@001A *, ,BLA MA'I RNAL 'BYOR DGA' LDAN LHA BRGYA'I KHRID KYI
ZIN BRIS BZHUGS SO, ,

@001B #, ,RGYAL BA BYAMS PA MGON POS, SANGS RGYAS RNAMS LA
LHAG PAR BYAS, ,DE LAS DGE BA'I RTZA BA BSKRUN, ,DGE BA'I
BSHES KYI MGON BCAS PA, ,'DI MNYAN PA YI SNOD YIN NO, ,

ZHES GSUNGS PA LTAR, RGYAL BA'I GSUNG RAB THAMS CAD KYI RAB
DANG PHUL DU GYUR PA BCOM LDAN 'DAS KYI DGONGS PA'I GTAD SO
MTHAR THUG PHA ROL TU PHYIN PA'I DON ZAB MO 'DI NYID THOS BSAM
SGOM GSUM GYIS

GTAN LA 'BEBS PA LA BKA' GDAMS GLEGS BAM CHEN MOR RJE BTZUN
'JAM PA'I DBYANGS DANG RJE BLA MAS DRIS LAN GYI SGO NAS GSUNGS
PA LTAR BLA MA'ANG GANG BYUNG GYIS MI RUNG BAS DPER NA RGYA
MTSO'I GLING DU 'GRO BA'I TSE

DED DPON LAM RGYUS MKHAS PA, SNYING STOBS DANG LDAN PA, SNYING
RJE DANG LDAN PA, PHYIR MI LDOG PA DE LTA BU ZHIG BSTEN DGOS
PA LTAR, 'DIR YANG MA GI THAR PA CHA MTHUN NAS BZUNG THAMS CAD
MKHYEN PA'I YE SHES KYI

BAR THEG PA CHEN PO'I LAM GYI LUS YONGS SU RDZOGS BA LA MKHAS
SHING GZHAN LA 'DOMS PA'I THUGS RJE DANG LDAN PA ZHIG DGOS, YI
DAM YANG BDE GSANG 'JIGS GSUM YAM BRAL BA ZHIG DANG, CHOS
SKYONG YANG SKYES

BU GSUM GYI LAM GYI 'GROS DANG MTHUN BA ZHIG DGOS, DE'I NANG
NAS KYANG RJE BLA MA LA BRTEN PA'I BLA MA'I RNAL 'BYOR NI
THAMS CAD LAS KHYAD PAR 'PHAGS PA YIN PAS DON GANG ZHIG SGRUB
KYANG 'DI LAS LHAG PA MED DE,

@002A #, ,SNGON RJE SHES RAB SENG GE'I SLOB MA 'DUL NAG PA
DPAL LDAN BZANG PO DANG 'DUL 'DZIN BLO GROS SBAS PA GNYIS LA
'DUL DKAR NAG TU GRAGS PA'I NANG TSAN 'DUL NAG PA DE SRANG KYI

LUNG BA'I PHUR BZHUGS PA'I MNGA' NA MI TSANG STOBS CHE ZHIG
YOD PA'I BU RGYAL 'GONG GIS ZIN TE GANG GIS KYANG BLAGS MA
KHEL BA NA, PHYUGS RDZI DE SNGA TSO'I LUNG PA'I PHU 'DIR RES
'GA' GA-YAG CHEN PO

ZHIG 'DUG ,RES DGE SLONG ZHIG 'DUG ,DE RANG BZHIN BA ZHIG MIN
PA 'DRA PAS KHONG LA ZHUS NA THABS RE YOD DAM ZHES GROS BTAB
PA LA BRTEN NAS DE DAG GIS GSOL BA BTAB PA NA, DANG POR ZHAL

GYIS MA BZHES, NAN GYIS ZHUS PAS SRAD RGYUD 'DEB PA'I DUS LA
BAB PA'I SNGA LTAS SU GZIGS NAS, 'O NA NGAS PHAN MI PHAN BLTAS
TE PHAN NA YONG BAS CHOG ,DANG POR NGA'I LHAM DANG 'PHRENG
RDOG

'DI RNAMS KHYER LA RGYAL 'GONG ZHUGS SA LHA MA STENG DU ZHOG
,'PHRENG RDOG RNAMS SKAR KHUNG DU ZHOG LA CI ZER LTOS SHIG
GSUNG BA LTAR BYAS PAS, RGYAL 'GONG DES SKAD NGAN BTON TE
STENG NAS RI RAB

LHUN POS MNAN BYUNG, SGO THAMS CAD KHRO BO 'JIGS SU RUNG BAS
BKAG 'DUG ,DA GANG DU 'GRO ZHES SDUG SKAD BTON PA'I TSUL ZHUS
TE SPYAN DRANGS NAS BLA MAS DAM LA BTAGS TE DMIGS BRTZEMS GAR

@002B KHYAB KYI PHYOGS SU MI SDOD PA'I DAM BCA' GYIS, GAL TE
MI BYED NA THAL BA'I RDUL DU BRLAG GO ZHES GSUNGS PAS, RGYAL
'GONG DES KHYED BYANG CHUB SEMS DPA' YIN PAS RGYAL 'GONG
LA'ANG THUGS RJES GZIGS DGOS, STOD DZA TI'I ME TOG

SKYE BA'I SA NAS, SHAR RGYA MTSO'I MTHA'I BAR DU DMIGS BRTZEMS
MA KHYAB SA MI 'DUG PAS BDAG GANG DU 'GRO ZHES GSOL BA BTAB PA
NA, DGA' LDAN LHA BRGYA MA'I SGO NAS DMIGS BRTZE MA BGRANG
MKHAN GAR YOD LA GNOD PA MI BYED

