@001A *, ,TSE GCIG GI NYAMS LEN BYA TSUL RNAMS KHRIG CHAGS SU BSDEBS PA CHOS SPYOD GSAL BA'I SGRON ME ZHES BYA BA BZHUGS SO, , @001B #, ,NA MO GU RU MU NI AINDRA YA, MTHA' YAS 'GRO 'DI JI LTAR DRANGS BYA ZHES, ,BSKAL PA DU MAR RAB DGONGS PHAN PA'I LAM, ,BRTZE BAS 'DOMS MDZAD LHA MI'I STON PA MCHOG ,SH'AKYA SENG BRGYUD PAR BCAS LA SPYI POS 'DUD, ,RGYAL BSTAN MING GI LHAG MAR GYUR BA NA, ,RGYAL BA DGYES PA'I LAM BZANG MA LUS PA, ,RGYAL BA'I DGONGS PA JI BZHIN GSAL MDZAD PA'I, , RGYAL BA GNYIS PA YAB SRAS GTZUG NA MDZES, ,GANG GI THUGS RJE'I ZLA ZER GYIS, ,BDAG BLO'I KU MUD KHA 'BYED PA, ,YAB RJE 'JIGS MED DBANG PO YIS, ,'BRAL MED BYANG CHUB BAR DU SKYONGS, ,GANG DAG THOS PA'I BLO MIG RAB GSAL ZHING, ,NGES 'BYUNG BRTZON PA'I LCAG GI BSKUL MA CAN, ,RNAM GROL DON GNYER SKAL BZANG SKYE BO YIS, ,CHOS SPYOD BYA BA'I RIM PA 'DIR BSHAD BYA, ,DE YANG SKYE DGU'I PHAN@002A #, ,BDE'I RTZA BA NI RGYAL BA'I BSTAN PA NYAG CIG YIN KYANG, DA LTA CHES NYAG PHRA BAR GYUR TE, GSUNG RAB KYI DON LA TSIG SPYI TZAM GYI GO BA CHAGS PA'ANG SHIN TU DKON LA, , THOS DON SGRUB LA GZHOL BA NI NYIN MO'I SKAR MA LTAR GYUR CING, CUNG ZAD SGRUB PA LA 'JUG BAR 'DOD PA DAG KYANG GDAMS PA'I GNAD NGOS MA ZIN PAR RANG GI NAD GDON ZHI BA DANG GZHAN GYIS NUS LDAN DU MTHONG BA TZAM ZHIG GI PHYIR SNGAGS KYI GRANGS GSOG BA TZAM LA NYAMS LEN ZAB MOR 'KHRUL NAS SHES RGYUD LA LTA BA'I GO YUL TZAM YANG MED PA DANG, LA LA YUL PHYOGS MANG PO ZHIG BSKOR BA LA TSE BLOS BTANG BAR RLOM PA LTA BU'I DBANG GIS MDO RGYUD BSTAN BCOS DANG MTHUN PA'I NYAMS LEN SNA GCIG KYANG MED LA, NYES LTUNG GI SGO RE RE TZAM YANG MI KHEGS PAR CHOS PA'I GZUGS KYIS CHOS MIN KHO NA'I NGANG LA @002B MI TSE 'DA' BA MANG BAR SNANG BAS, BLO GROS DANG LDAN PA RNAMS KYIS DE LTA BU'I SKYON MTHA' DAG RING DU DOR TE TSE GCIG GI NYAMS LEN, NYIN ZHAG PHRUGS GCIG LA BSDUS PA 'DI LTAR NYAMS SU BLANGS PAR BYA'O, , DE YANG GSANG SNGAGS ZAB MO'I NYAMS LEN SKYONG BA RNAMS DANG POR BZHENGS PA'I TSE YANG ZHU BA GLU SA BSKUL TE CHOS SKU BDE BA CHEN PO'I NGANG LAS GZUGS SKUR BZHENGS PA SOGS KYI RNAL 'BYOR RANG GI GZHUNG LAS 'BYUNG BA LTAR BYA LA, RGYUN PAR YANG NAM GYI SUM CHA LUS PA'I TSOD TZAM LA BZHENGS TE, NYAL STABS SU MI GNAS PAR RIG PA HUR BSKYED DE GNYID LEGS PAR DVANGS SU BCUG ,GA RE MA DANG MA SHI PAR DA NANG LANG RGYU BYUNG BA 'DI BLA MA LHA'I BKA' DRIN YIN, DA SPYIR MA SHI TSUN DANG KHYAD PAR DE RING GI NYI MA 'DI CHUD ZOS SU MI GTONG BAR BCAS RANG GI NYES BSAM GOS PA'I NGANG NAS ZAB RGYAS KYI NYAMS LEN LA 'BAD DE DAL 'BYOR THOB PA DON DANG LDAN PA ZHIG BYA DGOS SNYAM DU 'PHEN PA GTONG, AOm SAMBHA RA SAMBHAR, BIM NAS RA MAH'A DZA BA H'Um, AOm SMAR SMAR BIM NA SKAR MAH'A DZA BA H'Um, ZHES PA'I 'GYUR SNGAGS LAN BDUN BRJOD, AOm RU TZI RA MA nI BRA WARTA YA H'Um, ZHES PHRENG SNGAGS LAN BDUN BZLAS TE PHRENG BA LA BTAB, DE NAS NGAG BYIN GYIS BRLAB PA NI, RANG NYID RDO RJE SEMS DPAR GYUR, RANG GI LCE'I STENG DU A'A:LAS ZLA BA'I DKYIL @003A *, ,'KHOR NYA GANG BA, DE'I DBUS SU CHU LAS CHU BUR RDOL BA'I TSUL DU AOm YIG DKAR PO ZHIG THOL GYIS BYUNG, DE'I MTHA' SKOR DU MDUN NAS BRTZAMS TE GA-YAS SKOR DU, AOm AA A'A ZHES PA NAS AA AA:SV'AH'A, ZHES PA'I BAR GYI A'A LI TSAR GCIG GIS BSKOR BA KHA DOG DKAR PO, DE'I PHYIR KA KHA GA GHANG, ZHES PA NAS KshA SV'A H'A'I BAR GYI K'A LI KHA DOG DMAR PO GA-YON SKOR DU GNAS PA, SNGAGS PHRENG DE GNYIS KYI PHYI ROL TU, YE DHARM'A HE TU ZHES PA NAS SHRA MA nA:YE SV'AH'A, ZHES PAS GA-YAS SKOR DU BSKOR BA, KHA DOG SNGON PO DVANGS SHING GSAL BA 'OD KYI RANG BZHIN CAN ZHIG GSAL GDAB, DE NAS RANG GI YI DAM GYI LHA GANG YIN DE'I SNYING PO DANG, RTEN 'BREL DBYANGS GSAL DANG BCAS PA LAN BDUN NAM, GSUM MAM, NYER GCIG GANG RUNG BRJOD PA DANG DUS MNYAM DU, SNGAGS PHRENG GSUM AOm DANG BCAS PA LAS 'OD ZER 'PHROS PAS PHYOGS BCU'I RGYAL BA SRAS DANG BCAS PA THAMS CAD A'A LI K'A LI DANG RTEN 'BREL SNYING PO'I RNAM PA CAN DPAG TU MED PA BKUG NAS AOm SNGAGS PHRENG DANG BCAS PA LA BSTIM, DE BZHIN DU 'JIG RTEN DANG 'JIG RTEN LAS 'DAS PA'I PHUN SUM TSOGS PA THAMS CAD RGYAL SRID SNA BDUN BKRA SHIS RTAGS BRGYAD LA SOGS PA'I RNAM PA DANG, GZHAN YANG DRANG SRONG BDEN TSIG GRUB PA DANG, GRUB PA THOB PA'I RNAL 'BYOR PA RNAMS @003B KYI NGAG NUS BYIN RLABS THAMS CAD DBYABS GSAL DANG RTEN 'BREL SNYING PO'I RNAM PAR BKUG NAS SNGAGS 'PHRENG 'OD DANG BCAS PA LA THIM PAS, BYIN RLABS NUS MTHU THAMS CAD GCIG TU BSDUS PA'I BDAG NYID CAN DU MOS PA'I MTHAR, AOm YIG LAS 'OD ZER 'PHROS, RTEN 'BREL SNYING PO DBYANGS GSAL DANG BCAS PA LA PHOG PAS, DE RNAMS 'OD DANG BDUD RTZI'I RANG BZHIN DU LTEM GYIS ZHU BA AOm LA THIM, AOm YANG 'OD DANG BDUD RTZI'I RANG BZHIN DU ZHU BA ZLA BA'I DKYIL 'KHOR LA THIM, ZLA BA'I DKYIL 'KHOR DE NYID 'OD DU ZHU BA AAR GYUR, AA DE YANG BDUD RTZI DKAR DMAR GYI RNAM PAR RANG GI LCE LA THIM PAS, LCE RDO RJE'I RANG BZHIN DU GYUR CING, RGYAL BA SRAS BCAS THAMS CAD DANG DRANG SRONG GRUB PA THOB PA RNAMS KYI NGAG NUS THAMS CAD RANG GI NGAG LA ZHUGS PAS, NGAG NUS PA PHUN SUM TSOGS PA DANG LDAN PAR BYIN GYIS BRLABS PAR GYUR PAR BSAM, DE RJES DAL 'BYOR DON CHE RNYED DKA', 'CHI BA MI RTAG PA, LAS DANG 'BRAS BU'I GNAS TSUL, 'KHOR BA SPYI DANG BYE BRAG GI SDUG BSNGAL DRAG TU BSAMS NAS, RANG NYAMS LA DPAG STE MAR GYUR SEMS CAN THAMS CAD LA BYAMS PA DANG SNYING RJES KUN NAS BSLANGS PA'I BYANG CHUB KYI SEMS KYIS SKYABS 'GRO SEMS BSKYED TSAD MED BZHIN RNAMS KHA TZAM TSIG TZAM MA YIN PAR RANG RGYUD DANG 'DRES NGES RGYUN RING LA SHUGS DRAG PA BSGOM BZHIN PAS SKYABS 'GRO BYA, DE NAS TSIG DON RNAMS DRAN BZHIN DU BLA MA MCHOD PA'I CHO GA BYAS PAS THUN DRUG GI RNAL 'BYOR KYANG DER 'THUS SHING LAM GYI @004A *, ,LUS YONGS RDZOGS LA SHAR SGOM KYANG DE'I SGO NAS NAN TAN TU BYA, DE NAS RANG GI BLA MA'AM BSTAN 'DZIN GYI SKYES BU RNAMS ZHABS PAD BRTAN PA'I PHYIR DU TSE LHA CI RIGS PA'I BZLAS PA CUNG ZAD BYAS NA RANG GI TSE SGRUB LA YANG DE LAS LHAG PA MED PAR GSUNGS, DE NAS NAM LANGS PA DANG LHA LA DBANG