@001A *, ,BSTAN BCOS MNGON PAR RTOGS PA'I RGYAN 'GREL BA 'GREL BSHAD DANG BCAS PA'I RGYA CHER BSHAD PA BSAM 'PHEL DBANG GI RGYAL PO ZHES BYA BA BZHUGS SO,, @001B #, ,NA MO GU RU MANYDZU GHO sh'A YA, BSTAN BCOS MNGON PAR RTOGS PA'I RGYAN 'GREL PA 'GREL BSHAD DANG BCAS PA'I RGYA CHER BSHAD PA BSAM 'PHEL DBANG GI RGYAL PO ZHES BYA BA, BKA' DRIN MNYAM MED RJE BTZUN RTZA BA DANG BRGYUD PAR BCAS PA'I DPAL LDAN BLA MA DAM PA RNAMS DANG, BSLU BA MED PA'I SKYABS GNAS DKON MCHOG RIN PO CHE RNAM PA GSUM, YI DAM DKYIL 'KHOR GYI LHA TSOGS BSTAN SRUNG DAM CAN RGYA MTSO'I TSOGS DANG BCAS PA LA RTAG TU GUS PA'I YID KYIS PHYAG 'TSAL ZHING SKYABS SU MCHI'O, ,BRTZE BA CHEN POS DUS DANG GNAS SKABS THAMS CAD DU RJES SU BZUNG DU GSOL, PHAN BDE'I GTER CHEN RGYAL BA'I BSTAN PA BKA' DRIN MNYAM MED BSTAN 'DZIN SKYES BU, ,BSLU MED @002A *, ,SKYABS CHEN DKON MCHOG RNAM GSUM DON GNYIS MTHAR PHYIN STON PA SANGS RGYAS, ,RGYAL BA'I RGYAL TSAB BYAMS MGON CHOS RJE RGYAL SRAS KUN GYI GTZUG RGYAN 'JAM DBYANGS, ,SA GSUM MNGA' BDAG DPAL LDAN THOGS MED DBYIG LTAR KUN LA PHAN PA'I GNYEN MCHOG ,MTHA' GNYIS LAS GROL DBU MA'I LAM BRNYES RNAM GROL NOR BUS KUN GYI RE SKONG, ,LEGS BSHAD SNANG BAS BLO MUN SEL MDZAD STONG NYID NGA ROS RGOL NGAN SKRAG MDZAD, ,RGYAL BA'I SRAS PO SENG+GE BZANG PO RGYAL BA'I RNAM SPRUL JO BO YAB SRAS, ,LHAR BCAS 'GRO BA YONGS KYI GTZUG RGYAN CHOS KYI RGYAL PO BLO BZANG GRAGS PA, ,SRAS KYI THU BO RGYUD PAR BCAS RNAMS 'JIG RTEN MIG GYUR SPRUL PA'I LO PAn, ,THUB BSTAN KHO NA PHAN BDE @002B MA LUS 'BYUNG BA'I GTER DU LEGS PAR DGONGS NAS, ,DAM CHOS MTHA' DAG 'DZIN PA'I PHYIR DU BSTAN DANG BSTAN 'DZIN GUS PAR MCHOD CING, ,BSTAN LA GNOD BYED MI BSRUN SKYE BO SKYE RGU'I PHAN BDE 'JOMS PAR BYED RNAMS, ,MA LUS GNAS NAS SKROD PAR MDZAD PA'I SBRUL PA'I CHOS RGYAL BLON POR BCAS RNAMS, ,SKAL BZANG BDE GSHEGS STONG GI SKU GSUM MA LUS 'DZIN PA'I MCHOG TU DBANG BSKUR, ,DPAL LDAN GSANG BDAG TSANGS DANG BRGYA BYIN RNAM MANG THOS SRAS 'JIG RTEN SKYONG RNAMS, ,LEGS LDAN NAG PO CHEN PO LA SOGS NAG PO'I RTZI LAG MA LUS 'JOMS MDZAD, ,BSTAN SRUNGS DAM CAN RGYA MTSO'I TSOGS LA RTAG TU GUS PA'I YID KYI PHYAG 'TSAL LO, ,BRTEN 'BYUNG NAM MKHA'I KHYON YANGS LA, ,STONG NYID ZAB MO'I 'BRUG SGRA YIS, ,LTA NGAN BRAG RI 'JOMS MDZAD PA; ;THUB DBANG SPYAN STONG MNGA' BA RGYAL, ,YON TAN DKYIL 'KHOR YONGS RDZOGS SHING, ,MKHYEN PA'I TSA ZER SGRIB GNYIS BSREG ,THUGS RJES SRID ZHI'I TSA GDUNG SEL, ,MI PHAM 'JAM PA'I DBYANGS LA 'DUD, ,GANG GI BLO GROS MKHA' LTAR PHA MTHA' YAS, ,'PHRIN LAS BZANG POS BSTAN PA'I RGYAL MTSAN 'DZIN, ,RNAM DKAR GRAGS PAS SRID GSUM MA LUS KHYAB, ,DPAL LDAN @003A *, ,RGYAL BA'I DBANG POS RGYAL BA YI, ,DAM CHOS MA LUS 'DZIN LA RGYAL BA BZHIN, ,RGYAL BA NYID KYI RGYAL BAS GSUNGS PA'I MDOR, ,MNGON SUM LUNG BSTAN DPAL LDAN TZONG KHA PA, BZANG PO'I MGON LA RTAG TU SKYABS SU MCHI, ,RAB BRJID LANG 'TSO DAR LA BABS PA'I SKU, ,LEGS BSHAD MA LUS RGYUN CHAD MED PA'I GSUNG, ,YON TAN RIN CHEN 'DOD DGUR 'BYUNG BA'I THUGS, ,LHUN GRUB 'PHRIN LAS BZANG PO RGYAL GYUR CIG ,DGE LEGS DPAG BSAM LJON PA'I SHING, ,DPAL 'BYOR ME TOG RGYAN GYIS SPUD, ,LHAG BSAM BZANG PO'I 'BRAS BU CAN, ,'PHRIN LAS SRID ZHI'I TSA GDUNG SEL, ,YON TAN RGYA MTSO GZHAN PHAN NOR BUS GTAMS, ,DGE LEGS MA LUS 'DUN PAS GRUB PA'I DPAL, ,BZANG PO'I ZHABS SOGS SRAS DANG BCAS RNAMS LA, ,RTAG TU GUS PA'I YID KYIS PHYAG 'TSAL NAS, ,LEGS BSHAD DRI MAS SPAGS PA BSAL PHYIR DANG, ,GZHAN GYI BSKUL PHYIR RNAM BSHAD SNYING PO'I RGYAN, ,LEGS PAR 'CHAD BYED DBANG GI RGYAL PO 'DI,, DRI MED LUNG RIGS DAM PA'I MAN NGAN LAS, ,JI LTAR NUS BZHIN BDAG GIS BRTZAM PAR BYA, ` ,DE LA 'DIR GANG BSHAD PAR BYA BA'I CHOS NI, BSTAN BCOS MNGON PAR RTOGS PA'I RGYAN 'GREL @003B PA 'GREL BSHAD DANG BCAS PA YIN LA, 'DI 'CHAD PA LA GNYIS, BSHAD PA LA 'JUG PA'I YAN LAG DANG, BSHAD PA NYE BAR DGOD PA'O, ,DANG PO LA, DAL 'BYOR NGOS BZUNG BA DANG, DE DON CHE BA BSAM PA, RNYED PAR DKA' BA'I RGYU MTSAN, DES NA NGAL 'BYOR GYI RTEN LA SNYING PO JI LTAR BLANGS PA'I TSUL DANG BZHI, DANG PO NI, MI KHOM PA BRGYAD DANG BRAL BA NI NGAL BA YIN TE, YON TAN RIN PO CHE BSDUS PA LAS, KHRIMS KYIS DUD 'GRO'I 'GRO BA DU MA'I NGO BO DANG, MI KHOM BRGYAD SPONGS DE YIS DAL BA RTAG TU RNYED, ,CES GSUNGS, MI KHOM PA BRGYAD NI, BSHES SBRING LAS, LOG PAR LTA BA 'DZIN DANG DUD 'GRO NYID, ,YI DVAGS NYID DANG DMYAL BAR SKYE BA DANG,, RGYAL BA'I BKA' MED PA DANG MTHA' KHOB TU, ,KLA KLOR SKYE PA GLEN ZHING LKUGS PA NYID, TSE RING LHA NYID GANG YANG RUNG BRA? NI, ,SKYE BA ZHES BGYI MI KHOM SKYON BRGYAD PO, ,DE DAG DANG BRAL KHOM PA BRNYED NAS NI, ,SKYE BA BZLOG PA'I SLAD DU 'BAD PAR MDZOD, ,CES GSUNGS PA LTAR, DKON MCHOG GSUM MED PAR LTA BA'I LOG LTA CAN DANG, NGAN SONG GSUM, SANGS RGYAS 'BYUNG BA MED PA'I RGYAL BA'I BKA' MED PA DANG, 'KHOR RNAM BZHI MI RGYU BA'I YUL MTHA' 'KHOB DANG, GLEN LKUGS DANG, YAN LAG DANG RNA BA LA SOGS PA'I DBANG PO MA TSANG BA, LHA TSE RING PO RNAMS YIN ZHING, LHA TSE RING PO NI, BSHES SPRING 'GREL PAR, 'DU SHES MED PA DANG, GZUGS MED PA GNYIS LA BSHAD @004A *, ,CING, MI KHOM BRGYAD GTAM LAS, 'DOD PA'AM BYA BAS RTAG TU GA-YENGS PA'I 'DOD LHA LA BSHAD, 'DU SHES MED PA PA NI, BSAM GTAN BZHI PA'I 'BRAS BU CHE BA'I PHYOGS GCIG NA GRONG LAS DGON PA'I TSUL DU YOD CING, DER SKYES MA THAG DANG 'CHI BA'I TSE MA GTOGS PA SEMS SEMS BYUNG GI RGYU BA 'GAGS PA MNGON PA NAS GSUNGS, LAM BSGOM PA'I RTEN DU MI RUNG BA'I SEMS NI YOD DO, ,CI'I PHYIR MI KHOM PA ZHES BYA ZHE NA, YANG BSHES SPRING 'GREL BA LAS, GNAS BRGYAD PO DE DAG TU DGE BA BYA BA'I DAL BA MED PAS NA MI KHOM PA ZHES BYA'O, ,ZHES GSUNGS PA LTAR RO, ,'BYOR BA BCU LAS, RANG 'BYOR LNGA NI, NYAN SAR, MI NYID DBUS SKYES DBANG PO TSANG, ,LAS MTHA' MA LOG GNAS LA DAD, ,CES GSUNGS PA LTAR, MI'I 'GRO BAR SKYES PA DANG, 'KHOR RNAM BZHI RGYU BAR SKYES PA DANG, GLEN LKUGS SOGS MA YIN PA'I DBANG PO KUN TSANG BA DANG, MTSAMS MED BYAS PA'AM BYED DU BCUG PA MA YIN PA'I LAS KYI MTHA' MA LOG PA DANG, 'JIG RTEN DANG 'JIG RTEN LAS 'DAS PA'I DKAR CHOS THAMS CAD SKYE BA'I GNAS, 'DUL BA STE, SDE SNOD GSUM LA DAD PA'I GNAS LA DAD PA RNAMS SO, ,LNGA PO DE LA RANG 'BYOR ZHES BYA STE, RANG RGYUD KYIS BSDUS SHING CHOS SGRUB PA'I CHA RKYEN YIN PA'I PHYIR RO, ,GZHAN 'BYOR LNGA NI, NYAN SAR, SANGS RGYAS BYON DANG DAM CHOS STON, ,BSTAN PA GNAS @004B DANG DE RJES 'JUG ,GZHAN PHYIR SNYING NI BRTZE BA'O, ,ZHES GSUNGS PA LTAR, BYANG CHUB SNYING PO LA 'DUG STE MNGON PAR RDZOGS PAR SANGS RGYAS PA DANG, SANGS RGYAS DE'I NYAN THOS KYIS CHOS STON PA DANG, SGRUB PA'I CHOS MA NYAMS PA'I BSTAN PA GNAS PA DANG, BSTAN PA LA GDUL BYA RJES SU 'JUG PA DANG, SBYIN PA PO DANG, SBYIN BDAG GIS CHOS GOS LA SOGS PA STER BA'I GZHAN PHYIR SNYING BRTZE BA RNAMS SO, ,DE RNAMS LA GZHAN 'BYOR ZHES BYA STE, DE RNAMS GZHAN RGYUD LA YOD CING CHOS SGRUB PA'I CHA RKYEN YIN PA'I PHYIR RO, ,NYAN SA NAS BSHAD PA'I GZHAN 'BYOR BZHI NI, DA LTA MA TSANG BAR SNANG YANG, DAM PA'I CHOS STON PA DANG, CHOS BSTAN PA RNAMS GNAS PA DANG, CHOS GNAS PA RNAMS LA RJES SU 'JUG PAR BYED PA RNAMS YOD PAS RJES SU MTHUN PA TSANG DU RUNG NGO, ,ZHES GSUNGS SO, ,GNYIS PA NI, DAL 'BYOR DON CHE BA'I RGYU MTSAN YOD DE, 'DI LA BRTEN NAS BLANG DOR BYAS PAS MNGON PAR MTHO BA DANG, NGES PAR LEGS PA'I GO 'PHANG MTHA' DAG THOB PAR 'GYUR BA'I PHYIR, MNGAL 'JUG LAS, MIR SKYES NA DE LTAR SDUG BSNGAL MTHA' YAS PA DANG LDAN YANG GNAS MCHOG YIN PAS BSKAL PA BYE BAR YANG RNYED DKA'O, ,LHA DAG 'CHI BA NA YANG GZHAN DAG KHYED BDE 'GROR SKYE BAR GYUR CIG ,BDE 'GRO NI MI'O, ,ZHES GSUNGS PA LTAR, LHA RNAMS KYANG RTEN 'DI LA SMON GNAS SU BYED PA'I PHYIR RO, ,GZHAN YANG, 'PHAGS PA DPA' BOS, GANG ZHIG THOB NA 'KHOR BA YI, ,PHA @005A *, ,ROL PHYIN PA'I SA BON BSKRUN, ,BYANG CHUB DPAL GYI SA BON MCHOG ,YID BZHIN NOR BU LAS LHAG PA'I, ,YON TAN RGYUN GYI MI RNAMS NI, ,SU ZHIG 'DIR DE 'BRAS MED BYED, ,CES DANG, SPYOD 'JUG LAS KYANG, 'DI 'DRA'I NGAL BA RNYED GYUR NAS, ,BDAG GIS DGE GOMS MA BYAS NA, ,'DI LAS BSLUS PA GZHAN MED DE, ,D'I LAS RMONGS PA'ANG GZHAN MED DO, ,GAL TE BDAG GIS DE RTOGS NAS, ,RMONGS PAS PHYIS KYANG SKYID LUG NA, ,'CHI BAR 'GYUR BA'I DUS KYI TSE, ,MYA NGAN CHEN PO LDANG BAR 'GYUR, ,DMYAL ME BZOD DKAS YUN RING DU, ,BDAG GI LUS LA BSREGS GYUR NA, ,'GYOD PA MI ZAD MI 'BAR BAS, ,SEMS GDUNG 'GYUR BAR GDON MI ZA, ,SHIN TU RNYED DKA' PHAN PA'I SA, ,CI ZHIG LTAR STE RNYED GYUR NA, ,'DI NYID SHES DANG LDAN BZHIN DU, ,PHYIR YANG DMYAL BA DER KHRID NA, ,SNGAGS KYIS RMONGS PAR BYAS PA BZHIN, ,BDAG LA 'DIR SEMS MED DU ZAD, ,CIS RMONGS BDAG KYANG MA SHES TE, ,BDAG GI KHONG NA CI ZHIG YOD, ,CES GSUNGS PA LTAR RO, ,'JUG PAR, GANG TSE RANG DBANG 'JUG CING MTHUN GNAS PA, ,GAL TE 'DI DAG 'DZIN PAR MI BYED NA, ,GA-YANG SAR LHUNG BAS GZHAN DBANG 'JUG 'GYUR PA, ,DE LAS PHYIS NI GANG GIS SLONG BAR 'GYUR, ,ZHES GSUNGS, SPYOD 'JUG LAS, 'DI LA GLANG RNGAN BYIN NAS NI, ,DA NI RANG GI DON BYED CHUG ,PHAN PA @005B MED PAR 'DI LA NI, ,THAMS CAD SBYIN PAR MI BYA'O, ,ZHES DANG, MI YI GRU LA BRTEN NAS NI, ,SDUG BSNGAL CHU BO CHE LAS SGROL, ,GRU 'DI PHYIS NAS RNYED DKA' BAS, ,RMONGS PA DUS SU GNYID MA LOG ,ZHES GSUNGS PA'I PHYIR, GSUM PA NI, DE LTA BU'I DAL 'BYOR 'DI YANG SHIN TU RNYED DKA' BA'I RGYU MTSAN YOD DE, LUNG GZHI LAS, NGAN 'GRO NAS SHI 'PHOS TE DER SKYE BA NI SA CHEN PO'I RDUL DANG, DE NAS BDE 'GROR SKYE BA NI, SEN MO'I RTZE MOS BLANGS PA'I RDUL DANG 'DRA ZHING, BDE 'GRO GNYIS NAS SHI 'PHOS TE NGAN 'GROR 'GRO BA NIS CHEN PO'I RDUL DANG, DE NAS BDE 'GROR SKYE BA NI PHYAG SEN GYI RTZE MOS BZHES PA'I RDUL DANG 'DRA BAR GSUNGS PA'I PHYIR DANG, BZHI BRGYA PAR, PHAL MO CHE NA MI RNAMS NI, DAM PA MA YIN PHYOGS YONGS 'DZIN, ,DES NA SO SO SKYE BO RNAMS, ,PHAL CHER NGES PAR NGAN 'GROR 'GRO, ZHES DANG, SPYOD 'JUG LAS, BDAG GI SPYOD PA 'DI 'DRAS NI, ,MI YI LUS KYANG THOB MI 'GYUR, , MI LUS THOB PAR MA GYUR NA, ,SDIG PA 'BA' ZHIG DGE BA MED, ,GANG TSE DGE SPYAD SKAL LDAN YANG, ,DGE BA BDAG GIS MA BYAS NA, ,NGAN SONG SDUG BSNGAL KUN RMONGS PAR, ,DE TSE BDAG GI CI BYAR YOD, ,DGE BA DAG KYANG MA BYAS LA, ,SDIG PA DAG KYANG NYER BSAGS NA, ,BSKAL BA BYE BA BRGYAR YANG NI, ,BDE 'GRO'I SGRA YANG THOS MI 'GYUR, ,DE NYID PHYIR NA BCOM LDAN GYIS, ,RGYA MTSO CHER GA-YENGS GNYA' SHING GI ,BU GAR RUS SPAL MGRIN @006A *, ,CHUD LTAR, ,MI NYID SHIN TU THOB DKAR GSUNGS, ,SKAD CIG GCIG BYAS SDIG PAS KYANG, ,BSKAL BAR MNAR MED GNAS GYUR NA, ,THOG MED 'KHOR BAR BSAGS SDIG GIS, ,BDE 'GROR MI 'GRO SMOS CI DGOS, ,ZHES DANG, DE TZAM KHO NA MYONG GYUR NAS, ,DE NI RNAM THAR MI 'GYUR TE, ,'DI LTAR DE NI MYONG BZHIN DU, ,SDIG PA GZHAN DAG RAB TU SKYE, ,ZHES GSUNGS PA'I PHYIR DANG, BSHES SBRING LAS KYANG, RGYA MTSO CHER GNAS GNYA' SHING BU GA DANG, ,RUS SPAL 'PHRAD PA BAS KYANG DUD 'GRO LAS, ,MI NYID CHES THOB DKA' BAS MI DBANG GIS, ,DAM CHOS SPYAD PAS DE 'BRAS MCHIS PAR MDZOD, ,GANG ZHIG GSER SNOD RIN CHEN SPRAS PA YIS,, NGAN SKYUGS 'CHAG PAR BGYID PA DE BAS KYANG, ,GANG ZHIG MI RU SKYES NAS SDIG PA'I LAS, ,BGYID PA DE NI CHER RAB BLUN PA LAGS, ,ZHES DANG, SLOB SPRING LAS KYANG, MI'I DNGOS PO SHIN TU RNYED DKA' RNYED GYUR NAS, DON DU BRNAG PA GANG YIN DE NYID BSTUN TE SGRUB, ZHES GSUNGS PA'I PHYIR RO, ,BZHI PA NI, NGAL 'BYOR GYI RTEN LA SNYING PO LEN TSUL, BSHES GNYEN DAM PA TSUL BZHIN DU BSTEN CING, LUNG DANG MNGON PAR RTOGS PAS BSDUS PA'I DAM PA'I CHOS MTHA' DAG LA THOS BSAM SGOM GSUM TSUL BZHIN DU BYAS PA'I SGO NAS BDE BAR GSHEGS PA'I GO 'PHANGS BRNYES TE, 'PHRIN LAS RNAM PA BZHI'I SGO NAS SEMS CAN SMIN GROL LA 'GOD PA'I TSUL @006B CHOS KYI RGYAL PO SHAR TZONG KHA PA'I GSUNG RAB LAS SHES PAR BYA BA YIN LA, 'DIR NI SHES RAB KYI PHA ROL TU PHYIN PA STONG PHRAG BRGYA PA SOGS LA BRTEN NAS SNYING PO LEN TSUL PHYOGS TZAM BRJOD PAR BYA STE, MDO SDE DE NYID MDO SDE THAMS CAD KYI GTZO BO YIN PA'I PHYIR TE, LE'U NYER BRGYAD PA ME TOG BKRAM PA'I LE'U LAS, KUN DGA' BO DE LTA BAS NA SHES RAB KYI PHA ROL TU PHYIN PA 'DI CI NAS NUB PAR MI 'GYUR BAR KHYOD LA GTAD DO, ,RJES SU GTANG DO; ;YI GE TZAM DU YANG NUB PAR MI 'GYUR BAR ZUNGS SHIG ,CHONGS SHIG ,LHOGS SHIG ,KUN CHUB PAR GYIS SHIG ,RAB TU THON CIG ,YUN RING POR GNAS PAR GYIS SHIG ,KUN DGA' BO KHYOD KYIS GAL TE SHES RAB KYI PHA ROL TU PHYIN PA MA GTOGS PAR CHOS GANG NGAS MNGON SUM DU BSHAD PA'I CHOS BSHAD PA DE DAG THAMS CAD BZUNG NAS PHYIS RNAM PAR CHUD GZAN TAM GTANG NGAM BRJED PAR BYAS NA, KUN DGA' BO KHYOD DE TZAM GYIS NA NGAS NYES PAR BRTZI BAR MI 'GYUR GYIS, KUN DGA' BO YANG 'DI LTAR KHYOD KYIS SHES RAB KYI PHA ROL TU PHYIN PA BZUNG NAS TSIG GAM TSIG GI YAN LAG KYANG RUNG STE, CHUD GZAN TAM BTANG NGAM BRJED PAR BYAS NA KUN DGA' BO KHYOD KYIS DE TZAM DU NGA LA NYES BA BYAS PAR 'GYUR TE KHYOD KYIS NGA'I SEMS KYANG MGU BAR MA BYAS SO, ,KUN DGA' BO YANG KHYOD KYIS GAL TE SHES RAB KYI PHA ROL TU PHYIN PA BZUNG NAS PHYIS CHUD GZAN CING GTANG STE BRJED PAR BYAS NA, KHYOD KYIS NGA @007A *, ,LA BKUR BSTIR MA BYAS, BLA MAR MA BYES, BRJED PAR MA BYAS, MCHOD PAR MA BYAS, RI MOR MA BYAS, BSNYEN BKUR MA BYAS SO, ,KUN DGA' BO GANG DAG 'DAS PA DANG, MA 'ONGS PA DANG, DA LTAR BYUNG BA'I SANGS RGYAS BCOM LDAN 'DAS DE DAG LA'ANG KUN DGA' BO KHYOD KYIS BKUR BSTIR MA BYAS, BLA MAR MA BYAS, BRJED PAR MA BYAS, MCHOD PAR MA BYAS, RI MOR MA BYAS, BSNYEN BKUR MA BYAS PA YIN NO, ,KUN DGA' BO GAL TE KHYOD KYIS SHES RAB KYI PHA ROL TU PHYIN PA BZUNG NAS PHYIS CHUD GZAN CING BTANG STE BRJED PAR BYAS NA KUN DGA' BO KHYOD KYIS DE TZAM DU NGA LA NYES PA BYAS PAR 'GYUR TE, KHYOD KYIS NGA'I SEMS KYANG MGU BAR MA BYAS SO; ;DE CI'I PHYIR ZHE NA, KUN DGA' BO SHES RAB KYI PHA ROL TU PHYIN PA 'DI NI 'DAS PA DANG MA 'ONGS PA DANG DA LTAR BYUNG BA'I DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI YUM STE SKYED PA 'BYIN PA THAMS CAD MKHYEN PA NYID THOB PAR BYED PA YIN PAR, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS GSUNGS SO, ,ZHES DANG, SHER PHYIN YONGS SU GTAD PA'I LE'U LAS KYANG, DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO RNAMS GRANGS 'DIS KYANG, SHES RAB KYI PHA ROL TU PHYIN PA 'DI BYANG CHUB SEMS DPA' SEMS DPA' CHEN PO RNAMS KYIS @007B THAMS CAD MKHYEN PA'I YE SHES SGRUB PA YIN PAR RIG PAR BYA'O, ,KUN DGA' BO DE LTA BAS NA BYANG CHUB SEMS DPA' SEMS DPA' CHEN PO THAMS CAD MKHYEN PA'I YE SHES THOB PAR 'DOD PA DAG GIS SHES RAB KYI PHA ROL TU PHYIN PA 'DI LA SPYAD PAR BYA'O, ,SHES RAB GYI PHA ROL TU PHYIN PA 'DI MNYAN PAR BYA, BZUNG BAR BYA, BCANG BAR BYA, BKLAG PAR BYA, KUN CHUB PAR BYA, RAB TU 'DON PAR BYA, BSTAN PAR BYA, NYE BAR BSTAN PAR BYA, LUNG 'BOG PAR BYA; KHA BTON DU BYA, BRI BAR BYA, DE BZHIN GSHEGS PA'I BYIN GYIS RLABS KYIS, GLEGS BAM CHEN PO LA YI GE GSAL ZHING RAB TU GSAL BA LEGS PAR BRIS TE, ME TOG DANG, BDUG PA DANG, DRI DANG, BYUG PA DANG, PHYE MA DANG, NA BZA' DANG, GDUGS DANG, RGYAL MTSAN DANG, DRIL BU DANG, BA DAN DANG, KHOR YUG TU MAR ME'I 'PHRENG BA DANG, MCHOD PA RNAM PA MANG PO DAG GIS BKUR BSTIR BYA, BLA MAR BYA, BRJED PAR BYA, MCHOD PAR BYA, RI MOR BYA, BSNYEN BKUR BYA STE, KUN DGA' BO 'DI NI NGA'I RJES SU BSTAN PA'O, ,DE CI'I PHYIR ZHE NA, SHES RAB KYI PHA ROL TU PHYIN PA 'DI LAS THAMS CAD MKHYEN PA'I YE SHES YONGS SU RDZOGS PAR 'GYUR RO, ,KUN DGA' BO 'DI CI SNYAM DU SEMS, DE BZHIN GSHEGS PA KHYOD KYI STON PA YIN NAM, KUN DGA' BOS GSOL PA, BCOM LDAN 'DAS BDAG GI STON PA LAGS SO, ,DE SKAD CES GSOL BA DANG, BCOM LDAN 'DAS KYIS TSE DANG LDAN PA KUN DGA' BO @008A *, ,LA 'DI SKAD CES BKA' STZAL TO, ,KUN DGA' BO KHYOD KYI STON PA DE BZHIN GSHEGS PA LA KUN DGA' BO KHYOD KYIS LUS KYI LAS BYAMS PA YID DU 'ONG BA DANG, NGAG GI LAS BYAMS PA YID DU 'ONG BA DANG, YID KYI LAS BYAMS PA YID DU 'ONG BAS RIM GROR BYA STE, DE LTA BAS NA KUN DGA' BO DA LTAR BZHUGS TE 'TSO ZHING GA ZHES PA'I SKU 'DI LA YANG CI LTAR KHYOD KYIS DGA' BA DANG, DAD PA DANG, RI MOR BYAS PA BZHIN DU KUN DGA' BO DE LTAR NGA 'DAS NAS SHES RAB KYI PHA ROL TU PHYIN PA 'DI LA YANG BYOS SHIG ,KUN DGA' BO CI NAS SHES RAB KYI PHA ROL TU PHYIN PA 'DI NUB PAR MI 'GYUR ZHING CI NAS KHYOD SKYES BU THA MAR MI 'GYUR BAR KUN DGA' BO KHYOD LA LAN GNYIS LAN GSUM DU YONGS SU GTADO, ,RJESU YONGSU GTAD DO, ,KUN DGA' BO SHES RAB KYI PHA ROL TU PHYIN PA 'DI 'JIG RTEN NA CI SRID DU SPYOD PA DE SRID DU DE BZHIN GSHEGS PA BZHUGS PAR RIG PAR BYA'O, ,KUN DGA' BO DE SRID DU DE BZHIN GSHEGS PA CHOS STON PAR RIGS PAR BYA'O, ,KUN DGA' BO GANG SHES RAB KYI PHA ROL TU PHYIN PA 'DI MNYAN PA DANG, 'DZIN PA DANG, 'CHANG BA DANG, KLOG PA DANG, KUN CHUB BAR BYED PA DANG, RAB TU 'DON PA DANG, STON PA DANG, NYE BAR STON PA DANG, LUNG 'BOG PA DANG, KHA BTON BYED PA DANG, YI GER 'BRI BA DANG, ME TOG DANG, BDUG PA DANG, DRI DANG, PHRENG BA DANG, BYUG PA DANG, PHYE MA DANG, NA BZA' DANG, GDUGS @008B DANG, RGYAL MTSAN DANG, DRIL BU DANG, BA DAN DANG, KHOR YUG TU MAR ME'I 'PHRENG BA DANG, MCHOD PA RNAM PA MANG PO DAG GIS BKUR BSTIR BYED, BLA MAR BYED, BRJED PAR BYED, MCHOD PAR BYED, RI MOR BYED, BSNYEN BKUR BYED PA'I SEMS CAN DE DAG NI, SANGS RGYAS MTHONG BA DANG, DAM PA'I CHOS NYAN PA DANG, DGE 'DUN LA RIM GRO BYED PA DANG, MA BRAL BAR RIG PAR BYA'O, ,KUN DGA' BO SEMS CAN DE DAG NI DE BZHIN GSHEGS PA'I DRUNG NA SPYOD PAR RIGS PAR BYA'O, ,BCOM LDAN 'DAS DGYES SHING DE SKAD CES BKA' STZAL PA DANG, BYANG CHUB SEMS DPA' SEMS DPA' CHEN PO BYAMS PA LA SOGS PA DANG, TSE DANG LDAN PA RAB 'BYOR DANG, TSE DANG LDAN PA SHA RI'I BU DANG, TSE DANG LDAN PA KUN DGA' BO DANG, LHA RNAMS KYI DBANG PO BRGYA BYIN DANG, LHA DANG MI DANG LHA MA YIN DANG DRI ZAR BCAS PA'I 'JIG RTEN YI RANGS TE, BCOM LDAN 'DAS KYIS GSUNGS PA LA MNGON PAR BSTOD DO, ,ZHES GSUNGS PA'I PHYIR RO, ,'O NA SHER PHYIN GYI MDO LA BRTEN NAS SNYING PO JI LTAR LEN ZHE NA, LAN STON PA, GNYIS PA BSHAD PA NYID NYE BAR DGOD PA LA, DAM PA'I CHOS GSUNG BA PO'I CHE BA, DAM PA'I CHOS JI LTAR BRTZAMS PA'I TSUL, CHOS ZAB MO LA MOS PA BYAS PA'I PHAN YON, DAM PA'I CHOS LA NYAN BSHAD JI LTAR BYA BA'I TSUL, GZHUNG SO SO'I DON BSHAD PA DANG LNGA, DANG PO NI, BYAMS PA SENG GE SGRA'I MDO LAS, DE NAS BCOM LDAN 'DAS KYI PHYAG GSER GYI MDOG CAN BRKYANGS NAS, BSKAL PA BYE BA GRANGS MED @009A *, ,PAR DGE BA'I RTZA BAS YANG DAG PAR SGRUB PA'I PHYAG 'JAM PA MCHOG TU MNYEN PA KA TZA LI NA 'DI LTAR REG NA BDE BA RGYA SKYEGS KYI KHU BAS BGOS PA'I MDOG 'DRA PA BYANG CHUB SEMS DPA' SEMS DPA' CHEN PO BYAMS PA'I MGO BOR BZHAG STE BYUGS NAS 'DI SKAD CES BKA' STZAL TO, ,BYAMS PA KHYOD PHYI MA'I TSE PHYI MA'I DUS LNGA BRGYA THA MA LA DAM PA'I CHOS NUB BAR 'GYUR BA'I DUS LA BAB PA'I TSE NA DAM PA'I CHOS KUN TU BSRUNG BA DANG YUN RING DU GNAS PAR 'GYUR BA DANG YONG SU GZUNG BA DANG SANGS RGYAS DANG CHOS DANG DGE 'DUN GYI GDUNG RGYUN MI CHAD PAR BYA BA'I PHYIR SPRO BAR GYIS SHIG ,BCOM LDAN 'DAS KYIS BYANG CHUB SEMS DPA' SEMS DPA' CHEN PO BYAMS PA'I SBYI BOR PHYAG GA-YAS PA GSER GYI MDOG CAN BZHAG MA THAG TU DE NAS SKAD CIG DE NYID LA STONG GSUM GYI STONG CHEN PO'I 'JIG RTEN GYI KHAMS 'DI LAN GSUM DU RAB TU GA-YOS TE, GA-YOS RAB TU GA-YOS, KUN TU RAB TU GA-YOS, MGUL RAB TU MGUL, KUN TU RAB TU MGUL, LDEG RAB TU LDEG ,KUN TU RAB TU LDEG CING, 'JIG RTEN DU SNANG BA CHEN PO YANG BYUNG BAR 'GYUR, SA BLA BA DANG BAR SNANG LA GNAS PA DANG, 'OG MIN GYI BAR GYI LHA RNAMS KYIS KYANG THAL MO SBYAR TE, BYANG CHUB SEMS DPA' SEMS DPA' CHEN PO BYAMS PA LA 'PHAGS PA BYAMS PA KHYOD SKYE BO MANG PO LA SMAN PA DANG, SKYE BO MANG PO LA BDE BA DANG, 'JIG RTEN LA THUGS BRTZE BA DANG LHA DANG MI RNAMS KYI SKYE BO PHAL @009B PO CHE'I DON DANG SMAN PA DANG BDE BA'I SLAD DU DAM PA'I CHOS KUN TU BSRUNG BA DANG YUN RING POR GNAS PAR BGYI BA DANG, YONGS SU GZUNG BAR SPRO BAR MDZOD CIG ,CES SMRAS SO, ,DE NAS BYANG CHUB SEMS DPA' SEMS DPA' CHEN PO BYAMS PA STAN LAS LANGS TE, BLA GOS PHRAG PA GCIG TU GZAR NAS PUS MO GA-YAS PA'I LHA NGA SA LA BTZUGS TE BCOM LDAN 'DAS GA LA BA DER LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BCOM LDAN 'DAS BDAG NI SEMS CAN GCIG GI DON GYI SLAD DU YANG SLAD MA'I MTHA' MU MED PA'I BAR DU 'KHOR BA NA 'KHOR BAR YANG SPRO LAGS NA, DAM PA'I CHOS YONGS SU BZUNG BA'I SLAD DU LTA SMOS KYANG CI 'TSAL TE, BCOM LDAN 'DAS BDAG GIS DE BZHIN GSHEGS PAS BSKAL BA BYE BA GRANGS MA MCHIS PAR YANG DAG PAR SGRUB PA'I BLA NA MED PA YANG DAG PAR RDZOGS PA'I BYANG CHUB 'DI KUN TU BSRUNG BA DANG RGYAS PAR BGYI LAGS SO, ,BYANG CHUB SEMS DPA' SEMS DPA' CHEN PO BYAMS PAS PUS MO GA-YAS PA'I LHA NGA SA LA GTZUGS MA THAG TU DE NAS YANG STONG GSUM GYI STONG CHEN PO'I 'JIG RTEN GYI KHAMS 'DI RNAM PA DRUG TU RAB TU GA-YOS SO, ,DE NAS BCOM LDAN 'DAS LA BYANG CHUB SEMS DPA' SEMS DPA' CHEN PO BYAMS PAS 'DI SKAD CES GSOL TO, ,BCOM LDAN 'DAS BDAG NI SU LA YANG 'GRAN PAR MI BGYID, NGA RGYAL MI BGYID LAGS SO, ,DE CI'I SLAD DU ZHEN, BCOM @010A *, ,LDAN 'DAS 'DI LTA STE DAM PA'I CHOS YONGS SU BZUNG BA 'DI DAG NI SKYES BU DAM PA'I SUG LAS LAGS TE, BCOM LDAN 'DAS BYANG CHUB SEMS DPAS KHUR GANG 'DEG PAR BGYID PA'I KHUR DE LTA BU DE NI NYAN THOS DANG, RANG SANGS RGYAS KYIS 'DEG PAR RNGO MI THOGS PA'I SLAD DU'O, ,DE NAS BCOM LDAN 'DAS KYI BYANG CHUB SEMS DPA' SEMS DPA' CHEN PO BYAMS PA LA LEGS SO ZHES BYA BA BYIN TE, BYAMS PA LEGS SO LEGS SO, ,JI LTAR NGA'I SPYAN SNGAR KHYOD DAM PA'I CHOS YONGS SU BZUNG BA'I PHYIR SENG+GE'I SGRA 'DI LTA BU SGROG PAR BYED PA DE BZHIN DU PHYOGS BCU'I SANGS RGYAS BCOM LDAN 'DAS GANG+GA'I KLUNG GI BYE MA SNYED DAG GI SPYAN SNGA DAG NA YANG BYANG CHUB SEMS DPA' RNAMS SENG+GE'I SGRA SGROGS SHING, DAM PA'I CHOS YONGS SU 'DZIN PAR BYED DO, ,CES GSUNGS SHING, DES NA 'DI'I YON TAN CUNG ZAD BRJOD NA, RJE BTZUN GYIS DANG POR THUGS BSKYED TSUL, BAR DU TSOGS BSAGS TSUL, THA MAR SANGS RGYAS TSUL, GNAS SKABS THAMS CAD DU BYAMS PA ZHES MTSAN GSOL BA'I RGYU MTSAN DANG BZHI'O, ,DANG PO NI, MDO LAS, BYAMS PA BYANG CHUB KYI MCHOG TU SEMS BSKYED NAS BSKAL PA BRGYAD KHRI BZHI STONG NA NGAS SEMS BSKYED NAS, BYAMS PA NI DKA' BA DE TZAM MA SPYAD PAR LAM BDE ZHING 'JUG PA BDE BAR SANGS RGYAS PA YIN NO, ,ZHES GSUNGS, SANGS RGYAS GANG GI DRUNG DU @010B SEMS BSKYED NA, BSKAL BA GRANGS MED PA'I SNGA ROL DU SANGS RGYAS GSER 'OD CAN ZHES BYA BA BYON TE DE'I ZHING NA NYAN RANG GI THEG PA'I SGRA MI GRAGS PA, NYI ZLA'I 'OD LA MI LTOS SHING SANGS RGYAS NYID KYI 'OD KYIS GSAL BAR BYED DE; ;DE'I TSE BYAMS PA NI 'KHOR LOS BSGYUR BA'I RGYAL PO GSER MDOG CAN ZHES BYA BAR GYUR TE, DES SANGS RGYAS GSER 'OD 'KHOR BSAM GYI MI KHYAB PA DANG BCAS PA LA LO BYE BA PHRAG BRGYAD CU RTZA BZHI'I BAR DU BSNYEN BKUR NAS, DE'I DGE BA'I RTZA BA DE LHA RNAMS KYI DBANG PO BRGYA BYIN NAM, MI 'JED KYI BDAG PO TSANGS PA'AM, 'KHOR LOS BSGYUR BA'I RGYAL PO THOB PAR BYA BA'I PHYIR SNGO SNYAM PA NA, SANGS RGYAS KYIS DE'I BSAM PA LEGS PAR MKHYEN NAS, RGYAL PO 'KHOR DANG BCAS PA'I MDUN DU BZHUGS TE BKA' STZAL PA, RGYAL POR GYUR PA BRGYA BYIN DANG, ,DE BZHIN TSANGS PAR GYUR PA RNAMS, ,'DI DAG MI RTAG BRTAN MA YIN, ,BRTAN MA YIN TE 'JIG TSUL CAN, ,SROG CHAGS KUN LA PHAN PA'I PHYIR,, BYANG CHUB SEMS NI BSKYED PAR GYIS, ,SANGS RGYAS 'JIG RTEN 'DREN RNAMS KYIS, ,DE 'DRA'I SEMS NI BSNGAGS PA YIN, ,ZHES GSUNGS PA DANG, RGYAL POS SANGS RGYAS 'KHOR DANG BCAS PA SPYAN DRANGS TE LHA'I GOS PHUN SUM TSOGS PA GSER SRANG BYE BA RIB RNAMS PHUL TE, BLA NA MED PA'I BYANG CHUB TU SEMS BSKYED DO, ` ,GNYIS PA NI, DE NAS RGYAL POS SRAS KYI THU BO DAM PA RGYAL POR DBANG BSKUR NAS 'KHOR MANG PO DANG BCAS TE RAB TU BYUNG NAS LO BZHI KHRI TSANGS PAR@011A *, ,SPYAD DE, MNGON PAR SHES PA BSGRUBS NAS MANG DU THOS PA MTHAR PHYIN TE, BYAMS PA'I TING NGE 'DZIN BSAM MO, ,DE BZHIN DU SKYE BA THAMS CAD DU 'KHOR LOS BSGYUR BA'I RGYAL POR GYUR NAS, SANGS RGYAS KHRI MNYES PAR BYAS SO, ,GSUM PA NI, DE'I TSE RGYAL PO'I PHO BRANG ME TOG SNA TSOGS LDAN PA BYA BA NA 'KHOR LOS BSGYUR BA'I RGYAL PO DUNG ZHES BYA BA GLING BZHI LA DBANG BSGYUR BA SRAS STONG DANG LDAN PA ZHIG BYUNG STE, DE'I MDUN NA 'DON BRAM ZE TSANGS RAB ZHES BYA BA RIG BYED BZHI DANG LDAN PA 'BYUNG LA, DE'I CHUNG MA TSANGS LDAN MA ZHES BYA BA 'BYUNG BAS, BYAMS PAS DGA' LDAN GYI PHO BRANG NAS 'PHOS TE, TSANGS LDAN MA'I LHUMS SU ZLA BA BCU BZHUGS NAS BLTAMS PA'I TSE, YUM SKYED MOS TSAL ME TOG BZANG RGYAL ZHES BYA BAR GSHEGS NAS LANGS TE SHING GI YAL GA LA LAG PA GA-YAS PAS BZUNG NAS GNAS PA NA, SPRIN GSEB NAS NYI MA 'CHAR BA LTAR GLO GA-YAS NAS RTZI BAS MA'I GO BAR NAS BYON TE, BLTAMS MA THAG TU PHYOGS BZHIR GOM PA BDUN BDUN BYON NAS DE DAG TU PADMA REE'ANG BYUNG NGO, ,PHYOGS BZHIR GZIGS TE, NGA'I SKYE BA'I THA MA NI, ,'DI YIN YANG SRID YOD MA YIN, ,YANG DANG YANG DU PHYIR MI 'ONG, ,ZAG MED MYA NGAN 'DAS PAR 'GRO ,ZHES GSUNGS SO, ,BRAM ZE'I SRAS MCHOG DE YANG RIG BYED 'DON PA'I BRAM ZE STONG PHRAG BZHI DANG, BRGYAD CU BSKOR BA LA 'KHOR LOS BSGYUR BA'I RGYAL PO DUNG @011B GI GSER GYI MCHOD SDONG RIN PO CHE SNA TSOGS KYI SA BRGYAN PA, SBOMS SU 'DOM DRUG CU RTZA BZHI, SPANGS SU 'DOM STONG YOD PA GCIG PHUL BAS DE MA THAG TU BRAM ZE RNAMS KYIS SO SOR BGOS PAS, BRAM ZE'I KHYE'U GZHON NU SKYO BA SKYED PA'I TSUL BSTAN TE, BRAM ZE STONG PHRAG BZHI DANG BRGYAD CU BSKOR NAS RAB TU BYUNG BAR GYUR TO, ,DE NYID KYI NUB MO BYANG CHUB KYI KLU SHING ZHES BYA BA'I DRUNG DU, BYAMS PA ZHES BYA BA'I MTSAN DU MNGON PAR RDZOGS PAR SANGS RGYAS SO; ;RGYAL PO DRUNG GI SANGS RGYAS BYAMS PA ZHES PA'I GRAGS PA CHEN PO THOS NAS RGYAL PHRAN STONG PHRAG BZHI DANG BRGYAD CU BSKOR TE SANGS RGYAS BYAMS PA'I DRUNG DU RAB TU BYUNG NGO, ,YAB BRAM ZE TSANGS RAB KYANG GRANGS DE DANG MNYAM PAS SKOR BA DANG, KHYIM BDAG NOR BZANG YANG 'KHOR STONG DANG BCAS PA DANG, RGYAL PO'I BTZUN MO YANG BUD MED STONG PHRAG BZHI DANG BRGYAD CU BSKOR NAS RAB TU BYUNG NGO, ,DE NAS SANGS RGYAS BYAMS PAS 'KHOR DE DAG LA GZIGS NAS 'DI SKAD CES GSUNGS SO, ,SH'AKYA SENG+GE THUB BA STE, ,GTZO BO SKYOB PAR MDZAD PA PO, ,DAM PA'I CHOS DBYINGS GZIGS GYUR PA, ,'JIG RTEN MGON PO 'DI DAG KUN, ,THAR PA'I LAM NI SKYED NAS SU, ,DON GYI NGA'I BSTAN LA BTANG, ,SH'AKYA THUB PA'I BSTAN PA LA, ,GDUGS DANG RGYAL MTSAN BA DAN DANG, ,DRI DANG PHRENG BA BYUG PA DANG, ,ROL MO'I SGRA SNYAN SGRAGS PA YIS, ,SH'AKYA THUB PA MCHOD PA NI, ,NGA YI BSTAN LA LHAGS PA YIN, ,MCHOD RTEN BSNYEN @012A *, ,BKUR BYAS PA DANG, ,GSUM LA SKYABS SU SONG BA DANG, ,BSLAB PA'I GZHI RNAMS BSRUNG BA DANG, ,DGE 'DUN BSNYEN BKUR BYAS PA DANG, ,BSNYEN GNAS SRUNGS PA DE DAG KUN, ,NGA YI BSTAN LA LHAGS PA YIN, ,ZHES GSUNGS PAR 'GYUR RO, ,` BZHI PA NI, SANGS RGYAS DANG BYANG CHUB SEMS DPA'I GNAS SKABS THAMS CAD DU BYAMS PA ZHES BTAGS PA NI, SNGON 'DAS PA'I DUS NA, SANGS RGYAS RIN CHEN GDUGS ZHES BYA BA BYON TE, DE'I BSTAN PA LA DGE SLONG BLO GROS BSTAN PA ZHES BYA BA TSONG DPON LAS RAB TU BYUNG BA BSOD SNYOMS PA ZHIG YOD DE, DE YANG GRONG DANG GRONG KHYER LA SOGS PA RNAMS SU RGYU ZHING, NANG RE LA SROG CHAGS PHRAG BRGYA BRGYA BSLAB PA'I GZHI LNGA LA MA BKOD PAR ZAS MI ZA BAR DAM BCA', DE LTA BU'I YI DAM GYIS LO BRGYAD KHRI BZHI STONG GI BAR DU GNAS NAS SEMS CAN KHRAG KHRIG 'BUM PHRAG SUM CU RTZA DRUG BSLAB PA'I GZHI LNGA LA BKOD, DE NAS LO BZHI KHRI NYIS STONG DU SEMS CAN RNAMS THEG PA GSUM LA BKOD DO, ,DE NAS LO NYIS KHRI CHIG STONG DU SEMS CAN RNAMS LA BYAMS PA'I TING NGE 'DZIN BSGRUB PA'I GDAMS NGAG BSTAN TO, ,DGE SLONG DE GANG DU 'GRO BA'I TSE BYAMS PA'I TING NGE 'DZIN LA BZHUGS NAS 'GRO BAS, DE NAS SEMS CAN BYAMS PA LA MI GNAS PA THAMS CAD, DES RKANG PA SGO'I THEM PA LA BZHAG PA'I DUS SU BYAMS PA'I TING NGE @012B 'DZIN LA 'JUG PAR 'GYUR RO, ,DE NAS DGE SLONG DE'I BYAMS PA'I MTHU CHEN PO DE DAG MTHONG NAS, SA LHA'I LHA RNAMS KYIS SMRAS PA, AA LA LA BYANG CHUB SEMS DPA' 'DI NI BYAMS PAR GYUR TE, 'DI LTA BU'I TING NGE 'DZIN GYI MTHU MNGA' 'O ZHES SGRAGS SO, ,DES 'THAB BRAL NAS 'OG MIN GYI BAR DU THOS TE THAMS CAD KYANG DE LTAR RAB TU SGROG PAR 'GYUR TO, ,DE'I TSE DGE SLONG DE'I MING BYAMS PAR BTAGS PA DE LA, SANGS RGYAS RIN CHEN GDUGS YI RANGS PAR MDZAD DE, DGE SLONG BLO GROS BRTAN PA 'DI SKYE BA THAMS CAD DU BYANG CHUB SEMS DPA' BYAMS PA ZHES BYA BAR 'GYUR TE, MNGON PAR RDZOGS PAR SANGS RGYAS PA NA YANG BYAMS PA ZHES BYA BAR SANGS RGYAS PAR 'GYUR RO; ;ZHES LUNG BSTAN PA YIN NO, ,YANG DANG YANG DU GUS PAS BSTEN PA'I SKYABS, ,BYAMS PA BYAMS PAS 'GRO BA SGROL BA KHYOD, ,MYUR BA MYUR BAR BYON NAS BDAG GI NI, ,SKYE BA SKYE BAR THEG MCHOG BSHES GNYEN MDZOD, , RTAG TU BRTZE BAS LUS CAN MTHA' DAG LA, ,RGYUN MI CHAD PAR GZIGS PA KHYOD NYID KYI, ,YON TAN MKHA' LTAR PHA MTHA' MI MNGON YANG, ,CUNG ZAD BSTOD PAS KHYOD SKU MTHONG BAR SHOG ` ,GNYIS PA NI, 'JAM DPAL RTZA BA'I RGYUD LAS, THOGS MED CES BYA'I DGE SLONG NI, ,BSTAN BCOS DE NI DON LA MKHAS, ,MDO SDE DES DON DRANG BA'I DON, ,RNAM PA MANG PO RAB TU 'BYED, ,'JIG RTEN RIG PA STON BDAG NYID, ,GZHUNG 'BYED DANG TSUL @013A *, ,CAN DU 'GYUR, ,DE YI RIG PA GRUB PA NI, ,SA LA'I PHO NYA MO ZHES BRJOD, ,DE YI SNGAGS KYI MTHU YIS NI, ,BLO NI BZANG PO SKYE BAR 'GYUR, ,BSTAN PA YUN RING GNAS PA'I PHYIR, ,MDO YI DE NYID DON BSDUD BYED; ;LO NI BRGYA DANG LNGA BCUR 'TSO, ,DE LUS ZHIG NAS LHA YUL 'GRO ,'KHOR BA RNAMS SU 'KHOR PA NA, ,YUN RING BDE BA RJES MYONG NAS, ,BDAG NYID CHEN PO MTHAR GYIS TE, ,BYANG CHUB DAM PA THOB PAR 'GYUR, , ZHES LUNG BSTAN PA'I SLOB DPON 'PHAGS PA THOGS MED CES BYA BA SA GSUM PA BRNYES PA DE NYID KYIS DGA' LDAN LHA'I PHO BRANG DU BYON TE RJE BTZUN LA CHOS KYI RNAM GRANGS BSAM GYI MI KHYAB PA GSAN CING THUGS SU CHUD NAS 'DZAM BU GLING GI GDUL BYA RNAMS RJES SU BZUNG BA'I PHYIR, 'BYED RNAM PA GNYIS, RGYAN RNAM PA GNYIS, THEG PA CHEN PO BRGYUD BLA MA'I BSTAN BCOS TE, BSTAN BCOS CHEN PO RNAM PA LNGA'I SKYES KYANG GNANG ZHING, BLO GROS MI ZAD PA'I BSTAN PA'I MDO DANG, TING NGE 'DZIN RGYAL PO DANG, THEG PA CHEN PO BRGYUD BLA MA'I BSTAN BCOS DANG, MNGON PAR RTOGS PA'I RGYAN GYI RJES SU 'BRANGS NAS DBU MA PA'I LUGS KYI DRANG NGES KYI MDO'I RNAM BZHAG GTAN LA 'BEBS PAR BYED PA RGYUD BLA MA'I 'GREL CHEN MDZAD, DGONGS 'GREL DANG MDO SDE'I RGYAN, 'BYED RNAM PA GNYIS KYI RJES SU 'BRANGS NAS SEMS TZAM PA'I LUGS KYI MDO'I DRANG NGES KYI RNAM BZHAG GTAN LA 'BEBS PA LA, @013B SA SDE LNGA SDOM RNAM PA GNYIS LA SOGS PA GSUNGS SO, ,DE YANG CHOS NYID RNAM 'BYED LAS, GZUGS 'DZIN GNYIS SU SNANG BA'I GZHAN DBANG BDEN GRUB 'KHOR BA 'GRUB PA'I GZHI DANG, GZUGS 'DZIN RDZAS GZHAN GYIS STONG BA'I STONG NYID RTOGS ZIN GOMS PA LAS THAR PA THOB TSUL GTZO BOR BSTAN, DBUS MTHA' LAS, MTSAN NYID GSUM LA BDEN PAR YOD MED KYI KHYAD PAR PHYE STE, THEG PA MTHUN MONG DANG THUN MONGS MA YIN PA'I GZHI LA MA 'BRAS GSUM GYI RNAM BZHAG DE GTZO BOR BSTAN, THEG PA CHEN PO MDO SDE'I RGYAN LAS, RIGS SANG PAR BYED PA'I THABS NAS BZUNG STE, BYANG CHUB SEMS DPA' RANG NYID KYI RTOGS PA GONG NAS GONG DU 'GRO TSUL DANG, GZHAN RJES SU 'DZIN PA'I THABS GTZO BOR BSTAN TO, ,THEG PA CHEN PO BRGYUD BLA MA'I BSTAN BCOS LAS NI THEG CHEN GYI RIGS CAN DBANG PO MCHOG TU GYUR PA RNAMS LA DANG PO NYID NAS BSTAN PAR BYA ZHING, NYAN RANG GI BYANG CHUB THOB PA LA YANG NGES PAR RTOGS DGOS PA'I CHOS NYID BDEN PAS STONG PA'I STONG PA NYID YUM GSUM GYI MDO DANG, DE BZHIN GSHEGS PA'I SNYING PO'I MDO SOGS LAS GSUNGS PA DE NYID RGYAS PAR BSTAN NO, ,BSTAN BCOS MNGON PAR RTOGS PA'I RGYAN 'DIR NI, ,STONG PA NYID KYI LTA BA MTHAR THUG PA, YANG DANG YANG DU GSUNG MOD, GTAN LA DBAB BYA'I GTZO BO NI RIGS CAN GSUM GYI MNGON PAR RTOGS PA'I RIM PA NGO BO NGES PA, GRANGS @014A *, ,NGES PA, GO RIM NGES PA, GSUM GYI SGO NAS JI LTAR NYAMS SU LEN PA'I TSUL YUM GSUM GYI SBAS PA'I DON KHONG NA GNAS PA GSAL BAR STON PAR BYED DE, THEG PA CHEN PO'I RIGS CAN RNAMS KYIS KYANG, RIGS CAN GSUM GYI LAM MTHA' DAG NYAMS SU LEN DGOS PA'I PHYIR TE, RIGS CAN GSUM LA RANG RANG GI SKAL BA DANG 'TSAMS PA'I LAM BSTAN PA'I SGO NAS RJES SU 'DZIN DGOS PA'I PHYIR TE, DE LTAR DU 'OG NAS RGYAS PAR 'CHAD PA'I PHYIR, ` GSUM PA NI, RGYUD BLA MA LAS, GANG ZHIG BYANG CHUB DON DU GNYER BAS GSER ZHING NOR BUS SPRAS PA NI, ,SANGS RGYAS ZHING RDUL MNYAM PA NYIN RE CHOS RGYAL RNAMS LA RTAG PHUL LA, ,GZHAN GANG 'DI LAS TSIG TZAM THOS SHING THOS NAS KYANG NI MOS NA NI, ,SBYIN PA LAS BYUNG DGE BA DE LAS BSOD NAMS CHES MANG THOB PAR 'GYUR, ,BLO LDAN GANG ZHIG BLA MED BYANG CHUB 'DOD PAS BSKAL PA DU MAR YANG, ,LUS NGAG YID KYI 'BAD PA MED PAR TSUL KHRIMS DRI MED BSRUNG BYED LA, GZHAN GANG 'DI LAS TSIG TZAM THOS SHING THOS NAS KYANG NI MOS NA 'DI, TSUL KHRIMS LAS BYUNG DGE BA DE LAS BSOD NAMS CHES MANG THOB PAR 'GYUR, ,GANG ZHIG 'DI NA SRID PA GSUM GYI NYON MONGS ME 'JIL BSAM GTAN NI, ,LHA DANG TSANGS GNAS MTHAR SON RDZOGS PA'I BYANG CHUB 'PHO MED THABS BSGOM LA, ,GZHAN GANG 'DI LAS TSIG @014B TZAM THOS SHING THOS NAS KYANG NI MOS NA 'DI, ,BSAM GTAN LAS BYUNG DGE BA DE LAS BSOD NAMS CHES MANG THOB PAR 'GYUR, ,GANG PHYIR SBYIN PAS LONGS SPYOD DAG NI SGRUB BYED CING, ,KHRIMS KYIS MTHO RIS BSGOM PAS NYON MONGS SPONG BYED LA, ,SHES RAB NYON MONGS SHES BYA KUN SPONG DE'I PHYIR, ,'DI MCHOG NYID DE DE'I RGYU YANG 'DI THOS YIN, ,ZHES DANG, GSANG BA BSAM GYIS MI KHYAB PA'I MDO LAS, BYANG CHUB SEMS KYI BSOD NAMS GANG, ,DE LA GAL TE GZUGS MCHIS NA, ,NAM MKHA'I KHAMS NI KUN BKANG STE, ,DE NI DE BAS LHAG PAR 'GYUR, ,SEMS CAN KUN GYI BSOD NAMS KYI, ,PHUNG PO JI SNYED YONGS BZUNG BA, ,DE SNYED BYANG CHUB SEMS DPA' YI, ,BYANG CHUB SEMS LAS RAB TU BYUNG, ,BYANG CHUB SEMS KYI BSOD NAMS KYI, ,PHUNG PO JI SNYED BRJOD PA BAS, ,DAM PA'I CHOS NI YONGS 'DZIN NA, , DE BAS BSOD NAMS CHES MANG NGO, ,DAM CHOS 'DZIN PA'I BSOD NAMS NI, ,SANGS RGYAS KUN GYIS NAN TAN DU, ,BSKAL BA BYE BAR BRJOD MDZAD KYANG, ,MTHA' MAR PHYIN PAR 'GYUR MA LAGS, ,DAM PA'I CHOS NI 'DZIN PA DANG, ,BYANG CHUB SEMS KYI BSOD NAMS DES, ,STONG PA NYID LA MOS PA YI, ,BCU DRUG CHAR YANG MI RIGS LAGS, ,STONG PA NYID LA 'DIR MOS NAS, ,BYANG CHUB SEMS KYANG MI STONG DANG, ,NGAM @015A *, ,PA'I CHOS NI 'DZIN BGYID PA, ,DE NI BSOD NAMS BSDUD PA LAGS, ,ZHES DANG, MDO KUN NAS BTUS PA LAS, CHOS ZAB MO LA MOS PAS BSOD NAMS THAMS CAD BSDUD PA YIN TE, SANGS RGYAS MA GRUB KYI BAR DU 'JIG RTEN PA DANG, 'JIG RTEN LAS 'DAS PA'I PHUN SUM TSOGS PA THAMS CAD 'GRUB PA 'GYUR TE, KHYE'U RIN PO CHES SBYIN PA'I MDO LAS, 'BYUNG BA 'JAM DPAL BYANG CHUB SEMS DPA' THABS LA MKHAS PA DANG BRAL BAS BSKAL PA BRGYA STONG DU PHA ROL TU PHYIN PA DRUG LA SPYAD PA BAS, GANG GIS CHOS KYI RNAM GRANGS 'DI THE TSOM DANG BCAS LA NYAN PA 'DI BSOD NAMS DE BAS CHES MANG DU BSKYED NA GANG THE TSOM MED PAR NYAN PA LTA CI SMOS, GANG YI GER BRIS NAS LUNG 'BOG PA DANG, 'CHANG BA DANG, GZHAN DAG LA YANG RGYA CHER RAB TU STON PA LTA CI SMOS, ZHES DANG, RDO RJE GCOD PA LAS KYANG BCOM LDAN 'DAS KYIS BKA' STZAL TE; RAB 'BYOR KHYOD LA BSGO'O, ,KHYOD KYIS KHONG DU CHUD PAR BYA'O, ,GANG+G'A'I KLUNG DE DAG GI BYE MA JI SNYED PA DE SNYED KYI 'JIG RTEN GYI KHAMS SKYES PA'AM BUD MED LA LA RIN PO CHE SNA BDUN GYIS RAB TU BKANG STE DE BZHIN GSHEGS PA LA SBYIN PA BYIN NA, SKYES PA'AM BUD MED DE GZHI DE LAS BSOD NAMS MANG DU BSKYED DAM, RAB 'BYOR GYIS GSOL PA, BCOM LDAN 'DAS MANG LAGS SO, ,BDE BAR GSHEGS PA MANG LAGS @015B SO; ;BCOM LDAN 'DAS KYIS BKA' STZAL PA, ,GANG GIS CHOS KYI RNAM GRANGS 'DI LAS THA NA TSIG BZHI PA'I TSIGS SU BCAD PA TZAM BZUNG STE, GZHAN DAG LA YANG BSTAN NA DE BAS BSOD NAMS CHES MANG DU BSKYED DO; ;ZHES DANG, DE BZHIN GSHEGS PA'I MDZOD KYI MDO LAS, MI DGE BCU'I CHEN PO RNAm PA GRANGS NAS DE DAG DANG LDAN PAS BDAG MED PA'I CHOS LA 'JUG CING CHOS NYID GDOD MA NAS DAG PAR DAD PA DANG MOS PA'I SEMS CAN DE DAG NGAN SONG DU MI 'GRO'O, ,ZHES DANG, BDUD 'DUL BA'I LE'U LAS, DGE SLONG GANG GIS CHOS THAMS CAD SHIN TU DUL BAR SHES SHING NYES PA RNAMS KYI THOG MA'I MTHA' YANG RANG BZHIN GYI DBEN PAR SHES TE, NYES PA LAS BYUNG BA'I 'GYOD PA SEL ZHING BRTAN POR MI BYED PAS MTSAMS MED PA YANG GNON NA CHO GA DANG TSUL KHRIMS LA LOG PAR ZHUGS PA PHRAN TSEGS LTA CI SMOS, ZHES DANG, MA SKYES DGRA'I 'GYOD PA BSAL BA'I MDO LAS KYANG, MTSAMS MED BYAS PAS DAM PA'I CHOS 'DI THOS NAS 'JUG CING MOS NA DE'I LAS DE LAS KYI SGRIB PA YIN ZHES NGA MI SMRA'O, ,ZHES GSUNGS SO, ,` BZHI PA LA, DAM PA'I CHOS NYAN PA'I TSUL, BSHAD PA'I TSUL, MJUG TU MTHUN MONG DU BYA BA'I TSUL DANG GSUM, DANG PO LA CHOS THOS PA'I PHAN YON BSAMS PA, CHOS DANG CHOS SMRA BA LA RIM GRO SKYED TSUL, NYAN TSUL DNGOS DANG GSUM, DANG PO NI, THOS PA'I TSOMS LA@016A *, ,THOS PAS CHOS RNAMS SHES PAR 'GYUR, ,THOS PAS SDIG LAS ZLOG PAR BYED, ,THOS PAS DON MA YIN PA SPONG, ,THOS PAS MYA NGAN 'DAS PA 'THOB, ,CES DANG, JI LTAR KHYIM NI LEGS GA-YOGS PA, ,MUN PAS KHEBS PA'I NANG ZHUGS NA, ,GZUGS RNAMS YOD PAR GYUR KYANG NI, ,MIG SNGAN BZHIN DU MI MTHONG BA, ,DE BZHIN 'DI NA RIGS SKYES PA'I, ,MI NI BLO GROS LDAN GYUR KYANG, ,SDIG PA DANG NI DGE BA'I CHOS, ,MA THOS BAR DU SHES MI 'GYUR, ,MIG LDAN MAR ME YOD PA YIS, ,GZUGS RNAMS MTHONG BA JI LTA BAR, ,DE BZHIN DGE DANG SDIG PA'I CHOS, ,THOS PAS RNAM PAR SHES PAR 'GYUR, ,ZHES DANG, SKYES RAB LAS KYANG, GANG ZHIG THOS PAS YID NI DAD GYUR NAS, ,LEGS PAR DGA' LA BSTAN PA NYID DU 'GYUR, ,SHES RAB SKYE ZHING GTI MUG MED PAR 'GYUR, ,RANG GI SHES KYANG DE NI NYO BA'I RIGS, ,THOS PA GTI MUG MUN SEL SGRON ME YIN, ,RKUN PO LA SOGS MI 'KHYER NOR GYI MCHOG ,KUN TU RMONGS PA'I DGRA 'JOMS MTSON CHA YIN, ,THAB TSUL MAN NGAG STON PA GROGS KYI MCHOG ,'PHONGS PAR GYUR KYANG MI 'GYUR 'DZA' BO YIN; ;GNOD PA MED PA MYA NGAN NAD KYI SMAN, ,NYES PA CHEN PO'I DPUNG 'JOMS DPUNG GI MCHOG ,GRAGS DANG DPAL DANG GTER GYI MCHOG KYANG YIN, ,YA RAB RNAMS DANG PHRAD NA SKYES KYI MCHOG ,TSOGS KYI @016B NANG NA MKHAS PA MGU BAR 'GYUR, ,ZHES DANG, THOS PA'I RJES 'JUG SGRUB PA SNYING POR BYED, ,SKYE BA'I RDZONG LAS TSOGS CHUNG THAR BAR 'GYUR, ,ZHES (GSUNG) PA'I THOS PA'I PHAN YON RNAMS LA SNYING THAG PA NAS MOS PA BSKYED DO; ;GZHAN YANG SANGS RGYAS 'BYUNG BA RGYA LAM NA YIN CING DE'I CHOS KYANG DE DANG 'DRA BAS DKON PA'I DON GYIS RIN PO CHE'I 'DU SHES DANG, 'PHRAL 'PHRAL DU LHAN CIG SKYES PA'I SHES RAB JE CHER BSKYED PAS MIG GI 'DU SHES DANG, ,SHES RAB KYI MIG BYIN PA DES JI LTA BA DANG JI SNYED PA RNAMS MTHONG BAR 'GYUR BAS SNANG BA'I 'DU SHES DANG, MTHAR MYA NGAN LAS 'DAS PA DANG BYANG CHUB CHEN PO'I 'BRAS BU STER BAS PHAN YON CHE BA'I 'DU SHES DANG, ,DA LTA NAS KYANG DE GNYIS KYI RGYU ZHI GNAS DANG LHAG MTHONG GI BDE BA THOB PAR BYED PAS KHA NA MA THO PA MED PA'I 'DU SHES DANG LNGAS NYAN DGOS PAR BYANG SA LAS GSUNGS PA LTAR SEMS PA NI THOS PA'I PHAN YON SEMS PA'O, ,GNYIS PA NI, SA'I SNYING PO'I MDO LAS, GCIG TU DAD CING GUS PAS CHOS NYAN GYI, DE LA 'PHYA SHING BSKUR BAR MI BYA'O, ,CHOS SMRA BA LA MCHOD PA BYA BA NI, ,SANGS RGYAS 'DRA BAR DE LA 'DU SHES SKYED, , CES GSUNGS PA LTAR SANGS RGYAS DANG 'DRA BAR LTAS LA SENG+GE'I KHRI LA SOGS PA'I BKUR STI DANG, RNYED PAS MCHOD DE MA GUS BA SPANGS SHING, ,BYANGS LAS KUN NAS NYON MONGS PA MED PA DANG, CHOS SMRA BA LA GNAS LNGAR @017A *, ,YID LA MI BYA BAR GSUNGS PA LTAR NYAN TE KHENGS PA DANG BRAL PA NI DUS SU NYAN PA DANG, BKUR STI BYED PA DANG, SRI ZHU BYED PA DANG, MI KHRO BA DANG, RJES SU SGRUB PA DANG, KLAN KHA MI 'TSOL BA DRUG GIS NYAN PA'O; ;KHYAD GSOD KYI NYON MONGS PA DANG BRAL BA NI, ,CHOS DANG CHOS SMRA PA LA GUS PA DANG, ,DE GNYIS LA KHYAD DU MI BSOD PA'O, ,GNAS LNGAR YID LA MI BYA BA NI, TSUL KHRIMS NYAMS PA DANG, RIGS DMA' BA DANG, BYAD NGAN PA DANG, TSIG 'BRU NGAN PA DANG, TSIG RTZUB CING MI SNYAN PAR SMRA BAS 'DI LAS MI NYAN NO MNYAM PAR DOR BA'O, ,SKYES PA'I RABS LAS KYANG, RAB TU DMA' BA'I STAN LA 'DUG ,DUL BA'I DPAL NI RNAM PAR SKYED, , DGA' DANG LDAN PA'I MIG GIS BLTA, ,TSIG GI BDUD RTZI 'THUNG BA BZHIN, ,GUS PA BSKYED CING RTZE CIG BSTUD, ,RAB TU DVANG LA DRI MED YID, ,NAD PAS SMAN PA'I TSIG NYAN BZHIN, ,RIM GRO BSKYED DE CHOS NYON CIG , CES GSUNGS PA LTAR RO, ,GSUM PA NYAN TSUL DNGOS LA GNYIS, ,SNOD KYI SKYON GSUM SPANG PA DANG, ,'DU SHES DRUG BSTEN PA GNYIS, ,DANG PO NI, SNOD KHA PHUB PA DANG, KHA GYEN DU GZED KYANG MI GTZANG BA DANG, , GTZANG DU ZIN KYANG ZHABS RDOL NA DER LHAS CHAR PHAB KYANG NANG DU MI 'GRO BA DANG, SONG YANG MI GTZANG PA'I SPAGS PAS BZUNG BA LA SOGS PA'I DGOS PA MI 'GRUB PA DANG ,MI GTZANG BAS MA BSLAD KYANG NANG DU MI @017B GNAS PAR ZAGS NAS 'GRO BA'O, ,DE BZHIN DU CHOS 'CHAD PA'I GRAR BSDAD DU ZIN KYANG RNA BA LEGS PAR MI GTOD PA DANG, GTAD DU ZIN KYANG LOG PAR GZUNG BA'Am KUN SLONG SKYON CHAGS PA LA SOGS PA DANG, SKYON DE DAG MED KYANG NYAN PA'I DUS SU GZUNG BA'I TSIG DANG DON RNAMS BRTAN PAR MA BYAS PAR BRJED PA LA SOGS PAS NYAMS PAR GYUR NA CHOS THOS PA DGOS PA CHEN POR MI 'GYUR BAS, DE DAG DANG BRAL BA DGOS TE, DE GSUM GYI GNYEN POR, MDO LAS, LEGS PAR RAB TU NYON LA YID LA ZUNGS SHIG ,CES TSIG GSUm GSUNGS PA YIN NO, ,DE YANG BYANG SA NAS, KUN SHES PAR 'DOD PA DANG, RTZE CIG PA DANG, RNA BLAGS PA DANG, YID GTUD PA DANG, SEMS THAMS CAD KYIS BSAM NAS NYAN PAR GSUNGS PA LTAR RO, ,GNYIS PA, 'DU SHES DRUG BSTEN PA LA, DRUG LAS, DANG PO, RANG LA NAD PA LTA BU'I 'DU SHES BZHAG PA NI, SPYOD 'JUG LAS, THA MAL NAD KYIS BTAB PA YANG, ,SMAN PA'I NGAG BZHIN BYA DGOS NA, ,'DOD CHAGS LA SOGS NYES BRGYA YI, NAD KYIS RTAG BTAB SMOS CI DGOS, ,ZHES GSUNGS PA LTAR, RGYUN RING BA GSO DKA' BA, SDUG BSNGAL DRAG PO BSKYED PAS NAD, CHAGS SOGS NYON MONGS PAS DUS RTAG TU NA BA YIN PAS DE LA DER NGO SHES PAR BYA DGOS TE, KA MA BA'I ZHAL NAS, DON LA MIN NA DE LTAR BSGOM PA PHYIN CI LOG TU 'GRO STE DUG GSUM GYI GCONG NAD CHEN POS THEBS NAS @018A *, ,NAD TSAB SHIN TU CHE BA LA 'O SKOL GYIS NA BAR YE MA SHES GSUNGS, GNYIS PA, CHOS SMRA BA LA SMAN PA LTA BU'I 'DU SHES BZHAG PA NI, DPER NA RLUNG MKHRIS LA SOGS PA'I NAD TSABS PO CHES BTAB PA NA SMAN PA MKHAS PA'I TSOL, DE DANG PHRAD PA NA DGA' BA CHEN PO SKYES, CI ZER NYAN, GUS PAS BSNYEN BKUR PA LTAR, CHOS STON PA'I BSHES GNYEN YANG DE LTAR 'TSOL BA DANG, RNYED NAS KHUR DU MI 'GRO BAR RGYAN DU 'DZIN TE CI GSUNG SGRUB CING GUS PAS BSNYEN BKUR BAR BYED PA STE, BSDUD PA LAS, DE LTA BAS NA BYANG CHUB DAM PA 'TSOL BA YI, BSAM PA DRAG LDAN MKHAS PAS NGA RGYAL NGES BCOM STE, NAD PA'I TSOGS KYIS GSO PHYIR SMAN PA BSTEN PA LTAR, GA-YEL BA MED PAR DGE BA'I BSHES GNYEN BSTEN PAR BYA, ZHES GSUNGS PA'I PHYIR RO, ,GSUM PA, RJES SU BSTAN PA LA SMAN GYI 'DU SHES BSKYED PA NI, NAD PAS SMAN PA'I SBYAR BA'I SMAN LA CES SPRAS CHEN PO BYED PA LTAR CHOS SMRA BAS GSUNGS PA'I GDAMS NGAG DANG ,RJES SU BSTAN PA LA GAL PO CHER MTHONG NAS 'BAD PA DU MAS GA CES SPRAS SU 'DZIN ZHING BRJED PA LA SOGS PA'I SGO NAS CHUD 'DZA' BAR MI BYED PA'O, ,BZHI PA, NAN TAN NYAMS SU BLANGS PA LA NAD 'TSO BA'I 'DU SHES BSKYED PAR BYA BA NI, NAD PAS SMAN PA'I SBYAR @018B PA'I SMAN MA 'THUNGS NA NAD ZHI MI NUS PAR MTHONG NAS 'THUNG BA LTAR CHOS SMRA BAS BSTAN PA'I GDAMS PA NYAMS SU MA BLANGS NA CHAGS SOGS GZHOM MI NUS PAR MTHONG NAS NAN TAN GYIS NYAMS SU LEN PAR BYED KYI, NYAMS LEN MED PAR RNAM GRANGS MANG PO GSOG PA'I TSIG LHUR MI LEN PA'O, ,DE YANG MDZE CAN LAGS PA DANG RKANG PA CHAD PA LA SMAN THUN RE RE GNYIS GNYIS BSTEN PAS CIR YANG MI 'GYUR BA LTAR, 'O SKOL THOG MA MED PA NAS NYON MONGS PA'I NAD GZHI TSABS CHEN GYIS THEBS PA LA GDAMS NGAG GI DON LAN RE RE GNYIS GNYIS TZAM NYAMS SU BLANGS PAS MI CHOG PAS LAM GYI CHA THAMS CAD RDZOGS PA LA SO SOR RTOGS PA'I SHES RAB KYIS SPYAD CING CHU BO'I RGYUN BZHIN DU 'BAD 'TSAL TE, SLOB DPON CHEN PO TZANDRA GO MI'I BSHAGS BSTOD LAS, DER YANG RGYUN DU SEMS NI RNAM RMONGS LA, ,YUN RING DUS SU NAD ZHI BRTAN BYED CING, , MDZE CAN RKANG PA LAG PA CHAD PA LA, ,THENG 'GA' SMAN BSTEN PA YIS CI PHYIR 'CHI, ,ZHES GSUNGS PA LTAR RO, ,DE LTAR NA RANG LA NAD PA LTA BU'I 'DU SHES BZHAG PA SHIN TU GAL CHE STE, DE YOD NA GZHAN RNAMS KYANG 'BYUNG LA, DE TSIG TZAM DU SONG NA NYON MONGS PA BSAL PA'I PHYIR DU DAM PA'I DON MI SGRUB PAR NYAN PA TZAM ZHIG TU 'GYUR BAS, SMAN PA BTZAL NAS SMAN MI 'THUNG BAR SMAN SBYOR BA KHO NA LHUR BLANGS KYANG NAD PA NAD LAS @019A *, ,MI THAR BA DANG 'DRA STE, TING NGE 'DZIN RGYAL PO LAS, MI DAG NA ZHING LUS NI SDUG BSNGAL TE, ,LO GRANGS MANG PO RES 'GA' MA THAR BA, ,DE NI YUN RINGS NAD KYIS NYON MONGS PAS, ,NAD RNAMS GSO BA'I PHYIR YANG SMAN PA BTZAL, ,YANG DANG YANG DU DE YIS BTZAL BA YI, ,SMAN PA MKHAS SHING RIG PA DE RNYED DE, ,DES KYANG SNYING RJE NYE BAR BZHAG NAS NI, ,SMAN 'DI BTANG BAR GYIS ZHES BYIN PA DANG, ,SMAN MANG BZANG ZHING 'PHANGS PA DE BLANGS NAS, ,NA BA 'TSO BAR 'GYUR BA'I SMAN MI BTUNG, ,SMAN PAS MA LEN SMAN GYIS MA NYES TE, ,NAD PA DE NYID KYIS NI NYES PA YIN, ,DE BZHIN BSTAN PA 'DI LA RAB BYUNG STE, STOBS DANG BSAM GTAN DBANG PO KUN RIG NAS, ,SGOM PA LA NI MNGON PAR BRTZON MI BYED, ,RIGS PAR MI BRTZON GA LA MYA NGAN 'DA', ,ZHES DANG, NGAS NI RAB TU BZANG PO'I CHOS BSHAD KYANG, ,KHYOD KYIS THOS NAS YANG DAG MA SPYAD NA, ,NAD PA SMAN GYI RGYAL PA THOGS PA DAG ,BDAG GI NAD NI GSO BAR MI NUS BZHIN, ,ZHES DANG, SPYOD 'JUG LAS KYANG, LUS KYI 'DI DAG SPYAD PAR BYA, ,TSIG TZAM BRJOD PAS CI ZHIG 'GRUB, ,SMAN DPYAD KLAGS BA TZAM GYIS NI, ,NAD PA DAG LA PHAN 'GYUR RAM, ,ZHES GSUNGS PA'I PHYIR RO, ,DES NA NAN TAN LA NI NAD SEL BA'I 'DU SHES BSKYED PAR BYA'O, ,ZHES GSUNGS PA'I NAN @019B TAN NI, BSHES GNYEN GYIS GDAMS PA'I BLANG DOR GYI GNAS RNAMS LA LAG LEN DU BYED PA STE, DE YANG BYED PA LA SHES DGOS SHING, DE LA THOS DGOS PA DANG, THOS NAS SHES PAR BYA BA'I DGOS PA YANG BYED PA YIN PAS THOS PA'I DON LA NUS PA DANG BSTUN PA'I LAG LEN RE GNAD DU CHE'O, ,DE LTAR YANG THOS PA'I TSOMS LAS, ,GAL TE THOS PA MANG GYUR KYANG, ,TSUL KHRIMS LEGS PAR MI SDOM NA, ,DE NI TSUL KHRIMS PHYIR SMAD CING, ,DE YI THOS BA PHUN TSOGS MIN, ,GAL TE THOS PA NYUNG GYUR KYANG, ,TSUL KHRIMS LEGS PAR SDOM BYED NA, ,DE NI TSUL KHRIMS PHYIR BSDAGS SHING, ,DE YI THOS PA PHUN SUM 'GYUR, ,GANG ZHIG THOS PA MYUNG BA DANG, ,TSUL KHRIMS LEGS PAR MI SDOM PA, ,DE NI GNYIS GA'I PHYIR SMAD CING, ,DE YI BRTUL BZHUGS PHUN TSOGS MIN, ,GANG ZHIG MANG DU THOS PA DANG, ,TSUL KHRIMS LEGS PAR SDOM BYED PA, ,DE NI GNYIS KA'I PHYIR BSDAGS SHING, ,DE YI BRTUL BZHUGS PHUN TSOGS 'GYUR, ,ZHES DANG, LEGS GSUNG THOS PA SNYING POR SHES PA DANG, ,TING NGE 'DZIN DAG SNYING POR SHES GYUR KYANG, ,GANG ZHIG BAG MED BRLANG POR BYED PA DE'I, , THOS DANG SHES PA DON CHEN MI 'GYUR RO, ,GANG ZHIG 'PHAGS PAS BSTAN PA'I CHOS 'GA' ZHIG ,DE BZHIN LUS DANG NGAG GIS SPYOD BYED PA, ,DE DAG BZOD LDAN GROGS 'GA' DBANG PO SDOM, ,THOS DANG SHES PA'I @020A *, ,PHA ROL PHYIN PA 'THOB, ,CES GSUNGS SO, ,DE LTAR MIN NA 'CHI BA'I TSE SGRUB PA MA BYAS PA LA 'GYOD PA SKYE BA DANG, ZLOS GAR MKHAN GYI LAD MO BYED PA DANG, ,BU RAM DON DU GNYER BA'I BUR SHING GI SHUN PA TZAM ZA BA DANG 'DRA STE, LHAG BSAM SKUL BA LAS, BDAG NI BSGRUB NYAMS DA NI CI BYA ZHES, ,'CHI BA'I DUS TSE BYIS PA MYANG NGAN BYED, ,GTING RNYED MA GYUR SHIN TU SDUG BSNGAL 'GYUR, ,SMRA LA DGA' BA'I NYES PA 'DI DAG GO ,CES DANG ,GAR LA LTA BA'I KHROD NA 'DUG PA ZHIG ,DPA' BO GZHAN GYI YON TAN BRJOD PA BZHIN, ,BDAG NYID NAN TAN NYAMS PAR 'GYUR BA STE, ,SMRA LA DGA' BA'I NYES PA 'DI DAG GO ,ZHES DANG, BU RAM SHING SHUN SNYING PO CI YANG MED, ,DGA' BAR BYA BA'I RO NI NANG NA 'DUG ,SHUN PA ZOS PA'I MIS NI BU RAM RO, ,ZHIM PO RNYED PAR NUS PA MA YIN NO, ,JI LTAR SHUN PA DE LTAR SMRA BA STE, , RO LTA BU NI 'DI LA DON SEMS YIN, ,DE LTA BAS NA SMRA LA DGA' SPONGS TE, ,RTAG TU BAG YOD BYOS LA DON SOMS SHIG ,CES GSUNGS SO, ` LNGA PA DE BZHIN GSHEGS PA LA SKYES BU DAM PA'I 'DU SHES BZHAG PA NI; CHOS GSUNG PA PO BCOM LDAN 'DAS RJES SU DRAN NAS GUS PA BSKYED PA'O, ,DRUG PA CHOS KYI TSUL LA RING DU GNAS PA'I 'DU SHES BSKYED PA NI, CHOS 'DI LTA BU MNYAN PA LA BRTEN NAS RGYAL BA'I BSTAN PA 'JIG @020B RTEN NA RING DU GNAS NA CI MA RUNG SNYAM DU SEMS PA'O, ,GZHAN YANG CHOS 'CHAD PA 'AM NYAN PA NA RANG GI RGYUD LOGS SU BZHAG ,CHOS LOGS SU BSHAD PA DES CI BSHAD KYANG GNAD DU MI 'GRO BAS, ,RANG GI RGYUD GTAN LA DBAB PA'I CHED DU NYAN PA GCIG DGOS SO, ,DPER NA BYAD BZHIN GYI NAG NOG LA SOGS PA'I DRI MA YOD MED RTOGS PAR 'DOD NA ME LONG LA BLTAS NAS SHES PAR BYAS TE DRI MA SEL PA LTAR, RANG GI SPYOD PA SKYON CHAGS PA RNAMS KYANG CHOS MNYAN PA NA CHOS KYI ME LONG DU 'CHAR LA, ,DE'I TSE BDAG GI RGYUD 'DI LTA BUR SONG NGO, ,ZHES YID LA GDUNG BA SKYES TE, DE NAS SKYON SEL ZHING YON TAN BSGRUB PA LA 'JUG PAS CHOS KYI RJES SU SLOB PA GCIG DGOS TE, SKYES RAB LAS, BDAG GI SPYOD PAR NA BA'I GZUGS, ,CHOS KYI ME LONG GSAL MTHONG NA, ,YID LA GDUNG BA RAB SKYES TE, ,BDAG NI CHOS LA PHYOGS PAR 'GYUR, ,ZHES SU 'I BUS RGYAL SRAS ZLA BA LA CHOS STON PA'I PHYIR ZHUS PA NA, BYANG CHUB SEMS DPAS DE'I BSAM PA CHOS MNYAN PA'I SNOD DU GYUR PAR MKHYEN NAS CHOS GSUNGS PA LTAR RO, ,MDOR NA, BDAG GIS SEMS CAN THAMS CAD KYI DON DU SANGS RGYAS THOB PAR BYA, DE THOB PA LA DE'I RGYU LA BSLAB DGOS, DE LA CHOS THOS PA DGOS PAR SNANG BAS, ,CHOS NYAN PAR BYA'O SNYAM DU BYANG CHUB KYI SEMS BSKYED, ,THOS PA'I LAN YON DRAN@021A *, ,PAR BYAS TE SPRO SING BA BYAS NAS SNOD KYI SKYON SPONG BA SOGS BYAS TE MNYAN NO, ,GNYIS PA 'CHAD PA'I TSUL LA CHOS BSHAD PA'I PHAN YON BSAMS PA, STON PA DANG CHOS LA RIM GRO SKYED PA, , BSAM SBYOR JI LTA BUS BSHAD PA, YUL GANG LA BSHAD PA DANG, MI BSHAD PA'I KHYAD PAR DANG BZHI, DANG PO NI, MDZOD LAS, CHOS SBYIN NYON MONGS CAN MIN PAS, ,MDO SOGS YANG DAG JI BZHIN STON, ,ZHES DANG, DE'I RANG 'GREL LAS, DE'I PHYIR GANG DAG CHOS LOG PAR 'CHAD PAR BYED PA DANG, SEMS NYON MONGS PA CAN RNYED PA DANG BKUR STI DANG GRAGS PA 'DOD PAS 'CHAD PA DE DAG NI BDAG NYID KYI BSOD NAMS CHEN PO NYAMS PAR BYED PA YIN NO, ,ZHES GSUNGS PAS CHOS STON PA'I KUN SLONG DAG PA SHIN TU GAL CHE LA, BSNYEN BKUR DANG GRAGS PA LA SOGS PA'I ZANG ZING LA MI LTA BAR CHOS STON PA NI SHIN TU PHAN YON CHE STE, LHAG BSAM BSKUL BA LAS, BYAMS PA NYI SHU PO 'DI NI ZANG ZING MED PA'I CHOS KYI SBYIN PA RNYED PA DANG BKUR STI MI 'DOD PAR CHOS KYI SBYIN PA BYIN PA GANG YIN PA DE'I PHAN YON YIN TE, NYI SHU GANG ZHE NA 'DI LTA STE, DRAN PA DANG LDAN PAR 'GYUR BA DANG, ,BLO GROS DANG LDAN PAR 'GYUR BA DANG, ,BLO DANG LDAN PAR 'GYUR BA DANG, ,MOS PA DANG LDAN PAR 'GYUR PA DANG, ,SHES RAB DANG LDAN PAR 'GYUR BA DANG, ,'JIG RTEN @021B LAS 'DAS PA'I SHES RAB RJES SU RTOGS PAR 'GYUR BA DANG, 'DOD CHAGS CHUNG BAR 'GYUR BA DANG, ,ZHES SDANG CHUNG BAR 'GYUR BA DANG, ,GTI MUG CHUNG BAR 'GYUR BA DANG, ,BDUD KYIS DE LA GLAGS MI RNYED BAR 'GYUR BA DANG, SANGS RGYAS BCOM LDAN 'DAS RNAMS KYIS DGONGS PAR 'GYUR BA DANG, MI MA YIN PA RNAMS DE LA BSRUNG PAR 'GYUR BA DANG, LHA RNAMS DE LA GZI BYIN SKYED PAR 'GYUR BA DANG, MI 'DZA' BA RNAMS KYIS DE LA GLAGS RNYED PAR MI 'GYUR BA DANG, DE 'DZA' SHES RNAMS MI BYED PAR 'GYUR BA DANG, ,TSIG BTZUN PAR 'GYUR BA DANG, ,DES MI 'JIGS PA THOB PAR 'GYUR BA DANG, ,YID BDE BA MNGON PAR 'GYUR BA DANG, ,MKHAS PAS BA SNGAGS PAR 'GYUR BA DANG, ,DE'I CHOS KYI SBYIN PA DE YANG RJES SU DRAN PAR BYA BAR 'OS PAR 'GYUR BA STE, ZHES DANG, DRAG SHUL CAN GYI MDO LAS KYANG, ,KHYIM PAS ZANG ZING DPAG TU MED PA BYIN PA BAS, ,RAB TU BYUNG BAS CHOS TSIGS SU BCAD PA GCIG TZAM BYIN PA BSOD NAMS LHAG PAR GSUNGS PAS SOGS MDO SDE DU MAR GSUNGS PA'I PHAN YON LA SNYING THAG PA NAS MOS PA SKYED DO, ,GNYIS PA NI, RGYAL BA'I YUM GSUNG PA NA STON PA NYID KYIS GDAN BSHAMS PA SOGS MDZAD PA LTAR, CHOS NI SANGS RGYAS RNAMS KYIS KYANG BSKUR BA'I ZHING YIN PAS CHOS DANG STON PA'I YON TAN DANG, BKA' DRIN DRAN TE GUS PA BSKYED PAR BYA'O, ,GSUM PA LA, BSAM PA JI LTA BUS @022A *, ,BSHAD PA DANG, SBYOR BA JI LTA BUS BSHAD PA GNYIS, ,DANG PO NI, BLO GROS RGYA MTSOS ZHUS PA LAS GSUNGS PA'I 'DU SHES LNGA BZHAG STE, RANG LA SMAN PA DANG, CHOS LA SMAN DANG, CHOS NYAN PA LA NAD PA DANG, DE BZHIN GSHEGS PA LA SKYES BU DAM PA DANG, CHOS KYI TSUL LA RING DU GNAS PA'I BDU SHES SKYED PA DANG, 'KHOR LA BYAMS PA SGOM, GZHAN MTHO BAR DOGS PA'I PHRAG DOG DANG PHYI SHOL BYED PA'I LE LO DANG, YANG YANG 'CHAD PAS DAL BA'I SKYO BA DANG, BDAG NYID SGROGS SHING GZHAN GYI SKYON GLENG BA DANG, CHOS LA DPE 'KHYUD BYED PA DANG, ZAS GOS LA SOGS PA'I ZANG ZING LA LTA BA SPANGS TE, RANG DANG GZHAN SANGS RGYAS THOB PA'I PHYIR DU BSTAN PA'I BSOD NAMS DE NYID BDAG GI BDE BA'I YO BYAD DO SNYAM DU BSAM PA'O, ,GNYIS PA NI, KHRUS BYAS SHING GTZANG SBRA DANG LDAN PAS GOS GTZANG MA BGOS TE; GTZANG ZHING YID DU 'ONG BA'I SA PHYOGS SU CHOS KYI KHRI DANG STAN LA 'KHOD NAS, BDUD TSAR BCAD PA'I SNGAGS KHA TON DU STON NA DE'I 'KHOR YUG DPAG TSANG BRGYA TSUN DU BDUD DANG BDUD KYI RIGS KYI LHA RNAMS MI 'ONG LA, 'ONG YANG BAR CHAD BYA BAR MI NUS PAR BLO GROS RGYA MTSOS ZHUS PA LAS GSUNGS PAS SNGAGS DE 'DON LA, BZHIN GYI MDANGS RAB TU GSAL BA'I DON NGES PA'I YAN LAG DPE DANG, GTAN TSIGS @022B DANG; LUNG DANG LDAN PAR BSHAD DE, DAM CHOS PADMA DKAR PO LAS, ,MKHAS TE RTAG TU PHRAG DOG MED PAR NI, ,SNA TSOGS DON LDAN SNYAN PA'I GTAM YANG STON, ,LE LO DAG KYANG RNAM PAR RAB SPANGS NAS, ,SKYO BO SNYAM PA'I 'DU SHES SKYED MI BYA, ,MKHAS PAS MI DGA' THAMS CAD RNAM PAR SPANGS, ,BYAMS PA'I STOBS NI 'KHOR LA BSGOM PAR BYA, ,NYIN MTSAN DU YANG CHOS MCHOG RAB TU BSGOM, ,MKHAS PA DE NI BYE BA KHRAG KHRIG DPES, ,'KHOR RNAMS 'GU ZHING DE BZHIN DGA' BAR BYED, ,DE LA NAM YANG 'DOD PA CUNG ZAD MED, ,ZAS DANG SKOM DANG BZA' DANG BCA' BA DANG, ,GOS DANG MAL CHA CHOS GOS RNAMS DANG NI, ,NA BA'I GSOS SMAN DAG KYANG MI BSAM STE, ,'KHOR RNAMS LA NI CI YANG MI BSLANG NGO, ,GZHAN DU MKHAS PA RTAG TU BDAG NYID DANG, ,SEMS CAN 'DI DAG SANGS RGYAS 'GRUB PAR SHOG ,PHAN PHYIR 'JIG RTEN CHOS GANG BSTAN PA DE,, BDAG GI BDE BA'I YO BYAD KUN SNYAM SEMS, ,ZHES GSUNGS SO, ,BZHI PA NI, 'DUL BA'I MDO LAS, MA GSOL BAR MI BYA'O, ,ZHES GSUNGS PA LTAR GSOL BA MA BTAB PAR MI BSHAD CING, GSOL BA BTAB PA LA YANG SNOD BRTAGS PA DANG, SNOD DU SHES NA MA GSOL BAR YANG BSHAD DU RUNG BA NI, TING NGE 'DZIN RGYAL PO LAS, CHOS KYI SBYIN PA'I CHED KYI PHYIR, GAL TE KHYOD LA GSOL 'DEBS NA, RAB RGYAS BDAG GIS MA BSLABS @023A *, ,ZHES, THOG MAR TSIG DE BRJOD PAR BYA, ,KHYONG NI SHES SHING MKHAS YIN NA, ,BDAG NYID CHEN PO'I MDUN DU NI, ,BDAG GIS JI LTAR BSHAD NUS ZHES, ,KHYOD KYIS DE SKAD BRJOD PAR BYA,, 'PHRAL DU BRJOD PAR MI BYA YI, ,SNOD LA BRTAGS PA BYAS NAS BYA, ,GAL TE SNOD NI SHES GYUR NA, ,GSOL MA BTAB KYANG BSHAD PAR BYA, ,ZHES GSUNGS SO, ` GSUM PA MJUG TU MTHUN MONG DU BYA BA'I TSUL NI, DE LTAR BSHAD PA DANG MNYAN PA LAS BYUNG BA'I DGE RTZA RNAMS GNAS SKABS DANG MTHAR THUG GI SMON GNAS SU 'DUN PA DRAG POS BSNGO BAR BYA'O, ,DE LTA BU'I TSUL GYIS CHOS BSHAD CING NYAN NA THUN RE TZAM LA YANG JI SKAD GSUNGS PA'I PHAN YON RNAMS GDON MI ZA BAR 'BYUNG LA CHOS NYAN BSHAD GNAD DU SONG BA LA BRTEN NAS CHOS DANG CHOS SMRA BA LA MA GUS PA LA SOGS PA'I LAS KYI SGRIB PA SNGAR BSAGS PA THAMS CAD DAG CING GSAR DU GSOG PA RNAMS KYANG 'PHRO CHAD PA DANG, 'CHAD PA DANG NYAN PA'I TSUL GNAD DU SONG BAS BSHAD PA'I GDAMS NGAG GIS KYANG RGYUD LA PHAN THOGS PAR 'GYUR BAR GZIGS NAS, SPYIR NA DAM PA SNGA MA THAMS CAD DE LA NAN TAN MDZAD CING, KHYAD PAR DU GDAMS NGAG 'DI'I BLA MA GONG MA RNAMS NAN TAN SHIN TU CHE BAR MDZAD DO, ,DE NI GDAMS PA CHEN @023B POR SNANG STE, ,'DI LA DES PA MA RNYED CING BLO SNA MA 'GYUR BAS CHOS ZAB LA RGYA CHE BA JI TZAM BSHAD KYANG LHA BDUD DU BABS PA LTAR GYUR NAS CHOS DE NYID NYON MONGS PA'I GROGS SU 'GRO BAR CHES MANG BAR SNANG NGO; ;DE BAS NA CHOS GCIG NAS MCHUGS NA BCO LNGA'I BAR ZHES ZER BA LTAR YIN PAS, NYAN PA DANG BSHAD PA LAM DU STONG TSUL 'DI LA BLO DANG LDAN PA RNAMS KYIS 'BAD NAS 'CHAD PA DANG NYAN PA BYUNG RES KYIS SNGAR BSHAD PA RNAMS YONGS SU RDZOGS PA MA GRUB NA 'ANG MA MTHA' RE DANG LDAN PAR BYA DGOS TE, GDAMS PA STON PA'I SNGON 'GRO'I CHO GA NI 'DI YIN PA'I PHYIR RO, ,ZHES RGYAS PAR GSUNGS SO, ` LNGA PA LA SHER PHYOGS KYI MNGO'I DNGOS BSTAN STONG NYID KYI RIM PA GTZO BOR GTAN LA 'BEBS PA'I BSTAN BCOS DANG, SBAS DON MNGON RTOGS KYI RIM PA GTZO BOR GTAN LA 'BEBS PA'I BSTAN BCOS GNYIS, DANG PO LA STONG PA NYID LUNG GI GTZO BOR GTAN LA 'BEBS PA MDO KUN LAS BTUS PA RIG PAS GTZO BOR GTAN LA 'BEBS PA DBU MA RIGS PA'I TSOGS DRUG GO, GNYIS PA NI, BSTAN BCOS MNGON PAR RTOGS PA'I RGYAN 'GREL PA DON GSAL DANG BCAS PA 'DI NYID YIN LA, ,'DI 'CHAD PA LA MTSAN GYI DON, GZHUNG GI DON, 'JUG GI DON DANG GSUM, GNYIS PA LA GSUM, BSHAD PA LA 'JUG PA'I YAN LAG, BSHAD PA NYE BAR 'GOD PA, BSHAD @024A *, ,PA THAR PHYIN PA'I TSUL LO, ,DANG PO LA GSUM, MCHOD PAR BRJOD CING BSHAD PAR DAM BCA' BA, 'GREL PA RTZOM RIGS PAR SGRUB PA, KHENGS SKYUNG SHING RTZOM PAR SPRO BA SKYE BA'I RGYU MTSAN NO, , GNYIS PA LA GSUM, PHYI'I RKYEN DGE BA'I BSHES GNYEN GYI MAN NGAG DANG LDAN PA, NANG GI RKYEN BSTAN BCOS KYI DON RTOGS PA'I SHES RAB DANG LDAN PAR BSTAN PA, DES NA 'GREL BA RTZOM RIGS PAR BSTAN PA, DANG PO LA BZHI, THOGS MED KYIS RNAM BSHAD MDZAD TSUL DBYIG GNYEN GYIS RNAM PAR DKROL TSUL, 'PHAGS PAS RNAM PAR PHYE BA'I TSUL, BTZUN PAS RNAM BSHAD MDZAD TSUL, ,DANG PO LA KHO NA RE, SHER PHYIN LA PHYAG 'TSAL BA'I SGO NAS 'GREL PA DON GSAL RTZOM PAR DAM BCA' BA NI MI RIGS TE, BLA MA SNGA MA RNAMS KYI MAN NGAG DANG MI LDAN PA'I PHYIR, ZHE NA, DE NI RIGS PA MIN TE THOGS MED SKU MCHED LA SOGS PA'I MAN NGAG KHYAD PAR CAN DANG LDAN PA'I PHYIR, THOGS MED KYIS MDZAD PA'I MAN NGAG GANG ZHE NA, 'GRO LA CHAGS PAS KUN CHAGS MDZAD, CES SOGS GSUNGS, 'PHAGS PA THOGS MED CHOS CAN, SHER PHYIN GYI MDO'I RNAM BSHAD MDZAD DE, SEMS TZAM PA RNAMS KYI NGO BOR DE'I DGONGS PA SEMS TZAM DU 'GREL BAR MDZAD PA'I DE NYID RNAM NGES MDZAD PA'I PHYIR, MDO'I RNAM BSHAD RTZOM PAR NUS PA'I RGYU MTSAN YOD DE, RJE BTZUN LA MDO DANG, @024B BYAMS PA'I CHOS LNGA LA SOGS PA RDZOGS PAR GSAN ZHING THUGS SU CHUD PA'I MKHAS MCHOG YIN PA'I PHYIR, YON TAN KHYAD PAR CAN DANG LDAN TE, SA GSUM PA'I BSAM SBYOR THAMS CAD BRNYES PA'I PHYIR, YUM GYI DGONGS PA SEMS TZAM DU BKRAL MI RIGS PAR THAL, YUM GYI DGONGS PA DBU MAR GNAS PA'I PHYIR SNYAM NA, KHYAB PA MED DE, LANG KAR BSHEGS PA'I MDO LAS, GANG ZHIG GZHAN LA BSHAD PA DE, ,GZHAN LA BSTAN PAR MI BYA STE, ,JI LTAR NAD PA SO SO LA, ,SMAN PAS SMAN NI GTONG BA LTAR, ,SANGS RGYAS DE BZHIN SEMS CAN LA, ,SEMS TZAM DU NI RAB TU BSGRAGS, ,ZHES GSUNGS, 'DI'I BSHAD BYA'I MDO NI GANG, ,TSUL JI LTAR DU 'CHAD CE NA, SPYIR NGES DON GYI GSUNGS RAB MTHA' DAG 'DI'I BSHAD BYA'I MDO YIN TE, STONG NYID RTOGS PA'I SBAS DON MNGON RTOGS KYI RIM PA MTHA' DAG 'DI DAG GIS BSHAD PAR BYA BA YIN PA'I PHYIR, GTZO BO NI, 'BUM, NYI KHRI, KHRI BRGYAD STONG PA, SHES RAB KHRI PA, BRGYAD STONG PA, SHER PHYIN BDUN BRGYA PA, LNGA BRGYA PA, GSUM BRGYA PA, TSUL BRGYA LNGA BCU PA, LNGA BCU PA, SGO NYER LNGA PA, RAB STZAL RNAM GNON GYIS ZHUS PA, KO'U SHI KA, YE GE GCIG PA, YI GE NYUNG DU, SHER SNYING, NYI MA'I SNYING PO, ZLA BA'I SNYING PO, KUN TU BZANG PO, LAG NA RDO RJE, RDO RJE RGYAL MTSAN RNAMS YIN ZHING, RTZA 'GREL SBYAR BA'I @025A *, ,MDO NI, YUM GSUM, KHRI BRGYAD STONG PA, MDO SDUD PA RNAMS YIN LA, DE RNAMS KYI NANG NAS KYANG, YUM GSUM NI GTAN LA DBAB BYA'I GTZO BO MTHAR THUG PA YIN TE, KUN GYI RGYAN DU GYUR PA NI, ,RNAM PAR DBYE PHYIR GUS PHYAG 'TSAL, ,ZHES DANG, LA LA LAS DON GZHAN LAS TSIG, GZHAN LAS RNAM GRANGS MING GI NI, ,MKHAS PA RNAMS KYIS YUM KUN LA'ANG, , DON BSDUS DE TZAM SHES PAR BYA, ,ZHES GSUNGS PA'I PHYIR, DE YANG BSHAD THABS KYI YAN LAG LNGA'I SGO NAS 'CHAD DGOS TE, RNAM BSHAD RIGS PAR, MDO DON SMRA BA DAG GIS NI, DGOS PA BSDUS PA'I DON BCAS DANG, ,TSIG DON BCAS DANG 'TSAMS SBYAR BCAS, ,BRGAL LAN BCAS PAR BSNYAD PAR BYA, ,ZHES DANG, MDO DON CHE BA NYID THOS NAS, ,NYAN PA DANG NI 'DZIN PA LA, ,NYAN PA PO DE GUS BYED PAS, ,THOG MAR DGOS PA BRJOD PAR BYA, ,DE SGRUB DE NI BSDUS DON LAS, ,BSDUS PA'I DON NI TSIG DON LAS, ,GO RIM RIGS PA SNGA PHYI DAG ,MI 'GAL BA NI GNYIS LAS SO, ,ZHES GSUNGS, 'GAL PA DANG LAN CIG TU SDUD PA'I RGYU MTSAN YOD DE, 'GAL BA BYUNG NA LAN GDAB DGOS SO ZHES RTOGS PA'I CHED YIN PA'I PHYIR TE, DE NYID LAS, 'GAL BA DANG LAN @025B CIG TU BYAS PA NI, 'GAL BA'I LAN 'DAB PA'I PHYIR RO, ,ZHES GSUNGS ,'O NA, BSHAD THABS YAN LAG LNGA PO GANG ZHE NA, RNAM PA THAMS CAD MKHYEN NYID LAM, ,ZHES SOGS KYI DGOS DON, SHES RAB PHA ROL PHYIN PA NI, ,ZHES SOGS DANG, MTSAN NYID DE YI SBYOR BA DANG, ,ZHES SOGS DANG, YUL NI RNAM PA GSUM PO RGYU, ,ZHES SOGS KYIS BSDUS PA'I DON BSTAN LA, SEMS BSKYED PA NI GZHAN DON PHYIR, ,ZHES SOGS KYIS TSIGS DON BSTAN ZHING, CHOS KYI DBYINGS LA DBYER MED PHYIR, ,ZHES SOGS DANG, DNGOS PO BRJOD DU MED PA LA, ,ZHES SOGS KYIS 'GAL BA DNGOS SU BSTAN PA'I CHOS KYI BYE BRAG GIS, ZHES SOGS DANG, BYANG CHUB JI LTA DE BZHIN DU, ,ZHES SOGS KYIS LAN DNGOS SU BSTAN LA, RGYAN GYIS MDO 'CHAD PA'I MTSAMS SBYAR NI SHUGS LA BSTAN TO, ,'GREL PAS RTZA BA 'CHANG TSUL MCHOD BRJOD KYI DAG LA MTSON NA; 'PHAGS PA BYAMS PA ZHES SOGS KYIS MTSAMS SBYAR, TSIGS SU BCAD PA 'DIS NI 'DI'I, ZHES SOGS KYI BSDUS DON, DE THOS NAS RE ZHIG ZHES SOGS KYIS DGOS DON, DE LA THAMS CAD MKHYEN PA NYID GSUM GYIS NI, ZHES SOGS KYIS BRGAL LAN, NYAN THOS DANG DE'I PHYOGS SU BSLAN PA ZHES SOGS KYIS TSIGS DON BSTAN NO, ,GNYIS PA BSHAD PA NYE BAR 'GOD PA LA MCHOD PAR BRJOD PA, RGYAS PA L @026A *, ,DAD PA'I GANG ZAG LA PHYE STE BSHAD PA, BSDUS DON GZHAN BSHAD PA DANG GSUM, DANG PO LA MTSAMS SBYAR, RTZA BA, 'GREL PA DANG GSUM LAS, DANG PO NI, ` 'PHAGS PA BYAMS PA RANG NYID DAM PA'I SPYOD PA, ZHES SOGS KYI SKABS SU, RANG GI LUGS BZHAG PA DANG DE LA RTZOD PA SPANGS PA GNYIS, DANG PO NI, RJE BTZUN GYIS BSTAN BCOS RTZOM PA'I THOG MAR YUM LA BSTOD PHYAG MDZAD PA CHOS CAN DGOS PA YOD DE, RJE BTZUN RANG NYID SKYES BU DAM PA'I SPYOD PA DANG MTHUN PAR RTOGS PA, RANG GZHAN GYI BSOD NAMS 'PHEL BA, DE LA BRTEN NAS 'DOD DON THAMS CAD BDE BLAG TU 'GRUB PA, GDUL BYA GZHAN DAG YUM LA DVANG BA SKYE BA, ,SKYABS SU 'GRO BA NYID BSTAN PA RIN PO CHE LA 'JUG PA'I SGO DAM PAR RTOGS PA'I CHED YIN PA'I PHYIR, DANG PO GRUB STE, ,SKYES BU DAM PA RNAMS NI BYA BA KHYAD PAR CAN LA 'JUG PA'I THOG MAR YUL KHYAD PAR CAN LA BSTOD PHYAG MDZAD PA'I PHYIR, GNYIS PA GRUB STE, DE LTAR DU NGES PA DANG, MA NGES PA LA 'JUG PA PHYAG RGYA'I MDO LAS GSUNGS SHING, SH'AKYA BLOS KYANG KHYAD PAR DU 'PHAGS PA'I LHA LA BSTOD PAS BSOD NAMS 'PHEL BA ZHES SOGS DANG, TSIG GSAL LAS KYANG, GANG GIS YUL KHYAD PAR CAN LA PHYAG 'TSAL BA NI @026B BSOD NAMS RGYA CHEN PO RGYUD LA SKYED PA, ZHES GSUNGS PA'I PHYIR, GSUM PA GRUB STE, RGYA CHE ROL PA'I MDO LAS, BSOD NAMS RNAM SMIN BDE STER SDUG BSNGAL THAMS CAD SEL, BSOD NAMS LDAN PA'I MI YI BSAM PA RNAMS KYANG 'GRUB, BDUD BCOM NAS NI BYANG CHUB MYUR DU REG PAR 'GYUR, MYA NGAN LAS 'DAS ZHIB BSIL BA'I DNGOS PO THOB, CES GSUNGS PA'I PHYIR DANG, CHED DU BRJOD PA'I TSOMS LAS, ,BSOD NAMS LDAN PA'I MI DAG LA, ,LHA 'AM BDUD KYI RIS DAG GIS, ,BAR CHAD BYA BAR MI NUS SO, ,ZHES GSUNGS PA'I PHYIR, BZHI PA GRUB STE, DAD PA LA BRTEN NAS DANG BA, , DE LA BRTEN NAS DON GNYER GYI 'DUN PA, DE LA BRTEN NAS LEGS MCHOG RNAM MKHYEN THOB PAR 'GYUR BA'I PHYIR, LNGA PA GRUB STE, DE LTAR DU JO PO YAB SRAS LA SOGS PAS GSUNGS PA'I PHYIR, GNYIS PA NI; MCHOD BRJOD KYI NGAG 'DI RANG DON GYI DGOS PA LA SBYAR NAS BSHAD PA MI 'THAD DE, RJE BTZUN LA RANG DON DON GNYER GYI BLO MED PA'I PHYIR, ZHES ZER BA MI 'THAD DE, GDUL BYA THUN MONG PA RJES SU BZUNG BA'I PHYIR DU DE LTAR GSUNGS PA'I PHYIR TE, GDUL BYA THUN MONG PA'I NGO BOR RJE BTZUN LA RANG DON DON GNYER GYI BLO YOD PA'I PHYIR TE, DE'I NGO BOR RJE BTZUN SA BCU PA LA GNAS PA'I BYANG SEMS YIN @027A *, ,PA'I PHYIR TE, DE'I NGO BOR RJE BTZUN YANG DAG PAR RDZOGS PA'I SANGS RGYAS MA YIN PA'I PHYIR TE, DE'I NGO BOR RJE BTZUN YANG DAG PAR RDZOGS PA'I SANGS RGYAS YIN NA GDUL BYA THUN MONG DANG THUN MONG MA YIN PA'I SKABS MA PHYE PAR 'GYUR BA'I PHYIR, DE'I NGO BOR DE SA BCU PA LA GNAS PA YIN YANG, DE'I NGO BOR DE LA RANG DON DON GNYER GYI BLO MED DO ZHE NA, 'O NA SA BCU PA LA GNAS PA'I BYANG CHUB SEMS DPA' DES RANG DON YONGS SU RDZOGS PA LA CHOS SKU DGOS PAR MA MTHONG BAR THAL, GDUL BYA THUN MONG BA'I NGO BOR RJE BTZUN SA BCU PA LA GNAS PA'I BYANG SEMS YIN YANG, DE'I NGO BOR RJE BTZUN LA RANG DON DON GNYER GYI BLO MED PA'I PHYIR, KHYAB STE, RANG DON CHOS SKU DON DU GNYER NA RANG DON DON DU GNYER DGOS PA'I PHYIR TE, RANG DON CHOS SKU NI RANG DON DANG, GZHAN DON GZUGS SKU NI GZHAN DON YIN PA'I PHYIR TE, SANGS RGYAS KYI SKU LA RANG DON GYI SKU DANG GZHAN DON GYI SKU GNYIS SU PHYE PA LA DGOS PA YOD PA'I PHYIR TE, RANG DON GZHAN DON DON DAM SKU DANG NI, ,ZHES SOGS GSUNGS PA'I PHYIR, RTZA BAR 'DOD NA, DE'I THUGS RGYUD LA RANG DON DU ZHI BA RKYANG PA TZAM GYIS CHOG PAR 'DZIN PA DE MA LOG PAR THAL, 'DOD PA'I PHYIR, 'DOD NA, DE'I @027B THUGS RGYUD LA THEG PA CHEN PO'I SEMS BSKYED MTSAN NYID YONGS SU RDZOGS PA MED PAR THAL, 'DOD PA'I PHYIR, KHO NA RE, THUN MONGS DANG THUN MONGS MA YIN PA DE NYID GDUL BYA'I DBANG DU BYED PA MI 'THAD PAR THAL THUN MONGS BA NI PHAR PHYIN THEG PA DANG, THUN MONGS MA YIN PA NI RDO RJE THEG PA LA BYED RIGS PA GANG ZHIG, PHAR PHYIN THEG PA'I LUGS LA RJE BTZUN BYANG CHUB SEMS DPA' YIN LA, RDO RJE THEG PA'I LUGS LA RJE BTZUN YANG DAG PAR RDZOGS PA'I SANGS RGYAS YIN PA'I PHYIR TE, DE LTAR DU MDO DANG RGYUD SDE LAS BSHAD PA'I PHYIR, ZHES NA, THUN MONGS DANG THUN MONGS MA YIN PA NI GDUL BYA LA BYED PAR RIGS PA'I PHYIR TE, SNGAGS RIM CHEN MO LAS, SANGS RGYAS KYANG SANGS RGYAS PA'I MDZAD PA GDUL BYA RNAMS LA THUN MONGS DU MI STON PA MI 'GAL BA'I PHYIR TE, ZHING 'DIR STON PA'I 'KHOR DU BYON PA'I BYAMS PA LA SOGS PA BZHIN NO, ,ZHES DANG, DE LTAR YID CHES LUNG DANG RIGS PA LA, ,BRTEN NAS 'DI DAG 'BA' ZHIG DAG PHYIR DANG, ,GANG DAG MOS DGE PHUN SUM TSOGS LDAN BLO; ;DE DAG RJES SU BZUNG PHYIR 'DI BSHAD DO, ,ZHES PA'I tI KA KAR, GDUL BYA THUN MONG BA 'GA' ZHIG KYANG RJES SU BZUNG BA'I PHYIR DU DE LTAR GSUNGS PAS NGES PA'I DON DU NI MIN TE BCOM @028A *, ,LDAN 'DAS BYAMS PA NYID CHOS KYI SKUR MNGON PAR RDZOGS PAR SANGS RGYAS ZIN PA'I PHYIR RO, ,ZHES RGYAL TSAB DAM PAS GSUNGS PA'I PHYIR, GZHAN YANG, PHAR PHYIN THEG PA'I LUGS LA RJE BTZUN YANG DAG PAR RDZOGS PA'I SANGS RGYAS YIN TE, LHA'I BU DAM PA TOG DKAR PO NYID YANG DAG PAR RDZOGS PA'I SANGS RGYAS YIN PA GANG ZHIG, RGYU MTSAN MTSUNGS PA'I PHYIR, DANG PO GRUB STE, DES STONG PA NYID LA GNYIS SNANG NUB PA'I CHOS SKU LAS MA GA-YOS PAR MDZAD PA BCU GNYIS KYI TSUL BSTAN PA'I PHYIR TE, RGYUD BLA MA LAS, THUGS RJE CHEN POS 'JIG RTEN MKHYEN, ,'JIG RTEN KUN LA GZIGS NAS SU, ,CHOS KYI SKU LAS MA GA-YOS PAR, ,SPRUL PA'I RANG BZHIN SNA TSOGS KYIS, ,SKYE BA MNGON PAR SKYE BA DANG, DGA' LDAN GNAS NAS 'PHO BA DANG, ,ZHES DGA' LDAN DU SKYES PA SOGS SANGS RGYAS ZIN PA'I MDZAD PAR GSUNGS LA, RTOG GE 'BAR BAR MDO DRANGS PA LAS KYANG, ,RDZOGS SANGS RGYAS RNAMS 'OG MIN GYI, ,PHO BRANG RGYAS PA SDIG PA KUN, ,RNAM SPANGS DER NI SANGS RGYAS ZHING, ,SPRUL PA DAG NI 'DIR SANGS RGYAS, ,ZHES GSUNGS PA LTAR RO, ,ZHES SNGAGS RIM LAS, PHAR PHYIN THEG PA'I LUGS SU GSUNGS PA'I PHYIR, ,GZHAN YANG, RJE BTZUN @028B YANG DAG PAR RDZOGS PA'I SANGS RGYAS YIN TE, PHAR PHYIN THEG PA'I LUGS KYI BYANG CHUB SEMS DPA' RNAMS NI DANG POR 'OG MIN STUG PO BKOD PAR LONGS SKU'I TSUL GYIS SANGS RGYAS ZIN PA'I RJES SU; 'DOD PA KHAMS SU SPRUL SKU'I SANGS RGYA TSUL STON PAR MDZAD PA'I PHYIR TE, LANG KAR BSHEGS PA LAS, GTZANG MA'I GNAS LNGA SPANGS PA YI, ,'OG MIN GNAS NI NYAMS DGA' BAR, ,YANG DAG RDZOGS SANGS DER SANGS RGYA, ,SPRUL PA DAG NI 'DIR SANGS RGYA, ,ZHES GSUNGS PA'I PHYIR DANG, 'JUG PA'I RANG 'GREL LAS, THUGS BSKYED SA BCU PA BRNYES PAS RANG NYID SANGS RGYAS PA'I CHOS BRNYES NUS PAR MKHYEN NAS DUS PHYIS SANGS RGYAS KYI SA LA 'BAD PA RTZAMS PAR 'GYUR LA GANG GI DON DU 'BAD PA 'DI BRTZAMS PAS BLA NA MED PA'I YE SHES DE YANG BCOM LDAN 'DAS KYI DANG POR 'OG MIN GYI GNAS KHO NA BRNYES SO, ,ZHES GSUNGS TE, 'DI'I KHUNGS MANG NGO ZHES SNGAGS RIM LAS 'BYUNG BA'I PHYIR, GZHAN YANG RJE BTZUN SNGAGS KYI THEG PA'I LUGS LA SANGS RGYAS YIN LA, PHAR PHYIN THEG PA'I LUGS LA SANGS RGYAS MA YIN PA'I KHYAD PAR MI 'THAD DE, DE GNYIS KYI LUGS KYI YANG DAG PAR RDZOGS PA'I SANGS RGYAS LA MCHOG DMAN GYI KHYAD PAR CUNG ZAD KYANG MI 'THAD PA'I PHYIR TE, GNYIS @029A *, ,KA YANG SKYON KUN ZAD DANG, ,YON TAN KUN LDAN YIN PA'I PHYIR TE, DE GNYIS KYI THOB BYA MTHAR THUG DON GCIG MING GI RNAM GRANGS YIN PA'I PHYIR TE, TSUL GSUM SGRON ME LAS, , DON GCIG NA YANG MA RMONGS DANG, ,ZHES PA'I DON SNGAGS DANG PHAR PHYIN GNYIS THOB BYA'I DON GCIG TU GSUNGS PA LTAR RIGS PA'I PHYIR, KHO NA RE, PHAR PHYIN GYI THEG PA DANG, RDO RJE THEG PA GNYIS KYI SANGS RGYAS THOB BYED KYI RGYU LA DMAN MCHOG GI RIM PA MED PAR THAL, THOB BYA YANG DAG PAR RDZOGS PA'I SANGS RGYAS LA DMAN MCHOG GI RIM PA MED PA'I PHYIR, SNYAM NA MA KHYAB STE, LAM GNYIS KYI SGROD PA LA ,GRANGS MED LA MA LTOS PAR SANGS RGYAS BAR NUS MI NUS KYI MCHOG DMAN BYUNG YANG, 'BRAS BU BZANG NGAN DU BYED PA'I RGYU RU MA SONG BAS RGYU'I KHYAD PAR DON MED DU SGRUB MI NUS TE, 'BRAS BU LA BZANG NGAN MA BYUNG YANG, 'BRAS BU LA DE NYID NYE RING GI KHYAD PAR CHEN PO BYUNG BA'I PHYIR, ZHES SNGAGS RIM LAS GSUNGS PA'I PHYIR, DES NA PHAR PHYIN THEGS PA'I LUGS LA; BLA MED KYI YANG DAG PAR RDZOGS PA'I SANGS RGYAS RNAMS SANGS RGYAS YIN PAR THAL, BLA MED KYI THEG PA'I LUGS LA YANG PHAR PHYIN THEG PA LA BRTEN NAS THOB PA'I YANG DAG PAR @029B RDZOGS PA'I SANGS RGYAS DE SANGS RGYAS YIN PA'I PHYIR TE, DE GNYIS KA'I LUGS LA PHAR PHYIN THEG PA NAS BSHAD PA'I SANGS RGYAS DANG, PHAR PHYIN THEG PA LA BRTEN NAS THOB PA'I SANGS RGYAS GNYIS DON MI CIG PA'I PHYIR TE, BSKAL BA GRANGS MED KYIS THOB PAR BYA BA'I SANGS RGYAS DANG, BCU GCIG KUN TU 'OD KYIS GNYIS KHYAD PAR MED PAR PHAR PHYIN THEG PA BAS KYANG MI 'DOD PA'I PHYIR TE, 'DI LTAR BSKAL PA GRANGS MED KYIS THOB PAR BYA BA DE LA GNYIS SU BYAS PA'I SANGS RGYAS NI MNGON RTOGS RGYAN LAS, SA DGU 'DAS NAS YE SHES NI, ,GANG GIS SANGS RGYAS SAR GNAS PA, ,DE NI BYANG CHUB SEMS DPA'I SA, ,BCU PA YIN PAR SHES PAR BYA, ,ZHES PAS BCU PA LA SANGS RGYAS SU GSUNGS PA DE YIN LA, RDO RJE 'CHANG GI SA NI BCU GCIG PA YIN PA'I PHYIR RO, ,SNGAGS NAS SA BCU GNYIS DANG, BCU GSUM DANG, BCU BZHIR BSHAD PA YOD KYANG DE DANG NI PHAR PHYIN THEG PA NAS SBHAD PA'I SA RNAMS DANG DBYE BSDU YIN PAR RGYA GAR GYI MKHAS PAS BSHAD DE, 'BRAS BU'I SKABS SU 'CHAD PAR 'GYUR RO, ,DES NA BCU GCIG KUN TU 'OD KYI SA NYID RDO RJE 'CHANG DANG DON GCIG TU BYAS LA DE NYID MDO SDE LAS GRANGS MED GSUM DANG, RGYUD SDE NAS TSE GCIG LA 'GRUB PAR GSUNGS PAR @030A *, ,SHES PAR BYA YI RDO RJE 'CHANG ZHES GSUNGS PAS PHAR PHYIN THEG PA'I 'BRAS BU MIN NO SNYAM DU MI BZUNG STE, DE KHO NA NYID GRUB PA'I RAB BYED LAS, DPAL BDE BA CHEN PO RDO RJE SEMS DPA' GZHAN DAG GIS BSKAL PA DU MA GRANGS MED PAS RTOGS PAR BYA BA RDO RJE THEG PA'I THABS DANG LDAN PA RNAMS KYIS TSE DE NYID LA DKA' BA MED PAR SGRUB PAR BYA BA ZHES RDO RJE 'CHANG NYID LAM GNYIS KA'I THOB BYAR DPAL LDAN ZHI BA MA TSOS GSUNGS PA LTAR DU BYA'O, ,ZHES SOGS SNGAGS RIM CHEN MO LAS RGYAS PAR BKA' STZAL BA'I PHYIR, 'BRAS BU'I SKABS SU BSHAD TSUL NI, SNGAGS RIM DU, MCHOG SGRUB LUGS LA SA'I RNAM GZHAG NI, RDO RJE SNYING PO RGYAN GYI RGYUD LAS, KUN TU 'OD, BDUD RTZI 'OD DANG, NAM MKHA'I 'OD DANG, RDO RJE'I 'OD DANG, RIN CHEN 'OD DANG, PADMO 'CHANG DANG; LAS KYI 'OD DANG, SEMS DPA' MED PA DANG, BRAL BA DANG, SHES RAB 'OD DANG, THAMS CAD MKHYEN PA DANG, SO SO'I BDAG NYID RIGS PA'I SA STE, BCU GNYIS SU BSHAD LA, MNGON BRJOD BLA MA LAS, RAB DGA' SOGS BCU'I STENG DU DPE MED PA DANG, YE SHES LDAN, RDO RJE'I SA DE BCU GSUM PA, ,ZHES BCU GSUM DU BSHAD DO, ,SA BCU GSUM 'JOG TSUL MAN SNYER BSHAD DE, DE LTAR NAS @030B BCU GCIG RNAMS TE MAS PAS SPYOD PA'I SA DANG, LHAG GI BCU GNYIS LAS DAD PO'I SA DANG, LHAG GI BCU GSUM RNAMS SO, ,YANG NA KHYAD PAR GYI LAM GYI NGO BO DPE MED PA'I SA DANG LHAG GI BCU GNYIS TE, SANGS RGYAS KYI SA'I BAR CHAD MED PA'I LAM GYI BDAG NYID YE SHES DANG LDAN PA'I SA DANG LHAG GI BCU GSUM MO, ,ZHES GSUNGS TE, PHYI MA NI, SA BCU PA LA BCU PA TZAM DANG, KHYAD PAR GYI LAM DANG, RGYUN MTHA'I LAM GSUM DU PHYE NAS MDON BRJOD BLA MA'I DGONGS PA BKRAL BA'O, ,YONGS SU GRAGS PA'I BCU GCIG GI STENG DU SO SO SKYE BO'I SA GCIG BSNAN PA NI, KYE RDOR LAS, 'DI DAG SA NI BCU GNYIS SO, ,ZHES PA'I DON DU SHANTI PAS BSHAD PAS RDO RJE SNYING PO RGYAN GYI RGYUD KYIS BCU GNYIS DANG, DE 'DRA'O, DE BZHIN DU BSHAD RGYUD RDO RJE 'PHRENG BA LAS SNGAR DRANGS PA LTAR, BCU BZHIR YANG BSHAD MOD KYANG YONGS SU GRAGS PA'I RAB DGA' SOGS BCU DANG, SO SO SKYE PO'I SA LA DBYE BSDU BYAS PA YIN GYI, PHAR PHYIN THEG PA NAS BSHAD PA'I BCU GCIG KUN TU 'OD KYI SA LAS KHYAD PAR DU 'PHAGS PA'I SA STON PA MIN NO, ,ZHES BYUNG BA'I PHYIR; GNYIS PA NI, NYAN THOS ZHI PA 'TSOL RNAMS, ZHES SOGS KYI SKABS SU, SPYI DON DANG GZHUNG DON GNYIS, DANG PO LA, RGYAN GYI MCHOD BRJOD YUL DU GYUR PA'I YUM GYI MTSAN NYID, 'DIR BSTAN GYI YUM NGOS@031A *, ,BZUNG PA, YUM SRAS KYI DON, GO RIM GYI DON, RTZOD SPANGS DANG, 'PHROS DON BSHAD PA DANG DRUG, DANG PO NI, RANG SRAS 'PHAGS PA BSKRUN PAR MDZAD CING, DE'I BZHED DON YANG SGRUB PAR NUS PA'I YON TAN DANG LDAN PA'I CHA NAS RGYAN MDZAD PA'I BSTONG PHYAG GI YUL DU DMIGS PA'I MKHYEN PA DE'O, GNYIS PA NI, MNGON PAR RTOGS PA BRGYAD PO THAMS CAD SKABS 'DIR BSTAN GYI YUM YIN TE, DE LA THAMS CAD MKHYAN PA NYID GSUM GYIS NI DON BRGYAD BSDUS LA DE DAG KYANG SHES RAB KYI PHA ROL TU PHYIN PA YIN ZHING, ZHES SOGS DANG, NYI KHRI RNAM 'GREL LAS, GANG SHES RAB KYI PHA ROL TU PHYIN PA'I DBANG DU BYAS NAS SANGS RGYAS NYAN THOS BYANG CHUB SEMS DPA'I TSOGS DANG LDAN PA'I YUM DE LA PHYAG 'TSAL LO, ,ZHES SOGS DANG, GNAD KYI ZLA 'OD LAS KYANG, DE LTAR KUN MKHYEN PA GSUM GYIS MNGON PAR RTOGS PA GZHAN LNGA PO RNAMS BSDUS PAS BRGYAD CHAR GYI SHES RAB KYI PHA ROL TU PHYIN PA LA YANG ZHES BYA STE, ZHES BYUNG BA'I PHYIR, GSUM PA NI, 'PHAGS PA DE DANG DE'I BZHED DON SGRUB CING BSKRUN PAR MDZAD PA'I MKHYEN PA NI, DE DANG DE'I YUM DU BZHAG PAR BYA BA YIN TE, SANGS RGYAS LA SOGS PA BSKRUN PAR MDZAD PA NI, ZHES SOGS KYIS DE LTAR BSTAN PA'I PHYIR, @031B BZHI PA NI, MKHYEN GSUM GYI GO RIM 'DI LTAR STON PA'I RGYU MTSAN YOD DE, RGYAN GYI CHED DU BYA BA'I GDUL BYA NYID LAM LA 'JUG PA'I RIM PA DANG MTHUN PAR STON PA YIN PA'I PHYIR TE, DES SKYES BU 'BRING GI BSAM PA LEGS PAR SBYANGS PA'I RJES SU SNYING RJE CHEN PO DANG BYANG CHUB KYI SEMS LA BRTEN NAS LAM SHES PA NYID YONGS SU RDZOGS PA DANG, DE LA BRTEN NAS RNAM MKHYEN THOB STE CHOS KYI 'KHOR LO BSKOR BAR 'GYUR BA'I PHYIR TE, THAMS CAD SHES PA NYID KYI SGO NAS 'JUG PAR BYED PAS ZHES SOGS 'GREL CHEN LAS GSUNGS PA'I PHYIR, LNGA PA LA, YUM GYI NGO BO LA RTZOD PA SPANGS PA, YUM SRAS KYI DON LA RTZOD PA SPANGS PA, GO RIM LA RTZOD PA SPANGS PA DANG GSUM, DANG PO NI, RGYAN GYI MCHOD BRJOD YUL DU GYUR PA'I YUM LA MA KHYEN PAS KHYAB PA MED PAR THAL, 'DI LTAR RGYAL BA'I YUM BAR MA LAS, ZHES DANG; RGYAL BA'I YUM RNAM PA GSUM BCAR LAS, ZHES YUM GSUM GYI MDO YUM DU GSUNGS PA'I PHYIR ZHE NA, MA KHYAB STE, YUM BRJOD BYAR BYED PA'I RGYU MTSAN GYIS DE RNAMS SHER PHYIN DU BSTAN PA'I PHYIR, KHA CIG NA RE; YUM LA MKHYEN PAS KHYAB PA MED DE, YUM SGYU MA LHA MDZES RGYAL BA SH'AKYA THUB PA'I YUM DU GSUNGS PA'I PHYIR, SNYAM NAM KHYAB STE, DE NI 'JIG RTEN GYI GRAGS TSOD DANG BSTUN NAS GSUNGS PA'I PHYIR @032A *, ,KHA CIG NA RE, BYANG CHUB SEMS DPA'I RGYUD KYI THABS KHYAD PAR CAN RNAMS CHOS CAN YUM YIN PAR THAL, RANG SRAS 'PHAGS PA SOGS DE'I PHYIR, KHYAB PA KHAS, 'DOD MI NUS TE, MDO LAS, PHA NI THABS DANG MA NI SHES RAB, ZHES DANG RGYUD BLA MA LAS, THEG MCHOG LA MOS SA BON SHES RAB NI, ,SANGS RGYAS CHOS SKYED MA DANG BSAM GTAN GYI, ,BDE BA'I MNGAL GNAS SNYING RJE'I MA MA CAN, ,GANG YIN DE DAG THUB PA'I RJES SKYES SRAS, ,ZHES DANG, MDO SDE RGYAN LAS, CHOS LA MOS PA SA BON DANG, ,PHA ROL PHYIN MCHOG MA LAS SKYES, ,BSAM GTAN LAS BYUNG BDE BA'I MNGAL, ,SNYING RJE BSKYED PA'I MA MA'O, ,ZHES BYUNG BA'I PHYIR SNYAM NA MA KHYAB STE, 'DI NI RANG SRAS 'PHAGS PA BSKRUN PAR MDZAD PA'I MKHYEN PA THAMS CAD LA YUM DU GSUNGS PA'I PHYIR, GNYIS PA NI, YUM SRAS KYI DON RGYU 'BRAS LA BYED PA 'THAD NA GZHUNG 'DIS 'PHAGS PA BZHI'I YUM DNGOS SU MA BSTAN PAR THAL BA'I SKYON YOD PA'I PHYIR TE, MKHYEN PA GSUM NI, 'PHAGS PA BZHI BSKRUN BYED MA YIN PA'I PHYIR SNYAM NA MA KHYAB STE, GZHUNG 'DIS 'PHAGS PA BZHI BSKRUN PAR MDZAD PA'I YUM RNAMS