@001A *, ,PHAR PHYIN SPYI DON GSAL BA'I SGRON ME'I SKABS BZHI PA'I ZUR MTSAN RAB GSAL SGRON ME ZHES BYA BA BZHUGS SO, @001B #, ,MKHYEN GSUM BSDUS SGOM GYI DON LA RDOG LO CHEN POS, GZHI SHES KYI RNAM PA NYER BDUN DANG, LAM SHES KYI RNAM PA SO DRUG DANG, RNAM MKHYEN GYI RNAM PA'I NANG NAS RNAM THAR SGO GSUM DANG, BAR CHAD MED LAM BZHI DANG, DE BZHIN NYID KYI RNAM PA STE BDUN CU RTZA GCIG NI DON DAM PA'I RNAM PA DANG, LHAG MA BYANG PHYOGS SO BDUN DANG, RNAM THAR BRGYAD DANG, SNYOMS 'JUG DGU DANG, PHAR PHYIN BCU DANG, STOBS BCU DANG, SO RIG BZHI DANG, MI 'JIGS PA BZHI DANG, CHOS MA 'DRES PA BCO BRGYAD DANG, RANG BYUNG GI RNAM PA DANG, SANGS RGYAS KYI RNAM PA STE BRGYA DANG GNYIS NI KUN RDZOB PA'I RNAM PA YIN LA, DE DAG KYANG SBYOR BA NYI SHU'I DMIGS @002A #, ,RNAM GNYIS SU PHYE BA'I DMIGS PA YIN GYI 'DZIN STANGS KYI RNAM PA MIN NO, ,GZHI SHES LAM SHES KYI STONG BDAG MED BZHI DANG, STONG NYID KYI RNAM THAR TE LNGA NI STONG PA NYID KYI RNAM PA DANG, GZHI SHES LAM SHES KYI 'GOG LAM GYI RNAM PA ZHE GNYIS DANG, MTSAN MED KYI RNAM PAR DANG, 'GOG LAM BAR CHAD MED LAM GNYIS TE ZHE LNGA NI MTSAN MED KYI RNAM PA DANG, GZHI SHES LAM SHES KYI MI RTAG SDUG BSNGAL BZHI DANG, DE GNYIS KYI KUN 'BYUNG GI RNAM PA BCU GNYIS DANG, SMON MED KYI RNAM THAR DANG, KUN 'BYUNG BAR CHAD MED LAM STE BCO BRGYAD NI SMON MED KYI RNAM PA STE, RNAM THAR SGO GSUM SO SO LA DRUG CU RTZA BRGYAD DANG, LAM SHES KYI SDUG BDEN NGO BO NYID MED @002B PA'I RNAM PA DANG, SDUG BSNGAL BAR CHAD MED LAM STE GNYIS NI STONG NYID SMON MED THUN MONG PA DANG, DE BZHIN NYID KYI RNAM PA NI RNAM THAR SGO GSUM GA'I THUN MONG BA STE THUN MONG PA'I RNAM PA GSUM MO; ;SKABS BZHI PA'I BSDUS DON LAS, STONG MTSAN THUN MONG SDUG BSNGAL DNGOS NYID MED, CES PA YIG NOR YIN TE, LAM SGRIG LAS SNGAR LTAR 'BYUNG BA'I PHYIR, DES NA STONG SMON THUN MONG ZHES PA TON NA DAG PAR 'GYUR RO, ,DE LTAR DON DAM PA'I RNAM PA BDUN CU RTZA GCIG NI THUN MONG PA'I RNAM THAR SGO GSUM DU'ANG BSDUS MOD KYANG, BSDUS SGOM GYI DON NI, RNAM PA BRGYA DANG DON GSUM GYI NGO BO RGYU 'BRAS GSUM BDEN PAR MED PA'I SPROS BRAL DU BSDUS NAS BSGOM PA NI, MKHYEN GSUM BSDUS BSGOM GYI DON DU BZHED DO, ,PHAR PHYIN LAM SGRIG LAS, STONG PA NYID KYI RNAM PA LNGA DANG, STONG SMON THUN MONG PA'I PHYED PHYED DANG, DE BZHIN NYID KYI RNAM PA'I GSUM CHA STE BRGYAD LA DMIGS NAS BDEN MED DU BSGOM PA GNAS PA BKAG PA'I SBYOR BA DANG, MTSAN MED RNAM PA ZHE LNGA DANG, DE BZHIN NYID KYI RNAM PA'I GSUM CHA STE, ZHE DRUG LA DMIGS NAS BDEN MED DU BSGOM PA RNAL 'BYOR BKAG PA SBYOR PA DANG, SMON MED KYI RNAM PA @003A *, ,BCO BRGYAD DANG, STONG SMON THUN MONG BA'I PHYED PHYED DANG, DE BZHIN NYID KYI RNAM PA'I GSUM CHA STE NYER GCIG LA DMIGS NAS BDEN MED DU BSGOM PA'I SBYOR PA LA, ZAB DKA' TSAD MED KYI SBYOR BA GSUM DU DBYE BAR BSHAD PA DANG RNAM BSHAD LAS RNAM PA BRGYA DANG DON GSUM GYI NGO BO LA BDEN ZHEN 'GOG PA GNAS PA BKAG PA'I SBYOR PA DANG, YUL CAN LA BDEN ZHEN 'GOG PA RNAL 'BYOR BKAG PA'I SBYOR BA DANG, 'BRAS BU LA BDEN ZHEN 'GOG PA DE LA ZAB DKA' TSAD MED KYI SBYOR BA GSUM DU DBYE BAR BSHAD DO, ,BSHAD TSUL DE GNYIS KA LO CHEN GYIS ZHAL GYIS BZHES PA YIN MIN NI DPYAD BYAR SNANG YANG, YUL PHYOGS 'DIR RDOG LO'I GZHUNG RNYED DKA' BAS KHA TSON GCOD MI NUS SO, ` ,RNAM PA 'DI DAG MDO DU ZHIG GIS BSTAN ZHE NA, GZHI SHES KYI RNAM PA NYER BDUN DANG LAM SHES KYI SO DRUG LA DAM BCA' DANG 'THAD PA'I MDO DE DAG DANG GRANGS MNYAM YOD LA, RNAM MKHYEN GYI RNAM PA SO BDUN LA SDE TSAN BDUN PO RE RE LA RE RE STE MDO BDUN DANG, SO BZHI'I RNAM THAR BRGYAD LA GCIG ,SNYOMS 'JUG DGU LA GCIG ,SPONG LAM LA GCIG ,GZHAN BCU GSUM LA RE RE STE BCU DRUG DANG, SO DGU'I THA MA GSUM LA RE RE GZHAN SDE TSAN BZHI LA RE RE STE MDO BDUN YOD PAS, SPYIR @003B RNAM PA'I MDO DGU BCU RTZA GSUM MO, ` ,GZHI SHES KYI DON RNAM MI RTOG SOGS BZHI NI MDO LAS MED PA DANG, MI SKYE BA DANG, DBEN PA DANG, MI RDZI BA'I SGRAS BSTAN PA'I RGYU MTSAN YOD DE, RIM BZHIN SDUG BDEN RTAG PAR MED PA DANG, SDUG BSNGAL DON DAM PAR MI SKYE BA'AM SKAD CIG GCIG LAS LHAG PAR MI SKYE PA DANG, DON GZHAN GYI BDAG GIS DBEN PA DANG, RANG GI NGO BOR GYUR PA'I BDAG TU 'DZIN PAS MI RDZI BA'I PHYIR DE LTAR GSUNGS SO, ,'DI LA SKABS BZHI BA'I BSDUS DON LAS, BDAG DBEN BDAG GI BA YIS MI RDZI BZHIN, ,ZHIS 'BYUNG BA YI GE NOR RAM SNYAM MO, ,RGYU SOGS BZHI NI GNAS MED PA DANG, NAM MKHA' DANG, BRJOD DU MED PA DANG, MING MED PA BZHIS BSTAN PA'I RGYU MTSAN YOD DE, RGYU NI THA SNYAD DU MING GZUGS SKYED NUS KYANG DON DAM PAR DE SKYED PA'I GNAS MED PA DANG, KUN 'BYUNG THA SNYAD DU SKYE 'GAG GI BYA BA LDAN KYANG DON DAM PAR DE GNYIS MED PAS NAM MKHA' DANG MTSUNGS PA DANG, THA SNYAD DU RAB SKYE SKYED BYED KYI RTOG DPYOD SOGS TSUL MIN YID BYED YOD KYANG DON DAM PAR BRJOD DU MED PA DANG, THA SNYAD DU MING BZHI'I NANG TSAN GYI TSOR BA LAS SKYES PA'I YANG SRID KYI RKYEN SRID PA YOD KYANG DON DAM PAR MING MED PA'I PHYIR DE LTAR GSUNGS SO, ,'GOG PA SOGS BZHI NI 'GRO BA MED PA DANG, MI 'PHROGS PA DANG, MI ZAD PA DANG, SKYE BA MED PA BZHIS BSTAN PA'I RGYU MTSAN YOD DE, 'GOG PA NI SHES RAB KYI LUS KYIS MNGON @004A *, ,DU BYA BA YIN GYI RGYUD GCIG NAS GCIG TU 'GRO BA MED PA DANG, GTAN TU ZHI BA RKYEN GYIS MI 'PHROGS PA DANG, GYA NOM PA'I THAR PA MI ZAD PA DANG, NGES PAR 'BYUNG BA'I MYANG 'DAS SKYE BA MED PA'I PHYIR DE LTAR GSUNGS SO, ,RTOGS DKA'I SNANG BAR YE SHES KYIS MNGON DU BYED DGOS KYI RKANG GIS SONG NAS THOB BYA MIN PAS 'GRO BA MED PAR BSHAD DO, ,MI 'PHROGS PA ZHES PA LA DAG SNYING DU GZUNG DU MED PAR BSGYUR BA BDE'O ZHES GSER PHRENG LAS GSUNGS PA LTAR NA, BLOS YONGS GCOD KYI YUL DU GZUNG DU MED PA'O, ` ,LAM BDEN GYI RNAM PA LA, BLANG DOR BYED PA PO'I GANG ZAG GI BDAG MED PA DANG, YUL SHES PA PO'I GANG ZAG GI BDAG MED PA DANG, GONG MAR 'PHO BA BO'I GANG ZAG GI BDAG MED PA DANG, NYON MONGS 'DUL BA PO'I GANG ZAG GI BDAG MED PAR MNGON SUM DU RTOGS PA'I ZAG MED KYI LAM BZHI NI RIM BZHIN LAM RIGS PA SGRUB PA NGES 'BYIN BZHI YIN PAR GSUNGS SO, ,GZUGS SOGS PHYI ROL GYI DON DU GRUB PA'I NGO BO NYID MED PA RMI LAM LTA BU DANG, GZUGS SOGS PHYI ROL GYI DON DU GRUB PA'I MA SKYES BA SGRA BRNYAN LTA BU DANG, DE DAG DER GRUB PA'I MA 'GAGS PA MIG YOR LTA BU DANG, DE DAG DER GRUB PA'I GZOD MA NAS ZHI BA SMIG RGYU LTA BU DANG, DE DAG DER GRUB PA'I RANG BZHIN GYIS MYA NGAN LAS 'DAS PA SGYU MA LTA BUR RTOGS PA'I SGOM LAM ZAG BCAS LNGA DANG, GZUGS SOGS @004B LA PHYI ROL GYI DON DU GRUB PA'I KUN NAS NYON MONGS PA MED PA DANG, DE DAG LA DER GRUB PA'I RNAM PAR BYANG BA MED PA DANG, DE DAG GI RANG BZHIN LA DER GRUB PA'I NYON MONGS PA'I BAG CHAGS KYIS GOS PA'I DRI MA MED PA DANG, DE DAG LA DER GRUB PA'I GZUGS SGRA LA SOGS PA'I DBYE BA'I SPROS PA MED PA DANG, DE DAG PHYI ROL GYI DON DU GRUB PAS STONG PAR RTOGS PA'I RTOGS PA LA RLOM PAR BYAR MED PA DANG, DE DAG PHYI ROL GYI DON DU GRUB PAS STONG PA'I STONG NYID MI GA-YO BA STE SRID PA JI SRID KYI BAR DU GNAS PAR RTOGS PA'I MTHONG LAM ZAG MED DRUG STE BCO LNGA'O, ,'DI'I RLOM PAR BYAR MED PA'I DON NI, GNYIS STONG RTOGS PA'I RANG GI RTOGS PA LA PHYI ROL GYI DON SNGAR YOD PHYIS MED PAR RTOGS SNYAM DU RLOM PAR BYAR MED PA'I DON YIN TE, 'DI DANG 'DZIN STANGS DNGOS SU 'GAL BA'I SPANG BYA NI, GNYIS STONG RTOGS PA'I RANG GI RTOGS PA LA PHYI DON SNGAR YOD PHYIS MED PAR RTOGS SNYAM DU 'DZIN PA LA BYED PA'I PHYIR TE, GSER PHRENG LAS, DE NGO BOS STONG PAR RTOGS PA'I RANG GI RTOGS PA LA GZUNG BA SNGAR YOD PHYIS MED PAR RTOGS PA'O ZHES DANG, ZHES GSUNGS PAS SO, ,'DI'I MI GA-YO PA'I DON YOD DE, GNYIS STONG GI DE KHO NA NYID GZHAN DU MI 'GYUR BA'I DON YIN PA'I PHYIR TE, 'DI'I SPANG BYA NI, PHYI DON GYIS STONG PA DE SLAR LOG NAS MI STONG PAR 'DZIN PA LA BYED PA'I PHYIR TE, DE NYID LAS, DE NGO BOS STONG PA'I RANG BZHIN LA RE ZHIG STONG YANG PHYIS DE LOG NAS MI STONG PAR 'DZIN PAS YONGS SU NYAMS PAR RNAM PAR RTOG PA'O, ,ZHES GSUNGS PA'I PHYIR @005A *, ,DE DAG NI GSER PHRENG GI DGONGS PA'O, ,RNAM BSHAD LAS, DON DU ZHEN PA'I RTOGS PAS RO MYANG PA'I RLOM PA MED PA DANG, RTOGS PA THOB ZIN NYAMS PA MED PA'I MI GA-YO BA'I GZUNG BYA DON GZHAN MED PAR MNGON SUM GYIS GSAR DU RTOGS PA'I RNAM PA YIN PA'I PHYIR, ZHES GSUNGS TE DON GANG YIN DPYAD BYAR SNANG NGO, ,'GREL PAR SGOM LAM ZAG BCAS LNGA NI SPYIR SHES BYA'I SGRIB PA'I GNYEN PO YIN PA DANG, MTHONG LAM ZAG MED DRUG NI SPANG BYA SO SOR NGES PA'I GNYEN PO YIN PAR GSUNGS PA'I DON LA, GSER PHRENG LAS SNGA MA LNGA NI RE RE BSGOMS PAS KYANG PHYI ROL DON 'DZIN THAMS CAD SPONG NUS SHING, PHYI MA DRUG NI DMIGS RNAM RIS SU CHAD PAS SPANG BYA'I KHYAD PAR RE RE PA'I GNYEN PO YIN PAR GSUNGS LA, RNAM BSHAD LAS KYANG SNGA MA LNGA NI RE RE NAS KYANG GZUNG RTOG SPYI'I GNYEN PO DANG, PHYI MA DRUG NI GZUNG RTOG SO SOR NGES PA'I GNYEN POR GSUNGS TE, DON GANG YIN BTZAL BAR BYA'O, ` ,SLOB DPON GYIS, GZHI SHES SU RANG RGYAL GYI MNGON RTOGS KYANG BSDUS PA'I RGYU MTSAN GYIS GZHI SHES KYI RNAM PA'I SKABS SU SHES SGRIB KYI GNYEN PO STON PA YIN GSUNGS PA LA, RDOG LO CHEN PO NA RE, LAM GSUM GYI RNAM PA 'DI DAG GZHI SHES KYI SHES RNAM YIN NAM DON RNAM YIN, DANG PO LTAR NA, GZHI SHES KYI RTOGS BYA BDEN BZHI'I RNAM PA STON PA'I SKABS YIN PAS SKABS KYI DON DANG 'GAL, GNYIS PA LTAR @005B NA, LAM GSUM PO 'DI DAG GZHI SHES SU 'CHAD MI RIGS TE, GZHI SHES KYI DON RNAM LA GZHI SHES SU 'DU BAS MA KHYAB PA'I PHYIR TE, BDEN PA DANG PO GSUM GYI RNAM PA BZHIN NO, ,DES NA 'DIR BSTAN SHES SGRIB KYI GNYEN POS RANG RGYAL BYANG SEMS SANGS RGYAS GSUM GA'I RGYUD KYI DE'I GNYEN PO THAMS CAD BSDUS PA YIN, ZHES ZER RO, ,RTZOD PA 'DI'I LAN DU RNAM BSHAD LAS SKABS 'DIR SHES RNAM DNGOS SU BSTAN PAR SGRUB PA MA GTOGS LAN GZHAN GSAL BAR MA GSUNGS LA, GSER PHRENG LAS, SPYIR GZHI SHES KYI DMIGS PA LA DER 'DU BAS MA KHYAB KYANG LAM BDEN GYI SKABS SU 'DU DGOS TE, 'DI MKHYEN GSUM GYI NANG NAS GZHI SHES 'BA' ZHIG GI SKABS YIN PA DANG, NYAN RANG GIS RANG RGYUD KYI LUS TSOR SEMS CHOS NYI TSE PA LA DMIGS PAS THEG CHEN LAS DMIGS PA DMAN PAR DBUS MTHA'I 'GREL PAR GSUNGS PA'I PHYIR RO, ,ZHES GSUNGS TE, DON NI, GZHI SHES KYI DON RNAM LA GZHI SHES SU 'DU BAS MA KHYAB KYANG, GZHI SHES KYI DON RNAM DU GYUR BA'I LAM BDEN YIN NA GZHI SHES SU 'DU PAS KHYAB STE, GZHI SHES NI THEG DMAN GYI LAM YIN PAS DES LAM BDEN LA DMIGS PA'I TSE RANG RGYUD KYI LAM BDEN LA DMIGS PA YIN GYI RNAM MKHYEN LAM SHES LAM DMIGS PA'I PHYIR TE, NYAN RANG GI DRAN PA NYER BZHAG GIS RANG RGYUD KYI LUS TSOR SEMS CHOS NYI TSE PA LA DMIGS PAS THEG CHEN LAS DMIGS PA DMAN PAR GSUNGS PA'I PHYIR ZHES PA'O, ,DE LTAR GSUNGS PA NI GSER PHRENG GI RANG @006A *, ,LUGS LA GZHI SHES NYAN RANG KHO NAR YOD PA'I RGYU MTSAN GYIS YIN NO, ,GSER PHRENG LTAR NA, GZHI SHES KYI DON RNAM DU GYUR PA'I LAM BDEN BCO LNGA'I DANG PO BZHI NI NYAN RANG GNYIS KAR YOD LA, DE RE RE LA MTHONG LAM SGOM LAM GNYIS KA YOD DO, ,SGOM LAM ZAG BCAS LNGA DANG MTHONG LAM ZAG MED DRUG STE BCU GCIG NI RANG RGYAL GYI RGYUD KYIS BSDUS PAS DE DAG LA THEG CHEN GYI LAM MED DO; ;RNAM BSHAD LAS DANG PO BZHI NI MTHONG LAM YIN PAR GSUNGS PA'I RJES SU 'BRANG STE MTHONG LAM ZAG MED BZHI ZHES DANG SANG BLO MCHOG DMAN KUN LA RLUNG LTAR GRAGS KYANG DE LTAR KHAS LEN MI RUNG STE, DANG PO BZHI MTHONG LAM DU GSUNGS PA'I KHUNGS MED PA'I PHYIR TE, NYI SNANG RGYAN SNANG 'GREL BA 'DI GSUM GAR NYON SGRIB GYI GNYEN POR ZAG PA MED PA'I LAM GCIG DANG ZHES SPYIR GSUNGS PA LAS MTHONG LAM DU MA GSUNGS PA'I PHYIR DANG, RIGS PAS KYANG NYON MONGS PA'I SGRIB PA NI MTHONG LAM GCIG PUS SPONG MI NUS PA'I PHYIR DANG, RGYA 'GREL RNAMS SU LAM PHYI MA BCU GCIG LA MTHONG SGOM GYI KHYAD PAR SBYAR NAS, DANG PO BZHI LA MTHONG SGOM GYI KHYAD PAR MA SBYAR BAR ZAG PA MED PA'I LAM ZHES SPYI BZUNG BA LA RGYU MTSAN YANG DAG GCIG YOD PA'I PHYIR RO, ,DES NA GSER PHRENG LAS GSUNGS PA LTAR DANG PO BZHI LA MTHONG SGOM GNYIS KA YOD @006B PAR 'DOD PAR BYA'O, ,RNAM BSHAD LAS 'DIR BSTAN BYED PA PO'I GANG ZAG GI BDAG MED PAR MNGON SUM DU RTOGS PA LA SOGS PA'I LAM BDEN BCO LNGA PO DE BYANG SEMS KYI LAM YIN PAR BSHAD PA NI 'DIR BSTAN SHES RNAM BCO LNGA LA DGONGS PA YIN GYI, DON RNAM BCO LNGA NI BYANG SEMS KYI LAM YIN PAR 'DOD MI RUNG STE, SEMS DPA'I GZHI SHES KYI DON RNAM DU GYUR PA'I LAM BDEN YIN NA BYANG SEMS KYI LAM YIN PAS MA KHYAB PA'I PHYIR TE, THEG CHEN GYI DRAN PA NYER BZHAG DE THEG DMAN GYI DE LAS DMIGS PA'I SGO NAS KHYAD PAR DU 'PHAGS TSUL YOD PA'I PHYIR RO, ,BYAS PA LA KHA CIG NA RE, BSHAD TSUL 'DI MI 'THAD PAR THAL, RNAM BSHAD LAS 'DIR BSTAN BYED PA PO'I GANG ZAG GI BDAG MED PAR RTOGS PA'I MTHONG LAM SOGS DANG, PHYI ROL GYI DON DU GRUB PA'I KUN NAS NYON MONGS PA MED PAR RTOGS PA'I MTHONG LAM SOGS BYANG SEMS KYI LAM YIN PAR GSUNGS PA GANG ZHIG , DE DAG 'DIR BSTAN DON RNAM DU 'DOD DGOS KYI SHES RNAM YIN PAR MI RIGS PA'I PHYIR TE, 'DIR BSTAN SHES RNAM BCO LNGA PO GANG RUNG LA BDAG MED KYI RNAM CAN MA YIN PAS KHYAB PA'I PHYIR TE, DE BCO LNGA PO GANG RUNG LA RANG GI 'DZIN STANGS SU GYUR PA'I LAM BDEN RTOGS PAS KHYAB PA'I PHYIR, DER THAL, 'DIR BSTAN BDEN PA DANG PO GSUM GYI SKABS KYI SHES RNAM BCU GNYIS PO GANG RUNG YIN NA RANG RANG GI DON RNAM RTOGS PAS KHYAB PA'I PHYIR ZER NA@007A *, ,MA KHYAB STE, BDEN PA DANG PO GSUM GYI SKABS SU DE LTAR YIN KYANG, LAM BDEN GYI SKABS SU DE LTAR MA NGES PA'I PHYIR TE, 'DIR BSTAN LAM BDEN GYI SKABS KYI SHES RNAM BCO LNGA LA RANG RANG GI DON RNAM DANG DMIGS RNAM MTHUN PA'I SEMS DPA'I GZHI SHES KYANG 'JOG TU RUNG BA'I PHYIR ZHES MKHAS PA KHA CIG GIS BSHAD DE, 'THAD MI 'THAD DPYAD PAR BYA'O, ,GANG LTAR YANG RNAM RDZOGS SBYOR BAS RNAM PA SGOM ZHES PA THAMS CAD RNAM PA DE 'DZIN STANGS KYI YUL DU BYAS NAS BSGOM PAS KHYAB PA MED DE, SGO MANG YIG CHAR SGOM TSUL DRUG GSUNGS PA LTAR SNA TSOGS YOD PA'I PHYIR RO, ,SGOM TSUL DRUG NI BSDUS DON LAS, STONG DANG BDEN BZHI 'DZIN STANGS YUL BYAS BSGOM, ,BYAMS SOGS YUL CAN NGO POR BSKYED NAS BSGOM, ,TSOGS LA DBANG STOBS RJES MTHUN RNAM PAS BSGOM, ,SO SKYES MKHYEN GSUM RTOGS RIGS SGO NAS BSGOM, ,PHAL BAS DNGOS BRGYAD MTSAN NYID RJES DPYOD BSGOM, ,RGYAL KUN GSANG GSUM SMON LAM RNAM PAS BSGOM, ,ZHES PA LTAR GZUNG NGO, ` ,CHAGS THOGS DMAN PA'I SGRIB PA GSUM LAS, CHAGS SGRIB NI NYON SGRIB DANG THOGS SGRIB NI SHES SGRIB YIN LA, MKHAS PA KHA CIG DE GNYIS KA SHES SGRIB TU BSHAD PA YOD KYANG MI RUNG STE, DE GNYIS KA SHES SGRIB YIN PA'I KHUNGS MED PA'I PHYIR DANG, GSER PHRENG LAS SNGAR @007B LTAR GSUNGS PA'I PHYIR DANG, DE LTAR YIN PAR YANG RGYUD BLA MA LAS, NYON MONGS SPANGS PHYIR CHAGS PA MED, ,SHES BYA'I SGRIB KUN DAG PA'I PHYIR, ,THAMS CAD DU NI THOGS PA MED, ,CES GSAL BAR GSUNGS PA'I PHYIR RO, , DMAN SGRIB NI NYAN THOS KYI 'JIGS SRID KYI SGRIB PA DANG RANG RGYAL GYI BRTZE MED KYI SGRIB PA LA BYAD DO, ,NYON MONGS SHES BYA SNYOMS 'JUG GI SGRIB PA GSUM LAS, THA MA NI, JI LTAR 'DOD PA BZHIN SBRUL BA DANG SNYOMS PAR 'JUG PA SOGS LA BAR DU GCOD PA LUS SEMS LAS SU MI RUNG BA'I NGO BOR GYUR PA'O ZHES RTOGS DKA'I SNANG BAR BSHAD DO, ,LAS NYON MONGS RNAM SMIN GYI SGRIB PA GSUM NI MDZOD LAS, MTSAMS MED PA YI LAS RNAMS DANG, ,NYON MONGS SHAS CHEN NGAN 'GRO DANG, ,'DU SHES MED PA'I SEMS CAN DANG, ,SGRA MI SNYAN SGRIB GSUM DU 'DOD, ,CES PA LTAR RO, ,'DOD CHEN PO'I THEG CHEN GYI CHOS LA KHONG KHRO BA'I SGRIB PA DANG, MU STEGS PA'I BDAG LTA'I SGRIB PA DANG; ;NYAN THOS KYI 'JIGS SRED KYI SGRIB PA DANG, RANG RGYAL GYI BRTZE MED KYI SGRIB PA STE BZHI LAS, THA MA GNYIS NI RIM PA BZHIN NYAN THOS RNAMS 'KHOR BA'I SDUG BSNGAL GYIS 'JIGS NAS GZHAN DON 'DOR 'DOD KYI BLO DANG, RANG RGYAL RNAMS SEMS CAN GYI DON 'KHUR DU BLANGS PA'I BRTZE BA CHEN PO MED PA'I DBANG GIS GZHAN DON 'DOR 'DOD KYI BLO SA BON DANG BCAS PA LA BYED DO, ,DBUS MTHA' NAS BSHAD PA'I SGRIB PA BCU YOD DE, KHYAB PA'I SGRIB PA, @008A *, ,NYI TSE BA'I SGRIB PA, LHAG PA'I SGRIB PA, MNYAM PA'I SGRIB PA, GNYIS KYI SGRIB PA, YANG DAG PAR SBYOR BA LA SGRIB PA, DGE SOGS BCU LA SGRIB PA, BYANG PHYOGS SO BDUN LA SGRIB PA, PHAR PHYIN BCU LA SGRIB PA, SA BCU LA SGRIB PA STE BCU YOD PA'I PHYIR, KHYAB PA'I SGRIB PA NI BYANG SEMS KYI NYON SGRIB SHES SGRIB GNYIS DANG, NYI TSE BA'I SGRIB PA NI NYAN RANG GI NYON SGRIB DANG, LHAG PA'I SGRIB PA NI DUG GSUM SOGS SHAS CHE BA'I SGRIB PA DANG, MNYAM PA'I SGRIB PA NI NYON MONGS CHA MNYAM PA'I SGRIB PA DANG, GNYIS KYI SGRIB PA NI SRID ZHI'I MTHAR LTUNG BYED KYI SGRIB PA DANG, YANG DAG PAR SBYOR BA LA SGRIB PA NI 'DOD CHAGS LA SOGS PA'I KUN SBYOR DGU LA BYED DO, ,DGE SOGS BCU LA SGRIB PA NI, BLA MED BYANG CHUB KYI RGYUR GYUR PA'I DGE BA LA SOGS PA'I CHOS BCU RE RE'I MI MTHUN PHYOGS SU GYUR PA'I SGRIB PA GSUM GSUM STE SUM CU YOD PA RNAMS 'DIR MANGS SU DOGS NAS MA BRIS PAS DBUS MTHA'I RTZA 'GREL SOGS LAS SHES PAR BYA'O, ,BYANG PHYOGS SO BDUN LA SGRIB PA NI DRAN PA NYER BZHAG GI GZHI LA MI MKHAS PA LA SOGS PA BDUN DANG, PHAR PHYIN BCU LA SGRIB PA NI SER SNA LA SOGS PA BCU DANG, SA BCU LA SGRIB PA NI, KUN RMONGS NYER GNYIS DANG DE'I GNAS NGAN LEN BCU GCIG STE, GSER PHRENG GI SA'I TSOGS SGRUB KYI SKABS LAS @008B SHES PAR BYA'O, ` ,LAM SHAS KYI DON RNAM LA, KUN 'BYUNG BDEN PA'I RGYU'I RNAM PA GANG YIN PA YUL MA 'ONGS PA LA SRED PA'I 'DUN PA DANG, MI 'BRAL BAR SRED PA'I 'DOD CHAGS DANG, YANG SRED LA DGA' BA'I SRED PA STE GSUM NI, MDO LAS RIM PA BZHIN DU YUL LA SRED PA'I 'DOD CHAGS DANG BRAL BA DANG, MI 'BREL BAR ZHEN PAS MI GNAS PA DANG, LUS LA DGA' BA'I SRED PA NYE BAR ZHI BA'I LAM SHES KYI RNAM PA'I SGO NAS BSTAN TE, GNYEN PO DNGOS SU GSUNGS PA DES SPANG BYA SHUGS LA 'PHANGS PA'I PHYIR RO, ,SKABS 'DI'I 'DUN PA DANG 'DOD CHAGS MTSUNGS LDAN YIN PAR NYI SNANG LAS GSUNGS PA LTAR KHAS LEN NA 'DUN PA NI YUL NGES KYI 'DUN PA LA BYED PAR GSER PHRENG LAS GSUNGS SO, ,KHA CIG YUL NGES LNGA DGE BA KHO NAR 'DOD PA NI SHES BYED MED CING, MNGON PA GONG 'OG SOGS GZHUNG DU MA DANG 'GAL LA, ,DE'I KUN 'BYUNG BA'I RNAM PA GANG YIN PA 'DOD CHAGS DANG, ZHE SDANG DANG, GTI MUG STE GSUM NI, 'DOD CHAGS MED PA DANG, ZHE SDANG MED PA DANG, GTI MUG MED PA'I LAM SHES KYI RNAM PA'I SGO NAS BSTAN PA DANG, RAB TU SKYE BA'I RNAM PA GANG YIN PA GTZANG BA DE SOGS SU KUN DU RTOG PA NI, NYON MONGS KYI RGYU TSUL MIN YID BYED MED PA'I LAM SHES KYI RNAM PA'I SGO NAS BSTAN PA DANG, DE'I RKYEN GYI RNAM PA GANG YIN PA SEMS CAN DU MNGON PAR ZHEN PA'I 'JIG LTA NI, RANG DBANG BA'I SEMS CAN NAM BDAG MED @009A *, ,PAR SHES PA'I LAM SHES KYI RNAM PA'I SGO NAS BSTAN TE, MDO LAS KUN 'BYUNG SPANG BYAR SHES PA'I CHED DU GNYEN PO'I SGO NAS BSTAN PA'I PHYIR RO, ,'DIR BSTAN KUN 'BYUNG GI RNAM PA BRGYAD 'GAL BA YIN KYANG, GNYEN PO BRGYAD NI MI 'GAL TE, GANG ZAG GI BDAG MED MNGON SUM DU RTOGS PA'I BYANG SEMS MTHONG LAM DE GNYEN PO BRGYAD KA YIN PA'I PHYIR RO, ,RNAM BSHAD LAS DE 'DRA PA'I MTHONG LAM DE GNYEN PO BRGYAD KA YIN PAR SGRUB PA'I SKABS SU, CHAGS SDANG RMONGS GSUM GYI ZHEN YUL MED PAR MNGON SUM DU RTOGS PA'I YE SHES YIN PAR GSUNGS PA LA BRTEN NAS, KHA CIG GIS, RANG RGYUD PA'I LUGS LA BDAG 'DZIN DU GYUR BA'I ZHE SDANG YOD PAR 'DOD KYANG, SKABS 'DIR NYON MONGS KYI RNAM GZHAG MNGON PA NAS BSHAD PA LTAR 'DOD PA MA GTOGS, THAL 'GYUR BA LTAR THUN MONG MA YIN PA'I NYON MONGS KHAS LEN PA'I SHES BYED GSAL BA MED PAS DPYAD GZHI CHE'O, ,GNYEN PO BRGYAD PO NGE SKABS 'DI'I SHES RNAM MA YIN TE, 'DI'I SHES RNAM NI KUN 'BYUNG GI RNAM PA BRGYAD 'DZIN STANGS KYI YUL DU BYAS PA'I LAM SHES LA BYED PA'I PHYIR RO, ` ,LAM BDEN PA LAM GYI RNAM PA GANG YIN PA'I NGO BO NI, SEMS CAN TSAD MED PA LA THAR PA'I GO SKABS 'BYED PA'I LAM STE, DES JI @009B LTAR GO SKABS 'BYED PA'I 'THAD PA NI, SRID ZHI'I MTHA' GNYIS DANG BRAL PA'I SGO NAS GZHAN DON BYED PA'I LAM YIN PA'O, ,RIGS PA'I RNAM PA GANG YIN PA'I NGO BO NI, CHOS THAMS CAD BDEN STONG DU THA MI DAD PAR MNGON SUM DU RTOGS PA'I LAM STE, DES JI LTAR THAMS CAD BDEN STONG DU RTOGS PA'I 'THAD PA NI, NYAN RANG GI LAM TZAM GYIS CHO GA MI SHES PAR THEG CHEN GYI YON TAN MTHA' DAG SGRUB PA'I LAM YIN PA'O, ,SGRUB PA'I RNAM PA GANG YIN PA'I NGO BO NI, CHOS THAMS CAD BDEN PAR RNAM PAR MI RTOG PA'I LAM STE, DES JI LTAR BDEN PAR MI RTOG PA'I 'THAD PA NI, CHOS THAMS CAD DON DAM PAR TSAD MAS GZHAL DU MED PAR MNGON SUM DU RTOGS PA'I LAM YIN PA'O, ,NGES 'BYIN GYI RNAM PA GANG YIN PA'I NGO BO NYI, CHOS THAMS CAD LA DON DAM PAR CHAGS PA MED PAR MNGON SUM DU RTOGS PA'I LAM STE, 'DI LA 'THAD PA MA GSUNGS PA NI GDUL BYA NYE BA'I BSAM PA LA LTOS PA'O, ,DE BDUN KYANG 'GAL BA MA YIN TE, STONG NYID MNGON SUM DU RTOGS PA'I THEG CHEN MTHONG LAM 'DIR BSTAN LAM BDEN GYI RNAM PA BDUN GA YIN PA'I PHYIR RO, ` ,SDUG BDEN GYI RNAM PA LA, DE NI SKYE 'JIG GI NGO BOR GNAS PAS MI RTAG PA DANG, 'DU BYED KYI SDUG BSNGAL GYIS KHYAB PAS SDUG BSNGAL BA DANG, BYED PA PO'I BDAG DON GZHAN GYIS DBEN PAS STONG PA DANG, RANG NYID GANG ZAG GI BDAG TU MA GRUB PAS BDAG MED PA DANG, CHOS THAMS CAD DON DAM PAR MA GRUB PAS MTSAN NYID MED PA @010A *, ,STE LNGA LAS, SNGA MA BZHI NI RANG MTSAN DANG THA MA NI SBYI'I MTSAN NYID DU GSUNGS TE, GSER PHRENG LAS, SNGA MA BZHI RANG RANG GI NGO BO DANG THA MA NI BZHI GA'I NGO BO YIN ZHING THAMS CAD LA KHYAB PAS RANG MTSAN DANG SBYI MTSAN NO, ,ZHES GSUNGS SO, ,DON GANG YIN BTZAL BAR BYA'O, ` ,'GOG BDEN GYI RNAM PA 'DI LA LNGA, DNGOS PO DANG, BTAGS PA DANG, BYED PA PO DANG, YUL DU 'KHRUL BA DANG, NGO BO NYID 'GOG PA'O, ,DANG PO NI, 'GOG PA'I RNAM PA GANG YIN PA MIG SOGS NANG DANG, GZUGS SOGS PHYI DANG, DBANG PO'I RTEN PHYI NANG GNYIS KA'I ZAG BCAS KYI DNGOS PO SPANGS PA'I 'GOG BDEN GSUM NI, MDO LAS RIM PA BZHIN DU NANG DANG, PHYI DANG, PHYI NANG GNYIS KA STONG PA NYID KYI SGRAS BSTAN TE, NANG DANG PHYI DANG DE GNYIS KA'I ZAG BCAS KYI DNGOS PO 'GAGS PAS RAB TU PHYE BA'I 'BRAL BA YIN PA'I PHYIR RO, ,'DI NI GSER PHRENG GI DGONGS PA YIN LA, RNAM BSHAD LTAR NA DE GSUM LA BDEN ZHEN BKAG PA'I 'GOG BDEN LA BYED DO, ,GNYIS PA NI, ZHI BA'I RNAM PA GANG YIN PA STONG PA NYID RTOGS PA'I BLO DANG, SNOD KYI 'JIG RTEN DANG, MYANG 'DAS DANG, 'DUS BYAS DANG, 'DUS MA BYAS DANG, RTAG CHAD KYI MTHA' LAS 'DAS PA DANG, THOG MTHA' MED PA'I 'KHOR BA DANG, DOR BA MED PA BYANG CHUB PHYOGS MTHUN LA BDEN ZHEN SPANGS PA'I 'GOG BDEN BRGYAD NI, RIM BZHIN STONG PA NYID @010B STONG PA NYID NAS DOR BA MED PA NYID KYI BAR BRGYAD KYI SGRAS BSTAN TE, STONG GZHI BRGYAD LA BDEN GRUB TU SGRO BTAGS PA'I BDAG NYID CAN GYI MNGON ZHEN BRGYAD 'GAGS PAS RAB TU PHYE BA'I BRAL BA YIN PA'I PHYIR TE, 'GREL PAR, SNGA MA LA DNGOS PO DANG 'DI LA BTAGS PA 'GOG PA ZHES GSUNGS PA'I DON YANG, SNGA MAR YUL ZAG BCAS KYI SDUG BSNGAL DANG 'DIR YUL LA YUL CAN GYIS SGRO BTAGS PA'I ZHEN PA 'GOG PA'I DON YIN NO, ,ZHES GSER PHRENG LAS GSUNGS SO, ,GSUM PA NI, GYA NOM PA'I RNAM PA GANG YIN PA MU STEGS SOGS GZHAN GYIS KUN BTAGS PA'I BYED PA PO DGAG PA STE DE DAG GIS MA BYAS PA'I 'GOG BDEN NI, RANG BZHIN STONG PA NYID KYI SGRAS BSTAN TE, BYED PA PO GZHAN GYIS MA BYAS PA'I BRAL BA YIN PA'I PHYIR, RNAM BSHAD LTAR NA GZHAN GYIS KUN BTAGS PA'I BYED PA POR ZHEN PA BKAG PA'I 'GOG BDEN LA BYED DO, ,BZHI PA NI, JI LTAR NGES PAR 'BYUNG PA'I RNAM PA GZUGS SOGS LA BTAGS PA TZAM DU DANG, GZUGS RUNG SOGS LA MTSAN NYID DU DANG, 'DAS SOGS LA DUS SU BDEN PAR ZHEN PA'I 'KHRUL BA SPANGS PA'I 'GOG BDEN GSUM NI, RIM BZHIN CHOS THAMS CAD DANG, RANG GI MTSAN NYID DANG, MI DMIGS PA STONG PA NYID KYI SGRAS BSTAN TE, STONG GZHI DE DAG LA BDEN ZHEN 'GAGS PAS RAB TU PHYE BA'I BRAL BA YIN PA'I PHYIR RO, ,LNGA PA NI, GANG DES PAR 'BYUNG BA'I RNAM PA @011A *, ,DNGOS PO MED PA'I NGO BO NYID LA BDEN ZHEN SPANGS PA'I 'GOG BDEN NI, DNGOS PO MED PA'I NGO BO STONG PA NYID KYI SGRAS BSTAN TE, RGYU RKYEN DU MA 'DUS PA LAS 'BYUNG BA'I DNGOS PO LA DNGOS PO MED PA'I NGO BO NYID CES BYA LA, KHYOD DE LA BDEN ZHEN 'GAGS PAS RAB TU PHYE BA'I BRAL BA YIN PA'I PHYIR RO, ,DE LTAR 'GOG BDEN BCU DRUG PO DE STONG NYID BCU DRUG GI SGRAS BSTAN PA YIN GYI, 'GOG BDEN BCU DRUG PO DE RIM BZHIN NANG STONG PA NYID SOGS STONG NYID BCU DRUG YIN ZHES PA MA YIN TE, 'GOG BDEN KUN RDZOB BDEN PAR 'DOD PA LTAR NA, 'GOG BDEN DANG STONG NYID GNYIS 'GAL BA YIN PA GANG ZHIG ,'GOG BDEN DON DAM BDEN PAR BZHED PA LTAR NA YANG, 'GOG BDEN DU GYUR PA'I