BSKUR BA LTAR KHRUS CHAB BLANGS LA, 'BRAL SPANGS THUB DBANG GI SKU'I MDUN DU PHYAG GSUM BYAS NAS 'GRENG STE 'DUD PA DANG BCAS PAS, STON PA THUGS RJE CHEN PO DANG LDAN PA BDAG LA DGONGS SU GSOL, DE RING GI GNAS SKABS SU, CHOS LDAN GYI BYA BA DANG GZHAN GYI DON DU GLU GAR DANG ROL MO LA SOGS PA BYED DAM BYED DU GZHUG PA DANG, ME LA REG PA DANG, REG TU GZHUG PA DANG, RIN PO CHE LA REG PA DANG, REG TU GZHUG PA DANG, SA BON BCOM PA DANG, BCOM DU GZHUG PA DANG, SKYES PA GCOD PA DANG, GCOD DU GZHUG PA DANG, LAG NYA DANG, MTSAMS BTZOS DANG, ZHAG LON DANG, RJEN BTZOS DANG, GSOG 'JOG BYAS PA ZA BA DANG, BYIN LEN MA BYAS PAR ZA BA DANG, BSNYEN PAR MA RDZOGS PA DANG LHAN CIG TU 'DON PA LA SOGS PA, MDOR NA DGE SLONG GI KHRIMS NYIS BRGYA LNGA BCU RTZA GSUM LAS, DUS DRAN BSTEN DU RUNG BA RNAMS LA STON PA THUGS RJE CAN GYIS GNANG BA MDZAD DU GSOL, ZHES DUS DRAN BSTEN, LTUNG BSHAGS KYI LHA SO LNGA SOGS SANGS RGYAS RNAMS DANG, BYANG CHUB SEMS DPA' NAM MKHA'I SNYING PO SOGS RGYAL SRAS KYI TSOGS, GZHAN YANG @004B SKYABS YUL DPAG TU MED PA RNAMS YID KYIS BSAMS TE, AOm NA MO MANYDZU SHRI YE, NA MA: SU SHRI YE, NA MO AUTTAM SHRI YE SV'AH'A, ZHES PHYAG STONG 'GYUR GYI SNGAGS DANG SBRAGS PAS BRKYANG PHYAG GSUM GYIS THOG DRANGS LTUNG BSHAGS GCIG GAM, GSUM LA SOGS PA'I SGOS PHYAG 'TSAL, DE NAS, NA MO RATNA TRA Y'A YA, AOm NA MO BHA GA WA TE, BADZRA S'A RA PRA MARDA NE, TA TH'A GA T'A YA, AARHA TE SAMYAKsAm PUD DH'A YA, TADYA TH'A, AOm BADZRE BADZRE, MAH'A TE DZA BADZRE, MAH'A BIDYA BADZRE, MAH'A BO DHI TZITTA BADZRE, MAH'A BO DHI MAndO PA SAm KRA MA nA BADZRE, SARBA KARMA A'A WAR nA BI SHO DHA NA BADZRE SV'AH'A, ZHES MCHOD PA'I SPRIN GYI GZUNGS BRJOD BZHIN DU, CHU GTZANG SOGS KYIS MCHOD PA DBUL, ME TOG 'BUL RGYU YOD NA, AOm NA MO BHA GA WA TE PUshPE KE TU R'A DZ'A YA, TA TH'A GA T'A YA, ARHA TE SAMYAKsAm BUD DH'A YA, TADYA TH'A, AOm PUshPE PUshPE SV'AH'A, PUshPE SU PUshPE, SU PUshPE AUD BHA WE, PUshPE AA WA KA RI nE SV'AH'A, ZHES PA BRJOD CING SNGAGS 'DI LAN BDUN BZLAS TE MAndAL GYI 'BRUL BTAB NA YANG BYE BAR 'GYUR BAR GSUNGS, DE NAS STAN LA 'KHOD DE THUN DRUG GI RNAL 'BYOR SKYONG BA NI, SANGS RGYAS CHOS DANG TSOGS KYI MCHOG RNAMS LA, ,BYANG CHUB BAR DU BDAG NI SKYABS SU MCHI, ,BDAG GIS SBYIN SOGS BGYIS PA'I BSOD NAMS KYIS, , 'GRO LA PHAN PHYIR SANGS RGYAS 'GRUB PAR SHOG ,CES SKYABS 'GRO ,SEMS CAN THAMS CAD NYE RING CHAGS SDANG DANG, ,BRAL NAS KHYAD PAR 'PHAGS PA'I BDE BA THOB, ,BZOD DKA'I SDUG BSNGAL RGYA MTSO LAS BSGRAL TE, ,THAR PA DAM PA'I BDE DANG @005A *, ,'BRAL MA GYUR, ,CES TSAD MED BZHI BSGOM, BYAMS PA DANG MI 'JIGS PA'I SPYIN PA'ANG DES 'GRUB, 'GRO KUN SRID ZHI'I 'JIGS PA LAS SGROL PHYIR, ,RDZOGS PA'I BYANG CHUB THOB PAR 'DOD PA'I SEMS, ,DENG NAS BZUNG STE SANGS RGYAS MA THOB PAR, ,SROG GI PHYIR YANG MI BTANG BZUNG BAR BGYI, ,JI LTAR SNGON GYI BDE GSHEGS KYIS, ,BYANG CHUB THUGS NI BSKYED PA DANG, ,BYANG CHUB SEMS DPA'I BSLAB PA LA, ,DE DAG RIM BZHIN GNAS PA LTAR, ,BDAG KYANG 'GRO LA PHAN DON DU, ,BYANG CHUB SEMS NI BSKYED BGYI ZHING, ,BYANG CHUB SEMS DPA'I BSLAB PA LA, ,RIM PA BZHIN DU BSLAB PAR BGYI, ,ZHES SMON 'JUG GNYIS CHO GA'I SGOS BLANGS, DENG DUS BDAG TSE 'BRAS BU YOD, ,MI YI SRID PA LEGS PAR THOB, ,DE RING SANGS RGYAS RIGS SU SKYES, ,SANGS RGYAS SRAS SU DA GYUR TO, ,DA NI BDAG GIS CI NAS KYANG, ,RIGS DANG MTHUN PA'I LAS BRTZAMS TE, ,SKYON MED BTZUN PA'I RIGS 'DI LA, ,RNYOG PAR MI 'GYUR DE LTA BYA, ,LONG BAS PHYAG DAR PHUNG PO LAS, ,JI LTAR RIN CHEN RNYED PA LTAR, ,DE BZHIN CI ZHIG LTAR STES NI, ,BYANG CHUB SEMS 'DI BDAG LA SKYES, ,BDAG GIS DE RING SKYOB PA THAMS CAD KYI, ,SPYAN SNGAR 'GRO BA BDE GSHEGS NYID DANG NI, ,BAR DU BDE LA MGRON DU BOS ZIN GYIS, ,LHA DANG LHA MIN LA SOGS DGA' BAR GYIS, ,ZHES SEMS BSKYED RGYAS PA'I PHYIR MJUG GI CHO GA DGA' BA BSGOM PA RNAMS BYAS LA, DE NAS, MDUN GYI NAM MKHAR YID 'PHROG RIN @005B CHEN KHRI, ,CHU SKYES NYI ZLA RGYAS PA'I DKYIL 'KHOR STENG, ,RTZA BA'I BLA MA KHYAB BDAG RDO RJE 'CHANG, ,SKU MDOG SNGON PO ZHAL GCIG PHYAG GNYIS KYIS, ,RDOR DRIL BZUNG NAS RANG 'DRA'I YUM LA 'BYUD, ,MTSAN DPE'I GZI 'BAR RIN CHEN RGYAN MANG MDZES, , YID 'PHROG LHA RDZAS GOS KYIN BZA' CAN, ,DRAN PA TZAM GYIS GDUNG BA KUN SEL CING, ,SKYABS MCHOG MA LUS 'DUS PA'I BDAG NYID DU, ,SKYIL KRUNG TSUL GYIS BZHUGS PA'I GNAS GSUM DU, ,YI GE GSUM MTSAN H'Um GI 'OD ZER GYIS, ,RANG BZHIN GNAS NAS BLA MA RDO RJE 'CHANG, ,DZA:H'Um BAm HO: GNYIS SU MED PAR GYUR, ,GANG GI DRIN GYIS BDE CHEN NYID, ,SKAD CIG NYID LA 'CHAR BA GANG, ,BLA MA RIN CHEN LTA BU YI, ,RDO RJE CAN ZHABS PAD LA 'DUD, ,BDAG POS BZUNG DANG MA BZUNG DANG, ,DNGOS BSHAMS YID KYIS SPRUL PA LAS, ,BYUNG BA PHYI NANG GSANG BA YI, ,SNA TSOGS MCHOD SPRIN RGYA MTSOS MCHOD, ,BDAG GZHAN LUS NGAG YID GSUM LONGS SPYOD DUS GSUM DGE TSOGS BCAS, ,RIN CHEN MAndAL BZANG PO KUN BZANG MCHOD PA'I TSOGS BCAS PA, ,BLO YIS BLANGS NAS BLA MA YI DAM DKON MCHOG GSUM LA 'BUL, ,THUGS RJE'I DBANG GIS BZHES NAS BDAG LA BYIN GYIS BRLAB TU GSOL, ,DUS GSUM PHYOGS BCU'I BDE GSHEGS MA LUS PA, ,GANG 'DUL JI BZHIN DUR SMRIG RNAM ROL GYIS, ,GRANGS MED ZHING DU RGYAL BA'I MDZAD PA CAN, ,BLA MA RIN PO CHE LA GSOL BA 'DEBS, ,RDO RJE 'CHANG GIS BLO DMAN BSAM PA'I NGOR, ,RAB 'BYAMS RGYAL BA'I 'KHOR LO MTHA' DAG LAS, ,LHAG PA'I ZHING GI DAM @006A *, ,PAR LEGS BSNGAGS PA'I, ,BLA MA x ,MCHOG DANG THUN MONG DNGOS GRUB MA LUS KUN, ,MGON KHYOD TSUL BZHIN BSTEN PA'I RJES 'GRO BAR, ,MTHONG NAS LUS DANG SROG KYANG YONGS BTANG STE, ,KHYOD MNYES KHO NA SGRUB PAR BYIN GYIS RLOBS, ,DE LTAR GSOL BA BTAB PAS BLA MA MCHOG ,RANG GI SPYI BO'I GTZUG TU SA MA DZA:, ,SLAR YANG DGYES BZHIN RANG DANG RO GCIG GYUR, ,CES BLA MA'I RNAL 'BYOR BSKYANGS, DE NAS STONG PA NYID KYI DON CUNG ZAD BSGOM ZHING, DE'I NGANG LAS LHA'I SKUR LDANG BA NI, SNOD BCUD MTHA' DAG SGYU MA RMI LAM DANG, ,CHU ZLA BZHIN DU NGO BO NYID KYIS STONG, ,BDEN PAR MED KYANG MING BRDAS PHAR BTAGS KYI, ,SNANG BA CHU LAS CHU BUR RDOL