*, ,ZAB LAM BLA MA'I RNAL 'BYOR GYI MAN NGAG SNYING PO'I RTZA
TSIG GI 'GREL PA SNYAN BRGYUD GSANG BA'I SDE MIG CES BYA BA
BZHUGS SO,,

@001 #, ,GANG GI THUGS RJE'I GRU GZINGS LA BRTEN NAS, ,SKU GSUM
NOR BU'I GLING DU PHYIN BYED PA, ,SRAS BCAS RGYAL KUN 'DUS PA'I
NGO BO NYID, ,BKA' DRIN GSUM LDAN

RTZA BA'I BLA MAR 'DUD, ,YE SHES SKU CAN 'JAM MGON BLA MA NYID,
,DGE LDAN BKA' BRGYUD BSTAN PA'I RGYAL MTSAN MCHOG ,BSGRENG
PHYIR SLAR YANG SBRUL PAS RNAM ROL PA, ,THUGS RJE'I GTER

CHEN DE YIS RTAG SKYONG SHIG ,MDO RGYUD MAN NGAG PADMA 'BUM
SDE'I BCUD, ,BSHAD SGRUB LTO BAR SMIN PA'I LEGS GSUNG KUN,
,TSANG LA MA NOR GDAMS PA'I SBRANG RTZI RU, ,'BAB PA'I DON

GYI RO MNGAR 'DI MYONGS SHIG ,DE'ANG DPAL LDAN BLA MA DAM PA
DMIGS PA MED PA'I THUGS RJE CHEN PO CAN DGE LDAN SNYAN BRGYUD
KYI GDAMS PA'I MDZOD 'DZIN PA RJE BTZUN YE SHES RGYAL MTSAN

@002A #, ,53 ,DPAL BZANG PO NAS, KUN GZIGS RGYAL BA'I DBANG PO
MCHOG GI SKU MCHED RJE DRUNG RNAMS GNYIS LA STZAL BA MDO SNGAGS
GNYI GA'I GNAD TSANG BA'I ZAB LAM BLA MA'I

RNAL 'BYOR 'DI NYID KYI DON 'CHAD PA LA, KLAD, GZHUNG, MJUG GI
DON GSUM, DANG PO LA MCHOD BRJOD DANG RTZOM PAR DAM BCA' GNYIS
LAS, DANG PO NI, NA MO GU RU ZHES BYUNG, ,DE'ANG NA

MO ZHES PA 'DUD PA'I DON YIN PAS, PHYAG DANG MCHOD PA BSTOD PA
SOGS DU MA LA 'JUG CING, DER MA ZAD BDE CHEN MGON PO BLA MA
LHA'I GO 'PHANG THUGS GNYIS SU MED PA'I YE SHES RANG GI RIG

PA MNGON DU BYA BA'I BAR LA'ANG 'JUG STE, DPAL MGON KLU SGRUB
KYIS, JI LTAR BSTOD CING PHYAG 'TSAL BA, ,GANG LA BSTOD CING
GANG GIS BSTOD, ,JI LTAR CHU LA CHU BZHAG DANG, ,JI

@002B LTAR MAR LA MAR BZHIN DU, ,RANG GIS RANG GI YE SHES NI,
,LEGS MTHONG GANG YIN 'DIR PHYAG YIN, ,ZHES SO, ,GU RU NI BLA
MA'AM GONG MA LA 'JUG CING, DE'ANG SKYES RABS LAS, YON TAN GYI
TSOGS

KYIS BLA MAR GYUR PA, ZHES DANG, 'KHRI SHING LAS, NOR BU BZHIN
DU YON TAN NYID KYIS BLA MA 'THOB, ,CES PA LTAR, YON TAN GYI SGO
NAS SKYE RGU'I BLA MAR GYUR PA'AM, YAR NA, GU nA AA KLAR ZHES
YON

TAN GYI 'BYUNG GNAS SU BSHAD CING, YON TAN DU MA BSAGS PAS LTI
BA LA'ANG BSHAD DO, ,DON GYI SNYING POR GYUR PA NI SLOB MA'I BLO
SNA GONG DU 'KHRID PAR BYED PA'I DON GYIS BLA MA ZHES DAM PA
GONG MA RNAMS

GYIS GSUNGS BA LTAR, SANGS RGYAS KYI SA'I BAR LA GONG NAS GONG
DU 'KHRI CING SKYEL BAR BYED PA'I DED DPON GCIG PUR GYUR PA
DANG, SKYABS GNAS MA LUS PA 'DUS PA'I BDAG NYID YIN PA DANG, 'OG

GI BRJOD BYA'I 'GROS SU MTHUN PA'I PHYIR YANG BLA MA GCIG PU LA
MCHOD PAR BRJOD PA YIN NO, ,GNYIS PA RTZOM PAR DAM BCA' BA NI,
GSUNG RAB KUN GYI SNYING PO'I DON, ,GRUB CHEN RNAMS KYI THUGS
DAM

MTHIL, ,ZAB LAM BLA MA'I RNAL 'BYOR GYI, ,MAN NGAG SNYING PO'I
RTZA TSIG BRI, ,ZHES BYUNG, DE'ANG ZAB LAM BLA MA'I RNAL 'BYOR
'DI NI GSUNG RAB KUN GYI SNYING PO'I DON DU 'GYUR TSUL NI, BLO
SBYONG RTZA@003A *, ,TSIG LAS, CHOS KUN DGONGS PA GCIG TU 'BAB, ,CES DANG,
RJE BLA MAS, RGYAL BA'I GSUNG RAB KUN GYI SNYING PO'I DON, ,ZHES
RGYAL BAS CHOS KYI PHUNG PO JI SNYED

CIG GSUNGS PA THAMS CAD 'GRO BA RNAMS 'KHOR BA'I RGYA MTSO LAS
SGROL BA 'BA' ZHIG GI PHYIR YIN PAS, DE THAMS CAD KYI SNYING
PO'I DON BSDUS NA NGES 'BYUNG GI BSAM PA'I STENG DU 'BAB PAR
GSUNGS PA

BZHIN, 'KHOR BA'I RGYA MTSO LAS SGROL BAR BYED PA'I GRU GZINGS
BLA NA MA MCHIS PA NI ZAB LAM BLA MA'I RNAL 'BYOR 'DI NYID YIN
PAS, DE THAMS CAD KYI SNYING PO'I DON 'DI'I KHONGS SU 'DUS PA
YIN NO, ,GRUB

CHEN GONG MA RNAMS KYI THUGS DAM GYI MTHIL LAM DNGOS GZHIR GYUR
PA'ANG ZAB MO BLA MA'I LAM 'DI KHO NA YIN PA DE DAG GI RNAM THAR
SOGS SU GSAL LA, DE'I RGYU MTSAN SNGAGS KYI SKABS SU, SGRON

GSAL LAS, ZHI SOGS BYA BA'I CHO GA DANG, ,DE BZHIN GRUB PA
BRGYAD DANG NI, ,SANGS RGYAS KYANG NI MCHOG YIN NO, ,ZHES ZHI
SOGS KYI LAS 'GRUB PA GRUB PA CHUNG DU DANG, RAL GRI'I RIG 'DZIN

SOGS GRUB PA 'BRING, MCHOG GI GO 'PHANG LA GRUB PA CHEN POR
GSUNGS PA DANG, PHAR PHYIN THEG PA'I DBANG DU BYAS NA MDO SDE
RGYAN LAS, SA RNAMS THAMS CAD MA GRUB DANG, ,GRUB PA DAG TU SHES
PAR

@003B BYA; ;GRUB PA DAG KYANG MA GRUB DANG, ,GRUB PA DAG TU YANG
'DOD DO, ,ZHES MOS SPYOD DANG, MDAGS BDUN, DAGS RNAMS LAM GRUB
PA DANG GRUB PA'I KHYAD PAR PHYE LA, DE'I DGONGS PAR BYAS TE
SDOM GSUM RAB DBYE LAS, GRUB

THOB CHUNG DU MTHONG LAM YIN, ,GRUB PA 'BRONG POS BRGYAD PA,
,GRUB THOB CHEN PO SANGS RGYAS SO, ,ZHES GSUNGS PA SOGS BSHAD
TSUL SNA TSOGS YOD KYANG, DE THAMS CAD RTZA BA BLA MA LA RAG LAS
PAR KHYAD PAR MED DE, GUR LAS,

MIG SMAN DANG NI RKANG MGYOGS DANG, ,RAL GRIS 'OG GRUB PA DANG,
,RIL BU DANG NI MKHA' SPYOD DANG, ,MI SNANG BA DANG BCUD KYIS
LEN, ,GANG PHYIR YE SHES RDO RJE YANG, ,MNYES PAS MYUR DU THOB
PAR 'GYUR, ,DE PHYIR SLOB

DPON DRUNG GSHEGS TE, ,DE BZHIN GSHEGS RNAMS PHYAG MDZAD DO,
,ZHES THUN MONG GI DNGOS GRUB RNAMS KYANG BLA MA LA BRTEN NAS
'THOB DGOS PAR GSUNGS LA, KHYAD PAR DU ZUNG 'JUG GI GO 'PHANG
RNYED PA BLA MA'I BKA' DRIN KHO NA

LA LTOS DGOS TE, BDE MCHOG GI RGYUD DANG, GRUB CHEN MANG PO'I
GSUNG LAS, GANG GI DRIN GYIS BDE CHEN NYID, ,SKAD CIG GIS NI
THOB 'GYUR BA, ,BLA MA RIN CHEN LTA BU ZHES MTHUN PAR GSUNGS PA
DANG, BRTAG GNYIS LAS,

GZHAN GYIS BRJOD MIN LHAN CIG SKYES, ,GANG DU YANG NI MI RNYED
DE, ,BLA MA'I DUS THABS BSTEN PA DANG, ,BDAG GI BSOD NAMS LAS
SHES BYA, ,ZHES DANG, MGON PO BDE BA CHEN POS GSANG BA GRUB PA
LAS, BLA MA DANG NI RDO

@004A *, ,RJE 'DZIN, ,GANG GIS GNYIS SU MED PAR MTHONG, ,DNGOS
GRUB BSDUS PA'I MTSAN NYID CAN, ,DE NYID DE NI 'DIR 'THOB 'GYUR,
,ZHES DANG, YE SHES GRUB PA LAS, SKYA BA 'DZIN PA MED PA YI, ,

GRU YIS PHA ROL PHYIN MI 'GYUR, ,YON TAN THAMS CAD RAB RDZOGS
KYANG, ,BLA MA MED NA SRID MTHAR MIN, ,ZHES SOGS GRUB SNYING
DANG DO HA'I SKOR THAMS CAD LAS KYANG BLA MA'I RNAL 'BYOR KHO NA
LAM GYI SROG TU GSUNGS LA,

DPAL MGON KLU SGRUB KYIS RIM LNGAR RIM PA RE RE'I THANG DU'ANG
DE DANG DE NYID BLA MA'I ZHABS LA BRTEN NAS 'THOB DGOS TSUL YANG
YANG GSUNGS PA BZHIN, GRUB CHEN RNAMS KYIS GZHAN LA 'DOMS PA'I
TSE'ANG BLA MA'I RNAL 'BYOR KHO NA RTZAL TU

BTON NAS GSUNGS LA, RANG GI NYAMS LEN GYI MTHIL YANG 'DI NYID
'BA' ZHIG GTZO BOR MDZAD DO, ,DE LTAR NA RKANG PA DANG BO GNYIS
KYIS GDAMS PA'I CHE BA BSTAN PA YIN TE, MDO SNGAGS THUN MONG GI
BRJOD BYA'I DON GYI SNYING PO

THAMS CAD 'DUS PAR RKANG PA DANG POS BSTAN LA, KHYAD PAR DU GRUB
PA'I DBANG PO RNAMS KYI ZHAL NAS ZHAL DANG, SNYAN NAS SNYAN DU
BRGYUD BSNGAGS KYI ZAB GNAD THUN MONG MA YIN PA RNAMS TSANG TSUL
RKANG PA GNYIS PAS BSTAN, YANG NA THAR

'DOD RNAMS KYIS GANG LA THOS BSAM SGOM PA BYA BA'I YUL GYI CHOS
NI CHU MGO GANGS LA THUG PA BZHIN STON PA YANG DAG PAR RDZOGS
PA'I SANGS RGYAS KYIS MDO RGYUD RNAMS SU GSUNGS SHING, PAn GRUB
TSAD MAR GYUR PA RNAMS KYIS

@004B THAGS NYAMS SU BZHES PA ZHIG DGOS PAS, 'DIR YANG DE STON
PA LA RKANG PA GNYIS RIM BZHIN BYUNG STE, CHOS KHUNGS BTZUN PA'I
CHE BA BSTEN PA YIN NO, ,CHE BA DE LDAN GYI GDAMS PA DNGOS NI
ZAB LAM BLA MA'I RNAL 'BYOR GYI, ,MAN NGAG

SNYING PO'I RTZA TSIG BRI, ,ZHES PAS BSTAN TE, BLA MA'I RNAL
'BYOR GYI GDAMS PA 'DI NI TSIG NYUNG YANG, MDO RGYUD DGONGS
'GREL KUN GYI GNAD BSDUS PA DON SHIN TU RTOGS PAR DKA' PAS NA
ZAB LAM ZHES SMOS PA YIN, ,MAN NGAG

NI AU PA NGE SHA ZHES PA NYE BAR RTOGS PA'AM, BDE BLAG TU RTOGS
PA LA 'JUG CING, DE'ANG GDAMS PA 'DI NYID DPYIS PHYIN PAR LAG
LEN DU 'DEBS NUS NA, LAS DANG PO PA'I SA NAS BZUNG STE SANGS
RGYAS KYI SA'I BAR GYI LUNG DANG

RTOGS PA'I YON TAN THAMS CAD BDE BLAG TU 'GRUB PA'I MGO TSUGS
PA'AM, YANG NA GDAMS PA'I TSIG NYUNG DU 'DI LA BRTEN NAS MDO
SNGAGS GNYI GA'I GZHUNG CHE BA THAMS CAD KYI BRJOD BYA'I SA LAM
GYI RIM BRNAMS BDE BLAG NYID DU NYAMS SU BLANG

DU YOD PAS, DE THAMS CAD KYI MAN NGAG TU GYUR PA YIN TE, BE'U
BUM SNGON MO LAS, MAN NGAG THAMS CAD BSDUS PA'I MGO NI, ,BSHES
GNYEN DAM PA MI BTANG BA YIN, ,ZHES DANG, RJE BDAG NYID CHEN
POS, MAN NGAG LA

BRTEN NAS GZHUNG CHE BA RNAMS GDAMS NGAG TU 'CHAR BA'I, ZHES
DANG, MAN NGAG MCHOG TU GYUR PA TZAM GYIS DE LA RING DU SBYANGS
NAS RGYUD SDE SOGS TSAD LDAN GYI GZHUNG LA BLTAS PA NA, RGYUD
DON DU MA ZHIG LA NGES PA STER

@005A *, ,DGOS, ZHES GSUNGS PA LTAR RO, ,GNYIS PA GSUNG DON LA,
THOG MAR BSHAD PA'I GLENG BSLANG BA NI, KUN GZIGS RGYAL BA'I
DBANG PO RJE BTZUN BLO BZANG BSTAN PA'I DBANG PHYUG 'JAM

DPAL RGYA MTSO'I ZHAL SNGA NAS KYIS MDZAD PA'I BLA MA NYID KYI
RNAM THAR LAS, BLA MA RIN PO CHE, LEGS TSOGS THAMS CAD GYI RTZA
BA ZAB LAM BLA MA'I RNAL 'BYOR 'DI YIN 'DUG PAS BLA MA GANG DU
BSGOM PA'I GNAS DANG,

BSAM SBYOR GYIS BSTEN TE DAD PA GSUM SGOM TSUL, DAD LDAN GZHAN
GYIS PHYAG 'TSAL BA BYUNG NA RANG NYID LA DE LEN PA'I NUS PA MED
PAS, DE DAG GI PHYAG KYANG BLA MA NYID LA PHUL NA RANG GZHAN
THAMS CAD KYI TSOGS RDZOGS

PA LA KHYAD YOD 'DUG PAS DE'I TSE DMIGS RNAM JI LTAR BYED TSUL,
MDOR NA BLA MA'I RNAL 'BYOR LA BRTEN NAS MDO SNGAGS GNYI GA'I
LAM GYI GNAD RNAMS SEMS LA BCANG CHOG PA'I MAN NGAG GI SNYING PO
ZHIG STZAL DU GSOL

ZHES ZHUS PA'I LAN DU 'DI SKAD CES BKA' STZAL TO, ,ZHES 'BYUNG
BA LTAR YIN PAS, 'DIR ZHU BA'I TSE GNAS GANG DU SGOM PA THOG MAR
'BYUNG YANG, LAM RIM CHEN MO LAS, BLA MA'I RNAL 'BYOR ZHES YONGS
SU GRAGS PA'I

GDAMS PA'ANG SNGAR BSHAD PA LTAR GO DGOS KYI, DMIGS PA THUN RE
TZAM BSKYANGS PAS NI GAR YANG MI PHYIN, ZHES GSUNGS PA LTAR,
RTZA BA DAD GUS SBYANGS TE RGYUD 'KHUL BA ZHIG MED NA BLA MA
SPYI BOR BSGOM PA SKAD BYAS

@005B KYANG GNAD DU MI 'GRO BAS, 'DIR DAD PA SGOM TSUL SNGON DU
BLANGS NAS GSUNGS SO, ,DES NA 'DI LA GSUM, RTZA BA DAD GUS
SBYONG ZHING DE LA DAD PA GSUM DU 'JOG TSUL, SPYOD LAM THAMS CAD
BLA MA'I RNAL 'BYOR DANG SBRAGS TE DON

LDAN DU BYED TSUL, DE'I STENG NAS GSANG SNGAGS ZAB MO'I NYAMS
LEN MTHA' DAG SBYONG TSUL LO, ,DANG PO LA, RTZA BA DAD PA
SBYANGS PA, BKA' DRIN RJES SU DRAN NAS GUS PAR BYA BA, DE DAG
DANG PA SO SOR 'JOG TSUL DANG GSUM,

DANG PO NI, 'DI PHYI'I LEGS TSOGS MA LUS PA'I, ,GZHI DANG RTEN
DANG RTZA BA NI, ,LAM STON BSHES GNYEN DAM PA STE, ,DE YI RNAL
'BYOR BSGOM TSUL NI, ,MA NOR LAM BZANG STON BYED PA'I, ,BSHES
GNYEN DAM PA'I SKU

GZUGS LA, ,PHYOGS BCU'I RGYAL BA KUN BZHUGS PAR, ,KHYAB BDAG RDO
RJE 'CHANG GIS GSUNGS, ,DE PHYIR SANGS RGYAS KUN 'DUS SU, ,BCOS
MIN NGES PA RNYED GYUR NA, ,BSHES GNYEN BSAM PAS BSTEN TSUL GYI;
;GNANG

GYI MAN NGAG DE NYID DO, ,ZHES BYUNG, DE'ANG RANG LA LAM MA NOR
BAR STON PA'I DGE BA'I BSHES GNYEN NI 'DI PHYI'I LEGS TSOGS SA
DANG LAM GYI YON TAN MA LA LUS PA DANG POR RANG RGYUD LA SKYED
CING, SKYES ZIN MI NYAMS PAR GONG 'PHEL DU

BYED PA'I GZHI DANG RTEN DANG RTZA BAR GYUR PA YIN TE; BYANG
CHUB SEMS DPA'I SDE SNOD LAS, PHA ROL TU PHYIN PA DANG, SA DANG
BZOD PA DANG, TING NGE 'DZIN DANG, MNGON PAR SHES PA DANG,
GZUNGS DANG, SPOBS PA DANG,

@006A *, ,BSNGO PA DANG, SMON LAM DANG, SANGS RGYAS KYI CHOS
THAMS CAD THOB CING YONGS SU RDZOGS PA NI BLA MA LA RAG LAS, BLA
MA RTZA BAR GYUR, BLA MA LAS BYUNG, BLA MA SKYE GNAS DANG SKYE
MCHOD DU

GYUR, BLA MAS BSKYED, BLA MAS SPEL, BLA MA LA BRTEN, BLA MA
RGYUR GYUR PA DAG GO, ,ZHES GSUNGS PA'I PHYIR, DES NA BDAG LEGS
SU 'DOD PA RNAMS KYIS LEGS TSOGS MTHA' DAG GI RTZA BA BLA MA
BSTEN TSUL GYI RTEN

'BREL MGO NAS MA 'PHYUGS PA ZHIG BYED DGOS LA, DE'ANG THOG MAR
DAD PA'I RMANG GZHI TSUGS PA ZHIG MED MI RUNG DU GAL CHE'O, ,DAD
PA BSGOM PA'ANG YON TAN PHYOGS RE TZAM BSGOM PAS MI CHOG GI,
RTZA BA'I BLA MA DE NYID

SANGS RGYAS KUN 'DUS KYI NGO BOR BCOS MIN GYI NGES PA BRTAN PO
RNYED PA ZHIG DGOS SO, ,SANGS RGYAS KUN 'DUS KYI NGO BOR 'GRO
TSUL NI, BSHES GNYEN DAM PA'I SKU GZUGS LA, ,PHYOGS BCU'I RGYAL
BA KUN BZHUGS PAR,,

KHYAB BDAG RDO RJE 'CHANG GIS GSUNGS, ,ZHES PA STE, 'DI'I DON
YANG, BLA MA'I SKU'I PHUNG KHAMS SKYE MCHED RNAMS GSHEGS PA DANG
GSHEGS MA LA SOGS PA'I NGO BOR GNAS PA'I SGO NAS BLA MA'I SKU LA
DE THAMS CAD TSANG BA DANG,

GDUL BYA'I TSOGS RDZOGS PA'I PHYIR PHYOGS BCU'I RGYAL BA THAMS
CAD BLA MA'I SKU LA BZHUGS NAS SGRUB PA PO'I MCHOD PA LEN CING
BYIN GYIS RLOBS PA GNYI GA'I DON DU BYAS NA GO BSTER PHUL CHE
ZHING RGYUD KYI DGONGS PA DANG 'GRIG PAS

@006B DE LTAR BYA DGOS TE, DANG PO NI BSHAD RGYUD RDO RJE PHRENG
BA LAS, RDO RJE SLOB DPON LUS 'DI LA, ,RGYAL BA'I SKU NI RIM
BZHIN GNAS, ,DANG PO SKU YI RDO RJE NI, ,GZUGS PHUNG LA NI YANG
DAG BZHUGS, ,ZHES SOGS DANG, DE BAS RDO RJE SLOB DPON

GYI; ;LUS LA RGYAL BA THAMS CAD BZHUGS, ,MTHONG NA DON NI YOD PA
KYE, ,PHYI MA'I DUS NA SEMS DPA' CHE, ,DE BAS SEMS CAN THAMS CAD
KYIS, ,LHA YI MCHOD PA'I YO BYAD KYIS, ,RAB TU 'BAD DE BLA MA
BSTEN, ,ZHES

SOGS KYIS PHUNG PO LNGA GSHEGS PA DANG, KHAMS BZHI GSHEGS MA,
SKYE MCHED RNAMS SEMS DPA' DANG SEMS MA, YAN LAG RNAMS KHRO BO
BCU SOGS KYI BDAG NYID DU GSUNGS PA'I SHUGS KYIS GSHED SKOR NAS
BSTAN PA'I

