` YID DGA'
CHOS 'DZIN GYI ZHING GI BSNGAGS BA BRJOD PA DANG PA'I ME LONG
ZHES BYA BA BZHUGS SO,, ,,ZHING MCHOG DAG

PA'I DKYIL 'KHOR YONGS SU RDZOGS, ,SMON LAM RGYA CHEN RLUNG GI
SHING RTAS DRANGS, ,SEMS CAN SMIN BYED BSIL BA'I 'OD DKAR CAN,
,MI PHAM ZLA BA GZHON NU RGYAL GYUR CIG ,GANG GI ZHABS SEN 'OD
KYIS REG PA YIS, ,DGE LEGS BYIN PA'I SKAL BZANG

SNANG BA CAN, ,SA GSUM 'JIG RTEN DGA' BA GZUGS CAN BZHIN, ,GYUR
PA DE NI DGA' LDAN ZHES SU GRAGS, ,DE YI NGO MTSAR BSNGAGS PA
SPRIN GYI DBYUNGS, ,NOR 'DZIN PHA MTHA' BRGAL BA'I ROL MO NI,
,BLO CHUNG BHA MAR:YI SGROS PAR LAS, ,RDZOGS

PAR 'KHROL BA'I RE BA GA LA ZHIG ,'ON KYANG NAM MKHA'I MTHA' LA
MIG GTAD DE, ,SNYAN SGROGS KA LA BING+GA'I PHRU GU BZHIN, ,DAG
PA'I ZHING MCHOG SBYONG BA LHUR LEN RNAMS, ,DE YI RANG BZHIN
BRJOD LA SPRO BA 'DZIN, ,GTING ZAB 'KHOR BA CHU SRIN

'BYUNG GNAS LAS, ,'GRO SGROL RGYAL BA'I DBANG PO MTHA' DAG NI,
,STUG PO BKOD PA'I MKHA' LAS MA GA-YOS KYANG, ,CHU ZLA LTA BUR
BCU GNYIS GAR GYIS RTZEN, ,DE TSE DZAM BUS MTSAN PA'I LHO GLING
GI ,RDZING BUR DAL GYIS 'JUG PA'I 'BAB STEGS

@005A *, ,BZHIN, ,ZHANG MCHOG 'DIR NI MNGON PAR SKYE BA YI, ,DGE
MTSAN DANG POR NGOMS PA SPYI YI LUGS, ,THUB PA MCHOG KYANG THUGS
RJE'I NA DAR BAS, ,SNYIGS MA'I GCONG RONG STUG POR CHAS PA NA,
,MCHOG TU YID 'ONG NOR

BU'I COD PAN NI, ,GCES NOR GTAM BZHIN BYAMS MGON DBU LA BCINGS,
,DE YI CHOS KYI 'BYOR PA MA NYAMS PAS, ,RNAM GROL NOR BU'I SGO
BRGYA PHYE BA NA, ,BDAG CAG SKAL BA PHAM PAR MA GYUR CES, ,RAB
DGA'I DBYANGS KYI MTSAN SNYAN DON

DU GRUB, ,PHUN TSOGS BYE BA'I RLABS PHRENG ROL PA'I ZHING, ,ZAB
RGYAS NOR LA DBANG BA'I GDENGS CAN GTZO, ,PHAN TSUN DPAL DU GYUR
PA'I MDZES PA NI, ,SPRIN BRAL STON GYI MKHA' LA NYI 'ONG BZHIN,
,SRID PA'I SNOD BCUD LJON PA SKYED PA PO, ,LAS

DANG NYON MONGS RLAN GYIS MA BSKYED CING, ,SA GSUM 'JIG RTEN
'JIG PA LHUR BYED PA, ,RAB 'BAR BSKAL PA'I ZHUGS KYIS MI 'JIG
PA'I, ,DAG PA'I ZHING MCHOG RIN CHEN BRGYA YI KHAMS, ,TSOGS
GNYIS BZO BO'I 'PHRUL GYIS BSTAR

BA YIS, ,RI MO YONGS SU SMIN PA'I BKOD PA NI, ,DPE ZLA BRAL BA'I
KHENGS PA SRID NA MTHO, ,KHONG SNYOMS RDUL BRAL GTZANG MA'I ME
LONG BZHIN, ,REG 'JAM PANYTZA LI KA'I RJES SU 'GRO, ,PHA MTHA'
YANGS PA LHA YI LAM DANG MTSUNGS, ,RNAM PAR

