*, ,SHES RAB KYI PHA ROL TU PHYIN PA'I MTHA' DPYOD GANGG'A'I CHU RGYUN SKABS LNGA PA'I DKA' GNAS RNAMS GSAL BAR BYED PA SKAL BZANG 'JUG NGOGS ZHES BYA BA BZHUGS SO, , @001A #, ,CHOS KUN LHAG LUS MED PAR MKHYEN PA'I THUGS, ,SA GSUM DBYANGS GCIG GIS NI KHYAB MDZAD GSUNG, ,MTSAN DPE RGYAN SPRAS LI KHRI'I MDANGS 'DZIN SKU, ,'JAM DBYANGS BLA MA'I ZHABS LA GUS BTUD NAS, ,RTZE SBYOR SKABS KYI YUM DON GANGGA'I RGYUN, ,DUG CAN RKANG DRI'I 'KHRUL BA DAG PHYIR DANG, ,SPAS DON RIN CHEN SNA TSOGS 'DREN PA'I PHYIR, ,DAM PA'I MAN NGAG DENG 'DIR SPEL LA SPRO, ,THEG CHEN GYI TSOGS LAM DU MKHYEN GSUM GYI RNAM PA SGOM PA LA DBANG THOB PA'I DON DU, DE DAG THOS BSAM SGOM GSUM GYIS NYAMS SU BLANGS PA'I 'BRAS BU MKHYEN GSUM GYI RNAM PA LA DBANG THOB PA'I RTZE SBYOR 'BYUNG BA MTSAMS SBYAR GYI DON YIN PAS, MTSAN NYID KYANG BSDU NA, STONG NYID LA DMIGS PA'I SGOM BYUNG GI SHES RAB KYIS ZIN PA'I SEMS DPA'I RNAL 'BYOR CES @002A #, ,BYA'O, ,DON BDUN CUR CHA BZHAG GIS THOS BYUNG GI BYANG SEMS SBYOR LAM BSDU TSUL SHES DGOS, ZHES PA YANG STONG NYID LA DMIGS PA'I SGOM BYUNG GI SHES RAB KYIS ZIN PA'I CHA NAS RTZE SBYOR DU 'JOG GI KHO RANG GIS MKHYEN GSUM GYI RNAM PA SGOM PA LA DBANG MA THOB PAS YIN PA, MTHA' DPYOD LAS, SKYE MED GSUM GYI RNAM PA SGOM PA LA DBANG DU GYUR PA THOB PA'I SHES RAB KYIS ZIN PA'I, ZHES PAS GRUB PO, ,SPYIR DE DAG SKABS SGRAS BSDUS PAS CHA BZHAG DGOS DBANG GIS SBYAR RO, ,YIG CHAR, 'ON KYANG RANG GZHAN MANG POS SNGAR DE LTAR BRIS 'DUG PAS DE MTHUN BYAS KYANG RANG LUGS 'THAD LDAN BYAS PA MIN NO, ,ZHES PA SKABS DANG PO GSUM DU NYAN RANG LA STONG NYID MNGON SUM DU RTOGS PA YOD PAR BSHAD PA SGO MANG RANG GI YIG CHA RNYID PA @002B DANG, SER 'BRAS KYI YIG CHA PHAL CHER GYIS DE LTAR BRIS 'DUG PAS, DE MTHUN BYAS KYANG RANG LUGS 'THAD LDAN MIN TE, SEMS TZAM PA DANG RANG RGYUD PA LA DE SHIN TU DKA' BA'I PHYIR TE, NYAN RANG GIS THEG CHEN GYI MDO DON NYAMS SU MI LEN PAR THOS BSAM GYIS SHES PAR BYAS NAS GZHAN LA SGROGS PA TZAM BYED PA'I PHYIR, DER THAL, GZUNGS RGYAL GYI MDO LAS, NYAN THOS RNAMS KYI RNAM GROL SGRA SPYIR 'GRO ,ZHES GSUNGS PA'I PHYIR, DE DAG GIS SGRIB PA SPONG BA'I PHYIR GOMS PAR MA BYAS PAR MNGON SUM DU MI RTOGS PA GANG ZHIG SHES SGRIB SPONG PHYIR MI SGOM LA, NYON SGRIB SPONG PHYIR SGOM MI DGOS PA'I PHYIR, DES NA, RGYAN 'JUG GI RNAM BSHAD GNYIS SU 'PHAGS SENG GIS NYAN RANG LA STONG NYID MNGON SUM DU RTOGS PA YOD PAR BZHED CES PA RGYAN GYI DGONGS PA MTHAR THUG DE LTAR GNAS PAR 'DOD CES PA YIN NAM DPYAD, DGRA BCOM RTOGS PA SNGON SONG GIS MYU GU BDEN MED LTA BU RTAGS YANG DAG LA BRTEN NAS RTOGS KYANG, RTEN 'BREL LTA BU DE SGRUB KYI RTAGS YANG DAG TU MI 'GRO STE, THE TSOM MED PAS KHYAB 'BREL NGES TSE BSGRUB BYA DES 'GRO BA'I PHYIR, STONG NYID RTOGS PA'I THEG DMAN 'PHAGS PAS STONG NYID RTOGS PA BRJED NAS THEG CHEN SKABS SU STONG NYID GSAR DU RTOGS PA'ANG YOD DO, ,NYON SGRIB SPANGS PA'I THEG CHEN TSOGS LAM PAS NYON SGRIB SPANGS PA'I RTAGS THOB STE, DE SPANGS PA'I GANG ZAG YIN PA'I PHYIR, KUN BTAGS KYIS BSDUS PA'I BDEN 'DZIN MNGON GYUR PA LDOG @003A *, ,CES PA SHES SGRIB RAGS PAS BSDUS PA'I BDAG 'DZIN LA BYED PA SGRUB BYED KYIS SHES SO, ,SGOM LAM NAS PHYIR MI LDOG PA'I RTAGS THOB PA'I BYANG 'PHAGS DE DBANG RTUL GYI DGE 'DUN DANG BYANG SEMS DBANG RTUL YIN KYANG, DBANG RTUL DU GYUR PA'I BYANG SEMS MIN TE, SAR GNAS KYI SEMS DPA' YIN PA'I PHYIR RO, ,KHO NA RE, RTAGS BCU GNYIS KYI DANG PO LNGA RMI LAM DANG, GNYIS SAD RMI GNYIS KA DANG, THA MA LNGA SAD PA LA SBYAR DGOS PAR THAL, RNAM BSHAD LAS, DE LTAR SBYAR BA'I PHYIR NA MA KHYAB STE, DE RED MDA' BA'I BSHAD PA BKOD TZAM YIN PA'I PHYIR TE, DRUG PA MDO LAS, BYANG CHEN RMI LAM DU YANG, ZHES PA LTAR SNANG BA GNYIS KAR SBYAR LA, BDUN PA NAS SAD RMI GNYIS KA SBYAR LA BDUN BRGYAD GNYIS SEMS CAN YIN MIN GYI GNOD PA ZHI BAR 'DRA BAS SAD RMI GNYIS KAR SBYAR BA'I PHYIR, THA MA BZHI RTZE SBYOR THOB MA THAG NAS THOB PAS RANG BZHIN GYI RTAGS DANG, DANG PO BRGYAD 'BRAS RTAGS YIN PAS, BDUN BRGYAD GNYIS KYANG BDEN PA'I BYIN RLABS SOGS KYIS RTZE SBYOR THOB RJES SU SKYE DGOS SO, ,GONG MA'I SAS BSDUS KYI GNYID YOD MED DBYAD LA DE'I RGYUD LA GNYID YOD DE, GSER 'OD SOGS NAS BSHAD PA'I RMIS LTAS YOD PA'I PHYIR, RMI LAM GYI RTAGS SAD PA'I GANG ZAG GI RGYUD LA YOD KYANG SAD PA'I RTAGS MIN TE, RMI LAM GYI SKABS SU GZHAN LA CHOS DNGOS SU BSTAN PA YOD LA DE GNYID LOG PA'I GANG ZAG MA YIN @003B PA'I PHYIR TE, SPRUL GZHI GNYID LOG KYANG RMI LAM GYI LUS BZUNG NAS YUL GZHAN DU BYA BA MANG PO BYED PAR BSHAD PA'I PHYIR, KHO NA RE, RTAGS DANG PO DRUG RMI LAM GYI SKABS KHO NA DANG THA MA BZHI SAD PA'I SKABS KHO NAR 'JOG PAR THAL, BDUN BRGYAD GNYIS KHO NA SAD RMI GNYIS KAR SBYAR PA'I PHYIR, 'DOD NA, RTAGS BCU GNYIS THOB PA'I GANG ZAG GI YIN PA MED PAR THAL LO, ,'DOD NA, DROD KYI RTAGS BCU GNYIS THOB PA'I RTZE MO BA MED PAR THAL LO, ,DE THOB KYANG RGYUD LA YOD MI DGOS ZER NA, THEG DMAN GYI LAM THOB PA'I BYANG SEMS YOD PAR THAL LO, ,DE'I RGYUN PHYI MA RNAMS BZHAG NA, RMI LAM NA YANG, ZHES PA DANG 'GAL LA, DE THAMS CAD DROD RTZE SBYOR DPOG BYED DU MI RUNG PA'I PHYIR SNYAM STE DPYAD, BSOD GRAGS PAS, 'GREL BAR, SHIN TU GOMS PA'I PHYIR RMI LAM NA YANG, ZHES PAR BRTEN NAS RTAGS BCU GNYIS PO RE RE LA SAD RMI GNYIS KA'I RTAGS YOD GSUNGS PA, GSER PHRENG LAS, RMI LAM NA YANG ZHES THA MA BZHI MA GTOGS PA THAMS CAD LA'O, ,ZHES PA DANG 'GAL LO, ,SBYOR RTZE PHYI MA GSUM LA CHA BZHAG MED PAS RTZE MO LA RNAM 'PHEL BCU DRUG GANG RUNG YIN PAS KHYAB LA, BZOD PA LA MKHYEN GSUM RJES MTHUN PA RDZOGS PA'I SHES RAB DANG GZHAN DON LA MI PHYED PA'I THABS TE SGOM BYUNG GI THABS SHES BRTAN POS ZIN PA DANG, CHOS MCHOG LA MTHONG LAM SKYED PA'I NUS LDAN GYI TING NGE 'DZIN MANG PO LA SEMS KUN TU GNAS PAS @004A *, ,ZIN PAS 'JOG PA YIN NO, ,BYANG SEMS BZHI LA RGYAN SNANG DU BSHAD TSUL GSUM BKOD PA'I DANG PO NI, NYI SNANG LAS, RNAM PAR RTOG PA RNAM PA BZHI'I GNYEN POR MTHONG PA DANG SGOM PA'I LAM NGAG GI RTOG PA PO RNAM PA BZHI BSNYAD PA'I PHYIR NA, THEG PA LA GSAR DU ZHUGS PA DANG, SPYOD PA LA ZHUGS PA DANG, PHYIR MI LDOG PA DANG, SKYE BA GCIG GIS THOGS PA ZHES MTHONG LAM PA DANG, DE NAS MA DAG SA BDUN DANG, DAG SA DANG, SKYE BA GCIG THOGS PAR BSHAD LA, YIG CHAR, DE NYI SNANG GI SKABS DANG PO DANG MTHUN PAR THAL, ZHES PA BZHI'I MING TZAM MTHUN PAS YIN NAM SNYAM STE, NYI SNANG SKABS DANG PO'I DE RGYAN SNANG GI GSUM PA DANG MTHUN LA, 'DI'I DANG PO MTHONG LAM NAS BZHAG PA'I PHYIR TE, MTHONG BA DANG SGOM PA'I LAM DAG GI ,ZHES DANG, NYI ZER LAS, THEG PA LA GSAR DU ZHUGS PA NI DON DAM SEMS BSKYED DANG POR THOB PA LA DGONGS SO, ,ZHES GSUNGS PA'I PHYIR DANG, GSUM PA DANG MTHUN NA ZUR DU BKOD MI DGOS PA'I PHYIR RO, ,LUGS GNYIS PAS SBYOR LAM BZHI DANG SBYAR BA NYI SNANG GI RNAM RTOG BZHI'I GNYIN POR SBYAR BAS YIN TE, YIG CHAR, RNAM RTOG BZHI PO LDAN BRTEN PA, ,ZHES GSUNGS PA LA BSAM PAR MNGON NO, ,ZHES GSUNGS PA'I PHYIR, LUGS GSUM PA 'PHAGS SENG GNYIS KA'I LUGS YIN NO, ,KHO NA RE, RTZE MO'I RTZE SBYOR LA RNAM 'PHEL BCU DRUG GANG RUNG GIS MA KHYAB PAR THAL, RNAM 'PHEL BZHI PA LA STONG @004B NYID RTOGS PA DGOS PA'I PHYIR TE, 'GREL PA LAS, BYANG CHUB PAR BYA BA DANG BYANG CHUB PAR BYED PA'I CHOS MI DMIGS PA DANG, ZHES GSUNGS PA'I PHYIR NA MA KHYAB STE, DE'I GNAS SKABS KYI LAM RNAMS DER 'JOG PA'I PHYIR TE, 'GREL PAR, GNAS SKABS BCU DRUG GI NGO BO NYID NI, ZHES GSUNGS PA'I PHYIR, KHO NA RE, SNGA MA BRGYAD RJES THOB DANG PHYI MA BRGYAD MNYAM BZHAG LA BYED PAR THAL, RIN CHEN BANG MDZOD LAS, PHYI RJES THOB GTZO BOR GYUR PA BRGYAD NANG MNYAM BZHAG GTZO BOR GYUR PA BRGYAD DE, ZHES GSUNGS PA'I PHYIR NA MA KHYAB STE, RNAM BSHAD LAS, GANG ZAG GZHAN LA LTOS PAS PHYI GTZO BOR GYUR PA'I, ZHES