@001A *, ,BDE BA CAN GYI ZHING GI YON TAN SEMS PA DANG SBRAGS TE
SMON LAM 'DEBS TSUL BYIN RLABS MYUR 'JUG DANG, YID DGA' CHOS
'DZIN GYI ZHING GI BSNGAGS BRJOD BCAS BZHUGS SO,,

@001B #, ,NA MO GU RU AA MI TONGBHA W'A YA, BLA MA'I RNAL 'BYOR
ZHING MCHOG SGO 'BYED DANG 'BREL BAR ZHING GI YON TAN SEMS PA
DANG SBRAGS TE SMON LAM 'DEBS TSUL NI, BDE SMON GYI GONG DAM,
'PHO BA'I DMIGS

PA GTZO BOR BYED NA, MDO LAS, DE LA DAD PA ZHING DER SKYE, ,ZHES
ZHING GANG DU 'PHO'ANG DER SKYE BA'I 'DUN PA DE'I RGYU'I GTZO
BOR GSUNGS PAS, 'OD DPAG MED SPYI BOR SPYAN DRANGS TE RTZA DANG
THIG LEGS LA BTAB ZIN NAS GSOL

'DEBS KYI GONG DER BYA LA, DE'ANG GA-YAM LA RGYUG TZAM MA YIN
PAR BLO GTING NAS 'KHUL BA'I GDUNG SHUGS DANG BCAS, 'GRO BA'I
MGON PO SH'AKYA SENG GE YIS, ,BSLU MED BDEN PAR GSUNG BA'I MDO
SDE LAS, ,GANG GIS

PHRAR BRDUL SNYED 'JIG RTEN KHAMS, ,BSHIG CING BSHEGS TE RDUL DU
BYAS GYUR PA, ,DE BAS MANG BA'I 'JIG RTEN KHAMS KYI RNAMS, ,RIN
CHEN BKANG STE SBYIN PA BYIN PAS NI, ,GANG GIS DPAG TU MED PA'I
'OD MTSAN DANG,

BDE BA CAN GYI YON TAN KHYAD 'PHAGS RNAMS, ,THOS NAS DGA' STE
THAL MO SBYOR BYED PA, ,BSOD NAMS 'DI YI CHAR YANG 'GYUR MA YIN,
,DE LTAR BAS NA DE BZHIN GSHEGS DE YI, ,YON TAN THOS NAS MGU
DANG DAD SKYED LA, ,BDE

BA CAN GYI 'JIG RTEN KHAMS MCHOG TU, ,'GRO BAR BYA PHYIR MOS PA
DRAG PO SKYED, ,GSUNGS PHYIR DUS GSUM DGE TSOGS CI MCHIS PA,
,GCIG TU BSDOMS TE ZHING MCHOG DER SKYES NAS, ,'OD DPAG MED MGON
GSUNG GI

@002A *, ,BDUD RTZI LA, ,'DOD DGUR SPYOD PA'I RGYU RU BSNGO BAR
BYA, ,MI MJED ZHING NAS NUB KYI PHYOGS NYID DU, ,BYE BA KHRAG
KHRIG BRGYA STONG SANGS RGYAS KYI, ,ZHING KHAMS RNAMS NI 'DAS
PAR GYUR PA NA, ,RMAD BYUNG

BDE BA CAN ZHES BYA BA YOD, ,DE NI SA GZHI RIN CHEN DU MAS
SPRAS, ,SHIN TU NYAMS DGA' LAG MTHIL LTA BUR MNYAM, RIN CHEN LAS
GRUB RI BO MA GTOGS PA, ,NAG PO'I RI RNAMS KUN GYIS DBEN ZHING
GTZANG, ,MDZES SHING

YID 'ONG RNAM DAG ZHING GI MTHA', ,RIN CHEN BDUN GYI CHU SHING
LJON PA DANG, ,RIN CHEN TA LA'I SHING GI 'PHRENG BA YIS, ,YONGS
SU BSKOR BAS SKAR MAS ZLA BA BZHIN, ,BDAG SOGS KUN GYI RNAM DKAR
DGE TSOGS KYANG, ,KHYOD

 KYI DGE TSOGS RGYA MTSO DANG 'DRES MTHUS, ,MI GTZANG SDUG
BSNGAL NYES TSOGS MTHAR BSKRAD DE, ,LNGON MDZES RIN CHEN RI BOS
BSKOR BA'I MTHIL, ,ME LONG NGOS LTAR MNYAM LA DVANGS SHING GSAL,
,PHYOGS MTSAMS KUN TU