BA'I DAM BCA' GYIS GSUNGS TE DAM LA BTAGS PAS, RANG RE RI BO
DGE LUGS PA RNAMS SKU RIM BYED KYANG 'DI LAS LHAG PA MED, KHRI
CHEN NAM MKHA' BZANG ZHING GSHEGS TSE GSER KHRI'I STENG NAS
PHYAG KHRI LA BRDAB STE, NGA'I

BYA BA THAMS CAD LA DAM CAN CHOS RGYAL KHYOD DBANG PO YIN, DA
RES KYANG NGAS BZLOG PA BYAS NA SE GOL GCIG GTOGS PA'I YUN LA
KHONG TSO THAMS CAD BRLAG THUB STE, DGA' LDAN YID DGA' CHOS
'DZIN DU DGE SLONG BYAS 'GRO BA MA

GTOGS 'BA' RANG BYAS NAS MI 'GRO GSUNG NAS DE 'PHRAL THE BO
KHANG DU PHEBS TE NGA LA CHO GA MANG PO MI DGOS, ZHAG ZHE
DGU'I RING LA DMIGS BRTZE MA BGRONGS GSUNG NAS SKU 'DAS PA
YIN, DER MA ZAD THA NA SAD SER BSRUNG BA, TSAR

'BEBS CHAR GCOD TSUN CHAD KYANG 'DI'I LAS TSOGS KYIS MI THUB
PA MI SRID PAS 'DI LA NAN TAN SNYING PO MDZAD DGOS, DE LA'ANG
THUN GYI NGO BO LA JI LTAR BYA BA, THUN MTSAMS SU JI LTAR BYA
BA'I TSUL GNYIS, DANG PO LA SNGON 'GRO

@003A *, ,SBYOR BA LA JI LTAR BYA BA DANG, DNGOS GZHI LA JI
LTAR BYA BA DANG, YA JUG TU JI LTAR BYA BA'I TSUL GSUM, DANG
PO'ANG BSTAN PA'I 'JUG SGO SKYABS 'GRO DANG, THEG PA CHEN PO'I
LAM GYI GZHUNG

SHING SEMS BSKYED GNYIS, DANG PO NI SBYOR BA'I CHOS DRUG SNGON
DU BTANG STE, RANG GI MDUN GYI NAM MKHAR PADMA'I SDONG PO
YANGS SHING RGYA CHE BA'I STENG DU SENG GES BTEG PA'I RIN PO
CHE'I KHRI LA DBUS SU RJE BLA MA, MTHA' SKOR

SANGS RGYAS BYANG SEMS NAM MKHA'I KHAMS GANG BA LTA BU'I TSOGS
ZHING GSAL BTAB STE, BDAG DANG 'GRO BA NAM MKHA'I MTHA' DANG
MNYAM PA'I SEMS CAN THAMS CAD DUS DA NAS BZUNG STE JI SRID
BYANG CHUB SNYING PO LA MCHIS KYI

BAR DU DPAL LDAN BLA MA DAM PA RNAMS LA SKYABS SU MCHI'O,
,SANGS RGYAS BCOM LDAN 'DAS RNAMS LA SKYABS SU MCHI'O, ,DAM
PA'I CHOS RNAMS LA SKYABS SU MCHI'O, ,'PHAGS PA'I DGE 'DUN
RNAMS LA SKYABS SU

MCHI'O, ,ZHES LAN BDUN SOGS BRJOD, DE NAS SEMS BSKYED THUN
MONG PA'I MJUG TU, NAM MKHA' DANG MNYAM PA'I SEMS CAN THAMS
CAD KYI DON DU BLA MA SANGS RGYAS KYI GO 'PHANG RIN PO CHE CI
NAS KYANG MYUR BA NYID DU THOB

BAR BYA, DE'I PHYIR DU LAM ZAB MO BLA MA LHA'I RNAL 'BYOR
NYAMS SU BLANG BAR BYA'O, ,ZHES LAM LA DMIGS PA'I SEMS BSKYED
DAM, KHYAD PAR SEMS BSKYED DE BYA, DE NAS SANGS RGYAS KYI
MDZOD SPU'I GNAS SMIN MTSAMS NI BYIN

@003B RLABS 'JUG PA'I SGO YIN PAS TSOGS ZHING RNAMS DER
BSDU'O, ,GNYIS PA DNGOS GZHI LA DGA' LDAN GYI GNAS GSAL BTAB
STE DGA' LDAN NAS RJE BLA MA YAB SRAS GSUM SPYAN 'DREN PA, YAN
LAG BDUN PA MAndAL DANG BCAS PA DBUL BA,

RNAM THAR GSOL 'DEBS KYI SGO NAS YON TAN DRAN TE GSOL BA GDAB
PA, ,MTSAN SNGAGS BGRANG NAS 'DOD BYA'I DON LA SMON LAM GDAB
PA BZHI, DANG PO LA DGA' LDAN GSAL 'DEBS PA DANG, SPYAN 'DREN
TSUL GNYIS DANG

PO NI, BA TSVA CAN GYI RGYA MTSO'I NANG NAS DBANG CHEN GSER
GYI SA GZHI BOG TZAM RE STENG DU THON PA'I LHO PHYOGS 'DI
SHING RTA'I DBYIBS LTA BU, ,NUB PHYOGS ZLUM PO SGONG LTA BU,
BYANG GRU BZHI SHO LTA BU, ,SHAR TSES BRGYAD KYI ZLA BA LTA BU

