@001A *, ,DGE LDAN PHYAG RGYA CHEN PO'I KHRID KYI ZAN BROS ZHAL LUNG BDUD RTZI'I THIGS PHRENG ZHES BYA BA BZHUGS SO, , @001B #, ,NA MO GU RU MANYDZU GHO shA HA SA BADZR'A YA, CHOS RNAMS KUN GYI RANG BZHIN PHYAG RGYA STE, ,DE DANG DBYER MED YE SHES PHYAG RGYA CHE, ,DE YI RANG MDANGS SMIN LEGS PHYAG RGYA STE, ,DE DANG MNYAM SBYOR BDE CHEN PHYAG RGYA CHE, ,RNAM MANG MING GI RNAM GRANGS MTHA' YAS KYANG, ,NGES DON DAM PA'I NGANG DU RO GCIG PAR, ,STON MDZAD BLA MA MCHOG GI ZHABS PAD LA, ,BTUD NAS ZHAL LUNG NOR BU'I PHRENG BA SPEL, , DE'ANG 'DI SKAD CES BDAG CAG GI STON PA THUB PA'I DBANG PO NYID KYIS DANG POR THUGS BSKYED PA NAS BZUNG SLOB PA'I SPYOD PA MTHA' DAG DANG, SANGS RGYAS NAS KYANG SKU GSUNG THUGS KYI MDZAD PA THAMS CAD GZHAN DON KHO NA LAS, RANG DON GYI 'KHRI BA CUNG ZAD KYANG MED LA, GZHAN DON SGRUB PA'I SGO MCHOG TU GYUR PA NI RJE BLA MAS GSUNGS PA LTAR GSUNGS GO MDZAD PA YIN ZHING, DE'ANG MTHA' YAS PA'I NANG NAS YANG RTZE NI 'KHOR LO @002A *, ,PAR BA SHER PHYIN GYI MRDO SDE 'DI NYID YIN PAR GSUNG BA'I RGYU MTSAN YANG, DNGOS BSTAN STONG NYID KYI RIM PA RIGS PA'I RNAM GRANGS MTHA' YAS PA'I SGO NAS STON PAS BRJOD BYA'I DBANG GIS YIN ZHING, SNGAGS LUGS LA DE NYID 'DZIN STANGS SU BYAS PA'I BDE STONG DBYER MED KYI YE SHES STON PA'I CHA NAS YIN NO, ,GANG LTAR YANG TSOGS GNYIS KYI NANG NAS YE SHES KYI TSOGS KYI RTZA BA DANG, THABS SHES GNYIS KYI NANG NAS SHES RAB GTZO BOR GYUR PA NI YANG DAG PA'I LTA BA YIN PAS, RJE BLA MAS KYANG, RJE BTZUN 'JAM PA'I DBYANGS LA BRTEN NAS DRIS LAN MANG DU MDZAD CING, DKA' BA DPAG TU MED PA SPYAD NAS GSAR DU RTOGS PA'I TSUL BSTAN TE LHAG MTHONG CHE CHUNG DGONGS PA RAB GSAL RTZA SHES t'IKA CHEN SOGS SU GSAL BAR MDZAD PA LAS, SNGON CHAD BOD 'DIR GRUB PA'I DBANG PHYUG RTOGS PA THUGS SU @002B 'KHRUNGS PA YOD KYANG DE NYID JI LTA BA BZHIN TSIG GI LAM NAS STON SHES PA MA BYUNG BA LTA BU YIN LA, RJE RANG GI SKU DUS SU, DBU MA CHEN PO BYA BA LAS, PHYAG CHEN GYI THA SNYAD DNGOS SUM MDZAD KYANG, RED MDA' BA'I DRIS YAN DU, THUN MONG MA YIN PA'I GDAMS PA ZHIG YOD KYANG DA DUNG SKABS SUM BAB BSAM BKOD GSUNG PA DE DGE LDAN PHYAG RGYA CHEN PO 'DI NYID YIN PAR YONGS 'DZIN RIN PO CHES GSUNGS SO, ,DES NA 'DI'I BRGYUD PA'ANG NYI BRGYUD DE'I DBANG DU BYAS TE RDO RJE 'CHANG NAS 'JAM DBYANGS; RJE BLA MA SOGS DBEN SA SNYAN BRGYUD KYI GO RIM LTAR LA, BSO BA'I SLOB MAR GRUB CHEN CHOS RDO RJE 'DI NYID DANG, DPAL LDAN RDO RJE, KHAMS PA RIN CHEN RDO RJE STE, RDO RJE MCHED GSUM ZHES DGE LUGS PA'I GRUB THOB CHEN PO GSUM BYUNG BAR GSUNG ZHING, 'DI MDO SMAD NAS GZA' MI GNYIS DBUS SU SONG BA'I LAM KHAR SKYES PA BYIS PA'I DUS NAS SKAL LDAN DU DGONGS TE BSKYANGS SHING, SLAR SNYAN RGYUD KYI GDAMS PA'I BDAG POR GYUR PA; DA LTA'ANG SKU LUS MA SPANGS PAR JO MO LHA RIR BZHUGS PA LAS DAG RNAMS KYIS MJAL DU YOD PAR GSUNG, GNAS BCU BA DGE 'DUN RGYAL MTSAN NI PHYAG RGYA CHEN BSKUL BA PO'ANG YIN LA, GTZO BOR RVA SGRENG DU SGRUB PA MDZAD, 'OG GI BLO BZANG 'PHRIN LAS BYA BA 'DI LHA PHA ZHABS DRUNG ZHES THUGS RUS CHE ZHING ZHAL TSABS RGYAL DBANG RNAM THAR NA ZUR MANG DU YOD PA DE NYID KYI DBON PO MDO SNGAGS YONGS RDZOGS KYI MKHAS BA ZHIG YIN ZHING GRUB DBANG BLO BZANG @003A *, ,RNAM RGYAL KYANG PHYAG CHEN GYI BKA' BAB MKHAS GRUB GNYIS 'DZOM GYI SKYES CHEN KHYAD PAR CAN YIN TE, RNAM THAR RGYAS PA YONGS 'DZIN RIN PO CHE'I GSUNG DU YOD PA LTAR YIN, YONGS GRAGS KYI MTSAN LA BKA' CHEN MI ZHES ZER, YONGS 'DZIN RIN PO CHE NI BYIS PA CHUNG DU NAS NGES 'BYUNG DANG SKYO SHAS KYIS BSKUL TE DBEN PA'I GNAS SU SGRUB PA GTZO BOR MDZAD, DENG SANG BSTAN PA'I RTZA BA GZHAN DANG MI 'DRA BA'I YA MTSAN CAN DU 'DUG PA DANG CHOS 'DI'I BKA' BAB YIN PA'I GNAD KYIS BDAG GIS KYANG ZHUS NAS BLA MCHOD DANG SGRAGS MA 'DI NYID GNANG BA YIN GYI, SNGAR DPON SLOB BYAMS PA RIN PO CHE DANG, SKYABS MGON PAn CHEN RIN PO CHE RNAM GNYIS LAS PHYAG CHEN KYI KHRID THOB KYANG BLA MCHOD DANG SBRAGS MA MIN PAS, 'DI BLA MA YONGS 'DZIN PA'I PHYAG LEN LTAR LA, RTZA TSIG LAS, NA MO MHA'A MU DR'A YA, ZHES NA MI NI PHYAG 'TSAL BA, MHA'A CHEN PO, MU D'A PHYAG RGYA STE BGEGS ZHI BA SOGS KYI PHYIR DU PHYAG RGYA CHEN PO LA PHYAG 'TSAL BA YIN, DE NAS SHO LO KA DANG PO MCHOD PAR BRJOD PA'I RKANG BA DANG PO, KUN KHYAB KUN GYI RANG BZHIN PHYAG RGYA CHE, ,ZHES 'DUS BYAS 'DUS MA BYAS KUN LA KHYAB CING, DE THAMS CAD KYI RANG BZHIN NAM GNAS LUGS MTHAR THUG TU GRUB PA, RGYAL BA'I YUM CHEN MO RANG BZHIN GYI SHER PHYIN TE YUL PHYAG RGYA CHEN PO DANG, RKANG PA GNYIS PAS YUL CAN GYI PHYAG RGYA CHEN PO BSTAN TE, DE YANG DBYER MED CES GANG DANG DBYER MED PA @003B YIN NA YUL PHYAG RGYA CHEN PO DE DANG DBYER MED BA CHU LA CHU BZHAG PA BZHIN RO GCIG TU GYUR BA DANG, BRJOD BRAL NI SPYIR CHOS NYID BRJOD BYA YIN KYANG, BU RAM GYI RO MNGAR BA LCE SHES KYIS JI LTAR MYONG BZHIN TSIG GIS BRJOD DU MED PA DANG, LAG PA ME SE TSIG PA'I TSA REG LUS KYIS JI LTAR MYONG BA LTAR BRJOD DU MED PA BZHIN, 'DIR YANG MNYAM GZHAG YE SHES KYIS JI LTAR GZIGS PA BZHIN TSIG GI LAM NAS BRJOD DU MED LA, SEMS KYI RDO RJES ZHES PA'I THA SNYAD SNGAGS LUGS LA CIS KYANG YOD LA, MDO PHYOGS SU'ANG KLU SGRUB KYI BSTOD TSOGS SU SEMS KYI RDO RJE LA BSTOD BZHES DE'I THA SNYAD MDZAD, DBYINGS ZHES BA YUL GYI SGO NAS BTAGS PA YIN PAS, GTZO BO NI PHYI MA YUL CAN PHYAG RGYA CHEN PO 'DI NYID YIN PAS, DE STON PA'I BLA MA MKHAS GRUB SANGS RGYAS YE SHES LA PHYAG MDZAD PA YIN, SHO LO KA GNYIS PAS RTZOM PAR DAM BCAS TE DBEN SA SNYAN BRGYUD KYI MAN NGAG LAS RIM PAR BYUNG YANG CHER MA GRAGS PA, PAn CHEN RANG GIS SPEL BA YIN PAS, 'DI'I KHRID NYAMS SU LEN PA LA, SBYOR DNGOS MJUG GSUM LAS, DANG PO BSTAN DANG THEG CHEN LA, , 'JUG PA'I SGO DANG GZHUNG SHING PHYIR, ,KHA TZAM TSIG TZAM MA YIN PAS, ,SKYABS 'GRO SEMS BSKYED NAN TAN BYA, ,ZHES SOGS DGE LUGS DANG BKA' BRGYUD GONG MA RNAMS LA'ANG YONGS SU GRAGS BSNGON 'GRO'I KHRID CHEN BZHI ZHES, BSTAN PA'I 'JUG SGO SKYABS 'GRO DANG, THEG CHEN GYI SGO'AM GZHUNG SHING SEMS BSKYED GNYIS BSDOMS PA SKYABS 'GRO'I KHRID, GNYIS PA MAndAL NI RTZA BAR DNGOS SU MTHON YANG, SEMS KYI CHOS NYID MTHONG BA YANG, ,TSOGS BSAGS SGRIB SBYONG LA LTOS PAS, ,ZHES GSUNGS @004A *, ,BA'I SHUGS LA BSTAN TE, TSOGS GSOG PA'I SGO MAndAL GYI KHRID, SDIG PA SBYONG BA'I SGO RNGOR SEMS BSGOM BZLAS KYI KHRID, BYIN RLABS 'JUG PA'I SGO BLA MA'I RNAL 'BYOR GYI KHRID RNAMS SU YOD PAS DANG PO LA'ANG GNAS KHANG BYI DOR BYAS TE SKU GSUNG THUGS KYI RTEN BKRAM, MCHOD PA GA-YO MED CING BKOD PAS MDZES BAR BSHAM PA SOGS LAM RIM LAS BYUNG BA LTAR BYAS, DE NAS 'JAM ZHING 'BOL BA'I STAN RGYAB MTHO ZHING MDUN DMA' BA DE LTA BU LA RDO RJE SKYIL KRUNG NGAM SKYIL KRUNG PHYED PAS GNAS LA LUS DRANG POR BSRANGS TE RNAM SNANG GI CHOS BDUN LDAN DU BYA DGOS PAS LUS BSROD TSAD NI, SNA RTZE NAS RDE'U 'PHANG BA LTE BA'I THAD DU 'BAB DGOS PAR YONGS 'DZIN GSUNG, DE'I DGOS PA'ANG LUS DRANG POR GNAS PAS RTZA DRANG POR 'ONG DES RLUNG DRANG POR RGYU, DES RNAM RTOG GYA GYU DE 'DRA MED PAR SEMS RNAL DU GNAS PA YONG BA YIN, DE NAS RANG GI SEMS LA BRTAGS TE, PHYIN CI LOG GI BLO SNA DE 'DRA RGYU BAR 'DUG NA RLUNG RO DGU PHRUGS LA SOGS PAS BSAL TE MNO BSAM LEGS PAR GTONG DGOS, DE'ANG SKYABS 'GRO'I KHONGS 'DIR SKYES BU CHUNG 'PHRING GI LAM RIM DANG, SEMS BSKYED KYI KHONGS SU RGYU 'BRAS MAN NGAG BDUN SOGS SKYES BU CHEN PO'I CHOS SKOR 'GRO DGOS, ZHES BLA MA YONGS 'DZIN RIN PO CHE GSUNG NGO, , DANG PO SKYABS YUL TSOGS ZHING GSAL 'DEBS TSUL NI, MDUN GYI NAM MKHAR DPAG BSAM GYI SHING YAL GA DANG LO MA DANG ME TOG 'BRAS BU PHUN SUM TSOGS PA YANGS SHING RGYA CHE BA, 'DAB MA 'OG MA RNAMS THUR DU 'PHYAG ZHING, GONG MA GONG MA RNAMS GYEN DU @004B PHYOGS PA'I RTZE MOR SENG KHRI'I STENG DU RTZE BA'I BLA MA DE NYID SKU'I RNAM PA SKABS 'DIR RJE RIN PO CHE'I RNAM PAR GSAL 'DEBS DGOS SHING, DE'I THUGS KAR THUB DBANG, DE'I THUGS KAR RDO RJE 'CHANG GSAL 'DEBS PA 'DI DBEN SA SNYAN BRGYUD KYI MAN NGAG YIN PAS, BLA MA THUB DBANG RDO RJE 'CHANG RANG ZER BA'I RTZA BA DE LA THUG PA YIN, DE'I THUGS KA NAS GA-YAS PHYOGS SU 'OD ZER GCIG GNYIS BZHI SOGS 'PHRES PA'I SNE MOR RGYA CHEN SPYOD BRGYUD KYI BLA MA RNAMS DANG, GA-YON DU RIM PA BZHIN 'PHROS PA'I SNE MOR ZAB MOR LTA BRGYUD, MDUN DU RTZA BA'I BLA MA RGYUN GYI SKU'I RNAM PA CHOS 'BREL YOD PA'I BLA MA RNAMS KYIS BSKOR BA, RGYAB TU NYAMS LEN BYIN RLABS BRGYUD PA, RIM PA GNYIS PA'I MDUN DU RDO RJE 'JIGS BYED, GA-YAS SU GSANG 'DUS, RGYAB TU DUS 'KHOR RAM DGYES RDOR, GA-YON DU 'KHOR LO BDE MCHOG SOGS BLA MED KYI LHA TSOGS, DE'I 'OG MAR KUN RIG ,DPAL MCHOG RTZE MO SOGS RNAL 'BYOR RGYUD KYI LHA TSOGS, DE'I 'OG MAR RNAM SNANG MNGON BYANG DANG SPYOD RGYUD DU GTOGS PA'I PHYAG RDOR SOGS SPYOD RGYUD KYI LHA TSOGS, DE'I 'OG TU THUB PA DAM TSIG GSUM BKOD SOGS BYA RGYUD KYI LHA TSOGS, DE'I 'OG TU SANGS RGYAS STONG LA SOGS PA PHYOGS BCU'I SANGS RGYAS, DE'I 'OG TU NYE BA'I SRAS CHEN BRGYAD SOGS SEMS DPA'I DANG SEMS MA, DE'I 'OG TU RANG RGYAL BCU GNYIS SOGS RANG RGYAL BA CHEN PO RNAMS DANG, DE'I 'OG TU GNAS BRTAN BCU DRUG SOGS NYAN THOS KYI TSOGS, DE'I 'OG TU DPA' BO MKHA' 'GRO ,DE'I 'OG TU CHOS SRUNG STE RIM PA BCU GCIG DANG, DE DAG GIS GSUNGS PA'I CHOS RNAMS RANG RANG GI MDUN NA @005A *, ,GLEGS BAM GYI RNAM PAR BZHUGS PA GSAL GDAB DGOS, RTZOD PA'I TSE CHOS DKON MCHOG LA 'GOG LAM GANG RUNG DGOS ZER YANG, DMIGS RNAM SKYONG DUS, DE MA GTOGS LUNG GI CHOS RNAMS JA BSKOL BA'I JA RO LTA BUR SNYING PO MED PAR BZUNG NA CHOS SPONG DU 'GRO BAS, KUN RIG GI CHO GAR YANG, BLO MCHOG RNAMS KYI KUN DGA' RA BA STE, ,ZHES SOGS, LUNG GI CHOS LA GTZO BOR GSUNG BA BZHIN BYE DGOS, DE DAG GI THOG MAR RANG SDUG BSNGAL GYIS MNAR TSUL BSAM PA LA RAG LAS PAS, DE NI DPAL CHOS KYI GRAGS PAS, SDUG BSNGAL 'KHOR BA CAN PHUNG PO, ,ZHES LAS NYON GYI PHUNG PO 'DI KA RANG SDUG BSNGAL GYI MTSAN GZHIR BZUNG NAS, DE RGYU MTSAN CI YIN NA, 'GREL RGYAG PA'I SKABS SU, DE CHOS CAN; SDUG BSNGAL YIN TE, LAS NYON GYI GZHAN DBANG CAN YIN PA'I