PA LTAR, STONG GSUM GYI SEMS CAN GYIS SANGS RGYAS MCHOD PAS LHAG PA DANG, GZHAN LA CHOS STON TSE SHER PHYIN YID LA BYED PA SOGS GZHAN GTZO BO DANG, PHYI MA BRGYAD RANG GI BSLAB PA DAG PA DANG, RANG SANGS RGYAS KYI RIGS CAN DU 'GYUR BA SOGS NANG GI YON TAN GYIS BZHAG PAS YIN GYI, RE RER MNYAM RJES GNYIS RE YOD PA'I PHYIR, GZHAN GYI GDAMS PA LA BRTEN DGOS MI DGOS KYIS MIN TE, SNGA MA BRGYAD GANG ZAG GZHAN GYI YON TAN LAS LHAG TSUL DANG, GZHAN 'KHOR DU 'ONG PA DANG ZIL GYIS GNON PA SOGS KYIS BZHAG PA'I PHYIR, MDO DANG 'GREL BAS SHES SO, ,MI LDOG BYANG CHUB MCHOG LA RAB TU ZHUGS PA YI, ,ZHES SOGS RKANG PA BZHI GSER PHRENG RNAM BSHAD SOGS SU PUD DHA SHRI LTAR CHOS MCHOG LA SBYAR BA NI, 'GREL BA'I ZIN BRIS LAS, BRGYAD STONG PAR, BRGYA BYIN GYIS YI RANG GI BSOD NAMS DRIS PA'I @005A *, ,LEN DU SEMS KUN GNAS GSUNGS PA 'DI GNYIS MDO TSAN GCIG YIN PAS MI 'GAL LAM, ZHES PA LTAR, 'DIS NGES BRTAN DANG, SEMS KUN TU GNAS PA GNYIS KA BSTAN PAS, SLOB DPON GYIS NGES BRTAN LA SBYAR LA, SDUD MCHAN LAS, LE'U'I MTSAMS DANG TSIG RIS GNYIS KAR BSTUN DGOS NA, BRGYAD STONG BAR SNGA MA BRGYA BYIN YI RANG TSUL DANG, PHYI MA STONG GSUM GYI DPES BSTAN PA LTAR, DANG PA GNYIS RE SO SOR SBYAR KYANG RUNG NGAM, ZHES PA LTAR LEGS SO, ` MTHONG SPANG GZUNG 'DZIN GYI RTOG PA, MDO DANG BSTAN BCOS GNYIS KAR MDOR RGYAS GNYIS KYIS GSUNGS SHING, DE YANG MDO LAS GNYEN PO DNGOS SU BSTAN NAS SPANG BYA RTOG PA SHUGS LA 'PHANGS PA BSTAN BCOS SU MDOR BSTAN GYIS RKANG PA DANG POS GZUNG RTOG GNYIS KYIS DMIGS YUL DANG, GZUNG BA'I RNAM RTOG CES PAS RNAM PA STE RTOG PA'I NGO BO DANG, SO SOR DE, DGU YI BDAG NYID, CES PAS DBYE BA DANG, DE MAN GYIS YUL JI BZHIN MA YIN PAR 'DZIN PAS 'KHRUL BAR SGRUB PO, ,'DZIN RTOG LA RKANG PA DANG POS RTOG PA GNYIS KYI YOD SA'I GTZO BO DANG, DE NAS GNYIS KYI SA RTOG PA'I NGO BO DANG, DE NAS GCIG GIS DBYE BA DANG, DE NAS 'KHRUL BAR BSTAN NO, ,RGYAS BSHAD LA, NGO BO NYID DANG SOGS KYIS BYANG SEMS KYI 'JUG BYA SPYI DANG, KHYAD PAR LAM GYI RGYU NGO BO NUS PA 'BRAS BU RANG GZHAN GYI BYED PA BYED LAS SOGS BYANG SEMS KYI 'JUG BYA DGU LA 'JUG @005B BYAR BDEN PAR 'DZIN PA DANG, SRID DANG ZHI BA SOGS KYIS THEG DMAN GYI LAM 'BRAS SOGS DGU LA, BYANG SEMS KYI LDOG BYAR BDEN PAR 'DZIN PA DANG, 'DI'I YUL PHAL CHER THEG DMAN LA 'JOG ,'DZIN PA DANG NI SOGS KYIS, DON DAM PAR YOD SKYON LA 'DZIN 'DOR DU ZHEN PA PO DANG, CHOS RNAMS BDEN PAR YID LA BYED PA PO SOGS, GNYEN PO DGU LAS BZLOG PA'I CHOS DGU LA RDZAS YOD KYI LONGS SPYOD PA POR BDEN PAR 'DZIN PA DGU BSTAN TE, GSER PHRENG LAS, GNYEN PO DGU LAS BZLOG PA'I DGU RDZAS 'DZIN GYI YUL DU BSTAN BCOS LAS SO, ,ZHES DANG, RGYU ZHEN MED KYI LAM LAS NYAMS PA DANG, 'BRAS BU RNAM MKHYEN MI 'THOB PA'O, ,ZHES DANG, RNAM BSHAD LAS, SPYOD PA LA ZHEN PA DANG, SHES BYA LA ZHEN PA DANG, SPANG GNYEN LA ZHEN PA'O, ,ZHES ZHEN PA SBYAR BA'I PHYIR, CHED BZHIN NGES PAR MI 'BYUNG DANG, ,SOGS KYIS NYAN RANG GI LAM GYIS CHED DU BYA BA GSUM MI 'THOB PA NAS, BDUD BZHI SOGS BLA MED BYANG CHUB LA BAR DU GCOD PA'I PHYIR RGOL BA'I DNGOS PO YOD PA DANG LDAN PA'I BAR, MDO NAS GNYEN PO DNGOS SU BSTAN PA'I SHUGS LA 'PHANGS PA'I YUL DGU DANG LDAN PA'I SKYES BU SOGS LA LONGS SPYOD PA POR BDEN PAR BTAGS PA'I DNGOS POR MNGON PAR ZHEN PA BSTAN TE, GSER PHRENG LAS, MDO NAS GNYEN PO DNGOS SU BSTAN PA'I SHUGS LA 'PHANGS PA RNAMS BSTAN BCOS SU BKOD PA STE, ZHES DANG, DGAG SGRUB DANG LDAN MI LDAN DANG NGO BO D@006A *, ,LA DON DAM DU ZHEN PA'O, ,ZHES PA LTAR, RNAM BSHAD LAS KYANG DE GSUM LA BDEN PAR 'DZIN PA SBYAR BA'I PHYIR, 'DZIN RTOG GNYIS KYI YUL RTZA BA'I TSIG ZIN DE LTAR YIN KYANG, DE KHO NAR MA NGES TE, SLOB DPON GYIS 'GREL BA CHE CHUNG GNYIS KAR, GNYEN PO'I 'DZIN STANGS YUL GYI BZLOG PHYOGS DANG, GNYEN PO GANG LA LONGS SPYOD PA BOR BDEN PAR ZHEN NA 'DZIN RTOGS TU 'GYUR BAR BSTAN PA'I PHYIR, BTAGS 'DZIN GSUM PA NAS BRGYAD PA'I BAR GYI YUL GNYEN PO LA SBYAR ZHING RDZAS 'DZIN GYI GNYIS PA GSUM PA BZHI PA DGU PA BZHI MA GTOGS GNYEN PO LA SBYAR BA'I PHYIR TE, GSER PHRENG LAS, 'DIR YANG GSUM PA NAS BRGYAD PA'I BAR GNYEN PO LA BSHAD PA NI, RTZA BAS GNYEN PO LAS BZLOG STE GSUNGS PA'I SGRA JI BZHIN LA MI 'GRIG KYANG MI 'GAL BA'I RGYU MTSAN NI, MDONG GSUNGS PA'I GNYEN PO'I 'DZIN STANGS KYI BZLOG PHYOGS KYI YUL LAM GNYEN PO NYID KYANG RUNG STE GANG LA RTOG KYANG SPANG BYAR BSTAN PA'I PHYIR YIN NO, ,ZHES DANG, SLOB DPON LTAR NA YUL DE DAG SPYOD PA LA LTOS PA DANG, RTOGS PA'I DBANG DU BYAS PA'I SPANG GNYEN GNYIS SU 'DU LA, DANG PO LA SPYOD PA'I NGO BO, SPANG BYA'I RANG BZHIN, DE'I RNAM PA, DE'I RGYU'O, ,GNYIS PA LA GNYIS, GNYEN PO DANG, SPANG BYA'O, ,GNYEN PO LA BZHI, RTOGS PA'I NGO BO, ,YUL RTOGS TSUL, LAM LA SLOB TSUL, DE DAG GI NUS PA STE DGU 'O, ,ZHES RDZAS 'DZIN PHAL CHER GNYEN PO DANG @006B SBYAR LA, BTAGS 'DZIN LA SLOB DPON LTAR NA, NYAN RANG GI LAM DANG, BYANG SEMS KYI LAM DANG, DE GNYIS KA'I MI MTHUN PHYOGS KYI DBANG DU BYAS BA STE, GNYIS DANG DRUG DANG GCIG RNAMS RIM BZHIN NO, ,ZHES DRUG BYANG SEMS LAM LA SBYAR BA'I PHYIR, NYI SNANG SOGS KYI RTZA BA'I TSIG ZIN DANG, SLOB DPON GYIS RTZA BA'I DGONGS PA KHUNGS NA GNAS PA BKRAL BAR 'GREL BAS SHES SO, ,DES NA RDZAS 'DZIN RTOG PA DANG PO'I YUL LA DON DAM PAR YON SKYON 'DZIN 'DOR BYED PA PO DANG, DE KUN RDZOB TU 'DZIN 'DOR BYED PA PO GNYIS DANG, BTAGS 'DZIN RTOG PA GSUM PA'I YUL LA RGYU 'BRAS SKYE 'GAG BDEN PAR 'DZIN PA PO DANG, KUN RDZOB TU GRUB PAR 'DZIN PA PO GNYIS 'JOG PA SOGS SHES PAR BYA'O, ,KHA CIG ,SO SO'I SKYE BO 'PHAGS DBYE BAS, ,ZHES PA DMIGS YUL RDZAS 'DZIN BTAGS 'DZIN GNYIS KYI YOD SAR 'DOD PA NI, RTZA BAR, RNAM RTOG 'DZIN PA DAG TU 'DOD, ,CES RTOG PA GNYIS LA GSUNGS PA DANG, TSIG GSAL LAS, SKYE 'PHAGS GNYIS 'DZIN RTOG GNYIS KYI YUL DU SBYAR BA 'GREL BA RNAMS SU RTEN LA SBYAR BAS BKAG GO ,KHA CIG LDOG PA GZUNG RTOG YIN NA, RANG GI DMIGS YUL LDOG BYA'I PHYOGS KYI CHOS LA DMIGS PAS KHYAB PAR THAL, YIG CHA RNYING BAR, RANG GI DMIGS YUL DU GYUR PA'I LDOG BYA'I PHYOGS KYI CHOS LA DMIGS NAS LDOG BYAR BDEN PAR 'DZIN PA'I BDEN 'DZIN DE, SHES SGRIB PHRA MOR GYUR BA'I LDOG PA GZUNG RTOG GI MTSAN NYID, CES DANG, @007A *, ,BSTAN DAR PA YANG DE LTAR GSUNGS PA'I PHYIR ZER NA MA KHYAB STE, YIG CHAR, NYAN THOS KYI LAM 'BRAS LA LDOG BYAR BDEN PAR 'DZIN PA'I BDEN 'DZIN CHOS CAN, NAS, 'DOD MI NUS TE, LDOG PA GZUNG RTOG YIN PA'I PHYIR TE, ZHES RTZA BA DANG, RNAM BSHAD DRANGS NAS GSUNGS PAS, 'DIR BSTAN GYI RTOG PA GNYIS DANG, KHYAD PAR MED PA 'DRA STE, RJE BTZUN PA'I ROL MTSO LAS, RANG GI DMIGS YUL DU GYUR PA'I BYANG SEMS LAM GYI 'JUG BYA LA DMIGS NAS LONGS SPYAD BYAR BDEN PAR ZHEN PA'I BDEN 'DZIN KUN BTAGS MTHONG SPANG SHES SGRIB 'JUG PA GZUNG RTOG GI MTSAN NYID, RANG GI DMIGS YUL DU GYUR PA'I BYANG SEMS LAM GYI LDOG BYA LA DMIGS NAS LONGS SPYAD BYAR BDEN PAR ZHEN PA'I BDEN 'DZIN KUN BTAGS MTHONG SPANG SHES SGRIB LDOG PA GZUNG RTOG GI MTSAN NYID, CES PA LTAR, BSOD GRAGS PAS KYANG GSUNGS LA, YIG CHAR, DANG PO 'JUG LDOG GI GZUNG RTOG GNYIS STON PAR, ZHES 'DIR BSTAN DANG KHYAD MED BYAS PA DANG, YIG CHA RNYING PA'I DE ZUR TZAM MA GSUNGS LA, SKABS DANG BOR GZUNG BYA DANG LONGS SPYAD BYA 'DRA BAS RIGS GNAS SMOS PAS LDOG 'DZIN SDUD CING, ZHES PAS ROL MTSO SOGS KYIS LDOG 'DZIN GYI MTSAN NYID LA LONGS SPYAD BYA SBYAR BA BKAG GO ,DES NA GZUNG RTOG 'DI GNYIS DMIGS YUL DANG 'DZIN TSUL GNYIS KAS 'JOG STO, 'GROL BA LAS, @007B BYANG CHUB SEMS DPA' DANG NYAN THOS LA SOGS PA'I CHOS LEN PA 'DOR BA'I SGO NAS GZUNG BA'O, ,ZHES DANG, GSER PHRENG LAS, BYANG SEMS KYI 'JUG PA'I YUL THEG CHEN GYI LAM 'BRAS DANG NI NGES LDOG PA'I YUL THEG DMAN GYI LAM 'BRAS LA BLANG DOR DU 'DZIN PA NI GZUNG PA'I RNAM RTOG GNYIS SO, ,ZHES GSUNGS PA'I