*, ,GRUB DBANG MKHAS GRUB BSTAN 'DZIN PA'I ZHAL GDAMS KYI 'GREL
PA NYAMS LEN SNYING PO'I DON GSAL DANG, RJE BTZUN MI LA'I ZHAL
GDAMS KYI 'GREL PA GRUB PA'I DGONGS RGYAN BCAS BZHUGS SO, ,

@001 #, ,NA MO GU RU BHYA: RJE BTZUN DAM PA MKHAS PA DANG GRUB
PA ZUNG DU 'JUG PA'I SGO NAS LUNG RTOGS KYI BSTAN PA 'DZIN PA'I
SKYES BU MTSAN DANG DON MTHUN PA'I BDAG NYID CHEN PO 'DIS,

CHOS KYI SPYAN DANG LDAN PA SPRUL SKU DKON MCHOG DAM CHOS YAR
'PHEL LA GDAMS PA'I THA MA ZHAL CHEM DU STZAL BA NI, DMAN BA'I
SA ZUNGS, HRUL PO'I GOS GYON, ZAS GOS SROG 'TSO TZAM LA BRTEN,
RANG GI 'OG

NA 'GRO BA CHU LAS MED BA GYIS, YANG SO THAR 'DI BSTAN PA'I RTZA
BA YIN PAS 'DI LA GCES SPRAS NAN TAN ZHIG MDZOD, BYANG CHUB KYI
SEMS 'DI THUGS DAM GYI SNYING POR ZUNGS, SNGAGS KYI SDOM PA 'DI
KHE NYEN CHE BAS

BSGRIM PA GAL CHE, SNGA SOR BDE SKABS NGA RANG GNYIS YANG YANG
PHRAD TSE GDAMS NGAG MTSANG LA RGOL BA MANG DU SMRAS YOD PAS DUS
DANG DUS SU DRAN PAR MDZOD MDZOD CES PA STE, ZHAL GDAMS 'DI NI
SHIN TU SKABS DANG

'BYOR CING DON CHE BA ZHIG GO ,DE 'ANG RANG CAG THAR PA DON DU
GNYER BAR KHAS 'CHE BA LA, THAR PA'I PHYOGS SU BLO 'KHOR BA DGOS
TE, DON DU GNYER BYA 'KHOR BAS BSDUS PA KHO NA LA MNGON DU BLTAS
NA THAR PA LA

RGYAB KYIS PHYOGS PA YIN NO, ,'KHOR BA MTHA' DAG ME 'OBS LTAR
MTHONG STE, TSANGS PA DANG BRGYA BYIN GYI DPAL LA MA CHAGS PA
BYA BA NI, RTZVA RTZE'I ZIL PA LTA BU 'DI SNANG GI BDE 'BYOR
MNOG CHUNG 'DI TZAM LA ZHEN PA LAS

@002A #, ,'DAS PA BLO GONG MAR GYUR PA ZHIG GI GTAM YIN PAS,
RANG CAG LTA BU DE LA MA CHAGS PA LTA CI, CHAGS PA'I RNAM
DBYE'ANG CHER MI 'BYUNG NGO, ,DES NA SBRANG BUS DRI DANG, PHYE
MA LEB

KYIS GZUGS LTA BU GANG ZHIG GANG LA GNAS SKABS SU CHAGS PA DE
NAS BRTZAMS TE BZLOG DGOS PAS, RANG CAG LAS DANG PO PA RNAMS
CHOS SGRUB PA'I THOG MA NYID DU ZAS GOS GNAS MAL LA ZHEN PA 'DI
NYID GCOD

DGOS TE, DE'I PHYIR TSUL 'DI SEMS PA LA THOG MAR BLO SBYONG BA
CHOS KYI SGO 'BYED CES GSUGNS SO, ,DE LTAR 'THAD PA GANG LAS
SHES SHE NA, BLANG DOR GYI TSUL LA TSAD MA'I SKYES BU NYAG CIG
PUR GYUR PA

BCOM LDAN 'DAS NYID YIN LA, DES RJES SU BSTAN PA SDE SNOD GSUM
LAS SHES TE, 'DUL BA'I SKABS SU BSNYEN PAR RDZOGS NAS BSLAB PA
BRJOD PA'I THOG MA NYID DU, GZHI DANG MDO RTZA BAR, GNAS RNAMS

BRJOD PAR BYA'O ZHES GOS PHYAG DAR KHROD DANG, ZAS BSOD SNYOMS
TZAM LA BRTEN PA SOGS NI BSLAB PA MI NYAMS SHING 'PHEL BA'I GZHI
DANG RTEN DU GYUR PAS NA GNAS ZHES GSUNGS TE, DE LA GNAS NA LEGS

PAR GSUNG PA'I CHOS 'DUL BA LA RAB TU BYUNG BA DANG BSNYEN PAR
RDZOGS PA DGE SLONG GI DNGOS POR 'GYUR BAR BSHAD DO, ,ZAS GOS
DON DU GNYER BAS RIM PAS 'DOD PA CHE ZHING CHOG MI SHES PA DANG,
DES BSLAB

@002B PA LHOD PAR 'GYUR BA'I PHYIR, GOS DANG SMAN GYI BYIN RLABS
DANG RNAM BRTAG GI CHO GA LA SOGS PA THABS DU MAS 'GOG PAR MDZAD
DO, 'DOD BA BSOD NYAMS DANG, NGAL ZHING DU PA PA GNYIS KA'I
MTHA' SPANGS PA'I PHYIR RTZOL BA MED PAR RANG GI NGANG

GIS BYUNG BA LA GOS 'BUM RI BA SOGS GNANG YANG, DREGS PAR MI
'GYUR BA'I PHYIR MI RTAG PA DANG SKYO BA'I 'DU SHES KHO NAS
SPYOD PAR LONGS PA GZHIR GTOGS KYI TSE BSHAD PA BZHIN YIN BAS
RJE BLA MA'I RNAM THAR LAS KYANG 'BYUNG BA LTAR RO, ,SMAN