RDO RJE MIG LA SOGS PA DANG, 'KHOR LO SDOM PA LTAR NA, RNAM
SNANG RDO RJE DANG, LTUNG BYED MA LA SOGS PA DANG, DPA' BO NYER
BZHI, DPA' MO NYER BZHI LA SOGS PA'I BDAG NYID DU 'GRUB BO, ,PAn
CHEN THAMS CAD MKHYEN

PA'I BLA MCHOD CHO GAR PHUNG KHAMS SKYE MCHED DANG YAN LAG RNAMS
LHA'I BDAG NYID DU GSUNGS PA'I KHUNGS NI GTZO BOR BSHAD RGYUD
RDOR PHRENG LA BRTEN CING, BA SPU DGRA BCOM DANG 'OD ZER PHYOGS
SKYONG DU GSUNGS PA MAN CHAD RDO RJE

MKHA' 'GRO SOGS LA BRTEN PA YIN TE, RDO RJE MKHA' 'GRO LAS,
SANGS RGYAS KUN GYI RANG BZHIN SKU, ,YAN LAG BYANG CHUB SEMS
DPA' STE, ,BA SPU RNAMS NI DGRA BCOM NYID, ,SPYI GTZUG RIGS
LNGA'I SANGS RGYAS TE, ,

@007A *, ,'JIG RTEN PA NI ZHABS KYI GDAN, ,'OD ZER GNOD SBYIN
GSANG BA SOGS, ,DE LTAR YON TAN LDAN PA'I SKUR, ,RNAL 'BYOR CAN
GYIS RTAG TU BLTA, ,ZHES GSUNGS TE, RJE BDAG NYID CHEN POS BLA
MA

LNGA BCU BA'I t'IKKAR YANG, 'DI NI BLA MA'I RNAL 'BYOR RGYUD SDE
NAS GSUNGS PA'I KHYAD PAR CAN ZHIG GO ,ZHES SKYABS GNAS MTHA'
DAG BLA MA'I SKU'I CHA LA 'DUS PAR SGOM TSUL 'DI NI SHIN TU ZAB
CING GNAD CHE BA'I BSNGAGS

BRJOD RGYA CHER MDZAD DO, ,BKA' RGYUD PA'I GZHUNG 'GA' ZHIG TU
BLA MA'I PHUNG SOGS BRTEN PA LHA'I BDAG NYID DU PHA RGYUD KYIS
'GRUB LA, RTEN GZHAL YAS KHANG GI NGO BOR MA RGYUD KYIS 'GRUB BO
ZHES KHYAD PHYE NAS BSHAD KYANG,

RDOR 'PHRENG LAS, LUS NI GZHAL YAS KHANG DU 'GYUR, ,SANGS RGYAS
KUN GYIS YANG DAG BSTEN, ,ZHES PA NAS, DE DAG GZHAL YAS KHANG DU
BSGOM, ,ZHES LUS DKYIL GSUNGS PA 'BRAS DUS BLA MA'I SKU LA DNGOS
GNAS SU 'GRUB

DGOS PAS, DE'I PHUNG SOGS RTEN GZHAL YAS KHANG GI NGO BOR PHA
RGYUD LAS KYANG MA GSUNGS PA MIN NO, ,GNYIS PA GDUL BYA'I TSOGS
RDZOGS PA'I PHYIR SANGS RGYAS THAMS CAD BLA MA'I SKU LA BZHUGS
NAS MCHOD PA LEN CING

BYIN GYIS RLOBS PA'I TSUL NI, BDE MCHOG RTZA RGYUD LAS, SLOB
DPON LUS SU LEGS GNAS NAS, ,SGRUB PA PO YI MCHOD PA LEN, ,ZHES
DANG, 'JAM DPAL ZHAL LUNG LAS 'DI YI DON LDAN 'GA' ZHIG LA, ,NGA
NI DE YI LUS

@007B GNAS TE, ,SGRUB PO GZHAN LA MCHOD PA LEN, ,ZHES SOGS RGYUD
DANG GRUB CHEN DU MAS GSUNGS LA, MDO PHYOGS LAS KYANG DE LTAR
GSUNGS TE, MCHIMS NAM MKHA' GRAGS KYIS BSTAN RIM DU MDO DRANGS
PA LAS, GANG GI NGA GNAS

NYON MONGS PA'I GNYEN POR 'GYUR ZHING, DKAR PO'I PHYOGS KYI
GROGS SU 'GYUR BA'I TSIG 'BYUNG BA DE LA DUS GSUM GYI SANGS
RGYAS THAMS CAD KYI THUGS YE SHES ZHUGS PAR RIG PAR BYA'O, ,ZHES
GSUNGS PA DANG, BRGYAD

STONG PA LAS GDUL BYA LA CHOS STON PA THAMS CAD DE BZHIN GSHEGS
PA'I SKYES BU'I MTHU YIN PAR GSUNGS PA SOGS SHIN TU MANG NGO,
,DE LTAR SANGS RGYAS KUN 'DUS SU BSGOM PA'ANG 'DI NYID SANGS
RGYAS YIN NO ZHES PA'I MOS MNO

TZAM GYIS MI CHOG PAR, RIGS PAS DPYAD DE SKYON RTOG GI BLO BKAG
NAS NGES PA RNYED PA ZHIG DGOS PAS, THOG MAR RANG RGYUD LA TSUR
BSKOR TE BLTAS PA NA SKYON GYI RNAM PA ZHIG SNANG RGYU MED PA
SHIN TU DKA' ZHING, SNANG BA DE NYID

BDEN NAM MI BDEN SNYAM DU DPYAD PA'I TSE, BDEN PA'I RGYU MTSAN
RANG LA MNGON SUM SNANG BA LAS GZHAN MI RNYED PAS, DE'I TSE RANG
NYID LTA BU SNGON BSAGS KYI BSOD NAMS DAD BLO GROS DMAN ZHING,
PHYIN CI LOG GI BAG

CHAGS AA 'THAS SU SONG BAS, SGO GSUM NYON MONGS PA DANG MI DGE
BA'I PHRAN DU GYUR PA ZHIG GI LOG PA'I SNANG TSUL LA NGES PA MED
PAR MA ZAD, SNGON GYI SKYES BU DAM PA MANG PO LA LAS DBANG GIS
SNANG BA MA DAG PA SHAR TSUL KYI

@008A *, ,LO RGYUS MANG DU YONG BA LTAR YIN PAS, SNANG TSUL 'DI
DAG MKHRIS NAD CAN GYIS DUNG DKAR SER POR MTHONG BA BZHIN RANG
GI BLO SKYON YIN GYI, BLA MA LA SKYON DE YONG NAS SNANG BA MIN
NGES SNYAM DU

BSAM PA DANG, YANG BLA MA'I NGOS NAS SKYON KUN ZANG YON TAN KUN
LDAN YIN YANG RANG CAG LA DE LTA BUR MTHONG BA'I SKAL BA MED
PAS, DED CAG RNAMS DANG SKAL PA MNYAM PA THA MAL PA'I GZUGS DANG
THA MAL PA'I SPYOD PA LTA

BUR BSTAN PA YIN TE, BRTAG GNYIS LAS, PHYI MA'I DUS SU GYUR PA
NA, ,DE NYID SLOB DPON GZUGS KYI SKU, ,ZHES DANG, DE'I BSHAD
RGYUD RDO RJE GUR LAS, GANG NYID RDO RJE SEMS DPA' ZHES, ,DE
NYID SLOB DPON GZUGS SU

'DZIN, ,SEMS CAN PHAN GDAGS DMIGS NAS NI, ,THA MAL PA YI GZUGS
SU GNAS, ,ZHES DANG, LNGA BRGYA THA MAR GYUR PA NA, ,DE NYID
SLOB DPON GZUGS SU 'DZIN, ,NGA YI MA SNYAM DU YID BYOS LA, ,DE
TSE DE

LA GUS PA SKYED, ,CES SNYIGS MA'I GDUL BYA RNAMS SANGS RGYAS KYI
MDZAD PA MTHUN SNANG DU STON PA'I SKYABS SHIG BTZAL YANG DNGOS
SU MI RNYED PAS, DE BAS RANG LA CHOS STON PA PO'I SLOB DPON DE
LA SNGON RGYAL BA RDO RJE

'CHANG GIS LNGA BRGYA THA MA'I TSE BSHES GNYEN GYI RNAM PAR
'BYON ZHES ZHAL GYIS BZHES PA DE NYID KHO NA YIN NO SNYAM DU
SANGS RGYAS DNGOS KYI 'DU SHES BZHAG NAS STON PAR GYIS SHIG
DANG, NGED? DE'I TSE JI LTAR ZHAL GYIS BZHES PA

@008B BZHIN MI BSLU BAR 'BYON NO ZHES BKA' 'GYUR BA MED PA RDO
RJE'I TSIG GIS GSUNGS PA RNAMS DRAN PAR BYAS TE YID CHES RNYED
PAR BYA'O, ,DES NA BLA MA SANGS RGYAS SU MTHONG BA'I DON YANG
RNAM PA SANGS RGYAS KYI RNAM PAR MTHOB BA

LA GTZO BOR MI BYED KYI, NGO BO SKYON KUN ZANG YON TAN KUN LDAN
DU MTHONG DGOS PA YIN TE, DPER NA LEGS SKAR DANG LHAS SBYIN SOGS
KYIS THUB PA'I DBANG PO'I SKU MTSAN DPE SOGS KYIS SPRAS PA'I
RNAM PA DNGOS

SU MTHONG YANG, MDZAD PA SKYON DU MTHONG STE DAD PA MA SKYES PA
YIN LA, RNAM PA RANG CAG DANG SKAL PA MNYAM PAR BSTAN PA'I SHA
TSUGS 'DI BZHIN DU SNANG YANG, MDZAD PA YON TAN 'BA' ZHIG TU
SNANG NA NGES SANGS RGYAS SU

MTHONG BA'I GO CHOD PA YIN TE, LAM RIM CHEN MO LAS, DE DAG GI
DON NI JI LTAR SANGS RGYAS YIN PAR SHES PA NA, DE LA SKYON RTOG
PA'I BLO MI 'BYUNG ZHING YON TAN SEMS PA'I SMA 'BYUNG BA LTAR,
BLA MA LA'ANG CHED DU BYAS TE SKYON

RTOG PA RNAM PA THAMS CAD DU 'DOR ZHING, YON TAN RTOG PA'I BLO
SBYONG BA'O, ,ZHES BLA MA SANGS RGYAS SU LTA BA'I DON MTSAN
DPE'I SKU CAN DU LTA BA LA GTZO BOR MI BYED PAR, SKYON KUN ZAD
DU LTA BA LA GTZO BOR BYED DGOS TSUL

PHYAG NA RDO RJE DBANG BSKUR BA'I RGYUD KYI KHUNGS DANG BCAS TE
NAN TAN DU 'DOMS PAR MDZAD PA NI, BLA MA SANGS RGYAS SU SGOM
ZHES RJES SU ZLOS PA RNAMS KYIS SHIN TU GO DGOS PA ZHIG GO,
GNYIS PA BKA' DRIN RJES SU DRAN NAS@009A *, ,GUS PAR BYA BA NI, 'DI PHYI'I LEGS TSOGS
JI SNYED PA,
,DGE BA'I BSAM PA NYID LAS 'BYUNG, ,DGE SEMS SKYES PA BLA MA LA,
,RAG LUS PHYIR NA LEGS TSOGS KUN, ,BLA MA'I MTHU LAS 'BYUNG BAR
NGES, ,

ZHES BYUNG, DE'ANG 'PHA 'DI PHYI'I LEGS TSOGS 'JIG RTEN DANG
'JIG RTEN LAS 'DAS PA'I YON TAN THAMS CAD KYI RTZA BA BLA MA YIN
PA NI, RJE BDAG NYID CHEN POS, DE NAS 'DI PHYI'I LEGS TSOGS JI
SNYED PA'I, ,RTEN 'BREL LEGS

PAR 'GRIG PA'I RTZA BA NI, ,LAM STON BSHES GNYEN DAM PA ZHES
DANG, 'JIG RTEN 'JIG RTEN 'DAS PA'I DGE LEGS KYI, ,YON TAN KUN
GYI RTZA BA DRIN CAN RJE, ,ZHES SOGS MDO DANG BSTAN BCOS MTHA'
DAG GNAS GSUNGS

LA; DE'I RTZA BAR 'GYUR BA'I RGYU MTSAN NI, RIN CHEN PHRENG BA
LAS, MI DGE BA LAS SDUG BSNGAL DANG, ,DE BZHIN NGAN 'GRO THAMS
CAD DO, ,DGE LAS BDE 'GRO THAMS CAD DANG, ,SKYE BA KUN TU BDE BA
DAG ,CES GSUNGS

PA LTAR, NGAN SONG GSUM GYI SKYE BA DANG BDE 'GRO NGAN 'GRO GNYI
GA'I RTEN LA SDUG BSNGAL CHE PHRA GANG YOD THAMS CAD RANG RGYU
'PHEN BYED DANG RDZOGS BYED KYI MI DGE BA CI RIGS PA ZHIG GI
'BRAS BUR 'BYUNG BA GNAS YIN GYI, DGE BA'I

'BRAS BUR 'BYUNG BA GNAS MA YIN, BDE 'GRO'I SKYE BA THAMS CAD
DANG YANG BDE 'GRO NGAN 'GRO GNYI GA'I RTEN LA GANG BYUNG GI BDE
BA THAMS CAD DGE BA'I 'BRAS BUR 'BYUNG BA GNAS YIN GYI, MI DGE
BA'I 'BRAS BUR 'BYUNG BA

@009B GNAS MA YIN PAS, ZAS KHAM GCIG RNYED PA TSUN CHAD KYI BDE
BA PHRA MO NAS BZUNG STE, ZAG PA MED PA'I BDE BA PHUN SUM TSOGS
PA'I BAR THAMS CAD RANG RGYU DGE BA KHO NA LAS 'BYUNG ZHING, DGE
BA'I BSAM PA RANG RGYUD LA SKYE BA BLA MA LA RAG LAS PA YIN TE,

DA LTA ZAS KHAM GCIG LONGS SPYOD PA 'DI LA'ANG, ZAS KYI RGYU
SBYIN PA DANG, DE BDE 'GRO'I RTEN LA SPYOD PA TSUL KHRIMS, DE LA
GZHAN GYIS GNOD PA MED PA BZOD PA, DE'I RTZOL SGRUB SOGS LAM DU
'GRO BA BRTZON 'GRUS, DE'I TSE BAG

PHEB PAR GNAS PA BSAM GTAN, DE LA LONGS SPYOD TSUL SHES PA SHES
RAB KYI 'BRAS BUR GSUNGS SHING, RANG CAG RNAMS LA THOG MED NAS
LHAN SKYES SU GOMS PAS GSAR DU SLOB MI DGOS PA NI NYON MONGS PA
MI DGE BA'I PHYOGS 'BA'

ZHIG YIN GYI, DGE BA'I PHYOGS THAMS CAD RE RE NAS GSAR DU SLOB
DGOS LA, DE SLOB PAR BYED PA DGE BA'I BSHES GNYEN YIN PA'I RGYU
MTSAN GYIS LEGS TSOGS THAMS CAD DE'I BKA' DRIN KHO NA LAS BYUNG
BAR DPOG NUS SO, ,

DE SKAD DU SPYOD 'JUG LAS, JI LTAR MTSAN MO MUN NAG SMAG RU MAN,
,GLOG 'GYUR SKAD CI GAR BSNANG STON PA LTAR, ,DE BZHIN NAS SANGS
RGYAS MTHU YIS BRGYA LAM NA, ,'JIG RTEN BSOD NAMS BLO GROS THANG
'GA' 'BYUNG, ,ZHES

GSUNGS PA LTAR, MI DGE BA'I RTOG PA RGYUN CHAGS PA MTSAN MO'I
SMAG RUM LTA BU'I KLONG NAS, DGE SEMS GLOG 'GYU BA LTA BU YUD
TZAM PA RE 'BYUNG BA'ANG SANGS RGYAS KYI THUGS RJE KHO NA LAS
'BYUNG BAR GSUNGS LA, DE NI SANGS

@010A *, ,RGYAS RNAMS CHOS KYI SKU'I NGO BOR BZHUGS PA KHO NAS
MI CHOG GI, RANG LA BLANG DOR STON PA'I BSHES GNYEN GYI RNAM PAR
BSTAN PA DE'I MTHUL BRTEN NAS 'BYUNG BA YIN NO, ,KHYAD PAR DU
THAR PA DANG THAMS CAD

MKHYEN PAR BGROD PA'I LAM SHES PA LA BLA MA DAM PAS DMIGS BU
DANG SA MKHAN MDZAD PA ZHIG MED MI RUNG YIN PA NI DGE BA'I BSHES
GNYEN PO TO BA'I ZHAL NAS, RNAM GROL SGRUB PA LA BLA MA LAS GAL
CHE BA MED DE, TSE 'DI'I BYA BA

BLTAS NAS BYAS PAS CHOG PA LA'ANG SLOB MKHAN MED PAR MI 'ONG NA,
NGAN SONG NAS 'ONGS MA THAG PA 'GRO MA MYONG BA'I SAR 'GRO BA LA
BLA MA MED PAR GAN 'ONG, ZHES GSUNGS PA DANG, YON TAN RIN PO CHE
SDUD PA LAS KYANG, BLA

MA MKHAS PA RNAMS LA RTAG TU BSTEN PAR BYA, ,CI PHYIR ZHE NA
MKHAS PA'I YON TAN DE LAS 'BYUNG, ,ZHES YANG DAG PA'I LAM BGROD
TSUL SHES PA BLA MA KHO NA LA LTOS BAR GSUNGS SHING, GSANG BA
BSAM GYIS MI KHYAB PA'I MDOR, BLA MA

LA BRTEN PA DANG, BSNYEN PA DANG, BSNYEN BKUR BAR BYA'O, ,DE
LTAR DGE BA'I CHOS THOS PAS BSAM PA DGE BA DANG, DE LAS SBYOR BA
DGE BAR 'GYUR RO, ,DES DGE BA'I LAS BYED CING DGE BAR 'GRO BAS
DGE BA'I GROGS MGU BAR BYED

DO; ;ZHES SGO GSUM DGE BA LA GZHOL BA'I RTEN 'BREL GYI MGO BLA
MA LA BRTEN NAS TSUGS DGOS PAR GSUNGS SO, ,MDOR NA BYANG CHUB
BDE LAM LAS, 'KHOR BA DANG NGAN SONG GI SDUG BSNGAL SPANGS PA'I
THAR PA MCHOG YANG DAG

@010B PAR RDZOGS PA'I SANGS RGYAS KYI GO 'PHANG RIN PO CHE BDE
BLAG TU STER BAR BYED PA'I LAM ZAB MO KHONG DU CHUD PA 'DI DGE
BA'I BSHES GNYEN 'DI RNAMS KYI BKA' DRIN YIN PAS, ZHES GSUNGS PA
LTAR, CHUNG NGU'I 'DOD BYA NGAN SONG GI SDUG

BSNGAL LAS GROL BA'I BDE 'GRO'I GO 'PHANG DANG, 'BRING GI 'DOD
BYA 'KHOR BA'I SDUG BSNGAL LAS GROL BA'I THAR PA'I GO 'PHANG NAS
BZUNG, SKYES BU CHEN PO'I 'DOD BYA RDZOGS PA'I SANGS RGYAS KYI
BAR SGRUB PA'I THABS TSANG LAM

NOR BA, SNGON SANGS RGYAS BYANG SEMS RNAMS KYIS DKA' BA BRGYA
PHRAG GIS BTZAL CING, LO PAn RNAMS KYIS DKA' SPYAD MTHA' YAS
PA'I SGO NAS SPYAN DRANGS PA'I GDAMS PA TSANG LA MA NOR BA,
SANGS RGYAS DNGOS SU BYON KYANG DE

LAS LHAG BAR GDAMS SU MED PA'I MAN NGAG GI SNYING PO RNAMS SGO
SKYEL GYI TSUL DU STZOL BAR MDZAD PA'I BKA' DRIN BSAM GYIS MI
KHYAB PA DRAN NAS GUS PAR BYA'O, ,GSUM PA DE DAG DAD PA SO SOR
'JOG TSUL NI, RGYAL KUN NGO BOR

LTA BA NI, ,DANG BA'I DAD PA SGOM TSUL LO, ,LEGS TSOGS KUN GYI
'BYUNG GNAS SU, ,LTA BA YID CHES SGO MTSUL LO, ,CI GSUNGS BKA'
BZHIN SGRUB BYED PA, ,MNGON 'DOD DAD PA'I SKYONG TSUL LO, ,ZHES
BYUNG, DAD PA'I NGO BO NI KUN

BTUS LAS, DAD BA GANG ZHEN, YOD PA NYID DANG, YON TAN CAN DANG,
NUS PA RNAMS LA MNGON PAR YID CHES PA DANG, DAD PA DANG 'DOD PA
STE, 'DUN PA'I RTEN BYED PA'I LAS CAN NO, ,ZHES LAS DANG 'BRAS
BU'I GNAS

@011A *, ,TSUL SOGS JI LTAR BSHAD PA BZHIN YOD PAR NGES PA'I YID
CHES KYI DAD PA BU CHUNG MAL YID RTON PA LTA BU DANG, DKON MCHOG
GSUM SOGS KYI YON TAN MTHONG NAS DGA' BA DAD PA'I DAD PA CHAGS
LDAN

GYIS GZHON NU MA MTHONG BA LTA BU, 'GOG LAM GYI BDEN PA SOGS
'BAD NA THOB NUS PAR SHES NAS NGON DU GNYER BA MNGON 'DOD KYI
NGANG PA SKROM PA CHU TSOL BA LTA BU STE GSUM DU GSUNGS LA, DBE
CHOS LAS, RKYEN GANG GIS 'GOG PAR

MI NUS PA PHYIR MI LDOG PA'I DAD PA TSA BAS GDUNGS PA'I GLANG
CHEN MTSO NANG DU 'JUG PA LTA BU STE BZHIR GSUNGS PAS, SNGA MA
GSUM NI DBANG PO RNO RTUL GNYI GA'I THUN MONG GI DAD PA SKYE
TSUL YIN LA, PHYI MA NI DBANG RNON CHOS KYI RJES 'BRANG

GI DAD PA SKYE TSUL YIN TE, RJE BLA MAS KYANG, BDAG YID KHYOD
KYI RJES SU PHYOGS PA NI, ,NYI MAS GDUNGS PA'I GLANG CHEN PAD
MTSOR BZHIN, ,ZHES GSUNGS SO, ,LEGS TSOGS KYI RTZA BA TSUGS BA
LA DAD PA 'DI DAG GI SGOM TSUL

MNOR BA SHES PAR BYAS NAS RGYUD LA SKYE NGES PA ZHIG RNAM PA
THAMS CAD DU GAL CHE STE, JO BO YAB SRAS KYI ZHUS LAN NOR BU'I
PHRENG BA LAS, DANG PAS YI DANG PO YIN, ,DAD PA LAM GYI MGO BO
STE, ,DAD PA PHAN BDE'I MYU GU YIN, ,DAD

PAS DGE BA'I LO TOG 'BYIN, ,ZHES SOGS LTAR LAM GYI SNGON 'GRO LA
DAD PA LAS GAL CHE BA MED CING, CHOS BCU PA'I MDO LAS, GANG GIS
'DREN PA NGES 'BYUNG LA, ,DAD PA THEG PA'I MTSOG YIN TE, ZHES
DANG, DKON MCHOG