PHYIR, DES NA THEG DMAN GYI LAM 'BRAS LA LONGS SPYAD BYAR BDEN PAR 'DZIN PA DANG, THEG CHEN GYI LAM 'BRAS LA LDOG BYAR BDEN PAR 'DZIN PA SOGS GZUNG RTOG GNYIS GANG YANG MIN ZER DGOS SO, ,BSTAN DAR PA'I MTHA' DPYOD LAS, NYAN THOS KYI MTHONG LAM LDOG BYAR BDEN PAR MED PA STONG NYID MA YIN PA'I PHYIR, DER THAL, NYAN THOS KYI MTHONG LAM LDOG BYA MA YIN PA'I PHYIR, ZHES PA RNAM BSHAD DANG 'GAL LO, ,GSER PHRENG LAS, SPYIR 'DZIN RTOG LA GANG ZAG DANG CHOS TZAM LA 'DZIN PA POR ZHEN PA GNYIS YOD CING, ZHES SOGS LA BRTEN NAS ROL MTSO SOGS SU 'DZIN RTOG LA GANG ZAG GI BDAG 'DZIN YOD PAR GSUNGS SHING, DE LTAR NA GZUNG RTOG LA YANG YOD DGOS PAS GZUNG 'DZIN GYI RTOG PA LA BDAG 'DZIN KYANG MI DGOS PAR THAL BAS DPYAD, 'OG TU, MDOR BSTAN DU GANG ZAG TU RTOG PA RTZA BAR BSHAD CING, ZHES PAR LTOS NA, SEMS CAN RDZAS DANG BTAGS YOD PAR, ,ZHES PA'I DMIGS YUL RDZAS 'DZIN GANG ZAG TU RTOG PAR BSHAD CES NA, RNAM BSHAD LAS, PHYI MA'I ZHEN YUL MYONG @008A *, ,STOBS KYIS KHOGS PA SO SO SKYE BO LA MED CING 'PHAGS PA LA YOD PAS, RDZAS 'DZIN SO SKYE'I RTEN CAN DANG, ZHES PA 'GRIG GI ,RDZAS 'DZIN RTOG PAR GANG ZAG GI BDAG 'DZIN RTZA BAR MA GSUNGS PA'I PHYIR RO, ,DES NA DMIGS YUL RDZAS 'DZIN LA GANG ZAG RANG RKYA BAR 'DZIN PA DANG, DE'I GDAGS GZHI'I CHOS BDEN PAR ZHEN PA GNYIS YOD PAS, GNYIS KA'I ZHEN YUL MED PA MNGON SUM DU RTOGS MA RTOGS KYI KHYAD PAR GYIS SKYE 'PHAGS KYI RTEN CAN DU 'JOG TSUL GNYIS YOD CES PA YIN NAM DPYAD DE, ROL MTSO LAS, 'DI DAG NI GSER PHRENG SGRAS ZIN LTAR BKOD PAS DPYAD PAR BYA DGOS SO, ,ZHES GSUNGS PA'I PHYIR, YIG CHA GZHAN THAMS CAD KYIS 'DIR BSTAN 'DZIN RTOG YIN NA, RANG GI DMIGS YUL 'DZIN PA LA DMIGS PAS KHYAB PAR GSUNGS KYANG MA KHYAB TSUL BSHAD ZIN TO, ` ,SPYIR BYANG CHUB KYI RGYU GSUM BYANG 'PHAGS LA YOD KYANG, DNGOS BSTAN GTZO BO BYANG SEMS SBYOR LAM PA'I RGYUD LA 'JOG DGOS TE, 'GREL BAR MTHONG BA'I LAM RGYU GANG DANG BCAS PAR, ZHES DANG, RNAM BSHAD LAS, BYANG SEMS SBYOR LAM PAS, ZHES GSUNGS PA'I PHYIR, 'GREL BAR, BYANG CHUB THOB PAR BYED PA'I BAR CHAD MED PA'I RGYU, ,ZHES PA'ANG DNGOS BSTAN MTHONG RTZES BSDUS PA'I BYANG CHEN BAR CHAD MED PAR THOB BYED LA BYED DAM SNYAM STE, RNAM BSHAD LAS, @08B DE'I NYER LEN YIN PA'I PHYIR, ZHES GSUNGS PA'I PHYIN, GSER PHRENG LAS, MTHONG LAM GYIS BYANG CHUB 'THOB PA LAS DGUS PAR CHOD KYANG, 'THOB PAR NGES PA'I RGYU YIN PAS BAR CHAD MED PA'I RGYUR BSTAN PAR SHA NTISA SO, ,ZHES RGYU MTHONG LAM LA BYAS LA, NYI ZER LAS, BYANG CHUB CHEN PO THEG PA GZHAN GYIS PAR MCHOD PAR THOB PAR BYED PA'I BAR CHAD MED PA'I RGYU MTHONG LAM, ZHES PA LTAR NA RNAM BSHAD KYI DE YANG MTHONG RTZE SBYOR BA RING BSGOM PA LA BYAS KYANG CHOG GAM DPYAD, BYANG CHEN RTZA BA'I BSTAN TSUL NI DRI MA DON DAM PAR ZAD SKYE MED PA'I PHYIR DE DAG RTOGS PA'I YE SHES GO RIM BZHIN ZAD MI SKYE SHES PA'I BYANG CHEN YIN TE, DE LTAR DU MDO LAS BRJOD PA'I PHYIR, ZHES RKANG PA DANG PO GNYIS RTAGS DANG PHYI MA GNYIS CHOS SU RNAM BSHAD GSUNGS SO, ,DE'I 'GREL BA'I DON MDOR BSDUN, CHOS THAMS CAD PHYIN CI MA LOG PAR RTOGS PA'I SKU GSUM GYI BDAG NYID RNAM MKHYEN CHOS CAN, BYANG CHEN YIN TE, DON DAM PAR DRI MA 'GAG SKYE MED PAR RTOGS PAS RIM BZHIN ZAD MI SKYE PA'I YE SHES MTHAR THUG YIN PA'I PHYIR, PHYOGS CHOS SGRUB PA NI, DON DAM PAR 'GAG SKYE MED PA GRUB NA, DE RTOGS KYI RNAM MKHYEN ZAD MI SKYE SHES PAR GRUB PAS, DNGOS SMRAS SGRIB GNYIS KYI DRI MA DUS GSUM DU 'GAG PA RNAMS CHOS CAN, DON DAM PAR 'GAG SKYE MED DE, CHOS DBYINGS SBROS BRAL GYI NGO BO NYID YIN PA'I PHYIR, DPRE NA NAM MKHA' BZHIN, RTAGS GRUB @009A *, ,STE, DBUS MTHA' LAS, CHOS KYI DBYIGNS LAS, ZHES SOGS GSUNGS PA'I PHYIR, ZHES LUNG GIS DANG,CHOS CAN DANG CHOS SNGA MAL, RTAGS 'THAD PA STE BDEN DNGOS MED PA'I PHYIR, RTAGS GCIG TU BRAL SOGS TSAD MA STE GTAN TSIG RNAMS KYI GRUB, CES PA'O, ,DPA' LDAN PAS, DES NA DRI MA ZAD SKYE BDEN MENG DU MNGON SUM DU RTOGS PA'I MTHAR THUG GI YE SHES SAM, DRI MA ZAD MI SKYE BDEN MED DU MNGON SUM DU RTOGS PA'I MTHAR THUG GI YE SHES DE, BYANG CHUB CHEN PO'I NGO BOR BSHAD PA NI, DRI MA ZAD DANG MI SKYE BA'I, ,YE SHES BYANG CHUB CES BRJOD DE, ,ZHES PA'I TSIG DON LA 'GRIG PAR MI SNANG STE, ZHES SNGA MAS SGO MANG SER RA PA'I DANG, PHYI MAS BSOD GRAGS PA BKAG PA NI, RNAM BSHAD LAS, DON DAM PAR ZAD SKYE MED PA MNGON SUM DU SHES PA'I YE SHES MTHAR THUG PA DE DAG ,CES DANG, DON DAM PAR DRI MA ZAD DANG MI SKYE BA MNGON SUM DU SHES PA'I YE SHES MTHAR THUG PA BYANG CHUB CHEN PO, ,ZHES MDO LAS BRJOD CING, ZHES PA DANG 'GAL BA'I PHYIR, KHO NA RE, BDEN GRUB KYI DRI MA ZAD PA MED PA DANG, DRI MA ZAD PA BDEN PAR MED PA MI 'DRA ZER NA, BDEN GRUB KYI GCIG MED PA DANG, GCIG BDEN PAR MED PA MI 'DRA BAR THAL LO, ,RTZA BAR, ZAD MED SKYE MED PHYIR DE DAG ,GO RIM BZHIN DU, ZHES PAS DRI MA ZAD SKYE BDEN PAR MED PA'I PHYIR, DE DAG RTOGS PA'I YE SHES MTHAR THUG ZAD MI SKYE YE SHES MTHAR THUG @09B YIN ZHES BSTAN PA'I PHYIR, TE, GSER PHRENG LAS, DRI MA GDOD NAS ZAD PA DANG SKYE BA MED PA'I RNAM PA CAN NO, ,ZHES GSUNGS PA'I PHYIR, DRI MA ZAD SKYE BDEN PAR MED CES PA DRI MA SNGAR YONG ZAD PA DANG, SNGAR MED SKYE BA BDEN PAR MED CES PA TSIG SDUD BYAS PA YIN PAS, RTOGS SNANG DANG MTHUN NO, ,SBYOR ZAD CES PA SNGAR YOD ZHIG ZAD PA DANG, SKYE ZHES PA SNGAR MED ZHIG SKYE PAR BYED DGOS PA'I PHYIR, TSIG SDUD SOGS LA RMONGS GTAM MO, ,SER RA'I YIG CHA GNYIS KAR, BYANG CHUB CHEN PO SANGS RGYAS DON GCIG ZER, ,BSOD GRAGS PAS, ZAD MI SKYE ZHES PA'I YE SHES MTHAR THUG BYANG CHUB CHEN PO'I MTSAN NYID DU BYAS NAS, RGYUD BLAR BZO DANG SKYE BA BYANG CHUB CHE, ,ZHES PA LONGS SKU SOGS KYIS BLA MED BYANG CHUB RNYED PA LA DGONGS GSUNGS NAS, GNAS SKABS KYI BYANG CHUB BYANG CHUB MA YIN PAR BSHAD DO, ,YIG CHAR, GNAS SKABS KYI BYANG CHUB CHEN PO BYANG CHUB CHEN PO YIN PAR TSOGS SGRUB KYI MTSAN NYID KYIS SGRUB PA NI, 'GREL BA LAS, 'DI DAG GIS BYANG CHUB CHEN PO 'DZIN PAR BYED PA'I PHYIR, ZHES DANG, GSER PHRENG LAS, TSOGS KYI SGRUB PA NI, BYANG CHUB CHEN PO DNGOS SU 'BYIN PA'O, ,ZHES DANG, RNAM BSHAD LAS, TSOGS KYI SGRUB PA'I MTSAN NYID NI, RANG 'BRAS BYANG CHEN DNGOS SU 'BYIN PA'I BYA BA'O, ,ZHES GSUNGS PA'I PHYIR, RGYAN SNANG DU, CHOS KYI SKU ZHES SOGS SGRA MED PA RTZA BA'I DNGOS BSTAN DANG, DE LA BRTEN NAS 'BUM PHRAG GSUM PA'I 'GREL BA'I @010A *, ,RGYA DPE LA, SOGS SGRA MED PA MA DAG PAR 'GREL BSHAD GNYIS KYIS GRUB CING, RGYAN SNANG DANG MTHUN MI DGOS PA, RGYAN SNANG DU BYED MTSAN BCU GCIG GI DANG PO DGU GZHI SHES LA SBYAR BA DANG, BSAL BYA LOG SGRUB BCU DRUG GI GRANGS LA 'GRAL PAR BDEN GNYIS SO SOR DANG, RGYAN SNANG DU DE GCIG TU BYAS NAS BLANG DOR LA LOG RTOG SO SOR GRANGS PA LTA BU YIN PA'I PHYIR, YIG CHAR, MTSAN NYID DE CHOS CAN, BYANG CHUB CHEN PO KHAS LEN MKHAN YIN NA, KHOD KHAS LEN PAS KHYAB PAR THAL, KHYOD DE'I MTSAN NYID YINPA'I PHYIR, ZHES PA PHYOGS SNGAS KHAS LEN GYIS YIN GYI, SPYIR MA KHYAB STE, LAM SHES KYI MTSAN NYID LA LAM GSUM BDEN MED DU MNGON SUM DU RTOGS PA SBYAR BA'I PHYIR, 'DIR ZAD PA DANG MI SKYE BA SHES PA GSUNGS PA NI YUM MDO DANG RTZA BA'I DNGOS BSTAN YIN LA, BDEN BZHI'I CHOS 'KHOR GYI BZLAS PA GSUM PA BYED PA 'BRAS BU LA BZLAS PAR DBU MA BAS KYANG 'DOD DGOS LA, DER MA ZAD BYA BA BYAS SO, ,'DI LAS SRID PA GZHAN MI SHES SO, ,ZHES PA YANG ZAD PA DANG MI SKYE BA LA SBYOR DGOS SAM SNYAM LA, DES NA DE LA NYAN THOS DGRA BCOM PA'I RGYUD KYI RANG RGYA THUB PA'I RDZAS SU GRUB PA'I NYON SGRIB ZAD PA MED PA DANG SKYE BA MED PAR RTOGS PA'I YE SHES BZHAG NAS, DE GNYIS KYIS RJES THOB TU NYON SGRIB ZAD PAR SPANGS PA'I BYA BA BYAS SO, ,SLAR DES DBANG GIS SRID PA GZHAN MI LEN NO, ,SNYAM PA'I @010B NGES SHES 'DREN PA LA BYAS NA, KUN BTUS LAS, ZAD MI SKYE SHES PA 'JOG TSUL SOGS DANG 'DRA 'AM SNYAM STE, KHUNG