GYI GZHI LAS 'BYUNG BA DANG 'DRA BA LA SOGS PA RNAM PA BCUS SEMS
PAR GSUNGS PA'ANG GTZO BOR SRED PA 'GOG PA'I PHYIR YIN LA, DE'I
STOBS KYIS RGYAG PA LA SOGS PAS CHOS KYI LAM LAS GA-YENG BAR
'GYUR BA SDOM PA'I PHYIR YANG YIN TE

BSHES PA'I SPRINGS YIG BZHIN NO, ,DER MA ZAD BHIKshU ZHES PA
DRANG THAD DU SLONG MO PA'I MING YIN LA, DGE SLONG LA GCES PA'I
MDOR, DGE BA SLONG DANG ZAS SLONG DANG, ,ZHES SGRA 'JUG PA'I
RGYU MTSAN GSUNGS PAR BRTEN NAS LO TZ'A BA

RNAMS KYIS DGE ZHES PA BLA THABS SU BSNAN NAS DGE SLONG DU
BSGYUR BAR BU STON GYIS GSUNGS TE, YANG DAG PA'I DGE SLONG DU
'GYUR BA LA SROG 'TSO TZAM GYI 'TSO BAS CHOG SHES PA DE LTA BU
ZHIG DGOS SO, ,CHOS MNGON PA'I MDO LAS, DGE

SLONG SRED PA SKYE BA NA CHOS GOS KYI PHYIR DANG, BSOD SNYOMS
KYI PHYIR DANG, MAL CHA DANG STAN GYI PHYIR SKYE'O, ,GNAS PA NA
GNAS SO, ,MNGON PAR ZHEN PA NA MNGON PAR ZHEN TO, ,ZHES DANG,
RANG GI TSUL DANG LAS KYI MTHA' YONGS SU

@003A *, ,SPANGS SHING THAR PA DON DU GNYER BAR KHAS 'CHE BA'I
SLOB MA RNAMS LA TSUL DANG LAS GNYIS BCAS TE, 'PHAGS PA'I RIGS
GSUM GYIS NI TSUL BCAS SO, ,BZHI PAS NI LAS BCAS TE, KHYED TSUL
'DIS

LAS 'DI BYED NA RING POR MI THOGS PAR THAR PA THOB PAR 'GYUR RO,
,ZHES CHOS GOS DANG BSOD SNYOMS DANG, GNAS MAL NGAN NGON TZAM
GYIS CHOG SHES PA'I MA CHAGS PA 'PHAGS PA'I RIGS SU BSHAD PA NI,
DH'A TU DBYINGS SU BSGYUR BAS SEMS

KYI CHOS NYID LA 'DOD PA DBU MA PA LTA BU MIN GYI, RGYU LA RIGS
SU BYAS PA STE, MDZOD 'GREL LAS, 'DI DAG LAS 'PHAGS PA RNAMS
SKYE BAS NA 'PHAGS PA'I RIGS BZHI DAG STE, ZHES 'DOD CHUNG CHOG
SHES MED PAR THAR BA DON DU

GNYER BA MI 'BYUNG BAS, THAR PA'I LAM SNA ZIN PA DE LA LTOS SO,
,DE NAS MI NYAMS PAR 'PHEL BA'ANG SBYANGS PA'I YON TAN LA RAG
LAS SHING, SBYANGS PA'I YON TAN BSDUS PA'I SDOM YANG RIGS 'DI
DAG YIN TE, GANG SPEL LAS, SBYANGS

PA'I YON TAN LA GNAS PAS SGOM PA YONGS SU RDZOGS PAR 'GYUR LA,
SBYANGS PA'I YON TAN RNAMS KYANG 'PHAGS PA'I RIGS KYIS BSDUS SO,
,ZHES DANG, 'DOD ZHEN CHUNG BA DANG, CHOG SHES PA NI SBYANGS
PA'I YON TAN LA GNAS PA KHO NA

LA YOD KYI, GZHAN LAM YIN PAS, DE GNYIS KYIS RAB TU PHYE BA
'PHAGS PA'I RIGS RNAMS KYI SGO NAS BSTAN TO, ,GANG GIS 'TSO BA
DE NI TSUL TE, ZAS DANG SKOM DANG BGO BA LA SOGS BA'O, ,LAS KYI
MTHA' NI DE'I CHED KYI

@003B BZOL SOGS PA'I BYA BA'O, ,RNAM PA GCIG TU NA, TSUL NI
RGYAL BO LA BRTEN PA LA SOGS PA YIN LA, LAS KYI MTHA' NI RMO RKO
LA SOGS PA'O, ,ZHES RGYAL BO LA BRTEN PA SOGS KYI THABS DU MAS
ZAS NOR SGRUB BA 'KHOR BA PA'I TSUL DANG LAS KYI

MTHA' YIN BAS, THAR PA 'DOD NA DE LAS BZLOG STE 'DOD CHUNG CHOG
SHES KYI SGO NAS YANG DAG PA'I DON SEMS PAS, TSUL DANG LAS KYI
MTHA' SNGA MA LAS RNAM PA GZHAN DU GYUR PA DGOS SO, ,THOS SOGS
THAR BA'I LAS KYI MTHAR 'GYUR BA'ANG

'DOD CHUNG CHOG SHES KYI TSUL LA BRTEN NAS 'BYUNG BA'I PHYIR,
RTZA BAR, TSUL GNAS THOS DANG BSAM LDAN PA, ,ZHES PA'I DON, SLOB
DPON RGYAL BA'I SRAS KYIS, TSUL GNAS ZHES BYA BA RGYAS PAR
'BYUNG BA LA, TSUL NI TSUL KHRIMS

TE; DE NI 'DU 'DZI MED BA'I RGYU DANG, RNAM BAR MI GA-YENG BA'I
RGYU DANG, CHO GA PHUN SUM TSOGS PA'I RGYU YIN NO, ,BDEN BA
MTHONG BA DANG MTHUN PA'I ZHES BYA BA NI, THOS PA GANG ZHIG BDEN
PA MTHONG BA LA PHAN 'DOGS PAS THOS PA DE 'DZIN CING