ZHIG YOD LA, LHUN PO'I MDANGS PHOG LUGS KYIS MNGON PAR SKABS
YOD KYI GZUGS PAR SNANG SKYA SENG LA NAM MKHAR GRAGS PA
'DI'ANG MDOG MI 'DRA BAS GLING SO SO'I CHU MDOG KYANG MI 'DRA
LA, DE THAMS CAD KYI BYANG PHYOGS GSER

RI BDUN DANG ROL MTSO BDUN BRGYAL BA'I DBUS NA RI RAB YOD
CING, DE'I BANG RIM RNAMS LA RGYAL CHEN RIS BZHI DANG, RTZE
MOR SUM CU RTZA GSUM, DE'I STENG DU 'THAB BRAL, DE'I STENG DU
DGA' LDAN YOD LA, DE'I PHYOGS GCIG NA

BYAMS MGON GYI PHO BRANG RGYAL MTSAN MTHON PO GRONG LAS DGON
PA'I TSUL DU GNAS PA'I MDUN NA CHOS STON PA'I KUN DGA' RA BA
YID DGA' CHOS 'DZIN BYA BA MTHA' SKOR DU DGOS 'DOD 'BYUNG BA'I
DPAG BSAM GYI LJON PA DANG GSER

@004A *, ,GYI BYE MA BRDAL BA'I KHRUS KYI RDZING BU DU MAS
BSKOR BA'I DBUS NA KHRI CHEN PO'I STENG DU KHRI CHUNG LA RGYAL
BA BYAMS PA MGON PO 'KHOR LOS BSGYUR BA'I 'DUG STANGS SAM
BZANG PO'I BZHUGS STANGS MDZAD PA'I

THUGS KA GSER GYI RI BO NYI MA 'BUM GYIS BYUGS PA LTA BU, 'JIG
RTEN THAMS CAD 'OD KYIS 'GENGS NUS PA DPAL GYI BE'U DANG BKRA
SHIS KYI RI MO YOD PA'I NANG NA ME LONG NGOS KYI GZUGS BRNYAN
LTAR RJE YAB BSRAS GSUM BZHUGS

PA; GA-YAS NA DPAL LHA GCIG DLI PAm KLA RA LHA'I BU'I RNAM PA
BZUNG BA LHA'I BU NAM MKHA' DRI MA MED PA DANG, GA-YON NA RANG
CAG GI RJE BLA MA'I RNAM ROL LHA'I BU 'JAM DPAL SNYING PO
DANG, MTHA' SKOR DU 'PHAGS PA THOGS MED SKU

MCHED SOGS DGA' LDAN DU BYON PA'I RGYAL SRAS GRANGS MED PA
RNAMS BZHUGS PA'I RNAM PA GSAL 'DEBS PA NI YANG DAG PA'I MTHA'
MNGON DU BYED PA'I SNGON 'GRO RDZOGS SMIN SBYANGS GSUM GYI YA
GYAL ZHING SBYONG BA LA 'GRO BA SHO LO KA

DANG PO 'DI'I THUN MONG MA YIN PA'I MAN NGAG YIN ZHING, 'OG MA
RNAMS LA'ANG THUN MONG MA YIN PA'I MAN NGAG RE RE YOD DO, ,DE
NAS SPYAN 'DREN TSUL NI RANG NYID GNAS DER PHYIN PA'I NYAMS
BTON TE KYE MA BDAG LA TSE 'DIR NI

ZHING 'DIR 'ONGS TE KHYED RNAMS DNGOS SU MJAL BA'I SKAL BA MI
'DUG PAS NGA'I MGON SKYABS DANG DPUNG GNYEN DAM PAR 'DZAM BU'I
GLING DU 'BYON DGOS ZHES GDUNG SHUGS DRAG PO'I SGO NAS, DGA'
LDAN LHA BRGYA'I ZHES SOGS

@004B DAL BUR GDANGS SNYAN POS BSGRAGS NA DGA' LDAN NAS GSAN
TE LAG NGAR BSKUM PA LAS BRKYANG BA BZHIN DU SKAD CIG DE NYID
LA PHEBS MI PHEBS DOGS PA TZAM YANG CIL DGOS TE, TSOGS LAM
CHEN PO NAS CHOS RGYUN GYI TING NGE 'DZIN THOB STE, SHA'I

MIG GIS DPAG TSAD BRGYA SOGS MTHONG ZHING, LHA'I RNA BAS DE
SNYED KYI SGRA THOS NA, RJE BLA MAS YE SHES KYIS MA GZIGS PA
GA LA SRID, DE NA GNYIS PA YAN LAG BDUN PA MAndAL DANG BCAS PA
DBUL BA LA, SPYIR GZHUNG THAMS

CAD DU MYA NGAN LAS MI 'DA' BAR GSOL BA 'DEBS PA RJES SU
'BYUNG YANG, 'DIR SNGON DU BKOD PA MAN NGAG YIN TE, DPER NA
NAD PA NYAM THAG PA SMAN PA DU MAS BOR NAS 'CHI BAR THOG CHOD
KYANG RANG NYID LA GSON PA'I RE BA YOD PA

ZHIG YUL MI THAMS CAD KYIS SMAN PA'I RGYAL PO LTA BUR BSNGAGS
SHING THAMS CAD LA PHAN BRLABS CHE BA'I SMAN PA MKHAS PA 'GRAN
ZLA MED PA GCIG DANG PHRAD BYUNG NA DANG PO RANG, NGA NAD 'DI
LAS MA GROL GYI BAR DU KHYED BZHUGS NAS

