@001A *, ,PHUL BYUNG LEGS BSHAD MA'I 'GREL PA MKHAS PA'I DGA'
STON ZHES BYA BA BZHUGS SO, ,

@001B #, ,TSAD MA'I STON PA MCHOG DANG DES GSUNGS PA'I, ,DAM
CHOS DE 'DZIN BYED PA DGE 'DUN TE, ,MCHOG GSUM ZHING LA SHES NAS
DANG BA YIS, ,'DUNG DO DON GNYIS PHUN

SUM TSOGS PAR MDZOD, ,DE'ANG, PHUL BYUNG LEGS BSHAD ZAB MO'I
SGRA DBYANGS KYIS, ,SA GSUM DKYIL 'KHOR KUN KHYAB BAG YOD PA'I,
,SPYOD TSUL MA SMAD GA-YAS SU 'KHYIL BA'I DUNG, ,DGE LEGS

CHU GTER SNYING PO RGYAL GYUR CIG ,CES BYA BA LA SOGS PA NI
BSHAD PAR BYA BA STE SHO LO KA DANG PO 'DIS MDOR BSTAN TO,
,DE'ANG MDO SNGAGS RIG GNAS KYIS BSDUS PA SA GSUM GYI GDUL BYA

MTHA' DAG LA GANG NYE BAR MKHO BA'I LEGS BSHAD KYI DGA' STON MA
TSANG BA MED BA'I SGRA DBYANGS KYIS YONGS SU KHYAB PA MKHAS PA'I
YON TAN DANG, DE'ANG TSIG SPYI'I BSHAD PA TZAM MA YIN PAR

LAG TU BLANGS TE SGO GSUM BAG YOD PA'I SPYOD TSUL RGYAL BA'I
DGONGS PA'I RJES SU MTHUN PAR GA-YAS SU 'KHYIL BA BTZUN BA'I YON
TAN DNGOS SU BSTAN LA, RANG GIS JI LTAR NYAMS SU BLANGS

PA BZHIN 'DOMS PA DON MTHUN ZHING DON SPYOD PA NI LHAG PA'I BSAM
PA'I MTHU KHO NA LAS 'BYUNG BAS BZANG PO'I YON TAN SHUGS KYIS
BSDUS SHING, YANG NA GNAS SKABS DANG MTHAR THUG TU

@002A#, ,DGE ZHING LEGS BA'I LHAG PA'I BSAM PA RNAM PAR DAG PA'I
CHU GTER GYI KHONGS LAS BYUNG BA BZANG PO'I YON TAN TE, 'DIS NI
STON PA'I DAM CHOS RNAM PA GNYIS

JI LTAR 'DZIN PA'I THABS MA TSANG BA MED PAS BSTAN 'DZIN GYI
SKYES BUR STON PA STE, DBYANGS CAN NGAG GI ROL MTSOR BSHAD PA
BZHIN YANG SRID RNAM PA DU MAR SKYE BA DANG SPRUL SKU'I MING
TZAM LAS,

LEGS PAR BSHAD PA'I SGRA DBYANGS KYIS RMONGS PA'I RIMS NAD
'PHROG PAR MI NUS NA DGOS NUS CI'ANG MED PAS, 'DIR DE LAS BZLOG
STE SRID ZHI'I RGUD PA MTHA' DAG LAS RGYAL BAR NUS PA'I DON
BZHIN

DU SHIS BA BRJOD CING DNGOS PO NGES PAR BSTAN PA'O, ,DE NYID
RGYAS PAR BSHAD PA LA, MDO'I BSTAN PA 'DZIN TSUL, SNGAGS KYI
BSTAN PA 'DZIN TSUL, DON BSDU BA STE GSUM, DANG PO LA, RANG

GIS THOS BSAM SGOM GSUM GYIS GTAN LA DBAB TSUL, GZHAN LA 'CHAD
RTZOD RTZOM GSUM GYIS SPEL TSUL GNYIS, DANG PO NI, BYIN RLABS
NYI MA'I GDENGS KA MTHO, ,MAN NGAG RGYA MTSO'I

'JING LA GNAS, ,LHAG BSAM GSER GYI RANG BZHIN CAN, ,BSHES GNYEN
LHUN PO'I DRUNG NA MDZES, ,ZHES GANG LAS THOS PA BYA BA'I YUL
LEGS TSOGS MA LUS PA'I RTZA BA BSHES GNYEN MTSAN

@002B NYID DANG LDAN PA TSUL BZHIN DU BSTEN PA'I TSUL TE, DE'ANG
GDUL BYA SMIN PAR BYED PA'I BYIN RLABS KYI MTHU DANG LDAN ZHING,
THAR BAR 'KHRID PA'I MAN NGAG GI GNAD MTHA' DAG LA DBANG 'BYOR
PA, LHAG PA'I BSAM PA RMAD DU BYUNG BA

DGOS SHING, SLOB MA'ANG DE DANG RJES SU MTHUN PA DGOS PA'I DPE'I
KHYAD PAR GSUM NI GTZO PHAL GYI TSUL DU GNYI GA DANG 'BREL LO,
,DE LAS THOS PA BYAS PA'I TSUL DNGOS NI, CHER RLOM RI BO'I
'PHRENG BA YIS, ,MA BZUNG MANG

DU THOS PA'I CHAB, ,'DUN LDAN THUGS KYI GSHONG BU RU, ,LUNG RIGS
LBUB 'DZUM ZHING 'KHYIL, ,ZHES BYA STE, DENG DUS BLA MA CHE CHE
MO'I SKYE BA, SANGS RGYAS BYANG SEMS SHIG GI RNAM 'PHRUL, SKYES
CHEN GYI GANG NAS DANG LUNG LAS KA SOGS SGRO

BTAGS KYI MING DANG GRAGS SKAM RE'I MNGON RLOM GYIS MTHO BAS,
BLA MA BSTEN PA DANG CHOS NYAN PA SOGS LA NGO TSAR BRTZI BA
RNAMS KYI RNAM PAR THAR BA NI 'PHYON MA'I ZLOS GAR BZHIN DU
GZIGS TE RING DU DOR, DANG POR RGYA CHEN THOS PA

MANG DU TSOL BA'I SNGON BYON DAM PA'I RNAM PAR THAR BAS THUGS
YONGS SU DRANGS TE, KHENGS DREGS DANG PHYOGS LHUNG LOG BSAM
BSLAD PA, GZUR GNAS BLO LDAN DON GNYER BA, ,ZHES BYA BA'I MTSAN
NYID CAN GYI THUGS KYI GSHONG BUR

YON TAN GYI CHU BO YONGS SU 'KHYIL TE BKA' GDAMS GONG MA RNAMS,
NGA RGYAL GYI SGANG BU LA YON TAN GYI CHU MI 'BAB PAS SKA MGO
SMOD GSUNG BA BZHIN NO, ,DE'ANG SDOM PA GSUM LDAN DU SGRUB CING
MDO SNGAGS ZAB RGYAS KYI

@003A *, ,GDAMS PA'I BDUD RTZIS THUGS RGYUD GTAMS PAR MDZAD PAS
TSUNGS ZLA MED PA'I RIGS KYI BDAG PO NI SKYABS MGON RDO RJE
'CHANG RJE BTZUN 'JIGS MED DBANG PO'I ZHAL SNGA NAS NYID YIN LA,
GZHAN YANG SDE SNOD