PHYIR ZHES LAS DANG NYON MONGS PA'I DBANG GIS SKYE BZHIG BLANGS PHYIN CHAD GNAS SKABS SDUG BSNGAL GYI SDUG BSNGAL MNGON GYUR BA YOD MED GANG YIN KYANG PHUGS SDUG BSNGAL LAS MA 'DAS PAS 'CHING BA'AM, 'CHING THAG LTA BU YIN, YONGS 'DZIN RIN PO CHES SRID RTZE NAS MNAR MED KYI BAR GYI SNOD BCUD 'DI THAMS CAD SDUG BSNGAL YIN GSUNGS PA YIG CHA SOGS SU MI GSAL YANG GO RGYU CHEN PO ZHIG YOD PA 'DRA, DES NA NGA RANG TSO'ANG DA LTA SDUG BSNGAL GYIS NO NA YOD PA LA BSAM BLO MA THONG BAS YAM ME YOM ME ZHIG LAS MA SHES PA YIN, 'GRO BA GZHAN GYI SDUG BSNGAL MI DGOS, MI'I MNGAL SGO 'GRIM PA'I SKABS 'DI LA'ANG, DANG PO MNGAL GYI GNAS SHIN TU DOG CING MUN NAG LA @005B DRI NGA BA, LJAN LJIN GYIS GANG BA'I BTZON RA LTA BU NYAM NGA BA DE 'DRA BAR YUN RING DU GNAS PA'I MTHAR LAS KYI RLUNG GIS 'DAS TE PHYI ROL TU BTZAS PA NA'ANG, TSOR DONG DU BCUG PA LTA BU DANG, 'KHYAG DONG DU BCUG PA LTA BU'I SDUG BSNGAL BZOD GLAGS MED PAR YOD LA, NAR SON NAS KYANG 'BYOR PA CAN RNAMS GSOG BSRUNG DANG, DBUL 'PHONG RNAMS 'TSOL SGRUB KYI SDUG BSNGAL GNYEN MDZA' BA DANG BRAL GYIS DOGS PA DGRA SDANG BA DANG PHRAD KYIS DOGS PA GZHAN YANG NAD LA SOGS PA'I SDUG BSNGAL MTHA' YAS PA ZHIG YOD LA, DA LTA NGAN SONG GI SDUG BSNGAL DNGOS SU MA MYONG YANG DER SKYES PA'I RGYU TSOGS TSANG BAR YOD PAS SHI MA THAG TU NGAN 'GROR 'GRO BA LAS 'OS MED CING, DER SKYES NA LO STONG PHRAG MANG PO'I BAR DU TSA GRANG BKRES SKOM GLEN LKUG SOGS KYI SDUG BSNGAL BSAM GYIS MI KHYAB PA MYONG DGOS TSUL DANG, BRGYAL BDE 'GROR SKYES KYANG, LHA MA YIN RNAMS LHA DANG PHRAG DOG GI DBANG GIS 'THAB BAS LUS BCAD CING RAL BA'I SDUG BSNGAL, KHAMS 'OG MA'I LHA LA 'CHI LTAS KYIS PHOG PA SOGS KYI SDUG BSNGAL, KHAMS GONG MAR SDUG BSNGAL DNGOS SU MED KYANG DPER NA ME LCAGS DANG SPRA BA SOGS LA ME DNGOS SU MED KYANG ME'I SA BON YOD PAS SLAR RKYEN 'DZOM PA NA ME 'BYUNG BA BZHIN, SLAR SNYOMS 'JUG GI 'PHEN PA ZAD DE LAS GZHAN GYI SA BON SMIN PA NA, NGAN SONG GSUM LA SOGS PAR SDUG BSNGAL 'KHOR MED MYONG TSUL BSAM NAS, 'KHOR BA MTHA' DAG LAS YID LOG PA'I NGES 'BYUNG SHUGS DRAG PO DANG, DE LAS SKYOB PA'I SKYABS DKON MCHOG GSUM LA BLO BKAL NAS SLAR SKYE SRID DU NYING MTSAMS SBYOR @006A *, ,MI DGOS PA ZHIG MA BYAS NA, DAL 'BYOR THOB PA CHUD ZOS SU SONG BAR 'DUG SNYAM DU BSAMS TE, RGYAL SRAS ZHVI BA LHAS KYANG, 'DI 'DRA'I DAL BRNYED GYUR NAS, ,BDAG GIS DGE GOMS MA BYAS NA, ,DE LAS BSLUS PA GZHAN MED DE, ,DE LAS RMONGS PA'ANG GZHAN MED DO, ,ZHES SOGS GSUNGS PA LTAR RANG GIS RANG LA RNGAN BA GRANG BA'AM, LE BDAS TE SKYABS 'GRO SOGS LA BSKUL BA DANG, YANG NA MTHUN PHYOGS KYI SGO NAS BSAMS TE TSE 'DIR CHOS LA BRTZON 'GRUS DRAG PO BYAS PA YIN NA RAB TSE 'DIR 'TSANG RGYA BA'AM BAR DOR 'TSANG RGYA, DE LTAR MA YIN YANG DE'I RNAM SMIN GYIS PHYI MAR DAL 'BYOR TSANG BA'I RTEN RNYED CING, MYONG BA RGYU MTHUN LA, BZUNG NA TSIG ZIN, BSAM NA DON GO ,BSGOM NA RGYUD LA SKYE BA SOGS CHOS SGRUB PA'I MTHUN RKYEN TSANG BA DANG, BYED PA RGYU MTHUN CHOS KYI SGRA THOS PA TZAM GYIS DE LA 'JUG 'DOD PA SOGS SGO THAMS CAD NAS BLO KHA CHOS PHYOGS SU 'KHOR 'GRO BAS, RIM GYIS SKYE BA BCU DRUG SOGS NA NGES PAR ' TSANG RGYA BA ZHIG 'BYUNG BA YIN PAS, CI NAS KYANG 'BAD DGOS, DE'ANG SKYABS YUL RNAMS LA MKHYEN PA'I YE SHES, ,BRTZE BA'I THUGS RJE, MDZAD PA'I 'PHRIN LAS, SKYOB PA'I NUS MTHU SOGS RGYU TSOGS THAMS CAD TSANG BAR YOD KYANG, RANG RES BLO MA BKAL BAR THE TSOM ZOS PA'I DBANG GIS, DE RNAMS KYIS KYANG SKYOB THABS DANG BRAL BA YIN, DES NA LHAN BSER PO GYON PA TSUN CHAD LA'ANG DGE 'DUN DKON MCHOG GI 'DU SHES BZHAG STE SKYABS SU 'DZIN DGOS PAR GSUNGS PAS, DE NYID GOS DKAR PO GYON NAS LHAN PA SER PO BTAB PA TZAM LA ZER BA MA YIN PAR, DON @006B DU TSUL KHRIMS DANG MI LDAN YANG DGE TSUL SLONG GI MING BZUNG NAS GZHAN DMAR SER RE TZAM GYON PA DE LTA BU DA LTA DUS DBANG GIS SHIN TU MANG BAS DE 'DRA LA SBYAR DGOS SAM SNYAM STE, SA'I SNYING PO 'KHOR LO BCU PA'I MDO LAS, DGE SLONG TSUL KHRIMS DANG LDAN PA PHYAG DANG BSNYEN BKUR SOGS KYI DUL YIN PAR MA ZAD, TSUL KHRIMS 'CHAL BA LUG LTA BU'I DGE SLONG YANG BSOD NAMS KYI ZHING DU GSUNGS PA LTA BU YIN, DE NAS SKYABS 'GRO'I DMIGS RNAMS DNGOS GZHI LA, TSOGS LTA BUR DKYUS GCIG TU BYED KYANG, DMIGS RNAM SKYONG TSE, DANG POR BLA MA LA SKYABS SU MCHI'O, ,ZHES PA'I TSIG GCIG PU 'DI LAN MANG DU BSKYAR TE BLA MA'I SKU LAS BDUD RTZI 'BEB SBYANG BYAS PAS, BLA MA'I SKU LA BSDOS PA, GSUNG BCAGS PA, SHUGS DKRUGS PA, MA DAD BSRYAS SMOD LOG LTA SKYES PA LA SOGS PA'I NYES LTUNG THAMS CAD BYANG BA'I MOS PA DANG, DE'I 'OG TU SANGS RGYAS LA SKYABS SU MCHI'O, ,ZHES LAN MANG DU BRJOD PA'I TSE, YI DAM GYI LHA TSOGS DANG SANGS RGYAS STONG LA SOGS PA'I SKU LAS DUD RTZI'I RGYUN BABS PAS, DE BZHIN GSHEGS PA LA NGAN SEMS KYIS KHRAG PHYUNG BA DANG, DE'I SKU BRNYAN 'GOM YUG BYAS PA SOGS SANGS RGYAS LA BRTEN PA'I NYES LTUNG THAMS CAD BYANG BA'I MOS PA DANG, CHOS LA SKYABS SU SONG BA'I TSE GLEGS BAM RNAMS KYI GDONG DAR YI GE SOGS NAS BDUD RTZI'I RGYUN BABS, DAM PA'I CHOS ZONG DU BSGYUR BA GTA' MAR BCUG PAS SGRE MO LA BZHAG PA SOGS CHOS SPONG GI SDIG PA RNAMS BYANG BA'I MOS PA BYED, DGE 'DUN LA SKYABS SU SONG BA'I TSE BYANG SEMS NYAN RANG DPA' BO MKHA' 'GRO CHOS SRUNG DANG BCAS @007A *, ,PA'I SKU LAS BDUD RTZI'I RGYUN BABS DGE 'DUN GYI SDE DKRUGS PA SOGS, DE LA BRTEN PA'I NYES LTUNG THAMS CAD BYANG BA'I MOS PA BYED DGOS SHING, 'DI SKYABS 'GRO BZHI SKOR GYI DBANG DU BYAS PA YIN GYI, YI DAM CHOS SRUNG SOGS LA LOGS SU BYED NA DMIGS RNAM YANG ZUR DU BYAS CHOG ,DE NAS, SANGS RGYAS CHOS DANG TSOGS KYI MCHOG RNAMS LA, ,ZHES SOGS KYI TSE THAMS CAD KYI SKU LAS BDUD RTZI'I RGYUN BABS RANG GZHAN SEMS CAN THAMS CAD KYI SGO GSUM GYI NYES LTUNG SBYANGS; MTHAR SKYABS YUL RNAMS 'OD DU ZHU NAS BLA MA THUB DBANG RDO RJE 'CHANG LA THIM, DE RANG LA THIM PAS RANG NYID THUB PA'I DBANG PO'I SKUR GYUR, DE LA 'OD 'PROS SEMS CAN THAMS CAD LA PHOG PAS, DE THAMS CAD KYANG THUB PA'I DBANG PA'I SKUR GYUR PA'I DMIGS PA BYA, DE NAS SEMS BSKYED LA SLOB TSUL LA RGYU 'BRAS MAN NGAG BDUN GYI SGO NAS SLOB TSUL DANG, BDAG GZHAN MNYAM BRJE'I SGO NAS SLOB TSUL GNYIS YOD PAS PHYI MA 'DI YID 'ONG GI BYAMS PA'I KHONGS SU 'DU ZHES YONGS 'DZIN RIN PO CHE GSUNG, DANG POR MAR SHES BSGOM PA LA, 'KHOR BA'I YA MTHA' THUG MED DU SHES DGOS, DE LA RIG PA'I YA MTHA' THUG MED DU SGRUB DGOS, DE'ANG DE RING GI SHES PA 'DI KHA SANG GI SHES PA DE LAS BYUNG BAR RTOGS DGOS BAS; DE'I SGRUB TSUL NI, DE RING GI RIG PA 'DI KHA SANG GI RIG PA DE LAS BYUNG BA YIN, KHA SANG BYA BA 'DI DANG 'DI BYED DGOS ZHES BSAMS PA DE DE RING YANG DRAN PA NI RIG PA SNGA MA'I RGYUN YIN PA'I RTAGS YIN, ,DE LTAR DPYAD NAS NGES PA RNYED NA SHIN TU SHUGS @007B CHE; GZHUNG LUGS LA MA SBYANGS PA RNAMS KYIS DE 'DRA'I SGRUB TSUL RTOGS DKA' BAS, 'DI SANGS RGYAS KYI GSUNG BSLU BA MED PA YIN SNYAM DU BLO THAG RBAD KYIS BCAD NAS YID CHES PAR BYA DGOS TE, RGYUD RTOG PA GSUM PA LAS, YANG NA BLUN PO DAD PA BRTAN; ;DE LA SBYOR PA'I DNGOS GRUB TE, ,RTOG CING DPYOD PA'I RTOG GO BA, ,DE LA SBYOR BA'I DNGOS GRUB RING, ,ZHES GSUNGS PA LTA BU YIN, DE LTAR MAR SHES PA NAM BYED RES KYIS DRIN GYIS BSKYANGS TSUL BSAMS TE, DA RES BDAG GIS DRIN LAN 'JAL DGOS, DE'ANG ZAG MED KYI BDE BA LA 'GOD DGOS KYI, ZAG BCAS KYI BDE BA TSANGS PA BRGYA BYIN LA SOGS PA'I GO 'PHANG NI KHO RANG TSOS KYANG SNGAR LAN MANG PO'I BAR DU THOB MOD KYI YID BRTAN MA GYUR PAR SLAR SDUG BSNGAL MTHA' YAS BA MYONG DGOS BYUNG 'DUG ,DE'ANG DA LTA RANG LA, DE 'DRA'I NUS PA MED PAS DE THAMS CAD KYI DON DU RDZOGS PA'I SANGS RGYAS KYI GO 'PHANG THOB PAR BYA, DE'I PHYIR DU DGE LDAN PHYAG RGYA CHEN PO'I KHRID SNYAN RGYUD KYI MAN NGAG ZAB MO 'DI NYID NYAMS SU BLANG BAR BYA'O SNYAM DU SEMS BSKYED, 'DI'I BYAMS PA YID 'ONG GI BYAMS PA YIN LA BDE BA DANG LDAN 'DOD KYI BYAMS PA SNYING RJE'I RJES SU SKYES PA'ANG YOD PAS, DE GNYIS MI GCIG CES BLA MA RNAMS GSUNG ZHING, PHYI MA LA'ANG YID 'ONG GI RNAM PAR MTHONG DGOS SAM SNYAM, TSAD MED BZHI BSGOM PA 'DIR DNGOS SU MA GSUNG YANG, BYED DGOS PAS DE'I GO RIM CHOG SOGS PA LA CHER DU BTANG SNYOMS TSAD MED RJES LA BYUNG YANG, DMIGS RNAM SKYONG CHO SNGON DU BLANGS TE ZAG MED KYI BDE BA LA 'GOS@008A *, ,PA'I PAR RIM GYIS BYED DGOS, GNYIS PA MAndAL GYI KHRID NI, BYE BA PHRAG BRGYA'I GLING BZHI LHUN POR BCAS, ,ZHES SOGS 'OG NAS 'BYUNG PA DANG GCIG LA, RDOR SEMS BSGOM BZLAS KYI KHRID NI, RANG THA MAL DU GNAS PA'AM, YID MA GYI LHA GZHAN DU BSGOM PA'AM, RDOR SEMS RANG DU BSGOM PA SOGS 'DAM GA CAN DU GSUNGS PAS GANG BYAS KYANG 'GAL BA MED PAS RANG GI BLO DANG BSTUN, DE'I SPYI BOR RDO RJE SEMS DBA' YAB YUM GSAL BTAB PA'I SKU LAS 'OD ZER DPAG TU MED PA 'PHROS SANGS RGYAS SRAS BCAS KYI BYIN RLABS THAMS CAD BSDUS TE DE LA THIM, DE'I SKU LAS BDUD RTZI'I RGYUN BABS RANG GI SGO GSUM GYI NYES LTUNG THAMS CAD SBYANGS 'OD ZER DPAG TU MED PA 'PHROS PA'I SNYE MOR YANG RDOR SEMS YAB YUM ZUNG RE SPROS TE SEMS CAN THAMS CAD KYI SBYI BOR BZHUGS PA'I SBYOR MTSAMS NAS BDUD RTZI'I RGYUN BABS, SEMS CAN THAMS CAD KYI SDIG LTUNG SBYANGS PA'I MOS PA BYAS LA YI GE BRGYA PA 'BUM PHRAG BZLA BAR GSUNGS TE, 'BUM PHRAG TU MI BZLAS GYUR NA,, RNAM PAR DAG PA'I BDAG NYID 'GYUR, ,ZHES LTANG BA THAMS CAD 'DAG PAR GSUNG BA'I RGYU MTSAN GYIS YIN LA, BDUD RTZI 'BEB SBYANG GI DMIGS RIM YAS 'DED MAS 'DED PHUNG 'DONG SOGS KYI RNAM GZHAG RGYAS PAR RDZOGS RIM SOGS LAS SHES DGOS, BLA MA'I RNAL 'BYOR GYI KHRID DNGOS GZHI'I BLA MA'I RNAL 'BYOR 'OG NAS BYUNG LA DER 'THUS, DE DAG GIS SNGON 'GRO'I RIM PA SONG ZIN NAS PHYAG CHEN DNGOS GZHI'I DMIGS RIM NI, DNGOS GZHI PHYAG RGYA CHEN PO LA, ,BZHED TSUL @008B MANG DU 'DUG NA YANG, ,MDO SNGAGS DBYE BAS GNYIS SU YOD, ,PHYI MA RDO RJE'I LUS 'DI LA, GNANG DU BSNUN SOGS THABS MKHAS LAS, ,BYUNG BA'I BDE CHEN 'OD GSAL TE, ,ZHES SOGS GSUNG BA'I MDO LUGS KYI PHYAG CHEN ZHES PAS PAn GYI SDOM GSUM RAB DBYER MI 'THAD PA'I PHYOGS MDZAD CING, RGYAL DBANG GIS DGE LUGS DAG LUGS RANG BYAS PA