@001A *, ,RGYAL KUN SHES RAB GCIG BSDUS MKHYEN PA'I GTER, ,GZUGS
SKU'I BKOD PA RGYA MTSOS 'GRO BA RNAMS, ,SKYONGS MDZAD BLA MA
MCHOG LA GSOL 'DEBS KYIS, ,YUM DON SGO BRGYA 'BYED PA'I SNANG BA
STZOL, ,RNAM BSHAD LAS,

SKAD CIG SBYOR SGOM PA'I SKABS SU, JI LTAR SKYES BU'I ZO CHUN
RGYUD, CES PA'I DPE LTAR NA, ZAG MED GYI CHOS GCIG MNGON SUM DU
GYUR PA NA LHAG MA RNAMS LA SGRIM MI DGOS PAR DKYUS GCIG LA GO
RIM MA 'CHOL BAR MNGON SUM DU 'GYUR BA'O,,

DE RGYUN MTHA'I SBYOR BA'I LAM GYI TSE YIN LA, ZHES PAR BRTEN
NAS RJE BTZUN PA DANG BSOD GRAGS PAS MKHYEN GSUM GYI RNAM PA
BRGYA DON GSUM DKYUS THOGS GCIG LA GO RIM NGES CAN DU RIM GYIS
SGOM PA'I SA BCU PA'I YE SHES DE SKAD CIG SBYOR DU BYAS

NAS DE RGYUN MTHA'I SBYOR BA'I LAM DU BZHAG PA, YIG CHAR, 'GREL
BA NYI SNANG GSER PHRENG RNAM BSHAD RNAMS KYIS DE LA SEMS DPA'I
RNAL 'BYOR MTHAR THUG DGOS PAR GSUNGS PAS BKAG CING, RNAM BSHAD
KYI LUNG DES DE 'DRA'I SA BCU

PA'I YE SHES MTHAR SBYOR DANG RGYUN MTHA'I SBYOR BA'I SKABS YIN
PAR GSUNGS KYI, DE SKAD CIG SBYOR DU MA BSTAN PAR GSUNGS PA'I
PHYIR, ROL MTSO LAS, SKAD CIG SBYOR GYI MTSAN NYID LA SEMS DPA'I
RNAL 'BYOR MTHAR THUG SBYAR ZHING, MTHA' DPYOD LAS, RGYUN MTHA'I
BAR CHAD MED LAM SKAD CIG DANG PO CHOS CAN, SEMS DPA'I RNAL
'BYOR MTHAR THUG YIN PAR THAL, SKAD CIG MA'I SBYOR BA YIN PA'I
PHYIR, 'DOD NA, DE CHOS CAN, KHYOD LAS KHYAD PAR DU 'PHAGS PA'I
SEMS DPA'I RNAL

@002A *, ,'BYOR MED PAR THAL LO, ,'DOD MI NUS TE, RGYUN MTHA'I
BAR CHAD MED LAM SKAD CIG GNYIS PA YOD PA'I PHYIR, KHYAB PA
KHAS, ZHES DE LA SEMS DPA'I RNAL 'BYOR MTHAR THUG GIS MA KHYAB
PAR GSUNGS LA,

BSOD GRAGS PA'I MTHA' DPYOD LAS, KHO NA RE, SEMS DPA'I RNAL
'BYOR MTHAR THUG SKAD CIG DANG PO CHOS CAN, KHYOD LAS LHAG PA'I
SEMS DPA'I RNAL 'BYOR MED PAR THAL, KHYOD SEMS DPA'I RNAL 'BYOR
MTHAR THUG YIN PA'I PHYIR,

'DOD NA, DE YOD PAR THAL, SEMS DPA'I RNAL 'BYOR MTHAR THUG SKAD
CIG GNYIS PA DE, KHYOD LAS MCHOG TU GYUR PA'I SEMS DPA'I RNAL
'BYOR YIN PA'I PHYIR NA MA GRUB STE, RNAM MKHYEN SKAD CIG GNYIS
PA DE RNAM MKHYEN SKAD CIG

