@001A *, ,KUN GZIGS LNGA PA CHEN POS MDZAD PA'I RJE RIN PO CHE'I
BSTOD PA DPYID KYI RGYAL MO'I GLU DBYANGS KYI DON 'GREL DBYAR
SKYES SGRA BRGYA ZHES BYA BA BZHUGS SO,,

@001A *, ,RDO RJE 'CHANG DBANG THA MAL TSUL BZUNG STE, ,MKHAS
GRUB KUN GYI MDZAD PA'I KHUR BSNAMS NAS, ,THUB BSTAN SROG 'DZIN
RGYAL BA GNYIS PA LA, ,GUS PAS BTUD NAS DE TSUL MDO TZAM GLENG,
,DE'ANG

GRUB BA'I MTHA' RGYA MTSO'I PHA ROL TU SON PA KUN GZIGS LNGA PA
CHEN POS MDZAD PA KHAMS GSUM CHOS KYI RGYAL PO TZONG KHA PA CHEN
PO'I BSTOD TSIG 'DI NYID KYI DON LA GNYIS, DAD PA BSKYED DE
BSTOD PA DANG, 'DUN PA BSKYED DE SMON

PA'O; ;DANG PO LA MNGON PAR BYANG CHUB PA'I TSUL, DE NAS GZHAN
DON DU SPRUL BA'I BKOD PA BSTAN TSUL, SPRUL NAS BSTAN PA'I BYA
BA MDZAD PA'I TSUL LO, ,DANG PO NI, MI 'GYUR MCHOG TU YANGS PA'I
BDE BA CHE, ,BLA MED YE SHES

BDUD RTZI'I SNYING PO CAN, ,SKU GSUM GSANG BRGYAN GYI 'KHOR LO'I
MDZOD, ,STOBS BCU'I DPAL MNGA' RGYAL BA GNYIS PAR 'DUD, ,CES PA
STE, KUN RTOG GA-YO BA'I RLUNG DANG BRAL BAS NAM DU'ANG MI 'GYUR
ZHING, 'GRO BA'I

DON DU DAG PA'I RTEN DANG BRTEN PA MTHA' DAG PAR 'CHAR BAS MCHOG
TU YANGS PA'AM, THABS KYI RNAM BA RGYA CHE BA 'BRAS BU'I THEG
PA'I THUN MONG MA YIN PA LHAN SKYES KYI BDE BA CHEN PO DANG,
RGYAL BA'I GSUNG RAB THAMS CAD

KYI SNYING PO'I DON BLA NA MED PA'I YE SHES SRID PA'I SDUG
BSNGAL GYI 'CHING BA 'PHROG PA'I SMAN GCIG PU SHES RAB KYI PHA
ROL TU PHYIN PA'I YANG DAG PA'I LTA BA, 'CHI MED THAR BA'I GO
'PHANG SBYIN PA'I BDUD RTZI'I SNYING PO CAN

@002A *, ,ZUNG 'JUG NGO BO NYID KYI SKU'AM, LAM 'BRAS SOGS LAS
'BYUNG BA LTAR, SKU GSUNG THUGS KYI YON TAN GZHAN GYI BLO LAS
'DAS PAS NA GSANG BA DANG, 'JIG RTEN MTHA' DAG GI

DON DU 'GYUR BAS NA RGYAN, GCIG NAS GCIG TU BRGYUD DE 'KHOR BA
MA STONGS BAR DU 'JUG PAS 'KHOR LO STE, YUL DANG DUS NYE TSE BA
TZAM MA YIN PAR, DON GNYIS PHUN SUM TSOGS PA'I RNAM PA THAMS CAD
KYI MDZOD DU

PHYUR CING, GNAS DANG GNAS MIN MKHYEN PA SOGS STOBS BCU'I SGO
NAS 'GRO BA RNAMS SRID PA'I MTSO LAS SGROL BA'I THABS TSUL YONGS
SU RDZOGS PA'I DPAL LA MNGA' 'BYOR BA, RGYAL BA'I BSTAN PA 'DI
LA RGYAL BA

GNYIS PAR GRAGS PA DON DU GNAS PA'I RJE BLA MA LA SGO GSUM GUS
PAS 'DUD PAR MDZAD BA'O, ,'DIS NI RGYU'I THEG PA'I SHES RAB
DANG, 'BRAS BU'I THEG PA'I THABS DBYER MI PHYED PAR SBYOR BA'I
TSUL BSTAN LA, RGYAL BA

DBANG PO'I TOG GI SPYAN SNGAR YANG DAG PA'I LTA BA'I SNYING PO
CAN GYI RDO RJE THEG PA'I LAM BZANG 'DZIN CING SPEL BAR GSUNGS
PA DANG YANG 'BREL ZHING, BLA MED SPYI'I LUGS KYI BDE STONG
DBYER MI PHYED PA DANG, DUS KYI