BA BZHIN, ,BDAG NYID RDO RJE SEMS DPA'I SKUR BZHENGS TE, ,LHAN SKYES BDE CHEN GSANG BA'I RDO RJE DANG, ,RANG BZHIN SPROS BRAL GSANG BA'I GHAndA YI, ,MTSON BYED BZUNG NAS BCOM LDAN 'DAS MAR 'KHYUD, ,CES RDOR DRIL PHYAG RGYA'I DAM TSIG DRAN PAR BYA, BDAG GI LUS DANG DE BZHIN LONGS SPYOD DANG, ,DUS GSUM DGE TSOGS PHUNG PO CI MCHIS PA, ,MAR GYUR SEMS CAN KUN GYI DON GYI PHYIR, ,DENG NAS 'PHANGS PA MED PAR BTANG BAR BYA, ,ZHES CHOS DANG ZANG ZING GI SBYIN PA GTONG, DE NAS SDOM PA GSUM LA BSNGO BGRANGS BYA BA NI; BLA MA LHA YI SPYAN SNGA RU, ,SDOM GSUM BSRUNG BAR KHAS BLANGS PA'I, ,DANG PO SO SOR THAR PA YI, ,BSLAB PA'I MI MTHUN PHYOGS GYUR PA, ,PHAM PA BZHI DANG LHAG MA NI, ,BCU GSUM SPANG LTUNG SUM CU DANG, ,LTUNG BYED 'BA' ZHIG DGU @006B BCU DANG, ,SOR BSHAGS BZHI DANG NYES BYAS NI, ,BRGYA RTZA BCU GNYIS BSDOMS PA YIS, ,NYIS BRGYA LNGA BCU RTZA GSUM DANG, ,GZHAN YANG GZHIS BSDUS LTUNG BA SOGS, ,BSHAGS SHING SLAN CHAD SDOM PAR BGYI, ,DE BZHIN BYANG CHUB SEMS DPA' YI, , SDOM PA'I MI MTHUN PHYOGS GYUR PA, ,RTZA BA'I LTUNG BA BCO BRGYAD DANG, ,NYES BYAS ZHE DRUG LA SOGS PA, ,TSUL KHRIMS GSUM DANG PHYIN DRUG GI ,MI MTHUN PHYOGS GYUR NYES PA KUN, ,BSHAGS SHING SLAN CHAD SDOM PAR BGYI, ,RDO RJE THEG PA'I 'DUL BA LAS, ,RNAM SNANG RIGS KYI DAM TSIG DRUG ,MI BSKYOD RIN 'BYUNG BZHI BZHI DANG, ,'OD DPAG MED GSUM DON GRUB KYI, ,GNYIS TE SO SO'I BCU DGU DANG, ,RIGS LNGA SPYI YI DAM TSIG NI, ,RTZA LTUNG BCU BZHI BSRUNG BA DANG, ,SPONG BSTEN BZA' BA'I DAM TSIG LAS, ,'DAS DANG SBOM PO BRGYAD LA SOGS, ,BSHAGS SHING SLAN CHAD SDOM PAR BGYI, ,SO THAR BYANG SEMS RDO RJE THEG PA YI, ,RNAM DAG BCAS PA'I BSLAB PA PHRA MO LAS, ,RMI LAM DU YANG 'DA' BAR MI BYED PAR, ,RGYAL BA'I BKA' BZHIN BDAG GIS BSGRUB PAR BYA, ,SHIN TU BSDUS PA BYA BA'I TSE TSIGS BCAD PHYI MA 'DI GCIG PUS CHOG ,THEG PA GSUM DANG RGYUD SDE BZHIS BSDUS PA'I, ,LUNG DANG RTOGS PA'I DAM CHOS MA LUS PA, ,RGYAL BA'I DGONGS PA JI BZHIN LEGS BZUNG STE; ;GANG 'TSAM THABS KYIS 'GRO BA YONGS SU SGROL, ,ZHES DAM CHOS 'DZIN PA DANG SEMS CAN DON BYED LA BSLAB BO, ,DE DAG GIS SDOM PA SO SO'I SKABS SOGS SU THUN DRUG DANG GSUM LA SOGS PA BYA DGOS PA MANG PO ZHIG YOD PA THAMS CAD BSDUS @007A *, ,PA'I TSUL MKHAS GRUB THAMS CAD MKHYEN PA'I GSUNG DU BLTA BAR BYA'O, ,DE NAS KHRID YIG RGYAS BSDUS CI RIGS SAM, MA MTHA' YANG BYIN RLABS SPUNGS ZHUS LTA BU'I STENG NAS LAM RIM YONGS RDZOGS LA SHAR SGOM DANG, SKABS THOB KYI DMIGS SKOR RE RE RGYAS PAR SKYONGS, GTOR MA BRGYA RTZA SOGS KYANG BYED NA THUN 'DI'I MTHAR BYA, DE NAS DROS KYI TSA BZHES GRUB NAS GNAS KHANG PHYI DOR LEGS PAR BYAS, MCHOD PA GTZANG MA PHUL, THUN DRUG GI RNAL 'BYOR DANG LAM RIM GYI DMIGS RNAM SNGAR BZHIN BSKYANGS, 'JIGS BYED SOGS KYI CHO GA YANG SPRO NA SKABS 'DIR BYA, CHOS STON GYI TSE, DKON MCHOG RJES SU DRAN BZHIN PAS, KHA ZAS SMAN DANG 'DRA BAR RIG PA YIS, ,'DOD CHAGs ZHE SDANG MED PAR BSTEN BGYI STE, ,RGYAGS PHYIR MA LAGS SNYEMS PA'I PHYIR MA LAGS, ,'TSAG PHYIR MA LAGS LUS GNAS 'BA' ZHIG PHYIR, ,CES BRJOD CING, DE'I DON SEMS PA 'DUL BA DANG, YANG LUS KYI SRIN BU DA LTA ZANG ZING GIS BSDUS NAS MA 'ONGS PA NA CHOS KYIS BSDU, SEMS CAN THAMS CAD KYI DON DU RDZOGS PA'I SANGS RGYAS KYI GO 'PHANG BSGRUBS, DE'I PHYIR DU BZA' BTUNG LA LONGS SPYOD PAR BYA'O SNYAM PA PHAR PHYIN THEG PA DANG, SNGAGS BLA MED LTAR NA NANG MCHOD DANG, RGYUD SDE 'OG MA LTAR NA GTOR MA BYIN RLABS LTAR RAM, AOm A'A:H'Um GIS BDUD RTZIR BYIN GYIS BRLABS LA, AOm GU RU BADZRA NEE WIDY'A A'A:H'Um GIS BLA MA DANG, AOm SARBA BUD DH'A BODHI SATV'A BHYO BADZRA NEE W'IDY'A A'A:H'Um GIS @007B SANGS RGYAS BYANG SEMS THAMS CAD DANG, AOm DE WAd'A KI N'I SHR'I DHARMA P'A LA SA PA RI W'A RA BADZR'A NEE WI DY'A A'A:H'Um GIS YI DAM MKHA' 'GRO CHOS SKYONG DANG BCAS PA LA 'BUL, AOm AA GRA PIndA AA SHI BHYA:SV'AH'A, ZHES PAS PHUD LA DBANG BA'I 'BYUNG PO LA CHANGs BU GCIG DANG, AOm HA RI TE SV'AH'A, AOm HA RI TE MAH'A BADZRA YAKshI nIHA RA HA RA SARBA P'A PAm MAKshIm SV'AH'A, ZHES PAS 'PHROG MA BU DANG BCAS PA LA CHANGs BU GNYIS BYAS NAS NANG GI SBYIN SREG GI SGO NAS LONGS SPYAD DE ZAS KYI TSOD RIG PAR BYA, MJUG TU LHAG LA DBANG BA'I 'BYUNG PO LA CHANGS BU GCIG ,AOm AUTZTSI shGRA PIndA AA SHI BHYA:SV'AH'A, ZHES PAS BSNGO, BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIN CHEN 'OD KYI RGYAL PO ME 'OD RAB TU GSAL PA LA PHYAG 'TSAL LO, ,NA MA:SAMANTA PRA BH'A R'A DZ'A YA, TA TH'A GA T'A YA, ARHA TE SAMYAKsAm BUD DH'A YA, NA MO MANYDZU SHRI YE, KU M'A RA BHU T'A YA BO DHI SATVA YA MAH'A SATVA YA, MAH'A KA RU nI K'A YA, TATYA THA, AOm NI RA LAMBHE NI R'A BH'A SE DZA YE DZA YA LA BHE MAH'A MA TE DAKshE DAKshI n'Am ME PA RI SHO DH'A YA SV'AH'A, GZUNGS 'DIS DKOR GYI PHUNG PO RI RAB TZAM YANG 'BYONG BAR GSUNGS SO, ,DE NAS MDO BTAN PA DANG SMON LAM GYIS CHOS GDAB, NYIN SNGA MA NAS STA GON BYAS PA'I 'DZIM PA LAS S'ATZTSA GSUM MAM BDUN SOGS GDAB, SKOR RTEN DNGOS SAM BSGOM PA CI RIGS GSAL BTAB LA BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIN CHEN RGYAL MTSAN LA PHYAG 'TSAL LO, ,NA MO BHA GA WA TE, RATU KE TU R'A DZ'A YA TA TH'A@008A *, ,GA T'A YA, AARHA TE SAMYAKSAm BUD DH'A YA, TADYA TH'A, AOm RATNE RATNE MA H'A RATN'E RATNA BI DZA YE SV'AH'A, 'DI BSKOR BAR MA ZAD PHYAG STONG 'GYUR DU YANG GSUNGS SO, ,YANG SKOR BA'I SNGAGS, NA MO DA SHA DIKshI K'A LA SARBA RATNA TRA Y'A YA, NA MA:PRA DAKshA SU PRA DAKshA SARBA P'A PAm BI SHO DHA NI SV'AH'A, ZHES PA 'DI YANG PHAN YON CHE BAS BRJOD, DE LTAR SKOR BA MANG NYUNG 'TSAM PA ZHIG BYAS NAS, MDO SDE MDZANGS BLUN, LAS BRGYA PA, 'DUL BA LUNG, RTOGS BRJOD 'DUN LEGS MA SOGS DAM PA'I RNAM THAR DANG, RGYAL SRAS KYI SPYOD PA STON PA SDONG PO BKOD PA SOGS CI TZAM RAN PA RE BKLAG ,SLAR YANG THUN DRUG GI RNAL 'BYOR SOGS SKABS DANG BSTUN PA'I DGE SBYOR MOS PA LTAR CI RIGS BYAS LA, THUN MTSAMS SU LAM RIM CHE CHUNG, RTZA LTUNG RNAM BSHAD, BLA MA LNGA BCU PA RTZA 'GREL, BYANG CHUB GZHUNG LAM, GNAM RTZE LDENG MA SOGS SDOM PA GSUM