KYANG DNGOS SU BSTAN PA'I PHYIR TE, 'DIS YUM MTHA' DAG LA BSTOD PA DNGOS SU BRJOD PA'I PHYIR TE, DE LTAR @032B THUGS LA BZHAG NAS THAMS CAD MKHYEN PA'I DE GSUm GYI SGO NAS SHES RAB KYI PHA ROL TU PHYIN PA LA BSTOD DO, ,ZHES GSUNGS PA'I PHYIR, GSUM PA NI, MKHYEN GSUM GYI GO RIM SNGAR BSHAD PA LTAR MI 'THAD PAR THAL, RGYAN GYI CHED DU BYA BA'I GDUL BYA THEG PA GSUM LA 'JUG PA'I GO RIM DANG MTHUN PAR BSTOD PA'I PHYIR, ZHE NA, RTAGS MA GRUB STE, RGYAN GYI CHED DU BYA BA'I GDUL BYA THEG PA CHEN POR RIGS NGES KYI GANG ZAG YIN PA'I PHYIR TE, BSTAN BCOS 'DI NI THEG CHEN MTHUN MONG MA YIN PA'I BSTAN BCOS YIN PA'I PHYIR TE, SHIN TU RGYAS PA'I SDE SNOD THEG CHEN MTHUN MONG MA YIN PA'I MDO YIN PA'I PHYIR, KHA CIG NA RE; MKHYEN GSUM GYI GO RIM DANG GLENG GZHI'I GO RIM MTHUN PAR BSTAN PA YIN PAR THAL, MCHOD BRJOD KYI NGAG GLENG GZHI'I 'GREL PA YIN PA'I PHYIR TE, BSTAN BCOS RIN CHEN SGRON ME LAS BSHAD PA'I PHYIR, ZHE NA, MA KHYAB STE, MCHOD BRJOD KYI NGAG GLENG GZHI'I 'GREL PA MA YIN PAR TSIG GSAL LAS GSUNGS PA'I PHYIR TE, CI'I PHYIR 'PHAGS PA MA PHAM PA'I ZHAL SNGA NAS KYI TSIG LE 'UR BYAS PA 'DIS GLENG GZHI MA BSDUS, ZHES SOGS DANG, DE'I PHYIR TSIG LE'UR BYAS PA DANG MA SBYAR RO, ,ZHES BYUNG BA'I PHYIR, GZHAN YANG, NGAG 'DI NI GLENG GZHI'I 'GREL PA MIN TE, 'GREL CHEN GNYIS LAS MDO @033A *, ,RGYAN SBYOR BA'I THOG MA NI, SH'A RI'I BU 'DI LA CHOS THAMS CAD RNAM PA THAMS CAD DU MNGON PAR RDZOGS PA 'TSANG RGYA BAR 'DOD PAS SHES RAB KYI PHA ROL TU PHYIN PA LA BSLAB PAR BYA'O, , ZHES SOGS NAS MDZAD PA'I PHYIR DANG, RGYAN SNANG LAS, DGOS 'BREL NGAG GI 'JUG TU GLENG GZHI'I BSHAD PA MDZAD PA'I PHYIR, DRUG PA LA, BSHAD BYA'I LUNG 'GOD PA DANG, LUNG GI DON BSHAD PA GNYIS, DANG PO NI, 'O NA GLENG GZHI'I BSHAD PA JI LTA BU ZHE NA BRGYAD STONG PA LAS, 'DI SKAD BDAG GIS THOS PA DUS GCIG NA, BCOM LDAN 'DAS RGYAL PO'I KHAB NA BYA RGOD PHUNG PO'I RI LA BZHUGS TE, DGE SLONG (STONG) NYIS BRGYA LNGA BCU'I DGE SLONG GI DGE 'DUN CHEN PO DAG DANG THABS GCIG GO THAMS CAD KYANG DGRA BCOM PA ZAG PA ZAD PA, NYON MONGS PA MED PA, DBANG DU GYUR PA, SEMS SHIN TU RNAM PAR GROL BA, CANG SHES PA, GLANG PO CHEN PO, BYA BA BYAS PA, BYED PA BYAS PA, KHUR BOR BA, RANG GI DON RJES SU THOB PA, SRID PAR KUN TU SBYOR BA, YONGS SU ZAD PA, YANG DAG PAR KUN SHES PAS SEMS SHIN TU RNAM PAR 'GROL BA, SEMS CAN THAMS CAD KYI DBANG DAM PA'I PHA ROL TU SON PA THOB PA SHA STAG STE, GANG ZAG GCIG MA GTOGS PA NI 'DI LTA STE, TSE DANG LDAN PA KUN DGA' BO'O, ,ZHES GSUNGS SO,, @033B GNYIS PA LA MDOR BSTAN PA DANG RGYAS PAR BSHAD PA GNYIS, DANG PO NI, 'DI SKAD BDAG GI THOS PA'I DUS GCIG NA, CES PAS BKA' SDUD PA BO BSTAN, BCOM LDAN 'DAS ZHES PAS, STON PA PHUN SUM TSOGS PA DE BSTAN, RGYAL PO'I KHAB NA BYA RGOD PHUNG PO'I RI LA BZHUGS TE ZHES PAS GNAS PHUN SUM TSOGS PA DE BSTAN, DGE SLONG GI DGE 'DUN ZHES SOGS KYIS, 'KHOR PHUN TSOGS BSTAN TE, 'GREL CHEN LAS, DGE SLONG ZHES BYA BA NI, GSOL BA DANG GZHI'I LAS BZHAG PAR MI 'OS SAM, TSUR SHOG CES BYA BAS BSNYEN PAR RDZOGS PA NYON MONGS PA'I TSOGS BCOM PA RNAMS SO, ,DGE 'DUN ZHES BYA BA NI, SANGS RGYAS CHOS DANG DGE 'DUN RNAMS, ,BDUD RNAMS BYE BA BRGYA YIS KYANG, ,GANG PHYIR ZHIG PAR MI NUS PAS, ,DE PHYIR DGE 'DUN ZHES BRJOD DO, ,ZHES GSUNGS SO, ,CHEN PO ZHES BYA BA NI GRANGS DANG, YON TAN CHEN PO NYID DANG LDAN PA'I MTHU CHE BA STE, DE LTA BU'I DGE 'DUN CHEN PO DANG THABS CIG TU YONGS SU BSKOR NAS BZHUGS SO ZHES BYA BAR SBYAR RO, ,DE LA GRANGS CHE BA NYID NI STONG NYIS BRGYA ZHES BYA BA LA SOGS PA SMOS PA YIN TE, ZHES SOGS DANG, YON TAN CHE BA NYID NI THAMS CAD KYANG ZHES BYA BA LA SOGS PA SMOS PA YIN TE, 'DIR THAMS CAD KYANG MCHOD PA DANG, SBYIN GNAS DANG, TSOGS @034A *, ,YONGS SU SDUD PA'I MCHOG TU GYUR PA LA SOGS PAR 'OS PA YIN PAS NA DGRA BCOM PA'O, ,'DOD PA DANG, SRID PA DANG, MA RIG PA'I ZAG PA GSUM PO NI SRID PA'I RTZE MO MAN CHAD 'KHOR BA JI SRID PAR ZAG PAR BYED PAS NA ZAG PA'O, ,DE'I GNYEN PO ZAG PA MED PA'I TSUL KHRIMS LA SOGS PA'I PHUNG PO THOB PAS CI RIGS PAR ZAD PA GANG YIN PA DE NI ZAG PA ZAD PA'O, ,NYON MONGS PA DANG, LAS DANG, SKYE BA'I KUN NAS NYON MONGS PA DANG BRAL BA GANG YIN PA DE NYON MONGS PA MED PA'O, ,ZHES SOGS DANG, RANG NYID 'CHING BA THAMS CAD DANG BRAL BAS RANG NYAMS THOB PA'I PHYIR DBANG DANG LDAN PAR GYUR PA GANG YIN PA DE NI, DBANG DU GYUR BA'O, ZHES SOGS DANG, DE BAS NA DE THOB PA'I PHYIR SNYOM PAR 'JUG PA DANG, NYON MONGS PA'I SGRIB PA LAS SHIN TU RNAM PAR GROL ZHING GNYIS KA'I CHA LAS RNAM PAR GROL BA DAG NI SEMS SHIN TU RNAM PAR GROL BA SHES RAB SHIN TU RNAM PAR GROL BA ZHES BYA'O, ,SDUG BSNGAL DANG, 'JIG PA DANG 'JIG RTEN GYI CHOS DANG, MI SHES PA'I DGOS PA DANG BRAL BAS 'JIG PA MED PA'I PHYIR CANG SHES PA'O, ,RIG PA GSUM LA SOGS PA KHYAD PAR CAN GYI CHOS RTOGS PA DANG LDAN PAS GTZO BO CHEN POR GYUR BA'I PHYIR, GLANG PO CHEN PO'O, ,ZHES SOGS DANG, @034B SBYANGS PA'I YON TAN LA SOGS PA BYA BAR 'OS PA BYAS PA GANG YIN PA DE NI, BYA BA BYAS PA BYED PA BYED PA ZHES BYA'O, ,ZHES SOGS DANG, RTZOD PA'I KHUR RNAMS GANG YIN PA SPANGS PA DE NI KHUR BOR BA'O, ,BCOM LDAN 'DAS KYI RJES LA PHAN PA DANG PHAN PA MIN PA DAG THOB PA DANG SPANGS PA'I MTSAN NYID CAN GYI RANG GI DON RNAM PA GNYIS PO RIG PA DANG, MA RIG PA RTOGS PA DANG, SPANGS PA DAG GANG YIN PA DE NI, RANG GI DON RJES SU THOB PA'O, SRID PA DANG, SKYES BU LHAN CIG TU KUN TU SBYOR BAR BYED PA KHONG KHRO LA SOGS PA'I KUN TU SBYOR BA DGU PO JI LTAR SRID PA'I 'PHAGS PA'I BDEN PA'I KUN NAS YONGS SU ZAD PA GANG YIN PA DE NI SRID PAR SBYOR BA YONGS SU ZAD PA'O, ,YANG DAG CING PHYIN CI MA LOG PAR KUN NAS SHES PAS DE KHO NA NYID RTOGS PA DES SEMS 'CHING BA THAMS CAD LAS SHIN TU RNAM PAR GROL ZHING, BRAL BA GANG YIN PA DE NI YANG DAG PA'I SHES PAS SEMS SHIN TU RNAM PAR GROL BA'O, ,MTHAR GYI GNAS PA'I SNYOM PAR 'JUG PA DGU'I MTSAN NYID LA THAMS CAD DU SEMS RANG DBANG DU GYUR PAS SEMS KYI DBANG THAMS CAD KYANG YIN LA, DAM PA'I PHA ROL TU SON PA YANG YIN TE, RANG GI RIGS KYI RAB KYI MTHAR THUG PAR SONG BA THOB PA YANG YIN PAS SEMS KYI DBANG THAMS CAD KYIS DAM PA'I PHA ROL TU SON PA THOB PA'O, ,DE BAS @035A *, ,NA; DE LTA BU'I DGE SLONG DANG ZHES THAMS CAD LA SBYAR RO, ,ZHES SOGS DANG, GANG ZAG GCIG MA GTOGS PA NI ZHES BYA BA LA SOGS PA GSUNGS TE, GANG ZAG CES BYA BA NI, RGYU DANG 'BRAS BU'I MTSAN NYID BSGO BAR BYA BA DANG SGO BAR BYED PA'I NGO BOR RTAG PA NI MI 'THAD PA'I DGE BA DANG, MI DGE BA'I BAG CHAGS RNAMS KYI GANG ZHING MI RTAG LA, DE LTA BU DANG RJES SU MTHUN PA'I 'GRO BA LEN ZHING 'DZIN PAR BYED PAS NA, NGES PA'I TSIG GI TSUL GYIS NA RGYUN NYID KYANG GANG ZAG GCIG GO, 'DI LTA STE ZHES BYA BA'I SGRA NI TSIG GI PHRAD MCHOG TU NYE BAR BSTAN PA'O, ,TSE DANG LDAN PA ZHES BYA BA NI TSE 'DOD PAR GYUR PAS TSE DANG LDAN PA STE, PHAN PA DANG, BDE PA DANG, MCHOD PAR BYA BA'I TSIG GO ,KUN DGA'O ZHES BYA BA NI LUNG THAMS CAD 'DZIN PA DANG, SANGS RGYAS KYI BSNYEN BKUR BA YIN PAS DGA' BA THOB PA NYID KYI SA NA KUN TU DGA' BA'O, ,ZHES GSUNGS SO, ,GNYIS PA LA, DAM PA'I CHOS YANG DAG PAR BSDUD DGOS PA'I RGYU MTSAN, BKA' BSDUD PA PO'I CHE BA BRJOD PA, GNAS PHUN SUM TSOGS PA BSHAD PA DANG GSUM, DANG PO NI, 'GREL CHEN LAS, BCOM LDAN 'DAS MA 'ONGS PA'I DUS SU DAM PA'I CHOS JI LTAR YANG DAG PAR BSDU BAR @035B BGYI ZHES BCOM LDAN 'DAS LA ZHUS PA NA PHYIN CI MA LOG PAR MNGON SUM DU THOS PAR BYA BAS, DON MA GTOGS SU ZIN KYANG, DAM PA'I CHOS YANG DAG PAR SDUD PAR BYED PA LA, NYES PA MED DO ZHES DGONGS NAS CHOS YANG DAG PAR SDUD PA'I MDO LAS DGE SLONG DAG 'DI SKAD BDAG GIS THOS PA ZHES BGYIS LA DAM PA'I CHOS SDU BAR BYA'O, ZHES 'BYUNG BA'I PHYIR, JI LTAR BSDUS PA'I TSUL NI, 'GREL CHEN LAS, CHOS KYI 'KHOR LO BSKOR BA'I MDO, ,BCOM LDAN 'DAS KYIS GANG DU GSUNGS, ,SHES RAB CHEN PO KHYOD KYIS SMROS, ,BDE GSHEGS SRAS PO KHYED SMROS SHIG ,CES 'OD SRUNGS CHEN POS SMRAS PA'I TSIG GI MTHAR, 'PHAGS PA KUN DGA'O SANGS RGYAS KYI YON TAN RJES SU DRAN PAS RGYUD BRLAN PAR BYAS SHING, BZHIN 'GYUR BAS KHYAB LA, GDONG MCHI MA DANG BCAS PA'I SKAD KYIS 'DI SKAD BDAG GIS THOS PA ZHES SMRAS PA YIN LA; ZHES 'BYUNG NGO, ,GNYIS PA NI, DAM PA'I CHOS 'DI SDUD PAR MDZAD PA PO 'PHAGS PA KUN DGA'O YIN LA, DE NI BSAM GYIS MI KHYAB PA'I YON TAN DANG LDAN TE, RGYAL BAS GSUNGS PA'I CHOS KYI RNAM GRANGS THAMS CAD DUS SKAD CIG MA GCIG LA THOS SHING RTOGS NAS SKAL BA DANG LDAN PA'I GDUL BYA RNAMS LA RGYUN MI 'CHAD DU 'DOMS PAR MDZAD PA'I PHYIR TE, 'DI NI GSANG BA'I BDAG PO PHYAG NA RDO RJE DANG THUGS RGYUD@036A *, ,GCIG TU 'DRES PA'I SGO NAS SPANGS RTOGS KYI YON TAN MTHAR PHYIN BA'I PHYIR TE, DPAL LDAN ZLA BAS, 'O NA BTZUN PA KUN DGA'O LA SOGS PA SDUD PAR BYED PA CI'I PHYIR 'JIG RTEN DU GRAGS, SMRAS PA, KUN DGA'O 'DI BYANG CHUB SEMS DPA' SEMS DPA' CHEN PO KUN TU BZANG PO STE PHYAG NA RDO RJE YIN LA, RDO RJE 'CHANG CHEN PO YANG DE NYID LAS GZHAN MIN TE, GZHAN DU NA MDO SDE LA SOGS PA CHOS KYI PHUNG PO BRGYAD KHRI BZHI STONG PO 'DI DAG DE BZHIN GSHEGS PA LAS PHYAG NA RDO RJES THOS NAS LHAG CHAD MED PAR LAN CIG GIS 'DZIN PAR GA LA NUS, BCOM LDAN 'DAS NYID KYIS KYANG 'DI NYID KYI THUN MONGS MA YIN PA'I GSANG BA ZHES BYA BA RNAL 'BYOR CHEN PO'I RGYUD LAS GSUNGS TE, DE NAS GZHAN YANG THAMS CAD MKHYEN PA'I 'KHOR PHUN SUM TSOGS PA BSHAD PAR BYA'O, ,'DI LTA STE, 'JAM DPAL NI RGYAL PO CHEN PO ZAS GTZANG MAR GYUR TO, ,'JIG RTEN DBANG PHYUG NI LHA MO CHEN MO SGYU 'PHRUL DU GYUR TO, ,DPAL LHA MO NI GRAGS 'DZIN NO, ,RDO RJE SEMS DPA' NI SGRA CAN 'DZIN NO, ,SGRIB PA THAMS CAD RNAM PAR SEL BA NI SH'A RI BU, KUN TU BZANG PO NI GNAS BRTAN KUN DGA'R GYUR TO, ,LHA'I DBANG PO BRGYA BYIN NI GNAS BRTAN LHAS BYIN NO, ,RNAM PAR SNANG MDZAD CHEN PO NI YANG DAG PAR RDZOGS PA'I SANGS RGYAS @036B DPAL RGYAL BA SH'AKYA THUB PAR GYUR TO, ,RIGS PA 'DIS NI SDUD PAR BYED PA ZHES BYA BA DANG, 'KHOR ZHES BYA BA NI LAS DANG PO BA'I SEMS CAN RNAMS 'JUG PAR BYA BA'I PHYIR, SANGS RGYAS KYIS ROL MO 'DI BSTAN PA YIN NO, ,'DIR GSUNGS PA, SANGS RGYAS MYA NGAN MI 'DA' ZHING, ,CHOS KYANG NUB PAR MI 'GYUR TE, ,SEMS CAN RNAMS NI GDUL BA'I PHYIR, ,MYA NGAN 'DAS PA NYE BAR STON, ,ZHES 'BYUNG NGO, ,ZHES GSUNGS PA'I PHYIR DANG, 'GREL CHEN LAS KYANG, DE BZHIN GSHEGS PA'I GSANG BA BSTAN PA'I DBANG DU BYAS NA BSKAL PA BZANG PO'I DE BZHIN GSHEGS PA THAMS CAD KYI GZUGS KYI SKU DANG, DAM PA'I CHOS KYI TSOGS RNAM PA THAMS CAD DU BSRUNG BAR MDZAD PA'I DBANG DU MDZAD PA'I PHYIR DANG, PHYAG NA RDO RJER DBANG BSKUR PA LA SOGS PA LAS BSTAN PA GTAD PA YIN PA'I PHYIR DANG, KHYAD PAR GYI TSIG GZHAN MED PAS LCANG LO CAN NA BZHUGS PA'I SA BCU'I DBANG PHYUG RDO RJE 'DZIN PA CHEN PO LA 'PHAGS PA BYAMS PA LA SOGS PA BYANG CHUB SEMS DPA'I TSOGS CHEN PO RNAMS KYIS 'JIG RTEN THAMS CAD RJES SU BZUNG BAR BYA BA'I PHYIR DU SHES RAB KYI PHA ROL TU PHYIN PA'I MDO SDE RIN PO CHE YANG DAG PAR BSDU BAR BYA BA'I DON DU GSOL BA BTAB PA NA, 'DI SKAD BDAG GIS THOS PA ZHES BYA BA LA SOGS PA GSUNGS PA YIN NO, ,ZHES SNGON GYI SLOB DPON @037A *, ,RNAMS 'CHAD DO, GZHAN DAG NI 'DI NYID KYIS YONGS SU GTAD PA'I LE'U LAS JI LTAR SHES RAB KYI PHA ROL TU PHYIN PA 'DI 'DZAM BU GLING NA SPYOD PAR 'GYUR, ZHES BYA BA LA SOGS PA SHES RAB KYI PHA ROL TU PHYIN PA YONGS SU GTAD PA YIN PA'I PHYIR, YANG DAG PAR SDUD PAR BYED PA NI 'PHAGS PA KUN DGA'O YIN, ,ZHES 'BYUNG BA'I PHYIR, GSUM PA NI, DKON MCHOG RTZEGS PA'I MDO LAS, RI'I RGYAL PO BYA RGOD KYI PHUNG PO DE NI MTHO BA, ZLUM PA, GNAM 'PHANG DANG, BRGYAR YANGS PA LO THOG THAMS CAD KYI SA 'DZIN PA, ME TOG DANG, 'PHRENG BA DANG, SPOS SOGS RNAM PA SNA TSIGS DANG LDAN PA, MI 'AM CI DANG SKYES BU'AM, SPYI'I TSOGS RNAM PAR RGYU BA, GNOD SBYIN DANG, SRIN PO DANG, SHA ZA MANG PO GNAS SO, ,RI DVAGS KYI TSOGS RNAMS KYANG RNAM PAR RGYU BA 'DI LTA STE, SENG+GE DANG, STAG DANG, GLANG PO CHE DANG, GSE DANG, DOM DANG, DRED DANG, GZIGS DANG, MA HE DANG, SHA BKRA DANG, GSE KHA SGO DANG, BA LANG SNGON PO DANG, BA LANG DANG, SHA BA DANG, SHAN MAR DANG, SPRE'U'I TSOGS RNAM PAR RGYU BA'O, DE NA BYA MANG PO BRGYA STONG GNAS PA 'DI LTA STE, NE GTZO DANG, RI SKEG DANG, KHU BYUG DANG, SHANG SHANG TE'U DANG, NGANG PA DANG, RMA BYA DANG, ZHES SOGS DANG, YANG RI'I RGYAL PO BYA RGOD KYI PHUNG PO DE @037B LA SHING GI TSOGS BRGYA STONG DU MA, YAL GA STUG CING LO MA RGYAS LA, 'DABS NA DRANG SRONG GNAS PA DAG TU YOD PA LA 'DI LTA STE, THANG SHING DANG, BLAG SHA DANG, AA SHAD THA DANG, PI PI LING GI SHING DANG, RGYA SKYEGS SHING DANG, HA RI TA DANG, AA RU RA'I SHING DANG, SKYU RU RA'I SHING DANG, BA RU RA'I SHING DANG, PA LA DANG, TA LA DANG, MTHA' NA GA TA MA LA DANG, ZHES SOGS DANG, YANG RI'I RGYAL PO BYA RGOD KYI PHUNG PO DE LA CHU LAS SKYES PA ME TOG MANG PO NGAG SKYE BA 'DI LTA STE, AUTPAL LA DANG, KU MUTTA DANG, PADMA DKAR PO DANG, SANG KA NI RI THI KA DANG, KANG KA RA DANG, ZHES SOGS DANG, YANG RI'I RGYAL PO BYA RGOD KYI PHUNG PO DE LA, RTAG TU RGYUN MI 'CHAD PAR NAM GYI GUNG MTHUN LA SPRIN MNGON PAR 'DUS TE, THOG MAR RI'I RGYAL PO BYA RGOD KYI PHUNG PO DE LA, CHAR GYI SPRIN LHA'I BUS MNGON PAR BSGRAGS NAS BA 'JOS TZAM GYI BAR DU YAN LAG BRGYAD LDAN GYI CHAR ZIM BU ZIM BU DAL BU DAL BUS 'BAB STE, DES RI'I RGYAL BO BYA RGOD KYI BUNG BO'I KHO RA KHOR YUG TSIMS PAR BYAS NAS, THO RANGS SPRIN LHA GYES SHING NAM MKHA' LA SPRIN MED PAR GYUR NAS DER YANG BSIL ZHING 'JAM PA SEMS PAR BYED PA'I RLUNG LDANG STE, DE DAG GIS RI'I RGYAL PO BYA RGOD KYI PHUNG PO LA GNAS PA'I SEMS CAN RNAMS LTAS PAR BYED, SEMS PAR BYED, TSIMS PAR BYED DE 'DI LTA STE, DPER NA, ME TOG 'PHRENG RGYUD DAM, @038A *, ,ME TOG 'PHRENG RGYUD KYI SLOB MAS 'PHRENG BA RGYUS ZIN NAS CHUS STAB PA DANG, DE'I 'PHRENG BA DE DAG SNGA MA PAS CHES BZANG BAR 'GYUR BA DE BZHIN DU, ZHES SOGS DANG, YANG RI'I RGYAL PO BYA RGOD KYI PHUNG PO LA RTZVA GSAR BA DAG SKYES TE, REG BZOD PA DANG LDAN PA, DRI DANG LDAN PA, SNGO ZHING 'JAM PA GA-YAS PHYOGS SU 'KHYIL PA DAG SKYE BA 'DI LTA STE, DPER NA RMA BYA'I MGRIN PA'I SPU'I KHA DOG BZHIN NO, ,ZHES SOGS DANG, YANG RI'I RGYAL PO BYA RGOD KYI PHUNG PO DE LA 'BAB CHU'I TSOGS DANG, MTSO PHRAN DANG, MTSO DANG, MTSO'U DANG, RDZING RNAM PA MANG PO BSIL BA'I CHUS RAB TU GANG BA DAG YOD DE; DE DAG LAS, PADMA SNGON PO DANG, SER PO DANG, DMAR PO DANG, DKAR PO DANG, LEB RGAN DANG, SHEL GYI KHA DOG DANG, ME'I KHA DOG LTA BU DANG, GSER GYI KHA DOG LTA BU, CHE KHYAD SHING RTA'I PHANG LO TZAM DAG SKYES TE; DE DAG BCAD NA DRI DANG PHYOGS BZHI KUN TU DPAG TSAD TZAM DU LDANG NGO, ,RI'I RGYAL PO DE'I RTZE MO LA PADMA'I GDAN CHEN PO, ,AA NA RDA SNYIL GZHAN GYIS MI TSUGS PA'I RDO RJE LTA BU'I CHU BA CAN BEEd'URYA CHEN POS MTHA' BSKOR BA, 'DZAM BU CHU BO'I GSER DRI MA MED PA'I 'DAB MA RGYAS PA, TZANDA DUS KYI RJES SU 'BRANG BA'I SNYING PO RNAM PAR DAG PA RIN PO CHE RDO RJE'I SNYING PO'I ZE BA DANG LDAN PA, TSAD RGYA MTSO LTAR YANGS SHING @038B RGYA CHE BA, ZHES SOGS DANG, PADMA CHEN PO DE LA BCOM LDAN 'DAS SKYIL MO KRUNG BCAS TE BZHUGS PA'O, ZHES SOGS GSUNG PA LTAR YOD DO, ` DE YANG BCOM LDAN 'DAS RGYAL PO'I KHAB NA BYA RGOD KYI PHUNG PO'I RI LA BZHUGS SO, ,ZHES SMOS PA LA DGOS PA KHYAD PAR CAN YOD DE, GDUL BYA RNAMS KYIS SANGS RGYAS BCOM LDAN 'DAS BZHUGS PA BDE BLAG TU RTOGS PA'I DGOS PA YOD PA'I PHYIR TE, SA LU LJANG PA'I 'GREL PA LAS BCOM LDAN 'DAS ZHES BYA BA NI, BDUD BZHI BCOM PA DANG, DBANG LA SOGS PA'I YON TAN DANG LDAN PA'I PHYIR RO, ,RGYAL PO'I KHAB CES BYA BA NI GRONG KHYER GYI BYE BRAG GI MING STE, DE NA SNGON RGYAL PO'I MING BTAGS PA'I KHANG PHYI MA DAG LA MI MA YIN RNAMS KYIS MI 'TSE BAS DE DAG LA DE SKAD CES GRAGS TE, DE'I PHYIR GRONG KHYER DE LA DE SKAD CES BYA'O, ,GRONG KHYER DE YANG GRONG MTHA' DAG GI NANG NA GTZO BO YIN LA; DE BZHIN DU MDO SDE 'DI YANG GSUNG RAB MTHA' DAG LA KHYAB PAR BYED PAS GTZO BO RAB STAN PA'I PHYIR, DE NYID DU BSHAD DO, ,RGYAL PO'I KHAB RGYA CHE STE RGYAL PO'I KHAB KYI GANG NA BZHUGS GTOL MED PAS DE'I PHYIR BYA RGOD KYI PHUNG PO'I RIL ZHES BYA BA SMOS TE, BYA RGOD 'DRA BA'I RI RTZE MO RDOG RDOG POR 'DUG PAS BYA RGOD KYI PHUNG PO'O, ,GNAS 'DI GNYIS BRJOD PA NI KHYIM NA GNAS PA DANG, RAB TU BYUNG BA'I 'JIG RTEN @039A *, ,LA PHAN PAR BSTAN PA'AM, BDAG DANG GZHAN GYI DON PHUN SUM TSOGS PAR BSTAN PA'I PHYIR RO, ,BYA RGOD KYI PHUNG PO'I RI ZHES BYA BA 'DIS NI, DE LTAR MDO 'DI KHONG DU CHUD PAR DKA' BAR BSTAN TE, MTHO BAR BSTAN PAS SO, ,RI ZHES BYA BA 'DIS NI, MU STEGS CAN GYI RLUNG GIS MI RGUL BA STE, MI GA-YO BAR BSTAN PAS SO, ,ZHES PAn CHEN KA MA LA SHI LAS GSUNGS PA'I PHYIR, ` GNYIS PA GZHUNG DON NI, RJE BTZUN BYAMS PA MGON PO CHOS CAN, MKHYEN GSUM LA BSTOD PHYAG MDZAD DE, DE RNAMS KYI YON TAN TSAD MED PA'I SGO NAS BRJOD PA'I MKHAS MCHOG YIN PA'I PHYIR, MKHYEN GSUM CHOS CAN, YON TAN KHYAD PAR CAN DANG LDAN TE, 'PHAGS PA BZHI'I BZHED DON THAMS CAD SGRUB PAR MDZAD PA DANG, RANG SRAS 'PHAGS PA RNAMS BSKRUN PAR YANG MDZAD PA'I PHYIR TE, DE LTAR DU 'OG NAS 'CHAD PA'I PHYIR; ` GSUM PA LA, BSDUS DON, DGOS DON, BRGAL LAN GYIS GTAN LA DBAB PA, TSIG DON DANG BZHI, GNYIS PA 'DI LA RGYAS PAR BSHAD PA DANG, DON BSDU PA GNYIS, DANG PO LA, ` CHOS KYI RJES SU 'BRANG BA RNAMS KYANG GCIG DANG DU MA'I, ZHES SOGS KYI SKABS SU, SPYI DON DANG, GZHUNG DON GNYIS, DANG PO LA, BDEN STONG GTAN LA 'BEBS PA'I RTAGS KYI RNAM BZHAG SPYIR BSTAN PA DANG, GCIG @039B DU BRAL BYE BRAG TU BSHAD PA, RTAGS KYI DGAG BYA'I BDEN TSAD BSTAN PA, GZHAN GYIS RTZOD PA SPANGS PA DANG BZHI, DANG PO LA, RNAM PA LNGA GSUNG STE, RTEN 'BREL GYI GTAN TSIGS, YOD MED SKYE 'GOG, MU BZHI'I SKYE 'GOG ,RDO RJE GZEGS MA, GCIG DU BRAL SOGS GSUNGS PA'I PHYIR, DANG PO NI, MYU GU CHOS CAN, BDEN PAR MED DE RTEN 'BREL YIN PA'I PHYIR, KHYAB STE, BDEN PAR GRUB NA RTEN 'BREL MA YIN DGOS PA'I PHYIR TE, BDEN PAR GRUB NA LTOS GRUB MA YIN DGOS PA'I PHYIR TE, BDEN PAR GRUB NA RANG RKYA THUB PA'I RDZAS YOD YIN DGOS PA'I PHYIR, BDEN STONG DANG RTEN 'BREL NI DON GCIG TU GSUNGS TE, RTZA SHES LAS, GANG PHYIR STONG PA MA YIN PA'I, ,CHOS DGA' YOD PA MA YIN PA, ,DE PHYIR RTEN 'BYUNG MA YIN PA'I, ,CHOS DGA' YOD PA MA YIN NO, ,ZHES DANG, BYED PO LAS LA BRTEN BYAS SHING, LAS KYANG BYED PO DE NYID LA, ,BRTEN NAS 'BYUNG BA MA GTOGS PA, ,'GRUB PA'I RGYU NI MA MTHONG NGO, ,ZHES GSUNGS PA'I PHYIR RO, ,RTEN 'BREL GYI RIGS PA 'DI NI, BDEN STONG GTAN LA 'BEBS PA'I RIGS PA RNAMS KYI GTZO BO MTHAR THUG PA YIN TE, RTAG CHAD KYI LTA BA NGAN PA'I DRA BA THAMS CAD 'DIS CIG CAR DU GCOD PA'I PHYIR TE, 'JUG PAR, DE PHYIR RTEN 'BYUNG RIGS PA 'DI YIS NI, ,LTA NGAN DRA BA MTHA' DAG GCOD PAR BYED, ,CES GSUNGS @040A *, ,PA'I PHYIR, GNYIS PA NI, MYU GU CHOS CAN, DON DAM PAR MI SKYE STE, RANG GI RGYU'I DUS NA YOD PA RNAMS KYANG MI SKYE, RANG GI RGYU'I DUS NA MED PA RNAMS KYANG DON DAM PAR MI SKYE BA'I PHYIR TE, DBU MA SNANG BA LAS, YOD PA RNAM PAR MI SKYE STE, ,MED PA NAM MKHA'I PADMO BZHIN, ,ZHES GSUNGS PA'I PHYIR, GSUM PA NI, DON DAM PAR SKYE BA MED DE, RGYU DU MAS 'BRAS BU GCIG KHO NA BYED PA YANG MIN, DU MAS DU MA KHO NA BYED PA YANG MIN, RGYU GCIG GIS 'BRAS BU DU MA KHO NA BYED PA YANG MIN, 'BRAS BU GCIG KHO NA BYED PA YANG MA YIN PA'I PHYIR TE, YE SHES SNYING PO'I BDEN GNYIS 'GREL PAR; DU MAS GCIG GI DNGOS MI BYED, ,DU MAS DU MA BYED MA YIN, ,GCIG GI DU MA'I DNGOS MI BYED, ,GCIG GIS GCIG BYED PA YANG MIN, ,ZHES GSUNGS PA'I PHYIR, BZHI PA RDO RJE GZEGS MA'I GTAN TSIG NI, MYU GU CHOS CAN, DON DAM PAR SKYE BA MED DE, ,BDAG LAS KYANG MI SKYE, DON DAM PAR GZHAN LAS KYANG MI SKYE, BDAG GZHAN GNYIS KA LAS KYANG MI SKYE, RGYU MED PAR YANG MI SKYE BA'I PHYIR; DANG PO GRUB STE, BDAG LAS SKYES NA, SKYE BYA SKYE BYED DANG BYA BYED LAS GSUM THAMS CAD GCIG TU THAL BA'I SKYON YOD PA'I PHYIR, GNYIS PA GRUB STE, DON DAM PAR GZHAN LAS SKYE NA, RGYU YIN MIN THAMS @040B CAD LAS 'BRAS BU YIN MIN THAMS CAD 'BYUNG BA'I SKYON YOD PA'I PHYIR, RTAGS GSUM PA GRUB STE, DON DAM PAR GZHAN LAS MI SKYE ZHING, BDAG LAS KYANG MI SKYE BA'I PHYIR, BZHI PA GRUB STE, RGYU MED LAS SKYE NA 'BAD RTZO LA THAMS CAD DON MED PAR THAL BA DANG, 'BRAS BU THAMS CAD DUS RTAG TU SKYE BAR THAL PA'I SKYON YOD PA'I PHYIR, DE SKAD DU YANGS LU LJANG PA'I MDO LAS, DGE SLONG DAG MING DANG GZUGS KYI MYU GU DE YANG BDAG GIS MA BYAS, GZHAN GYIS MA BYAS GNYIS KAS MA BYAS, RGYU MED PA YANG MIN NO, ,ZHES DANG, RTZA SHES LAS, BDAG LAS MA YIN GZHAN LAS MIN, ,GNYIS LAS MA YIN RGYU MED MIN, ,DNGOS PO GANG DAG GANG NA YANG, ,SKYE BA NAM YANG YOD MA YIN, ,ZHES DANG, RGYU DANG 'BRAS BU GCIG NYID DU, ,NAM YANG 'THAD PA MA YIN NO, ,RGYU DANG 'BRAS BU GCIG NYID NA, ,SKYE BYA SKYE BYED GCIG TU 'GYUR, ,RGYU DANG 'BRAS BU GZHAN NYID DU, ,NAM YANG 'THAD PA MA YIN NO, ,RGYU DANG 'BRAS BU GZHAN NYID NA, ,RGYU DANG RGYU MIN MTSUNGS PAR 'GYUR, ,ZHES DANG, 'JUG PAR, DE NYID DE LAS 'BYUNG MIN GZHAN DAG LAS LTA GA LA ZHIG , GNYIS KA LAS KYANG MA YIN RGYU MED PAR NI GA LA YOD, CES DANG, SKYES PAR GYUR PA SLAR YANG SKYE BA RIGS PA'ANG MA YIN NYID, ZHES SOGS DANG, GZHAN LA BRTEN NAS GAL TE GZHAN ZHIG 'BYUNG BAR 'GYUR NA NI, 'O NA ME LCE@041A *, ,LAS KYANG MUN PA MTHUG PO 'BYUNG 'GYUR ZHING, ZHES SOGS DANG, GNYIS LAS SKYE BA'ANG RIGS PA'I NGO BO MA YIN GANG GI PHYIR, ZHES SOGS DANG, GAL TE RGYU MED KHO NAR SKYE BAR LTA ZHIG 'GYUR NA NI, ZHES SOGS 'BYUNG BA'I PHYIR RO, ,GNYIS PA GCIG DU BRAL BYE BRAG TU BSHAD PA LA, RTAGS 'GOD PA DANG, TSUL SGRUB PA GNYIS, DANG PO NI, MYU GU CHOS CAN, BDEN PAR MA GRUB STE, BDEN PAR GRUB PA'I GCIG DANG DU MA GANG RUNG MA YIN PA'I PHYIR, DPER NA GZUGS BRNYAN BZHIN, DE SKAD DU YANG DBU MA RGYAN LAS, BDAG DANG GZHAN SMRA'I DNGOS 'DI DAG ,YANG DAG PAR NI GCIG PA DANG, ,DU MA'I RANG BZHIN BRAL PA'I PHYIR, ,BDEN PAR MED DE GZUGS BRNYAN BZHIN, ,ZHES 'BYUNG BA'I PHYIR, GZUGS BRNYAN BDEN PAR MED PA'I RGYU MTSAN NI SNANG TSUL DANG GNAS TSUL MI MTHUN PA'I PHYIR, BYANG BZHIN DU SNANG YANG BYANG BZHIN DU MED PA'I PHYIR TE, BYAD BZHIN DANG SDOD LUGS 'GAL PA KHO NA YIN PA'I PHYIR TE, BYANG BZHIN GYI NGOS SHAR LA LTAS NA, DE'I GZUGS BRNYAN GYI NGOS NI NUB LA LTA PAR MNGON SUM GYIS GRUB PA'I PHYIR, GNYIS PA LA PHYOGS CHOS BSGRUB PA DANG, KHYAB PA BSGRUB PA GNYIS, DANG PO LA, BDEN PA'I GCIG BRAL BSGRUB PA DANG, DU BRAL BSGRUB PA GNYIS, DANG @041B PO NI; MYU GU CHOS CAN, BDEN PA'I GCIG TU MA GRUB STE, CHA BCAS YIN PA'I PHYIR, YONG PA GANG ZHIG, CHA MED MI SRID PA'I PHYIR, CHA MED MI SRID DE 'DUS BYAS LA YANG MI SRID, 'DUS MA BYAS LA YANG MI SRID PA'I PHYIR, DANG PO GRUB STE, GZUGS LA YANG MI SRID, SHES PA LA YANG MI SRID, 'DU BYED KYI PHUNG PO LA YANG MI SRID PA'I PHYIR, DANG PO GRUB STE, RAGS PA LA YANG MI SRID, RDUL PHRA RAB LA YANG MI SRID PA'I PHYIR; DANG PO GRUB STE, RAGS PA RNAMS KYIS RANG MTHONG BA LA MI SGRIB, GZHAN MTHONG BA LA SGRIB PA'I PHYIR, DE SKAD DU YANG, DBU MA RGYAN LAS, SGRIB DANG MA SGRIB SNGO SOGS PHYIR, RAGS PA RNAMS KYANG GCIG PU MIN, ZHES GSUNGS SO, ,GNYIS PA GRUB STE, DBUS RDUL PHRA RAB GCIG LA PHYOGS DRUG GI RDUL GYIS BSKOR BA'I TSE, DBUS RDUL GYI SHAR LA LTA BA'I NGOS DES SHAR LA LTA YANG, GZHAN RNAMS LA MI LTA BA'I PHYIR TE, LTA NA, RDUL PHRA RAB RNAMS LA BRTEN NAS RAGS PA RTZOMS PA MI 'THAD DGOS PA'I PHYIR, DE SKAD DU YANG DBU MA RGYAN LAS, 'BYAR BA DANG NI SKOR BA'Am, ,BAR MED RNAM PAR GNAS KYANG RUNG, ,DBUS GNAS RDUL PHRAN RDUL GCIG LA, ,LTA BA'I RANG BZHIN GANG YIN PA, ,RDUL PHRAN GZHAN LA LTA BA YANG, ,GAL TE DE NYID YIN BRJOD NA, ,DE LTAR YIN NAS CHU SOGS, ,JI LTAR RGYAS PAR 'GYUR MI NA NAm, ,RDUL @042A *, ,PHRAN GZHAN LA LTA BA'I NGOS, ,GAL TE GZHAN DU 'DOD NA NI, ,RAB TU PHRA RDUL JE LTA BUR, ,GCIG BU CHA SHAS MED PAR 'GYUR, ,ZHES GSUNGS PA'I PHYIR DANG, NYI SHU PA LAS, DRUG GIS CIG CAR BSKOR BA NA; ;PHRA RAB RDUL CHA DRUG TU 'GYUR, ,DRUG PO DAG KYANG GO GCIG NA, ,GONG BU'ANG RDUL PHRAN TZAM DU 'GYUR, ,ZHES GSUNGS PA'I PHYIR, GNYIS PA SHES PA LA CHA MED MI SRID DE SHES PA RNAMS SKAD CIG SNGA PHYI'I CHA DANG BCAS PA'I PHYIR TE, SHES PA SKAD CIG SNGA MA'I SKAD CIG DANG PO DANG, GNYIS PA'I SKAD CIG THA MA'I BAR DU CHOS GZHAN GYIS CHOD, GNYIS PA'I SKAD CIG DANG PO DANG, DANG PO'I SKAD CIG THA MA'I BAR DU CHOS GZHAN GYIS MA CHOD PA'I PHYIR TE, SHES PA SKAD CIG SNGA PHYI DE GNYIS DNGOS RGYU DANG DNGOS 'BRAS YIN PA'I PHYIR, GSUM PA 'DU BYED KYI PHUNG PO LA CHA MED MI SRID DE, DE RNAMS SKYE GNAS 'JIG PA'I CHA DANG BCAS PA'I PHYIR TE, DE RNAMS RANG GI RGYU DUS SU SKYE BA'I CHA, RANG DUS SU GNAS PA DANG, 'JIG PA'I CHA DANG BCAS PA'I PHYIR TE, DE RNAMS NI RANG GI 'BRAS BU'I DUS SU ZHIG PA'I PHYIR, GNYIS PA 'DUS MA BYAS LA CHA MED MI SRID DE, NAM MKHA' LA YANG MI SRID, BRTAGS 'GOG LA YANG MI SRID, BRTAGS MIN GYI 'GOG PA LA YANG MI SRID, CHOS NYID LA YANG MI SRID PA'I PHYIR, DANG PO GRUB STE, BUM @042B NANG LA KHYAB PA'I NAM MKHAS KHA PHOR GYI NANG LA MA KHYAB PA'I PHYIR TE, BUM PA CHUS GANG BA'I TSE, KHA PHOR CHUS MA GANG PAR YOD PA'I PHYIR, GNYIS PA GRUB STE, SLOB PA'I RGYUD KYI RTAGS 'GOG RNAMS SGRIB PA MA SPANGS PA'I CHA DANG BCAS, SANGS RGYAS KYI 'GOG BDEN SGRIB GNYIS SPANGS PA'I CHA DANG BCAS PA'I PHYIR, GSUM PA GRUB STE, SO SKYE'I RGYUD NYON MONGS RAGS PA 'GA' ZHIG DAG PA DE CHA DANG BCAS PA'I PHYIR TE, DE LA YANG ZHE SDANG MNGON 'GYUR LTA BUS DAG PA'I CHA DANG, 'DOD CHAGS MNGON 'GYUR BA LTA BUS MA DAG PA'I CHA YOD PA'I PHYIR, BZHI PA GRUB STE, SEMS CAN GYI RGYUD KYI CHOS NYID SGRIB PA DANG BCAS, SANGS RGYAS KYI CHOS NYID SGRIB PA SPANGS PA'I CHA DANG BCAS PA'I PHYIR RO, ,CHA BCAS YIN NA BDEN PA'I GCIG TU MA GRUB DGOS TE, CHA BCAS YIN NA BDEN PAR MA GRUB DGOS PA'I PHYIR TE, CHA BCAS YIN NA SNANG TSUL DANG GNAS TSUL MI MTHUN DGOS, DE YIN NA BDEN PAR MA GRUB DGOS, BDEN PAR MA GRUB NA BDEN PA'I GCIG TU MA GRUB DGOS PA'I PHYIR TE, DE LTAR MIN PA LA RIGS PA DU MAS GNOD PA'I PHYIR, JI LTAR GNOD NA, CHA CAN DANG CHA DU MA CHOS CAN, CHA MED YIN PAR THAL, BDEN PAR GRUB PA'I GCIG YIN PA'I PHYIR, KHYAB STE, CHA BCAS YIN NA, RANG GI CHA SHAS RNAMS RANG @043A *, ,DANG NGO BO THA DAD DU SNANG YANG NGO BO GCIG YIN DGOS, DE LTAR YIN NA BDEN PAR MA GRUB DGOS PA'I PHYIR, 'DOD NA, DE GNYIS CHOS CAN, GCIG YIN PAR THAL, YOD PA GANG ZHIG , CHA MED YIN PA'I PHYIR, 'DOD NA CHA DU MA CHOS CAN, GCIG YIN PAR THAL, CHA CAN DANG GCIG YIN PA'I PHYIR, 'DOD MI NUS TE, KHYOD DU MAR 'JAL BA'I TSAD MAS KHYOD GCIG MA YIN PAR RTOGS PA'I PHYIR YANG CHA CAN CHOS CAN, DU MA YIN PAR THAL, CHA SHAS DU MA RNAMS DANG GCIG YIN PA'I PHYIR, 'DOD MI NUS TE, KHYOD GCIG TU 'JA' BA'I TSAD MAS KHYOD DU MA MA YIN PAR RTOGS PA'I PHYIR, DES NA CHA CAN DANG CHA DU MA CHOS CAN, THA DAD YIN PAR THAL, DE MA YIN PA LA RIGS PA GNYIS PO DES GNOD PA'I PHYIR, CHA CAN DANG CHA DU MA CHOS CAN, THA DAD YIN NA DE LTAR DU STONG NYID LA GNYIS SNANG NUB PA'I 'PHAGS PA'I MNYAM GZHAG GIS GZIGS MI DGOS PAR THAL, THA DAD GANG ZHIG DE LTAR DU STONG NYID LA GNYIS SNANG NUB PA'I 'PHAGS PA'I MNYAM GZHAG YE SHES KYIS MA GZIGS PA'I PHYIR, PHYI MA DER THAL, DE LA MI SNANG BA'I PHYIR TE, DE LA GNYIS SNANG NUB PA'I TSUL GYIS KYANG MI SNANG, GNYIS SNANG DANG BCAS PA'I TSUL GYIS KYANG MI SNANG BA'I PHYIR, DANG PO GRUB STE, DON DAM BDEN PA MA YIN PA'I PHYIR, GNYIS @043B PA GRUB STE, STONG NYID LA GNYIS SNANG NUB PA'I 'PHAGS PA'I MNYAM GZHAG DE NI GNYIS SNANG MTHA' DAG DANG BRAL BA'I RIG PA YIN PA'I PHYIR, DES NA CHA CAN DANG CHA DU MA CHOS CAN, THA DAD DU MED PAR THAL; THA DAD DU YOD NA STONG NYID LA GNYIS SNANG NUB PA'I 'PHAGS PA'I MNYAM GZHAG YE SHES KYIS GZIGS DGOS PA LAS THA DAD DU DES MA GZIGS PA'I PHYIR, ZHES PA'I THAL GYUR DE'I RTAGS DANG PO KHEGS PA YIN PAR THAL, CHA CAN DANG CHA DU MA THA DAD DU YOD NA DE LTAR DU STONG NYID LA GNYIS SNANG NUB PA'I 'PHAGS PA'I MNYAM GZHAG GIS GZIGS MI DGOS PA'I PHYIR, 'DOD NA, THAL 'GYUR DE'I GTAN TSIGS KHEGS PAR THAL, THAL 'GYUR DE'I RTAGS ZUR DANG PO KHEGS PA'I PHYIR, KHYAB STE, THA DAD DU YOD NA DE LTAR DU STONG NYID LA GNYIS SNANG NUB PA'I 'PHAGS PA'I MNYAM GZHAG GIS GZIGS DGOS PA DE KHEGS NA DE DANG DE LTAR DU STONG NYID LA GNYIS SNANG NUB PA'I 'PHAGS PA'I MNYAM GZHAG GIS MA GZIGS PA'I TSOGS DON KHEGS DGOS PA'I PHYIR TE, YA GYAL BKAG NA, TSOGS PA KHEGS DGOS PA'I PHYIR TE, DE SKAD DU YANG SNYING PO RGYAN LAS, DE DAG LA BRTEN NAS CHA DU MA DANG CHA CAN THA DAD MED PA KHEGS LA, DE KHEGS PAS THAL BA'I RTAGS KHEGS SHING DE YANG YA GYAL BKAG NA TSOGS @044A *, ,PA KHEGS PA YIN PAS RTAGS ZUR PHYI MA KHEGS PA MI 'THAD CING SNGA MA KHEGS PAS RTAGS DE KHEGS PAR KHAS LEN DGOS LA, CHA DANG CHA CAN THA DAD DU YOD NA 'PHAGS PA'I MNYAM GZHAG GIS GZIGS RUNG KHEGS PA'I CHA SHAS DANG BDEN PA'I GCIG GRUB KYI GZHI MTHUN KHEGS SO, ,ZHES GSUNGS PA'I PHYIR, GNYIS PA BDEN PA'I DU BRAL SGRUB PA NI, GZHI LAM RNAM GSUM CHOS CAN, BDEN PA'I DU MAR MA GRUB STE, BDEN PAR GRUB PA'I GCIG MED PA'I PHYIR, KHYAB STE, GCIG MED NA DU MA MED DGOS PA'I PHYIR TE, GCIG BSAGS PA LAS DU MA 'BYUNG DGOS PA'I PHYIR, SNGAR BDEN PA'I GCIG TU MA GRUB PAR SGRUB NAS 'DIR BDEN PA'I GCIG MED BA RTAGS SU BKOD PA'I RGYU MTSAN YOD DE, GCIG DU BRAL GYI RTAGS KYIS GZHI LAM RNAM GSUM SOGS KYI STENG DU BDEN MED SGRUB PA'I RTAGS KYI KHYAB PA SGRUB PA LA NYE BAR MKHO BA'I PHYIR TE, BDEN GRUB KYI GCIG MED NA, BDEN GRUB KYI DU MA MED DGOS, DE GNYIS MED NA BDEN GRUB MED DGOS PA'I PHYIR TE, GCIG DANG DU MAR MED NA, MED DGOS PA'I PHYIR RO, , GNYIS PA KHYAB PA SGRUB PA NI, BDEN GRUB KYI GCIG DANG BDEN GRUB KYI DU MA GANG RUNG MA YIN NA BDEN PAR MA GRUB PAS KHYAB STE, DE LTAR DU, RTAGS KYI MTSAN GZHI NGES PA'I TSAD MA, DGAG CHOS DANG SGRUB @044B CHOS DNGOS 'GAL DU NGES PA'I TSAD MA, RTAGS DANG DGAG BYA'I CHOS KYI GZHI MTHUN 'GOG PA'I TSAD MA GSUM LA BRTEN NAS 'GRUB PA'I PHYIR, DANG PO GRUB STE, GZHI LAM RNAM GSUM LTA BU BDEN GRUB KYI GCIG DANG BDEN GRUB KYI DU MA GANG RUNG MA YIN PAR BSGRUBS ZIN PA'I PHYIR, GNYIS PA GRUB STE, BDEN PAR MED PA DE NYID BDEN GRUB DANG DNGOS 'GAL YIN PA'I PHYIR TE, YOD PA MED PA DANG DNGOS 'GAL YIN PA'I PHYIR; GSUM PA GRUB STE, BDEN GRUB KYI GCIG DANG, BDEN GRUB KYI DU MA GANG RUNG MA YIN PA DANG, BDEN PAR GRUB PA'I GZHI MTHUN MI SRID PA'I PHYIR TE, GCIG DANG DU MA GANG RUNG MA YIN PA DANG, YOD PA YIN PA'I GZHI MTHUN MI SRID PA'I PHYIR TE, GZUGS CAN LTA BU GCIG DANG DU MA GANG RUNG MA YIN PA DANG, YOD PA'I GZHI MTHUN MA YIN PAR RTOGS NA, RIGS PA DE'I MTHU LA BRTEN NAS GZUGS CAN LTA BU BDEN GRUB KYI GCIG DANG; BDEN GRUB KYI DU MA GANG RUNG MA YIN PA DANG, BDEN GRUB KYI GZHI MTHUN MA YIN PAR RTOGS NUS PA'I PHYIR, KHA CIG ,YOD NA GCIG DANG DU MA GANG RUNG YIN PAR NGES PA DES BDEN PAR YOD NA BDEN PA'I GCIG DANG; BDEN PA'I DU MA GANG RUNG GIS MA KHYAB PAR 'DZIN PA'I SGRO 'DOGS GCOD PA YIN NO ZHES ZER BA MI 'THAD DE, YOD NA GCIG DANG DU MA GANG RUNG DU NGES PA'I TSAD MA DES BDEN PAR MED NA BDEN PA'I GCIG DANG @045A *, ,BDEN PA'I DU MA GANG RUNG DU MED PA'I KHYAB PA MA RTOGS PA'I PHYIR TE, BYAS NA MI RTAG PA'I KHYAB PA NGES PA'I TSAD MAS SGRA BYAS NA SGRA MI RTAG PAS KHYAB PAR MA RTOGS PA'I PHYIR TE, DES SGRA MI RTAG PAR MA RTOGS PA'I PHYIR RO, ,GSUM PA RTAGS KYI 'GAG BYA'I BDEN TSAD BSTAN PA NI, CHOS RNAMS BLO LA SNANG BA'I DBANG GIS BZHAG PA MA YIN PAR, RANG GI THUN MONGS MA YIN PA'I SDOD LUGS KYI NGOS NAS GRUB NA DON DAM DPYOD BYED KYI RTAGS KYI 'GAG BYA DANG, BDEN PAR GRUB DGOS TE, CHOS THAMS CAD BLO LA SNANG BA'I DBANG GIS BZHAG PA YIN PA'I PHYIR TE, DE LTAR DU SGYU MA'I DPE LA BRTEN NAS GRUB PA'I PHYIR TE, RDE SHING RTA GLANG DU SNANG BA LTA BU DE LTAR SNANG PA'I BLO'I DBANG GIS BZHAG PA'I PHYIR TE, DE LTAR SNANG BA NI YOD, RDE SHING RANG NGOS NAS RTA GLANG DU MA GRUB PA'I PHYIR TE, SDE SHING RTA GLANG DU MA 'KHRUL PA'I MIG SHES LA MI SNANG BA'I PHYIR, DES NA CHOS RNAMS BDEN PAR GRUB PA MED DE, RDE SHING RTA GLANG DU GRUB PA MED PA'I PHYIR, BZHI PA RTZOD SPANGS LA, DBUS RDUL PHRA RAB GCIG LA PHYOGS DRUG GIS RDUL GYIS SKOR PA MI 'THAD DE, RDUL MED PA'I PHYIR TE, BEM PO MED PA'I PHYIR TE, PHYI DON MED PA'I PHYIR TE, BZUNG DON RTOGS PA SPONG PHYIR DANG, ZHES SOGS GSUNGS PA'I PHYIR, ZHES ZER NA, @045B PHYI DON MED NA RDUL MED MI DGOS TE, PHYI ROL GYI GZUGS MED NA GZUGS MED MI DGOS PA'I PHYIR TE, DAG SA LA GNAS PA'I SEMS DPA'I YON TAN RNAMS NI STONG GSUM GYI STONG CHEN PO'I 'JIG RTEN GYI KHAMS KYI RDUL PHRA RAB SOGS KYI GRANGS LAS RTOGS DGOS PAR, SA'I YONGS SBYONGS KYI SKABS SU GSUNGS PA'I PHYIR, RDUL PHRA RAB MED PAR THAL, SANGS RGYAS KYI SA NA BEM POS BSDUS PA'I RDUL PHRA RAB MED PAR BSHAD PA'I PHYIR, ZHE NA, MA KHYAB STE, SANGS RGYAS KYI SA NA 'BYUNG BA 'BYUNG 'GYUR MED KYANG, 'BYUNG BA 'BYUNG 'GYUR YOD PA'I PHYIR TE, SANGS RGYAS KYI GZUGS KYI SKU YE SHES KYI RANG SNANG LAS GRUB PA'I PHYIR TE; DE LTAR DU GSANG BA BAS MA GYI MI KHYAB PA'I MDO DANG, RGYUD BLA SOGS LAS GSUNGS PA'I PHYIR TE, DE LTAR DU 'OG NAS 'CHAD PA'I PHYIR, BLO LA SNANG BA'I DBANG GIS BZHAG PA MA YIN PAR, RANG GI MTHUN MONGS MA YIN PA'I SDOD LUGS KYI NGOS NAS GRUB PA RTAGS KYI 'GAG BYAR BSHAD PA MI 'THAD PAR THAL, RANG GI MTSAN NYID KYIS GRUB PA, RANG GI NGO BO NYID KYIS GRUB PA SOGS RTAGS KYI 'GAG BYA'I BDEN TSAD DU RIGS PA'I PHYIR, ZHE NA MI 'THAD DE, CHOS RNAMS RANG GI MTSAN NYID KYI GRUB PA'I PHYIR TE, SGRO 'DOGS RANG GI MTSAN NYID KYI MED PAR LTA BA SKUR 'DEBS YIN PA'I PHYIR TE, SHES RAB SGRON MA LAS,@046A *, ,GAL TE GZUGS ZHES BYA BA YID LA BRJOD PA DANG, TSIG TU BRJOD PA'I KUN BTAGS PA'I NGO BO NYID GANG YIN PA DE MED DO ZHE NA NI DNGOS PO LA SKUR PA 'DEBS PA YIN TE, ZHES BSHAD CING, DE'I 'GREL BSHAD DU, SPYAN RAS GZIGS KYI BRTUL ZHUGS LAS GAL TE GZUGS ZHES BYA BAR NGO BO NYID DANG KHYAD PAR DU YID LA BRJOD PA RNAM PAR RTOG PA DANG, TSIG TU BRJOD PA THA SNYAD 'DOGS PA'I NGO BO NYID GANG YIN PA DE, MTSAN NYID NGO BO NYID MED PA NYID KYIS NGO BO NYID MED DO ZHE NA NI KUN RDZOB TU GZHAN GYI DBANG GI DNGOS PO LA SKUR BA 'DEBS PA YIN PAS MI RUNG BAR BSTAN TE, ZHES GZUGS SOGS BDEN GRUB KUN BTAGS YIN ZHES THA SNYAD 'DOGS PA'I SGRO 'DOGS RANG GI MTSAN NYID KYIS MED PAR LTA BA SKUR 'DEBS KYI LTA BAR GSUNGS PA'I PHYIR, GZHAN YANG DBU MA RANG RGYUD PA RNAMS NI RANG GI MTSAN NYID KYI GRUB PA DANG, BDEN STONG GI GZHI MTHUN BZHED PAR THAL, DE LTAR DU DPAL LDAN ZLA BA GRAGS PAS BSHAD PA'I PHYIR TE, 'JUG PAR, GAL TE RANG GI MTSAN NYID RTEN GYUR NA, DE LA SKUR BAS DNGOS PO 'JIG PA'I PHYIR, STONG NYID DNGOS PO 'JIG PA'I RGYUR GYUR NA, ZHES SOGS GSUNGS PA'I PHYIR, GZHAN YANG RANG GI MTSAN NYID KYI GRUB PA YOD DE, GZHAN SKYE YOD PA'I PHYIR TE, SLOB DPON @046B LEGS LDAN 'BYED KYIS GZHAN SKYE 'GOG PA NA, DON DAM PAR NANG GI MIG SOGS RNAMS GZHAN LAS SKYE BA MED DO, ,ZHES SOGS GSUNGS PA'I PHYIR, ` GNYIS PA GZHUNG DON NI, RGYAN GYI CHED DU BYA BA'I GDUL BYA DBANG RNON CHOS KYI RJES 'BRANG RNAMS NI CHOS CAN, YUM LA RAB TU DVANG BA SKYE BA'I RGYU MTSAN YOD DE, YUM GYI NGO BO DANG BYED LAS LA GNOD BYED MED PAR RTOGS SHING SGRUB BYED YOD PAR RTOGS PA'I SGO NAS YUM LA DVANG PA SHUGS DVAG SKYES PA'I PHYIR, YUM GYI NGO BO LA SGRUB BYED YOD DE, GCIG DU BRAL GYI RTAGS LAS GZHI LAM RNAM GSUM SKYE MED DU RTOGS ZIN GOMS PAR BYAS PA LAS KUN MKHYEN GSUM GYI GO 'PHANG THOB PAR 'GYUR BA'I PHYIR, YUM GYI BYED LAS LA SGRUB BYED YOD DE, MKHYEN PA GSUM GYIS RANG SRAS 'PHAGS PA RNAMS BSKRUN PAR NUS PA'I PHYIR TE, DE LTAR DU DPYAD PA GSUM GYIS DAG PA'I LUNG LAS GRUB PA'I PHYIR, MCHOD BRJOD KYI TSIGS SU BCAD PA 'DI CHOS CAN, RANG GI BSTAN BYA'I DON LA MI BSLU BA YIN TE, DPYAD GSUM GYIS DAG PA'I LUNG YIN PA'I PHYIR, ZHES PA'I RTAGS LAS TSIGS SU BCAD PA DE NYID RANG GI BSTAN BYA'I DON LA MI BSLU BAR RTOGS PA NA MKHYEN PA GSUM GYIS RANG SRAS 'PHAGS PA BSKRUN PAR STON PA'I PHYIR RO, ,'DIR YUM SKYE MED KYI RNAM BA CAN DU BSHAD @047A *, ,PA'I RGYU MTSAN YOD DE, BDAG MED RTOGS PA'I SHES RAB 'PHAGS PA BZHI'I MTHUN MONGS PA'I YUM YIN NO ZHES RTOGS PA'I DGOS PA YOD PA'I PHYIR, BDAG MED RTOGS PA'I SHES RAB; 'PHAGS BZHI'I MTHUN MONGS PA'I YUM YIN TE, 'PHAGS PA'I GO 'PHANG THOB PAR 'DOD PA RNAMS KYIS BDAG MED RTOGS PA'I SHES RAB SGOM DGOS PA'I PHYIR TE, MI RTAG LA SOGS BCU DRUG RTOGS PA'I SKYES BU 'BRING GI BSAM PA LEGS PAR SBYANGS DGOS PA'I PHYIR TE, 'DI LA DGONGS NAS, MDO LAS, PHA NI THABS DANG MA NI SHES RAB, CES DANG, NYAN THOS KYI SA LA BSLAB PAR 'DOD PAS KYANG SHER PHYIN LA BSLAB PAR BYA'O, ,ZHES GSUNGS, GNYIS PA DON BSDU BA NI, ` DE'I PHYIR BCOM LDAN 'DAS MA LA RAB TU DVANG BA, ZHES SOGS KYI SKABS SU, DNGOS DANG, DANG PA DKAR CHOS KUN GYI RTZA BAR BSTAN PA GNYIS, DANG PO NI, BCOM LDAN 'DAS MA LA RAB TU DVANG BA'I DAD PA CHOS CAN, GNAS SKABS DANG MTHAR THUG GI LEGS PA THAMS CAD THOB PA'I RGYU'I GTZO BO YIN TE; DE LTAR DU DE LAS, THOS PA LAS BYUNG BA LA SOGS PA SHES PA SKYE BA'I RIM GYIS MCHOG THOB PAR 'GYUR RO, ,ZHES SOGS KYI SKABS SU BSGRUBS PA'I PHYIR, GNYIS PA NI, DAD PA DKAR CHOS KUN GYI @047B RTZA BA YIN TE, DE LTAR DU YID CHES BA'I LUNG LA BRTEN NAS GRUB PA'I PHYIR TE, DKON MCHOG SGRON ME'I MDO LAS, RGYAL DANG RGYAL BA'I CHOS LA DAD GYUR CING, ,RGYAL SRAS RNAMS KYI SPYOD LA DAD BYED PA, ,BYANG CHUB BLA NA MED LA DAD GYUR NA, ,SKYES BU CHEN PO RNAMS KYI SEMS SKYE'O, ,ZHES DANG, DAD PA SNGON 'GRO MA LHAR SKYED PA STE, ,ZHES DANG, DAD PA'I RTZA BA RAB BRTAN BYA, ,ZHES SOGS DANG, SDONG PO BKOD PA'I MDO LAS, DAD PA THEG PA'I MCHOG YIN TE, ,DE NI 'DREN PA MYA NGAN 'DA', ,DE PHYIR BLO DANG LDAN PA'I MI, ,DAD PA'I RJES SU 'BRANG BA BRTEN ,ZHES DANG, CHOS BCU PA'I MDO LAS, DAD PA MED PA'I MI RNAMS LA, ,DKAR PO'I DGE BA MI 'BYUNG STE, ,SA BON ME YIS TSIG PA LA, ,MYU GU SNGON PO JI BZHIN NO, ,ZHES DANG, SENG+GES ZHUS PA LAS, DAD PAS MI KHOM SPONG BAR BYED, ,CES DANG, RGYA CHE ROL PA'I MDO LAS, KUN DGA'O DAD PA LA SBYOR BA GYIS SHIG; 'DI NI DE BZHIN GSHEGS PA LA GSOL BA 'DEBS PA'O, ,ZHES DANG, SPYOD 'JUG LAS DGE PA'I CHOS NI THAMS CAD KYI, ,RTZA BA MOS PAR THUB PAS GSUNGS, ,ZHES GSUNGS PA'I PHYIR RO, , GSUM PA NI, ` DE LA THAMS CAD MKHYEN PA NYID GSUM GYIS NI, ZHES SOGS KYI SKABS SU, RJE BTZUN GYIS MKHYEN GSUM GYI YON TAN BRJOD PA'I SGO NAS YUM LA BSTONG PHYAG MDZAD PA MI 'THAD PAR THAL, YUM @048A *, ,MTHA' DAG LA BSTOD NA BSTOD GRANGS NYUNG, YUM GYI PHYOGS GCIG LA BSTOD NA BSTOD GRANGS MANGS BA'I PHYIR, ZHE NA, RTAGS DANG PO MA GRUB STE, RJE BTZUN GYIS MKHYEN GSUM GYI YON TAN BRJOD PA'I SGO NAS YUM LA BSTOD PA 'DI LA RGYU MTSAN DANG DGOS PA GNYIS YOD PA'I PHYIR, RJE BTZUN CHOS CAN, MKHYEN GSUM GYI YON TAN BRJOD PA'I SGO NAS YUM MTHA' DAG LA BSTOD PA'I RGYU MTSAN YOD DE, MKHYEN GSUM GYI YON TAN BRJOD PAS YUM MTHA' DAG GI YON TAN BRJOD PAR 'GYUR BA'I RGYU MTSAN GYIS MKHYEN GSUM GYI YON TAN BRJOD PA'I SGO NAS YUM MTHA' DAG LA BSTOD PA'I PHYIR, MKHYEN GSUM GYI YON TAN BRJOD PA NA YUM MTHA' DAG GI YON TAN BRJOD PAR 'GYUR TE MKHYEN GSUM GYI YUM MTHA' DAG BSDUS PA'I PHYIR TE, DES MNGON PAR RTOGS PA BRGYAD KA BSDUS PA'I PHYIR TE, MKHYEN GSUM NYAMS LEN GYI SBYOR BAS MNGON PAR RTOGS PA BRGYAD NYAMS LEN GYI SBYOR BAR BSDUS, MKHYEN GSUM GYI YON TAN BRJOD PAR 'DOD PAS MNGON PAR RTOGS PA BRGYAD KYI YON TAN BRJOD PAR 'DOD PA BSDUS PA'I PHYIR, DANG PO GRUB STE, MKHYEN GSUM RDZOGS PAR NYAMS SU LEN NA MNGON PAR RTOGS PA BRGYAD KA RDZOGS PAR NYAMS SU LEN PAS KHYAB PA YOD PA'I PHYIR DANG, MNGON PAR RTOGS PA BRGYAD @048B PO GANG RUNG YIN NA, MKHYEN GSUM GANG RUNG GI SBYOR BA'I SGOM BYA'I RNAM PA YIN DGOS PA'I PHYIR, GNYIS PA GRUB STE, MKHYEN GSUM GYI YON TAN MTHA' DAG BRJOD PAR 'DOD NA YUM MTHA' DAG GI YON TAN BRJOD PAR 'DOD PAS KHYAB PA'I PHYIR TE, MKHYEN GSUM GYI YON TAN MTHA' DAG RTOGS NA SBYOR BZHI DANG CHOS SKU'I YON TAN MTHA' DAG RTOGS DGOS PA'I PHYIR, SPYIR NI BSDUS TSUL RNAM PA DU MA GSUNGS TE, RGYA CHE BAS CHUNG BA BSDUS PA, CHUNG BAS CHE BA BSDUS PA, GTZO BOS 'KHOR BSDUS PA, 'KHOR GYIS GTZO BO BSDUS PA LA SOGS PA MANG PO GSUNGS PA'I PHYIR, DANG PO NI, NAGS TSAL GYIS SHAGS PA SDUS PA LTA BU, GNYIS PA NI; BDEN PAS STONG PA'I BDEN STONG GCIG NYID KYIS CHOS CAN THAMS CAD SDUS PA LTA BU, GSUM PA NI, BDAG CAG GI STON PAS 'KHOR RNAMS BZHI BSDUS PA LTA BU, BZHI PA NI, DRAN PA NYER GZHAG TU GYUR PA'I SHES RAB KYIS DRAN PA NYER GZHAG TU GYUR PA'I GTZO BO SEMS BSDUS PA DANG, YANG DAG SPONG BAR GYUR PA'I BRTZON 'GRUS KYIS YANG DAG SPONG BAR GYUR PA'I GTZO BO SEMS BSDUS PA DANG, RDZU 'PHRUL RKANG PAR GYUR PA'I TING NGE 'DZIN GYIS RDZU 'PHRUL GYI RKANG PAR GYUR PA'I GTZO BO SEMS BSDUS PA LTA BU STE, MDZOD LAS, DRAN PA NYER GZHAG SHES RAB STE, ,BRTZON 'GRUS YANG DAG 'JOG CES BYA, ,RDZU 'PHRUL RKANG PA'I TING 'DZIN TO, , @049A *, ,ZHES GSUNGS PA'I PHYIR RO, ` RJE BTZUN GYIS MKHYEN GSUM GYI SGO NAS YUM LA BSTOD PA BRJOD PA LA DGOS PA YOD DE, MKHYEN PA GSUM PO DES 'PHAGS BZHI'I BZHED DON MTHA' DAG SGRUB NUS SO ZHES RTOGS PA'I DGOS PA YOD PA'I PHYIR, DE LTAR SGRUB NUS TE, DE LTAR DU 'OG NAS 'CHAD PA'I PHYIR, ` BZHI PA LA RKANG PA DANG PO'I TSIG DON BSHAD PA SOGS GSUM YOD PA LAS, DANG PO LA, SPYI DON DANG GZHUNG DON GNYIS, DANG PO LA MYANG 'DAS KYI MTSAN NYID, DBYE BA, SA MTSAMS, SGRA BSHAD, RTZOD SPANGS DANG LNGA, DANG PO NI, NYON SGRIB SPANGS SHING 'DUS MA BYAS KYI RAB TU PHYE BA'I RNAM BYANG GI BDEN PAR DMIGS PA DE'O, ,GNYIS PA LA SPYIR BSTAN PA DANG, BYE BRAG TU BSHAD PA GNYIS, DANG PO LA RNAM PA DU MA GSUNGS TE, NYI SNANG LAS, BSTAN PA 'DI LA YONGS SU MYA NGAN LAS 'DAS PA RNAM PA MANG POR RNAM PAR GZHAG STE, 'DI LTA STE, RTZE MO THOB PA RNAMS KYIS NI DGE BA'I RTZA BA 'CHAD PA YONGS SU MYA NGAN LAS 'DAS PA YIN NO, ,BZOD PA THOB PA RNAMS KYIS NGAN 'GRO CHAD PA YONGS SU MYA NGAN LAS 'DAS PA YIN NO, ,BSAM GTAN THOB PA RNAMS KYIS NI DE'I YAN LAG YONGS SU MYA NGAN LAS 'DAS PA YIN NO, ,RGYUN TU ZHUGS PA RNAMS (KYIS) NI SRID PA BRGYAD PA MYA NGAN LAS 'DAS PA YIN NO, ,LAN CIG PHYIR 'ONG BA @049B RNAMS (KYIS) NI 'DIR SRID PA GSUM PA MYA NGAN LAS 'DAS PA YIN NO, ,PHYIR MI 'ONG BA RNAMS KYI NI 'DOD PA'I KHAMS YONGS SU MYA NGAN LAS 'DAS PA YIN NO, ,DGRA BCOM PA RNAMS KYIS NI PHUNG PO LHAG MA DANG BCAS PA DANG, PHUNG PO LHAG MA MED PAR MYA NGAN LAS 'DAS PA YIN NO, ,'DIR YANG DAM PA'I CHOS PADMA DKAR PO'I MDO TSAD MAR BYAS NAS JI LTAR 'PHAGS PA SH'A RI'I BU LA SOGS PA'I BYANG CHUB SEMS DPA' SEMS DPA' CHEN PO RNAMS LA; NYAN THOS KYI YONGS SU MYA NGAN LAS 'DAS PA'I RNAM PAR GZHAG PA GSUNG PA DE BZHIN DU DGONGS PA CAN GYI MYA NGAN LAS 'DAS PA YIN PAR SHES PAR BYA STE, DUS DE SRID DU 'GRO BA'I RGYUN 'CHAD PA'I PHYIR RO, ,DE NYID KYI PHYIR SEMS CAN THAMS CAD KYI DON GYI BYA BA RGYUN CHAD PA'I PHYIR, DE NYID 'DI'I YONGS SU MYA NGAN LAS 'DAS PA YIN NO, ,ZHES BSHAD DO, ,ZHES GSUNGS PA'I PHYIR, DGONGS PA CAN GYI MYANG 'DAS NI, ,SA BRGYAD PA LA GNAS PA'I BYANG CHUB SEMS DPA' RDZOGS SMIN SBYANGS GSUM MA BYAS PAR YANG DAG PA'I MTHA' LA SLAR MI LDANG BA'I TSUL GYIS MNYAM PAR GZHAG NA GZHAN DON RGYUN CHAD PA'I MYANG 'DAS SU 'GYUR BAS BRTAGS PA MTHA' BZUNG GI TSUL GYIS BSTAN PA YIN NO, ,GZHAN YANG, MYANG 'DAS 'DI LA, RANG BZHIN GYI YONGS SU MYA NGAN LAS 'DAS PA, MI GNAS PA'I MYANG 'DAS, NYAN THOS KYI MYANG 'DAS, BYANG CHUB SEMS DPA'I MYANG 'DAS, @050A *, ,DE BZHIN GSHEGS PA'I MYANG 'DAS SOGS GSUNGS SO, ,DANG PO NI, SEMS RANG BZHIN GYI DRI MAS RNAM PAR DAG PA LTA BU, GNYIS PA NI, SRID ZHI'I MTHA' LAS BRGAL BA'I 'GOG BDEN LTA BU, GSUM PA NI NYAN THOS RNAMS SKU TSE'I 'DU BYED STONG PA DANG, DGRA BCOM PA'I GO 'PHANG THOB PA LTA BU, BZHI PA NI, BYANG CHUB SEMS DPA'I SKU TSE'I 'DU BYED STONG BA LTA BU DANG, LNGA PA NI, DE BZHIN GSHEGS PA'I GO 'PHANG BRNYES PA DANG, DE BZHIN GSHEGS PA SKU TSE'I 'DU BYED SKAL DMAN GYI NGO BOR STONG PA LTA BU'O, ,GNYIS PA, BYE BRAG TU BSHAD PA LA, DNGOS SMRA BA'I LUGS, THAL 'GYUR BA'I LUGS, RANG BRGYUD PA'I LUGS DANG GSUM, DANG PO NI, THEG DMAN GYI MYANG 'DAS GANG ZHIG ,PHUNG PO'I LHAG MA DANG BCAS PA DE THEG DMAN GYI LHAG BCAS MYANG 'DAS KYI MTSAN NYID, THEG DMAN GYI MYANG 'DAS GANG ZHIG , PHUNG PO'I 'JUG PA RGYUN CHAD PA'I GNAS SKABS DE, THEG DMAN GYI LHAG MED MYANG 'DAS KYI MTSAN NYID YIN TE, RIGS PA DRUG CU PA'I 'GREL PAR, DE LA PHUNG PO LHAG MA DANG BCAS PA NI PHUNG PO TZAM DU ZAD DE NYON MONGS PA'I 'CHING BA LAS GROL BA YIN, PHUNG PO'I LHAG MA MED PA NI PHUNG PO'I RGYUN CHAD PA'I MTSAN NYID YIN PAS ZHES DNGOS SMRA BA'I BZHED PAR GSUNGS PA'I PHYIR DANG, RNAM PAR GTAN LA DBAB PA SDU BA @050B LAS PHUNG PO DANG BCAS PA DANG PHUNG PO LHAG MA MED PA'I RNAM PAR GTAN LA DBAB PA'I SDOM NI, BRAL DANG TSE YI 'DU BYED DANG, ,GYUR DANG GNAS DANG KHYAD PAR DANG, ,YOD DANG RTAGS DANG BDE BA DANG, ,BYE BRAG GZHAN DBANG BYA BA YIN, ,PHUNG PO LHAG MA DANG BCAS PA'I MYANG NA LAS 'DAS PA'I DBYINGS LA GNAS PA NYON MONGS PA THAMS CAD DANG BRAL BAR BRJOD PAR BYA 'AM, MA BRAL BAR BRJOD PAR BYA ZHE NA SMRAS PA BRAL BAR BRJOD PAR BYA'O, ,SDUG BSNGAL THAMS CAD DANG BRAL BAR BRJOD PAR BYA BA'AM, MA BRAL BAR BRJOD PAR BYA ZHE NA, SMRAS PA BRAL BA DANG, MA BRAL BAR YANG BRJOD PAR BYA STE, MA 'ONGS PA'I SKYE BA'I SDUG BSNGAL 'BYUNG BAR 'GYUR BA GANG YIN PA DE DANG NI BRAL BAR BRJOD PAR BYA'O, ,DA LTAR GYI SKYE BA'I SDUG BSNGAL GANG YIN PA DE LAS KYANG SEMS LAS BYUNG BA DANG NI BRAL BAR BRJOD PAR BYA'O, ,SKRES PA'I SDUG BSNGAL DANG SKOM PA'I SDUG BSNGAL DANG, KHAMS MA SNYOMS PA LAS GYUR PA DANG, DUS TSIG 'GYUR BA LAS GYUR BA DANG, GNOD PA LAS GYUR PA'I SDUG BSNGAL DANG NI MA BRAL BAR BRJOD PAR BYA'O, ,DE YANG KUN 'BYUNG BA LAS YIN GYI NYON MONGS PA DANG BRAL BA LAS NI MA YIN NO, ,GAL TE DGRA BCOM PA THAMS CAD SEMS LA DBANG THOB PA YIN NA CI'I PHYIR TSE'I 'DU BYED BTANG STE YONGS SU MYA NGAN LAS MI 'DA' BAR SDUG BSNGAL GYIS GNOD BZHIN DU GNAS@051A *, ,ZHE NA SMRAS PA NUS PA'I KHYAD PAR GYIS PHYIR TE 'DI LTAR DGRA BCOM PA LA LAS TSE'I 'DU BYED STONG BAR NUS LA, LA LAS NI MI NUS PA DANG, LA LAS TSE'I 'DU BYED SRING BAR NUS LA, LA LAS MI NUS PA'I PHYIR RO, ,ZHES DANG, SMRAS PA DGRA BCOM PA'I GNAS GYUR PA NI YOD DE, DE YANG SKYE MCHED DRUG GZHAN DANG GZHAN MA YIN PA NYID DU BRJOD PAR MI BYA'O, ,DE CI'I PHYIR ZHEN, 'DI LTAR GNAS GYUR PA DE NA, DE BZHIN NYID RNAM PAR BZHAG PAS RAB TU PHYE BA DANG, DE BZHIN NYID KYI RIGS CAN DANG, ,DE BZHIN NYID KYIS PON CAN DANG ,DE NYID LAS YANG DAG PAR GRUB PA YIN LA, ZHES SOGS DANG, DGRA BCOM PA PHUNG PO'I LHAG MA DANG BCAS PA'I MYANG NA LAS 'DAS PA'I DBYINGS LA GNAS PA SEMS GANG LA GNAS NAS PHUNG PO'I LHAG MA MED PA'I MYA NGAN LAS 'DAS PA'I DBYINGS SU MYA NGAN LAS 'DA' ZHE NA SMRAS PA MTSAN MA THAMS CAD MED PAS MTSAN MA MED PA'I DBYINGS 'BA' ZHIG YID LA BYED CING RIMS KYI 'GOG PA LA SNYOM PAR 'JUG LA, 'JUG PA'I RNAM PAR SHES PA 'GOG PAR BYED CING, DE'I 'OG TU KUN GZHI'I RNAM PAR SHES PA'I GNAS SPONG BAR BYED DE, KUN GZHI'I RNAM PAR SHES PA DANG, 'JUG PA'I RNAM PAR SHES PA RGYU MED PAR MI SKYE BAS DE NA 'DUS MA BYAS PA'I DBYINGS RNAM PAR DAG PA DRI MA MED PA LUS SO, ,DBYINGS DER YONGS @051B SU MYA NGAN LAS 'DAS PA NI LHA NYID KYI GRANGS SU YANG MI 'GRO LA, DRI ZA NYID DU YANG MA YIN LA, KLU NYID DU YANG MA YIN, MI 'AM CI NYID DU YANG MA YIN ,LHA MA YIN NYID DU YANG MA YIN, GNOD SBYIN NYID DU YANG MA YIN ZHING; MI NYID DU YANG MI 'GRO STE, MDOR BSDUS NA DE NI PHYOGS BCU'I SEMS CAN DU GDAGS PA'I KHAMS THAmS CAD DANG 'GRO BA THAMS CAD DANG SKYE GNAS THAMS CAD DANG, SKYE BA THAMS CAD DANG, LUS THOB PA THAMS CAD DANG, RIGS BTZUN PA THAMS CAD DANG, SA THAMS CAD PO GANG DAG YIN PA, DE DAG GI GRANGS SU MI 'GRO STE, 'DI LTAR DBYINGS DE NI SPROS PA MED PA, GRUB PA RNAMS KYI SO SO RANG RIGS PA DANG MTHUN PA YIN PA'I PHYIR RO, ,DGRA BCOM PA PHUNG PO'I LHAG MA DANG BCAS PA'I MYA NGAN LAS 'DAS PA'I DBYINGS DANG PHUNG PO'I LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DAS PA LA KHYAD PAR CI YOD CE NA, SMRAS PA PHUNG PO LHAG MA DANG BCAS PA LA GNAS PA NI GRANGS SU KHAS LEN PA YIN LA, PHUNG PO LHAG MA MED PA LA GNAS PA NI GRANGS SU KHAS LEN PA MA YIN LA, PHUNG PO'I LHAG MA DANG BCAS PA LA GNAS PA NI SDUG BSNGAL DANG BCAS PA YIN LA, PHUNG PO LHAG MA MED PA LA GNAS PA NI SDUG BSNGAL MED PA DANG, PHUNG PO LHAG MA DANG BCAS PA LA GNAS GYUR PA NI SKYE MCHED DRUG DANG 'BREL PA YIN LA, PHUNG PO'I LHAG MA MED PA LA GNAS @052A *, ,PA'I GNAS GYUR PA NA SKYE MCHED DRUG DANG 'BREL PA MED PA YIN NO, ,ZHES DANG, PHUNG PO LHAG MA MED PA'I MYA NGAN LAS 'DAS PA'I DBYINGS SU GNAS GYUR PA YOD PAR BRJOD PAR BYA'AM, MED PAR BRJOD PAR BYA ZHE NA, SMRAS PA YOD PAR BRJOD PAR BYA'O, ,MTSAN NYID JI LTA BUR BRJOD PAR BYA ZHE NA, SMRAS PA SPROS PA MED PA'I MTSAN NYID DANG, CHOS KYI DBYINGS SHIN TU RNAM PAR DAG PA'I MTSAN NYID YIN NO, ,ZHES SOGS DANG, RTAG PAR BRJOD PAR BYA'AM, MI RTAG PAR BRJOD PAR BYA ZHE NA, SMRAS PA RTAG PAR BRJOD PAR BYA'O, ,DE CI'I PHYIR ZHE NA SMRAS PA, DE BZHIN NYID RNAM PAR DAG PAS RAB TU PHYE BA YIN PA'I PHYIR DANG, MI 'BYUNG BA'I PHYIR DANG, MA SKYES PA'I PHYIR DANG, ZLOG PA MED PA'I PHYIR RO, ,CI BDE BAR BRJOD PAR BYA 'AM, BDE BA MA YIN PAR BRJOD PAR BYA ZHE NA, SMRAS PA DON DAM PA'I BDE BAS BDE PAR BRJOD PAR BYA YI, TSOR BA'I BDE BAS NI MIN NO, ,ZHES DANG, SMRAS PA, PHUNG PO'I LHAG MA DANG BCAS PA'I MYA NGAN LAS 'DAS PA'I DBYINGS LA GNAS PA LA NI SGRIB PA DANG BCAS PA DANG SGRIB PA MED PA'I RNAM PAR GZHAG PA YOD KYI PHUNG PO LHAG MA MED PA'I MYA NGAN LAS 'DAS PA'I DBYINGS LA GNAS PA LA NI SGRIB PA RNAM PAR BZHAG PA MED DO, ,DE CI'I PHYIR ZHE NA, MTSAN MA DANG GNAS NGAN LEN THAMS CAD KYI @052B THAMS CAD DU RGYUN CHAD CING 'GAGS PA'I PHYIR, ZHES DANG, GAL TE DE LA SGRIB PA MED DE, JI LTAR DE BZHIN GSHEGS PA LA SGRIB PA MI MNGA' BA DE KHO NA BZHIN DU DGRA BCOM PA LA YANG SGRIB PA MED PA YIN NA, CI'I PHYIR DGRA BCOM PA YANG DE BZHIN GSHEGS PA'I MDZAD PA MI BYED CE NA, SMRAS PA SNGON SMON LAM GO MAS PA MED PA'I PHYIR DANG, DE LTA BU'I RIGS CAN YIN PA DE'I PHYIR DGRA BCOM PA NI LDANG BA'I BSAM PA MED PAR YONGS SU MYA NGAN LAS 'DA' BAS NA DE'I PHYIR MI BYED DO, ,ZHES DANG, GZUGS LAS GZHAN DU BRJOD PAR BYA'AM GZHAN MA YIN PAR BRJOD PAR BYA ZHE NA, SMRAS PA GZHAN YANG MA YIN, GZHAN MIN PA YANG MA YIN PAR BRJOD PAR BYA'O, ,ZHES DANG, PHUNG PO LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DA' BA CIG GZUGS LA SOGS PA LA DBANG THOB PAR BRJOD PAR BYA'AM, DBANG THOB PA MA YIN PAR BRJOD PAR BYA ZHE NA, SMRAS PA, DBANG THOB PAR BRJOD PAR BYA'O, ,DBANG THOB NA CI MNGON DU THOB PAR BRJOD PAR BYA'Am MNGON DU MI BYED PAR BRJOD PAR BYA ZHE NA, SMRAS PA LA LA NI MNGON DU BYED LA, LA LA NI MNGON DU MI BYED DE; DE BZHIN GSHEGS PAR GYUR NAS PHUNG PO'I LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DAS PA GANG YIN PA DE NI MNGON DU MDZAD DO, ,DE LAS GZHAN PA NI MNGON DU MI @053A *, ,BYED DO, ,ZHES SOGS DANG, NYAN THOS BYANG CHUB TU YONGSU BSGYUR BAS JI LTAR PHUNG PO LHAG MA MED PA'I MYA NGAN LAS 'DAS PA'I DBYINGS LA GNAS SHING BLA NA MED PA YANG DAG PAR RDZOGS PA'I BYANG CHUB DON PAR BSGRUB PAR BYED DAM, 'ON TE PHUNG PO'I LHAG MA DANG BCAS PA'I MYA NGAN LAS 'DAS PA'I DBYINGS LA GNAS SHING BYED CE NA, SMRAS PA, PHUNG PO'I LHAG MA DANG BCAS PA'I MYA NGAN LAS 'DAS PA'I DBYINGS LA GNAS SHING BYED DE, 'DI LTAR PHUNG PO'I LHAG MA MED PA'I MYA NGAN LAS 'DAS PA'I DBYINGS LA GNAS PA NI RTZOM PA THAMS CAD DANG BRAL ZHING 'BAD PA THAMS CAD RGYUN BCAD PA'I PHYIR RO; ;GAL TE PHUNG PO'I LHAG MA DANG BCAS PA'I MYA NGAN LAS 'DAS PA'I DBYINGS LA GNAS SHING BLA NA MED PAR YANG DAG PAR RDZOGS PA'I BYANG CHUB MNGON PAR BSGRUB PAR BYED NA, JI LTAR SKYE BA GCIG GIS BLA NA MED PA YANG DAG PAR RDZOGS PA'I BYANG CHUB MNGON PAR BSGRUB TU RUNG STE, DGRA BCOM PA LA NI RE ZHIG SKYE BA GCIG KYANG MED NA SKYE BA'I RGYU LTA CI SMOS KYANG CI DGOS ZHE NA, SMRAS PA TSE'I 'DU BYED SRINGS NAS MNGON PAR 'GRUB PAR BYED DO, ,BCOM LDAN 'DAS KYIS KYANG NYAN THOS BYANG CHUB TU YONGS SU BSGYUR PA LA SHAS CHER DGONGS NAS RIGS KYI BU NOR GYI RANG BZHIN CAN RDZU 'PHRUL GYI RKANG PA BZHI BSGOM @053B NAS; BSKAL PA'AM BSKAL BA LAS LHAG PAR GNAS PAR 'GYUR RO, ,ZHES GSUNGS TE BSKAL PA LAS LHAG PA ZHES BYA BA NI 'DI LTAR BSKAL PA BAS PHA ROL YIN PAR DGONGS SO, ,DE NI DE LTAR TSE'I 'DU BYED SRINGS SU ZIN YANG BLA NA MED PA YANG DAG PAR RDZOGS PA'I BYANG CHUB SHIN TU BUL BA YIN TE, MYA NGAN LAS 'DAS PA LA MNGON PAR DGA' BA'I PHYIR TE, BYANG CHUB SEMS DPA' LAS DANG PO BA YAG DE LTAR MIN NO, DE NI DE LTAR TSE'I 'DU BYED SRINGS NAS DBANG PO'I LUS BYIN GYIS RLOBS PAR BYED CING, SPRUL BA'I LUS KYI CHOS MTHUN PA DAG LA PHUNG PO'I LHAG MA MED PA'I MYA NGAN LAS 'DAS PA'I DBYINGS SU MYA NGAN LAS 'DAS PAR STON PAR BYED DE, DES NA DE DAG 'DI SNYAM DU DE NI PHUNG PO'I LHAG MA MED PA'I MYA NGAN LAS 'DAS PA'I DBYINGS SU MYA NGAN LAS 'DAS SO SNYAM DU SEMS SO, ,DE'I DBANG PO'I LUS BYIN GYIS BRLAB PA DE, 'DZAM BU GLING 'DIR GANG 'DOD PAR CI NAS KYANG LHA RNAMS KYIS KYANG MI MTHONG NA SEMS CAN PHAL PA GZHAN DAG GIS LTA SMROS KYANG CI DGOS PA DE LTAR RAB TU DBEN PAR GNAS PAR BYED DO, ,DE MYA NGAN LAS 'DAS PA LA MNGON PAR DGA' BA BDE BA MANG DU GNAS PAS 'JIG RTEN GYI KHAMS RAB 'BYAMS DE DANG DE DAG TU DE BZHIN GSHEGS PA DANG, BYANG CHUB SEMS DPA' RNAMS LA BSNYEN BKUR BYA BA DANG, BYANG CHUB @054A *, ,KYI PHYOGS KYI LAM BSGOMS PA LA BAG MED PA NA YANG DANG YANG DU SANGS RGYAS DANG BYANG CHUB SEMS DPA' RNAMS KYIS YANG DAG PAR BSKUL BAR MDZAD DE, YANG DAG PAR BSKUL PAR MDZAD PA NA YANG DANG YANG DU BAG YOD PA LA RNAL 'BYOR BYED DO, ,ZHES GSUNGS PA'I PHYIR, GNYIS PA THAL 'GYUR PA'I LUGS NI, THEG DMAN GYI MYANG 'DAS GANG ZHIG, BDEN SNANG GI LHAG MA DANG BCAS PA DE, LHAG BCAS MYANG 'DAS KYI MTSAN NYID, DE GANG ZHIG BDEN SNANG GI LHAG MA DAN BRAL PA DE, LHAG MED MYANG 'DAS KYI MTSAN NYID YIN, DANG PHO LHAG MED KYI MYANG 'DAS THAB CING, DE RJES LHAG BCAS KYI MYANG 'DAS THOB STE, STONG PA NYID LA GNYIS SNANG NUB PA'I GNAS SKABS DER BDEN SNANG GI LHAG MA MED CING, RJES THOB KYI GNAS SKABS NA, BDEN SNANG GI LHAG MA DANG BCAS PA'I PHYIR, GSUM PA NI, THEG DMAN GYI MYANG 'DAS GANG ZHIG ,SDUG BDEN GYI LHAG MA DANG BCAS PA, LHAG BCAS MYANG 'DAS KYI MTSAN NYID, DE GANG ZHIG ,SDUG KUN SPANGS PA DE, LHAG MED MYANG 'DAS KYI MTSAN NYID YIN TE, MDO LAS, GANG NA LUS SHIG 'DU SHES 'GAGS, ,TSOR BA THAMS CAD BRAL GYUR ZHING, ,'DU BYED NYE BAR ZHI PA DANG, ,RNAM PAR SHES PA NUB GYUR PA, ,ZHES @054B DANG; MA ZHUM PA YI SEMS KYIS SU, TSOR BA DANG DU LEN PA NA, ,DE YI SEMS NI RNAM PAR THAR, ,MAR ME SHI BAR GYUR PA BZHIN, ,ZHES DANG, MED PHYIR 'JIGS DANG BCES PA'I PHYIR, ,ZHES PA'I 'GREL PAR, LAM DES RTOGS PA'I 'GOGS PA GANG YIN PA DE YANG NYAN THOS KYI TSUL GYIS MAR ME RGYUN CHAD PA BZHIN DU NYON MONGS PA DANG SDUG BSNGAL MED PA TZAM GYI RAB TU PHYE LA, ,MED PA NI SKYABS SAM SKYABS MA YIN PAR 'GYUR PA 'OS PA MA YIN NO, ,ZHES GSUNGS PA'I PHYIR, GSUM PA NI, DGRA BCOM PA MTHA' DAG GI RGYUD LA BZHUGS SO, ,BZHI PA NI, SDUG BSNGAL MTHA' DAG DANG BRAL BA'I DON GYIS MYA NGAN LAS 'DAS PA ZHES BRJOD, LNGA PA NI, SANGS RGYAS MA THOB PAR DU MYANG 'DAS MI THOB PAR THAL, DES NA SANGS RGYAS MA THOB PAR, ,MYANG NGAN LAS 'DAS PA MI THOB STE, ,'OD DANG 'OD ZER SPANGS NAS NI, ,NYI MA LTA BAR MI NUS BZHIN, ,ZHES DANG, DE PHYIR NYI DANG ZER BZHIN YON TAN DBYER MED PAS, ,SANGS RGYAS NYID LAS MA GTOGS MYA NGAN 'DAS PA MED, ,ZHES GSUNGS PA'I PHYIR, ZHE NA MA KHYAB STE, SANGS RGYAS MA THOB BAR DU MTHAR THUG GI MYANG 'DAS MI THOB PA LA DGONGS NAS GSUNGS PA'I PHYIR TE, DE'I 'GREL PAR, CHAGS PA MED PA THOG PA MED PA'I YE SHES KYI GZIGS @055A *, ,PA MNGA' BA'I DE BZHIN GSHEGS PA MA THOB PAR SGRIB PA THAMS CAD LAS RNAM PAR GROL PA'I MTSAN NYID CAN GYI MYA NGAN LAS 'DAS PA'I DBYINGS RTOGS PA MNGON DU BYED PAR MI 'THAD DE, 'OD DANG 'OD ZER MA MTHONG BAR NYI MA'I DKYIL 'KHOR MI MTHONG BA BZHIN NO, ,ZHES GSUNGS PA'I PHYIR, SANGS RGYAS MA THOB PAR DU MTHAR THUG GI MYANG 'DAS MI THOB PAR SGRUBS PA'I RGYU MTSAN YOD DE, THEG DMAN DU RIGS NGES PA'I DGRA BCOM PA RNAMS MTHAR THUG GI MYANG 'DAS THOB SNYAM DU 'DZIN PA'I PHYIR TE, DAM CHOS PAD DKAR SOGS MTHAR THUG THEG PA GCIG TU SGRUBS PA'I CHOS KYI DE KHO NA NYID BSTAN PA NA, SNGAR BSHAD KYI 'DZIN PA DE NYID ZLOG PAR 'GYUR BA'I PHYIR TE, DAM CHOS PAD DKAR LAS, MGON PO BDAG CAG DE RING NYAN THOS 'GYUR, ,BYANG CHUB DAM PA YANG DAG SGRAGS PAR BGYI, ,BYANG CHUB PA YI SGRA YANG RAB TU BRJOD, ,DE PAS BDAG CAG NYAN THOS MI ZAD 'DRA, ,ZHES DANG, RGYUD BLA LAS, DAM CHOS PAD MA DKAR LA SOGS, ,CHOS KYI DE NYID BSTAN PA YIS, DE DAG SNGAR 'DZIN LAS ZLOG CING, ,THABS DANG SHES RAB YONGS BZUNG BAS, ,THEG PA MCHOG TU SMIN MDZAD DE, ,BYANG CHUB MCHOG TU LUNG BSTAN TO, ,ZHES GSUNGS PA'I PHYIR, YANG SANGS @055B RGYAS KYI GZUGS SKU GNYIS LHAG BCAS KYI MYANG 'DAS DANG, CHOS SKU LHAG MED MYANG 'DAS YIN PAR THAL ,SKU GSUM LA 'JUG PA'I SGOR, PHUNG POR BCAS PA'I MYA NGAN 'DAS, ,THUB SKU GNYIS LA BRJOD PA YIN PHUNG PO KUN DANG BRAL BA'I PHYIR, ,CHOS KYI SKU LA PHUNG PO MED, ,CES DANG, GSER 'OD LAS SKU DE GNYIS LA DGONGS TE SANGS RGYAS BCOM LDAN 'DAS RNAMS PHUNG PO LHAG MA DANG BCAS PA'I MYANG NA LAS 'DAS PA 'O; ;CHOS KYI SKU LA DGONGS TE PHUNG PO LHAG MA MED PA'I MYA NGAN LAS 'DAS PA'O, ,ZHES GSUNGS PA'I PHYIR SNYAM NA, KHYAB PA MED PAR THAL, LUNG DE GNYIS SGRA JI BZHIN PA MIN PA'I DRANG DON DGONGS PA CAN YIN PAR MDO DE NYID RANG LAS GSUNGS PA'I PHYIR, DGONGS GZHI YOD DE, SKU GSUM PO DE NYID KYIS MYA NGAN DANG, SDUG BSNGAL MTHA' DAG SPANGS PA LA DGONGS PA'I PHYIR, DGOS PA YOD DE, MYANG 'DAS KHO NA DON DU GNYER BA'I THEG DMAN GYI RIGS CAN RJES SU BZUNG BA'I CHED YIN PA'I PHYIR, DNGOS LA GNOD BYED YOD DE, MYANG 'DAS YIN NA 'DUS MA BYAS YIN DGOS PA'I PHYIR TE, RTZA SHES LAS, MYA NGAN 'DAS PA 'DUS MA BYAS, ZHES DANG, 'JUG PAR, MDOR BSDUS NAS NI DNGOS MED PAR, 'DUS MA BYAS CHOS RNAMS LA BRJOD, ,CES DANG, DE'I RANG 'GREL LAS, MDOR BSDUS NA, DNGOS POR MED PA'I CHOS RNAMS NI, ,'DUS@056A *, ,MA BYAS PA'I CHOS RNAMS TE, ,'DI LTA STE, ,NAM MKHA' DANG MYA NGAN LAS 'DAS PA LA SOGS PA DAG GO, ZHES GSUNGS PA'I PHYIR, YANG MI GNAS PA'I MYANG 'DAS RNAMS LHAG MED KYI MYANG 'DAS YIN PAR THAL, DE BZHIN GSHEGS PA LHAG MED DU MYA NGAN LAS 'DAS PA'I TSE GZHAN DON RGYUN MI CHAD DU MDZAD PAR GSUNGS PA'I PHYIR, SNYAM NA MA KHYAB STE, THEG PA DMAN PA RNAMS KYI BSAM DO DANG BSTUN NAS DE LTAR GSUNGS PA'I PHYIR RO, ,GNYIS PA GZHUNG DON NI, ` NYAN THOS DANG DE'I PHYOGS SU SLAN PA, ZHES SOGS LA, NYAN THOS ZHI BA 'TSOL RNAMS ZHES SOGS RKANG PA DANG PO'I DGONGS PA 'GREL BAR BYED PA NI, RJE BTZUN BYAMS PA MGON PO CHOS CAN, GZHI SHES LA BSTOD PHYAG MDZAD DE, DE'I YON TAN TSANG MAS NGES PA'I SGO NAS BRJOD PAR MDZAD PA'I MKHAS MCHOG YIN PA'I PHYIR, GZHI SHES CHOS CAN, YON TAN KHYAD PAR CAN DANG LDAN TE, NYAN RANG GI BZHED DON THAMS CAD BSGRUB PA'I YON TAN DANG LDAN PA'I PHYIR, NYAN RANG GNYIS PO DE CHOS CAN, MYANG 'DAS THOB BYED KYI THABS KHYAD PAR CAN DANG LDAN TE, GANG ZAG GI BDAG MED RTOGS ZIN GOMS PAR MDZAD PA'I PHYIR, ZHI BA 'TSOL RNAMS, ZHES PA'I RTZA BA'I TSIG 'DI CHOS CAN, RANG SANGS RGYAS NYAN THOS KYI PHYOGS @056B SU BSLAN NAS BSTAN PA'I RGYU MTSAN YOD DE, DE GNYIS SPANGS RTOGS 'GA' ZHIG 'DRA BAS DE LTAR BSTAN PA'I PHYIR, RANG RGYAL DGRA BCOM PA CHOS CAN, NYAN THOS DANG KHYAD PAR MED PA MIN TE, DE LAS YON TAN GYI 'BYOR PA KHYAD PAR DU 'PHAGS PA'I SGO NAS DE NYID ZIL GYIS GNON PAR MDZAD PA'I PHYIR, RTAGS GRUB STE, MDO SDE RGYAN LAS, NYAN THOS RNAMS KYI 'BYOR PAS NI, 'JIG RTEN PA YI ZIL GYIS GNON, ,RANG SANGS RGYAS KYIS YIS NI, ,NYAN THOS KYI YANG ZIL GYIS GNON, ,DE YI BYANG CHUB SEMS DPA' YI, ,'BYOR PA'I CHAR YANG MI PHOD DO, ,DE YI DE BZHIN GSHEGS PA YI, ,'BYOR PA'I CHAR YANG MI PHOD DE, ,ZHES GSUNGS PA'I PHYIR, ` RTZA BA'I RKANG PA GSUM PA'I TSIG DON 'CHAD PA LA, SPYI DON DANG GZHUNG DON GNYIS, DANG PO LA CHOS 'KHOR GYI MTSAN NYID, DBYE BA, SA MTSAMS, SGRA BSHAD, 'PHROS DON DANG LNGA, DANG PO NI, BKA' DANG MNGON PAR RTOGS PA GANG RUNG GI RIGS SU GNAS PA'I DAM CHOS DE'O, ,GNYIS PA LA, DNGOS, SO SO'I RANG BZHIN, JI LTAR BSKOR TSUL DANG GSUM, DANG PO NI, DE LA DBYE NA, LUNG GI CHOS 'KHOR DANG, RTOGS PA'I CHOS 'KHOR RNAM PA GNYIS YOD DE, LANG KAR GSHEGS PA'I MDO LAS, NGA YI CHOS TSUL RNAM GNYIS TE, ,BSTAN PA DANG NI GRUB MTHA'A'O, ,BYIS PA RNAMS LA BSTAN PAR BSHAD, ,RNAL 'BYOR @057A *, ,PA LA GRUB MTHA'O, ,BSTAN PA TSIG GI SDEB SBYOR BYIS PA 'BRID, ,RNAL 'BYOR PA LA RTOGS PA SKYED PHYIR RO, ,ZHES DANG, MDZOD LAS, STON PA'I DAM CHOS RNAM GNYIS TE, ,LUNG DANG RTOGS PA'I BDAG NYID DO, ,DE 'DZIN BYED PA SMRA BYED PA, ,BSGRUB PAR BYED PA KHO NA'O, ,ZHES DANG, DE'I RANG 'GREL LAS, DE LA LUNG NI MDO SDE DANG 'DUL BA DANG CHOS MNGON PA RNAMS SO, ,RTOGS PA NI BYANG CHUB KYI PHYOGS DANG MTHUN PA RNAMS TE, DE LTAR NA DAM PA'I CHOS NI RNAM PA GNYIS YIN NO, ,ZHES GSUNGS PA'I PHYIR, LUNG GI CHOS 'KHOR LA MTSAN NYID BSHAD PA DANG, DBYE BA BSHAD PA GNYIS, DANG PO NI, CHOS 'KHOR GANG ZHIG SANGS RGYAS KYI BKA' YIN PAR DMIGS PA, GNYIS PA LA, CHOS KYI PHUNG PO BRGYAD KHRI BZHI STONG, DE YANG SDU NA GSUNG RAB YAN LAG BCU GNYIS, DE SDU NA SDE SNOD RIN PO CHE RNAM PA GSUM, DE SDU NA DRANG DON GYI MDO DANG, NGES DON GYI MDO RNAM GNYIS SO, ,SPYIR LUNG GI CHOS 'KHOR GYI TSAD BZUNG BAR MI NUS TE, DE BZHIN GSHEGS PA'I SKU GSUNG THUGS KYI YON TAN NAM MKHA' LTAR MTHA' YAS PA'I PHYIR RO, ,RTOGS PA'I CHOS 'KHOR LA YANG MTSAN NYID DANG DBYE BA GNYIS, DANG PO NI, CHOS 'KHOR GANG ZHIG ,THAR LAM DU DMIGS PA DE'O, ,GNYIS PA NI, DBYE NA LAM LNGA DANG, SA BCU @057B LA SOGS PA YOD DE, TSIG GSAL LAS, GZHAN (YANG) CHOS KYI 'KHOR LO MTHONG BA'I LAM ZHES BYA BA NI, NGES PA MED PA KHO NA STE CHOS KYI 'KHOR LO KHA CIG NI TSOGS KYI LAM MO, ,KHA CIG NI SBYOR BA'I LAM MO, ,KHA CIG NI BAR CHAD MED PA'I LAM GYI BAR RO, ,ZHES DANG, MDZOD 'GREL LAS, YANG NA 'PHAGS PA'I LAM THAMS CAD NI GDUL BYA'I RGYUD LA 'BYUNG PA'I PHYIR CHOS KYI 'KHOR LO YIN NO, ,ZHES GSUNGS PA'I PHYIR, GNYIS PA SO SO'I RANG BZHIN BSHAD PA LA, DGONGS 'GREL NAS GSUNGS PA'I TSUL DANG, 'PHAGS PA BZUNGS KYI DBANG PHYUG RGYAL POS ZHUS PA'I MDO LAS GSUNGS PA'I TSUL GNYIS, DANG PO LA, BSHAD BYA'I LUNG 'GOD PA DANG, LUNG GI DON BSHAD PA GNYIS, DANG PO NI, DGONGS 'GREL LAS, BCOM LDAN 'DAS KYIS DANG POR YUL WA RA nA SIR DRANG SRONG SMRA BA RI DVAGS KYI NAGS SU NYAN THOS KYI THEG PA LA YANG DAG PAR BZHUGS PA RNAMS LA 'PHAGS PA'I BDEN PA BZHI'I RNAM PA BSTAN PAS CHOS KYI 'KHRO LO NGO MTSAR RMAD DU BYUNG BA SNGON LHAR GYUR PA'AM MIR GYUR PA SUS KYANG MTHUN PAR 'JIG RTEN DU MA BSKOR BA GCIG BSKOR TE, BCOM LDAN 'DAS KYIS CHOS KYI 'KHOR LO RAB TU BSKOR BA DE YANG BLA NA MCHIS PA, SKABS MCHIS PA, DRANG PA'I DON RTZOD PA'I GZHI'I GNAS SU GYUR PA LAGS, BCOM LDAN 'DAS KYIS @058A *, ,CHOS RNAMS KYI NGO BO NYID MA MCHIS PA NYID LA BRTZAMS NAS SKYE BA MA MCHIS PA DANG, 'GAG PA MA MCHIS PA DANG, BZOD MA NAS ZHI BA DANG, RANG BZHIN GYI YONGS SU MYA NGAN LAS 'DAS PA NYID LA BTZAMS NAS, THEG PA CHEN PO LA YANG DAG PAR ZHUGS PA RNAMS LA, STONG PA NYID SMOS PA'I RNAM PAS CHES NGO MTSAR RMAD DU BYUNG BA'I CHOS KYI 'KHOR LO GNYIS PA BSKOR TE, BCOM LDAN 'DAS KYIS CHOS KYI 'KHOR LO BSKOR BA DE YANG BLA NA MCHIS PA, SKABS MCHIS PA DRANG PA'I DON RTZOD PA'I GZHI'I GNAS SU GYUR PA LAGS KYI, BCOM LDAN 'DAS KYIS CHOS RNAMS KYIS NGO BO NYID MA MCHIS PA NYID LAS BRTZAMS NAS SKYE BA MA MCHIS PA DANG, 'GAG PA MA MCHIS PA DANG, BZOD MA NAS ZHI BA DANG, RANG BZHIN GYI YONGS SU MYA NGAN LAS 'DAS PA NYID LAS BRTZAMS NAS THEG PA THAMS CAD LA YANG DAG PAR ZHUGS PA RNAMS LA LEGS PAR RNAM PAR PHYE BA DANG LDAN PAS NGO MTSAR RMAD DU BYUNG BA'I CHOS KYI 'KHOR LO GSUM PA BSKOR TE, BCOM LDAN 'DAS KYIS CHOS KYI 'KHOR LO SKOR BA DE NI, BLA NA MA MCHIS PA, SKABS MA MCHIS PA, NGES PA'I DON LAGS TE, RTZOD PA'I GZHI'I GNAS SU GYUR PA MA LAGS SO, ,ZHES GSUNGS SO, ,GNYIS PA LA MDO'I TSIG DON CUNG ZAD BSHAD PA DANG, DRANG NGES KYI TSUL CUNG ZAD @058B BSHAD PA GNYIS, DANG PO NI, BCOM LDAN 'DAS KYIS DANG POR YUL WA RA nA SER DRANG SRONG SMRA BA RI DVAGS KYI NAGS SU ZHES PAS, CHOS 'KHOR BSKOR PA'I GNAS DE BSTAN, NYAN THOS KYI THEG PA LA ZHES PAS CHED DU BYA BA'I GDUL BYA DE BSTAN, 'PHAGS PA'I ZHES PA NAS, 'KHOR LO ZHES PA'I BAR GYIS 'KHOR LO'I NGO BO BSTAN, NGO MTSAR RMAD DU BYUNG PA ZHES SOGS KYIS DE'I BSNGAGS PA BSTAN, DE YANG ZHES PAS DES DON MIN PAR BSTAN, BLA NA MCHIS PAS 'DI'I GONG NA KHYAD PAR CAN GYI BSTAN PA YOD PAR BSTAN, SKABS MCHIS PA ZHES PAS, SGRA JI BZHIN PA LA KLAN KA'I SKABS YOD PAR BSTAN, DRANG BA'I DON ZHES PAS; SGRA JI BZHIN MIN PA'I DRANG DON DGONGS PA CAN DU BSTAN, RTZOD PA'I GZHI'I GNAS SU GYUR PA ZHES PAS MTSAN NYID GSUM LA BDEN PAR YOD MED KYI KHYAD PAR TSIG ZIN LA MA PHYE BAS DON LA RTZOD PAR BSTAN NO; ;YANG BCOM LDAN 'DAS KYIS CHOS RNAMS KYI ZHES SOGS KYIS 'KHRO LO GNYIS PA'I BRJOD BYA BSTAN, THEG PA CHEN PO LA, ZHES SOGS KYIS GNYIS PA'I CHED DU BYA BA'I GDUL BYA DE BSTAN, STONG PA NYID SMOS PA'I RNAM PAS, ZHES PA'I BRJOD TSUL GYI KHYAD PAR BSTAN, CHES NGO MTSAR ZHES SOGS KYIS GNYIS PA'I CHE BRJED NGO BO DE BSTAN, DE YANG ZHES PAS NGES DON GYI MDO MA YIN PAR BSTAN, BLA NA MCHIS @059A *, ,PAS 'DI'I GONG NA NGES DON GYI BSTAN PA YOD PAR BSTAN, SKABS MCHIS PA ZHES PAS, SGRA JI BZHIN PA LA KLAN KA'I SKABS YOD PAR BSTAN, DRANG BA'I DON ZHES PAS, SGRA JI BZHIN MIN PA'I DRANG DON DGONGS PA CAN, RTZOD PA'I GZHI'I GNAS SU GYUR PA LAGS KYI ZHES PAS, 'DI LAS MTSAN NYID GSUM BDEN STONG DU BSTAN PA LA RTZOD PA YOD PAR BSTAN NO, ,YANG CHOS RNAMS KYI ZHES SOGS KYIS 'KHOR LO GSUM PA'I BRJOD BYA BSTAN, THEG PA THAMS CAD LA, ZHES SOGS KYIS CHED DU BYA BA'I GDUL BYA BSTAN, LEGS PAR RNAM PAR PHYE BA DANG LDAN PA ZHES PAS, BRJOD TSUL GYI KHYAD PAR BSTAN, NGO MTSAR RMAD DU BYUNG BA ZHES SOGS KYIS, GSUM PA'I CHE BRJOD NGO BO DANG BCAS PA BSTAN, BCOM LDAN 'DAS KYIS CHOS KYI 'KHOR LO BSKOR PA ZHES SOGS KYIS 'DI'I GONG NA NGES DON GYI BSTAN PA MED CING, SGRA JI BZHIN PA LA KLAN KA MA MCHIS PA DANG, 'DI NYID NGES DON GYI MDO DANG, 'DI LAS MTSAN NYID GSUM LA BDEN PAR YOD MED KYI KHYAD PAR TSIG GIS ZIN PAR BSTAN PA LA RTZOD PA MI 'JUG PAR BSTAN NO, ,'DI NI ZHES NYE TSIG SMOS PA NI, MDO SDE DGONGS 'GREL YONGS SU RDZOGS PA LA ZER BA MIN TE BYANG CHUB SEMS DPA' DON DAM YANG DAG 'PHAGS KYIS DRANG NGES ZHUS PAS LAN @059B DU; BCOM LDAN 'DAS KYIS MTSAN NYID GSUM LA BDEN PAR YOD MED KYI KHYAD PAR DNGOS SU PHYE NAS GSUNGS PA 'DI KHO NA LA BYED PAR RIGS PA'I PHYIR TE, BYANG CHUB SEMS DPA' GZHAN RNAMS KYIS ZHUS PA'I LAN DU BCOM LDAN 'DAS KYIS GSUNGS PA'I MDO 'DI RNAMS KYIS MTSAN NYID GSUM LA BDEN PAR YOD MED KYI KHYAD PAR PHYE NAS MA GSUNGS PA'I PHYIR, JI LTAR ZHUS TSUL NI, DANG POR DGONGS PA NGES 'GREL, DE NAS CHOS 'PHAGS, BLO GROS RNAM DAG ,RAB 'BYOR, BLO GROS YANGS PA, YON TAN 'BYUNG GNAS, DON DAM YANG DAG 'PHAGS, BYAMS PA, SPYAN RAS GZIGS DBANG PHYUG ,'JAM DPA'I DBYANGS (RNAMS) KYIS GO RIMS BZHIN ZHUS SO, ,GNYIS PA DRANG NGES KYI TSUL BSHAD PA NI, CHOS RNAMS RANG GI MTSAN NYID KYI GRUB PAR TSIG ZIN LA STON PA DANG, RANG GI MTSAN NYID KYI MA GRUB PAR TSIG ZIN LA STON PA'I MDO RNAMS NI DRANG DON GYI MDO DANG, DE GSUM LA BDEN PAR YOD MED KYI KHYAD PAR TSIG GIS ZIN PAR STON PA'I MDO RNAMS NI NGES DON GYI MDO YIN LA, 'DIR BSTAN PA'I 'KHOR LO DANG PO GNYIS DRANG DON GYI MDO DANG, THA MA NGES DON GYI MDO YIN LA, DE LAS GZHAN PA'I MDO RNAMS NI DGONGS 'GREL NAS GSUNGS PA'I 'KHOR LO GSUM PO GANG YANG MIN TE, DE RNAMS LA SNGAR BSHAD PA'I BRJOD TSUL GSUM PO GANG YANG MED PA'I PHYIR RO, ,DES NA @060A *, ,'KHOR LO DANG PO GNYIS KYI CHED DU BYA BA'I GDUL BYA NI 'GAL BA KHO NA YIN TE, SNGA MA NI THEG DMAN GYI RIGS CAN, PHYI MA NI THEG CHEN GYI RIGS CAN DBANG PO RNON PO KHO NA YIN PA'I PHYIR, 'KHOR LO GSUM PA'I GDUL BYA LA RIGS CAN GSUM KAR YOD DE, 'DI LAS CHOS KYI BDAG MED KYI DBANG DU BYAS PA'I MTSAN NYID GSUM GYI RNAM GZHAG DNGOS SU BSTAN PA'I SHUGS LA GANG ZAG GI BDAG MED KYI DBANG DU BYAS PA'I MTSAN NYID GSUM GYI RNAM BZHAG BSTAN PA'I PHYIR TE, DE LTAR DU DRANG NGES RNAM 'BYED LAS DNGOS SU GSUNGS PA'I PHYIR, 'KHOR LO PHYI MA GNYIS PO 'DI'I BRJOD BYA'I GTZO BO NI MI 'GAL TE; GNYIS KAS MI RTOG YE SHES KYI DMIGS YUL GYI GTZO BO CHOS KYI BDAG MED GTZO BOR GTAN LA 'BEBS PA'I PHYIR RO, ,BRJOD TSUL GYI KHYAD PAR NI 'GAL TE, BAR PAS MTSAN NYID GSUM LA BDEN PAR YOD MED KYI KHYAD PAR TSIG ZIN LA MA PHYE BAR BSTAN, GSUM PAS PHYE NAS BSTAN PA'I PHYIR, DE LTAR STON PA'I RGYU MTSAN YOD DE, SNGA MA'I GDUL BYAS SHER PHYIN GYI MDO'I DGONGS PA RANG STOBS KYIS RTOGS PAR NUS SHING, PHYI MA'I GDUL BYAR GYUR PA'I THEG CHEN GYI RIGS CAN DES DE LTAR RTOGS MI NUS PA'I PHYIR TE, SNGA MA NI THEG CHEN GYI RIGS CAN DBANG PO SHIN TU RNON PO DANG, PHYI MA THEG CHEN GYI RIGS CAN @060B DBANG PO RTUL PO YIN PA'I PHYIR TE, PHYI MA 'DI NYID RJES SU BZUNG BA'I PHYIR DU, DGONGS 'GREL LAS MTSAN NYID GSUM LA BDEN PAR YOD MED KYI KHYAD PAR TSIG GIS ZIN PAR PHYE BA YIN PA'I PHYIR, DE THAMS CAD NI SEMS TZAM PA KHO NA'I DBANG DU BYAS PA YIN TE, DBU MA PA RNAMS DANG, NYAN THOS SDE GNYIS LA SOGS PAS DE LTAR MI BZHED PA'I PHYIR, GNYIS PA LA, BSHAD BYA'I LUNG 'GOD PA DANG, LUNG GI DON BSHAD PA GNYIS, DANG PO NI, 'PHAGS PA GZUNGS KYI DBANG PHYUG RGYAL POS ZHUS PA'I MDO LAS, RIGS KYI BU 'DI LTA STE, DPER NA NOR BU MKHAN MKHAS PA NOR BU SBYONG PA'I TSUL LEGS PAR SHES PA DES, NOR BU RIN PO CHE'I RIGS NAS YONGS SU MA DAG PA'I NOR BU RIN PO CHE BLANGS TE, LAN TSVA'I CHU RNON POS SBANGS NAS SKRA'I RE BAS YONGS SU SBYONG BAS SBYONG BAR BYED DO, ,DE TZAM GYI RTZOM PA 'DOR BA YANG MIN TE, DE'I 'OG TU ZAS KYI KHU BA RNON POS SBANGS NAS BAL GYI LA BAS YONGS SU SBYONG BAS SBYONG BAR BYED DO, ,DE TZAM GYI RTZOM PA 'DOR BA YANG MIN TE, DE'I 'OG TU SMAN CHEN PO'I KHU BAS SBANGS TE, RAS SRAB MOS YONGS SU SBYONG BAS SBYONG BAR BYED DO, ,YONGS SU SBYANG STE DRI MA DANG BRAL BA NA BEEd'URYA'I RIGS CHEN PO ZHES BYA'O, ,RIGS KYI BU, DE BZHIN DU, DE BZHIN GSHEGS PA YANG YONGS SU MA DAG PA'I SEMS CAN GYI KHAMS MKHYEN NAS MI RTAG@061A *, ,PA DANG, SDUG BSNGAL PA DANG, BDAG MED PA MI GTZANG BA'I YID 'BYUNG BA'I GTAM GYIS 'KHOR PA LA DGA' BA'I SEMS CAN RNAMS SKYO BA BSKYED PAR MDZAD DE, 'PHAGS PA'I CHOS 'DUL BA LA 'JUG PAR MDZAD DO, ,DE TZAM GYIS DE BZHIN GSHEGS PA RTZOM PA 'DONG BA YANG MIN TE, DE'I 'OG TU STONG PA NYID DANG, MTSAN MA MED PA DANG, SMON PA MED PA'I GTAM GYIS DE BZHIN GSHEGS PA'I TSUL RTOGS PAR MDZAD DO, ,DE TZAM GYIS DE BZHIN GSHEGS PA RTZOM PA 'DOR BA YANG MIN TE, DE'I 'OG TU PHYIR MI LDOG PA'I CHOS KYI 'KHOR LO'I GTAM 'KHOR GSUM YONGS SU DAG PA'I GTAM GYIS RANG BZHIN SNA TSOGS KYI RGYUN CAN GYI SEMS CAN DE DAG DE BZHIN GSHEGS PA'I YUL LA 'JUG PAR MDZAD DO, ,ZHUGS PAR GYUR ZHING DE BZHIN GSHEGS PA'I CHOS NYID RTOGS NA NI, BLA NA MED PA'I YON GNAS ZHES BRJOD DO, ,ZHES GSUNGS SO, ,GNYIS PA NI NOR BU MKHAS MKHAS PAS NOR BU'I DRI MA SBYONG TSUL DPER BLANGS NAS GDUL BYA BKRI BA'I RIMS PA GSUM DNGOS SU BSTAN ZHING 'KHOR LO GSUM DON GYIS BSTAN, RIM PA DANG POS RGYUD SMIN PAR BYED PA'I LAM GYI RIM PA DANG, GNYIS PAS GROL BAR BYED PA'I LAM GYI RIM PA DANG, GSUM PAS THEG CHEN GYI LAM RIM YONGS @061B SU RDZOGS PAR BSTAN PA'I SGO NAS MTHAR THUG THEG PA GCIG TU BSTAN PA'I PHYIR TE, 'DIS MTHAR THUG THEG PA GCIG TU BSTAN PAR MDO KUN BTUS LAS GSUNGS PA'I PHYIR RO, ,DE YANG RIM PA DANG POS BSTAN PA'I BDAG MED NI RAGS PA DANG, RIM PA GNYIS PAS BSTAN PA'I BDAG MED NI SHIN TU PHRA MO YIN TE, BDEN STONG RTOGS PA'I SNGA ROL TU RAGS PA'I BDAG MED RTOGS PA 'GRO DGOS PA'I PHYIR TE, DE LTAR DU ZHI BRGYA PA LAS GSUNGS PA'I PHYIR, ZHES DRANG NGES RNAM 'BYED LAS BYUNG NGO, ,KHO NA RE, DE LTA BU'I RIM PA GNYIS BSTAN PA MI 'THAD DE, STONG NYID RTOGS PA'I SHES RAB KYI SNGA ROL TU THABS KYI CHA 'GRO DGOS PA'I PHYIR, ZHE NA MA KHYAB STE, THEG PA CHEN PO'I RIGS CAN DBANG RNON RNAMS NI BDEN STONG RTOGS PA'I RJES SU STONG NYID SNYING RJE'I SNYING PO CAN LA BRTEN NAS THEG PA CHEN POR SEMS BSKYED PA YIN PA'I PHYIR TE, DBU MA RGYAN GYI 'GREL PA LAS, YANG DAG SHES 'TSOL SNGON BTANG STE, ,DON DAM RNAM PAR NGES GYUR NAS, ,LTA NGAN THIBS GNAS 'JIG RTEN LA, ,SNYING RJE KUN TU BSKYED NAS SU, ,'GRO DON BYED PAR DPA' GYUR PA, ,BYANG CHUB BLO RGYAS MKHAS PA NI, ,BLO DANG SNYING RJES BRGYAN PA YI, ,THUB PA'I BRTUL ZHUGS YANG DAG SPYOD, ,CES GSUNGS PA'I PHYIR, 'DIS SHER PHYIN GYI MDO 'KHOR LO GNYIS PA DANG, DE BZHIN GSHEGS PA'I @062A *, ,SNYING PO'I MDO DANG, 'PHAGS PA DPAL PHRENG GI MDO RNAMS 'KHOR LO GSUM PAR BSTAN TE, SNYING PO RGYAN LAS, 'DI LTAR NA DE BZHIN GSHEGS PA'I SNYING PO'I MDO YANG RIM PA GSUM PA 'DI'I MTSAN GZHIR BZUNG BAR BYA STE THEG PA CHEN PO'I RGYUD BLA MA'I BSTAN BCOS KYI SKABS DANG PO'I 'JUG DGOS PA STON PA'I GZHUNG GI DON DU CHES SHIN TU GSAL BA'I PHYIR RO, ,DE DAG GI DON NI BSTAN BCOS DE'I RNAM BSHAD DU RGYAS PAR BSHAD ZIN PA LAS SHES PAR BYA'O, ,ZHES GSUNGS PA'I PHYIR, JI LTAR BSHAD TSUL NI, RGYUD BLA MAR, SPRIN DANG RMI LAM SGYU BZHI DE DANG DER, ,SHES BYA THAMS CAD RNAM KUN STONG PA ZHES, GSUNGS NAS YANG 'DIR RGYAL RNAMS SEMS CAN LA, ,SANGS RGYAS SNYING PO YOD CES CI STE GSUNGS, ,ZHES BYUNG LA, DE'I RNAM BSHAD DU, CHOS KYI 'KHOR LO BAR PA SHER PHYIN GYI MDO SDE STONG PHRAG BRGYA PA DANG, BRGYAD STONG PA LA SOGS PA DE DANG DER SHES BYA THAMS CAD, SPRIN DANG, SMI LAM DANG, SGYU MA BZHIN DU RNAM PA KUN TU RANG BZHIN GYI GRUB PAS STONG PA'O, ,ZHES BLO BUR BA LTAR GSUNGS NAS YANG CHOS KYI 'KHOR LO THA MA DE BZHIN GSHEGS PA'I SNYING PO'I MDO DANG, DPAL PHRENG GI MDO LA SOGS PA 'DIR RGYAL BA RNAMS SEMS CAN THAMS CAD LA SEMS KYI RANG BZHIN LA BZHUGS PA'I SANGS @062B RGYAS KYI SNYING PO YOD CES CI STE GSUNGS TE BLO BUR BA YIN PA DANG, RANG BZHIN LA ZHUGS PA GNYIS 'GAL BA'I PHYIR, ZHES RTZOD PA'I LAN DU, SEMS ZHUM SEMS CAN DMAN LA RNYES PA DANG, ,YANG DAG MI 'DZIN YANG DAG CHOS LA BKUR, ,ZHES SOGS DANG, ,SNGAR NI DE LTAR RNAM BZHAG NAS, ,SLAR YANG BLA MA'I RGYUD 'DIR NI, ,NYES PA LNGA DAG SPANGS PA'I PHYIR, ,KHAMS YOD NYID CES BSTAN PA YIN, ,ZHES 'BYUNG LA, 'DI'I RNAM BSHAD DU, SNGAR NI 'DI LTAR 'KHOR LO BAR PAR CHOS THAMS CAD RANG BZHIN GYIS STONG PAR RNAM PAR GNAS, BLA MA'I RGYUD DE RGYUD PHYI MA 'KHOR LO THA MA 'DIR NI, SEMS CAN THAMS CAD LA SANGS RGYAS KYI KHAMS YOD PA NYID CES BSTAN PA DGOS PA DANG BCAS PA YIN TE, NYES PA LNGA SPANGS NAS YON TAN LNGA SKYED PA'I CHED DU YIN PA'I PHYIR, ZHES GSUNGS PA'I PHYIR, DES NA DE BZHIN GSHEGS PA'I SNYING PO'I MDO DANG, DPAL PHRENG GI MDO RNAMS DGONGS 'GREL NAS GSUNGS PA'I 'KHOR LO GNYIS PA DANG, GZUNGS KYI DBANG PHYUG RGYAL POS ZHUS PA'I MDO DANG, THEG CHEN RGYUD BLA MAS GSUNGS PA'I 'KHOR LO GSUM BA YIN TE, DE LTAR DU RGYUD BLA'I RNAM BSHAD DANG SNYING PO RGYAN LAS GSAL BAR GSUNG 'DUG PA'I PHYIR, DRANG NGES RNAM 'BYED LAS, 'KHOR LO LAN GSUM DU BSKOR BA DANG DON MI GCIG STE, 'DI NI GANG ZAG GCIG DANG POR THEG DMAN DU KHRID DE, @063A *, ,DE NAS SANGS RGYAS KYI YUL THEG CHEN LA BTZUD NAS MTHAR SANGS RGYAS THOB PAR BYED PA'I RIM PA YIN LA, 'KHOR LO GSUM NI THEG PA CHE CHUNG GI GDUL BYA RGYUD THA DAD PA'I DBANG DU MDZAD PA'I PHYIR, ZHES ZER NA MA KHYAB STE, CHOS KYI 'KHOR LO LAN GSUM DU BSKOR BA NI, DGONGS 'GREL LAS GSUNGS PA DE LA DGONGS PA GANG ZHIG, DE DANG RGYUD BLA SOGS NAS GSUNGS PA'I 'KHOR LO DON GCIG TU DE RNAMS KYI RNAM BSHAD KYIS KYANG MA GSUNGS PA'I PHYIR RO, ` GSUM PA JI LTAR BSKOR TSUL LA, GSANG BA BSAM GYI MI KHYAB PA LAS GSUNGS PA'I TSUL DANG, RGYA CHE ROL PA'I MDO LAS GSUNGS PA'I TSUL GNYIS, DANG PO NI, ZHI PA'I BLO GROS DE BZHIN GSHEGS PA'I BYANG CHUB BRNYES NAS TSANGS PA GTZUG PHUD CAN ZHES BYA BA TSANGS RIS KYI LHA'I BU 'BUM PHRAG DRUG CU RTZA BRGYAD KYIS BSKOR ZHING MDUN DU BDAR TE, TSANGS PA'I 'JIG RTEN NAS MI SNANG BAR GYUR NAS, BCOM LDAN 'DAS KYI SPYAN SNGAR PHYIN TE, BCOM LDAN 'DAS KYI ZHABS LA MGO BOS PHYAG 'TSAL NAS LAN BDUN BSKOR BA BYAS TE BCOM LDAN 'DAS LA CHOS KYI 'KHOR LO BSKOR BA'I PHYIR SEMS CAN CHOS KYI SNOD DU GYUR PA DAG MCHIS TE, DE DAG DE BZHIN GSHEGS PA'I CHOS STON PA 'TSAL BAR 'GYUR GYI BCOM LDAN 'DAS KYIS CHOS BSTAN @063B DU GSOL, BDE BAR GSHEGS PAS CHOS BSTAN DU GSOL ZHES GSOL BA BTAB BO, ,DE NI SNGON GYI SMON LAM GYIS GYUR PA STE GANG GIS RGYAL PO YUL 'KHOR SRUNG GI BUR KHAS BLANGS NAS, BDAG GI BSKAL PA BZANG PO'I DE BZHIN GSHEGS PA BYANG CHUB BRNYES PA THAMS CAD CHOS KYI 'KHOR LO BSKOR BAR BSKUL LO ZHES SMON LAM BTABS PA YIN NO, ,ZHI BA'I BLO GROS TSANGS PA GTZUG PHUD CAN NYID KYIS DE BZHIN GSHEGS PA LA CHOS KYI 'KHOR LO BSKOR BAR GSOL BA BTAB KYIS GZHAN DAG GIS NI