RGYA MTSO'I MNGA' BDAG KHRI BSOD NAMS DBANG RGYAL, RNAL 'BYOR
GYI DBANG PHYUG KHRI BSOD NAMS GRAGS PA SOGS GDAN SA RANG GI BLA
MA GDAN ZUR THEG PA MCHOG GI YONGS 'DZIN DU MA DANG, GZHAN NAS
KYANG MAN NGAG GI GTER MDZOD BRAG

DKAR DKA' BCU NGAG DBANG GRAGS PA SOGS BSHES GNYEN DAM PA 'GA'
ZHIG ,DBUS GTZANG DU BSTAN PA'I RTZA LAG KHRI RIN PO CHE BLO
BZANG BKRA SHIS PA SOGS SKYES CHEN DAM PA DU MA STE MDOR NA CHOS
TSOL BA LA MI NGOMS PA GZHON NU NOR

BZANG DANG NAG TSO LO TZ'A BA SOGS KYI RNAM THAR BZHIN BLA MA
DAM PA SUM CU LHAG PA TZAM GYI ZHABS PAD BSAM SBYOR GNYIS KYIS
TSUL BZHIN DU BSTEN, SHIN TU NA TSOD PHRA MO'I DUS KYI DGE RGAN
LA'ANG THA MAL PA'I KHU TSAN GYI 'GROGS LUGS MA

YIN PAR BLA MAR BZUNG NAS DAG SNANG SBYANGS SHING DE'I ZHAL TA
RNAMS MA BRJED PAR THUGS LA BCANG BAS PHYIS SU'ANG BSKYOR RGYU
'DUG PA NI DPYOD SHES BA ZHIG GIS BLTAS NA YA MTSAN CHE BAR
SNANG, 'OG TU, DPAL 'BYOR KHUR

GYIS DU BA RNAMS KYIS, ,RING DU DOR BYA'I DBANG KHRID LUNG, ,NOR
BU'I DO SHAL MA LUS PA, ,KHYOD KYI MGRIN PAR LTAN CIG 'DRIL,
,ZHES 'BYUNG BA LTAR, RDOR PHRENG MI TRA, RIN 'BYUNG, BRGYA
RGYAM GNYIS, SNAR THANG BRGYA RTZA, GSER

@003B CHOS, LHO BRAG SNYAN BRGYUD SOGS SPYI BKA' DANG ZUR BKA'I
DBANG RJES GNANG DA LTA RI BO DGE LDAN PA LA RGYUN YOD TSANG MA
TSANG BA MED PAR GSAN, MDO SNGAGS KYI LAM RIM GNYIS, 'GREL PA
BZHI SNGAGS DANG, RIM LNGA GSAL SGRON, SBAS DON KUN

GSAL SOGS GZHUNG CHEN MO'I BSHAD LUNG GI RIGS, KHRID CHEN BRGYAD
NAS BZUNG 'KHRUL 'KHOR, LCAGS MKHAR, GTOR SGRUB, RAB GNAS, SBYIN
SREG SOGS KHRID CHE CHUNG GI RIGS KHUNGS DAG GI RGYUN BZHUGS
TSAD MI MNGA' BA MED, RGYAL BA'I BKA'

'GYUR RO COG ,RGYA GZHUNG MANG BO, RJE YAB SRAS GSUM, 'DUL
'DZIN, RGYAL BA SKU 'PHRENG GSUM DANG, PAn CHEN SKU 'PHRENG
GSUM, LCANG SKYA SNGA PHYI, KUN MKHYEN BLA MA RNAMS KYI GSUNG
'BUM GYIS MTSON LUNG RGYUN BSAM GYIS MI KHYAB

PA'I MDZOD LTA BUR YOD, GSAN PA RNAMS KYANG THOB LO TZAM MA YIN
PAR, BRGYUD KHUNGS, PHYAG LEN, TSIG DON GYI CHA MTHA' DAG ZHIB
TIG TU BSTAR ZHING BSNYEL BA MED PAR GSAN PA DON LDAN DU 'GYUR
NGES PA MDZAD DO, ,PHAL MO CHE 'DZIN SKYOR

BYED NA PO TI GCIG GI LUNG YANG NYAN MI KHOM PA DANG, CHOS NYAN
BYED NA 'DZIN SKYOR SOGS TZAM GYIS 'JOG DGOS PA SRANG MAD'I MGO
MJUG BZHIN 'GRO BA DANG, DAM PA 'DIS NI GSAN NGA RGYA CHAN DE'I
NGANG NAS BKA' POD CHEN PO KUN GYI RTZA

NGA; MTHA' DPYOD KYI THAL 'PHRENG ZUR BKOL THAMS CAD THUGS 'DZIN
NGOS DPYAD PA DANG SBRAGS PA'I SKYOR SBYANG RDO RUS THUG PA
GNANG, KHYAD PAR DU KUN MKHYEN BLA MA'I LEGS BSHAD KYI RGYAL PO
GRUB MTHA'I RNAM GZHAG KUN BZANG ZHING GI

@004A *, ,NYI MA THUGS LA BYANG BAR BZUNG STE TSOGS RGYUG PHUL
BA SOGS STABS GCIG TU GRUB PA NI DANG PO RGYA CHEN THOS PA MANG
DU BTZAL BA'I RNAM PAR THAR BA STE, RNAM THAR GYI MGO 'DI LTA BU
ZHI GNAS TSUGS DGOS

KYI; DA LTA YON MCHOD THAMS CAD KYIS 'DANG BRGYAG STE BTZAN
PHYUGS GO SA SOGS GANG THAD NAS 'OS PA ZHIG TU SKYE BA BZHES,
PHAS BLA CHEN ZHIG PHEBS PA DANG, MAS DUNG DKAR ZHIG RNYED PA
RMIS, AE YIN BYAS NA YIN DANG,

AE SHES BYAS NA SHES SOGS 'JIG RTEN PHYOGS KYI SNGON GNAS RJES
SU DRAN BA'I GSUNG BYON TSUL SOGS 'DON SGRIG MA DE 'GOD MI DGOS
SO, ,DE LTAR THOS PA BYAS PA DE NYID BSAM PAS GTAN LA PHAB TSUL
NI, TSUL BZHIN DPYOD BA'I

RAL GRI YIS, ,THE TSOM DRA BA MA LUS PA, ,CIG CAR BCOD BA'I RNO
RGYUN KYIS, ,SRID PA'I BTZON RA SHIG SHIG 'DRA, ,ZHES BYA BA
STE, THOS BA'I SGRA SPYI TZAM LAS BSAM PAS SGRO 'DOGS MA BCAD NA
'DAM LA PHUR BA BTAB PA BZHIN NGES PA

GTING MI TSUGS PA RIN PO CHE GSUM GYI GTAM GYI SBYOR BA BZHIN
YIN PAS, RJES SU DPYOD PA DANG, RNAM PAR DPYOD PA DANG, DES PA
'DZIN PA'I SEMS KYI RIGS PA BZHIS TSUL BZHIN DU DPYAD DER RI'I
LOG RTOG GI DRA BA MA LUS PAR

BCAD PAS, GSUNG RAB KUN KYANG GANG LA GZHOL BA DE LTAR RIGS LAM
RNAM PAR DAG PA RNAMS GNAS LUGS KYI DON LA 'BAB PAR 'GYUR ZHING,
DE'I NGES PA LTA CI THE TSOM GYIS KYANG SRID PA HRUL POR BYED
DO, ,DE'ANG RGYAL BA'I