'DON PAR BYED DO, ,ZHES RNYED BKUR SGRUB PA'I DON GYI THOS PA
LTA BU 'KHOR BA'I PHYOGS SU BSLAN ZHING BDEN PA MTHONG BA LA MI
PHAN PAS BKOL NAS GSUNGS TE, MDOR NA CHOS MNGON PA'I RNAM 'BYED
KYI SHES RAB KYANG ZAS GOS SOGS KYI

ZHEN PA SPONG BA LA THUG GO ,MDO SDE RNAMS SU PHYAG DAR KHROD
KYI GOS 'CHANG ZHING BYA BA LTA BU SHIN TU MANG LA, KHYAD PAR
THEG PA CHEN PO'I LAM GYI RTZA BA SEMS BSKYED 'CHAD BA'I SKABS
NYID DU, NYI KHRI LAS, 'DOD CHEN CHOG MI SHES

@004A *, ,PA SOGS KYI GNYEN POR SKYES BU CHEN PO'I RNAM RTOG
BDUN NAM BRGYAD GSUNGS BA'I DGOS PA 'PHAGS GROL GYIS, SEMS
BSKYED BA YONGS SU MI NYAMS PA'I CHOS CAN NYID SHES PAR BYA BA'I
DON DU YIN NO, ,DE YONGS

SU NYAMS PA'I RKYEN NI RNAM PA DGU STE, 'KHRIG PA'I 'DOD CHAGS
DANG, 'DOD PA CHE BA DANG, CHOG MI SHES PA DANG, 'DU 'DZI LA
MNGON PAR DGA' BA DANG, ZHES SOGS GSUNGS LA, DE'I RKYEN GYIS KHA
GSAG GZHOG SLONG THOB KYIS 'JAL

BA SOGS LOG PA'I 'TSO BA SNA TSOGS 'BYUNG TSUL KYANG RGYAS PAR
GSUNGS SO, ,DER DRANGS PA'I MDO LAS KYANG, CHOS 'DI NI 'DOD PA
CHUNG BA RNAMS KYI YIN GYI, 'DOD PA CHE BA RNAMS KYI MA YIN PA
DANG, CHOG SHES PA DANG RAB TU DBEN

BA DANG, ZHES BA NAS, SHES RAB DANG LDAN PA RNAMS KYI YIN GYI,
SHES RAB 'CHAL BA RNAMS KYI MA YIN, ZHES 'DOD CHUNG CHOG SHES
KHO NA CHOS KYI GZHIR GSUNGS LA, BZHI BA'I YONGS SBYONG DU, NAGS
GNAS 'DOD CHUNG CHOG SHES

DANG, ,SBYANG BA YANG DAG SDOM BSTEN DANG, ,ZHES PA'I DGONGS
BA'ANG RGYAN SNANG DU THEG PA CHEN PO'I THUN MONG MA YIN PA LA
SBYOR TSUL ZHIG MDZAD KYANG DNGOS ZIN LTAR DGON PAR GNAS SHING,
'DOD CHUNG CHOG SHES KYI SGO NAS SBYANGS

PA'I YON TAN LA SLOB PA'ANG SDUD DGOS PAR GSUNGS LA, SBYANGS
PA'I YON TAN GYI NGES TSIG KYANG GSER PHRENG LAS, BAL MA BSHIG
MA RMEL BAN SKUD BA MI RUNG LA, DE LAS BZLOG NA RUNG BA BZHIN
DU, BSOD SNYOMS CHOS GOS GNAS

@004B MAL LA CHAGS PA NA SEMS LAS SU MI RUNG LA, YON TAN 'DI DAG
GIS TSANGS SPYOD LA GNAS PAR BYA BA'I PHYIR SEMS LAS RUNG DU
SBYONG BAS SBYANGS PA'I YON TAN ZHES BYA'O, ,ZHES GSUNGS TE,
TSUL KHRIMS LA BRTEN NAS MDO SDE'I DON GYI TING NGE 'DZIN

BSKYED PA'I 'BREL BA'ANG 'DI YIN PAS SDE SNOD GSUM GYI DGONGS
PA'I MTHIL DU GRUB BO, ,CHOS KYI RTZA BAR GYUR PA DE DAG LA NGES
PA GTING TSUGS SHING GOMS PA NGANG DU GYUR PA NA, 'OG NA 'GRO BA
CHU LAS MED PAR BYAS TE KHENGS PA DOR NAS

DMAN PA'I SA BZUNG BAS GSHONG DMA' BAR CHU BO 'DU BA BZHIN CHOS
KYI SNOD DU 'GRO BAS, YON TAN GYI TSOGS LA BRTEN NAS KUN GYI BLA
MAR 'GYUR PA CHOS NYID DE, BUD BSNYEGS THOB GSUM DU GRAGS SO,
,DE NAS GANG LA SLOB PA'I CHOS KYI NGO

BO NYID NI SDOM PA GSUM STE, GANG ZHIG SRID BAR 'KHYAMS PA DANG
THAR BAR 'GRO BA PO NI YID KHO NA YIN LA, DE NYES BA'I LAM LAS
BZLOG STE 'DZIN BA NGES BA'I TSIG GI TSUL GYIS DHARMA STE CHOS
NI 'DI LAS GUD NA MED DO, ,DE LAS DANG PO SO

THAR NI BSTAN PA'I RTZA BA STE RNAM 'BYED LAS BSTAN PA DANG STON
PA GNYIS KA'I BDAG NYID DU GSUNGS LA, GZHIR BSTAN PA GNAS MI
GNAS LAS DANG NAN TAN BYED PA YOD MED KYIS 'JOG PAR GSUNGS SO,
,GZHUNG RANG LAS CHE BA'I KHA ZIN DBYUD