BZANG MOD, BKA' BRGYUD PA'I KHROD DU 'TSANG NAS CI BYA ZHES, DGE LDAN BKA' BRGYUD KYI THA SNYAD TZAM YANG MI BZHED LA, , PAn CHEN RIN PO CHES, MDO TING NGE 'DZIN GYI RGYAL POR, CHOS RNAMS KUN GYI RANG BZHIN PHYAG RGYA CHE, ,ZHES PA KHUNGS SUM MDZAD NAS MDO LUGS LA'ANG PHYAG CHEN GYI THA SNYAD ZHAL GYIS BZHES LA, PAn CHEN BSOD NAMS GRAGS PAS KYANG, PHYAG RGYA CHEN BO MDZAS PAR BYED PA'I RGYAN ZHES BYA BA'I BSTAN BCOS SU, ,RGYAD STONG PA LAS, BRGYA BYIN GYIS RAB 'BYOR LA SMRAS PA, RAB 'BYOR SHES RAB KYI PHA ROL TU PHYIN PA LA RNAL 'BYOR DU BYED PA DE, GANG LA RNAL 'BYOR DU BYED PA YIN, RAB 'BYOR GYIS SMRAS BA; KOO'U SHI KA SHES RAB KYI PHA ROL TU PHYIN PA LA RNAL 'BYOR DU BYED PA DE NAM MKHA' LA RNAL 'BYOR DU BYED PA'O, ,BLA GAB MED PA LA RNAL 'BYOR DU BYED BA'O, ,ZHES GSUNGS PA'I SDAM YUL PHYAG RGYA CHEN PO DANG, PHYI MA GNAS LUGS RJE NI PAR GZIGS PA'I YE SHES YUL CAN PHYAG RGYA CHEN PO'I KHUNGS SU TSUD LA, DUS 'KHOR GYI SKOR 'GA' ZHIG TU LUNG 'DI DRANGS NAS, 'GREL TSUL GZHAN ZHIG KYANG BYAS SNANG NGO, ,DE DAG GI KHUNGS 'GOD PA NI SNGAGS LUGS KYI PHYAG RGYA CHEN PO'I @009A *, ,KHUNGS KLU SGRUB YAB SRAS KYI GZHUNG RIM LNGA SOGS DANG GRUNG BSDE BDUN SNYING PO SKOR GSUM STE, ,MGON PO BDE BA CHEN POS GSANG BA GRUB BA MDZAD, DE'I SLOB MA YAN LAG MED PA'I RDO RJES THABS SHES GRUB PA MDZAD, DE'I SLOB MA AINTRA BHU TIS YE SHES GRUB BA MDZAD, DE'I LCAM LAKIshAm K'A RAS GNYIS MED GRUB BA MDZAD, tOMBHI HE RU KAS LHAN CIG SKYES GRUB MDZAD, ,B'A RI KA PAS GSANG BA CHEN PO'I DE KHO NA NYID GRUB BA MDZAD, RNAL 'BYOR MA TZI TOS DNGOS BE GSAL BA'I RJES SU 'GRO BA'I DE KHO NA NYID GRUB PA MDZAD PA YIN LA SNYING PO SKOR GSUM NI, RGYAL PO DO HA, BTZUN MO DO HA, DMANGS DO HA GSUM YIN ZHING BU STON THAMS CAD MKHYEN PAS DMANGS DO HA GZHUNG TSAD LDAN DANG, SNGAM GNYIS BRDZUS MAR GSUNGS LA, GRUB CHEN GYI GZHUNG TSAD LDAN YIN YANG SGRA JI BZHIN BAR BZUNG CHOG MI CHOG CI RIGS YOD DO, ,MDO LUGS KYI PHYAG RGYA CHEN PO'I KHUNGS YUM RGYAS 'BRING BSDUS GSUM SOGS DNGOS BSTAN STON NYID KYI RIM BA GTZO BOR STON PA'I SHER MDO RNAMS YIN TE, LTA BA'I DBYE BA MTHA' YAS PA ZHIG YOD KYANG GNAS LUGS PHYAG RGYA CHEN PO 'DI LAM BRTEN PAR THEG PA GSUM PO GANG GIS KYANG THAR PA THOB MI NUS PAS KLU SGRUB KYIS KYANG, NYAN THOS RANG SANGS RGYAS RNAMS DANG, ,SANGS RGYAS RNAMS KYIS NGES BSTAN PA'I, ,THAR BA'I LAM NI GCIG NYID KHYOD, ,CES GSUNGS LA RJE BLA MAS KYANG DGA' LDAN BYANG RTZER GUNG RU RGYAL MTSAN BZANG PO SOGS LA PHYAG CHEN GYI KHRID DANG, YONGS GRAGS DBU MA'I LTA KHRID GNYIS GNANG BAS SGOM GSAR RNYING GI THA SNYAD KYANG BYUNG LA, DON LTA BA LA PHRA RAGS @009B MED KYANG, BSGOM PA'I TSE SEMS KYI KUN RDZOB PA'I NGO BO THOG MAR BTZAL TE DE'I STENG NAS DON DAM BA'I NGO BO BTZAL NA RNYED SLABS SGOM TSUL GYI KHYAD TZAM ZHIG YOD PA YIN NAM SNYAM, PHYAG RGYA CHEN PO'I 'DOD TSUL GYI DBYE BA'ANG BOD 'DIR SNGON CHAD MTHA' YAS PA ZHIG BYUNG STE, LHAN CIG SKYES SBYOR GA'UM, ,ZHES SOGS GSUNGS PA'I DANG PO LHAN CIG SKYES SBYOR NI RJE BTZUN MI LA RAS BA'I THUGS SRAS NYI MA LTA BU MNYAM MED SKAM PO PA CHEN PO'I BZHED SROL YIN TE, DE NYID KYIS, ,SEMS NYID LHAN CIG SKYES PA CHOS KYI SKU, ,RNAM RTOG LHAN CIG SKYES BA CHOS SKU'I RLABS, ,SNANG BA LHAN CIG SKYES PA CHOS SKU'I 'OD, ,SNANG SEMS DBYER MED LHAN CIG SKYES PA'O, ,ZHES DON TSAN BZHIR BCAD NAS GSUNGS LA, ,GA'U MA NI MKHAS GRUB KHYUNG PO'I BKA' SROL YIN LA, DE'ANG PHAL CHER MAR PHA DANG DUS MTSUNGS SHING, KHONG GI BZHED TSUL MTHAR THUG BA'I LTA BA NI MGON PO'I SHES BRJOD BKA' RGYA MAR, SNANG SRID RANG GROL SGYUR SGYU MA RMI LAM BZHIN ZHES SOGS GSUNGS PA 'DI YIN PAS, DE'I DON KHONG RANG JI LTAR 'CHAD SHES DKA' 'ANG, NGA TSO'I LUGS DANG MTHUN BAR 'GREL NA, SNANG SRID KYI CHOS 'DI THAMS CAD BDEN GRUB KYIS STONG BAS NA BDEN 'DZIN GYI 'DZIN TSUL DE NYID DNGOS PO GANG GI'ANG, GNAS LUGS SUM ZHUGS BA RANG GROL GYI DON DANG, DE LTAR BDEN BAS STONG YANG KUN RDZOB TU SNANG BA NI SNGAGS RDZAS TSOGS PA LAS RTA GLANG MED KYANG RTA GLANG GI SNANG BA'I BYUNG BA LTA BU YIN LA, GNAS LUGS DE NYID 'DZIN STANGS SU BYAS STE RO RKYANG GI RGYU BA DH'U T'IR BKAG NAS BSGOMS BA LAS BYUNG BA'I LHAN SKYES KYI BDE @010A *, ,BA CHEN PO'I YE SHES RGYUN CHAD MED BA RKANG PA GNYIS PA'I DON DANG, DES MNYAM GZHAG GI NGES NGOR KUN RDZOB KYI SGROS PA CI YANG YID LA MI BYED PAR MED DGAG STONG SAD DE KHO NA LA 'JUG PA GSUM PA'I DON YIN NA, ,LNGA LDAN NI 'BRI KHUNG 'JIG RTEN MGON POS BZHED TSUL YIN ZHING, DE'ANG NYID KYI GSUNGS LAS, BYANG CHUB SEMS KYI RTA PHO LA, ,GZHAN PHAN GYI DKYUS THOG MA BCAD NA, ,KHROM LHA MI 'OR CHE MI 'BYUNG BAS, ,SEMS SNGON 'GRO 'DI LA NAN TAN MDZOD, ,CES SOGS KYI SKABS NAS DANG PO SNGON 'GRO, ,DNGOS GZHI LHAR BSGOM PA, ,MOS GUS SBYONG BA, MI RTOG PA BSGOM PA, MJUG BSNGOB DANG LNGAR BSDUS NAS GSUNGS, RO SNYOMS SBYOR DRUG NI 'GRO MGON GTZANG BA RGYA RAS PA NAS BRGYUD PA NAS BRGYUD PA'I GDAMS PA YIN LA, DE'ANG RNAM RTOG LAM 'KHYER, NYON MONGS LAM 'KHYER, NA TSAL LAM 'KHYER, LHA 'DRE LAM 'KHYER, SDUG BSNGAL LAM 'KHYER, 'CHI PA LAM 'KHYER RNAMS SO, ,YI GE BZHI PA NI, AA MA NA YE'I SGRA LAS DRANGS TE, SEMS KYI GZHI RTZA BCAD PA, SEMS KYI BZHAG THABS BSTAN PA, SEMS KYI GO LAS SA BCAD PA, SEMS KYI LAM 'KHYER BSTAN PAR BZHIR BSDUS NAS STON PA YIN LA, ZHI BYED NI DAM BA SANGS RGYAS KYI BKA' SROL, SHES RAB SNYING POR, SDUG BSNGAL THAMS CAD ZHI BAR BYED PA'I SNGAGS ZHES PA LA BRTEN NAS, MTSAN YANG DAM CHOS SDUG BSNGAL ZHI BYED DU BTAGS TE, RJE BTZUN MI LA RAS PA DANG KHONG RNAM GNYIS MJAL PA'I TSE NYAMS MGUR BA ZHES PA LAS KYANG, DAM CHOS SDUG BSNGAL @010B ZHI BYED 'DI, ,GNOD SBYIN PHO MO BYUNG TZA NA, ,BRTUL ZHUGS 'KHRUL 'KHOR 'CHA' BA YIN, ,ZHES SOGS NAS, DUS GSUM RGYAL BA'I SGONGS PA LAGS, ,ZHES SNGAGS BRJOD DANG ZHAL PHO MDZAD PA DE YIN, GCOD YUL NI MA CIG LAB SGRON NAS BRGYUD PA ZAB MO GCOD KYI GDAMS PA ZHES YONGS SU GRAGS PA 'DI YIN ZHING, DE'I GTZO BO NI KUN RDZOB BYANG CHUB KYI SEMS KYI SGO NAS TSE 'DI'I SNANG SHAS DANG RANG GCES 'DZIN GCOD BA, DON DAM BYANG CHUB KYI SEMS KYI SGRO NAS BDAG 'DZIN LHAN SKYES KYI 'DZIN STANGS GCOD PA'AM, 'GOG PAR BYED PA YIN, RDZOGS CHEN ZHES PA DRI MA THAMS CAD DANG BRAL BA'I SEMS MA BCOS GSAL LA HRIG GE BA 'DI YIN ZHING, SNANG SRID 'KHOR 'DAS THAMS CAD 'DI'I NANG DU RDZOGS PAS NA RDZOGS PA DANG 'DI LAS GZHAN DU GROL BYED KYI THABS MED PAS NA CHEN PO ZHES BSHAD 'DUG KYANG DRI MA THAMS CAD DANG BRAL LUGS SOGS JI LTAR YIN MA SHES, 'DI'I GDAMS PA SLOB DPON PADMA'I MAN NGAG LTA BA'I PHRENG BA ZHES BYA BA ZHIG YOD LA, RGYAL DBANG GI'ANG GSUNG GI GTZO BO ZHAL LUNG RNAM GNYIS ZER BA'I 'JAM DPAL ZHAL LUNG DANG, GCIG SHOS RDZOGS CHEN GYI LTA SGOM GTZO BOR STON PAR RIG 'DZIN ZHAL LUNG YIN, DE DAG GI STENG DU RANG LUGS DBU MA'I LTA KHRID DANG BCAS BA 'DOD TSUL MTHA' YAS PA ZHIG YOD KYANG NYAMS MYONG CAN GYI RNAL 'BYOR BA ZHIG GIS BSGOM SONG BA YIN NA DON LA CHA GRANG LTAR 'GAL BA DE 'DRA MA YIN PAR DGONGS PA GCIG TU 'GRO ZHES, DUS 'KHOR 'GREL CHEN DRI MED 'OD LAS, JI LTAR SA LA RIN CHEN MANG, DBYE BA THA DAD THA DAD NI, ,YUL DANG YUL @011A *, ,GYIS DBANG GIS BRJOD, ,RIN CHEN DBYE BA 'GAR YANG MED, ,CES DPER NA YUL SO SO NAS BYUNG BA'I BYU RU LAS DE DANG DE'I BYU RU ZHES SO SOR BYED KYANG, DON BYU RU YIN PAR MTSUNGS PA DANG 'DRA BAR GSUNGS BA TZAM LAS RTZA 'GREL GANG DU'ANG DGONGS PA GCIG LUGS 'DI YIN ZHES MA GSUNG BAS DAG SNANG SBYANGS NAS GSUNG BA YIN NAM DNGOS GNAS LA DE DAG BSGOM STE RLUNG DBU MAR BCU GNAS BDE STONG SBYAR TE LAM GONG MAR BGROD TSUL ZHIG YOD PA YIN DPYAD DKA' BAS, SKYABS MGON THAMS CAD MKHYEN PA BLO BZANG DPAL LDAN YE SHES DPAL BZANG POS SKU 'BUM DU GNANG SKABS KYANG, KU RE'I TSUL DU, ,PAn CHEN DA SKABS MI BZHUGS PA MA GTOGS, BZHUGS NA DGONGS PA GCIG LUGS 'DI GCIG 'DRI DGOS PAR 'DUG ,GZHAN PHYOGS PA TSOGS STONG NYID MA YIN DGAG TU 'DOD, RANG LUGS LA MED DGAG YIN PAS MA YIN DGAG DANG MED DGAG GNYID JI LTAR GCIG CES GSUNGS SO, ,'O NA 'DIR JI 'DRA ZHIG 'CHAD RGYU YIN NA; SPYIR LTA BA TSOL LUGS LA GNYIS YOD DE, THOG MAR YID DPYOD, DE NAS GTAN TSIGS YANG DAG LA BRTEN PA'I RJES DPAG SOGS THOS BSAM GYI SGO NAS RIM GYIS BSGOM PA LA 'JUG PA LTA THOG NAS SGOM TSOL BA DANG, SPYOD 'JUG LAS, ZHI GNAS RAB TU LDAN PA'I LHAN MTHONG GIS, ,ZHES SOGS GSUNGS PA LTAR, DANG POR ZHI GNAS BSGRUBS TE, DE RJES MTSAN NYID SO RIG GIS DPYAD NAS LTA BA TSOL BA SGOM THOG NAS LTA BA TSOL BA'I LUGS GNYIS YOD PA LAS 'DIR @011B PHYI MA'I DBANG DU BYAS TE, BSAM GTAN BDE PA'I STEGS BUL, ,LUS GNAD BDUN DANG LNGAN BYAS LA, ,ZHES SOGS GSUNGS PA'I RNAM SNANG GI CHOS BDUN LDAN 'DI PHAL CHER LA SHIN TU GAL CHE ZHING, BA LANG BDAG LTA BU GANG ZAG GI RIGS 'GA' ZHIG LA 'DI 'DRA MI DGOS PA'ANG YOD, RLUNG RO DGU PHRUGS NI GA-YON NAS RDUBS TE GA-YAS NAS 'BUD PA GSUM, GA-YAS NAS RDUBS TE GA-YON NAS 'BUNG PA GSUM, MNYAM DU RDUBS TE MNYAM DU 'BUD PA GSUM DANG BCAS PA RNAMS YIN LA, RIG PA DVANGS SNYIGS 'BYED PA'I MAN NGAG MTHAR THUG PA RDZOGS RIM YIN ZHES YONGS 'DZIN GSUNGS, DE NAS SKYABS SEMS SNGON DU BTANG STE BLA MA'I RNAL 'BYOR BSGOM DGOS LA DE'ANG 'GREL BAR, ZAB LAM BLA MA'I RNAL 'BYOR NI LAM GYI CHA YONGS SU RDZOGS PA'I BLA MA'I RNAL 'BYOR TE ZUR DU BKOD PA LTAR YIN, ,ZHES ZHAL 'PHANG MDZAD PA NI YONGS SU GRAGS PA'I BLA MCHOD 'DI NYID YIN PAS BLA MA MCHOD PA ZHES PA DANG, BLA MA'I RNAL 'BYOR ZHES PA PHAL CHER DON GCIG LA, BKA' BRGYUD BA RNAMS BLA SGRUB DANG, RNYING MA PA RNAMS RIG 'DZIN GDUNG SGRUB KYI THA SNYAD KYANG BTAGS SNANG, 'DIR BLA MA'I RNAL 'BYOR GYI KHRID BYED PA LA RANG LA THA MA LA GYI SNANG ZHES SBYONG BA'I PHYIR LHA'I NGA RGYAL 'DZIN PA, SNOD BCUD LA THA MAL GYI SNANG ZHEN SBYONG BA'I PHYIR, SNOD THAMS CAD GZHAL YAS KHANG DANG BCUD THAMS CAD LHA DANG LHA MO'I RANG BZHIN DU BSGOMS PA, MCHOD RDZAS LA THA MAL GYI SNANG ZHE NA SBYONG BA'I PHYIR NGO BO BDE STONG GI YE SHES LA RNAM PA MCHOD RDZAS SU MOS PA RNAMS SNGON DU @012A *, ,BTANG STE, TSOGS ZHING