//8// @001A *, ,BYANG CHUB LAM GYI RIM PA'I SNGON 'GRO SBYOR BA'I CHOS DRUG LAG TU LEN TSUL GSAL BAR BKOD BA LAM BZANG SGRUB PA'I 'JUG NGOGS ZHES BYA BA BZHUGS SO,, @001B #, ,YANG DAG LAM GYI BGROD PA MTHAR PHYIN TE, ,DPAL LDAN SKU BZHI'I GO 'PHANG MCHOG BRNYES NAS, ,LAM BZANG DE NYID 'GRO LA GSAL MDZAD PA, ,BLA MA THUB DBANG BRGYUD PAR BCAS LA 'DUD, ,ZAB RGYAS NYAMS LEN BKOD PA SNA TSOGS BA'I, ,KHANG BZANG KUN LA RMANG GZHI BRTAN PO BZHIN, ,MED MI RUNG GI SNGON 'GRO SBYOR BA'I CHOS, ,LAG TU BLANG BA'I RIM PA 'DIR BSHAD BYA; ;DE'ANG DPAL CHOS KYI GRAGS PAS, RGYU TSOGS PA LAS 'BRAS SKYE BAR, ,RJES SU DBAG PA GANG YIN TE, ,DON GZHAN LA NI MI LTOS PHYIR, ,DE NI RANG BZHIN YIN PAR BRJOD, ,CES GSUNGS PA LTAR RGYU TSOGS MA TSANG BA MED BA ZHIG BSGRUBS NA 'BRAS BU DE NYID MI 'GRUB BA'I THABS MED PA ZHIG YIN GYI, RGYU MA BSGRUBS PAR 'BRAS BU 'DOD KYANG DON MED DE, DPER NA STON GYI LO @002A #, ,TOG PHUN SUM TSOGS PA ZHIG 'DOD PHYIN DPYID DUS NAS RMOS GLANG GSO BA DANG CHU LUD 'DREN PA SOGS LA 'BAD DGOS KYI, DE DAG GAL CHUNG DU BYAS NAS YAL BAR DOR TE LO TOG RTZIS SU BYAS KYANG SKYE BA'I THABS MED PA BZHIN NO, ,DES NA SPYIR NYAMS LEN MTHA' DAG DANG, KHYAD PAR BYANG CHUB LAM GYI RIM PA'I NYAMS LEN BYED PAR 'DOD PA RNAMS KYIS SNGON 'GRO SBYOR BA'I CHOS DRUG GIS RMANG GZHI ZIN BA ZHIG NGES PAR BYA DGOS TE, YON TAN RIN PO CHE SDUD PA LAS, ,RGYU RNAM BZHI YIS BYANG CHUB SEMS DPA' MKHAS STOBS LDAN, ,BDUD BZHIS THUB PAR DKA' ZHING BSKYOD PAR MI NUS TE, ,STONG PAR GNAS DANG SEMS CAN YONGS SU MI GTONG DANG, ,JI SKAD SMRAS BZHIN BYED DANG BDE GSHEGS BYIN RLABS CAN, ,ZHES RDZOGS PA'I BYANG CHUB SGRUB PA'I RGYU'I @002B GTZO BO BZHI GSUNGS PAS, DNGOS GZHI NI STONG PAR GNAS ZHES DON DAM BYANG CHUB KYI SEMS DANG, SEMS CAN MI GTONG ZHES PAS KUN RDZOB BYANG CHUB KYI SEMS GNYIS ZUNG DU 'JUG PA'I SKYES BU CHEN BO'I LAM RNAMS BSTAN, JI SKAD SMRAS BZHIN BYED CES PAS LAM GYI RTZA BA BSHES GNYEN TSUL BZHIN DU BSTEN NAS DES JI SKAD GSUNGS BA BZHIN DU RIM GYIS SLOB TSUL DANG, BDE GSHEGS BYIN RLABS CAN ZHES PAS ZHING KHYAD PAR CAN LA BRTEN NAS TSOGS GSOG SGRIB SBYONG SOGS BYAS TE, LAM GYI RTOGS PA SKYE BA'I SNOD RUNG DU SGRUB PA'I SNGON 'GRO SBYOR BA'I CHOS 'DI DAG BSTAN PA YIN NO, ,DON DE NYID GSAL BAR BYED PA LA BSTAN BCOS MNGON BAR RTOGS PA'I RGYAN LAS, SANGS RGYAS SOGS DMIGS DAD PA DANG, ,ZHES SOGS KYIS LAM GYI RIM PA THAMS CAD DAD SOGS LNGAR BSDUS TE BSTAN PAS, RKANG PA DANG PO'I TSE 'KHOR BA SPYI BYE BRAG GI SDUG BSNGAL LA 'JIGS NAS SKYABS SU 'GRO BA'I CHUNG 'BRING THUN MONG GI LAM BSTAN PA YIN LA, SKYABS 'GRO SEMS BSKYED DANG TSOGS ZHING GSAL BTAB STE YAN LAG BDUN PA 'BUL BA SOGS SNGON 'GRO'I CHOS KYANG BSTAN PA YIN TE, BRGYAD STONG 'GREL CHEN LAS BYANG CHUB SEMS DPA' PHYOGS GTZANG MAR SKYIL MO KRUNG BCAS TE SANGS RGYAS DANG BYANG CHUB SEMS DPA' THAMS CAD LA DMIGS PA SNGON DU 'GRO @003A *, ,BAS; ZHES SOGS KYIS DE'I DGONGS PA BKRAL BA YIN ZHING, DER PHYOGS GTZANG MAR ZHES PAS GNAS KHANG BYI DOR BYAS SHING SKU GSUNG RTEN GYI RTEN DGRAM, MCHOD PA LEGS BAR BSHAMS NAS DANG BA 'DREN PA ZHIG BYED DGOS PA DE BSTAN, SKYIL MO KRUNG BCAS ZHES PAS LUS GNAD LHAG MA RNAMS DANG KUN SLONG LA BRTAG TSUL BSTAN, LHAG MAS SKYABS 'GRO SEMS BSKYED DANG TSOGS GSOG TSUL SOGS BSTAN PA SHIN TU GSAL BA'I PHYIR RO, ,DES NA SNGON 'GRO SBYOR BA'I CHOS DRUG PO 'DI DAG NI SHER PHYIN GYI MDO'I DON MNGON PAR RTOGS BA'I RGYAN GYI MAN NGAG BYANG CHUB LAM GYI RIM PA LAS GSAL BAR BYAS PA'I NYAMS LEN GYI SPYI SDOMS CHEN PO YIN BA SHES PAR BYA'O, ,DES NA 'DI LA DRUG ,GNAS KHANG BYI DOR BYAS SHING SKU GSUNG THUGS KYI RTEN DGRA MA PA, MCHOD PA GA-YO MED CING BKOD PA MDZES PAR BSHAM PA, BDE BA'I STAN LA SPYOD LAM TSUL MTHUN GYIS 'KHOD DE SKYABS 'GRO SEMS BSKYED BYA BA, TSOGS ZHING GSAL GDAB BA, YAN LAG BDUN PA 'BUL BA, 'DOD PA'I DON LA GSOL BA GDAB BA'O, ,DANG PO NI, GNAS KHANG BYI DOR BYED PA'ANG MDZES CHOS TZAM MA YIN BAR DER TSOGS ZHING RNAMS SPYAN 'DREN BA'I DON DU BKUR STI'I BSAM PA DANG, SPYOD YUL YONGS SU DAG PA'I MDO LAS @003B 'BYUNG BA LTAR RANG GZHAN GYI RGYUD KYI SGRIB PA'I NYAL NYIL RNAMS BSAL BAR MOS PA DANG, RGYAL SRAS KYI SPYOD PA'I SDOM CHEN PO RDZOGS SMIN SBYANG GSUM GYI YA GYAL SANGS RGYAS KYI ZHING SBYONG BA'I RGYUR DMIGS BA SOGS KUN SLONG JI TZAM RGYA CHE BA BZHIN PHYAGS MA RE RE BRGYAB PA LA'ANG PHAN YON TSAD MED PA 'BYUNG STE, RTAG DUS CHOS 'PHAGS LA BKUR STI BYA BA'I PHYIR SA RDUL GNON BYED LA RANG GI LUS KYI RTZA BO CHE RNAMS GTER NAS KHRAG GIS CHAG CHAG BYAS PA DANG, LAM CHUNG BAS RDUL PHYIS DRI MA PHYIS ZHES PA'I TSIG GNYIS BO BRJOD BZHIN DU PHYAG BDAR BYAS TE BDEN PA MTHONG BA'I LO RGYUS BZHIN NO, ,PHYAG BDAR BYED TSUL YANG CHU GTZANG GIS CHAG CHAG LEGS PAR GDAB LA RDUL MI LDANG BA BYED CING, DUG GSUM GYI RDUL DANG DES BSKYED PA'I LAS SGRIB KYI DRI MA'AM, YANG NA DES BSGOS PA'I BAG CHAGS SHES SGRIB KYIS BSDUS PA RNAMS BSAL BAR MOS NAS NGAG TU'ANG TSIG DE GNYI GA BRJOD BZHIN PAR PHYAG BDAR BYAS NA RTEN 'BREL GYI SGO YOD PAR RJE BTZUN YE SHES RGYAL MTSAN DPAL BZANG POS GSUNGS SO, ,SKU GSUNG THUGS RTEN DGRAM TSUL NI, RGYU'I BZANG NGAN DANG GSAR RNYING SOGS GTZO BOR MI BYED PAR BSTAN PA'I BDAG PO DANG RANG GI DRIN CAN RTZA BA'I BLA MA RJE BDAG NYID CHEN PO SOGS KYI SKU RNAMS DBUS DANG GONG DU 'BAB PAR BYAS; YI DAM SANGS RGYAS BYANG SEMS CHOS SRUNG SOGS KYANG GO RIM BZHIN DU BSGRIG ,SDUD BA YAN CHAD SHER MDO RE MED MI RUNG YIN ZHING, RGYUD SDE DANG THEG PA'I GO RIM BZHIN BZHUGS STABS BDE NA DE BZHIN BYED LA, LTA GRUB MI MTHUN BA'I DPE @004A *, ,SOGS DE'I GRANGS SU MI GZHUG ,THUGS KYI RTEN YANG SA TZTSA YAN CHAD CI 'BYOR RE NGES BAR DGOS SO, ,GAL TE SKU GSUNG THUGS RTEN GYI RIGS CI'ANG MA 'BYOR NA SHING NGAM GA-YAM PA LTA BU'I MAndAL GYI STENG DU DRI BZANG GI CHUS PHYUGS LA TSOM BU LNGA SOGS BKOD DE, DE'I STENG DU SKYABS YUL RNAMS BZHUGS PAR MOS BA BYAS NA CHOG PAS 'DI LA SGRUB PA'I MAndAL ZHES ZER RO, ,KHRID YIG SNGA MA 'GA' ZHIG TU TSOM BU LNGA'I DBUS MAR BLA MA, SHAR DU YI DAM, LHOR SANGS RGYAS, NUB TU BYANG SEMS NYAN RANG, BYANG DU MKHA' 'GRO CHOS SRUNG RNAMS GSAL 'DEBS PAR BSHAD PA BZHIN BYAS KYANG CHOG, ,'OG GI TSOGS ZHING