GO SKABS CHES YANGS PAS, ,MIG DANG YID LA SPRO BA'I MCHOG SBYIN
PA, ,ZHING MCHOG BDE BA CAN DER SKYE BAR SHOG ,GSER DNGUL
BEEd'URYYA DANG SHEL DANG SBUG ,MU TIG DMAR PO RDO YI SNYING PO
STE, ,RIN CHEN BDUN LAS GRUB

PA'I LJON PA LA, ,YID LA BSAM DGU'I RGYAN BZANG DPAG MED
'PHYANG, ,SHING GI RTZA BA SDONG BU YAL GA SOGS, ,'JAM ZHING REG
NA BDE STER DRI ZHIM LDAN, ,DRI YI BZHON PAS BSKYOD TSE RNAR
SNYAN PA'I, ,MNYAN PAS CHOG

@002B MI SHES PA'I SGRA RNAMS 'BYUNG, ,DPAG BSAM LJON PA'I TSOGS
KYIS RTZOL MED DU, ,BYIN PA'I LHA YI GOS DANG RGYAN GYIS SPRAS,
,ME TOG SIL MAR BKRAM BYAS 'DZIN MA'I NGOS, ,MNAN NA NEM PAS LUS
SEMS BDE DGA' SKYED, ,KHYAD PAR DRI ZHIM RLUNG GIS

BSKUL BA LAS, ,NOR BU'I YAL 'DAB BSKYOD PA'I SNYAN 'GYUR
DBYANGS, ,RNA BA'I BCUD LEN ZAB MO'I DON LDAN PAS, ,RTAG TU CHOS
KYI 'DU SHES SKYED GYUR CIG ,DAG PA'I SEMS CAN RNAMS KYI NYER
'TSO'I GZHI, ,YID 'DZIN TA MA LA DANG AA KA RU, ,RGYA SPOS

TZANDAN SPRUL SNYING GIS BSGOS PA'I, ,NYAL 'GRO'I RGYUN RNAMS
SGRA SNYAN SGROG CING 'BAB, ,DVANGS BSIL CHAB KYIS DRI MA KUN
SBYONG ZHING, ,MU TIG WU BA 'THOR BA'I RLABS 'PHRENG DANG, 'JO
SGEG GAR GYIS RTZEN PA'I BYA TSOGS KYANG, ,GDANGS SNYAN CHOS KYI
SGRA

YIS SIM BYED SHOG ,RAB 'BYAMS SMON LAM STOBS LAS 'ONGS PA YI,
,RIN CHEN PADMOS BSKRUN PA'I 'OD ZER RTZER, ,DAM CHOS SBRANG
RTZI'I DGA' STON 'GYED PA YI, ,SPRUL SKUS GDUL BYA'I BUNG BA
TSIM PAR MDZAD, ,DPAG TSAD DU MA'I KHYON 'GENGS BA DANG

MA'I RTZER, ,PHYE BA BRGYA STONG SO DRUG GRANGS SNYED KYI,
,RGYAL RNAMS 'JA' TSON 'OD PHRENG LA GNAS PAS, ,DGYES PA'I ZHAL
BSTAN GSUNG GIS DBUGS 'BYIN SHOG ,YID KYI RE BA RDZOGS BYED
LONGS SPYOD RDZOGS, ,PHUN TSOGS 'BYOR BAS SA DANG BAR SNANG

KUN; ;MI MNYAM MED PAR YONGS SU DKRIGS PA NI, ,GSER GYI GZHI LA
CHU GTER CHEN PO BZHIN, ,KHANG BZANG GDAN KHRI BLA BRE RNAM BKRA
ZHING, ,MCHOD RDZAS SNA TSOGS THOGS BA'I LHA MO'I TSOGS, ,MKHO
DGU'I DNGOS PO MA TSANG MED BSTABS PAS, ,ZAG

@003A *, ,MED DGA' BDE'I DPAL LA ROL GYUR CIG, ,DAG PA'I SEMS
CAN LAS BZANG GIS SPRUL PA, ,MTSAN DPE'I RGYAN GYIS LUS NI RAB
TU MDZES, ,YON TAN DU MAS RGYUD NI LEGS PAR GTAMS, ,GNAS SKABS
KUN TU CHOS KYI DGA'