GYI BSLAB BYA RGYAS BSDUS CI RIGS LA NAN TAN TU BLTA, BSOD NAMS KYI TSOGS CHEN PO BDE BLAG TU GSOG PA'I THABS ZAGS PA RGYUN GTOR LA YANG BRTZON PAR BYA STE, 'DI LTAR MCHIL MA LA, AOm A'A:SHLEshMA A'A HA RE BHYA:SV'A H'A, LUD PA LA, AOm A'A:KHRE TA A'A HA RE BHYA:SV'AH'A, SNABS LA, AOm A'A:PIGHI NA A'A HA RE BHYA:SV'AH'A, LUS KYI DRI MA LA, AOm A'A:MA LA A'AHA RE BHYA:SV'AH'A, DRI CHEN LA, AOm A'A:BItA A'A HA RE BHYA:SV'AH'A, DRI CHU LA, AOm A'A:M'U DRA A'A HA RE BHYA:SV'AH'A, ZHES PA RNAMS KYIS BSNGO'O, ,DRO'I THUN LA THUN DRUG GI RNAL 'BYOR SNGAR BZHIN BYAS LA, SDOM GSUM BSNGO BGRANGS KYI TSE PAn CHEN @008B THAMS CAD MKHYEN PA'I GSUNG GI SDOM TSIGS SAM, DE LAS CUNG BSDUS PA BYED NA 'DI LTA STE, GANG GI BKA' BZHIN BSGRUB BYAS NA, ,'DI PHYI'I DON RNAMS MA LUS PA, ,BDE BLAG NYID DU STZOL MDZAD PA'I, ,THUB PA'I DBANG PO LA PHYAG 'TSAL, ,RNYED DKA' DAL BA'I RTEN THOB CING, ,RGYAL BA'I BSTAN PA LA ZHUGS NAS, ,DGE SLONG SDOM PA THOB RNAMS KYIS, ,BSLAB PA BSRUNG BA'I THABS 'GA' ZHIG ,LUNG LAS GSUNGS PA BZHIN DU BRI, ,LEGS TSOGS RTZA BA ZLA MED PA, ,BLA MA MCHOG LA BRTEN BYAS NAS, ,BYA BA THAMS CAD ZHU BYED CING, ,CHOS MTHUN BKA' LAS 'DA' MI BYA, ,DRAN DANG SHES BZHIN BAG YOD DANG, ,NGO TSA KHREL YOD LDAN PA YIS, ,BSLAB LA YID CHES DAD GUS BYA, ,SO THAR BCAS MTSAMS STON PA YI, ,'DUL PA'I GZHUNG LA TSUL BZHIN SBYANGS, ,TSUL KHRIMS RNAM PAR DAG PA LA, ,PHAN YON BSAM LAS 'DAS PA DANG, ,TSUL KHRIMS NYAMS PAR GYUR NA NI, ,MNAR MED 'GRO ZHING KUN NAS PHONGS, ,DE PHYIR PHAN YON NYES DMIGS LA, ,NGES PA DRANGS TE YANG YANG BSAM, ,MI MTHUN PHYOGS RNAMS MA SHES NA, ,BSLAB PA SRUNG TSUL MI SHES PAS, ,RANG GIS JI LTAR KHAS BLANGS LAS, ,'DAS PA'I LTUNG BA MTHA' YAS KYANG, ,SDOM GYIS BSDUS PA SDE LNGA STE, ,PHAM PA DANG NI LHAG MA DANG, ,LTUNG BYED DANG NI SOR BSHAGS DANG, ,NYES BYAS KYI NI SDE RNAMS SO, ,DANG PO PHAM PA'I SDE TSAN NI, ,MI TSANGS SPYOD DANG GZHAN NOR BRKU, ,MI'AM MIR CHAGS GSOD PA DANG, ,MI CHOS BLA MA'I RDZUN SMRA STE, ,PHAM PA BZHI RU RGYAL BAS GSUNGS, ,GNYIS PA @009A *, ,LHAG MA'I SDE TSAN NI, ,KHU BA 'BYIN PAR BYED BA DANG, ,BUD MED DAG LA REG PA DANG, ,YUL DER 'KHRIG TSIG SMRA BA DANG, ,'KHRIG PA'I BSNYEN BKUR BSNGAGS PA DANG, ,PHO MO GNYIS SPRAD SMYAN BYED DANG, ,MA GSOL TSAD 'DAS MA DAG GZHIR, ,KHANG BRTZIG PAR BYED PA DANG, ,GNAS DER KHANG CHEN RTZIG PA DANG, ,DGE SLONG RNAM PAR DAG PA LA, ,PHAM PAS SKUR PA 'DEBS PA DANG, ,DE LA BAG TZAM SKUR 'DEBS DANG, ,DGE 'DUN DBYEN NI BYED PA DANG, ,DE 'DRA'I RJES SU PHYOGS PA DANG, ,BAG MED SPYOD PA SNA TSOGS KYIS, ,KHYIM SUN 'BYIN PAR BYED PA DANG, ,BKA' BLO MI BDE'I LHAG MA STE, ,LHAG MA'I LTUNG BCU GSUM MO, ,GSUM PA LTUNG BYED SDE TSAN LA, ,TSAD LAS DANG 'BREL SPANG LTUNG DANG, ,LTUNG BYED 'BA' ZHIG PA GNYIS SO, ,DANG PO SPANG PA'I LTUNG BA NI, ,BYIN GYIS MA RLABS CHOS GOS SOGS, ,ZHAG BCU LAS 'DAS 'CHANG BA DANG, ,CHOS GOS RNAM GSUM BYIN RLABS CAN, ,ZHAG TU 'BRAL BAR BYED PA DANG, ,KHA SKONG RE BA DANG BCAS PA'I, ,GOS NI ZLA GCIG 'JOG PA DANG, ,THA SNYAD BRGYAD LDAN DGE SLONG MAR, ,GOS RNYING 'KHRU RU 'JUG PA DANG, ,GOS KYIS PHONGS PA MA YIN PAR, ,DGE SLONG MA LAS GOS LEN DANG, ,PHONGS PA MIN PAR KHYIM PA LAS, , GOS NI SLONG BAR BYED PA DANG, ,CHOS GOS MED TSE SLONG RIGS KYANG, ,STOD GA-YOGS SMAD GA-YOGS ZUNG LAS LHAG ,'DOD PAS SLONG BAR BYED PA DANG, ,KHYIM PAS RANG LA BSNGOS PA'I GOS, ,'BUL LONG MED PAR LEN PA DANG, ,SBYIN BDAG PHO MO SO @009B SO NAS, ,RANG LA STER BAR BSNGAGS PA'I GOS, ,'BUL LONG MED PAS LEN PA DANG, ,BSKUR BA YI NI SPANG PA DANG, ,YUL DER DKON ZHING RIN CHE BA'I, ,SRIN BAL LAS NI STAN BYED DANG, ,BAL NAG 'BA' ZHIG LAS BYED DANG, ,DE CHA GNYIS BSRES STAN BYED DANG, ,STAN BSHAMS SPYAD BZOD YOD BZHIN DU, ,LO DRUG NANG DU GNYIS BYED DANG, ,GDING BA GSAR BA BYED PA'I TSE, ,GDING BA RNYING PA DE NYID NAS, ,BDE GSHEGS MTHO GANG MA GLAN DANG, ,BAL KHUR RGYANG GRAGS LHAG KHYER DANG, ,MTSAN NYID BRGYAD LDAN DGE SLONG MAR, ,BAL NI RMEL DU 'JUG PA DANG, ,BYIN RLABS MA BYAS RIN PO CHER, ,REG GAM REG TU 'JUG PA DANG, ,SKYED KHE 'DOD NAS BUN BYED DANG, ,DE 'DOD NYO TSONG BYED PA DANG, ,LHUNG BZED BYIN GYIS MA BRLABS BAR, ,ZHAG BCU LAS 'DAS 'CHANG BA DANG, ,LHUNG BZED SPYAD BZOD YOD BZHIN DU, ,LHUNG BZED GNYIS PA BTZAL BA DANG, ,GLA RNGAN MI STER 'THAG 'JUG DANG, ,'DOD PAS 'THAG PA BSKYED PA DANG, ,GOS SOGS PHYIN PA 'PHROG PA DANG, ,DGON PA 'JIGS PA CHE BA'I SAR, ,SNAM SBYAR ZHAG DRUG 'BRAL GNANG BAR, ,SNYAD NAS ZHAG BDUN 'BRAL BA DANG, ,DBYAR GYI CHAR KHEBS RAS CHEN NI, ,BTZAL SNGAS SBED BA 'PHYIS PA DANG, ,DBYAR RNYED BDAG GIR BYED 'DOD NAS, ,BGO SNGAS SBED PA 'PHYIS PA DANG, ,DGE 'DUN RNAMS LA BSNGOS PA'I RDZAS, ,GANG ZAG BDAG NYID LA BSGYUR DANG, ,SMAN BZHI BYIN LEN MA BSHIG PAR, ,THUN MTSAMS 'DAS PA GSOG 'JOG STE, ,SPANG BA'I LTUNG BA SUM CU'O, ,GNYIS PA LTUNG BYED 'BA' ZHIG NI, ,RDZUN GYI TSIG NI SMRA BA DANG, ,DGE @010A *, ,SLONG GZHAN LA SKYON BRJOD DANG, ,DBYE PHYIR PHRA MA BYED PA DANG, ,RTZOD PA SPOR 'DOD SKYO SNGOGS DANG, ,NYE DU MIN PA'I BUD MED LA, ,KHRIMS GROGS MED PAR CHOS STON DANG, ,MA RDZOGS LHAN CIG 'DON PA DANG, GZHAN GYI PHAM LHAG GNAS NGAN LEN, ,MA RDZOGS PA LA BRJOD PA DANG, ,MI CHOS BLA MA DGOS MED DU, ,MA RDZOGS 'PHAGS MIN SMRA BA DANG, ,ZHAL TA BA LA DGE 'DUN GYIS, ,RNYED PA RIGS PAR BSNGOS PA LA, ,BSHES NGOR BYAS ZHES SKUR 'DEBS DANG; ;SO SOR THAR PA'I BCAS MTSAMS LA, ,BRNYAS THABS KYIS NI KHYAD GSOD DANG, ,SA BON SKYE BA 'JOMS PA DANG, ,DRANG PO'I DGE 'DUN ZHAL TA BAR, ,NYE RING BYAS ZHES 'PHYA BA DANG, ,BSGO BA RNAL GZON PA DANG, ,CHUD 'DZA'I GNAS SUM LA BSHAMS DANG, ,RTZVA DANG LO MA'I GDAN BTING BA, ,MA BSDUS MA BCOL 'GRO BA DANG, ,SNGAR GNAS DGE SLONG SKROD PA DANG, ,DE LA PHYIS GNON BYED PA DANG, ,RTZA BA 'BYUNG LA 'DUG PA DANG, ,SROG CHAG DANG BCAS CHUR SPYOD DANG, ,RIM GSUM LAS LHAG KHANG BYED DANG, ,NYE DU MIN PA'I DGE SLONG MAR, ,MA BSKOS DAM CHOS STON PA DANG, ,BSKOS KYANG NUB PAR STON PA DANG, ,DAM CHOS