@001A *, ,RNAM 'GREL GYI THAL 'PHRENG MKHAS PA MGU BA'I RGYAN RIGS PA'I 'PHRENG BA LAS LE'U GSUM PA'I MTHA' DPYOD BZHUGS SO,, @001 *, ,GZHAL BYA GNYIS PHYIR TSAD MA GNYIS, ,ZHES PA'I SKABS SU, KHA CIG NA RE, TSAD MA YIN NA MNGON RJES GANG RUNG YIN PAS KHYAB PA DANG, MNGON RJES GNYIS KYI BAR NA, GZHAN TSAD MA PHUNG GSUM PA MED PA DANG, DE GNYIS KYI BAR NA, DGAG PHYOGS DANG, SGRUB PHYOGS KYI PHUNG GSUM PA MED PA DANG, TSAD MA LA MNGON RJES GNYIS SU DBYER YOD, DE LAS MANG MI DGOS SHING, DE LAS NYUNG NA MI 'DU BA SOGS, GRANGS NGES KYI DON YIN ZHING, TSAD MA NI PHUNG GSUM PA YIN TE, TSAD MA LA MNGON RJES GNYIS SU GRANGS NGES, DE MNGON RJES GANG RUNG MA YIN PA'I TSAD MA YIN PA'I PHYIR, ZHES GSUNGS, TSAD MA YIN NA, MNGON RJES GANG RUNG YIN PAS KHYAB PA CHOS CAN, YOD PAR THAL, TSAD MA LA MNGON RJES GNYIS SU GRANGS NGES PA'I DON YIN PA'I PHYIR, 'DOD NA, TSAD MA CHOS CAN, DER THAL, DE'I PHYIR, LAN GDAB PAR MI NUS TE, TSAD MA LA MNGON RJES GNYIS SU GRANGS NGES PA'I PHYIR, 'DIS NI, SO SO SKYE BO'I RGYUD KYI TSAD MA LTA BU, TSAD MA'I KHYAD PAR LA MNGON RJES GNYIS SU GRANGS NGES PAR 'DOD @002A *, ,PA YANG LEGS PAR GSAL LO, ,MNGON RJES GNYIS KYI BAR NA GZHAN TSAD MA PHUNG GSUM PA MED PAR THAL, DE MED PA DE GRANGS NGES KYI DON YIN PA'I PHYIR, 'DOD NA, RJES DPAG PHUNG GSUM PA MED PAR THAL, 'DOD PA'I PHYIR, 'DOD NA, TSAD MA PHUNG GSUM PA MED PAR THAL, 'DOD PA'I PHYIR, RTZA BA'I GTAN TSIGS DNGOS, GSAL BA RNAMS KHAS, RJES DPAG DE RJES DPAG PHUNG GSUM PA YIN PAR THAL, RJES SU DPAG PA'I TSAD MA LA GSUM DU GRANGS NGES PA GANG ZHIG ,RJES DPAG DE GSUM PO GANG RUNG MA YIN PA'I RJES DPAG YIN PA'I PHYIR, GZHAL BYA PHUNG PO GSUM PA YOD PAR THAL, TSAD MA PHUNG PO GSUM PA YOD PA'I PHYIR, GZHAN YANG, TSAD MA CHOS CAN, TSAD MA PHUNG PO GSUm PA MA YIN PAR THAL, MNGON RJES GNYIS LA RJES SU 'GRO BA'I PHYIR, TSAD MA PHUNG GSUM PA MED PAR THAL; MNGON RJES GNYIS KYI BAR NA, DGAG PHYOGS DANG SGRUB PHYOGS KYI PHUNG GSUM PA MED PA'I PHYIR TE, TSAD MA LA MNGON SUM GYI TSAD MA DANG RJES SU DPAG PA'I TSAD MA GNYIS SU GRANGS NGES PA'I @002B PHYIR; KHA CIG NA RE, SNGON 'DZIN DBANG PO'I MNGON SUM CHOS CAN, MNGON SUM KYI TSAD MA YIN TE, KHYOD TSAD MA YIN, KHYOD YIN SRID, KHYOD KYI NANG TSAN DU GYUR PA'I RJES DPAG MED PA'I PHYIR, SGRA MI RTAG RTOGS KYI RJES DPAG CHOS CAN, RJES DPAG TSAD MA YIN TE, KHYOD TSAD MA YIN, KHYOD YIN SRID, KHYOD KYI NANG TSAN DU GYUR PA'I MNGON SUM MI SRID PA'I PHYIR, ZHES GSUNGS, 'DI LA KHA CIG RJES DPAG MA YIN PA'I TSAD MA CHOS CAN, MNGON SUM DU THAL, KHYOD TSAD MA YIN, KHYOD YIN SRID, KHYOD KYI NANG TSAN DU GYUR PA'I RJES DPAG MED PA'I PHYIR, MNGON SUM MA YIN PA'I TSAD MA CHOS CAN, RJES DPAG TU THAL, KHYOD TSAD MA YIN KHYOD YIN SRID, KHYOD KYI NANG TSAN DU GYUR PA'I MNGON SUM MI SRID PA'I PHYIR, ZHES ZER, 'O NA; RJES DPAG MA YIN PA'I TSAD MA CHOS CAN, KHYOD KYI NANG TSAN DU GYUR PA'I RJES DPAG TSAD MA YOD PAR THAL, KHYOD KYI NANG TSAN DU GYUR PA'I MNGON RJES GNYIS KA YOD PA'I PHYIR TE, MNGON RJES GNYIS KHYOD KYI NANG TSAN YIN PA'I PHYIR TE, DE GNYIS KHYOD KYI BYE BRAG YIN PA'I PHYIR, YANG NA, DE CHOS CAN, KHYOD KYI BYE BRAG TU GYUR PA'I RJES DPAG YOD PAR THAL, KHYOD KYI BYE BRAG TU GYUR PA'I MNGON RJES GNYIS KA YOD PA'I PHYIR, DER THAL, DE GNYIS KA KHYOD KYI BYE BRAG YIN PA'I PHYIR, 'DOD NA, RJES DPAG MA YIN PA'I RJES DPAG YOD PAR THAL, 'DOD PA'I PHYIR, 'KHOR GSUm KHAS, TSUR MTHONG GI RGYUD KYI GANG ZAG GI BDAG MED RTOGS PA'I TSAD MA CHOS CAN, RJES DPAG TU THAL, KHYOD TSAD MA YIN, KHYOD YIN SRID, KHYOD KYI NANG TSAN DU GYUR PA'I MNGON SUM MI SRID PA'I PHYIR, RTAGS RNAMS GRUB PAR THAL,@003A *, ,TSUR MTHONG GI RGYUD LA GANG ZAG GI BDAG MED PAR RTOGS PA'I MNGON SUM MED PA'I PHYIR, 'DOD NA, DE MA YIN PAR THAL, TSUR MTHONG GI RGYUD KYI TSAD MA DES GANG ZAG GI BDAG MED PAR RTOGS PA'I PHYIR, GZHAN YANG; GANG ZAG GI BDAG MED DNGOS SU RTOGS PA'I TSAD MA CHOS CAN, RJES DPAG YIN PAR THAL, KHYOD TSAD MA YIN, ,KHYOD YIN SRID, KHYOD KYI NANG MTSAN DU GYUR PA'I MNGON SUM MED PA'I PHYIR, RTAGS GRUB PAR THAL, GANG ZAG GI BDAG MED DNGOS SU RTOGS PA'I MNGON SUM MI SRID PA'I PHYIR, DER THAL, MNGON SUM GYI SNANG YUL YIN NA, RANG MTSAN YIN DGOS PA'I PHYIR TE, RNAL 'BYOR MNGON SUM GYI SNANG YUL YIN NA RANG MTSAN YIN DGOS PA'I PHYIR, RNAL 'BYOR RNAMS KYI BLA MAS BSTAN, ,MA 'DRES PA YI DON TZAM MTHONG, ,ZHES PA'I DON GRUB PA'I PHYIR, ,GZHAN YANG, MNGON SUM GYI SNANG YUL LA RANG MTSAN GYIS KHYAB PAR THAL, MED LA DBANG SKYES BLO MIN TE, ,DON GYI STOBS LAS SKYES PA'I PHYIR, ,ZHES DANG, SGRO 'DOGS SPYOD YUL CAN BLO DAG ,'GA' ZHIG DE LAS SKYE 'GYUR GYI, ,DON GYI SPYOD YUL CAN MA YIN, ,ZHES PA'I DON SGRUB PA'I PHYIR, MNGON SUM GYI SNANG YUL YIN NA, RANG MTSAN YIN DGOS TE, DE YIN NA SPYI MTSAN MA YIN DGOS PA'I PHYIR TE, RJES DPAG GI SNANG YUL YIN NA RANG MTSAN MA YIN DGOS PA'I PHYIR, DE LA GANG ZAG GI BDAG MED RTOGS PA'I RNAL 'BYOR MNGON GSUM MED PAR THAL, GANG ZAG GI BDAG MED GSAL BAR SNANG BA'I MNGON GSUM MED PA'I PHYIR ZHE NA, MA KHYAB PAR THAL, GANG ZAG GI BDAG MED RTOGS PA'I RNAL 'BYOR MNGON SUM GYI TSAD MA DE LA GANG ZAG GI BDAG GIS DBEN PA'I 'DU BYED KYI PHUNG PO TZAM GSAL @003B BAR SNANG BA'I PHYIR, KHA CIG NA RE, GANG ZAG GI BDAG GIS DBEN PA'I 'DU BYED KYI PHUNG PO GSAL BAR SNANG BA LTA BU DE, RNAL 'BYOR MNGON SUM SGRUB BYED KYI RIGS PA LA BRTEN NAS THOB DGOS PAR THAL, GANG ZAG GI BDAG MED RTOGS PA'I RNAL 'BYOR MNGON SUM DE LA GANG ZAG GI BDAG GIS DBEN PA'I 'DU BYED KYI PHUNG PO TZAM GSAL BAR SNANG BA'I PHYIR ZHE NA, MA KHYAB PAR THAL, GANG ZAG GI BDAG GIS DBEN PA'I 'DU BYED KYI PHUNG PO GSAL BAR SNANG BA'I SGO NAS, GANG ZAG GI BDAG MED MNGON SUM DU RTOGS PA, RNAL 'BYOR MNGON SUM RGYUD LDAN GYI GANG ZAG KHO NA LA YOD PA'I PHYIR, SO SKYE'I RGYUD LA GANG ZAG GI BDAG GIS DBEN PA'I 'DU BYED KYI PHUNG PO GSAL BAR SNANG BA YOD KYANG, GANG ZAG GI BDAG MED RTOGS PA'I MNGON SUM GYI TSAD MA TSUR MTHONG GI RGYUD LA MED PA'I PHYIR, GTAN TSIGS DANG PO GRUB STE, 'DU BYED KYI PHUNG PO DANG, GANG ZAG GI BDAG GIS DBEN PA'I 'DU BYED KYI PHUNG PO GNYIS YUL DUS RANG BZHIN GANG LA LTOS KYANG GRUB BDE RDZAS GCIG GANG ZHIG ,'DU BYED KYI PHUNG PO GSAL BAR SNANG BA'I TSUR MTHONG GI MNGON SUM YOD PA'I PHYIR, TSUR MTHONG GI RGYUD LA GANG ZAG GI BDAG MED PAR RTOGS PA'I MNGON SUM TSAD MA MED PAR THAL, GANG ZAG GIS BDAG MED PAR RTOGS PA'I MNGON SUM TSAD MA DANG POR THOB PA DANG MTHONG LAM THOB PA DUS MNYAM PA'I PHYIR, DE LA TSUR MTHONG GI RGYUD KYI GANG ZAG GI BDAG MED RTOGS PA'I TSAD MA NYAMS SU MYONG BA'I RANG RIG MNGON SUM GYI TSAD MA CHOS CAN, GANG ZAG GI BDAG MED RTOGS PAR THAL, TSUR MTHONG GI RGYUD KYI GANG ZAG GI BDAG MED RTOGS PA'I TSAD MA DE NYID RTOGS PA'I PHYIR, MA GRUB NA, @004A *, ,DE CHOS CAN, KHYOD MYONG RANG RIG MNGON SUM GYI TSAD MA DES KHYOD RTOGS PAR THAL, KHYOD TSAD MA YIN PA'I PHYIR, ZHE NA, TSUR MTHONG GI RGYUD KYI GANG ZAG GI BDAG MED PAS KHYAD PAR DU BYAS PA'I TSAD MA CHOS CAN; DER THAL, DE'I PHYIR, 'DOD MI NUS TE, GANG ZAG GI BDAG MED PAS KHYAD PAR DU BYAS PA'I TSAD MA DE, TSUR MTHONG GI RGYUD KYI TSAD MA GANG ZAG GI BDAG MED DU SGRUB PA'I GZHAN DON SGRUB BYA YANG DAG YIN PA'I PHYIR, RTAGS GSAL KHAS, TSUR MTHONG GI RGYUD KYI SNGON 'DZIN DBANG PO'I MNGON SUM NYAMS SU MYONG BA'I RANG RIG MNGON SUM TSAD MA CHOS CAN, SNGON PO RTOGS PA'I TSAD MA MA YIN PAR THAL, KHYOD TSUR MTHONG GI RGYUD KYI KHA NANG KHO NAR PHYOGS PA'I RIG PA YIN PA'I PHYIR, KHYAB PAR THAL, PHYI ROL GYI DON RTOGS PA'I TSUR MTHONG GI RGYUD KYI TSAD MA YIN NA, KHA PHYI ROL LA PHYOGS DGOS, DE YIN NA, KHA NANG KHO NAR PHYOGS PA 'GAL BA'I PHYIR, ,BUM PA TSAD MAS MA DMIGS PA'I RTAGS KYIS BUM PAS DAG PA'I SA PHYOGS NA BUM PA MED PAR SGRUB PA'I PHYOGS CHOS DE, TSUR MTHONG GI RGYAD KYI RANG RIG GIS MA RTOGS PAR THAL, SNGON 'DZIN DBANG PO'I MNGON SUM NYAMS SU MYONG BA'I RANG RIG MNGON SUM DES SNGON PO MA RTOGS PA'I PHYIR ZHE NA, MA KHYAB PAR THAL, DE GNYIS LA PHYI ROL GYI SNGON PO RTOGS MA RTOGS KYI KHYAD PAR YOD PA'I PHYIR, YANG KHA CIG NA RE, TSUR MTHONG GI RGYUD KYI MNGON SUM GYI YUL CHOS CAN, RANG MTSAN DU THAL, TSUR MTHONG GI MNGON SUM GYI SNANG YUL YIN PA'I PHYIR, MA GRUB NA DER THAL, TSUR MTHONG GI RGYUD KYI MNGON SUM LA KHYOD KYI RNAM PA SHAR BA'I PHYIR, MA GRUB NA, TSUR @004B MTHONG GI RGYUD KYI MNGON SUM CHOS CAN, KHYOD LA RANG YUL GYI RNAM PA SHAR BAR THAL, KHYOD GZUNG RNAM DANG 'DZIN RNAM GYI TSUL GNYIS PA CAN GYI SHES PA YIN PA'I PHYIR TE, DRAN SHES CAN GYI SHES PA YIN PA'I PHYIR, YANG KHA CIG NA RE, TSUR MTHONG GI RGYUD KYI MNGON SUM CHOS CAN, KHYOD KYI SNANG YUL RANG MTSAN MA YIN PAR THAL, KHYOD KYI YUL RANG MTSAN MA YIN PA'I PHYIR ZHE NA, TSUR MTHONG GI RGYUD KYI MNGON SUM GYI SNANG YUL GZHAL BYA RANG MTSAN DU THAL, TSUR MTHONG GI MNGON SUM GYIS SPYI MTSAN SNANG YUL DU MI BYED PA'I PHYIR, MA GRUB NA, ,TSUR MTHONG GI RGYUD KYI MNGON SUM CHOS CAN, RANG YUL GSAL BAR SNANG BA'I BLO MA YIN PAR THAL, SPYI MTSAN SNANG YUL DU BYED PA'I BLO YIN PA'I PHYIR TE, BLO THA DAD PA'ANG RNYED PAR DKA', ZHES PA'I LUNG DON GRUB PA'I PHYIR, KHO NA RE, RNAM MKHYEN CHOS CAN, SHES BYA THAMS CAD MNGON SUM DU MTHONG BA LA GEGS BYED KYI SGRIB PA MA SPANGS PAR THAL SHES BYA THAMS CAD MNGON SUM DU RTOGS PA MI SRID PA'I PHYIR, DER THAL, THAMS CAD GSAL BAR SNANG BA MI SRID PA'I PHYIR, 'DOD NA, SGRIB PA MA LUS PAR SPANGS PA MA YIN PAR THAL, 'DOD PA'I PHYIR, KHYAB PAR THAL, SHES BYA THAMS CAD MNGON SUM DU RTOGS PA LA GEGS BYED KYI SGRIB PA YOD PA'I PHYIR TE, GOMS PHYIR MA LUS SPANGS PA NYID, ,CES DANG, LAM BSHAD MI GSAL NYID LUS YIN, ,ZHES PA'I DON GRUB PA'I PHYIRO, ,GZHAN YANG SANGS RGYAS 'PHAGS PA DANG, NYAN RANG DGRA BCOM PA RNAMS YUL RTOGS TSUL MTSUNGS PAR THAL, SANGS RGYAS 'PHAGS PAS SHES BYA THAMS CAD MNGON SUM DU RTOGS PA LA GEGS BYED KYI SGRIB PA MA SPANGS PA'I PHYIR, @005A *, ,DER THAL, SANGS RGYAS 'PHAGS PAS SHES BYA THAMS CAD MNGON SUM DU MA RTOGS PA'I PHYIR, DER THAL, DE'I RGYUD LA SHES BYA THAMS CAD DNGOS SU RTOGS PA'I BLO MED PA'I PHYIR, MA GRUB NA, DE'I RGYUD KYI SHES BYA THAMS CAD DNGOS SU RTOGS PA'I BLO CHOS CAN, SHES BYA THAMS CAD SNANG YUL DU BYED PAR THAL, SHES BYA THAMS CAD DNGOS SU RTOGS PA'I BLO GANG ZHIG ,MNGON SUM YIN PA'I PHYIR, 'DOD NA SHES BYA THAMS CAD CHOS CAN, RANG MTSAN DU THAL, MNGON SUM GYI SNANG YUL YIN PA'I PHYIR, SHES SGRIB YOD PAR THAL, SHES BYA THAMS CAD DNGOS SU RTOGS PA LA GEGS BYED KYI SGRIB PA YOD PA'I PHYIR, ZHES ZER BA RNAMS NI, MDO SDE PA'I LUGS LA, SHES SGRIB KYI RNAM GZHAG YOD PAR 'DOD PA DANG, MED PAR 'DOD PA'I LUGS GNYIS SNANG BA'I DPYAD PAR BYA'O, ,SBYOR BA'I 'GOD TSUL LA TSAD MA LA MNGON RJES GNYIS SU GRANGS NGES TE, TSAD MA'I SNANG YUL GYI GZHAL BYA LA RANG SPYI GNYIS SU GRANGS NGES PA'I PHYIR, KHYAB STE, RANG MTSAN SNANG YUL DU BYED PA'I TSAD MA LA MNGON SUM GYIS KHYAB SPYI MTSAN SNANG YUL DU BYED PA'I TSAD MA LA RJES DPAG GIS KHYAB PA'I PHYIR, CE NA, TSAD MA CHOS CAN, MNGON SUM YIN PAR THAL; RANG MTSAN SNANG YUL DU BYED PA'I TSAD MA YIN PA'I PHYIR, MA GRUB NA, RANG MTSAN TSAD MA'I SNANG YUL YIN PA 'BUD, 'DOD NA, TSAD MA CHOS CAN, RJES DPAG TU THAL, SPYI MTSAN SNANG YUL DU BYED PA'I TSAD MA YIN PA'I PHYIR, MNGON SUM LA TSAD MAS KHYAB PAR THAL, TSAD MA LA MNGON RJES GNYIS SU GRANGS NGES PA'I PHYIR, CHOS DE LA RJES SU DPAG PA'I TSAD MA YIN NA, CHOS DE LA RJES DPAG YIN PAS KHYAB PAR THAL, TSAD MA LA MNGON RJES GNYIS SU GRANGS NGES @005B PA'I PHYIR, 'DOD NA, SGRA MI RTAG RTOGS KYI RJES DPAG CHOS CAN, SGRA RTAG PA MA YIN PA LA RJES DPAG TU THAL, DE LA RJES SU DPAG PA'I TSAD MA YIN PA'I PHYIR, 'DOD NA, DE LA RTOG PAR THAL, 'DOD PA'I PHYIR, 'DOD NA, DE'I DON SPYI SNANG YUL DU BYED PAR THAL, 'DOD NA, DE'I RNAM PA SHAR BAR THAL, 'DOD PA'I PHYIR, KHA CIG NA RE, CHOS DE'I DON SPYI SNANG YUL DU BYED PA'I BLO YIN NA, CHOS DE'I RNAM PA SHAR BA'I KHYAB BO ZHES ZER, 'O NA, TSAD MA CHOS CAN, SGRA RTAG PA'I RNAM PAR SHAR BAR THAL, DE'I DON SPYI SNANG YUL DU BYED PA'I TSAD MA YIN PA'I PHYIR TE, SGRA RTAG PA'I DON SPYI DE TSAD MA'I SNANG YUL YIN PA'I PHYIR TE, DE GZHI GRUB PA'I PHYIR, RTZA BAR 'DOD NA, TSAD MA CHOS CAN, LOG SHES SU THAL, SGRA RTAG PA'I RNAM PA CAN GYI BLO YIN PA'I PHYIR, YANG KHA CIG NA RE, TSAD MA LA MNGON SUM GYI TSAD MA DANG, RJES SU DPAG PA'I TSAD MA GNYIS SU NGES TE, TSAD MA'I SNANG YUL GYI GZHAL BYA LA RANG MTSAN DANG SPYI MTSAN GNYIS SU GRANGS NGES PA'I PHYIR, KHYAB STE, RANG MTSAN SNANG YUL DU BYED CING, SPYI MTSAN SNANG YUL DU MI BYED PA'I TSAD MA LA, MNGON SUM GYIS KHYAB, SPYI MTSAN SNANG YUL DU BYED CING RANG MTSAN SNANG YUL DU MI BYED PA'I TSAD MA LA, RJES DPAG GIS KHYAB PA'I PHYIR ZHE NA, MNGON RJES GNYIS CHOS CAN, RJES DPAG TU THAL, SPYI MTSAN SNANG YUL DU BYED CING, RANG MTSAN SNANG YUL DU MI BYED PA'I TSAD MA YIN PA'I PHYIR, RTAGS PHYI MA GRUB PAR THAL, RJES DPAG GI SNANG YUL DU GYUR PA'I RANG MTSAN MED PA'I PHYIR, GTAN TSIGS DANG PO GRUB PAR THAL, MNGON RJES GNYIS LA SNANG YUL YOD, MNGON RJES GNYIS KYI SNANG YUL DU GYUR PA'I RANG MTSAN MED PA'I PHYIR, 'DI'I GTAN TSIG DANG PO @006A *, ,GRUB PAR THAL, DE'I SNANG YUL GYI GZHAL BYA YOD PA'I PHYIR TE, DE'I DNGOS KYI GZHAL BYA YOD PA'I PHYIR, MNGON SUM GYI SNANG YUL DU GYUR PA'I SPYI MTSAN YOD PAR THAL, MNGON RJES GNYIS KYI SNANG YUL DU GYUR PA'I SPYI MTSAN YOD PA'I PHYIR, ZHE NA, TSUR MTHONG GI MIG SHES KYI SNANG YUL DU GYUR PA'I SGRA YOD PAR THAL, TSUR MTHONG GI MIG GI SHES PA DANG, RNA BA'I RNAM PAR SHES PA GNYIS KA'I SNANG YUL DU GYUR PA'I SGRA YOD PA'I PHYIR TE, DE GNYIS KYI SNANG YUL DU GYUR PA'I GZUGS SGRA YOD PA'I PHYIR TE, GZUGS SGRA GNYIS PO DE, DE'I SNANG YUL YIN PA'I PHYIR TE, DE GNYIS KYI SNANG YUL DE GNYIS KYI SNANG YUL YIN PA'I PHYIR, RANG MTSAN DNGOS SU RTOGS SHING, SPYI MTSAN SHUGS LA RTOGS PA'I TSAD MA CHOS CAN; MNGON SUM YIN PAR THAL, RANG MTSAN SNANG YUL DU BYED CING, SPYI MTSAN SNANG YUL DU MI BYED PA'I TSAD MA YIN PA'I PHYIR TE, CHOS CAN DE NYID YIN PA'I PHYIR, 'DOD NA, RANG MTSAN DNGOS RTOGS KYI TSAD MA MNGON SUM DU THA; 'DOD PA'I PHYIR, 'DOD NA, TSAD MA MNGON SUM DU THAL LO, ,RJES DPAG GI SNANG YUL CHOS CAN, KHYOD RTOGS PA'I TSAD MA LA MNGON SUM GYI TSAD MA DANG, RJES SU DPAG PA'I TSAD MA GNYIS SU GRANGS NGES PAR THAL, KHYOD RTOG PA'I TSAD MA'I SNANG YUL GYI GZHAL BYA LA, RANG SPYI GNYIS SU NGES PA'I PHYIR, KHYAB PA KHAS, 'DOD NA, RJES DPAG GIS RANG GI SNANG YUL MA RTOGS PA 'BUD, MKHAS PA KHA CIG NA RE, TSAD MA'I SNANG YUL GYI GZHAL BYA LA RANG SPYI GNYIS SU GRANGS NGES NA, TSAD MA LA MNGON SUM GYI TSAD MA DANG RJES SU DPAG PA'I TSAD MA GNYIS SU GRANGS NGES PAS KHYAB STE, RANG MTSAN SNANG YUL DU BYAS PA'I SGO NAS MYONG STOBS KYI SGRO 'DOGS GCOD PA'I TSAD @006B MA YIN NA, MNGON SUM YIN PAS KHYAB, SPYI MTSAN SNANG YUL DU BYAS PA'I SGO NAS RTAGS STOBS KYI SGRO 'DOGS GCOD PA'I TSAD MA LA RJES DPAG GIS KHYAB PA'I PHYIR, ZHE NA, MNGON SUM GYI TSAD MA YIN NA, RANG GI SNANG YUL DU GYUR PA'I RANG MTSAN LA TSANG MA YIN PAS KHYAB PAR THAL, SBYOR BA DE 'THAD PA'I PHYIR, 'DOD NA, DBU MA THAL 'GYUR BA'I RGYUD KYI BUM 'DZIN DBANG MNGON CHOS CAN, DER THAL, DE'I PHYIR, 'DOD NA, DES BUm PA RANG MTSAN DU RTOGS PAR THAL, 'DOD PA'I PHYIR, 'DOD NA, DES BUM PA DON DAM PAR DON BYED NUS PAR RTOGS PAR THAL, 'DOD PA'I PHYIR, 'DOD MI NUS TE, DBU MA THAL 'GYUR BA DE, GAL TE THAMS CAD NUS MED NA, ,ZHES PA'I PHYOGS SNGA SMRA BA PO YIN PA'I PHYIR, KHA CIG NA RE, TSAD MA LA MNGON SUM GYI TSAD MA DANG, RJES SU DPAG PA'I TSAD MA GNYIS SU GRANGS MA NGES PAR THAL, TSAD MA YIN NA MNGON RJES GANG RUNG YIN PAS MA KHYAB PA'I PHYIR ZHE NA, DE SGRUB KYI DNGOS KYI BSGRUB BYA'I CHOS SU BZUNG BYA LA DGAG SGRUB GANG RUNG DU GRANGS NGES PAR THAL, DE SGRUB KYI DGAG BYA'I CHOS SU BZUNG BYA LA DGAG SGRUB GANG RUNG DU GRANGS MA DES PA'I PHYIR, MA GRUB NA DE YIN NA DGAG SGRUB GANG RUNG YIN PAS KHYAB PAR THAL, GTAN TSIGS MA GRUB PA DE'I PHYIR, KHYAB PA KHAS, 'DOD NA, GANG ZAG GI BDAG CHOS CAN, DGAG SGRUB GANG RUNG DU THAL, RNAM SHES GANG ZAG GI BDAG MA YIN PAR SGRUB PA'I DGAG BYA'I CHOS SU BZUNG BYA YIN PA'I PHYIR, 'DOD NA, DE SGRUB KYI DNGOS KYI BSGRUB BYA'I CHOS SU BZUNG BYA YIN NA, DGAG SGRUB GANG RUNG YIN PAS KHYAB PAR THAL, 'DOD PA'I PHYIR, @007A *, ,'DOD NA, GANG ZAG GI BDAG CHOS CAN, DGAG SGRUB GANG RUNG DU THAL, RNAM SHES GANG ZAG GI BDAG YIN PAR SGRUB PA'I DNGOS KYI SGRUB BYA'I CHOS SU BZUNG BYA YIN PA'I PHYIR, GZHAN YANG BRJOD PAR BYA BA MANG STE SHES PAR SLA'O, ` DON DAM DON BYED NUS PA GANG ZHES PA'I SKABS SU, DON DAM PAR DON BYED NUS PA'I CHOS RANG MTSAN GYI MTSAN NYID, DE LTAR MI NUS PA'I CHOS SPYI MTSAN GYI MTSAN NYID, YUL DUS RANG BZHIN MA 'DRES PAR GNAS PA'I DNGOS PO RANG MTSAN GYI MTSAN NYID, YUL DUS MTHUN MONG DU RJES 'GRO BYED PA'I CHOS SPYI MTSAN GYI MTSAN NYID, BYE BRAG MED PA'I DNGOS PO, RANG MTSAN GYI MTSAN NYID, RANG GI GSAL BA RNAMS LA RJES SU 'GRO BA'I CHOS SPYI MTSAN GYI MTSAN NYID, ,SPYI DANG SPYI MTSAN YIN KHYAB MNYAM YIN NO ZHES ZER, KHA CIG NA RE, BUM PA CHOS CAN, DON DAM PAR DON BYED NUS PAR THAL, RANG MTSAN YIN PA'I PHYIR, 'DOD NA, BUM PA CHOS CAN, DON DAM PAR DON BYED NUS PA MA YIN PAR THAL, BDEN PAR MED PA'I PHYIR TE, ,YAN LAG TSOGS TZAM GYI KUN RDZOB PA YIN PA'I PHYIR TE, YAN LAG CAN YIN PA'I PHYIR, GZHAN YANG BUM PA DE DON DAM PAR MA GRUB PAR THAL, BUM PA DANG CHU LA SOGS PA KUN RDZOB TZAM DU YOD PA'I PHYIR TE, MDZOD LAS, GANG LA BCOM DANG BLO YIS GZHAN, BSAL NA DE BLO MI 'JUG PA, BUM CHU BZHIN DU KUN RDZOB TU, YOD DE DON DAM YOD GZHAN NO, ,ZHES 'BYUNG BA'I PHYIR RO, ,GZHAN YANG, BUM PA KUN RDZOB PA'I DNGOS PO YIN PAR THAL, KUN RDZOB PA YI DNGOS RNAMS LA, DE NYID GZHAN NYID 'GOG PAR 'GYUR ZHES BSHAD PA'I PHYIR ZHE NA, RDUL PHRA RAB @007B DE BDEN PAR GRUB PAR THAL, DON DAM YOD GZHAN NO, ,ZHES BSHAD PA'I PHYIR, 'DOD NA RDUL PHRA RAB CHOS CAN, DE MA YIN PAR THAL, YAN LAG TSOGS TZAM GYI KUN RDZOB PA YIN PA'I PHYIR TE, YAN LAG CAN YIN PA'I PHYIR KHYAB PA KHAS, GZHAN YANG, BYAS MI RTAG THA DAD KUN RDZOB PA'I DNGOS POR THAL, KUN RDZOB PA YI DNGOS RNAMS LA, ZHES BSHAD PA'I PHYIR, KHYAB PA KHAS, 'DOD NA, 'O NA, DNGOS POR THAL, KUN RDZOB PA'I DNGOS PO YIN PA'I PHYIR, KHYAB PAR THAL, BUM PA DE KUN RDZOB PA'I DNGOS POR RIGS PA'I PHYIR, SA BON GYI MYU GU SKYED PA'I NUS PA CHOS CAN, YAN LAG TSOGS TZAM GYI KUN RDZOB PAR THAL, YAN LAG CAN YIN PA'I PHYIR, 'DOD NA, BDEN PAR MED PAR THAL, 'DOD PA'I PHYIR, 'DOD NA, SA BON GYIS, RANG NGOS NAS MYU GU MI SKYED PAR THAL, 'DOD PA'I PHYIR, 'DOD NA SA BON GYI MYU GU MI SKYED PAR THAL, 'DOD PA GANG ZHIG ,SA BON GYIS GZHAN BUM SNI SOGS KYIS NGOS NAS MYU GU MI SKYED PA'I PHYIR, DON DAM PAR DON BYED NUS PA'I LDOG PA CHOS CAN, RANG MTSAN DU THAL, DON DAM PAR DON BYED NUS PA'I CHOS YIN PA'I PHYIR, DER THAL DE'I MTHUN MONG MA YIN PA'I CHOS YIN PA'I PHYIR TE, DE RTAG PAR SGRUB PA'I MTHUN MONG MA YIN PA'I MA NGES PA'I GTAN TSIGS YIN PA'I PHYIR, 'DI'I KHYAB PA DANG RTAGS RNAMS KHAS, 'DOD NA RTAG PA MA YIN PAR THAL, 'DOD PA'I PHYIR, SLOB DPON SENG GE BZANG PO CHOS CAN, BUM PA SOGS DON DAM PAR DON BYED NUS PAR RTOGS PAR THAL, BUM PA SOGS RANG MTSAN DU RTOGS PA'I PHYIR TE, DE RANG MTSAN DU KHAS LEN PA'I RGOL BA RTOGS LDAN@008A *, (,YIN PA'I PHYIR TE, DE RANG GI MTSAN NYID KYI GRUB PAR KHAS BLANG PA'I RGOL BA RTOt LDAN YIN PA'I PHYIR, 'DOD NA, MA YIN PAR THAL, NGO BO NYID MED PAR SMRA BA'I GANG ZAG YIN PA'I PHYIR,) RTZA BAR MA KHYAB NA, MTSAN NYID 'THAD PAR 'BUD, LTO LDIR BA CHOS CAN, DON DAM PAR DON BYED NUS PAR THAL, RANG MTSAN YIN PA'I PHYIR, 'DOD NA DES DON DAM PAR BUM PA 'JOG NUS PAR THAL LO, ,'DOD NA, DE DON DAM PAR BUM PA'I MTSAN NYID DU THAL, 'DOD PA DE'I PHYIR, 'DOD NA, BUM PA DANG RDZAS THA DAD YIN PAR THAL, DON DAM PAR BUM PA DANG BYA BYED YIN PA'I PHYIR, RTAGS KHAS, KHYAB PAR THAL, DON DAM PAR BUM PA DANG BYA BYED YIN NA, LTO LDIR BA BUM PA DANG BYA BYED YIN PA'I CHA BDEN PAR GRUB DGOS PA'I PHYIR, GZHAN YANG, PHUNG PO LA SOGS BYE BRAG GI, ZHES SOGS DANG, BDAG NYID BYE PO MIN NA YANG, ZHES SOGS DANG THA DAD 'DOD PA'I DNGOS RNAMS LA, SGRO 'DOGS PAS NI 'JUG PHYIR RO, ,ZHES SOGS KYI LUNG DON MA GRUB PAR THAL, LTO LDIR BA DE DON DAM PAR BUM PA'I 'JOG BYED YIN PA'I PHYIR, GZHAN YANG, BUM PA ZHES PA'I NGAG DE, DON DAM PAR BUM PA'I DNGOS MING DU THAL, LTO LDIR BA DE DON DAM PAR BUM PA'I 'JOG BYED YIN PA'I PHYIR, 'DOD NA, BUM PA ZHES PA'I NGAG LA BRTEN NAS BUM PA GO BA BRDA LA MI LTOS PAR THAL, 'DOD PA'I PHYIR, 'DOD NA, SGRA RTOG YUL LA DNGOS DBANG GIS 'JUG PAR THAL, 'DOD PA'I PHYIR ZHES PA 'KHRI 'TSUL LO, ,GZHI DE'I CHOS YIN NA, GZHI DE YIN PAS KHYAB PAR THAL, DON DAM PAR DON BYED MI NUS PA'I CHOS YIN NA, DON DAM PAR DON BYED MI NUS PA YIN DGOS PA'I PHYIR, 'DOD NA, NYAN THOS 'PHAGS PA'I @008B RGYUD KYI THAR PA DON GNYER GYI BLO CHOS CAD, NYAN THOS YIN PAR THAL, NYAN THOS KYI CHOS YIN PA'I PHYIR, THEG CHEN SEMS BSKYED CHOS CAN, SANGS RGYAS SU THAL, SANGS RGYAS KYI CHOS YIN PA'I PHYIR, DNGOS PO CHOS CAN; SPYI MTSAN DU THAL, YUL DUS MTHUN MONG DU RJES 'GRO BYED PA'I CHOS YIN PA'I PHYIR TE, DUS GSUM PO KHYOD KYI BYE BRAG YIN PA'I PHYIR, RTAGS GRUB PAR THAL, DUS GSUM PO DNGOS PO YIN PA'I PHYIR, KHO NA RE, 'DAS MA 'ONG DNGOS POR THAL, DUS GSUM DNGOS PO YIN PA'I PHYIR ZHE NA, MA KHYAB PAR THAL, 'DAS PA DANG, DE'I DUS 'GAL BA'I PHYIR, YANG NA, BUM PA'I DON SPYI CHOS CAN, YUL DUS MTHUN MONG DU RJES 'GRO BYED PAR THAL, SPYI MTSAN YIN PA'I PHYIR TE, RTAG PA YIN PA'I PHYIR, 'DOD NA, DE RNAMS KYI SPYI YIN PAR THAL, 'DOD PA'I PHYIR, BYE BRAG MED PA'I DNGOS PO CHOS CAN, RANG MTSAN DU THAL, BYE BRAG MED PA'I DNGOS PO YIN PA'I PHYIR, RTAGS DNGOS, 'DOD NA, 'GRIG ,SPYI MTSAN MA YIN PAR THAL, RANG MTSAN YIN PA'I PHYIR, 'DOD NA, SPYI MTSAN YIN PAR THAL, SPYI YIN PA'I PHYIR, KHYAB PA KHAS, DER THAL, KA BUM GNYIS KYI SPYI YIN PA'I PHYIR, MDUN GYI SHING BU DE RANG MTSAN YIN PAR THAL, SNGAR GYI MTSAN NYID RIGS PA'I PHYIR, 'DOD NA, 'GRIG ,MDUN GYI SHING BU DE CHOS CAN, RANG MTSAN MA YIN PAR THAL, SPYI YIN PA'I PHYIR, KHYAB PA KHAS, BUM PA'I LDOG PA CHOS CAN, SPYI MTSAN DU THAL, GZHAL BYA GANG ZHIG ,RANG MTSAN MA YIN PA'I PHYIR, MA GRUB NA, DNGOS POR THAL, RANG MTSAN YIN PA'I PHYIR, RTZA BAR 'DOD NA, SPYI YIN PAR THAL, SPYI MTSAN YIN PA'I @009A *, ,PHYIR; KHYAB PA DANG, RTZA BA'I GSAL BA KHAS, GZHAN YANG, GZHAL BYA RANG SPYI GNYIS PO DE CHOS CAN, SPYI MTSAN DU THAL, GZHAL BYA GANG ZHIG ,RANG MTSAN MA YIN PA'I PHYIR, RTAGS GSAL LA GNOD BYED BRJOD TSUL SNGAR DANG 'DRA; BUM PA CHOS CAN, KHYOD SNANG YUL DU BYED PA'I RTOG PA YOD PAR THAL, KHYOD SPYI MTSAN YIN PA'I PHYIR, RTAGS KHAS, 'DOD NA, KHYOD SNANG YUL DU BYED PA'I RTOG PA MED PAR THAL, KHYOD DNGOS PO YIN PA'I PHYIR, SPYI MTSAN YIN NA, DON BYED MI NUS PAS KHYAB PAR THAL, DON BYED NUS PA'I GZHAL BYA LA RANG MTSAN GYIS KHYAB PA'I PHYIR, GSAL BA KHAS, GTAN TSIGS GRUB STE, RANG GI MTSAN NYID GCIG GZHAL BYA, ZHES DANG, GCIG NYID CE NA KHO BO'ANG 'DOD, CES PA DANG, SLOB DPON LHA'I DBANG PO'I BLO GROS KYI 'GREL PAR YANG, DE NYID KYI PHYIR, RANG GI MTSAN NYID GCIG PU MA GTOGS PA, GZHAL BYA'I KHYAD PAR CUNG ZAD KYANG DON BYED PAR NUS PA YOD PA MA YIN NO, ZHES BSHAD PA'I PHYIR RO, ,DE LA KHO NA RE, SPYI YIN NA DNGOS MED YIN PAS KHYAB PAR THAL, SPYI DNGOS MED DU BSHAD PA'I PHYIR ZHE NA, MA KHYAB PAR THAL, 'GA' ZHIG GRANGS CAN 'DOD PA'I SPYI DNGOS MED DU BSTAN PA DANG, 'GA' ZHIG NI, RANG NYID 'DOD PA'I SPYI MTSAN LA DGONGS PA'I PHYIR, RTOG PAS SGROM BTAGS PAR YUL RANG GI MTHUN MONG MA YIN PA'I SDOD LUGS KYI NGOS NAS GRUB PA, DON DAM BDEN PA'I MTSAN NYID, RTOG PAS BTAGS PA'I