@011B SGRON ME LAS, DAD PA SNGON 'GRO MA LTAR SKYED PA STE, ,YON
TAN THAMS CAD SRUNG ZHING 'PHEL BAR BYED, ,DOGS PA SEL ZHING CHU
BO RNAMS LAS SGROL, ,DAD PA BDE LEGS GRONG KHYER MTSON BYED YIN,
,ZHES YON TAN MA SKYES PA SKYED CING,

SKYES ZIN GONG DU SPEL BA'I RIM PAS, MTHAR THUG SKU GSUM GYI
GRONG KHYER DU 'JUG PA'I BAR GYI RGYU'I GTZO BOR GSUNGS SO, ,DER
MDZAD MNGON RTOGS RGYAN GYI BRJOD DON MTHA' DAG LAM GYI RIM PAR
BSGRIGS PA'I MDOR BSTAN

LTA BU NI, SANGS RGYAS SOGS DMIGS DAD PA DANG, ,ZHES SOGS RKANG
PA DRUG PO 'DI YIN LA, DE'I NANG NAS RKANG PA DANG POS THEG PA
THUN MONG DANG THUN MONG MA YIN PA'I SKYABS 'GRO KHYAD PAR BZHI
LDAG GSUNGS PA'I KHONGS DER

SKYES BU GSUM GA'I LAM GYI GNAD 'DUS PA YIN TE, PHAR PHYIN LAM
BSGRIG LAS, DKON MCHOG GSUM RGYU DANG 'BRAS BUS BSDUS PA LA DANG
BA'I DAD PA DE'I YUL DU THEG CHEN GYI RGYU 'PHRAS KYI CHOS MA
LUS PA 'GYUR BAS, DE LTA

BU'I DAD PA SKYES NA SKABS 'DIR BSTAN PA'I DAD PA LA MKHAS PA
ZHES BYA'O, ,DON GNYER GYI 'DUN PA NI DAD PA'I RJES SU BYED PAS
DAD PA LAM GYI RTZA BANG STON PA'ANG DE YIN NO, ,ZHES GSUNGS PA
BZHIN, 'KHOR BA THOG MA MED

PAS SEMS CAN THAMS CAD MAR GYUR TSUL SOGS LA YID CHES KYI DAD PA
SKYED DE BYAMS SNYING RJE SGOM TSUL DANG, SANGS RGYAS BYANG SEMS
RNAMS KYIS RANG DON YID BYED DANG MA 'DRES PA'I MDZAD PA SKYON
MED PA LA DANG BA'I DAD PA

@012A *, ,SKYED CING, BDAG GIS KYANG 'DREN PA SNGA MO RNAMS KYI
RNAM THAR BZHIN DU BSLAB NA DE DAG DANG MNYAM PA'I GO 'PHANG
THOB NUS SU MTHOB STE, SEMS CAN THAMS CAD KYI DON DU SANGS RGYAS
THOB PAR 'DOD

PA'I BSAM PA BYANG CHUB KYI SEMS RIN PO CHE BSKYED PAR BYED PA
YIN PAS, SEMS DE NYID 'BYUNG MI 'BYUNG RTZA BA 'DI DAG YOD MED
LA RAG LAS PA'I RGYU MTSAN GYIS MNGON RTOGS RGYAN LAS KYANG,
SEMS BSKYED PA NI GZHAN DON PHYIR,,

YANG DAG RDZOGS PA'I BYANG CHUB 'DOD, ,CES SEMS BSKYED LA 'DOD
PA'AM 'DUN PA'I MING GIS BTAGS NAS GSUNGS PA YIN TE, 'GREL PA
DON GSAL LAS, DGE BA'I CHOS LA 'DUN PA'I MTSON NYID DON DU GNYER
BA

YOD NA BYANG CHUB TU SEMS BSKYED PAS RGYUS 'BRAS BU BSTAN PA YIN
TE, ZHES DANG, BRGYAD STONG 'GREL CHEN LAS, 'GRO BA MGON MED PA
SDUG BSNGAL GYI RGYA MTSOR NUB PA LA MNGON PAR BLTAS NAS DE GDON
PA'I BSAM PAS

DGE BA'I CHOS LA 'DUN PA'I MTSAN NYID CAN GYI DON DU GNYER BA
YOD NA 'TSAD RGYAB NYID KYI PHYIR BYANG CHUB KYI SEMS BSKYED PA
YIN PAS, 'DIR RGYAS 'BRES BU BSTAN PA YIN NO, ,ZHES GSUNGS PA'I
PHYIR, 'DIR GTZO BO THEG

CHEN THUN MONG MA YIN PA'I SKYABS 'GRO KHYAD PAR BZHI LDAN
GSUNGS PA YIN KYANG, DE LA SNGON DU 'BRING DANG THUN MONG BA'I
SKYABS 'GRO 'BYUNG DGOS SHING, DE NI 'KHOR BA'I SDUG BSNGAL
GSUNGS PA LA YID CHES NAS DE LAS THAR

@012B 'DOD DANG, 'GOG LAM GYI YON TAN MTHONG NAS THOB 'DOD KYI
DAD PA GNYIS SU 'DU, DE'I SNGON DU CHUNG DU DANG THUN MONG BA'I
SKYABS 'GRO'ONG DGOS LA, DE NI NGAN SONG GI SDUG BSNGAL LA 'JIGS
NAS, DE LAS SKYOB PA'I NUS PA DKON

MCHOG LA YOD PAR MTHONG STE SKYABS SU 'GRO BA YIN KYANG, DE'I
RTZA BA LAS 'BRAS LA YID CHES KYI DAD PA YOD MED KHO NA LA RAG
LAS BAS, SKYES BU CHUNG NGU'I CHOS SKOR 'DI LA MNGON MTHO'I CHOS
SKOR DANG DAD PA'I CHOS SKOR ZHES

KYANG BSHAD DE, RIN CHEN 'PHRENG BA LAS, DE LA MNGON MTHO BDE BA
STE, ,DES PAR LEGS PA THAR PAR 'DOD, ,DE YI SGRUB PA MDOR BSDUN,
,MDOR NA DAD DANG SHES RAB BO, ,ZHES DANG, KUN MKHYEN 'JAM
DBYANGS BZHAD

PAS GRUB MTHA' RTZA BA LAS, MNGON MTHO NGES LEGS SGRUB BYED DAD
SHES GNYIS, ,ZHES GSUNGS PA LTAR RO, ,DE LTAR DAD PA GSUM GSAL
GYI RTZA BAR SHES NAS DE'I RANG BZHIN LEGS PAR GTAN LA PHAB STE
BLA MA'I RNAL 'BYOR

BSGOM PA 'DIR YANG DE GSUM GYI GNAD TSANG NGES PA ZHIG BYED DGOS
PAS, DE'I TSUL NI GONG DU BSHAD PA LTAR DRIN CAN RTZA BA'I BLA
MA DE NYID RGYAL KUN GCIG TU 'DUS PA'I NGO BOR LTA BA DANG BA'I
DAD PA SGOM TSUL DANG, GNAS SKABS

MTHAR THUG GI LEGS TSOGS MA LUS PA BLA MA'I BKA' DRIN KHO NA LA
BRTEN NAS BYUNG TSUL DPYAD PA GSUM GYIS DAG PA'I BKA' TSAD MAR
GYUR PA RNAMS KYIS LAS GANG LAS 'BRAS BU GANG 'BYUNG BA GNAS
DANG GNAS MA YIN PA'I TSUL

@013A *, ,GSUNGS PA LA BRTEN NAS BSGRUBS TE YID CHES KYI DAD PA
SGOM TSUL DANG, BLA MAS RANG LA BLANG DOR 'DI DANG 'DI GYIS ZHES
CI GSUNG BA THAMS CAD BKA' BZHIN DU BSGRUB PA MNGON 'DOD KYI DAD
PAS

SGOM TSUL TE, DNGOS ZIN TZAM NI GO SLA LA, SNGA MA GNYIS KYI
RGYU MTSAN GONG DU BSHAD ZIN PAS, 'DIR CI GSUNG BKA' BZHIN SGRUB
BYED PA, ,MNGON 'DOD DANG PA'I SKYONG TSUL LO, ,ZHES GSUNGS PA'I
'BREL JI LTAR YIN

ZHE NA, BLA MAS GDUL BYA LA BLANG DOR GYI RNAM BZHAG STON PA DE
NI BRO BA'I GLU GZHAS LTA BU TSIG GANG 'GRIG TZAM BSHAD PA MA
YIN PAR, BSDU BA BZHI'I NANG NAS DON MTHUN PA ZHES BYA BA RANG
NYAMS DANG SBYAR BA'I STENG NAS YIN

TE; TSAD MA RNAM 'GREL LAS, SKYOB PA NYID GZIGS LAM GSUNGS PA,
,ZHES DANG, CHED DU BRJOD PA'I TSOM LAS, BDAG NYID DANG POR RIGS
PAR GNAS BYAS NAS, ,PHYI NAS BDAG BZHIN GZHAN DAG GZHAN DAG GDUL
BAR

BYA; ;ZHES GSUNGS PA LTAR, RANG NYID KYIS JI LTAR GZIGS PA DANG
JI LTAR NYAMS SU BLANGS PA DE KHO NA BZHIN DU RJES 'JUG RNAMS LA
'DOMS PAR MDZAD PA YIN PAS, BLA MA'I GO 'PHANG DAM PA DE NYID
MNGON PAR

'DOD NA BLA MA GANG NAS GSHEGS PA'I LAM DE NYID NAS BGROD CING,
DES 'JUG LDOG JI LTAR MDZAD PA DE BZHIN DU RANG GIS KYANG SGRUB
DGOS PA'I PHYIR TE, 'BRAS BU DE JI LTA BA 'DOD LA, RGYU DE JI
LTA BA BZHIN MI SGRUB PA NI

@013B RGYAB 'GAL YIN PA'I PHYIR RO, ,GNYIS PA SPYOD LAM THAMS
CAD BLA MA'I RNAL 'BYOR DANG SBRAGS TE DON LDAN DU BYED TSUL LA,
RNAM PA KUN TU BLA MA'I RNAL 'BYOR SGOM TSUL DANG, DE'I SGO NAS
RANG GZHAN GYI DON BSGRUB PA'I THABS

MKHAS KYIS SGO GSUM DON LDAN DU BYED TSUL GNYIS, DANG PO NI, MI
'DOD RKYEN NGAN BYUNG BA SOGS, ,GAL CHE'I GNAS SKABS THAMS CAD
DU, BLA MA SPYI BOR BSGOM BYAS NAS, PHUR TSUGS GSOL 'DEBS BYED
PA

GCES, ,RGYA CHEN BSOD NAMS GSOG 'DOD TSE, ,BLA MA MDUN DU BSGOM
BYAS NAS, ,MCHOD TSOGS RGYA MTSOS MCHOD PA GCES, ,'DI PHYI BAR
DO'I GNAS SKABS SU, ,BLA MA SNYING DBUS BSGOM BYAS TE, ,RANG GI
SEMS

DANG BLA MA GNYIS, ,DBYER MED BSRE BA MAN NGAG GO, ZHES BYUNG,
DE'ANG DGOS PA'I DBANG GIS BLA MA GNAS SO SOR SGOM TSUL THA DAD
PA'I RNAM GZHAG 'DI NI RGYUD DANG GRUB CHEN GYI DGONGS PA YIN
TE, AA BHI DHA NA'I RGYUD LAS, DRIN DANG

LDAN PA'I BLA MA DE, ,SNYING GI DKYIL LAM SPYI BO'I GTZUG ,YAN
LAG MTHIL DU GANG BKOD PHA, ,SANGS RGYAS STONG GI YON TAN YANG,
,GANG ZAG DE YIS 'DZIN PAR 'GYUR, ,ZHES GSUNGS LA, PHYIS KYI DPE
PHAL CHER DU

DRANGS PA NA, DRIN DANG LDAN PA'I BLA MA DE, ,LAG PA'I MTHIL LAM
SNYING GI DKYIL, ,LUS KYI CHA SHAS GAR BSGOMS KYANG, ,SANGS
RGYAS STONG GIS BYIN RLABS KYANG, ,GANG ZAG DE YIS SDUD PAR
BYED, ,CES 'BYUNG BA 'GYUR

@014A *, ,KHYAD YIN PAR MNGON, DE BZHIN DU RJE BTZUN MI LAS, BLA
MA'I SNANG BA SHAR TZA NA, 'BRAS MED SPYI BIR GSOL BA THOB,
,BRJOD MED SNYING GI DKYIL DU BSGOM, ,ZHES DANG, RGYAL BA YANG
DGON

PAS, MCHOD TSOGS DUS SU MDUN GYI MKHA', ,GSOL BA 'DEBS TSE SPYI
BO'I GTZUG ,RTAG TU BLA MA SNYING GI DBUS, ,ZHES GSUNGS LA, PAn
CHEN THAMS CAD MKHYEN PAS DRIS LAN BLO BZANG BZHAD PA'I SGRA
DBYANGS LAS

KYANG, BLA MA GANG DU BSGOM PA'I GNAS, ,MDUN NAM SPYI GTZUG
SNYING GI DKYIL, ,RANG RANG MOS PA BZHIN DU STE, ZHES GSUNGS
NAS, BLA MCHOD KYI SKABS SU, DANG POR MDUN DANG, RJES SU SPYI BO
DANG SNYING GAR

RIM BZHIN BSGOM TSUL DE GSUM GA TSANG BAR BYAS NAS GSUNGS SO,
,DE DAG GI DGONGS PA DANG MTHUN PAR 'DIR YANG SPYI BO DANG MDUN
GYI NAM MKHA' SNYING DBUS RNAMS SU BSGOM TSUL GSUM GSUNGS PAS,
DANG PO NI

PHA ROL KYI GDON BGEGS NAD RIMS LA SOGS PA'I PHYI NANG GI NYER
'TSE DRAG POS GTZES PA NA, DE'I MGON SKYABS DANG DPUNG GNYEN DU
BLA MA RANG GI SPYI BOR RIGS KYI BDAG PO'I TSUL DU GSAL BTAB NAS
LAS NYON SDIG

SGRIB BAG CHAGS RNAMS DANG, DES BSKYED PA'I SDUG BSNGAL LA SOGS
BYANG ZHING DAG PA DANG, TSE DANG BSOD NAMS LUNG RTOGS KYI YON
TAN LA SOGS PA 'PHEL ZHING RGYAS PA'I PHYIR GSOL BRTZE GCIG TU
'DEBS SHING BDUD

@014B RTZI 'BEB SBYANG GI DMIGS PA LA SOGS PA BYED PA YIN NO,
,GNAS SKABS KYI BAR CHAD SEL BA'I PHYIR GSOL BA 'DEBS PA NI SPYI
BOR BSGOM PAR GSUNGS PA 'DI NI LUS KYI GNAS KYI GTZO BO SPYI BO
YIN PAS DE DANG BSTUN NAS GTZO CHE BA'I DBANG DU BYAS

PA YIN GYI, MTHA' GCIG TU NGES BZUNG MIN TE, GONG DU DRANGS PA'I
RGYUD LAS, YAN LAG MTHIL DU ZHES DANG, LUS KYI CHA SHAS GAR
BSGOMS KYANG, ,ZHES GSUNGS PA BZHIN, DGOS PA'I DBANG GIS LUS KYI
CHA SO SO LA BSGOM TSUL

SNA TSOGS SHIG YOD PA'I PHYIR, KUN MKHYEN 'JAM DBYANGS BZHAD PAS
'JIGS BYED RDZOGS RIM LAS, RLUNG GIS KHOL BUR NA BA'I GEGS SAL
NI, LUS KYI STOD SMAD GANG RUNG KHOL BUR NA PA'AM, SHA BEM
PA'AM, SKRAD BA SOGS

BYUNG NA RTZA BA'I DMIGS RTEN BLA MA SOGS 'BYAR MI PHYED PA DE
DANG, ZHES SOGS KYIS RTZA BA'I DMIGS RTEN LAS 'OD ZER 'PHROS PO
TE SKYON DE RNAMS SBYONG BA'ANG BLA MA DANG DBYER MED DU BYAS
PA'I NUS MTHU YIN PAR GSUNGS LA, YANG

SKRANG PA DE BLA MA YI DAM GYI NGO BOR BSGOM LA ZHES DE NYID DU
BLA MA'I SKU BSGOM PA'ANG GSUNGS SO, ,GZHAN YANG DE NYID LAS,
SNANG GRAGS THAMS CAD BLA MA'I GSANG GSUM DU 'KHYER SHES PA LA
BSLAB CING, 'DI NYAMS 'OG TU CHUNG

NGES BYUNG NA GEGS SEL NGO GA 'DON GANG GI SKABS SU'ANG 'KHOR
LOS BSGYUR BA'I RGYAL PO'I NOR BU RIN PO CHE LAG TU CHUD PA LTA
BU 'ONG, ZHES GSUNGS TE, GRUB CHEN TE LO PAS KYANG, BOG 'DON KUN
ZGYI MCHOG GYUR PA, ,BLA MA@015A *, ,YIN NO RNAL 'BYOR PA, ,ZHES GSUNGS SO, ,N'A RO
PA'I
SPYOD PA CHOS KYI GLU N'A RO'I RNAM 'PHRUL GTZANG PA RGYA RAS
KYIS LHO BRAG MKHAR CHU'I GTER NAS BTON POR SNYOMS KYI GDAMS PA
LAS, KUN LA

BLA MA'I RNAL 'BYOR SHIS, ,CI DGU THAMS CAD BLA MA LA, ,GSOL BA
BTAB LAS 'BYUNG BAR 'DUG ,CES NAD 'DON GYI SKABS SU GSUNGS PA
LAG TU LEN PA'I TSE, TSA BA'I NAD LA MGRIN PAR BLA MA'I NGO BO
CHU SHEL GYI MCHOD RTEN ZHIG BSAMS

TE; DE'I 'OD ZER GA BUR LTA BUS TSA BA'I NAD RNAMS SBYANGS BA'I
DMIGS PA DANG, DE BZHIN DU GRANG BA'I NAD LA SNYING GAR BLA MA'I
NGO BO ME SHEL GYI MCHOD RTEN, BAD KAN GYI NAD LA LTE BAR BLA
MA'I NGO BO GSER GYI MCHOD RTEN, 'DUS

BA'I NANG LA SPYI BOR BLA MA'I NGO BO RLUNG GI MCHOD RTEN GSAL
BTAB STA SPONG DU SOGS BYED PAR DE'I 'GREL PA RNAMS SU BSHAD DO,
,MI DANG MI MA YIN GYIS GTZES PA LA'ANG, LHA GZHAN LA GSOL BA
'DEBS PA BAS RANG GI RTZA BA'I BLA

MA LA GSOL BA BTAB NA BYIN RLABS SHIN TU MYUR TE, 'BROM STON
PA'I ZHAL NAS, RTEN GANG LA GSOL BA BTAB PA LAS NGO BO LA GSOL
BA BTAB PA BYIN RLABS CHE BA BYUNG, ZHES GSUNGS SHING, SNGON
GCIG LA MI MA YIN GDUG PA

CAN ZHIG GIS MTHO BRTZAMS NAS NUB RE BZHIN 'OD DKAR PO CHEN PO
ZHIG NAM MKHA' NAS BABS TE 'JIGS SDANGS CHE BAR BYUNG BA LA KHRO
BO'I BZLAS PA DANG PHYIR ZLOG SOGS CI BYAS KYANG MA PHAN PAS,
THABS GZHAN MA RNYED PAR

@015B 'OD DE'I DKYIL DU RTZA BA'I BLA MA'I SKU'I RNAM PA ZHIG
BSGOMS PAS 'OD DE NYID NAG THUM GYIS SONGS STE PHYIN CHAD MA
BYUNG BA SOGS DE 'DRA'I LO RGYUS MANG LA, 'DI TZAM NI THA NA
BDAG LTA BUS KYANG MYONG BAS GRUB PA ZHIG GO, ,RGYA CHEN

BSOD NAMS GSOG 'DOD TSE, ,BLA MA MDUN DU BSGOM BYAS NAS, ,MCHOD
TSOGS RGYA MTSOS MCHOD PA GCES, ,ZHES PA NI, LAM RIM DANG BLA
MCHOD KYI SKABS LTAR MTHO DMAN JI LTAR 'TSAM PA'I MDUN GYI NAM
MKHA'

TSOGS ZHING GI GTZO BOR BYAS NAS BSGOM PA'AM, YANG NA TSOGS
ZHING KUN 'DUS PA'I BDAG NYID DU BYAS NAS BLA MA GCIG PU GSAL
BTAB LA, LUS NGAG YID GSUM GYI PHYAG BYA BA DANG, DNGOS BSHAMS
YID SPRUL GYI MCHOD

TSOGS BLA NA MCHIS PA DANG BLA NA MA MCHIS PA MDO SDE NAS 'BYUNG
BA BZHIN BLOS BLANGS TE DBUL ZHING, GZHAN YANG PHYI NANG GI NYER
SPYOD DANG 'DOD YON, DUS GSUM GYI DGE TSOGS, ,SBYANGS RTOGS SBAR
GSUM BYAS PA'I NANG MCHOD, ZHING

SNGAGS LHAN SKYES KYI PHO NYA, ZUNG 'JUG GI RTOGS PA STE DBANG
BZHI DANG 'BREL BA'I MCHOD PA, PHYI NANG GSANG BA DE KHO NA NYID
KYI MAndAL DANG BCOS PA, SDIG LTUNG BSHAGS SHING DGE BA LA RJES
SU YI RANG BA, BSKUL ZHING MI 'DA'

BAR GSOL BA GDAB PA, RJES BSNGO BA DANG BCAS BSAG SBYANG GI GNAD
BSDUS PA YAN LAG BDUN PA BYED PA NI, 'DIR BSOD NAMS GSOG PA'I
THABS MCHOG TU GYUR PA'I MCHOD PA DBUL TSUL YIN NO, ,YAN LAG
BDUN DU PHYE BA'I

@016A *, ,NANG GI MCHOD PA DANG GZHAN RNAMS LA KHYAD PAR CUNG
ZAD YOD KYANG, SPYIR YAN LAG BDUN PA MCHOD PAR 'JOG DGOS TE,
MCHOD PA'I SKAD DOD P'U DZA ZHES PA MNYES SHING MGU BAR BYED PA
LA 'JUG

PAS; BLA MA MNYES BYED KYI RNAM PAR DKAR BA'I CHA JI SNYED CIG
YOD PA THAMS CAD MCHOD PAR 'GRO BA'I PHYIR TE, BDUD RTZI GSANG
BA'I RGYUD LAS, MNYES PA'I DON GYIS MCHOD PA STE, ,ZHES DANG,
KLU SGRUB KYIS SEMS CAN MGU

BAR BYED PA'I BSTOD PA LAS, DES NA SEMS CAN PHAN PA BYAS NA NGA
LA MCHOD PA'I MCHOG ,GANG GI YID NI MGU BAR BYED PA MCHOD PA YIN
PAS SO, ,ZHES GSUNGS PA'I PHYIR, DE'ANG ZHING MCHOG DMAN GANG LA
MCHOD PA DANG SBYIN

PA BYAS PAS BSOD NAMS RE 'BYUNG BA TZAM DU 'DRA'ANG, RGYA CHE
CHUNG GI KHYAD PAR SHIN TU CHE BAS DE THAMS CAD KYI NANG NAS
BSOD NAMS SHIN TU RGYA CHE SHOS MTHAR THUG PA BLA MA LA MCHOD PA
YIN PAR GO PA'I PHYIR, RGYA CHEN BSOD NAMS

