@001A *, ,BDEN GTAM DE NYID GSAL BA'I ME LONG ZHES BYA BA BZHUGS
SO,,

@001B *, ,SHING PHAG ZLA TSES LA, TSA KHO SO MANG RGYAL MO BSOD
NAMS SGROL MAS, DPAG BSAM 'KHRI SHING GI DON 'GREL DANG, RJE
NYID KYI RNAM THAR BKA' RTZOM GNANG DGOS ZHES NAN GYIS ZHUS BA'I

LAN DU GNANG BA'I CHAB SHOG GI BAR SKABS TSIGS BCAD NI, BSTAN
BA'I LCAGS RI TSA BA KHA GSUM GYI, ,GTZO BOR GYUR PA SO MANG
RGYAL KHAB NAS, ,GSER BZANG KHRI PHRAG 'THAG RIS LHA DAR GYI,
,SKYES BCAS MI SNA CHED DU

MNGAGS PA'I GDONG, SNYAN NGAG KUN GYI RGYAL PO 'KHRI SHING GI,
,DON 'GREL RTOGS BRJOD LHUG PAR BYAS PA DANG, ,KHO BO'I GNAS
TSUL ZHIB PAR BKOD PA YI, ,RNAM THAR DGOS TSUL YI GE NAN CHER
BYUNG, ,MAG DHA

BZANG GNYIS PA MI'I DBANG MO, ,MA CHEN BSOD NAMS SGROL MA'I
DGONGS BZHED BZHIN, ,MA BCOS RNAM THAR GTZANG MA 'GA' MCHIS NA,
,MA SBAS GSONG POR SMRA BA'I 'OS YIN KYANG, ,RNYED BKUR LONGS
SPYOD

'DU 'DZI'I ZHAGS PA YIS, ,RNAM PAR BCINGS PA'I NGANG TSUL BRJOD
PA LA, ,RNAM PAR THAR CES DON MI MTHUN GYI GTAM, ,CO 'DRI LTA
BUR SNYIGS MA'I DUS 'DIR SGROGS, ,'DI NA DAM PA'I MTSAN TZAM
BZUNG

BYAS TE, ,'DI SNANG GA-YENG BRAN DU KHOL BA LAS, ,'DI PHYI BSTAN
'GRO'I DON DU 'GYUR NGES PA, ,'DI 'DRA BGYIS ZHES BSNYAD DU MED
PA'I GNONGS, ,'ON KYANG SKYON YON 'DRES MA'I SPYOD TSUL RNAMS, , @002A *, ,SGRO SKUR
SPANGS TE DRANG POR BRJOD BYAS NA, ,DGAG BYA
CHUNG ZHING SKAL MNYAM 'GA' ZHIG LA, ,CUNG ZAD PHAN YANG SRID
PAS 'DI SKAD GSOL, ,MDZO DGE SMAD CES BYA BA'I YUL DU SKYES, ,

LHA DANG BLA MAS BRTZE BAS LUNG BSTAN MDZAD, ,RTAGS DANG RTEN
'BREL MANG PO LAS KYIS BSGRIGS, ,DAM PA'I GDAN SAR 'KHOD PA'I
RNAM THAR YIN, ,DGONGS BZHI CAN GYI LUNG BSTAN 'GA' ZHIG LA,
,BRTEN

NAS RJE BTZUN SHES RAB SENG+GE SOGS, ,DAM PA'I SKYE PHRENG DU MA
BDAG GIR BYAS, ,RDZUN PHUGS BRAG LA GTAD PA'I RNAM THAR YIN,
,RANG LO BDUN PAR RGYAL BA KUN GYI DNGOS, ,YAB RJE 'JIGS MED
DBANG PO'I

ZHABS DRUNG NAS, ,RAB TU BYUNG ZHING DGE TSUL SDOM PA MNOS,
,THUB BSTAN SGO RU ZHUGS PA'I RNAM THAR YIN, ,DE NAS LO 'GAR
BYIS BA'I ROL RTZED DANG, ,SBRAGS TE KLOG DANG BLO 'DZIN KHRAL
BZHIN BYAS, ,DAD

DANG SNYING RJE 'DRES MA'I YUL DU GYUR, ,MTHONG BA DON LDAN BYA
BA'I RNAM THAR YIN, ,BCU GNYIS STENG DU BSDUS GRVA'I RTZOD PAR
ZHUGS, ,DBUS CHAS 'BUL SDUD GA-YENG BA SHAS CHE YANG, ,RTZOD ZLA
RNAMS KYI RJES SU

MA LUS TZAM, ,RTOG GE'I BAG CHAGS SAD PA'I RNAM THAR YIN, ,BLA
MA MANG PO'I CHOS SNA MA BSOGS KYANG, ,MTSAN LDAN BSHES GNYEN
'GA' YI ZHABS BSTEN NAS, ,DE LA LOG RTOG MA SHOR TSUL BZHIN
BSTEN, ,