NAD 'DI SEL GROGS MDZAD DGOS ZHES ZHUS BA LTAR, RANG RE SNYIGS
MA LNGA BOD BA'I DUS KYI GDUL BYA DMU RGOD 'DUL DKA' BA SANGS
RGYAS BYANG SEMS THAMS CAD KYIS YAL BAR DOR BA MGON MED PA
SKYABS MED PA NGED RNAMS LA RES

KHYED MIN PA MED PAS, NGED CAG GI MGON DU BYANG CHUB MA THOB
BAR DU BZHUGS DGOS ZHES GSOL BA 'DEBS PA YIN LA, GSAL 'DEBS
TSUL YANG MDUN DU SMIN MTSAMS KYI THAD KYI NAM MKHAR SENG KHRI
CHE CHUNG GSUM GSAL

@005A *, ,BTAB PA'I DBUS MA LA RJE BLA MA DBU ZHVA GSER GYI
MDOG CAN RTZE MO NAM MKHA' LA REG PA'I TSOD CIG GSAL 'DEBS
DGOS, DE'I RGYU MTSAN YANG BOD 'DIR MKHAS GRUB MANG PO ZHIG
BYON KYANG LTA BA RJE LAS MTHO BA MED

PA'I GNANG KYIS YIN ZHING, DE BZHIN DU RGYAL TSAB MKHAS GRUB
GNYIS KYANG SKU'I RNAM PA GSAL 'DEBS LUGS LA RTEN 'BREL GYI
GNAD SHIN TU CHE BAS, RGYAL TSAB RJE SKUN YA ZAD BGRES PA'I
RNAM PA CAN SKU MDOG SNGO BSANGS, SPYAN GZHU SPYAN

TSUL GYIS BZHUGS PA ZHIG GSAL BTAB NA GSUNG RAB THAMS CAD LAM
GYI RIM PAR 'KHYER BA LA NANG BYAN TSUD PA SOGS KYI DGOS PA
CHE ZHING, MKHAS GRUB RJE NI LANG TSE DAR LA BAB PA SKU MDOG
DKAR LA DMAR BA'I MDANGS CHAGS SHING SPYAN

'BUR TSUGS SU GZIGS TE, CUNG ZAD 'GYING BA'I TSUL GYIS BZHUGS
BA ZHIG GSAL BTAB NA MKHAS GRUB RJE SPYIR BLA MA'I GSUNG THAMS
CAD DANG, KHYAD PAR ZAB MO DBU MA'I LTA BA DANG GSANG SNGAGS
RDO RJE THEG PA'I PHYOGS LA PHAS RGOL

GYI KLAN KA GANG BYUNG YANG RTZOD NGAG SENG GE'I NGA RO RE RES
KYANG ZLOG PAR BYED BA LAS CHEN PO 'DI'I STENG NA 'GRAN PA'I
ZLA DANG BRAL BA YIN PAS GNAD SHIN TU CHE STE, KHRI CHEN RDO
RJE 'CHANG GI GSUNG LAS SNGON RJE THAMS CAD MKHYEN PAS DGA'

LDAN 'DEBS PA'I TSE 'DUL 'DZIN PA LAG GI BLAR BSKOS TE, RDO
BTEG PA'I MTHA' LAS BYUNG BA'I RUNG KHANG BYAN RLABS SOGS
MDZAD CING, GTZUG LAG KHANG GI GZHI BTING DBUS MA GTOGS PA'I
LOG RIS SOGS KYI ZHAL BKOD

@005B MDZAD NAS, RJE RANG NYID LHA LDAN SMON LAM 'DZUG PA
DANG, RIM LNGA GSAL SGRON RTZOM PA STE MDZAD TSEN GZHAN GNYIS
KYI STA GON LA 'OL KHAR GSHEGS PA'I SHUL DU LOG RIS PHAL CHER
GRUB NAS, DBUS LA GANG 'BRIM SHES PA DANG BU CHEN

RNAMS BKA' BGROS THOG NAS BSTAN PA'I BDAG PO YIN PAS THUB
DBANG GI SKU 'BRI BAR MDZAD, RJES SLAR GZIGS TE KHYED CAG LA
CHOS STON PA'I BLA MA 'DRA MED DAM GSUNG NAS DGYES PAR MA GYUR
PA'I GNAD KYIS DGA' LDAN MA DGON YIN

KYANG SER 'BRAS LTA BU'I 'PHEL RGYAS MA BYUNG BA YIN PAS 'DI
TZAM LA'ANG RTEN 'BREL MA LOG PA GAL CHE'O, ,GNYIS PA PHYAG
'TSAL BA NI, SHES BYA'I KHYON KUN 'JAL BA'I ZHES SOGS 'DI TSAD
LAS 'DAS PA'I BSTOD PA YIN TE, 'DIR KHYON

KUN ZHES PA CHES MANG ZHING 'BYAMS KLAS PA'I DON MA YIN PAR,
SLOB DPON DPA' BOS, MKHYEN PA'I SKAD CIG GCIG GIS KYANG, ,SHES
BYA'I DKYIL 'KHOR KUN KHYAB CAN, ,ZHES BA LTAR GZHI BUM PA LTA
BU KUN RDZOB PA'I CHOS LA