'KHOR LO'I THUN MONG MA YIN PA RNAM MED KYI BDE BA CHEN PO DANG,
STONG PA STONG GZUGS KYI SKU GNYIS DBYER MED PA'I BDE STONG
DBYER MED CES BTAGS KYANG, RGYUD SDE GZHAN DANG SGO BSTUN NA,
BDEN GNYIS NGO BO

@002B DBYER MI PHYED PA'I ZUNG 'JUG DNGOS KYI DON DU SONG BA DE
NYID DANG YANG SBYAR DU RUNG NGO, ,GSANG GSUM MI ZAD PA RGYAN
GYI 'KHOR LO'I DON DANG THA SNYAD NI LAM 'BRAS SU GSAL LA, STOBS
BCUS GZHAN DON SGRUB TSUL DPYIS PHYIN PA BYANGS DANG 'JUG 'GREL
SOGS SU

SHES PAR BYA'O, ,GNYIS PA GZHAN DON DU SPRUL PA'I BKOD PA BSTAN
TSUL LA, DAG PA'I ZHING GI BKOD PA RGYA MTSO'I RDUL, ,YE SHES
RANG SNANG LAS GRUB 'OG MIN GYI, ,NGO MTSAR SGYU MA'I ROL RTZED
THEM SKAS LAS, ,RGYAL SRAS DAM PA'I RNAM PAR BDE BAR BYON, ,CES

RGYAL BA KUN GYI SRAS KYI THU BO'I RNAM PAR BSTAN TSUL DANG,
RNAM 'DREN KUN GYI MKHYEN PA'I PHUNG PO GANG, GCIG GYUR 'JAM
MGON MI YI SRID PA'I GAR, ,BSAM BZHIN RNAM PAR ROL BA'I MDZAD PA
LA, ,BSKAL BZANG RGYAL BSTONG GIS BSKRUN DU MED,,

CES RGYAL SRAS 'JAM DPAL GZHON NU DE NYID SLAR YANG MI'I SRID
PAR ROL BA'I YANG SPRUL GYI TSUL BSTAN TO, ,GSUM PA SPRUL NAS
BSTAN PA'I BYA BA MDZAD TSUL LA GSUM, MDOR BSTAN, RGYAS BSHAD,
DON BSDU BA'O, ,DANG PO NI, BLO GROS LANG TSO

DAR BA'I MIG STONG CAN, ,MKHAS BTZUN BZANG PO'I SA SRUNG LA ZHON
TE, ,'CHAD RTZOD RTZOM PA'I RDO RJE RTZE BRGYA PAS, ,RGOL NGAN
SA 'DZIN BCOM PA'I GRAGS PA 'BAR, ,ZHES 'JAM DPAL ZHI KHRO LA
GSUNGS PA BZHIN, RJE'I RNAM THAR GTZO BO'ANG CHOS

RNAM 'BYED KYI STENG NAS 'JOG DGOS BAS, SKYES SBYANG GI MKHYEN
RAB MTSUNGS ZLA MED PA'I TSUL DANG, MKHAS BTZUN BZANG GSUM YA MA
BRAL ZHING, 'CHAD RTZOD RTZOM PA ZUNG DU 'JUG PA DANG, BSTAN PA
DRI MAR BYED PA'I SMRA NGAN MTHA' DAG BCOM

@003A *, ,TSUL RKANG PA BZHIS RIM BZHIN BSTAN TO, ,GNYIS PA
RGYAS BSHAD LA, THOS BSAM SGOM GSUM GYI SGO NAS LUNG RTOGS YON
TAN BRNYES TSUL, MKHAS BTZUN BZANG GSUM GYI SGO NAS BSTAN 'GRO'I
DON MDZAD

TSUL GNYIS, DANG PO NI, MNGAL RGYA'I BRANG 'GRO'I MDUD GROL DRI
BRAL SKU'I, ,MA LA YAR SKYES LCUG PHRAN GZHON NU DAG ,NA TSOD
PHRA YANG PHAN BDE'I DRI BSUNG NI, ,NAM YANG ZAD MI SHES PA'I
GTER CHEN PO, ,SRID 'BYOR GLOG GI BU MO'I GAR

MKHAN MA, ,SDUG BSNGAL MUN PAR MAL 'CHA'I MTSANG RIG STE, ,'KHOR
BA MTSAN MO'I MTHA' LAS NGES 'BYUNG BA'I, ,TSANG SPYOD DPAL GYI
SKYA RENGS DANG PO SHAR, ,ZHES SHO LO KA GNYIS KYIS RIGS PHUN
SUM TSOGS PAR BLTAMS TSUL DANG,

BSTAN PA'I SGOR ZHUGS TSUL BSTAN, GZHON NU'I LUS CAN RGAN BO'I
BLO 'CHANG BA'I, ,RGYAL BSTAN GYEN DU 'DEGS PA'I SNYING STOBS
KYIS, ,THOS BSAM SGOM PA'I SA CHEN DBUS GTZANG GI ,LJONGS SU BDE
BAR GSHEGS PA 'DI RMAD BYUNG, ,