TSUL BZHIN STON PA LA, ,ZAS PHYIR STON CES SMRA BA DANG, ,DGE SLONG MA YI GOS BZO DANG, ,DE LA CHOS GOS STER PA DANG, , DGE SLONG MA DANG LHAN CIG TU, ,GROGS MED RGYANG GRAGS 'GRO BA DANG, ,DGE SLONG MA DANG LHAN CIG TU, ,GRUR ZHUGS RGYANG GRAGS 'DA' BA DANG, ,DBEN PAR 'DOM GANG NANG NYID DU, ,DGE SLONG MA DANG LHAN CIG TU, ,'DUG PA DANG NI 'GRENG BA DANG, , @010B DGE SLONG MA YIS BSNGAGS BRJOD NAS, ,SBYOR BCUG ZAS NI ZA BA DANG, ,DGOS MED YANG YANG ZA BA DANG, ,MU STEGS KHYIM DU ZHAG GCIG TU, ,'DUG STE ZAS GNYIS ZA BA DANG, ,CI BDER BSTAB PA MA YIN PAR, ,LHUNG BZED DO LHAG PHYED LEN DANG, DUS RUNG ZAS SPANGS YANG ZA DANG, ,SPANGS LA BZA' BCA' STOB PA DANG, ,DGE SLONG BZHIR LONG 'DUS ZA DANG, ,DUS MIN KHA ZAS ZA BA DANG, ,GSOG 'JOG BYAS PA ZA BA DANG, ,BYIN LEN MA BYAS MID PA DANG, ,NYE DANG CI BDER MIN PA LA, ,KHA ZAS BSOD PA SLONG BA DANG, ,SROG CHAGS BCAS PAR SPYOD PA DANG, ,KHYIM BA PHO MO NYAL GSHOM SAR, ,SHES BZHIN 'DUG PAR BYED PA DANG, ,DE BZHIN GNAS DER 'GRENG BA DANG, ,GCER BU PHO MOR ZAS PHYIN DANG, ,DMAG LA LTA BAR BYED PA DANG, , DMAG NANG ZHAG GNYIS 'DUG PA DANG, ,GA-YUL BSHOMS DKRUG PAR BYED PA DANG, ,DGE SLONG GZHAN LA BRDEG PA DANG, ,DE LA BRDEG PAR GZAS PA DANG, ,GZHAN GYI PHAM LHAG GNAS NGAN LEN, ,SHES BZHIN DGOS MED BCABS PA DANG, ,DGE SLONG GZHAN GYI ZAS GCOD DANG, ,MER REG REG TU 'JUG PA DANG, ,'DUN PA PHUL BA SLAR LEN DANG, ,MA RDZOGS LHAN CIG NYAL BA DANG, ,SDIG LTA GTONG BAR MI BYED DANG, ,DE 'DRA BSKRAD LA GTAM SMRA DANG, ,DGE TSUL BSNYIL BSDUD PA DANG, ,KHA DOG MA BSKYAR GOS GYON DANG, ,RIN PO CHE YI RIGS SOGS LA, ,REG CING REG TU 'JUG PA DANG, ,ZLA PHYED NANG DU KHRUS BYED DANG, ,BSAM BZHIN DUD 'GRO GSOD PA DANG, ,GZHAN LA 'GYOD PA BSKYED PA DANG, ,GA-YA' 'OD DAG GTSIL BYED DANG, , @011A *, ,CHU LA RTZE BAR BYED PA DANG, ,KHRIMS GROGS MED PAR BUD MED DANG, ,LHAN CIG NYAL BAR BYED PA DANG, ,DGE SLONG DNGANGS PAR BYED PA DANG, ,GZHAN GYI GOS SOGS SBED PA DANG, ,DGE SLONG GZHAN LA BYIN PA'I GOS, ,GDENG MED RANG GIS LONGS SPYOD DANG, ,GZHI MED LHAG MA'I SKUR 'DEBS DANG, ,KHRIMS GROGS MED PAR BUD MED DANG, ,'GROGS NAS 'GRO BAR BYED PA DANG, ,RKUN MA LA SOGS NGAN PA DANG, ,BSDEBS NAS 'GRO BAR BYED PA DANG, ,LO GRANGS NYI SHU MA LON PA'I, ,BSGRUB BYAR BSNYEN RDZOGS BYED PA DANG, ,SA BRKO BRKORU 'JUG PA DANG, ,MGRON DU GNYER LAS RANG 'DUG DANG, ,BSLAB PHYIR BGO BA BZLOG PA DANG, ,RTZOD SEMS NYAN RNA BYED PA DANG, ,DGE 'DUN LAS LA 'DUS BYAS NAS, ,MA RJOGS MA SMRAS 'GRO BA DANG, ,DGE 'DUN SOGS KYI CHOS LDAN BKAR, ,MA GUS BSAM PAS 'GAL BYED DANG, ,MYOS PAR 'GYUR BA 'THUNG BA DANG, ,DUS MIN GRONG DU 'GRO BA DANG, ,MNGAGS BZHIN DGE 'DUN SPYAN DRANGS PA, , DUS LAS MA YOL BRIMS SHIG CES, ,MA BRJOD GRONG GZHAN RGYU BA DANG, ,RGYAL PO'I PHO BRANG MTSAN 'GRO DANG, ,BSLAB GZHI KHYAD DU GSOD PA DANG, ,BSO RUS PA RVA RNAMS KYI, ,KHAB RAL BYAS SAM BYED 'JUG DANG, ,TSAD LHAG KHRI RKANG BYED PA DANG, ,DGE 'DUN DBANG PA'I GNAS MAL LA, ,SHING BAL GYIS NI BDAL BA DANG, ,GDING BA TSAD LAS LHAG BYED DANG, ,GA-YAN PA DGAB PA TSAD LHAG DANG, ,DE BZHIN DBYAR GYI GOS RAS CHEN, ,TSAD LAS LHAG PA BYED PA DANG, ,BDE @011B GSHEGS CHOS GOS BYED PA STE, ,LTUNG BYED 'BA' ZHIG DGU BCU'O, ,SO SOR BSHAGS PA'I SDE TSAN NI, ,SKYE BO'I RGYUN LUGS GRONG LAM DU, ,DGE SLONG MA LAS ZAS LEN DANG, ,BSKO BSHAMS LOG BYED DGE SLONG MA, ,MA BZLOG GRONG DER ZAS ZA DANG, ,DGE 'DUN RNAMS KYI THUGS BRTZE BAS, ,BSDAMS PA'I KHYIM LAS ZAS LEN DANG, ,'JIGS BCAS MA BSAL KHYIM PA LAS, ,BLANGS TE 'JIGS SAR ZA BA STE, ,SO SOR BSHAGS PA BZHI DAG GO ,BSLAB BYA NYES BYAS SDE TSAN NI, , MTHANG GOS ZLUM POR MA BGOS DANG, ,RTZENGS DANG 'JOL DANG NAR BA DANG, ,LTEBS DANG PHUR DANG 'PHYANG BA DANG, ,STOD GA-YOGS ZLUM POR MA BGOS DANG, ,HA CANG RTZENGS DANG 'JOL BA DANG, ,KHYIM PA'I KHYIM DU 'GRO BA'I TSE, ,LUS NGAG LEGS PAR MA BSDAMS DANG, ,CHOS GOS TSUL BZHIN MA BGOS DANG, ,CA CO DANG NI GA-YANG LTA DANG, ,'DOM GANG LAS LHAG LTA BA'AM, ,'DOM GANG TZAM DU 'ANG MI LTA DANG, ,RAS LA SOGS PAS MGO GA-YOGS DANG, ,'DOMS NI SNANG BAR GOS BRJES DANG, ,PHRAG PA GNYIS KAR GOS GZAR DANG, ,LAG GNYIS GNYA' GONG BSNOL BA DANG, ,LAG GNYIS LTAG PAR BSNOL BA DANG, ,MCHONG BA DANG NI BRKYANG BSKUMS DANG, ,TZOG PUS 'GRO DANG BRANG 'GRO DANG, ,GRU MO BRGYANGS TE 'GRO BA DANG, ,LUS NI GCU ZHING 'GRO BA DANG, ,LAG PA GA-YUG CING 'GRO BA DANG, ,MGO BO BSGYUR ZHING 'GRO BA DANG, ,PHRAG PA SPRAD DE 'GRO BA DANG, ,LAG PA SPREL TE 'GRO BA DANG, ,KHYIM PAS MA BSKOS STAN 'DUG DANG, ,MA BRTAGS 'DUG DANG LCID PHAB DANG, ,RKANG PA BSNOL @012A *, ,DANG BRLA BSNOL DANG, ,LONG STENG LONG BU BZHAG PA DANG, ,KHRI 'OG RKANG PA DGUG PA DANG, ,RKANG BA SO SOR BRKYANGS PA DANG, ,'DOMS NI SNANG BAR 'DUG PA DANG, ,ZAS NI LEGS PAR MA BLANGS DANG, ,KHAD CHAD DU BLANG BAR DANG, ,'BRAS CHAN DANG NI TSOD MA DAG ,MNYAM PO NYID DU BLANGS PA DANG, ,MTHAR CHAGS SU NI MA BLANGS PA DANG, ,YID MA GTAD PAR BLANGS PA DANG, ,BZA' BA DANG NI BCA' BA RNAMS, ,MA 'ONGS LHUNG BZED BZED PA DANG, ,'BRAS CHAN TSOD MA CI RIGS PA, ,LHAG 'DOD PHAN TSUN 'GEBS PA DANG, ,ZAS STENG LHUNG BZED BZED PA DANG, ,KHA ZAS TSUL MTHUN MA ZOS DANG, ,KHAM NI HA CANG CHUNG BA DANG, ,KHAM NI SHIN TU CHE BA DANG, ,KHAM NI RAN PAR MA ZOS DANG, ,ZAS MA 'ONGS PAR KHA GDANGS DANG, ,KHA NI BKANG STE SMRA BA DANG, ,TZUG TZUG DANG NI CAG CAG DANG, ,HU HU DANG NI PHU PHU DANG, ,LCE PHYIR PHYUNG STE ZA BA DANG, ,'BRU NI RE RER BZA' BA DANG, ,KHA ZAS LA NI 'PHYA BA DANG, ,MKHUR BA GA-YAS GA-YON SPO BA DANG, ,RKAN SGRA GTOGS PAR BYED PA DANG, ,KHAM 'PHRO BCAD NAS ZA BA DANG, ,LAG PA LDAG PAR BYED PA DANG, ,LHUNG BZED SER MOS 'PHYOG PA DANG, ,LAG PAR ZAS ZOS SPRUG PA DANG, ,ZAS BCAS LHUNG BZED SKYOM PA DANG, ,ZAS LA MCHOD RTEN GZUGS BYAS TE, ,GZHOM PAR BYED CING ZAB DANG, ,GZHAN GYI LHUNG BZED LA 'PHYA DANG, ,LAG PA ZAS KYIS GOS PA YIS, ,CHU SNOD DAG LA REG PA DANG, ,'BAG CHUS DGE SLONG LA 'THOR DANG, ,KHYIM BDAG DAG LA MA DRIS