@002B KHE NYEN DPYOD PA ZHUGS PA'I RNAM THAR YIN, ,GZHUNG CHEN
SO SO'I RTZA BA RGYA BOD KYI, ,'GREL PA MTHA' DPYOD BCAS LA
SPYANGS PA YIS, ,SHES LO THOS LO'I RNAM GRANGS BRGYA PHRAG
BRGAL, ,RTZA SBUR ME MCHED LTA BU'I RNAM THAR YIN, ,BKA' GDAMS
GZHUNG

DRUG 'GREL PA DON GSAL DANG, ,MDO RTZA LA SOGS GZHUNG CHEN BSHAD
PA DANG, ,LAM RIM SOGS KYI KHRID KYANG MANG DU BYAS, ,DMUS LONG
SGRON ME THOGS PA'I RNAM THAR YIN, ,DGE 'DUN 'DUS PA SUM STONG
MAN CHAD LA, ,RDOR PHRENG MI TRA SOGS KYI

DBANG BKA' DANG, ,SPYI DANG ZUR BKA'I RJES GNANG MANG DU BYAS,
,GSANG SNGAGS GZUGS BRNYAN SPEL BA'I RNAM THAR YIN, ,LAS 'BRAS
BLANG DOR BSTAN NAS GZHAN DAG RNAMS, ,PHAN DANG BDE BA'I LAM LA
'GOD BYED KYANG, ,RANG NYID SDUG BSNGAL

RGYU LA SPYOD PA NI, ,SNYIGS DUS BDAG GZHAN MNYAM BRJE'I RNAM
THAR YIN, ,GDAN SA GSUM GYI MKHAS PA'I MDUN SA RU, ,BKA' POD
LNGA YI ZAB GNAD PHRA ZHIB NAS, ,TSIG 'KHRI'I SPROS PA TSUN LA
ZHUM PA MED, ,RTZOD PA'I GRAGS SKAM THOB PA'I RNAM THAR

YIN; ;SNGA MA'I GZHUNG LA SBYAR BYANG BTAGS MIN ZHING, ,MNGON
BRJOD SPEL BA'I TSIG BSGRIG TZAM MIN PAR, ,BRTZAMS CHOS 'GA'
ZUNG BSTAN DU YOD PA 'DI, ,BSTAN LA LAG RJES BZHAG PA'I RNAM
THAR YIN, ,MDO SNGAGS GZHUNG LUGS GANG GI

TSIG DON LA, ,DPYOD PA'I BLO GROS 'JUG PAR MI DKA' YANG, ,DON
GYI NYAMS MYONG RGYUD LA MA SKYES PA, ,CHU NANG RDO BA SKAM PO'I
RNAM THAR YIN, ,'PHAGS BOD MKHAS BA'I LEGS BSHAD RO BRGYA'I ZAS,
,SPYAD PAS DENG DUS MKHAS RLOM NGAG SGROS KYI, ,

@003A *, ,ZAN DRON TZAM LA 'GRAM CHU MI LDANG BA, ,DRED PO CHOS
RGYUS MKHAN GYI RNAM THAR YIN, ,YUL KHAMS MANG PO'I RNYED BSKUR
SDUD PA DANG, ,GRVA SLOB MANG POR CHOS SBYIN 'GYED PA SOGS, ,BLA
CHEN SPYI YI PHYAG

SROL RGYAS PAR BYAS, ,CHOS BRGYAD RTA RGYUG 'GRAN PA'I RNAM THAR
YIN, ,DAD RDZAS NYE DU'I TSOGS SUM BSKOR BAR, ,SKU GSUNG THUGS
KYI RTEN MANG BZHENGS PA DANG, ,DGON SDE DU MAR BSNYEN BKUR
BGYIS PA SOGS, ,DKOR GYI BU LON

CHUNG BA'I RNAM THAR YIN, ,DAD LDAN DU MAS BSKUR TE MDO SMAD
KYI, ,PHYED TZAM BSKOR KYANG DNGOS 'BUL GANG BYUNG LAS, ,PHA ROL
'DREN PA'I THABS DANG 'KHRUL MA BKYES, ,LUGS GNYIS MKHYEN RGYA
CHUNG BA'I RNAM THAR YIN, ,MTHO LA

GUS PAS NGO 'DZIN MA BYAS SHING, ,DMA' LA SMOD PAS BRNYAS THABS
MA BYAS TE, ,MNYAM LA 'GRAN PAS GRAL RTZOD MA BYAS PA, ,BLO RGYA
YONGS THANG ZHAN PA'I RNAM THAR YIN, ,DBU MA'I LUGS BZHIN DAM
PAR 'JOG BYED NI, ,MING TZAM