CHOS, KUN RDZOB BDEN PA'I MTSAN NYID, SNGA MA DANG DNGOS PO YIN KHYAB MNYAM, PHYI MA DANG RTAG PA YIN KHYAB MNYAM YIN NO ZHES ZER, BYA BYED BDEN PAS STONG PA CHOS CAN, RTOG PAS SGRO BTAGS MA YIN PAR THAL, DON DAM BDEN PA YIN PA'I PHYIR, KHYOD DON DAM BDEN PA YIN PA LA DGONGS NAS, DNGOS PO BDEN PAS STONG PA'I STONG NYID, @009B DON DAM BDEN PAR SHER PHYIN GYI MDO LAS BSTAN PA'I PHYIR TE, KHYOD DNGOS PO BDEN PAS STONG PA'I STONG NYID DON DAM BDEN PAR STON PA'I SHER PHYIN GYI MDO'I DGONGS GZHI YIN PA'I PHYIR, RTAGS GRUB PAR THAL, DNGOS PO BDEN PAS STONG NYID DON DAM BDEN PAR STON PA'I SHER PHYIN GYI MDO DE'I DGONGS GZHI YOD PA'I PHYIR TE, BYA BYED BDEN PAR MED PA DNGOS PO BDEN MED DU STON PA'I SHER PHYIN GYI MDO'I DGONGS GZHI YIN PA'I PHYIR, RTAGS RNAMS GRUB PAR THAL, PHUNG PO LA SOGS BYE BRAG GI, ZHES SOGS KYI LUNG DON GRUB PA'I PHYIR, RTZA BAR 'DOD NA, DE CHOS CAN, RTOG PAS SGRO BTAGS YIN PAR THAL, RTOG PA'I SNANG YUL YIN PA'I PHYIR, KHYAB STE, RTOG PA'I SHES PA'I YUL NYID KYIS, SGRA YI DON NI BTAGS PA YIN, ZHES BSHAD PA'I PHYIR, BYA BYED BDEN STONG CHOS CAN, ,RTOG PA'I SNANG YUL DU THAL, SPYI MTSAN YIN PA'I PHYIR, CHOS DE RTOG PAS SGO BTAGS YIN NA, CHOS DE RANG GI MTHUN MONG MA YIN PA'I SDOD LUGS KYI NGOS NAS MA GRUB PAS KHYAB PAR THAL, CHOS DE RTOG PAS SGRO BTAGS YIN NA, CHOS DE BDEN PAR MED DGOS PA'I PHYIR, CHOS DE SPYI MTSAN YIN NA, CHOS DE RTOG PAS SGRO BTAGS YIN DGOS PAR THAL, CHOS DE SPYI MTSAN YIN NA, CHOS DE BDEN MED YIN DGOS PA'I PHYIR, GSAL BA RNAMS 'GRIG ,YUL RTOG PAS SGRO BTAGS YIN PAR THAL, ,YUL SPYI MTSAN YIN PA'I PHYIR, 'DOD NA, YUL RANG GI MTHUN MONG MA YIN PA'I SDOD LUGS KYI NGOS NAS MA GRUB PAR THAL, YUL RTOG PAS SGRO BTAGS YIN PA'I PHYIR, ,BUM PA CHOS CAN, DON DAM BDEN PA YIN PAR THAL, DNGOS PO YIN PA'I PHYIR, 'DOD NA, YUL RANG GI MTHUN MONG @010A *, ,MA YIN PA'I SDOD LUGS KYI NGOS NAS GRUB PAR THAL, DON DAM BDEN PA YIN PA'I PHYIR, 'KHOR GSUM, GZHAN RNAMS KYI KHYAB GSAL KHAS SO, ,MKHAS PA KHA CIG NA RE, GANG ZAG GI BDAG MED CHOS CAN, RTOG PAS SGRO BTAGS MA YIN PAR THAL, DON DAM BDEN PA YIN PA'I PHYIR, RTAGS GRUB PAR THAL, SEMS TZAM PA'I LUGS LA GNYIS STONG DON DAM BDEN PA YIN PA'I PHYIR, ZHES GSUNGS, MKHAS PA'I DBANG PO 'GA' ZHIG NA RE, DNGOS PO DANG DON DAM BDEN PA YIN KHYAB MNYAM YIN TE, RGYAN GYI 'GREL BSHAD LAS, ZHAR LA THEG PA THA SHAL GYI BDEN PA GNYIS KYI RNAM GZHAG BSTAN PA'I PHYIR, DON DAM DON BYED NUS PA GANG, ,ZHES BYA BA LA SOGS PA SMOS SO, ,ZHES BSHAD PA GANG ZHIG ,THEG PA THA SHAL SKABS 'DIR, NYAN THOS SDE GNYIS KYI THEG PA LA BYED RIGS PA'I PHYIR, ZHES GSUNGS PA'I PHYIR, BSTAN BCOS 'DI'I DGONGS PA MDO SDE PA'I LUGS LA SBYOR RIGS SO, ,ZHES GSUNGS PA'I PHYIR, MDO SDE PA'I THEG PA DE, THEG PA THA SHAL MA YIN PAR THAL, BLA NA MED PA'I THEG PA YIN NA, MDO SDE PA'I THEG PA YIN DGOS PA'I PHYIR TE, STON PA SANGS RGYAS DANG, PHYOGS GLANG YAB SRAS MDO SDE PA YIN PA'I PHYIR TE, 'DI'I DGONGS PA MDO SDE PA LA SBYOR RIGS PA'I PHYIR, RTZA BA'I GSAL BA DNGOS SO, DE LA MDO SDE PA'I THEG PA DE, THEG PA THA SHAL DU THAL, DE LTAR RGYAN RJES 'BRANG DANG BCAS PAS BSHAD PA'I PHYIR, GZHUNG 'DI'I DGONGS PA NGO BO NYID MED PA LA SBYOR RIGS PAR THAL, DE LTAR DU RGYAN RJES 'BRANG DANG BCAS PA RNAMS BZHED PAR RNAM PAR NGES PA'I t'IKA CHEN LAS BSHAD PA'I PHYIR, SLOB DPON RGYAN MKHAN POS @010B GAL TE THAMS CAD NUS MED NA, ZHES SOGS KYI 'GREL PAR, CHOS THAMS CAD BDE NA STONG DU SGRUB PA'I RNAM GZHAG RTZA BA'I DGONGS PA YIN PAR MDZAD CING, SNGAR DRANGS PA'I, DE PHYIR DON DANG SHES PA LA, ZHES SOd KYI SKABS SU YANG, DBU MA PA'I STONG PA NYID KYI DON GTAN LA DBAB BO, ,ZHES SOGS 'BYUNG BA'I PHYIR, THAR LAM GSAL BYED LAS, RGYAN GYIS DBU MA'I TSUL DU BSHAD PA SEMS TZAM RNAMS RDZUN PA'I DBANG DU MDZAD PAR GSUNGS KYANG, 'DI NYID KHO NA RIGS SO, DES NA GZHUNG 'DIS, NYAN THOS SDE GNYIS KYI BDEN PA GNYIS KYI RNAM BZHAG BSTAN TE, DE LTAR DU RGYAN GYIS 'GREL BSHAD LAS BSTAN PA'I PHYIR TE, ZHAR LA THEG PA THA SHAL GYI BDEN PA GNYIS KYI RNAM BZHAG BSTAN PA'I PHYIR, ZHES PA NI, RJE YAB SRAS RNAMS KYI GSUNG RAB KYI DGONGS PA DPYID PHYIN PA YIN NO, ,GZHUNG 'DI MDO SDE PA KHO NA LA SBYOR RIGS PAR THAL, 'DIS, DON DAM BDEN PA DANG DNGOS PO YIN KHYAB MNYAM DU BSTAN PA'I PHYIR, 'DOD NA, GZHAL BYA GNYIS PHYIR, ,ZHES SOGS, MDO SDE PA KHO NA LA SBYOR RIGS PAR THAL, 'DOD PA'I PHYIR, 'DOD NA, SEMS TZAM PAS TSAD MA DANG, GZHAL BYA'I GRANGS NGES KHRA MI LEN PAR THAL, ,'DOD PA'I PHYIR ZHE NA, SEMS TZAM PAS TSAD MA DANG, GZHAL BYA'I GRANGS NGES LAS MI LEN PAR THAL, RGYU MTSAN GZHAN NI YOD PA NA, BLO NI YOD DANG MED PHYIR RO, ,ZHES PA, MDO SDE PA KHO NA'I GZHUNG YIN PA'I PHYIR TE, SEMS TZAM PAS RTOG MED SHES PA'I SNANG YUL LA RANG MTSAN GYIS KHYAB PA KHAS MI LEN PA'I PHYIR, MA GRUB NA, DES GNYIS STONG RANG MTSAN DU 'DOD PAR THAL, MA GRUB @011A *, ,PA DE'I PHYIR, 'DOD NA, DON BYED NUS DANG MI NUS PHYIR, ZHES PA MDO SDE PA KHO NA'I RANG GZHUNG DU THAL, 'DOD PA'I PHYIR, 'DOD NA, DON DAM DON BYED NUS PA GANG, ZHES SOGS DE'I RANG GZHUNG RNAM DAG YIN PAR THAL, 'DOD PA'I PHYIR, RTZA BAR MA KHYAB NA, GZHAL BYA GNYIS PHYIR TSAD MA GNYIS, ZHES PA MDO SDE PA KHO NA'I RANG GZHUNG RNAM DAG YIN NA, SEMS TZAM PAS TSAD MA DANG, GZHAL BYA'I GRANGS NGES KHAS MI LEN PAS KHYAB PA MED PA 'BUD, DES NA, GZHUNG 'DI MDO SDE PA'I RANG GZHUNG YIN KYANG, 'DI LA BRTEN NAS TSAD MA DANG, GZHAL BYA'I GRANGS NGES DON GYIS RTOGS PAR NUS PA NI, RNAM PAR NGES PA'I t'IK CHEN LAS BSHAD DO, ` BRJOD BYA NYID PHYIR DE DNGOS MIN, ZHES PA'I SKABS SU GZUGS KYI DON SPYI CHOS CAN, DNGOS PO YIN TE, SGRA'I DNGOS KYI BRJOD BYA YIN PA'I PHYIR DANG, DON DAM PAR SGRA'I BRJOD BYA YIN PA'I PHYIR DANG, RTOG PA'I SNANG YUL DU BYAS PA'I SGO NAS BRJOD BYED KYI SGRA'I BRJOD BYA YIN PA'I PHYIR DANG, RANG SNANG YUL DU BYED PA'I BLO LA JI LTAR SNANG BA LTAR BRJOD BYED KYI SGRA'I BRJOD BYA YIN PA'I PHYIR, THAMS CAD KYI GZHI CHOS 'DRA'O, ,ZHES GSUNGS, SGRA MI RTAG PA CHOS CAN, DNGOS PO MA YIN PAR THAL, RJOD BYED KYI SGRA'I DNGOS KYI BRJOD BYA YIN PA'I PHYIR TE, SGRA MI RTAG RTOGS KYI RJE DPAG GI DNGOS KYI GZHAL BYA YIN PA'I PHYIR, DE DER THAL, SGRA MI RTAG RTOGS KYI RJES DPAG GI DNGOS KYI GZHAL BYA YOD PA'I PHYIR, SPYI MTSAN CHOS CAN, ,SGRA YUL LA DNGOS DBANG GIS 'JUG PAR @011B THAL; DON DAM PAR SGRA'I BRJOD BYA YIN PA'I PHYIR, RTOG PA'I SNANG YUL DU BYAS PA'I SGO NAS KHYOD RJOD BYED KYI SGRA'I BRJOD BYA YIN NA, DNGOS PO YIN PAS MA KHYAB NA, SBYOR BA GSUM PA 'THAD PA 'BUD, KHYAB NA, RTOG PA'I SNANG YUL DU BYAS PA'I SGO NAS GANG ZAG GI BDAG MED PA YIN PAR THAL, DE MED PAR RTOGS PA'I TSAD MA RJOD BYED KYI SGRA'I BRJOD BYA MA YIN PA'I PHYIR, MA GRUB NA SONG, GANG ZAG GI BDAG MED PAR RTOGS PA'I TSAD MA CHOS CAN; DNGOS PO YIN PAR THAL, DON BYED NUS PA'I PHYIR, 'DOD NA 'GRIG ,DE MA YIN PAR THAL, RTOGS PA'I SNANG YUL DU BYAS PA'I SGO NAS KHYOD RJOD BYED KYI SGRA'I BRJOD BYA YIN PA'I PHYIR, 'KHOR GSUM, GZUGS CHOS CAN, DNGOS PO MA YIN PAR THAL, RANG SNANG YUL DU BYED PA'I BLO LA JI LTAR SNANG BA LTAR DU RJOD BYED KYI SGRA'I BRJOD BYA YIN PA'I PHYIR TE, RANG SNANG YUL DU BYED PA'I BLO LA JI LTAR SNANG BA LTAR RJES DPAG GI GZHAL BA'I PHYIR TE, DE LTAR DU YOD PA'I PHYIR TE, DNGOS PO YIN PA'I PHYIR, SPYI MTSAN CHOS CAN, RTOG PA LA SNANG BA LTAR DU YOD PAR THAL, RANG SNANG YUL DU BYED PA'I BLO LA JI LTAR SNANG BA LTAR RJOD BYED KYI SGRA'I BRJOD BYA GANG ZHIG RTAG PA YIN PA'I PHYIR, 'DOD NA, KHYOD 'DZIN RTOG PA MA 'KHRUL BA'I SHES PA YIN PAR THAL, 'DOD PA'I PHYIR, GZUGS CHOS CAN, RANG SNANG YUL DU BYED PA'I BLO LA SNANG BA LTAR RTOG PA LA SNANG BAR THAL, RANG SNANG YUL DU BYED PA'I BLO LA JI LTAR SNANG BA LTAR SGRA'I BRJOD BYA YIN PA'I PHYIR, 'DOD NA, RTOG PA LA GSAL BAR SNANG BA YIN PAR THAL, 'DOD PA'I PHYIR ZHE NA, SPYI MTSAN CHOS CAN, DER THAL, DE'I PHYIR, YANG DER THAL, RANG SNANG YUL DU BYED PA'I BLO @012A *, ,LA JI LTAR SNANG BA LTAR SGRA'I BRJOD BYA YIN PA'I PHYIR, GZUGS DE SNANG YUL DU BYED PA'I BLO LA RANG YUL GSAL BAR SNANG BA YIN PAR THAL, GZUGS DE RANG SNANG YUL DU BYED PA'I BLO LA JI LTAR SNANG BA LTAR RTOG PA LA MI SNANG BA'I PHYIR; 'DOD NA, GZUGS SNANG YUL DU BYED PA'I BLO LA RTOG MED KYI SHES PAS KHYAB PAR THAL, 'DOD PA'I PHYIR, 'DOD NA, TSAD MA CHOS CAN, DER THAL, DE'I PHYIR, ` 'DAS DANG MA 'ONGS BRJOD BYA MIN, ZHES PA'I SKABS SU, DUS GSUM GYI RNAM BZHAG LA, MKHAS PA KHA CIG NA RE, ZHIG ZIN PA, 'DAS PA'I MTSAN NYID, SKYE BA'I RGYU YOD KYANG RKYEN MA TSANG BA'I DBANG GIS MA SKYES PA, MA 'ONGS PA'I MTSAN NYID, SKYED LA MA 'GAG PA, DA LTAR BA'I MTSAN NYID, KHA CIG NA RE, KHYOD DUS GANG DU 'JOG PA DNGOS PO GANG GI RANG DUS LA, LTOS NAS BZHAG DGOS PA'I LTOS PAR GYUR PA'I DNGOS PO DE'I RANG DUS LAS THAL ZIN PA, 'DAS PA'I MTSAN NYID, KHYOD DUS GANG DU 'JOG PA'I DNGOS PO GANG GI RANG DUS LA LTOS NAS BZHAG DGOS PA'I LTOS PAR GYUR PA'I DNGOS PO DE'I RANG DUS LAS THAL MI ZIN PA, MA 'ONGS PA'I MTSAN NYID, KHYOD DUS GANG DU 'JOG PA'I DNGOS PO GANG GI DUS LA LTOS NAS BZHAG DGOS PA'I LTOS PAR GYUR PA'I DNGOS PO DE SKYES LA MA 'GAG PA'I CHA GANG ZHIG ,KHYOD KYI DON SPYI 'CHAR BA LA MI LTOS PA, DA LTAR BA'I MTSAN NYID, KHA CIG ,THAL ZIN PA, 'DAS PA'I MTSAN NYID, MA SKYES PA, MA 'ONGS PA'I MTSAN NYID YIN ZHING, 'DAS MA 'ONGS RNAMS NI DNGOS POR GRUB PA YIN ZHES ZER, 'O NA, SHES BYA CHOS CAN, ZHIG ZIN PA, 'DAS PA'I MTSAN NYID MA YIN PAR THAL, GZHI GRUB NA, 'DAS PA MIN DGOS PA'I PHYIR TE, GANG ZAG YIN NA, SHI BA MA YIN DGOS PA'I PHYIR TE, GANG ZAG @012B GI LUS YIN NA, SHI LUS MA YIN DGOS PA'I PHYIR TE, DE YIN NA, SROG LDAN GYI LUS YIN DGOS PA'I PHYIR TE, GANG ZAG YIN NA, SROG DANG LDAN DGOS PA'I PHYIR TE, DE YIN NA, YID DBANG DANG LDAN DGOS PA'I PHYIR TE, 'GOG PA LA MNYAM PAR BZHAG PA'I GNAS SKABS SU YANG YID KYI DBANG PO YOD PA'I PHYIR RO, ,GZHAN YANG, SHES BYA CHOS CAN, HVA SHANG 'DAS PA YIN PAR THAL, GANG ZAG YIN NA, 'DAS PA MA YIN PAS KHYAB PA MED PA'I PHYIR, RTAG KHAS 'DOD NA, DA LTAR GYI DUS SU 'DAS NA, 'DAS PAS KHYAB PAR THAL, 'DOD PA'I PHYIR, 'DOD NA, DA LTAR GYI DUS SU MED NA MED PAS KHYAB PAR THAL LO, ,GZHAN YANG, SHES BYA CHOS CAN, HVA SHANG GI RGYUD KYI YID KYI DBANG PO 'GAG ZIN PAR THAL, HVA SHANG 'GAG ZIN PA'I PHYIR, ,'DOD MI NUS TE, HVA SHANG GI LTA NGAN GYIS 'BRAS BU SNA TSOGS BSKYED PA'I PHYIR, GZHAN YANG, HVA SHANG GI LUS CHOS CAN, SHI BA'I LUS MA YIN PAR THAL, SROG LDAN GYI LUS YIN PA'I PHYIR, DER THAL, HVA SHANG GI RGYUD LA SROG GI DBANG PO YOD PA GANG ZHIG ,DE'I LUS YIN PA'I PHYIR, DE'I RGYUD LA SROG DBANG YOD PAR THAL, DE'I RGYUD LA SROG YOD PA'I PHYIR TE, DE'I RGYUD LA LTA NGAN YOD PA'I PHYIR, RTZA BA'I GSAL PA KHAS, KHO NA RE, SROG GCOD KYI LAS LAM MED PAR THAL, GANG ZAG YIN NA, MA SHI DGOS PA'I PHYIR RO ZHE NA, 'O NA, DGRA BCOM PA IBKRONGS PA'I MTSAMS MED KYI LAS MA GRUB PAR THAL, DGRA BCOM PA YIN, ,MA GRONGS DGOS PA'I PHYIR, KHYAB PA KHAS, GZHAN GYI NOR RDZAS MED PAR BYAS PA'I LAS LAM YANG MED PAR THAL, GZHAN GYI NOR RDZAS YIN NA YOD DGOS PA'I PHYIR, KHYAB PA KHAS, 'DOD NA, MA BYIN LEN BYAS PA'I LAS LAM MED@013A *, ,PAR THAL, 'DOD PA'I PHYIR, DE LA KHO NA RE, SKYON MED DE, GZHAN GYI NOR RDZAS RE ZHIG GZHAN LA MED PAR BYAS PA TZAM YIN NO ZHE NA, DE NI KHO BO CAG LA'ANG MTSUNGS TE, GZHAN GYI SROG DBANG YUL DUS 'GA' ZHIG TU RGYUN BCAD PA LA BSAD PA'I THA SNYAD BTAGS PA'I PHYIR, GZHAN YANG, ZHIG PA DE, 'GAG ZIN PA MA YIN PAR THAL, MA 'ONGS PA DE MA SKYES PA MA YIN PA'I PHYIR, MA GRUB NA, DE CHOS CAN, SKYES PAR THAL, BYAS PA'I PHYIR TE, DNGOS PO YIN PA'I PHYIR, RTAGS GSAL RNAMS KHAS, GZHAN YANG, SHES BYA CHOS CAN, RANG DUS SU DA LTAR BA YIN NA, DA LTAR BA YIN DGOS PAR THAL, RANG DUS SU SKYES LA MA 'GAG PA YIN NA, SKYES LA MA 'GAG PA YIN DGOS PA'I PHYIR TE, RANG DUS SU SKYES PA YIN NA, SKYES PA YIN DGOS PA'I PHYIR TE, RANG DUS SU 'JIG PA YIN NA, 'JIG PA YIN DGOS PA'I PHYIR TE, RANG DUS SU MI RTAG PA YIN NA, MI RTAG PA YIN DGOS PA'I PHYIR TE, 'DUS BYAS THAMS CAD MI RTAG PA YIN DGOS PHYIR, RTZA BA'I GSAL BA KHAS, YANG NA RE ZHIG 'DI LTAR, SHES BYA CHOS CAN, SNGA DRO'I DUS DANG, PHYI DRE'I DUS 'GAL BAR THAL, 'DAS MA 'ONGS 'GAL BA'I PHYIR, RTAGS KHAS; 'DOD NA, SNGA MA DANG PHYI MA 'GAL BAR THAL, 'DOD PA'I PHYIR, 'DOD MI NUS TE, RGYU DANG 'BRAS BU MI 'GAL BA'I PHYIR, NYIN MO'I DUS DANG, MTSAN MO'I DUS 'GAL BAR THAL, SNGA DRO'I DUS DANG, PHYI DRO'I DUS 'GAL BA'I PHYIR, 'DOD NA, 'DZAM BU GLING GI NYIN DUS DANG, SGRA MI SNYAN PA'I MTSAN DUS KYI GZHI MTHUN DU GYUR PA'I DNGOS PO CHOS CAN, NYIN DUS MA YIN PAR THAL, MTSAN DUS YIN PA'I PHYIR TE, SGRA MI SNYAN PA'I MTSAN DUS @013B YIN PA'I PHYIR, 'DOD MI NUS TE, 'DZAM BU GLING PA'I NYIN DUS YIN PA'I PHYIR, KHO NA RE, SGRA MI SNYAN PA'I MTSAN DUS YIN NA, MTSAN DUS YIN PAS MA KHYAB PO ZHE NA, KHYAB PAR THAL, SGRA MI SNYAN PA'I MTSAN MO LA MTSAN MOS KHYAB PA'I PHYIR TE, DE'I NYIN MO LA NYIN MOS KHYAB PA'I PHYIR, KHO NA RE, SNGAR GYI CHOS CAN DE MA GRUB PO ZHE NA, GRUB PAR THAL, NYIN MTSAN MNYAM PA'I TSE, 'DIR NA MA PHYED PA DANG, NUB TU NYI MA NUB PA DANG, BYANG DU NYI MA PHYED PA DANG; SHAR DU NYI MA SHAR BA DUS MNYAM PA'I PHYIR, DER THAL, MDZOD LAS, NAM PHYED NYI MA NUB PA DANG, NYI MA PHYED DANG 'CHAR DUS GCIG ,CES BSHAD PA'I PHYIR, KHO NA RE, NYIN DUS DANG MTSAN DUS 'GAL BAR THAL, GLING 'DI'I NYIN DUS DANG MTSAN DUS 'GAL BA'I PHYIR ZHE NA, 'O NA, RGYU DANG 'BRAS BU 'GAL BAR THAL, GLING 'DI'I RGYU DANG 'DI'I 'BRAS 'GAL BA'I PHYIR, KHYAB PA KHAS, GZHAN YANG, PHA DANG BU 'GAL BAR THAL, RGAN DUS DANG GZHON DUS 'GAL BA'I PHYIR, RTAGS KHAS, 'DI LA YANG 'DI LTAR BRJOD DE, SHES BYA CHOS CAN, DNGOS PO YIN NA 'DAS PAS KHYAB PA YOD PAR THAL, 'DAS MA 'ONGS MI 'GAL BA'I PHYIR, 'DOD NA, GANG ZAG YIN NA, SHI ZIN PAS KHYAB PAR THAL, 'DOD PA'I PHYIR, 'DOD NA, DE MA YIN PAR THAL, SHI MA SHI GNYIS 'GAL BA'I PHYIR TE, SROG DBANG 'GAG PA DANG MA 'GAG PA GNYIS 'GAL BA'I PHYIR RO, SHES BYA CHOS CAN, BUM PA ZHIG PA DE BUM PA RANG DUS LAS THAL ZIN PAR THAL, 'DAS PA'I MTSAN NYID GNYIS PA DE RIGS PA'I PHYIR, 'DOD NA, BUM PA ZHIG PA CHOS CAN, DE MIN PAR THAL, BUM PA'I DUS SU KHYOD MA 'ONGS PA YIN PA'I PHYIR TE, KHYOD BUm @014A *, ,PA'I 'BRAS BU RDZOGS PAR SKYES PA DANG DUS MNYAM PA'I PHYIR, SHES BYA CHOS CAN, CHOS MNGON PA'I MDO LAS, 'DAS MA 'ONGS KYI RNAM BZHAG 'CHAD PA'I SKABS SU RGYU YOD KYANG MA BYUNG BA, ,ZHES SOGS GSUNGS PA LA DGOS PA MED PAR THAL, DUS GSUM GYI MTSAN NYID DE RNAMS RIGS PA'I PHYIR, MKHAS PA KHA CIG NA RE, SA BON GYI DUS SU SKYES ZIN ZHIG PA SA BON GYI DUS SU 'DAS PA'I MTSAN NYID SA BON GYI DUS SU SKYED PA'I RGYU YOD KYANG, DE'I DUS SU DER MA SKYES PA, DUS DER MA 'ONGS PA'I MTSAN NYID, 'DAS MA 'ONGS DNGOS PO MIN NO ZHES GSUNGS, 'O NA, BUD SHING GI ZHIG PA CHOS CAN, DU BA'I DUS SU SKYES ZIN PAR THAL, DU BA'I DUS SU 'DAS ZIN PA'I PHYIR, RTAGS GRUB STE, BUD SHING ZHIG PA DANG, ME RDZOGS PAR SKYES PA DUS MNYAM PA'I PHYIR TE, BUD SHING ME'I DNGOS RGYU YIN PA'I PHYIR, RTZA KHYAB KHAS 'DOD NA, DNGOS PO YIN PAR THAL, KHYOD DU BA'I DUS SU RDZOGS PAR SKYES ZIN PA'I PHYIR, SA BON ZHIG PA CHOS CAN, SA BON GYI DUS SU KHYOD SKYED PA'I RGYU YOD PAR THAL, SA BON GYI DUS SU MA 'ONGS PA YIN PA'I PHYIR, 'DOD NA, SA BON DE SA BON GYI ZHIG PA'I RGYU YIN PAR THAL, 'DOD PA'I PHYIR, RTZA RTAGS MA GRUB NA, SA BON CHOS CAN, KHYOD ZHIG PA KHYOD KYI DUS SU MA 'ONGS PA YIN PAR THAL, KHYOD DNGOS PO YIN PA'I PHYIR, SA BON GYI DUS SU MYU GU SKYES PA MED PAR THAL, MA 'ONGS PA'I MTSAN NYID DE RIGS PA'I PHYIR, 'DOD MI NUS TE, SA BON GYI DUS SU MYU GU SKYED BZHIN PA YIN PA'I PHYIR TE, MYU GU RDZOGS PAR SKYES PA DANG, SA BON RDZOGS PAR 'GAG PA DUS MNYAM PA'I PHYIR, 'DIR ZHIG PA DNGOS PO YIN MIN CUNG ZAD DPYAD NA, MKHAS PA KHA CIG NA RE, ZHIG PA DNGOS PO YIN TE, SKYE BA'I RKYEN GYIS @014B RGA SHI 'BYUNG BA'I PHYIR TE, DE LTAR DUS BCU PA'I MDO LAS BSHAD PA'I PHYIR, GZHAN YANG, ZHIG PA DNGOS PO YIN TE, SDONG BU SNUM LDAN ZAD PA LAS MAR ME ZAD PA 'BYUNG BA'I PHYIR TE, DE LTAR DU BZHI BRGYA PA LAS BSHAD PA'I PHYIR DANG RTZA 'JUG LAS KYANG ZHIG BA DNGOS POR BSHAD PA'I PHYIR ZHE NA, 'O NA, SHES BYA CHOS CAN, RNAM PAR SHES PA'I RKYEN GYIS MING GZUGS 'BYUNG BAR THAL, DE LTAR DU SA BCU PA'I MDO LAS BSHAD PA'I PHYIR, KHYAB PA KHAS, 'DOD NA, RNAM PAR SHES PA'I RKYEN GYIS RNAM SHES KYI PHUNG PO 'BYUNG BAR THAL LO, ,SHES BYA CHOS CAN, SDONG BU SNUM LDAN ZAD PA LA RTEN NAS MAR ME ZAD PA 'BYUNG BA MA YIN PAR THAL, SDONG BU SNUM LDAN ZAD PA DE DANG, MAR ME 'BAR BZHIN PA DUS MNYAM PA'I PHYIR, DER THAL, SDONG BU SNUM LDAN ZAD PA DANG, MAR ME SKYES PA DUS MNYAM PA'I PHYIR, SGRIB PA ZAD PA CHOS CAN, KHYOD DNGOS PO MA YIN PAR THAL, NGO BO NYID SKU KHYOD YIN PA'I PHYIR, GSAL BA KHAS, BUM PA ZHIG PA DE, BUM PA'I 'BRAS BU YIN PAR THAL, BUM PA ZHIG PA DE DNGOS PO YIN PA'I PHYIR, 'DOD NA, DU BA'I DUS NA BUD SHING ZHIG PA MED PAR THAL, BUD SHING ZHIG PA DU BA'I RGYU YIN PA'I PHYIR, DER THAL, DE BUD SHING GI 'BRAS BU YIN PA'I PHYIR, RTAGS RNAMS KHAS, 'DOD PAR MI NUS TE, BUD SHING GI DUS NA DU BA SKYE BA YOD PA'I PHYIR TE, DU BA DE RANG DUS SU BUD SHING LAS SKYE BZHIN PA MA YIN PA GANG ZHIG , SHES BYA DANG GCIG YIN PA'I PHYIR, KHO NA RE, SHI BA DNGOS PO YIN PAR THAL, RTEN 'BREL YAN LAG BCU GNYIS DNGOS PO YIN PA'I PHYIR ZHE NA, MA KHYAB PAR THAL, 'CHI BA DE RTEN 'BREL YAN LAG BCU GNYIS KYI NANG TSAN YIN PA'I @015A *, ,PHYIR TE, DE LTAR DUS LU LJANG PA'I MDO LAS BSHAD PA'I PHYIR, DES NA GSUNG RAB LAS, ,SKYES ZIN PA LA SKYE BA DANG, 'CHI BA LA SHI BAR GSUNGS PA SHIN TU MANG NGO, GZHAN YANG, ZHIG PA CHOS CAN, KHYOD KYI DUS SU KHYOD KHYOD RANG YIN PAR THAL, KHYOD DNGOS PO GANG ZHIG ,KHYOD KHYOD RANG YIN PA'I PHYIR, RTAGS KHAS, 'DOD NA, DE CHOS CAN, ZHIG PA'I DUS SU KHYOD MED PAR THAL, KHYOD DE'I DUS SU ZHIG PA YIN PA'I PHYIR TE, 'DAS PA YIN PA'I PHYIR, 'DOD NA; DE'I DUS SU YOD PAR THAL, DE'I DUS SU DA LTAR BA YIN PA'I PHYIR, RTAGS RNAMS KHAS, GZHAN YANG, ZHIG ZIN PA'I BUM PA DE BUM PA YIN PAR THAL, ZHIG ZIN PA'I DNGOS PO DE DNGOS PO YIN PA'I PHYIR, 'DOD MI NUS TE; DPER NA, THO BAS BCOMS ZIN PA'I BUM PA DE BUM PA MA YIN PA'I PHYIR TE, RDZA BUM GYI CHAG DUM RDZA BUM MA YIN PA'I PHYIR, DES NA, RANG LUGS NI, MYU GU SKYES ZIN ZHIG PA'I CHA MYU GU'I 'DAS PA'I MTSAN NYID, DE 'BYUNG RUNG TZAM GYI CHA, MYU GU'I MA 'ONGS PA'I MTSAN NYID, DE SKYES ZIN MA 'GAGS PA'I DUS DE MYU GU'I DA LTAR BA'I MTSAN NYID YIN, TSUL 'DI NI TSAD MA'I BSTAN BCOS RIGS PA'I RGYAN GYI DGONGS PA PHYIN CI MA LOG PAR BSHAD PA YIN NO, , SBYOR 'GOD LA, 'DAS MA 'ONGS SGRA'I BRJOD BYA MA YIN PAR THAL, DE RNAMS DANG GRUB BDE RDZAS GCIG TU GYUR PA'I MING SOGS SGRA'I BRJOD BYA MA YIN PA'I PHYIR TE, 'DAS PA DANG DE'I MING ZAD, MA 'ONGS PA DANG DE'I MING MA SKYES PA'I PHYIR; RTZA BA'I KHYAB PA KHAS BLANGS TE, CHOS DE BRJOD PA'I SGRA YIN NA, CHOS DE DANG GRUB BDE RDZAS GCIG TU GYUR PA'I MING BRJOD PAS KHYAB PA BYE BRAG TU SMRA BA RANG NYID KYIS KHAS BLANGS PA'I PHYIR ZHES GSUNGS, 'O NA, 'DAS PA'I @015B MING 'DAS PA YIN PAR THAL, 'DAS PA DANG DE'I MING ZAD PA'I PHYIR, 'DOD NA, MA YIN PAR THAL, DNGOS PO YIN NA, 'DAS PA MA YIN DGOS PA'I PHYIR, BYE BRAG TU SMRA BAS, 'DAS MA 'ONGS DANG, DE'I MING GRUB BDE RDZAS GCIG TU KHAS BLANGS PAR THAL, DES CHOS DE BRJOD PA'I SGRA YIN NA, DE DANG GRUB BDE RDZAS GCIG TU GYUR PA'I MING BRJOD PAS KHYAB PA KHAS BLANGS PA'I PHYIR, 'DOD NA, MA YIN PAR LAL, BYE BRAG TU SMRA BAS, THA DAD LA RDZAS THA DAD KYIS KHYAB PA KHAS BLANGS PA'I PHYIR, ` BLO NI 'KHRUL PA MED 'JUG PA, ZHES PA'I SKABS SU, DON DE LA THOG MAR BRDA SBYAR BA'I MING GANG ZHIG ,DON DE 'KHRUL MED DU GO BAR NUS PA, DON DE'I DNGOS MING GI MTSAN NYID, DON DE LA RJES GRUB TU BRDA SBYAR BA'I MING, DON DE LA GTAGS MING GI MTSAN NYID CE NA, BA LANG ZHES PA'I NGAG CHOS CAN, BA LANG LA DANG POR BRDA SBYAR BAR THAL, BA LANG GI DNGOS MING YIN PA'I PHYIR, MA GRUB NA, BA LANG CHOS CAN, KHYOD CES BRJOD PA'I SGRA KHYOD KYI DNGOS MING DU THAL, KHYOD GZHI GRUB PA'I PHYIR, RTZA BAR 'DOD NA, DE CHOS CAN, DE MA YIN PAR THAL, NOG SOGS 'DUS PA'I GONG BU LA DANG POR BRDA SBYAR BA'I MING YIN PA'I PHYIR, RTAGS GRUB STE, NOG SOd 'DUS PA'I GONG BU LA DMIGS NAS 'DI BA LANG NGO ZHES BRDA SBYOR BAR BYED CING, BA LANG LA DMIGS NAS 'DI BA LANG NGO ZHES BRDA SBYOR BAR MI BYED PA'I PHYIR TE, PHAN GDAGS PHAN 'DOGS BYED NYID DAM, ,RNAM PAR TSAD MED SNANG BA NYID, ,'KHRUL MED CAN SHES DANG PO YI, ,BRDA YI SPYOD YUL GANG YIN DNGOS, ZHES SOGS KYI LUNG DON GRUB PA'I PHYIR RO, ,GAL TE NOG SOGS 'DUS PA'I GONG BU DE DANG BA LANG CHOS CAN, DNGOS MING THA DAD @016A *, ,KYI GO BYA SO SOR GNAS PAR THAL, THA DAD YIN PA'I PHYIR, 'DOD NA, BUM PA ZHES PA'I NGAG LA BRTEN NAS LTO LDIR BA GO BA 'BUD CE NA, BUM PA ZHES PA'I NGAG LAS LDO LDIR BA GO BAR THAL, BUM 'DZIN RTOG PAS LTI LDIR BA YUL DU BYED PA'I PHYIR TE, BUM 'DZIN RTOG PA DE LA BUM PA'I DON SPYI JI LTA BA BZHIN DU SHAR BA'I PHYIR, KHA CIG NA RE, BUM PA ZHES PA'I NGAG CHOS CAN, BUM PA'I DNGOS MING MIN PAR THAL, KHYOD LAS BUM PA GO BAR MI NUS PA'I PHYIR TE, BUM PA LA BRDA MA SBYAR BA'I MING YIN PA'I PHYIR, KHYAB STE, BRNGA RIG MED PAR RTOGS PAR 'GYUR, ZHES PA'I DON GRUB PA'I PHYIR SNYAM NA, DE PHYIR KHYAD PAR 'GA' ZHIG CHOS, ZHES SOGS LA BRJOD BYA MED PAR THAL, BYAS MI RTAG BRJOD PA'I NGAG LAS DE RNAMS GO BAR MI NUS PA'I PHYIR, ` RANG GI MTSAN NYID GCIG GZHAL BYA, ,ZHES PA'I SKABS SU, DON DAM PAR DON BYED NUS PA'I GZHAL BYA LA, RANG MTSAN GCIG PUR GRANGS NGES TE, 'BRAS BU DON GNYER GYI 'DOD DON SGRUB PAR NUS PA'I GZHAL BYA LA, RANG MTSAN GCIG PUR GRANGS NGES PA'I PHYIR TE, SPYI MTSAN GYIS 'BRAS BU DON GNYER GYI 'DOD DON SGRUB PAR MI NUS PA'I PHYIR ZHE NA, DON BYED NUS PA'I TSAD MA'I GZHAL BYA LA RANG MTSAN GCIG PUR GRANGS NGES PAR THAL, SBYOR BA DE 'THAD PA'I PHYIR, ,'DOD NA, DON BYED NUS PA'I TSAD MA CHOS CAN, KHYOD KYI GZHAL BYA YIN NA, RANG MTSAN YIN PAS KHYAB PAR THAL, ,KHYOD KYI GZHAL BYA LA YOD PAS KHYAB PAR 'DOD PA'I PHYIR, 'DOD NA, RTAG PA CHOS CAN; DER THAL, DE'I PHYIR TE, GZHI GRUB PA'I PHYIR, GZHAL BYA LA RANG MTSAN GYIS KHYAB PAR THAL, DON BYED NUS PA'I GZHAL BYA LA RANG MTSAN GCIG PUR GRANGS NGES PA GANG ZHIG ,DON BYED MI NUS PA'I GZHAL BYA MED PA'I PHYIR, MA GRUB NA, @016B LOG SHES KYI GZHAL BYA YOD PAR THAL, DON BYED MI NUS PA'I GZHAL BYA YOD PA GANG ZHIG ,RGYU MTSAN MTSUNGS PA'I PHYIR, DE LA RTAG PA CHOS CAN, DON BYED MI NUS PA'I GZHAL BYA YIN PAR THAL, DON BYED MI NUS PA GANG ZHIG ,GZHAL BYA YIN PA'I PHYIR, 'O NA, LOG SHES CHOS CAN, LOG SHES KYI GZHAL BYA YIN PAR THAL, LOG SHES GANG ZHIG ,GZHAL BYA YIN PA'I PHYIR, 'GAL KHYAB YIN NO ZHE NA SNGA MA LA'ANG DE LTAR YIN NO, ,SPYI MTSAN YIN NA, 'BRAS BU DON GNYER GYI 'DOD DON SGRUB MI NUS PAS KHYAB PAR THAL, SNGAR GYI SBYOR BA RNAMS 'THAD PA'I PHYIR, 'DOD NA RDZOGS PA'I SANGS RGYAS CHOS CAN, DER THAL, DE'I PHYIR, 'DOD MI NUS TE, MKHYEN BRTZE RAL GRI RDOR MCHOG BSNAMS, SDUG BSNGAL MYU GU GCOD MDZAD CING, ZHES PA'I DON GRUB PA'I PHYIR, ` NOR BU SGRON ME'I 'OD DAG LA, ,ZHES PA'I SKABS SU, NOR BU'I 'OD LA NOR BUR 'DZIN PA'I BLO TSAD MA YIN NO ZHE NA, NOR BU'I 'OD LA NOR BUR 'DZIN PA'I RTOG MED KYI SHES PA MNGON SUM DANG, DE LTAR SNANG BA'I RTOG PA RJES DPAG YIN PAR THAL, DAM BCA' RIGS PA'I PHYIR, 'DOD NA, ZLA BA GNYIS SNANG GI DBANG SHES MNGON SUM DU THAL, 'DOD PA'I PHYIR, 'DOD NA, MNGON SUM LTAR SNANG RAB RIG BCAS; ZHES PA'I DON MA GRUB PAR THAL, 'DOD PA'I PHYIR, NOR BU'I 'OD NOR BUR SGRUB PA'I RTAGS YANG DAG YOD PAR THAL, 'DOD PA'I PHYIR TE, NOR BU'I 'OD NOR BUR SNANG BA'I RTOG PA RJES DPAG YIN PA'I PHYIR, RTAGS KHAS SNGON PO GSAL BAR SNANG BA'I