@004B GSUNG RAB THAMS CAD 'GRO BA SRID PA'I RGYA MTSO LAS SGROL
BA'I CHED KHO NA YIN PAS, DE'I DON BZHIN SGRO 'DOGS PHRA RAGS
GANG BCAD KYANG SRID PA'I SDUG BSNGAL GYI CHA RE GNOD BYED DU MI
'GRO BA MI SRID NA'ANG, RE ZHIG RTZA BA NAS GCOD MI NUS PA RNAMS

RIM GYIS DE PHYOGS SU KHA 'DREN PA'I THABS MDZAD PA'I MDO RNAMS
LA DRANG BA'I DON DANG 'GYUR LA LAR DKRI BA'I DON ZHES GSUNGS,
CHOS KYI GNAS LUGS MTHAR THUG DANG SRID RTZA GCOD BYED KYI THABS
MTHAR THUG DE LAS PHAR 'GRO BA MED

BAR DE KHO NAR NGES PA DE LA NGES PA'I DON ZHES BLO GROS MI ZAD
PA SOGS SU GSUNGS TE, DPAL MGON KLU SGRUB LUGS KYI DRANG NGES SU
'JOG TSUL MTHAR THUG BA'O, ,DE LTAR NA 'KHOR BA'I PHUN TSOGS BDE
BA'I RANG BZHIN DU BLTA BA DANG,

BDAG RTAG GCIG RANG DBANG CAN DU 'DZIN PA YAN CHAD KYI LOG RTOG
DANG THE TSOM GYI DRA BA RIM PAR BCAD PA'I RNO RGYUN GYIS MTHAR
GTUG STE RANG GZHAN SNOD BCUD BDE SDUG GI SNANG BA 'DI THAMS CAD
YUL STENG NAS TSUR GRUB PAR LTAR

BA'I MTSAN 'DZIN GYI 'CHING BA DAM PO BCAD DE SRID BA'I SKYON
MTSANG RIG PAS ZHEN BA HRUL POR BYED PA'I PHYIR, BZHI BRGYA PA
LAS, THE TSOM ZOS PA TZAM GYIS KYANG, ,SRID PA HRUL POR BYED PAR
'GYUR, ,ZHES GSUNGS PA'I

PHYIR, GZHI LHAN SKYES KYI THOG TU MTHA' GCIG DANG GRUB MTHAS
KUN BTAGS PA'I LHANG MANG PO BRGYAB STE JE MKHREGS SU BTANG BA
YIN PAS, MTHONG SPANG GI CHA ZAD NAS LHAN SKYES GCIG PUR GTUGS
PA GOS KYI RGYU ZAD NAS SPUN

@005A *, ,LA GTUGS PA LTA BU YIN PAS, SGOM SPANG DE LA RGYUD BLA
MAR, GOS HRUL DRI MA DAG DANG MTSUNGS, ,ZHES GSUNGS PA YIN TE,
'DI'ANG DE DANG PHYOGS 'DRA'O, ,THOS BSAM GYIS GTAN LA PHAB PA
DE NYID RGYUD

DANG 'DRES NAS GOMS PA'I SHUGS KYIS SGO GSUM MTHA' DAG DE'I
NGANG DU 'GRO BA NI SGRUB PA'I YON TAN NAM BTZUN PA'I YON TAN
YIN LA, NYAMS LEN YANG DE LAS LHAG PA MED PAS SGOM BYED TSUL GYI
MCHOG KYANG DE YIN PA'I PHYIR, TSUL DE NYID STON

PA NI, LAS 'BRAS MA 'CHOL GOMS STABS CAN, ,NGES 'BYUNG SHUGS
KYIS BGROD BYED CING, ,RGYAL SRAS SPYOD PA'I KHUR 'DZIN PA'I,
,GLANG PO LAM GYIS RIM PAR 'GRO, ,ZHES PA STE 'DI SNANG GI PHUN
TSOGS GLOG 'GYU BA LTA BU LA YID BRTAN MED

CING, LUS DANG GRIB MA BZHIN RJES SU 'BRANG BA LAS DKAR NAG LAS
MA 'DAS PA'I TSUL LA NGES PA RNYED PAS BLANG DOR CUNG ZAD KYANG
MA 'CHOL BAR BYED PA SKYES BU CHUNG DU'I LAM DANG, MNGON MTHO'I
RTEN RE GNYIS BRGYUD PAS MI CHOG

GI ,'KHOR BA 'DI LAS GTAN DU THAR PA ZHIG MA BYAS PAR BDE BA'I
GO SKABS NAM YANG MED PAR GZIGS NAS DE LAS THAR 'DOD KYI NGES
'BYUNG RKYEN GANG GIS KYANG BZLOG TU MED PA TSABS GDUNGS PA'I
GLANG CHEN MTSO NANG DU 'JUG

PA LTA BU'I 'BRING GI LAM RANG GCIG PU TZAM MA YIN PAR SEMS CAN
THAMS CAD KYI DON DU BYA DKA' BA'I RGYAL SRAS KYI SPYOD PA MA
TSANG BA MED PA'I KHUR 'DZIN PA SKYES BU CHEN PO'I LAM STE 'OG
MA 'OG MA BRTAN NAS GONG MAR SLOB PA LA@005B MTHO SNYEGS DANG THOD RGAL DU
BYED PA MA YIN PA, RGYAL
BA'I BSTAN PA LA RGYAL BA'I DGONGS PA BZHIN GO RIM MA LOG PAR
SLOB PA STE, DPE GLANG PO CHE GOM PA MI 'CHOL BAR CHA MNYAM POR
'GRO BAS BLANG CHEN STABS GSHEGS ZHES PA YIN LA, ,

STOBS CHE BAS BZLOG DKA' ZHING KHUR CHEN PO BKUR NAS DAL 'GROS
KYIS 'GRO BA'I KHYAD PAR SO SO DANG SBYAR BA YIN NO, ,DE LTAR
LAG LEN DU 'KHYER BA DE CHOS SHES PAR 'JOG BA MA GTOGS, GA-YAG
SDE PAn CHEN GYIS, SDE SNOD

DON LA MKHAS PA'I NGA RGYAL CAN, ,BLANG DOR GNAS LA LONG BA'I
BRTUL ZHUGS 'DZIN, ,ZHES DANG, BKA' GDAMS GONG MA'I GSUNG SGROS
LCE SGOM GYIS BSDEBS PA LAS, PAntI TA LAS RGYU 'BRAS LA MI 'DZEM
BA 'DI'ANG MI RIGS,

ZHES GSUNGS PA BZHIN KHA BSHAD BRAG THOG NAS CHU 'PHYO BA BZHIN
BYED KYANG, LAS 'BRAS RGYAB TU BSKYUR TE GZHAN MGO SKOR CI THUB
BYED PA NI, SNGON NE TZO ZHIG GIS SDIG PA CI YANG MI BYA ZHING,
,DGE BA PHUN SUM TSOGS PA SPYAD, ,ZER

BZHIN DU 'BU THU BA'I DPE LTAR CHOS MA SHES PA YIN PAS MDO SDE
RGYAN LAS, THOS PAS CHOG PAR 'DZIN SPONG BA, ,DE NI CHOS SHES PA
ZHES BRJOD, ,CES GSUNGS PA BZHIN NO, ,NGES PAR SHES PA YIN NA
BLO DER ZHUGS 'GRO BA YIN LA,

SEMS ZHUGS NA LUS NGAG GNYIS SEMS KYI BRAN YIN PAS DE'I RJES SU
MI 'BRANG BA'I DBANG MED CING, DE'I NANG DU SGOM YANG TSANG YOD
PA YIN TE, 'JIG RTEN NA'ANG BYA BA GANG LA NGANG GIS ZHUGS 'GRO
BA DER GOMS PA CHE BAR 'JOG