PAR, , @012B 'BAG CHU CI BDER 'DOR BA DANG, ,ZAS LHAG LHUNG BZED NANG LDUGS DANG, ,LHUNG BZED GZHI MED 'JOG PA DANG, ,LHUNG BZED GAD KHAR 'JOG PA DANG, ,LHUNG BZED GA-YANG SAR 'JOG PA DANG, ,LHUNG BZED DKAN GZAR 'JOG PA DANG, ,'GRENG STE LHUNG BZED BKRU BA DANG, ,LHUNG BZED GAD KHAR BKRU BA DANG, ,LHUNG BZED GA-YANG SAR BKRU BA DANG, ,LHUNG BZED DKAN GZAR BKRU BA DANG, ,LHUNG BZED KYIS NI 'BAB CHU'I RGYUN, ,BZLOG STE CHU NI GCU BA DANG, ,NYAN PA PO NI 'DUG PA LA, ,'GRENG STE CHOS NI 'CHAD PA DANG, ,NYAL LA 'DUG STE 'CHAD PA DANG, ,NYAN PO STAN NI MTHON PO'AM, ,BZANG PO DAG LA 'DUG PA LA, ,STAN NI DMA' BA'AM NGAN PA LA, ,'DUG STE CHOS NI 'CHAD PA DANG, ,NYAN PO MDUN NAS 'GRO BA LA, ,PHYI NAS 'GRO ZHING CHOS 'CHAD DANG, ,NYAN PO LAM NAS 'GRO BA LA, ,LAM GYI 'GRAM NAS CHOS 'CHAD DANG, ,MGO GA-YOGS PA LA CHOS 'CHAD DANG, ,GOS NI BRDZES TE 'DUG PA DANG, ,PHRAG PA GNYIS KAR GOS GZAR DANG, ,LAG GNYIS GNYA' BAR BSNOL BA DANG, ,LAG GNYIS LTAG PAR BSNOL BA DANG, ,DO KER CAN DANG ZHVA GYON DANG, ,MGO LA COD PAN BCINGS PA DANG, ,PHRENG BA BCING DANG THOD DKRIS DANG, ,GLANG PO CHE LA ZHON PA DANG, ,RTA LA ZHON ZHING NYAN PA DANG, ,KHYOGS KYI NANG NA 'DUG PA DANG, ,BZHON PA'I STENG NA 'DUG PA DANG, ,MCHIL LHAM GYON TE 'DUG PA DANG, ,LAG NA MKHAR BA THOGS PA DANG, ,LAG NA GDUGS NI THOGS PA DANG, ,LAG NA MTSON CHA THOGS PA DANG, ,LAG NA RAL GRI THOGS PA DANG, ,LAG NA DGRA CHA THOGS PA DANG,, @013A *, ,GO CHA GYON ZHING NYAN PA STE, ,DE DAG RNAMS LA CHOS BSHAD DANG, ,'GRENG STE BSHANG GCI BYED PA DANG, ,BSHANG GCI MCHIL SNABS SKYUGS PA SOGS, ,CHU YI NANG DU 'DOR BA DANG, ,RTZVA SNGON SKYES PA'I SA DAG TU, , BSHANG GCI LA SOGS 'DOR BA DANG, ,DGOS MED 'DOM GANG LAS MTHO BA'I, ,SHING LA 'DZEG PAR BYED PA STE, ,NYES BYAS BRGYA DANG BCU GNYIS SO, ,DE LTAR BSLAB PA'I MI MTHUN PHYOGS, ,THAMS CAD LEGS PAR SHES BYAS NAS, ,BAG YOD PA DANG GUS PA DANG, ,NGO TSA SHES DANG KHREL YOD DANG, ,DRAN DANG SHES BZHIN BSTEN PA DANG, ,DON NYUNG BA DANG BYA BA NYUNG, ,RTZE GCIG DBEN PA BSTEN PA YI, ,SROG BZHIN GCES PAR BSRUNG BAR BYA, (,ZHES SO THAR GYI SDOM PA'I MI MTHUN PHYOGS RNAMS DRAN SHING SDOM SEMS BYA, DE NAS,) GZHAN YANG RGYAL BA SRAS BCAS KYI, ,SPYAN SNGAR KHAS BLANGS DAM BCAS PA'I, ,RGYAL SRAS SDOM PA'I MI MTHUN PHYOGS, ,RTZA BA'I LTUNG BA BCO BRGYAD NI, ,RNYED DANG BKUR STIS CHAGS PA YIS, ,BDAG BSTOD GZHAN LA SMOD PA DANG, ,SDUG BSNGAL MGON MED GYUR PA LA, ,SER SNA'I CHOS NOR MI STER DANG, ,GZHAN GYIS BSHAGS KYANG MI NYAN PAR, ,KHROS NAS GZHAN LA 'TSOG PA DANG, ,THEG PA CHEN PO SPANG BYED CING, ,DAM CHOS 'DRAR SNANG STON PA'O, ,DKON MCHOG GSUM GYI DKOR 'PHROG DANG, ,DAM PA'I CHOS NI SPONG BYED PA, ,TSUL KHRIMS 'CHAL BA'I DGE SLONG LA'ANG, ,DUR SMRIG 'PHROG DANG BRDEG PA DANG, ,BTZON RAR 'JUG PAR BYED PA DANG, ,RAB TU BYUNG LAS PHAB PA DANG, ,MTSAMS MED LNGA PO BYED PA @013B DANG, ,LOG PAR LTA BA 'DZIN PA DANG, ,GRONG LA SOGS PA 'JIG PA DANG, ,BLO SBYANG MA BYAS SEMS CAN LA, ,STONG PA NYID NI BRJOD PA DANG, ,SANGS RGYAS NYID LA ZHUGS PA DAG ,RDZOGS PA'I BYANG CHUB BZLOG PA DANG, ,SO SOR THAR PA YONGS SPANGS TE, , THEG PA CHE LA SBYOR BA DANG, ,SLOB PA'I THEG PAS CHAGS LA SOGS, ,SPONG BAR 'GYUR BA MIN ZHES 'DZIN, ,PHA ROL DAG KYANG 'DZIN 'JUG DANG, ,RANG GI YON TAN BRJOD PA DANG, ,RNYED PA DANG NI BKUR STI DANG, ,TSIGS BCAD RGYU YIS GZHAN SMOD DANG, , BDAG NI ZAB MO BZOD PA'O ZHES, ,LOG PA NYID NI SMRA BA DANG, ,DGE SBYONG CHAD PAS GCOD 'JUG DANG, ,DKON MCHOG GSUM GYI SBYIN BYED DANG, ,SBYIN PA LEN PAR BYED PA DANG, ,ZHI GNAS 'DOR BAR BYED PA DANG, ,YANG DAG 'JIG GI LONGS SPYOD RNAMS, ,KHA TON BYED LA SBYIN PA DANG, ,BYANG CHUB SEMS GNYIS SPANGS PA SOGS, ,RTZA LTUNG KUN DANG NYES BYAS KYANG, ,DKON MCHOG GSUM LA GSUM MI MCHOD, ,'DOD PA'I SEMS KYI RJES SU 'JUG ,RGAN PA RNAMS LA GUS MI BYED, ,DRIS PA LA NI LAN MI 'DEBS, ,MGON BOS BDAG GIR MI BYED DANG, ,GSER LA SOGS PA LEN MI BYED, ,CHOS 'DOD PA LA SBYIN MI BYED, ,TSUL KHRIMS 'CHAL RNAMS YAL BAR 'DOR, ,PHA ROL DAD PHYIR SLOB MI BYED, ,SEMS CAN DON LA BYA BA CHUNG, ,SNYING BRTZER BCAS PAR MA BYAS DANG, ,'TSO BA LOG PA DANG DU LEN, ,'PHYAR NAS RAB TU RGOD LA SOGS, ,'KHOR BAR GCIG PU BGROD PAR SEMS, ,GRAGS PA MA YIN MI SPONG DANG, ,NYON MONGS BCAS KYANG 'CHOS MI BYED, ,GSHE LA LAN DU GSHEL@014A *, ,SOGS, ,KHROS PA RNAMS NI YAL BAR 'DOR, ,PHA ROL SHAD KYIS CHAGS PA SPONG, ,KHRO BA'I SEMS KYI RJES SU 'JUG ,RNYED BKUR 'DOD PHYIR 'KHOR RNAMS SDUD, ,LE LO LA SOGS SEL MI BYED, ,CHAGS PAS BRE MO'I GTAM LA BRTEN, ,TING NGE 'DZIN GYI DON MI 'TSOL, ,BSAM GTAN SGRIB PA SPONG MI BYED, ,BSAM GTAN ROL YON TAN LTA, ,NYAN THOS THEG BA SPONG BAR BYED, ,RANG TSUL YOD BZHIN DE LA BRTZON, ,BRTZON MIN PHYI ROL BSTAN BCOS BRTZON, , BRTZON PAR BYAS KYANG DE LA DGA', ,THEG PA CHEN PO SPONG PAR BYED, ,BDAG LA BSTOD CING GZHAN LA SMOD, ,CHOS KYI DON DU 'GRO MI BYED, ,DE LA SMOD DANG YI GE RTEN, ,DGOS PA'I GROGS SU 'GRO MI BYED, ,NAD PA'I RIM GRO BYA BA SPONG, ,SDUG BSNGAL SEL BAR MI BYED DANG, ,BAG MED RNAMS LA RIGS MI STON, ,BYAS LA LAN DU PHAN MI 'DOGS, ,GZHAN GYI MYA NGAN SEL MI BYED, ,NOR 'DOD PA LA SBYIN MI BYED, ,'KHOR RNAMS KYI NI DON MI BYED, ,GZHAN GYI BLO DANG MTHUN MI 'JUG ,YON TAN BSNGAGS PA SMRA MI BYED,, RKYEN DU 'TSAM PAR TSAR MI GCOD, ,RDZU 'PHRUL SDIGS SOGS MA BYAS DANG, ,GZHAN LA CHOS DANG ZANG ZING GIS, ,SKYONG BAR 'OS PA MA BSKYANGS DANG, ,GZHAN GYIS GNOD PA KHO NA 'DZIN ZHING, ,RIS SU BCAD NAS CHAGS SDANG BYED, ,DAM LAM BSTEN THOS BAS MDOR, ,ZAS GOS SOGS LA SPYOD PA'I TSE, ,GZHAN DON BSAM PAS MA ZIN DANG, ,CHOS SPYOD KUN LA SEMS BSKYED KYIS, ,MA ZIN NAG CHOS MA SPANG ZHING, ,DKAR CHOS BZHI LAM BSLAB DANG, ,GZHAN DON BRTZON PAR MA BYAS SOGS, , @014B 'GRO KUN MGRON DU GNYER BA LAS, ,BSLUS PA'I NYES LTUNG MTHA' YAS PA, ,SNGON BYAS MTHA' DAG MTHOL ZHING BSHAGS, ,DA NI SROG DANG BSDOS TE BSRUNG, ,ZHES BYANG SEMS DANG, DKYIL 'KHOR LHA TSOGS SPYAN SNGA RU, ,KHAS BLANG DAM TSIG SDOM PA ZHES, ,DNGOS