BAS 'TSO, ,GLOG BZHIN 'KHYUG PA'I THOGS MED RDZU 'PHRUL GYIS,
,ZHING MANG BGROD NAS RGYAL BA'I SPYAN SNGA RU, ,RAB 'BYAMS
TSOGS GNYIS BSKRUN NAS SLAR YANG NI, ,RANG GI ZHING DU DGA' BDES
ROL PAR MDZAD, ,DE LTA'I GROGS MCHOG MNGON SHES LNGA

LDAN ZHING, ,RGYAL BA KUN LA BSOD NAMS LHAG PAR BYAS, ,GSUNG GI
BDUD RTZI MYANG BAS NYIN RE BZHIN, ,BLA MED BYANG CHUB SA LA
NYER 'GRO BA, ,DE DAG RNAMS DANG SPYOD TSUL LTA BA KUN, ,MTSUNGS
PAR SPYAD DE BLO DAR BRTZON PA'I SHUGS, ,NYA GANG ZLA BA'I

ZER GYIS REG PA YI, ,DBYAR GYI CHU GTER JI BZHIN RGYAS GYUR CIG
,KHYAD PAR SNANG MTHA' YAS PA'I THUGS KYI SRAS, ,PHYAG NA PADMA
RDO RJE'I 'DZIN PA SOGS, ,YE SHES RGYA MTSO SEMS CAN RGYA MTSO'I
PHYIR, ,SNYING STOBS RGYA MTSOS MA ZHUM GO BGOS SHING, ,

RGYAL BRGYA MTSO'I DRUNG DU THUGS BSKYED NAS, ,THOS BRGYA MTSO
TSOL BAS NGOMS PA MED, ,MA LUS CHOS TSOL TSUL LA RAB TU MKHAS,
,'JIG RTEN 'DAS PA'I GTAM GYI SNYING PO RTOGS, ,CHOS KYI GTAM LA
NAM YANG 'JIGS PA MED, ,RTAG TU SEMS

CAN GROL BAR BYED LA BRTZON, ,DE NI 'DREN PA'I GTZO BO 'OD DPAG
MED, ,THUB MCHOG DE YI RIGS SU SKYES GYUR PA, ,RGYAL BA'I GDUNG
'TSO BA GRAGS LDAN DPA' BO CHE, ,DAG PA'I ZHING GI RGYAL SRAS
RNAMS YIN NO, ,BRTZE LDAN DE DAG RNAMS KYIS BU

@003B BZHIN DU, ,BSKYANGS PAS MI MTHUN BDUD LAS RNAM RGYAL
ZHING, ,'DUS PA GCIG KYANG BGRANG GIS MI LANG BA'I, ,NYAN THOS
TSOGS RNAMS MTHA' DAG ZIL MNAN TE, ,RAB 'BYAMS ZHING DU SPRUL
PA'I ZLOS GAR GYIS, ,LUS CAN RMONGS PA'I MUN PA DRUNGS PHYIN

PA'I; ,MDO SNGAGS ZUNG 'JUG CHOS KYI SGRON ME SBAR, ,CHOS KYI
DUNG BUS CHOS KYI RNGA CHEN BRDUNG, ,CHOS KYI RGYAL MTSAN SRID
PA'I RTZER BSGRENGS TE, ,RGYAL BA KUN GYI BZHED PA SKONG GYUR
CIG ,ZHING MCHOG DE YI NOR 'DZIN LTE BA NA, ,SNA TSOGS NOR BU'I

RGYAN SGRAS DPAG BSAM SHING, ,DPAG TSAD STONG DANG DRUG BRGYAR
MNGON MTHO ZHIG ,YAL 'DAB KHOR YUG RGYANG GRAGS LNGA BRGYAR
KHEBS, ,LO 'BRAS ME TOG BZHAD PA'I DRI BSUNG RGYAS, ,MTHONG THOS
REG PAS NYON MONGS GDUNG SEL BA, ,DE YI RTZA BAR YID

'PHROG MA Y'U RAS, ,BTEGS PA'I KHRI 'PHANG MNGON MTHOR PAD ZLA'I
STENG, ,RGYAL BA'I DBANG PO BYI RU'I LHUN PO BZHIN, ,MTSAN DPE'I
DPAL 'BAR GZI BYIN LHANG NGE BA, ,YAN LAG DRUG CU'I DBYANGS LDAN
CHOS KYI CHAR, ,MKHYEN BRTZE'I SPRIN GYI PHUNG PO