RMI LAM GYI SHES PA DE, SNGON 'DZIN YID KYI MNGON SUM YIN PAR THAL, DE MNGON SUM GYI TSAD MA YIN PA'I PHYIR, RTAGS KHAS, RGYAS PAR NI, RNAM PAR NGES PA'I t'IKA CHEN SOGS LAS SHES @017A *, ,PAR BYA'O, , ` GANG LA DON GYI, ZHES PA'I SKABS SU, MYONGS STOBS KYIS SGRO 'DOGS BCAD PAR BYA BA, MNGON GYUR GYI MTSAN NYID, RTAGS STOBS KYIS SGRO 'DOGS BCAD PAR BYA BA LKOG GYUR GYI MTSAN NYID, MNGON SUM TSAD MAS DNGOS SU RTOGS PAR BYA BA, MNGON GYUR GYI MTSAN NYID RJES DPAG TSAD MAS DNGOS SU RTOGS PAR BYA BA, LKOG GYUR GYI MTSAN NYID CE NA, SNGON PO CHOS CAN, MTSAN NYID DER THAL, MNGON GYUR YIN PA'I PHYIR TE, TSUR MTHONG GI RGYUD KYI MNGON SUM GYI GZHAL BYA YIN PA'I PHYIR, RTZA BAR 'DOD NA, DE MA YIN PAR THAL, KHYOD MYONG BYED KYI SHES PA MED PA'I PHYIR TE, BEM PO YIN PA'I PHYIR, 'DI LA RO CHOS CAN, LCE'I RNAM SHES KYI MYONG BYA MA YIN PAR THAL, BEM PO YIN PA'I PHYIR, ZHES GSUNGS, RO CHOS CAN, MYONG BYED DON GZHAN YOD PAR THAL, LCE'I RNAM SHES KYI MYONG BYA GANG ZHIG ,DE DANG DON GZHAN YIN PA'I PHYIR, 'DOD NA, RANG RIG MED PAR THAL, 'DOD PA'I PHYIR, TSOR BA SDUG BSNGAL CHOS CAN, SANGS RGYAS 'PHAGS PAS MYONG STOBS KYIS SGRO 'DOGS GCAD PAR BYA BA YIN PAR THAL, DE LA MNGON GYUR YIN PA'I PHYIR, 'DOD NA, SANGS RGYAS 'PHAGS PAS MYONG BAR THAL, 'DOD PA'I PHYIR, DE LA SDUG BSNGAL CHOS CAN, SANGS RGYAS 'PHAGS PA LA YOD PAR THAL, DE LA MNGON GYUR YIN PA'I PHYIR, ZHE NA, MA KHYAB PAR THAL, SANGS RGYAS 'PHAGS PAS MNGON DU GYUR PA'I TSUL GYIS RTOGS NA, DE LA YOD MI DGOS PA'I PHYIR, BLO CHOS CAN, LKOG GYUR YIN PAR THAL, RTAGS STOBS KYIS SGRO 'DOGS BCAD BYA YIN PA'I PHYIR TE, RJES DPAG GI GZHAL BYA YIN PA'I PHYIR, 'DOD NA, KHYOD LKOG GYUR DU SONG BA'I GANG ZAG YOD PAR THAL, 'DOD PA'I PHYIR, 'DOD NA, BLO LKOG GYUR DU SONG BA'I GANG ZAG CHOS CAN, RANG BLO RANG LA @017B LKOG GYUR YIN PAR THAL, BLO LKOG GYUR DU SONG BA'I GANG ZAG YIN PA'I PHYIR, 'DOD NA, RANG RIG MED PAR THAL, 'DOD PA'I PHYIR, RJES DPAG GI SNANG YUL CHOS CAN, RTAGS STOBS KYIS SGRO 'DOGS GCAD BYA YIN PAR THAL, LKOG GYUR YIN PA'I PHYIR, 'DOD NA, RJES DPAG GI GZHAL BYAR THAL, 'DOD PA'I PHYIR, 'DOD NA GSAL BA KHAS, DU LDAN GYI LA DANG ME YOD KYI TSOGS DON CHOS CAN, MNGON SUM GYIS DNGOS SU RTOG PAR BYA BA YIN PAR THAL, MNGON GYUR YIN PA'I PHYIR TE, TSUR MTHONG LA MNGON GYUR YIN PA'I PHYIR TE, DE'I MNGON SUM GYI GZHAL BYA YIN PA'I PHYIR, 'DOD NA, DE'I SNANG YUL DU THAL, 'DOD PA'I PHYIR, 'DOD NA, RANG MTSAN DU THAL, 'DOD PA'I PHYIR, 'DOD NA, MNGON GYUR DANG LKOG GYUR 'GAL BAR THAL, SPYI MTSAN YIN NA, MNGON GYUR MA YIN DGOS PA'I PHYIR, 'DI LA KHA CIG NA RE, GZHAL BYA MNGON LKOG GNYIS 'GAL BAR THAL, TSAD MA MNGON RJES GNYIS 'GAL BA'I PHYIR, ZHE NA, 'O NA, MNGON RJES GNYIS KYI GZHAL BYA 'GAL BAR THAL, MNGON RJES GNYIS 'GAL BA'I PHYIR, KHYAB PA KHAS, 'GA' ZHIG NI MTSAN NYID PHYI MA GNYIS LA BYA THENG 'PHEN PAR BYED DO, ,YANG NA, TSUR MTHONG LA MNGON GYUR DANG; TSUR MTHONG LA LKOG GYUR MI 'GAL BAR THAL, MNGON GYUR DANG LKOG GYUR MI 'GAL BA'I PHYIR, 'DOD NA, DE'I RGYUD KYI RJES DPAG GI GZHAL BYA YIN NA, DE LA LKOG GYUR YIN PAS KHYAB PAR THAL, 'DOD PA'I PHYIR; 'DOD NA, DE'I RGYUD KYI BLO CHOS CAN, DER THAL DE'I PHYIR, 'DOD NA, DE CHOS CAN, RANG BLO RANG LA LKOG GYUR MA YIN PAR THAL, RANG BLO MNGON SUM DU RTOGS PA'I GANG ZAG YIN PA'I PHYIR, MKHAS PA KHA CIG@018A *, ,NA RE; SANGS RGYAS 'PHAGS PA LA LKOG GYUR MED CING, DE'I NGO BOR LKOG GYUR YOD DE, LKOG GYUR YIN NA, DE'I GZIGS NGOR YOD DGOS PA'I PHYIR TE, LKOG GYUR YIN NA, DES GZIGS PA'I YUL YIN DGOS PA'I PHYIR TE; LKOG GYUR YIN NA, NGES GZIGS DGOS PA'I PHYIR ZHES ZER, GZHAN DAG NA RE, LKOG GYUR YIN NA, SANGS RGYAS 'PHAGS PA LA MED PAS KHYAB PAR THAL, SANGS RGYAS 'PHAGS PA LA LKOG GYUR MED PA'I PHYIR, 'DOD NA, BDAG MED CHOS CAN, DER THAL, DE'I PHYIR ZHES ZER, 'O NA, LKOG GYUR YIN NA RJES DPAG LA YOD PAS KHYAB PAR THAL, LKOG GYUR YIN NA RJES DPAG LA LKOG GYUR YIN DGOS PA'I PHYIR, MA KHYAB NA, SANGS RGYAS 'PHAGS PA LA LKOG GYUR MED NA, DE LA MED PAS KHYAB PA 'BUD, 'O NA, LOG SHES YIN NA SANGS RGYAS 'PHAGS PA LA MED PAS KHYAB PAR THAL, DE LA LOG SHES MED PA'I PHYIR, 'DOD NA, SPANG BYAR 'DZIN PA'I BLO CHOS CAN, SANGS RGYAS 'PHAGS PA LA KHYOD MED PAR THAL, KHYOD LOG SHES YIN PA'I PHYIR, KHYAB PA KHAS, 'DOD NA, DE YOD PAR THAL, SANGS RGYAS 'PHAGS PA LA SPANG BYA YOD PAR ZHEN PA'I BLO YOD PA'I PHYIR TE, GZUGS SKU SPANG BYAR ZHEN PA'I BYE BRAG SMRA BA YOD PA'I PHYIR TE, BYE BRAG SMRA BAS, SANGS RGYAS KYI GZUGS SKU SDUG BDEN DU BZHED PA'I PHYIR, GZHAN YANG, SGRIB PA MED PAR ZHEN PA'I BLO CHOS CAN, SANGS RGYAS LA KHYOD MED PAR THAL, KHYOD LOG SHES YIN PA'I PHYIR; 'DOD NA, SANGS RGYAS LA SGRIB PA MED PAR ZHEN PA'I BLO YOD PAR THAL, SANGS RGYAS LA SGRIB PA MED PAR RTOGS PA'I BLO YOD PA'I PHYIR, ` DNGOS GANG CI LTA BUR GYUR PA, ZHES PA'I SKABS SU, DE SGRUB KYI RTAGS YANG DAG GI @018B TSUL GSUM 'JAL BA'I BLO GANG ZHIG ,RANG 'BRAS RTAGS CAN RJES DPAG GI NYER LEN DU GYUR PA, DE SGRUB KYI RTAGS 'DZIN SEMS KYI MTSAN NYID CE NA, SNGA RDZI MO'I RGYUD KYI DU LDAN GYI LA LA ME YOD PAR SGRUB PA'I RTAGS 'DZIN SEMS CHOS CAN, MTSAN NYID DER THAL, DE'I RTAGS 'DZIN SEMS YIN PA'I PHYIR, DE DER THAL DE'I RGYUD LA DE YOD PA'I PHYIR TE, DE'I RGYUD LA DU LDAN GYI LA LA ME YOD PAR RTOGS PA'I RJES DPAG YOD PA'I PHYIR TE, DE NI GRUB MTHA' MED RNAMS KYIS, DU BAS ME NI RTOGS MI 'GYUR, ,ZHES PA'I DON GRUB PA'I PHYIR, 'DOD NA, DE LTA BU'I RGOL BA CHOS CAN, GRUB MTHA'I RNAM DBYE LA RMONGS PA'I GANG ZAG MA YIN PAR THAL, RTAGS YANG DAG TSAD MAS DES PA'I GANG ZAG YIN PA'I PHYIR, RTAGS KHAS, GRUB MTHA'I RNAM DBYE LA RMONGS PA'I GANG ZAG GI RGYUD LA, RJES SU DPAG PA'I TSAD MA MED DO ZHE NA, YOD PAR THAL, LKOG GYUR YIN NA, DES DON SPYI'I TSUL GYIS RTOGS BYA MA YIN MI DGOS PA'I PHYIR, GRUB MTHA'I RNAM DBYE LA RMONGS SHING RTEN BCAS KYI MIG DBANG RGYUD LA MED PA'I GANG ZAG GI RGYUD LA GZUGS RTOGS PA'I TSAD MA YONG BA'I PHYIR, SGRA MI RTAG PAR SGRUB DOGS KYI PHYI RGOL GYI RGYUD KYI SGRA MI RTAG PAR SGRUB PA'I RTAGS 'DZIN SEMS CHOS CAN, DE SGRUB KYI RTAGS YANG DAG GI TSUL 'JAL BA'I BLO YIN PAR THAL, DE SGRUB KYI RTAGS 'DZIN SEMS YIN PA'I PHYIR, 'DOD NA, RGOL BA DES, DE SGRUB KYI RTAGS YANG DAG TSAD MAS NGES PAR THAL, 'DOD PA'I PHYIR, 'DOD NA, DES SGRA MI RTAG PA LA SGRUB BYED YANG DAG YOD PAR TSAD MAS NGES PAR THAL LO, 'DOD NA, SGRA MI RTAG PAR RTOGS PA YIN PAR THAL, 'DOD PA'I PHYIR, @019A *, ,MKHAS PA KHA CIG ,BU RAM GYI RO DA LTA BA'I RTAGS KYIS, KHA NANG BU RAM GONG BU'I STENG NA, BUR GZUGS DA LTA BA YOD PAR SGRUB PA'I RTAGS 'DZIN SEMS CHOS CAN, BU RAM GYI RO DA LTA BA'I RTAGS KYIS KHA NANG BU RAM GONG BU'I STENG NA, BUR GZUGS DA LTA BA YOD PAR SGRUB PA'I RTAGS YANG DAG GI TSUL 'JAL BA'I BLO YIN PAR THAL, SBYOR BA SKOR CIG PO DE'I RTAGS 'DZIN SEMS YIN PA'I PHYIR TE, SBYOR BA SKOR CIG PO DE'I RTAGS 'DZIN SEMS YOD PA'I PHYIR TE, SBYOR BA SKOR CIG PO DE'I RTAGS CAN RJES DPAG YOD PA'I PHYIR, 'DOD MI NUS TE, DE DE SGRUB KYI RTAGS YANG DAG MA YIN PA'I PHYIR, ZHES GSUNGS, 'O NA, BU RAM GYI RO DA LTA BA'I RTAGS KYIS, KHA NANG BU RAM GONG BU'I STENG NA, BUR GZUGS DA LTA BA YOD PAR SGRUB PA'I SGRUB NGAG YANG DAG YOD PAR THAL, DE'I RTAGS KYIS DE LTAR SGRUB PA'I RTAGS 'DZIN SEMS YOD PA'I PHYIR, 'DOD NA, DE'I RTAGS KYIS DE LTAR SGRUB PA'I TSUL GSUM DE SGRUB KYI SNGA RGOL GYIS TSAD MAS GRUB PAR THAL, DE SGRUB KYI GZHAN DON RJES DPAG YOD PA'I PHYIR, 'DOD NA, DE DE LTAR SGRUB PA'I RTAGS YANG DAG MA YIN PA 'BUD, MDOR NA, DE SGRUB KYI RTAGS 'DZIN GYI SEMS LA RTAGS YANG DAG GI TSUL 'JAL BA'I BLO YIN PAS KHYAB NA, GRUB MTHA'I RNAM DBYE LA RMONGS PA'I GANG ZAG DANG, RGYANG 'PHEN SOGS KYI RGYUD LA RJES SU DPAG PA'I TSAD MA MED PA'AM, YANG NA, RTAGS 'DZIN SEMS LA RTAGS KYI TSUL 'JAL BA'I BLOS MA KHYAB PA DANG, RJES DPAG YIN NA, RTAGS YANG DAG LA BRTEN PAS MA KHYAB PA GANG RUNG KHAS BLANGS DGOS PAR SEMS TE MKHAS PA RNAMS KYIS DPYAD PAR BYA'O, ,SGRA MI RTAG PAR SGRUB PA'I RTAG 'DZIN SEMS YIN NA, SGRA MI RTAG PAR SGRUB PA'I PHYI RGOL GYI RGYUD KYI RIG PA @019B YIN PAS KHYAB CE NA, BYAS PA SGRA MI RTAG PAR SGRUB PA LA RANG DON SKABS KYI RTAGS YANG DAG TU SONG BA'I RGOL BA'I RGYUD LA SGRA MI RTAG PAR SGRUB PA'I RTAG 'DZIN SEMS MED PAR DAM BCA' RIGS PAR THALO, 'DOD PAR MI NUS TE, GANG ZAG DE'I RGYUD LA SGRA MI RTAG RTOGS KYI RJES DPAG SKYE BA'I PHYIR TE, RTAG 'DZIN SEMS DANG RTAGS CAN RJES DPAG 'GAL LO ZHE NA, MI RIGS PAR THAL, NYER LEN GYI PHUNG PO GANG ZAG GI BDAG MED DU SGRUB PA'I RTAGS 'DZIN SEMS SU GYUR PA'I TSAD MA YOD PA'I PHYIR, KHYAB PAR THAL, TSUR MTHONG GI RGYUD LA DE SGRUB KYI TSUL GSUM 'JAL BA'I MNGON SUM GYI TSAD MA MED PA'I PHYIR, RTZA BA'I GTAN TSIGS GRUB PAR THAL, RTAGS 'DZIN SEMS SU GYUR PA'I TSAD MA YOD PA'I PHYIR TE, RTAGS 'DZIN SEMS YIN NA, DRAN SHES YIN PAS MA KHYAB PA'I PHYIR, ,MI 'GAL LO ZHE NA, RE ZHIG 'KHRI TSUL 'DI LTAR BRJOD DE, SGRA MI RTAG PAR SGRUB PA'I RTAGS 'DZIN SEMS DANG, SGRA MI RTAG RTOGS KYI RJES DPAG MI 'GAL PAR THAL, RTAGS 'DZIN SEMS DANG, RJES DPAG MI 'GAL BA'I PHYIR, 'DOD NA, SGRA MI RTAG PAR SGRUB PA'I RTAGS 'DZIN SEMS KYIS SGRA MI RTAG PA RTOGS PAR THAL, 'DOD PA'I PHYIR, 'DOD NA, DE MA RTOGS PAR THAL, SGRA MI RTAG RTOGS KYI RJES DPAG DE SGRA MI RTAG PA LA BCAD SHES MA YIN PA'I PHYIR, 'DI DAG GI 'KHRI TSUL RGYAS PAR NI SGRUB NGAG GI SKABS LAS SHES PAR BYA'O, , ` 'GAL TE CHOS NI THA DAD DAM, ZHES PA'I SKABS SU, YOD PA DE, MYU GU BDAG LAS MI SKYE BAR SGRUB PA DANG, RANG DANG BDAG NYID GCIG TU GYUR PA'I RGYU LAS MI SKYE BAR SGRUB PA'I 'GAL DMIGS KYI RTAGS YANG DAG YIN NO ZHE NA, ,BDAG GI 'BRAS BU CHOS @020A *, ,CAN, BDAG LAS MI SKYE BAR THAL, YOD PA'I PHYIR, 'DOD NA, DE LAS SKYES PAR THAL, DE'I 'BRAS BU YIN PA'I PHYIR, YANG NA, BDAG SKYE YOD PAR THAL, BDAG LAS SKYE BA YOD PA'I PHYIR, 'DOD NA, SA BON GYI DUS NA MYU GU YOD PAR THAL, 'DOD PA'I PHYIR, CHOS DE'I 'BRAS BU YIN NA, CHOS DE LAS SKYES PAS KHYAB PAR THAL, BDAG GI 'BRAS BU YIN NA BDAG LAS SKYES PAS KHYAB PA'I PHYIR, 'DOD NA, 'GOG BDEN CHOS CAN, BRAL BA LAS SKYES PAR THAL, BRAL BA'I 'BRAS BU YIN PA'I PHYIR TE, 'GOG BDEN YIN PA'I PHYIR, RGYUN ZHUGS KYI RGYUD KYI RNAM GROL LAM CHOS CAN, RGYUN ZHUGS LAS SKYES PAR THAL, DE'I 'BRAS BU YIN PA'I PHYIR, 'DOD MI NUS TE; DE DANG DUS MNYAM YIN PA'I PHYIR, MYU GU CHOS CAN, RANG DANG BDAG NYID GCIG TU GYUR PA'I RGYU LAS SKYES PA MED PAR THAL, YOD PA'I PHYIR, KHYAB PA KHAS, RANG DANG BDAG NYID GCIG TU GYUR PA'I RGYU LAS SKYES PA YOD PAR THAL, RANG DANG BDAG NYID GCIG TU GYUR PA'I RGYU YOD PA'I PHYIR TE, MYU GU RANG DANG GCIG YIN PA'I PHYIR, 'DI'I RNAM BZHAG RGYAS PAR NI, , 'GAL DANG 'BUS BU DAG GRUB DANG, ZHES PA'I SKABS SU BSHAD ZIN TO,, ` ,MNGON SUM RTOG DANG BRAL BA NI, ,ZHES PA'I SKABS SU, MNGON SUM GYI MTSAN NYID, RTOG BRAL MA 'KHRUL PA'I RIG PA DANG, RTOG PA DANG BRAL ZHING BAG CHAGS BRTEN PA LAS BYUNG BA'I RIG PA DANG, DE DANG BRAL ZHING GLO BUR GYI 'KHRUL RGYUS MA BSLAD PA'I RIG PA ZHES GSUNGS SHING, RTOG BRAL GYI DON, RTOG PA MA YIN PA DANG, MA 'KHRUL PA'I DON, @020B RANG GI SNANG YUL LA MA 'KHRUL, ZHES ZER NA, TSAD MA CHOS CAN, MTSON BYA DER THAL, MTSAN NYID DE'I PHYIR TE, RTOG PA MA YIN PA GANG ZHIG ,RANG GI SNANG YUL LA MA 'KHRUL BA'I RIG PA YIN PA'I PHYIR, RTAGS KHYAB THAmS CAD KHYOD LA KHAS, RTZA BAR 'DOD NA, RJES DPAG KHYOD MA YIN PAR THAL, 'DOD PA'I PHYIR, SHES BYA CHOS CAN, 'KHRUL SHES YIN NA, RANG GI SNANG YUL LA 'KHRUL BAS KHYAB PA YOD PAR THAL, ,ZLA BA GNYIS SNANG GI DBANG SHES DE RANG GI SNANG YUL LA 'KHRUL BA'I PHYIR, 'DOD NA, RJES DPAG CHOS CAN, DER THAL, DE'I PHYIR, 'DOD NA, MA YIN PAR THAL, RANG GI SNANG YUL LA TSAD MA YIN PA'I PHYIR, MA GRUB NA, RJES DPAG GI SNANG YUL CHOS CAN; RJES DPAG KHYOD LA TSAD MA YIN PAR THAL, KHYOD MTSAN GZHI YIN PA'I PHYIR, YANG RJES DPAG CHOS CAN, RANG GI SNANG YUL LA TSAD MA YIN PAR THAL, TSAD MA GANG ZHIG ,RANG GI SNANG YUL RTOGS PA'I PHYIR, MA GRUB NA; RANG GI SNANG YUL RTOGS PAR THAL, RANG GI SNANG YUL DANG YOD PA'I TSOGS DON RTOGS PA'I PHYIR, MA GRUB NA, DE'I SNANG YUL DANG, YOD PA'I TSOGS DON CHOS CAN, DES RTOGS PAR THAL, GZHAN DON BSGRUB BYA YANG DAG YIN PA'I PHYIR, DE LA KHO NA RE, SGRA MI RTAG RTOGS KYI RJES DPAG LTA BU CHOS CAN, RANG GI SNANG YUL LA 'KHRUL BA YIN TE, SGRA MI RTAG PA'I DON SPYI SGRA MI RTAG PA DANG GCIG YIN PA DE KHYOD KYI SNANG YUL GANG ZHIG ,DE LA 'KHRUL BA'I PHYIR, DE CHOS CAN, SGRA MI RTAG PA'I DON SPYI LA 'KHRUL TE, SGRA MI RTAG PA'I DON SPYI SGRA MI RTAG PA DANG GCIG TU SNANG BA'I PHYIR ZHE NA, DE CHOS CAN, RANG GI YUL LA 'KHRUL BAR THAL, SGRA MI RTAG PA'I DON SPYI DE DANG GCIG @021A *, ,YIN PA DE KHYOD KYI YUL GANG ZHIG ,DE LA 'KHRUL BA'I PHYIR, KHYAB PA KHAS, 'DOD NA, RANG GI GZHAL BYA LA 'KHRUL BAR THAL, 'DOD PA GANG ZHIG ,KHYOD KYI YUL KHYOD KYI GZHAL BYA YIN PA'I PHYIR, YANG DE CHOS CAN, SGRA MI RTAG PA LA 'KHRUL BAR THAL, SGRA MI RTAG PA DE DE'I DON SPYI DANG GCIG TU SNANG BA'I PHYIR, ,KHYAB PA KHAS, 'DOD NA, DE LA TSAD MA MA YIN PAR THAL, 'DOD PA'I PHYIR, LOG SHES YIN NA, RANG GI SNANG YUL LA LOG SHES YIN PAS KHYAB PA DANG, TSAD MA YIN NA RANG GI SNANG YUL LA TSAD MA YIN PAS KHYAB PA YOD PAR THAL, 'KHRUL SHES YIN NA, RANG GI SNANG YUL LA 'KHRUL SHES YIN DGOS PA'I PHYIR, ,RTAGS KHAS, 'DOD NA, SGRA RTAG 'DZIN GYI RTOG PA CHOS CAN, RANG GI SNANG YUL LA LOG SHES YIN PAR THAL, LOG SHES YIN PA'I PHYIR, 'DOD NA, RANG GI SNANG YUL KHYOD KYI ZHEN YUL YIN PAR THAL, 'DOD PA'I PHYIR, YANG KHA CIG NA RE, SGRA MI RTAG RTOGS KYI RJES DPAG RANG GI SNANG YUL LA LOG SHES YIN NO ZHES ZER, ,'O NA, SGRA MI RTAG RTOGS KYI RJES DPAG DES, SGRA MI RTAG PA'I DON SPYI SGRA MI RTAG PAR ZHEN PA YIN PAR THAL, DE RANG GI SNANG YUL LA LOG SHES YIN PA'I PHYIR, 'DOD NA, BRDA BYANG RGAN PO RNAMS KYIS BYANG BZHIN GYI GZUGS BRNYAN BYAD BZHIN DU ZHEN PAR THAL, 'DOD PA'I PHYIR, 'DOD NA, SGYU MA MKHAN GYIS RDE SHING RTA GLANG DU ZHEN PAR THAL, 'DOD PA'I PHYIR, SGRA MI RTAG RTOGS KYI RJES DPAG CHOS CAN, KHYOD KYI ZHEN STANGS LA RIGS PAS GNOD PAR THAL, SGRA MI RTAG PA'I DON SPYI SGRA MI RTAG PAR ZHEN PA'I PHYIR, GZHAN YANG, LOG SHES SU THAL, RTAGS SNGAR GYI DE'I PHYIR, 'DOD NA, SGRA MI RTAG RTOGS KYI RJES @021B DPAG GIS SGRA MI RTAG PA'I DON SPYI SGRA MI RTAG PAR ZHEN PA MA YIN PAR THAL, DE LA SGRA MI RTAG PA'I DON SPYI SGRA MI RTAG PAR SNANG BA TZAM YOD KYANG ZHEN PA MED PA DANG, BRDA BYANG RGAN PO RNAMS LA, BYAD BZHIN GYI GZUGS BRNYAN BYANG BZHIN DU SNANG BA TZAM YOD KYANG ZHEN PA MED PA GNYIS MTSUNGS PAR LHA'I DBANG PO'I 'GREL PA LAS GSAL BAR BSHAD PA'I PHYIR, YANG KHA CIG NA RE, SO SKYE CHOS CAN, RTOG PA DANG BRAL BAR THAL, RTOG PA MA YIN PA'I PHYIR TE, GANG ZAG YIN PA'I PHYIR, 'DOD NA, RTOGS PA DANG BRAL BA MA YIN PAR THAL, RTOG PA DANG BCAS PA'I PHYIR TE, GANG ZAG GI BDAG TU 'DZIN PA'I RTOG PA DANG BCAS PA'I PHYIR TE, SO SKYE YIN PA'I PHYIR ZHE NA, GANG ZAG YIN NA RTOG PA MA YIN PAS KHYAB PA MED PAR THAL, GANG ZAG YIN NA SHES PA MA YIN PAS KHYAB PA MED PA'I PHYIR TE, DE LTAR, SNGAR GONG DU BSHAD ZIN PA'I PHYIR, NYAN THOS DGRA BCOM PA'I RGYUD KYI SDUG BDEN CHOS CAN, ZAG PA DANG BCAS PA MA YIN PAR THAL, ZAG PA DANG BRAL BA'I PHYIR TE, ZAG PA SPANGS PA'I PHYIR TE, NYON MONGS SPANGS PA'I PHYIR TE, DGRA BCOM PA'I RGYUD GYI PHUNG PO YIN PA'I PHYIR, 'DOD NA, ZAG PA DANG BCAS PAR THAL, SDUG BDEN YIN PA'I PHYIR, KHA CIG NA RE, SNGO SNANG DBANG SHES CHOS CAN, MNGON SUM DU THAL, RTOG PA DANG BRAL ZHING MA 'KHRUL BA'I RIG PA YIN PA'I PHYIR, 'DOD NA, KHYOD KYI GZUNG DON MED NA, KHYOD MED DGOS PAR THAL, KHYOD DBANG MNGON YIN PA'I PHYIR, 'DOD NA, SNGON PO TSAD MAS MA DMIGS PA'I SA PHYOGS CHOS CAN, DER THAL, DE'I PHYIR, 'DOD MI NUS @022A *, ,TE; GANGS RI SNGO SNANG GI DBANG SHES YOD PA'I PHYIR ZHE NA, SNGO SNA DBANG SHES CHOS CAN, KHYOD KYI RGYUR GYUR PA'I SNGON PO MED NA KHYOD MED PAS KHYAB PAR THAL, KHYOD KHYOD RANG GI RGYUR GYUR PA'I SNGON PO LAS SKYES PA'I PHYIR, GTAN TSIGS GRUB STE, MAR ME'I RTZE MO KHRA SGOR BAR SNANG BA'I DBANG SHES DE, RANG GI RGYUR GYUR PA'I MAR ME'I RTZE MO LAS SKYES PA GANG ZHIG ,RGYU MTSAN MTSUNGS PA'I PHYIR, GZHAN YANG, SNGO SNANG DBANG SHES KYI RGYU MED PAR THAL, SNGO SNANG DBANG SHES KYI RGYUR GYUR PA'I SNGON PO MED PA'I PHYIR, GTAN TSIGS KHAS, MNGON PAR SHES PA YIN NA, MA 'KHRUL PA'I RIG PA YIN DGOS PAR THAL, MNGON SUM YIN NA, MA 'KHRUL PA'I RIG PA YIN DGOS PA'I PHYIR, 'DOD MI NUS TE, MA BRTAGS PAR LUNG BSTAN PAR MI BYA'O, ,ZHES PA, NYAN THOS SDE GNYIS KYI RANG GZHUNG RNAM DAG YIN PA'I PHYIR, CHU KLUNG BDUD RTZIR SNANG BA'I LAS STOBS LDAN BSAGS PA'I GANG ZAG MED PAR THAL, CHU KLUNG BDUD RTZIR SNANG BA'I DBANG MNGON MED PA'I PHYIR, 'DOD NA, LAS 'BRAS BDEN PAR MA GRUB PAR THAL, 'DOD PA'I PHYIR, 'CHI LTAS KYIS ZIN PA'I LHA LA RANG GI GZHAL MED KHANG YID MI 'ONG DU SNANG BA MI 'THAD PAR THAL, DE LTAR SNANG BA'I DBANG MNGON MED PA'I PHYIR, NAD KYIS GDUNGS PA'I SKYES BU 'GA' ZHIG LA, RANG GI ZAS GOS SOGS YID MI 'ONG DU SNANG BA MI 'THAD PAR THAL, DE LTAR SNANG BA'I MNGON SUM MED PA'I PHYIR, MI GTZANG BA'I DRI KHYI DANG PHAG SOGS LA YID 'ONG DU SNANG BA MI 'THAD PAR THAL, DE LTAR SNANG BA'I DBANG MNGON MED PA'I PHYIR, 'DOD MI NUS TE, DE RNAMS NI SRED PA'I DBANG GIS MI GTZANG BA'I DONG DU YANG DGA' BZHIN DU RGYUG PA'I PHYIR, LHAS BYIN GYI @022B GZUGS LA LTA BA'I, LHAS BYIN GYI DGRA DE LA, LHAS BYIN YID MI 'ONG DU MI SNANG BAR THAL, LHAS BYIN GYI GZUGS YID MI 'ONG DU SNANG BA'I MNGON SUM MED PA'I PHYIR, RTAGS RNAMS KHAS, DE LA GZUGS YID MI 'ONG DU SNANG BA'I BLO LA RTOGS PAS KHYAB STE, GAL TE 'DOD DANG MI 'DOD PAR, SNANG BA RTOG YIN DON BLO MIN, ZHES BSHAD PA'I PHYIR ZHE NA, MA KHYAB PAR THAL, GZUGS SOGS BUD MED SOGS KHYAD PAR, NAM YANG MIG GIS 'DZIN MI 'GYUR, ZHES GZUGS BZANG NGAN GYI KHYAD PAR MIG SHES KYIS RTOGS PAR BYED PA'I PHYIR, YID 'ONG DANG YID MI 'ONG GI GZUGS MED PAR THAL, YID 'ONG GI GZUGS YID MI 'ONG DU SNANG BA'I DBANG MNGON LA SOd PA MED PA'I PHYIR RO, 'DOD NA, SANGS RGYAS KYI GZUGS GZHI MA GRUB PAR THAL, 'DOD PA'I PHYIR, GZHAN YANG, DGE SDIG GI LAS KYI RNAM SMIN GYI 'BRAS BU GZHI MA GRUB PAR THAL, RNAM SMIN GYI 'BRAS BU YID MI 'ONG SOGS MED PA'I PHYIR, 'DI LA GLO BUR GYI 'KHRUL RGYUS SLAD PA'I MNGON SUM YOD PAR THAL, YID ZHE SDANG GIS DKRUGS PA LAS LHAS BYIN GYI GZUGS YID MI 'ONG DU SNANG BA'I MNGON SUM YOD PA'I PHYIR, KHYAB STE, RAB RI BA DANG, MYUR DU BSKOR BA DANG, GRUR ZHUGS PA DANG, 'KHRUGS PA LA SOGS PAS 'KHRUL PAR MA BSKYED PA'I RIG PA NI MNGON SUM MO, ZHES BSHAD PA'I PHYIR ZHE NA, GZHUNG 'DIS GLO BUR GYI 'KHRUL RGYU DE LA RNAM PA BZHI YOD PAR MA BSTAN PAR THAL, 'KHRUGS PA ZHES SOGS SNGA MA GSUM GYI MTHA' GSAL BYED TZAM YIN PA'I PHYIR TE, 'THAD LDAN CHEN MO DANG, RNAM PAR NGES PA'I t'IKA CHEN LAS GSAL BAR BSHAD PA'I PHYIR, RTOG MED@023A *, ,MNGON SUM LTAR SNANG YIN NA, GLO BUR GYI 'KHRUL RGYUS BSLAD PAS KHYAB PA YOD PAR THAL, MNGON SUM LA MA 'KHRUL PAS KHYAB PA'I PHYIR, 'DOD NA, RTOG PA MNGON SUM LTAR SNANG LA'ANG GLO BUR GYI 'KHRUL RGYUS BSLAD PAS KHYAB PAR THAL, 'DOD PA'I PHYIR, 'DOD MI NUS TE, GANG ZAG GI BDAG 'DZIN LHAN SKYES BAG CHAGS BRTAN BYUNG GI RIG PA YIN PA'I PHYIR, 'ON KYANG GRAGS TSOD LTAR NA, MNGON SUM LA MA 'KHRUL BAS KHYAB PA BSHAD PA LTAR KHAS BLANGS NA BDE BAR GRAGS SO, RTOG PA DANG BRAL ZHING BAG CHAGS BRTAN PA LAS BYUNG BA'I RIG PA DANG, RTOG PA DANG BRAL ZHING GLO BUR GYI 'KHRUL RGYUS MA BSLAD PA'I RIG PA RNAMS, MNGON SUM GYI MTSAN NYID CE NA, SANGS RGYAS 'PHAGS PA'I THUGS RGYUD KYI DBANG PO'I MNGON SUM CHOS CAN, BAG CHAGS BRTAN BYUNG YIN PAR THAL, MNGON SUM YIN PA'I PHYIR, 'DOD PAR MI NUS TE, SANGS RGYAS 'PHAGS PA'I THUGS RGYUD LA BAG CHAGS MED PA'I PHYIR TE, DE'I RGYUD LA BAG CHAGS BSGO BA'I GZHIR GYUR PA'I SHES PA MED PA'I PHYIR TE, GZUGS MED KYI SHES PA YIN NA, BAG CHAGS BSGO BA'I GZHI MA YIN DGOS PA'I PHYIR TE, AA KA RU'I DRI SOGS STAG MA'I ME TOG GI DRI BSGO BA'I GZHI RU MI RUNG BA'I PHYIR, RGYAS PAR NI CHOS MNGON PA'I DGONGS 'GREL RNAMS LAS SHES PAR BYA'O, ,SANGS RGYAS KYI RGYUD LA BAG CHAGS KYI BSLAD PA'I SHES PA YOD PAR THAL; SANGS RGYAS KYI THUGS RGYUD LA BAG CHAGS YOD PA'I PHYIR, 'DOD NA, DE'I RGYUD LA 'KHRUL SHES YOD PAR THAL, 'DOD PA'I PHYIR, ZLA BA GNYIS SNANG GI DBANG SHES NYAMS SU MYONG BA'I RANG RIG CHOS CAN, BAG CHAd @023B BRTEN PA LAS BYUNG BAR THAL, MNGON SUM YIN PA'I PHYIR, 'DOD NA, DE LAS SKYES PAR THAL, 'DOD PA'I PHYIR, 'DOD NA, ZLA BA GNYIS SNANG GI DBANG SHES CHOS CAN, KHYOD BAG CHAGS BRTAN PA LAS SKYES PAR THAL; KHYOD MYONG RANG RIG MNGON SUM BAG CHAGS BRTAN PA LAS SKYES PA'I PHYIR, 'DOD NA, MNGON SUM DU THAL, RTOG PA DANG BRAL ZHING BAG CHAGS BRTAN PA LAS BYUNG BA'I PHYIR, DER THAL, RTOG PA DANG BRAL ZHING BAG CHAGS BRTAN PA LAS SKYES PA'I PHYIR, RTAGS RNAMS KHYOD KHYER, MNGON SUM YIN NA, BAG CHAGS BRTAN PA LAS SKYES PAS KHYAB PAR THAL, DE YIN NA, BAG CHAGS BRTAN PA LAS BYUNG BAS KHYAB PA'I PHYIR, 'DOD NA, 'BRAS BU YIN NA, RGYU LAS SKYES PAS KHYAB PAR THAL, 'DOD PA'I PHYIR, ZLA BA GNYIS SNANG GI DBANG SHES CHOS CAN, MNGON SUM YIN PAR THAL, RTOG PA DANG BRAL ZHING GLO BUR GYI 'KHRUL PAR MA SKYED PA'I PHYIR, MA GRUB NA, GLO BUR GYI 'KHRUL RGYUS SKYED PAR THAL, GLO BUR GYI 'KHRUL PAR SKYED PA'I PHYIR, KHYAB STE, KHYOD 'KHRUL SHES DANG RDZAS CHA DBYER MED GYI GRUB BDE RDZAS GCIG YIN PA'I PHYIR, 'DOD NA, RTOG MED LOG SHES YIN NA, GLO BUR GYI 'KHRUL RGYUS SKYED PAR KHYAB PAR THAL, 'DOD PA'I PHYIR, KHA CIG, MNGON SUM DANG, MNGON SUM TSAD MA'I MTSAN NYID SO SOR 'CHAD PA MI 'THAD DE, MNGON SUM LA TSAD MAS KHYAB PA'I PHYIR ZHE NA, CHOS DE LA MNGON SUM YIN NA, CHOS DE LA TSAD MA YIN DGOS PAR THAL, MNGON SUM YIN NA, TSAD MA YIN DGOS PA'I PHYIR, SHES PA YIN NA, RANG GI NGO BO LA RANG RIG MNGON SUM YIN PAS KHYAB PAR THAL, GTAN @024A *, ,TSIGS SNGAR BZHIN, SGRA MI RTAG PAR SGRUB DGOS KYI PHYI RGOL GYI RGYUD KYI SGRA 'DZIN DBANG PO'I MNGON SUM CHOS CAN, SGRA'I MI RTAG PA LA TSAD MAR THAL, DE LA MNGON SUM YIN PA'I PHYIR, RTAGS GRUB PAR THAL; DE'I PHYIR DNGOS PO MTHONG BA YI, ZHES PA'I DON GRUB PA'I PHYIR, 'DOD NA, NGO BO ZHES PA'I TSIG SMOS PA DGOS MED DU THAL, 'DOD PA'I PHYIR, GRANGS CAN GYI RGYUD KYI SGRA 'DZIN DBANG PO'I MNGON SUM CHOS CAN, SGRA'I MI RTAG PA LA TSAD MA MA YIN PAR THAL, KHYOD SGRA'I MI RTAG PA LA TSAD MA YIN NA GRANGS CAN SGRA MI RTAG PAR 'DOD DGOS PA'I PHYIR, GSAL BA KHAS, SGRA RTAG 'DZIN GYI RTOG PA CHOS CAN, KHYOD KHYOD RANG GI NGO BO LA RANG RIG MNGON SUM DU THAL, KHYOD SHES PA YIN PA'I PHYIR, 'DOD NA, KHYOD KHYOD RANG GI NGO BO LA TSAD MAR THAL, KHYOD KHYOD RANG GI NGO BO LA MNGON SUM YIN PA'I PHYIR, 'DOD NA, TSAD MA YIN PAR THAL, KHYOD KHYOD RANG GI NGO BO LA TSAD MA YIN PA'I PHYIR, KHYOD KYI 'JUG YUL YOD PAR THAL, KHYOD KYI NGO BO KHYOD KYI 'JUG YUL YIN PA'I PHYIR, RTAGS KHAS, RTOG PA CHOS CAN, KHYOD KHYOD RANG GI SNANG YUL DU THAL, KHYOD KHYOD RANG LA RANG RIG MNGON SUM YIN PA'I PHYIR, 'DOD NA, RTOG PA CHOS CAN, RTOG PA'I SNANG YUL MA YIN PAR THAL, RANG MTSAN YIN PA'I PHYIR, RTOG PA CHOS CAN, TSUR MTHONG GI MIG GI SHES PA'I GZUNG BYA YIN PAR THAL, DE KHYOD LA RANG RIG MNGON SUM YIN PA'I PHYIR, 'DOD NA, DE CHOS CAN, KHYOD TSUR MTHONG GI MIG GI SHES PA'I GZUNG BYA MA YIN PAR THAL, BLO YIN PA'I PHYIR, KHYAB STE, GCIG GIS GNYIS SHES MA YIN TE, DBANG PO'I SEMS NI NGES PHYIR ZHES SOGS DANG, 'DI LTAR PHYI MA PHYI MA YI, @024B SHES PA RNAM GCIG LHAG PA NYID, CES SOGS KYI LUNG DON GRUB PA'I PHYIR RO, MDOR NA, RTAGS DANG RJES DPAG DGOS MED DU THAL, SGRA MI RTAG PAR SGRUB DGOS KYI PHYI RGOL GYIS, SGRA MI RTAG PAR TSAD MAS GRUB, SHES PA YIN NA, RANG NYID