GSOG 'DOD TSE, ,ZHES GSUNGS PA YIN ZHING, DE NYID GZHAN THAMS
CAD LAS KHYAD PAR DU 'PHAGS PA MDO RGYUD THAMS CAD KYI DGONGS
PA'ANG YIN TE, GSANG BA 'DUS PA LAS, DUS GSUM SANGS RGYAS KUN
MCHOD PAS, ,BLA MA'I BA

SPU GCIG MCHED PA, ,DE YI BSOD NAMS KHYAD PAR 'PHAGS, ,ZHES
DANG, RDO RJE SNYING PO RGYAN LAS, DENGS 'BAD PA THAMS CAD KYIS,
,BLA MA RDO RJE 'DZIN PA MCHOD, ,RJES SU MTHUN PAS MNYES PAR
BYA, ,DE MNYES SANGS RGYAS

@016B THAMS CAD MNYES, ,ZHES DANG, RGYUD SDOM 'BYUNG DANG KLU
SGRUB KYI RIM LNGA GNYI GA LAS, MCHOD PA THAMS CAD YONGS SPANGS
TE, ,BLA MA MCHOD PA YANG DGE BRTZA MA'O, ,DE MNYES PAS NI KUN
MKHYEN PA'I, ,YE SHES MCHOG NI THOB PAR

'GYUR, ,ZHES PHYOGS BCU'I SANGS RGYAS THAMS CAD MCHOD PA BAS BLA
MA MCHOD PA DON CHE BAR GSUNGS LA, DE'I RGYU MTSAN YANG DE GNYIG
LAS, 'DI NI RANG BYUNG BCOM LDAN 'DAS, ,LHAG PA'I LHA NI GCIG PU
NYID, ,MAN NGAG RAB

TU STER BA'I PHYIR, ,RDO RJE SLOB DPON DE BAS LHAG ,CES BKA'
DRIN GYI SGO NAS YIN PAR GSUNGS SO, ,DE DAG GI DON BSDUS TE BLA
MA LNGA BCU PA LAS, MI ZAD DE NYID 'DOD PA YIS, ,CUNG ZAD YID
'ONG GANG DANG GANG, ,SHIN TU KHYAD

BAR GYUR PA NYID, ,DE DANG DE NI BLA MAR DBUL, ,DE BYIN SANGS
RGYAS THAMS CAD LA, ,RTAG TU BYIN PA NYID DU 'GYUR, ,DE BYIN
BSOD NAMS TSOGS YIN TE, ,TSOGS LAS DNGOS GRUB MCHOG TU 'GYUR,
,ZHES GSUNGS SO, ,LTOS

SA LTOS 'JOG GI SGO NAS BSOD NAMS 'GYUR CHE TSUL RNAM GRANGS
GZHAN YANG YOD DE, SNYING PO MDOR BSAGS LAS, SANGS RGYAS ZHING
SOGS ZHING RNAMS LA, ,KHYAD PAR DU NI SBYIN PA SBYAR, ,DMANGS
RIGS STONG PHRAG GNYIS DAG KYANG, ,

BRAM ZE GTZANG MA GCIG DANG 'DRA, ,BRAM ZE STONG PHRAG GNYIS DAG
NI, ,DGE SLONG GCIG LA RAB TU SBYAR, ,DGE SLONG STONG PHRAG
GNYIS DAG NI, ,RDUL MED PA NI GCIG DANG MNYAM, ,RDUL MED STONG
PHRAG GNYIS DAG NI, ,YE

@017A *, ,SHES LDAN PA GCIG LA SBYAR, ,YE SHES LDAN PA STONG
PHRAG GNYIS, ,SLOB DPON GCIG DANG MNYAM PAR BRTAG ,DE LTAR SBYIN
PA'I ZHING BYAS NAS, ,BLO DANG LDAN PAS RTAG TU SBYIN, ,RNAL
'BYOR RTZA BA'I

CHOS LAS NI, ,ZHING BZANG PO LA SA BON GDAB, ,CES GSUNGS TE,
DBANG DON DE NYID YANG GSAL LTAR, 'DI'I RDUL MED PA MTHONG LAM
DANG, YE SHES LDAN PA DGRA BCOM LA SBYOR BA'AM, YANG MDOR BSTAN
DU SANGS RGYAS

BYUNG YANG, RGYAS BSHAD KYI CHE GZHAN MA BYUNG BAS, DE GNYIS
NYON MONGS PA'I RDUL MED PA'I THAR PA THOB PA DANG THAMS CAD
MKHYEN PA'I YE SHES DANG LDAN PA THEG PA CHE CHUNG GI DGRA BCOM
GNYIS LA RIM BZHIN SBYAR KYANG RUNG NGAM

SNYAM, YANG NAS BCU BZHIR PHYE BA'I TSE MNGON BRJOD BLA MA LAS,
DPE MED PA DANG YE SHES LDAN, ,ZHES 'BYUNG BAS, YE SHES LDAN
RGYUN MTHA'I SKABS LA MAN SNYE LAS BSHAD PA DANG SBYAR KYANG
'GRIG STE, 'TSANG RGYA KHA MA'I BYANG

SEMS LA MCHOD PA DANG SANGS RGYAS LA MCHOD PA GNYIS BSOD NAMS
MNYAM PAR MDZANGS BLUN LAS GSUNGS SHING, DE LTAR 'DUL BA LUNG
LAS KYANG GSUNGS TSUL MDZOD 'GREL DU DRANGS PA BZHIN YIN PA'I
PHYIR RO, ,MCHOD

TSOGS RGYA MTSE ZHES PA NI, BSHAD RGYUD RDOR PHRENG SOGS LAS
'BYUNG BA'I MCHOD SNGAGS P'U DZA ME GHA SA MU DRA ZHES PA DE
NYID BKOD PA YIN TE, P'U DZA MCHOD PA DANG, ME GHA ZHES PA SPRIN
GYI MING YIN KYANG, DON MCHOD PA'I

@017B DNGOS PO DU MA 'DUS PA'I TSOGS LA BYED DGOS, SA MU DRA
RGYA MTSO LA 'JUG PA'ANG CHU GTER LA MI GO BAR MTHA' YAS PA'I
DON DU BYED DGOS PA'I PHYIR TE, KO SA LA'I RGYAN LAS, DE RNAMS
KYI TSOGS NI SPRIN NE, ,SPRIN GYI PHUNG PO NI RGYA MTSO

STE; RGYA MTSO'I SGRAS NI GRANGS MTHA' MED PA NYID DU STON TO
ZHES DANG, KUN RIG t'IK CHEN LAS, P'U DZA MCHOD PA, ME GHA SPRIN
TE TSOGS, SA MU DRA RGYA MTSO ZHES SOGS GSUNGS PA'I PHYIR, DE
LTA BU'I MCHOD PA'I LAS LA GCES

BA'AM, GTZIGS SU BYAS TE NAN TAN DU 'BAD DGOS PA'I RGYU MTSAN
NI, DPER NA 'BRAS BU LO TOG PHUN SUM TSOGS PA 'DOD NA, DE LA RE
BA BYAS PA KHO NAS MI CHOG PAR THOG MAR ZHING BZANG PO LA GCES
SPRAS SU BYAS NAS LEGS PAR

RMED DGOS PA BZHIN, 'BRAS BU DNGOS GRUB KUN GYI 'BYUNG KHUNGS
BLA MA KHO NA YIN PAS, DE LA MCHOD PA SOGS KYI RTEN 'BREL LEGS
PAR BSGRIG DGOS PA'I PHYIR, RJE BDAG NYID CHEN POS, 'DI BYI'I
LEGS TSOGS THAMS CAD 'BYUNG BA'I

ZHING SA DAM PA DUS BZHI THAMS CAD DU RGYUN CHAD MED PAR BDE
LEGS KYI SA BON BTAB PAS CHOG PA 'DI LA'ANG DAD PA'I GSHOL GYIS
BSOD NAMS KYI ZHING RMED PAR GYUR CIG ,CES MDO LAS GSUNGS PA
LTAR BYA RGYU MA BYUNG NA CHES SHIN TU

PHANGS PA YIN NO, ,ZHES GSUNGS PA LTAR RO, ,BLA MA LA RNAM PA
KUN TU MCHOD PAR BYAS PA 'DI NI BYAS NA BSOD NAMS CHE BTZAM MA
YIN GYI, MA BYAS NA NYES DMIGS SHIN TU CHE BAS MED MI RUNG DU
BYA DGOS PA YIN TE, BLA MA LTA BCU PA

@018A *, ,LAS, MCHOG TU DANG BAS DUS GSUM DU, ,DKYIL 'KHOR ME
TOG BCAS THAL MOS, ,STON PA BLA MA BSNYEN BKUR ZHING, ,ZHABS LA
SPYI BOS PHYAG BYA'O, ,ZHES NYIN RE BZHIN DUS GSUM DU BLA MA

LA PHYAG DANG MAndAL SOGS KYIS BSNYEN BKUR BYED DGOS PAR GSUNGS
TE, DE'I RGYU MTSAN YANG DE NYID LAS, DBANG BSKUR MCHOG THOB RDO
RJE YI, ,SLOB DPON LA NI DE BZHIN GSHEGS, ,PHYOGS BCU'I 'JIG
RTEN KHAMS BZHUGS PAS, ,DUS

GSUM DU NI MNGON PHYAG 'TSAL, ZHES RANG CAG LTA CI, PHYOGS BCU'I
SANGS RGYAS RNAMS KYIS KYANG SNGON SLOB PA'I GNAS SKABS KYI BLA
MA LA NYIN RE RE DUS GSUM DU BYON NAS PHYAG BYED PAR GSUNGS PA'I
PHYIR RO, ,DE SKAD DU'ANG 'DUS PA'I RGYUD

PHYIR LAS, PHYOGS BCU'I 'JIG RTEN GYI KHAMS NA SANGS RGYAS DANG
BYANG CHUB SEMS DPA' JI SNYED 'KHOD CING 'TSO SKYONG BA DE THAMS
CAD DUS GSUM DU LHAGS NAS SLOB DPON DE LA DE BZHIN GSHEGS PA
THAMS CAD KYIS MCHOD PAS YANG DAG

PAR MCHOD NAS SANGS RGYAS KYI ZHING DE DANG DER 'GRO ZHING, ZHES
DANG, DON DAM BSNYEN PA LAS, DPAG MED SANGS RGYAS KYIS KYANG
RTAG TU DE LA MCHOD, ,PHYOGS BCU'I SANGS RGYAS BYANG CHUB SEMS
DPAS RTAG TU DE LA 'DUD, ,CES GSUNGS

SO; ;RGYUN DU SNYING GAR BSGOM PA'I TSUL NI, 'DI PHYI BAR DO'I
GNAS SKABS SU, ,BLA MA SNYING DBUS BSGOM BYAS TE, ,RANG GI SEMS
DANG BLA MA GNYIS, ,DBYER MED BSRUB MAN NGAG GO ,ZHES 'GRO 'CHAG
NYAL 'DUG SOGS DUS DANG

@018B GNAS SKABS THAMS CAD DU RANG SEMS DANG NGO BO DBYER MED DU
BYAS NAS GNAS SNYING GAR BSGOM PA STE, THOG MAR NYID MTSAMS
SBYOR BA DANG, MTHAR 'CHU 'PHO BA THAMS CAD KYANG 'DI NAS BYED
PA DANG, RDO RJE'I LUS LA GNAD DU BSNUN PAS

MTHAR GTUGS SA'ANG 'DI YIN ZHING, RNAM PAR SHES PA GNAS PA'I
GTZO BO'ANG YIN PAS, SNGE PA 'GA' ZHIG SNYING LA YID DBANG DU
'DOD PAR SDE PA THA DAD BKLUGS PA'I 'KHOR LO DANG, RTOG GE 'BAR
BA SOGS LAS BSHAD DE, ,DE LTAR

BSGOM PA'I DGOS PA DANG SGOM TSUL GYI GNAD RNAMS NI 'OG TU
'BYUNG BAS 'DIR MA SPROS SO, ,GNYIS PA DE'I SGO NAS RANG GZHAN
GYI DON SGRUB PA'I THABS MKHAS KYIS SGO GSUM DON LDAN DU BYED
TSUL NI, DAD LDAN GDUL BYAS GSOL BTANG CHE,

RANG SEMS BLA MA DBYER MED DU, ,BSGOMS NAS BLA MA'I PHYAG GA-YAS
KYIS, ,GZHAN LA BYIN RLABS BYED PAR BSAM, ,GZHAN GYIS PHYAG SOGS
BYED PA'I TSE, ,BLA MA NYID LA PHYAG BYED PAR, ,BSAM NA RANG
GZHAN KUN LA PHAN,

NYON MONGS 'KHRUL SNANG SHAR BA'I TSE, ,SNYING DBUS BZHUGS PA
BLA MA RJE, ,SPYOD NGAN 'DI YIS THUGS KHREL ZHES, ,BSAM NA DE MA
THAG TU BZLOG ,DGE SEMS GSAR DU SKYES PA'I TSE, ,BLA MA'I BYIN
RLABS 'DI'I ZHES, ,BSAM

NAS BKA' DRIN RJES DRAN TE, ,GUS PAS MCHOD LA BRTZON PAR BYA,
ZHES BYUNG, DE'ANG GZHAN GYIS RANG LA PHYAG DBANG ZHUS PA NA,
DNGOS SU RANG GI LAG PA DE'I MGOR BZHAG KYANG, BSGOM DON LA RANG
SEMS DANG BLA MA

@019A *, ,DBYER MI PHYED PA DES PHYAG GA-YAS BRKYANGS NAS BYIN
RLABS MDZAD PA'I MOS BA BYA'O, ,DA LTA PHYAG DBANG DU GRAGS PA
'DI'I KHUNGS SAM MTSON DON LTA BU NIS BCU PA'I MDO LAS, ,SANGS
RGYAS BCOM

LDAN 'DAS DE DAG GIS DE DAG NYID NA BZHUGS BZHIN DU RDZU 'PHRUL
GYIS PHYAG GA-YAS PA RNAMS BRKYANGS TE BYANG CHUB SEMS DPA' RDO
RJE SNYING PO'I MGO LA BYUGS PA MDZAD DO, ,SANGS RGYAS BCOM LDAN
'DAS DE DAG GIS BYANG CHUB

SEMS DPA' RDO RJE SNYING PO LA REG MA THAG TU DE NI DE'I MOD LA
TING NGE 'DZIN DE LAS LANGS NAS, ZHES SOGS LTAR, PHYAG GIS REG
PA'I SGO NAS SA BCU PA'I MDO SDE STON PAR BYIN GYIS BRLABS PA
YIN PAS, MDO 'DI NYID BYIN GYIS

BRLABS PA'I BKA'I NANG NAS SKU'I SGO NAS BYIN GYIS BRLABS PA LA
'JOG PA'I RGYU MTSAN YANG DE YIN NO, ,RGYAN STUG PO BKOD PAR
YANG 'DI DANG CHA 'DRA BA ZHIG GSUNGS LA, YANG SANGS RGYAS RNAMS
KYIS BYANG CHUB TU LUNG STON PAR

MDZAD PA'I TSE PHYAG GA-YAS MI 'JIGS PA'I PHYAG RGYA SLOB MA'I
MGO BOR BZHAG NAS LUNG STON CING DBUGS DBYUNG BAR MDZAD PA DE'I
RTEN 'BREL DANG SGO BSTUN PA'ANG YIN TE, BSHAD RGYUD RDO RJE
PHRENG BA LAS, GA-YAS PA MI

'JIGS SBYIN BYAS LA, ,DBUGS DBYUNG BA YI MCHOG BYA BA, ,ZHES
GSUNGS SHING, RGYAL BA DGE 'DUN GRUB KYIS KYANG, PHYAG GA-YAS
BDAG GI MGO LA BZHAG BZHIN DU, ,BLA MED BYANG CHUB MCHOG TU LUNG
BSTAN NAS, ,ZHES

@019B GSUNGS PA BZHIN NO, ,'DI LTA BU LA BLA MA'I BYIN RLABS
DANG SLOB MA'I MOS GUS 'DZOM NA RGYUD BYIN GYIS RLOBS PA TZAM DU
MA ZAD, DE'I MTSAN MA MNGON SUM DU SNANG RGYU YOD PA'ANG 'BYUNG
SRID DE, DPER NA SNE'U ZUR PAS DGON PA PA LA DANG

POR MJAL BA'I TSE PHYAG DBANG STZAL BAS DBU THOD KYI STENG DU
PHYAG RJES BABS PA PHYIS SKU 'DAS NAS GDUNG SBYANGS TE, DBU THOD
DON STENG PAS GDAN DRANGS SKABS KYANG MJAL RGYU BYUNG BA DANG,
SE RA KUN MKHYEN PA'AM BLO GROS RIN CHEN

SENG GES KYANG RJE RIN PO CHER THOG MAR MJAL DUS KYI PHYAG RJES
DBU THOD LA BABS PA PHYIS MJAL RGYU BYUNG BA BZHIN NO, ,GZHAN
GYIS RANG LA BSNYEN BKUR BA SOGS KYI TSE JI LTAR BYA BA NI,
GZHAN GYIS PHYAG SOGS BYED PA'I TSE, ,BLA MA NYID

LA PHYAG BYED PAR, ,BSAM NA RANG GZHAN KUN LA PHAN, ,ZHES GSUNGS
TE, GZHAN GYIS RANG LA PHYAG BTZAL BA NA DE BDAG GIR BYAS TE
RLOM SEMS SKYES PAS RANG GI BSOD NAMS NYAMS PA MA GTOGS PHAN PA
CI YANG MI 'BYUNG LA,

NGES BSNYEN BKUR BA STABS PA DE DAG RANG GI SNYING GAR BZHUGS
PA'I BLA MA LA BSNGOS NA RANG GZHAN GNYI GA'I TSOGS RDZOGS PA'I
THABS MKHAS KYI SPYOD PAR 'GYUR RO, ,'DIR PHYAG NI MTSON PA TZAM
STE, GZHAN GYIS RANG LA 'TSO BA DRANGS PA NA'ANG,

SNYING GA'I BLA MA LA 'DREN PA'I DMIGS PA DANG, DE BZHIN DU GOS
DANG GNAS MAL NOR LONGS SPYOD GANG ZHIG PHUL KYANG DE NYID BLOS
BLANGS TE SNYING GA'I BLA MA LA DBUL BA BYAS NA NOR RDZAS LA
'DOD SRED CHUNG DU 'GRO ZHING DKOR KYI SGRIB PA SBYONG BA

@020A *, ,DANG, SBYIN BDAG GI BSOD NAMS GONG 'PHEL DU 'GYUR BA
SOGS DGOS PA SHIN TU CHE STE, ZHIB TU SHES SHING LAG LEN BYED
PAR SPRO NA 'PHAGS PA THUGS RJE CHEN PO'I BKA' SROL GRAGS CHE BA
LNGA'I YA

GYAL, GNYAN TSEM BU BA DAR MA 'ONG NAS BRGYUD PA BSKYED RDZOGS
KYI GNAD KUN TSANG BA'I TSEM BU DMAR KHRID DU GRAGS PA NA, BZA'
BA ZAS KYI RNAL 'BYOR, BGO BA GOS KYI RNAL 'BYOR, 'DUG PA GNAS
KHANG GI RNAL 'BYOR SOGS

CHU BO RGYUN GYI RNAL 'BYOR DRUG TU GSUNGS PA BZHIN BYA DGOS
PAS, ZHIB PAR NI RJE BTZUN BLA MA THUGS RJE'I MNGA' BDAG 'DI
NYID DANG, THAMS CAD MKHYEN PA ROL BA'I RDO RJE SOGS KYI GSUNG
LAS SHES PAR BYA'O, ,DER MA ZAD BLA

MED KYI RGYUD SDE CHE BA KUN NAS ZAS LA LONGS SPYOD PA'I TSE KHA
THAB KHUNG, LAG PA DGANG GZAR, ZAS RNAMS BSREG RDZAS KYI TSUL DU
MOS TE BLA MA YI DAM LA PHUL BA'I DMIGS PA DANG BCAS LONGS SPYOD
DGOS PA NI 'DAR MI RUNG

PA BZA' BA'I DAM TSIG TU GSUNGS LA, DE'I DGOS PA'ANG GDAN BZHI
LAS, GANG ZHIG CUNG ZAD BZA' BTUNG RNAMS, ,BSNGO BA BYAS NAS
BZA' BAR BYA, ,'DI LTAR SPYOD PA'I RNAL 'BYOR PA, ,BU LON DU
YANG MI 'GYUR RO, ,

ZHES GSUNGS LA, MA RGYUD KYI SGO CHOS SU LAG PA'I MCHOD PA'AM
LAG PA MCHOD PA ZHES SNGA MA LAS KHYAD PAR DU GYUR PA'I LHA LA
MCHOD TSUL GZHAN ZHIG KYANG GSUNGS SO, ,DE'ANG RNYED PA DANG
BKUR STI LA SOGS PA 'DI DAG NI

@020B 'JIG RTEN PHAL PA RNAMS YON TAN DU MTHONG NAS THOB BYA'I
GTZO BOR BYED KYANG, SKOM PAS CHVA CHU 'THUNG BA BZHIN DE LA
BRTEN PA'I SDUG BSNGAL 'BA' ZHIG LAS MI 'BYUNG LA, SKYES BU DAM
PA RNAMS NI DE'I NYES DMIGS SGO DU MA NAS GZIGS TE

SRED PA'I DBANG DU CUNG ZAD TZAM YANG MI 'GYUR BA'I PHYIR TE,
BKUR STI'I TSOM LAS, DRE'U MO RANG GI MNGAL GYIS DANG, ,'DAM BU
SMIG MA 'BRAS BUS DANG, ,CHU SHING 'BRAS BUS PHUNG BA LTAR, ,PHO
BSHAL BKUR STIS PHUNG BAR 'GYUR,

ZHES GSUNGS SHING, SKYES RABS LAS KYANG MANG DU 'BYUNG BA BZHIN,
SKYE BO THA SHAL RNAMS LA RNYED BKUR CUNG ZAD TZAM 'BYUNG NA'ANG
DE NYID KYIS DBYEN SPYOS TE BYA BA MA YIN PA DU MA LA ZHUGS PAS
'DI PHYI GNYI BRLAG PAR BYED DO, ,SNGON

'BROM STON PA KHAMS NAS YAR BYON PA'I TSE 'PHRANG KHA PAR CHUNG
GI SAR PHEBS PAS, KHYOD DAG BA SHES SHIG YIN SHES TSE'ANG, NGA
'PHRANG KHA BER CHUNG ZER BA'I MI CHEN ZHIG YIN PAS, DE NAS YAR
PHYAG WA MO 'KHYUG PA LTA BU GSUM

TSOL ZER BA NA, 'BROM NYID DMAN CHA KHO NA LHUR BZHES PAS KHO'I
'DOD PA BZHIN MDZAD, DE NAS KHOS CHOS KYI DRI BA MANG PO BYAS
PAR LAN THOGS MED DU GNANG BAS 'BROM YIN PAR SHES SHING GZOD
'GYOD PA SKYES NAS BSHAGS PA BYAS TE RA

SGRENG GI DGO NAS SOGS KYANG PHUL PA LTA BU, SKYES BU DAM PA
DANG BYANG CHUB SEMS DPA' GAR YOD MI SHES PAS, DE 'DRA RES RANG
LA PHYAG 'TSAL ZHING, RANG GIS KYANG 'O ZOB KYIS DANG DU BLANGS
NA RNAM SMIN SHIN TU LCI STE, MU@021A *, ,STEGS RDZOGS BYED KYI MCHOD RTEN LA
PHYAG MCHOD BYAS
PAS DE LA GNOD TSUL 'DUL BA LUNG LAS GSUNGS PA LTAR YIN NA, DA
LTA RANG GZHAN GNYI GAS BSAM BZHIN DU BYAS PA SMOS KYANG MI DGOS
PA'I PHYIR