MANG THOS DGYES DGUR SPYOD LA CHES SRED PAS, ,SHES BYA'I LUS
PHRAR SPYAD DE BCAL ZIN PA, ,SLAR YANG THOS BRTZON MI PHYED
MDZAD GCUGS KYIS, ,'KHYUD PA'I SKAL BZANG 'DI KOS DAM DU BCINGS,
,ZHES TSIGS BCAD GNYIS KYIS BSTAN PA'I

'BYUNG GNAS DBUS 'GYUR 'CHANG DU BYON TSUL DANG, RJES 'JUG RNAMS
LA PHAN PA'I PHYIR GZHI NAS THOS PA BRTZAMS TSUL BSTAN TE GO
SLA'O, ,THOS PA MDZAD TSUL DNGOS NI, NANG DON RIG PA'I 'O MTSOR
BA 'KHYIL PAR, ,RNAM 'BYED SHES@003B RAB LAG LDAN NYER ZHUGS PAS, ,THA SNYAD RIG
PA'I ME TOG
TSOGS KYI RTZER, ,BLO GROS SOR MOS REG MIN GANG DU MCHIS, ,ZHES
KA R'I KA LNGA BCU PA NAS, DPAL LDAN 'DUS PA'I BAR GYI NANG RIG
PA MDO RGYUD MTHA' DAG LA RIS SUM CHAD PAR SBYANGS PAS

MKHYEN RAB KYI KLONG RDOL BA NA, SGRA SNYAN SDE BA SBYOR SMAN LA
SOGS PA THA SNYAD PA'I RIG GNAS RNAMS MKHYEN PA'I CHA SHAS RE
RES KYANG ZHAR BYUNG TZAM LA BDE BLAG TU RTOGS PA'I TSUL BSTAN
TO, ,BSAM PAS SGRO 'DOGS BCAD DE ZLA MED PA'I MKHAS PA'I

GO 'PHANG THOB PA NA, SDE SNONG 'DZIN PA'I 'KHOR DU MA DANG
GRAGS PA SHIN TU RGYAS PAR GYUR KYANG, 'DOD YON BDUD KYI GA-YAB
MOR GZIGS TE, DE'I RJES SU MI GA-YENG BAR BSTAN PA 'BA' ZHIG GI
DON DU GZHOL BA'I TSUL NI, 'JAM MGON

MKHYEN PAR CHAGS PA'I RNAM DPYOD KYIS, ,GZHUNG LUGS RGYA MTSO
RTOGS LA MTSAR DU CI, ,KHAMS GSUM LAS RGYAL LUS MED MDA' LNGA
YIS, ,CHES SRAB BLA GOS 'BUGS PAR NUS MIN MTSAR, ,ZHES PAS BSTAN
NAM SNYAM, DE LTAR CHOS BRGYAD

KYI DRI MA MED PAR SKAL BA DANG LDAN BA RNAMS LA GZHUNG CHEN
PO'I BSHAD PA MDZAD TSUL LA GNYIS LAS, MDO PHYOGS KYI BSHAD PA
MDZAD TSUL NI, SDE SNOD KUN SBYANGS YANG DAG GRUB PA'I 'BRAS,
,DKA' CHEN DU MAR 'BYAMS KLAS BSHAD PAS

CI; ;RING MO NYID NAS JI LTA JI SNYED KYI, ,CHOS KUN THUGS SU
CHUD ZIN MA YIN NAM, ,ZHES DANG, SNGAGS PHYOGS KYI BSHAD PA
MDZAD TSUL, BDE STONG RANG BZHIN RGYAS PA'I DBANG BO'I GZHU,
ZUNG 'JUG GUR KHYIM RNAM PAR BKRA BA NAS, ,

@004A *, ,GSANG CHEN CHOS KYI RGYUD MANG BSGRAGS PA'I CHE, ,SAR
HA DE MKHA' SPYOD GNAS SU BROS, ,ZHES GSUNGS SO, ,SHES BYA RIG
PA'I GNAS LNGA PO MTHA' DAG LA THOS BSAM JI LTAR MDZAD PA THAMS
CAD KYANG KHA PHYIR

BLTAS SU MA SONG BAR RGYUD STENG DU SBYAR BAS, GZHUNG LUGS MTHA'
DAG RNAM GROL SKYAB PA'I GDAMS NGAG TU SHAR BA'I TSUL NI, KHENGS
LDAN GNAS LNGA RIG PA'I LUS PHRA MA, ,RNAM DPYOD ZUR MIG LCAGS
KYUS NYER BTAB TSE, ,'KHYUD MIN

