@001A *, ,DGE LDAN BSTAN PA RGYAS PA'I SMON LAM GRUB PA'I BDEN TSIG GI 'GREL PA BZHUGS SO, , @001B *, ,RGYAL SRAS SMON LAM KLUNG BRGYA 'KHYIL BA'I BCUD, ,RGYAL BSTAN SNYING PO SPEL BA'I SMON PA'I 'BRAS, ,JI BZHIN 'GRUB PHYIR BLA MA MCHOG GSUM LA, ,'DUD DO BSLU MED BDEN TSIG SHIS PAS SKYONGS, ,DE'ANG DGE LDAN LUGS BZANG SPEL BA'I SMON TSIG 'DI NYID KYI DON MDO TZAM 'CHAD PA LA RGYU PHUN SUM TSOGS PA'I BDEN TSIG BRJOD PA, NGO BO PHUN SUM TSOGS PA'I BDEN TSIG BRJOD PA, GROGS PHUN SUM TSOGS PA'I BDEN TSIG BRJOD PA GSUM, DANG PO LA 'ANG GSUM LAS, RGYAL BA MA LUS SKYED PA'I YAB GYUR KYANG, ,RGYAL SRAS TSUL GYIS ZHING KHAMS RAB 'BYAMS SU, ,RGYAL BA'I CHOS 'DZIN THUGS BSKYED BDEN PA'I MTHUS, ,BLO BZANG RGYAL BA'I BSTAN PA RGYAS GYUR CIG ,DUS GSUM GYI RGYAL BA THAMS CAD SLOB BA'I GNAS SKABS SU MGON PO 'JAM DBYANGS KYIS BSHES GNYEN MDZAD DE SANGS RGYAS TSUL MDO SDE DU MA DANG, 'JUG PA RANG 'GREL SOGS SU GSUNGS LA, BCOM LDAN 'DAS MNGON PAR 'TSANG RGYA BA'I TSE BDUD BTUL BA LA'ANG 'DI'I MTHU YIN PAR DMAR NAG GI RGYUD GNYI GA LAS GSUNGS, MDOR NA THABS BDE CHEN GYI ROL PAS TSUL DE LTAR STON PA'I YAB DANG, SHES RAB KYI PHA ROL TU PHYIN PA'I RANG BZHIN DU GYUR PAS RGYAL BA'I YUM DANG, ZHING RAB 'BYAMS SU ZAB MO'I LTA BA GTZOR GYUR GYI @002A *, ,GSUNG GI MDZOD 'CIN PAS SRAS SU GYUR PA SLOB DPON ZHI BA YE SHES KYIS GSUNGS PA LTAR YIN PAS, PHYOGS BCU DUS GSUM KUN TU LHUN GYIS GRUB PA'I THUGS BSKYED 'PHRIN LAS KYI BDEN PA DES ZHING 'DIR YANG BSTAN PA'I SNYING PO RGYAS PAR SMON PA'O, ,'DI NI NGES DON THUN MONG MA YIN PA YIN ZHING, DRANG DON TSUL BSTAN GYI RIM BAR YANG GDUL BYA'I BLO TSOD KYIS THUN MONG MA YIN PA DANG THUN MONG BA GNYIS SU YOD PA'I SNGA MA NI, SNGON TSE DBANG PO'I TOG GI SPYAN SNGA RU, ,DAM BCAS TSE NA SNYING STOBS CHEN PO ZHES, ,SRAS BCAS RGYAL BAS BSNGAGS BRJOD BDEN PA'I MTHUS, ,BLO BZANG RGYAL BA'I BSTAN PA RGYAS GYUR CIG ,KLU SGRUB KYIS MDO KUN BTUS SU GSUNGS PA BZHIN RGYAL BA DBANG PO'I TOG BSKAL BA DPAG MED KYI SNGON NAS BYUNG BA YIN LA, DE'I 'KHOR DU RJE BTZUN 'JAM DBYANGS