GSOL 'DEBS PA NI, BDE STONG DBYER MED LHA LAM YANGS PAR ZHES SOGS TE, BDE STONG GI DON LA AEWAm GYI BSHAD PA SOGS MANG DU BYAR YOD KYANG BSDUN, BDE BA DON DAM LA ZHAGS PA'I YE SHES DANG, STONG PA STOD GZUGS KYI SKU GNYIS NGO BO DBYER MI PHYOD PA YIN ZHING, LHA LAM LA NGES DON GYI LHA LAM BDE STONG GI YE SHES DANG, DRANG DON GYI LHA LAM MNGON BRJOD SOGS NAS 'BYUNG BA LA LTAR NAM MKHA' LA BYA TSUL GNYIS SU YONGS 'DZIN RIN PO CHE GSUNGS LA, DPON SLOB BYAMS PA RIN PO CHE LHA LAM ZHES PA 'JIG RTEN PA'I LHA RNAMS RGYU BA'I LAM YIN PAR MA ZAD, TSOGS ZHING GI LHA RNAMS GANG DU GSAL 'BDES PA'I GZHI DANG, 'BYON BZHUD KYI GNAS YIN PAS DE LTAR BZHAG CES GSUNGS, KUN BZANG LA RGYAL SRAS KUN BZANG DANG, BYANG CHUB KYI SEMS LA KUN TU BZANG PO ZHES BSHAD PA GNYIS YOD KYANG 'DRI BDE STONG DBYER MED KYI YE SHES KYIS ZIN PA'I MCHOD SPRIN LA KUN BZANG MCHOD SPRIN DU BSHAD BA YIN, DPAG BSAM GYI SDONG PO'ANG ZE'U 'BRU MIG GIS MTHONG TSAD TZAM BYED DGOS KYI HA CANG MTHON PO MI BYA ZHES YONGS 'DZIN RIN PO CHES GSUNGS, GDOL LNGA NI RKANG LAG BZHI KHA DANG LNGAR CHAR GYIS RI DVAGS 'DZIN PA SOGS GDONG GI BYA BA BYED NUS PA'I CHA NAS BSHAD TSUL GCIG DANG, GDONG GI SHA TSUGS LA 'BUR PO LNGA YOD PAS DE LTAR BSHAD PA STE GNYIS YOD LA, GANG LTAR YANG, SENG+GE NI RANG NYID GCAN GZAN GANG LA'ANG MI 'JIGS SHING, DE LA THAMS @012B CAD SKRAG DGOS PA LTAR BLA MA'ANG BDUD DANG MU STEGS LA SOGS PA THAMS CAD LAS RGYAL ZHING, DE DAG GIS BRJI BAR MI NUS PAS STOBS DANG, MI 'JIGS PA LA SOGS PA'I MTSON BYED DU SENG+GE BRGYAD KYIS BTEG PA'I RIN PO CHE'I KHRI GSAL 'DEBS PA YIN SENG+GE'ANG 'BUR DU DOD PA DANG, RI MOR BRIS PA LTA BU MA YIN PAR MIG SER LHOG LHOG PA, DBUGS LHEB LHEB PA DE 'DRA BYED DGOS ZHES BLA MA BYAMS PA RIN PO CHES GSUNGS, TSOGS ZHING GSAL DEBS TSUL SNGAR DANG 'DRA LA, GTZO BO NI RJE RIN PO CHE'I SKU'I RNAM PA DANG, DER MA ZAD RJE BLA MA GANG DU SANGS RGYAS PA'I SANGS RGYAS DANG MTHUN PA PHYAG NA LHANG BZED BDUD RTZIS GANG BA BSNYAMS PA DE 'DRA DGOS ZHES PAn CHEN RIN PO CHES GSUNGS SO, ,BUNG PO RNAM DAG BDE GSHEGS LNGA, ZHES SOGS KYI DON NI SPYI BOR RNAM PAR SNANG MDZAD, MGRIN PAR 'OD DPAG MED, LTE BAR RIN CHEN 'BYUNG LDAN, BRLA'I RTZA BAR NGON YOD GRUB PA NAS BZUNG STE, RKANG MTHIL GNYIS LA GNOD MDZES KYI BAR LHA RNAMS GSANG 'DUS NAS 'BYUNG BA LTAR CHAS SO SOR ME LONG NANG GI GZUGS BRNYAN BZHIN GSAL 'DEBS PA'AM CHA RNAMS DE DANG DE'I NGO BOR MOS DGOS BA YIN, BA SPU DGRA BCOM NYI KHRI CHIG STONG ZHES PA'I DGRA BCOM THEG CHEN DGRA BCOM DANG, 'OD ZER PHYOGS SKYONG ZHES BA SHAR PHYOGS SU 'PHROS DE YONGS SU GYUR PA LAS BRGYA BYIN DANG, LHO PHYOGS SU 'PHROS PA YONGS SU GYUR PA LAS GSHIN RJE SOGS SU MOS PA YIN ZHES YONGS 'DZIN RIN PO CHES GSUNGS, 'DAB MA 'OG MA RNAMS KYANG SNGAR BSHAD PA DANG 'DRA LA, GO RIM DE KHO NA LTAR MA BYAS @013A *, ,KYANG CHOG ,DE SANGS 'JIG RTEN LAS 'DAS PA'I LHA LAS 'JIG RTEN PA LA ZHEN CHE BA'I STABS KYES DE 'DRA TSOGS ZHINGTHAMS CAD SGRUB PA'I MCHOD PA GTAN NAS MI RUNG, DE NAS TSOGS ZHING DE RNAMS KYI THUGS KA NAS 'OD ZER 'PHROS TE RANG BZHIN GYI GNAS NAS YE SHES PA RNAMS SPAN 'DREN GOS PA YIN LA, RANG BZHIN GYI GNAS ZHES PA LONGS SKU'I GNAS LA BYED PA DANG, CHOS SKU'I GNAS LA BYED PA GNYIS YOD CING, RNAM MKHYEN GYIS CHOS NYID LA KHYAB YOD PA'I GNAD KYIS 'OD ZER RGYANG RING POR SBRO MI DGOS PAR GNAS 'DI LTA BU LA MTSON NA, RGYAB RI MDUN RI SOGS KYI NGOS LA 'PHROS TZAM BYAS PAS CHOG STE, NAM MKHA' LA SPRIN GO BUR DU THAL GYIS BYANG BA NA RGYA RKYEN MED PAR BYUNG BA LTA BU YONG YANG, DER RKYEN PHRA MO ZHIG YOD PA YIN, DE BZHIN DU YE SHES CHOS SKU DANG, DE'I STENG GI STONG PA NGO BO NYID SKU SOGS KYIS KHYAB YOD CING, DE LAS GZUGS SKU'I RNAM PA 'CHAR BAS THAG RING POR DE 'DRA BYED MI DGOS, DE NAS, DZA: H'Um BAm HO: ZHES PA'I SKABS SU DAM YE SO SOR MTHO BRTZEGS KYI TSUL DU GNAS BA DANG, DAM TSIGS PA LA BTSIMS KYANG MA 'DRES PAR GNAS BA DANG, 'O CHU 'DRES PA BZHIN DBYER MED DU GYUR PA DANG, DE'ANG MI DGYES BA MED PAR DGYES BZHIN BZHUGS PA'I MOS PA BYED PA 'DI RNAMS CHOG THAMS CAD MTHUN, DE NAS YAN LAG BDUN PA 'PHUL BA LA, THOG MAR PHYAG 'TSAL BA NI, GANG GI THUGS RJES BDE BA CHEN PO'I DBYINGS, ,ZHES SOGS TE, GANG ZHES PA SPYI SGRA YIN KYANG THUGS RJES ZHES BYED TSIG GI NUS PAS DE LA @013B BRTEN NAS LHAN SKYES KYI BDE BA CHEN PO'I YE SHES ZUNG 'JUG GI GO 'PHANG MNGON DU 'GYUR BA ZHES BLA MA LA GO DGOS PA YIN, SHO LO KA GNYIS PA NI, MTSAN ZUR LA BRTAGS NA CHOS 'DI STON PA'I BLA MA MKHAS GRUB SANGS RGYAS YE SHES LA GTZO BOR PHYAG 'TSAL BA YIN NAM SNYAM; LHAR BCAS STON PA ZHES SOGS DKON MCHOG GSUM 'DUS PA'I NGO BOR BLTAS NAS PHYAG 'TSAL BA 'DI GNAD CHE STE, SANGS RGYAS LA DKON MCHOG GSUM GA'I NGO BOR MIS PA GANG DU'ANG MA BSHAD, CHOS DANG DGE 'DUN LA'ANG MA BSHAD CING, BLA MA DKON MCHOG GSUM GA'I RTZA BAR GSUNG BA DANG, BLA MA'I SKU DGE 'DUN DKON MCHOG ,GSUNG CHOS DKON MCHOG ,THUGS SANGS RGYAS DKON MCHOG YIN PAR GSUNG BA'ANG YOD, DER MA ZAD BLA MA LAS LOGS SU DKON MCHOG GSUM YOD NA BLA MA LA DAD PA ZHAN DU 'GRO NYEN YOD PAS DE LTAR 'DZIN MI RUNG, GNYIS PA MCHOD PA 'BUL BA NI, SPYIR YAN LAG BDUN KA DANG, DER MA ZAD THOS BSAM SGOM GSUM SOGS BLA MA MNYES BYED THAMS CAD SGRUB PA'I MCHOD PA YIN YANG, 'DIR YONGS GRAGS KYI MCHOD PA'I RIM PA PHYI NANG GSANG BA DE KHO NA NYID KYI MCHOD PA BZHI LAS, DANG PO NI, BKOD LEGS RIN CHEN 'OD 'BAR SNOD YANGS LAS, ,ZHES SOGS TE, DBYIBS SOGS BKOD PA LEGS SHING BYI DOR BYAS PAS 'OD 'BAR BA, RGYU RIN PO CHA LAS GRUB PA DE LTA BU'I SNOD DU MCHOD YON SOGS ZAD PA MED BAR 'BUL BA YIN ZHING RGYAS BAR BYED NA, TSIG GNYIS PO 'DI'I MJUG TU'ANG, DVANGS PA'I SEMS KYIS PHUL BYUNG ZHING GI MCHOG ,SKYABS MGON THUGS RJE'I GTER LA DBUL BAR BGYI, ,AOm GU RU@014A *, ,BUDDHA BODHI SATVA SARBA DHARM'A P'A LA SA PA RI W'A RA AANHI PRA T'ITZTSA H'Um SV'AH'A, DE BZHIN DU, AANYTZA MA nAm SOGS BCUG PAS CHU BZHI DANG, RJES MA SO SO'I MGO MJUG TU'ANG, SKYABS MGON RJE BTZUN BLA MA 'KHOR BCAS LA, ,SNA TSOGS MCHOD SPRIN RGYA MTSO 'BUL BA NI, ,SDONG PO SIL MA 'PHRENG BA SPEL LEGS PA'I, ,MDZES PA'I ME TOG SA DANG BAR SNANG GANG, ,DVANGS PA'I SEMS KYIS PHUL BYUNG ZHING GI MCHOG ,SKYABS MGON THUGS RJE'I GTER LA DBUL BAR BGYI, ,AO GU RU BADDHA BODHI SATVA DHA RM'A B'A LA SA PA RI W'A RA PUshPE PRA T'ITZTSA H'Um SV'AH'A, ZHES PAS MTSON TE SBYOR DGOS PAR YONGS 'DZIN RIN PO CHES GSUNGS, DMIGS PA NI ME TOG GI SDONG PO DANG, DE LAS BTOG PA'I SIL MA PHRENG BAR BRGYUS PA DKAR PO, SNGON PO, DMAR PO, SER PO SOGS 'JA' TSON GYI MDANGS LTAR SPEL BA, GZHAN YANG ME TOG GI GDUGS DANG, RGYAL MTSAN DANG, BLA RE LA SOGS PA GNAS SKABS DE NA ME TOG MA YIN PA GANG YANG MED TSOD LTA BU BLOS SPRUL DGOS LA, SNANG GSAL GYI THAD DU RTZE DGA' RGOD CES PA'I DON, BYIS PA RTZED MO RTZE BA BZHIN, MAR ME'I TSOGS KYANG GCIG GI 'OD GCIG LA PHOG STE, PHAN TSUN 'DZINGS PA'I DON YIN PAR YONGS 'DZIN RIN PO CHES GSUNGS, SNA TSOGS ROL MO ZHES PA 'BUD BRDUNG RGYUD DKROL GYI ROL MO'I RIGS MTHA' YAS PA YIN ZHING, PHYI'I 'DOD YON GYI LHA MO NI, ME LONG DANG PI WANG LA SOGS PA BZUNG NAS MCHOD PA BYED PA RNAMS DANG, NANG GI 'DOD YON GYI LHA MO NI, LUS KYI CHA SHAS SAM RGYUD DU GTOGS PA'I 'DOD YON LNGA'I SGO NAS MCHOD PAR BYED PA RNAMS @014B YIN; BYE BA PHRAG BRGYA'I ZHES SOGS 'DI'I MAndAL YIN ZHING, DBEN SA SNYAN BRGYUD KYI CHOS 'DI DAG ZHU BA'I TSE'ANG MAndAL NYER GSUM MA 'DI RANG 'BUL BA PHYAG LEN YIN GSUNGS, DNGOS BSHAMS YID SPRUL YID BZHIN RGYA MTSO'I DOGS, ZHES SOGS PHAL CHER, 'GRO MGON 'PHAGS PAS, THOS PA RGYA MTSO'I MCHOD YON KUN NAS 'KHYIL, ,ZHES SOGS DANG CHA MTSUNGS PAR, RANG GZHAN GYI DGE TSOGS DANG, MDE'I DBANG DU BYAS PA'I BSLAB PA GSUM, SNGAGS KYI DBANG DU BYAS PA'I RIM PA GNYIS LA SOGS PA MTSO DANG ME TOG DANG 'BRAS BU LA SOGS BAS MDZES PA'I DGA' TSAL GYI GZUGS SU BKOD NAS PHUL BA YIN LA, YID BZHIN GYI RGYA MTSO ZHES PA RGYA MTSO CHEN PO DNGOS GZHI MA YIN PAR, GLING BAR GYI MTSO CHUNG SHIN TU MDZES SHING YID DU 'ONG BA DGOS 'DOD THAMS CAD 'BYUNG BA DE 'DRA BA ZHIG YIN PAR BSHAD CING DOGS ZHES PA DE'I GO SA'AM GZHI DANG 'GRAM LA BSHAD PA GNYIS 'BYUNG, JA'I MCHOD PA 'BUL BA NI RGYA GAR NA MED KYANG JO BO BOD DU PHEBS SKABS JA DRANG BAS POD KYI RAB BYUNG TSO BSOD NAMS CHE ZHES BSNGAGS BRJOD MDZAD PA BZHIN 'DIR YANG BZHAG GO ,DNGOS GRUB 'GUGS PAR BYED PA'I LCAGS KYU LNGA DANG, DNGOS GRUB GSAL BAR BYED PA'I SGRON MA LNGA ZHES SHA LNGA BDUD RTZI LNGA PO AOm A'A:H'Um GIS SBYANGS RTOGS SPAR GSUM BYAS NAS 'BUL BA NANG GI MCHOD PA DANG, GSANG BA'I MCHOD PA NI, DBEN PA GSUM LA GNAS PA'I ZHING SKYES KYI MKHA' 'GRO MA, BSKYED RIM LA GNAS PA SNGAGS SKYES, 'OD GSAL SOGS LA GNAS PA'I LHAN SKYES KYI MKHA' 'GRO MA 'GREL PA BZHI SGRAGS NAS 'BYUNG BA LTAR GYI SGYU RTZA LA DRUG CU RTZA @015A *, ,BZHI LA MKHAS PA DE LTA BU'I PHYAG RGYA PHUL LA DE LAS RANG 'DRA CHAD DE BLA MA'I THUGS KA'I RDO RJE 'CHANG GI YUM LA THIM, DE DANG SNYOMS PAR ZHUGS PA'I ZAG MED KYI BDE BA MYONG BA NA GTZO 'KHOR THAMS CAD THUGS RGYUD GCIG PA'I GNAD KYIS GZHAN RNAMS KYANG DES TSIM PAR 'GYUR ZHES GSUNG, DE KHO NA NYID KYI MCHOD PA NI, BRTAN GA-YO THAMS CAD LA KHYAB CING DE DAG KUN GYI RANG BZHIN NAM SDOD LUGS SU GRUB PA RTAG CHAD SPROS PA'I MTHA' THAMS CAD DANG BRAL BA'I DBYINGS STONG NYID DANG DBYER MED DU ZHUGS PA'I LHAN SKYES KYI BDE BA CHEN PO'I YE SHES YIN NO, ,DE NAS SMAN 'BUL BA DANG LUS BRAN DU 'BUL BA NI, NYON MONGS BZHI BRGYA RTZA BZHI ZHES SOGS BYUNG, GSUM PA SDIG PA BSHAGS PA NI THOG MED DUS NAS ZHES SOGS TE, 'DI LA YONGS 'DZIN RIN PO CHES, DPER NA CHANG 'THUNG MKHAN ZHIG GIS SNGA MA LA 'GYONG SEMS KYIS BSHAGS PA BYED KYANG SDOM SEMS MED NA GTAN NAS 'DAG MI THUB PAS SDOM SEMS GAL CHE LA, DE'ANG ZHE PHUGS SU SLAR GCOD MI THUB SNYAM PA YOD KYANG GNAS SKABS DE LA BLO BCOS NAS THAG RBAD KYIS BCAD DE SDOM SEMS BYAS NA SLAR RDZUN DU'ANG MI 'GRO LA, RDO RJE 'CHANG GI BCAS DBANG YIN PAS, DE LTAR BYED KYANG BYED DGOS TE, DGE 'DUN