RANG LA TSAD MA YIN PAS KHYAB PA'I PHYIR, RTAGS RNAMS KHAS BLANGS SO, ,MNGON SUM LA TSAD MAS MA KHYAB PAR THAL, MNGON SUM BCAD SHES YOD PA'I PHYIR TE, GTAN TSIGS THIGS PA CHOS MCHOG TU DRANGS PA LAS, MNGON SUM DANG RJES SU DPAG PA'I SKAD CIG MA DANG PO NYID TSAD MA YIN GYI, DE DAG GI RGYUN DU GYUR PA'I GRUB PA DANG BDE BA THA MI DAD PA'I PHYIR, ZHES PA'I DON GRUB PA'I PHYIR, 'DI'I DON GSAL BAR BSHAD NA, TSUR MTHONG GI RGYUD KYI SGRA 'DZIN DBANG MNGON SKAD CIG GNYIS PA DE, TSAD MA MA YIN TE, DE SGRA LA TSAD MA MA YIN PA'I PHYIR TE, SGRA DE DE'I SNGA ROL DU SGRA 'DZIN MNGON SUM SKAD CIG DANG POS RTOGS ZIN PA'I PHYIR, KHYAB STE, DNGOS LAS MI RTAG GZHAN DU MED, ,DE YANG DBANG PO LAS SNGAR GRUB, CES PA'I RIGS PA'I LAM 'DIR YANG MTSUNGS PA'I PHYIR, SGRA MI RTAG PAR RTOGS PA'I RJES DPAG SKAD CIG GNYIS PA DE, TSAD MA MA YIN TE, SGRA MI RTAG PA LA TSAD MA MA YIN PA'I PHYIR TE, SGRA MI RTAG PA DE, DE'I SNGA ROL DU SGRA MI RTAG RTOGS KYI RJES DPAG SKAD CIG DANG POS GRUB ZIN PA'I PHYIR, MDOR NA TSUR MTHONG GI RGYUD KYI MNGON RJES SKAD CIG GNYIS PA RNAMS TSAD MA MA YIN TE, DE RNAMS KYI NYER LEN TSAD MA SNGA MA RNAMS KYIS, DE RNAMS KYI GZHAL BYA LEGS PAR GRUB, DE RNAMS KYIS RANG GI GZHAL BYA GSAR DU RTOGS PA LAS RANG RGYUD LDAN GYI GANG ZAG GI RGYUD LA YID BDE GSAR DU 'DREN PA MED @025A *, ,PA'I PHYIR ZHES PA NI, GTAN TSIGS THIGS PA'I DGONGS PA, 'THAD LDAN LAS BSHAD PA LTAR, RGYAL TSAB DAM PA'I RIGS THIGS KYI RNAM BSHAD LAS GSAL BAR BSHAD CING, RNAM PAR DES PA'I RANG DON LE'U'I SKABS SU YANG DON GYI BSTAN PA'I DGONGS PA'O, ,'ON KYANG, 'KHRI TSUL 'DI LTAR BRJOD DE, TSUR MTHONG GI RGYUD KYI SGRA 'DZIN MNGON SUM TSAD MA SKAD CIG MA GNYIS PA DE TSAD MA MA YIN PAR THAL, SGRA DE DE'I SNGA ROL DU SGRA 'DZIN MNGON SUM GYI TSAD MA SKAD CIG DANG POS RTOGS PA'I PHYIR, KHYAB PA KHAS, 'DOD NA, TSUR MTHONG GI RGYUD KYI SGRA 'DZIN TSAD MA YIN NA, DUS MTHA'I SKAD CIG MA YIN PAS KHYAB PAR THAL, 'DOD PA'I PHYIR, 'DOD NA, TSUR MTHONG GI RGYUD KYI SGRA 'DZIN MNGON SUM TSAD MA CHOS CAN, DER THAL, DE'I PHYIR, 'DOD NA, TSUR MTHONG GI RGYUD KYI MNGON SUM TSAD MA MA YIN PAR THAL, DUS MTHA'I SKAD CIG MA YIN PA'I PHYIR, RTAGS KHYAB KHAS, RJES DPAG SKAD CIG GNYIS PA RJES DPAG MA YIN PAR THAL, RJES DPAG SKAD CIG GNYIS PA DE TSAD MA MA YIN PA'I PHYIR, 'DOD NA, MNGON SUM SKAD CIG GNYIS PA MNGON SUM MA YIN PAR THAL, 'DOD PA'I PHYIR, TSUR MTHONG GI RGYUD KYI MAR ME 'DZIN PA'I MNGON SUM SKAD CIG GNYIS PA TSAD MAR THAL, DE'I RGYUD KYI MAR ME SKAD CIG GNYIS PA 'DZIN PA'I MNGON SUM TSAD MA YIN PA'I PHYIR TE, DE'I RGYUD KYI MAR ME SKAD CIG THA MA 'DZIN PA'I MNGON SUM TSAD MA YIN PA'I PHYIR TE, DES MAR ME SKAD CIG MTHA MA'I 'JIG PA RTOGS PA'I PHYIR TE, 'DI LTAR RTAGS MED BYIS PAR GYI, ,ZHES SOGS KYI DON GRUB PA'I PHYIR, TSUR MTHONG GI RGYUD KYI RANG RIG LA YANG BCAD SHES YOD PAR THAL, @025B TSUR MTHONG GI RGYUD KYI MNGON RJES GNYIS LA BCAD SHES YOD PA'I PHYIR, 'DOD MI NUS TE, RANG GI GZHAL BYA RTOGS PA'I RANG RIG LA TSAD MAS KHYAB PA'I PHYIR, ZLA BA GNYIS SNANG GI DBANG SHES NAM MKHA' LA MNGON SUM GYI TSAD MA YIN TE, DE LA RTOG BRAL MA 'KHRUL BA YIN PA'I PHYIR, ZER BA SOGS NI MI RIGS PA YIN TE, RANG NGES GZHAN NGES DANG, NOR BU SGRON ME 'OD DAG LA, ,ZHES SOGS KYI SKABS SU GNOD BYED BSTAN PA'I RIGS PAS GNOD PA'I PHYIR, KHA CIG NA RE, GZHUNG 'DI MDO SDE PA KHO NA LA SBYOR RIGS TE, MNGON SUM BZHI PO MDO SDE'I LUGS, ,BYE BRAG SMRA GSUM RNAM RIG GNYIS, ZHES BSHAD PA GANG ZHIG, 'DIR MNGON SUM LA BZHIR KHAS LEN DGOS PA'I PHYIR ZHE NA, SEMS TZAM PAS, DBANG MNGON DANG YID MNGON KHAS LEN PAR THAL, ,SEMS TZAM PAS GZUGS SGRA SOGS KHAS LEN PA'I PHYIR TE, DE MI LEN PA LA 'OG NAS 'BYUNG BA'I RIGS PAS GNOD PA'I PHYIR, MA 'KHRUL BA'I MNGON SUM LA RNAM PA BZHIR 'DOD PA, MDO SDE PA KHO NA'I LUGS SO ZHE NA, MI RIGS PAR THAL, SEMS TZAM PAS KYANG, DE LTAR DU 'DOD PA'I PHYIR TE, DES SANGS RGYAS KYI RGYUD LA MNGON SUM BZHI YOD PAR 'DOD PA'I PHYIR, RNAM BDEN PAS, RTOG BRAL MA 'KHRUL BA'I RIG PA MNGON SUM GYI MTSAN NYID DU MI 'DOD PAR THAL, GZHUNG 'DI MDO SDE PA KHO NAS BDAG 'DZIN BYED PA'I PHYIR, RTAGS GSAL KHAS, MNGON SUM LTAR SNANG RAB RIB BCAS, ,ZHES PA MDO SDE BA KHO NA'I GZHUNG YIN PAR THAL, 'DI MDO SDE PA KHO NA'I GZHUNG YIN PA'I PHYIR, 'DOD NA, SNGO DANG ZLA GNYIS LA SOGS BLO'I, ZHES PA MDO SDE PA KHO NA'I GZHUNG @026A *, ,DU THAL, 'DOD PA'I PHYIR, GZHUNG 'DI CHOS CAN, SEMS TZAM PAS KHYOD KYI BSTAN DON SGRA JI BZHIN DU KHAS MI LEN PAR THAL, MDO SDE PA KHO NA'I GZHUNG YIN PA'I PHYIR, GZHUNG 'DIS MA 'KHRUL PA'I RIG PA MNGON SUM GYI MTSAN NYID KYI ZUR DU DNGOS SU BSTAN PAR THAL, 'DI MDO SDE PA KHO NA LA SBYOR RIGS PA'I PHYIR, 'DOD NA, TSAD MA SLU MED CAN SHES PA, ZHES PAS GSAR DU MI SLU BA'I RIG PA TSAD MA'I MTSAN NYID DU DNGOS SU BSTAN PAR THAL, 'DOD PA'I PHYIR, 'DOD MI NUS TE, GNOD BYED BRJOD ZIN PA'I PHYIR, 'DI MDO SDE PA KHO NA LA SBYOR RIGS TE, 'DIR DBANG MNGON, GZUNG DON LAS SKYED PAS KHYAB STE,, 'THANG LDAN LAS, RAB TU BYED PA 'DI NI RNAM PAR RIG PA SMRA BA'I TSUL SBYAR BA BYA BA MA YIN TE, DON GYI MTHU YI NI, YANG DAG SKYE BA YIN PHYIR RO, ,ZHES GSUNGS PA'I PHYIR, ZHE NA, 'BRAS RTOGS DANG PO'I GZHUNG MDO SDE PA KHO NA LA SBYOR RIGS PAR THAL, DER YANG DBANG MNGON BZUNG DON LAS SKYES PA'I PHYIR, KHYAB GSAL KHAS, SEMS TZAM PAS, RTOG BRAL MA 'KHRUL BA'I RIG PA, MNGON SUM GYI MTSAN NYID DU 'DOD PAR THAL, RTOG BRAL MA 'KHRUL BA'I RIGS PA MNGON SUM GYI MTSAN NYID GANG ZHIG ,SEMS TZAM RNAM BDEN PAS, MNGON SUM LA MA 'KHRUL PAS KHYAB PA KHAS LEN PA'I PHYIR, RTAGS RNAMS KHAS, 'DOD NA, 'DI MDO SDE PA KHO NA LA SBYOR MI RIGS PAR THAL, SEMS TZAM PAS, RTOG BRAL MA 'KHRUL BA'I RIG PA MNGON SUM GYI MTSAN NYID DU 'DOD PA'I PHYIR, DE RNAMS NI BLO GSAR PA RNAMS DGA' BA SKYE BA'I PHYIR DU 'KHRI TSUL BRJOD PA YIN @026B LA; GZHUNG 'DI NI, MDO SDE PA KHO NA LA SBYOR BAR RIGS TE, DE LTAR DU 'THAD LDAN DANG RNAM DES t'IGA CHEN SOGS LAS BSHAD PA'I PHYIR, ,SBYOR 'GOD LA, GZUGS 'DZIN DBANG PO'I MNGON SUM CHOS CAN, RTOG BRAL GYI SGRUB BYED YOD DE, ,'KHRUL RGYU SPANGS PA'I GANG ZAG RNAMS KYIS RTOG BRAL DU MNGON SUM GYIS BGRUB, ,'KHRUL RGYU CAN GYI RJES DPAG GIS 'GRUB PA'I PHYIR ZHE NA, GZUGS 'DZIN DBANG MNGON RTOG BRAL DU SGRUB PA'I RTAGS YANG DAG YOD PAR THAL, SBYOR BA DE RIGS PA'I PHYIR, 'DOD MI NUS TE, GZUGS 'DZIN DBANG MNGON TSAD MAS NGES NA, DE RTOG BRAL DU YANG TSAD MA NGES DGOS PA'I PHYIR, 'ON KYANG, GZUGS SGRA SOGS MNGON SUM DU BZHED PA'I THAL 'GYUR PA RNAMS KYIS, MNGON SUM TSAD MAS GRUB MA GRUB DPYAD PA'I GZHI RU SNANG BAS BRTAG PAR BYA'O, ` ,DE'I PHYIR MIG DANG GZUGS DAG LA, ,BRTEN NAS MIG BLO SKYE BAR 'GYUR, ,ZHES PA'I SKABS SU, RANG GI MTHUN MONG MA YIN PA'I BDAG RKYEN DU GYUR PA'I DBANG PO GZUGS CAN PA LAS DNGOS SU SKYES PA'I RTOG BRAL MA 'KHRUL PA'I RIG PA, DBANG MNGON GYI MTSAN NYID CES ZER ZHING, 'GOG PA LA MNYAM PAR BZHAG PA'I GNAS SKABS NA YID KYI DBANG PO MED DO ZHE NA, YID KYI SHES PA YIN NA, RANG GI BDAG RKYEN DU GYUR PA'I YID DBANG LAS DNGOS SU SKYES PAS KHYAB PAR THAL, SNGAR GYI MTSAN NYID RIGS PA'I PHYIR, 'DOD NA, 'GOG PA LA MNYAM PAR BZHAG PA'I GNAS SKABS NA YID DBANG MED PA 'BUD, GZUGS MED KHAMS NAS GZUGS KYI BAR SRID DU SKYES MA THAG PA'I RGYUD LA MIG GI KHAMS MED PAR THAL, SNGAR GYI MTSAN NYID RIGS PA'I PHYIR, ,'DOD MI NUS TE, GANG ZAG DES MIG @027A *, ,DANG MIG GI RNAM PAR SHES PA'I KHAMS DUS CIG CAR DU THOB PA'I PHYIR, SKAD CIG MA DE MIG DANG NI, ,RNAM SHES KHAMS DAG SO SO DANG, ,LHAN CIG TU YANG THOB PA YOD, CES MDZOD LAS BSHAD PA LTAR, 'DIR YANG KHAS LEN PA'I PHYIR, RTEN BCAS KYI DBANG PO GZUGS CAN PA DE DBANG SHES KYI THUN MONG MA YIN PA'I BDAG RKYEN DU THAL, ,GTAN TSIGS SNGAR BZHIN NO, ,'DOD NA, RANG GI BDAG RKYEN DU GYUR PA'I DBANG PO GZUGS CAN LAS DNGOS SU SKYES PA'I YID KYI SHES PA MED PAR THAL, 'DOD PA'I PHYIR, 'DOD PAR MI NUS TE, LHA'I MIG RNA BA'I MNGON PAR SHES PA RNAMS YID KYI SHES PA YIN PA'I PHYIR, YID KYI DBANG PO YID KYI SHES PA'I MTHUN MONG MA YIN PA'I BDAG RKYEN DU THAL, DBANG PO GZUGS CAN PA DE DBANG SHES KYI MTHUN MONG MA YIN PA'I BDAG RKYEN YIN PA'I PHYIR, 'DOD MI NUS TE, SHES PA YIN NA, RANG GI BDAG RKYEN DU GYUR PA'I YID DBANG YOD DGOS PA'I PHYIR, BRTEN BCAS KYI DBANG PO GZUGS CAN PA CHOS CAN, DBANG SHES KYI MTHUN MONG MA YIN PA'I RGYU YIN PAR THAL, DE'I MTHUN MONG MA YIN PA'I BDAG RKYEN YIN PA'I PHYIR, 'DOD NA, MA YIN PAR THAL, DES GZUNG DON BYAS PA LAS BYUNG BA'I YID KYI MNGON SUM YOD PA'I PHYIR, 'DI LA YANG 'DI LTAR BRJOD DE, MTHUN MONG MA YIN RGYU YI PHYIR, ,DE YI THA SNYAD DBANG POS BYAS, ,ZHES PA'I DON MA GRUB PAR THAL, RTEN BCAS KYI DBANG PO GZUGS CAN PA DBANG SHES KYI MTHUN MONG MA YIN PA'I BDAG RKYEN MA YIN PA'I PHYIR, DBANG SHES KYI THUN MONG MA YIN PA'I BDAG RKYEN CHOS CAN, DE'I MTHUN MONG MA YIN PA'I RGYU YIN PAR THAL, DE'I MTHUN MONG @027B MA YIN PA'I BDAG RKYEN YIN PA'I PHYIR, 'DOD NA, DE'I MTHUN MONG MIN PA'I RGYU MA YIN PAR THAL, KHYOD KYI GZUNG DON BYAS PA LAS BYUNG BA'I YID MNGON YOD PA'I PHYIR, NAS MYUG GI THUN MONG MA YIN PA'I NYER LEN DU GYUR PA'I SA BON CHOS CAN, NAS MYUG GI THUN MONG MA YIN PA'I NYER LEN MA YIN PAR THAL, DE'I MTHUN MONG MA YIN PA'I RGYU MA YIN PA'I PHYIR, KHYAB PA KHAS, ,GTAN TSIGS GRUB PAR THAL, DES RGYU BYAS PA LAS BYUNG BA'I SHES PA YOD PA'I PHYIR, DBANG SHES NYAMS SU MYONG BA'I RANG RIG MNGON SUM CHOS CAN, DBANG PO'I MNGON SUM DU THAL, SNGAR GYI MTSAN NYID DE'I PHYIR TE, DBANG SHES DANG RDZAS CHA DBYER MED KYI GRUB BDE RDZAS GCIG TU GYUR PA'I RIG PA YIN PA'I PHYIR, RTZA BAR 'DOD NA, MA YIN PAR THAL, YID KYI SHES PA YIN PA'I PHYIR, RANG RIG LA YID KYI SHES PAS MA KHYAB STE, DE LTAR DU GRO LUNG PA CHEN PO'I RNAM NGES KYI t'IKA CHEN LAS BSHAD PA'I PHYIR ZHES, KUN MKHYEN BLO GROS RIN CHEN SENG GES GSUNGS, ` ,DE PHYIR THA SNYAD 'DI LA NI, ZHES PA'I SKABS SU, SGO LNGA'I DBANG SHES CHOS CAN, DBANG SHES ZHES PA'I SGRA DNGOS MING DU BRDA SBYOR RIGS TE, DE LAS THUN MONG MA YIN PAR GO NUS PA'I PHYIR ZHES DANG, GZUGS 'DZIN DBANG SHES CHOS CAN, RANG MING RANG LA BRDA SBYAR RIGS TE, RANG MING LAS RANG THUN MONG MA YIN PAR GO NUS PA'I PHYIR ZHES DANG, GZUGS 'DZIN DBANG SHES CHOS CAN, DBANG SHES ZHES PA'I THA SNYAD SBYOR RIGS TE, RTEN BCAS KYI MIG DBANG KHYOD KYI THUN MONG MIN PA'I BDAG RKYEN YIN PA'I PHYIR ZHE NA, DBANG SHES ZHES PA'I SGRA DE DNGOS DBANG GIS 'JUG PAR THAL, DE LAS SGO LNGA'I DBANG SHES THUN MONG MA YIN PAR GO NUS@028A *, ,PA'I PHYIR, RTAGS KHAS, GZUGS 'DZIN DBANG SHES CHOS CAN, KHYOD CES BRJOD PA'I SGRA KHYOD KYI DNGOS MING DU DES NA, DE KHYOD KYI DNGOS MING DU BRDA SBYAR BAR NGES PAS KHYAB PA MED PAR THAL, RANG MING LAS RANG THUN MONG MA YIN PAR GO NUS PA'I PHYIR TE, RANG MING RANG LA BRDA SBYAR 'OS PAR SGRUB PA'I RANG BZHIN GYI RTAGS YANG DAG YIN PA'I PHYIR, RTAGS KHAS, 'DOD MI NUS TE, RANG NYID CES PA'I SGRA LAS RANG NYID GO BA BRDA LA LTOS PA'I PHYIR, 'DI'I PHYOGS SNGA SMRA BA PO DES, DBANG SHES ZHES PA'I SGRA DBANG SHES KYI DNGOS MING MA YIN PAR KHAS LEN PAR THAL, SBYOR BA DE RNAMS 'THAD PA'I PHYIR, 'DOD NA, DES DBANG SHES TSAD MAS MA NGES PAR THAL, 'DOD PA'I PHYIR, GAL TE MNGON SUM SHES SKYED LA, ,ZHES BSHAD PA MI 'THAD PAR THAL, 'DOD PA'I PHYIR, MNYAN BYA'I RTAGS KYIS SGRA MI RTAG PAR SGRUB PA'I RTAGS CHOS GNYIS LDAN GYI MTHUN DPE YOD PAR THAL, GZUGS 'DZIN DBANG SHES RANG MING RANG LA BRDA SBYAR BAR 'OS PAR SGRUB PA'I RTAGS CHOS GNYIS LDAN GYI MTHUN DPE YANG DAG YOD PA'I PHYIR, RTAGS KHAS, ` JI LTA JI LTAR DON BSAMS PA, ,ZHES PA'I SKABS SU, ,GZUGS SGRA LA SOGS PA MED DO ZHE NA, 'O NA, SHES BYA CHOS CAN, TSVA GRANG GI SDUG BSNGAL MED PAR THAL, REG BYA MED PA'I PHYIR, ,'DOD NA, DMYAL BA'I SDUG BSNGAL MED PAR THAL, ,'DOD PA GANG ZHIG, RGYU MTSAN MTSUNGS PA'I PHYIR, 'DOD NA, LAS RGYU 'BRAS MED PAR THAL, 'DOD PA'I PHYIR, 'KHOR BA MED PAR THAL, KHAMS GSUM DANG, RTEN 'BREL YAN LAG BCU GNYIS SOGS MED PA'I PHYIR, MYA NGAN LAS 'DAS PA MED PAR THAL, @028B BSAM GTAN GZUGS MED KYI SDOM PA DANG, SANGS RGYAS KYI LUNG GI BSTAN PA, SO THAR GYI SDOM PA SOGS MED PA'I PHYIR, ,SANGS RGYAS KYI GZUGS SKU MED PAR THAL, ,SANGS RGYAS KYI MTSAN DPE MED PA'I PHYIR, 'DOD NA, SANGS RGYAS MED PAR THAL, DE'I GZUGS SKU MED PA'I PHYIR, GZUGS DANG GZUGS 'DZIN TSAD MA RDZAS GZHAN GYIS STONG PA'I STONG NYID GNAS LUGS SU BSHAD PA DANG, DE GNYIS LHAN CIG DMIGS NGES BSHAD PA DANG, GZUGS 'DZIN DBANG MNGON GYI DMIGS RKYEN BSHAD PA SOGS MI 'THAD PAR THAL, GZUGS MED PA'I PHYIR, RTAGS RNAMS KHAS BLANGS SO, ,'GA' ZHIG NA RE, GZUGS SGRA LA SOGS PA SHES PA YIN NO ZHES ZER, SANGS RGYAS KYI GZUGS SKU SHES PA YIN PAR THAL, GZUGS SGRA SHES PA YIN PA'I PHYIR, 'DOD NA, DE CHOS CAN, BYANG 'PHAGS KYIS MNGON SUM DU MA RTOGS PAR THAL, SGRIB GNYIS SPANGS PA'I SHES PA YIN PA'I PHYIR, SNGON PO CHOS CAN; TSUR MTHONG GI MIG SHES KYI GZUNG BYA MA YIN PAR THAL, SHES PA YIN PA'I PHYIR, SNOD KYI 'JIG RTEN CHOS CAN, PHYOGS KYI CHA BCAS MA YIN PAR THAL, SHES PA YIN PA'I PHYIR, MA DAG PA'I SNOD KYI 'JIG RTEN CHOS CAN, RGYUD KYIS BSDUS PAR THAL, SHES PA YIN PA'I PHYIR, 'DOD NA, GZHI GRUB NA RGYUD KYIS BSDUS PAS KHYAB PAR THAL, 'DOD PA'I PHYIR, SHI BA'I LUS LA SEMS YOD PAR THAL, SHI LUS DE SEMS YIN PA'I PHYIR; SHI LUS LA MTSON BSNUN PA LAS SDIG TU 'GYUR BAR THAL, SHI LUS LA SEMS YOD PA'I PHYIR, RTAGS RNAMS KHAS, YANG 'GA' ZHIG NA RE, GZUGS SGRA SHES PA'I BDAG NYID YIN ZHING, RDUL MED DO ZHES @029A *, ,GSUNGS, DPAG TSAD BRGYA PHRAG GI RNAM GZHAG MED PAR THAL, RDUL MED PA'I PHYIR, 'DOD NA, LO DANG ZLA BA SOGS KYI RNAM GZHAG MED PAR THAL, 'DOD PA'I PHYIR, MDOR NA, RDUL YOD PAR THAL, DE LTAR DU, RNAM PAR GTAN LA DBAB PA BSDU BA SOGS LAS GSAL BAR BSHAD PA'I PHYIR, RDUL GYI CHUNG MTHA' YOD PAR THAL, RDUL YOD PA'I PHYIR, 'DOD NA, CHA MED KYI RDUL YOD PAR THAL, 'DOD PA'I PHYIR, ZHE NA, GZUGS KYI CHUNG MTHA' YOD PAR THAL, GZUGS YOD PA'I PHYIR, 'DOD NA, CHA MED KYI GZUGS YOD PAR THAL, 'DOD PA'I PHYIR, DRUG GIS CIG CHAR BSKOR BA NA, ,ZHES SOGS RANG NYID LA GNOD BYED DU 'GYUR BAR THAL, RDUL YOD PA'I PHYIR ZHE NA, ,DER THAL, GZUGS YOD PA'I PHYIR, KHYAB PA KHAS, RDUL YOD KYANG BEM PO MED DO ZHE NA, SNGON PO CHOS CAN, 'DU BYED KYI PHUNG PO YIN PAR THAL, DNGOS PO GANG ZHIG ,BEM RIG GANG RUNG GIS MA BSDUS PA'I PHYIR, 'DOD NA; MA YIN PAR THAL, GZUGS PHUNG YIN PA'I PHYIR, GZHAN YANG, BEM PO YOD PAR THAL, MNGON PA KUN LAS BTUS KYI 'GREL PAR, DE LA GNYID KYI GNAS NGAN LEN NI RMI LAM GYI LUS BEM PO'O, ,ZHES BSHAD PA'I PHYIR, SEMS TZAM PA GANG ZHIG ,TSUR MTHONG GI RGYUD KYI MNGON SUM MA 'KHRUL BA'I SHES PAR 'DOD PA, RNAM BDEN PA'I MTSAN NYID, SEMS TZAM PA GANG ZHIG ,TSUR MTHONG GI RGYUD KYI GZHAN RIG MNGON SUM 'KHRUL SHES SU 'DOD PA, RNAM RDZUN PA'I MTSAN NYID CE NA, TSUR MTHONG GI RGYUD KYI GZHAN SEMS SHES PA'I MNGON SHES CHOS CAN, 'KHRUL SHES SU THAL, TSUR MTHONG GI RGYUD KYI GZHAN RIG MNGON SUM YIN PA'I PHYIR, RTAGS GRUB STE, TSUR MTHONG GI RGYUD KYI MNGON @029B SUM YIN PA'I PHYIR, RTZA BAR 'DOD NA, MA YIN PAR THAL, SHES PA SNANG YUL DU BYED PA'I MNGON SUM YIN PA'I PHYIR, KHYAB STE, TSUR MTHONG GI RGYUD KYI RANG RIG MA 'KHRUL BA'I SGRUB BYED YOD PA'I PHYIR, TSUR MTHONG GI RGYUD KYI GZUd 'DZIN MNGON SUM CHOS CAN, RANG GI SNANG YUL LA 'KHRUL BAR THAL, 'KHRUL SHES YIN PA'I PHYIR, RTAGS KHYAB KHAS, 'DOD NA, MA 'KHRUL BAR THAL, GZUGS KHYOD KYI SNANG YUL GYI GTZO BO GANG ZHIG ,DE LA MA 'KHRUL BA'I TSAD MA YIN PA'I PHYIR, GZHAN YANG SGRA MI RTAG RTOGS KYI RJES DPAG SGRA MI RTAG PA LA 'KHRUL BAR THAL, GZUGS 'DZIN MNGON SUM GZUGS LA 'KHRUL PA'I PHYIR, TSUR MTHONG GI RGYUD KYI GZHAN RIG GI SHES PA YIN NA, GZUNG 'DZIN RDZAS GZHAN BU SNANG BAS KHYAB PAR THAL, TSUR MTHONG GI RGYUD KYI GZHAN RIG GI SHES PA LA 'KHRUL SHES KYIS KHYAB PA YOD PA'I PHYIR, GZUGS 'DZIN RDZAS GZHAN GYIS STONG PA'I STONG NYID LA RTZE GCIG TU MNYAM PAR BZHAG PA'I BYAR SEMS SO SKYE'I MNGON PAR RTOGS PA CHOS CAN, DER THAL, DE'I PHYIR, DE DER THAL, CHOS KYI BDAG MED RTOGS PA'I SO SKYE YOD PA'I PHYIR, 'DOD NA, GZUNG 'DZIN RDZAS GZHAN DU SNANG BA MA YIN PAR THAL, GZUNG 'DZIN RDZAS GZHAN GYIS STONG PA'I STONG NYID LA RTZE GCIG TU MNYAM PAR BZHAG PA'I YE SHES YIN PA'I PHYIR, TSUR MTHONG GI RGYUD KYI GZHAN RIG GI SHES PA YIN NA, MA RIG PA'I BSLANG PA ZHUGS PAS MA KHYAB PAR THAL, MDO SDE RGYAN LAS, DE NAS DE 'DRAR GYUR PA YI, ,BYANG CHUB SEMS DPA' MNYAM GZHAG PAS, ,YID KYI BRJOD PA MA RTOGS PA, ,DON KUN RAB TU MI MTHONG NGO, ,ZHES SOGS BSHAD PA'I PHYIR, GZHAN YANG, GANG ZAG GI BDAG SNANG @030A *, ,BA'I THAR LAM YOD PAR THAL, CHOS KYI BDAG SNANG BA'I THAR LAM YOD PA'I PHYIR, RTAGS KHAS, YANG KHA CIG NA RE, SEMS TZAM PA GANG ZHIG ,GZUNG RNAM BDEN GRUB TU 'DOD PA, RNAM BDEN PA'I MTSAN NYID, DE GANG ZHIG ,DE BDEN MED DU 'DOD PA, RNAM RDZUN PA'I MTSAN NYID CES GSUNGS, RNAM RDZUN PA CHOS CAN, GZUNG RNAM BDEN GRUB TU 'DOD PAR THAL, GZHAN DBANG DANG, YONGS GRUB BDEN GRUB TU 'DOD PA'I PHYIR, GZHAN YANG, YANG DAG, MA YIN PA'I KUN RTOG RANG BZHIN GYIS MA GRUB PAR THAL, GZUNG RNAM BDEN PAR MA GRUB PA'I PHYIR, 'DOD NA, YANG DAG MA YIN KUN RTOG YOD, CES PA'I LUNG LA BRJOD BYA MED PAR THAL LO, ,SHES PA BDEN PAR MA GRUB PAR THAL, YANG DAG PA MA YIN PA'I KUN RTOG BDEN PAR MED PA'I PHYIR, BDEN GRUB MED PAR THAL, SHES PA BDEN PAR MED PA'I PHYIR, RNAM RDZUN PA CHOS CAN, GZUNG RNAM BDEN GRUB TU 'DOD PAR THAL, GZUNG RNAM DNGOS POR 'DOD PA GANG ZHIG ,DNGOS PO LA BDEN GRUB KYIS KHYAB PA KHAS LEN PA'I PHYIR, DNGOS PO LA BDEN GRUB KYIS KHYAB PA KHAS LEN PAR THAL, DNGOS POR SMRA BA'I GANG ZAG YIN PA'I PHYIR ZHE NA, BYE BRAG SMRA BA CHOS CAN, DER THAL, DE'I PHYIR, 'DOD MI NUS PAR THAL, DES BUM PA DANG CHU LA SOGS PA KUN RDZOB TZAM DU YOD PAR 'DOD PA'I PHYIR TE, MDZOD LAS, GANG LA BCOM DANG BLO YIS GZHAN, ,BSAL NA DE BLO MI 'JUG PA, ,BUM CHU BZHIN DU KUN RDZOB TU, ,YOD DE CES BSHAD PA'I PHYIR DANG, 'JUG PA LAS KYANG; BUM SOGS 'DI DAG DE NYID DU MED CING, ZHES DANG, 'GREL PA DON GSAL LAS KYANG, DON DAM PAR SUS KYANG SU YANG BSAD PA MED, CES SOGS BSHAD PA'I PHYIR, SEMS TZAM PA GANG ZHIG ,GZUGS PHYI ROL DON @030B DU SNANG BA'I CHA LA MA RIG PA'I BSLANG PA ZHUGS KYANG, TSUR MTHONG GI RGYUD KYI DBANG MNGON LAM RIG PA'I BSLAD PA CUNG ZAD KYANG MA ZHUGS PAR 'DOD PA, SEMS TZAM RNAM BDEN PA'I MTSAN NYID CE NA, RNAM BDEN PA'I LUd LA 'KHRUL SHES MED PAR THAL, DE'I LUGS LA PHYI ROL DON SNANG GI DBANG MNGON MA 'KHRUL PA'I RIG PAR 'DOD PA'I PHYIR, DE'I LUGS LA CHOS KYI BDAG 'DZIN MA 'KHRUL PA'I RIG PA YIN PAR THAL, DE'I LUGS LA CHOS BDAG SNANG BA'I DBANG MNGON MA 'KHRUL BA'I RIG PA YIN PA'I PHYIR, DES TSUR MTHONG GI GZUGS 'DZIN MNGON SUM LA MA RIG PA'I BSLAD PA ZHUGS PAR 'DOD PAR THAL, MA RIG PA'I BSLAD PA ZHUGS PA'I DBANG GIS DE LA PHYI DON SNANG BAR 'DOD PA'I PHYIR, DER THAL, DE LA PHYI DON SNANG BA'I CHA LA MA RIG PA'I BSLAD PA ZHUGS PAR 'DOD PA'I PHYIR, RTAGS RNAMS KHAS, SBYOR 'GOD LA, TSUR MTHONG GI RGYUD KYI KHRA 'DZIN DBANG MNGON LA PHYI ROL GYI KHRA BOR GAS PAR SNANG BA'I RAGS SNANG CHOS CAN, BDEN PAR MED DE, BDEN PA'I GCIG DANG, BDEN PA'I DU MA GANG RUNG DU MA GRUB PA'I PHYIR ZHE NA, RNAM BDEN PAS, TSUR MTHONG GI RGYUD KYI KHRA 'DZIN DBANG MNGON LA PHYI ROL GYI KHRA BOR GAS PAR SNANG BA'I RAGS SNANG BDEN GRUB TU 'DOD PAR THAL, SBYOR BA DE RIGS PA'I PHYIR, 'DOD NA, DES DBANG MNGON LA PHYI DON MI SNANG BAR 'DOD PA 'BUD, TSUR MTHONG GI DBANG MNGON LA KHRA BOR tA PAR SNANG BA'I RAGS SNANG CHOS CAN, SNANG BA LTAR BDEN PAR MED DE, SNANG BA LTAR BDEN PA'I GCIG TU YANG MA GRUB, SNANG BA LTAR BDEN PA'I DU MAR YANG MA GRUB PA'I PHYIR ZHE NA, KA BA'I CHOS NYID DANG BUM PA'I CHOS @031A *, ,NYID CHOS CAN, DER THAL, DE'I PHYIR, DE CHOS CAN, BDEN PA'I GCIG TU MA GRUB PAR THAL, LDOG PA THA DAD GANG ZHIG RDZAS GCIG MA YIN PA'I PHYIR, BDEN PA'I DU MAR MA GRUB PAR THAL, DON DAM PAR THA DAD MA YIN PA'I PHYIR TE, RDZAS THA DAD MA YIN PA'I PHYIR, SNANG BA LTAR BDEN PAR GRUB PAR THAL, YONGS GRUB YIN PA'I PHYIR, TSUR MTHONG GI DBANG SHES LA RAB BAR SNANG BA SNANG BA LTAR BDEN PA GRUB PAR THAL, GZUGS DE TSUR MTHONG GI DBANG SHES LA SNANG BA LTAR YOD PA'I PHYIR TE, TSUR MTHONG GI DBANG SHES DE GZUGS LA MA 'KHRUL BA'I PHYIR, GZUGS DE CHOS CAN, PHYI DON DU THAL, TSUR MTHONG GI DBANG SHES LA PHYI ROL DU SNANG BA GANG ZHIG, DE LA SNANG BA LTAR GRUB PA'I PHYIR ZHE NA, GZUGS CHOS CAN, PHYI ROL GYI GZUGS YIN PAR THAL, DE LA PHYI ROL GYI GZUGS SU SNANG BA GANG ZHIG, DE LA GZUGS SU SNANG BA LTAR GZUGS GRUB PA'I PHYIR, DE LA GZUGS SU SNANG BA LTAR GZUGS GRUB PAR THAL, DE LA GZUGS SU SNANG BA GANG ZHIG, GZUGS GRUB PA'I PHYIR, DE LA GZUGS SU SNANG BA LTAR GZUGS SU MA GRUB PAR THAL, DE LA PHYI ROL GZUGS SU SNANG BA GANG ZHIG PHYI ROL GZUGS SU MA GRUB PA'I PHYIR ZHE NA, MI RIGS PAR THAL, DGAG KHYAB DANG SGRUB KHYAB KYI KHYAD PAR MA BYED PA'I BA BCOL YIN PA'I PHYIR, DES NA, GZUGS CHOS CAN, TSUR MTHONG GI DBANG SHES LA SNANG BA LTAR DU GRUB PAR THAL; DE LA SHES PA'I BDAG NYID DU SNANG BA GANG ZHIG ,SHES PA'I BDAG NYID DU GRUB PA'I PHYIR, GTAN TSIGS DANG PO GRUB PAR THAL, DE LA MI RTAG PAR SNANG BA GANG ZHIG RGYU MTSAN MTSUNGS PA'I PHYIR, TSUR MTHONG GI DBANG @031B SHES CHOS CAN, GZUGS PHYI ROL GYI DON DU MI SNANG BAR THAL, GZUGS SHES PA'I BDAG NYID DU SNANG BA'I PHYIR ZHE NA, TSUR MTHONG CHOS CAN, DER THAL, DE'I PHYIR, RTAGS GRUB PAR THAL, DES GZUGS SHES PA'I BDAG NYID DU DNGOS SU RTOGS PA'I PHYIR TE, DE'I RGYUD LA GZUGS SHES PA'I BDAG NYID DU RTOGS PA'I RJES DPAG YOD PA'I PHYIR, RTZA BAR 'DOD MI NUS TE, DE'I RGYUD LA GZUGS PHYI ROL GYI DON DU SNANG BA'I DBANG MNGON YOD PA'I PHYIR, RGYU MA MKHAN CHOS CAN RDE SHING RTA GLANG DU MI SNANG BAR THAL, DE RTA GLANG MA YIN PAR SNANG BA'I PHYIR TE, DE RTA GLANG MA YIN PAR DNGOS SU RTOGS PA'I PHYIR, 'DOD MI NUS TE, DE'I MIG SHES RGYU MA'I SNGAGS RDZAS KYIS BSLAD PA'I PHYIR; BRDA BYANG RGAN PO'I RGYUD LA BYAD BZHIN GYI GZUGS BRNYAN BYED BZHIN DU SNANG BA DANG, 'GAL ME 'KHOR LO SNANG BA SOGS KYI RNAM BZHAG MI 'THAD PAR THAL, BYED BZHIN GYI GZUGS BRNYAN BYAD BZHIN DU SNANG NA BYAD BZHIN GYI GZUGS BRNYAN BYAD BZHIN MA YIN PAR MI SNANG BAS KHYAB PA'I PHYIR, RTAGS KHAS, 'DOD MI NUS TE, DE'I RGYUD LA, GLO BUR GYI 'KHRUL RGYUS BSLAD PA'I SHES PA DU MA YOD PA'I PHYIR, DBANG SHES LA GZUGS RAGS PAR SNANG BA BDEN PAR MED DO ZHE NA, YOD PAR THAL, 'THAD LDAN LAS, RAGS PA NI GSAL BAR SNANG BA'I PHYIR, RNAM PAR RTOG PAS BA SPRUL BAR YANG RIGS PA MIN TE, DE NI GSAL BAR SNANG BA'I PHYIR DANG; RNAM PAR RTOG PA LA MI GSAL BAR SNANG BA'I PHYIR, ZHES PA BSTAN PA'I PHYIR, TSUR MTHONG GI GZUGS 'DZIN DBANG PO'I MNGON SUM DE LA, GZUGS PHYIN ROL DON DU MI SNANG BAR THAL, DE LA GZUGS PHYI ROL @032A *, ,DON DU GSAL BAR MI SNANG, MI GSAL BAR YANG MI SNANG BA'I PHYIR, DANG PO MA GRUB NA, DE MED PA GSAL SNANG CAN YIN PAR THAL, DE LA PHYI DON GSAL BAR SNANG BA'I PHYIR, GNYIS PA MA GRUB NA, DE RTOGS PAR THAL; DE LA RANG YUL MI GSAL BAR SNANG BA'I PHYIR ZHE NA, MA RIG GIS BSLAD BDAG NYID LA, JI LTA'I RANG RKYEN LA LTOS NAS, ZHES SOGS KYI DON MA GRUB PAR THAL, TSUR MTHONG GI DBANG SHES LA PHYI DON MI SNANG BA'I PHYIR, TSUR MTHONG GI GZUGS 'DZIN DBANG MNGON CHOS CAN, MA 'KHRUL BA'I RIG PAR THAL, RANG GI SNANG YUL DNGOS POR GRUB PA'I PHYIR ZHE NA, ZLA BA GNYIS SNANG GI DBANG SHES CHOS CAN, DER THAL, DE'I PHYIR, DE DER THAL, ZLA BA GNYIS SNANG GI DBANG SHES LA, ZLA BA GNYIS SU SNANG BA DNGOS PO YIN PA'I PHYIR TE, DE YOD, DE RTAG PA MA YIN PA'I PHYIR, BYED BZHIN GYI GZUGS BRNYAN DNGOS POR THAL, ZLA BA GNYIS SNANG BA'I DBANG SHES LA ZLA GNYIS SU SNANG BA DNGOS POR GRUB PA'I PHYIR, 'DOD NA, ME LONG NANG GI BYAD BZHIN