SA GSAL PO MA MTHONG BAS DPYAD, 'GOG PA MED PA'I RANG BZHIN LA, ,SOGS KYIS DNGOS SMRA BA LA RIGS PA DANG 'GAL BA STON TSUL 'GREL BA LA, GSER PHRENG LAS, 'DIR MTHONG LAM ZHES DMIGS KYIS GZUNG NAS 'BYUNG BA LTAR NA, GONG DU MTHONG LAM GYIS MTHONG SPANG RTOG PA SPONG BAR BSTAN PA DANG, BYANG CHEN NGOS 'DZIN PA NA DRI MA ZAD SKYE MED PAR BSTAN PA GNYIS 'GAL SNYAM DU BSAMS NAS DRI MA ZAD SKYE 'GOG PA MED PA'I RANG BZHIN DU 'DOD PA'I LUGS LA MTHONG LAM GYIS RNAM RTOG BZHI ZAD PA DANG MI SKYE BAR BYAS PA MED DE, ZHES DBU MA PA LA RTZOD PA'I GZHUNG DU BTANG NA YANG 'BREL BAR MNGON TE, ZHES PA LTAR NA DE DBU MA PA LA RTZOD PA'I GZHUNG DANG, GZHAN GYI CHOS RNAMS KYANG YOD LA, ZHES SOGS DE'I LAN DU SBYAR KYANG LEGS SO, ,DES DNGOS SMRA BA LA KHAS BLANGS 'GAL BA BSTAN NAS SHUGS LA SGOM RIM DANG PO LAS GSUNGS PA LTAR, RGYAN 'DIR GSUNGS PA'I SNYING PO'I DON SGOM PA'I RIM PA BSTAN PAR, BOD DAG RNAL 'BYOR GYIS BZHIR BYAS NAS BU NYA SOGS DANG PO DON SMRA BA, GNYIS PA RANG RGYAL DANG SEMS TZAM RNAM BDEN PA, GSUM PA RNAM RDZUN PA'I LUGS SU BYAS LA, SA SKYA DANG RED MDA' BAS, DANG PO TSOGS LAM, GNYIS PA DROD RTZE, GSUM PA BZOD MCHOG ,BZHI PA MTHONG LAM @011A *, ,DANG SBYAR LA, DANG PO NI, GSER PHRENG LAS, MDOR NA GZHUNG 'DI DAG GIS DBU MA PA'I LUGS KYIS SGRIB GNYIS SPONG LUGS BSTAN NAS, ZHES PA NAS, SA DANG PO NYAN RANG DANG, GNYIS PA DANG GSUM PA RNAMS SEMS TZAM PA DANG, BZHI PA DBU MA PA LA SBYOR BA NI BZHAD GAD KYI GNAS SO, ,ZHES DANG, RTOGS SNANG LAS, DROD RTZER LHAN CIG DMIGS NGES KYI RTAGS LAS PHYI DON MED PAR RTOGS PA LTAR, GZUNG BA MED NA DER 'DZIN MED PA'I RTAGS LAS, GZUNG RNAM BDEN PAR RTOGS PAR YANG KHYAD PAR MED LA, ZHES SOGS KYIS RIM BZHIN BKAG GO ,'DI DAG NI LANG GSHEGS LAS, SEMS TZAM LA NI RAB BRTEN NAS, ,ZHES SOGS SEMS TZAM PA'I GZHUNG DU RNAL 'BYOR GYI SA BZHIR BYAS PAS YIN LA, DE NI GANG ZAG GI BDAG MED RTOGS PA'I RNAL 'BYOR GYIS, DON STONG RTOGS PA'I, SEMS TZAM, SNANG MED RNAL 'BYOR GYIS, ZHES TSOGS LAM, DROD RTZE, BZOD MCHOG ,MTHONG LAM BZHI LA YUL SNANG 'GOG TSUL GYIS SBYAR LA, 'DIR BSTAN PA NI, RNAM BSHAD LAS, MNGON PAR RTOGS PA'I RGYAN 'DIR LTA BA LA LTOS PA'I THEG PA'I RIM PA GSUM KHO NA BSTAN TE, ZHES PA NAS, MNYAM BZHAG TU GZUNG 'DZIN RDZAS THA DAD KYIS STONG BAR MNGON SUM GYIS RTOGS PA NA, RJES THOB TU SNGO SNANG DBANG PO'I SHES PA LA SOGS PA GZHAN DBANG MA 'KHRUL BAR 'DZIN PA LDOG CING, GZHAN DBANG 'KHRUL @011B BAR MYONG BA'I STOBS KYIS RTOGS PAS MNYAM BZHAG DANG RJES THOB KYI RIM PA BSTAN PA TZAM YIN GYI, LTA BA GONG 'OG GI RIM PA BSTAN PAR 'DOD PA NI DPYAD MI BZOD PAS, ZHES BDAG MED PHRA RAGS GSUM RTOGS PA'I RNAL 'BYOR GYI SA GSUM GSUNGS LA, RIM PA BZHI BSTAN PA LTAR SNANG BA CHOS KYI BDAG MED RAGS PA MNYAM RJES GNYIS KAR SGOM TSUL DNGOS SU GSUNGS PAS SNGA PHYI GNYIS KYANG DE LTAR SGOM PA MTSON NAS BSTAN LA, GSER PHRENG LAS, SHES SGRIB SPONG TSUL LA GZUNG BA DANG 'DZIN PA DANG, NAS, DANG PO GNYIS SPONG TSUL SEMS TZAM DANG THUN MONG BA YIN ZHING, ZHES DANG, SLOB DPON 'DI RNAL 'BYOR SPYOD PA'I DBU MA PA YIN PAS DE YAN CHAD SEMS TZAM DANG MTSUNGS PAR BSHAD DO, ,ZHES PAR BA GNYIS GCIG TU BYAS SHING, RTOGS SNANG LAS, 'DI DAG GIS NI TSOGS LAM DU CHOS KYI BDAG 'DZIN KUN BTAGS MNGON GYUR 'GO GNON PA'I YAN LAG TU CHOS KYI BDAG MED RAGS PA DANG PHRA BA DANG SHIN TU PHRA BA GSUM PO DE RTAGS YANG DAG LA BRTEN NAS NGES PAR BYED PA'I TSUL BSTAN PA YIN NO, ,ZHES GNYIS PA CHOS KYI BDAG MED RAGS PA DANG PHYI MA GNYIS 'DZIN PA BDEN MED DANG RANG RIG BDEN MED LA SBYAR NAS RTOGS RIGS GSUM DU BYAS PAS DGONGS PA MI 'GAL LA, SA BZHI'I THA SNYAD BYAS PA SNGA MA'I BSHAD PA BKOD PA TZAM MO, ,SGOM RIM DU LANG GSHEGS DRANGS PA'I DON NI, SEMS KYI SNANG CHA TZAM LAS @012A *, ,PHYI ROL GYI DON MED PAR RTOGS PA DANG, DE LAS GONG DU DE KHO NA NYID DON SPYI'I SGO NAS RTOGS PA DANG, DE NAS MNGON SUM DU RTOGS PA THOB LA, DE GROGS SEMS BSKYED SOGS THABS KYIS RNAM PAR SBYONG BAS GZHAN DON LHUN GRUB KYI ZHI BA MYANG 'DAS THOB, CES GANG ZAG GI BDAG MED RTOGS PA'I RNAL 'BYOR GYIS SHUGS LA BSTAN TO, ,'DIR SA GSUM LA BSAM BYUNG GI RIGS PA SGOM BYUNG GI RNAL 'BYOR SGOM PA'I 'BRAS BU GSUM GSUNGS PA'I DGOS PA, DANG PO GNYIS NYAN RANG GI RIGS CAN RJES SU 'DZIN PA DANG, LAM GYI SGRIB PA DANG PO GNYIS SPANG CHED YIN LA, DE YANG THEG CHEN TSOGS LAM NAS MTHONG LAM PAR DU SGOM ZHES PA GTZO BOR SGOM PA'O, ,GSUM PA SGRIB GNYIS SPANG CHED DO, ,GSER PHRENG LAS, DE YANG RNAM RDZUN PA LTAR NA THA DAD BKAG TZAM YIN GYI RNAM BDEN PA LTAR NA RDZAS GCIG TU BSGRUB PAR 'DOD DE, ZHES PA SNGA MAS RAGS PA SOGS SU SNANG BA THAMS CAD RDZAS THA DAD DU SNANG BA YIN PAS DE BKAG TZAM DANG, PHYI MAS RAGS SOGS SU SNANG BA LTAR MA GRUB PAS DE LTAR DU RDZAS GCIG TU SGRUB CES PA YIN LA, DE BZHIN DU SDE BDUN RGYAN LAS, SNGON PO SOGS KYANG RANG GI YUL CAN SNGON 'DZIN MIG SHES SOGS DANG RDZAS GCIG TU MA GRUB NA, PHYI DON DU 'DOD DGOS PAR 'GYUR PAS, RDZAS GCIG TU LHAN CIG DMIGS NGES KYI RTAGS KYIS @012B SGRUB PA YIN GYI, ZHES BA'ANG RTAGS DE STOBS SHUGS KYIS RDZAS GCIG TU GRUB PA'I DON YIN GYI, RDZAS GCIG TU SGRUB PA MIN TE, RNAM NGES DAR tI KA LAS, SNGON PO DE SNGON SNANG DBANG SHES DANG RDZAS THA DAD RNAM PAR BCAD TZAM GYI MED PAR DGAG PA SGRUB PA YIN GYI, MA YIN DGAG DANG RDZAS GCIG PA SOGS DNGOS KYI BSGRUB BYAR 'DZIN PA MIN NO, ,ZHES DANG, RIGS RGYAN LAS, BUM 'DZIN RTOG PA DANG, BUM 'DZIN RTOG PA LA BUM PAR SNANG BA CHOS CAN, RDZAS GCIG YIN PAR THAL, LHAN CIG DMIGS NGES YIN PA'I PHYIR RO, ,ZHES BKAG BA LTAR, GRUB MTHA' CHEN MOR DE LTAR GSUNGS NAS, RNAM NGES LAS, DE PHYIR DON SNANG DE BLO DAG ,PHYI DON YOD KYANG THA DAD MIN,, ZHES PA DRANGS PA'I PHYIR, DES NA LCANG SKYA RIN PO CHE'I GRUB MTHAR 'ON KYANG SEMS TZAM PA'I LUGS LA, BDAG MED BSGRUB PA'I RTAGS KYI BSGRUB BYAR MED DGAG KHO NA 'DZIN DGOS ZHES SEMS TZAM PA RANG GI GZHUNG LUGS GANG LAS KYANG BSHAD PA MA MTHONG ZHING, RJE YAB SRAS KYIS KYANG SEMS TZAM PA'I LUGS LA DE LTAR DGOS PAR GSUNGS PA MI SNANG NGO, ,ZHES PA CI YIN DPYAD DE, LUNG RIGS KYI SEMS TZAM PA'I GZHUNG THAMS CAD DU BDAG MED MA ZAD, MED DGAG RNAMS KYANG MA DMIGS PA'I RTAGS KYIS SGRUB DGOS PAR GSUNGS PA RNAMS DANG 'GAL ZHING, RNAM RIG TZAM DU BSGRUB CES PA'ANG GZUNG 'DZIN RDZAS GZHAN GYIS TONG PAR SGRUB PA'I DON YIN GYI RNAM RIG TZAM SGRUB BYA'I CHOS SU BYAS PA MA YIN PA'I PHYIR @013A *, ,GZHAN YANG, GZUGS SOGS SHES PA DANG BDAG NYID GCIG PA CHOS CAN, MED DGAG YIN PAR THAL, RNAM RIG TZAM GYI DE KHO NA NYID YIN PA'I PHYIR, RTAGS KHAS, MA KHYAB NA, DE KHO NA NYID MTHAR THUG SGRUB PHYOGS NAS 'JOG PA'I SEMS TZAM PA'I PAndITA DE YA MTSAN BA ZHIG STE, DGONGS 'GREL LAS, NGO BO NYID DE KHO NA'I NGO BO NYID MA MCHIS, ZHES SOGS SO, ,RNAM NGES DAR tIKA DANG, SDE BDUN RGYAN SOGS SU SNGON PO DANG SNGON 'DZIN MIG SHES GNYIS LHAN CIG DMIGS NGES KYI RTAGS KYI CHOS CAN DU GSUNGS KYANG, RIGS RGYAN DU DE GNYIS LHAG CIG DMIGS NGES MIN PAR GSUNGS PA LTAR, GRUB MTHA' CHEN MOR SNGON PO DANG DE SNANG DBANG SHES RTZOD GZHI ZER BA'ANG MI 'THAD DE, NAS, SNGON 'DZIN YID MNGON CHOS CAN, SDOR SNANG DBANG SHES DMIGS BYED DU THAL, ,SNGON PO DMIGS BYED YIN PA'I PHYIR, ,ZHES GSUNGS LA, YIG CHAR, SNGON PO CHOS CAN, SNGON 'DZIN SHES PA YOD NA KHYOD YOD PAS KHYAB PAR THAL, KHYOD DE DANG LHAN CIG DMIGS NGES YIN PA'I PHYIR, ZHES DANG, SNGOR SNANG DBANG SHES YOD NA KHYOD YOD DGOS PAR THAL, KHYOD DANG SNGOR SNANG DBANG SHES DANG LHAN CIG DMIGS NGES YIN PA'I PHYIR, RTAGS KHAS, ZHES RIGS RGYAN DANG, GRUB MTHAR SNGON PO DANG SNGON 'DZIN SHES PA LHAN CIG DMIGS NGES SU GSUNGS PA LA YANG ZHIB CHA BYAS NAS, DE DAG GI DGONGS PA SNGON PO DANG SNGON 'DZIN TSAD MA GNYIS LA BYAS PA'I PHYIR, @013B YIG CHAR, KHYOD NYAMS