@006A *, ,PA BZHIN, CHOS KYI DON LAG TU LEN PA LA NGANG GIS
ZHUGS 'GRO BA DE SGOM YIN GYI, BRAG PHUGS SU LUS GNAD LTA STANGS
BYAS NAS BSDAD PA TZAM GYIS SGOM DU MI 'GRO STE, RGYAN LAS, YANG
DANG YANG DU SEMS PA

DANG, ,'JAL DANG NGES RTOGS GOMS BA'I LAM, ,ZHES GSUNGS PA'I
PHYIR, GNYIS PA GZHAN LA 'CHAD RTZOD RTZOM GSUM GYIS SPEL TSUL
LA, SPYIR BSHAD PA DANG, KHYAD PAR DU 'CHAD NYAN GYI RGYAL MTSAN
BSGRENG TSUL GNYIS, DANG PO NI, DON

DANG MA 'BREL 'BYAMS BSHAD DANG, ,GZHUNG DANG MA 'BREL SNYAN
TSIG KUN, ,BRGAL BRTAG ME LHA'I ZHAL ZAS SU, ,STOB PAS BLO GROS
RNAM PAR DAG ,CES LTAR SNANG TZAM MA YIN PA'I 'CHAD RTZOD RTZOM
GSUM RNAM DAG MDZAD TSUL BSTAN

PA YIN TE, 'CHAD NYAN DANG RTZOD PA SOGS BSTAN PA'I BYA BAR 'GRO
MI 'GRO'I DBYE BA 'BYED PA 'DI SHIN TU GAL CHE BAS, BU STON
THAMS CAD MKHYEN PAS, 'CHANG NYAN BSTAN PA 'DZIN ZHES GSUNGS PA
YANG, ,NGES 'BYUNG RNAM DAG

KHRIMS LA BRTEN BCAS NAS, ,NYAN PO GZUR GNAS BLO LDAN DON GNYER
LA, ,MKHAS PAS SDE SNOD 'CHAD LA DGONGS PA YIN, ,TSE 'DI RNYED
GRAGS 'DOD PAS 'KHOR BSDUS TE, ,MA DAD MI 'DOD BZHIN DU CHOS
'CHAD CING,,

NYAMS LEN MI BYED CHAGS SDANG SKYE BA'I RGYU, ,'CHAD NYAN 'DI
YANG 'KHOR BA'I ZHAGS PA YIN, ,RTZOD PAS BSTAN PA 'DZIN PAR
GSUNGS PA YANG, ,RANG GZHAN GRUB MTHA'I GZHUNG LUGS KUN SHES
NAS, ,PHA ROL YANG DAG LAM LA ZHUG

@006B BA'I PHYIR, ,LTA NGAN RIGS BAS BZLOG LA DGONGS PA YIN,
,RANG NYID GRAGS 'DOD PHA ROL DMA' DBAB 'DOD, ,GA-YO SGYU'I
SPYOD PA TSIG RTZUB NGAN SEMS CAN, ,NGAG 'KHYAL SNA TSOGS SMRA
ZHING GZHAN RGYUD BSREG ,DE LTA'I RTZOD PA 'DI YANG DMYAL BA'I

RGYU; ;ZHES GSUNGS SO, ,RTZOM BA'ANG KUN BYANG BLANG DOR GYI
GNAD STON RGYU MED PAR MNGON BRJOD KYI MING CHER MA GRAGS PA
MANG PO BSGRIGS PAS GO MI THUB PA GTZOR 'DON GYIS MKHAS KHYAD
'DON BA NI, RJE NGAG DBANG BYAMS PAS BSTAN BCOS

GZE MAR MGOR, SU LA MI PHAN MED PA NYID DANG MTSUNGS, ,ZHES
GSUNGS PA LTA BU YIN TE, BSTAN BCOS BRTZAMS PA'I DGOS PA GDUL
BYAS DON BDE BLAG TU RTOGS PA YIN GYI, MA RTOGS PAR RMONGS
BSKYED PA DGOS DON DU MI RUNG NGO,,

DE BZHIN DU SNYAN NGAG GI TSIG SBYOR 'GRIG KYANG BRJOD DON MDO
SNGAGS KYI GZHUNG DANG MI 'BYOR NA, MA NING RIN CHEN RGYAN GYIS
MDZES PA LTAR, ,MTHONG NA MTSAR YANG 'DOD PA'I DON MI 'GRUB,
GSUNGS PA DE YIN PAS, RJE NGAG DBANG

BLO BZANG CHOS LDAN GYIS KYANG TSIG LHUG TU SBYOR RGYU'I GZHUNG
CHEN MO MED PAR TSIGS BCAD DAM DUM SBYOR BA SNYING PO MED PAR
GSUNGS SO, ,DES NA GSUNG RTZOM YANG SNGON CHAD PO TI GSUM BZHI
TZAM YOD PA GZHUNG DON 'DUS CHE LA TSIG SBYOR

LEGS PA MKHAS PA'I DGA' STON KHO NAR YOD DE, ,BSTAN PA'I BYA BA
DANG 'GRO BA'I DON DU RLOM TSAD DER 'GRO BA'I NGES PA MED BAS
RANG SEMS DPANG POR BZHAG NAS ZHU DAG BYED DGOS KYI, DA LTA 'GA'
ZHIG SKYES BU DAM PA NGES 'BYUNG SA

@007A *, ,LTAR BRTAN YANG, SNYING RJES RLUNG LTAR GA-YO BDAG LA
'GRAN BTZUGS TE, RANG RANG LTOG LA ME LTAR 'BAR ZHING, RGYAL
KHAMS CHU BZHIN MYUL TE RNYED BA BTZAL BA'ANG 'GRO DON BYAS PA
YIN MDOG BYED

MOD KYANG, DNGOS SU GZHAN BSLUS DON GYIS RANG BSLUS TE, ,BDAG
GZHAN BSLU BA'I GZHAN DON GZUGS BRNYAN YIN, ,ZHES MKHAS GRUB
SMRA BA'I NYI MAS GZUGS BRNYAN GSAL BA'I ME LONG DU GSUNGS PA DE
LAS MA 'DAS SO, ,

PHYI'I RNAM 'GYUR 'DRA'ANG NANG GI BSAM TSUL MA GCIG PAS NOR SA
'DI 'DRA YOD BA NI, KARMA CHAGS MED KYI, GDUL BYA DON SPYOD CES
BYA DANG, ,LTO PHYIR GNAM RDIB GRONG CHOG GNYIS, ,'DRA 'DRA 'DRA
LA NOR DOGS YOD, ,CES

PA LTAR RO, ,BSTAN PA'I BYA BA 'CHAD RTZOD RTZOM GSUM GYI NANG
NAS GTZO BOR GYUR PA'ANG, TZANDRA GOO MIS, MKHAS PA'I BYA BA
RNAM GSUM LAS, ,RTZOD 'CHANG NGAG LA MA NGES PA, ,SRID PHYIR MI
'KHRUL RTZOM PA STE, ,ZHES RTZOM

PA GTZO BOR BSHAD LUGS GCIG KYANG YOD NA'ANG, 'CHANG RTZOM GANG
LA'ANG MA RTOGS LOG RTOG GI DRI MAS MA SBAGS BA'I GSER SBYANG
BTZOM LTA BU ZHIG 'BYUNG BA LA CHOS RAB TU RNAM 'BYED KYI SHES
RAB PHUN SUM TSOGS PA'I SGO