BRDA TZAM RTOG PAS BTAGS TZAM LAS, ,RANG GI NGOS NAS GRUB PA'I
DPYAD BZOD KYIS, ,STONG 'DI DON DAM BDEN PA'I RNAM THAR YIN,
,SNYING RJES GZHAN DON SGRUB PA LTAR SNANG YANG, ,PHUGS KYI GTAD
SO RANG DON KHO NAR GNAS, ,SNANG

TSUL GNAS TSUL MI MTHUN RDZUN PA RU, ,GRUB 'DI KUN RDZOB BDEN
PA'I RNAM THAR YIN, ,NYAMS LEN BYED RGYU MA DRAN NYI SHU THAL,
,BYED DO BYED DO'I NGANG LA NYI SHU THAL, ,MA BYUNG MA BYUNG ZER
ZHING BCU LHAG THAL, ,MI TSE STONG PAR ZAD PA'I

@003B RNAM THAR YIN, ,NYIN MTSAN DON LDAN CHOS KYI 'DA' BA YIS,
,DGE SBYOR NGANG DU MI TSE BSKYAL MIN YANG, ,TSE DANG GRONG CHOG
SNYOMS PAR MA BYAS PA, ,MI RGAN SKYID NYAL BRGYAB PA'I RNAM THAR
YIN, ,BLA MA'I SKU DGRAR MDZA' GCUG MA BYAS KYANG, ,RA

LA SGER GYIS GNAG BSU LA YANG, ,SDAD PAS DMOD BCOL TZAM YANG
BGYIS PA MED, ,MA NUS JO BZANG BYAS PA'I RNAM THAR YIN, ,BZLAS
BRJOD DMIGS PA RGYA CHEN DKA' NA YANG, ,CUNG ZAD PHYI MA'I DON
DU DMIGS PA LAS, ,NOR SGRUB DBANG

SDUD GCIG KYANG MA BYAS BA, 'KHOS CHUNG 'DOD PA BSKYUNGS PA'I
RNAM THAR YIN, ,THUB BSTAN RGYA CHEN SPEL BAR MA NUS KYANG,
,KHAS BLANGS BSLAB KHRIMS GTZOR GYUR RANG RGYUD KYI, ,BSTAN PA
BSAM BZHIN BSHIG PAR MA BYAS PA, ,BSTAN

'DZIN GRAL 'JUG BSNYEGS PA'I RNAM THAR YIN, ,CI DGAR SPYOD PA'I
SNYING STOBS BDAG LA MED, ,LHA MTHONG 'DRE MTHONG MNGON SHES
BDAG LA MED, ,DGRA BO' SGROL BA'I NUS PA BDAG LA MED, ,LAS CAN
CHOS 'GO THON PA'I RNAM THAR YIN,,

RANG NYID BGRANG BYA SUM CU BRGAL BA NAS, ,LO LTAR BSGRUB BYA
SUM BRGYAR NYE BA TZAM, ,RAB BYUNG BSNYEN RDZOGS BSLAB PA'I GZHI
LA BKOD, ,THAR BA'I SA BON BTAB PA'I RNAM THAR YIN, ,GRUB MTHA'
SO SO'I BZHED GZHUNG PHYOGS TZAM MTHONG,

KUN KYANG RNAM GROL SGRUB PA'I THABS SU GO ,DE PHYIR YAB RJE'I
BSTAN LA YID CHES RNYED, ,CHAGS SDANGS RMONGS ZHEN DOR BA'I RNAM
THAR YIN, ,BYI RU'I RGYAN LDAN RAKSHA'I PHRENG BA BZHIN, ,PHAL
BA'I SPYOD TSUL YON TAN 'GA' ZUNG BCAS, ,

@004A *, ,SGRO SKUR SPANGS PA'I BDEN TSIG SRAD BUL, ,BSTAR 'DI
MKHYEN DPYOD SOR MOS BGRANG BAR MDZOD, ,CES PA 'DI NI TSA KHO SO
MANG RGYAL MO'I 'PHRIN LAN DU BSKUR BA MDZO DGE DGON GSAR DGA'
LDAN RAB RGYAS GLING GI GRVA PA TSUL

KHRIMS DAR RGYAS KYIS BAR DU BRKOS 'DUG PAS, LHAG BSAM DAG PA'I
DGE 'BRAS KYIS, ,BSTAN DANG BSTAN 'DZIN DAR ZHING RGYAS, ,RTAG
TU DAM PA'I MGON GYIS BZUNG, ,SA LAM BGROD PA MTHAR PHYIN SHOG,
CES PA 'DI YANG BTZUN PA DKON MCHOG BSTAN PA'I SGRON ME'I BRIS
PA'O, ,SARBAMANG+GA LAm,,