PHYI STONG PA NYID DANG, CHEN PO STONG PA NYID DANG, THOG MA DANG MTHA' MA MED PA STONG PA NYID SOGS MED PA'I PHYIR RO, ,DES NA RNAM BSHAD LAS, 'GOG BDEN GYI RNAM PA BZHI GZHIR BZUNG NAS STONG PA NYID KYI RNAM PA BCU DRUG TU 'BYED PA DANG, STONG NYID BCU DRUG GLO BUR GYI DRI MA DANG BRAL BA 'GOG PA'I RNAM PA SOGS SU BSGRUB PA GANG BYAS KYANG DON 'DRA BAR MNGON NO, ,ZHES GSUNGS PA LA'ANG ZHIB CHA 'DON DOGS SO, ` ,RNAM MKHYEN GYI RNAM PA LA BSHAD SROL MI 'DRA BA GNYIS YOD PA LAS, RNAM BSHAD LTAR NA, 'DIR @011B BSTAN LUS DRAN PA NYER BZHAG NAS SANGS RGYAS KYI RNAM PA'I BAR GYI RNAM PA BRGYA DANG BCU NI RNAM MKHYEN KHO NA YIN PA DANG, RTEN SANGS RGYAS KHO NAR YOD KYANG, GANG ZAG GSUM LA YOD PA DANG MKHYEN GSUM DU PHYE BA NI DANG PAR LA MA 'OG MA GANG GI SKABS SU BSKYAD PA DANG, RNAM GZHAG GI RTEN THA DAD PA DANG, RTOGS RIGS MI 'DRA BAR SHES PA'I CHED DU YIN LA, DES NA DANG PO SO BDUN NI NYAN THOS LA YOD PA DANG THUN MONG PA DANG, BAR BA SO BZHI NI BYANG SEMS LA YOD PA DANG THUN MONG PA'I RNAM MKHYEN YIN ZHING, THA MA SO DGU NI RANG GI SDE TSAN MTSAN NYID PA 'PHAGS PA 'OG MA LA MED PAS NA THUN MONG MA YIN PA'I RNAM MKHYEN YIN ZHES BZHED DE, RTOGS DKA'I SNANG BAR YANG PHAL CHER 'DI DANG MTHUN PAR BSHAD DO, ,GSER PHRENG LTAR NA, 'DIR BSTAN RNAM PA BRGYA RTZA BCU PO GANG RUNG LA RNAM MKHYEN YIN PAS MA KHYAB STE, DANG PO SO BDUN NI NYAN THOS KYI LAM DANG, BAR BA SO BZHI NI BYANG SEMS KYI LAM GYIS BSDUS PA DANG, THA MA SO DGU NI SANGS 'PHAGS KYI RGYUD KYIS BSDUS PA'I PHYIR, GZHAN YANG, DE DAG RNAM MKHYEN KHO NAR 'CHAD PA MI RIGS TE, RNAM PA DE DAG RNAM MKHYEN GYI RTOGS BYA'I DON RNAM YIN PA GANG ZHIG ,RNAM MKHYEN NI RNAM PA MTHA' DAG GI YUL CAN YIN PAS NA DE'I DON RNAM RNAM MKHYEN KHO NAR 'CHAD PA 'BREL MED YIN PA'I PHYIR, DANG PO GRUB STE, RGYAS BSHAD KYI SKABS @012A *, ,SU DON RNAM GTZO BOR BSTAN PA'I PHYIR TE, NYI SNANG LAS, DE LA 'PHAGS PA'I BDEN PA BZHI RTEN DU BYAS TE, THAMS CAD SHES PA NYID GSUM GYI SKABS KYI BDEN PA GANG LA RNAM PA JI SNYED YOD PA DE STON PAS SO, ,ZHES RGYAS BSHAD KYI MTSAMS SBYAR DU GSUNGS PA'I PHYIR RO, ,GAL TE RNAM PA 'DI DAG BDEN BZHI'I SGO NAS MA BSTAN PAR MKHYEN GSUM GYI SGO NAS BSTAN PAS NA RNAM MKHYEN GYI SHES RNAM KHO NAR 'CHAD RIGS TE, GZHAN DUN MKHYEN PA'I SGO NAS BSHAD PA MA 'BREL PA'I PHYIR ZHE NA, SKYON MED DE, MKHYEN GSUM DMIGS PAR BSHAD PA NA DE DAG GI YUL BDEN BZHI YANG 'DI'I DMIGS PAR GO BAR 'GYUR BA'I PHYIR TE, LAM DE'I DMIGS RNAM 'DI LTA BU'O ZHES MA GZUNG PAR LAM DE SHES PAR BYED MI NUS PA'I PHYIR ZHES BZHED DO, ,DES NA KHA CIG GIS, RGYAS BSHAD KYI SKABS SU DON RNAM GTZO BOR BSTAN PA YIN ZHES GSER PHRENG LTAR KHAS BLANGS NAS, 'DIR BSTAN RNAM MKHYEN GYI RNAM PA BRGYA RTZA BCU PO RNAM MKHYEN YIN ZHES RNAM BSHAD LTAR 'DOD PA NI 'GAL 'DU YIN PAR SEMS SO, ,YANG RNAM BSHAD KYI RANG LUGS LA SKYON 'PHEN PA KHA CIG NA RE, THA MA SO DGU PO GANG RUNG LA THUN MONG MA YIN PA'I RNAM MKHYEN GYI RNAM PA YIN PAS MA KHYAB PAR THAL, 'PHAGS PA 'OG MA LA SO @012B SO YANG DAG PAR RIG PA BZHI YOD PA'I PHYIR TE, MNGON PA GONG 'OG GNYIS KAR SO RIG BZHI NYAN THOS DANG THUN MONG PA'I YON TAN YIN PAR BSHAD PA LTAR GSER PHRENG LAS KYANG GSUNGS PA'I PHYIR TE, SANGS RGYAS KYI SA'I ZUG MED YE SHES KYI SDE TSAN NYER GCIG GI SKABS KYI GSER PHRENG LAS, MTSAN NYID DBANG BTZAN PAR BYAS NA PHYOGS MTHUN NAS SO RIG BZHI THEG DMAN DANG, YONGS DAG DANG DBANG BCU SEMS DPA' DANG THUN MONG PA DANG, LHAG MA SANGS RGYAS KYI THUN MONG MA YIN PA'I YON TAN YIN NO, ,ZHES GSUNGS PA'I PHYIR ZER PA DANG, GZHAN YANG BAR BA SO BZHI SEMS DPA' DANG THUN MONG BAR BSHAD PA MI 'THAD PAR THAL, SBYIN SOGS PHAR PHYIN BCU SANGS RGYAS KHO NA'I YAN TAN YIN PA NI RNAM BSHAD KHO RANG GI LUGS YIN PA'I PHYIR TE, RNAM BSHAD LTAR NA SHER PHYIN NI SANGS RGYAS KHO NA'I YON TAN YIN PA GANG ZHIG ,SHER PHYIN MED NA PHAR PHYIN GYI MING MI 'THOB PAR MDO BSTAN BCOS DU MAR MTHUN PAR GSUNGS PA'I PHYIR, DANG PO GRUB STE, RNAM BSHAD LAS, KHYAD CHOS GSUM MAM BZHIS KHYAD PAR DU BYAS PA'I SANGS RGYAS KYI YE SHES KHO NA SHER PHYIN DNGOS YIN LA, LAM SHER PHYIN DANG GZHU BSHER PHYIN BTAGS PA BA YIN NO, ,ZHES GSUNGS PA'I PHYIR ZER BDAG LA, LAN 'DEBS TSUL JI LTAR YIN DPYAD GZHI CHE BAR SNANG NGO, ` ,KHA CIG GIS, RGYAL SRAS BYANG CHUB PHYOGS MTHUN PA, ,ZHES SOGS KYIS, THEG CHEN @013A *, ,MTHONG LAM PA YIN NA BYANG PHYOGS SO BDUN GA THOB PAS KHYAB PAR GSUNGS PA YIN GYI, THEG DMAN MTHONG LAM PAL DE LTAR KHYAB PA MED DE, MI LCOGS MED NA DGA' MA GTOGS, ,ZHES GSUNGS PA'I PHYIR ZER NA, BSAM GZUGS KYI SKABS SU BSHAD PA LTAR LAM RIM DANG GSER PHRENG GI BSHAD TSUL MI 'DRA BAR YOD PAS, GANG BDE'I RJES SU 'BRANG BAR BYA'O, ` ,BSDU BAR, DAD SOGS LNGAS BYANG PHYOGS SO BDUN MA BSDUS BAR GSUNGS PA'I SKABS SU, BTANG SNYOMS DGA' BA TSUL KHRIMS SHIN SPYANGS BZHI TZAM MA BSDUS PAR GSUNGS PA NI, RTOG PA SHES RAB KYI RDZAS YIN PAS SHES RAB TU 'DUS PA LA DGONGS SHING, 'DI LTAR NA BYANG PHYOGS SO BDUN RDZAS DGUR 'DU BAR 'GYUR RO, BYE SMRA LTAR NA LUS NGAG GI LAS RDZAS THA DAD PAS RDZAS BCU GCIG YIN PAR MDZOD 'GREL LAS BSHAD DO, ,BYE SMRAS RDZU 'PHRUL NI TING NGE 'DZIN DANG, RKANG PA NI 'DUN PA BRTZON 'GRUS SEMS DPYOD PA BZHI LA 'DOD PAS, LUGS DE'I BYANG PHYOGS SO BDUN RDZAS BCU GSUM DU 'DUS TE, SNGAR GYI RDZAS BCU'I STENG DU 'DUN PA DANG SEMS PA DANG DPYOD PA'I RDZAS GSUM SNON DGOS PA'I PHYIR ZHES MKHAS PA KHA CIG BZHED DO, ,GRUB MTHA' GONG MAS RDZU 'PHRUL NI SPRUL SGYUR DANG, RKANG PA NI TING NGE 'DZIN DANG, 'DUN PA LA SOGS PA BZHI NI TING NGE 'DZIN DE'I RGYUR BZHED PAS NA, RDZAS @013B BCU LAS LHAG PAR MI 'GYUR RO, ,DES NA BYANG PHYOGS SO BDUN NI RDZAS DGU DANG BCU DANG BCU GCIG DANG BCU GSUM DU 'DU BA'I BSHAD TSUL YOD DO, ` ,NANG GI LUS NI MIG SOGS DBANG PO LNGA DANG, PHYI'I LUS NI RGYUD KYIS MA BSDUS PA'I YUL SOGS YUL LNGA DANG, PHYI NANG GNYIS KA'I LUS NI RGYUD KYI BSDUS PA'I GZUGS SOGS YUL LNGA DANG GZHAN RGYUD KYI DBANG PO GZUGS CAN LA BYED DO, ,GSER PHRENG LAS, THA MA GSUM GYI NANG LA SOGS PA NI RIM PA LTAR LUS GSUM POL BRTEN PA'AM DE GSUM LA DMIGS NAS BYUNG PA'O, ,ZHES GSUNGS TE, DE LA RTEN GYI SGO NAS BZHAG PA'I NANG GI TSOR BA NI RANG RGYUD KYI DBANG SHES SU GYUR BA'I TSOR BA LNGA DANG, DE'I PHYI NANG GNYIS KA'I TSOR BA NI GZHAN RGYUD KYI DBANG SHES SU GYUR BA'I TSOR BA LNGA LA BYED CING, RTEN GYI SGO NAS BZHAG PA'I PHYI'I TSOR BA YOD PAR KUN BTUS LAS GSUNGS TE, DE'I MTSAN GZHIR GANG 'JOG DPYAD BYA'O, ,DMIGS PA'I SGO NAS BZHAG PA'I TSOR BA GSUM NA RIM PA LTAR NANG DANG PHYI DANG GNYIS KA'I LUS LA DMIGS PA'I TSOR BA GSUM MO, ,NANG DANG PHYI DANG GNYIS KA'I SEMS GSUM NI TSOR BA'I DBYE BA NGES RIGS BSGRE'O, ,CHOS LA TSOR BA MA GTOGS PA'I SEMS BYUNG THAMS CAD DANG LDAN MIN 'DU BYED DANG 'DUS MA BYAS GSUM LAS, SEMS BYUNG GI NANG LA SOGS PA GSUM NI TSOR BA'I DBYE BA BYAS PA DES RIGS BSGRE'O, ,LDAN MIN 'DU BYED KYI NANG LA SOGS PA GSUM NI RIM PA LTAR NANG DANG PHYI DANG GNYIS KA'I @014A *, ,LUS KYI SKYE 'JIG GNAS RGA BZHI LTA BU DANG, 'DUS MA BYAS KYI NANG LA SOGS PA GSUM NI RIM PA LTAR NANG DANG PHYI DANG GNYIS KA'I LUS KYI STONG NYID LTA BU LA BYED DAM SNYAM MO, ` ,MDO SDE RGYAN LAS, RTEN DANG GNYEN PO DAG DANG NI, ,DE BZHIN DU NI 'JUG PA DANG, ,DMIGS PA DANG NI YID BYED DANG, ,THOB PA'I SGOM PA KHYAD PAR 'PHAGS, ,MTHUN DANG RJES SU 'JUG PA DANG, ,YONGS SU SHES DANG SKYE BA DANG, ,CHEN PO DANG NI MCHOG NYID DANG, ,BSGOM DANG YANG DAG 'GRUB PA GZHAN, ,ZHES THEG CHEN GYI DRAN PA NYER BZHAG DE THEG DMAN GYI DE LAS KHYAD CHOS BCU BZHI'I SGO NAS KHYAD PAR DU 'PHAGS PAR GSUNGS TE; DON NI SKABS BZHI PA'I BSDUS DON LAS, THEG MCHOG SHES RAB GSUM RTEN MTSAN 'DZIN GNYEN, ,GZHAN BDEN BZHIR 'JUG SEMS CAN KUN LUS DMIGS, ,MI DMIGS YID BYED DE BZHIN THOB PA'I STE, ,LUS 'BRAL PHYIR MIN MI 'BRAL PHYIR YANG MIN, ,KHA CIG CHOS SKU ZAG PHUNG GNYIS LA SBYARo, ,LA LA ZHIR 'JUG MIN YANG 'DOD LA SBYAR, ,PHAR PHYIN DANG MTHUN NYAN RANG RJES SU'ANG 'JUG ,SGYU 'DRAR YOD SHES BSAM BZHIN SRID PAR SKYE, ,RANG BZHIN RNO BAS BSGOM PA CHUNG DU'ANG CHE, ,DAG SARo 'DRES PA NYE BAR SGOM PHYIR MCHOG ,SHIN TU BSGOM PAS LHAG MED ZAD MI 'GYUR, ,BCU @014B PA'I SA DANG SANGS RGYAS YANG DAG 'GRUB, ,CES PA LTAR GZUNG STE, RGYAS PAR GZHAN LAS SHES PAR BYA'O, ,KHA CIG CHOS SKU ZHES SOGS RKANG PA GNYIS KYI DON NI, THOB PA'I KHYAD PAR LA KHA CIG GIS, BYANG CHUB SEMS DPA' RNAMS KYI CHOS SKU STE SKU GSUM THOB PAR BYA BA'I PHYIR DRAN NYE BSGOM PAS LUS LA SOGS PA DANG 'BRAL BA'I PHYIR BSGOM PA'ANG MA YIN LA, ZAG BCAS NYER LEN GYI PHUNG PO DANG 'BRAL BA'I PHYIR DE BSGOM PAS LUS LA SOGS PA DANG MI 'BREL PA'I PHYIR BSGOM PA'ANG MA YIN ZHES SBYAR BA DANG, LA LA NA RE, BYANG SEMS KYIS LUS LA SOGS PA LASO SKYE LTAR ZHI BA STE PHAN YON CAN DU MTHONG NAS 'JUG PA MIN YANG, DE DAG LA BRTEN NAS SKU GSUM THOB DGOS PAS GNAS SKABS SU 'DOD CING DON DU GNYER BA'I PHYIR 'BRAL BA'I PHYIR BSGOM PA'ANG MA YIN LA, SNYING PO BLANGS PA'I MTHAR 'DOR DGOS PAS MI 'BRAL BA'I PHYIR BSGOM PA'ANG MA YIN ZHES SBYAR BA'O, ` ,THUN MONG PA'I SGOM TSUL LA, LUS LA LUS KYI RJES SU LHA BA NAS CHOS LA CHOS KYI RJES SU LTA BA'I BAR DU GSUNGS PA NI, LUS SOGS LA RJES SU LTA BA LA LUS SOGS KYI RJES SU LTA BA ZHES BDUN PA'I TSIG GIS BSDU BA YIN PAR GSUNGS SHING, RJES SU LTA TSUL NI, RNAM RTOG GI GZUGS BRNYAN RO BAM BA DANG 'BUS GZHIG PA SOGS SU YID LA SNANG BA DANG, RANG GI LUS LA DE LTA BU'I CHOS CAN, DE LTA BU'I RANG BZHIN CAN, MTSAN NYID DE LAS MA 'DAS PA'O ZHES MI GTZANG BAR MNYAM PA NYID DU LTA BA STE, TSIG GSUM NI 'DAS MA @015A *, ,'ONGS DA LTAR GYI LUS GSUM LA SBYOR RO, ,TSOR BA RNAMS SDUG BSNGAL BA DANG, SEMS RNAMS RTEN DANG DMIGS PA THA DAD LAS GZHAN DANG GZHAN DU SKYE BAS MI RTAG PA DANG, CHOS RNAMS BDAG DANG BRAL BA'I KUN BYANG TZAM MO ZHES SGOM PAR GSER PHRENG LAS GSUNGS SO, ,SGRA DON LA BYE SMRAS, SHING GSHEGS PA KHYI'US 'DZIN PA LTAR DRAN PAS DMIGS RNAM MI BRJED PA'I STOBS KYIS SHES RAB YUL LA 'JOG PAS SO ZHES 'DOD KYANG, SHES RAB KYIS SO SOR PHYE BA'I DON DRAN PAS MI BRJED PAR 'DZIN PAS NA DRAN PA NYER GZHAG CES PA NI LEGS PAR GSUNGS SO, ` ,YANG DAG PAR SPONG BA BZHI SGOM TSUL LA, MDO LAS, 'DUN PA SKYED DO, ,'BAD DO, ,BRTZON 'GRUS RTZOM MO, ,SEMS RAB TU 'DZIN TO, ,RAB TU 'JOG GO ,ZHES TSIG LNGA GSUNGS PA'I DANG PO 'DUN PA NI RGYU STE, DES BRTZON 'GRUS KYI RTEN BYED PA'I PHYIR RO, , GNYIS PA NI, GNYEN PO SKYON MED SGOM PA'I DUS SU ZHI GNAS DANG RAB TU 'DZIN PA DANG BTANG SNYOMS KYI MTSAN MA GSUM YID LA BYED PA'I DON DU 'BAD PA'O, ,GSUM PA NI, BYING RGOD YANG YANG 'BYUNG TSE DE DAG SEL BA'I DON DU BRTZON 'GRUS RTZOM PA'O, ,BZHI PA DANG LNGA PAS NI BRTZON 'GRUS JI LTAR RTZOM LUGS BSTAN TE, RAB TU 'DZIN PA NI, BYING BA 'THUG PA DANG YANG YANG BYUNG NA TING NGE 'DZIN BSGOM PA'I 'PHRO BSHOL TE @015B SANGS RGYAS KYI SKU LTA BU DANG BAR 'GYUR BA'I DMIGS PA YID LA BYED PAS GZENGS BSTOD PA'I SEMS RAB TU 'DZIN PA'O, ,RAB TU 'JOG PA NI, RGOD PA SHUGS DRAG PA'AM RGYUN RING BA BYUNG NA 'KHOR BA'I NYES DMIGS SOGS SKYO BAR 'GYUR BA'I DMIGS PA YID LA BYED PA'I SGO NAS SEMS RAB TU 'JOG PA'O, ,BSTAN SGRON GYI MTSAN LAS, DE'I 'BAD PA DANG BRTZON 'GRUS GNYIS KA'ANG BYING RGOD SEL BAR BRTZON PA LAS GZHAN KHYAD CHER MI SNANG PAS DE GNYIS KYI KHYAD PAR GANG YIN DPYAD DO, ,ZHES BSHAD KYANG, GSER PHRENG LAS, 'BAD PA NI ZHI GNAS DANG RAB TU 'DZIN PA DANG BTANG SNYOMS KYI MTSAN MA YID LA BYED PA'O, ,DE GSUM GYI MTSAN MA YID LA BYED PAS GNYEN PO SKYON MED SGOM PA'I DUS SO, ZHES GSUNGS PA LA BRTEN NAS DE GNYIS KYI KHYAD PAR SHES PAR BYA STE, 'BAD PA'I SKABS KYI RAB TU 'DZIN PA'I MTSAN MA YID LA BYED TSUL NI, BYED BA SRAB PA DANG LAN RE GNYIS TZAM 'BYUNG BA'AM MA BYUNG YANG BYING ZON BYAS TE TING NGE 'DZIN BSGOM PA'I 'PHRO MA BSHOL BAR SEMS KYI 'DZIN STANGS NGAM DU 'DZIN PA YIN ZHING, DE'I SKABS KYI ZHIG NAS KYI MTSAN MA YID LA BYED TSUL NI, RGOD PA SHUGS ZHAN PA DANG RGYUN THUNG DU BYUNG TSE BSGOM PA'I 'PHRO MA BSHOL BAR SEMS 'PHROS PA DE BKU GNAS DMIGS PA LA RAB TU 'JOG PAR BYED PA YIN LA, BRTZON 'GRUS KYI SKABS KYI RAB TU 'DZIN PA NI, BYING BA 'THUG PA DANG YANG YANG BYUNG BA NA RE ZHIG LA TING NGE 'DZIN BSGOM PA'I 'PHRO BSHOL NAS DANG PAR 'GYUR @016A *, ,PA'I DMIGS PA YID LA BYED PA'I SGO NAS BYING BA ZHI BAR BYAS TE SNGAR GYI DMIGS PA DAM DU 'DZIN PA YIN ZHING, DE'I RAB TU 'JOG PA NI, RGOD PA SHUGS DRAG PA'AM RGYUN RING BA BYUNG TSE BSGOM PA'I 'PHRO BSHOL NAS SKYO BAR 'GYUR PA'I DMIGS PA YID LA BYED PA'I SGO NAS RGOD PA ZHI PAR BYAS NAS SNGAR GYI DMIGS PA LA SEMS RAB TU 'JOG PAR BYED PA YIN NO, ,YANG DAG PAR SPONG BA BZHI STOBS BZHIR 'DU TSUL NI GZHAN LAS SHES PAR BYA'O, ` ,RTEN DANG RAB TU DBYE BA DANG, ,THABS DANG MNGON PAR BSGRUBS PA YIS, ,ZHES PA LTAR, THEG CHEN GYI RDZU 'PHRUL GYI RKANG PA'I RTEN NI, BSAM GTAN BZHI PO GANG RUNG DU GYUR BA'I TSAD MED BZHI DANG, RAB TU DBYE BA NI, 'DUN PA DANG BRTZON 'GRUS DANG SEMS DANG DPYOD PA'I RDZU 'PHRUL GYI RKANG PA BZHI DANG, THABS NI, 'DU BYED BRGYAD THABS BZHIR 'DUS PA STE, DAD PA DANG 'DUN PA DANG BRTZON 'GRUS GSUM NI 'BAD PAR BYED PA'I THABS DANG, SHIN SPYANGS NI PHAN 'DOGS BA'I THABS DANG, DRAN PA DANG SHES BZHIN NI GTOD PAR BYED PA'I THABS DANG, 'DU BYED DANG BTANG SNYOMS NI GNYEN PO'I THABS TE BZHI DANG, 'BRAS BU MNGON PAR SGRUB PA NI, MTHONG BA DANG NI GDAMS NGAG DANG, ,GNAS PAS RNAM PAR RTZE BA DANG, ,SMON LAM DANG NI DBANG DAG DANG, ,CHOS THOB PA NI SGRUB PA'I PHYIR, ,ZHES PA LTAR, SPYAN @016B LNGAS YUL SNA TSOGS MTHONG BA DANG, MNGON SHES DRUG GIS SANGS RGYAS LAS GDAMS NGAG MNOS TE SEMS CAN GZHAN LA STON PAR BYED PA DANG, GNAS PA'AM TING NGE 'DZIN GYI SPRUL PA'I MTHUS DE BZHIN GSHEGS PA'I 'KHOR GYI DKYIL 'KHOR DU TING NGE 'DZIN DU MAR 'JUG LDANG GIS ROL BAR BYED PA DANG, SMON LAM GYI MTHUS JI LTAR 'DOD PA'I SKYE GNAS DAG TU SKYES NAS SEMS CAN GYI DON SNA TSOGS BYED PA DANG, DAG SAR TSEL DBANG BA LA SOGS PA'I DBANG BCU SGRUB PA DANG, SANGS RGYAS KYI SA'I STOBS BCU LA SOGS PA'I CHOS RNAMS THOB PA STE DRUG GO ,SPYI DON 'DIR RTEN DANG RAB TU DBYE BA DANG ZHES SOGS DRANGS PA'I TSIGS BCAD 'DI NI, DENG SANG GI RGYAN GYI DPE DANG MI MTHUN PAR SNANG STE, 'GYUR KHYAD DAM SPYI DON GYI YI GE NOR BA YIN DPYAD PAR BYA'O, ` ,'GREL TSAN GYI GZHUNG 'DI LA KHA CIG NA RE, DPANG STOBS KYI KHYAD PAR BSHAD PA 'DI MI 'THAD PAR THAL, SBYOR LAM BZOD PA YAN CHAD LA MA DAD BA SOGS MNGON DU GYUR BA YOD PA'I PHYIR TE, DER MA ZAD 'PHAGS PA LA'ANG MA DAD PA SOGS MNGON DU GYUR BA YOD PA'I PHYIR TE, DE LA NYON MONGS CAN GYI SEMS MNGON DU 'GYUR PA YOD BA'I PHYIR, KHYAB STE, MA DAD PA DANG LE LO NI NYON MONGS CHEN PO'I SA BA YIN PA'I PHYIR RO, ,GAL TE DKON MCHOG LA MA DAD PA SOGS MNGON GYUR DU MED PA'I DON YIN ZER NA YANG MI 'THAD DE, DE LTAR NA THEG CHEN GYI SBYOR LAM DROD DANG RTZE MO BA'I RGYUD LA STOBS LNGA PO GANG RUNG @017A *, ,YOD PAR THAL BA'I PHYIR TE, DE DAG GI RGYUD LA DKON MCHOG LAM DAD PA LTA CI SMOS THE TSOM MNGON GYUR BA YANG ZAD PAR 'OG NAS GSUNGS PA'I PHYIR ZHES RTZOD PA'I LAN LA GNYIS YOD DE, KHA CIG GIS, BZOD PA YAN CHAD NA MA DAD PA SOGS SHAS CHER MNGON GYUR DU MI 'BYUNG BA'I DON YIN GYI GTAN NAS MNGON GYUR DU MI 'BYUNG BA'I DON MIN PAS SKYON MED ZER, GZHAN DAG GIS, GANG LA DROD SOGS 'JOG PA'I YUL BDAG MED LA MDZAD PA SOGS MNGON GYUR MI 'BYUNG BA'I DON YIN GYI YUL THAMS CAD LA MIN PAS SKYON MED LA, RANG GI NGO SKAL GYI MA DAD PA SOGS MNGON GYUR DU SKYA BA'I GO SKABS MA BCOM NA STOBS SU MI RUNG BAS, BZOD PA YAN CHAD KYI DBANG BO LNGA BO GANG RUNG LA'ANG STOBS YIN PAS KHYAB PA MED CES ZER TE, GANG 'THAD DPYAD BYA'O, ` ,DBEN PA LA GNAS PA ZHES SOGS KYI DON NI, SDUG BSNGAL GYIS DBEN PA TSOL PA DANG, DE'I CHED DU KUN 'BYUNG LA CHAGS PA DANG BRAL BAR BYED PA DANG, 'GOG PA MNGON DU BYED PAR 'DOD PA DANG, DE'I CHED DU SDUG KUN SPONG BYED KYI LAM SGOM PA'I DON NO, ,BYANG CHUB KYI YAN LAG BDUN PO GANG RUNG YIN NA ZAG MED KYI 'DAS LAM YIN PAS MA KHYAB STE, 'JIG RTEN PA'I BYANG CHUB KYI YAN LAG BDUN YOD PA GANG ZHIG ,DE DAG RTOG PA YIN PA'I PHYIR TE, BSDU BA LAS, 'JIG RTEN PA'I BYANG CHUB KYI YAN LAG DRAN PA LA SOGS PA GANG DAG @017B YIN PA DE DAG KYANG BYANG CHUB KYI YAN LAG YIN PAS RNAM BAR RTOG PA'I NGO BO NYID YIN PAR BLTA BAR BYA'O, ,ZHES GSUNGS SO, ` ,DE'I GZHI DANG GNAS KYI KHYAD PAR NI BYA BA'I GZHI DANG BYED PA'O ZHES GSER PHRENG LAS SO, ` ,'PHAGS LAM YAN LAG BRGYAD LA'ANG 'JIG RTEN PA'I DE DANG 'JIG RTEN LAS 'DAS PA'I DE GNYIS YOD LA, 'JIG RTEN PA'I DE DAG NI RTOG PA YIN TE, BSDU BA LAS, YANG DAG PA'I LTA BA LA SOGS PA LAM GYI YAN LAG RNAMS KYANG GANG DAG 'JIG RTEN PA YIN PA DE DAG NI SNGA MA BZHIN DU BLTA BAR BYA'O, ,ZHES GSUNGS PA'I PHYIR, 'ON KYANG DGE MI DGE'I LAS 'BRAS MI BSLU BAR NGES PA'I LTA BA YANG 'JIG RTEN PA'I YAN DAG PA'I LTA BA YIN LA, 'JIG RTEN PA'I YANG DAG BA'I DAG DANG LAS KYI MTHA' 'TSO BA GSUM SO SKYE LA'ANG YOD PAS, DE DAG LA 'PHAGS LAM GYIS KHYAB PA MED DO, ,'DOD CHAGS MA GTOGS PA'I NYON MONGS GZHAN GYIS KUN NAS BSLANG BA'I DAG GE MI DGE BA BZHI LOG PA'I NGAG DAG DANG; 'DOD CHAGS MA GTOGS PA'I NYON MONGS GZHAN GYIS KUN NAS BSLANG BA'I LUS KYI MI DGE BA GSUM NI LOG PA'I LAS MTHA' DANG, 'DOD CHAGS KYIS KUN NAS BSLANG BA'I LUS NGAG GNYIS KA'I MI DGE BA BDUN NI LOG PA'I 'CHO BA YIN PAR GSUNGS TE, LOG 'TSO LNGA NI 'OG TU 'CHAD DO, ,'DOD CHAGS MA GTOGS PA'I NYON MONGS GZHAN GYIS KUN NAS BSLANG BA'I NGAG GI MI DGE BA BZHI SPONG BA'I TSUL KHRIMS NI YANG DAG PA'I NGAG YIN LA, GZHAN @018A *, ,GNYIS KYANG DES GO BAR ZAD DO, ,DE GSUM LA 'JIG RTEN PA'I DE GSUM DANG 'JIG RTEN LAS 'DAS PA'I DE GSUM RE YOD PA LAS, 'JIG RTEN LAS 'DAS PA'I DE GSUM NI ZAG MED KYI SDOM PA YIN NO; ;MTHONG LAM THOB PA DANG DUS MNYAM DU YANG DAG PA'I LTA BA DANG RTOG PA DANG NGAG DANG LAS MTHA' DANG 'TSO BA STE LNGA NI MNGON GYUR DU MI SKYES KYANG, DE DAG SKYES PA NUS BA MTHU CAN THOB PA LA DE DAG THOB PAR BZHAG STE, GSER PHRENG LAS; ;RTOG PA DANG LUS NGAG GI GSUM STE BZHI DANG LTA BA NI MNYAM GZHAG GA DUS NA MNGON GYUR DU MED DO, ,ZHES GSUNGS PA'I PHYIR RO, ,BYE SMRAS MNYAM GZHAG NA 'PHAGS LAM YAN LAG BRGYAD KA YOD PAR 'DOD PA LA, GZHAN DAG GIS, MNYAM GZHAG NA NGAG SMRA BA SOGS YOD PAR THAL, DE NA YANG DAG PA'I NGAG SOGS YOD PA'I PHYIR ZHES RTZOD PA'I LAN DU, BYE SMRAS MNYAM GZHAG NA NGAG SMRA BA SOGS MED KYANG GANG THOB PAS LOG PA'I NGAG LA SOGS PA LA MI 'JUG CING; YANG DAG PA'I NGAG LA SOGS PA LA 'JUG PA'I RGYU RNAM RIG MA YIN PA'I SDOM PA THOB PA DE LA 'BRAS BU'I MING BTAGS NAS YANG DAG PA'I NGAG LA SOGS PAR BZHAG GO ,ZHES ZER BA LA, 'DI'I MGO MTSUNGS KYI LAN DU GZHAN DAG GIS, 'O NA KHO BO CAG GI LUGS LA YANG MNYAM GZHAG NA YANG DAG PA'I NGAG SOGS SKYED PA'I NUS PA MTHU CAN THOB PA LA 'BRAS BU YANG DAG PA'I NGAG SOGS @018B THOB PAR CI'I PHYIR MI BZHAG CES 'CHAD DO, ,RGOL PA GNYIS KAS MTHONG LAM THOB PA DANG DUS MNYAM DU YANG DAG PA'I DAG SOGS THOB PAR 'DOD PA MTHUN KYANG DNGOS SU YOD MED LA RTZOD PA YIN LA, BSDUS DON DU RTZOD LAN DE DAG SNGAR BSHAD PA DANG MI 'DRA PAR 'BYUNG YANG, KHO BOS BSHAD PA NYID GZHUNG GI DGONGS PA YIN NAM SNYAM STE, THUB DGONGS LAS, 'JIG RTEN LAS 'DAS PA'I CHOS THOB PAS DE'I RANG BZHIN ZAG PA MED PA'I RNAM PAR RIG BYED MA YIN PA 'THOB STE, GANG THOB BAS LANGS KYANG SLAR YANG LOG PA'I NGAG LA SOGS PA LA MI 'JUG CING YANG DAG PA'I NGAG LA SOGS PA LA YANG 'JUG GO ,DE'I PHYIR RGYU MTSAN LA RGYU MTSAN CAN NYE BAR BTAGS PA LAS YAN LAG BRGYAD NYID DE GZHAN DU NA LAM LA MNYAM PAR GZHAG PA LA 'GAL LO, ,ZHES BYE SMRA'I 'DOD PA BKOD PA DANG, GSER PHRENG LAS, BYE SMRA'I 'DI'I MGO MTSUNGS KYI LAN LA RNAM PAR RIG BYED MA YIN PA MED PA'I LUGS LA YANG MNYAM GZHAG TU LOG PA'I NGAG SOGS LA MI 'JUG PA'I RGYU MTSAN THOB PA LA RGYU MTSAN CAN THOB PAR CI'I PHYIR MI BZHAG CES 'CHAD DO, ,ZHES GSUNGS PA'I PHYIR, KHYAB STE, 'DI'I RGYU MTSAN ZHES PA RGYU DANG RGYU MTSAN CAN ZHES PA 'BRAS BU LA BYED PA'I PHYIR RO, ` ,MDZOD DU 'GOG BDEN GYI RNAM PA BZHI MTSAN MED KYI YUL DU BSHAD NAS LAM BDEN GYI BZHI DER MA BSHAD PA NI, GZUGS SOGS DON LNGA DANG PO@019A *, ,MO DANG SKYE 'JIG GNAS GSUM STE YUL GYI MTSAN MA BCU LA MTSAN MAR BYAS NAS DA 'GOG PA'I NYAN THOS KYI LAM GYI DBANG DU BYAS SHING, KUN BTUS DANG 'GREL BA 'DIR 'GOG LAM GYI RNAM PA BRGYAD KA MTSAN MED KYI YUL DU BSHAD PA NI, YUL CAN MTSAN MA'I RNAM RTOG DANG BRAL BYED DANG BRAL BA'I DBANG DU BYAS BAS MI 'GAL BAR GSER PHRENG LAS GSUNGS SO, ` ,MTSAN MED KYI RNAM THAR NI 'JIG LTA DE'I RGYU MTSAN CAN TE 'BRAS BU MTSAN MA'I RNAM RTOG GI GNYEN PO ZHES BSHAD NA 'GRIG STE, 'JIG LTA'I RGYU MTSAN GYI RNAM RTOG LA BYAS NA DE SHES SGRIB YIN PAS MI RTAG SOGS BCU DRUG GI RNAM PA CAN GYI LAM GYIS SPONG MI NUS PA'I PHYIR RO, ,DES NA 'GREL BA'I DPE KHA CIG LAS, DE'I RGYU MTSAN GYI RNAM PAR RTOG PA'I GNYEN PO ZHES 'BYUNG BA NI DPE MA DAG STE, 'GREL CHEN GNYIS SU RGYU MTSAN CAN ZHES 'BYUNG BA LTAR 'CHAD DGOS PA'I PHYIR RO, ,DE LTAR GSER PHRENG LAS GSUNGS TE, 'JIG LTA'I RGYU'I RNAM RTOG SHES SGRIB YIN PAR GSUNGS PA NI, RIN CHEN PHRENG BA LAS, JI SRID PHUNG POR 'DZIN YOD PA; ;DE SRID DE LA NGAR 'DZIN YOD, ,CES PHUNG PO BDEN PAR 'DZIN PA'I BLOS NGAR 'DZIN 'JIG LTA SKYED PAR GSUNGS LA, SKABS 'DIR BDEN 'DZIN SHES SGRIB TU 'DOD PA'I RGYU MTSAN GYIS YIN NO, , @019B ` MDO SDE RGYAN LAS, TING 'DZIN GSUM GYI SPYOD YUL NI, ,BDAG MED RNAM PA GNYIS PO DANG, ,BDAG TU 'DZIN PA'I RTEN DANG NI, ,DE DAG NYER ZHI YIN ZHES BYA, ,ZHES PA DAG MED GNYIS RTOGS PA STONG NYID DANG, BDAG TU 'DZIN PA'I RTEN NYE BAR LEN PA'I PHUNG PO LNGA LA NYES DMIGS SU LTA BA SMON MED DANG, RTEN DE GTAN DU NYE BAR ZHI BA'I MYANG 'DAS LA PHAN YON TU LTA BA MTSAN MED KYI TING NGE 'DZIN DU GSUNGS SHING BSDU BA LAS, KUN BTAGS LA BRTEN NAS STONG NYID DANG, GZHAN DBANG LA BRTEN NAS SMON MED DANG, YONGS GRUB LA BRTEN NAS MTSAN MED KYI TING NGE 'DZIN RNAM PAR BZHAG PAR GSUNGS PA YANG 'DI DANG GNAD GCIG STE, RIM BZHIN BDAG GNYIS SU KUN BTAGS PA LTAR RNAM PAR MI RTOG PA DANG, MA DAG PA'I GZHAN DBANG LA RGYAB KYIS PHYOGS PA DANG, YONGS GRUB KYI NGO BOR GYUR BA'I MYANG 'DAS LA DGA' BA'I RNAM PA CAN DU BZHAG PA'I PHYIR, RGYAN LAS,, RNAM PAR ME RTOG RGYAB KYIS PHYOGS, ,RTAG TU DGA' DANG LDAN PA'O, ,ZHES SO, ,TING NGE 'DZIN GYI RGYU NYID DU, ,CHOS KYI SDOM NI RNAM PA BZHI, ,ZHES PA RTZA 'GREL GYIS CHOS KYI SDOM BZHI TING NGE 'DZIN GSUM GYI RGYUR GSUNGS PA LA, SPYI DON 'DIR CHOS KYI SDOM BZHI TING NGE 'DZIN GSUM GYI DMIGS PAR BSHAD PA NI DON LA KHYAD PAR MED DAM DPYAD PAR BYA ZHING, GANG LTAR YANG, TING 'DZIN GSUM GYI SPYOD YUL DU, ,ZHES DRANGS PA @020A *, ,NI YI GE NOR PA YIN NO, ` ,GZUGS CAN GYI RNAM THAR GSUM SGOM PA'I RTEN GYI GANG ZAG NI RNAM BSHAD LAS GSAL BAR MA BSHAD LA, GSER PHRENG LAS, THEG CHEN GYI TSEGS LAM CHEN PO BA YAN CHAD DANG, THEG DMAN GYI PHYIR MI 'ONG LUS MNGON BYED DANG, DGRA BCOM GNYIS KA'I CHA LAS RNAM GROL GYIS SGOM PAR GSUNGS PA LTAR RTOGS DKA'I SNANG BAR YANG BSHAD DO, ,'DI LA KHA CIG NA RE, GZUGS CAN GYI RNAM THAR MA THOB PAR 'GOG PA'I RNAM THAR THOB PA YOD PAR THAL, RNAM THAR DANG PO GSUM GSAR DU SGOM MKHAN GYI PHYIR MI 'ONG LUS MNGON BYED YOD PA'I PHYIR ZHES ZER PA LA, KHA CIG 'DOD PA YIN TE, THEG CHEN GYI DBANG DU BYAS NA GZUGS CAN GYI RNAM THAR SNGON LA 'THOB PA DANG, THEG DMAN GYI DBANG DU BYAS NA RNAM THAR PHYI MA LNGA SNGON LA 'THOB PA'I PHYIR TE, DE LTAR 'THOB PA NI THEG CHEN PAS GZHAN DON GTZO BOR DON DU GNYER BA DANG, THEG DMAN PAS MTHONG CHOS LA BDE BAR GNAS PA GTZO BOR DON DU GNYER BA'I RGYU MTSAN GYIS YIN PA'I PHYIR ZHES ZER, 'DI LA SKYON 'PHEN PA KHA CIG NA RE, BSHAD TSUL 'DI MI 'THAD PAR THAL, PHYIR MI 'ONG LUS MNGON BYED YIN NA RNAM THAR BRGYAD KA THOB PAS KHYAB PA'I PHYIR TE, KUN BTUS LAS, LUS KYI MNGON SUM DU BYED PA GANG ZHE NA, GANG SLOB BA RNAM PAR THAR BA BRGYAD LA BSAM GTAN @020B PA'I GANG ZAG GO ,ZHES GSUNGS PA'I PHYIR, ZHES ZER BA DAG LA DPYAD PAR BYA'O, ,MDZOD LAS, MI SDUG BSAM GTAN GNYIS NA YOD, ,CES RNAM THAR DANG PO GNYIS RIM BZHIN 'DOD PA DANG BSAM GTAN DANG PO'I SAS BSDUS KYI KHA DOG LA CHAGS PA'I GNYEN POR MI SDUG PA SGOM ZHING, SEMS RTEN YANG DANG PO DANG GNYIS PA'I DNGOS GZHI LA BRTEN PAR BSHAD LA, KUN BTUS SU