MDZA' BSAM GUL PAR DAM BCINGS TE, ,GOS PA MED PAR MKHYEN PA'I
KLONG DU SIM, ,ZHES PAS BSTAN TO, ,BSGOMS PAS GSUNG RAB KYI DE
NYID MNGON DU GYUR PA'I TSUL LA, MDO PHYOGS KYI ZAB GNAD MTHA'
THUG PA STONG PA DANG RTEN

'BYUNG GI DE NYID JI LTA BA BZHIN GZIGS PA'I TSUL STON PA NI,
RANG BZHIN DAG PA'I THUGS KYI SHEL DKAR DU, ,CHOS KUN SGYU MAR
SMANG BA'I RNAM ROL GZUGS, ,RGYU DANG 'BRAS BUR NGES PA'I GZIGS
MO LA, ,DUS GSUM RGYAL BA PHAL CHENG YENGS SAM SNYAM, ,

ZHES DANG, SNGAGS KYI ZAB GNAD MTHAR THUG PA SBYU LUS KYI RNAM
GZHAG MKHAS RLOM GZHAN RNAMS SBYI DON GYI SGYU MTZAM LAS, SNGAS
DON DANG MTHAR THUG GI SGYU MA JI LTA BA BZHIN 'JOG MA SHES BA
RNAMS, ,MO TAG SIRDHU W'A 'DI NYI ZLA'I 'OD KYIS 'BYED

MI THUB KYANG, MDZES MA'I 'GRAM CHANG GIS 'BYED PA LTAR, RJE
NYID GCIG PUS JI LTA BA BZHIN GZIGS SHING PHYE BA'I TSUL, SGYU
LUS SINDHU W'A RA'I 'DAB MA'I SGO, ,MKHAS RLA MA NYI ZLA'I 'OD
KYIS PHYED MIN PA, ,LEGS GSUNG RKED MED KHA YI ZEGS

@004B MA'I CHANG, ,'THOR TSE 'DAB BRGYA BA DE RANG DBANG CI,
,ZHES GSUNGS SO, ,THUN MONG SNANG TSOD DANG MTHUN PAR LHAG PA'I
LHA'I ZHAL GZIGS PA SOGS GRUB PA'I GO 'PHANG GSAR DU BRNYES TSUL
DANG, NGES DON THUN MONG MA YIN PA LTAR NA DE LA MI LTOS PA'I
KHYAD

PAR GNYIS GNYIS SBYAR TE BSHAD TSUL GSUM LAS, DANG PO SNANG TSOD
LA RJE BTZUN 'JAM DBYANGS KYIS LTA BA'I DKA' GNAD SOGS THE TSOM
GYI DRA BA BCAD KYANG, GNAS TSOD LA 'JAM DPAL NYID DANG NGO BO
DBYER MI BYED PA'I TSUL, 'JAM DBYANGS BSHES

GNYEN ROL PAR NGES RNYED NAS, ,KHYOD BLO'I RI DVAGS DKA' GNANG
SGROG GI RGYUR, ,BCINGS RNAMS ZUR PHUD LNGA PA'I GSUNG MTSON
GYIS, ,BCAD LA MTSAR DU 'DZIN PA BYIS PA'I BLO, ,ZHES PAS BSTAN,
RGYAN DRUG ,MCHOG GNYIS, SANGS RGYAS BSKYANGS,

DRIL, NGO BO YAB SRAS SOGS PAn GRUB DU MAS BYIN GYIS BRLABS PAS
DE DAG GI DGONGS PA THUGS SU CHUD PA'I TSUL BSTAN KYANG, NGES
DON SRAS BCAS RGYAL BA KUN GYI GSANG BA GSUM GYI BKOD PA DANG
CHABS GCIG PA'I TSUL, RNAM 'DREN SRAS

BCAS GRANGS MED TSOGS RNAMS DANG, ,LHAN CIG GSANG GSUM BKOD PAS
DUS 'DA' NA, ,'PHAGS MCHOG PAn GRUB 'GA' ZUNG GZIGS ZHES PA'I,
,BSTOD BSNGAGS MGON 'DI'I CHE BA'I 'OS SU MIN, ,ZHES GSUNGS,
SNANG TSOD LA RDO RJE 'JIGS BYED,

GTZUG TOR RNAM RGYAL, SGROL MA DKAR LJANG SOGS LHAG PA'I LHA DU
MA'I ZHAL GZIGS SHID BYIN GYIS BRLABS PAR BSTAN LA, NGES PA'I
DON DU RANG NYID DKYIL 'KHOR GYI 'KHOR LO MTHA' DAG SPRO ZHING
SDUD PA'I BYED BOR GRUB PA'I TSUL NI, RIGS

@005A *, ,KUN KHYAB BDAG DBANG POR MNGON GRUB PA'I, ,DKYIL 'KHOR
RGYA MTSE'I SGRO BSDUR MNGA' 'BYOR NA, ,LHAG BA'I LHA 'GAS BYIN
GYIS BRLABS SO ZHES, ,BSNGAGS BRJOD DAR DIR SGROG LA RE BA
BSKYUNGS, ,ZHES GSUNGS SE,,