GZIGS PA'I TSE NA'ANG DE'I CHOS NYID RJEN PAR GZIGS SHING,
,NAS LUGS DE BZHIN NYID GZIGS PA'I TSE NA'ANG STONG GZHI KUN
RDZOB HPA'I SNANG BA MI 'GOG PAR MNYAM RJES NGO BO GCIG TU
SONG BSANGS RGYAS KHO NAM GTOGS PA LA MI SRID

BAS, ,DA LTA'I SNYAN NGAG MKHAN GZHAN RNAMS NGAL BA BRGYA
PHRAG MANG PO BYAS KYANG BSTOD PA 'DI 'DRA 'ONG BA'I RE BA MED
DO, ,SKAL BZANG RNA BA'I RGYAN GYUR CES PA'I SKAL BZANG NI
BYANG CHUB SEMS DPA' YIN TE, DBANG BSKUR BA'I TS 
@006A *, ,YOL BA'I PHYI 'JUG GI RIGS DANG MOS PA DRI PA'I SKABS
SU, KHYOD SU YIN CI LA DGA' ZHES KHYOD TSE 'DI'I BDE BA TZAM DON
DU GNYER BA'I GANG ZAG YIN NAM, NGAN 'GRO'I SDUG BSNGAL GYIS
'JIGS

NAS LHA LUS MI LUS TZAM 'DOD MKHAN ZHIG YIN NAM, 'KHOR BA MTHA'
DAG LA ZHEN PA LOG NAS RANG NYID THAR BA TZAM 'DOD MKHAN ZHIG
YIN NAM, MKHA' KHYAB KYI SEMS CAN THAMS CAD SNGOL BAR 'DOD PA'I
RGYAL SRAS BYANG CHUB SEMS

DPA' ZHIG YIN ZHES DRIS PA'I LAN DU, SKAL BZANG BA DAG BDE BA
CHEN PO LA'O, ,ZHES BYANG CHUB SEMS DPA' SKAL BA BZANG PO BDE BA
CHEN PO'I YE SHES DON DU GNYER MKHAN ZHIG YIN ZHES LAN BTAB PAS
SHES SO, ,DE LTA BU'I BYANG CHUB

SEMS DPA' SA BCU BA MAN CHAD THAMS CAD KYI RNA BA'I RGYAN DU
GYUR PA NI RJE BLA MA'I GSUNG RNAMS YIN TE, SNGA RABS PA 'GA'
ZHIG GI GSUNG RNAMS SPYOD PA'I CHA NAS DGA' RAB YOD KYANG LTA
BA'I SKOR GNAD DU MA SONG BA'I DBANG GIS

BDAG NYID CHEN PO RNAMS KYIS GZIGS NA LTA BA'I CHA NAS MI DGYES
PAS RNA BA'I RGYAN DU MI 'GYUR LA, KHA CIG LTA BA'I SKOR DGA'
RAB YOD KYANG MNGON PA GONG 'OG GI CHOS RNAMS KYI RANG SPYI'I
MTSAN NYID DANG 'DUL BA'I LAG LEN

SOGS LAM SBYANGS PA'I CHA NAS RNA BA'I RGYAN DU MI 'GYUR, DPER
NA PAn CHEN BLO BZANG YE SHES DPAL BZANG PO DE NYID SKU NA PHRA
MO'I TSE MTSAN NYID ZHABS PHYI DGE BSHES 'JAM DBYANGS CHOS 'PHEL
ZER BA DES MDZOD KYI BGRO GLENG

@006B PHUL TE KHAS LEN SHOR BA NO PAn CHEN RIN PO CHE'I PHYAG
MDZOD DE NAM KHANG BAR 'DUG ZER BA'I DPE LTA BU YOD MOD, RJE BLA
MA'I GSUNG RAB RNAMS LA MDO SNGAGS GANG GI THAD NAS SU 'DRA ZHIG
GIS DPYAD KYANG MI 'THAD PA'I CHA PHRA MO TZAM

YANG MED PAS RGYAL BA'I SPAS PO THAMS CAD KYI THUGS 'PHROG PAR
'GYUR RO, ,GRAGS PA'I DPAL GYIS ZHES PA 'DI'I GRAGS PA NI, SNYAN
PA'I BA DAN 'JIG RTEN GSUM NA GRAGS, ,ZHES PA LTAR MI SNYAN PA
MTHA' DAG ZAD

PA'I SNYAN GRAGS LA BYED DGOS LA, MO'UM GAL GYI BU LTA BU'I BDAG
NYID CHEN PO'ANG GNAS NGAN LEN GYI DRI MA MA ZAD CING, SA BCU
BA'I BYANG CHUB SEMS DPA' 'OD ZER CHEN PO'I DBANG BSKUR THOB PA
RNAMS KYANG GNYIS SNANG

'KHRUL BA'I BAG CHAGS MA ZAD PA'I CHA NAS MI SNYAN BA BRJOD DU
YOD PAS 'DI NI RGYAL BA NYAG GCIG GI YON TAN YIN NO, ,DE DAG GI
GO RIM YANG SKU'I YON TAN SNGAR BRJOD PA SPYI'I LAM SROL YIN MOD
KYANG, 'DIR THUGS LA THOG MAR

BSTOD PA MAN NGAG YIN TE, RGYAL BA THAMS CAD KYI MKHYEN RAB GCIG
TU BSDUS PA'I RANG GZUGS NI RJE BTZUN 'JAM PA'I DBYANGS YIN
ZHING, RJE BLA MA 'JAM DBYANGS DNGOS YIN PA'I GNAD KYIS BYIN
RLABS 'JUG PA'I