GYI LAS BYED PA'I TSE NA'ANG LTUNG MTHUN GYI BYIN RLABS BYAS PAS LTUNG BA DES LAS LA MI SGRIB PAR 'GYUR BA LTA BU YIN ZHES GSUNGS PA GZHAN LA JI LTAR YIN RUNG, NGA RANG LA BLO SKYED CHE BAR BYUNG, RJES SU YI RANG GI YAN LAG NI, CHOS RNAMS RANG BZHIN ZHES SOGS TE, RJES SU @015B YI RANG BYAS PAS BYED PA PO DANG DGE RTZA CHA MNYAM DU THOB PA SNGON BCOM LDAN 'DAS LA RGYAL PO ZHIG GIS BSOD SNYOMS DRANGS PA DANG, DE LA DBUL PO ZHIG GIS RJES SU YI RANG BYAS PA GNYIS KAS BSOD NAMS MTSUNGS PAR THOB PAR GSUNGS PA LTA BU YIN TE; 'GREL PA DON GSAL LAS, RJES SU YI RANG YID LA BYED BAS NI RANG GZHAN GYI DGE BA BYAS PA MNYAM PA NYID 'THOB BO ZHES GSUNGS, CHOS 'KHOR BSKOR BAR BSKUL BA'I TSE 'KHOR LO LTA BU DNGOS SU YOD NA PHUL KYANG LEGS, LHAG MA GO SLA; DE NAS SA GSUM PA DANG PHYAG CHEN GSOL 'DEBS SOGS LONG SKABS DANG SBYAR NAS 'DON LA, LHAG PAR YANG, DNGOS GRUB KUN 'BYUNG THUB DBANG RDO RJE 'CHANG, ,DMIGS MED BRTZE BA'I GTER CHEN SPYAN RAS GZIGS, ,DRI MED MKHYEN PA'I DBANG PO 'JAM PA'I DBYANGS, ,BDUD DPUNG MA LUS 'JOMS MDZAD GSANG BA'I BDAG ,GANGS CAN MKHAS PA'I GTZUG RGYAN TZONG KHA PA, ,SANGS RGYAS KUN DNGOS BLO BZANG GRAGS PA LA, ,GSOL BA 'DEBS SO MCHOG THUN DNGOS GRUB STZOL, ,ZHES DBEN SA SNYAN BRGYUD NAS 'BYUNG BA'I GSOL 'DEBS 'DI NYID NAN TAN DU BZLA, DE NAS YON TAN 'BYUNG GNAS ZHES SOGS SH'AKYA 'OD KYIS 'DUL BA SUM BRGYA PAR, TSUL KHRIMS LDAN ZHING 'DUL BA'I CHO GA SHES, ,ZHES SOGS GSUNGS PA DANG DON MTHUN PAR SO THAR DANG 'BREL BA'I GSOL 'DEBS, GANG DANG LDAN NA ZHES SOGS MDO SDE RGYAN BZHIN BYANG SEMS DANG 'BREL BA'I GSOL 'DEBS, SGO GSUM LEGS BSDAM ZHES SOGS SDOM 'BYUNG DANG BLA MA LNGA BCU PA LTAR RDO RJE THEG PA'I SLOB DPON GYI MTSAN NYID DANG LDAN PA'I SGO @016A *, ,NAS GSOL BA 'DEBS PA, DE'I 'OG TU PHYI NANG GSANG BA DE KHO NA NYID KYI YON TAN BRJOD PA'I SGO NAS GSOL BA 'DEBS PA LA DANG PO NI, SANGS RGYAS GRANGS MED SOGS DANG, GNYIS PA NI KHYOD KYI KHUNG KHAMS SKYE MCHED SOGS BYUNG LA, BDE GSHEGS SKU GSUM ZHES SOGS SHO LO KA 'DI PHYI'I YON TAN LA SBYAR BA DANG NANG GI YON TAN LA SBYOR LUGS GNYIS YOD, KUN MKHYEN YE SHES ZHES SOGS GSANG BA DANG, SGRIB MED LHAN SKYES ZHES SOGS DE KHO NA NYID KYI YON TAN BRJOD PA'I SGO NAS GSOL BA 'DEBS PA YIN LA, MTSAMS 'DIR TSOGS ZHING GZHAN THAMS CAD RTZA BA'I BLA MA LA BSDUS TE, DE LA PHUR TSUGS GSOL 'DEBS BYED PA'I LUGS KYANG YOD LA, KHRID RGYUN 'DIR 'OG NAS SDUD PA YIN, PHUR TSUGS GSOL 'DEBS NI, RTZA BA'I BLA MA DE NYID LA BLA MA'ANG KHYED RANG YIN, YI DAM YANG KHYED RANG YIN, MKHA' 'GRO CHOS SRUNG SOGS KYANG KHYED RANG YIN PAS, RE SA GZHAN NA MED DO SNYAM DU ZLO BKAL NAS GSOL BA 'DEBS PA YIN LA, DE LTAR BYAS PA'I TSE BLA MA'I SPYI BO'I AOm, MGRIN PA'I A'A:THUGS KA'I H'Um RNAMS LAS BDUD RTZI DKAR DMAR MTHING GA SO SO DANG CIG CAR BYUNG BAS, LUS NGAG YID GSUM SO SO DANG BSDOM PA'I NYES LTUNG SBYANGS, SKU GSUNG THUGS SO SO DANG GSUM CHAR GYI BYIN RLABS ZHUGS, BUM DBANG GSANG DBANG SHES RAB YE SHES KYI DBANG DBANG BZHI PA RNAMS THOB CING, MTHAR BLA MA LAS RANG 'DRA GNYIS PA ZHIG CHAD NAS RANG LA THIM PA'I DMIGS PA BYA, DE NAS @016B LAM GYI CHA YONGS SU RDZOGS PA LA GSHER SBYANG BYED CING BYIN RLABS ZHU BA NI, ZHING MCHOG DAM PA ZHES SOGS TE, 'DI DAG SO SO'I SKABS SU BDUD RTZI 'BEB SBYANG BYAS KYANG CHOG LA, SKYES BU CHUNG 'BRING SOGS KYI CHOS SKOR SO SOR BCAD NAS BYAS KYANG CHOG PAS RANG GI BLO DANG BSTUN, DON NI MDOR BSDUS NA, YON TAN THAMS CAD KYI RTZA BA BSHES GNYEN DAM PAS RJES SU 'DZIN PA DANG, DAL 'BYOR LAN GCIG THOB PA'I DUS 'DIR RNYED BKUR SNYAN GRAGS 'DU LONG TSONG KHE SPOG 'GRO BSDAD SOGS DON MED KYI BYA BA MANG POS MI GA-YENG BAR DON LDAN CHOS KYI SGO NAS SNYING PO LEN DGOS PA DANG, DA LTA NGAN SONG DU SKYES MED KYANG DE'I LAS BSAGS YOD PAS, DPER NA RKUS BYAS PA'I MI DE GNAS SKABS KHRIMS LA PHOG MED KYANG SLAR GCOD PA DANG 'DRA ZHING; DE LAS SKYOB PA'I NUS PA DKON MCHOG GSUM KHO NA LA YOD LA, DE'ANG RANG GIS SKYABS 'GRO'I BSLAB BYA LAS 'BRAS KYI SPANG BLANG SOGS TSUL BZHIN MA BYAS NA, DA DAG GIS KYANG SKYOB THABS MED TSUL BSAM PA SOGS CHUNG NGU DANG THUN MONG BA'I LAM RNAMS RGYUD LA SKYE BAR BYIN GYIS RLOBS ZHES GSOL BA 'DEBS, DE'ANG BYIN NI BLA MA'I SKU GSUNG THUGS KYI GZI BYIN NAM NUS PA YIN ZHING, RLOBS ZHES PA RANG RGYUD KYI PHYIN CI LOG GI BLO SNA SOGS DE LAS GZHAN DU BSGYUR BA'AM ZIL GYIS MNAN BA'I DON YIN LA, DES 'OG MA THAMS CAD LA'ANG 'DRA, DE NAS 'KHOR BA MTHA' DAG LA ZHEN PA LOG PA'I NGES 'BYUNG SKYES TE LAM BSLAB PA GSUM LA SLOB PA 'BRING GI CHOS SKOR YIN ZHING, DE LA'ANG TSUL KHRIMS NI GTZO BO YIN TE, @017A *, ,TSUL KHRIMS RNAM DAG CIG BSRUNG BA LA DRAN SHES BZHIN BRTAN PO RGYUN CHAGS SU BRTEN DGOS SHING, DE LTA BU'I DRAN PA BRTAN PO ZHIG YOD NA, DE NAS TING NGE 'DZIN LA KHA SPOS KYANG BSGRUB SLA BA YIN ZHES YONGS 'DZIN GSUNG LA, TING NGE 'DZIN YOD NA, SHES RAB 'BYUNG TSUL RLUNG GIS MA BSKYOD PA'I MAR ME GSAL CHA DANG LDAN PA LTA BU YIN TSUL LAM RIM SOGS NAS 'BYUNG BA LTAR YIN, DE NAS CHEN PO'I CHOS SKOR NI, NYAM THAG 'GRO BA 'DI KUN BDAG GI MA, ,ZHES SOGS TE, SNYING RJE CHEN PO NI THEG CHEN LAM GYI RTZA BA YIN PAR MDO RGYUD THAMS CAD NAS GSUNG ZHING, DPAL LDAN ZLA BAS KYANG, THOG MTHA' PAR GSUM DU GAL CHE TSUL GYI SGO NAS 'DI LA MCHOD BRJOD MDZAD PA YIN, DE NAS SEMS BSKYED TSUL LA LUGS GNYIS YOD PAS, 'DIR BDAG GZHAN MNYAM RJE'I SGO NAS SEMS BSKYED TSUL GTZO BOR GSUNGS TE DE NI RIM PA MANG PO BYED MI DGOS SHING, GTONG LEN GYI DMIGS PA SOGS 'CHAR BDE LA SHUGS CHE BA YIN, YONGS 'DZIN RIN PO CHES SPYOD 'JUG TU, BDAG DANG GZHAN DU BRJE BYA BA, ,GSANG BA'I DAM PA SPYAD BAR BYA, ,ZHES PA'I DON BDAG GZHAN MNYAM BA RJE 'DI NYAN RANG DANG DER MA ZAD SEMS DPA' DBANG RTUL RNAMS LA'ANG GSANG DGOS BA YIN GSUNG ZHES 'GA' ZHIG ZER YANG, YIG CHA TSOR BLTAS NA BYANG SEMS YIN NA BDAG GZHAN MNYAM BRJE'I BYANG CHUB KYI SEMS KYANG RGYUD LA SKYES PAS KHYAB PA LTA BU ZHIG 'DUG PAS SNGA MA NYAMS MYONG GI GSUNG KHYAD PAR CAN ZHIG @017B YIN NAM DPYAD DGOS, DE'ANG RANG CAG RNAMS BDE BA JI TZAM SPYAD KYANG NGOMS PA MED LA SDUG BSNGAL CUNG ZAD TZAM YANG MI 'DOD PAR 'DRA BA LA, RANG GCES PAR 'DZIN PA'I GTZONG NAD SHUGS DRAG LA GSOR MED BA 'DIS ZIN PA'I DBANG GIS NGAN SONG GSUM GYI SDUG BSNGAL LA SOGS PA MI 'DOD PA THAMS CAD SNA DRANGS YONG TSUL DANG, GZHAN GCES PAR BZUNG BA'I STOBS KYIS YON TAN THAMS CAD 'BYUNG STE RANG CAG RNAMS THOG MED NAS RANG DON KHO NA BYAS PAS RANG DON CUNG ZAD TZAM YANG MA GRUB LA; SANGS RGYAS BCOM LDAN 'DAS KYIS SLOB PA LAM DU RANG DON YAL BAR DOR TE GZHAN DON 'BA' ZHIG MDZAD PAS MTHAR RANG DON PHUN SUM TSOGS PA'ANG DE NYID KYIS BRNYES 'DUG PA SOGS RANG GCES 'DZIN GYI NYES DMIGS DANG GZHAN GCES 'DZIN GYI PHAN YON SGO DU MA NAS BSAM STE GTONG LEN SBYONG DGOS LA, DNGOS GZHI'I DMIGS PA NI, SEMS CAN THAMS CAD KYI SDIG SDUG MA LUS PA SNA BUG GA-YON PA NAS TSUR BSDUS TE, RANG GI SEMS STENG DU NAG PHUNG NGE GNAS NAS RANG LA SMIN PA DANG, RANG GI BDE DGE THAMS CAD SNA BUG GA-YAS NAS PHYIR 'PHROS TE SEMS CAN THAMS CAD KYI SEMS LA ZHUGS PAS DE DAG THAMS CAD BDE BAS TSIM PAR BSGOM DGOS, SPYIR RANG CAG RNAMS RGYUN DU RANG GCES PAR 'DZIN CING, GZHAN YAL BAR 'DOR BA YIN PA LA 'DIR BLO DE GNYIS GOS BRJES NAS RANG YAL BAR 'DOR ZHING GZHAN GCES PAR 'DZIN PAS BDAG GZHAN MNYAM BRJE ZHES BSHAD PA YIN GYI, BDAG GZHAN YIN SNYAM PA DANG GZHAN BDAG YIN SNYAM DU BSGOM PA GTAN MIN, 'DI YAN CHAD KYI BDAG @018A *, ,GZHAN MNYAM BRJE'I SKOR PHAL CHER SONG ZHING, DE NAS, SNOD BCUD SDIG PA'I 'BRAS BUS YONGS GANG STE, ,ZHES SOGS KYI DON MI DGE'I LAS KYI RNAM SMIN SNOD BCUD THAMS CAD LA SMIN TE CHAR CHU DUS SU MI 'BABS SHING LO TOG MI SMIN PA 'THAB RTZOD 'KHRUGS LONG MANG BA GCAN GZAN GDUG PAS GTZES PA, NAD RIMS SNA TSOGS 'BYUNG BA SOGS MI 'DOD PA SNA DGU 'DZINGS PA'ANG ZHUM PA MED PAR DE THAMS CAD SNGON LAS NGAN BSAGS PA'I 'BRAS BU YIN, DA LAN MYONG NAS DAG SONG NA BZANG SNYAM DU RKYEN NGAN LAM DU 'KHYER BA DANG, MDOR NA BZANG NGAN GYI SNANG BA CI ZHIG BYUNG YANG 'PHEN PA'I STOBS DANG DKAR POS YON GYI STOBS SOGS STOBS LNGA DANG SBYOR BA BZHI'I SGO NAS DE THAMS CAD BYANG CHUB KYI GROGS SU BSGYUR TE, BLO SBYONG DON BDUN MA SOGS NAS BYUNG BA LTAR BLO SBYONG GI DAM TSIG BCU BDUN LA SOGS PA THAMS CAD TSUL BZHIN DU BSRUNG NUS PAR BYIN GYIS RLOBS ZHES PA'O, ,DE NAS SMON SEMS NI, GTONG LEN RLUNG LA ZHES SOGS DANG, DUS GSUM RGYAL BA ZHES SOGS NI 'JUG SEMS YIN LA, 'DI YAN CHAD KYIS SPYOD PA SPYI BSLAB KYI RIM PA SONG ZIN NAS, SO SOR 'CHAD PA LA, LUS DANG LONGS SPYOD ZHES SOGS BYUNG BAS SHES RAB KYI PHAR BYIN MNYAM GZHAG GI GNAS SKABS LA SBYAR TE, MTSAN NYID SO SOR RIG PA YID BYED KYI DPYAD STOBS KYIS DRANGS PA'I SHIN SBYANG GI BDE BAS ZIN PA'I LHAG MTHONG THOB NAS MNYAM GZHAG GI TSE DGAG BYA BDEN GYUR BCAD TZAM GYI STONG PA LA MNYAM PAR BZHAG @018B PA'I NAM MKHA' LTA BU'I RNAL 'BYOR SKYONG ZHING, DE LAS LANGS PA'I RJES THOB TU SNOD BCUD KYI CHOS 'DI THAMS CAD SGYU MA DANG RMI LAM DANG CHU ZLA LTA BUR BLO LA SNANG BA TZAM ZHIG MA GTOGS RANG NGOS NAS MA GRUB PAR LTA BA SGYU MA LTA BU'I RNAL 'BYOR DANG, , MDOR NA CHOS 'DI THAMS CAD MING DANG RTOG PAS PHAR BTAGS TZAM ZHIG BSNYON MED DU YOD PAS LAS RGYU 'BRAS SOGS RTEN 'BREL GYI RNAM GZHAG THAMS CAD 'THAD LDAN DU BZHAG CHOG LA, DE DAG GANG YANG RIGS PAS DPYAD NA DON DAM PAR GRUB PA RDUL TZAM YANG MED PAS STONG PA DANG RTEN 'BYUNG GNYIS PO 'DI PHAN TSUN GCIG GROGS SU GCIG 'GRO BAS SNANG BA STONG BA'I GROGS SU 'CHAR BA DANG STONG PA SNANG BA'I GROGS SU 'CHAR BA ZHIG DGOS KYI, DE GNYIS TSA GRANG LTAR 'GAL BAR BZUNG NA KLU SGRUB YAB SRAS KYI DGONGS PAR GTAN MI 'GRO BAS, RJE BDAG NYID CHEN POS, RTEN 'BYUNG GI RNAM GZHAG 'DI THAMS CAD 'KHRUL NGO TZAM DU SKYEL MI DGOS PAR DNGOS GNAS LA'ANG TSAD GRUB TU BZHAG CHOG STE, THA SNYAD PA'I TSAD MA'ANG TSAD MA YIN PA'I PHYIR GSUNGS, DE LA STAG TSANG LO TZ'A BAS GRUB MTHA' KUN SHES SU, MA DAG 'KHRUL PA'I SNANG BA TSAD GRUB TU, ,RIGS PA DU