DE LTAR MDO SNGAGS KYI BSTAN PA'I GNAD MTHA' DAG LA 'KHRUL BA'I
CHA PHRA MO TZAM YANG MED PA GANGS CAN GYI LJONGS 'DIR SNGO
MCHAD GZHAN GYIS DBYE BAR MA NUS PA'I GRUB MTHA' RNAM PAR DAG
PA'I SHING RTA'I SROL PHYE BA'I TSUL, MKHAS GRUB CHER RLOM

PHAL GYIS KHUGS MIN PA'I, ,MTHA' BRAL LTA DANG RIM GNYIS DKA'
GNAS GZHU, ,LEGS BSHAD RGYUD KYIS BKUG 'DI THUN MONG GI ,GDUL
BYA'I SNANG DOR BSTAN PA'I MDZAD PA'I DPYID, ,CES GSUNGS LA, DE
LTAR RANG DANG GZHAN GYI GRUB

MTHA'I SKYON YON THAMS CAD JI LTA BA BZHIN GZIGS KYANG, GZHAN
SNGANG ZHUGS MED PAR MA ZAD, GZHAN DAG GI GRUB MTHA'I MA NOR
BA'I CHA THAMS CAD KYANG RANG LUGS KYI YAN LAG TU KHYER TE BSTAN
PA THAMS CAD 'GAL MED DU RTOGS

PA'I TSUL, NGES PA'I DON DU SPANGS RTOGS PHUN TSOGS GYI, ,YON
TAN RDZOGS PA'I DPAL STAG GDONG LNGA'I DBANG, ,'KHRUL BA'I GCAN
GZAN DREGS PA'I NGA RO LA, ,DGRA ZLAR MI SEMS RANG GI NGANG TSUL
YIN, ,ZHES GSUNGS SO, ,GNYIS

PA MKHYEN BRTZE NUS GSUM GYI SGO NAS BSTAN 'GRO'I DON BSGRUB
TSUL LA, DANG PO MKHYEN PA'I YON TAN NI, RGYA CHEN MKHYEN PA'I
SRANG LA SHES BYA YI, ,GNAS LUGS MTHA' DAG BCAL TSE RDUL BRAN
LTAR, ,GYUR PAS SKYENGS TE CHOS KUN 'CHI

@005B MED GTZO, ,STONG NYID BSHOL MED MNGAL DU YUD KYIS BROS,
,ZHES KUN BYANG GI CHOS THAMS CAD MNGON PAR BYANG CHUB PA'I
TSUL, BRGYA BYIN BSHOL MED BYI BO BYAS, ,ZHES MIG STONG BYUNG
BA'I GTAM RGYUD KYI DPE DANG SBYAR NAS GSUNGS SO, ,DE

BZHIN DU BRTZE BA'I YON TAN YANG, BRTZE CHEN LHAG PA'I BSAM PA'I
LCID KYI KHUR, ,NOR 'DZIN BU MOS MA BZOD RDUL BA'I CHU, ,CHES
CHER BABS LA KHYAB 'JUG ZHABS BSIL DU, ,SKAL LDAN SHING RTAS
PHAB CES SGROS SU GLENG, ,ZHES 'GRO BA

RIS MED PA MTHA' DAG GI DON RANG GIR BZHES PA'I LHAG BSAM GYI
KHUR LCI BA GZUGS SU GRUB NA YANGS PA'I SA CHEN PO 'DIS KYANG
THEG DKA' BA LTA BUR YONG TSUL, SKAL LNGAN SHING RTAS GANG+G'A
PHAB PA'I GTAM RGYUD DAD SBYAR TE RAB BTAGS

KYI DPES GSUNGS SO, ,NUS PA'I YON TAN BDUD SDE THAL BAR BRLAG
TSUL NI, DUS DGRA'I NUS MTHUNG GRUB PA'I THOG MNGA' YIS, ,NAG
PHYOGS BRAG RI BCOM DANG LHAN CIG TU, ,'DOD LHA'I LUS KYANG TSIG
PAR MGRIN SNGON GYIS, ,MIG

MES BSREGS ZHES RIG BYED GTAM DU MCHIS, ,ZHES SNGON DBANG PHYUGS
CHEN BOS MIG DBUS MA ME'I MIG GIS 'DOD LHA BSREGS PA'I RIG BYED
KYI GTAM RGYUD DANG SBYAR TE BSHAD DO, ,RGYU DE GSUM GYI SGO NAS
BSTAN 'GRO'I DON BSGRUB TSUL

YANG; GANG GIS THAR PAR DRANGS MIN SKYES BU NI, ,MED PHYIR RGYAL
RNAMS RANG GI GDUL BYA DAG ,MA RNYED ZHI BA'I DBYINGS SU MNAL BA
LA, ,GDUL DKA'I SNYIGS MA LNGA BDO SGRO YIS BTAGS, ,ZHES SKAL
LDAN GDUL BYA RNAMS GANG LA GANG