TSE'ANG THOG MAR THUGS KYI BYIN RLABS ZHUGS TE SHES RAB SKYE BA
CHOS NYID YIN ZHING, DE NAS NGAG LA ZHUGS TE TSIG DON DANG NGES
TSIG SOGS LA THOGS PA MED PA'I SPOBS BA SKYE, DE NAS LUS LA
ZHUGS TE MKHAS MANG

@007A *, ,RGYA MTSO LTA BU'I DBUS SU LEGS BSHAD KYI NGA RO
SGROGS PA LA BAG TSA BA MED PA'I GZI BRJID SKYE'O, ,'DI'I GNAD
KYIS YI DAM RDO RJE 'JIGS BYED LA DRI CHAB 'BUL BA'I CHE GZHAN
DANG MI MTHUN PAR

SNGAR BLANG BA YIN TE, DE NI THUGS KYI MCHOD PA YIN PAS THUGS
KYI BYIN RLABS DANG POR 'JUG PA'I RTEN 'BREL YIN NO, ,MCHOD PA
DKYUS NA GSAL ZHING, BSHAGS PA SNGOM PA GSUM GYI BCAS MTSAMS LAS
BRTZAMS TE

BYED PA 'DI'ANG RANG RE RI BO DGE LUGS PA'I THUN MONG MA YIN
PA'I KHYAD CHOS YIN TE, RJE BTZUN BLA MA TZONG KHA PA CHEN PO'I
'PHRIN LAS THAMS CAD KYI NANG NAS KYANG SDOM PA GSUM GYI BCAS
MTSAMS LA DAG THER MDZAD PA 'DI NYID GTZO BO

YIN NO, ,RJES SU YI RANG NI, SNYIGS MA'I DUS 'DIR MANG THOS
SGRUB LA BRTZON, ,ZHES SOGS TE, DA LTA RTZOD LDAN SNYIGS MA LNGA
BOD BA'I DUS 'DIR GSUNG RAB RAB 'BYAMS LA THOS PA RGYA MTSO'I
PHA ROL TU SON CING

THOS PA'I DON LA SGRUB PA SNYING POR MDZAD PA NI THA SNYAD RIG
PA'I GZHUNG LAS PHUL BYUNG GI RGYAN DU GRAGS PA LTAR BLAN MED
PA'I YON TAN YIN ZHING, CHOS BRGYAD SPANGS PA'I TSUL LA SNGON
STONG LUNG DU SDE SNOD 'DZIN PA BRGYAD DANG RGYA CER

LA CHOS KYI DGA' STON STZOL BA'I TSE, RJE BTZUN 'JAM PA'I
DBYANGS KYIS DPA' BO RDO RJE LA LAN BSKUR TE GSUNGS PA RNAMS
BSKYAR NAS YANG DPA' BO RDO RJES THUGS DOGS ZOS TE 'JAM DBYANGS
LA ZHUS PA CHOS RJE BLO BZANG BAS

@007B BSTAN PA'I BYA BA RLABS CHEN PO 'DI 'DRA GNANG BA'I TSONGS
BSHOL NA NGA LA MIS KHE BTANG YONG NGAS DE MI GSUNG BA ZHU ZHUS
TZA NA, BSTAN PA LA PHAN MI PHAN KHYOD KYIS MI SHES, DA LTA'I
KHA BSHAD YAM YAM 'DIS GAR YANG MI PHAN, 'DI'I MU BYAS

NA KHO RANG 'DAS PA'I 'OG TU BSTAN LA PHAN RGYU MED PAS 'DI TZAM
GYIS MI YONG MKHA' KHYAB KYI SEMS CAN GYI RTZIS GTONG DGOS,
KHYOD RANG LA MIS KHA GTONG SHAS CHE STE BZOD PA SGOMS GSUNG, DE
NAS RJE RIN PO CHES KYANG SNGE SNOD 'DZIN

PA DE SNYED CIG MIG MCHI MA TZA RE SHUL DU BZHAG NAS 'KHYOR DAG
PA RNAM BRGYAD KHRID DE, RTOGS LDAN 'JAM DPAL RGYA MTSO BA NI
TSE RABS MANG POR 'JAM PA'I DBYANGS KYIS RJES SU BZUNG STE 'JAM
PA'I DBYANGS LA MI DANG MI LAB PA

LTAR BYA BA THAMS CAD ZHUS NAS BYED PA'I SKU THANG ZHIG 'BRAL
MED DU YOD LA, GZHAN THAMS CAD 'BRAL SPANG THUB DBANG GI SKU MA
GTOGS PA SKU GSUNG THUGS RTEN RNAMS KYANG BZHAG STE 'OL KHAR
GSHEGS PA'I TSE YAB SRAS THAMS

CAD KYI SKU CHAS BSNGOMS KYANG GSER ZHO GANG DU MI LONG LA, DE'I
TSE LHUNG BSHAGS SO LNGA RE LA THUN RE MDZAD DE BSHAGS SBYANG
DANG, PHYAG DANG RDOL RDOL DU MAntAL PHUL BAS SKU TSE GANG PHYAG
RMA ROR SONG BA DE LTA BU'I DKA' SPYAD DRAG PO

MDZAD PA'I TSE, DANG POR KLU DBANG RGYAL PO DANG LTUNG BSHAGS
KYI LHA SO LNGA DANG PAn GRUB ZHAL GZIGS, 'ON KYANG DA LTA'I
RANG TSO LTA BU'I RMI LAM DU BUD MED NAG HRING HRING ZHIG RMIS
NA DPAL LDAN LHA MO ZHAL GZIGS BYUNG ZER