DANG RJE BLA MAS BYANG SEMS 'JAM DBYANGS KYI SLOB MAR GYUR PA ZHIG GI TSUL YANG BZUNG STE SNGAGS DANG DBU MA'I LTA BA ZUNG DU 'BREL PA'I BSTAN BA'I SNYING PO SPEL BAR DAM BCAS PA NA RGYAL BA SRAS BCAS KYIS CHED DU BSNGAGS PA MDO DANG RGYAN GYI BSTOD BKUR BSNGAGS GSUM LTA BU MDZAD PA'I BDEN TSIG GI STOBS KYIS BSTAN PA RGYAS PAR SMON PA'O, ,GSUM PHA DRANG DON THUN MONG BA NI, LTA @002B SPYOD GTZANG MA'I BRGYUD PA SPEL BA'I PHYIR, ,THUB PA'I DRUNG DU SHEL DKAR 'PHRENG BA PHUL, ,CHOS DUNG GNANG ZHING LUNG BSTAN BDEN PA'I MTHUS, ,BLO BZANG RGYAL BA'I BSTAN PA RGYAS GYUR CIG ,BKA' GDAMS LHA CHOS BDUN LDAN GYI GTZANG NANG GTZANG PADMA'I SBUBS LTA BU'I SROL DBYE BA'I RTEN 'BREL DU STON BA'I DUS BRAM ZE KHYE'UR GYUR PAS SHEL DKAR GYI PHRENG BA BRGYA RTZA GCIG PHUL, DE PHYIS BSNYEN PAR RDZOGS PA DGE SLONG PADMA'I NGANG LDAN LA MA DROS BAS PHUL BA'I CHOS DUNG GNANG ZHING 'GOG PA RIR GTER DU SBAS NA DGA' LDAN GYI TSOGS DUNG DU 'GYUR BAR LUNG BSTAN TSUL LANG GSHEGS RGYA NAG GI 'GYUR LAS GSUNGS, 'JAM DPAL RTZA RGYUD DU'ANG RJE'I MTSAN DANG MDZAD PA, DE TSE DGON CHEN RAB DGA' BA, ,ZHES SOGS KYIS DGON GNAS GRUB MTHA' DANG BCAS PA LUNG BSTAN TE GSUNG GIS BYIN GYIS BRLABS SHING THUGS KYI DGONGS PA GTAD PA'I BDEN PAS BSTAN PA RGYAS PAR SMON PA'O, ,GNYIS PA NGO BO PHUN SUM TSOGS PA'I BDEN TSIG LA GSUM MTSAN GNYIS, BZHI TSAN GCIG ,GNYIS TSAN GSUM STE DRUG LAS DANG PO LTA SGOM SPYOD GSUM LA SBYAR BA NI, LTA BA RNAM DAG RTAG CHAD MTHA' LAS GROL, ,SGOM PA RNAM DAG BYING RMUG MUN PA SANGS, ,SPYOD PA RNAM DAG RGYAL BA'I BKA' BZHIN BSGRUBS, ,BLO BZANG RGYAL BA'I BSTAN PA RGYAS GYUR CIG ,'DI NI BRDA SBYOR TSUL TZAM LAS DON NI SHES RAB, TING NGE 'DZIN, TSUL KHRIMS KYI BSLAB PA GSUM YIN, DGAG BYA KHYAD PAR GSUM LDAN @003A *, ,LTA BU KHYAB CHUNG BA MA YIN PAS RTAG MTHA' LAS GROL, GZHAN NGO TZAM DU BSKYAL TE DON LA CI YANG MED PAR 'DZIN PA'I DGAG BYA KHYAB CHE BA LTA BU MA YIN PAS CHAD MTHA' LAS GROL TE, MTHA' BRAL DBU MA'I LTA BA KLU SGRUB KYI DGONGS PA JI LTA BA DANG, SGOM YANG BYING RMUG SOGS JI BZHIN MA