MAS BRTAGS NAS KHAS LEN PA, ,DE LA 'GAL BA'I KHUR CHEN 'DIR LTAR YOD, CES SOGS SKYON BRJOD MANG DU BYAS LA, DE'I BLO RTZE NI DBU MA 'JUG PAR, MA BRTAGS GRAGS PAR GTI MUG LAS YIN NO, ,ZHES 'JIG RTEN RANG DGA' BA'I RGYUD KYI MA BRTAGS MA DPYAD PA'I THA SNYAD PA'I TSAD MA THAMS CAD GTI MUG YIN PAR @019A *, ,BSHAD 'DUG SNYAM DU DGONGS PAR SNANG YANG, RANG LUGS NI DE DAG GIS YUL DE'I GNAS LUGS MTHONG MI NUS PA'I CHA NAS GTI MUG TU BSHAD PA YIN GYI, GTI MUG MTSAN NYID PA MIN NO, ,DE LTAR THUN MONG PA'I LAM SNGON DU BTANG NAS, THUN MONG MA YIN PA SNGAGS KYI LAM LA, DANG PO 'JUG SGO DBANG DANG DE'I DAM TSIG BSRUNG BA NI, DE NAS RDO RJE 'DZIN PA'I ZHES SOGS BYUNG, SKYE SHI BAR DO ZHES SOGS BSKYED RIM YIN ZHING 'DI'I SKABS KYI LHA SKU THAMS CAD YID NGO'I LHA SKU YIN GYI DNGOS GNAS PAR LDANG MI NUS LA, SPYIR LHA SKUR BSKYED RGYU DE'ANG DE LTA'I LUS RTEN SHA KHRAG GDOS BCAS 'DI STONG PAR SBYANGS NAS 'OD KHRU GANG PA LTA BU ZHIG TU GYUR TE, DE'I NGANG NAS LHA SKU GSAL 'DEBS DGOS PAR MKHAS GRUB RIN PO CHES GSUNGS LA, GO'AM PA SOGS 'GA' ZHIG GIS, RNAM SMIN GYI PHUNG PO 'DI GA LHA SKUR SGOM MI RUNG NA, PHUNG PO SANGS RGYAS LNGA BDAG NYID, ,DE LA SMOD PA BRGYAD PA YIN, ,ZHES RTZA LTUNG DU BSHAD PA DANG 'GAL ZHES ZER, DANG PO NAS GDOS BCAS KYI LUS 'DI LHAR BSGOM PA MIN YANG, RJES SU SANGS RGYAS PAN DAG PA'I SGYU MA'I SKU DE, THA MAL GYIS MTHONG MI NUS PAS, RAGS PA'I ZA MA TOG LA 'DREN DGOS SHING, DE'I SNOD LTA BU YIN PAS DE'ANG SANGS RGYAS PAR 'DOD DGOS SAM SNYAM, RDZOGS RIM NI, RTZA BA'I BLA MA DE NYID SNYING GAR BSAMS TE RE RKYANG GI RGYU BA DH'U T'IR BKAG NAS RLUNG DBU MAR ZHUGS GNAS THIM GSUM BYAS PA LAS DON DAM 'OD GSAL DANG KUN RDZOB SGYU MA'I @019B SKU GNYIS ZUNG DU 'JUG PA'I RDZOGS RIM GYI RTOGS PA KHYAD PAR CAN SKYE BA DANG, GAL TE SNGAGS KYI TSOGS LAM TZAM YANG TSE 'DIR RGYUD LA SKYED PAR MA NUS NA SNGAR BSHAD PA'I STOBS LNGA DANG 'PHO BA'I GDAMS PA SBYAR NAS DAG PA'I ZHING KHAMS BDE BA CAN LTA BUR SKYE BA'I 'DUN PA BYA DGOS, 'PHO BA'I GDAMS PA NI GTZO BOR SAM BHUtA SOGS BLA MED MA GTOGS RNAL 'BYOR RGYUD MAN CHAD LAS BSHAD PA MED KYANG DA LTAR 'OD DPAG MED RJE BTZUN BYAMS MGON SOGS KYI 'PHO BA BYED PA 'DI BLA MA GONG MA RNAMS KYIS BLA MED KYI MAN NGAG GIS RGYAS BKAB PA YIN ZHES LCANG SKYA RIN PO CHES GSUNGS, LHAG MA NI TSE RABS RJES 'DZIN GYI SMON LAM YIN ZHING, MTHAR TSOGS ZHING GZHAN THAMS CAD BSDUS TE, DBUS KYI BLA MA RDO RJE 'CHANG, GA-YAS KYI BYAMS PA, GA-YON GYI 'JAM DBYANGS, RGYAB KYI RDO RJE 'CHANG, MDUN GYI RTZA BA'I BLA MA GNYIS PA DANG, LNGA PO DER BSDUS NAS RE ZHIG GI BAR DU DE LA DMIGS PA GTOD, MTHAR GZHAN BZHI PO DBUS KYI BLA MA LA BSTIM SENG KHRI GDAN LA BSTIM, RTZA BA'I BLA MA DBU MA'I LAM NAS MAR BSTIMS TE NU MA GNYIS KYI BAR SNYING GI DKYIL MI SHIGS PA'I THIG LE'I DBUS SU, SHIN TU PHRA BA'I RLUNG SEMS DANG NGO BO DBYER MED DU BSGOM PA YIN LA, 'DI'I RLUNG NI SROG 'DZIN YIN ZHING, DE'I RANG MDANGS DKAR PO YIN PAS, BLA MA'ANG SKU MDOG DKAR POR BSGOM DGOS, DE LTAR BLA MA DANG RANG SEMS DBYER MED DU GYUR CING, DE'I BYIN RLABS ZHUGS PA'I SNANG BA BAN BUN ZAR ZIR NGOS BZUNG DU MED LA 'DI 'DRA ZHIG AE 'GRUB SNYAM PA'I RE BA DANG, GNOD PA SOGS KYIS@020A *, ,'JIGS PA'I DOGS PA MED CING, 'DAS PA'I RJES MI GCOD MA 'ONGS BA'I SNGON MI BSU BAR BLO MA BCOS GSAL LA HRIG GE BDE GA'I NGANG DU MNYAM PAR 'JOG DGOS LA, DE'ANG BRGYAL BA DANG GNYID MTHUG PO LOG PA LTA BU'I YID BYED BKAG PA TZAM ZHIG BSKYANGS NA HVA SHANG GI LTA BA RJE YAB SRAS SROGS KYIS GTZO BOR 'GOG RGYU DE YIN PAS, 'DIR SEMS DMIGS PA LA GNAS MI GNAS LTA BA'I DRAN PA RGYUN CHAGS BRENG NGE BA DANG, MA BRTAGS NA MI SHES LA BRTAGS NA MI 'CHAR DGU 'CHAR SNA TSOGS BYED BA'I RTOG PA 'OG 'GYU SOGS KYI BAR CHAD YOD MED LTA BA'I SHES BZHIN BRTEN DGOS TE, 'DIR, 'GYUR BA RIG PA'I SHES BZHIN BSNGOGS, ,ZHES NYER BSNGOGS KYI DE DANG 'DRA BAR BA 'PHUL CAN YIN PAS GRAB BAM STA GON BYED PA'I DON YIN, DRAN PA'I DON MNGON BA KUN BTUS SOGS SU 'DRIS PA'I DNGOS PO LA DMIGS PA SOGS KHYAD PAR GSUM GSUNGS KYANG, YUL GSAR RTOGS KYI SEMS KYI 'KHOR DU 'BYUNG BA'I DRAN PA LA ZHIB CHA DGOS SAM SNYAM, DE LTAR SEMS KYI NGO BO GSAL ZHING RIG PA DE LA BSGRIMS TE BLTAS BA NA RNAM RTOG GLO BUR BA THOL GYIS BYUNG BA'I TSE RNAM RTOG DE NYID MI 'GOG PAR DE'I NGO BO LA CER GYIS BLTAS PAS DE NYID SEMS KYI NGO BOR 'GRO BAS BLA MA ZHANG GIS; SEMS LAS RNAM RTOG 'PHRO BA 'DI CHOS SKU LAS CHOS SKU 'PHRO BA DANG, STONG NYID LAS STONG NYID 'PHRO BA YIN GSUNGS SHING, RJE BTZUN MI LA RAS PA'I DRUNG DU LCAMS LE 'OD KYIS RTOGS PA PHUL BA LAS KYANG, AANG GE BLA MA RIN PO CHE, NAM @020B MKHA' BSGOM DU BDE LAGS TE, ,LHO SPRIN BSGOM DU CUNG MA BDE, ,LHO SPRIN BSGOM PA'I GDAMS PA ZHU, ,ZHES ZHUS PAR RJE BTZUN GYIS, NAM MKHA' BSGOM DU BDE LAGS NA, ,LHO SPRIN NAM MKHA'I CHO 'PHRUL YIN, ,NAM MKHA' RANG GI NGANG DU ZHOG ,CES NAM MKHA' LAS BYUNG BA'I SPRIN DE NAM MKHA'I NGANG DU 'GRO BA BZHIN RNAM RTOG KYANG SEMS KYI RANG MDANGS YIN PAS RNAM RTOG ZUR DU MI 'GOG PAR RTZA BA'I SEMS LHAN SKYES MA BCOS PA DE'I NGANG DU BZHAG NAS BSGOM DGOS GSUNGS PA LTAR RAM, YANG NA RAL SKOR MKHAN BZHIN DU, ,RNAM RTOG CI SKYES RBAD RBAD GCOD, ,CES GSUNGS TE, 'DUL BA LUNG LAS 'BYUNG BA BZHIN RAL SKOR MKHAN BYA BA GZHAN GYIS MTSON CHA CI 'PHANG YANG RAL GRI BSKOR NAS GCOD NUS PA BZHIN, RNAM RTOG GANG SKYES DE MA THAG NGOS BZUNG NAS 'GOG THUB PA ZHIG DGOS, RAL SKOR MKHAN DE RGYA GAR NA YOD KYANG BOD DU MED LA RGYA NAG NA'ANG YOD PAR LCANG SKYA RIN PO CHES GSUNGS, DE LTAR RNAM RTOG BKAG PA'I MTHAR TING NGE 'DZIN JI LTAR SKYONG TSUL NI LA BSGRON GYIS, HRIM GYIS BSGRIM LA LHOD KYIS GLOD, ,SEMS KYI 'JOGS DE NA GDA', ,ZHES GSUNGS TE, DE'ANG DANG POR GCIG BSGRIM, DE NAS YANG LHOD PA LTA BU MA YIN PAR GNAS SKABS GCIG PO DE LA GRIM LHOD KYI CHA GNYIS KA TSANG DGOS PA YIN TE, HA CANG BSGRIM DRAG NA SEMS 'PHROS TE RGOD BA'I DBANG DU 'GRO ZHING, HA CANG LHOD NA BYING BA SKYE STE, TZANDRA GO MI'I BSHAGS BSTOD LAS, BRTZON PA BRTEN NA RGOD PA SKYE 'GYUR ZHING, ,DE SPANGS NA NI ZHUM GA SKYE 'GYUR BAS, ,ZHES GSUNGS PA LTAR YIN PAS DRAN SHES KYI SHUGS MA @021A *, ,YAL BAR KHONG NAS GRIM CHA DANG LDAN YANG PHYI LHOD PA DE 'DRA ZHIG DGOS SO, ,RGYU MTSAN 'DI DAG GI GNAD KYIS SNGA RABS PA RNAMS GLOD RA BLA SGOM RAB CES BSHAD PA DE RJE YAB SRAS KUN GYIS RTZAL DU BTON NAS DGAG PA MDZAD PA YIN LA, MNYAM MED DVAGS PO LHA RJE'I GSUNG LA LAR YANG DE LTAR BSHAD PA 'BYUNG STE, ZHI GNAS GSAR SGRUB SOGS KYI SKABS SU YIN NA MI RUNG YANG, SNGAGS KYI RTOGS PA MTHON POR SONG BA'I SKABS SU DE 'DRA'I DUS SHIG KYANG DON DAM SNYAM, 'JUR BUS BCINGS BA'I SEMS NYID NI, ,GLOD NA GROL BAR THE TSOM MED, ,CES PA 'DIS RA HA'I GSUNG YIN ZHING, DPER NA SKUD PA LTA BU HA CANG GRIM DRAG PAS MDUD PA BYUNG BA DE GLOD NA RANG BABS SU ZHIG 'GRO BA BZHIN, SEMS RNAM RTOG GIS BCINGS PA'ANG MA BCOS PAR BZHAG NA SEMS KYI NGO BOR RANG YAL DU 'GRO STE DON SNGA MA DANG GNAD GCIG ,DE LTAR KHONG NAS GRIM CHA MA SHOR YANG HA CANG BSGRIM MA DRAG PAR SEMS RANG BABS SU LHOD CHAM GYIS BZHAG NA RNAM RTOG THAMS CAD RANG ZHIR 'GRO LA, SNGAR BSHAD PA BZHIN RNAM RTOG CHOS SKUR BLTAS NAS MI 'GOG PA DANG, RAL SKOR MKHAN BZHIN DU RNAM RTOG GANG SKYES DE MA THAG RBAD KYIS GCOD PA GANG GI SGO NAS YIN KYANG, RNAM RTOG RANG YUL DU SONG STE SEMS KYI NGO BO STONG SANG NGE GSAL LE HRIG GE BA RGYUN CHAGS SU MTHONG BA DE'I TSE, RTOG PA GNAS 'GYU 'DRES PA ZHES BKA' BRGYUD KYI SGOM CHEN RNAMS LA GRAGS SHING GNAS 'GYU RIGS GSUM GYI THA SNYAD KYANG MDZAD DO, ,YANG SKYONG TSUL GCIG LA @021B RNAM RTOG CI SKYES KYANG MI 'GOG PAR RNAM RTOG DE GA'I NGO BO DE GANG DU 'PHRO GANG LAS 'PHRO BLTAS TE RANG BABS SU BZHAG NAS BSGOM NA MTSAMS SHIG NAS RNAM RTOG DE NYID KYANG RANG SO MI ZIN PAR RTZA BA'I SEMS DE'I STENG DU TSUR 'KHOR NAS YONG STE, DPER NA TSONG BRGYA MTSOR 'GRO BA'I TSE CHU SRIN LA SOGS PA'I 'JIGS PA YOD MED BLTA BA'I CHED DU PHUG RON BZUNG SONG BA DE RGYA MTSO'I KHAR BTANG NA 'KHOR 'KHOR NAS 'BABS MA RNYED PAR SNGAR GYI GRU NANG DER LOG 'ONG BA LTA BU YIN TE, JI LTAR GZINGS NAS 'PHUR BA'I BYA ROG NI, ,PHYOGS RNAMS BSKOR NAS SLAR YANG DER 'BAB BZHIN, ,ZHES DO HA LAS GSUNGS, GZHAN YANG SEMS KYI BZHAG THABS GTZO BO DRUG GSUNGS TE, SPRIN DANG BRAL BA'I NYI BZHIN BZHAG ,MKHA' LA KHYUNG CHEN LDING BZHIN BZHAG ,RGYA MTSO CHEN PO'I 'JING BZHIN BZHAG ,BU CHUNG LHA KHANG BLTAS BZHIN BZHAG ,MKHA' LA BYA 'PHUR RJES BZHIN BZHAG ,RAS BAL BRDAL BA BZHIN DU BZHAG ,CES SEMS KYI NGO BO 'OD GSAL BA DE NYID BYING RGOD SOGS RNAM RTOG GIS MI SGRIB PAR 'JOG PA DANG, KHYUNG CHEN NAM MKHA' LDING NGES MKHA' LA NAM 'PHANG BCAD NAS 'GRO BA'I TSE GSHOG PA LHEB LHEB LHEB MI BYED PAR LHOD DING NGE 'GRO'ANG KHONG DU GRIM CHA'I SHUGS DANG LDAN PA BZHIN GRIM LHOD 'TSAM ZHING GSAL NGAR DANG LDAN PAR 'JOG PA DANG, GSUM PA NI, CHU CI TZAM CHE BA TZAM GYIS RLABS 'BYUNG BA YUN RING LA BYUNG BA'I TSE THAG RING POR 'GRO BA YIN PAS RGYA MTSO CHEN POR NYI MA BDUN NA RLABS RE RE 'BYUNG, DE'ANG KHA NAS RLUNG GIS CUNG ZAD BSKYOD PA MA @022A *, ,GTOGS GTING GA-YO MI NUS PA BZHIN, SEMS RNAM RTOG PHRA MOS CUNG ZAD GA-YOS KYANG, RAGS PAS MI GA-YO BAR 'JOG PA DANG, BYIS PA CHUNG NGU LHA KHANG DU SONG BA MCHE BE RAGS RIM TZAM ZHIG MTHONG BA LAS RI MO'I ZHIB CHA SOGS KYI RTOG DPYOD MI 'JUG PA BZHIN SEMS SGO LNGA'I DBANG SHES KYI RJES SU MI 'BRANG BAR 'JOG PA DANG, NAM MKHA' LA BYA 'PHUR BA NA RJES BSTAN RGYU MED PA LTAR SEMS LA RE DGOS MANG POS 'CHING BA MED PAR 'JOG PA DANG, RAS BAL BRDAL BA NA LHOD LHOD POR 'DUG PA LTAR SEMS MA GA-YOS PA'I NGANG LA LHOD CHAM GYIS MNYAM PAR 'JOG PA RNAMS YIN ZHING, LAS DANG PO PA'I SKABS 'DIR DE'I NANG NAS KYANG BU CHUNG LHA KHANG BLTA BLTA BU'I BSGOM TSUL DE GNAD CHE, SNGA RAGS PA'I SGOM CHEN PHAL CHER LA SEMS KYI BZHAG THABS GTZO BO 'DI DAG MA GTOGS, SEMS GNAS DGU DANG, NYES BA LNGA SPONG BA'I GNYEN POR 'DU BYED BRGYAD BSTEN PA, STOBS DRUG DANG YID BYED BZHI'I 