MYONG GI RANG RIG TSAD MA YOD PAR THAL, KHYOD TSAD MA YIN PA'I PHYIR, ZHES PA PHAL CHE BA LA DGONGS KYI, KHYAB PA MED DE, RGYAD BAN PA'I RGYUD KYI RJES DPAG NYAMS MYONG GI RANG RIG TSAD MA MED PA'I PHYIR, SNGON PO MED PA'I SA PHYOGS CHOS CAN GYI STENG DU SNGON 'DZIN SHES PA DON MI MTHUN YOD KYANG, SNGON 'DZIN SHES PA SNGON PO MED PA'I SA PHYOGS NA MED DE, DON MTHUN MED PA GANG ZHIG ,DE LOG SHES GZHI MA GRUB PA'I PHYIR, GANGS RI SNGON POR SNANG BA'I DBANG SHES LA GANGS RI SNGON POR SNANG YANG DE LA SNGON POR SNANG BA GANGS RI'I STENG DU 'JOG DGOS PAS DE KHA DOG YIN MIN SOGS DBYAD BYA MID DO, ZLA GNYIS SU SNANG BA GZUNG 'DZIN RDZAS GZHAN DU MED KYANG DER SNANG BA'I DPE YIN GYI LHAN CIG DMIGS NGES KYI DPER MI RUNG NGO, ,RTAGS KYI DON LHAN CIG PA NI DUS MNYAM PA, DMIGS PA NI TSAD MAS RTOGS PA DANG, NGES PA NI KHYAB PA NGES PA YIN LA, DE RNAM NGES RANG 'GREL LAS, 'DI DAG LAS RNAM PA GCIG MA DMIGS NA GZHAN DMIGS PA MED DO, ,ZHES PA LTAR, SNGON PO DANG SNGON 'DZIN TSAD MA LTA BU GANG ZAG GCIG GIS DUS MNYAM DU DMIGS TSE SNGON PO DMIGS BYED KYI TSAD MA LA SNGON 'DZIN TSAD MA DMIGS BYED KYI TSAD MA DANG BDAG NYID GCIG TU SKYE BAS KHYAB, SNGON 'DZIN TSAD MA DMIGS BYED KYI TSAD MA LA SNGON PO DMIGS BYED KYI TSAD MA DANG BDAG NYID GCIG PAS KHYAB PA LTA BU BZHAG NA, YIG CHAR, DES NA SDE BDUN RGYAN LTAR NA, @014A *, ,SNGON PO DANG SNGON 'DZIN TSAD MA DUS MNYAM DU TSAD MAS DMIGS PAS KHYAB KYANG, SNGON PO DMIGS BYED KYI TSAD MA GCIG GIS SNGON 'DZIN KYANG GRUB PAR MI BZHED PA'I PHYIR, 'DI LEGS PAR SEMS TE, NAS, 'DI RIGS RGYAN GYI YANG DGONGS PAR SNANG NGO, ,ZHES DANG, DPER NA, SNGON PO SNGON 'DZIN MNGON SUM TSAD MAS MYONG DUS SNGON 'DZIN MNGON SUM YANG RANG MYONG BA'I RANG RIG MNGON SUM TSAD MAS MYONG BAS KHYAB LA, SNGON 'DZIN MNGON SUM TSAD MA RANG RIG MNGON SUM TSAD MAS MYONG BA'I DUS SU SNGON PO YANG SNGON 'DZIN MNGON SUM TSAD MAS MYONG BAS KHYAB CES PA LTA BU YIN PA'I PHYIR TE, ZHES SOGS KYI DGONGS PA GSAL BAR 'GYUR LA, RNAM NGES DAR tIKA LAS, NGES PA NI SNGON PO RTOGS NA SNGON 'DZIN RTOGS PA DANG GRUB BDE RDZAS GCIG LA SNGON 'DZIN TE RTOGS NA SNGON PO RTOGS PA DANG GRUB BDE RDZAS GCIG TU SKYES NGES PAR DE'I RIGS LA GNAS PAS KHYAB PA'I DON YIN GYI ZHES PA'I DGONGS PA YANG YIN NO, ,DE LTAR YIN GYI SPYIR BUM 'DZIN RTOG PA DANG DE LA BUM PAR SNANG BA LTA BU GCIG RTOGS PA'I BLO RGYUD LA SKYES NA CIG SHOS RTOGS PA'I BLO RGYUD LA SKYES MI DGOS PA'I PHYIR RO, ,BAR DU MCHOD PA'I SNANG GZUGS LTA BU GANG ZAG GCIG GIS GCIG MIG SHES KYIS DMIGS TSE CIG SHOS MIG SHES DES DMIGS DGOS PA DANG, BUM 'DZIN RTOG PAS KHO RANG LA BUM PAR SNANG BA DMIGS DUS KHO RANG RANG MYONG RANG RIG @014B GIS DMIGS DGOS PA DANG, KHO RANG RANG RIG GIS DMIGS DUS KHO RANG GIS BUM PAR SNANG BA DMIGS DGOS PA LTA BU, DMIGS BYED KYIS BDAG NYID DU GRUB PA DANG DMIGS DUS GCIG PAS SNGA PHYI BA DANG RDZAS THA DAD KHEGS LA, BYE SMRAS, SNGON PO DANG SNGON 'DZIN TSAD MA DUS MNYAM DU GRUB KYANG, SNGON 'DZIN TSAD MA DMIGS BYED KHO RANG GI RJES SU GRUB PAS, DE GNYIS LHAN CIG DMIGS NGES MIN TE, DMIGS DUS MI GCIG PA'I PHYIR ZER, MDO SDE BAS, DE GNYIS RGYU 'BRAS YIN KYANG, DMIGS DUS GCIG PAS LHAN CIG DMIGS NGES YIN YANG, MA KHYAB ZER, DANG PO LA SNGON PO'I RANG DUS SU SNGON 'DZIN TSAD MA MED PAR THAL, DE DUS SU DE TSAD MAS MA DMIGS PA'I PHYIR TE, DE DUS SU DE DMIGS BYED KYI TSAD MA MA GRUB PA'I PHYIR, GNYIS PA LA, SNGON PO CHOS CAN, RANG DUS SU MED PAR THAL, RANG DUS SU TSAD MAS MA DMIGS PA'I PHYIR TE, RANG DUS SU KHYOD DMIGS BYED KYI TSAD MA MA SKYES PA'I PHYIR, DER THAL, DE KHYOD KYI 'BRAS BU YIN PA'I PHYIR, ZHES BKAG KYANG, THAL 'GYUR BA SOGS LA YANG 'DRA BAS SNGON PO RANG DUS SU RANG 'DZIN TSAD MAS MA RTOGS KYANG, RANG DUS SU TSAD MAS DMIGS TE, RNAM MKHYEN GYIS DMIGS PA'I PHYIR, DES NA, SNGON PO'I RANG DUS SU RNAM MKHYEN GYIS SNGON PO RTOGS KYANG DE DUS SU SNGON PO RTOGS PA'I RNAM MKHYEN MED ZER DGOS PA SOGS ZHIB CHA MANG NGO, , @015A *, ,LHAS SBYIN GYI MIG SHES LA SNANG BA'I SNGON PO MCHOD SBYIN GYI MIG SHES LA MI SNANG NA, DE SNANG BA'I MIG SHES LHAS SBYIN LAS GZHAN PA'I RGYUD LA MED DGOS PAS, SDE BDUN LTAR 'THAD DE, SKYES BU GCIG LA DGRA GNYEN GNYIS KYIS LTOS TSE, DGRA LA YID DU MI 'ONG BAR SNANG BA'I MI DE GNYEN LA PHA MA SOGS SU SNANG BA'I PHYIR, 'ON KYANG YID DU MI 'ONG BA'I CHA DE MI SNANG NGO, ,DE NAS DRUG TSAN DRUG GI MTHONG RTZE MTHONG LAM BAR CHAD MED LAM DANG, DE NAS SENGGE RNAM BSKYINGS MTHONG LAM RNAM GROL DANG RDZES THOB RTEN 'BREL SGOM TSUL BCAS GSUNGS SO, ,SHANTI'I DAG LDAN DU 'DI'I LUGS MTHUN MI MTHUN THOD RGAL SBYOR BA'I SENGGE RNAM BSKYINGS LA BSHAD PA, MDO DANG 'PHAGS SENG GI GZHUNG THAMS CAD DANG 'GAL TSUL YIG CHA LTAR RO, ` ,NYI KHRI SOGS NAS SNYOMS 'JUG TSAR LNGA'I GNAS SRID RTZE NUD CHUNG MA GTOGS TSANG BAR GSUNGS SHING, NUD CHUNG KHRI BRGYAD STONG BAS GANG ZAG GI KHYAD PAR 'GAL ZHIG LAM BYANG BA'I TSE DGOS PAR GSUNGS PA, RGYAN 'DIR BSDUS TSUL RNAM BSHAD DANG RTOGS SNANG DU RED MDA' PA LTAR, RKANG PA DANG PO GNYIS KYIS SBYOR BA GNYIS DANG, LHAG MAS 'TSAMS 'DZIN GYI 'DOD SEMS MAR 'ONG 'DOD SEMS SPEL BA BCAS DNGOS SU BSTAN CING YAR SONG GNYIS SHUGS LA BSTAN BAR GSUNGS SO, ,BSTAN TSUL GZHAN GSER PHRENG DU BU NYA SOGS LTAR SBYOR BA @015B GNYIS SNGAR BZHIN LA, NAS, THOD RGAL DU NI SNYOMS 'JUG PA, ,ZHES SBYAR NA GANG YANG MA SPOL BA'I YAR SONG BSTAN LA, 'DOD PAR, ZHES PA'I RKANG PA GNYIS KYIS MTSAMS 'DZIN GYI 'DOD SEMS DANG MAR 'ONG GI SPEL CHOS DNGOS DANG SRID RTZE NUD CHUNG SHUGS LA BSTAN, NAS, GCIG DANG NAS MI 'DRAR 'GRO, ,ZHES PAS SNYOMS 'JUG BRGYAD LA 'GOG PA SPEL BA'I YAR SONG DNGOS SU BSTAN LA, 'DOD PAR ZHES PA'I RKANG PA GNYIS DANG, GCIG DANG NAS MI 'DRAR 'ONG, ZHES PAS SNYOMS 'JUG DGU LA 'DOD SEMS DGU SPEL BA'I MAR 'ONG DNGOS SU BSTAN PAR BYAS PA, MTHA' DPYOD DU SHIN TU LEGS PAR SNANG NGO, ,ZHES GSUNGS PA, 'GREL BA CHE CHUNG GNYIS KAR YANG BSAM GTAN DANG PO LA, NAS, RNAM PAR SHES PA MTSAMS KYI NGO BOR BZHAG NAS ZHES GSUNGS PA'I DGONGS PAR SONG BAS YIN NO, ,SNGA MA NI 'GREL BA'I ZIN BRIS LAS, RTZA BA'I TSIG ZIN LA, GCIG DANG GNYIS GSUM, NAS, 'GOG PA'I BAR DU, ZHES BSAM GTAN DANG PO NAS YAR BRTZIS PA LTA BUR 'DUG KYANG, DE LTAR BYAS NA GRANGS KYANG MI 'GRIGS PAS, ZHES PA LTAR, BRGYAD RGAL SPEL GZHI LA BRTZIS LA, YAR BRGYAD RGAL MED PAS YIN NO, ,'ON KYANG YAR LA BRGYAD RGAL GYI TING NGE 'DZIN YOD DE, SRID RTZE DANG SPEL BA'I 'GOG PA DE BRGYAD RGAL YIN PA'I PHYIR TE, SPEL GZHI BRGYAD RGAL BA'I SPEL CHOS DE YIN PA'I PHYIR TE, RTZA BAR, @016A *, ,BRGYAD RGAL NAS, 'GOG PA'I BAR DU MI 'DRAR 'GRO, ,ZHES GSUNGS PA'I PHYIR, DE SPEL GZHI BRGYAD RGAL BA'I DE YIN PAR THAL, DE BRGYAD LA ZHUGS NAS BOR BA'I DE YIN PA'I PHYIR, KHYAB STE, GSER PHRENG LAS, RGAL BA'I DON ZHUGS NAS BOR BA LA MDZAD DO, ,ZHES DANG, MDO LAS, DE LAS LANGS NAS 'GOG PA LA'O, ,ZHES DANG, DE LAS LANGS NAS MNYAM PAR MA BZHAG PA'I SEMS LA GNAS SO, ,ZHES LANGS NAS ZHES PA ZHUGS NAS BOR BA'I DON YIN PA'I PHYIR, DE'I RGYU MTSAN GYIS SPEL CHOS RGYAL BA DANG, BOR BA'I THA SNYAD MA MDZAD PA'I PHYIR, DES NA NYI SNANG DU DGUR THOD RGAL DU SNYOMS PAR 'JUG GSUNGS SO, ,SA MTSAMS, RED MDA' BA'I NYI ZER DU, DKON MCHOG SPRIN DANG, BSDU PA'I LUNG LA BRTEN NAS, 'DI'I THOD RGAL GYI TING NGE 'DZIN SA BRGYAD PA YAN CHAD NAS 'JOG PAR GSUNGS PA, LUNG DE DAG GIS DE DAG NAS SNYOMS PAR 'JUG PAR BSTAN TZAM YIN GYI, THOB DUS BSTAN PA MIN NO, ,RNAM BSHAD LAS, SA DRUG PA NAS ZHES PA 'JUG PA LTAR SHER PHYIN LHAG PA THOB PA DANG, GSER PHRENG LAS, SA GNYIS NAS ZHES PA DER SA DANG PO'I SGOM LAM MA BZHAG PAS YIN GYI, NYA tIKA LAS, DES NA SGOM LAM DGU CAR DU BSGOM MAM SNYAM ZHES PA LTAR SA DANG PO NAS YOD DO, ,NYAN THOS RNAMS THABS DMAN PAS