BKRA BA DBANG GZHU'I DGRA ZLA BYED, ,KHOR KHOR YUG RIN CHEN RI
BO'I PHRENG, ,'OD KYI GDENGS KA 'THAB PA'I RTZED 'JO YI, ,'DZUM
DKAR PHYOGS KUN SNANG BYED BYA MA RTAGS, ,PHAN BDE'I DNGOS PO
MTHA' DAG MGRON DU 'GUG ,NOR BU'I @005B 'KHRI SHING BZHAB PA'I MTSAR SDUG LAS,
,BSUNG ZHIM DRI YIS
LHAGS PA MA LI KA'I, ,PHRENG BA TSAR DU DNGAR BA'I DOR NA, ,DON
ZAB RO LDAN BUNG BAS GLU DBYANGS LEN, ,ZLA BA CHU SHEL RGYUN GYI
NYAL 'GRO MA, ,MU TIG LDU BA'I GDUB KOR 'KHROL BA CAN, ,LHUNG
LHUNG GDANGS

LDAN CHOS KYI SNGOMS BZHI'I DBYANGS, ,ZAG MED DGA' BDE'I 'DUN PA
KHONG NAS SLONG, ,DE YI LAN LDON SPRO BA'I NYER DRANGS TE,
,MGRIN RNGA DAR DIR SGROGS PA NGANG PA'I KHYU, ,GA BUR ZEG MA'I
'DAB PHRENG RGOD PA YI, ,RLABS KYI 'KHRI SHING DANG 'GROGS GAR
GYIS

BREL; ;PHYOGS MTSUMS KUN TU DKRIGS PA'I DPAG BSAM LJON, ,MKHO
DGU'I 'BYOR BA STOB BAS MI NGAL BA, ,GTONG BA'I YON TAN RIG PAS
YID DRANGS SAM, ,BZOD DKA'I NOR MANG KHUR GYIS NGAL BA SNYAM,
,RDZI PHYOGS RLUNG GI BO NYA RGYU BA YIS, ,NGAL BA MED

PAR DRANGS PA'I DRI ZHIM BSUNG, ,GDUNG SEL MCHOD PA'I YON DU
SGRENG BAS KYANG, ,SIM PA'I TSOR BA MCHOG GI BDE DKA' SKYED,
,DKAR SER DMAR LJANG SNGO BA'I ME TOG GI, ,PHRENG BA MA SNYINGS
NOR 'DZIN BU MO'I GOS, ,MNAN NA NAM ZHING BTEGS NAS PAR BA

YI; ;REG BYA MTSOG GIS BGROD LA NGAL GSO SBYIN, ,DUS SU MTHUN
PA'I RLUNG GI BYI DOR GYIS, ,DAG CING GTZANG BYAS SHEL DKAR ME
LONG BZHIN, ,SLAR YANG GSAR BA'I ME TOG 'GREMS PA YIS, ,BSOD
NAMS KYI DOR MKHAN PO'I 'PHRUL 'DI MTSAR, ,CHU  

MTHONGS DPAL GYI BE'U'I RE MIG KUN, ,NYI MA STONG KHRAG KHU BAS
BYUGS PA LTAR, ,GSER SBYANGS DAG PA'I RANG BZHIN 'DZIN MA LA,
,BEE d'URYA YI MIG MANGS RIS SU BRIS, ,MTHA' YAS ZHING GI 'BYOR
BA'I SNYING PO NI, ,SPO MTHOR BRTZEGS PA'I RANG 'OD NGOMS,

@006A *, ,PA LTA'I, ,NOR BU'I GZI 'OD 'BAR BA'I GANDHO LA, ,RNAM
PAR RGYAL BA'I RGYAL MTSAN MNGON PAR MTHO, ,DGA' LDAN GNAS KYI
BDAG PO RANG DGA' LDAN, ,'BYOR BA'I CHU MTSO SRID PA'I 'DAM DANG
BCAS, ,DE LTA NA YANG

YID DGA' CHOS 'DZIN GYI, ,PAD DKAR SDONG BU 'DOD PA'I 'DAM GYIS
DBEN, ,GE SAR RDUL MANG MTSAMS SPRIN 'KHRIGS PA YI, ,'DAB
BRGYA'I 'DAB MA GROL BA'I SNYING PO LAS, ,NYI GZHON LANG TSO DAR
BA LHA YI BU, ,LEGS BYAS SAD PA'I 'DZUM DKAR