SNGAR BSHAD PA LTAR RAB MTHA' BSAM GTAN BZHI PA LA BRTEN PAR GSUNGS SHING, 'GREL CHEN GNYIS KAR BSAM GTAN DANG GZUGS MED GDAM KHA CAN DU MDZAD DO, ,DE LA RNAM BSHAD LAS RNAM THAR GSUM GA BSAM GTAN NAM GZUGS MED LA BRTEN PAR BSHAD PA DANG, RTOGS DKA'I SNANG BAR MDZOD LAS BSHAD PA DE NYAN THOS SDE BA'I LUGS DANG, KUN BTUS KYI DE THEG PA THUN MONG BA'I RNAM GZHAG YIN LA, SNANG BA GNYIS KAR BSHAD PA NI THEG CHEN THUN MONG MA YIN PA'I DBANG DU BYAS PA STE, BYANG SEMS KYI THABS LA MKHAS PAS GZUGS MED KYI DNGOS GZHI LA BRTEN NAS KYANG GZUGS LA BLTA NUS PA'I PHYIR TE, 'DOD SEMS LA BRTEN NAS 'DAS LAM MNGON DU NUS PA BZHIN ZHES BSHAD DO, ,GSER PHRENG LTAR NA SNANG BA GNYIS KAR GZUGS MED LA BRTEN PAR GSUNGS PA NI DGONGS PA CAN DU BZHED DO, DE NYID LAS, DGONGS PA NI SNGA MA LA GZUGS MED THOB PAS KYANG SGOM PA YOD PA DANG, PHYI MA LA GZUGS MED THOB NA GZUGS KYI @021A *, ,'DU SHES GZHIG SLA BA LA DGONGS NAS GZUGS MED LA BRTEN PAR GSUNGS KYI DE LA BRTEN DGOS PA NI MIN TE, DE GNYIS BSAM GTAN GYI SA PA YIN PAS GZUGS MED KYI SAR 'GAL PA'I PHYIR TE, GZUGS MED KYI DNGOS GZHI LA GZUGS YUL DU MI BYED PAR DU MA ZHIG GSUNGS PA'I PHYIR RO, ,ZHES GSUNGS PAS SO, ,'DI LA KHA CIG NA RE, KUN BTUS LTAR NA RNAM THAR DANG BO GNYIS RAB MTHA'I BSAM GTAN BZHI PA LA BA RTEN DGOS PAR BSHAD PA MI 'THAD DE, RNAM THAR DANG PO GNYIS SGOM MKHAN LA RAB MTHA'I BSAM GTAN THOB BSAM KHYAB PA'I PHYIR TE, RAB MTHA'I BSAM GTAN THOB PA LA GZUGS LA CHAGS PA DANG BRAL BAS KHYAB PA GANG ZHIG ,RNAM THAR DANG PO GNYIS SGOM MKHAN LA GZUGS LA CHAGS PA DANG BRAL BSAM KHYAB PA'I PHYIR, DANG PO GRUB STE, RAB MTHA'I BSAM GTAN LA SNGAR BSHAD PA LTAR 'PHEL PA GSUM GYIS SPYANGS PA'I BSAM GTAN YIN PAS KHYAB PA'I PHYIR, GNYIS PA GRUB STE, KUN BTUS SU DANG PO LA GZUGS LA 'DOD CHAGS DANG MA BRAL BA'AM BZHAG PAS KYANG RUNG STE ZHES PA DANG, GNYIS PA LA GZUGS LA 'DOD CHAGS DANG BRAL PA'AM BZHAG PAS KYANG RUNG STE ZHES GSUNGS PA'I PHYIR, KHYAB STE, DE'I DON NI GSER PHRENG LAS, SNGA MA'I TSE RANG LA GZUGS KYI 'DU SHES BZHAG DGOS BSAM BRAL NA DE SLA LA, GAL TE GZUGS MED THOB PAS BRAL YANG @021B MNGON DU MI BYED PAR GZUGS KYI 'DU SHES BZHAG DGOS PA DANG, PHYI MA'I CHE RANG LA GZUGS KYI 'DU SHES GZHIG DGOS PAS GZUGS MED THOB NA DE SLA LA MA THOB KYANG GZUGS CAN MA YIN PA'I BLO GZHAG DGOS, ZHES GSUNGS PA'I PHYIR, ZHES ZER BA LA, KHA CIG GIS, RAB MTHA'I BSAM GTAN YIN NA 'PHEL BA GSUM GYIS SPYANGS PAS MA KHYAB STE, DAR d'IKA LAS DE LTAR BSHAD KYANG KUN BTU SA RANG LAS DE LTAR MA GSUNGS PA'I PHYIR TE, DES NA GSER PHRENG LAS YON TAN KHYAD PAR CAN GYI RTEN DU RUNG BA'I BSAM GTAN THAMS CAD RAB MTHA'I BSAM GTAN DU GSUNGS PA LTAR 'DOD DGOS PA'I PHYIR ZHES ZER BA DANG, YANG KHA CIG GIS, YON TAN LHAG MNYAN THOS DANG THUN MONG PA'I SDE TSAN DRUG DANG ZAG ZAD KYI MNGON SHES RNAMS RAB MTHA'I BSAM GTAN BZHI PA LA BRTEN PAR KUN BTUS LAS GSUNGS PA NI GTZO CHE BA LA DGONGS PA YIN GYI NGES BZUNG MA YIN TE, DPER NA GZUGS MED KYI RNAM THAR BZHI BSAM GTAN LA BRTEN DU MI RUNG BA BZHIN YIN PA'I PHYIR TE, GZUGS MED KYI RNAM THAR BZHI NI BSAM GTAN GYI SEMS LA BRTEN PAR DAR t'IKA LAS BSHAD PA MA GTOGS, GSER PHRENG SOGS GZHUNG DU MAR GZUGS MED GYI DNGOS GZHI YIN PAR BSHAD PA'I PHYIR RO ZHES ZER BA DAG LA ZHIB CHA GDON PAR BYA'O, ,RANG SA'I KUN DKRIS LAS THAR ZHING DE DANG MA 'DRES PA'I GZUGS MED KYI DNGOS GZHI BZHI NI GZUGS MED KYI RNAM THAR YIN LA, MDZOD LTAR NA DE DAG LA NYER BSNGOGS DANG DNGOS GZHI GNYIS GNYIS @022A *, ,YOD DE, RNAM THAR GYI DON NI 'OG MA LAS RGYAB KYI PHYOGS BA YIN GYI RANG SA'I KUNAD KRIS THAR PA NI MA YIN PA'I PHYIR RO, ,DES NA GONG MA ZHI PAR LTA BA'I GZUGS MED KYI NYER BSNGOGS KYANG RNAM THAR YIN PAR 'DOD DO, ,'GOG PA'I RNAM THAR NI GSER PHRENG LTAR NA 'GAG SNYOMS YIN KYANG RNAM BSHAD LTAR NA 'GOG SNYOMS MIN TE, 'GOG PA'I RNAM THAR NI 'DAS LAM GYI NGO BOR BSKYED NUS PA DANG, 'GOG PA'I SNYOMS 'JUG NI DE LTAR BSKYED MI NUS PAR RNAM BSHAD LAS GSUNGS PA'I PHYIR, ZHES PA NI SPYI DON 'DI'I DGONGS PAR SNANG YANG DPYAD GZHI CHE STE, DE'I KHUNGS NI RNAM BSHAD LAS, RNAM THAR BRGYAD NI BYANG CHUB SEMS DPA' 'PHAGS PA RNAMS KYIS 'DAS LAM GYI NGO BOR BSKYED NUS PA DANG, 'GOG SNYOMS 'DAS LAM GYI STOBS KYIS THOB PAS 'JIG RTEN LAS 'DAS PA'I LAM DU BZHAG GO ,ZHES PA 'DI YIN LA, 'DI NI YI GE NOR BA YIN PA'I PHYIR TE, BSAM GZUGS BRGYAD NI ZER RGYU LA RNAM THAR BRGYAD NI ZHES 'BYUNG PA'I PHYIR TE, GZHUNG 'DI NI SPRUL BA'I LAM DANG MTHONG CHOS BDER GNAS KYI LAM GNYIS KA BSHAD ZIN PA'I RJES SU 'DAS LAM DGU 'CHAD SKABS 'BYUNG PA'I PHYIR DANG, SNYOMS 'JUG DGU 'DAS LAM DU GSUNGS PA'I RGYU MTSAN 'CHAD SKABS YIN PA'I PHYIR RO, ,GZHAN YANG 'DI YIG NOR YIN TE, 'DI'I 'DAS LAM ZHES PA 'PHAGS LAM TZAM LA BYED NA BYANG 'PHAGS DMIGS @022B KYIS BKAR BA'I DGOS PA MED PAR 'GYUR PA'I PHYIR DANG, ZAG MED BDEN PA'I RNAM CAN LA BYED NA BYANG 'PHAGS LA BDEN PA'I RNAM CAN GYI SPRUL PA'I LAM GSUM DANG 'GOG PA'I RNAM THAR YOD PAR THAL BA'I PHYIR RO, ` ,'GOG SNYOMS NI THOD RGAL GYI SKABS SUS DGU GA'I SEMS LA BRTEN PAR BSHAD PAS, 'GOG PA LA SNYOMS PAR 'JUG SEMS SRID RTZE'I DNGOS GZHIR MNGON PA NAS BSHAD PA NI GSAR THOB KYI DBANG DU BYAS PAR GSER PHRENG LAS GSUNGS SO, ` ,SPYI DON 'DI'I DPE KHA CIG LAS, GDAGS ZHES PAS KUN GZHI RNAM SHES BTAGS YOD DU BSTAN PA YIN TE ZHES PA NI YI GE MDAG STE, 'GOG SNYOMS BTAGS YOD DU BSTAN PA'I DON YIN PAS SO, ,SPYI DON 'DIR 'GOG SNYOMS GSAR THOB KYI LUS RTEN LA MI YIN PAS MA KHYAB PAR BSHAD KYANG, MNGON PA GONG 'OG DANG BSDU BA DANG GSER PHRENG DAR t'IKA SOGS LAS DE LA MI YIN PAS KHYAB PAR GSUNGS SO, ,RGYAL SRAS MAR 'GOG SNYOMS MNGON DU BYED PA'I LUS RTEN NYER LNGA BSHAD PA LA BRTEN NAS SPYI DON 'DIR 'DOD LHA'I RTEN CAN GYI PHYIR MI 'ONG LUS MNGON BYED YOD GSUNGS KYANG, 'DOD LHA'I RTEN CAN GYI 'GOG SNYOMS PA YOD PAR BSHAD PA NI BYANG 'PHAGS KYI DBANG DU BYAS SAM SNYAM STE, BYANG 'PHAGS RNAMS BSAM GTAN THOB KYANG 'DOD PAR SKYE PA MI 'GAL PA'I PHYIR DANG, DAR t'IKA LAS, MDZOD KYI 'GREL BSHAD DU RTEN KHYAD PAR CAN GYI DBANG DU BYAS NAS 'DOD LHA'I RTEN LA BSKYED PA YANG BSHAD DO, ,ZHES GSUNGS PAS SO, ,GZUGS MED KYI RTEN CAN GYI 'GOG SNYOMS PA YOD MED NI KUN GZHI KHAS BLANGS PA DANG KHAS MA @023A *, ,BLANGS PA'I KHYAD PAR YIN PAR BSDU BA LAS GSUNGS PA LTAR GSER PHRENG DAR t'IKA SOGS LAS KYANG GSUNGS PAS, SPYI DON 'DIR GZUGS MED KYI RTEN LA 'GOG SNYOMS MNGON DU BYED PA YOD PAR BSHAD PA NI KUN GZHI KHAS BLANGS PA'I DBANG DU BYAS PAR 'DOD DGOS SO, ,SNYING RJE PAD DKAR DANG NYI MA'I SNYING POR BYANG SEMS 'GOG PA LA SNYOMS PAR 'JUG PA'I YUN TSAD MI MTHUN PAR GSUNGS PA'I SNGA MA NUS MTHU DANG PHYI MA DNGOS PO'I GNAS TSOD KYI DBANG DU BYAS PAR 'DIR BSHAD KYANG, GSER PHRENG LAS PHYI MA DGONGS PA CAN DU MDZAD PA LTAR 'THAD DE, RJE'I PHYI RTZOM DANG SRAS MCHOG RNAM GNYIS SOGS KYIS 'DI LAS GZHAN DU BSHAD PA MI SNANG BA'I PHYIR RO, ` ,SKABS 'DIR KUN GZHI NYON YID CUNG ZAD 'CHAD PA LA GNYIS, MTSAN NYID BSHAD PA DANG, SGRUB BYED BSHAD PA'O, ,DANG PO LA GNYIS, KUN GZHI DANG, NYON YID KYI MTSAN NYID BSHAD PA'O, ,DANG PO LA GNYIS, RTEN DU GYUR BA RNAM SMIN GYI KUN GZHI DANG, BRTEN PA SA BON GYI MTSAN NYID BSHAD PA'O, ,DANG PO NI, DMIGS PA GNAS DON LUS SOGS GANG RUNG LA DMIGS NAS, RNAM PA YUL DE DAG SNANG YANG MA NGES PA, NGO BO MA SGRIBS LUNG MA BSTAN, 'KHOR TSOR SOGS KUN 'GRO LNGA KHO NA DANG MTSUNGS PAR LDAN PA, BAG CHAGS BSGO GZHIR GYUR BA'I CHA NAS BZHAG PA'I YID KYI RNAM SHES DE, RTEN DU GYUR BA RNAMS SMIN GYI KUN GZHI'I MTSAN NYID, RTZOD TSE BAG CHAGS BSGO GZHIR @023B GYUR BA'I CHA NAS BZHAG PA'I YID KYI RNAM SHES DE DE'I MTSAN NYID, CHA BZHAG GIS DGRA BCOM PA DANG DAGS BA'I RGYUD KYI RNAM SMIN GYI RNAM SHES GCOD, DE'I DMIGS PA YOD DE, DNGOS BTAGS MA PHYE PA'I DBANG DU BYAS NA, GNAS DBANG RTEN DANG, YUL GZUGS SOGS DON LNGA DANG, SEMS CAN GYI SGRAS BSTAN PA'I MIG SOGS DBANG PO LNGA DANG, TSOR SOGS MING GZHI'I PHUNG PO DANG, GNAS DON LUS SOGS SNANG BYED KYI BAG CHAGS RNAMS DE YIN PA'I PHYIR TE, YID DANG KUN GZHI'I RTZA BAR; DON DANG SEMS CAN BAG CHAGS LA, ,RNAM PAR RIG PA, ZHES GSUNGS PA'I PHYIR DANG, SUM CU PA LAS, DE NI LEN PA NGAG DANG GNAS, ,RNAM PAR RIG PA, ZHES KUN GZHI DE NI NANG NYE BAR LEN PA'I PHUNG PO DANG, PHYI SNOD KYI GNAS GNYIS RNAM PAR RIG PAR BSHAD PA'I SNGA MA LA BAG CHAGS DANG, GNAS DBANG RTEN DANG BCAS PA'I MIG SOGS DBANG PO LNGA DANG, MING GZHI'I PHUNG PO STE GSUM BSHAD PA'I PHYIR TE, SUM CU PA'I 'GREL BA LAS, BAG CHAGS DANG, GNAS DANG BCAS PA'I DBANG PO'I GZUGS DANG, MING STE, ZHES GSUNGS PA'I PHYIR, SUM CU PA RTZA 'GREL NAS BSHAD PA'I KUN GZHI'I DMIGS PAR GZUGS SOGS DON LNGA MA 'DUS PA'I SKYON MED DE, RGYUD KYIS BSDUS PA'I DON LNGA NI GNAS DBANG RTEN DER 'DUS SHING, RGYUD KYIS MA BSDUS PA NI PHYI SNOD KYI GNAS SU 'DUS PA'I PHYIR RO, ,'DOD PA'I KUN GZHI'I DMIGS PA LA DE DAG THAMS CAD YOD LA, GZUGS KHAMS PA'I KUN GZHI'I DMIGS PA LA DRI RO MA GTOGS PA GZHAN RNAMS @024A *, ,DANG, GZUGS MED PA'I KUN GZHI'I DMIGS PAR BAG CHAGS DANG MING GZHI'I PHUNG PO TZAM YOD DO, ,DE DAG LAS BAG CHAGS NI DMIGS PA BTAGS PA BA YIN TE, RTZA BAR, SA BON GYI, ,DBANG GIS GNAS DON LUS SU NI, ,SNANG PHYIR DMIGS PA DAG TU 'DOD, ,CES DANG, 'GRAL BAR, SA BON DE SNANG NAS YUL DU MI 'GYUR KYANG DE'I DBANG GIS KUN GZHI RNAM SMIN DE GNAS DBANG RTEN DANG, LUS DBANG PO DANG, DON YUL LNGA'I SNOD BCUD DU SNANG BAR 'GYUR PAS NA DMIGS PAR BZHAG STE, DPER NA YUL GYI DBANG GIS SHES PA DE'I RNAM PA CAN DU BYUNG BAS YUL DE MI SNANG YANG DMIGS PAR 'DOD PA BZHIN NO, ,ZHES GSUNGS PA'I PHYIR, DE'I DPE LA GANG 'JOG PA NI DPYAD RGYUR SNANG STE, SKABS 'DIR 'DAS PA'I DON DRAN PA'I BLO NI BAG CHAGS KYI DBANG GIS YUL GYI RNAM PA CAN DU SKYE BA YIN GYI YUL GYI DBANG GIS MA YIN PAS NA, MDO SDE BAS DE 'DRA ZHIG 'DOD PA DPER MDZAD DAM SNYAM MO,, DE LA KHA CIG NA RE, KUN GZHI'I GZUNG YUL YIN NA GZUGS MED KYI SAS BSDUS MA YIN PAS KHYAB PAR THAL, RTZA BAR, KUN GZHI'I GZUNG CHA DAG LA NI, ,RNAM SHES LNGA YIS 'DZIN BYED CING, ,DRUG PAS THA SNYAD 'DOGS PAS NA; ;KHAMS GNYIS DAG TU NGES PA STE, ,ZHES SOGS RTZA 'GREL GYI DON GRUB PA'I PHYIR NA MA KHYAB STE, DER GYUR BA'I DBANG DON LA DGONGS PA'I PHYIR RO, ,KHA CIG NA RE, RNAM SHES GNYIS KYI GZUNG CHA THUN MONG PA MED PAR THAL, @024B DE YOD NA PHYI ROL GYI DON DU GRUB DGOS PA'I PHYIR TE, DKA' 'GREL LAS RNAM PAR DPYAD PA NA PHYI DON MED PAS NA GZUNG CHA THUN MONG PA YANG MED PA DANG, MA BRTAGS MA DPYAD PA NA GZUNG CHA THUN MONG PA 'DOD KYANG DE SHES PA'I BDAG NYID DU MI 'DOD PAR GSUNGS PA'I PHYIR NA MA KHYAB STE, SNGA RABS PA RNAMS KYIS MA BRTAG MA DPYAD PA NA 'DI YIN LA BRTAGS SHING DPYAD PA NA DE YIN ZHES CHA GNYIS RE 'BYED PA'I 'DOD TSUL BKOD PA YIN PA'I PHYIR, 'DOD MI NUS TE, LHAS SBYIN GYI KUN GZHI DANG MCHOD SBYIN GYI KUN GZHi GNYIS KYI GZUNG CHA THUN MONG PA YOD PA'I PHYIR TE, LHAS SBYIN MCHOD SBYIN GNYIS KA'I BDAG 'BRAS THUN MONG PA YOD PA'I PHYIR TE, THUN MONG DANG THUN MONG MA YIN PA'I SA BON BSHAD PA'I GO DON YOD PA'I PHYIR RO, ,YANG KHA CIG NA RE, GZUGS MED KYI KUN GZHI'I DMIGS YUL YOD PAR BSHAD PA MI 'THAD DE, DKA' 'GREL LAS GZUGS MED KYI KUN GZHI LA DMIGS PA MED PAR, 'DAS SOGS DE BZHIN RMI LAM DANG, ,GZUGS BRNYAN RNAM PA GNYIS PO YANG, ,DMIGS PA YOD PA MA YIN PAS, ,DE NI DMIGS PAR RUNG PHYIR RO, ,ZHES THEG BSDUS DRANGS NAS BSHAD PA'I PHYIR NA MA KHYAB STE, DE'I DMIGS PAR GYUR BA'I PHYI'E DNGOS PO MED PA LA DGONGS PA'I PHYIR TE, GZHAN DU NA DE'I MTHUN DPER BKOD PA'I RMI LAM GYI SHES PA DANG, MI SDUG PA'I TING NGE 'DZIN DANG, BYAD BZHIN GZUGS BRNYAN 'DZIN PA'I MIG SHES SOGS LA YANG DMIGS YUL MED PAR THAL PA'I PHYIR RO, ,KHA CIG NA RE, MI'I KUN GZHI LA BSAM GTAN BZHI PA MAN CHAD KYI SNOD BCUD THAMS CAD@025A *, ,SNANG ZER, KHA CIG ,BSAM GTAN BZHI PA'I SNOD NI THUN MONG MA YIN PA'I LAS KYI BDAG 'BRAS YIN PAS MI SNANG GI GSUM PA MAN CHAD SNANG ZER, DE DAG MI 'THAD PAR THAL, MI'I KUN GZHIS MI'I SNOD BCUD KHO NA SNANG BA'I PHYIR TE, 'GRO BA RIGS DRUG GI KUN GZHIS RANG RANG GI SNOD BCUD KHO NA SNANG BA'I PHYIR RO, ,GZHAN DUN GZUGS KHAMS KYI LHA'I KUN GZHIS KYANG DMYAL BA'I SNOD BCUD SNANG BA DANG, DMYAL BA'I KUN GZHIS KYANG LHA'I SNOD BCUD MTHA' DAG SNANG PAR THAL, KUN GZHI GCIG GIS BSAM GTAN GSUM PA MAN CHAD KYI SNOD BCUD MTHA' DAG SNANG BA'I PHYIR, 'DOD NA, LHAS KYANG DMYAL BA'I SDUG BSNGAL MYONG BA DANG, DMYAL PA PAS KYANG LHA'I BDE BA MYONG BAR THAL, 'DOD PA'I PHYIR, KHYAB STE, KUN GZHI RANG NYID KYI STENG GI BAG CHAGS SMIN PA'I MDANGS PHAR 'PHROS PA MA YIN PA'I SNOD SEMS CAN GZHAN GYI LAS LAS GRUB PA ZHIG DE'I DMIGS PAR 'ONG DON MED PAR BSHAD PA'I PHYIR RO, ,BYAS PA LA KHO NA RE, DE LA KHYAB PA MED PAR THAL, MI'I KUN GZHIS DMYAL BA'I SNOD BCUD SNANG YANG MI DES DMYAL PA'I SDUG BSNGAL MA MYONG BA YOD PA'I PHYIR TE, MI'I MIG SHES KYIS DMYAL BA'I SNOD BCUD KYI DBYIBS DANG KHA DOG SNANG YANG MI DES DMYAL BA'I SDUG BSNGAL MA MYONG BA YOD PA'I PHYIR NA MA KHYAB STE, SANGS RGYAS 'PHAGS PA'I MIG SHES KYIS CHOS THAMS CAD GZIGS PA'I PHYIR DANG, SEMS CAN GYI DBANG DU BYAS KYANG MCHOG ZUNG GCIG GI MIG SHES KYIS 'GRO BA LNGA'I SNOD BCUD SNANG BA'I PHYIR TE, @025B MCHOG ZUNG GCI GIS 'GRO PO LNGAR BRGYUS NAS 'KHOR BZHI PO LA DE DAG GI SDUG BSNGAL RNAMS BRJOD PAR 'DUL PA LUNG LAS GSUNGS BA'I PHYIR RO, ,BYAS PA LA KHO NA RE, MCHOG ZUNG GCIG GI RGYUD LA KUN GZHI MED PAS DE LTAR 'CHAD RIGS MOD KYANG; SPYIR NA MI'I KUN GZHIS DMYAL PA'I SNOD BCUD GTAN MI SNANG PAR BSHAD PA MI 'THAD PAR THAL, STON PA'I RDZU 'PHRUL LA BRTEN NAS BCUD DGA' BOS DMYAL PA'I SNOD BCUD MTHONG BAR 'DUL PA LUNG LAS GSUNGS BA'I PHYIR, ZHES ZER BA LA; KHA CIG NA RE, DE LA KHYAB PA MED PAR THAL, DE'I TSE BCUD DGA' BO'I KUN GZHI DANG DBANG SHES KYIS DMYAL SNANG MTSAN NYID PA MI SNANG BA'I PHYIR TE, DE'I TSE BCUD DGA' BO'I MIG SHES NI STON PA'I MTHU DANG LAS KYI STOBS KYIS DMYAL BA'I SNOD BCUD KYI DBYIBS DANG KHA DOG JI LTA BA'I RNAM PA CAN DU SKYES BA LA DMYAL PA'I SNOD BCUD SNANG PA'I THA SNYAD BTAGS PA'I PHYIR TE, DPER NA LHAS SBYIN GYI RGYUD LA MCHOD SBYIN GYI BYAD BZHIN RANG GI NGO BO SNANG BA'I MIG SHES MED KYANG MCHOD SBYIN GYI BYAD BZHIN JI LTA BA'I RNAM PA GSAL BAR SNANG BA'I MIG SHES YOD LA, MIG SHES DE NI MCHOD SBYIN GYI BYAD BZHIN LA CUNG ZAD KYANG MI 'KHRUL PA'I PHYIR DE GSAL PAR SNANG PA DANG MNGON SUM DU RTOGS PAR THA SNYAD BRTAGS PA BZHIN NO ZHES ZER, YANG KHA CIG ,DE'I TSE BCUD DGA' BO'I KUN GZHI'I STENG GI DMYAL BA'I SNOD BCUD SNANG BA'I BAG CHAGS SAD PAR THAL, BAG CHAGS SAD STOBS KYI DBANG GIS DE'I MIG SHES DE DANG DMYAL PA'I SNOD BCUD JI LTA PA'I RNAM PA CAN DU SKYES PA'I PHYIR NA MA KHYAB STE, @026A *, ,BAG CHAGS DE NI DMYAL BA'I SNOD BCUD SNANG BYED KYI SA BON MA YIN GYI, DMYAL PA'I SNOD BCUD JI LTA BA BZHIN MTSUNGS PA'I RNAM PA SNANG BYED KYI SA BON YIN PA'I PHYIR ZER, YANG KHA CIG ,DMYAL BA PA'I DBANG SHES KYIS KYANG DMYAL PA'I SNOD BCUD KYI RANG GI NGO BO MI SNANG BAR THAL, KHYOD KYI BSHAD TSUL 'THAD PA'I PHYIR NA MA KHYAB STE, DE'I YUL DANG YUL CAN GNYIS KA PAG CHAGS GCIG GIS BSKYED PAS SNGA MA DANG MI MTSUNGS PA'I PHYIR RO; ;YANG KHA CIG ,MI'I KUN GZHI LA SNANG NA DE DANG RIGS MI MTHUN PA'I 'GRO BA GZHAN GYI KUN GZHI LA MI SNANG BAS KHYAB PAR THAL, MI'I KUN BZHI LA MI'I SNOD BCUD KHO NA SNANG PA'I PHYIR, 'DOD MI NUS TE, RIGS MI MTHUN PA'I 'GRO BA DU MA'I KUN GZHI'I SNANG YUL THUN MONG BA YOD PA'I PHYIR TE, DE DAG GI DBANG SHES KYI SNANG YUL THUN MONG BA YOD PA'I PHYIR, KHYAB STE, KUN GZHI RGYUD LA LDAN PA'I SEMS CAN GYI DBANG SHES LA SNANG NA DE'I KUN GZHI LA SNANG BAS KHYAB PA'I PHYIR TE, DKA' 'GREL LAS, GAL TE DE NI SEMS CAN DE DAG GI DBANG SHES LA DE LTAR SNANG BA YIN LA DE DANG KUN GZHI'I SNANG BA GNYIS MI GCIG GO ZHE NA, DBANG SHES LA DON LNGAR SNANG BA DE KUN GZHI'I GZUNG CHA NYID YIN TE, DON DU SNANG BA'I RNAM PAR SHES PA LA SKYE'O ZHES PA'I LUNG DANG, RNAM SHES LNGA YIS 'DZIN BYED CING, ,ZHES SOGS KYIS BSTAN ZIN TO, ,ZHES GSUNGS PA'I PHYIR, MA KHYAB MTSAMS KYI RTAGS GRUB STE, YI DVAGS @026B DUD 'GRO MI RNAMS DANG, ,LHA RNAMS JI LTAR RIG RIGS SU, ,DNGOS GCIG YID NI THA DAD PHYIR, ,DON MA GRUB PAR 'DOD PA YIN, ,ZHES CHU KLUNG LTA BU BRLAN GSHER GYI DNGOS PO GCIG LA LAS CAN GYI LHA MI YI DVAGS DUD 'GRO BZHIS THUN MONG DU BLTAS PA'I TSE, RIM BZHIN BDUD RTZI DANG CHU DVANG BA DANG RANG KHRAG DANG GNAS SU MTHONG BAR BSHAD PA'I PHYIR, KHYAB STE, DE'I RTZA BA'I BRLAN GSHER GYI DNGOS PO DE DE DAG GI DBANG SHES KYI SNANG YUL THUN MONG BA YIN PA'I PHYIR TE, DNGOS GCIG CES PA'I GO DON YOD PA'I PHYIR DANG, STONG THUN LAS, DE YANG BRLAN ZHING GSHER BA PHOR GANG PO DE NYID MI DANG YI DVAGS LHA GSUM GYIS THUN MONG DU PA LTAS PA'I TSE NA GSUM GA'I BLTA BYA THUN MONG BAR SONG BA'I DBANG GIS CHA SHAS GSUM LHAN DU SKYES PA YIN GYI, ZHES GSUNGS PA'I PHYIR, YANG KHA CIG NA RE, RTZA BA'I BRLAN GSHER PHOR GANG DE DE DAG GI LAS KYI BDAG 'BRAS THUN MONG BA YIN ZER, KHA CIG ,DE DAG GI PA LTA BYA THUN MONG BA YIN KYANG BDAG 'BRAS THUN MONG BA MIN ZER, DANG PO LA SKYON 'PHEN PA KHA CIG NA RE, BRLAN GSHER PHOR GONG BO DE DGE MI DGE GNYIS KA'I BDAG 'BRAS YIN PAR THAL, LHA MI YI DVAGS GSUM GA'I LAS KYI BDAG 'BRAS THUN MONG PA YIN PA'I PHYIR ZER, KHA CIG ,DE GSUM GYI BDAG 'BRAS THUN MONG PA YOD DE, RIGS MI MTHUN PA'I 'GRO BA DU MA'I LAS KYI BDAG 'BRAS THUN MONG BA YOD PA'I PHYIR TE, 'DZAM BU'I GLING 'DIR GNAS PA'I NGAN SONG GSUM GA YOD PA'I PHYIR DANG, RNA BA BYE BA RIS NYI TSE BA'I DMYAL BA DANG YI DVAGS LAS ZAN @027A *, ,ZA BAR 'DUL BA LUNG LAS BSHAD PA'I PHYIR ZHES ZER, KHA CIG ,NYI TSE BA'I DMYAL PA NI MI'I YUL NA'ANG YOD PAR LUNG GZHI DANG SA'I DNGOS GZHIR GSUNGS KYANG DE DAG MI DANG BDAG 'BRAS THUN MONG PA MA YIN TE, DMYAL BA BA KHO NA'I LAS KYI BDAG 'BRAS LA SPYOD PA'I PHYIR TE, MDZOD 'GREL LAS, NYI TSE BA'I DMYAL BA RNAMS NI MANG PO'AM GNYIS SAM GCIG GI SO SO'I LAS DAG GIS MNGON PAR GRUB PA YIN TE, ZHES GSUNGS PA'I PHYIR ZHES ZER NA, DE RNAMS BLO MCHOG DANG LDAN PA RNAMS LA DKA' GNAS YIN MIN MI SHES KYANG, BDAG LTA BU LA DKA' GNAS SU SNANG PAS ZHIB TU DBYAD NAS ZHIB CHA GDON PAR BYA'O, ,YANG KHA CIG ,KUN GZHI RGYUD LDAN GYI GANG ZAG GI 'JUG SHES DRUG PO GANG RUNG GI YUL YIN NA GANG ZAG DE'I KUN GZHI'I YUL YIN PAS KHYAB PAR THAL, RTZA BAR, DNGOS SU RANG GI DBANG DON NO, ,BRGYUD NAS DE YI TSOGS DRUG GI ,YUL DU SNANG BAR GANG NUS PA, ,KUN GZHI'I YUL DU'ANG 'JOG PA YIN; ;ZHES GSUNGS PA'I PHYIR NA MA KHYAB STE, DNGOS BTAGS MA PHYE BA'I DBANG DU BYAS NA KUN GZHI'I DMIGS PAR GYUR BA'I 'JUG SHES DRUG GI YUL THAMS CAD KUN GZHI'I YUL DU 'JOG PA'I DON YIN PA'I PHYIR, 'DOD MI NUS TE, DRUG PA YID SHES KYI YUL DU GYUR BA'I 'DAS MA 'ONGS SOGS 'DUS MA BYAS RNAMS KUN GZHI'I DMIGS PA DNGOS GNAS PA MA YIN PA'I PHYIR TE, RTZA BAR, DBANG DON LAS GZHAN DRUG PA'I YUL, ,KUN GZHI'I YUL DU MI 'GYUR TE, , @027B DRUG PA BTAGS PA'I YUL CAN DANG, ,KUN GZHI BKRAR 'DZIN GYIS DBEN PHYIR, ,ZHES GSUNGS PA'I PHYIR, YANG KHA CIG ,KUN GZHI'I SNANG YUL DU GYUR PA'I GSUNG RAB YAN LAG BCU GNYIS MED PAR THAL, DKA' 'GREL LAS, YID SHES GYI YUL GSUNG RANG YAN LAG BCU GNYIS LTA BU DANG, 'DAS SOGS SGRO BTAGS RNAMS NI KUN GZHI'I YUL DU MI 'GYUR TE, DE DAG NI LID SHES KYIS SGRO BTAGS NAS YUL DU BYAS PA TZAM YIN CING, KUN GZHI NI THA SNYAD 'DOGS PA'I 'DU SHES BKRA BAR 'DZIN PA DANG BRAL BA'I PHYIR RO, ,ZHES GSUNGS PA'I PHYIR, 'DOD MI NUS TE, KUN GZHI RGYUD LDAN GYI GANG ZAG GI DBANG SHES KYI SNANG YUL DU GYUR PA'I GSUNG RAB YAN LAG BCU GNYIS YOD PA'I PHYIR, KHYAB PA GONG DU DRANGS PA'I DKA' 'GREL GYI LUNG GIS SGRUB CING, RTAGS GRUB STE, SO SKYE'I RNA SHES KYI MNYAN BYAR GYUR PA'I GSUNG RAB YAN LAG BCU GNYIS YOD PA'I PHYIR ZER BA LA, KHA CIG ,RTOG GE PA RNAMS DNGOS KYI RJOD BYED SGRA SPYIR 'DOD PAS DE LA DGONGS ZER, KHA CIG ,SANGS RGYAS KYI YE SHES KYIS BDAG RKYEN DANG GDUL BYA'I RGYUD DAG PAS RGYU'I RKYEN BYAS PA LA BRTEN NAS, GDUL BYA RANG GI SHES PA MING TSIG YI GE'I RNAM PA DE DANG DER SNANG BA LA PHYI ROL GYI SANGS RGYAS KYI GSUNG DU SGRO BTAGS NAS 'JUG PAR GSUNGS PAS, SANGS RGYAS 'PHAGS PA'I RGYUD KYI GSUNG RAB YAN LAG BCU GNYIS NI KUN GZHI'I YUL MA YIN ZHING, DE DAG GI RANG GI NGO BO NI GDUL BYA'I YID SHES KHO NA'I YUL YIN GYI DBANG SHES KYI SPYOD YUL MA YIN PAS DE LA DGONGS ZER, YANG KHA CIG ,KUN GZHI'I @028A *, ,GZHI'I DMIGS PAR GYUR BA'I DON LNGA NI MNGON BRJOD KYI BAG CHAGS LAS 'BYUNG BA YIN LA, GSUNG RAB YAN LAG BCU GNYIS NI RANG BZHIN DU GNAS PA'I RIGS ZHES BYA BA THOS PA'I BAG CHAGS LAS 'BYUNG DGOS PAS KUN GZHI'I YUL DU MI 'GYUR RO ZER BA DAG LA YANG DPYOD DGOS SO, ,KUN GZHI'I RNAM SHES NI SNOD BCUD DE DAG SNANG YANG RANG GIS KYANG MA NGES LA RJES SU NGES PA YANG 'DREN MI NUS PA YIN TE, SNANG LA MA NGES PA'I MNGON SUM YIN PA'I PHYIR TE, RTZA BA DANG SUM CU BA GNYIS KAR, RNAM PAR RIG PA MI RIG PA, ZHES GSUNGS PAS SO, ,NGO BO MA SGRIBS LA LUNG MA BSTAN PA YIN TE, DGE MI DGE BAG CHAGS BSGO GZHI YIN PA'I PHYIR DANG, DGE MI DGE'I SEMS MNGON GYUR DANG RGYUD GCIG LA DUS GCIG TU 'JUG PA'I PHYIR TE, RTZA BAR, BAG CHAGS BSGO GZHI YIN PHYIR DANG, ,DGE DANG MI DGE MNGON GYUR DANG, ,RGYUD GCIG LA NI 'JUG PA'I PHYIR, ,MA BSGRIBS LUNG MA BSTAN DU GRUB, ,CES GSUNGS PAS SO, ,'KHOR KUN 'GRO LNGA KHO NA DANG MTSUNGS PAR LDAN PA YIN TE, RTZA BAR, LUNG MA BSTAN DANG MI GSAL PHYIR, ,REG SOGS LNGAR NGES, ZHES GSUNGS PAS SO, ,KUN GZHI'I 'KHOR DU DGE BA BCU GCIG DANG RTZA NYON DRUG DANG NYE NYON NYI SHU RNAMS MI 'BYUNG STE, KUN GZHI NI MA BSGRIBS LUNG MA BSTAN GYI SEMS YIN PA'I PHYIR, DE'I 'KHOR DU YUL NGES LNGA MI 'BYUNG STE, DES YUL BYE BRAG TU GSAL BAR GCOD MI NUS PA'I PHYIR TE, 'DUN PA NI BSAM PA'I YUL DANG, MOS @028B PA NI NGES ZIN PA'I YUL DANG, DRAN PA NI 'DRES PA'I YUL DANG, TING NGE 'DZIN NI BRTAGS ZIN PA'I YUL DANG, SHES RAB NI BRTAG BYA'I YUL LA DMIGS NAS, RNAM PA NI RIM PA BZHIN DU DON DU GNYER BA DANG, DE KHO NA LTAR YIN PAR 'DZIN PA DANG, DMIGS PA MI BRJED PAR 'DZIN PA DANG, SEMS RTZE GCIG TU BYED PA DANG, SKYON YON SO SOR 'BYED PAS RAB TU PHYE BA'I RIG PA YIN PA GANG ZHIG ,KUN GZHI'I RNAM PA NI YUL GANG YANG MA NGES PA'I BLO YIN PA'I PHYIR, DE'I 'KHOR DU GZHAN 'GYUR BZHI MI 'BYUNG STE, GZHAN DU NA GONG MA'I SAS BSDUS KYI GNYID 'GYOD DANG, BSAM GTAN GNYIS PA YAN CHAD KYI RTOG DPYOD YOD PAR THAL BAR 'GYUR PA'I PHYIR TE, DKA' 'GREL LAS, 'DI'I 'KHOR LA KHAMS GSUM GAR MANG NYUNG MI 'BYUNG STE, BRTAN PA'I RNAM SHES YIN PAS GTZO BO DANG 'JUG LDOG GI DUS GCIG YIN PA'I PHYIR RO, ,ZHES NYON YID LA GSUNGS PA DE 'DIR YANG MTSUNGS PA'I PHYIR RO, ,DE BZHI MI 'BYUNG BA'I RGYU MTSAN GZHAN YANG YOD DE, KUN GZHI'I 'KHOR DU GZHAN 'GYUR BZHI'I GDAGS GZHI MI 'BYUNG BA'I PHYIR TE, DE'I 'KHOR DU RTOG DPYOD KYI GDAGS GZHI SHES RAB DANG, GNYID 'GYOD NYON MONGS CAN GYI GDAGS GZHI MA RIG PA DANG, NYON MONGS CAN MA YIN PA'I GDAGS GZHI SHES RAB GANG YANG MI 'BYUNG BA'I PHYIR TE, DE NYID LAS, GZHAN DU 'GYUR BA BZHI YANG GDAGS GZHI MI 'BYUNG BA'I PHYIR DE DAG GANG YANG LDAN PA MA YIN NO, ,ZHES GSUNGS PA'I PHYIR, 'DI LA KHA CIG NA RE, BSHAD TSUL 'DI MI 'THAD DE, RTAG DPYOD NI SEMS PA @029A *, ,DANG SHES RAB LA BTAGS PAR DON GSANG DANG GSER PHRENG SOGS LAS GSUNGS SHING, KUN GZHI'I 'KHOR DU SHES RAB MI 'BYUNG YANG SEMS PA 'BYUNG BA'I PHYIR DANG, SEMS GANG YANG RUNG BA CIG GI 'KHOR DU GDAGS GZHI SEMS BYUNG RDZAS YOD MI 'BYUNG YANG BTAGS CHOS SEMS BYUNG BTAGS YOD 'BYUNG BA YOD PA'I PHYIR, PHYI MA GRUB STE, ZHE SDANG DANG MTSUNGS LDAN GYI SEMS KYI 'KHOR DU GDAGS GZHI 'DOD CHAGS MI 'BYUNG YANG BTAGS CHOS RGOD PA 'BYUNG PA'I PHYIR TE, RGOD PA NYON MONGS PA'I SA MANG YIN PA'I PHYIR ZER PA LA, ZHI BA CHA 'DON PAR BYA'O, ,KUN GZHI'I 'KHOR GYI TSOR BA NI BTANG SNYOMS KHO NA YIN TE, DE SDUG BSNGAL YIN NA KHAMS GONG MA'I SAS BSDUS KYI SDUG BSNGAL YOD PAR 'GYUR PA'I PHYIR DANG, BDE BA YIN NA BSAM GTAN BZHI PA YAN CHAD SAS BSDUS PA'I BDE BA YOD PAR THAL BA DANG, DMYAL BA NA YANG RNAM SMIN GYI BDE BA YOD PAR THAL BAR 'GYUR BA'I PHYIR RO, ,DE LA KUN GZHI ZHES BYA STE, 'GRO BA KUN NYON YID KYIS BDAG TU SBYOR BA'I GZHI YIN PA'I PHYIR RO, ,RNAM SMIN GYI RNAM SHES DE'I 'JUG LDOG GI DUS YOD DE, THEG DMAN GYI LHAG MED KYI DBYINGS SU 