RING BA RNAM PA @016B BZHIS RING TSUL NI, GZUGS MED NYAN THOS PHAL CHER GYIS 'DOD SEMS MNGON DU MI BYED PAS RTEN GYIS DANG, 'DOD PA LA DMIGS NAS RAGS PAR MI LTA BAS DMIGS RNAm GNYIS KYIS DANG, GZUGS MED SNYOMS 'JUG GI RJES DE MA THAG 'DOD SEMS MNGON DU BYED MI NUS PAS SNYOMS 'JUG GI RING ZER GYI, MDZOD LTAR GNYEN POS RING BA MI ZER TE, 'DOD NYON GYI DNGOS GNYEN GZUGS MED DNGOS GZHI YOD PA'I PHYIR, GZUGS MED SNYOMS 'JUG GIS 'DOD SEMS DGE BA'I DE MA THAG RKYEN BYED PA YOD DE, GZUGS MED PA'I RGYUD KYI 'DOD SEMS DGE BA'I DE MA THAG RKYEN LA MNGON GYUR BA MI DGOS PA'I PHYIR, SER RA STOD SMAD GNYIS DANG, BSOD GRAGS PAS, RNAM BSHAD LAS GANG YANG BAR DU MA BCUG PA'I YANG 'ONG NI, BKYUS SA BSTAN PA TZAM YIN PAS THOD RGAL GYI DNGOS GZHI MA YIN TE, ZHES PAR BRTEN NAS THOD RGAL GYI SBYOR BA YIN GYI, THONG RGAL GYI DNGOS GZHI MIN TE, SPEL GZHI SPEL CHOS MI 'DRA BA SPEL BA'I SNYOMS 'JUG MA YIN PA'I PHYIR ZER, DE MI 'THAD PAR THAL, MDO LAS, RAB 'BYOR, BYANG CHEN GYI TING NGE 'DZIN THOB RGAL DE GANG ZHE NA, 'DI LA, NAS, 'GOG PA'I BAR LA SNYOMS PAR 'JUG GO ,ZHES SBYOR BA GNYIS KYI DE MA THAG DNGOS GZHI LA 'JUG PAR GSUNGS PA'I PHYIR DANG, GSER PHRENG LAS, KHA CIG 'DI THOD RGAL MTSAN NYID PA MIN TE, SPEL BA DANG POR BA GANG YANG MED PAS SO ZER YANG, MDO 'GREL DU MA ZHIG GIS THOD RGAL DU BSHAD PAS MI 'THAD DO, ZHES DANG, @017A *, ,RNAM BSHAD LAS, YAR SONG ZHING MAR 'ONGS NAS DE'I RJES SU DNGOS GZHI LA 'JUG PA'I PHYIR, ZHES RTZA 'GREL GNYIS KA'I SKABS SU DNGOS GZHIR GSUNGS PA LTAR, RTOGS SNANG DU YANG DNGOS GZHIR GSUNGS PA'I PHYIR RO, ,RNAM BSHAD KYI DE SPEL GZHI SPEL CHOS 'DRA BA SPEL BA'I DE MIN ZHES PA'O, ,DER MA ZAD SBYOR BA PHRUGS GNYIS KYANG THOD RGAL GYI SNYOMS 'JUG YIN PA'I PHYIR TE, NYI SNANG LAS, SGOM PA'I LAM YANG MTHAR GYIS GNAS PA'I SNYOMS PAR 'JUG PA DGUS BSDUS PA YIN LA, DE DAG KYANG THOD RGAL GYI SNYOMS PAR 'JUG PAS BSDUS PA YIN TE, ZHES 'DIR BSTAN SNYOMS 'JUG TSAR LNGA KA THOD RGAL GYI SNYOMS 'JUG TU GSUNGS PA LTAR, RGYAN SNANG DU YANG GSUNGS PA'I PHYIR, DE LA DGONGS NAS YIG CHAR, THOD RGAL GYI TING NGE 'DZIN YIN PAR THAL, THOD RGAL GYI DNGOS GZHI DANG MNYAM BZHAG THUN GCIG GIS BSDUS PA'I TING NGE 'DZIN YIN PA'I PHYIR, ZHES GSUNGS SO, ,YIG CHAR, THOD RGAL GYI SNYOMS 'JUG MA YIN PAR THAL, MTHAR GNAS KYI SNYOMS 'JUG YIN PA'I PHYIR, NAS, SANGS RGYAS KYI BKA' DKRUGS PAR MI BYA'O, ,ZHES PAS DE GNYIS 'GAL BAR GSUNGS PAS, GONG GI NYI SNANG GI DON SNYOMS 'JUG DGUS BSDUS PA'I DON YIN ZER RAM DPYAD, BSTAN DAR PA'I SPYI DON DU, THOD RGAL GYI DNGOS GZHI SPEL GZHI SPEL CHOS RE RE BA RNAMS THOD RGAL GYI DNGOS GZHI MIN TE, RTEN 'BREL YIN NA RANG GI CHA SHES LA BTAGS PAS KHYAB, @017B BTAGS GZHI'I RTEN 'BREL RNAMS DE LA BTAGS PA'I BTAGS CHOS MA YIN PA'I PHYIR, ZHES PAR YIG CHAR THOD RGAL GYI SNYOMS 'JUG YIN NA, SPEL GZHI SPEL CHOS MI 'DRA BA GNYIS SPEL YAN CHAD YIN PAS KHYAB ZER NA, ZHES SOGS KYIS THOD RGAL LA BAR DU MA ZHUGS PAR BOR BA DANG ZHUGS TE SPEL CHOS SPEL GZHI GANG RUNG GI CHOG PA'I PHYIR TE, GANG YANG BAR DU MA BCUG PA'I YAR SONG GI SNYOMS 'JUG DE RANG GI RJES SU 'GOG PA NAS BSAM GTAN GNYIS PA'I BAR BRGYAD LA MA ZHUGS PAR BOR NAS YAR SONG GI BSAM GTAN DANG PO LA 'JUG PAR BYED PA YIN PA'I PHYIR, DPER NA, THONG RGAL BA'I ZHUGS PA PHAR BA GNYIS LA THOD RGAL BA ZER BA BZHIN, RTAGS YANG SONG GI SNYOMS 'JUG DANG PO 'JUG CHED YIN PAS GRUB PO, ,GZHAN YANG, YAR SONG 'GOG PA SPEL BA'I BSAM GTAN DANG PO THONG RGAL GYI SNYOMS 'JUG MIN NA, DE TSE YAR SONG 'GOG PA SPEL BA'I SNYOMS 'JUG MA THOB PAR THAL BA DANG, GDAGS CHOS MA THOB PAR GDAGS GZHI THOB PAR THAL BA SOGS MANG NGO, ,GZHAN YANG, YAR SONG GI SPEL GZHI SPEL CHOS RNAMS CHOS CAN, THOD RGAL GYI SNYOMS 'JUG YIN PAR THAL, SPEL GZHI SPEL CHOS GANG DUNG LA ZHUGS NAS RGAL BA'AM RGAL BYED GANG RUNG NYIN PA'I PHYIR, KHYAB STE, GSER PHRENG LAS, RGAL BA'I DON ZHUGS NAS BOR BA LA MDZAD DE, ZHES 'DIR BSTAN RGAL BA ZHUGS NAS BOR BAR BYAS PA'I PHYIR, DES NA YIG CHAR, YAR SONG 'GOG PA SPEL BA'I BSAM @018A *, ,GTAN BZHI PA DE RANG GI SNGON DU BSAM GZUGS DGU POR RJES SU BZHI BOR ZHES PA'I DGU PO GANG YANG BAR DU MA BCUG PA'I SNYOMS 'JUG DGU YIN TE, GONG BU BSAM GZUGS DGU BOR NAS 'GOG PA LA ZHUGS PA'I SPEL GZHI'I BSAM GTAN YIN PA DE'I PHYIR, ZHES PA YANG SONG 'GOG PAR ZHUGS PA'I SPEL GZHI'I BSAM GTAN YIN PA'I PHYIR, ZHES PA YIN PA'I PHYIR, RJES SU BZHI POR ZHES PA YANG DE SPEL GZHI BSAM GTAN DANG PO BZHI RGAL NAS 'GOG PA LA 'JUG BYED YIN ZHES PA YIN TE, SRID RTZE DANG SPEL BA'I 'GOG PA DE BRGYAD RGAL NAS 'GOG PAR ZHUGS PA'I SNYOMS 'JUG YIN PA'I PHYIR TE, RTZA BAR, BRGYAD RGAL NAS, 'GOG PA'I BAR DU MI 'DRAD 'GRO, ,ZHES YAR SONG GI DON BSDUS PA'I PHYIR, GSER PHRENG LTAR RO, ,BSTAN DAR PAS RED MDA' PA LTAR SRID RTZE NUD CHUNG DANG MTSAMS 'DZIN GYI 'DOD SEMS GNYIS GONG 'OG GI GNAS LA MI 'GRANG STE YAR MAR GYI MTSAMS 'DZIN YIN PA'I PHYIR ZER BA, MDO DANG SNANG BA GNYIS SOGS KYIS SNYOMS 'JUG TSAR LNGA MNYAM BZHAG THUN GCIG LA 'BYUNG BAR GSUNGS PA DANG, GSER PHRENG LAS, 'DI LA LE BRGYAD MA LTAR NA BCU BDUN DANG KHRI BRGYAD STONG PA LTAR NA BCO BRGYAD DO, ,ZHES PA DANG 'GAL LO, ,SBYOR BA SENG GE RNAM BSKYINGS GNYIS MI 'GAL TE, DE'I NANG GI 'GOG PA DE GNYIS KA YIN PA'I PHYIR TE, GSER PHRENG LAS, RKANG BA DANG PO SBYOR DNGOS THAMS CAD LA SBYAR RO, , @018B ZHES DANG, 'GOG PA LA ZHUGS THEBS GCIG LAS MED PAS, ZHES GSUNGS PA'I PHYIR, AA BHYAS RKANG BA DANG PO MTHONG RTZE LA YAR SBYAR TE SBYOR BA GNYIS BSTAN PAR 'DOD LA, RTZA BA'I SONG 'ONG GNYIS DNGOS GZHI LA SHANTI LTAR SBYAR RO, ,SHANTI SA YAR SONG 'GOG PA SPEL BAR BSAM GZUGS BRGYAD LA 'GOG PA BRGYAD DANG, DE NAS SRID RTZE NUD CHUNG DE NAS 'GOG PA DANG MTSAMS 'DZIN 'DOD SEMS LA ZHUGS PAS GNAS BCU DGU DANG, NUD CHUNG 'GOG PA LAS 'GOG PAR LDANG CHED ZER YANG, MTHA'I 'GOG PA DE SPEL GZHI SPEL CHOS GANG YANG MIN ZER RAM DPYAD, ,BU STON GYIS, SNYOMS 'JUG BRGYAD LA 'GOG PA SPEL LA, DE NAS 'GOG PAR LDANG MA NUS PAS NUD CHUNG DANG, MTSAMS 'DZIN 'DOD SEMS BRGYAD RGAL NAS 'GOG PA, DE NAS MNYAM PAR MA BZHAG PAR GNAS PA STE GNAS NYI SHU BYAS NAS, MAR 'ONG LA GCIG RGAL SRID RTZE LA ZHES 'GOG PA DANG 'DOD SEMS SPEL BA LA 'CHAD CING, SRID RTZE LA GCIG RGAL ZHES PA SNGA MA'I 'GOG PA YIN NAM DPYAD LA, 'PHAGS PA DANG SHANTI BA GNYIS KA'I DGONGS PA 'GREL BA'I TSUL BYAS KYANG DON DU MA SONG NGO, ,BU tIKA MA GTOGS MAR 'ONG LA GNAS BCO BRGYAD BYED PA MI MTHUN PA MED DO, ,'DI'I MNYAM PAR MA BZHAG PA'I SEMS NI, GSER PHRENG LAS, SNGA PHYI GNYIS DGONGS PA'O, ,ZHES DAG SNYING ZLA THUB TU SNYOMS 'JUG LAS 'PHO BA'I SKABS ZER BA DANG, RTOGS DKAR 'DOD PA'I @019A *, ,SEMS SU BSHAD PA GNYIS DGONGS PAR GSUNGS LA, RNAM BSHAD LAS, 'DOD PA'I GZUGS SOGS SNANG BA'I RNAM PAR SHES PA MNYAM PAR MA BZHAG PA 'DOD SEMS DE LTA BU, ZHES DANG, RTOGS SNANG LAS, 'GREL BSHAD GNYIS SOGS KYI BSHAD PA BKOD NAS, DE DAG GANG YIN YANG TING NGE 'DZIN DU 'GAL BAS, NAS, THOD RGAL SNYOMS 'JUG SGOM LAM RTZE SBYOR MA YIN PAR THAL BA'I PHYIR DANG, CHOS BSHES KYIS DE LTAR NA KUN MKHYEN YE SHES KYANG 'DOD SEMS SU THAL TE, 'DOD PA'I RNAM SHES SGYU MA LTA BUR DMIGS PA'I PHYIR DANG, GZUGS KYI SO SKYES DMYAL BA SDUG BSNGAL BAR DMIGS SHING DRAN PA'ANG 'DOD SEMS SU THAL BA'I PHYIR RO, ,DES NA RANG LUGS NI 'DOD SEMS RTZE GCIG PA ZHI GNAS KYI CHAR GYUR PA'O, ,ZHES PA LTAR SEMS GNAS DGU PA LA BYA'O, ,BSTAN DAR PA'I SPYI DON LAS, BSAM GTAN BZHI LA SRID RTZE SPEL BA DANG, GZUGS MED BZHI LA BSAM GTAN DANG PO SPEL BA DANG, TSAD MED BZHI LA BSAM GTAN BZHI PA SPEL BA SOGS YOD PA'I PHYIR, GSER PHRENG LAS, DBANG 'BYOR BA RNAMS DGA' MGUR 'JUG PAR 'GYUR BAS 'DI DAG NI MTSON PA TZAM DU SEMS SO, ,ZHES GSUNGS PA'I PHYIR GSUNGS KYANG, BSOD GRAGS PA'I SPYI