DANG PO LAS MCHOG TU GYUR PA'I CHOS SKU MA YIN PA'I PHYIR, ZHES
GSUNGS LA, YIG CHAR YANG, RGYUN MTHA'I BAR CHAD MED LAM SKAD CIG
SNGA PHYI BAR GSUM 'THAD KYANG, SKAD CIG PHYI MA SNGA MA LAS
KHYAD PAR 'PHAGS PA MA YIN PA'I PHYIR, ZHES

GSUNGS PA'I PHYIR DANG, DE GNYIS RGYUD LDAN GYI GANG ZAG YIN
KHYAB MNYAM YIN PA'I PHYIR, SKABS LNGA PA'I MTHA' DPYOD LAS,
RGYUN MTHA'I BAR CHAD MED LAM SKAD CIG DANG PO RGYUN MTHA'I BAR
CHAD MED LAM DU THAL LO, ,'DOD PA'I

PHYIR, 'DOD NA, DE SKAD CIG DANG PO KHO NAS NGOS SKAL GYI SPANG
BYA SPONG THUB PAR THAL LO, ,ZHES PAS, DE SEMS DPA'I RNAL 'BYOR
DU 'DOD PA'ANG BKAG GO ,YIG CHAR, MKHYEN GSUM GYI RNAM PA LA
BRTAN PA MA THOB PA'I LAM

@002B MA YIN PAR THAL, MTHAR GYIS SBYOR BA YIN PA'I PHYIR, RNAM
BSHAD LAS, BRTAN PA THOB DON DU SGOM PA MTHAR GYIS PA'O, ,ZHES
GSUNGS PA'I PHYIR, GSUNGS PAS DRUG PA'I MTHA' DPYOD LAS, BYANG
SEMS SGOM LAM PA'I

MTHAR GYIS SBYOR BA CHOS CAN, NAS, MKHYEN GSUM GYI RNAM PA LA
BRTAN PA MA THOB PAR THAL, 'DOD PA'I PHYIR, 'DOD MI NUS TE, DE
LA BRTEN PA THOB ZIN PA'I PHYIR, ZHES PA PHYOGS SNGA'I KHAS LEN
GYIS YIN TE, 'KHOR

GSUM ZHES GSUNGS PA'I PHYIR, ZAG MED KYI SBYIN PA NAS DPE BYAD
BRGYAD CU'I BAR GYI ZAG MED GYI CHOS MTHA' DAG BYA RDZOGS KYI
THUNG MTHA'I SKAD CIG MA GCIG LA GCIG CAR DU SGOM NUS PA DE
BRTAN PA THOB TSAD YIN PA, RTZA BAR,

JI LTAR SKYES BUM ZO CHUN RGYUD, CES PA'I DPE YIS SHES YANG YIG
CHAR, BRTAN PA THOB PA'I TSAD YANG DE YIN PA'I PHYIR, ZHES
GSUNGS SO, ,RGYUN MTHA'I SNGA LOG MAN NA DE DAG CIG CAR DU SGOM
NUS PA MED PAS, YIG CHAR,

MTHAR SBYOR GYI MTSAN NYID LA MKHYEN GSUM GANG RUNG GI RNAM PA
GO RIM NGES CAN DU NYAMS SU LEN PA'I CHA NAS BZHAG PA'I GSUNGS
LA, CHA BZHAG GIS NYAMS SU MI LEN PA'I THOS BYUNG BSDU'O, ,DON
BDUN CUR, MKHYEN GSUM

GYI RNAM PA RIM CAN DU SGOM PA'I SHES RAB KYIS ZIN PA'I SEMS
DPA'I RNAM 'BYOR BZHAG PA, YIG CHA GZHAN LTAR RAM, GO THOB YIN
GYI SPYIR MA KHYAB STE, MTHAR GYIS SBYOR BAS ZIN PA'I SKAD CIG
SBYOR YOD PA'I PHYIR TE, SA BCU