RO; ;DES NA RNYED PA DANG BKUR STI NI RAL GRI'I SO LA CHAGS PA'I
SBRANG RTZI LTAR MNOG CHUNG ZHING GNOD PA CHE LA, KHYAD PAR DU
CHOS TSUL BZHIN SGRUB PAR 'DOD PA'I LAS DANG PO PA PHAL CHER LA,
DGOS PA'I CHOS KYI LO TOG MA 'KHRUNGS PAR, MI DGOS

PA'I GRAGS SNYAN GYI THAN SNYE THON PAS SKYE BO PHAL BA GZHAN
DAG GIS DE LA RE BA CHEN POS BKUR STI BYED CING, RANG NYID KYANG
NGES GA-YENG BAR 'GYUR BA NI, BRAM ZE'I SKYES RABS LAS, DKA'
THUB CAN DU RE BA CHEN PO YIS, ,YUL MI RNAMS

KYIS DE LA MCHOD PAR SHOG ,CES PA LTAR GYI BRAM ZE'I DMOD PA'I
STENG DU SONG BA YIN PAS, DGE SBYOR GYI SAD LA DE LAS THU BA MED
DE, GRUB DBANG SKAL LDAN RGYA MTSOS, ,KHA ZHIM PA'I ZAS LA SRED
PA DANG, ,LUS 'JAM PO'I GOS LA ZHEN PA

DANG, ,YID MDZES PA'I GZUGS LA CHAGS PA 'DIS, ,CHOS ZAB MO ZHAR
DANG ZHOR LA LUS, ZHES GSUNGS PA LTAR RO, ,GNAD 'DI LA DGONGS TE
MNYAM MED JO BO CHEN POS KYANG, BSOD NAMS ZER BA'I 'DU 'DZI DE
YANG BDUD KYI

BAR CHAD YIN PAS SPONGS, ,ZHES RNYED BKUR SNYAN GRAGS SOGS LA
BDUD LAS SU GSUNGS PAS, BDAG LEGS SU 'DOD PA RNAMS KYIS RMI LAM
DANG SGYU MA'I DGA' STON LTA BU'I SRID PA'I PHUN TSOGS MTHA' DAG
LA ZHEN BRTZAD

@021B NAS GCOD PA DANG, CHOS SGRUB PA'I PHYIR DU LUS 'TSO TZAM
GYI ZAS GOS LA BRTEN PA DE'ANG BYANG CHUB KYI SEMS KYIS ZIN PAR
BYAS TE SPYOD YUL YANG DAG PA'I MDO NAS 'BYUNG BA BZHIN GZHAN
DON RNAM PA THAMS CAD PAR BSNGO BA DANG, RDO RJE THEG

PA'I THABS MKHAS KYI RTZIS ZIN PAR BYED TSUL SNGAR BSHAD PA
BZHIN BYAS NA TSEGS CHUNG DUS TSOGS RLABS PO CHE RDZOGS SHING,
SGO GSUM GYI SPYOD PA MTHA' DAG GSANG SNGAGS ZAB MO'I LAM GYI
NYAMS LEN DU 'GYUR TE, KUN SPYOD LAS,

YAN LAG GIS NI BSKYOD PA DANG, ,TSIG GIS RAB 'BYAMS JI SNYED PA,
,DE SNYED PHYAG RGYA GSANG SNGAGS YIN, ,ZHES DANG, RJE BLA MAS,
LUS KYI GA-YO BA NGAG GI BRJOD PA DANG, ,YID KYI BSAM PA KUN
KYANG 'BAD MED PAR, ,RLABS

CHEN TSOGS RNAMS YONGS SU SDUD BYED PA, ,ZHES GSUNGS PA BZHIN
NO, ,BLA MA'I RNAL 'BYOR LA BRTEN NAS GTZO BOR RANG RGYUD KYI
NYON MONGS DANG SGO GSUM GYI NYES SPYOD 'GOG TSUL NI, NYON MONGS
'KHRUL SNANG SHAR BA'I TSE, ,SNYING DBUS

BZHUGS PA BLA MA RJE, ,SPYOD NGAN 'DI YIS THUGS KHREL ZHAS,
,BSAM NA DE MA THAG TU BZLOG ,CES GSUNGS TE, RANG GI RGYUD LA
TSUL MIN YID BYED KYIS CHAGS SDANG LA SOGS PA'I RTOG PA NGAN PA
SKYES PA'AM, SGO GSUM MI DGE BA'I

SPYOD PA LA 'JUG PAR PHYOGS PA NA, KYE MA BDAG GIS RNYED PAR
DKA' BA'I DAL 'BYOR GYI RTEN THOB CING, SANGS RGYAS KYI BSTAN
PA'I RJES SU ZHUGS NAS CHOS PA'I GZUGS BZUNG STE, TSUL DANG MI
MTHUN PA 'DI LTAR BSAM ZHING SPYAD NA,

@022A *, ,SPYIR KUN TU THOGS PA MED PA'I YE SHES KYI SPYAN MNGA'
BA'I SANGS RGYAS BYANG SEMS RNAMS DANG, DKAR PO'I PHYOGS KYI LHA
RNAMS KHREL BAR 'GYUR ZHING, KHYAD PAR RTZA BA'I BLA MA RANG GI
SNYING GAR BZHUGS PA

'DI NYID KYI THUGS KHREL BAR GYUR NA MI RUNG SNYAM DU DE LA
'DZEM NAS SGO GSUM PA GA-YOD PA'I BRTUL ZHUGS LA GNAS TE NYES
SPYOD MTHA' DAG LAS LDOG PAR BYA DGOS SO, ,DE LTAR MOS PA NI LHA
RJES SU DRAN PA SGOM TSUL YIN ZHING, DE LA BCOS

MIN GYI MYONG BA RNAL MA ZHIG SKYES NA MI DGE BA'I BYA BA GANG
LA'ANG 'JUG MI PHOD PA DANG, DGE BA'I CHOS THAMS CAD NGANG GIS
'GRUB PA ZHIG 'BYUNG STE, SPYOD 'JUG LAS, SANGS RGYAS BYANG CHUB
SEMS DPA' DAG ,KUN TU THOGS MED

GZIGS PAR LDAN, ,DE DAG THAMS CAD SPYAN SNGA NA, ,BDAG NI RTAG
PAR GNAS SO ZHES, ,DE LTAR BSAM NAS NGO TSA DANG, ,GUS DANG
'JIGS LDAN DE BZHIN DNGOS, ,DES NI SANGS RGYAS RJES DRAN PA'ANG,
,DE LA YANG DANG YANG DU

'BYUNG, ,ZHES DANG, MYOS BYED MA'I SKYES RABS LAS, MA MTHONG BAR
NI SDIG PA BYAS PA DAG ,DUG ZOS BZHIN DU BDE BAR JI LTAR 'GYUR,
,LHA DANG RNAL 'BYOR CAN GYI MI DAG NI, ,RNAM DAG MIG GIS MI
MTHONG MI SRID DO, ,ZHES

GSUNGS LA, DE'I STOBS KYIS DGE BA'I CHOS MTHA' DAG 'GRUB TSUL
CHOS YANG DAG PAR SDUD PA LAS, LHA RJES SU DRAN PAS DGE BA'I
CHOS THAMS CAD YANG DAG PAR GRUB PA'I SEMS 'DI NI BYANG CHUB
SEMS DPA' RNAMS KYI BYANG CHUB KYI

@022B SEMS ZHES BGYI'O, ,ZHES DANG, LHA RJES SU DRAN PA'I DRAN
PA NYE BAR BZHAG PA GANG ZHE NA, 'DI LA BYANG CHUB SEMS DPA' NI
GANG RNAM PAR DAG PA'I LHA NYAN THOS DANG, RANG SANGS RGYAS
DANG, BYANG CHUB SEMS DPA' DANG, YANG DAG PAR

RDZOGS PA'I SANGS RGYAS DE DAG RJES SU DRAN NO, ,'DI LTAR DE DAG
RJES SU DRAN TE SGRUB PA DANG, YON TAN DANG, SKYE BA DANG, LONGS
SPYOD DANG, KUN DPYOD PA DANG, RTZOM PA DANG, RAB TU 'THOB PA
DANG, YONGS SU GRUB PAS KYANG LHA RJES

SU DRAN PA 'DI NI LHA RJES SU DRAN PA'I DRAN PA NYE BAR BZHAG PA
ZHES BYA'O, ,ZHES GSUNGS PA LTAR RO, ,'DIR SGO GSUM BAG MED LA
ZHUGS NA SNYING GA'I BLA MA THUGS KHREL BAR GSUNGS NAS 'JIGS PA
SKYED PA MED, DE NYID BSDUS PAR DAM TSIG

LAS 'DAS NA SNYING LA GNAS PA'I RDO RJE SEMS DPA'I THUGS KHREL
NAS SNYING GA DRAL TE GSHEGS SHING BYIN GYIS MI RLOB PAR GSUNGS
PA DANG, DAM TSIG NYAMS PA DE LA RDO RJE 'DZIN RGYAL KHROS NAS
BDUN RGYUD TSUN CHAD BRLAG PAR YANG SPYOD RGYUD

LAS GSUNGS PA RNAMS PHYOGS 'DRA STE, DE'ANG BLA MA DANG YI DAM
RNAMS DNGOS GNAS SU THUGS KHREL BA MIN YANG, RANG GI NGOS NAS
RTEN 'BREL RNAM PA GZHAN DU GYUR PA'I STOBS KYIS DE RNAMS BDAG
NYID LAS RING DU 'GYUR BA DANG, BYIN RLABS

KYI NGAD YAL BA CHOS NYID YIN TE, DPER NA NYI 'OD LA GNAS PA'I
SKYES BU ZHIG BRAG KHUNG BYANG BLTAS SU ZHUGS PA NA, NYI MA'I
NGOS NAS MIN YANG RANG GI SPYOD LAM GYI BYED PAS NYI 'OD DANG
'BRAL BA BZHIN NO, ,DES NA SNYING GA'I RTZA BA'I BLA

@023A *, ,MA DE NYID DBANG POR BYAS TE SPYIR SGO GSUM GYI MI DGE
BA'I BYA BA THAMS CAD DANG, KHYAD PAR SDOM PA GSUM GYI BCAS
MTSAMS DANG 'GAL BA'I NYES LTUNG PHRA MOS KYANG MA GOS PA LA NAN
TAN DU 'BAD

CING, BRGYA LA RANG DBANG MED PAR GOS NA'ANG DE MA THAG BSHAGS
BSDAM SOGS KYIS DAG PAR BYAS TE, DNGOS GRUB KUN GYI RTZA BA DAM
TSIG DANG SDOM PA TSUL BZHIN DU SRUNG BA'I THABS LA 'BAD PA LHUR
BYA'O, ,RANG RGYUD LA DGE

SEMS NAM SKYES PA NA BLA MA'I BKA' DRIN DU BLTAS TE SPEL BA'I
TSUL NI, DGE SEMS GSAR DU SKYES PA'I TSE, ,BLA MA'I BYIN RLABS
'DI'O ZHES, ,BSAMS NAS BKA' DRIN RJES DRAN TE, ,GUS PAS MCHOD LA
BRTZON PAR BYA, ,

ZHES GSUNGS, DE'ANG GONG DU BKA' DRIN DRAN PA'I SKABS SU BSHAD
PA BZHIN DGE BLO GANG SKYES THAMS CAD BLA MA'I BKA' DRIN KHO NA
LA BRTEN NAS BYUNG BA YIN TE, BLA MA LNGA BCU PAR, DNGOS GRUB
SLOB DPON RJES 'BRANG ZHES, ,RDO RJE 'DZIN

PA NYID GSUNGS PA, ,ZHES DNGOS GRUB KYI RTZA BA BLA MA LA RAG
LAS PAR GSUNGS PA'I DNGOS GRUB DE'ANG, GTZO BOR GANG LA BYED NA,
TSE BSOD DPAL 'BYOR RGYAS PA SOGS LA MI BYED PAR, SHES RGYUD KYI
NYON MONGS PA'I RTOG PA SHUGS

JE CHUNG DANG, DGE BA'I BSAM PA GONG 'PHEL DU SONG BA LA BYED
DGOS PA'I PHYIR TE, MNYAM MED JO BO CHEN POS, DNGOS GRUB KYI
MCHOG NYON MONGS PA JE CHUNG LA SONG BA YIN, GRUB RTAGS KYI
MCHOG 'DOD PA RJE CHUNG LA SONG BA YIN, ,ZHES

@023B GSUNGS, DES NA BSNYEN SGRUB BZLAS BRJOD SOGS BYAS TE BYIN
RLABS ZHUGS PA'I MTSAN MA'ANG, YI DAM LHA'I ZHAL GZIGS SOGS GTZO
BOR MI BYED KYI, BLO SNA GONG DU 'GYUR TE BYAMS SNYING RJE BYANG
CHUB KYI SEMS YANG DAG PA'I LTA BA SOGS

KYI RTOGS PA KHYAD PAR CAN SKYE BA GTZO CHE BA'I PHYIR, BSNYEN
YIG DNGOS GRUB RGYA MTSO LAS, BLA MA DANG YI DAM LA DAD PA DANG
YID CHES JI 'PHEL, CHAGS SDANG SOGS KYI NGAN RTOG RJE CHUNG,
RNAM GA-YER JE NYUNG, ,SHES RGYUD JE 'JAM,

BSAM PA JE BZANG LA SONG NA BSNYEN PA LAM DU 'GRO BA, BLA MA
DANG YI DAM GYIS RJES SU 'DZIN PA, BYIN RLABS 'JUG PA, RTOGS PA
JE MTHON 'GRO BA RNAMS KYI MGO TSUGS PA YIN, ZHES GSUNGS PA
DANG, JO BO'I BLA MA GRUB CHEN

R'A HU LAS JO BO CHEN PO LA, YI DAM GYI ZHAL MTHONG BA DANG,
DKYIL 'KHOR MANG PO MNGON SUM DU GYUR PA DANG, THUN MONG GI
DNGOS GRUB MANG DU THOB PA DANG, TING NGE 'DZIN RI RGYUD TZAM
YOD PA SOGS KHYOD KYI YON TAN DE RNAMS KYI GAR

YANG MI PHYIN GYI, BYAMS SNYING RJE BYANG CHUB KYI SEMS SBYONGS,
THUGS RJE CHEN PO SNYING RJE'I LHA YIN PAS YI DAM DU ZUNGS LA
'KHOR BA MA STONGS BAR DU SEMS CAN GYI DON PHYED PAR DAM 'CHOS
SHIG ,CES GSUNGS PA BZHIN NO, ,DES NA DPE

CHOS LAS, PHA MES GANG BAS DON MA GRUB, ,CES ZHOGS KYI MI GCIG
GIS SNGAR BAS PA RNAMS BZANG TSUL BSHAD PA LA, DE'I BU NA RE,
NGA NI PHA MES GANG BAS NGAN RGYU MED BYAS PA'I DPE LTAR, DA LTA
RANG DE RNAMS BLA MA GONG MA DAG LAS KYANG RANG

@024A *, ,NGAN RGYU MED SNYAM PA'I MNGON RLOM 'CHANG STE, YON
TAN CUNG ZAD RE SKYES PA NA RANG PHO SKYES PA YIN SNYAM PA LAS,
BLA MA'I BKA' DRIN YIN SNYAM PA MI 'BYUNG BA NI DNGOS GRUB KYI
GEGS CHE SHOS YIN

PAS SHIN TU BAG ZON BYA DGOS SO, ,GSUM PA BLA MA'I RNAL 'BYOR
GYI STENG NAS GSANG SNGAGS ZAB MO'I NYAMS LEN MTHA' DAG SKYONG
TSUL NI, MDOR NA YAB RJE DAM PA'I BKA', ,ZHES PA NAS, SGYU
'PHRUL DRA BA ZHES SU

GRAGS, ,ZHES PA'I BAR GYIS GSUNGS, DE'ANG, MDOR NA YAB RJE DAM
PA'I BKA', ,GSUNG RAB SNYING PO'I MTHAR THUG PA, ,GSANG BA LAS
KYANG CHES GSANG BA'I, ,MAN NGAG GNAD KYI DON PO NI, ,ZHES BSHAD
BYA'I

GDAMS NGAG GI CHE BA BSTAN PA STE, DE'ANG YAB RJE RGYAL BA GNYIS
PA NYID NI SNGON RGYAL BA DBANG PO'I TOG GI SPYAN SNGAR ZAB MO'I
LTA BA DANG GSANG CHEN RDO RJE THEG PA'I LAM BZANG SPEL BA'I
SNYING STOBS KYI GO CHA LHUR BZHES PA'I DON BZHIN, ,SPYIR

RGYAL BA'I BSTAN PA MTHA' DAG LA MA RTOGS LOG GI DRI MA BSAL NAS
NYIN MO BZHIN DU GSAL BAR MDZAD CING, KHYAD PAR LTA BA'I GNAD
SHIN TU PHRA ZHING PHRA BA DANG, RGYUD SDE'I DGONGS DON SHIN TU
ZAB CING BRLING BA GANGS CAN GYI LJONGS

'DIR SNGON CHAD MKHAS PA DANG GRUB PA'I SKYE BO SUS KYANG JI LTA
BA BZHIN STON PAR MA NUS PA RNAMS GSAL BAR PHYE BA'I BKA' SROL
BLA NA MED PA 'DI LA RNAM PA THAMS CAD DU 'KHRUL PA'I CHA PHRA
MO TZAM YANG MI SRID CING, MDO SNGAGS KYI GSUNG

@024B RAB DRI MA MED PA MTHA' DAG GI SNYING PO'I DON MTSANG BA
MED PAR 'DU BAS, THAR PA 'DOD PA'I SKYE BO SKAL BZANG RNAM DPYOD
CAN RNAMS KYI 'JUG NGOGS KHO NA YIN LA, DE'I NANG NAS KYANG
SNYING PO'I DON MTHAR THUG PA ZAB LAM BLA MA'I RNAL

'BYOR SNGAGS KYI THEG PA DANG 'BREL BAS, SNOD MIN LA GSANG BAR
'OS SHING, SNGAGS KYI NANG NAS KYANG RDO RJE'I TSIG GIS SHIN TU
SBAS PA'I DON NAM MKHA' 'GRO'I KHA RLANGS THU LE BA, BLA MA DAM
PA RNAMS KYI ZHAL NAS ZHAL DANG, SNYAN

NAS SNYAN DU BRGYUD PA'I MAN NGAG CHES SHIN TU GSANG BA MTHA'
DAG GI GNAD KYANG MA TSANG BA MED PAR 'DIR 'DU BAS NA, RGYAL BA
RDO RJE 'CHANG DNGOS SU BYON KYANG 'DI LAS LHAG PAR GSUNG DU MED
PA'I GDAMS PA'I SNYING PO NI 'DI YIN NO ZHES

GDAMS NGAG GI CHE BA BRJOD NAS SNOD LDAN LA SPRO BA BSKYED PA'O,
,DE'ANG LTA BA'I 'JOG MTSAMS DANG SA LAM GYI RNAM BZHAG GZHAN LA
GSAR RNYING GI GRUB MTHA' MI MTHUN BCI RIGS YOD KYANG, BLA MA'I
RNAL 'BYOR LAM GYI RTZA BAR 'DOD PA DANG

DE'I KHONGS SU LAM GYI GNANG THAMS CAD 'DUS PAR 'DOD PA LA MI
MTHUN PA MED DE, DPER NA SA SKYA BA RNAMS LAS 'BRAS RDO RJE'I
TSIG RKANG DU, LAM ZAB BLA MA, 'BRING DAM TSIG DANG SDOM PA NYI
SHU, THAM LUS SO SOR BRTAG PA'I 'GOG PA ZHES

DBANG PO RNO 'BRING RTUL GSUM GYIS LAM BGROD TSUL GSUM DU BYAS
PA LAS, DBANG PO RNON POS NI LAM ZAB BLA MA'I RNAL 'BYOR DE'I
KHONGS SU DAM TSIG DANG SDOM PA BSRUNG BA, RIM GNYIS KYI NYAMS
LEN SOGS MTHA' DAG 'DUS NAS 'GRO BAS

@025A *, ,SA BCAD MI 'DRA BA SO SOR BYED MI DGOS PAR GSUNGS LA,
DER 'DU BA'I RGYU MTSAN GYI GNAD KYANG GDAN GSUM TSANG BA'I RDO
RJE SLOB DPON ZHES, ,GSHEGS PA DANG GSHEGS MA'I GDAN, ,SEMS DPA'

DANG SEMS PA'I GDAN, KHRO BO DANG KHRO MO'I GDAN DANG BCAS GANG
BSGOM PAR BYA BA'I DKYIL 'KHOR GYI LHA THAMS CAD BLA MA'I SKU LA
TSANG BA'I GNAD KYIS YIN PAR GSUNG, DE DAG LA GDAN GYI SGRA
SBYAR BA NI, GDAN GYI SKAD DOD SI THA ZHES

PA GDAN DANG GNAS DANG RIGS SOGS DU MA LA 'JUG PA LAS, GSHEGS PA
DANG GSHEGS MA'I RIGS ZHES PA LTA BUR BSGYUR NA GO BDE'ANG,
'BROG MI GSANG SNGAGS LA DAM DOG SHIN TU CHE BAS GO DKA' BA BYAS
PA YIN PAR

GSUNGS SO, ,RNYING MA PA RNAMS RIG 'DZIN GDUNG SGRUB CES ZER
ZHING, DER YANG MCHOG THUN GYI DNGOS GRUB SGRUB PA'I LAM THAMS
CAD TSANG BA'I RGYU MTSAN RTZA GSUM DRI LA SGRUB KYI GNAD LA RAG
LAS PAR 'DOD DE, DE'ANG RTZA BA GSUM NI

BYIN RLABS KYI RTZA BA BRAM, DNGOS GRUB KYI RTZA BA YI DAM,
'PHRIN LAS KYI RTZA BA CHOS SKYONG YIN ZHING, DE GSUM GCIG TU
DRIL BA'I NGO BO BLA MA YIN PAR BSHAD DO, ,KAR 'BRUG 'BRI STAG
SOGS BKA' RGYUD PA RNAMS NI BLA SGRUB

KYI THA SNYAD 'DOGS SHING, NYAMS LEN THAMS CAD DE'I KHONGS SU
BSDUS NAS BYED LA, DE'ANG PHYI LTAR BSTEN PA, NANG LTAR SGRUB
PA, GSANG BA LTAR NGO SPROD PA'I SA BCAD GSUM DU BYAS 'DUG PA
LAS, PHYI MA CUNG ZAD MI 'DRA BA

@025B MA GTOGS, GZHAN NI MAN NGAG 'DIR GSUNGS PA'I RTZA BA'I SA
BCAD GSUM DANG KHOGS 'DRA BAR SNANG NGO, ,DER MA ZAD RGOD TSANG
BA'I RNAL 'BYOR BZHI BSHAD DU, DANG PO LUS SPYOD GTZO BOR STON,
,GNYIS PA NGAG SPYOD GTZO BOR STON, ,GSUM