'GRUB TSUL SOGS KYI RNAM GZHAG CHER MA MDZAD KYANG SNGAR BSHAD PA RNAMS NYAMS MYONG GI SGO NAS GSUNGS PA YIN 'DUG ,DE LTAR BSGOMS PA'I 'BRAS BU LA JI 'DRA BA ZHIG 'BYUNG RGYU YIN NA, MNYAM GZHAG NGO BO GANG GIS KYANG, ,MA BSGRUBS DVANGS SHING GSAL BA DANG; ,ZHES SOGS GSUNGS TE, SEMS KYI NGO BO GANG GIS MA BSGRIBS PA, RTZIG NGOS KYI RDUL PHRA RAB TSUN CHOD KYANG 'CHAR BA'I TSOD LTA BU'I DVANGS SHING GSAL LA, YUL GYI RNAM PA 'DI 'CHAR LA 'DI MI 'CHAR BYA RGYU MED PAR SNA TSOGS SU 'CHAR @022B BA'I HRIG GE BA, DBYIBS DANG KHA DOG LA SOGS PA'I DBYIBS GZUGS CAN GANG DU'ANG MA GRUB BA'I STONG SANG NGOS BZUNG MED PA DE LTA BU MNGON SUM DU MTHONG BA NI, SEMS NGO 'PHROD PA DANG, SEMS KYI CHOS NYID MTHONG BA YIN PAS, 'DI NI DPER NA GZHAN LA ZAN CHANG STER BA BZHIN DU SANGS RGYAS KYI GO 'PHANG SBAR BCUD DU GTOD PA'I GDAMS PA BLA NA MED PA YIN ZHES ZER, RANG LUGS LA, DES SEMS KYI KUN RDZOB PA'I NGO BO TZAM ZHIG MTHONG BA DANG, SEMS GNAS SGRUB PA'I THABS TZAM ZHIG YIN LA SEMS GNAS MTSAN NYID PA ZHIG GRUB NA'ANG, DNGOS GZHI DANG NYER BSDOGS SOGS ZHI LHAG GI YON TAN THAMS CAD KYI GZHI YIN PAS SHIN TU GAL CHE, DES NA 'DIR DE LTA BU'I ZHI GNAS SGRUB TSUL GSUNGS PA'ANG GZHAN LUGS SHES PA TZAM GYI PHYIR MIN GYI, 'OG TU 'CHAD RGYU'I SEMS KYI DON DAM PA'I NGO BO DE NYID LA 'JUG SLA BA DANG, DE 'DRA'I LHAG MTHONG 'GRUB PA'I GZHI'I ZHI GNAS KHYAD PAR CAN SNGON DU BSGRUB PA'I PHYIR YIN NO, ,DE'ANG BKA' RGYUD PA SNGA MA RNAMS DBANG RNON DANG PO NAS PHYAG RGYA CHEN PO 'DI LA KHRID CHOG PA CIG CAR BA DANG, DMIGS RIM 'OG MA NAS GO RIM BZHIN BYAS TE MTHAR PHYAG RGYA CHEN PO'I RTOGS PA BSTAN CHO GA PA LA RIM GYIS PA ZHES PA'I THA SNYAD BTAGS LA, 'ON KYANG LAM GONG MA SKYE BA'I SNGON 'GROR THUN MONG LAM SPYANG 'OG MA LA BLO SBYONG DGOS PAR RJE BTZUN MI LAS KYANG MGUR 'BUM SOGS SU GSUNGS PAS, SPYIR DBANG PO RNO RTUL SU YIN YANG LAM THUN MONG BAS RGYUD SBYANGS BA SNGON DU 'GRO DGOS LA, TSE RABS SNGA MAR SBYANGS PA SNGON @023A *, ,DU SONG BA YIN NA TSE 'DI RANG LA THOS BSAM SOGS CHER MA BYAS KYANG SNGA MA'I BAG CHAGS SAD NAS RTOGS PA KHYAD PAR CAN SKYE BA YOD DE, DPER NA SNGON 'GRO MGON PHAG MO GRU PA DE NYID DANG POR GZHUNG LUGS LA SBYANGS PA MDZAD PA'I TSE, 'KHOR BA'I RTZA BA 'DI GANG LA THUG PA YIN SNYAM DU DGONGS PA'I TSE THAG CHOD PA ZHIG MA BYUNG BAR, PHYA PA CHOS KYI SENG+GE'I DRUNG DU PHEBS NAS DRIS PAR, THOG MA'I MA RIG PA YIN GSUNG YANG SGRO 'DOGS MCHOD, SA CHEN GYI DRUNG DU ZHUS PAS RLUNG SEMS NGO BO THA DAD DU 'DZIN PA 'DI YIN GSUNGS TE, NGES KYANG SGRO 'DOGS MCHOD, DE NAS DVAGS LHA SGAM POR MNYAM MED DVAGS PO LHA RJE'I DRUNG DU PHEBS PAS KHONG GIS KHYED RANG LA THAG MA CHOD PA CI YOD DRIS SHIG GSUNG PAS; 'KHOR BA'I GZHI RTZA MTHAR THUG PA DE GANG YIN ZHUS PA NA DE LA MI SHES RGYU CI YOD, DA LTA'I THA MAL GYI SHES PA 'DI GA YIN GSUNG PAS, THUGS LA GTING NAS 'PHROD BA ZHIG BYUNG STE SNGON GYI BAG CHAGS SAD PA'I BYIN RLABS DANG DGA' SPRO MOS GUS SMRA MI SHES PA LTA BUS YID GA-YOS TE DRAN MED DU BRGYAL ZHING, DE KA RANG LA PHYAG RGYA CHEN PO'I RTOGS PA KHYAD PAR CAN 'KHRUNGS PAR BSHAD PA LTA BU YIN, RJE BDAG NYID CHEN PO'I BLA MA DBUM PA CHEN PO DE NYID KYIS KYANG SNGAR BKA' BRGYUD PA'I BLA MA 'BA' RAB BYA BA'I DRUNG NAS SEMS KYI NGO SPROD PHYAG RGYA CHEN PO 'DI NYID KYI KHRID CIG GSAN LA, ZHIB TU BRTAG NA SEMS GNAS SGRUB TSUL TZAM ZHIG TU 'DUG CES RNAM THAR DAD PA'I 'JUG NGOGS LAS ZUR TZAM GSUNGS, SEMS GNAS @023B SGRUB PA'I SKABS 'DIR MDO LUGS KYIS RNAM RTOG PHRA MO MI 'GOG KYANG, SNGAGS LUGS LA DE 'GOG PA'I GNAD KYIS ZHI GNAS SGRUB PA SOGS LA NUS PA CHE BA YIN ZHES YONGS 'DZIN GSUNG, GNYIS PA RANG LUGS KYI PHYAG CHEN GTZO BO SEMS KYI DON DAM PA'I GNAS LUGS GTAN LA DBAB PA LA, RTZOM PAR DAM BCA' BA NI, DA NI SEMS KYI CHOS NYID LA, ,NGO SPROD JI LTAR BYA BA'I TSUL, ,ZHES PA NAS, RTZA BA'I BLA MA'I ZHAL GDAMS 'GOD, ,CES RTZA BA'I BLA MA MKHAS GRUB CHEN PO SANGS RGYAS YE SHES KYI ZHAL LAS 'ONGS PA'I GDAMS PA GNAS LUGS PHYAG RGYA CHEN PO'I MAN NGAG GSAL BAR 'GOD PAR BYA'O, ,ZHES GSUNGS NAS DNGOS GZHI LA, NGES DKA' SLA'I DBANG GIS BDAG MED GNYIS LA 'JUG RIM SPYIR BSHAD PA DANG MTHUN PAR DANG POR GANG ZAG GI STENG DU GTAN LA 'BEB TSUL DANG, DE NAS SEMS KYI STENG DU GTAN LA 'BEB TSUL GNYIS YOD PAS, DANG PO NI, SNGAR GYI MNYAM GZHAG DANG NYID LAS, ,MA GA-YOS DVANGS PA'I CHU NANG DU, ,JI LTAR NYA CHUNG 'KHYUG PA LTAR, ,PHRA MO'I SHES PAS SGOM PA PO'I, , SKYES BU'I RANG BZHIN MDZANGS PAR BRTAG ,CES SOGS GSUNGS TE, DPER NA CHU BO CHEN PO'I GTING NAS NYA CHUNG 'KHYUG KYANG, DES CHU GA-YO MI NUS PA BZHIN, SNGAR BSHAD BA'I ZHI GNAS KYI SGOM DE LAS MA GA-YOS PAR MNYAM PAR BZHAG BZHIN PA'I NGANG DE NAS SHES PA'I ZUR GCIG GIS NGA RANG BZHIN GYIS GRUB MA GRUB DANG, GRUB NA JI LTAR GRUB DGOS TSUL DANG, DE LA GNOD BYED JI LTAR 'JUG PA SOGS DPYAD PA BYED DGOS LA, DPYAD TSUL NI, DPAL MGON 'PHAGS PA KLU SGRUB @024A *, ,KYIS; SKYES BU SA MIN CHU MA YIN, ,ME MIN RLUNG MIN NAM MKHA' YIN, ,RNAM SHES MA YIN KUN MIN NA, ,DE LAS GZHAN NA SKYES BU GANG, ,ZHES SOGS GSUNGS TE, RANG RE'I SNANG TSUL 'DI LA NGA'AM SKYES BU ZHES PA TSUGS THUB HRING HRING POR YOD PA 'DRA BA ZHIG 'BYUNG YANG, PHAR BTZAL NA SHA RUS SOGS KYI SA KHAMS TSO'ANG NGA MIN, LUS KYI KHRAG CHU SER SOGS DANG, DROD DANG DBUGS DANG, NAM MKHA' KHAMS SU GTOGS PA LUS KYI BU GA LA SOGS PA 'DI DAG GANG YANG NGA MIN LA, 'DI THAMS CAD BSAL BA'I SHUL NA 'DI NGA YIN ZER BA'I LUS RGYU ZHIG KYANG MED PAS, DES NA SKYES BU ZHES PA SA CHU ME RLUNG NAM MKHA' RNAMS KYI KHAMS DRUG 'DUS PA LA MING DANG RTOG PAS BAR BTAGS PA MA GTOGS, KHO RANG GI NGOS NAS TSUR GRUB RGYU CUNG ZAD TZAM YANG MI 'DUG SNYAM DU BSGOM ZHING SHUGS ZHAN DU SONG BA NA'ANG SNGAR GYI RGYU MTSAN DRAN TZAM BYAS TE, DE LA 'JOG PA MNYAM GZHAG NAM MKHA' LTA BU'I BSGOM TSUL YIN ZHING, SKYES BU KHAMS DRUG 'DUS PA'I PHYIR, ,YANG DAG MA YIN ZHES PA 'DIS RJES THOB KYI SGOM TSUL BSTAN ZHES 'GREL PAR GSUNGS LA, DE'I TSUL NI SNGAR BSHAD PA BZHIN KHAMS DRUG SO SO'ANG NGA MIN, 'DUS PA'ANG NGA MIN, DE LAS LOGS SU'ANG NGA MED LA, 'ON KYANG LAS GSOG PA PO DANG, RNAM SMIN MYONG BA PO'I NGA TZAM ZHIG YOD DGOS PAS, DE NI DPER NA RGYU MA MKHAN GYIS SGYU MA SPRUL PA'I TSE RDE'U SHING RANG GI NGOS NAS RTA GLANG MED KYANG MIG BSLAD PA DANG SNGAGS RDZAS KYI DBANG GIS RTA @024B GLANG GI SNANG BA TZAM ZHIG 'BYUNG BA BZHIN, GDAGS GZHI KHAMS DRUG PO DE LA, 'DOG BYED MING DANG RTOG PAS PHAR BTAGS TZAM PA, BLO LA SNANG TZAM PA DE KA TZAM ZHIG NGA'O SNYAM DU SGYU MA DANG RMI LAM DANG CHU ZLA LTA BUR BSGOM PAS RJES THOB KYI RNAL 'BYOR SKYONG TSUL YIN NO, ,GNYIS PA SKABS 'DI'I DMIGS PA'I GTZO BO SEMS KYI STENG DU GTAN LA 'BEB TSUL NI, YANG NA MNYAM PAR BZHAG PA'I DANG, ,GZUGS SUM GRUB STONG SANG NGE, ,ZHES SOGS GSUNGS TE, SEMS 'DI LUS KYI STOD SMAD SOGS CHA 'DI NA YOD, DBYIBS DANG KHA DOG LA SOGS PA'I KHYAD PAR 'DI 'DRA ZHIG YIN ZHES PA LTA BU'I NGOS BZUNG GANG YANG MED PA, DNGOS GNAS LA STONG NYID MIN YANG PHAR BRTAG NA STONG SANG NGE BA ZHIG LAS MED PAS BKA' BRGYUD GONG MA RNAMS RGYAR MA CHAD PA; PHYOGS SUM LHUNG BA ZHES ZER LUGS PHAL CHER NAM MKHA' DANG PHYOGS MTSUNGS LTA BU ZHIG MDZAD LA, DE LTAR NGOS BZUNG MED PA ZHIG YIN YANG, RANG DGAR MA BRTAGS MA DPYAD BAR BZHAG NA MI 'CHAR DGU 'CHAR BA, SRID RTZE NAS MNAR MED KYI BAR GYI BDE SDUG LEGS NYES THAMS CAD BYED PA PO YIN PAS, SNGON CHAD RANG CAG PHAR SEMS KYI DBANG DU SONG BA YIN, DA NI SEMS DE TSUR RANG GI DBANG DU 'DUS PA ZHIG BYED DGOS PAS, SEMS NGO SPROD BA DANG SEMS LA DMIGS PA ZHES 'DI NYID GTZO BOR RTZAL DU 'DON PA'I RGYU MTSAN YANG DE YIN, SEMS DMIGS RTEN DU BYED PA DE'I TSE SEMS KYI NGO BO RAGS RIM TZAM ZHIG SHAR BA NA, DE TZAM GYIS CHOG SHES BYAS TE DE LA DMIGS NAS BSGOM NA GSAL CHA RIM GYIS 'BYUNG BAS DE LTAR BYED DGOS KYI, @025A *, ,DANG PO NAS, GSAL CHA CAN ZHIG LA GTZOR 'DON BYAS NA DMIGS RTEN MI RNYED PAS DE 'DRA MI RUNG ZHES YONGS 'DZIN RIN PO CHE GSUNG, DE'ANG SEMS LA DMIGS PA 'DI SPYIR ZHI GNAS KYI DMIGS PA LA KHYAB PA'I DMIGS PA, NYON MONGS RNAM SBYONG GI DMIGS PA, SPYAD PA RNAM SBYONG GI DMIGS PA, MKHAS PA'I DMIGS PA RNAMS SU YOD CING, DANG PO LA'ANG RNAM RTOG DANG BCAS PA'I GZUGS BRNYAN, RNAM RTOG MED PA'I GZUGS BRNYAN, DNGOS PO'I MTHA', DGOS PA YONGS GRUB DANG BZHI, DNGOS PO'I MTHA' LA'ANG, JI LTA BA LA LTOS PA'I DNGOS PO'I MTHA' DANG, JI SNYED PA LA LTOS PA'I DNGOS PO'I MTHA' GNYIS YOD PA'I NANG NAS JI SNYED PA LA LTOS PA'I DNGOS PO'I MTHA' YIN ZHES YONGS 'DZIN GSUNG, DE'ANG SEMS KYIS SEMS LA DMIGS PA YIN NA, THAL 'GYUR BA'I LUGS KYIS RANG RIG 'GOG PA'I SKABS SU, SKYES BU YANG ZOR CI TZAM CHE'ANG RANG GIS RANG GI PHRAG PA LA ZHON MI NUS PA DANG, SOR MOS RANG GI RTZE MO LA REG MI NUS PA DANG, MAR MES RANG NYID GSAL MI NUS PA SOGS KYI DPE'I SGO NAS BYA BYED GCIG TU THAL BA'I SKYON BRJOD PA DE 'DI LA'ANG 'DRA BAS JI LTAR YIN DPYAD GZHI CHE, YONGS 'DZIN RIN PO CHES SEMS KYI DON SPYI LA DMIGS PA YIN GSUNGS PA SNGAR GYI SKYON DE KHEGS TZAM 'DUG LA, LCANG SKYA RIN PO CHES KYANG 'DI SKOR YONGS 'DZIN RIN PO CHE LA DRI BA ZHIG MDZAD SNANG, NGA RANG GIS BSAM TSOD LA DANG POR SEMS KYI SPYI TZAM ZHIG 'CHAR @025B BCUG NAS, DE PHYIN SKAD CIG PHYI MA PHYI MAS SNGA MA LA DMIGS BAR BYAS NA GO RGYU CUNG ZHIG DGA' 'AM SNYAM, DE LTAR SEMS KYI NGO BO GSAL STONG HRIG GE BA RIGS 'DRA'I RGYUN CHAD BA MED CING YUL SNA TSOGS SU 'PHRO BA DE NYID NGOS ZIN PAR BYAS TE, DE'I STENG DU GNAS LUGS PHYAG RGYA CHEN PO GTAN LA 'BEBS PA'I RIGS PAS SGRUB TSUL NI, RGYAL SRAS ZHI BA LHAS, RGYUD DANG TSOGS ZHES BYA BA NI, ,PHRENG BA DMAG SOGS BZHIN DU RDZUN, ,ZHES GSUNGS TE, DE LA DPE NI SKUD PA GCIG LA PHRENG RDEG BRGYA DANG BRGYAD BRGYUS PA'I TSE PHRENG BA'O ZHES DE'I STENG NAS TSUR GRUB GRUB 'DRA BA LA, PHRENG RDOG SO SOR BSAL NA PHRENG BA NGOS 'DZIN RGYU MED PA DANG, GO MTSON THOGS PA'I MI BRGYA TZAM ZHIG 'DUS PA NA DMAG CES RANG NGOS NAS GRUB BSDAD PA'I DMAG YOD