'JUG KHA MA DANG, THEG CHEN GYI SGOM LAM RDO RJE LTA BU'I TING NGE 'DZIN GYI BAR DU RGYUN MI CHAD PAR 'JUG CING, DE DAG GI RJES SU LDOG PA'I PHYIR TE, RTZA BAR, TSOR BA NI, ,PAR MA'O 'DI LA BDAG TU NI, ,SBYOR BA'I PHYIR NA KUN GZHI'O, ,LHAG MA MED DANG RDO RJE LTA'I, ,PAR DU @029B RGYUN MI CHAD DU 'JUG ,CES SO, ,SKABS 'DIR KHA CIG GIS, RNAM SMIN YIN NA KUN GZHI RNAM SHES MTSUNGS LDAN CI RIGS KYIS KHYAB PAR THAL, DKA' 'GREL LAS, RNAM PAR SMIN PA NAM BSGRIBS LA LUNG DU MA BSTAN PA DANG, TSE JI SRID KYI BAR DU RGYUN MI CHAD DU 'JUG PA DANG, SNGON GYI DGE BA'AM MI DGE BAS 'PHANGS PA'I 'BRAS BU YIN PA STE KHYAD PAR GSUM DANG LDAN PA ZHIG DGOS PA LAS, DE KUN GZHI 'KHOR BCAS LAS GZHAN PA LA MI RUNG BA'I PHYIR, ZHES PA NAS, MIG LA SOGS PA NI MA SHI'I GONG DU YANG LDOG PA MTHONG BA'I PHYIR DE DAG RNAM SMIN MTSAN NYID PA MA YIN NO, ,ZHES DANG, KUN BTUS LAS KYANG, RNAM PAR SMIN PA NI, KUN GZHI RNAM PAR SHES PA MTSUNGS PAR LDAN PA DANG BCAS PAR BLTA'O, , DE LAS GZHAN PA DAG NI RNAM PAR SMIN PA LAS BYUNG BA'O, ,ZHES GSUNGS PA'I PHYIR NA MA KHYAB STE, KUN GZHI RNAM SHES MTSUNGS LDAN DANG BCAS PA NI RNAM SMIN GTZO BO DANG, 'PHANGS 'BRAS GZHAN DAG RNAM SMIN PHAL PA YIN PA'I DON YIN PA'I PHYIR RO, ,DAR t'IKA LAS, RNAM SMIN GTZO BO DANG PHAL BA GNYIS SU YOD DE, RNAM SMIN GTZO BO NI, KUN GZHI RNAM SHES MTSUNGS LDAN DANG BCAS PA YIN LA, SNGON GYI LAS KYIS 'PHANGS PA'I MIG SOGS DBANG PO DANG TSOR BA BDE SDUG SOGS RNAM SMIN SNGA MA DE LAS BYUNG PAS RNAM SMIN DU BZHAG PA YIN PA'I PHYIR, ZHES GSUNGS PAS SO, ,RNAM SMIN GTZO BO YIN NA KHYAD PAR GSUM LDAN GYIS MA KHYAB STE, BYANG 'PHAGS KYI RGYUD KYI KUN GZHI RNAM SHES DE @030A *, ,'PHANGS 'BRAS MA YIN PA'I PHYIR RO, ,GNYIS PA NI, SGO BYED TSOGS BDUN GANG RUNG GIS SGO GZHI KUN GZHI'I STENG DU RANG NYID 'GAG PA LA MNGON DU PHYOGS PA'I TSE BZHAG PA'I SA BON DE, BRTEN PA SA BON GYI KUN GZHI'I MTSAN NYID YIN TE, RTZA BAR, BRTEN PA SA BON KUN GZHI NI, ,SGO BAR BYED PAS SGO GZHI LA, ,'GAG LA MNGON DU PHYOGS PA'I TSE, ,BZHAG PA'I NUS PA'O, ,ZHES GSUNGS SO, ,DE YANG TSOGS DRUG GIS DGE MI DGE LUNG MA BSTAN GSUM GA'I SA BON 'JOG STE, DE DAG LA DGE SOGS GSUM GA YOD PA'I PHYIR, NYIN YID 'KHOR BCAS KYIS LUNG MA BSTAN GYI SA BON KHO NA 'JOG STE, DE NI RTAG TU LUNG MA BSTAN GYI NGO BOR GNAS PA'I PHYIR RO, ,KHA CIG DBANG SHES LNGA PO GANG RUNG LA LUNG MA BSTAN GYIS KHYAB PAR 'DOD PA NI MNGON PA GONG 'OG SOGS GZHUNG DU MA DANG 'GAL LO, ,SGO GZHI NI KHYAB PAR LNGA DANG LDAN TE, RTZA BAR, SGO GZHI NI, BRTAN LUNG MA BSTAN SGO BYA BA, ,SGO BAR BYED DANG 'BREL BA DANG, ,MTHA' GCIG RTEN DU GYUR BA STE, ,KHYAD PAR LNGA DANG LDAN PA'O, ,ZHES SO, ,DE YANG SGO GZHI LA RGYUN SHIN TU BRTAN PAS KHYAB STE, MI BRTAN PA LA BAG CHAGS 'CHAGS MI RUNG ZHING CHAGS KYANG CHUD ZOS PAR 'GYUR PA'I PHYIR, 'DIS GZUGS DANG TSOGS BDUN SGO GZHIR MI RUNG BAR BSTAN TE, GZUGS DANG DBANG SHES NI GZUGS MED NA MED PA DANG, YID SHES NI, YID KYI RNAM SHES 'BYUNG BA NI, , @030B RTAG TU 'O 'DU SHES MED PA BA, ,SNYOMS PAR 'JUG PA RNAM GNYIS DANG, ,SEMS MED GNYID DANG BRGYAL MA GTOGS, ,ZHES PA LTAR GNAS SKABS LNGAR MED PA DANG, NYON YID NI 'CHAD 'GYUR LTAR GNAS SKABS BZHIR MED PA'I PHYIR RO, ,'DI LA KHA CIG GIS, KUN GZHI LANG SGO GZHIR MI RUNG BAR THAL, DBANG THOB PA'I SEMS DPA' DANG DGRA BCOM PA LA KUN GZHI MED PA'I PHYIR NA MA KHYAB STE, DE DAG GI TSE KUN GZHI'I MING 'PHOS PA TZAM MA GTOGS KUN GZHI'I RDZAS RGYUN PHYI MAR GYUR BA'I RNAM SMIN GYI RNAM SHES YOD CING, DE NI BAG CHAGS GSAR PA SGO BA'I GZHI DANG RNYING PA CHUD MI ZA BAR 'DZIN NUS PA'I PHYIR RO, ,BYAS PA LA KHO NA RE, DE LTAR NA NYON YID KYANG SGO GZHIR RUNG BAR 'GYUR TE, NYON YID MED PA'I GNAS SKABS BZHI PO DE DAG GI TSE NA 'ANG NYON YID KYI RDZAS RGYUN DU GYUR BA'I BDUN YID YOD PAR BSHAD PA'I PHYIR NA MA KHYAB STE, DE DAG GI TSE NYON YID KYI RJAS RGYUN TZAM YOD KYANG, JI SRID SGO BYED YOD KYI BAR DU MI BSGRIBS LUNG MA BSTAN GYI NGO BOR GNAS PA'I KHYAD PAR MA TSANG BAS SGO GZHIR MI RUNG BA'I PHYIR RO, ,BAG CHAGS SGO GZHI LA MA BSGRIBS LUNG MA BSTAN GYIS KHYAB STE, DPER NA SGOG SKYA DANG TZANDAN LTA BU DRI CHE BA LA GZHAN GYI DRI MI 'OG ZHING TIL LTA BU DRI MNYAM PA LA 'GO BA LTAR, DGE MI DGE'I SEMS LA BAG CHAGS MI 'OG ZHING MA BSGRIBS LUNG MA BSTAN GYI SEMS LA 'OG BA'I PHYIR RO, ,BAG CHAGS SGO GZHI LA BSGO BAR BYA BA'AM BSGO BAR 'OS PA'I KHYAD PAR TSANGS BAS KHYAB STE, DPER NA TIL LTA BU SNYI BA LA GZHAN GYI DRI 'GO YANG RDO LTA BU SRA BA LA MI@031A *, ,'GO BLTAR, 'DUS BYAS LA BAG CHAGS BSGO BYED KYI 'DUS MA BYAS LA MI RUNG BA'I PHYIR RO, ,SGO GZHI YIN NA SGO BYED DANG SKYE 'GAG DU KA GCIG PA'I 'BREL BA DANG LDAN PAS KHYAB STE, RGYUD THA DAD DANG DUS MI MNYAM PA LA BAG CHAGS BSGO BAR MI RUNG PA'I PHYIR TE, TIL DANG SNA MA LHAN CIG TU BZHAG NA PHYIS SNAM BSAL KYANG TIL LA SNA MA'I DRI GNAS PA LTAR, SGO GZHI SGO BYED RGYUD GCIG LA DUS GCIG TU TSOGS NA DUS PHYIS SGO BYED 'GAG KYANG DE'I BAG CHAGS SGO GZHI'I STENG DU GNAS PA'I PHYIR RO, ,SGO GZHI LA RNAM GRANGS KYIS MA YIN PAR MTHA' GCIG RTEN DU GYUR BA ZHIG DGOS TE, KUN GZHI'I 'KHOR GYI SEMS BYUNG RNAMS LA KHYAD PAR DANG PO BZHI TSANG YANG DE DAG KUN GZHI LA BRTEN PA YIN PAS RANG STOBS KYIS BAG CHAGS KYI GZHIR MI RUNG BA'I PHYIR, KHYAD PAR PHYI MA 'DI THEG BSDUS LAS MA BYUNG YANG DON GSANG GI DGONGS PA RTZA BAR BKOD PA'O, ,SA BON DE LA DBYE BA DU MA YOD DE, DRUG TU DBYE BA DANG, GSUM DU DBYE BA DANG, BZHI TSAN GNYIS SU DBYE BA STE BZHI YOD PA'I PHYIR, DANG PO NI, PHYI DANG NANG DANG MI GSAL BA, ,GNYIS DANG KUN RDZOB NYID DANG NI, ,DAM PA'I DON TE DE DAG KUN, ,SA BON RNAM PA DRUG TU 'DOD, , CES AUTPALA'I RTZA BA LTA BU PHYI'I SA BON DANG, SA BON GYI KUN GZHI NI NANG GI SA BON TE GNYIS DANG, DE GNYIS NI RIM BZHIN PHYI'I MI GSAL BA DANG, NANG GI MI GSAL BA ZHES BYA BA GNYIS DANG, YANG RIM BZHIN @031B KUN RDZOB DANG, ,DON DAM PA'I SA BON ZHES BYA BA GNYIS TE DRUG TU PHYE BA LDOG CHA TZAM YIN GYI DON SNGA MA GNYIS SU 'DUS SO, ,MI GSAL BA NI DGE MI DGE GANG DU YANG MI GSAL BA STE, LUNG MA BSTAN YIN PA'I DON YIN LA, KUN RDZOB DANG DON DAM NI RIM BZHIN DBANG SHES KYI SPYOD YUL DANG YID SHES KYIS RNAM PAR DPYAD NAS RNYED DGOS PA'I DON NO, ,DE DRUG GI DANG PO DANG GSUM PA DANG LNGA PA NI ZHAR BYUNG TZAM YIN LA GZHAN RNAMS DNGOS YIN TE, BSHAD TSUL 'DI NI DON GSANG DANG BSHAD SBYAR GYI BSHAD PA SNGA MA LTAR YIN NO, ,BSHAD SBYAR GYI BSHAD PA PHYI MA LTAR NA, MI GSAL BA'I DON SNGAR BZHIN YIN KYANG, GNYIS NI KUN NAS NYON MONGS PA'I CHOS DANG RGYU 'BRAS SU GYUR PA'I SA BON DANG, RNAM BYANG GI CHOS DANG RGYU 'BRAS SU GYUR PA'I SA BON GNYIS LA BYED PAS, 'DI'I LTAR NA DANG PO DANG LNGA PA NI ZHAR BYUNG DANG GZHAN BZHI NI DNGOS GNAS PAR 'DOD DGOS SO, ,GSUM DU DBYE BA NI, GZHAN YANG NA DON BRJOD BDAG LTA DANG, SRID PA'I YAN LAG BAG CHAGS GSUM, ZHES GZUGS NAS RNAM MKHYEN GYI BAR GYI CHOS RNAMS LA 'DI DANG 'DI'O ZHES THA SNYAD SNA TSOGS 'DOGS PA'I DRUG PA YID SHES SKYED BYED KYI MNGON BRJOD KYI BAG CHAGS DANG, DA'O SNYAM PA'I BLO SKYED BYED KYI BDAG LTA'I BAG CHAGS DANG, BDE 'GRO DANG NGAN 'GRO'I SKYE 'CHI SKYED BYED KYI SRID PA YAN LAG GI BAG CHAGS TE GSUM MO, ,DE GSUM NI RIM BZHIN DRUG PA YID SHES DANG, NYON YID DANG, DGE MI DGE'I LAS KYI SA 'JOG CING, SPROS PA'I BAG CHAGS DANG, 'JIG LTA'I BAG CHAGS DANG, @032A *, ,RNAM SMIN GYI BAG CHAGS ZHES KYANG ZER TE, RIM BZHIN YID SHES YUL SNA TSOGS LA 'PHRO BA'I SA BON DANG, 'JIG LTA'I SA BON DANG, DE YONGS SU SMIN PA NA RNAM SMIN GYI NGO BOR 'GYUR BA YIN PA'I PHYIR RO, , 'DI LA KHA CIG NA RE, MNGON BRJOD KYI BAG CHAGS DE DRUG PA YID SHES KYI SA BON YIN PAR BSHAD PA MI 'THAD DE, MNGON BRJOD KYI BAG CHAGS LAS 'BYUNG BA'I CHOS YIN NA DRUG PA YID SHES YIN PAS MA KHYAB PA'I PHYIR NA MA KHYAB STE, DE DRUG PA YID SHES KYI SA BON YIN PAR BSHAD PA NI GTZO CHE BA'I DBANG DU BYAS PA'I PHYIR TE, BAG CHAGS DE 'JOG PA YANG YID SHES KHO NAS 'JOG LA, BSKYED PA YANG GTZO CHER THA SNYED 'DOGS PA'I YID SHES BSKYED PA'I PHYIR, MA KHYAB MTSAMS KYI RTAGS GRUB STE, LUS DANG LUS CAN DANG ZA BA PO'I RNAM RIG GSUM DANG, NYE BAR SPYAD PAR BYA BA DANG NYE BAR SPYOD PA'I RNAM RIG GNYIS DANG, DUS DANG GRANGS DANG YUL DANG THA SNYAD KYI RNAM RIG BZHI STE DGU NI MNGON BRJOD KYI BAG CHAGS LAS 'BYUNG BA DANG, BDAG DANG GZHAN GYI RNAM RIG GNYIS NI BDAG LTA'I BAG CHAGS LAS 'BYUNG BA DANG, BDE 'GRO DANG NGAN 'GRO DANG 'CHI 'PHO BA DANG SKYE BA'I RNAM RIG BZHI NI SRID PA YAN LAG GI BAG CHAGS LAS 'BYUNG BAR THIG BSDUS LAS GSUNGS PA'I PHYIR RO, ,DE LA LUS KYI RNAM RIG NI MIG SOGS KHAMS LNGA DANG, LUS CAN GYI RNAM RIG NI NYON YID DANG, ZA BA PO'I RNAM RIG NI YID KHAMS DANG, NYE BAR SPYAD PAR BYA BA'I RNAM RIG NI GZUGS SOGS KHAMS DRUG DANG, NYE BAR @032B SPYOD PA'I RNAM RIG NI RNAM SHIS KYI KHAMS DRUG DANG, DUS KYI RNAM RIG NI DUS GSUM DANG, GRANGS KYI RNAM RIG NI GCIG BCU SOGS BGRANG BA DANG, YUL GYI RNAM RIG NI SNOD KYI 'JIG RTEN DANG, THA SNYAD KYI RNAM RIG NI MTHONG BA DANG THOS PA DANG BYE BRAG PHYED PA DANG RNAM PAR SHES PA STE THA SNYAD RNAM PA BZHI DANG, BDAG GI RNAM RIG NA BDAG DANG BDAG GIR SNANG BA DANG, GZHAN GYI RNAM RIG NI GZHAN DANG GZHAN GYIR SNANG BA DANG, BDO 'GRO'I RNAM RIG NI LHA MI DANG, NGAN 'GRO'I RNAM RIG NI NGAN SONG GSUM DANG, 'CHI 'PHO BA'I RNAM RIG NI SEMS CAN 'CHI BA DANG, SKYE BA'I RNAM RIG NI SEMS CAN SKYE BA LAN PA DE YIN NO, ,RNAM RIG BCO LNGA 'DI RNAMS KYIS KHAMS GSUM DANG, 'GRO BA LNGA DANG, SKYE GNAS RNAM PA BZHI THAMS CAD BSDUS PAR GSUNGS SO, ,BZHI CHIN DANG POR DBYE BA NI, THUN MONG THUN MONG MA YIN DANG, ,TSOR DANG BCAS DANG TSOR MED PA, ,SA BON RNAM BZHI, ZHES SNOD 'GRUB BYED KYI THUN MONG PA'I SA BON DANG, BCUD 'GRUB BYED KYI THUN MONG MA YIN PA'I SA BON GNYIS DANG, DE GNYIS RIM BZHIN TSOR BA MED PA 'BYUNG BA'I SA BON DANG, TSOR BA DANG BCAS PA 'BYUNG BA'I SA BON YIN PA GNYIS TE BZHI GSUNGS SO, ,SKABS 'DIR THUN MONG DANG THUN MONG MIN PA'I SA BON 'GAL MI 'GAL DANG, BSAM GTAN BZHI PA'I SNOD 'GRUB BYED KYI SA BON DE THUN MONG BA'I SA BON YIN MIN SOGS SPROS PAS CHOG GO ,BZHI TSAN GNYIS PAR DBYE BA NI, GNAS NGAN LEN, ,SHIN TU SPYANGS DANG SPYANG ZIN DANG, @033A *, ,MA ZIN PA DANG BZHI RU'ANG GSUNGS, ,ZHES GNAS NGAN GYI SA BON NI RTZA NYON NYE NYON GYI SA BON DANG, SHIN TU SBYANGS PA'I SA BON NI, DGE BA ZAG BCAS KYI SA BON DANG, SBYANG ZIN PA'I SA BON NI RNAM SMIN PHYUNG ZIN PA'I SA BON DANG, SPYANG MA ZIN PA'I SA BON NI MNGON BRJOD KYI BAG CHAGS TE, GZHAN RNAMS GO BAR ZAD LA, THA MA'I DON NI MNGON BRJOD KYI BAG CHAGS DE NYID THOG MED NAS LHAN SKYES SU 'BYUNG ZHING, GNYIS SNANG 'KHRUL BA'I CHA MA SPANGS BAR DU SPYANG PAS ZAD DU MED PA'I DON NO, ,DE LTA BU'I BAG CHAGS DE DAG SGO GZHI RNAM BZHI RNAM SHES KYI STENG DU JI LTA BU ZHIG TU GNAS SHE NA, RNAM SMIN GYI KUN GZHI'I 'BRAS BU 'BYIN PA'I NUS PA LA SA BON GYI KUN GZHI ZHES BA TAGS PA TZAM YIN GYI, RANG GI NGO BO LOGS SU GZUNG DU YOD PA'I RDZAS GRUB MA YIN TE, SA BON DE NYID RANG GI RTEN DU GYUR BA'I RNAM SHES DANG RDZAS SU GRUB PA'I GCIG DANG THA DAD GANG YANG MA YIN PA'I PHYIR TE, DE DE DANG RDZAS SU GRUB PA'I GCIG MA YIN PA GANG ZHIG ,RDZAS SU GRUB PA'I THA DAD MA YIN PA'I PHYIR, DANG PO MA GRUB NA, DE DE DANG GCIG YIN PAR THAL, DANG PO MA GRUB PA DE'I PHYIR, 'DOD NA, SA BON GYI KUN GZHI DE LA DMIGS RNAM YOD PAR THAL BA DANG, 'GRO BA LNGA'I SA BON RNAMS PHAN TSUN MI 'GAL PAR THAL BA DANG, 'DOD PA LA SOGS PA'I KHAMS GSUM KYANG PHAN TSUN MI 'GAL BAR THAL, 'DOD PA DE'I PHYIR ZHES 'CHAD PAR, BAG @033B CHAGS DE YANG RTEN LAS NI, RDZAS GCIG THA DAD GANG YANG MIN, ,SA BON DMIGS RNAM YOD PA DANG, ,'GRO BA LNGA YI SA BON RNAMS, ,'CHOL BA NYID DU 'GYUR BA DANG, ,KHAMS KYANG 'CHOL PHYIR GCIG NYID MIN, ,ZHES GSUNGS SO, ,GNYIS PA MA GRUB NA, PHYIR MI 'ONG GI RGYUD KYI SA BON GYI KUN GZHI CHOS CAN, KUN GZHI RNAM SHES YIN PAR THAL, GZUGS DANG LDAN MIN DANG TSOGS BDUN GANG YANG MA YIN PA'I PHYIR MI 'ONG GI RGYUD KYI 'DUS BYAS YIN PA'I PHYIR, RTAGS ZUR RE RE NAS GRUB STE, GZUGS MED NA'ANG YOD PA'I PHYIR DANG, RDZAS SU GRUB PA'I PHYIR DANG, TSOGS BDUN MED PA'I TSE YANG 'BYUNG BA'I PHYIR, RTAGS GNYIS PA KHAS, 'DOD NA, DE'I RGYUD LA KUN GZHI RNAM SHES GNYIS YOD PAR THAL, 'DOD PA DE'I PHYIR ZHES 'CHAD PAR, RTEN GCIG LA NI KUN GZHI GNYIS, ,YOD PAR 'GYUR BAS SO SO MIN, ,ZHES GSUNGS SO, ,DES NA BRTEN PA SA BON GYI KUN GZHI NI RTEN DU GYUR BA RNAM SMIN GYI KUN GZHIS LAS DE NYID DANG GZHAN DU BRJOD DU MED PA YIN TE, RNAM SHES DE'I 'BRAS BU 'BYIN PA'I NUS PA TZAM YIN PAS BAG LA NYAL GYI NGO BOR BTAGS YOD TZAM DU GNAS PA'I PHYIR TE, DPER NA NAS KYI SA BON GYI STENG GI NAS MYU GU SKYED PA'I NUS PA BZHIN NO, ,DE LTAR YANG, DES NA RTEN LAS DE NYID DANG, ,GZHAN DU BRJOD DU MED PA STE, ,BTAGS YOD TZAM DU GNAS PHYIR RO, ,ZHES GSUNGS SO, ,KHA CIG NA RE, GZUGS DANG RDZAS GCIG YIN NA SGRA @034A *, ,DANG DRI RO SOGS LA RJES SU MI 'GRO BAS KHYAB PAR THAL, DKA' 'GREL LAS, KHA CIG 'GRO BA LNGA'I SA BON RNAMS PHAN TSUN YIN MI DGOS TE, DNGOS PO DANG GZUGS BZHIN NO SNYAM DU SEMS NA, 'DI DPYAD DE, CI GZUGS DANG RDZAS GCIG PA'I DNGOS PO DE GZUGS KYI RDZAS YIN NAM MA YIN, DANG PO LTAR NA KHYOD KYI 'DOD PA MI 'GRUB STE, KHYOD NI GZUGS DANG RDZAS GCIG PA'I DNGOS PO DE SGRA DANG DRI RO LTA BU DANG YANG RDZAS GCIG PAR 'DOD LA, GZUGS KYI RDZAS YIN NA DE DAG LA RJES SU 'GRO BA MED DO, GZUGS KYI RDZAS MA YIN NA RDZAS GCIG PA'ANG YIN LA RDZAS GZHAN PA'ANG YIN PA 'DI NI BSNYON PA'I TSIG STE, KHO BO CAG BSNYON PA DANG LHAN CIG MI RTZOD DO, ,ZHES GSUNGS PA'I PHYIR NA MA KHYAB STE, DNGOS PO DE GZUGS DANG RDZAS SU GRUB PA'I GCIG YIN NA, LDOG PA GCIG TU 'GYUR LA, DE LTA NA SGRA DANG DRI RO SOGS LA RJES SU MI 'GRO BAR 'GYUR BA DANG, DNGOS PO DE GZUGS DANG RDZAS SU GRUB BA'I GCIG YIN KYANG LDOG PA THA DAD YIN ZER NA BSNYON PA'I TSIG STE, RDZAS SU GRUB PA'I GCIG YIN NA CHA GANG NAS KYANG SO SOR DBYE RGYU MED PA'I GCIG YIN DGOS PA'I PHYIR, DPER NA RIGS GTER LAS, SHING MIN LAS LDOG DNGOS PO DE, ,SHA BA YIN NA GZHAN SHING MIN, ,GZHAN SHING YIN NA SHA BA MIN, ,DE YI RANG BZHIN GZHAN MIN PHYIR, ,ZHES SHING MA YIN PA LAS LDOG PA'I DNGOS PO DE SHA BA DANG RDZAS SU GRUB PA'I GCIG YIN @034B NA GZHAN SHUG PA LA SOGS PA'I SHING GSAL RNAMS SHING MA YIN PAR 'GYUR LA, GZHAN SHING DANG RDZAS SU GRUB PA'I GCIG YIN NA SHA BA SHING MA YIN PAR 'GYUR TE, RDZAS RNAMS PHAN TSUN MA 'DRES PAR GNAS PA'I PHYIR ZHES GSUNGS PA BZHIN NO ZHES PA'I DON YIN PA'I PHYIR, RTZA BAR 'DOD MI NUS TE, SHING DE SHA BA DANG RDZAS GCIG YIN KYANG SHUG PA SOGS LA RJES SU 'GRO BA MI 'GAL BA'I PHYIR TE, RNAM 'GREL t'IKA CHEN LAS, DNGOS PO KA BUM SOGS DANG RDZAS GCIG YIN KYANG KA BUM RDZAS GCIG TU 'GYUR MI DGOS LA, RTOG PA LA DNGOS POR SNANG BA DE KA BUM DANG RDZAS GCIG YIN (NA) KA BUM YANG RDZAS GCIG TU 'GYUR DGOS SHING, DNGOS PO DANG RTOG PA LA DNGOS POR SNANG BA GNYIS KA'ANG KA BUM GYI SPYI YIN PAR KHYAD BAR MED LA; ZHES GSUNGS PA'I PHYIR RO, ,RTOG PA LA DNGOS POR SNANG BA DE KA BUM DANG RDZAS GCIG YIN NA KA BUM RDZAS GCIG TU 'GYUR DGOS TE, RNAM 'GREL LAS, DE YIS JI LTAR KUN BTAGS PA, ,DE NI DAM PA'I DON DU MED, ,GSAL BA RNAMS NI RJES MI 'GRO, ,RJES 'GRO'I GZHAN NI SNANG BA MED, ,CES RTOG PA LA SHING MA YIN PA LAS LDOG PAR SNANG BA DE NI, DAM PA'I DON DU MED DE, SHING GSAL RNAMS DANG RDZAS GCIG DANG THA DAD GANG DU YANG MA GRUB PA'I PHYIR TE, RDZAS GCIG TU GRUB NA DNGOS POR GRUB DGOS SHING, DNGOS POR GRUB NA RTOG PA DE SNANG YUL LA MA KHRUL BAR 'GYUR LA, DE SNANG YUL LAM 'KHRUL BA YIN NA RTOG PA DE'I NGOR SHING GSAL RNAMS RANG BZHIN 'DRES PAR SNANG BA LTAR GRUB DGOS PA LAS, SHING @035A *, ,GI GSAL BA RNAMS NI PHAN TSUN RJES SU MI 'GRO BA'I PHYIR DANG, RDZAS THA DAD DU GRUB NA SPYI RDZAS GZHAN DU 'GYUR DGOS PA LAS, SHING GSAL RNAMS LA RJES SU 'GRO BA'I SPYI RDZAS GZHAN NI BLO MA 'KHRUL BA LA SNANG BA MED BA'I PHYIR RO ZHES BSHAD PA'I PHYIR, DKA' 'GREL LAS, JI SRID GSAL BA RNAMS LAS MA GTOGS PA'I SPYI RDZAS SU GRUB PAR 'DOD PA DE SRID DU RDZAS GCIG DANG THA DAD BRTAGS PA'I SKYON GNYIS PO SPONG MI NUS SO, ,ZHES GSUNGS PA'I PHYIR, YANG KHA CIG GIS, RDZAS GCIG YIN NA CHA THAMS CAD NAS GCIG TU 'GYUR BAS KHYAB PAR THAL, DE NYID LAS, RDZAS GCIG TU KHAS BLANGS NAS CHA GNYIS 'DOD PA LA 'GAL BA MED NA YAN LAG DANG YAN LAG CAN GNYIS RDZAS GCIG PA SANGS RGYAS KYANG DGAG PAR MI NUS SO, ,ZHES GSUNGS PA'I PHYIR NA YANG MA KHYAB STE, RDZAS SU GRUB PA'I GCIG TU KHAS BLANGS NA THA DAD DU KHAS LEN MI RUNG BA'I DON YIN PA'I PHYIR TE, GZHAN DU NA RDZAS GCIG YIN NA LDOG PA GCIG YIN PAS KHYAB PAR THAL BAR 'GYUR BA'I PHYIR RO, ,BAG CHAGS DE DAG DGE SOGS GSUM LAS GANG YIN ZHE NA, MA BSGRIBS LUNG MA BSTAN KHO NA YIN TE, DE DAG DGE MI DGER 'DOD PA LA SGRUB BYED MED PA'I PHYIR TE, RTZA BAR, 'JOG BYED DGE SOGS GANG YIN KYANG, ,BZHAG PA'I BAG CHAGS LUNG MA BSTAN, ,DGE DANG MI DGE MTSAN NYID PAR, ,'DOD LA SGRUB PAR BYED PA MED, ,CES SO, ,'DI LA KHA CIG NA RE, BAG @035B CHAGS LUNG MA BSTAN KHO NAR 'DOD PA MI 'THAD DE, LUNG RIGS GNYIS KA DANG 'GAL BA'I PHYIR TE, KUN BTUS SU DGE BA'I BAG CHAGS RJES 'BREL GYI DGE BAR GSUNGS PA'I PHYIR DANG, 'PHEN BYED DGE MI DGE'I BAG CHAGS KYIS RNAM SMIN GYI RGYU MI BYED PAR THAL BA DANG, DGE MI DGE'I SA BON GYIS RGYU MTHUN GYI 'BRAS BU MI BSKYED PAR THAL BA DANG, SDOM PA THOB LAM BTANG GI BAR DU DGE BA RGYUN CHAGS SU MI 'BYUNG BAR 'GYUR BA'I PHYIR TE, RNAM SMIN GYI RGYU YIN NA DGE MI DGE GANG RUNG YIN DGOS PA'I PHYIR DANG DGE BA'I SKAL MNYAM GYI RGYU LA DGE BA YIN DGOS PA'I PHYIR DANG, 'JUG SHES MED PA'I GANG ZAG GI RGYUD LA SPONG SEMS KYI NGO BOR GYUR BA'I SDOM PA MED LA SA BON YOD KYANG LUNG MA BSTAN DU 'DOD PA'I PHYIR RO ZHE NA, LUNG DANG 'GAL BA'I SKYON MED DE, DGE BA'I SA BON DE RJES 'BREL GYI DGE BA YIN KYANG DGE BA MTSAN NYID PA MA YIN PA'I PHYIR TE, GZHAN DU NA KHAMS GONG MAR MI DGE BA YOD PAR 'GYUR BA DANG, GZUGS MED NA GZUGS YOD PAR 'GYUR TE, DE GNYIS NA RJES 'BREL GYI MI DGE BA DANG RJES 'BREL GYI GZUGS YOD PA'I PHYIR TE, DE GNYIS NA DE DAG GI SA BON YOD PA'I PHYIR RO, ,RTZOD PA GNYIS PA YANG MI 'THAD DE, 'PHEN BYED LAS KYI BAG CHAGS DE RNAM SMIN 'PHEN BYED KYI RGYU MIN LA SKYED BYED KYI RGYU YIN KYANG DGE MI DGE GANG RUNG YIN MI DGOS PA'I PHYIR TE, RNAM SMIN SNGA MA DE RNAM SMIN PHYI MA SKYED BYED YIN PA'I PHYIR RO, ,RTZOD PA GSUM PA YANG MI 'THAD DE, 'JUG SHES MED PA'I MJUG THOGS SU SKYES PA'I DGE MI DGE'I SEMS @036A *, ,DE DNGOS RGYU'I SKAL MNYAM LAS MA SKYES KYANG RGYUD RGYU'I SKAL MNYAM LAS SKYES PAS NA RGYU MTHUN GYI 'BRAS BU MA YIN PA'I SKYON MED PA'I PHYIR RO, ,RTZOD PA BZHI PA YANG MI 'THAD DE, 'JUG SHES MED PA'I DGE SLONG GI RGYUD LA SPONG BA'I SEMS PA MED KYANG NYES LTUNG 'BYUNG BAR RTZOM PA NA DRAN SHES BA SKYED NAS 'GOG PA'I NUS PA YOD LA, DE LA YUN JI SRID GNAS PA DE SRID DU PHAN YON 'BYIN PA'I NUS PA GONG 'PHEL DU 'GRO BA'I DON YIN DGE BA YIN BZHIN PAR YOD PA'I DON MA YIN PA'I PHYIR RO, ,DES NA LUGS 'DIR 'JUG SHES MED PA'I DGE SLONG GI RGYUD LA SO THAR GYI SDOM PA MED ZER RAM YOD KYANG LUNG MA BSTAN YIN ZER DPYOD DGOS SO, ,BAG CHAGS KYI DUS NA DGE MI DGE SOGS SNA TSOGS PA MA YIN PA DE 'BRAS BU DGE MI DGE SOGS SNA TSOGS PA DAG GI RGYUD JI LTAR RUNG ZHE NA, DPER NA RAS YUG DKAR PO LA TSIG GU'I RTZI SNA TSOGS BSGOS NA SKABS DER MDOG MI 'DRA BA MI 'CHAR YANG TSON GYI SNOD DU BCUG PA'I TSE TSIG GU'I RTZI MI 'DRA BA'I NUS PAS MDOG SNA TSOGS 'BYUNG BA BZHIN DU, BAG CHAGS KYI DUS NA DGE MI DGE SOGS SNA TSOGS PA MA YIN KYANG 'BRAS BU MNGON PAR GRUB PA NA DGE MI DGE SOGS SNA TSOGS 'BYUNG BA MI 'GAL BAR THEG BSDUS LAS GSUNGS SO, ,BAG CHAGS 'JOG TSUL LA 'DOD PA THA DAD PA GSUM YOD DE, SGO BYED LAM LTOS @036B PAR CHOS NYID KYIS GNAS PA KHO NAR 'DOD PA DANG, SGO BYED KYIS SNGAR MED GSAR BZHAG KHO NAR 'DOD PA DANG, CHOS NYID KYIS GNAS PA DANG GSAR DU BZHAG PA GNYIS KA YOD PAR 'DOD PA'I LUGS GSUM DON GSANG DU BKOD NAS LUGS DANG PO RANG LUGS SU MDZAD KYANG, SKABS 'DIR PHYOGS GSUM PA KHAS LEN PAR DKA' 'GREL LAS BSHAD PA'I PHYIR, DE YANG RANG BZHIN DU GNAS PA'I RIGS NI CHOS NYID KYIS GNAS PA YIN TE, 'JOG BYED LA MA BLTOS PAR THOG MED NAS NGO BO NYID KYIS GNAS PA'I PHYIR, RGYU MTHUN DANG RNAM SMIN GYI SA BON NI GSAR BZHAG YIN TE, 'JOG BYED LA BLTOS NAS 'BYUNG BA'I PHYIR, RANG BZHIN GNAS RIGS DE LA THOB PA'I BAG CHAGS ZHES BYA STE, SANGS RGYAS BYANG SEMS RNAMS DANG PHRAD NAS CHOS DBYINGS SHIN TU RNAM PAR DAG PA'I RGYU MTHUN PA GSUNG RAB YAN LAG BCU GNYIS LTA BU RNAMS THOS PA'I GNAS SU GYUR BA'I PHYIR, RANG BZHIN GNAS RIGS DE NYID GZHAN GYI SGRA DANG NANG GI TSUL BZHIN YID LA BYED PA'I RKYEN DANG PHRAD DE THOS SOGS KYIS BA RDAS PAR BYAS PAS NUS PA MTHU CAN DU SONG BA NA YANG DAG PAR BSGRUBS PA'I RIGS DANG, RGYAS PA'I RIGS DANG, RKYEN GYIS YANG DAG PAR BLANGS PA'I RIGS ZHES BYA STE, CHOS NYID KYIS GNAS PA'I SA BON NYID THOS SOGS KYIS NUS PA MTHU CAN DU BSGRUBS PA DANG, RGYAS PAR BYAS PA DANG, CHUNG NGU LAS 'BRING DANG 'BRING LAS CHEN POR BLANGS PA'I PHYIR RO, ,SA BON GYI KUN GZHI DE LA KUN GZHI ZHES BRJOD PA'I RGYU MTSAN YOD DE,@037A *, ,KUN NAS NYON MONGS PA'I CHOS THAMS CAD SA BON DE'I 'BRAS BUR RAM, SA BON DE NYID KUN NAS NYON MONGS PA'I CHOS THAMS CAD KYI RGYU'I DNGOS POR SBYOR PAS NA DE LTAR BRJOD PA'I PHYIR, SA BON DE DANG KUN NYON GYI CHOS RNAMS PHAN TSUN RGYU 'BRAS SU SBYOR BAS NA KUN GZHI ZHES BSHAD PA YOD KYANG, SKABS 'DI'I THEG BSDUS DANG DKA' 'GREL GYI TSIG ZIN NI SNGA MA LTAR RO, ,MKHAS PA KHA CIG BRTEN PA SA BON GYI KUN GZHI DANG KUN GZHI'I STENG GI BAG CHAGS DON GCIG TU BSHAD PA YOD KYANG DPYAD GZHI CHE STE, KUN GZHI'I STENG GI BAG CHAGS YIN NA BRTEN PA SA BON GYI KUN GZHI YIN PAS MA KHYAB PA'I PHYIR TE, KUN GZHI'I STENG GI ZAG MED GYI SA BON RANG BZHIN GNAS RIGS DE SA BON GYI KUN GZHI MA YIN PA'I PHYIR TE, SGO BYED LAM LTOS PA'I BAG CHAGS YIN PA'I PHYIR, KHYAB STE, SA BON GYI KUN GZHI YIN NA SGO BYED KYIS BZHAG PA'I BAG CHAGS YIN PAS KHYAB PA'I PHYIR TE, BRTEN PA SA BON KUN GZHI NI, ,SGO BAR BYED PAS SGO GZHI LA, ,'GAG LA MNGON DU PHYOGS PA'I TSE, ,BZHAG BA'I NUS PA'O, ,ZHES GSUNGS PA'I PHYIR, GZHAN YANG, RANG BZHIN GNAS RIGS CHOS CAN, SA BON GYI KUN GZHI MA YIN TE, KUN GZHI'I GNYEN PO'I SA BON YIN PA'I PHYIR, KHYAB STE, DKA' 'GREL LAS, RNAM SMIN GYI RNAM SHES LA GNAS PA'I ZAG MED KYI SA BON DE KUN GZHI'I @037B GNYEN PO YIN PAS KUN GZHI MA YIN PA DANG, ZHES DANG, MKHAS PA KHA CIG ZAG MED KYI SA BON KUN GZHIR 'DOD PA NI BRTZINGS PAR MNGON TE, ZHES GSUNGS PA'I PHYIR, MA MTSAMS KYI RTAGS GRUB STE, ZAG MED KYI SA BON DE SA BON GYI KUN GZHI DANG 'O CHU 'DRES PA LTAR THA DAD DU MI MNGON PAR GNAS KYANG, THOS SOGS KYIS GSOS BTAB PAS KUN NYON GYI SA BON BGRIBS RNAM BYANG GIS BON 'PHEL NAS GNAS GYUR DE SKU GSUM MNGON DU 'GYUR BA YIN PA'I PHYIR TE, DPER NA DANG BAS CHU LAS 'O MA RIM GYIS BLANGS NAS CHU GSAL BAR 'GYUR BA DANG, 'JIG RTEN PA'I LAM GYIS 'DOD PA LA CHAGS PA DANG BRAL BA NA MNYAM PAR MA BZHAG PA'I SA'I BAG CHAGS BGRIBS MNYAM BZHAG GI SA'I BAG CHAGS 'PHEL TE GNAS GYUR BA BZHIN YIN PAR GSUNGS BA'I PHYIR RO, ,'DI LA KHA CIG NA RE, KHYOD KYI BSHAD TSUL 'DI MI 'THAD PAR THAL, DKA' 'GREL DU THEG BSDUS DRANGS PA LAS, DE NI KUN GZHI RNAM PAR SHES PA MA YIN TE, DE'I GNYEN PO'I SA BON NYID YIN PA'I PHYIR RO, ,ZHES ZAG MED KYI SA BON KUN GZHI RNAM PAR SHES PA MA YIN PAR GSUNGS KYI SA BON GYI KUN GZHI MA YIN PAR GSUNGS PA'I TSIG ZUR TZAM YANG MA 'BYUNG BA'I PHYIR NA MA KHYAB STE, DE NI SA BON DANG RNAM SMIN MA PHYE BA'I RTAGS BSHAD YIN ZHING, DON LA GTZO CHER SA BON GYI KUN GZHI MA YIN PAR BSGRUB PA YIN PA'I PHYIR, RTAGS ZUR DANG PO GRUB STE, BSHAD SBYAR LAS, NANG GI SA BON NI KUN GZHI RNAM PAR @038A *, ,SHES PA'O, ,ZHES DANG, DON DAM PA'I SA BON NI KUN GZHI RNAM PAR SHES PA STE, ZHES DANG, DON GSANG LAS KYANG, KUN GZHI RNAM PAR SHES PA YANG SA BON DANG RNAM PAR SMIN PA'I BYE BRAG GIS NAM PA GNYIS SU DBYE STE, ZHES GSUNGS PA SOGS SA BON GYI KUN GZHI LA KUN GZHI RNAM PAR SHES PA'I SGRAS BSTAN PA MANG PO YOD PA LTAR YIN PA'I PHYIR, RTAGS ZUR GNYIS PA GRUB STE, LUNG DES ZAG MED KYI SA BON KUN GZHE RNAM SHES MA YIN PAR BSGRUB BA YIN NA ZAG MED KYI