NAS BRGAL BRTAG BYED PA 'DI LAS GAL CHE BA MED BAS, 'DIR YANG DE
GNYI GRTZOD BA'I BRGAL BRTAG GIS SBYANGS TE, DPER NA CHOS
DBYINGS BSTOD PAR, JI LTAR ME YIS DAG BA'I GOS, ,SNA TSOGS DRI
MA'I DRI MA CAN, ,JI

@007B LTAR ME YI NANG BCUG NA, ,DRI MA TSIG 'GYUR GOS MIN LTAR,
,GSUNGS PA BZHIN RDO RGYUS KYI GOS MER BSREGS PA LTAR 'KHRUL
BA'I SKYON THAMS CAD BSAL NAS RGYAL BA'I DGONGS PA RMA MED PA
ZHIG 'BYUNG BA YIN NO, ,KHA CIG 'JIG

RTEN 'DI'I LTO GOS GTAM GSUM GYI STENG NAS SOR GANG GI MTHO DMAN
YANG MI BZOD PAR CHAGS SDANG GI PHO RUS 'DON YANG, CHOS PHYOGS
LA BLANG DOR RO SNYOMS KYIS DAG SNANG SBYONG KHUL BLUN PO THAMS
CAD DANG MTHUN 'JUG GIS BZANG RDZU

BYED PA NI GA-YO CAN SNYAN PAR SMRA BA'I RANG BZHIN YIN GYI DAM
PA'I RNAM THAR GA LA YIN, DRI BA LHAG BSAM RAB DKAR LAS, DGAG
GZHAG BYED KYANG SHES, BYAS NA 'GRO DON YANG 'ONG BA RIG BZHIN
DU 'GAL 'DU LUNG RIGS KYI GNOD PA 'BEB PA

DE RNAMS LA THAMS CAD PHUN SUM TSOGS ZER NA NI BSTAN PA LA GCES
SPRAS MED PA DANG, SNYING RJE CHUNG BAR YANG MI 'GYUR RAM, ZHES
DANG, THUB BSTAN BYI DOR LAS, RANG NYID SKYE BO PHAL BA BLUN PO
'GA' ZHIG GI BLO YUL DU GRUB PAR BYA

BA'I PHYIR DANG, RNYED BKUR CUNG ZAD 'DU BA'I SGO MI NYAMS SHING
GONG DU 'PHEL BA'I PHYIR TZAM DU SHES BZHIN DU CHOS MA YIN BA
CHOS SU STON PAR BYED PA NI, ZHES BA NAS, RANG GZHAN BSLU ZHING
SANGS RGYAS KYI BSTAN PA NYAMS PAR BYED PA'I

PHYIR, ZHES GSUNGS PA'I PHYIR, CHOS MIN GYI SKYON MTHONG BZHIN
DU CHOS SU SMRA BA NI DAD PA BYED BA MIN GYI, CHOS SPONG GIS
SDIG PA BSAGS PA YIN PAR RNAM PAR 'THAG PA THAMS CAD BSDUS PA'I
MDO LAS GSUNGS SO, ,LTA SGOM SPYOD

@008A *, ,GSUM GYI GNAD JI LTA BA BZHIN DU LUNG RIGS KYIS GTAN
LA PHAB PA'I TSE, GZHAN GYI GRUB MTHA' NOR BA RNAMS RTA RGYUG
BA'I ZHOR LA ME TOG GCOD PA BZHIN SUN PHYUNG YANG NYES PAR 'GYUR
BA'I GNAS MED DE, BZHI

BRGYA PA LAS, CHOS 'DI RDZOGS SANGS RGYAS RNAMS KYIS, ,RTZOD
PA'I PHYIR NI MA GSUNGS TE, ,'ON KYANG ME YIS BUD SHING BZHIN,
,GZHAN SREG 'GYUR NA NYES PA MED, ,CES DANG, DPAL LDAN ZLA BAS
KYANG, BSTAN BCOS LAS DPYAD

RTZOD LA CHAGS PA'I PHYIR, ,MA MDZAD RNAM GROL PHYIR NI DE NYID
BSTAN, ,GAL TE DE NYID RNAM PAR DPYAD PA NA, ,GZHAN GZHUNG 'JIG
PAR 'GYUR NA NYES PA MED, ,CES GSUNGS SO, ,DER MA ZAD GZHAN LTA
SPYOD NOR BA SHES SHING BCOS SU

YOD BZHIN DU YAL BAR DOR NAS DE NGAN 'GROR LHU NGAN LHAG PAR
BYANG SEMS KYI BSLAB BYA DANG MI MTHUN PA'I NYES PAR 'GYUR TE,
BZHI BRGYA PA LAS, BYANG CHUB SEMS PA'I YUL DU NI, ,GAL TE 'GA'
ZHIG MA BSKUL BAS, ,NGAN SONG

'GRO BAR 'GYUR NA DE, ,BLO LDAN GZHAN GYI SMAD BYAR 'GYUR, ,ZHES
GSUNGS PA'I PHYIR, KHA CIG GRUB MTHA'I DGAG GZHAG MANG PO GNANG
BAS PHYOGS RIS CHE ZHES ZER TE, BCOM LDAN 'DAS KYIS MU STEGS
PA'I GZHUNG KLOG PA

TZAM YANG BKAG ,BYAMS PAS PHYIR RGOL TSAR GCOD PA'I PHYIR SGRA
TSAD GNYIS LA SLOB DGOS PAR GSUNGS, DPAL LDAN ZLA BAS, GZHUNG
LUGS RNAMS LTAR GZHAN LUGS BZHED GZHUNG 'DI LAS GZHAN LA DGA'
BLO DOR

@008B BAR BYA, ,GSUNGS, PE'U BUM SNGON MO RTZA 'GREL TU'ANG, DE
LTAR THAG BCAD LAM DER 'JUG BYA, ,SGU RU RU RU GZHAN DU MI
'TSOL, ZHES DANG, SGU RU RU RU BYAS NAS GZHAN DU RTZA DANG THIG
LE 'KHOR LO LA SOGS BA'I MAN NGAG MI 'TSOL

GSUNGS PAS, SANGS RGYAS BYANG SEMS DE THAMS CAD PHYOGS RIS CHE
BA YIN ZER RAM, DES NA LHA LAS PHUL BYUNG GI BSTOD PAR, BDAG NI
SANGS RGYAS PHYOGS MI 'DZIN, ,SER SKYA SOGS LA MI SDANG YANG,
,GANG ZHIG RIGS PAR

LDAN PA'I TSIG ,SMRA BA DE NI STON PAR 'DZIN, ,ZHES DPYOD LDAN
GZU BOR GNAS BA'I RANG RTAGS YIN NO, ,'ON KYANG DENG DUS PHAN
TSUN GANG LA'ANG PHA SHUL BUS ZIN NAS RANG RANG GI GRUB MTHA'
NGO SHES MKHAN DKON BAR SNANG

BAS, LTA SPYOD NOR BA RNAMS BKAG KYANG DPAL MGON KLU SGRUB KYIS,
NGAN PA RNAMS LA GDAMS PA YANG, ,TSIG PA ZA 'GYUR ZHI MI 'GYUR,
,GSUNGS PA BZHIN 'KHON GYI RGYU LAS MED PAS, NGES PA RNYED PA'I
LAM MA NOR BA DE RANG