GSAL 'DEBS TSUL DANG GO RIM MI MTSUNGS KYANG SKYON MED DE, 'DI NI SKU GSUNG THUGS RTEN DGRA MA RGYU'I 'DOD DANG MTSON BYED TZAM YIN PAS THAD KA THAD KAR JI BZHIN 'GRIG MI DGOS SO, ,GNYIS PA NI, MCHOD BA'I KUN SLONG KHE 'DOD GRAGS 'DOD TSE 'DI'I BDE SKYID SOGS KYI CHED DU DMIGS NA KUN SLONG GA-YO CAN YIN BAS DE LAS BZLOG STE THAR PA DANG THAMS CAD MKHYEN PA'I RGYUR DMIGS PA DANG, BSHAM TSUL YON CHAB LTA BU LA MTSON NA RGYAL PO CHEN PO'I GSOL DPON BZHIN THOG MTHAR PHRAL BAR DU SBOM PA KHA MTHO DMAN RAN PA ZHIG DGOS KYI, BO NA TSUL KHRIMS 'CHAL BA, MA GANG NA LONGS SPYOD DBUL BA, YA YOR SONG NA LAM LOG PAR GOL BA, RGYU GANG NGAN LA BYAS NA RANG GI PHUN TSOGS THAMS CAD 'GRIB BA SOGS NYAN SHIN TU CHE BAS, LONG BAS MIG LDAN LA MGO BSKOR GTONG BA @004B LTA BU BYAR MI RUNG BAR GSUNGS SO, ,MCHOD PA 'BUL BA'I TSE, AOm NA MO BHA GA WA TE, BADZRA S'A RA PRA MARDHA NI, TA TH'A GA T'A YA, AARHA TYE SA MYAKA SAm BUDDHA YA, TADYA TH'A, AOm BADZRE BADZRE MAH'A BADZRE, MAH'A TE DZA BADZRE, MAH'A BIDY'A BADZRE, MH'A BO DHI TZITTA BADZRE, MAH'A BODHI MAndO BA SAm KRA MAn BADZRE, SARBA KARMMA AA WA RA n'A BI SHO DHA NA BADZRE SV'A H'A, ZHES DE BZHIN GSHEGS PA RDO RJE RAB 'JOMS KYI GZUNGS SAM MCHOD PA'I SPRIN GYI GZUNGS BRJOD BZHIN BAR PHUL NA PHYOGS BCU'I SANGS RGYAS THAMS CAD KYI SPYAN SNGAR MCHOD PA'I SPRIN GYI PHUNG PO NAM MKHA' GANG BA 'BYUNG BAR GSUNGS PAS GAL SHIN TU CHE'O, ,GSUM PA NA, YUN RING POR SGOM SGRUB BYED PA LA RLAN SOGS KYIS MI GNOD PA'I PHYIR RLUNG RGYU TSUL YOD BA'I KHRI DRVA BA CAN, DE'I 'OG TU SA DKAR GYIS GA-YUNG DRUNG GA-YAS SKOR DU BRIS, STENG DU RTZVA DUR BA RTZE MO DBUS DANG RTZA BA PHYIR BSTAN NAS DGRA MA, NYUNG DU LAS MED NA RTZE MO MDUN DANG RTZA BA RGYAB TU BSTAN PAS CHOG CING, DGUN DUS LTA BUR MA RNYED NA DE'I RTZA BA BRKOS BA BTING BAS KYANG CHOG PAR GSUNGS SO, ,DE'I STENG DU 'BOL GDAN MDUN DMA' LA RGYAB CUNG ZAD MTHOB BTING, PHYED SKYIL BYED TSUL NI RKANG PA GA-YON PA NANG DANG GA-YAS PA PHYIR BYAS LA GNYI GA'I RKANG MGO GCIG GCIG GI 'OG TU SHONG BA LTA BU MA YIN PAR GSANG GNAS KYI TSAD DU SLEB PA BYA, LAG PA LTE 'OG SOR BZHI TZAM NA GA-YAS PA STENG DANG GA-YON PA 'OG TU BYAS TE MTHE BONG GNYIS KYI RTZE CUNG ZAD SBYAR BA MNYAM GZHAG GI PHYAG RGYA BYA, RKED PA DRANG POR BSRANG, MGRIN PA CUNG ZAD DGUG ,SO DANG MCHU RANG LUGS SU BZHAG ,LCE RTZE RKAN LA CUNG ZAD SBYAR, MGO MA YO BAR THAD KAR @005A *, ,BZUNG, MIG HA CANG MI DBYE HA CANG MI ZUM PA SNA RTZE DANG LTE BA'I BAR GYI NAM MKHA' LA GTAD, PHRAG PA GNYIS MTHO DMAN MED PAR BYA, 'DI 'DUN DANG 'OG NAS 'BYUNG BA'I RLUNG CHA MA LA 'BEB PA STE RNAM SNANG GI CHOS BRGYAD DANG LDAN PAR BYA, DE'ANG LUS KYI SPYOD LAM TSUL MTHUN BYUNG NA RTZA RNAMS RANG SOR GNAS SHING DE LA BRTEN PAS RLUNG DRANG POR RGYU BA'I STOBS KYIS SEMS GSAL ZHING BRTAN PA 'BYUNG NGO, ,SGRA BSGYUR MAR PAS BOD KYI MNANG GZAB ZAB THAMS CAD BSDOMS KYANG NGA'I SDOD TSUL GCIG PUR MI DO ZHES GSUNGS PA'I RGYU MTSAN YANG DE YIN LA, LUS GNAD DER YANG PHYI NANG GSAR BA'I DGOS PA GSUM GSUM YOD TSUL SOGS 'JAM MGON SA PAn GYIS GSUNGS SO, ,DE NAS KHA NANG DU BSKOR LA KUN SLONG 'CHOS PA GAL CHE STE, MNYAM MED JO BO CHEN POS, RTZA BA SMAN YIN NA YAL GA DANG LO MO'ANG SMAN YIN, RTZA BDUG YIN NA YAL GA DANG LO MA'ANG DUG YIN GSUNGS PA BZHIN, 'OG GI DGE SBYOR MTHA' DAG GNAD DU 'GRO MI 'GRO THOG MA'I KUN SLONG 'CHOS TSUL GYI LEGS NYES 'DI KHO NA LA LTOS YOD PAS, CHOS KYI DBU'I RGYA GAR SKAD BZHIN DU SGOM GYI THOG MA'I MGO 'DZUGS 'DI NAS RTEN 'BREL MA 'PHYUG PA ZHIG DGOS BAR PAn CHEN THAMS CAD MKHYEN PAS GSUNGS SO; ;DES NA BLE KHA NANG DU PHYOGS TE RANG RGYUD LA BRTAG PA'I TSE TSE 'DI'I BDE SKYID SNYAN GRAGS LA SOGS PA DON DU GNYER BA'I BSAM PA MNGON DU GYUR NA KUN SLONG MA DAG PA YIN, PHYI MAR BDE 'GRO LHA MI'I MNGON MTHO TZAM ZHIG DANG, RANG KHO NA'I CHED DU @005B DMAN PA'I MYANG 'DAS DON DU GNYER BA'I BSAM PA YOD NA DE'ANG KUN SLONG MA DAG PA YIN PAS, RLUNG 'GRO 'ONG LA BRTEN NAS KUN SLONG MA DAG PA DE SBYANG BAR BYA'O, ,DE'I TSUL NI SNA BUG NAS RLUNG PHYIR BTANG BA'I TSE KUN SLONG GI RTOG PA NGAN PA MTHA' DAG DU BA NAG PO'I RNAM PAR PHYIR THON NAS NAM MKHA'I DBYINGS SU YAL SONG SNYAM DU BSAM PA DANG, NANG DU RDUB PA'I TSE BLA MA SANGS RGYAS SRAS DANG BCAS PA'I MKHYEN BRTZE NUS GSUM GYI YON TAN THAMS CAD 'OD DKAR PO'I RNAM PAR RANG GI SNA BU GNAS ZHUGS TE SNYING GAR THIM PAS DGE SEMS KHYAD PAR CAN MNGON DU GYUR PA'I MOS PA BYA, DE'ANG RLUNG SNA BUG GA-YAS NA SAD LA BUS RDUB STE GA-YON NAS DAL BUS PHYIR GTONG BA LAN GSUM, GA-YON NAS RDUB STE GA-YAS NAS 'BUD PA GSUM, GNYI GA NAS RDUB STE GNYI GA NAS PHYIR GTONG BA GSUM BYA, 'DI LA RLUNG RO DGU PHRUGS SU BSAL BA ZER, DE NAS SNA BUG GNYI GNAS RLUNG NANG DU RDUB PA DANG PHYIR GTONG BA'I KHUG PA NYER GCIG 'GRANG NGO, ,DE NAS 'KHOR BA'I RGYA MTSO GTING DANG MTHA' MED PA 'DIR THOG MA MED PA ZHIG GNAS YUN RING LA SHUGS DRAG PA'I SDUG BSNGAL SNA TSOGS PAS MNAR ZHING, DA DUNG YANG JI TZAM ZHIG MYONG DGOS BA'I MTHA' MI ZIN LA, DE BZHIN DU SEMS CAN THAMS CAD KYANG SDUG BSNGAL MTHA' YAS BAS MNAR TSUL DANG SDUG BSNGAL CAN GYI SEMS CAN DE DAG KYANG RANG LA 'BREL MED BA ZHIG MA YIN PAR YANG NAS YANG DU MAR GYUR TE GNOD PA THAMS CAD LAS BSKYABS, PHAN PA THAMS CAD LA SBYAR BA'I DRIN MO CHE SHA STAG YIN, DES NA DE DAG GI SDUG BSNGAL SEL BA'I KHUR BDAG LA BABS KYANG DA LTA NI@006A *, ,NUS PA CI'ANG MED, DE THAMS CAD KYI DON BYED NUS PA RDZOGS PA'I SANGS RGYAS NYAG CIG YIN PAS, BDAG GIS 'DI DAG GI PHYIR DU SANGS RGYAS KYI GO 'PHANG RIN PO CHE CI NAS KYANG THOB PAR BYA SNYAM DU BSAMS LA SKYABS YUL GSAL GDAB PA NI, RANG GI SMIN MTSAMS KYI THAD KYI MDUN GYI NAM MKHAR SENG GE CHEN PO BRGYAD KYIS BTEG PA'I RIN PO CHE'I KHRI MTHO ZHING YANGS PA'I STENG KHAR SNA TSOGS PAD ZLA NYI MA'I DKYIL 'KHOR GYI GDAN LA, NGO BO RANG GI DRIN CAN RTZA BA'I BLA MA YIN PA LA RNAM PA RGYAL BA SH'AKYA THUB PA SKU MDOG GSER BCOM LTA BU DBU GTZUG TOR DANG LDAN PA, ZHAL GCIG PHYAG GNYIS GA-YAS SA GNON, GA-YON MNYAM GZHAG GI STENG NA BDUD RTZIS GANG BA'I LHUNG BZED BSNAMS PA, SKU LA CHOS GOS DUR SMRIG GI MDOG CAN GSOL BA, MTSAN DPES BRGYAN PA'I DVANGS GSAL 'OD KYI RANG