SA BON DMIGS KYIS BKANG BA'I DGOS PA MED PA DANG, KUN GZHI'I GNYEN PO'I SA BON RTAGS SU BKOD PA DE SGRUB BYED DU MI CHE BA DANG, RTEN DANG BRTEN PA RDZAS SU GRUB PA'I GCIG DANG THA DAD GANG YANG MA YIN PAR GSUNGS PA DANG ZLOS PA'I SKYON DU YANG 'GYUR BA'I PHYIR, DANG PO GRUB STE, KUN GZHI'I STENG GI SA BON THAMS CAD KUN GZHI RNAM SHES MA YIN PA'I PHYIR, GNYIS PA GRUB STE, DE'I GNYEN PO'I SA BON RTAGS SU 'GOD PA LAS, RNAM SHES MA YIN PA BKOD NA SGRUB BYED DU CHE BA'I PHYIR, GSUM PA GRUB STE, KUN GZHI'I STENG GI SA BON DE RNAM SMIN GYI KUN GZHI LAS DE NYID DANG GZHAN DU BRJOD DU MED PAR SNGAR BSHAD ZIN PA'I PHYIR RO, ,GZHAN YANG, RANG BZHIN GNAS RIGS CHOS CAN, SA BON GYI KUN GZHI MA YIN TE, KHYOD SA BON GYI KUN GZHIR 'JOG BYED MED PA'I PHYIR TE, KHYOD DANG KUN NYON GYI CHOS RNAMS RGYU 'BRAS SU MA GRUB PA'I PHYIR, GZHAN @038B YANG; DE CHOS CAN, SA BON GYI KUN GZHI MA YIN TE, KHYOD SA BON GYI KUN GZHI YIN NA SHIN TU SBYANGS PA'I BAG CHAGS YIN DGOS PA LAS DE MA YIN PA'I PHYIR TE, THEG BSDUS RTZA 'GREL NAS SHIN TU SBYANGS PA'I BAG CHAGS DE ZAG BCAS KYI DGE BA'I SA BON DU BSHAD PA'I PHYIR RO, ,KUN GZHIR 'JOG BYED GONG DU BSHAD PA DE'I PHYIR DBANG THOB PA'I BYANG SEMS DAGS BA DANG NYAN RANG DGRA BCOM PA RNAMS LA KUN GZHI RNAM PA GNYIS YOD PA MA YIN TE, RNAM SMIN GYI KUN GZHIR 'JOG BYED NYON YID KYIS BDAG TU SBYOR BA DANG, SA BON GYI KUN GZHIR 'JOG BYED KUN NAS NYON MONGS PA'I CHOS DANG RGYU 'BRAS SU SBYOR BA GNYIS KA MED PA'I PHYIR RO, ,KUN GZHI DANG 'JUG SHES YOD MED LA MU BZHI YOD DE, KUN GZHI YOD LA 'JUG SHES MED PA NI SEMS MED PA'I GNAS SKABS LA'O, ,BZLOG PA NI SEMS YOD PA'I GNAS SKABS KYI DAG BCOM PA DANG DAG SA'I BYANG SEMS RNAMS SO, ,GNYIS KA YOD PA NI SEMS YOD PA'I GNAS SKABS KYI SO SKYE DANG SLOB PA 'PHAGS PA RNAMS SO, ,GNYIS KA MED PA NI DGRA BCOM PA DANG DAG SA'I BYANG SEMS 'GOG PA LA SNYOMS PAR 'JUG PA DANG THEG DMAN LHAG MED KYI MYANG 'DAS RNAMS YIN PAR BSDU BA LAS GSUNGS TE, THEG DMAN DGRA BCOM PA DANG DAG SA'I BYANG SEMS LA KUN GZHI MED KYANG RNAM SMIN GYI RNAM SHES SA MA LEN PA'I RNAM SHES YOD LA, THEG DMAN LHAG MED KYI MYANG 'DA' KYI TSE DE DAG GANG YANG MED DE, 'DUS BYAS KYI 'JUG PA RGYUN CHAD DE MTSAN MA MED PA'I @039A *, ,DBYINGS 'BA' ZHIG LUS BAR GSUNGS PA'I PHYIR RO, ,GNYIS PA NYON YID KYI MTSAN NYID YOD DE, RNAM SMIN GYI KUN GZHI LA DMIGS NAS GANG ZAG GI BDAG TU 'DZIN PA'I YID KYI RNAM SHES RGYUN BRTAN PAS RAB TU PHYE BA DE YIN PA'I PHYIR, NGO BO NI BSGRIBS LA LUNG MA BSTAN TE, RANG GROGS NYON MONGS BZHIS RNYOG RNYOG BOR BYAS PA'I PHYIR DANG, DGE BA'AM MI DGE BA'I SEMS DANG RGYUD GCIG LA DUS GCIG TU MNGON GYUR DU 'JUG PA'I PHYIR, 'KHOR NI REG BA LA SOGS PA'I KUN 'GRO LNGA DANG, 'DOD CHAGS MA RIG PA NGA RGYAL BDAG LTA BZHI STE SEMS BYUNG RDZAS YOD DGU DANG, NGA'O SNYAM PA LA BTAGS PA'I RNAM GA-YENG, CHAGS RMONGS GNYIS KA LA BTAGS PA'I BA GA MED PA, 'DOD CHAGS LA BTAGS PA'I RGOD PA, GTI MUG GI CHA LA BTAGS PA'I MA DAD PA LE LO RLUG PA STE SEMS BYUNG BTAGS YOD DRUG DANG BCO LNGA 'BYUNG BAR DON GSANG DANG DGA' 'GREL LAS GSUNGS SO, ,KHA CIG SEMS BYUNG BCO LNGA'I STENG DU BRJED NGES DANG SHES BZHIN MA YIN PA GNYIS BSNAN NAS BCU BDUN 'BYUNG BAR BSHAD PA DANG, DON GSANG GI BSHAD YAMS GCIG LAS NYE NYON DRUG MI 'BYUNG BAR BSHAD DE, NYE NYON NI RTZA NYON GYI SHUGS GZHAN DU SONG BA'I GNAS SKABS LA 'JOG LA NYON YID KYI 'KHOR DU GYUR BA'I RTZA NYON NI NYON YID GNAS KYI BAR DU SHUGS GZHIN DU SONG BA MI SRID PA'I PHYIR ZER RO, ,NYON YID KYI 'KHOR @039B DU NYE NYON LNGA 'AM BRGYAD 'BYUNG BAR 'DOD DGOS TE, KUN BTUS LAS, RMUGS PA DANG, RGOD PA DANG, MA DANG BA DANG, LE LO DANG, BAG MED PA NI NYON MONGS PA THAMS CAD DANG MTSUNGS PAR LDAN NO, ,ZHES NYON MONGS CAN GYI SEMS YIN NA KHYOD DANG MTSUNGS LDAN GYI RMUGS RGOD SOGS LNGA YOD PAS KHYAB PAR GSUNGS SHING, BSDU BA LAS NYON MONGS CAN GYI SEMS YIN NA KHYOD DANG MTSUNGS LDAN GYI RMUGS RGOD SOGS LNGA DANG BRJED NGES RNAM GA LENG SHES BZHIN MA YIN PA GSUM STE NYO NYEN BRGYAD YOD BAS KHYAB PAR GSUNGS PA'I PHYIR RO, ,TSOR BA NI BTANG SNYOMS KHO NA YIN TE, ,KUN GZHI'I 'KHOR GYI TSOR BA BTANG SNYOMS YIN PAR BSHAD PA'I RIGS BA DES SGRUB PA'I PHYIR, SA'I KHYAD PAR NI, RTEN GYI GANG ZAG DE GANG GI SAR GTOGS PA DE'I SAS BSDUS TO, SA DE'I RNAM SMIN GYI RNAM SHES LA DMIGS PA'I 'DOD CHAGS DANG MTSUNGS LDAN GYI SAMS YIN PA'I PHYIR DANG, SUM CU BA LAS, GANG DU SKYES BA DE YI'O, ,ZHES GSUNGS PAS SO, ,'JUG LDOG GI KHYAD PAR NI, 'PHAGS LAM MA THOB PAR DU RGYUN MA CHAD PAR MNGON GYUR DU 'JUG CING, 'PHAGS PA'I MNYAM BZHAG YE SHES DANG 'GOG SNYOMS KYI DUS SU DE ZHIG LDOG LA, DBANG THOB PA'I BYANG SEMS SA BRGYAD PA DANG THEG DMAN DGRA BCOM THOB BA NA GTAN DU LDOG GOM ,THEG DMAN SGOM LAM RDO RJE LTA BU'I TING NGE 'DZIN GYI TSO RE ZHIG LDOG PA'AM GTAN DU LDOG PA GANG YIN DPYAD BYA STE, RE ZHIG LDOG PA YIN ZER NA, SLAR MNGON DU 'GYUR BA MI SRID PA DANG 'GAL @040A *, ,BAR DOGS LA, GTAN DU LDOG PA YIN ZER NA, DBANG THOB DGRA BCOM MTHAR THUG GO ,ZHES GSUNGS PA DANG 'GAL BA'I PHYIR RO, ,NYON YID KYI MTSAN NYID DANG 'KHOR DANG 'JUG LDOG GI DUS RNAMS SNGAR BSHAD PA LTAR YIN TE, RTZA BAR, NYON MONGS CAN YIN MTSAN NYID NI, ,KUN GZHI'I RNAM SMIN CHA NYID LA, ,BDAG LTA BSGRIBS LA LUNG MA BSTAN, ,REG DANG CHAGS SOGS DGU KHO NA, ,'GOG PA MNYAM GZHAG GNAS SKABS DUS, ,DBANG THOB DGRA BCOM MTHAR THUG GO ,ZHES GSUNGS PA'I PHYIR RO, ,'DI LA KHA CIG NA RE, NYON YID KYI 'KHOR DU SEMS BYUNG RDZAS YOD DGU 'BYUNG BAR BSHAD PA MI 'THAD DE, 'JIG LTA NI SEMS BYUNG RDZAS YOD MA YIN PA'I PHYIR TE, DE LTA BA NYON MONGS CAN YIN PA'I PHYIR, KHYAB STE, SEMS BYUNG LNGA BCU RTZA GCIG LAS KUN 'GRO LNGA YUL NGES LNGA STE BCU DANG, DGE BA BCU GCIG GI GTI MUG MED PA DANG BAG YOD DANG 'DU BYED BTANG SNYOMS DANG RNAM PAR MI 'TSE BA BZHI POR BA'I LHAG MA BDUN DANG, 'DOD CHAGS SOGS LHA MIN LNGA STE NYI SHU RTZA GNYIS NI SEMS BYUNG RDZAS YOD DANG, LHAG MA GTI MUG MED PA SOGS BZHI DANG, NYE NYON NYI SHU DANG, GZHAN 'GYUR BZHI DANG, LTA BA NYON MONGS CAN TE NYI SHU RTZA DGU NI SEMS BYUNG BTAGS YOD YIN PAR BSHAD PA YOD PA'I PHYIR ZER NA DPYOD DGOS SO, ,YID KHAMS LA GNYIS YOD DE, RTAG TU RANG SEMS PA'I YID DANG DE MA THAG PA'I YID GNYIS YOD @040B BA'I PHYIR, DE GNYIS LA RIM PA LTAR DON DAM PA'I YID DANG KUN RDZOB PA'I YID CES KYANG BYA STE, TSOGS DRUG LAS LOGS SU GZUNG DU YOD BA DANG MED PA'I PHYIR, DE GNYIS KYI BYED LAS YOD DE, DANG POS KUN GZHI LA BDAG LTA'I SA BON BTAB NAS TSOGS DRUG KA MTSAN MA LA 'CHING BA'I GNAS BYAS NAS NYON MONGS CAN DU BYED LA, GNYIS PAS TSOGS DRUG GI DE MA THAG RKYEN BYAS NAS RANG 'GAG STOBS KYIS RNAM SHES PHYI MA SKYE BA'I GO 'BYED PA'I PHYIR RO, ,'DI LA KHA CIG GIS, DBANG THOB PA'I SEMS DPA' DANG DGRA BCOM PA LA NYON YID MED NA DRUG PA YID SHES KYANG MED PAR 'GYUR TE, DE DAG GI RGYUD LA DRUG PA YID SHES GYI DUS MNYAM PA'I BDAG RKYEN NYON YID MED PA'I PHYIR DANG, DE DAG GIS MNYAM NYID YE SHES THOB PAR 'GYUR TE, NYON YID GTAN DU LDOG PA'I PHYIR, KHYAB STE, NYON MONGS CAN YID GNAS GYUR PAS, ,MNYAM NYID YE SHES BRJOD PAR BYA, ,ZHES GSUNGS PA'I PHYIR ZHES PA'I LAN DU, NYON MONGS CAN DU 'JOG BYED PA'I, ,GANG ZAG 'DZIN PA LOG GYUR KYANG, ,DE YI RIG TZAM YOD PHYIR DANG, ,CHOS 'DZIN SKYED NUS MA LOG PHYIR, ,YID SHES MED DANG MNYAM PA NYID, ,THOB PA'I SKYON GNYIS RING DU SPANGS, ,ZHES GSUNGS TE, SA BRGYAD PA DANG DGRA BCOM THOB PA NA MA RIG PA DANG 'JIG LTA LA SOGS PA'I RTZA NYON BA ZHI LOG PAS NA BDUN YID NYON MONGS CAN DU 'JOG BYED GANG ZAG GI BDAG TU 'DZIN PA LOG? PAR GYUR KYANG, BDUN YID DE'I GSAL RIG GI RDZAS TZAM YOD PA'I PHYIR DANG, THA SNYAD SNA TSOGS 'DOGS PA'I DRUG PA YID @041A *, ,SHES KYI BDAG RKYEN BYAS NAS CHOS SU 'DZIN PA STE PHYI ROL DON SNANG BSKYED PA'I NUS PA MA LOG PA'I PHYIR NA, RIM PA LTAR DRUG PA YID SHES KYI DUS MNYAM PA'I BDAG RKYEN MED PA'I SKYON DANG, MNYAM NYID KYI YE SHES THOB PAR THAL BA'I SKYON RNAM PA GNYIS RING DU SPANGS PA YIN NO, ,DE DAG GI RGYUD KYI BDUN YID DE ZAG BCAS ZAG MED GANG YIN ZHE NA, SEMS TZAM PA'I SLOB DPON KHA CIG ,NYON MONGS BZHI DANG BRAL BAN ZAG MED DU GYUR BAR 'DOD LA; SLOB DPON KHA CIG ,NYON MONGS BZHI DANG BRAL YANG 'JUG SHES KYI RTEN BYED PA'I SGO NAS GNYIS SNANG 'KHRUL RTOG BSKYED PA'I NUS PA MA LOG BAS ZAG BCAS YIN ZHES 'DOD PA'I LUG GNYIS 'BYUNG BA LAS, RANG LUGS LA PHYI MA LTAR KHAS LEN DGOS PAR RJE BTZUN RING MDA' BA SOGS KYIS BZHED DO, ,DKA' 'GREL LAS THEG DMAN 'PHAGS PA MNYAM GZHAG PA'I RGYUD KYI BDUN YID ZAG BCAS DANG, THEG CHEN 'PHAGS PA MNYAM GZHAG PA'I RGYUD KYI BDUN YID ZAG MED YIN PA'I KHYAD PAR PHYE BA DANG, BDUN YID DE NYON MONGS CAN MA YIN PA'I 'DOD CHAGS NGA RGYAL SOGS DANG MTSUNGS LDAN YIN PAR DON GSANG LTAR BSHAD PA NI DPYANG GZHI CHE BAR SNANG YANG THAG GCOD PAR DKA' BSAM MA SPROS SO; ;SANGS RGYAS KYIS NA DRUG PA YID SHES KYI BDAG RKYEN JI LTA BU YIN PA DANG, ME LONG LTA BU'I YE SHES LA BAG CHAGS SGOD DAM MI SGOD CE NA, NYON YID GNAS GYUR BA'I MNYAM NYID KYI YE SHES NI DRUG PA YID SHES KYI BDAG @041B RKYEN YIN PAR KHAS LEN BA LA GNOD BYED MED PAR SNANG LA, SANGS RGYAS KYIS NA BAG CHAGS GSAR DU 'JOG PA MED KYANG ME LONG LTA BU'I YE SHES KYI STONG DU STOBS DANG MI 'JIGS PA SOGS KYI YON TAN DPAG MED RGYUN CHAGS SU 'BYUNG BA'I NUS PA MTHAR THUG YOD PAR 'DOD PA LA 'GAL BA MED DAM SNYAM MO, GNYIS PA KUN GZHI NYON YID KYI SGRUB BYED STON PA NI, YID CHES LUNG DANG RIGS PA YIS, ,RNAM SHES DRUG LAS THA DAD PA'I, ,YID DANG KUN GZHI RNAM PAR SHES,, YOD PAR KHONG DU CHUD PAR BYA, ,ZHES GSUNGS SO, ,'DI LA LUNG DANG RIGS PA'I SGRUB BYED GNYIS, DANG PO LA GNYIS LAS, DANG PO KUN GZHI'I LUNG NI, CHOS MNGON PA'I MDO LAS, THOG MA MED PA'I DUS KYI DBYINGS, ,CHOS RNAMS KUN GYI GNAS YIN TE, ,DE YOD PAS NA 'GRO KUN DANG, ,MYA NGAN 'DAS PA'ANG THOB PAR 'GYUR, ,ZHES DANG, CHOS KUN SA BON THAMS CAD PA, ,RNAM PAR SMIN PA KUN GZHI STE, ,DE BAS KUN GZHI RNAM SHES NI, ,DAM PA DAG LA NGAS BSHAD DO, ,ZHES DANG, DGONGS 'GREL LAS, LEN PA'I RNAM PAR SHES BA ZAB CING PHRA, ,SA BON THAMS CAD CHU BO'I RGYUN BZHIN 'BABS, ,BDAG TU RTOG PAR 'GYUR NA MI RUNG ZHES, ,'DI NI BYIS PA RNAMS LA NGAS MA BSTAN, , ZHES DANG, YANG GSHEGS LAS, SEMS NI KUN GZHI RNAM SHES TE, ,NGAR SEMS PA NI YID YIN NO, ,YUL LA RNAM PAR RIG PA GANG, ,DE NI 'JUG PA'I SHES PAR 'DOD, ,CES SOGS MANG NGO, GNYIS PA NYON YID KYI LUNG NI, @042A *, ,DGONGS 'GREL LAS, RES 'GA' NI KUN GZHI RNAM PAR SHES PA 'DI RNAM PAR SHES PA GCIG DANG LHAN CIG 'JUG STE YID DANG, RES 'GA' NI GNYIS DANG STE YID DANG YID KYI RNAM PAR SHES PA DANG NGO, , RES 'GA' NI 'JUG PA'I RNAM PAR SHES PA BDUN KA DANG LHAN CIG 'JUG STE, ZHES DANG, GSER 'OD DAM PA LAS, KUN GZHI LA GNAS PA'I YID SBYANGS PAS NI LONGS SPYOD RDZOGS PA'I SKU THOB PO, ,ZHES SOGS SO, , GNYIS PA RIGS PA LA GNYIS LAS, KUN GZHI'I RIGS PA NI, RNAL 'BYOR SPYOD PA'I GZHUNG LUGS NAS, ,SGRUB BYED RIGS PA MTHA' YAS PA, ,GSUNGS KYANG LEN DANG DANG PO GSAL, ,SA BON LAS DANG LUS TSOR DANG,, SNYOMS 'JUG 'CHI 'PHO MI RUNG BA, ,BRGYAD DU 'DUS PHYIR 'DI BSHAD BYA, ,ZHES GSUNGS SO, ,KUN GZHI SGRUB BYED KYI RIGS PA THEG BSDUS DANG PHUNG PO LNGA'I RA BA BYED DANG PA'I STONG 'GREL SOGS LAS GSUNGS PA'I RNAM GRANGS MANG YANG, 'DIR BSHAD BA'I RIGS PA BRGYAD DU PHAL CHER 'DUS PAR GSUNGS SHING, 'DI'I DANG PO MI RUNG BA DANG, GSAL BA MI RUNG BA DANG, LAS BZHI MI RUNG BAR THAL BA GSUM NI, PHYOGS SNGA SMRA BAS KUN GZHI 'GOG BYED KYI GTZO BO, SEMS CAN RNAMS NI RNAM PAR SHES PA RGYUD RE RE BA'O, ,ZHES PA'I MDO DANG 'GAL BA'I RTZOD SPONG GI RIGS PA YIN LA, GZHAN LNGA NI KUN GZHI YOD PAR SGRUB PA'I RIGS PA DNGOS YIN NO, ,RIGS PA @042B DANG PO NI, 'DOD PAR NYID MTSAMS SBYAR MA THAG PA'I SO SO SKYE BO'I RGYUD LA KUN GZHI YOD DE, LUS LEN PA'I RNAM SHES YOD PA'I PHYIR, KHYAB STE, NYON YID KYIS LUS LEN PA MI 'THAD PA GANG ZHIG ,TSOGS DRUG GIS LUS LEN MI RUNG BA'I PHYIR, DANG PO GRUB STE, NYON YID YOD NA KUN GZHI YANG YOD DGOS PA'I PHYIR, GNYIS PA GRUB STE, TSOGS DRUG RGYU MCHAN LNGAS LUS LEN BYED DU MI RUNG BA'I PHYIR, DER THAL, DANG POR NYID MTSAMS SBYOR BA'I DUS SU TSOGS DRUG MED PA GANG ZHIG ,TSOGS DRUG LA DGE MI DGE YANG YOD PA DANG, TSOGS DRUG LA KHYAD PAR GSUM LDAN GYI RNAM SMIN MED PA DANG, TSOGS DRUG LA LUS THAMS CAD 'DZIN PA'I NUS PA MED PA DANG, TSOGS DRUG GIS LUS LEN NA TSE GCIG LA LUS YANG YANG 'DOR LEN BYED PAR THAL BA'I PHYIR, DANG PO GRUB STE, TSOGS DRUG NI LUS GRUB ZIN PA'I RJES SU TSE 'DI'I RKYEN YUL DBANG YID BYED GSUM 'DUS BA LAS 'BYUNG DGOS PA'I PHYIR, GNYIS BA GRUB STE, TSOGS DRUG LA DGE MI DGE MED NA DGE MI DGE'I SEMS MED PAR 'GYUR BA'I PHYIR, GSUM PA GRUB STE, TSOGS DRUG LA TSE JI SRID KYI BAR DU RGYUN MA CHAD PAR 'JUG PA'I RNAM SMIN MED PA'I PHYIR TE, TSOGS DRUG NI RES 'GA' 'BYUNG RES 'GA' MI 'BYUNG BA'I PHYIR, BZHI PA GRUB STE, DBANG SHES RNAMS LUS KYI PHYOGS LA BRTEN PA GANG ZHIG ,YID SHES NI LUS KYI CHA SHAS LA MI GNAS KYANG LUS THAMS CAD LA KHYAB NAS 'DZIN PA'I NUS PA MED PA'I PHYIR, LNGA PA GRUB STE, TSOGS DRUG GIS LUS@043A *, ,LEN NA TSOGS DRUG PA'I TSE LUS 'DOR BA DANG TSOGS DRUG SLAR 'BYUNG BA'I TSE LUS LEN PAR 'GYUR BA'I PHYIR, DE DAG LA KHYAB PA YOD DE, LUS LEN PA'I RNAM SHES NI SKYE BA SNGA MA'I LAS KYI MTHUS TSE JI SRID KYI BAR DU RGYUN MA CHAD PAR 'JUG PA'I RNAM SMIN YIN PA DANG, RTAG TU MA BSGRIBS LUNG MA BSTAN GYI NGO BOR GNAS PA DANG, TSE JI SRID KYI BAR DU LUS THAMS CAD LA KHYAB NAS 'DZIN PA ZHIG DGOS PA'I PHYIR RO, ,RIGS PA GNYIS PA NI, PHYOGS SNGA SMRA BAS, KUN GZHI YOD NA RNAM SHES DU MA GCIG CHAR SKYE BAR 'GYUR TE, KUN GZHI RGYUN DU 'JUG LA, 'JUG SHES KYANG RES 'GA' 'BYUNG BA'I PHYIR, 'DOD NA, SEMS CAN RNAMS NI RNAM PAR SHES PA RGYUD RE RE BA'O, ,ZHES PA'I MDO DANG 'GAL LO ZHE NA, DE'I LAN DU RNAM SHES DU MA GCIG CAR SKYE BAR 'DOD KYANG MDO DANG 'GAL BA'I SKYON MED DE, MDO'I DON NI RIGS MTHUN PA'I RNAM SHES DU MA GCIG CAR MI SKYE BA'I DON YIN PA'I PHYIR ZHES BZHED LA, PHYOGS SNGA MA 'GOG PA NI, 'DOD PA'I RTEN CAN GYI SO SO SKYE BO GCIG GI RGYUD LA RNAM SHES DU MA GCIG CAR SKYE BA YOD DE, DE 'DRA BA'I SKYO SKYE LA GZUGS SOGS YUL DRUG NYE BAR GNAS SHING, TSOGS DRUG GA'I RGYU RKYEN SA BON DANG MIG SOGS DBANG PO DRUG DANG, YUL DRUG LA NYE RING MED PA'I YID BYED TSOGS DRUG GA'I DE MA THAG RKYEN BYED NUS PA ZHIG STOBS CHE CHUNG MED PAR TSOGS PA NA, DE'I MJUG @043B THOGS SU TSOGS DRUG KA GCIG CAR SKYE BA MA GTOGS TSOGS DRUG LAS DANG POR DE NYID SKYE ZHES PA'I KHYAD PAR MI RUNG BA'I PHYIR TE, RGYU TSOGS TSANG BA LA KHYAD PAR MED PA'I PHYIR RO, ,SKABS 'DI'I PHYOGS SNGA SMRA BAS, RNAM SHES DU MA GCIG CAR SKYE BAR THAL ZHES PA'AM, RIGS MTHUN PA'I RNAM SHES DU MA GCIG CAR SKYE BAR THAL ZHES 'PHANGS PA YIN, DANG PO LTAR NA, RANG NYID KYIS RNAM SHES DU MA GCIG CAR MI SKYE BAR 'DOD DGOS PA LAS, RNAM SHES DU MA GCIG CAR MI SKYE BAR 'DOD MKHAN SU ZHIG YIN GRAGS MI CHE BA'I PHYIR TE, GRUB MTHA' SMRA BA RNAMS KYIS RNAM SHES DU MA GCIG CAR SKYE BAR 'DOD PA SHA STAG YIN PAR SNANG BA'I PHYIR RO, ,GNYIS PA LTAR NA, DE LA RIGS MI MTHUN PA'I RNAM SHES DU MA GCIG CAR SKYE BAR SGRUB PA'I RIGS BA BKOD PA NI GRUB ZIN SGRUB PA'I SKYON DU 'GYUR BA'I PHYIR MI 'THAD DO ZHE NA DPYOD DGOS SO, ,'DI LA KHA CIG GIS, SKABS 'DI'I PHYOGS SNGA SMRA BA'I BSAM TSOD NI, KUN GZHI NYON YID DRUG PA YID SHES GSUM GCIG CAR SKYE NA RIGS MTHUN PA'I RNAM SHES DU MA GCIG CAR SKYE BAR 'GYUR BAS MDO DANG 'GAL ZER BA LA, KUN GZHI 'DOD MKHAN GYIS, DE GSUM RIGS MI MTHUN PAS GCIG CAR SKYE BA LA SKYON MED CES KHO BO CAG GIS 'DOD BZHIN DU KHYED KYIS MDO DANG 'GAL BA'I SKYON BRJOD PA LTAR NA, KHYOD RANG NYID KYIS RIGS MI MTHUN PA'I RNAM SHES DU MA GCIG CAR MI SKYE BAR 'DOD DGOS PA LAS DE MI 'THAD CES RIGS PAS 'PHUL BA YIN GYI, SKABS 'DI'I PHYOGS SNGA SMRA BAS RIGS MI MTHUN PA'I RNAM SHES DU MA @044A *, ,GCIG CAR MI SKYE ZHES DNGOS SU KHAS BLANGS PA MIN ZER TE DPYAD PAR BYA'O, ,RIGS PA GSUM PA NA, RNAM SHES DU MA GCIG CAR SKYE BA YOD DE, MIG GIS GZUGS MTHONG BZHIN PA'I SO SKYE THA MA LA BA'I RGYUD LA GZUGS MTHONG BA'I YID SHES GSAL BA GCIG YOD PA'I PHYIR TE, GZUGS MTHONG BA'I 'DIR BSTAN YID MNGON YOD PA'I PHYIR, KHYAB STE, GZUGS MTHONG BA'I 'DIR BSTAN YID MNGON DE GZUGS 'DZIN DBANG MNGON GYI DUS SU SKYE DGOS KYI, DBANG MNGON 'DAS TSE GZUGS DRAN PA'I BLO NI RTOG PA YIN PA'I PHYIR, MA KHYAB MTSAMS KYI RTAGS GRUB STE, GZUGS SHES PA NI RNAM GNYIS TE, ,MIG DANG YID LA BRTEN PA'O, ,ZHES GSUNGS PA'I PHYIR, 'DI LA KHA CIG NA RE, 'DIR BSTAN YID MNGON DE DBANG MNGON GYI DUS SU SKYE BAR BSHAD PA MI 'THAD DE, DE DBANG MNGON 'DAS TSE SKYE BA'I PHYIR TE, RTOG GI'I SKAD LAS, DBANG MNGON 'DAS MTHAG TU YID MNGON SKYE'O, , ZHES SOGS GSUNGS PA'I PHYIR NA MA KHYAB STE, RNAM 'GREL RANG LUGS LA DE LTAR YIN KYANG SA SDE'I RJES 'BRANG RNAMS DE LTAR 'DOD MI DGOS PA'I PHYIR TE, 'DIR BSTAN YID MNGON LA 'DOD TSUL MI 'DRA BA MANG PO YOD BAS SO SOR MA 'DRES PAR SHES DGOS PA'I PHYIR RO, ,RIGS PA BZHI BA NI, SO SKYE'I RGYUD LA KUN GZHI YOD DE, DE'I RGYUD LA DGE SOGS KYI SA BON YOD PA'I PHYIR, KHYAB STE, DE'I RGYUD KYI KUN GZHI KHO NA BAG CHAGS SGO GZHIR RUNG PA YIN @044B GYI, TSOGS DRUG BAG CHAGS SGO GZHIR MI RUNG BA'I PHYIR TE, DE DAG DGE BA'I 'OG TU MI DGE BA DANG KHAMS GONG 'OG ZAG BCAS ZAG MED SOGS SPEL NAS SKYE BAS PHAN TSUN SGO GZHI SGO BYED DU MI RUNG BA'I PHYIR DANG, 'JUG SHES MED PA'I TSE BAG CHAGS RGYUN CHAD DE LAS BYAS BA CHUD ZOS PAR 'GYUR BA'I PHYIR RO, ,RIGS PA LNGA BA NI, RNAM SHES DU MA GCIG CAR SKYE BA YOD DE, LAM DU 'GRO BA'I TSE SNOD KYI RNAM RIG BRTAN PA PHYI'I 'JIG RTEN DU SNANG BA DANG, GNAS KYI RNAM RIG GA-YO BA NANG GI SKYE MCHED DRUG GZHI DANG BCAS BAR SNANG BA DANG, NGA'O SNYAM PA'I RNAM RIG BDAG TU SNANG BA DANG, YUL GYI RNAM RIG GZUGS SGRA SOGS SU SNANG BA'I LAS SA MA BYA BA BZHIG CIG CAR BYED PA YOD PA'I PHYIR, DE'I YUL CAN GYI RNAM RIG BZHI'I NGOS 'DZIN YOD DE, PHYI'I SNOD DANG NANG GI SKYE MCHED DU SNANG BA'I RNAM RIG NI KUN GZHI DANG, BDAG TU SNANG BA'I RNAM RIG NI NYON YOD DANG, YUL TU SNANG BA'I RNAM RIG NI RNAM SHES TSOGS DRUG LA BYED PA'I PHYIR TE, DBUS MTHA' LAS, DON DANG SEMS CAN BDAG RNAM RIG ,SNANG BA'I RNAM PAR SHES PA NI, ,RAB TU SKYE'O, ,ZHES DON DANG SEMS CAN DU SNANG BA'I RNAM SHES KUN GZHI DANG, BDAG TU SNANG BA'I RNAM SHES NYON YID DANG, RNAM PAR RIG PAR SNANG BA'I RNAM SHES 'JUG SHES SU GSUNGS PA DANG DON 'DRA BA'I PHYIR RO, ,RIGS PA DRUG PA NI, YID GZHAN LA BTAD PA'I SO SKYE'I RGYUD LA KUN GZHI YOD DE, DE'I LUS LA PHAN GNOD BYAS PAS LUS TSOR BDE SDUG SKYE BO YOD PA'I PHYIR, KHYAB STE, LUS THAMS CAD LA KHYAB PA'I @045A *, ,RNAM SMIN GYI RNAM SHES MED NA LUS TSOR DE LA RTEN SBYIN PA'I SGO NAS SKYE BAR 'JUG PA'I RNAM SHES MED PAS SKYE MI RUNG PHYIR DANG, BAG CHAGS SGO GZHI'I RNAM SHES MED NA LUS TSOR DE'I RGYU RKYEN SA BON KYANG MED PAR 'GYUR BAS SKYE MI RUNG BA'I PHYIR TE, DPER NA GNYID 'THUG PO LOG PA'I GANG ZAG GI LUS LA MTSON BSNUN PA LTA BU'I TSE 'JUG SHES MED KYANG LUS THAMS CAD LA KHYAB PA'I RNAM SHES YOD PA'I STOBS KYIS GNYID SAD CING LUS TSOR SKYE BA BZHIN YIN PA'I PHYIR, GZHAN DU NA RO LA MTSON BA SNUN PAS KYANG LUS TSOR SKYE BAR THAL BA'I PHYIR RO, ,RIGS PA BDUN PA NI, 'DU SHES MED PA'I SNYOMS 'JUG PA DANG PHYIR MI 'ONG 'GOG SNYOMS PA'I RGYUD LA KUN GZHI YOD DE, DE DAG GI LUS RNAM SHES KYI SA ZIN PA'I PHYIR, MA GRUB NA, DE DAG GI LUS SHI LUS SU THAL BA DANG, DE DAG GANG ZAG MA YIN PAR 'GYUR BA'I PHYIR, DE BZHIN DU KUN GZHI MED NA MNYAM GZHAG ZAG MED KYANG MED PAR 'GYUR TE; DE LA GNAS PA'I GANG ZAG MED PAR 'GYUR BA'I PHYIR TE, YID SHES ZAG MED YIN PAS KHAMS GSUM GANG RUNG GI 'GRO BAR MI 'THAD CING, DE LAS GZHAN GANG ZAG GI MTSAN GZHI KHAS MA BLANGS PA'I PHYIR, DE'I RGYUD LA GANG ZAG GI MTSAN GZHIR GYUR BA'I YID KYI RNAM SHES SHIN TU PHRA BA YOD CES PAS KYANG SKYON SPONG MI NUS TE, DE 'DRA BA'I RNAM SHES DE ZAG MED SHES PA DANG RIGS MTHUN PA YIN NA SNGAR DRANGS BA'I MDO DANG 'GAL BAR @045B 'GYUR LA, RIGS MI MTHUN PA YIN ZER NA, KUN GZHI'I DON KHAS BLANGS NAS MING LA SDANG BA TZAM DU ZAD PA'I PHYIR RO, ,RIGS PA BRGYAD PA NI, KUN GZHI YOD DE, LUS KYI DROD STOD SMAD NAS RIM GYIS BSDUS NAS 'CHI 'PHO PA YOD PA'I PHYIR, KHYAB STE, KUN GZHI LUS THAMS CAD LA KHYAB PAR GNAS BA DE, NAM 'PHEN PA ZAD PA NA LUS KYI CHA GANG KUN GZHI'I RTEN DU MI RUNG BAR GYUR BA DE NAS BSDUS PA'I RIM PA BZHIN DU DROD KYANG SDUD PA YIN LA, KUN GZHI MED NA LUS THAMS CAD LA KHYAB PA'I RNAM SHES MED PAR 'GYUR BAS DROD RIM KYIS SDUNG MI RUNG BA'I PHYIR RO, ,KUN GZHI NI THEG DMAN RANG LA GRAGS PA'I LUNG LAS KYANG GSUNGS TE, RTZA BAR, KUN GZHI RNAM PAR SHES PA DE, THEG DMAN GA TZUG LAG RNAMS SU YANG, ,KUN GZHI RTZA BA'I RNAM SHES DANG, ,SRID PA'I YAN LAG JI SRID PA'I, ,PHUNG PO'I RNAM GRANGS DAG GIS BSTAN, ,ZHES GSUNGS PA LTAR, GCIG LAS 'PHROS BA LAS, SKYE RGU KUN GZHI LA KUN TU DGA' BA, ZHES SOGS DANG, PHAL CHEN SDE BA'I YUNG LAS, RTZA BA'I RNAM PAR SHES PA, ZHES 'BYUNG BA DANG, GNAS BRTAN PA'I LUNG LAS, SRID PA'I YAN LAG ,CES 'BYUNG BA DANG, SA STON SDE BA'I LUNG LAS, 'KHOR BA JI SRID PA'I PHUNG PO, ZHES GSUNGS PA RNAMS KYIS KUN GZHI RNAM PAR SHES PA'I LAM CHEN PO GTONG BA KHO NA YIN PAR THIG BSDUS LAS GSUNGS PA'I PHYIR RO, ,DE LTAR GSUNGS PA'I KUN GZHI LA, DBYIG SHES MI'U THUNG DBYANGS SGROGS GSUM, ,RIM BZHIN PHUNG PO TSOR BA DANG, ,'JIG LTA GSUM LA @046A *, ,DGONGS ZHES 'DOD, ,CES MDO LAS KUN GZHI ZHES GSUNGS PA LA, BTZUN PA DBYIG SHES NI NYER LEN GYI PHUNG PO DANG, BTZUN PA MI'U THUNG NI TSOR BA BDE BA DANG, BTZUN PA DBYINGS SGROGS NI 'JIG LTA LA DGONGS PAR 'DOD DO, ,THEG PA 'OG MA PA DE DAG NI KUN GZHI BSTAN PA'I SNOD MA YIN PAS MDO DE'I DON GZHAN DU 'CHAD PA NI MI RUNG BA CHER MED KYANG, KUN GZHI LA MA RMONGS PA'I THEG CHEN PA RNAMS KYIS MDO DE'I KUN GZHI ZHES PA KUN GZHIN MA SHES SU 'DOD PA CHE SA CHER BZANG STE, BTZUN PA DBYIG SHES SOGS SLOB DPON GSUM GYIS BKRAL BA NI SKYON DANG LDAN PA'I PHYIR TE, SHIN TU SDUG BSNGAL BA'I NGAN 'GRO RNAMS NYER LEN GYI PHUNG PO LA MI DGA' BA DANG, BSAM GTAN BZHI PA YAN CHAD KYI GZUGS KHAMS PA DANG GZUGS MED KYI LHA RNAMS TSOR BA BDE BA LA MI DGA' BA DANG, BDAG MED LA MOS PA'I CHOS 'DI BA RNAMS 'JIG LTA LA MI DGA' BA'I PHYIR RO, ,ZHES 'CHAD PAR THEG PA 'OG MA'I LUGS DAG LA, TSUL DE MI RUNG MED MOD KYI, ,ZHES SOGS GSUNGS SO, ,GNYIS PA NYON YID KYI RIGS PA NI NYON MONGS CAN GYI YID MED NA, MA 'DRES PA YI MA RIG DANG, ,LNGA PO DAG DANG 'DRA BA DANG, ,SNYOMS PAR 'JUG PA'I BYE BRAG DANG; ;NGES TSIG MED PA'I SKYON DU 'GYUR, ,'DU SHES MED PAR SKYES PA'I RGYUN, ,DAR 'DZIN MED BA'I SKYON DU 'GYUR, ,NGAR 'DZIN PA DANG LDAN PA NI, ,RNAM PA KUN TU MI 'THAD PHYIR, ,NYON YID YOD PAR SHES PAR BYA, ,ZHES @046B GSUNGS SO, ,'DI LAS DRUG LAS, RIGS PA DANG PO NI, NYON YID YOD DE, SO SKYE'I RGYUD LA RGYUN CHAGS SU MNGON DU 'GYUR BA'I MA 'DRES PA'I MA RIG PA YOD PA'I PHYIR, KHYAB STE, MA RIG PA DE DANG MTSUNGS LDAN GYI SEMS DE NYON YID YIN PA'I PHYIR TE, MA RIG PA DE NYON MONGS YIN PAS KUN GZHI DANG MTSUNGS LDAN DU MI RUNG LA, 'PHAGS LAM MA THOB BAR DU RGYUN MI CHAD PAS NA 'JUG SHES SU MI RUNG BA'I PHYIR, MA KHYAB MTSAMS KYI RTAGS GRUB STE, THEG BA SDUS SU MDO DRANGS BA LAS, YANG DAG DON LA 'JUG PA YI, ,SEMS KYI GEGS SU RTAG GYUR DANG, ,DUS RNAMS KUN TU 'BYUNG BA STE, ,MA 'DRES BA YI MA RIG 'DOD, ,CES SO SO SKYE BO'I RGYUD LA BDAG MED MNGON SUM DU MTHONG LA GEGS BYED PA'I MA 'DRES PA'I MA RIG PA DUS DANG GNAS SKABS THAMS CAD DU YOD PAR GSUNGS PA'I PHYIR RO, ,'DI'I MA 'DRES PA'I DON LA, BTZUN PA NGO BO NYID MED PAS, 'DI RTEN MA 'DRES PA YIN TE, NYON YID KHO NA LA YOD PA'I PHYIR, SANGS RGYAS KYI CHOS MA 'DRES PA BZHIN NO ZER, DON GSANG MKHAN PO NA RE, DE MI 'THAD DE, GZHAN DUN MA RIG PA THAMS CAD MA 'DRES PA'I MA RIG PAR THAL BAR 'GYUR BA'I PHYIR TE, MA RIG PA THAMS CAD RANG DANG MTSUNGS LDAN GYI SEMS MA GTOGS PA SEMS GZHAN GYI 'KHOR DU MI 'GRO BA'I PHYIR, DES NA 'DI RANG STOBS KYIS NYON MONGS GZHAN 'DREN NUS PA LTAR NYON MONGS GZHAN GYIS MA RIG PA 'DI 'DREN MI NUS PA'I PHYIR RDZAS SAM MTHU MA 'DRES PA YIN NO ZER, RANG LUGS LA DE GNYIS KYI SNGA MA LTAR 'DOD DGOS TE, DKA' 'GREL LAS, RANG LUGS LA RTEN NA @047A *, ,'DRES PA 'THAD PAR MNGON NO, ,ZHES GSUNGS PAS SO, ,MA RIG PA KHO NAS NYON MONGS GZHAN 'DREN ZER BA MI 'THAD DE, SPYI TZAM NAS RMONGS PA'I MTHUS NYON MONGS GZHAN RNAMS 'BYUNG YANG, NYON MONGS GZHAN LA BRTEN NAS KYANG MA RIG PA 'BYUNG BA YOD PA'I PHYIR DANG, NYON YOD KYI 'KHOR GYI DBANG DU BYAS NA DE DAG PHAN TSUN LHAN CIG 'BYUNG BA'I RGYU 'BRAS YIN PAS MA RIG PA KHO NAS DRANG ZHES BZHAG TU MED PAR DKA' 'GREL LAS GSUNGS PA'I PHYIR RO, ,NYON YID 'KHOR GYI MA RIG PA DANG RTEN MA 'DRES PA'I MA RIG PA DON GCIG ,'JUG SHES SU GYUR PA'I MA 'DRES PA'I MA RIG PA DANG MTSUNGS LDAN MA 'DRES PA'I MA RIG PA DON GCIG YIN LA, MTSUNGS LDAN MA 'DRES PA'I DON NI, RTZA NYON GZHAN DANG KHRO SOGS BCU GANG RUNG DANG MTSUNGS LDAN MA YIN PA'I MA RIG PA LA BYED DO, ,MTSUNGS LDAN MA 'DRES PA'I MA RIG PA MTHONG SPANG YIN PAR DON GSANG LAS BSHAD KYANG, DE LA SGOM SPANG MED PA'I RGYU MTSAN 'TSOL DGOS PAR SNANG NGO, ,RIGS PA GNYIS PA NI, NYON YID YOD DE, DRUG PA YID SHES KYI DUS MNYAM PA'I BDAG RKYEN DBANG PO YOD PA'I PHYIR, MA GRUB NA, DRUG PA YID SHES CHOS CAN, KHYOD KYI DUS MNYAM PA'I BDAG RKYEN DBANG PO YOD DE, 'JUG SHES YIN PA'I PHYIR, DPER NA DBANG SHES LNGA BZHIN NO, ,ZHES PA'O, ,'DI'I PHYOGS SNGA SMRA BA'I GTZO BO NI, MDZOD LAS, THA MA'I RTEN 'DAS LNGA RNAMS KYI, ,DE DANG LHAN CIG @047B SKYE PA'ANG YIN, ,ZHES YID SHES KYI RTEN NI 'DAS MA THAG PA'I RNAM SHES TSOGS DRUG KHO NA YIN GYI LHAN CIG PA'I RTEN MED LA, DBANG SHES LNGA LA NI 'DAS PA'I RTEN 'DAS MA THAG PA'I YID DANG LHAN CIG PA'I RTEN DBANG PO GZUGS CAN PA GNYIS KA YOD PAR 'DOD PA DE YIN YA, DE 'GOG TSUL NI, DBANG SHES LNGA LA DUS MNYAM PA'I RTEN YOD YA YID SHES YA MED PA MI 'THAD DE 'JUG SHES SU KHYAD PAR MED PA'I PHYIR ZHES PA'O, ,RIGS BA 'DIS NYON YID YOD PAR SGRUB TSUL NI, GZUt MED KYI SO SKYE'I RGYUD KYI DRUG PA YID SHES KYI DUS MNYAM PA'I BDAG RKYEN YID DBANG CHOS CAN, NYON YID YIN TE, RNAM SHES TSOGS BRGYAD GANG RUNG GANG ZHING, ,KUN GZHI MA YIN, 'JUG SHES MA YIN PA'I PHYIR, DANG PO SLA, GNYIS PA GRUB STA, KUN GZHI NI TSOGS DRUG GA'I THUN MONG BA'I RGYU RKYEN YIN PAS, YID SHES KYI THUN MOD MA YIN PA'I BDAG RKYEN DU MI RUNG BA' PHYIR, GSUM PA GRUB STE, DBANG SHES MA YIN, DRUG PA YID SHES MA YIN PA'I PHYIR, DANG PO SLA, GNYIS PA GRUB STE, GZHAN DU NA RIGS MTHUN PA'I RNAM SHES DU MA GCIG CAR MNGON DU 'GYUR PA'I SKYON 'BYUNG BA'I PHYIR RO, BSHAD TSUL 'DI DAG DON GSANG LTAR DRUG PA YID SHES KYI DUS MNYAM PA'I BDAG RKYEN 'DOD PA'I LUGS YIN LA, BSHAD SBYAR LTAR NA DRUG PA YID SHES KYI DUS MNYAM PA'I BDAG RKYEN MI 'DOD PAS DE YOD PAR SGRUB PA MIN GYI, NYON YID MED PAR 'DOD PA MI 'THAD DE, DRUG PA YID SHES KYI DUS @048A *, ,MNYAM PA'I RTEN YOD PAR KHYOD KYIS KHAS BLANGS PA'I PHYIR TE, KHYOD KYI GZHUNG LAS, LHAN CIG SKYES PA'I GNAS MED PA'I RNAM PAR SHES PA CI YANG MED DO, ,ZHES 'BYUNG BA'I PHYIR RO, ,ZHES GZHAN GYI KHAS BLANGS LA 'KHRIS NAS DGAG PA BYAS PA YIN TE, BSHAD SBYAR LAS, LNGA PO DAG DANG 'DRA BA ZHES BYA BA NI SGRUB PA MA YIN NO, ,'O NA CI ZHE NA, SUN 'BYIN PA STE, ZHES GSUNGS PA'I PHYIR RO, ,'DI LA MKHAS PA KHA CIG ,'DI NI DRUG PA YID SHES KYI DUS MNYAM PA'I RTEN MI 'DOD PA'I DON MIN GYI, DE YOD BYANG DE'I RKYEN MTSAN NYID PA MA YIN PA'I DON YIN ZHES BSHAD KYANG DBYOD DGOS TE, DE LTAR NA DON GSANG DANG BSHAD SBYAR GNYIS BSHAD TSUL MTHUN PAR 'BYUNG BAS DKA' 'GREL DANG 'GAL BAR 'GYUR RAM SNYAM PAS SO, ,PHA ROL POS, NYON YID MED KYANG YID SHES KYI LHAN CIG BA'I RTEN MED MI DGOS TE, SNYING GI GZUGS BU GA GCIG NAS DGU'I BAR YOD PA DE YIN NO ZHE NA, DE MI 'THAD DE, DE LTAR NA YID SHES DE DBANG SHES SU THAL BA DANG, GZUGS MED NA YID SHES MED PAR THAL BA DANG, YID KYI SKYE MCHED BSTAN MED THOGS MED DU BSHAD PA DANG 'GAL BA'I PHYIR RO, ,RIGS PA GSUM PA NI, NYON YID YOD DE, 'GOG PA'I SNYOMS 'JUG DANG 'DU SHES MED PA'I SNYOMS 'JUG GNYIS LA ZHI MA ZHI'I KHYAD PAR YOD PA'I PHYIR TE, DANG PO NI NYON YID DANG BRAL BAS ZHI BA DANG, GNYIS PA NI NYON YID DANG LHAN CIG 'JUG PAS MA @048B ZHI BAR 'JOG PA YIN PA'I PHYIR TE, GZHAN DU NA DE GNYIS LA KHYAD PAR MED PAR 'GYUR PA'I PHYIR RO, ,RIGS PA BZHI PA NI, NYON YID YOD DE, RTAG TU NGAR SEMS PAS NA YID CES PA'I NGES TSIG YOD PA'I PHYIR, KHYAB STE, NYON YID MED NA NGES TSIG 'DI NAM SHES GANG LA YANG MI GNAS PAR 'GYUR BA'I PHYIR TE, KUN GZHI DANG DBANG SHES LA NGAR SEMS PA MED LA, YID SHES LA RTAG TU NGAR SEMS PA MED PA'I PHYIR, MA KHYAB MTSAMS KYI RTAGS GRUB STE, SPYIR SAMS YID RNAM SHES GSUM DON GCIG YIN KYANG, THUN MO MA YIN PA'I NGES TSIG GIS BSHAD NA, KUN GZHI NI BAG CHAGS BSAGS PAS NA SEMS DANG, NYON YID NI RTAG TU NGAR SEMS PAS NA YID DANG, 'JUG PA'I RNAM PAR SHES PA DRUG NI YUL DRUG SO SOR RIG PAS NA RNAM SHES ZHES BSHAD DGOS PA'I PHYIR TE, LANG GSHEGS LAS, SEMS NI KUN GZHI RNAM SHES TE, ,NGAR 'DZIN PA NI YID YIN NO, ,YUL LA RNAM PAR RIG PA GANG, ,DE NI 'JUG PA'I RNAM SHES 'DOD, ,CES DANG, DON GSANG LAS, SOGS PAS NA SEMS SO, ,RTOG PA SAN YID DO, ,RNAM PAR SHES PAS NA RNAM PAR SHES PA'O, ,ZHES GSUNGS PA'I PHYIR RO, ,RIGS PA LNGA PA NI, NYON YID YOD DE, 'DU SHES MED PA'I LHA'I RGYUD LA NGAR 'DZIN DUS RTAG TU MNGON GYUR YOD PA'I PHYIR, KHYAB STE, DE LTA BU'I NGAR 'DZIN DE NYON YID 'KHOR BCAS LA 'JOG GI ,GZHAN LA MI RUNG BA'I PHYIR TE, KUN GZHI LA NGAR 'DZIN MED CING, TSOGS DRUG DGAG PA'I PHYIR, MA KHYAB MTSAMS KYI RTAGS@049A *, ,GRUB STE, GZHAN DU NA 'PHAGS PA RNAMS KYIS MI KHOM PA'I GNAS SU GZIGS NAS SBONG BAR MI 'GYUR BA'I PHYIR, 'GO MA SNYOMS PA BZHIN NO, ,RIGS PA DRUG PA NI, NYON YID YOD DE, SO SO SKYE BO'I RGYUD LA NGAR 'DZIN RNAM PA KUN TU 'BYUNG BA'I PHYIR, KHYAB STE, DE LTA BU DE NYON YID 'KHOR BCAS LA 'JOG DGOS KYI, 'JUG SHES SU GYUR BA'I NGAR 'DZIN YIN NA BDAG MED RTOGS PA'I SHES RAB SOGS DANG LHAN CIG TU NI 'BYUNG PA'I PHYIR RO, KUN GZHI NYON YID KYI DKA' GNAS LA MTHA' DPYOD TSUL RGYA CHER SPRO NUS MOD KYANG YI GE MANGS SU NGOS NAS MA BRIS TE, DKA' 'GREL DANG RDZE GUNG THANG BA'I MTHA' DPYOD SOGS LAS SHES PAR BYA'O, ,'DIR RGYA GAR BA'I SLOB DPON RNAMS RNAM SHES GRANGS MANG NYUNG 'DOD TSUL NYUNG GSAL DGOD PA LA DRUG STE, GCIG PUR SMRA BA'I BYANG SEMS KYIS YID KYI RNAM SHES GCIG BUR 'DOD PA DANG, SLOB DPON BO DE LE'U CIS CHOS NYID KYI SEMS DANG MTSUNGS LDAN GYI SEMS TE GNYIS SU 'DOD PA DANG, GRUB MTHA' SMRA BA PHAL CHER GYIS RNAM SHES TSOGS DRUG TU 'DOD PA DANG, KHA CHE'I MKHAS PA LAKshMI'I RI MA LNGA'I 'GREL BAR SEMS TZAM PA'I SLOB DPON KHA CIG NYON YID TSOGS DRUG STE BDUN DU 'DOD PAR BSHAD PA DANG, SA SDE'I RJES 'BRANG GI SEMS TZAM PA PHAL CHER GYIS RNAM SHES TSOGS BRGYAD 'DOD PA DANG, SLOB DPON YANG DAG BDEN PAS @049B RNAM SHES TSOGS DGUR 'DOD PA STA DRUG YOD PA'I PHYIR, DANG PO'I 'DONG TSUL 'CHAD PAR, ,YID SHES GCIG NYID DBANG DRUG GI ,ZHES SOGS TSIGS BCAD GNYIS 'BYUNG, YID KYI RNAM SHES GCIG PU DBANG BO SO SO LA BRTEN NAS YUL SO SO LA RGYU PA NA RNAM SHES SO SO'I MING THOB PA YIN TE, DPER NA KHANG PA SKAR KHANG DAG PA'I NANG GI SPRE'U MGYOGS PA GCIG GIS SKAR KHUNG SO SOR THON PA BZHIN RNAM, DE'I NANG DU MAR ME GCIG SBAR PA'I 'OD SKAR KHUNG SO SO NAS THON PA BZHIN NO, ,DE LTAR YANG BRAM ZE'I TSOMS, GANG ZHIG LUS MED BUG GNAS SHING, ,RING DU 'GRO LA GCIG PA RGYU, ,GDUL BAR DKA' PA'I SEMS 'DU BA BYED, ,DE NI BRAM ZER NGAS BSHAD DO, ,ZHES DANG, MDO LAS KYANG RNAM SHES TSOGS DRUG NI YID KYI SKYE MCHED YIN PAR GSUNGS PA DANG, RNAM SHES DRUG GI YUL NI YID KYIS MYONG ZHING YID NI 'DI DAG GI STON PAR GSUNGS PA'I PHYIR ZHES ZER RO, ,DE MI 'THED DE, LUNG DANG PO'I GCIG BU RGYU ZHES PA YID SHES KHO NA LA DGONGS SHING, MDO GNYIS PAS TSOGS DRUG YID KYI SKYE MCHED DU BSHAD GYI YID SHES SU STON PA MA YIN LA, GSUM PA NI DBANG SHES YUL LA 'PHRO BA DANG SDUD PA YID KYI NUS PA YIN PA LA DGOS PA'I PHYIR DANG, GZHAN DU NA DBANG SHES KYIS KYANG LKOG GYUR DANG 'DAS MA 'ONGS 'DZIN PAR 'GYUR BA DANG, YID SHES KYANG RTOG MED KHO NAR 'GYUR PA'I PHYIR TE, YID SHES DANG DBANG SHES RNAMS RDZAS SO SOR MA GRUB PAR 'DOD PA'I PHYIR RO, ,ZHES 'CHAD PAR, LUNG DON @050A *, ,GZHAN DU NUS PHYIR DANG, ,ZHES SOGS TSIGS BCAD GCIG 'BYUNG, GNYIS PA'I 'DOD TSUL NI, DE BZHIN NYID LA CHOS NYID KYI SEMS ZHES PA YIN GYI DMIGS PA CAN MA YIN LA, MTSUNGS LDAN GYI SEMS NI DAD PA DANG 'DOD CHAGS LA SOGS PA'I SEMS BYUNG RNAMS DANG MTSUNGS PAR LDAN PA'O, ,ZHES 'DOD DO, ,TSOGS DRUG TU 'DOD PA LA SOGS PA GSUM NI GO BAR ZAD DO, ,TSOGS DGUR 'DOD TSUL NI, BDUN PA LEN PA'I RNAM SHES DANG, ZHES SOGS TSIGS BCAD GCIG 'BYUNG, TSIGS DRUG NI PHAL CHER GZHUNG GZHAN NAS BSHAD PA DANG MTHUN NO, ,BDUN PA NI LEN PA'I RNAM SHES STE, KUN GZHI LA DMIGS PA'I NYON MONGS CAN GYI YID YIN NO, ,BRGYAD PA NI KUN GZHI RNAM SHES STE, 'DI LA GSUM LAS, DANG PO NGO BO NYID KYI KUN GZHI NI SANGS RGYAS 'GRUB PA'I DON DANG LDAN PA DANG, GNYIS PA RNAM PAR SMIN PA'I KUN GZHI NI KHAMS BCO BRGYAD LA DMIGS PAR BSHAD DO, ,GSUM PA KUN NAS NYON MONGS PA'I KUN GZHI NI, DE BZHIN NYID KYI YUL LA DMIGS NA SANG RGYA LA RNAM PA BZHI 'BYUNG STE, DE NI CHOS 'DZIN PA YIN GYI GANG ZAG TU 'DZIN PA MIN NO ZHES 'BYUNG STE, DE BZHIN NYID RTOGS PA'I BLO DANG DMIGS PA GCIG LA DMIGS NAS 'DZIN STANGS DNGOS 'GAL DU BZHUGS PA'I CHOS KYI BDAG 'DZIN LTA BU 'BYED DAM SNYAM YANG THAG GCOD DKA'O, ,DGU PA NI DRI MA MED PA'I RNAM @050B SHES STE, 'DI NI DE BZHIN NYID LA DMIGS PAR BSHAD PAS NA DE BZHIN NYID RTOGS PA'I ZAG MED KYI SEMS LA BYED DAM SNYAM MO, 'DOD TSUL 'DI MI 'THAD PA YIN TE, TSOGS BRGYAD LAS LOGS SU GYUR BA'I RNAM SHES YOD NA DE RTAG PA'I DNGOS POR 'GYUR PA'I PHYIR TE, DE 'DUS BYAS MA YIN ZHING YUL LA DMIGS BYED YIN PA'I PHYIR, KHYAB STE, GZUGS DANG LDAN MIN YIN NA DMIGS BYED DU 'GAL ZHING, SHES PA YIN NA TSOGS BRGYAD DU 'DU DGOS PA'I PHYIR RO ZHES 'CHAD BAR, TSOGS BRGYAD DAG LAS LOGS PA YI, ,ZHES SOGS TSIGS BCAD GCIG 'BYUNG NGO, ,RNAM SHES BRGYAD LAS GRANGS MANGS PA DANG NYUNGS PAR SMRA BA LA LUNG RIGS KYIS GNOD PA DE'I PHYIR ZAB MO'I GNAS KUN GZHI DANG, RNAM RIG PA'I LTA BA LA MI SGRAG PA'I MKHAS PA RNAMS KYIS RNAM SHES TSOGS BRGYAD DU 'DOD PAR BYA'O, ,ZHES 'CHAD PAR, DE PHYIR YID CHES LUNG RIGS KYIS, ,GRUB PA RNAM SHES BRGYAD YIN PHYIR, ,GSANG PA'I GNAS LA MI ZHUM PA'I, ,MKHAS PAS BRGYAD NYID 'DOD PAR BYA, ,ZHES GSUNGS SO,, ` RNAM BSHAD LTAR NA, 'DIR BSTAN SPONG LAM BZHI NI SKABS 'DI'I RNAM PA MA YIN TE, SKABS 'DI'I RNAM PA NI RNAM MKHYEN YIN PA'I PHYIR TE, BYANG SEMS LA YOD PA DANG THUN MONG PA'I RNAM MKHYEN YIN PA'I PHYIR, DES NA SKABS 'DI'I RNAM PA LA GANG 'JOG PA DANG DE'I SDE TSAN MTSAN NYID PA LA GANG 'JOG PA NI DKA' BAR SNANG PAS DPYOD DGOS SO, ,GSER PHRENG LTAR NA DE LTA BU'I DOGS PA MED DE, @051A *, ,SKABS 'DI'I RNAM PA NI RNAM MKHYEN GYI DON RNAM YIN GYI, RNAM MKHYEN MA YIN PA'I PHYIR RO, ` ,RNAM BSHAD LTAR NA SKABS 'DI'I SANGS RGYAS KYI LAM LA GANG 'JOG PA NI DPYAD BZHI SHIN TU CHE STE, SPYIN SOGS PHAR PHYIN BCU BZHAG NA DE BYANG SEMS LA YOD PA DANG THUN MONG PA'I RNAM MKHYEN MA YIN PAS MI RUNG LA, PHAR PHYIN NYAMS SU LEN PA'I LAM BZHAG NA DE RNAM MKHYEN MA YIN PAS MI RUNG PA'I PHYIR, GNYIS PA SLA, DANG PO GRUB STE, SLOB LAM NA PHAR PHYIN BCU MED PA'I PHYIR TE, SHER PHYIN MED PA'I PHYIR RO, ,GSER PHRENG LTAR NA DE 'DRA'I DOGS PA MED DE, SLOB LAM NA PHAR PHYIN BCU YOD PA'I PHYIR RO, ` ,RNAM BSHAD KYI BSHAD TSUL LTAR NA, SO RIG BZHI 'PHAGS PA 'OG MA LA YOD DAM MED, YOD NA DE THUN MONG MA YIN PA'I RNAM MKHYEN GYI RNAM PA MA YIN PAR 'GYUR ZHING, THUN MONG MA YIN PA'I RNAM MKHYEN GYI RNAM PA SA DGU MED PAR 'GYUR LA, MED ZER NA 'DUL PA LUNG DANG MNGON PA GONG 'OG SOGS MDO BSTAN BCOS DU MAR THEG DMAN LA SO RIG BZHI YOD PAR GSUNGS PA DANG, MDO SDE RGYAN LAS, SO SO YANG DAG RIG BLO BZANG, ,SA DE LEGS PA'I BLO GROS YIN, ,ZHES DANG, DBU MA RIN CHEN PHRENG BA LAS, GANG PHYIR SO SOR YANG DAG RIG ,THOB PAS 'DI LA BLO GROS BZANG, ,ZHES SA DGU BAR SO RIG BZHI KHYAD PAR CAN THAB PAR GSUNGS BA DANG 'GAL @051B BAR MI 'GYUR RAM DPYOD DGOS SHING, SGO MANG YIG CHAR SA DGU PAR DE BZHI THOB PAR GSUNGS PA DE RJES MTHUN PA LA DGONGS PAR BSHAD KYANG THAG GCOD DKA' STE, RGYA GZHUNG KHUNGS THUB MANG POR 'PHAGS PA 'OG MA LA DE BZHI YOD PAR GSUNGS PA MA GTOGS, MED PAR GSUNGS PA DANG RJES MTHUN PA THOB PAR GSUNGS PA GCIG KYANG MI SNANG BA'I PHYIR RO, ,GSER PHRENG GI BSHAD TSUL LTAR NA DE 'DRA'I DOGS PA MED DE, SKABS 'DI'I RNAM PA SO DGU THUN MONG MA YIN PAR GSUNGS PA NI RTEN GYI SGO NAS YIN GYI, RANG GI SDE TSAN MTSAN NYID PA 'PHAGS PA 'OG MA LA MED PA'I SGO NAS THUN MONG MA YIN PAR GSUNGS PA MA YIN PA'I PHYIR TE, SANGS RGYAS KYI SA'I ZAG MED KYI YE SHES SDE TSAN NYER GCIG THAMS CAD SANGS RGYAS KHO NA'I YON TAN YIN PA'I PHYIR TE, GSER PHRENG LAS, DE LA RGYUD DBANG BTZAN PAR BYAS NA THAMS CAD KYANG THUB BA'I THUN MONG MA YIN PA YIN MOD, CES GSUNGS PA'I PHYIR RO, ,'DI DAG NI BLO GSER PA RNAMS DPYAD PA 'JUG CHED DU DOGS SLONG GI TSUL DU BKOD PA YIN GYI, RNAM BSHAD DANG DE'I RJES 'BRANG GI YIG CHA MANG PO'I BSHAD TSUL MTHA' GCIG TU MI 'THAD CES PA MIN NO, ` ,BYE SMRA LTAR NA, SDE TSAN DANG PO GNYIS LAS LOGS SU SANGS RGYAS KYI CHOS MA 'DRES PA BCO BRGYAD MED DE, STE BAS BCU DANG MI 'JIGS PA BZHI DANG DRAN PA NYER BZHAG GSUM DANG THUGS RJE CHEN PO RNAMS LA SANGS RGYAS KYI CHOS MA 'DRES PA BCO BRGYAD CES 'DOD PA'I PHYIR RO, ` ,NANG BA'I GRUB MTHA' @052A *, ,SMRA BA RNAMS KYIS, DANG POR MYU GU MA 'ONGS PA 'GRUB, DE'I RJES SU MYU GU DA LTAR PA 'GRUB, DE'I RJES SU MYU GU 'DAS PA 'GRUB PAR 'DOD PA NI MTSUNGS PA YIN KYANG, MYU GU MA 'ONGS PA SOGS KYI MTSAN GZHIR GANG 'JOG PA LA 'DOD PA MI MTHUN TE, BYE SMRAS, MYU GU MA 'ONGS PA'I MTSAN GZHIR MA 'ONGS PA'I MYU GU DANG, MYU GU DA LTAR BA'I MTSAN GZHIR DA LTAR PA'I MYU GU 'JOG PA SOGS MYU GU KHO RANG LA DUS GSUM DU PHYE BA YIN LA, MDO SDE PA YAN CHAD KYIS, MYU GU LA DUS GSUM GYI DBYE BA MI BYED DE, MYU GU YIN NA DA LTAR PA YIN PAS KHYAB PAR 'DOD PA'I PHYIR, BYE SMRA LA 'DOD TSUL MI 'DRA BA BZHI YOD PA LAS, BTZUN PA CHOS SKYOB NA RE, MYU GU MA 'ONGS PA NAS DA LTAR PA DANG, DA LTAR PA NAS 'DAS PAR 'PHO BA NA DNGOS PO GZHAN DU 'GYUR BA YIN GYI, MYU GU'I RDZAS GZHAN DU MI 'GYUR TE, MA 'ONGS PA'I DNGOS PO SOGS 'DOR YANG MYU GU YIN PA MA 'DOR PA'I PHYIR, DPER NA GSER SNOD BCOM NAS RGYAN BYED TSE DBYIBS GZHAN DU 'GYUR YANG KHA DOG GZHAN DU MI 'GYUR BA BZHIN NO, ,ZHES ZER RO, ,BTZUN PA DBYANGS SGROG NA RE, 'DUS BYAS THAMS CAD DUS GSUM GA'I MTSAN NYID LDAN KYANG GANG SHAS CHE BA'I SGO NAS 'JOG STE, 'DAS PA'I MTSAN NYID SHAS CHE BA NA 'DAS PAR 'JOG PA SOGS YIN PA'I PHYIR, DPER NA SKYES PA GCIG BUD MED GCIG LA LHAG PAR CHAGS KYANG BUD MED GZHAN LA CHAGS BRAL MIN PA @052B BZHIN NO, ,ZHES ZER RO, ,BTZUN PA DBYIG BSHES NA RE, DUS GSUM NI GNAS SKABS THA DAD PA'I SGO NAS 'JOG STE, MYU GU LA SOGS PA'I 'DUS BYAS GCIG NI BYA BA MI BYED PA'I GNAS SKABS SU MA 'ONGS PA DANG, BYA BA BYOD PA'I GNAS SKABS SU DA LTAR PA DANG, BYA BA BYAS ZIN PA'I GNAS SKABS SU 'DAS PAR 'JOG PA'I PHYIR, DPER NA RTZIS KYI RI LU GCIG NI GCIG GI SHONG MIG TU BZHAG NA GCIG DANG, BRGYA'I SHOD MIG TU BZHAG NA BRGYA DANG, STONG GI SHOD MIG TU BZHAG NA STONG ZHES BRJOD PA BZHIN NO, ,ZHES ZER TE, 'DI'I BYA BA BYED MI BYED NI, 'BRAS BU 'DZIN PA'I BYA BA BYED MI BYED KYI DON YIN GYI, 'BRAS BU 'BYIN PA'I BYA BA BYED MI BYED KYI DON MIN PA NI, MDZOD LAS, LNGA BOD LTAR 'BRAS BU 'DZIN, ,GNYIS NI RAB TU 'BYIN PAR BYED, ,DA LTAR GYI NGANG 'DAS PA DAG ,GCIG NI 'DAS PAS 'BYIN PAR 'GYUR, ,ZHES PA RTZA 'GREL LAS SHES DGOS SO, ,BTZUN PA SANGS RGYAS LHA NA RE, 'DUS BYAS GCIG NYID SNGA MA LA LTOS NAS MA 'ONGS PA DANG, PHYI MA LA LTOS NAS 'DAS PA DANG, SNGA PHYI GNYIS KA LA LTOS NAS DA LTAR PAR 'JOG STE, DPER NA BUD MED GCIG NYID MA LA LTOS NAS BU MO DANG, BU MO LA LTOS NAS MAR BRJOD PA BZHIN NO, , ZHES ZER RO, ,MOD SEMS RANG RGYUD PA GSUM GYI LUGS LA, DNGOS PO GZHAN ZHIG SKYES ZIN SLAR 'GAG PA'I CHA DE, 'DAS PA'I MTSAN NYID, MTSAN GZHI NI MYU GU ZHIG PA LTA BU'O, ,SKYES LA MA 'GAG PA DE, DA LTAR BA'I MTSAN @053A *, ,NYID, MTSAN GZHI NI MYU GU LTA BU'O, ,DNGOS PO GZHAN ZHIG YUL DUS 'GA' ZHIG TU MA SKYE BA'I CHA DE, MA 'ONGS PA'I MTSAN NYID, MTSAN GZHI NI DGUN DUS SU MYU GU MA SKYES PA LTA BU'O, ,'DAS MA 'ONGS GNYIS DNGOS MED DANG MED DGAG YIN LA, DA LTAR PA DANG DNGOS PO DON GCIG TU 'DOD DO, ,THAL 'GYUR BA'I LUGS LA, 'DAS MA 'ONGS KYI MTSAN NYID DANG MTSAN GZHI SNGAR BSHAD PA LTAR YIN LA, DA LTAR PA'I MTSAN NYID NI, DNGOS PO GZHAN ZHIG CHA DANG MA SKYES PA'I CHA GANG RUNG MA YIN PA'I DNGOS PO LA BYED DO, ,DUS GSUM GA DNGOS PO YIN LA, 'DAS MA 'ONGS DNGOS POR SGRUB TSUL SOGS NI RTZA SHE'I RNAM BSHAD CHEN MO SOGS LAS SHES PAR BYA'O, ` ,GZHI SHES KYI SHES RNAM NYER BDUN NYAN RANG GI RGYUD LA YOD PA RNAMS NI RNAM GRANGS PA'I ZAG MED DANG, BYANG SEMS KYI RGYUD LA YOD PA RNAMS NI RNAM GRANGS PA'I ZAG BCAS YIN LA, LAM SHES KYI SHES RNAM SO DRUG NI MTHA' GCIG TU RNAM GRANGS PA'I ZAG BCAS YIN TE, NYAN RANG RNAMS NI NYON MONGS CHED DU GNYER NAS SPONG ZHING, BYANG SEMS RNAMS NI DE LTAR MI SPONG BA'I PHYIR, RNAM MKHYEN GYI SHES RNAM BRGYA RTZA BCU NI RNAM PA THAMS CAD PA'I ZAG MED YIN TE, SANGS RGYAS RNAMS NI SGRIB GNYIS PAG CHAGS DANG BCAS PA SPANGS PA'I PHYIR RO, ` ,GTZUG LAG KHANG BYED PA LA SOGS PAS SANGS RGYAS RNAMS LA LHAG PAR BYA BA BYAS PA DANG, DE LA BSOD SNYOMS 'BUL BA LA SOGS PAS DGE RTZA BSKYED PA DANG, THEG CHEN DGE BA'I BSHES GNYEN GYIS @053B YONGS SU ZIN PA STE GSUM DANG LDAN PA NI, SHER PHYIN GYI GZHUNG NYAN PA'I SNOD DANG, THOG MTHA' SNGAR BZHIN LA SANGS RGYAS MANG PO BSTAN CING SGO GSUM GUS PAS BSNYEN BKUR BA STE GSUM LDAN NI, SHER PHYIN GYI TSIG BLO LA LEN PA'I SNOD DANG, THOG MTHA' GNYIS KYI STENG DU SANGS RGYAS RNAMS LA THE TSOM ZA BA'I DON GYI NGO PO ZHUS SHING RGYU MTSAN 'DRI PA STE GSUM LDAN NI, SHER GYIN GYI DON MI BRJED PAR 'DZIN PA'I SNOD DANG, YANG DE GNYIS KYI STENG DU SBYIN SOGS PHAR PHYIN BCU NYAMS SU LEN PA STE GSUM LDAN NI, SHER PHYIN GYI MTSAN NYID TSUL BZHIN YID LA BYED PA'I SNOD YIN PAR GSUNGS SO, ,'GREL PA'I TSIG ZIN LTAR NA, DGE RTZA BSKRUN PA DANG, BSNYEN BKUR BA DANG, THE TSOM GYI DON 'DRI BA DANG, SBYIN SOGS SGRUB PA STENG ZHI NI RIM BZHIN NYAN SA LA SOGS PA'I SNOD YIN LA, BSHES GNYEN GYIS ZIN PA NI BZHI GA LA SBYAR TE, SANGS RGYAS LA BYA BA BYAS PA LOGS SU MA BSHAD DO, ,SGO MANG YIG CHAR BSNYEN BKUR BA DANG, DON 'DRI BA DANG, SBYIN SOGS SGRUB PA DANG, BSHES GNYEN GYIS ZIN PA BZHI NI RIM BZHIN NYAN SA LA SOGS PA'I SNOD YIN PA DANG, THOG MTHA' GNYIS BZHIG SBYAR BAR BSHAD PA LTAR BSDUS DON DU'ANG 'BYUNG BA NI YI GE NOR BAR 'DOD DGOS SO, , ` SPYI DON 'DIR RANG BZHIN GYI SBYOR PA LNGA DANG GNAS SKABS KYI SBYOR BA BCO LNGAR BSHAD, RNAM BSHAD DANG RTOGS DGA'I SNANG BAR RANG BZHIN GYI SBYOR BA LNGA DANG GNAS SKABS KYI SBYOR BA BCU BZHIR BSHAD LA, SA MTSAMS KYI SBYOR @054A *, ,BA DE GNAS SKABS KYI SBYOR BAR MI BZHED PAR SNANG NGO, ,GSER PHRENG LAS TSEGS CHEN YUN RING RTOGS PA'I SBYOR BA DANG SA MTSAMS GYI SBYOR BA GNYIS KA GNAS SKABS KYI SBYOR BA MIN PAR GSUNGS SO; ` ;SBYI DON 'DIR BYANG CHUB NYE BA'I SBYOR PA SA DANG PO NAS DRUG PA'I BAR DANG, BYANG CHUB MYUR BA'I SBYOR PA SA BDUN PAR BSHAD PA NI YI GE NOR PA YIN TE, MTHA' DPYOD DANG RTZA t'IKA GNYIS KA DANG MI MTHUN ZHING, RJE YAB SRAS GSUM GA ZHAL MTHUN PAR BYANG CHUB NYE PA'I SBYOR PA SA DANG PO DANG BYANG CHUB MYUR PA'I SBYOR PA SA GNYIS PA NAS BDUN PA'I PAR LA YOD PAR GSUNGS PA'I PHYIR RO, ` ,SA MTSAMS KYI SBYOR BA SA BCU PA NA YOD PAR SBYI DON DU BSHAD LA, TSOGS LAM NAS SANGS RGYAS KYI SA'I BAR DU YOD PAR MTHA' DPYOD DU BSHAD KYANG, MTHA' DPYOD KYI YI GE NOR BAR MNGON LA, SPYI DON GYI DE YANG DPYAD GZHIR SNANG STE, GSER PHRENG DANG RTOGS DKA'I SNANG PAR SA MTSAMS KYI SBYOR BA TSOGS LAM NAS SA BDUN PA'I BAR DU YOD PAR GSUNGS SHING, RNAM BSHAD LAS SBYOR PA 'DI LA SA MTSAMS MA BSHAD PA'I PHYIR RO, ` ,SBYOR PA GZHAN RNAMS KYI SA MTSAMS PHAL CHER SPYI DON 'DIR BSHAD PA LTAR YIN PAR SNANG STE, RNAM BSHAD DANG RTOGS DKA'I SNANG BA GNYIS SHAR YANG DE LTAR GSUNGS PA'I PHYIR RO, ,'ON KYANG LUNG BSTAN 'THOB PA'I SBYOR BA 'DI TSOGS LAM PA DBANG RNON DANG DROD NAS THOB PA DANG, 'BRAS BU RIN CHEN SBYIN PA'I SBYOR @054B BA 'DI SA DANG PO NAS YOD KYANG, SA DGU PA NAS SO RIG BZHI THOB PAS DE'I SGO NAS SEMS CAN SMIN BAR BYED PAS GTZO BOR DE LA BZHAG PAR GSER PHRENG LAS GSUNGS SO, ` ,LUNG BSTAN 'THOB PA'I SBYOR BA 'DI THOB NA SANGS RGYAS GCIG GAM GNYIS SAM GSUM LAS MI 'DA' BAR LUNG BSTAN 'THOB PAR 'GYUR BA'I DON YIN GYI, DNGOS SU LUNG BSTAN THOB ZIN PA ZHIG MI DGOS SO, ` ,NGES PAR 'BYUNG BA'I SBYOR BA GRONG SOGS KYI MTSAN MA MTHONG PA'I DPE DANG, BAR CHAD MED PA'I SBYOR BA RGYA MTSOR NYE BA'I DPE DANG, BYANG CHUB NYE BA'I SBYOR BA LO 'DAB GSAR BA'I DPE DANG, BYANG CHUB MYUR BA'I SBYOR BA SBRUMAM? BTZA' BAR NYE BA'I DPES GSUNGS PA SOGS KHYAD PAR MANG PO RNAMS GSER PHRENG LAS SHES PAR BYA'O, ` ,BDUD KYI MTHU BCOM PA NAS TSE RABS GZHAN DU'ANG SHER PHYIN NGES PAR 'THOB PA'I PAR BCU BZHI NI SBYOR BA'I PHAN YON TE BSGRUB BYA DANG, SANGS RGYAS RNAMS KYIS BYIN GYIS BRLABS PA NAS TSE 'DIR SHER PHYIN TSANG BAR RNYED BA'I BAR BCU BZHI NI PHAN YON DE LTAR 'BYUNG PA'I SGRUB BYED DE 'THAD PA YIN PAS RIM BZHIN BSGRUB BYA SGRUB BYED DU SBYOR DGOS TE, SBYOR TSUL NI, PHYIN CI MA LOG PA'I SBYOR PA SGOM PA LA MNGON PAR DGA' BA'I BYANG SEMS LA BDUD KYI MTHU BCOM PA'I YON TAN 'BYUNG STE, BDUD KYI MTHU NYAMS PA'I PHYIR DU SANGS RGYAS RNAMS KYIS BYIN GYIS BRLABS PA'I PHYIR, SANGS RGYAS RNAMS KYIS DGONGS SHING MKHYEN PA'I YON TAN 'BYUNG STE, SBYOR BA'I NUS PA BSKYED PA'I DON DU DE BZHIN GSHEGS PAS DGONGS PA'I PHYIR, SANGS@055A *, ,RGYAS KYIS MNGON SUM DU MDZAD PA'I YON TAN 'BYUNG STE, SBYOR BA KHYAD PAR DU 'GRO BA'I DON DU SPYAN RNAMS KYI YE SHES KYIS GZIGS PA'I PHYIR, DE GSUM NI SBYOR PA'I NUS PA CHUNG 'BRING CHE GSUM DU GYUR BA STE, DGRA'I MTSON PA CAG PA DANG, GNYEN LA GO BSKON PA DANG, LAG TU MTSON GTAD DE DPA' SKYED PA LTA BUR GSUNGS SO, ,LHAG MA RNAMS KYANG BSGRUB BYA SGRUB BYED DU JI LTAR RIGS PAR SBYOR RO, ,YON TAN LNGA PAR SANGS RGYAS DANG MI 'BRAL PA'I DON CHEN PO DANG, BDE 'GROR SKYE PA'I PHAN YON CHE PA DANG, 'TSANG RGYA PA'I 'BRAS BU CHE PA DANG, MYA NGAN LAS 'DAS RJES SU'ANG GZHAN DON LA 'JUG PA'I RNAM SMIN CHE BA STE BZHI GSUNGS PAS, BSDUS DON LAS, YON TAN LNGA BAR CHEN PO GSUM GSUNGS SO, ,ZHES 'BYUNG BA DPE MA DAG GO ,YUL DPYAD PA'I YON TAN NI, RNAM BSHAD DANG RTOGS DGA'I SNANG BAR RANG GANG DU SKYE BA'I YUL DE NYID DE BZHIN GSHEGS PAS LUNG BSTAN PA SOGS BSHAD LA, GSER PHRENG LAS, BAR TA NI LA SOGS PA'I YUL DU YUM DAR BAR DPYAD PA'I GNAS SU YUM 'DRI BA SOGS NI DRUG PA'O, ,ZHES GSUNGS TE, 'DI'I MDOR DE BZHIN GSHEGS PA 'DAS RJES SU YUM 'DI LHO PHYOGS DANG, DE NAS YUL BAR TA NI DANG, DE NAS BYANG PHYOGS GYI RGYUD DU DAR PAR GSUNGS PA LA, LHO PHYOGS NI AOD DRA'I YUL DANG SING GHA LA'I GLING LA SOGS PA'O, ,PAR TA NI ZHES PA NI LHO BYANG GNYIS, @055B KYI BAR RGYA GAR GYI YUL DBUS SO, ,BYANG PHYOGS KYI RGYUD NI BOD YUL YAN CHAD AU RGYAN DANG KHA CHE'I YUL MAN CHAD DO ZHES SOGS BSHAD TSUL GSUM 'BYUNG BA RNAMS GSER PHRENG LAS SHES PAR BYA'O, ,YANG MDO DAG LAS LNGA BRGYA THA MA ZHES GSUNGS PA LA, YUM GSUM GNOD 'JOMS SU RAB LUGS DANG GZHAN LUGS GNYIS BKOD PA'I DANG PO NI, RTAGS TZAM 'DZIN PA'I LE'U LA LNGA BRGYA THA MAR 'DOD LA, GNYIS PA NI, TSUL KHRIMS KYI LE'U NAS RTAGS TZAM 'DZIN PA'I DE'I BAR LNGA BRGYA PHRAG LNGA LA LNGA BRGYA THA MAR 'DOD DE, 'DI NI ZHI BA 'TSO'I BZHED PA'O, ,RJE GUNG THANG PA'I PHAR PHYIN MCHAN DU 'DI LAS GZHAN DU BSHAD KYANG, GNOD 'JOMS RANG GI DGONGS PA NI SNGA MA LTAR YIN PAR SNANG NGO, ,SBYOR BA'I YON TAN NI TSOGS LAM NAS SANGS RGYAS KYI SA'I BAR DU YOD DO, ` ,SBYOR PA'I SKYON LA GNYIS YOD DE, 'GAL RKYEN NYE BAR GNAS PA DANG, MTHUN RKYEN MA TSANG BA'O, ,DANG PO LA BCU TSAN DANG PO GNYIS DANG, DRUG TSAN GCIG GI THA MA GSUM STE NYER GSUM YOD LA, DE DAG KYANG GNYIS TE, RANG DANG GZHAN LA BRTEN PA'O, ,DANG PO LA GSUM LAS, DANG PO DON SHES PA LA BAR DU GCAD PA NI, SPOBS BA HA CANG BUL BA DANG MYUR BA GNYIS SO, GNYIS PA SGO GSUM GYI BYA BA NI, LUS KYI GNAS NGAN LEN SOGS GSUM MO, ,GSUM PA THEG CHEN LA 'JUG