GI SNYING LA BCANGS NAS BAG CHAGS CI THEBS BYAS NA CHOG PAR
MTHONG STE KHO BOS NI DGAG GZHAG SOGS KYI SPROS PA BSKYUNG BA
LAGS SO, ,YANG BKA' CHOS SOGS KYI DUS SLOB MA'I SKYON LA RJEN
PAR BTZUGS PAS BLUN PO LA LA MI DGA' ZHING,

'JIG RTEN PA 'GA' ZHIG GI THABS MI MKHAS ZER MOD KYANG, BKA'
GDAMS PA'I GSUNG SGROS LAS, BSHES GNYEN GYI MCHOG MA TSANG LA
RGOL BA YIN, MAN NGAG GI MCHOG MTSANG THOG TU BAB PA YIN, ZHES
DANG, MTSANG NAS BRUS

@009A *, ,TE MA BSHAD NA, ,BLUN PO KHYOD LA GO BA MED, ,GSUNGS
PA DE YIN ZHING, GZHAN YANG DPAL 'PHRENG GI MDO LAS, TSAR GCOD
PA'I SGO NAS BSTAN PA 'DZIN TSUL DANG, BYANG SAR TSAR GCOD PA'I
TSUL

KHRIMS, 'DUL BAR NAN TAR LNGA SOGS GSUNGS PA GANG YANG MA MTHONG
BAR BYANG SEMS BYA BA 'JAM 'JAM KHO NA ZHIG TU GO BA'I RMONGS
YUS YIN NO, ,GNYIS PA KHYAD PAR DU 'CHAD NYAN GYI RGYAL MTSAN
BSGRENG TSUL NI, DPAL

'BYOR KHUR GYIS DUB RNAMS KYIS, ,RING DU DOR BYA'I DBANG KHRID
LUNG, ,NOR BU'I DO SHAL MA LUS PA, ,KHYOD KYI MGRIN PAR LHAN CIG
'DRIL, ,DBYANGS CAN NGAG GI LONGS SPYOD LA, ,DBANG MDZAD DE YI
ZHAL GYI SGOR, ,BLO GSAL TSOGS KYI RE

BA'I MIG ,BU LON CHAGS PA BZHIN DU GTOD, ,CES PA STE, SHO LO KA
SNGA MA NI CHED DU BRJOD PA'I TSOM LAS, DANG POR BDAG NYID RIG
PAR GNAS BYAS NAS, ,PHYI NAS BDAG BZHIN GZHAN DAG GDUL BAR BYA,
ZHES DANG, RNAM 'GREL

LAS, RANG NYID NGES SHING GZHAN DAG LA, ,NGES PA SKYED PAR 'DOD
PA YIS, ,ZHES PA LTAR GZHAN LA STON PA LA RANG GIS SNGAR THOS
SHING GTAN LA DBAB PA NI MED MI RUNG GI RTZA BA YIN BAS BSHAD
PA'I RIM PAS 'DIR BKOD KYANG, DON GYI

RIM PA BSHES GNYEN BSTEN PA'I SKABS DANG 'BREL BAS SNGAR BSHAD
ZIN PA LTAR RO, ,DE LTAR CHOS KYI MDZOD DU GYUR PAS PHYOGS RIS
MED NAS CHOS DON DU GNYER BA'I SLOB MA PADMA'I MTSOL BUNG BA
BZHIN 'DUS PAR DBANG RJES

@009B GNANG LUNG KHRID KYI CHAR PHAB CING, KHYAD BAR DU KHRID
KYI SKOR ZHAL SHES MAN NGAG DANG BCAS PA'I BKA' BAB LTA BUR YOD,
ZHU BA PO MTHO DMAN MANG NYUNG 'BYOR PA SOGS LA LTOS BA MED PAR
GANG 'DOD DU STZAL BAS PHAL CHER GYIS PHOD

BTZONG STE NAM 'DOD DU ZHUS NAS BU LON CAN GYI SGO BSRUNG STE
BSNYAGS PA BZHIN BYED PA NI SKYES RABS LAS, SBYIN NAM MI SBYIN
SNYAM PA'I RNAM RTOG PA, ,YID LA SEMS PA PHONGS PA RNAMS LA MED,
,CES GSUNGS PA'I DPE

BZHIN NI GNANG DOGS PA MED PA'I DBANG GIS YIN LA, DE LTAR BYAS
KYANG THUGS SUN PA DANG KHRO BA MED PA NI SKYO BA SPANGS BA'I
RNAM THAR RO, ,MDO SMAD LHO RGYUD KYI LJONGS PHAL CHER DU CHOS
BKA' GNANG ZHING SLOB MA'I TSOGS RGYA

CHE LA, SA PAndI TAS, MKHAS PA RANG GI YUL BAS KYANG, ,YUL KHAMS
GZHAN DU MCHOD PA THOB, ,CES DANG, RGYAL PO RANG YUL TZAM MA
CHE, ,DAM PA GANG DU PHYIN KYANG BKUR, ,ME TOG PHAL CHER NYIN
RE'I RGYAN, ,GTZUG GI

NOR BU GANG DU'ANG MCHOD, ,GSUNGS PA BZHIN SKYABS MGON MCHOG GI
SPRUL SKU THAG GCOD RGYU'I DON DU PHEBS PA'I TSE, PAn CHEN THAMS
CAD MKHYEN PA'I YONGS 'DZIN RNAM GNYIS SOGS BSTAN PA'I RTZA LAG
CHEN PO DU MA DANG, GRA SA GSUM

GYI DGE BA SHES MANG POS KYANG CHOS KYI GTER DU SHES NAS SHIN TU
DKON PA'I ZAB RGYAS KYI GDAMS PA MANG DU ZHUS PA DBUS GTZANG GI
LJONGS SU'ANG CHOS RGYUN NYAG PHRA BA DU MA'I CHAD MTHUD LA SHIN
TU PHAN PA BYUNG STE DAM CHOS 'DZIN BA'I

@010A *, ,SMON LAM GRUB PA'I RNAM THAR RO, ,GNYIS PA SNGAGS KYI
BSTAN PA BZUNG TSUL NI, GSANG CHEN CHOS KYI CHU KLUNG BRGYA,
,'DUS PA 'DUS PA'I RGYA MTSO CHER, ,DAM TSIG SKYA BA 'DZIN MKHAS
DER, ,RIM GNYIS,

NOR BU LAG RTZER GNAS, ,ZHES BA STE, SPYIR RGYUD SDE RGYA MTSO'I
MNGA' BDAG YIN KYANG 'DIR DMIGS KYIS BKAR TE DPAL LDAN 'DUS PA
DANG SBYAR BA NI 'DUS PA'I RGYUD SHES SHING NYAMS SU BLANGS NA
RGYUD SDE GZHAN THAMS CAD KYI GNAD

DER 'DU BA'I RGYU MTSAN GYIS YIN LA, GZHAN MTHA' DAG DER 'DU BA
NI SGRON GSAL LAS, THUB PA CHEN POS CHOS PHUNG PO, ,BRGYAD KHRI
BZHI STONG GSUNGS PA YI, ,DPAL LDAN 'DUS 'DI SNOD YIN TE, ,DE
BAS DE NI RGYUD KYI RTZE,

ZHES DANG, NAG PO SPYOD PAS KYANG, DPAL LDAN 'DUS PA LHAG YID
'ONG, ,RGYUD RNAMS KUN SON GTZO BO YIN, ,ZHES MDO SNGAGS KYI
GSUNG RAB MA LUS PA LA 'DIS RGYAS BTAB STE THAMS CAD KYI DGONGS
DON 'DI LAS 'DAR

