS
DUS GCIG ZHU ZHUS NA, ,SEMS KYI SKAD CIG GCIG

@006A *, ,LA THUGS CHUD NAS, ,GSUNG DBYANGS GCIG GIS SO SOR LAN
KYANG 'DEBS, ,ZHES GSUNGS PA LTAR, GSUNG DBYANGS GCIG GI SGO NAS
KYANG NAM MKHA'I MTHA' KLAS PA'I SEMS CAN MOS PA THA DAD PA
RNAMS KYI THE TSOM

DANG RMONGS PA'I DRA BA BCAD DE GANG LA GANG 'TSAMS KYI YANG DAG
PA'I RTOGS PA SKYED NUS PA NI GZHAN DON SGRUB PA'I SGO MCHOG TU
GYUR PA YIN NO, ,THUGS KYI YON TAN BDEN GNYIS RES 'JOG TU MA
SONG BAR JI LTA JI SNYED KYI RNAM PA MTHA' DAG CHAGS THOGS MED

PAR CIG CAR MNGON SUM DU GZIGS PA'I MKHYEN PA DANG, THUGS BRTZE
BA CHEN PO'I GZHAN DBANG DU GYUR TE DUS RGYUN CHAD MED PAR 'GRO
BA KUN LA BU BZHIN DU DGONGS SHING, DE'I DBANG GIS 'PHRIN LAS
CUNG ZAD KYANG DUS LAS YOL BA MED PAR

GDUL BYA LA 'JUG PA'I TSUL GSAL RGYAL GYI BU MO RDO RJE MA'I LO
RGYUS MDO MDZANGS BLUN SOGS LAS 'BYUNG BA LTAR RO, ,DA LTA RANG
CAG 'KHOR BAR LHUNG STE SDUG BSNGAL DU MAS NON PA 'DI'ANG SANGS
RGYAS KYIS MA DGONGS PA MIN KYANG DES SKYOB PA LA RGYU RKYEN

GNYI GA 'DZOM DGOS PA LA RGYU RANG GIS MA BSGRUBS PAS LAN PA YIN
TE, BSNGAGS 'OS BSNGAGS BSTOD LAS, PHYI YI YAN LAG STOBS KUN NI,
,KHYOD KYIS YANG DAG BSGRUBS LAGS TE, ,NANG GI STOBS DAG MA
TSANG BAS, ,BYIS PA RNAMS NI SDUG

BSNGAL BSTEN, ,ZHES GSUNGS SHING, BRAG PHUG BYANG BSTAN DU NYI
MA MI 'CHAR BA DANG DMUS LONG GIS NYI 'OD MI MTHONG BA NYI MA LA
'OD MED PAS LAN PA MA YIN PAR RANG RANG GI SKYON YIN PA BZHIN
NO, ,SANGS RGYAS KYI YON TAN LEGS PAR GO NA CHOS

@006B PHUNG BRGYAD KHRI BZHI STONG BKA' DANG BSTAN BCOS THAMS
CAD KYIS DE'I YON TAN LAS NI NGO BO'I SGO NAS BRJOD, LA LAS
RGYU, LA LAS 'BRAS BU'I SGO NAS BRJOD PAS SANGS RGYAS KYI RNAM
THAR 'BA' ZHIG TU GO BAR 'GYUR TE, SNGON JO BO CHEN POS KYANG
BOD NA MED

RGYUD MANG PO BLTA RGYU MED PAS PA'I DAD PA NYAMS SONG ZHES
GSUNGS PA NI, MDO SDE JI TZAM MANG DU BLTAS PA BZHIN DAD PA
RGYAS PA'I DON YIN NO, ,MDOR NA SANGS RGYAS BCOM LDAN 'DAS DE
RANG NYID 'JIGS PA THAMS CAD LAS NI GROL, GZHAN 'JIGS PA LAS

SGROL BA'I THABS LA NI MKHAS, KUN LA THUGS RJE CHEN PO NYE RING
MED PAR NI 'JUG ,PHAN BTAGS PA DANG MA BTAGS PA THAMS CAD KYI
DON MDZAD PA STE KHYAD PAR BZHI'AM, MKHYEN BRTZE NUS GSUM GYI
SGO NAS SKYABS SU 'OS PA'I RGYU MTSAN SHES DGOS LA, RNAM

DPYOD CAN RNAMS KYIS TSAD MA RNAM 'GREL LAS LUGS 'BYUNG LUGS
LDOG GNYIS KYI SGO NAS STON PA TSAD MA'I SKYES BUR SGRUB TSUL
SOGS RGYA CHER BSAM STE NGES PA GTING TSUGS PAR BYA'O, ,DE LTAR
SANGS RGYAS KYI YON TAN SHES NA DE CHOS KYI MTHU LAS 'BYUNG PAR
SHES

NAS CHOS LA GUS PA SKYE ZHING, CHOS DE TSUL BZHIN DU SGRUB PA PO
DGE 'DUN YIN PAS DGE 'DUN LA'ANG GUS PAR 'GYUR RO, ,GNYIS PA
KHYAD PAR SHES PA NI, DKON MCHOG GSUM RE RE LA'ANG YON TAN TSAD
MED PAS GANG RUNG RE KHO NAR SKYABS SU SONG BAS CHOG

GAM SNYAM NA DES MI CHOG STE, GDUL BYA'I DON DU 'GYUR TSUL GYI
SOGS CHOS MI 'DRA BA MED MI RUNG RE SO SOR YOD DO ZHES GO BA'I
PHYIR KHYAD PAR 'DI GSUNGS PA YIN NO, ,DE'ANG RGYUD BLA MA LAS,
STON PA BSTAN PA BSLAB DON GYI, ,THEG PA GSUM DANG BYED

@007A *, ,GSUM LA, ,MOS PA RNAMS KYI DBANG BYAS NAS, ,SKYABS
GSUM RNAMS PAR BZHAG PA YIN, ,ZHES GSUNGS SHING, DE'I DON KHA BA
SKANGS TE BSDU BAR, MTSAN NYID, 'PHRIN LAS, MOS PA, SGRUB PA,
RJES SU DRAN PA,

BSOD NAMS 'PHEL BA LAS GYUR BA'I KHYAD PAR DRUG GSUNGS PA RNAMS
LAM RIM LAS SHES PAR BYA'O, ,GSUM PA KHAS LEN PA NI, DKON MCHOG
GSUM LA YON TAN DANG KHYAD PAR DE LTA BU YOD PAR SHES PA TZAM MA
YIN PAR, DE LTAR SHES PA NA

SMAN PA MKHAS PA'I YON TAN MTHONG PA'I NAD PA NYAM THAG BZHIN DE
RANG GI MGON SKYABS SU 'DZIN PA ZHIG DGOS TE, DE'ANG SANGS RGYAS
NI RANG LA SKYABS STON PA POR 'DZIN, CHOS NI SKYABS DNGOS SU
'DZIN, DGE 'DUN NI SKYABS SGRUB PA'I ZLA GROGS

SU 'DZIN PA YIN NO, ,BZHI PA GZHAN DU MI SMRA BA NI, SKYABS SU
BZUNG BA DE'ANG MTHA' GCIG TU DKON MCHOG GSUM KHO NA LA SKYABS
SU 'DZIN PA YIN GYI, MU STEGS PA'I STON PA SOGS SKYABS GZHAN
DANG GNYIS 'DZIN MI BYED PA STE, KHYAD PAR 'PHAGS

BSTOD LAS, BDAG NI STON PA GZHAN SPANGS NAS, ,BCOM LDAN KHYOD LA
SKYABS SU MCHI, ,DE CI'I SLAD DU ZHE NA KHYOD, ,SKYON MI MNGA'
LA YON TAN LDAN, ,ZHES DANG, MU STEGS GZHAN GYI GZHUNG LUGS LA,
,JI LTA JI LTAR RNAM BSAMS PA, ,DE

LTA DE LTAR MGON KHYOD LA, ,BDAG GI SEMS 'DI DAD PAR GYUR, ,DE
LTAR THAMS CAD MKHYEN MIN PA'I, ,GRUB MTHA'I SKYON GYIS BRLAG
SEMS LDAN, ,BSAMS RLAG RNAMS KYIS SKYON MED PA'I, ,STON PA KHYOD
KYANG MI MTHONG NGO, ,ZHES GSUNGS

@007B PA LTAR, STON PA DANG BSTAN PA GZHAN GYI SKYON MTHONG NAS
RGYAB KYIS PHYOGS PA ZHIG MED PAR THAMS CAD LA DAG SNANG SBYONG
BA'I ZOB BYED PA NI RANG GI STON PA LA BLO MA KHEL SHING YON TAN
MA MTHONG BA YIN NO, ,DE LTAR NA KHYAD PAR 'DI BZHIS SNGA MA
SNGA MA

LA ZHI BA CHA 'DON TSUL SHES NA GO RGYU SHIN TU CHE'O, ,'DI DAG
NI SKYABS 'GRO THAMS CAD LA MED MI RUNG GI KHYAD PAR YIN ZHING,
THEG CHEN GYI SKYABS 'GROR 'GYUR BA LA DE'I STENG DU MDO SDE
RGYAN LAS, KUN TU 'GRO DANG KHAS LEN RTOGS DANG ZIL GNON

BAR, ,DBYE BA'I RANG BZHIN DON RNAMS BZHI YI KHYAD PAR GYIS,
,THEG PA MCHOG PHYIR SKYABS RAB SONG BA GANG YIN PA, ,DE NYID
SKYABS SU SONG BA RNAMS KYI MCHOG CES BYA, ,ZHES MDOR BSTAN
CING, GANG ZHIG SEMS CAN THAMS CAD BSGRAL

BAR ZHUGS PA DANG, ,ZHES SOGS KYIS RGYAS PAR BSHAD PA'I KHYAD
PAR RNAMS TSANG DGOS SO, ,MDOR NA SKYABS 'GRO'I GDAMS PA NI
THAMS CAD LA GAL CHE BA DANG, SKYES BU MCHOG 'BRING DMAN PA GANG
YIN KYANG RANG GI BLO TSOD DANG 'TSAM

