*, ,'JAM DBYANGS BLA MA MCHOG GI PHAR PHYIN MTHA' DPYOD RIN CHEN
SGRON ME KYI DGONGS DON GSAL BAR BYED PA SKAL BZANG 'JUG NGOGS
LAS SKABS DRUG PA DANG BDUN PA ZHES BYA BA BZHUGS SO, ,

@001A #, ,RGYAL SRAS LAM KUN BGROD PA'I THOG MA'I BSHES, ,'JAM
PA'I DBYANGS KYIS BRTZE BAS RJES BZUNG STE, ,RGYAL SRAS KUN GYI
LAM RNAMS MTHAR CHAGS SU, ,BGROD PA'I TSUL RNAMS

'BYED PA'I SHES RAB STZOL, ,MDO LAS MTHAR GYIS BYA BA MTHAR GYIS
SLOB PA MTHAR GYIS SBYOR BA GSUM GSUNGS PA, NYI SNANG LAS, TSOGS
LAM SBYOR LAM 'PHAGS LAM GSUM LA SBYOR BA GTZO BO

YIN GYI MTHAR SBYOR YIN NA, GSUM GA YIN PAS KHYAB PA, RTZA BAR,
MTHAR GYIS PA YI BYA BAR BZHED, CES PAS 'GRUB PO, ,YIG CHAR, SA
BRGYAD PA'I BAR CHAD MED LAM CHOS CAN, NAS, GZHI SHES KYI RNAM

PA SGOM PAR THAL, MKHYEN GSUM GYI RNAM PA SGOM PA'I PHYIR, ZHES
PA MKHYEN GSUM GYI RNAM PA RIM CAN DU SGOM PA'I SBYOR BA YIN NA
GZHI SHES KYI RNAM PA SGOM PAS KHYAB CES PA YIN GYI SBYIR MKHYEN
GSUM GYI RNAM

@002A #, ,PA SGOM NA, GZHI SHES KYI RNAM PA SGOM PAS MA KHYAB
STE, MKHYEN GSUM GYI RNAM PA BSDUS NAS SGOM PA'I RNAM RDZOGS
SBYOR BA LA THEG CHEN RTOGS RIGS YOD PA'I PHYIR DANG, SKABS

DANG PO'I MTHA' DPYOD LAS, BYANG SEMS KYI TSOGS LAM DE BRGYAD
KA'I NYAMS LEN MA YIN PA'I PHYIR, MA GRUB NA, DE CHOS CAN, GZHI
SHES KYI NYAMS LEN YIN PAR THAL, MKHYEN GSUM KYI

NYAMS LEN YIN PA'I PHYIR NA MA KHYAB, 'DOD NA, GZHI SHES GTZO
BOR NYAMS SU LEN PAR THAL LO, ,ZHES GSUNGS PA'I PHYIR, MTHAR
GYIS SBYOR BAS MKHYEN GSUM GYI RNAM PA BRGYA DON GSUM

RIM CAN DU BSGOM KYANG DE LTAR DU SGOM PA'I BLO MIN TE, DE LA DE
YIN MIN GNYIS YOD PA'I PHYIR, DES NA MKHYEN GSUM GYI RNAM PA
BRGYA DON GSUM RIM CAN DU SGOM PA'I SBYOR BA'I YIN PA MED DE,
YOD

@002B NA DE GZHI SHES KYI RNAM PA NYER BDUN SGOM PA'I SBYOR BA
YIN PAS THEG DMAN RTOGS RIGS SU 'GYUR BA'I PHYIR, MKHYEN GSUM
GYI RNAM PA BRGYA DON GSUM SGOM PA'I SBYOR BA'I YIN PA YOD DE,
MKHYEN GSUM GYI RNAM PA BRGYA

DON GSUM RTOGS PA'I SBYOR BA'I YIN PA YOD PA'I PHYIR TE, DE
'DZIN PA'I RTOG PA'I YIN PA YOD PA'I PHYIR, 'BRING DU DBYE BA
LAM GYI MTHAR GYIS PA DRUG NI PHAR PHYIN DRUG LA 'JOG PAS MTHAR
SPYOD THAMS CAD 'JOG LA,

LAM KHYAD PAR DU BYED PA'I MTHAR SBYOR RJES DRAN DRUG NI, RNAM
BSHAD LAS, RJES KYI SKABS SU DKON MCHOG GSUM RJES SU DRAN PA
DANG, GTONG SEMS SPEL BA DANG, SPONG BA'I SEMS PA LA DMIGS PA
SOGS SO, ,

ZHES PA LTAR RTEN DKON MCHOG GSUM GYI YON TAN DRAN PA'I BLO DANG
MI MTHUN PHYOGS RNAMS BSRUNG BA'I TSUL KHRIMS DANG, CHOS DANG
ZING ZING GTONG BA'I SEMS DANG, DPANG PO SANGS RGYAS BYANG SEMS
DANG 'JIG RTEN PA'I LHA SOGS

DRAN PA'I SBYOR BA DANG, LAM DAG BYED KYI MTHAR SBYOR CHOS THAMS
CAD BDEN MED DU RTOGS PA'I DNGOS MED NGO BO NYID KYI SBYOR BA
STE BCU GSUM DU BYAS SO, ,GSER PHRENG LAS, TSOGS LAM NAS RGYUN
MTHA'I PAR YOD GSUNGS

PA, BU tIKA LAS, RGYUN MTHA' NA 'ANG YOD PAR BZHED PAR MNGON TE,
'PHAGS PAS RNAM MKHYEN NYID YONGS SU RDZOGS PA'I BAR GYIS NI
SGOM PA'I LAM YIN TE, ZHES PA BKOD KYANG GSER PHRENG GI RANG
LUGS MIN TE,

@003A *, ,BDUN PA'I MTSAMS SBYAR DU MTHAR GYIS PA'I 'OG TU SKAD
CIG MA GCIG PA'I TSE MNGON DU GYUR PAR, NAS, DE LTAR NUS PA'I
RGYU MTSAN NI GRANGS MED GSUM DU RIM SGOM SHIN TU GOMS PAR

BYAS PA'I PHYIR RO, ,ZHES MTHAR SBYOR MTHAR PHYIN PA'I RJES SU
SKAD CIG SBYOR SKYES PAR GSUNGS PA'I PHYIR RO, ,YIG CHA'I, 'DREN
TSUL LTAR NA RGYUN MTHA'I SNGA LOG PAR MTHA' DPYOD LA DGONGS PA
'GREL

DGOS SO, ,RTZA RTAGS GSUM PA GRUB STE, ZHES PA GNYIS PA ZER DGOS
SO, ,DE BZHIN DU MTSAN DPE SOGS DANG ZHES PA'I DANG SGRA CHAD PA
YIN TE DE SANGS RGYAS RJES SU DRAN TSUL LNGA'I GNYIS PA YIN PA'I
PHYIR, DE DAG

GI DON MTSAN 'GREL DU BSHAD ZIN TO,, ,,SMRAS PA, MKHYEN GSUM
RNAM PA MTHAR GYIS SGOM PA'I TSUL, ,YUM DON 'PHAGS SENG DGONGS
PA JI BZHIN DU, ,'JAM DBYANGS BLA MAS

LEGS PAR BKRAL BA YI, ,DKA' GNAD CUNG ZAD LEGS PAR BYAS ZIN TO,
,ZHES SHES RAB KYI PHA ROL TU PHYIN PA'I MTHA' DPYOD NOR BU'I
PHRENG MDZES LAS SKABS DRUG PA'I DKA' GNAS CUNG ZAD BKROD ZIN
TO,, ,,