BA KHO NA MA YIN GYI, DUS KYI 'KHOR LO SOGS LAS BSTAN PA'I 'PHEL
'GRIB SO THAR KHO NA LA LTOS PAR GSUNGS PA DANG, DPUNG BZANG GI
RGYUD LAS SNGAGS PA KHYIM BAS KYANG RTAGS DANG CHO GA TZAM MA
GTOGS SO THAR BZHIN SLOB DGOS

@005A *, ,PAR GSUNGS PA SOGS MTHA' YAS SO, ,DE LTAR YON TAN
MTHONG NA CHA PHRA MO TZAM YANG RIS SU MI 'BOR BAR LEGS BAR
SBYANGS NAS BLANG BAR LA GCES SBRAS SU BYA BA 'BYUNG BAS LTUNG
BA'I SGO DANG PO

GNYIS KHEGS LA, DE NAS SBYIR DRAN SHES RGYUN DU BSTEN CING, BYE
BRAG NYON MONGS GANG CHE BA'I GNYEN PO BSTEN PA NAN TAN DU BYAS
PAS PHYI MA GNYIS KHEGS TE TSUL KHRIMS RNAM PAR DAG BAS THAR
PA'I RGYAL MTSAN TSUGS PAR 'GYUR

RO; ;DE LTA NA'ANG DRIN CAN GYI MA RNAMS YAL BAR 'DOR MI RIGS
PAS, DE'I DON MTHA' DAG BSGRUB PA'I THAMS CAD MKHYEN PA NYID DU
GZHOL BA BYANG CHUB KYI SEMS BSKYED DGOS TE, DES YONGS SU BZUNG
BA'I DGE BA RNAMS NI NAM MKHA' DANG

MNYAM PA DANG, NAM DU'ANG MI ZAD PAR 'GYUR BA BLO GROS MI ZAD
PAS BSTAN PA DANG ZHI BA LHA'I GZHUNG BZHIN YIN PAS, GANG LAS MI
'DA' BAR BYA BA DGE BA'I SBYOD BA MA LUS BA'I SNYING PO DAM PAR
GYUR PA YIN NO, ,'BROM STON 'DA' KHAR BO TO

BA LA SEMS BZANG PO GYIS BYA BA BZLAS TE GSUNGS LA, BKA' GDAMS
GONG MA RNAMS THUGS DAM 'PHEL MI 'PHEL KYANG 'DI'I SGO NAS BZHAG
GO ,SEMS 'DI DANG LDAN NA NYON MONGS BA'ANG LAM GYI GROGS SU
'GYUR BAS 'KHOR BA MI 'DOR BA'I RANG BZHIN ZHES

BSHAD LA, SPYOD BA LAS GA-YEL KYANG NYAN RANG ZIL GYIS GNON PA
BYAMS PA'I RNAM PAR THAR BA LAS 'BYUNG BAS, THAMS CAD KHA BSGYUR
BA PO NI RTEN DAM PA ZHES SEMS RIN PO CHE 'DI KHO NA YIN PAR
THEG BSDUS LAS BSHAD DO, ,SNYING STOBS DANG BRTZE BA CHAS

@005B LHAG PA, RANG GI NGOS NAS CI YANG BZOD KYANG, SEMS CAN
SGROL BA LA SHIN TU RINGS BAS TSE GCIG NYID DU SANGS RGYAS 'DOD
PAS NI SNGAGS LA SLOB PAR BYA DGOS LA, 'ON KYANG LCAGS SBUG TU
SBRUL BCUG PA 'DRA BAR ZANG THAL GNYIS

'BYUNG STE, DAM TSIG NYAMS PA RDO RJE'I DMYAL BAR 'TSED PAS NI
PHA ROL TU PHYIN PA'I BSKAL CHEN GRANGS MED GSUM GYI DUS LAS
KYANG BRGAL BAR 'GYUR RO, ,DAM TSIG RNAM BAR DAG NA DE NYID KHO
NA SGRUB PA YIN BAS SKYE BA 'DI'AM BCU

DRUG LAS MI 'GYANG BAR MCHOG 'GRUB PAR 'GYUR RO, ,DE LTA MOD
KYANG CHOS 'DI LA GSANG SNGAGS ZHES BYA LA, DA LTA TSONG 'DUS
KYI ZONG BZHIN GYUR TE CHOS KYIS RNYED PA BSGRUB PA NI LEGS PAR
MA RNYED PA YIN PAS, GTAN KYI KHE NYEN BSAMS TE

BSGRIM PAR BYA'O, ,DE DAG THAMS CAD MTHAR 'DON PA BLA MA'I GDAMS
NGAG MA BRJED PAR SEMS PA LA RAG LAS SHING, JO BO BKA' GDAMS PA
RNAMS BSHES GNYEN DANG GDAMS PA'I MCHOG MTSANG LA RGOL ZHING
MTSANG THOG TU 'BAB PAR GSUNGS TE,

THUB PAS KHYOD KYIS RGYU LAS NYON LA ZHUGS PAS SDUG BSNGAL 'DI
BYUNG ZHES PA'ANG MTSANG LA RGOL BA YIN PAS, NYAN PA POS KYANG
RGYAL BU ZLA BA'I SKYES RABS BZHIN, RANG GI RGYUD STENG NAS GO
BA RNYED BA DGOS SO, ,'BYOR BA'AM, RGUD PA'AM, BDE BA'AM,

SDUG BSNGAL BA'I TSE NYON MONGS CI RIGS SU 'BYUNG BAS, THAMS CAD
KYI TSE BLA MA'I GDAMS NGAG DRAN PA'I GNYEN POS SLEB PAR BYA
DGOS PA NI BSHAD PA MTHA' DAG GI SNYING PO MDOR BSDUS PA YIN NO,
,GDAMS PA'I MCHOD YON SDEB LEGS TSIG GI RNGA YAB RTZES, ,MNGON
PAR 'THOR@006A *, ,BAS 'PHRAL LA SIM PA MCHOG STER YANG, ,GZHUNG BRGYA'I
BCUD DANG LHAN CIG LHUG PAR BTUNG BA YIS, ,BLO GROS LUS RGYAS
THAR LAM BGROD PA'I MTHU LDAN SHOG ,ZHAL GDAMS DE NYID TSIGS
BCAD DU SPEL BA'I BSLAB BYA