PAR BYAR YOD CING, SO SO'I NYAMS LEN THAMS CAD SKYABS 'GRO'I
KHONGS SU BSDUS NAS BYAS CHOG PA'I MAN NGAG KHYAD PAR CAN YIN
TE, GZHUNG LUGS LA MA SBYANGS PA'I THA MAL PA RNAMS KYANG MCHOG
GSUM BSLU BA MED PAR DAM PA RNAMS KYIS

GSUNGS PA LA YID CHES BYAS NAS SKYID SDUG CI BYUNG YANG MKHYED
MKHYEN SNYAM PA BYAS NA SKYABS SU 'GRO TSUL ZHIG YIN NA DER YANG
PHAN YON CHE STE, RGYUD RTOG PA GSUM PA LAS, YANG NA BLUN PO DAD
PA BRTAN, ,DE LA SBYOR BA'I DNGOS GRUB NYE, ,GSUNGS PA LTAR

@008A *, ,RO; SKYES BU CHUNG DU'I LAM LA BLO SBYANG BA RNAMS NI
MI RTAG PA DANG NGAN 'GRO'I SDUG BSNGAL BSAM PAS RGYU BYAS DNGOS
GZHI DKON MCHOG GSUM LA SKYABS SU 'GRO ZHING DE'I BSLAB BYA LAS
'BRAS KYI BLANG DOR LA 'BAD

NA CHUNG DU'I CHOS SKOR THAMS CAD DER 'DU, 'BRING GIS 'KHOR BA'I
SDUG BSNGAL BSAM PA'I NGES 'BYUNG GIS RGYU BYAS TE STON PA SANGS
RGYAS KYI RJES SU ZHUGS NAS LAM BSLAB PA GSUM LA SLOB DGOS PAS
DE THAMS CAD KYANG SKYABS 'GRO'I KHONGS SU

'DU, SKYES BU CHEN PO RNAMS NI PHAR PHYIN BSDU BA LAS, SEMS CAN
RNAMS LA SNYING BRTZE ZHING, ,BDE GSHEGS YON TAN THOB MOS NA,
,DE BZHIN GSHEGS PA THAMS CAD LA, ,MDOR BSDUS SKYABS SU SONG BA
YIN, ,BYANG CHUB MCHOG GI

PHYOGS KYI CHOS, ,BDAG DON MA YIN GZHAN DON DU, ,SNYING RJE CHEN
PO SPYOD BYED NA, ,CHOS LA SKYABS SU SONG BA YIN, ,ZHES SOGS
LTAR SNYING RJES YID BSKYOD DE GZHAN DON DU RANG GI 'BRAS SKYABS
SU GYUR PA'I SANGS RGYAS DE NYID GTZO BOR DON DU

GNYER ZHING, DE'I RGYUD THABS SHES ZUNG DU 'JUG PA'I RGYAL SRAS
KYI SPYOD PA LA SLOB PA YIN PAS DE'ANG SKYABS 'GRO'I KHONGS SU
'DU, GSANG SNGAGS RDO RJE THEG PA'I SKABS SANGS RGYAS 'BRAS
SKYABS SU BZUNG BA TZAM GYIS KYANG MI CHOG PAR DE LA DA

LTA NA SANGS RGYAS BZHAG STE 'BRAS BU LAM BYED KYI TSUL DU BSGOM
ZHING MTSAN BCAS MTSAN MED RIM GNYIS SOGS KYI CHES LA SLOB PA
DANG, DGE 'DUN YANG DPA' BO MKHA' 'GRO RNAMS PO NYA'I GROGS SU
BSTEN CING CHOS SRUNG RNAMS KYIS 'PHRIN

@008B LAS SGRUB PA DANG, RANG GIS KYANG 'PHRIN LAS BZHI'I SGO
NAS GZHAN DON MKHA' KHYAB TU BSGRUB PA'I RTEN 'BREL DA LTA NAS
BSGRIGS PA YIN PAS DE THAMS CAD KYANG SKYABS 'GRO'I NYAMS LEN
LAS MA 'DAS SHING, MDOR NA LUNG RTOGS KYI BSTAN PA

THAMS CAD SKYABS 'GRO'I CHOS SKOR DU GTOGS PA YIN TE, RGYUD BLA
DANG t'IKA LAS, SKYABS 'GRO 'DI LA GO BA LEGS PAR CHAGS NA GSUNG
RAB DGONGS 'GREL DANG BCAS PA MA LUS PA SKYABS 'GRO BCAS PA'I
YAN LAG TU SHES PAR 'GYUR RO, ,ZHES

GSUNGS BA'I PHYIR, DES NA SANGS RGYAS KYIS NYE RING MDZAD PA MIN
YANG RANG RANG GIS SKYABS SU 'GRO TSUL RGYA CHE CHUNG GI DBANG
GIS GNAS SKABS KYI 'JIGS PA PHRAN TSEGS DANG NGAN SONG 'KHOR BA
SOGS LAS SKYOB TSUL GYI RIM PA DU MA BYUNG BA YIN TE,

MDO SDE RGYAN LAS, 'TSE BA DAG NI THAMS CAD DANG, ,NGAN SONG
DANG NI THABS MIN DANG, ,'JIG TSOGS THEG PA DMAN PA LAS, ,SKYOB
PHYIR SKYABS KYI DAM PA'O, ,ZHES GSUNGS PA LTAR RO, ` ,GSUM PA
DE JI LTAR LAG TU LEN PA'I TSUL DNGOS

NI; JO BO GSER GLING PA'I RNAM THAR LAS 'BYUNG BA LTAR GNAS KHAD
BYI DOR LEGS PAR BYAS, SA GZHIR ME TOG SIL MA DGRAM, DRI ZHIM
PO'I CHUS CHAG CHAG GDAB, STEGS BZANG PO LA BSTAN PA'I BDAG POS
GTZO BYAS PA'I SANGS RGYAS BYANG

SEMS KYI SKU BRNYAN BRIS 'BUR CI RIGS SOGS SKU GSUNG THUGS KYI
RTEN GANG 'BYOR BSHAM, DE DAG GI MDUN DU JI LTAR 'BYOR PA'I
MCHOD PA RNAMS GA-YO MED CING BKOD PA LEGS PAR MDZES PA GTZANG
SGRA THON PA BSHAM, BDE BA'I STAN LA SPYOD@009A *, ,LAM TSUL MTHUN GYIS 'KHOD DE
RANG RGYUD LA BRTAG NAS,
DA NGES MI LUS THOB KYANG BLO BDE BA'I GDENG TSAD SEMS LA 'DZIN
RGYU CI'ANG MA BYAS, NYES LTUNG SGO DU MA NAS BSAGS PA NI MTHA'
YAS PAS NAM DBUGS

KYI RGYU BA 'DI 'GAG MA THAG NGAN SONG DU LTUNG BA LAS 'OS MI
'DUG CING, DER SKYES NA SDUG BSNGAL BZOD GLAGS MED PA'I TSUL
BSAM STE SHIN TU 'JIGS SHING SKRAG PA DANG, DE NAS RANG GI
GA-YAS SU PHA, GA-YON DU MA, MTHA' SKOR DU RIGS DRUG GI

SEMS CAN MTHA' YAS PAS BSKOR BA, DE THAMS CAD KYANG DRIN CAN GYI
MA SHA STAG YIN TSUL DANG RANG NYAMS LA DPAG PA'I SNYING RJE
SHUGS DRAG PO BSKYED DE, DE THAMS CAD KYI DON DU RDZOGS PA'I
SANGS RGYAS KYI GO 'PHANG THOB PAR 'DOD PA'I DGE SEMS

KHYAD PAR CAN DE'I NGANG NAS SKYABS YUL GSAL GDAB PA NI, RANG GI
MDUN GYI THAD DRANG GI NAM MKHA'I GNAS SU SENG GE CHEN PO BRGYAD
KYIS BTEGS PA'I RIN PO CHE'I KHRI MTHO ZHING YANGS PA'I STENG
KHAR SNA TSOGS PAD ZLA NYI MA'I DKYIL 'KHOR GYI GDAN LA

NGO BO RANG GI DRIN CAN RTZA BA'I BLA MA YIN PA LA RNAM PA RGYAL
BA SH'AKYA THUB PA SKU MDOG GSER BTZOM LTA BU GTZUG GTOR DANG
LDAN PA, ZHAL GCIG PHYAG GNYIS KYI GA-YAS SA GNON DANG GA-YON
MNYAM GZHAG GI STENG NA BDUD RTZIS GANG BA'I LHUNG BZED

BSNAMS PA, SKU LA CHOS GOS GSUM MDZES PAR GSOL BA, 'OD KYI PHUNG
BO'I DKYIL NA ZHABS RDO RJE'I SKYIL KRUNG GIS BZHUGS PA, DE'I
THUGS KAR RGYAL BA RDO RJE 'CHANG, DE'I THUGS KAR H'Um YIG SNGON
PO 'OD ZER 'PHRO BA, THUB DBANG GI RGYAB NGOS

@009B KYI STENG DU SENG KHRI PAD ZLA NYI MA'I GDAN LA RGYAL BA
RDO RJE 'CHANG LA NYAMS LEN BYIN RLABS BRGYUD BA'I BLA MA RNAMS
KYIS BSKOR NAS BZHUGS PA, GA-YAS PHYOGS SU RJE BTZUN BYAMS PA LA
RGYA CHEN SPYOD BRGYUD KYI BLA MA RNAMS KYIS BSKOR NAS BZHUGS
PA, GA-YON

PHYOGS SU RJE BTZUN 'JAM DBYANGS LA ZAB MO LTA BRGYUD KYI BLA MA
RNAMS KYIS BSKOR NAS BZHUGS PA, MDUN DU DRIN CAN RTZA BA'I BLA
MA LA CHOS 'BREL YOD PA'I BLA MA RNAMS KYIS BSKOR NAS BZHUGS PA,
DE DAG GI MTHA' SKOR DU YI DAM SANGS