MIN NO SNYAM DU KHYOD SEMS NA DE LTAR MI BLTA'O, ,DE CI'I PHYIR ZHE NA, JI LTAR TSANGS PA GTZUG PHUD CAN GYIS GSOL BA BTAB PA DE BZHIN DU, TSANGS PA BYE BA PHRAG BCUS KYANG DE BZHIN GSHEGS PA LA GSOL BA BTAB PAR 'GYUR TO, ,BRGYA BYIN BYE BA PHRAG BCU DANG, BYANG CHUB SEMS DPA' BYE BA PHRAG BCUS KYANG BCOM LDAN 'DAS LA CHOS KYI 'KHOR LO BSKOR BAR GSOL BA BTAB PAR 'GYUR TO, ,GANG GI TSE BCOM LDAN 'DAS KYIS CHOS KYI 'KHOR LO BSKOR BAR SNANG BA DE'I TSE TSANGS PA GTZUG PHUD CAN GYIS GRONG KHYER WA RA nA SI DRANG SRONG LHUNG BA RI DVAGS KYI NAGS SU BCOM LDAN 'DAS KYIS SENG+GE'I KHRI 'PHANG DU DPAG TSAD BZHI KHRI NYIS STONG YOD PA RNAM PA THAMS CAD KYI MCHOG DANG LDAN PA, BKRA BA, LTA NA SDUG PA, SA'I STENG NA 'DUG PA @064A *, ,BSHAM PAR GYUR TO, ,JI LTAR TSANGS PA GTZUG PHUD CAN GYIS DE BZHIN GSHEGS PA'I SENG+GE'I KHRI BSHAMS PAR GYUR PA DE BZHIN DU TSANGS PA BYE BA KHRAG BCU DANG, BRGYA BYIN BYE BA KHRAG BCU DANG; BYANG CHUB SEMS DPA' 'KHOR DANG BCAS PA BYE BA KHRAG BCUS KYANG, BCOM LDAN 'DAS KYI SENG+GE'I KHRI BKRA BA, LTA NA SDUG PA, RNAM PA THAMS CAD KYI MCHOG DANG LDAN PA BSHAMS PAR GYUR TO, ,ZHI BA'I BLO GROS, DE NAS BCOM LDAN 'DAS GRONG KHYER CHEN PO WA RA nA SI GA LA BA DANG, DRANG SRONG LHUNG BA RI DVAGS KYI NAGS GA LA BA DER GSHEGS TE BYON NAS, SENG+GE'I KHRI DE DAG THAMS CAD LA BDAG NYID BZHUGS PAR KUN TU BSTAN TO, ,DE NA RE RES KYANG DE BZHIN GSHEGS PA BDAG GI SENG+GE'I KHRI LA BZHUGS SO, ,BDAG GI SENG+GE'I KHRI LA BZHUGS NAS CHOS KYI 'KHOR LO BSKOR BAR 'GYUR PAR SHES TE; DE DAG DGA' BA DANG, MCHOG TU DGA' BA DE NYID KYI BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PAR GYUR TO, ,BCOM LDAN 'DAS SENG+GE'I KHRI DE LA BZHUGS MA THAG TU, DE NAS DE'I TSE PHYOGS BCU MTHA' YAS PA MU MED PA'I 'JIG RTEN GYI KHAMS RAB TU GA-YOS TE SNANG BA CHEN POS KHYAB PAR GYUR TO, ,DE NAS DE'I TSE BCOM LDAN 'DAS KYIS YUL MTHA' YAS BA ZHES BYA BA'I TING NGE @064B 'DZIN LA MNYAM PAR GZHAG GO, BCOM LDAN 'DAS KYIS YUL MTHA' YAS PA'I TING NGE 'DZIN LA MNYAM PAR GZHAG MA THAG TU DE NAS DE'I TSE STONG GSUM GYI STONG CHEN PO'I 'JIG RTEN GYI KHAMS MNYAM PAR GYUR PAR GNAS TE LAG MTHIL LTAR GYUR TO, ,STONG GSUM GYI STONG CHEN PO'I 'JIG RTEN GYI KHAMS NA SEMS CAN DMYAL BA PA'AM, DUD 'GRO'I SKYE GNAS PA'AM, GSHIN RJE'I 'JIG RTEN PA'AM, MI'AM, LHA'AM, SEMS CAN JI SNYED YOD PA DE DAG THAMS CAD DE'I TSE BDE BA DANG LDAN PAR GYUR TE, ZHES SOGS DANG, PHUN SUM TSOGS PA'I 'KHOR THAMS CAD 'DUS PA'I RJES SU, DE NAS BCOM LDAN 'DAS KYIS 'KHOR CHEN PO DE 'DUS PAR MKHYEN NAS, DRAN PA DANG LDAN ZHING, MKHYEN BZHIN DU TING NGE 'DZIN DE LAS BZHENGS TE, DE BZHIN GSHEGS PA'I SPYAN THUGS RJE CHEN POS BSKYOD PAS THAMS CAD DANG LDAN PA'I 'JIG RTEN LA RNAM PAR GZIGS NAS DGE SBYONG DMA, BRAM ZE'AM, SU YANG RUNG BAS CHOS DANG MTHUN PAR 'JIG RTEN DU MA BSKOR BA'I CHOS KYI 'KHOR LO BSKOR, ZHI BA'I BLO GROS, DE BZHIN GSHEGS PA'I CHOS KYI 'KHOR LO DE NI CI NAS KYANG 'KHOR 'DUS PA'I SEMS CAN RNAMS RANG RANG GI RNAM PAR RIG PA BZHIN DU KUN TU SHES TE, SEMS CAN THAMS CAD KYI SEMS KYI BSAMS PA TSIM PAR BYA BA'I PHYIR BSKOR TO, ,GANG GI TSE BCOM LDAN 'DAS KYIS 'KHOR LO @065A *, ,BSKOR BA DE'I TSE CHOS MNYAN PA'I PHYIR PHYOGS BCU NAS BYANG CHUB SEMS DPA' GRANGS MED DPAG TU MED PA DAG 'DUS PAR GYUR TO, ,'DOD PA NA SPYOD PA DANG, GZUGS LA SPYOD PA'I LHA'I BU BYE BA PHRAG KHRIG BRGYA STONG NGAG KYANG 'DUS PAR GYUR TO, ,ZHI PA'I BLO GROS DE LA GANG GI TSE BCOM LDAN 'DAS KYIS GSUNG 'DI SKAD DU, KO'U 'DI N+YA MIG MI RTAG GO ZHES BKA' STZAL PA DE LA, SDUG BSNGAL GYI SGRAS 'DUL BA RNAMS KYIS NI MIG SDUG BSNGAL LO ZHES THOS SO, ,BDAG MED PAS 'DUL BA RNAMS KYIS NI MIG BDAG MED DO ZHES THOS SO, ,STONG PA NYID KYIS 'DUL BA RNAMS KYIS NI, MIG STONG NGO ZHES THOS SO, ,ZHI BAS 'DUL BA RNAMS KYIS NI MIG ZHI BA'O ZHES THOS SO, ,DBEN PAS 'DUL BA RNAMS KYIS NI, MIG DBEN PA'O, ,ZHES THOS SO, ,MI RTAG PAS 'DUL BA RNAMS KYIS NI, MIG MI RTAG PA'O, ,ZHES THOS SO; ;GNAS MED PAS 'DUL BA RNAMS KYIS NI MIG GNAS MED PA'O, ,ZHES THOS SO, ,SGYU MA LTA BUS 'DUL BA RNAMS KYIS NI MIG SGYU MA LTA BU'O, ,ZHES THOS SO, ,RMI LAM LTA BUS 'DUL BA RNAMS KYIS MIG RMILAM LTA BU'O, ,ZHES THOS SO, ,CHU ZLA LTA BUS 'DUL BA RNAMS KYIS NI MIG CHU ZLA LTA BU'O, ,ZHES THOS SO, ,MIG YOR LTA BUS 'DUL BA RNAMS KYIS NI MIG MIG YOR LTA BU'O, ,ZHES THOS @065B SO; ;BRAG CHA LTA BUS 'DUL BA RNAMS KYIS NI MIG BRAG CHA LTA BU'O, ,ZHES THOS SO, ,DE BZHIN DU STONG PA NYID DANG, MTSAN MA MED PA DANG, SMON PA MED PA DANG, MNGON PAR 'DU BYED PA MED PA DANG, MA SKYES PA DANG, SKYE BA MED PAS 'DUL PA RNAMS KYIS NI, MIG STONG PA NYID DANG, MTSAN MA MED PA DANG, SMON PA MED PA DANG, MNGON PAR 'DU BYED PA MED PA DANG, MA SKYES PA DANG, MI 'BYUNG BAR THOS SO, ,RTEN CING 'BREL PAR 'BYUNG BAS 'DUL BA RNAMS KYIS NI MIG RTEN CING 'BREL PAR 'BYUNG BA'O, ,ZHES THOS SO, ,MIG LA JI LTA BA BZHIN DU, YID KYI BAR DU YANG RTEN CING 'BREL PAR 'BYUNG BA'O, ,ZHES THOS SO, ,DE BZHIN DU GZUGS RNAMS DANG, SGRA RNAMS DANG, DRI RNAMS DANG, RO RNAMS DANG, REG BYA RNAMS DANG, CHOS RNAMS STONG NGO ZHES THOS SO, ,KHA CIG GIS NI PHUNG PO MI RTAG PA DANG, KHA CIG GIS NI KHAMS MI RTAG PAR THOS SO, ,KHA CIG GIS NI SKYE MCHED BDAG MED PA'O, ,ZHES THOS SO, ,KHA CIG GIS NI PHUNG PO MI RTAG PA NYID DU THOS LA, KHAMS LA MI RTAG PA NYID DU MIN NO, ,KHA CIG GIS NI KHAMS LA MI RTAG PA NYID DU THOS LA, PHUNG PO MI RTAG PA NYID DU MIN NO; ;KHA CIG NI SDUG BSNGAL GYI SGRAS RNAM PAR GROL LO, ,KHA CIG NI KUN 'BYUNG GI SGRAS RNAM PAR GROL LO, ,KHA CIG NI 'GOG PA'I SGRAS RNAM PAR GROL LO, ,KHA CIG NI LAM GYI SGRAS RNAM PAR GROL LO, ,KHA CIG NI@066A *, ,DRAN PA NYE BAR BZHAG PA'I GTAM DU THOS SO, ,KHA CIG GIS NI YANG DAG PAR SPONG BA'I GTAM DU THOS SO, KHA CIG GIS NI RDZU 'KHRUL GYI RKANG PA'I GTAM DU THOS SO, ,KHA CIG GIS NI DBANG PO'I GTAM DU THOS SO, ,KHA CIG GIS NI STOBS KYI GTAM DU THOS SO, ,KHA CIG GIS NI BYANG CHUB KYI YAN LAG GI GTAM DU THOS SO, ,KHA CIG GIS NI (RAB TU) LAM GYI GTAM DU THOS SO, ,KHA CIG GIS NI ZHI GNAS KYI GTAM DU THOS SO; ;KHA CIG GIS NI LHAG MTHONG GI GTAM DU THOS SO, ,KHA CIG GIS NI BRTAN PA'I GTAM DU THOS SO, ,KHA CIG GIS NI NYAN THOS DANG LDAN PA'I GTAM DU THOS SO, ,KHA CIG GIS NI RANG SANGS RGYAS DANG RAB TU LDAN PA'I GTAM DU THOS SO, ,KHA CIG GIS NI THEG PA CHEN PO DANG RAB TU LDAN PA'I GTAM DU THOS TE, ZHI BA'I BLO GOS DE LTAR NA DE BZHIN GSHEGS PAS SEMS CAN THAMS CAD KYI SEMS KYI BSAM PA TSIM PAR BYA BA'I PHYIR CHOS KYI 'KHOR LO BSKOR TO, ,ZHI BA'I BLO GROS DE LTAR DE BZHIN GSHEGS PAS CHOS KYI 'KHOR LO BSKOR BA LA SEMS CAN GYI DON MDZAD PA GANG YIN PA DE NI DGE SLONG SHA RI'I BUS KYANG SEMS CAN DE DAG BGRANG BA'I RTOG PAS LO BRGYAR YANG RTOGS PAR MI NUS NA, SEMS CAN GZHAN DAG GIS LTA SMOS KYANG CI DGOS, BCOM LDAN 'DAS KYIS DKA' BA SPYAD PA DANG, BYANG CHUB KYI SNYING POR 'GRO BA DANG, @066B BDUD 'DUL BA DANG, BKOD PA DANG, SENG+GE SGRA DANG, RNAM PAR GROL BA DANG, CHOS KYI 'KHOR LO BSKOR BA BSTAN PA 'DI BSHAD PA NA SROG CHAGS BRGYAD KHRI BZHI STONG GIS BLA NA MED PA YANG DAG PAR RDZOGS PA'I BYANG CHUB TU SEMS BSKYED DO, ,SEMS CAN TSAD MED PA DAG NI THEG PA GSUM LA YONGS SU SMIN PAR BYAS SO, ,CHOS KYI 'KHOR LO BSKOR BA'I LE'U ZHES BYA BA STE BCU BZHI PA'O, ,ZHES GSUNGS SO, ,GNYIS PA RGYA CHE ROL PA'I MDO LAS GSUNGS PA'I TSUL NI TSANGS PA DANG BRGYA BYIN LA SOGS PA'I SKAL LDAN RNAMS KYIS GSOL BA BTAB PA'I RJES SU, MDO DE NYID LAS, DE BZHIN GSHEGS PAS KUN TU 'TSOB PA (DE) LA TSIGS SU BCAD PAS SLAR BKA' STZAL PA, NGA LA SLOB DPON GANG YANG MED, ,NGA DANG 'DRA BA YOD MA YIN, ,NGA NI GCIG PU RDZOGS SANGS RGYAS, BSIL GYUR ZAG PA MED PA YIN, ,NGES SMRAS PA, GO'U TAM BDAG NYID DGRA BCOM PAR ZHAL GYI 'CHE'AM, DE BZHIN GSHEGS PAS BKA' STZAL PA, NGA NYID 'JIG RTEN DGRA BCOM PA, ,NGA NI STON PA BLA NA MED, ,LHA DANG LHA MIN DRI ZAR BCAS, ,NGA YI DO ZLA GANG ZAG MED, ,DES SMRAS PA, GO'U TA MA BDAG NYID RGYAL BA LEGS PAR ZHAL GYIS 'CHE'AM, DE BZHIN GSHEGS PAS BKA' STZAL PA, GANG DAG ZAG PA ZAD PA BRNYES, ,NGA 'DRA RGYAL BAR SHES PAR BYA, ,NGA NI SDIG PA'I CHOS LAS RGYAL, ,DE BAS NYE 'GRO NGA @067A *, ,RGYAL YIN, DES SMRAS PA, TSE DANG LDAN PA GOO'U TA MA GAR ZHUD, DE BZHIN GSHEGS PAS BKA' STZAL PA, DA NI WA RA nA SIR 'GRO, GRONG KHYER GSAL LDAN SONG NAS NI, ,LONG BA LTA BU'I 'JIG RTEN LA, ,MTSUNGS PA MED PA'I 'ONG BYA'O, ,NGA NI WA RA nA SIR 'GRO, GRONG KHYER GSAL LDAN SONG NAS NI, ,'ON PA LTA BU'I 'JIG RTEN LA, ,BDUD RTZI'I RNGA CHEN BRDUD PAR BYA, ,NGA NI WA RA nA SIR 'GRO, GRONG KHYER GSAL LDAN SONG NAS NI, ,'JIG RTEN DU NI MA BSKOR BA'I, ,CHOS KYI 'KHOR LO BSKOR BAR BYA, ,KUN TU 'TSO BA PA DES GOO'U TA MA DE BZHINU 'GYUR TO, ,DE BZHIN DU 'GYUR RO ZHES SMRAS TE, LHO PHYOGS LOGS SU SONG NGO, ,DE BZHIN GSHEGS PA NI BYANG PHYOGS LOGSU BZHUDO, ,DGE SLONG DAG DE LTAR DE BZHIN GSHEGS PA RI GA YA'I KLU'I RGYAL PO SHIN TU LTA MDZES KYI BZHUGSU GSOL BA DANG, GSHOS GSOL BAR SPYAN DRANG SO, ,ZHES SOGS DANG DE'I RJES SU, MTHAR GYI KLUNG CHEN PO GANG+GA'I 'GRAM DU GSHEGS SO, ,DGE SLONG DAG DE'I TSE KLUNG CHEN PO GANG+GA SHIN TU BRUG STE, ,MU DANG MNYAM PAR 'BAB BO, ,DGE SLONG DAG DE NAS DE BZHIN GSHEGS PA PHA ROL TU GSHEGS PA'I PHYIR MNYAN PA'I GAN DU GSHEGS PA DANG, DES GSOL PA GOO TA MA GRU BCAS STZAL DU GSOL, GROGS PO NGA LA GRU BTZAS MED DO BKA' STZAL NAS, DE BZHIN GSHEGS PA NAMS MTHA' LAS TSUR ROL GYI 'GRAm NAS PHA ROL GYI 'GRAM DU GSHEGSO, ,DE NAS MNYAN PA DES DE MTHONG NAS SBYIN NAS RNAm PA 'DI LTA BU 'DI BDAG GIS MA @067B BSGRAL TO, ,ZHES SHIN TU 'GYOD DE KYI HUD MTSAR BYAS SO ZHES SMRAS NAS RGYAL TE, SA LA 'GYEL LO, ,DE NAS MNYAN PAS RGYAL PO GZUGS CAN SNYING PO LA, JO BO DGE SBYONG GO'U TA MA LA GRU BTZAS RTZAL BAR GSOL NA GRU BTZAS MED DE ZHES GSUNG TE, NAM MKHA' LAS TSUR ROL GYI 'GRAM NAS PHA ROL GYI 'GRAM DU GSHEGS SO ZHES LO RGYUS (BA) SNYAD DO, ,DE SKAD THOS NAS RGYAL PO GZUGS CAN SNYING POS PHYIN CHAD RAB TU BYUNG BA THAMS CAD LA GRU BTZAS MI DBAB PAR BYAS SO, ,ZHES SOGS DANG, DE BZHIN GSHEGS PAS, SNGON GYI DE BZHIN GSHEGS PA RNAMS LA GUS PAR MDZAD PA'I PHYIR, KHRI GSUM LA BSKOR BA MDZAD NAS SENG+GE LTAR BAG TSA BA MI MNGA' BAR KHRI BZHI PA LA DKYIL MO KRUNG BCAS TE BZHUGS SO, ,DGE SLONG LNGA POS KYANG DE BZHIN GSHEGS PA'I ZHABS LA MGO BOS PHYAG 'TSAL TE, DE BZHIN GSHEGS PA'I SPYAN SNGAR 'KHOD DO, ,DGE SLONG DAG DE NAS DE'I TSE DE BZHIN GSHEGS PA'I SKU LAS RNAM PA 'DI LTA BU'I 'OD BYUNG STE, 'OD NGES STONG GSUM GYI STONG CHEN PO'I 'JIG RTEN GYI KHAMS 'DI SNANG BA CHEN POS KHYAB PAR GYUR NAS SNANG BA DES 'JIG RTEN GYI KHAMS KYI BAR SDIG PA SDIG PAS KHYAB PA, MUN PA MUN NAG TU GYUR PA, GANG DU NYI MA DANG ZLA BA 'DI LTAR RDZUL CHE BA, 'DI LTAR DBANG CHE BAR GRAGS PA, 'DI GNYIS KYI 'OD KYIS 'OD DANG, KHA DOG GIS KHA DOG DANG, GZI BRJID KYIS GZI BRJID LHAM MER MA @068A *, ,GYUR PA, LHANG DER GYUR PA GANG YIN PA DE NA SEMS CAN GANG DAG SKYES PA RANG RANG GI LAG PA RKYANG PA YANG MI MTHONG BA DER YANG DE'I TSE SNANG BA CHEN PO RGYA CHER BYUNG BAR 'GYUR RO, ,ZHES SOGS DANG; DGE SLONG DAG DE LTAR DE BZHIN GSHEGS PA NAM GYI CHA STOD KYI THUN NI CANG MI GSUNG BAS ZAD PAR MDZAD DO, ,NAM GYI GUNG THUN LA NI YANG DAG PAR 'CHAG PAR 'GYUR BA'I GTAM GSUNG NGO, ,NAM GYI CHA SMAD KYI THUN LA NI LNGA SDE BZANG PO RNAMS BLOS TE, 'DI SKAD CES BKA' STZAL TO, ,DGE SLONG DAG MTHA' GNYIS PO 'DI DAG NI RAB TU BYUNG BA'I 'JUG PAR BYA BA MIN PA STE, GANG 'DOD PA RNAMS LA BSOD SNYOMS SU SBYOR BA, DMAN PA GRO BA'I TSE SO SO'I SKYE BO PA, 'PHAGS PA LA MI KHOM BA, GNOD PA DANG LDAN PA, MA 'ONGS PA NA TSANGS PAR SPYOD PAR MI 'GYUR BA, YID 'BYUNG BAR MI 'GYUR BA, 'DOD CHAGS DANG BRAL BAR MI 'GYUR BA, 'GOG PAR MI 'GYUR BA, MNGON PAR SHES PAR MI 'GYUR BA, RDZOGS PA'I BYANG CHUB TU MI 'GYUR BA, MYA NGAN LAS 'DA' BAR MI 'GYUR BA, ZHES SOGS DANG, GANG YANG DBU MA'I LAM MA YIN PA, LUS NGAL BAR SBYOR BA SDUG BSNGAL BA, GNOD PA DANG LDAN PA, TSE 'DI LA YANG SDUG BSNGAL LA, ,MA 'ONGS PA NA YANG SDUG BSNGAL BA, ,RNAM PAR SMIN PA STE DGE SLONG DAG MTHA' GNYIS PO 'DI DAG SPANGS NAS DBU MA'I LAM @068B NYID KYI DE BZHIN GSHEGS BAS CHOS STON TE, 'DI LTA STE, YANG DAG PA'I LTA BA DANG YANG DAG PA'I RTOG PA DANG, YANG DAG PA'I NGAG DANG, YANG DAG PA'I LAS KYI MTHA' DANG, YANG DAG PA'I 'TSO BA DANG, YANG DAG PA'I RTZOL BA DANG, YANG DAG PA'I DRAN PA DANG, YANG DAG PA'I TING NGE 'DZIN TO, ,DGE SLONG DAG BA ZHI PO 'DI DAG NI 'PHAGS PA'I BDEN PA DAG STE, BZHI GANG ZHE NA, SDUG BSNGAL BA DANG, SDUG BSNGAL KUN 'BYUNG BA DANG, SDUG BSNGAL 'GOG PA DANG, SDUG BSNGAL 'GOG PAR 'GRO BA'I LAM MO, ,DE LA SDUG BSNGAL GANG ZHE NA, SKYE BA'I SDUG BSNGAL, RGA BA DANG, NA BA DANG, 'CHI BA DANG, MI SDUG PA DANG PHRAD PA DANG; SDUG PA DANG BRAL BA'I SDUG BSNGAL DANG, GANG YANG 'DOD PA BTZAL TE MA RNYED PA DE YANG SDUG BSNGAL LO, ,MDOR NA NYE BAR LEN PA'I PHUNG PO DAG NI SDUG BSNGAL TE, 'DI NI SDUG BSNGAL ZHES BYA'O, , DE LA SDUG BSNGAL KUN 'BYUNG BA GANG ZHE NA, GANG 'DI YANG 'BYUNG BA'I SRED PA DANG, DGA' BA'I 'DOD CHAGS DANG LDAN PA DANG, DE DANG DER MNGON PAR DGA' BA STE, 'DI NI SDUG BSNGAL KUN 'BYUNG BA ZHES BYA'O,, DE LA SDUG BSNGAL 'GOG PA GANG ZHE NA, ,GANG YANG 'BYUNG BA'I SRED PA DANG, DGA' BA'I 'DOD CHAGS DANG LDAN PA DANG, DE DANG DER MNGON PAR DGA' PA DANG SKYED PA DANG SGRUB PA 'DI NYID LA 'DOD CHAGS MA LUS PA @069A *, ,DANG BRAL PA DANG, 'GOG PA 'DI NI SDUG BSNGAL 'GOG PA'O, ,DE LA SDUG BSNGAL 'GOG PAR 'GRO BA'I LAM GANG ZHE NA, 'PHAGS PA'I LAM YAN LAG BRGYAD PO 'DI NYID DE, 'DI LTA STE; YANG DAG PA'I LTA BA NAS YANG DAG PA'I TING NGE 'DZIN GYI BAR DU STE 'DI NI SDUG BSNGAL 'GOG PAR 'GRO BA'I LAM 'PHAGS PA'I BDEN PA ZHES BYA'O, ,ZHES SOGS GSUNGS PA'I PHYIR, DES NA DE RNAMS KYI DON BSDUS NA, BDAG CAG GI STON PA MNYAM MED SH'KYA'I RGYAL PO DE NYID KYIS SKAL LDAN GYI GDUL BYA MTHA' YAS PA'I NGO BOR CHOS KYI 'KHOR LO CIG CAR DU BSKOR BA'I TSUL NI 'DI LTA STE; MDO SDE RGYAN LAS, DE NI CIG CAR LA LAR SGO MANGS BRGYA NAS CHOS KYI 'KHOR LO DANG, LA LAR SKYE BA MI SNANG LA LAR SKYE BA'I SPYOD PA SNA TSOGS DANG, ,LA LAR BYANG CHUB THAMS CAD LA LAR DE NI MYA NGAN 'DAS STON KYANG, ,DE NI GNAS DE LAS KYANG RNAM PAR GA-YO MI MNGA' LA THAMS CAD MDZAD, ,CES DANG, SNGAR LUNG MA BSTAN LHAN CIG 'BYUNG, ,ZHES PA'I 'GREL PAR, SNGAR LUNG MA BSTAN ZHES BYA BA NI, GAL TE 'DI DAM PA'I CHOS KYI BAR CHAD BYED PAR PHYIS 'GA' ZHIG GIS BYAS PA YIN NA, CI'I PHYIR MA 'ONGS PA'I 'JIGS PA BZHIN DU SNGA NAS LUNG MA BSTAN LHAN CIG 'BYUNG, ZHES BYA BA @069B NI THEG PA CHEN PO NYAN THOS KYI THEG PA DANG DUS MNYAM PA NYID DU 'BYUNG BAR DMIGS KYI, PHYIS NI MA YIN NA, JI LTAR 'DI SANGS RGYAS KYI BKA' MIN SNYAM DU SHES ZHES DANG, BDEN PA PO'I LE'U LAS KYANG GSUNGS TE; DE BZHIN GSHEGS PAS ZHU BA THAMS CAD KYI LAN DUS CIG CAR DU GSUNG GCIG NYID KYIS BTAB PA'I SGO NAS THE TSOM THAMS CAD SEL BAR MDZAD PA YIN PA'I PHYIR TE, 'DI LTAR SEMS CAN RNAMS KYIS NGES PA'I TSIG ,MANG PO DAG GIS CIG CAR ZHUS ZHUS PA, ,SEMS KYI SKAD CIG GCIG LA THUGS CHUD NAS, ,GSUNGS DBYANGS GCIG GIS SO SOR LAN KYANG 'DEBS, ,ZHES GSUNGS PA'I PHYIR, DAD PA'I STOBS BSKYED PA'I MJUG PA'I PHYAG RGYA'I MDO LAS, DUS GCIG TU PHYOGS BCU'I 'JIG RTEN GYI KHAMS RAB 'BYAMS THAMS CAD DU, DGA' LDAN GYI GNAS MCHOG NA BZHUGS PA DANG, 'CHI 'PHO BA DANG SKYE BA DANG MNGON PAR 'BYUNG BA DANG DKA' BA SPYOD PA'I SBYOR BA DANG, BYANG CHUB KYI SNYING POR GSHEGS PA DANG, BDUD BCOM PA DANG, MNGON PAR RDZOGS PAR BYANG CHUB PA DANG, CHOS KYI 'KHOR LO BSKOR BA DANG, YONGS SU MYA NGAN LAS 'DA' BA DANG CHOS NUB PAR STON PA LA MKHAS ZHES GSUNGS, GSUM PA SA MTSAMS NI, LAM MA BZHUGS NAS SANGS RGYAS KYI SA'I BAR NA BZHUGS TE, LAM MA BZHUGS NA YANG BYIN GYIS BRLAB PA'I @070A *, ,BKA' BZHUGS PA'I PHYIR, BZHI PA NI, GZHI SDU BAR BCOM LDAN 'DAS KYIS KYANG KUN SHES KO'U DIN+YA'I RGYUD LA KUN SHES PA'I CHOS NYID DANG MTHUN PAR BSKOD LA DE YANG GZHAN DAG LA MTHUN PAR BSKOR BAR 'GYUR BA DANG, DE DAG KYANG GZHAN DAG LA MTHUN PAR BSKOR BAR GYUR TE, DE BAS NA GCIG NAS GCIG TU RGYUD DE MTHUN PAR BSKOR BA'I DON GYI 'KHOR LO ZHES BYA'O, ,YANG DAG PA'I LTA BA LA SOGS PA'I CHOS KYI RANG BZHIN YIN PAS NA CHOS KYI 'KHOR LO'O, ,ZHES GSUNGS PA LTAR, 'KHOR LO RIN PO CHE DANG 'DRA BA'I DAM PA'I CHOS RNAMS LA CHOS KYI 'KHOR LO ZHES BYA'O,, LNGA PA LA RTZOD SPANGS DANG, CHOS PHUNG GI TSAD GNYIS, DANG PO NI, KHO NA RE, DE BZHIN GSHEGS PAS CHOS KYI 'KHOR LO BSKOR BA MI 'THAD PAR THAL, GSANG PA BSAM GYIS MI KHYAB PA'I MDO LAS, ZHI BA'I BLO GROS DE LA DE BZHIN GSHEGS PA'I GSUNG GI GSANG BA DANG, GSUNG GI 'PHRIN LAS YONGS SU DAG PA GANG ZHE NA, ZHI BA'I BLO GROS GANG GI NUB MO DE BZHIN GSHEGS PAS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DANG, GANG GI NUB MO LEN PA MI MNGA' BAR YONGS SU MYA NGAN LAS 'DAS PAR 'GYUR BAR DE'I BAR DU DE BZHIN GSHEGS PAS @070B THA NA YI GE 'BRU GCIG KYANG MA GSUNGS SO, ,GSUNG BAR MI 'GYUR RO, ,DE CI'I PHYIR ZHE NA, ZHI BA'I BLO GROS DE BZHIN GSHEGS PA NI RTAG TU MNYAM PAR GZHAG PA STE, DE BZHIN GSHEGS PA LA DBUGS 'BYUNG BA'AM, RDUB PA MI MNGA'O, ,RNAM PAR MI RTOG GO, ,RNAM PAR MI SPYOD DO, ,RNAM PAR RTOG PA DANG RNAM PAR DPYOD PA MED PAS NA NGAG MI 'BYUNG STE, ZHES GSUNGS PA'I PHYIR, ZHE NA MA KHYAB STE, 'BAD RTZOL GYI RNAM PAR RTOG PA DANG BCAS PA'I SGO NAS DAM PA'I CHOS MI STON PA LA DGONGS PA'I PHYIR TE, ,DE LTAR DU THEG PA CHEN PO RGYUD BLA MA'I BSTAN BCOS LAS, ,LHA'I RNGA PO CHE DANG, ROL MO RNAMS LA 'BAD RTZOL GYI RNAM PAR RTOG PA MI MNGA' BAR YANG DAM PA'I CHOS STON PA'I DPE LAS RGYAS PAR BSGRUBS PA'I PHYIR TE, DE NYID LAS, JI LTAR LHA NA LHA RNAMS KYI, ,SNGON GYI DKAR PO'I MTHU YIS NI, ,'BAD DANG GNAS DANG YID GZUGS DANG, ,RNAM PAR RTOG PA MED BZHIN DU, ,MI RTAG SDUG BSNGAL BDAG MED DANG, ,ZHI BA'I SGRA YIS BAG MED PA'I, ,LHA RNAMS THAMS CAD YANG NAS YANG, ,CHOS KYI RNGAS NI BSKUL BYED LTAR, ,DE BZHIN KHYAB BDAG 'BAD SOGS DANG, ,BRAL YANG 'GRO BA MA LUS PA, ,SANGS RGYAS GSUNG GIS KHYAB MDZAD DE, ,SKAL LDAN RNAMS LA@071A *, ,CHOS STON TO, ,JI LTAR LHA NA LHA RNAMS KYIS, ,RNGA SGRA RANG GI LAS LAS BYUNG, ,DE BZHIN 'JIG RTEN THUB PA'I CHOS, ,GSUNG BA RANG GI LAS LAS BYUNG, ,ZHES GSUNGS PA'I PHYIR RO, ,YANG BDAG CAG GI STON PAS CHOS KYI 'KHOR LO CIG CAR DU BSKOR BA MI 'THAD PAR THAL, RIM CAN DU BSKOR BAR DGONGS 'GREL LAS GSUNGS PA'I PHYIR, SNYAM NA MA KHYAB STE, DE NI SKAL DMAN GYI GDUL BYA 'GA' ZHIG LA DGONGS PAR SLOB DPON CHOS SHES KYI TSIG GSAL LAS GSUNGS PA'I PHYIR, DE NYID LAS, DE DAG GIS NI LEGS PAR MA SMRAS TE, JI LTAR ZHE NA THUB PA CHEN POS NI DE LTAR RIM GYIS CHOS BSTAN PA MED DE JI SKAD DU, 'PHAGS PA DAD PA SKYE BA 'BYUNG BA BSTAN PA LAS KYANG RIGS KYI BU DE BZHIN GSHEGS PA RNAMS MNGON PAR RDZOGS PAR SANGS RGYAS NAS SANGS RGYAS SHIN TU SANGS RGYAS PA ZHES BYA BA'I TING NGE 'DZIN LA SNYOM PAR 'JUG STE, TING NGE 'DZIN SANGS RGYAS SHIN TU RNAM PAR SANGS RGYAS PA LA SNYOM PAR BZHUGS MA THAG TU SEMS CAN RNAMS JI SNYED PA DE SNYED KYI SKU KUN TU GNAS PAR GYUR TO, , SKU JI SNYED KYI GSUNG DANG THUGS DAG KUN TU GNAS PAR GYUR TO, ,ZHES GSUNGS LA, ZHES SOGS DANG, DE LTAR NA CHOS KYI 'KHOR LO MA LUS PA RNAM PA THAMS CAD DU BSKOR BA NI SKAD CIG GCIG KHO NA LA BSKOR @071B BA STE; DE LA GDUL BYA RNAMS KYIS DUS YUN RING THUNG DANG, GSUNG THA DAD PAR THOS PA LA SOGS PAR ZAD DE, 'PHAGS PA DAM PA'I CHOS PADMA DKAR PO ZHES BYA BA THEG PA CHEN PO'I MDO LAS KYANG, SA RUM NAS 'THON PA'I BYANG CHUB SEMS DPA' RNAMS KYIS BAR GYI BSKAL BA NYI SHU RTZA LNGAR BCOM LDAN 'DAS SH'AKYA'I GTZO BO LA MCHOD PA BYAS MOD KYI, 'DZAM BU GLING PA LA SOGS PAS PHYI DRO GCIG GI YUN DU SHES SO, ,ZHES GSUNGS LA; BCOM LDAN 'DAS 'DI NI YONGS SU MYA NGAN LAS MA 'DAS TE, DE LTAR GZUGS KYI SKUR BZHUGS SHING, 'JIG RTEN GYI KHAMS 'DI 'JIG PA NA YANG ZHING 'DI RAB TU DGA' BAR GNAS LA MA 'ONGS PA'I BSKAL PA DPAG TU MED PA NA YONGS SU MYA NGAN LAS 'DA'O, ,ZHES BYA STE, DE'I PHYIR CHOS KYI 'KHOR LO MA LUS PA MTHA' DAG RNAM PA THAMS CAD DU BSKOR RO ZHES NGES GZUNG GI TSUL 'DI LTAR BSKOR ZHES DMAN PA'I 'DU SHES KYI NI NGES PAR BYA BAR GA LA NUS TE, ,GRANGS MED PA LA SU ZHIG BGRANG, ,ZHES BYA BA LA SOGS PA SNGAR SMRAS PA'O, ,ZHES GSUNGS PA'I PHYIR, GNYIS PA NI, MDZOD LAS, CHOS KYI PHUNG PO BRGYAD KHRI DAG ,GANG RNAMS THUB PAS GSUNGS DE DAG, TSIG GAM MING YIN DE DAG NI, ,GZUGS DANG 'DU BYED DAG TU 'DUS, ,ZHES MDO SDE PA'I LUGS KYI GZUGS PHUNG DANG, BYE BRAG SMRA BA'I LUGS KYI 'DU BYED KYI PHUNG POR GSUNG LA, RANG LUGS NI @072A *, ,SNGA MA DANG MTHUN TE, CHOS KYI PHUNG PO RNAMS NGAG YIN PA'I PHYIR, 'O NA CHOS PHUNG GI TSAD JI TZAM ZHE NA, MDZOD LAS, KHA CIG BSTAN BCOS TSAD CES ZER, ,PHUNG PO LA SOGS GTAM RE YIN, SPYOD PA RNAMS KYI GNYEN POR NI, ,CHOS KYI PHUNG PO MTHUN PAR GSUNGS, ,ZHES CHOS KYI PHUNG PO ZHES PA'I BSTAN BCOS DANG, PHUNG PO'I DON, PHUNG PO LTA BU'I DON TSAN RDZOGS PAR STON PA'I GSUNGS RAB DANG; NYON MONGS GCIG NYID KYI GNYEN PO RDZOGS PAR STON PA'I GSUNGS RAB DE CHOS PHUNG GCIG GI TSAD LONGS PAR GSUNGS LA, TSIG GSAL LAS SHO LO KA STONG GI THEG PA THUN MONGS BA'I DBANG DU BYAS PA'I CHOS PHUNG GCIG GI TSAD DANG, GLANG PO CHE RAB BRTEN GYIS KHUR BAR NUS PA'I SNAG TSAS THUN MONGS MA YIN PA'I THEG CHEN GYI DBANG DU BYAS PA'I CHOS PHUNG GCIG GI TSAD LONGS PAR GSUNGS SHING PHAL CHER, KLU'I YUL SOGS NA BZHUGS TE, SLOB SPRINGS LAS, BSTAN PA RIN CHEN MCHOG LTAR BZANG LA PHAN MED PAR, ,RNAM PAR DAG TSUL GANG YIN KLU MGO GDENGS KA CAN, ,CHEN PO RNAMS KYI GTZUG GI RGYAN BZHIN GUS MNOS NAS, ,SA YI GTING NA GNAS PA'I RAB RIB SEL BAR MDZAD, ,CES GSUNGS PA'I PHYIR, RANG LUGS NI, 'GREL CHEN LAS, MDOR SDU NA GANG DU 'DOD CHAGS LA SPYOD PA BRGYAD KHRI BZHI STONG @072B LA SPYOD PA RE RE'I GNYEN PO RDZOGS PAR STON PA'I GZHUNG JI TZAM GYI YONGS SU RDZOGS PAR 'GYUR BA DE TZAM GYI GZHUNG GI TSOGS LA CHOS KYI PHUNG PO ZHES BYA'O, ,ZHES DANG, SPYOD PA RNAMS KYI GNYEN POR NI, ,CHOS KYI PHUNG PO MTHUN PAR GSUNGS, ,ZHES BYUNG BA LTAR NYON MONGS PA GCIG NYID KYI GNYEN PO RDZOGS PAR STON PA'I GSUNG RAB GCIG NYID KYI CHOS PHUNG GCIG GI TSAD LONGS TE NYON MONGS BRGYAD KHRI BZHI STONG LA SPYOD PA'I GNYEN POR CHOS KYI PHUNG PO BRGYAD KHRI BZHI STONG GSUNGS PA'I PHYIR, DES NA NYON MONGS BRGYAD KHRI BZHI STONG LA SPYOD PA'I GNYEN PO RDZOGS PAR STON PA'I GSUNG RAB DES CHOS PHUNG BRGYAD KHRI BZHI STONG GI TSAD LONGS TE NYON MONGS GCIG NYID KYI GNYEN PO RDZOGS PAR STON PA'I GSUNG RAB DES CHOS PHUNG GCIG GI TSAD LONGS PA GANG ZHIG ,RIGS PA GNYIS MTSUNGS PA KHO NA YIN PA'I PHYIR, 'PHAGS PA SHES RAB KYI PHA ROL TU PHYIN PA'I SNYING PO'I MDO LTA BU CHOS CAN, CHOS KYI PHUNG PO BRGYAD KHRI BZHI STONG GI TSAD LONGS TE, NYON MONGS MTHA' DAG GI GNYEN PO RDZOGS PAR STON PA'I GSUNG RAB YIN PA'I PHYIR, 'DIR NI BRJOD BYA'I SGO NAS CHOS KYI PHUNG PO'I TSAD BZHAG PAR SEMS LA, BRJOD BYED SHO LO KA SOGS KYI SGO NAS 'JOGS PA NI MKHAS MCHOG DBYIG GNYEN SOGS KYI BZHED PA BSKYAR BAR MNGON NO, ,GNYIS PA GZHUNG DON NI, RTZA BA'I RKANG PA GSUM PA'I @073A *, ,DGONGS PA 'GREL BA LA, RNAM PA THAMS CAD SKYE BA MED PAR THUGS SU CHUD PA, ZHES SOGS GSUNGS, RJE BTZUN BYAMS PA MGON PO CHOS CAN, RNAM MKHYEN LA BSTOD PHYAG MDZAD DE, DE'I YON TAN TSAD MAS NGES PA'I SGO NAS BRJOD PAR MDZAD PA'I MKHAS MCHOG YIN PA'I PHYIR, RNAM MKHYEN CHOS CAN, YON TAN KHYAD PAR CAN DANG LDAN TE, SANGS RGYAS 'PHAGS PA'I BZHED DON MTHA' DAG BSGRUB PAR NUS SHING, RANG GI SRAS SU GYUR PA'I 'PHAGS PA RNAMS KYANG BSKRUN PAR MDZAD PA'I PHYIR, ` GNYIS PA RGYAS PA LA DAD PA'I GANG ZAG LA PHYE STE BSHAD PA LA, DGOS DON, BSDUS DON, TSIG DON DANG GSUM, DANG PO LA BSTAN BCOS BRTZAMS PA DGOS MED KYI DOGS PA SO SOR SPANGS TE MKHYEN GSUM SPYI'I RNAM BZHAG BSHAD PA DANG, MDO DANG BZLOS PA'I SKYON SPANGS TE, DGOS PA YOD PAR SGRUB PA GNYIS, DANG PO LA RTZOD LAN GNYIS, GNYIS PA 'DI LA LAN DNGOS, SHES BYED KYI LUNG 'GOD, LUNG GI DON BSHAD PA, DON BSDU BA DANG BZHI, GNYIS PA LA; YUM PAR MA'I LUNG 'GOD PA, BSDUS PA'I LUNG 'GOD PA, RGYAS PA'I SHES BYED KHA 'PHANG BA DANG GSUM, DANG PO LA, BSTAN BSHAD GNYIS, GNYIS PA 'DI @073B LA; GZHI SHES KYIS NYAN RANG GI MNGON RTOGS BSDUS TSUL, LAM SHES KYIS BYANG SEMS KYI MNGON RTOGS BSDUS TSUL, RNAM MKHYEN GYIS SANGS RGYAS 'PHAGS PA'I MNGON RTOGS BSDUS TSUL DANG GSUM, GNYIS PA 'DI LA, ZHUS LAN GNYIS, GNYIS PA 'DI STON PA LA, RAB 'BYOR BYANG CHUB SEMS DPA' RNAMS KYI NI, ZHE SOGS KYI SKABS SU, ,SPYI DON DANG, GZHUNG DON GNYIS, DANG PO LA, LAM GSUM NGOS BZUNG BA, THEG CHEN GYI LAM DU NYAN RANG GI SPANGS RTOGS RDZOGS PA'I SA MTSAMS, ,RDZOGS SMIN SBYANG GSUM BYAS PA'I TSAD, 'DIR BSTAN YANG DAG MTHA' NGOS BZUNG BA, RTZOD PA SPANGS PA DANG LNGA, DANG PO NI, GANG ZAG GI BDAG MED RTOGS PA'I MKHYEN PA MTHA' DAG NYAN THOS KYIS LAM; GZUNG 'DZIN RDZAS GZHAN GYIS STONG PAR RTOGS PA'I MKHYEN PA MTHA' DAG RANG RGYAL GYI LAM, BDEN STONG RTOGS PA'I MKHYEN PA RNAMS YANG DAG PAR RDZOGS PA'I SANGS RGYAS KYI LAM YIN NO, ,DANG PO GRUB STE, NYAN THOS RNAMS NI GTZO BOR GANG ZAG GI BDAG MED BSGOMS PA LAS, NYON SGRIB SPANGS PA'I THAR PA'I GRONG KHYER DU GSHEGS PA'I PHYIR, GNYIS @074A *, ,PA GRUB STE, RANG RGYAL RNAMS KYIS BZUNG 'DZIN RDZAS GZHAN GYIS STONG PA'I STONG NYID GTZO BOR BSGOMS PA LAS BZUNG 'DZIN RDZAS THA DAD DU 'DZIN PA'I RNAM RTOG SPANGS PA'I THAR PA'I GRONG KHYER DU GSHEGS PA'I PHYIR, GSUM PA GRUB STE, DE BZHIN GSHEGS PA RNAMS NI BDEN STONG GTZO BOR BSGOM PA'I LAM NAS BDEN 'DZIN MA LUS PAR SPANGS PA'I THAMS CAD MKHYEN PA'I LAM DU GSHEGS PA'I PHYIR, BYANG SEMS 'PHAGS PAS LAM GSUM SHES PAR MDZAD PA'I TSUL NI SEMS BSKYED, BSNGO BA, BDEN STONG RTOGS PA'I SHES RAB GSUM GYIS ZIN PA'I SGO NAS SHES PAR MDZAD LA, RANG RGYUD KYIS BSDUS PA RNAMS GONG NAS GONG DU SPEL BA'I TSUL GYIS SHES PAR MDZAD PA DANG, GZHAN RGYUD KYIS BSDUS PA RNAMS NI GZHAN SEMS SHES PA'I MNGON SHES LA BRTEN NAS GZHAN GYI SEMS RIGS PA'I TSUL LTAR DU SHES PAR MDZAD LA, DE LTAR MDZAD DGOS PA'I RGYU MTSAN YOD DE, BYANG SEMS 'PHAGS PAS GTZO BOR RIGS CAN GSUM PO DE NYID KYI DON MDZAD DGOS, DE LA RIGS CAN GSUM LA LAM GSUM PO DE NYID @074B STON DGOS, ,DE LA YANG RANG NYID KYIS JI LTA BA BZHIN DU SHES DGOS PA'I PHYIR TE, BYANG CHUB SEMS 'GREL LAS, RANG NYID NGES SHING GZHAN DAG LA, ,NGES PA BSKYED PAR 'DOD PA YIN, ,RTAG TU 'KHRUL PA MED PAR NI, ,MKHAS RNAMS RAB TU 'JUG PA YIN, ,ZHES DANG, RNAM 'GREL LAS, THABS BYUNG DE RGYU LKOG GYUR PA; ;DE 'CHAD PA NI DKA' BA YIN, ZHES SOGS GSUNGS PA'I PHYIR DANG, MDO SDE RGYAN LAS, RIGS PA'I GNAS LNGA DAG LA RTZON PAR MA BYAS NA, 'PHAGS MCHOG GIS KYANG THAMS CAD MKHYEN NYID MI 'GYUR TE, DE LTA BAS NA GZHAN DAG TSAR GCAD RJES BZUNG DANG, BDAG NYID KUN SHES BYA PHYIR DE LA DE BRTZON BYED, CES GSUNGS PA'I PHYIR, GZHUNG 'DIS BSTAN PA THAMS CAD 'GAL MED DU RTOGS PA'I CHE BA BSTAN ZHING, DE'I DON NI RGYAL BA'I GSUNG RABS MTHA' DAG GANG ZAG GCIG NYID SANGS RGYA BA'I CHA RKYEN DU BZHAG PAR BYA BA YIN TE, SANGS RGYAS KYI GO 'PHANG THOB PAR 'DOD PA RNAMS KYIS SKYON MTHA' DAG ZAD PAR BYED PA DANG YON @075A *, ,TAN MTHA' DAG THOB PAR BYED PA'I THABS RNAMS LA TSUL BZHIN DU SLOB DGOS PA'I PHYIR TE, YANG DAG PAR RDZOGS PA'I SANGS RGYAS RNAMS NI, SKYON MTHA' DAG ZAD PA DANG, YON TAN MTHA' DAG YONGS SU RDZOGS PA'I PHYIR KHYAB STE, 'BRAS BU RNAMS NI RANG DANG RJES SU MTHUN PA'I RGYU LAS 'BYUNG DGOS PA'I PHYIR, RGYAS PAR NI, BYANG CHUB LAM GYI RIM PA LAS SHES PAR BYA DGOS SO, ,GNYIS PA NI, THEG CHEN GYI LAM DU NYAN RANG GI SPANG RTOGS KYI RIGS RDZOGS PA DANG, RNAM MKHYEN THOB BA DUS MNYAM STE, DMAN LAM SNGON DU MA SONG BA'I BYANG CHUB SEMS DPA' RNAMS KYIS SGRIB GNYIS CIG CAR DU SPONG BA'I PHYIR TE, DES NYON SGRIB SPANGS PA'I DGRA BCOM PA DANG, SHES SGRIB SPANGS PA'I DE BZHIN GSHEGS PA'I GO 'PHANGS CIG CAR DU THOB PA'I PHYIR, BYANG SEMS 'PHAGS PAS NYON MONGS PA MA SPANGS SU ZIN KYANG, DE'I RGYUD KYI NYON MONGS PAS BYANG SEMS 'PHAGS PA LA NYON MONGS PA'I NYES PA SKYED PAR MI NUS TE, DE NI THABS KHYAD PAR CAN GYIS ZIN PA'I PHYIR, DPER NA SMAN DANG SNGAGS KYIS NUS PA NYAMS PAR BYAS PA'I DUG BZHIN NO, ,DE SKAD DU YANG, KUN BTUS LAS, BYANG CHUB SEMS DPA' RNAMS NI BDEN PA RNAMS MNGON PAR RTOGS PAR BYAS NAS SA BCU RNAMS SU SGOM PA'I LAM LA SHES BYA'I SGRIB PA'I MNYEN PO'I LAM SGOM GYI NYON MONGS PA'I SGRIB PA'I GNYEN PO NI MA YIN TE, DES BYANG CHUB THOB PA NA, NYON MONGS @075B PA DANG SHES BYA'I SGRIB GCIG CAR SPONG NGO, CIG CAR DGRA BCOM PA DANG DE BZHIN GSHEGS PAR 'GYUR RO, ,DES NYON MONGS MA SPANGS SU ZIN KYANG, DPER NA SNGAGS DANG SMAN GYIS BSAD PA'I DUG LTA BU DANG, SPANGS PA'I DGRA BCOM PA LTAR SA THAMS CAD DU NYON MONGS PA'I NYES PA SKYED PAR MI BYED DE, ZHES SOGS GSUNGS PA'I PHYIR, GZHUNG 'DIS SA DANG PO NAS KYANG SGOM LAM BAR CHAD MED LAM YOD PAR BSTAN TE, SA BCU PA'I GNAS SKABS SU, SHES SGRIB KYI GNYEN POR GYUR PA'I SGOM LAM GTZO BOR SGOM TSUL GSUNGS PA'I PHYIR TE, DE LTAR DU 'GREL CHEN LAS GSUNGS PA'I PHYIR TE, BDEN PA RNAMS KYI MNGON PAR RTOGS PA NI GCIG YIN PA'I PHYIR, DE BAS NA SA DANG PO'I SKAD CIG MA DANG PO NI MTHONG BA'I LAM YIN LA, DE LAS GZHAN SKAD CIG MA GNYIS PA LA SOGS PA NAS RDO RJE LTA BUR BRJOD PA'I LAM GANG LAS DE MA THAG SANGS RGYAS KYIS KUN TU 'OD THOB PA'I BAR 'DI DAG THAMS CAD NI CHOS KYI DBYINGS MCHOG GI DON LA SOGS PAR SO SOR RTOGS PA'I PHYIR SGOM PA'I LAM YIN PAR BSHAD DO, ,ZHAS DBUS MTHA' DANG KUN BTUS GNYIS LA ZHAL 'PHANGS PA'I PHYIR, THEG CHEN GYI SGOM LAM BAR CHAD MED LAM LA DGUR GRANGS MA NGES PAR THAL, SA DANG PO NAS KYANG SGOM LAM BAR CHAD MED LAM YOD PA'I PHYIR ZHE NA MA KHYAB STE, DE NI SGOM LAM CHUNG NGU'I CHUNG NGU'I NANG DU 'DUS PA'I PHYIR TE, SA LAM GYI 'GREL SGRIGS CHEN PO LAS, SA DANG PO'I@076A *, ,SKAD CIG GNYIS PA NAS SLOB DPON GYIS SGOM LAM DU MDZAD PA NI SGOM LAM CHUNG NGU'I CHUNG NGUR SDUD PAS DGUR GRANGS MA NGES PA'I SKYON MED DO, ,SLOB DPON GYI BZHED PA LTAR KHAS LEN DGOS TE, MTHONG LAM YUN SHIN TU THUNGS DANG PO BSKAL PA DU MA'I YUN GYIS RDZOGS DGOS LA GRANGS MED SUM CU RTZA GSUM 'DOD PA LTAR NA NI GRANGS MED GSUM GYIS RDZOGS, GSUM GYI CHOG PAR 'DOD PA LTAR NA YANG, SA DANG PO LA BSKAL PA DU MAS RDZOGS DGOS PA'I PHYIR RO, ,ZHES GSUNGS PA'I PHYIR RO, ,DES NA BDEN PA RNAMS KYI MNGON PAR RTOGS PA NI GCIG YIN PA'I PHYIR, DE BAS NA SA DANG PO'I SKAD CIG MA DANG PO NI MTHONG BA'I LAM YIN LA, ZHES PA 'DIS SDUG BSNGAL CHOS BZOD THOB PA NAS GZUNGS TE, SGOM SPANGS SPONGS PHYIR DU STONG BA NYID LA MNYAM PAR MA GZHAG PA'I SA DANG PO'I YE SHES NI MTHONG LAM YIN TE, THEG CHEN GYI MTHONG LAM BZOD PA BRGYAD, SHES PA BRGYAD MNYAM GZHAG THUN CIG LA SKYE ZHING, DE NAS MYUR DU MTHONG LAM RJES THOB 'BYUNG BA'I PHYIR ZHES PA YIN LA, DE LAS GZHAN SKAD CIG MA GNYIS BA ZHES SOGS KYIS SGOM SPANG SPONG BA'I PHYIR STONG PA NYID LA MNYAM PAR GZHAG PA'I SA DANG PO'I YE SHES NAS BZUNGS TE, RGYUN MTHA'I BAR CHAD MED LAM MAN CHAD SGOM PA'I LAM DU BSTAN TO, GSUM PA NI, SANGS RGYAS KYI ZHING KHYAD PAR CAN 'GRUB PA'I @076B SMON LAM YONGS SU RDZOGS PAR BYAS PA NI, SMON LAM YONGS SU RDZOGS PAR BYAS PA'I TSAD YIN TE, BYANG CHUB SEMS DPA' RNAMS KYI ZHING KHYAD PAR CAN 'GRUB PAR BYED PA'I THABS KYI GTZO BO NI ZHING KHYAD PAR CAN 'GRUB PA'I PHYIR DU SMON LAM 'DEBS PA NYID YIN PA'I PHYIR TE, DE LTAR DU BDE BA CAN GYI ZHING BKOD KYI MDO SOGS LAS GSUNGS PA'I PHYIR, SEMS CAN SMIN PAR BYED PA'I TSUL LA, RANG RGYUD SMIN PAR BYED PA'I TSUL, GZHAN RGYUD SMIN PAR BYED PA'I TSUL, SMIN PA GNYIS KYI MJUG BSDU BA DANG GSUM, DANG PO NI, RGYAL BA'I SRAS PO RNAMS KYIS RANG RGYUD YONGS SU SMIN PA'I MTSAN NYID DE CHOS CAN, KHYAD CHOS DGU DANG LDAN TE, THEG CHEN GYI CHOS LA DGA' BA RAB TU SMIN PA, STON PA SANGS RGYAS LA NGANG BA RAB TU SMIN PA, NYON MONGS PA ZHI BA RAB TU SMIN PA, SEMS CAN LA SNYING BRTZE BA RAB TU SMIN PA, THEG CHEN GYI DKA' SPYAD LA BZOD PA RAB TU SMIN PA, THEG CHEN GYI CHOS LA YID GZHUNGS PA RAB TU SMIN PA, MTHU CHEN PO THOB PA NYID RAB TU SMIN PA, BDUD DANG MU STEGS KYIS MI 'PHROGS PA RAB TU SMIN PA, NYON MONGS SPONGS PA'I YAN LAG DANG LDAN PAS RAB TU SMIN PA RNAMS SU YOD PA'I PHYIR TE, MDO SDE RGYAN LAS, DGA' DANG DAD DANG RAB ZHI SNYING BRTZE DANG, ,BZOD DANG YID GZHUNGS MTHU CAN NYID DANG NI, ,MI 'PHROGS PA DANG YAN LAG LDAN PA RAB, ,DE NI RGYAL SRAS YONGS SU SMIN PA'I MTSAN, ZHES GSUNGS PA'I PHYIR, GNYIS PA NI, RGYAN LAS, JI LTAR RMA DANG ZAS LA @077A *, ,DE DAG GIS, ZAG DANG SPYAD DU RUNG BA SMIN 'DOD LTAR, DE BZHIN BRTEN 'DIR PHYOGS GNYIS ZHI BA DANG, YONGS SU SPYAD PA SMIN PA NYID DU BSTAN, ZHES DANG, 'GREL PAR, 'DIS NI YONGS SU SMIN PA'I RANG BZHIN STON TE, JI LTAR RMA'I YONGS SU SMIN PA RTOL RAN PA YIN PA DANG, KHA ZAS YONGS SU SMIN PA SPYAD DU RUNG BA YIN PA BZHIN DU SEMS CAN RNAMS KYI RTEN RMA DANG, KHA ZAS BZAG PA LTA BU MI THUN PA'I PHYOGS ZHI BA DANG, SPYAD BLTA BU GNYEN PO'I PHYOGS SPYAD PA DE DAG TU RUNG BA NI RTEN YONGS SU SMIN PA STE, PHYOGS GNYIS NI 'DIR MI MTHUN PA'I PHYOGS DANG GNYEN PO'I PHYOGS YIN PAR RIG PAR BYA'O, ,ZHES GSUNGS PA LTAR RO, , GSUM PA NI, RGYAN LAS, DE LTAR BYANG CHUB SEMS DPA'I SNYING RJE YIS, 'GRO KUN BDE 'GRO'I 'GRO BA'Am DGE GSUM LA, RNAM PA CHUNG DANG MCHOG DANG 'BRING DAG GIS, 'JIG RTEN YOD DANG MNYAM PAR 'JUG PAS 'DUL, ZHES GSUNGS SO, DE YANG CUNG ZAD BSHAD NA, 'DUL LO, GANG GIS NA GONG DU BSHAD PA'I BYANG CHUB SEMS DPA'I SNYING RJE CHEN PO YIS 'GRO KUN BDE 'GRO'I 'GRO BA'AM, THEG PA GSUM GYI DGE BA LA BKOD NAS RNAM PA NI CHUNG DU MOS SPYOD, MCHOG DAG SA 'BRING MA DAG SA BDUN LA BKOD NAS 'JIG RTEN JI SRID YOD PA DANG MNYAM PAR 'JUG PA'I SGO NAS BRTAN DU 'DUL LO, SPYIR SMIN PA DANG, MA SMIN PA'I RAB TU DBYE BA LA, RNAM PA BZHI YOD DE, @077B BSHES SPRINGS LAS, MI NI AA SMRA'I 'BRAS BZHIN MA SMIN LA, SMIN PA DANG 'DRA SMIN LA MA SMIN 'ANG, MA SMIN MA SMIN PAR SNANG SMIN LA NI, SMIN PAR SNANG ZHES BGYI BAR RTOGS PAR MDZOD, ,CES GSUNGS TE, DE'I DON BSHAD NA, MI NI AA MA'I 'BRAS BU BZHIN DU TSUL BZHI YOD DE, NANG MA SMIN LA PHYI SMIN PA DANG, NANG SMIN LA PHYI MA SMIN PA DANG, PHYI NANG GNYIS KA MA SMIN PA DANG, PHYI NANG GNYIS KA SMIN PA RNAMS SU YOD PA'I PHYIR, DANG PO NI, BSAM PA NYAMS LA SBYOR BA PHUN SUM TSOGS PA, GNYIS PA NI, SBYOR BA NYAMS LA, BSAM PA PHUN SUM TSOGS PA, GSUM PA NI, BSAM SBYOR GNYIS KA NYAMS PA, BZHI BA NI, BSAM SBYOR GNYIS KA PHUN SUM TSOGS PA RNAMS SO, DES NA CHOS CUNG ZAD BSTAN PAS SEMS CAN TSAD MED PA BDEN PA MNGON SUM DU MTHONG BA LA 'GOD PA'I NUS PA RDZOGS PAR THOB PA NI, SEMS CAN SMIN PAR BYAS PA'I TSAD, CHOS CUNG ZAD THOS PA TZAM GYIS MTHONG LAM DNGOS SU SKYED PAR NUS PA'I SGO NAS MI MTHUN PHYOGS MNGON GYUR ZHI ZHING, DE'I GNYEN PO DNGOS SU SPYOD PAR NUS PA NI SEMS CAN SMIN PA'I TSAD YIN LA, DE LA YANG, NYAN THOS SU RGYUD SMIN YANG, RANG RGYAL DU RGYUD SMIN PA'I NUS PA MA THOB PA DANG, RANG RGYAL DU RGYUD SMIN YANG THEG PA CHEN POR RGYUD MA SMIN BA DANG, BDAG MED RAGS PA BSTAN RUNG GI RGYUD SMIN YANG, STONG NYID PHRA MO BSTAN PA'I SNOD RUNG GI RGYUD MA SMIN PA DANG, DE SMIN YANG THEG PA CHEN PO'I 'JUG SNGO MA SKYE RUNG GI RGYUD MA @078A *, ,SMIN PA DANG, DE SMIN YANG STONG NYID BSTAN PA'I SNOD RUNG GI RGYUD MA SMIN PA'I BYANG SEMS DBANG RTUL DU MA YOD DO, ,GO BDE BAR BSDUS NA, SA BCU PA LA GNAS PA'I SEMS DPA' CHOS CAN, SEMS CAN SMIN PAR BYAS PA YIN TE, SANGS RGYAS KYI ZHING BYE BA PHRAG RGYAR SKU'I BKOD PA GRANGS NGE SNYENG BSTAN TE, SKU'I BKOD PA RE RES KYANG CHOS CUNG ZAD BSTAN PAS BDEN PA MNGON SUM DU MTHONG BA LA 'GOD PA'I NUS BRDZOGS PAR THOB PA'I PHYIR, DE CHOS CAN, SANGS RGYAS KYI ZHING BYE BA PHRAG BRGYAR SKU'I BKOD PA GRANGS RNYED BSTAN TE, SKU'I BKOD PA RE RES KYANG CHOS CUNG ZAD BSTAN PAS SEMS CAN TSAD MED PA BDEN PA MNGON SUM DU MTHONG BA LA 'GOD PAR MDZAD BZHIN PA NI MA YIN TE, MA RIG BAG CHAGS KYIS DANG, ZAG PA MED PA'I LAS LA BRTEN NAS YID KYI RANG BZHIN GYI LUS LEN PA BSAM GYIS MI KHYAB PAR SGYUR BA'I 'CHI 'PHO MA SPANGS PA'I PHYIR TE, KUN SLONG GI RTOG PA DANG BCAS PA YOD PA'I PHYIR, RTZA KHYAB YOD DE, DE LTA BU LAN CIG BYED PA YANG MA RIG BAG CHAGS KYI SA DANG ZAG PA MED PA'I LAS LA BRTEN NAS YID KYI RANG BZHIN GYI LUS LEN PA DANG, BSAM GYI MI KHYAB PAR BSGYUR BA'I 'CHI 'PHO SPANGS PA'I SGO NAS CHOS NYID LA SLAR MI LDANG BA'I TSUL GYIS MNYAM PAR GZHAG PA LA LTOS DGOS PA'I PHYIR RO, ,SANGS RGYAS KYI ZHING SBYANGS PA'I TSAD NI, SANGS RGYAS KYI ZHING KHYAD PAR CAN 'GRUB PA'I DGE BA'I RTZA BA RNAMS KYI NUS PA YONGS SU RDZOGS PAR BYAS PA NI , @078B SANGS RGYAS KYI ZHING YONGS SU SBYANGS PA'I TSAD YIN LA, DE YANG GO BDE BAR BSDUS NA, SA BCU RGYUN MTHA' LA GNAS PA'I SEMS DPA' CHOS CAN, RDZOGS SMIN SBYANGS GSUM BYAS TE, SNOD BCUD KYI ZHING KHYAD PAR CAN 'GRUB PA'I SMON LAM DANG, CHOS CUNG ZAD BSTAN PAS SEMS CAN TSAD MED PA BDEN PA MNGON SUM DU MTHONG BA LA 'GOD PA'I NUS PA DANG, SANGS RGYAS KYI ZHING KHYAD PAR CAN 'GRUB PA'I DGE RTZA MTHA' DAG RDZOGS PAR BYAS ZIN PA'I PHYIR TE; SKU BZHI 'PHRIN LAS DANG BCAS PA SNGON DU BYED PA'I NUS PA RDZOGS PAR THOB ZIN PA'I PHYIR RO, ,GZHAN YANG RGYUN MTHA' LA GNAS PA'I SEMS PAS RDZOGS SMIN SBYANGS GSUM BYAS TE, RDZOGS SMIN SBYANGS GSUM BYAS NA CHOS SKU SNGON DU BYAS PAS KHYAB PA MED PA'I PHYIR, MA GRUB NA, DE DAG GI YANG DAG PA'I MTHA' MNGON DU MI BYA'O, ,ZHES PA NI CHOS SKU MA THOB PAR DU CHOS SKU MNGON DU MI BYA'O, ,ZHES GDAM PA BYIN PA YIN PAR THAL, 'DIR BSTAN RDZOGS SMIN SBYANGS GSUM BYAS NA CHOS SKU MNGON DU BYAS PAS KHYAB PA'I PHYIR, 'DOD NA, CHOS SKU MA THOB BAR CHOS SKU SNGON DU BYAS PA'I GANG ZAG SRID PAR THAL, DE DAG GI YANG DAG PA'I MTHA' MNGON DU NI MI BYA'O, ,ZHES GDAMS PA BYIN PA NI, CHOS SKU MA THOB PAR CHOS SKU MNGON DU MI BYA'O, ,ZHES GDAMS PA BYIN PA YIN PA'I PHYIR, RNAM BSHAD SNYING PO RGYAN GYI DGONGS PA 'DI BZHIN GNAS TE, DE LTAR MIN NA GZHAN GYI SMON LAM RDZOGS PA'I TSAD LA GNOD BYED BRJOD PA RNAMS @079A *, ,RANG LA JI LTA BA BZHIN DU MTSUNGS PA KHO NA YIN PA'I PHYIR, BZHI PA NI, KHYAB PA 'DU BYED KYI SDUG BSNGAL NYE BAR ZHI PA'I NYER ZHI'I DBYINGS DE, SKABS 'DIR BSTAN YANG DAG PA'I MTHA' YIN LA, DE LA RANG GI BSAM NGO NAS SLAR MI LDANG PA'I TSUL GYIS MNYAM PAR GZHAG PA NI, DMAN LAM DU 'DIR BSTAN YANG DAG MTHA' MNGON DU BYAS PA'I TSAD YIN TE, THEG DMAN DU RIGS NGES KYI GANG ZAG RNAMS ZHI BDE DE NYID KYIS THUGS 'PHROGS PA'I SGO NAS DE NYID THOB PA'I TSE DE LA RANG GI BSAM NGO NAS SLAR MI LDANG BA'I TSUL GYIS MNYAM PAR GZHAG DGOS PA'I PHYIR TE, DE LTAR BZHAG PA'I RGYU MTSAN GYIS, TSUR ROL PHA ROL MTHAL LA MIN, ,ZHES SOGS KYI SKABS NAS BSTAN PA'I ZHI MTHA' LA GNAS PA'I PHYIR RO, ,RDZOGS SMIN SBYANGS GSUM BYAS PA'I RJES SU KHYAB PA 'DU BYED KYI SDUG BSNGAL NYE BAR ZHI BA'I NYER ZHI MNGON DU BYAS PA NI RDZOGS SMIN SBYANGS GSUM BYAS PA'I RJES SU 'DIR BSTAN YANG DAG MTHA' MNGON DU BYAS PA'I TSAD YIN ZHING, RDZOGS SMIN SBYANGS GSUM BYAS PA'I RJES SU 'DIR BSTAN YANG DAG MTHA' MNGON DU BYAS PA DANG, RDZOGS SMIN SBYANGS GSUM MA BYAS PAR 'DIR BSTAN YANG DAG MTHA' SNGON DU BYAS PA DANG, DMAN LAM DU 'DIR BSTAN YANG DAG MTHA' MNGON DU BYAS PA RNAMS MI 'GAL TE, LHAG MED MYANGS 'DAS THOB ZIN PA'I SANGS RGYAS BCOM LDAN 'DAS RNAMS NI DE THAMS CAD KYI GZHI MTHUN KHO NA YIN @079B PA'I PHYIR TE, DES DMAN LAM DU KHYAB PA 'DU BYED KYI SDUG BSNGAL NYE BAR ZHI BA'I DBYINGS LA RANG GI BSAM NGO NAS SLAR MI LDANG BA'I TSUL GYIS MNYAM PAR GZHAG PA'I PHYIR TE, DES DMAN PA'I LAM DU LHAG MED KYI MYANG 'DAS LA GNAS PA'I PHYIR; DE DAG GI YANG DAG PA'I MTHA' MNGON SUM DU MI BYA'O, ,ZHES GDAMS YUL GYI GANG ZAG CHOS CAN, KHYOD LA RNAM PA GNYIS YOD DE, KHYOD LA GTZO BO DANG PHAL BA GNYIS YOD PA'I PHYIR TE, DMAN LAM SNGON DU MA SONG BA'I SA BRGYAD PA LA GTZO BO DANG, LHAG MED KYI MYANG 'DAS THOB ZIN GYI BYANG SEMS RNAMS NI PHAL BA YIN PA'I PHYIR, DANG PO GRUB TE, SA BRGYAD PA LA GNAS PA'I BYANG CHUB SEMS DPA' DES SDUG KUN NYE BAR ZHI BA'I DE BZHIN NYID LA SLAR MI LDANG BA'I TSUL GYIS MNYAM PAR 'JOGS PA'I DOGS PA SKYE BA'I RGYU MTSAN SHAS CHE BA'I PHYIR TE, DE NI 'BAD RTZOL RAGS PA NYE BAR ZHI ZHING, NYON MONGS PA RNAMS KYANG MNGON GYUR DU CUNG ZAD KYANG MI 'BYUNG BA'I PHYIR TE, SA BCU PA LAS, KYE RGYAL BA'I SRAS 'DI LTA STE, DPE NA RGYA MTSO CHEN POR 'GRO BA'I GRU BO CHE NI, RGYA MTSO CHEN PO LA THUG GI BAR DU CHED DU BSKYOD CING 'GRO BAR BYA BA YIN TE, GANG GI TSE RGYA MTSO CHEN PO LA PHYIN MA THAG TU RLUNG GI DKYIL 'KHOR GYIS SKYOD NAS, CHED DU SKYOD MI DGOS BAR 'GRO STE, DES RGYA MTSO CHEN PO LA NYIN CIG CHOD PA DE NI SNGON CHED DU SKYOD CING 'GRO BAS, LO BRGYAR YANG DE SRID DU CHOD PAR PHYIN PAR MI NUS SO, ,KYE RGYAL BA'I SRAS DE BZHIN DU BYANG CHUB SEMS DPA'I DGE BA'I TSOGS SHIN TU BSAGS @080A *, ,PA; THEG PA YANG DAG PA SGRUB PA YANG BYANG CHUB SEMS DPA'I SPYOD PA'I RGYA MTSOR PHYIN NAS LHUN GYI GRUB PA'I YE SHES KYI YUD TZAM CIG LA THAMS CAD MKHYEN PA'I YE SHES JI TZAM MNON PA DE NI SNGON GYI CHED DU BYA BA'I LAS KYI BSKAL PA 'BUM DU YANG, DE SNYED DU DPAG TU MNON PA MI NUS SO, ,ZHES GSUNGS PA LTA BU'O, ,DE LA RGYA MTSOR MA PHYIN PA'I BAR NI SA BDUN PA MAN CHAD KYI DPE'O, ,RGYA MTSOR BZHUGS NAS 'GRO BA NI SA BRGYAD PA THOB NAS LAM BGROD PA'I DPE'O, ,DON 'DI NYID STON PA NA RGYAL BA MA PHAM PAS, SNGON GYI 'PHEN PA'I DBANG DANG NI, ,RNAM RTOG THAMS CAD BRAL BA'I PHYIR, ,DE NI LUS CAN SMIN PA YI, ,DON DU 'BAD PA BYED PA MIN, ZHES DANG, BYA BA SGRUB LA RTAG TU BLO, ,ME BZHIN DU NI 'BAR BA DANG, ,ZHI BA'I BSAM GTAN SNYOM 'JUG LA, ,RTAG TU SNYOMS PAR 'JUG PA YIN, ,ZHES BUD SHING SKAM PO MAR GYIS BRAN PA LA ME RTZOL MED DU 'JUG PA'I DPES DAG SA'I 'PHRIN LAS 'JUG TSUL RGYUD BLAR GSUNGS SO, ,SA BRGYAD PA LA GNAS PA'I BYANG SEMS LA SNGAR BSHAD KYI GDAMS PA BYIN TSUL NI, 'JUG PAR, RGYAL BA RNAMS KYI 'GOG LAS SLONG BAR MDZAD, CES DANG, SA BCU PA LAS, KYE RGYAL BA'I SRAS DAG DE LTAR BYANG CHUB SEMS DPA'I SA MI GA-YO BA 'DI LA GNAS PA'I BYANG CHUB SEMS DPA' SNGON GYI SMON LAM GYI STOBS BSKYED PA DANG, CHOS KYI RGYU DE LA GNAS PA DE LA SANGS RGYAS BCOM LDAN 'DAS RNAMS DE BZHIN GSHEGS PA'I @080B YE SHES NYE BAR SGRUB PAR MDZAD DE, DE LA 'DI SKAD CES KYANG BKA' STZOL TO, ,RIGS KYI BU LEGS SO LEGS SO, ,SANGS RGYAS CHOS KYI RJES SU RTOGS PAR BYA BA LA 'DI NI DON DAM PA'I BZOD PA YANG YIN LA 'ON KYANG RIGS KYI BU GANG NGED KYI STOBS BCU DANG MI 'JIGS PA BZHI LA SOGS PA SANGS RGYAS KYI CHOS MA 'DRES PA PHUN SUM TSOGS PA DE KHYOD LA MED KYI SANGS RGYAS KYI CHOS PHUN SUM TSOGS PA DE YONGS SU STZAL BA'I PHYIR SBYOR BA BYOS SHIG ,BRTZON 'GRUS RTZOMS SHIG ,BZOD PA'I SGO 'DI DAG KYANG MA 'DOR CIG ,RIGS KYI BU KHYOD KYI DE LTAR ZHI BA'I RNAM PAR THAR PA LA GNAS PA THOB KYANG BYIS PA SO SO'I SKYE BO MA ZHI BA, RAB TU MA ZHI BA, NYON MONGS PA SNA TSOGS KUN TU 'BYUNG BAR 'GYUR BA RNAM PAR RTOG PA SNA TSOGS KYI YID GA-YEM CO BA 'DI DAG LA SOMS SHIG ,GZHAN YANG RIGS KYI BU SNGON GYI SMON LAM DANG, SEMS CAN GYI DON THOB PAR BYA BA DANG, YE SHES KYIS SGO BSAM GYIS MI KHYAB PA DRAN PAR GYIS SHIG ,YANG RIGS KYI BU 'DI CHOS RNAMS KYI CHOS NYID DE BZHIN GSHEGS PA RNAMS BYUNG YANG RUNG MA BYUNG YANG RUNG, CHOS KYI DBYINGS 'DI NI GNAS PA NYID DE, 'DI LTAR CHOS THAMS CAD STONG BA NYID DANG, CHOS THAMS CAD DMIGS SU MED PA'O, ,'DIS NI DE BZHIN GSHEGS PA RNAMS NYI TSE BAR DBYE BAR BYA BA MIN GYI, NYAN THOS DANG RANG SANGS RGYAS THAMS CAD KYIS KYANG RNAM PAR MI RTOG GPA'I CHOS NYID THOB BO, ,ZHES DANG, GAL TE SANGS RGYAS BCOM LDAN 'DAS DE DAG GIS BYANG CHUB SEMS DPA' DE LA THAMS@081A *, ,CAD MKHYEN PA'I YE SHES MNGON PAR SGRUBS PA'I SGO RNAMS SU BZHUGS PA MA MDZAD DU ZIN NA, DE DE NYID KYI TSE YONGS SU MYA NGAN LAS 'DAS PAR GYUR TE, SEMS CAN THAMS CAD KYI DON BYA BA YANG RGYUN CHAD PAR 'GYUR RO, ,ZHES SOGS GSUNGS SO, DE DAG GI NI SA BRGYAD PAR RNAM PAR MI RTOG PA'I YE SHES LA DBANG BSGYUR THOB NAS DE TZAM LA MNYAM PAR GZHAG PA NA DE LAS LANG NAS SANGS RGYAS KYI STOBS LA SOGS PA THOB PA'I RGYUR RJES THOB TU TSOGS GSOG PA LA BSKUL ZHING, CHOS THAMS CAD MNGON SUm DU RTOGS PA'I MI RTOG YE SHES NYAN RANG GIS KYANG THOB PAR GSUNGS PAS, DE KHO NA NYID KYI RTOGS PA YOD NA TSOGS GZHAN GSOG PA LA 'BAD MI DGOS KYI DE NYID LA GOM PAS CHOG ,CES PA NI MI MKHAS PAS BAB COL DU SMRA'O, ,GNYIS PA GDAMS YUL GYI GDUL BYA PHAL PA NI, LHAG MED KYI MYANGS 'DAS THOB PA'I BYANG CHUB SEMS DPA' RNAMS YIN LA DE LA, DE DANG PHYIN CHAD RDZOGS SMIN SBYANGS GSUM MA BYAS PAR KHYAB PA 'DU BYED KYI SDUG BSNGAL NYE BAR ZHI BA'I NYER ZHI'I DBYINGS LA RANG GI BSAM PA'I NGOS NAS SLAR MI LDANG BA'I TSUL GYIS MNYAm PAR GZHAG PA'I SGO NAS 'DIR BSTAN YANG DAG MTHA' MNGON DU NI MI BYA'O, ,ZHES GDAMS PA BYIN PA YIN NO, ,LHAG MED KYI MYANGS 'DAS THOB PA'I BYANG CHUB SEMS DPA' RNAMS SNGON GOMS PA'I DBANG GIS NYER ZHI'I DE NYID LA CUNG ZAD SNYOMS PAR 'JUG KYANG YUN RING DU SNYOMS PAR 'JUG PA NI MED DE, BRTZE BA @081B SNYING RJE CHEN POS RGYUD SMIN PAR BYAS SHING, DE DAG GIS YANG DAG PA'I MTHA' MNGON SUM DU NI MI BYA'O, ,ZHES GDAMS PA BYIN PA LA DGOS PA YOD PA'I PHYIR, 'PHAGS LAM THOB PA'I THEG DMAN RNAMS NI THEG CHEN GYI LAM LA ZHUGS PA NA YANG THEG CHEN RIGS NGES LA LTOS NAS RDZOGS BYANG SGRUB PA'I RTOGS PA SHIN TU BUL BAR 'GYUR TE, ZHI BA DES THUGS PHROGS PA'I SGO NAS RANG NYID GCIG PU ZHI BDE DON GNYER YANG DANG YANG DU GOm PAR MDZAD PA'I PHYIR, KHYAB STE RANG NYID GCIG PU ZHI BDE DON GNYER GYI BLO NI, THEG CHEN SEMS BSKYED KYI GO LAS MI MTHUN PHYOGS YIN PA'I PHYIR TE, DE SKAD DU YANG RGYAN LAS, DE NYID YANG DANG YANG DU NI, ,RANG SEMS KUN TU 'BYUNG LDAN PA, ,MYA NGAN 'DAS LA MNGON DGA'I PHYIR, ,RTOGS PA BUL BA YIN PAR 'DOD, CES DANG, DE'I 'GREL BAR, DE GNYIS KA YANG RANG GI LAS KYI SEMS SKYO BA DANG LDAN PA YANG DANG YANG DU KUN TU 'BYUNG BAS MYA NGAN 'DAS PA LA LHAG PAR DGA' BA'I PHYIR, RTOGS PA BUL BA YIN PAR 'DOD DE YUN RING MO ZHIG NAS MNGON PAR RDZOGS PAR 'TSANG RGYA BA'I PHYIR RO ZHES DANG, RGYAN RTZA BAR, LAM 'GOG PA NI MI MTHUN PHYOGS, ,SLONG ZHING DANG DU LEN PA'O, ,GSUNGS SO, ,DMAN LAM SNGON DU SONG BA'I BYANG SEMS RNAMS KYANG RDZOGS SMIN SBYANGS GSUM MA BYAS PAR THEG DMAN LAM DU 'DIR BSTAN YANG DAG MTHA' MNGON DU MI BYED DE, ZHI MTHA' 'GOG NUS KYI SNYING RJE'I GZHAN DBANG DU 'GYUR ZHING, THEG CHEN SEMS @082A *, ,BSKYED LAS NYAMS PA MI SRID PA'I PHYIR, BAR BAR DU YANG DAG PA'I MTHA' MNGON DU BYED PAR GSUNG PA DANG MI 'GAL TE, SDUG KUN SPANGS PA'I NYER ZHI DE NYID MNGON DU BYED PA LA DGONGS PA TZAM YIN PA'I PHYIR TE, GZHAN DU NA DE RNAMS SNGON GOMS PA'I DBANG GIS ZHI BA'I DBYINGS SU SNYOMS PAR 'JUG PA'I TSE THEG CHEN SEMS BSKYED BTANG BAR SHES PAR BYA'O, ,NGES NA DMAN LAM SNGON DU MA SONG BA'I BYANG SEMS 'PHAGS PA RNAMS KYIS RDZOGS SMIN SBYANGS GSUM MA BYAS PAR 'DIR BSTAN YANG DAG MTHA' MNGON DU MI BYED PA'I RGYU MTSAN YONG DE, DE'I SNGA ROL DU SGOM SPANGS SU GYUR BA'I NYON SGRIB SPANGS TE THEG DMAN GYI MYANG 'DAS SNGON DU MI MDZAD PA'I PHYIR TE, DE 'DRA BA DES MI RTAG LA SOGS BCU DRUG MNGON SUM DU RTOGS PA'I SGOM LAm BSGOM BYA'I GTZO BOR MI BYED PA'I PHYIR TE, TSIG GSAL LAS, DE KHO NA NYID MNGON DU MI BYED PA'I RTEN CAN ZHES GANG GSUNG PA LA DE KHO NA NYID NI GANG ZAG LA BDAG MED PA'I MTHA' ZHIB NYID DE, DE MNGON DU MI BYED PA NI SGOM PAS SPANG PAR BYA BA'I NYON MONGS PA RNAMS MI SPONGS PA'I PHYIR, DE MA SPANGS PAS YONGS SU MYA NGAN LAS MI 'DA' STE, DE'I PHYIR SLOB DPON GYIS ZHAL SNGA NAS, NYAN THOS KYI LAM NI BYANG CHUB SEMS DPAS YONGS SU SHES PAR BYA BA YIN GYI MNGON DU BYA BA NI MIN PAS SGOM PAS LAM NI MA BSTAN TE, ZHES BSHAD DO, ,LNGA PA RTZONG SPANG @082B NI CHOS NYID DE BZHIN NYID SKABS 'DIR BSTAN YANG DAG MTHA' LA, DBUS MTHA' LAS, STONG PA NYID DE MDOR BSDUS NA, ,DE BZHIN NYID DANG YANG DAG MTHA', ,MTSAN MA MED DANG DON DAM DANG, ,CHOS KYI DBYING NI RNAM GRANGS SO, , ZHES GSUNGS PA'I PHYIR SNYAM NA MA KHYAB STE, 'DIR BSTAN YANG DAG MTHA' DANG, YANG DAG PA'I MTHA' GNYIS NI DON MI CIG PA'I PHYIR TE, DE LTAR DU TSIG GSAL LAS SNGAR BSHAD PA'I PHYIR, YANG SA DANG POR NYAN RANG GI SPANGS RTOGS RDZOGS PAR THAL, NYI SNANG LAS, RGYUN DU BZHUGS PA NAS RANG SANGS RGYAS KYI BAR GYI SHES PA DANG SPONG BA GANG YIN PA DE NI MI SKYE BA'I CHOS LA BZOD PA THOB PA'I BYANG CHUB SEMS DPA'I BZOD PA'O, ,ZHES BSHAD PA'I PHYIR SNYAM NA MA KHYAB STE, DES THEG CHEN GYI MTHONG LAM SDUG BSNGAL CHOS BZOD NAS KYANG NYAN RANG GI SPANG RTOGS RDZOGS PAR BYED PA'I NUS PA THOB PAR BSTAN PA TZAM YIN PA'I PHYIR TE, GZHUNG DES NI THEG CHEN GYI MTHUN MONGS MIN PA'I SGOM LAM GYI NUS MTHU BSTAN PA'I SGO NAS MI RTAG LA SOGS BCU DRUG SGOM BYA'I GTZO BOR BYED PA'I BYANG SEMS KYI SGOM LAM SKABS GSUM PAR MI STON PA'I RGYU MTSAN 'CHAD BYED KYI GZHUNG YIN PA'I PHYIR RO, ,RGYAS PAR NI, 'OG TU SKABS GSUM PA'I SKABS SU 'CHAD PAR 'GYURO, ,RTZOD PA PO LA KHAS BLANGS NANG 'GAL GYI SKYON YOD DE, MA DAG PA'I GNAS SKABS SU BDAG TU NGA RGYAL BA'I SA BON MA SPANGS PAR BSTAN @083A *, ,PA'I PHYIR, GNYIS PA NI, BYANG SEMS 'PHAGS PA'I MNGON PAR RTOGS PA RNAMS NI LAM SHES PA NYID KYIS BSDUS PA'I RGYU MTSAN YOD DE, BYANG SEMS 'PHAGS PA DE NI, THABS SHES KHYAD PAR CAN GNYIS DANG LDAN PA'I PHYIR, DE THABS KHYAD PAR CAN DANG LDAN TE, THEG CHEN SEMS BSKYED LA BRTEN TE PHYIN DRUG ,SDU DNGOS BZHI'I SGO NAS, RANG GZHAN MTHA' DAG GI RGYUD SMIN PAR MDZAD CING, YANG DAG PA'I MTHA' MNGON DU BYED PA'I DUS LAM KHAS PA'I PHYIR, DE SHES RAB KHYAD PAR CAN DANG LDAN TE, THEG PA GSUM GYI LAM SHES RDZOGS PAR BYAS PA'I SGO NAS RIGS CAN GSUM GYI DON SGRUB TSUL RTOGS PA'I SHES RAB KHYAD PAR CAN DANG LDAN PA'I PHYIR, BYANG SEMS KYI SHES RAB NI 'JIG RTEN PA DANG, NYAN RANG GI SHES RAB LAS KHYAD ZHUGS PA KHO NA YIN PA'I PHYIR TE, RGYAN LAS, JI LTAR MTSAN MO LAG NOMS DANG, ,KHEBS SGRON DE BZHIN GSHEGS PA GSUM, ,SNYING RJE CAN GYI SHES PA NI, ,NYI MA'I ZER BZHIN MTSUNGS PA MED, ,CES PA DANG, DE'I 'GREL PAR, JI LTAR MUN KHUNG NA LAG NOM DAG GIS SHES PA YUL CHUNG BA DANG, MNGON SUM MIN PA DANG, MI GSAL BA LTAR SO SO SKYE BO RNAMS KYIS KYANG DE DANG 'DRA'O, ,JI LTAR PHUG TU SGRON MAS SHES PA NYI TSE'I MNGON SUM DANG, SHIN TU DRI MA MED PA MA YIN PA LTAR NYAN THOS DANG, RANG SANGS RGYAS RNAMS @083B KYIS KYANG DE DANG 'DRA'O, ,JI LTAR NYI MA'I 'OD ZER DAG GIS SHES PA KUN NAS MNGON SUM DANG, SHIN TU DRI MA MED PA LTAR BYANG CHUB SEMS DPA' RNAMS KYIS KYANG DE DANG 'DRA STE, DE NYID KYI PHYIR DE NI MTSUNGS PA MED PA YIN NO,, ZHES GSUNGS SO, ` ,GNYIS PA MDO DANG ZLOS PA'I SKYON SPANGS NAS DGOS PA YOD PAR SGRUB PA LA DOGS PA BKOD NAS MTSAMS SU SBYAR BA, RTZA BA, 'GREL PA DANG GSUM, GNYIS PA 'DI STON PA NI, RNAM PA THAMS CAD MKHYEN NYID LAM, ZHES SOGS KYI SKABS SU, SPYI DON DANG, GZHUNG DON GNYIS, DANG PO LA, BSHAD BYA BKA'I RNAM BZHAG ,'CHAD BYED BSTAN BCOS KYI RNAM BZHAG ,RTZOD PA SPANGS PA DANG GSUM, DANG PO LA MTSAN NYID DANG DBYE BA GNYIS, DANG PO NI, KHYAD CHOS BZHI LDAN GYI GSUNG RAB TU DMIGS PA DE YIN TE, RGYUD BLA LAS, GANG ZHIG DON LDAN CHOS DANG NYE 'BREL ZHING, ,KHAMS GSUM KUN NAS NYON MONGS SPONG PHYIR GSUNGS, ,ZHI BA'I PHAN YON STON PAR MDZAD PA GANG, ,DE NI DRANG SRONG GSUNG YIN BZLOG PA GZHAN, ,ZHES GSUNGS PA'I PHYIR, BKA' BRGYAD STONG PA CHOS CAN, KHYAD CHOS BZHI DANG LDAN TE, BDAG RKYEN GYI KHYAD PAR, BRJOD BYA'I KHYAD PAR, PHAN YON GYI KHYAD PAR; NGO BO'I KHYAD PAR BZHI DANG LDAN PA'I PHYIR, DANG PO GRUB STE, RANG GI BDAG RKYEN DU GYUR PA'I 'BRAS BU SHER PHYIN LAS 'KHRUNGS PA'I PHYIR, GNYIS PA GRUB STE, SDUG BSNGAL DANG NYON MONGS MTHA' DAG SPONGS PA'I GNYEN PO RDZOGS @084A *, ,PAR STON PA'I PHYIR, GSUM PA GRUB STE, SGRIB GNYIS MTHA' DAG ZHI BAR BYED PA'I PHAN YON DANG LDAN PA'I PHYIR, BZHI PA GRUB STE, SGRA SKYON MTHA' DAG DANG BRAL BA'I GSUNG RAB YIN PA'I PHYIR, GNYIS PA LA, GNYEN PO STON TSUL GYI SGO NAS DBYE NA, CHOS KYIS PHUNG PO BRGYAD KHRI BZHI STONG, YAN LAG GI SGO NAS DBYE NA, GSUNGS DBYANGS YAN LAG DRUG CU RTZA BZHI, NGO BO'I SGO NAS DBYE NA, GSUNGS RAB YAN LAG BCU GNYIS, BYED LAS KYI SGO NAS DBYE NA SDE SNOD RIN PO CHE RNAM PA GSUM, BRJOD BYA'I SGO NAS DBYE NA, DRANG NGES KYI MDO GNYIS, GDUL BYA'I SGO NAS DBYE NA, THEG PA CHE CHUNG GI SDE SNOD GNYIS YOD DO, DANG PO NI, SNGAR BSHAD ZIN LA, GNYIS PA NI, MDO SDE RGYAN LAS, BDE GSHEGS GSUNG NI MTHA' YAS TE, ,YAN LAG DRUG CU BSAM MI KHYAB, ,CES DANG, 'JAM DBYANGS MNYES PAR BYED PA'I STOD SBRIN RGYA MTSO LAS, DE LTAR BZHI YI LHAG PA'I DRUG CU'I DBYANGS, ,GSUNG GCIG NYID LA MA TSANG MED PAR NI, ,JI SRID NAM MKHA'I MTHAS KHYAB DE SRID DU, ,SKAL LDAN RNA BA'I LAM DU BDE BA STER, ,ZHES GSUNGS PA LTAR RO, GSUM PA DANG BZHI PA NI, 'OG TU BSHAD PAR BYA ZHING, LNGA BA NI, RTZA SHES LAS, SANGS RGYAS RNAMS KYI CHOS BSTAN PA, ,BDEN PA GNYIS LA YANG DAG BRTEN, ,'JIG RTEN KUN RDZOB BDEN PA DANG, ,DAM PA'I DON GYI BDEN PA'O, ,ZHES GSUNGS PA @084B LTAR YIN ZHING, RGYAS PAR NI LDEM DGONGS KYI SKABS SU 'CHAD DO, ,DRUG PA NI, GO SLA BAS BZHAG GO ,GSUM PA NGO BO'I SGO NAS DBYE TSUL DANG, BZHI PA BYED LAS KYI SGO NAS DBYE TSUL 'OG TU BSHAD PAR BYA'O,, ZHES BSHAD PA 'DI 'CHAD PA LA, GSUNG RAB YAN LAG BCU GNYIS BSHAD PA DANG, SDE SNOD GSUM BSHAD PA GNYIS, DANG PO LA, BSHAD BYA'I LUNG DGOD PA DANG, LUNG GI DON BSHAD PA GNYIS, DANG PO NI, KUN BTUS LAS, CHOS RNAM PAR NGES PA GANG ZHE NA, CHOS ZHES BYA BA NI, MDO SDE'I SDE DANG, DBYANGS KYI SNYAD PA'I SDE DANG, LUNG DU BSTAN PA'I SDE DANG, TSIGS SU BCAD PA'I SDE DANG, CHED DU BRJOD PA'I SDE DANG, GLING GZHI'I SDE DANG, RTOGS PA BRJOD PA'I SDE DANG, DE LTA BU BYUNG BA'I SDE DANG, SKYES PA RAB KYI SDE DANG, SHIN TU RGYAS PA'I SDE DANG, RMAD DU BYUNG BA'I SDE DANG, GTAN LA PHAB PAR BSTAN PA'I SDE'O, ,MDO SDE'I SDE GANG ZHE NA, GANG SMOS PA'I TSUL GYIS SKYANG BAR GSUNGS BA STE; PHAN YON BCU GZUGS NAS DE BZHIN GSHEGS PA MDOR SMOS PA'I TSUL GYIS CHOS STON TE, RNAM PAR GZHAG PAR SLA BA DANG, BSHAD PAR SLA BA DANG, CHOS LA GUS PAS MYUR DU TSOGS YONGS SU RDZOGS PAR BYED PA DANG, MYUR DU CHOS NYID RTOGS PAR 'GYUR BA DANG, SANGS RGYAS LA SHES NAS DAD PA THOB PA DANG, CHOS DANG, DGE 'DUN LA SHES NAS DANG PA THOB PA DANG, MTHONG PA'I CHOS LA BDE BAR GNAS PA'I MCHOG LA REG @085A *, ,PA DANG, 'BEL BA'I GTAM GYIS GTAN LA 'BEBS PAS DAM PA RNAMS KYI SEMS MGU BAR BYED DE, MKHAS PA MKHAS PA ZHES BYA BA'I GRANGS SU 'GRO BA'O, ,DBYANGS KYIS SNYAD PA'I SDE GANG ZHE NA,, MDO SDE DE NYID DU DBUS DANG MTHA' MAR TSIGS SU BCAD DE DBYANGS KYIS SNYAD PA'O, YANG DRANG PA'I DON GYI MDO SDE RTOGS PAR BYED PA'I DBYANGS KYIS SNYAD PA'O, ,LUNG DU BSTAN PA'I SDE GANG ZHE NA, GANG LAS NYAN THOS 'DAS TE SHI BA'I 'DUS BYAS PA DANG 'BYUNG BA LUNG STON PA'O, ,YANG NGES PA'I DON GYI MDO SDE NI LUNG DU BSTAN PA'I SDE'O, ,TSIGS SU BCAD PA'I SDE GANG ZHE NA, TSIGS SU SBYAR NAS GSUNGS PA STE, DE NI RTZA BA GNYIS PA DANG, RTZA BA GSUM DANG, RTZA BA BZHI PA DANG, RTZA BA LNGA PA DANG, RTZA BA DRUG PA'O, ,CHED DU BRJOD PA'I SDE GANG ZHE NA, GANG YID RANGS NAS BRJOD PA'O, ,GLENG GZHI'I SDE GANG ZHE NA, GANG GI CHED DU GSUNGS PA DANG, BYUNG BA DANG BCAS PA'I SLAB BA BCAS PA GSUNGS PA'O, ,RTOGS PA BRJOD PA'I SDE GANG ZHE NA, DPE DANG BCAS PAR GSUNGS PA'O, ,DE LTA BU BYUNG PA'I SDE GANG ZHE NA, GANG SNGON GYI SBYOR BA DANG LDAN PA'O, ,SKYES PA'I RABS KYI SDE GANG ZHE NA, GANG BYANG CHUB SEMS DPA'I SPYOD PA DANG LDAN PA'O, ,SHIN TU RGYAS PA'I SDE GANG ZHE NA, GANG BYANG CHUB SEMS DPA'I SDE SNOD DANG LDAN PA'O, ,SHIN TU RGYAS PA JI LTA BA DE BZHIN DU, RNAM PAR 'THAG @085B PA DANG, MTSUNGS BRAL YANG DE YIN NO, ,CI'I PHYIR SHIN TU RGYAS PA ZHES BYA NA, SEMS CAN THAMS CAD LA PHAN PA DANG, BDE BA'I GNAS YIN PA DANG, RGYAS PA DANG, RGYA CHE BA DANG, ZAB PA'I RNAM PAR CHOS BSTAN PA'I PHYIR RO, ,CI'I PHYIR RNAM PAR 'THAG DAG PA ZHES BYA ZHE NA, SGRIB PA THAMS CAD RNAM PAR 'THAG DAG PA'I PHYIR RO, ,CI'I PHYIR MTSUNGS BRAL ZHES BYA ZHE NA, MTSUNGS PA MED PA'I PHYIR RO, ,RMAD DU BYUNG BA'I CHOS KYI SDE GANG ZHE NA, GANG LAS NYAN THOS DANG, BYANG CHUB SEMS DPA' DANG, SANGS RGYAS RNAmS KYI NGO MTSAR RMAD DU BYUNG BA'I CHOS BSTAN PA'O, ,GTAN LA PHAB PAR BSTAN PA'I SDE GANG ZHE NA, GANG DU CHOS KYI MTSAN NYID PHYIN CI MA LOG PAR BSTAN PA'O, ,MDO SDE LA SOGS PA 'DI DAG NI SDE SNOD GSUM DU GYUR TE, MDO SDE'I SDE DANG, DBYANGS KYIS SNYAD PA'I SDE DANG, LUNG DU BSTAN PA'I SDE DANG, TSIGS SU BCAD PA'I SDE DANG, CHED DU BRJOD PA'I SDE GANG YIN PA 'DI NI NYAN THOS KYI MDO SDE'I SDE SNOD DO, , GLENG GZHI'I SDE DANG, RTOGS PA BRJOD PA'I SDE DANG, DE LTA BU BYUNG BA'I SDE DANG, SKYES PA RAB KYI SDE 'KHOR DANG BCAS PA 'DI NI 'DUL BA'I SDE SNOD DO, ,SHIN TU RGYAS PA'I SDE DANG, RMAD DU BYUNG BA'I CHOS KYI SDE GANG YIN PA 'DI NI, BYANG CHUB SEMS DPA'I MDO'I SDE SNOD DO, GTAN LA PHABS PAR BSTAN PA'I SDE NI, GNYIS KA'I CHOS MNGON PA'I SDE SNOD DO, ,ZHES GSUNGS SO, ,GNYIS PA LA DRI LAN GNYIS, DANG PO NI, CHOS RNAM PAR@086A *, ,SHES PA GANG ZHE NA, ZHES SO, GNYIS PA LA, GSUNG RAB YAN LAG BCU GNYIS SU PHYE STE BSHAD PA DANG, SDE SNOD GSUM DU BSDUS TE BSTAN PA GNYIS, DANG PO LA DBYE BA DANG, SO SO'I DON BSHAD PA GNYIS, DANG PO NI, GSUNG RAB CHOS CAN, YAN LAG BCU GNYIS SU YOD DO, MDO SDE'I SDE NAS, GTAN LA PHAB PAR BSTAN PA'I SDE'I BAR BCU GNYIS SU YOD PA'I PHYIR, GNYIS PA BCU GNYIS YOD PA'I DANG PO NI, MDOR BSDUS TE BSTAN PA'I SGO NAS TSIG LHUG PAR GSUNGS PA'I GSUNG RAB SO, 'DI PHAN YON BCU DANG LDAN TE, MTHUN MONGS GI PHAN YON GSUM, 'JIG RTEN LAS 'DAS PA'I CHOS THOS PA'I PHAN YON LNGA, MTHONG CHOS KYI PHAN YON GNYIS RNAMS SU YOD PA'I PHYIR, DANG PO GRUB STE, 'CHAD PO DANG NYAN PO GNYIS KA'I BLO YUL DU RGYAS BSHAD LA SOGS PA'I DON RNAMS BZHAG SLA BA DANG, 'CHAD POS BSHAD SLA BA, NYAN POS BZUNG SLA BA'I DGOS PA YOD PA'I PHYIR, GNYIS PA GRUB STE, SBYOR BA'I DUS SU CHOS LA GUS PAS MYUR DU TSOGS RDZOGS PA DANG, DNGOS GZHI'I DUS SU MYUR DU CHOS NYID RTOGS PAR 'GYUR BA DANG, SBYOR BA DANG RJES KYI DUS SU DAD PA GSUM THOB PA'I PHAN YON GSUM YOD PA'I PHYIR, GSUM PA GRUB STE, RANG LA BRTEN NAS LUS SEMS BDE BAR GNAS PA DANG, 'BREL BA'I GTAM GYIS DAM PA RNAMS KYI SEMS MGU BAR BYED CING, MKHAS @086B PA MKHAS PA ZHES BYA BA'I GRANGS SU 'GRO BA'I PHYIR, DBYANGS KYIS SNYAD PA'I SDE NI KHYAD CHOS GSUM GYI SHES PAR BYA STE, STON TSUL GYI DBANG DU BYAS NAS MDOR BSTAN GYI LHUG PAR GSUNGS PA, DE NYID DBUS DANG MTHAR TSIGS BCAD KYI SNYAD PA DANG BRJOD BYA'I DBANG DU BYAS NAS, MDOR BSTAN GYI SKABS SU SGRA JI BZHIN PAR BSTAN PA, DE NYID SGRA JI BZHIN PAR MIN PAR BZHAG PA'I PHYIR, LUNG DU BSTAN PA'I SDE YANG KHYAD CHOS GSUM GYIS SHES PAR BYA STE; MDO SDE GANG LAS, DGE SLONG PHA MA SOGS SKYE 'GYUR LUNG STON PA LTA BU STON TSUL DANG, BRJOD BYA'I DBANG DU BYAS NAS DRANG BA'I DON MA YIN PAR RNAM PAR PHYE NAS DGONGS PA LUNG STON PA, NGES DON GYI MDO SDE'I DBANG DU BYAS NAS SHES PAR BYA BA YIN PA'I PHYIR, TSIGS SU BCAD PA'I SDE NI, TSIGS BCAD KYI SGO NAS BRJOD BYA STON PA'I DBANG DU BYAS TE, RKANG PA GSUM GYI SKABS KYI DON TSANG BAR STON PA NAS DRUG GI SNGAR GYI STON PA RNAMS SU YOD PA'I PHYIR, CHED DU BRJOD PA'I SDE NI MDO SDE GANG YID RANGS NAS BRJOD PA'I DBANG DU BYAS TE, MDO SDE GANG DANG GANG GI MING DANG RIGS DNGOS SU MA BRJOD PAR PHYI RABS KYI GANG ZAG RNAMS KYI CHED DU, DAM PA'I CHOS YUN RING DU GNAS PAR BYA BA'I PHYIR, GANG ZAG KHA CIG GIS CHOS 'DI LTA BU STON PAR 'GYUR RO, ,ZHES CHOS DE LA LHAG PAR BSNGAGS PA MDZAD PA'I SGO NAS SHES PAR BYA BA YIN PA'I PHYIR, GLENG GZHI'I SDE NI, BYUNG BCAS KYI DBANG @087A *, ,DU BYAS PAR SHES PAR BYA STE RDZA MKHAN GYI BU NOR BU CAN LA BRTEN NAS MA BYIN LEN GYI BCAS PA MDZAD PA LTA BU DUS PHYIS NYES PA DE 'BYUNG 'GYUR GYI CHED DU GSUNGS SHING BSLAB PA BCAS PA LTA BU'O; ;RTOGS PA BRJOD PA'I SDE NI, RGYAL PO TSANGS BYIN GYIS SNGON BYUNG GI RTOGS PA BRJOD PA LTA BU, MDO SDE LAS BRGYA BA CHOS CAN, DE LTA BU BYUNG BA'I SDE YIN TE, MDO SDE GANG ZHIG ,TSE RABS GCIG NAS GCIG TU RGYUD DE 'ONG BA'I RGYU BA LUNG STON PA LA GTZO BOR GZHOL BA'I PHYIR, BYANG CHUB SEMS DPA' RNAMS KYIS SEMS CAN GYI DON DU GCIG NAS GCIG TU RGYUD DE SPYOD PA NGO MTSAR BA STON PA'I MDO NI SKYES PA'I RABS KYI SDE'O, RGYAS 'BRING BSDUS GSUM CHOS CAN, SHIN TU RGYAS PA'I SDE YIN TE, RANG BZHIN GYI DON RGYA CHEN PO STON PAS SEMS CAN THAMS CAD LA PHAN PA'I GNAS YIN PA DANG, SA DANG PHA ROL TU PHYIN PA DANG, MTHU RGYA CHEN PO DANG, ZAB PA'I RNAM PAR CHOS STON PA'I SDE SNOD YIN PA'I PHYIR RO, YANG SHIN TU RGYAS PA ZHES BRJOD PA'I RGYU MTSAN YOD DE, 'BRAS BU SHIN TU RGYAS PA, GZHUNG SHIN TU RGYAS PA, DON SHIN TU RGYAS PAS DE LTAR BRJOD PA'I PHYIR, RMAD DU BYUNG BA'I SDE NI, NYAN THOS SOGS KYI MTHU RMAD DU BYUNG BA BSTAN PA SNGON CHAD KYANG DE LAS LHAG PA MA BYUNG ZHING, PHYIN CHAD KYANG MI 'BYUNG BA'I CHOS RGYA CHEN @087B STON PA DANG PA'I STOBS SKYED PA LA 'JUG PA'I PHYAG RGYA'I MDO LTA BU, GTAN LA PHAB PAR BSTAN PA'I SDE NI CHOS RNAMS KYI RANG DANG SPYI'I MTSAN NYID RGYAS PAR STON PA CHOS MNGON PA STONG PHRAG BRGYA PA LTA BU'O, , GNYIS PA NI, GSUNGS RABS YAN LAG BCU GNYIS PO DE SDE SNOD GSUM DU 'DUD DE, BYED LAS KYI DBANG DU BYAS PA DANG, RANG GI NGO BO'I DBANG DU BYAS PA DANG, BRJOD BYA'I DBANG DU BYAS PAS DE LTAR 'DUS PA'I PHYIR; GNYIS PA SDE SNOD GSUM DU BSHAD PA LA BSHAD BYA'I LUNG 'GOD PA DANG, LUNG DON BSHAD PA GNYIS, DANG PO NI, RGYAN LAS, SDE SNOD DAG NI GSUM MAM GNYIS KYANG RUNG, ,SDUS PA'I PHYIR TE RGYU NI DGUS 'DOD DO, ,DE NI BAG CHAGS RTOGS DANG ZHIB DANG, ,RAB TU RTOGS PAS RNAM PAR GROL BAR BYED, CES DANG, MDO DANG CHOS MNGON 'DUL BA DAG ,MDOR NA DON NI RNAM BZHIR 'DOD, ,BLO DANG LDAN PAS DE SHES NAS, ,RNAMS THAMS CAD MKHYEN PA THOB, ,GNAS RNAMS DANG NI MTSAN NYID DANG, ,CHOS DON SMOS PHYIR MDO YIN NO, ,MNGON DU'I PHYIR DANG YANG DANG YANG, ,ZIL GNON RTOGS PHYIR MNGON PA'I CHOS, , LTUNG DANG 'BYUNG DANG LDAN PA DANG, ,NGES PAR 'BYUNG DANG GANG ZAG DANG, ,BCAS PA DANG NI RAB DBYE DANG, ,RNAM PAR NGES PHYIR 'DUL BA NYID, ,CES GSUNGS, GNYIS PA LA SBYIR BSTAN PA DANG, SO SOR BSHAD PA @088A *, ,GNYIS, DANG PO NI, SDE SNOD CHOS CAN, GSUM DU 'DUS TE, MDO SDE, 'DUL BA, MNGON PA GSUM DU BSDUS PA'I PHYIR, DE CHOS CAN GNYIS SU 'DUS TE NYAN THOS KYI SDE SNOD DANG, BYANG CHUB SEMS PA'I SDE SNOD GNYIS SU 'DU BA'I PHYIR, GSUNG RAB YAN LAG BCU GNYIS CHOS CAN, SDE SNOD GSUM DU BSDUS PA'I RGYU MTSAN YOD DE, DE LTAR BSDUS PA'I RGYU MTSAN RNAM PA DGUR 'DOD PA'I PHYIR TE, THE TSOM GYI GNYEN PO STON PA MDO SDE, MTHA' GNYIS KYI GNYEN PO STON PA 'DUL BA, LTA NGAN GYI GNYEN PO STON PA MNGON PA, YANG BSLAB GSUM BRJOD PA'I CHA NAS MDO SDE, LHAG PA TSUL KHRIMS KYI BSLAB PA DANG, SEMS KYI BSLAB PA BSGRUB PA'I CHA NAS 'DUL BA, SHES RAB KYI BSLAB PA BSGRUB PA'I CHA NAS MNGON PA, YANG CHOS DANG DON 'BYED PA'I CHA NAS MDO SDE, CHOS DANG DON BSGRUB PA'I CHA NAS 'DUL BA, DE GNYIS 'BEL BA'I GTAM GYIS GTAN LA 'BEBS PA'I CHA NAS MNGON PAR BZHAG PA'I PHYIR, GSUM PO DE NI CHOS CAN, MDO SDE ZHES BRJOD PA'I RGYU MTSAN YOD DE, DON MANG PO GCIG TU BSDUS NAS STON PA'I PHYIR, SDE SNOD GSUM PO DE NI 'KHOR BA LAS GROL BA'I THABS YIN TE, DE LA THOS PA BYAS PAS SEMS LA DGE BA'I BAG CHAGS 'JOGS, BSAM PAS SHES BYA'I GNAS RNAMS RTOGS PAR BYED, BSGOM PA'I TSE ZHI GNAS KYIS NYON MONGS ZHI BAR @088B BYED PA DANG, LHAG MTHONG GIS SPANG BYA LAS RNAM PAR GROL BAR BYED PA'I PHYIR, GNYIS PA NI, MDO DANG, CHOS MNGON PA DANG, 'DUL BA DAG CHOS CAN, MDOR NA DON NI RNAM PA BZHI BZHIR 'DOD DE, DE LTAR 'OG NAS 'CHAD PA'I PHYIR, BLO DANG LDAN PAS SDE SNOD GSUM SHES PAR BYAS PA CHOS CAN, DGOS PA YOD DE RNAM PA THAMS CAD MKHYEN PA NYID THOB PA'I DGOS PA YOD PA'I PHYIR, MDO SDE'I SDE SNOD CHOS CAN, MTSAN NYID BZHI DANG LDAN TE, GANG DU CHOS GSUNGS PA'I GNAS, BDEN GNYIS SO SO'I MTSAN NYID, PHUNG KHAMS SKYED MCHED LA SOGS PA'I CHOS DANG DGONG LDEM DGONG LA SOGS PA'I DON RNAMS SMOS PA'I PHYIR, CHOS MNGON PA'I SDE SNOD CHOS CAN; MTSAN NYID BZHI DANG LDAN TE, MYA NGAN 'DAS PA LA MNGON DU PHYOGS PA DANG, DON GCIG KYANG RNAM GRANGS DU MA'I SGO NAS YANG DANG YANG DU GTAN LA 'BEBS, PHAS KYI RGOL BA ZIL GYIS GNON, MDO SDE'I DON RTOGS PAR BYED PA'I PHYIR, 'DUL BA'I SDE SNOD CHOS CAN, MTSAN NYID BZHI DANG LDAN TE, LTUNG BA SDE LNGA DANG, LTUNG BA LAS 'DAS PA'I THABS DANG LTUNG BA 'BYUNG BA'I RGYU BZHI DANG, LTUNG BA LAS NGES PAR 'BYUNG BA'I THABS RNAMS DANG LDAN PA'I PHYIR, ` ,GNYIS PA 'CHAD BYED BSTAN BCOS KYI RNAM BZHAG LA, MTSAN NYID, DBYE BA, SGRA BSHAD, BYED LAS DANG BZHI, DANG PO NI, KHYAD CHOS BZHI LDAN GYI BSTAN BCOS SU DMIGS PA DE, BSTAN @089A *, ,BCOS RNAM DAG GI MTSAN NYID YIN TE, RGYUD BLA LAS, GANG PHYIR RGYAL BA'I BSTAN PA 'BA' ZHIG GI ,DBANG BYAS RNAM GA-YENG MED YID CAN GYIS BSHAD, ,THAR PA THOB PA'I LAM DANG RJES MTHUN PA; ;DE YANG DRANG SRONG BKA' BZHIN SPYI BOS BLANG, ZHES GSUNGS PA'I PHYIR, MNGON PAR RTOGS PA'I RGYAN CHOS CAN, DRANG SRONG GI BKA' BZHIN DU SBYI BOR BLANG PAR 'OS TE, KHYAD CHOS BZHI LDAN GYI BSTAN BCOS RNAM DAG YIN PA'I PHYIR TE, BSTAN BCOS GANG ZHIG ,RGYAL BA'I GSUNG RAB KYI DGONGS PA JI LTA BA BZHIN DU 'GREL, RNYED BKUR DANG GRAGS PA DON TU GNYER BA'I RNAM GA-YENGS SPANGS PA'I RJE BTZUN GYIS BRTZAMS, THAR BA THOB PA'I LAM DANG RJES SU MTHUN, SGRA SKYON MTHA' DAG DANG BRAL BA'I PHYIR, GNYIS PA LA, BKA' SBYI'I DGONGS PA 'GREL BAR BYED PA, SO SO'I DGONGS PA 'GREL BAR BYED PA, BSTAN BCOS TZAM LA DMAN MCHOG GI SGO NAS DBYE BA DANG GSUM, DANG PO LA, BRJOD BYA RNAM PAR DAG BYED, SDE BDUN MDO DANG BCAS PA LTA BU, RJOD BYED RNAM PAR DAG BYED, SGRA, SNYAN MNGAGS, MING GI MNGON BRJOD, SDEB SBYOR GYI BSTAN BCOS LTA BU'O, ,GNYIS PA LA, BKA' DANG PO'I DGONGS 'GREL CHOS MNGON PA SDE BDUN, BYE BRAG BSHAD MDZOD CHEN MO, 'DUL BA MDO RTA ME TOG PHRENG RGYUS DANG BCAS PA LTA BU'O, ,BKA' BAR PA'I DNGOS BSTAN STONG NYID KYI @089B RIM PA GTAN LA 'BEBS PA, RIGS TSOGS DRUG ,SBAS DON MNGON RTOGS KYI RIM PA, GTAN LA 'BEBS PA MNGON PAR RTOGS PA'I RGYAN LTA BU'O, ,BKA' GSUM PA'I DGONGS PA 'GREL BA, RJE BTZUN GYI MDO SDE RGYAN DANG, 'BYED RNAM GNYIS, 'PHAGS PA THOGS MED KYI RGYAS PA'I BSTAN BCOS SA SDE LNGA, BSDUS PA'I BSTAN BCOS SDOM RNAM GNYIS SLOB DPON DBYIG GNYEN GYI PRA KA RA nA SDE BRGYAD LTA BU'O, ,BYED LAS KYI SGO NAS, THOR PA SDUD PA'I BSTAN BCOS, 'KHRUGS PA GO RIMS SU SDEB PA'I BSTAN BCOS, ZAB MO RNAM PAR 'BYED PA'I BSTAN BCOS DANG GSUM, DANG PO NI, MDO RTZA LTA BU, GNYIS PA NI, MDO SDE RGYAN LTA BU, GSUM PA NI RGYUD BLA MA LTA BU'O, ,GSUM PA NI BSTAN BCOS TZAM LA DGUR GSUNGS TE, LTAR SNANG DRUG DANG, YANG DAG GSUM, GSUNGS PA'I PHYIR TE, RNAM BSHAD RIGS PA LAS, DON MED DON LOG DON DANG LDAN, ,NGAN GA-YO BRTZE BRAL SDUG BSNGAL SPONG, ,THOS RTZOD SGRUB PA LHUR LEN PA, ,BSTAN BCOS DRUG BRAL GSUM DU 'DOD, CES GSUM MTSAN GSUM GYI DANG PO GNYIS GNYIS LTAR SNANG DANG, THA MA RE RE YANG DAG TU GSUNGS SO, , GSUM PA NI, SLOB MA'I SEMS RGYUD CHOS SHING, NGAN 'GRO'I SDUG BSNGAL SKYOB PA'I DON GYIS BSTAN BCOS ZHES BRJOD DE, RNAM BSHAD RIGS PA LAS, NYON MONGS SKYON RNAMS MA LUS CHOS PA DANG, ,NGAN @090A *, ,'GRO'I SRID LAS SKYOB BYED GANG YIN PA, ,'CHOS SKYOB YON TAN PHYIR NA BSTAN BCOS TE, ,GNYIS PO 'DI DAG GZHAN GYI LUGS LA MED, ,CES GSUNGS PA'I PHYIR, BZHI BA NI, BSTAN BCOS RNAM DAG CHOS CAN, BYED LAS KHYAD PAR CAN DANG LDAN TE, LHA DANG MI'I 'JIG RTEN DU SANGS RGYAS KYI BSTAN PA RIN PO CHE YUN RING DU GNAS PAR BYED PA'I BYED LAS DANG LDAN PA'I PHYIR TE, LHA'I BUS ZHUS PA'I MDO LAS; CHOS RNAMS BKA' DANG BSTAN BCOS GNYIS SU 'DU, ,LEGS PAR GSUNGS DANG DE'I DGONG 'GREL DANG, DE'I DBANG GIS SH'AKYA'I BSTAN PA NI, ,'JIG RTEN KHAMS SU YUN RING GNAS PAR 'GYUR, ZHES GSUNGS PA'I PHYIR RO, ,BSTAN PA YUN RING DU GNAS PA NI CHOS CAN, PHAN YON KHYAD PAR CAN DANG LDAN TE, PHAN BDE MA LUS PA GSAR DU THOB PA DANG, THOB ZIN MI NYAMS PAR GONG NAS GONG DU 'PHEL BAR 'GYUR BA'I RNAM DKAR GYI YON TAN DANG LDAN PA'I PHYIR, RTAGS GRUB STE, BSTAN PA KHO NA PHAN BDE KUN GYI 'BYUNG GNAS DAM PA YIN PA'I PHYIR TE, YANG DAG PAR RDZOGS PA'I SANGS RGYAS RNAMS KYIS PHAN BDE 'BYUNG BA'I GDAM NGAG DAM PAR, BSTAN PA KHO NA BRTZAMS PA NI GANG ZHIG ,DE RNAMS LAS LHAG PA'I GDAM NGAG RTZOM PA PO NI YOD PA MA YIN PA'I PHYIR, DE SKAD DU YANG, SPYOD 'JUG LAS 'GRO BA'I SDUG @090B BSNGAL SMAN GCIG PU, ,BDE BA THAMS CAD 'BYUNG BA'I GNAS, ,BSTAN PA RNYED DANG BKUR STI DANG, ,BCAS TE YUN RING GNAS GYUR CIG ,CES DANG, RGYUD BLA MA LAS, GANG PHYIR RGYAL LAS CHE MKHAS 'GA' YANG 'JIG RTEN 'DI NA YOD MIN TE, ,MA LUS DE NYID MCHOG NI TSUL BZHIN KUN MKHYEN GYIS MKHYEN GZHAN MIN PA, ,DE PHYIR DRANG SRONG RANG NYID KYIS BZHAG MDO SDE GANG YIN DE MI DKRUG ,THUB TSUL BSHIG PHYIR DE YANG DAM CHOS LA NI GNOD PA BYED PAR 'GYUR, ,ZHES DANG, RGYAL BA SENG GE NGA RO'I MDO LAS, BSTAN PA KHO NA LHAR BCAS 'GRO BA YI, ,DGE LEGS KUN GYI RTZA BAR YID CHES NAS, ,LUS SROG YAL BAR GYUR KYANG MI ZHUM PAR, , SNYING STOBS CHEN POS DAM CHOS 'DZIN GYUR CIG ,CES GSUNGS, 'O NA BSTAN PA GANG SNYAM NA, SHES RAB SGRON ME'I RGYA CHER 'GREL PA LAS, BSTAN PA ZHES BYA BA NI LHA DANG MI'I BDUD RTZI'I GO 'PHANGS THOB PAR 'DOD PA RNAMS YONGS SU SHES PAR BYA BA DANG, SPANG BAR BYA BA DANG, MNGON DU BYA BA DANG, SGOM PAR BYA BA DAG LA PHYIN CI MA LOG PAR STON PA STE, BCOM LDAN 'DAS KYI GSUNG RAB CES BYA BA YIN NO, , ZHES GSUNGS PA LTAR, RGYAL BAS LEGS PAR BSHAD PA JI SNYED PA'O, ,GSUM PA RTZOD SPANG NI, BKA'I MTSAN NYID DE MI 'THAD PAR THAL BKA' BSTAN BCOS RNAMS GDUL BYA'I RGYUD KYIS BSDUS PA'I SHES@091A *, ,PA YIN PA'I PHYIR TE, RGYAN LAS, DE BAS NA GDUL BYA'I SHES PA SGRAR SNANG BA'I RANG BZHIN NYID YIN PAS BSTAN PA NYAN PA PO'I SKYE BO DANG 'BREL PA YIN YANG SHES RAB KYI PHA ROL TU PHYIN PA'I YE SHES KYI BDAG PO LAS SKYES PA'I PHYIR, SANGS RGYAS BCOM LDAN 'DAS RNAMS KYI CHOS BSTAN PA YIN NO, ZHES BYA BA LAS, MCHOD PAR BYA BA DE BZHIN DU DA LTAR BA'I CHOS SMRA BA RNAMS KYI STON PA YANG BCOM LDAN 'DAS LAS BRGYUD NAS 'ONGS PAS NA, SHES RAB KYI PHA ROL TU PHYIN PA LAS NGES PAR SKYE BA'I PHYIR, MCHOD PAR BYA BA YIN NO, ,ZHES GSUNGS PA'I DON TO, ,ZHES GSUNGS PA'I PHYIR, SNYAM NA MA KHYAB STE, LUNG DES, GDUL BYA'I RGYUD KYIS BSDUS PA'I GSUNG RAB RNAMS MOS PA SGOM LAM GYI MOS YUL DU BSTAN PA'I PHYIR, YANG BKA' BSTAN BCOS MING TSIG YI GE RNAMS DNGOS MED YIN PAR THAL, YI GE DON MED CAN GYUR ZHING, ,TSIGS SOGS KUN BTAGS DNGOS MED LA, ZHES GSUNGS PA'I PHYIR ZHE NA, MA KHYAB STE, BSTAN BCOS KYI BRJOD DON BSTAN PA'I CHA DNGOS MED YIN PA LA DGONGS PA'I PHYIR DANG, YI GE RNAMS KYI SKAD KYI GDANGS MI 'GYUR BA LA BSAmS NAS PHYI ROL PA RNAMS KYI YE GE RTAG PAR BRJOD PA TZAM YIN PA'I PHYIR RO, ,YANG BKA' DANG BSTAN BCOS KYI RNAM BZHAG SNGAR BSHAD PA DE RNAMS MI THAD PAR THAL, BKA' @091B DANG BSTAN BCOS NI 'GAL BA KHO NA YIN PA'I PHYIR, ZHE NA MA GRUB STE, LUNG RNAM 'BYED LAS, RGYAL BA STON PA DE YI BSTAN BCOS NI, MDO DANG CHOS MNGON YIN GSUNGS 'DUL BA NI, STON DANG BSTAN PA NYID YIN, ZHES DANG BSDU BA LAS KYANG, DE LA SGRUB PA LHUR LEN PA'I BSTAN BCOS NI, SANGS RGYAS KYI BKA' NYID DE, ZHES SOGS GSUNGS PA'I PHYIR RO, ,GZHAN YANG, GDUL BYAS, RTZAMS PA'I BKA' MED PAR THAL, BKA' BSTAN BCOS 'GAL BA'I PHYIR RO, ,'DOD MI NUS PAR THAL, ZHING BKOD KYI MDO RNAMS NI, BYANG CHUB SEMS DPA' RNAMS SANGS RGYAS KYI ZHING SBYONG BA'I DUS SU RTZAMS PA KHO NA YIN PA'I PHYIR TE, DE LTAR DU ZHING BKOD KYI MDO THAMS CAD LAS GSUNGS PA'I PHYIR, GNYIS PA GZHUNG DON NI, RNAM PA THAMS CAD MKHYEN NYID LAM, ZHES SOGS KYI GZHUNG GSUNGS PA CHOS CAN, DGOS PA YOD DE, SKYE BA BLO GROS DMAN PA DAG ,RGYAN LA DGOS SOGS CHOS BZHI MED PA SHAS CHER 'DZIN PA'I DOGS PA BSAL NAS, YOD PA SHAS CHER 'DZIN PA'I DON 'GYUR GYI THE TSOM BSKYED PA'I DGOS PA YOD PA'I PHYIR, SKYE BO BLO GROS DMAN PA DAG CHOS CAN, RGYAN LA DGOS SOGS CHOS BZHI MED PAR DOGS PA'I RGYU MTSAN YOD DE, BCOM LDAN 'DAS NYID KYIS GDUL BYA GSUM @092A *, ,LA PHAN PA'I PHYIR DU YUM GSUM GYI MDO LAS MNGON PAR RTOGS PA BRGYAD BSHAD ZIN PA'I PHYIR NA DE BSTAN PA'I PHYIR DU MNGON PAR RTOGS PA'I RGYAN BRTZAMS PA MI RIGS TE, SHER PHYIN GYI MDO DANG BZLOS PA'I PHYIR SNYAM DU DOGS PA'I PHYIR, RGYAN LA DGOS SOGS CHOS BZHI YOD PA SHAS CHER 'DZIN PA'I DON GYUR GYI THE TSOM SKYES PA CHOS CAN, DGOS PA YOD DE RGYAN GYI GDUL BYA RNAMS RGYAN LA THOS SOGS KYIS 'JUG PAR 'GYUR BA'I DGOS PA YOD PA'I PHYIR, DGOS 'GREL GYI NGAG 'DI MCHOD BRJOD KYI DANG POR 'BYUNG RIGS PAR THAL, NGAG 'DI NI, RGYAN GYI GDUL BYA RGYAN LA THOS BSAM GYIS 'JUG PA'I YAN LAG YIN PA'I PHYIR, SNYAM NA MA KHYAB STE, DE LTAR BSTAN NA BSTAN BCOS BRTZAMS PA'I GO RIMS LA MI MKHAS PAR 'GYUR BA'I PHYIR TE, SKRA BREGS PA'I RJES SU SKRA TSES LA RTOG PA LTAR DU 'BYUNG BAR 'GYUR BA'I PHYIR, KHO NA RE, BSTAN BCOS 'DI CHOS CAN, BRTZAMS PAR BYA BA MIN TE, BRJOD BYA MED PA'I PHYIR, BYA ROGS SO RTOG GI BSTAN BCOS BZHIN, DGOS PA MED PA'I PHYIR, SKYE BA SNGA PHYI MED PAR STON PA'I TSIG BZHIN, NYING DGOS MED PA'I PHYIR, 'JOG PO'I GTZUG RGYAN LEN PA'I @092B MAN NGAG BZHIN 'BREL PA MED PA'I PHYIR, SMYON PA'I TSIG BZHIN, ZHE NA, BSTAN BCOS 'DI CHOS CAN, BRJOD BYA KHYAD PAR CAN DANG LDAN TE, YUM GSUM GYI MDO LAS, SBAS DON MNGON RTOGS KYI RIM BA THA DAG BRJOD BYAR BYED PA'I PHYIR, RGYAN GYI BRJOD BYAR GYUR BA'I DNGOS PO BRGYAD PO CHOS CAN, PHYI ROL PA DANG NYAN RANG LA SOGS PAS RDZOGS PAR NYAMS SU MI MYONG BA'I RGYU MTSAN YOD DE, SHIN TU RGYAS PA'I SDE SNOD LA THOS BSAM BYAS PA LAS 'THOB DGOS PA'I PHYIR, RGYAN RTZAMS PA CHOS CAN, DGOS PA YOD DE, MDO DON BDE BLAG TU RTOGS PA'I DGOS PA YOD PA'I PHYIR, RGYAN CHOS CAN, NYID DGOS KHYAD PAR CAN DANG LDAN TE, KHYOD LA BRTEN NAS THOB PA'I RNAM MKHYEN DE KHYOD KYI NYING DGOS YIN PA'I PHYIR, NYING DGOS MNGON DU BYED PA'I THABS YOD DE, KHYOD KYI 'DUL BYAR GYUR PA'I BYANG CHUB SEMS DPA' RNAMS KYIS YUM DON RTOGS PA'I SHES RAB GSUM LA BRTEN NAS KHYOD KYI NYING DGOS MNGON DU BYED PAR 'GYUR BA'I PHYIR, ` GNYIS PA BSDUS PA'I DON LA, SPYI DON DANG, GZHUNG DON GNYIS, DANG PO LA, BSHAD BYA'I LUNG DGOD PA, LUNG GI DON BSHAD PA, RTZOD PA SPANGS PA DANG GSUM, DANG PO NI, RGYAN SNANG LAS, DE LTAR NA, DANG POR, THOS PA DANG BSAM BA DANG SGOM PA'I RANG BZHIN CAN GYI SHES PA SKYE BA'I RIM GYIS RNAM PA THAMS CAD MKHYEN PA'I YE SHES RTOGS PA'I PHA ROL TE RAB KYI MTHAR 'GRO BA YIN @093A *, ,PAS NA PHA ROL TU PHYIN PA'O, ,DE YANG SHES RAB BYA BA CHOS RAB TU RNAM PAR 'BYED PA'I MTSAN NYID DANG SHES RAB KYI PHA ROL TU PHYIN PA NI SHES RAB KYI PHA ROL TU PHYIN PA STE, SANGS RGYAS BCOM LDAN 'DAS KYI GNYIS SU MED PA'I YE SHES SGYU MA LTA BU NI DNGOS YIN LA, DE THOB PA DANG RJES SU MTHUN PA NYID KYIS NA, TSIG DANG NGAG GI TSOGS KYI GZHUNG DANG MTHONG BA LA SOGS PA'I MTSAN NYID CAN GYI LAM LA YANG SHES RAB KYI PHA ROL TU PHYIN PA ZHES BYA BA NI BTAGS PA'O, ,DE YANG SLOB DPON PHYOGS KYI GLANG PO'I ZHAL SNGA NAS KYIS, SHES RAB PHA ROL PHYIN GNYIS MED, ,YE SHES DE NI DE BZHIN GSHEGS, ,SGRUB BYA'I DON DE DANG LDAN PAS, , GZHUNG LAM DAG LA DE SGRA YIN, ,ZHES BSHAD PA YIN NO, ,DE'I PHYIR DE DANG 'BREL BA'I GZUGS CAN DANG BRAL BA RNAM PA GSUM KA YANG SHES RAB KYI PHA ROL TU PHYIN PA NYID DE ZHES NGES PAR BZUNG BA YIN TE; GTZO BO LAS DBANG DU BYAS PA YIN NO, ,DE RNAMS NYID KYIS NI MIN TE, 'DI MED NA MI 'BYUNG BAS BYANG CHUB GSUM KA'I DBANG DU BYAS PA'I PHYIR, DE YANG 'DI NYID LAS NYAN THOS KYIS LA SLOB PAR 'DOD PAS KYANG SHES RAB KYI PHA ROL TU PHYIN PA 'DI NYAN PAR BYA'O, ,ZHES BYA BA LA SOGS PA 'CHAD PAR 'GYUR PA YIN NO, ZHES BSHAD DO, ,GNYIS PA NI, KHYAD CHOS GSUM MAM BZHI'I KHYAD PAR DU BYAS @093B PA'I SANGS RGYAS KYI YE SHES KHO NA SHER PHYIN DNGOS YIN LA, LAM SHER PHYIN DANG, GZHUNG SHER PHYIN, SHER PHYIN BTAGS PA BA YIN NO, DNGOS BTAGS KYI KHYAD PAR LA SLOB DPON PHYOGS GLANG GI GZHUNG DRANGS PA YIN GYI KUN TU MTSUNGS PA MIN TE, GNYIS STONG GI SHES PA BDEN GRUB LAS KHYAD PAR DU MDZAD BZHED NAS, SGYU MA LTA BU ZHES SMOS SO, RTEN GYI GANG ZAG THEG PA CHEN PO DANG 'BREL PAS, SHER PHYIN GYI GZUGS BRNYAN DANG BRAL BAS SHER PHYIN GSUM KA YANG SHES RAB KYI PHA ROL TU PHYIN PA NYID DO ZHES NGES PAR BZUNG BA LA RGYU MTSAN YOD DE, BRGYAD STONG DON BSDUS SOGS KYIS GTAN LA DBAB BYA'I GTZO BO YIN PA'I PHYIR DE RNAMS KHO NAR ZAD PA YIN TE, NYAN RANG GI LAM GTAN LA PHAB PA MED NA, THEG CHEN GYI GZHUNG LAM YANG MI 'BYUNG BAS BYANG CHUB GSUM KA'I DBANG DU BYAS NAS GTAN LA 'BEBS PA'I PHYIR, SHER PHYIN 'DI MED NA BYANG CHUB GSUM KA MI 'BYUNG BAS, GSUM KA'I LAM BSTAN TE, NYAN THOS KYI SA LA SLOB PAR 'DOD PAS KYANG ZHES SOGS, THEG PA GSUM CAR 