GYI GZUGS BRNYAN GZUGS KYI SKYE MCHED MA YIN PAR THAL, ME LONG GI GO SAR GZUGS KYI SKYE MCHED RIGS MI MTHUN LHAN CIG TU GNAS PA MED PA'I PHYIR TE, MDZOD LAS, GCIG NA LHAN CIG GNYIS MED PHYIR, ZHES BSHAD PA'I PHYIR, 'DOD PAR MI NUS TE, DE YOD PA'I PHYIR ZHE NA, ZLA BA GNYIS SNANG GI DBANG SHES LA GNYIS SU SNANG BA MED PAR THAL, BYAD BZHIN GYI GZUGS BRNYAN MED PA'I PHYIR, RTAGS KHYAB KHAS, 'DOD NA, ZLA BA GNYIS SNANG GI DBANG SHES 'KHRUL SHES MA YIN PAR THAL, 'DOD PA'I PHYIR, GZHAN YANG, NYAN THOS SDE GNYIS KYI LUNG SEMS TZAM PA LA GNOD BYED DU 'DREN MI @032B RIGS PAR THAL, 'DIR NI NYAN THOS SDE PA'I RTOG BTAGS KYI GRUB MTHA' RNAMS 'GOG RIG PA'I PHYIR, ` ,DE'I PHYIR GNYIS STONG GANG YIN PA, ZHES PA'I SKABS SU, MTHAR THUG DPYOD PA'I RIGS SHES TSAD MA'I RNYED DON DANG, RANG MNGON SUM DU RTOGS PA'I MNGON SUM TSAD MAS GNYIS SNANG NUB PA'I TSUL GYIS RTOGS PAR BYA BA DANG, RIGS SHES TSAD MA KHYOD LA LTOS TE RIG SHES TSAD MAR SONG BA, KHYOD DON DAM BDEN PA YIN PA'I MTSAN NYID, THA SNYAD PA'I TSAD MA'I RNYED DON DANG, RANG MNGON SUM DU RTOGS PA'I MNGON SUM TSAD MAS GNYIS SNANG DANG BCAS PA'I TSUL GYIS RTOGS PAR BYA BA DANG, THA SNYAD PA'I TSAD MA KHYOD LA LTOS TE THA SNYAD PA'I TSAD MAR SONG BA, KHYOD KUN RDZOB BDEN PA YIN PA'I MTSAN NYID CE NA, RIGS SHES TSAD MA DANG, THA SNYAD PA'I TSAD MA 'GAL BAR THAL, DE GNYIS KYI RNYED DON 'GAL BA'I PHYIR, 'DOD NA, MNYAM RJES 'GAL BAR THAL, 'DOD PA'I PHYIR, 'DOD NA, THAMS CAD MKHYEN PA'I YE SHES MED PAR THAL, KUN RDZOB BDEN PA LA GNYIS SNANG DANG BCAS, DON DAM BDEN PA LA GNYIS SNANG NUB PA'I MKHYEN PA MED PA'I PHYIR, RTAGS RNAMS KHAS, GZUGS DANG GZUGS 'DZIN TSAD MA RDZAS GZHAN GYIS STONG PA LTA BU CHOS CAN; THA SNYAD PA'I TSAD MA'I RNYED DON DU THAL, GZUGS DANG GZUGS 'DZIN TSAD MA RDZAS GCIG TU RTOGS PA'I TSAD MA DES RTOGS PA'I PHYIR, MA GRUB NA, GZUGS DANG GZUGS 'DZIN TSAD MA RDZAS GCIG TU RTOGS PA'I TSAD MA CHOS CAN; GZUG DANG GZUGS 'DZIN TSAD MA RDZAS GZHAN MA YIN PAR RTOGS PA YIN PAR THAL, DE GNYIS RDZAS GCIG YIN PAR RTOGS PA'I PHYIR, CHOS KYI BDAG 'DZIN GYI ZHEN YUL MED PA CHOS CAN, THA SNYAD PA'I TSAD MA'I RNYE@033A *, ,DON YIN PAR THAL, CHOS KYI BDAG 'DZIN LOG SHES SU RTOGS PA'I TSAD MA DES RTOGS PA'I PHYIR, MA GRUB NA, DE LTA BU'I TSAD MA CHOS CAN, CHOS KYI BDAG 'DZIN GYI ZHEN YUL MED PAR RTOGS PAR THAL, DE LOG SHES SU RTOGS PA'I PHYIR, RTZA BA'I GSAL BA RNAMS KHAS, DON DAM BDEN PA MNGON SUM DU RTOGS PA'I MNGON SUM CHOS CAN, TSAD MAS GNYIS SNANG DANG BCAS PA'I SGO NAS RTOGS PAR BYA BA YIN PAR THAL, MNGON SUM YIN PA'I PHYIR, 'DOD NA, DON DAM BDEN PA CHOS CAN, KUN RDZOB BDEN PAR THAL, RANG MNGON SUM DU RTOGS PA'I MNGON SUM TSAD MAS GNYIS SNANG DANG BCAS PA'I TSUL GYIS RTOGS PAR BYA BA YIN PA'I PHYIR; RTAGS KHYAB KHAS BLANGS SHING RTZA BA'I GSAL BA YANG SONG, DON DAM BDEN PA CHOS CAN, KUN RDZOB BDEN PAR THAL, THA SNYAD PA'I TSAD MA DE KHYOD LA LTOS TE THA SNYAD PA'I TSAD MAR SONG BA'I PHYIR TE, KHYOD LA LTOS TE KUN RDZOB BDEN PA YOD PA'I PHYIR TE, KHYOD LA LTOS TE TSAD MA YOD PA'I PHYIR TE, KHYOD GZHI GRUB PA'I PHYIR, SHES BYA CHOS CAN, DON DAM BDEN PA YIN PAR THAL, MTHAR THUG DPYOD PA'I RIGS SHES TSAD MA'I RNYED DON YIN PA'I PHYIR TE, MTHAR THUG DPYOD PA'I RIGS SHES TSAD MAS DMIGS PA'I PHYIR TE, MTHAR THUG DPYOD PA'I RIGS SHES YOD PA'I PHYIR, DON DAM BDEN PA CHOS CAN, RANG MNGON SUM DU RTOGS PA'I MNGON SUM TSAD MAS GNYIS SNANG NUB PA'I TSUL GYIS RTOGS BYA YIN PAR THAL, DON DAM BDEN PA YIN PA'I PHYIR, 'DOD NA, DON DAM BDEN PA MNGON SUM DU RTOGS PA'I MNGON SUM CHOS CAN, KHYOD TSAD MAS GNYIS SNANG NUB PA'I SGO NAS RTOGS @033B BYA MA YIN PAR THAL, MNGON SUM YIN PA'I PHYIR, SHES PA CHOS CAN, DON DAM BDEN PA YIN PAR THAL, RANG MNGON SUM DU RTOGS PA'I MNGON SUM TSAD MAS GNYIS SNANG NUB PA'I TSUL GYIS RTOGS BYA YIN PA'I PHYIR ZHE NA, SHES PA CHOS CAN, DE MA YIN PAR THAL, KHYOD MNGON SUM DU RTOGS PA'I BLO KHYOD LA GNYIS SNANG MA NUB PA'I PHYIR, MA GRUB NA, DE MNGON SUM DU RTOGS PA'I BLO CHOS CAN, 'DZIN RNAM DU THAL, SHES PA LA GNYIS SNANG NUB PA'I MNGON SUM YIN PA'I PHYIR, 'DOD NA, MA YIN PAR THAL, RNAM MKHYEN KHYOD YIN PA'I PHYIR, MYU GU CHOS CAN, DON DAM BDEN PA YIN PAR THAL, RIGS SHES TSAD MA DE KHYOD LA LTOS TE RIGS SHES TSAD MAR SONG BA'I PHYIR TE, KHYOD LA LTOS TE DON DAM BDEN PA YOD PA'I PHYIR TE, KHYOD KYI GNAS LUGS MTHAR THUG YOD PA'I PHYIR, MTHAR THUG DPYOD PA'I RIGS SHES TSAD MA CHOS CAN, MTHAR THUG DPYOD PA'I RIGS SHES TSAD MA DE KHYOD LA LTOS TE MTHAR THUG DPYOD PA'I RIGS SHES TSAD MAR SONG BAR THAL, KHYOD LA LTOS TE MTHAR THUG DPYOD PA'I RIGS SHES TSAD MA YOD PA'I PHYIR, DE CHOS CAN, KHYOD LA LTOS TE KHYOD YOD PAR THAL, KHYOD YOD; KHYOD KHYOD RANG YIN PA'I PHYIR, RTOG PAS BTAGS PA'I CHOS, KUN BTAGS KYI MTSAN NYID, RANG GI RGYU RKYEN LAS SKYES PA GZHAN DBANG GI MTSAN NYID, RNAM DAG GI DMIGS PA MTHAR THUG YONGS GRUB KYI MTSAN NYID CE NA, CHOS KYI BDAG CHOS CAN, MTSAN NYID DER THAL, KUN BTAGS YIN PA'I PHYIR TE, GZUGS DANG GZUGS 'DZIN TSAD MA'I STENG DU KUN BTAGS YIN PA'I PHYIR TE, GZUGS DANG GZUGS 'DZIN TSAD MA KHYOD @034A *, ,KYIS STONG PA'I STONG NYID DON DAM BDEN PA YIN PA'I PHYIR, DE CHOS CAN, KUN BTAGS MA YIN PAR THAL, DE'I MTSAN NYID MI RTEN PA'I PHYIR TE, MED PA'I PHYIR ZHE NA, DE CHOS CAN, DNGOS MED MA YIN PAR THAL, DE'I MTSAN NYID MI RTEN PA'I PHYIR, DER THAL, MED PA'I PHYIR, RIM PA BZHIN DU KHAS BLANGS SO, ,GZHAN DBANG YIN NA RGYU RKYEN LAS SKYES PAS KHYAB PAR THAL, MTSAN NYID RIGS PA'I PHYIR, GANG ZAG GI BDAG MED CHOS CAN, RNAM DAG GI DMIGS PA MTHAR THUG YIN PAR THAL, YONGS GRUB YIN PA'I PHYIR, GTAN TSIGS GRUB PAR THAL, MCHOD BRJOD KYI SKABS SU BSGRUBS ZIN PA'I PHYIR, 'DOD PAR MI NUS TE, KHYOD LAS KYANG RTOGS PAR DKA' BA'I RNAM DAG GI DMIGS PA YOD PA'I PHYIR, GNYIS STONG CHOS CAN, RANG MTSAN YIN TE, RANG GI MTSAN NYID KYI GRUB PA'I PHYIR TE, YONGS GRUB YIN PA'I PHYIR, DE LA DE CHOS CAN, DON BYED NUS PAR THAL, RANG MTSAN YIN PA'I PHYIR, RTOG PA'I SNANG YUL MA YIN PAR THAL, RANG MTSAN YIN PA'I PHYIR, ZHE NA, DE CHOS CAN, RANG MTSAN YIN PAR THAL, MNGON SUM GYI SNANG YUL YIN PA'I PHYIR, RTOG PAS SGRO BTAGS SU THAL, SPYI MTSAN YIN PA'I PHYIR, BDEN PAR MED PAR THAL, 'DOD PA'I PHYIR, SNGA MA'I KHYAB GSAL DANG, PHYI MA'I RTZA RTAGS KHAS, RTZA BA'I THAL 'GYUR GNYIS BO DE LA KHYAB PA MED PAR THAL, 'DIR NI SEMS TZAM PA'I THUN MONG MA YIN PA'I RANG SPYI GNYIS KYI RNAM BZHAG GTAN LA 'BEBS PA'I SKABS YIN PA'I PHYIR, GNYIS STONG RANG MTSAN YIN TE, RNAM PAR NGES PA'I t'IK CHEN LAS, GZHAL BYA GNYIS PHYIR TSAD @034B MA GNYIS, ZHES SOGS SEMS TZAM PA'I LUGS KYI SGRA JI BZHIN PA MA YIN PA'I MDO SDE BA'I GZHUNG YIN KYING, 'DI LA BRTEN NAS GZHAL BYA DANG TSAD MA'I GRANGS NGES 'GRUB PAR GSUNGS PA'I PHYIR, MDOR NA, DON BYED NUS DANG MI NUS PHYIR, ZHES SOGS SGRA JI BZHIN PA'I RANG GZHUNG RNAM DAG TU THAL, RANG MTSAN LA DNGOS POS KHYAB PA YOD PA'I PHYIR, RTAGS KHAS, 'DOD NA, RGYU MTSAN GZHAN NI YOD BA NA, BLO NI YOD DANG MED PHYIR RO, , ZHES SOGS SGRA JI BZHIN PA'I RANG GZHUNG RNAM DAG TU THAL, 'DOD PA'I PHYIR, RTOG MED SHES PA'I SNANG YUL LA RANG MTSAN GYIS KHYAB PAR THAL, 'DOD PA'I PHYIR, 'DOD NA, GNYIS STONG RANG MTSAN MA YIN PAR 'BUD, 'KHRI TSUL 'DI LTAR BRJOD DE, BUM PA CHOS CAN, DON DAM BDEN PA YIN PAR THAL, DON DAM PAR BDEN PA'I PHYIR, KHYAB PA KHAS, RTAGS GRUB PAR THAL, BDEN GRUB YIN PA'I PHYIR TE, DNGOS PO YIN PA'I PHYIR; RTZA KHYAB KHAS, SNGON PO CHOS CAN, KHYOD DANG KHYOD 'DZIN TSAD MA RDZAS GZHAN GYIS STONG PA'I STONG NYID KHYOD KYI GNAS LUGS MTHAR THUG YIN TE, KHYOD KHA DOG YIN PA'I PHYIR ZHE NA, SNGON PO DANG SNGO 'DZIN TSAD MA RDZAS GZHAN GYIS STONG PA CHOS CAN, KHYOD KYI CHOS NYID SNGON PO'I CHOS NYID YIN PAR THAL, KHYOD KYI STONG NYID DE SNGON PO'I GNAS LUGS YIN PA'I PHYIR, MA GRUB NA, SNGON PO CHOS CAN, KHYOD DANG KHYOD 'DZIN TSAD MA RDZAS GZHAN GYIS STONG PA'I STONG NYID KHYOD KYI GNAS LUGS MTHAR THUG YIN PAR THAL, KHYOD KHA DOG YIN PA'I PHYIR, 'KHOR GSUM DNGOS 'GAL LO, RTZA BAR 'DOD NA, DE DE MA YIN PAR THAL, DE LTAR @035A *, ,YIN NA THUG MED DU THAL BA'I SKYON YOD PA'I PHYIR, SNGON PO DANG SNGON 'DZIN TSAD MA RDZAS GZHAN GYIS STONG PA MDO SDE PAS MA RTOGS PAR THAL, SNGAR GYI SBYOR BA RIGS PA'I PHYIR, 'DOD MI NUS PAR THAL, SNGON PO DANG SNGO 'DZIN TSAD MA RDZAS THA DAD DU MED PA MDO SDE PAS RTOGS PA'I PHYIR TE, DE GNYIS RDZAS SU MED PA MDO SDE PAS RTOGS PA'I PHYIR TE, DE GNYIS MED PA MDO SDE PAS RTOGS PA'I PHYIR, RGYAS PAR NI MCHOD BRJOD KYI SKABS LAS SHES PAR BYA'O, ` ,GZUNG DANG 'DZIN PA'I RNAM PA LAS, ZHES PA'I SKABS SU BCOM LDAN 'DAS KYI MDO GANG ZHIG ,RANG GI BSTAN BYA'I DON SGRA JI LTA BA BZHIN DU KHAS BLANG DU RUNG BA, NGES DON GYI MDO'I MTSAN NYID, DE GANG ZHIG RANG GI BSTAN DON SGRA JI BZHIN DU KHAS BLANG DU MI RUNG BA, DRANG DON GYI MDO'I MTSAN NYID CE NA, CHOS THAMS CAD BDEN STONG DU STON PA'I MDO CHOS CAN, SGRA JI BZHIN PA MA YIN PAR THAL, DRANG DON GYI MDO YIN PA'I PHYIR, RTAGS GRUB PAR THAL, DRANG DON GYI MDO'I MTSAN GZHI GRUB PA'I PHYIR, 'DOD MI NUS PAR THAL, CHOS THAMS CAD BDEN PAR MED PA'I PHYIR TE, DE THAMS CAD KUN BRTAGS YIN PA'I PHYIR, DGE SLONG DAG KHUR YOD DO, , KHUR KHUR BA PO YOD DO, ,RDZUS TE SKYE BA'I SEMS CAN YOD DO, ZHES SOGS KYI MDO CHOS CAN, SGRA JI BZHIN PA MA YIN PAR THAL, DANG DON GYI MDO YIN PA'I PHYIR, DE DER THAL, NYI SHU PA LAS, GZUGS SOGS SKYE MCHED YOD PA NI, DE YIS 'DUL BA'I SKYE BO LA, DGOS PA'I DBANG GIS GSUNGS PA STE, RDZUS TE SKYE BA'I SEMS CAN BZHIN ZHES GSUNGS PA'I PHYIR, 'DOD PAR MI NUS TE, RDZUS TE SKYE BA'I SEMS CAN SOGS YOD PA'I PHYIR, GZHAN DBANG @035B DANG YONGS GRUB BDEN GRUB TU STON PA'I MDO CHOS CAN SGRA JI BZHIN PAR THAL, NGES DON GYI MDO YIN PA'I PHYIR, DE DER THAL, KUN BRTAGS BDEN GRUB TU STON PA'I MDO, ,DANG DON GYI MDO YIN PA'I PHYIR, 'DOD NA, GZHAN DBANG YONGS GRUB BDEN PAR GRUB PAR THAL, 'DOD PA'I PHYIR, GZHAN DBANG DANG YONGS GRUB CHOS CAN, YONGS GRUB TU THAL, 'DOD PA GANG ZHIG DNGOS POR MED PA'I PHYIR, 'DOD NA, GZHI GRUB NA YONGS GRUB YIN DGOS PAR THAL, 'DOD PA'I PHYIR, 'DIR BKA' DANG BSTAN BCOS KYI RNAM BZHAG SHES PAR 'DOD NA, PHAR PHYIN GYI RNAM BSHAD LAS SHES PAR BYA'O, ` ,SKAD CIG NYID PHYIR 'DAS PA YI, ZHES PA'I SKABS SU, YID MNGON GYI MTSAN NYID, RANG GI BDAG RKYEN DU GYUR PA'I YID DBANG LAS DNGOS SU SKYES PA'I RTOG BRAL MA 'KHRUL BA'I GZHAN RIG GI SHES PA DANG, RANG GI MTHUN MONG MA YIN PA'I BDAG RKYEN DU GYUR PA'I YID DBANG LAS DNGOS SU SKYES PA'I RTOG BRAL MA 'KHRUL BA'I RIG PA DANG, RANG GI THUN MONG MA YIN PA'I BDAG RKYEN DU GYUR PA'I YID DBANG LAS DNGOS SU SKYES PA'I RTOG BRAL MA 'KHRUL PA'I GZHAN RIG GI SHES PA DANG, RANG GI GZUNG DON LA RTOG BRAL MA 'KHRUL PA'I GZHAN RIG GI YID KYI SHES PA DANG, RANG GI DE MTHAG RKYEN DBANG MNGON GYI GZUNG DON GYI RIGS 'DRAR GYUR PA'I RANG GI GZUNG DON LA RTOG BRAL MA 'KHRUL BA'I GZHAN RIG GI YID KYI SHES PA ZHE NA, DANG PO LA, DBANG MNGON SKAD CIG GNYIS PA CHOS CAN, MTSON BYA DER THAL, MTSAN NYID DE'I PHYIR, RTAGS GRUB PAR THAL, DBANG MNGON @036A *, ,SKAD CIG MA DANG PO DE, DBANG MNGON SKAD CIG GNYIS PA'I BDAG RKYEN YIN PA'I PHYIR TE, DBANG MNGON SKAD CIG GNYIS PA'I BDAG RKYEN DU GYUR PA'I YID DBANG YOD PA'I PHYIR, GNYIS PA LA, RANG RIG CHOS CAN, MTSON BYA DER THAL, MTSAN NYID DE'I PHYIR, DE DER THAL, DE'I BDAG RKYEN DU GYUR PA'I YID DBANG YOD DE'I BDAG RKYEN DU GYUR PA'I DBANG PO GZUGS CAN MED PA'I PHYIR, 'DOD MI NUS TE, GNOD BYED 'OG NAS 'BYUNG BA'I PHYIR, GSUM PA LA, NYAN THOS KYI MTHONG LAM BAR CHAD MED LAM CHOS CAN, MTSON BYA DER THAL, MTSAN NYID DE'I PHYIR TE, KHYOD RNAL 'BYOR MNGON SUM YIN PA'I PHYIR, 'DOD NA; KHYOD KYI GZUNG DON YOD PAR THAL, KHYOD YID KYI MNGON SUM YIN PA'I PHYIR, 'DOD NA, SLOB LA MA DU MNYAM RJES MI 'GA' BAR THAL, 'DOD PA'I PHYIR, 'ON KYANG, 'DI LA DPYAD PAR BYA RGYU YOD DO, ,DBANG MNGON LA DMIGS RKYEN YOD PAR SGRUB PA'I RTAGS YANG DAG MED PAR THAL, MTSAN NYID BZHI PA RIGS PA'I PHYIR, RGYU GZHAN DAG NI YOD NA YANG, ZHES SOGS RANG GZHUNG MA YIN PAR THAL, 'DOD PA'I PHYIR, MTSAN NYID BZHI PA LA, RNAM MKHYED SKAD CIG DANG PO THOB MA THAG PA'I YID MNGON CHOS CAN, RANG GI DE MA THAG RKYEN DU GYUR PA'I DBANG MNGON YOD PAR THAL, YID MNGON YIN PA'I PHYIR, 'DOD MI NUS PAR THAL, RGYUN MTHA' LA GNAS PA'I SEMS DPA'I RGYUD LA DBANG MNGON MED PA'I PHYIR TE, 'GOG PA LA MNYAM PAR GZHAG PA'I PHYIR MI 'ONG GI RGYUD LA DBANG MNGON MED PA'I PHYIR TE, YID GZUGS MDZES LA LHAG PAR CHAGS PA'I @036B SKYES BU'I RGYUD LA SGRA 'DZIN NYAN SHES MED PA'I PHYIR TE, SNGAR GONG DU BSGRUB ZIN PA'I PHYIR, THUN MONG DU 'KHRI TSUL 'DI LTAR BRJOD DE DBANG PO'I MNGON SUM YIN NA, RANG GI THUN MONG MA YIN PA'I BDAG RKYEN DU GYUR PA'I RTEN BCAS KYI DBANG PO GZUGS CAN LAS DNGOS SU SKYES PAS KHYAB PAR THAL, SNGAR GYI MTSAN NYID DE RNAMS RIGS PA'I PHYIR, 'DOD NA, GNYID 'THUG PO LOG PA'I GANG ZAG DANG, 'GOG PA LA RTZE GCIG DU MNYAM PAR GZHAG BZHIN PA'I PHYIR MI 'ONG GI RGYUD LA RTEN BCAS KYI DBANG PO GZUGS CAN YOD PAR THAL, 'DOD PA'I PHYIR, 'DOD NA, GANG ZAG DE RNAMS KYI RGYUD LA MIG SHES YOD PAR THAL, 'DOD PA'I PHYIR, 'DOD NA, RANG GI GRUB PA'I MTHA' DANG 'GAL LO, ,GZHAN YANG, MNGON SUM LA MA 'KHRUL PAS KHYAB PA MED PAR THAL, SNGAR GYI MTSAN NYID DE RNAMS RIGS PA'I PHYIR, 'DOD MI NUS TE, 'KHRI TSUL GONG DU BRJOD ZIN PA'I PHYIR; YID MNGON GYI SKYE TSUL LA, 'GROS GSUM PA DANG, SPEL MA DANG, RGYUN MTHA' GSUM PO GANG RUNG DU NGES SO ZHE NA, MI RIGS PAR THAL RANG RIG LA YID MNGON GYIS KHYAB PA'I PHYIR, RTAGS KHAS, TSUR MTHONG GI RGYUD LA GZHAN SEMS SHES PA'I MNGON SHES RGYUN CHAGS SU SKYE BA MI 'THAD PAR THAL, SNGAR GYI DAM BCA' RIGS PA'I PHYIR, KHYAB STE, TSUR MTHONG GI RGYUD KYI GZHAN SEMS SHES PA'I MNGON SHES DE YID MNGON DU RIGS PA'I PHYIR TE, DE MNGON SUM YIN PA'I PHYIR, DON RIG YID MNGON GYI SKYE TSUL LA, GSUM PO GANG RUNG DU NGES SO ZHE NA, MI RIGS TE, DE BZHIN GSHEGS PA RNAMS KYI THUGS RGYUD LA DBANG MNGON SKAD CIG DANG @037A *, ,PO DE DANG, DON RIG YID MNGON SKAD CIG DANG PO DUS MNYAM DU SKYES PA'I PHYIR TE, SANGS RGYAS 'PHAGS PA YIN NA DON RIG YID MNGON RGYUD LDAN YIN DGOS PA'I PHYIR, TSUR MTHONG GI RGYUD KYI DON RIG YID MNGON GYI SKYE TSUL LA GSUM PO DER NGES SO ZHE NA, MI RIGS TE, TSUR MTHONG GI RGYUD KYI LHA'I RNA BA'I MNGON PAR SHES PA DE SGRA 'DZIN YID MNGON YIN PA'I PHYIR TE, DE LTA BU GZHAN RIG MNGON SUM DANG, YID KYI SHES PA'I GZHI MTHUN YIN PA'I PHYIR, DE GZHAN RIG MNGON SUM YIN TE, MNGON SHES YIN NA GZHAN RIG MNGON SUM YIN DGOS PA'I PHYIR, DE YID KYI SHES PA YIN TE, MNGON PAR SHES PA DANG PO LNGAS, MA RIG PA'I MUN PA SEL BAR RGYUD BLA MA LAS GSAL BAR BSHAD PA'I PHYIR DANG, SHANTI PA CHEN POS, MNGON PAR SHES PA DANG PO LNGA DANG MTSUNGS LDAN GYI SEMS BSKYED BSHAD PA'I PHYIR, GZHAN YANG, TSUR MTHONG GI RGYUD KYI MIG RNA BA'I MNGON PAR SHES PA DE NGAG DBANG SHES MA YIN PAR THAL, TSUR MTHONG GI RGYUD LA BSAM GTAN GNYIS PA YAN CHAD KYI DBANG SHES NI MED, MNGON SHES DANG PO LNGA NI YOD PA'I PHYIR, GTAN TSIG DANG PO GRUB STE, GNYIS PA SOGS NA LUS MIG DANG; ;RNA BA'I RNAM SHES RNAM RIG SLONG, ,GANG YIN DE NI DANG POR RTOGS, ZHES BSAM GTAN GNYIS PA BA YAN CHAD KYI LUS SHES, MIG SHES, RNA BA'I SHES PA DAG KUN SLONG GI RNAM PAR RTOG PA RNAMS BSAM GTAN DANG PO'I SAS BSDUS SU MDZOD LAS BSHAD PA'I PHYIR, RTZA BA'I GTAN TSIGS GNYIS PA GRUB STE, KUN LAS BTUS LAS, YON TAN 'DI RNAMS JI LTAR MNGON PAR SGRUB CE NA, PHYI ROL PA'AM, @037B NYAN THOS SAM, ,DE BZHIN GSHEGS PA YANG RUNG STE, DAG PA'I BSAM BTAN BZHI LA BRTEN NAS, TSAD MED PA RNAMS NGON PAR SGRUB BO, TSANG MED PA RNAMS JI LTAR MNGON PAR SHES PA LDA YANG DE BZHIN NO, ,ZHES BSHAD PA'I PHYIR, RTZA BA'I GSAL PA KHAS, 'KHRI TSUL 'DI LTAR YANG BRJOD DE, SNA LCE LUS GSUM GYI MNGON PAR SHES PA MED PAR THAL, MNGON PAR SHES PA LA YID KYI SHES PAS KHYAB PA'I PHYIR, 'DOD PAR MI NUS TE, CHOS MNGON PA DGONGS 'GREL DANG BCAS PA LAS DE LTAR DU BSHAD PA'I PHYIR, LHA'I MIG GI MNGON PAR SHES PA CHOS CAN, KHYOD KYI BDAG RKYEN DU GYUR PA'I RTEN BCAS KYI DBANG PO GZUGS CAN MED PA THAL; KHYOD YID KYI SHES PA YIN PA'I PHYIR, KHYAB STE, THUN MONG MA YIN RGYU YIN PHYIR, DE YI THA SNYAD DBANG POS BYAS, ZHES PA'I DON GRUB PA'I PHYIR, 'ON KYANG MIG RNA'I MNGON PAR SHES PA DBANG SHES SU 'DOD PA DANG, YID SHES SU 'DOD PA'I LUGS GNYIS SNGON GYI MKHAS PA RNAMS LA 'DUG CING, SGRON GSAL GYI MCHAN LTAR NA, MTSAN NYID THEG PA'I LUGS KYI DE GNYIS DBANG SHES DANG, SNYING PO'I RGYAN LTAR NA, YID KYI SHES PAR BSHAD PAS DPYAD PAR BYA'O, ,TSUR MTHONG GI RGYUD KYI GZUGS 'DZIN YID KYI MNGON SUM BCAD SHES YIN TE, DE GZUGS LA BCAD SHES GANG ZHIG ,DE RANG GI GZUNG DON LA DUS MTHA'I SKAD CIG MA YIN PA'I PHYIR ZHES GSUNG, TSUR MTHONG GI RGYUD KYI GZUGS 'DZIN YID KYI MNGON SUM CHOS CAN, RANG YUL MA RTOGS PAR THAL, KHYOD TSUR MTHONG GI MNGON SUM GANG ZHIG DUS MTHA'I SKAD CIG MA YIN PA'I PHYIR ZHES MKAHS PA GZHAN DAG GSUNGS, TSUR MTHONG GI RGYUD@038A *, ,KYI DON RIG YID MNGON LA, TSAD MA BCAD SHES, SNANG LA MA NGES PA'I BLO GSUM KA YOD PAR MNGON TE, TSUR MTHONG GI RGYUD KYI MIG RNA'I MNGON SHES LA DE GSUM KA YOD PA'I PHYIR, TSUR MTHONG GI RGYUD KYI DUS MTHA'I SKAD CIG MAS KHYAD PAR DU BYAS PA'I MNGON SUM LA TSAD MA MA YIN PAS KHYAB NA, 'KHRI TSUL 'DIR LTAR, DUS MTHA'I SKAD CIG MAS KHYAD PAR DU BYAS PA'I TSUR MTHONG CHOS CAN, KHYOD KYI RGYUD KYI MNGON SUM TSAD MA MED PAR THAL, KHYOD KYI RGYUD KYI MNGON SUM DE TSAD MA MA YIN PA'I PHYIR, MA GRUB NA, KHYOD KYI RGYUD KYI MNGON SUM DE DUS MTHA'I SKAD CIG MA YIN PAR THAL, KHYOD DUS MTHA'I SKAD CIG MAS KHYAD PAR DU BYAS PA'I GANG ZAG YIN PA'I PHYIR, 'DOD NA, DE'I RGYUD KYI MNGON SUM CHOS CAN, MNGON SUM GYI TSAD MA MA YIN PAR THAL, TSUR MTHONG GI RGYUD KYI DUS MTHA'I SKAD CIG MAS KHYAD PAR DU BYAS PA'I MNGON SUM YIN PA'I PHYIR, TSUR MTHONG GI RGYUD KYI GZUGS 'DZIN DBANG MNGON SKAD CIG GNYIS PA CHOS CAN, KHYOD KYI DNGOS KYI NYER LEN DU GYUR PA'I GZUGS 'DZIN DBANG MNGON MA DE, DUS MTHA'I SKAD CIG MA YIN PAR THAL, DE YOD KHYOD KYI DNGOS KYI NYER LEN DUS MTHA'I SKAD CIG MA YIN PA'I PHYIR, GTAN TSIGS DANG PO GRUB STE, TSUR MTHONG GI RGYUD KYI GZUGS 'DZIN DBANG MNGON SKAD CIG MA DANG PO DE'I DNGOS KYI NYER LEN YIN PA'I PHYIR, RTZA BAR 'DOD NA 'GRIG DE'I DNGOS KYI NYER LEN DU GYUR PA'I MNGON SUM GYI TSAD MA CHOS CAN, MNGON SUM GYI TSAD MA MA YIN PAR THAL, TSUR MTHONG GI RGYUD KYI DUS MTHA'I SKAD CIG MA YIN PA'I PHYIR RO, ,KHYAB PA KHAS, TSUR MTHONG GI RGYUD KYI GZUGS 'DZIN YID KYI MNGON SUM CHOS CAN, KHYOD KHYOD RANG NYAMS SU MYONG BA'I RANG RIG MNGON SUM GYIS RTOGS TE, KHYOD SHES PA @038B YIN PA'I PHYIR ZHE NA, MI RIGS TE, GNOD BYED BRJOD ZIN PA'I PHYIR DANG, SLAR YANG GNOD BYED 'CHAD PA'I PHYIR, TSUR MTHONG GI RGYUD KYI GZUGS 'DZIN YID MNGON CHOS CAN, TSUR MTHONG GIS MNGON SUM DU MA RTOGS PAR THAL, DUS MTHA'I SKAD CIG MA YIN PA'I PHYIR DANG, PHRA BA'I MI RTAG PA YIN PA'I PHYIR DANG, SHIN TU LKOG GYUR YIN PA'I PHYIR, ZHES PA'I SGRUB BYED GSUM 'GOD NA, MAR ME SKAD CIG MA THA MA'I STENG GI DUS MTHA'I SKAD CIG MA CHOS CAN, DER THAL, DE'I PHYIR, 'DOD NA, MAR ME SKAD CIG MA THA MA'I 'JIG PA TSUR MTHONG GIS MNGON SUM DU MA RTOGS PAR THAL, 'DOD PA'I PHYIR, RNAM PAR SHES PA CHOS CAN, TSUR MTHONG GIS MNGON SUM DU MA RTOGS PAR THAL; PHRA BA'I MI RTAG PA YIN PA'I PHYIR TE, 'DUS BYAS GANG ZHIG, KHYOD MI RTAG PAR RTOGS PA'I TSUR MTHONG GI MNGON SUM MED PA'I PHYIR, PHRA BA'I MI RTAG PA YIN NA, ,DUS MTHA'I SKAD CIG MA YIN DGOS PAR THAL, RNAM PAR SHES PA PHRA BA'I MI RTAG PA MA YIN PA'I PHYIR, RTAGS KHAS, PHRA BA'I MI RTAG PA YIN NA, TSUR MTHONG GIS MNGON SUM DU MA RTOGS PAS KHYAB PAR THAL, PHRA BA'I MI RTAG PA DE LTAR MA YIN PA'I PHYIR ZHE NA, PHRA BA'I GANG ZAG GI BDAG MED YIN NA, TSUR MTHONG GIS MNGON SUM DU MA RTOGS PAS KHYAB PA YOD PAR THAL, DE LTAR DU TSUR MTHONG GI MNGON SUM GYIS MA RTOGS PA'I PHYIR, RAGS PA'I GANG ZAG GI BDAG MED DANG, PHRA BA'I GANG ZAG GI BDAG MED 'GAL BAR THAL, RAGS PA'I MI RTAG PA DANG, PHRA BA'I MI RTAG PA 'GAL PHYIR, RANG GRUB TZAM NAS 'JIG NGES CHOS CAN, KHYOD YIN NA, ,RAGS PA'I MI RTAG PA MA @039A *, ,YIN DGOS PAR THAL, KHYOD PHRA BA'I MI RTAG PA YIN PA'I PHYIR, MA KHYAB NA, PHRA BA'I MI RTAG PA YIN NA, TSUR MTHONG GIS MNGON SUM DU MA RTOGS PAS KHYAB PA 'BUD, SHIN TU LKOG GYUR YIN NA TSUR MTHONG GI MNGON SUM GYIS MA RTOGS PAS KHYAB PA MED PAR THAL, LAS RGYU 'BRAS MNGON SUM DU GYUR PA'I TSUL MTHONG YOD PA'I PHYIR TE, SNGON GNAS RJES DRAN GYI MNGON SHES RGYUD LA LDAN PA'I TSUR MTHONG YOD PA'I PHYIR, RTAGS KHYAB GRUB STE, MDZOD LAS, DMYAL BA PAS NI DANG POR RIG CES DANG, MDO SDE RGYAN LAS, SKYE DANG NGAG SEMS DGE DANG MI DGE SKYED, CES SOGS BSHAD PA'I PHYIR, GANG ZAG DE LA LTOS TE SHIN TU LKOG GYUR YIN NA, SHIN TU LKOG GYUR YIN PAS KHYAB PA MED PAR THAL, SHIN TU LKOG GYUR YIN NA TSUR MTHONG GIS MNGON SUM DU MA RTOGS PAS KHYAB PA YOD PA'I PHYIR, GANG ZAG GI BDAG MED PAS KHYAD PAR DU BYAS PA'I TSUR MTHONG GI SHES PA CHOS CAN, KHYOD KHYOD RANG NYAMS SU MYONG BA'I RANG RIG GIS RTOGS PAR THAL, SHES PA YIN PA'I PHYIR, 'DOD NA, TSUR MTHONG GIS GANG ZAG GI BDAG MED MNGON SUM DU RTOGS PAR THAL LO, ,'DOD NA, TSUR MTHONG 'PHAGS PAR THAL LO ZHES ZER ZHING, MCHOG GI SPRUL PA'I SKU YIN NA, TSUR MTHONG GIS MNGON SUM DU RTOGS PAS 'DOD NA GANG ZAG GI BDAG MED PAS KHYAD PAR DU BYAS PA'I MCHOG GI SPRUL SKU CHOS CAN, DER THAL, DE'I PHYIR, 'DOD NA, TSUR MTHONG 'PHAGS PAR THAL, 'DOD PA'I PHYIR, 'KHOR GSUM RNAMS KHAS, 'DIS NI TSAD MA YIN RANG MYONG RIG GIS RTOGS PAS KHYAB PAR 'DOD PA RNAMS KYANG BSAL LO, ,DOGS GCOD RGYAS PAR NI 'OG TU 'CHAD PAR GYUR RO, ,TSUR MTHONG GI RGYUD KYI @039B GZUGS 'DZIN YID KYI MNGON SUM DE YID CHES RJES DPAG GI GZHAL BYA YIN TE, GZUGS SHES PA NI RNAM PA GNYIS TE, MIG DANG YID LA BRTEN PA'O, ,ZHES PA'I LUNG CHOS CAN, RANG GI BSTAN BYA'I DON LA MI SLU STE, DPYAD GSUM GYIS DAG PA'I LUNG YIN PA'I PHYIR ZHES PA'I RTAGS LA RTEN PA'I RJES DPAG GIS 'GRUB PA GANG ZHIG ,DPYAD GSUM GYIS DAG PA'I LUNG DE SGRUB KYI YID CHES KYI RTAGS YANG DAG YIN PA'I PHYIR ZHE NA, DBANG MNGON DANG YID MNGON GNYIS PO DE SHIN TU LKOG GYUR YIN PAR THAL, DPYAD GSUM GYIS DAG PA'I LUNG DE, DA LTAR SGRUB PA'I YID CHES PA'I RTAGS YANG DAG YIN PA'I PHYIR, 'DOD NA, DBANG MNGON SHIN TU LKOG GYUR YIN PAR THAL, 'DOD PA'I PHYIR, GSAR DU MI SLU BA'I RIG PA DE GZUGS 'DZIN YID KYI MNGON SUM TSAD MAR SGRUB PA'I YID CHES KYI RTAGS YANG DANG YIN PAR THAL, GZUGS 'DZIN YID MNGON TSAD MA SHIN TU LKOG GYUR YIN PA'I PHYIR, 'DOD NA, YID CHES KYI RTAGS LA DPYAD GSUM GYIS DAG PAS KHYAB PA DANG, SHIN TU LKOG GYUR GYI YUL LA LUNG KHO NA SGRUB BYED DU 'JUG PAR 'DOD PA 'GAL LO, ,TSUR MTHONG GI RGYUD KYI GZUGS 'DZIN YID KYI MNGON SUM GYI RKYEN GSUM GANG RUNG YIN NA, DUS MTHA'I SKAD CIG MA YIN PAS KHYAB BO ZHE NA, DE'I DNGOS RGYU LA DUS MTHA'I SKAD CIG MAS KHYAB PAR THAL, DAM BCA' RIGS PA'I PHYIR, 'DOD NA, DE'I NYER LEN DU GYUR PA'I RIG PA CHOS CAN, DER THAL, DE'I PHYIR, 'DOD MI NUS TE; DE'I BRGYUD RGYUR GYUR PA'I DE'I NYER LEN YOD PA'I PHYIR TE, DPER NA, SA BON SKAD CIG MA DANG PO DE, MYU GU SKAD CIG MA DANG PO'I BRGYUD RGYU'I NYER LEN YIN PA LTA BU'O, ,DE'I RKYEN GSUM GANG RUNG YIN NA, DUS MTHA'I SKAD CIG @040A *, ,MA YIN PAS KHYAB PAR THAL, DE DUS MTHA'I SKAD CIG MA YIN PA'I PHYIR ZHE NA, MYU GU'I DNGOS RGYU LA DUS MTHA'I SKAD CIG MAS KHYAB PAR THAL, DE DNGOS RGYU DUS MTHA'I SKAD CIG MA YIN PA'I PHYIR TE, DE'I DNGOS RGYU LA SKAD CIG SNGA PHYI'I RIM PA MI 'THAD PA'I PHYIR TE, DE'I DNGOS RGYU SKAD CIG GNYIS PA DE'I DNGOS RGYU MA YIN PA'I PHYIR TE, DE'I DNGOS RGYU SKAD CIG MA DANG PO DE'I