PA SEMS SBYONG GTZO BOR STON, ,BZHI PA LHAN SKYES 'BA' ZHIG GO,
,ZHES PHAG MO GRUB PAS GSUNGS PA LA BRTEN NAS BLA MA PHYAG DANG
SKU KHRUS KYIS BSNYEN BKUR BA SOGS LUS KYI BYA BA DANG, NGAG GIS
BSTOD CING CI GSUNG BA SGRUB PA DANG, SEMS

KYIS BLA MA CHOS SKU'I NGO BOR BLTA BA DANG, DE'I BYIN RLABS LA
BRTEN NAS SNOD BCUD MTHA' DAG LHAN SKYES KYI BDE BA'I ROL PAR
'CHAR BAS, RIM PA BZHIN DU RGYUD SDE BZHI'I GNAD KYANG BLA MA'I
RNAL 'BYOR LA TSANG BA DANG, YANG DBANG BZHI'I

NANG NAS BUM DBANG GIS LUS KYI DRI MA SBYONG ZHING LUS LHA SKUR
'GRUB PA BYED LA, BLA MA'I SKU BSGOM NA DE LAS KYANG MYUR TSA BA
CHE BA DANG, DE BZHIN DU NGAG GI NYAMS PA SBYONG ZHING NGAG
SNGAGS KYI NGO BOR BYIN GYIS RLOB PA LA GSANG DBANG LAS BLA

MA'I MTSAN SNGAGS BRJOD CING GSOL BA 'DEBS PA LHAG PA DANG,
RDZOGS RIM BSGOMS TE YID RDO RJER SGRUB PA LA SHER DBANG LAS BLA
MA SEMS KYI DKYIL DU SHAR BA LHAG PA DANG, BRJOD BRAL LHAN SKYES
KYI YE SHES 'CHAR BA LA DBANG

BZHI BA LAS KYANG BLA MA'I BYIN RLABS SA CHOD CHE BAS, BLA MA'I
RNAL 'BYOR LA DBANG BZHI'I GNAD LHAG DANG BCAS PA 'DU BAR BSHAD
NAS, DE'I SHES BYED DU DAM TSIG BKOD PA'I RGYAL PO'I RGYUD LAS,
MTSAN DANG DPE BYAD 'BAR

@026A *, ,BA'I LHA, ,BSKAL BA 'BUM DU BSGOM PA BAS, ,BLA MA DRAN
PA'I 'BUM CHAR MIN, ,BSNYEN SGRUB BZLAS BRJOD SA BAS, ,BLA MA'I
GSOL TSIG LAN CIG DGA', ,RDZOGS PA'I RIM PA BSKAL BA'I BAR

DU NI, ,'DU 'DZI GA-YENG BA SPANGS TE BSGOM PA LAS, ,BLA MA RANG
SEMS DKYIL DU DAR CIG SHAR BA TZAM, ,'BUM PHRAG NYI SHU CHAR
YANG MI PHOD DO, ,ZHES DANG, A'A LI K'A LI'I CHU KLUNG CHEN PO'I
RGYUD LAS, BRJOD BRAL LHAN CIG SKYES

PA'I YE SHES 'DI, ,TSOGS BSAGS SGRIB PA DAG PA'I LAG RJES DANG,
,RTOGS LDAN BLA MA'I BYIN RLABS KHO NA LAS, ,THABS GZHAN BRTEN
NA RMONGS PAR SHES PAR BYA, ,ZHES PA RNAMS DRANGS SNANG YANG, DE
DAG PHAL CHER MDO PHYOGS

RKYANG PA'I BLA MA BSTEN TSUL GYI SKABS SU'ANG 'BYUNG DGOS PAS,
'DRA CHOS CUNG ZAD TZAM YOD PA RGYU MTSAN DU BYAS TE, DE TZAM LA
SNGAGS KYI GNAD THAMS CAD TSANG BAR BSHAD BA HA CANG THAL CHE
BAR SNANG NGO, ,DES NA ZAB PA'I SHES BYED LA

'DI SHIN TU ZAB BO ZHES BSHAD PA KHO NAS CHOG PA DAG GI LUGS LA
DE LTAR YIN KYANG, RJE BLA MA'I BKA' SROL 'DI LA BSGRUB BYA
SGRUB BYED DU MI 'GYUR BAS, DON DER MDO SNGAGS KYI ZAB GNAD
THAMS CAD 'DUS PAR BSGRUB PA LTA BU

LA'ANG, RANG GI NGO BO'I STENG NA KHYAD CHOS DE DAG LDAN TSUL
BSGRUB BA RANG BZHIN GYI GTAM TSIGS DANG, LAG RJES 'JOG TSUL GYI
SGO NAS BSGRUB PA 'BRAS BU'I GTAN TSIGS SOGS DRI MA MED PA'I
RIGS PA'I SGO NAS LEGS PAR 'GRUB

@026B PA ZHIG DGOS SO, ,RAB DGE LDAN PA RNAMS NI ZAB LAM BLA
MA'I RNAL 'BYOR DANG, BLA MA MCHOD PA'I CHO GA SOGS KYI THA
SNYAD BYED CING, BLA MA'I RNAL 'BYOR BSGOM TSAD LA LAM GYI ZAB
GNAD THAMS CAD TSANG DGOS PAR MI BZHED DE,

SGOM PA PO'I GANG ZAG LA DE THAMS CAD KYI SNOD DU RUNG MI RUNG
CI RIGS YOD PAS, DAM PA RNAMS KYIS KYANG GDUL BYA'I SKAL BA LA
GZIGS TE, RANG RANG DANG 'TSAM PA'I NYAMS LEN BYED TSUL RE
GSUNGS PA YIN PA'I PHYIR DANG, GDUL BYA

THUN MONG BA LA TSOGS BSHAD KYI TSUL DU BSTAN NAS, THUN MONG MA
YIN PA'I GDUL BYAR SLOB BSHAD KYI TSUL DU GDAMS PA'I TSE SNGA
MAR MA BSHAD PA'I KHYAD CHOS LHAG PO ZHIG SNON RGYU DGOS PA
RGYUD DANG GRUB CHEN KUN GYI SPYI LUGS YIN PA'I PHYIR

RO; ;DES NA SNGAR BSHAD PA'I BLA MA'I RNAL 'BYOR SGOM TSUL DE'I
STENG DU GSANG SNGAGS KYI GNAD RNAMS TSANG BAR BYAS TE NYAMS SU
LEN PA LA, BSKYED RIM GYI GNAD TSANG BAR BYAS TE NYAMS SU LEN
TSUL DANG, RDZOGS RIM GYI

GNAD TSANG BAR BYAS TE NYAMS SU LEN TSUL GNYIS, DANG PO NI, RANG
SEMS BLA MA YI DAM GSUM, ,DBYER MED GCIG TU BSRES BYAS NAS,
,ZHES BYUNG, DE'ANG BLA MA DANG YI DAM GNYIS NI GZOD DBYER MED
DU BSRE MI DGOS

PAR, SNGAR NAS DBYER MED DU GNAS PAS, DE NI RANG GI SEMS NYID
'DI DE GNYIS DANG DBYER MED DU BSRE DGOS PA YIN NO, ,DE'ANG DPER
NA RDE'U CHUR 'PHANG BA LTA BU DE'I NANG DU BCUG BA TZAM LA BSRE
BA MI ZER BAR, CHU NANG DU CHU@027A *, ,BLUG STE DBYER MED DU SONG BA LA BSRE BA
ZER BA BZHIN
'DIR YANG DBYER MED DU BSRES ZHES PA NI, SKAD CIG DKRONG BSKYED
LTA BU'I RANG LHAR BSGOM PA TZAM LA MI ZER BAR, RANG GI LUS NGAG
YID GSUM

DANG SKYE SHI BAR DO'I GNAS SKABS GSUM PO DE NYID YI DAM GYI
LHA'I SKU GSUM GYI NGO BOR BYED BAS LAM 'KHYER GSUM GYI GNAD
TSANG BA ZHIG DGOS SO, ,LHA'I SKU GSUM DANG DBYER MED DU BSRE
BA'I THABS KYI GTZO BO RDZOGS RIM YIN KYANG,

DE'I SMAN BYED LA MOS NGO TZAM DU DE DANG BSRE BA'I BSKYED RIM
SNGON DU 'GRO DGOS PA DANG, RDZOGS RIM LA SLOB TSUL 'OG NAS
'BYUNG BA'I SKABS THOB KYI RIGS PAS KYANG 'DI'I BSRES PA BSKYED
RIM LA BYED DGOS PAR 'GRUB STE,

DNGOS PO LA SKU GSUM LAM DU 'KHYER BRDZOGS RIM NAS YIN NA'ANG,
SKU GSUM LAM 'KHYER GYI THA SNYAD BSKYED RIM LA GTZO BOR SBYAR
BA BZHIN NO, ,DES NA SNOD BCUD 'JIG BA'I RIM PA DANG MTHUN PAR
SDUD RIM GYI SGO

NAS SNOD BCUD THAMS CAD 'OD GSAL DU BSDUS TE, RGYUD SO SO NAS
'BYUNG BA BZHIN SNGAGS GNYIS DANG YI GE GSUM SOGS KYI DON RNAM
THAR SGO GSUM DANG BDAG MED GNYIS KYIS BSDUM PA'I DE BZHIN NYID
LA NGA RGYAL

BZHAG STENG CHIB CHOS SKU'I LAM 'KHYER BSGOMS PAS LAS NYON GYI
'CHI BA BKAG NAS LAM DANG 'BRAS BU'I CHOS SKU BSGRUB CING, RANG
GI YID DANG BLA MA LHA'I THUGS DBYER MED DU BSRE BAR BYED DO,
,DE NAS RANG GI SMON LAM

@027B ? 'BEN PAS? NGAG GI RTZA BAR GYUR PA SHIN TU PHRA BA'I
GNYUG MA'I RLUNG LAS RGYU RDO RJE 'DZIN PA LONGS SPYOD RDZOGS
BA'I SKUR BZHENGS PAR MOS PA NI BAR DO LONGS SKU'I LAM 'KHYER
ZHES BSHAD LA, RDO RJE THEG BA'I SKABS 'DIR LONGS

SPYOD RDZOGS PA'I SKU ZHES PA'ANG, GTZO BOR GSUNG LA BYED PAS,
DE'I SGO NAS RANG GI NGAG DANG BLA MA LHA'I GSUNG DBYER MED DU
BSRE BA YIN NO, YID LUS SHIN TU BRA BA DE NYID THA MAL PA RNAMS
LA DNGOS SU SNANG MI NUS PAS,

RIGS? PA'I SPRUL SKUR LDANG PAR BYA'O SNYAM DU 'BRAS BU RDO RJE
'DZIN PA BSGOM PA LA SKYE BA SPRUL SKU'I LAM 'KHYER ZHES BSHAD
CING, NGES RANG GI LUS DANG BLA MA LHA'I SKU DBYER MED DU BSRE
BAR BYED DO, ,SPYIR BSKYED RIM RIL PO SKU

GSUM GYI NANG NAS SPRUL SKU 'GRUB BYED DANG, CHOS SKU GZUGS SKU
GNYIS SU BYE BA'I NANG NAS GZUGS SKU 'GRUB BYED, THABS SHES
GNYIS KYI NANG NAS THABS KYI RNAL 'BYOR LA GTZO BOR GSUNGS PA
MANG YANG, DE LA NANG GSES

KYIS PHYE NA SKU GSUM SGRUB PA'I SMIN BYOR DU 'GYUR TSUL SO SOR
YOD BA LTAR SKU GSUNG THUGS SO SO'I SGRUB BYED DU 'GYUR TSUL
YANG SNGAR BSHAD PA BZHIN BYA DGOS TE, DE GANG GI SMIN BYED DU
'GYUR PA KUN RDZOB SGYU MA'I RDZOGS RIM DANG,

DON DAM 'OD GSAL GYI RDZOGS RIM GNYIS DANG, DE'I SNOD RUNG DU
BYED BA'I GSANG DBANG SHES DBANG GNYIS KYI DAG BRJOD TSUB LAS
KYANG SHES PAR NUS SO, ,YANG 'DI SNYAM DU, RGYUD SO SO NAS YI
DAM LHA'I SKU GSUM DANG DBYER MED

@028A *, ,DU SGRUB BA'I BSKYED RIM BSGOM PAR BSHAD KYANG, DES
BLA MA'I SKU GSUM DANG DBYER MED DU BSGOM PAR MI 'GRUB SNYAM NA,
'DI NI GNAS MA YIN PA'I LOG RTOG CHEN PO YIN TE, N'A RO PA CHEN
POS,

BLA MA MED PA'I GONG ROL NA, ,SANGS RGYAS BYA BA'I MING YANG
MED, ,YI DAM BLA MA'I SPRUL BA YIN, ,GSUNGS PA BZHIN, YI DAM LHA
BSGOM PA'I TSE NA DE NYID BLA MA'I NGO BOR BLTA BA'I SGO NAS
BSGOM PA ZHIG DGOS KYI, BLA MA

LAS DON GZHAN DU GYUR PA'I YI DAM GYI LHA ZHIG BSGOM RGYU YOD
BAR BZUNG NA MI RUNG BAS, DBEN SA SNYAN BRGYUD KYI GDAMS PA
RNAMS SU BLA MA LHA'I RNAL 'BYOR ZHES GSUNGS PA'I RGYU MTSAN
YANG DE YIN NO, ,'DI NI RGYAL BA

RDO RJE 'CHANG GI DGONGS PA RMA MED PA YIN TE, BSHAD RGYUD SNGOM
'BYUNG LAS, SLOB DPON SANGS RGYAS KUN RANG BZHIN, ,LHA YI SKU YI
BDAG NYID CAN, ,DPA' BO RDO RJE DRIL 'CHANG BA, ,MKHA' 'GRO BCAS
LA GSOL BA

GDAB, ,CES DANG, RDO RJE SNYING PO RGYAN GYI RGYUD LAS, BLA MA
SANGS RGYAS KUN DANG MNYAM, ,DE NYID RTAG TU RDO RJE 'CHANG, ,DE
BZHIN GSHEGS PA RIN CHEN 'BYUNG, ,DE NI YE SHES RGYA MTSO CHE,
,YID BZHIN NOR BU RIN CHEN

SBYIN, ,ZHES DRUG PA RDO RJE 'CHANG DANG, RIGS LNGAS BSDUS PA'I
YI DAM GYI LHA THAMS CAD BLA MA'I NGO BO GSUNGS LA, RDO RJE GUR
LAS KYANG DE BZHIN DU GSUNGS SO, ,DES NA RGYUD SDE BZHI PO GANG
GI YI DAM LHA'I RNAL 'BYOR

@028B BSGOMS KYANG DE BLA MA'I BDAG NYID DU BLTAS TE DE'I SKU
GSUNG THUGS DANG RANG GI LUS NGAG YID GSUM DBYER MED DU BYAS NA
BSGOM TSUL RNAM DAG TU 'GYUR TE, SLOB DPON 'JAM DPAL GRAGS PA'I
GSANG BA SPYI'I CHOG SNYING PO RGYAN LAS, RANG

GI LHA YI RNAL 'BYOR GYIS, ,DAG PA'I BLA MA BRTAN BYAS TE, ,SKU
DANG GSUNG THUGS RGYAL BA YI, ,RDO RJE'I BZLAS PA NYER GNAS NA,
,RNAM DAG LAM GYI RANG BZHIN 'GYUR, ,ZHES BSHAD DO, ,RGYU MTSAN
DE'I PHYIR SANGS RGYAS THAMS CAD KYI SKU

GSUNG THUGS KYI DNGOS GRUB GDUL BYA'I RGYUD LA 'JUG PA'I RTZA
BA'ANG BLA MA'I SKU GSUM MAM SKU GSUNG THUGS GSUM GA BSGOM PA LA
RAG LAS TE, 'DUS PA'I RTZA RGYUD LE'U BCU BDUN PA LAS, DE BZHIN
GSHEGS PA THAMS CAD KYI SKU DANG

GSUNG DANG THUGS KYI DNGOS GRUB RNAMS CI LA GNAS, DE BZHIN
GSHEGS PA THAMS CAD KYIS BKA' STZAL PA, SKU GSUM GSANG BA'I SKU
DANG GSUNG DANG THUGS NI RDO RJE SLOB DPON GYI LUS DANG DAG DANG
SEMS RDO RJE LA GNAS SO, ,ZHES GSUNGS PA

SNYING LA SHIN TU 'CHANG DGOS SO, ,BSKYED RIM SO SO'I SKU GSUM
LAM 'KHYER GYI SKABS NAS YI DAM LHA'I SKU GSUM GYI NGO BOR BYED
PAR GSUNGS PA RNAMS KYIS BLA MA'I SKU GSUM GYI NGO BOR BYED PAR
YANG 'GRUB PA TZAM DU MA ZAD, BLA MA LA

DE'I THOG MTHA' GNYIS SU KHYAD PAR LHAG PAR 'ANG GSUNGS TE, DPER
NA ZANGS DANG GSER GYI PHYE MA 'DRE BA THOG MAR DNGUL CHU DANG
BSRE BA LA RAG LAS PA BZHIN, YI DAM LHA'I SKU GSUM DANG BSRE
BA'ANG, DANG POR BLA MA'I BYIN RLABS ZHUGS

@029A *, ,PA LA LTOS PAS, BSKYED RIM GYI SNGON 'GROR TSOGS KYI
ZHING DU BLA MA SPYAN DRANGS TE MCHOD CING SNYING GA'I RTZA
'KHOR DANG MI SHIGS PA'I THIG LE SHIN TU PHRA BA'I RLUNG SEMS
RNAMS MTSON PA'I PAD NYI H'Um DANG BCAS

PA LA BSTIM PAR MNGON BRJOD BLA MA DANG SNGOM 'BYUNG SOGS LAS
GSUNGS PA? BZHIN YIN LA, SKU GSUM LAM 'KHYER BSGOMS PA'I MJUG
TU'ANG, DE'I BYIN RLABS BRTAN PA'I PHYIR BLA MA'I NGO BO RIGS
BDAG GIS RGYAS BTAB PA YIN

NO; ;NANG GSES KYIS DKYIL 'KHOR SO SO LAM 'DRA BA'I KHYAD PAR
MANG YANG, SPYI TZAM DU SKU GSUM LAM 'KHYER GYI KHONGS SU GNAD
'DUS PA 'DRA BA RJE BLA MAS GSUNGS PA BZHIN YIN PAS, 'DIR YANG
DE GSUM GYI SGO NAS RANG SEMS DANG BLA

MA YI DAM DBYER MED DU BSRE TSUL GYI SPYI 'GRO TZAM SMOS PA YIN
GYI, SO SO'I BSKYED RIM SGOM TSUL MI 'DRA BA'I KHYAD PAR PHRA
ZHING ZHIB PA RNAMS RJE YAB SRAS KYI LEGS BSHAD RGYA MTSO LTA BU
LAS SHES DGOS LA, SGOM THABS MI 'DRA BA'I

DBYE 'BYED MDOR BSDUS TZAM RDO RJE GSUM GYI SNANG BAR BSHAD ZIN
TO, ,GNYIS BA RDZOGS RIM GYI GNAD TSANG BAR BYAS TE SGOM TSUL
NI, GNYIS SPANGS MKHA' DBYINGS DBUS DAG TU, ,DRAN SHES RGYA YIS
BCINGS BYAS NA, ,BDE

CHEN 'OD GSAL NYIN BYED 'CHAR, ,NYIN BYED DE YI 'OD ZER GYIS,
,BCU PHRAG BCU DANG BCU GNYIS KYI, ,RGYAN GYIS SPRAS PA'I LHA BU
'BYUNG, ,LHA BU DE YI 'OD SNANG GIS, ,MKHA' DBYINGS YONGS SU
'GENG PAR BYED, ,'ON KYANG

@029B 'JIG RTEN MES PO SOGS, ,MTHU CHEN GYIS KYANG MI MTHONG NA,
,SKYE BO PHOL PAS MTHONG RE SKAN, ,DE PHYIR DE LHA'I TSUL 'DI
LA, ,SGYU 'PHRUL DRA BA ZHES SU GRAGS, ,ZHES BYUNG, DE'ANG
RDZOGS RIM LA SLOB TSUL RGYUD SO SO'I LUGS

SROL MI 'DRA BA MANG YANG, SGRON GSAL LAS, 'DI NI SGRUB PA'I YAN
LAG MCHOG ,RGYUD KUN GYI NI DON BSDUS PA'O, ,ZHES DANG, RIM PA
'DI YI DBYE BA YI, ,SPROS PA'I RIM PA RNAM PA MANG, ,ZHES RIM PA
DANG PO DANG BCAS

PA'I RIM PA LNGA PO 'DI'I NANG DU GSANG 'DUS KHO NA MA YIN PAR
RGYUD THAMS CAD KYI DON 'DUS SHING, RGYUD THAMS CAD KYI LAM
RNAMS 'DI LAS SPROS PAR GSUNGS PA NI, LAM GYI DOD THUB BYED LAS
KYI SGO NAS 'DUS PA YIN PAR RIM LNGA

GSAL SGRON LAS GSUNGS PA DANG, MAN NGAG 'DI BLA MA MCHOD PA'I
MAN DAG YIN LA, DE NI GTZO BOR 'DUS PA LA BRTEN PAR SNANG BAS,
'DIR YANG DE DANG BSTUN NAS BSHAD PA LA, 'DUS PA'I LUGS KYI RIM
PA LNGAR BYED PA'I KHUNGS

NI;? PA TSAB 'GYUR GYI RTZA RGYUD LE'U DRUG PA LAS; SNGAGS LA
NGES RTOG LUS KYI NI, ,NGAG GIS YID LA BSKUL GYUR PAS, ,BSGRUB
BYA RAB MCHOG DNGOS GRUB DANG, ,YID NI DGA' ZHING MGU PA'O,
,ZHES PA'I RKANG PA DANG PO GNYIS KYIS

RIM PA DANG PO NGAG DBEN RDO RJE'I BZLAS PA'I RIM PA GSUNGS TE,
DANG POS DE SGRUB BYED KYI LUS DBEN DANG, GNYIS PAS NGAG DBEN
GYI TSE YID LA STE, SNYING GA'I MI SHIGS PAR DMIGS PA GTOD TSUL
GSUNGS, DE LTA BU'I NGAG

@030A *, ,DBEN NI LUGS 'DI'I THUN MONG MA YIN PA'I RLUNG SEMS
'DUL THABS KYI GTZO BO YIN LA, DES RLUNG SEMS LAS SU RUNG BA LA
BRTEN NAS BSGRUB RGYU'I GTZO BO LA, AES MTSON BA'I DPE DON GYI
'OD

GSAL GNYIS DANG, WAS MTSON BA SGYU MA'I SKU, THIG LES MTSON
BZUNG 'JUG STE BZHI YOD PAS DE LA BSGRUB BYA ZHES SMOS SO, ,DE
BZHI'I NANG NAS DANG POR THOB PA SEMS DBEN NAM, SEMS DMIGS KYI
RIM BA LA RAB MCHOG CES

GSUNGS PA NI NGAG DBEN LAS MCHOG TU GYUR BA'I DON DANG, YANG PRA
ZHES BA RAB DANG DANG PO GNYIS KA LA 'JUG PAS, NGAG DBEN GYI SGO
NAS BSGRUB RGYU'I RIM PA BZHI'I DANG PO YIN PA LA'ANG BSHAD DU
RUNG NGO, ,DNGOS GRUB CES PA

NI LUS LHA SKU'I NGO BOR SGRUB PAR BYED PA'AM TSE DE NYID LA
SANGS RGYAS KYI GO 'PHANG STER BA'I DON YIN PAS SGYU LUS SAM
BDAG BYIN RLABS KYI RIM PA YIN LA, YID DAG PA NI DON GYI 'OD
GSAL LAS, MNGON PAR BYANG CHUB BA'I RIM PA