RGYAS BYANG SEMS DPA' BO DPA' MO BSTAN SRUNG YE SHES PA'I TSOGS
RNAMS KYIS BSKOR NAS BZHUGS PA, DE DAG RANG RANG GI MDUN NA GDAN
KHRI PHUN TSOGS LA RANG RANG GIS GSUNGS BA'I LUNG GI CHOS RNAMS
'OD KYI RANG BZHIN CAN GYI PO TI'I RNAM

PAR YOD PA, DE DAG GI PHYI ROL TU GANG LA GANG 'DUL GYI SPRUL
PA'I BKOD PA BSAM GYIS MI KHYAB PA PHYOGS BCUR 'PHRO BA, THAMS
CAD KYANG RANG NYID LA DGYES BA'I NYAMS DANG BCAS TE BZHUGS PAR
BSAM, RANG DANG SEMS CAN THAMS CAD KYANG

'KHOR BA'I SDUG BSNGAL LA 'JIGS PA DANG DKON MCHOG GI YON TAN
MTHONG BA'I SGO NAS MGRIN GCIG TU SKYABS 'GRO BYED PAR BSAMS TE,
PHYOGS BCU DUS GSUM GYI DE BZHIN GSHEGS PA THAMS CAD KYI SKU
GSUNG THUGS YON TAN 'PHRIN LAS

THAMS CAD KYI NGO BOR GYUR BA CHOS KYI PHUNG PO STONG PHRAG
BRGYAD CU RTZA BZHI'I 'BYUNG GNAS, 'PHAGS PA'I DGE 'DUN THAMS
CAD KYI MNGA' BDAG ,DRIN CAN RTZA BA DANG BRGYUD PAR BCAS PA'I
DPAL LDAN BLA MA DAM BA RNAMS LA SKYABS SU MCHI'O, ,ZHES DANG,

@010A *, ,BLA MA LA SKYABS SU MCHI'O, ZHES LAN GANG MANG BRJOD
CING GSAL BA SHUGS DRAG TU BTAB BAS, BLA MA THUB PA'I DBANG PO
DANG DNGOS BRGYUD KYI BLA MA RNAMS KYI SKU LAS BDUD RTZI'I RGYUN
BABS, RANG GZHAN

SEMS CAN THAMS CAD KYI LUS SEMS LA ZHUGS PAS NYES LTUNG SDIG
SGRIB THAMS CAD DANG, KHYAD PAR DU BLA MA'I SKU LA BSDO BA GSUNG
BCAG PA THUGS DKRUG PA LA SOGS PA BLA MA LA BRTEN PA'I NYES PA
THAMS CAD DAG ,LUS DVANGS GSAL 'OD KYI

RANG BZHIN CAN DU GYUR, TSE DANG BSOD NAMS LUNG RTOGS KYI YON
TAN THAMS CAD 'PHEL ZHING RGYAS, KHYAD PAR BLA MA'I SKU GSUNG
THUGS KYI BYIN RLABS RANG GZHAN THAMS CAD LA ZHUGS PAS BLA MA'I
SKYABS 'OG TU CHUD SONG SNYAM BA BYA, DE NAS,

SANGS RGYAS LA SKYABS SU MCHI'O, ,ZHES LAN GANG MANG BRJOD CING
GSOL BA SHUGS DRAG TU BTAB PAS, RDO RJE 'CHANG SOGS SANGS RGYAS
THAMS CAD KYI SKU LAS BDUD RTZI'I RGYUN BABS, RANG GZHAN THAMS
CAD KYI LUS SEMS LA ZHUGS PAS SDIG SGRIB

SPYI DANG, KHYAD PAR DE BZHIN GSHEGS PA'I SKU LA NGAN SEMS KYIS
KHRIG BYUNG BA, SKU BLUS ZOS PA, LEGS NYES KYI DPYAD BRTAGS PA,
GTZUG LAG KHANG DANG MCHED RTEN BSHIG PA SOGS SANGS RGYAS LA
BRTEN NAS BSAGS PA'I SDIG SGRIB

DAG ,SANGS RGYAS RNAMS KYI SKU GSUNG THUGS KYI BYIN RLABS RANG
GZHAN THAMS CAD LA ZHUGS PAS DE'I SKYABS 'OG TU CHUD PAR BSAM,
CHOS LA SKYABS SU MCHI'O, ,ZHES LAN GANG MANG BRJOD CING GSOL BA
SHUGS DRAG TU BTAB PAS, CHOS

@010B PO TI RNAMS LAS BDUD RTZI'I RGYUN BABS, RANG GZHAN THAMS
CAD KYI LUS SEMS LA ZHUGS PAS SDIG SGRIB SPYI DANG KHYAD PAR DU
GSUNG RAB RNAMS ZOD DU BYAS PA, GTA' MAR BCUG PA, SA SGRE MOL
BZHAG PA, 'GOM YUG BYAS PA SOGS DANG, LHAG

PAR YANG CHOS DANG CHOS SMRA BA LA SMAD PA, BSHAD SGRUB KYI GEGS
BYAS SOGS CHOS SPONG GI LAS NGAN SDIG SGRIB THAMS CAD DE GNAS
DE'I SKYANGS 'OG TU CHUD PA'I DMIGS PA BYED, DGE 'DUN LA SKYABS
SU MCHI'O, ,ZHES LAN GANG MANG BRJOD CING GSOL BA

SHUGS DRAG TU BTAB PA'I CHE, BYANG SEMS NYAN RANG DPA' BO DPA'
MO BSTAN SRUNG YE SHES PA'I TSOGS RNAMS KYI SKU LAS BDUD RTZI'I
RGYUN BABS, RANG GZHAN SEMS CAN THAMS CAD KYI LUS SEMS LA ZHUGS
PAS, DGE 'DUN GYI DBYEN BYAS

PA; DGE 'DUN GYI DKOR LA 'BAG PA, SKUR PHA BTAB PA SOGS DGE 'DUN
DKON MCHOG LA BRTEN NAS BSAGS PA'I SDIG SGRIB THAMS CAD DAG ,DGE
'DUN DKON MCHOG GI SKYABS 'OG TU CHUD SONG SNYAM DU BSAM LA DGA'
BA SKYED, YID MA

CHOS SRUNG RNAMS LOGS SU BYED NA, YI DAM DKYIL 'KHOR GYI LHA
CHOGS 'KHOR DANG BCAS PA RNAMS LA SKYABS SU MCHI'O, ,ZHES LAN
GANG MANG BRJOD CING GSOL BA SHUGS DRAG TU BTAB PAS, YI DAM
RNAMS KYI SKU LAS BDUD RTZI'I RGYUN BABS,

RANG GZHAN THAMS CAD KYI LUS SEMS LA ZHUGS PAS, RIGS LNGA SPYI
BYE BRAG GI RTZA BA DANG YAN LAG GI DAM TSIG NYAMS CHAG THAMS
CAD BYANG ZHING DAG NAS YI DAM RNAMS KYI BYIN RLABS ZHUGS TE RIM
GNYIS KYI RTOGS PA KHYAD PAR

@011A *, ,CAN RNAMS SKYE BA'I SNOD RUNG DU GYUR PAR BSAM, DPAL
MGON DAM PA CHOS SKYONG BA'I SRUNG MA YE SHES KYI SPYAN DANG
LDAN PA RNAMS LA SKYABS SU MCHI'O, ,ZHES LAN GANG MANG BRJOD
CING GSOL BA SHUGS DRAG TU BTAB

PAS, MGON PO PHYAG DRUG PA SOGS CHOS SRUNG RNAMS KYI SKU LAS 'OD
ZER ME 'OD LTA BU 'PHROS NAS RANG GI LUS LA ZHUGS PAS SDIG SGRIB
NANG GI GDON THAMS CAD BSREGS TE RO MED DU BYAS, CHOS SRUNG
RNAMS KYI BYIN RLABS RANG GI LUS SEMS LA

ZHUGS PAS PHYIN CHAD NAD RIMS GDON BGEGS SOGS GANG GIS KYANG MI
TSUGS PA'I BSRUNG BA CHEN POR GYUR PA'I DMIGS PA BYED, MDO LUGS
KHO NA LTAR BYED NA GONG MA RNAMS KYI TSE'ANG BDUD RTZI 'BEB
SBYANG MI BYED PAR DE DAG LAS 'OD 'PHROS TE

RANG LA PHOG PAS BYIN GYIS BRLABS PA DANG, ZHAL NAS, KHYED CAG
'KHOR BSDUG BSNGAL GYI RGYA MTSO LAS SGROL BA'I MGON SKYABS
DPUNG GNYEN NGED RNAMS KYIS BYA'O, ,ZHES GSUNG LHANG LHANG BYON
NAS ZHAL GYIS BZHES PAR BSAM LA DGA' BA

DANG, SLAR YANG LUS KYI BA SPU GA-YO ZHING MIG NAS MCHI MA
'KHRUG PA'I DAD PA SHUGS DRAG PO GSAL BTAB KYIN SKYABS 'GRO
BYED, DE LTAR SO SOR BYAS TE THUN MONG DU SKYABS SU 'GRO ZHING
SEMS BSKYED PA NI DPER NA DMAG LA SOGS PA'I

'JIGS PA CHEN PO BYUNG BA'I TSE BZA' TSANG GI DPON DES RANG GCIG
PU CI THAR MI BYED PAR GNYEN BSHES RNAMS KYI MGO 'DON PA LTAR
SEMS CAN RNAMS KYI DON GTZO BOR YID LA BZHAG STE, SANGS RGYAS
CHOS DANG TSOGS KYI MCHOG RNAMS LA, ,

@011B BYANG CHUB BAR DU BDAG NI SKYABS SU MCHI, ,ZHES LAN GANG
MANG BRJOD CING GSOL BA SHUGS DRAG TU BTAB PAS, TSOGS ZHING
THAMS CAD KYI SKU'I CHA LAS BDUD RTZI'I RGYUN BABS, RANG GZHAN
THAMS CAD KYI LUS SEMS LA ZHUGS PAS SDIG SGRIB