@003A *, ,THOG MA'I YE SHES KYIS ZIN PA'I RGYUN MTHA'I YE SHES
YOD PA'I PHYIR, DER THAL, DE'I SHUGS DNGOS SU 'JUG PA'I RGYUN
MTHA'I YE SHES YOD PA'I PHYIR, YIG CHA GZHAN GYIS, BYA RDZOGS
KYI SKAD CIG MA'I

THUNG MTHA' GCIG LA MKHYEN GSUM GYI RNAM PA BRGYA DON GSUM RIM
GYIS DNGOS YUL DU BYED PA'I SEMS DPA'I RNAL 'BYOR BZHAG PA, YE
SHES GCIG GIS DNGOS YUL DU BYED NA YE SHES DE SKAD CIG MA GCIG
LA THEG PA GSUM GYI RTOGS

RIGS SU RIM GYIS 'GYUR BAR THAL BA SOGS DANG, YE SHES THA DAD PA
BRGYA DON GSUM SKYE NA DE 'DRA'I SKAD CIG GCIG GI YUN LA RIM
GYIS SKYES KHOM YOD PAR THAL LO, ,RNAM BSHAD LAS, BYA RDZOGS KYI
SKAD CIG MA'I THUNG MTHA'O,,

ZHES PA SKAD CIG SBYOR GYI YUN TSAD DANG LHAG MA RNAMS LA SGRIM
MI DGOS PAR DKYUS GCIG LA GO RIM MA 'CHOL BAR MNGON SUM DU 'GYUR
BA'O, ,ZHES PA DKYUS GCIG YIN GYI SKAD CIG GCIG MIN NO, ,DE
BZHIN DU BSOD GRAGS PAS,

SKABS DRUG PA'I BSTAN BYA'I GTZO BOR GYUR BA'I MTHAR SBYOR BYANG
SEMS SBYOR LAM DROD 'BRING NAS BZHAG PA'ANG, GSER PHRENG LAS
SLOB DPON LTAR NA RTZE MO THOB NAS SGOM PAR MNGON YANG, DE SBYOR
BA RNAMS KYI GO RIM 'CHAD

PA'I YAN LAG TZAM DU DGONGS PA BRTAGS NUS SHING, ZHES PA DANG
'GAL BAR GSUNGS SO, ,LAM BSGRIGS LAS, SKAD CIG SBYOR LA SBYOR
BA'I LAM DANG, ZHES PA RGYUN MTHA'I BAR CHAD MED LAM ZIN BYED
KYI RGYUN MTHA'I

@003B YE SHES LA SBYOR BAR BZHAG PA YIN NO, ,'GREL BAR, STON
KA'I ZLA BA'I 'OD BZHIN DU DKAR PO'I NGO BO NYID SKYES PA DE'I
TSE, ZHES PAS DES STON ZLA RDUL SOGS DANG BRAL BAS DKAR BAR STON
GYI RGYUN MTHA'I BAR CHAD MED LAM BDEN

'DZIN SOGS DANG BRAL BAR STON PA MIN TE, DE SNGAR MI MTHUN PA'I
PHYOGS THAMS CAD DANG BRAL NA ZHES PAS BSTAN PA'I PHYIR, DES NA
RTOGS DKAR GZUNG BA LA SOGS PA'I LTA BA SPANGS PAS STON KA'I ZLA
BA'I 'OD BZHIN DU ZER BA,

GSER PHRENG LAS, RTOGS DKAR 'DI LA GZUNG BA LA SOGS PAR LTA BA'I
DRI MA SPANGS PAS ZHES ZER BA NI MI LEGS TE, ZLOS PAR 'GYUR
ZHING RGYAN SNANG DANG 'GAL BAS SO, ,ZHES ZLOS TSUL SNGAR LTAR
LA RGYAN SNANG DU NAG NOG THAMS

CAD DANG BRAL BAS STON KA'I ZLA BA'I 'OD ZER BA BZHIN DU ZHES
ZLA BA'I SGRIB GA-YOGS LA SBYAR BA DANG, 'GAL BA'I PHYIR, RJE
BTZUN PA DANG BSOD GRAGS PAS RGYUN MTHA'I YE SHES LA SKAD CIG
SBYOR GYIS KHYAB KYANG, BZHI PO RGYUN MTHA'I