GRUB KUN GYI GZHIR GYUR PA, ,DE DANG 'GAL BYAS LTUNG PA NI, ,DPAL LDAN BLA MA DAM PA LA, ,NYIN RE BZHIN DU DUS DRUG TU, ,MAndAL ME TOG BCAS PHUL NAS, ,PHYAG NI 'TSAL BAR MA BYAS DANG, ,DPON SLOB 'BREL BA MA BRTAGS PAR, , CHOS LA NYAN BSHAD BYAS PA DANG, ,BLA MA LA BRNYAS SMAD PA DANG, ,BLA MA'I THUGS NI DKRUGS PA DANG, ,YID 'ONG YON NI MA PHUL DANG, ,RTAG TU DAM TSIG MA BSRUNGS DANG, ,RTAG TU BDE GSHEGS MA MCHOD DANG, ,RTAG TU BLA MA MA MCHOD DANG, ,BLA MA DANG NI RDO RJE 'DZIN, ,THA DAD PAR NI BSAM PA DANG, ,BLA MA'I GRIB MA LHAM DANG STAN, ,BZHON PA SOGS LA 'GOMS PA DANG, ,BKA' BSGO GUS BSAM NYAN DANG, ,MI NUS SHAD SBYANG 'OS PA LA, ,SHAD SBYANG DAG NI MA BYAS DANG, ,BLA MA'I RDZAS LA SROG BZHIN DANG, ,'KHOR LA GNYEN BZHIN MA BSAM DANG, ,DRUNG DU MAL STAN LA 'DUG DANG, ,BSGO BAM THOB SNGON 'GRO DANG, ,BLA MA LAS SNGAR STAN GYI STENG, ,RKANG BA 'JOG PA GRU RGYANGS BYED, ,BLA MA BZHENGS TSE NYAL DANG 'DUG ,BZHUGS PA DAG NA NYAL BA DANG, ,BLA MA'I DRUNG DU MCHIL MA SOGS, ,DOR DANG RKANG PA RKYONG BA DANG, ,'CHAG DANG KHA STOBS 'GYED PA DANG, ,YAN LAG MNYE DANG GAR DAG DANG, ,GLU DANG ROL MO BYAS PA DANG, ,BRE MO'I GTAM RNAMS SMRAS PA DANG, ,LDANG 'DUG GUS PAR MA @015A *, ,BYAS DANG, ,BLA MA'I DRUNG DU LUS GCU DANG, ,KA BA SOGS LA BRTEN PA DANG, ,SOR MO'I TSIGS NI 'THEN PA DANG, ,DRIL PHYI SKU MNYE LA SOGS LA, ,THOG MTHAR PHYAG NI MA BYAS DANG, ,ZHAL SNGAR LDAN PA MA SBYAR BAR, , BLA MA'I MTSAN NAS SMOS PA DANG, ,GZHAN DAG GUS PAR BYA BA'I PHYIR, ,KHYAD PAR CAN GYI TSIG MA BRJOD, ,RGOD DANG LUD PA LA SOGS LA, ,LAG PAS KHA NI MA BKAB DANG, ,BYA BA ZIN NAS 'JAM PA YI, ,TSIG GI BRDA NI MA SBYAR DANG, ,MDUN DU DUL BAS MI 'DUG DANG, ,GOS SOGS TSUL NI MA BSDAMS DANG, ,GSANG SNGAGS DAM CHOS NYAN PA'I TSE, ,PUS BTZUGS THAL MO SBYAR BYAS NAS, ,GSOL BA LAN GSUM MA BTAB DANG, ,NGA RGYAL SGEG CHOS KUN SPANGS NAS, ,DUL ZHING BAG YOD MA BSTEN DANG, ,BLA MAS GNANG BA MA THOB PAR, ,BLA MA GNAS PA'I SA PHYOGS DER, ,RAB GNAS DKYIL 'KHOR SBYIN SREG DANG, ,SLOB MA SDUD DANG 'CHAD PA DANG, BLA MA'I SLOB MA SLOB MAR BYAS, ,SPYAN 'BYED SOGS LA CI THOB PA, ,DE KUN BLA MAR MA PHUL DANG, ,DE YIS BSTABS PA BLANGS NAS NI, ,GZHAN LA CI BDER MA BYAS DANG, ,SLOB DPON LA NI GANG PHUL DANG, ,BLA MAS KYANG NI GANG STZAL BA, ,DE LA BTUD DE LAG GNYIS KYIS, ,LEN PA SOGS NI MA BYAS DANG, ,BLA MA'I DRUNG DU GZHAN DAG GIS, ,PHYAG SOGS BYED PA MA BZLOG DANG, ,RANG GI KUN SPYOD LA BRTZON PAS, ,SPUN GYI RANG SPYOD LAS 'DAS PA, ,DGA' BAS PHAN TSUN MA BZLOG DANG, ,BDE GSHEGS BLA MA'I BKA' 'DAS DANG, ,SPUN LA KHROS NAS SKYON SMRAS DANG, ,SPUN GYI CHOS LDAN NGAG BCAG DANG, ,SEMS CAN @015B RNAMS LA BYAMS PA SPANGS, ,SEMS CAN LA NI KHROS PA DANG, ,BYANG CHUB SEMS GNYIS SPANGS PA DANG, ,RANG GZHAN GRUB MTHA' LA SNANG DANG, ,MA SMIN PA LA GSANG BA BSGRAGS, ,PHUNG PO LA BRNYAS SMAD PA DANG, ,STONG BA NYID NI SPANGS PA DANG, ,GDUG PA CAN LA BYAMS PAR BYAS, ,SGYU YIS BYAMS PA BSTEN BA DANG, ,RGYUN PAR STONG NYID MA BSGOMS DANG, ,BDE BA CHEN PO'I GDAMS NGAG DANG, ,STONG NYID TSOL BAR MA BYAS DANG, ,DAD LDAN SUN PAR BYAS PA DANG, ,RNAL 'BYOR PA YI SKYON SMRAS DANG, ,DAM RDZAS TSUL BZHIN MA BSTEN DANG, ,BUD MED LA NI SMOD BA SOGS, ,RTZA LTUNG BCU BZHI BSDUS PA DANG, ,SHES RAB STOBS KYIS LEN PA DANG, ,DE YI BDUD RTZI STOBS KYIS LEN, ,SNOD MIN LA NI MI GSANG DANG, ,TSOGS KYI NANG DU RTZOD PA DANG, ,DAD LDAN LA GZHAN CHOS STON DANG, ,NYAN THOS NANG DU ZHAG BDUN GNAS, ,RDZUN GYIS RNAL 'BYOR NGA RGYAL BYED, ,DAD PA MED LA CHOS STON DANG, ,SBYOR BA LEGS PAR MA BYAS PAR, ,SKAL MIN GSANG BA STON PA DANG, ,BSNYEN SOGS DAG PAR MA BYAS PAR, ,DKYIL 'KHOR LAS LA 'JUG PA DANG, ,SDOM PA GNYIS KYI BCAS PA LAS, ,DGOS PA MED PAR 'DAS PA DANG, ,RTZA LTUNG SBOM PO'I LTUNG BA LA, ,SDOM SEMS DUS DRUG MA BTANG DANG, ,TSUL KHRIMS GSUM DANG 'GAL BA DANG, ,SKYABS 'GRO DUS DRUG MA GRUB DANG, ,RDO RJE DRIL BU PHYAG RGYA YI, ,DAM TSIG BSTEN BAR MA BYAS DANG, ,SLOB DPON DUS DRUG MA MCHOD DANG, ,ZANG ZING MI 'JIGS CHOS DANG BYAMS, ,SBYIN PA DUS DRUG MA BYIN DANG, ,PHYI DANG GSANG BA THEG PA GSUM, ,DAM CHOS 'DZIN 'DOD MA BSKYED DANG, ,SDOM PA @016A *, ,DANG NI MCHOD PA LA, ,DUS DRUG BRTZON PAR MA BYAS DANG, ,SEMS CAN 'DUL PHYIR MA GTOGS PAR, ,BYA BA MA YIN MA SPANGS DANG, ,RNAL 'BYOR PA RNAMS MA MCHOD DANG, ,DGE BCU SGRUB LA MI BRTZON DANG, ,THEG PA DMAN LA 'DOD BYAS DANG, ,SEMS CAN DON LA RGYAB PHYOGS DANG, ,'KHOR BA DAG KYANG SPANGS PA DANG, ,RTAG TU MYA NGAN 'DAS CHAGS DANG, ,LHA DANG LHA MIN GSANG BA PA, ,DE DAG RNAMS LA BRNYAS PA DANG, ,PHYAG RGYA BZHON PA MTSON CHA DANG, ,MTSAN MA 'GOMS DANG ZOS PA DANG, ,DE BZHIN DMAN MA LHA YI GRIB, ,RKANG PA DAG GIS BRDZIS PA SOGS, ,SBOM PO'I GZHI LAS GYUR PA DANG, ,RIGS LNGA SO SO'I DAM TSIG LAS, ,'DAS PAR GYUR PA LA SOGS PA, ,MDOR NA RDO RJE THEG PA YI, ,'DUL BA DANG 'GAL NYES BA KUN, ,KHONG PAR SONG BA'I DUG BZHIN DU, ,'GYOD BA DRAG POS BSHAGS BAR BGYI, ,BLA MA YI DAM DKON MCHOG GSUM, ,THUGS RJE BYIN RLABS CHU RGYUN GYIS, ,BDAG GI SGO GSUM NYES LTUNG KUN, ,BYANG ZHING DAG BAR BYIN GYIS RLOBS, ,ZHES SNGAGS SDOM GYI LTUNG BA'I BSNGO BGRANG RNAMS DAL BUS BYED CING, ,RANG LA NYIN DER BYUNG MA BYUNG BRTAGS NAS, BYUNG 'DUG NA PHYIR BCOS DANG LTUNG BA SPYI BSHAGS SOGS BYA LA SNGAGS KYI RTZA LTUNG SBYANG BA'I PHYIR BDAG 'JUG BLANG BA SOGS KYANG NAN TAN DU BYA, ,KHYAD PAR DU DA LTA BSTAN PA'I GZUGS BRNYAN KHO NAR SONG BA'I DBANG GIS DGE SLONG DU KHAS 'CHE BA PHAL MO CHE ZHIG CHOS GOS DANG MA BRAL BA TZAM LAS LHAG PA'I BSRUNG BYA GZHAN MED PA LTA BUR @016B GO SNANG LA, MTHANG GOS SOGS DANG 'BRAL SPANGS YOD BA'I GTAM TZAM YANG MTSOR 'DUG PAS, ,DE'I SHAN LA BRTEN NAS BLA GOS KYI BYIN RLABS KYANG RMEG MED DU SONG STE, SPANG LTUNG 'BA' ZHIG GI PHUNG POR 'GYUR ZHING, 'CHAD SPANG SOGS LA YANG YID ZON BYED PA MI SNANG MOD, ,SBYIR LTUNG BA DANG ZHAG TU MI 'GROGS PA GAL CHE LA, KHYAD PAR DU DUS NGES PA'I MTHA' CAN RNAMS LA GZAB PAR MA BYAS NA, ,LTUNG