YOD 'DRA PAS; DMAG MI RNAMS SO SOR SONG BA'I SHUL NA DMAG CIG LUS RGYU MED PA LTAR SEMS ZHES BYA BA 'DI'ANG RGYUD DAM RGYUN SKAD CIG SNGA PHYI MANG PO ZHIG TSOGS TZAM GYI STENG LA BLOS PHAR BZHAG PA TZAM ZHIG LAS SKAD CIG SO SOR BSAL BA'I SHUL NA LUS RGYU MED LA, 'DI LA PAn CHEN THAMS CAD MKHYEN PAS RIGS PA 'DI NYID BSNAN NAS GSUNGS TE, DPER NA KHANG PA KA BA BZHI MA ZHIG GI NANG NA KHANG PA DE'I KA BA SPYI TZAM PA ZHIG YOD DGOS TE, DE KA BA BZHI KA'I DBYE GZHI YIN PA'I PHYIR, 'ON KYANG KA BA BZHI PO DE RE RE NAS PHYE NA DBYE GZHI'I KA BA MIN TE DBYE CHOS YIN LA, DBYE CHOS SU 'GRO BA'ANG DBYE GZHI ZHIG YOD PA LA LTOS DGOS PAS MING GIS BTAGS TZAM GYI STENG NAS 'JOG DGOS LA, KHRI CHEN NGAG DBANG MCHOG LDAN GYIS KYANG, MTSAN@026A *, ,NYID PA'I RDZAS SBYI MA ZER BA 'DI STONG NYID GO BA LA PHAN SHIN TU CHE GSUNG, DBEN SA PA SANGS RGYAS YE SHES KYI ZHAL GDAMS NYAMS MGUR LAS KYANG, GANG SHAR RNAM RTOG 'DZIN PAR YONGS RIG NA, , DON DAM CHOS DBYINGS GZHAN LA LTOS MED 'CHAR, ,ZHES SOGS TSIG NYUNG ZHING DON RGYA CHE BA SHO LO KA 'DI'I NANG DU PHYAG CHEN GYI GNAD YONGS SU RDZOGS PAR 'DUS LA, TSIG DON NI, DA LTA NGA RANG TSO LA GANG SNANG BA 'DI THAMS CAD BDEN 'DZIN GYIS BSLAD PA'I 'KHRUL SNANG SHA STAG YIN TE, RANG RE LA SNANG BA'I TSE YUL GANG DANG GANG YIN KYANG KHO RANG GI NGOS NAS TSUR SNANG BA LTA BU ZHIG MA GTOGS BLOS BAR BTAGS PA'I NYAMS MED LA, DON DU BZHI BRGYA PA'I 'GREL PAR RTOG PA YOD PA KHO NAS YOD PA NYID DANG, RTOG PA MED PAR YOD PA NYID MED PA ZHES SOGS GSUNGS PA LTAR, RTOG PAS PHAR BTAGS TZAM MA GTOGS 'JOG RGYU MED LA, RTOG PAS PHAR BTAGS PA TZAM DE YOD PAS YOD PAR 'JOG KYANG DGOS TE, BUDDHA P'A LI TAR GSUNGS PA BZHIN, BYIS PA GNYIS KYIS LHA KHANG BLTAS PA NA GCIG GIS 'KHOR LO THOGS PA 'DI NI SRED MED KYI BU'O, ,RTZE GSUM THOGS PA 'DI NI DBANG PHYUG GO ZER BA LA, GCIG SHOS KYIS DE MA YIN TE 'KHOR LO THOGS PA 'DI NI DBANG PHYUG GO ,RTZE GSUM THOGS PA 'DI NI SRED MED KYI BU'O ZHES GNYIS KA MA MTHUN PAR KUN TU RGYU ZHIG LA DRIS PA NA, DES 'KHOR LO THOGS PA 'DI NI KHYAB 'JUG GAM SRED MED KYI BU YIN, TZE GSUM THOGS PA 'DI DBANG PHYUG @026B YIN ZHES LAN BTAB PAS DE GNYIS KYI DOGS PA SEL NUS LA LAN YANG DON MTHUN DU 'GRO BAS, DE LTAR 'DEBS DGOS KYI 'KHOR LO THOGS PA 'DI KHYAB 'JUG MIN KHYAB 'JUG GI RI MO YIN ZHES KHYAD PAR 'BYED MI DGOS PA BZHIN DU, MA BRTAGS MA DPYAD PA'I BLO LHAN SKYES 'DIS PHAR BTAGS TZAM DES TSIM PAR BYAS NAS THA SNYAD PA'I RNAM GZHAG THAMS CAD BSNYON MED DU 'JOG DGOS KYI, KUN RDZOB KYI CHOS RNAMS KYI 'JOG MTSAMS LA DON DAM GYI DPYAD PA BYAS NA CUNG ZAD KYANG RNYED RGYU MED PAS 'JOG MI THUB TSE DE LA MKHAS GRUB SANGS RGYAS YE SHES KYI MGUR 'DI'I GSUNG ZIN LTAR NA RTOG PAS BTAGS TZAM SNGON LA RTOGS NAS, DE'I SHUGS KYIS STONG NYID RTOGS 'GRO BA LTA BU ZHIG 'DUG KYANG SBYIR BDEN GNYIS KYI RTOGS RIM LA, DON DAM BDEN PA SNGAR RTOGS DGOS PAS 'DI GSAR RTOGS KYI DUS LA SBYOR RAM, RJES SU BSGOM PA'I SKABS LA SBYOR DPYAD DGOS, PA DAM PAS, STONG NYID DANG DU RIG BA'I MDUNG SKOR BYA, ,ZHES SOGS GSUNGS PA'ANG 'DI DANG GNAD GCIG GSUM BA RJES SU BSNGO BAS MTSAMS SBYAR BA NI, RJES NI PHYAG CHEN BSGOM PA LAS, ,ZHES SOGS SLA, DE LTAR MNYAM GZHAG GIS BSGOMS NAS RJES THOB TU LANGS PA NA, DE'I RNAL 'BYOR SKYONG TSUL NI, DE LTAR GOMS NAS TSOGS DRUG GI ZHES GSUNGS TE; 'JUG SHES DRUG LA YUL GANG SNANG BA NA'ANG DGAG BYA'I SNANG TSUL DANG MA 'DRES PA ZHIG GTAN MED PAS, RTZOD PA'I TSE 'DI LA SNANG BA'I BUM PA YOD LA SNANG BA LTAR GYI BUM PA MED CES ZHIB CHA 'BYED KYANG, ZHE PHUGS SU BUM PA KHO RANG GI NGOS @027A *, ,NAS TSUR GRUB GRUB 'DRA BA'I SNANG BA YID DE BDE GZHIR BZHAG NAS, DE'I STENG DU BUM PA YOD LA BDEN GRUB PA MA RANG MTSAN ZER BA'I ZUR DU 'GOG RGYU ZHIG YOD PAR BZUNG NA DGAG BYA GTAN NAS MI KHEGS BAS DA LTA MI SNANG BA 'DI GA RANG DGAG BYA'I SNANG BA YIN GSUNG LA, 'BRAS SBUNGS GTZANG MA DGE BSHES KYIS KYANG THA SNYAD BA'I TSAD MA RNAMS SNANG PA LOG SHES DANG 'DZIN STANGS LA TSAD MA YIN GSUNGS ZHES 'GA' ZHIG ZER, 'ON KYANG THA SNYAD BA'I TSAD MA'I NGOR YOD PAS YOD GO CHOD DGOS TE, RJE BTZUN 'JAM PA'I DBYANGS KYIS KYANG RJE BLA MA LA SNANG PHYOGS DANG STONG PHYOGS GNYIS KYI NANG NAS SNANG PHYOGS LA RTZIS SU BYED DGOS GSUNGS PA DANG, RJE BLA MAS KYANG STONG NYID LA CI TZAM NGES PA RNYED PA DE TZAM GYIS SNANG BRTEN 'BYUNG GI RNAM BZHAG LA NGES PA BRTEN DU 'GRO BAS SNANG BAS STONG PA MI 'GOG CING STONG PAS SNANG BA MI 'GOG PAR SNANG STONG GNYIS PHAN TSUN GCIG GCIG GI GROGS SU 'CHAR BA ZHIG BYUNG NA KLU SGRUB YAB SPAS KYI DGONGS DON RNYED PA YIN PAR GSUNGS TE, DPAL MGON 'PHAGS PA KLU SGRUB KYIS, DBU MA RTZA BA'I MCHOD BRJOD SOGS SU'ANG, STONG PA DANG RTEN 'BYUNG DON GCIG TU GSUNGS PA 'DI NI BSTOD PA'I SGO BLA NA MED PA DANG SHIN TU NGO MTSAR CHE BA'I GNAS YIN PAS, DE'I SGO NAS BSNGAGS PA MDZAD PA YIN LA, RTEN 'BREL GYI RNAM BZHAG 'DI LA BRTEN NAS BTAGS PA'I RTEN 'BREL DANG, BRTEN NAS BYUNG BA'I RTEN 'BREL GNYIS YOD PAS THAL 'GYUR BA RANG LUGS KYI RTEN 'BREL 'JOG MTSAMS @027B PHRA SHOS SNGA MA YIN ZHES YONGS 'DZIN GSUNG, MDOR BSDU NA, RJE BDAG NYID CHEN POS LAM GYI GTZO BO RNAM GSUM DU, SNANG BRTEN 'BREL BSLU BA MED PA DANG, ,ZHES SOGS GSUNGS PA LTAR, LAS DGE SDIG LAS 'BRAS BU BDE SDUG 'BYUNG PA SOGS RGYU 'BRAS RTEN 'BREL BSLU BA MED PA'I SNANG PHYOGS DANG, BDEN GRUB RNAM PAR BCAD PA'I STONG PA GNYIS BO GCIG GIS GCIG LA MI GNOD BAR SNANG BAS YOD MTHA' SEL ZHING, STONG PAS MED MTHA' SEL BA SNANG BZHIN DU STONG LA STONG BZHIN DU SNANG BAS SNANG STONG ZUNG 'JUG RTAG CHAD SPROS PA'I MTHA' THAMS CAD DANG BRAL BA'I DBU MA'I LAM BZANG 'DI NI RGYAL BA'I DGONGS PA MTHAR THUG PA YIN LA, RJE BLA MA TZONG KHA BA CHEN PO DE NYID KYIS KYANG, RJE BTZUN 'JAM PA'I DBYANGS YUN RING DU BSTEN TE GSOL BA SHUGS DRAG TU BTAB, DKA' BA DPAG TU MED PA SPYAD, SNGON RGYAL BA DBANG PO'I TOG GI SPYAN SNGAR YANG LUGS BZANG 'DI NYID SPEL BA'I SMON LAM RLABS BA CHE'I MTHU GRUB BA LA BRTEN NAS GANGS CAN GYI LJONGS 'DIR BSTAN PA'I SNYING PO DRI MA MED PA 'DI NYID CHES CHER GSAL BAR MDZAD, 'ON KYANG PHYAG RGYA CHEN PO'I 'KHRID TSUL 'DI NI SNYAN BRGYUD KHO NA LAS CHES CHER MA GRAGS PA PAN CHEN THAMS CAD MKHYEN PAS RTZA 'GREL GNYIS KA GSUNGS TE DAR RGYAS SU MDZAD CING, DE RJES SKYID SHOD ZHABS DRUNG NGAG DBANG BSTAN 'DZIN 'PHRIN LAS MDO SMAD DU PHEBS TE, KHONG GIS KYANG SPEL BAR MDZAD PAS DAR RGYAS CHE LA, BAR SKABS NAS PHYOGS 'DIR NYAMS CHAG TU SONG YANG, DENG SANG YONGS RIN RIN PO CHES 'DI'I KHRID YANG YANG GNANG BA'I BKA' @028A *, ,DRIN GYIS THAMS CAD LA NYAMS LEN JI LTAR YIN RUNG, PHYAG CHEN ZHES DON GNYER BYED PA 'DI BYUNG BA YIN, BDAG GIS KYANG KHONG CHOS 'DI'I BKA' BAB YIN PA'I RGYU MTSAN GYIS ZHUS NAS NYAMS LEN CHER MA THUB KYANG GSHAR SBYAR TZAM RE BYAS PA YIN PAS RI KHROD DU SGRUB PA NYAMS LEN GNANG MKHAN RNAMS KYIS GTZO MDZAD TSANG MAS RGYUN PAR THUGS NYAMS SU BZHES TE LAM GYI LUS YONGS SU RDZOGS PA LA BAG CHAGS CI THEBS KYI SGO NAS DAL 'BYOR THOB PA DON LDAN DU MDZAD DGOS ZHES 'DOM PAR MDZAD DO, ,PHYAG CHEN GYI RIM PA'ANG, CHOS THUN LNGAR GNANG BAS, DANG PO LA BSHAD PA TSAR GNYIS DANG PHYI MA'I MGOR RE RE STE GSUM GSUM MDZAD, CHOS THUN GYI MGOR SHES SNYING DANG BDUD BZLOG ,DE NAS PHYAG CHEN GSOL 'DEBS LHUN 'GRUB SKU GSUM MA DANG MAndAL, MJUG GI MAndAL GYI RJES SU PHYAG CHEN SMON LAM DANG LAM RIM SMON LAM, CHOS THUN GNYIS PA'I MGOR 'JIGS BYED KYI GTOR MGRON BSKYED NAS; GTOR MA 'BUL ZHING DE RJES CHOS RGYAL GTOR 'BUL BYED, CHOS THUN THA MA'I RJES SU, TSOGS MANG NAS BLA MCHOD GSUNG ZHING YON TAN 'BYUNG GNAS KYI MGOR, MKHAS GRUB SANGS RGYAS YE SHES KYIS GSUNGS PA'I TSOGS 'KHOR BKRAS LHUN SNGAGS POD DU GSAL BA LTAR BYAS TE, DE RJES CHOS RGYAL LA GTOR MA PHUL, DE NAS YON TAN 'BYUNG GNAS ZHES SOGS DKYUS LTAR 'DON DGOS PAS PHYAG LEN GYI RIM PA 'DI'ANG MA 'CHOL BAR BYED PA SHIN TU GAL CHE'O, , @028B SMRAS PA, ZHAL LUNG BYIN RLABS NYI MA 'OD PO CHE, ,BRJED NGAS CHU 'DZIN DRA BAS BSGRIB GYUR KYANG, ,RANG BZO'I ZIN BRIS ME 'OD KYIS BSTOD PA, ,THUB BSTAN LEGS BSHAD PADMO'I DGRA RU CHE, ,DE SLAD DBRI BSNAN NGAL BA RING SPANGS TE, ,JI LTAR GSUNG BZHIN LHUG PAR BKOD PA YI, ,DGE BAS BDAG GZHAN 'GRO BA MA LUS PA, ,LAM BZANG 'DI YIS MYUR DU GROL GYUR CIG ,CES PHYAG CHEN GYI KHRID RIM ZIN BRIS SU BTAB PA 'DI NI YONGS RDZOGS BSTAN PA'I MNGA' BDAG NGES PA DON GYI THAMS CAD MKHYEN GZIGS CHEN PO RJE BTZUN DKON MCHOG 'JIGS MED DBANG PO ZHABS DRUNG DU KHAL KHA CHE CHEN H'A NA GYI BLA MA MKHAS PA'I DBANG PO YE SHES RGYA MTSO PAS 'DI'I KHRID ZHUS SKABS BDAG GIS KYANG MNOS PA LAS GSUNG BSHAD RAGS RIM DRAN TSOD RNAMS RANG GI DRAN PA GSO PHYIR DANG, KHAL KHA BLA MAS KYANG ZIN BRIS SHIG CI NAS KYANG BRI DGOS ZHES BSKUL MA BYUNG BAR BRTEN, 7BTZUN PA DKON MCHOG BSTAN PA'I SGRON MES CHOS GRVA CHEN PO BKRA SHIS 'KHYIL DU BRIS PA 'DIS KYANG SNYAN BRGYUD KYI BSTAN PA PHYOGS DUS KUN TU RGYAS PAR GYUR CIG, ` RGYAS PAR NA BLA MA MCHOD PA'I MJUG TU ZHABS SEN 'OD CHAGS BRTAN PAR BZHUGS SU GSOL, ZHES PA'I MTHAR, ` DNGOS GRUB GTER CHEN BLA MA RDO RJE 'CHANG, ,SNYING GAR SIM PAS DGA' BA DES MYOS PA'I SEMS,, GSAL STONG 'DZIN MED MA BCOS GNYUG MA YIS, ,KUN RTOG GNAS LUGS RTOGS PAR BYIN GYIS RLOBS, ,SKAD CIG RGYUN GYI PHRENG BAR RANG SEMS ZHES, ,MING BRDAS PHAR BTAGS TZAM LAS DON STENG NAS, ,GRUB PA'I BDEN DNGOS CHA TZAM MA DMIGS PAS, , @029A *, ,STONG PA'I NGANG TSUL RTOGS PAR BYIN GYIS RLOBS, ,DBYINGS RIG DBYER MED DON GYI PHYAG RGYA'I MDANGS, ,SMIN LEGS DGA' MAR ROL PA'I BDE BA CHES, ,BZHIN LEGS ROL GAR GZUGS SKU'I BKOD PA 'BUM, 'GYED PAS 'GRO KUN SRID LAS SGROL BAR SHOG ,BSDU NA, DGA' LDAN LHA BRGYA MA LTA BU'I RJES LA, DPAL LDAN RTZA BA'I BLA MA NAS BSTZAL DU GSOL ZHES PA'I MTHAR, 7DNGOS GRUB GTER CHEN ZHES SBYOR, ZHES PA 'DI NI CHA THAR NAS LAM 'DI LA MOS PA'I PHUN TSOGS DPAL LDAN ZHES PA'I BSKUL NGOR, 7BTZUN PA DKON MCHOG BSTAN PA'I SGRON MES CHOS GRVA CHEN PO BKRA SHIS 'KHYIL DU BRIS PA'O, ,DGE'O, ,