BZHIN CAN, SKU LAS SKYES PA'I 'OD KYI PHUNG PO'I DBUS NA ZHABS GNYIS RDO RJE SKYIL KRUNG GIS BZHUGS PA, DE NYID KYI MTHA' SKOR DU DNGOS DANG BRGYUD PA'I BLA MA YI DAM SANGS RGYAS BYANG SEMS DPA' BO MKHA' 'GRO CHOS SKYONG SRUNG MA'I TSOGS KYIS BSKOR NAS BZHUGS PA, DE DAG RANG RANG GI MDUN NA GDAN KHRI PHUN SUM TSOGS PA LA RANG RANG GIS GSUNGS PA'I LUNG GI CHOS RNAMS 'OD KYI RANG BZHIN CAN GYI PO TI'I RNAM PA BRAG RI BRTZIGS PA BZHIN DU KHRA CHE MA ME YOD PA, RANG GI MTHA' SKOR DU PHA MA RIGS DRUG GI SEMS CAN SA'I DREG PA BZHIN SMUG SHIG GE YOD PA THAMS CAD KYANG 'KHOR BA'I SDUG BSNGAL LA 'JIGS PA DANG, DKON @006B MCHOG GSUM GYI YON TAN MTHONG NAS BLO LINGS KYIS KHEL BA'I DAD PA SHUGS DRAG PO SKYES PAR BSAMS LA, BDAG DANG 'GRO BA NAM MKHA'I MTHA' DANG MNYAM PA'I SEMS CAN THAMS CAD DUS 'DI NAS BZUNG STE BYANG CHUB SNYING PO LA MCHIS KYI PAR DU DPAL LDAN BLA MA DAM PA RNAMS LA SKYABS SU MCHI'O, ,SANGS RGYAS BCOM LDAN 'DAS RNAMS LA SKYABS SU MCHI'O, ,DAM PA'I CHOS RNAMS LA SKYABS SU MCHI'O, ,'PHAGS PA'I DGE 'DUN RNAMS LA SKYABS SU MCHI'O, ,ZHES BRGYA STONG SOGS BRJOD; DE'I TSE DNGOS BRGYUD KYI BLA MA RNAMS DANG, YI DAM SANGS RGYAS RNAMS DANG, CHOS PO TI RNAMS DANG, BYANG SEMS NYAN RANG MKHA' 'GRO CHOS SRUNG RNAMS KYI SKU LAS BDUD RTZI SNA LNGA 'OD ZER DANG BCAS PA'I RGYUN BABS RANG GZHAN THAMS CAD KYI LUS SEMS LA ZHUGS PAS THOG MED NAS BSAGS PA'I SDIG SGRIG SPYI DANG, KHYAD PAR DU BLA MA'I SKU LA BSNGOS PA DANG GSUNG BCAG PA THUGS DKRUGS PA SOGS BLA MA LA BRTEN PA DANG, DE BZHIN GSHEGS PA'I SKU BRNYAN BSHIG PA SOGS SANGS RGYAS LA BRTEN PA DANG, CHOS SPONG GI LAS SOGS CHOS LA BRTEN PA DANG, DGE 'DUN GYI DBYEN BYAS PA SOGS DGE 'DUN LA BRTEN PA'I NYES PA THAMS CAD SBYANGS TE DE DANG DE'I BYIN RLABS ZHUGS NAS SKYABS 'OG TU CHUD SONG SNYAM PA'I MOS PHA RIM BZHIN BYED, DE NAS, SANGS RGYAS CHOS DANG TSOGS KYI MCHOG RNAMS LA, ,BYANG CHUB BAR DU BDAG NI SKYABS SU MCHI, ,ZHES LAN GANG MANG BRJOD CING DMIGS PA NI, TSOGS ZHING THAMS CAD KYI SKU'I CHA LAS BDUD RTZI SNA LNGA'I RGYUN @007A *, ,BABS, DKON MCHOG GSUM LA BRTEN PA'I SDIG SGRIB THAMS CAD SBYANGS TE GSUM GA'I BYIN RLABS MA LUS PA THOB PA'I DMIGS PA BYED, DE RJES, BDAG GIS SBYIN SOGS BGYIS PA'I BSOD NAMS KYIS, , 'GRO LA PHAN PHYIR SANGS RGYAS 'GRUB PAR SHOG ,CES LAN GANG MANG BRJOD CING DMIGS PA NI, SBYIN PA LAS BYUNG BA DANG, TSUL KHRIMS LAS BYUNG BA DANG, BSGOMS PA SOGS LAS BYUNG BA'I DGE BA'I RTZA BA 'DI LA BRTEN NAS BDAG GIS SEMS CAN THAMS CAD KYI DON DU MYUR BA MYUR BAR YANG DAG PAR RDZOGS PA'I SANGS RGYAS KYI GO 'PHANG THOB PAR SHOG CIG ,BDAG GIS MA SEMS CAN THAMS CAD KYI DON DU MYUR BA MYUR BAR YANG DAG PAR RDZOGS PA'I SANGS RGYAS KYI GO 'PHANG RIN PO CHE CI NAS KYANG THOB PAR BYA, DE'I PHYIR DU SBYIN SOGS PHA ROL TU PHYIN PA DRUG DANG BSDU BA'I DNGOS PO BZHI LA SOGS PA'I RGYAL SRAS KYI SPYOD PA MTHA' DAG LA TSUL BZHIN DU BSLAB PAR BYA'O SNYAM DU SMON 'JUG GI SEMS BSKYED SHUGS DRAG BSGOMS PAS BLA MA THUB PA'I DBANG PO LAS RANG 'DRA GNYIS PA ZHIG CHAD NAS RANG NYID LA THIM PAS, RANG NYID KYANG BLA MA THUB PA'I DBANG PO'I SKUR LAM GYIS GYUR, RANG THUB PA'I DBANG POR GSAL BA'I SKU LAS 'OD ZER 'PHROS, MTHA' SKOR NA YOD PA'I SEMS CAN THAMS CAD LA PHOG PAS SEMS CAN THAMS CAD KYANG THUB PA'I DBANG PO'I GO 'PHANG LA BKOD PAR GYUR PA'I MOS PA BYAS TE SEMS BSKYED 'BRAS BU LAM KHYER GYI TSUL DU BSGOM, DE NAS TSAD MED BZHI BSGOM PA NI, SEMS CAN THAMS CAD NYE RING CHAGS SDANG DANG BRAL BA'I @007B BTANG SNYOMS LA GNAS PAR GYUR CIG SNYAM DU BTANG SNYOMS TSAD MED DANG, BDE BA DANG BDE BA'I RGYU DANG LDAN PAR GYUR CIG SNYAM DU BYAMS PA TSAD MED DANG, SDUG BSNGAL DANG SDUG BSNGAL GYI RGYU DANG BRAL BAR GYUR CIG CES SNYING RJE TSAD MED DANG, SDUG BSNGAL MED PA'I BDE BA DANG MI 'BRAL BAR GYUR CIG SNYAM DU DGA' BA TSAD MED BSGOMS LA, DE RE RE'I SKABS SU'ANG DE LTAR GYUR NA CI MA RUNG SNYAM PA DANG, DE LTAR GYUR CIG SNYAM PA DANG, DE LTAR BDAG GIS BYA'O SNYAM PA DANG, DE LTAR BYED NUS PAR BLA MA LHAS BYIN GYIS BRLAB TU GSOL SNYAM PA STE KHYAD PAR BZHI BZHI TSANG BAR BYA ZHING BDUD RTZI 'BEB SBYANG GI DMIGS PAS RANG GZHAN SEMS CAN THAMS CAD TSAD MED BZHI LA GNAS PAR GYUR SONG SNYAM DU MOS PA BRTAN PO BYED, DE NAS KHYAD PAR GYI SEMS BSKYED NI, MA SEMS CAN THAMS CAD KYI DON DU MYUR BA MYUR BAR YANG DAG PAR RDZOGS PA'I SANGS RGYAS KYI GO 'PHANG RIN PO CHE CI NAS KYANG THOB PAR BYA, DE'I PHYIR DU LAM ZAB MO BLA MA LHA'I RNAL 'BYOR GYI SGO NAS BYANG CHUB LAM GYI RIM PA'I KHRID BSGOM PA LA 'JUG PAR BYA'O SNYAM PA LAN MANG DU BYAS LA TSOGS ZHING RNAMS RIM GYIS BSDUS TE SMIN MTSAMS BYIN RLABS 'JUG PA'I SGO NAS THIM PAR BSAM MO, ,'JAM DPAL ZHAL LUNG GI 'KHRID LUGS LTAR NA DAL 'BYOR GYI CHOS SKOR MAN CHAD LA LTOS TE SBYOR BA'I CHOS DRUG 'BYUNG YANG, BSHES GNYEN BSTEN TSUL GYI DMIGS SKOR GTZO BOR BYED PA'I TSE SBYOR BA'I CHOS SNGA MA DE GSUM PO TZAM YIN GYI, MTSAMS 'DI NAS DNGOS GZHIR 'JOG DGOS, DE'I TSUL YANG BAR 'DIR BA SHES GNYEN @008A *, ,BSTEN PA'I PHAN YON, MA BSTEN PA'I NYES DMIGS, RTZA BA DAD PA SBYANGS SHING BKA' DRIN RJES SU DRAN TE BSAM PAS BSTEN TSUL GYI DMIGS RNAM LEGS PAR BSKYABS LA, DE NAS SBYOR BAS BSTEN TSUL BKUR STI DANG RIM GRO DANG RNYED PA DBUL BA SOGS KYI TSAB TU TSOGS ZHING GSAL BTAB NAS PHYAG 'TSAL BA, SKU KHRUS GSOL BA, MCHOD PA 'BUL BA SOGS BYAS PA YIN PAS PHYI MA GSUM LA SBYOR BA'I THA SNYAD MI 'THOB BO, ,DE BZHIN DU BDE LAM GYI KHRID RGYUN 'DI'I DBANG DU BYAS KYANG SBYOR BA'I CHOS DRUG TZAM LA THUN GYI DNGOS GZHI TSANG BAR BYAS TE BSKYANGS NA'ANG RUNG BAS, DE 'DRA'I SKABS SU'ANG DANG PO GSUM SBYOR BA DANG, TSOGS ZHING GSAL 'DEBS PA MAN CHAD LA DNGOS GZHIR 'JOG DGOS SO, ,DE LA BZHI BA TSOGS ZHING GSAL 'DEBS TSUL NI, SNGA MA BZHIN RANG GI MDUN GYI THAD DRANG GI NAM MKHA'I GNAS SU SENG GE CHEN PO BRGYAD KYIS BTEG PA'I RIN PO CHE'I KHRI MTHO ZHING YANGS PA ZHIG GI STENG KHAR SNA TSOGS PAD ZLA NYI MA'I DKYIL 'KHOR GYI GDAN LA, NGO BO RANG GI DRIN CAN RTZA BA'I BLA MA YIN PA LA RNAM PA RGYAL BA SH'AKYA THUB PA SKU MDOG GSER BCOM LTA BU DBU GTZUG TOR DANG LDAN PA, ZHAL GCIG PHYAG GNYIS GA-YAS SA GNON, GA-YON MNYAM GZHAG GI STENG NA BDUD RTZIS