@008A *, ,MKHAN LTA BU MA YIN PAR, RGYUD SDE NAS DANG POR ZIL
GYIS GNON PA'I LTA STANGS SOGS DANG DKA' GNAD LA DRI BA SOGS
KYIS BRTAG DGOS PAR GSUNGS PAS, DANG POR 'JAM DPAL RGYA MTSO BA
LA

NYAMS SNANG DE DAG DNGOS YIN MIN 'JAM DBYANGS LA DRIR BCUG PA'I
TSE, 'JAM DBYANGS KYIS DE NYAMS SNANG YIN KYANG RTEN 'BREL GYI
GNAD CHE BAS GSOL BA THOB GSUNGS PA BZHIN MDZAD PA'I MTHANG
BUDDHA P'A LI TA RAB BYED

BCO BRGYAD PA'I DUS THA SNYAD TZAM DU YOD PAR GSUNG BA'I THAD DU
LTA BA'I NGES BRNYED DE MDO SNGAGS GNYI GA'I LAM LA SGRO 'DOGS
LHAG MA MA LUS PAR CHOD DO, ,CHOS 'KHOR BSKUL BA DKYUS LTAR LA,
BSNGO BA 'DI'ANG RJE'I THUN MONG

MA YIN PA'I PHYAG SROL YIN TE, DANG POR RGYA CHEN THOS PA MANG
DU BTZAL, ,BAR DU GZHUNG LUGS THAMS CAD GDAMS PAR SHAR, ,THA MAR
NYIN MTSAN KUN TU NYAMS SU BLANGS, ,KUN KYANG BSTAN PA RGYAS
PA'I CHED DU BSNGOS, ,GSUNGS

PA LTAR RGYAL SRAS KYI SMON LAM RLABS PO CHE THAMS CAD SDUD PA'I
SHIN TU 'GANG CHE BA NI BSTAN PA'I SNYING PO 'DI NYID RGYAS PA'I
PHYIR DU BSNGO BA 'DI YIN NO, ,GSUM PA RNAM THAR GSOL 'DEBS KYI
SGO NAS GSOL BA 'DEBS PA NI,

DPAL LDAN SA GSUM 'GRO BA'I MIG GCIG PU, ,ZHES PA NAS, MCHOG GI
DNGOS GRUB BRNYES LA GSOL BA 'DEBS, ,ZHES PA'I BAR GYI DON
BSDUN, RJE BLA MA NI, BLO DANG BZANG GI MTSAN CAN SKYES BU
'BYUNG, ,ZER BLTA BUS

@008B 'OG NAS THON PA'I CHOS DE 'DRA LA RE MA DGOS PAR 'JAM DPAL
RTZA RGYUD SOGS NAS LAN BRGYA PHRAG TU LUNG BSTAN CING, MDO SDE
RGYAN LAS KYANG, DE LTAR BLO BZANG SKYO BA MED LDAN BRTZE BA
CAN, ,SNYAN BAR RAB GRAGS CHO GA BZANG SHES

LDAN PA YI, ,BYANG CHUB SEMS DPA' LEGS PAR SMRA BA YIN PA DE,
,BSHAD PA'I SKYE BO'I NANG NA NYI MA BZHIN DU LHAM, ZHES MTSAN
SGRA GSAL BAR LUNG BSTAN PA'I DON BZHIN MDO SMAD DU BLTAMS PA'I
LTE BA BCAD PA'I KHRAG LAS TZAN

DAN GYI SDONG PO YAL GA'I STENG NA SENG GE'I NGA RO'I SKU 'BUM
PHRAG BZHUGS PA SKYE BA'I RDZU 'PHRUL GYI BKOD PA GCIG PU BOD
KYI MKHAS GRUB GSER GYI RI BO 'DRA BA JI SNYED BYON PA'I KHROD
NA MA BYUNG STE, RJE BLA MA LAS LHAG PA LTA ZHOG ,RJE BLA MA

'DRA BA ZHIG KYANG BYON YOD NA BSTAN DGOS PA LA MED PA'I PHYIR
TE, MAR PA MI LA SOGS GRUB PA'I DBANG PHYUG CHEN PO YIN KYANG
'DUL BA'I SKOR SOGS GSAL BAR MDZAD PA'I GTAM MI SNANG ZHING, 'DI
LHO BRAG MAR PA'I PHAR PHYIN YIN ZER

BA'ANG MA MTHONG NGO, ,DE BZHIN DU KHA CIG SPYOD PHYOGS MA
TSANG, LA LAR LTA BA'I SKOR MA TSANG, LA LAR MDO PHYOGS DGA'
'ANG SNGAGS PHYOGS MA TSANG MOD, KHAMS GSUM 'GRO BA'I BLA MA
CHOS KYI RGYAL PO TZONG KHA PA CHEN PO NI

MDO PHYOGS KYI GZHUNG CHEN MO MTHA' DAG DANG, GSANG SNGAGS RGYUD
SDE BZHI'I GNAD MA LUS PA LA NANG BYAN TSUD PA'I GSUNG RAB LAM
RIM CHE CHUNG, RTZA 'JUG GI RNAM BSHAD GNYIS, LEGS BSHAD SNYING
PO, LEGS BSHAD