RGYAS PA ZHIG DGOS TSUL SPRUL BA'I SKU RANG NAS BSKUL MA BYUNG
YANG, GO BA BOGS CHOD DU STER BA ZHIG DKA' BAR MTHONG STE,
7BTZUN PA DKON MCHOG BSTAN PA'I SGRON MES TSIG SBYOR SPANGS TE
DON 'GREL GYI TSUL DU DRAN

TSOD KYI THO TZAM 'PHRAL LA SUG BRIS SU BGYIS PA'O,, ` (,RJE
BTZUN MI LA'I ZHAL GDAMS KYI 'GREL PA GRUB PA'I DGONGS RGYAN
ZHES BYA BA BZHUGS SO,,) NGES 'BYUNG MTSAN GYIS SNANG SHAS DRA
BA BCAD, ,GNAS LUGS LTA

BAS SRID PA'I BTZON RA BSHIGS, ,RIN CHEN SEMS KYIS 'GRO BA'I
MGON GYUR PA, ,GRUB PA'I DPA' BO BZHAD PA'I RDO RJE RGYAL,
,'DREN PA GANG GIS STZAL BA YI, ,MAN NGAG STONG THUN RE RES
KYANG, ,SRID PA'I NAD BRGYA SEL

BA 'DI, ,CUNG ZAD 'GREL LA SPRO BA SKYES, ,DE YANG BYANG PHYOGS
KHA BA RI PA'I LJONGS 'DIR GRUB PA'I SKYES MCHOG JI SNYED CIG
BYON PA RNAMS KYI NANG NAS RGYAL MTSAN GYI TOG LTA BUR GYUR PA,
TSE GCIG NYID LA ZUNG 'JUG GI GO

'PHANG MNGON DU MDZAD PA'I RNAL 'BYOR GYI DBANG PHYUG RJE BTZUN
MI LA RAS PA DE NYID KYIS RANG GI THUGS SRAS ZLA BA LTA BU RAS
CHUNG RDO RJE GRAGS PA LA ZHAL CHEMS KYI TSUL DU GNANG BA NYAMS
LEN GYI GNAD MA TSANG BA MED PA'I GDAMS PA'I

@006B THA MA 'DI'I DON 'CHAD PA LA, BU SNYING DANG 'DRA BA'I RAS
CHUNG BA, ,KHA CHEMS GDAMS NGAG GLU 'DI NYON, ,ZHES PA BSHAD
PA'I SNGON 'GRO YIN ZHING GO SLA'O, ,GZHUNG DNGOS KYI DON LA
GNYIS, SRID PA'I SNANG SHAS LDOG PA'I TSUL DANG, DE JI LTAR

BZLOG PA'I THABS BSTAN PA'O, ,DANG PO LA SPYIR BSTAN PA DANG, SO
SOR BSHAD PA GNYIS, DANG PO NI, KHAMS GSUM 'KHOR BA'I RGYA
MTSON, ,SGYU LUS KYI PHUNG PO SDIG PO CHE, ,LTO GOS KYI ZHEN PA
BSGRUBS BSGRUBS NAS, ,'JIG RTEN

BYA BA THONGS DUS MED, ,'JIG RTEN BYA BA THONGS SHIG RAS CHUNG
BA, ,ZHES 'DOD KHAMS, GZUGS KHAMS, GZUGS MED KHAMS GSUM GYIS
BSDUS PA'I 'KHOR BA'I RGYA MTSO GTING MTHA' MED PA 'DIR THOG MA
MED PA NAS 'KHYAMS SHING

DE YANG BYED PA PO GZHAN YOD PA MA YIN PAR, RANG SEMS NYON MONGS
PA MA RIG PA DANG SRED SOGS KYI DBANG DU GYUR TE, NYE BAR BLANGS
PA'I SGYU LUS KYI PHUNG PO LA NGA'O SNYAM DU ZHEN PAS BDAG TU
BZUNG ZHING, DE'I STENG NAS RANG PHYOGS LA

CHAGS PA DANG, GZHAN PHYOGS LA SDANG BA SOGS NYES PA MTHA' DAG
SKYED PA'I GZHIR GYUR BA'I SDIG PO CHE DE NYID 'TSO SKYONG GI
DON DU LTO GOS SOGS KYIS MTSON PA'I THAG BCAS KYI BDE BA SNA
TSOGS PA ZHIG ZHEN PA DRAG PO'I SGO NAS

BSGRUBS BSGRUBS KYANG, BLANG DOR GYI GNAS LA RMONGS PA'I DBANG
GIS THABS PHYIN CI LOG TU GOL TE, BDE BAS PHONGS SHING SDUG
BSNGAL GYIS MNAR PA LAS, RANG GI 'DOD PA LTAR PHUN SUM TSOGS PA
THAMS CAD 'GRUB PA ZHIG NAM YANG MI

@007A *, ,'BYUNG BAR 'JIG RTEN GYI BYA BA BLOS THONGS DUS MED PA
'DI BYUNG PA YIN, DES NA NGES PAR GTAN GYI BDE BA ZHIG 'DOD NA,
KHAMS GSUM 'KHOR BAR GTOGS PA'I 'JIG RTEN GYI BYA BA MTHA' DAG

SOG MA'I KHRES PO PHON THAG CHAD PA BZHIN GANG LA YANG ZHEN PA
MED PAR BLOS THONGS SHIG ,CES RAS CHUNG RDO RJE GRAGS PA SOGS
SKAL LDAN GYI SLOB MA RNAMS LA RJES SU GDAMS PA YIN NO, ,GNYIS
PA SNANG SHAS LDOG TSUL SO SOR