DNGOS RGYU MA YIN PA'I PHYIR TE, DE'I DNGOS RGYU SKAD CIG MA GNYIS PA DE, DE'I DNGOS RGYU SKAD CIG MA DANG PO DE'I 'BRAS BU MA YIN PA'I PHYIR, RTAGS KHYAB PA 'DI KHAS, RTZA BAR 'DOD NA, SA BON DUS MTHA'I SKAD CIG MAR THAL, 'DOD PA'I PHYIR, RANG LUGS NI, MNGON SUM YANG YIN, YID KYI SHES PA YANG YIN PA'I GZHI MTHUN PAR GYUR PA'I GZHAN RIG, YID KYI MNGON SUM GYI MTSAN NYID, DE LA DBYE NA, DON RIG YID MNGON, RNAL 'BYOR MNGON SUM, GZHAN SEMS SHES PA'I MNGON SHES TE RNAM PA GSUM, TSAD MA DANG BCAD SHES, SNANG LA MA NGES PA STE, BLO'I RIGS RNAM PA GSUM SKYE TSUL NI, SPYIR MTHA' GCIG TU NGES PA MED DE, 'GROS GSUM PA DANG, RGYUN MTHA' DANG, DE LAS GZHAN DAG TU YOD PA'I PHYIR, SGRUB BYED KYI TSAD MA NI, TSUR MTHONG GI RGYUD LA YANG, MNGON SUM, DNGOS STOBS RJES DPAG, YID CHES RJES DPAG RNAM PA GSUM YOD DE, DE'I RGYUD KYI GZHAN SEMS SHES PA'I MNGON SHES DANG, SNGON GNAS RJES DRAN GYI MNGON SHES SNGAR GYI TSAD MA RNAM PA GSUM GYIS GRUB PA'I PHYIR TE, TSUR MTHONG GI MNGON PAR SHES PA LA, TSAD MA RNAM PA GSUM PO 'JAL BYED DU 'JUG PA'I PHYIR, 'DIR BSTAN YID KYI MNGON SUM GYI GTZO BO NI, NGO BO SNANG LA MA NGES PA, DUS KYI THUNG BA'I MTHAR THUG PA'I SKAD @040B CIG MA ZHIG RANG GI DE MA THAG RKYEN DU GYUR PA'I DBANG MNGON GYI RGYUN MTHAR 'BYUNG BA YIN TE, 'THAD LDAN LAS, MIG BYED PA DANG LDAN PA'I TSE GZUGS SHES PA GANG YIN PA DE NI MIG LA RTEN PA KHO NA YIN TE, DE LTAR MIN NA RNAM PAR SHES PA GANG YANG MIG LA RTEN PA MED PAR 'GYUR RO, ZHES BSHAD PA'I PHYIR, 'DI LA YID BYED PA DANG LDAN PA'I TSE GZUGS GSAL BAR SNANG BA'I SHES PA YIN NA, ,YID KYI SHES PA YIN PAS KHYAB PAR THAL, MIG BYED PA DANG LDAN PA'I TSE, GZUGS GSAL BAR SNANG BA'I SHES PA YIN NA, MIG GI SHES PA YIN DGOS PA'I PHYIR ZHE NA, GTAN TSIGS DE KHAS LEN PA RNAMS KYI LTAR NA, TSIG 'KHRI 'BA' ZHIG YIN TE, RTEN BCAS GYI MIG BYED PA DANG LDAN PA'I DUS YID BYED PA DANG LDAN PAS KHYAB, YID BYED PA DANG LDAN PA'I DUS SU, RTEN BCAS KYI MIG BYED PA DANG LDAN PAS KHYAB PA MED PA'I PHYIR, 'ON KYANG, RTEN BCAS KYI MIG BYED PA DANG LDAN PA'I DUS KYI GZUGS GSAL SNANG CAN GYI TSUR MTHONG GI SHES PA LA DBANG SHES KYIS MA KHYAB STE, TSUR MTHONG GI LHA'I MIG GI MNGON PAR SHES PA LA GZUGS GSAL BAR SNANG BA'I PHYIR TE, DES SEMS CAN RNAMS 'CHI' PHO BA DANG, SKYE BA'I TSUL MNGON SUM DU RTOGS PA'I PHYIR DANG, RNA BA'I MNGON PAR SHES PA LA SGRA GSAL BAR SNANG BA'I PHYIR, MNGOR NA, 'DIR BSTAN YID MNGON GYI GTZO BO'I NGO BO DANG SKYE TSUL SOGS KYI RNAM PAR BZHAG PA, 'THAD LDAN GYI DGONGS PA RGYAL TSA BA DAM PAS DRI MA MED PA'I LUNG RIGS KYIS GTAN LA DBAB PA LTAR YIN LA, SPYIR MTHA' CIG TU MA NGES PA'I TSUL NI SNGAR BSHAD KYI RIGS PA LAS SHES PAR BYA'O, YID MNGON LA RGYUN MED DE, @041A *, ,YID DBANG LA RGYUN MED PA'I PHYIR, DBANG MNGON LA RGYUN YOD DE, DBANG PO GZUGS CAN PA RNAMS LA RGYUN YOD PA'I PHYIR, RNAM SHES 'GAGS MA THAG PA YID DBANG YIN TE, MDZOD LAS, DRUG PO 'DAS MA THAG PA YI, ,RNAM SHES GANG YIN DE YID DO, ,ZHES GSUNGS PA'I PHYIR ZHE NA, DBANG PO'I RNAM PAR SHES PA YID KYI DBANG PO MA YIN PAR THAL, YID DBANG LA RGYUN MED PA'I PHYIR, KHYAB STE GTZO BO SEMS LA YID DBANG GIS KHYAB PA'I PHYIR, YID KYI RNAM PAR SHES PA LA RGYUN MED PAR THAL, YID DBANG DANG YID MNGON LA RGYUN MED PA'I PHYIR, 'DOD NA ZAD PAR RNAMS KYI SKYED MCHED MED PAR THAL, 'DOD PA'I PHYIR, RIGS GTER LAS, YID DBANG LAS NI YID DBANG MIN, ,DE YID PHYIR NA DE RGYUN MED, ,DBANG PO GZUGS CAN LAS DBANG SKYES, ,DES NA DBANG SHES RGYUN BCAS YIN, ,ZHES DANG, RANG 'GREL LAS KYANG, YID DBANG CHU THIGS ZEGS MA'I DPES BSTAN PA RNAMS MI 'THAD PAR THAL, SNGAR GYI DAM BCA' MI RIGS PA'I PHYIR, ZHES NA, MA KHYAB PAR THAL, SNGAR GYI DAM BCA' DE'I ZHEN DON LA LUNG RIGS KYIS GNOD, RIGS GTER RTZA 'GREL GYI DGONGS PA LA NI RIGS PAS GNOD PA CUNG ZAD KYANG MI RIGS PA'I PHYIR, YID MNGON GYI SKYE TSUL 'GROS GSUM PA KHO NA RIGS PAR THAL, SPEL MA DANG NI RGYUN GYI MTHA', GNYIS KA LA YANG GNOD BYED YOD, NGES NA MNGON SUM 'GROS GSUM PA, ZHES BSHAD PA'I PHYIR, KHAB PA KHAS, 'DOD MI NUS TE, SNGAR BSHAD KYI LUNG RIGS KYIS GNOD PA'I PHYIR DANG, TSUR MTHONG GI RGYUD LA MAR ME SKAD CIG MTHA' MA GZUNG DON DU BYED PA'I YID @041B MNGON MED PA'I PHYIR TE, MAR ME SKAD CIG THA MA DE'I GZUNG DON MA YIN PA'I PHYIR TE, MAR ME SKAD CIG THA MA DE, DE 'DZIN DBANG MNGON GYI GZUNG DON YIN PA'I PHYIR TE, MAR ME DE, DE 'DZIN DBANG PO'I MNGON SUM GYI GZUNG DON YIN PA'I PHYIR, GZHAN YANG MAR ME SKAD CIG THA MA 'DZIN PA'I DBANG MNGON DANG, YID MNGON RGYU 'BRAS SU THAL, DE GNYIS YOD PA'I PHYIR, 'DOD NA, DE GNYIS RGYU 'BRAS MA YIN PAR THAL, DE GNYIS GZUNG DON GCIG LAS SKYES PA'I PHYIR TE, MAR ME SKAD CIG THA MA DE GNYIS KYI GZUNG DON YIN PA'I PHYIR, RTAGS RNAMS KHAS, GZHAN YANG, YID KYI MNGON SUM MNGON DU GYUR PA'I GANG ZAG GI RGYUD LA YID BLO RTOG PA YANG MNGON GYUR DU YOD PAR THAL, TSUR MTHONG GI RGYUD LA GZUGS 'DZIN YID MNGON GYI SKYE TSUL 'GROS GSUM PA KHO NA RIGS PA'I PHYIR, 'DOD NA, GANG ZAG GCIG GI RGYUD LA YID KYI RNAM PAR SHES PA RDZAS THA DAD PA DU MA CIG CAR YOD PAR THAL, 'DOD PA'I PHYIR, ZHES ZER BA YANG MI RIGS TE, THAL 'GYUR GNYIS PA'I KHYAB PA MA NGES PA'I PHYIR, KHA CIG, RGYAN GYI LUGS LA, YID MNGON GYI SKYE TSUL SPEL MA DANG, RANG RIG LA YID MNGON GYIS KHYAB PAR 'DOD PA DANG, KHA CIG RGYAN GYI LUGS LA, YID MNGON GYI SKYE TSUL SPEL MA MI RIGS SO, ,ZHES ZER BA MI 'THAD DE, SNGA MA LA KHAS BLANGS 'GAL BA'I GNOD PA 'BAB PA'I PHYIR, ,PHYI MA LA YANG RIGS GTER RTZA 'GREL GYIS GNOD PA'I PHYIR, ` BDE SOGS BDAG NYID GZHAN MI RTEN, ZHES PA'I SKABS SU 'GA' ZHIG NA RE, RANG RIG MED DE, @042A *, ,RANG NYID RANG LA BYED PA 'GAL BA'I PHYIR, KHA CIG NA RE, RANG RIG GI YUL MED DE, RNAM SHES RIG PAR SKYES TZAM LA RANG RIG TU BZHAG PA'I PHYIR, 'GA' ZHIG NA RE, SHES PA YIN NA, RANG GI NGO BO LA RANG RIG YIN PAS KHYAB BO, ZHES ZER BA RNAMS MI 'THAD PAR THAL, 'OG NAS 'BYUNG BA'I TSUL GNYIS DANG, RANG RIG SGRUB PA'I RIGS PAS GNOD PA'I PHYIR, TSOR BA BDE BA CHOS CAN, KHYOD MYONG RANG RIG RTOG PA MA YIN PAR THAL, DES KHYOD LA BRDA BYED PAR MI NUS PA'I PHYIR TE, BRDA DUS KYI BDE BA THA SNYAD KYI DUS NA MED PA'I PHYIR ZHE NA, RANG GZHAN GYI SDE PA GANG RUNG YIN NA, RANG RIG RTOG PAR MI 'DOD PAS KHYAB PA MED PAR THAL, SBYOR BA DE 'THAD PA'I PHYIR, 'DOD MI NUS TE, BYE BRAG TU SMRA BA SOGS RANG SDE 'GA' ZHIG DANG, GZHAN SDE MTHA' DAG GIS RANG RIG GTAN MED DU 'DOD LA, MDO SEMS GNYIS DANG, RNAL 'BYOR SPYOD PA'I DBU MA PA RNAMS KYIS RANG RIG RTOG BRAL DU 'DOD PA'I PHYIR, SEMS LA SEMS MA MCHIS TE, SEMS KYI RANG BZHIN NI 'ONG GSAL BA'O, ZHES SOGS KYIS RANG RIG YOD PAR BSTAN CING, SEMS RIG CING GSAL TZAM, RANG RIG DANG GNAS LUGS MTHAR THUG YIN NO, ZHES GSUNGS, MI RIGS PAR THAL, 'DI LA SHES BYED KYI LUNG RIGS MED PA'I PHYIR, 'ON KYANG, RANG RIG YOD PAR STON PA'I MDO NI, DPYAD PAR BYA BA'I GNAS SU SNANG STE, LAD KAR GSHEGS PA'I MDO LA BRTEN NAS, THAL 'GYUR BA SOGS KYIS RANG RIG BKAG PA'I TSE, DE'I LAN DU RANG RIG YOD PA'I STON PA'I LUNG GI GNOD BYED GANG LAS KYANG GSAL BAR MA BSHAD PA'I PHYIR, ` RNAL 'BYOR SHE PA SNGAR BSHAD PA, ZHES PA'I SKABS SU, @042B RANG GI BDAG RKYEN DU GYUR PA'I YANG DAG PA'I DON BSGOMS PA'I STOBS LAS BYUNG ZHING, YANG DAG PA'I DON LA RTOG BRAL MA 'KHRUL PA'I 'PHAGS RGYUD KYI MKHYEN PA RNAL 'BYOR MNGON SUM GYI MTSAN NYID, RANG RGYAL SLOB PA'I RNAL 'BYOR MNGON SUM MED DE, 'PHAGS PA GSUM GYI MNGON SUM GSUM ,SLOB DANG MI SLOB SGO NAS LNGA, ZHES GSUNGS PA'I PHYIR SNYAM NA, RNAL 'BYOR MNGON SUM CHOS CAN, YANG DAG PA'I DON LA MNGON SUM DU THAL, DE LA RTOG BRAL MA 'KHRUL BA'I RIG PA GANG ZHIG ,MNGON SUM YIN PA'I PHYIR, RTAGS DANG PO KHAS, 'DOD NA, DE 'PHAGS PA'I BDEN BZHI LA MNGON SUM DU THAL LO, RANG RGYAL SLOB PA MED PAR THAL, RANG RGYAL SLOB PA'I RNAL 'BYOR MNGON SUM MED PA'I PHYIR, 'DOD NA MYA NGAN LAS 'DAS PA THOB PAR 'DOD PA'I RANG RGYAL DANG, RANG RGYAL GYI SBYOR LAM DANG, DE'I SGRUB PA DANG, SGRUB PA'I RTEN RANG BZHIN GNAS RIGS DANG, MTHONG LAM SOGS MED PAR THAL, 'DOD PA'I PHYIR, 'DOD MI NUS TE, RANG SANGS RGYAS KYANG STE, MYANG NGAN LAS 'DA' BAR 'DOD PA RNAMS, ZHES DANG, NYAN THOS BAS RU LTA BU DANG, ,BCAS PA DANG LAS KHYAD PAR 'PHAGS, ,ZHES DANG; MDO SDE RGYAN LAS, SGRUB PA THA DAD DBYE BA DANG, ZHES DANG, 'GREL PA DON GSAL LAS, RTEN PA'I CHOS THEG PA GSUM GYIS BSDUS PA RTOGS PAR BYA BA THA DAD PA NYID KYIS RTEN THA DAD PA NYID DO ZHES BSTAN TO, ZHES DANG MDO SDUD PA LAS, RGYAL SRAS BDEN LA MKHAS DANG PHYIR MI LDOG PA DANG, ,DGRA BCOM DRI MA BSAL ZHING SOM NYI SPANGS PA DANG, ,BZHI PA DGE BA'I SHES KYIS YONGS SU ZIN PA'O, ,ZHES BSHAD PA'I PHYIR, RGYAS PAR NI PHAR PHYIN@043A *, ,GYI RNAM BSHAD LAS SHES PAR BYA'O,, ` DE PHYIR GZHAL BYA RTOGS PA YIS, ZHES PA'I SKABS SU, DON GZHAL BYA, DON GYI RNAM PA SHAR NAS DON LA GSAR DU MI SLU BA'I RIG PA TSAD MA, DON DNGOS SU RTOGS PA'I TSAD MA 'BRAS BU ZHES GSUNGS, GZHAN DAG NA RE, DON GYI RNAM PA SHAR NAS DON LA GSAR DU MI SLU BA'I RIG PA YIN NA, DON DNGOS RTOGS KYI TSAD MA YIN PAS MA KHYAB PAR THAL, DON GYI RNAM PA SHUGS LA SHAR BA'I TSAD MA YOD PA'I PHYIR, GZUGS 'DZIN DBANG PO'I MNGON SUM DES GZUGS DNGOS SUM RTOGS TE, DE DANG GZUGS KYI BAR DU GZUGS KYI RNAM PAS CHOD PA'I PHYIR TE, GZUGS 'DZIN DBANG PO'I MNGON SUM LA GZUGS KYI RNAM PA DNGOS SU SNANG BA'I PHYIR, RNAM MKHYEN CHOS CAN, RNAM MKHYEN GYI RNAM PA SHAR BAR THAL, DE DNGOS SU RTOGS PA'I TSAD MA YIN PA'I PHYIR, 'DOD NA, DE DANG 'DRA BAR THAL, DE'I RNAM PA SHAR BA'I PHYIR, 'DOD NA, DE DANG THA DAD DU THAL, 'DOD PA'I PHYIR, RI BONG GI RVA CHOS CAN, TSAD MA'I RNAM PA SHAR BAR THAL, TSAD MA DNGOS SU RTOGS PA'I TSAD MA YIN PA'I PHYIR TE, TSAD MA DNGOS SU RTOGS PA'I TSAD MA YOD PA'I PHYIR TE, DNGOS KYI GZHAL BYA YOD PA'I PHYIR, MNGON SUM TSAD MA'I RNAM PA SHAR BAR THAL, MNGON SUM GYI TSAD MA DNGOS SU RTOGS PA'I TSAD MA YIN PA'I PHYIR, SGRA MI RTAG RTOGS KYI RJES DPAG CHOS CAN, SGRA LA GSAR DU MI SLU BA'I RIG PA YIN PAR THAL, SGRA DNGOS SU RTOGS PA'I PHYIR TE, SGRA DNGOS SU RTOGS PA DANG TSAD MA'I GZHI MTHUN YIN PA'I PHYIR TE, SGRA DNGOS SU RTOGS PA GANG ZHIG ,TSAD MA YIN PA'I PHYIR, SGRA MI RTAG RTOGS KYI RJES DPAG DE SGRA RTOGS PA'I BCAD SHES SU THAL, DES SGRA RTOGS PA GANG @043B ZHIG DE SGRA RTOGS PA'I TSAD MA MA YIN PA'I PHYIR, DE CHOS CAN, SGRA RTOGS PAR THAL, SGRA DANG MI RTAG PA'I TSOGS DON RTOGS PA'I PHYIR, 'DOD NA, BCAD SHES YIN PAR THAL, SGRA RTOGS PA'I BCAD SHES YIN PA'I PHYIR, KHYAB STE, SGRA RTOGS PA'I TSAD MA YIN NA, TSAD MA YIN DGOS PA'I PHYIR, DE CHOS CAN, SGRA RTOGS ZIN RTOGS PA'I TSAD MA MA YIN PAR THAL, SGRA RTOGS PA'I TSAD MA MA YIN PA'I PHYIR, 'DOD NA, SGRA LA BCAD SHES SU SONG BA'I TSAD MA MA YIN PAR THAL LO, 'DOD NA, SGRA LA BCAD SHES SU SONG BA'I TSAD MA MED PAR THAL LO, 'DOD NA, DE LA BCAD SHES YIN NA, BCAD SHES YIN PAS KHYAB PAR THAL LO ZHE NA, SGRA MI RTAG RTOGS KYI RJES DPAG CHOS CAN, SGRA MI RTAG PA DNGOS SU RTOGS PA DANG, SGRA RTAG PA MA YIN PA SHUGS LA RTOGS PA'I KHYAD PAR MI 'THAD PAR THAL, DE GNYIS KYI RNAM PA SHAR BA'I PHYIR, DON DNGOS RTOGS KYI TSAD MA'I 'JOG BYED MED PAR THAL, SNGAR GYI 'JOG BYED MI RIGS PA'I PHYIR, RTAGS KHAS, DON RTOGS NA, DON GYI RNAM PA SHAR BAS KHYAB YOD PAR THAL, DON SHUGS RTOGS KYI TSAD MA LA DON GYI RNAM PAR SHAR BA'I PHYIR, DON SNANG NA DNGOS SU SNANG DGOS PAR THAL, 'DOD PA'I PHYIR; 'DOD NA, DON GYI RNAM PA SNANG NA YANG DE DNGOS SU SNANG BAS KHYAB PAR THAL, 'DOD PA'I PHYIR, 'DOD NA, DON GYI RNAM PA SHUGS LA SHAR BA'I TSAD MA CHOS CAN, DON GYI RNAM PA DNGOS SU SNANG BAR THAL, DON GYI RNAM PA SNANG BA'I PHYIR TE, DON GYI RNAM PA SHAR BA'I PHYIR, CHOS CAN KHAS BLANGS SO, ,GZUGS 'DZIN DBANG PO'I MNGON SUM DES, GZUGS KYI RNAM PA DNGOS SUM RTOGS PAR THAL, DE DANG GZUGS KYI RNAM PA'I BAR DU @044A *, ,GZUGS KYI RNAM PA'I RNAM PAS CHOD PA'I PHYIR, RTAGS GSAL KHAS, RNAM MKHYEN DNGOS SU RTOGS PA'I 'JOG BYED MED PAR THAL, RNAM MKHYEN DNGOS SU RTOGS NA DE'I RNAM PA SHAR MI DGOS PA'I PHYIR, RNAM MKHYEN GYI RNAM PA MA SHAR YANG, RNAM MKHYEN DNGOS SU RTOGS PA MI 'THAD PAR THAL, BYANG CHUB LAM GYI RIM PA LAS, RNAM PA MA SHAR YANG DNGOS SU RTOGS PA 'DI PA'I LUGS MA YIN PAS, ZHES GSUNGS PA'I DON, 'DIR YANG KHAS LEN RIGS PA'I PHYIR, RNAM MKHYEN CHOS CAN, ,RNAM MKHYEN RNAM MED THUG PHRAD DU GZUNG BAR THAL, RNAM MKHYEN DNGOS SU GZUNG BA GANG ZHIG ,DE'I RNAM PA MA SHAR PA'I PHYIR, 'DOD NA, GZUNG RNAM CAN GYI SHES PA MA YIN PAR THAL; 'DOD PA'I PHYIR, 'DOD NA, RNAM MKHYEN DANG THA DAD YIN PAR THAL, RNAM MKHYEN DANG PHRAD PA'I PHYIR, KHYAB PAR THAL, DE'I RNAM PA SHAR NA, DE DANG THA DAD PA YIN DGOS PA'I PHYIR, RNAM MKHYEN GYIS RNAM MKHYEN SHUGS LA RTOd SO ZHE NA MI RIGS PAR THAL, 'JUG PA'I RNAM BSHAD CHEN MO LAS, SANGS RGYAS KYI SAR RNAM PA MA SHAR BA'I SHUGS RTOGS BZHAG TU MED PAS, ZHES GSUNGS PA'I PHYIR, TSAD MA SHUGS LA RTOGS PA'I TSAD MA CHOS CAN, KHYOD TSAD MA SHUGS LA RTOGS PA'I TSAD MA MA YIN PAR THAL, TSAD MA DNGOS SU RTOGS PA'I TSAD MA YIN PA'I PHYIR, RI BONG GI RVA CHOS CAN, TSAD MA SHUGS LA RTOGS PA'I TSAD MA YIN PAR THAL, SHUGS LA RTOGS PA'I TSAD MA YOD PA'I PAR; KHYAB PA KHAS, SHUGS LA RTOGS PA'I TSAD MA YOD PAR THAL, SHUGS RTOGS TSAD MA YOD PA'I PHYIR TE, SGRA MI RTAG PA SHUGS LA RTOGS PA'I TSAD MA YOD PA'I PHYIR, RI BONG GI RVA CHOS CAN, DNGOS SU SKYES PA'I RGYU YIN PAR @044B THAL; TSAD MA DNGOS SU SKYES PA'I RGYU YIN PA'I PHYIR, 'DOD NA DER THAL, DNGOS SU SKYES PA'I RGYU YOD PA'I PHYIR, KHYAB PA KHAS, CHOS DE LA TSAD MA YIN NA TSAD MA YIN PAS KHYAB PA DANG, CHOS DE LA RJES DPAG YIN NA RJES DPAG YIN PAS KHYAB PA YOD PAR THAL, GZHI GRUB PA'I PHYIR, 'DOD NA 'GRIG ,RI BONG GI RVA CHOS, TSAD MAR THAL, MNGON SUM TSAD MA YIN PA'I PHYIR, YANG DE CHOS CAN, RDZAS GCIG YIN PAR THAL, MNGON SUM TSAD MA DANG, RDZAS GCIG YIN PA'I PHYIR, KHYAB PA GNYIS KHAS SGRA MI RTAG RTOGS KYI RJES DPAG CHOS CAN, SGRA GSAR DU RTOG PAR THAL, SGRA RTOGS PA'I TSAD MA YIN PA'I PHYIR, KHYAB PAR THAL, DE LA TSAD MA YIN NA, DE LA GSAR DU MI SLU BA'I RIG PA YIN DGOS PA'I PHYIR, DE CHOS CAN, BCAD SHES SU THAL, SGRA LA BCAD SHES YIN PA'I PHYIR, MA KHYAB NA, SGRA RTOGS PA'I BCAD SHES LA BCAD KYIS KHYAB PA 'BUD, SGRA LA BCAD SHES YANG YIN, SGRA LA TSAD MA YANG YIN PA'I GZHI MTHUN YOD PAR THAL, SGRA LA BCAD SHES SU SONG BA'I TSAD MA YOD PA'I PHYIR, RTAGS KHAS, GRANGS CAN GYI SGRA 'DZIN DBANG MNGON CHOS CAN, SGRA MI RTAG PA LA MNGON SUM TSAD MAR SONG BAR THAL, SGRA'I MI RTAG PA LA MNGON SUM DU SONG BA GANG ZHIG, TSAD MA YIN PA'I PHYIR, MA KHYAB NA, SGRA LA BCAD SHES SU SONG BA GANG ZHIG, TSAD MA YIN NA, SGRA LA BCAD SHES SU SONG BA'I TSAD MA YIN DGOS PA 'BUD, SGRA CHOS CAN; KHYOD LA TSAD MAR SONG BA'I BCAD SHES YOD PAR THAL, KHYOD LA BCAD SHES SU SONG BA'I TSAD MA YOD PA'I PHYIR 'DOD NA, KHYOD TSAD MA YIN NA, TSAD MA YIN PAS MA KHYAB PAR THAL, 'DOD PA'I PHYIR, SGRA MI RTAG RTOGS KYI @045A *, ,RJES DPAG DE LA 'DZIN STANGS MI MTHUN PA GNYIS YOD PAR THAL, DES SGRA RTOGS PA'I PHYIR ZHE NA, SGRA RTOGS PA'I RJES DPAG MED PAR THAL, SGRA MI RTAG PAR RTOGS PA'I RJES DPAG GIS SGRA MA RTOGS PA'I PHYIR, RTAGS KHAS, GANG ZAG GI BDAG MED DNGOS SU RTOG PA'I TSAD MA MED PAR THAL, DE DNGOS SU RTOGS PA'I MNGON SUM YANG MED, RJES DPAG YANG MED PA'I PHYIR, RTAGS PHYI MA KHAS BLANGS, TSUR MTHONG GI RGYUD LA GANG ZAG GI BDAG MED RTOGS PA'I TSAD MA MED PAR THAL, DE'I RGYUD LA DE RTOGS PA'I MNGON RJES GANG RUNG MED PA'I PHYIR, RTAGS KHAS, LHAS BYIN GYI SEMS RTOGS PA'I RJES SU DPAG PA'I TSAD MA MED PAR THAL, SGRA RTOGS PA'I RJES DPAG MED PA'I PHYIR, 'DOD PAR MI NUS PA YIN PAR THAL, DU LDAN GYI LA'I ME RTOGS PA'I RJES DPAG YOD PA'I PHYIR TE, DU LDAN LA'I ME DE DU LDAN GYI LA LA ME YOD PAR SGRUB PA'I BSGRUB BYA YANG DAG YIN PA'I PHYIR, CHOS DE YOD PAR RTOGS PA'I RJES DPAG GIS CHOS DE MA RTOGS PAR THAL, CHOS DE YOD PA'I PHYIR, ZHES PA'I THAL 'GYUR LA KHYAB PA YOD PAR THAL, SGRA MI RTAG RTOGS KYI RJES DPAG GIS SGRA MA RTOGS PA'I PHYIR, 'DOD NA, RANG GI GZHAL BYA YOD PAR RTOGS PA'I RJES DPAG GIS RANG GI GZHAL BYA MA RTOGS PAR THAL RANG GI GZHAL BYA YOD PAR RTOGS RJES DPAG GI GZHAL BYA YOD PA'I PHYIR; 'DOD MI NUS PAR THAL, RANG GI GZHAL BYA YOD PAR RTOGS PA'I RJES DPAG DE, RANG GI GZHAL BYA LA TSAD MA YIN PA'I PHYIR, YANG NA, 'KHRI TSUL 'DI LTAR BRJOD DE, CHOS DE YOD PAR RTOGS NA CHOS DE RTOGS PAS @045B KHYAB PAR THAL, SGRA MI RTAG RTOGS KYI RJES DPAG GIS SGRA RTOGS PA'I PHYIR, 'DOD NA, MDUN GYI SKYES BU LAN 'DEBS PA CHOS CAN, MDUN GYI SKYES BU LAN 'DEBS PA DE'I GZHAL BYA MIN PA RTOGS PAR THAL, DE'I GZHAL BYA MIN PA YOD PAR RTOGS PA'I PHYIR, 'DOD NA, MDUN GYI SKYES BU LAN 'DEBS PA'I GZHAL BYA MA YIN PA DE, DE'I GZHAL BYA MA YIN PAR THAL, GZHI GRUB PA'I PHYIR, CHOS DE YOD PAR RTOGS PA'I RJES DPAG CHOS DE LA BCAD SHES YIN PAR THAL, CHOS DE YOD PA'I PHYIR, ZHES PA'I THAL 'GYUR LA KHYAB PA YOD PAR THAL, SGRA MI RTAG RTOGS KYI RJES DPAG SGRA LA BCAD SHES YIN PA'I PHYIR, 'DOD NA, RANG GI GZHAL BYA YOD PAR RTOGS PA'I RJES DPAG RANG GI GZHAL BYA LA BCAD SHES YIN PAR THAL LO, BYANG 'PHAGS KYI RGYUD KYI MNGON SUM CHOS CAN, RNAM MKHYEN RTOGS PAR THAL, RNAM MKHYEN DANG MI RTAG PA'I TSOGS DON RTOGS PA'I PHYIR TE, RNAM MKHYEN RTAG PA MA YIN PAR RTOGS PA'I MNGON SUM TSAD MA YIN PA'I PHYIR, RTZA BAR 'DOD NA, BYANG 'PHAGS KYI RGYUD KYI RNAL 'BYOR MNGON SUM CHOS CAN, ,RNAM MKHYEN MA RTOGS PAR THAL, SLOB PA'I RGYUD KYI MNGON SUM YIN PA'I PHYIR, KHYAB STE, RNAL 'BYOR RTOGS PA BSAM MI KHYAB, ZHES SOGS LA, BRJOD BYA YOD PA'I PHYIR, 'BRAS RTOG DANG PO'I GZHUNG MDO SEMS THUN MONG BA LA SBYOR RIGS PAR THAL, TSAD MA 'BRAS KYI RNAM BZHAG 'THAD PA'I PHYIR, 'DOD NA, MA YIN PAR THAL, DE MDO SDE PA KHO NA LA SBYAR BAR BYA BA YIN PA'I PHYIR TE, MDO SDE PA KHO NA'I TSAD 'BRAS KYI RNAM BZHAG STON PA'I MNGON SUM GYI LE'U'I GZHUNG YOD PA'I PHYIR TE, MNGON SUM @046A *, ,RTOG DANG BRAL PAR NI, ZHES PA'I GZHUNG 'DIS, DNGOS SU BSTAN PA'I MNGON SUM GYI TSAD 'BRAS KYI RNAM BZHAG BSTAN BYA'I GTZO BOR BYED PA'I RNAM 'GREL GYI RANG GZHUNG YOD PA'I PHYIR ZHE NA, 'BRAS RTOG DANG PO'I GZHUNG MDO SEMS THUN MONG BA LA SBYOR RIG PAR THAL, MDO SEMS THUN MONG BA'I TSANG 'BRAS KYI RNAM BZHAG BSTAN BYA'I GTZO BOR BYED PA'I RNAM 'GREL GYI GZHUNG YOD PA'I PHYIR TE, TSAD MA SLU MED CAN SHES PA, ZHES PA'I GZHUNG GIS, BSTAN PA'I TSAD MA DE'I TSAD 'BRAS KYI RNAM BZHAG BSTAN BYA'I GTZO BOR BYED PA'I RNAM 'GREL GI GZHUNG YOD PA'I PHYIR, RTZA BA'I GSAL BA KHAS, GZHUNG 'DI MDO SEMS THUN MONG BA LA SBYOR RIGS PAR THAL 'DIR TSAD MA DANG 'BRAS BU RDZAS GZHIN DU 'DZIN PA'I LOG RTOG DGAG BYA'I GTZO BOR BYED PA'I PHYIR, KHYAB STE, DE 'DRA BA'I LOG RTOG MDO SEMS GNYIS KYIS THUN MONG DU DGAG DGOS PA'I PHYIR, MDO SEMS THUN MONG PA'I GZHUNG MED PAR THAL, 'DI NYID MDO SEMS THUN MONG BA'I GZHUNG MA YIN PA'I PHYIR, KHO NA RE, MDO SDE PA'I THUN MONG MA YIN PA'I RANG GZHUNG RNAM DAG MED PAR THAL, 'DI RNAMS MDO SDE PA'I RANG GZHUNG MA YIN PA'I PHYIR ZHE NA, MA KHYAB PAR THAL, PHYI DON BSTAN BYA'I GTZO BOR BYED PA'I RNAM 'GREL GYI GZHUNG RNAMS MDO SDE PA'I GZHUNG YIN PA'I PHYIR, MKHAS PA KHA CIG NA RE, RNAM 'GREL GYI RANG GZHUNG YIN NA, PHYI DON BSTAN BYA'I GTZO BOR MI BYED PAS KHYAB BO ZHES GSUNGS; 'BYUNG SEMS THA DAD NYID PHYIR RO, ,ZHES PA DANG, MNGON SUM GANG YIN 'DI NYID DO, ,ZHES PA DANG, RGYU GZHAN DAG NI YOD NA YANG, DBANG PO'I BLO RNAMS MED PA'I PHYIR, ZHES SOGS DANG, PHYI ROL LA NI BSTAN NAS SU, TSUL GNYIS @046B BRJOD YIN, ZHES SOGS KYI GZHUNG DON MA GRUB PAR THAL, PHYI DON YOD PAR STON PA'I RNAM 'GREL GYI RANG GZHUNG MED PA'I PHYIR, MKHAS PA'I DBANG PO KHA CIG GZHUNG 'DI'I DNGOS KYI BSTAN BYA'I GTZO BOR GYUR PA'I TSAD 'BRAS LA MNGON SUM GYI TSAD 'BRAS KYIS KHYAB CES GSUNGS, 'BRAS RTOG GNYIS PA'I DNGOS KYI BSTAN BYA'I GTZO BOR GYUR PA'I TSAD 'BRAS LA MNGON SUM GYIS KHYAB PAR THAL, DAM BCA' DE RIGS PA'I PHYIR, 'DOD NA, SHES PA'I BDAG NYID DU GYUR PA'I GZUGS BDEN GRUB TU RTOGS PA'I GZUNG RNAM GZHAL BYA, DE MYONG 'DZIN RNAM TSAD MA, DE MYONG RANG RIG 'BRAS BUR BYAS PA'I TSAD 'BRAS KYI RNAM BZHAG CHOS CAN, MNGON SUM GYI TSAD 'BRAS YIN PAR THAL, 'BRAS RTOG GNYIS PA'I DNGOS KYI BSTAN BYA'I GTZO BOR GYUR PA'I TSAD 'BRAS KYI RNAM BZHAG YIN PA'I PHYIR TE, SEMS TZAM PA'I THUN MONG MA YIN PA'I RANG RIG GI TSAD 'BRAS YIN PA'I PHYIR, RTZA BAR 'DOD NA YOD PAR THAL, MNGON SUm GYI TSAD 'BRAS KYI RNAM BZHAG YIN PA'I PHYIR, RANG GI LUGS LA 'BRAS RTOG DANG PO'I GZHUNG RNAMS KYIS, MDO SEMS THUN MONG PA'I TSAD 'BRAS DNGOS KYI BSTAN BYA'I GTZO BOR BYED KYANG, PHYI DON RTOGS PA'I TSAD 'BRAS DNGOS SU BSTAN TE, DE LTAR 'BRAS RTOG GNYIS PA'I MTSAMS SBYAR GYI 'GREL PA RNAMS DANG, GANG TSE RNAM RIG RGYU YI YUL ZHES PA'I, LHA SH'AK GI 'GREL PA LAS GRUB PA'I PHYIR, GANG TSE RNAM RIG RGYU YI YUL, ZHES SOGS, 'BRAS RTOG DANG PO'I MJUG BSDUD MIN TE, SGRO 'DOGS PAS NI 'JUG PHYIR RO, ,ZHES PA YAN GYI 'BRAS RTOG DANG PO RDZOGS PA'I PHYIR ZHE NA, GZHUNG NGES, PHYI DON RTOGS PA'I TSAD MA BSTAN BYA'I GTZO BOR MI BYED PAR THAL, PHYI DON @047A *, ,RTOGS PA'I TSAD MA BSTAN BYA'I GTZO BOR BYED PA'I GZHUNG, SGRO 'DOGS PAS NI 'JUG PHYIR RO, ZHES PA YAN GYI RDZOGS PA'I PHYIR, RTAGS KHYAB KHAS, 'DOD NA, GZHUNG DE'I THAD KYI SH'AKYA'I 'GREL PA DANG, RGYAL TSAB DAM PA'I GSUNG RAB KYI DGONGS PA RNAMS LAS PHYI ROL DU GYUR PAS 'KHUMS SHIG ` DE PHYIR GCIG LA TSUL GNYIS YOD, CES PA'I SKABS SU 'BRAS RTOG GNYIS PA'I DNGOS KYI BSTAN BYA'I GTZO BOR GYUR PA'I TSANG 'BRAS KYI RNAM BZHAG YIN NA, GZHAN RIG GI TSAD 'BRAS YIN PAS KHYAB STE, GNYIS PA'I 'BRAS BU DANG, 'BRAS RTOG GSUM PA'I 'BRAS BU DON GCIG PA'I PHYIR, SLOB DPON RGYAL DBANG BLO'I 'GREL PAR DE NYID KYI PHYIR, MDO TSIG GCIG GIS 'BRAS BU'I KHYAD PAR GNYIS KA BSTAN PAR BZHED PAS ZHES BSHAD PA'I PHYIR ZHE NA, YANG NA RANG RIG 'BRAS BU STE, ZHES SOGS KYI DNGOS KYI BSTAN BYA'I GTZO BOR GYUR PA'I RANG RIG MTSAN NYID PA MED PAR THAL, 'BRAS RTOG GNYIS PA'I DNGOS KYI BSTAN BYA'I GTZO BOR GYUR PA'I RANG RIG MED PA'I PHYIR, 'DOD MI NUS TE, RTOG GE 'BAR BA LAS, 'DIR RNAM PAR SHES PA NI GNYIS SU SNANG BA SKYE STE, RANG SNANG BA DANG YUL SNANG BA'O, DE LA GCIG NI PHYI ROL GYI YUL GYI RNAM PAR GYUR NAS RANG SNANG BA'I RNAM SHES KYI YUL DU 'GYUR RO, ,ZHES PHYOGS SNGA MAR BKOD NAS DE 'GOG PA LA, YUL DU SNANG LAS GZHAN GYUR PA'I, ,SEMS NYID CI 'DRA BA ZHIG SNANG, ,ZHES BSHAD PA'I PHYIR, DE'I DON NI GNYIS SNANG MTHA' DAG DANG BRAL BA'I RANG RIG YOD PA MIN TE, TSAD MAS MA DMIGS PA'I PHYIR ZHES PA'O, RTZA BA'I KHYAB PA YOD DE, RTOG GE 'BAR BAR PHYOGS SNGA MAR BKOD PA'I GZHUNG DE DANG 'DIR @047B SHES PA NI GNYIS SU SNANG BA SKYE STE, RANG GI SNANG BA DANG, YUL GYI SNANG BA'O, SNANG BA GNYIS LAS GANG RANG RIG PA DE NI 'BRAS BUR 'GYUR RO, ZHES PA DON GCIG PA'I PHYIR, SKABS 'DI'I YUL SNANG PHYI ROL DON SNANG 'BA' ZHIG LA BYED RIGS PAR THAL, RANG SNANG RANG GI BDAG NYID TZAM SNANG BA LA BYED RIGS PA'I PHYIR, RTAGS KHAS, 'DOD NA, 'BRAS RTOG GNYIS PA'I DNGOS KYI BSTAN BYA'I GTZO BOR GYUR PA'I TSAD MA YIN NA, 'KHRUL SHES YIN PAS KHYAB PA YOD PAR THAL, 'DOD PA'I PHYIR, RGYAL DBANG BLO'I 'GREL PA DANG MI 'GAL TE, RANG RIG 'BRAS BU YIN PAR 'DOD, CES PA DANG, RANG NYID NYAMS MYONG 'BRAS YIN RIGS, ZHES PA GNYIS DON GCIG PA LA DGONGS PA'I PHYIR, MKHAS PA KHA CIG NA RE, 'BRAS RTOG GNYIS PA'I DNGOS KYI BSTAN BYA'I GTZO BOR GYUR PA'I TSAD 'BRAS LA RANG RIG GIS KHYAB BO, ZHES GSUNGS 'BRAS RTOG GNYIS PA'I GZHUNG RNAMS KYIS, SHES PA'I BDAG NYID DU GYUR PA'I SNGON PO DNGOS SU RTOGS PA'I TSAD MA DNGOS KYI BSTAN BYA'I GTZO BOR BYED PAR THAL, DES PHYI DON RTOGS PA'I TSAD MA DGAG BYA'I GTZO BOR BYED PA'I PHYIR, GSAL BA