GANG BA'I LHUNG BZED BSNAMS BA, SKU LA CHOS GOS DUR SMRIG GI MDOG CAN MDZES PAR GSOL BA, MTSAN DPES BRGYAN PA'I DVANGS GSAL 'OD KYI RANG BZHIN CAN, SKU LAS SKYES PA'I 'OD KYI PHUNG PO'I DKYIL NA ZHABS GNYIS RDO RJE SKYIL KRUNG GIS BZHUGS @008B PA; BLA MA THUB PA'I DBANG PO'I THUGS KA NAS 'OD ZER BLA MA'I GRANGS DANG MNYAM PA STENG PHYOGS SU 'PHROS PA'I SNE MOR SENG KHRI PAD ZLA'I GDAN LA RGYAL BA RDO RJE 'CHANG LA NYAMS LEN BYIN RLABS BRGYUD PA'I BLA MA RNAMS KYIS BSKOR NAS BZHUGS PA, GA-YAS PHYOGS SU 'OD ZER 'PHROS PA'I SNE MOR PAD ZLA'I GDAN LA RJE BTZUN BYAMS PA LA RGYA CHEN SPYOD BRGYUD KYI BLA MA RNAMS KYIS BSKOR NAS BZHUGS PA, GA-YON PHYOGS SU 'OD ZER 'PHROS PA'I SNE MOR PAD ZLA'I GDAN LA RJE BTZUN 'JAM DBYANGS LA ZAB MO LTA BRGYUD KYI BLA MA RNAMS KYIS BSKOR NAS BZHUGS PA, MDUN PHYOGS SU 'OD ZER 'PHROS PA'I SNE MOR SENG KHRI PAD ZLA'I GDAN LA DRIN CAN RTZA BA'I BLA MA LA RANG LA DNGOS SU CHOS 'BREL YOD PA'I BLA MA RNAMS KYIS BSKOR NAS BZHUGS PAR BSAMS LA, MDUN GYI RTZA BA'I BLA MA DE NI ZHAL MJAL DUS KYI RNAM PA CAN DU BYED, TSOGS ZHING THAMS CAD DON NGO BO GCIG KYANG RTEN 'BREL GYI DBANG GIS RTZA BA'I BLA MA'I RNAM PA DE NYID BYIN RLABS 'JUG PA'I YUL GYI NYE SHOS YIN PAS, PHYAG MTSAN YANG SHES RAB RGYAS PAR 'DOD NA GLEGS RAL, TSE SPEL BAR 'DOD NA BDUD RTZIS GANG BA'I BUM PA, LONGS SPYOD KYI DON LA BDUD RTZIS GANG BA'I LHUNG BZED, NAD ZHI BA'I DON DU BDUD RTZI'I RGYUN 'BEBS BZHIN PA'I AA RU RA GSER MDOG ,TING NGE 'DZIN GTZO BOR BSGOM NA MNYAM GZHAG ,SNGAGS KYI RTOGS BRTZAL DU 'DON NA RDOR DRIL BSNAMS PA SOGS SU BYA ZHING, LAS SO SO LA SKU MDOG KYANG DE MTHUN BYAR RUNG NGO, ,DE'I MTHAR GSAL 'DEB RGYU'I CHOS 'BREL CAN GYI BLA MA ZHAL BZHUGS PA RNAMS LA GDAN GOS 'BOL @009A *, ,BRTZEGS PA DANG, 'DAS PA RNAMS LA PAD ZLA'I GDAN BYED CING, TSIGS BCAD GCIG GIS 'BREL THOGS BA YAN CHAD GRANGS BRTZIS TE MA CHAD PA SHIN TU GAL CHE'O, ,BLA MA RNAMS KYI PHYI ROL TU, GA-YAS SU GSANG 'DUS; GA-YON DU BDE MCHOG ,MDUN DU 'JIGS BYED, RGYAB TU DUS 'KHOR, MTSAMS RNAMS SU RGYUD SDE BZHI'I YI DAM GZHAN RNAMS DANG DE'I MTHA' SKOR DU BSKAL BZANG GI SANGS RGYAS STONG SOGS LONGS SPRUL RNAMS DANG, NYE BA'I SRAS BRGYAD SOGS BYANG CHUB SEMS DPA' RNAMS DANG, RANG RGYAL BCU GNYIS, GNAS BRTAN BCU DRUG SOGS NYAN RANG RNAMS LEGS PAR GSAL GDAB, DE DAG GI MDUN DU MYUR MDZAD YE SHES KYI MGON PO PHYAG DRUG PA RANG LA SPYAN HU RE BAR GZIGS NAS BZHUGS PA, RGYAB DANG GA-YAS GA-YON DU CHOS SKYONG SRUNG MA YE SHES PA RNAMS DANG, DE DAG GI PHYOGS BZHIR RGYAL CHEN BZHI 'KHOR DANG BCAS PA RNAMS BSTAN PA BSRUNG BA'I TSUL DU RANG RANG GI GDAN LA BZHUGS PA GSAL GDAB BO, , TSOGS ZHING DE THAMS CAD KYI THUGS KAR RGYAL BA RDO RJE 'CHANG YUM BCAS, DE'I THUGS KAR H'Um YIG STE SEMS DPA' SUM BRTZEGS CAN DU BSGOMS NA DGOS PA SHIN TU CHE LA, SEMS DPA' SUM BRTZEGS MA BYAS KYANG CHAD PA'I SKYON DU MI 'GYUR RO, ,NYAN RANG SOGS KYI THUGS KAR RDO RJE 'CHANG BSGOMS PA MA 'BREL SNYAM DU BSAM MI RIGS TE, DE THAMS CAD RTZA BA'I BLA MA GCIG PU'I RNAM 'PHRUL YIN PAS SPANGS RTOGS MCHOG DMAN MED CING, 'OG TU SO SO'I GNAS LNGAR @009B RIGS LNGA'I NGO BO 'BRU LNGA BSGOM PAR GSUNGS PA DANG YANG MTSUNGS PAS SO, ,DE DAG RANG RANG GI MDUN NA GDAN KHRI PHUN SUM TSOGS PA LA RANG RANG GIS GSUNGS PA'I LUNG GI CHOS RNAMS 'OD KYI RANG BZHIN CAN GYI PO TI'I RNAM PAR YOD PA, DE DAG GI PHYI ROL TU GANG LA GANG 'DUL GYI SPRUL PA'I BKOD PA BSAM GYIS MI KHYAB PA PHYOGS BCUR 'PHRO BA RGYAL PO CHEN PO'I PHO NYA'I 'GRO 'ONG BZHIN BAR MTSAMS MED PA LTA BUR BSAMS NE ME 'ONGS PA'I DUS SU LHUN GYIS GRUB BA'I 'PHRIN LAS MKHA' KHYAB TU 'PHRO BA'I RTEN 'BREL GYI SGO SHIN TU CHE'O, ,DE NAS GTZO 'KHOR DE THAMS CAD KYI SPYI BOR ME LONG LTA BU'I YE SHES DANG RNAM PAR SNANG MDZAD KYI NGO BO AOm DKAR PO, MGRIN PAR SO SOR RTOG PA'I YE SHES DANG 'OD DPAG MED KYI NGO BO A'A:DMAR PO, THUGS KAR CHOS DBYINGS YE SHES DANG MI BSKYOD PA'I NGO BO H'Um SNGON PO, LTE BAR MNYAM NYID YE SHES DANG RIN 'BYUNG GI NGO BO SV'A SER PO, GSANG GNAS SU BYA SGRUB YE SHES DANG DON 'GRUB KYI NGO BO H'A LJANG GUS MTSAN BAR BSAMS, , DE NAS BLA MA THUB PA'I DBANG PO'I THUGS KA'I H'Um LAS 'OD ZER 'PHROS TE, RANG BZHIN GYI GNAS NAS BSGOMS PA DANG 'DRA BA'I YE SHES BSPYAN DRANGS TE BSTIM, BLA MA DAM TSIG PA LA BLA MA YE SHES PA DANG, GSANG 'DUS DAM TSIG BA LA GSANG 'DUS YE SHES BA BSTIM PA TZAM MA YIN PAR, TSOGS ZHING GI GTZO BO'I BLA MA THUB PA'I DBANG PO NAS MTHA'I RGYAL CHEN BZHI'I PAR RE RE LA'ANG TSOGS ZHING THAMS CAD KYI YE SHES PA CHA TSANG BA RE BSTIM PA YIN TE, DE LTAR BYAS NA GNAS SKABS DE DAG LA @010A *, ,MCHOG DMAN DU 'DZIN BA'I 'DU SHES LDOG STE BLA MA GCIG PU'I RNAM 'PHRUL DU MTHONG NAS DAD PA DANG, RANG NYID SRID ZHI'I RGUD BA LAS SKYOB PA'I PHYIR RNAM PA MI 'DRA BA SNA TSOGS PA ZHIG BZUNG BA YIN PAR GO NAS GUS PA JE CHER 'GRO LA, LAM DUS SU 'DI LTAR BSKYANGS PA'I STOBS KYIS 'BRAS BU'I DUS NA RIGS RE RE LA'ANG RIGS THAMS CAD TSANG BA'I DAM PA RIGS BRGYA SOGS 'BYUNG BA YIN NO, ,YE SHES PA SPYAN 'DREN PA'I TSE SPRO NA, MA LUS SEMS CAN ZHES, SOGS KYI TSIGS BCAD KYANG BRJOD LA, DE NAS DZA:H'Um BAm HO:ZHES DGUG GZHUG BCING MNYES BYAS TE DBYER MED DU BSTIM, DE'ANG SPYIR THOG MED NAS BSAGS PA'I SDIG LTUNG TSAN CHE ZHING, KHYAD PAR DKOR SGRIB SOGS KYIS NON PA'I DBANG GIS SGOM SGRUB LA ZHUGS PA'I TSE NAG THOM GYIS SONG NAS SEMS MI GSAL BA LA KHRUS GSOL SOGS BYAS NA PHAN SHIN TU CHE BAS, DE'I BYED TSUL NI, TSOGS ZHING RNAMS KYI MDUN DU KHRUS KYI KHANG PA RIN PO CHE SNA TSOGS LAS GRUB CING, RGYA PHIB RIM PA GSUM DANG LDAN PA, NE'U GSING ME TOG BKRA BAS PHYOGS KUN MDZES SHING, RIN PO CHE'I LJON SHING RNAM PA SNA TSOGS PAS YONGS SU BSKOR BA, KHANG PA'I PHYOGS BZHIR SGO RE RE DANG, SGO SO SO'I MDUN DU KHRUS KYI RDZING BU GRU BZHI PA ME TOG SNA TSOGS PAS BRGYAN CING, 'OG GZHI GSER GYI PHYE MA BRDAL BA, PHYOGS RER RIN PO CHE'I THEM SKAS 'BAB STEGS KYI RNAM PAR YOD PA, NANG DU DRI ZHIM PO'I DAD LDANG BA'I SBOS CHUS YONGS SU GANG BA RE RE YOD PA, KHANG @010B PA'I DBUS SU SENG KHRI SOGS SNGAR LHA RU GSAL BTAB LA, KHRUS KYI KHANG PA SHIN TU DRI ZHIM PA, ,ZHIS SOGS BRJOD PAS TSOGS ZHING RNAMS NA BZA' MED PAR KHRUS