'THOB PA'I RGYU, ZHES 'CHAD PA'I PHYIR, GZHUNG LAM GNYIS LA, SHER PHYIR GYI MING GIS 'DOGS PA'I RGYU MTSAN YOD DE, DE GNYIS SHER PHYIN THOB BYED KYI THABS RNAM DAG YIN PA'I PHYIR, BTAGS PA LA DGOS PA YOD DE, SHER PHYIN THOB PAR 'DOD PA RNAMS KYIS, GZHUNG SHER PHYIN LA THOS BSAM @094A *, ,DANG, LAM SHER PHYIN BSGOM DGOS ZHES RTOGS PAR BYA BA'I CHED YIN PA'I PHYIR, DNGOS LA GNOD BYED YOD DE, DE RNAMS SRID ZHI'I PHA ROL TU SON PA'I YE SHES MIN PA'I PHYIR, DE YANG GO BDE BAR BSHAD NA, KHYAD CHOS BZHI DANG LDAN ZHING SRID ZHI'I PHA ROL TU SON PA'I YE SHES SU DMIGS PA SHER PHYIN GYI MTSAN NYID, KHYAD CHOS BZHI NI, RGYAN LAS, SHES RAB MI MTHUN PHYOGS NYAMS DANG, ,RNAM PAR MI TOG YE SHES LDAN, ,GZHAN GYI 'DOD PA YONGS RDZOGS BYED, ,SEMS CAN SMIN BYED RNAM PA BZHI, ZHES GSUNGS, DES NA SHER PHYIN CHOS CAN, KHYAD CHOS BZHI DANG LDAN TE, MI MTHUN PHYOGS NYAMS PA'I KHYAD PAR, MI RTOG YE SHES KYIS YONGS SU BZUNG BA'I KHYAD PAR, GZHAN GYI 'DOD PA YONGS SU RDZOGS PAR BYED PA'I KHYAD PAR, SEMS CAN SMIN GROL LA 'GOD PAR BYED PA'I KHYAD PAR DANG LDAN PA'I PHYIR, 'GREL CHEN DANG BRGYAD STONG DON BSDUS LTAR NA RTEN GYI KHYAD BAR, NGO BO'I KHYAD PAR, YUL SNANG TSUL GYI KHYAD PAR, GNAS TSUL GYI KHYAD PAR BZHI DANG LDAN PA'I PHYIR, SHER PHYIN CHOS CAN RTEN GYI KHYAD PAR DANG LDAN TE, SANGS RGYAS BCOM LDAN 'DAS KHO NA'I THUGS RGYUD LA 'BYUNG BA'I PHYIR, NGO BO'I KHYAD PAR DANG LDAN TE, GNYIS SNANG 'KHRUL PA'I SA BON ZAD PAR SPANGS PA'I PHYIR, YUL SNANG TSUL GYI KHYAD PAR DANG LDAN TE, CHOS THAMS CAD @094B JI LTA BA BZHIN DU SHES PA'I PHYIR, GNAS TSUL GYI KHYAD PAR DANG LDAN TE, BDEN STONG SGYU MA LTA BUR GNAS PA'I PHYIR, KHYAD PAR DANG PO SMOS PA CHOS CAN, DGOS PA YOD DE, SLOB PA'I RGYUD LA SHER PHYIN YOD PA BCAD PA'I DGOS PA YOD PA'I PHYIR, KHYAD PAR GNYIS PA SMOS PA CHOS CAN, DGOS PA YOD DE, SLOB PA'I RJES THOB RNAMS SHER PHYIN YIN PAR BCAD PA'I DGOS PA YOD PA'I PHYIR, KHYAD PAR GSUM PA SMOS PA CHOS CAN, DGOS PA YOD DE, DBANG SHES RNAMS SHER PHYIN YIN PA BCAD PA'I DGOS PA YOD PA'I PHYIR, KHYAD PAR BZHI PA SMOS PA CHOS CAN, DGOS PA YOD DE, SHER PHYIN BDEN GRUB TU 'DOD PA'I LOG RTOG BCAD PA'I DGOS PA YOD PA'I PHYIR, NGES NA SHER PHYIN LA GSUM DU BSHAD KYANG, SNGA MA GNYIS BTAGS PA BA YIN ZHING, SHER PHYIN GYIS MTSAMS NI SANGS RGYAS KYI SA KHO NAR YOD DO, ,GSUM PA NI, 'GREL CHEN GYI DON SNGAR BSHAD PA DE MI THANG PAR THAL, 'BRAS BU SHER PHYIN GTZO BO DANG, GZHUNG LAM GNYIS SHER PHYIN PHAL PA YIN PA'I PHYIR TE, BRGYANG STONG DON BSDUS KYI 'GREL BAR, 'DIS NI SHES RAB KYI PHA ROL PHYIN PA'I SGRA'I DON RNAM PA GNYIS SU RIGS PAR BYA STE, GTZO BO DANG PHAL PA'O, ,GTZO BO NI GNYIS SU MED PA'I YE SHES SO, ,PHAL PA NI GZHUNG DANG LAM GYI BDAG NYID CAN NO, ,ZHES GSUNGS PA'I PHYIR, ZHE NA MA KHYAB STE, SHER PHYIN ZHES PA'I SGRA 'BRAS BU SHER PHYIN LA GTZO BO @095A *, ,DNGOS MING DANG, GZHUNG LAM GNYIS LA MING PHAL BAR BTAGS NAS 'JUG PAR BSTAN PA TZAM YIN PA'I PHYIR, DNGOS MING LA GTZO BO, BTAGS MING LA PHAL BAR BYAS PA YOD DE, RNAM 'GREL LAS, DNGOS DANG DE DANG MTSUNGS PA'I PHYIR, ,GANG LA DE SKAD BRJOD PHAL BA, ,ZHES GSUNGS PA'I PHYIR, YANG 'GREL CHEN GYI DON SHER PHYIN GTZO PHAL LA BYED RIGS PAR THAL, 'GREL CHEN LAS, SHES RAB PHA ROL PHYIN GNYIS MED, ,YE SHES DE NI DE BZHIN GSHEGS, ,ZHES GSUNG TSUL GYIS GTZO BOR CHOS KYI SKU'I DE BZHIN GSHEGS PA NYID SHES RAB KYI PHA ROL TU PHYIN PA YIN LA, DE BAS NA DE STON PAR BYED PA'I RGYAL BA'I YUM LA MCHOD NA, ,THAMS CAD MKHYEN PA'I YE SHES KYI CHOS KYI SKU'I RGYU LA MCHOD PA'I PHYIR, BSOD NAMS MANG DU SKYE'O, ,ZHES GSUNGS PA'I PHYIR, ZHE NA MA KHYAB STE, 'BRAS BU SHER PHYIN MOS YUL GYI GTZO BO DANG, GZHUNG LAM GNYIS PO MOS BA SGOM LAM GYI MOS YUL PHAL PA YIN YANG DE LA MCHOD NA BSOD NAMS MANG DU SKYED DE, DE LA MCHOD PAS YE SHES CHOS SKU'I RGYU LA MCHOD PA YIN PA'I PHYIR, ZHES BSTAN PA TZAM YIN PA'I PHYIR, YANG SLOB LAM NA SHER PHYIN YOD PAR THAL, RGYAN LAS, SNGA MA LA BRTEN PHYI MA SKYE, ,DMAN DANG MCHOG TU GNAS PHYIR DANG, ,RAGS PA DANG NI PHRA BA'I PHYIR, ,DE DAG RIM PAR BSTAN PA YIN, ZHES DANG, SLAB GSUM @095B DBANG DU MDZAD NAS NI, ,RGYAL BAS PHA ROL PHYIN PA DRUG ,YANG DAG BSHAD DE DANG PO GSUM, ,THA MA GNYIS NI RNAM PA GNYIS, ,GCIG NI GSUM BCAR LA YANG RTOGS, ZHES DANG, MDO BSDUS PA LAS, DMUS LONG MIG PU MED PA BYE BA KHRAG KHRIG RNAMS, ,LAM YANG MI SHES GRONG KHYER 'JUG PA GA LA NUS, ,SHES RAB MED NA MIG MED PHA ROL PHYIN LNGA 'DIS, ,MIG PU MED PAS BYANG CHUB REG BAR NUS MA YIN, ZHES GSUNGS PA'I PHYIR, SNYAM NA MA KHYAB STE, DE RNAMS KYIS CHOS KYI BDAG MED RTOGS PA'I BYANG 'PHAGS KYI SHES RAB LA SHER PHYIN DU BTAGS PA TZAM YIN PA'I PHYIR, SA BCU LA PHAR PHYIN LHAG PA'I KHYAD PAR GSUNGS PAS KYANG MI GNOD DE; PHAR PHYIN BCU'I NYAMS LEN LHAG PA LA DGONGS PA'I PHYIR RO, ,SLOB LAM NA SHER RAB KYI PHA ROL TU PHYIN PA MED PAR THAL, DMAN LAM SNGON DU MA SONG BA'I SLOB LAM NA SRID PA'I PHA ROL TU SON PA YANG MED, DMAN LAM SNGON DU MA SONG BA'I SLOB LAM NA, ZHI BA'I PHA ROL TU SON PA YANG MED PA'I PHYIR, KHYAB STE, SKABS 'DI'I PHA ROL TU PHYIN PA 'DI NI SGRIB GNYIS MA LUS PAR SPANGS PA'I GNAS SKABS SU SON PA LA BYED RIGS PA'I PHYIR TE, DE LTAR DU 'GREL CHEN DANG, BRGYAD STONG DON BSDUS LAS BSHAD ZIN PA NI GANG ZHIG ,'JUG PA'I RANG 'GREL LAS KYANG, DE LA PHA ROL NI GANG 'KHOR BA'I RGYA MTSO'I PHA 'GRAM DANG, NGOGS TE NYON MONGS PA DANG SHES BYA'I SGRIB PA MA@096A *, ,LUS PAR SPANGS PA'I RANG BZHIN MNGA' BA'I SANGS RGYAS NYID DO, ,DER SON PA NI DER PHYIN PA'O, ,TSUL KHRIMS LA SOGS PA 'CHAD PAR 'GYUR BA DAG KYANG DE BZHIN DU RIG PAR BYA'O, ,ZHES GSUNGS PA'I PHYIR, DES NA PHAR PHYIN BCU NI YIN KHYAB SNYAMS YIN PA'I PHYIR TE, PHAR PHYIN LA SANGS RGYAS KYI MKHYEN PAS KHYAB PA NI GANG ZHIG ,SANGS RGYAS KYI MKHYEN PA LA PHAR PHYIN GYI KHYAB PA'I PHYIR TE, SHER PHYIN GYI SGRA DNGOS SU 'JUG NA, SHER PHYIN GYI SGRA BSHAD DU YOD MI DGOS PA'I PHYIR, SHER PHYIN GYI SGRA DNGOS SU 'JUG PA'I GZHI YIN NA, SHES RAB YIN MI DGOS SO, SHER PHYIN GYI SGRA BSHAD DU YOD PA'I GZHI YIN NA, SHES RAB YIN DGOS PA'I PHYIR, SBYIN SOGS BCU NI, 'GAL SNYAM STE, SBYIN PA DANG TSUL KHRIMS 'GAL BA'I PHYIR TE, DE LA DMAN MCHOG GI RIM PA YOD PA'I PHYIR, ` ,GNYIS PA LA, MTSAMS SBYAR, RTZA BA, 'GREL PA DANG GSUM, DANG PO NI, DE LTAR 'GREL PA LA SOGS PA SNYAD NAS, ZHES SOGS LA, SHES RAB PHA ROL PHYIN PA NI, ZHES SOGS KYI TSIG LE'UR BYAS PA BCO LNGAS, BSTAN BCOS MNGON PAR RTOGS PA'I RGYAN GYI LUS RNAM GZHAG GSUNGS PA CHOS CAN, DGOS PA YOD DE, MNGON PAR RTOGS PA'I RGYAN LA NYAN BSHAD BYA SLA BA LA SOGS PA'I DGOS PA YOD PA'I PHYIR, GNYIS PA NI, SHES RAB PHA ROL PHYIN PA NI, DNGOS PO BRGYAD KYIS @096B YANG DAG BSHAD, CES PA LA, BSTAN BCOS MNGON PAR RTOGS PA'I RGYAN CHOS CAN, GZHUNG SHER PHYIN DU BSHAD DE, DE LA SKABS BRGYAD DANG, DE'I BRJOD BYA LA DNGOS PO BRGYAD DU PHYE BA'I SGO NAS MDO'I DGONGS PA JI LTA BA BZHIN DU BSHAD PA'I PHYIR, DNGOS PO BRGYAD PO GANG ZHE NA, DE 'CHAD PA LA, RNAM KUN MKHYEN NYID, ZHES SOGS GSUNGS LA, 'DI RNAMS KYI SKABS SU, SPYI DON DANG, GZHUNG DON GNYIS, DANG PO LA, RANG LUGS BZHAG PA DANG, RTZOD PA SPANG BA GNYIS, DANG PO LA, BRGYAD YOD PA'I DANG PO RNAM MKHYEN LA MTSAN NYID, DBYE BA, SA MTSAMS, MKHYEN TSUL BSHAD PA DANG BZHI, DANG PO NI, SEMS BSKYED LA SOGS PA'I CHOS BCU MNGON SUM DU RTOGS PA'I MTHAR THUG GI YE SHES GANG ZHIG ,BCOM LDAN 'DAS KYI BZHED DON THAMS CAD SGRUB PAR NUS PA DE'O, ,DE SKAD DU 'DIR, RNAM PA THAMS CAD MKHYEN PA NYID DE SDUD PA'I TSIG LE'UR BYAS PA RNAM PAR BSHAD PA'I SGO NAS BZHED DE, ZHES GSUNGS PA'I PHYIR, DES NA, CHOS BCU MNGON SUM DU RTOGS PA'I MTHAR THUG GI YE SHES RNAM MKHYEN GYI MTSAN NYID DU GSUNGS PA CHOS CAN, DGOS PA YOD DE, RNAM PA THAmS CAD MKHYEN PA NYID KYI MTSAN NYID RTOGS PA NA, THEG CHEN GYI LAM SPYI'I LUS BLO YUL DU 'CHAR BA DGOS SO ZHES GO BA'I DGOS PA YOD PA'I PHYIR, DE LTAR YANG, THUB PA'I RNAM KUN MKHYEN PA NYID, CES GSUNGS SO, GNYIS PA NI, RGYAS PAR DBYE NA, @097A *, ,ZAG MED KYI YE SHES SDE CHEN NYER GCIG ,DE SDU NA, YE SHES RNAM PA LNGA, DE SDU NA, SANGS RGYAS KYI MNYAM RJES GNYIS SAM, JI LTA JI SNYED MKHYEN PA'I RNAM MKHYEN, GNYIS SAM, RGYU 'BRAS GTZO BO'I RNAM PA THAMS CAD MKHYEN PA'I RNAM MKHYEN DANG, SHES BYA'I RNAM PA MA LUS PA MKHYEN PA'I RNAM MKHYEN GNYIS SU YANG DBYE RUNG NGO, GSUM PA NI, SANGS RGYAS KYI SA KHO NA NA BZHUGS, BZHI PA NI, SANGS RGYAS KYI MKHYEN PA SKAD CIG MA GCIG GIS KYANG, SHES BYA THAMS CAD DUS SKAD CIG MA GCIG LA MNGON SUM DU RTOGS TE, DE'I MTHUN RKYEN TSANG ZHING, 'GAL RKYEN THAMS CAD SANGS RGYAS BCOM LDAN 'DAS KYIS ZAD PAR SPANGS PA'I PHYIR, DE SKAD DU YANG, 'GREL CHEN LAS, SANGS RGYAS NYID KYI GNAS SKABS NA MI SHES BA'I DBANG PO SPANGS PA'I PHYIR YID KYI BLO DANG 'DRA BAR DBANG BO'I BLOS YUL YONGS SU SPYOD DE, DE'I PHYIR, SANGS RGYAS BCOM LDAN 'DAS KYI MKHYEN PA THAMS CAD, YUL THAMS CAD MKHYEN PAR 'DOD DO, ,ZHES DANG, 'JUG PAR, MKHYEN BZANG KHYOD KYIS SKAD CIG GIS NI SHES BYA THUGS SU CHUD, ZHES DANG, BDEN GNYIS RANG 'GREL LAS, MKHYEN PA'I SKAD CIG GCIG GIS KYANG, ,SHES BYA'I DKYIL 'KHOR KUN KHYAB CAN, ,ZHES DANG, RGYAN LAS, DBANG PO LNGA PO GZHAN GYUR NA, ,DON KUN 'JUG DANG THAMS CAD LA, ,YON TAN @097B BRGYA PHRAG BCU GNYIS BYUNG, ,'BYOR PA DAM PA THOB PAR 'GYUR, ,ZHES GSUNGS PA'I PHYIR, DES NA SANGS RGYAS KYI MKHYEN BA GCIG NYID STONG PA GNYIS SNANG NUB PA'I CHA NAS MNYAM GZHAG JI LTA BA MKHYEN PA'I RNAM MKHYEN DANG, KUN RDZOB PA'I CHOS RNAMS LA GNYIS SNANG DANG BCAS PA'I SGRO NAS RJES THOB JI SNYED PA MKHYEN PA'I RNAM MKHYEN DU BZHAG PAR BYA BA YIN TE, RNAM MKHYEN SGRIB PAS RNAM PAR DAG PA, DE LA GNAS LUGS GSAL BAR SNANG BA, KUN RDZOB MTHA' YAS PA LA RNAM MKHYEN GYI GZIGS PA 'JUG PA RNAMS NI NGO BO GCIG YIN PA'I PHYIR, DPER NA, NYI MA'I DKYIL 'KHOR RNAM PAR DAG PA, DE'I 'ONG GSAL BA, DE'I 'OD ZER GYI DRA BA PHYOGS BZHIR 'PHRO RNAM SNGO BO GCIG YIN PA BZHIN, DE SKAD DU YANG, RGYUN BLA MA LAS, SHES RAB YE SHES RNAM GROL RNAMS, ,GSAL DANG 'PHRO DANG DAG PHYIR DANG, ,THA DAD MED CING 'OD DANG ZER, ,NYI MA'I DKYIL 'KHOR DAG DANG MTSUNGS, ,ZHES GSUNGS PA'I PHYIR TE, RNAM MKHYEN GYI JI LTA BA GZIGS PA'I NGOR SNYED PA MA GZIGS SHING, JI SNYED PA GZIGS PA'I GZIGS NGOR JI LTA BA MA GZIGS TE, JI LTA BA GZIGS PA'I GZIGS NGOR GNYIS SNANG NUB, JI SNYED PA GZIGS PA'I NGO BOR GNYIS SNANG DANG BCAS PA'I PHYIR TE, RNAM MKHYEN GYI NAM MKHA' GZIGS PA'I GZHIR, THOGS BCAS MA GZIG, THOGS BCAS GZIGS PA'I @098A *, ,GZHIR NI NAM MKHA' MA GZIGS PA'I PHYIR TE, NAM MKHA' NI THOGS BCAS KYI RDZAS SU MED PA KHO NA YIN PA'I PHYIR TE, YON TAN RIN PO CHE BSDUD BA LAS, ,GZUGS RNAMS MI MTHONG TSOR BA DAG KYANG MI MTHONG ZHING, ,GANG LA RNAM PAR SHES DANG SEMS YID MI MTHONG BA, ,'DI NI CHOS MTHONG YIN ZHES DE BZHIN GSHEGS PAS BSTAN, ,NAM MKHA' MTHONG ZHES SEMS CAN TSIG TU RAB BRJOD PA, ,NAM MKHA' JI LTAR MTHONG ZHES DON DE BRTAGS PAR GYIS, DE LTAR CHOS MTHONG BA YANG DE BZHIN GSHEGS PAS BSTAN, MTHONG BA DPE GZHAN GYIS NI BSNYAD PAR NAS MA YIN, ,ZHES DANG, 'JUG PA'I RANG 'GREL LAS, DNGOS PO BYAS PA CAN LA MA REG PAR, RANG BZHIN 'BA' ZHIG MNGON SUM DU MDZAD PA DE NYID THUGS SU CHUD PA'I PHYIR SANGS RGYAS ZHES BYA'O, ,ZHES GSUNGS LA, RNAM MKHYEN CHOS CAN, SANGS RGYAS YIN TE JI LTA BA GZIGS PA'I NGO BOR PHUNG SOGS KYI DNGOS PO SNANG BA LA MA REG PAR DE KHO NA NYID LA GNYIS SNANG NUB, KUN RDZOB BA'I CHOS RNAMS LA GNYIS SNANG DANG BCAS PA'I PHYIR,, ` ,, ` GNYIS PA LAM SHES PA NYID LA MTSAN NYID DBYE BA, SA MTSAMS, BYED LAS DANG BZHI, DANG PO NI, THEG CHEN 'PHAGS PA'I MKHYEN PA GANG ZHIG ,BYANG SEMS 'PHAGS PA'I BZHED DON PHUN TSOGS SGRUB PAR NUS PA'I RIGS SU GNAS PA DE'O, ,GNYIS PA LA, @098B NYAN THOS KYI LAM SHES PA'I LAM SHES, RANG RGYAL GYI LAM SHES PA'I LAM SHES, THEG CHEN GYI LAM SHES PA'I LAM SHES DANG GSUM YOD, GSUM PA NI, SA DANG PO NAS, SANGS RGYAS KYI SA'I BAR NA YOD, BZHI PA LA LAM SHES PA NYID CHOS CAN, BYED LAS KHYAD PAR CAN DANG LDAN TE, RIGS CAN GSUM LA SKAL BA DANG 'TSAMS PA'I LAM BSTAN PA'I SGO NAS, THAR PA DANG THAMS CAD MKHYEN PA'I GRONG KHYER DU 'KHRID PAR MDZAD PA'I PHYIR TE, DE LTAR DU SNGAR BSHAD CING, LAM SHES KYI LE'U'I MTSAMS SBYAR DU YANG 'CHAD PA'I PHYIR, GZHI SHES LA, MTSAN NYID, DBYE BA, SA 'TSAMS, RGYUD LA SKYED PA'I DGOS PA DANG BZHI, DANG PO NI, 'PHAGS RGYUD KYI MKHYEN PA GANG ZHIG ,THEG DMAN GYI MNGON RTOGS KYI RIGS SU GNAS PA DE'O, ,SPYIR RIGS GNAS SMOS PA'I DGOS PA NI, DE DANG DE'I SDE TSAN SO SOR GO BA'I PHYIR DU YIN LA, KHYAD PAR DU SMOS PA'I DGOS PA NI, RGYAL PO'I RIGS SU SKYES PA'I BU RNAMS, RGYAL PO'I RIGS SU GNAS KYANG, RGYAL PO YIN PAS MA KHYAB PA BZHIN DU, THEG CHEN PO'I RGYUD KYI SDUS PA'I GZHI SHES RNAMS NI THEG DMAN RANG RGYUD KYI SDUS PA'I MNGON PAR RTOGS PA MIN PAS DE'I RIGS SU GNAS PA YIN NO, ,ZHES GO BA'I CHED YIN NO, ,SPYIR NI DON DE DANG DER BRJOD PA DANG GO BA NI, SMRI BA PO'I 'CHAD 'DOD, NYAN PA PO'I SHES 'DOD, YUL DUS DE DANG DER 'JIG RTEN GYI GRAGS PA DON @099A *, ,MTHUN RNAMS LA LTA STE, DPER NA, RGYAL PA SRID SGRUB 'PHONG SKYEN ZHES PA'I NGAG LAS YUL DUS 'GA' ZHIG TU SRID SGRUB LAS GZHAN LA 'PHONG SKYEN PA LDAN PA GCOD CING, NAG PA 'PHONG SKYEN ZHES PA'I NGAG LAS NAG PA LA YANG 'PHONG SKYEN PA LDAN NO, ZHES STON PA LTA BU DANG, LAG LDAN ZHES PA'I NGAG LAS GLANG PO CHE GO ZHING, MGO LDAN ZHES PA'I NGAG LAS DE MI GO BA LTA BU STE, RNAM 'GREL LAS, DPER NA NAG PA 'PHONG SKYEN PA'AM, ,SRING SGRUB 'PHONG SKYEN ZHES PA'I, ,SNGON PO MTSO SKYES 'GYUR ZHES BZHIN, ,DE YANG ZLA BO RNAM DPYOD PA, ,DON RNAMS LA NI RTOGS 'GYUR TE, ,DE LTAR GRAGS DANG NUS PA DANG, ,SGRA NI BRJOD 'DOD RJES 'BRANG PHYIR, ZHES DANG, 'GRO BA'I PHYIR DANG LAG LDAN PHYIR, ,RVA CAN GLANG PO ZHES SGRUB BYED, ,CES SOGS GSUNGS PA'I PHYIR RO, ,GDAM NGAG 'DI NI SHIN TU ZAB PA ZHIG YIN TE, SNGA RGOL GYI BRJOD 'DOD DANG MI MTHUN PAR SUN 'BYIN LTAR SNANG LA BRTEN NAS RNAM PAR GZHAG PA'I GRUB MTHA' SUN SBYIN PAR 'DOD PA'I PHYI RGOL BSTAN BSHIG RIG PA SMRA BA'I NGA RGYAL CAN GYI RTOG GE KHA SKYA BA RNAMS DPA' SKONG BAR BYED PA'I CHED YIN PA'I PHYIR, GNYIS PA LA, SLOB PA'I RGYUD KYI GZHI SHES, MI SLOB PA'I RGYUD KYI GZHI SHES, 'BRAS YUM LA NYE BA'I GZHI SHES, DE LA RING BA'I GZHI SHES, GNYEN PO PHYOGS KYI GZHI SHES, MI MTHUN PHYOGS KYI GZHI SHES, @099B RTEN GYI SGO NAS NYAN THOS KYI GZHI SHES, RANG RGYAL GYI GZHI SHES, THEG CHEN GYI GZHI SHES RNAMS YOD DO, ,GSUM PA NI, NYAN THOS KYI MTHONG LAM NAS, SANGS RGYAS KYI SA'I BAR NA YOD DO, ,BZHI PA NI, GZHI SHES CHOS CAN BYED LAS KHYAD PAR CAN DANG LDAN TE, SEMS CAN RNAMS GTING MTHA' MED PA'I SDUG BSNGAL GYI RGYA MTSO CHEN PO 'DI LAS BSGRAL STE THAR PA RIN PO CHE'I GLING DU 'KHRID NAS ZAG PA MED PA'I DGA' BA DANG, BDE BA'I DPAL 'BYOR PHUN SUM TSOGS PA LA 'GOD PAR MDZAD PA'I PHYIR RO, RNAM RDZOGS SBYOR BA LA MTSAN NYID DBYE BA, SA 'TSAM BYED LAS DANG BZHI, DANG PO NI, MKHYEN GSUM GYI RNAM PA SDUS NAS BSGOM PA'I SEMS DPA'I RNAL 'BYOR DE'O, ,GNYIS PA LA RGYAS PAR DBYE NA, MKHYEN GSUM GYI RNAM PA BRGYA DANG BDUN CU RTZA GSUM BSGOM PA'I RNAM RDZOGS SBYOR BA BRGYA DANG BDUN CU RTZA GSUm, SDUN BYANG SEMS KYI SBYOR BA NYI SHU, DE SDU NA, RANG BZHIN GYI SBYOR BA LNGAR 'DU'O, ,GSUM PA NI, BYANG SEMS KYI TSOGS LAM NAS RGYUN MTHA'I BAR NA YOD, BZHI PA NI, RNAM RDZOGS SBYOR BA CHOS CAN, BYED LAS KHYAD PAR CAN DANG LDAN TE, ZHI LHAG ZUNG 'BREL GYI RNAL 'BYOR LA BRTEN NAS MKHYEN GSUM GYI RNAM PA MA LUS PAR SGOM PAS MKHYEN GSUM GYI RNAM PA'I LOGS ZHUGS BRGYA DANG BDUN CU RTZA GSUM LA SOGS PA MI MTHUN PHYOGS THA DAG BCOM STE, KUN MKHYEN GSUM GYI GO 'PHANGS MYUR DU STZOL @100A *, ,BAR MDZAD PA'I PHYIR, ` ,RTZE SBYOR LA, MTSAN NYID, DBYE BA, SA MTSAMS DANG, BRGYUD LA SKYED PA'I DGOS PA DANG BZHI, DANG PO NI, MKHYEN GSUM SDUS SGOM RAB TU GYUR PA'I SGOM BYUNG GI SHES RAB KYIS ZIN BA'I SEMS DPA'I RNAL 'BYOR RO, GNYIS PA NI, SBYOR LAM RTZE SBYOR, MTHONG LAM RTZE SBYOR, SGOM LAM RTZE SBYOR, BAR CHAD MED PA'I RTZE SBYOR DANG BZHI'O, GSUM PA NI, BYANG SEMS KYI SBYOR LAM NAS RGYUN MTHA'I BAR NA YOD DO, ,BZHI PA NI, RTZE SBYOR CHOS CAN, KHYOD RGYUD LA BSKYED PA LA DGOS PA YOD DE, BDEN 'DZIN GYI RNAM PAR RTOG PA NYIS BRGYA DANG BCU DRUG SA BON DANG BCAS PA MA LUS PAR SPANGS TE, RNAM PA THAMS CAD MKHYEN PA NYID MYUR DU 'THOB PA'I BYED LAS DANG LDAN PA'I PHYIR RO, ' ,MTHAR GYI SBYOR BA LA MTSAN NYID, DBYE BA, SA MTSAMS, BYED LAS DANG BZHI, DANG PO NI, SLOB LAM MTHAR THUG MIN PA GANG ZHIG ,MKHYEN GSUM GYI RNAM PA GO RIMS NGES CAN DU BSGOM PA'I SEMS PA'I RNAL 'BYOR, GNYIS PA LA, BSAM PA PHUN TSOGS RJES DRAN DRUG GI MTHAR GYI SBYOR BA DRUG ,SBYOR BA PHUN TSOGS PHAR PHYIN DRUG GI MTHAR GYI SBYOR BA DRUG ,DNGOS MED NGO BO NYID KYI MTHAR GYI SBYOR BA GCIG RNAMS SU YOD, GSUM PA NI, THEG CHEN GYI TSOGS LAM NAS, RGYUN MTHA'I SNGA ROL GYI BAR NA YOD DO, BZHI PA NI, MTHAR GYI SBYOR BA CHOS @100B CAN; BYED LAS KHYAD PAR CAN DANG LDAN TE, BSAM SBYOR PHUN TSOGS LA BRTEN NAS, MKHYEN GSUM GYI RNAM PA GO RIMS BZHIN DU SGOMS PAS, SKAD CIG SBYOR MYUR DU THOB PAR BYED PA'I BYED LAS DANG LDAN PA'I PHYIR, SKAD CIG SBYOR BA LA YANG BZHI YOD PA'I DANG PO NI, MKHYEN GSUM GYI RNAm PA THAmS CAD SKAD CIG MA GCIG LA SGOM PAR NUS PA'I SLOBS LAM MTHAR THUG DE'O, ,GNYIS PA LA, RNAM PAR SMIN PA MA YIN PA'I SKAD CIG MA'I SBYOR BA, RNAM PAR SMIN PA'I SKAD CIG MA'I SBYOR BA, MTSAN NYID MED PA'I SKAD CIG MA'I SBYOR BA, GNYIS SU MED PA'I SKAD CIG MA'I SBYOR BA DANG BZHI'O, ,GSUm PA NI, RGYUN MTHA' KHO NA NA YOD DO, BZHI PA NI, SKAD CIG MA'I SBYOR BA CHOS CAN, BYED LAS KHYAD PAR CAN DANG LDAN TE, CHOS SKU MYUR DU THOB PAR BYED PA'I BYED LAS DANG LDAN PA'I PHYIR RO, ' ,'BRAS BU CHOS SKU LA YANG MTSAN NYID, DBYE BA, SA MTSAMS DANG GSUM, DANG PO NI, SBYOR BZHI SGOM STOBS KYIS THOB PA'I RNAM SMIN MTHAR THUG GANG ZHIG ,ZAG MED KYI YAN LAG DU MA DANG LDAN PA DE'O, ,GNYIS PA LA, NGO BO NYID SKU, LONGS SPYOD RDZOGS SKU, SPRUL SKU, RTOGS YE CHOS SKU DANG BZHI'O, GSUM PA NI, SANGS RGYAS KYI SA KHO NA BZHUGS GNYIS PA RTZOD PA SPANGS PA NI, GZHI SHES DANG THEG DMAN GYI MNGON RTOGS DON GCIG ,LAM SHES DANG BYANG SEMS KYI MNGON RTOGS DON GCIG YIN PAR THAL, 'DI LTAR RGYAL BA'I YUM BAR MA LAS, RAB 'BYOR THAMS@101A *, ,CAD SHES PA NYID NI NYAN THOS DANG RANG SANGS RGYAS RNAMS KYI YIN NO, LAM SHES PA NYID NI BYANG CHUB SEMS DPA' RNAMS KYI YIN NO, ,RNAM PA THAMS CAD MKHYEN PA NYID NI, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYI YIN NO, ,ZHES GSUNGS PA'I PHYIR, SNYAM NA MA KHYAB STE, DE NI RNAM DAG GI RTEN GYI DBANG DU BYAS PA YIN PA'I PHYIR TE, GZHAN DU BYANG PHYOGS SO BDUN THEG DMAN KHO NA'I MNGON RTOGS SU THAL BA'I SKYON YOD PA'I PHYIR TE, 'GREL PA 'DIR, DE LTAR NA SLOB MA RNAMS LA KUN SHES PA NYID KYI LAm GYI RTEN CAN GYI RNAm PA SUm CU RTZA BDUN YIN NO, ,ZHES GSUNGS PA'I PHYIR, KHA CIG NA RE, DNGOS PO BRGYAD KYI MTSAN NYID, DBYE PA; SA MTSAMS SOGS SNGAR BSHAD PA DE RNAMS MI 'THAD PAR THAL, MKHYEN GSUM NI 'PHAGS PA THAMS CAD KYI RGYUD LA SKYE BYA DANG, SBYOR BZHI DANG CHOS SKU NI DA LTAR GYI RGYAN GYI CHED DU BYA BA'I GDUL BYA KHO NA'I RGYUD LA SKYED BYA DANG, MKHYEN GSUM LA SA MTSAMS MED CING, SBYOR BZHI DANG CHOS SKU LA SA MTSAMS YOD PAR BSTAN PA'I PHYIR DANG, SKABS DANG PO GSUM GYIS LTA BA, BAR PA BZHIS SGOM PA DANG ,SPYOD PA DANG, THA MAS 'BRAS BU GTZO BOR STON PA'I PHYIR DANG, RNAm MKHYEN TSOGS SBYOR GYI GNAS SKABS 'BA' ZHIG DANG, LAM SHES SA DANG PO NAS DRUG PA'I BAR 'BA' ZHIG DANG, GZHI SHES SA BDUN PA 'BA' ZHIG DANG, SBYOR BZHI DAG PA SA GSUM LA RIM CAN DU SGOM @101B LA; 'BRAS BU CHOS SKU SANGS RGYAS KYI SAR SKYED PA'I PHYIR DANG, LHAG MED KYI MYANG 'DAS THOB PA'I THEG DMAN DGRA BCOM PA RNAMS THEG PA CHEN PO'I LAM DU ZHUGS TE, THEG CHEN GYI SEMS BSKYED DANG PO GNYIS SNGON DU BYAS, SKABS BZHI PA NAS BSTAN PA'I THAR PA CHA MTHUN RGYUD LA SKYED PAR BYED PA'I PHYIR ZHE NA, SHES BYA CHOS CAN, SBYOR BZHI DANG, 'BRAS BU CHOS SKU 'PHAGS PA THAMS CAD KYI RGYUD LA SKYED PAR BYED PA MA YIN PAR THAL, MKHYEN GSUM 'PHAGS PA THAMS CAD KYI RGYUD LA SKYED PAR BYA BA'I MNGON PAR RTOGS PA DANG PO DANG, SBYOR BZHI DANG CHOS SKU, DA LTAR GYI RGYAN GYI CHED DU BYA BA'I GDUL BYA'I RGYUD LA SKYED BYAR RGYAN GYIS BSTAN PA'I PHYIR, RTAGS KHAS SO, ,'DOD NA, 'BRAS BU CHOS SKU THOB CING, RNAM MKHYEN RGYUD LA MA SKYES PA'I GANG ZAG GCIG YOD PAR THAL, 'DOD PA'I PHYIR, 'DOD MI NUS TE, 'BRAS BU CHOS SKU THOB PA'I GANG ZAG DANG, RNAM MKHYEN THOB PA'I GANG ZAG GNYIS YIN KHYAB SNYAM YIN PA'I PHYIR, GZHAN YANG, MKHYEN GSUM LA SA MTSAMS MED CING, 'BRAS BU CHOS SKU SOGS LA SA MTSAmS YOD PA'I KHYAD PAR MI 'THAD PAR THAL, DE THAMS CAD LAM MA ZHUGS NA NI MED, LAM ZHUGS NA YOD, CHOS SKU DANG RNAM MKHYEN SPANGS RTOGS DBYER MED YIN PA'I PHYIR TE, SANGS RGYAS KYI SPANGS RTOGS NGO BO DBYER MED YIN PA'I PHYIR TE, RGYUD BLA LAS, DE PHYIR NYI DANG ZER BZHIN YON TAN @102A *, ,DBYER MED PAS, ,ZHES SOGS GSUNGS PA'I PHYIR, GZHAN YANG, SKABS DANG PO GSUM GYI GTAN LA DBAB BYA'I GTZO BO DANG, BAR PA BZHI'I GTAN LA DBAB BYA'I GTZO BO 'GAL BAR THAL, SKABS DANG PO GSUM GYIS, THOS BSAM DANG, LTA BA GTZO BOR STON, BAR PA BZHIS DE LTAR MI STON PA'I PHYIR, RTAGS KHAS SO, ,'DOD MI NUS TE, KUN MKHYEN GSUM PO DE NYID SKABS BAR PA BZHIS KYANG, GTZO BOR STON PA'I PHYIR TE, DE RNAMS KYIS RNAm PA BSGOM TSUL DE GTZO BOR STON PA'I PHYIR RO, ,GZHAN YANG, RNAM RDZOGS SBYOR BA STON PA'I GZHUNG RNAMS DANG, SKABS DANG PO GSUM LA ZLOS SKYON YOD PAR THAL BA'I RTZONG PA 'GREL CHEN GNYIS SU SPONG TSUL GSUNGS PA MI 'THAD PAR THAL, DE RNAMS KYI BRJOD BYA'I GTZO BO 'GAL BA KHO NA YIN PA'I PHYIR, RTAGS KHAS SO, GZHAN YANG, RGYAN GYI CHED DU BYA BA'I GDUL BYA 'DI NYID THEG DMAN GYI LAM LA 'JUG SRID PAR THAL, SKABS 'DIR NI THEG DMAN DGRA BCOM THEG CHEN GYI LAM LA 'JUG PA'I RIM PA GTZO BOR DNGOS SU BSTAN PA'I PHYIR, RTAGS KHAS, DES NA SNGAR BSHAD PA DE THAMS CAD MI 'THAD PAR THAL, RNAM MKHYEN MTSON BYED KYI CHOS BCU LAM GYI GZHIR BZUNG NAS DE LA GNAS SKABS MNGON PAR RTOGS PA BRGYAD DU PHYE BA YUM GSUM GYI MDO DANG, RGYAN GYI BRJOD BYA'I GTZO BO YIN PA'I PHYIR TE, ,CHOS SPYONG BCU YI BDAG NYID KYI,, @102B MNGO NGON DRAN PA LA BZHAG NAS, ,ZHES SOGS GSUNGS PA'I PHYIR DANG 'GREL CHEN LAS KYANG, JI SKAD DU BSHAD PA'I BRJOD PAR BYA BA, 'PHAGS PA SHES RAB KYI PHA ROL TU PHYIN PA STONG PHRAG BRGYA PA LA SOGS PA'I MDO'I DON BYANG CHUB KYI SEMS DANG, GDAM NGAG LA SOGS PA SGRUB PA'I RANG BZHIN GNAS SKABS BRGYAD KYI DBYE BA PHYE BA THAMS CAD, ZHES SOGS GSUNGS PA'I PHYIR TE, SEMS SKYED NYAMS LEN GYI GNAS SKABS LA GZHI SHES DANG LAM SHES GNYIS PO BZHAG ,SGRUB PA NYAMS LEN GYI GNAS SKABS LA SBYOR BA BZHI DANG, RNAM MKHYEN DANG, CHOS SKU RNAMS BZHAG PA'I PHYIR DANG, GDAM NGAG 'CHAD PA'I GZHUNG RNAMS KYIS THEG CHEN GYI LAM GYI RIM PA RDZOGS PAR BSTAN PA'I PHYIR, DANG PO GRUB STE, SEMS BSKYED KYI SNGA ROL DU MI RTAG SOGS BCU DRUG RTOGS PA'I SKYES BU 'BRING GI BSAM PA SBYANGS PA SNGON DU 'GRO DGOS SHING, DE LA BRTEN NAS BYANG CHUB KYI MCHOG TU SEMS BSKYED PAS KUN NAS SLANGS SHING, STONG NYID MNGON SUM DU RTOGS PA'I SHES RAB KYIS ZIN PA'I MI RTAG LA SOGS BCU DRUG MNGON SUM DU RTOGS PA DANG, GNYIS STONG MNGON SUM DU RTOGS PA'I YE SHES DANG, SRID ZHI'I MTHA' GNYIS LA MI GNAS PA'I YE SHES SKABS GSUM PA DANG, GNYIS PA NAS DNGOS SU BSTAN PA'I BYANG CHUB SEMS DPA'I YE SHES DE RNAMS GZHI SHES DANG, LAM SHES PA YIN PA'I PHYIR RO, ,RTZA RTAGS GNYIS PA @103A *, ,GRUB STE, BYANG SEMS KYI MKHYEN PA DE NYID BRTZON 'GRUS KHYAD PAR CAN LA BRTEN NAS THEG CHEN GYI LAM NYAMS SU LEN PHAN SGRUB PA BZHI DANG, ZHI LHAG ZUNG 'BREL GYI MKHYEN GSUM GYI RNAM PA GTZO BOR SGOM PA'I LDOG CHA NAS SBYOR BA BZHI RU PHYE BA NI GANG ZHIG ,THEG CHEN SGRUB PA'I THOB BYA MTHAR THUG DE LA NI, CHEN PO GSUM DANG, 'BRAS BU CHOS SKU DANG, RNAM PA THAMS CAD MKHYEN PA NYID BZHAG PAR BYA BA YIN PA'I PHYIR, RTZA RTAGS GSUM PA GRUB STE, 'DIS KYANG SKYES BU'I DON THAMS CAD PHUN SUM TSOGS PAR 'GYUR BA YIN NO, ,ZHES SOGS GSUNGS PA'I PHYIR, DE YANG GO BDER BSDUS NA, SKABS BRGYAD KYI BRJOD BYA'I GTZO BO YIN KHYAB SNYAM YIN ZHING, SHER PHYIR GYI MDO DANG MNGON RTOGS RGYAN GYI BRJOD BYA'I GTZO BO YIN KHYAB SNYAM YIN TE, RNAM MKHYEN MTSON BYED KYI CHOS BCU PO DE NYID LAM GYI GZHIR BZUNG NAS DE LA GNAS SKABS MNGON PAR RTOGS PA BRGYAD DU PHYE BA DE NYID LA THOS BSAM GYIS SGRO 'DOGS BCAD NAS BRTZON 'GRUS KHYAD PAR CAN LA BRTEN TE NYAMSU LEN TSUL DANG, ZHI LHAG ZUNG 'BREL GYI RNAL 'BYOR LA BRTEN TE MKHYEN GSUM GYI RNAM PA SGOM TSUL DANG, DE LTAR BYAS PAS CHOS SKU THOB NAS 'PHRIN LAS 'JUG TSUL, DE DAG THAMS CAD KYI GTZO BOR STON PA'I PHYIR TE, GZHAN DU MDO DANG RGYAN GYI BRJOD BYA'I GTZO BO 'GA' ZHING, YUM GSUM GYI @103B BRJOD BYA'I GTZO BO YANG 'GAL BAR THAL BA'I SKYON YOD PA'I PHYIR RO, ,DE LTA NA YANG DE RNAMS DANG ZLOS SKYON MED DE, BRJOD TSUL DANG, DGOS PA LA MI 'DRA BA'I KHYAD PAR YOD PA 'I PHYIR, DPER NA DON GCIG GTAN LA 'BEBS PAR BYED PA LA; 'DOR BSTAN, RGYAS BSHAD, DON SDU GSUM DU BYAS PA'I TSE, DE RNAMS KYI BRJOD BYA'I GTZO BO YIN KHYAB SNYAM YIN YANG, ZLOS SKYON MED PA BZHIN SNYAM DU SEMS SO, ,GNYIS PA GZHUNG DON NI, RGYAN GYIS GTAN LA DBAB BYA'I GTZO BO LA, DNGOS PO BRGYAD DU YOD DE, ,SHES BYA'I MNGON RTOGS GSUM, SBYOR BA'I MNGON RTOGS BZHI, 'BRAS BU'I MNGON RTOGS GCIG RNAMS SU YOD PA'I PHYIR, DANG PO GRUB STE, DE LA KUN MKHYEN GSUM YOD PA'I PHYIR, ,GNYIS PA GRUB STE, DE LA RNAM RDZOGS SBYOR PA NAS, SKAD CIG SBYOR GYI BAR BZHI YOD PA'I PHYIR TE, DE SKAD DU YANG, YUL NI RNAM PA GSUM PO RGYU, ,SBYOR BA BZHI YI BDAG NYID DANG, ,CHOS SKU'I 'PHRIN LAS 'BRAS BU NI, ,DON BSDUS GZHAN TE RNAM PA GSUM, ,ZHES SOGS GSUNGS PA'I PHYIR, ` GSUM PA TSIG DON BSHAD PA NI, SEMS BSKYED PA NI GZHAN DON PHYIR, ZHES SOGS KYI SKABS SU, , SPYI DON DANG, GZHUNG DON GNYIS, DANG PO LA SEMS BSKYED KYI PHAN YON, SEMS JI LTAR BSKYED PA'I TSUL, SEMS BSKYED DNGOS, RTZOD SPANG DANG BZHI, DANG PO LA THEG PA CHEN PO'I SEMS BSKYED NI BSAM GYIS MI KHYAB PA'I @104A *, ,PHAN YON KHYAD PAR CAN DANG LDAN TE THEG CHEN GYI 'JUG SGO DAM PA BYED PA, SDIG LTUNG THAMS CAD 'JOM PAR BYED PA, NYER 'TSE KUN LAS SKYOB PAR BYED PA, RNAM SMIN GYI 'BRAS BU MI ZAD PAR BYED PA, GZUGS SKU MYUR DU THOB PAR BYED PA LA SOGS PA'I PHAN YON DANG LDAN PA'I PHYIR, DANG PO GRUB STE, SPYONG 'JUG LAS, BYANG CHUB SEMS SKYES GYUR NA SKAD CIG GIS, ,'KHOR BA'I BRTZON PAR BSDAMS PA'I NYAMS THAG RNAMS, ,BDE GSHEGS RNAMS KYI SRAS ZHES BRJOD BYA ZHING, 'JIG RTEN LHA MIR BCAS PA'I PHYAG BYAR 'GYUR, ZHES (RGYAN) DANG, DE RING SANGS RGYAS RIGS SU SKYES, ,SANGS RGYAS SRAS SU DA GYUR TO, ,ZHES DANG, BYAMS PA'I RNAM PAR THAR PA LAS KYANG, RIGS KYI BU 'DI LTAR TE, DPER NA, RDO RJE RIN PO CHE NI CHAG KYANG GSER GYI KHYAD PAR CAN DU 'PHAGS PA THAMS CAD ZIL GYIS GNON ZHING, RDO RJE RIN PO CHE'I MING YANG MI 'DOR LA, DBUL BA RNAMS KYANG RNAM PAR ZLOG GO ,RIGS KYI BU DE BZHIN DU, THAMS CAD MKHYEN PAR SEMS BSKYED PA'I RDO RJE RIN PO CHE NAN TAN DANG BRAL YANG NYAN THOS DANG RANG SANGS RGYAS KYI YON TAN GYI GSER GYI RGYAN THAMS CAD ZIL GYIS GNON ZHING BYANG CHUB SEMS DPA'I MING YANG MI 'DOR LA, 'KHOR BA'I DBUL BA THAMS CAD KYANG RNAM PAR ZLOG GO ,ZHES DANG, RIN CHEN PHRENG BA LAS, BDAG NYID DANG NI 'JIG @104B RTEN 'DIS, ,BLA MED BYANG CHUB THOB 'DOD NA, ,DE YI RTZA BA BYANG CHUB SEMS, ,RI DBANG RGYAL PO LTAR BRTAN DANG, ,ZHES SOGS DANG, LAG NA RDO RJE DBANG BSKUR BA'I RGYUD LAS KYANG, BYANG CHUB SEMS DPA' CHEN PO GZUNGS SNGAGS CHEN PO'I DKYIL 'KHOR SHIN TU RGYA CHE BA 'DI DANG SHIN TU ZAB PA 'DI GTING DPAG DKA' BA DANG, GSANG BA BAS KYANG CHES GSANG BA, SEMS CAN SDIG PA CAN RNAMS LA BSTAN DU MI RUNG BA 'DI NI, LAG NA RDO RJE KHYOD KYIS SHIN TU DKON PA ZHIG SMRA STE, 'DI NI SNGON MA THOS NA, 'DI NI SEMS NA JI LTA BU DAD LA BSHAD PAR BYA, LAG NA RDO RJES SMRAS PA, 'JAM DPAL GANG DAG BYANG CHUB KYI SEMS BSGOM PA LA BZHUGS PA DANG, GANG GI TSE DE DAG GIS BYANG CHUB KYI SEMS 'GRUB PAR GYUR PA DE'I TSE 'JAM DPAL BYANG CHUB SEMS DPA'I SPYAD PA GSANG SNGAGS KYI SGO SPYOD PA'I BYANG CHUB SEMS DPA' DE DAG YE SHES CHEN POR DBANG BSKUR BA'I GZUNGS SNGAGS KYI DKYIL 'KHOR DU GZHUG PAR BYA'O, ,GANG DAG GIS BYANG CHUB KYI SEMS RDZOGS PAR MA GYUR PA DE DAG LA NI GZHUG PAR MI BYA STE, DE DAG LA NI DKYIL 'KHOR YANG LTAR MI GZHUG GO ,DE DAG LA NI PHYAG RGYA DANG, GSANG SNGAGS BSTAN PAR MI BYA'O, ,ZHES DANG, SDONG PO BKOD PA'I MDO LAS, RIGS KYI BU BYANG CHUB KYI SEMS NI SANGS RGYAS KYI CHOS THAMS CAD KYI SA BON LTA BU'O, ,'GRO BA THAMS CAD KYI CHOS DKAR PO RNAM PAR 'PHEL @105A *, ,BAR BYED PA'I ZHING LTA BU'O, ,'JIG RTEN THAMS CAD STON PA'I SA LTA BU 'O, ,DBUL PA THAMS CAD YANG DAG PAR GCOD PAS RNAM THOS KYI BU LTA BU'O, ,BYANG CHUB SEMS DPA' THAMS CAD YONGSU BSRUNG BAS PHA LTA BU'O, ,DONTHAMS CAD YANG DAG PAR BSGRUB PAS YID BZHIN GYI NOR BU'I RGYAL PO LTA BU'O, ,BSAM PA THAMS CAD YONGS SU RDZOGS PAR BYED PAS BUM PA BZANG PO LTA BU'O, NYON MONGS PA'I DGRA PHAM PAR BYED PA LA MDUNG THUNG LTA BU'O, ,TSUL BZHIN MIN PA YID LA BYED PA 'GOG PAS GO CHA LTA BU'O, ,NYON MONGS PA'I MGO LHUNG BAR BYED PA'I RAL GRI LTA BU'O, ,NYON MONGS PA 'I SHING GCOD PA'I STA RE LTA BU'O,, 'TSE BA THAMS CAD LAS SKYOB PA'I MTSON CHA LTA BU'O, 'KHOR BA'I CHU'I NANG NA GNAS PA STENG DU 'BYIN PAS 'CHIL MA LTA BU'O, ,SGRIB PA DANG KHEBS PA'I RTZA THAMS CAD RNAM PAR 'THOR PAS RLUNG GI DKYIL 'KHOR LTA BU'O, BYANG CHUB SEMS DPA'I SPYOD PA DANG SMON LAM THAMS CAD BSDUS PA'I PHYIR MDOR BSTAN PA LTA BU'O, ,LHA DANG MI DANG LHA MIN DANG BCAS PA'I 'JIG RTEN LA MCHOD RTEN LTA BU STE, ,RIGS KYI BU DE LTAR BYANG CHUB KYI SEMS NI YON TAN DE DAG DANG YON TAN GYI BYE BRAG TSAD MED PA GZHAN DANG YANG LDAN NO, ,ZHES GSUNGS SO, ,GNYIS PA GRUB STE, SPYOD 'JUG LAS, SDIG PA STOBS CHEN SHIN TU MI ZAD PA, ,DE NI RDZOGS PA'I BYANG CHUB SEMS @105B MIN PA, ,DGE GZHAN GANG GIS ZIL GYIS GNON GYUR, ,ZHES DANG, DES NI DUS MTHA'I ME BZHIN SDIG CAN RNAMS, ,SKAD CIG GCIG GIS NGES PAR SREG PAR BYED, ,CES GSUNGS PA'I PHYIR, GSUM PA GRUB STE, SPYOD 'JUG LAS, SEMS CAN RNAMS KYI GLANG NAD TZAM, ,BSAL LO SNYAM DU BSAM NA YANG, ,PHAN 'DOD BSAM PA DANG LDAN DE, ,BSOD NAMS DPAG MED LDAN GYUR NA, ,SEMS CAN RE RE'I MI BDE BA, ,DPAG TU MED PA BSAL 'DOD CING, ,RE RE'ANG YON TAN DPAG MED DU, ,BSGRUB PAR 'DOD NA SMOS CI DGOS, ZHES DANG, DPA' LA BRTEN NAS 'JIG PA CHEN PO LTAR, ,GANG LA BRTEN NAS YUD KYIS SGROL GYUR BA, ,DE LA BAB, CAN RNAMS KYIS CIS MI BRTEN, ZHES GSUNGS PA'I PHYIR, BZHI PA GRUB STE, DGE BA GZHAN KUN CHU SHING BZHIN DU NI, , 'BRAS BU SPYAD PAS ZAD PAR 'GYUR BA NYID, ,BYANG CHUB SEMS KYI LJON SHING RTAG PAR YANG, , 'BRAS BU SPYAD PAS MI ZAD 'PHEL BAR 'GYUR, ZHES SOGS BSAM GYI MI KHYAB PA 'BYUNG BA'I PHYIR, LNGA BA GRUB STE, SPYOD 'JUG LAS, GSER 'GYUR RTZI YI RNAM PA MCHOG LTA BU, ,MI GTZANG LUS 'DI BLANGS NAS RGYAL BA'I SKU, ,RIN CHEN RIN THANG MED PAR BSGYUR BAS NA, ,BYANG CHUB SEMS ZHES BYA BA RAB BRTAN BZUNG, ,ZHES GSUNGS PA'I PHYIR RO, ,GNYIS PA LA, RGYU GANG LA BRTEN NAS JI LTAR SKYE BA, ,BYANG CHUB KYI SEMS SBYONGS BA'I@106A *, ,RIM PA, ,SEMS BSKYED SKYE BA'I LUS RTEN BSHAD PA, SKYES PA'I TSAD, CHO GAS BZUNG BA'I TSUL DANG LNGA'O, ,DANG PO NI, SANGS RGYAS SAM, BYANG SEMS KYI MTHU BSAM GYI MI KHYAB PA RANG GI MTHONG BA'AM, YID CHES PA THOS PA LA BRTEN NAS GANG LA GNAS PA DANG BZHUGS PA'I BYANG CHUB DE NI MTHU CHE'O MNYAM NAS SEMS BSKYED PA DANG, SDE SNONG NYAN BA NA, SANGS RGYAS KYI YE SHES LA MOS NAS SEMS BSKYED PA DANG, CHOS MA THOS KYANG BYANG SEMS KYI DAM CHOS NUB DU NYE BA MTHONG BA NA DE LTA BU YUN RING DU GNAS PA'I PHYIR SEMS BSKYED PA DANG RE ZHIG BDAG GIS SEMS BSKYED NA GZHAN YANG DE LTA BUR 'GYUR SNYAM NAS SEMS BSKYED PA DKA' BAR MTHONG STE SEMS BSKYED PA RNAMS SU YOD DO, ,GNYIS PA LA JO BOS GSUNGS PA'I TSUL DANG, RGYAL SRAS ZHI BA LTAS GSUNG TSUL GNYIS, DANG PO LA, RGYU 'BRAS BDUN YOD DE, RDZOGS PA'I SANGS RGYAS BYANG CHUB KYI SEMS LAS BYUNG LA, SEMS DE LHAG BSAM LAS DANG, BSAM PA DE SNYING RJE CHEN PO LAS DANG, SNYING RJE DE BYAMS PA LAS DANG, BYAMS PA DRIN DU BZO BA LAS DANG, DRIN BZO DRIN DRAN LAS DANG, DRIN DRAN MAR SHES LAS BYUNG BA STE BDUN NO, ,'DI LA GNYIS, RIM PA LA NGES PA BSKYED PA DANG, RIM CAN DU SBYANG BA DNGOS, DANG PO LA THEG CHEN LAM GYI RTZA BA SNYING RJER BSTAN PA DANG, RGYU 'BRAS GZHAN @106B RNAMS DE'I RGYU DANG 'BRAS BUR 'GYUR TSUL GNYIS, DANG PO NI, SNYING RJE NI THOG MAR GAL CHE BA YIN TE, BLO GROS MI ZAD PA BSTAN PA LAS, BTZUN PA SHAR DVA TI'I BU, GZHAN YANG BYANG CHUB SEMS DPA' RNAMS KYI SNYING RJE CHEN PO MI ZAD DO, ,DE CI'I PHYIR ZHE NA, SNGON TU 'GRO BA'I PHYIR RO, SHAR DVA TI'I BU, 'DI LTA STE, DPER NA DBUGS PHYI NANG DU RGYU BA NI MI'I SROG GI DBANG PO'I SNGON DU 'GRO BA YIN NO, ,DE BZHIN DU BYANG CHUB SEMS DPA'I SNYING RJE CHEN PO NI THEG PA CHEN PO YANG DAG PA 'GRUB PA'I SNGON DU 'GRO BA YIN NO, ,ZHES GSUNGS PA'I PHYIR, DE BAR DU GAL CHE STE, SEMS BSKYED NAS BZHUGS KYANG SEMS CAN GRANGS MANG ZHING, BYED NGAN PA DANG BSLAB PAR BYA BA YANG SHIN TU BYA DKA' ZHING MTHA' YAS PA DANG, DUS KYANG DPAG TU MED PAR DGOS PAR MTHONG BA NA, THEG DMAN DU LTUNG BAR 'GYUR BA DE NYID, SNYING RJE CHEN POS 'GOG PAR BYED PA'I PHYIR, DE THA MAR GAL CHE STE, 'BRAS BU SANGS RGYAS BRNYES PA'I TSE THEG DMAN BZHIN, ZHI BAR MI GNAS PAR NAM MKHA' JI SRID DU 'GRO BA'I DON MDZAD PA YANG SNYING RJE CHEN PO KHO NA LA RAG LAS PA'I PHYIR TE, SGOM RIM PAR PA LAS, SNYING RJE CHEN POS YONGS SU ZIN PAS NA SANGS RGYAS BCOM LDAN 'DAS RNAMS RANG GI DON PHUN SUM TSOGS PA MTHA' DAG BRNYES KYANG SEMS CAN GYI KHAMS MTHAR THUG GI BAR DU BZHUGS PAR MDZAD DO, ZHES GSUNGS PA'I @107A *, ,PHYIR DANG, 'JUG PA LAS, GANG PHYIR BRTZE NYID RGYAL BA'I LO TOG PHUN TSOGS 'DI'I, ,SA BON DANG NI SPEL LA CHU 'DRA YUN RING DU, ,LONGS SPYOD GNAS LA SMIN PA LTA BUR 'DOD GYUR PA, ,DE PHYIR BDAG GIS THOG MAR SNYING RJER BSTOD PAR BGYI, ,ZHES BRTZE BA SNYING RJE CHEN PO RGYAL BA'I LO TOG PHUN TSOGS BSKYED PA LA THOG MAR GAL CHE BA SA BON DANG, BAR DU GAL CHE BA CHU LUNG DANG, THA MAR GAL CHE BA 'BRAS BU SMIN PA LTA BUR GSUNGS BA'I PHYIR RO, ,CHOS YANG DAG PAR SDUD PA'I MDO LAS KYANG, BCOM LDAN 'DAS BYANG CHUB SEMS DPAS CHOS RAB TU MANG PO LA BSLAB PAR MI 'GYI'O,, BCOM LDAN 'DAS BYANG CHUB SEMS DPAS CHOS GCIG RAB TU BZUNG ZHING, RAB TU RTOGS PAR BGYIS NA SANGS RGYAS KYI CHOS THAMS CAD DE'I LAG MTHIL NA MCHIS PA LAGS SO, ,CHOS GCIG PO GANG ZHE NA, 'DI LTA STE, SNYING RJE CHEN PO'O, ,BCOM LDAN 'DAS SNYING RJE CHEN POS NI SANGS RGYAS KYI CHOS THAMS CAD BYANG CHUB SEMS DPA' RNAMS KYI LAG MTHIL DU MCHIS PA LAGSO, ,ZHES GSUNGS SO, , GNYIS PA NI, MAR SHES NAS BYAMS PA'I BAR RGYUR 'GYUR TSUL NI BZHAG TU YOD DE, DE LTAR YID LA BSAMS PA LAS, SEMS CAN LA YID 'ONG GI BYAMS PA SKYE ZHING, SEMS CAN @107B YID 'ONG DU LEGS PAR MTHONG BA DE NYID SDUG BSNGAL DANG BRAL BAR 'DOD PA'I THABS KYI GTZO BO YIN PA'I PHYIR TE, YID LA SHIN TU GCES PA'I GNYEN SDUG BSNGAL GYIS MNANG BA MTHONG NA, DE DANG BRAL 'DOD DANG GIS SKYE BAR MNGON SUM GYI TSAD MAS GRUB CING, DE LTAR DU DPAL LDAN ZLA GRAGS DANG, BTZUN PA ZLA BA DANG, SLOB DPON KA MA LA SHI LA RNAMS KYI GSUNGS PA'I PHYIR, LHAG BSAM DANG SEMS BSKYED 'BRAS BUR 'GYUR TSUL NI, DE LTAR BLO RIM GYI SKYANG PAS SEMS CAN THAMS CAD KYI SDUG BSNGAL RANG NYID GCIG PUS SEL ZHING, BDE BA THAMS CAD BDAG NYID GCIG PUS BSGRUB PAR BYA'O SNYAm PA'I LHAG PA'I BSAM PA DANG, DE LA BRTEN NAS BYANG CHUB KYI SEMS 'BYUNG BA'I PHYIR, LHAG BSAM RNAM DAG NI, SEMS CAN THAMS CAD KYI SDUG BSNGAL SEL BAR 'DOD PA'I RNAM PA CAN YIN TE, BLO GROS RGYA MTSOS ZHUS PA LAS, BLO GROS RGYA MTSO, DPEN NA TSONG DPON NAM KHYIM BDAG GCIG LA BU GCIG PA 'DOD PA YOD LA, SDUG PA, PHANGS PA, YID DU 'ONG BA, MTHONG NA MI MTHUN PA MED PA ZHIG YOD LA, KHYE'U DE YANG BYIS PAR GYUR PAS GAR BYED PAS MI GTZANG BA'I DONG DU LHUNG BAR 'GYUR TO, ,DE NAS KHYI'U DE'I MA DANG GNYEN GYIS, KHYI'U DE MI GTZANG BA'I DONG DU LHUNG BA DE MTHONG LA, MTHONG NAS KYANG, TSE NGE CHEN PO 'DEBS SHING MYA NGAN BYED LA SMRE SNGAGS 'DON TE, MI GTZANG BA'I DONG DER ZHUGS TE, KHYI'U DE 'DON PAR MI BYED DO, DE NAS @108A *, ,KHYI'U DE'I PHA PHYOGS DER SONG STE, DES BU GCIG PO DE MI GTZANG BA'I DONG DU LHUNG PAR MTHONG NGO, ,MTHONG NAS KYANG RING BA RING BAR STABS PA'I TSUL GYIS BU GCIG PO DE 'DON PA'I BLOS SRED PAR BYA STE SKYUG DRO MED PAR MI GTZANG BA'I DONG DER BABS TE, BU GCIG PO BYUNG BAR GYUR TO, ZHES GSUNGS PA'I PHYIR, GNYIS PA RIM CAN DU SBYANG BA DNGOS LA, GZHAN DON DON GNYER GYI BLO SBYANG BA DANG, BYANG CHUB DON GNYER GYI BLO SBYANG BA GNYIS, DANG PO NI, SEMS CAN THAMS CAD LA MNYAM SNYOMS CAN GYI BTANG SNYOMS NGES PAR BSGOM DGOS TE, DE LTAR MA BYAS NA BYAMS SNYING RJE PHYOGS RIS CAN DU 'GYUR PA'I PHYIR, DE LTAR SGRUB TSUL NI, SEMS CAN THAMS CAD BDE BA 'DOD CING, SDUG BSNGAL MI 'DOD PAR MTHONG BA DANG, THOG MA MED PA NAS DRIN CAN GYI PHA MA BYAS TSUL LEGS PAR BSAMS NAS CHAGS PA DANG RJES SU CHAGS PA DANG, KHONG KHRO BA MED PAR DGRA GNYEN BAR MA'I SEMS CAN LA THOG MAR BSGOM, DE RJES DGRA DANG GNYEN LA YANG BSGOM PAR BYA BA YIN TE, DE DAG NYID LA SEMS SNYAMS SO, ,RNAM PA DAG NI BCUR BSHAD DO, ,ZHES GSUNGS PA'I PHYIR, YID 'ONG GI RNAM BA CAN GYI BYAMS PA BSGRUB TSUL NI, SGOM RIM PAR PA LAS, BYAMS PA'I CHUS SEMS KYI RGYUD BRLAN TE, GSER YOD PA'I SA BZHIN DU BYAS LA SNYING RJE'I SA BON BTAB NA BDE BLAG TU SHIN TU YONGS @108B SU RGYAS PAR 'GYUR TO, ,DE NAS SEMS KYI RGYUD BYAMS PAS BGOS NAS SNYING RJE BSGOM PAR BYA'O, ,ZHES GSUNGS SO, ,DES NA YID 'ONG GI RNAM PA CAN GYI BYAMS PA NI SNYING RJE'I SA BON BLA NA MED PA YIN TE, CHAGS SDANG DANG BRAL BA'I BTANG SNYOMS BYAMS PAS BRLAN PAR BYAS PA LAS, DE MA THAG SNYING RJE CHEN PO'I LJON SHING 'KHRUNGS PAR GDON MI ZA BA'I PHYIR RO, ,'DI LA YANG SEMS CAN THAMS CAD MAR SHES PA DANG, DRIN DRAN PA; DRIN DU BZO BA RNAMS NGES PAR SNGON DU 'GRO DGOS LA, MAR SHES NI, SA'I DNGOS GZHIR DRANGS PA LAS, SNGON YUN RING PO 'DAS PA NAS GANG DU KHYED MA SKYES PA DANG, MA SONG BA DANG, MA SHI BA'I SA PHYOGS DE NGAS MTHONG BAR DKA'O, ,YUN RING PO 'DAS PA NAS SEMS CAN GANG KHYED KYI PHA'AM, MA'AM, PHU NU'AM, SRING MO 'AM, SLOB DPON NAM, MKHAN PO 'AM, BLA MA'AM, BLA MA'I NYE GNAS LTA BUR MA GYUR BA DE NI NGAS MTHONG BAR DKA'O, ,ZHES GSUNGS SHING, BSHES SPRINGS LAS, MA YI THUGS MTHA' RGYA SHUGS TSIG GU TZAM, RIL LUR BA GRANGS KYANG SA YI LANG MI 'GYUR, ZHES SEMS CAN RE RE'ANG BDAG GI MA, DE'I YANG MA, DE'I YANG MAR GYUR BA'I GRANGS BSAM GYIS MI KHYAB PAR GSUNGS PA'I PHYIR TE, MDO LAS, DGE SLONG, DPER NA SKYES BU 'GA' ZHIG GIS SA CHEN PO 'DI LA RGYA SHUG GI TSIG GU TZAM GYI RIL LU THOG MED 'DI NI BDAG GI MA'O, ,'DI @109A *, ,NI BDAG GI MA DE'I MA'O, ,ZHES 'DOR BAR BYED NA, DGE SLONG SA CHEN PO 'DI'I 'JIM PA NI CHES SNGA BAR ZAD PAR 'GYUR GYI MI RNAMS KYI MA'I RGYUD DE LTAR MIN PAR NGA SMRA'O, ,ZHES GSUNGS PA LTAR BSGOM MO, DRIN DRAN NI, SEMS CAN THAMS CAD CHOS CAN, BDAG GI BDE BA THAMS CAD SGRUBS SHING, SDUG BSNGAL THAMS CAD BSAL BA'I DRIN CAN SHA STAG YIN TE, 'KHOR PA THOG MED NAS DA LTA'I BAR GYI PHA MA BYAS PA SHA STAG YIN PA'I PHYIR, DPER NA, TSE 'DI'I MA BZHIN NO, ,DE CHOS CAN, DA DUNG YANG BDAG BRTZE BAS SKYONG BAR 'GYUR BA SHA STAG YIN TE, KHYOD RNAMS BDAG GI MAR GYUR PA'I 'O MA 'THUNG TSUL SOGS BSAM GYIS MI KHYAB PA'I PHYIR TE, BSHES SPRING LAS, RE RES RGYA MTSO BZHI LAS LHAG PA YIS, 'O MA BTUNG STE DA DUNG SO SO YI, ,SKYE BO'I RJES SU 'BRANGS PA'I 'KHOR BA PAS, ,DE BAS CHES MANG NYID GCIG BTUNG 'TSAL LO, ,ZHES SNGAR BTUNG BA LAS KYANG LHAG PAR DA DUNG 'THUNG BAR GSUNGS PA'I PHYIR, DRIN BZO NI BDAG GIS SEmS CAN THAMS CAD KYI BDE BA SGRUB CING SDUG BSNGAL THAMS CAD SEL BA'I THABS LA 'BAD DGOS TE, SEMS CAN 'DI DAG THAMS CAD NI BDAG GI BDE BA THAMS CAD BSGRUBS SHING, SDUG BSNGAL THAMS CAD BSAL PA'I DRIN CAN SHA STAG YIN PA'I PHYIR, RTAGS GRUB STE, SLOB SPRING LAS, NYE DU 'KHOR @109B BA'I RGYA MTSO'I KHONGS SU CHUD GYUR PA, ,KLONG GI NANG DU LHUNG BA LTA BUR SNANG BZHIN DU, ,SKYE SHI 'PHOS PAS NGO MA SHES PA DE BOR NAS, ,GAL TE GCIG THAR BYED NA DE LAS KHREL BOR MED, ,CES GSUNGS PA'I PHYIR, DES NA DE LTA BU'I DRIN CAN 'DI RNAMS YAL BAR DOR, RANG NYID GCIG PU SDUG BSNGAL LAS CI THAR BYED PAR MI RIGS TE, DE LTAR NA DUD 'GRO LAS KYANG SHIN TU THA CHAD PAR 'GYUR BA'I PHYIR, DE RNAMS KYI PHAN LAN SGRUB TSUL NI 'DI LTAR YIN TE, 'KHOR BA'I PHUN TSOGS KYI BDE 'BRAS LA YID BRTAN CUNG ZAD MI RUNG BAS, GTAN DU BDE BA'I MYANG 'DAS KYI GO 'PHANGS LA 'GOD PAR BYA BA YIN PA'I PHYIR TE, DBU MA SNYING PO LAS, GZHAN YANG SNGON CHAD NYON MONGS PA'I, ,GDON GYIS BRLAM PA BDAG GIS NI, ,RMAL 'GYUR BYED 'DEBS PA BZHIN, ,SDUG BSNGAL NAD PA GANG 'DUG BYAS, ,SKYE BA GZHAN DU GANG DAG GIS, ,BYAMS DANG BSNYEN BKUR PHAN PA BYAS, ,DE LA LAN DU PHAN GDAGS PA, ,MYA NGAN 'DA' LAS GZHAN CI YOD, ,CES GSUNGS PA'I PHYIR, YID 'ONG GI RNAM PA CAN GYI BYAMS PA BSGOM TSUL NI, SEMS CAN THAMS CAD LA DMIGS NAS, BDE BA DANG PHRAD NA CI MA RUNG, BDE BA DANG PHRAD PAR GYUR CIG ,BDE BA DANG PHRAD PAR BYA'O SNYAM NAS BSGOM PAR BYA BA YIN LA, DE NI PHAN YON KHYAD PAR CAN DANG LDAN TE, TING NGE 'DZIN RGYAL PO LAS, BYE BA KHRAG KHRIG DKRIGS PA'I ZHING DAG NA, ,MCHOD PA RNAM MANG DPAG @110A *, ,MED JI SNYED PA, ,SKYES MCHOG RNAMS LA DE YI RTAG MCHOD PAS, ,BYAMS PA'I SEMS KYI GRANGS DANG CHAR MI PHOD, ,ZHES GSUNGS PA'I PHYIR, 'PHAGS PA 'JAM DPAL GYI ZHING BKOD LAS KYANG, BYANG SHAR GYI MTSAMS NA SANGS RGYAS DBANG PHYUG CHEN PO'I RGYAL PO'I 'JIG RTEN GYI KHAMS STONG GIS BRGYAN BZHES BYA BA DE NA, DGE SLONG 'GOG PA LA ZHUGS PA'I BDE BA BZHIN DU SEMS CAN RNAMS KYANG BDE BA DANG LDAN NO, DER LO BYE BA BRGYA STONG DU TSANGS SPYOD SPYAD PA BAS NI ZHING 'DIR THA NA SE GOL RTOGS PA'I YUN TZAM DU SEMS CAN THAMS CAD LA BYAMS PA'I SEMS SKYES NA SNGA MA LAS BSOD NAMS CHES MANG DU SKYED NA NYIN MTSAN DU GNAS PA LTA CI SMOS, ZHES DANG, RIN CHEN PHRENG BA LAS KYANG, RJE'U TSOS GSUM BRGYA'I KHA ZAS DAG ,NYIN RE DUS GSUM SBYIN PAS KYANG, ,BYAMS PA YUD TZAM THANG CIG GIS, ,BSOD RNAMS DAG LA CHAR MI PHOD, ,LHA MI BYAMS PAR 'GYUR BA DANG, ,DE DAG KYANG NI BSRUNG BA DANG, ,YID BDE BA DANG BDE MANG DANG, ,DUG DANG MTSON GYIS GNOD MED DANG, ,'DOD PA MED PAR DON THOB DANG, ,TSANGS PA'I 'JIG RTEN SKYE 'GYUR TE, ,GAL TE GROL BAR MA GYUR KYANG, ,BYAMS CHOS YON TAN BRGYAD 'THOB PO, ,ZHES GSUNGS TE, BYAMS PA YOD NA LHA MI BYAMS SHING NGANG GIS 'DU BA DANG RGYAL BAS KYANG BDUD SDE BYAMS PA'I STOBS KYIS @110B PHAM PAR MDZAD PAS BSRUNG BA'I MCHOG TU 'GYUR BA GSUNGS SO, ,SKYE BA DKA' YANG 'BAD DGOS TE, BSLAB BTUS LAS, GSER 'OD DAM PA LAS BYUNG BA'I BYAMS PA DANG SNYING RJE BSGOM PA STON PA'I TSIGS BCAD RNAMS LA SEMS THAMS CAD KYIS BSAMS TE THA NA TSIG TU YANG STON TE SGOM PAR GSUNGS SO, ,TSIG DE NI 'DI YIN TE, GSER 'OD DAM PA'I RNGA CHEN SGRA YIS NI, ,STONG GSUM 'JIG RTEN 'JIG RTEN GSUM 'DI NA, , NGAN SONG SDUG BSNGAL GSHIN RJE'I SDUG BSNGAL DANG, ,DBUL BA'I SDUG BSNGAL SDUG BSNGAL ZHI BAR SHOG ,ZHES SOGS LTAR, DES NA THOG MAR GANG NYE BA LA DMIGS NAS BSGOM, DE NAS BAR MA, DES NAS DGRA LA DMIGS NAS BSGOM PAR BYA STE, BYAMS PA DE NI BSAM GYIS MI KHYAB PA'I PHAN YON DANG LDAN PA'I PHYIR, BYAMS PA DANG SNYING RJE LA BRTEN NAS LHAG BSAM BSGOM TSUL NI, BYAMS SNYING RJE TSUL BZHIN DU SBYANGS PA'I RJES SU TSIG TZAM LA BRTEN NAS KYANG, SEMS CAN THAMS CAD KYI SDUG BSNGAL THAMS CAD, ` ,BDAG GIS BSAL BAR BYA'O SNYAM DU BSGOM PAR BYA BA YIN TE, DE LTAR BYAS PAS, THEG CHEN SEMS BSKYED RANG STOBS KYIS 'DREN PAR NUS PA'I PHYIR, ` ,GNYIS PA NI SNGAR BSHAD PA'I RIMS PAS GZHAN DON DON GNYER GOMS PA NA, BYANG CHUB DON GNYER GYI BSAM PA SKYE BAR 'GYUR TE, DE LTAR BSAM PA LAS SEMS CAN MTHA' DAG GI LSDUG BSNGAL MTHA'@111A *, ,DAG SEL BAR BYED PA DANG, BDE BA MTHA' DAG SGRUB PAR BYED PA'I NUS PA NI YANG DAG PAR RDZOGS PA'I SANGS RGYAS KHO NA LA YOD PAR RTOGS PA'I SGO NAS, SEMS CAN GYI DON DU SANGS RGYAS KYI GO 'PHANG RIN PO CHE CI NAS KYANG THOB PAR BYA'O SNYAM DU DAM BCA' BAR 'GYUR BA'I PHYIR, GNYIS PA RGYAL SRAS ZHI BA LHA'I GZHUNG LA BRTEN NAS SBYANGS PA LA GSUM LAS, DANG PO BDAG GZHAN BRJES PA'I PHAN YON DANG, MA BRJES PA'I NYES DMIGS BSAM PA NI, SPYOD 'JUG LAS, GANG GIS BDAG DANG GZHAN RNAMS NI, ,MYUR DU SKYABS PAR 'DOD PA DES, ,BDAG DANG GZHAN DU BRJE BYA BA, ,GSANG BA'I DAM PA SPYAD PAR BYA, , ZHES DANG, 'JIG RTEN BDE BA JI SNYED PA, ,DE KUN GZHAN BDE 'DOD LAS BYUNG, ,'JIG RTEN SDUG BSNGAL JI SNYED PA, ,DE KUN BDAG BDE 'DOD LAS BYUNG, ,MANG DU BSHAD LTA CI DGOS TE, ,BYIS PA RANG GIS DON BYED DANG, ,THUB PAS GZHAN GYI DON MDZAD PA, ,'DI GNYIS KYI NI KHYAD PAR BLTOS, ,BDAG BDE GZHAN GYI SDUG BSNGAL DAG ,YANG DAG BRJE BAR MA BYAS NA, ,SANGS RGYAS NYID DU MI GRUB CING, ,'KHOR BA NA YANG BDE BA MED, ,CES GSUNGS SO, ,GNYIS PA GOMS NA SKYE BA'I RGYU MTSAN NI, SPYOD 'JUG LAS, DKA' LAS PHYIR ZLOG MI BYA STE, ,'DI LTAR GOMS PA'I MTHU YIS NI, ,GANG GI MING THOS 'JIGS PA YANG, , @111B DE NYID MED NA MI DGA' 'GYUR, ZHES DANG, BDAG GI LUS NI GZHAN DAG TU, ,BZHAG PA DE LTAR DKA' BA MED, CES DANG, DE BAS JI LTAR GZHAN DAG GI ,KHU BA KHRAG GI THIG PA LA, ,KHYOD KYIS NGAR 'DZIN BYAS PA LTAR, , DE BZHIN GZHAN LA GOMS PAR GYIS, ZHES BDAG GZHAN BRJE BA DKA' BA'I PHYIR SNYAM DU BSAM NAS DE LAS LDOG PAR MI BYA STE, GOMS NA SLA BAR MI 'GYUR BA'I, ,DNGOS DE 'GA' YANG YOD MA YIN, ,ZHES DE NYID LAS GSUNGS PA LTAR MING TZAM THOS PA NA YANG 'JIGS SHING, DNGANG BA'I DGRA BO DE NYID DUS 'GA' ZHIG NA MED NA SHIN TU MI DGA' BAR 'GYUR PA SRID PA'I PHYIR DANG, GZHAN GYI LUS LA YANG, BDAG GI LUS LTAR DU GCES SPRAS BYED PA DANG, GZHAN LA BDAG BZHIN DU GCES BAR 'DZIN PAR 'GYUR TE, GZHAN GYI KHU KHRAG LA BRTEN NAS BYUNG BA'I LUS LA, BDAG GI LUS MNYAM DU 'DZIN PA BZHIN NO, GSUm PA BRJE TSUL DNGOS NI, GZHAN LA BDAG DANG, BDAG LA GZHAN NO SNYAM DU 'DZIN PA MA YIN TE, RANG NYID GCES PAR 'DZIN PA'I BLO BOR NAS GZHAN GCES PAR BZUNG STE, BDAG GI BDE PA DANG, GZHAN GYI SDUG BSNGAL BRJES TE, GZHAN GYI BDE BA 'BA' ZHIG SGRUB PHYIR DU RTZON PAR BYAD PA'I PHYIR, ` ,GSUM BA SEMS BSKYED KYI LUS BRTEN BSHAD PA NI, BDE 'GRO DANG NGAN 'GRO CI RIGS KYI RTEN LA SKYE BA YOD DE, MDO LAS, DE TSE LHA MI STONG PHRAG BRGYA, BYANG CHUB TU NI SEMS BSKYED DO, ,ZHES DANG, @112A *, ,KLU'I RGYAL PO RGYA MTSOS ZHUS PA'I MDO LAS KYANG, KLU NYIS KHRI CHIG STONG GIS BYANG CHUB KYI MCHOG TU SEMS BSKYED PAR GSUNGS PA DANG, BDAG CAG GI STON PAS DMYAL BA'I SHING RTA 'DREN PA'I GYAD DU 'KHRUNGS PA'I TSE BYANG CHUB KYI MCHOG TU SEMS BSKYED PAR GSUNGS PA DANG, BYANG CHUB SEMS DPA' SO SKYE 'GA' ZHIG ,LAS KYI DBANG GIS NGAN SONG DU SKYE BA LEN PAR GSUNGS PA'I PHYIR TE, RGYAN LAS, BLO LDAN RNAMS KYI LAS DANG NI, ,GZHAN YANG SMON LAM DAG DANG NI, ,TING NGE 'DZIN DANG DBANG 'BYOR BA'I, ,DBANG GIS SKYE PAR 'DOD PA YIN, ,ZHES GSUNGS PA'I PHYIR RO, ,NGAN SONG BA RNAMS MI KHOM PA'I GNAS SU GSUNGS PA DANG MI 'GAL TE, DE NI RAGS RTZIS KYI DBANG DU BYAS PA YIN LA, 'DIR NI ZHIB TU RTZIS PA'I DBANG DU BYAS PA'I PHYIR TE, GZHAN DU NA, RGYAL BA'I GSUNGS RAB LA YANG 'GAL 'DU SNA TSOGS YOD PA'I SKYON 'BYUNG BAR THAL BA'I PHYIR, BZHI PA NI, BYANG CHUB KYI SEMS SBYONG BA'I MAN NGAG BZHIN DU SBYANGS PA LA BRTEN NAS YID LEGS PAR KHUL THUB PA'I MYONG BA KHYAD PAR CAN SKYES PA NI, THEG CHEN GYI SEMS BSKYED SKYES PA'I TSAD YIN TE, DE NI SHUN PA'I NANG GI BU RAM GYI RO DNGOS DANG 'DRA ZHING, MYONG BA KHYAD PAR CAN MA SKYES PA'I GONG GI GZHAN DON DU RDZOGS BYANG THOB PAR 'DOD PA'I BLO NI, BUR SHING GI SHUN @112B PA'I RO MNGAR DANG 'DRA BA'I PHYIR TE, LHAG BSAM BSKUL BA LAS, BU RAM SHING SHUN SNYING PO CI YANG MED, ,DGA' BAR BYA BA'I RO NI NANG NA 'DUG ,SHUN PA ZOS PA'I MIS NI BU RAM RO, ,ZHIM PO RNYED PAR NUS PA MA YIN NO; ;JI LTAR SHUN PA DE BZHIN SMRA BA DAG ,RO LTA BU NI 'DI (LA) DON SEMS YIN, ,DE LTA BAS NA SMRA LA DGA' SPONGS LA, ,RTAG TU BAG YOD BYOS LA DON SOMS SHIG ,CES GSUNGS, LNGA PA LA GANG LAS BLANGS PA'I YUL, GANG GIS LEN PA'I RTEN, JI LTAR BLANGS PA'I CHO GA DANG GSUM, DANG PO NI, GONG MA RNAMS SMON SEMS DANG LDAN ZHING, DE'I BSLAB BYA LA GNAS PAS MI CHOG GIS, 'JUG SDOM DANG LDAN PA DGOS PAR, BZHED DE DGRA LAS RNAM RGYAL DANG MTHUN NO, ZHES GSUNGS SO, ,GNYIS PA NI, LHA KLU SOGS LUS DANG BSAM PA'I SGO NAS SMON SEMS SKYE RUNG THAMS CAD 'DI'I RTEN DU RUNG YANG 'DIR NI LAM SGRON 'GREL BAR, 'KHOR BAS YID 'BYUNG LA 'CHI BA DRAN PA, SHES RAB DANG SNYING RJE CHE BA ZHES BYUNG, ZHES GSUNGS PA LTAR RO, ,GSUM PA LA SBYOR BA'I CHO GA ,DNGOS GZHI'I CHO GA ,'JUG GI CHO GA DANG GSUM, DANG PO LA, SKYABS 'GRO KHYAD PAR CAN BYA BA DANG, GNAS GTZANG ZHING RTEN BKRAM NAS MCHOD RDZAS BSHAMS PA DANG, GSOL BA BTAB CING SKYABS 'GRO'I BSLAB BYA RNAMS LA TSUL BZHIN DU BSLAB PAR BYA'O, ,GNYIS PA NI, SLOB @113A *, ,DPON GYI MDUN DU PUS MO GA-YAS PA'I LHA NGA SA LA GTZUGS PA'AM, TZOG PU YANG RUNG BAS 'DUG LA THAL MO SBYAR NAS SEMS BSKYED PAR BYA'O, ,GZHAN DU SANGS RGYAS THOB PAR BYA'O SNYAM DU SEMS BSKYED PA TZAM MA YIN GYI, SEMS DE BSKYED PA LA DMIGS NAS BYANG CHUB MA THOB BAR DU MI BTANG NGO MNYAM DU DAM BCA' BA YIN PAS, DE'I BSAM PA CHO GA LA BRTEN NAS BSKYED PAR BYA'O, ,DE LTA BU NI SMON SEMS KYI BSLAB BYA LA SLOB MI NUS NA DMIGS PA SEMS CAN THAMS CAD KYI DON DU BDAG SANGS RGYAS SU 'GYUR BAR BYA'O SNYAM PA TZAM CHO GAS BSKYED NA NI SEMS BSKYED KYI BSLAB BYA LA SLOB NUS MI NUS THAMS CAD LA BYAS PAS CHOG GO ,SMON SEMS LA DE LTAR GNYIS RUNG GI 'JUG SEMS CHO GAS LEN PA LA BSLAB BYA LA MI SLOB NA BYAR MI RUNG BAS, KLU SGRUB DANG, THOGS MED NAS BRGYUD PA, SDOM PA'I CHO GA MANG PO LA BYAR RUNG PA DANG MI RUNG BA'I KHYAD PAR 'DOD PA NI MI RIGS SO, ,GSAL RGYAL LA GDAMS PA LAS KYANG SBYIN SOGS KYI BSLAB BYA LA SLOB MI NUS NA SEMS BSKYED PA TZAM LA YANG BSOD NAMS MANG PO 'GRUB PA KHUNGS SU MDZAD NAS, GANG PHA ROL TU PHYIN PA RNAMS LA RNAM PA THAMS CAD DU THAMS CAD KYIS SLOB PAR MI NUS PA DES KYANG 'BRAS BU CHE BA'I PHYIR, THABS KYI YONGS SU ZIN PAR BYANG CHUB TU SEMS BSKYED PAR BYA STE, ZHES @113B SGOM RIM DANG PO LAS GSUNGS PAS, SBYIN SOGS KYI BSLAB BYA LA MI SLOB PA LA SEMS BSKYED BYAR RUNG BA DANG, SDOM PA BZUNG DU MI RUNG BAR CHES GSAL LO, ,SEMS GZUNG BA'I CHO GA NI, PHYOGS BCU RNAmS NA BZHUGS PA'I SANGS RGYAS DANG BYANG CHUB SEMS DPA' THAMS CAD BDAG LA DGONGS SU GSOL, BDAG MING 'DI ZHES BGYI BAS SKYE BA 'DI DANG GZHAN DANG, GZHAN DAG TU SBYIN PA'I RANG BZHIN DANG, TSUL KHRIMS KYI RANG BZHIN DANG, SGOM PA'I RANG BZHIN GYI DGE BA'I RTZA BA BDAG GIS BGYIS PA DANG, BGYID DU STZAL BA DANG, BGYIS PA LA RJES SU YID RANG BA'I DGE BA'I RTZA BA 'DIS, JI LTAR SNGON GYI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS DANG, SA CHEN PO LA RAB TU BZHUGS PA'I BYANG CHUB SEMS DPA' CHEN PO RNAMS KYIS, BLA NA MED PA YANG DAG PAR RDZOGS PA'I BYANG CHUB TU THUGS BSKYED PAR MDZAD PA DE BZHIN DU, BDAG MING 'DI ZHES BGYI BAS KYANG DUS 'DI NAS BZUNG STE JI SRID BYANG CHUB SNYING PO LA MCHIS KYI BAR DU BLA NA MED PA YANG DAG PAR RDZOGS PA'I BYANG CHUB CHEN PO LA SEMS BSKYED PAR BGYI'O, ,SEMS CAN MA SGRAL BA RNAMS SGRAL BAR BGYI'O, ,MA 'GROL BA RNAMS GROL BAR BGYI'O, ,DBUGS MA PHYIN PA RNAMS DBUGS DBYUNG BAR BGYI'O, ,YONGS SU MYA NGAN LAS MA 'DAS PA RNAMS YONGS SU MYA NGAN LAS 'DA' BAR BGYI'O, , @114A *, ,ZHES LAN GSUM BRJOD DE, SKYABS 'GRO'I CHO GA DANG, 'DI LA SLOB DPON GYI RJES SU BZLOS DGOS PA'I GSAL KHA MA BYUNG YANG DGOS PA YIN NO, ,DE DAG NI SLOB DPON YOD PA'I LUGS YIN LA, SLOB DPON MA RNYED NA JI LTAR BYA BA NI, SEMS BSKYED KYI CHO GA JO BOS MDZAD PA LAS, DE LTAR SLOB DPON MED KYANG BDAG NYID BYANG CHUB TU SEMS BSKYED PA'I CHO GA NI, DE BZHIN GSHEGS PA SH'AKYA THUB PA DANG, PHYOGS BCU'I DE BZHIN GSHEGS PA THAMS CAD YID LA BSAMS TE PHYAG 'TSAL BA DANG, MCHOD PA'I CHO GA LA SOGS PA BYAS NAS, GSOL BA BTAB PA DANG, SLOB DPON ZHES BYA BA'I TSIG SPANGS PA'I SKYABS SU 'GRO BA LA SOGS PA'I GO RIMS SNGA MA BZHIN BYA'O, ,ZHES GSUNGS PA LTAR RO, ,GSUM PA NI, SLOB DPON GYIS, SMON SEMS KYI BSLAB BYA RNAMS SLOB MA LA BRJOD PAR BYA'O, ,DE NAS SLOB MAS KYANG, SLOB DPON GYIS GSUNGS PA'I BSLAB BYA RNAMS DANG GZHAN YANG BYANG SEMS KYI SDE SNOD DGONGS 'GREL DANG BCAS PA RNAMS LA, NYAN BSAM TSUL BZHIN DU BYAS PA'I SGO NAS NYES SPYOD MTHA' DAG SPONG BA DANG, DGE TSOGS MTHA' DAG RANG NYID KYIS SGRUB CING, GZHAN YANG DE LA 'GOD PA DANG, MA SKUL BAR ZHUGS PA RNAMS LA NGAG GIS BSNGAGS PA BRJOD PA DANG, YID KYIS RJES SU YI RANG BSGOM PAR BYA ZHING, RANG @114B GZHAN GYI DGE RTZA THAMS CAD BYANG CHUB KYI SEMS RIN PO CHE MA THOB PA THOB PAR BYA BA DANG, THOB PA MI NYAMS SHING GONG NAS GONG DU 'PHEL BAR BYA BA'I PHYIR, NYIN LAN GSUM, MTSAN LAN GSUM DU BSNGO BA DANG, SMON LAM RNAM PAR DAG PAS RGYAS BTAB PAR BYA STE, SPYONG 'JUG LAS, BYANG CHUB SEMS NI RIN PO CHE, ,MA SKYES PA RNAMS SKYES 'GYUR ZHING, ,SKYES PA NYAMS PA MED PA YANG, ,GONG NAS GONG DU 'PHEL BAR SHOG CES DANG, BYANG CHUB SEMS DANG MI BRAL ZHING, ,BYANG CHUB SPYOD LA GZHOL BA DANG, ,SANGS RGYAS RNAMS KYI YONGS BZUNG NAS, ,BDUD KYI LAS KYANG SPONG BAR SHOG ,CES DANG, BZANG PO SPYOD PA'I SMON LAM GYI MDO LAS, 'JAM DPAL DPA' BOS JI LTAR MKHYEN PA DANG, ,KUN TU BZANG PO DE YANG DE BZHIN TE, ,DE DAG KUN GYIS RJES SU BDAG SLOB CING, ,DGE BA 'DI DAG THAMS CAD RAB TU BSNGO, ,ZHES DANG, RGYAL BA RNAMS KYI DAM PA'I CHOS 'DZIN CING, ,BYANG CHUB SPYOD PA KUN TU SNANG BAR BYED, ,BZANG PO SPYOD PA RNAM PAR BYANG BA YANG, ,MA 'ONGS BSKAL PA KUN TU SPYAD PAR BGYI, ZHES SOGS GSUNGS PA'I PHYIR RO, ,GSUM PA SEMS BSKYED DNGOS LA, MTSAN NYID, DBYE BA, SO SO'I RANG BZHIN DANG GSUM, DANG PO NI, KHYAD CHOS BZHI LDAN GYI THEG CHEN SKYES BU'I RGYUD KYI DKAR PO YID KYI RNAm PAR SHES PA DE'O, ,DE NYID GO BDE BAR BRJOD NA, @115A *, ,THEG CHEN SEMS BSKYED KHYAD CHOS BZHI DANG LDAN TE, ZAB MO STONG PA NYID DANG, GZHAN DON GYI DKA' SPYAD LA SPRO BA CHE, SBYOR BA'I BRTZON 'GRUS KYI SGO NAS RTZON PA CHE, RANG GZHAN LA PHAN BDE SGRUB PAS DON CHE, BYANG CHUB CHEN PO YANG DAG PAR 'GRUB PAS 'BYUNG BA CHE BA'I PHYIR TE, DE SKAD DU YANG 'GRES PAR, SEMS BSKYED PA'I MTSAN NYID DU TSIG SU BCAD PA, ZHES DANG, RGYAN RTZA BAR, SPRO BA CHE DANG RTZON PA CHE, ,DON CHE BA DANG 'BYUNG BA CHE, ,BYANG CHUB SEMS DPA' SEMS DPA' CHE, ,DON GNYIS LDAN PA'I SEMS 'BYUNG BA, ,ZHES GSUNGS SHING, THEG PA CHEN PO'I SEMS BSKYED CHOS CAN, DON GNYIS LA DMIGS PA DANG LDAN PA'I GTZO BO SEMS SU 'BYUNG STE, GZHAN DON DANG RDZOGS BYANG LA DMIGS PA'I SEMS PA DANG MTSUNGS LDAN DU 'BYUNG BA'I GTZO BO SEMS YIN PA'I PHYIR TE, RGYAN GYI 'GREL PAR, DON GNYIS DANG LDAN PA NI, BYANG CHUB CHEN PO DANG, SEMS CAN GYI DON BYA BA LA DMIGS PA'I PHYIR RO, ,YON TAN GSUM DANG GNYIS LA DMIGS PA DANG LDAN PA'I SEMS BSKYED PA ZHES BYA'O, ,ZHES GSUNGS PA'I PHYIR, GNYIS PA LA, SA MTSAMS KYI SGO NAS DBYE BA, RNAM GZHAG GI SGO NAS DBYE BA, PHRA RAGS KYI SGO NAS DBYE BA, GROGS KYI SGO NAS DBYE BA DANG BZHI, DANG PO NI, THEG CHEN SEMS BSKYED CHOS CAN, RNAM PA BZHI YOD DE, MOS SPYOD KYI @115B SKABS SU MOS PAS SPYOD PA'I SEMS BSKYED, MA DAG SA'I SKABS SU LHAG PA'I BSAM PA RNAM PAR DAG PA'I SEMS BSKYED, DAG SA'I SKABS SU RNAM PAR SMIN PAR 'DOD PA'I SEMS BSKYED, DE BZHIN DU SANGS RGYAS KYI SAR SGRIB PA SPANGS PA'I SEMS BSKYED RNAMS SU YOD PA'I PHYIR TE, DE SKAD DU YANG RGYAN LAS, SEMS BSKYED DE NI SA RNAMS LA, ,MOS DANG LHAG BSAM DAG PA DANG, RNAM PAR SMIN PA BZHIN DU 'DOD, ,DE BZHIN SGRIB PA SPANGS PA'O, ,ZHES GSUNGS PA'I PHYIR, GNYIS PA NI, RGYAN LAS, DE YI RTZA BA SNYING RJER 'DOD, ,RTAG TU SEMS CAN PHAN PAR SEMS, ,CHOS LA MOS DANG DE BZHIN DE'I, ,YE SHES 'TSOL BAR DMIGS PA'O, ,GONG DU 'DUN PAS 'GRO BA STE, ,SDOM BA RGYA CHEN DE YI RTEN, ,LAM 'GOG PA NI MI MTHUN PHYOGS, ,SPONG ZHING DANG DU LEN PA'O, ,BSOD NAMS YE SHES RANG BZHIN GYI, ,DGE BA 'PHEL BA DE'I PHAN YON; ;PHA ROL PHYIN LA RTAG SBYOR BA, ,DE NI NGES PAR 'BYUNG BAR BRJOD, ,'DI NI MTHAR THUG PA YIN TE, ,SO SO RANG GI DER SBYONG BAS, ,BYANG CHUB SEMS DPA' SEMS BSKYED PA, ,RNAM PAR NGES PAR SHES PAR BYA, , DES NA THEG CHEN SEMS BSKYED NI CHOS CAN, RGYU DANG BCAS TE, SNYING RJE'I RTZA BA LAS 'BYUNG BAR 'DOD PA'I PHYIR, BSAM PA'I KHYED PAR DANG LDAN TE, RTAG TU SEMS CAN LA PHAN PAR SEMS BA'I PHYIR, MOS PA'I KHYAD@116A *, ,PAR LDAN TE, THEG CHEN GYI CHOS LA MOS PA'I PHYIR, DMIGS PA'I KHYAD PAR DANG LDAN TE, THEG CHEN GYI YE SHES 'TSOL BAR DMIGS PA'I PHYIR, 'GRO TSUL DANG LDAN TE, SA GONG NAS GONG DU 'DUN PA'I STOBS KYIS 'GRO BA'I PHYIR, RTEN YOD DE, BYANG CHUB SEMS DPA'I SDOM PA RGYA CHEN PO LA BRTEN PA'I PHYIR, NYES DMIGS DANG LDAN TE, THEG CHEN GYI LAM 'GOG PA NI KHYOD KYI MI MTHUN PHYOGS YIN PA'I PHYIR, MI MTHUN PHYOGS DE GANG ZHE NA, THEG DMAN GYI SEMS KUN NAS SLONG ZHING DANG DU LEN PA'O, ,PHAN YON DANG LDAN TE, BSOD NAMS DANG YE SHES KYI RANG BZHIN GYI DGE BA 'PHEL BA'I PHAN YON DANG LDAN PA'I PHYIR, SPANG BYA LAS NGES PAR 'BYUNG BAR 'DOD DE, PHA ROL TU PHYIN PA DRUG LA SBYOR ZHING NYAMS SU LEN PA'I PHYIR, 'DI'I MTHAR THUG MED PA MIN TE, SO SOR RANG GI SKABS DER SBYAR BAS MTHAR THUG PAR 'GYUR BA'I PHYIR, MNYAM GZHAG BCU'I SGO NAS NGES PAR BSTAN PAR BYA STE, GONG DU BSHAD ZIN PA'I PHYIR, GSUM PA LA, RAG PA BRDA LAS BYUNG BA'I SEMS BSKYED DANG, PHRA BA CHOS NYID KYIS 'THOB PA'I SEMS BSKYED GNYIS, DANG PO NI, RGYAN LAS, GROGS STOBS RGYU STOBS RTZA BA'I STOBS, ,THOS STOBS DGE BA GOMS PA LAS, ,MI BRTAN PA DANG BRTAN 'BYUNG BA, ,GZHAN GYIS BSTAN PA'I SEMS BSKYED BSHAD, ZHES GSUNG, DON NI, @116B GZHAN DGE BA'I BSHES GNYEN GYIS BSTAN PA'I SEMS BSKYED DU BSHAD PA DE CHOS CAN, RGYU LNGA DANG LDAN TE, GROGS DGE BA'I BSHES GNYEN GYIS STOBS LAS SKYES PA DANG, RGYU RIGS KYI STOBS DANG, SNGON DGE RTZA GOMS PA'I STOBS DANG, MANG THOS GOMS PA'I STOBS DANG, TSE 'DIR DGE BA GOMS PA'I STOBS LAS BYUNG BA RNAMS SU YOD PA'I PHYIR, GROGS STOBS LAS BYUNG BA NI MI BRTAN PA DANG, RGYU STOBS LAS BYUNG BA NI BRTAN PAR BRJOD PAR BYA'O, ,GNYIS PA LA, NGES TSIG GI SGO NAS MDOR BSTAN PA DANG, RNAM GZHAG GI SGO NAS RGYAS PAR BSHAD PA GNYIS, DANG PO NI, DON DAM SEMS BSKYED CHOS CAN, DON DAM PAR 'DOD DE, RDZOGS PA'I SANGS RGYAS RAB TU BSNYEN BKUR, BSOD NAMS DANG YE SHES KYI TSOGS RAB TU BSAGS, CHOS LA RNAM PAR MI RTOG PA'I YE SHES SU NI SKYES PA'I PHYIR TE, DE SKAD DU YANG, RGYAN LAS, RDZOGS PA'I SANGS RGYAS RAB MNYES BYAS, ,BSOD NAMS YE SHES TSOGS RAB BSAGS, ,CHOS LA MI RTOG YE SHES NI, ,SKYES PHYIR DE NI DAM PAR 'DOD, ,CES GSUNGS SO, ,YANG DE CHOS CAN, RAB DGA' KHYAD PAR DU 'PHAGS PA DANG LDAN TE, CHOS THAMS CAD BDAG MED PAR RTOGS PA'I CHOS LA SEMS MNYAM, SEMS CAN LA SEMS SNYAM, RANG GZHAN GYI SDUG BSNGAL ZAD PAR 'DOD PA DE'I BYA BA LA SEMS MNYAM, @117A *, ,SANGS RGYAS CHOS KYI BDAG GIS STONG PA DANG, RANG NYID CHOS BDAG GIS STONG PA GNYIS, NGO BO DBYER MED DU RTOGS PAS THOB BYA MCHOG LA SEMS MNYAm PA BSKYED PA'I PHYIR TE, DE SKAD DU YANG RGYAN LAS, ,CHOS DANG SEMS CAN RNAMS DANG NI, ,DE YI BYA BA SANGS RGYAS NYID, ,MCHOG LA SEMS MNYAm RNYED PA'I PHYIR, ,DE'I RAB DGA' KHYAD PAR 'PHAGS, ,ZHES GSUNGS SO, GNYIS PA NI, , RGYAN LAS, SKYE BA RGYA CHEN DE LA SPRO, ,BSAM PA YANG NI DAG PA DANG, ,LHAG MA DAG LA MKHAS PA DANG, ,NGES PAR 'BYUNG BAR SHES PAR BYA, ,ZHES GSUNGS SO, ,DON DAM SEMS BSKYED CHOS CAN, ,RNAM GZHAG DRUG DANG LDAN TE, SKYE BA'I KHYAD PAR, RGYA CHE BA'I KHYAD PAR, SPRO BA'I KHYAD PAR, BSAM PA YANG NI DAG PA'I KHYAD PAR, SA LHAG MA DAG LA MKHAS PA'I KHYAD PAR, SPANG BYA LA NGES BAR 'BYUNG BA'I KHYAD PAR DANG LDAN PA'I PHYIR; BZHI PA NI, RGYAN LAS, BSKYED PA SA DANG MTSUNGS PA STE, ,GZHAN NI BZANG PO'I GSER DANG 'DRA, ,ZLA BA YAR GYI TSES PA BZHIN, ,GZHAN NI ME DANG 'DRA SHES BYA, ,ZHES SOGS DANG, 'DIR NI, DE YANG SA GSER ZLA BA ME, ZHES SOGS GSUNGS, GSUM PA SO SO'I RANG BZHIN BSHAD PA LA, DON DAM SEMS BSKYED BSHAD PA DANG, KUN RDZOB SEMS BSKYED BSHAD PA GNYIS YOD DE, SGOM RIM BAR PA LAS, BYANG @117B CHUB KYI SEMS DE NI RNAM PA GNYIS TE, KUN RDZOB DANG DON DAM PA'O, ,DE LA KUN RDZOB NI SNYING RJES SEMS CAN MTHA' DAG MNGON PAR 'DON PAR DAM BCAS NAS 'GRO BA LA PHAN PA'I PHYIR, SANGS RGYAS SU GYUR CIG SNYAM DU BLA NA MED PA YANG DAG PAR RDZOGS PA'I BYANG CHUB 'DOD PA'I RNAM PAS SEmS DANG PO BSKYED PA'O, ,DE YANG TSUL KHRIMS KYI LE'U LAS BSTAN PA'I CHO GA BZHIN DU BYANG CHUB SEMS DPA'I SDOM PA LA GNAS PA'I MKHAS PAS PHA ROL PO LA BSKYED PAR BYA'O, ,DE LTAR KUN RDZOB KYI SEMS SKYES NAS DON DAM BYANG CHUB KYI SEMS BSKYED PA'I PHYIR 'BAD PAR BYA'O, ,DON DAM PA'I BYANG CHUB KYI SEMS DE NI, 'JIG RTEN LAS 'DAS PA, SPROS PA MTHA' DAG DANG BRAL BA, SHIN TU GSAL BA, DON DAM PA'I SPYOD YUL DRI MA MED PA, MI GA-YO BA RLUNG MED PA'I MAR ME'I RGYUN BZHIN DU MI GA-YO BA'O, DE GRUB PA NI RTAG TU GUS PAR YUN RING DU ZHI GNAS DANG LHAG MTHONG GI RNAL 'BYOR GOMS PAR BYAS PA LAS 'GYUR TE, ZHES GSUNGS SO, DANG PO LA, MTSAN NYID, DBYE BA, SA MTSAMS SGRA BSHAD DANG BZHI, DANG PO NI, THEG CHEN GYI SEMS BSKYED GANG ZHIG ,STONG NYID LA GNYIS SNANG NUB PA DE'O; ;GNYIS PA LA BCU GCIG YOD DE, SA DANG PO NAS SANGS RGYAS KYI SA'I BAR GYI STONG NYID LA GNYIS SNANG NUB PA'I YID KYI RNAM PAR SHES PA THAMS CAD DON DAM SEMS BSKYED YIN PA'I PHYIR, GSUM PA NI, SA @118A *, ,DANG PO NAS SANGS RGYAS KYI SA'I BAR NA YOD DE, DE YI RAB DGA' KHYAD PAR 'PHAGS, ,ZHES GSUNGS PA'I PHYIR, BZHI PA NI, DON DAM PA'I CHOS LA DMIGS PA'I SEMS BSKYED YIN PAS NA, DON DAM SEMS BSKYED ZHES BYA STE, CHOS LA MI RTOG YE SHES NI, ,SKYES PHYIR DE NI DAM PAR 'DOD, ,CES GSUNGS PA'I PHYIR, GNYIS PA LA MTSAN NYID, DBYE BA, SO SO'I RANG BZHIN, SA MTSAMS, SGRA BSHAD DANG LNGA; DANG PO NI, THEG CHEN GYI SEMS BSKYED GANG ZHIG ,GZHAN DON DU YANG DAG PAR RDZOGS PA'I BYANG CHUB LA DMIGS PA DE'O, ,DE SKAD DU YANG, SEMS BSKYED PA NI GZHAN DON PHYIR, ,YANG DAG RDZOGS PA'I BYANG CHUB 'DOD, ,CES GSUNGS PA'I PHYIR, GNYIS PA LA, SMON PA SEMS BSKYED DANG, 'JUG PA SEMS BSKYED GNYIS YOD DE, DE SKAD DU YANG, SPYOD 'JUG LAS, BYANG CHUB SEMS NI MDOR BSDUS NA, RNAM PA GNYIS SU SHES BYA STE; ;BYANG CHUB SMON PA'I SEMS DANG NI, ,BYANG CHUB 'JUG PA NYID YIN NO, ,ZHES GSUNGS SO, ,GSUM PA LA, SMON SEMS BSHAD PA DANG, 'JUG SEMS BSHAD PA GNYIS, DANG PO NI, THEG CHEN GYI KUN RDZOB SEMS BSKYED GANG ZHIG ,GZHAN DON DU RNAM MKHYEN YID LA BYED PA'I DRAN 'DUN MNGON GYUR DANG, SPYOD PA NYAMS LEN GYI BYA BA GNYIS KAS DNGOS SU MA ZIN PAS RAB TU PHYE BAR DMIGS PA DE'O, ,DPER NA, 'GRO'O @118B SNYAM PA'I BLO MNGON GYUR DANG, ,'GRO BZHIN PA'I BYA BAS DNGOS SU MA ZIN PA'I GNAS SKABS LTA BU'O, ,GNYIS PA NI, GNAS SKABS THAMS CAD DU BSOD NAMS RGYUN CHAGS 'PHEL BA'I THEG CHEN GYI KUN RDZOB SEMS BSKYED GANG ZHIG ,GZHAN DON DU RNAM MKHYEN YID LA BYED PA'I DRAN 'DUN MNGON GYUR DANG, SPYOD PA NYAMS LEN GYI BYA BA GNYIS KAS DNGOS SU ZIN PAS RAB TU PHYE BAR DMIGS PA'O, ,DPER NA 'GRO'O SNYAM PA'I BLO MNGON GYUR DANG 'GRO BZHIN PA'I BYA BAS DNGOS SU ZIN PA'I GNAS SKABS LTA BU'O, DE SKAD DU YANG SDONG PO BKOD PA LAS, RIGS KYI BU SEMS CAN GANG BLAN MED PA YANG DAG PAR RDZOGS PA'I BYANG CHUB TU SEMS SMON PA DE DAG KYANG DKON NO, ,DE BAS KYANG GANG BLA NA MED PA YANG DAG PAR RDZOGS PA'I BYANG CHUB TU CHAS PA'I SEMS CAN SHIN TU DKON NO, ,ZHES DANG, SGOM RIMS LAS, BYANG CHUB KYI SEMS DE YANG RNAM PA GNYIS TE SMON PA'I SEMS DANG ZHUGS PA'I SEMS SO, 'GRO BA DE DAG LA PHAN PA'I PHYIR SANGS RGYAS SU GYUR CIG CES GANG THOG MAR DON DU GNYER BA DE NI SMON PA'I SEMS SO, ,GANG PHAN CHAD SDOM PA BZUNG STE TSOGS RNAMS LA ZHUGS PA DE NI ZHUGS PA'I SEMS SO, ,ZHES DANG, SPYOD 'JUG LAS, 'GRO BAR 'DOD DANG 'GRO BA YI, ,BYE BRAG JI LTAR SHES PA LTAR, ,DE BZHIN MKHAS PAS 'DI GNYIS KYI, ,BYE BRAG RIM BZHIN SHES PAR BYA, ,ZHES DANG, @119A *, ,BYANG CHUB SMON PA'I SEMS LAS NI, ,'KHOR TSE 'BRAS BU CHER 'BYUNG YANG, ,JI LTAR 'JUG PA'I SEMS BZHIN DU, ,BSOD NAMS RGYUN CHAGS 'BYUNG BA MIN, ,GANG NAS BZUNG STE SEMS CAN KHAMS, ,MTHA' YAS RAB TU BSGRAL BA'I PHYIR, ,MI LDOG PA YI SEMS KYI SU, ,SEMS DE YANG DAG BLANG GYUR PA, ,DENG NAS BZUNG STE GNYID LOG GAM, ,BAG MED GYUR KYANG BSOD NAMS SHUGS, ,RGYUN MI CHAD PAR DU MA ZHIG ,NAM MKHA' MNYAM PAR RAB TU BYUNG, ,ZHES GSUNGS SO, ,SMON SEMS NI, THEG CHEN GYI TSOGS LAM NAS RGYUN MTHA'I BAR NA YOD DE, DE NA SPYOD PA NYAMS LEN GYI BYA BAS DNGOS SU ZIN YANG, GZHAN DON DU RNAM MKHYEN YID BYED KYI DRAN 'DUN MNGON GYUR BAS DNGOS SU MA ZIN PA'I SEMS BSKYED DANG, GZHAN DON DU RNAM MKHYEN YID BYED KYI DRAN 'DUN MNGON GYUR BAS DNGOS SU ZIN YANG, SPYOD PA NYAMS LEN GYI BYA BAS DNGOS SU MA ZIN PA'I SEMS BSKYED RNAM PA GNYIS YOD PA'I PHYIR, DANG PO GRUB STE, STONG NYID LA GNYIS SNANG NUB PA'I SEMS DPA'I RGYUD LA GZHAN DON DU RNAM MKHYEN YID BYED KYI DRAN 'DUN MNGON GYUR BA DNGOS SU MED PA'I PHYIR TE, DPER NA 'GRO'O SNYAM PA'I BLO MNGON GYUR PAS DNGOS SU MA ZIN PA'I 'GRO BA'I BYA BA BZHIN NO, ,DE SKAD DU YANG SNYING PO RGYAN LAS, DES NA SMON SEMS NI TSOGS LAM NAS BZUNG STE, SA THOB @119B NAS KYANG KHAS BLANGS PA LA NYES PA MED PAR MNGON TE, SA THOB NAS STONG PA NYID KYI DON MNGON SUM DU RTOGS KYANG, DES DNGOS SU MA ZIN PA'I SEMS BSKYED SKABS DU MAR 'BYUNG BA'I PHYIR, ZHES SOGS DANG, RGYUD BLA MAR, GANG PHYIR GZUGS LA DMUS LONG BZHIN, BYIS PAS DE SNGON MTHONG MA MYONG, ,BTZAS PA'I KHYIM GNAS BU CHUNG GIS, ,NYI MA'I GZUGS BZHIN 'PHAGS PAS KYANG, ,ZHES GSUNGS PA'I DON NI, GANG GI PHYIR, GZUGS LA DMUS LONG BZHIN DU BYIS BAS CHOS NYID DE MNGON SUM DU MTHONG MA MYONG BAS, ,BSAM GYIS MI KHYAB LA RANG NYID BTZAS PA'I KHYIM NA GNAS PA'I BU CHUNG GIS NYI MA'I GZUGS YUD TZAM MTHONG BA BZHIN DU, SANGS RGYAS LAS GZHAN PA'I 'PHAGS PAS KYANG RES 'GA' MNGON SUM DU MTHONG GI DUS RTAG TU MIN PAR SHES PAR BYA'O, ,ZHES RGYAL TSAB RJES DE'I THAD KYI tIKKAR GSUNGS PA'I PHYIR, YANG SNYING PO RGYAN LAS, STONG NYID LA MNYAM PAR GZHAG BZHIN PA'I DUS NA GANG ZAG DE'I RGYUD LA THEG CHEN SEMS BSKYED KYANG YOD MOD KYI, SEMS CAN GYI DON DU SANGS RGYAS THOB PAR BYA'O SNYAM PA'I BLO MNGON GYUR DU YOD GA LA DGOS, DE BZHIN DU YON TAN GZHAN RNAMS LA YANG SHES PAR BYA'O, ,ZHES DANG, DE YANG BZOD PA LA GNAS PA'I TSE ZHUGS PA DANG, SHES PA LA GNAS PA'I TSE, 'BRAS GNAS KYI RNAM BZHAG KYANG THAD MOD KYI DE'I TSE SBYIN SOGS RE RE'I NANG DU DRUG DRUG TSANG BAR BSDUS @120A *, ,PA'I RNAL 'BYOR NYAM SU LEN PA'I NUS BA MTHU CAN GYI RANG BZHIN DU GNAS PA YIN TE, GZHAN DU SHES SGRIB KYI SA BON 'JOMS MI NUS PAS SO, ,KUN 'BYUNG RJES SHES KYI TSE YANG BYAmS SOGS TSAD MED BZHI MNGON 'GYUR DU BSGOM PA MED KYANG GANG ZAG DE'I RGYUD LA SNGAR BSGOMS SHING, PHYIS KYANG BSGOM PAR 'GYUR BA'I YON TAN, MNYAM PAR YOD PAS 'GOG PAR LHUNG BA SOGS KYI NYES PA MED DO ZHES GSUNGS SO, GNYIS PA GRUB STE, THEG PA CHEN POR SEMS BSKYED KYANG RGYAL SRAS KYI SPYOD PA LA CUNG ZAD KYANG SLOB PAR MI NUS PA'I BYANG SEMS DBANG RTUL THEG DMAN GYI LAM LA 'JUG PAR NGES PA YOD PA'I PHYIR, DE RNAMS GO BDE BAR BSHAD NA, SAR GNAS KYI SEMS DPA'I RGYUD LA SMON PA SEMS BSKYED YOD DE, SPYOD PA DNGOS SU NYAM SU LEN BZHIN PA'I GANG ZAG GI RGYUD LA YANG GZHAN DON DU RNAM MKHYEN YID LA BYED PA'I DRAN 'DUN MNGON GYUR MED PA SRID PA'I PHYIR TE, THEG CHEN GYI KUN RDZOB SEMS BSKYED RGYUD LA YOD PA'I GANG ZAG YIN NA, DE MNGON GYUR DU RGYUD LA YOD PA'I GANG ZAG YIN PAS MKHYAB PA'I PHYIR TE, TSAD MED BZHI RGYUD LA YOD PA'I GANG ZAG YIN NA, DE MNGON GYUR DU RGYUD LA YOD PA'I GANG ZAG YIN PAS MA KHYAB PA'I PHYIR TE, TSAD MED BZHI RGYUD LA YOD PA'I GANG ZAG YIN NA DE MNGON GYUR DU RGYUD LA YOD PA'I GANG @120B ZAG YIN MI DGOS PA'I PHYIR TE, KUN 'BYUNG RJES SHES LA GNAS PA'I SEMS DPA'I RGYUD LA BYAmS SOGS TSAD MED BZHI YOD PA GANG ZHIG ,DE RNAMS DE'I RGYUD LA MNGON GYUR DU MED PA'I PHYIR, DANG PO GRUB STE, DE LTA BU DE BYAMS SOGS TSAD MED BZHI BSGOM BZHIN PA YIN PA'I PHYIR, KHYAB STE, SNYING RJE BSGOM BZHIN PA YIN NA, SNYING RJE RGYUD LA YOD PA'I GANG ZAG YIN DGOS PA'I PHYIR TE, DE YIN NA, RANG RGYUD KYI BLO SNYING RJE'I NGO BOR SKYED PAS KHYAB PA'I PHYIR TE, SNYING PO RGYAN LAS, DPER NA BLO SNYING RJE'I NGO BOR SKYED PA NYID SNYING RJE BSGOM PA'I DON YIN PA BZHIN, ZHES GSUNGS PA'I PHYIR, DE LTA BU DE BYAMS SOGS TSAD MED BZHI BSGOM BZHIN PA YIN TE, 'DI'I THAD KYI NYI SNANG LAS MTHONG BA'I LAM GYI SKAD CIG MA BRGYAD PA LA NI BYANG CHUB SEMS DPA' RNAMS LA TSAD MED PA RNAMS BSGOM DGOS PA YIN TE, DE LTA MA YIN NA, SKAD CIG MA DGU PA LA NI SEMS CAN GYI KHAMS LA LTOS PA MED PAR YONGS SU MYA NGAN LAS 'DAS PAR 'GYUR RO, ,ZHES GSUNGS PA'I PHYIR, GZHAN YANG, SGOM LAM RJES THOB LA GNAS PA'I SEMS DPA'I RGYUD LA STONG NYID MNGON SUM DU RTOGS PA'I BLO MNGON GYUR DU YOD PAR THAL, DE'I RGYUD LA STONG NYID MNGON SUM DU RTOGS PA'I BLO YOD PA'I PHYIR, KHYAB PA YOD PAR THAL, THEG CHEN GYI KUN RDZOB SEMS BSKYED RGYUD LA YOD PA'I GANG ZAG YIN NA, DE MNGON GYUR DU RGYUD LA YOD PA'I GANG ZAG YIN DGOS PA'I@121A *, ,PHYIR, RTAGS MA GRUB NA, THEG CHEN 'PHAGS PA LA BDEN STONG MNGON SUM DU RTOGS PAS KHYAB PA YOD PA BUD, 'DOD NA ,BTZAS PA'I KHYIM NAS BU CHUNG GI ,NYI MA'I GZUGS BZHIN 'PHAGS PAS KYANG, ZHES PA'I RNAM BSHAD DANG DNGOS SU 'GAL LO, ,'DOD NA, THEG CHEN KUN RDZOB SEMS BSKYED YIN NA, THEG CHEN GYI KUN RDZOB SEMS BSKYED MNGON GYUR YIN DGOS PAR THAL, DE RGYUD LA YOD PA'I GANG ZAG YIN NA, DE MNGON GYUR DU RGYUD LA YOD PA'I GANG ZAG YIN DGOS PA'I PHYIR, RTAGS KHAS SO, 'DOD NA, NYON MONGS YIN NA, NYON MONGS MNGON GYUR PA YIN DGOS PAR THAL, 'DOD PA'I PHYIR, 'DOD NA, NYON MONGS PA LA, BAG LA NYAL GYI NYON MONGS PA DANG, KUN SDANG DRAG PO MNGON GYUR PA GNYISU PHYE BA DON MED PAR THAL, 'DOD PA'I PHYIR, 'DOD NA, DUG GSUM GYI BAG LA NYAL DE NYON MONGS PA'I BAG CHAGS LA BYED RIGS PAR THAL, 'DOD PA'I PHYIR, 'DOD MI NUS TE, RGYUD BLA MA LAS, CHAGS DANG SDANG DANG RMONGS DANG DE'I, ,KUN SDANG DRAG DANG BAG CHAGS DANG, ,ZHES PA'I 'GREL PAR, DE LA 'JIG RTEN PA'I 'DOD CHAGS DANG BRAL PA'I RGYUD LA YOD PA NYON MONGS PA'I MI GA-YO BA'I 'DU BYED LA SOGS PA'I RGYU GZUG DANG GZUGS MED KYI KHAmS SGRUB PAR BYED PA 'JIG RTEN LAS 'DAS PA'I YE SHES KYIS GZHOM PAR BYA BA GANG YIN PA DE DAG 'DOD CHAGS DANG, ZHE SDANG DANG, GTI MUG BAG LA NYAL GYI MTSAN NYID CES BYA'O, ,'DOD CHAGS SOGS LA SPYOD PA'I @121B SEmS CAN GYI RGYUD LA YONG PA BSOD RNAmS DANG, BSOD NAmS MA YIN PA'I 'DU BYED LA SEGS PA'I RGYU 'DOD PA'I KHAmS 'BA' ZHIG SGRUB PAR BYED PA MI SDUG PA BSGOM PA'I SHES PAS GZHOM PAR BYA BA GANG YIN PA DE DAG NI 'DOD CHAGS DANG ZHE SDANG DANG GTI MUG DRAG PO KUN NAS SDANG BA'I MTSAN NYID CES BYA'O, ,DGRA BCOM PA'I RGYUD LA YOD PA ZAG PA MED PA'I LAS 'JUG PA'I RGYU DRI MA MED PA'I YID KYI LUS SGRUB PAR BYED PA DE BZHIN GSHEGS PA'I BYANG CHUB KYI YE SHES KYIS GZHOM PAR BYA BA GANG YIN PA DE DAG NI MA RIG BAG CHAGS KYIS SDUS PA ZHES BYA'O, ,ZHES GSUNGS PA'I PHYIR RO, ,GZHUNG 'DI RNAMS KYI 'CHANG TSUL LA LTOS NA, DE LA MA RIG PA DANG, LTA BA'I ZAG PAS SDUS PA'I BAG LA NYAL MED PA NYID YIN GYI, 'DOD PA DANG SRID PA'I ZAG PA NI DE LTA MIN TE, BYANG CHUB SEMS DPA' RNAMS NI BSAMS BZHIN DU SRID PAR SKYE PA LEN PA'I PHYIR, ZHES SOGS DANG, 'DOD PA NYON MONGS RAGS SHING, SRID RTZE SEMS KYI RGYU BA MI GSAL ZHES GSUNGS PA DANG, NYON MONGS PA LA, SA BON DANG MNGON GYUR PA GNYIS SU GSUNG PA'I DON RNAMS LA 'JAM BE LE BA KA YOD PA 'DRA STE, RGYUD BLA'I t'IKA CHEN, RGYAL TSAB RJES MDZAD PA LAS, DANG PO NI, BYIS PA SO SO SKYE BO 'DOD PA LAS 'DOD CHAGS DANG BRAL BA'I RGYUD LA YOD PA 'JIG RTEN LAS 'DAS PA'I YE SHES KYIS GZHOM PAR BYA BA KHAMS GONG MA GNYIS 'PHEN PAR BYED PA'I LAS KUN SLONG BAR BYED PA, 'DOD, @122A *, ,CHAGS DANG, ZHE SDANG DANG, RMONGS PA GTI MUG BAG LA NYAL DANG, DUG GSUM PO DE'I KUN SDANG DRAG PO BSOD NAMS KYI LAS DANG, BSOD NAMS MIN PA'I LAS KUN SLONG BAR BYED PA, 'DOD KHAMS 'BA' ZHIG SGRUB PAR BYED PA DANG, DGRA BCOM PA'I RGYUD LA YOD PA ZAG PA MED PA'I LAS 'GRUB PAR BYED PA MA RIG PA'I BAG CHAGS DANG, SO SO SKYE BO'I RGYUD LA YOD PA DANG, 'PHAGS PA SLOB PA'I RGYUD LA YOD PA MTHONG LAM DANG, SGOM LAM GYI SPANG BYA DANG, MA DAG PA DANG, DAG PA'I SA LA BRTEN PA'I DRI MA RNAM PA DGU NI NGO BO THA DAD PA'I SGO NAS DBYE BA MIN GYI MTSAN NYID MI 'DRA BA SO SO THA DAD PA'I SGO NAS DBYE BA YIN NO, ,DUG GSUM GYI BAG LA NYAL NI SA BON 'BA' ZHIG GI DBANG DU BYAS PA MIN TE, KHAMS GONG MA 'GRUB BYED KYI NYON MONGS MNGON GYUR YANG DER 'DUS PA'I PHYIR RO, ,KHAMS GONG MA 'GRUB BYED KYI ZHE SDANG NI MNGON GYUR MIN TE, ZHE SDANG MNGON GYUR KHAmS GONG MA 'PHEN BYED DANG 'GRUB BYED KYI NYON MONGS GANG DU'ANG MI RUNG BA'I PHYIRO, ,ZHES GSUNGS PA'I PHYIR, MDOR NA THEG CHEN 'PHAGS PA YIN NA, THEG CHEN GYI KUN RDZOB SEMS BSKYED DANG STONG NYID MNGON SUm DU RTOGS PA'I YE SHES RGYUD LA YOD PAS KHYAB PA'I PHYIR, MNGON GYUR DU RGYUD LA YOD PAS MA KHYAB PA YINO, ,BZHI PAS MTSAmS NI, THEG CHEN GYI KUN RDZOB SEMS BSKYED DANG, THEG CHEN SEMS BSKYED SPYI TZAM DANG, 'JUG SEMS, THEG CHEN TSOGS LAm NAS SANGS RGYAS KYI SA'I BAR NA YOD DO, @122B LNGA PA SGRA BSHAD PA NI, BYANG CHUB KUN RDZOB PA LA DMIGS PA'I SEMS BSKYED YIN PAS NA, KUN RDZOB SEMS BSKYED CES GSUNGS, BZHI PA RTZOD SPANG NI, YANG DAG PAR RDZOGS PA'I SANGS RGYAS KYI THEG CHEN GYI KUN RDZOB SEMS BSKYED DE, GZHAN DON DU YANG DAG PAR RDZOGS PA'I BYANG CHUB LA DMIGS PAR THAL, THEG CHEN KUN RDZOB SEMS BSKYED YIN PA'I PHYIR, KHYAB PA KHAS, 'DOD NA MA YIN PAR THAL, GZHAN DON DU YANG DAG PAR RDZOGS PA'I BYANG CHUB THOB PAR 'DOD PA MA YIN PA'I PHYIR TE, GZHAN DON DU DE THOB ZIN PA'I PHYIR, ZHE NA MA KHYAB PAR THAL, SEMS BSKYED PA NI GZHAN DON PHYIR, ,YANG DAG RDZOGS PA'I BYANG CHUB 'DOD, ,CES PA'I GZHUNG 'DIS THEG CHEN GYI KUN RDZOB SEMS BSKYED KYI MTSAN NYID BSTAN PA'I PHYIR TE, THEG CHEN GYI KUN RDZOB SEMS BSKYED KYI MTSAN NYID DNGOS SU STON PA'I RGYAN GZHUNG GCIG YOD PA'I PHYIR, DES NA THEG CHEN GYI KUN RDZOB SEMS BSKYED YIN NA, GZHAN DON DU RDZOGS BYANG THOB PAR 'DOD PA'I KHYAB PA YOD PAR THAL, 'JUG PA'I RNAM BSHAD CHEN MO LAS, MDO LAS NI, RANG GI CHOS KYI DE KHO NA NYID RTOGS NAS CHOS NYID 'DI SEMS CAN RNAMS KYI KHONG DU CHUD PAR BYA'O SNYAM NAS SEMS GANG BSKYED PA DE NI BYANG CHUB KYI SEMS ZHES BYA'O, ,ZHES GSUNGS, 'DI NI SEMS BSKYED KYI CHED DU BYA BA'I PHYOGS GCIG TZAM LA DMIGS PA YIN PAS MTSAN NYID MA RDZOGS LA, YANG @123A *, ,'GREL BAR BDAG GI 'JIG RTEN 'DI MTHA' DAG SDUG BSNGAL LAS STON TE, SANGS RGYAS NYID LA NGES PAR SBYAR BAR BYA'O SNYAM DU NGES PAR SEMS BSKYED PAR BYED DO, ,ZHES GSUNGS PA LA YANG, THOB BYA BYANG CHUB LA DMIGS PA MED PAS MTSAN NYID PHYOGS GCIG PA'O, ,DES NA 'GREL BAR SNYING RJE LA BRTEN NAS BYANG CHUB KYI SEMS BSKYED PAR GSUNGS PA'I SKABS SU DAM PA'I CHOS KYI BDUD RTZI'I RO PHUL DU BYUNG BA 'BYUNG PA'I RGYU PHYIN CI LOG GI RTOG PA MTHA' DAG LOG PA'I MTSAN NYID, 'GRO BA YONGS KYI GNYEN NYID KYI RANG BZHIN DU GYUR PA, SANGS RGYAS NYID YANG DAG PAR 'DOD PA YIN NO, ,ZHES THOB BYA'I BYANG CHUB LA DMIGS PA GSAL BAR BSHAD PAS, CHED DU BYA BA SEMS CAN GYI DON DU THOB BYA BLA NA MED PA'I BYANG CHUB THOB PAR 'DOD PA SEMS BSKYED KYI MTSAN NYID RDZOGS PAR 'DOD PAR BYA STE, 'GREL BSHAD LAS KYANG, DE LTAR 'BYUNG PA LEGS SHING, MNGON RTOGS RGYAN LAS GSUNGS PA DANG, LUGS 'DI LA MI 'DRA BA MED DO, ,ZHES GSUNGS PA'I PHYIR RO, ,YANG LAM MA BZHUGS NA THEG CHEN SEMS BSKYED YOD PAR THAL, SNYING RJE'I SEMS DANG GNYIS SU MED BLO DANG, ,BYANG CHUB SEMS NI RGYAL SRAS RNAMS KYI RGYU, ,ZHES GSUNGS PA'I PHYIR ZHE NA MA KHYAB PAR THAL, SEMS BSKYED BSGOM PA'I GNAS SKABS KYI GZHAN DON DU RDZOGS BYANG @123B THOB PAR 'DOD PA'I BLO LA DGONGS PA'I PHYIR TE, DE LTAR DU 'JUG PA'I tIKA CHEN LAS GSUNGS PA'I PHYIR, KHA CIG NA RE, THEG CHEN SEMS BSKYED YIN NA, BRTZE BA SNYING RJE CHEN PO LAS 'KHRUNGS PAS MA KHYAB PAR THAL, SANGS RGYAS DANG BYANG SEMS GONG MA RNAMS LA DAD CING GUS PA LAS THEG CHEN DU SEMS BSKYED PA YOD PA'I PHYIR, ZHE NA MA KHYAB STE, LHAN CIG BYED PA'I RKYEN TZAM LA DGONGS PA'I PHYIR, MYU GU YIN NA, RANG GI NYER LEN DU GYUR PA'I SA BON LAS SKYES PA'I KHYAB PA MED PAR THAL, CHU LUD DROD SHER LA BRTEN NAS KYANG MYU GU SKYE BA YOD PA'I PHYIR, KHYAB PA KHAS SO, ,GZHAN YANG, THEG CHEN SEMS BSKYED YIN NA, RANG GI NYER LEN DU GYUR PA'I BRTZE BA SNYING RJE LAS 'KHRUNGS PA'I KHYAB PA YOD PAR THAL, NAS KYI MYU GU YIN NA, RANG GI NYER LEN DU GYUR PA'I SA BON LAS SKYES PAS KHYAB PA YOD PA GANG