SNANG BA SPRO, ,MTHA' DAG PHYOGS SU BKRA BA DBANG PO'I GZHU'I,
,DAR GYI 'DAB YANG ROL PA'I ZLOS GAR MKHAN, ,RAB 'BYAMS RGYAL
BA'I ZHING NAS LHAGS PA YI, ,RGYAL SRAS MKHA' 'GRO DKAR PO'I
PHRENG BA YANG, ,ZHING BRGYAR 'GRO ZHI BKUN NAS 'ONG BA DANG, ,

DU MAR SBRO ZHING GCIG TU SDUD PA SOGS, ,MKHA' DBYINGS KHYAB
PA'I 'PHRUL GYI ZLOS GAR NI, ,MYUR GSAL GLOG GI 'OD DANG SKAR
MDA' BZHIN, ,SNOD BCUD 'BYOR BA'I SNYEM YONGS GANG BA, ,DAG PA'I
ZHING NAS 'DUS BA MTHA' DAG KYANG, ,RANG RANG  

'BYOR BAS SNYEMS PA'I DBUGS ZHI YANG, ,NGO MTSAR SHUGS KYIS GZIR
BA'I DBUGS RGOD BRTZEGS, ,MCHOG TU DGA' BA'I DBANG BSGYUR RGYAL
PO'I BKAS, ,DPAL GYI 'BRU LDAN GRAGS PA'I SGRINGS YIG NI, ,MA
LUS ZHING DU KLAG PA MING LA PA, ,

SKAL BZANG PO NYA'I RGYU 'PHRUL CHAD PA MED, ,THOS PA'I MOD LA
SNYING GI GDUNG SEL ZHING, ,YANG YANG SEMS PAS SRID RTZE DRUNGS
'BYIN PA, ,SHER PHYIN CHOS KYI GAndI SGRA PO CHES, ,RNA BA BDUD
RTZIR BSGRUB PA'I DGA' TSAL NA, ,MI 'JIGS BZHI YI RANG

@006B BZHIN GDONG LNGA PA, ,RAL PA'I KHUNG 'CHANG BRGYAD KYIS
BTEGS PA'I KHRIR, ,BZANG PO'I BZHUGS STANGS MDZOD PA'I MI PHAM
MGON, ,'BUM PHRAG NYIN MOR BYED PA'I PHUNG PO BZHIN, ,'OD BZANG
GSER ZHUN KHU BA'I RLABS PHRENG PHYOGS KYI 'KHOR LO 'BRI BYED
CING,

AUTPAL BA DANG YANGS GA-YO LDAN RJES CHAGS SPYAD KYIS 'GROL
MNGON PAR GZIGS, ,MCHU SGROS THUN MTSAMS DMAR BA'I KHONGS LAS
CHU SHEL MYU GU BZHAD PA'I RTZES, ,SRID PA'I TSA GDUNG 'JIL BYED
YID 'ONG BDUD RTZI'I BSANG GTOR CI YANG 'GYED, ,GZUGS

BZANG 'OD KYIS DREGS PA LHA YI BU, ,GSER GYI TA LA YANGS PA'I
RKANG 'THUNG PHRENG, ,SNGO LJANG PHAL BA'I SHING DU BSGYUR BA
YIS, ,CHOS KYI 'BRAS BU SMIN PA'I RTEN DU GYUR, ,DNGOS BSTAN
STONG NYID PI WANG SGRAR DRANGS TE, ,SPAS DON LAM GYI RIM PA
STON PA'I

GLUS; ;RMONGS PAS BLO MIG LDONGS PA'I SKYE BO KUN, ,BLA ME THAR
PA'I GRONG DU 'KHRID PAR BYED, ,YAN LAG LNGA DANG LDAN PA'I
TSANGS DBYANGS KYIS, ,RNA BA'I BCUD LAN SPRO BAS MI NGOMS SHING,
,BSOD NAMS BRGYAS GTZANG RGYAL BA'I ZHAL BZANG LA, ,BLTA

BA'I DGE MTSAN RTAG TU MI NYAMS PAS, ,'DI YI LHA RNAMS RANG
GZHAN SBRUL PA LA, ,'DOD RGUR DBANG BYED GONG MA'I 'DOD LHA
DANG, ,CHAGS BRAL TING 'DZIN BDE LA ROL PA YI, ,BSAM GTAN GNAS
LA'ANG DGA' BA RING DU DOR, ,SUM CU RTZA GNYIS