BAR CHAD MED LAM DANG DON GCIG ZER BA, YIG CHAR, DE LA SBYIN PA
NAS DPE BYAD BRGYAD CU'I BAR RTOGS PA'I SKAD CIG SBYOR YOD PAR,
GSER PHRENG LAS, RGYU MTSAN 'DI LTAR NA ZAG MED THAMS CAD KYI
YIN LUGS RTOGS

PA LA MDZAD PA LTAR SNANG YANG, DE TZAM NI SA DANG PO NAS YOD
PAS, CHOS CAN ZAG MED KYI LDOG PA RTOGS PA YANG GZUNG NGO, ZHES
DANG, SKAD CIG MA GCIG LA ZAG MED DE DAG RTOGS PA'I RGYUN MTHA'I
YE SHES NI, SHER PHYIN

@004A *, ,SKAD CIG MA GNYIS PA'I SBYOR BA'I RANG BZHIN YIN TE,
ZHES PA DRANGS NAS, DE LA MNYAM BZHAG YE SHES MI DGOS PAR GSUNGS
SO, ,RNAM SMIN DANG DE MIN PA'I DON LA 'DOD TSUL GSUM LAS, DANG
PO

TSAGS GSAL DUS THOB MA THOB LA BSHAD PA GSER PHRENG LTAR CHOS
NYID LA BYED NA CHOS NYID DBYER MED PAS SA DANG PO'I CHOS NYID
KYANG MA SMIN PAR BZHAG DGOS LA CHOS CAN LA BYED NAS MA THOB PAR
ZAG MED KYI YON TAN MED PAS SO, ,

GNYIS PA RTOGS DKAR PHYI DON GYI RGYUS BYAS PA'I ZAG MED LAM
BDEN MA SMIN PA DANG 'TSANG RGYA BA'I 'BRAS BU STER BAR PHYOGS
PA'I ZAG MED SMIN PAR BYAS PA GSER PHRENG DU ZAG MED LAM BDEN LA
SMIN PA'I DON MED PA'I RGYU MTSAN SMRA

DGOS, ZHES PA, YIG CHAR, DE RNAM PAR SMIN PA DANG RNAM PAR SMIN
PA MA YIN PA'I DON MA YIN PA'I PHYIR, ZHES GONG DU KHA CIG RGYU
RKYEN GYIS 'DU MA BYAS PA'I RNAM PAR SMIN PA MA YIN PA DANG DE
LAS LDOG PA RNAM PAR

SMIN PA DANG ZHES PAS DE'I DON MIN PAR GSUNGS SO, ,GSUM PA BOD
SNGA MA RNAMS SA DANG PO NAS BDUN PA'I BAR GYI SBYIN SOGS RNAM
PAR MA SMIN PA DANG, SA BRGYAD PA YAN GYI DE RNAM PAR SMIN PA
ZER BA, 'DI'I RNAM

PAR SMIN PA MA YIN PA MTSAN DPE SOGS YOD KYANG DE SA BDUN PA MAN
NA MED PAS ZHES GSUM KA BKAG GO ,NYA tIKA LAS, LAS NYON GYI RNAM
SMIN MIN PA'I SANGS RGYAS PA'I ZAG MED CES SBYAR RO, ZHES GSUNGS
PA SPYIR SA BDUN

@004B PA MAN 'BAD RTZOL RAGS PA DANG BCAS PAS RNAM PAR SMIN PA'I
SKABS DANG, SA BRGYAD PA YAN DE DANG BRAL BAS SKABS DER RNAM PAR
SMIN PA ZER BA RNAM PAR SMIN PA'I SEMS BSKYED SOGS KYIS SHES SO,
,SKABS 'DI'I

RNAM PAR SMIN PA YIN MIN NI, GSER PHRENG LAS, DES NA SKAD CIG MA
'DI DAG LDOG PA THA DAD PA TZAM YIN PAS, YUL CAN LA RNAM SMIN
YIN MIN MI RUNG BAS YUL LA BYA ZHING DE YANG GCIG GI YUL GNYIS
KA'I 'ANG YIN PA'I PHYIR,