ZHIG, GANG PHYIR BRTZE NYID RGYAL BA'I LO TOG PHUN TSOGS 'DI'I, ZHES SOGS KYI DE GNYIS DPE DON DU SBYAR BA RIGS PA'I PHYIR, KHA CIG NA RE, THEG DMAN DGRA BCOM PA'I RTOGS PA SNGON DU SONG BA'I THEG CHEN SEMS BSKYED SKAD CIG MA DANG PO CHOS CAN, RANG GI NYER LEN DU GYUR PA'I LHAG BSAM RNAM DAG LAS 'KHRUNGS PAR THAL, THEG CHEN SEMS BSKYED YIN PA'I PHYIR, KHYAB PA KHAS, 'DOD MI NUS TE, THEG CHEN LAM DU DNGOS SU 'JUG KHA MA'I DGRA BCOM PA'I RGYUD LA LHAG BSAM RNAM DAG MED PA'I PHYIR, THEG DMAN @124A *, ,PA YIN NA, LHAG BSAM RNAM DAG RGYUD LA MI LDAN PAS KHYAB PAR BLO GROS RGYA MTSOS ZHUS PA'I MDO LAS GSUNGS PA'I PHYIR TE, THEG DMAN GYI RGYUD LA LHAG BSAM RNAM DAG MI LDAN PAR GSUNGS PA'I PHYIR, ZHE NA, DE LA MA KHYAB STE, 'DI NI RAGS RTZIS KYI DBANG DU BYAS PA'I PHYIR, MA YIN NA, RANG GI BU MI GTZANG BA'I DONG NAS 'DON NUS MA YIN PA'I KHYAB PAR THAL, THEG DMAN YIN NA LHAG BSAM RNAM DAG RGYUD LA MI LDAN PAS KHYAB PA GANG ZHIG DE GNYIS DPE DON DU SBYAR NAS GSUNGS PA'I PHYIR, 'DOD MI NUS PAR THAL, MA YANG YIN LA, SA GNAS KYI SEMS DPA' CHEN PO YANG YIN PA'I GZHI MTHUN YOD PA'I PHYIR, GZHAN YANG KHAMS GONG GI GANG ZAG YIN NA, 'KHOR BA LA SKYO SHAS SHIN TU CHUNG BA'I GANG ZAG YIN PAS KHYAB PA DANG, NGAN SONG BA'I GANG ZAG YIN NA, MI KHOM PA'I GANG ZAG YIN PAS KHYAB PA DANG, RANG RGYAL YIN NA BDEN STONG MNGON SUM DU MA RTOGS PAS KHYAB PA DANG, 'DOD SEMS YIN NA, 'DAS LAM GYI RTEN DU MI RUNG BAS KHYAB PA RNAMS YOD PAR THAL, DE LTAR DU GSUNGS PA'I PHYIR, KHYAB PA KHAS, 'DOD MI NUS TE, KHAMS GONG GI RTEN CAN GYI 'PHAGS PA'I GANG ZAG DANG NGAN SONG BA'I BYANG CHUB SEMS DPA', RANG RGYUD KYI RANG BZHIN GNAS RIGS BSGOM PA'I RANG RGYAL DANG, 'DAS LAM DU GYUR PA'I 'DOD SEMS YOD PA'I PHYIR TE, @124B 'GOG DANG BCAS PA'I SNYOM 'JUG DGUR, ,ZHES SOGS GSUNGS PA'I PHYIR, GZHAN YANG, LHAG BSAM RNAM DAG RGYUD LA LDAN PA'I THEG DMAN GYI GANG ZAG YOD PAR THAL, THEG CHEN GYI TSOGS LAM YUN RING DU SGOM NAS, THEG DMAN LAM LA ZHUGS PA'I GANG ZAG YOD PA'I PHYIR, GSAL BA KHAS, RTAGS GRUB STE, PHYUGS KYI SHING RTA LTA BUS 'GRO BA'I BYANG SEMS YOD PA'I PHYIR TE, DE LTAR DU NGES PA DANG MA NGES PA LA 'JUG PA PHYAG RGYA'I MDO LAS GSUNGS PA'I PHYIR, GZHAN YANG, THEG CHEN SEMS BSKYED DANG, LHAG BSAM RNAM DAG LA RGYU 'BRAS KYI GO RIMS MTHA' GCIG TU NGES PA MED PAR THAL, THEG CHEN SEMS BSKYED YIN NA, RANG GI NYER LEN DU GYUR PA'I LHAG BSAM RNAM DAG LAS 'KHRUNGS MI DGOS PA'I PHYIR, RTAGS KHAS, 'DOD MI NUS TE, 'ON KYANG 'DIR DGE BA'I CHOS LA 'DUN PA'I MTSAN NYID DON DU GNYER BA YOD NA BYANG CHUB TU SEMS BSKYED PA RGYUS 'BRAS BU BSTAN PA YIN TE, ZHES GSUNGS PA'I PHYIR, KHA CIG NA RE, THEG CHEN LAM LA DNGOS SU 'JUG KHA MA'I DGRA BCOM PA DE NI RIGS CAN GSUM PO GANG YANG MIN NO ZHES ZER, MI 'THAD PAR THAL; GANG ZAG DE'I RGYUD KYI MKHYEN PA DE NI THEG DMAN GYI LAM KHO NA YIN PA'I PHYIR TE, DE NI THEG CHEN GYI KHYAD CHOS DANG BRAL BA'I LAM YIN PA'I PHYIR, GNYIS PA GZHUNG DON NI GZHAN DON DU RNAM MKHYEN THOB PAR @125A *, ,'DOD PA RNAMS KYIS DANG POR THEG PA CHEN POR SEMS BSKYED DGOS TE, DE NI THEG CHEN GYI 'JUG SGO DAM PAR SANGS RGYAS BCOM LDAN 'DAS KYIS RNAM GRANGS DU MAR GSUNGS PA'I PHYIR ZHES STON PA LA SEMS BSKYED PA DANG, ZHES GSUNGS, DE NYID RGYAS PAR 'CHAD PA LA GZHUNG 'DI BYUNG, 'DUN LDAN SEMS BSKYED MTSAN GZHI, THEG CHEN GYI KUN RDZOB SEMS BSKYED YIN PAR MTSON, THEG CHEN GYI SEMS BSKYED GANG ZHIG ,GZHAN DON DU YANG DAG PAR RDZOGS PA'I BYANG CHUB LA DMIGS PA YIN PA, THEG CHEN GYI KUN RDZOB SEMS BSKYED DE CHOS CAN, GZHAN DON 'DOD PA'I MING GI GDAGS SU RUNG STE, DE LTAR MDOGS PA'I RGYU MTSAN, BTAGS PA'I DGOS PA, DNGOS LA GNOD BYED GSUM KA TSANG BA'I PHYIR, DANG PO GRUB STE, THEG CHEN GYI KUN RDZOB SEMS BSKYED DE NI GZHAN DON MTHA' DAG BSGRUB PAR 'DOD PA'I LHAG BSAM RNAM DAG LAS 'KHRUNGS PA'I PHYIR, DPER NA, RTZA LAS BYUNG BA'I ME LA RTZA'I ME ZHES BRJOD PA LTAR RO, ,GNYIS PA GRUB STE, THEG CHEN GYI KUN RDZOB SEMS BSKYED YIN NA, RANG GI NYER LEN DU GYUR PA'I LHAG BSAM KHYAD PAR CAN LAS 'KHRUNGS PA DGOS SO ZHES RTOGS PA'I CHED YIN PA'I PHYIR, DE LTAR RTOGS PA CHOS CAN DGOS PA YOD DE, THEG CHEN GYI LAM GYI GO RIM LA SHIN TU @125B MKHAS PAR 'GYUR BA'I DGOS PA YOD PA'I PHYIR, GSUM PA GRUB STE, THEG CHEN SEMS BSKYED DE DANG, GZHAN DON 'DOD PA GNYIS 'GAL BA'I PHYIR TE, SEMS SEMS BYUNG 'GAL BA KHO NA YIN PA'I PHYIR, YANG DE CHOS CAN, BYANG CHUB 'DOD PA'I MING GI GDAGS SU RUNG STE, DE'I CHOS GSUM TSANG BA'I PHYIR, DANG PO GRUB STE, DE LTA BU DE RANG GI GROGS SU GYUR PA'I BYANG CHUB DON GNYER GYI 'DUN PA DANG MTSUNGS LDAN RNAM PA LNGA MTSUNGS YIN PA'I PHYIR, SMAN DANG LHAN CIG SBYAR BA'I LTUNG BA BZHIN, GNYIS PA GRUB STE, BYANG CHUB SEMS DPA' RNAMS KYI THUGS RGYUD LA BYANG CHUB NGON GNYER GYI 'DUN PA DANG MTSUNGS LDAN GYI SEMS DE SKYE BAR RTOGS PA'I DGOS PA YOD PA'I PHYIR, GSUM PA GRUB STE, THEG CHEN SEMS BSKYED DANG, BYANG CHUB DON GNYER GYI 'DUN PA GNYIS 'GAL BA KHO NA YIN PA'I PHYIR, ` ,DBYE BA ZHAR LA BRJOD NAS, ZHES SOGS KYI SKABS SU, THEG CHEN GYI GDAM NGAG LA MTSAN NYID, DBYE BA, SA MTSAMS, RTZOD SPANG DANG BZHI, DANG PO NI, THEG CHEN SEMS BSKYED KYI CHED DU GNYER BYA'I DON BSGRUB PA'I THABS MA NOR PAR 'DOMS PA'I BRJOD BYED RNAM DAG DE'O, GNYIS PA LA; BYED LAS KYI SGO NAS GDAMS PA DANG, RJES BSTAN GNYIS, YUL GYI SGO NAS RNAM PA BCU'O, ,YON TAN MI NYAMS PA'I PHYIR DU GDAMS PA'I GDAM DAG RNAMS NI, GDAMS PA YIN LA, YANG THOB PHYIR DU@126A *, ,GDAMS PA'I GDAMS NGAG RNAMS NI RJES BSTAN YIN TE, 'GREL CHEN LAS, SHES RAB KYI PHA ROL TU PHYIN PA BSGRUB PA LA SOGS PA RNAM PA BCU PO GANG LA DANG POR THOB PA'I YON TAN YONGS SU BSRUNG BA'I DON GYIS MI NYAMS PAR BYA BA'I PHYIR SLABS PAS GDAMS PAR BGYIS SHING, DE NAS PHYIS MA THOB PA'I YON TAN THOB PAR BYA BA'I PHYIR RJES SU BSTAN PAR BGYI STE, ZHES GSUNGS SHING, NYI SNANG LAS KYANG, DA NI GDAM NGAG BRJOD PAR BYA'O, ,'DI GA LAS ZHE NA, BCOM LDAN 'DAS JI LTAR BYANG CHUB SEMS DPA' SEMS DPA' CHEN POS SHES RAB KYI PHA ROL TU PHYIN PA LAS SPYAD PAR BGYI ZHES GSUNGS PA LAS SO, DON CI YIN ZHE NA, DE LTAR SEMS BSKYED PA'I BYANG CHUB SEMS DPA' SEMS BSKYED PAR BSHAD PA'I CHOS RNAMS RDZOGS PAR BYA BA'I DON DU JI LTAR SGRUBS PAR BYA, ZHES GSUNGS PA'I DON TO, ,SKABS KYI MTHAR YANG, 'DI NI BYANG CHUB SEMS DPA' SEMS DPA' CHEN PO LA SHES RAB KYI PHA ROL TU PHYIN PAR GDAMS PA STE, 'DI NI RJES SU MTHUN PA YIN NO, ,ZHES 'CHOD PAR 'GYUR RO, ,DE LA DON DU GNYER BA'I DON THOB PA'I BYA BA NYE BAR STON PA NI GDAMS PA DANG RJES SU MTHUN PA YIN TE, THOB ZIN PA'I YON TAN YONGS SU SKYONG BA'I DON GYIS MI NYAMS PAR BYED PA NI GDAMS NGAG YIN LA, DE'I 'OG TU MA THOB PA'I YON TAN THOB @126B PAR BYED PA'I PHYIR NA RJES SU BSTAN PA YIN NO, ,GDAM NGAG DE YANG RNAM PA BCU RU NGES PA YIN TE, ,DE'I PHYIR SGRUB DANG BDEN PA RNAMS NI, ,ZHES SOGS GSUNGS PA'I PHYIR, GSUM PA NI, NYAN PA'I SA MTSAMS NI LAM MA ZHUGS NAS RGYUN MTHA'I SNGA LOG GI BAR NA YOD DE, BCOM LDAN 'DAS KYI MDO LAS, NYER 'GRO NGA NI SANGS RGYAS TE, ,NGA LA SLOB DPON CI YANG MED, ,CES DANG, TSIG GSAL LAS, BAR CHAD MED PA'I LAm LA GNAS PA NI DE DON DU GNYER BA MED DE, RANG BYUNG GI YE SHES SKYED PAR NUS PA'I PHYIR RO, ,ZHES GSUNGS PA'I PHYIR, 'CHAD PA'I SA MTSAMS NI, LAM MA ZHUGS NAS SANGS RGYAS KYI SA'I BAR NA YOD DO, ,BZHI BA NI, GDAM NGAG LA NGAG GIS MA KHYAB PAR THAL, TSIG GSAL LAS, 'DOMS PA YANG DE YIN LA, GDAMS PA LTAR SGRUB PA YANG 'DIR GTZO BOR GYUR PA'I GDAMS NGAG GO ,ZHES GSUNGS PA'I PHYIR, ZHE NA MA KHYAB STE, GDAM NGAG GI DON TSUL BZHIN BSGRUB PA DE GDAM NGAG GI 'BRAS BU YIN PA'I RGYU MTSAN GYIS, RGYU MING 'BRAS BU LA BTAGS PA TZAM YIN PA'I PHYIR, GZHAN YANG GDAM NGAG LA NGAG GIS KHYAB STE, DON BSDUS SGRON ME LAS, GDAM NGAG RNAM PA BCU YIN TE, ,DO BO NGAG GI 'KHOR LO YIN, ,ZHES DANG, 'DIR YANG, 'DOMS PA DANG NI GDAM NGAG STE, ,ZHES GSUNGS PA'I PHYIR RO, ,KHA CIG NA RE, MCHOG GI SPRUL SKU LA GDAM NGAG NYAN PA LA CHOS RGYUN @127A *, ,GYI TING NGE 'DZIN THOB DGOS TE, RGYAN LAS, DE TSE CHOS KYI RGYUN LAS NI, ,SANGS RGYAS RNAMS LAS ZHI GNAS DANG, ,YE SHES YANGS PA THOB BYA'I PHYIR, ,GDAM NGAG RGYA CHEN RNYED PAR 'GYUR, ,ZHES GSUNGS PA'I PHYIR, ZHE NA, KHYAB PA MED DE, GZHUNG DES, CHOS RGYUN GYI TING NGE 'DZIN THOB PA'I TSE, RDZU 'KHRUL GYIS THOGS MED DU BGROD DE, GDAM NGAG NYAN PA'I DBANG DU MDZAD NAS BSTAN PA'I PHYIR, DES NA GZHUNG DON NI, SGRUB DANG BDEN PA RNAMS DANG NI, ,ZHES SOGS KYI GZHUNG GSUNGS PA CHOS CAN, DGOS PA YOD DO, THEG CHEN SEMS BSKYED BSHAD PA'I 'OG TU, THEG CHEN GYI GDAM NGAG BSTAN PAR BYA BA'I CHED YIN PA'I PHYIR, DE LTAR STON PA'I RGYU MTSAN YOD DE, THEG CHEN DU SEMS BSKYED PA RNAMS KYIS ZAB PA DANG RGYA CHE BA'I THEG CHEN GYI GDAM NGAG NYAN, GDAM DON TSUL BZHIN DU SGRUBS PAS NYAMS SU LEN DGOS PA'I PHYIR, BYANG SEMS TSOGS LAM PAS, MCHOG GI SPRUL SKU LA, THEG CHEN GDAM NGAG NYAN PA CHOS CAN, DGOS PA YOD DE, YON TAN GSAR DU THOB PA DANG, THOB ZIN GYI YON TAN RNAMS MI NYAMS SHING GONG NAS GONG DU 'PHEL PA'I DGOS PA YOD PA'I PHYIR, DE CHOS CAN, GDAM NGAG NYAN PA'I DUS LA MKHAS PA YIN TE, GDAM NGAG NYAN PA'I DUS JI LTA BA BZHIN DU NYAN PA'I PHYIR, , @127B ` BYANG CHUB KYI SEMS KYI RAB TU DBYE BA JI SKAD, ZHES SOGS KYI SKABS SU, SPYI DON DANG, GZHUNG DON GNYIS, DANG PO LA, BDEN GNYIS KYI DBYE BA, DRANGS NGES, DBYE PA SO SO'I RANG BZHIN, SGRA BSHAD, GCIG DANG, THA DAD BRTAGS PA, SHES PA'I PHAN YON, MA SHES PA'I NYES DMIGS, DE RNAMS LA RTZOD PA SPANGS PA DANG BDUN NO, DANG PO NI, SHES BYA DE BDEN PA GNYIS KYI DBYE GZHI YIN ZHING, GNYIS PA NI DE LA BDEN PA GNYIS SU GRANGS NGES TE, YAB SRAS MJAL BA'I MDO LAS, 'DI LTAR DE BZHIN GSHEGS PAS KUN RDZOB DANG DON DAM PA'I BDEN PA GNYIS THUGS SU CHUNG DE SHES PAR BYA BA YANG KUN RDZOB DANG DON DAm PA'I BDEN PA 'DIR ZAD DE, DE YANG BCOM LDAN 'DAS KYIS STONG PA NYID RAB TU GZIGS, RAB TU MKHYEN, LEGS PAR MNGON DU BYAS PAS DE'I PHYIR, THAMS CAD MKHYEN PA ZHES BYA'O, ,ZHES DANG, 'JIG RTEN MKHYEN PAS GZHAN LA MA GSAN PAR, BDEN PA 'DI GNYIS KYIS NI STON PAR MDZAD, ,GANG ZHIG KUN RDZOB DE BZHIN DON DAM STE, ,BDEN PA GSUM PA NAM YANG MA MCHIS SO, ZHES GSUNGS PA'I PHYIR, GSUM PA NI, RANG MNGON SUM DU RTOGS PA'I MNGON SUM GYIS GNYIS SNANG NUB PA'I SGO NAS RTOGS PAR BYA BA, DON DAM BDEN PA'I MTSAN NYID, RANG MNGON SUM DU RTOGS PA'I MNGON SUM GYIS GNYIS SNANG DANG BCAS PA'I SGO NAS RTOGS PAR BYA BA, KUN RDZOB BDEN PA'I MTSAN NYID @128A *, ,YIN TE, SPYOD 'JUG LAS, KUN RDZOB DANG NI DON DAM STE, ,'DI NI BDEN PA GNYIS SU 'DOD, ,DON DAM BLO YI SPYOD YUL MIN, ,BLO NI KUN RDZOB YIN PAR 'DOD, ,CES DANG, RTZA SHES LAS, SANGS RGYAS RNAMS KYIS CHOS BSTAN PA, ,BDEN PA GNYIS LA YANG DAG BRTEN, ,'JIG RTEN KUN RDZOB BDEN PA DANG, ,DAM PA'I DON GYI BDEN PA'O, ,ZHES DANG, 'JUG PAR, DNGOS KUN YANG DAG RDZUN PAR MTHONG BA YI; ;DNGOS RNYED NGO BO GNYIS NI 'DZIN PAR 'GYUR, ,YANG DAG MTHONG YUL GANG DE DE NYID DE, ,MTHONG BA RDZUN PA KUN RDZOB BDEN PAR GSUNGS, ,ZHES GSUNGS PA'I PHYIR, GSUNGS TSUL NI, YAB SRAS MJAL BA'I MDO LAS, DE LA KUN RDZOB NI 'JIG RTEN GYI SPYOD NGOR DE BZHIN GSHEGS PAS GZIGS SO, ,DON DAM PA GANG YIN PA DE NI BRJOD DU MED PA STE, SHES PAR BYA BA MA YIN PA, ,RNAM PAR SHES PAR BYA BA MA YIN PA, ,YONGS SU SHES PAR BYA BA MA YIN PA, MA BSTAN PA'O, ,ZHES DANG, BDEN GNYIS LA 'JUG PA'I MDO LAS KYANG, DON DAM PAR NA DON DAM PA'I BDEN PA NI BYE BRAG MED PA, MA SKYES PA, MA 'GAGS PA, SMRA BAR BYA BA DANG SMRA BA DANG, SHES PAR BYA BA DANG, SHES PA DANG BRAL BA'O, ,ZHES SOGS GSUNGS SO, ,DON DAM PA'I BDEN PA LA DBYE NA, STONG PA NYID NYI SHU YOD DE, RANG RANG NGO BOS STONG @128B PA'I PHYIR, ,STONG PA NYID NI NYI SHUR 'DOD, ,CES GSUNGS PA'I PHYIR, KUN RDZOB BDEN PA LA DBYE NA, YANG DAG KUN RDZOB DANG LOG PA'I KUN RDZOB GNYIS, DANG PO NI, KUN RDZOB GANG ZHIG SNANG BA LTAR, DON BYED NUS PA'I RIGS SU GNAS PA DE YANG DAG KUN RDZOB KYI MTSAN NYID, DE GANG ZHIG SNANG BA LTAR DON BYED MI NUS PA'I RIGS SU GNAS PA DE, LOG PA'I KUN RDZOB KYI MTSAN NYID, RIGS GNAS SNGA MA SMOS PA LA DGOS PA YOD DE, SNGON PO LTA BU SNANG BA LTAR DON BYED MI NUS KYANG, DE LTAR NUS PA'I RIGS SU GNAS PA'I PHYIR TE, SNGON PO DE SNANG BA LTAR DON BYED MI NUS KYANG, DE LTAR DON BYED NUS PA'I DNGOS PO RNAMS DANG RIGS GCIG PA YIN PA'I PHYIR, SNGON PO DES SNANG BA LTAR DON BYED MI NUS TE, SNGON 'DZIN DBANG MNGON MI 'KHRUL BA MA YIN PA'I PHYIR TE, SNGON PO PHYI ROL GYI DON MA YIN PA'I PHYIR, RIGS GNAS GNYIS PA SMOS PA LA DGOS PA YOD DE, LOG PA'I KUN RDZOB THAMS CAD SNANG BA LTAR DON BYED MI NUS PA KHO NA YIN NO, ,ZHES RTOGS PA'I CHED YIN PA'I PHYIR TE, BDEN GNYIS LAS, SNANG DU 'DRA YANG DON BYED DAG ,NUS PA'I PHYIR DANG MI NUS PHYIR, YANG DAG YANG DAG MIN PA NYID, ,KUN RDZOB KYI NI DBYE BA BYAS, ,ZHES DANG, DE'I 'GREL PAR, SHES PA LA GSAL BA'I RNAM PA SNANG BA CAN DU 'DRA YANG JI LTAR SNANG BA BZHIN DU DON BYED NUS PA LA MI BSLU BA DANG, @129A *, ,BSLU BA'I KHYAD PAR SHES PAR BYA STE, CHU LA SOGS PA DANG RMIG SGYU LA SOGS PA DAG YANG DAG PA DANG, YANG DAG PA MIN PAR RTOGS SO, ,ZHES GSUNGS PA'I PHYIR, DES NA, SGYU MA'I DPE BRGYAD DANG, YONGS GRUB LAS GZHAN PA'I DNGOS MED THAMS CAD LOG PA'I KUN RDZOB, DE RNAMS LAS GZHAN PA'I DNGOS PO THAMS CAD NI YANG DAG KUN RDZOB, DON DAM PA'I BDEN PA NI, YANG LOG GNYIS GANG YANG MIN TE, DE KUN RDZOB MA YIN PA'I PHYIR, BZHI PA NI, MYU GU BDEN PAS STONG PA'I STONG NYID CHOS CAN, DON DAM PA'I BDEN PA YIN TE, STONG PA NYID LA GNYIS SNANG NUB PA'I YE SHES NI DON DAM PA YIN LA, DE LA SNANG BA LTAR GRUB PA'I PHYIR, RTAGS DANG PO GRUB STE, DON DAM LA, BLO DON DAM PA DANG, YUL DON DAM PA GNYIS SU GSUNGS SHING, GNYIS KA YANG DON DAM DU BZHED PA'I PHYIR TE, DBU MA RGYAN LAS, DAM PA'I DON DANG MTHUN PA'I PHYIR, ,'DI NI DAm PA'I DON ZHES BYA, ,YANG DAG TU NA SPROS PA YI, ,TSOGS RNAmS KUN LAS DE GROL YIN, ,ZHES DANG, DBU MA SNANG BA LAS, SKYE BA MED PA 'DI YANG DON DAM PA DANG MTHUN PA'I PHYIR DON DAM PA ZHES BYA'I DNGOS SU NI MA YIN TE, DNGOS SU NI DON DAM PA SPROS BA THAMS CAD LAS 'DAS PA'I PHYIR, ZHES DON DAM PAR SKYE MED RTOGS PA'I RJES DPAG NI STONG NYID LA GNYIS SNANG NUB PA'I BLO DON DAM PA DANG, 'DZIN PA MTHUN PA'I @129B PHYIR DE NA DAM PA ZHES GSUNGS PA'I PHYIR, DES NA DON DAM PA MNGON SUM DU RTOGS PA'I THOS BSAM SGOM GSUM GYI SHES RAB RNAMS BLO DON DAM PA DANG, DON DAM PAR SKYE BA MED PA LTA BU YUL DON DAM PA YIN TE; DBU MA BDEN GNYIS LAS, BSLU BA MED PA'I RIG PA NI, DON DAM YIN TE, ZHES GSUNGS PA'I PHYIR, DON DAM DU MED PA LA TSUL GNYIS YOD DE, BLO DON DAM DU MED PA LA, DON DAM DU MED PAR GSUNGS PA DANG, BDEN GRUB MED PA LA DON DAM DU MED PAR GSUNGS PA GNYIS YOD PA'I PHYIR TE, DON DAM LA SNGAR BSHAD PA LTAR GNYIS YOD PA'I PHYIR, MYU GU CHOS CAN, KUN RDZOB BDEN PA ZHES BRJOD PA'I RGYU MTSAN YOD DE, BDEN PAR ZHEN PA'I GTI MUG NI KUN RDZOB TU GSUNGS LA, DE'I NGO BOR BDEN PAR GRUB PA'I RGYU MTSAN GYI SA DE LTAR BRJOD PA'I PHYIR, DE SKAD DU YANG, 'JUG PA LAS, GTI MUG RANG BZHIN SGRIB PHYIR KUN RDZOB STE, ,DE GANG BCOS MA BDEN PAR SNANG DE NI, ,KUN RDZOB BDEN ZHES THUB PA DES GSUNGS TE, ,BCOS MAR GYUR PA'I DNGOS NI KUN RDZOB TU, ,ZHES GSUNGS PA'I PHYIR, BDEN PAR ZHEN PA'I GTI MUG CHOS CAN, KUN RDZOB YIN TE, YANG DAG PA'I DON MNGON SUM DU MTHONG BA LA SGRIB BYED YIN PA'I PHYIR, KHYAB STE, BDEN GNYIS LAS, GANG ZHIG DAM PA GANG ZHIG LA, ,YANG DAG SGRIB BYED KUN RDZOB @130A *, ,'DOD, CES GSUNGS PA'I PHYIR, LNGA PA NI, SPYIR GCIG LA RDZAS GCIG DANG, NGO BO GCIG DANG, BDAG NYID GCIG DANG, RANG BZHIN GCIG DANG, DON GCIG ,LDOG PA GCIG ,THA DAD LA, RDZAS THA DANG ,NGO BO THA DAD, RANG BZHIN THA DAD, DON THA DAD, LDOG PA THA DAD, GCIG PA BKAG PA'I THA DAD LA SOGS PA DU MA GSUNGS, 'DIR NI, BDEN PA GNYIS PO NGO BO GCIG LA LDOG PA THA DAD, BYAS PA DANG MI RTAG PA BZHIN DU GNAS TE; BDEN PAR MED PA DANG, KUN RDZOB TU YOD PA GNYIS, NGO BO GCIG LA LDOG PA THA DAD YIN PA'I PHYIR TE, KUN RDZOB TU YOD PA LAS KYANG, BDEN PAR MED PA NGO BO GZHAN MA YIN, BDEN STONG LAS KYANG KUN RDZOB TU YOD PA NGO BO GZHAN MA YIN PA'I PHYIR TE, BDEN STONG DE NYID KUN RDZOB TU YOD PA DANG, NGO BO GCIG KU8N RDZOB TU YOD PA DE YANG BDEN STONG DANG NGO BO GCIG YIN PA'I PHYIR TE, SHER PHYIN GYI MDO LAS, PHUNG PO LNGA BO DE DAG KYANG RANG BZHIN GYIS STONG PAR RNAM PAR YANG DAG PAR RJES SU BLTA'O, ,GZUGS STONG PA'O, ,STONG PA NYID GZUGS SO GZUGS LAS KYANG STONG PA NYID GZHAN MA YIN, STONG PA NYID LAS KYANG GZUGS GZHAN MA YIN NO, ,DE BZHIN DU TSOR BA DANG, 'DU SHES DANG, 'DU BYED DANG RNAM PAR SHES PA RNAMS STONG PA'O, ,ZHES DANG BYANG CHUB SEMS 'GREL LAS KYANG, KUN RDZOB LAS NI THA DAD PAR, @130B DE NYID DMIGS PA MA YIN TE, ,KUN RDZOB STONG PA NYID DU BSHAD, ,STONG NYID KHO NA KUN RDZOB YIN, ,MED NA MI 'BYUNG NGES PA'I PHYIR, ,BYAS DANG MI RTAG PA BZHIN NO, ,ZHES GSUNGS SHING, DGONGS 'GREL LAS, 'DU BYED KHAMS DANG DON DAM MTSAN NYID RNAMS, ,GCIG DANG THA DAD BRAL BA'I MTSAN NYID DE, ,GCIG DANG THA DAD NYID DU GANG RTOG PA, ,DE DAG TSUL BZHIN MIN PAR ZHUGS PA YIN, ,ZHES DANG, DBU MA LAS KYANG, THA DAD GCIG PA'I MTSAN NYID MIN, ,ZHES BDEN GNYIS RDZAS THA DAD YIN PA LA SKYON BZHI, LDOG PA GCIG YIN PA LA SKYON BZHI GSUNGS, ,DES NA, BUM PA DANG, BUm PA CHOS KYI BDAG GIS STONG BA NGO BO THA DAD YIN PAR THAL, BDEN GNYIS NGO BO THA DAD YIN PA'I PHYIR, 'DOD NA, BUM PA DE CHOS KYI BDAG TU YOD PA DANG, CHOS KYI BDAG MED RTOGS PAS BUM PA LA BDEN 'DZIN SPONG MI NUS PA DANG BUM PA CHOS KYI BDAG GI STONG PA BUM PA'I GNAS LUGS MTHAR THUG MIN PA DANG, SANGS RGYAS 'PHAGS PA'I THUGS RGYUD LA KUN NAS NYON MONGS KYI BLO DANG, RNAM BYANG GI BLO GNYIS CIG CAR DU YOD PAR THAL, BUM PA DANG, BUM PA CHOS KYI BDAG GIS STONG PA GNYIS NGO BO THA DAD, 'BREL MED DON GZHAN YIN PA'I PHYIR, BUM PA DANG, BUM BA CHOS KYI BDAG GIS STONG BA GNYIS GCIG YIN PAR THAL, BDEN GNYIS GCIG YIN PA'I PHYIR,@131A *, ,'DOD NA, SO SO SKYE BOS BUM PA CHOS KYI BDAG GI STONG PA'I STONG NYID MNGON SUM DU RTOGS PA DANG, BUM PA CHOS KYI BDAG GIS STONG PA'I STONG NYID DE BUM PA LA DMIGS PA'I CHAGS SOGS KYI DMIGS PA YIN PA DANG, DE LA KHA DOG DBYIBS SOGS MI 'DRA BA'I DBYE BA YOD PA DANG, DE NYID THOS BSAM GYIS 'BAD PAS BTZAL MI DGOS PA'I SKYON BZHI YOD PAR THAL, 'DOD PA'I PHYIR, KHYAB STE, BUM PA DE SO SO SKYE BOS MNGON SUM DU RTOGS PA DANG, DE LA DMIGS PA'I CHAGS SOGS KYI DMIGS PA YIN PA DANG, DE LA KHA DOG DBYIBS SOGS KYI DBYE BA YOD PA DANG, THOS BSAM GYI BTZAL MI DGOS PA LA SOGS PA'I DBYE BA YOD PA'I PHYIR, 'DI NI DGONGS 'GREL DANG, DBUS MTHA'I DON YIN TE, DE GNYIS KYI LUGS LA YANG CHOS KYI BDAG THA SNYAD DU YANG MED PA'I PHYIR, SNGAR BSHAD KYI RIGS PA BRGYAD BUM PA LTA BU DANG, DE BDEN PAS STONG PA'I STONG NYID LA SBYAR NAS 'GOG TSUL, DGONGS 'GREL DANG, DBUS MTHAS BSTAN PAR 'DOD PA NI MI 'THAD DE, DE GNYIS KYI LUGS LA BUM PA LA SOGS PA'I GZHAN DBANG RNAMS BDEN GRUB TU 'DOD PA'I PHYIR, DRUG PA NI, BDEN GNYIS KYI GNAS TSUL SHES PA PHAN YON KHYAD PAR CAN DANG LDAN TE, RGYAL BA'I BKA'I DON LA MI RMONGS, TSOGS GNYIS RLABS CHEN BSAGS @131B TE; RGYAL BA'I YON TAN RGYA MTSO'I PHA ROL MCHOG TU 'GRO BA'I PHYIR TE, BDEN GNYIS LAS, BDEN GNYIS RNAM DBYE SHES PA DAG ,THUB PA'I BKA' LA MI RMONGS TE, ,DE DAG MA LUS TSOGS BSAGS NAS, ,PHA ROL PHUN TSOGS 'GRO BA NYID, ,CES DANG, 'JUG PAR, KUN RDZOB DE NYID GSHOG YANGS DKAR PO RGYAS GYUR PA, ,NGANG PA'I RGYAL PO DE NI SKYE BO'I NGANG PA YI, ,MDUN DU 'DAR NAS DGE BA'I RLUNG GI SHUGS STOBS KYIS, ,RGYAL BA'I YON TAN RGYA MTSO'I PHA ROL MCHOG TU 'GRO ,ZHES DANG, BYANG CHUB SEMS 'GREL LAS KYANG, CHOS RNAM STONG PA NYID SHES NAS, ,LAS DANG 'BRAS BU BRTEN PA GANG, ,RMAD BYUNG BAS KYANG 'DI RMAD BYUNG, ,NGO MTSAR BAS KYANG 'DI NGO MTSAR, ,ZHES GSUNGS PA'I PHYIR, BDEN GNYIS KYI GNAS TSUL LA RMONGS PA NYES PA DU MA'I 'BYUNG KHUNGS YIN TE, 'PHAGS PA KA TA YA NA LA GDAMS PA'I MDO LAS, KA TA YA NA GANG GI PHYIR 'JIG RTEN 'DI NI PHAL CHER YOD PA DANG MED PA NYID DU MNGON PAR ZHEN TE, DE'I DBANG GIS SKYE BA DANG, RGA BA DANG, NA BA DANG, 'CHI BA DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA DAG LAS YONGS SU MA GROL LO, ,ZHES BDEN GRUB YOD PAR ZHEN PA DANG, KUN RDZOB MED PAR ZHEN PA, SGRO BKUR GYI LTA NGAN YIN LA, DE'I @132A *, ,DBANG GIS SDUG BSNGAL SNA TSOGS MYONG BAR LUNG PHRAN RTZEGS LAS GSUNGS PA'I PHYIR DANG, RTZA SHES LAS, GANG DAG BDEN PA DE GNYIS KYI, ,RNAM DBYE RNAM PAR MI SHES PA, , DE DAG SANGS RGYAS BSTAN PA LA, ,ZAB MO'I DE NYID RNAM MI MTHONG, ,ZHES DANG, 'JUG PAR, KUN RDZOB BDEN PA THABS SU GYUR PA DANG, ,DON DAM BDEN PA THABS BYUNG GYUR PA STE, ,DE GNYIS RNAM DBYE GANG GIS MI SHES PA, ,DE NI RNAM RTOG LOG PA'I LAM NGAN ZHUGS, ,ZHES DANG, SLOB DPON LEGS LDAN 'BYED KYIS KYANG, ,YANG DAG KUN RDZOB RNAMS KYI BSKAS?, ,MED PAR YANG DAG KHANG PA YI, ,STENG DU 'DZEG PAR BYA BA NI, ,MKHAS LA RUNG BA MA YIN NO, ,BDUN PA NI, CHOS RNAMS YOD PA YANG MA YIN, MED PA YANG MA YIN, YOD MED GNYIS KA YANG MA YIN, GNYIS KA MA YIN PA YANG MIN PA GNAS LUGS MTHAR THUG YIN PAR THAL, MDO LAS, CHOS THAMS CAD YOD PA YANG MA YIN, MED PA YANG MA YIN, GNYIS KA YANG MA YIN, GNYIS KA MIN PA YANG MA YIN NO, ,ZHES GSUNGS PA'I PHYIR, ZHE NA MA KHYAB PAR THAL, YOD PA DANG, MED PA DANG, YOD MED GNYIS KA YIN PA DANG, DE GNYIS KA MA YIN PA THAMS CAD BDEN PAR GRUB PA MA YIN PA LA DGONGS PA'I PHYIR, GZHAN DU NA CHOS THAMS CAD CHOS CAN, @132B YOD PA YIN PAR THAL, MED PA MA YIN PA'I PHYIR, KHYAB PA YOD PAR THAL, RANG BZHIN GYI MED PA MA YIN NA, RANG BZHIN GYI YOD PA YIN DGOS PA'I PHYIR, RTAGS GRUB STE, RANG BZHIN MED PA NYID LOG NA ,RANG BZHIN NYID DU RAB GRUB GYUR, ,ZHES RTZOD BZLOG LAS GSUNGS PA'I PHYIR, KHA CIG NA RE, CHOS THAMS CAD YOD PA YANG MA YIN, MED PA YANG MA YIN PAR THAL, DKON MCHOG RTZEGS PA LAS, 'OD SRUNGS YOD CES BYA BA NI MTHA' GCIG GO ,MED CES BYA BA NI MTHA' GNYIS SO, ,MTHA' DE GNYIS SPANGS PA NI DBU MA'I LAM MO, ZHES GSUNGS PA'I PHYIR, ZHE NA MA KHYAB PAR THAL, MDO DES CHOS THAMS CAD BDEN PAR YOD PAR BLTA BA RTAG LTA DANG, CUNG ZAD KYANG MED PAR BLTA BA CHAD LTAR BSTAN PA YIN PA'I PHYIR, GZHAN YANG BDEN STONG YIN NA, BYA BYED LAS GSUM THAMS CAD MI RUNG BAS KHYAB PAR THAL, CHOS THAMS CAD BDEN PAR MED PA MA YIN PA'I PHYIR, RTAGS KHAS SO, 'DOD NA, GAL TE 'DI DAG KUN STONG NA, ,'BYUNG BA MED CING 'JIG PA MED, ,'PHAGS PA'I BDEN PA BZHI PO DAG ,KHYOD LA MED PAR THAL BAR 'GYUR, ,ZHES PA'I RTZA BA SHES RAB KYI GZHUNG 'DI RANG GZHUNG YIN PAR THAL, 'DOD PA'I PHYIR, 'DOD NA, GAL TE 'DI DAG MI STONG NA, ,'BYUNG BA MED CING 'JIG PA MED, ,'PHAGS PA'I BDEN PA BZHI PO DAG ,KHYOD LA MED PAR THAL BAR 'GYUR, ,ZHES @133A *, ,PA'I RTZA SHE'I GZHUNG 'DI PHYOGS SNGA MA'I GZHUNG DU THAL, 'DOD PA'I PHYIR, 'DOD NA, MU STEGS PA RNAMS SANGS RGYAS DANG, SANGS RGYAS BCOM LDAN 'DAS RNAMS MU STEGS PAR THAL, 'DOD PA'I PHYIR, GZHAN YANG, GANG LA STONG PA NYID RUNG BA, ,DE LA THAMS CAD RUNG PA NYID, ,ZHES SOGS KYI BSTAN DON MA GRUB PAR THAL, BDEN PAR MED PA LA BYA BYED LAS GSUM MI 'BYUNG BA'I PHYIR, RTAGS KHAS, GZHAN YANG, GZUGS MED PAR THAL, MDO LAS, GZUGS MED, SGRA MED, DRI MED, RO MED, REG BYA MED DO, ,ZHES SOGS GSUNGS PA'I PHYIR, 'KHOR GSUM, GZHAN YANG, GZUGS SOGS PHUNG PO LNGA PO YOD PAR THAL, PHUNG PO DANG KHAMS DANG SKYE MCHED THAMS CAD YOD DO, ,ZHES MDO LAS GSUNGS PA'I PHYIR, 'KHOR GSUM, GZHAN YANG, CHOS THAMS CAD YOD PA YANG YIN, MED PA YANG YIN, GNYIS KA YANG YIN, GNYIS KA MA YIN PA YANG YIN PAR THAL, CHOS THAMS CAD YOD PA YANG MA YIN, MED PA YANG MA YIN, GNYIS KA YANG MA YIN, GNYIS KA MIN PA YANG MA YIN PA'I PHYIR, 'KHOR GSUM, GZHAN YANG, LUNG MA BSTAN GYI LTA PA BCU BZHI PO DE, YANG DAG PA'I LTA PA YIN PAR THAL, CHOS THAMS CAD YOD PA YANG MA YIN, MED PA YANG MA YIN, GNYIS GA YANG MA YIN, GNYIS KA MA YIN PA YANG MA @133B YIN PAR BLTA BA'I LTA BA DE YANG DAG PA'I LTA BA YIN PA'I PHYIR, RTAGS KHAS, KHYAB STE, LUNG MA BSTAN GYI LTA BA DANG, LTA BA 'DI RNAMS LA KHYAD PAR MED PA'I PHYIR, 'KHOR GSUM, GZHAN YANG, BYA BYED LAS GSUM GYI RNAM DBYE GANG YANG MI 'THAD PAR THAL, 'GAL 'BREL GYI RNAM DBYE GANG YANG MI 'THAD PA'I PHYIR TE, YOD PA YIN PA DE YOD PA MA YIN PA DANG, DNGOS 'GAL MA YIN PA'I PHYIR, RTAGS MA GRUB NA SONG, CHOS THAMS CAD CHOS CAN, YONG PA YIN PAR THAL, YOD PA MIN PA MA YIN PA'I PHYIR, 'KHOR GSUM, RTZA BAR 'DOD NA, YOD MIN MED MIN, CHOS MIN, BON MIN GYI RNAm BZHAG MI 'THAD PAR THAL, 'DOD PA'I PHYIR, GZHAN YANG, YOD MIN MED MIN DU BLTA BA'I LTA BA DE NI, LTA BA RNAM DAG MIN PAR THAL, RI BONG GI RVA YOD PA MA YIN NA, YOD MIN MED MIN KHO NA YIN MI DGOS PA'I PHYIR, DER THAL, RI BONG RVA YOD PA MA YIN NA, YOD MIN MED MIN GYI KHYAB PA YOD PA MA YIN PA'I PHYIR, MA GRUB NA, RI BONG GI RVA YOD PA MA YIN NA, YONG MIN MED MIN GYI KHYAB PA CHOS CAN, YOD PA MIN PAR THAL, RI BONG GI RVA YOD PA MIN PA'I PHYIR, 'KHOR GSUM, 'DOD NA, RGYANG PHAN GYI LTA BA THAMS CAD, YANG DAG PA'I LTA BA YIN PAR THAL, THAR PA DANG THAMS CAD MKHYEN PA, SKYE BA SNGA PHYI SOGS YOD PA MIN PAR BLTA BA'I LTA BA DE LTA BA RNAm DAG YIN PA'I PHYIR, RTAGS KHAS, GZHAN YANG, CHOS THAMS CAD YOD PA YANG MIN, MED PA YANG @134A *, ,MIN; GNYIS KA YANG MIN, GNYIS KA MIN PA YANG MIN PAR BLTA BA'I GANG ZAG DE CHOS CAN, RGYANG PHAN LAS KYANG SHIN TU THA CHAD PA YIN PAR THAL, MNGON SUM GYI TSANG MA'I YUL DU GYUR PA'I ME GYEN LA 'BAR BA DANG CHU 'THUR DU LTUNG BA SOGS, RGYANG PHAN KHO NI YOD PAR 'DOD, KHYOD NI YOD PA MIN PAR SGRUB PA SNYING POR BYED BYAS PA LA 'BRAS BU NI YOD PA MIN PAR KHYOD RANG 'DOD PA'I PHYIR RO, ,YANG KHA CIG NA RE, RNAM KUN MCHOG LDAN GYI STONG NYID BDEN GRUB YOD CING KUN BRTAGS GZHAN DBANG LA SOGS PA MED PA YIN NO, ZHES ZER, PHA ROL TU PHYIN PA DRUG DANG (LDAN BA'I) STONG NYID BDEN GRUB YOD PAR THAL, RNAM KUN MCHOG LDAN GYI STONG NYID BDEN GRUB YOD PA'I PHYIR, KHYAB STE, RNAM KUN MCHOG LDAN GYI STONG NYID RTOGS PA'I YE SHES YIN NA, PHYIN DRUG NYAMS LEN GYI SPYOD PA KHYAD PAR CAN DANG LDAN PA'I SGO NAS STONG NYID MNGON SUM DU RTOGS PA'I YE SHES YIN DGOS PA'I PHYIR TE, BCOM LDAN 'DAS KYI MDO LAS, RNAM PA THAMS CAD KYI MCHOG DANG LDAN PA'I STONG PA NYID GANG ZHE NA, ,SBYIN PA MA TSANG BA MED PA DANG, ,TSUL KHRIMS MTSANG BA MED PA DANG, ,BZOD PA MA TSANG BA MED PA DANG, ,BRTZON 'GRUS MA TSANG BA MED PA DANG, ,BSAM GTAN MA TSANG BA MED PA DANG, ,SHES RAB MA TSANG BA MED PA DANG, ,ZHES SOGS GSUNGS SHING, @134B RGYUD BLA LAS, RNAM PA KUN GYI MCHOG LDAN PA'I, ,STONG PA NYID NI GZUGS SU BRJOD, ,CES GSUNGS PA'I PHYIR, GZHAN YANG, YAN LAG LNGA DANG, LUS BYING GANG YANG MI SHES PA'I LHA BZO BA DES 'KHOR LOS BSGYUR RGYAL GYI SKU PHUN SUM TSOGS PA SHES PA YIN PAR THAL, PHYIN DRUG NYAMS LEN GYI SPYOD PA MA TSANG BA'I RNAM KUN MCHOG LDAN GYI STONG NYID MNGON SUM DU RTOGS PA'I YE SHES DE'I YUL DU GYUR PA'I DE LTA BU'I STONG NYID YOD PA'I PHYIR, RTAGS KHAS SO, KHYAB GSAL LAN GDAB MI NUS TE, DE RNAMS DPE DON DU RIGS LAM DU MA DANG SBYAR NAS, RGYUD BLA MA LAS GSUNGS PA'I PHYIR, RTAGS MA GRUB BO, ZHES SMYON PAR BYED NA, DE NYID LAS, JI LTAR RI MO 'BRI BYED PA, ,GZHAN DANG GZHAN LA MKHAS PA DAG ,GANG ZHIG YAN LAG GANG SHES PA, ,DE GZHAN NGES ZIN MED PAR 'GYUR, ,DE NAS 'DI LA KHYED KUN GYIS, ,NGA YI GZUGS NI GYIS SHIG CES, ,MNGA' BDAG RGYAL POS DE DAG LA, BKA' YI RAS NI BYIN PA DANG, ,DE NAS DE NI THOS GYUR TE, ,RI MO'I LAS LA RAB SBYOR RO, ,DE LA MNGON BAR SBYOR RNAMS KYIS, ,GCIG GCIG YUL GZHAN SONG GYUR BA, ,DE NI YUL GZHAN SONG BAS NA, ,DE MA TSANG PHYIR RI MO DE, ,YAN LAG THAMS CAD YONGS RDZOGS PAR, ,MI 'GYUR BZHIN ZHES DPER BYAS SO, ,DE RNAMS 'BRI BYED GANG DAG YIN, , @135A *, ,SBYIN DANG TSUL KHRIMS BZOD LA SOGS, ,RNAM PA KUN GYI MCHOG LDAN PA'I, ,STONG PA NYID NI GZUGS SU BRJOD, ,CES PA DANG DNGOS SU 'GAL MOD, ,DE LA YANG SNYON GDINGS PAS CHOG STE; KHYED 'DI TSOGS LHA 'DRE'I RNA LAM DU, ,CHOS 'DEN PA BAS NI BON SGRA SNYAN, ,AA SU RA YI RGYAL KHAMS SU, ,MKHAS PA BAS NI SMYON PA GRIM, ,ZHES RJE BTZUN MI LA RAS PAS LUNG BSTAN THOB PA'I SKYES CHEN DAM PA DE KHYOD YIN PAR 'DUG PA'I PHYIR, RTZA BAR 'DOD NA, KUN BRTAGS GZHAN DBANG KHONG GNYIS RGYA YUL 'KHOR NAS SLAR YANG SLEB PAR THAL LO, ,BLO BZANG MKHYEN BRTZE'I DKYIL 'KHOR RAB RGYAS GRAGS PA'I 'OD KYIS SA STENG KHYAB GYUR LOG PAR SMRA BA'I 'BYUNG PO'I BYA RNAMS MUN PA'I KHUNG BUR SKYABS SU BZUNG STE MI SMRA'I BRTUL ZHUGS RGYUN DU BSTEN GYUR THUB BSTAN PAD TSAL CHES CHER RGYAS TE SKAL BZANG RKANG DRUG LDAN PA'I TSOGS RNAMS LEGS BSHAD SBRANG RTZI'I DGA' STON MYANGS PAS 'PHUR LDING ROL BAS PHYOGS KUN KHYAB GYUR RO, ,ZHES BYA BA NI BAR SKABS KYI TSIGS SU BCAD PA'O, ,DE NA CHOS RNAMS KUN RDZOB TU YOD CING, BDEN PAR MED PA YIN PAR THAL, BYANG SEMS YOD BZHIN DU BYANG SEMS YANG DAG PAR RJES SU MI MTHONG, ZHES SOGS KYI MDO'I DON YOD PA'I PHYIR, KHYAB @135B STE; BYANG SEMS YOD BZHIN DU ZHES PAS CHAD MTHA' BSAL, YANG DAG PAR MI MTHONG ZHES PAS RTAG MTHA' BSAL NAS, RTAG CHAD KYI MTHA' DANG BRAL BA'I DBU MA'I LAM GSAL BAR BYAS PA'I PHYIR RO, ,YANG KHA CIG NA RE; STONG NYID CHOS CAN, BDEN PAR GRUB PA YIN PAR THAL, BDEN PA YIN PA'I PHYIR, KHYAB STE, RDZUN BA YIN NA RDZUN PAR GRUB DGOS PA'I PHYIR, DES NA, STONG NYID CHOS CAN, BDEN PA MA YIN TE, RDZUN PA YIN PA'I PHYIR TE, RDZUN PAR GRUB PA'I PHYIR TE, KUN RDZOB TU GRUB PA'I PHYIR, ZHES ZER ZHING GZHI GRUB NA KUN RDZOB YIN PAS KHYAB CES DAM BCA'O, ZHE NA, 'O NA STONG NYID BDEN PA YIN PAR THAL, RANG BZHIN GYI MYANG 'DAS BDEN PA YIN PA'I PHYIR TE, MDO LAS, DGE SLONG DAG BDEN PA DAM PA NI GCIG STE, 'DI LTA STE, MI BSLU BA'I CHOS CAN MYA NGAN LAS 'DAS PA'O, ,ZHES GSUNGS PA'I PHYIR DANG, RIGS PA DRUG CU PA LAS, MYA NGAN 'DAS PA BDEN GCIG PU, ,ZHES DANG, TSIGS GSAL LAS, GANG ZHIG BDEN PA DE BSLU BA'I CHOS CAN MA YIN TE, DPER NA MYA NGAN LAS 'DAS PA BZHIN NO, ZHES GSUNGS PA'I PHYIR, 'DI LA KHA CIG NA RE; BDEN PA YIN NA BDEN PAR GRUB DGOS TE, DE YIN NA, BDEN PA YIN PAR GRUB DGOS PA'I PHYIR TE, DE YIN NA, BDEN PA YIN PAR TSAD MAS GRUB DGOS PA'I PHYIR, DE NA BDEN PA YIN PA DANG, BDEN PAR@136A *, ,GRUB PA RNAMS DON GCIG MING GI RNAM GRANG YIN NO, ,ZHES ZER RO, 'O NA STONG NYID CHOS CAN, STONG NYID LA GNYIS SNANG NUB PA'I YE SHES DE'I YUL DU YOD PAR THAL, DE'I YUL YIN PA'I PHYIR TE, DE'I YUL YIN PAR TSAD MAS GRUB PA'I PHYIR, 'DOD NA, MYANG 'DAS BDEN PAR YOD PAR GRUB PA DE BDEN PAR GRUB PAR THAL, 'DOD PA'I PHYIR, 'DOD NA, STONG NYID LA GNYIS SNANG NUB PA'I YE SHES DE LA KHYOD YOD PAR DNGOS SU SNANG BAR THAL, 'DOD PA'I PHYIR, 'DOD NA, DE KHYOD YOD PA LA GNYIS SNANG NUB PAR THAL, 'DOD PA'I PHYIR, 'DOD NA, STONG NYID YOD PA DE GNAS LUGS MTHAR THUG YIN PAR THAL; 'DOD PA'I PHYIR, KHYAB PAR THAL, DON DAM BLO YI SPYOD YUL MIN, ,BLO NI KUN RDZOB YIN PAR 'DOD, ,CES GSUNGS PA'I PHYIR, 'DOD MI NUS TE, SEMS CAN THAMS CAD KYI RGYUD LA BDE GSHEGS SNYING PO YOD PA DE JI SNYED PA YIN PA'I PHYIR TE, DE LTAR RTOGS PA'I BLO DE JI SNYED PA RTOGS PA'I BLO YIN PA'I PHYIR TE, RGYUD BLA LAS, SHES BYA'I MTHAR THUG RTOGS PA'I BLOS, ,THAMS CAD MKHYEN PA'I CHOS NYID NI, ,SEMS CAN THAMS CAD LA YOD PAR, ,MTHONG PHYIR JI SNYED YOD PA NYID, ,CES GSUNGS PA'I PHYIR, GZHAN YANG, GANG GI RTEN CING 'BREL PAR 'BYUNG, ,'GAGS PA MED @136B PA SKYE MED PA, ,ZHES SOGS KYI LUNG DON MA GRUB PAR THAL, STONG NYID LA GNYIS SNANG NUB PA'I YE SHES KYI GZIGS NGOR ZAB MO STONG PA NYID YOD PA'I PHYIR, RTAGS KHAS SO, GZHAN YANG, STONG NYID CHOS CAN; THA SNYAD TZAM DU YANG MED PAR THAL, KUN RDZOB TU MED PA'I PHYIR, RTAGS SGRIG ,STONG NYID CHOS CAN, BDEN PA MIN PAR THAL, KUN RDZOB YIN PA'I PHYIR, RTAGS SGRIG ,DER THAL, KUN RDZOB TU YOD PA'I PHYIR, 'KHOR GSUM, GZHAN YANG BDEN GRUB DANG BDEN PA GNYIS DON GCIG MING GI RNAM GRANGS MA YIN PAR THAL, KUN RDZOB DANG, KUN RDZOB TU YOD PA GNYIS DON GCIG MING GI RNAM GRANGS MA YIN PA'I PHYIR, RTZA BAR 'DOD NA, STONG NYID CHOS CAN, MED PAR THAL, 'DOD PA'I PHYIR, GZHAN YANG, DE CHOS CAN, KHYOD YOD ZHES PA'I THA SNYAD DE THA SNYAD DON MTHUN MA YIN PAR THAL, KHYOD THA SNYAD TZAM DU YANG MED PA'I PHYIR, GZHAN YANG, NYER LEN GYI PHUNG PO CHOS CAN, KUN RDZOB BDEN PA YIN PAR TSAD MAS GRUB PAR THAL, KUN RDZOB BDEN PA YIN PA'I PHYIR, 'DOD NA SGRIG ,DE CHOS CAN, KUN RDZOB BDEN PA YIN PAR GRUB PAR THAL, 'DOD PA'I PHYIR, 'DOD NA SGRIG ,DE CHOS CAN, KUN RDZOB BDEN PAR GRUB PAR THAL, 'DOD PA'I PHYIR, KHYAB PA GSUM PO DE YOD PAR THAL, BDEN PA YIN NA DE YIN PAR TSAD MAS GRUB DGOS, @137A *, ,DE YIN PAR TSAD MAS GRUB NA, DE YIN PAR GRUB DGOS, DE YIN PAR GRUB NA, DER GRUB DGOS PA'I PHYIR, 'DOD NA, STONG NYID BDEN PAR MA GRUB PAR THAL, 'DOD PA'I PHYIR, 'DOD NA SGRIG ,STONG NYID BDEN PAR GRUB PAR THAL, DE BDEN PA YIN PAR GRUB PA'I PHYIR, 'KHOR GSUM, KHA CIG NA RE, SHES BYA LA BDEN PA GNYIS SU GRANGS MA NGES PAR THAL, SHES BYA LA BDEN PA BZHIR GSUNGS PA'I PHYIR, ZHE NA MA KHYAB PAR THAL, DBU MA THAL 'GYUR BA'I LUGS LA, 'GOG BDEN DON DAM BDEN PA DANG, BDEN PA GZHAN GSUM KUN RDZOB BDEN PAR 'DOD PA GANG ZHIG ,RANG LUGS LA 'DI THAMS CAD KUN RDZOB KYI BDEN PA YIN PA'I PHYIR, DANG PO GRUB STE, 'JUG PA'I RANG 'GREL LAS, DE'I PHYIR BDEN PA GNYIS LAS THA DAD PA'I 'PHAGS PA'I BDEN PA BZHI PO GA LA YOD CE NA, ZHES DANG, DE'I LAN DU, DE LA SDUG BSNGAL DANG, KUN 'BYUNG DANG, LAM GYI BDEN PA NI, KUN RDZOB GYI BDEN PA'I KHONGS SU GTOGS SO, ,'GOG BA'I BDEN PA NI, DON DAM PA'I BDEN PA'I RANG GI NGO BO, , ZHES GSUNGS PA'I PHYIR RO, ,GNYIS PA GZHUNG DON LA, BSHAD BYA'I MDO 'GOD PA DANG, MDO'I DON BSHAD PA GNYIS, DANG PO NI, YUM BAR MA'I MDO LAS BCOM LDAN 'DAS KYIS TSE DANG LDAN PA SH'A RI'I BU LA @137B 'DI SKAD CES BKA' STZAL TO, ,TSE DANG LDAN PA SH'A RI'I BU 'DI LA BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I TSE, BYANG CHUB SEMS DPA' NYID YOD BZHIN DU, BYANG CHUB SEMS DPA' YANG DAG PAR RJES SU MI MTHONG NGO, BYANG CHUB SEMS DPA'I MING YANG DAG PAR RJES SU MI MTHONG NGO, ,BYANG CHUB KYANG YANG DAG PAR RJES SU MI MTHONG NGO, ,SHES RAB KYI PHA ROL TU PHYIN PA YANG DAG PAR RJES SU MI MTHONG NGO, SHES RAB KYI PHA ROL TU PHYIN PA'I MING YANG DAG PAR RJES SU MI MTHONG NGO, SPYOD CES BYA BAR YANG DAG PAR RJES SU MI MTHONG NGO, ,MI SPYOD CES BYA BAR YANG DAG PAR RJES SU MI MTHONG NGO, ,SPYOD KYANG SPYOD LA MI SPYOD KYANG MI SPYOD CES BYA BAR YANG DAG PAR RJES SU MI MTHONG NGO, ,SPYOD PA YANG MA YIN MI SPYOD PA YANG MA YIN NO, ZHES YANG DAG PAR RJES SU MI MTHONG NGO, ,GZUGS KYANG YANG DAG PAR RJES SU MI MTHONG NGO, ,DE BZHIN DU TSOR BA DANG, 'DU SHES DANG, 'DU BYED RNAMS DANG, RNAM PAR SHES PA YANG DAG PAR RJES SU MI MTHONG NGO, ,DE CI'I PHYIR ZHE NA, SH'A RI'I BU 'DI LTAR BYANG CHUB SEMS DPA' YANG BYANG CHUB SEMS DPA'I RANG BZHIN GYIS STONG NGO, BYANG CHUB SEMS DPA'I MING YANG BYANG CHUB SEMS DPA'I MING GIS STONG NGO, ,DE CI'I PHYIR ZHE NA, DE'I RANG BZHIN NI 'DI YIN TE, 'DI LTAR STONG PA NYID KYIS GZUGS STONG PA @138A *, ,MIN ZHING, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA, STONG PA NYID KYIS STONG PA MIN NO, ,DE CI'I PHYIR ZHE NA, GZUGS KYI STONG PA NYID GANG YIN PA DE NI GZUGS MA YIN, TSOR BA'I STONG PA NYID GANG YIN PA DE NI TSOR BA MA YIN, 'DU SHES KYI STONG PA NYID GANG YIN PA DE NI 'DU SHES MA YIN, 'DU BYED KYI STONG PA NYID GANG YIN PA DE NI 'DU BYED RNAMS MA YIN, RNAM PAR SHES PA'I STONG PA NYID GANG YIN PA DE NI RNAM PAR SHES PA MA YIN NO, GZUGS LAS GZHAN NA STONG PA NYID MED, TSOR BA LAS GZHAN NA STONG PA NYID MED, 'DU SHES LAS GZHAN NA STONG PA NYID MED, 'DU BYED RNAMS LAS GZHAN NA STONG PA NYID MED, RNAM PAR SHES PA LAS GZHAN NA STONG PA NYID MED DO, ,DE CI'I PHYIR ZHE NA, GZUGS NYID STONG PA NYID DO, ,TSOR BA NYID STONG PA NYID DO, ,'DU SHES NYID STONG PA NYID DO, ,'DU BYED RNAMS NYID STONG PA NYID DO, ,RNAM PAR SHES PA NYID STONG PA NYID DO, ,STONG PA NYID NYID GZUGS SO, ,STONG PA NYID NYID TSOR BA'O, ,STONG PA NYID NYID 'DU SHES SO, ,STONG PA NYID NYID 'DU BYED RNAMS SO, ,STONG PA NYID NYID RNAM PAR SHES PA'O, , DE CI'I PHYIR ZHEN, 'DI LTAR, 'DI LTA STE, BYANG CHUB SEMS DPA' ZHES BYA BA 'DI NI MING TZAM MO, ,'DI LTA STE, ,SHES RAB KYI PHA ROL TU PHYIN PA ZHES BYA BA 'DI NI MING TZAM MO, ,'DI LTA STE, GZUGS DANG TSOR BA DANG, 'DU @138B SHES DANG 'DU BYED DANG, RNAM PAR SHES PA ZHES BYA BA 'DI MING TZAM MO, ,'DI LTA STE, GZUGS NI SGYU MA LTA BU'O, ,TSOR BA DANG 'DU SHES DANG, 'DU BYED RNAMS DANG, RNAM PAR SHES PA NI SGYU MA LTA BU'O, ,SGYU MA YANG MING TZAM STE, YUL NA GNAS PA MIN, PHYOGS NA GNAS PA MINO, ,SGYU MA MTHONG BA NI DE BZHIN NYID DANG BRAL BA MTHONG BA DANG MTSUNGS PA'O, ,NGO BO NYID NI SKYE BA MED PA, 'GAG PA MED PA, GNAS PA MED PA, KUN NAS NYON MONGS PA MED PA ,RNAM PAR BYANG BA MED PA STE, SHES RAB KYI PHA ROL TU PHYIN PA LA, DE LTAR SPYOD PA'I BYANG CHUB SEMS DPA' SEMS DPA' CHEN PO NI, CHOS GANG LA YANG SKYE PA YANG DAG PAR RJES SU MI MTHONG, 'GAG PA YANG DAG PAR RJES SU MI MTHONG, GNAS PA YANG DAG PAR RJES SU MI MTHONG, 'PHEL BA YANG DAG PAR RJES SU MI MTHONG, 'GRIB PA YANG DAG PAR RJES SU MI MTHONG, ,KUN NAS NYON MONGS PA YANG DAG PAR RJES SU MI MTHONG NGO, ,RNAM PAR BYANG BA YANG DAG PAR RJES SU MI MTHONG, ,DE CI'I PHYIR ZHE NA, 'DI LTAR MING NI CHOS SO SO LA BCOS MA YIN ZHING, DE DAG KYANG BTAGS PA YIN TE, MING BLO BUR LA THA SNYAD BYED PA YIN NO, MING DE DAG THAMS CAD NI BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PAS YANG DAG PAR RJES SU MI MTHONG NGO, ,YANG DAG PAR RJES SU MI MTHONG BAS NA MNGON BAR MI ZHENO, ,SH'A RI'I BU GZHAN YANG BYANG @139A *, ,CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I TSE 'DI LTAR YONGS SU RTOG STE, 'DI LTA STE, BYANG CHUB SEMS DPA' ZHES BYA BA 'DI NI MING TZAM MO, ,'DI LTA STE, BYANG CHUB CES BYA BA 'DI NI MING TZAM MO, 'DI LTA STE, SHES RAB KYI PHA ROL TU PHYIN PA ZHES BYA BA 'DI NI MING TZAM MO, ,'DI LTA STE, GZUGS ZHES BYA BA 'DI NI MING TZAM MO, ,TSOR BA DANG 'DU SHES DANG, 'DU BYED RNAMS DANG, RNAM PAR SHES PA ZHES BYA BA 'DI NI MING TZAM MO, ,SH'A RI'I BU 'DI LTA STE, DPER NA BDAG BDAG CES BYA BA NI THA SNYAD DU BRJOD MOD KYI BDAG DMIGS SU MED DO, ,SEMS CAN MA YIN, SROG MA YIN, GSO BA MA YIN, SKYES BU MA YIN, GANG ZAG MA YIN, SHED LAS SKYES PA MA YIN ZHING, SHED BU DMIGS SU MED DE, MI DMIGS PA STONG PA NYID KYI PHYIR RO, ,DE CI'I PHYIR ZHE NA, 'DI LTAR BYANG CHUB SEMS DPA' NI GANG GI MNGON PAR CHAGS PAR 'GYUR BA DE YANG NGAG PAR MI DMIGS TE, SH'A RI'I BU DE LTAR SPYOD PA'I BYANG CHUB SEMS DPA' SEMS DPA' CHEN PO NI SHES RAB KYI PHA ROL TU PHYIN PA LA SPYOD PA YIN NO, ,SH'A RI'I BU GAL TE 'DZAM BU'I GLING 'DI DGE SLONG SH'A RI'I BU DANG, MOO GAL GYI BU SHA STAG GIS, 'DI LTA STE, DPER NA, 'DAM BU'I TSAL LAM, 'OD MA'I TSAL LAM, BU RAM GYI SHING GI TSAL LAM, SMRIG MA'I TSAL LAm, @139B 'BRAS KYI ZHING NGAM, TIL GYI ZHING LTAR YONGS SU GANG BAR GYUR KYANG, DE DAG GI SHES RAB GANG YIN PA DES NI BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD BA'I SHES RAB NYIN GCIG BSGOM PA'I BRGYA'I CHVA NYE BAR MI 'GRO STONG GI CHA DANG, BRGYA STONG NAS BYE BA BRGYA STONG GI CHA DANG, GRANGS SU DANG, CHAD YANG, BGRANG BAR YANG, RGYUR YANG, DPER YANG, NYE BAR MI 'GRO'O, ,SH'A RI'I BU DE LTAR SHES RAB KYI PHA ROL TU PHYIN PA LA SPYOD PA'I BYANG CHUB SEMS DPA'I SHES RAB NYIN GCIG BSGOM PA GANG YIN PA DES NI, NYAN THOS DANG RANG SANGS RGYAS RNAMS KYI SHES RAB ZIL GYIS GNON PAR BYED DO, ,DE CI'I PHYIR ZHE NA, SH'A RI'I BU 'DI LTAR BYANG CHUB SEMS DPA' SEMS DPA' CHEN PO'I SHES RAB NI SEMS CAN THAmS CAD YONGS SU MYA NGAN LAS 'DA' BA'I DON DU NYE BAR GNAS PA YIN TE, NYAN THOS DANG RANG SANGS RGYAS KYI SHES RAB NI DE LTAR MIN NO, SH'A RI'I BU 'DZAM BU'I GLING 'DI DGE SLONG SH'A RI'I BU DANG MOO GAL GYI BU SHA STAG GI YONGS SU GANG BA LTA ZHOG GI SH'A RI'I BU GAL TE STONG GSUM GYI STONG CHEN PO'I 'JIG RTEN GYI KHAMS DGE SLONG SH'A RI'I BU DANG, MOO GAL GYI BU SHA STAG GIS, DPER NA 'DAM BU'I TSAL LAM, X X X SH'A RI'I BU STONG GSUM GYI STONG CHEN PO'I 'JIG RTEN GYI KHAMS DGE SLONG SH'A RI'I BU DANG, MOO @140A *, ,GAL GYI BU SHA STAG GI YONGS SU GANG BA LTA ZHOG GI, SH'A RI'I BU GAL TE SHAR PHYOGS KYI 'JIG RTEN GYI KHAMS GANG+G'A'I KLUNG GI BYE MA SNYED DGE SLONG SH'A RI'I BU DANG, ,MOO GAL GYI BU SHA STAG GIS DPER NA 'DAM BU'I TSAL LAM, X X X SH'A RI'I BU GAL TE LHO PHYOGS KYI 'JIG RTEN KHAMS GANG+GA'I KLUNG GI BYE MA SNYED DGE SLONG SH'A RI'I BU DANG, MOO GAL GYI BU SHA STAG GIS DPER NA 'DAM BU'I TSAL X X X SH'A RI'I BU GAL TE NUB PHYOGS KYI 'JIG RTEN GYI KHAMS GANG+G'A'I KLUNG GI BYE MA SNYED, DGE SLONG SH'A RI'I BU DANG MOO GAL GYI BU SHA STAG GI DPER NA 'DAM BU'I X X X SH'A RI'I BU GAL TE BYANG PHYOGS KYI 'JIG RTEN GYI KHAMS GANG+G'A'I KLUNG GI BYE MA SNYED, DGE SLONG SH'A RI'I BU DANG MOO GAL GYI BU SHA STAG GI DPER NA 'DAM BU'I TSAL LAM X X X SH'A RI'I BU GAL TE BYANG SHAR GYI PHYOGS KYI 'JIG RTEN GYI KHAMS GANG+G'A'I KLUNG GI BYE MA SNYED X X X SH'A RI'I BU GAL TE SHAR LHO'I PHYOGS KYI 'JIG RTEN GYI KHAMS GANG+G'A'I KLUNG GI BYE MA SNYED X X X SH'A RI'I BU GAL TE LHO NUB KYI PHYOGS KYI 'JIG RTEN GYI KHAMS GANG+G'A'I KLUNG GI BYE MA SNYED X X X SH'A RI'I BU GAL TE NUB BYANG GI PHYOGS KYI 'JIG RTEN GYI KHAMS GANG+G'A'I KLUNG GI BYE MA SNYED X X X SH'A RI'I BU GAL TE 'OG PHYOGS KYI 'JIG RTEN GYI KHAMS GANG+G'A'I KLUNG @140B GI BYE MA SNYED X X X SH'A RI'I BU GAL TE STENG GI PHYOGS KYI 'JIG RTEN GYI KHAMS GANG+G'A'I KLUNG GI BYE MA SNYED DGE SLONG SH'A RI'I BU DANG MOO GAL GYI BU SHA STAG GIS DPER NA 'DAM BU'I TSAL LAM, 'ONG MA'I TSAL LAm, , BU RAM GYI SHING GI TSAL LAM, 'BRAS KYI ZHING NGAM, TIL GYI ZHING LTAR GANG BAR GYUR KYANG DE DAG GI SHES RAB GANG YIN PA DES NI BYANG CHUB SEMS DPA' SEMS DPA' CHEN POS, SHES RAB KYI PHA ROL TU PHYIN PA LA SPYOD PA'I SHES RAB NYIN GCIG BSGOM PA'I BRGYA'I CHAR YANG NYE BAR MI 'GRO, ,STONG GI CHAR YANG, BRGYA STONG GI CHAR YANG, GRANGS SU YANG, CHAR YANG, BGRANG BAR YANG, RGYUR YANG, DPER YANG NYE BAR MI 'GRO'O, DE NAS TSE DANG LDAN PA SH'A RI'I BUS BCOM LDAN 'DAS LA 'DI SKAD CES GSOL TO, ,BCOM LDAN 'DAS RGYUN TU ZHUGS PA DANG LAN CIG PHYIR 'ONG BA DANG PHYIR MI 'ONG BA DANG DGRA BCOM PA'I SHES RAB DANG, GANG YANG RANG SANGS RGYAS KYI SHES RAB DANG, BYANG CHUB SEMS DPA' SEMS DPA' CHEN PO'I SHES RAB DANG, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYI SHES RAB GANG LAGS PA'I SHES RAB DE DAG THAMS CAD NI DBYE BA MED PA, DPEN NA, MA SKYES PA, NGO BO MED PA, STONG PA LAGS SHING BCOM LDAN 'DAS DBYE BA MED PA, DBEN PA MA SKYES PA, NGO BO MED PA,@141A *, ,STONG PA LA NI THA SNYAD DU BYA BA'AM KHYAD PAR DMIGS SU MA MCHIS NA, BCOM LDAN 'DAS DE JI LTAR BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I SHES RAB GDUGS GCIG BSGOM PA GANG LAGS PA DES NYAN THOS DANG RANG SANGS RGYAS THAMS CAD KYI SHES RAB ZIL GYIS MNON PAR 'GYUR BA LAGS, DE SKAD CES GSOL BA DANG, BCOM LDAN 'DAS KYIS TSE DANG LDAN PA SH'A RI'I BU LA 'DI SKAD CES BKA' STZAL TO, SH'A RI'I BU DE JI SNYAM DU SEMS, BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I SHES RAB NYIN GCIG BSGOM PA RNAM PA THAMS CAD KYI MCHOG DANG LDAN PA'I RNAM PA THAMS CAD MKHYEN PA NYID LA SPYOD PA DANG, BDAG GIS SEMS CAN NYID KYI DON BYED PA DANG, CHOS THAMS CAD RNAM PA THAMS CAD DU MNGON PAR RDZOGS PAR SANGS RGYAS PAR BYAS TE, SEMS CAN THAMS CAD YONGS SU MYA NGAN LAS 'DA'O ZHES 'BRAS BU GANG GI DON DU NYE BAR GNAS PA DE'I DON DU NYAN THOS DANG, RANG SANGS RGYAS THAMS CAD KYI SHES RAB NYE BAR GNAS SAM CI, SH'A RI'I BUS GSOL BA, ,BCOM LDAN 'DAS DE LTA MA LAGS SO, ,BCOM LDAN 'DAS KYIS BKA' STZAL PA, SH'A RI'I BU DE JI SNYAM DU @141B SEMS, JIG NYAN THOS DANG, RANG SANGS RGYAS THAMS CAD 'DI SNYAM DU BDAG CAG GI BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS NAS SEMS CAN THAMS CAD PHUNG PO LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN 'DA'O SNYAM DU SEMSAm, SH'A RI'I BUS GSOL PA, BCOM LDAN 'DAS DE LTA MA LAGS SO, ,BCOM LDAN 'DAS KYIS BKA' STZAL PA, SH'A RI'I BU DES NA RNAM GRANGS 'DIS KYANG KHYOD KYIS 'DI LTAR RIGS PAR BYA STE, GANG 'DI NYAN THOS DANG RANG SANGS RGYAS THAMS CAD KYI SHES RAB GANG YIN PA, DES NI BYANG CHUB SEMS DPA' SEMS DPA' CHEN PO'I SHES RAB NYIN GCIG BSGOM PA'I BRGYA'I CHAR YANG NYE BAR MI 'GRO, STONG GI CHAR YANG, BRGYA PHRAG STONG GI CHAR YANG, GRANGS SU YANG, CHAR YANG, BGRANG BAR YANG, RGYUR YANG, DPE YANG NYE BAR MI 'GRO'O, ,SH'A RI'I BU DE JI SNYAM DU SEMS, JI GA NYAN THOS DANG RANG SANGS RGYAS THAMS CAD 'DI SNYAM DU BDAG CAG GIS PHA ROL TU PHYIN PA DRUG LA SPYAD DE SEMS CAN YONGS SU SMIN PAR BYAS LA, SANGS RGYAS KYI ZHING YONGS SU DAG PAR BYAS TE, DE BZHIN GSHEGS PA'I STOBS BCU YONGS SU RDZOGS PAR BYAS LA, MI 'JIGS PA BZHI DANG, SO SO YANG DAG PAR RIGS PA BZHI DANG, BYAMS PA CHEN PO DANG, SNYING RJE CHEN PO DANG, SANGS RGYAS KYI @142A *, ,CHOS MA 'DRES PA BCO BRGYAD YONGS SU RDZOGS PAR BYAS TE BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS NAS SEMS CAN GZHAL DU MED, GRANGS MED, TSAD MED PA RNAMS YONGS SU MYA NGAN LAS 'DA'O SNYAM DU SEMS SAM, SH'A RI'I BUS GSOL PA, BCOM LDAN 'DAS DE LTA MA LAGS SO, ,BCOM LDAN 'DAS KYIS BKA' STZAL PA, SH'A RI'I BU BYANG CHUB SEMS DPA' SEMS DPA' CHEN PO NI 'DI SNYAM DU SEMS TE, BDAG GIS PHA ROL TU PHYIN PA DRUG LA SPYAD DE, SEMS CAN YONGS SU SMIN PAR BYAS LA SANGS RGYAS KYI ZHING YONGS SU DAG PAR BYAS TE, DE BZHIN GSHEGS PA'I STOBS BCU YONGS SU RDZOGS PAR BYAS LA, MI 'JIGS PA BZHI DANG, SO SO YANG DAG PA'I RIGS PA BZHI DANG, BYAMS PA CHEN PO DANG, SNYING RJE CHEN PO DANG, SANGS RGYAS KYI CHOS MA 'DRES PA BCO BRGYAD YONGS SU RDZOGS PAR BYAS TE, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS NAS SEMS CAN GZHAL DU MED, GRANGS MED, TSAD MED PA RNAMS YONGS SU MYA NGAN LAS 'DA' BAR BYA'O SNYAM DU SEMS SO, ,SH'A RI'I BU 'DI LTA STE, DPER NA SROG CHAGS KYI RIGS SRIN BU ME KHYER NI 'DI LTAR BDAG GI SNANG BAS 'DZAM BU'I GLING KU TU NA SNANG @142B BAR BYA'O, ,BDAG GI 'OD KYIS 'DZAM BU'I GLING GSAL BAR BYA'O SNYAM DU MI SEMS SO, ,SH'A RI'I BU DE BZHIN DU NYAN THOS DANG, RANG SANGS RGYAS THAMS CAD KYANG 'DI LTAR BDAG CAG GIS PHA ROL TU PHYIN PA DRUG LA SPYAD DE SEMS CAN YONGS SU SMIN PAR BYED LA, SANGS RGYAS KYI ZHING YONGS SU DAG PAR BYAS TE DE BZHIN GSHEGS PA'I STOBS BCU YONGS SU RDZOGS PAR BYAS LA MI 'JIGS PA BZHI DANG, SO SO YANG DAG PA'I RIGS PA BZHI DANG, BYAMS PA CHEN PO DANG, SNYING RJE CHEN PO DANG, SANGS RGYAS KYI CHOS MA 'DRES PA BCO BRGYAD YONGS SU RDZOGS PAR BYAS TE, BLA NA MED PA YANG DAG PAR RDZOGS PA'I BYANG CHUB TU MNGON PAR SANGS RGYAS NAS SEMS CAN GZHAL DU MED, GRANGS MED, TSAD MED PA RNAMS YONGS SU MYA NGAN LAS 'DA' BAR BYA'O SNYAM DU MI SEMS SO, ,SH'A RI'I BU 'DI LTA STE, DPER NA NYI MA'I DKYIL 'KHOR 'CHAR BAS NI 'DZAM BU'I GLING THAMS CAD SNANG BAS GSAL BAR BYED DO, ,SH'A RI'I BU DE BZHIN DU BYANG CHUB SEMS DPA' SEMS DPA' CHEN PO NI PHA ROL TU PHYIN PA DRUG LA SPYAD DE SEMS CAN YONGS SU SMIN PAR BYAS SHING, SANGS RGYAS KYI ZHING YONGS SU DAG PAR BYAS NAS, DE BZHIN GSHEGS PA'I STOBS BCU YONGS SU RDZOGS PAR BYAS TE, MI 'JIGS PA BZHI DANG, SO SO YANG DAG PA RIG PA BZHI DANG, BYAMS PA CHEN PO DANG, SNYING RJE CHEN PO DANG, @143A *, ,SANGS RGYAS KYI CHOS MA 'DRES PA BCO BRGYAD YONGS SU RDZOGS PAR BYAS TE BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS NAS SEMS CAN GZHAL DU MED PA GRANGS MED PA, TSAD MED PA RNAMS YONGS SU MYA NGAN LAS 'DA'O, ,DE SKAD CES BKA' STZAL PA DANG, TSE DANG LDAN PA SH'A RI'I BUS BCOM LDAN LA 'DI SKAD CES GSOL TO, BCOM LDAN 'DAS JI LTAR BYANG CHUB SEMS DPA' SEMS DPA' CHEN PO NYAN THOS DANG RANG SANGS RGYAS KYI SA THAMS CAD LAS 'DAS SHING PHYIR MI LDOG PA'I BYANG CHUB SEMS DPA'I SA THOB PA DANG, BYANG CHUB KYI LAM YONGS SU SBYONG BA LAGS, DE SKAD CES GSOL BA DANG, BCOM LDAN 'DAS KYIS TSE DANG LDAN PA SH'A RI'I BU LA 'DI SKAD CES BKA' STZAL TO, ,SH'A RI'I BU 'DI LA BYANG CHUB SEMS DPA' SEMS DPA' CHEN PO NI SEMS DANG PO BSKYED PA NAS NYE BAR BZUNG STE PHA ROL TU PHYIN PA DRUG LA SPYOD PA'I TSE STONG PA NYID DANG MTSAN MA MED PA DANG, SMON PA MED PA'I CHOS LA GNAS TE, NYAN THOS DANG RANG SANGS RGYAS KYI SA LAS 'DA' BAR BYED, PHYIR MI LDOG PA'I BYANG CHUB SEMS DPA'I SA THOB PAR BYED, BYANG CHUB KYI LAM YANG YONGS SU SBYONG BAR BYED DO, DE SKAD CES BKA' STZAL PA DANG, BCOM LDAN 'DAS LA TSE DANG LDAN PA SH'A RI'I BUS 'DI SKAD CES @143B GSAL TO, ,BCOM LDAN 'DAS GANG LA GNAS PA'I BYANG CHUB SEMS DPA' SEMS DPA' CHEN PO, RTAG TU RGYUN MI CHAD PAR NYAN THOS DANG RANG SANGS RGYAS THAMS CAD KYI SBYIN PA'I GNAS SU 'GYUR LAGS, DE SKAD CES GSOL BA DANG, BCOM LDAN 'DAS KYIS TSE DANG LDAN PA SH'A RI'I BU LA 'DI SKAD CES BKA' STZAL TO, ,SH'A RI'I BU BYANG CHUB SEMS DPA' SEMS DPA' CHEN PO PHA ROL TU PHYIN PA DRUG LA SPYOD PA NI SEMS DANG PO BSKYED PA NAS NYE BAR BZUNG STE SNYING PO BYANG CHUB LA THUG GI BAR 'DIR RTAG TU RGYUN MI CHAD PAR NYAN THOS DANG RANG SANGS RGYAS THAMS CAD KYI SBYIN PA'I GNAS SU GYUR PA YIN NO, ,DE CI'I PHYIR ZHE NA, DE NI SH'A RI'I BU 'DI LTAR BYANG CHUB SEMS DPA' SEMS DPA' CHEN PO LA BRTEN NAS DGE BA'I CHOS THAMS CAD 'JIG RTEN DU 'BYUNG BAR 'GYUR TO, 'DI LTA STE, DGE BA BCU'I LAS KYI LAM RNAMS DANG, BSLAB PA'I GNAS LNGA DANG, YAN LAG BRGYAD DANG LDAN PA'I GSO SBYONG DANG, BSAM GTAN BZHI DANG, GZUGS MED PA'I SNYOM PAR 'JUG PA BZHI DANG, MNGON PAR SHES PA LNGA DANG, 'PHAGS PA'I BDEN PA BZHI DANG, DRAN PA NYER BZHAG BZHI DANG, YANG DAG PAR SPONG BA BZHI DANG, RDZU 'PHRUL GYI RKANG PA BZHI DANG, DBANG PO LNGA DANG, STOBS LNGA DANG, BYANG CHUB KYI LAM YAN LAG BDUN DANG, 'PHAGS PA'I LAM YAN @144A *, ,LAG BRGYAD PA 'JIG RTEN DU 'BYUNG BAR 'GYUR RO, ,MI 'JIG PA BZHI 'JIG RTEN DU 'BYUNG BAR 'GYUR RO, ,SO SO YANG DAG PA'I RIGS PA BZHI 'JIG RTEN DU 'BYUNG BAR 'GYUR RO, , PHA ROL TU PHYIN PA DRUG DANG, DE BZHIN GSHEGS PA'I STOBS BCU RNAMS 'JIG RTEN DU 'BYUNG BAR 'GYUR RO, ,RNAM PAR THAR PA BRGYAD DANG, MTHAR GYIS GNAS PA'I SNYOM PAR 'JUG PA DGU DANG, STONG PA NYID DANG, MTSAN MA MED PA DANG, SMON PA MED PA DANG, TING NGE 'DZIN THAMS CAD DANG, GZUNGS KYI SGO THAMS CAD 'JIG RTEN DU 'BYUNG BAR 'GYUR RO, ,BYAMS PA CHEN PO DANG, SNYING RJE CHEN PO DANG, SANGS RGYAS KYI CHOS MA 'DRES PA BCO BRGYAD 'JIG RTEN DU 'BYUNG BAR 'GYUR RO, ,SH'A RI'I BU DGE BA'I CHOS DE DAG LA SOGS PA MANG PO 'JIG RTEN DU 'BYUNG BAR 'GYUR TE, DGE BA'I CHOS DE DAG 'JIG RTEN DU 'BYUNG BAS RGYAL RIGS SHING SA LA CHEN PO LTA BU DAG RAB TU GDAGS PA YIN NO, ,BRAM ZE SHING SA LA CHEN PO LTA BU DAG RAB TU GDAGS PA YIN NO, KHYIM BDAG GI RIGS SHING SA LA CHEN PO LTA BU DAG RAB TU GDAGS PA YIN NO, ,'KHOR LOS BSGYUR BA'I RGYAL PO'I RIGS RNAMS RAB TU GDAGS PA YIN NO, ,RGYAL PO CHEN PO BZHI'I RIGS KYI LHA RNAMS RAB TU GDAGS PA YIN, SUM CU RTZA GSUM GYI LHA RNAMS RAB TU GDAGS PA YIN, 'THAB BRAL GYI LTA @144B RNAMS RAB TU GDAGS PA YIN, DGA' LDAN GYI LHA RNAMS RAB TU GDAGS PA YIN, 'PHRUL DGA'I LHA RNAMS RAB TU GDAGS PA YIN, GZHAN 'PHRUL DBANG BYED KYI LHA RNAMS X TSANGS RIS KYI LHA RNAmS X TSANGS PA MDUN NA MDON GYI LHA RNAMS X TSANGS 'KHOR GYI LHA RNAMS X TSANGS CHEN PA'I LHA RNAMS X 'OD CHUNG GI LHA RNAMS X TSAD MED 'OD KYI LHA RNAMS X 'OD GSAL GYI LHA RNAMS X DGE CHUNG GI LHA RNAMS X TSAD MED DGE BA'I LHA RNAMS X DGE RGYAS KYI LHA RNAMS X SPRIN MED KYI LHA RNAMS X BSOD NAMS SKYES PA'I LHA RNAMS X 'BRAS BU CHE BA'I LHA RNAMS X 'DU SHES MED PA'I SEMS CAN GYI LHA RNAMS X MI GA-YO BA'I LHA RNAMS X MI GDUNG BA'I LHA RNAMS X LEGS MTHONG GI LHA RNAMS X RAB LTA'I LHA RNAMS X 'OG MIN GYI LHA RNAMS X NAM MKHA' MTHA' YAS SKYE MCHED KYI LHA RNAMS X RNAM SHES MTHA' YAS SKYE MCHED KYI LHA RNAMS X CUNG ZAD MED PA'I SKYE MCHED KYI LHA RNAMS X 'DU SHES MED 'DU SHES MED MIN SKYE MCHED KYI LHA RNAMS RAB TU GDAGS PA YIN, RGYUN DU ZHUGS PA RNAMS 'JIG RTEN DU SKYE'O, ,LAN CIG PHYIR 'ONG BA RNAMS 'JIG RTEN DU SKYE'O, ,PHYIR MI 'ONG BA RNAMS 'JIG RTEN DU SKYE'O, ,DGRA BCOM PA RNAMS 'JIG RTEN DU SKYE'O, ,RANG SANGS RGYAS RNAMS 'JIG RTEN DU SKYE'O, ,BYANG CHUB @145A *, ,SEMS DPA' RNAMS 'JIG RTEN DU SKYE'O, ,DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS 'JIG RTEN DU SKYE'O, ,DE SKAD CES BKA' STZAL BA DANG, BCOM LDAN 'DAS LA TSE DANG LDAN PA SH'A RI'I BUS 'DI SKAD CES GSOL TO, ,BCOM LDAN 'DAS CI BYANG CHUB SEMS DPA' SEMS DPA' CHEN PO RNAMS YON YONGS SU SBYONG BAR BGYID PA LAGS SAM, 'ON TE MA LAGS, BCOM LDAN 'DAS KYIS BKA' STZAL BA, SH'A RI'I BU BYANG CHUB SEMS DPA' SEMS DPA' CHEN PO RNAMS NI YON YONGS SU SBYONG BAR BYED PA YIN NO, ,DE CI'I PHYIR ZHE NA, BYANG CHUB SEMS DPA' SEMS DPA' CHEN PO'I YON NI SHIN TU DAG PA KHO NA'O, ,DE CI'I PHYIR ZHE NA, BYANG CHUB SEMS DPA' SEMS DPA' CHEN PO NI SBYIN PA PO YIN PA'I PHYIR RO, ,CI ZHIG SBYIN PA PO YIN ZHE NA, DGE BA'I CHOS RNAMS KYI SBYIN PA PO YIN NO, DGE BA'I CHOS GANG DAG GIS SBYIN PA PO YIN ZHE NA 'DI LTA STE, DGE BA BCU'I LAS KYI LAM RNAMS DANG, BSLAB PA'I GNAS LNGA RNAMS DANG, YAN LAG BRGYAD DANG LDAN PA'I GSO SBYONG DANG, BSAM GTAN BZHI RNAMS DANG, TSAD MED PA BZHI RNAMS DANG, GZUGS MED PA'I SNYOMS PAR 'JUG PA BZHI RNAMS DANG, MNGON PAR SHES PA LNGA RNAMS DANG, 'PHAGS PA'I BDEN PA BZHI @145B RNAMS DANG, RJES SU DRAN PA DRUG RNAMS DANG, DRAN PA NYE BAR BZHAG PA BZHI RNAm DANG, YANG DAG PAR SPONG BA BZHI RNAMS DANG, RDZU 'PHRUL GYI RKANG PA BZHI RNAMS DANG, DBANG PO LNGA RNAMS DANG, STOBS LNGA RNAMS DANG, BYANG CHUB KYI YAN LAG BDUN RNAMS DANG, 'PHAGS PA'I LAM YAN LAG BRGYAD PA RNAMS DANG, RNAM PAR THAR PA BRGYAD RNAMS DANG, MTHAR GYIS GNAS PA'I SNYOMS PAR 'JUG PA DGU DANG, STONG PA NYID DANG, MTSAN MA MED PA DANG, SMON PA MED PA DANG, TING NGE 'DZIN THAMS CAD DANG, GZUNGS KYI SGO THAMS CAD DANG, MI 'JIG PA BZHI DANG, SO SO YANG DAG PAR RIG PA BZHI RNAMS DANG, PHA ROL TU PHYIN PA DRUG RNAMS DANG, DE BZHIN GSHEGS PA'I STOBS BCU RNAMS DANG, SANGS RGYAS KYI CHOS MA 'DRES PA BCO BRGYAD RNAMS KYI SBYIN PA PO YIN NO, ,ZHES GSUNGS SO, ,GNYIS PA RJE BTZUN GYIS GSUNG TSUL NI, SGRUB DANG, ZHES GSUNGS LA, SLOB DPON GYIS BKRAL BA'I TSUL NI, BYANG CHUB SEMS KYI, ZHES SOGS SO, DE RNAMS KYI DON GO BDE BAR BSDUS NAS BRJOD NA, SHES RAB LA GDAMS PA'I TSUL DANG, THABS MKHAS LA GDAMS PA'I TSUL, RTZOD PA SPANGS PA DANG GSUM, DANG PO NI, BYANG SEMS YOD BZHIN DU BYANG SEMS YANG DAG PAR RJES SU MI MTHONG, ZHES SOGS KYIS BSTAN TE, GZHUNG DE RNAMS KYIS RNAM GA-YENG@146A *, ,GI RNAM PAR RTOG PA BCU'I GNYEN POR SA BCU'I BAR CHAD MED LAm SGOM TSUL BSTAN PA'I PHYIR TE, DE LTAR DU BRGYAD STOD DON BSDUS SOGS LAS GSUNGS PA LTAR GNAS PA'I PHYIR, RNAM GA-YENG, GI RNAM RTOG BCU'I GNYEN POR SA BCU'I BAR CHAD MED LAM BSGOM PA CHOS CAN, DGOS PA YOD DE, SGRIB GNYIS BAG CHAGS DANG BCAS PA SPANGS PA'I SGO NAS CHOS SKU MYUR DU THOB PA'I DGOS PA YOD PA'I PHYIR, 'O NA RNAM GA-YENG GI RNAM PAR RTOG PA BCU PO DE GANG ZHE NA, BRGYAD STONG DON BSDUS KYI 'GREL BA LAS, DES NA BRJOD PA NI SEMS KYI RNAM PAR GA-YENG BA BCUS SHES PA LA SOGS PAS SO, ,BYANG CHUB SEMS DPA' LAS DANG PO BA RNAMS KYI RNAM PAR RTOG PA'I RNAM PAR GA-YENG BA RNAM PA BCU NI 'DI LTA STE, DNGOS PO MED PA'I RGYU MTSAN CAN GYI RNAM PAR RTOG PA'I RNAM PAR GA-YENG BA DANG, DNGOS PO'I RGYU MTSAN CAN GYI RNAM PAR RTOG PA'I RNAM PAR GA-YENG BA DANG, SGRO 'DOGS PA'I RGYU MTSAN CAN GYI RNAm PAR RTOG PA'I RNAm PAR GA-YENG BA DANG, SKUR BA 'DEBS PA'I RGYU MTSAN CAN GYI RNAM PAR RTOG PA'I RNAM PAR GA-YENG BA DANG GCIG NYID KYI RGYU MTSAN CAN GYI RNAM PAR RTOG PA'I RNAM PAR GA-YENG BA DANG, DU MA'I RGYU MTSAN CAN GYI RNAM PAR RTOG PA'I RNAM PAR GA-YENG BA DANG, NGO BO NYID KYI RGYU MTSAN CAN GYI RNAM PAR RTOG PA'I RNAM @146B PAR GA-YENG BA DANG, KHYAD PAR GYI RGYU MTSAN CAN GYI RNAM PAR RTOG PA'I RNAM PAR GA-YENG BA DANG, MING JI LTA BA BZHIN DON YIN PA'I RGYU MTSAN CAN GYI RNAM PAR RTOG PA'I RNAM PAR GA-YENG BA DANG, DON JI LTA BA BZHIN MING YIN PA'I RGYU MTSAN (CAN) GYI RNAM PAR GA-YENG BA STE, ZHES GSUNGS PA LTAR YIN NO, GNYIS PA NI, 'DZAM BU'I GLING 'DI DGE SLONG SH'A RI'I BU DANG, ZHES SOGS KYIS BSTAN TO, DE LTAR BSTAN PA LA DGOS PA KHYAD PAR CAN YOD DE, 'DUN LDAN SEMS BSKYED LA GNAS PA'I BYANG CHUB SEMS DPA' DES THABS KHYAD PAR CAN GYIS ZIN PA'I SGO NAS BDEN STONG RTOGS PAS SHES RAB BSGOM DGOS SO ZHES RTOGS PA'I DGOS PA YOD PA'I PHYIR, DE LTAR RTOGS PA LA YANG DGOS PA YOD DE, DE'I RGYUD KYI BDEN STONG RTOGS PA'I SHES RAB DES, 'DZAM BU'I GLING NAS BZUNG STE, PHYOGS BCU'I 'JIG RTEN GYI KHAMS YONGS SU GANG BA'I NYAN THOS DGRA BCOM PA RNAMS KYIS BDEN STONG RTOGS PA'I SHES RAB ZIL GYIS GNON NUS PAR DNGOS SU RTOGS PA'I DGOS PA YOD PA'I PHYIR, DE LTAR RTOGS PA LA YANG DGOS PA YOD DE, TSAL RNAM PA DRUG DANG CHOS MTHUN PA'I NYAN THOS KYI RTOGS PA'I CHOS DRUG KYANG SHES RAB DE NYID KYIS ZIL GYIS GNON NUS PAR RTOGS PA'I SGO NAS, THEG CHEN LAM GYI MTHUN MONGS MA YIN PA'I LAM GYI NUS MTHU RTOGS @147A *, ,PA'I DGOS PA YOD PA'I PHYIR, 'O NA TSAL DRUG DANG NYAN THOS KYI RTOGS PA'I CHOS DRUG JI LTAR DU CHOS MTHUN ZHE NA, NYAN THOS KYI SBYOR LAM DROD NI, 'DAM BU'I TSAL DANG CHOS MTHUN TE, NYAN THOS KYI SBYOR LAM DROD THAMS CAD LAS NYON GYI GNOD PA CHUNG DU TZAM YANG MI BZOD PA'I PHYIR, NYAN THOS KYI SBYOR LAM RTZE MO NI, 'ONG MA'I TSAL DANG CHOS MTHUN TE, 'OD MA MTSON GYIS BCAD DKA' BA BZHIN DU 'DI THOB NAS LOG LTAS DGE RTZA BCAD PAR MI NUS PA'I PHYIR, DE'I BZOD PA NI, BU RAM GYI SHING DANG CHOS MTHUN TE, BU RAM GYI SHING MNGAR BA'I RANG BZHIN MI 'DOR BA BZHIN DU 'DI THOB NAS LAS DBANG GIS NGAN 'GROR MI SKYE ZHING, BDE 'GRO KHO NAR SKYE BA'I PHYIR, DE'I CHOS MCHOG NI, SMIG MA'I TSAL DANG CHOS MTHUN TE, SMIG MAS RANG GI SHUN PA MYUR DU 'BIGS PA BZHIN DU ,'DIS KYANG MTHONG SPANG GYI SHUN PA MYUR DU GCOD PA'Ix PHYIR, DE'I MTHONG LAM NI, 'BRAS KYI TSAL DANG CHOS MTHUN TE, 'BRAS DE 'BRAS BU RNAMS KYI MCHOG STE DANG PO YIN PA BZHIN DU, 'DI YANG 'PHAGS PA'I RTOGS PA MCHOG STE, DANG PO YIN PA'I PHYIR, DE'I SGOM LAM NI TIL DANG CHOS MTHUN TE, TIL LA LO MA DANG ME TOG RIGS MI 'DRA BA'I KHYAD PAR MED KYANG, NUS PA MI 'DRA BA'I KHYAD PAR YOD PA BZHIN DU, NYAN THOS KYI MTHONG SGOM GYI LAm LA RTOGS RIGS MI 'DRA BA'I KHYAD PAR MED KYANG, SNGA MA LAS PHYI MA NUS PA LHAG PA YIN PA'I PHYIR, TSAL SMOS PA LA DGOS PA YOD DE, @147B DE RNAmS KYI TSAL LA BZANG DAN 'BRING GSUm YOD PA BZHIN DU, NYAN THOS KYI RTOGS PA'I CHOS DRUG SO SOR YANG DBANG PO RNO 'BRING RTUL GSUM GYI DBYE BA YOD DO ZHES RTOGS PA'I DGOS PA YOD PA'I PHYIR, LAM ZHES SMOS PA LA DGOS PA YOD DE; DPE PHYI MA PHYI MA RNAMS DRANG BA'I DGOS PA YOD PA'I PHYIR, TIL GYI TSAL LAM, ZHING LTAR, ZHES SMOS PA CHOS CAN, DGOS PA YOD DE, MTHONG CHOS LA BDE GNAS KYI DPE DRANG BA'I DGOS PA YOD PA'I PHYIR, MTHONG CHOS LA BDER GNAS KYI DPE DE 'DIR DNGOS SU MA BSTAN PA'I RGYU MTSAN YOD DE, NYAN THOS KYI MTHONG CHOS LA BDER GNAS KYI MNGON PAR RTOGS PA MTHA' DAG DPE GCIG GIS MTSON PAR MI NUS PA'I PHYIR TE, DE RNAmS LA RTOGS PA'I RIGS MI 'DRA BA MTHA' YAS PA YOD PA GANG ZHIG ,DE LTA BU MTSON BYED KYI DPES BSTAN NA GZHUNG 'CHAD PA PO MI MKHAS PA'I SKYON DU 'GYUR BA'I PHYIR, DE SKAD DU YANG NYI SNANG LAS, DE LA NGES PAR 'BYED PA'I CHA DANG MTHUN PA BZHI PO RNAMS DANG, MI THONG BA DANG SGOM PA'I LAM DAG LA GO RIMS BZHIN DU 'DAM BU LTAR, LAS DANG NYON MONGS PAS GNOD PA CHUNG DU MI BZOD PA DANG, 'OD MA LA ME DANG MTSON DAG GIS BZHIN DU LAS DANG NYON MONGS PA DRAG PO'I GNOD BYED PHRAD KYANG DGE BA'I RTZA BA MI CHAD PA DANG, BU RAM SHING DANG 'DRA BAR GNAS SKABS GZHAN THOB KYANG NGAN SONG CHAD PA'I PHYIR BDE 'GRO'I SKYE BA RNAMS SU RGYUN MI CHAD PA'I SBYOR BAS, CHOS SGOM PA'I MNGAR BA LAS MI 'DA' BA NYID DANG, SMIG @148A *, ,MA DANG 'DRA BAR MYUR DU MNGON PAR RTOGS PA'I PHYIR MTHONG BA'I LAM RTOGS PAR BYED PA NYID DANG, 'BRAS DANG 'DRA BAR 'PHAGS PA'I GANG ZAG RNAMS KYI RTOGS PA'I 'BRAS BU MCHOG NYID YIN PA DANG, CI LTAR MTHONG BA LA MNGON DU PHYOGS PAR BYED PA'I PHYIR, TIL DANG 'DRA BAR ME TOG LA SOGS PA DNGOS PO THA MI THAD DU ZIN KYANG DUS GZHAN DU SGOM PA LA SPANGS PA'I KHYAD PAR MTHONG BA'I DBANG DU BYAS NAS DPE DRUG PO RNAMS YIN PAR SHES PAR BYA'O, ,TSAL SMOS PA'I DON CI YIN ZHE NA, GANG ZAG GI KHYAD PAR RNAMS KYI DBANG PO'I KHYAD PAR LA SOGS PA THA DAD PA YIN ZHING DRO BAR 'GYUR BA LA SOGS PA RNAMS KYI RIGS THA MI DAD PAR SHES PAR BYA BA'I DON DU YIN TE, DON MANG PO BRTAGS PA NA YANG DPE GNYIS KYIS CHOG PAR 'GYUR RO, ,RE ZHIG LAm ZHES BYA BA'I SGRA SNGA MA SNGA MA SMROS PA NI, DPE PHYI MA PHYI MA DRANG BAR BYA BA'I DON YIN NO, ,'ON TE THA MAR LAM SMOS PA 'DI CI'I DON DU YIN ZHE NA, 'PHAGS PA'I GANG ZAG DE RNAMS KYI MTHONG BA'I CHOS RNAMS LA BDE BAR GNAS PA SHES PAR BYED PA'I DPE GZHAN DRANG PAR BYA BA'I DON DU YIN NO, ,'O NA DPE GZHAN DE CI STE MA BRJOD CE NA, MTHONG BA'I CHOS LA BDE BAR GNAS PA RNAMS NI RANG BZHIN SNA TSOGS PA NYID KYIS RIGS BSDUS PA'I NGO BOR SHES BAR BYA BA'I DON YOD DE, SO SOR DPER BRJOD PAR BRTAGS NA NI DPE JI SNYED GCIG BRJOD PAR @148B BYA ZHING, NYE BAR BSHAD PA LA MI MKHAS PA NYID DU 'GYUR TE, 'DIR NGAG GI DON NI 'DI YIN NO, ,DGE SLONG SH'A RI'I BU DANG MO'U GAL GYI BU DANG 'DRA BA SHA STAG GI ZHES GANG GSUNGS PA 'DIS NI JI SNYED GSUNGS PA'I RTOGS PA MTHUN PA RNAMS KYI ZHES BYA BAR RO, ,ZHES GSUNGS SO, ,DES NA BYANG SEMS TSOGS LAM PA'I RGYUD KYI BDEN STONG RTOGS PA'I SHES RAB KYIS ZAB MO STONG PA NYID NYIN GCIG BSGOM PAS BDEN STONG BSGOM PA'I NYAN THOS KYI SHES RAB THAMS CAD ZIL GYIS GNON PAR NUS PA'I RGYU MTSAN YOD DE, DE LTAR DU GRANGS KYI KHYAD PAR DANG, MTHU DANG, RIGS DANG, RGYU DANG DPE LAS 'DAS PA'I KHYAD PAR RNAMS BSTAN PA NYID KYIS GRUB PA'I PHYIR, BRGYA YI CHAR YANG ZHES SOGS KYIS GRANGS LAS 'DAS PA'I KHYAD PAR CHAR YANG ZHES PA'I MTHU'I KHYAD PAR, BGRANG BAR YANG ZHES PAS RIGS KYI KHYAD PAR, RGYUR YANG ZHES PA'I RGYU'I KHYAD PAR, DPER YANG ZHES PAS DPE LAS 'DAS PA'I KHYAD PAR BSTAN PA'I PHYIR TE, NYI SNANG LAS, BRGYA'I CHAR YANG NYE BAR MI 'GRO'O, ,ZHES BYA BA LA SOGS PA RGYA CHER GSUNGS PA'I DON CI ZHIG YIN ZHE NA, 'DIS NI NYIN GCIG BSGOM PA'I BYANG CHUB SEMS DPA'I SHES RAB KYI GRANGS KYI KHYAD PAR DANG, MTHU'I KHYAD PAR DANG, RIGS KYI KHYAD PAR DANG, RGYU'I KHYAD PAR DANG, DPE LAS 'DAS PA NYID BSTAN PA YIN NO, ,DE LA BRGYA'I CHAR YANG NYE BAR MI 'GRO, ZHES BYA BA NAS, GRANGS DANG ZHES PA'I @149A *, ,BAR DU GRANGS KYI KHYAD PAR RO, ,ZHES DANG, CHAR YANG ZHES BYA BA NI MTHU'I KHYAD PAR RO, BGRANG BAR YANG ZHES BYA BA NI RIGS KYI KHYAD PAR TE, BYANG CHUB SEMS DPA'I SHES RAB KYI RIGS LA, DE BGRANG DU MED PA'I PHYIR RO, ,RGYUR YANG ZHES BYA BA NI, BYA BA'I KHYAD PAR TE, SHES RAB DE NI 'DI'I RGYU TZAM DU'ANG MI 'GYUR RO, ,DPER YANG NYE BAR MI 'GRO'O, ,ZHES BYA BA NI DPE LAS 'DAS PA'O, ,ZHES GSUNGS PA'I PHYIR, GSUM PA LA, RTZOD LAN GNYIS, DANG PO NI, DE NAS TSE DANG LDAN PA SH'A RI'I BUS BCOM LDAN 'DAS LA 'DI SKAD CES GSOL TO, ,BCOM LDAN 'DAS RGYUN DU BZHUGS PA DANG, LAN CIG PHYIR 'ONG BA DANG PHYIR MI 'ONG BA DANG, DGRA BCOM PA'I SHES RAB DANG, GANG YANG RANG SANGS RGYAS KYI SHES RAB DANG, ZHES PA'I BSTAN ,GNYIS PA NI, DE SKAD CES GSOL PA DANG, BCOM LDAN 'DAS KYIS TSE DANG LDAN PA SH'A RI'I BU LA 'DI SKAD CES BKA' STZAL TO, ZHES SOGS KYIS BSTAN TO, ,DE YANG JI LTAR RTZOD PA'I TSUL NI, BDEN STONG NYIN GCIG BSGOM PA'I BYANG SEMS KYI SHES RAB DES BDEN STONG BSGOM PA'I NYAN RANG GI SHES RAB THAMS CAD ZIL GYIS GNON PAR MI NUS PAR THAL, SHES RAB DE RNAMS LA DMAN MCHOG GI RIMS PA CUNG ZAD KYANG MED PA'I PHYIR TE, DE RNAMS KYI YUL DU GYUR BA'I ZAB MO STONG PA NYID DE LA RIGS MI 'DRA PA'I DBYE BA CUNG ZAD KYANG MED PA'I PHYIR, ZHE NA @149B MA KHYAB PAR THAL, DE LTAR BDEN STONG NYIN GCIG BSGOM PA'I BYANG SEMS KYI SHES RAB DE NI SEMS CAN THAMS CAD YONGS SU MYA NGAN LAS 'DA' BA DANG, PHA ROL TU PHYIN PA DRUG YONGS SU RDZOGS PA DANG, ,CHOS SKU MYUR DU 'THOB PA DANG, DGE BA BCU'I LAM DANG, RGYAL RIGS DANG, LHA'I RIGS THAMS CAD DANG, RGYUN DU ZHUGS PA'I 'BRAS BU LA SOGS PA THOB PAR BYA BA'I DON DU STONG NYID BSGOM PA YIN LA, NYAN THOS DANG RANG SANGS RGYAS THAMS CAD KYI SHES RAB NI DE LTAR MA YIN PA'I PHYIR TE, YANG DAG PAR RDZOGS PA'I SANGS RGYAS KYI SHES RAB NI DE LTA BU'I BYANG CHUB SEMS DPA'I SHES RAB MED NA, MI 'BYUNG BA'I RGYU MTSAN GYIS, BYANG CHUB SEMS DPA' RNAMS NI SBYIN GNAS CHOS MCHOG TU GYUR PA YIN PA'I PHYIR TE, DE LTAR DU SRIN BU ME KHYER LA SOGS PA'I DPE RNAM PA DU MAS GRUB PA'I PHYIR TE, NYI SNANG LAS, 'PHAGS PA'I GANG ZAG THAmS CAD NI 'DUS MA BYAS KYI RAB TU PHYE BA YIN PA'I PHYIR SHES RAB THA MI DAD PA YIN NAM SNYAM PAS DE KHYAD PAR MED PAR ZHUS PA NI, BCOM LDAN 'DAS NYAN THOS RGYUN DU ZHUGS PA, ZHES BYA BA LA SOGS PA'O, ,SH'A RI'I BU 'DI JI SNYAM DU SEMS, BYANG CHUB SEMS DPA'I SHES RAB NYIN GCIG TU BSGOM PA 'BRAS BU GANG GI DON DU NYE BAR GNAS PA ZHES BYA BA NAS BRTZIS TE, SEMS CAN THAMS CAD YONGS SU MYA NGAN LAS 'DA' BA DANG, @150A *, ,PHA ROL TU PHYIN PA DRUG YONGS SU RDZOGS PAR BYA BA DANG, CHOS KYI SKU THOB PA'I MTSAN NYID CHED DU BYA BA DANG, SBYOR BA DANG RTOGS PA RNAMS YANG DAG PAR THOB PAS DGE BA BCU'I LAS KYI LAM DANG, RGYAL RIGS SHING SA LA CHEN PO'I RIGS LA SOGS PA DANG, LHA'I RIGS THAMS CAD DANG, RGYUN TU ZHUGS PA LA SOGS PA DANG, YANG DAG PAR RDZOGS PA'I SANGS RGYAS KYI SHES RAB BYANG CHUB SEMS DPA' MED NA MI 'BYUNG BAR BSTAN PAS SBYIN GNAS SU GYUR PA SGRUB PA'I BYED PA'I KHYAD PAR DANG LDAN PA'I DON GYIS LAN BTAB PA YIN NO, ,ZHES GSUNGS PA'I PHYIR, DAG DON SGRIL NA BYANG SEMS YOD BZHIN DU BYANG SEMS YANG DAG PAR RJES SU MI MTHONG ZHES SOGS KYI MDO CHOS CAN, SGRUB PA RANG GI NGO BO LA GDAM STE, BDEN PA GNYIS LAS MI 'DA' ZHING, THABS SHES ZUNG DU 'BREL BA'I SGO NAS GZHAN DON DU CHOS SKU MYUR DU SGRUB PA'I PHYIR DU THEG CHEN GYI SGRUB PA NYAMS SU LONG GCIG CES GDAMS PA'I PHYIR, SNGAR BSHAD PA'I GZHUNG DE RNAMS KYI NI CHOS KYI BDAG MED MNGON SUM DU RTOGS PA'I THEG DMAN GYI GANG ZAG GSAL BAR BSTAN PAS BDEN STONG MNGON SUM DU RTOGS PA'I THEG DMAN MED PAR BZHED PA RNAMS KYI NI MDO SDE DGONGS @150B 'GREL LA RGYA NAG HA SHANG GIS BYAS PA BZHIN DU 'DI NI SANGS RGYAS KYI BKA' AE YIN MI SHES ZHES SMRA STE, BDOG PAS BYIL DGOS NYE NA GANG 'O, ` SBYOR BZHI'I CHU GTER LAS 'ONGS PA'I, ,DPALDAN SKU BZHI'I DKYIL 'KHOR LAS, ,'PHRIN LAS RNAM BZHI'I 'OD PHUNG GIS, BDEN BZHI'I MUN PA BSAL DU GSOL, ,SDUG BSNGAL LA GZUGS LA SOGS PA 'BRAS BU, ,ZHES SOGS KYI SKABS SU SBYI DON DANG, GZHUNG DON GNYIS, DANG PO LA NGES PA'I TSIG DRANG NGES GO RIMS SO SO'I RANG BZHIN MDO LAS GSUNGS PA'I DGONGS PA, RTZOD PA SPANGS PA DANG DRUG ,DANG PO NI, BDEN PA BZHI PO 'DI LA BDEN PA ZHES PA'I NGES TSIG BRJOD PA'I RGYU MTSAN YOD DE, 'DI'I KHYAD CHOS RNAMS GSUNG RABS LAS BSTAN PA LTAR DON LA GNAS, 'DI NYID RTOGS ZIN GOM PAR BYAS PAS SGRIB PA RNAM PAR DAG PAR 'GYUR BA'I PHYIR TE, SDU BA LAS, BDEN PA'I DON GANG ZHE NA, SMRAS PA, BSTAN PA DANG MI MTHUN PA MED PA'I MTSAN NYID KYI DON DANG, DE MTHONG NA RNAM PAR DAG PA'I RGYUR 'GYUR BA'I DON GYI BDEN PA'I DON TO, ,ZHES GSUNGS PA'I PHYIR, 'DI LA 'PHAGS PA'I BDEN PA ZHES BRJOD PA'I RGYU MTSAN YOD DE, 'PHAGS PAS GZIGS PA'I KHYAD CHOS BCU DRUG DON LA GNAS PA'I PHYIR TE, NYAN SA LAS,@151A *, ,'PHAGS PA RNAMS KYIS BDEN PA DE RNAMS DE KHO NA LTAR YIN PAR BDEN PA'I SGOM PA YANG DAG PAR JI LTA BA BZHIN GZIGS SHING MTHONG GIS, BYIS PA RNAMS KYIS YANG DAG PA JI LTA BA BZHIN MI SHES MI MTHONG BAS NA DE'I PHYIR, 'PHAGS PA'I BDEN PA ZHES GSUNGS PA'I PHYIR, GNYIS PA NI, 'PHAGS PA'I BDEN PA LA BZHIR GRANGS NGES PA'I RGYU MTSAN YOD DE, THAR PA TZAM DON DU GNYER BA RNAMS KYI GTAN LA DBAB BYA'I GTZO BO LA DER GRANGS NGES PA'I PHYIR TE, DE'I GTAN LA DBAB BYA'I GTZO BO LA KUN NAS NYON MONGS PHYOGS KYI GTZO BO SDUG KUN GNYIS RNAM SBYANG PHYOGS KYI GTZO BO 'GOG LAM GNYIS SU GRANGS NGES PA'I PHYIR, GSUM PA NI, BDEN BZHI'I GO RIMS 'DI LTAR STON PA'I RGYU MTSAN YOD DE, GROL BA DON GNYER RNAMS KYIS 'KHOR BA'I NYES DMIGS LEGS PAR BSAM PA'I TSE, DANG POR KHAMS GSUM GYI 'KHOR BA MTHA' DAG ME'I 'OBS LTAR DU SDUG BSNGAL GYI RANG BZHIN DU SHES PA 'BYUNG, DE RJES KUN 'BYUNG LA SPONG 'DOD 'BYUNG; DE RJES SDUG KUN SPANGS PA'I 'GOG PA THOB 'DOD 'BYUNG, DE RJES LAM BDEN RGYUD LA BRTEN 'DOD 'BYUNG BA'I PHYIR, DPER NA NAD PA 'GA' ZHIG ,DANG POR NAD DE NYID SHES PAR @151B 'DOD PA DANG, DE RJES NAD KYI RGYU SPONG BAR 'DOD PA DANG, DE RJES NAD LAS GROL BA THOB PAR 'DOD PA DANG, DE RJES SMAN BRTEN 'DOD 'BYUNG BA LTAR RO, ,DE SKAD DU YANG, RGYUD BLA MA LAS, NAD NI SHES BYA NAD KYI RGYU NI SPANGS BYA LA, BDER GNAS THOB BYA SMAN NI BRTEN PAR BYA BA LTAR, SDUG BSNGAL RGYU DANG DE 'GOG PA DANG DE BZHIN LAM, SHES BYA SPANG BYA REG PAR BYA ZHING BRTEN PAR BYA, ZHES GSUNGS, BZHI PA LA, MDOR BSTAN PA DANG RGYAS PAR BSHAD PA GNYIS, DANG PO NI, 'PHAGS PA'I BDEN PA LA BZHI YOD DE, KUN BTUS LAS, BDEN PA RNAM PAR NGES PA GANG ZHE NA, 'PHAGS PA'I BDEN PA BZHI PO DAG STE, SDUG BSNGAL DANG, KUN 'BYUNG BA DANG, 'GOG PA DANG, LAM MO, ZHES GSUNGS PA'I PHYIR, GNYIS PA LA BZHI YOD PA'I DANG PO SDUG BDEN 'CHAD PA LA, BSHAD BYA'I LUNG DGOD PA DANG, LUNG GI DON BSHAD PA GNYIS, DANG PO NI, KUN BTUS LAS, SDUG BSNGAL GYI BDEN PA GANG ZHE NA, DE NI SEMS CAN SKYE BA DANG SKYE BA'I GNAS KYI KYANG RIG PAR BYA'O, ,SEMS CAN SKYE BA GANG ZHE NA, SEMS CAN DMYAL BA RNAMS DANG, DUD 'GRO RNAMS DANG, YI DVAGS RNAMS DANG, MI RNAMS DANG, SHAR GYI LUS 'PHAGS DANG, NUB KYI BA LANG SPYOD DANG, 'DZAM BU GLING DANG, @152A *, ,BYANG GI SGRA MI SNYAN DANG, RGYAL CHEN BZHI'I RIS KYI LHA RNAMS DANG, SUM CU RTZA GSUM DANG, 'THAB BRAL DANG, DGA' LDAN DANG, 'PHRUL DGA' DANG, GZHAN 'PHRUL DBANG BYED DANG, TSANGS RIS DANG, TSANGS PA'I MDUN NA 'DON DANG, TSANGS CHEN DANG, 'OD CHUNG DANG, TSAD MED 'OD DANG, 'OD GSAL DANG, DGE CHUNG DANG, TSAD MED DGE DANG, DGE RGYAS DANG SPRIN MED DANG, BSOD NAMS SKYES DANG, 'BRAS BU CHE BA DANG, 'DU SHES MED PA'I SEMS CAN DANG, MI CHE BA DANG, MI RDUNG BA DANG, GYA NOM SNANG DANG, SHIN TU MTHO DANG, 'OG MIN DANG, NAM MKHA' MTHA' YAS SKYE MCHED DANG, RNAM SHES MTHA' YAS SKYE MCHED DANG, CI YANG MED PA'I SKYE MCHED DANG, 'DU SHES MED 'DU SHES MED MIN GYI SKYE MCHED RNAMS SU SEMS CAN SKYE BA'O, ,SKYE BA'I GNAS GANG ZHEN, SNOD KYI 'JIG RTEN TE, RLUNG GI DKYIL 'KHOR LA NI CHU'I DKYIL 'KHOR BRTEN NO, ,CHU'I DKYIL 'KHOR LA NI SA'I DKYIL 'KHOR RO, SA'I DKYIL 'KHOR LA NI RI RAB DANG, GSER GYI RI BDUN DANG, GLING BZHI DANG, BAR GYI GLING BRGYAD DANG, NANG GI RGYA MTSO DANG, PHYI'I RGYA MTSO DANG, RI RAB KYI BANG RIMS DANG, RGYAL CHEN BZHI'I RIS DANG, SUM CU @152B RTZA GSUM GYI GNAS RNAMS DANG, 'KHOR YUG GI RI DANG, NAM MKHA' LA GZHAL MED KHANG RNAMS DANG, 'THAB BRAL DANG, DGA' LDAN DANG, 'PHRUL DGA' DANG, GZHAN 'PHRUL DBANG BYED KYI LHA RNAMS DANG, GZUGS NA SPYOD PA RNAMS DANG, LHA MIN GYI GNAS GZHAN DAG DANG, SEMS CAN DMYAL BA PA RNAmS KYI GNAS GZHAN DAG DANG, TSA BA'I SEMS CAN DMYAL BA PA RNAMS DANG ,GRANG PA'I SEMS CAN DMYAL BA PA RNAMS DANG, DUD 'GRO DANG YI DVAGS DE DAG KHA CIG GI GNAS GZHAN RNAMS DANG, NYI MA RNAM PAR SNANG BYED KUN TU RGYU ZHING PHYOGS SNANG BAR BYED PA JI SNYED PA DE NYID KYI STONG GI 'JIG RTEN NA ZLA BA STONG DANG, NYI MA STONG DANG, RI'I RGYAL PO RI RAB STONG DANG, SHAR GYI LUS 'PHAGS STONG DANG, 'DZAM BU GLING STONG DANG, NUB KYI BA LANG SPYOD STONG DANG, BYANG GI SGRA MI SNYAN STONG DANG, RGYAL CHEN BZHI'I RIS KYI LHA DANG, SUM CU RTZA GSUm DANG, 'THAB BRAL DANG, DGA' LDAN DANG, 'PHRUL DGA' DANG, GZHAN 'PHRUL DBANG BYED KYI LHA RNAMS KYI GNAS GZHAN STONG DANG, TSANGS PA'I 'JIG RTEN GYI GNAS GZHAN STONG PO 'DI NI, STONG SPYI PHUD KYI 'JIG RTEN GYI KHAMS ZHES BYA'O, ,STONG SPYI PHUD KYI 'JIG RTEN GYI KHAMS STONG GANG YIN PA 'DI NI, STONG GNYIS PA BAR MA'I 'JIG RTEN GYI KHAMS ZHES BYA'O, ,STONG GNYIS PA BAR MA'I 'JIG RTEN GYI KHAMS STONG GANG YIN PA 'DI NI STONG GSUM GYI STONG CHEN PO'I 'JIG RTEN GYI KHAMS ZHES @153A *, ,BYA'O, ,STONG GSUM GYI STONG CHEN PO'I 'JIG RTEN GYI KHAMS NI, 'KHOR YUG CHEN POS KUN TU BSKOR RO, ,ZHES GSUNGS SO, ,GNYIS PA LA, MTSAN GZHI'I DBYE BA, MTSAN NYID, MTSAN GZHI'I STENG DU MTSAN NYID NGES 'BYED BSHAD PA DANG GSUM, DANG PO LA, MDOR BSTAN RGYAS BSHAD, DON BSDU ,DMIGS KYI GSAL BA DANG BZHI; DANG PO NI, SDUG BSNGAL GYI BDEN PA DE LA RNAM PA GNYIS SU YOD DE, GANG SKYE BA BCUD KYI 'JIG RTEN DANG, GANG DU SKYE BA SNOD KYI 'JIG RTEN DANG GNYISU YOD PA'I PHYIR, GNYIS PA LA; SEMS CAN GYI 'JIG RTEN BSHAD PA DANG, SNONG GYI 'JIG RTEN BSHAD PA GNYIS, DANG PO LA NGO BO NGOS BZUNG BA DANG, KHYAD PAR GYI CHOS RGYAS PAR BSHAD PA GNYIS, DANG PO NI, BDE BA MI SBYIN ZHING MI STER BAS NA DMYAL BA, PHYIR MI LDOG PAR SONG BA'I SKOM PA DANG LDAN PAS YI DVAGS, MI LTAR 'GRENG STE MI 'GRO DUD DE 'GRO BA'I PHYIR DUD 'GRO, YID SHAS CHE BA'AM, SKYE RGU'I BDAG PO SHED KYI BU YIN PAS MI, GLING 'DI LA LTOS NAS RI RAB KYI SHAR NA YOD CING, LUS NYIS 'GYUR GYI 'PHAGS PAS NA SHAR LUS 'PHAGS, SHING 'DZAM BUS MTSON PAS GLING YIN PAS @153B NA 'DZAM BU GLING, 'DI LA LHO ZHES SMOS PA'I RGYU MTSAN YOD DE, GLING GZHAN RNAMS NI 'DI LA LTOS PA'I RI RAB KYI SHAR NUB, BYANG RNAMS NA YOD CING 'DI NI 'DI NYID LA LTOS PA'I RI RAB KYI LHO'I PHYOGS NA YOD PA YIN PA'I PHYIR, 'DI NAS NUB YIN ZHING, LONGS SPYOD PHAL CHER BA LANG LA SPYOD PAS NA NUB BA LANG SPYOD, 'DI NAS BYANG YIN ZHING, 'CHI KHAR SGRA MI SNYAN PA 'BYUNG BAS NA BYANG SGRA MI SNYAN, RGYAL CHEN BZHI'I SDER GTOGS PAS NA RGYAL CHEN RIS BZHI PA, LEGS DPYAD LHAN CIG BYAS PA RNAMS DER SKYES PAS SUM CU RTZA GSUM PA STE, NOR LHA BRGYAD, NYI MA BCU GNYIS, DRAG PO BCU GCIG ,THA SKAR GYI BU GZHON NU GNYIS TE, ,SUM CU RTZA GSUM MAM, GA-YAS GA-YON NA DBANG PO DANG NYE DBANG BCU DRUG BCU DRUG ,BRGYA BYIN DANG SUM CU RTZA GSUM YOD PAS NA SUM CU RTZA GSUM, LHA MA YIN DANG 'THAB PA DANG BRAL BAS NA 'THAB BRAL, CHOS KYI DGA' BDE LHAG PAR PHYE BAS DGA' LDAN, RANG GI SPRUL PA'I LONGS SPYOD LA DGA' BAR BYED PAS NA 'PHRUL DGA', GZHAN GYI SPRUL PA'I LONGS SPYOD DBANG DU BYED PAS NA GZHAN 'PHRUL DBANG BYED, TSANGS PA'I RIS NA GNAS PAS SAM, DE'I 'KHOR YIN PAS NA TSANGS RIS, TSANGS PA'I MDUN NA 'DUG STE GSANG TSIG 'DON PAS NA TSANGS PA'I MDUN NA 'DON, SA GONG @154A *, ,MA RNAMS LAS 'OD CHUNG BAS NA 'OD CHUNG, SA 'OG MA RNAMS KYIS 'OD KYI TSAD BZUNG BAR MI NUS PAS TSAD MED 'OD, 'OD KUN NAS GSAL BA'I DON GYIS 'OD GSAL, SA GONG MA LA LTOS TE, DGE BA CHUNG BAS NA DGE CHUNG, SA 'OG MA RNAMS KYIS DGE BA'I TSAD BZUNG BAR MI NUS PAS, TSAD MED DGE, DGE BRGYA CHER RGYAS PAS DGE RGYAS, SPRIN DANG 'DRA BAR SA DANG 'BREL BA MED PAS SPRIN MED, MI GA-YO BA'I BSOD NAMS LAS SKYES PAS BSOD NAMS SKYES, MI GA-YO BA'I LAS KYI SO SKYE'I 'BRAS BU CHE SHOS YIN PAS 'BRAS BU CHE, GNAS GTZANG GZHAN LAS MI CHE BAS MI CHE, NYON MONGS KYIS MI GDUNG BAS MI GDUNG, LUS ZHI BA'I BDE BA SNANG BA'I PHYIR, GYA NOM SNANG MTHONG BA RNAM PAR DAG PAS SHIN TU MTHONG, GZUGS CAN GYI GNAS KYI MTHO SHOS YIN PAS 'OG MIN, SBYOR BA'I DUS SU CHOS THAMS CAD NAM MKHA' LTAR DU MTHA' YAS RNAM SHES LTAR DU MTHA' YAS, GZUNG BYA CI YANG MED, 'DU SHES RAGS PA NI YOD PA MIN, PHRA BA NI MED PA MA YIN SNYAM DU SGOM PA LAS THOB PA'I PHYIR, NAM MKHA' MTHA' YAS ZHES SOGS RIMS BZHIN BRJOD DO, ,GNYIS PA LA, SA'I DNGOS GZHI LAS, GRANGS DANG GNAS DANG TSAD RNAMS DANG, TSE'I @154B TSAD DANG LONGS SPYOD DANG, SKYE BA DANG NI LUS RNAMS DANG, RGYU DANG RKYEN RNAMS RGYA CHER RO, ,ZHES GSUNGS LA, GRANGS NI MDZOD LAS, DE NI DMYAL SOGS 'GRO BA LNGA, RANG GI MING GIS BSTAN DE DAG , NYON MONGS CAN MIN LUNG BSTAN MIN, SEMS CAN ZHES BYA BAR SRID MIN, CES KHAMS GSUM GYI 'GRO BA RIGS LNGAR BSDUS SHING, BAR DO NGES MA BSDUS PA DANG, 'GRO BA RNAMS MA SGRIB LUNG MA BSTAN DU BSHAD LA, YAB SRAS MJAL BA'I MDO LAS, SEMS CAN TSOGS KYI 'GRO DRUG GANG BSTAN PA, SEMS CAN DMYAL DANG DUD 'GRO YI DVAGS DANG, LHA MIN RIS DANG MI DANG LHA YI RNAMS, MI YI SENG+GES KUN RDZOB BTAGS PA MDZAD, CES 'GRO BA RIG DRUG SA'I DNGOS GZHI LAS LHA MA YIN RNAMS NI LHA'I 'GRO BAS BSDUS PA KHO NAR LTA ZHES DANG, MDO DRAN PA NYER BZHAG LAS, LHA MA YIN KHA CIG BDUD RIS KYI YI DVAGS SU BSHAD DO, ,DRI ZA BAR DO DANG, DE LAS GZHAN PA GNYIS SU GSUNGS PA'I SNGA MA NI 'GRO BAS MA BSDUS LA, PHYI MA NI LHA'I 'GRO BAS BSDUS SHING KLU DANG, NAM MKHA' LDING DANG, LTO 'PHYE CHEN PO KLU CHEN PO RNAMS DANG, MI 'AM CI DUD 'GRO MI'I RNAM PA CAN RNAMS NI DUD 'GROS BSDUS SHA ZA DANG, GRUL BUM DANG, SRUL PO LUS SDUL PO RNAMS YI DVAGS SU BSDUS