LAS THON PAS, ,RGYAL SRAS SLOB MAR BCAS PA'I 'KHOR GYI TSOGS,
,RAB 'BYAMS ZHING NAS LHAGS DANG DER BZHUGS PA, ,MTHA' DAG SMIN
CING GROL BAR MDZAD BZHIN DU, ,BGRANG LAS BSKAL PAR 'TSO ZHING
GZHES PA BZHUGS, ,BDE BA CAN GYI ZHING

NA 'GRO BA'I SKYABS, ,LJON PA'I DBANG PO'I DRUNG NA 'OD DPAG
MED, ,RGYA CHEN 'KHOR GYI DBUS NA BRJID PA'I SKU, ,MTHA' YAS
BSOD NAMS PHUNG PO KHYOD LA 'DUD, ,'DREN PA KHYOD KYI 'OD KYI
TSOGS, ,'JIG RTEN KHAMS SU SHONG GYUR BA, ,KYE MA RGYAL

@004A *, ,BA'I ZHING GI NI, ,RGYA KHYON KHONGS DAG SHIN T YANGS,
,RGYAL BA KUN GYI ZHING GI YON TAN RNAMS, ,KHYOD NYID GCIG BUS
BDAG GIR MDZAD PAS NA, ,MI MED ZHING GI SEMS CAN 'DI DAG RNAMS,
,SNYIGS MA LNGA

YI NYES PAS SBAGS SAM SNYAM, ,RAB MTHO RI YI DBANG PO DE, ,RAB
RGYAS ZLA BA'I BZHIN LDAN ZHING, ,RAB MDZES AUTPAL SNGON PO'I
MIG ,RAB TU LDAN NA KHYOD DANG MTSUNGS, ,MKHYEN BRTZE'I YON TAN
DU MA'I DPAL 'BAR ZHING, ,'KHOR TSOGS DBUS

SU LEGS BSHAD DGA' STON 'GYED, ,SRID MTHA'I BAR DU GZHAN GYI DON
BZHUGS PA, ,GNAS SKABS KUN TU KHYOD KYIS 'GRO KUN SKYONGS, ,MGON
PO KHYOD KYI MTSAN TZAM 'DZIN PA YANG, ,ZHING KHAMS GANG DU GNAS
KYANG MI BSKYUD PAR, ,BDE

LDAN ZHING DU 'DREN PAR DAM BCAS PA, ,GRUB PA'I BDEN PA BDAG LA
BSTAN DU GSOL, ,KHYOD KYI THUGS RJE'I DRI BZHON GYIS BSKUL BAS,
,BDAG GI DGE BA'I GRU GZINGS 'DIR BRTEN NAS, ,PHA MA 'BREL THOGS
RIGS DRUG 'GRO KUN KYANG, ,BDE

LDAN NOR BU'I GLING DER SKYEL BAR SHOG ,BGRANG YANG BSKAL PAR
BSAGS PA'I SNOD BCUD KYI, ,'BYOR BA'I YON TAN MKHA' DANG MNYAM
PA DER, ,BDAG SOGS LUS CAN YONGS KYIS CI DGA' RU, ,SPYOD PA'I
BGO SKAL BZANG PO MYUR THOB

SHOG ,DE NAS BLA MA'I RNAL 'BYOR GYI 'PHRO MTHUD LA, SMON LAM
GYI GRANGS SU TSIGS BCAD KYI RIM PA 'DI DAG BSKYANG BAR BYAS
KYANG RUNG NGO, ,ZHES PA 'DI NI DAD BRTZON BLO DANG LDAN PA RAB
'BYAMS PA DAG DBANG DON GRUB DANG DGE SLONG

@004B DKON MCHOG CHOS GRAGS GNYIS KYIS BSKUL BA'I NGOR, BYIN
RLABS KYI KHYAD KYIS ZHING GI YON TAN PHAL CHER RJE'I GSUNG GI
TSIGS BCAD RANG SOR BZHAG NAS DE DANG MTHUN PA'I SMON LAM GYIS
ZUR BRGYAN, RJE'I GSUNG GI TSIG LHUG PA NAS KYANG 'GA' ZHIG

KHA BSKANG STE, 7BTZUN PA DKON MCHOG BSTAN PA'I SGRON MES SBYAR
BA'I YI GE PA NI SNGAGS RAM PA RATNA A'A NANTA'O,, ,,