DON LAS, BSAM GZUGS BRGYAD LA BYAMS SOGS TSAD MED BZHI SOGS SPEL PA'I THOD RGAL GYI DNGOS @019B GZHI BZHED PA NI THUG MED DU 'GYUR BAS MI LEGS SAM SNYAM, ZHES PA LTAR PHYIN DRUG SOGS GRANGS 'DREN THAMS CAD LA HA CANG THAL BAS, YAR LA 'DOD SEMS DANG MAR LA 'GOG PA SPEL BA 'JOG DGOS LA GZHAN RNAMS DPYAD, RTOGS SNANG LAS, 'DIR YANG SGOM LAM PA'I SEMS 'DOD SEMS RTZE GCIG PA DANG, BSAM GTAN BZHI DANG GZUGS MED BZHI GANG RUNG GI NGO BOR SKYES BA RNAMS KYIS YUL CHOS NYID LA DMIGS NAS SNYOMS PAR 'JUG PA DANG, DE 'DRA'I STOBS KYIS THOB PA'I 'GOG SNYOMS KYI DBANG DU BYAS PA YIN NO, ,ZHES PA LTAR KHAMS GSUM SA DGU'I SEMS RTEN BYAS PA'I SGOM SPONG GZUNG 'DZIN GYI RTOG PA'I SPONG GNYEN GYI RGYUN BSGOM PA YIN PAS DNGOS BSTAN DON DAM RNAM CAN YIN PA 'GREL BA'I MTSAMS SBYAR GYIS SHES SO, ,SPYIR THABS KYI CHA DANG THEG DMAN RTOGS RIGS KYI SNYOMS 'JUG TSAR LNGA SOGS 'JOG DGOS SAM SNYAM, YAR SONG GI BSAM GTAN DANG PO DANG SPEL BA'I 'GOG PA DANG BSAM GTAN GNYIS PA GNYIS KA GNYIS RGAL LA 'JOG STE, SRID RTZE DANG SPEL BA'I 'GOG PA BRGYAD RGAL YIN PA'I PHYIR TE, NYA tIKA LAS, DE NAS BRGYAD RGAL NAS 'GOG PA LA'O, ,ZHES PA RTZA BA DANG MTHUN PA'I PHYIR MTSAMS 'DZIN 'DOD SEMS LTA BU SPEL GZHI SPEL CHOS GANG YANG MIN PAS BRGYAD RGAL SOGS SU MI 'JOGS LA, SPEL CHOS SOGS RGAL BA'I THA SNYAD KYANG MED PAS, ,ZHUGS NAS RGAL BA'I RGAL RGYU LA SPEL GZHIS KHYAB LA, @020A *, ,MA ZHUGS PAR RGAL BA 'AM BOR BA NI, MDZOD LAS, GCIG RGAL SONG ZHING 'ONGS NAS NI, ,ZHES PA LTAR MDZOD LUGS LA RGAL BA LAS MED LA, GONG MA'I LUGS LA DANG PO NAS BZHI PAR ZHUGS NA GNYIS RGAL BA DANG, DE NAS 'GOG PAR ZHUGS NA GZUGS MED BZHI RGAL BA ZER LA, 'ON KYANG YAR SONG GI 'GOG PA DANG, MAR 'ONG GI SPEL CHOS SU MA BYAS PA DGOS SO, ,DES NA DE'I GCIG RGAL SOGS DE'I SHES SO, ` , BSOD GRAGS PA'I SPYI DON LAS, SGOM LAM BAR CHAD MED LAM GCIG NYID KYIS SGOM SPANG RTOG PA MNGON GYUR BA 'JOMS PA'I CHA NAS SBYOR BA NYER BSDOGS DANG, SA BON 'JOMS PA'I CHA NAS 'JUG PA BAR CHAD MED LAM DU BSHAD PA'I PHYIR, ZHES DANG, DE'I MTHA' DPYOD LAS, DE GNYIS SPANG BYA'I MING 'DOGS SO SOR BYED PA'I RGYU MTSAN GYIS THA DAD LTA BUR BSHAD TZAM MA GTOGS DNGOS PO LA DON GCIG PA YIN TE, NAS, RNAM BSHAD LAS, SBYOR BA NYER BDOGS KYI SKABS SU DE'I SPANG BYA YIN TE, DE'I GZHOM BYA YIN PA'I PHYIR, ZHES DANG, 'JUG PA BAR CHAD MED LAM SKABS SU DE'I SPANG BYA YIN TE, DES RANG GI SA BON DNGOS SU 'JOMS PA'I PHYIR ZHES 'GOD PAR MDZAD PA'I PHYIR, ZHES DANG, THEG CHEN GYI SBYOR LAM DROD SOGS BZHI CHOS CAN, MTHONG LAM RTZE SBYOR GYI 'JUG PA BAR CHAD MED LAM DU THAL, DE'I SBYOR BA NYER BA SDOGS KYI LAM YIN PA LA,, @020B PHYIR, ZHE NA, MA GRUB STE, THEG CHEN GYI MTHONG LAM SGOM LAM RTZE SBYOR GYI SBYOR BA NYER BSDOGS KYI LAM MA YIN PA'I PHYIR, ZHES MTHONG LAM RTZE SBYOR GYI SBYOR BA NYED BSDOGS DANG 'JUG PA BAR CHAD MED LAM GCIG PA LTAR SGOM LAM LA DE GNYIS DON GCIG KYANG MNGON GYUR DANG SA BON SPONG BAS SO SOR BSHAD ZER LA, ROL MTSO LAS, KHA CIG ,SGOM LAM RTZE SBYOR GYI 'JUG PA BAR CHAD MED LAM DANG, SBYOR BA NYER BSDOGS KYI LAM DON GCIG ZER NA, MTHONG LAM RTZE SBYOR GYI DE GNYIS DON GCIG PAR THAL, DAM BCA' DE'I PHYIR, 'DOD NA, THEG CHEN GYI SBYOR LAM DROD SOGS BZHI CHOS CAN, MTHONG LAM RTZE SBYOR GYI 'JUG PA BAR CHAD MED LAM YIN PAR THAL, DE'I SBYOR BA NYER BSDOGS KYI LAM YIN PA'I PHYIR, KHYAB PA KHAS, RTAGS GRUB STE, MDZOD LAS, MDOR NA LAM NI RNAM BZHI STE, ZHES SOGS DANG, ZHES DANG, GZHAN YANG, THEG CHEN GYI MTHONG LAM BAR CHAD MED LAM CHOS CAN, MTHONG LAM RTZE SBYOR GYI 'JUG PA BAR CHAD MED LAM MA YIN PAR THAL, DE'I SBYOR BA NYER BSDOGS KYI LAM YIN PA'I PHYIR, RTAGS GSAL GNYIS GA GRUB STE, THEG CHEN GYI MTHONG LAM SDUG BSNGAL CHOS BZOD DES MTHONG SPANG 'JUG PA GZUNG RTOG DANG, DE RDZAS 'DZIN RTOG PA GNYIS KA'I SA BON SPONG PA'I DBANG DU BYAS NAS DE MTHONG LAM RTZE SBYOR GYI SBYOR BA NYER BSDOGS DANG, MTHONG SPANG LDOG PA GZUNG @021A *, ,RTOG DANG, BTAGS 'DZIN RTOG PA GNYIS KYI SA BON SBONG BA'I DBANG DU BYAS NAS DE'I 'JUG PA BAR CHAD MED LAM DU BZHAG PA'I PHYIR TE, RNAM BSHAD LAM, SA BON SPONG BA'I DBANG DU BYAS NAS SPANG BYA'I DBANG GIS GNYEN PO'I MING SO SOR BSHAD PA YIN NO, ,DNGOS SU NA MTHONG LAM RTZE SBYOR BAR CHAD MED LAM DE NYID KYIS MTHONG SPANG GZUNG 'DZIN GYI RNAM PAR RTOG PA BZHI KA'I SA BON DUS GCIG TU SPONG BA YIN GYI, RIM CAN DU SPONG BAR 'DOD PA LA RIGS PA DU MAS GNOD PAR SHES PAR BYA'O, ,ZHES GSUNGS PA'I PHYIR, ZHES SKABS 'DI'I SBYOR BA NYER BSDOGS GZUNG 'DZIN GYI RTOG PA DANG PO GNYIS KYI GNYEN PO DANG, 'JUG PA BAR CHAD MED LAM PHYI MA GNYIS GYI GNYEN PO BYED PAS BTAGS PAR BYAS NAS BAR CHAD MED LAM GCIG NYID BZHAG PA SNGA MA DANG 'DRA ZHING DON MI 'DRA LA, THEG CHEN SBYOR LAM SPYIR MTHONG LAM GYI SBYOR BA YIN YANG SKABS 'DI'I SBYOR BA MIN ZER BA 'DRA'O, , GSER PHRENG LAS, DE LTAR GNYEN PO'I KHYAD PAR BSTAN PA YANG SGOM SPANG LA, SBYOR BA'I RNAM PA'I SPYOD YUL CAN, ZHES DANG, 'JUG PA'I YUL CAN YIN BZHED DE, ,ZHES GSUNGS PAS DE LA DPAG NAS SBYAR BA'O, ,SBYOR BA DANG 'JUG NI SNGON GYI MKHAS PA DAG ,THOB LAM RDZOGS PA DANG RDZOGS PA'I SKABS LA BSHAD PA LTAR 'THAD DE, RTOG PA GNYIS KYI DANG PO GNYIS RAGS SHING PHYI MA GNYIS PHRA BAS RAGS PA SNGON LA DANG, PHRA BA 'JUG TU SPONG BAS @021B SO, ,ZHES SPANG BYA DE DAG GI GNYEN PO THOB LA MA RDZOGS PA BAR CHAD MED LAM GYI SBYOR BA'I SKABS SU MNGON GYUR NYAMS SMOD PA'AM SPONG BA RAGS PA SNGON LA 'JOMS PA DANG PHRA BA RJES SU NYAMS SMOD PA DANG, GNYIS KA'I SA BON GCIG CHAR SPONG BA SHES PHYIR PHYI MA GNYIS GNYEN PO THOB PA BAR CHAD MED LAM GYI SKABS LA SBYAR CES PA YIN TE, RNAM BSHAD LAS, GZUNG RTOG DANG 'DZIN RTOG DANG PO GNYIS SBYOR BA NYER BSDOGS KYI LAM GYIS SPONG BAR BSHAD PA YANG MNGON GYUR LA LTOS NA DE GNYIS CUNG ZAD SPONG SLA BAS DE LTAR RNAM PAR BZHAG PA YIN GYI, MTHONG LAM RTZE SBYOR NYID LA RNAM GROL LAM GYI SNGON DU SA BON SPONG BA'I GNYEN PO RIM PA GNYIS STON PA MA YIN NO, ,ZHES DANG, GZUNG RTOG DANG PO LA MTHONG BA'I LAM GYI SBYOR BA'I GNAS SKABS KYI SPANG BAR BYA BAR BZHED PA YIN TE, DE SKYE BA LA GEGS BYED KYI RTOG PA YIN PA'I PHYIR, ZHES DANG, GNYIS PA LA, BAR CHAD MED LAM GYI GNAS SKABS KYI SPANG BAR BYA BAR BZHED PA YIN TE, DES KHYOD KYI SA BON 'JOMS PA'I PHYIR, ZHES MNGON GYUR DANG SA BON GYI GNYEN PO SO SOR SBYAR BA'I PHYIR, SDAR GYI RNAM BSHAD KYI DON YANG SPANG BYA MNGON GYUR 'JOMS DKA' SLA'I DBANG GIS GNYEN PO'I MING SO SOR BSHAD PA TZAM YIN LA RTOG PA BZHI KA'I SA BON DNGOS SU MTHONG LAM BAR CHAD MED LAM NYID KYIS GCIG CHAR SPONG BA YIN GYI, KHA CIG LTAR SBYOR BA'I LAM DANG BAR CHAD MED LAM GYIS RIM CAN DU MIN ZHES PA YIN GYI @022A *, ,SBYOR BA DANG DNGOS GZHI GNYIS KA LA BAR CHAD MED KHAM GCIG BU 'JOG PA'I DON MIN SNYAM YANG, 'DI LA RANG RES YIG CHAR GSAL KHA MED PAS DPYAD, ` RNAM MKHYEN GYI DNGOS RGYUR GYUR BA'I LAM LNGA KA 'JOG DGOS PAS RNAM MKHYEN DNGOS SU THOB BYED KYI LAM LNGA KA YOD MED DANG RANG 'BRAS BYANG CHEN DNGOS SU 'BYIN PA'I LAM LNGA KA YOD MED SOGS YOD DO, ,SPYIR BAR CHAD MED PA'I RTZE SBYOR YIN NA, SGOM LAM RTZE SBYOR YIN PAS KHYAB KYANG 'DIR DNGOS SU BSTAN PA'I SGOM LAM RTZE SBYOR DANG, BAR CHAD MED RTZE 'GAL BA YIN TE, RNAM BSHAD LAS, YANG NA SGOM LAM RTZE MO'I SKABS NAS BSHAD PA RNAMS NI RTOG PA'I SA BON DANG BCAS PA YIN LA BAR CHAD MED RTZA'I DUS NAS SA BON CUNG ZAD KYANG MED PAS KHYAD PAR SHIN TU CHE, ZHES GSUNGS PA'I PHYIR, RNAM MKHYEN GYI 'BRAS BUR GYUR PA'I BAR CHAD MED RTZE DE RANG RGYUD LDAN GYI RGYUD LA RNAM MKHYEN DNGOS SU SKYED BYED DANG, RANG 'BRAS RNAM MKHYEN SKYED BYED YIN NO, ,DE LA DE SANGS 'PHAGS KYI RGYUD LA RNAM MKHYEN SKYED BYED YIN MIN SOGS YOD DO, ,KHO NA RE, RGYUN MTHA'I BAR CHAD MED LAM SKAD CIG DANG