@006A *, ,'TSAM DU YANG DAG PA'I LAM LA SBYAR TE, RGYAL BA KUN
GYI MDZAD PA'I KHUR RJE NYID GCIG PUS BDAG GIR BZHES PA'I TSUL
GYI MDOR BSTAN CING, DE'I NANG NAS BYE BRAG TU LUNG GI BSTAN PA
'CHAD RTZOD RTZOM GSUM GYI SGO NAS

SPEL BA LA 'GRAN ZLA MED TSUL, SRING ZHI'I KHAMS NA 'CHAD RTZOD
RTZOM PA YI, ,DPE ZLAR 'OS BA TSOL PHYIR NYI ZLA ZUNG, ,DAL MED
MKHA' LA RGYU YANG MA RNYED PAS, ,NGAL TE THUN MTSAMS SGEG MO'I
PHANG PAR NYAL, ,ZHES NYI ZLA ZUNG GIS DE'I 'GRAN ZLA 'OS PA

ZHIG BTZAL TE MA RNYED CES RAB BTAGS KYI SGO NAS GSUNGS SO, ,DE
NAS RTOGS PA'I BSTAN PA LA GNYIS LAS, THUN MONG BA LAM BSLAB PA
GSUM LA GDUL BYA 'GOD TSUL STON PA THUB PA'I DBANG PO DANG DBYER
MED PA NI, TSUL KHRIMS TING 'DZIN SHES

RAB BSLAB PA'I GZHIR, ,MTHA' YAS LUS CAN MA LUS NGES SBYOR BA'I,
,MDZAD PA MCHOG 'DIS KHYOD DANG ZAS GTZANG SRAS, ,THA DAD DBYE
BA'I GO SKABS RTOGS NUS MIN, ,ZHES GSUNGS SHING, THUN MONG MA
YIN PA SNYIGS DUS KYI TSE THUNG GCIG

LA 'TSANG RGYA BA'I GSANG SNGAGS KYI MYUR LAM LA 'KHRID PAR RDO
RJE 'CHANG DANG DBYER MA MCHIS BA'I TSUL, BSKAL BRGYAR BSGRUB
BYA SNYIGS DUS TSE GCIG LA, ,ZUNG 'JUG SKU BZHI'I LAM DU 'GRO BA
KUN, ,'KHRID LA KHYOD DANG KHYAB BDAG RDO RJE

'CHANG; ;SPRUL LONGS RTAGS KYIS MA 'DRES NGES BA RNYED, ,CES PAS
BSTAN TO, ,GSUM BA DON BSDU BA NI, THABS SHES RIN CHEN SNA BDUN
LA BRTEN NAS, ,LUNG RTOGS BSTAN PA'I GLING BZHIR DBANG SGYUR
BA'I, ,DAM PA'I CHOS KYI 'KHOR LOS SGYUR BA

@006B CAN; ;KUN MKHYEN TZONG KHA PA LA GSOL BA 'DEBS, ,ZHES PA
STE, GSER GYI 'KHOR LOS SGYUR BAS GLING BZHI MTHA' DAG LA 'DOD
SGYUR BA BZHIN, THABS KHYAD PAR CAN RING NAS GOMS PA'I RLABS PO
CHE'I THUGS BSKYED DANG, BSTAN

PA'I GNANG MTHA' DAG LA LKOG TU MA GYUR PA'I SHES RAB ZUNG DU
'JUG PA'I SGO NAS THUB PA'I BSTAN PA YONGS SU RDZOGS PA'I MNGA'
BDAG GCIG PUR GRUB PA, GZU BOR GNAS SHING CHOS KYI MIG DANG LDAN
PA RNAMS KYI MNGON SUM DU GRUB PA'I RANG

BZHIN BRJOD PA'O, ,GNYIS PA 'DUN BA BSKYED DE SMON PA LA, THOG
MAR NGES LEGS KYI RGYUR GYUR PA MNGON MTHA'I GO 'PHANG DAL RTEN
BRGYUD MAR 'THOB PA'I PHYIR SMON PA NI, DENG NAS TSE RABS LHA YI
LAM YANGS PAR, ,MI KHOM SKYON GYI CHU

'DZIN DANG BRAL BA'I, ,DAL BRGYAD 'BYOR BCU'I BSIL ZER RAB SPROS
BAS, ,GTAN BDE'I GA BUR THIGS PAR LONGS SBYOD SHOG ,CES DANG, MI
DGE BA'I BSHES GNYEN DANG SKAD CIG KYANG MI 'GROGS PAR, YONGS
'DZIN MTSAN NYID DANG

LDAN PAS RJES SU 'DZIN PAR SMON BA NI, 'KHRUL PA'I KHUNG BUR LOG
SMRA'I LCE RKYONG BA'I, ,LTAR SNANG BSHES GNYEN SBRUL GYIS MI
GTZE ZHING, ,YANG DAG LAM STON YONGS 'DZIN KLU DBANG GI, ,GTZUG
RGYAN YID BZHIN NOR BU THOB PAR SHOG ,CES PA'O,,