PAR GZHI 'GREL LAS @155A *, ,BSHAD DO, ,AA MRi KO KA NAS RIGS 'DZIN LHA MIN GNOD SBYIN DANG, SRIN PO DRI ZA MI 'AM CI, SHA ZA GSANG BA GRUB PA DANG, 'BYUNG PO LHA'I SKYE GNAS CAN, ZHES 'BYUNG POR BSHAD PA'ANG YOD DO, ,SRIN PO NI LHA DANG YI DVAGS SU TOGS PA GNYIS YOD, SMYO BYED, BRJED BYED, SKEM BYED, GRIB GNON GNON PO, NAM GRU'I GDON, BYA'I GDON TSANGS PA'I SRID SRIN PO SOGS YI DVAGSU, BCOM LDAN RIG RAL BZHED, GNAS NI, 'DOD PAR TSA DMYAL BRGYAD, GRANG DMYAL BRGYAD, YI DVAGS DANG LHA MIN TE BCO BRGYAD, DUD 'GRO NI LHA MI DANG LHAN CIG RGYU BAS GNAS GZHAN LOG PA MED; NYE 'KHOR BA'I DMYAL BA NI TSA DMYAL DANG GRANG DMYAL GYI 'KHOR NA YOD CING, NYI TSE PA NI MI'I GNAS NA YOD PAS GNAS GZHAN LOG PA MA GSUNGS GLING BCU GCIG NA MI GNAS SHING RNGA YAB NA SRIN PO GNAS TE, GDAGS PA LAS, GCIG NA NI MI MA YIN PA RNAMS SO, ,ZHES DANG, YID KYIS LAS, GCIG NI SRIN MO'I GLING YINO, ZHES BSHAD DO, BDUD KYI GNAS NI, GZHAN 'PHRUL DBANG BYED KYI NANG DU GTOGS SHING, LOGS NA MED PAS 'DOD LHA'I GNAS DRUG STE, 'DOD PAR GNAS GZHAN SUM CU RTZA DRUG ,GZUGS NA 'DU SHES MED PA BA NI, 'BRAS BU CHE BA'I NANG DU GTOGS LA, @155B DBANG PHYUG CHEN PO'I GNAS BGRANG PAS GNAS GZHAN BCO BRGYAD YOD DE, LANG GSHEGS LAS, GTZANG MA'I GNAS RNAMS SPANGS PA YI, 'OG MIN GNAS NI NYAMS DGA' BAR, YANG DAG RDZOGS SANGS DER SANG RGYA, SPRUL PA DAG NI 'DIR SANGS RGYA, ZHES DANG, 'DOD PA'I KHAMS DANG GZUGS MED DU SANGS RGYAS RNAM PAR SANGS MI RGYA, GZUGS KYI KHAMS KYI 'OG MIN DU, 'DOD CHAGS BRAL KHYOD DER SANGS RGYA, ZHES KHAMS GSUM DU GTOGS PAR BSTAN LA 'DUS PA CHEN PO'I MDO LAS, 'OG MIN KHAMS GSUM DU MA GTOGS PAR GSUNGS PA NI, THEG PA MTHUN MONGS BA LTAR NA, GZUGS KHAMS GNAS RIGS BCU BDUN DU 'DUS PAR GSUNGS PA DANG STUN PA'O, ,GZUGS MED NA GNAS GZHAN LOGS PA MED KYANG, MING GZHI'I PHUNG PO LA BTAGS PA'I 'GRO BA BZHI STE, MDOR NA 'GRO BA RIGS LNGA BCU RTZA BZHI'O, ,MDZOD LAS, DMYAL BA YI DVAGS DUD 'GRO DANG, MI RNAMS DANG NI LHA DRUG DAG ,'DOD PA'I KHAMS YIN DMYAL BA DANG, GLING DBYE BA LAS DE NYI SHU, GONG MA'I GNAS DAG BCU BDUN NI, GZUGS KHAMS YIN DER SO SO YI, BSAm GTAN SA NI GSUM PA YIN, BZHI PA SA NI BRGYAD PA YIN, GZUGS MED KHAMS NA GZUGS MED DO, ,SKYE BA LA NI RNAM PA BZHI, ZHES BSHAD DO, ,TSAD@156A *, ,LA LUS TSAD NI, DRAN PA NYER BZHAG TU, MNAR MED KYI SEMS CAN KHA CIG LA LUS DPAG TSAD SUM 'BUM YOD CES BSLAB BTUS SU 'BYUNG, YANG MDO KHA CIG LAS, DE'I LUS DPAG TSAD SUM STONG DANG, RDZUN SMRAS PA LA LCE DPAG TSAD LNGA BRGYA PA DANG, MTSAMS MED GCIG BYAS PA LA LUS DPAG TSAD GCIG ,LNGA BYAS PA LA DPAG TSAD LNGAR BSHAD LA, MDO MYAD 'DAS LAS, MTSAMS MED BYAS PA LA LUS DPAG TSAD BRGYAD KHRI YOD KYANG GCIG LA GCIG MI THOGS PA DANG, DKON MCHOG TA LA'I MDO LAS, THEG CHEN LA SKUR BA BTAB PA'I LCE DPAG TSAD 'BUM YOD PAR GSUNGS LA, CHOS MNGON PA'I LUGS LA NGAN SONG GI LUS TSAD DNGOS SU MA BSHAD DE, DE TZAM 'JIG RTEN GYI KHAMS 'DIR MI SHONG BAR MNGON NO, ,SHER PHYIN GYI MDO LAS, THEG CHEN GYI CHOS SPONG BA'I SEMS CAN DMYAL BA'I LUS TSAD DANG, TSE TSAD DPAG PAR MI NUS PAR GSUNGSO, ,DUD 'GRO CHUNG BA LA, SKRA'I RTZE MO LNGA BCU'I CHA TZAM DANG, CHU SRIN CHE BA LA DPAG TSAD NYI STONG BDUN BRGYA YOD, CES BZANG SKYONG GIS ZHUS PA'I MDO LAS GSUNGS, YI DVAGS CHUNG BA MTHO GANG TZAM DANG, CHE BA DPAG TSAD STONG ZHES MDO NYI MA'I SNYING PO LAS GSUNGS, SA'I DNGOS GZHIR, NGAN SONG GSUM GYI LUS TSAD MA NGES TE, SDIG PA JI LTAR CHE ZHING LUS CHE LA, ,CHUNG ZHING LUS CHUNG @156B PAR GSUNGSO, 'DZAM BU GLING PA RNAMS KYI LUS TSAD, ,MDZOD LAS, 'KHRU BZHI PA DANG PHYED DANG BZHI, ,SHAR DANG BA LANG SPYOD DANG NI, ,BYANG ZHES BYA BA NYIS 'GYUR SKYE, ,ZHES 'DZAM BU GLING GI MI RNAMS PHAL CHER RANG 'KHRU PHYED DANG BZHI'AM, BZHI GANG RUNG DU DES, SA'I DNGOS GZHIR, GLING GZHAN GSUM PO LUS RANG 'KHRU PHYED DANG BZHI PA YIN ZHING SHIN TU CHE, ZHES GSUNGS, MDZOD LTAR NA 'KHRU BRGYAD, BCU DRUG ,SUM CU RTZA GNYIS TE, MDZOD LAS; 'OD DANG LDAN PA'I LHA YI LUS, RGYANG GRAGS DAG NI BZHI CHA NAS, PHYED DANG GNYIS KYI BAR DU SKYED, CES 'DOD LHA DANG PO LA RGYANG GRAGS BZHI CHA NAS, DE NAS RGYANG GRAGS BZHI CHA RE 'PHEL BAR GSUNGS LA, SA'I DNGOS GZHIR SUM CU RTZA GSUM PA RGYANG GRAGS BZHI CHA GCIG GI LHAG LA, BRGYA BYIN DANG, 'THAB BRAL BA RGYANG GRAGS PHYED, GZHAN 'DRA BAR GSUNGS SO, ,MDZOD LAS, GZUGS CAN DANG PO DPAG TSAD PHYED, DE YI GONG MA PHYED PHYED SKYED, 'OD CHUNG RNAMS KYI LTAG YAN CHAD, LUS NI NYIS 'GYUR NYIS 'GYUR TE, SPRIN MED DPAG TSAD GSUM DOR RO, ,ZHES TSANGS RIS PA DPAG TSAD PHYED, MDUN NA 'DON GCIG ,TSANGS CHEN PA PHYED GNYIS, 'OD CHUNG PA LA GNYIS, DE YAN CHAD NYIS 'GYUR NYIS 'GYUR TE, SPRIN MED LA DPAG TSAD BRGYA NYER BRGYAD DU BYAS PA'I STENG DU GSUM NGOR BAS BRGYA NYER LNGA, DE NAS 'OG MIN LA KHRI DRUG STONG GI BAR PHYED GNYIS, 'OD CHUNG PA LA GNYIS, DE YAN CHAD NYIS 'GYUR NYIS 'GYUR TE, SPRIN MED LA DPAG TSAD BRGYA NYER BRGYAD DU BYAS PA'I STENG DU GSUM NGOR BAS BRGYA NYER LNGA, DE NAS 'OG MIN LA KHRI DRUG STONG GI BAR @157A *, ,YOD PAR BSHAD, LHA MIN RNAMS NI SUM CU RTZA GSUM PA DANG 'DRA BAR SA'I DNGOS GZHIR BSHAD DO, ,TSE TSAD NI MDZOD LAS, SGRA MI SNYAN NA TSE STONG STE, GNYIS NA PHYED PHYED SPANGS PA'O, ,ZHES PA'I TSE NI LO YIN LA, NUB PAS LNGA BRGYA, SHAR PAS NYIS BRGYA LNGA BCU'O, ,MDZOD LAS, 'DI NA MA DES THA MAR NI, ,LO BCU DANG PO DPAG TU MED, ,CES MTHAR TSE LO BCU PAR 'GYUR LA, SNGON NI TSE LO DPAG MED THUB PAR GSUNGS SO, ,YANG DE NYID LAS, MI RNAMS KYI LO LNGA BCU LA, 'DOD PA DAG GI LHA RNAMS LAS, ,'OG MA DAG GI NYIN ZHAG GCIG ,DES NA TSE LO LNGA BRGYA'O, ,GONG MA GNYIS GNYIS 'GYUR RO, ,ZHES MI LO LNGA BCU LA RGYAL CHEN RIS BZHI PA'I NYIN ZHAG GCIG ,DE SUM CU LA ZLA BA, DE BCU GNYIS LA LOR BYAS PA'I LNGA BRGYA, ,DE BZHIN DU MI LO BRGYA, ,NYIS BRGYA, BZHI BRGYA, BRGYAD BRGYA, STONG DRUG BRGYA RNAMS SUM CU RTZA GSUM PA SOGS KYI RIM PA BZHIN TSE'I TSAD DU BZHAG GO, ,GNYA' SHING 'DZIN YAN CHAD NA NYI ZLA MED KYANG, NYIN MTSAN GYI THA SNYAD NI PADMA KHA PHYE BTZUMS DANG, BYA SKAD 'BYIN MI 'BYIN DANG, GNYID SANGS BRO LAS NYIN MTSAN DU BZHAG ,RANG LUS KYI 'OD KYIS SNANG BAS BYA BA BYED DO, ,YANG DE NYID LAS, GZUGS CAN NYIN MTSAN MED TSE NI, ,RANG LUS GZHAL PA'I BSKAL PA YI, ZHES GZUGS KHAMS @157B NA NYIN MTSAN MED KYANG, RANG GI LUS TSAD 'JAL BAS DPAG TSAD KYI GRANGS LAS TSE TSAD RTOGS PAR BYA LA, YANG DE NYID LAS, 'OD CHUNG NAS BZUNGS BSKAL CHEN TE, ,DE'I 'OG MA PHYED YIN NO, ,ZHES PAS BSKAL CHEN PHYED LA BSKAL PAR BYAS PA'I DE'I PHYED TSANGS RIS PAS BAR BSKAL NYI SHU MDUN NA 'DON GYI BAR BSKAL BZHI BCU, TSANGS CHEN PAS DRUG CU, ZHES GSUNGS PAS NI DRUG CU DANG NYE BAS DE LTAR GSUNGS KYI LNGA BCU NGA DGU LAS MED DE, 'JIG RTEN 'CHAGS PA'I 'GO LA SKYES NAS SNONG 'JIG PA'I GONG DU SHI BA'I PHYIR, DE YAN BSKAL CHEN TE, 'OD CHUNG BSKAL CHEN GNYIS, SPRIN MED PAS BRGYA NYI SHU RTZA LNGA, 'OG MIN PAS KHRI DRUG STONG GI BAR RO, ,DE NYID LAS, GZUGS MED BSKAL PA STONG PHRAG NI, ,NYI SHU LHAG PAS LHAG PA YIN, ,ZHES PAS GZUGS MED BZHI PO BSKAL CHEN NYI KHRI BZHI KHRI, DRUG KHRI, BRGYAD KHRI'O, ,DE NYID LAS, YANG GSOS LA SOGS DRUG RIM BZHIN, ,'DOD LHA'I TSE DANG NYIN ZHAG MNYAM, ,DES NA DE DAG RNAMS KYI TSE, ,'DOD PA'I LHA DANG 'DRA BA YIN, ,ZHES RGYAL CHEN RIS BZHI'I TSE TSAD NI, ,YANG GSOS PA'I NYIN ZHAG GCIG YIN LA, DE SGRES PA'I RANG LO LNGA BRGYA'O, ,DE BZHIN DU GZHAN 'PHRUL DBANG BYED PA'I TSE LA NYIN ZHAG GCIG TU BYAS PA'I LO KHRI DRUG STONG GI BAR RO, ,DE NYID LAS, RAB TU TSA PHYED MNAR MED NI, BAR @158A *, ,GYI BSKAL PA'O DUD 'GRO RNAMS, ,MCHOG RING BSKAL PA'O YI DVAGS RNAMS, ZLA BA NYIN ZHAG GI LNGA BRGYA, ZHES PAS RAB TSA BA BSKAL PHYED, MNAR MED BAR BSKAL GCIG ,GDAGS PA LAS, DMYAL BA 'DI GNYIS DANG, TSANGS RIS, TSANGS PA MDUN NA 'DON GNYIS TSE MNYAM PAR BSHAD DO, ,DUD 'GRO NI TSE TSAD MNGES KYANG, MCHOG TU RING BA RNAMS KYIS BSKAL BA THUB STE, LUNG GZHI LAS, KLU BRGYAD PO NI KLU CHEN PO STE BSKAL PAR GNAS PAS SA 'DZIN PA'O, ,ZHES GSUNGS PA'I PHYIR, YI DVAGS KYI, MI'I ZLA BA LA NYIN ZHAG TU BYAS PAS LO LNGA BRGYA STE, MI LO KHRI LNGA STONG NGO, ,MDZOD LAS, TIL SBYANGS NAS NI LO BRGYA ZHIG ,TIL GCIG PHYUD PAS ZAD GYUR PA, ,CHU SBUR CAN GYI TSE YIN TE, ,GZHAN GYI TSE NI NYI SHUR 'GYUR, ,ZHES TI LA KHAL BRGYAD CUS GANG PA'I SBYANGS NAS, LO BRGYA BRGYA NAS TIL RE RE BOR BAS ZAD PA TZAM, CHU SBUR CAN GYI TSE TSAD YIN LA, GRANG DMYAL PHYI MA PHYI MA SNGA MA SNGA MA'I TSE TSAD NYI SHUR 'GYUR RO, ,YE SHES RGYAN MDO LAS, DUD 'GRO TSE NYIN GCIG PA DANG, LO BRGYA PA DANG, BSKAL PAR THUB PA DANG, BSAM GTAN DANG POS BSKAL PA GCIG DANG, GNYIS PAS GNYIS DANG, GSUM PAS BZHI DANG, BZHI PAS BRGYAD DANG, GZUGS MED DANG POS NYI KHRI CHIG STONG, DE PHAN CHAD NYIS KHRI CHIG STONG RE RES LHAG PA DANG, TIL GYI SBYANGS DU KHAL DRUG CU RTZA BZHI PAR BSHAD DO, ,LHA MA YIN SUM @158B CU RTZA GSUM PA DANG 'DRA BAR SA'I DNGOS GZHI LAS BSHAD DO, ,SGRA MI SNYAN MA GTOGS PA NA, DUS MIN GYI 'CHI BA PHAL CHER NA YOD DO, ,LONGS SPYOD KYI KHYAD PAR LA BDE BA LA LONGS SPYOD PA'I TSUL DANG, SDUG BSNGAL LA LONGS SPYOD PA'I TSUL GNYIS, DANG PO LA MDOR BSTAN RGYAS BSHAD GNYIS, DANG PO NI, KHAMS GSUM GYI 'KHOR BA MTHA' DAG SDUG BSNGAL GYI RANG BZHIN LAS MA 'DAS TE, DE DAG GI 'GRO BA RNAMS NI SDUG BSNGAL RAGS PA 'GAGS PA'I ZAG BCAS LA BDE BAR ZHEN PA TZAM YIN PA'I PHYIR, RTAGS KHYAB GRUB STE, LAS NYON GYIS 'PHANGS PA'I ZAG BCAS RNAMS LA RANG BZHIN GYI BDE BA CUNG ZAD KYANG YOD PA MIN TE, DPER NA MI GTZANG BA LA RANG BZHIN GYI DRI ZHIM MED KYANG, SBRANG BU SOGS LA LAS DBANG GIS ZHIM PAR SNANG BA BZHIN, DE SKAD DU YANG, RGYUD BLAR, MI GTZANG BA LA DRI ZHIM MED BZHIN 'GRO LNGA DAG NA BDE BA MED, ,CES GSUNGS, GNYIS PA LA DRUG YOD PA'I DANG PO DMYAL BA'I SDUG BSNGAL LA LONGS SPYOD PA'I TSUL NI, BSHES SPRINGS LAS, SEMS CAN NYES PA SPYAD PA SPYOD PA RNAMS, ,YANG GSOS THIG NAG RAB TU TSA BA DANG, ,BSDUS 'JOMS DU 'BOD MNAR MED LA SOGS PA'I, ,DMYAL BA RNAMS SU RTAG TU SDUG BSNGAL 'GYUR, ,ZHES GSUNGS PA'I SOGS KHONGS NAS GRANG DMYAL BRGYAD LA SOGS PA 'DON ZHING, YANG DE NYID LAS, KHA CIG TIL BZHIN 'TSIR TE DE BZHIN @159A *, ,GZHAN, PHYE MA ZHIB MO BZHIN DU PHYE MAR RLOG ,KHA CIG SOG LES 'DRA STE DE BZHIN GZHAN, ,STA RE MI ZAD SO RNON RNAMS KYIS GSHAGS, ,DE BZHIN GZHAN DAG KHRO CHU ZHUS PA YIS, ,KHU BA 'BAR BA 'KHRIGS PA LDUD PAR BGYI, ,KHA CIG LCAGS KYI GSAL ZHING RAB 'BAR BA'I, ,TSER MA CAN LA KUN TU RGYUG PAR BGYI, ,KHA CIG LCAGS KYI MCHE BA LDAN PA'I KHYI, ,GTUM POS 'BAD CING LAG PA GNAM DU SGRENG, DBANG MED GZHAN DAG LCAGS MCHU SNON PO DANG, ,SEN MO MI ZAD LDAN PA'I KHVA RNAMS THOG ,KHA CIG SRIN BU SBUR PA SNA TSOGS DANG, ,SHA SBRANG SBRANG MA NAG PO KHRI PHRAG DAG ,REG NA MI BZOD RMA SOL CHER 'BYIN PAS; ;ZA BAR BGYID CING 'DRE LDOG SMRE NGAG 'DON, ,KHA CIG 'DAG MA 'BAR BA'I TSOGS SU NI, ,RGYUN MI CHAD PAR RAB SREGS KHA YANG BGRAD, ,KHA CIG LCAGS LAS BYAS PA'I ZANGS CHEN DU, ,SPYI'U TSUGS 'BRAS KYI CUNG 'TSED BZHIN DU 'TSED, ,SDIG CAN DBUGS 'BYUNG 'GAG PA TZAM ZHIG GIS, ,DUS KYI BAR DU CHOD RNAMS DMYAL BA YI, ,SDUG BSNGAL GZHAL LAS THOS NAS RNAM STONG DU, ,MI 'JIGS GANG LAGS RDO RJE'I RANG BZHIN NO, ,DMYAL BA BRIS PA MTHONG DANG THOS PA DANG, ,DRAN DANG KLAGS DANG GZUG SU BGYIS RNAMS KYANG, ,'JIGS PA BSKYED PAR GYUR NA MI ZAD PA'I, ,RNAM SMIN NYAM SU SMYONG NA SMOS CI @159B 'TSAL, BDE BA KUN GYI NANG NA SRED ZAD PA, ,BDE BA'I BDAG POR BGYID PA JI LTA BA, ,DE BZHIN SDUG BSNGAL KUN GYI NANG NA NI, ,MNAR MED DBA'I SDUG BSNGAL RAB MI ZAD, ,'DI NA NYIN GCIG MDUNG THUNG SUM BRGYA YIS, ,RAB TU DRAG BTAB SDUG BSNGAL GANG LAGS PA, ,DES NI DMYAL BA'I SDUG BSNGAL CHUD DU LA'ANG, ,'OL YAD MI BGYID CHAR YANG MI PHOD DO, ,DE LTAR SDUG BSNGAL SHIN TU MI BZAD LO, ,PHYE BA PHRAG BRGYAS NYAMS SU MYONG YANG NI, ,JI SRID MI DAG DE ZAD MA GYUR PA, ,DE SRID SROG DANG BRAL BAR MI 'GYUR RO, ,MI DGE'I 'BRAS 'DI RNAMS KYI SA BON NI, ,LUS NGAG YID KYI NYES SPYOD KHYOD KYIS NI, ,CI NAS DE RDUL TZAM YANG MA MCHIS PA, ,DE LTAR NYID KYI RTZAL GYI 'BAD PAR MDZOD, ,CES DANG, DUD 'GRO'I SDUG BSNGAL LA LONGS SPYOD PA'I TSUL NI, DE NYID LAS, DUD 'GRO'I SKYE GNAS NA YANG BSOD PA DANG, BCING DANG BRDEG SOGS SDUG BSNGAL SNA TSOGS PA, ZHI 'GYUR DGE BA SPANGS PA RNAMS LA NI, ,GCIG LA GCIG ZA SHIN TU MI ZAD PA, ,KHA CIG MU TIG BAL DANG RUS PA KHRAG ,SHA DANG LPAGS PA'I CHED DU 'CHI BAR 'GYUR, ,GZHAN DAG DBANG MED RDO BA LAG PA DANG, ,LCAGS DANG LCAGS KYUS BTAB PA BTAB STE BKOL, ,ZHES DANG, YI DVAGS KYI SDUG BSNGAL LA LONGS SPYOD TSUL NI, ,DE NYID LAS, YI DVAGS NA YANG 'DOD PAS PHONGS PA YIS, ,SKYED PA'I SDUG @160A *, ,BSNGAL RGYUN CHAGS MI CHOS PA, ,BKRES SKOM GRANG DRO NGAL DANG 'JIG PA YIS, ,BSKYED PA SHIN TU MI ZAD BSTEN 'TSALO, ,KHA CIG KHA NI KHAB KYI MIG TZAM LA, ,LTO BA RI'I LTOS TZAM BKRES PAS NYEN, ,MI GTZANG GYI NAR BOR BA CUNG ZAD KYANG, ,'TSAL BA'I MTHU DANG LDAN PA MA LAGSO, ,KHA CIG LPAGS RUS LUS SHING GCER BU STE, ,TA LA YA THOG SKAM PA LTA BU LAGS, ,KHA CIG MTSAN SHING KHA NAS 'BAR BA STE, ,ZAS SU 'BAR BA'I KHAR 'BAB BYE MA 'TSAL, ,RMANG RIGS 'GAL NA RNIG DANG PHYI SA DANG, ,KHRAG SOGS MI GTZANG PA YANG MI RNYED DE, ,PHAN TSUN GDONG DU 'TSOG CING MGRIN PA NAS, ,SBA BA 'BYUNG BA SMIN PA'I RNAG 'TSALO, ,YI DVAGS RNAmS LA SOS KA'I DUS SU NI, ,ZLA BA'ANG TSA LA DGUN NI NYI MA'ANG GRANG, ,LJON SHING 'BRAS BU MED 'GYUR 'DI DAG GIS, ,LTAS PA TZAM GYIS KLUNG YANG SKAM PAR 'GYUR, ,BAR CHAD MED PAR SDUG BSNGAL BSTEN GYUR PA, ,NYES PAR SPYAD PA'I LAS KYI BZHAG PA NI, ,SRA BAS BCINGS PA'I LUS CAN KHA CIG LO, ,LNGA STONG DAG DANG KHRIR YANG 'CHI MI 'GYUR, ,DE LTAR YI DVAGS RNAMS KYI SNA TSOGS PA'I, ,SDUB BSNGAL RO GCIG THOB PA GANG LAGS PA, ,DE YI RGYU NI SKYE BO 'JUNG DGA' BA, ,SER SNA 'PHAt MIN LAGS PAR SADYAS GSUNGS, ZHES DANG, LHA'I SDUG BSNGAL LA LONGS SPYOD PA'I TSUL NI, ,DE NYID LAS, MTHO RIS NA YANG BDE CHEN DE DAG GI, 'CHI 'PHO'I SDUG BSNGAL NYID @160B NI DE BAS CHE, ,DE LTAR BSAM NAS YA RABS RNAMS KYIS NI, ,ZAD 'GYUR MTHO RIS SLAD DU SRED MI BGYID, ,LUS KYI KHA DOG MI SDUG 'GYUR BA DANG, STAN LA MI DGA' ME TOG 'PHRENG RNYING DANG, ,GOS LA DRI MA CHAGS DANG LUS LA NI, ,SNGON CHAD MED PA'I RDUL 'BYUNG ZHES BGYI BA, ,MTHO RIS 'CHI 'PHO SGRON BGYID 'CHI LTAS LNGA, ,MTHO RIS GNAS PA'I LHA RNAMS LA 'BYUNG STE, ,SA STENG MI RNAMS 'CHI BAR 'GYUR BA DAG ,SGRON PAR 'GYUR PA'I 'CHI LTAS RNAMS DANG 'DRA, ,LHA YI 'JIG RTEN DAG NAS 'PHOS PA LA, ,GAL TE DGE BA'I LHAG MA 'GA' MED NA, ,DE NAS DBANG MED DUD 'GRO YI DVAGS DANG, ,DMYAL NANG GNAS PA GANG YANG RUNG BAR 'GYUR, ,ZHES DANG, LHA MA YIN GYI SDUG BSNGAL LA LONGS SPYOD PA'I TSUL NI, DE NYID LAS, LHA MIN DAG NA'ANG RANG BZHIN GYIS LHA'I, ,DPAL LA SDANG PHYIR YID KYI SDUG BSNGAL CHE, ,DE DAG BLO DANG LDAN YANG 'GRO BA YIS, ,BSGRIBS PAS BDEN PA MTHONG BA MA MCHIS SO, ,'KHOR BA DE 'DRA LAGS PAS LHA MI DANG, ,DMYAL BA DUD 'GRO YI DVAGS RNAMS DAG TU, ,SKYE BA BZANG PO MA LAGS SKYE BA NI, ,GNOD PA DU MA'I SNOD 'GYUR LEt MKHYEN MDZOD, ,CES GSUNGS SO, ,MI'I SDUG BSNGAL LA LONGS SPYOD PA'I TSUL NI BSAM GYIS MI KHYAB STE, ,SKYE BA RGA BA NA BA 'CHI BA, MI SDUG PA DANG 'PHRAD PA, SDUG PA DANG BRAL BA, RE BA 'BRAS BU MED PA, 'DOD PA BTZAL TE MA RNYED PA LA BRTEN NAS 'BYUNG BA'I SDUG@161A *, ,BSNGAL SDUG BSNGAL GYI SDUG BSNGAL 'GYUR BA'I SDUG BSNGAL, KHYAB PA 'DU BYED GYI SDUG BSNGAL, MDOR NA TSIG MI SNYAN PA TZAM LA BRTEN NAS BYUNG BA'I SDUG BSNGAL YANG SHIN TU BZOD PAR DKA' BA'I PHYIR RO, ,DES NA BDAG BDE LEGS SU 'DOD PA RNAMS KYI YANG SRID SPONGS PHYIR DU BRTZON 'GRUS DRAG PO RTZOM PAR RIGS TE, 'KHOR BA MTHA' DAG SDUG BSNGAL GYI RANG BZHIN LAS MA 'DAS PAR YID CHES PA'I LUNG DANG, DRI MA MED PA'I RIGS PA LA BRTEN NAS 'GRUB PA'I PHYIR TE, MGO 'AM GOS LA GLO BUR ME SHOR NA, ,DE DAG PHYIR LDOG BGYI BA BTANG NAS KYANG, ,YANG SRID MED PAR BGYI SLAD 'BAD 'TSAL TE,, DE BAS CHES MCHOG DGOS PA GZHAN MA MCHIS, ,ZHES BSHES SPRENG LAS GSUNGS PA'I PHYIR, ,BDE BA LA LONGS SPYOD TSUL NI, ,DMYAL BA BZHI DANG, YI DVAGS LA BDE BA MED CES BYUNG LA, BYE BRAG SMRA BA KHA CIG RNAM SMIN LAS SKYES PA MED PA YIN GYIS RGYU MTHUN LAS SKYES PA YOD, CES ZER, YI DVAGS RDZU 'PHRUL CHEN PO DANG, DUD 'GRO DANG MI RNAMS LA YA BYAD KYI BDE SDUG 'DRES MAR MYONG BA YOD CING, MI'I NANG NAS 'KHOR LOS BSGYUR BA'I RGYAL PO LA NI RIN PO CHE SNA BDUN DANG, NYE BA'I RIN PO CHE SNA BDUN SOGS LA BRTEN PA'I BDE BA YOD LA, DE RNAMS KYI 'BYUNG TSUL NI TSES BCO LNGA LA GSO SBYONGS BLANGS @161B PA'I NYI MA 'CHAR KAR, LHA'I 'KHOR LO RIN PO CHE RTZIBS STONG, LTE BA MU MKHYUD DANG BCAS PA DAG CING GTZANG BA, BRGYA BYIN GYI BKAS LAS THAMS CAD PAS SPRUL TE, RGYAL PO CHEN PO BZHI LAS BRGYUD NAS LHA'I PHO NYAS SHAR PHYOGS NAS 'BUL LO, ,DER RGYAL POS STAN LAS LANG, BLA GOS PHRAG PA GCIG TU ZAR NAS PUS MO GA-YAS PA'I LHA NGA SA LA BTZUGS TE, LAG PA GA-YON PAR GZHAG ,GA-YAS PAS SHAR PHYOGS SU PHUL TE RGYAL BAR GYIS SHIG ,CES BRJOD PAS, 'KHOR LO GANG DU 'GRO BA'I PHYI BZHIN DU, RGYAL PO DPUNG DAR BCAS PA 'GRO ZHING, RGYAL PHRAN RNAMS KYIS PHYAG 'TSAL BAR 'GYUR TE, 'DI DAG NI LHA'I 'BANGS LAGS KYI, LHAS 'DI DAG LA LEGS PAR RJES SU BSTAN DU GSOL, DES GTZO BO DAG DE'I PHYIR KHYED CAG RANG RANG GI RIGS SU RTOGS PA RNAMS LA CHOS KYI RJES SU STON CIG ,CHOS MA YIN PA MA BYED CIG ,CHOS MIN DANG, LOG PAR SPYOD PA RNAMS YUL DU 'DUG TU MA GZHUG CIG CES BGO BAR BYED DO, ,GLANG PO THAL DKAR YAN LAG BDUN (LDAN) LEGS PAR GNAS PA ZHIG ,BRGYA BYIN GYI BKAS RAB BRTAN GYI BU MTHU BO 'BUL LA, DE SHI NA DE'I 'OG MA GTONG ZHING RGYAL PO SNGAR SHI NA DE RANG GNAS SU 'GRO'O, ,NUB PHYOGS NA GLING PHRAN KHAMS BU CAN ZHES BYA BA NA RTA SPRIN GYI SHUGS CAN MDOG @162A *, ,SNGO LA MGO BO SNAG PA, PHUM PHUM YI DU 'ONG BA, 'KHOR LA RTA RGYAL BRGYAD KHRIS BSKOR BA YOD, ,DBANG PO'I BKAS DES THU BO STONG BA SOGS 'DRA LA, NOR BU BEd'URYA ZUR BRGYAD PA DPAG TSAD PHYED TSUN CHAD DU 'OD KYI KHYAB PA ZHIG ,KLU 'AM RGYAL CHEN RIS BZHIS PAS 'BUL LO, BTZUN MO MDOG LJANG KHU LUS DANG, ,SHA REGS BAS GRANG DUS DRO, ,DRO DUS GRANG PA, BA SPU'I KHUD PU DANG, KHA NAS TZAN DAN AUTPAL LA'I DRI 'BYUNG BA, SNGON DU LDANG ZHING, PHYIS NAS NYAL LA, BU MI NYUNG BA, RGYAL BA'I SNGAR SHI NAS LHAR SKYE'O, ,KHYIM BDAG NI PHYAG CING 'BYOR BA CHE BA, LHA'I MIG GIS GTER MTHONG BA, NOR GYI SGO NAS RGYAL PO'I DON SGRUB PA'O, ,BLON PO MKHAS SHING 'DZANG LA THOGS MED KYI SHES RAB CAN, ,RIGS PA'I DPUNG 'BUL ZHING, MA RIGS PA'I SKYE BO RNAMS SKROD PAR BYED PA, ,NGAL ZHING DUB PAR MI BYED PA ZHIG 'BYUNG NGO, ,ZHES CHOS MNGON PA LAS GSUNGS, BCOM LDAN 'DAS KYI MDO LAS, BUD MED BSAM PA MTHUN, BU MANG PO BTZA' RIGS MTHUNI RGYAL PO BUD MED GZHAN BSTEN PA LA PHRA DOG MED PA DANG, ,NOR BU NI MTSAN MO DPAG TSAD BRGYAR 'OD 'BYUNG, NYIN PAR TSA BA SEL, SKOM NA CHU 'BYUNG, RGYAL PO'I BSAM PA 'GRUB, 'OD SNA TSOGS 'BYUNG, DPAG TSAD BRGYAR NAD MED, MYA DAM GYI THANG LA SOGS @162B PA SHING LJON PA RGYAS, DUS MIN DU 'CHI BA MED CING, MI MTHUN PHYOGS KYI GNOD PA MI NUS PA'O, ,GSER GYI 'KHOR LO DPAG TSAD LNGA BRGYA PA NYI MA GCIG LA DPAG TSAD 'BUM DU 'GRO NUS SHING, GLING BZHI DANG LHA'I GNAS SU RGYAL POS MI THOS PA THOS PAR BYED CING 'GRAN ZLA MED PAR BYED PA'O, ,GLANG PO NI GLANG CHEN STONG GI STOBS DANG LDAN LA NYIN GCIG LA 'DZAM GLING LAN GSUM BSKOR BAR BYED PA, DE'I DRI TSOR BAS GZHAN SDUG MI NUS PA SA CHU BAR SNANG LA 'THABS SHING NUS PAS SKUD PAS DKRI BAR RUNG BA'O, ,RTA DKAR PO NYIN GCIG GIS 'DZAM GLING LAN GSUM BSKOR BAR BYED PA NANG MED PA'O, ,BLON PO NI RGYAL PO'I BSAM PA THAMS CAD 'GRUB PA CHOS MIN SPANGS SHING SKYE BO LA PHAN PA'O, ,KHYIM BDAG NI 'BYOR BA CHE ZHING, GA-YO SGYU MED PA, GZHAN LA MI GNOD CING SKYE BO THAMS CAD DGA' BA'O, ,NYE BA'I RIN CHEN SNA BDUN NI, RGYAL PO LA MI GUS PA'I SAR SONG NAS MA BTAB PAR KUN GYI SDUD PAR BYED PA'I RAL GRI DANG, KLU'I LPAGS PA BZHENG DU DPAG TSAD LNGA, TSUR BCU PA, RLUNG GI MI SKYOD CING, MES ME TSIG ,GRANG NA DRO DRON BSIL, BUD MED MI SDUG PA MI MTHONG, NYI ZLA'I 'OD SNANG PA'I BYA BA BYED, YANG ZHING 'JAM LA BSAM GTAN DANG MTHUN, DER 'DUG NA NYON MONGS MI 'BYUNG BA'I MAL CHA DANG, ME TOG SOGS KYI BRGYAN PA'I TSAL, ,LHA'I BU ROL MO BYED PA DANG, BLTA 'DOD NA ZLA BA DANG, , @163A *, ,GZA' DANG RGYU SKAR YANG 'ONG ZHING, RMI LAM DGE BA KHO NA MTHONG BAR 'GYUR, ,GRANG DUS SU DRO, DRO DUS SU BSIL BA'I KHYIM DANG, ,'JAM ZHING DRI MA MED LA, GYON NA BKRES SKOM SOGS KYI SDUG BSNGAL DANG MTSON GYI MI GNOD PA'I GOS DANG, GYON NA CHU LA MI BYING ZHING, DPAG TSAD BRGYAR 'GRO YANG NGAL DUB MI 'BYUNG BA'I LHAM RNAMS SO, ,ZHES GSUNGS SO, ,'BYUNG DUS DANG, JI LTAR 'BYUNG TSUL NI, MDZOD LAS, 'KHOR LOS BSGYUR BA 'BYUNG PA NI, ,STONG PHRAG BRGYAD CU LAS MI PHYI, ,GSER DNGUL ZANGS LCAGS 'KHOR LO CAN, ,DE DAG GLING GCIG GLING GNYIS DANG, ,GSUM DANG BZHI LA MAS RIM BZHIN, ,LHAN CIG GNYIS MIN SANGS RGYAS BZHIN, ,PHAS BSU RANG 'GRO GA-YUL BSHAMS DANG, ,MTSON RTZOM PAS RGYAL GNOD PA MED, ,CES GSUNGS PA LTAR, GSER GYI 'KHOR LO CAN PHA ROL GYI BSU NAS GLING BZHI LA DBANG, ,DNGUL GYI 'KHOR LO CAN RANG 'GRO BA'I SGO NAS BYANG MA GTOGS PA'I GLING GSUM, ,ZANGS KYI 'KHOR LO CAN, GA-YUL BSHAMS PA'I SGO NAS, 'DI DANG SHAR LA, LCAGS KYI 'KHOR LO CAN, MTSON RTZOM PAS GLING 'DI LA DBANG ZHING, ,GZHAN LA PHAN PA 'BA' ZHIG MDZAD DO, ,MDO LAS, GSER DU GSUNGS PA NI GTZO BO SMOS PA TZAM MO, ,'KHOR LO BZHI'I TSAD RGYANG GRAGS @163B BZHI DANG, GSUM DANG, GNYIS DANG, GCIG TU RDO 'PHANGS PA'I MDO LAS BSHAD DO, ,BYE BRAG SMRA BA NA RE, 'JIG RTEN GYI KHAMS GCIG TU 'KHOR LOS BSGYUR BA'I RGYAL PO GNYIS CIG CAR DU MI 'BYUNG STE, MCHOG GI SPRUL SKU BZHIN NO ZHES ZER, TOG LAS, TSE LO DRUG KHRI NAS 'KHOR LOS BSGYUR BA'I RGYAL PO AUTPALA'I GDONG 'BYUNG BAR BSHAD PA NI THEG CHEN MTHUN MONGS MA YIN PA'I LUGS YIN NO, ,GZUNGS KYI DBANG PHYUG RGYAL POS ZHUS PA'I MDO LAS, 'JIG RTEN GYI KHAMS DRI LDAN DU, SANGS RGYAS TZAN DAN KHYIM ZHES BYA BA KHRI CIG CAR DU 'BYUNG BAR BSHAD DO, ,LHA RNAMS NI MTHO RIS KYI 'BYOR PA'I BDE BA LA LONGS SPYOD DE, RIN PO CHE SNA BZHI LAS GRUB PA'I GZHAL MED KHANG DU SHING LJON PA LAS BYUNG BA'I BDUD RTZI DKAR DMAR SNGO SER BZHI ZA ZHING, DE NAS SBRANG RTZI, SBRANG CHANG, SHING LO DANG, KHYOGS DANG, GOS DANG, RGYAN DANG; NOR DANG, SPOS DANG, GDUGS DANG, ME TOG GI PHRENG BA LA SOGS PA DPAG BSAM GYI SHING LAS BYUNG BA RNAMS LA LONGS SPYOD DO, ,LHA MA YIN GYI BDE BA LA LONGS SPYOD TSUL, 'DOD LHA DANG PHAL CHER 'DRA LA, SGRA MI SNYAN PA DPAG BSAM GYI SHING LAS ZAS GOS RGYAN LA SOGS PA RANG NYID KYIS BLANGS PA'I TSE, 'DOD DGUR 'BYUNG ZHING, BDAG GIR 'DZIN PA MED DO, ,GZUGS KYI KHAMS NA DBEN PA @164A *, ,LAS SKYES PA DANG, DGA' BA MED PA'I BDE BA ZHI BA'I BDE BA, BSAM GTAN BZHI LA RIM PA BZHIN DU YOD CING, GZUGS MED NA ZHI BA DANG RNAM THAR GYI BDE BA YOD DO, ,BYE BRAG 'KHRIG PA'I BDE BA LA LONGS SPYOD PA'I TSUL NI, DUD 'GRO YI DVAGS, MI RNAMS LA DBANG PO GNYIS SBYOR GYI 'KHRIG PA YOD CING, KHU BA 'BYUNG BA YANG YOD DO, ,'DOD LHA DANG PO GNYIS KYI, GNYIS KYI GNYIS SGROD YANG, KHU BA MI 'BYUNG ZHING RLUNG 'BYUNG PAS GDUNG BA DANG BRAL GONG MA BZHI, 'KHYUIG? PA DANG, LAG 'CHANGS RGOD PA DANG, MIG TSUGS SU BLTAS PAS 'KHRIG PA'I GDUNG BA SEL LO, ,DE YANG GLING GSUM YI DAGS RDZU 'PHRUL CHEN PO, ,'DOD LHA 'OG MA BZHI LA, BAG MA GTONG LEN DANG, CHUNG MA 'CHANG BA YOD, SGRA MI SNYAN NA MED, LHA MO LA MNGAL GYI GNAS MED PAS DPANG DANG PHRAG PAR RDZUS TE SKYES PA'I LHA'I BU RNAMS LA BU TSAR THA SNYAD BYED, MDZOD LAS, GNYIS GNYIS 'KHYUD DANG LAG CHANGS DANG, ,RGOD DBANG? LTAS PAS 'KHRIG PA YIN, ,BYIS PA LO LNGA LON PA NAS, ,LO BCU LON PA'I BAR DAG TU, ,DE DAG TU SKYES LUS CAN RNAMS, ,KUN RDZOGS GOS DANG BCAS PA'O, ,ZHES GSUNGS, ` SKYE BA NI MDZOD LAS, 'DOD PA SKYE PA GSUM PO NI, ,'DOD PA'I LHA DANG MIR BCAS RNAMS, ,BDE @164B BA SKYE BA GSUM PO NI, ,BSAM GTAN GSUM LA SA DGU YIN, ,ZHES MI DANG 'DOD LHA DANG PO BZHI NYE BAR GNAS LA DBANG BYED, 'KHRUL DGA' BA 'DOD PA RANG GIS SPRUL PA LA DBANG BYED, GZHAN SPRUL DBANG BYED PA GZHAN GYIS SPRUL PA'I 'DOD PA LA DBANG BYED, ,BSAM GTAN GSUM LA DBEN PA DANG, ,TING NGE 'DZIN DANG, DGA' BA MED PA'I BDE BA STE GSUM LA GNAS BZHIN DBANG BYED, BDUN PA LUS THOB KYI KHYAD PAR NI BDAG NYID KYI SEMS KYI DANG, GZHAN GYI SEMS KYI DANG, GNYIS KA DANG, GNYIS KA MIN PAS 'CHI 'PHO BA BZHI LAS, DANG PO NI, LHA RTZEBS BSLUS PA DANG YID 'KHRUGS PA, GNYIS PA NI MNGAL DANG SGO NA 'DUG PA, GSUM PA NI 'DOD PAR SKYES LA DBANG PO RDZOGS PA PHAL CHER RO, ,BZHI PA NI, KHAMS KYI LHA, DMYAL BA YI DVAGS LA SOGS PA'O, ,ZHES GSUNGS, BRGYAD PA NI RGYU DRUG DANG RKYEN BZHI LA SOGS PA YOD DO, ` GNYIS PA LA RTEN DKYIL 'KHOR GSUM BSHAD PA, BRTEN PA RI GLING (GZUG MED) MTSO SOGS BSHAD PA GNYIS, DANG PO NI, SEMS CAN GYI RTEN DU GYUR PAS SNOD, RAB TU 'JIG PAS NA 'JIG RTEN TE, STONG GSUM GYI TSAD TZAM GYI RLUNG GI DKYIL 'KHOR BRGYA BYIN GYI RDO RJES KYANG ZHIG PAR MI NUS PA, 'OG GZHI DANG, GLO NA GNAS PA'I CHU RNAMS MI 'BO BAR RTEN NO, ,DE'I STENG DU GSER GYI @165A *, ,SNYING PO CAN GYI SPRIN LAS CHAR BABS PAS CHU'I DKYIL 'KHOR TSANGS PA'I 'JIG RTEN MAN CHAD YONGS SU GANG BA RLUNG GIS BSRUBS PAS, GSER GYI DKYIL 'KHOR 'BYUNG, 'DI GSUM LA SA'I DNGOS GZHIR DPAG TSAD KYI GRANGS MA GSUNGS LA, ,MCHAMS tIKA LAS, GSUM KA STONG GSUM CHAM YUG GCIG TU BZHED, ,KHA CIG GLO NA GNAS PA'I RLUNG ZOM STONG LTA BU BYE BA PHRAG BRGYA YOD PAS DE'I NANG DU CHU DANG GSER MI 'BO BAR YOD DO, ,ZHES ZER LA, SNGA MA NYID RIGS SAM SNYAM STE, LAS KYI DBANG GIS CHU RNAMS MTSO MA DROS PA SOGS LAS MA 'DRES PAR 'BAB PA BZHIN, MDZOD LAS, DE LA SNOD KYI 'JIG RTEN GYI, ,GNAS PAR 'DOD PA'I 'OG DAG GI ,RLUNG GI DKYIL 'KHOR RNGAMS SU NI, ,SA YA DRUG 'BUM GRANGS MED DO, ,CHU RDAM 'BUM PHRAG BCU GCIG DANG, ,STONG PHRAG DAG NI NYI SHU'O, ,PHYIS NI RNGAMS SU 'BUM PHRAG BRGYAD, ,LHAG MA DAG NI GSER DU 'GYUR, ,CHU DANG GSER GYI DKYIL 'KHOR GYI, ,THAD KAR 'BUM PHRAG BCU GNYIS DANG, ,STONG PHRAG GSUM DANG BRGYA PHRAG NI, ,PHYED DANG LNGA RNAMS KHO NA'O, ,'KHOR YUG TU NI GSUM 'GYUR RO, ,ZHES GSUNGS TE GRANGS MED NI RGYA TSAD, LHAG MA GSUM 'BUM NYI KHRI NI GSER GYI SPANGS, ,'DI GNYIS KYI RGYA TSAD NI, THAD KAR 'BUM PHRAG BCU GNYIS, STONG PHRAG GSUM, BRGYA PHRAG PHYED DANG LNGA 'KHOR YUG TU GSUM @165B 'GYUR TE DPAG TSAD SA YA PHRAG GSUM DRUG 'BUM DANG, KHRI SUM BRGYA LNGA BCU'O, ,GNYIS PA NI, GSER GYI DKYIL 'KHOR GYI DBUS SU RI RAB, SHAR DNGUL, LHO BEd'URYA, NUB PADMA RA GA ,BYANG GSER LAS GRUB PA, GDAGS PA LAS, SHAR SHEL, NUB DNGUL DU BSHAD DO, SPANGS SU DPAG TSAD 'BUM DRUG KHRI, RGYAR DPAG TSAD BRGYAD KHRI PA'O, ,DE'I MTHA' SKOR DU GSER GYI RI BDUN NI, GNYA' SHING 'DZIN, GNAM 'DUD, RTA RNA, LTAN SDUG, SENG LDENG CAN, SHOL MDA' 'DZIN MU KHYUD 'DZIN TE SA 'GREL DU, RTZE MOS NYI MA'I SHING RTA'I GNYA' SHING 'DZIN NUS PA DANG, RTZE MO DBUS SU STUD PA DANG, ,RTA'I RNA BA 'DRA BA DANG, LTA NA SDUG PA DANG, SENG LDENG GI SDONG PO 'DRA BA DANG, SHING RTA'I GSHOL MDA' LTA BU YOD PA DANG, RTZE MO GNYA' SHING GI DBYIBS 'DRA BA'O, ,ZHES BSHAD, GDAGS PAR, SHING RTA'I GNYA' SHING 'DRA BAS GNYA' SHING 'DZIN, GSER GYI SENG LDENG YOD PAS SENG LDENG CAN, MNYAN DU BZHIN DMA' BAR 'DUD PAS MNYAN 'DUD, SHING RTA'I MU MKHYUD 'DRA BAS MU MKHYUD 'DZIN ZHES BSHAD DO, ,DE'I PHYI ROL DU GLING BCU GNYIS DANG, DE'I PHYI ROL DU KHOR YUG GI LCAGS RI GRUB PA STE, CHU NANG DU DPAG TSAD BRGYAD KHRI NUB CING, RI RAB LA CHU 'TSAMS YAN CHAD DPAG TSAD BRGYAD KHRI, RI GZHAN RNAMS LA PHYED PHYED KHRI BA STE, GNYA' SHING 'DZIN LA BZHI KHRI NAS, ,KHOR YUG LA SUM BRGYA DANG@166A *, ,PHYED DANG BCU GSUM GYI BAR RO, ,CHU 'TSAMS YAN CHAD KYI SPANGS SU GANG YOD PA DE NYID THUG RNGAMS SU 'ANG DE TZAM STE, RNGAMS NI ZHENG GI BRGYA RU BSHAD DO, ,DE SKAD DU YANG, MDZOD LAS, DE NAS NI, ,GLING RNAMS YIN NO DE DAG GI, ,PHYI ROL NA NI KHOR YUG STE, ,BDUN NI GSER YIN DE LCAGS SO, ,LHUN PO RIN CHEN BZHI'I RANG BZHIN, ,CHU'I NANG DU BRGYAD KHRI DAG ,NUB BO DE BZHIN STENG DU YANG, ,DPAG TSAD DAG NI BRGYAD KHRI'O, ,BRGYAD PO 'PHANGS SU PHYED PHYED PHRI, ,DE DAG RNGAMS SU 'ANG 'PHANGS DANG MNYAM, ,ZHES GSUNGS SO, ,GLING BZHI NI, LHO NA 'DZAM BU GLING, DBYIBS SHING RTA'I DBYIBS TE ,GRU GSUm PA BYANG YANGS PA, LHO PHRA BA, DPAG TSAD DRUG STONG LNGA BRGYA PAR SA'I DNGOS GZHIR BSHAD, MDZOD LAS, DRUG STONG DANG PHYED DANG BZHI, DPAG TSAD BDUN STONG DU SGRA CHEN PO, ,KHANG BU RTZEGS PA, RDO 'PHANGS PA RMAD DU BYUNG BA'I CHOS KYI RNAMS GRANGS KYI MDO RNAMS SU BSHAD, BYAMS PA LUNG BSTAN PA'I MDO LAS, ,SANGS RGYAS BYAMS PA 'JIG RTEN DU BYON PA'I DUS SU CHU DPAG TSAD BRGYA SKAM STE, 'DZAM GLING LA DPAG TSAD KHRI YOD PAR BSHAD DO, ,MDZOD LAS, DE LA NI, 'DZAM BU'I GLING STE NGOS GSUM LA, ,STONG PHRAG GNYIS SO SHING RTA'I DBYIBS, ,GCIG LA DPAG TSAD PHYED DANG BZHI, ,ZHES GSUNGS TE, DE'I DBUS NA GSER @166B GYI SA GZHI LA BYANG SEMS KYI RDO RJE LTA BU'I TING NGE 'DZIN SKYED PA'I GNAS GRUB STE, TING NGE 'DZIN DE NI LUS DANG SA PHYOGS GZHAN GYIS BZOD MI NUS SO, ,SHAR LUS 'PHAGS PO ZLA GAM NGOS GSUM LA DPAG TSAD NYIS STONG NYIS STONG, GCIG LA SUM BRGYA LNGA BCU, THUNG SHOS NANG DU BSTAN PA'O, ,NUB BA LANG SPYOD ZLUM PO, DBUS SU DPAG TSAD STONG PHRAG PHYED DANG GSUM, ,MTHA' SKOR DU BDUN STONG LNGA BRGYA'O, ,BYANG SGRA MI SNYAN GRUB BZHI NGOS RE RE LA STONG PHRAG GNYIS GNYIS SO, ,SA'I DNGOS GZHIR SHAR LA BDUN STONG BSHAD, ,RDO 'PHANGS PA'I MDOR, SHAR BRGYAD STONG, NUB DGU STONG, BYANG KHRIR BSHAD PA YANG SNANG NGO, ,GLING GI DBYIBS BZHIN DE NA GNAS PA'I MI'I GDONG DANG, ,BUD MED KYI SKYE GNAS KYI DBYIBS KYANG DE BZHIN NO, ,BAR GYI GLING BRGYAD NI, SHAR NA LUS DANG LUS 'PHAGS, ,BYANG NA SGRA MI SNYAN DANG SGRA MI SNYAN GYI ZLA, ,NUB NA GA-YO LDAN DANG LAM MCHOG 'GRO, ,LHO NA RNGA YAB DANG RNGA YAB GZHAN TE, 'DI RNAMS DBYIBS GLING GTZO BO DANG 'DRA LA, ,TSAD DANG NGES TSIG MA BSHAD, MDZOD LAS, 'DI NAS BYANG DU RI NAG PO, ,DGU 'DAS GANG RI'O DE NAS NI, ,SPOS NGAD LDANG BA'I TSU ROL NA, , ,CHU ZHENG LNGA BCU YOD PA'I MTSO, ,ZHES PAS, CHOS MNGON PA GSUNGS PA'I GNAS 'DI NAS BYANG PHYOGS SU RI NAG PO DGU 'DAS PA NA, RI'I RGYAL PO GANGS RI, DE'I BYANG NA RI SPOS @167A *, ,KYI NGAD LDANG, DE'I DPAG TSAD BCU'I TSU ROL NA MTSO MA DROS PA, CHU ZHENG DPAG TSAD LNGA BCU PA, MTHA' SKOR DU NYIS BRGYA, DBYIBS GRU BZHI, MDZES SHING LTA NA SDUG PA, CHU BSIL ZHING SBRANG RTZI LTA BUS GANG BA, SA'I DNGOS GZHIR ZABS SU DPAS TSAD LNGA BCU PA, GSER GYI BYE MA GDAL BA, CHU YAN LAG BRGYAD LDAN GYI GANG BAR BSHAD, ME TOG AUTPAL LA LA SOGS PAS KHEBS BA STE, KLU MA DROS PA'I GNAS YIN PAS SAM, ,LUNG LAS, 'BRAS KHU'I CHU DRON MO BLUG PA DE MA THAG GRANG MOR 'GYUR BAS MA DROS PA ZHES BSHAD LA, DE'I GA-YAS ROL NA SHING 'DZAM BU ZHES BYA BA RO MNGAR PO 'CHAGS PA ZHIG GNAS TE, DE YANG DE'I 'BRAS BU'I DBANG GIS SHING LA 'DZAM BU ZHES BYA'O, ,MTSO DE'I PHYOGS SHAR, LHO NUB, BYANG NAS RIM PA BZHIN GLANG CHEN, KHYU MCHOG, RTA, SENG+GE'I KHA 'DRA BA NAS CHU PO GANG+GA, SIN DHU, PAKshU SI TA STE, BZHIS MTSO LA GA-YAS SKOR BYAS NAS CHU KLUNG LNGA BRGYA DANG LHAN CIG PHYOGS BZHI'I RGYA MTSOR 'GRO'O, ,PHAL CHEN DU, GLANG CHEN LA SOGS PA'I KHA'I SGO DPAG TSAD TZAM NAS 'BAB STE, DNGUL, GSER, BEEd'URYA RDO RJE'I BYE MA RIM PA BZHIN 'DREN CING MDOG KYANG DE DANG 'DRA BAS MTSO LA GA-YAS SKOR LAN BDUN BDUN BYAS NAS PHYOGS BZHIR 'GRO LA, DE DAG GI BAR GYI GLING YANG LHA RDZAS KYI ME TOG SNA TSOGS KYIS MDZES SHING, ,MTSO'I @167B GZHI 'ANG RIN PO CHE'I BYE MA BRDAL ZHING, RIN PO CHE SNA TSOGS KYI MDZES PA DOS RIN PO CHE RTZIGS PA LTA BUR GNAS PAR GSUNGS LA, DER RDZU 'PHRUL MED PA'I MI RNAMS KYI BGROD MI NUS TE, SMAN GZHI'I LUNG LAS, GNOD SBYIN GTUM PO MI ZAD GNAS PA YID 'ONGS SHING, ,ME TOG SNA TSOGS SHING GI RNAM PAR MDZES BYAS PA, ,DE LAS RGYA MTSO DUG CAN DAG TU 'GRO BA YI, ,CHU BO CHEN PO BZHI PO 'DI DAG PHYOGS BZHIR 'BAB, GANG+GA SIN DHU DE BZHIN PAKshU DANG, ,SI TA DE LA RDZU 'PHRUL STOBS THOB PA, ,MA GTOGS MI RNAMS KYIS NI MI BGROD PA, ,DER NI THUB PA DGE 'DUN BCAS PA BZHUGS, ,ZHES GSUNGS LA, DE'I DON NI, MTSO DE'I DBUS NA KLU'I RGYAL PO MA DROS PA'I PHO BRANG RIN PO CHE SNA TSOGS LAS GRUB PA'I NANG DU STON PA 'KHOR BCAS DBYAR ZLA GSUM BZHUGS PA DANG, RDZU 'PHRUL MA THOB PA'I MI RNAMS KYI PHO BRANG DER BGROD PAR MI NUS STE, ,GNOD SBYIN GYI 'JIGS PA DANG CHU BO BZHI LAS BRGAL BAR MI NUS PA'I PHYIR, ZHES PA'I DON YIN LA, MTSO DE'I 'GRAM DU NI RDZU 'PHRUL MA THOB PA'I MI RNAMS KYIS KYANG 'DOD DGUR BGROD PAR NUS SO, ,DE LTA NA YANG BSHAD SROL MI MTHUN PA SNA TSOGS SNGON GYI MKHAS GRUB RNAMS KYIS MDZAD PA 'DRA'O, ,SA'I DNGOS GZHIR, GANGS RI'I NYE 'KHOR NA MTSO 'DI YOD PAR BSHAD, GDAGS PAR, RI SPOS NGAD LDAN GYI, BYANG DU DPAG TSAD NYI SHU 'DAS PA NA, BRAG GSAR GYI BYA SKYIBS LHA MA @168A *, ,YIN GYI NGOS ZHES BYA BA CHU ZHENG DPAG TSAD LDA BCU, MTHA' SKOR DU NYIS BRGYA, 'PHANG DU PHYED DANG BZHI PA, 'KHOR YUG TU GSER GYI BRAG RI BYA SKYIBS BRGYA STONG YOD PA, LAM SRID DU DPAG TSAD NYI SHU ZHENG DU PHYED DANG GNYIS PA, LHA MIN GYI NGOS DE'I BYANG DU DPAG TSAD NYI SHU NA SHING SA LA'I RGYAL PO RAB BRTAN, RTZA BA 'DOM BZHI BCU RTZA DGU 'THUR DU ZUG PA, SA LA'I PHRENG BA BDUN RIM GYIS BSKOR BA'I, DANG PO 'DOM BCU DGU THUR DU ZUG PA, PHYI MA RNAMS 'DOM RE RE BRI BA, YAL GA RNAMS PHYI MA PHYI MA LA REG PA, DE LA LAM SNGAR BSHAD PA DANG 'DRA BA, SA LA'I RGYAL PO'I SHAR DPAG TSAD NYI SHU NA RDZING BU DAL GYI 'BAB CES BYA BA CHU ZHENG DU DPAG TSAD LNGA BCU, MTHA' SKOR DU NYIS BRGYA PA, KHOR YUG NA RDZING BU BRGYA STONG GI SKOR BA THAMS CAD KYANG CHU BSIL BA, SBRANG RTZI LTA BUS GANG BA, PADMA SHIN TU CHE BAS KHEBS PA, DE'I LAM YANG SNGAR DANG 'DRA'O, ,DE THAMS CAD GSER GYI BYE MA GDAL ZHING, TZAN DAN GYI CHUS CHAG CHAG GDAB PA LA SOGS PA YOD, DER BRGYA BYIN GYI GA-YUL NGOR SPYOD PA'I GLANG PO CHE RAB BRTAN LUS THAL DKAR MGO BO SNGON PO, ,DBUS DMAR BA, SRID DU DPAG TSAD PHYED DANG GSUM, ZHENG DU DPAG TSAD GCIG ,'PHANG DPAG TSAD PHYED DANG GNYIS PA, MTHA' SKOR DU BDUN @168B YOD PA, 'KHOR GLANG PO CHE BRGYA STONG YOD PA'O, ,SA'I DNGOS GZHIR 'DI DANG RDZING BU LA 'KHOR LNGA BRGYA PAR BSHAD DO, ,DE DGUN ZLA BA BZHIR GSER GYI BYA SKYIBS SU 'DU GCING 'KHOR GYIS BSRUNG, DBYAR ZLA BA BZHIR SA LA'I TSAL DU 'GRO BA NA RE 'GA' THA MAL PA DANG, RE 'GA' LHA'I BUR SPRUL NAS GLANG CHEN MCHOG LA GZHON TE, ROL MO BYED CING 'GRO'O, ,DER GNAS PA NA 'KHOR RNAMS KYI KHA NANG DU LTAS NAS PHRAD BDUN RIM GYIS BSRUNG LA RDZING BUR SNGAR BZHIN 'GRO ZHING PADMA'I RTZA BA ZA'O, ,GLING 'DI'I BYANG 'GRAM NA, RGYA MTSO'I 'GRAM GYI SHING THAMS CAD KYI MCHOG SHING SHA MA LA'I RTZE MO SHIN TU MTHO BA LA MKHA' LDING SKYE GNAS BZHI PA YOD DO, ,GLING 'DI'I NYE 'KHOR NA 'KHOR LOS BSGYUR RGYAL GYI LAM GSER GYI RANG BZHIN CAN YOD DE, RGYAL CHEN RIS BZHI PA'I PUS MO NUB TZAM GYI RGYA MTSOR NUB CING, 'KHOR LOS BSGYUR RGYAL 'BYUNG BA NA CHU DE SKAM MO, ,GDAGS PAR LAM DPAG TSANG GCIG DANG CHU DPAG TSAD GNYIS SKAM PAR BSHAD DO, ,GZHAN YANG 'CHAGS PA NA RGYU DANG SNYING PO DANG, ZONG GI MCHOG LAS KYI RLUNG GI BYANG PHYOGS SU SDUS NAS GRUB PAS, BYANG NA SHING DANG RTZA MANG LA, CHAR 'BAB PA NAS GNAG CHE BA 'THUR DU BSHONGS LA, LCAGS ZANG SOGS YOD PA DER SDAD PAS SA GZHI MTHO DMAN CAN NO,, @169A *, ,RLUNG DANG KHAMS CHE CHUNG GI SDUS PAS RI MTHO DMAN CAN RNAMS SNGAR DANG 'DRA'O, ,KLU MANG ZHING, SA GNAG CHE BA RTZA SHING MANG, LCAGS ZANGS SOGS KYI GZHI CHE ZHING, 'OG NA NYA CHE BA'I DMYAL BA YOD NA NYUNG, 'BYUNG BA MTHU CHE NA SHING DANG LO MA CHE, RO KHAMS SHAS CHE NA 'BRAS BU YOD, MES TSIG NA DRI ZHIM MO, ,GLING RNAMS SU CHAR 'BAB PA'I RGYU BRGYAD DE, KLU, GNOD SBYIN, GRUL BUM, LHA, MA RNAMS KYIS MTHU DANG, RDZU 'PHRUL DANG, CHOS NYID DANG, BDEN PAS BSKUL BAS 'BAB PA RNAMS SO, ,DBYAR SOS KLU RNAMS BAG MA GTONG LEN DANG, DGA' STON LA 'GRO BAS CHAR 'BAB, PHYOGS GNYIS NA RLUNG CHEN PO LANGS TE CHU GCIG TU BSDUS PA DANG, MI MIN 'KHRUG PA LAS CHU THOG DANG, PHYOG GNYIS NAS RLUNG SHIN TU BSIL BA LANGS NAS CHU GCIG TU BSDUS TE, SA'I KHAMS KYIS SRA BAR BYAS NA, RLUNG GI BAB PAS KHA BA DANG, SER BA DANG, PHYOGS GNYIS NA RLUNG TSA BA LANGS TE THUG PA LAS KLOG DANG PHYOGS GNYIS NAS RLUNG CHEN PO LANGS TE, DE DAG BRDAB PA LAS 'BRUG DANG 'OG NAS ME 'BAR TE, DES RLUNG GA-YOS NAS CHU LUD PAS ZU LUD PA 'BYUNG NGO, ,LHA'I ZHAL MED KHANG DRUNG PA'I RTZAL ME LAS SKAR MDA' LHUNG BA 'BYUNG BA DRAN PA NYER BZHAG LAS GSUNGS, BSKAL PA DANG PO'I MI RNAMS BSOD NAMS CHE @169B BAS DPAG TSAD PHYED DANG GNYIS DANG, DE NAS DPAG TSAD GCIG DANG, BZHI CHA DANG, DE NAS DPAG TSAD GCIG DANG, BZHI GSUM DANG, DE NAS DPAG TSAD PHYED DANG RGYAD GRAGS GCIG DANG, RGYAD GRAGS PHYED DANG, RGYANG GRAGS BZHI CHA NAS CHAR RGYUN 'BAB LA, RGYU BRGYAD KYIS CHAR MI 'BAB STE, ME'I KHAMS 'PHAGS PA DANG, RLUNG DRAG POS DGON PA STONG BAR 'DOR BA DANG, SGRA GCAN GYI LAG PAS BLANGS NAS RGYA MTSOR 'DOR PA DANG, CHAR 'BEBS PA'I LHA'I BU BAG MED PAR GYUR PA DANG, MI CHOS MIN SPYOD PA DANG, RDZU 'PHRUL DANG CHOS NYID NYIS DANG, BDEN PAS BSKUL BAS GLING RNAMS SU CHAR MI 'BAB PA'O, ,SA GA-YO BA'I RGYU BRGYAD DE, NAM MKHA' LA RLUNG LANGS TE CHU 'KHRUGS NAS DANG, RDZU 'PHRUL CAN GYIS'I DKYIL 'KHOR CHUNG ZHING YANGS PA LA CHU CHE BAR 'DUS TE BSKYOD PAS DANG, BYANG SEMS LHUMS SU 'JUG PA DANG BLTAMS PA, BYANG CHUB PA, CHOS KYI 'KHOR LO BSKOR BA SKU TSE'I 'DU BYED BTANG STE MYA NGAN LAS 'DAS PA NA KLU DBANG CHE BA RNAMS MCHOD PA'I PHYIR STENG DU 'ONG PA NA RGYA MTSO 'KHRUGS TE SA GA-YO BAR BSHAD, GZHAN YANG, NAG PO'I PHYOGS LA MNGON PAR DGA' BA'I KLU RNAMS KYIS RGYA MTSO DKRUGS PA DANG, RGYA MTSO'I NYA CHEN PO RNAMS 'GYUR BA'I DBANG GIS RGYA MTSO @170A *, ,'KHRUGS STE SA GA-YO BAR BSHAD PA YANG YOD DO, ` NANG GI RGYA MTSO NI, GSER GYI RI BDUN GYI NANG GI RGYA MTSO STE, SLOB DPON RGYAL PO'I SRAS KYIS, BSIL DANG ZHI MA DANG YANG DVANG 'JAM, ,DANG PA DANG NI DRI NGA MED, ,'THUNG NA LTO LA MI GNOD DANG, ,MGRIN PA LA NI MI GNOD PA'O, ,ZHES PA'I YAN LAG BRGYAD LDAN GYI CHUS GANG BA, MDOG SNGO BA, ME TOG DANG, SMAN SNA TSOGS KYI GANG BAR BSHAD, SBRANG RTZI, MAR, 'O MA SOGS KYI GANG BA DANG, MU MKHYUD 'DZIN RI LA GANGS RIR BSHAD PA YANG GDUG GO, ,ROL MTSO ZHES BRJOD PA'I RGYU MTSAN NI, DGA' BO NYER DGA' RTA DGA' DANG, ,STANG ZUNG DANG NI GZI BYIN DANG, ,YUL 'KHOR SRUNG DANG NAG PO CHE, ,AE LA'I 'DAB MA PHYI MA YIN, ,ZHES PA'I KLU CHEN PO BRGYAD ROL ZHING, ,RTZE BAS ROL MTSO ZHES DANG, ,ZHING RMO BA'I ROL DANG 'DRA BAS ROL MTSO ZHES BSHADO, ,MDZOD LAS, DE DAG BAR BDUN ROL MTSO YIN, ,DANG PO STONG PHRAG BRGYAD CU'O, ,DE NI NANG GI RGYA MTSO YIN, ,DE'I NGOS LA SUM 'GYUR RO, ,ROL MTSO GZHAN NI PHYED PHYED 'BRI, ,ZHE DANG PO'I KHA TSON DU DPAG TSAD RGYA KHRI, NGOS LA GNYA' SHING 'DZIN GYI 'BRAM NAS BGRANGS NA GSUM 'GYUR TE DPAG TSAD NYIS 'BUm @170B BZHI KHRI, MTHA' SKOR DU DE BZHI 'GYUR RO, ,GZHAN RNAMS KYI KHA TSON GYI TSAD NI PHYED PHYED 'BRI ZHING MTHA' SKOR NI RIGS PAS DPAGS LA SHES PAR BYA'O, ,PHYI'I RGYA MTSO'I PHYOGS KYI BYE BRAG GI RNAM PA BZHI NI; DER GNAS PA'I SEMS CAN GYI DGE BA DANG MI DGE BA'I RGYU LAS TSVA KHU'I CHUS GANG STE, DE NI LAN CHVA'I RI ZHU BAS SAM, LUS KYI DRI MA 'Am 'DAB MA SOGS RUL BA KHAS BYUNG BA'O, ,RI RAB DANG GSER GYI RI BDUN GYI KHAMS LHAG MA'I RIN PO CHE DANG, KLU'I RIN PO CHES GANG BA, KLU GTZANG SBRA CAN YOD PAS SHI BA'I RO DANG LHAN CIG MI GNAS PAS, DUS RLABS CHE CHUNG DUS LAS MI 'DA' BAR 'BYUNG BA STE, DE'I KHA TSEN LA DPAG TSAD 'BUM PHRAG GSUM DANG, NYIS KHRI NYIS STONG STE, MDZOD LAS, LHAG MA PHYI MA TSO CHEN YIN, 'BUM PHRAG GSUM DANG STONG PHRAG NI, NYI SHU GNYIS SO ZHES BSHAD, DER 'DZAM BU GLING GI CHU KLUNG THAMS CAD DANG CHAR GYI RGYAN SHING RTA'I SROG SHING TZAM BABS KYANG DER GNAS PA'I SROG CHAGS KYI LONGS SPYAD PA'I LHAG MA RLUNG DANG NYI TSAN GYIS SKAM PAS 'PHEL SGRIB LMED PAR GDAt PAR BSHAD LA, MDZANGS BLUN LAS, DMYAL MES SKEM PA DANG, PHAL ZHOR BYED, BRLAN THAMS CAD DANG BRAL BAS MAR GYI NYING KHUR ZHOR BYED, BRLAN THAMS CAD DANG BRAL BAS MAR GYI NYING KHUR BYED,@171A *, ,RIN PO CHE ME 'OD KYIS MER BYED, RIN PO CHE MA LUS PA'I MTHAR THUG PAS CI YANG MI SNANG BAR BYED PAR BSHAD LA, KHA CIG RGYA MTSO'I CHU NYID 'KHOR BAR 'DOD PA DANG, GZHAN DAG LHO PHYOGS RGONG MA KHA'I MES SKAM PAR YANG BSHAD DO, ,MDOR NA DPAG TSAD STONG NYIS BRGYA BRGYA BCU RTZA PHYED DANG BRGYAD RE CHU DANG GSER GYI DKYIL 'KHOR GYI PHYOGS RES LHAG GO, ,CE NA LCAGS RI'I STENG GIS SKOR BA YIN GYI, DE GNYIS LA MA YIN PA'I PHYIR, DE'I PHYI RU DE GNYIS SNGAR TZAM LHAG ZER RO, ,KHA CIG RNGAMS SU 'PHANGS DANG MNYAM, ZHES PAS CHU MTSAMS, YAN CHAD YIN GYI RI NI MA YIN GYIS, RTZA BA CUNG ZAD SBOM PAS, LHAG PA'I CHA DE DANG, DE GSER DANG MNYAM PAR 'GYUR RO ZHES ZER TE DPYAD PAR BYA'O, ,RI RAB KYI BAR RIM BZHI 'OG NAS RIM PA LTAR DPAG TSAD STONG PHRAG BCU DRUG ,BRGYAD DANG; BZHI DANG, NYIS STONG PHYI'I CHAR DU 'PHAGS LA, BAR THAG STE THUG RNGAMS KHRI PHRAG RE STE, MDZOD LAS, 'DI LA BANG RIM BZHI YOD DE, BAR GYI THAG NI STONG PHRAG BCU, ,STONG PHRAG DAG NI BCU DRUG DANG BRGYAD DANG BZHI DANG GNYIS 'PHAGSO, ,ZHES GSUNGS, GDAGS PAR, DE DAG RIN CHEN SNA BZHI LAS GRUB PAR BSHAD DO, ,MDZOD LTAR NA BANG RIM BZHI PA'AM, SA'I DNGOS GZHI DANG GDAGS PA @171B LTAR NA GNYA' SHING 'DZIN GYI STENG NA, RGYAL CHEN BZHI'I PHO BRANG YOD DE, SHAR NA YUL 'KHOR SRUNG GI PHO BRANG YUL 'KHOR SRUNG, LHO NA 'PHAGS SKYES PO'I PHO BRANG 'PHAGS SKYES, ,NUB NA MIG MI BZANG GI PHO BRANG SNA TSOGS GZUGS, BYANG NA RNAM SRAS KYI PHO BRANG LCANG LO CAN, THAMS CAD NGOS LA DPAG TSAD NYIS BRGYA LNGA BCU, MTHA' SKOR DU STONG GSER GYI RA BA DPAG TSAD PHYED PAS SKOR BA RTZIG SKYABS RIN PO CHE SNA BZHI LAS GRUB LA, MNGA' YAB DANG ZAM PA RGYUD MA BZHI DANG LDAN PA, DE'I LAM SRANG CHUR DPAG TSAD NYIS BRGYA LNGA BCU, ZHENG DU PHYED DANG GNYIS PA, DE'I GA-YAS GA-YON NA RDZING BU CHU SBRANG RTZI LTA BUS GANG BA LA ME TOG SNA TSOGS DANG BYA SKAD SNYAN PA SNA TSOGS PA CAN NO, ,RIS NI DE'I SDER GTOGS PA'I LTA STE, DE NI SHIN TU MANG STE, BANG RIM BZHI LA, LAG NA GZHONG PA THOGS PA DANG, KHRAG THOGS PA DANG; RTAG MYOS DANG, PHRENG THOGS RNAMS GNAS LA, MDZOD LTAR NA, DE LA LAG NA GZHONG THOGS DANG, ,PHRENG THOGS DANG NI RTAG MYOS DANG, ,RGYAL CHEN BZHI'I LHA RNAMS GNAS, ,RI NI BDUN PO DAG LA YANG, ,ZHES GSER GYI RE BDUN LA DE'I SDER GTOGS PA'I LHA'I PHO BRANG YOD CING, RI DANG SHING GI LHA LA SOGS PA YANG DE'I SDER GTOGS SU GNAS, SUM CU RTZA GSUM PA'I GNAS NI, RI RAB KYI RTZE NA YOD DE @172A *, ,RI RTZE'I NGOS LA DPAG TSAD BRGYAD KHRI'O, ,DE'I STENG GI 'GRAM BZHIN RTZE MO'I GCOG BZHI STE, MCHU ZHENG DU DPAG TSAD BRGYA NYI SHU RTZA LNGA, MTHA' SKOR DU LNGA BRGYA, GYEN DU DPAG TSAD PHYED DANG LNGA PA, GNOD SBYIN LAG NA RDO RJE GNAS PA STE, RIM BZHIN SHEL, BEEd'URYA, DNGUL, GSER LAS GRUB PA'O, ,SA'I DNGOS GZHI DANG, MDZOD 'GREL DU DPAG TSAD LNGA BRGYA PAR BSHAD, RI'I DBUS NA GRONG KHYER LTA NA SDUS CES BYA BA CHU ZHENG DU DPAG TSAD NYIS STONG LNGA BRGYA BA, MTHA' SKOR DU KHRI, GSER GYI RA BAS SKOR BA, 'PHANGS SU DPAG TSAD PHYED DANG GNYIS, ,GDAGS PAR PHYED DANG GSUM, ZHES SO, ,SA'I DNGOS GZHIR, RI RAB DE'I STENG NA LHA'I PHO BRANG GNAS PA'I TSAD NI, CHU ZHENG DU DPAG TSAD KHRI KHRI YOD, GZHAN DAG NA NI LHA DE DAG GI GRONG DANG, GRONG BRDAL DANG, LJONGS RNAMS YOD DO; ;ZHES BSHAD, GRONG KHYER DE LA SGO STONG DU GCIG GIS MA TSANG BA, SGO'I 'PHANGS SU DPAG TSAD PHYED DANG GSUM, ZHENG DU PHYED DANG GNYIS PA, SGO RE RE LA RIN CHEN BZHI'I SKAR MA'I GZUGS DANG, ZLA BA PHYED LA SOGS PAS BRGYAN PA, SRUNG MA GO MTSON THOGS PA LNGA BRGYA LNGA BRGYA DANG BCAS PA'O, ,LAM SRANG SRID DU DPAG TSAD NYIS STONG LNGA BRGYA, ZHENG DU BCU GNYIS, DE'I GA-YAS GA-YON DU RDZING BU @172B DE RE RE LA THEM SKAS DANG, LAN KAN DANG BCAS PA, SA GZHI MTSON SNA BRGYA RTZA GCIG GIS BKRA BA ,REG NA 'JAM ZHING, MNAN NA NEM BYED CING, STEG NA SPAR BYED PA'O, ,DE'I DBUS NA KHANG BZANG RNAM PAR RGYAL BYED, CHU ZHENG DU DPAG TSAD NYIS BRGYA LNGA BCU, MTHA' SKOR DU STONG YOD PA, LHA'I PHO BRANG LAS DPAG TSAD PHYED DANG LNGAS GYEN DU 'PHAGS PA, DMANG RTEN KA BA BZHI BCU, THEM SKAS DE THAMS CAD RIN PO CHE SNA BZHI LAS BYAS PA'O, ,BA GAM BRGYA RTZA GCIG ,BA GAM RE RE LA KHANG RTZEGS BRGYA BRGYA, GDAGS PAR BDUN BDUN BSHAD, KHANG RTZEGS RE RE LA KHANG MIG BDUN BDUN, DE RE RE LA LHA MO BDUN BDUN, DE RE RE LA GA-YOG MO BDUN BDUN, ,DE RE RE LA BSIL SNYAN BDUN BDUN NO, ,RNAM RGYAL GYI NANG NA RDZING BU GRU BZHI, MTHA' SKOR DU DPAG TSAD NYIS BRGYA PA THEM SKAS BZHI DANG LDAN PA'O, ,LHA'I LONGS SPYOD THAMS CAD DANG LDAN PA ZHIG YOD DE, 'DI NI GRONG GI DGA' BA YIN NO, ,GRONG KHYER DE NAS DPAG TSAD NYI SHU'I PHYI NI LHA RNAMS KYI BRTZE BA'I SA SKYED MO'I TSAL BZHI STE, SHAR NA SHING RTA SNA TSOGS CAN, 'DOD PA'I YON TAN SNA TSOGS YOD PAS DE SKAD BYA'O, ,LHO NA DER RTZE BAS LUS SEMS BRTZUB PAR 'GYUR BAS NA RTZUB 'GYUR GYI TSAL, NUB NA 'DRES NAS BRTZE BAS 'DRES PA'I TSAL, BYANG NA BDE ZHING DGA' BAR 'GYUR BAS DGA' @173A *, ,BA'I TSAL, DE NAS DPAG TSAD NYI SHU'I PHYI NA SNA TSOGS DANG, RTZUB PA DANG, 'DRES PA DANG, DGA' BA ZHES BYA BA'I SA GZHI BZANG PO BZHI, DE RNAMS RGYA TSAD RNAM RGYAL DANG MTSUNGS PA, GSER GYI RA BA 'PHANGS SU DPAG TSAD GCIG PAS BSKOR PA, RTZIG SKYABS DANG, MDA' YAB DANG, ZAM RGYUD RIN PO CHE SNA BZHI LAS BYAS PA, NANG NA RNAM RGYAL GYI RDZING BU LTA BU'I RDZING BU'O, ,DE DAG GI LAM LA CHUR DPAG TSAD NYI SHU, ZHENG DU PHYED DANG GNYIS PA, GA-YAS GA-YON GNYIS NA RDZING BU DANG 'DOD YON SNA TSOGS DANG BCAS PA'O, ,SA SDE LTAR NA BYANG SHAR, GDAGS PA LTAR NA SHAR LHO, ,MDZOD LTAR NA LHO NUB NA, CHOS BZANG LHA'I MDUN SA YOD DE, DE NI DBYIBS GRU GSUM NGOS RE RE LA DPAG TSAD SUM BRGYA, MTHA' SKOR DU DGU BRGYA, GYEN DU GRONG LAS PHYED DANG BZHIS 'PHAGS PA, SA GZHI DANG YANG THOG SOGS DANG, 'KHYAm DGU PO RNAMS SHEL LAS BYAS PA, 'KHYAM RE RE LA KA BA BCU DRUG BCU DRUG RES STEG PA, DBUS NA BEEd'URYA'I KA BA ZUR BRGYAD PA, RTZE MO SKRA RTZE TZAM GYI GDUNG LA MA REG PA, DE'I RTZA BAR, GSER GYI KHRI BZANG PO LA BRGYA BYIN BZHUGS TE, LHA MI'I DON DANG, CHOS SEMS SO, ,GRONG KHYER DE LA ZABS DANG RGYAR DPAG TSAD GCIG PA'I 'OBS CHU SBRANG RTZI LTA BUS GANG BA ME TOG SNA TSOGS CAN RIM PA BDUN GYIS BSKOR BA, SA'I DNGOS GZHI LTAR @173B NA MDUN SA DANG NYE BA, GDAGS PA LTAR NA SHING YONGS 'DU DANG NYE BA NA, AAR MO NIG LTAR 'JAMS PA'I RDO LEB STE, DE LA SA'I DNGOS GZHIR, ZLA BA DKAR PO LTA BU'I RDO LEB CES GSUNGS, LUNG 'GREL DU, AAR MO NIG NI THAGS MA PHRA BO ZHES BSHAD DE, RDO LEB DKAR PO BZANG ZHING LTA NA SDUG PA, MCHU ZHENG DU DPAG TSAD LNGA BCU, MTHA' SKOR DU NYIS BRGYA, 'PHANGS SU DPAG TSAD PHYED DANG DRUG DANG BCO BRGYAD CHA GCIG YOD PA; MTSON SNA BRGYA RTZA GCIG GIS BKRA BA, DER BRGYA BYIN 'KHOR BCAS DBYAR ZLA BZHIR GNAS SO, ,SKYED MO'I TSAL DU SPYOD PA'I GLANG PO CHES SRUNG GI BU NI MTSAN NYID, 'KHOR SPRUL PAS SRUNG DANG 'DRA BAS 'GRO BA MI MNGON PA'I MGYA GOS PAS SKYED MO'I TSAL DU PHYIN TE, SPRUL PA DE BTANG NAS RANG LHAR SPRUL TE 'DOD YON LA LONGS SPYOD DO, ,GRONG KHYER DE'I PHYOGS BZHIN, SRAD BZANG PO BZHI DANG, SGO NA GNOD SBYIN GZUGS SNA TSOGS BKOD PA CAN GNAS SHING SA GZHI THAMS CAD LA ME TOG MAN DA R'A BA MI'I PUS MO NUB TZAM DU RLUNG GI RNYING PA 'THOR, GSAR PA 'GREM PAR BYED PA'O, ,RNAM RGYAL GYI STENG NA RNGA BO CHE CHOS KYI SGRA DBYANGS ZHES BYA BA STAN MED, BZUNG MED, MA BRDUNGS YANG PAR SGRA 'BYUNG BA, 'DOD YON LA GA-YENGS PA RNAMS CHOS LA BSKUL ZHING, LHA MIN GYIS DED NA LHA RNAMS RGYAL BAR GYUR CIG ,LHA MA YIN RNAMS PHAMS PAR GYUR CIG ,CES PA'I @174A *, ,SGRAS LHA RNAMS DBUGS DBYUNG BAR BYED PAR YOD DO, ,'KHOR YUG GI, RIS GLING BZHI 'KHOR LO BZHIN DU SKOR BA'AM, DE NA GSER GYI 'KHOR LO YOD PAS DE SKAD BRJOD LA, DE LA GNOD SBYIN GOS SNGON PO CAN GNAS SO, ,MDZOD LAS, LHUN PO'I RTZE NA SUM CU GSUM, ,DE YI NGOS LA BRGYAD KHRI'O, ,PHYOGS MTSAMS RTZEGS PA BZHI LA NI, ,LAG NA RDO RJE GNAS DBUS NA, GRONG KHYER LTA NA SDUG CES PA, ,NGOS LA NYIS STONG LNGA BRGYA PA, ,DPAG TSAD PHYED DANG GNYIS GSER GYI, ,RANG BZHIN BZHI BKRA GNYEN PA YOD, ,DE NA RNAM PAR RGYAL BYED DE, ,NGOS LA NYIS BRGYA LNGA BCU'O, ,PHYI ROL SHING RTA SNA TSOGS DANG, ,RTZUB 'GYUR 'DRAS TSAL DGA' BAS BRGYAN, ,DE DAG GI NI PHYOGS BZHIN, ,NYI SHU BCAD NAS GZHI BZANG, ,BYANG SHAR 'TSAMS NA YONGS 'DU STE, ,LHO NUB 'TSAMS NA CHOS BZANG NGO, ,ZHES BSHAD DO, ,NAM MKHA' LA GZHAL MED KHANG GNAS PA NA, NYI ZLA GZA' SKAR NAS 'OG MIN GYI BAR THAMS CAD KYI SPYIR BSTAN TE, DE LA SEMS CAN MTHUN MONG GI LAS LAS NYI ZLA SKAR MA SOGS 'PHUL BAR BYED PA'I RLUNG GIS 'KHOR BAR BYED DE, 'DI NAS DPAG TSAD BZHI KHRI NAS RGYU'O, ,ZLA BA'I DKYIL 'KHOR CHU SHEL LAS GRUB PA THAD KAR DPAG TSAD LNGA BCU PA, NYI MA'I DKYIL 'KHOR ME SHEL LAS GRUB PA, DPAG TSAD LNGA @174B BCU RTZA GCIG PA, MTHA' SKOR DU GSUM 'GYUR, SPANG LA DPAG TSAD PHYED DANG DRUG DANG, BCO BRGYAD CHA GCIG YOD PA, GSER GYI RVA BA DPAG TSAD PHYED PA BSKOR BA LAM SRANG DPAG TSAD LNGA BCU PA, ZHENG DU PHYED DANG GNYIS PA, DE'I GA-YAS GA-YON NI, RDZING BU DANG THEM SKAS LA SOGS PA SNGAR DANG 'DRA'O, ,ZLA BA NI CHES MGYOGS SHING DES MED DU 'GRO BAS ZLA BA GCIG LA KHYIM BCU GNYIS BGROD CING, NYI MAS RE RE'O, ,GLING BZHIR BYANG DU NAM PHYED, SHAR DU NYI MA NUB, LHOR NYI MA PHYED, NUB TU NYI MA SHAR BA MNYAM PAS, DUS GCIG LA GLING GNYIS SNANG BAR BYED LA, GSUM SNANG YANG BYA BA BYED PA'AM, BYED LAS MI SNANG BAS DE SKAD BRJOD CING; DE YANG NYIN MTSAN MNYAM PA'I DBANG DU BYAS ZHES, SA'I DNGOS GZHI'I 'GREL BA LAS BSHAD DO, ,NYI MA LDOG DUS NI, DBYAR ZLA 'BRING PO'I NYA NAS STON ZLA THA CHUNG NYA'I BAR NI DBYAR GYI ZLA BA BZHI YIN LA, DE'I ZLA BA GNYIS PA DBYAR ZLA THA CHUNG GI TSES BCU DRUG NAS STON ZLA RA BA'I NYA'I BAR RO, ,DE'I THA MA NI YAR NGO STE, SLOB DPON RGYAL PO'I SRAS KYI, ZLA BA THAmSD KYI MAR GYI NGO SNGA STE, ZHES BSHAD, DE'I YAR NGO'I TSES DGU NAS MTSAN MO RING ZHING, STON ZLA THA CHUNG GI TSES BCU DRUG NAS DBYAR ZLA RA BA'I NYA'I BAR NI DGUN GYI ZLA BA BZHI YIN LA, DE'I ZLA BA BZHI PA'I CHA THA MA DPYID ZLA RA BA'I YAR NGO'I TSES DGU NAS MTSAN MO THUNG BAR 'GYUR LA, NYIN MO NI DE LAS @175A *, ,BZLOG PA'O, ,'DIR RANG 'GREL DANG, 'DUS BZANG DANG, PHYOGS GLANG GIS 'GREL PA LAS DBYAR GYI ZLA BA GNYIS LA DBYAR ZLA THA CHUNG DANG, DGUN GYI ZLA BA BZHI BA DGUN ZLA THA CHUNG DU BSHAD LA, GDAGS PAR YANG, DGUN ZLA THA CHUNG YAR NGO'I TSES BRGYAD LA, MTSAN MO YUD TZAM BCO BRGYAD, NYIN MO YUD TZAM BCU GNYIS ZHES 'BYUNG YANG 'GYUR KHYAD MIN PA DON 'DRA 'AM SNYAM STE, DE NYID LAS, STON ZLAR BA YAR NGO'I TSES BRGYAD LA, NYIN MO NI YUD TZAM BCO BRGYAD, MTSAN MO NI YUD TZAM BCU GNYIS SO, ,ZHES BSHAD, 'DIR DE LA KHA CIG ,NAM DANG NYI MA MNYAM PAR 'DOD PA KHEGS SO, ,NYIN MTSAN RING 'THUNG ZHAG RE RE LA THANG CIG RING 'THUNG DU BYED DO, ,NYI MA LHOR BGROD PA NA, GLING LAS DPAG TSAD PHYED DANG DRUG DANG, BCO BRGYAD CHA GCIG GI YOL NAS RGYA MTSO LA 'BAB PAR BYED LA, DE'I DBANG GIS, DGUN RGYA MTSO'I CHU DRO LA DE GLING GI NANG DU SONG BAS, CHU DRON MO LAS SKYE BA'I SHING RNAMS SKYES LA, 'DZAM BU GLING GI MTHA' MYUR DU BSKOR BAS NYI MA 'THUNG, BYANG DU BGROD PA NA SNGAR GYI TSAD TZAM GCIG MTSO LAS YOL TE GLING DU KHYAB NAS 'OD ZER GLING DU BAB PAS GLING GIS CHU DRO ZHING, DE'I TSE RGYA MTSO'I CHU GRANG BAS CHU GRANG MO LAS SKYE BA'I SHING RNAMS SKYES LA ZHES GSUNGS, STENG 'OG GI CHU DRO GRANG DU 'GYUR TSUL NI, SA'I DROD STENG 'OG TU @175B RGYU BA'I DBANG GIS YIN ZHES KHA CIG GSUNGS, GLING GI DBUS SU YUN RING MOS YOD PAS NYI MA RING ZHES GDAd PAR BSHAD, SA'I DNGOS GZHIR, RI RAB LAS THAG RING DU RGYU BAS DGUN MYUR DU NUB NYE BAR RGYU BAS DBYAR NYI MA BUL BAR NUB BO ZHES BSHAD, MYANG 'DAS SU, DGUN MYUR DU 'GRO BAS THUNG ZHING GRANG DBYAR DAL BUS 'GRO BAS NYI MA RING ZHING DRO BAR BSHAD DE, LAS KYI RNAM PAR SMIN PA BSAM GYIS MI KHYAB BO ZHES BSHAD PA LTAR, BSAM BYA MIN PA'I GNAS YIN PA 'DRA'O, ,ZLA BA'I CHA 'PHEL 'GRIB NI NYI MA DANG NYE BAS NYI MA'I 'OD ZLA BA'I GZHAL YAS KHANG LA BAB PAS PHAR NGOS SU GRIB MA BAB STE BSGRIBS PAS MA GANG BAR SNANG LA, NYI MA DANG BRAL NAS DE'I 'OD ZER PHOG PAS GRIB MA MED PAS GANG BAR SNANG STE, SGRON ME DANG KA BA'I GRIB PA MA BZHIN ZHES 'DOD DE, MDZOD LAS, NYI ZLA LHUN PO'I PHYED NA'O, ,DPAG TSAD LNGA BCU GCIG DANG BCAS, ,NAM PHYED NYI MA NUB PA DANG, ,NYI MA PHYED DANG 'CHAR DUS GCIG ,DBYAR GYI ZLA BA GNYIS PA YI, ,THA MA'I TSES DGU NAS MTSAN RING, ,DGUN RNAMS KYI NI BZHI PA LA, ,'THUNG DU 'GYUR RO NYIN MO ZLOG ,NYIN MTSAN RING BA THANG CIG GO ,NYI MA LHO BYANG 'GROD TSE'O, , NYI MA DANG NI NYE BA LA, RANG GI GRIB MAS BSGRIBS PAR SNANG, ,ZHES RTZA BAR 'BYUNG, 'GREL BAR, LO GRAG ZER GSUM 'BYUNG BAS THUGS MA RANGS PAR SNANG LA, DON LA YANG MI 'THAD DE, SKAR MA CHE BA RNAMS@176A *, ,LA NYI MA'I 'OD ZER PHOG NA YANG RANG GI GRIB MAS BSGRIBS TE 'PHEL 'GRIB LTA BUR SNANG BA'I SKYON YOD PA'I PHYIR DANG, SA'I DNGOS GZHIR, ZLA BA'I DKYIL 'KHOR NI YUNG TZAM GYI STENG DU 'DZUR BA NA ZLA GAM DU SNANG STE, DE'I PHA ROL GYI NGOS DE TSUR ROL GYI NGOS KYI BSGRIBS PA'I PHYIR MI SNANG STE, JI LTAR JI LTAR 'DZUR BA DE BZHIN DU, ,DE LTAR DE LTAR SHIN TU GANG BAR SNANG, MAR GYI NGO LA JI LTAR JI LTAR 'THUR DU 'DZUR BA DE LTAR DE LTAR BSGRIBS PAR SNANG NGO, ZHES NGOS BLA 'OG 'DZUR BA'I TSUL GYI 'OG CHA 'PHEL 'GRIB BYED PAR SNANG NGO, ZHES BSHAD DO, DKYIL 'KHOR GYI RA RI NI, SA'I DNGOS GZHIR NYA DANG RUL SBAL LA SOGS PA'I GZUGS BRNYAN NO ZHES DANG, GDAGS PAR, GLING GI GZUGS BRNYAN NAM, NANG GI KHANG PA SOGS KYIR RIR SNANG NGO, ,MTHA' RGYA MTSO'I CHU'I GZUGS BRNYAN GYIS DVANGS PA YIN NO, ,ZHES BSHAD, MDO LAS, BYANG SEMS RI BONG DU 'KHRUNGS PA'I DUS LUS SBYIN PAR BTANG TSUL NGO MTSAR SKYED PA'I PHYIR BKOD PA YIN NO, ,ZHES BSHAD DO, ,NYI ZLA 'DZIN PA NI NYI ZER GYIS LHA GNAS LTA BAR MA NUS PAS KHROS NAS DANG, LHA MIN GYI MIG LDONGS NAS 'THAB MA NUS PAS DANG, ZLA BA MDZES PAS SHIN TU CHAGS PAS REG 'DOD PAS DANG, DE GNYIS 'OD LA PHRAG DOG NAS, SGRA GCAN GYI LAG PAS BSGRIBS LA, DGE MI DGE NI, MI'I LAS LAS YIN NO @176B ZHES MDO LAS BYUNG NGO, ,SA'I DNGOS GZHIR, SKAR MA CHEB LA RGYANG GRAGS BCO BRGYAD, 'BRING LA BCU, CHUNG BA LA BZHIR BSHAD, GDAGS PAR, RAB 'DRA, 'BRING PHAL CHER BCU PA DANG, BCU GNYIS PA CHUNG DU LA RGYANG GRAGS GSUM PAR BSHAD, RANG 'GREL DU CHUNG TSAD RGYAD GRAGS GCIG PAR BSHAD LA, THAMS CAD CHU SHEL LAS GRUB PA GSER GYI RA BA DANG, RTZIG SKYABS LA SOGS PAS BSKOR BA NYI ZLA DANG MTSUNGS PA STE, DE RNAMS SU LHA PHO MO 'DOD YON LA LONGS SPYOD PAR BYED DO, ,NYI ZLA GZA' SKAR RNAMS KYANG LCAGS RI LAS PHAR MI 'DA' STE, GDAGS PAR, LO GA BAR 'TSAMS THAMS CAD DU, ,NYI ZLA DE BZHIN SKAR MA DANG, ,RGYU SKAR TSOGS NI RGYA CHEN KUN, ,'KHOR YUG MI 'DA' 'JIG RTEN GYI, ,BAR 'TSAMS THAMS CAD MUN PAR 'DUG ,CES BSHAD, SKAR MA RNAMS SDOM NA, DUNG 'GYUR GNYIS, BYE BA PHRAG BRGYAD SA YA LNGA'O, ,ZHES, DRANG SRONG MA GANG DGAS LTAS KYI RNAM PA BSTAN PA LAS BSHAD DO, ,RI RAB NAS DPAG TSAD BRGYAD KHRI NA 'THAB BRAL TE, DE NI RI RAB KYI RTZE MO DANG RGYA MNYAM PA DANG, GONG MA NYIS 'GYUR DANG, BZHI KA MNYAM DU 'DOD PA GNYIS SNANG NGO, ,MDZOD LAS, GNAS NAS GNAS 'OG JI SRID BAR, ,DE NAS DE YI GONG DE SRID, ,RDZU 'PHRUL GZHAN RTEN MA GTOGS PA, ,DE DAG GONG MA MTHONG BA MED, ,CES PAS, 'DZAM BU GLING NAS RI RAB KYI RTZE LA THAB, JI TZAM YOD PA ZHIG ,DE NAS DE'I @177A *, ,GONG MA LA YANG YOD PAS RIM PAR RTZIS STE, MTHAR SHIN TU MTHONG NAS, 'DI LA JI TZAM YOD PA, DE NAS 'OG MIN LA YOD CING, RANG GI RDZU 'PHRUL LAM, RDZU 'PHRUL CAN GYIS KHRID PA LA MA BRTEN PAR GONG MAR 'GRO BA DANG, MTHONG BA, 'OG MA RNAMS KYIS MI NUS PA'I DON NI, ,BSAM GTAN BZHI NI RIM PA LTAR DU GLING BZHI DANG, STONG DANG, STONG GNYIS DANG, STONG GSUM GYI 'JIG RTEN TZAM ZHES PA DANG, DANG PO GSUM STONG DANG, STONG GNYIS DANG, STONG GSUM DANG RIM BZHIN MNYAM LA, BZHI PA LA TSAD MED CES 'DOD PA GNYIS SO, ,LHA MIN GYI GNAS GZHAN NI, RI RAB CHU'I 'OG TU NUB PA'I NANG NA STE, DBANG PO THAG BZANGS RIS, GRONG KHYER GSER LDAN, KHANG BZANG GTAMS PA CAN MDUN SA NOR BZANG TSAL KUN TU DGA' BA DANG, RAB TU DGA' BA DANG, DGA' BA'I KUN DGA' RA BA, SA GZHI KUN TU DGA' BA, RAB TU DGA' MA, DGA' MA, DGA' BA'I KUN DGA' RA MA, LHA'I SHING YONGS 'DU'I DONG SHING RTZI tA PA TRA LA LHA MIN GYI RDO LEB, RTZE BA DANG, GA-YUL GYI GLANG PO CHE, TI SE GANG RTZEGS DANG, BZOD DKA', RTA GRAG 'BYING, ,GRONG KHYER DANG RGYAL SRID SOGS RTZA GSUM PA DANG 'DRA BAR GDAGS BAR BSHAD, MDO DRAN PA NYER BZHAG LAS, SA GZHI DANG PO DPAG TSAD NYIS KHRI CHIG STONG YOD PA, GRONG KHYER 'OD CAN DPAG TSAD BRGYA STONG YOD PA NA SGRAGS CAN, DE NAS SA GZHI GNYIS PA, YUL SA THA DAD PA ZLA BA'I @177B PHRENG BA NA, GNYI SHING RTZE BA DANG, SKAR 'PHRENG GI GRONG GNYIS NA MGUL PHRENG DANG, STAN PA GNYIS, SKAR PHRENG GI DBUS NA MTSO KUN MTHONG ZHES BYA BA CHU ZHED DPAG TSAD LNGA PA LA LHA DANG LHA MIN 'THAB PA'I TSE RGYAL 'PHAM JI LTAR 'OD PA'I TSUL DANG, SHI NAS LHAR SKYES DE'I MTHUS LHA RGYAL, LHA MIN 'PHAM PA'I GZUGS BRNYAN MTHONG BA YOD DO, ,DE NAS SA GZHI GSUM PA BZANG SKYED NA, ZAB PA'I GRONG NA ME TOG PHRENG, ,DE NAS SA GZHI BZHI PA MI GA-YO BAR MDZES PA'I GRONG NA, THAGS BZANG RI RAB 'GOD 'KHOR BCAS YOD LA, SA GZHI DANG GRONG GI TSAD RNAMS SNGAR DANG 'DRA BAR BSHAD DO, ,SEMS CAN DMYAL BA'I GNAS NI PHAL CHER SA 'OG MUN PA'I GLING NA YOD CING, TSA DMYAL NI, SA'I DNGOS GZHIR, RI BO GANGS CAN GYI 'OG NAS DPAG TSAD SUM KHRI NYIS STONG NA YANG GSOS, DE NAS 'GO TU DPAG TSAD BZHI STONG BZHI STONG BZHI STONG GIS BCAD PA NA GZHAN RNAMS YOD CES GSUNGS, ,MDZOD LAS, 'DI 'OG STONG PHRAG NYI SHU NA, ,MNAR MED PA'O DE TZAM MO, ,DE YI STENG NA DMYAL BA BDUN, ,ZHES 'DZAM BU GLING GI DPAG TSAD NYIS KHRI'I 'OG NA MNAR MED, DE'I STENG DU TSA DMYAL BDUN YOD PAR BSHAD, GRANG DMYAL YANG DE'I THAD KA THANG KA NA YOD PAR BSHAD, SA'I DNGOS GZHIR NI, YANG GSOS NAS DPAG TSAD KHRI'I PHA ROL NA GRANG DMYAL DANG PO, ,DE NAS DPAG TSAD NYIS STONG NYIS STONG GIS BCAD PA'I 'OG NA GZHAN BDUN NO, ,ZHES BSHAD, NYI TSE BA'I DMYAL BA'I GNAS NGES @178A *, ,PA MED DE, CHU DANG RI DANG, MYA NGAM GYI PHYOGS DANG, MI'I GNAS LA SOGS PA NA YANG KHA THOR BA RNAMS YOD PAR BSHAD PA'I PHYIR, DUD 'GRO'I GNAS KYI RTZA BA, RGYA MTSO CHEN PO YIN PAR GSUNGS LA, , 'PHAGS PA GZUNGS KYI DBANG PHYUG RGYAL POS ZHUS PA'I MDO LAS, GLING GI NAM MKHAR SHING RTA'I 'PHANG LO'I KHYON TZAM LA SNANG BA MED PA'I 'GRO BAS SEMS CAN ZHES PA STONG GSUM GYI SEMS CAN THAMS CAD LAS MANG ZHING THA MAL PA'I MIG GIS YUL LAS 'DAS PA YOD PAR GZIGS SHING, KHA THOR BA LHA MI GNYIS KYI YUL NA YANG YOD DO, ,YI DVAGS KYI GNAS KYI RTZA BA NI, GLING 'DI'I 'OG DPAG TSAD LNGA BRGYAS BCAD PA NA, RGYAL PO'I KHAB YOD LA, DER GSHIN RJE CHOS RGYAL 'KHOR BCAS BZHUGS TE, SEMS CAN SKYE BA MI DRAN PA RNAMS LA LAS 'BRAS KYI CHOS BSHAD PA'I SGO NAS PHAN PA 'BA' ZHIG MDZAD PA YOD, KHA CIG CES PA'I SGRAS MI YUL DANG, RGYA MTSO'I 'GRAM SOGS NA YANG YOD PAR BSHAD, GLING BZHI PA'I 'JIG RTEN GYI KHAMS GCIG BSHAD NAS GZHAN 'GRE PA NI, NYI MA RNAM PAR SNANG BYED ZHES SOGS GSUNG SO, ,'KHOR YUG CHEN PO NI RDO RJE LAS GRUB PAR YAB SRAS 'JAL BA'I MDO LAS GSUNGS SHING, MTHO KHYAD TSANGS PA'I 'JIG RTEN DANG MNYAM PAR SNA CHAN LAS BSHAD DO, ,STONG GSUM @178B PO 'DIR 'GRO BA LNGA, SKYE GNAS BZHI, GZHI DRUG ,DUS BCU, YONGS SU BZUNG BA BDUN, ,LUS KYI YO BYAD BCU, 'DOD PA LA LONGS SPYOD PA BCU, RJES SU SPYAD PA BRGYAD, 'JIG RTEN GYI CHOS BRGYAD, PHYOGS GSUm SPYOD PA GSUM, GTAM GSUM, NYES RTZOM NYER GNYIS, THEG DMAN GYI RIS DRUG CU RTZA BZHI, DUS BRGYAD, MNGAL 'JUG BZHI, SPYOD LAM BZHI, 'TSO BA DRUG ,DU KHA, NGA RGYAL, GDAGS PA RNAMS BDUN BDUN, THA SNYAD BZHI, THA SNYAD KYI GZHI MANG PO RNAMS BYUNG NGO, ,ZHES PA'I DNGOS GZHIR BSHAD, GZHI DRUG NI, 'OG RLUNG DANG, CHU DANG, SA'I DKYIL 'KHOR NI SEMS CAN 'THUR DU MI LTUNG BA'I RGYU YIN PA'I PHYIR GZHI DANG PO'I KHANG KHYIM DANG YANG THOG LA SOGS PA RNAMS NI GNOD BYED RNAMS KYIS GNOD PAR MI 'GYUR BA'I RGYU YIN PAS, GZHI GNYIS PA, LO THOG SOGS NI KHA ZAS KYI RGYU YIN PAS GZHI GSUm PA, BDE BA NI SEMS CAN RNAMS LA RUNG BAR MI 'GYUR BA'I RGYU YIN PAS GZHI BZHI PA, NYI ZLA NI GZUGS SNANG BA'I RGYU YIN PAS GZHI LNGA PA, ZAS RNAM PA BZHI NI LUS GNAS PAR BYED PA DANG BRTAN PAR BYED PA'I RGYU YIN PAS GZHI DRUG PA'O, ,DUS BCU NI, DUS TSIGS DANG, LO DANG, ZLA BA DANG, ZLA BA PHYED PA DANG, NYIN MO DANG, MTSAN MO DANG, SKAD CIG DANG, DE'I SKAD CIG MA DANG, THANG CIG DANG YUD TZAM MO, ,YONGS SU BZUNG BA BDUN NI, BDAG DAG DANG NYE 'KHOR @179A *, ,SOGS KYI DANG, ZHING GIS DANG, KHYIM GYIS DANG, ZOD SBRAM PA'I DANG, BSOD NAMS BYA BA'I DANG, LAS KYI MTHA' LA SBYAR BA'I DNGOS PO STE'O, ,LUS KYI YO BYAD BCU NI, ZAS SKOM DANG, GZHON PA DANG, GOS RGYAN DANG, BZHAD GDANGS GLU BRO, ,ROL MO'I SGRA DANG, SPOS DANG, ME TOG PHRENG DANG, BYUG PA DANG, SNOD SPYAD DANG, SNANG BA DANG, SKYES PA DANG, BUD MED DGA' MGUR SPYOD PA'O, ,'DOD PA LA SPYOD PA BCU NI, CHOS MIN PAR BAB COL DU LONGS SPYOD SGRUBS NAS BDAG DANG PHA MA SOGS GNYE NI 'KHOR RNAMS LEGS PAR BDE BAR TSIM PAR MI BYED LA, DGE SBYONG BRAM ZE SOGS LA SBYIN PAR YANG MI BYED PA DANG, BDAG DANG NYE DU SOGS TSIM PAR BYED LA, DGE SBYONG SOGS LA SBYIN PAR MI BYED PA DANG, BDAG DANG NYE DU SOGS KYANG TSIM PAR BYED, ,DGE SBYONG SOGS LA YANG SBYIN PAR BYED PA DANG, CHOS DANG CHOS MIN PAS BAB COL DANG, BAB COL MIN PAS LONGS SPYOD SGRUB NAS LONGS SPYOD TSUL SNGA MA BZHIN GSUM DANG, CHOS KYI BAB COL MA YIN PAR LONGS SPYOD SGRUB NAS LONGS SPYOD TSUL GSUNGS, BCU PA NI, DGU PA DANG LONGS SPYOD TSUL 'DRA BA LA MA CHAGS PAR LONGS SPYOD PA'O, ,RJES SU DPYAD PA BRGYAD NI SA CHAR GYIS BKRI BA DANG, LUS KYI BSNYEN BSKUR BYA BA, SPYOD LAM GZHAN LA YONGS SU BRTAGS PA, KHA @179B ZAS ZA BA, GNYID LOG PA, 'KHRIG PA DANG, DE DANG LDAN PA'I RTZOL BA, DE DANG LDAN PA'I GTAM MO, ,'JIG RTEN GYI CHOS BRGYAD NI, BSHES SPRINGS LAS, 'JIG RTEN KHYEN PA RNYED DANG MA RNYED DANG, BDE DANG MI BDE SNYAN DANG MI SNYAN DANG, BSTOD SMAD CES BGYI 'JIG RTEN CHOS BRGYAD PO, ,ZHES GSUNGS PA LTAR RO, ,PHYOGS GSUM, SPYOD PA GSUM NI, SMRA BA GTAM BYED PA, SO SOR MGU BAR BYED PA DANG, BAG MA GTONG LEN DBYAR 'DREN PA, LHAG PAR ZA BA, 'DUS SHING ZA BA, RTZOD PA ZHI BA'I GROGS BYA BA'O, ,GTAM GSUM NI, CHOS DANG LDAN PA DANG, LDAN PA MA YIN PA DANG, DE LAS GZHAN PA'O, ,NYES RTZOM NYER GNYIS NI, GZHAL BYA LA SGYU BYED PA, ,SRAD LA SGYU BYED PA, GZHAL BA LA SGYU BYED PA, LOG PA'I LAS LA SBYOR BA, 'THAB PA, TSAD 'BRU BA, RTZOD PA 'GYED PA, BSHE PA, KHRO BA, DAM BCA' BA, SDIGS PA, RDEG PA, GSOD PA, 'CHING BA, GO RAR BZHUGS PA, RTZOD PA BTZUG PA, GA-YO BYED PA, 'BRID PA, DRAG SHUL, RDZUN ZER BA'O, ,SEMS CAN GYI RIGS DRUG CU RTZA BZHI NI, DMYAL BA, DUD 'GRO, YI DVAGS, LHA, MI, RGYAL RIGS, BRAM ZE, RJE'U RIGS, DMANGS RIGS, SKYES PA, BUD MED, MA NING, NGAN PA, 'BRING, BZANG PO, KHYIM PA, RAB BYUNG, DKA' THUB DRAG PO CAN, DKA' THUB DRAG PO CAN MA YIN PA, SDOM BA CAN, SDOM MIN CAN, DE GNYIS KA MIN PA, 'DOD @180A *, ,CHAGS DANG BRAL BA, DE MIN PA, LOG PA NYID DU NGES PA, YANG DAG PA NYID DU NGES PA, MA NGES PA NYID DU NGES PA'I PHUNG PO GSUM, DGE SLONG, DGE SLONG MA, DGE SLOB MA, DGE TSUL, DGE TSUL MA, DGE BSNYEN, ,DGE BSNYEN MA, SPONG BA PA, KHA 'DON PA, ZHAL TA BYED PA, GNAS BRTAN, BAR MA, GSAR BU, SLOB DPON, MKHAN PO, LHAN CIG GNAS PA, NYE BAR GNAS PA, GLO BUR DU LHAGS PA, DGE 'DUN GYI LAS BYED PA, RNYED PA 'DOD PA, BKUR STI 'DOD PA, YO BYAD NYUNG BA, MANG DU THOS PA, MKHAS SHING BSOD NAMS DANG LDAN PA, CHOS KYI RJESU MTHUN PA LA BZHUGS PA, MDO SDE 'DUL BA, MA MO 'DZIN PA, SO SKYE, BDEN PA MTHONG BA, SLOB PA, MI SLOB PA, NYAN THOS, RANG SANGS RGYAS, BYANG CHUB SEMS DPA', DE BZHIN GSHEGS PA, 'KHOR LOR BSGYUR BA'I RGYAL PO RNAM SO, ,DUS BRGYAD NI, MNGAL NA GNAS PA, BTZAS PA, BYIS PA, GZHON NU, LANG 'TSO, DAR LA BAB PA, RGA SA PA, KHOG PA'I DUS RNAM SO, ,'TSO BA DRUG NI, ZHING RMO BA, TSONG BYA BA, PHYUGS BTZO BA, ZHO SHAS 'TSO BA, YI GE GRANGS, SHOD RGOD, RTZIS, LAG RTZIS, DE LAS GZHAN PA'I BZO RNAMS SO, ,BSRUNG BA DRUG NI, GLANG PO CHE'I TSOGS, RTA'I TSOGS, SHING RTA'I TSOGS, DPUNG BU CHUNG GI TSOGS, NOR GYI STOBS, MDZA' BSHES KYI STOB SO, ,RGYAGS PA BDUN NI, NAD MED PAS LANG TSOS GSON PAS, RIGS KYIS, GZUGS KYIS, DBANG PHYUG GIS, THOS @180B PAS RGYAGS PA'O, GZHAN RNAMS GO SLA BAR DGONGS NAS DNGOS SU MA BSHAD PA'O, ,GSUM PA DON BSDU BA NI KUN BTUS LAS, SEMS CAN GYI 'JIG RTEN GANG YIN PA DANG, SNOD KYI 'JIG RTEN GANG YIN PA LAS DANG NYON MONGS PAS BSKYED PA, LAS DANG NYON MONGS PA'I DBANG GIS BYUNG BA 'DI MTHA' DAG NI SDUG BSNGAL GYI BDEN PA'O, ,ZHES GSUNGS, MA DAG PA'I SNOD BCUD KYI 'JIG RTEN MTHA' DAG SDUG BSNGAL GYI BDEN PA YIN TE, MA DAG PA'I SEMS CAN RNAMS NI MTHUN MONGS MA YIN PA'I LAS DANG NYON MONGS PAS SKYED, SNOD RNAMS NI MTHUN MONGS PA'I LAS NYON GYI DBANG GIS BYUNG BA'I PHYIR, BZHI PA NI, KUN BTUS LAS; YONGS SU NGAG PA'I 'JIG RTEN GYI KHAMS DE DAG NI SDUG BSNGAL GYI BDEN PA MIN PAR LTA'O, ,ZHES GSUNGS LA, DE'I MTSAN GZHI NI, KHA DOG ,DBYIBS, TSAD, YUL, RGYU, 'BRAS BU, BDAG PO PHYOGS ZHABS 'BRING, STON PA, 'PHRIN LAS, PHAN 'DOGS, 'JIGS MED, RTEN LAM, GZHON PA, SGO BZHI STE, PHUN SUM TSOGS PA BCO BRGYAD, 'DUS PA CHEN PO'I GLENG GZHI LAS 'BYUNG BA'I 'OG MIN STUG PO BSKOD PA'I GZHAL YAS KHANG LTA BU STE, DE NI LAS NYON GYI DBANG GI MA BYUNG BA'I ZAG PA MED PA'I LAS DANG SMON LAm RNAM PAR DAG PA'I DBANG GIS BYUNG BA'I PHYIR, DE'I PHYIR NA RTOG GE PA RNAMS KYI BLOS JI LTA BA BZHIN DU BSAm DU MED@181A *, ,JI LTA BA BZHIN DU SANGS RGYAS NYAG GCIG GIS YUL YIN PA'I PHYIR, GNYIS PA NI, KUN BTUS LAS, SDUG BSNGAL GYI BDEN PA SPYI'I MTSAN NYID GANG YIN ZHE NA, MI RTAG PA NYID KYI MTSAN NYID DANG, SDUG BSNGAL BA'I MTSAN NYID DANG, STONG PA'I MTSAN NYID DANG, BDAG MED PA'I MTSAN NYID DO, ,ZHES GSUNGS PA'I, LAS NYON GYI 'PHANGS PA'I ZAG BCAS GANG ZHIG ,MI RTAG PA LA SOGS PA'I KHYAD CHOS BZHI LDAN DUS DMIGS PA DE'O, ,GSUM PA NI, ZAG BCAS NYER LEN GYI PHUNG PO LNGA PO CHOS CAN, MI RTAG PA YIN TE, RGYUN DANG SKAD CIG GIS 'JIG PA'I PHYIR, KHYAB PA 'DU BYED KYI SDUG BSNGAL BA YIN TE, LAS NYON GYI DBANG DU GYUR PA'I ZAG BCAS YIN PA'I PHYIR, RTAG GCIG RANG DBANG CAN GYI BDAG GIS STONG STE, DE DANG MTSAN NYID MI MTHUN PA'I PHYIR DANG, MI RTAG PA DU MA'I GZHAN DBANG CAN YIN PA'I PHYIR, RANG DBANG PA'I GANG ZAG GI BDAG MED PA YIN TE, DE LTA BUR TSAD MAS MA DMIGS PA'I PHYIR RO, ` GNYIS PA KUN 'BYUNG BDEN PA BSHAD PA LA, MTSAN GZHI'I DBYE BA; MTSAN NYID, MTSAN GZHI LA MTSAN NYID NGES BYED BSHAD PA DANG GSUM, DANG PO NI KUN 'BYUNG GI BDEN PA LA DBYE NA, NYON MONGS PA'I KUN 'BYUNG BDEN PA DANG, LAS KYI KUN 'BYUNG BDEN PA GNYISU @181B YOD DE, KUN BTUS LAS, KUN 'BYUNG BDEN PA GANG ZHE NA, NYON MONGS PA DANG NYON MONGS PA'I DBANG GIS BYUNG BA'I LAS SO, ,ZHES GSUNGS SHING, NYON MONGS PA'I KUN 'BYUNG GI BDEN PA LA, RTZA BA'I NYON MONGS PA DRUG GAM BCU, NYE BA'I NYON MONGS PA NYI SHU'AM, BRGYAD KHRI BZHI STONG YOD, SPYIR NI NYE NYON LA GRANGS KYI MTHA' YOD PA MA YIN TE, RGYUD BLA MA LAS, NYE BA'I NYON MONGS SBUBS KYIS NI, ,DBYE BAS DBYE BA MTHA' LAS 'DAS, ZHES GSUNGS PA'I PHYIR, NYON MONGS PA 'DI NI BSAM GYIS MI KHYAB PA'I NYES DMIGS DANG LDAN TE, DE LTAR DU MDO SDE RGYAN LAS GSUNGS PA'I PHYIR TE, DE NYID LAS, NYON MONGS RNAMS KYIS BDAG 'JOMS SEMS CAN 'JOMS SHING TSUL KHRIMS 'JOMS, ,NYAMS BCAS RNYED PA DMAN ZHING BSRUNG DANG DE BZHIN STEN PAS SMONG, RTZOD BCAS MI SNYAN DE NI GZHAN DU MI KHOM RNAMS SU SKYE, THOB DANG MA THOB NYAMS PAS YID LA SDUG BSNGAL CHEN PO THOB, CES GSUNGS PA'I PHYIR, DES NA, SEMS RGYUD RAB TU MA ZHI BAR BYED PAS RAB TU PHYE BA'I RIGS SU GNAS PA'I SEMS BYUNG DE, NYON MONGS PA'I MTSAN NYID YIN TE; KUN BTUS LAS, MTSAN NYID GANG ZHE NA, CHOS GANG 'BYUNG BA NA RAB TU MA ZHI BA'I MTSAN NYID DU 'BYUNG STE, DE BYUNG BAS SEMS KYI RGYUD RAB TU MA ZHI BAR 'BYUNG BAS DE NYON MONGS PA'I MTSAN NYID DO, ,ZHES GSUNGS @182A *, ,PA'I PHYIR, RIGS GNAS SMOS PA LA DGOS PA YODE, THABS SHES KHYAD PAR CAN GYIS ZIN PA'I SGO NAS GZHAN DON SGRUBS PA'I THABS RNAm DAG TU GYUR PA'I NYON MONGS PA RNAmS BSDU BA'I DGOS PA YOD PA'I PHYIR TE, DE RNAMS KYI SEMS RGYUD RAB TU MA ZHI BAR MI BYED PA'I PHYIR TE, DE RNAMS KYIS NYON MONGS PA'I NYES PA SKYED PAR MI BYED PA'I PHYIR, DPER NA SMAN DANG SNGAGS KYIS SOD PA'I DUG GIS NYES PA SKYED PAR MI BYED PA BZHIN, DE SKAD DU YANG, KUN BTUS LAS, SNGAGS DANG SMAN GYIS SOD PA'I DUG LTA BU DANG, DPER NA SPANGS PA'I DGRA BCOM PA LTAR SA THAMS CAD DU NYON MONGS PA'I NYES PA SKYED PAR MI BYED DO, ,ZHES GSUNGS, LAS KYI KUN 'BYUNG BDEN PA LA, MTSAN NYID, DBYE BA, LAS 'PHEL CHE BA'I TSUL BSAm PA DANG GSUM, DANG PO NI, ZAG BCAS KYI SEMS BYUNG SEMS PA GANG ZHIG, SDUG BDEN SKYED PA'I RIGSU GNAS PA DE'O, ,RIGS GNAS SMOS PA LA DGOS PA YOD, SO SO SKYE BO'I RGYUD KYI GANG ZAG GI BDAG MED PAR RTOGS PA'I SEMS BYUNG SEMS PA DANG, NGES 'BYUNG RNAM DAG DANG, MTSUNGS LDAN GYIS SEMS BYUNG SEMS PA, RNAMS KYANG LAS KYI KUN 'BYUNG BDEN PAR BSDU BA'I DGOS PA YOD PA'I PHYIR TE, DE RNAMS NI THAR PA DON DU GNYER BA'I LAS YIN PA'I PHYIR, GNYIS PA LA ZAG BCAS KYI LUS KYI LAS, NGAG GI LAS, YID KYI LAS DANG GSUM, DE RNAMS LA DBYE NA, LUS KYI GSUM, NGAG GI BZHI, YID KYI GSUM RNAM SU YODO, YANG SDOM PA'I LAS DANG, SDOM MIN GYI LAS DANG, BAR MA'I LAS @182B DANG GSUM, DANG PO LA SO THAR GYI SDOM PA, BYANG SEMS KYI SDOM PA, BSAM GTAN GYI SDOM PAS SDUS PA'I LAS DANG RNAM PA GSUM, YANG NA LUS KYI SDOM PA, NGAG GI SDOM PA, YID KYI SDOM PAS SDUS PA'I LAS DANG GSUM DU YOD, ,SDOM MIN GYI LAS NI, SDOM PA MTHA' DAG SKYE BA LA BAR DU GCOD CING, SDIG PA MTHA' DAG RGYUN CHAG SU 'PHEL BAR BYED PA'I LAS YIN LA, DE LA NI, RTZON BSRUNGS BYED PA SOGS RNAM PA DU MA GSUNGS SO; ;BAR MA'I LAS NI SDOM PA SDOM MIN RGYUD LA MI LDAN PA'I RGYUD KYI SDUS PA'I LAS RNAMS DANG, SDOM MIN GYI RGYUD KYI SDOM PAS SDUS PA LAS GZHAN PA'I LAS RNAMS DANG, SDOM MIN GYI LAS LAS GZHAN PA'I LAS RNAmS DANG, DGE MI DGE LUNG MA BSTAN CI RIGS PA YOD DO, ,YANG DGE BA'I LAS, MI DGE BA'I LAS, LUNG MA BSTAN GYI LAS SO, ,BSOD NAMS KYI LAS, BSOD NAMS MA YIN PA'I LAS, MI GA-YO BA'I LASO, DANG PO NI, 'DOD PA'I SAS SDUS KYI DGE BA'I LAS LTA BU, GNYIS PA NI, MI DGE BA'I LAS LTA BU, GSUM PA NI, GONG SAS SDUS PA'I LAS RNAMS SO, ,YANG BDE BA MYONG 'GYUR GYI LAS, SDUG BSNGAL MYONG 'GYUR GYI LAS, BTANG SNYOMS MYONG 'GYUR GYI LAS SO, ,DANG PO NI, BSAM GTAN GSUM PA MAN CHAD KYI DGE BA'I LAS LTA BU ,GNYIS PA NI, MI DGE BA'I LAS LTA BU, GSUm PA NI, BSAm GTAN BZHI BA YAN @183A *, ,CHAD KYI LAS LTA BU STE, ZAG BCAS KYI TSOR BA RNAMS KYI NANG NAS BTANG SNYOMS NYID NYES DMIGS CHUNG BA'I PHYI RO, YANG 'PHEN BYED KYI LAS, 'GRUB BYED KYI LAS, RDZOGS BYED KYI LAS SO, ,DANG PO NI; RNAM SMIN GYI NGO BO TZAM 'PHEN PAR BYED PA'I YANG SRID PHYI MA'I BRGYUD RGYUR DMIGS PA LTA BU, GNYIS PA NI, LAS NUS PA MTHU CAN DU GYUR TE, YANG SRID PHYI MA'I NYE RGYUR DMIGS PA LTA BU, GSUM PA NI, RNAm SMIN GYI KHYAD PAR MTHA' YAS PA RDZOGS PAR BYED PA'I LAS RNAMS SO, ,YANG BSAM SBYOR GNYIS KA DGE BAS BYAS PA'I RNAM SMIN DKAR BA'I LAS, BSAM SBYOR GNYIS KA MI DGE BAS BYAS PA'I RNAM SMIN SNAG PA'I LAS, BSAM SBYOR DGE SDIG CI RIGS KYIS BYAS SHING, RNAM SMIN BDE SDUG 'DRES MAR GYUR PA'I LAS SO, YANG MTHONG CHOS LA MYONG 'GYUR GYI LAS, SKYE GNAS MYONG 'GYUR GYI LAS, LAN GRANGS GZHAN LA MYONG 'GYUR GYI LAS SO, DANG PO NI, LAS BSAGS PA'I TSE DE NYID LA RNAM SMIN CUNG ZAD MYONG BAR 'GYUR BA'I LAS LTA BU, GNYIS PA NI, LAS BSAGS PA'I SKYE SRID RTING MA LA RNAM SMIN MYONG BAR 'GYUR BA'I LAS LTA BU, GSUM PA NI, LAS BSAGS PA'I TSE GSUM LA SOGS PAR RNAM SMIN MYONG BAR 'GYUR BA'I LAS LTA BU'O, ,YANG MI DGE BA BCU'I LAS, MTSAMS MED PA LNGA'I @183B LAS, ZHES GSUNGS PA RNAMS KYANG LUS NGAG YID GSUM GYI LAS KYI NANG DU 'DUS SHING, RGYAS PAR NI, CHOS MNGON PA'I SDE SNOD DGONGS 'GREL DANG BCAS PA LAS SHES PAR BYA DGOS SO, GSUM PA LAS 'PHEL CHE BA BSAM PA NI, DGE SDIG GI LAS 'PHEL CHE BA'I RGYU MTSAN YOD DE, DGE SDIG GI LAS CUNG ZAD BSAGS PA 'GYOD PA MED CING, BSHAGS SDOM MA BYAS PA RNAMS KYI SDUG BSNGAL SHUGS DRAG LA RGYUN RING BAR BSKYED PA NUS PA'I PHYIR, DPER NA DUG CUNG ZAD ZOS PAS SROG 'PHROG PA'I SDUG BSNGAL SKYED PA LTAR RO, ,DE SKAD DU TSOM LAS, SDIG PA CHUNG DU BYAS PAS KYANG, ,'JIG RTEN PHA ROL 'JIGS CHEN DANG, ,PHUNG KHROL CHEN PO BYED 'GYUR TE, ,KHONG PAR SONG BA'I DUG BZHIN NO, ,BSOD NAMS CHUNG DU BYAS PAS KYANG, ,'JIG RTEN PHA ROL BDE CHEN 'DREN, ,DON CHEN DAG KYANG BYED 'GYUR TE; 'BRU RNAMS PHUN TSOGS SMIN PA BZHIN, ,ZHES DGE BA'I LAS CUNG ZAD BSAGS PA RNAMS KYANG, KHONG KHRO SOGS KYIS MA BCOM NA BDE LEGS DPAG MED 'BYUNG BAR GSUNGS LA, LAS 'BRAS MI BSLU BA'I TSUL NI, MI DGE BA LAS SDUG BSNGAL 'BYUNG, ZHES SOGS GSUNGS PA LTAR RO, ,RGYAS PAR NI, 'DZANGS BLUN, LAS BRGYA PA, BYANG CHUB LAM RIM SOGS LAS SHES PAR BYA'O, ,`GNYIS PA MTSAN @184A *, ,NYID NI, NYON MONGS PA 'AM, DE'I DBANG GIS BYUNG BA'I LAS GANG RUNG GI SDUS PA'I ZAG BCAS GANG ZHIG, RGYU KUN BYUNG, RAB SKYE, RKYEN LA SOGS PA'I KHYAD CHOS BZHI LDAN GYI RIGS SU GNAS PA DE'O, ,RIGS GNAS SMOS PA LA DGOS PA YOD DE, DGRA BCOM PA'I THUGS RGYUD KYI ZAG BCAS KYI LAS RNAMS KYANG DER SDU BAR BYA BA'I CHED YIN PA'I PHYIR, DE SKAD DU YANG, ,KUN BTUS LAS, KUN BYUNG BDEN PA'I MTSAN NYID RNAM PA BZHIR RIGS PAR BYA STE, RGYU'I MTSAN NYID DANG, KUN BYUNG BA'I MTSAN NYID DANG, RAB TU SGYE BA'I MTSAN NYID DANG, RKYEN GYI MTSAN NYID DO, ,ZHES GSUNGS, GSUm PA NI, SRED PA CHOS CAN, RGYU'I RNAM PA YIN TE, SDUG BSNGAL GYI BDEN PA BSKYED BYED YIN PA'I PHYIR, KUN 'BYUNG BA'I RNAM PA YIN TE, SDUG BSNGAL GYI RDZAS RIGS KUN 'BYUNG BA'I GNAS YIN PA'I PHYIR; RAB SKYE'I RNAM PA YIN TE, SDUG BSNGAL DRAG TU BSKYED BYED YIN PA'I PHYIR RKYEN GYI RNAM PA YIN TE, SDUG BSNGAL GYI LHAN CIG BYED RGYEN GYI GTZO BO YIN PA'I PHYIR, SRED PA NYID KUN 'BYUNG BA'I GTZO BOR STON PA'I RGYU MTSAN YOD DE, KUN BTUS LAS, GTZO BOR BSTAN PA NI, BCOM LDAN 'DAS KYI SRED PA YANG 'BYUNG BA CAN, DGA' BA'I 'DOD CHAGS DANG LDAN PA DE DANG DER MNGON PAR DGA' @184B BA LA KUN 'BYUNG BA'I BDEN PAR BSTAN PAS BSTAN TO, GTZO BO'I DON GANG ZHE NA, GANG THAMS CAD DU 'GRO BA'I DON NO, ,GANG THAMS CAD DU 'GRO BA'I DON GANG ZHE NA, 'DI LTAR SRED PA DNGOS PO THAMS CAD DU 'GRO BA DANG, GNAS SKABS THAMS CAD DU 'GRO BA DANG, DUS THAMS CAD DU 'GRO BA DANG, KHAMS THAMS CAD DU 'GRO BA DANG, TSOL BA THAMS CAD DU 'GRO BA DANG, RNAM PA THAMS CAD DU 'GRO BA'O, ,ZHES GSUNGS, ZAG PA DANG BCAS PA'I TSOR BA BDE BA NI, 'DOD CHAGS SU GYUR PA'I SRED PA'I RGYU'I GTZO BO YIN LA, DE'I DBANG GI LAS BSAGS TE, 'KHOR BAR SDUG BSNGAL SNA TSOGS MYONG BAR 'GYUR BA'I PHYIR TE; SPYOD 'JUG LAS, TSOR BA'I DBANG GIS SRED PA STE, TSOR BA DE DAG LA YANG YOD, ,CES DANG, BCOM LDAN 'DAS KYI MDO LAS KYANG REG PA'I RKYEN GYI TSOR BA, TSOR BA'I RKYEN GYI SRED PA, ZHES SOGS GSUNGS PAS, ZAG PA DANG BCAS PA'I DGA' BDE LA ZHEN CHAGS BYED PAR MI RIGS TE, DE LTAR BYED PA SDUG BSNGAL MTHA' DAG GI 'BYUNG GNAS, YANG SRID PHYI MAR 'KHRID PA'I RGYU'I GTZO BO, ,THA MAL PA RNAMS 'KHOR BA'I RTZON RAR 'CHING BA'I LCAGS SGROGS GAM, SLU BRID MKHAN RANG YIN PA'I PHYIR, ` GSUM PA 'GOG BDEN BSHAD PA LA MTSAN GZHI'I DBYE BA, MTSAN NYID, MTSAN GZHI'I STENG DU MTSAN @185A *, ,NYID DES BYED BSHAD PA DANG GSUM, DANG PO NI, KUN BTUS LAS, 'GOG PA'I BDEN PA GANG ZHE NA, ZAB PA DANG, BRDA DANG, DON DAM PA DANG, YONGS SU MA RDZOGS PA DANG, YONGS SU RDZOGS PA DANG, RGYAN MED PA DANG, RGYAN DANG BCAS PA DANG, LHAG MA DANG BCAS PA DANG, LHAG MA MED PA DANG, KHYAD PAR DU 'PHAGS PA, ZHES SOGS DANG, BRDAS JI LTA BU ZHE NA, 'JIG RTEN PA'I LAM GYI SA BON NYAMS SMAD PAS 'GOG PA GANG YIN PA STE, DE'I PHYIR BCOM LDAN 'DAS KYI DE'I RNAM GRANGS SU DE'I YAN LAG GI MYA NGAN LAS 'DAS PAR GSUNGS SO, ,DON DAM PAS JI LTA BU ZHE NA, 'PHAGS PA'I SHES RAB KYI SA BON KUN TU BCOM PAS 'GOG PA GANG YIN PA'O, ,YONGS SU MA RDZOGS PAS JI LTA BU ZHE NA, RGYUN DU ZHUGS PA'I 'BRAS BUR SDUS PA'AM, LAN CAG PHYIR 'OD PA'I 'BRAS BUR SDUS PA'AM, PHYIR MI 'ONG BA'I 'BRAS BUR SDUS PA'ANG RUNG STE, SLOB PA RNAMS KYI 'GOG PA GANG YIN PA'O, ,YONGS SU RDZOGS PAS JI LTA BU ZHE NA, DGRA BCOM PA'I 'BRAS BUR SDUS PA MI SLOBS RNAMS KYI, ,'GOG PA GANG YIN PA'O, ,RGYAN MED PAS JI LTA BU ZHE NA, SHES RAB KYI RNAM PAR GROL BA'I DGRA BCOM PA RNAMS