KHANG GI NANG DU KHRI RNAMS LA 'KHOD PAR BSAM, RANG GI THUGS KA NAS LHA MO BUM PA THOGS PA DPAG TU MED PA SPRO BA'AM, YANG NA RANG LUS LHA GRANGS MNYAM PAR SPRUL NAS THAMS CAD KYIS LAG TU BUM PA THOGS TE RDZING BU RNAMS LAS CHU BLANGS NAS KHRUS GSOL BAS 'GRO BA'I SNANG NGOR DRI MA THAMS CAD DAG CING, THUGS RGYUD LA BDE STONG GI YE SHES KHYAD PAR CAN BSKRUN PAR BSAMS TE TSIGS BCAD RGYAS BSDUS CI RIGS PAS KHRUS GSOL ZHING, DE DAG SKU LA ZHES SOGS KYIS SKU DBYI BA SPEL MAR BYA, DE NAS DRI ZHIM PO'I LDE GUS SKU LUS LA BYUGS PAR MOS SHING, STONG GSUM KUN TU ZHES SOGS DANG, SPRUL SKU RNAMS LA CHOS GOS RNAM GSUM, LONGS SKU RNAMS LA LHA'I GOS KYI STOD GA-YOGS SMAD GA-YOGS DANG RIN PO CHE'I RGYAN, KHRO BO RNAMS LA STAG SHAM RUS RGYAN SOGS PHUL BAR BSAMS LA, SRAB 'JAM YANG PA ZHES SOGS DANG, RGYAL BA MTSAN DPE'I ZHES SOGS BRJOD, BDAG DANG 'GRO LA ZHES PA NAS BZHUGS SU GSOL ZHES BRJOD PA DANG MNYAM DU TSOGS ZHING RNAMS BYA KHYU 'PHUR BA BZHIN 'UR DIR GYIS BYON PA SNGAR GYI RANG RANG GI KHRI LA BZHUGS SHING, KHRUS KHANG MI DMIGS PAR GYUR PAR BSAM, KHRUS GSOL 'DI BREL DUS MA BYAS KYANG CHOG PA YIN NO, ,DE NAS LNGA PA BSAG SBYANG GI GNAD BSDUS PA YAN LAG BDUN PA MAndAL DANG BCAS PA 'BUL PA LA @011A *, ,PHYAG 'TSAL BA NI, SANGS RGYAS THAMS CAD 'DUS PA'I SKU, ,RDO RJE 'DZIN PA'I NGO BO NYID, ,DKON MCHOG GSUM GYI RTZA BA STE, ,BLA MA RNAMS LA PHYAG 'TSAL LO, ,PHUN TSOGS DGE LEGS BYE BAS BSKRUN PA'I SKU, ,MTHA' YAS 'GRO BA'I RE BA SKOR BA'I GSUNG, ,MA LUS SHES BYA JI BZHIN GZIGS PA'I THUGS, ,SH'AKYA'I GTZO BO DE LA PHYAG 'TSAL LO, ,BYAMS PA THOGS MED DBYIG GNYEN RNAM GROL SDE, ,MCHOG SDE DUL BA'I SDE DANG GRAGS PA'I SDE, ,SENG BZANG KU S'A LI GNYIS GSER GLING PA, ,RGYA CHEN SPYOD PA'I BRGYUD LA PHYAG 'TSAL LO, ,'JAM DBYANGS YOD MED PHYOGS 'JIG KLU SGRUB DANG, ,ZLA BA GRAGS PA RIGS PA'I KHU BYUG CHE, ,SANGS RGYAS DGONGS SKYONG 'PHAGS PA YAB SRAS TE, ,ZAB MO LTA BA'I BRGYUD LA PHYAG 'TSAL LO, ,THUGS RJE CHEN PO BDE GSHEGS RDO RJE 'CHANG, ,MCHOG GZIGS TE LO PA DANG N'A RO PA, ,DPAL MCHOG dOm BHI PA DANG AA TI SHA, ,NYAMS LEN BYIN RLABS BRGYUD LA PHYAG 'TSAL LO, ,ZHES SOGS LAM RIM BLA MA BRGYUD PA DANG, SANGS RGYAS BYANG SEMS RNAMS LA PHYAG 'TSAL GANG 'GRUB BYA, RGYAS PAR BYED NA LAM MCHOG SGO 'BYED KYI GSOL BA 'DEBS ZHES PA PHYAG 'TSAL DU BSGYUR CING, TSIGS BCAD GZHAN YANG CI RIGS PA BSNAN TE PHYAG DNGOS SU 'TSAL NA THOG MAR, NA MO MANYDZU SHRI YE, NAM:SU SHRI YE, NA MA:SU SHRI YE, NA MO AUTTA MA SHRI YE SV'AH'A, ZHES PHYAG STONG 'GYUR GYI SNGAGS 'DI'ANG LAN GSUM TZAM BRJOD NA @011B LEGS SO, ,PHYAG 'TSAL TSUL NI LUS THAMS CAD SA LA PHANG PA'I BRGYAD PHYAG TU GRAGS PA'AM, YANG NA YAN LAG LNGA'I PHYAG BYA STE, DE'ANG RKANG PA GNYIS GSHIB, THAL MO RAB SPYI BOR, 'BRING MGRIN PAR, THA MA SNYING GAR SBYAR, DE'ANG BCAR BCAR POR SBYAR BA MU STEGS KYI LUGS YIN PA DANG, SANGS RGYAS MI BZHUGS PA'I ZHING DU SKYE BAR 'GYUR BAS DE LTA BU MA YIN PAR MDZUB RTZE RNAMS SBYAR LAG PA'I MTHIL MA SBYAR BA BYA, PHAN YON SPYI GTZUG BA LTAR MI MNGON PA 'GRUB, DE NAS BRKYANG PHYAG DANG BSKUM PHYAG GANG YANG RUNG STE YAN LAG LNGAS LA PHAB NAS BTZAL DGOS KYI, MGO SA LA MI THUG PAR SGUR TZAM BYAS NA DMYAL BA MGO 'PHYANGS SU SKYE ZHING THAR NAS KYANG SGUR SKYON CAN DU 'GYUR, TSUL MTHUN DU PHYAG BTZAL BA'I PHAN YON LUS KYIS JI TZAM NON PA'I RDUL GYI GRANGS DANG MNYAM PAR 'KHOR SGYUR DU SKYE BAR GSUNGS PAS SLA CHOS SUM SONG BAR TSUL DANG MTHUN PA BYED DGOS SO, ,DE NAS RANG GI LUS GRANGS MED PA SOGS SU SPRUL PAR MOS LA, JI SNYED SU DAG CES SOGS GDON ZHING, MCHOD PA'I SKABS SU GZHAN NAS 'BYUNG BA'I CHU GNYIS NYER SBYOD 'DOD YON RGYAL SRID SNA BDUN SOGS KYI MCHOD 'PHRENG CI RIGS PA'ANG BSNAN NAS BYAS CHOG LA, BLA MCHOD SOGS NAS 'BYUNG BA LTA BU PHYI NANG GSANG BA DE KHO NA NYID KYI MCHOD PA CHA TSANG BAR BYAS NA'ANG PHUN SUM TSOGS PA'I YAN LAG TU 'GYUR RO, ,SNGAGS KYI SKABS KUN BZANG MCHOD SPRIN ZHES BA BDE STONG DBYER MED KYI YE SHES DE NYID MCHOD PA'I YO BYAD MTHA' YAS PA'I@012A *, ,RNAM PAR SHAR BA LA ZER ZHING, MDO LUGS KYI KUN TU BZANG PO'I MCHOD PA 'BUL TSUL NI PADMA 'DAB MA STONG DANG LDAN PA'I LTE BAR RANG NYID KUN TU BZANG PHO, 'DAB MA STONG LA KUN TU BZANG PO STONG, DE THAMS CAD KYI LAG PA THAL MO SBYAR BA'I BAR DU NOR BU RIN PO CHE RE RE, DE DAG LAS MCHOD PA'I SPRIN PHUNG BSAM GYIS MI KHYAB PA 'BROS PAS SANGS RGYAS KYI ZHING RANG 'BYAMS 'GENGS PAR BSAMS NAS 'BUL BA LA BYED DO, ,LAS DANG PO PHAL 'DI PHAN SHIN TU CHE'O, ,SDIG PA BSHAGS PA'I SKABS LTUNG BSHAGS DANG SPYI BSHAGS SOGS BYAS NA LEGS LA, DE'ANG GTZO BOR STOBS BZHI TSANG DGOS PHAS RTEN GYI STOBS NI SNGAR TSOGS ZHING GSAL BTAB PA DES 'GRUB LA, RNAM PAR SUN 'BYIN PA'I STOBS NI TSE THOG MA MED PA NAS SDIG LTUNG DPAG TU MED PA BSAGS PA RGYAL PO'I GAN MDZOD BZHIN DU SNA RE RE LA BLTAS NA'ANG 'GOD PA THOG MED NAS 'DI KHO NA BSAGS PAR 'DUG SNYAM PA'I TSOD LTA BU BSAM LAS 'DAS PA ZHIG YOD CING, SKYE BA 'DIR YANG SDOM PA GSUM SOGS KHAS BLANG RGYA CHE LA BSRUNG BA SNA GCIG KYANG SEMS LA 'RGON? RGYU MED PAS DBUGS ? BA 'DI CHAD MA THAG 'GROS DMYAL BA LAS MED PA RANG GI MYONG THOG NAS THAG CHOD PAR 'DUG ,,BSANG TZAM LA SHI YOD NAD TSOD DMYAL BA'I LCAGS KHANG DU MED MANG'UR RU RU SDUG BSNGAL GYI TSONG LHANG LHANG 'DABS BZHIN PAR YOD PAS BYA THABS MED KYANG, DA DUNG MA SHI BA 'DI KHA RJE CHE BAS 'JIGS PA DE LAS SKYOB PA'I SKYABS @012B SHIG MYUR BA MYUR BAR MA BTZAL BA'I THABS RANG MI 'DUG SNYAM DU BSAM, GNYEN PO KUN TU SPYOD PA'I STOBS BSLAB BTUS LAS MANG DU GSUNGS PAS, THUN MTSAMS SOGS CI RIGS PAR DE THAMS CAD LAG LEN DU THEBS PA DGOS KYANG, DNGOS GZHI'I SKABS 'DIR LTUNG BSHAGS SOGS GANG BYED PA DE'I TSE RNAM SMIN LA 'JIGS PA DANG, 'ON KYANG GNYEN PO DES DE SEL NUS PAR YID CHES PA SOGS BLO 'KHUL NGES PA DGOS SO, ,NYES PA LAS SLAR LDOG PA'I STOBS NI, SNGAR BYAS PA'I SDIG PA LA 'GYOD PA'I SGO NAS PHYIN CHAD SROG LA BAB KYANG MI BYED SNYAM PA'I SDOM SEMS DRAG PO BYA LA, PHYIN CHAD SPONG 'DOD MED PA'ANG YOD KYANG LAG LEN LA MI 'GEL BZHIN DU PHYIN CHAD SDOM MO ZHES KHAS LEN PA NI NYES PA MI 'DAG PA'I STENG DU RDZUN GYI NYES BAR 'GYUR BAS, SDIG LTUNG 'PHRAL DU SPONG THUB PA RNAMS NI