THAMS CAD DAG ,LUS DVANGS GSAL 'OD KYI RANG BZHIN CAN DU GYUR,
TSE DANG BSOD NAMS LUNG RTOGS KYI YON TAN THAMS CAD 'PHEL ZHING
RGYAS, KHYAD PAR DKON MCHOG GSUM BYI BYIN RLABS RANG GZHAN THAMS
CAD LA ZHUGS PAR BSAM, DE NAS,

BDAG GIS SBYIN SOGS BGYIS PA'I BSOD NAMS KYIS, ,'GRO LA PHAN
PHYIR SANGS RGYAS 'GRUB PAR SHOG ,CES LAN GANG MANG BRJOD CING
SEMS BSKYED SHUGS DRAG TU BSGOMS PAS, THUB PA'I DBANG PO'I SKU
LAS RANG 'DRA GNYIS PA ZHIG CHAD NAS RANG NYID LA

THIM PAS RANG NYID KYANG THUB PA'I DBANG PO'I SKUR LAM GYIS
GYUR, RANG NYID THUB DBANG DU GYUR PA'I SKU LAS 'OD ZER 'PHROS,
MTHA' SKOR NA YOD PA'I PHA MA SEMS CAN THAMS CAD LA PHOG PAS SO
SO'I SDIG SGRIB DANG SDUG BSNGAL THAMS CAD SBYANGS NAS

THAMS CAD THUB DBANG GI GO 'PHANG LA BKOD PAR BSAMS TE SEMS
BSKYED 'BRAS BU LAM BYED KYI TSUL DU BSGOM, 'DI TZAM SHER MDO'I
GLENG GZHI SOGS SU SKAD CIG DER NGAN SONG STONGS PAR GSUNGS PA
DANG MTHUN CING, GTZUG NA RIN CHEN GYI MDO

LAS BDAG GI LUS SEMS CAN THAMS CAD KYI LUS SU MOS, SEMS CAN
THAMS CAD KYI LUS SANGS RGYAS KYI SKU'I GNAS SU MOS PAR GSUNGS
PA DANG DON MTHUN PAS MDO LUGS RKYANG PA LA'ANG 'GAL BA MED PAR
RJE BTZUN YE SHES RGYAL MTSAN DPAL

@012A *, ,BZANG PO'I ZHAL NAS GSUNGS SO, ,DE NAS MKHA' 'GRO MA
RDO RJE GUR GYI RGYUD LAS GSUNGS PA'I RGYUN BSHAGS SAM YAN LAG
BDUN PAR GRAGS PA, DKON MCHOG GSUM LA BDAG SKYABS MCHI, ,ZHES
SOGS

KYANG 'DI'I DKYUS SU 'DON SROL YOD PA BZHIN BYED NA TSIG RIS KYI
RIM PA LTAR, THAMS CAD KYI GZHI RTEN ZHING SA LTA BU'I SKYABS
'GRO DANG ZHING LA RDO DANG GSEG MA SOGS SEL BA BZHIN DU 'GAL
RKYEN SDIG PA BSHAGS PA DANG, DER CHU LUD 'DREN PA

LTAR RJES SU YI RANG GI SGO NAS MTHUN RKYEN TSOGS BSAGS PA DANG,
DE NAS SA BON LTA BU'I BYANG CHUB KYI SEMS BSKYED PA DANG, DE
RJES SEMS CAN THAMS CAD KYI NYER 'TSO'I RTEN DU GYUR PA'I BYANG
CHUB KYI SPYOD PA'I LO TOG SPEL BA SOGS KYI DMIGS

RNAM RGYUD 'KHUL NGES BYA, DE NAS TSAD MED PA BZHI BSGOM PA NI
SEMS BSKYED KYI DMIGS RNAM DE NYID JE RGYAS SU GTONG BA YIN TE,
SEMS BSKYED SKABS SEMS CAN THAMS CAD KYI DON BYA'O SNYAM PA'I
DON NI SDUG BSNGAL SEL BA DANG BDE BA BSGRUB

PA GNYIS LAS MA 'DAS SHING, SDUG BSNGAL SEL BAR 'DOD PA LA
SNYING RJE, BDE BA BSGRUB PAR 'DOD PAS BYAMS PA, BDE BA'ANG ZAG
BCAS KYI BDE BA TZAM LA YID BRTAN MED PA MTHAR BSLU BA'I CHOS
CAN YIN PAS, ZAG MED KYI BDE DGA'

NAM YANG MI NYAMS PA ZHIG LA 'GOD PAR 'DOD PA DGA' BA, DE'ANG
PHYOGS RIS CAN MA YIN PAR DGRA GNYEN PAR MA KUN LA SNYOMS PA
ZHIG DGOS PAS BTANG SNYOMS TE BZHIR PHYE BA YIN NO, ,DES NA DE
SGOM TSUL NI, MARGAN SEMS CAN 'DI RNAMS

@012B THOG MA MED PA NAS BDE BA KHO NA 'DOD KYANG DE'I RGYU MA
BSGRUBS PAS BDE BA RNAL MA ZHIG DANG MA PHRAD PAR 'DUG ,DA LTA
BDE BAR BLO MA PA BAG RE YOD NA'ANG MYUR DU SDUG BSNGAL DU 'GYUR
NAS 'GRO BAS BDE BA DANG BDE BA'I RGYU DANG LDAN NA CI MA RUNG,
LDAN PAR GYUR

CIG CES BYAMS PA DANG, 'DI RNAMS THOG MED NAS SDUG BSNGAL GYI
RGYU 'BA' ZHIG BSGRUBS BAS SDUG BSNGAL DPAG TU MED PA MYANGS
SHING DA LTA'ANG MYONG BZHIN DU DE'I RGYU SGRUB PAR BDUG PAS
SDUG BSNGAL DANG SDUG BSNGAL GYI RGYU DANG BRAL NA CI MA RUNG,

BRAL BAR GYUR CIG SNYAM PA'I SNYING RJE DANG, 'DI RNAMS SDUG
BSNGAL MED PA'I BDE BA DANG BDE BA'I RGYU THAMS CAD DANG MA BRAL
NA CI MA RUNG, MI 'BRAL BAR GYUR CIG ,DE LTA BU BYUNG NA DGA' 'O
AANG SNYAM DU DGA' BA DANG 'DI RNAMS KYIS THOG MED NAS

PHAN TSUN DU 'GA' ZHIG LA NYE BAR BZUNG, 'GA' ZHIG LA RING BAR
BZUNG NAS CHAGS SDANGS GIS LAS NGAN SNA TSOGS BSAGS PA'I DBANG
GIS SPYIR 'KHOR BA DANG, KHYAD PAR NGAN 'GRO'I SDUG BSNGAL DPAG
MED MYONG BAR 'DUG ,'DI RNAMS PHAN

TSUN LA NYE RING DU BZUNG STE CHAGS SDANG GI SEMS DANG BRAL NAS
BTANG SNYOMS LA GNAS NA CI MA RUNG, GNAS PAR GYUR CIG ,BDAG GIS
KYANG 'DI RNAMS LAS KHA CIG LA NYE BA DANG, KHA CIG LA RING BAR
BZUNG NAS CHAGS SDANG MI BYED PAR THAMS

CAD LA SEMS SNYOMS PAR BYA'O, ,ZHES BTANG SNYOMS KYI DMIGS PA
RNAMS GSAL BTAB LA, NGAG TU, MA SEMS CAN THAMS CAD BDE BA DANG
BDE BA'I RGYU DANG LDAN PAR GYUR CIG, ,SEMS CAN THAMS CAD SDUG
BSNGAL DANG SDUG BSNGAL GYI RGYU DANG BRAL

@013A *, ,BAR GYUR CIG ,SEMS CAN THAMS CAD SDUG BSNGAL MED PA'I
BDE BA DANG MI 'BRAL BAR GYUR CIG ,SEMS CAN THAMS CAD NYE RING
CHAGS SDANG DANG BRAL BA'I BTANG SNYOMS LA GNAS PAR GYUR CIG
,CES TSANG

MED BZHI SHUGS DRAG TU BSGOMS PAS TSOGS ZHING THAMS CAD KYI SKU
LAS BDUD RTZI'I RGYUN DPAG TU MED PA BYUNG NAS PHA MA SEMS CAN
THAMS CAD LA PHOG PAS NYE RING CHAGS SDANG LA SOGS PA'I SDIG
SGRIB LAS NYON THAMS CAD DANG DES BSKYED PA'I SDUG

BSNGAL LA SOGS PA SBYANGS, ZAG PA MED PA'I BDE BA PHUN SUM TSOGS
PA THOB CING TSAD MED BZHI LA GNAS PAR GYUR SONG SNYAM DU BSAM
MO, ,BTANG SNYOMS NI DKON MCHOG BRTZEGS PA'I CHOS KYI RNAM
GRANGS BYANG CHUB SEMS DPA'I SDE SNOD LAS

'BYUNG BA LTAR RGYA CHE BAS MJUG TU BZHAG PA YIN KYANG, SHER
PHYIN GYI MDO DANG MNGON PAR RTOGS PA'I RGYAN LAS RNAM RDZOGS
SBYOR BA'I DROD KYI SKABS SU MNYAM PA'I SEMS SOGS BCU GSUNGS PA
LTAR JO BO'I MAN NGAG GIS SEMS SNYOMS PA SNGON DU 'GRO

DGOS PAS, NGAG TU BRJOD SKABS KYANG, SEMS CAN THAMS CAD NYE RING
CHAGS SDANG GNYIS DANG BRAL BA'I BTANG SNYOMS LA GNAS PAR GYUR
CIG ,CES PA SNGON DU BLANGS NAS 'DON PA'I PHYAG BZHES KYANG YOD
PAS GANG MOS BYA, DE NAS ZAB

RGYAS KYI LAM LA BSHAR SGOM DANG 'BREL BA'I DAD PAS KUN NAS
BSLANGS TE, GANG GIS RTEN CING ZHES SOGS 'DON, KHRUS GSOL BYED
NA KHRUS KHANG GSAL BTAB STE DER SPYAN DRANGS LA LHA RNAMS KYIS
BDUD RTZIS GANG BA'I BUM PA THOGS NAS