PA'I BAR GCOD LA GNYIS LAS, THEG CHEN LAS NYAMS PA'I RGYU NI, PHYIR PHYOGS PA'I RGYU MTSAN 'DZIN PA SOGS BDUN NO, ,THEG CHEN LAS GA-YENG PA'I RGYU NI, YUL MANG PO LA RNAM @056A *, ,PAR RTOGS PA'I SPOBS PA 'BYUNG BA SOGS BRGYAD DO, ,GZHAN LA BRTEN PA NI, BDUD KYIS 'BYED PA'I SBYOR BA SOGS THA MA GSUM STE NYER GSUM MO, ,GNYIS PA MTHUN RKYEN MA TSANG BA NI, BCU TSAN PHYI MA GNYIS DANG, DRUG CHEN GYI DANG PO GSUM STE NYER GSUM YIN LA, DE RNAMS KYANG GNYIS TE, RANG GZHAN GNYIS KA DANG, RANG KHO NA LA BRTEN PA'O, ,DANG PO LA GNYIS LAS, NYAN PA PO SNGA MA DANG 'CHANG PA BO PHYI MA DANG 'BREL BA NI, 'DUN PA DANG SNYOMS LAS KYIS NYAMS PA SOGS BCU BZHI DANG, 'CHANG BA PO SNGA MA DANG NYAN PA PO PHYI MA DANG 'BREL BA NI, GCIG BU DANG 'KHOR LA DGA' BA SOGS BDUN NO, ,RANG KHO NA LA BRTEN PA NI, BCU TSAN BZHI PA'I LNGA PA NGAN SONG GI 'GRO BA LA PHYIR PHYOGS PA DANG, DRUG PA BDE 'GROR 'GRO BA LA YID BDE BA STE GNYIS SO, ,'DI DAG KYANG KHA CIG NI BDUD LAS DNGOS DANG, KHA CIG NI BDUD LAS DANG 'DRA BA DANG, KHA CIG NI DE LTAR SBYOD NA BDUD KYIS GLAGS RNYED PA LA BSAMS NAS BDUD LAS SU GSUNGS PAR GSER PHRENG SOGS LAS BSHAD DO, ,SA MTSAMS NI, THEG CHEN LAS NYAMS PA'I RGYU BDUN NI TSOGS LAM MAN CHAD DANG, GZHAN RNAMS PHAL CHER SBYOR LAM MAN CHAD DANG, PHRA MO SA BDUN PA'I BAR DU YOD PAR RMI LAM BSTAN PA LAS GSUNGS ZHES GSER PHRENG LAS SO, ,NOR BU RIN PO CHE LA DGRA MANG BA'I DPE SA SBYOR BA PO LA BAR CHAD MANG YANG PHYOGS BCU'I SANGS @056B RGYAS DANG BYANG SEMS KYIS RTAG TU DGONGS PAR MDZAD NAS SRUNG PA SOGS BYED PAS SBYOR BA LAS NYAMS PAR MI 'GYUR BAR GSUNGS SO, ` ,SBYOR BA'I MTSAN NYID LA GZHAN LUGS DGAG PA DANG, RANG LUGS BSTAN PA GNYIS LAS, DANG PO LA GZHON NU DPAL GYI LUGS DANG, SHER 'BYUNG GI LUGS DANG, SNGON GYI MKHAS PA DAG GI LUGS TE GSUM DANG, DE RNAMS 'GOG TSUL NI GSER PHRENG LAS SHES PAR BYA ZHING, LO CHAN GYI LUGS DANG DE 'GOG TSUL NI RNAM BSHAD DANG SPYI DON 'DIR BSHAD PA LTAR SHES PAR BYA'O, ,GZHON NU DPAL GYI LUGS BKOD PA'I SKABS KYI GSER PHRENG GI DPE PHAL CHE BAR, DE LA RANG RGYUD LA SBYOR BA SKYES PA SHES PAR BYED PA NA MKHYEN GSUM DANG, GZHAN RGYUD LA GTAN LA 'BEBS PA NA SKYES BU CHEN PO'O ZHES ZER RO; ZHES 'BYUNG BA DPE MA DAG STE, BSDUS DON RANG LAS, DE LA RANG GI RGYUD LA GTAN LA 'BEBS PAR BYED PA'I TSE NI MKHYEN GSUM CHOS CAN NO, ,GZHAN GYI RGYUD LA GTAN LA 'BEBS PAR BYED PA'I TSE NI SKYES BU CHOS CAN NO, ,ZHES 'BYUNG PA'I PHYIR, DES NA CHOS CAN NO PHER RGYU LA CHEN PO'I ZHES YIG NOR 'BYUNG BA YIN NO, 'DOD TSUL DE DAG DANG DE RNAMS 'GOG TSUL SHES PA NI DENG SANG GI SLOB GNYER BA RNAMS LA MED DU MI RUNG BAR GAL CHE BA MA YIN PAS MA SPROS SO, ,RANG LUGS LA'ANG BSHAD SROL MI 'DRA BA GNYIS YOD PA LAS, GSER PHRENG GI BSHAD TSUL NI, NGO BO NYID MTSAN NI SBYOR PA'I RANG BZHIN DANG, KHYAD MTSAN NI PHAL CHER DON GZHAN LDAN PA DANG, SHES MTSAN BYED MTSAN GNYIS NI 'BRAS @057A *, ,BUS RGYU MTSON PA STE, DE YANG BYA ROG GIS KHANG BZANG SA MTSON PA LTAR DE'I SGO NAS SHES PAR BYAS PA TZAM YIN GYI, RNAM PAR BZHAG 'DOG GI MTSAN MTSON MTSAN NYID PA MA YIN NO, ,MTSAN NYID BZHI LAS, SHES KHYAD BYED GSUM NI GANG GIS MTSON BYED DANG BYED SGRUB CES BYA STE, GSUM PO 'DIS SBYOR BA RNAMS MTSON PAR BYED PA'I PHYIR, RTAGS GRUB STE, SHES MTSAN GYIS MKHYEN GSUM GYI SBYOR PA RNAMS RANG DON MKHYEN GSUM GYI RTOGS PA SKYED PA'I NUS PA DANG LDAN BAR MTSON PA DANG, BYED MTSAN GYIS MKHYEN GSUM GYI SBYOR BA RNAMS GZHAN DON 'PHRIN LAS SPYOD PA'I NUS PA DANG LDAN PAR MTSON PA DANG, KHYAD MTSAN GYIS NUS PA DE GNYIS NYAN RANG GI SBYOR BA LA MED KYI BYANG SEMS KYI SBYOR PA KHO NA LA YOD PAR MTSON PA'I PHYIR DANG, SHES BYED GNYIS KYIS MI LDAN RNAM GCOD DANG, KHYAD MTSAN GYIS GZHAN LDAN RNAM GCOD DU MTSON PA'I PHYIR RO, ,NGO BO NYID MTSAN NI GANG MTSON BYA DANG LAS CES BYA STE, MKHYEN GSUM GYI SBYOR PA'I NGO BO YIN PAS NA DANG PO GSUM GYIS MTSON PAR BYA BA YIN PA'I PHYIR RO, ,'DI LA KHA CIG NA RE, SBYOR PA'I STENG GI DON GNYIS PHUN TSOGS SKYED PA'I NUS PA MTSON BYA YIN PAR SNGAR BSHAD PA MI 'THAD PAR THAL, MKHYEN GSUM GYI SBYOR BA MTSON BYA YIN PAR 'DIR BSHAD PA'I PHYIR NA MA KHYAB STE, SBYOR BA DANG SBYOR PA'I NUS PA GNYIS KA MTSON BYAR BSHAD PA LA 'GAL BA MED PA'I PHYIR TE, SBYOR BA DANG @057B SBYOR BA'I NUS PA GNYIS NGO BO THA MI DAD PA'I PHYIR DANG, 'DI DAG RNAM PAR BZHAG 'JOG GI MTSAN MTSON MTSAN NYID PA MA YIN PA'I PHYIR RO, ,YANG KHO NA RE, NGO BO NYID MTSAN MTSON BYAR BSHAD PA MI 'THAD PAR THAL, DE MTSAN NYID BZHI PAR BSHAD BA'I PHYIR NA MA KHYAB STE, MTSAN NYID KYI SGRA BYA BYED GNYIS KA DANG 'BREL BA'I PHYIR TE, DPER NA 'TSED PA ZHES PA GANG 'TSOD PA DANG GANG GIS 'TSED PA GNYIS KA DANG 'BREL BA BZHIN NO, ,NGO BO NYID MTSAN NI DANG PO GSUM GYIS MTSON PAR BYA BA YIN PAS MTSON BYA DANG, RANG NYID KYIS MKHYEN GSUM GYI SBYOR BA'I NGO BO MTSON PAR BYED PAS MTSAN NYID KYANG YIN PAR BSHAD PA'I PHYIR RO, ,YANG KHO NA RE, NGO BO NYID MTSAN DE BYED SGRUB YIN PAR THAL, SBYOR BA MTSON BYED YIN PA'I PHYIR NA MA KHYAB STE, SBYOR BA MTSON PAR BYED KYANG DON THA DAD PA'I SGO NAS MI MTSON PAS BYED SGRUB TU MA BZHAG LA, DANG PO GSUM NI CI RIGS PAR DE LAS BZLOG PAS BYED SGRUB TU BZHAG PA'I PHYIR RO, ,YANG KHO NA RE, DANG PO GSUM MTSAN NYID DU BSHAD PA MI 'THAD PAR THAL, DE DAG RANG RANG GI MTSON BYA DANG NGO BO THA DAD PA'I PHYIR NA MA KHYAB STE, NGO BO THA DAD YIN KYANG DE DAG GI SGO NAS SHES PAR BYAS PA LA DES MTSON NO ZHES MTSAN NYID DU BTAGS PA TZAM YIN PA'I PHYIR TE, DPER NA BYA ROG KHANG BZANGS DANG NGO BO THA DAD YIN KYANG BYA ROG GI SGO NAS KHANG BZANGS MTSON DU RUNG BA BZHIN YIN PA'I PHYIR RO, ,SBYOR BA SGOM PA LA MTSAN NYID SHES PA SNGON DU 'GRO DGOS TE, RDZOGS BYANG DON DU GNYER PA NA DE'I RGYU SHER PHYIN GYI RNAL 'BYOR LA 'JUG DGOS LA, DE'I TSE DE LA DON @058A *, ,GNYIS PHUN TSOGS SKYED PA'I NUS PA YOD MED DPYOD DGOS PAS, DE LA RANG DON RTOGS PA PHUN TSOGS SKYED PA'I NUS PA YOD PAR SHES PA LA SHES MTSAN DANG, GZHAN DON 'PHRIN LAS PHUN TSOGS SKYED PA'I NUS PA YOD PAR SHES PA LA BYED MTSAN DANG, NUS PA DE GNYIS THEG CHEN GYI LAM KHO NA LA YOD PAR SHES PA LA KHYAD MTSAN DANG, SBYOR BA DE RANG GI NGO BO SPANGS RTOGS JI LTA BU LDAN PA SHES PAR BYED PA LA NGO BO NYID MTSAN SHES DGOS PA'I PHYIR RO, ,JI LTAR MTSON TSUL LA, GSER PHRENG LAS MTSAN GZHI DANG MTSON BYA KHYAD PAR MED LA SKAD DOD KYANG GCIG PAS MTSON BYA SBYOR PA'I CHOS CAN LA MTSAN GZHI'I THA SNYAD MA SBYAR NA LEGS PAR GSUNGS KYANG, RTZA SHE'I t'IKA CHEN LAS, BOD LA GRAGS PA'I MTSON BYA LA 'DI DANG RGYA GZHUNG GZHAN MANG PO LAS MTSAN GZHI ZHES 'BYUNG LA, DE GNYIS KYI SKAD DOD KYANG GCIG PAS MTSAN MTSON GYI SBYAR BA GCIG LA MTSAN GZHI DANG MTSON BYA 'GAL BAR SMRA BA YANG MI 'THAD LA, GZHAN DAG SNGA MA RGYU MTSAN DU BYAS NAS MTSAN MTSON GZHI GSUM DU BYED PA MI 'THAD CES SMRA BA YANG MI RIGS TE, RTAGS KYIS BSGRUB BYA SGRUB PA LA BSGRUB BYA SGRUB BYED SGRUB GZHI GSUM YOD PA LTAR MTSAN NYID KYIS MTSON BYA MTSON PA LA YANG BYAR RUNG BA'I PHYIR RO, ,DE LTA NA BRJOD BYA LA YANG GSUM BYA DGOS PAR 'GYUR RO ZHE NA 'DOD PA YIN NO, ,ZHES GSUNGS PAS NA, SKABS 'DI'I CHOS CAN LA MTSAN GZHI'I THA SNYAD SBYOR MI RUNG BA MIN KYANG @058B BLO GSAR BA RNAMS LA 'CHAR BDE BA'I CHED DU SPYIR BSGRUB BYA SGRUB PA'I TSUL LTAR DGOD PA NI, SEMS PA'I GZHI SHES KYI SBYOR BA CHOS CAN, GZHI SHES SU GYUR PA'I MKHYEN PA BCU DRUG SKYED PA'I NUS PA DANG LDAN PA YIN TE, GZHI SHES PA'I SHER PHYIN LA BRTEN NAS DE BZHIN GSHEGS PAS GZHI SHES KYI SBYOR BA'I SHER PHYIN LAS DE BZHIN GSHEGS PA 'BYUNG BA LA SOGS PA'I YUL BCU DRUG JI LTA BA BZHIN DU RAB TU MKHYEN PA'I PHYIR, LAM SHES KYI SBYOR BA CHOS CAN, LAM SHES SU GYUR BA'I MKHYEN PA BCU DRUG SKYED PA'I NUS PA DANG LDAN TE, LAM SHES PA'I SHER PHYIN LA BRTEN NAS DE BZHIN GSHEGS PAS STONG NYID MTSAN MED SMON MED SOGS YUL BCU DRUG JI LTA BA BZHIN DU RAB TU MKHYEN PA'I PHYIR, RNAM MKHYEN GYI SPYOR BA CHOS CAN, RNAM MKHYEN DU GYUR BA'I MKHYEN PA BCU DRUG SKYED PA'I NUS PA DANG LDAN TE, RNAM MKHYEN GYI SPYOD PA'I SHER PHYIN LA BRTEN NAS DE BZHIN GSHEGS PAS DE BZHIN GSHEGS PA DE NI RANG NYID KYI RGYUR GYUR BA'I CHOS RNAM MKHYEN GYI SBYOR BA'I SHER PHYIN LA BRTEN NAS MTHONG CHOS LA BDE BAR GNAS PA SOGS YUL BCU DRUG JI LTA BA BZHIN DU RAB TU MKHYEN PA'I PHYIR, SHES MTSAN ZHE BRGYAD RE RE LA SBYOR BA RE RE 'GOD TSUL NI SNGA MAS RIGS BSGRE'O, ,MDO LAS SHES MTSAN 'DI DAG SANGS RGYAS LA SBYAR PA NI GTZO CHE BA LA DGONGS PA YIN GYI BYANG SEMS LA MED PA MA YIN PAR GSER PHRENG LAS GSUNGS SO, ,DON GNYIS PHUN TSOGS SKYED PA'I NUS PA DANG LDAN PA'I LAM SHES DANG RNAM MKHYEN GYI SBYOR BA GNYIS CHOS CAN, NYAN @059A *, ,RANG GI SBYOR BA LAS KHYAD PAR DU 'PHAGS PA YIN TE, BSAM GYIS MI KHYAB PA NAS RO MYANG MED PA'I BAR GYIS KHYAD PAR DU BYAS PA'I SHES BZOD SKAD CIG MA BCU DRUG NGO BO RGYU 'BRAS CI RIGS SU LDAN PA'I THEG CHEN GYI LAM YIN PA'I PHYIR, BYANG SEMS KYI SBYOR MA THONG SGOM GSUM CHOS CAN, NYAN RANG GI SBYOR BA LAS KHYAD PAR DU 'PHAGS TE, RIM PA BZHIN DU SNGAR BSHAD PA'I SHES BZOD SKAD CIG MA BCU DRUG 'BRAS BU DANG, NGO BO DANG, RGYUR LDAN PA'I THEG CHEN GYI LAM YIN PA'I PHYIR, KHYAB STE, RGYU LA KHYAD PAR MED NA 'BRAS BU'I KHYAD PAR RGYU MED DU 'GYUR ZHING, 'BRAS BU LA KHYAD PAR MED NA RGYU'I KHYAD PAR DON MED DU 'GYUR BA'I PHYIR RO, ,DES NA BAR BA MTHONG LAM NI NYAN RANG GI SBYOR BA LAS KHYAD PAR DU 'PHAGS NA DE'I RGYU 'BRAS SBYOR SGOM GNYIS KYANG DE LAS KHYAD PAR DU 'PHAGS PAR GO PAR 'GYUR BAS, GZHUNG GI DNGOS BSTAN GYI KHYAD MTSAN MTHONG LAM KHO NA DANG SBYOR BA YIN NO, ,'GREL BAR GZHI SHES KYI KHYAD MTSAN MA BSHAD PA'I RGYU MTSAN YOD DE, GZHI SHES TZAM NYAN RANG LA'ANG YOD LA, SEMS DPA'I GZHI SHES NI LAM SHES YIN PAS LOGS SU MI DGOS PA'I PHYIR RO, ,SEMS DPA'I GZHI SHES KYI SBYOR BA CHOS CAN, GZHAN DON 'PHRIN LAS PHUN TSOGS BSKYED PA'I NUS PA DANG LDAN PA YIN TE, RTEN SANGS RGYAS BYANG SEMS KYIS THABS GZHI SHES KYI SPYOR BA LA BRTEN NAS YUL GDUL BYA RNAMS MA 'ONGS PA'I PHAN PA DANG, TSE 'DI'I BDE BA DANG, SKYOB BA STE SDUG BSNGAL SLAR MI SKYE BA'I LHAG MED KYI MYANG 'DAS LA 'GOD PAR MDZAD PA'I PHYIR, LAM ZHES KYI SBYOR BA CHOS CAN, DE 'DRA'I NUS PA DANG LDAN TE, RTEN SANGS RGYAS BYANG SEMS @059B KYIS THABS LAM SHES KYI SBYOR BA LA BRTEN NAS YUL GDUL BYA RNAMS SKYABS TE GTAN DU PHAN PA BDE BA DAM PA'I PHAR PHYIN NAS GZHAN DON THEG PA GSUM GYIS NGES PAR 'BYUNG ZHING RANG DON DU DE'I 'BRAS BU MNGON DU MI BYED PA'I BAR BDUN LA 'GOD PAR MDZAD PA'I PHYIR, RNAM MKHYEN GYI SBYOR BA CHOS CAN, DE LTA BU'I NUS PA DANG LDAN TE, SANGS RGYAS BYANG SEMS RNAMS KYIS RNAM MKHYEN GYI SBYOR BA LA BRTEN NAS SEMS RNAMS KYI RTEN MDZAD PA'I PHYIR RO, ,LE'U BRGYAD MAR DANG PO GNYIS BYANG SEMS DANG LHAG MA DGU SANGS RGYAS NAS KYI BYED PAR GSUNGS SO, ,'ON KYANG MTHAR THUG PA SANGS RGYAS DANG GNAS SKABS KYI BYED PA BCU GCIG BYANG SEMS LA YANG YOD DO, ,ZHES GSER PHRENG LAS GSUNGS SO, ,DANG PO DGU GZHI SHES DANG THA MA GNYIS LAM SHES DANG RNAM MKHYEN GYI BYA BYED BAR RGYAN SNANG DU BSHAD PA NI NYI SNANG GI DGONGS PA YIN KYANG, 'GREL BA 'DIR MKHYEN GSUM GYI BYED PA NI RIM BZHIN GSUM DANG BDUN DANG GCIG TU GSUNGS PA NI SNGAR LTAR RO, ,SEMS DPA'I GZHI SHES KYI SBYOR PA CHOS CAN, RANG GI NGO BO SPANGS RTOGS KHYAD PAR BA DANG LDAN TE, CHAGS SOGS NYON MONGS MNGON GYUR BAS DPEN PA DANG, NYON MONGS KYI RTAGS TE 'BRAS BU SGO GSUM GYI GNAS NGAN LEN GYIS DBEN BA DANG, NYON MONGS KYI MTSAN MA STE RGYU TSUL MIN @060A *, ,YID BYED SOGS KYIS DBEN PA DANG, MI MTHUN PA DANG GNYEN PO'I PHYOGS LA BLANG DOR DU BDEN PAR ZHEN PA'I RNAM RTOG GIS DPON PA'I SBYOR BA BZHI'I DBYE GZHI YIN PA'I PHYIR, LAM SHES KYI SBYOR PA CHOS CAN; RANG GI NGO BO SPANGS RTOGS KHYAD PAR BA DANG LDAN TE, DON DAM PAR MED PA'I SEMS CAN MTHA' YAS PA MYA NGAN LAS 'DA' BAR DKA' BA SGRUB PA'I SBYOR BA DANG, THEG PA GZHAN DU MI LTUNG PAR SANGS RGYAS PAR NGES PA SGRUB PA'I SBYOR PA DANG; YUN RING PO NAS PA SGRUB PAR BYA BA CHED DU BYA BA CHEN PO GSUM SGRUB PA'I SBYOR BA DANG, BSGOM PAR BYA BA DANG SGOM PA BO SOGS DON DAM PAR MI DMIGS PAR RTOGS PA'I SBYOR PA DANG, BDEN PAR MNGON PAR ZHEN PA MTHA' DAG BKAG PA'I SBYOR PA LNGA'I DBYE GZHI YIN PA'I PHYIR; RNAM MKHYEN GYI SBYOR BA CHOS CAN, RANG GI NGO BO SPANGS RTOGS KHYAD PAR PA DANG LDAN TE, GZHI SHES DANG LAM SHES KYI YUL DU BSDUS PA'I GZHI LAM LA DMIGS PA'I SBYOR BDAG 'JIG RTEN PA'I BDEN PAR ZHEN PA LAS LOG STE DE DANG MI MTHUN PAR RTOGS PA'I SBYOR BA DANG, GZUGS SOGS THOGS PA MED PAR SHES PA'I SBYOR PA LA SOGS PA BDUN GYI DBYE GZHI YIN PA'I PHYIR RO, ,DE DAG GIS MTSAMS YOD DE, SHES MCHAN BYED MTSAN GNYIS NI, SANGS RGYAS BYANG SEMS GNYIS GAR YOD LA, KHYAD MTSAN NI MTHONG LAM KHO NAR YOD CING, NGO BO NYID MTSAN NI THEG CHEN TSOGS LAM NAS RGYUN MTHA'I BAR DU YOD PA'I PHYIR RO, ,KHA CIG NA RE, SA MTSAMS @060B DE LTAR BSHAD PA MI 'THAD DE, GSER PHRENG LAS, GSUM PA NI, TSOGS LAM NAS SA BCU BA'I BAR DU BZHAG STE, SBYOR BA SGOM NGES KYIS 'DI SNGON DU BTANG NAS SGOM PAS SO, ,ZHES GSUNGS PA'I PHYIR NA MA KHYAB STE, 'DI NI MTSAN NYID KYI SGO NAS SBYOR PA LA DPYOD PA'I SA MTSAMS BSTAN PA YIN PA'I PHYIR, GZHAN DU NA SBYOR PA SGOM PA'I SNGON DU SHES MTSAN THOB PAR THAL PA'I SKYON 'BYUNG BA'I PHYIR TE, SBYOR BSGOM NGES KYIS 'DI SNGON DU BTANG NAS SGOM PAS SO, ,ZHES GSUNGS PA'I PHYIR, 'DOD MI NUS TE, SHES MTSAN BYED MTSAN GNYIS SANGS RGYAS KYIS NA'ANG YOD PAR GSER PHRENG RANG LAS GSAL PAR GSUNGS PA'I PHYIR RO, ,GNYIS PA RNAM BSHAD KYI BSHAD TSUL NI, 'DI LA LNGA, MTSAN GZHI DANG, MTSON BYA DANG, MTSAN NYID DANG, JI LTAR MTSON TSUL DANG, SA MTSAMS SO, ,DANG PO NI, NGO BO NYID MTSAN BCU DRUG GO ,GNYIS PA LA SBYI DANG BYE BRAG GNYIS LAS, DANG PO NI, LAM SHER PHYIN GYI RNAL 'BYOR RO, ,GNYIS PA NI, MKHYEN GSUM GYI SBYOR PA DANG, NYAN RANG GI SBYOR BA LAS KHYAD PAR DU 'PHAGS PA'I SBYOR PA DANG, GZHAN DON SGRUB PA'I BYED LAS KHYAD PAR CAN DANG LDAN PA'I SBYOR PA RNAMS SO, GSUM PA NI, SBYOR PA'I NGO POR GYUR PA'I SHES PA DANG, KHYAD PAR DANG; BYED PA GSUM MO, ,BZHI PA LA GNYIS LAS, SBYI'I MTSON TSUL NI, NYON MONGS RTAGS SOGS KYIS DBEN PA'I SEMS DPA'I RNAL 'BYOR BCU DRUG MTSAN GZHI, LAM SHER PHYIN GYI RNAL 'BYOR DU MTSON, SNYING RJE CHEN PO DANG STONG NYID RTOGS PA'I@061A *, ,SHES RAB SOGS THABS SHES KHYAD PAR CAN GYI RIGS RDZOGS PAS ZIN PA'I BYANG SEMS KYI YE SHES YIN PAS SO, ,GNYIS PA NI, NYON MONGS RTAGS SOGS BZHI SPONG ZHING DE BZHIN GSHEGS PA 'BYUNG BA SHES PA SOGS BCU DRUG GANG RUNG GI RNAM CAN GYI SEMS DPA'I RNAL 'BYOR MTSAN GZHI NI, SEMS DPA'I GZHI SHES KYI SBYOR BAR MTSON, DE BZHIN GSHEGS PA 'BYUNG BA SHES PA SOGS GANG RUNG GI RNAM CAN GYI SEMS DPA'I YE SHES YIN PAS SO, ,GZHAN DON GYI GO CHA BYA DKA' BA SOGS SGRUB PAS KHYAD PAR DU BYAS SHING STONG NYID MTSAN MED SOGS BCU DRUG GANG RUNG GI RNAM CAN GYI SEMS DPA'I RNAL 'BYOR MTSAN GZHI, LAM SHES KYI SBYOR BAR MTSON, STONG NYID MTSAN MED SOGS GANG RUNG GI RNAM PA CAN GYI SEMS DPA'I YE SHES YIN PAS SO, ,GZHI LAM GYIS BSDUS PA'I KHYAD PAR LA DMIGS PA SOGS SEMS DPA'I RNAL 'BYOR BDUN MTSAN GZHI, RNAM MKHYEN GYI SBYOR PAR MTSON, DE BZHIN GSHEGS PA NYID KYI MTHONG CHOS LA BDER GNAS SOGS GANG RUNG GI RNAM CAN GYI SEMS DPA'I YE SHES YIN PAS SO, ,NGO BO NYID MTSAN BCU DRUG MTSAN GZHI, NYAN RANG GI SBYOR BA LAS KHYAD PAR DU 'PHAGS BA'I SBYOR BAR MTSON, BSAM MI KHYAB SOGS KYIS KHYAD PAR DU BYAS PA'I SEMS DPA'I YE SHES YIN PAS SO, ,YANG DE MTSAN GZHI, GZHAN DON SGRUB PA'I BYED LAS KHYAD PAR CAN DANG LDAN PA'I SBYOR BAR MTSON, @061B PHAN BDE SKYOB SOGS KYI BYED LAS KHYAD PAR CAN DANG LDAN PA'I SEMS DPA'I YE SHES YIN PAS SO, ,MKHYEN GSUM GYI NGO BO NYID MTSAN BZHI DANG LNGA DANG BDUN LA YANG SNGAR GYI MTSON SBYOR DES RIGS BSGRE'O, ,LNGA PA NI, THEG CHEN TSOGS LAM NAS RGYUN MTHA' BAR DU YOD PA YIN GYI, SANGS RGYAS KYI SAR MTSAN NYID BZHI GANG YANG MED DO, ,KHYAD MTSAN BCU DRUG KYANG KHYAD GZHI MTHONG LAM DANG SBYAR NAS BSTAN PA YIN GYI, BSAM GYIS MI KHYAB BA SOGS KHYAD CHOS BCU DRUG NI TSOGS LAM NAS RGYUN MTHA'I PAR LA YOD DO, ,NGO BO NYID MTSAN NI MTSAN GZHI DANG MTSON BYA YIN PAS MTSAN NYID KYI SGRAS BSTAN PA YIN GYI MTSON BYED MIN PAR BZHED DO, ,RTOGS DGA'I SNANG PA YANG PHAL CHER 'DI DANG MTHUN ZHING, RJES 'JUG GI YIG CHA PHAL CHER 'DI'I RJES SU 'BRANG BA SHA STAG YIN PA DANG, BSHAD TSUL 'DI NI RGYAL TSAB RJE'I RANG BZO MIN GYI, RJE RIN PO CHES LJAGS BSHAD STZAL BA'I ZIN BRIS YIN PAR GRAGS CHE YANG, BLO DMAN BDAG GIS 'DI LA YUN RING PO NAS YANG YANG BLTA RTOG BYAS KYANG 'DI'I DON JI LTA BU YIN PAS CHAD PAR MA SPOBS SO, ` ,MDO SDE TSANGS PA'I DRA BA LAS GSUNGS PA'I LTA NGAN DRUG CU RTZA GNYIS NI KUN BTUS DAR t'IKA DANG, KHO BOS BRIS PA'I GRUB MTHA' CHEN MO'I MCHAN LAS SHES PAR BYA'O, ,LUNG MA BSTAN GYI LTA BA BCU BZHI LA SPYI DON 'DIR RTAG PA'I GANG ZAG GI BDAG DANG 'JIG RTEN YOD PAR LTA BA SOGS SU SBYAR NAS THAMS CAD GANG ZAG GI BDAG 'DZIN YIN PAR GSUNGS KYANG, GZHUNG CHEN MOR BDAG DANG 'JIG RTEN RTAG PAR LTA BA SOGS SU @062A *, ,'GRIG GO ,ZHES GSUNGS PA 'ANG YOD DE,, ` 'DIR BSTAN SBYOR LAM DROD DU BCU GNYIS NI RIM PA BZHIN DU BSAM SBYOR PHUN TSOGS GNYIS DANG GSUM DANG LNGA DANG GSUM STE BCU DGUS SEMS CAN LA DMIGS PAR GSER PHRENG LAS GSUNGS PA NI NYI SNANG RGYAN SNANG LE'U BRGYAD MA GSUM GA'I DGONGS BA YIN LA, RNAM BSHAD LAS, CHUNG 'BRING SO SOR BCAD PA MTSON BA TZAM YIN GYI THAMS CAD KYIS THAMS CAD LA DMIGS PAR SHES PAR BYA'O,, ZHES GSUNGS SO,, ` 'GREL BA LAS, RNAM PA DANG LAM DANG GZHI THAMS CAD RNAM PAR BSGOM PA'I DBYE BAS GO RIM BZHIN DU RNAM PA THAMS CAD MKHYEN PA NYID LA SOGS PA MNGON PAR RTOGS PA RNAM PA GSUM LA 'JIG RTEN PA'I NGES PAR 'BYED PA'I CHA DANG MTHUN PA RTOGS PA SNGON DU 'GRO BAS 'JIG RTEN LAS 'DAS PA'I MTHONG BA DANG SGOM PA'I LAM RTOGS PA YIN LA, RNAM PA KUN MNGON PAR RDZOGS PAR RTOGS PA LA SOGS PA GSUM LA NI SGOM PA GONG NAS GONG GI GNAS SKABS KYI KHYAD PAR GYIS RNAM PA THAMS CAD DU KHYAD BAR GYI LAM GYIS BSDUS PA'I YE SHES ZAG PA MED PA CHUNG NGU DANG 'BRING DANG CHEN PO'I MAS KYIS SKYE BA YIN PAS GCIG CAR SKYE BA DGAG PAR BYA BA'I PHYIR NGES PAR 'BYED PA'I CHA LA SOGS PA'I THA SNYAD DU GSUNGS PA YIN PAR @062B SHES PAR BYA'O, ,ZHES GSUNGS PA'I DON LA BSHAD TSUL MI 'DRA BA GNYIS 'BYUNG STE, GSER PHRENG LTAR NA, SKABS DANG PO GSUM DU BSTAN PA'I SBYOR MTHONG SGOM GSUM NI DE DAG MTSAN NYID PA DANG, SBYOR PA DANG PO GSUM GYI SKABS SU SBYOR MTHONG SGOM GSUM GYI SGRAS BSTAN PA'I LAM NI DE DAG MTSAN NYID PA MA YIN TE, DAG SA'I YE SHES LA SBYOR LAM SOGS KYI MING GIS BSTAN PA'I PHYIR TE, SKABS BZHI PAR SBYOR MTHONG SGOM GSUM GYI SGRAS BSTAN PA'I LAM GSUM NI SA BRGYAD PA'I YE SHES CHUNG 'BRING CHE GSUM DANG, SKABS LNGA PAR DE LTAR BSTAN PA'I LAM GSUM NI SA DGU PA'I YE SHES CHUNG 'BRING CHE GSUM DANG, SKABS DRUG PAR DE LTAR BSTAN PA'I LAM GSUM NI SA BCU BA'I YE SHES CHUNG 'BRING CHE GSUM LA BYED PA'I PHYIR RO, ,'DI'I SGOM LAM MTSAN NYID PA MIN ZHES PA NI SA BDUN PA MAN CHAD KYI SGOM LAM MIN PA'I DON YIN PAR GSUNGS SO, , 'DI LA KHA CIG NA RE, BSHAD TSUL 'DI LTAR NA PHYIR MI LDOG PA'I RTAGS THOB PA'I SBYOR LAM PA MED PAR THAL BA DANG, SBYOR LAM DU GYUR BA'I SBYOR BA DANG PO GSUM MED PAR THAL, SBYOR BA DANG PO GSUM GYI SKABS SU LAM GSUM GYI SGRAS BSTAN PA'I LAM NI DE DAG MTSAN NYID PA MA YIN PA'I PHYIR NA MA KHYAB STE, SKABS RE RE SBYOR LAM GYI SGRAS BSTAN PA'I LAM NI DAG SA'I YE SHES YIN GYI SBYOR LAM MIN ZHES PA MA GTOGS, @063A *, ,DE DANG 'DRA BA'I SBYOR LAM MED PAR MA BSHAD PA'I PHYIR DANG, DE NA GYIS DE 'DRA'I SBYOR LAM YOD PAR BSHAD PA'I PHYIR TE, GSER PHRENG LAS, MKHYEN GSUM DU BSTAN PA'I LAM RNAMS RIM PA BZHIN DANG POR SKYES PA'I GNAS SKABS DANG, SBYOR BA GSUM GYI LAM RNAMS SNGAR JI LTAR MYONG BA BZHIN PHYIS KHYAD PAR LAM DU 'DRIS PAR BYED PA NA SNGAR GYI DE DANG DE'I MING GIS BTAGS PA'I GNAS SKABS SU MDZAD PA NI SLOB DPON 'DI'I THUGS RTZE GTAD BAR SNANG ZHING, ZHES GSUNGS PA'I PHYIR, YANG KHA CIG NA RE, SKABS 'DIR SLOB DPON GYIS LAM RKYANG PA'I LUGS 'THAD LDAN DU BZHED PAR THAL, SBYOR BA DANG BO GSUM GYI SKABS SU SBYOR MTHONG SGOM GSUM GYI SGRAS BSTAN PA'I LAM RNAMS SBYOR BA MTHONG SGOM GSUM MTSAN NYID PA MA YIN PAR BZHED PA'I PHYIR NA MA KHYAB STE, DE TZAM GYIS LAM RKYANG BA'I LUGS SU MI 'GYUR BA'I PHYIR TE, LAM RKYANG PA'I LUGS NI, SKABS DANG PO'I RNAM MKHYEN NI TSOGS SBYOR KHO NA DANG, GNYIS PA'I LAM SHES NI SA DANG PO DRUG DANG, GSUM PA'I GZHI SHES NI SA BDUN PA DANG, SKABS BZHI PA SOGS KYI SBYOR BA GSUM NI RIM BZHIN SA BRGYAD PA DANG DGU PA DANG BCU PA'I STOD DANG, SKAD CIG MA'I SBYOR BA NI SA BCU PA'I SMAD DANG, CHOS SKU NI SANGS RGYAS KYI SAR 'DOD PA LA BYED PA'I PHYIR TE, MDOR NA MDO DANG RGYAN LAS LAM LNGA SA BCU TSAR GCIG TZAM BSTAN PAR 'DOD PA NI LAM RKYANG PA DANG, DE DAG YANG YANG BSTAN PAR 'DOD PA NI LUGS PA'I LUGS YIN PA'I PHYIR, @063B RTZA BAR 'DOD MI NUS TE, SLOB DPON GYIS BSDUD 'GREL RTOGS SLAR LAM RKYANG PA DANG, 'GREL PA CHE CHUNG GNYIS SU LUG PA'I LUGS BSHAD PA'I PHYIR RO, ,YANG KHA CIG NA RE, GSER PHRENG GI RANG LUGS LA YANG SBYOR BA DANG PO GSUM GYI SKABS SU SBYOR? MTHONG SGOM GSUM GYI SGRAS BSTAN PA'I LAM RNAMS DAG SA'I YE SHES SU BZHED PAR THAL, SLOB DPON GYIS DE LTAR BZHED PA'I PHYIR NA MA KHYAB STE, SLOB DPON GYIS SNGAR LTAR BZHED KYANG, RJE BDAG NYID CHEN POS 'PHAGS PA'I RJES SU 'BRANG STE LAM DE DAG SBYOR MTHONG SGOM GSUM MTSAN NYID PAR BZHED PA'I PHYIR TE, GSER PHRENG LAS, MNGON RTOGS DRUG GI LAM RNAMS LA NI MTSAN NYID PA YIN MIN MA BYAS KYANG MKHYEN GSUM DU GSUNGS PA THOS BSAM GYI YUL DANG, SBYOR BA GSUM? DU GSUNGS PA RNAMS NYAMS LEN GYI SGO NAS DANG, DANG PO'I LAM RNAMS KYANG RIM PA LTAR THOB BYA DANG PA SKYED BYA DANG SPANG BYA'I MKHYEN GSUM MTSON PA'I CHED DANG, PHYI MA'I LAM RNAMS NI DBANG THOB PA'I DON DU DANG THOB PA'I TSUL GYIS DANG SLAR YANG 'DRI PAR BYED PA GSUM GYI KHYAD PAR YOD DO, ,ZHES SPYI DANG SO SO'I ZLOS PA SPANGS PAS CHOG PA'I PHYIR PHYOGS 'DI LA NI 'PHAGS PA'I RJES SU 'BRANGS NA 'THAD DO, ,ZHES GSUNGS PA'I PHYIR DANG, LUS RNAM BZHAG DANG YAN LAG RGYAS BSHAD GNYIS KA'I SKABS SU DE DAG LAM GSUM MTSAN NYID PAR GSUNGS PA'I PHYIR RO, ,SLOB DPON GYI LUGS LA DAG SA'I YE SHES LA SBYOR MTHONG SGOM GSUM GYI SGRAS BTAGS PA'I RGYU MTSAN DGOS PA DNGOS LA GNOD BYED SOGS NI RGYAS PAR GSER PHRAD LA @064A *, ,SHES DGOS SO, ,RNAM BSHAD LTAR NA, SKABS DANG PO DRUG KA'I SKABS SU SBYOR MTHONG SGOM GSUM GYI SGRAS BSTAN PA DE DAG SBYOR MTHONG SGOM GSUM MTSAN NYID PA YIN PA NI SLOB DPON GYI DGONGS PA YIN PAS, GZHUNG GONG MA'I 'JIG RTEN PA'I NGES CHA SOGS 'OG MA LA'ANG SBYOR LA, 'OG MA'I NGES CHA LA SOGS PA'I THA SNYAD GONG MA LA YANG SBYOR DGOS SHING, KHYAD PAR GYI LAM ZHES PA NYAN RANG GI LAM LAS KHYAD PAR DU 'PHAGS PA'I DON YIN GYIS BDUN PA MAN CHAD LAS KHYAD ZHUGS PA'I DON MA YIN LA, ZAG MED CES PA'ANG RTOGS PA'I ZAG MED LA MI BYED PAR NYON MONGS PA'I ZAG MED LA BYED DO, ,RNAM MKHYEN TSOGS SBYOR KHO NAR SGOM PA NAS MTHAR GYIS SBYOR BA SA BCU PA'I GNAS SKABS KHO NAR SGOM PAR 'DOD BA'I LUGS DGAG PAR BYA BA'I CHED DU, MNGON RTOGS DRUG KA'I SKABS SU NGES CHA LA SOGS PA'I DNGOS MING GI THA SNYAD DU GSUNGS PA NI 'GREL BA'I GZHUNG DE'I DON YIN PAR BSHAD DO, ,RTOGS DKA'I SNANG BAR YANG DE DAG LAM GSUM MTSAN NYID BAR BSHAD KYANG, BSHAD TSUL NI RNAM BSHAD DANG CUNG ZAD MI 'DRA'O, ,DE DAG LAS GSAR PHRENG GI BSHAD TSUL NI SEMS RAB TU DANG PA'I GNAS SU SNANG YANG, PHYOGS SU LTUNG BA RNAMS KYIS SMOD PA'I GZHIR 'GYUR DOGS NAS MA SBROS SO,, RTAGS LAS PHYIR MI LDOG TU MTSON TSUL LA BSHAD TSUL MED STE, GSER PHRENG LTAR NA, BDAG 'DI DAG LAS GANG ZAG DE PHYIR MI LDOG PAR LUNG LA BRTEN NAS DPOG PA TZAM LA DE'I NGOR RTAGS SU BSHAD KYI, 'DI DAG LA TSUL GSUM TSANG MAS NGES PA'I RTAGS KYI RNAM BZHAG NI @064B BYAR MI RUNG STE, GZHAN RGYUD JI LTA BA BZHIN PA'I RNAL 'BYOR BA LA NI RTAGS GYIS BSGRUBS PA LA DGOS PA MED LA, RTAGS PA DMA' BA BDAG GIS NI LUS NGAG GI THA SNYAD TZAM ZHIG LAS DPOG NA 'KHRUL ZHING, THA SNYAD KHYAD PAR CAN PHYIR MI LDOG GI RTOGS PA LA MI 'KHRUL BA NI MA NGES TE, PHYIR MI LDOG GI NANG GI RTAGS NI GANG ZAG DE LA SHIN TU LKOG DU GYUR BAS SO, ,DES NA 'DI