DE LTA BU'I BSHES GNYEN DAM PAS RJES SU BZUNG STE, GANG LA SLOB
BA'I YUL GYI BSTAN PA'ANG, PHYI RU NYAN THOS SPYOD SBYONG ZHING,
,NANG DU 'DUS PA LA RAB DGA', ,ZHES RGYAL BA RANG NYID KYIS JI
LTAR BSNGAGS BA BZHIN, LAM THUN MONG DANG THUN

@007A *, ,MONG MA YIN PA'I LTA SGOM SPYOD BA MTHA' DAG GI GNAD
TSANG BA RGYAL BA'I BSTAN PA'I SNYING PO RJE BLA MA'I BKA' SROL
DRI MA MED PA 'DI NYID DANG MJAL BAR SMON BA NI, RMAD BYUNG RNAM
THAR GTZANG MA'I KHRIMS DANG LDAN,,

RLABS CHEN RGYAL SRAS SPYOD PA'I SNYING STOBS CHE, ,BDE STONG
MCHOG GI RIM GNYIS RNAL 'BYOR SPYOD, ,BLO BZANG RGYAL BA'I BSTAN
DANG MJAL BAR SHOG ,CES PA STE GNAD SHIN TU CHE'O, ,BSTAN BDE
LA'ANG MJAL BA'I MING TZAM GYIS MI CHOG PAR RANG

GIS NYAMS SU LON BA ZHIG DGOS BAS, RJOD BYED GSUNG RAB MTHA' DAG
LA THOS PA NGOMS BA MED PAR BYAS TE, 'CHAD NYAN GYI SGO NAS SPEL
BAR SMON PA NI, GANG GI LEGS BSHAD 'CHI MED BDUD RTZI'I TSOGS,
,'THUNG LA NAM YANG NGOMS

PA MA MCHIS SHING, ,DE DON 'CHAD DANG SBEL BA'I RGYUD MANG SGRA,
,SRID RTZE'I BAR DU SGROG PA'I DPAL THOB SHOG ,CES SO, ,DE'I
BRJOD DON YANG DAG PA'I LAM LA SLOB PA LA, THUN MONG BA SKYES BU
GSUM GYI LAM GYI RIM PA'I NANG NAS CHUNG DU DANG

THUN MONG BA MNGON MTHO'I RGYU DGE BA BCUL SLOB PA'I PHYIR SMON
PA, SKYE MANG NYER BRGYUD MUN PA STUG PO'I NANG, ,'DI SNANG BDE
BA GLOG 'OD SKAD CIG MAR, ,RTOGS NAS MNGON MTHO'I SGRON ME NYER
'DEGS PA'I, ,DGE BA'I RTZI BCUD GRUB PAR BYIN

GYIS RLOBS, ,ZHES DANG, SRID PA LAS YID 'BYUNG BA 'BRING DANG
THUN MONG BZHI, SRID PA'I BDE BA DBYAR GYI CHU GTER CHE, ,SDUG
BSNGAL MYA NGAM THANG DU 'GYUR SHES NAS, ,LDOG MED THEG GSUM
'PHAGS PA'I GO 'PHANG GI ,MI ZAD RGYA MTSE CHE LA

@007B 'JUG PAR SHOG ,CES PAS BSTAN, SNYING RJE'I GZHAN DBANG DU
GYUR NAS PHYIN DRUG GI SPYOD PA SGRUB PA SKYES BU CHEN PO'I LAM
LA SLOB PA'I PHYIR SMON PA, ZHI BA DE'I MUN PAR MAR GYUR 'GRO
BA'I GZUGS, ,MA MTHONG RNAM BAR GROL BA'I TSUL SHES TE,,

PHYIN DRUG SPYOD PA'I 'OD STONG RAB SPROS NAS, ,KUN MKHYEN YE
SHES SNANG BA RGYAS PAR SHOG ,CES PA'O, ,DE LTAR LAM THUN MONG
BAS RGYUD SBYANGS TE, THUN MONG MA YIN BA GSANG CHEN RIM GNYIS
KYI RNAL 'BYOR LA SLOB PA'I PHYIR SMON PA, GRANGS MED BSKAL

GSUM KUN GSAL RDZOGS DKA'I TSOGS, ,RTA LJANG RLUNG SHUGS RIM
GNYIS 'KHRUL 'KHOR GYIS, ,SNYIGS DUS TSE THUNG CHU TSOB DRUG CU
LA, ,LHUN GRUB 'BAD MED BGROD PAR BYIN GYIS RLOBS, ,ZHES BA YIN
LA, 'DI'I MJUG SMON PA'I TSIG TU MA BYAS