KHAS, MNGON SUM SO SOR RIG BYA YANG, DE YI DON NI BDAG NYID YIN, ZHES PA DANG, DES NA GZHAN RIG MED PA'I PHYIR, RANG RIG 'BRAS BU YIN PAR 'DOD, CES SOGS KYI BSTAN DON MA GRUB PAR THAL, 'BRAS RTOG GNYIS PA'I DNGOS KYI BSTAN BYA'I GTZO BOR GYUR BA'I GZHAN RIG GI TSAD MA MED PA'I PHYIR, GZUNG RNAM GZHAL PBYA, 'DZIN RNAM TSAD MA RANG RIG 'BRAS BU, SHES PA'I BDAG NYID DU GYUR PA'I SNGON PO RTOGS PA'I GZUNG RNAM GZHAL BYA, DE MYONG 'DZIN RNAM TSAD MA, DE MYON@048A *, ,RANG RIG 'BRAS BU, SHES PA'I BDAG NYID DU GYUR PA'I SNGON PO RTOGS PA'I GZUNG RNAM BDEN GRUB GZHAL BYA, DE MYONG 'DZIN RNAM TSAD MA, DE MYONG RANG RIG 'BRAS BUR BYED PA'I TSAD 'BRAS RNAMS, 'DI'I DNGOS KYI BSTAN BYA'I GTZO BOR GYUR PA'I TSAD 'BRAS KYI RNAM BZHAG YIN NO ZHE NA, DANG PO GNYIS MI 'THAD DE, DE LTA BU'I TSAD 'BRAS KYI RNAM BZHAG SLOB DPON SENG GE BZANG POS KYANG BZHED PA'I PHYIR TE, SNGON PO DANG DE'I BLO DAG LHAN CIG DMIGS PA NGES PA'I PHYIR ZHES SOGS DANG, 'GREL CHEN LAS KYANG, DMIGS PA MNGON SUM MA YIN NA, DON MTHONG RAB TU 'GRUB MI 'GYUR, ZHES BYA BAS, PHYOGS KYI CHOS MA GRUB PA YANG MIN TE, ZHES SOGS BSHAD PA'I PHYIR, DMIGS PA MNGON SUM MA YIN NA, DON MTHONG RAB TU 'GRUB MI 'GYUR, ZHES PA NI, RANG RIG SGRUB PA'I RNAM NGES KYI GZHUNG DRANGS PA'O, ,GZUNG RNAM CHOS CAN, KHYOD GZHAL BYA, KHYOD MYONG 'DZIN RNAM TSAD MA, KHYOD MYONG RANG RIG 'BRAS BUR BYED PA'I TSAD 'BRAS KYI RNAM BZHAG 'THAD DE, KHYOD SHES PA YIN PA'I PHYIR, ZHES SBYOR BA 'GOD PA NI, GZUNG RNAM GZHAL BYAR BYAS PA'I TSAD 'BRAS KYI RNAM BZHAG, GZHUNG 'DI'I DNGOS KYI BSTAN BYA'I GTZO BOR GYUR PA'I TSAD 'BRAS KYI RNAM BZHAG YIN PAR THAL, SBYOR BA DE GZHUNG DE'I DON SBYOR YIN PA'I PHYIR, GZHAN YANG, GRANGS CAN GYI RGYUD KYI BDE BA CHOS CAN, KHYOD GZHAL BYA, KHYOD MYONG 'DZIN RNAM TSAD MA, KHYOD MYONG RANG RIG 'BRAS BUR BYAS PA'I TSAD 'BRAS KYI RNAM BZHAG 'THAD PAR THAL, KHYOD SHES PA YIN PA'I PHYIR, 'DOD NA, GRANGS CAN GYI RGYUD KYI BDE BA NYAMS SU MYONG BA'I RANG RIG DE CHOS CAN, GRANGS CAN GYI RGYUD KYI BDE BA RIG PAR RTOGS PAR THAL, DE BDE BAR RTOGS PA'I PHYIR, RTAt @048B KHAS; ;KHYAB STE, SIM PA MYONG BAS RAB TU CHE BA'I RIG PA, BDE BA'I MTSAN NYID YIN PA'I PHYIR, RTZA BAR 'DOD MI NUS TE, GRANGS CAN GYI BLO BDE SEMS MED BEM POR 'DOD PA'I PHYIR,, ` PHYI ROL DON NI YOD NA YANG, ZHES PA'I SKABS SU, MDO SDE PAS, PHYI ROL DON DU 'DOD PA'I GZUGS SOGS GZHAL BYA, RANG YUL GYI RNAM PAR SHAR NAS GZUGS LA GSAR DU MI SLU BA'I RIG PA TSAD MA, SHES PA'I BDAG NYID DU GYUR PA'I GZUGS RTOGS PA'I TSAD MA 'BRAS BU, ZHES GSUNGS, MDO SDE PA'I GZUGS 'DZIN MNGON SUM CHOS CAN, 'BRAS BU DER THAL, TSAD MA DE'I PHYIR, 'DOD NA, GZUGS SHES PA'I BDAG NYID DU RTOGS PAR THAL, 'DOD PA'I PHYIR, MDO SDE PA CHOS CAN, SHES PA'I BDAG NYID DU GYUR PA'I GZUGS MA RTOGS PAR THAL, DE MED PAR BDEN ZHE NA GYIS 'DOD PA'I PHYIR ZHE NA, 'O NA, SHES PA'I BDAG NYID DU GYUR PA'I CHOS DE RTOGS NA, CHOS DE SHES PA'I BDAG NYID DU RTOGS PAS KHYAB PA YOD PAR THAL, SHES PA'I BDAG NYID DU GYUR PA'I GZUGS RTOGS NA, GZUGS SHES PA'I BDAG NYID DU RTOGS DGOS PA'I PHYIR, RTAGS KHAS, 'DOD NA, MDO SDE BA CHOS CAN, MDO SDE PA'I RANG GZHUNG SHES PA'I BDAG NYID DU RTOGS PAR THAL, SHES PA'I BDAG NYID DU GYUR PA'I RANG GZHUNG RTOGS PA'I PHYIR, MA GRUB NA, SHES PA'I BDAG NYID DU GYUR PA'I MDO SDE BA'I RANG GZHUNG CHOS CAN, MDO SDE PAS RTOGS PAS THAL, MDO SDE PA'I RANG GZHUNG YIN PA'I PHYIR, MDO SDE BA CHOS CAN, MDO SDE PA'I GZHUNG SHES PA'I BDAG NYID DU KHAS LEN PAR THAL, SHES PA'I BDAG NYID DU GYUR PA'I MDO SDE PA'I RANG GZHUNG KHAS @049A *, ,LEN PA'I PHYIR RO, KHYAB PA KHAS, GZUGS MED PAR BDEN ZHEN GYI 'DOD PA'I RGOL BA CHOS CAN, GZUGS MA RTOGS PAR THAL, GZUGS MED PAR BDEN ZHEN GYI 'DOD PA'I PHYIR, KHYAB PA KHAS, 'DOD MI NUS TE; RGOL BA DE'I RGYUD LA GZUGS 'DZIN DBANG MNGON TSAD MA YOD PA'I PHYIR, RGYANG 'PHEN CHOS CAN, RJES DPAG GIS GZHAL BYA MA RTOGS PAR THAL, DE'I GZHAL BYA MED PAR BDEN ZHEN GYI 'DOD PA'I PHYIR, KHYAB PA KHAS, LANG NA, GZUGS RTOGS NA SHES PA'I BDAG NYID KYI KHYAD PAR DU BYAS PA'I GZUGS RTOGS PAS KHYAB PAR THAL, GZUGS RTOGS NA SHES PA'I BDAG NYID DU GYUR PA'I GZUGS RTOGS PAS KHYAB PA'I PHYIR, 'DOD NA, MDO SDE PA CHOS CAN, GZUGS SHES PA'I BDAG NYID DU RTOGS PAR THAL, SHES PA'I BDAG NYID KYI KHYAD PAR DU BYAS PA'I GZUGS RTOGS PA'I PHYIR, KHYAB PAR THAL, SHES PA'I BDAG NYID KYI KHYAD PAR DU BYAS PA'I GZUGS DE GZUd SHES PA'I BDAG NYID DU SGRUB PA'I BSGRUB BYA YANG DAG YIN PA'I PHYIR, SEMS CAN LA DMIGS PA'I SNYING RJE YIN NA, DMIGS PA MED PA LA DMIGS PA'I SNYING RJE YIN DGOS PAR THAL, SEMS CAN LA DMIGS NA, CHOS KYI BDAG MED KYI KHYAD PAR DU BYAS PA'I SEMS CAN LA DMIGS PAS KHYAB PA'I PHYIR, 'DOD PAR MI NUS TE, DMIGS PA MED PA LA DMIGS PA'I SNYING RJE NI, NYAN RANG DANG PHYI ROL PA'I RGYUD LA MED PAR BYANG SA LAS GSAL BAR BSHAD PA MCHOD BRJOD KYI SKABS SU BSTAN ZIN PA'I PHYIR, 'GA' ZHIG LA 'GAL 'DU 'DI LTAR YOD DE, SHES PA'I BDAG NYID KYI KHYAD PAR DU BYAS PA'I GZUGS RTOGS NA, SHES PA'I BDAG NYID DU GYUR PA'I @049B GZUGS RTOGS PAS KHYAB YOD PAR THAL, SHES PA'I BDAG NYID KYI KHYAD PAR DU BYAS PA'I GZUGS RTOGS PA'I GANG ZAG YIN NA, SHES PA'I BDAG NYID DU GYUR PA'I GZUGS RTOGS DGOS PA'I PHYIR, 'DOD NA 'GRIG, GZUGS SHES PA'I BDAG NYID DU RTOGS PA'I RJES DPAG CHOS CAN, SHES PA'I BDAG NYID KYI KHYAD PAR DU BYAS PA'I GZUGS RTOGS PAR THAL, GZUGS SHES PA'I BDAG NYID DU RTOGS PA'I PHYIR, 'DOD NA 'GRIG, SHES PA'I BDAG NYID DU GYUR PA'I GZUGS RTOGS PAR THAL, SHES PA'I BDAG NYID KYI KHYAD PAR DU BYAS PA'I GZUGS RTOGS PA'I PHYIR, 'DOD NA 'GRIG ,DE CHOS CAN, GZUGS RTOGS PAR THAL, SHES PA'I BDAG NYID DU GYUR PA'I GZUGS RTOGS PA'I PHYIR, RTAGS GSAL DNGOS, MA KHYAB NA, RANG GI TSAD 'BRAS KHAS BLANGS PA DANG 'GAL LO, ,RANG YUL GYI RNAM PA SHAR NAS GZUGS LA GSAR DU MI SLU BA'I RIG PA CHOS CAN, SEMS TZAM PA KHO NA'I TSAD 'BRAS GZHAL GSUM GYI NANG TSAN DU GYUR PA'I TSAD MA YIN PAR THAL, GSUM PA'I DNGOS KYI BSTAN BYA'I GTZO BOR GYUR PA'I TSAD 'BRAS GZHAL GSUM GYI 'JOG BYED TSAD MA YIN PA GANG ZHIG GSUM PA'I DNGOS KYI BSTAN BYA'I GTZO BOR GYUR PA'I TSAD 'BRAS LA SEMS TZAM PA KHO NA'I TSAD 'BRAS KYIS KHYAB PA'I PHYIR, 'DOD PAR MI NUS TE, MDO SEMS THUN MONG BA'I TSAD 'BRAS GZHAL GSUM GYI NANG TSAN DU GYUR PA'I 'JOG BYED TSAD MA YIN PA'I PHYIR TE, GZUGS RTOGS PA'I TSAD MA'I MTSAN NYID YIN PA'I PHYIR, SHES PA'I BDAG NYID DU GYUR PA'I GZUGS RTOGS PA'I TSAD MA CHOS CAN, KHYOD KYI MTSAN NYID YIN NA, GZUd RTOt PA'I TSAD MA'I MTSAN @050A *, ,NYID YIN DGOS PAR THAL, GZUGS RTOGS PA'I TSAD MA'I MTSAN NYID YIN NA, KHYOD KYI MTSAN NYID YIN DGOS PA'I PHYIR, GTAN TSIGS KHAS, 'DOD NA, SHES PA'I BDAG NYID DU GYUR PA'I GZUGS LA GSAR DU MI SLU BA'I RIG PA CHOS CAN, GZUGS RTOGS PA'I TSAD MA'I MTSAN NYID YIN PAR THAL, SHES PA'I BDAG NYID DU GYUR PA'I GZUGS RTOGS PA'I TSAD MA'I MTSAN NYID YIN PA'I PHYIR, GTAN TSIGS GRUB STE, GSAR DU MI SLU BA'I RIG PA TSAD MA'I MTSAN NYID YIN PA'I PHYIR, 'DOD MI NUS TE, MDO SDE PA RNAMS KYIS SHES PA'I BDAG NYID DU GYUR PA'I GZUGS LA GSAR DU MI SLU BA'I RIG PA MED PAR 'DOD PA'I PHYIR, SHES PA'I BDAG NYID DU GYUR PA'I GZUGS RTOGS PA'I TSAD MA CHOS CAN, SLOB DPON HA RI BHA tA DES KHYOD YOD PAR MI 'DOD PAR THAL, KHYOD SEMS TZAM PA'I THUN MONG MA YIN PA'I TSAD 'BRAS KYI 'BRAS BU YIN PA'I PHYIR, YANG MKHAS PA KHA CIG ,GZUGS PHYI ROL DON DU ZHEN PA'I RTOG NGOR, PHYI ROL DON DU GYUR PA'I GZUGS GZHAL BYA, RTOG NGOR DER PHYI ROL DON DU GYUR PA'I GZUGS KYI RNAM PA SHAR NAS RTOG NGO DER, PHYI ROL DON DU GYUR PA'I GZUGS LA GSAR DU MI SLU BA'I RIG PA TSAD MA, SHES PA'I BDAG NYID DU GYUR PA'I GZUGS DNGOS SU RTOGS PA'I TSAD MA 'BRAS BU ZHES GSUNGS, PHYI ROL DON DU GYUR PA'I GZUGS KYI RNAM PA SHAR NAS, PHYI ROL DON DU GYUR PA'I GZUGS LA GSAR DU MI SLU BA'I RIG PA CHOS CAN, SHES PA'I BDAG NYID DU GYUR PA'I GZUGS DNGOS SU RTOGS PA'I TSAD MA YIN PAR THAL, GZUGS SOGS PHYI ROL DON DU ZHEN PA'I RTOG NGOR, PHYI ROL DON DU GYUR PA'I GZUGS KYI RNAM PA SHAR NAS PHYI ROL DON DU @050B GYUR PA'I GZUGS LA GSAR DU MI SLU BA'I RIG PA YIN PA'I PHYIR, RTAGS KHYAB KHAS, GZUGS PHYI ROL DON DU ZHEN PA'I RTOG NGOR, SHES PA'I BDAG NYID DU GYUR PA'I GZUGS DNGOS RTOGS KYI TSAD MA YOD PAR THAL, RTOG PA DE'I NGOR SNGAR GYI TSAD 'BRAS YOD PA'I PHYIR, GTAN TSIGS KHAS, 'DOD NA, RTOG PA DE'I NGOR, GZUGS PHYI ROL GYI DON MA YIN PAR RTOGS PA'I TSAD MA YOD PAR THAL LO, ,'DOD NA, RTOG PA DE'I NGOR PHYI ROL DON DU GYUR PA'I GZUGS GZHAL BYA MA YIN PAR THAL LO, KHA CIG NA RE, SHES PA'I BDAG NYID DU GYUR PA'I GZUGS GZHAL BYA, DE'I RNAM PA SHAR NAS DE LA GSAR DU MI SLU BA'I RIG PA TSAD MA, DE DNGOS SU RTOGS PA'I TSAD MA 'BRAS BU ZHES ZER, SHES PA'I BDAG NYID DU GYUR PA'I GZUGS KYI RNAM PA SHAR NAS, DE LA GSAR DU MI SLU BA'I RIG PA CHOS CAN, MDO SDE BA DES, KHYOD KYI GZHAL BYA DANG, SHES PA'I BDAG NYID DU GYUR PA'I GZUGS RTOGS PA'I TSAD MA'I GZHAL BYA 'GAL BAR 'DOD PAR THAL, DE TSE DON SNANG 'DI NYID NI, TSAD YIN, ZHES PA'I GZHUNG GI DNGOS KYI BSTAN BYA'I GTZO BOR GYUR PA'I 'JOG BYED TSAD MA YIN PA'I PHYIR, GTAN TSIGS KHAS, KHYAB STE, DON 'JOG DE YI BDAG NYID PHYIR, ZHES SOGS DANG, RANG NYID NYAMS MYONG 'BRAS YIN RIGS, ZHES PA DANG, DE TSE DON SNANG 'DI NYID NI TSAD YIN, ZHES SOGS LA 'GAL SPONG GI GZHUNG YIN PA'I PHYIR, GZUGS 'DZIN DBANG PO'I MNGON SUM LA, GZUGS KYI RANG 'DRA'I RNAM PA DNGOS SU MA GTAD DE, DE LTAR GTAD NA, GZUGS DE 'DOD MI 'DOD KYI GZHI MTHUN DU THAL BA'I SKYON YOD PA'I PHYIR ZHE NA, YID 'ONG DANG YID MI 'ONG 'GAL BAR THAL, SBYOR BA DE 'THAD @051A *, ,PA'I PHYIR, 'DOD NA, DNGUL BUM CHOS CAN, YID 'ONG MA YIN PAR THAL, YID MI 'ONG YIN PA'I PHYIR TE, GSER BUM LA LTOS TE YID MI 'ONG YIN PA'I PHYIR, 'DOD PAR MI NUS TE, ZANGS BUM LA LTOS TE YID 'ONG YIN PA'I PHYIR, DE KHYER, SHES BYA CHOS CAN, GZUGS YID 'ONG DU SNANG BA'I MNGON SUM TSAD MA DANG, GZUGS YID MI 'ONG DU SNANG BA'I MNGON SUM TSAD MA GZHI MA GRUB PAR THAL, GZUGS DE YID 'ONG DANG YID MI 'ONG GI GZHI MTHUN DU MI RIGS PA'I PHYIR, 'DOD NA, LHAS BYIN GCIG NYID LA LTA BA'I LHAS BYIN GYI DGRA DANG GNYEN GYIS MI GSHES TSAD MA MA YIN PAR THAL, 'DOD PA'I PHYIR, CHU KLUNG RNAG KHRAG TU SNANG BA'I YI DVAGS KYI DBANG MNGON DANG, BDUD RTZIR SNANG BA'I LHA'I DBANG MNGON TSAD MA MA YIN PAR THAL, GZUGS YID 'ONG DANG MI 'ONG DU SNANG BA'I MNGON SUM TSAD MA MA YIN PA'I PHYIR, 'DOD MI NUS TE, THEG BSDUS LAS, YI DVAGS 'DUD 'GRO RNAMS DANG, ,LHA RNAMS CI LTAR RIGS RIGS SU, ,DNGOS GCIG YID NI THA DAD PHYIR, DON MA GRUB PAR 'DOD PA YIN, ZHES DANG, DE'I 'GREL BAR DGE BSNYEN BTZUN PAS, CHU KLUNG GI DNGOS PO LA RANG RNAG GI LAS KYI RNAM PAR SMIN PA'I DBANG GIS YI DVAGS KYIS RNAG LA SOGS PAS GANG BAR MTHONG BA DANG, DE NYID LA, DUD 'GRO NYA LA SOGS PAS GNAS KYI BLOS GNAS PAR BYED PA DANG, MI RNAMS NI MNGAR BA DANG, DVANGS PA DANG, BSIL BA'I CHUR RTOGS SHING KHRUS BYED DO, 'THUNG NGO DER 'JUG GO NAM MKHA' MTHA' YAS SKYE MCHED LA SNYOM PAR ZHUGS PA'I @051B LHA RNAMS KYIS NI NAM MKHAR MTHONG STE, ,GZUGS KYI 'DU SHES RNAM PAR BZHIG PA'I PHYIR RO, ,ZHES GSUNGS PA'I PHYIR DANG, NYI SHU PA LAS, KLUNG LA RNAG LA SOGS MTHONG PHYIR, ZHES PA'I 'GREL PAR, RNAG DANG, KHRAG DANG, PHYI SA DANG, GCIN DANG, DAR RNA BAS LA SOGS PA RDZAS SU MA MTHONG BAR GSUNGS PAS CHU KLUNG RNAG KHRAG SOGS SU MA GRUB KYANG, LAS KYI DBANG GIS DE LTAR SNANG BA'I DBANG SHES NI TSAD MA KHO NAR RIGS SO, ,GLO BUR GYI 'KHRUL RGYUS BSLAD PA'I RTOG MED SHES PA TSAD MAR THAL, SNGAR GYI SHES PA DE RNAMS TSAD MAR RIGS PA'I PHYIR ZHE NA, MA KHYAB PAR THAL, ZLA BA GNYIS SNANG GI DBANG SHES TSAD MAR SONG BA'I ZLA GNYIS MED, CHU KLUNG RNAG KHRAG TU SNANG BA'I DBANG SHES TSAD MAR SONG BA'I RNAG KHRAG YOD PA'I PHYIR, MA GRUB NA, RIGS SNGAGS KHYAD PAR CAN DANG LDAN PA'I LUS SHES LA LCAGS GONG GI TSA REG MI SNANG PAR THAL, GTEN TSIGS MA GRUB PA DE'I PHYIR, RTAGS KHAS, 'DOD PAR MI NUS TE, RIGS SNGAGS KHYAD PAR CAN DANG LDAN PA'I GANG ZAG GI LAG PAS LCAGS GONG DMAR 'BAR BA LA REG PA'I TSE, MI 'TSIG PA RIGS SNGAGS KYI MTHUS BYAS PA'I PHYIR, GZHAN YANG, LAN TSA'I RO DANG MI GTZANG BA'I DRI SOGS LA, RNGA MO DANG, KHYI PHAG SOGS KYI DBANG PO'I MNGON SUM TSAD MA RNAMS LA SNANG TSUL MI MTHUN PA MED PAR THAL, CHU KLUNG GI DNGOS PO GCIG NYID LA RNAG KHRAG DANG, BDUD RTZI LA SOGS PA'I SNANG TSUL SNA TSOGS DANG LDAN PA'I DBANG MNGON TSAD MA MED PA'I PHYIR RO, ,'DOD PAR MI NUS TE, DE LTA BU'I SNANG TSUL YOD PAR RNAM PAR NGES PA'I 'THAD LDAN SOGS LAS BSHAD PA'I PHYIR, , @052A *, ,` NGES PAR BLO DANG LHAN CIG TU, ZHES PA'I SKABS SU, KHYOD KHYOD 'DZIN TSAD MA DANG DUS MNYAM PHAN TSUN THA DAD, KHYOD DMIGS BYED KYI TSAD MA YIN NA, KHYOD 'DZIN TSAD MA DMIGS BYED KYI TSAD MA YIN PAS KHYAB, KHYOD 'DZIN TSAD MA DMIGS BYED KYI TSAD MA YIN NA YANG, KHYOD DMIGS BYED KYI TSAD MA YIN PAS KHYAB PA, KHYOD KHYOD 'DZIN TSAD MA DANG LHAN CIG DMIGS NGES YIN PA'I MTSAN NYID YIN NO ZHE NA, SNGON PO CHOS CAN, KHYOD DMIGS BYED KYI TSAD MA YIN NA, KHYOD 'DZIN TSAD MA DMIGS BYED KYI TSAD MA YIN DGOS PAR THAL, KHYOD KHYOD 'DZIN TSAD MA DANG LHAN CIG DMIGS NGES YIN PA'I PHYIR, 'DOD NA, TSUR MTHONG GI RGYUD KYI SNGON 'DZIN DBANG MDON CHOS CAN, SNGON 'DZIN TSAD MA DMIGS BYED KYI TSAD MA YIN PAR THAL, SNGON PO DMIGS BYED KYI TSAD MA YIN PA'I PHYIR, 'DOD PAR MI NUS TE, TSUR MTHONG GI RGYUD KYI DBANG SHES YIN PA'I PHYIR, KHYOD KHYOD 'DZIN TSAD MA DANG DUS MNYAM PHAN TSUN THA DAD GANG ZHIG ,KHYOD DMIGS BYED KYI TSAD MA'I BDAG NYID DU SKYES NA, KHYOD 'DZIN TSAD MA DMIGS BYED KYI TSAD MA'I BDAG NYID DU SKYES PAS KHYAB ,KHYOD 'DZIN TSAD MA DMIGS BYED KYI TSAD MA'I BDAG NYID DU SKYES NA YANG, KHYOD DMIGS BYED KYI TSAD MA'I BDAG NYID DU SKYES PAS KHYAB PA DE, KHYOD KHYOD 'DZIN TSAD MA DANG LHAN CIG DMIGS NGES YIN PA'I MTSAN NYID YIN NO ZHE NA, SNGON PO CHOS CAN, KHYOD DMIGS BYED KYI TSAD MA'I BDAG NYID DU SKYES NA, KHYOD 'DZIN TSAD MA DMIGS BYED KYI TSAD MA'I BDAG NYID DU SKYES PAS KHYAB PAR THAL, KHYOD KHYOD 'DZIN TSAD MA DANG LHAN CIG DMIGS NGES @052B YIN PA'I PHYIR, 'DOD NA, TSUR MTHONG GI RGYUD KYI SNGON 'DZIN DBANG MNGON TSAD CAN, SNGON 'DZIN TSAD MA DMIGS BYED KYI TSAD MA'I BDAG NYID DU SKYES PAR THAL, SNGON PO DMIGS BYED KYI TSAD MA'I BDAG NYID DU SKYES PA'I PHYIR, 'DOD NA, SNGON 'DZIN TSAD MA DMIGS BYED KYI TSAD MA'I RIG PAR SKYES PAR THAL, SNGON 'DZIN TSAD MA DMIGS BYED KYI TSAD MA'I BDAG NYID DU SKYES PA GANG ZHIG ,RIG PA YIN PA'I PHYIR, 'DOD NA, SNGON 'DZIN TSAD MA YUL DU BYED PAR THAL, SNGON 'DZIN TSAD MA DMIGS KYI TSAD MA'I RIG PAR SKYES PA'I PHYIR, 'DUS MA BYAS KYI NAM MKHA' CHOS CAN, KHYOD KHYOS 'DZIN TSAD MA DANG DUS MNYAM YIN PAR THAL, KHYOD KHYOD 'DZIN TSAD MA DANG LHAN CIG DMIGS NGES YIN PA'I PHYIR, 'DOD NA, KHYOD DE DANG DUS MNYAM MA YIN PAR THAL, RTAG PA YIN PA'I PHYIR ZHE NA, CHOS DE DANG DUS MNYAM YIN NA, DNGOS PO YIN PAS KHYAB PA YOD PAR THAL, RTAG PA YIN NA, TSAD MA DANG DUS MNYAM MA YIN DGOS PA'I PHYIR, 'DOD NA, MYU GU RDZOGS PAR SKYES PA DANG, SA BON 'GAG PA DUS MNYAM PA MA YIN PAR THAL, SA BON ZHIG PA DE MYU GU DANG DUS MI MNYAm PA'I PHYIR, MA GRUB NA, SONG MOD SA BON ZHIG PA CHOS CAN, DNGOS PO YIN PAR THAL, MYU GU DANG DUS MNYAM PA'I PHYIR, 'KHOR GSUM GSOL LO, ,NAM MKHA' CHOS CAN, KHYOD DANG KHYOD 'DZIN TSAD MA RDZAS GZHAN GYIS STONG BA'I STONG NYID DON DAM BDEN PAR THAL, KHYOD KHYOD 'DZIN TSAD MA DANG LHAN CIG DMIGS NGES YIN PA'I PHYIR ZHE NA, ZLA BA GNYIS SNANG GI DBANG SHES DANG, DE LA ZLA BA GNYIS SU SNANG BA CHOS CAN, KHYOD DANG@053A *, ,KHYOD 'DZIN TSAD MA RDZAS GZHAN GYIS STONG BA'I STONG NYID DON DAM BDEN PAR THAL, KHYOD KHYOD 'DZIN TSAD MA DANG LHAN CIG DMIGS NGES YIN PA'I PHYIR, MA GRUB NA, DE GNYIS CHOS CAN, KHYOD GNYIS LHAN CIG DMIGS NGES MA YIN PAR THAL, KHYOD KHYOD 'DZIN TSAD MA DANG LHAN CIG DMIGS NGES MA YIN PA GANG ZHIG ,RGYU MTSAN MTSUNGS PA'I PHYIR, 'DOD NA, RNAM SHES 'KHRUL PAS ZLA BA GNYIS, MED PAR THA DAD MTHONG BA BZHIN, ZHES PA MI 'THAD PAR THAL, 'DOD PA'I PHYIR, RTZA BAR 'DOD NA, SHES PA DANG SHES PA 'DZIN PA'I TSAD MA RJES GZHAN GYIS STONG PA'I STONG NYID GNAS LUGS MTHAR THUG YIN PAR THAL, 'DOD PA'I PHYIR, 'DOD NA, NAM MKHA' DANG NAM MKHA' 'DZIN PA'I TSAD MA RDZAS GZHAN GYIS STONG PA'I STONG NYID GNAS LUGS MTHAR THUGS MIN PA 'BUD, NAM MKHA'I GNAS LUGS MED PAR THAL, NAM MKHA' DANG NAM MKHA' 'DZIN PA'I TSAD MA RDZAS GZHAN GYIS STONG PA'I STONG NYID NAM MKHA' GNAS LUGS MA YIN PA'I PHYIR ZHE NA, KHYAB PA MED PAR THAL, NAM MKHA' DE NAM MKHA' ZHES PA'I SGRA 'JUG PA'I GZHIR RANG GI MTSAN NYID KYI MA GRUB PA, NAM MKHA'I GNAS LUGS MTHA' THUG YIN PA'I PHYIR TE, SRID PA 'PHO BA'I MDO LAS, ,MING NI GANG DANG GANG GIS SU, ,CHOS NI GANG DANG GANG BRJOD PA, DE NI DE LA YOD MIN TE, DE NI CHOS RNAMS CHOS NYID DO, ,ZHES DANG, THEG BSDUS LAS KYANG, MING GI SNGA ROL BLA MED PHYIR, MANG BA'I PHYIR DANG MA 'DRES PHYIR, DE'I BDAG NYID BDAG MANG DANG, BDAG 'DRES 'GAL BAS 'GRUB PAR 'GYUR, ZHES SOGS BSHAD PA'I PHYIR, RGYAS PAR NI, CHOS MNGON PA DGONGS 'GREL DANG BCAS @053B PA RNAMS LAS SHES PAR BYA'O, ,SNANG GZUGS GNYIS PO CHOS CAN, RDZAS GZHAN MA YIN PAR THAL, LHAN CIG DMIGS NGES YIN PA'I PHYIR, SEMS SEMS BYUNG CHOS CAN, RDZAS GZHAN MA YIN PAR THAL, LHAN CIG DMIGS NGES YIN PA'I PHYIR, SNGON PO GCIG LA LHA MCHOD GNYIS KYIS MTHUN MONG DU DMIGS PA'I TSE, LHAS PHYIN GYI SNGO SNANG DBANG SHES CHOS CAN, MCHOD SBYIN GYI SNGO SNANG DBANG SHES KYI YUL DU GYUR PA'I SNGON PO DE DANG RDZAS GZHAN MA YIN PAR THAL, DE DANG LHAN CIG DMIGS NGES YIN PA'I PHYIR, MNAR MED KYI GANG ZAG GI SHES RGYUD DANG, DE LA DMIGS PA'I RNAM MKHYEN CHOS CAN, RDZAS GZHAN MA YIN PAR THAL, LHAN CIG DMIGS NGES YIN PA'I PHYIR, GZHAN SEMS SHES PA'I MNGON SHES DANG, DE'I YUL DU GYUR PA'I GZHAN SEMS CHOS CAN, RDZAS GZHAN MA YIN PAR THAL, LHAN CIG DMIGS NGES YIN PA'I PHYIR ZHE NA, SNANG GZUt RDZAS GZHAN MIN TE, SNANG BDE GZUGS KYI SKYED CHED KYI BYE BRAG YIN PA'I PHYIR, MA GRUB NA, SNGON SER SOGS KYANG DE'I BYE BRAG MA YIN PAR 'GYUR LA, DE YANG 'DOD NA, CHOS MNGON PA'I BRDA 'CHAD RNA BAS MA THOS PAR GSAL LO, ,SEmS SEMS BYUNG RDZAS GZHAN MA YIN PAR THAL, GZUGS KYI PHUNG PO DANG RNAM SHES KYI PHUNG PO RDZAS GZHAN MA YIN PA'I PHYIR, SNGON GYI DAM PA RNAMS KYIS SEMS SEMS BYUNG RDZAS GZHAN DU BSHAD PA NI, SEMS SEMS BYUNG 'GAL BA LA DGONGS PA 'BA' ZHIG YIN LA, 'GAL NA RDZAS GZHAN YIN PAS KHYAB PAR 'DOD PA NI RIGS PA'I LAM LAS 'DAS PA KHO NA'O, ,SEMS SEMS BYUNG GI RNAM BZHAG PHAR PHYIN GYI RNAM BSHAD DU BSHAD PA LAS SHES PAR @054A *, ,BYA'O; ;LHAS BYIN GYI SNGO SNANG DBANG SHES DANG, MCHOD SPYIN GYI SNGO SNANG DBANG SHES KYI YUL DU GYUR PA'I SNGON PO GNYIS RDZAS GZHAN MIN TE, LHAS BYIN GYI SNGO SNANG DBANG SHES DES, MCHOD SPYIN GYI SNGO SNANG DBANG SHES KYI BDAG NYID DU GYUR PA'I SNGON PO LA DMIGS PA'I PHYIR, THAL 'GYUR PHYI MA GNYIS GNOD BYED DU MI 'JUG STE, RTAGS MA GRUB KYI LAN DON MTHUN THEB PA'I PHYIR TE, GZHAN SEMS SHES PA'I MNGON SHES KYIS KYANG, GZHAN SEmS KYI RNAM PA TZAM YUL DU BYED PA'I PHYIR TE, CHOS NYID RNAM 'BYED LAS MTHUN MONG MA YIN PA'I GZUNG BA'I RNAM PAR RIG PA'I DON GANG YIN PA GZHAN GYI SEMS DANG SEMS LAS BYUNG BA ZHES BYA BA DE YANG MNYAM PAR MA BZHAG PA DANG, MNYAM PAR BZHAG PA'I 'DZIN PA'I RNAM PAR RIG PA RNAM PA GNYIS KA YANG PHAN TSUN YUL DU GYUR PA MA YIN TE, DE'I 'GREL PAR, CI'I PHYIR ZHE NA, MNYAM PAR MA BZHAG PAS NI RANG GI RNAM PAR RTOG PA SNANG BA'I PHYIR RO, ,GANG GI PHYIR MNYAM PAR BZHAG PA LA RANG GI RNAM PAR RTOG PA LA SNANG BA'I GZUNG BA'I RANG GI RNAM PAR RIG PA NYID YUL DU 'GYUR PA DE'I PHYIR, GZHAN GYI SEMS LA SOGS PA'I YUL MIN NO, ,CIG SHOS YANG RTZA BAR, MNYAM PAR BZHAG PA LA YANG TING NGE 'DZIN GYI SPYOD YUL DE'I GZUGS CAN SNANG BA'I PHYIR RO, ,'GREL PAR, GZHAN GYI SEMS LA SOGS PA YUL MA YIN NO ZHES GSUNGS PA'I PHYIR RO, TSUR MTHONG GI RGYUD KYI GZHAN SEMS SHES PA'I MNGON SHES LA GZHAN SEMS KYI RNAM PA TZAM SNANG BA MA GTOGS GZHAN GYI SEMS DE'I YUL MA YIN PA NI, SH'AN TI PA'I SHER PHYIR MAN NGAG SOGS KYI YANG DGONGS PA YIN NO ZHES, KUN MKHYEN BLO GROS RIN CHEN SNE GES GSUNGS SO, ,KHO NA RE, @054B DE NI MI 'THAD DE, CHOS DE'I RNAM PA YUL DU BYED NA, CHOS DE YUL DU MI BYED PAR 'GAL BA'I PHYIR ZHE NA, TSAD MA CHOS CAN, GANG ZAG GI BDAG YUL DU BYED PAR THAL, DE'I RNAM PA SNANG BA'I PHYIR, GTAN TSIGS MA GRUB PAR THAL, GANG ZAG GI BDAG 'DZIN DE GANG ZAG GI BDAG GI RNAM PA YIN PA'I PHYIR TE, DE'I RNAM PAR SKYES PA'I PHYIR TE, DE LA GANG ZAG GI BDAG GI RNAM PA SHAR BA'I PHYIR, KHYAB STE, YUL DE'I RNAM PAR SKYES PA LA, YUL DE'I RNAM PA SHAR BA'I THA SNYAD 'DOGS PA'I PHYIR, CHOS DE'I RNAM PA SHAR NA, CHOS DE'I RNAM PA SNANG BAS KHYAB PAR THAL, CHOS DE'I RNAM PA SNANG NA, CHOS DE'I RNAM PA SHAR BAS KHYAB PA YOD PA'I PHYIR, RTAGS KHAS SO, ,'DOD NA, BYANG SEMS KYI MTHONG LAM BAR CHAD MED LAM CHOS CAN, GNYIS STONG GI RNAM PA SNANG BAR THAL, DE'I RNAM PA SHAR BA'I PHYIR TE, DE LA GNYIS SNANG NUB PA'I PHYIR TE, KHYOD THEG CHEN GYI BAR CHAD MED LAM YIN PA'I PHYIR, 'DOD NA, DE'I GNYIS STONG GI RNAM PA DE LA GNYIS SNANG NUB PAR THAL, 'DOD PA'I PHYIR, 'DOD NA, GNYIS STONG GI RNAM PA CHOS CAN, DON DAM BDEN PAR THAL, BYANG SEMS KYIS MTHONG LAM BAR CHAD MED LAM DE KHYOD LA GNYIS SNANG NUB PA'I PHYIR, 'DOD NA, THEG CHEN GYI MTHONG LAM BAR CHAD MED LAM LA STONG NYID DU SNANG BA DON DAM BDEN PAR THAL, 'DOD PA'I PHYIR, 'DOD NA, STONG NYID DE'I GZHAL BYA YIN PA DON DAM BDEN PAR THAL, 'DOD PA'I PHYIR, 'DOD NA, STONG NYID GZHAL BYA YIN PA DON DAM BDEN PAR THAL LO, ,'DOD NA, STONG NYID YOD PA YANG DON DAM BDEN PAR THAL LO, ,CHOS DE'I SGRA DON SNANG NA, CHOS DE SNANG BAS, KHYAB PA YOD PAR THAL, CHOS DE'I RNAM PA SNANG NA, CHOS DE @055A *, ,SNANG PAS KHYAB PA YOD PA'I PHYIR, 'DOD NA, GANG ZAG GI BDAG GI SGRA DON MED PAR THAL, 'DOD PA'I PHYIR, GZHAN SEMS SHES PA'I MNGON SHES DE LA GZHAN SEMS SHES PA'I MNGON SHES ZHES PA'I THA THA SNYAD MI 'THAD PAR THAL, DES GZHAN SEMS MI SHES PA'I PHYIR, ZHE NA, MA KHYAB PAR THAL, GZHAN SEMS KYI RNAM PA SHES PA LA, GZHAN SEMS SHES PA'I THA SNYAD BTAGS PAR KUN MKHYEN GNYIS PA DBYIG GNYEN SOGS KYIS BSHAD PA'I PHYIR, 'ON KYANG, DENG SANG GI GRAGS TSONG DANG MI MTHUN PA'I DPYAD PAR BYA'O, GZUGS 'DZIN RDZAS GZHAN YOD PAR THAL, TSUR MTHONG LHAS BYIN GYI RGYUD KYI GZHAN SEMS SHES PA'I MNGON SHES DANG, DE'I YUL DU GYUR PA'I GZHAN GYI SEMS RDZAS GZHAN YIN PA'I PHYIR, RTAGS KHAS, KHA CIG NA RE, SNGON 'DZIN TSAD MA CHOS CAN, KHYOD KHYOD RANG GI GZHAL BYA DANG LHAN CIG DMIGS NGES SU THAL, KHYOD SNGON PO DANG LHAN CIG DMIGS NGES YIN PA'I PHYIR, 'DOD NA; KHYOD KYI GZHAL BYA YOD NA, KHYOD YOD PAS KHYAB PAR THAL, 'DOD PA'I PHYIR, 'DOD NA, SNGON PO TSAD MAS MA DMIGS PA'I SA PHYOGS CHOS CAN, SNGON 'DZIN TSAD MA YOD PAR THAL, SNGON 'DZIN TSAD MA'I GZHAL BYA YOD PA'I PHYIR TE, SNGON 'DZIN TSAD MA'I GZHAL BYA YIN PA'I PHYIR TE, SNGON 'DZIN TSAD MAS RTOGS PAR BYA BA YIN PA'I PHYIR TE, SNGON 'DZIN TSAD MAS DMIGS PA'I PHYIR TE, SNGON 'DZIN YOD PA'I PHYIR TE, SNGON 'DZIN RTOG PA YOD PA'I PHYIR, SNGON PO CHOS CAN, KHYOD KHYOD 'DZIN RTOG PA TSAD MA DANG LHAN CIG DMIGS NGES YIN PAR THAL, KHYOD KHYOD 'DZIN TSAD MA DANG LHAN CIG DMIGS NGES YIN PA'I PHYIR, 'DOD NA, SNGON 'DZIN RTOG PA TSAD @055B MA CHOS CAN, KHYOD SNGON PO DANG LHAN CIG DMIGS NGES YIN PAR THAL, KHYOD KHYOD 'DZIN TSAD MA DANG LHAN CIGS MIGS NGES YIN PA'I PHYIR, 'DOD NA, SNGON 'DZIN RTOG PA TSAD MA CHOS CAN, KHYOD KYI GZHAL BYA YOD NA, SNGON PO YOD DGOS PAR THAL, KHYOD SNGON PO DANG LHAN CIG DMIGS DES YIN PA'I PHYIR, 'DOD NA, SNGON PO TSAD MAS MA DMIGS PA'I SA PHYOGS CHOS CAN, DER THAL, DE'I PHYIR TE, SNGON 