DAG GI SBYOR BA'I DON GSUM LUNG 'BA' ZHIG LAS 'GRUB CING LUNG YANG KHAS BLANGS PA LAS TSAD MAR 'GRO BA'I PHYIR RTAGS YANG DAG GI RNAM BZHAG BYAR MED PA MA RTOGS PAR DNGOS PO'I STOBS SHUGS KYI RTAGS BZHIN DU RNAM BZHAG BYED PA NI RIGS PA'I DBANG BYUG GI BZHED PA MA GO BAR GSUNGS SO, ,BSHAD TSUL 'DI RTOGS DKA'I SNANG BAR, GANG DAG PHYIR MI LDOG GI RTOGS KYI KHYAB 'BREL LUNG KHO NAS GRUB DGOS PAR 'DOD PA DE DAG GIS NI BDAG MED RTOGS PA'I SHES RAB KYIS NI BDAG 'DZIN SBONG BA DANG, BYANG CHUB KYI SEMS KHYAD PAR CAN GYIS RANG DON YID BYED KYI BLO 'GOG PA TZAM DANG, THEG CHEN GYI THABS SHES KYI NUS PA MTHU CAN LAS RDZOGS PA'I SANGS RGYAS 'BYUNG BA TZAM YANG DNGOS STOBS KYIS SGRUB MI NUS PAR KHAS LEN LA YIN PAS, GANG ZAG DE DAG GIS RDZOGS PA'I SANGS RGYAS SHES BYA LA SRID PA TZAM DU'ANG RTAGS KYIS SGRUB MI NUS SO, ,ZHES 'GOG PAR MDZAD DO, ,RNAM BSHAD DU DE DAG TSUL GSUM TSAD PA'I RTAGS YIN PAR BSHAD CING, SPYI DON 'DIR RANG BZHIN GYI RTAGS YANG DAG YIN PAR BSHAD LA, 'BRAS RTAt DANG RANG BZHEN GYI RTAt RTZI RIt KYIS DPOG PAR MDO LAS GSUNGS ZHES BSDUS LAS BSHAD KYANG THAG GCAD MI SNGA BAR DPYOD DGOS SO,, ,MDZOD LAS, BDEN GSUm MTHONG NA TSUL KHRIMS DANG, ,CHOS LA SHES NAS DAD PA THOG , (LAM MNGON RTOGS NAS SANGS RGYAS DANG, ,NGA YI DGE 'DUN DAG LA YANG,, ZHES BDEN PA DANG? PO GSUM MNGON SUM DU RTOGS RJES SU CHOS LA SHES NAS DAD BA DANG 'PHAGS PA DGYES PA'I TSUL KHRIMS GNYIS POS BA DANG, LAM) @065A MISSING PAGE @065B MISSING PAGE @066A *, ,BDIN MNGON SUM DU RTOGS RJES SU SANGS RGYAS DANG DGE 'DUN LA SHES NAS DAD BA THOB PAR GSUNGS PA NI THUN MONG BA'I DBANG DU BYAS SHING, 'DIR DKON MCHOG GSUM LA SHES NAS DAD PA THOB PAS SKYABS GNAS LA THE TSOM ZAD PA'I PHYIR MI LDOG PA'I RTOGS SBYOR LAM DROD NAS THOB PAR GSUNGS BA NI THUN MONG MA YIN PA'I RNAM GZHAG LA DGONGS PA'O, ,SNGA MA'I DAD PA DANG TSUL KHRIMS LA RIM BZHIN DKON MCHOG MNGON RTOGS DANG KUN TU MI 'BYUNG BA'I MNGON RTOGS ZHES BYA LA, LAM LNGA'I STENG DU DE GNYIS BSTAN PAS MNGON RTOGS BDUN TE MNGON PA GONG 'OG GNYIS KAR BSHAD DO, ` ,SGRIB PA LNGA DANG MI 'GROGS BA'I PHYIR MI LDOG PA'I RTAGS ZHES PA'I SGRIB PA LNGA NI, TSUL KHRIMS KYI PHUNG PO'I BAR GCOD 'DOD BA LA 'DUN PA DANG GNOD SEMS GNYIS DANG, TING NGE 'DZIN GYI BAR GCOD RGOD PA DANG 'GYOD PA GNYIS DANG, SHES RAB KYI PHUNG PO'I BAR GCOD GNYIS DANG RMUGS PA GNYIS DANG, BDEN PA LA RTZE GNYIS BA'I THE TSOM SDE BDUN YOD KYANG, GNYID RMUGS GNYIS GCIG DANG RGOD 'GYOD GNYIS GCIG TU BYAS PAS LNGA'O, ,GNYID RMUGS GNYIS KYI MI MTHUN PA STE GNYEN PO DANG ZAS TE RGYU DANG BYA BA STE BYED LAS GCIG YIN PAS DE GNYIS GCIG TU BYAS TE, GNYEN PO NI SNANG BA'I 'DU SHES DANG, RGYU NI BRNYA' BA DANG MI DGA' BA SOGS DANG, BYED LAS NI SEMS NANG DU ZHUM PAR BYED PA'O, ,RGOD 'GYOD GNYIS KYI DE GSUM GCIG YIN PAS GCIG TU BYAS TE, GNYEN @066B PO NI ZHI GNAS DANG, RGYU NI NYE DU'I RNAM RTOG DANG YUL GYI RNAM RTOG SOGS DANG, BYED LAS NI SEMS MA ZHI BAR BYED PA'O, ,SGRIB PA LNGA PO GANG RUNG YIN NA 'DOD PA'I SAS BSDUS PAS KHYAB STE, GONG MA'I SAS BSDUS KYI RMUGS RGOD THE TSOM GSUM YOD KYANG DE DAG SGRIB PA LNGA PO GANG RUNG MA YIN PA'I PHYIR RO, ,DE SKAD DU YANG MDZOD LAS, 'DOD NA SGRIB RNAMS MI MTHUN DANG, ,ZAS DANG BYA BA GCIG PA'I PHYIR, ,GNYIS GCIG PHUNG PO GNOD BYED DANG, ,THE TSOM PHYIR NA LNGA NYID DO, ,ZHES SO, ` ,MTHONG LAM PHYIR MI LDOG PA'I RTAGS BRGYAD PA 'TSO BA RNAM PAR DAG PA'I BZLOG ZLA LOG 'TSO LNGA NI RIN PHRENG LAS, TSUL 'CHOS RNYED DANG BKUR STI'I PHYIR, ,DBANG PO SDOM PAR BYED PA STE, ,KHA BSAG RNYED DANG BKUR STI'I PHYIR, ,TSIG 'JAM SNGAR NI SMRA BA 'O, ,GZHOGS SLONG DE NI THOB BYA'I PHYIR, ,GZHAN GYI RJES YANG SNGAGS BYED BA'O, ,THOB KYIS 'JAL BRNYED BA'I PHYIR, ,MNGON SUM GZHAN LA SMOD BYED PA'O, ,RNYED PAS RNYED PA RNAMS 'DOD PA, ,SNGAR THOB BA LA BSNGAGS BYED PA'O, ,ZHES GSUNGS PA LTAR TE, GZHAN RNAMS GO BAR SLA ZHING, THOB KYIS 'JAL BA NI, RNYED BKUR THOB 'DOD KYI BSAM PAS SER SNA CHE BA SOGS GZHAN LA SMOD PAR BYED PA'O, ,BSDUS DON LAS, RNYED 'DOD YID BCUG SMRA PA KHABS STE, NOR BSNGAGS GZHOGS SLONG SBYIN BDAG DRUNG PHYIN TE, KHYOD DRUNG DGRA BCOM BYON PA BSOD NAMS CHE, ZHES BRJOD THOB KYIS 'JAL BAR NYI@067A *, ,SNANG GSUNGS, ZHES GSUNGS SHING, ZHIB TU DAR t'IKA LAS SHES PAR BYA'O, ` ,PHUNG SOGS BAR CHAD BYED RNAMS DANG, ,TSOGS DANG DBANG SOGS BCAS PA YI, ,GA-YUL 'GYED SER SNA LA SOGS LA, ,SBYOR DANG RJES SU SBYOR BA YI, ,GNAS PA SO SOR BKAG PA DANG, ,ZHES MTHONG LAM PHYIR MI LDOG BA'I RTAGS DGU PA NAS BCU GSUM PA'I BAR LNGA LA SBYOR BA DANG RJES SU SBYOR BA'I GNAS PA SO SOR BKAG PA ZHES SBYAR BAR BYA STE, SBYOR TSUL NI, PHUNG KHAMS SKYE MCHED SOGS KYI GTAM LA DANG POR BDEN PAR ZHEN PA'I SBYOR BA DANG RGYUN DU BDEN PAR ZHEN PA'I RJES SU SBYOR BA'I GNAS PA SO SOR BKAG PA DANG, MTHONG LAM GYI RTOGS PA'I BAR CHAD BYED PA'I CHOS RKUN PO LTA BU RNAMS KYI GTAM LA SNGAR BZHIN BKAG PA DANG, BYANG CHUB KYI TSOGS SBYIN PA LA SOGS PA DMAG LTA BU'I GTAM LA SNGAR BZHIN BKAG PA DANG, GNYEN PO'I PHYOGS DES SBONG BYA LA GNOD PA BYED PA GA-YUL 'GYED PA LTA BU'I GTAM LA SNGAR BZHIN BKAG PA STE BZHI NI 'GOG PA CHOS BZOD SOGS BZHI DANG RIM BZHIN SBYOR RO, ,DE LTAR GA-YUL BA KYE NAS SPANG BYA 'GOG PA'I SKABS SU RGYU BDEN ZHEN LAG PAS 'BRAS BU RNAM SMIN RANG GI NGANG GIS 'GOG PA NI BZHI STE, DBANG PO GRONG LTA BU DANG, DBANG RTEN GRONG KHYER LTA BU DANG, DBANG YUL GRONG RNGAL LTA BU'I GTAM DANG, BDAG TU ZHEN PA'I GTAM LA SNGAR BZHIN 'GOG PA'O, , @067B DBANG SOGS BZHI 'GOG BA NI 'GOG BA RJES SHES KYI BYED LAS BSTAN GYI DE'I NGO BO STON PA MIN PAS, DBANG SOGS BZHI LA ZHEN PA'I SPANG BYA DANG GNYIN PO GA-YUL 'GYED PA ZHES MI SBYAR BAR GSER PHRENG LAS GSUNGS SHING, RTOGS DKA'I SNANG BA'I DGONGS PA 'AD 'DI DANG MTHUN PAR SNANG YANG RNAM BSHAD LAS DE LTAR SBYOR BAR GSUNGS SO, ,DE DAG LA GTAM SMOS PA'I RGYU MTSAN NI, PHUNG SOGS KYI DON LA ZHEN BA NI SDUG KUN SHES PA'I DUS NA BCOM ZIN PAS SKABS 'DIR THA SNYAD LA ZHE NA BA SPONG BA'I DON YIN PAR RTOGS DKA'I SNANG BAR GSUNGS TE RJE YAB SRAS GSUM GA DGONGS PA MTHUN NO, ,DE'I PHYIR MDO LAS DANG PO LA GTAM MI 'BYUNG YANG DON GYIS 'THOB LA, 'GREL BAR GSUM BA MA GTOGS PA LA GTAM MA SBYAR YANG BZHIG LA SBYOR DGOS PAR GSER PHRENG LAS GSUNGS SO, ,BAR CHAD BYED PA'I CHOS LA SOGS PA DRUG NI MDO LAS RKUN PO DANG DMAG DANG GA-YUL 'GYED PA DANG GRONG LA SOGS PA'I SGRAS GSUNGS SHING, BDAG NAS MTHONG BA PO'I BAR DU ZHEN BA NI RANG GI SGRAS GSUNGS SO,, BRGYAD STONG PAR RGYAL BLON GYI GTAM GSUNGS PA NI BDAG DANG BDAG GI BAR 'DZIN PA MTSON PA'I PHYIR YIN NO, ` ,DBANG PO NYER GNYIS LAS PHO MO'I DBANG PO DANG SROG DANG DRI MED KYI DBANG PO GSUM STE DRUG NI LUS DBANG GI CHA DANG PHUNG BO'I RGYUN GYI GNAS SKABS DANG DAD SOGS KYI CHA LA BTAGS PAS RDZAS LOGS SU MED PA'I RGYU MTSAN GYIS DBANG PO BTAGS YOD CES BYA LA, LHAG MA BCU DRUG NI DBANG PO RDZAS (DBANG) YOD CES BYA'O, ` ,SPYI DON 'DIR KUN BTUS PA'I LUGS LA DRI MED KYI DBANG PO GSUM GYI GDAGS @068A *, ,GZHI LA KHYAD PAR MED PAR DAD SOGS DGU DGUR BSHAD KYANG, KUN BTUS 'GREL BAR DANG PO GNYIS KYI GDAGS GZHI LA DANG SOGS DGU'I STENG DU YID MI BDE BA BSNAN NAS BCUR BSHAD BA LTAR GSER PHRENG LAS KYANG GSUNGS SO, ` ,BSDU BAR, THEG DMAN GYI DBANG DU BYAS NA MI SHES BA KUN SHES PA'I DBANG PO SBYOR LAM LA BZHAG KYANG, SBYOR LAM NAS 'BRAS BU DANG PO MA THOB BA'I BAR LA BYA STE, DE LA 'JIG RTEN LAS 'DAS MA 'DAS DANG ZAG BCAS ZAG MED GNYIS YOD PAR BSDU BA RANG LAS GSUNGS PA'I PHYIR TE, DE LTAR GSER PHRENG LAS GSUNGS SO, ` ,GRANGS MED LA SOGS BSTAN PA RNAMS, ,DAM PA'I DON DU BZOD MA YIN, ,ZHES SOGS KYI SGABS SU SGOM LAM GYI GRANGS NGES LA RTZOD PA SPONG BA NI, PHYOGS SNGA MAS, SGOM LAM LA DGUR GRANGS NGES PAR BSHAD BA MI 'THAD DE, LUM RGYAS 'BRANG BSDUS GSUM LAS SGOM LA MA SKOR DGU RE RE'I DBANG DU MDZAD DE BSOD NAMS GRANGS MED GZHAL MED TSAD MED GSUM SKYE BAR GSUNGS GSUNGS PA'I PHYIR, KHYAB STE, 'BRAS BU'I MANG NYUNG NI RGYU'I RJES SU BYED PA'I PHYIR ZHES PA'I RTZOD PA KHONGS NAS BSUS TE, DON DAM STE RDZAS THA DAD KYI NGO BOR BSOD NAMS GRANGS MED SOGS SKYE BAR GSUNGS PA'I RTAGS MA GRUB CES STON PAR, RKANG PA DANG PO GNYIS 'BYUNG ZHING, KUN RDZOB STE LDOG PA THA DAD PA'I DBANG DU BYAS NA NI KHYAB BRAM GRUB STE, SGOM LAM CHUD DU'I @068B CHUNG DU LTA BU GCIG LA YANG 'BRAS BU MTHA' YAS 'BYUNG BAR SANGS RGYAS KYI CHOS DBYINGS RTOGS PA'I RGYU MTHUN GYI 'BRAS BUR GYUR BA'I MDO LAS BSTAN PA'I PHYIR ZHES 'CHAD PAR, KUN RDZOB TU NI THUGS BRTZE BA'I, ,ZHES SOGS RKANG PA GNYIS 'BYUNG NGO, ,'DI'I BDEN GNYIS NI DBU MA PA LA GRAGS PA'I DON DAM KUN RDZOB LA MI BYED PAR RTOG GEL GRAGS PA'I RDZAS RANG MTSAN DANG LDOG PA SPYI MTSAN LA BYED DO, ,BSHAD TSUL 'DI TZAM LA GSER PHRENG RNAM BSHAD MTHUN PAR SNANG LA, RTOGS DKA'I SNANG BAR RGYU GCIG GIS 'BRAS BU DU MA SKYED MI SRID SNYAM PA'I DOGS PA 'BYUNG BA'I GO SKABS MED PA'I PHYIR RTZOD PA DE LTAR 'GOD PA MI 'THAD LA, SGOM LAM RE RES BSOD NAMS GRANGS MED SKYED PA BZHIN DU SPANG BYA RNAM RTOG KYANG GRANGS MED SPONG DGOS LA, DE LTA NA RTOG PA'I DBYE BAS SGOM LAM DGUR BSHAD PA MI 'THAD DE, SPANG BYA RNAM RTOG GRANGS MED YOD PA'I PHYING ZHES RTZOD PA YIN PAR GSUNGS SHING, LAN YANG SNGAR BSHAD PA DANG MI 'DRA LA 'DI'I BDEN GNYIS KYANG DBU MA PA LA GRAGS BA'I KUN RDZOB DON DAM LA BZHED PAR SNANG NGO, ,RTZOD LAN SNGAR BSHAD PA DE 'GREL BA CHE CHUNG GNYIS KYI DGONGS PA YIN ZHING, NYI SNANG LTAR NA, RKANG PA DANG PO GNYIS KYIS RTZOD PA DANG PHYI MA GNYIS KYIS LAN STAN PAR 'CHAD LA, BDEN GNYIS KYANG DBU MA PA LA GRAGS PA LTAR 'CHAD DAM SNYAM STE RGYAS PAR GSER PHRENG LAS SHES PAR BYA'O, ,SNGAR GYI PHYOGS SNGA'I BAS MTSOD NI, SGOM LAM CHUNG DU'I CHUNG DU LTA BU'I 'BRAS BU BSOD NAMS GRANGS MED SOGS GSUM PO DE RDZAS THA DAD YIN @069A *, ,BAS DE SKYED PA'I LAM DE YANG RDZAS GSUM DU 'GYUR BA'I PHYIR DGUR GRANGS NGES BA 'JIG GO SNYAM PA YIN LA, RANG LUGS LA SGOM LAM CHUNG NGU'I CHUNG DU RDZAS MTHA' YAS YOD KYANG SGOM LAM DGUR GRANGS NGES PA MI 'JIG STE, DE THAMS CAD SGOM LAM CHUNG DU'I CHUNG DUR RIGS GCIG PA'I PHYIR TE, GRANGS NGES RIGS LA BYED KYI RDZAS LA MI BYED PA'I PHYIR, 'ON KYANG SLOB DPON GYIS LAN DE LTAR MA MDZAD PAR BSOD NAMS GSUM RDZAS THA DAD BKAG PA'I SGO NAS LAN MDZAD PA NI, GRANGS MA NGES PA'I SGRUB BYED BKAG NA GRANGS MA NGES PAR 'DZIN PA YANG LDOG PA LA DGONGS LA, SHUGS KYIS KYANG GO NUS TE, LDOG PA THA DAD PA'I BSOD NAMS DUM RDZAS GCIG TU GO PA NA RDZAS THA DAD PA'I SGOM LAM DU MA YANG RIGS GCIG TU GO BAR 'GYUR BA'I PHYIR ZHES PA NI GSER PHRENG GI DGONGS PA LTAR BRIS BA'O, ` ,SGOM LAM GYI BYED PA LA RTZOD PA SPONG PA LA GNYIS LAS, RTZOD PA NI, SGOM LAM GYIS SPANG BYA CI ZHIG NYAMS SHING GNYEN PO CI ZHIG THOB STE BOR THOB MED PAR THAL, DE DON DAM BAR MA GRUB PA'I PHYIR, KHYAB STE, SGOM LAM GYI DNGOS PO DON DAM PAR BRJOD DU MED PA LA NYAMS PA DANG 'PHEL BA MI RUNG BA'I PHYIR, ZHES PA'O, SHA GNYIS BA LAN LA GNYIS, LAN DNGOS DANG, DE LA RTZOD PA SPONG BA'O, ,DANG PO NI, DON DAM PAR 'PHEL 'GRIB MED NA SPANG GNYEN MI 'THAD PAS KHYAB PA MED DE, BLA MED BYANG CHUB STE RNAM MKHYEN DON DAM PAR 'PHEL 'GRI PA MED KYANG GDUL BYA'I @069B DON BYED PA BZHIN DU, SGOM LAM 'DI NI DON DAM PAR 'PHEL 'GRIB MED KYANG THA SNYAD DU SPANG BYA LA GNOD PA SOGS 'DOD PA'I DON SGRUB PAR BYED PA'I PHYIR, BYANG CHUB DANG SGOM LAM DPE DON MI MTSUNGS BA'I SKYON MED DE, DE GNYIS THA SNYAD DU DON KHYAD PAR CAN BYED PAR MTSUNGS SHING DON DAM PAR MED PA DE BZHIN NYID KYI MTSAN NYID CAN YIN BA NI MTSUNGS PA'I PHYIR ZHES PA'I RTZOD LAN 'CHAD PAR, DNGOS PO BRJOD DU MED PA LA, ,ZHES SOGS TSIGS BCAD GNYIS 'BYUNG NGO, ,GZHUNG 'DI LA BRTEN NAS MNGON RTOGS RGYAN GYI MTHAR THUG PA'I LTA BA THAL 'GYUR BA'I LUGS SU 'GREL TSUL ZHANG ZHUNG PA CHOS DBANG GRAGS PAS GSUNGS KYANG SKABS MA YIN PAS MA SPROS TE, 'DI'I SKOR GNAD DON GSAL BA'I ZLA ZER LAS SHES DGOS SO, ,GNYIS PA LAN LA RTZOD PA SPONG BA NI, BYANG SEMS KYI SEMS BSKYED KYIS BYANG CHUB MI SKYED PAR THAL, SEMS BSKYED SNGA MA KHO NAS DE MI SKYED PA GNAG ZHIG ,PHYI MA KHO NAS KYANG MI SKYED, SNGA PHYI MANG PO CIG CAR 'BYUNG BAS KYANG MI SKYED, RIGS KYIS 'BYUNG BAS KYANG MI SKYED PA'I PHYIR, RTAGS DANG PO GNYIS RE RE NAS GRUB STE, DE RE RE LA BYANG CHUB KYI RGYU RKYEN MA TSANG PA'I PHYIR, GSUM PA GRUB STE, SNGA PHYI MANG PO CIG CAR 'BYUNG BA MI SRID PA'I PHYIR, BZHI PA GRUB STE, PHYI MA BYUNG MA THAG TU SNGA MA PHYI MA LA RJES SU 'GRO BA MED PAR 'JIG PAS NA SNGA PHYI PHAN TSUN 'BREL BA MED PA'I PHYIR ZHES RTZOD PA LA, RIMS KYIS 'BYUNG BAS MI SKYED PA LA RTAGS MA GRUB PA'I LAN DANG, DE'I SGRUB BYED LA KHYAB PA MA DES PA'I LAN 'DEBS PA NI RNAM PA SHAD DANG RTOGS DKA'I SNANG @070A *, ,BA'I DGONGS PA YIN LA, GSER PHRENG LTAR NA, RTAGS BZHI PA LA, SEMS BA SKYED SNGA PHYIR GYUR BA MANG PO DUS GCIG TU 'TSOGS BAS KYANG DE MI SKYED PA'I PHYIR ZHES BKOD NAS, KHYAB PA MA NGES PA'I LAN 'DEBS PA YIN TE, GZHAN DU NA 'GREL BAR DE NI YANG DAG BA MA YIN PAS ZHES GSUNGS PA MI RIGS PAR 'GYUR TE, SEMS BSKYED SNGA PHYI MANG PO RIMS KYIS 'BYUNG BAS BYANG CHUB SKYED PA NI RANG GI LUGS YIN PA'I PHYIR DANG, DES KYANG MI BSKYED NA SKYED TSUL GZHAN MED PA'I PHYIR ZHES BZHED DO, ,RTOGS DKA'I SNANG BA SOGS LAS SEMS BSKYED SNGA PHYI RE RE KHO NAS BYANG CHUB SKYED PA DANG, DE DAG CIG CAR 'BYUNG BAS DE SKYED PA DANG, SNGA PHYI RIMS KYIS 'BYUNG YANG MA ZHIG PAR LHAN CIG TU TSOGS PAS DE SKYED PA STE SKYE TSUL GSUM PO 'DIR MTHA' CHOD NA GSUM GA MI 'THAD PAS, BYANG CHUB SKYED MI SRID PAR 'GYUR LA, MTHA' MA CHOD NA SLOB DPON PHYOGS SNGA BSU BA LA MI MKHAS PAR 'GYUR RO ZHES GSER PHRENG GI BSHAD TSUL DE SUN 'BYIN PAR MDZAD DO, ,MAR ME'I DPES RTZOD PA SPONG TSUL RGYAS BAR GSER PHRENG SOGS LAS SHES PAR BYA'O, ` ,SBYOR BA GSUM PO 'DI GTZO CHER SBYOR LAM YAN CHAD NA YOD KYANG TSOGS LAM NAS KYANG GZHAG DGOS TE; 'DI GSUM NI CHOS RNAMS SPROS BRAL DU SGOM PA DANG ZHING DAG PAR BYED PA DANG SEMS CAN SMIN PAR BYED PA GSUM YIN LA DE GSUM MI BYED NA BYANG SEMS MA YIN PAR 'GYUR BA'I PHYIR ZHES PA NI GSER PHRENG GI DGONGS PA'O, ,RNAM @070B BSHAD LAS DANG PO GNYIS SA BRGYAD BA NAS THOB PAR BSHAD LA, GSUM PAS BCU PA DANG SBYAR NAS BSHAD KYANG GSAR DU THOB PA'I SA MTSAMS YIN MIN GSAL LO, ,RTOGS DKA'I SNANG BAR SBYOR PA GSUM RIM BZHIN DAG PAS GSUm DANG SBYAR NAS BSHAD DO, ` ,KLAN KA DANG PO NI, NYIN PAR DGE SDIG GI LAS NYAMS 'PHEL MED PAR THAL, CHOS THAMS CAD BDEN PAR MED PA'I PHYIR, RMI LAM BZHIN ZHES PA'O, ,LAN NI, DON DAM PAR NYAMS 'PHEL MED PAR 'DOD LA, KUN RDZOB TU NI DPE MA GRUB STE, RMI LAM DU LAS BYAS TE SAD NAS YI RANG NA NYAMS 'PHEL 'BYUNG BA'I PHYIR, DES NA KHYAB PA YANG MA GRUB PO, ,KLAN KA GNYIS PA NI, LAS 'BRAS KYI 'BREL BA DON DAM PAR GRUB PAR THAL, RMI LAM DU BYAS PA'I LAS KYANG RJES KYI MNGON ZHEN GYIS GSOS NA BRI 'PHEL DU 'GYUR BA'I PHYIR ZHES PA'O, ,LAN NI, STON PAS LAS NA DMIGS PA DANG BCAS PA KHO NAR SKYE BAR GSUNGS PA'I PHYIR BRI 'PHEL KUN RDZOB TU YIN GYI DON DAM PAR MIN PAS KHYAB PA MED DO, ,KLAN KA GSUM PA NI, BCOM LDAN 'DAS KYIS LAS DANG SEMS PA THAMS CAD DBEN PAR GSUNGS BA MI 'THAD PAR THAL, LAS NI DMIGS PA DANG BCAS PA KHO NAR SKYE BA'I PHYIR ZHES PA'O, ,LAN NI, DBEN PA NI DON DAM DU YIN LA SKYE BA NI KUN RDZOB TU YIN PAS LUNG DANG 'GAL BA MED DO, ,KLAN KA BZHI PA NI, RMI LAM DU PHYIN DRUG BSGOMS SHING DGE RTZA RDZOGS BYANG DU BSNGOS NA BSNGO BA YANG DAG TU 'GYUR PAR THAL, RMI LAM DU BYAS @071A *, ,BA'I LAS LA BRI 'PHEL YOD PA'I PHYIR ZHES PA'O, ,LAN NI RAB 'BYOR GYIS DNGOS SUM GSUNGS PAR BYAMS PA LA KHA 'PHANGS SHING, BYAMS PAS KYANG LAN DNGOS SUM GSUNGS PAR 'KHOR GSUM MI DMIGS PAR GSUNGS TE DON GYIS LAN MDZAD BA NI, MA 'ONGS PA'I SANGS RGYAS BRGYUD MAR 'BYUNG BAS DRE BA 'DI MI RDZOGS PAR BSTAN PA YIN PAR NYI SNANG LAS GSUNGS SO, ,DE LTAR NA LAS MED PA DANG, LAS 'BRAS DON DAM DU THAL PA DANG, LUNG DANG 'GAL BA DANG, RMI LAM NA LAS GSOG PA'I KLON KA BZHI LAS, GNYIS PA RAB 'BYOR DANG, GZHAN GSUM SH'A RI'I BUS BKOD PA STE, DE DAG NI GSER PHRENG GI DGONGS PA'O, ,RNAM BSHAD LTAR NA, KLAN KA GNYIS PA LA RMI LAM NA LAS LAM RDZOGS PAR THAL PA'I KLAN KA ZHES PA SHAD LA, GZHAN GSUM NI SNGAR BSHAD PA DANG DON 'DRA BAR SNANG YANG, KLAN KA BZHI BA LA HA CANG THAL BA'I KLAN KA ZHES THA SNYAD BTAGS SHING, BZHIG SH'A RI'I BUS BKOD PAR BSHAD DO, ,RTOGS DKA'I SNANG BA LTAR NA, GZHAN GSUM RNAM BSHAD RANG 'DRA ZHING, KLA NA KA GNYIS PA LA RMI LAM DMIGS BCAS PA THAL BA'I KLAN KA ZHES THA SNYAD BTAGS SO, ` , 'GREL BAR KLAN KA DANG PO LAN DANG BCAS BA BSHAD NAS LHAG MA GSUM DNGOS SUM GSUNGS TE, KLAN KA'I GTZO BO NI LAS MED PAR THAL BA DE YIN PAS DE LA LAN BTAB PA DES LAN GZHAN RNAMS KYANG GO BAR NUS PA'I PHYIR @071B SNYAM DU DGONGS SO, ,KLAN KA DANG PO NI, NYAN THOS SDE BAS, GNYID MA LOG PA'I GNAS SKABS SU YANG DGE SDIG GI LAS GSOG PA MED PAR THAL, CHOS THAMS CAD MI LAM DANG 'DRA BAR BDEN BAR MED PA'I PHYIR, DPER NA RMI LAM GYI GNAS SKABS BZHIN DU'O, ,ZHES BRTZAD BA LA, DBU MA PAS MGO MTSUNGS KYI THAL BA 'PHANG STE, DE LA NYAN THOS STE BAS NYES SPONG GI LAN SMRAS BA LA, LAN DE NI DBUM PA'I LUGS LA YANG MTSUNGS PAR BSTAN PA'O, ,DE DAG LA BSHAD SROL MI 'DRA BA GSUM YOD PA LAS, GSER PHRENG LTAR NA, NYAN THOS SDEBS SNGAR BZHIN BRTZOD PA LA, DBU MA BA NA RE, DON SMRA KHYED LA YANG SROG GCOD KYI MI DGE BA'I LAS MED PAR THAL, GSANG BYA'I SROG DE GSOD PA BOS MTSON BSNUN BSOGS KYI 'JIG RGYU LAM LTOS PAR RANG GI NGANG GIS 'JIG PA'I PHYIR DANG, GSAD BYA DE DE LTAR 'CHI BA RANG GI LAS LAS BYUNG BA'I PHYIR, DANG PO GRUB STE, SROG SKAD CIG MA YIN PA'I PHYIR, GNYIS BA GRUB STE, MDZOD LAS, 'JIG RTEN SNA TSOGS LAS LAS SKYES, ,ZHES SNOD BCUD MTHA' DAG THUN MONG YIN MIN GYI LAS KYIS BSKYED PAR GSUNGS PA'I PHYIR ZHES MGO MTSUNGS KYI THAL BA 'PHANG BA LA, DON SMRAN RE, KHO BO CAG NI DON DAM SKAD CIG DANG RDUL CHA MED PAR 'DOD, RGYUN DANG TSOGS PA NI KUN RDZOB PAR 'DOD BAS, YID KYI GSUM NI SKAD CIG RE RE LA'ANG YOD KYANG, SROG GCOD SOGS LAS LAM DU 'GYUR BRGYUN LA LTOS BA RNAMS NI DON DAM PAR MED PAR THAL ZER NA 'DOD CING, KUN RDZOB TU @072A *, ,MED PAR THAL ZER NA KHYAB PA MA NGES SO, ,GZHAN YANG SROG GI SKAD CIG 'JIG PA BYIS 'BYUNG GI RGYU LA MI RGYU LA MI LTOS KYANG RGYUN 'JIG PA GSOD PA PO LA LTOS PA MI 'GAL LO, ,DE'I PHYIR KHYED KYI THAL BAS MI GNOD CE NA, DBU MA PA NA RE, DON SMRA'I LUGS LA DON DAM PAR DGE SDIG GI LAS LAM MED KYANG KUN RDZOB TU DE GNYIS 'DOD PA BZHIN DU, DBUM PA'I LUGS LA YANG CHOS THAMS CAD DON DAM PAR MED PA RMI LAM DANG 'DRA YANG, KUN RDZOB TU DGE MI DGE'I LAS LAM YOD PAR 'JOG GO ZHES LAN BTAB PAR MDZOD DO, ,RNAM BSHAD LTAR NA, DBU MA PA NA RE, LAS 'BRAS BDEN PAR MED NA NYIN PAR YANG LAS GSOG PA MED PAS KHYAB BA MED DE, DON SMRA KHYED KYI LUGS LA BLO DON DAM PA DBANG SHES MA 'KHRUL BA'I NGOR LAS 'BRAS 'KHOR GSUM TSANG BA MED KYANG, BLO KUN RDZOB PA RTOG PA'I YUL DU YOD PAR KHAS LEN PA BZHIN DU, DENG DBU MA PA YANG LAS 'BRAS DON DAM DPYOD BYED KYI RIGS SHES KYI DOR MED KYANG; THA SNYAD PA'I TSAD MA'I NGOR YOD PAR KHAS LEN PA'I PHYIR ZHES BSHAD CING, PHYIS 'BYUNG GI RGYU MED PAR 'JIG PA DANG, SNOD PA CUNG LAS LAS SKYES PA GNYIS KA BLO MA 'KHRUL BA'I GZUNG DOR CHA DANG CHA CAN DU SNANG BA MED PA'I SGRUB BYED DU SBYAR BAR SNANG NGO, ,RTOGS DKA'I SNANG BA LTAR NA, DBU MA BA NA RE, DON DAM MA DU LAS MED NA DGE MI DGE'I RNAM GZHAG MI RUNG PA'I SKYON MED DE, DON SMRA'I LUGS LA, RTOG PA LA JI LTAR SNANG PA LTAR MA GRUB KYANG, @072B RTOG PA SA THA SNYAD BYAS PA DANG MTHUN PAR GSAD BYA GSOD BYED SOGS GNYIS CHOS SO SOR BYE BA'I RNAM GZHAG BYED BA MI 'GAL BAR 'DOD PA BZHIN DU, DBUM PA'I LUGS LA YANG DON DAM PAR MED KYANG BLO KUN RDZOB PA LHAN SKYES KYIS NAM GZHAG BYAS PA'I RJES SU 'BRANGS NAS THA SNYAD TZAM DU DGE MI DGE'I RNAM GZHAG BYED PA 'THAD PA'I PHYIR ZHES BSHAD LA, RTOG PA DE DAG SNANG YUL LAM 'KHRUL NA, GSAD BYA GSOD BYED SOGS KYI SKAD CIG SNGA PHYI THAMS CAD DUS 'DRES PAR GNAS DGOS PA LA DE LTAR MI GNAS PA DANG, BSAD BYA DE YANG GSOD PA POS MTSON BSNUN PA SOGS KHO NA'I RKYEN GYIS SHI BAR 'GYUR DGOS PA LA DE LTAR MA YIN PA GNYIS KYI DANG PO'I SGRUB BYAD DU, PHYIS 'BYUNG GI RGYU MED PAR 'JIG PA DANG; GNYIS PA'I SGRUB BYED DU SNOD BCUD LAS LAS SKYES BA BKOD PA YIN PAR SNANG NGO, ,DON SMRAS DGE MI DGE'I LAS LAM DON DAM PAR MED PAR 'DOD NA, LAS MED PAR THAL BA'I KLAN KA 'PHEN PA POR MI 'GYUR BAS GSER PHRENG GI BSHAD TSUL DE MI 'THAD PAR RNAM BSHAD DANG RTOGS DKA'I SNANG BA GNYIS KAR BSHAD KYANG SKYON DE MI 'JUG STE, DON SMA DANG DBUM PA'I LUGS KYI DON DAM DANG KUN RDZOB TU YOD TSUL CHES MI 'DRA BA'I PHYIR TE, DANG BO NI BCOM ZHIG GANG RUNG GIS RANG 'DZIN GYI BLO 'DOR MI 'DOR LA BYED LA, GNYIS PA NI BLO'I DBANG GIS GZHAG MI GZHAG LA BYED PA'I PHYIR DANG, LHAG MTHONG CHEN MO LAS KYANG, DNGOS POR SMRA BA RNAMS KYI RANG LUGS KYI DON DAM DANG KUN RDZOB TU GRUB MA@073A *, ,GRUB DANG DBU MA PA'I LUGS KYI KUN RDZOB DANG DON DAM DU GRUB RNAMS CHES MI MTHUN PAS, DE DAG GIS KUN RDZOB TU 'DOD PA RNAMS DBU MA BAS GZHAL NA DON DAM DU GRUB PA DANG, DE DAG GIS DON DAM PAR GRUB PAR 'DOD BA RNAMS DBU MA PA LTAR NA KUN RDZOB TU GRUB PAR 'GYUR BA LA 'GAL BA CI YANG MED PAS DE RNAMS PHYED PAR BYA'O, ,ZHES GSUNGS PA'I PHYIR, GSER PHRENG DANG RTOGS DKA'I SNANG BAR RMI LAM NA LAS GSOG PA YOD PAR GSUNGS PA MA GTOGS LAS LAM RDZOGS PA YOD PAR MA GSUNGS LA, RNAM BSHAD LAS RMI LAM NA LAS LAM RDZOGS PA YOD PAR GSUNGS PA LTAR SBYI DON 'DIR YANG RMI LAM NA LUS NGAG GI LAS LAM RDZOGS BA MED KYANG YID KYI LAS LA MA RDZOGS PA YOD PAR BSHAD DO, ,DE DAG DPYAD GZHI CHE ZHING SPRO BYA MANG YANG YI GE NYUNG DUS MTHA' CHOD PAR MI 'GYUR BAS MA SPROS SO, ` ,SPYI DON 'DIR THEG CHEN PA'I LUGS KYI BDUD BZHI PHRA RAGS BCOM PA'I SA MTSAMS BSHAD BA NI RNAM BSHAD DANG RTOGS DKA'I SNANG BA LTAR YIN LA, GSOR PHRENG LAS, NYON MONGS PA'I BDUNGS BRGYAD PA NAS DANG, 'CHI BA'I BDUD LA LAS NYON GYI DBANG GIS 'CHI BA SA DANG PO NAS MED KYANG YID LUS KYI 'CHI 'PHO BA SANGS RGYAS MA THOB BAR DU MI LDOG PAS, 'CHI BA'I BDUD DANG PHUNG PO'I BDUD SANGS RGYAS MA THOB BAR DU DANG, LHA'I BU'I BDUD KYING DE GSUM LA BAR CHAD BYED PAS DE GSUM JI SRID 'JUG PA DE SRID DU YOD DO, ,ZHES @073B GSUNGS SO, ,DES NA BDUD BZHI BCOM BA SANGS RGYAS PA DUS MNYAM YIN LA, RIGS PA'I DBANG DU BYAS NA, LHA'I BU'I BDUD DANG NYON MONGS PA'I BDUD NI SA BRGYAD PA NAS DANG, 'CHI BDAG GI BDUD DANG PHUNG PO'I BDUD NI SA DANG PO NAS BCOM PA NI GSER PHRENG GI DGONGS PA YIN ZHING, SGRUB BYED NI RIM BZHIN SBYOR BA'I SKYON SA BDUN PA'I BAR DU YOD KYANG SA BRGYAD PA NAS MAD PAR 'GYUR BA DANG, SA BRGYAD PA NAS NYON MONGS MNGON DU 'GYUR BA'I GO SKABS BCOM PA DANG, RGYUD BLA MAR SA DANG PO NAS LAS NYON GYI SKYE 'CHI SPANGS BAR GSUNGS PA RNAMS SO, ,'DI'I RIGS BAS THEG DMAN GYI DBANG DU BYAS PA'I BDUD BZHI RAGS BA BCOM DUS KYANG GO BAR ZAD DO, ,RNAM BSHAD SOGS KYI BSHAD TSUL LTAR NA, THEG DAM NA MTHONG LAM DANG THEG CHEN SBYOR LAM NAS LHA'I BU'I BDUD RAGS PA BCOM PA'I SGRUB BYED DANG, SA DANG PO NAS LAS NYON GYI SKYE 'CHI SLANGS KYANG 'CHI BA DAG GI BDUD RAGS BAM BCOM PA'I RGYU MTSAN PA TZAL BAR BYA'O, ,SPYI DON 'DIR NYAN THOS SNGI BA'I LUGS LA THUB PA'I DBANG POS GYAD LUL DU LHAG MED KYI TSE PHUNG PO'I BDUD BTUL BAR BSHAD PA NI SNGA RABS PA'I LUGS YIN GYI, 'GREL BSHAD GANG SPEL RGYAL SRAS MA GNYIS DANG MI MTHUN PAS RANG LUGS SU KHAS LEN MI RUNG STE, 'GREL BSHAD GNYIS GANG YANGS PA CAN DU PHUNG PO'I BDUD BTUL BA'I CHED DU SKU TSE'I 'DU BYED BTANG LA, DE'I TSE BYIN GYIS MA RLABS NA GRONG BAR 'GYUR BAS 'CHI BDAG GI BDUD BTUL PA'I CHED DU SKU TSE BYIN GYIS RLABS PA GNYIS @074A *, ,KA DUS GCIG TU MJID PAR GSUNGS PA'I PHYIR, DE DAG TU BA LTA BAR BYA'O, ,SANGS RGYAS DANG DGRA BCOM PA RNAMS SKU TSE YUN RING DU GNAS PAR BYI NA GYIS RLABS PA'I DGOS PA YOD DE, GZHAN LA PHAN PAR BYA BA'I PHYIR DANG, BSTAN PA YUN RING DU GNAS PAR BYA BA'I CHED DU YIN PA'I PHYIR RO,, 'DIR SMRAS PA, THUB BSTAN CHU SREL SKE RAGS CAN GYI LTOR, ,ZUR MTSAN JINTU PA LA 'KHRUNGS PA NA, ,GSAR BSHAD LCING KYIS RGYA MTSOR BYING DOGS NAS, ,THIG LE DRUG PA GLOS 'THUNG GZUGS KYIS BTEG ,CES PA NI SKABS BZHI PA'I ZUR MTSAN BYAS ZIN TO,, ,,