KHRI PHRAG DPAG TSAD KYIS, ,BSKAL BA MI YI 'JIG RTEN MTHA' DAG
KYANG, ,LAG PA'I MTHIL GNAS SKYU RU RA BZHIN DU, ,GSAL MTHONG
LHA MIG DAG PAS KUN TU GZIGS, ,GANG LA SGRIB PA MED PA'I MNGON
SHES DANG, ,KUN TU THOGS PA MED PA'I RDZU

@007A *, ,'PHRUL GYIS, ,LEGS BYAS SPYOD PA 'DOD DGUR SKYONG BA
YIS, ,YID LA GDUNG BA'I GO SKABS RING DU SPANGS, ,SMIN LEGS ZUR
GYIS BLTA BA'I LUS PHRAM, ,DGA' SKYED LHA MO'I TSOGS KYIS MCHOD
BYED

KYANG; ;BAG YOD NOR BU'I DO SHAL GYIS MNAN PA'I, ,TSUL BZANG DAR
GYI SHAM BU GA-YO BA MED, ,AE MA 'BYOR BA RGYA CHEN DUL BAS
MDZES, ,GRAGS PAS KUN TU KHYAB KYANG 'TSE PA MED, ,'DOD YON RAB
RGYAS CHOS LAS MI GA-YEL BA, ,'DI MI SNOD

BCUD NGO MTSAR BSAM MI KHYAB, ,DE LTA NA YANG BLO GROS RNGAL BA
RTZES, ,RGYAL BA'I DKYIL 'KHOR DGE BA'I ROL MTSO LAS, ,SNYAN
DNGAGS MU TIG SIL MA'I SBRANG CHAR GYI, ,RJES 'GRO BSNGAGS BA'I
GTAM GYI PHRENG BA SPEL, ,DE YI DGE BA NAM YANG

MI NYAMS PA'I, ,RANG BZHIN NA YA KRO DHA'I SA BON NI, ,DGA' BA'I
DPAL LDAN CHOS KYI DGA' TSAL DU, ,SKYE BA'I MYU GU MCHOG TU SMIN
PAR SHOG ,MTSAN DPE'I GZI 'OD 'BUM PHRAG SPRO BA YI, ,BYAMS MGON
NYIN BYED DBANG PO'I ZHAL

MTHONG ZHING, ,LEGS GSUNG GSER ZHUN 'OD BZANG KHU BA'I RGYUN,
,DAD PA'I SNYIM PAS RTAG TU 'THUNG BAR SHOG ,GZUNGS SPOBS TING
'DZIN MNGON SHES RDZU 'PHRUL SOGS, ,MTHU CHEN 'DAB MA BSKYOD
PA'I ZLOS GAR GYIS, ,RGYAL SRAS MKHA' LDING

DBANG PO MTHA' DAG DANG, ,LHAN CIG CHOS KYI RTZE DGAS ROL BAR
SHOG ,RGYAL SRAS SPYOD PA'I LUS RTZAL RDZOGS PA NA, ,RGYAL RNAMS
'OD ZER CHEN POS DBANG BSKUR ZHING, ,RGYAL TSAB DAM PA'I CHOS
KYI SRID BZUNG NAS, ,RGYAL BA'I MDZAD PA MA LUS

@007B SGRUB GYUR CIG ,CES DGA' LDAN YID DGA' CHOS 'DZIN GYI
ZHING GI BKOD PA MJUG SMON TSIG DANG BCAS PA 'DI NI, AA LAG SHA
NAS RNAM DPYOD MCHOG TU YANGS PA CHOS RJE NGAG DBANG RGYA MTSOS
BSKUL MA NAN CHAGS BYUNG BAR BRTEN, 'DI'I THUN

MONG MA YIN BA'I ZHING GI BKOD PA MDO'I KHUNGS SOGS CHER MI GSAL
BAS ZHIB CHA DRI MA NUS KYANG SANGS RGYAS KYI ZHING SPYI 'GRO'I
BSNGAGS PA DANG BLA MA GONG MA'I GSUNG RGYUN LA GZHI BYAS TE, 2
BTZUN PA DKON MCHOG BSTAN PA'I SGRON MES CHOS GRVA CHEN PO BKRA
SHIS 'KHYIL DU BRIS PA'O,, ,,