PHYAD PAS GLOD RAB LA SGO MAR BA CES BYING BA BSAGS PA LTA BU MA YIN PAR TING NGE 'DZIN SKYON MED SGRUB TSUL DBUS MTHA' DANG SA SDE JI LTA BA DANG, DGAG SGRUB GNANG BA'I MTSAMS RGYAL BA RANG NYID KYIS GANG GSUNGS PA LTAR BYED KYI GO LOGS SU MI BYA BA SDOM GSUM RAB DBYER GSUNGS PA LTA BU YIN PAS BSLAB PA GSUM GYIS BSDUS PA'I RTOGS PA'I BSTAN PA'I SNYING PO DE NYID RGYAS PAR SMON PA'O, ,GNYIS PA MKHAS BTZUN BZANG GSUM LA SBYAR BA NI, ,MANG DU THOS PA RGYA CHER BTZAL BAS MKHAS, ,THOS DON JI BZHIN RGYUD LA SBYAR BAS BTZUN, ,KUN KYANG BSTAN 'GRO'I DON DU BSNGO BAS BZANG, ,BLO BZANG RGYAL BA'I BSTAN PA RGYAS GYUR CIG ,SDE SNOD GSUM, RGYUD SDE BZHI, RIG PA'I GNAS LNGA MTHA' DAG LA ZHIB TU SBYANGS BAS MKHAS PA, GANG SHES RGYUD LA SBYAR TE BSLAB PA GSUM GYI SGO NAS DUL ZHING ZHI LA NYE BAR ZHI BAS BTZUN PA, CHOS BRGYAD DKAR NAG KHRA GSUM GANG GIS KYANG MA BSLAD PAR MKHA' KHYAB KYI BSTAN 'GRO'I DON DU BSGYUR TSUL GSUNG THOR BUR 'BYUNG BA LTAR YIN PAS BZANG BA STE DE LTA BU'I RNAM PAR THAR PA RJE BLA MA RANG NYID DANG, DE'I SROL @003B RJES 'JUG BU SLOB RNAMS KYIS BSKYANGS PA'I BDEN PA'I MTHUS BSTAN PA RGYAS PAR SMON PA'O, ,GSUM PA CHE BA BZHI DANG SBYAR BA NI, DRANG NGES GSUNG RAB MA LUS 'GAL MED DU, ,GANG ZAG GCIG GI NYAMS LEN GDAMS PA RU, , NGES PA RNYED PAS NYES SPYOD MTHA' DAG 'GAGS, ,BLO BZANG RGYAL BA'I BSTAN PA RGYAS GYUR CIG ,DRANG NGES KYI GSUNG RAB SGRAS ZIN MI MTHUN YANG GDUL BYA'I DBANG GIS YIN PAS DON 'GAL BA MED PA DANG, DE THAMS CAD GANG ZAG GCIG LA 'ANG SNGA PHYIR NYAMS LEN DU 'KHYER DGOS PA'I GDAMS PAR 'CHAR BA DANG, THABS SNA TSOGS KYIS 'BRAS BU MTHAR THUG TU BKRI BAS DGONGS PA RNYED PA DANG, DE'I MTHUS THEG PA GSUM, MDO SNGAGS GNYIS SOGS RIS SU BCAD PA'I CHOS SPONG GI LAS RNAM PAR 'THAG PA THAMS CAD BSDUS PAR GSUNGS PA LTA BU'I NYES SPYOD CHEN PO BGAG PA STE, CHE BA BZHI NI BYANG CHUB LAM RIM LA DNGOS SU GSUNGS SHING, DON LAN DE BYAN TSUD PA ZHIG GIS BLO MIG YANGS POR PHYE STE BLTAS NA RJE'I GSUNG THAMS CAD LA TSANG BAS BSTAN PA KHYAD PAR DU 'PHAGS PA DE LTA BU RGYAS PAR