@008B `KUN MKHYEN BLA MA'I 'KHRUNGS RABS DANG 'BREL BA'I BLA
MA'I RNAL 'BYOR BZHUGS SO, , ` ,RNAM KUN MCHOG LDAN DBYINGS DANG
DBYER MED PA'I, ,YE SHES SGYU 'PHRUL DRA BAR BZHENGS BA LAS,
,GDUL BYA'I MOS PAR 'TSAM PA'I 'PHRIN LAS KYI, ,'JUG PA

DUS LAS MI YOL THUGS RJE'I BDAG ,GANG GI BDEN STOBS GZUNGS RIG
MOS BA'I MTHUS, ,MDUN GYI MKHA' LA DPAG BSAM LJON PA'I RTZER,
,PAD ZLA NYI MA'I GDAN BCAS SENG+GE'I KHRI, ,YID 'PHROG TSAR DU
DANG RA BA'I DBUS MA LA, ,SKYABS

GSUM KUN 'DUS 'JIGS MED DBANG PO'I SDE, ,CHOS 'CHAD MNYAM GZHAG
PHYAG RGYAS GLEGS BAM BSNAMS, ,GA-YAS SU RGYAL SRAS DRI MED
GRAGS PA'I ZHABS, ,DPAL LDAN SANGS RGYAS BSKYANGS DANG PHYOGS
KYI GLANG, ,ZLA BA'I ZHABS DANG

GRUB CHEN DZE T'A RI, ,GA-YON DU BDAG NYID CHEN PO RIN CHEN
GSAL, ,RJE BTZUN DBUM PA DANG ZHVA LU PA, ,RGYUD CHEN RNAM GNYIS
'JAM DBYANGS BZHAD PA'I SDE, ,GZHAN YANG MKHA' KHYAB GDUL BYA'I
MOS PA BZHIN, ,GANG 'DUL SPRUL PA'I ZLOS

GAR MTHA' YAS DANG, ,SKYABS YUL ZHI KHRO RAB 'BYAMS MA LUS PA,
,BDAG SOGS 'GRO BA'I MGON DU BRTAN PAR BZHUGS, ,JI LTAR DVANGS
BA'I MTSO LA ZLA GZUGS BZHIN, ,GANG LA GANG 'DUL GZUGS SKU'I
RNAM ROL GYIS, ,MA LUS

'GRO BA SRID LAS SGROL BA'I GNYEN, ,SKYABS MGON THUGS RJE'I GTER
LA GUS PHYAG 'TSAL, ,KUN BZANG MCHOD PA'I SPRIN GYI PHUNG PO NI,
,BDEN TSIG MOS BA'I YID MKHAR GA-YO BA YANG, ,LHAN SKYES BDE
BA'I DANG DU ROL BA YIS, ,BDAG GI

@009A *, ,BSOD NAMS TSOGS CHEN RDZOGS PAR MDZOD, ,LEGS BYAS
MTHA' DAG RANG LUS BCAS 'BUL NA, ,SNGON BSAGS DGE TSOGS CHUD MI
ZA BA DANG, ,SGA GSUM SPYOD PA BLA MA'I DBANG GYUR TE, ,RTAG TU
DON

DANG LDAN PAR BYIN GYIS RLOBS, ,MNO GA CHUNG SRID 'BYOR SBRANG
RTZIL CHAGS TE, ,MI BZAD SDIG LTUNG MTSON RNON BLDAG PA YI,
,RNAM SMIN SDUG BSNGAL BZOD DKA'I YID KYI RMA, ,GSO BAR MDZOD
CIG THUGS RJE'I SMAN GYI BLA, ,KHYOD ZHABS

PADMO GUS PAS BSTEN BYAS TO, ,ZAB CING RGYA CHE GDAMS PA'I AA
MRi TA, ,'DOD DGUR SPYAD PAS DUG GSUM SA BON BCAS, ,DRUNGS NAS
'BYIN PA'I DGA' STON MYONG BAR SHOG ,GANG GANG SKYE BA'I PHRENG
BA DE DANG DER, ,SRID DANG ZHI BA'I MTHA'

LA ZHEN PA'I BLO, ,BYIN RLABS THUGS RJE'I PHYAG GIS YONGS BZUNGS
STE, ,MI GNAS ZHI BA'I LAM DER DRANG BU GSOL, ,DUS GSUM RGYAL
KUN THUGS KYI GSANG BA'I MDZOD, ,ZAB LAM LTA BAS RGYAS BTAB RDO
RJE'I THEG ,DBANG BZHI'I SGO 'PHAR PHYE

BA'I GRONG MCHOG TU, ,RIM GNYIS 'BYOR PA'I DPAL LA SPYOD PAR
SHOG ,MI 'GYUR LHAN SKYES BDE BAS RAB MYOS SHING, ,MTSAN DPE'I
DPAL 'BAR MDZES SDUG LANG TSOS SGEG ,DMIGS MED SNYING RJE'I
'DZUM DKAR SPROB YI, ,ZUNG 'JUG

DANG PO'I MGON POR BDAG GRUB MDZOD, ,MDOR NA SKYABS GNAS MA LUS
'DUS PA'I DNGOS, ,'DREN PA KHYOD MIN SKYABS GZHAN MI 'TSOL BAS,
,'DE PHYI'I BAR DO'I 'JIGS LAS SGROL BA DANG, ,RANG GZHAN DON
GNYIS 'GRUB PAR BYIN GYIS

@009B RLOBS, ,DE LTAR GSOL BA BTAB PAS SKYABS YUL KUN, ,RIM GYIS
BSDUS TE RTZA BA'I BLA MAR THIM, ,DE NYID DGYES BZHIN RANG GI
TSANGS BUG NAS, ,ZHUGS TE GNYUG MA'I SEMS DANG DBYER MED GYUR,
,DPAL LDAN RTZA BA'I BLA MA RIN PO CHE, ,BDAG

GI SNYING GAR PADMA'I GDAN BZHUGS LA, ,BKA' DRIN CHEN PO'I SGO
NAS RJES GZUNG STE, ,SKU GSUNG THUGS KYI DNGOS GRUB STZAL DU
GSOL, ,GANGS CAN MKHAS GRUB DU MAS RJES GZUNG ZHING, ,ZAB RGYAS
GDAMS PA BYE BA'I BANG MDZOD 'DZIN, ,SKAL

LDAN SMIN CING GROL MDZAD CHOS KYI RJE, ,'JIGS MED DBANG PO'I
ZHABS LA GSOL BA 'DEBS, ,ZHES CI 'GRUB BZLAS LA, MJUG TU, ,DPAL
LDAN BLA MA'I RNAM PAR THAR PA LA, ,ZHES SOGS DANG, SKYE BA KUN
TU YANG DAG BLA MA ZHES SOGS BSDO SMON GYIS MTSAMS SBYAR CA'O,,

ZHES KUN MKHYEN BLA MA MCHOG GI 'KHRUNGS RABS DANG 'BREL BA'I
BLA MA'I RNAL 'BYOR 'DI NI, DAD BRTZON DANG LDAN PA DKON MCHOG
YAR 'PHEL GYIS 'DI LTA BU ZHIG DGOS ZHES BSKUL NGOR, 7 BTZUN PA
DKON MCHOG BSTAN PA'I SGRON MES BRIS BA'O,, ,,