@013B SKU KHRUS GSOL BA DANG, LHA RDZAS KYI NA BZA' DANG RGYAN
'BUL BA'I DMIGS PA SOGS TSIG RIS LTAR BYA, SPRON YAN LAG BDUN PA
RGYAS PAR BYAS LA MAndAL SO BDUN MA'AM BDUN MA DBUL, YON TAN
GZHIR GYUR MA'AM DON CHEN PO GSUM

GYI SGO NAS GSOL BA GDAB, THUN BSDU BA'I TSE, BLA MA THUB PA'I
DBANG PO'I THUGS KA NAS 'OD ZER 'PHROS, MTHA' SKOR NA BZHUGS
PA'I TSOGS ZHING RNAMS LA PHOG PAS THAMS CAD 'OD DU ZHU NAS THUB
DBANG LA THIM, THUB DBANG RANG GI SMIN

MTSAMS SU THIM PAS RGYUD BYIN GYIS BRLAB BA'I MOS PA BYA'O,
,MJUG TU DGE BA RNAMS BZANG PO SPYOD PA SOGS KYI SGO NAS GNAS
SKABS DANG MTHAR THUG GI SMON GNAS RNAMS SU 'DUN PA DRAG POS
BSNGO BA DANG SMON LAM BYA'O, ,GSUM PA SKYABS

SU SONG BA'I PHAN YON LA, RDO RJE 'DZIN PA DKON MCHOG RGYAL
MTSAN GYI LAM RIM LAS, SKYABS 'GROS SANGS RGYAS SAR CHUD SDOM PA
KUN, ,SKYE BA'I RTEN DU 'GYUR ZHING SNGON BSAGS KYI, ,LAS SGRIB
THAMS CAD SRA BCING ZAD PAR 'GYUR,

SKYABS SONG BSOD NAMS BLO YIS GZHAL MI NUS, ,NGAN 'GROR MI LHUNG
MI DANG MI MIN GYI, ,BAR CHAD DAG GIS MI TSUGS CI BSAM 'GRUB,
,MYUR DU 'TSANG RGYA'I PHAN YON BRGYAD BSAM NAS, ,NYIN DANG
MTSAN DU SKYABS 'GRO LAN GSUM BYA, ,

ZHES PA LTAR BRGYAD LAS, DANG PO NANG PA SANGS RGYAS PAR TSUD PA
NI, SPYIR PHYI PA DANG NANG BA'I KHYAD PAR 'JOG TSUL MANG PO
BSHAD KYANG, MNYAM MED JO BO CHEN PO DANG SH'ANTI PA GNYIS KYIS
SKYABS 'GRO'I SGO NAS 'JOG PAR GSUNGS, JO BO CHEN PO

@014A *, ,BOD KYI RGYAL BLON RNAMS KYIS DKA' TSOGS CHEN POS
SPYAN DRANGS SKABS KYANG BOD STON RNAMS GSANG SNGAGS ZAB MO'I
CHOS 'DI LAS LHAG PA MED ZER BA'I KHA PO CAN ZHIG GSUNG DU
RE'ANG, JO BO CHEN PO SAM

MDZANGS KYIS BU GSO BA'AM, NAD PA LUS ZUNGS GSO BA BZHIN SLOB
MA'I RGYUD TSOD DANG 'TSAM BA ZHIG DGOS PAR GZIGS NAS SKYABS
'GRO LAS 'BRAS KYI TSES SKOR 'DI KHO NA GSUNG BSAM TSAN LA'ANG
BLA MA SKYABS 'GRO BA DANG LAS 'BRAS BAR

GRAGS PA BYUNG STE, DE TZAM GYIS KYANG BSTAN PA'I MIG LTOS DANG
RJES 'JUG GI NYAMS LEN LA PHAN PA CHEN PO BYUNG NGO, ,BLA MA DGE
BA'I BSHES GNYEN CHEN POR RLOM ZHING KUN GYIS DE LTAR BKUR
NA'ANG NANG DU SKYABS 'GRO RNAM DAG CIG MED NA PHYI NANG

GO 'DZOL NAS, GNAS BRTAN ZHAL MAR GZIGS SHIG 'DUG STE SANGS
RGYAS BSTAN PA'I SGO NANG DU MTSUD 'DUG CES PA'I DPER 'GRO NYAN
YOD CES RJE BTZUN YE SHES RGYAL MTSAN DPAL BZANG POS GSUNGS SO,
,GNYIS PA SDOM PA THAMS CAD KYI RTEN

DU 'GYUR BA NI MDZOD 'GREL LAS, SKYABS SU 'GRO BA RNAMS NI SDOM
PA YANG DAG PAR BLANGS PA THAMS CAD LA SGOR GYUR PA YIN NO,
,ZHES DANG, RTZA BA RE, GZHAN LA BSNYEN GNAS YOD MOD KYI,
,SKYABS SUM SONG BA LA MED, ,CES SDOM PA

GONG 'OG KUN GYI RTEN MED MI RUNG DU GSUNGS TE, SA BON MANG
NYUNG GANG 'DEBS KYANG RANG TSOD KYI ZHING SA RE DGOS PA KHYAD
MED PA LTAR SDOM PA SO SO LA RTEN RGYA CHE CHUNG GI SKYABS 'GRO
RE GZHIR BYED DGOS PAS, 'BOG CHOG RNAMS LAS SKYABS 'GRO 

@014B RTZOM BYED DU BYAS ZHES PA'I DON YANG DE YIN NO, ,GSUM PA
SNGON BSAGS PA'I SDIG SGRIB ZAD PAR 'GYUR BA NI, LAM RIM CHEN MO
LAS, PHAG TU SKYES BAR 'GYUR BA'I LHA'I DUS SKYABS 'GRO BYAS PAS
DER MA SKYES PA LTA BU STE SKYABS 'GRO BYAS PAS DAM

'GRO'I RGYU DAG PA'I PHYIR RO, ,ZHES GSUNGS TE, SDIG PA TSAN PO
CHE BYAS NAS NGAN 'GRO'I GA-YANG SAR LTUNG DU NYE BA'ANG LHA
DKON MCHOG GSUM GYI ZHABS LA 'CHANG DU YOD PA'I DUS 'DIR BLO
'GEL NUS NA 'JIGS PA DE LAS THAR PA LA TSOGS MED

PAS 'BAD RIGS PA NI, SPYOD 'JUG LAS, SDIG BA SHIN TU MI BZAD
BYAS NA YANG, ,DPA' LA BRTEN NAS 'JIGS PA CHEN PO LTAR, ,GANG LA
BRTEN NAS YUD KYIS SGROL 'GYUR BA, ,DE LA BAG CAN RNAMS KYIS CIS
MI BRTEN, ,ZHES GSUNGS PA

LTAR RO, ,BZHI PA BSOD NAMS RGYU CHEN PO GSOG BA NI, PHAR PHYIN
BSDUS PA LAS, SKYABS SONG BSOD NAMS GZUGS YOD NA, ,KHAMS GSUM
'DI YANG SNOD DU CHUNG, ,RGYA MTSO CHEN PO CHU YI GTER, ,PHUL
GYIS GCAL BAR GZHAL MI NUS,,

ZHES GZUGS SU GRUB NA NAM MKHA'I KHYON LA'ANG MI SHONG BAR
GSUNGS SO, ,DE'I RGYU MTSAN NI 'CHI MED RNGA SGRA'I GZUNGS LAS,
SANGS RGYAS BCOM LDAN BSAM MI KHYAB, ,DAM PA'I CHOS KYANG BSAM
MI KHYAB, ,'PHAGS PA'I DGE 'DUN BSAM MI KHYAB, ,

BSAM MI KHYAB LA DAD RNAMS KYI, ,RNAM PAR SMIN PA'ANG BSAM MI
KHYAB, ,CES DANG, SPYAN RAS GZIGS KYI MDO LAS, DE CI'I PHYIR ZHE
,NA, DE BZHIN GSHEGS PA'I SANGS RGYAS KYI CHOS THAMS CAD TSAD
MED PA DE BZHIN DU DE BZHIN GSHEGS PA LA@015A *, ,YON PHUL BA'ANG TSAD MED DO,
,MTHA' YAS SO, ,BSAM GYIS
MI KHYAB BO, ,MTSUNGS PA MED DO, ,GRANGS MED DO, ,ZHES YUL DKON
MCHOG GI YON TAN DANG THUGS RJE BSAM GYIS MI KHYAB PA'I DBANG

GIS DE LA BRTEN PA'I BSOD NAMS KYI PHUNG PO'ANG BSAM GYIS MI
KHYAB PA DANG ZAD PA MED PAR GSUNGS TE, BLO GROS MI ZAD PA'I MDO
LAS KYANG MI ZAD PA'I SGRA DON GYI SKABS CHED DU BYA BA SEMS CAN
ZAD MI SHES PA DANG DMIGS YUL BYANG CHUB KYI

YON TAN ZAD MI SHES PA'I DBANG GIS DE LA BRTEN PA'I DGE RTZA
RNAMS MI ZAD PAR GSUNGS PA DANG RGYU MTSAN 'DRA'O, ,DES NA BSOD
NAMS KYI ZHING SA MTSUNGS ZLA MED PA NI DKON MCHOG GSUM KHO NAR
NGES TE, CHOS THAMS CAD KYI RGYAL PO'I MDO LAS, ,LHA

DANG BCAS PA'I 'JIG RTEN NA, ,DKON MCHOG GSUM PO MA GTOGS PA,
,YON GYI GNAS 'GA' YOD MA YIN, ,ZHES SO, ,LNGA PA NGAN 'GROR MI
LTUNG BA NI, MDO LAS, GANG DAG SANGS RGYAS SKYABS DONG BA, ,DE
DAG NGAN 'GROR 'GRO MI 'GYUR, ,MI YI

LUS NI SPANGS NAS SU, ,DE DAG LHA YI LUS 'THOB BO, ,ZHES CHOS
DANG DGE 'DUN LA'ANG SBYANG NAS GSUNGS PA DANG NGAN 'GROR SKYES
ZIN PA'I RJES SU DKON MCHOG LA SKYABS SU SONG NA'ANG DE LAS MYUR
DU THAR BAR 'GYUR BA'I TSUL, NGAN SONG SBYONG RGYUD