SMON PA'O, ,BZHI PA BSHAD SGRUB GNYIS SAM MKHAS GRUB KYI YON TAN GNYIS LA SBYAR BA NI, LUNG CHOS SDE SNOD GSUM GYI 'CHAD NYAN DANG, ,RTOGS PA'I BSTAN PA BSLAB GSUM NYAMS LEN TE, ,MKHAS SHING GRUB PA'I RNAM THAR RMAD DU BYUNG, ,BLO BZANG RGYAL BA'I BSTAN PA RGYAS GYUR CIG ,RNAM PAR BSHAD PA'I SGO BSDU BA DANG, RNAM BSHAD RIG PAR GSUNGS @004A *, ,BA LTA BU BSTAN PA'I RMANG GZHIR 'GYRU NGES PA'I 'CHAD NYAN GYI SGO NAS LUNG GI BSTAN PA 'DZIN PA DANG, LUNG SDE SNOD GSUM GYI BRJOD DON LAM BSLAB PA GSUM PO NYAMS SU BLANGS TE TSUL BZHIN SGRUB BA'I SGO NAS RTOGS PA'I BSTNA PA 'DZIN PA STE RGYAL BA'I BSTAN PA 'DZIN PA'I TSUL DE GNYIS SU NGES PAR MDZOD LAS GSUNGS PA JI LTA BA BZHIN PHYAG LEN DU THEBS BAS MKHAS GRUB GNYIS 'DZOM GYI RNAM THAR DANG BSTAN BA'I BA'I BYA BA DE NYID DAR ZHING RGYAS PAR SMON PA'O, ,LNGA PA MDO SNGAGS GNYIS LA SBYAR BA NI, PHYI RU NYAN THOS SPYOD PAS ZHI ZHING DUL, ,NANG DU RIM GNYIS RNAL 'BYOR GDANG DANG LDAN, ,MDO SNGAGS LAM BZANG 'GAL MED GROGS SU 'KHYER, ,BLO BZANG \SNGAGS KYI NYAMS LEN ZAB MOS SA LAM GYI BGROD PA MYUR BA STE RANG GZHAN MTHA' DAG GI DON DU 'GYUR BAS BSTAN PA YONGS RDZOGS KYI SROL BZANG RGYAS PAR SMON PA'O, ,DRUG PA BDE STONG GNYIS LA SBYAR BA NI; RGYU YI THEG PAR BSHAD BA'I STONG PA NYID, ,'BRAS BU'I THABS KYIS SGRUB PA'I BDE CHEN DANG, ,MNYAM SBYOR CHOS PHUNG BRGYAD KHRI'I SNYING PO'I BCUD, ,BLO BZANG RGYAL BA'I BSTAN PA RGYAS GYUR CIG ,DBANG MDOR BSTAN DANG, DRI @004B MED 'OD, SNYIM TOG SOGS SU GSUNGS PA BZHIN YUL MTHA' BRAL GYI LTA BA DANG, SNGAGS BLA MED KYI PHYI NANG GI THABS MKHAS LA BRTEN PA'I BDE BA CHEN PO DBYER MED DU SBYOR BA CHOS PHUNG BRGYAD KHRI BZHI STONG GI SNYING PO SKU GSUM LAG BCANGS SU GTONG BA'I MAN NGAG GI MTHAR THUG 'DI DAG RGYAS PAR SMON PA'O, ,GSUM PA GROGS PHUN SUM TSOGS PA'I BDEN TSIG LA GNYIS LAS, DANG PO SDONGS GROGS MDZAD PA'I CHOS SKYONG KHAYD PAR CAN LA SBYAR BA NI, SKYES BU GSUM GYI LAM GYI SRUNG MA'I GTZO, ,MYUR MDZAD MGON DANG RNAM SRAS LAS GSHIN SOGS, ,BSTAN SRUNG DAM CAN RGYA MTSO'I MTHU STOBS KYIS, ,BLO