KYI 'GOG PA GANG YIN PA'O, ,RGYAN DANG BCAS PAS JI LTA BU ZHE NA, GNYIS KA'I CHA LAS RNAM @185B PAR GROL BA, RIG PA GSUM DANG, MNGON PAR SHES PA DRUG DANG LDAN PA'I DGRA BCOM PA RNAMS KYI 'GOG PA GANG YIN PA'O, ,LHAG MA DANG BCAS PAS JI LTA BU ZHE NA, PHUNG PO'I LHAG MA DANG BCAS PAS 'GOG PA GANG YIN PA'O, ,LHAG MA MED PAS JI LTA BU ZHE NA, PHUNG PO'I LHAG MA MED PA'I 'GOG PA GANG YIN PA'O, ,KHYAD PAR DU 'PHAGS PAS JI LTA BU ZHE NA, BYANG CHUB SEMS DPA' RNAMS KYI MI GNAS PA'I MYA NGAN 'DAS PAR SDUS PA'I 'GOG PA GANG YIN PA STE, SEMS CAN THAMS CAD LA PHAN PA DANG, BDE BAR GNAS PA'I PHYIR RO, ,ZHES DANG, 'GOG PA'I RNAM GRANGS 'CHAD PA NI, KUN BTUS LAS, RNAM GRANGS KYIS JI LTA BU ZHE NA, MA LUS PAR SPANGS PA DANG, NGES PAR SPANGS PA DANG, BYANG BAR GYUR PA DANG, ZAD PA DANG, 'DOD CHAGS DANG BRAL BA DANG, 'GOG PA DANG, RNAM PAR ZHI BA DANG, NUB PA ZHES BYA BA LA SOGS PA'O, , ZHES GSUNGS SO, ,DE YANG BRDA'I 'GOG PA NI, BTAGS PA BA YIN LA, GZHAN RNAMS NI MTSAN NYID PA KHO NA YIN NO, ,GNYIS PA MTSAN NYID NI, 'DAS LAM GYI STOBS KYIS THOB PA'I BRAL BA GANG ZHIG ,'GOG PA, ZHI BA, GYA NOM NGES 'BYUNG LA; SOGS PA'I KHYAD CHOS BZHI LDAN DU DMIGS PA DE'O, ,DE SKAD DU YANG, KUN BTUS LAS, YANG 'GOG PA'I BDEN PA'I MTSAN NYID RNAM PA BZHIR RIG PAR BYA STE, 'GOG PA'I MTSAN NYID DAM@186A *, ,ZHI BA'I MTSAN NYID DANG, GYA NOM GYI MTSAN NYID DANG, NGES PAR 'BYUNG BA'I MTSAN NYID DO, ,ZHES GSUNGS SO, ,GSUM PA NI, MTHAR THUG PA'I BRAL BA CHOS CAN, 'GOG PA'I RNAM PA YIN TE; NYON MONGS SPANGS PA'I BRAL BA YIN PA'I PHYIR, ZHI BA'I RNAM PA YIN TE, SDUG BSNGAL SPANGS PA'I BRAL BA YIN PA'I PHYIR, GYA NOM PA'I RNAM PA YIN TE, GTZANG BDE'I RANG BZHIN DU GYUR PA'I BRAL BA YIN PA'I PHYIR, NGES PAR 'BYUNG BA'I RNAM PA YIN TE, RTAG PA DANG PHAN PA'I GZHIR GYUR BA'I BRAL BA YIN PA'I PHYIR, DE SKAD DU YANG, KUN BTUS LAS, CI'I PHYIR 'GOG PA'I MITSAN NYID CES BYA ZHE NA, NYON MONGS PA BRAL BA'I PHYIR RO, ,CI'I PHYIR ZHI BA'I MTSAN NYID CES BYA ZHE NA, SDUG BSNGAL SPANGS PA'I BRAL BA YIN PA'I PHYIR RO, ,CI'I PHYIR GYA NOM PA'I MTSAN NYID CES BYA ZHE NA, GTZANG PA DANG BDE BA'I DNGOS PO YIN PA'I PHYIR RO, ,CI'I PHYIR NGES PAR 'BYUNG BA'I MTSAN NYID CES BYA ZHE NA, PHAN PA DANG, BDE BA'I GZHI YIN PA'I PHYIRO, ZHES GSUNGS, BZHI PA LAm BDEN BSHAD PA LA, MTSAN GZHI'I DBYE BA, MTSAN NYID, MTSAN GZHI LA NGES BYED BSHAD PA DANG GSUM, DANG PO NI, KUN BTUS LAS, LAM GYI BDEN PA GANG ZHE NA, LAM GANG GI SDUG BSNGAL YONGS SU SHES PA DANG, KUN 'BYUNG BA SPONGS PA DANG, 'GOG BA MNGON DU BYED @186B PA DANG, LAM BSGOM PA STE, 'DI NI LAM GYI MTSAN NYID MDOR BSDUS PA'O, ,YANG LAM RNAM PA LNGA STE, TSOGS LAM DANG, SBYOR BA'I LAM DANG, MTHONG BA'I LAM DANG, SGOM PA'I LAM DANG, MTHAR PHYIN PA'I LAM MO, ,ZHES LAM GYI BDEN PA LA, ,LAM LNGAR GSUNGS KYANG, DANG PO GNYIS, BTAGS PA BA DANG, PHYI MA GSUM MTSAN NYID PA YIN TE, 'GREL BAR, RAB TU DBYE BA 'DI YANG LAM GYI BDEN PA 'KHOR DANG BCAS PA'I SKABS LAS RIG PAR BYA'O, ,ZHES GSUNGS PA'I PHYIR, GNYIS PA NI, 'PHAGS RGYUD KYI MKHYEN PA GANG ZHIG LAM RIG PA SGRUB PA, DES 'BYIN LA SOGS PA'I KHYAD CHOS BZHI LDAN DU DMIGS PA STE, YANG LAM GYI BDEN PA'I RNAM PA NI MTSAN NYID BZHIR SHES PAR BYA STE, LAM GYI MTSAN NYID DANG, RIG PA'I MTSAN NYID DANG, SGRUB PA'I MTSAN NYID DANG, NGES PAR 'BYIN PA'I MTSAN NYID DO, ,ZHES GSUNGS SO, GSUM PA NI, RGYUN MTHA'I BAR CHAD MED LAM CHOS CAN, LAM GYI RNAM PA YIN TE, DE KHO NA NYID MNGON SUM DU RTOGS PA'I SGO NAS THAR PA'I GRONG KHYER DU BGROD PAR BYED PA'I MKHYEN PA YIN PA'I PHYIR, RIG PA'I RNAM PA YIN TE, MA RIG PA NYON MONGS PA'I DNGOS GNYEN DU GYUR PA'I MKHYEN PA YIN PA'I PHYIR, SGRUB PA'I RNAM PA YIN TE, SEMS KYI GNAS LUGS PHYIN CI MA LOG PAR SGRUB PA STE MNGON SUM DU RTOGS PA'I @187A *, ,MKHYEN PA YIN PA'I PHYIR, NGES PAR 'BYIN PA'I RNAM PA YIN TE, SPANG BYA'I SA BON DNGOSU SPONG ZHING RTAG TU BDE BA'I GNAS SKABSU 'GRO BAR BYED PA'I MKHYEN PA YIN PA'I PHYIR, DE SKADU 'ANG, KUN BTUS LAS, CI'I PHYIR LAM GYI MTSAN NYID CES BYA ZHE NA (DE KHO NA'I MTSAN NYID YONGSU TSOL BA'I PHYIR RO, CI'I PHYIR RIG PA'I MTSAN NYID CES BYA ZHA NA,) NYON MONGS PA'I GNYEN PO'I PHYIR RO, ,CI'I PHYIR SGRUB PA'I MTSAN NYID CES BYA ZHE NA, SEMS PHYIN CI MA LOG PAR SGRUB PA'I PHYIR RO, ,CI'I PHYIR NGES PAR 'BYIN PA'I MTSAN NYID CES BYA ZHE NA, RTAG TU BDE BA'I GNASU 'GRO BA NYID KYI PHYIR RO, ,ZHES GSUNGSO, ,LNGA PA NI, BCOM LDAN 'DAS KYI MDO LAS BDEN BZHI MI RTAG SOGS BCU DRUG GSUNGS PA CHOS CAN, DGOS PA YOD DE, BDEN BZHI MI RTAG SOGS BCU DRUG MNGON SUM DU RTOGS PA'I SGO NAS LOG ZHUGS BCU DRUG SPANGS TE THAR PA DANG THAMS CAD MKHYEN PA'I GO 'PHANG THOB PAR 'GYUR BA'I DGOS PA KHYAD PAR CAN YOD PA'I PHYIR TE ,RNAM 'GREL LAS, BDEN PA BZHI LA BRTEN PA DANG, BDE DANG NGA DANG NGA'I ZHES SOGS, YANG DAG MIN PA RNAM BCU DRUG ,SGRO BTAGS NAS NI YONGSU SRED, ,DE NYID LA NI DE 'GAL DON, DE NYID RNAM PA RJES RTOGS CAN, ,LEGS SGOM YANG DAG LTA BA YIS, ,SRED PA RJES 'BRANG BCAS 'JOM BYED, CES DANG, STONG NYID LTA BAS GROL GYUR GYI, ,SGOM PA LHAG MA DE DON YIN, ,DE PHYIR MI RTAG LAS SDUG BSNGAL, ,SDUG BSNGAL LAS NI BDAG MED GSUNGS, ,ZHES GSUNGSO,, @187B GANG LAS GSUNGS NA, DGA' BO MNGAL 'JUG GI MDO LAS, BCOM LDAN 'DAS KYIS BKA' STZAL PA, DGA' BO 'DI JI SNYAM DU SEMS, GZUGS GANG YIN PA DE CI RTAG PA ZHIG YIN NAM, 'ON TE MI RTAG PA ZHIG YIN, BCOM LDAN 'DAS LA TSE DANG LDAN PA DGA' BOS GSOL PA, BCOM LDAN 'DAS GZUG DE NI MI RTAG PA LAGS SO, ,BCOM LDAN 'DAS KYIS BKA' STZAL PA, GAL TE MI RTAG PA YIN NA, DE SDUG BSNGAL BA ZHIG YIN NAM, 'ON TE SDUG BSNGAL MED PA ZHIG YIN, DGA' BOS GSOL PA, GZUGS GANG LAGS PA DE NI SDUG BSNGAL BA LAGS SO, ,BCOM LDAN 'DAS KYIS BKA' STZAL PA, GANG MI RTAG CING SDUG BSNGAL BA DE NI RNAM PAR 'JIG PA'I CHOS CAN YIN NA, 'PHAGS PA NYAN THOS MANG DU THOS PA DANG LDAN PA GANG DE LTA BU'I BSTAN PA THOB PAR GYUR NA YANG LUS 'DI NI 'DI LTA BU'I GZUGS BRNYAN NO, ,ZHES 'DZIN CING,, DE LA BDAG DANG BDAG GIR 'DZIN PAR BYED DAM, BCOM LDAN 'DAS DE NI MA LAGS TE, GZUGS LA BDAG CES BGYI BA YANG MA MCHIS LA, BDAG GI ZHES BGYI BA YANG MA MCHIS LAGS SO, ,GZHAN YANG, DGA' BO 'DI JI SNYAM DU SEMS, TSOR BA DANG, 'DU SHES DANG, 'DU BYED DANG, 'DU BYED DANG, RNAM PAR SHES PA GANG YIN PA DE DAG CI RTAG BA ZHIG YIN NAS, 'ON TE MI RTAG PA ZHIG YIN NA, BCOM LDAN 'DAS LA TSE DANG LDAN PA @188A *, ,DGA' BOS GSOL PA, BCOM LDAN 'DAS DE DAG THAMS CAD NI MI RAG PA LAGS SO, ,BCOM LDAN 'DAS KYIS BKA' STZAL PA, GAL TE MI RTAG PA YIN NA, CI SDUG BSNGAL BA ZHIG YIN NAM, 'ON TE SDUG BSNGAL MED PA ZHIG YIN, DGA' BOS GSOL BA, 'DI LTAR PHUNG PO BZHI PO 'DI DAG NI SDUG BSNGAL ZHES BGYI BA LAGS SO, ,BCOM LDAN 'DAS KYIS BKA' STZAL PA, GANG MI RTAG CING SDUG BSNGAL BA DE NI RNAM PAR 'JIG PA'I CHOS CAN YIN NA, 'PHAGS PA NYAN THOS MANG DU THOS PA DANG LDAN PA GANG DE LTA BU'I BSTAN PA THOB PAR GYUR NA YANG LUS 'DI PHUNG PO BZHI PO DAG LA BDAG DANG BDAG GIR 'DZIN PAR BYED DAM, BCOM LDAN 'DAS DE NI MA LAGS TE, PHUNG PO BZHI PO DAG LA YANG DAG PAR BDAG CES BGYI BA YANG MA MCHIS LA, BDAG GI ZHES BGYI BA YANG MA MCHIS LAGS SO, ,ZHES GSUNGS SO, LOG ZHUGS BCU DRUG GO BDE BAR BRJOD NA, NYER LEN GYI PHUNG PO LA GTZANG BA, BDE BA, RTAG PA, BDAG TU 'DZIN PA BZHI SDUG BSNGAL LA ,LOG ZHUGS SO, ,SDUG BSNGAL RGYU MED DU 'DZIN PA, MTSAN NYID LNGA LDAN GYI GTZO BO GCIG LTA BU KHO NAS BYAS PAR 'DZIN PA, DBANG PHYUG DANG TSANGS PA SOGS KYIS BLO SNGON DU BTANG STE BYAS PAR 'DZIN PA, RANG BZHIN RTAG LA GNAS SKABS 'GYUR BAR 'DZIN PA DANG, SRED PA NYID RGYU KUN 'BYUNG SOGS MA YIN PAR 'DZIN PA @188B RNAMS NI, KUN BYUNG LA LOG PAR ZHUGS PA YIN TE, LANG GSHEGS LAS, GANG ZAG RGYUN DANG PHUNG PO DANG, ,DE BZHIN RKYEN DANG RDUL DAG DANG, ,GTZO BO DBANG PHYUG BYED PA MIN, ,SEMS TZAM DU NI NGAS BSHAD DO, ,ZHES DANG; MDZOD LAS KYANG, 'JIG RTEN SNA TSOGS LAS LAS SKYES, DE NI SEMS PA DANG DES BYAS, ZHES DE LTA BU'I LOG RTOG RNAMS RGYAS PAR BKAG PA'I PHYIR, THAR PA YE MED DU 'DZIN PA DANG, ZAG BCAS KYI KHYAD PAR 'GA' ZHIG THAR BAR 'DZIN PA DANG, SDUG BSNGAL GYI KHYAD PAR 'GA' ZHIG THAR PAR 'DZIN PA DANG, SDUG BSNGAL SPANGS PA'I THAR PA SLAR LDOG PAR 'DZIN PA RNAMS 'GOG BDEN LA LOG ZHUGS SO, ,THAR LAM YE MED DU 'DZIN PA BDAG MED MNGON SUM DU RTOGS PA'I SHES RAB THAR LAM MIN PAR 'DZIN PA, BSAM GTAN GYI KHYAD PAR 'GA' ZHIG TZAM DANG, DBANG PHYUG GI DBANG BSKUR, GCER BU PA'I DKA' THUB, BDAG GI BA SDUG BSNGAL GYI RGYUR SGOM PA TZAM DANG, ZAG BCAS KYI MNGON SHES THAR LAM DU 'DOD PA RNAMS LAM GYI BDEN PA LA LOG PAR ZHUGS PA YIN ZHING, GZHAN YANG LOG ZHUGS MTHA' YAS PA YOD DO, ,DRUG PA NI, BDEN BZHI'I GO RIM SNGAR BSHAD PA LTAR MI 'THAD PAR THAL, DANG POR LAM BDEN, DE RJES 'GOG BDEN, DE RJES KUN 'BYUNG, DE RJES SDUG BDEN STON PAR RIGS PA'I PHYIR, DER THAL, TSAD MAS KUN BYUNG SPONG @189A *, ,NUS SU MTHONG BA NA GANG ZAG GI BDAG MED PAR RTOGS PAS KHYAB PA'I PHYIR, ZHE NA, MA KHYAB PAR THAL, TSANG MAS KUN BYUNG SPONG NU SU MTHO NAS KUN BYUNG DUS GNYIS PAR GSUNGS PA DE'I DNGOS KYI DGOS PA MA YIN PA'I PHYIR TE, KUN BYUNG LA SPONG 'DOD KYI BLO SKYES PA TZAM DE'I DNGOS KYI DGOS PA YIN PA'I PHYIR, KHO NA RE, 'GOG BDEN DUS, GNYIS PAR STON RIGS PAR THAL, SDUG BSNGAL 'GOG NUS SU MTHONG NA, SDUG BSNGAL 'GAGS PA'I 'GOG BDEN SNGON DU BYA NUS SU MTHONG BAS KHYAB PA'I PHYIR SNYAM NA MA KHYAB PAR THAL, SDUG BSNGAL 'GOG NUS SU MTHONG BA DE, SDUG BDEN DANG POR GSUNGS PA'I DNGOS KYI DGOS PA MA YIN PA'I PHYIR TE, 'KHOR BSDUG BSNGAL GYI RANG BZHIN DU SHES PA TZAM SDUG BDEN DANG POR GSUNGS PA'I DNGOS KYI DGOS PA YIN PA'I PHYIR, KHO NA RE, KUN 'BYUNG DUS GSUM PA DANG, SDUG BDEN BZHI PAR STON RIGS PAR THAL, KUN 'BYUNG SPONG NUS SU MTHONG NAS SDUG BSNGAL 'GOG NUS SU MTHONG DGOS PA'I PHYIR, ZHE NAM KHYAB PAR THAL, KUN 'BYUNG SPONG NUS SU MTHONG BA DANG SDUG BSNGAL 'GOG PA RNAMS MDO LAS SDUG BDEN DANG PO, ,KUN BYUNG GNYIS PAR GSUNGS PA'I DNGOS KYI DGOS PA MA YIN PAR BSTAN ZIN PA'I PHYIR, BDEN PA BZHI PO SKABS 'DIR CIG CAR DU STON RIt @189B PAR THAL, KUN 'BYUNG SPONG NUS SU MTHONG BA'I TSE SDUG BSNGAL 'GOG NUS, 'GOG PA MNGON DU BYED NUS, BDAG MED PA RTOGS PA'I LAM BSGOM BYAR RTOGS ZIN PA'I PHYIR, 'KHOR GSUM, DES NA BDEN BZHI'I GO RIM 'DI LTAR STON RIGS TE, 'KHOR BA SDUG BSNGAL GYI RANG BZHIN DU SHES PA, KUN 'BYUNG SPONG 'DOD, 'GOG PA THOB 'DOD, LAM RGYUD LA BRTEN 'DOD 'BYUNG BA TZAM BDEN BZHI'I GO RIMS 'DI LTAR GSUNGS PA'I DNGOS KYI DGOS PA YIN PA'I PHYIR TE, RGYUD BLA MA LAS, NAD NI SHES BYA NAD KYI RGYU NI SPANG BYA LA, ,BDER GNAS THOB BYA SMAN NI BRTEN PAR BYA BA LTAR, ,SDUG BSNGAL RGYUD DANG DE 'GOG PA DANG DE BZHIN LAM, ,SHES BYA SPANGS BYA REG PAR BYA ZHING BRTEN PAR BYA, ,ZHES GSUNGS PA'I PHYIR, GNYIS PA GZHUNG DON NI, THEG CHEN GYI SGRUB PA NYAMS SU LEN PA'I TSE 'PHAGS PA'I BDEN PA BZHI LA BLANGS DOR DU BDEN ZHEN BKAG PA'I SGO NAS BDEN PA BZHI LA BLANGS DOR TSUL BZHIN DU BYAS TE, THEG CHEN GYI SGRUB PA NYAMS SU LEN DGOS SO, ,ZHES STON PA LA, YUM PAR MA'I MDO LAS, BCOM LDAN 'DAS KYIS BKA' STZAL PA, SH'A RI'I BU 'DI LA BYANG CHUB SEMS DPA' SEMS DPA' CHEN PO GZUGS STONG PA NYID LA BRTZON NA RTZON ZHES BYA'O, ,ZHES SOGS BKA' STZAL LA, DE'I DON, BDEN PA RNAMS DANG NI, ZHES PAS BKRAL BA'I DGONGS PA 'CHAD PA LA, GZHUNG 'DI RNAMS GSUNGS LA NGAG DON BSGRIL NA, @190A *, ,SHA RI'I BU 'DI LA BYANG CHUB SEMS DPA' SEMS DPA' CHEN PO GZUGS STONG PA NYID LA RTZON NA RTZON ZHES BYA'O, ,ZHES SOGS KYI MDO CHOS CAN BDEN PA BZHI LA GDAMS PA YIN TE, BDEN PA BZHI LA BLANGS DOR DU BDEN ZHEN BKAG PA'I SGO NAS THEG CHEN GYI SGRUB PA TSUL BZHIN DU NYAMS SU LONG ZHES GDAMS PA'I PHYIR, BDEN PA BZHI PO 'DI'I MING GI RNAM GRANGS 'GRO BA SNA TSOGS PAS JI LTAR 'DON PA'I TSUL NI, GSANG BA BSAM GYI MI KHYAB PA'I MDO LAS, BZHI BA'I BLO GROS 'DI LTAR SDUG BSNGAL DANG, SDUG BSNGAL KUN 'BYUNG BA DANG, SDUG BSNGAL 'GOG PA DANG, SDUG BSNGAL 'GOG PAR 'GRO BA'I LAM ZHES BYA BA GANG YIN PA DE NI, SA BLA BA'I LHA RNAMS KYI 'DI SKAD CES BYA STE, ZA BA DANG, ZA BA'I RTZA BA DANG, ZA BA DANG, ZA BA 'GOG BYED CES BYA'O, ,ZHES DANG, BAR SNANG GI LHA RNAMS KYIS 'DI SKAD CES BYA STE, 'JUG PA DANG, KUN TU 'JUG PAR BYED PA DANG, KUN TU 'JUG BRAL DANG, KUN TU 'JUG GROL ZHES BYA'O, ,ZHES DANG, RGYAL CHEN BZHI'I RIS KYI LHA RNAMS KYIS NI 'DI SKAD CES BYA STE, 'BYUNG BA DANG, DPOG PA DANG, SREG PA DANG, 'JIG BYED CES BYA'O, ,ZHES DANG, SUM CU RTZA GSUM PA'I LHA RNAMS KYIS NI 'DI SKAD CES BYA STE, 'KHOR BA DANG, KUN SNYEN DANG, ZAD PA DANG, ZAD PA LDOG PAR BYED CES BYA'O, ,ZHES DANG, 'THAB BRAL GYI LHA RNAMS @190B KYIS 'DI SKAD CES BYA STE, GNOD PA DANG, GNOD PA SNYAN PA DANG, GNOD PA ZAD PA DANG, GNOD PA ZAD PA SGOM PA ZHES BYA'O, ,ZHES DANG, DGA' LDAN GYI LHA RNAMS KYIS NI 'DI SKAD CES BYA STE SHIN TU MI BSRUN DANG, MI BSRUN RTZA BA DANG, LDOG PA DANG, YANG DAG PAR LDOG BYED CES BYA'O, ,ZHES DANG, 'PHRUL DGA'I LHA RNAMS KYIS NI 'DI SKAD CES BYA STE, RKYAL BA DANG, KUN TU RKYAL BYED DANG, RKYAL ZAD DANG, RKYAL ZAD SGO ZHES BYA'O, ZHES DANG, GZHAN 'PHRUL DBANG BYED KYI LHA RNAMS KYI NI 'DI SKAD CES BYA STE, HA HA HO DANG, HA HO THOB BYED DANG, HA HA BRAL DANG, HA HA BRAL BYED CES BYA'O, ,ZHES DANG, BDUD KYI RIS KYI LHA RNAMS KYI NI 'DI SKAD CES BYA STE, ME MUR DANG; ME MUR GNOD DANG, ME MUR 'DOD DANG, ME MUR SGROL ZHES BYA'O, ,ZHES DANG, TSANGS PA'I LHA RNAMS KYIS NI 'DI SKAD CES BYA STE, SDUG BA DANG, SDUG BYED DANG, SDUG PA NYAL DANG, SDUG PA 'KHOR ZHES BYA'O, ,ZHES DANG; TSANGS RIS KYI LHA RNAMS KYIS NI 'DI SKAD CES BYA STE, 'DZAG PA DANG, KUN TU 'DZAG BYED DANG, RGYUN GCOD DANG, SHIN TU 'BYUNG ZHES BYA'O, ,ZHES DANG, TSANGS PA'I MDUN NA 'DON GYIS LHA RNAMS KYIS NI 'DI SKAD CES BYA STE, RMA DANG, RMA'I MTSAMS SBYOR PA DANG, RMA RUB DANG, RMA NYE BAR ZHI BYED CES BYA'O, ZHES DANG, TSANGS CHEN PA'I LHA RNAMS KYIS 'DI SKAD CES BYA STE, RKYAL BYED DANG, RNAM PAR RKYAL BYED DANG, RKYAL BA MTHAR BYED DANG@191A *, ,BYED PA THOB BYED CES BYA'O, ,ZHES DANG, 'OD CHUNG GI LHA RNAMS KYIS 'DI SKAD CES BYA STE, HA HI DANG, HE HI DANG, HA HU DANG, HA RA NU BA DHI ZHES BYA'O, ,ZHES DANG, DGE CHUNG GI LHA RNAMS KYIS 'DI SKAD CES BYA STE, AOm HI HA DANG, NI BA HA TI DANG, ,NI GA KshA TA DANG, NI GA MA NI ZHES BYA'O, ,ZHES DANG, TSAD MED DGE BA'I LHA RNAMS KYIS 'DI SKAD CES BYA STE, BRTEN PA DANG, YANG DAG PAR BSTAN PA DANG, ZAD PA BRTEN DANG KUN TU BSTAN PA ZHES BYA'O, ,ZHES DANG, DGE RGYAS KYI LHA RNAMS KYIS 'DI SKAD BYA STE, YONGS GCOD DANG, YONGS GCOD 'BYUNG BA DANG, KHYIM MTHA' DANG RTAG TU RNAM BZHAG CES BYA'O, ,ZHES DANG, MI CHE BA'I LHA RNAMS KYIS 'DI SKAD CES BYA STE, RJES SU 'GRO BA DANG, MI 'ONG MIN PA DANG, RJES KYI 'TSAMS DANG, RJES KYI 'TSAMS 'GRO ZHES BYA'O, ,ZHES DANG, MI GDUNG BA'I LHA RNAMS KYIS 'DI SKAD CES BYA STE DAG PA DANG, DAG PA CAN DANG, DAG PA YONG DAG DANG, DAG PAR 'GRO ZHES BYA'O, ,ZHES DANG, GYA NOM SNANG BA'I LHA RNAMS KYIS 'DI SKAD CES BYA STE, MA MA MA MA DANG, MA MA MED DANG, MA NA NU NA YA DANG, MA NA NU GA MA ZHES BYA'O, ,ZHES DANG, SHIN TU MTHONG BA'I LHA RNAMS KYIS 'DI SKAD CES BYA STE, GROL BA DANG, GROL BA CAN DANG, GROL BA'I RTZA BA DANG, GROL BA'I BYE BRAG BYED PAR 'TSAMS SBYOR BA ZHES BYA'O, @191B ZHES DANG, 'BRAS BU CHE B'I LHA RNAMS KYIS 'DI SKAD CES BYA STE, MI BYA BA DANG, MI BYED PA DANG, BYED BRAL BRAL DANG, BYED PA MTHAR THUG CES BYA'O, ,ZHES DANG, GNAS GTZANG MA'I RIS 'OG MIN GYIS LHA RNAMS KYIS 'DI SKAD CES BYA STE, MTHAR THUG DANG, SHIN TU MTHAR THUG DANG, MI RTOG PA DANG, NYING 'TSAMS SBYOR BA MED PA ZHES BYA'O, ,ZHI BA'I BLO GROS DE LTAR JI LTAR LHA RNAMS KYIS BDEN PA RNAMS KYI BDEN PA RNAM PAR GZHAG PA DE BZHIN DU KLU RNAMS KYIS KYANG GZHAN NO, ,GNOD SBYIN RNAMS KYIS KYANG GZHAN NO, ,DRI ZA RNAMS KYIS KYANG GZHAN NO, ,LHA MA YIN RNAMS KYIS KYANG GZHAN NO, ,NAM MKHA' LDING RNAMS KYIS KYANG GZHANO,, MI'AM CI RNAMS KYIS KYANG GZHAN NO, ,LTO 'PHYE CHEN PO RNAMS KYIS KYANG GZHAN NO, ,GNOD SBYIN LAG NA GZHONG THOGS RNAMS KYIS KYANG GZHAN NO, ,'PHRENG THOGS RNAMS KYIS BDEN PA RNAM PAR GZHAG PA YANG GZHAN NO, ZHI BA'I BLO GROS GANG YUL CHEN PO BCU DRUG TU BSDU BAS SDUS PA'I YUL STONG GI 'DZAM BU'I GLING 'DI YONGS SU GANG STE, GANG NA MI RNAMS KYI TSIG KYANG GZHAN, NGES PA'I TSIG KYANG GZHAN, BRDA THA DAD PA DE YANG, DE BZHIN GSHEGS PAS SKAD KYI 'JUG PA JI LTA BA BZHIN DU MING THA DAD PA RNAMS KYIS BDEN PA DAG RNAM PAR BKOD DE, ,'DI LTA STE, YUL KA SHA DANG, SA HU PA DANG, THO GAR YUL DANG, YA BA NA DANG, KAM PO RDZA DANG, KHA SHA DANG, HU NA DANG, @192A *, ,RGYA YUL DANG, DA RA TA DANG, AUR SHA DANG, SI LIN DANG, SO MA DANG, BRAM ZE DANG, RGYAL RIGS DANG, RJE'U RIGS DANG, DMANGS RIGS DANG, DA RTZIB DANG, KI RA TA DANG, SU LIN TA DANG, SU NA TRA DANG, KUN TU NA DANG, LNGA LEN DANG, SHAR PHYOGS DANG, PHUR RGYUR BA DANG, LHO PHYOGS DANG, KA LING KA DANG, GCER BU DANG, PA NA SA GA DANG, SA NA TA DANG, SBA LA GA DANG, KHYI GDONG DANG, WA GA GDONG DANG, KRI BA SHA'I GDONG DANG, SPYI'U TSUGS PA DANG, GNAM SDONG PO DANG, PHYI PHYOGS GDONG DANG, BYANG 'TSAMS GDONG DANG, RJES SU RGYUG PA DANG, RGYA MTSO KHOL BA DANG, YUL MTHA' YAS GTUGS PA DANG, AANG KUR DANG, MA NGA GU RA DANG, SNANG MED DANG, GLO BKRA DANG, PHYOGS KYI GCER BU DANG, GSHOG THOGS GCER BU DANG, DGUS TE 'GRO DANG, RDZOGS BYED RNAM PA DANG, 'JIG RTEN GYI BAR NA GNAS PA'I YUL LA SOGS PA YUL STONG GIS 'DZAM BU'I GLING YONGS SU GANG STE, ZHI BA'I BLO GROS GANG NA MI RNAMS KYI TSIG DANG NGES PA'I TSIG DANG, BRDA THA DANG PA DER YANG DE BZHIN GSHEGS PAS SKAD KYI 'JUG PA JI LTA BA BZHIN DU MING THA DAD BA RNAMS KYIS BDEN PA DAG BSTAN KYANG DE (BZHIN BSHEt) PA'I GSUNG SEMS KYI RJES SU 'BRANG BA MIN ZHING, RNAM PAR SHES PA'I RJES SU 'BRANG BA MIN PA 'BYUNG NGO, ,ZHI BA'I BLO GROS STONG GI 'JIG RTEN KHAMS @192B 'DI NA BDEN PA MING THA DAD PAS BSTAN PA BYE BA KHRAG KHRIG BRGYA STONG PHRAG DGU BCU RTZA BZHI YOD DE, BDEN PA BSTAN PA DE DAG (THAmS CAD) KYANG 'DI LTA STE, DON DAM PA'I BDEN PA DANG, SKYE BA MED PA'I BDEN PA DANG, JI LTA BA BZHIN GYI BDEN PA DANG, MI 'KHRUGS PA'I BDEN PAR DON GCIG TU YANG DAG PAR 'DUS TE, ZHI BA'I BLO GROS DE YANG DE BZHIN GSHEGS PA'I GSUNG GI GSANG BA'O, ZHES GSUNGS PA LTAR RO, ,DGE 'DUN LA SANGS RGYAS DKON MCHOG GI KHONGS SU, ZHES SOGS KYI SKABS SU SPYI DON DANG, GZHUNG DON GNYIS, DANG PO LA RGYUD BLA MA LAS GSUNGS PA'I TSUL, MDO SDE RGYAN LAS GSUNGS PA'I TSUL, NYAMS LEN GYI RIM PA LA SBYOR TSUL, RTZOD PA SPONGS PA DANG BZHI, DANG PO LA THEG CHEN THUN MONGS MA YIN PA'I SKYABS BSHAD PA, THEG PA THUN MONGS PA'I SKYABS BSHAD PA, KUN RDZOB PA'I SKYABS DANG DON DAM PA'I SKYABS KYI KHYAD PAR, DKON MCHOG GI SGRA DON BSHAD PA DANG BZHI; DANG PO LA BSHAD BYA'I LUNG 'GOD PA DANG, LUNG GI DON BSHAD PA GNYIS, DANG PO NI, 'DUS MA BYAS SHING LHUN GYIS GRUB, GZHAN GYI RKYEN GYIS RTOGS MIN PA, MKHYEN DANG BRTZE DANG NUS PAR LDAN, ,DON GNYIS LDAN PA'I SANGS RGYAS NYID, DANG PO GSUM NI RANG DON TE, ,PHYI MA GSUM NI GZHAN DON YIN, ,ZHES DANG, BSAM MED GNYIS MED RTOG MED PA, ,DAG GSAL GNYEN PO'I PHYOGS NYID KYIS, ,GANG ZHIG GANG GIS CHAGS BRAL BA,, @193A *, ,BDEN GNYIS MTSAN NYID CAN DE CHOS, ,CHAGS BRAL NYID NI 'GOG PA DANG, ,LAM GYI BDEN PA DAG GIS SDUS, ,GO RIMS JI BZHIN DE DAG KYANG, ,YON TAN GSUM GSUM GYIS RIGS BYA, ZHES DANG, JI LTA JI SNYED NANG GIS NI, ,YE SHES GZIGS PA DAG PA'I PHYIR, ,BLO LDAN PHYIR MI LDOG PA'I TSOGS, ,BLA MED YON TAN DANG LDAN NYID CES DANG, 'PHAGS PA PHYIR MI LDOG PA NI, ,LUS CAN KUN GYI SKYABS YIN NO, ,ZHES GSUNGS SO, ,GNYIS PA NI, SANGS RGYAS DKON MCHOG CHOS CAN, YON TAN BRGYAD DANG LDAN TE, ,'DUS MA BYAS PA'I YON TAN, ,LHUN GYI GRUB PA'I YON TAN, ,GZHAN GYI JI LTA BA BZHIN DU RTOGS PAR MI NUS PA'I YON TAN, ,MKHYEN PA'I YON TAN, ,RTZE BA'I YON TAN, NUS PA'I YON TAN, RANG DON PHUN SUM TSOGS PA'I YON TAN, GZHAN DON PHUN SUM TSOGS PA'I YON TAN RNAMS DANG LDAN PA'I PHYIR TE, 'DI'I 'GREL BAR, 'DIS NI MDOR BSDU NA YON TAN BRGYAD DANG LDAN PA'I SANGS RGYAS NYID BRJOD DO, ,YON TAN BRGYAD GANG ZHE NA, 'DUS MA BYAS NYID DANG, LHUN GYIS GRUB PA DANG, GZHAN GYI RKYEN GYIS MNGON PAR RTOGS PA MIN PA DANG, YE SHES DANG THUGS RJE DANG, NUS PA DANG, RANG GI DON PHUN SUM TSOGS PA DANG, GZHAN GYI DON PHUN SUM TSOGS (ZHES GSUNG) PA'O, ,THEG CHEN GYI CHOS DKON MCHOG CHOS CAN, YON TAN BRGYAD DANG LDAN TE, MU @193B BZHIR RTOG GE'I BLOS JI LTA BA BZHIN BSAM DU MED PA'I YON TAN, LAS NYON GNYIS MED PA'I YON TAN, 'BAD RTZOL GYI RNAM RTOG MED PA'I YON TAN CHAGS THOGS DMAN GSUM GYI SGRIB PAS DAG PA'I YON TAN, GNAS LUGS GSAL BA'I YON TAN, MI MTHUN PHYOGS KYI GNYEN PO BYED PA'I YON TAN, GANG ZHIG CHAGS PA DANG BRAL BA 'GOG BDEN GYI YON TAN, GANG GIS CHAGS PA DANG BRAL BAR BYED PA LAM BDEN GYI YON TAN RNAMS DANG LDAN PA'I PHYIR TE, 'DI'I 'GREL BA LAS, 'DIS NI MDOR BSDU NA YON TAN BRGYAD KYI SDUS PA'I CHOS DKON MCHOG BRJOD DO, ,YON TAN BRGYAD GANG ZHE NA, BSAM DU MED PA NYID DANG, GNYIS SU MED PA NYID DANG, RNAM PAR RTOG PA MED PA NYID DANG, DAG PA DANG, MNGON PAR GSAL BAR BYED PA DANG, GNYEN PO'I PHYOGS NYID DANG, 'DOD CHAGS DANG BRAL BA DANG, 'DOD CHAGS DANG BRAL BA'I RGYU'O, ,ZHES GSUNGS PA'I PHYIR, THEG CHEN GYI DGE 'DUN DKON MCHOG CHOS CAN, RIGS GROL GYI YON TAN BRGYAD DANG LDAN TE, JI LTA BA RIG PA'I YON TAN, JI SNYED PA RIG PA'I YON TAN, NANG RIG PA'I YON TAN, YE SHES KYI GZIGS PA CHAGS THOG DMAN GSUM GYI SGRIB PAS DAG PA'I YON TAN, RIG PA'I YON TAN, GROL BA'I YON TAN RNAMS DANG LDAN PA'I PHYIR TE, 'DI'I 'GREL PAR, 'DIS NI MDOR BSDU NA, JI LTA BA BZHIN YOD PA DANG, JI SNYED PA LTAR @194A *, ,YOD PA DE, ZHES (SOt) BSHAD PA'I PHYIR, DON BSDU NA, GDUL BYA'I SKYABS GNAS GANG ZHIG ,'DUS MA BYAS SHING, ZHES SOGS KYI SKABS NAS DNGOS SU BSTAN PA'I YON TAN BRGYAD LDAN GYIS RAB TU PHYE BAR DMIGS PA DE SANGS RGYAS DKON MCHOG GI MTSAN NYID, DBYE NA DON DAM PA'I SANGS RGYAS DKON MCHOG DANG, KUN RDZOB PA'I SANGS RGYAS DKON MCHOG GNYIS, DANG PO NI, RANG DON CHOS SKU LTA BU'O, ,GNYIS PA NI, GZHAN DON GZUGS SKU LTA BU'O, ,DE YANG SANGS RGYAS KYI SA KHO NA NA YOD, GANG ZHIG BSAM MED GNYIS MED CES SOGS KYI SKABS NAS DNGOS SU BSTAN PA'I YON TAN BRGYAD LDAN GYI RIGS SU GNAS PAS RAB TU PHYE BA DE, THEG CHEN GYI CHOS DKON MCHOG GI MTSAN NYID, 'DI LA KUN RDZOB PA'I CHOS DKON MCHOG DANG, DON DAM PA'I CHOS DKON MCHOG GNYIS SU BSHAD, DANG PO NI, LUNG GI CHOS DKON MCHOG LTA BU STE, BTAG PA BA YIN, GNYIS PA NI, THEG CHEN GYI 'GOG LAM GYI BDEN PA LTA BU DE, MTSAN NYID PA YIN, SA MTSAMS THEG CHEN 'PHAGS PA MTHA' DAG GIS RGYUD LA YOD, GANG ZHIG ,JI LTA JI SNYED CES SOGS KYI SKABS NAS DNGOS SU BSTAN PA'I YON TAN BRGYAD LDAN GYI RIGS SU GNAS PA DE THEG CHEN GYI DGE 'DUN DKON MCHOG GI MTSAN NYID, 'DI LA DON DAM PA'I DGE 'DUN DKON MCHOG DANG, KUN RDZOB @194B PA'I DAG 'DUN DKON MCHOG GNYIS SU BSHAD, DANG PO NI, 'GOG BDEN LTA BU STE BTAGS PA BA YIN ZHING, GNYIS PA NI THEG CHEN 'PHAGS PA LTA BU STE, MTSAN NYID PA YIN, 'DI DANG THEG CHEN 'PHAGS PA DON GCIG ,YANG RGYU'I SKYABS DANG, 'BRAS BU'I SKYABS GNYIS SU GSUNGS SHING, DANG PO NI, GZHAN RGYUD LA GRUB ZIN GYI DKON MCHOG GSUM LTA BU, GNYIS PA NI, GDUL BYA RNAMS KYI THOB BYA MTHAR THUG TU GYUR PA'I DKON MCHOG GSUM LTA BU'O, ,RGYU'I SKYABS LA BRTEN NAS 'BRAS BU'I SKYABS THOB PHYIR DU SKYABS 'GRO LEGS PAR BYA'O, ,GNYIS PA NI, DE NYID LAS, STON PA BSTAN PA SLOB DON GYIS, THEG PA GSUM DANG BYED GSUM LA, MOS PA RNAMS KYI DBANG BYAS NAS, SKYABS GSUM RNAM PAR BZHAG PA YIN, ZHES GSUNG RAB LAS SKYABS GSUM RNAM PAR BZHAG PA CHOS CAN, DGOS PA YOD DE, THEG CHEN GYI LAM LA ZHUGS PA DANG, SANGS RGYAS DKON MCHOG LAM CHOG TU BYA BA BYED PAR MOS PA RNAMS KYI DBANG DU BYAS NAS SANGS RGYAS DKON MCHOG SKYABS SU BZHAG ,RAB RGYAL GYI LAM LA ZHUGS PA DANG, CHOS DKON MCHOG LA MCHOG TU BYA BA BYED PAR MOS PA RNAMS KYI DBANG DU BYAS NAS CHOS DKON MCHOG DE SKYABS SU BZHAG ,NYAN THOS KYI LAM LA ZHUGS PA DANG, DGE 'DUN LA MCHOG TU BYA BA BYED PAR MOS PA'I DBANG DU BYAS NAS DGE 'DUN SKYABS SU BZHAG GO ,ZHES RTOGS PA'I @195A *, ,CHED YIN PA'I PHYIR, RAGS RNAMS GRUB STE, SANGS RGYAS DKON MCHOG DE RKANG GNYIS RNAMS KYI MCHOG ,CHOS DKON MCHOG DE 'OD NGA CHAGS DANG BRAL PA RNAMS KYI MCHOG ,DGE 'DUN NI TSOGS RNAMS KYI MCHOG YIN PA'I PHYIR RO, ,GSUM PA LA KUN RDZOB PA'I SKYABS DANG DON DAM PA'I SKYABS GNYIS, DANG PO NI, DE NYID LAS, SPANGS PHYIR BSLU BA'I CHOS CAN PHYIR, ,MED PHYIR 'JIGS DANG BCAS PA'I PHYIR, CHOS RNAMS GNYIS DANG 'PHAGS PA'I TSOGS, ,GTAN GYI SKYABS MCHOG MA YIN NO, ZHES GSUNGS LA, DON NI GDUL BYA'I RGYUD KYIS BSDUS PA'I GSUNG RAB YAN LAG BCU GNYIS CHOS CAN, MTHAR THUG GI SKYABS MA YIN TE, LUNG DON MNGON SUM DU RTOGS PA'I TSE SKYABS SU BRTEN PA SPANG BYA YIN PA'I PHYIR TE, RGYAN LAS, DON SHES PAS NI CHOS RNAMS KUN, ,GZINGS DANG 'DRA BA NYID DU RIG ,ZHES GSUNGS PA'I PHYIR, SLOB PA'I RGYUD KYI LAM BDEN CHOS CAN, MTHAR THUG GI SKYABS MA YIN TE, MTHAR THUG GI SKYABS SU SLU BA'I CHOS CAN YIN PA'I PHYIR, MA RIG BAG CHAGS KYI SA DANG, ZAG PA MED PA'I LAS KYI 'DUS BYAS PAS RAB TU PHYE ZHING, YE SHES KYI GZIGS PA SGRIB PAS DAG PA STE, SGRIB PAS MAB? SLAD KYANG SGRIB PA DANG BCAS PA'I RDZUN PA BSLU BA'I CHOS CAN YIN PA'I PHYIR, LHAG MED MYANG 'DAS @195B CHOS CAN, MTHAR THUG GI SKYABS MA YIN TE, NYON MONGS PA DANG, SDUG BSNGAL MED PA TZAM GYI RAB TU PHYE BA YIN PA'I PHYIR, LHAG BCAS MYANG 'DAS LA GNAS PA'I NYAN THOS DGRA BCOM PA CHOS CAN, MTHAR THUG GI SKYABS BA YIN TE, ZAG BCAS KYI PHUNG PO LA SHIN TU 'JIGS PA DANG BCAS PA'I SGO NAS, DE SANGS RGYAS LA SKYA BAS SU 'GRO BA'I BYA BA DANG BCAS PA'I PHYIR, KHYAB STE, MTHAR THUG GI SKYABS YIN NA, SKYABS GZHAN 'TSOL BA'I SKYABS DANG BCAS PA MA YIN DOGS PA'I PHYIR, SA BCU PA LA GNAS PA'I BYANG SEMS CHOS CAN, MTHAR THUG GI SKYAS MA YIN TE, SHES SGRIB KYI 'JIGS PA DANG BCAS PA'I PHYIR TE, 'DI'I 'GREL PAR, CHOS NI RNAM PA GNYIS TE, ,BSTAN PA'I CHOS DANG, RTOGS PA'I CHOS SO, ,DE LA BSTAN PA'I CHOS NI, MDO SDE LA SOGS PA BSTAN PA BRJOD PA STE, MING DANG TSIG DANG YI GE'I TSOGS KYI SDUS PA'O, ,DE YANG LAM MNGON PAR RTOGS PA'I MTHAR THUG PA'I PHYIR GZINGS LTA BU'O, ,ZHES BSHAD DO, ,RTOGS PA'I CHOS NI RGYU DANG 'BRAS BU'I DBYE BAS RNAM PA GNYIS TE, 'DI LTA STE, LAM GYI BDEN PA DANG 'GOG PA'I BDEN PA STE, GANG GIS DANG GANG RTOGS PA ZHES BYA BAS SO, ,DE LA LAM NI 'DUS BYAS KYI MTSAN NYID DU RTOGS PA GANG YIN PA DE NI RDZUN PA BSLU BA'I CHOS CAN, DE NI MI BDEN PA, GANG MI@196A *, ,BDEN PA DE NI MI RTAG PA GANG MI RTAG PA DE NI SKYABS MA YIN NO, ,LAM DES RTOGS PA'I 'GOG PA GANG YIN PA DE YANG, NYAN THOS KYI TSUL GYI MAR ME RGYUN CHAD PA BZHIN DU NYON MONGS PA DANG SDUG BSNGAL MED PA TZAM GYI RAB TU PHYE LA, MED PA NI SKYABS SAM SKYABS MA YIN PAR 'GYUR BA 'OS PA MA YIN NO, ,DGE 'DUN ZHES BYA BA 'DI NI THEG PA GSUM DANG LDAN PA'I TSOGS KYIS TSIG BLA DVAGS SO, ,DE YANG RTAG TU 'JIG PA DANG BCAS PA DE SANGS RGYAS LA SKYABS SU SONG BA, NGES PAR 'BYUNG BA 'TSOL BA, SLOB PA BYA BA DANG BCAS PA, BLA NA MED PA YANG DAG PAR RDZOGS PA'I BYANG CHUB LA BZHUGS PA YIN NO, ,JI LTAR 'JIGS PA DANG BCAS ZHE NA, GANG GI PHYIR DGRA BCOM PA YANG SRID ZAD PA RNAMS KYANG BAG CHAGS MA SPANGS PAS RTAG TU RGYUN MI CHAD PAR, 'DU BYED THAMS CAD LA MI ZAD PAR 'JIGS PA'I 'DU SHES NYE BAR GNAS PAR 'GYUR TE, DPER NA RAL GRI GDENGS PA'I GSHED MAS SKYES BU LA BYA BA BZHIN TE, DES NA DE DAG KYANG GTAN DU BDE BA'I NGES PAR 'BYUNG BA THOB PA MA YIN NO, , SKYABS NI SKYABS 'TSOL BAR RIGS PA MA YIN NO, ,ZHES GSUNGS PA'I PHYIR, GNYIS PA NI, MTHAR THUG GI SKYABS YOD DE, SANGS RGYAS NYAG GCIG MTHAR THUG GI SKYABS YIN TE, DE NI BDEN GNYIS KYI YON TAN @196B MTHAR PHYIN PA'I CHOS KYI SKU CAN YIN PA'I PHYIR TE, DE NYID LAS, DAM PA'I DON DU 'GRO BA YI, ,SKYABS NI SANGS RGYAS NYAG CIG YIN, ,THUB PA CHOS KYI SKU CAN PHYIR, ,TSOGS KYANG DE YIS MTHAR THUG PHYIR, ,ZHES DANG, 'DI'I 'GREL PAR, 'DIS NI SNGAR BSHAD PA'I TSUL GYIS SKYE BA MED PA DANG, 'GAG PA MED PAS RAB TU PHYE BA'I THUB PA RNAM PAR BYA BA'I BDEN PA GNYIS KYIS MTSAN NYID 'DOD CHAGS DANG BRAL BA'I CHOS KYI SKU CAN YIN PA'I PHYIR DANG, THEG PA GSUM PO'I TSOGS KYANG CHOS KYI SKU RNAM PAR DAG PA MTHAR THUG PA THOB PAS MTHAR PHYIN PAR 'GYUR BA'I PHYIR NA SKYABS MED CING, ,SKYOBS PA MED PA'I 'JIG RTEN NA PHYI MA'I MU DANG MNYAM PA MI ZAD PA'I SKYABS, RTAG PA'I SKYABS, GA-YUNG DRUNG GI SKYABS, DON DAM PA'I SKYABS NI GCIG NYID DE, 'DI LTA STE, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SO, ,ZHES GSUNGS PA'I PHYIR, BZHI PA NI, DKON MCHOG GSUM PO CHOS CAN, DKON MCHOG RIN PO CHE ZHES BRJOD PA'I RGYU MTSAN YOD DE, YID BZHIN GYI NOR BU RIN PO CHE DANG CHOS MTHUN RNAM PA DRUG YOD PAS DE LTAR BRJOD PA'I PHYIR TE, 'JIG RTEN DU 'BYUNG BA DKON, DRI MA MED, MNGON SHES LA SOGS PA'I MTHU DANG LDAN, BSAM PA DGE BA'I RGYAN RNAMS KYI MCHOG TU GYUR PA DANG, YON TAN RNAMS KYI MCHOG TU GYUR PA DANG, CHAGS SDANG GI GZHAN DU @197A *, ,MI 'GYUR BA'I PHYIR TE, RGYUD BLA LAS, 'BYUNG BA DKON PHYIR DRI MED PHYIR, ,MTHU LDAN PHYIR DANG 'JIG RTEN GYI, ,RGYAN GYUR PHYIR DANG MCHOG NYID DANG, ,'GYUR BA MED PHYIR DKON MCHOG NYID, CES DANG, DE'I 'GREL BAR, MDOR BSDU NA, RIN PO CHE DANG CHOS MTHUN PA RNAM PA DRUG GI NA, ,SANGS RGYAS DANG CHOS DANG DGE 'DUN ZHES BYA BA'I DKON MCHOG GSUM PO 'DI RIN PO CHE DANG 'DRA BAR BRJOD DE, ZHES GSUNGS PA'I PHYIR, GNYIS PA LA, CHE BA LNGA LDAN GYI SKYABS 'GRO MDOR BSTAN, RGYAS PAR BSHAD, THEG CHEN GYI SKYABS 'GRO MCHOG TU SGRUB PA DANG GSUM, DANG PO NI, THEG PA MCHOG GI PHYIR DKON MCHOG GSUM LA SKYABS SU RAB TU SONG BA GANG YIN PA DE NYID CHOS CAN, SKYABS SU SONG BA RNAMS KYI NANG NAS MCHOG CES BYA BA YIN TE, DMIGS PA KUN TU 'GRO BA, SGRUB PA KHAS LEN CHE BA RTOGS PA MCHOG THOB PA, NYAN RANG ZIL GYI GNON PA DBYE BA'I RANG BZHIN GYI SGO NAS KHYAD PAR 'PHAGS PA'I PHYIR TE, ,RGYAN LAS, KUN TU 'GRO DANG KHAS LEN RTOGS DANG ZIL GNON PAR, ,DBYE BA'I RANG BZHIN DON RNAM BZHI YI KHYAD PAR GYIS, ,THEG PA MCHOG PHYIR DKON MCHOG SKYABS RAB SONG BA GANG, ,DE NYID SKYABS SU SONG BA RNAMS KYI NANG NA MCHOG CES BYA ,ZHES GSUNGS PA'I PHYIR, GNYIS PA LA LNGA YOD @197B PA'I DANG PO NI, BLO LDAN RGYAL SRAS 'PHAGS PA GANG ZHIG CHOS CAN, SEMS CAN KUN TU 'GRO BA YIN TE, SEMS CAN THAMS CAD 'KHOR BA LAS BSGRAL PA'I PHYIR DU BZHUGS PA'I PHYIR, DE CHOS CAN, THEG PA KUN TU 'GRO BA YIN TE, THEG PA GSUM GYI LAM NYAMS SU LEN PA LA MKHAS PA'I PHYIR, DE CHOS CAN, YE SHES KUN TU 'GRO BA YIN TE, BDAG MED GNYIS LA MKHAS PA DANG LDAN PA'I PHYIR, DE CHOS CAN, MYANG 'DAS KUN TU 'GRO STE, SRID ZHI CHOS KYI BDAG GIS STONG PAR RO GCIG PA NYID DU RTOGS PA'I PHYIR, DE 'DRA BA'I BLO LDAN DE NI SKABS 'DIR DMIGS PA KUN TU 'GRO BAR SHES PAR BYA STE, SGRUBS ZIN PA'I PHYIR TE; DE NYID LAS, GANG ZHIG SEMS CAN THAMS CAD BSGRAL BAR ZHUGS PA DANG, ,THEG PA YE SHES KUN TU 'GRO LA MKHAS PAR LDAN, ,GANG ZHIG MYA NGAN 'DAS LA 'KHOR ZHI RO GCIG PA, ,DE 'DRA'I BLO LDAN DE 'DIR KUN 'GROR SHES PAR BYA, ,ZHES GSUNGS PA'I PHYIR, GNYIS PA NI, RGYAL SRAS 'PHAGS PA GANG ZHIG CHOS CAN, DGA' BA MANG POS BYANG CHUB MCHOG TU DON DU GNYER TE, DE'I YON TAN SHES PA'I SEMS DPA' YIN PA'I PHYIR, DE CHOS CAN, SGRUB PA'I KHYAD PAR DANG LDAN TE, SKYO BA MED PAR GZHAN DON GYI DKA' BA YANG DAG PAR SPYOD NUS PA'I PHYIR, DE CHOS CAN, 'THOB PA'I KHYAD PAR DANG LDAN TE, RNAM PAR SANGS @198A *, ,RGYAS NAS SANGS RGYAS KUN DANG SPANG RTOGS MNYAM PAR 'GYUR BA'I PHYIR, BLO LDAN DE NI KHAS LEN MCHOG TU SHES PAR BYA STE, DE LTAR SGRUB ZIN PA'I PHYIR TE, DE NYID LAS, GANG ZHIG DGA' BA MANG POS BYANG CHUB MCHOG DON GNYER, GANG ZHIG SKYO BA MED PAR DKA' BA YANG DAG SPYOD, GANG ZHIG RNAM SANGS RGYAS NAS SANGS RGYAS KUN MNYAM 'GYUR, ,BLO LDAN DE NI KHAS LEN MCHOG TU SHES PAR BYA, ,ZHES GSUNGS PA'I PHYIR, GSUM PA NI, RGYAL SRAS 'PHAGS PA CHOS CAN, RTOGS PA'I KHYAD PAR DANG LDAN TE BSOD NAMS KYI PHUNG PO CHEN PO 'THOB SRID PA GSUM KYI BLA MAR GYUR, SRID PA'I BDE BA 'THOB, SDUG BSNGAL GYI PHUNG PO CHEN PO RAB TU ZHI BAR BYED, ,BLO MCHOG MI RTOG YE SHES KYI BDE BA 'THOB PA'I PHYIR, ,DE CHOS CAN, 'BRAS BU'I KHYAD PAR DANG LDAN TE, CHOS MANG PO'I PHUNG PO MCHOG RAB TU RTAG PA'I SKU STE STOBS SOGS DGE BA'I TSOGS SGRIB GNYIS KYI BAG CHAGS BZLOG CING SRID PA DANG ZHI BA'I MTHA' LAS RNAM PAR GROL BA'I PHYIR TE, DE NYID LAS, BSOD NAMS PHUNG CHEN SRID GSUm BLA MA SRID PA'I BDE BA DANG, ,SDUG BSNGAL PHUNG PO CHEN PO RAB ZHI BLO MCHOG BDE BA DANG, ,CHOS MANG PHUNG PO MCHOG RAB RTAG PA'I SKU STE DGE BA'I TSOGS, BAG CHAGS ZLOG CING SRID DANG ZHI LAS RNAM @198B PAR GROL BA 'THOB, CES GSUNGS PA'I PHYIR, BZHI PA NI, RGYAL SRAS 'PHAGS PA CHOS CAN, NYAN RANG GI TSOGS ZIL GYIS GNON PA YIN TE, DE LAS DGE BA'I RTZA BA RGYA CHE BA DANG, DON CHE BA DANG, MTHA' YAS PAS RTAG TU RGYUN MI CHAD PAR ZAD MI SHES PA'I YON TAN DANG LDAN PA'I PHYIR, DGE BA BZHI PO 'DI DAG NI CHOS CAN, BYED LAS GSUM DANG LDAN TE, 'JIG RTEN PA DANG 'JIG RTEN LAS 'DAS PA'I SEMS CAN RNAMS YONGS SU SMIN PAR BYED, YON TAN LA DBANG 'BYOR BA RNYED PAS LHAG MED DU YON TAN ZAD MI SHES PAR BYED PA'I PHYIR TE, DE NYID LAS, BLO LDAN NYAN THOS TSOGS BCAS DGE BA RGYA CHE DON CHE DANG, ,MTHA' YAS RTAG RGYUN MI CHAD ZAD MI SHES PAS ZIL GYIS GNON, ,DGE BA DE YANG 'JIG RTEN 'JIG RTEN MA YIN YONGS SMIN BYED, ,DBANG 'BYOR RNYED PA DE NI PHUNG PO ZHI BAS ZAD MI SHES, ,ZHES GSUNGS PA'I PHYIR, LNGA PA NI, THEG PA CHEN PO'I SKYABS 'GRO 'DI CHOS CAN, ,NGO BO'I DON DANG LDAN TE, SANGS RGYAS NYID KYI DNGOS PO 'DOD PA BDAG MED SKYABS SU KHAS LEN PAR BYED PA'I PHYIR, DE CHOS CAN, RGYU'I DON DANG LDAN TE SNYING BRTZE BA LAS BYUNG BAR RIG BYA YIN PA'I PHYIR, DE CHOS CAN, 'BRAS BU'I DON DANG LDAN TE, RNAM PA KUN MKHYEN PA NYID THOB BAR BYED PA'I PHYIR, BYED LAS DANG LDAN TE, SEMS CAN THAMS CAD PHAN @199A *, ,BDE LA 'GOD, GZHAN DON GYI DKA' SPYAD LA SKYO BA MED PAR BYED PA'I PHYIR, YON TAN DU MA DANG LDAN TE, SPANG BYA LAS NGES PAR 'BYUNG, TSOGS GNYIS STON PA'I YON TAN DANG LDAN PA'I PHYIR, DBYE NA GNYIS YOD DE, RAGS PA BRDA BYUNG DANG, PHRA BA CHOS NYID KYI THOB PA GNYIS YOD PA'I PHYIR, BLO LDAN RNAMS KYI SKYABS 'GRO 'DI NI THEG DMAN GYI SKYABS 'GRO LAS MCHOG TU GYUR PA YIN TE, SGRUBS ZIN PA'I PHYIR TE, DE NYID LAS, 'DI NI DNGOS PO 'JIG PAS KHAS LEN DE YANG SNYING BRTZE LAS RIG BYA, ,DE LA RNAM PA KUN MKHYEN PHAN DANG BDE BYED BKAG LA SKYOB MED, ,NGES PAR 'BYUNG LA THEG PA KUN GYIS STON PA'I YON TAN RTAG TU LDAN, ,BRDA DANG CHOS NYID THOB PA BLO LDAN RNAMS KYI SKYABS 'GRO 'DI MCHOG YIN, ZHES GSUNGS PA'I PHYIR, GSUM PA NI, THEG PA CHEN PO LA SKYABS SU SONG BA 'DI CHOS CAN, RANG DON GYI CHE BA DANG LDAN TE, TSAD MED PA'I YON TAN 'PHEL BAR 'GYUR BA'I PHYIR, GZHAN DON GYI CHE BA DANG LDAN TE, 'GRO BA LA SNYING RJE'I BSAM PAS KHYAB PAR BYED PA'I PHYIR, SBYOR BA'I YON TAN DANG LDAN TE, MTSUNGS PA MED PA'I 'PHAGS PA CHEN PO'I CHOS RGYAS PAR MDZAD PA'I PHYIR TE, DE NYID LAS, SKYABS SU 'GRO BA 'DIR SONG DON CHEN TE, ,DE NI TSAD @199B MED YON TAN TSOGS 'PHEL 'GYUR, ,'GRO BA 'DI LA SNYING RJE'I BSAM PAS KHYAB, ,MTSUNGS MED 'PHAGS CHEN CHOS KYANG RGYAS PAR BYED, ,CES GSUNGS PA'I PHYIR, GSUM PA LA, YUL GANG LA, RGYU GANG LA, RTEN NAS SKYABS SU 'GRO BA'I TSUL, SKYABS SU SONG BA'I PHAN YON, SKYABS SU SONG NAS BSLAB PAR BYA BA'I RIM PA DANG GSUM, DANG PO NI, GROL BA DON GNYER RNAMS KYI BLA NA MED PA'I SKYABS GNAS MTHAR THUG PA NI DKON MCHOG RIN PO CHE RNAM PA GSUM YIN TE, DE LTAR DU YID CHES PA'I LUNG LA BRTEN NAS 'GRUB PA'I PHYIR TE, MDO SDE RGYAN LAS, 'JIGS PAS SKRAG PA'I MI RNAMS NI, ,PHAL CHER RI DANG NAGS TSAL DANG, ,KUN DGA' DANG NI MCHOD GNAS KYI, ,LJON SHING RNAMS LA SKYABS 'GRO STE, ,SKYABS DE GTZO BO MA YIN ZHING, ,SKYABS DE MCHOG GYUR MA YIN LA, ,SKYABS DE LA NI BRTEN NAS KYANG, ,SDUG BSNGAL KUN LAS MI GROL GYIS, ,GANG TSE GANG ZHIG SANGS RGYAS DANG, ,CHOS DANG DGE 'DUN SKYABS SONG LA, ,SDUG BSNGAL SDUG BSNGAL KUN BYUNG DANG, ,SDUG BSNGAL YANG DAG 'DAS PA DANG, ,'PHAGS LAM YAN LAG BRGYAD BDE BA, ,MYA NGAN 'DAS PAR 'GRO 'GYUR DANG, ,'PHAGS PA'I BDEN PA BZHI PO DAG ,SHES RAB KYIS NI BLTA BYED PA, ,SKYABS DE GTZO BO YIN PA STE, ,SKYABS DE @200A *, ,MCHOG TU GYUR PA YIN, ,SKYABS DE LA NI BRTEN NAS KYANG, ,SDUG BSNGAL KUN LAS GROL BAR GYUR, ,ZHES MDZOD 'GREL DU DRANGS PA LAS GSUNGS PA'I PHYIR DANG, SPYOD 'JUG LAS, DE BAS RGYAL BA 'GRO BA'I MGON, ,'GRO BA SKYOB PA'I DON BRTZON PA, ,STOBS CHEN 'JIG PA KUN SEL BA, ,DE RING NYID NAS SKYABS SU MCHI, ,DE YI THUGS SU CHUD PA'I CHOS, ,'KHOR BA'I 'JIGS PA SEL BA DANG, ,BYANG CHUB SEMS DPA'I TSOGS LA YANG, ,DE BZHIN YANG DAG SKYABS SU MCHI, ,ZHES DANG, BSTOD PA BRGYA LNGA BCU PA LAS KYANG, ,GANG ZHIG LA NI NYES PA KUN, ,GTAN NAS YONGS YE MI MNGA' ZHING, GANG LA RNAM PA THAMS CAD DU, ,YON TAN THAmD LDAN GYUR PA, GAL TE SEMS SHIG YOD NA NI, DE NYID LA NI SKYABS 'GRO ZHING, ,DE BSTOD DE NI BKUR BA DANG, ,DE YI BSTAN LA GNAS PA'I RIGS, ZHES DANG, SKYABS 'GRO BDUN CU PA LAS KYANG, ,SANGS RGYAS CHOS DANG DGE 'DUN NI, ,THAR PA 'DOD PA RNAMS KYI SKYABS, ,ZHES DANG, RJE BTZUN GYI GZHUNG RNAMS LAS KYANG RGYAS PAR GSUNGS PA'I PHYIRO, DES NA DKON MCHOG GSUM PO CHOS CAN, GROL BA DON GNYER GYI SKYABS SU 'OS TE, RANG NYID 'JIGS PA MTHA' DAG LAS GROL, GZHAN 'JIGS PA MTHA' DAG LAS SGROL PA'I THABS LA MKHAS, , @200B THUGS RJE CHEN PO NYE RING MED PA KUN LA 'JUG ,LUS CAN THAmD KYI MGON SKYABS DANG DPUNG GNYEN DAM PA MDZAD PA'I PHYIR, SKYABS SU 'GRO BA'I RGYU NI BZHAG TU YOD DO, RANG NYID SDUG BSNGAL MTHA' DAG GIS 'JIGS SHING, DKON MCHOG GSUM LA DE LAS SKYOB PA'I NUS PA YOD PAR RTOGS PA NI SKYABS 'GRO'I RGYU PHUN TSOGS YIN PA'I PHYIR TE, DE LA BRTEN NAS SKYABS SU 'GRO BA'I BLO GDON MI ZA BAR 'BYUNG BA'I PHYIR, JI LTAR SKYABS SU 'GRO BA'I TSUL BZHAG TU YOD DE, RGYU GNYIS PO 'DI LA BRTEN NAS DKON MCHOG GSUM LA BSAM PA THAG PA NAS SKYOB PAR YID KYIS DAM BCA' ZHING, KHAS LEN PA NYID NI SKYABS SU 'GRO BA YIN TE, SPYOD 'JUG LAS, BDAG NI 'JIGS PAS RNAM SKRAG PAS, ,KUN TU BZANG LA BDAG NYID 'BUL, 'JAM PA'I DBYANGS LA BDAG NYID KYIS, ,BDAG GIS LUS NI DBUL BAR BGYI, , THUGS RJES SPYOD PA MA 'KHRUL BA'I, SPYAN RAS GZIGS MGON DE LA YANG, ,NYAMS THAG NGA ROS 'O 'DOD 'BOD, ,SDIG LDAN BDAG LA SKYABS SU GSOL, ,'PHAGS PA NAM MKHA'I SNYING PO DANG, ,SA YI SNYING PO DAG DANG NI, ,THUGS RJE CHE MGON THAMS CAD LA, ,SKYABS 'TSOL SNYING NAS 'O 'DOD 'BOD, ,GANG ZHIG MTHONG NA GSHIN RJE YI, ,PHO NYA LA SOGS SDANG BA RNAMS, ,SKRAG NAS PHYOGS BZHIN@201A *, ,'BYED MDZAD PA, RDO RJE CAN LA SKYABS SU MCHI, ,SNGON CHAD KHYED KYI BKA' LAS 'DAS, ,DA NI 'JIGS PA CHER MTHONG NAS, ,KHYED LA SKYABS SU MCHI LAGS KYIS, ,'JIGS PA MYUR DU BSAL DU GSOL, ,ZHES GSUNGS PA'I PHYIR, SDUG BSNGAL RNAMS 'JIGS PA'I GNAS SU MTHONG ZHING, DKON MCHOG LA DE LAS SKYOB PA'I NUS PA YOD PAR RTOGS PA'I SGO NAS DKON MCHOG GSUM SDUG BSNGAL SKYOB PA'I DPUNG GNYEN DU DAM BCA' BA DE, SKYABS 'GRO'I MTSAN NYID, DE LA NGO BO'I SGO NAS DBYE NA, LUS NGAG YID KYI SKYABS 'GRO GSUM, DMAN MCHOG GI SGO NAS DBYE NA, SKYES BU CHUNG DU 'BRING, CHEN PO'I SKYABS 'GRO DANG GSUM, SA MTSAMS KYI SGO NAS DBYE NA, RGYU DUS KYI SKYABS 'GRO DANG, 'BRAS DUS KYI SKYABS 'GRO GNYIS RAGS PA DANG PHRA BA'I SGO NAS DBYE NA, BRDA BYUNG GI SKYABS 'GRO DANG, CHOS NYID KYIS THOB PA'I SKYABS 'GRO GNYIS RNAMS SU YOD DO, ,DANG PO NI, LUS KYI PHYAG LTA BU, GNYIS PA NI, NGAG GI PHYAG LTA BU, GSUM PA NI, YID KYI PHYAG LTA BU, BZHI PA NI, RANG NYID NGAN SONG GI SDUG BSNGAL GYI SHIN TU 'JIGS PA'I SGO NAS DE LAS THAR BA'I PHYIR, DKON MCHOG LA SKYABS SU 'GRO BA LTA BU, @201B LNGA PA NI, RANG NYID 'KHOR BA'I SDUG BSNGAL MTHA' DAG LAS GROL BA'I PHYIR, DKON MCHOG GSUM LA SKYABS SU 'GRO BA LTA BU, DRUG PA NI, SNYING RJE CHEN POS KUN NAS SLANG STE SEMS CAN THAMS CAD SDUG BSNGAL MTHA' DAG LAS GROL BA'I PHYIR DKON MCHOG GSUM LA GSOL BA 'DEBS PA LTA BU'O, ,BDUN PA NI, LAM MA ZHUGS DANG, SLOB LAM GYI GNAS SKABS KYI SKYABS 'GRO LTA BU'O, ,BRGYAD PA NI, SANGS RGYAS KYI SA'I SKYABS 'GRO LTA BU'O, ,DGU PA NI, MKHAN SLOB SOGS GZHAN GYIS BSTAN PA'I RJE SU 'BRANG PA'I SKYABS 'GRO LTA BU, BCU PA NI, SNGON SKYABS 'GRO BYAS PA'I BAG CHAGS BLO BUR DU SAD PA'I STOBS KYIS BYUNG BA'I SKYABS 'GRO DANG, CHOS NYID RTOGS PA'I MTHU LAS BYUNG BA'I SKYABS 'GRO LTA BU STE, CHOS NYID KYIS THOB PA'I RGYU SNYOMS 'JUG GI BSAM GTAN BZHIN NO, ,SKYABS 'GRO LA LUS NGAG YID GSUM GYI SKYABS 'GRO YOD PA'I RGYU MTSAN YOD DE, DON GCIG NYID KYI PHYIR DU PHYAG 'TSAL BA, GSOL BA 'DEBS PA, SKYABS SU 'GRO BA RNAMS DON GCIG PA GANG ZHIG ,PHYAG LA LUS NGAG YID GSUM KA'I PHYAG YOD PA'I PHYIR, SKYABS 'GROL LA NGAG GI RNAM PAR RIG BYED NI YOD DE, NYAMS THAG NGA ROS 'O 'DOD 'BOD, ,SDIG LDAN BDAG LA SKYABS @202A *, ,SU GSOL, ZHES DANG, MDZOD 'GREL LAS KYANG, SKYABS SU 'GRO BA RNAMS KYI RANG BZHIN CI ZHE NA, NGAG GI RNAM PAR RIG BYED KYI NGO BO NYID DAG YIN PA'I PHYIR, ZHES GSUNGS PA'I PHYIR, SKYABS 'GRO LA KHAS LEN DANG, DAM BCA' GNYIS YOD DE, RGYAN LAS, 'DI NI DNGOS PO 'DOD PAS KHAS LEN DE YANG SNYING RTZE LAS RIG BYA, ZHES GSUNGS PA'I PHYIR, ` GNYIS PA NI, SKYABS SU SONG BA PHAN YON KHYAD PAR CAN DANG LDAN TE, SDIG LTUNG THAMS CAD 'JOMS PAR BYED PA, TSOGS GNYIS RLABS CHEN RDZOGS PAR BYED PA, NYER TSE THAMS CAD LAS SKYOB PA SO THAR GYI SDOM PA LA SOGS PA YON TAN GSAR DU THOB PAR BYED PA DANG THOB ZIN MI NYAMS PAR SPEL BA, RIGS SAD PAR BYED PA, BYANG CHUB MYUR DU THOB PA LA SOGS PA'I YON TAN DANG LDAN PA'I PHYIR, GSUM PA LA SO SO'I BSLAB BYA DANG, THUN MONG GI BSLAB BYA GNYIS, DANG PO LA DGAG PA'I BSLAB BYA NI, MYANG 'DAS KYI MDO LAS, GNAG ZHIG GSUM LA SKYABS 'GRO BA, ,DE NI YANG DAG DGE BSNYEN TE, ,NAM DU'ANG LHA NI GZHAN DAG LA, ,SKYABS SU SONG BA MA YIN NO, ,DAM PA'I CHOS LA SKYABS 'GRO BA, ,'TSE ZHING BSOD PA'I SEMS DANG BRAL, ,DGE 'DUN LA YANG SKYABS 'GRO BA, ,MU STEGS CAN DANG 'GROGS PA MIN, ,ZHES GSUNGS PA LTAR, LHA GZHAN LA SKYABS SU MI 'GRO BA DANG, ,SEMS CAN @202B LA GNOD 'TSE SPONG BA DANG, MU STEGS CAN DANG MI 'GROGS PA DANG GSUM MO, ,DANG PO NI, 'JIG RTEN PA'I LHA DRAG PO DANG KHYAB 'JUG SOGS LA YANG PHUGS KYI SKYABS SU MI 'DZIN NA, YI DVAGS SU GYUR PA'I GZHI BDAG DANG, LHA KLU SOGS LA LTA CI SMOS, DE YANG SKYABS GSUM LA YID MA CHES NAS DE DAG LA BLO 'GEL MI RUNG BA YIN GYIS, DE DAG LA 'PHRAL GYI CHOS LDAN GYI BYA BA 'GA' ZHIG GI GROGS 'CHOL BA MI RUNG BA MIN TE, DPER NA SBYIN BDAG LA 'TSO BA'I GROGS 'CHOL BA DANG, SMAN PA LA NAD GSO BA'I RE LTOS 'CHA' BA BZHIN NO, GNYIS PA NI, SEMS CAN LA BRDEG PA DANG, 'CHING BA DANG, GO RAR ZHUGS PA DANG, RNA 'BIGS PA, MI THEG BZHIN DU 'GEL BA SOGS BSAM PA DANG SBYOR BAS GNOD 'TSE SPONG BA'O, ,GSUM PA NI, DKON MCHOG GSUM LA SKYABS SU YID MI CHES SHING BKUR BA 'DEBS PA RNAMS DANG MTHUN PAR MI BYED PA'O, ,SGRUB PA'I BSLAB BYA NI, BSHES SPRING LAS, JI LTAR BDE GSHEGS SKU GZUGS SHING LAS KYANG, ,BGYID PA CI 'DRA'ANGS RUNG STE MKHAS PAS MCHOD, ,CES GSUNGS PA LTAR, DKON MCHOG DNGOS DANG RJES SU MTHUN PA RNAMS LA, MA DAD PA'I BSAM PA SPANGS PA'I SGO NAS LUS NGAG YID GSUM GYIS PHYAG DANG MCHOD PA SOGS LA BRTZON PAR BYED DGOS TE, DE LTAR BYAS PA @203A *, ,LAS BSOD NAMS DPAG MED THOB CING, SKYON BRJOD CUNG ZAD BYAS PAS KYANG SDUG BSNGAL SNA TSOGS MYONG BAR 'GYUR BA'I PHYIR TE, LUNG RNAM 'BYED LAS, SHED BU SER SKYAS SLOB PA DANG, MI SLOB PA'I DGE 'DUN RNAMS LA GLANG PO'I MGO CAN KHYOD KYIS CHOS SAm CHOS MIN PA CI SHES ZHES PA SOGS DAN SMRAS MI 'DRA BA BCO BRGYAD BYAS PAS, MGO NYAN MI 'DRA BA BCO BRGYAD YOD PA'I CHU SRIN NYA'I RIS SU SKYES TE, STON PA 'OD SRUNG GI DUS NAS, SH'AKYA'I RGYAL PO'I BAR DU DUD 'GROR SKYES PAR GSUNGS PA DANG, LUNG PHRAN TSEG LAS STON PA 'KHOR BA 'JIG MYA NGAN LAS 'DAS RJES SU RGYAL PO MDZES LDAN GYI MCHOD RTEN CHEN PO GCIG BYED DU BCUG PA NA, GLA MI GCIG GIS 'DI LTA BU'I MCHOD RTEN NAM ZIN PAR 'GYUR MA SHES SO, ,ZHES BYAS PA LA, PHYIS LEGS PAR ZIN PA NA 'GYOD DE; GLA RNGAN GYIS GSER GYI DRIL BU BYED DU BCUG STE, MCHOD RTEN LA BTAGS PAS, MDOG DAN ZHING LUS CHUNG LA, SKAD SNYAN PA'I SNYAN PA BZANG LDAN DU SKYES PA GSUNGS PA'I PHYIR, LHAG PAR DU, DGE 'DUN NAM, RAB BYUNG GI RTAGS TZAM 'DZIN PA LA YANG MI BSHES SHING MI SNYAN PA DANG, KHYED DANG NGED TSO ZHES RIS SU BCAD NAS DGRAR LTA BA RNAM PA THAMS CAD DU MI BYA BA, DGE 'DUN DKON MCHOG @203B LTAR GUS PAR BYA STE, LHAG BSAM BSKUL BA LAS, YON TAN 'DOD PA NAGS NA GNAS PA YI, ,PHA ROL DAG GI SKYON LA LTA MI BYA, ,BDAG NYID KHYAD PAR 'PHAGS SHING BDAG MCHOG CES, ,DE MNYAM DU NI SEMS BSKYED MI BYA'O, ,RGYAGS 'DI BAG MED KUN GYI RTZA BA STE, ,DGE SLONG DMAN LA BRNYAS PAR YONGS MI BYA, ,BSKAL PA GCIG GI THAR PA THOB MI 'GYUR, ,'DI NI BSTAN PA 'DI LA GO RIM YIN, ,ZHES GSUNGS PA'I PHYIR, RANG NYID DKON MCHOG LA GUS PA DE TZAM DU, 'GRO BA RNAMS KYANG RANG RE LA CHE CHER GUS PAR 'GYUR TE, TING NGE 'DZIN RGYAL PO LAS, CI 'DRA BA YI LAS BYAS PAS, ,'BRAS BU DE 'DRA THOB PAR 'GYUR, ,ZHES GSUNGS PA'I PHYIR, GNYIS PA NI, DKON MCHOG GSUM RANG GI SROG LAS KYANG GCES PAR GZUNGS PA'I SGO NAS RGYUN LDAN DU DRAN PA DANG, ,PHYAG DANG SKOR BA SOGS KYIS MCHOD PA DANG, MA DAD PA'I SEMS RMI LAM TZAM DU YANG MI 'BYUNG BA LA BSLAB PAR BYA STE, DE LTAR BYAS PAS BDE LEGS THAMS CAD KYI GZHI TSUGS PA'I PHYIR TE DE SKAD DU YANG, SKYE RGU 'JIG RUNG 'KHOR BA'I GA-YANG SA RU, ,GROGS MED GCIG PUR KUN TU RGYUG PA NA; DKON MCHOG GSUM DANG 'DRA BA'I SKYABS GZHAN MED, ,DE PHYIR BSAM PA THAG PAS SKYABS SU SONG, ,ZHES BRTZE BA CHEN POS GSUNGS SO, ,BZHI PA RTZOD PA SPANGS PA NI, THEG CHEN DGRA BCOM PA DE DGE 'DUN @204A *, ,DKON MCHOG MA YIN PAR THAL, DGE 'DUN LA SANGS RGYAS DKON MCHOG GI KHONGS SU GTOGS PA NYID KYIS DGRA BCOM PA MA GTOGS, ZHES SOGS GSUNGS PA'I PHYIR, ZHE NA MKHYAB PAR THAL, THEG CHEN DGRA BCOM PA DE SNGAR SANGS RGYAS DKON MCHOG GI KHONGS SU BGRANGS ZIN PA'I RGYU MTSAN GYI SKABS 'DIR DGE 'DUN DKON MCHOG GI KHONGS SU MA BGRANGS PA BSTAN PA TZAM YIN PA'I PHYIR GZHAN YANG, TSOGS KYANG DE YI MTHAR THUG PHYIR, ZHES SOGS KYI GZHUNG DON MA GRUB PAR THAL, SANGS RGYAS KYI SA NA DKON MCHOG GSUM MED PA'I PHYIR, ,RTAGS KHAS, 'BRAS DUS KYI DKON MCHOG GSUM THOB PAR BYED PA'I NYER LEN GYI GZHI KHAMS BDE BAR GSHEGS PA'I SNYING PO, ,LHAN CIG BYED RKYEN LA BYANG CHUB YON TAN, RGYAL BA'I MDZAD PA 'PHRIN LAS GSUM, ,RGYUD BLA MA SOGS LAS BSHAD PA MI 'THAD PAR THAL, 'BRAS DUS KYI DKON MCHOG GSUM MED PA'I PHYIR, ,RTAGS KHAS, 'DOD MI NUS PAR THAL, RGYUD BLA RTZA 'GREL THAMS CAD DANG DNGOS SU 'GAL BA'I PHYIR, GZHAN YANG, THEG DMAN DGRA BCOM PA DE DGE 'DUN DKON MCHOG MA YIN PAR THAL, THEG CHEN DGRA BCOM PA DGE 'DUN DKON MCHOG MA YIN PA'I PHYIR, RTAGS KHAS, 'DOD NA, MTSON BYED DPE'I DGE 'DUN DKON MCHOG @204B MED PAR THAL, 'DOD PA'I PHYIR, GZHAN YANG, SANGS RGYAS DKON MCHOG DANG CHOS DKON MCHOG 'GAL BAR THAL, SANGS RGYAS DKON MCHOG DANG DGE 'DUN DKON MCHOG 'GAL BA'I PHYIR, RTAGS KHAS, 'DOD MI NUS TE, MTHAR THUG GI CHOS DKON MCHOG YIN NA, SANGS RGYAS DKON MCHOG YIN DGOS PA'I PHYIR TE, SANGS RGYAS YIN NA, SANGS RGYAS DKON MCHOG YIN DGOS PA'I PHYIR, KHA CIG LHAG MED KYI MYANG 'DAS DE SKYABS GNAS MA YIN PAR THAL, SKYABS NI SANGS RGYAS NYAG GCIG YIN, ZHES GSUNGS PA'I PHYIR, ZHE NA MA KHYAB PAR THAL, DE NI MTHAR THUG GI SKYABS LA DGONGS PA YIN PA GANG ZHIG ,LHAG MED KYI MYANG 'DAS DE MTHAR THUG GI SKYABS SU 'OS PA YANG MA YIN, ,GNAS SKABS KYI SKYABS SU MI 'OS PA YANG MA YIN PA'I PHYIR TE, MED PA NI SKYABS SAM SKYABS MA YIN PAR 'GYUR BA NI 'OS PA MIN NO,, ZHES GSUNGS PA'I PHYIR, KHA CIG NA RE, LAM BDEN CHOS CAN, SKYABS MA YIN PAR THAL, RDZUN BA SLU BA'I CHOS CAN YIN PA'I PHYIR, KHYAB STE, GANG RDZUN PA SLU BA'I CHOS CAN DE NI SKYABS MA YIN NO ZHES GSUNGS PA'I PHYIR, SA BCU PA LA GNAS PA'I BYANG SEMS CHOS CAN, SKYABS GNAS MA YIN PAR THAL, ,DE BZHIN GSHEGS PA LA NGES PAR SKYABS SU 'GRO BA'I PHYIR, KHYAB STE, SKYABS NI SKYABS 'TSAL BAR @205A *, ,'OS BA MIN NO, ,ZHES GSUNGS PA'I PHYIR, ZHE NA, DE GNYIS LA KHYAB PA MED PAR THAL, GZHUNG DE RNAMS KYIS GNAS SKABS DANG MTHAR THUG GI SKYABS KYI KHYAD PAR GSAL BAR BSTAN PA'I PHYIR, GZHAN YANG, RNAM MKHYEN CHOS CAN, SKYABS MA YIN PAR THAL, RDZUN PA SLU BA'I CHOS CAN YIN PA'I PHYIR, 'KHOR GSUM, GZHAN YANG, THEG PA GSUM DANG BYED GSUM LA; MOS PA RNAMS KYI DBANG BYAS NAS, ,SKYABS GSUM RNAM PAR BZHAG PA YIN, ,ZHES GSUNGS PA MI 'THAD PAR THAL, DKON MCHOG GSUm PO GANG RUNG YIN NA, ,SKYABS GNAS YIN MI DGOS PA'I PHYIR, RTAGS KHAS, KHA CIG NA RE, SANGS RGYAS KYI SA NA SKYABS 'GRO MED PAR THAL, DE BZHIN GSHEGS PA RNAMS KYI SKYABS GNAS MED PA'I PHYIR TE, DE BZHIN GSHEGS PA RNAMS NI MTHAR THUG GI SKYABS GNAS YIN PA'I PHYIR, KHYAB PAR THAL, SKYABS NI SKYABS 'TSOL BAR 'OS PA MIN, ZHES GSUNGS PA'I PHYIR, ZHE NA MA KHYAB PAR THAL, RANG NYID SDUG BSNGAL GYI 'JIGS PA'I SGO NAS SKYABS GZHAN LA BRTEN MI DGOS PA LA DGONGS PA'I PHYIR, GZHAN YANG, DE BZHIN GSHEGS PA RNAMS KYI SKYABS GNAS SU GYUR PA'I SLOB DPON MED PAR THAL, DE BZHIN GSHEGS PA RNAmS @205B KYI SKYABS GNAS MED PA'I PHYIR, 'DOD NA, DE BZHIN GSHEGS PA RNAMS KYI SLOB DPON MED PAR THAL, 'DOD PA'I PHYIR, 'DOD MI NUS STE, BLA MA LNGA BCU PA LAS, DBANG BSKUR MCHOG THOB RDO RJE YI, , SLOB DPON LA NI DE BZHIN GSHEGS, ,PHYOGS BCU'I 'JIG RTEN KHAMS BZHUGS PAS, ,DUS GSUM DU NI SNGON PHYAG 'TSAL, ,ZHES GSUNGS SHING, DE'I DON, SLOB DPON DE LA NI SHAR LA SOGS PA'I PHYOGS BCU NA BZHUGS PA'I DE BZHIN NYID JI LTA BA BZHIN DU GSHEGS SHING THUGS SU CHUD PA'I DE BZHIN GSHEGS PA RNAMS KYIS KYANG DUS SNGA DRO DANG GUNG DANG, PHYI DRO'I THA MA'I MTHUN MTSAMS SU BYON NAS PHYAG 'TSAL BAR BYED NA, ,DE LAS GZHAN PA'I SLOB MA RNAMS KYI LTA CI SMOS, ,ZHES BLA MA LA GUS PAR DGOS PA'I RGYU MTSAN BSTAN PA'O, ,ZHES RGYAL BA TZONG KHA PA CHEN POS GSUNGS PA'I PHYIR, GZHAN YANG, DE BZHIN GSHEGS PA RNAMS KYI BSTOD PHYAG GI YUL MED PAR THAL, ,DE BZHIN GSHEGS PA RNAmS KYI SKYABS GNAS MED PA'I PHYIR, RTAGS KHAS SO, ,'DOD MI NUS PAR THAL, DAM PA'I CHOS NI DE BZHIN GSHEGS PA RNAMS KYI 'ANG BSTOD PHYAG GI YUL YIN PA'I PHYIR TE, DE BZHIN GSHEGS PA RANG NYID KYI GDAN SENG+GE'I KHRI BSHAMS PA'I SGO NAS SHER@206A *, ,PHYOGS KYI MDO SDE RIN PO CHE GSUNGS PA'I PHYIR, KHYAB STE, DAM PA'I CHOS NI DE BZHIN GSHEGS PA RNAMS KYI BSTOD PHYAG GI GNAS SU GO BA'I PHYIR, DE LTAR DU MDZAD NAS DAM PA'I CHOS GSUNGS PA YIN NO, ,ZHES SNGON GYI DAM PA RNAMS KYIS GSUNGS PA'I PHYIR, GZHAN YANG SANGS RGYAS KYI SA NA SO THAR GYI SDOM PA MED PAR THAL, DES NA SKYABS 'GRO MED PA'I PHYIR, RTAGS KHAS, KHYAB STE MDZOD 'BREL LAS, SKYABS SU 'GRO BA NYID NI SDOM PA YANG DAG BLANGS PA THAMS CAD LA SGOR GYUR PA'O, ,ZHES GSUNGS PA'I PHYIR, GZHAN YANG, SANGS RGYAS KYI SA NA SKYABS 'GRO YOD PAR THAL, SANGS RGYAS KYI SA NA DKON MCHOG GSUM PO DE NYID 'JIGS PA MTHA' DAG LAS SKYOB PA'I MGON SKYABS DAM PAR KHAS LEN ZHING DAM BCA' BA YOD PA'I PHYIR, KHYAB STE, 'DI NI DNGOS PO 'DOD PAS KHAS LEN DE YANG SNYING BRTZE LAS RIGS BYA, ,ZHES GSUNGS PA'I PHYIR, GNYIS PA GZHUNG DON NI, SANGS RGYAS BCOM LDAN 'DAS KYI MDO LAS, GZUGS LA RNAM PA THAMS CAD MKHYEN PA NYID CES SBYOR BAR MI BYED DE GZUGS NYID YANG DAG PAR RJES SU MI MTHONG, ZHES SOGS RGYA CHER GSUNGS PA'I PHYIR, 'DIR SANGS RGYAS LA SOGS DKON MCHOG GSUM, ,ZHES GSUNGS PA'I DGE @206B 'DUN DKON MCHOG 'CHAD PAR BYED PA LA, GZHUNG 'DI GSUNGS, NGAG DON SGRIL NA, BYANG CHUB SEMS DPA' SEMS DPA' CHEN PO GANG NAS SHI 'PHOS NAS 'DIR SKYES PA LAGS, ZHES SOGS KYI MDO CHOS CAN, DGE 'DUN DKON MCHOG LA GDAMS PA YIN TE, DGE 'DUN DKON MCHOG BDEN STONG DU RTOGS PA'I CHA NAS DE NYID LAM BSGRUB PA'I GROG SU BSTEN ZHES GDAMS PA'I PHYIR, DE LTAR GDAMS PA CHOS CAN, DGOS PA YOD DE, DGE 'DUN DKON MCHOG LA BDEN ZHEN DGAG PA'I CHED YIN PA'I PHYIR, 'DIR BSTAN GYI DGE 'DUN DKON MCHOG DE LA NYI SHUR YOD DE, DE LA RGYUN ZHUGS ZHUGS PA DBANG RTUL DAD PA'I RJES 'BRANG GI MING CAN GYI BYANG SEMS NAS, BSE RU RANG SANGS RGYAS KYI MING CAN GYI BYANG SEMS 'PHAGS PA'I BAR RNAMS SU YOD PA'I PHYIR, 'DIR DNGOS BSTAN GYI DGE 'DUN DKON MCHOG DE BDUN DU YANG BSDUS TE, 'DIR DNGOS BSTAN GYI DGE 'DUN DKON MCHOG DE NI 'BRAS GNAS GSUM GYI MING CAN, ZHUGS PA BZHI'I MING CAN GYI BYANG SEMS 'PHAGS PA'I NANG DU BSDUS PA'I PHYIR, THEG CHEN DGRA @207A *, ,BCOM PA CHOS CAN, 'DIR DGE 'DUN DKON MCHOG GI KHONGS SU MA BGRANGS PA'I RGYU MTSAN YOD DE, SNGAR SANGS RGYAS DKON MCHOG GI KHONGS SU GTOGS PAR BGRANGS ZIN PA'I PHYIR, KHYAB STE, BRTAGS ZIN MA THAGS PA LA DGOS PA MED PA'I PHYIR, ` SHA'I DANG, RNAM PAR SMIN PA, ZHES SOGS KYI SKABS SU, SPYI DON DANG, GZHUNG DON GNYIS, DANG PO LA MTSAN NYID, DBYE BA, SA MTSAMS, RGYUD LA SKYES PA'I DGOS PA; RTZOD PA SPANGS PA DANG LNGA, DANG PO NI, RANG GI BDAG RKYEN DU GYUR PA'I DNGOS GZHI'I SEMS LA BRTEN NAS RANG YUL MNGON SUM DU MTHONG BAS RAB TU PHYE BA'I MKHYEN PA'O, ,GNYIS PA LA SHA'I SPYAN, RNAM PAR SMIN PA LAS BYUNG BA'I LHA'I SPYAN, SHES RAB KYI SPYAN, CHOS KYI SPYAN, SANGS RGYAS KYI SPYAN DANG LNGA, DANG PO NI, SPYAN GANG ZHIG ,SHA'I MIG LA BRTEN NAS BYUNG BA, GNYIS PA NI, LHA'I MIG LA BRTEN NAS BYUNG BA, GSUM PA NI, RANG GI BDAG RKYEN DU GYUR BA'I TING NGE 'DZIN TZAM LAS BYUNG ZHING, PHYI MA GNYIS KYANG 'DI DANG 'DRA'I, ,SNGA MA'I BDAG RKYEN DU GYUR PA'I MIG GI DBANG PO NI 'DOD PA'I SAS BSDUS PA'I MIG GI DBANG PO DANG 'DRA LA, PHYI MA'I BDAG RKYEN DU GYUR BA'I MIG DBANG NI, GZUGS KYI SAS BSDUS PA'I MIG GI DBANG PO DANG 'DRA BAR 'OD KYI RANG BZHIN LAS MA 'DAS PA 'DRA STE, GZHAN DU NA 'DI GNYIS LA KHYAD PAR MED PAR THAL @207B BA'I SKYON YOD PA'I PHYIR SNYAM DU SEMS SO, ,GSUM PA NI, DANG PO TSOGS LAM, GNYIS PA SBYOR LAM, GSUM PA MTHONG LAM MNYAM BZHAG ,BZHI PA MTHONG LAM RJES THOB, LNGA PA SA BRGYAD PA NAS RJES MTHUN PA YOD LA, MTSAN NYID PA SANGS RGYAS KYI SA KHO NA NA YOD DO, ,ZHES PHAL CHER GSUNGS LA, LHA'I MIG TSOGS LAM NAS 'THOB PA LA SKYON MED LA, SA BDUN PA'I YONGS SBYONGS KYI SKABS SU, SANGS RGYAS KYI SPYAN THOB PAR GSUNGS PAS RJES MTHUN PA DE NAS ZHES LEGS BSHAD GSER 'PHRENG LAS GSUNG SO, ,BZHI PA NI SPYAN LNGA RGYUD LA SKYES PA CHOS CAN, DGOS PA YOD DE, THEG CHEN GYI SGRUB PA NYAMS SU LEN PA DE LA; GZHAN GYI DRING LA MI 'JOG PAR MYUR DU 'ANG 'JUG PAR 'GYUR BA'I DGOS PA YOD PA'I PHYIR, ,SPYAN LNGA LA BRTEN NAS DE LTAR 'GYUR BA'I RGYU MTSAN YOD DE, ,DE LA BRTEN NAS THEG CHEN GYI SGRUB PA NYAMS SU LEN PA'I MTHUN RKYEN BRTEN TSUL, DAG LA RKYEN SPONG TSUL RANG STOBS KYIS BDE BLAG TU RTOGS PAR 'GYUR BA'I PHYIR, THEG CHEN GYI SGRUB PA NYAMS SU LEN PAR BYED PA'I MTHUN RKYEN LA RNAM PA DU MA DGOS TE, BSHES SPRING LAS, MTHUN PAR GYUR PA'I YUL NA GNAS PA DANG, ,SKYES BU DAM PA LA NI BRTEN PA DANG, ,BDAG GI LEGS SMON SNGON YANG BSOD NAMS KYI, ,'KHOR LO CHEN PO BZHI NI KHYOD LA MNGA', ,ZHES DANG, RGYAN LAS, @208A *, ,BLO LDAN GANG DU SGRUB PA'I YUL, ,LEGS PAR RNYED DANG GNAS BZAD DANG, ,SA BZANG BA DANG GROGS BZANG DANG, ,RNAL 'BYOR BDE BA'I YO BYAD LDAN, ,ZHES DANG, DE'I 'GREL BAR, DE LA MTHUN PA'I YUL NA GNAS PA LA SOGS PA 'KHOR LO BZHIS BAG YOD PAR BYA BA STON TE, DE LA TSIGS SU BCAD PA DANG PO 'DIS NI, MTHUN PA'I YUL DU GNAS PAR STON TE, ,LEGS PAR RNYED PA NI CHOS GOS DANG, BSOD SNYOMS LA SOGS PA 'TSO BA'I YO BYAD RNAMS TSEGS CHUNG DUS RNYED PA'I PHYIR, ,GNAS BZANG BA NI, RKUN PO LA SOGS PA SKYE BO NGAN PA DAG MI GNAS PA'I PHYIR, SA BZANG BA NI, NAD MED PA'I SA YIN PA'I PHYIR RO, , GROGS BZANG BA NI, GROGS TSUL KHRIMS DANG LDAN PA MTHUN PA YIN PA'I PHYIR RO, ,RNAL 'BYOR BDE BA NI, NYIN PAR 'DU 'DZI NYUNG ZHING, LJAN LJIN NYUNG BA'I PHYIR DANG, MTSAN MO DGRA CHUNG BA LA SOGS PA'I PHYIR RO, ,ZHES DANG, SKYES BU DAM PA LA BRTEN TSUL NI, RGYAL LAS, BYANG CHUB SEMS DPA' THOS MANG DANG, ,BDEN MTHONG SMRA MKHAS BRTZE BA CAN, ,SKYO MED SKYES PU DAM PA NI, ,CHEN PO YIN PAR SHES PAR BYA, ,ZHES GSUNGS PA'I YON TAN RNAMS DANG LDAN PAR BRTEN PA'O, ,SMON LAM BTAB TSUL NI, RGYAN LAS, DMIGS PA BZANG DANG STON PA BZANG, THABS BZANG BA DANG NGES 'BYUNG DANG, SBYOR BA BZANG PO BDAG NYID @208B KYIS; YANG DAG SMON LAM YIN PAR BSHAD, CES BSHAD PAS DMIGS PA BZANG PO THEG CHEN LA DMIGS, STON PA BZANG PO TSOGS GNYIS SPEL, THABS BZANG PO ZHI LHAG BSGOM, NGES 'BYUNG BZANG PO CUNG ZAD TZAM GYIS CHOG PAR MI 'DZIN, SBYOR BA BZANG PO BDAG NYID KYI RTAG SBYOR DANG GUS SBYOR RGYUN DU BSTEN PA'I PHYIR, SNGON BSOD RNAMS BSAGS PA'I TSUL NI, RGYAN LAS, DGA' DANG DAL BAR SKYE BA DANG, NAD MED PA DANG TING NGE 'DZIN, RNAM PAR 'BYED PA'I BYED RGYU NI, SNGON CHAD BSDOS NAM BYAS PA NYID, ,CES DANG, 'GREL BAR, BZHI PO 'DIS NI RGYU RNAM PA LNGAS SNGON BSOD NAMS BYAS PA NYID STON TE, DGA' BA'I RGYU NYID NI GANG GIS NA MI MTHUN PA'I YUL DU GNAS NA YANG DGA' BA YIN NO, ,DAL BAR SKYE BA'I RGYU NYID NI GANG GIS NA SKYES BU DAM PA LA BRTEN PA THOB PA YIN NO, ,NAD MED PA DANG, TING NGE 'DZIN DANG SHES RAB KYI RGYU NYID NI GANG GIS NA BDAG NYID KYI YANG DAG PA'I BSTOD PA 'GRUB PA YIN NO, ,ZHES BSHAD PA LTAR RO, ,BZHI PA RKYEN DANG BRAL BA'I TSUL NI, SNGAR BSHAD PA DE RNAMS DANG BRAL BA NGES PAR DGOS PA YIN NO, ,LNGA PA NI, SPYAN LA MKHYEN PAS KHYAB PA MED PAR THAL, DE BZHIN GSHEGS PA'I MIG RNAMS KYANG SANGS RGYAS KYIS SPYAN DU GSUNGS PA'I PHYIR, ZHE NA MA KHYAB PAR THAL, DE NI SPYAN BTAGS PA BA YIN PA'I PHYIR, DPER NA, MIG GI DBANG RTEN LA, MIG DBANG DU BTAGS PA BZHIN, @209A *, ,DE BZHIN GSHEGS PA'I MIG DBANG CHOS CAN, CHOS THAMS CAD MNGON SUM DU RTOGS PAR THAL, SANGS RGYAS KYI SPYAN YIN PA'I PHYIR, RTAGS KHAS, 'DOD MI NUS TE, GZUGS CAN YIN PA'I PHYIR, SHA'I MIG DE SHA'I SPYAN YIN PAR THAL, DE BZHIN GSHEGS PA'I MIG DE SANGS RGYAS KYI SPYAN YIN PA'I PHYIR, 'DOD NA, MIG YIN NA, SPYAN YIN PAS KHYAB PA YOD PAR THAL, ,'DOD PA'I PHYIR, KHA CIG ,SPYAN THOB NA PHYIN DRUG THOB PAS KHYAB PAR THAL ,MDO LAS, GANG DAG MIG LNGA THOB PAR 'DOD PA DANG, SBYANG BAR 'DOD PAS SHES RAB KYI PHA ROL DU PHYIN PA LA BSLAB PAR BYA'O, ,ZHES GSUNGS PA'I PHYIR, SNYAM NA MA KHYAB PAR THAL, SPYAN LNGA THOB PAR 'DOD PA RNAMS KYIS SBYIN SOGS DRUG LA BSLAB DGOS PAR BSTAN PA TZAM YIN PA'I PHYIR RO, ,GNYIS PA GZHUNG DON NI, SHER PHYIN GYI MDO LAS, BYANG SEMS KYI SHA'I MIG GI DPAG TSANG BRGYA MTHONG BA YOD DO, , ZHES SOGS RGYA CHER GSUNGS, DE'I DON, SPYAN LNGA DANG NI ZHES BSDUS LA, ,DE'I DGONGS PA 'GREL BA LA GZHUNG 'DI GSUNGS, NGAG DON BSGRIL NA, DE LTA BU'I MDO SDE CHOS CAN, SPYAN LNGA LA GDAMS TE, SPYAN LNGA YUL BCAS BDEN STONG DU RTOGS PA'I SGO NAS, SPYAN LNGA RGYUD LA BRTEN ZHES GDAMS PA'I PHYIR, SPYAN LNGA RGYUD LA BSTEN PA CHOS CAN, DGOS PA YOD DE, RANG DBANG DU THEG CHEN GYI SGRUB PA NYAMS LEN LA 'JUG PAR @209B 'GYUR BA'I DGOS PA YOD PA'I PHYIR, ,BYANG SEMS SO SO SKYE BO RNAMS KYI SHA'I SPYAN GYIS STONG GSUM TSUN CHAD KYI GZUGS LAS MI MTHONG BA'I RGYU MTSAN YOD DE, SEMS CAN RNAMS KYI THUN MONGS KYI LAS KYI BDAG 'BRAS LA STONG GSUM GCIG LAS MI GRUB PA GANG ZHIG ,BYANG SEMS SO SKYE'I SHA'I SPYAN DE NI RANG GI BDAG RKYEN DU GYUR PA'I MIG DBANG DE'I BDAG 'BRAS KYI YUL DU NGES PA'I PHYIR TE, NYI SNANG LAS, DE NI RNAM PAR SMIN PA LAS BYUNG BA NYID KYI YUL SO SOR NGES PA NYID YIN PA'I PHYIR, SHA'I MIG NI BDAG PO'I 'BRAS BU'I YUL CAN YIN LA, DE YANG STONG GSUM GYI STONG CHEN PO'I 'JIG RTEN GYI KHAMS KYIS BSDUS PA YIN PA'I PHYIR, ZHES GSUNGS SO, ,RDZU 'PHRUL DANG LHA'I RNA BA DANG, ZHES SOGS KYI SKABS SU, SPYI DON DANG, GZHUNG DON GNYIS, DANG PO LA, NGO BO RGYU 'BRAS, LAS LDAN, 'JUG PA'I RAB DBYE, MTHU'I CHE BRJOD, RTZOD SPANGS DANG BRGYAD, DANG PO LA, MTSAN NYID, DBYE BA, SA MTSAMS DANG GSUM, DANG PO NI, RANG GI BDAG RKYEN DU GYUR PA'I BSAM GTAN GYI DNGOS GZHI'I SEMS LA BRTEN NAS, RANG YUL MNGON SUM DU MTHONG BAS RAB TU PHYE BA'I RIG PA, GNYIS PA LA, LHA'I MIG GI MNGON PAR SHES PA, RNA BA'I, GZHAN SEMS SHES PA'I, SNGON GNAS RJES DRAN GYI, RDZU 'PHRUL GYI YUL SHES PA'I, ,ZAG PA ZAD PA'I MNGON SHES DANG DRUG YOD DE, RGYAN LAS, @210A *, ,SKYE DANG NGAG SEMS DGE DANG MI DGE SKYE, ,DE YI GNAS DANG 'BYUNG BA MNGON SUM GANG, ,SHES PA KUN 'GRO RAB TU DBYE BYAS LA, ,THOGS MED BSTAN PA THOB PA'I MTHU YIN NO, ,ZHES DANG DE'I 'GREL PAR, GZHAN DAG GI SKYE BA SHES PA NI, 'CHI 'PHO BA DANG SKYE BA DANG, MNGON PAR SHES PA MA YIN NO, ,DE DANG DE DAG TU SKYES PA RNAMS CI SMRA BA'I TSIG SHES PA DE NI LHA'I RNA BA'I MNGON PAR SHES PA YIN NO, ,SEMS SHES PA NI, SEMS KYIS RNAM GRANGS MNGON PAR SHES PA YIN NO, ,SNGON DGE BA DANG MI DGE BA SKYED PA SHES PA NI, SNGON GYI GNAS RJES SU DRAN PA'I MNGON PAR SHES PA YIN NO, ,GANG NA 'DUL BA DAG 'KHOD PA DE'I GNAS SU 'GRO BA SHES PA NI, RDZU 'PHRUL GYI YUL SHES PA'I MNGON PAR SHES PA YIN NO, ,JI LTAR SEMS CAN RNAMS SKYE BA LAS 'BYUNG BAR 'GYUR BA'I 'BYUNG BA SHES PA NI ZAG PA ZAD PA'I MNGON PAR SHES PA YIN NO, ,DE LTAR NA, 'JIG RTEN GYI KHAMS RNAMS THAMS CAD DU DON DRUG PO DE DAG RAB TU DBYE BA DANG BCAS PA LA SHES PA MNGON DU 'GYUR BA THOGS PA MED PA GANG YIN PA DE NI BYANG CHUB SEMS DPA' RNAMS KYI MTHU MNGON PAR SHES PAS BSDUS PA YIN NO, ,ZHES GSUNGS SO, GSUM PA NI, LAM MA BZHUGS NAS SANGS RGYAS KYI SA'I BAR NA YOD DO, , @210B LHA YI MIG NI THOB PAR 'GYUR, ,MCHOD RTEN MCHOD PA'I ROL MO DANG, ,DRIL BU DAG NI PHUL BA DANG, ,DUNG DANG RDA NI RAB PHUL BAS,, GNYIS PA LA THUN MONG GI RGYU, SO SO'I PHEN BYED KYI RGYU, 'GRUB BYED KYI RGYU DANG GSUM, DANG PO NI, MNGON PAR SHES PA THAMS CAD BSAM GTAN GYI DNGOS GZHI LA BRTEN DGOS PA YIN TE, KUN BTUS LAS, YON TAN 'DI RNAMS JI LTAR MNGON PAR 'GRUB CE NA, PHYI ROL PA'AM, NYAN THOS SAM, BYANG CHUB SEMS DPA' YANG RUNG STE, DAG PA'I BSAM GTAN BZHI LA BRTEN NAS TSAD MED PA RNAMS MNGON PAR 'GRUB BO, TSAD MED PA RNAMS JI LTA BAR MNGON PAR SHES PA LNGA YANG DE BZHIN NO, ,ZHES GSUNGS PA'I PHYIR, GNYIS PA NI, RIN CHEN PHRENG BA LAS, MCHOD RTEN MAR ME'I PHRENG BA DANG, MUN PA DAG TU SGRON ME DANG, ,MAR ME 'BRU MAR SBYIN PA YIS, ,LHA YI RNA BA THOB PAR 'GYUR, GZHAN GYI 'PHRUL BA MI GLENG ZHING, YAN LAG NYAMS PA RNAMS MI BRJOD, ,SEMS NI RJES SU BZUNG BAS NA, ,GZHAN GYI SEMS NI SHES PA THOB, ,LHA MA DANG BZHON PA BYIN PA DANG, ,NYAM THAG BKUR BAR BYAS PA DANG, ,BZHON PAS BLA MA BKUR BA YI, ,MKHAS PAS RDZU 'PHRUL THOB PAR 'GYUR, ,CHOS KYI CHED DANG DE BZHIN DU, ,GZHUNG GI DON DAG DRAN PA DANG, ,CHOS KYI SBYIN PA DRI MED PAS, ,TSE RAB DRAN PA THOB PAR 'GYUR, ,DNGOS RNAMS NGO BO NYID MED PAR, ,YANG DAG JI BZHIN YONGS SHES PAS, ,MNGON SHES DRUG PA ZAG PA KUN, ,ZAD PA'I MCHOG NI THOB PAR 'GYUR, ,ZHES GSUNGS@211A *, ,GSUM PA NI, BSAM GTAN BZHI PA'I DNGOS GZHI'I SEMS LA BRTEN NAS MI RTOG YE SHES KYIS BZUNGS TE, RANG RANG GI RNAM GNAS YID LA BYAS PAS MNGON PAR SHES PA DRUG MYUR DU GRUB PAR 'GYUR TE, RGYAN LAS, BSAM GTAN BZHI PA SHIN TU DAG THOB NAS, ,MI RTOG YE SHES YONGSU BZUNG BA DANG, ,JI LTAR RNAM GNAS YID LA BYED PA LAS, ,MTHU 'GRUB PA YI DAM PA THOB PAR 'GYUR, ,ZHES DANG, 'GREL BAR, RTEN GANG DANG, YE SHES GANG DANG, YID LA BYED PA GANG GIS MTHU DE YANG DAG PAR 'GRUB PA DE STON TO, ,ZHES GSUNGS, DE RNAMS KYI DON NI, BSAM GTAN GYI DNGOS GZHI'I SEMS LA BRTEN NAS SNANG BA'I GZUGS DANG, SGRA SKAD SNA TSOGS PA DANG, SEMS CAN GYI RNAM GRANGS MTHA' YAS PA DANG, SNGON GYI TSE RABS MTHA' YAS PA DANG, ,LUS YANG ZHING THOGS PA MED PA DANG, ,CHOS THAMS CAD BDAG MED PAR YID LA BYAS SHING BSGOM PAS MNGON SHES DRUG MYUR DU 'GRUB BO, ,GSUM PA 'BRAS BU NI, RGYAN LAS, GANG GI 'PHAGS DANG LHA DANG TSANGS PA YIS; GNAS PA DPE MED RGYA CHES RTAG TU GNAS, ,PHYOGS SU DE SONG SANGS RGYAS SEMS CAN DAG ,YANG DAG MCHOD BYED RNAM PAR DAG PA BSKYED, ,CES GSUNGS LA ,DON NI, 'PHAGS PA'I GNAS PA @211B RNAM THAR SGO GSUM, ,LHA'I GNAS PA BSAM BZUGS BRGYAD, ,TSANGS PA'I GNAS PA TSAD MED PA BZHI LA GNAS SHING, ,ZHING RAB 'BYAMS SU SEMS CAN GYI DON DU YANG DAG PAR RDZOGS PA'I SANGS RGYAS MCHOD PAR BYED PA DANG, SEMS CAN GYI SGRIB PA RNAM PAR DAG PAR BYED PA'I 'BRAS BU KHYAD PAR CAN DANG LDAN PA'O, ,BZHI PA NI, MNGON PAR SHES PA DRUG PO CHOS CAN, BYED LAS KHYAD PAR CAN DANG LDAN TE, MTHONG BA DANG STON PA'I BYED LAS, 'OD ZER 'GYED PA'I BYED LAS, RNAM PAR ROL BA DANG SPRUL PA'I BYED LAS, ZHING DAG PAR BYED PA'I BYED LAS DANG LDAN PA'I PHYIR, DANG PO GRUB STE, RGYAN LAS, CHAGS DANG 'JIG BCAS SEMS CAN BCAS PA YI, ,'JIG RTEN KHAMS KUN SGYU MA LTA BUR MTHONG, ,DBANG LDAN JI LTAR 'DOD BZHIN DE DAG DANG, ,RNAM PA SNA TSOGS DAG KYANG YANG DAG STON, ,ZHES GSUNGS PA'I PHYIR, GNYIS PA GRUB STE, RGYAN LAS, 'OD ZER BTANG BAS SHIN TU SDUG BSNGAL BA'I, ,NGAN SONG BA DAG MTHO RIS 'GRO BAR BYED, ,BDUD GNAS GZHAL MED KHANG MTHO MDZES PA DAG ,BDUD BCAS KUN TU BSKYOD CID SKRAG PAR BYED, ,CES DANG, 'GREL PAR, 'OD ZER GYI LAS RNAM PA GNYIS TE, NGAN SONG DU SKYES PA RNAMS DAD PA SKYES NAS MTHO RIS SU SKYE BAR BYED PA DANG, BDUD KYI GNAS BDUD DANG BCAS PA RNAMS @212A *, ,BSKYED PAS MI DGA' BAR BYED PA'O, ,ZHES GSUNGS PA'I PHYIR, GSUM PA GRUB STE, RGYAN LAS, DE NI MCHOG TSOGS NANG DU TING NGE 'DZIN, ,DPAG MED RNAM PAR ROL BA KUN STON ZHING,, LAS DANG SKYE DANG MCHOG GI SPRUL PA YIS, ,SEMS CAN RNAMS KYI DON DU DUS KUN GNAS, ZHES DANG, 'GREL BAR, SANGS RGYAS KYI 'KHOR GYI DKYIL 'KHOR GYI NANG DU TING NGE 'DZIN DPAG TU MED PAS RNAM PAR ROL PA KUN TU STON PA DANG, SPRUL PA GSUM GYIS RTAG TU SEMS CAN GYI DON BYED PA'I PHYIR TE, SPRUL PA RNAM PA GSUM NI, BZO'I LAS KYI GNAS SPRUL PA DANG, GDUL BYA'I DBANG GIS SKYE BA JI LTAR 'DOD PA BZHIN SKYE BA SPRUL PA DANG, DGA' LDAN GYI GNAS NA BZHUGS PA LA SOGS PA MCHOG SPRUL PA'O, ,ZHES GSUNGS PA'I PHYIR, BZHI PA GRUB STE, RGYAN LAS, YE SHES DAG LA DBANG PHYIR ZHING RNAMS NI, ,JI LTAR 'DOD BZHIN BSTAN PHYIR DAG PA THOB, ,SANGS RGYAS MTSAN MI GRAGS PA SANGS RGYAS MTSAN, ,YANG DAG BSGRAGS PAS DE DAG KHAMS GZHAN 'GYED, ,CES GSUNGS PA'I PHYIR, ,LNGA PA LDAN PA'I DON NI, RGYAN LAS, 'DAB SHOG KUN TU RGYAS PA'I BYA BZHIN DU, ,SEMS CAN SMIN PAR BYED PA NUS PA NYID, ,SANGS RGYAS LAS NI SHIN TU BSNGAGS PA THOB, ,SKYE DGU RNAMS @212B LA TSIG BZUNG 'OS PAR 'GYUR, ZHES DANG, 'GREL PAR, LDAN PA RNAM PA GSUM STE, SEMS CAN YONGSU SMIN PAR BYED NUS PA DANG LDAN PA DANG, BSNGAGS PA DANG LDAN PA DANG, TSIG BZUNG BAR 'OS PA DANG LDAN PA'O, ,ZHES GSUNGS, DRUG PA MTHU'I RAB DBYE NI, RGYAN LAS, MNGON PAR SHES PA DRUG DANG RIG PA GSUM, RNAM THAR BRGYAD DANG DE BZHIN ZIL GNON BRGYAD, ,ZAD PAR SKYE MCHED BCU DANG TING NGE 'DZIN, ,DPAG TU MED PA BSTAN PA THOB PA'I MTHU, ZHES DANG, 'GREL BAR, BYANG CHUB SEMS DPA'I MTHU NI, ,RAB TU DBYE BA DRUG GI 'JUG STE, MNGON PAR SHES PA DANG, RIG PA DANG, RNAM PAR THAR PA DANG, ZIL GYIS GNON PA'I SKYE MCHED DANG, TING NGE 'DZIN DPAG TU MED PA RAB TU DBYE BA DAG GIS SO, ,ZHES GSUNGS PA LTARO, ,SPYIR RDZU 'PHRUL LA, LAS LAS BYUNG BA, SNGAGS LAS BYUNG BA, SMAN LAS BYUNG BA TING NGE 'DZIN BSGOM PA'I STOBS LAS BYUNG BA SOGS RNAM PA DU MA GSUNGS KYANG 'DIR NI PHYI MA KHO NA BZUNG LA, DANG PO NI SRID PA BAR MA DANG, 'KHOR LOR BSGYUR BA'I RGYAL PO DANG, SRIN PO DANG, SHA ZA 'GA' ZHIG GIS RGYUD LA YOD PA'I RDZU 'PHRUL LTA BU; GNYIS PA NI, SNGAGS 'GA' ZHIG BGRANGS PAS KYANG RDZU 'PHRUL STON PAR NUS PA LTA BU, GSUM PA NI, SMAN 'GA' ZHIG GCANG PA TZAM GYIS THOB PA'I RDZU 'PHRUL LTA BU, ,BDUN PA NI, RGYAN LAS, DE NI @213A *, ,DBANG MCHOG THOB PA'I BLO DANG LDAN, ,'GRO BA DBANG MED RANG DBANG SKOD THAG TU, ,GZHAN LA PHAN BYA GCIG TU MNGON DGA' STE, ,SENG GE BZHIN DU RAB BRTAN SRID NA SPYOD, , CES GSUNGS LA, BYANG CHUB SEMS DPA'I MTHU KHYAD PAR CAN RNAMS CHOS CAN, YON TAN CHE BA'I BDAG NYID PHUL DU BYUNG BA DANG LDAN TE, DBANG MCHOG THOB PA'I SGO NAS SRID PA SDUG BSNGAL LA CUNG ZAD KYANG MI 'JIGS PAR RANG GZHAN GYI RGYUD SMIN ZHING GROL BAR BYED PA'I YON TAN KHYAD PAR CAN DANG LDAN PA'I PHYIR, ,BRGYAD PA NI, MNGON PAR SHES PA DRUG TU GRANGS MA NGES PAR THAL, SNA LCE LUS GSUM GYI MNGON SHES YOD PA'I PHYIR TE, DE BZHIN GSHEGS PA'I THUGS RGYUD KYI DE GSUM GYI DBANG SHES MNGON PAR SHES PA YIN PA'I PHYIR, SNYAM NA RTZA BAR MA KHYAB STE, DE RNAmS MNGON PAR SHES PA DRUG TU 'DUS PA'I PHYIR TE, SANGS RGYAS KYI SA'I MNGON PAR SHES PA THAMS CAD YIN KHYAB SNYAM YIN PA'I PHYIR, KHO NA RE, SANGS RGYAS KYI DBANG SHES LNGA PO YIN KHYAB SNYAM YIN PAR THAL, DE'I MNGON SHES DRUG PO YIN KHYAB SNYAM YIN PA'I PHYIR, ZHE NA MA KHYAB PAR THAL, MIG RNA'I MNGON SHES RNAmS DBANG SHES MA YIN PA'I PHYIR TE, SO SO SKYE BO'I RGYUD LA BSAM GTAN BZHI PA'I @213B SAS BSDUS KYI RNA'I MNGON SHES YOD PA GANG ZHIG, SO SKYE'I RGYUD LA BSAM GTAN BZHI BA'I SAS BSDUS PA'I DBANG SHES MED PA'I PHYIR, RTAGS DANG PO GRUB STE, SO SKYE'I RGYUD LA BSAM GTAN BZHI LA BRTEN PA'I MNGON SHES DANG PO LNGA YOD PA'I PHYIR TE, YON TAN 'DI RNAMS JI LTAR MNGON PAR SGRUB CE NA, ZHES SOGS KYI LUNG DON GRUB PA'I PHYIR, RTAGS GNYIS PA GRUB STE, SO SKYE'I RGYUD LA BSAm GTAN GNYIS PA YAN CHAD KYI SAS BSDUS PA'I DBANG SHES MED PA'I PHYIR TE, BSAM GTAN GNYIS PA YAN CHAD KYI DBANG SHES, BSAM GTAN DANG PO'I SAS BSDUS YIN PA'I PHYIR TE, MDZOD LAS, GNYIS PA SOGS NA LUS MIG DANG, ,RNA BA'I RNAM SHES RNAM RIG SLONG, ,GANG YIN DE NI DANG POR RTOGS, ,ZHES GSUNGS PA'I PHYIR, KHO NA RE, MIG RNA'I MNGON SHES DBANG SHES YIN PAR THAL, DE RNAMS LUNG MA BSTAN YIN PA'I PHYIR TE, MDZOD LAS, MIG DANG RNA BA'I MNGON SHES NI, ,LUNG DU MA BSTAN LHAG RNAMS DGE ,ZHES GSUNGS PA'I PHYIR, ZHE NA MA KHYAB STE, 'DI BYE BRAG SMRA BA'I BZHED PA SKYAR BA TZAM YIN PA'I PHYIR, GZHAN YANG, MNGON SHES DE GNYIS CHOS CAN, DGE BAR THAL, BSAM GTAN GYI DNGOS GZHI YIN PA'I PHYIR, GSAL BA KHAS, KHYAB STE, MDZOD LAS, SNYOMS 'JUG DGE BA RTZE GCIG PA, ZHES GSUNGS PA'I PHYIR, GZHAN @214A *, ,YANG, MNGON SHES DRUG RNAM GROL LAM YIN PAR THAL, MDZOD LAS, MNGON SHES RNAM DRUG RNAM GROL BLO, ,ZHES GSUNGS PA'I PHYIR, KHYAB GSAL KHAS, GNYIS PA, GZHUNG DON NI, BCOM LDAN 'DAS KYI MDO LAS, BYANG CHEN MNGON SHES KYI PHA ROL TU PHYIN PA THOB STE, RDZU 'PHRUL GYI RNAM PA DU MA NYAMS SU MYONG BAR BYED DO, ,CES SOGS KYI DON BSDU BA NI, MNGON SHES KYI, YON TAN DRUG DANG, ZHES GSUNGS, ,DE'I DON RNAM PAR 'GREL BA NI, GZHUNG 'DI YIN LA, NGAG DON BSGRIL NA SNGAR BSHAD KYI MDO DE RNAMS CHOS CAN, MNGON PAR SHES PA DRUG LA GDAMS PA YIN TE, MNGON SHES DRUG YUL DANG BCAS PA BDEN STONG DU RTOGS PA'I SGO NAS MNGON SHES DRUG RGYUD LA BSTEN ZHES GSUNGS PA'I PHYIR, MNGON SHES DRUG RGYUD LA BSTEN PA CHOS CAN, DGOS PA YOD DE, THEG CHEN GYI SGRUB PA MYUR DU RDZOGS PAR 'GYUR BA'I DGOS PA YOD PA'I PHYIR, ` DBANG PO RTUL DANG RNON PO DAG ,ZHES SOGS KYI SKABS SU, YANG DAG LTA BA'I RDO RJE NYI SHUS 'JIGS TSOGS LTA BA'I RI BO NYI SHU GZHI RTZA DANG BCAS MA LUS BCOM NAS THUB BSTAN GLING BZHI LEGS PAR SKYONG MDZAD 'PHAGS MCHOG DGE 'DUN NYI SHU'I TSOGS LA SKYE ZHING SKYE BA'I TSE RABS KUN TU BLO LTOS SNYING NAS 'CHA' BAR MDZOD @214B CIG ,'DIR SPYI DON DANG, GZHUNG GI DON GNYIS, DANG PO LA MTSON BYED DPE'I DGE 'DUN BSHAD PA, MTSON BYA DON GYI DGE 'DUN BSHAD PA, RTZOD PA SPANGS PA DANG GSUM, DANG PO LA 'BRAS BU'I RNAM PAR BZHAG PA DANG, GANG ZAG GI RNAM PAR BZHAG PA GNYIS, DANG PO NI, RNAM PAR GROL BA'I LAM DANG, SO SOR BRTAGS PA'I 'GOG PA THAMS CAD DGE SBYONG TSUL GYI 'BRAS BU DANG, ZAG MED KYI BAR CHAD MED LAM THAMS CAD DGE SBYONG GI TSUL YIN TE, DE LTAR DU 'BRAS BU DAG PA GZUGS LA SOGS, ,ZHES SOGS RTZA 'GREL DANG BCAS PAS 'CHANG TSUL 'OG NAS STON PAR 'GYUR BA'I PHYIR, 'DIR NI NYAN THOS KYI BAR CHAD MED PA'I LAM NI DON DAM PA'I DGE SBYONG GI TSUL DANG, DE LA BRTEN NAS THOB PA'I RNAM 'GROL LAM DANG, SO SOR RTAGS 'GOG RNAMS DGE SBYONG TSUL GYI 'BRAS BU ZHES GSUNGS LA, DE YANG NAM MKHA' LTAR MTHA' YAS SHING MU MED DE, SPANG BYA NYON MONGS PA SA BON DANG BCAS PA RNAMS NAM MKHA' LTAR MTHA' YAS PA GANG ZHIG ,DE RNAMS SPANGS PA'I DGE SBYONG TSUL GYI 'BRAS BU YANG DE DANG MTHUN PA KHO NA YIN PA'I PHYIR, NYAN THOS KYI DGE SBYONG TSUL GYI 'BRAS BU DE RGYUN ZHUGS KYI 'BRAS BU SOGS BZHIR BSDUS NAS, BCOM LDAN 'DAS KYI MDO LAS GSUNGS PA LA RGYU MTSAN YOD DE, MTHONG @215A *, ,SPANGS KUN SBYOR GSUM SPANGS PA'I CHA NAS RGYUN ZHUGS KYI 'BRAS BU, 'DOD NYON PHAL CHER SPANGS PA'I CHA NAS PHYIR 'ONG GI 'BRAS BU, MA LUS PAR SPANGS PA'I CHA NAS PHYIR MI 'ONG GI 'BRAS BU, GONG MA'I CHA MTHUN LNGA MA LUS PAR SPANGS PA'I CHA NAS NYAN THOS DGRA BCOM PA'I 'BRAS BU RNAM PAR BZHAG PA'I PHYIR, DE LTAR 'JOG PA LA RGYU MTSAN YOD DE, NYON MONGS SDE TSAN BZHI PO DE RNAMS GO RIMS BZHIN, RGYUN ZHUGS ZHUGS PA LA SOGS PA'I ZHUGS PA BZHI'I SPANGS BYA'I GTZO BO YIN PA'I PHYIR TE, 'BRAS BU BZHI PO DE, ZHUGS PA BZHI'I DNGOS KYI THOB BYA'I GTZO BO YIN PA GANG ZHIG ,NYON MONGS SDE TSAN BZHI PO DE NI 'BRAS BU BZHI PO DE DAG GI BAR DU GCOD PA'I GTZO BO YIN PA'I PHYIR TE, DE LTAR DU MNGON PA GONG 'OG LAS GSUNG TSUL MYUR DU 'CHAD PAR 'GYUR PA'I PHYIR, RGYUN MTSAN GZHAN YANG YOD DE, MDZOD LAS, 'BRAS BU BZHI RNAMS BZHAG PA NI, ,RGYU LNGA DAG NI SRID PA'I PHYIR, ,'BRAS LA SNGON LAM BTANG BA DANG, ,GZHAN THOB PA DANG ZAD SDOMS DANG, SHES PA BRGYAD TSAN THOB PA DANG, ,RNAM PA BCU DRUG THOB PA'O, ,ZHES GSUNGS PA 'DI YANG, SPANG BYA CIG CAR BA'I RGYUN ZHUGS KYI 'BRAS BU'I SNGA ROL DU, DE'I RGYUN LA ZHUGS PA'I LAM SNGON DU MA @215B SONG BAR 'DOD PA RNAMS LA NI SGRUB BYED RNAM DAG TU 'GRO BA DKA' YANG, RANG GI LUGS LA 'THAD PAR SEMS SO, ,MDZOD LAS, DGE SBYONG TSUL NI DRI MED LAM, ,'BRAS BU 'DUS BYAS 'DUS MA BYAS, , GROL LAM ZAD PA RNAMS DANG BCAS, ,DE DAG BRGYAD CU RTZA DGU'O, ,ZHES GSUNGS PA NI SPANG BYA'I NYON MONGS PA'I GRANGS NGES DANG, DE SPANGS PA'I 'BRAS BU'I GRANGS NGES, RGYUN ZHUGS KYIS KUN SBYOR GSUm MA LUS PAR SPANGS PA DANG, 'JIG MTHAR GNYIS LA KUN BRTAGS KYIS KHYAB CING, LHAN SKYES MED PAR 'DOD PA SOGS NI KUN BTUS, 'GREL CHEN SOGS DANG MI MTHUN PA'I PHYIR SKABS 'DIR MI 'THAD PAR MNGON NO, ,'BRAS BU 'DI RNAMS SA GANG LA BRTEN NAS 'THOB CE NA, RGYUN ZHUG GYI 'BRAS BU, PHYIR 'ONG GI 'BRAS BU, 'BRAS BU RIM GYIS PA'I PHYIR MI 'ONG GI 'BRAS BU, SPANG BYA CIG CAR BA'I DGRA BCOM PA'I 'BRAS BU RNAMS BSAM GTAN DANG PO'I NYER BSNGOGS KHO NA LAS THOB STE, NYER BSNGOG LHAG MA RNAMS DANG, 'DOD PA'I SEMS DANG, DNGOS GZHI'I SEMS LA BRTEN NAS MI THOB PA'I PHYIR; DANG PO GRUB STE, DE RNAMS KYI ZHUGS PAS NYER BSNGOGS LHAG MA RNAMS MA THOB PA'I PHYIR, GNYIS PA GRUB STE, 'DOD PA NYON MONGS RAGS PA DANG, THEG DMAN GYI GANG ZAG RNAM@216A *, ,KYANG THABS LA MA MKHAS PA'I PHYIR, GSUM PA GRUB STE, ZHUGS PA DE RNAMS KYIS DNGOS GZHI MA THOB PA'I PHYIR, 'BRAS BU THOD RGAL BA'I PHYIR MI 'ONG GI 'BRAS BU DANG, SPANG BYA RIM GYIS PA'I DGRA BCOM PA'I 'BRAS BU RNAMS NI BSAM GTAN GYI DNGOS GZHI'I SEMS DANG, NYER BSDOGS LA BRTEN NAS THOB PA CI RIGS PA YOD DE, DE RNAMS KYI ZHUGS PA LA DNGOS GZHI'I SEMS THOB PA DANG MA THOB PA GNYIS KA YOD PA'I PHYIR TE; NYAN THOS DGRA BCOM PA LA YANG BSAM GTAN GYI DNGOS GZHI THOB MA THOB GNYIS KA YOD PA'I PHYIR, NYON MONGS RKYANG PA'I CHA LAS RNAM PAR GROL PA DANG, GNYIS KA'I CHA LAS RNAM PAR GROL BA'I NYAN THOS DGRA BCOM PA GNYIS KA YOD PA'I PHYIR TE, LAM GANG LA BRTEN NAS THOB CE NA, RGYUN ZHUGS KYI 'BRAS BU DANG, THOD RGAL BA'I 'BRAS BU GNYIS MTHONG LAM ZAG MED KHO NAS 'THOB STE, LAM RJES BZOD KYI THOB DGOS PA'I PHYIR TE, RJES SHES KYI TSE GSAR DU THOB PA'I PHYIR, RIM GYI BA'I 'BRAS BU BAR PA GNYIS NI SGOM LAM KHO NAS THOB STE, MTHONG LAM RDZOGS RJES SU THOB PA'I PHYIR, DE YANG ZHI GNAS SHAS CHER SPYAD PA RNAMS KYIS, ZHI RAGS KYI RNAM BA CAN GYI RJES THOB LA BRTEN NAS 'THOB, LHAG MTHONG SHAS CHER SPYAD PA RNAMS KYIS MNYAM GZHAG ZAG MED KHO NAS DNGOS SU 'THOB BO, , @216B DGRA BCOM PA'I 'BRAS BU NI SGOM LAM ZAG MED KHO NAS 'THOB STE, SRID RTZE'I NYON MONGS PA'I DNGOS GNYEN BAR CHAD MED LAM LA BRTEN NAS 'THOB PA'I PHYIR, ZAG MED KYI DBANG PO DU LAS THOB CE NA, RGYUN ZHUGS KYI 'BRAS BU DANG THOD RGAL BA'I 'BRAS BU GNYIS NI ZAG MED KYI DBANG PO BCU LAS 'THOB STE, KUN SHES BYED PA'I DBANG PO LAS 'THOB PA GANG ZHIG ,KUN SHES BYED PA'I DBANG PO LA ZAG MED KYI, DBANG PO BCU YOD PA'I PHYIR TE, DE LTAR DU, KUN BTUS KYI 'GREL BA LAS GSAL BAR BSHAD PA'I PHYIR, 'BRAS BU RIM GYIS PA'I 'BRAS BU BAR PA GNYIS DANG, DGRA BCOm PA'I 'BRAS BU ZAG MED KYI DBANG PO BCU LAS 'THOB STE, KUN SHES KYI DBANG PO LA BRTEN NAS 'THOB PA GANG ZHIG DE LA YANG ZAG MED KYI DBANG PO BCU YOD PA'I PHYIR TE, DE LTAR DU KUN BTUS KYI 'GREL BA LAS BSHAD PA'I PHYIR TE, DE LTAR BSHAD PA 'OG TU DBANG PO'I SKABS SU 'CHAD PA'I PHYIR TE, MDZOD LAS, 'BRAS BU THA MA GNYIS DGUS 'THOB, ,GNYIS NI BDUN NAM BRGYAD DAM DGU, ,BCU GCIG