@009A *, ,GSER 'PHRENG, SNGAGS RIM CHEN MO, RIM LNGA GSAL SGRON,
SBAS DON KUN GSAL SOGS 'GRAN ZLA MED PA'I LEGS BSHAD RNAMS DA
LTA'ANG BZHUGS YOD PAS, 'DI 'DRA TSOR DPAG NAS

'BRAS BU'I RTAGS KYIS RJE BLA MA LA DAD PA GTING TSUGS PA ZHIG
BYUNG NA SUS KYANG GZHAN DU DRANGS MI NUS PA'I KHYAD PAR SHIN TU
CHE STE, THAMS CAD MKHYEN PA BLO BZANG BSKAL BZANG RGYA MTSO'I
GSUNG LAS RJE BLA MA LA SHES NAS DAD

PA THOB PA GSUNGS PA DE GNAD SHIN TU CHE'O, ,BZHI PA MTSAN
SNGAGS KYI SGO NAS GSOL BA BTAB STE 'DOD DON LA SMON LAM GDAB PA
NI, DMIGS MED BRTZE BA'I ZHES SOGS SO, ,'DI'I DON LA PHYI
MTSUNGS PA GSAL BYED, NANG YON TAN DE

LDAN, GSANG BA LHAG PA'I LHA DANG NGO BOD BYER MED DU BSAM NAS
GSOL BA 'DEBS TSUL GSUM DANG, KHYAD PAR MKHAS GRUB SHES RAB SENG
GE NAS BRGYUD PA'I SHES RAB BLO 'PHEL MAN NGAG GNYIS YOD LA,
DE'ANG RGYAL BA

THAMS CAD KYI THUGS RJE GCIG TU BSDUS PA'I RANG GZUGS MTSUNGS PA
MED PA NI MGON PO SPYAN RAS GZIGS YIN ZHING, MKHYEN PA'I NGO BO
MTSUNGS ZLA MED PA 'JAM DBYANGS YIN PA LTAR, RJE BLA MA'ANG
GANGS CAN GYI MKHAS

GRUB THAMS CAD KYI GTZUG RGYAN ZLA MED PA YIN LA, YANG RNAM PA
GCIG TU NA RJE BLA MA LA BRTZE BA DANG MKHYEN PA'I BDAG NYID DE
GNYIS KYI YON TAN JI TZAM PA RDZOGS PAR MNGA' BA DANG, YANG RIGS
GSUM MGON PO'I NGO BO YIN

@009B PA NGES DON TE, BKA' GDAMS GLEGS BAM LAS RIGS GSUM MGON PO
THUGS RGYUD GCIG PAR LAN GRANGS DU MAR GSUNGS SHING, DER MA ZAD,
SPRUL PA GCIG NI RGYA GAR GNAS CHEN 'GRIM, SPRUL PA GCIG NI LHA
SRIN

'DUL DU 'GRO ,SPRUL PA GCIG NI MDO SMAD KHAMS SU 'GRO, ,ZHES JO
BO RJE, PADMA SAMBHA WA, RANG CAG GI RJE BLA MA GSUM THUGS RGYUD
GCIG PAR GSUNGS PA DANG, KLU SGRUB KYANG RJE BLA MA DANG THUGS
RGYUD GCIG PAR BSHAD PA YOD

DO; ;GNYIS PA SHES RAB BLO 'PHEL GYI GDAMS PA NYAMS SU LEN TSUL
NI, MA DGA 'KHRUD CING MI SHES BSAL, ,ZHES 'JAM DBYANGS CHOS
SKOR LAS BYUNG BA LTAR, MDUN GYI RJE BLA MA YAB SRAS GSUM KA'I
THUGS KA NAS 'OD ZER

GSUM 'PHRO BA SPYI BOR GCIG TU 'DRES NAS ZUG BA NANG SBU GU
KHONG STONG DU YOD PA LAS BDUD RTZI'I RGYUN BAB PA'I MOS PA
BYED, BDUD RTZI'I MDOG KYANG BAD KAN CAN GYIS SNGON PHO DANG,
RLUNG NAD CAN GYIS MAR KHU'I MDOG LTA BUR GSAL

GDAB, DE LTAR NAD GDON SDIG SGRIB THAMS CAD BYANG ZHING DAG PA'I
MOS PA BYAS TE SDIG SGRIB DAG PA'I MTSAN MNAM BYUNG GI BAR BSGOM
MO, ,GNYIS PA MI SHES PA BSAL BA LA, SKU'I SGO NAS SHES RAB CHE
BA, GSUNG GI SGO NAS

SHES RAB GSAL BA, SA BON GYI SGO NAS MYUR BA, PHYAG MTSAN GYI
SGOS ZAB BA, GLEGS BAM GYI SGOS 'CHAD PA, RAL GRI'I SGO NAS
RTZOD PA, GLEGS RAL GNYI GA'I SGO NAS RTZOM PA'I SHES RAB SGRUB
TSUL SOGS DU MA YOD, 'DI

@010A *, ,NI RJE BTZUN YE SHES RGYAL MTSAN DBAL BZANG POS SGO
MANG GRA KHANG DU MNGON RTOGS RGYAN GYI BSHAD LUNG GNANG SKABS
YONGS 'DZIN GYI THAD DU DGA' LDAN LHA BRGYA MA DANG SPYAR NAS
BSHAD PA GANG GNANG BA'I RIM PA KHOL

BUR BTON TE, BTZUN PA DKON MCHOG BSTAN PA'I SGRON MES ZIN BRIS
SU BGYIS PA'O,, DGE LEGS 'PHEL,, ,,

@010B BLANK PAGE