BZANG RGYAL BA'I BSTAN PA RGYAS GYUR CIG, ,SKYES BU CHEN PO'I LAM GYI SROG THOG MTHA' BAR GSUM DU GAL CHE BA SNYING RJE CHEN PO'I RANG MDANGS MYUR MDZAD YE SHES KYI MGON PO, 'BRING GI LAM GYI GZHI RTEN TSUL KHRIMS KYI BSLAB PA DANG 'DUL BA'I SDE SNOD KYI SRUNG MAR BKAS BSNGAS PA RNAM SRAS, CHUNG NGU'I LAM GYI GTZO BO LAS 'BRAS KYI SHAN 'BYED CHOS RGYAL TE GSUM GYIS GROGS MDZAD PAS BSTAN PA YONGS RDZOGS KYI SDOM CHEN PO SKYES BU GSUM GYI LAM TSANG MA NOR BA 'DI RGYAS PAR SMON PA'O, ,GNYIS PA BLA SLOB SBYIN BDAG SOGS SGO THAMS CAD NAS PHUN SUM TSOGS PAR SMON PA NI, MDOR NA DPAL LDAN BLA MA'I SKU TSE BRTAN, ,MKHAS BTZUN BSTAN 'DZIN DAM PAS SA STENG GANG, ,BSTAN PA'I SBYIN BDAG MNGA' THANG DAR BA YIS, ,BLO BZANG RGYAL BA'I BSTAN PA RGYAS GYUR@005A *, ,CIG ,CES PA YIN LA, SBYAR BYANG NI, CES PA 'DI NI LHAG BSAM RNAM DPYOD YANGS PA RAB 'BYAMS PA BLO BZANG BSTAN PAS BSKUL ZHING, SPYIR DENG DUS RJE BLA MA'I BSTAN PA 'DI NI ZUNGS ZAD KYI NAD PA SMAN PAS BOR BA BZHIN DU BDAG TU 'DZIN PA 'GA'ANG MI SNANG BAS CUNG ZAD RE BSRING THUB NA'ANG CI MA RUNG SNYAM DU SMON PA'I YID KYIS, 7BTZUN PA DKON MCHOG BSTAN PA'I SGRON MES BRIS PA'O, ,ZHES PA STE GO SLA'O, ,MCHOG GSUM THUGS RJES MI BSLU ZHING, ,LHAG BSAM CHUD MI ZA BA YI, ,BDEN PA CHEN PO'I BDEN TSIG 'DIS, ,BDEN DON MNGON DU 'GYUR BAR SHOG ,CES PA 'DI NI SNGA SOR GDAN SA CHEN PO SKU 'BUM NAS MANG THOS SGRUB PA'I RGYAL MTSAN 'DZIN PA DKON MCHOG SMON LAM SOGS SPONG BA PA 'GA' ZHIG DANG, MI NYAG DRUNG YIG TSUL KHRIMS BSTAN 'DZIN, 7'JAM DBYANGS GONG MA'I BKAS PHYOGS DU MAR DGE LDAN LUGS BZANG SPEL BA YI LI'I MKHAN RIN PO CHE LHA RAM PA NGAG DBANG BZANG PO SOGS KYIS BSKUL ZHING NYE CHAR BSTAN PA'I GSAL BYED GUR YAG SPRUL BA'I SKU NGAG DBANG BSTAN 'DZIN CHOS 'PHEL GYIS NAN TAN DU BSKUL BAR BRTEN 7BTZUN BA DKON MCHOG BSTAN PA'I SGRON MES BSTAN PA'I KHYAD CHOS GZHAN DANG MI 'DRA BA'I TSUL MTHA' CHOD PAR SHES 'DOD PA RNAMS RJE'I BSTOD 'GREL LA ZHIB TU BLTAS NA DES 'THUS PAR YOD PAS, 'DIR DON GYI NGO BO MDOR BSDUS PA'I SA BON TZAM ZHIG BKOD PA YIN NO,, ,,