NGOS ZIN MA THAG SPONG SDOM TSUL BZHIN DU BYA LA, GAL TE 'BRAL DU SLONG MI NUS PA RNAMS KYANG JI MI SNYAM PAR MI 'JOG PAR LO ZLA BA'I BAR RAM NYIN ZHAG RE'I BAR DU MI BYED SNYAM DU SDOM SEMS BYA ZHING LAG TU BLANGS PA DANG, BDAG GIS MYUR DU 'DI LTA BU SPONG NUS PAR SHOG CIG SNYAM DU SMON PA SOGS BYAS NAS RIM GYIS GOMS PAR BYAS NA SKABS SHIG DNGOS SU SPONG THUB PA NGES PAR 'BYUNG NGO, ,DER MA ZAD BLO'I GTING NA SPONG THUB SNYAM PA MED KYANG SKABS DER BLO BCOS NAS SPONG THUB SNYAM PA TZAM BYAS NA'ANG LTUNG THUN BYIN RLABS BYAS PAS LAS LA MI BSGRIBS PA LTAR SDIG PA DAG PA LA PHAN CHE BAS THABS MA BYUNG NA 'DI TZAM RE YIN KYANG BYA DGOS PAR SKYABS MGON RDO RJE @013A *, ,'CHANG CHEN POS GSUNGS SO, ,BSHAGS PA'I SKABS 'DIR SNGAR BYAS KYI NYES PA LA NYES BAR MTHONG BA'I RNAM PAR SUN 'BYIN PA DANG, PHYIN CHAD SDOM PA SLAR LDOG PA'I STOBS GNYIS PO 'DI GAL CHE BA'I DBANG GIS BSHAGS PA PHAL CHER KYIS KUN TU MTHONG SDOM DRIS PA YIN PAS DON 'DI GO PA'ANG GNAD SHIN TU CHE'O, ,KHA CIG 'KHOR BA THOG MA MED PA NAS SDIG PA BSAGS PA LA MTHA' MED PAS BSHAGS BSDAMS PHRAN TSOGS RES GO MI CHOD SNYAM PA NI LAS 'BRAS PAS MA TSUL MIN GYI, GNYEN PO LA YID MA CHES PA'I SKUR 'DEBS YIN PAS NYES DMIGS LHAG PAR CHE STE, NYES DMIGS 'BYUNG BAR YANG SANGS RGYAS KYIS GSUNGS PA YIN LA, BSHAGS NA 'DOG PAR YANG DES GSUNGS PA YIN PAS YID CHES BYED NA GNYI GA LA BYED DGOS TSUL PE'U BUM SNGON ME'I 'GREL PAR GSUNGS PA BZHIN NO, ,DE NAS RJES SU YI RANG NI TSOGS MYUR DU RDZOGS PA'I THABS MKHAS KHYAD PAR CAN YIN TE, 'GREL CHUNG DON GSAL LAS, RJES SU YI RANG YID LA BYED PAS NI RANG GZHAN GYIS DGE BA BYAS PA MNYAM PA NYID 'THOB BO, ,ZHES GZHAN GYI DKA' SPYAD DRAG PO'I SGO NAS LO DANG BSKAL PA MANG POR BSGRUBS PA'I DGE BA DANG, DE LA SNYING THAG PA NAS RJES SU YI RANG BYAS PA'I TSE BLO'I 'GYU BA GCIG GIS DE DANG MNYAM PA'I BSOD NAMS 'THOB NUS PAS BYA SLA ZHING DON CHE LA, DER MA ZAD YON TAN RIN PO CHE SDUD PA LAS NYAN RANG SOGS KYI DGE RTZA MTHA' DAG BYANG CHUB SEMS DPA'I RJES SU YI RANG GCIG GIS ZIL GYIS GNON PAR GSUNGS TE, 'DI @013B LA DGONGS NAS DBUS MTHA' RNAM 'BYED DU DAM PA BCU GNYIS KYI NANG NAS RJES SU YI RANG LA TSEGS MED PA DAM PA ZHES GSUNGS SO, ,DES NA RANG CAG BYANG CHUB SGRUB PAR KHAS 'CHE BA RNAMS KYIS GZHAN GYI DGE BA LA PHRAG DOG MED PAR RJES SU YI RANG BSGOM DGOS TE, DPER NA MU GE'I TSE PHA GCIG GIS BU MA BZHIG GSO DGOS PA LA, DE'I NANG NAS GCIG GIS RANG STOBS KYIS 'TSO BA RNYED NA 'DIS RANG MGO THON PA 'ONG BAR 'DUG SNYAM DU RANG GIS RNYED PA LAS KYANG DGA' BA LHAG PAR SKYE BA BZHIN NO, ,DES NA GNAS MA YIN PA DMAG 'KHRUG DANG GA-YO SGYU'I SPYOD PA SOGS LA RJES SU YI RANG GO LOG BYAS TE DON MED PAR RANG RGYUD SDIG PAS GANG BA MI BYED CING, DGE BA CHUNG NGU ZHIG LA MI BRNYAS PAR RJES SU YI RANG BYED DGOS TSUL RNAMS BSAM STE; PHYOGS BCU'I RGYAL BA KUN DANG ZHES SOGS BRJOD, DE NAS DNGOS SU MAndAL GYI STENG DU TSOM BU 'KHOR LO RTZIBS BRGYAD BA LTA BU DGOD LA, YID KYIS RANG NYID TSANGS PA CHEN POR MOS TE GSER GYI 'KHOR LO RTZIBS STONG DANG LDAN PA PHUL NAS, CHOS 'KHOR BSKOR BAR BSKUL ZHING ZHAL GYIS PA ZHES PAR BSAMS LA, GANG RNAMS PHYOGS BCU'I ZHES SOGS DANG, YANG MAndAL KHA GSOS TE LAG TU THOGS LA SENG GES BTEG PA'I RIN PO CHE'I KHRI SNA TSOGS RDO RJES MTSAN PA PHUL BAR BSAM ZHING MYA NGAN LAS MI 'DA' BAR GSOL BA BTAB NAS ZHAL GYIS BZHES PA'I DMIGS RNAM DANG BCAS, MYA NGAN 'DA' STON ZHES SOGS DANG, GNAS SKABS SU BSGRUB BZHIN PA'I DGE RTZA 'DIS MTSON DUS GSUM GYI DGE TSOGS MTHA' DGE CHUD MI ZA ZHING 'BRAS @014A *, ,BU DMAN PA'I RGYUR MI 'GYUR BAR MKHA' MNYAM SEMS CAN THAMS CAD KYI DON DU BLA MED BYANG CHUB KHO NA'I RGYUR BSNGO BA'I 'DUN PA DRAG PO DANG BCAS, PHYAG 'TSAL BA DANG ZHES SOGS BYA, DE'ANG YAN LAG BDUN PO 'DI'I NANG NAS PHYAG 'TSAL BA NGA RGYAL GYI GNYEN PO, MCHOD PA SER SNA'I, BSHAGS PA DUG GSUM GYI, RJES SU YI RANG PHRAG DOG GI ,CHOS 'KHOR BSKOR BAR BSKUL BA CHOS SPONG GI, MYA NGAN LAS MI 'DA' BAR GSOL BA 'DEBS PA BLA MA'I THUGS DKRUG PA SOGS KYI, BSNGO BA LOG LTA'I GNYEN POR 'GRO BA SOGS RANG RANG GI THUN MONG MA YIN PA'I SPANG GNYEN SBYOR LUGS DANG DGOS PA SGRUB TSUL 'GANG CHE BA RE YOD LA, RGYAL SRAS KYI SPYOD PA THAMS CAD KYANG YAN LAG BDUN PO 'DIR MA 'DUS PA MED PAR RJE NGAG DBANG BYAMS PA'I GSUNG ZIN BRIS SU 'BYUNG BA LTAR YIN PAS CHA THAMS CAD NAS NAN TAN SNYING POR BYA DGOS SO, ,DRUG PA 'DOD PA'I DON LA GSOL BA GDAB PA NI, DPER NA YUL GYI RGYAL PO SOGS LA ZHU DON GAL CHE BA ZHIG BYED BA'I TSE GSOL STON SOGS DRANGS ZIN PA'I RJES SU RANG GI SNYING NOR GCES BA ZHIG PHUL TE ZHU BA BYED PA BZHIN, 'DIR YANG 'DOD DON LA GSOL BA 'DEBS PA'I THOG MAR MAndAL 'BUL BA LA, RGYU NI GSER DNGUL ZANGS SOGS RIN PO CHE DANG; MA 'BYOR NA SHING RDO SOGS LAS BYAS PA CHE CHUNG GI TSAD RANG GIS RGYUN DU 'BUL RGYU LA KHRU GANG SOGS CHEN PO BYUNG NA LEGS, DE LTA BU'I STENG DU BA BYUNG GIS BYUGS, RANG GI MA THEB SRIN GYI DRI BZANG GI CHU BLANGS LA MTHE BONG DBUS SU @014B BZHAG STE SRIN LAG GIS SHAR LHO NAS NUB BYANG GI BAR DANG, DE NAS SRIN LAG DBUS SU BZHAG STE MTHE BOS NUB BYANG NAS SHAR LHO'I BAR BSKOR, MAndAL GYI DBUS STONG BAR BZHAG NA SANGS RGYAS MI BZHUGS PA'I ZHING DU SKYE BAR GSUNGS PAS, DE MA THAG DBUS SU TSOM BU GCIG BZHAG ,DE NAS AOm BADZRA BHU MI ZHES SOGS KYI SKABS SU TSIG RIS BZHIN GSER DKYIL LCAGS RI DANG BCAS PA'I DBUS SU RI RAB, STENG DU NYI ZLA, PHYOGS SU GLING DANG GLING PHRAN, RGYAL SRID SNA BDUN, GZHAN YANG LUS LONGS SPYOD DGE RTZA DANG BCAS PA GCIG TU BSDOMS NAS PHUL BAS DGYES BZHIN BZHES TE ZHING KHAMS RNAMS SU SPRUL PA'I BKOD PA STON PAR BSAM, MAndAL NYER GSUM MA 'DI NI 'DUS PA'I RTZA RGYUD LE'U BRGYAD PA LAS GSUNGS PA YIN ZHING, YONGS GRAGS LTAR SGEG SOGS LHA MO RNAMS BSNAN PA 'DI 'GRO MGON 'PHAGS PA'I DUS MDZAD PA YIN LA, BLOS LCOGS NA SPYOD 'JUG TU, NAM MKHA' RAB 'BYAMS KHAMS KYI MTHAS GTUGS PA, ,ZHES GSUNGS PA LTAR ZHING KHAMS MTHA' YAS PA BLOS BLANGS TE PHUL NA DE'I TSED KYI BSOD NAMS KYI TSOGS RDZOGS TSABS CHE LA, PHYI NANG GSANG BA DE KHO NA NYID KYI MAndAL TSANG BAR BYAS NA SHIN TU'ANG LEGS SO, ,DE NAS, DPAL LDAN RTZA BA'I BLA MA NAS, STZAL TU GSOL, ,ZHES BRJOD PAS, MDUN GYI RTZA BA'I