LAS, AE MA'O SANGS RGYAS KYE SANGS RGYAS, ,AE MA'O SANGS RGYAS
MDZAD PA LEGS, ,GANG PHYIR NGAN SONG BDAG CAG SBYANGS, ,BYANG
CHUB SPYOD PA NYID LA BZHAG ,CES CHED DU BRJOD PA BYAS PA BZHIN
NO, ,DRUG PA MI DANG MI MA YIN GYI BAR CHAD

@015B KYIS MI TSUGS PA NI, MDO LAS, 'JIGS PAS SKRAG PA'I MI
RNAMS NI, ,PHAL CHER RI DANG NAGS TSAL DANG, ,KUN DGA' DANG NI
MCHOD GNAS KYI, ,LJON SHING RNAMS LA SKYABS 'GRO STE, ,SKYABS DE
GTZO BO MA YIN ZHING, ,SKYABS DE MCHOG GYUR MA YIN LA, ,

SKYABS DE LA NI BRTEN NAS KYANG, ,SDUG BSNGAL KUN LAS MI 'GROL
ZHING, ,GANG CHO GANG ZHIG SANGS RGYAS DANG, ,CHOS DANG DGE 'DUN
SKYABS SONG LA, ,ZHES PA NAS, SKYABS DE LA NI BRTEN NAS KYANG,
,SDUG BSNGAL KUN LAS GROL BAR 'GYUR, ,ZHES

DANG, RGYAL PO MYA NGAN MED KYIS KLU BTUL BA'I LE'U LAS, KYE MA
DKON MCHOG GSUM MCHOD PA'I, ,'BRAS BU CI 'DRA 'DI GZIGS SHIG
,RGYA MTSO'I NANG NA GNAS PA'I KLU, ,BDAG GIS BTUL CING 'DI
DBANG BGYIS, ,CHU DANG MKHA' LA 'GRO

PA'I KLU, ,BSOD NAMS KYIS NI NGAS PHAM BYAS, ,SA LA GNAS PA'I
DGRA YI TSOGS, ,BSOD NAMS KYIS NI ZAD PAR BYED, ,CES CHOS RGYAL
MYA NGAN MED LA RGYA MTSO'I KLU RNAMS KYIS THO BRTZAMS PA'I TSE
DKON MCHOG MCHOD BA'I STOBS KYIS DE DAG GIS MA

TSUGS SHING TSUR DBANG DU 'DUS PA DANG, DGE BSNYEN ZHIG LA MU
STEGS PA'I NGAN SNGAGS MKHAN ZHIG GIS RLUNG ZHAGS BTANG BA'I TSE
DKON MCHOG LA SKYABS SU SONG BAS RLUNG ZHAGS GTONG MKHAN LA
PHYIR LOG PA'I GTAM RGYUD LTA BU YIN NO, ,BDUN

PA CI BSAM 'GRUB PA NI, CHOS LDAN BYI BYA BA GANG SGRUB PA'I
THOG MAR DKON MCHOG LA MCHOD CING SKYABS SU SONG NAS 'GRUB PAR
GSOL BA BTAB NA BDE BLAG TU 'GRUB PAR 'GYUR BAS, DAM PA RNAMS
BSTAN BCOS RTZOM PA SOGS KYI THOG MAR MCHOD BRJOD

@016A *, ,MDZOD PA'I DGOS PA'ANG DE YIN LA, DE'I RGYU MTSAN NI
SKYABS SU SONG BAS BSOD NAMS RLABS PO CHE GSOG PA DANG, BSOD
NAMS KYI DBANG GIS 'DOD DON SMON PA BZHIN 'GRUB PA YIN TE, RGYA
CHER ROL PA

LAS, BSOD NAMS RNAM SMIN BDE STER SDUG BSNGAL THAMS CAD SEL;
,BSOD NAMS LDAN PA'I MI YIS BSAM PA RNAMS KYANG 'GRUB, ,CES
DANG, SA'I SNYING PO 'KHOR LO BCU BA'I MDO LAS, 'JIG RTEN DAG NI
BDE ZHING SKYID PA, ,DE KUN

DKON MCHOG MCHOD LAS 'BYUNG BAS, ,DE BAS BDE ZHING SKYID PA 'DOD
PAS, ,DKON MCHOG MCHOD LA RTAG TU BRTZON BYA, ,ZHES BDE SKYID
LEGS TSOGS THAMS CAD 'GRUB PA DKON MCHOG KHO NAR RAG LAS PAR
GSUNGS SO, ,BRGYAD PA MYUR DU 'TSANG RGYA

BA NI, LAM RIM CHEN MOR, SENG GES ZHUS PA LAS, DAD PAS MI KHOM
SPONG BAR 'GYUR, ,CES GSUNGS BA LTAR DAL BA KHYAD PAR CAN RNYED
CING SKYABS DANG MJAL NAS LAM KHYAD PAR CAN LA SLOB LA DES NI
RING POR MI THOGS PAR 'TSANG RGYA'O, ,

ZHES GSUNGS TE, RGYAN LAS CHOS SKU'I 'PHRIN LAS KYI SKABS SU
DANG POR 'GRO BZHI PA'I 'PHRIN LAS ZHES NGAN SONG GSUM SOGS MI
KHOM PA'I GNAS LAS DRANGS TE MTHO RIS KYI YON TAN BDUN DANG LDAN
PA'I RTEN BZANG PO LA BKOD NAS RIM GYIS

MI GNAS PA'I MYANG 'DAS LA 'GOD DGOS PAR GSUNGS PA DANG GNAD
'DRA ZHING, DE THAMS CAD KYANG DKON MCHOG GI THUGS RJE KHO NA LA
BRTEN PA YIN TE, CHOS RGYAL MYA NGAN MED KYIS, MTHO RIS THOB
BYED NGAN SONG SPONG, ,MI YIS RTAG TU BSTEN

@016B BYA STE, ,AE MA'O SANGS RGYAS AE MA'O CHOS, ,AE MA'O BSTAN
PA PHUN SUM TSOGS, ,ZHES GSUNGS SHING, SANGS RGYAS LA BRTEN BA'I
BSOD NAMS CUNG ZAD TZAM ZHIG YIN KYANG MTHAR BYANG CHUB KYI
RGYUR NGES PAR 'GRO STE, MDO SDE PAD DKAR LAS, MCHOD RTEN

DE LA GANG GIS THAL MO SBYAR, ,YONGS SU TSANG BA'AM THAL MO YA
GCIG GAM, ,YANG NA MGO BO SKAD CIG 'DUD PA DANG, ,DE BZHIN LAN
GCIG LUS KYANG 'DUD PA DANG, ,GANG GI RING BSREL GNAS PA DE DAG
LA, ,GA-YENG BA'I SEMS KYIS SANGS RGYAS

PHYAG 'TSAL ZHES, ,TSIG GCIG LAN 'GA' BRJOD PAR BYAS PA YANG,
,DE DAG KUN GYIS BYANG CHUB MCHOG 'DI 'THOB, ,CES GSUNGS PA LTAR
RO, ,'DI DAG NI MAN NGAG NAS 'BYUNG BA'I PHAN YON 'DUS CHE LA
DNGOS ZIN GO BDE BA'I DBANG GIS BLA

MA RNAMS KYIS KHRID RGYUN LA GTZO BOR GSUNGS PA BZHIN BKOD PA
YIN ZHING, BSDU BA LAS, BSOD NAMS CHEN PO 'THOB PA, SANGS RGYAS
RJES SU DRAN PA'I DGA' BA DANG MI 'BRAL BA, TING NGE 'DZIN BRTAN
PO RNYED PA, SHES RAB KYI MTHUS SRID PA

LAS GROL BA BZHI DANG, DKAR PHYOGS KYI LHA LA SOGS PA'I SRUNG BA
CHEN PO DANG LDAN PA, GROGS NGAN SOGS LA BRTEN NAS BSAGS PA'I
SDIG PA ZAD PA, SKYES BU DAM PA'I GRANGS SU TSUD PA, LHA RNAMS
DGA' BAR 'GYUR BA DANG BZHI STE BRGYAD

GSUNGS SO, ,DE LTAR PHAN YON RNAMS LA BLO LEGS PAR GOMS NA TSA
BAS GDUNGS PA'I GLANG BO CHE PAD MTSOR 'JUG PA BZHIN GZHAN GYIS
BSKUL MI DGOS PAR NGANG GIS SKYABS 'GRO LA 'JUG PA DANG, DE'I
BSLAB BYA RNAMS LA'ANG KHUR GYI 'DU

@017A *, ,SHES MED PAR RGYAN DU GO BAS SRUNG BA LA TSEGS MED PA
ZHIG 'BYUNG NGO, ,BZHI PA SKYABS 'GRO'I BSLAB BYA NI, DKON MCHOG
GI THUGS RJE DANG BYIN RLABS BSAM GYIS MI KHYAB KYANG, DER
SKYABS SU SONG BA TZAM GYIS

MI CHOG GI SKYABS 'GRO'I BSLAB BYA LA LEGS PAR SLOB DGOS TE,
DPER NA DGRA MA RUNGS PAS GTZES PA'I TSE RGYAL PO CHEN PO SOGS
LA MGON BTZAL NA DES SKYOB NUS KYANG, RGYAL PO DE NYID KYI BKA'
KHRIMS MA BRTZIS NA DER YANG CHAD PA

'PHOG PA BZHIN, DKON MCHOG LA SKYABS SU SONG YANG DE'I BSLAB BYA
LAS 'BRAS KYI BLANG DOR SOGS SANGS RGYAS KYI BKA' KHRIMS BZHIN
DU MA BSRUNGS NA DKON MCHOG GIS KYANG SKYOB THABS DANG BRAL 'GRO
BA CHOS NYID YIN PAS BSLAB BYA'I

RIM PA 'DI LA NAN TAN SNYING POR BYAS TE 'BAD DGOS SO, ,DE'ANG
BSDU BA LAS, BSHES GNYEN DAM PA BSTEN PA, DE LAS CHOS NYAN PA,
CHOS KYI DON YID LA BYED PA, DE THAR PA'I RGYUR 'GRO NGES SU
BSGRUB PA BZHI DANG, SGO GSUM BAG MED DU