MED PAS RGYUD SDE KUN GYI RGYAL PO DANG MDO SDE KUN GYI ZA MA
TOG TU GSUNGS TE, GSHED DMAR DANG DGRA NAG SOGS RGYUD GZHAN DANG
GZHAN LAS KYANG, RGYUD KYI MTHAR THUG 'DUS PA STE, ,MA BYUNG
€'BYUNG BAR MI 'GYUR RO, ,

ZHES SOGS KYIS BSNGAGS BRJOD MDZAD PA MANG LA, DE GANG GI LAM
NYAMS SU LEN PA'I TSE'ANG MAN NGAG GI GNAD 'DI NAS BTZAL DGOS PA
SHIN TU MANG NGO, ,DPER NA RI MTHON PO'I RTZE MOR PHYIN NA RI
PHRAN THAMS CAD STABS
@010B GCIG TU MTHONG NUS PA BZHIN, 'DI'I DGONGS DON LEGS PAR
KHONG DU CHUD NA RGYUD GZHAN THAMS CAD BDE BLAG TU RTOGS PAR
'GYUR TE, DE'I RGYU MTSAN MTHAR GTUGS NA SGRON GSAL TU, JI SRID
YA RAL HA'I BAR, ,ZHES BA NAS, DE DE'I RTZA BA

YI GE GSUM, ZHES GSUNGS TE, SNGA MA RNAMS YI GES MA DZA GSUM LA
BYAS NAS 'DUS BA KUN GYI RTZA BA YIN PA'I DON DU BSHAD KYANG,
DPAL N'A RO PAS 'BRU GSUM LA BSHAD PA SKU GSUNG THUGS RDO RJE
GSUM GYI DON YIN PAS DGONGS PA SHIN

TU ZAB STE, MDO RGYUD THAMS CAD KYI BSGRUB BYA SKU GSUNG THUGS
RDO RJE GSUM MAM SKU GSUM LAS MA 'DAS SHING, DE SGRUB PA'I GNAD
THAMS CAD 'DIR TSANG BAS RGYUD KYI MTSAN LA'ANG 'DUS PA ZHES
BTAGS PAR RGYUD PHYI MA LAS GSUNGS PA

BZHIN NO, ,DE LTAR NA RKANG PA DANG PO GNYIS KYIS GANG LA THOS
PA BYA BA'I YUL 'DUS PA'I RGYUD DANG RGYUD 'GREL ZAB CING BRLING
LA RGYA CHE BA'I RGYA MTSO LTA BU RNAMS BSTAN, GSANG SNGAGS RDO
RJE THEG PA LA 'JUG TSUL NI BYIS PA KLOG SLOB PA

BZHIN TSIG TZAM BSLAB PAS MI CHOG PAR, 'JUG SGO SMIN BYED KYI
DBANG RNAM BAR DAG PA MA NOS, DBANG DUS SU KHAS BLANGS BA'I DAM
TSIG DANG SDOM PA TSUL BZHIN DU BSRUNG BA'I STENG NAS RGYUD NYAN
PA DANG BSHAD PA LA SOGS PA

BYAS NA RDO RJE THEG PA'I NYAMS LEN DU 'GRO BAS, DE NI, DAM TSIG
SKYA BA 'DZIN MKHAS DE, ,ZHES RKANG PA GSUM PAS BSTAN, DE LTAR
BYAS NA RIM GNYIS KYI RTOGS PA BDE BLAG TU SKYES PAS 'BRAS BU
MNGON DU BYED TSUL NI RKANG PA BZHI PA,

@011A *, ,RIM GNYIS NOR BU LAG RTZER GNAS, ,ZHES BAS BSTAN TO,
,'DIR GTZO BOR RANG GIS NYAMS SU BLANGS TSUL LA SBYAR YANG,
SNGAR RANG GIS NGES NAS GZHAN RJES SU BZUNG TSUL BSHAD PA DE MDO

SNGAGS GNYI GA LA SBYOR DGOS SHING, 'DI LA KHYAD PAR DU RGYUD
KYI DGONGS PA MTHA' DRUG TSUL BZHIS RGYAS BTAB PA RNAMS BSHAD
RGYUD CHEN PO DRUG DANG KLU SGRUB YAB SRAS SOGS KYI MAN NGAG LA
BRTEN NAS LEGS BSHAD KYI NOR BU THANG MAR

BRDAL TE RGYUD GRVA GNYIS SOGS SU 'CHAD NYAN MDZAD TSUL GYI LO
RGYUS MANG DU YOD KYANG YIG TSOGS CHE BAS MA SPROS SO, ,GSUM PA
DON BSDU BA NI, JI LTAR BSTAN PA 'DZIN BYED PA'I, ,YAN LAG KUN
RDZOGS KHYOD LTA BU, ,GANG

LAS 'BYUNG STE DBUS 'GYUR DU, ,MTSON BYED GRAGS PA'I MTSAN MA
YIN, ,ZHES BYA STE, DA LTA HA CANG SNYIGS MA'I MTHAR SONG BAS
SKYE PO THAMS CAD BLO DMAN ZHING COL CHUNG, MA RABS KYI SPYOD
PA'I RJES SU BLO KHA PHYOGS SLA BAS

RGYAL BA'I BSTAN PA NYIN RE BZHIN NYAG JE PHRAR 'GRO BA'I DUS
'DIR SNYING STOBS BSKYED DE BSTAN PA'I CHA RE RE TZAM 'DZIN
SKYONG BYED BA'ANG YA MTSAN DANG BSOD NAMS CHE STE, BYANG CHUB
SEMS DPA'I SDE SNOD LAS, GA-YUL CHEN PO'I NANG NA GANG SKYO BO

MANG PO BSRUNG BA'I PHYIR DMAG GI MDUN NA 'DUG PAR 'GYUR BA'I
SEMS CAN DE DAG NI NYUNG BAR 'GYUR RO, ,YANG SH'A RI'I BU GANG
DPA' BA 'OS PAR 'GYUR BAR BYAS PA GA-YUL LAS RNAM PAR RGYAL BA
DE DAG DE NA GA-YUL MI BZAD PA CHEN

@011B PO'I DUS NA SKYE BO MANG BO'I PHYIR DMAG GI MDUN NA 'DUG
PA DE BZHIN DU, SH'A RI'I BU DE'I TSE DAM PA'I CHOS RAB TU 'JIG
PA NYE BAR GNAS PA NA GANG LHAG PA'I BSAM PA YONGS SU MYA NGAN
LAS 'DAS BA 'DOD PA, DPA' BA BRTZON 'GRUS BRTAN

PA; GO CHA SRA BA BGOS PA DE DAG BRTZON 'GRUS CHEN PO'I STOBS
BSKYED DE BDUD KYI DMAG LAS RGYAL ZHING 'DI LTA BU'I CHOS DKON
MCHOG 'DI LAS SNYING PO CUNG ZAD TZAM LEN PAR 'GYUR RO, ,ZHES
GSUNGS LA, DPE CHOS SU'ANG SHVA 'ONG CHEN PO

BYUNG BA'I TSE PHA BONG RE RE LAS CHAGS RDO CHAGS KYIS 'O LA KHA
BSGYUR BA BZHIN, SNYIGS MA'I BRLANG SPYOD RDOL BA'I DUS SU'ANG
SKYES BU DAM PA RE RE'I THUGS RJE LA BRTEN NAS BSTAN PA'I SROL
CUNG ZAD RER GNAS THUB PAR GSUNGS PA