PO CHOS CAN, RANG RGYUD LDAN GYI RGYUD LA RNAM MKHYEN DNGOS SU SKYED BYED MA YIN PAR THAL, YIG CHAR, RANG RGYUD LDAN GYI RGYUD LA RNAM MKHYEN DNGOS SU SKYED PAR THAL, DE'I CHA NAS BZHAG PA'I PHYIR NA MA KHYAB, CES GSUNGS @022B PA'I PHYIR, 'DOD NA, DE CHOS CAN, KHYOD RNAM MKHYEN GYI DNGOS RGYU MA YIN PAR THAL, 'DOD PA'I PHYIR, 'DI RGYUN MTHA'I BAR CHAD MED LAM KHO RANG GI SKAD CIG GNYIS PA SOGS KYIS BAR DU CHOD PAS YIN NAM SNYAM STE, DE LA SKAD CIG GSUM MAM SKAD CIG RE LNGAR PHYE BA'I SKAD CIG DANG PO DE DE'I SKAD CIG GSUM PA SOGS KYI BRGYUD RGYU YIN PA'I PHYIR TE, DE DAG RIM CAR KHO NAR GRUB PA'I PHYIR, RGYUN MTHA'I BAR CHAD MED LAM SKAD CIG DANG PO LDAN MIN YIN ZER DGOS TE, YIG CHAR, RGYUN MTHA'I BAR CHAD MED LAM SKAD CIG DANG PO RGYUN MTHA'I BAR CHAD MED LAM DU THAL LO, ,ZHES DE LAM MA YIN PAR GSUNGS PA'I PHYIR DANG, RIGS PAS 'GRUB STE, DE'I RGYUD LA BAR CHAD MED LAM GSUM BAR MA CHAD PAR SKYES PAR THAL BA SOGS SO, ,'ON KYANG DE RTOGS PA'I BSTAN PA DANG DGE BA YIN ZER DGOS PA DE'I SA BON DANG 'DRA'O, ,YIG CHAR, DUS KYI CHA MED KYI SKAD CIG MA MI SRID PA'I PHYIR ZHES SOGS GZHAN DU BSHAD ZIN TO, ~ ,'DIR LOG RTOG BCU DRUG TU BYAS PA GDUL BYA NYE BA'I BSAM PAS YIN LA, BCU DRUG GI GRAGS 'DREN TSUL, GSER PHRENG LAS, RGYAN SNANG DU SPANG GNYEN GNYIS SO SOR MDZAD PA NYID RTZA BA'I DGONGS PA'O, , ZHES GSUNGS LA, RNAM BSHAD LAS RTZOD PA GNYIS DANG 'DI GNYIS SO SOR BSHAD PAR BYA BA YIN PAS SLOB DPON GYIS GNYIS, ZHES SMOS SO, ,ZHES GSUNGS PAS DBYE TSUL GNYIS YOD KYANG, YIG CHAR, 'GREL CHUNG PHYI @023A *, ,RTZOM YIN PAS, 'GREL CHEN GYIS MTHON PA SKU BZHI SOGS MANG PO BSHAD PAS 'DI DBANG BTZAN DGOS PA'I PHYIR, ZHES GSUNGS PAS BDEN GNYIS SO SOR 'DREN DGOS SO, ,DPAL LDAN PAS, RNAM BSHAD LAS DE LTAR BSHAD PA DE 'GREL CHUNG GI DGONGS PA YIN MIN DPYAD BYAR SNANG STE ZHES, DE 'GREL CHUNG GI DON MIN PAR, GSER PHRENG LAS, GRAGS CHA DANG RGYAN SNANG MA GTOGS 'GREL BA GZHAN DU GSAL BAR BYAS PA MED PAR GSUNGS PA DANG, SPANG GNYEN LA DAG SGRA SBYAR BAS BKAG KYANG, DE NI RGYAN SNANG LAS, LOG PAR RTOG PA BCU GSUM DANG BCU BZHI PA GNYIS KYI DON NI ZHES PA LTA BU'I GRANGS GSUNGS MED PA'I DON YIN GYI, 'GREL BA'I GNYIS DANG ZHES PAS GNYIS SU BSTAN TE, SPANG GNYEN LA GNYIS MA GSUNGS PA'I PHYIR DANG, DAG SGRA MANG PO LA 'JUG PA YOD PA'I PHYIR DANG, BU NYA SOGS KYIS BDEN GNYIS KYI SKABS SU DE GNYIS KYI MTHA' DPYAD PA LTAR, GSER PHRENG DU YANG GSUNGS PA'I DGOS PA YANG KLAN KA 'DI GNYIS GZHAN RNAMS KYI RTZA BA YIN PAS YIN NO, ,ZHES NA RNAM BSHAD LAS, SPANG GNYEN GYI DBYE BA MI 'THAD PA ZHES GSUNGS PA'I PHYIR DANG, GZHI'I GNAS LUGS KUN RDZOB DANG DON DAM BDEN PA MI 'THAD PA ZHES SBYAR BA'I PHYIR, TSIG TZAM GYI RJES SU MI 'BRAD BAR SKABS DON BTZAL DGOS SO, ,RJE BTZUN PA DANG, BSOD GRAGS PA SOGS BDEN GNYIS NGO BO GCIG TU 'DU MI RUNG BAR 'DZIN PA'I SA BON DANG MNGON GYUR GANG RUNG @023B GIS BSDUS PA 'DIR BSTAN BSAL BYA LOG SGRUB KYI MTSAN NYID DU BZHAG NAS DE LA LOG SHES DGOS LA, DES KUN NAS BSLANG PA'I KLAN KA'AM SUN 'BYIN BCU DRUG MDO DANG RTZA BA'I SHUGS BSTAN DANG SNGA MA DNGOS BSTAN ZER RO, ,YIG CHAR, 'DIR BSTAN KLAN KA BCU DRUG GSAL BYA LOG SGRUB YIN PAR, RTZA BAR, RAB TU SMRA RNAMS RGYUD MAR RGOL, ,ZHES PA RTZA 'GREL GYIS SGRUB PA NI, 'DIR LOG SGRUB MDOR BSTAN TSE KLAN KA GSUNGS SHING RGYAS BSHAD DU SMRA BA RNAMS KYI LOG PA, ZHES GSUNGS LA, 'GREL BAR BCU DRUG PO LA KLAN KA BKOD NAS SEL BYED, DE BAS NA ZHES SOGS LAN GSUNGS PA'I PHYIR RO, ,GTZO BO BLO YIN LA DE LA MA RTOGS LOG THE TSOM GSUM YOD PAR 'GREL BA'I ZIN BRIS LAS GSUNGS SO, ,YIG CHAR, DE DGU CHOS CAN ZHES PA DE DAG CHOS CAN ZHES PA YIN NO, ,BU tIK TU, BCU PA LA BDEN PA GNYIS KA'I LAN DANG, BCU GNYIS PA LA YANG LOG GI KUN RDZOB GNYIS KYI LAN DANG, DANG PO GSUM PA BZHI PA LNGA PA DRUG PA MA GTOGS PA RNAMS LA KUN RDZOB KYI LAN BYED PA, GSER GLING PA'I LUGS SU BYED PA MI 'THAD PAR, GSER PHRENG LAS, RTOGS DKAR DGU PA LA BDEN PA GNYIS KA DANG, BCU GCIG PA LA KUN RDZOB YANG LOG GNYIS SU PHYE BA DANG, GZHAN THAMS CAD LA KUN RDZOB KYI LAN 'DOD SA PAR BZHED PA, ZHES PA LTAR LA, BYANG SEMS KYI THABS MKHAS MI 'THAD PAR THAL, SBYIN SOGS KYI 'KHOR GSUM MI DMIGS PAR GSUNGS PA'I PHYIR, ZHES PAR KUN @024A *, ,RDZOB TU KHYAB PA MA GRUB LA, DON DAM DU 'DOD CES KUN RDZOB RIGS MTHUN YIN KYANG, BDEN GNYIS KYI LAN BYED PA BZHIN GZHAN LA DE BYAS CHOG PA'I PHYIR, SPYIR LAN BYED TSUL GSER PHRENG DU, DON DAM RIGS MI MTHUN LA KUN RDZOB DANG, KUN RDZOB RIGS MI MTHUN LA DON DAM DANG, KUN RDZOB RIGS MTHUN LA KUN RDZOB DANG, DON DAM RIGS MTHUN LA DON DAM GYI LAN BYED DGOS PAR GSUNGS KYANG, KHYAB PA MA NGES PAR RNAM BSHAD LTAR GSUNGS SO, ,GSER PHRENG LAS, 'GREL BAR BSHAD PA RNAMS LA DGU PA DANG BCU BA DANG BCU GNYIS PA DANG GSUM NI KUN RDZOB RIGS MTHUN YIN LA, GZHAN RNAMS DON DAM DANG KUN RDZOB RIGS MI MTHUN GNYIS KA STE, THAL BA'I RJES 'GRO DANG LDOG PA GNYIS DANG RIM BZHIN NO, ,ZHES PA'I DGU PA GONG DU BKOD PA DANG, BCU PA DE BZHIN GSHEGS PA'I MNGON RTOGS MI 'THAD PAR THAL, DNGOS PO DNGOS MED MTHA' BZHI GANG DU RTOGS MI NUS PA'I PHYIR, ZHES DANG, BCU GNYIS PA BYANG SEMS KYIS LAM GSUM BSGOM PA MI 'THAD PAR THAL, DE'I 'BRAS BU NYAN RANG GI BYANG CHUB MNGON DU MI BYED PA'I PHYIR, ZHES PA GSUM LA KUN RDZOB TU KHYAB PA MA GRUB PA'I LAN DANG, GZHAN PAR RTZE MO'I DMIGS PA MI 'THAD PAR THAL, 'DUS BYAS DANG 'DUS MA BYAS KYI KHAMS DAG BDEN DNGOS MED PA'I PHYIR, ZHES SOGS RJES 'GRO DON DAM SGO CAN YIN PAS KUN RDZOB TU KHYAB PA MA GRUB PA DANG, LDOG 'GRO CHOS THAMS CAD DON DAM @024B PAR YOD PAR THAL, RNAM MKHYEN GYI DMIGS PA YOD PA'I PHYIR, ZHES PA KUN RDZOB SGO CAN TE GNYIS RE YOD PAR GSUNGS PA GZHAN LA RIGS 'DRA'O, ,SNGA MA LA BDEN PA DNGOS SU MA SBYAR BAR DNGOS PO MED PA'I PHYIR, ZHES PA YANG DON DAM SGO CAN YIN YANG BKOD TSOD LTAR RTAGS MA GRUB KYI LAN BYAS PA YIN SNYAM STE, RNAM BSHAD LAS, DMIGS PA'I NGO BO NYID SPROS BRAL DU NGES BZUNG BA'I RNAM PA MI 'THAD PAR THAL, CHOS KUN RNAM PA THAMS CAD DU RANG BZHIN MED PA'I PHYIR, 'DI YANG DON DAM SGO RAN GYI KLAN KA YIN ZHING RTAGS MA GRUB PA'I LAN GDAB PAR BYA LA, NAS, RTAGS LA DON DAM GYI KHYAD PAR DNGOS SU SBYAR NAS RTZOD NA KHYAB PA MA GRUB PA'I LAN NO, ,ZHES DANG, SA BON RANG GI NGOS NAS MYUR GU SKYED PA MI 'THAD PAR THAL, SA BON GYIS MYU GU SKYED PA BLO'I SNANG BA'I DBANG GIS BZHAG PA TZAM DU ZAD PA'I PHYIR, CES BA DON DAM SGO CAN GYI KLAN KA YIN YANG, KHYAB PA MA GRUB PA'I LAN RIGS KYI, ZHES GSUNGS PAS, DON DAM SGO CAN GYI KLAN KA LA, DON DAM TSIG LA THON MI DGOS LA DON DBU MA PA'I DON DAM GANG RIGS LA 'BAB PA'I CHOG PA DE DAG GI SHES SO, ,DES NA DPAL LDAN PA'I 'DI DAG GZHAN DU BSHAD PA'AM DON MIN TE YIG CHA 'DIR YANG KLAN KA PHYI MA RNAM BSHAD LTAR BKOD PAS CHAD PA MIN NO, ,YIG CHAR, DBU MA PA'I KHAS BLANGS KYI DON DAM GANG RIGS RTAGS SU BKOD PAS ZHES PA DE DANG 'DRA LA YANG DGONGS SO, ,RNAM BSHAD DU @025A *, ,GSER PHRENG GI TSIG LA MTHON PA'I DON DAM DANG KUN RDZOB SGO CAN GYI KLAN KA DANG LAN BYED TSUL RANG RGYUD PA'I BDEN GNYIS KYI SGO NAS LAN BYED TSUL DNGOS SU GSUNGS NAS THAL 'GYUR BA'I LUGS ZHAL 'PHANG MDZAD PA SOGS NI, PHYIS RJE BTZUN LA SHER PHYIN GSAN PA'I 'BRAS RTAGS SO, ,SMRAS PA, MKHYEN GSUM RNAM KUN SGOM LA DBANG THOB STE, ,RTZE MO BDUN GYI RVA BA'I RTZER PHYIN NAS, ,MTHONG SGOM RTOG PA'I CHU MTSO LAS BRGAL TE, ,SKU GSUM LHA DBANG GDAN LA SPYOD PA'I TSUL, ,RGYA BOD MKHAS DBANG 'GA' YIS MTHON PA, ,RGYAL BA GNYIS PA'I DGONGS PA JI BZHIN DU, ,'JAM DBYANGS BLA MA'I LEGS BSHAD 'ONG STONG GIS, ,GSAL BAR BYAS TSUL 'DIS NI MKHAS RNAMS MCHOD, ,CES SHES RAB KYI PHA ROL TU PHYIN PA'I MTHA' DPYOD NOR BU'I 'PHRENG MDZES LAS SKABS LNGA PA'I DKA' GNAS RNAMS CUNG ZAD BKROL ZON TO,, ,,