BSHAD PA LA, TSE 'DI'I DBANG DU BYAS PA, 'CHI KHA'I DBANG DU
BYAS PA, BAR DO'I DBANG DU BYAS PA, 'JIG RTEN PHYI MA'I DBANG DU
BYAS PA BZHI, DANG PO NI, SGYU MA LUS KYI GRONG KHYER NA, ,RANG
SEMS DNGOS MED SDIG PO CHE, ,LUS SHA

KHRAG GI RJES SU 'BRANGS 'BRANGS NAS, ,CHOS NYID DON LA RTOGS
DUS MED, ,SEMS NYID BRDAR SHA CHOD CIG RAS CHUNG BA, ,ZHES
GSUNGS, DE YANG SGYU MA LUS KYI GRONG KHYER TSONG 'DUS KYI MGRON
KHANG LTA BU 'DIR RANG SEMS KYI KHYE'U

GAR 'GRO GTOL MED CING, LAS KYI RLUNG GIS BDAS TE YUD TZAM ZHIG
GNAS PA'I SKABS 'DIR, SEMS RANG NYID DBYIBS GZUGS SOGS KYI DNGOS
POR MED PAS, TSA GRANG BKRES SKOM SOGS KYIS PHAN GNOD GANG YANG
MI 'BYUNG YANG,

GNAS SKABS KYI LUS GA-YAR BO LTA BU LA GTAN DU BAR 'KHRUL BA'I
SDIG PO CHE 'DIS, LUS SHA KHRAG GI PHUNG PO MI RING BAR 'DOR
DGOS PA 'DI NYID LA ZHEN PAS RJES SU 'BRANGS 'BRANGS NAS, DE'I
'TSO SKYONG GIS GA-YENG STE, SEMS RANG GI

@007B CHOS NYID GNYUG MA'I DON LA RTOGS DUS NAM YANG MED PA ZHIG
'BYUNG BAS, PHYI LUS KYI GAD DAR LA MI GA-YENG BAR, NANG SEMS
KYI BRDAR SHA CHOD CIG ,CES BA'O, ,GNYIS PA 'CHI BA'I DBANG DU
BYAS PA NI, BEM RIG GNYIS KYI SO MTSAMS

NA; ;RANG BYUNG YE SHES SDIG PO CHE, ,GLO BUR GYI RKYEN KHA
'GRIMS 'GRIMS NAS, ,SKYE MED KYI DON LA RTOGS DUS MED, ,SKYE MED
BTZAN SA ZUNGS SHIG RAS CHUNG BA, ,ZHES GSUNGS, DE YANG NAM ZHIG
LAS KYI 'PHEN PA RDZOGS TE,

BEM RIG GNYIS KYI RTEN DANG BRTEN BA'I 'BREL BA 'CHAD PAR NYE
BA'I SO MTSAMS 'CHI SRID PHRA MO'I DUS NA RANG BYUNG YE SHES
GNYUG MA 'OD GSAL GYI SEMS NYID MNGON DU GYUR KYANG, DE'I NGO BO
NGOS MA ZIN PAR SRID PA'I BAG CHAGS YANG

NAS YANG DU GOMS PA'I SDIG PO CHE DE NYID, SLAR YANG KUN RTOG
GA-YO BA'I RLUNG GIS BSKUL TE, GLO BUR GYI RKYEN KHA PHYIN CI
LOG GI 'KHRUL SNANG SNA TSOGS PA ZHIG 'GRIMS 'GRIMS NAS, SRID PA
GZHAN DU MTSAMS SBYOR BA MA GTOGS

SKYE MED 'OD GSAL GYI DON LA RTOGS DUS MED PAS, DES NA SKYE MED
'OD GSAL CHOS KYI SKU DE NYID LA CHOS SKUR NGO SHES PA'I SGO
NAS, MA DAG PA'I SRID PA GZHAN DU MTSAMS MI SBYOR BA'I BTZAN SA
ZUNGS SHIG ,CES PA'O, ,GSUM PA

BAR DO'I DBANG DU BYAS PA NI, TSE 'DI PHYI GNYIS KYI SO MTSAMS
NA, ,BAR DO'I RNAM SHES SDIG PO CHE, ,LUS MED LUS DANG 'GROGS
'GROGS NAS, ,GNAS LUGS DON LA RTOGS DUS MED, ,GNAS LUGS GTAN LA
PHOB CIGS RAS

@008A *, ,CHUNG BA, ,ZHES GSUNGS, DE YANG TSE 'DI'I SNANG BA
'GAGS SHING, PHYI MA MA RNYED PAS, DE GNYIS KYI SO MTSAMS NA BAR
DO'I RNAM PAR SHES PA 'KHRUL SNANG SNA TSOGS KYI RJES SU 'BRANGS
PA'I SDIG PO CHE, RAGS

PA'I LUS MED CING PHRA BA RLUNG GI RANG BZHIN GYI LUS DANG
'GROGS 'GROGS NAS, SKYE BA'I SRID PA TSOL BA'I PHYIR KUN TU
'KHYAMS TE GNAS LUGS KYI DON LA RTOGS DUS MED PAS, DES NA BAR
DOL BAR DO'I NGO SHES PAR BYAS TE, 'KHRUL SNANG ZA ZI'I RJES

SU MI 'BRANG BAR GANG SNANG THAMS CAD BAR DO DANG RMI LAM GYI
SNANG BA LTA BUR BLTAS NAS GNAS LUGS KYI DON GTAN LA PHOB CIG
,CES PA'O, ,BZHI BA 'JIG RTEN PHYI MA'I DBANG DU BYAS PA NI,
RIGS DRUG 'KHRUL BA'I GRONG KHYER NA, ,LAS NGAN SDIG SGRIB