BA DNGOS DANG DE'I SHAN YANG 'PHEL KHA SOGS RIM GYIS NAGS LAM MCHED PA LTAR BZLOG DKA' BAS, NYIN DER RANG LA MO BYAD GSAR PA BYUNG MA BYUNG BRTAG STE, MKHO BA'I YO BYAD DU BYIN GYIS BRLABS PA'I DNGOS PO NI, ,'TSO BA'I YO BYAD DANG LHAG PA'I YO BYAD GNYIS LAS GZHAN PA ZONG GOS SU NGES PA DANG, MA NGES PA GNYIS GANG YANG RUNG BA, ,CHOS LDAN GYI DGOS PA'I PHYIR YIN PA, KHRU GANG YAN CHAD DU LONGS PA SOGS BZUNG STE, CHO GA NI LHA DGONGS SU GSOL, ,GOS 'DI BDAG DANG TSANGS PA MTSUNGS PAR SPYOD PA LA MKHO BA'I YO BYAD KYI GOS SU BYIN GYIS BRLAB BO, ,ZHES LAN GSUM, 'DI NI DKAR PO DANG, KHA TSAR CAN LA SOGS PA LA YANG BYIN RLABS 'CHAGS SO, 'TSO BA'I YO BYAD PHRAN TSEGS NI, ZHVA DANG SKA RAGS DANG STAN LA SOGS PA KHRU GANG DU LONGS BA RNAMS, BDAG MING 'DI ZHES BGYI BA'I GOS 'DI ZHVAR BYIN GYIS BRLAB BO, ,ZHES LAN GSUM BRJOD GZHAN RNAMS LA YANG 'DIS RIGS BSGRE BAR BYA'O, ,KHRU GANG DU MA LONGS PA RNAMS LA RANG RANG GI MING DU LAN GCIG SEMS BSKYED CING, ZHEN PA MED PAR BCANG NGO, , @017A *, ,LHAG PA'I YO BYAD GDONG PHYIS LA SOGS PA KHRUR MA LONGS PA RNAMS NI YID KYIS BRTAG STE BCANG NGO, ,MKHO BA'I YO BYAD PHRAN TSOGS NI RANG GZHAN GYI CHOS LDAN GYI DGOS PA'I CHED DU 'CHANG BA'I KHRU GANG DU MA LONGS PA'I GOS ZONG GOS SU NGES PA DANG, MA NGES PA RNAMS YIN PAS YID KYIS BRTAG PA BYAS LA BCANG NGO, ,BSAM PA NI 'TSO BA'I YO BYAD LA RANG GI DANG, LHAG PA'I YO BYAD LA GZHAN GYI DANG, MKHO BA'I YO BYAD LA RANG GZHAN GNYIS KA'I BLOS BCANG NGO, ,MI RUNG BA'I DNGOS PO LA, LHA DGONGS SU GSOL, ,BDAG DGE SLONG MING 'DI ZHES BGYI BAS DNGOS PO RUNG BAM LAGS PA 'DI RNYED DE, BDAG DGE SLONG MING 'DI ZHES BGYI BAS DNGOS PO RUNG BA MA LAGS PA 'DI BYIN GYIS BRLAB BO, ,DNGOS PO RUNG BA MA LAGS PA 'DIS DNGOS PO RUNG BA BSGRUB PAR BGYI'O, ,ZHES LAN GSUM BRJOD, ,SMAN DANG SHES PA CHUNG NGU'I RUNG KHANG BYIN RLABS SOGS KYANG GAL CHE LA 'DIR MA BRIS PAS, 'DUL 'DZIN GYI GZHI GSUM CHO GA DANG, RJE BTZUN YE SHES RGYAL MTSAN GYI GZHI GSUM GSAL BYED SOGS SU BLTA'O, ,GAL TE 'DI DAG GIS GOS NA YO BYAD RNAMS SPANGS TE LTUNG BA MING RIGS MTHUN BSAM GOS PA'I DGE SLONG GI MDUN DU PHYIR BCOS BYAS NAS SLAR YANG BYIN RLABS BYA, ,DE NAS THUN GYI MTHAR BZANG PO SPYOD PA SOGS SMON LAM RGYAS PA'AM, DE'I DON BSDUS PA, 'JAM DPAL DPA' BO ZHES SOGS SHO LO KA GNYIS DANG, LAM RIM SMON LAM DANG BSTAN 'BAR MA'AM, BSDUN, @017B RGYAL SRAS SMON LAM GANG+GA'I KLUNG RNAMS NI, ,DAM CHOS 'DZIN PA'I SMON LAM NANG 'DUS PAR, ,GSUNGS PHYIR DGE RTZA JI SNYED BSAGS PA RNAMS, ,KUN KYANG THUB BSTAN RGYAS PA'I RGYU RU BSNGO, ,ZHES DANG, SHES KYI KHE 'DOD PA DANG GRAGS PA DANG, ,'KHOR DANG LONGS SPYOD RNYED DANG BKUR STI'I RGYUR, ,SKAD CIG TZAM YANG NAM YANG MI SMIN PAR, ,BLA MED BYANG CHUB KHO NA'I RGYUR GYUR CIG ,CES SOGS DANG, BDE BA CAN NAM DGA' LDAN LTA BUR 'PHEN PA BYED NA YANG DE'I SMON TSIG CI RIGS SBYOR, ,SNGAR GYI DGE SBYOR LA SDONG GROGS MDZAD PA'I GTANG RAG DANG, SANG PHAN CHAD KYI 'PHRIN LAS BCOL BA'I PHYIR SKYES BU GSUM GYI LAM GYI CHOS SKYONG SOGS LA GTOR 'BUL RGYAS BSDUS CI RIGS BYA, ,NAM GUNG GI THUN LA LDANG NUS NA LEGS KYANG, MA LCOGS NA DE'I DOD DU NYAL KHAR SLAR YANG THUN DRUG GI RNAL 'BYOR SHIN TU BSDUS PA TSAR GCIG BYA, DE NAS SANG 'DI TZAM GYI DUS SU LANGS LA DGE SBYOR LA BRTZON PAR BYED SNYAM PA'I 'PHEN PA BTANG NAS, ,RAB GNYID DUS KYI BSRE BA DANG, GZHAN DGE BA'I DRAN SHES DANG LDAN PAS NYAL BAR BYA STE, MGON PO KLU'I ZHABS KYIS, RIGS PA'I BDAG NYID NYIN PAR MTHA' DAG DANG, ,MTSAN MO'ANG THUN GYI STOD SMAD 'DAS NAS NI, ,MNAL TSE'ANG 'BRAS BU MED PAR MI 'GYUR BAR, ,DRAN DANG LDAN PAR DE DAG BAR DU MNOL, ,ZHES GSUNGS PA LTAR RO, ,SMRAS PA, TSUL KHRIMS RNAM PAR DAG PA'I LUS MDZES SHING, ,THOS BSAM 'DAB ZUNG GA-YO BA'I BHRAM RA:, ,RNAM GA-YENG 'DU 'DZIS DBEN PA'I SKYED TSAL DU, ,NGES 'BYUNG GLU DBYANGS LEN DE SKYID BA'I @018A *, ,MCHOG ,DE LTA'I BSOD NAMS BSAGS PA'I SKAL BZANG GIS, ,CHOS SPYOD JI LTAR BYA BA DRANG PO'I LAM, ,GSAL BAR BYED PA'I LEGS BSHAD SGRON MA 'DIS, ,LAM GOL RMONGS BA'I MUN PA SANGS PAR GYIS, ,SNYIGS DUS SKYE BO'I TSE LA LONG MED CING, ,SRID PA'I PHUN TSOGS NYES MANG MNOG CHUNG BAS, ,GROGS DAG 'BRAS MED SPUN PA MA 'PHYAR BAR, ,GTAN GYI 'DUN MA BSGRUBS NA MI LEGS SAM, ,SDUG BSNGAL CHU GTER CHE LAS SGROL BA'I GRU; ;DAL BRGYAD 'BYOR BCU LDAN PA'I RTEN THOB NAS, BAG MED GNYID DANG LE LOS DUS 'DA' BA, ,NGAN SONG GNAS SU LHUNG TSE MI 'GYOD DAN, ,ZAS NOR BSAGS PA KUN GYI MTHA' MDZAD CING, ,GNYEN MANG DU MA 'DUS KYANG SO SOR 'BRAL, , MTHON PO'I MTHA' RGUD SKYES PA KUN 'CHIN, ,ZON MED BDE BAR SDOD PA KHYOD KHOM MAM, ,DE BAS NAM MJUG 'CHAD KA'I BUNG BA DANG, ,LONG MED DGUN NYI LTA BU'I TSE THUNG 'DI, ,BDE DANG SDUG BSNGAL JI LTAR GYUR KYANG SLA, ,BRTZON BAS BYANG CHUB DAM PA BSGRUBS NA LEGS, ,'DIR 'BAD DGE BAS THUB BSTAN MKHA' DBYINGS SU, ,SGRUB RGYUD BSTAN PA'I NYI MA RAB GSAL ZHING, ,THEG GSUM RIGS CAN RIGS KYI 'DAB BRGYA PA, ,RNAM GROL GE SAR SNYING POS MDZES GYUR CIG , CES TSE GCIG GI NYAMS LEN RNAMS NYIN ZHAG PHRUGS GCIG LA SBYAR TE LAG TU BSTAR BA'I TSUL CHOS SPYOD GSAL BA'I SGRON ME ZHES BYA BA 'DI NI RGYAL PA'I GSUNG RAB LA THOS BSAM TSUL BZHIN DU BYAS BRDO RAM PA TSANGS DBYANGS RGYAL MTSAN @018B GYIS THOS DON SGRUB PA LA SBYAR BA'I CHED DU DBEN PA'I RI KHROD DU 'GRO BAR CHAS PA'I TSE 'DI LTA BU ZHIG DGOS ZHES NAN TAN DU BSKUL BAR BRTEN THUN DRUG GI RNAL 'BYOR DANG SDOM PA GSUM GYI BSNGO BGRANG SOGS LA NYAMS LEN GYI MTHIL DU BYED PA NI RGYAL BA'I DGONGS PA MTHAR THUG PA DANG MNYAM MED RI BO DGE LDAN PA'I KHYAD CHOS BLA NA MED PA YIN PAS DE RNAMS GTZO BOR BZUNG, BYIN RLABS KYI KHYAD NAS RJE YAB SRAS DANG PAn CHEN THAMS CAD MKHYEN PA'I GSUNG GI TSIG RIS RNAMS RANG SOR BZHAG ,BAR MTSAMS SU TSIG SBYOR CUNG ZAD SNON DGOS PA RNAMS BSNAN TE, 7BTZUN PA DKON MCHOG BSTAN PA'I SGRON MES DPAL LDAN BKRA SHIS 'KHYIL GYI 'DU KHANG CHEN MO'I YANG RTZER SBYAR BA 'DIS KYANG 'JAM MGON BSTAN PA'I SNYING PO PHYOGS DUS KUN TU RGYAS PAR GYUR CIG , ,,