MI GTONG BA, BSLAB GZHI CI NUS SU 'DZIN PA, SNYING RJE'I DBANG
GIS SEMS CAN GZHAN YANG DE LA SBYOR BA, BKA' DRIN RJES SU DRAN
NAS RTAG TU DKON MCHOG MCHOD PA LA BRTZON PA DANG BZHI STE
BRGYAD GSUNGS SO, ,'DI RNAMS NI GRONG

KHYER CHEN PO'I LCAGS RI BZHIN MTHA' NAS BSRUNG STE NYES LTUNG
'GOG TSUL RGYA CHEN PO'I DBANG DU BYAS PA YIN LA, LAS DANG PHO
PAR GNAD THOG TU ME BTZA' BTAB PA BZHIN 'BYUNG NYE BA'I DGAG BYA
RNAMS DMIGS PHUG STE 'GOG TSUL DANG

@017B LAG LEN YANG 'PHRAL DU GANG GTZO NGOS BZUNG NAS BSTAN NA
PHAN CHE BAS 'DIR MAN NGAG NAS 'BYUNG BA BZHIN BSHAD PA LA
GNYIS, SO SO'I BSLAB BYA DANG, THUN MONG GI BSLAB BYA'O, ,DANG
PO LA GNYIS, DGAG PA'I BSLAB BYA DANG, SGRUB PA'I

BSLAB BYA'O, ,DANG PO NI, MYA NGAN LAS 'DAS PA LAS, GANG ZHIG
GSUM LA SKYABS 'GRO BA, ,DE NI YANG DAG DGE BSNYEN TE, ,NAM
DU'ANG LHA NI GZHAN DAG LA, ,SKYABS SU SONG BA MA YIN NO, ,DAM
PA'I CHOS LA SKYABS 'GRO BA, ,'TSE ZHING GSOD PA'I

SEMS DANG BRAL, ,DGE 'DUN LA YANG SKYABS 'GRO BA, ,MU STEGS CAN
DANG 'GROGS PA MIN, ,ZHES GSUNGS BA LTAR, SANGS RGYAS LA SKYABS
SU SONG BAS 'JIG RTEN PA'I LHA LA GTAN GYI SKYABS MI 'TSOL,
DE'ANG TSANGS PA DANG DBANG PHYUG SOGS LA'ANG

GTAN GYI SKYABS MI 'TSOL NA, YI DVAGS KYI RIGS SU GYUR PA'I LTA
'DRE LA SKYABS MI 'TSOL BA LTA CI SMOS, GZHI BDAG SOGS LA GTOR
MA GTONG BA'I TSE SNYING RJE'I BSAM PA DANG GNAS SKABS KYI GROGS
'CHOL BA'I BSAM PAS GTONG ZHING PHUGS KYI RE LTOS

MI 'CHA' BA GAL CHE STE, GNAS SKABS KYI BYA BA PHRAN BU RE'I
GROG BYAS PA LA MGO 'KHOR TE GTAN GYI 'DUN MA'I RTZA BA 'BYUGS
NA NYEN SHIN TU CHE, CHOS LA SKYABS SU SONG NA CHOS DANG MTHUN
DGOS SHING, DE'ANG BZHI BRGYA PA LAS, MDOR NA CHOS

NI MI 'TSO BAR, ,DE BZHIN GSHEGS PA RNAMS KYIS GSUNGS, ,ZHES
CHOS KYI NGO BO MI 'TSE PAR GSUNGS PA YIN PAS, BSLAB BYA'ANG
SEMS CAN LA GNOD 'TSE SPONG ZHING MU STEGS CAN GYI GZHUNG SOGS
LOGS PA'I CHOS LA YID BRTAN MI 'CHA',

@018A *, ,DGE 'DUN LA SKYABS SU SONG BAS GROGS MU STEGS CAN DANG
MI 'GROGS SHING, LAS 'BRAS LA YID MI CHES SHING CHOS LA SKUR PA
'DEBS PA'I MI DANG MDZA' GROGS MI BYED DE, DAM TSIG NYAMS PA
DANG 'GROG

NA DE'I NYAMS GRIB KYIS YON TAN THAMS CAD 'GRIB CING DNGOS GRUB
KYI SGO 'GAG PAR GSUNGS SO, ,GNYIS PA SGRUB PA'I BSLAB BYA NI,
SANGS RGYAS KYI SKU GZUGS RI MOR GRIS PA DANG 'BUR DU DOD PA
GANG LA'ANG BZAD NGAN DANG LEGS NYES

SOGS KYI SKYON MI GDAGS PAR BDAG 'KHOR BA LAS SGROL BA'I STON PA
THUGS RJE CAN DE'I SKU'O SNYAM DU GUS PA BSKYED CING PHYAG DANG
MCHOD PA SOGS BYA, DA LTA RANG CAG LA CHOS STON PA SOGS MI MDZAD
PA NI RANG GI LAS SNANG MA DAG PA'I DBANG GIS

MA MTHONG BA YIN GYI STON BA'I NUS PA MED PA MIN TE, SAR GNAS
KYI SEMS DPA' RNAMS LA SANGS RGYAS KYI SKU BRNYAN MTHA' DAG GIS
CHOS STON PA SOGS MDZAD PAR MDO SDE RGYAN LAS GSUNGS SO, ,DES NA
BZO DANG RGYU SOGS LA MA LTOS PAR

SKYABS YUL MCHOG TU 'DZIN DGOS TE BSHES SBRINGS LAS, JI LTAR BDE
GSHEGS SKU GZUGS SHING LAS KYANG, ,BGYIS PA CI 'DRA YANG RUNG
MKHAS PAS MCHOD, ,CES GSUNGS SO, ,DAM PA'I CHOS TSIG BZHI PA
ZHIG YAN CHAD LA 'GOM

YUG DANG SA SGRE BO LA 'JOG PA DANG BZANG NGAN GYI SKYON RTOG
SOGS SPONG ZHING, BDAG 'KHOR BA DANG NGAN SONG GI SDUG BSNGAL
LAS SGROL BAR BYED PA'I SKYABS DNGOS DE 'DI'O SNYAM DU GUS PA
BSKYED CING PHYAG DANG MCHOD PA SOGS BYA, DA LTA GZHUNG

@018B LUGS LA CUNG ZAD SBYANGS PAR RLOM PA 'GA' ZHIG CHOS DKON
MCHOG LA 'GOG LAM GANG RUNG GIS KHYAB PA RGYU MTSEN DU BYAS NAS
LUNG GI CHOS RNAMS SKYABS YUL DU MI BRTZI BA SHIN TU MI RUNG
STE, ,RGYUD LAS, BLO MCHOG RNAMS KYI KUN DGA' RA BA STE, ,

DMAN PAS 'JIGS PA RNAMS KYI RGYAL BYED TSAL, ,SRID PA'I 'BYOR PA
ZIL GYIS GNON PA'I MCHOG ,GSUNG MCHOG CHOS LA BDAG NI SKYABS SU
MCHI, ,ZHES CHOS DKON MCHOG GI THAD DU LUNG GI CHOS GSUNGS PA
'DI GO DGOS, DA LTA 'DI LA CHOS DKON

MCHOG DANG SKYABS DNGOS BYAS NAS RANG RGYUD LAM BSTEN PAR 'GOG
LAM GYIS BSDUS PA'I CHOS DKON MCHOG DNGOS DE RGYUD LA SKYE THABS
MED PAS 'DI GAL CHE ZHES SKYABS MGON RDO RJE 'CHANG DKON MCHOG
'JIGS MED DBANG POS GSUNGS SO, ,DE LTAR RANG

GI RGYUD TSOD DANG MTHUN PAR CHOS DKON MCHOG 'GRUB PA'I TSUL 'DI
NI RJE THAMS CAD MKHYEN PA'I DGONGS PA RMA MED PA YIN TE, LAM
RIM LAS, MTHA'I CHOS DKON MCHOG DE'ANG LAS DANG PO PA'I DUS KYI
SKYON PHYOGS RE TZAM SPONG BA'I SPANGS PA DANG YON

TAN PHYOGS RE TZAM SGRUB PA'I RTOGS PA GNYIS GONG NAS GONG DU
KHYAD ZHUGS PAR SONG BA LA 'JOG GI DE LAS GZHAN GLO BUR DU
'BYUNG BA MIN NO, ,ZHES GSUNGS PA'I PHYIR, DGE 'DUN LA SKYABS SU
SONG NAS DGE 'DUN GYI RTAGS TZAM 'CHANG BA

YAN CHAD THAMS CAD LA MA GUS PA SPONG ZHING, DGE SLONG BZHI SDE
YAN CHAD LA BDAG 'KHOR BA DANG NGAN SONG GI SDUG BSNGAL LAS
SGROL BAR BYED PA'I GROGS DGE 'DUN DE 'DI'O SNYAM DU GUS PA
BSKYED CING BSNYEN BKUR LA BRTZON PAR BYA STE TSUL 'CHAL

@019A *, ,DGE SBYONG GI RTAGS 'CHANG BA LA'ANG BRNYAS SMOD PA
RDEG 'TSOG SOGS BYAS NA STON PA DANG BSTAN PA LAM GUS PA'I NYES
PA CHEN POR 'GYUR BA'I TSUL NAM MKHA'I SNYING PO'I MDO DANG,
SA'I SNYING PO'I MDO, ZLA BA

SNYING PO'I LE'U SOGS LAS GSUNGS BA DANG, SNYING RJE PAD DKAR
LAS BSKAL BZANG SANGS RGYAS SNGA MA RNAMS KYI BSTAN PA LA RAB
BYUNG GI RTAGS TZAM 'CHANG BA'ANG SANGS RGYAS MOS PA TSUN CHAD
LA GROL BAR GSUNGS PA'I PHAN YON DANG NYES DMIGS KYI