BLA MA LAS RANG 'DRA GNYIS PA CHAD DE SPYI BOR BYON, RANG DANG KHA LTA PHYOGS MTHUN PAR BZHUGS PA'I SKU LAS BDUD RTZI'I RGYUN BABS PAS BLA MA LA BRTEN PA'I NYES TSOGS SBYANGS, RKANG PA PHYI MA LAN GNYIS PA BRJOD PAS DE'I BYIN RLABS ZHUGS SHING, DE NAS TSOGS ZHING RNAMS @015A *, ,LA NGA'I BU 'DI BRTZE BAS RJES SU ZUNGS SHIG CES NGO CHEN BYED PAR BSAM ZHING, 'DREN PA MNYAM MED STON PA BCOM LDAN 'DAS, ,RGYAL TSAB DAM PA RJE BTZUN MA PHA MA MGON, ,RGYAL BAS LUNG BSTAN 'PHAGS PA THOGS MED ZHABS, ,SANGS RGYAS BYANG SEMS GSUM LA GSOL BA 'DEBS, ,SANGS RGYAS BYANG SEMS GSUM LA GSOL BA 'DEBS, ,ZHES RKANG PA PHYI MA LAN GNYIS SU BRJOD PAS DANG PO'I TSE TSOGS ZHING SPYI DANG KHYAD PAR DU DE GSUM GA'I SKU LAS BDUD RTZI'I RGYUN BABS PAS THOG MED NAS BSAGS PA'I NYES LTUNG SDIG SGRIB THAMS CAD DANG, KHYAD PAR DU BYAMS SNYING RJE BYANG CHUB KYI SEMS SOGS RGYA CHE BA'I LAM GYI RIM PA RGYUD LA SKYE BA LA GEGS BYED KYI DRI MA THAMS CAD SBYANGS, LAN GNYIS PA'I TSE DE GSUM LAS RANG 'DRA GNYIS PA RE CHAD DE RANG LA THIM PAS RGYA CHE BA'I LAM GYI RIM PA DE DANG DE SKYE BA'I SNOD RUNG DU BYIN GYIS BRLABS BYUNG SNYAM DU BSAM, DE BZHIN DU RTZA BA'I BLA MA'I BAR RANG GIS THOB TSUL GYI BRGYUD RIM LTAR GYI GSOL 'DEBS BYED CING, ZAB MO LTA BRGYUD KYI SKABS SU BDAG GNYIS SU MTSAN MAR 'DZIN PA SOGS ZAB MO'I LAM GYI GEGS BYED SBYANGS PA'I DMIGS PA BYED PA TZAM MA GTOGS 'DRA'O, ,DE NAS BYIN RLABS SPUNGS ZHUS KYI TSE 'ANG, GUS PA CHEN POS BSTEN PAR BYIN GYIS RLOBS, ,ZHES PA LAN GNYIS BRJOD PA NA, DANG PO'I SKABS SU BSHES GNYEN LAM GUS PA SOGS KYI NYES LTUNG RNAMS SBYANGS SHING, GNYIS PA'I TSE DGE BA'I BSHES GNYEN BSAM SBYOR GNYIS KYI SGO NAS TSUL BZHIN DU BSTEN NUS PA'I RTOGS PA KHYAD PAR CAN @015B SKYES PAR BSAM, DES MTSON TE CHOS SKOR 'OG MA RNAMS LA'ANG DE DANG DE'I GEGS BYED SBYANGS SHING, DE DANG DE'I RTOGS PA SKYE RUNG DU BYIN GYIS BRLABS PAR BSGOM TSUL GYI DMIGS PHYED DGOS SO, ,THUN MONG LAM SBYANGS SNOD DU GYUR PA NA, ,ZHES SOGS KYI SKABS SU DMIGS RNAM SKYONG TSUL NI, SNGAR TSOGS ZHING THAMS CAD SEMS DPA' SUM BRTZEGS SU GSAL BTAB YOD NA DES 'THUS SHING, MED NA NYAMS LEN BYIN RLABS BRGYUD PA'I BLA MA RNAMS RDO RJE 'CHANG LA THIM, DE THUB DBANG GI SPYI GTZUG NAS MAR BYON TE THUGS KAR YE SHES SEMS DPA'I TSUL DU BZHUGS PA, DE'I THUGS KAR YI DAM GANG YANG RUNG BA'I RTEN BRTEN BA'I DKYIL 'KHOR GSAL GDAB, BLA MA'I PHUNG KHAMS SKYE MCHED SOGS KYANG BLA MCHOD LTAR RIGS LNGA YUM BZHI SOGS KYI NGO BOR BSAMS LA, DE NAS TING NGE 'DZIN GYI DBANG BZHI LEN TSUL LA RGYAS BSDUS GNYIS LAS, DANG PO NI, SLAR YANG YAN LAG BDUN PA DANG MAndAL MDOR BSDUS DBUL, BYANG SDOM DANG SNGAGS SDOM GZUNG, DE NAS TSOGS ZHING RNAMS KYIS DBANG BSKUR BA'I DGONGS PA MDZAD, BLA MA THUB DBANG DBYER MED PA'I THUGS KA NAS LHA MO BDUD RTZIS GANG BA'I BUM PA THOGS PA DPAG TU MED PA SPROS PA RNAMS KYIS BUM PA'I CHUS RANG GI SPYI BO NAS DBANG BSKUR BAS LUS KYI NANG THAMS CAD GANG, SDIG SGRIB THAMS CAD DAG , BUM PA'I DBANG THOB, GTZO BO'I THUGS KA'I RDO RJE 'CHANG YAB YUM SNYOMS PAR ZHUGS PA'I BYANG SEMS DKAR DMAR RANG GI LCE THOG TU BZHAG PA MYANG BAS RGYUD LA BDE STONG GI YE SHES KHYAD PAR CAN SKYES, RANG NYID SKAD CIG GIS RGYAL BA SH'AKYA THUB PA @016A *, ,SEMS DPA' SUM BRTZEGS CAN DU GYUR PAS GSANG BA'I DBANG THOB, GTZO BOS THUGS KA'I RDO RJE 'CHANG GI THUGS KA NAS RIG MA SPROS TE, RANG GI SNYING GA'I RDO RJE 'CHANG GI YUM LA THIM RDO RJE 'CHANG YAB YUM SNYOMS PAR ZHUGS PAS BYANG CHUB KYI SEMS SPYI BO MGRIN PA SNYING GA LTE BA GSANG GNAS RNAMS SU SLEB PAS DGA' BA BZHI DANG, KHYAD PAR DU BDE STONG DBYER MED LHAN SKYES KYI DGA' BA KHYAD PAR CAN RGYUD LA SKYES TE SHES RAB YE SHES KYI DBANG THOB, DE NAS BLA MA SH'AKYA THUB PA'I ZHAL NAS, KHYOD KYIS DBANG GSUM PA THOB PA'I SKABS SU RANG DANG RIG MA GNYIS KYI LUS 'DOD LHA YAB YUM DU SNANG BZHIN PA'I DUS NA SEMS LHAN CIG SKYES PA'I DGA' BAS DE KHO NA NYID KYI DON NGES PA GNYIS MNYAM DU YOD PA DE BZHIN DU, DON 'DI GOMS PAR BYAS PA LAS MTHAR RLUNG SEMS TZAM LA SGRUB PA'I LONGS SPYOD RDZOGS PA'I YE SHES KYI SKU RANG SNANG GI RIG MA DANG KHA SBYOR BA'I LUS CAN DANG, DE'I DUS NYID NA THUGS LHAN CIG SKYES PA'I DGA' BA DANG STONG PA NYID GNYIS RO GCIG TU ZHUGS PA'I 'OD GSAL THAMS CAD STONG PA GNYIS NGO BO DBYER MI BYED PA'I GNYIS SU MED PA'I YE SHES ZUNG 'JUG GI GO 'PHANG MNGON DU BYED DE, DE NI THOB BYA DON GYI DBANG BZHI PA YIN NO ZHES ZUNG 'JUG GI DON GDAMS PA NA RANG GI RGYUD LA GO BA LEGS PAR SKYES TE TSIG DBANG THOB PA'I MOS PA BYED DBANG BZHI LEN TSUL BSDUS PA BYED NA SDOM BZUNG MI DGOS SHING, BLA MA'I SPYI BO'I AOm LAS 'OD DANG BDUD RTZI DKAR PO'I TSOGS BYUNG, RANG GI SPYI BOR THIM PAS LUS KYI SGRIB @016B PA DAG NAS BUM DBANG THOB, LUS LHAR BSGOMS PA LA DBANG BAR BYAS SHING SPRUL SKU 'GRUB PA'I NUS PA BZHAG ,MGRIN PA'I A'A:LAS 'OD DANG 'DUD RTZI DMAR PO'I TSOGS BYUNG, RANG GI MGRIN PAR THIM PAS NGAG GI SGRIB PA DAG NAS GSANG DBANG THOB, SNGAGS BZLA BA LA DBANG BAR BYAS SHING LONGS SKU 'GRUB PA'I NUS PA BZHAG ,THUGS KA'I H'Um LAS 'OD DANG BDUD RTZI SNGON PO'I TSOGS BYUNG, RANG GI SNYING GAR THIM PAS YID KYI SGRIB BDAG NAS SHER DBANG THOB, TING NGE 'DZIN BSGOM PA LA DBANG ZHING CHOS SKU 'GRUB PA'I NUS PA BZHAG ,DE'I GNAS GSUM LAS 'OD ZER DKAR DMAR MTHING GSUM CIG CAR BYUNG, RANG GI GNAS GSUM DU THIM PAS SGO GSUM GYI SGRIB PA DAG NAS DBANG BZHI PA THOB, 'BRAS BU ZUNG 'JUG 'GRUB PA'I NUS PA BZHAG PAR BSAM, DE LTAR LAM BZANG ZHES SOGS KYI SKAB SU CHOS SRUNG RNAMS LAS RANG 'DRA'I SPRUL PA CHE CHUNG DPAG MED SPROS TE ZHAL NAS RIGS KYI BU KHYOD KYI 'GAL RKYEN THAMS CAD NGAS SEL, MTHUN RKYEN THAMS CAD PAS SGRUB CES GSUNG LHAR LHAR BRON NAD GDON SOGS SHA KHRAG GI RNAM BAR ZHAL DU GSOL, RANG GI GNAS LNGAR THIM PAS BAR CHAD GANG GIS KYANG MI TSUGS PAR BYIN GYIS BRLABS BYUNG SNYAM DU NGA RGYAL BRTAN PO BYED, MTSON CHAL BDUD RTZIR ZHU BAR BSAM, DE NAS SKYE BA KUN TU ZHES SOGS KYIS DON BSDUS NAS SMON PAS RGYAS 'DEBS BYA, DE RJES TSOGS ZHING BSDU BA NI, BLA MA THUB PA'I DBANG PO'I THUGS KA NAS 'OD ZER 'PHROS TE MTHA' SKOR NA BZHUGS PA'I ZHI KHRO RAB 'BYAMS THAMS CAD LA PHOG PAS MTHA' @017A *, ,NAS RIM GYIS 'OD DU ZHU