'DZIN RTOG PA TSAD MA'I GZHAL BYA YIN PA'I PHYIR ZHE NA, TSIG 'KHRI YIN TE, TSAD MA RTAG PA'I 'JAL BYED YOD PAR THAL, TSAD MA RTAG PA'I 'JAL BYED YIN PA'I PHYIR, SGRA RTAG PA'I KHYAB BYA YOD PAR THAL, SGRA RTAG PA'I KHYAB BYA YIN PA'I PHYIR, MA KHYAB NA, SNGON 'DZIN RTOG PA TSAD MA'I GZHAL BYA YIN NA, SNGON 'DZIN RTOG PA TSAD MA'I GZHAL BYA YOD PAS KHYAB PA DANG, SNGON 'DZIN TSAD MA'I GZHAL BYA YIN NA, SNGON 'DZIN TSAD MA'I GZHAL BYA YOD PAS KHYAB PA YOD PA 'BUD, LHAN CIG DMIGS NGES DE NYAN THOS SDE GNYIS KYI NGOR, SNGON PO DANG SNGON 'DZIN TSAD MA RDZAS GZHAN MA YIN PAR SGRUB PA'I RTAGS YANG DAG YIN NO ZHE NA, MA YIN PAR THAL, NYAN THOS SDE GNYIS KYIS SNGON PO DANG SNGON 'DZIN TSAD MA DUS MNYAM YIN PAR TSAD MAS MA DMIGS PA'I PHYIR TE, DE GNYIS KYIS SNGON PO DANG SNGON 'DZIN TSAD MA RGYU 'BRAS BU 'DOD PA'I PHYIR, YANG LHAN CIG DMIGS NGES DE, DE GNYIS KYI NGOR, SNGON 'DZIN TSAD MA DANG, DE LA SNGON POR SNANG BA RDZAS GZHAN MA YIN PAR SGRUB PA'I RTAGS YANG DAG YIN NO ZHE NA, MI RIGS PAR THAL, DE LA SNGAR BSHAD KYI RIGS PAS GNOD PA'I PHYIR, YANG LHAN CIG DMIGS DES DE DE GNYIS KYI NOR, , @056A *, ,SNGON 'DZIN TSAD MA DANG, DE LA SNANG BA'I SNGON PO'I RNAM PA RDZAS GZHAN MA YIN PAR SGRUB PA'I RTAGS YANG DAG YIN NO ZHE NA, MI 'THAD DE, MDO SDE PAS SNGON 'DZIN TSAD MA DANG, DE'I RNAM PA RDZAS GCIG TU NGES SHING, BYE BRAG TU SMRA BAS, SNGON 'DZIN TSAD MA'I RNAM PA GTAN MED DU BZHED PA'I PHYIR TE, PHYI ROL DU NI SNANG BA YI, BLO NI KHAS LEN MED PHYIR RO, ,ZHES DANG, DE THA DAD KYANG THA DAD MED, CES DANG, 'DRA BA NYID KYANG MI 'DOD PA, ZHES SOGS BSHAD PA'I PHYIR, MTSUNGS PAR LDAN PA RNAM PA LNGA, ZHES GSUNGS PA DANG 'GAL LO ZHE NA, MI 'GAL TE, SEMS SEMS 'BYUNG GNYIS SHES RAB LA RTEN NAS YUL SPYOD TSUL MTSUNGS PA NI BYE BRAG SMRA BA'I LUGS KYI RNAM PA MTSUNGS PA'I DON YIN GYI, SEMS SEMS BYUNG YUL GYI RNAM PA SHAR BA'I SGO NAS RNAM MTSUNGS SU MI 'DOD PA'I PHYIR TE, MDZOD LAS, RNAM PA SHES RAB DANG BCAS PA, ZHES BSHAD PA'I PHYIR, ZLA BA GNYIS SNANG GI DBANG SHES DANG, DE'I GZUNG RNAM GNYIS BYE BRAG SMRA BA'I NGOR, LHAN CIG DMIGS NGES KYI RTAGS KYIS SNGON PO DANG SNGON 'DZIN TSAD MA RDZAS GZHAN MA YIN PAR SGRUB PA'I RTAGS CHOS GNYIS LDAN GYI MTHUN DPE YANG DAG YIN NO ZHE NA, MI RIGS TE, BYE BRAG SMRA BAS GZUNG RNAM MI BZHED PA'I PHYIR, ` ,GAL TE MTSUNGS PA DE MA THAG ,RKYEN LAS NGES PAR MI SMRA NA 'O, ,ZHES PA'I SKABS SU, SNGON 'DZIN DBANG PO'I MNGON SUM LA RANG 'DRA'I RNAM PA DNGOS SU GTOD BYED, DE'I GZUNG DON GYI MTSAN NYID, DE RANG GI RNAM LDAN DU GTZO BOR DNGOS SU SKYED BYED, DE'I DMIGS RKYEN GYI MTSAN NYID, DE YUL 'DZIN NUS SU GTZO BOR DNGOS SU SKYED BYED, DE'I BDAG RKYEN GYI MTSAN @056B NYID; DE MYONG BA GSAL RIG GI NGO BOR GTZO BOR DNGOS SU SKYED BYED, DE'I DE MA THAG RKYEN GYI MTSAN NYID, DE'I DNGOS RGYU'I BYE BRAG GANG ZHIG ,DE RANG GI RNAM LDAN DU SKYED BYED SOGS, DE'I RKYEN GSUM GYI MTSAN NYID DU RIGS SO ZHE NA, SKABS 'DIR; DBANG MNGON GZUNG DON LAS SKYES PA'I RNAM BZHAG MI 'THAD PAR THAL, SLOB DPON CHOS MCHOG GIS, RAB TU BYED PA 'DI THAMS CAD NI, RNAM PAR RIG PA SMRA BA'I TSUL LA SBYAR BAR BYA BA MA YIN TE, DON GYI MTHU YI NI, YANG DAG SKYE BA YIN PHYIR RO, ,ZHES BSHAD PA'I PHYIR, ZHES GSUNGS SO, ,SNGON PO CHOS CAN, SNGON 'DZIN DBANG PO'I MNGON SUM LA YUL RANG NGOS NAS RANG 'DRA'I RNAM PA GTZO BOR DNGOS SU GTOD PAR THAL, DE LA RANG 'DRA'I RNAM PA GTZO BOR DNGOS SU GTAD PA'I PHYIR, 'DOD NA, SNGO SNANG DBANG SHES LA SNGON PO'I RNAM PA 'CHAR BA NA BAG CHAGS KYI GZHAN DBANG CAN MA YIN PAR THAL, 'DOD PA'I PHYIR, 'DOD NA, 'DIR 'BA' ZHIG NI 'GA' ZHIG GI ,BAG CHAGS RAB TUS DA BYED PA, ZHES SOGS KYI GZHUNG DANG 'GAL LO, 'DI NA MKHAS PA'I DBANG PO KHA CIG (,DON YIN RNAm SHES NGO BO'I PHYIR, DER RKYEN NYID KYANG YIN PHYIRO,) ZHES DMIGS BRTAG LAS BSHAD PA MI 'THAD PAR THAL, DBANG MNGON GYI GZUNG DON MED PA'I PHYIR ZHES GSUNGS, GZHAN DAG NA RE, SKYON MED DE, DMIGS RKYEN LA GA ZUNG DON GYI SGRAS BSTAN PA TZAM YIN PA'I PHYIR ZHES GSUNGS SO, DMIGS RKYEN CAN GYI SHES PA YIN NA, GZUNG DON CAN GYI SHES PA YIN PAS KHYAB PAR THAL, DMIGS RKYEN DANG GZUNG DON GCIG PA'I PHYIR, RTAGS KHAS, 'DOD NA, ZLA BA GNYIS SNANG GI DBANG SHES CHOS CAN, DER THAL, DE'I PHYIR, 'DOD MI NUS TE, GLO BUR @057A *, ,GYI 'KHRUL RGYUS BSLAD PA'I SHES PA YIN PA'I PHYIR, KHA CIG NA RE, GZUNG YUL DANG GZUNG DON DON GCIG PA YIN NO ZHES ZER, MI RIGS PAR THAL, RTOG PA YIN NA GZUNG YUL YOD PAS KHYAB, GZUNG DON MED PAS KHYAB PA'I PHYIR, RTAGS GRUB PAR THAL, RNAM PA DE NI DON GYI MIN, GSAL BAS RNAM PAS DPEN PA'I PHYIR, ZHES SOGS BSHAD PA'I PHYIR, MNGON SUM DE'I RKYEN GSUM 'GAL BAR THAL, MTSAN NYID SNGAR LTAR RIGS PA'I PHYIR, RTAGS KHAS, 'DOD MI NUS TE, SANGS RGYAS 'PHAGS PA'I RGYUD KYI DBANG PO'I MNGON SU DE'I DNGOS RGYU YIN NA, DE'I DMIGS RKYEN YIN DGOS PA'I PHYIR, GZHAN YANG, TSUR MTHONG GI SNGON 'DZIN MNGON SUm GYI BDAG RKYEN DU GYUR PA'I YID DBANG CHOS CAN, DE'I BDAG RKYEN MA YIN PAR THAL, DE'I DE MA THAG RKYEN YIN PA'I PHYIR TE, DE'I DNGOS KYI NYER LEN DU GYUR PA'I RIG PA YIN PA'I PHYIR, 'DOD NA, TSUR MTHONG GI RGYUD KYI SNGON 'DZIN MNGON SUM CHOS CAN, KHYOD KYI BDAG RKYEN DU GYUR PA'I YID DBANG NGE KHYOD KYI BDAG RKYEN YIN PAR THAL, KHYONG SHES PA YIN PA'I PHYIR, KHA CIG NA RE, SNGON 'DZIN DBANG PO'I MNGON SUM GYI RGYU CHOS CAN, DE'I DMIGS RKYEN DU THAL, DE RANG GI RNAM LDAN DU GYI SKYED BYED YIN PA'I PHYIR TE, DE KHYOD LAS KHYOD KYI RNAM LDAN DU SKYES PA'I PHYIR, MA GRUB NA, SNGON 'DZIN DBANG PO'I MNGON SUM CHOS CAN, RANG RGYU LAS RANG RGYU'I RNAM LDAN DU SKYES PAR THAL, RANG RGYU LAS RANG GI DMIGS RKYEN GYI RNAM LDAN DU SKYES PA'I PHYIR TE, KHYOD RANG GI DMIGS RKYEN GYI RNAM LDAN DU SKYES PA'I PHYIR, RTZA BAR 'DOD NA, SNGON 'DZIN DBANG PO'I MNGON SUM GYI RGYU CHOS CAN, DE'I DMIGS RKYEN MA YIN PAR @057B THAL; DE'I DE MA THAG RKYEN KHYOD YIN PA'I PHYIR ZHES ZER ZHING, MTSAN NYID GNYIS PA DE RNAMS RANG LUGS SU 'DOD DO, SNGON 'DZIN DBANG PO'I MNGON SUM GYI DNGOS RGYU DANG GCIG TU GYUR PA'I DNGOS PO CHOS CAN, DE'I DMIGS RKYEN DU THAL, DE'I DNGOS RGYU'I BYE BRAG GANG ZHIG, DE RANG GI RNAM LDAN DU GTZO BOR DNGOS SU SKYED BYED YIN PA'I PHYIR, RTAGS KHYAB KHAS, 'DOD NA, SNGON 'DZIN DBANG PO'I MNGON SUM GYI DNGOS RGYU CHOS CAN, KHYOD SNGON 'DZIN DBANG PO'I MNGON SUM GYI DMIGS RKYEN YIN PAR THAL, KHYOD DANG GCIG TU GYUR PA'I DNGOS PO DE DE'I DMIGS RKYEN YIN PA'I PHYIR, SNGON 'DZIN DBANG PO'I MNGON SUM CHOS CAN, KHYOD KYI RGYU DE, KHYOD SNGON PO'I RNAM LDAN DU GTZO BOR DNGOS SU SKYED BYED MA YIN PAR THAL, KHYOD KYI RGYU DE KHYOD KYI DMIGS RKYEN MA YIN PA GANG ZHIG ,KHYOD DBANG SHES YIN PA'I PHYIR, ,GZHAN YANG, SNGON 'DZIN DBANG PO'I MNGON SUM GYI RGYU CHOS CAN, SNGON 'DZIN DBANG PO'I MNGON SUM SNGON PO'I RNAM LDAN DU GTZO BOR DNGOS SU SKYED BYED MA YIN PAR THAL, DE'I DE MA THAG RKYEN KHYOD YIN PA'I PHYIR, KHYAB PA KHAS, ,SNGON 'DZIN DBANG PO'I MNGON SUM GYI BDAG RKYENG DU GYUR PA'I YID DBANG DANG MTSUNGS PAR LDAN PA'I TSOR BA CHOS CAN, SNGON 'DZIN DBANG PO'I MNGON SUM GYI BDAG RKYEN DU THAL, DE YUL 'DZIN NUS SU GTZO BOR DNGOS SU SKYED BYED YIN PA'I PHYIR TE, SNGON 'DZIN DBANG PO'I MNGON SUM GYI BDAG RKYEN DU GYUR PA'I YID DANG MTSUNGS LDAN RNAM PA LNGA MTSUNGS YIN PA'I PHYIR, 'DOD NA, YID DBANG DU THAL, 'DOD PA GANG ZHIG ,SHES PA YIN PA'I PHYIR, 'DOD NA, SEMS BYUNG MA YIN PAR THAL, YID DBANG YIN PA'I PHYIR@058A *, ,ZHE NA, TING NGE 'DZIN GYIS BDAG RKYEN BYAS PA LAS BYUNG BA'I DBANG PO'I MNGON SUM MED PAR THAL, SNGON 'DZIN DBANG PO'I MNGON SUM GYI BDAG RKYEN DU GYUR PA'I SHES PA YIN NA, YID DBANG YIN PAS KHYAB PA'I PHYIR, RTAGS KHYAB KHAS, 'DOD NA, TING NGE 'DZIN GYIS BDAG RKYEN BYAS PA LA BRTEN NAS BYUNG BA'I GTZO BO SEMS MED PAR THAL, 'DOD PA'I PHYIR, 'DOD NA, RNAL 'BYOR MNGON SUM YIN NA, GTZO BO SEMS MIN DGOS PAR THAL, 'DOD PA'I PHYIR, LHA'I MIG GI MNGON PAR SHES PA DBANG SHES MA YIN PAR THAL, DBANG SHES YIN NA, RANG GI BDAG RKYEN DU GYUR PA'I TING NGE 'DZIN LAS MA BYUNG DGOS PA'I PHYIR, RTAGS GSAL KHAS, KHYAB STE, MNGON PAR SHES PA YIN NA, RANG GI BDAG RKYEN DU GYUR PA'I TING NGE 'DZIN LAS SKYES PAS KHYAB PA'I PHYIR TE, RGYAN LAS, BSAM GTAN BZHI BA SHIN TU DAG THOB NAS, ZHES SOGS DANG, MNGON PA KUN BTUS LAS, DAG PA'I BSAM GTAN BZHI LA BRTEN NAS TSAD MED PA RNAMS MNGON PAR SGRUB BO, ,TSAD MED PA RNAMS JI LTA BA MNGON PAR SHES PA LNGA YANG DE BZHIN NO, ,ZHES GSUNGS PA'I PHYIR, DBANG PO'I MNGON SUM DE'I DE MA THAG RKYEN YIN NA, DE'I DNGOS RGYU YIN BAS MA KHYAB PAR THAL, 'GOG SNYOM LAS LANG MA THAG PA'I DBANG PO'I MNGON SUM DE'I DE MA THAG RKYEN YOD, DE'I DNGOS KYI DE MA THAG RKYEN MED PA'I PHYIR, RTAGS DANG PO GRUB TE, KHO SHES PA YIN PA'I PHYIR, PHYI MA GRUB PAR THAL, ,'GOG PA LA MNYAM PAR GZHAG PA'I GNAS SKABS NA SHES PA MED PA'I PHYIR TE, SH'AKYA BLO'I 'GREL PA LAS 'DU SHES MED PA'I SNYOM 'JUG LA ZHUGS PA ZHES GSUNGS PA NI, DUS GZHAN DU SEMS DANG SEmS @058B LAS BYUNG BA'I KUN TU SPYOD PA 'GOG PA CAN GYI RNAL 'BYOR GYI KHYAD PAR NI, 'DU SHES MED PA'I SNYOM PAR 'JUG PA'O, ,DE LA ZHUGS PA LA SEMS RGYUN CHAD PA NYID YOD PA YIN NO, ,GNYIS KA LA GRUB PA'I DPE BSTAN PA'I PHYIR, ,LEGS PAR GNYID LOG PA LA SOGS PA'I ZHES SOGS BSHAD PA'I PHYIR ZHE NA, ,'GROL PA DE'I LUGS LA, 'GOG PA LA MNYAM PAR GZHAG PA'I GNAS SKABS NA, SHES PA YOD PAR THAL, DE'I LUGS LA KUN GZHI'I RNAM SHES YOD PA'I PHYIR, LHA DBANG BLO'I LUGS LA, 'GOG PA LA MNYAM PAR GZHAG PA'I GNAS SKABS NA SHES PA YOD PAR THAL, DE'I LUGS LA GNYID 'THUG PO LOG PA'I GNAS SKABS NA, GNYID YOD PA'I PHYIR, KHYAB PAR THAL, GNYID YIN NA, SHES PA YIN DGOS PA'I PHYIR, 'DU SHES MED PA'I SNYOM 'JUG LA GNAS PA'I GANG ZAG CHOS CAN, KHYOD KYI RGYUD LA SHES PA YOD PAR THAL, KHYOD KYI RGYUD LA GANG ZAG GI BDAG 'DZIN YOD PA'I PHYIR TE, SO SKYE YIN PA'I PHYIR TE, 'DU SHES MED PA'I SNYOM 'JUG LA GNAS PA'I GANG ZAG YIN PA'I PHYIR, RTZA BAR 'DOD NA, 'GOG PA LA MNYAM PAR BZHAG PA'I GNAS SKABS NA SHES PA MED PA 'BUD GZUGS 'DZIN DBANG MNGON GYI GZUNG DON DU GYUR PA'I GZUGS DE GZUGS 'DZIN YID MNGON GYI YANG GZUNG DON YIN PAR THAL, GZUGS 'DZIN YID MNGON GYI GZUNG DON YIN NA, DE'I DNGOS RGYU YIN DGOS PA'I PHYIR, RTAt KHAS; 'DOD NA, SKAD CIG NYID PHYIR 'DAS PA YI, ZHES SOGS KYI DON MA GRUB PAR THAL, 'DOD PA'I PHYIR, DES NA 'GREL PA RNAMS KYI LUGS NI, 'GOG PA LA MNYAM PAR GZHAG PA'I GNAS SKABS NA, TSOR 'DU RAGS @059A *, ,PA MED PA TZAM LA DGONGS PAR GSAL LO, ,GZUGS 'DZIN DBANG MNGON GYI RGYU YIN NA, DE'I RKYEN GSUM GANG RUNG YIN MI DGOS PAR THAL, DE'I DE MA THAG RKYEN YIN NA, DE'I DNGOS RGYU YIN MI DGOS PA'I PHYIR, RTAGS KHAS, RGYAS PAR NI, TSE 'DI NYID KYI SKYED MCHED LNGA, ZHES PA'I SKABS LAS RTOGS PAR BYA'O, ,SNGON PO DE SNGON 'DZIN DBANG PO'I MNGON SUM GYI DMIGS RKYEN YIN NO, ,ZHES GSUNGS, GZHAN NGAG NA RE, GZUGS 'DZIN RDZAS GZHAN YOD PAR THAL, SNGON PO DANG SNGON 'DZIN DBANG PO'I MNGON SUM RDZAS GZHAN YIN PA'I PHYIR, SNGON PO DE SNGON 'DZIN DBANG PO'I MNGON SUM GYI DMIGS RKYEN MA YIN PAR THAL, DE'I DMIGS RKYEN YIN NA; DE LA MI SNANG DGOS PA'I PHYIR TE, DE LA SNANG NA, DE'I BDAG NYID YIN DGOS PA'I PHYIR ZHES ZER, 'O NA, PHYI ROL GYI DON CHOS CAN, TSUR MTHONG GI SNGON 'DZIN DBANG MNGON GYI BDAG NYID YIN PAR THAL, DE LA SNANG BA'I PHYIR; 'DOD NA, YOD PAR THAL, 'DOD PA'I PHYIR, SNGON 'DZIN DBANG PO'I MNGON SUM GYI RKYEN GSUM LA KHYAD PAR CUNG ZAD KYANG MED PAR THAL, DE'I DMIGS RKYEN YIN NA, DE LA MI SNANG DGOS PA'I PHYIR, GZHAN YANG, TSUR MTHONG GI SNGON 'DZIN DBANG PO'I MNGON SUM DE'I DNGOS RGYU YIN NA, DE LA MI SNANG BAS KHYAB PA MED PAR THAL, TSUR MTHONG GI RGYUD LA, SNGON PO'I DNGOS 'BRAS SU GYUR PA'I SNGON 'DZIN DBANG PO'I MNGON SUM YOD PA'I PHYIR TE, SNGON PO'I DNGOS 'BRAS SU GYUR PA'I SNGON 'DZIN DBANG PO'I MNGON SUM YIN NA, SANGS RGYAS KYI SHES PA YIN MI DGOS PA'I PHYIR, TSUR MTHONG LHAS BYIN GYI PHA CHOS CAN, TSUR MTHONG LHAS BYIN GYI DBANG MNGON DANG RDZAS GZHAN MA YIN PAR @059B THAL; DE LA SNANG BA'I PHYIR, RTAGS GRUB PAR THAL, GOMS PA CAN GYI MNGON SUM YOD PA'I PHYIR, 'DOD NA, TSUR MTHONG LHAS BYIN GYI PHA DE, TSUR MTHONG LHAS BYIN DANG RDZAS GZHAN MA YIN PAR THAL, 'DOD PA'I PHYIR, GZHAN YANG LHA MCHOD GNYIS RDZAS GZHAN MA YIN PAR THAL, TSUR MTHONG LHAS BYIN LTA BU DE, TSUR MTHONG MCHOD SBYIN GYI DBANG MNGON GYI BDAG NYID YIN PA'I PHYIR, RTAGS KHAS, 'DOD NA, LHAS BYIN GYI SHES RGYUD DANG, MCHOD SPYIN GYI SHES RGYUD RDZAS GCIG TU THAL, 'DOD PA'I PHYIR, 'DOD NA, SHES RGYUD RDZAS THA DAD PA'I GANG ZAG MA GRUB PAR THAL, 'DOD PA'I PHYIR, GZHAN SEMS SHES PA'I MNGON PAR SHES PA DANG, GZHAN SEMS RDZAS GZHAN MA YIN PAR THAL; DE GNYIS YUL YUL CAN YIN PA'I PHYIR ZER NA, DOGS GCOD LHAN CIG DMIGS NGES KYI SKABS SU BSHAD ZIN TO, ,KHA CIG NA RE, GZUNG 'DZIN RDZAS GZHAN YOD PAR THAL, SGRA MI RTAG PA DE SGRA MI RTAG PAR RTOGS PA'I MNGON SUM TSAD MA DANG RDZAS GZHAN YIN PA'I PHYIR TE, DE SGRA MI RTOGS PA'I RJES DPAG GI RGYU YIN PA'I PHYIR TE, DE SGRA MI RTAG PAR SGRUB PA'I RTAGS 'DZIN SEMS KYI RGYU YIN PA'I PHYIR TE, DNGOS GANG JI LTA BUR GYUR PA, ZHES PA'I LUNG DON GRUB PA'I PHYIR, THAL BA DE RNAMS LA KHYAB PA YOD DE, DE RNAMS RGYU 'BRAS SU 'THAD PA'I PHYIR, ZHES GSUNGS, YANG MKHAS PA KHA CIG NA RE, SNGON 'DZIN DBANG PO'I MNGON SUM GYI MTSUNGS PA DE MA THAG RKYEN GYI STENG GI SNGON 'DZIN DBANG PO'I MNGON SUM SNGON PO'I RNAM LDAN DU SKYE BA'I NUS PA SNGON PO DER, DE'I STENG GI DE SNGON PO 'DZIN NUS SU SKYED PA'I NUS PA DBANG PO GZUGS CAN YIN TE, DMIGS @060A *, ,BRTAG LAS, LHAN CIG BYED DBANG NUS PA YI, (LHAN CIG GANG) YIN DBANG PO 'ANG YIN, ZHES DANG, DE'I RANG 'GREL LAS, DBANG PO NI 'BRAS BU LAS NUS PA'I NGO BO NYID DU RJES SU DPAG GI ,'BYUNG BA LAS GYUR PA NI MIN NA ZHES DANG, 'JUG PA LAS SEMS TZAM PA'I 'DOD PA BRJOD PA'I SKABS SU, MIG BLO SKYE BA RANG NUS GANG ZHIG LAS, ,DE MA THAG TU KUN NAS SKYE 'GYUR ZHING, ,RANG GI RNAM SHES RTEN GYI NUS DE LA, DBANG PO GZUt CAN MIG CES BYA BAR RTOGS, ZHES BSHAD PA'I PHYIR, ZHES GSUNGS, 'KHRI TSUL 'DI LTAR, SNGON 'DZIN DBANG PO'I MNGON SUM GYI BDAG RKYEN DBANG PO GZUGS CAN PAR THAL, KHO'AM MTSUNGS PA DE MA THAG RKYEN GYI STENG GI SNGON 'DZIN DBANG MNGON SNGON PO 'DZIN NUS SU SKYED PA'I NUS PA DBANG PO GZUGS CAN PA YIN PA'I PHYIR, RTAGS KHAS, 'DOD NA, DE'I BDAG RKYEN DU GYUR PA'I YID DBANG MED PAR THAL, 'DOD PA'I PHYIR, SNGON PO'I NUS PA SNGON PO YIN PAR THAL, SNGON POS RANG 'BRAS SKYED PA'I NUS PA SNGON PO YIN PA'I PHYIR, RTAGS KHAS, 'DOD NA, SNGON PO'I BYAS MI RTAG YANG SNGON PO YIN PAR THAL, 'DOD PA'I PHYIR, SA BON GYIS MYU GU SKYED PA'I NUS PA DE LA TSUR MTHONG GI RGYUD KYI SA BOD 'DZIN PA'I DBANG MNGON TSAD MAR THAL, NUS PA SA BON YIN PA'I PHYIR, 'DOD NA, NUS PA DNGOS PO'I RANG BZHIN DU, ZHES SOGS LA BRJOD BYA MED PAR THAL, 'DOD PA'I PHYIR, KHA CIG NA RE, SNGON SNANG GI BAG CHAGS DE, SNGON 'DZIN DBANG MNGON GYI DMIGS RKYEN YIN NO ZHE NA, 'O NA, SNGON 'DZIN DBANG PO'I MNGON SUM DE'I DE MA THAG RKYEN YANG, DE'I DMIGS RKYEN DU THAL, SNGO SNANG GI BAG CHAGS BSGO GZHIR GYUR PA'I SHES PA, DE'I DMIGS @060B RKYEN YIN PA'I PHYIR, RTAGS KHAS, GZUGS YIN NA, GZUGS 'DZIN DBANG MNGON GYI DNGOS RGYU MA YIN DGOS PAR THAL, DE YIN NA, DE'I DMIGS RKYEN MA YIN DGOS PA'I PHYIR, 'DOD NA, DE'I BDAG RKYEN DU GYUR PA'I DBANG PO GZUGS CAN MED PAR THAL, 'DOD PA'I PHYIR, 'DOD NA, RTEN BCAS KYI DBANG PO GZUGS CAN MED PAR THAL, 'DOD PA'I PHYIR, 'DOD NA, DBANG PO RNAM PAR RIG PA'I RGYU, PHRA RAB RDUL DAG YIN MOD KYI, DE MI SNANG PHYIR DE YUL NI, ,RDUL PHRAN MA YIN DBANG PO BZHIN, ZHES PA'I BSTAN DON MA GRUB PAR THAL LO, ,GZUGS RDUL PHRA RAGS CHOS CAN, GZUGS 'DZIN DBANG MNGON GYI DMIGS RKYEN MA YIN PAR THAL, DE'I DNGOS RGYU YIN YANG; DE LA MI SNANG BA'I PHYIR, DPER NA, DBANG PO GZUGS CAN BZHIN ZHES PA'I SBYOR BA DE, DE'I SBYOR BA MA YIN PA'I PHYIR, MA GRUB NA SONG, GZUGS 'DZIN DBANG MNGON GYI DMIGS RKYEN CHOS CAN, DE'I DMIGS RKYEN MA YIN PAR THAL, DE'I DNGOS RGYU YIN YANG, DE LA MI SNANG BA'I PHYIR, 'KHOR GSUM, RNAM RIG PA'I LUGS KYI RKYEN GSUM GYI RNAM BZHAG SHES PAR 'DOD NA, YONGS RDZOGS BSTAN PA'I MNGA' BDAG KUN MKHYEN YON TAN RGYA MTSOS MDZAD PA'I DMIGS BRTAG RTZA 'GREL GYI RNAM BSHAD LAS RGYAS PAR SHES PAR BYA'O, 'DIR NA YI GE MNGAS BAS 'JIGS PAS DE TZAM LAS MA SPROS SO,, ` MKHAS PA RNAMS LA BRJOD 'DI YOD, CES PA'I SKABS SU, 'DI PHYI ROL BKAG PA'I SGO NAS TSUL GNYIS BRJOD BA CHOS CAN, DGOS PA YOD DE, CHOS KYI BDAG MED BSTAN DU RUNG PA'I GDUL BYA RJES SU GZUNG BA'I DGOS PA YOD PA'I PHYIR, TSAD MA MDOR, PHYI DON KHAS @061A *, ,BLANGS PA'I SGO NAS TSUL GNYIS BRJOD PA CHOS CAN, DGOS PA YOD DE, CHOS KYI BDAG MED BSTAN DU MI RUNG BA'I GDUL BYA RJES SU BZUNG BA'I DGOS PA YOD PA'I PHYIR ZHE NA, SPYOR BA DANG PO MI 'THAD PAR THAL, CHOS KYI BDAG MED BSTAN DU RUNG BA'I 'DUL BYA YIN NA, TSUL GNYIS SGRUB MI DGOS PA'I KHYAB PA'I PHYIR TE, PHYI DON MED PAR NGES PA'I GANG ZAG LA, TSUL GNYIS SGRUB MI DGOS PA'I PHYIR, SLOB DPON PHYOGS KYI GLANG POS PHYI DON KHAS BLANGS PAR THAL, DES PHYI DON KHAS BLANGS PA'I SGO NAS TSUL GNYIS SGRUB PA'I PHYIR, DER THAL, TSAD MA MDOR, PHYI DON KHAS BLANGS PA'I SGO NAS TSUL GNYIS SGRUB PA'I PHYIR TE, DE LTAR BSGRUB PA LA DGOS PA YOD PA'I PHYIR, RTAGS KHAS; 'DOD NA, PHYOGS GLANG YAB SRAS GRUB MTHA' MI MTHUN PAR THAL, 'DOD PA'I PHYIR, PHYI DON KHAS BLANGS PA'I RNAM GZHAG LA BRTEN NAS, TSUL GNYIS SGRUB PA'I TSUL NI, GZUGS 'DZIN DBANG PO'I MNGON SUM DANG, DE LA GZUGS SU SNANG BA CHOS CAN, RDZAS GZHAN MIN TE, LHAN CIG DMIGS NGES YIN PA'I PHYIR ZHES ZER ZHING, MDO SDE PA'I GRUB MTHA' GZHIR BZHAG LA, GZUGS 'DZIN DBANG PO'I MNGON SUM LA GZUGS SU SNANG BA GZUGS YIN NO, ZHES GSUNGS, GZUGS 'DZIN DBANG PO'I MNGON SUM LA GZUGS SU SNANG BA DE GZUGS DANG DUS MNYAM RDZAS GCIG TU THAL, DE GZUGS YIN PA'I PHYIR, 'DOD NA, GZUGS 'DZIN DBANG MNGON GYI DUS SU GZUGS 'DZIN DBANG MNGON LA GZUGS SU SNANG BA DE MED PAR THAL, 'DOD PA GANG ZHIG, GZUGS 'DZIN DBANG MNGON GYI DUS NA GZUGS MED PA'I PHYIR, 'DOD NA, GZUGS 'DZIN DBANG MNGON GYI DUS NA GZUGS GZUGS SU SNANG @061B BA'I TSAD MA MED PAR THAL, 'DOD PA'I PHYIR, 'DOD NA, GZUGS 'DZIN DBANG PO'I MNGON SUM GYI DUS NA GZUGS RTOGS PA'I TSAD MA MED PAR THAL, 'DOD PA'I PHYIR, DE BYAS SHES LA DE MED KYANG, DON DU SNANG BA NYID KYI PHYIR, DE GSAL BA ZHES BRJOD PA YIN, ZHES PA'I GZHUNG LA BRJOD BYA MED PAR THAL, GZUGS 'DZIN DBANG PO'I MNGON SUM RANG DUS NA GZUGS SU SNANG BA MED PA'I PHYIR, RTAGS KHAS, SNGO SOGS GSAL BAR SNANG BA'I RMI LAM GYI SHES PA LA SNGON POR SNANG BA THOGS MED MA YIN PAR THAL, GZUGS 'DZIN DBANG MNGON LA GZUGS SU SNANG BA THOGS MED MA YIN PA'I PHYIR, RTAGS KHAS, 'DOD NA, THOGS MED PHYIR NA SDO SOGS MIN, ZHES PA'I GZHUNG LA BRJOD BYA MED PAR THAL, 'DOD PA'I PHYIR, RMI LAM GYI SHES PA LA SNGON PO GSAL BAR SNANG BA DE, RGYUD KYIS MA BSDUS PAR THAL, DE LA SNGON PO GSAL BAR SNANG BA DE RGYUD KYIS MA BSDUS PA'I PHYIR, DER THAL, GZUGS 'DZIN DBANG MNGON LA GZUGS SU SNANG BRGYUD KYIS MA BSDUS PA'I PHYIR, DER THAL, DE GZUGS YIN PA'I PHYIR, RTAGS RNAMS KHAS, KHANG MIG CHUNG DU'I NANG NA, NYI ZLA'I GZUGS RTOGS PA'I MIG SHES MED PAR THAL, DE'I NANG NA, NYI ZLA'I GZUGS SU SNANG BA MED BA'I PHYIR; DER THAL, MIG SHES LA ZLA BA'I GZUGS SU SNANG BA DE, ZLA BA'I GZUGS YIN PA'I PHYIR, RTAGS RNAMS KHAS, RTZA BAR 'DOD NA, MDUN GYI SKYES BU LEN 'DEBS PA'I RGYUD LA NYI MA'I DKYIL 'KHOR RDZOGS PAR MTHONG BA'I MIG SHES MED PAR THAL, 'DOD PA GANG ZHIG, RGYU MTSAN MTSUNGS PA'I PHYIR, DE LA KHO NA RE, KHANG MIG CHUNG DU'I NANG NA NYI ZLA'I GZUGS YOD PAR THAL, DE NA DE'I GZUGS YOD PAR RTOGS PA'I TSAD MA YOD PA'I PHYIR ZHE NA, @062A *, ,'O NA, MDUN GYI SKYES BU LAN 'DEBS PA'I RGYUD LA NYI ZLA'I GZUGS YOD PAR THAL, DE'I RGYUD LA DE YOD PAR RTOGS PA'I TSAD MA YOD PA'I PHYIR, KHYAB PA KHAS, SANGS RGYAS 'PHAGS PA'I THUGS RGYUD LA CHOS THAmS CAD YOD PAR THAL, DE'I RGYUD LA DE YOD PAR RTOGS PA'I TSAD MA YOD PA'I PHYIR, KHYAB PA KHAS, DES NA KHANG MIG CHUNG DU'I NANG NA NYI ZLA YOD PAR RTOGS PA'I TSAD MA DANG, NYI ZLA DE NA YOD PAR RTOGS PA'I TSAD MA GNYIS KYI KHYAD PAR MA PHYED PA'I CAL COL SMRA BAR MI BYA'O, ,'JUG PA LAS, RDUL RAGS MI 'GYUR 'JIG RTEN PHRA MI 'GYUR, ZHES GSUNGS PA MI 'THAD PAR THAL, RDUL PHRA RAB GCIG NYID KYI NANG DU, SNOD BCUD KYI 'JIG RTEN THAMS CAD YOD PA MI SRID PA'I PHYIR ZHE NA, MA KHYAB PAR THAL, DE NI RNAL 'BYOR PA RNAMS KYIS RDZU 'PHRUL SNA TSOGS STON PAR NUS PA'I DBANG DU BYAS PA'I PHYIR, RDUL PHRA RAB DANG RI RGYAL LHUN PO LA CHE CHUNG GI KHYAD PAR MED PAR THAL, RDUL PHRA RAB KYI GO SAR, RI RGYAL LHUN PO SHOD PA'I PHYIR, GSER DANG BONG BA KHYAD PAR MED PAR THAL, RNAL 'BYOR PA KHYAD PAR CAN GYIS DE LTAR SGRUB NUS PA'I PHYIR, KHYAB PA KHAS, RTAGS GRUB STE, ,RNAL 'BYOR RTOGS PA BSAM MI KHYAB, CES BSHAD PA'I PHYIR, LHAS BYIN GYI DRAN RTOG LA SHAR BA'I RNAM PA DE THA MAL PA GZHAN GYIS LHAS BYIN LTAR DU MNGON SUM DU RTOGS PAR THAL, LHAS BYIN GYI MIG SHES LA SNGON POR SNANG BA DE, LHAS BYIN GYIS MNGON SUM DU RTOGS PA LTAR THA MAL PA GZHAN GYIS KYANG MNGON SUM DU RTOGS PA'I PHYIR, MA GRUB NA, DE SNGON PO YIN PA 'BUD, 'DOD NA, GZHAN GYIS DE BZHIN RTOGS PAR 'GYUR, ZHES PA LA BRJOD BYA MED PAR @062B THAL; 'DOD PA'I PHYIR, TSUR MTHONG LHAS BYIN GYI MIG SHES LA GZUGS SU SNANG BA DE, TSUR MTHONG MCHOD SPYIN GYI MIG SHES KYIS MNGON SUM DU RTOGS PAR THAL, SNGA MA PHYI ROL GYI GZUGS YIN PA'I PHYIR, 'DOD MI NUS TE, MYONG BA DANG 'GAL BA'I PHYIR, SKRA SHAD 'DZAG SNANG GI DBANG SHES LA, SKRA SHAD DU SNANG BA DE, SHES PA'I RDZAS MA YIN PAR THAL, DBANG SHES LA GZUGS SU SNANG BA SHES PA'I RDZAS MA YIN PA'I PHYIR, RTAGS KHAS, 'DOD MI NUS TE, GSAL BAR SNANG BA NYID, SHES PA'I NGO BO'I DON NYID PHYIR, ZHES PA DANG 'GAL, DKAR SOGS GSAL BA'I RTAGS KYIS RANG RIG SGRUB PA MI 'THAD PAR THAL, DKAR 'DZIN DBANG SHES LA DKAR PO GSAL BAR SNANG BA, DKAR 'DZIN DBANG MNGON DANG RDZAS GZHAN YIN PA'I PHYIR, RTAGS KHAS, KHA CIG, MIG SHES LA GZUGS SU SNANG BA GZUGS RANG MTSAN PA YIN ZHING, DE RGYUD KYIS BSDUS PA YIN NA ZHES ZER BA MI RIGS TE, NYE RANG LA SOGS KHYAD PAR GYI, ZHES PA'I GZHUNG DON MA GRUB PAR THAL, ,SNGON PO LA THAG RING BA NAS LTA BA'I GANG ZAG SNGON PO LA THAG NYE BA'I PHYIR, DER THAL, DE'I RGYUD KYIS BSDUS PA'I SNGON PO DE, GANG ZAG DE LA THAG NYE BA'I PHYIR, DER THAL, DE'I RGYUD KYIS BSDUS PA'I SNGON PO YOD PA'I PHYIR, DER THAL, DE'I MIG SHES LA SNGON POR SNANG BZHE SNGON PO GANG ZHIG ,DE DE'I RGYUD KYIS BSDUS PA'I PHYIR, RTAGS RNAMS KHAS, YANG NA 'DI LTAR, MIG SHES LA GZUGS SU SNANG BA DE, MIG SHES LA GZUGS SU SNANG BA MA YIN PAR THAL, MIG SHES LA GZUGS SU SNANG BA GZUGS MA YIN PA'I PHYIR, 'DOD NA, MIG SHES LA SNANG BA MA YI @063A *, ,PAR THAL, 'DOD PA'I PHYIR, 'DOD NA, DE MIG SHES LA SNANG BA LTAR MA GRUB PAR THAL LO, ,'DOD NA, MIG SHES CHOS CAN, KHYOD LA SNANG BA DE SNANG BA LTAR GRUB PAR THAL, KHYOD MA 'KHRUL BA'I RIG PA YIN PA'I PHYIR, MIG SHES KYIS GZHAL BYA DE MIG SHES KYIS MA GZHAL BAR THAL, MIG SHES KYIS GZUGS SU GZHI LA BDE, MIG SHES KYIS GZUGS SU MA GZHAL BA'I PHYIR, RTAGS KHAS, 'DOD NA, MIG SHES MNGON SUM RANG GI GZHAL BYA LA GSAR DU MI SLU BA'I RIG PA MA YIN PAR THAL LO, ,GZUGS 'DZIN DBANG PO'I MNGON SUM LA GZUGS SU SNANG BA CHOS CAN, SNGON PO'I SPYI MA YIN PAR THAL, KHYOD GZUGS 'DZIN DBANG MNGON DANG GRUB BDE RDZAS GCIG YIN PA'I PHYIR, KHYAB STE, SHES LAS THA DAD MA YIN PA, ZHES SOGS KYI LUNG DON GRUB PA'I PHYIR, RGYAL DANG DE SRAS PHYOGS GLANG GRAGS PA SOGS, MNGON SUM BYON NAS DBYANGS DANG MGRIN GCIG GIS, MNGON SUM LUNG BSTAN DBUGS DBYUNG MCHOG THOB STE, SKU BZHI'I GO 'BANG MNGON DU 'GYUR BAR SHOG, @063B BLANK PAGE