DANG, MGU BA ZUNG 'JUG GI RIM PA STE, DE LTAR SNGAR GSUNGS PA'I
DON BSHAD RGYUD RDO RJE PHRENG BA LA BRTEN NAS DPAL MGON KLU
SGRUB KYIS GSAL BAR MDZAD DO, ,SPYOD BSDUS LTAR LUS DBEN GYI RIM
PA ZUR DU BYAS NA RIM PA

DRUG DANG, LE'U DANG POR DBEN PA DANG PO GNYIS SEMS DBEN DU
BSDUS PA LTAR NA RDZOGS RIM RIM PA BZHIR 'GYUR YANG DBYE BSDU
TZAM YIN GYI, DON MI MTHUN BA MED PAS, 'DIR RIM LNGA LTAR BYAS
NA, GNYIS SPANGS MKHA'

@030B DBYINGS DBUS DAG TU, ,DRAN SHES RGYA YIS BCINGS BYAS NA,
,ZHES BAS RIM PA DANG PO BSTAN, ,BDE CHEN 'OD GSAL NYIN BYED
'CHAR, ,ZHES PAS RIM PA GNYIS PA'I DPE'I 'OD GSAL DANG RIM PA
BZHI BA'I DON GYI 'OD GSAL GNYIS KA

BSTAN; NYIN BYED DE YI 'OD ZER GYIS, ,BCU PHRAG BCU DANG BCU
GNYIS KYI, ,RGYAN GYIS SPRAS PA'I LHA BU 'BYUNG, ,ZHES PAS RIM
PA GSUM PA'I SGYU LUS BSTAN, SNGA MA'I 'OD GSAL ZHES PA DES DPE
DANG DON GYI 'OD GSAL RKYANG

PA TZAM MA YIN PAR ZUNG 'JUG GI YAR GYUR PA'I 'OD GSAL KYANG
BSDUS LA, LHA BU 'BYUNG ZHES PAS KYANG RIM PA GSUM PA'I SGYU LUS
KHO NA MA YIN PAR, ZUNG 'JUG GI YAR GYUR PA'I SGYU MA'I SKU'ANG
BSDUS PAS, ,NYIG BSDOMS

NAS RIM PA LNGA PA RDZOGS PAR BSTAN TE, DE LTAR NA TSIGS BCAD DE
RNAMS KYIS RIM PA LNGA GA GSAL BAR GSUNGS PA YIN NO, ,DE'ANG RIM
PA DANG POR RDO RJE'I BZLAS PA'I RIM PA ZHES GSUNGS PA NI, RGYUD
'DI LAS RLUNG DBU MAR 'JUG

BYED KYI GTZO BRDOR BZLAS LA BYAS TE DE NYID RTZA LA DU BTON NAS
GSUNGS PA'I RGYU MTSAN GYIS SROG RTZOL SPYI LA BYE BRAG RDOR
BZLAS KYI MING SBYAR NAS GSUNGS PA YIN GYI, RDOR BZLAS KHO NAR
MA NGES TE, GONG DU SNGAGS LA NGES RTOG LUS CAN,

ZHES PA'I DON, 'DUS PA 'PHAGS LUGS KYIS BSKYED RIM PHRA MO BSGOM
PA DANG 'BREL CHE ZHING SKYE SLA BA'I RGYU MTSAN GYIS THOG MAR
GSANG BA'I RTZA 'KHOR RAM DH'Um T'I'I MAR SNAL GNAD DU BSNUN PAS
LUS DBEN BSGAMS NAS DE RJES SNYING GANG

@031A *, ,GNAD DU BSNUN PAS NGAG DBEN SROG RTZOL GYI RIM PA
BSGOM PAR BYED BA'I PHYIR RO, ,DE'ANG GNYIS SPANGS MKHA' DBYINGS
ZHES PA NI, LUS LA RTZA BDUN KHRI NYIS STONG YOD KYANG TSUR
BSDUS NA GNAS NYER

BZHI'I GRANGS KYI RTZA NYER BZHI DANG, DE BSDUS NA SNYING GA'I
THUN TSOD KYI RTZA BRGYAD DANG, DE'ANG BSDUS NA DBU MA RO RKYANG
GSUM DU 'DU LA, RO RKYANG GNYIS NI KHAMS DKAR DMAR SHAS CHER
'BAB TSUL DANG, CHAGS SDANG GI KUN RTOG

GI RLUNG RGYA TSUL GYI SGO NAS ZLA NYI'I SGRAS BSHAD CING, DBU
MA NI 'OD GSAL 'CHAR BA'I GNAS YIN PA DANG, GZHAN GNYIS NYI ZLAR
BSHAD PA'I ZLAS DRANGS NAS SLONG BYED DANG BRAL BA'I NAM MKHA'I
DBYINGS KYI SGRAS BSTAN PA YIN TE, ,

SA RA HAS, NYI MA ZLA BA 'JUG PA MED GYUR PA, ,MI SHES PA DAG
GNAS DER SEMS NI DBUGS PHYUNGS SHIG, CES DANG, JO BO RJE'I CHOS
KYI GLU LAS, NYI MA ZLA BA'I DRA BA 'JOMS, ,GZHAN DU NAM MKHA'
CHEN PO'I SGOR, ,BHEE RAMBHA

NI 'JUG MI 'GYUR, ,ZHES GSUNGS PA BZHIN NO, ,YANG NA GNYIS
SPANGS ZHES PA DBU MA DANG, MKHA' DBYINGS ZHES PA, RTZA RNAMS
KUN GYI NAM MKHA' CHE, ,ZHES PA LTAR DE'I SBUBS LA BYAS KYANG
RUNG NGO, ,DE'ANG

DBU MA RO RKYANG GSUM SPYI BO NAS GSANG BA'I BAR LA ZANGS THAL
DU YOD KYANG, GNAS GANG BYUNG NAS RO RKYANG GI RLUNG DBU MAR
GZHUG MI NUS PAS, GDAN RTZA 'KHOR YOD SA RE LA GNAD DU BSNUN
DGOS TE, RIM LNGA

@031B GSAL SGRON LAS, DH'U T'I LA RO RKYANG GIS LU GU RGYUD DU
'KHYUD PAS LUS KYI GNAD GANG NA YOD PA'I GNAS DER RO RKYANG GI
RLUNG DHU T'IR 'DZUD PA'I SGO RE YOD DO, ,ZHES GSUNGS PA'I
PHYIR, 'DIR GNAD DU BSNUN PA'I YUL RTZA 'KHOR

GCIG KHO NAR MA NGES PA LA DGONGS NAS, DBUS DAG CES SMOS PA YIN
TE, DAG CES PA NI SGRA'I BSTAN BCOS LAS GNYIS KYI TSIG TU BSHAD
KYANG, SMRA SGO LAS, DAG DANG RNAMS NI MANG PO'I TSIG ,CES PA
LTAR, BOD

SKAD DU DE DAG CES PA DANG DE RNAMS ZHES PA MANG TSIG TU 'GYUR
BA KHYAD PAR CHER MED PAS, 'DIR YANG DE BZHIN BYA'O, ,DE'I RGYU
MTSAN NI BLA MA'I RNAL 'BYOR 'DI NYID RGYUD GCIG KHO NA'I LUGS
SU KHA TSON GCOD MI DGOS PAR,

RGYUD GANG NYAMS SU LEN YANG DE'I BOG 'DON BYED DU SBYAR TE SO
SO'I LUGS BZHIN NYAMS SU BLANGS PAS CHOG LA, RGYUD DANG GRUB
CHEN SO SO'I LUGS KYIS THOG MAR RTZA 'KHOR GANG LA GNAD DU BSNUN
PA'I BZHED TSUL MI 'DRA BA DU MA

YOD PA'I PHYIR TE, 'DUS PA LUGS GNYIS LAS 'PHAGS LUGS KYIS SNGAR
BSHAD PA LTAR, DANG POR GSANG GNAS DANG, DE NAS SNYING GAR GNAD
DU BSNUN PAR BZHED, YE SHES ZHABS LUGS KYIS DANG POR SNYING GA,
DE NAS

GSANG GNAS, DE NAS YANG SNYING GAR GNAD DU BSNUN PAR BSHAD, BDE
MCHOG L'U AI BA DANG NAG BO PA'I LUGS KYIS THOG MAR LTE BA'I
RTZA 'KHOR DANG, DRIL BU LUGS KYIS SNYING GA'I RTZA 'KHOR LA
BSNUN PAR BZHED,

@032A *, ,GSHED SKOR DANG 'KHOR LO CHEN PO SOGS LA THOG MAR LTE
BA DANG, MTSO SKYES KYI KYE RDOR SGRUB THABS, MAH'A MA YA'I
RGYUD SOGS SU SNYING GAR BSNUN PA DANG POR BYAS, DUS 'KHOR LAS
GZUGS SGRUB

KYI YAN LAG SOR BSAM GNYIS KYI DANG POR DH'U T'I'I YAR SNE LA
DMIGS PA GTANG NAS SBYONG BA SOGS MI 'DRA BA DU MA YOD LA, DE
DAG GANG YIN KYANG BLA MA'I RNAL 'BYOR GYI MAN DAG 'DI DANG
SGRAGS NAS BYAR RUNG BA LA KHYAD BAR

MED DO, ,YANG NA MAN NGAG 'DI'I RTZA BA'I GZHUNG NI PAn CHEN
THAMS CAD MKHYEN BA'I BLA MA MCHOD PA'I CHO GA YIN LA, DER,
SNYING GA'I 'DAB BRGYAD DH'U T'I'I DBUS DAG TU, ,ZHES THOG MA
NAS SNYING GAR GNAD DU BSNUN PA'I DBANG

DU MDZAD PA YIN BAS, DAG CES PA RTZA 'KHOR SO SO LA SBYOR MI
DGOS PAR TSIG RGYAN TZAM DU 'GRO LA, 'DI'ANG DE DANG MTHUN PAR
BKRAL CHOG STE, SNGAR 'PHAGS LUGS BZHIN DANG PO 'OG SGOR GNAD DU
BSNUN PAR GSUNGS

PA SKYE SLA BA'I RIM PA TZAM LAS, MTHA' GCIG TU NGES BZUNG MA
YIN PA'I PHYIR TE, RIM LNGA GSAL SGRON LAS, LUS DBEN GZHAN DU
THA SNYAD MED KYANG DON YOD NA 'DRA BA DANG, DON MED KYANG MI
'GAL BA'I RGYU MTSAN DU

'DIR BSHAD PA SNYING GAR SDUD SLA BA'I GO RIM DU SHES PAR BYA,
,ZHES GSUNGS PA'I PHYIR DANG, THOG MA NAS SNYING GAR GTOD PA'I
RGYUD DANG GRUB CHEN GYI BZHED SROL TSAD LDAN MED TSUL ? BSHAD
PA BZHIN YIN PA'I PHYIR RO, ,

@032B 'DIR, GNYIS SPANGS MKHA' DBYINGS DBUS DAG TU, ,DRAN SHES
RGYA YIS BCINGS ZHES, DRAN SHES BZHIN GYIS GANG DU DMIGS PA GTOD
PA'I YUL GYI RTZA 'KHOR TZAM BSHAD KYANG, GANG LA BCINGS BA'I
DMIGS RTEN DNGOS

GZHI MA BSHAD PA'ANG, BLA MCHOD CHO GAR, MGON KHYOD ZHABS SEN
BKOD PA LAS BYUNG BA, ,ZHES GSUNGS PA DANG SBYOR DGOS TE, NANG
DU DMIGS PA GTOD PA LA DMIGS RTEN MA NOR BZHIG GTZO CHE ZHING,
DMIGS RTEN

SNA TSOGS GSUNGS PA'I NANG NAS KYANG BLA MA'I SKU LA DMIGS RTEN
BYED PA NI BYIN RLABS KYI GNAD KYIS GZHAN LAS KHYAD PAR DU
'PHAGS PAS, 'DI'I SNGON 'GRO SMIN BYED BSKYED RIM GYI SKABS NAS
BLA MA DANG RANG SEMS DBYER

MED DU BYED PAR GSUNGS PA'I SHUGS KYIS 'GRUB PA'I PHYIR, RGYUD
SO SOS DMIGS RTEN MI 'DRA BA GSUNGS TSUL NI, MNGON BRJOD BLA MA
LAS THIG LE DANG, SNGOM 'BYUNG LAS H'Um YIG DKAR PO LA DMIGS PAR
GSUNGS, RDO RJE

PHRENG BA LAS AA YIG DANG H'Um YIG GANG RIGS LA DMIGS PAR GSUNGS
KYANG THIG LE DNGOS SU MA GSUNGS LA, SGRON GSAL LAS LE'U GSUM
PAR, NAM MKHA'I DBYINGS KYI DBUS GNAS BAR, ,ZLA BA'I ZHES SOGS
DKYIL

'KHOR BZHI BRI BAR GSUNGS PA'I NGES DON DANG, LE'U DRUG PAR NAM
MKHA'I DBYINGS KYI DBUS SU DKYIL 'KHOR BZHI BSGOM PAR GSUNGS
PA'I DON 'CHAD PA NA, NAM MKHA'I DBYINGS MI SHIGS PA'I THIG LE
UDANG, LDKYIL 'KHOR@033A *, ,BZHI 'BYUNG BZHI'I RLUNG BZHI LA BYAS NAS, MI SHIGS
PA'I THIG LE DANG DE'I DBUS SU RDOR PHRENG LTAR GYI YI GE GNYIS
KA BSGOM PAR GSUNGS, DE DAG LA BRTEN NAS PAn CHEN THAMS CAD
MKHYEN PA BLO

BZANG YE SHES KYIS RDO RJE 'DZIN PA BLO BZANG RIG GROL LA GNANG
BA'I KHRID RGYUN DU BLA MA'I THUGS KAR AA THUNG BSGOM NAS DE LA
GTZO BOR SEMS 'DZIN PAR BYED KYANG, DE MTHA' GCIG TU DGOS PA'I
NGES PA MED DE RJE BTZUN YE SHES RGYAL MTSAN

DPAL BZANG PO'I BLA MCHOD t'IKKA LAS, SPYIR DMIGS PA'I GNAD MA
'PHYUG NA YI GE DANG SKU DANG THIG LE GANG LA SEMS GZUNG YANG
DON 'DRA BAR GSUNGS ZHES PA LTAR YIN PAS, PAn CHEN DE NYID NAS
BLA MA DON YOD MKHAS GRUB PAR

GNANG BA'I KHRID RGYUN DU BLA MA'I SKU RKYANG PAR DMIGS PA MA
GTOGS, AA YIG BSGOM PA ZUR DU MI 'BYUNG NGO, ,BLA MA'I SKU GCIG
PU BSGOM PA LA SHIN TU PHRA BA'I RLUNG SEMS MI SHIGS PA'I THIG
LE DANG BCAS PAR GNANG DU BSNUN PA'I

DON TSANG TSUL NI, KUN MKHYEN 'JAM DBYANGS BZHAD PA'I RDO RJES
'JIGS BYED RDZOGS RIM LAS GSUNGS PA LTAR, DE'I GDAN GYI THIG LE
GNYIS MI SHIGS PA'I THIG LE DKAR DMAR DANG, BLA MA'I SKU SHIN TU
PHRA BA'I RLUNG SEMS

KYI NGO BOR GSUNGS LA, SROG 'DZIN GYI RANG MDANGS DKAR PO YIN
PAS, DE'I TSE BLA MA'I SKU'I KHA DOG KYANG DKAR POR BYED DGOS
PAR SKYABS MGON RDO RJE 'CHANG CHEN PO RJE BTZUN DKON MCHOG
'JIGS MED DBANG POS GSUNGS SO, ,DE

@033B LTAR GNAD BZHI'I NANG NAS SHIN TU GAL CHE BA DMIGS PA'I
GNOD KHYAD PAR CAN BLA MA'I SKU LA DMIGS TE RLUNG 'BYUNG 'JUG
GNAS GSUM RDO RJE GSUM GYI RANG GDANGS SU BYED PA'I RDO RJE'I
BZLAS PA'I SGO NAS SROG THUR GNYIS SNYING GAR BSRE BAR

BYED PA NI RGYUD SDE KUN GYI NANG NAS KHYAD PAR DU DPAL GSANG
BA'I DUS PAS RTZAL DU BTON TE GSUNGS PA'I MAN NGAG GI SNYING PO
CHES SHIN TU GSANG BA'I MTHAR THUG PA YIN TE, RDOL PHRENG LAS,
GSANG BA MCHOG TU GSANG BA YI, ,SBAS PA'I

DON NI KHYOD 'DRI BA, ,RGYUD RNAMS KUN TU MA GSUNGS PA, ,RAB TU
BSHAD KYIS NYAN PAR GYIS, ,THUGS KYI SA BON BDAG PO STE, ,KUN
GYI NANG NAS RNAM RTOG MED, ,GANG PHYIR GTZO BO GZHAN RNAMS NI,
,'GRIB DANG DE BZHIN 'PHROG PAR

BYED, ,CES DANG, RIM LNGA GSAL SGRON LAS, GSANG BA LAS KYANG
CHES GSANG BA'I GNAS RGYUD GZHAN DU SBAS PA YIN PAS, ZHES PA
NAS, SNYING GA'I RTZA MDUD GROL BA'I DHU T'I'I NANG DU RLUNG
BSRE BA BDAG PO YIN TE, RGYU MTSAN GANG GI

PHYIR NA, SNYING GA'I RTZA MDUD GROL BA LA RNAM RTOG MED PA STE
GCOD PAR BYED PA'I MCHOG YIN PAS, ZHES GSUNGS PA'I PHYIR, DES NA
MAN NGAG 'DI NYID DU, GSANG BA LAS KYANG CHES GSANG BA'I, ,MAN
NGAG GNAD KYI DON PO NI, ,

ZHES GSUNGS PA DE GDAMS PA'I CHE BA 'DON PA'I BUD DANG RTOG BZO
MA YIN PAR RGYAL BA RDO RJE 'CHANG GIS GSUNGS PA BZHIN GYI CHE
BA BRJOD PAR SNANG NGO, ,DE LTA BU'I RDO RJE'I BZLAS PA'I RIM PA
DE LA BRTEN NAS SEMS DBEN GYI RIM PA

@034A *, ,'BYUNG TSUL NI, BDE CHEN 'OD GSAL NYIN BYED 'CHAR,
,ZHES PAS BSTAN LA, 'ON KYANG 'DI DBE'I 'OD GSAL KHO NA LA MI
BYED DE, DPE DON GYI 'OD GSAL GNYIS KA YUL STONG NYID MNGON SUM
DU

RTOGS MA RTOGS KYI KHYAD PAR YOD KYANG, SDUD RIM GNYIS KYI SGO
NAS STONG PA GSUM RIM GYIS MNGON DU BYAS TE, MTHAR THAMS CAD
STONG PA 'OD GSAL GYI TSE 'CHAR BA 'DRA BAS, 'DIR DPE DON GYI
'OD GSAL DE GNYIS KA PHYOGS

GCIG TU BSDOMS NAS GSUNGS, DE BZHIN DU DPE'I 'OD GSAL GYIS LHAN
CIG BYED RKYEN DANG, DE'I BZHON PA'I RLUNG GIS NYER LEN BYAS TE,
'OD GSAL DE LAS LANGS PA'I SKAD CIG GNYIS PAR MA DAG PA'I SGYU
MA'I

SKUR BZHENGS PA DANG, RIM PA BZHI PA'I DON GYI 'OD GSAL DES LHAN
CIG BYED RKYEN DANG, DE'I BZHON PA'I RLUNG GIS NYER LEN BYAS PA
LA BRTEN NAS DAG PA'I SGYU MA'I SKUR LDANG BA GNYIS KA NGO BO
MCHOG DMAN YOD KYANG RLUNG SEMS

TZAM LAS BZHENGS TSUL 'DRA BAS 'DIR PHYOGS GCIG TU BSDOMS NAS
GSUNGS, DER MA ZAD SLOB PA MTHA'I DON GYI 'OD GSAL LAS MI SLOB
PA'I ZUNG 'JUG KHA SBYOR YAN LAG BDUN LDAN ZUNG 'JUG RDO RJE
'CHANG GI SKUR BZHENGS

PA'I TSUL YANG 'DI'I KHONGS SU BSDUS PAR SHES NA GSANG SNGAGS
RDO RJE THEG PA'I LAM 'BRAS BU DANG BCAS PA'I GNAD CHA TSANG BAR
STON PA'I LEGS BSHAD CHEN POR 'GYUR RO, ,'OD GSAL GYI SNGON DU
RJES GZHIG DANG RIL 'DZIN GYI

@034B SGO NAS SDUD TSUL, DE'I STOBS KYIS STONG PA BZHI'AM, THAMS
CAD STONG PA NYER THOB TU BSDUS PA'I STONG PA GSUM RIM GYIS
'CHAR TSUL, DE DAG GI TSE RAGS PA THIM RIM DANG, DE'I RTAGS
'BYUNG LUGS, DE THAMS CAD LA

LTA BAS RGYAS GDAB CING DGA' BZHI RIM GYIS DRANGS TE BDE STONG
SBYOR TSUL 'OD GSAL DE LAS SGYU MA'I SKUR LDANG TSUL DANG, DE
DPE BCU GNYIS KYIS MTSON LUGS, ME DAG PA'I SGYU LUS DE DON GYI
'OD GSAL GYIS SPYOD TSUL, NYON

SGRIB ZAD PAR SPANGS PA'I SPANGS PA ZUNG 'JUG DANG DAG PA'I SGYU
MA'I SKU MNYAM DU THOB TSUL, SLAR YANG DON GYI 'OD GSAL MNGON DU
BYAS TE ZUNG 'JUG GI GTZO BO BDEN GNYIS DBYER MED ZUNG 'JUG
'GRUB LUGS, DE NAS SNGAR MA BSLAB

PA'I LAM LA GSAR SLOB MED KYANG, BSLAB ZIN GOMS PAR BYED PA YOD
LA, DE'I MTHAR PHYI NANG GI MNGON BYANG GNYIS SBYAR TE MI SLOB
PA'I ZUNG 'JUG MNGON DU BYED LUGS SOGS KYI GNAD PHRA ZHING ZHIB
PA RNAMS NI BDAG LTA BU'I SPYOD

YUL MA YIN ZHING SHIN TU GSANG BA'I GNAS YIN LA, NYUNG NGU'I
TSIG TZAM GYIS MTSON PAR YANG MI NUS PAS, RJE BLA MA'I GSUNG RAB
RGYA MTSO LTA BU LAS BTZAL BAR BYA'O, ,'DIR DNGOS ZIN GYI TSIG
DON TZAM RE BRJOD NA, NYIN BYED

DE YI 'OD ZER GYIS, ,ZHES PAS SGYU LUS 'GRUB TSUL DANG, LHAG MAS
SGYU LUS KYI KHYAD CHOS BSTAN PA YIN LA, DE'ANG 'OD GSAL NYI MA
DANG, SGYU LUS DE'I 'OD ZER LA DPE SBYAR NAS BSHAD PA MA YIN
GYI, 'OD CES PA SGYU MA'I SKU'I NYER

@035A *, ,LEN DU GYUR BA'I 'OD GSAL GYI BZHON PA'I RLUNG 'OD ZER
LNGA PA DE NYID LA BYED DGOS TE, RIM LNGA LAS, RANG BZHIN BCAS
'OD DE DANG DE, ,RNAM SHES RLUNG DANG LDAN PA NI, ,BDAG BYIN
BRLAB PA'I RIM