TSAN PO CHE, ,CHAGS SDANG RJES SU 'BRANGS 'BRANGS NAS, ,MNYAM PA
NYID LA RTOGS DUS MED, ,CHAGS SDANG SPONGS SHIG RAS CHUNG BA,
,ZHES GSUNGS, DE YANG RIGS DRUG GI SKYE GNAS TSA GRANG BKRES
SKOM GCIG LA GCIG ZA, SKYE RGAN 'CHI

SOGS SDUG BSNGAL MTHA' YAS PA BRGYUD MA NAS BRGYUD MAR 'BAB PA
'KHRUL PA'I GRONG KHYER GSHIN RJE'I BTZON RA LTA BUR SHIN TU
NYAM THAG PA YANG, RGYU MED DANG MI MTHUN PA'I RGYU LAS BYUNG BA
MA YIN PAR, RANG GI SKYE BA SNGA MA RNAMS SU LAS

NGAN SDIG SGRIB TSAN PO CHE BSAGS PA DE'I RANG MDANGS KHO NA YIN
ZHING, DE YANG RTZA BA CHAGS SDANG GI RTOG PA NGAN PA'I RJES SU
'BRANGS 'BRANGS BA DE NYID KYIS LAN PA YIN PAS, SLAN CHAD KYANG
SRID PA'I SDUG BSNGAL DRUNGS 'BYIN PA LA, RANG

@008B GZHAN 'KHOR 'DAS MTHA' DAG CHOS KYI DBYINGS SU MNYAM PA
NYID DU RTOGS DGOS LA, CHAGS SDANG GI RTOG PA KHA YAN DU BTANG
NA MNYAM PA NYID KYI DON DE RTOGS DUS MED PAS CHAGS SDANG SPONGS
SHIG ,CES PA'O, ,GNYIS PA SNANG SHAS

BZLOG PA'I THABS BSTAN PA LA, MTSAN GZHI NGOS BZUNG BA DANG, DE
JI LTAR LAG TU LEN PA'I TSUL, DON BSDUS TE NYAMS SU LEN BAR
GDAMS PA GSUM, DANG PO NI, MI MNGON NAM MKHA'I DBYINGS SHIG NA,
,RDZOGS PA'I SANGS RGYAS ZHAL RDZU NA

MKHAN, ,DRANG DON GYI BSLU BRID GSUNGS GSUNGS NAS, ,NGES PA'I
DON LA RTOGS DUS MED, ,THA SNYAD SPONGS SHIG RAS CHUNG BA, ,ZHES
GSUNGS, DE YANG DA LTA'I GDUL BYA PHAL PA RNAMS KYIS MTHONG BA'I
YUL DU MI MNGON PAR, NAM

MKHA' LTA BU'I CHOS KYI SKU'I DBYINGS SU ZHI BAR GSHEGS PA'I
TSUL BSTAN PA'I YANG DAG PAR RDZOGS PA'I SANGS RGYAS, DGONGS PA
MTHAR THUG SPROS BRAL PHYAG RGYA CHEN PO'I GNAD KHO NAR 'BAB
KYANG, ZHAL NAS RDZUN PA STE DRANG DON GYI MDO SDE SNA

TSOGS STON MKHAN THUB PA'I DBANG PO DE NYID KYIS GDUL BYA SO
SO'I SKAL PA'I DBANG GIS GANG ZAG GI BDAG YOD PA SOGS DRANG DON
GYI RNAM GZHAG DNGOS ZIN GYI DON BRJOD PA LTAR DU MA GRUB PA'I
BSLU BRID LTA BU MANG PO ZHIG GSUNGS GSUNGS

PA DE DAG KYANG, DGONGS GZHI DANG DGOS PA'I DBANG GIS YIN TSUL
MA SHES PAR GSUNGS TSAD SGRA JI BZHIN DU BZUNG NA NGES PA'I DON
LA RTOGS DUS MED PAS, SHING RTA CHEN PO RNAMS DANG, GRUB PA'I
DBANG PHYUG GONG MA RNAMS KYIS RGYAL BA'I

@009A *, ,DGONGS PA JI LTAR BKRAL BA'I RJES SU 'BRANGS TE, THUB
PA'I DBANG PO'I DGONGS PA MTHAR THUG TU MA SON PA'I THA SNYAD
DAM, DRANG DON GYI BSHAD TSUL RNAMS LA MCHOG TU ZHEN PA SPONG
BAR GYIS LA

GNAS LUGS PHYAG RGYA CHEN PO SGOMS SHIG ,CES PA'O, ,GNYIS PA DE
NYID JI LTAR LAG TU LEN PA'I TSUL NI, BLA MA YI DAM MKHA' 'GRO
GSUM, ,GCIG TU DRIL LA GSOL BA THOB, ,LTA BA SGOM PA SPYOD PA
GSUM, ,

GCIG TU DRIL LA NYAMS SU LONGS, ,TSE 'DI DANG PHYI MA BAR DO
GSUM, ,GCIG TU DRIL LA 'DRIS SU CHUGS, ,ZHES GSUNGS, DE YANG
SPROS BRAL DE BZHIN NYID KYI DON BSGOM PA NA, RGYU TSOGS GZHAN
RNAMS MA TSANG BAR LTA BA

GCIG PU BSKYANGS PAS GAR YANG MI PHYIN PAS, RGYU TSOGS BSAGS
SGRIB SBYONG DANG, DNGOS GZHI'I TSE NA THABS SHES KHYAD PAR CAN
PHAN TSUN GCIG GIS GCIG RTZIS ZIN PA'I TSOGS GNYIS YA MA BRAL
BA, KHYAD PAR DU GDUL

BYA BLO MCHOG TU GYUR BA RNAMS ZAB MO'I LTA BA DE NYID DANG,
GSANG CHEN RDO RJE THEG PA ZUNG DU 'JUG PAR BYAS TE NYAMS SU LEN
SHES PA DGOS SO, ,TSOGS BSAGS PA'I ZHING MANG DU YOD KYANG GONG
NA MED PA NI MCHOG GSUM