LTA BU YIN ZHING, BSTAN PA 'DZIN SKYONG SPEL BA'I BYA BA MTHA'
DAG LA DBANG 'BYOR BA'I SKYES BU DAM PA GANG LAS 'BYUNG BA'I YUL
DE NI KUN MKHYEN 'JAM DBYANGS BZHAD PAS, MKHAS PA GAR BSDAD
BSTAN PA'I 'OD STONG DANG,

BSTAN 'GRO'I PHAN BDE'I PAD TSAL CIG CAR DU, ,BZHAD PA NYIN BYED
DBYAR GYI GLING BZHI BZHIN, ,SNGON DUS DAM PA KUN DANG SANGS
RGYAS KYIS, ,CHOS 'KHOR BSKOR KYANG DAM PA'I BSHES BRAL BA'I,
,YUL DE BZANG YANG MUN PA'I RANG BZHIN TE,,

NYIN MIN STON GYIS BTAD PA'I YUL DUS BZHIN, ,YUL DUS GANG NA
CHOS SGRON 'DUL BA'I LAS, ,BSHAD SGRUB 'OD STONG 'BAR BA'I YUL
PHYOGS TE, ,MCHOD RTEN MCHOG DANG YUL GYI LTE BA DANG, ,DBUS
DANG THIG LE SOGS SU SANGS

@012A *, ,RGYAS GSUNGS, ,ZHES PA LTAR BSTAN PA'I GNAS TSUL GYI
SGO NAS 'JOG PA LAS, YUL GCIG LA DBUS 'GYUR GYI MING DON RTAG
BRTAN THER ZUG TU GNAS PA MIN PAS, CHED DU BRJOD PA'I TSOM LAS,
GANG NA

DAM PA BZHUGS PA YI, ,SA DE YID DU 'ONG BA YIN, ,ZHES GSUNGS LA,
MNGON RTOGS RGYAN LAS KYANG, BYANG CHUB DANG NI RTEN MCHOD NYID,
,CES GSUNGS SO, ,DON MDOR BSDU NA BSTAN 'DZIN GYI SKYES BU YIN
MIN SANGS RGYAS KYI BSTAN PA

'DZIN MI 'DZIN GYI SGO NAS 'JOG DGOS LA, BSTAN PA 'DZIN TSUL
MKHAS MCHOG DBYIG GNYEN GYIS, DE 'DZIN BYED DANG SMRA BYED DANG,
,SGRUB PAR BYED PA KHO NA YIN, ,GSUNGS PA LTAR, LUNG GI BSTAN PA
BSHAD PA'I SGO NAS 'DZIN PA

DANG, RTOGS PA'I BSTAN PA SBGRUB PA'I SGO NAS 'DZIN PA GNYIS LAS
MA 'DAS LA, KHYAD PAR DE GNYI GA LEGS PAR TSANG BA'I TSUL SGRO
SKUR DANG PHYOGS LHUNG GIS MA BSLAD PAR RNAM PAR THAR BA'I RANG
BZHIN GSONG POR SMA BA 'DI NI BSTOD

BA'I DON GYI SNYING PO YIN NO, ,DE LTAR NA 'GRO BA'I BDE SKYID
MA LUS PA SANGS RGYAS KYI BSTAN PA LA RAG LAS SHING, BSTAN BA'I
'PHEL RGYAS BSTAN 'DZIN GYI SKYES BU LA RAG LAS PAS, ZHABS PAD
BRTAN TZANG RGYA MTSO DANG

KLU DBANG GI DPE BZHIN GANG GI 'PHRIN LAS DANG RGYAL BA'I BSTAN
PA RIN PO CHE GNYIS SROG GCIG TU GYUR TE RGYAS PAR SMON PA NI,
DE SLAD SMRA BA'I SENG GE KHYOD, ,THAR 'DOD MGON DU RTAG BRTAN
ZHING, ,RGYAL BA'I BSTAN DANG

@012B CHABS GCIG BAR, ,BZANG PO'I 'PHRIN LAS RGYAS GYUR CIG ,CES
PA'O, ,SPAR BYANG NI, ZHES MDO SMAD BSTAN PA'I 'BYUNG GNAS DPAL
LDAN BKRA SHIS 'KHYIL GYI RGYUD PA SLOB ZUR DKON MCHOG RGYAL
MTSAN PA LA BSTOD PA'I RAB TU

BYED PA 'DI NI DAD BRTZON BLO DANG LDAN PA DKON MCHOG MKHYEN RAB
KYIS BSKUL BAR BRTEN, DENG DUS CHE MTHO'I RIGS LA 'UD KYIS BSTOD
PA LTA BU MA YIN PAR, MKHAS PA'I YON TAN MTHONG STE RANG BZHIN
BRJOD PA'I TSIG GIS

GZENGS BSTOD PA SNGON BYON DAM PA'I LUGS SROL BZHIN DU MI 'JIGS
PA'I SPOBS PA DAG BA CAN, ^ BTZUN PA DKON MCHOG BSTAN PA'I SGRON
MES BRIS PA 'DI'ANG BLO DANG LDAN PA RNAMS CHOS KYI RJES SU
'BRANG BA'I RGYUR

GYUR CIG, CES PA STE 'DI'ANG DGOS DON DANG BCAS DRANG PO ZANG
THAL DU SMRAS PA YIN NO, ,NYA YIS MA BTON BSTOD DBYANGS RIG BYED
'DI, ,YON TAN SA CHEN 'DEGS PA'I RUS SPAL DANG, ,'JIG RTEN
KHENGS

DREGS 'JOMS PA'I PHAG RGOD DE, ,SMRA NGAN DGRA 'JOMS MI YE SENG
GE YIN, ,PHYOGS LHUNG SGRO BTAGS SBUN PAS MA BSLAD PAR, ,DRANG
GTAM GTZANG MA'I NAS 'BRU SIL MA 'DI, ,BLO LDAN YID KYI ZHING
SAR SMIN PA

LAS, ,DAD BRTZON DGE BA'I LO TOG RGYAS GYUR CIG ,CES PA 'DI NI
AA MCHOG BDE MO THANG DGA' LDAN CHOS 'KHOR GLING GI KHRI PA
MKHAS BTZUN BZANG PO'I RGYAN LDAN DKON MCHOG DPAL 'DZIN GYIS
SNGAR NAS BSTOD PA 'DI LA

@013A *, ,'GREL PA ZHIG DGOS ZHES YANG YANG BSKUL BA DANG, MDZO
DGE SMAD DGA' LDAN RAB RGYAS GLING NAS DAD BRTZON LDAN PA 'TSO
BYED DKON MCHOG PHUN TSOGS KYIS RNAM THAR ZHIG DGOS ZHES

NA NA GYIS BSKUL BAS, RNAM THAR BYED NA BSTAN PA'I BYA BA MDZAD
TSUL 'DI 'DRA ZHIG DGOS PAR MTHONG STE BSTOD BA'I TSIG t'IKA
TZAM MA YIN PAR MTHUN SGRUB KYI RNAM THAR RAGS RIM TZAM DANG
SBYAR NAS GNYIS 'THUS SU

BYAS TE, `BTZUN PA DKON MCHOG BSTAN PA'I SGRON MES SBYAR PA'I YI
GE PA NI SNGAGS RAM PA DKON MCHOG KUN DGA'O,,

@013B *, ,GNYAN RTZE DPON SLOB RIN PO CHE'I BSTOD 'GREL NOR BU'I
DO SHAL ZHES BYA BA BZHUGS SO, ,