STE, RGYA CHEN SPYOD BRGYUD DANG, ZAB MO LTA BRGYUD DANG, NYAMS LEN BYIN RLABS BRGYUD DANG, CHOS 'BREL DNGOS THOB KYI BLA MA RNAMS LA THIM, DE RNAMS KYANG 'OG MA 'OG MA NAS RIM GYIS ZHU STE, RGYA CHEN SPYOD BRGYUD BYAMS BA DANG, ZAB MO LTA BRGYUD 'JAM DBYANGS LA THIM, NYAMS LEN BYIN RLABS BRGYUD PA'I BLA MA RNAMS KYANG RDO RJE 'CHANG LA THIM, CHOS 'BREL DNGOS THOB KYI BLA MA RNAMS KYANG DRIN CAN RTZA BA'I BLA MA LA THIM, BYAMS 'JAM DBYANGS GNYIS THUB DANG NGAL THIM ZHING, GDAN MED ZLA GNYIS KYANG THUB PA'I SENG KHRI LA THIM, DRIN CAN RTZA BA'I BLA MA'ANG THUB PA'I DBANG PO'I THUGS KAR THIM, RDO RJE 'CHANG THUB PA'I DBANG PO'I SPYI BO NAS BYON, THUGS KAR YE SHES SEMS DPA' RDO RJE 'CHANG SNGAR BZHUGS PA LA THIM, THUB PA'I DBANG PO'I SENG KHRI BAR ZLA LA THIM, MTHAR THUB PO'I DBANG PO'ANG RANG GI SPYI BO'I DRIN CAN RTZA BA'I BLA MA LA THIM PAS, RANG GI SPYI BOR SENG KHRI PAD ZLA NYI MA'I DKYIL 'KHOR GYI GDAN LA, NGO BO RANG GI DRIN CAN RTZA BA'I BLA MA YIN BA LA, RNAM PA RGYAL BA SH'AKYA THUB LA SKU MDOR GSER BTZOM LTA BU X RDO RJE SKYIL KRUNG GIS BZHUGS PAR MOS LA, PHUN TSOGS DGE LEGS X MGOS PHYAG 'TSAL, DNGOS BSHAMS NYID SPRUL MCHOD PA MA LUS 'BUL; ;THOG MED NAS BSAGS SDIG LTUNG THAMS CAD BSHAGS, ,SKYI 'PHAGS DGE BA RNAMS LA RJES YI RANG, ,'KHOR BA MA STONGS BAR DU LEGS BZHUGS NAS, ,'GRO LA CHOS KYI 'KHOR LO BSKOR BA DANG, ,BDAG GZHAN DGE RNAM BYANG CHUB @017B CHEN POR BSNGO, ,GLING BZHI NYI ZLA RI RAB RIN CHEN BDUN, ,RIN CHEN MAndAL KUN BZANG MCHOD PA'I TSOGS, ,BLA MA YI DAM DKON MCHOG GSUM LA 'BUL, ,THUGS RJES BZHES NAS BYIN GYIS BRLAB TU GSOL, ,ZHES YAN LAG BDUN PA MAndAL DANG BCAS PA PHUL TE PHUR TSUGS GSOL 'DEBS BYA BA MI, SKU BZHI'I BDAG NYID BLA MA LHAG PA'I LHA, ,THUB DBANG RDO RJE 'CHANG LA GSOL BA 'DEBS, ,SGRIB BLA CHOS SKU'I BDAG NYID BLA MA LHA, ,THUB DBANG X BDE CHEN LONGS SKU'I BDAG NYID X X SNA TSOGS SPRUL SKU'I X X BLA MA KUN 'DUS BLA MA LHAG PA'I X X YI DAM KUN 'DUS LA X SANGS RGYAS KUN 'DUS X X DAM CHOS KUN 'DUS X X DGE 'DUN KUN 'DUS X X MKHA' 'GRO KUN 'DUS X X CHOS SKYONG KUN 'DUS X X SKABS GNAS KUN 'DUS BLA MA LHAG PA'I LHA, ,THUB DBANG RDO RJE 'CHANG LA GSOL BA 'DEBS, ,BDAG DANG MA SEMS CAN THAMS CAD 'KHOR BAR SKYES NAS YUN RING LA SHUGS DRAG PA'I SDUG BSNGAL SNA TSOGS PA ZHIG MYONG BA 'DI DGE BA'I BSHES GNYEN? BSAM SBYOR GNYIS KYI SGO NAS TSUL BZHIN DU MA BSTEN PAS LAN PAR 'DUG PAS, DA BDAG DANG MA SEMS CAN THAMS CAD KYIS DGE BA'I BSHES GNYEN BSAM SBYOR GNYIS KYI SGO NAS TSUL BZHIN DU BSTEN NAS PAR BLA MA LHA SBYIN GYIS BRLAB TU GSOL, ZHES GSOL BA BTAB PAS SPYI BO'I BLA MA LHA'I SKU'I CHA LAS BDUD RTZI SNA LNGA X KHYAD PAR DGE BA'I BSHES GNYEN BSAM SBYOR GNYIS KYIS TSUL BZHIN TU BSTEN PA LA GEGS BYED KYI SDIG SGRIB GNAD GDON DANG BCAS PA THAMS CAD BYANG ZHIN@018A *, ,DAG ,LUS DVANGS GSAL X KHYAD PAR DU'ANG DGE BA'I BSHES GNYEN BSAM SBYOR GNYIS KYI SGO NAS TSUL BZHIN DU BSTEN NUS PA'I RTOGS PA KHYAD PAR CAN RANG GZHAN SEMS CAN THAMS CAD KYI RGYUD LA SKYES PAR BSAM, 'DI NI BSHES GNYEN BSTEN TSUL GYI SNGON 'GRO SBYOR BA'I DBANG DU BYAS PA YIN LA, DMIGS SKOR BYE BRAG TU MA BCAD PAR LAM RIM SPYI TZAM GYI SNGON 'GROR BYED PA'AM, RE ZHIG CHOS DRUG PO 'DI TZAM SKYONG BA YIN NA, BDAG DANG MA SEMS CAN ZHES PA NAS, SNA TSOGS PA ZHIG MYONG BA 'DI LAM GYI RIM PA'I RTOGS PA TSUL BZHIN DU MA SKYES PAS LAN PAR 'DUG PAS, DE BDAG DANG MA SEMS CAN THAMS CAD KYI RGYUD LA BYANG CHUB LAM GYI RIM PA'I RTOGS PA MTHA' DAG TSUL BZHIN DU SKYED NUS PAR BLA MA LHAS BYIN GYIS BRLAB TU GSOL, ZHES GSOL BA BTAB PAS SPYI BO'I BLA MA LHA'I SKU'I CHA LAS BDUD RTZI SNA LNGA 'OD ZER DANG BCAS PA'I RGYUN BABS, RANG GZHAN SEMS CAN THAMS CAD KYI LUS SEMS LA ZHUGS PAS THOG MED NAS BSAGS PA'I SDIG SGRIB THAMS CAD DANG, KHYAD PAR DU LAM GYI RIM PA'I RTOGS PA SKYE BA LA GEGS BYED KYI SDIG SGRIB NAD GDON DANG BCAS PA THAMS CAD BYAD ZHING DAG ,LUS DVANGS GSAL 'OD KYI RANG BZHIN CAN DU GYUR, TSE DANG BSOD NAMS LA SOGS PA'I YON TAN THAMS CAD 'PHEL ZHING RGYAS, DGE BA'I BSHES GNYEN SANGS RGYAS DNGOS SU MTHONG BA NAS ZUNG 'JUG GI BAR GYI LAM GYI RTOGS PA MTHA' DAG RANG GZHAN SEMS CAN THAMS CAD KYI RGYUD LA SKYES RANG BSAM MO, ,DE NAS BLA MA RGYAL BA SH'AKYA THUB @018B PA LA PHYAG 'TSAL LO MCHOD DO SKYABS SU MCHI'O, ,ZHES LAN MANG DU GSOL BA BTAB PAS BLA MA THUB PA'I DBANG PO'I SKU LAS RANG 'DRA GNYIS PA ZHIG CHAD NAS RANG NYID LA THIM PAS RANG THUB PA'I DBANG PO'I SKUR LAM GYIS GYUR, ,RANG THUB PA'I DBANG POR GSAL BA'I SKU LAS 'OD ZER 'PHROS MTHA' SKOR NA YOD PA'I SEMS CAN THAMS CAD LA PHOG PAS SEMS CAN THAMS CAD KYANG THUB PA'I DBANG PO'I GO 'PHANG LA BKOD, RANG DANG SEMS CAN THAMS CAD THUB PA'I DBANG POR GSAL BA'I THUGS KAR ZLA BA'I DKYIL 'KHOR GYI STENG DU AA DKAR PO H'Um SER POS MTSAN PA'I MTHA' SKOR DU AOm MU NE MU NE MAH'A MU NA YE SV'AH'A, ZHES PAS BSKOR BA LA DMIGS NAS BZLAS PA CI MANG BYA, MJUG TU, DGE BA 'DI YIS MYUR DU BDAG ,BLA MA SANGS RGYAS 'GRUB GYUR NAS; ;'GRO BA GCIG KYANG MA LUS PA, ,DE YIS LA 'GOD PAR SHOG ,CES SOGS BSNGO SMON GYIS MTSAMS SBYAR BAR BYA'O, ,THUN MTSAMS SU'ANG DNGOS GZHI'I SKABS KYI DMIGS RNAM GYI RTZI MA YAL BAR BYA ZHING LAM RIM CHE CHUNG SOGS LA BLTA BA DANG, DRAN SHES BZHIN DANG LDAN PAS SGO GSUM BAG YOD PAR BYAS TE, SLAR YANG THUN RJES MA LA ZHUGS NA LAN RE BZHIN GYI SKYED THON PAS NYAMS RTOGS GONG DU 'PHEL TE DAL 'BYOR DON DANG LDAN PAR 'GYUR RO, ,ZAB RGYAS GDAMS PA'I CHU BO 'DUS PA'I BCUD, ,LAM BZANG TSUL BZHIN SGRUB PA'I 'JUG NGOGS MCHOG ,SGRUB PAR SLA ZHING SHIN TU DON CHE BA, ,SBYOR BA'I CHOS DRUG LAG TU BSTAR BA'I TSUL, ,ZHAL SHES MAN NGAG DU MAS RAB BRGYAN TE, ,SHIN TU GSAL @019A *, ,BAR BKOD PA'I DGE BA 'DIS, ,BDAG SOGS 'GRO KUN BYANG CHUB LAM BZANG DU, ,ZHUGS NAS SGRUB PA'I RGYAL MTSAN ZIN PAR SHOG ,CES BYANG CHUB LAM GYI RIM PA'I SNGON 'GRO SBYOR BA'I CHOS DRUG LAG TU LEN TSUL GSAL BAR BKOD PA LAM BZANG SGRUB PA'I 'JUG NGOGS ZHES BYA BA 'DI NI HAL HA KHU RE CHEN MO'I GRVA RIGS DAD LDAN DGE SLONG DKON MCHOG SANGS RGYAS KYIS BSKUL NGOR, BTZUN BA DKON MCHOG BSTAN PA'I SGRON MES 'PHRAL DU SBYAR BA'I YI GE PA NI SNGAGS RAM PA DKON MCHOG KUN DGA'O,, ,, @019B BLANK PAGE