KUN 'DUS KYI NGO BO BLA MA YIN PAS, ,DE LAS LOGS SU SKYABS GZHAN
MI 'TSOL BAR, DE NYID BLA MA YI DAM MKHA' 'GRO GSUM GA GCIG TU
DRIL BA'I NGO BOR BLTAS TE MCHOD CING GSOL BA 'DEBS PA NI, TSOGS
GSOG

@009B PA DANG BYIN RLABS 'JUG PA'I SGO KHYAD PAR DU 'PHAGS PA
YIN NO, ,DNGOS GZHI LTA BA SKYONG BA'I TSE NA YANG GNAS LUGS KYI
DON LA DRI MA MED PA'I RIGS PAS DPYOD PA'I YANG DAG PA'I LTA BA
DANG, ZHI LHAG ZUNG DU 'JUG PA'I SGOM

PA GNYIS CHA GANG LTA BUR MA SONG BAR, LTA THOG NAS SGOM TSOL
ZHING, SGOM THOG NAS LTA BA TSOL BA DANG, KHYAD PAR DU LTA BA'I
GO BA DE NYID KYIS LAS 'BRAS BCINGS GROL GYI RNAM GZHAG SO GSAL
NGES PA JI BRTEN DU 'GRO BAS, LTA

SGOM SPYOD PA GSUM KA'I GCIG NYAMS SU BLANGS PA'I KHONGS SU GSUM
GA TSANG BAR 'DU BA DE LTA BU'I TSUL GYIS GCIG TU DRIL LA NYAMS
SU LONGS SHIG ,CES PA YIN NO, ,KHYAD PAR DU GSANG SNGAGS KYI
THABS MKHAS DANG

'BREL BA'I TSUL NI, LTA BA SKYONG BA NA MDO LUGS KYI SKYONG TSUL
DE TZAM MA YIN PAR, MA DAG PA'I SNOD BCUD KYI SNANG BA MTHA' DAG
BSDUS TE, 'OD GSAL GNYUG MA'I SEMS MNGON DU BYAS PA DE'I STENG
NAS LTA BA BSGOMS TE

'CHI BA CHOS SKU'I LAM 'KHYER DANG, DE'I NGANG NAS SNGON GYI
SMON LAM GYI MTHUS PAR DO LONGS SKU DANG SKYE BA SPRUL SKUR
BZHENGS PA SOGS SKU GSUM LAM 'KHYER BSKYED RIM PA'I MOS NGO TZAM
DANG, RDZOGS RIM GYI TSE DPE DANG DON GYI

'OD GSAL LAS DAG MA DAG GI SGYU MA'I SKUR DNGOS SU BZHENGS PA
DANG, MTHAR THUG GI TSE NA DAG PA GNYIS LDAN GYI 'OD GSAL CHOS
SKU'I DBYINGS LAS KHA SBYOR YAN LAG BDUN LDAN GYI LONGS SPYOD
RDZOGS PA'I SKUR BZHENGS TE SPRUL SKU

@010A *, ,BYE BA THER 'BUM 'GYED PA 'BYUNG LA, MA 'ONGS PA NA
'BYUNG 'GYUR DE THAMS CAD 'BRAS BU LAM GYI TSUL DU TSE 'DI RANG
NAS SAD RMI KUN DANG SBYAR TE SGOM TSUL BSRE BSKOR DGU'I MAN
NGAG BZHIN YIN PAS,

TSE 'DI DANG PHYI MA BAR DO GSUM GCIG TU DRIL TE GZHI'I SKU GSUM
LAM GYI SKU GSUM DU SGYUR BA'I DMIGS PA SKYONG TSUL GYI GNAD ZAB
MO 'DI LA DA LTA NAS BLO LEGS PAR 'DRIS SU CHUGS SHIG ,CES
BA'O,, ,,

GSUM PA MJUG BSDUS TE NYAMS SU LEN PAR GDAMS PA NI, DE GDAMS
NGAG KUN GYI THA MA YIN, ,KHA CHEMS KUN GYI MJUG MA YIN, ,DON DE
LAS MED DO RAS CHUNG BA, ,DE NYAMS SU LONGS SHIG PHA YI BU,
,ZHES

GSUNGS, DE YANG 'DIR SMOS PA'I ZHAL GDAMS KYI RIM PA DE DAG NI,
RJE BTZUN NYID KYIS SLOB MA SNOD LDAN MANG PO LA SKU TSE HRIL
POR ZAB RGYAS KYI GDAMS NGAG MANG DU STZAL BA KUN GYI THA MA YIN
LA, SKU MYA NGAN LAS

'DA' KHAR BU CHEN SO SO LA 'JIG RTEN LUGS KYI KHA CHEMS LTA BU
MANG DU STZAL BA KUN GYI YANG MJUG MA YIN ZHING, MDO RGYUD KYI
BSHAD PA'I RNAM GRANGS MANG NA YANG, DON GYI GNAD 'BABS DE LAS
LHAG PA PHA RGAN MI

LA RAS PA BDAG LA STON RGYU MED DO, ,BU RAS CHUNG BA KHYOD KYIS
KYANG DE NYAMS SU LONGS LA PHA RJES BU YIS ZIN PA GYIS SHIG CES
NYE BA'I TSIG GIS GDAMS PA YIN NO, ,SMRAS PA, DON ZAB SBRANG
RTZI'I BCUD LDAN PA KU

@010B LA; ;RNAM 'GREL BDUD RTZI'I GZEG MAS PHYE BA 'DI, ,SKAL
BZANG LHA BRGYA'I ZUR PHUD DANG 'GROGS TE, ,GRUB PA'I DGA' TSAL
MDZES PA'I RGYAN GYUR CIG, (,,CES PA 'DI NI DAD BRTZON BLO DANG
LDAN PA DKON

MCHOG RAB RGYAS KYIS BSKUL NGOR, 7BTZUN PA DKON MCHOG BSTAN PA'I
SGRON MES DBEN GNAS YID DGA' CHOS 'DZIN DU SBYAR BA'O,, ,,)