SGO DU MA NAS BSAMS TE GZAB DGOS SO, ,DGE BSHES STON PA DANG
RNAL 'BYOR PA CHEN POS LHAN PA SER PO RE 'GOM PA'I SAR YOD
PA'ANG MI 'GOM PAR SBRUGS NAS GTZANG SAR SKYEL BA'I PHYAG LEN
LTAR BSLAB STE, RANG NYID DKON MCHOG LA GUS PA

DE TZAM DU 'GRO BA RNAMS KYANG RANG LA CHES CHER GUS PAR 'GYUR
BA'I PHYIR TE, TING NGE 'DZIN RGYAL PO LAS, CI 'DRA BA YI LAS
BYAS PA, ,'BRAS BU DE 'DRA THOB PAR 'GYUR, ,CES SO, ,LHAG PAR DA
LTA CHAGS SDANG GI ZHE RUS 'THEN PA LA BSTAN

BA'I BYA BAR SGRO BTAGS TE KHYED TSO DANG NGED TSO ZHES SDE RIS
SU BCAD NAS 'KHRUGS PA BYED PA LEGS TSOGS KYI RTZA BA GCOD PA'I
NYES DMIGS SHIN TU CHE'O, ,GNYIS PA THUN MONG GI BSLAB BYA LA
DRUG LAS DANG PO NI, SKYABS 'GRO'I KHYAD PAR

RNAMS YANG YANG GSAL BTAB NAS SKYABS 'GRO MTSAN NYID TSANG BA LA
GOMS PAR BYED PA'O, ,GNYIS PA NI, CI ZA CI 'THUNG GI PHUD KYIS
MCHOD PA STE, DE THAMS CAD DKON MCHOG GI BKA' DRIN DU RJES SU
DRAN PA ZHIG BYUNG NA GANG

@019B BZANGS NAS DKON MCHOG LA 'BUL DGOS PA ZHIG 'BYUNG NGO,
,GSUM PA NI, DKON MCHOG GI YON TAN DANG BKA' DRIN MTHONG BA NA
SEMS CAN GZHAN RNAMS KYANG SNYING BRTZE BA DE'I SKYABS 'OG TU
'JUG PA'I THABS CI NUS SU

BYED DO, ,BZHI PA NI, BYA BA CI 'DRA ZHIG BYED PA DANG DGOS PA
CI ZHIG MTHONG YANG DKON MCHOG GSUM LA BRTEN PA DANG, DE DAG
DANG RJES SU MTHUN PA'I DKON MCHOG MCHOD PA SOGS BYA YI, DE DAG
DANG MI MTHUN PA'I BON LA

SOGS PA LA RNAM PA THAMS CAD DU BRTEN DU MI RUNG BAS DUS THAMS
CAD DU DKON MCHOG LA BLO KHEL BAR BYA, KHA CIG CHOS PAS SMAN
'THUNG NA SKYABS 'GRO'I BSLAB BYA DANG 'GAL BAR SMRA BA NI GNAD
MA GO BA YIN TE, DKON MCHOG GIS

MA PHAN PAR SMAN GYIS PHAN PA LTA BUR GO NA MI RUNG BA YIN GYI,
SMAN GTAN NAS MI 'THUNG NA ZAS THAMS CAD KYANG SMAN BZHIS BSDUS
PAS DGE SLONG GIS ZAS KYANG ZA MI RUNG BAR 'GYUR LA, SMAN BSTEN
TSUL LUNG SMAN GYI GZHI LAS KYANG GSUNGS

YOD PAS, DES NA SMAN DE'ANG SANGS RGYAS KYI THUGS RJE DANG
'PHRIN LAS KYI CHA SHAS SU GO NAS BSTEN DU RUNG BAR 'JAM MGON SA
PAn GYIS THUB PA'I DGONGS PA RAB TU GSAL BA LAS GSUNGS SO, ,LNGA
PA NI, SNGAR BSHAD PA'I

PHAN YON RNAMS BSAMS TE NYIN MTSAN DUS DRUG TU SKYABS 'GRO BYED
BA'O, ,DRUG PA NI, SROG GI PHYIR YANG SKYABS 'GRO MI GTONG BA
STE, TSUL KHRIMS YANG DAG PAR LDAN PA'I MDO LAS, SROG DANG BRAL
ZHING SHI BA NI SLA YI,

@020A *, ,TSUL KHRIMS NYAMS SHING ZHIG PA NI DE LTA MA YIN NO,
,DE CI'I PHYIR ZHE NA, SROG DANG BRAL ZHING SHI BAS NI SKYE BA
'DI NYID KYI TSE ZAD PAR 'GYUR GYI, TSUL KHRIMS NYAMS SHING

ZHIG PAS NI SKYE BA 'BUM PHRAG BRGYA'I BAR DU RIGS DANG BRAL
ZHING BDE BA SPANGS TE RNAM PAR LHUNG BA CHEN PO NYAMS SU MYONG
BAR 'GYUR RO, ,ZHES GSUNGS PA BZHIN LUS SROG LONGS SPYOD NI GDON
MI ZA BAR 'BRAL BAS, DE DAG GI

PHYIR DU DKON MCHOG BTANG NA NI TSE RABS KUN TU SDUG BSNGAL
BRGYUD MAR 'BYUNG BA'I PHYIR CI LA BAB KYANG SKYABS MI BTANG NGO
SNYAM DU DAM 'CHA' ZHING, BZHAD GAD TZAM GYI PHYIR DU'ANG SKYABS
GTONG BA'I TSIG SMRA BAR MI BYA BA LI'I RGYAL

PO'I RNAM THAR BZHIN BYA, KHA TZAM GYIS KYANG DKON MCHOG GTONG
BA'I TSIG MI SMRA BAR MA ZAD, SKYID SDUG BYA BYED KUN GYI TSE
DKON MCHOG MKHYEN RANG ZER BA ZHIG LA BSLAB NA 'CHI KHA'I
TSE'ANG DKON MCHOG DRAN PA ZHIG NGES PAR 'BYUNG LA 

DE BYUNG NA PHYI MA NGAN SONG DU MI GTONG BA THAG CHOD PAR MA
ZAD, DE'I RNAM SMIN DANG RGYU MTHUN GYIS TSE RABS PHYI MA THAMS
CAD DU DKON MCHOG GSUM DANG MI 'BRAL ZHING DE'I SKYABS 'OG TU
TSUD PAS LEGS TSOGS THAMS CAD LHUN GYIS GRUB

PA ZHIG 'BYUNG NGO, ,DES NA BSTAN PA MTHA' DAG GI 'JUG SGO DANG
GZHUNG SHING DAM PAR GYUR PA BYA SLA LA DON CHE BA'I GDAMS PA'I
SNYING PO 'DI LTA BU LA NYAMS LEN GYI MTHIL DU BYED PA NI DAL
BA'I RTEN BZANG DON LDAN DU SGRUB PA'I

@020B THABS KYI YANG RTZE RGYAL BA SRAS BCAS KYIS BSNGAGS PA'I
YUL DU GYUR PA YIN NO, ` ,SMRAS PA, DKON MCHOG RNAM GSUM 'DUS
PA'I NGO BO NYID, ,'JIGS PA KUN SEL SKYOB PA ZLA MED PA, ,THUB
DBANG GNYIS PA CHOS KYI RGYAL PO

DES, ,DA DUNG BYANG CHUB BAR DU BRTZE BAS SKYONGS, ,GANG GI
THUGS RJE GA PUR ZEGS MA YIS, ,SRID ZHI'I TSA GDUNG RGUD PA
'PHROG BYED PA'I, ,SKYABS KYI DAM PA MCHOG GSUM KUNDA'I GNYEN,
,LUS CAN BDE 'BYUNG GTZUG NA MDZES

GYUR CIG ,MI BZAD SRID PA'I 'BROG DGON NYAM NGA BAR, ,LAS NYON
GCAN GZAN GDUG PAS GTZES PA RNAMS, ,MCHOG GSUM BYIN RLABS THUGS
RJE'I GRONG KHYER DU, ,'JUG PA'I LAM BZANG MA NOR BSTEN PA GCES,
,CI YANG MI

GSAL BSDUS PA'I TSE GCIG ZLA, ,MA YIN 'BRING DU BKOD PA'I ZLA
PHYED 'DIS, ,RIGS 'GRES RDZOGS PAR MTSON LA TSIG TSOGS CHA,
,GANG NA SGYID LUG SGRA GCAN SDANG GIS DOGS, ,'DIR 'BAD DGE BAS
MA RGAN 'GRO BA RNAMS, ,DKON

MCHOG GSUM GYIS 'BRAL MED RJES 'DZIN CING, ,BSTAN PA'I SNYING PO
TSUL BZHIN SGRUB PA YIS, ,STON PA MCHOG DE'I GO 'PHANG MYUR THOB
SHOG ,CES BSTAN PA'I 'JUG SGO SKYABS 'GRO'I KHRID YIG PHAN BDE'I
LAM BZANG GSAL BA'I SGRON ME

ZHES BYA BA 'DI NI, BSTAN PA'I SBYIN BDAG DANG STOBS DANG LDAN
PA AA BA GA T'A BEE LI MAH'A BA LI'I HA THON SKAL BZANG SKYID,
TZA KHI ROG CHI RATNA, THA'I JI DPAL MCHOG ,PUn+YEE THU SA LAG
CHI'I DPON MO BSAM 'PHEL RNAMS DGON PAR MJAL DU

@021A *, ,'ONGS TE SKYABS 'GRO'I KHRID PHOGS SKABS BSHAD PA JI
LTAR BYAS PA BZHIN YI GER 'KHOD BA ZHIG DGOS ZHES HA THON SKAL
BZANG SKYID KYIS BSKUL BA LTAR, ~BTZUN PA DKON MCHOG BSTAN PA'I

SGRON MES DBEN GNAS YID DGA' CHOS 'DZIN DU SUG BRIS BGYIS PA LAS
SHOG BUR 'BEBS PA PO SNGAGS RAM PA DKON MCHOG KUN DGAS BYAS PA
'DIS KYANG BSTAN PA DANG 'GRO BA LA PHAN PA RGYA CHEN PO 'BYUNG
BAR GYUR CIG, ,