MDO BSTAN BCOS NAS BSTAN TSOD KYI YUL LA RNAM SMIN DANG DE MIN
GNYIS SU DBYE STE, DANG PO'I YUL NI RANG GI RGYUD LA NUS PA
MTHAR THUG PA MA SMIN PA DANG, PHYI MA NI RANG RGYUD LA DE LTAR
SKYES PA'I GNAS SKABS KYI DBANG DU BYAS NAS BZHAG GO ,ZHES

PA LTAR RANG LUGS LA ZAG MED KYI SBYIN PA NAS MA 'DRES PA'I BAR
GYI CHOS RNAMS NI SA BDUN PA MAN CHAD DU 'BAD RTZOL RAGS PA DANG
BCAS PAS DE DAG SGOM PA'I NUS PA LHUN GRUB MA SMIN PAS RNAM SMIN
MIN PA DANG, SA BRGYAD PA YAN TU

'BAD RTZOL LA RAGS PA DANG BRAL BAS DE DAG SGOM PA'I NUS PA SMIN
PAS RNAM PAR SMIN PA ZHES BYA LA, YUL DE DAG GI RIGS RNAMS SKAD
CIG MA GCIG LA MNGON DU BYED NUS PA'I RGYUN MTHA'I YE SHES LA
RNAM PAR MA SMIN PA DANG RNAM PA SMIN PA'I

? CIG SBYOR ZER RO, ,DES NA 'DI'I YUL RNAM PAR SMIN MA SMIN
GNYIS KYANG YIN KHYAB MNYAM YIN TE, DON BDUN CU MI PHAM ZHAL
LUNG LAS, MDAG SA BDUN DU SGOM GYI NUS PA LHUN 'GRUB MA SMIN PAS
DE'I YUL GYI LDOG CHAS BSTAN

@005A *, ,TE 'PHAGS SENG RJE YAB SRAS BZHI KA'I DGONGS PA YIN
PA'I PHYIR, ZHES DANG, NYI SNANG GI GNAS SKABS LA RNAM BSHAD KYI
SA BDUN PA MAN CHAD RNAM PAR MA SMIN PAR BSHAD PA'I PHYIR DANG,

SHUGS LA SA BRGYAD PA YAN CHAD RNAM PAR SMIN TSUL YANG GO NUS
PA'I PHYIR, ZHES GSUNGS PA'I PHYIR, RTOGS SNANG LAS, SA BDUN PA
MAN CHAD KYI ZAG MED KYI YON TAN RNAMS NI 'BAD RTZOL GYIS BSKYED
PAR BYA BA YIN PA'I

PHYIR, RNAM PAR SMIN PA MIN PA ZHES BYA LA, ZHES RED MDA' PA'I
BZHED PA BKOD PA BSOD GRAGS PA'I SPYI DON DU GSUNGS KYANG, SNGAR
GYI GSER PHRENG SOGS DANG 'GAL LO, ,DPAL LDAN PAS, RNAM BSHAD
KYANG

'DI DANG DGONGS PA MTHUN NO, ,ZHES RTOGS SNANG DANG MTHUN PAR
BSHAD PA, DON BDUN CU'I LUNG DE DAG GIS KHEGS SO,, ,,SMRAS PA,
MTHAR SBYOR SKABS SU JI BZHIN MA NUS PA'I, ,SKAD

CIG GCIG LA LDOG PAS PHYE BA BZHI'I, ,YUL DANG SGOM TSUL 'PHAGS
SENG DGONGS PA BZHIN, ,RGYAL BA GNYIS PAS BKRAL TSUL 'DI NA
GSAL, ,ZHES SHES RAB KYI PHA ROL TU PHYIN PA'I MTHA' DPYOD NOR
BU'I 'PHRENG MDZES KYI

KHA BSKONG SKABS BDUN PA'I MTHA' DPYOD MI PHAM ZHAL LUNG SOGS
KYI DKA' GNAS RNAMS CUNG ZAD BKROL ZIN TO,, ,,