PAR; PHYIN GYIS RLOBS ZHES 'BYUNG BA NI, LAM GYI RTOGS PA DE DAG
SKYE BA'ANG RJE BLA MA'I THUGS RJE'I BYIN GYIS RANG GI SHES
RGYUD BRLABS PA'AM, BSGYUR DGOS PAR SHES PA'I CHED YIN TE, 'DIS
NI GONG MA KUN LA'ANG GO BAR BYA'O, ,DE YAN

CHAD KYIS SPYIR SMON PA'I DON CHA TSANG BAR SONG YANG, KHYAD PAR
DU RJE BLA MA'I BSTAN PA PHYOGS MTHAR RGYAS PA NI LHAG PAR THUGS
LA BRNAG PA'I DON YIN PAS, DE LA CHED DU DMIGS TE YUL DUS MTHA'
DAG TU RGYAS PA'I PHYIR SMON PA'I SHO LO KA GSUM

MDZAD PA'I DANG PO, KHYAD PAR MGON KHYOD BSTAN PA YID BZHIN NOR,
,THOS BSAM SGOM PA'I RGYAL MTSAN RTZER BKOD NAS, ,RING LUGS DPAL
'BYOR SKAL BZANG 'GRO KUN GYIS, ,MI ZAD DGA' STON SPYOD LA NUS
LDAN SHOG ,CES MTHA' DBUS KUN TU

@008A *, ,RJE BLA MA'I SROL 'DZIN GYI SKYES MCHOG MANG DU BYUNG
STE, THOS BSAM SGOM GSUM GYI SGO NAS 'DZIN SKYONG SPEL BAR 'GYUR
BA DANG, 'KHOR BA'I SKYE SRID 'DAB CHAGS BGROD PA'I 'GROS, ,SNA
TSOGS MTHO DMAN BAR MAR

RGYU BA'I TSE, ,'JAM DPAL SNYING POS RJES SU NYER BZUNG BA'I,
,GRIB MA GNYIS PAS RJES SU 'BRANG BAR SHOG ,CES PA KUN GZIGS
LNGA PA CHEN PO RANG NYID KYI SKU TSE'I 'PHRENG BA KUN TU RJE'I
BSTAN PA 'DI NYID 'DZIN CING SNGEL BA'I DON DU YIN LA, CHOS

PHUNG SPRIN GYI LUNG PHRA'I PHANG PA NAS, ,RGYAL BA GNYIS PA'I
BSTAN BA 'BRUG GI SGRA, ,BZANG PO'I BSKAL PA DBYAR DUS JI SRID
DU, ,MI 'GYUR RDO RJE'I DPAL DU 'GRUB GYUR CIG ,CES PA NI TSUL
DE DAG GI SGO NAS LUS CAN YONGS KYI PHAN BDE MA LUS PA'I

'BYUNG GNAS BSTAN PA'I YANG SNYING RJE BLA MA'I RING LUGS DRI MA
MED PA 'DI NYID BSKAL PA'I MTHA'I BAR DU MI NYAMS PAR GNAS PA'I
PHYIR DU SMON PA MDZAD PA STE, DPAL PHRENG GIS ZHUS PAR DAM CHOS
'DZIN PA'I SMON LAM NI YANG DAG PA'I SMON

LAM MTHA' DAG GI SNGOMS SU GSUNGS PA BZHIN NO, ,SBYAR BYANG GO
SLA, 'DIR 'BANG DGE BAS RTAG TU DAL 'BYOR GYI, ,RTEN THOB BSHES
GNYEN DAM PAS RJES BZUNG STE, BSTAN PA'I SNYING PO THOS BSAM
SGOM PA YIS, ,PHRA RAGS SRING MTSO'I PHA

ROL PHYIN GYUR CIG ,DE'ANG BSTONG PA 'DI NYID SNGAR 'DI PHYOGS
SU DAR SO CHUNG BA'I DBANG GIS BLO 'DZIN KLOG PA SOGS MA MYONG
YANG, NYE CHAR SU NYID GA-YAS RU'I SHOG NAS CHOS DANG DON DANG
NGES TSIG 'BYED PA'I BLO MIG CAN KU SHI 'JIGS MED BLO BZANG@008B GIS NAN CHER BSKUL
BAR BRTEN, 7BTZUN PA DKON MCHOG BSTAN
PA'I SGRON MES CHA TSANG BAR MTHAR CHAGS SU TSAR GCIG KLOG PA
DANG BSTAN, SPYI KHOGS KYIS BCAD BLO LA SHAR TSOD TZAM ZHIG JA
SBYOR GNYIS KYI RING LA THOL BYUNG GI TSUL DU

BRIS PA YIN PAS, RNAM DPYOD CAN RNAMS KYIS DPYOD BA'I GZHI TZAM
MDZAD DE, GZHUNG GZHAN DANG GUNG BSGRIG NAS ZHI BA DPYOD MTHA'
CHOD PAR MDZAD NA LEGS SO,, ,,