GYIS KYANG, ,SEMS CAN DON DU LAN 'GA' 'GYUR, ZHES GSUNGS PA LTAR
RO, ,SGYU MA'I SKU'I DNGOS KYI NYER LEN STONG PA GANG GI BZHON
PA'I RLUNG GIS BYED TSUL NI, LAG SMIN DANG RJE 'GOS SOGS SPYOD
BSDUS KYI DGONGS PAR BYAS

TE LUGS ZLOG GI SNANG BA GSUNG BA'I BZHON PAR GYUR PA'I RLUNG LA
BZHED CING, SNGAGS RIM DANG DBANG DON SOGS SU'ANG DE DANG SGO
BSTUN PA'I BSHAD PA MDZAD DO, ,'ON KYANG RJE RANG GI BZHED PA
MTHAR THUG PA NI RIM LNGA GSAL

SGRON LTAR 'OD GSAL GYI MJUG THOGS DE MA THAG TU SGYU MA'I SKU
GNYIS 'GRUB DGOS PAS, RANG LUGS NI DE'I BZHON PA'I RLUNG LA
BYA'O, ,DE NAS SGYU MA'I SKU'I KHYAD CHOS STON PA LA, BCU PHRAG
BCU DANG BCU GNYIS KYI, ,RGYAN GYIS SPRAS

PA'I LTA BU 'BYUNG, ,LTA BU DE YI 'OD SNANG GIS, ,MKHA' DBYINGS
YONGS SU 'GENG BAR BYED, ,'ON KYANG 'JIG RTEN MES PO SOGS, ,MTHU
CHEN GYIS KYANG MI MTHONG NA, ,SKYE BO PHAL PAS MTHONG RE SKAN,
,ZHES GSUNGS SHING,

TSIGS BCAD 'DI DAG NI 'DUS PA'I RTZA RGYUD LE'U BCU GNYIS PAR,
RDO RJE 'JAM PA 'DRA BAR 'GYUR, ,DPAG TSAD BRGYA YI KHYON TZAM
DU, ,RDO RJE 'BAR BA'I 'OD DAG GI ,RGYAN RNAMS KUN GYIS BRGYAN
PA YI, ,DAG PA'I BDAG

@035B NYID SNANG BAR 'GYUR, ,TSANGS PA DRAG PO LA SOGS LHAS,
,NAM YANG MTHONG PAR MI NUS SO, ,ZHES PA'I TSIGS BCAD 'DI DAG
BKOD PAR SNANG LA, RGYUD KYI SKABS 'DIR DNGOS SU GSUNG RGYU'I
SGYU LUS NI MA DAG PA'I SGYU MA'I SKU YIN TE, DE'I

MJUG THOGS NYID DU, RDO RJE MI PHYED GSUM LAS BYUNG, ,ZHES PA
NAS, RDO RJE 'JAM PA'I 'OD 'DRA BAR, ,DE MA THAG TU DE 'GYUR RO,
,ZHES 'OD GSAL DU BCU GNAS DAG PA'I SGYU MA'I SKU'I NGO BOR
'GYUR DGOS PAR GSUNGS PA'I PHYIR

TE; SGRON GSAL LAS, SGYU MA'I SKU 'DI NYID 'OD GSAL BAS RNAM PAR
SBYANGS PAS BSGRUB PAR BYA BA'I PHYIR, RDO RJE MI PHYED CES BYA
BA LA SOGS PA GSUNGS, ZHES SO, ,'ON KYANG RJE BTZUN YE SHES
RGYAL MTSAN DPAL BZANG PO'I BLA

MCHOD t'IKKAR ZUNG 'JUG GI DAG BA'I SGYU MA'I SKU'I KHYAD CHOS
STON BYED DU LUNG DE DAG DRANGS PA NI, DER GSUNGS PA'I KHYAD
CHOS RNAMS DAG MA DAG GI SGYU LUS GNYIS KA LA TSANG TSUL CHA
'DRA BA'I RGYU MTSAN GYIS YIN TE, RTZA RGYUD LE'U

BCO LNGA PAR DAG PA'I SGYU MA'I SKU GSUNGS PA'I SKABS SU'ANG,
RGYAN RNAMS THAMS CAD YONGS SU RDZOGS, ,SPOS DANG ME TOG RNAMS
KYIS BRGYAN, ,RDO RJE SEMS DPA' MCHOG BSGOM NA, ,GRUB PA MYUR DU
THOB PAR 'GYUR, ,'DI NI SKU GSUM

MCHOG SBYIN PA, ,SANGS RGYAS MTSAN GYIS MTSAN PAR 'GYUR, ,DPAG
TSAD BRGYA YI KHYON TZAM DU, ,DE YI 'OD KYIS SNANG BAR 'GYUR,
,ZHES SGYU MA'I SKU GNYIS KA'I YON TAN THUN MONG BA RNAMS STON
BYED KYI TSIG RIS KYANG PHAL CHER 'DRA BAS

@036A *, ,GNYIS KAR SBYAR CHOG LA, DAG PA'I SGYU MA'I SKU LA'ANG
SLOB MI SLOB KYI SKABS GNYIS YOD PAS, SPOS DANG ME TOG CES SOGS
KYIS BSTAN PA'I STOBS DANG MI 'JIGS PA RNAMS DNGOS DANG RJES
MTHUN

GYI SGO NAS DE GNYIS KAR THUN MONG DU SBYOR DGOS LA, DE 'DRA
BA'I MAN NGAG GI GNAD PHRA BA RNAMS BLA MA'I MAN NGAG LAS SHES
DGOS PA'I RGYU MTSAN GYIS GONG 'OG DKRUGS PA DANG, PHAN TSUN
BSRES NAS BSHAD PA'I SKABS DU MA YOD PA'I

PHYIR, RIM LNGA GSAL SGRON LAS, STOBS BCU LA SOGS PA THOB PAR
GSUNGS PA NI SLOB PA'I ZUNG 'JUG LA RJES MTHUN PA DANG, MI SLOB
PA LA DNGOS SU THOB PA SOGS CI RIGS PAR SBYAR TE RIM LNGA DANG
SPYOD BSDUS SU GSUNGS PA'I ZUNG

'JUG LA'ANG, DE GNYIS KA LA THUN MONG DANG SO SOR BSHAD DGOS PA
YOD DO, ,ZHES GSUNGS PA'I PHYIR, 'DI 'DRA BRGYUD KYI TSIG RE
RE'I DGONGS PA'ANG, MDO BSRE DANG, MDOR BYAS, SPYOD BSDUS, SGRON
GSAL BA SOGS LAS,

GCIG GIS BSKYED RIM LA SBYAR PA GCIG SHOS KYIS RDZOGS RIM LA
SBYAR BA LTA BU MI 'DRA BA MANG DU 'BYUNG YANG, RDO RJE'I TSIG
RE RES DON SNA TSOGS STON PAS 'GAL BA MED PAR RJE BLA MAS YANG
YANG GSUNGS PA BZHIN SHES PAR BYAS TE,

PHYOGS GCIG KHO NAR ZHEN PAS GZHAN RNAMS DOR BAR MI BYA'O, ,BCU
PHRAG BCU DANG BCU GNYIS KYI, ,RGYAN GYIS SPRAS PA ZHES PAS
RGYUD KYI GONG 'OG GNYIS KAR, RGYAN RNAMS THAMS CAD YONGS SU
RDZOGS, ,ZHES PA'I DON

@036B BSHAD PA YIN TE, LE'U BCU GNYIS PA'I SGRON GSAL LAS, SKYES
BU CHEN PO'I MTSAN SUM CU RTZA GNYIS KYIS BRGYAN PAS NA RGYAN
RNAMS KUN GYIS BRGYAN PA, ZHES DANG, BCO LNGA PA'I SGRON GSAL
LAS, RGYAN RNAMS THAMS CAD YONGS SU RDZOGS,,

ZHES BYA BA NI MTSAN THAMS CAD KYIS BRGYAN PA'O, ,ZHES GSUNGS
PA'I PHYIR, DER MTSAN BZANG MA GTOGS DPE BYAD DNGOS SU MA GSUNGS
KYANG, DPE BYAD NI GSER PHRENG LTAR MTSAN GYI 'KHOR YIN PAS,
'DIR KHA BSKANGS TE MTSAN SO GNYIS

DANG BYAD BRGYAD CU DANG BCAS BRGYA DANG BCU GNYIS GSUNGS PA YIN
NO, ,LHA BU DE YI 'OD SNANG GIS, ,MKHA' DBYINGS YONGS SU 'GENG
BAR BYED, ,CES PA NI, LE'U BCU GNYIS PAR, DPAG TSAD BRGYA YI
KHYON TZAM DU, ,RDO RJE 'BAR BA'I 'OD

DAG GI ,ZHES DANG, BCO LNGA PAR, DPAG TSAD BRGYA YI KHYON TZAM
DU, ,DE YI 'OD KYANG SNANG BAR BYED, ,CES PA GNYIS KYI DON BSDUS
PA YIN LA, DER DPAG TSANG BRGYA ZHES GSUNGS PA DANG, 'DIR MKHA'
DBYINGS THAMS CAD 'GENG BAR GSUNGS

PA MI 'GAL TE, SGRON GSAL LAS DPAG TSAD BRGYA YI KHYON TZAM DU
ZHES BYA BAS NYE BAR MTSON PA'I DON GYIS NA STONG GSUM LA SOGS
PA'I 'JIG RTEN GYI KHAMS RNAMS SU DE'I 'OD KYANG SNANG BAR BYED
PAR 'GYUR RO, ,ZHES GSUNGS PA'I PHYIR,

'ON KYANG 'JIG RTEN MES PO SOGS, ,MTHU CHEN GYIS KYANG MI MTHONG
NA, ,SKYE BO PHAL PAS MTHONG RE SKAN, ,ZHES RANG DANG LAM 'DI'I
'PHAGS PA MA GTOGS, DE LAS GZHAN PA'I SO SKYE 'JIG RTEN MES
PO'AM, TSANGS PA SOGS

@037A *, ,KYIS KYANG MTHONG MI NUS PAR GSUNGS PA NI, RGYUD LAS,
TSANGS PA DRAG PO LA SOGS LHAS, ,NAM YANG MTHONG BAR MI NUS SO,
,ZHES DANG, DE'I SGRON GSAL MCHAN DANG BCAS PA LAS, TSANGS PA LA
SOGS PA'I LHAN MAS KYIS RNAMS KYANG STEN MA

YANG MTHONG BAR MI NUS NA, SO SO SKYE BO PHAL BA GZHAN DAG GIS
LTA SMOS KYANG CI DGOS, ZHES GSUNGS PA DE NYID BKOD PA YIN NO,
,DER MA ZAD RGYUD LAS TSIGS BCAD KYI MJUG TU RDO RJE 'JAM PA
MCHOG GI DAM TSIG MI SNANG BA ZHES BYA BA'I TING NGE 'DZIN TO,
,ZHES PAS

KYANG DON 'DI NYID BSTAN PA YIN TE, MI SNANG BA ZHES PAS LUS DE
NYID SEMS DBEN MAN CHAD KYI SO SO SKYE BOS MTHONG MI NUS PA
DANG, RDO RJE 'JAM PA MCHOG GI DAM TSIG CES PAS DE DAG LA MI
SNANG BA'I RGYU MTSAN SHIN TU PHRA BA'I GNYUG MA'I RLUNG SEMS
TZAM

LAS MA 'DAS PA'I YID LUS SU BSTAN PA'I PHYIR TE, 'JAM PA'I SKAD
DOD MANYDZU ZHES PA NGES TSIG GIS BSHAD NA, M'AN:SVABH'A WEN
ZHES PA YID KYI RANG BZHIN GYIS ZHES DANG, DZUshYA TE ZHES PA
BSTEN PAR BYA BA LA 'JUG CING, DAM TSIG NI DE LAS MI 'DA' BA

LA BYED PA'I PHYIR, SGON GSAL LAS, YID KYI RANG BZHIN GYIS BSTEN
CING BSNYEN PA YIN PAS 'JAM PA'O, ,ZHES SO, ,SPYIR BSKAL BA DANG
PO'I MI'I LUS LA'ANG YID KYI RANG BZHIN GYI LUS SU RNAM BZHAG
RIM PAR GSUNGS PA DANG, RGYUD BLA MAR, YID KYI RANG BZHIN

PHUNG PO DANG, ,ZHES SOGS LTAR, NYAN RANG DGRA BCOM GYIS KYANG
ZAG MED LAS LA BRTEN NAS YID KYI RANG BZHIN GYIS LUS LEN PAR
BSHAD PA YOD KYANG 'DI DANG 'DRA BA'I GNAS MED DE, DE DAG LA YID
LUS SU BSHAD PA GDOS BCAS KYI PHUNG PO RAGS PA GZHAN LA

@037B LTOS TE BZHAG PA YIN GYI, LAS SEMS GNYIS LA RAGS PA, PHRA
BA, SHIN TU PHRA BA GSUM DU BYAS TE, CHES PHRA BA DE NYID LHA'I
SKUR SGRUB TSUL PHAR PHYIN THEG PA DANG RGYUD SDE 'OG MA GANG
LA'ANG MED PA'I PHYIR, SPYOD BSDUS LAS, GANG MDO SDE LA SOGS
PA'I TSUL LA

ZHUGS PA DANG, BSKYED PA'I RIM PA LA GNAS PA'I SGOM PA PO RNAMS
KYANG CHOS THAMS CAD SGYU MA LTA BU DANG, RMI LAM LTA BU DANG,
GZUGS BRNYAN LTA BU ZHES DPER BRJOD CING LHAG PAR MOS KYANG DE
RNAMS DPAS BDAG LA BYIN GYIS BRLAB PA'I MAN NGAG YE SHES TZAM

GYI YID KYI RANG BZHIN GYI LHA'I SKU RDZOGS PAR 'GYUR BA SHES
PAR MI 'GYUR RO, ,ZHES DE DAG GI SPYOD YUL MA YIN PAR GSUNGS
PA'I PHYIR RO, ,DE PHYIR DE LTA'I TSUL 'DI LA, ,SGYU 'PHRUL DRA
BA ZHES SU GRAGS, ,ZHES MTSAN GYI RNAM GRANGS BSHAD PA NI SPYIR
SGYU MA'I SKU GNYIS

KA LA 'JUG KYANG, GTZO BOR DON GYI 'OD GSAL LAS BZHENGS PA'I DAG
PA'I SGYU MA'I SKU LA BYA DGOS TE, RIM LNGA LAS, JI LTAR DVANGS
PA'I CHU KLUNG LAS, ,NYA DAG MYUR DU LDANG BAR 'GYUR, ,DE BZHIN
THAMS CAD STONG GSAL LAS, ,SGYU 'PHRUL DRA BA 'BYUNG BAR BSHAD,
,CES

GSUNGS PA'I PHYIR, DE'ANG LAM 'DI'I CHED DU BYA BA'I GDUL BYA'I
THOB BYA MTHAR THUG PA NI 'OD GSAL DANG SGYU LUS ZUNG DU 'JUG
PA'I RDO RJE 'CHANG GI GO 'PHANG YIN KYANG, GDAMS NGAG 'DIR 'JUG
SDUD PA NA SGYU MA'I SKU GCIG PU SMOS TE BZHAG PA LA DGOS PA

KHYAD PAR CAN ZHIG YOD DE, THEG CHEN RIGS CAN RNAMS KYI 'DOD
BYA'I MTHAR THUG PA GZHAN DON YIN LA, SANGS RGYAS KYI GO 'PHANG
SGRUB PA DE'I YAN LAG TU YIN PAR MNGON RTOGS RGYAN LAS GSUNGS PA
BZHIN, 'DIR YANG SGYU 'PHRUL DRA BA'I BKOD PA

@038A *, ,MTHA' YAS PA'I SGO NAS SEMS CAN GYI DON RNAMS THAMS
CAD MA TSANG BA MED PAR BSGRUB PA NI 'DOD BYA'I DON GYI SNYING
PO MTHAR THUG PAR SHES PA'I CHED DU YIN NO, ,GSUM PA MJUG GI DON
NI, TSUL 'DI 'JAM MGON BLA MA

YI; ;SPYAN BRGYUD MAN NGAG 'DZIN PA YIS, ,SNYING GI BU LA BRTZE
BAS GDAMS, ,ZHES GSUNGS TE GO SLA'O, ,DE LTAR LEGS TSOGS THAMS
CAD KYI GZHI RTEN BLA MA SANGS RGYAS DNGOS SU MTHONG BA'I MOS
GUS BCOS MA MA YIN PAS LAM GYI RTZA BA TSUGS PAR BYAS LA

BKA' DRIN RJES SU DRAN PA'I GUS PA CHEN PO BSKYED DE CI GSUNG
MTHA' DAG DANG, KHYAD PAR SKYES BU GSUM GYI LAM GYI RIM PA'I SGO
NAS BGROD TSUL JI LTAR GDAMS PA RNAMS BKA' BZHIN DU BSGRUB PA
DANG, DE THAMS CAD KYI TSE BYANG CHUB BDE LAM LAS, SPYI BOR

BLA MA LHA BSGOM BZHIN PA'I NGANG NAS ZHES DMIGS SKOR RE RE
BZHIN DU GSUNGS PA LTAR BLA MA'I RNAL 'BYOR DANG SBRAG NAS BYED
CING, RJES KYI BYA BA THAMS CAD KYANG BLA MA'I RNAL 'BYOR DE'I
SHUGS KYIS ZIN PA'I SGO NAS SGO GSUM BAG MED PA'I PHYOGS SU CUNG

ZAD KYANG MA SHER BAR CHA MTHA' DAG NAS DON LDAN DU 'GYUR BAR
BYA, DE LTAR LAM THUN MONG BAS RGYUD SBYANGS PA SNGON DU BTANG
STE, BLA MA RDO RJE 'CHANG GI DRUNG NAS SNGAGS KYI 'JUG SGO
DBANG RNAM PAR DAG PA NOD CING, DNGOS GRUB KYI RTZA BA BLA MA'I
BSTEN TSUL GTZO BOR

GYUR PA'I RTZA BA DANG YAN LAG GI DAM TSIG TSUL BZHIN DU BSRUNG
BA GZHIR BYAS PA'I STENG NAS SMIN BYED BSKYED RIM LA SLOB PA
NA'ANG, SNGON 'GRO TSOGS BSAGS PA NAS BZUNG BLA MA'I RNAL 'BYOR
DANG SBRAGS NAS BYA, DE RJES RDZOGS RIM LA SLOB PA'I TSE SNYING
GA'I RTZA MDUD

@038B DBYE BA'ANG BLA MA'I BYIN RLABS KYIS DBYE ZHING, RLUNG
SEMS MTHA' DAG BLA MA'I BYIN RLABS KYI MTHUS LAS RUNG DU BSGRUB
PA LA BRTEN NAS BDEN PA GNYIS KYI RDZOGS RIM LA SOGS PA'I RTOGS
PA KHYAD PAR CAN RNAMS RGYUD LA SKYES TE ZUNG 'JUG NOR BU'I

GLING DU BGROD DGOS PAS, MAN NGAG 'DI'I STENG NAS LAM GYI LUS
YONGS SU RDZOGS PA LA BAG CHAGS CI THEBS BYAS TE, DAL BA'I RTEN
BZANG THOB CING BSTAN PA'I SNYING PO DRI MA MED PA DANG MJAL BA
'DI NYID DON DANG LDAN PAR BYA'O, ,SMRAS PA, 'DUL

'DZIN BYE BA'I GTZUG RGYAN NYE BAR 'KHOR, ,DKA' THUB SPYOD PAS
MING LA THOS PA DGAR, ,SNYAN BRGYUD BKA' BAB CHOS KYI RDO RJE
RNAMS, ,GCIG GYUR YE SHES MTSAN CAN KHYOD MIN SU, ,LONG BAS
PHYAG DAR KHROD NAS RIM CHEN BZHIN, ,SNYIGS MA'I KLONG

NAS BLO CHUNG BDAG 'DRAS KYANG, ,SNYAN BRGYUD YID BZHIN NOR BU
RNYED PA 'DRI, ,AE MA KHYOD KYI BKA' DRIN BSAM LAS 'DAS, ,DE
PHYIR MI SMRA SNYING LA 'CHANG 'OS KYANG, ,COL CHUNG SOR MO'I
RTZE LA GA-YENG BA 'DIS, ,SKAL BZANG BLO LDAN 'GA' YI

DON 'GYUR RAM, ,CHUD ZOS PHYI NANG 'BOR BA CHA MA MCHIS, ,ZAB
CING RGYA CHE'I GDAMS PA NAM MKHA'I MTHA', ,NYAM CHUNG SBRANG
BU'I 'DAB MAS GZHAL BA YIS, ,NONGS PAR GYUR GANG RGYU BCAS SBYOR
BA DANG, DGE TSOGS BSTAN 'GRA'I GSOS SU

BYIN GYIS RLOBS, ,TSE RABS KUN TU THEG MCHOG BSHES GNYEN GYIS,
,RJES BZUNG GSUNG GI GSANG BA'I MDZOD 'DZIN CING, ,'KHRUL BRAL
BSTAN PA'I SNYING PO THOS BSAM SGOM, ,MTHAR PHYIN 'GRO BA'I DE
DPON MCHOG GYUR CIG ,CES ZAB LAM@039A *, ,BLA MA'I RNAL 'BYOR GYI MAN NGAG
SNYING PO'I RTZA TSIG
GI 'BREL PA SNYAN BRGYUD GSANG BA'I LDE MIG CES BYA BA 'DI NI,
7LCANG SKYA THAMS CAD MKHYEN PA'I 'PHRIN LAS BA YANG DAG PA'I
LAM BZANG 'DI LA MCHOG TU MOS

PA'I BLO CAN DZAS GA ZHABS DRUNG YE SHES BSKAL BZANG GIS YANG
YANG NAN GYIS BSKUL BA'I NGOR, DBUS 'GYUR BSTAN PA'I SROG SHING
BLO BZANG SNYAN BRGYUD KYI BKA' BAB DPAL LDAN BLA MA DMIGS PA
MED PA'I THUGS RJE CHEN PO DANG LDAN PA RJE BTZUN

YE SHES RGYAL MTSAN DPAL BZANG PO DANG KHA KA'I 'KHOR LOS THUB
BSTAN YONGS LA 'DOD DGUNG MNGA' BSGYUR BA KHAMS GSUM CHOS KYI
RGYAL PO RJE BTZUN DKON MCHOG 'JIGS MED DBANG PO RNAM GNYIS KYI
ZHABS RDUL SPYI BOR BSTEN PA'I BKA'

DRIN LAS, BSTAN PA SPYI DANG SNYAN BRGYUD KYI GDAMS PA'I CHA
SHAS PHRA MO TZAM RNA BAS THOS PA'I SKAL BCAN DU GYUR PA, 7BTZUN
PA DKON MCHOG BSTAN PA'I SGRON MES RAB BYUNG BCU BZHI PA'I
BGRANG BYA GNYIS PA RNAM BYUNG GI LO DBEN GNAS

YID DGA' CHOS 'DZIN DU SBYAR BA'I YI GE PA NI GTZUG LAG 'BYED
PA'I BLO MIG CAN DHIKshU? RATNA A'A NANTAS BGYIS PA 'DIS KYANG
SNYAN BRGYUD ZAB MO'I BSTAN PA 'PHEL ZHING RGYAS PAR GYUR CIG ,
,,

@039B MISSING PAG