DAG GIS DGRA BCOM DAG ,'GA' ZHIG SRID PHYIR BSHAD PA YIN, ,ZHES SOGS KYIS MI GNOD DE, DE NI BYE BRAG SMRA BA'I BZHED PA SKYAR BA TZAM YIN PA'I PHYIR TE, @217A *, ,DES DGRA BCOM PA'I 'BRAS BU LAS NYAMS PA SRID PAR BSTAN PA GANG ZHIG ,'DIR NI DE MI BZHED PA'I PHYIR, KHAMS GANG DU 'THOB CE NA, DANG PO GSUM, 'DOD PAR 'THOB CING, BZHI PA KHAMS GSUM KA'I RTEN LA'ANG 'THOB PA YOD DE, ZHUGS PA DANG PO GSUM LA 'DOD RTEN CAN YOD CING, KHAMS GONG GI RTEN CAN MED LA, ZHUGS PA BZHI PA LA KHAMS GSUM KA'I RTEN CAN YOD PA'I PHYIR TE, MDZOD LAS, 'DOD PAR GSUM THOB THA MA NI, ,GSUM DU'O, ,ZHES GSUNGS PA'I PHYIR, ,THOD RGAL BA'I PHYIR 'ONG GI 'BRAG BU GONG SA'I RTEN LA 'THOB PA YOD DO ZHE NA MIN TE, DE NI NYAN THOS KYI MTHONG LAM GYIS DNGOS SU 'THOB DGOS PA GANG ZHIG ,GONG SA'I RTEN LA NYAN THOS KYI MTHONG LAM GSAR SKYE MED PA'I PHYIR TE, MDZOD LAS, GONG NA MTHONG LAM MED, ,MI SKYO LUNG LAS 'DIR BRTZON ZHING, ,DE MTHAR PHYIN ZHES 'BYUNG PHYIR RO, ,ZHES GSUNGS PA'I PHYIR, ` GNYIS PA LA, RGYUN ZHUGS KYI SKOR BSHAD PA PHYIR 'ONG GI SKOR BSHAD PA; PHYIR MI 'ONG GI SKOR BSHAD PA, DGRA BCOM PA'I SGOR BSHAD PA DANG BZHI, DANG PO LA ZHUGS PA BSHAD PA DANG, 'BRAS GNAS BSHAD PA GNYIS, DANG PO LA MTSAN NYID, , @217B DBYE PA, SA MTSAMS DANG GSUM YOD LA, GSUM PO 'DI NI ZHUGS PA GZHAN GSUM GYI SKABS SU YANG SBYAR BAR BYA'O, ,DANG PO NI, MTHONG SPANGS KUN SBYOR GSUM SPANGS PAS RAB TU PHYE BA'I DGE SBYONG TSUL GYI 'BRAS BU THOB PHYIR DU BRTZON PA'I SBYOR BA RGYUN CHAGS LA GNAS PAS RAB TU PHYE BA'I GANG ZAG TU DMIGS PA'O, ,GNYIS PA LA, DBANG PO'I SGO NAS DBYE NA DBANG RTUL DAD PA'I RJES 'BRANG DANG, DBANG RNON CHOS KYI RJES 'BRANG GNYIS, SPANG BYA SPONG TSUL GYI SGO NAS DBYE NA, SPANG BYA CIG CAR BA'I RGYUN ZHUGS ZHUGS PA DANG, SPANG BYA RIM GYIS PA'I RGYUN ZHUGS ZHUGS PA GNYIS YOD, DANG PO GRUB STE, MDZOD LAS, DE LA SKAD CIG BCO LNGA NI, ,MA MTHONG MTHONG PHYIR MTHONG BA'I LAM, ,DBANG PO RNO RTUL DE DAG TU, ,DAD DANG CHOS KYI RJES 'BRANG BA, ,SGOM PAS SPANG BYA MA SPANGS NI, ,'BRAS BU DANG PO LA ZHUGS PA, ,ZHES GSUNGS PA'I PHYIR, RJES 'BRANG GNYIS KYI DON NI, KUN BTUS SU, DAD PA'I RJES SU 'BRANG BA GANG ZHE NA, ,GANG TSOGS BSAGS PA DBANG PO RTUL LO, ,PHA ROL GYIS BSTAN PA'I RJES SU 'BRANG NAS BDEN PA MNGON PAR RTOGS PAR BYA BA'I PHYIR SBYOR BA'O, ,CHOS KYI RJES SU 'BRANG BA GANG ZHE NA ,DBANG PO RNON PO BDAG NYID KYIS BDEN PA'I @218A *, ,DBANG DU BYAS PAS CHOS KYI RJES SU 'BRANG NAS BDEN PA MNGON PAR RTOGS PAR BYA BA'I PHYIR SBYOR BA'O, ,ZHES DANG, MDZOD KYI RANG 'GREL LAS KYANG, DAD PA DANG CHOS KYI RJES SU 'BRANG BA DE DAG NYID GAL TE SNGON 'JIG RTEN PA'I LAM GYI SGOM PAS SPANGS BAR BYA BA MA SPANGS PA 'CHING BA MTHA' DAG DANG LDAN PA ZHIG YIN NA NI, DE RGYUN DU ZHUGS PA'I 'BRAS BU LA ZHUGS PA ZHES BYA'O, ,GAL TE 'JIG RTEN PA'I LAM GYIS SGOM PAS SPANG BAR BYA BA 'DOD PA NA SPYOD PA RNAMS LAS RNAM PA LNGA'I BAR DU SPANGS PA ZHIG YIN NA YANG DE KHO NA BZHIN DU DANG PO'I 'BRAS BU LA ZHUGS PA DAG CES BYA'O, ,ZHES GSUNGS SHING, DES NI GZHAN GYI BSTAN PA'I RJES SU 'BRANG STE, BDEN PA MNGON SUM DU RTOGS PHYIR DU BRTZON PA'I RGYUN ZHUGS ZHUGS PA DBANG PO RTUL PO RNAMS LA DAD PA'I RJES 'BRANG DANG, RANG NYID KYIS GSUNG RAB KYI RJES SU 'BRANG STE BDEN PA'I DON MNGON SUM DU RTOGS PAR NUS PA'I RGYUN ZHUGS ZHUGS PA DBANG PO RNON PO RNAMS NI DBANG RNON CHOS KYI RJES SU 'BRANG BA YIN NO, ,RTZA RTAGS PHYI MA GRUB STE, SPANGS BYA CIG CAR BA'I RGYUN ZHUGS KYI 'BRAS BU THOB PHYIR DU BRTZON @218B BZHIN PA'I NYAN THOS DBANG RNON NI, SPANG BYA CIG CAR BA'I RGYUN ZHUGS ZHUGS PA DANG, SPANGS BYA RIM GYIS BA'I RGYUN ZHUGS KYI 'BRAS BU THOB PHYIR DU BRTZON PA'I NYAN THOS DBANG RTUL NI SPANGS BYA RIM GYIS BA'I RGYUN ZHUGS ZHUGS PA YIN PA'I PHYIR TE, DE LTAR DU MTHA' GZHAN 'GOG PA'I RIGS PAS GRUB PA'I PHYIR TE, DE GNYIS RGYUN ZHUGS ZHUGS PA YIN PA NI GANG ZHIG ,ZHUGS PA GNYIS PO DE LAS GZHAN PA'I RGYUN ZHUGS ZHUGS PA MI 'DOD PA'I PHYIR, DANG PO GRUB STE, DE RNAMS ZHUGS PA BZHI PO GANG RUNG YIN PA'I PHYIR TE, DE LTAR MIN NA, ZHUGS GNAS KYI RNAM BZHAG THAMS CAD 'CHOL BAR THAL PA'I PHYIR, GNYIS PA GRUB STE, ZHUGS PA DE GNYIS LAS GZHAN PA'I RGYUN ZHUGS ZHUGS PA YOD PA MA YIN PA'I PHYIR TE, 'BRAS GNAS GSUM PO DE LAS GZHAN PA'I RGYUN ZHUGS 'BRAS GNAS MED PA'I PHYIR TE, DE LTAR DU TSAD LDAN GANG GIS KYANG MA GSUNGS PA'I PHYIR, GZHAN YANG, SPANG BYA CIG CAR BA DANG, RIM GYIS PA'I RGYUN ZHUGS KYI 'BRAS BU DE RGYU MTSAN LNGA TSANG BA'I DGE SBYONG TSUL GYI 'BRAS BU MA YIN PAR THAL, DE'I SNGA ROL DU DE DAG GI ZHUGS PA'I LAM MA SONG BA'I PHYIR, RTAGS KHAS, 'DOD MI NUS TE, RGYUN ZHUGS KYI 'BRAS BU DE RGYU MTSAN LNGA TSANG BA'I NYAN THOS @219A *, ,KYI DGE SBYONG TSUL GYI 'BRAS BU YIN PA'I PHYIR TE, RGYU MTSAN LNGA TSANG BA'I NYAN THOS KYI DGE SBYONG TSUL GYI 'BRAS BU DE LA BZHIR YOD PA'I PHYIR TE, MDZOD LAS, 'BRAS BU BZHI RNAM BZHAG PA NI, ,RGYU LNGA DAG NI SRID PA'I PHYIR, 'BRAS LA SNGON LAM BTANG BA DANG, ,GZHAN THOB PA DANG ZAD SDOM SA DANG, ,SHES PA BRGYAD MTSAN THOB PA DANG, ,RNAM PA BCU DRUG THOB PA'O, ,ZHES GSUNGS PA'I PHYIR, GZHAN YANG, SPANG BYA CIG CAR PA'I NYAN THOS KYI DGRA BCOM ZHUGS PA MED PAR THAL, DE'I RGYUN ZHUGS ZHUGS PA MED PA'I PHYIR, RTAGS KHAS, 'DOD MI NUS TE, SPANG BYA CIG CAR BA'I RGYUN ZHUGS 'BRAS GNAS KHYAD PAR CAN DE, DE'I DGRA BCOM ZHUGS PA YIN PA'I PHYIR TE, DE RANG GI 'BRAS BU GONG MA LA ZHUGS PA GANG ZHIG ,DE PHYI RA'ONG ZHUGS PA MA YIN PA'I PHYIR, DE CHOS CAN, RANG GI 'BRAS BU GONG MA LA ZHUGS PAR THAL, 'BRAS GNAS KHYAD PAR CAN YIN PA'I PHYIR, DE CHOS CAN, PHYIR 'ONGS ZHUGS PA MA YIN PAR THAL, KHYOD PHYIR 'ONG ZHUGS PA YIN NA, SPANG BYA CIG CAR BA'I PHYIR 'ONG ZHUGS GNAS GNYIS KYANG YOD DGOS PA'I PHYIR, 'DI NI RGYUN DU ZHUGS PA'I 'BRAS BU DANG, DGRA BCOM PA'I 'BRAS BU STE, 'BRAS BU GNYIS LA GDAG SO,, @219B ZHES GSUNGS PAS MI GNOD DE, ,'DIS NI SPANG BYA CIG CAR PA'I NYAN THOS KYI 'BRAS GNAS DE LA 'BRAS GNAS GNYIS PO DER GRANGS NGES PAR DNGOS SU BSTAN ZHING, DE DAG GI ZHUGS PA GNYIS YOD PAR DON GYIS THOB PA'I PHYIR, GSUM PA NI, KUN BTUS LAS, RGYUN DU ZHUGS PA'I 'BRAS BU LA 'JUG PA GANG ZHE NA, GANG NGES PAR 'BYED PA'I CHA DANG MTHUN PA LA MTHONG BA'I LAM GYI SEMS KYI SKAD CIG BCO LNGA LA GNAS PA'I GANG ZAG GO ,ZHES DANG, 'GREL BAR, NGES PAR 'BYED PA'I CHA DANG MTHUN PA STAN GCIG PA NAS DANG PO'I 'BRAS BU MA THOB KYI BAR DU'O, ,ZHES SBYOR LAM STAN GCIG PA NAS MTHONG LAM SKAD CIG BCO LNGA MAN CHAD NA YOD PAR GSUNGS LA, 'DIS NI NYAN THOS KYI MTHONG LAM BCU DRUG RIM CAN KHO NAR SKYE BA'I TSUL DNGOS SU BSTAN ZHING, SBYOR LAm STAN GCIG PA NI SBYOR LAM DE LA MNYAM PAR GZHAG PA'I NGANG NAS MTHONG LAM THOB PAR NUS PA'I DBANG DU BYAS LA, DE LTAR NA SBYOR LAM BZHI KA LA STAN GCIG PA YOD PAR NGES TE, SBYOR LAM DROD LA MNYAM PAR GZHAG PA'I NGANG NAS MTHONG LAM THOB PAR NUS PA'I THEG DMAN DBANG RNON YOD PA'I PHYIR TE, MDZOD LAS, STON DANG BSE RU BYANG CHUB BAR, ,BSAM GTAN MTHAR BRTEN GCIG LA KUN,, @220A *, ,ZHES SOGS KYI SBYOR LAM DROD LA MNYAM PAR GZHAG PA'I NGANG NAS RANG RGYAL GYIS MTHONG LAM THOB NUS PA YOD PAR BSTAN PA GANG ZHIG ,DE TZAM ZHIG SNGA MA LA YANG MTSUNGS PA'I PHYIR, 'BRAS BU DANG PO LA ZHUGS PA, ZHES SOGS KYIS MI GNOD DE, DE NI BYE BRAG SNA BA'I BZHED PA'I DBANG DU BYAS PA'I PHYIR, RGYUN ZHUGS ZHUGS PA DE NYID 'PHAG PA BRGYAD PAR BSHAD PAS KYANG MI GNOD DE, ZHUGS PA DANG PO LA 'PHAGS PA'I GANG ZAG SRID PA TZAM LA DGONGS PA'I PHYIR TE, GZHAN DU KUN BTUS RTZA 'GREL NAS, DANG PO'I SA MTSAMS GSUNGS PA DE NYID THEG CHEN GYI LUGS MA YIN PAR BYE BRAG SMRA BA RNAMS KYI LUGS SU 'GYUR DGOS PA NI GANG ZHIG ,DE MI RIGS PA'I PHYIR, RIGS DANG, BRGYAD PA DANG, ZHES SOGS KYIS MI GNOD DE, DE YANG SRID PA LA DGONGS PA TZAM YIN PA'I PHYIR, GNYIS PA LA, MTSAN NYID, DBYE BA DNGOS, SO SO'I RANG BZHIN, SA MTSAMS, SGRA BSHAD DANG LNGA, DANG PO NI, MTHONG SPANGS KUN SBYOR GSUM SPANGS PAS RAB TU PHYE BA'I DGE SBYONG TSUL GYI 'BRAS BU @220B LA GNAS PA'I GANG ZAG GO ,'DIR DE LTA BU'I RAB PHYE SMOS PA CHOS CAN, DGOS PA YOD DE, MTHONG SPANGS KUN SBYOR GSUM PO DE NYID, THAR PAR BGROD PA'I GEGS GYI GTZO BO YIN LA, RGYUN ZHUGS KYIS DE LTA BU SPANGS SO ZHES RTOGS PA'I DGOS PA YOD PA'I PHYIR, DE LTAR RTOGS PA LA YANG DGOS PA YOD DE, ,LAM SGOM PA LA SPRO SHUGS 'PHEL BA DANG, GDUL BYA RNAMS DVANGS PA'I DAD PA 'PHEL BA'I DGOS PA YOD PA'I PHYIR, MTHONG SPANGS KUN SBYOR GSUM PO DE NYID, THAR PAR BGROD PA'I GEGS KYI GTZO BO YIN TE, ,'JIG LTAS THAR PA BSTAN PA LA BGRO MI 'DOD PAR BYED, TSUL KHRIMS DANG BRTUL ZHUGS MCHOG 'DZIN GYIS LOG PA'I LAM LA BRTEN NAS THAR PA 'TSOL BAR BYED, THE TSOM GYIS LAM RNAM PAR DAG BLA SLOB PA LA BAR DU GCOD PA'I PHYIR TE, MDZOD LAS, 'GRO MI 'DOD DANG LAM NOR DANG, ,LAM LA THE TSOM JE SNYED CIG ,THAR PAR BGROD LA GEGS BYED PA, ,DE YI PHYIR NA GSUm BSTAN TO, ,ZHES DANG; ;KUN BTUS SU, GANG GI TSE MTHONG BAS SPANG BAR BYA BA'I NYON MONGS PA THAMS CAD SPANGS PAS RGYUN DU ZHUGS PAR 'GYUR BA CI'I PHYIR, KUN TU SBYOR BA GSUM SPANGS@221A *, ,PAS RGYUN DU ZHUGS PA ZHES BYA ZHE NA, GTZO BO SDU BA'I PHYIR RO, ,CI'I PHYIR GTZO BO ZHES BYA ZHE NA, MI 'PHAGS PA'I RGYU YIN PA'I PHYIR DANG, 'PHAGS KYANG LOG PAS NGES PAR 'BYUNG BA TSOL BA'I RGYU YIN PA'I PHYIR DANG, YANG DAG PAS NGES PAR MI 'BYUNG BA'I RGYU YIN PA'I PHYIR RO, YANG SHES BYA LA LOG PAR RTOG PA DANG, LTA BA LA LOG PAR RTOG PA DANG, GNYEN PO LA LOG PAR RTOG PA'I RGYU YIN PA'I PHYIR RO, ,ZHES GSUNGS PA'I PHYIR, GAL TE SRID NYON BRGYAD PA SPANGS PA'I RGYUN ZHUGS CHOS CAN, MTHONG SPANGS KUN SBYOR GSUM SPANGS PAS RAB TU PHYE BA MA YIN PAR THAL, SRID NYON BRGYAD PA SPANGS PA'I PHYIR SNYAM NA, MA KHYAB STE, RGYUN ZHUGS KYI 'BRAS BU DE MTHONG SPANGS KUN SBYOR GSUM SPANGS PA'I CHA NAS BZHAG PA'I RGYU MTSAN GYIS DE LA GNAS NA MTHONG SPANGS KUN SBYOR GSUM SPANGS PAS RAB TU PHYE BA'I DGE SBYONG TSUL GYI 'BRAS BU LA GNAS PAR 'GYUR BA'I PHYIR TE, NYAN THOS DGRA BCOM PA'I 'BRAS BU DE GONG MA'I CHA MTHUN LNGA SPANGS PAS RAB TU PHYE BA YIN NA, DE LA GNAS PA'I RGYU MTSAN GYI GONG MA'I CHA MTHUN LNGA SPANGS PAS RAB TU PHYE BA'I DGE SBYONG TSUL GYI 'BRAS BU LA GNAS PAR 'GYUR BA'I PHYIR TE, RNAM GROL LAM DE DGE SBYONG TSUL GYI @221B 'BRAS BU YIN NA DE LA GNAS PA'I RGYU MTSAN GYIS DGE SBYONG TSUL GYI 'BRAS BU LA GNAS PAR 'GYUR BA'I PHYIR TE, DE LA GNAS NA DGE SBYONG TSUL GYI 'BRAS BU LA GNAS DGOS PA'I PHYIR TE, ZAG MED KYI BAR CHAD MED LAM LA GNAS NA, DGE SBYONG TSUL LA GNAS DGOS PA'I PHYIR, GZHAN DU DGE SBYONG TSUL GYI 'BRAS BU LA GNAS PA DANG ZHUGS PA'I RNAM GZHAG MI 'THAD DGOS PA'I PHYIR, GZHAN YANG, GTZO BO SDU BA'I PHYIR RO, ,ZHES SOGS KYI GZHUNG DON MA GRUB PAR THAL, SNGAR BSHAD PA DE RNAMS RAB PHYE SMOS PA'I DGOS PA NI MA YIN, DE LAS GZHAN PA'I RAB PHYE DANG, GTZO BO SMOS PA'I DGOS PA MED PA'I PHYIR, ` GNYIS PA LA DBANG PO'I SGO NAS DAD MOS DANG, MTHONG THOB GNYIS ,SBYOR BA'I SGO NAS RTZAM PO BA DANG KHYAD PAR CAN GNYIS, SPANG BYA SPONG TSUL GYI SGO NAS SPANG BYA RIM GYIS PA DANG, SPANG BYA CIG CAR BA GNYIS RNAMS SU YOD, GSUM PA LA GSUM YOD PA'I DANG PO NI, RGYUN ZHUGS GANG ZHIG ,DBANG RTUL DAD PA'I RJES 'BRANG LAS THOB PA, GNYIS PA DE GANG ZHIG DBANG RNON CHOS KYI RJES 'BRANG LAS THOB PA DE'O, ,MDZOD LAS, GANG ZHIG GANG LA ZHUGS PA NI, ,BCU DRUG PA LA DE'I 'BRAS GNAS, ,DE'I TSE DBANG PO RNO RTUL DAG ,DAD PAS MOS DANG MTHONG BAS THOB, ,CES SNGAR GYI RJES 'BRANG DE GNYIS BCU DRUG PA THOB PA'I TSE RGYUN ZHUGS @222A *, ,KYI 'BRAS BU LA GNAS PA DANG, DAD MOS, MTHONG THOB GNYIS SU GNAS GYUR PA'I TSUL GSUNGS PA RIGS PA'I PHYIR, GNYIS PA NI, RGYUN ZHUGS GANG ZHIG RANG GI 'BRAS BU GONG MA LA MA ZHUGS PAS RAB TU PHYE BA TZAM PO'I MTSAN NYID ,DE GANG ZHIG, RANG GI 'BRAS BU GONG MA LA ZHUGS PAS RAB TU PHYE BA GNYIS PA'I MTSAN NYID, MDZOD LAS, 'BRAS THOB 'BRAS BU'I KHYAD PAR GYIS, ,LAM THOB MED PA DE'I PHYIR, ,'BRAS GNAS KHYAD PAR BYA BA'I PHYIR, ,MI RTZON PA NI ZHUGS MA YIN, ,ZHES GSUNGS SO, ,RGYAN ZHUGS 'BRAS GNAS KHYAD PAR CAN LA SPANG BYA CIG CAR BA DANG, RIM GYIS BA GNYIS LAS SNGA MA DANG, SPANG BYA CIG CAR BA'I DGRA BCOM ZHUGS PA DON GCIG ,PHYI MA DANG 'BRAS BU RIM GYIS PA'I PHYIR 'ONG ZHUGS PA GNYIS DON GCIGO ,GSUm PA LA SPANG BYA RIM GYIS BA BSHAD PA DANG, GCIG CAR BA BSHAD PA GNYIS, DANG PO LA MTSAN NYID, DBYE BA, SA MTSAMS SGRA BSHAD PA DANG BZHI, DANG PO NI, RGYUN ZHUGS DBANG RTUL GANG ZHIG ,'DOD NYON SPANGS PA'I RJES SU GONG MA'I NYON MONGS SPONG GYUR GYI RIGS CAN NO, ,RIGS CAN SMOS PA LA DGOS PA YOD DE, RANG LAM NAS LOG NAS THEG CHEN GYI LAM DU ZHUGS TE 'DOD NYON SPONG BAR @222B 'GYUR BA'I SPANG BYA RIM GYIS PA'I RGYUN ZHUGS RNAMS KYANG BSDU PA'I DGOS PA YOD PA'I PHYIR TE, DE LTA BU'I RGYUN ZHUGS YOD PA'I PHYIR, KHYAB STE, THEG CHEN LAM DU KHAMS GSUM GYI NYON MONGS CIG CAR DU SPONG BA'I PHYIR RO, ,GNYIS PA LA, RGYUN ZHUGS RIGS NAS RIGS SKYE BSHAD PA DANG RGYUN ZHUGS SRID PA LAN BDUN PA BSHAD PA GNYIS, DANG PO LA SPANGS RTOGS KYI KHYAD PAR, SKYE BA LEN TSUL GYI KHYAD PAR NGO BO'I KHYAD PAR DBYE BA'I KHYAD PAR SGRA BSHAD PA DANG LNGA, DANG PO NI, 'DI'I SPANGS RTOGS KYI KHYAD PAR BZHAG TU YOD DE, SGOM SPANGS SU GYUR PA'I 'DOD NYON GSUM PA NGES PAR SPANGS PA, BZHI PA CI RIGS, LNGA PA NGES PAR MA SPANGS PA DGOS PA'I PHYIR TE, LNGA PA SPANGS NA TSE DE LA DRUG PA SPONG BAR NGES LA, DE LTAR NA DE'I SKYE BA'I KHYAD PAR LA GNOD PA'I PHYIR, DANG PO GRUB STE, 'DOD NYON DRUG PA SPANGS NA, PHYIR 'ONG GI 'BRAS BU THOB NUS SU MTHONG NAS SPRO SHUGS LHAG PAR 'PHEL BAR 'GYUR BA GANG ZHIG ,LNGA PA SPANGS NAS DRUG PA SPONG BA LA 'DOD KHAMS LAS 'DA' MI DGOS PA'I PHYIR TE, DRUG PA SPANGS PA'I GANG ZAG LAS DBANG GIS 'DOD PAR SKYE BA YOD PA'I PHYIR, GNYIS PA GRUB STE, 'DOD NYON DRUG PA SPANGS PA'I NYAN THOS KYI 'BRAS GNAS @223A *, ,YIN NA, 'DOD PAR LAS DBANG GIS RIGS MTHUN GYI SKYE SRID GNYIS MI LEN PAS KHYAB, RGYUN ZHUGS RIGS NAS RIGS SKYE YIN NA 'DOD PAR DE'I SKYE SRID GNYIS LEN PAS KHYAB PA'I PHYIR TE, MDZOD LAS, RNAM GSUM RNAM BZHI LAS GROL BA, TSE GNYIS GSUM DU RIGS NAS RIGS, ZHES DANG, RANG 'GREL LAS, CI'I PHYIR RNAM PA LNGA SPANGS PA'I PHYIR MA YIN ZHE NA DE SPANGS NA DRUG PA'ANG GDON MI ZA BAR SPONGS PA'I PHYIR TE, ZHES DANG, KHAMS LAS MI 'DA' BA'I PHYIR RO, ZHES GSUNGS PA'I PHYIR, 'DIS SPANG BYA SPANGS PA RNAMS BCU DRUG PA'I RJES SU 'AM; MTHONG LAM GYI SNGAR SPANGS ZHE NA, RANG 'GREL LAS, SNGON RNAM PA GSUM DANG, BZHI PA SPANGS PA'AM, BDUN DANG BRGYAD SPANGS LA, 'BRAS BU THOB PA NI JI SRID DU 'BRAS BU KHYAD PAR CAN KYI LAM MNGON DU MA BYAS PA DE SRID DU RIGS NAS RIGS SU SKYE BA 'Am BAR CHAD CIG PA MA YIN NO, ,ZHES GSUNGS PA'I SHUGS LA MTHONG LAM GYI SNGAR 'DOD NYON GSUM DANG, BZHI PA SPANGS PA'I RIGS SKYE 'ANG BSHAD PAS, GNYIS KA 'DOD PAR BYA'O, ,LUNG 'DIS BAR CHAD CIG PA LA CHAGS BRAL SNGON SONG YOD PAR BSTAN TO, ,GNYIS PA NI, SKYE BA LEN TSUL @223B GYI KHYAD PAR BZHAG TU YOD DE, RGYUN ZHUGS KYI RTEN LA RIGS MTHUN KYI SKYE SRID GNYIS NGES PAR LEN PA, BZHI NGES PAR MI LEN PA, GSUM CI RIGS PA YOD PA'I PHYIR TE, DE LTAR DU BSTAN MA THAG PA DE'I PHYIR, GSUM PA NI, SPANG BYA RIM GYIS PA'I RGYUN ZHUGS 'BRAS GNAS KHYAD PAR CAN GANG ZHIG ,BSHAD MA THAG PA'I SPANG RTOGS KYI KHYAD PAR, SKYE BA LEN TSUL GYI KHYAD PAR DE RNAMS DANG LDAN PAS RAB TU PHYE BA'O, ,BZHI PA NI, LHA'I RIGS NAS RIGS SKYE DANG, MI'I RIGS NAS RIGS SKYE GNYIS YOD DE, KUN BTUS LAS, RIGS NAS RIGS SU SKYE BA GANG ZHE NA, RGYUN DU ZHUGS PA'I GANG ZAG NYID LHA DANG MI DAG GI NANG DU RIGS NAS RIGS SU SONG STE GANG SDUG BSNGAL GYI THA MA THOB PA'O, ,ZHES GSUNGS PA'I PHYIR RO, ,LNGA PA NI, RGYUN ZHUGS KYI RTEN LA RIGS MTHUN GYI SKYE SRID GNYIS NGES PAR LEN PA'I DON GYIS RGYUN ZHUGS RIGS NAS RIGS SU SKYE BA ZHES BRJOD DO, ,GNYIS PA LA, MTSAN NYID DBYE BA, SGRA BSHAD DANG GSUM, DANG PO NI, SPANG BYA RIM GYIS BA'I RGYUN ZHUGS DBANG RTUL GANG ZHIG ,RGYUN ZHUGS KYI RTEN LA RIGS MTHUN GYI SKYE SRID BDUN LEN PA'I RIGS CAN, GNYIS PA LA MA NGES PA'I SRID PA BDUN PA DANG, NGES PA'I SRID PA LAN @224A *, ,BDUN BA GNYIS, DANG PO NI, DE GANG ZHIG ,RGYUN ZHUGS KYI RTEN LA SRID PA NYI SHU RTZA BRGYAD MI LEN PAR NGES PAS RAB TU PHYE BA DPER NA RGYUN ZHUGS KYI 'BRAS BU THOB RJESU RIGS MTHUN GYI SKYE BA BDUN BLANGS PA'I RGYUN ZHUGS LTA BU'O, ,GNYIS PA NI, GANG ZHIG RGYUN ZHUGS KYI RTEN LA SRID PA NYI SHU RTZA BRGYAD LEN PAR NGES PAS RAB TU PHYE BA'O, ,'DI LA SPANGS RTOGS KYI KHYAD PAR ,SKYE BA LEN TSUL GYI KHYAD PAR GNYIS, DANG PO NI, MTHONG SPANGS NYON MONGS MA LUS PAR SPANGS SHING SGOM SPANG CUNG ZAD KYANG MA SPANGS PA, GNYIS PA NI, RGYUN ZHUGS KYI RTEN LA RIGS MTHUN GYI SKYE BA LHA MI SO SOR BDUN RE LEN PAR NGES PA, DE SKAD DU YANG, 'BRAS GNAS SGOM SPANGS BYA MA ZAD, DE LTAR THOGS NA LAN BDUN PA, ZHES DANG; 'GREL BAR, 'BRAS BU LA GNAS PA GANG BSGOM PAS SPANG BAR BYA BA'I NYON MONGS PA CUNG ZAD KYANG MA SPANGS PA DE NI, RGYUN DU ZHUGS PA ZHES BYA LA, DE NI TSE BDUN GYI BAR DU SKYE BA'I SRID PA LAN BDUN PA'O, ,ZHES DANG, MCHOG TU THOGS NA SRID PA LAN BDUN PA GZHAN YANG YOD MDO KYI MA NGES PAS 'DIR MA BRJOD DO, ZHES SPYIR SRID PA LA NA BDUN PA LA SO SKYE SRID PA LAN BDUN PA DANG, RGYUN ZHUGS SRID PA LAN BDUN PA GNYIS YOD KYANG, SO SKYE SRID PA LAN BDUN PA DANG, MA NGES PA'I RGYUN ZHUGS SRID PA LAN BDUN PA GNYIS SKABS 'DIR DNGOS SU MA BSTAN PAR @224B GSUNGS, ,MA NGES PA'I RGYUN ZHUGS SRID PA LAN BDUN PA YOD PA'I RGYU MTSAN NI GZHAN YANG YOD DE, RANG 'GREL LAS, GONG DU 'PHO BA DE DAG BAR SKABS SU YANG YONGS SU MYA NGAN LAS 'DA' BAR LTA'O, ,'OG MIN DANG SRID PA'I RTZE MO'I MTHAR THUG PAR 'GRO BA NYID NI DE PHAN CHAD DU 'GRO BA MED PA'I PHYIR TE, DPER NA RGYUN DU ZHUGS PAS CHOG TU THOGS NA SRID PA LAN BDUN PA BZHIN ZHES DANG DE'I 'GREL BSHAD DU, DPER NA RGYUN DU ZHUGS PA MCHOG TU THOGS NA LAN BDUN PA NYID BZHIN DE, DE LA SRID PA GNYIS SAM, GSUM MNGON PAR GRUB NAS YONGS SU MYA NGAN LAS 'DA' BA MI SRID PA MA YIN MOD KYI, DE PHAN CHANG SRID PA BRGYAD PA MNGON PAR 'GRUB PAR MI BYED PAS MCHOG TU THOGS NA LAN BDUN PA ZHES GSUNGS PA'I PHYIR, NGES PA'I RGYUN ZHUGS SRID PA LAN BDUN PA NI, SRID PA NYI SHU RTZA BRGYAD LEN PAR NGES PA'I LAS SNGON SO SKYE'I DUS SU BSAGS SHING, 'DI NI RGYUN ZHUGS SRID PA LAN BDUN PA RNAMS KYI THA SHAL YIN TE, MDZOD 'GREL LAS, THAMS CAD NI MIN PAS RE LTAR THOGS NA ZHES BYA BA NI THAMS CAD KYI THA SHAL BA'O, ,ZHES DANG, BAR SKABS SU YANG 'PHAGS PA'I LAm MNGON DU BYED CING YONGS SU MYA NGAN LAS MI 'DA' STE, DE SRID DU SRID PA MYONG BAR 'GYUR BA'I @225A *, ,LAS KYI STOBS SKYE BA'I PHYIR RO, ,ZHES GSUNGS PA'I PHYIR, 'DIS DE LAS LHAG PA MI LEN TE, DE TZAM GYIS RGYUD YONGS SU SMIN NAS MYA NGAN LAS 'DA' BAR 'GYUR BA'I PHYIR, DPE NA SBRUL GOM PA BDUN PA DANG, RIMS NYIN BZHI PAS ZIN PA LTA RO, ,'O NA SRID PA NYI SHU RTZA BRGYAD LEN PAR NGES NA, SPID PA LAN BDUN PA ZHES BRJOD PA'I RGYU MTSAN CI ZHE NA, RGYU MTSAN YOD DE, BLANG BYA'I SRID PA BDUN TSAN DU 'DRA BAS DE LTAR BRJOD PA'I PHYIR, DPE NA, 'JIG RTEN GYI THA SNYED LA SHING 'GA' ZHIG LA 'DAB MA BRGYA STONG LA SOGS PA YOD KYANG, LO MA RE RE LA 'DAB MA BDUN BDUN YOD PAS 'DAB MA BDUN PA ZHES BRJOD PA DANG, GSUNG RABS KYI THA SNYAD LA YANG DGE SLONG DAG CI LTAR NA DGE SLONG GNAS BDUN LA MKHAS PA YIN ZHE NA, GZUGS YANG DAG PA JI LTA BA BZHIN DU RAB TU SHES SO, ,GZUGS SDUG BSNGAL BA DANG, GZUGS KUN 'BYUNG BA DANG, GZUGS 'GOG PA DANG, GZUGS 'GOG PAR 'GRO BA'I LAM DANG, GZUGS KYI RO MYANG DANG, NYES DMIGS DANG, NGES PAR 'BYUNG BA YANG DAG PA JI LTA BA BZHIN DU RAB TU SHES SO, ,ZHES PHUNG PO LNGA CHAR LA GSUNGS PAS NA, GNAS SUM CU SO LNGA LA MKHAS SU ZIN KYANG, MKHAS BYA'I GNAS RNAMS BDUN TSAN DU 'DRA BAS @225B GNAS BDUN LA MKHAS PA'I DGE SLONG ZHES BRJOD PA BZHIN NO, ,SDE PA GZHAN DAG NA RE, GANG ZHIG MI RNAMS KYI NANG DU BDEN PA MTHONG BA DE NI LHA RNAMS KYI NANG DU LAN GSUM 'KHOR MI RNAMS KYI NANG DU YANG LAN GSUM KHO NA 'KHOR NAS DE NAS LHA RNAMS KYI NANG DU 'ONGS NAS YONGS SU MYA NGAN LAS 'DA' BA'O, ,GANG ZHIG LHA RNAMS KYI NANG DU BDEN PA MTHONG BA DE YANG DE KHO NA BZHIN DU MI RNAMS KYI NANG DU LAN GSUM 'KHOD LA; LHA RNAMS KYI NANG DU LAN GSUm 'KHOR NAS DE NAS MI RNAMS KYI NANG DU 'ONGS TE YONGSU MYA NGAN LAS 'DA'O, ,ZHES SMRA BA'O, ZHES 'GREL BSHAD DU 'BYUNG BA LTAR 'DOD LA, SHES BYED NI, MDO LAS, LHA DANG MI RNAMS KYI NANG DU LAN BDUN 'KHOR ZHES 'BYUNG GI ,SO SOR 'KHOR ZHES MI 'BYUNG BA'I PHYIR DANG, GZHAN YANG MDO LAS, 'PHAGS PA'I GANG ZAG LTA BA PHUN SUM TSOGS PA SRID PA BRGYAD PA MNGON PAR 'GRUB PA GANG YIN PA DE NI GNAS MIN ZHING GO SKABS MED DO, ,ZHES SOGS GSUNGS PA'I PHYIR, ZHES ZER, MI RIGS TE, 'PHAGS PA'I GANG ZAG 'DOD PA'I KHAMS SU LAS NYON GYI RIGS MTHUN GYI SKYE SRID BRGYAD LEN PA MDO LAS BKAG PA TZAM YIN PA'I PHYIR TE, 'OD SRUNGS SDE PA MNGON PA'I LUNG LAS, LHA RNAMS KYI NANG DU LAN BDUN MI RNAMS KYI NANG DU LAN BDUN, ZHES GSUNGS@226A *, ,SHING; KUN BTUS LAS KYANG, DE LTAR THOGS NA SRID PA LAN BDUN PA GANG ZHE NA, RGYUN TU ZHUGS PA'I GANG ZAG NYID LHA DANG MI RNAMS KYI NANG DU LAN BDUN YAN MAN DU SRID PAR 'KHOR BAR BYAS NAS GANG SDUG BSNGAL GYI THA MA THOB PA'O, ,ZHES GSUNGS SHING, MDZOD 'GREL LAS KYANG, DES NA 'DI LA MNGON PAR ZHEN PAR MI BYA'O, ,ZHES BYE BRAG SMRA BA'I BZHED PA LTAR GSUNGS PA'I PHYIR, GSUM PA NI, RGYUN ZHUGS KYI RTEN LA RIGS MTHUN GYI SKYE SRID BDUN LEN PA'I DON GYIS DE LTAR BRJOD DO, ,GSUM PA NI, LAM RJES SHES NAS 'DOD NYON DRUG PA SPONGS PA'I BAR NA YOD, BZHI PA NI, KHAMS GSUM GYIS NYON MONGS RIM GYIS SPONG PA'I RGYUN ZHUGS YIN PA'I DON GYIS NA DE LTAR BRJOD DO, ,GNYIS PA SPANG BYA CIG CAR PA'I RGYUN ZHUGS BSHAD PA LA BSHAD BYA'I LUNG 'GOD PA; LUNG GI DON BSHAD PA GNYIS, DANG PO NI, KUN BTUS LAS RGYUN TU ZHUGS PA ZHES GANG GSUNGS PA LA RGYUN TU ZHUGS PA NI RNAM PA GNYIS TE, RIM KYIS PA DANG CIG CAR NGES PAR 'BYIN PA'O, DE LA RIM KYIS PA NI SNGAR JI SKAD BSHAD PA NYID YIN PAR SHES PAR BYA'O, ,CIG CAR NGES PAR 'BYIN PA NI GANG BDEN PA RNAMS MNGON PAR RTOGS PAR BYAS NAS MI LCOGS PA MED PA LA BRTEN @226B TE; 'JIG RTEN LAS 'DAS PA'I LAM GYI KHAMS GSUM NA SPYOD PA'I NYON MONGS PA RNAMS RNAM PAS CIG CAR DU SPONG STE 'DI NI RGYUN TU ZHUGS PA'I 'BRAS BU DANG, DGRA BCOM PA'I 'BRAS BU STE, 'BRAS BU GNYIS LA GDAGS SO, ,PHAL CHER NI MTHONG BA'I CHOS SAM 'CHI BA'I DUS KYI TSE KUN SHES PA THOB PAR BYED DO, ,GAL TE MI BYED NA'ANG DE SMON LAM GYI STOBS CAN YIN TE, SMON LAM GYI DBANG GIS 'DOD PA'I KHAMS NYID DU SKYES TE SANGS RGYAS 'BYUNG BA MED NA RANG RGYAL BAR 'GYUR RO, ,ZHES GSUNGS SO, ,GNYIS PA NI, RGYUN TU ZHUGS PA LA RNAM PA GNYIS GSUNGS PA LAS, RIM GYIS PA 'DIR DNGOS SU MI 'CHAD PA'I RGYU MTSAN YOD DE, SNGAR GONG DU BSHAD ZIN PA'I PHYIR, SPANGS BYA CIG CAR BA'I RGYUN ZHUGS 'CHAD PA LA, DUS KYI KHYAD PAR, ,SA'I KHYAD PAR, ,LAM GYI KHYAD PAR, ,SPANG BYA SPONG TSUL GYI KHYAD PAR, ,GANG ZAG GI KHYAD PAR, ,MYANG 'DAS MNGON DU BYED TSUL GYI KHYAD PAR DANG DRUG YOD PA LAS, DANG PO NI, GANG BDEN PA RNAMS MNGON PAR RTOGS PAR BYAS NAS, ZHES DANG GNYIS PA NI, MI LCOGS PA MED PA LA BRTEN TE ZHES PA DANG, GSUM PA NI, 'JIG RTEN LAS 'DAS PA'I LAM GYI ZHES DANG, BZHI PA NI, KHAMS GSUM NA SPYOD PA'I NYON MONGS PA RNAMS RNAM @227A *, ,BAS CIG CAR DU SPONG STE, ZHES DANG, LNGA PA NI, 'DI NI RGYUN DU BZHUGS PA'I 'BRAS BU DANG, DGRA BCOM PA'I 'BRAS BU STE, 'BRAS BU GNYIS LA GDAGS SO ZHES DANG, DRUG PA NI, PHAL CHER NI MTHONG BA'I ZHES SOGS KYIS BSTAN LA, CIG CAR BA'I RGYUN ZHUGS 'DIS MTHONG LAM GYI RJES SU RANG GI SPANG BYA'I GTZO BO RNAMS SPONG DGOS PA'I RGYU MTSAN YOD DE, MTHONG LAM GYI SNGON ROL DU DE'I SPANG BYA'I GTZO BO RNAMS SPONGS BAR MI NUS PA'I PHYIR, 'DIR NYER BSNGOGS MI LCOGS PA MED PA LA BRTEN NAS NYON MONGS PA RNAMS SPONG DGOS TE, 'DOD PA NYON MONGS RAGS, 'DIS NYER BSDOGS LHAG MA RNAMS DANG, DNGOS GZHI'I SEMS MA THOB PA'I PHYIR, 'DIS 'DAS LAM LA BRTEN NAS NYON MONGS PA RNAMS SPONG STE, 'JIG RTEN PA'I LAM GYIS SRID RTZE'I NYON MONGS CUNG ZAD KYANG SPONG BAR MI NUS PA'I PHYIR DANG, SRID RTZE'I GONG SA LA ZHI BA DANG, SRID RTZE LA RAGS PAR LTA BA'I LAM NI MED PA'I PHYIR TE, SRID RTZE LA GONG SA MED PA'I PHYIR TE, MDZOD LAS, 'JIG RTEN 'DAS KYIS SRID RTZE LA, ,CHAGS BRAL GZHAN LA RNAM PA GNYIS, ,ZHES SRED RTZE'I NYON MONGS PA 'DAS LAM KHO NAS SPONG TSUL DANG, CI YANG MED MAN CHAD KYI, NYON MONGS RNAMS 'JIG RTEN PA DANG @227B 'JIG RTEN LAS 'DAS PA'I LAM GNYIS KAS SPONG TSUL GSUNGS SHING, MDZOD LAS, SRID RTZE LAS SKYES BZOD PA YIS, ,GZHOM BYA MTHONG BAS SPANG BYA NYID, ,LHAG SKYES MTHONG DANG SGOM GNYIS KYIS, ,ZHES SRID RTZE'I MTHONG SPANG MTHONG LAM KHO NAS SPONG BA DANG, SA GZHAN RNAMS KYI MTHONG SPANG NYON MONGS MTHONG SGOM GYI LAM GNYIS KYIS SPONG TSUL GSUNGS PA'I PHYIR, 'DI'I SPANG BYA SPONG TSUL GYI KHYAD PAR BZHAG TU YOD DE, SA DGU'I SGOM SPANG CHEN PO'I CHEN PO DGU CIG CAR DU SPONG BA NAS MTHAR CHUNG DU'I CHUNG DU DGU CIG CAR DU SPONG BA'I PHYIR TE, 'DIS KHAMS GSUM BDAG MED PA'I RNAm PA CAN DU, DUS CIG CAR DU SGOM NUS PA'I PHYIR TE, 'DI RGYUN ZHUGS GZHAN LAS DBANG PO RNO BA'I PHYIR, KUN BTUS KYI 'GREL BAR, RNAM PAS ZHES BYA BA NI SGOM PAS SPANG BAR BYA BA 'DOD PA DANG, GZUGS DANG, GZUGS MED PA NI SPYOD PA CHEN PO'I CHEN PO CIG CAR DU SPONG BA DANG, DE BZHIN DU CHUNG DU'I CHUNG DU'I BAR DU STE, MTHONG BAS SPANG BAR BYA BA BZHIN NO, ,'JIG RTEN PA'I LAM BZHIN DU, SA'I RNAM PA'I BYE BRAG GIS SPONG PA NI MA YIN NO, ,ZHES BYA BA'I THA TSIG GO ,'DIR KHUNGS NI SOR MO'I RTZE MO'I MDO LAS, GZUGS GANG CI YANG RUNG STE ZHES BYA BA NAS, RNAM PAR SHES PA'I BAR DU 'DAS PA DANG MA 'ONGS PA DANG DA @228A *, ,LTAR BYUNG BA ZHES RGYA CHER BYUNG BA NAS, RGYANG RING PO DANG THAG NYE BA ZHES BYA BA'I BAR DU DE THAMS CAD GCIG TU SDUS TE, CHA GCIG TU BYE DO, ,GCIG TU ZLUM MO, GCIG TU SDOM MO, PHUNG PO GCIG TU BYE DO, ,CHOS GCIG TU BYAS SHING PHUNG PO GCIG GI BAR DU BYAS NAS 'DI LTAR YANG DAG PAR SLOB STE, 'DI THAMS CAD MI RTAG PA, 'DI THAmD SHIN TU SDUG BSNGAL BA'O, ,ZHES RGYA CHER GSUNGS PA LTA BU'O, ,ZHES GSUNGS SO, ,NYAN THOS KYI SPANG BYA CIG CAR BA'I 'BRAS BU NI, 'BRAS BU THOG MTHA' GNYIS KHO NA LA 'JOG RIGS TE, 'BRAS BU BAR PA GNYIS LA 'JOG PAR MI RIG PA'I PHYIR TE, PHYIR 'ONG YIN NA, 'DOD NYON DRUG PA SPANGS SHING GONG MA'I SGOM SPANG NYON MONG DRUG BA MA SPANGS PAS KHYAB, PHYIR MI 'ONG YIN NA, 'DOD NYON DGU PA SPANGS SHING GONG MA'I NYON MONGS DGU PA MA SPANG DGOS PA'I PHYIR, KHYAB STE, 'DOD NYON DRUG PA SPANGS PA'I CIG CAR BA'I NYAN THOS YIN NA, SRID NYON DRUG PA SPANGS PAS KHYAB; 'DOD NYON DGU PA SPANGS PA'I CIG CAR BA'I NYAN THOS YIN NA YANG, SRID NYON DGU PA SPANGS PAS KHYAB PA'I PHYIR TE, KUN BTUS KYI 'GREL BAR, DON 'BRAS BU DANG PO DANG THA MA GNYIS KHO NA LA GDAGS TE, DE GNYIS NI KHAMS GSUm PA'I MTHONG BA DANG SGOM BAS SPANGS PAR BYA BA THAmD MA LUS PAR SPANGS PAS RAB TU PHYE BA'I PHYIR GO RIM BZHIN NO, ,BAR DAG LA MI GDAGS TE, DE DAG NI BDEN PA MTHONG BAS SPANG BAR BYA BA DANG SGOM PAS SPANG BAR BYA BA 'DOD PA NA SPYONG BA NYID LHAG MA DANG @228B BCAS PA DANG, LHAG MA MED PAR SPANGS PAS RAB TU PHYE BA'I PHYIR RO, ,CIG CAR NGES PAR 'BYIN PA'I DBANG DU BYAS NAS, RNAM PAR 'BYED PA'I MDO LAS RGYUN TU ZHUGS PA'I 'OG TU DGRA BCOM PA RNAM PAR DAG PAR RIG PAR BYA'O, ,ZHES 'BYUNG NGO, ,ZHES GSUNGS SO, ,'DI NI KUN GZHI DANG NYON YID MI BZHED PA RNAMS KYI LUGS YIN LA, BZHED PA RNAMS KYI LUGS LTAR NA 'DI LTAR 'CHAD DGOS TE, DE DAG GI LTAR NA KHAMS GSUM GYI NYON YID RIM GYIS SPANGS PA MI SRID PA'I PHYIR TE, SRID RTZE'I NYON MONGS SPANGS PA DANG, KHAmS GSUm GYI NYON YID SPANGS PA DUS MNYAM PA'I PHYIR, DE LTAR NA YANG 'BRAS BU BAR PA GNYIS LA GNAS PA'I GANG ZAG SPANG BYA CIG CAR BA MA YIN TE, NGES 'JUG SHES SU GYUR PA'I KHAMS GSUm GYI NYON MONGS DRUG PA DANG DGU PA RNAMS RIM BZHIN DU SPONG DGOS PA YIN PA'I PHYIR TE, DE RNAMS SPANG BYA CIG CAR PA'I RGYUN ZHUGS LAS DBANG PO RTUL BA YIN PA'I PHYIR, 'BRAS BU DANG PO LA SPANG BYA CIG CAR BA BZHAG PA'I RGYU MTSAN YOD DE, DE NI KHAMS GSUM GYI MTHONG SPANG NYON MONGS MA LUS PA CIG CAR DU SPANGS PAS RAB TU PHYE BA'I PHYIR, 'BRAS BU THA MA LA SPANG BYA CIG CAR BA 'JOGS PA'I RGYU MTSAN YOD DE, DE NI KHAMS GSUM GYI SGOM SPANG NYON MONGS MA LUS PA CIG CAR DU SPANGS PAS @229A *, ,RAB TU PHYE BA'I PHYIR, DES NA SPANG BYA CIG CAR BA DANG, RIM GYIS BA'I RNAM PAR BZHAG PA NI NYON YID 'KHOR BCAS LAS GZHAN PA'I KHAMS GSUM GYI NYON MONGS RIM GYIS SPONG BA DANG CIG CAR DU SPONG BA'I SGO NAS 'JOGS PAR BYED DGOS TE, 'DOD PA KHAMS PA'I PHYIR 'ONG LTA BU YIN NA, 'DOD NYON MA SPANGS PAS KHYAB PA'I PHYIR TE, DE YIN NA NYON YID MA SPANGS PAS KHYAB; DE'I RGYUD KYI NYON YID 'DOD PA'I SAS SDUS YIN TE, NYON YID NI RANG RGYUD LDAN GYI GANG ZAG DE DANG SA MTSUNGS PA KHO NA YIN PA'I PHYIR TE, SDU BA LAS, NYON MONGS PA DE DAG NI LUS GANG DU SKYES PA DE'I SA PA NYID DE DE NI 'DU SHES MED 'DU SHES MED GYI SKYE MCHED LA 'DOD CHAGS DANG BRAL BA DAG KHO NAS CIG CAR DU SPONGS PAR BYA'I DE LAS GZHAN PA'I NYON MONGS PA DAG DA LTA RIM GYIS SPONG BA NI MA YIN NO, ,ZHES GSUNGS SHING, SUM CU PAR, GANG DU SKYES PA DE'I 'O ZHES GSUNGS PA'I PHYIR, DES NA, SRID NYON BRGYAD PA SPANGS PA'I PHYIR 'ONG YOD DE, 'DOD NYON BRGYAD PA SPANGS PA'I PHYIR 'ONG YOD PA GANG ZHIG ,'DOD NYON BRGYAD PA SPANGS NA SRID NYON BRGYAD PA SPANGS DGOS PA'I PHYIR, DANG PO GRUB STE, PHYIR 'ONG 'BRAS GNAS KHYAD PAR CAN TSE CIG BAR CHAD CIG PA YOD PA'I PHYIR, @229B GNYIS PA GRUB STE, 'DOD NYON DGU PA SPANGS NA SRID NYON DGU BA SPONG DGOS PA'I PHYIR TE, 'DOD NYON DGU PA SPANGS NA 'DOD NYON SPANGS PAS KHYAB, 'DOD NYON SPANG NA SRID RTZE'I NYON MONGS SPANGS DGOS PA'I PHYIR, DANG PO GRUB STE, SRID NYON DGU PA SPANGS NA SRED RTZE'I NYON MONGS SPANG DGOS PA GANG ZHIG RGYU MTSAN MTSUNGS PA'I PHYIR, GONG GI RTAt GNYIS PA GRUB STE, 'DOD PA'I NYON YI DANG, SRID RTZE'I NYON YID RIM BZHIN DU SPANGS PA'I GANG ZAG MI SRID PA GANG ZHIG ,'DOD PA'I NYON YID 'KHOR GYI 'DOD NYON DE LA YANG CHUNG NGU'I CHUNG DU LA SOGS PA DGU'I RNAm GZHAG 'THAD PA'I PHYIR, 'DOD PA'I NYON YID 'KHOR GYI NYON MONGS DE, 'DOD PA'I NYON MONGS YIN PA GANG ZHIG, DE RNAmS KYI GNYEN POR GYUR BA'I SGOM LAm BAR CHAD MED LAm CHEN PO'I CHEN PO SOGS DGU'I RNAm GZHAG 'THAD PA'I PHYIR TE, 'DOD PA'I NYON YID 'KHOR GYI NYON MONGS DE DANG 'JUG SHESU GYUR PA'I 'DOD NYON RNAMS 'DOD PA'I SAS SDUS YIN BA GANG ZHIG, PHYI MA 'DI RNAM KYI GNYEN POR GYUR PA'I SGOM LAm DGU YOD PA'I PHYIR TE, 'DOD PA'I NYON YI DANG, SRID RTZE'I NYON YID RIM GYIS SPANG PA'I GANG ZAG MI SRID PA'I PHYIR TE, SDU BAR, DE NI 'DU SHES MED 'DU SHE MED MIN SKYE MCHED LA 'DOD CHAGS DANG BRAL BA DAG KHO NAS SPANG BAR BYA'I DE LAS GZHAN PA'I NYON MONGS BA DAG DE LTAR RIM GYIS SPONG BA NI MA YINO, ,ZHES GSUNGS PA'I PHYIR, 'DOD NYON DGU PA MA SPANGS PA'I PHYIR MI 'ONG MI SRID PA'I PHYIR TE, 'DOD NYON DGU PA SPANGS NA SRID NYON DGU BA SPANG DGOS PA GANG ZHIG ,SRID NYON DGU PA SPANGS PA'I PHYIR MI 'ONG MI SRID PA'I PHYIR, 'DOD NYON DGU PA SPANGS PA'I PHYIR MI 'OD SRID CING, SRID NYON BRGYAD PA SPANGS PA'I PHYIR @230A *, ,'ONG MI SRID PAR BSHAD PA DANG 'GAL SNYAM NA SKYON MED DE, SNGA MA NI 'JUG SHES SU GYUR BA'I 'DOD NYON DGU BA LA DGONGS LA, PHYI MA DE NI RAGS RTZIS KYI DBANG DU MDZAD PA'I PHYIR, DE RNAMS NI RNAM SHES TSOGS BRGYAD BZHED PA'I SEMS TZAM PA RNAMS KYI LUGS YIN LA, SNGA MA RNAMS NI RNAM SHES TSOGS BRGYAD MI BZHED PA'I DBU MA RANG BRGYUD PA RNAMS KYI LUGS YIN PAS GRUB MTHA' SO SO'I RNAM BZHAG LA MKHAS PAR BYA'O, ,'DI'I MYANG 'DAS SNGON DU BYED TSUL GYI KHYAD PAR BZHAG TU YOD DE, DBANG PO CHES RNO BA DANG 'BRING DANG RTUL BA'I KHYAD PAR GYIS, RGYUN ZHUGS KYI 'BRAS BU THOB PA'I TSE DE NYID DANG, DE NAS SHI 'PHOS PA'I BAR SRID DANG, DE NAS 'DOD PA'I SKYE SRID BLANGS TE SANGS RGYAS 'BYUNG BA DANG 'PHRAD NA NYAN THOS, MA 'PHRAD NA RANG RGYAL DU 'GYUR BA'I PHYIR TE DE LTA BU'I SMON LAM RNAM PAR DAG PA BTAB PA'I PHYIR, SPANG BYA CIG CAR BA'I RGYUN ZHUGS RANG RGYAL GYI LAM DU 'JUG PA'I TSE RANG RGYAL GYI TSOGS LAM KHO NA NAS 'JUG DGOS TE; RANG RGYAL GYI LAM LNGA PO'I GO RIM MTHA' CIG TU NGES PA'I PHYIR TE, SPYIR LAM LNGA'I GO RIM MTHA' CIG TU NGES PA'I PHYIR, KHO NA RE, 'DOD PA'I BAR NGO'I RTEN LA MYANG @230B 'DAS SNGON DU BYED PA'I RGYUN ZHUGS MED PAR THAL, BAR DO TSE SHIN TU THUNG, RGYUN ZHUGS KYI SPANG BYA'I GTZO BO MANG BA'I PHYIR, ZHE NA MA KHYAB STE, DE NI BYE BRAG TU SMRA BA'I 'DOD PA YIN PA'I PHYIR, ZHES KUN MKHYEN GNYIS PA DAR MA RIN CHEN GYIS KUN BTUS KYI tIKA CHEN DU GSUNGS PA'I PHYIR, BZHI PAS MTSAMS NI, LAM RJES SHES NAS SRID NYON DGU BA'I DNGOS GNYEN LA GNAS PA'I BAR NA YOD, LNGA PA SGRA BSHAD NI, MYA NGAN LAS 'DAS PA THOB PAR BYED PA'I LAM GYI RGYUN LA ZHUGS PAS RGYUN ZHUGS ZHES BYA LA, PHYIR 'ONG DANG, PHYIR MI 'ONG RNAMS KYANG RGYUN ZHUGS YIN YANG SPYI SGRA BYE BRAG LA 'JUG PA'I DBANG DU BYAS NAS 'BRAS GNAS DANG PO KHO NA LA RGYUN ZHUGS SU BRJOD DE, GONG SA'I DGE BA'I LAS RNAMS BSOD RNAMS KYI LAS YIN YANG, 'DOD PA'I DGE BA KHO NA LA, BSOD NAMS KYI LAS ZHES BRJOD PA LTAR RO, ,ZHES RTEN CING 'BREL PAR 'BYUNG BA DANG PO DANG, BRGYAD PA'I RNAM GZHAG LAS BSHAD LA DING SANG DE BZHIN DU MI BZHENG PAR SNANG NGO, ,` GNYIS PA LA, ZHUGS PA BSHAD PA DANG, 'BRAS GNAS BSHAD PA GNYIS, DANG PO NI, PHYIR 'ONG GI 'BRAS BU THOB PHYIR DU RTZON PA'I SBYOR BA RGYUN CHAGS LA GNAS PA'I RAB PHYE'I GANG ZAG GO ,DE LA DBYE NA 'BRAS BU THOD BRGAL BA'I PHYIR 'ONG ZHUGS PA, 'BRAS BU RIM GYIS PA'I PHYIR 'ONG ZHUGS PA GNYIS @231A *, ,DANG PO LA, DBANG RTUL DANG BA'I RJES 'BRANG DANG DBANG RNON CHOS KYI RJES 'BRANG GNYIS, 'DI'I SA MTSAMS SBYOR LAM STAN CIG PA NAS YOD, 'BRAS BU RIM GYIS PA'I PHYIR 'ONG ZHUGS PA LA, DBANG RTUL DAD PAS MOS PA DANG, DBANG RNON MTHONG BAS THOB PA GNYIS, 'DI'I SA MTSAMS LAM RJES SHES THOB PA NAS, 'DOD NYON DRUG PA SPONG BA'I BAR NA YOD, GNYIS PA LA, MTSAN NYID, DBYE BA, SA MTSAMS, SGRA BSHAD DANG BZHI, DANG PO NI, PHAL CHER LA 'DOD CHAGS DANG BRAL BAS RAB TU PHYE BA'I DGE SBYONG TSUL GYI 'BRAS BU LA GNAS PA'I GANG ZAG GO ,MDZOD LAS, RNAM PA DRUG PA ZAD GYUR PA, DE NI LAN CIG PHYIR 'ONG NGO, ,ZHES DANG, KUN BTUS LAS, LAN CIG PHYIR 'ONG BA'I GANG ZAG GANG ZHE NA, SGOM PA'I KHAM LA 'DOD PA NA SPYOD PA'I NYON MONGS PA, RNAM PA DRUG PA SPANGS PA'I LAM LA GNAS PA'I GANG ZAG GO ,ZHES GSUNGS PA'I PHYIR, GNYIS PA LA DBANG PO'I SGO NAS DBYE NA, DBANG BRTUL DAD PAS MOS PA DANG, DBANG RNON MTHONG BAS THOB PA GNYIS, 'BRAS BU SNGON DU BYED TSUL GYI SGO NAS DBYE NA 'BRAS BU THOD BRGAL BA'I PHYIR 'ONG DANG, 'BRAS BU RIM GYIS PA'I PHYIR 'ONG GNYIS, PHYIR 'ONG GANG ZHIG RGYUN ZHUGS KYI 'BRAS BU MA THOB @231B PAS RAB TU PHYE BA DANG PO'I MTSAN NYID, DE GANG ZHIG, RGYUN ZHUGS KYI 'BRAS BU THOB ZIN PAS RAB TU PHYE BA, GNYIS PA'I MTSAN NYID, SBYOR BA'I SGO NAS DBYE NA PHYIR 'ONG TZAM PO BA DANG, KHYAD PAR CAN TSE GCIG BAR CHAD GCIG PA GNYIS, PHYI MA 'DI LA YANG SPANGS RTOGS KYI KHYAD PAR, SKYE BA LEN TSUL GYI KHYAD PAR, 'BRAS BU GONG MA LA ZHUGS PA'I KHYAD PAR DANG GSUM YOD DE, MDZOD LAS, NYES CHA BDUN NAM BRGYAD ZAD PA, TSE GCIG BAR CHAD GCIG PA DANG, GSUM PA LA NI ZHUGS PA YIN, ZHES SGOM SPANG DU GYUR PA'I 'DOD NYON BDUN NAM BRGYAD ZAD PA, DGU PA MA ZAD PA, 'DOD LHA'I SKYE BA'I SRID PA CIG LEN ZHING, SKYE BA'I SRID PA GZHAN MI LEN PA, PHYIR MI 'ONG GI 'BRAS BUR ZHUGS PAR BSHAD PA'I PHYIR DANG, KUN BTUS LAS KYANG, BAR CHAD GCIG PA GANG ZHE NA, LAN CIG PHYIR 'ONG BA LHA RNAMS KYI NANG NYID DU GANG SDUG BSNGAL GYI THA MA THOB PA'O, ,ZHES BSHAD DO, ,GSUM PA NI, LAM RJES SHES NAS, 'DOD NYON DGU PA SPONGS BA'I BAR NA YOD, BZHI PA NI, PHYIR 'ONG GI 'BRAS BU THOB RJES SU 'DOD PAR LAS NYON GYI DBANG GIS LAN CIG PHYIR 'ONG BA'I DON GYIS LAN CIG PHYIR 'ONG ZHES BYA LA, 'DI YANG SGRA BSHAD PA TZAM YIN TE, 'DOD PAR LAS KYI DBANG GIS SKYE BA MI LEN PAR, TSE DE @232A *, ,NYID PA YONGS SU MYA NGAN LAS 'DA' BA'I PHYIR 'ONG DANG, 'DOD PAR LHA'I SKYE SRID BLANGS PA'I RJES SU MI'I SKYE SRID LEN PAR 'GYUR BA'I PHYIR 'ONG YOD CING, RIGS MTHUN GYI SKYE BA GNYIS MI LEN PA'I DON GYIS LAN CIG PHYIR 'ONG ZHES BRJOD KYIS, LAN GNYIS PHYIR 'ONG ZHES MA BRJOD DE, MDZOD 'GREL LAS, LHA DAG GI NANG DU SONG NAS MI'I 'JIG RTEN DU LAN CIG PHYIR 'ONG BA'I PHYIR, LAN CIG PHYIR 'ONG BA STE, DE PHAN CHAD DU 'GRO BA MED PA'I DON TO, ,ZHES GSUNGS PA'I PHYIR, ` GSUM PA LA ZHUGS PA BSHAD PA, 'BRAS GNAS BSHAD PA GNYIS, DANG PO NI, PHYIR MI 'ONG GI 'BRAS BU THOB PHYIR DU BRTZON PA'I SBYOR BA RGYUN CHAGS LA GNAS PA'I RAB TU PHYE BA'I GANG ZAG GO ,DE LA 'BRAS BU THOD BRGAL BA'I PHYIR MI 'ONG ZHUGS PA, 'BRAS BU RIM GYIS PA'I PHYIR MI 'ONG, DE GNYIS MA YIN PA'I PHYIR MI 'ONG ZHUGS PA DANG GSUM, DANG PO LA DBANG RTUL DAD PA'I RJES 'BRANG DBANG RNON CHOS KYI RJES 'BRANG GNYIS YOD, GNYIS PA DANG GSUM PA LA DAD MOS, MTHONG THOB GNYIS GNYIS YOD, DANG PO NI, RGYUN ZHUGS KYI 'BRAS BU MA THOB PA, GNYIS PA NI RGYUN ZHUGS KYI 'BRAS BU THOB PA, GSUM PA NI RGYUN ZHUGS KYI 'BRAS BU MA THOB CING PHYIR 'ONG GI 'BRAS BU THOB PA STE, DPER NA THOD @232B BRGAL BA'I PHYIR 'ONG 'BRAS GNAS KHYAD PAR CAN LTA BU'O, ,THOD BRGAL BA'I PHYIR 'ONG DANG PHYIR MI 'ONG GI ZHUGS PA GNYIS NI SBYOR LAM STAN CIG PA NAS LAM RJES BZOD KYI BAR NA YOD, GZHAN GSUM NI LAM RJES SHES THOB ZIN PA NAS 'DOD NYON DGU PA SPONG BA'I BAR NA YOD, GNYIS PA LA, MTSAN NYID, DBYE BA, SO SO'I RANG BZHIN, 'PHROS DON, SA MTSAMS SGRA BSHAD PA DANG DRUG ,DANG PO NI, THA MA'I CHA MTHUN LNGA SPANGS PAS RAB TU PHYE BA'I DGE SPYOD TSUL GYI 'BRAS BU LA GNAS PA'I GANG ZAG GO ,DE LNGA NI, MTHONG SPANGS KUN SBYOR GSUM, 'DOD PA LA 'DUN PA, GNOD SEMS RNAMS YIN LA, DANG PO GSUM GYIS RANG RGYUD LDAN GYI GANG ZAG ,'GRO BA THA MA SO SKYE LA KUN TU SBYOR, PHYI MA GNYIS KYIS RANG RGYUD LDAN GYI GANG ZAG KHAMS THA MA 'DOD PA'I KHAMS LA KUN TU SBYOR BA'I KUN SBYOR ZHES BYA STE, KUN BTUS LAS, PHYIR MI 'ONG BA'I GANG ZAG GANG ZHE NA, GANG SGOM PA'I LAM LA 'DOD PA NA SPYOD PA'I RNAM PA DGU PA SPANGS PA'I LAM LA GNAS PA'I GANG ZAG GO, GANG GI TSE 'DOD PA NA SPYOD PA'I SGOM PAS SPANGS PAR BYA BA THAMS CAD SPANGS PA'I PHYIR MI 'ONG BAR 'GYUR NA CI'I PHYIR THA MA'I CHA DANG MTHUN PA'I KUN TU SBYOR BA LNGA SPANGS PAS PHYIR I 'ONG BA ZHES BYA ZHE NA GTZO BO BSDU BA'I PHYIR RO, ,CI'I PHYIR GTZO BO ZHES BYA ZHE NA, 'GRO BA THA MA'I RGYU YIN PA DANG, KHAMS THA @233A *, ,MA'I RGYU YIN PA'I PHYIR ZHES DANG, MDZOD LAS, DE DGU ZAD PA PHYIR MI'ONG, ZHES BSHADO, ,GNYIS PA LA, DBANG PO'I SGO NAS DBYE NA, PHYIR MI 'ONG DAD MOS DANG, MTHONG THOB GNYIS, 'BRAS BU SNGON DU BYED TSUL GYI SGO NAS DBYE NA, THOD BRGAL DANG, RIM GYIS PA, DE LAS GZHAN BA GSUm SBYOR BA'I SGO NAS DBYE NA TZAM KHYAD GNYIS, YON TAN SNGON DU BYED TSUL GYI SGO NAS DBYE NA LUS MNGON BYED DANG DE MIN PA GNYIS, MYANG 'DAS MNGON DU BYED TSUL GYI SGO NAS DBYE NA, MTHONG CHOS ZHI, 'DOD PAR TSE YONG GYUR, GZUGS SU NYER 'GRO, GZUGS MED NYER 'GRO DANG BZHI'O, ,GSUM PA NI, PHYIR MI 'ONG GANG ZHIG ,DBANG RTUL DAD PA'I RJES 'BRANG DAG GI ZHUGS PAS THOB PA, GANG ZHIG DBANG RNON CHOS KYI RJES 'BRANG GI ZHUGS PAS THOB PA, DE GANG ZHIG 'BRAS BU DANG PO GNYIS GANG YANG MA THOB PAS RAB TU PHYE BA, GANG ZHIG ,GNYIS KA THOB ZIN PAS RAB TU PHYE BA, GANG ZHIG ,PHYIR 'ONG GI 'BRAS BU THOB CING RGYUN ZHUGS KYI 'BRAS BU MA THOB PA'I RAB TU PHYE BA, DPE NA THOD BRGAL BA'I PHYIR 'ONG GI RTOGS PA SNGON DU SONG BA'I PHYIR MI 'ONG LTA BU, GANG ZHIG ,RANG GI 'BRAS BU GONG MA LA MA ZHUGS PAS RAB TU PHYE BA DANG, GANG ZHIG ZHUGS PAS RAB TU PHYE BA, GANG ZHIG MTHONG LAM THOB PA'I TSE DE NYID LA MYANG 'DAS SNGON DU BYED PAR NUS PAS RAB TU PHYE BA, GANG ZHIG @233B 'DOD PAR 'PHAGS CHOS SKYE SRID RGYUD MAR RTEN ZIN PAS RAB TU PHYE BA, MDZOD LAS, 'DOD PAR TSE YONGS GYUR PA'I 'PHAGS, KHAMS GZHAN DU NI 'GRO BA MED, CES GSUNGS, GANG ZHIG , 'GOG SNYOMS THOB ZIN GYIS RAB TU PHYE BA, MDZOD LAS, 'GOG PA THOB PA'I PHYIR MI 'ONG, LUS KYIS MNGON SUM BYED PAR 'DOD, CES DANG, KUN BTUS LAS, LUS KYI MNGON SUM DU BYED PA GANG ZHE NA, GANG SLOB PA'I RNAM PAR THAR PA BRGYAD LA BSAM GTAN PA'I GANG ZAG GO, ZHES DANG, GZUGS SU NYER 'GRO'I PHYIR MI 'ONG 'DI LA, 'DOD RTEN CAN GYI KHYAD PAR BSHAD PA DANG 'OG MIN DANG, SRID RTZE'I RTEN CAN GYI PHYIR MI 'ONG RNAMS KYANG GZUGS SU NYER 'GRO SOGS SU BSHAD PA'I LUGS KHYAD PAR BA GNYIS 'DUG PAS PHYIR MI 'ONG GANG ZHIG ,LAS NYON GYIS GZUGS KYI SRID PAR PHYIN TE, MYA NGAN LAS 'DA' BAR 'GYUR BA'I RIGS CAN, 'DI LA, GZUGS SU NYER 'GRO'I PHYIR MI 'ONG BAR 'DA' BA, SKYES 'DA' BA GONG 'PHO BA DANG GSUM DU 'BYED PA'I RGYU MTSAN NI PHYIR MI 'ONG GSUM PO DE LA, DBANG PO RNON PO DANG, 'BRING DANG, RTUL BA'I KHYAD PAR DANG, LAS KYI NUS PA CHUNG BA DANG, 'BRING DANG, CHE BA'I KHYAD PAR DANG, NYON MONGS PA SRAB PA DANG, 'BRING DANG, 'THUG PA'I KHYAD PAR @234A *, ,GYIS BZHAG STE, MDZOD LAS, DE DAG GI NI KHYAD PAR RNAMS LAS DBANG NYON MONGS BYE BRAG LAS, ZHES GSUNGS PA'I PHYIR BAR 'DA' BA LA GSUM DU GSUNGS PA DANG, SKYES 'DA' BA LA GSUM DANG, GONG 'PHO 'OG MIN 'GRO LA GSUM DU 'BYED TSUL YANG SNGAR BSHAD PA LAS RTOGS PAR BYA'O, ,GZUGS SU NYER 'GRO'I PHYIR MI 'ONG DBANG RNON GANG ZHIG ,GZUGS KYI SKYE BA'I KUN SBYOR SPANGS SHING, MNGON PAR 'GRUB PA'I KUN SBYOR MA SPANGS PAR GZUGS KYI BAR DO'I RTEN LA MYA NGAN LAS 'DA' BA'I RIGS CAN, KUN BTUS LAS, BAR MA DOR YONGS SU MYA NGAN LAS 'DA' BA GANG ZHE NA, SKYE BA'I KUN TU SBYOR BA NI SPANGS LA MNGON PAR 'GRUB PA'I KUN TU SBYOR BA NI MA SPANGS PA STE, BAR MA DO'I SRID PA MNGON PAR 'GRUB PA NA, GANG LAm MNGON DU BYAS NAS SDUG BSNGAL GYI THA MA THOB PA DANG, BAR MA DO'I SRID PA MNGON PAR 'GRUBS NA SKYE BA'I SRID PAR 'GRO BAR MI SEMS PA NYID NA GANG LAm MNGON DU BYAS NAS SDUG BSNGAL GYI THA MA THOB PA DANG, MNGON PAR BSAMS NAS SKYE BA'I SRID PA LA MNGON PAR 'JUG STE, SKYE BA'I SRID PA NI MA THOB PA NA GANG LAm MNGON DU BYAS NAS SDUG BSNGAL GYI THA MA THOB PA'O, ,ZHES GSUNGS SO, ,DES NA, BAR DOR 'DA' BA'I PHYIR MI 'ONG DE LA, MYUR BAR 'DA' BA @234B MYUR BA MIN PAR 'DA' BA, DUS YUN RING MO ZHIG NAS 'DA' BA DANG GSUM YOD DE, DE LTAR DU SKYES BU DAM PA'I 'GRO BA BDUN BSTAN PA'I MDO LAS, ME STAG GNAM DU YAR MA THAG MED PAR 'GYUR BA DANG, YAR NAS CUNG ZAD LON PA NA MED PAR 'GYUR BA DANG, YAR NAS YUN RING DU LON PAS MED PAR 'GYUR BA'I DPE RNAM PA GSUM GYI SGO NAS BSTAN PA'I PHYIR, DPE DE NI, GZUGS KYI BAR DO GRUB MA THAG MYA NGAN LAS 'DA' BAR 'GYUR BA DANG, DE GRUB NAS YUN CUNG ZAD LON PA NA MYA NGAN LAS 'DA' BAR 'GYUR BA DANG, DE GRUB NAS YUN RING DU LON TE SKYE SRID 'GRUB TU NYE BA NA MYA NGAN LAS 'DA' BA STE, MDOR NA BAR DO'I TSE STONG DANG BAR DANG MTHA' MAR MYA NGAN 'DA' BA STE, 'DI DAG NI LHAG MED DU MYA NGAN LAS 'DA' ZHING, SKYES 'DA' BA RNAMS LHAG BCAS SU MYA NGAN LAS 'DA' BAR GSUNGS SO, ,SKYES 'DA' BA LA, GZUGS SU NYER 'GRO'I PHYIR MI 'ONG DBANG 'BRING GANG ZHIG ,GZUGS SU SKYE BA'I KUN SBYOR DANG, MNGON PAR 'GRUB PA'I KUN SBYOR GNYIS KA MA SPANGS SHING GZUGS KYI SKYE SRID GCIG KHO NA BLANGS TE MYA NGAN LAS 'DA' BA'I RIGS CAN NO, ,DBYE NA, SKYE BA'I SRID PA, DE'I STOD DANG, BAR DANG, MTHA' @235A *, ,MAR MYA NGAN LAS 'DA' BA DANG GSUM, SKYES TZAM NAS 'DA' BA, MNGON PAR 'DU BYED MED PAR 'DA' BA, MNGON PAR 'DU BYED DANG BCAS TE MYA NGAN LAS 'DA' BA, ZHES BRJOD PAR BYA STE, KUN BTUS LAS, SKYES NAS YONGS SU MYA NGAN LAS 'DA' BA GANG ZHE NA, GNYIS KAR KUN TU SBYOR BA MA SPANGS LA, GZUGS KYI KHAMS SU SKYES PA TZAM NYID KYIS GANG LAM MNGON DU BYAS NAS SDUG BSNGAL GYI THA MA THOB PA'O, ,MNGON PAR 'DU BYED PA MED PAR YONGS SU MYA NGAN LAS 'DA' BA GANG ZHE NA, GANG SKYES NAS MNGON PAR 'DU BYED PA MED PAR LAM GANG SNGON DU BYAS NAS SDUG BSNGAL GYI THA MA THOB PA'O, ,MNGON PAR 'DU BYED PA DANG BCAS PAS YONGS SU MYA NGAN LAS 'DA' BA GANG ZHE NA, GANG SKYES NAS MNGON PAR 'DU BYED PAS LAM SNGON DU BYAS TE SDUG BSNGAL GYI THA MA THOB PA'O ZHES GSUNGS LA, RGYAN RTZA BAR, MI 'BYED BYED MIN ZHES MA BRJOD PAR BYED DANG BYED MIN ZHES BRJOD PA NI SDE BA SBYOR GYI DBANG LAS YIN TE, DPER NA, MA YIN ZHES MI BRJOD PAR YIN MIN DANG, YOD MED CES GRAGS PA LTAR RO, ,GOD 'PHO LA MTSAN NYID, DBYE BA, SO SO'I RANG BZHIN DANG GSUM, DANG PO NI, GZUGS SU NYER 'GRO'I PHYIR MI 'ONG DBANG RTUL GANG ZHIG ,GZUGS KYI SKYE @235B SRID GNYIS RGYUD BLANGS TE MYA NGAN LAS 'DA' BA'I RIGS CAN GNYIS PA LA GONG 'PHO 'OG MIN 'GRO DANG, SRID RTZE MTHAR THUG 'GRO GNYIS SU 'BYED PA'I RGYU MTSAN NI, MDZOD LAS, DE 'PHAR PHYED 'PHAR THAMS CAD DU, 'CHI 'PHO GZHAN SRID RTZE MOR 'GRO, BSAM GTAN SPEL NA 'OG MIN 'GRO, ZHES GSUNGS PA LTAR, ,'DOD PA'I RTEN LA GZUGS MED KYI ZHI GNAS GTZO BOR BSGOM PA DANG BSAm GTAN BZHI PA SBEL MAR BSGOM PA'I DBANG GIS YIN NO, ,GSUM PA LA SRID RTZE'I MTHAR THUG 'GRO BSHAD PA DANG, 'OG MIN 'GRO BSHAD PA GNYIS, DANG PO LA, MTSAN NYID, DBYE BA, SGRA BSHAD DANG GSUM, DANG PO NI, GZUGS SU NYER 'GRO'I PHYIR MI 'ONG GONG 'PHO GANG ZHIG ,SRID RTZE'I RTEN LA MYA NGAN LAS 'DA' BA'I RIGS CAN NO, ,GNYIS PA NI, DBYE NA GZUGS MED DANG PO GSUM GYI RTEN LA MYA NGAN LAS 'DA' BA DANG, SRID RTZE KHO NA'I RTEN LA MYA NGAN LAS 'DA' BA BZHI YOD DO, ,SRID RTZE'I MTHAR THUG 'GRO ZHES BRJOD PA MI 'THAD PAR THAL, GZUGS MED DANG PO GSUM GYI RTEN LA MYA NGAN LAS 'DA' BA'I PHYIR SNYAm NA; MA KHYAB STE, SRID RTZE LAS THAL BAR MI 'GRO BA'I DON GYIS DE LTAR DU BRJOD PA TZAM YIN PA'I PHYIR TE, MDZOD 'GREL LAS, GONG DU 'PHO BA DE DAG BAR SKABS SU YANG YONGS SU MYA NGAN LAS 'DA' BAR@236A *, ,LTA'O, ,'OG MIN DANG SRID PA'I RTZE MO'I MTHAR THUG PAR 'GRO BA NYID NI, DE PHAN CHAD 'GRO BA MED PA'I DON TO, ,ZHES GSUNGS PA'I PHYIR, RIGS PA 'DI NI 'OG MIN 'GRO'I SKABS SU YANG SHES PAR BYA'O, ,BZHI PA NI, PHYIR MI 'ONG GI 'BRAS BU THOB RJES SU GZUGS KYI SKYE BA'I SRID PA BLANGS, SRID RTZE'I RTEN LA MYA NGAN LAS 'DA' BA'I DON GYIS, GZUGS SU NYER 'GRO'I PHYIR MI 'ONG GONG 'PHO SRID RTZE'I MTHAR THUG 'GRO, ZHES GSUNGS PA'O, ,GNYIS PA LA MTSAN NYID, DBYE BA, SGRA BSHAD PA DANG GSUM, DANG PO NI, GZUGS SU NYER 'GRO'I PHYIR MI 'ONG GANG ZHIG ,'OG MIN GYI RTEN LA MYA NGAN LAS 'DA' BA'I RIGS CAN, GNYIS PA LA, 'PHAR BA DANG, PHYED DU 'PHAR BA DANG, GNAS THAMS CAD DU 'CHI 'PHO BA DANG RNAM PA GSUM, DANG PO NI, DE GANG ZHIG GZUGS KYI SKYE BA'I SRID PA GNYIS KHO NA BLANGS TE MYA NGAN LAS 'DA' BA'I RIGS CAN, GNYIS PA NI, DE GANG ZHIG ,GZUGS KYI SKYE BA'I SRID PA GSUM BLANGS NAS MYA NGAN LAS 'DA' BA'I RIGS CAN, DE GANG ZHIG, GZUGS KYI SKYE BA'I SRID PA BCU DRUG BLANGS TE MYA NGAN LAS 'DA' BA'I RIGS CAN, TSANGS CHEN DU, 'PHAGS PA RNAMS SKYE BA LEN PA MED DE, DER GTZO BO NI TSANGS PA CHEN PO GCIG BUR DES @236B SHING, LTA BA NGAN PA'I GNAS YIN PA GANG ZHIG ,'PHAGS PA RNAMS TSANGS PA'I 'KHOR DU SKYE BA LEN PA DANG, LTA BA NGAN PA DANG MI LDAN PA'I PHYIR ZHES BYE BRAG TU SMRA BA BZHED LA, 'DI NI THEG CHEN GYI SDE SNOD TSANG MAR BYAS PA'I RNAM PAR BZHAG PA'I SNGA MA LAS GZHAN KHO NA YIN NO, ,MDOR BSDUS NA, BAR DOR 'DA' BA, SKYES 'DA' BA, GONG 'PHO 'OG MIN 'GRO THAMS CAD LA GZUGS KHAMS GNAS RIG BCU BDUN DU SKYE BA LEN NGES BCU BDUN BCU BDUN YOD CING, SKYE BA LEN TSUL NI, DANG PO GNYIS, 'DOD PA NAS SHI 'PHOS MA THAG BSAM GTAN DANG POR SKYE BSHI 'PHOS MA THAG GNYIS PAR SKYE BA, SHI 'PHOS MA THAG GSUM PAR SKYE BA NAS BZUNGS TE 'DOD PA NAS SHI 'PHOS MA THAG TU 'OG MIN DU SKYE BA YOD DE, DE RNAMS GZUGS KYI SRID PA GCIG KHO NA LEN PA'I PHYIR, 'OG MIN 'GRO 'DI LA, 'DOD RTEN LA BSAM GTAN SPEL MAR BSGOM, SHI 'PHOS TSANGS RIS SU SKYES, DER YANG SPEL SGOM BYAS SHING SHI 'PHOS GNAS GTZANG LNGA PO GANG RUNG GI RTEN LA MYA NGAN LAS 'DA' BA DANG, TSANGS RIS SU SKYE BA'I BAR SNGA MA BZHIN DU BYAS SHING, ,TSANGS RIS NAS SHI 'PHOS TE GNAS GTZANG GI SKYE BA GNYIS KHO NA BLANGS NAS MYA NGAN LAS 'DA' BA DANG, GZUGS KHAMS GNAS RIGS @237A *, ,BCU BDUN PA THAMS CAD DU SKYES TE MTHAR 'OG MIN GYI RTEN LA MYA NGAN LAS 'DA' BA DANG, GONG 'PHO SRID RTZE'I MTHAR THUG 'GRO NI, RGYU SNYOM 'JUG GI BSAM GTAN BZHI DANG, RGYU SNYOM 'JUG GI GZUGS MED BZHI BSGOM PA LA BRTEN NAS 'DOD PA NAS SHI 'PHOS MA THAG TSANGS RIS SU SKYE BA NAS BZUNG STE 'BRAS BU CHE BA'I BAR DANG, DE NAS GZUGS MED MU BZHIR SKYES TE, MYA NGAN LAS 'DA' BA YIN LA, 'DIS GNAS GTZANG DU SKYE BA LEN MI NUS PA'I RGYU MTSAN YOD DE, BSAM GTAN BZHI PA SPEL SGOM MA BYAS PA'I PHYIR, GSUM PA NI, PHYIR MI 'ONG GI 'BRAS BU THOB PA'I RJES SU GZUGS KYI SKYE BA SRID PA SNGA MA SNGA MA NAS PHYI MA PHYI MAR GONG DU 'PHO ZHING 'GRO BA'I DON GYIS NA GONG 'PHO ZHES DANG, 'OG MIN DANG SRID PA'I RTZE MO'I MTHAR THUG PAR 'GRO BAS NA, 'OG MIN 'GRO DANG, SRID RTZE'I MTHAR THUG 'GRO ZHES BRJOD DO, ,BZHI PA 'PHROS DON LA, BSAM GTAN SPEL MAR BSGOM PA'I RTEN BSHAD PA DANG, BRTEN PA SPEL BSGOM BSHAD PA DANG GNYIS, DANG PO NI GNYIS KA'I CHA LAS RNAM PAR GROL BA'I DGRA BCOM PA DANG, PHYIR MI 'ONG LUS MNGON BYED KHO NAS BSAM GTAN SPEL MAR BSGOM STE, DE LAS GZHAN PA'I NYAN THOS RNAMS KYIS BSAM GTAN PA'I @237B PA'I SPEL BSGOM MI NUS PA'I PHYIR, DE YANG DANG POR 'DOD PA'I KHAMS SU GLING GSUM GYI RTEN LA BSAM GTAN BZHI PA SPEL MAR BSGOM ZHING, PHYIS NI GZUGS KHAMS SU YANG BSGOM PAR BYED DE, RANG 'GREL LAS; DANG POR 'DOD PA'I KHAMS SU GLING GSUM DAG TU SPEL BAR BYED LA, PHYIS NI YONGS SU NYAMS PA GZUGS KYI KHAMS SU SPEL BAR BYED DO, ,ZHES GSUNGS PA'I PHYIR, GNYIS PA LA SPEL SGOM GYI SBYOR BA, GRUB PA'I TSAD, SPEL SGOM DNGOS, GRANGS NGES, SPEL SGOM BYAS PA'I DGOS PA DANG LNGA, DANG PO NI, SBYOR BA GCIG NYID KYI RGYUN SHIN TU RING PO DANG LDAN PA'I ZAG MED KYI BSAM GTAN BZHI PA DANG, ZAG BCAS KYI BZHI PA YANG ZAG MED KYI BZHI PA LA SNYOM PAR 'JUG ,DES RJES RGYUN SHIN TU THUNG BA'I ZAG MED KYI BSAM GTAN BZHI PA DANG, ZAG BCAS KYI BZHI PA DANG, YANG ZAG MED KYI BZHI PA LA SNYOMS PAR 'JUG STE, SNGA MA LA RING SBYOR DANG, PHYI MA LA NYER SBYOR ZHES GSUNGS LA, DANG POR BSAM GTAN BZHI PA SPEL BA'I RGYU MTSAN YOD DE, 'DI NI SEMS LAS SU RUNG ZHING TING NGE 'DZIN SHIN TU GSAL BA'I PHYIR TE, 'DI BSAM GTAN GYI SKYON BRGYAD LAS GROL BA'I PHYIR TE, MDZOD LAS, DANG POR BZHI PA SPEL BAR BYED, CES GSUNGS PA'I PHYIR, GNYIS PA NI, SBYOR BA GCIG NYID @238A *, ,KYIS ZAG MED KYI BSAM GTAN BZHI PA GCIG GI 'JUG THOGS SU ZAG BCAS, DE'I 'JUG THOGS SU ZAG MED KYI BSAM GTAN BZHI PA SKAD CIG MA CHA GSUM LA JI LTAR 'DOD PA BZHIN DU SNYOM PAR 'JUG NUS PA'I TSE SPEL BSGOM GRUB PA ZHES BYA STE, MDZOD LAS, SKAD CIG MA LA SRES PAS GRUB, CES GSUNGS PA'I PHYIR ZHES KHA CIG ZER, MI THAD DE, RDZOGS PA'I SANGS RGYAS MA GTOGS PAS DE LTAR BSGOM MI NUS PA'I PHYIR, DPE NA SBYOR BA GCIG NYID KYIS RGYUN LDAN GYI ZAG MED ZAG BCAS ZAG MED KYI BSAM GTAN BZHI PA GSUM LA 'DOD DGUR SNYOMS PAR 'JUG NUS PA'I TSE SPEL SGOM GRUB STE, RANG 'GREL LAS, SANGS RGYAS MA GTOGS SKAD CIG SPEL BAR MI NUS TE, DE'I PHYIR RGYUN CHAGS GSUM LA JI NYID 'DOD PAR SNYOMS PAR 'JUG PA'I SGO NAS RDZOGS PA YIN NO, ,ZHES BYA BAR LTA'O, ,ZHES GSUNGS PA'I PHYIR, GSUM PA NI, BSAM GTAN SPEL MAR SGOM PA LA LNGA YOD, CHUNG DU GSUm SPEL, 'BRING DRUG SPEL, CHEN PO DGU SPEL, SHIN TU CHEN PO BCU GNYIS SPEL, ,SHIN TU CHES CHEN PO BCO LNGA SPEL RNAMS SU YOD PA'I PHYIR, JI LTAR SPEL BA'I TSUL NI, RANG 'GREL LAS, DANG PO LA ZAG PA MED PA DANG, ZAG PA DANG BCAS PA DANG, ZAG @238B PA MED PA DANG, SEMS GSUm MNGON DU BYED DO, ,ZHES DANG, GNYIS PA LA NI DRUG GO, GSUM PA LA NI DGU'O, BZHI PA LA NI BCU GNYIS SO, ,LNGA PA LA NI BCO LNGA STE, ZHES GSUNGS LA, 'GREL BSHAD LAS, GNYIS PA LA NI DRUG GO ZHES BYA BA NI ZAG PA MED PA DANG, ZAG PA DANG BCAS PA DANG, ZAG PA MED PA ZHES BYA BA GSUM DANG, YANG ZAG PA MED PA DANG, ZAG PA DANG BCAS PA DANG, ZAG PA MED PA ZHES BYA BA GSUM STE DRUG YIN NO, ,GSUM PA LA NI DGU'O, ,BZHI PA LA NI BCU GNYIS SO, ,LNGA PA LA NI BCO LNGA STE, ZHES BYA BA YANG DE KHO NA BZHIN DU LTA BAR BYA'O, ,ZHES GSUNGS SO, ,DE YANG SBYOR BA GCIG NYID KYIS SPEL BSGOM SNGA MA NUS SHING, PHYI MA PHYI MA MI NUS PA'I DON GYIS SPEL BSGOM LNGAR PHYE BA YIN TE, MDZOD KYI 'GREL BSHAD NGON GSAL LAS, DANG PO LA NI, SEMS GSUM MO, ,ZHES BYA BA NI; GANG ZAG DE LA NUS PA DE TZAM ZHIG YOD PA STE, DE BZHIN DU 'OG MA RNAMS LA YANG BRJOD PAR BYA'O, ,ZHES GSUNGS SHING, BZHI PA NI, BSAM GTAN BZHI PA'I SPEL BSGOM LA LNGAR GRANGS NGES PA'I RGYU MTSAN GYIS GNAS GTZANG GI SKYE BA LA LNGAR GRANGS NGES PA YIN TE, MDZOD LAS, DE NI RNAM PA LNGA YI PHYIR, ,GNAS GTZANG SKYE BA LNGA KHO NA, ,ZHES GSUNGS PA'I PHYIR, LNGA PA NI, SNGAR BSHAD KYI GANG @239A *, ,ZAG DE DAG GIS BSAM GTAN GYI SPEL BSGOM BYAS PA LA DGOS PA YOD DE, GNAS GTZANG DU SKYE BA DANG, MTHONG CHOS LA BDE BAR GNAS PA DANG, NYON MONGS KYIS NYAMS DOGS PA'I 'JIGS PA SPANGS PA'I DGOS PA YOD PA'I PHYIR TE, MDZOD LAS, SKYE DANG GNAS PAR BYA PHYIR DANG, ,NYON MONGS PAS NI 'JIGS PHYIR YANG, ,BSAM GTAN BZHI PA SPEL MAR BSGOM, ZHES GSUNGS PA'I PHYIR, PHYIR MI 'ONG RNAMS GNAS GTZANG DU SKYE BA'I PHYIR DANG, DGRA BCOM DBANG RNON MTHONG CHOS LA BDE GNAS 'BA' ZHIG GI PHYIR DANG, DGRA BCOM PA DBANG RTUL NYON MONGS KYIs NYAMS KYI DOGS PA'I 'JIGS PA SPANGS PA'I PHYIR DANG, MTHONG CHOS LA BDE GNAS GNYIS KYI PHYIR DU, BSAM GTAN SPEL MAR BSGOM MO, ,GNAS GTZANG DU SKYE BA LEN PA'I RGYU'I GTZO BO NI; ZAG MED KYI BSAM GTAN BZHI PA'I GROGS KYI ZIN BAS ZAG PA DANG BCAS PA'I BSAM GTAN BZHI PA KHO NA YIN TE, 'DI NI GNAS GTZANG GI RNAM SMIN GYI PHUNG PO RNAMS KYI RGYU'I GTZO BO YIN PA'I PHYIR TE MDZOD LAS, RNAM SMIN RGYU NI MI DGE DANG, DGE BA ZAG BCAS RNAMS KHO NA, ZHES GSUNGS PA'I PHYIR, ZAG MED KYI BSAM GTAN BZHI PA GNAS GTZANG DU SKYE BA'I RGYU'I GTZO BO @239B MA YIN TE, DE NI SRED PA'I BRLAN DANG BRAL BA'I PHYIR ,DPER NA BRLAN DANG BRAL BA'I SA BON SKAM RIL BAS MYU GU MI SKYED PA BZHIN NO, ,DE YANG RNAM 'GREL LAS, SRID PA'I SRED LAS RNAM BRGAL BAS, LAS GZHAN 'PHEN NUS MA YIN TE, LHAN CIG BYED PA ZAD PHYIR RO, ,ZHES GSUNGS PA LTAR RO, ,SKABS 'DI'I ZAG BCAS NI, NYON MONGS PA'I ZAG BCAS DANG, ZAG MED NI NYON MONGS MED PA'I ZAG MED YIN LA, DE GNYIS SPEL NAS BSGOM PAS GZUGS KYI 'KHOR BA DANG, 'PHAGS PA'I GO 'PHANG GNYIS CIG CAR DU 'GRUB PAR BYED PA'O, ,SGRA BSHAD NI, PHYIR MI 'ONG GI 'BRAS BU THOB RJES SU GZUGS KHAMS KYI SRID PAR NYE BAR 'GRO BA'I RGYU MTSAN GYIS GZUGS SU NYER 'GRO'I PHYIR MI 'ONG ZHES BRJOD DO, ,GNYIS PA LA, MTSAN NYID DBYE BA, SGRA BSHAD DANG GSUM, DANG PO NI, PHYIR MI 'ONG GANG ZHIG ,GZUGS KHAMS SU LAS DBANG GIS MI 'GRO ZHING, LAS DBANG GIS GZUGS MED KHO NAR PHYIN TE MYA NGAN LAS 'DA' BA'I RIGS CAN NO, ,GNYIS PA LA SKYES TZAM NAS 'DA' BA, MNGON PAR 'DU BYED MED PAR 'DA' BA, MNGON PAR 'DU BYED DANG BCAS TE 'DA' BA, GZUGS MED NYER 'GRO'I GONG 'PHO DANG BZHI YOD DE, MDZOD LAS, GZHAN NI GZUGS MED 'GRO RNAM BZHI, ZHES GSUNGS @240A *, ,PA'I PHYIR, 'DI LA BAR 'DA' BA NI MI 'JOGS PA'I RGYU MTSAN YOD DE, 'DI LA GNAS GZHAN LOG PA MI DGOS PA'I PHYIR TE, 'DI NA GZUGS MED PA'I PHYIR, DES NA RANG GANG DU SHI SA DER MING GZHI'I PHUNG PO TZAM ZHIG 'GRUB PAR 'GYUR TE, MDZOD LAS, GZUGS MED GANG DU SHI BA DER, ZHES SOGS GSUNGS PA'I PHYIR, GSUM PA NI, PHYIR MI 'ONG GI 'BRAS BU THOB RJES GZUGS MED KHO NAR PHYIN TE YONGS SU MYA NGAN LAS 'DA' BA'I DON GYIS GZUGS MED NYER 'GRO'I PHYIR MI 'ONG ZHES BRJOD DO, ,LNGA PA SA MTSAMS NI LAM RJES SHES NAS SRID NYON DGU PA'I DNGOS GNYEN BAR CHAD MED LAM LA GNAS PA'I BAR NA YOD, DRUG PA NI, CI'I PHYIR PHYIR MI 'ONG ZHES BYA ZHE NA, 'DOD PAR LAS DBANG GIS PHYIR MI 'ONG BA'I DON GYI PHYIR MI 'ONG ZHES BRJOD DE, MDZOD 'GREL LAS, 'BRAS BU LA GNAS PA DE NYID RNAM PA DGU SPANGS PAS PHYIR MI 'ONG BA YIN PA RIG PAR BYA STE, 'DOD PA'I KHAMS SU PHYIR MI 'ONG BA'I PHYIR RO, ,ZHES GSUNGS PA'I PHYIR, BZHI PA LA, ZHUGS PA BSHAD PA DANG, 'BRAS GNAS BSHAD PA GNYIS, DANG PO NI, NYAN THOS DGRA BCOM PA'I 'BRAS BU THOB PHYIR DU RTZON BZHIN PA'I SBYOR BA RGYUN CHAGS LA GNAS PAS RAB TU PHYE BA'I GANG ZAG GO ,DBYE NA SPANG BYA GCIG CAR BA'I DGRA MTSAMS DANG GSUM, DANG PO NI, GONG MA'I CHA MTHUN LNGA SPANGS @240B PA DANG, SPANG BYA RIM GYIS PA'I DGRA BCOM ZHUGS PA GNYIS, DANG PO NI, SPANG BYA CIG CAR BA'I RGYUN ZHUGS 'BRAS GNAS KHYAD PAR CAN DANG DON GCIG ,GNYIS PA NI, PHYIR MI 'ONG 'BRAS GNAS KHYAD PAR CAN DANG DON GCIG GO ,GNYIS PA LA, MTSAN NYID, DBYE BA, SA MTSAMS DANG GSUM, DANG PO NI, GONG MA'I CHA MTHUN LNGA SPANGS PAS RAB TU PHYE BA'I DGE SBYONG TSUL GYI 'BRAS BU LA GNAS PA'I GANG ZAG ,KUN BTUS LAS, GANG GI TSE NYON MONGS PA'I RNAM PA THAMS CAD SPANGS PAS DGRA BCOM PAR 'GYUR NA, CI'I PHYIR GONG MA'I CHA MTHUN LNGA SPANGS PAS DGRA BCOM PA ZHES BYA ZHE NA, GTZO BO SDU BA'I PHYIR RO, ,CI'I PHYIR GTZO BO ZHES BYA ZHE NA, GONG MA NYO BAR LEN PA'I RGYU YIN PA'I PHYIR DANG, GONG SA YONGS SU MI GTONG BA'I RGYU YIN PA'I PHYIR RO, ,ZHES GONG MA GNYIS KYI 'DOD CHAGS, DER SKYE BA'I RGYU'I GTZO BO DANG, GONG MA'I NGA RGYAL MA RIG PA RGOD PA RNAMS KHAMS GONG MA'I 'KHOR BA MI GTONG BA'I RGYUR GSUNGS SO, ,GNYIS PA LA YONGS SU NYAMS PA'I CHOS CAN, BDAG BSOD PA'I CHOS CAN, ,RJES SU BSRUNG BA'I CHOS CAN, GNAS PA LAS MI SKYOD PA'I CHOS CAN, RAB RTOGS KYI 'OS SU GYUR PA'I CHOS CAN, MI GA-YO BA'I CHOS CAN, NYON MONGS RKYANG PA'I CHA LAS RNAM GROL, ,GNYIS KA'I@241A *, ,CHA LAS RNAM GROL, SPANG BYA CIG CAR BA'I DGRA BCOM, SPANG BYA RIM GYIS PA'I DGRA BCOM RNAMS SU YOD LA, DANG PO LNGA NI, DGRA BCOM PA RANG BZHIN GYIS DBANG PO RTUL POR MTSUNGS LA, DE'I DANG PO NI, JI LTAR BYAS KYANG MTHONG CHOS LA BDE GNAS KYI RTOGS PA LAS NYAMS PAR 'GYUR BA'I DGRA BCOM PA, GNYIS PA NI, BDAG GSOD NA MI NYAMS SHING, MI BSOD NA NYAMS PAR 'GYUR BA'I DGRA BCOM PA, GSUM PA NI, 'DOD YON GYIS MYOS NA DE LAS NYAMS PAR 'GYUR ZHING, MA MYOS NA, DE LAS NYAMS PAR MI 'GYUR BA'I DGRA BCOM PA, BZHI PA NI, DE LAS NYAMS PAR MI 'GYUR ZHING, ,DBANG PO RNON POR 'PHO BAR MI NUS PA, LNGA PA NI, DE LAS NYAMS PAR MI 'GYUR ZHING, DBANG PO RNON POR YANG 'PHO BAR NUS PA'I DGRA BCOM PA'O, ,DRUG PA NI, DGRA BCOM PA DRUG GI NANG NA RANG BZHIN GYI DBANG PO RNO ZHING MTHONG CHOS LA BDE GNAS KYI RTOGS PA LAS NYAMS PAR MI 'GYUR BA'O, ,MTHONG CHOS LA BDE GNAS NI, 'JIG RTEN PA'I BSAM GTAN GYI BDE BA YIN TE, KUN BTUS KYI 'GREL BAR, BSOD KYANG RUNG MI BSOD KYANG RUNG, ZHES BYA BA NI, BDAG GIS BDAG NYID SROG GCOD PA'AM, MI GCOD ZHES BYA BA'I THA CHIG GO ,MTHONG BA'I CHOS LA BDE BAR GNAS PA LAS YONGS SU NYAMS ZHES @241B BYA BA NI, 'JIG RTEN PA'I BSAM GTAN RNAMS LA ZHES BYA BA'I THA TSIG GO ,ZHES GSUNGS PA'I PHYIR, BDUN PA DANG BRGYAD PA NI, 'GOG PA'I SNYOM 'JUG MA THOB PA'I DGRA BCOM PA DANG, THOB ZIN GYI DGRA BCOM RNAMS LA BRJOD DE, MDZOD LAS, 'GOG THOB GNYIS KA LAS RNAM GROL, ,SHES RAB KYIS NI GCIG SHOS SO, ,ZHES DANG, KUN BTUS LAS, GNYIS KA'I CHA LAS RNAM PAR GROL BA GANG ZHE NA, GANG MI SLOB PA'I RNAM PAR THAR PA LA BSAM GTAN PA'I GANG ZAG GO ,ZHES GSUNGS PA'I PHYIR, DGU PA DANG BCU PAS 'DOD NYON SPANGS PA'I TSE SRID NYON SPANGS PA'I NYAN THOS DGRA BCOM PA DANG, 'DOD NYON SPANGS RJES SU SRID NYON SPANGS PA'I DGRA BCOM PA RNAMS LA BRJOD DO, ,GSUM PA NI, SRID NYON DGU PA SPANGS PA'I NYAN THOS KYI RNAM GROL LAM THOB PA NAS, LAM GZHAN MA THOB PA'I BAR NA YOD DE, MDZOD LAS, DGU PA'I BAR CHAD MED LAM YANG, ,DE NI RDO RJE LTA BU YIN, ,DE ZAD THOB DANG ZAD PA SHES, ,DE TSE DE MI SLOB DGRA BCOM, ,ZHES GSUNGS PA'I PHYIR, , 'BRAS BU DANG PO DANG THA MA GNYIS LA THOD RGAL BA DANG CHAGS BRAL SNGON SONG MA BSHAD PAR BAR PA GNYIS LA BSHAD PA MI THAD PAR THAL, DE LA SHES BYED MED PA'I PHYIR ZHE NA, RGYUN ZHUGS LA 'BRAS BU, @242A *, ,THONG RGAL BA MA BSHAD PA'I RGYU MTSAN YOD DE, RGYUN ZHUGS KYI SNGA ROL DU 'BRAS BU GANG YANG THOB BYAR MED PA'I PHYIR, RGYUN ZHUGS LA CHAGS BRAL SNGON SONG MI 'JOGS PA'I RGYU MTSAN YOD DE, MTHONG LAM GYI SNGA ROL DU MTHONG SPANG KUN SBYOR GSUm ZAD PAR SPANGS PA MI SRID PA'I PHYIR, NYAN THOS DGRA BCOM PA LA 'BRAS BU THONG RGAL BA MA BSHAD PA'I RGYU MTSAN YOD DE, DE'I SNGA ROL DU 'BRAS BU GSUM PO GANG RUNG GCIG NGES PAR THOB DGOS PA'I PHYIR, DE LA CHAGS BRAL SNGON SONG MA BZHAG PA'I RGYU MTSAN YOD DE, MTHONG LAM GYI SNGA ROL DU GONG MA'I CHA MTHUN LNGA SPANGS PA'I GANG ZAG MI SRID PA'I PHYIR, PHYIR 'ONG LA 'BRAS BU THOD RGAL BA 'JOG PA'I RGYU MTSAN YOD DE, ,PHYIR 'ONG GI SNGA ROL DU RGYUN ZHUGS KYI 'BRAS BU THOB BYAR YOD CING, NGES PAR THOB MI DGOS PA'I PHYIR, 'DI LA CHAGS BRAL SNGON SONG BZHAG TU YOD DE, MTHONG LAM GYI SNGA ROL DU 'DOD NYON DRUG PA SPANGS PA YOD PA'I PHYIR, PHYIR MI 'ONG LA 'BRAS BU THOD RGAL BA BZHAG TU YOD DE, 'DI'I SNGA ROL DU 'BRAS BU DANG PO GNYIS THOB BYAR YOD KYANG, NGES PAR THOB MI DGOS PA'I PHYIR, 'DI LA CHAGS BRAL SNGON SONG BZHAG TU YOD DE, MTHONG LAM GYI SNGA ROL DU 'DOD NYON DGU PA SPANGS PA YOD PA'I PHYIR, THOD @242B RGAL BA'I PHYIR 'ONG GIS THOB PA'I PHYIR MI 'ONG DE 'BRAS BU RIM GYIS PA MI NAm ZHE NA MA YIN TE, THONG RGAL BA'I PHYIR 'ONG 'BRAS GNAS KHYAD PAR CAN 'BRAS BU RIM GYIS PA'I PHYIR MI 'OD ZHUGS PA MA YIN PA'I PHYIR TE, 'BRAS BU RIM GYIS BA'I PHYIR MI 'ONG ZHUGS PA DANG 'BRAS BU RIM GYIS BA'I PHYIR 'ONG 'BRAS GNAS KHYAD PAR CAN DON GCIG PA'I PHYIR, SPANG BYA CIG CAR BA'I NYAN THOS DGRA BCOM PA DE NYID 'BRAS BU THOD BRGAL BA YIN ZHE NA MA YIN TE, 'DI NI CHAGS BRAL SNGON SONG MA YIN ZHING, DE'I SNGA ROL DU RGYUN ZHUGS KYI 'BRAS BU THOB ZIN PA'I PHYIR DANG, SPANG BYA CIG CAR BA'I RGYUN ZHUGS 'BRAS GNAS KHYAD PAR CAN 'BRAS BU THOD BRGAL BA'I DGRA BCOM ZHUGS PA MA YIN PA'I PHYIR TE, RGYUN ZHUGS LA 'BRAS BU THOD BRGAL BA MI SRID PA'I PHYIR RO, ,DES NA BZHUGS GNAS BRGYAD KYI GANG ZAG RNAMS LA, MTSON BYED DPE'I DGE 'DUN ZHES BRJOD PA'I RGYU MTSAN YOD DE, KHYIM PA'I RTEN CAN GYI BYANG SEMS KYANG DGE 'DUN DKON MCHOG TU MTSON PAR BYED PA'I DPE RNAM DAG YIN PA'I PHYIR TE, DE RNAMS DGE 'DUN DKON MCHOG TU 'JIG RTEN NA YONGS SU GRAGS PA'I PHYIR RO, ,BSE RU LTA BU'I RANG RGYAL SKABS 'DIR RGYAS PAR MA BSHAD PA'I RGYU MTSAN YOD DE, 'OG NAS 'CHAD PAR 'GYUR ZHING, 'DIR NI BZHUGS GNAS @243A *, ,BRGYANG PO DNGOS SU 'CHAD PA'I PHYIR, GNYIS PA MTSON BYA DON GYI DGE 'DUN BSHAD PA LA, MDO LAS BSTAN TSUL, BSTAN BCOS SU 'GREL TSUL, DE'I DON BSHAD PA DANG GSUM, DANG PO NI, YUM BAR MA'I MDO LAS, DE SKAD CES BKA' STZAL PA DANG, TSE DANG LDAN PA SH'A RI'I BUS BCOM LDAN 'DAS LA 'DI SKAD CES GSOL TO, ,BCOM LDAN 'DAS BYANG CHUB SEMS DPA' SEMS DPA' CHEN PO GANG SHES RAB KYI PHA ROL TU PHYIN PA LA GNAS PA 'DI GNAS GANG NAS SHI 'PHOS TE 'DIR SKYE PA LAGS, 'DI NAS SHI 'PHOS NAS GANG DU SKYE BAR 'GYUR DE SKAD CES GSOL BA DANG; BCOM LDAN 'DAS KYIS TSE DANG LDAN PA SH'A RI'I BU LA 'DI SKAD CES BKA' STZAL TO, ,SH'A RI'I BU BYANG CHUB SEMS DPA' CHEN PO GANG SHES RAB KYI PHA ROL TU PHYIN PA'I GNAS PA 'DIS GNAS PA DE NI SANGS RGYAS KYI ZHING GZHAN NAS SHI 'PHOS TE 'DIR SKYES PA'AM, DGA' LDAN GYI LHA'I RIS DANG SANGS RGYAS KYI ZHING 'DI NYID NAS SHI 'PHOS NAS 'DIR SKYES PAR SHES PAR BYA'O, ,ZHES GSUNGS PA'I PHYIR, ZHES GSUNGS SHING; ZHES BYA BA NI BYANG CHUB SEMS DPA' BRGYAD PA'O, ,ZHES NYE KHRI LE BRGYAD MAR GSUNGS LA, 'DI NI 'OG MA RNAMS SU YANG SHES PAR BYA'O, ,SH'A RI'I BU 'DI LA BYANG CHUB SEMS DPA' SEMS DPA' @243B CHEN PO GANG MI'I NANG NAS SHI 'PHOS NAS MI DANG SKAL BA MNYAM PA NYID DU SKYES PA DE NI PHYIR MI LDOG PA'I BYANG CHUB SEMS DPA' SEMS DPA' CHEN PO MA GTOGS PAR DBANG PO RTUL BA YIN TE, SHES RAB KYI PHA ROL TU PHYIN PA'I RNAL 'BYOR LA'ANG MYUR DU MNYAM PAR 'JOG PA MA YIN, DE LA GZUGS KYI SGO DANG, TING NGE 'DZIN GYI SGO RNAMS KYANG MYUR DU MNGON DU MI 'GYUR RO, ,SH'A RI'I BU GANG KHYOD KYI DE SKAD DU BYANG CHUB SEMS DPA' SEMS DPA' CHEN PO GANG SHES RAB KYI PHA ROL TU PHYIN PA'I RNAL 'BYOR LA SNYOMS PAR 'JUG PA DE 'DI NAS SHI 'PHOS NAS GANG DU SKYE BAR 'GYUR, ,ZHES SMRAS PA DE NI SH'A RI'I BU BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA'I RNAL 'BYOR LA SNYOMS PAR 'JUG PA DE NI SANGS RGYAS KYI ZHING 'DI NAS SHI 'PHOS NAS GANG NA SANGS RGYAS BCOM LDAN 'DAS RNAMS BZHUGS SHING 'TSO SKYONG BA'I SANGS RGYAS KYI ZHING NAS SANGS RGYAS KYI ZHING DU 'GRO ZHING DER SANGS RGYAS BCOM LDAN 'DAS RNAMS MNYES PAR BYANG PAR 'GYUR TE, NAM BLA NA MED PA YANG DAG PAR RDZOGS PA'I SANGS RGYAS MNGON PAR RDZOGS PA SANGS RGYAS KYI BAR DU NAm YANG SANGS RGYAS BCOM LDAN 'DAS DANG BRAL BAR MI 'GYUR RO, ,ZHES BYA BA NI BYANG CHUB SEMS DPA' DAD PA'I RJES SU @244A *, ,'BRANG BA YIN NO, ,SH'A RI'I BU DE LA BYANG CHUB SEMS DPA' SEMS DPA' CHEN PO GANG SANGS RGYAS KYI ZHING GZHAN NAS SHI 'PHOS TE 'DIR SKYES PA DE'I DBANG PO RNAMS RNO BAR 'GYUR ZHING, DES RNAL 'BYOR 'DI MYUR DU 'GRUB PAR 'GYUR TE, 'DI LTA STE, SHES RAB KYI PHA ROL TU PHYIN PA'I RNAL 'BYOR SKYE BA DES KYANG DE LA CHOS ZAB MO DAG MNGON DU PHYOGS PAR 'GYUR TE, DES PHYIS SHES RAB KYI PHA ROL TU PHYIN PA'I RNAL 'BYOR LA SNYOMS PAR 'JUG PAR 'GYUR RO, ,GANG DANG GANG DU SKYE BA DE DANG DER NGE PA DGRA BCOM PA YANG DAG PAR RDZOGS PA'I SANGS RGYAS RNAMS MNYES PAR BYED DO, ,SH'A RI'I BU DE LA BYANG CHUB SEMS DPA' SEMS DPA' CHEN PO, ,GANG DGA' LDAN GYI LHA'I RIS NAS SHI 'PHOS NAS 'DIR SKYES PA DE YANG, DBANG PO SHIN TU RNO BAR 'GYUR ZHING, PHA ROL TU PHYIN PA DRUG MNYAM PA MED PA DANG, GZUNGS KYI SGO DANG, TING NGE 'DZIN GYI SGO THAMS CAD KYANG MNGON DU PHYOGS PAR 'GYUR RO, ,ZHES BYA BA NI BYANG CHUB SEMS DPA' CHOS KYI RJES SU 'BRANG BA'O, ,SH'A RI'I BU BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD CING SBYOR BA LA RTZON PAR BYED NA, SEMS CAN YONGS SU SMIN PAR BYA BA'I PHYIR THABS LA MKHAS PA'I STOBS KYIS RGYUN TU ZHUGS PA'I 'BRAS BU MNGON DU BYAS KYANG @244B NGES NGA RGYAL DU MI BYED PA DAG YOD DO, ,ZHES BYA BA NI RGYUN TU ZHUGS PA'O, ,SH'A RI'I BU BYANG CHUB SEMS DPA' SEMS DPA' CHEN PO THABS LA MI MKHAS PA GANG DAG BSAM GTAN BZHI PO RNAMS BSGRUB PAR BYED CING, PHA ROL TU PHYIN PA RNAMS LA YANG SPYOD CING, BSAM GTAN THOB PA DES KYANG LHA TSE RING PO RNAMS SU SKYES TE, DE NAS SHI 'PHOS NAS GAL TE 'DOD PA'I KHAMS KYI LHA DANG MI RNAMS SU SKYE ZHING, SANGS RGYAS BCOM LDAN 'DAS RNAMS MNYES PAR BYED PAR 'GYUR NA, DE DAG NI DBANG PO RNAMS RTUL POR 'GYUR ZHING, RNON POR MI 'GYUR BA DAG YOD DO, ,SH'A RI'I BU GZHAN YANG BYANG CHUB SEMS DPA' SEMS DPA' CHEN PO BSAM GTAN LA YANG MNYAM PAR GZHAG LA, SHES RAB KYI PHA ROL TU PHYIN PA LA SPYOD DE, DE DAG THABS LA MI MKHAS PAS, BSAM GTAN RNAMS SPANGS NAS PHYIS 'DOD PA'I KHAMS SU SKYE BA YOD DE, SH'A RI'I BU BYANG CHUB SEMS DPA' SEMS DPA' CHEN PO DE DAG KYANG DBANG PO RTUL BA YIN TE, DBANG PO RNO BA MA YIN NO, ,ZHES BYA BA NI 'BRAS BU GNYIS PA DANG GSUM PA LA ZHUGS PA DAD PAS LHAG PAR MOS PA YIN NO, ,SH'A RI'I BU BYANG CHUB SEMS DPA' SEMS DPA' CHEN PO BSAM GTAN BZHI PO RNAMS SKYED DE, TSAD MED PA BZHI LA SNYOMS PAR 'JUG PA DANG, GZUGS MED PA'I SNYOM PAR 'JUG PA @245A *, ,BZHI DANG, DRAN PA NYE BAR GZHAG PA DANG, YANG DAG PAR SPONG BA DANG, RDZU 'PHRUL GYI RKANG PA DANG, DBANG PO DANG, STOBS DANG, BYANG CHUB KYI YAN LAG DANG, 'PHAGS PA'I LAM RNAMS LA YANG SNYOMS PAR 'JUG CING BSAM GTAN GYI DBANG DANG TSAD MED PA'I DBANG DANG, GZUGS MED PA'I SNYOMS PAR 'JUG PA'I DBANG GIS MI SKYE BAR SNYING RJE CHEN PO CAN THABS LA MKHAS PAS GANG DU DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS MNYES PAR BYED PAR SKYED PA YOD DE, DE DAG NI SHES RAB KYI PHA ROL TU PHYIN PA'I RNAL 'BYOR DANG MA BRAL BAS BSKAL PA BZANG PO 'DI NYID LA BLA NA MED PAR YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA'O, ,ZHES BYA BA NI, 'BRAS BU GNYIS PA DANG GSUM PA LA ZHUGS PA MTHONG BAS THOB PA'O, ,SH'A RI'I BU BYANG CHUB SEMS DPA' SEMS DPA' CHEN PO, ,TSE GCIG GIS THOGS PA SHES RAB KYI PHA ROL TU PHYIN PA LA SPYOD PA GANG DAG THABS LA MKHAS PAS BSAM GTAN LA YANG SNYOMS PAR 'JUG ,TSAD MED PA BZHI DANG, GZUGS MED PA'I SNYOMS PAR 'JUG PA BZHI DANG, DRAN PA NYE BAR GZHAG PA DANG, YANG DAG PAR SPONG BA DANG, RDZU 'PHRUL GYI RKANG PA DANG, DBANG PO DANG, STOBS DANG, BYANG CHUB KYI @245B YAN LAG DANG LAM RNAMS BSGOM PAR BYED, STONG PA NYID KYI TING NGE 'DZIN LA SNYOM PAR 'JUG PAR BYED, MTSAN MA MED PA'I TING NGE 'DZIN LA SNYOM PAR 'JUG PAR BYED, SMON PA MED PA'I TING NGE 'DZIN LA SNYOM PAR 'JUG PAR BYED CING DE DAG GIS DBANG DU MI 'GRO BA SANGS RGYAS BCOM LDAN 'DAS MNGON DU GYUR BA RNAMS MNYES PAR BYAS NAS DER TSANGS PAR SPYOD PA SPYAD DE, SLAR YANG DGA' LDAN GYI LHA DANG SKAL PA MNYAM PAR SKYES TE DE DAG DER TSE JI SRID DU GNAS NAS DBANG PO MA NYAMS PAR DRAN SHES BZHIN DU LHA BYE BA KHRAG KHRIG BRGYA STONG DU MAS BSKOR TE MDUN DU BYAS NAS, 'DIR SKYE BA BSTAN TE, SANGS RGYAS KYI ZHING SNA TSOGS PA RNAMS SU BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS PA DAG YOD DO, ,ZHES BYA BA NI LAN CIG PHYIR 'ONG BA YIN NO, ,SH'A RI'I BU BYANG CHUB SEMS DPA' SEMS DPA' CHEN PO RNAMS MNGON PAR SHES PA DRUG PO RNAMS THOB PA GANG DAG 'DOD PA'I KHAMS SU YANG MI SKYE, GZUGS GYI KHAMS DANG, GZUGS MED PA'I KHAMS SU YANG MI SKYE'O, ,'ON KYANG DE PA DGRA BCOM PA YANG DAG PAR RDZOGS PA'I SANGS RGYAS RNAMS LA BSKUR STIR BYED, BLA MAR BYED, RI MOR BYED, MCHOD PAR BYED CING, SANGS RGYAS KYI ZHING NAS SANGS RGYAS KYI ZHING DU 'DONGS PA DAG YOD DO, ,SH'A RI'I BU BYANG CHUB SEMS DPA' SEMS DPA' CHEN PO MNGON PAR SHES@246A *, ,PA DRUG PO THOB PA GANG DAG MNGON PAR SHES PA DRUG PO THOB PA DAG GIS RNAM PAR BRTZE ZHING SANGS RGYAS KYI ZHING DAG NA NYAN THOS KYI THEG PA DANG, RANG SANGS RGYAS KYI THEG PA'I SGRA YANG MI GRAGS PA DE LTA BU'I SANGS RGYAS KYI ZHING NAS SANGS RGYAS KYI ZHING DU 'GRO BA DAG KYANG YOD DO, ,SH'A RI'I BU BYANG CHUB SEMS DPA' SEMS DPA' CHEN PO MNGON PAR SHES PA DRUG THOB PA GANG DAG MNGON PAR SHES PA DE DAG GIS RNAM PAR BRTZE ZHING, SANGS RGYAS KYI ZHING GANG DAG NA TSE DPAG TU MED PA DE LTA BU'I SANGS RGYAS KYI ZHING NAS SANGS RGYAS KYI ZHING DU 'DONG PA DAG KYANG YOD DO, SH'A RI'I BU BYANG CHUB SEMS DPA' SEMS DPA' CHEN PO MNGON PAR SHES PA DRUG THOB PA 'JIG RTEN GYI KHAMS NAS 'JIG RTEN GYI KHAMSU RGYU BA GANG YIN PA DE DAG DER SONG NAS 'JIG RTEN GYI KHAMS GANG NA, SANGS RGYAS KYI SGRA MI GRAGS PA DANG, CHOS KYI SGRA MI GRAGS PA DANG, DGE 'DUN GYI SGRA MI GRAGS PA DER 'DUG NAS, SANGS RGYAS KYI SGRA DANG, CHOS KYI SGRA DANG, DGE 'DUN GYI SGRA RNAMs SGROG PAR BYED CING, DKON MCHOG GSUm PO RNAMS KYI SNGAGS PA BRJOD DE, SANGS RGYAS KYI SGRA DANG, CHOS KYI SGRA DANG, DGE 'DUN GYI SGRA DES DE DAG SEMs DANG BAR 'GYUR TE, DE NAs SHI 'PHOS NAS GANG NA SANGS RGYAS BCOM LDAN 'DAs RNAmS BZHUGs PA DE DANG DER SKYE BAR 'GYUR BA BYED PA DAG KYANG YODO, ,ZHES BYA BA NI PHYIR MI 'ONG BA YINO, ,SH'A RI'I BU BYANG CHUB SEMs DPA' SEMS DPA' @246B CHEN PO BSAM GTAN BZHI DANG, TSAD MED PA BZHI DANG, GZUGS MED PA'I SNYOMS PAR 'JUG PA BZHI BSKYED NAS, YANG DES THABS LA MKHAS PA BSAM GTAN DANG, TING NGE 'DZIN DANG SNYOMS PAR 'JUG PA RNAMS LAS LOG NAS 'DOD PA'I KHAMS SU SKYE BAR BYED DE, SEMS CAN YONGS SU SMIN PAR BYA BA'I PHYIR, RGYAL RIGS SHING SA LA CHEN PO LTA BU'Am BRAM ZE'I RIGS SHING SA LA CHEN PO LTA BU 'AM, KHYIM BDAG GI RIGS SHING SA LA CHEN PO LTA BU RNAMS SU SKYE BA YOD DO, ,ZHES BYA BA NI MI'I RIGS NAS RIGS SU SKYE BA YIN NO, ,SH'A RI'I BU BYANG CHUB SEMS DPA' SEMS DPA' CHEN PO BSAM GTAN BZHI LA YANG SNYOM PAR 'JUG ,TSAD MED PA BZHI LA YANG SNYOM PAR 'JUG ,GZUGS MED PA'I SNYOM PAR 'JUG PA BZHI LA YANG SNYOM PAR 'JUG CING, DE DAG KYANG THABS LA MKHAS PA'I STOBS KYIS GSAM GTAN BZHI DANG, TING NGE 'DZIN DANG, SNYOM PAR 'JUG PA'I DBANG GIS MI SKYE BAR RGYAL PO CHEN PO BZHI'I RIS KYI LHA RNAMS DANG SKAL BA MNYAM PAR SKYES TE, SUM CU RTZA GSUM DANG, DGA' LDAN DANG, ,'THAB BRAL DANG, 'PHRUL DGA' DANG, GZHAN 'PHRUL DBANG BYED KYI LHA RNAMS DANG SKAL PA MNYAM PAR SKYES TE, DE DAG DER GNAS SHING SEMS CAN RNAMS YONGS SU SMIN PAR BYED CING, SANGS RGYAS @247A *, ,KYI ZHING YONGS SU DAG PAR BYEDE, SANGS RGYAS BCOM LDAN 'DAS RNAMS KYANG MNYES PAR BYED PA DAG KYANG YOD DO, ,SH'A RI'I BU BYANG CHUB SEMS DPA' SEMS DPA' CHEN PO BSAM GTAN BZHI DANG, TSAD MED PA BZHI DANG, GZUGS MED PA'I SNYOMS PAR 'JUG PA BZHI SKYED NAS, 'PHOS PAR GYUR PA DE DAG THABS LA MKHAS PAS TSANGS PA'I 'JIG RTEN NAS 'OG MIN GYI BAR DU SKYE'O, ,DE DAG DE NAS YANG TSANGS PA'I TSANGS PA CHEN POR 'GYUR TE TSANGS PA'I GNAS DE DAG TU GNAS PAR 'GYUR RO, ,DE DAG DER GNAS NAS SANGS RGYAS KYI ZHING NAS SANGS RGYAS KYI ZHING DU 'GRO STE, SANGS RGYAS KYI ZHING DE DAG GI DE PA DGRA BCOM PA YANG DAG PAR RDZOGS PA'I SANGS RGYAS GANG DAG YIN PA'I DE BZHIN GSHEGS PA DE DAG LA CHOS KYI 'KHOR LO BSKOR DON DU GSOL BA 'DEBS PA DAG KYANG YOD DO, ,ZHES BYA BA NI LHA'I RIGS NAS RIGS SU SKYE'O, ,SH'A RI'I BU BYANG CHUB SEMS DPA' SEMS DPA' CHEN PO BSAM GTAN BZHI THOB PA NAS SANGS RGYAS KYI CHOS MA 'DRES PA BCO BRGYAD KYI BAR DU THOB PA DANG, DE DAG RJES SU RTOGS PAR BYA BA'I PHYIR SPYOD PA GANG DAG 'PHAGS PA'I BDEN PA BZHI PO RNAMS THOB PA YIN ZHING DE DAG MNGON DU MI BYED PA DAG YOD DO, ,SH'A RI'I BU BYANG CHUB @247B SEMS DPA' SEMS DPA' CHEN PO, ,DE DAG NI TSE GCIG GI THOGS PAR SHES PAR BYA'O, ,ZHES BYA BA NI BAR CHAD GCIG PA YIN NO, ,SH'A RI'I BU BYANG CHUB SEMS DPA' SEMS DPA' CHEN PO, ,DANG PO SEMS BSKYED PA NAS NYE BAR BZUNG STE BSAM GTAN BZHI THOB PAR GYUR PA DANG, GZUGS MED PA'I SNYOM PAR 'JUG PA BZHI THOB PAR GYUR PA DANG, DRAN PA NYE BAR GZHAG PA DANG, YANG DAG PAR SPONG BA DANG, RDZU 'PHRUL GYI RKANG PA DANG, DBANG PO DANG, STOBS DANG, BYANG CHUB KYI YAN LAG DANG, LAM SGOM PAR BYED PA DANG, STOBS DANG MI 'JIGS PA DANG, SO SO YANG DAG PAR RIG PA DANG, SANGS RGYAS KYI CHOS MA 'DRES PA THOB PA DAG THABS LA MKHAS PAS TSANGS RIGS KYI LHA RNAMS NAS 'OG MIN GYI LHA RNAMS KYI BAR DU SKYE BAR 'GYUR ZHING DER BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS NAS SEMS CAN RNAMS KYI DON BYED PA DAG YOD DO, ,ZHES BYA BA NI, BAR MA DOR YONGS SU MYA NGAN LAS 'DA' BA'O, ,SH'A RI'I BU BYANG CHUB SEMS DPA' SEMS DPA' CHEN PO GANG DAG DANG PO SEMS BSKYED PA NYID KYIS BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA ZHING, CHOS KYI 'KHOR LO BSKOR TE SEMS CAN GZHAL DU MED, GRANGS MED PA RNAMS KYI DON BYAS @248A *, ,NAS PHUNG PO MA LUS PA'I MYA NGAN LAS 'DA' BA'I DBYINGS SU YONGS SU MYA NGAN LAS 'DA' ZHING, DE DAG YONGS SU MYA NGAN LAS 'DAS NAS KYANG DAM PA'I CHOS BSKAL BA'AM, BSKAL BA LAS LHAG PAR GNAS PA DAG YOD DO; ZHES BYA BA NI SKYES NAS YONGS SU MYA NGAN LAS 'DA' BA'O, ,SH'A RI'I BU GZHAN YANG BYANG CHUB SEMS DPA' SEMS DPA' CHEN PO PHA ROL TU PHYIN PA DRUG LA SPYOD PA GANG DAG 'JIG RTEN GYI KHAMS NAS 'JIG RTEN GYI KHAMS SU 'DOD ZHING DE DAG TU YANG SEMS CAN RNAMS BYANG CHUB TU YANG DAG PAR 'JOG PAR BYED DO, ,DE DAG SEMS CAN RNAMS KYI DON LA RTAG PAR BRTZON TE, NAM YANG DON MED PA'I CHOS MI SMRA'O, ,SEMS CAN GYI DON DU RTAG TU RTZON PAS SANGS RGYAS KYI ZHING NAS SANGS RGYAS KYI ZHING DU 'GRO, ,BYANG CHUB SEMS DPA' SEMS DPA' CHEN PO DE DAG NI, SEMS CAN GYI DON DU BSKAL PA GRANGS MED GZHAL DU MED PA RNAMS KYI SANGS RGYAS KYI ZHING SNA TSOGs SU BLA NA MED PAR YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BA DAG YOD DO, ,ZHES BYA BA NI MNGON PAR 'DU BYED PA DANG BCAS PAR YONGS SU MYA NGAN LAS 'DA' PA'O, ,SH'A RI'I BU BYANG CHUB SEMS DPA' SEMS DPA' CHEN PO GANG DAG DANG PO SEMS SKYED PA NYID KYIS BYANG CHUB SEMS PA'I SKYON MED PA LAS YANG DAG PAR 'DAS SHING, PHYIR MI LDOG PA'I SA LA YANG NGES PAR GNAS NAS SANGS RGYAS KYI CHOS THAMS CAD KYANG BSKRUN PAR BYED PA YOD, ,SH'A RI'I @248B BYANG CHUB SEMS DPA' SEMS DPA' CHEN PO GANG DAG DANG PO SEMS BSKYED PA NYID KYIS SHES RAB KYI PHA ROL TU PHYIN PA'I RNAL 'BYOR LA SNYOMS PAR 'JUG CING, DE DAG BYANG CHUB SEMS DPA' BYE BA KHRAG KHRIG BRGYA STONG DU MA DANG LHAN CIG SANGS RGYAS KYI ZHING NAS SANGS RGYAS KYI ZHING DU SANGS RGYAS BCOM LDAN 'DAS RNAMS LTA BA DANG SEMS CAN YONGS SU SMIN PAR BYA BA DANG, RANG GI SANGS RGYAS KYI ZHING YONGS SU DAG PAR BYA BA'I DON DU 'DOD ZHING SANGS RGYAS KYI ZHING SNA TSOGS SU BLA NA MED PAR YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BA DAG YOD DO, ,ZHES BYA BA NI MNGON PAR 'DU BYA BA MED PAR YONGS SU MYA NGAN LAS 'DA' BA'O, ,SH'A RI'I BU BYANG CHUB SEMS DPA' SEMS DPA' CHEN PO PHA ROL TU PHYIN PA DRUG LA SPYOD PA GANG DAG 'KHOR LOS SGYUR BA'I RGYAL POR GYUR NAS SBYIN PA'I PHA ROL TU PHYIN PA LHUR BLANGS TE, SEMS CAN THAMS CAD LA BDE BA'I YO BYAD THAMS CAD NYE BAR SGRUB CING, ZAS 'DOD PA RNAMS LA ZAS DANG, SKOM 'DOD PA RNAMS LA SKOM DANG, DE BZHIN DU DRI DANG 'PHRED PA DANG, BYUG PA DANG, GDUG SPOS DANG, MAL CHA DANG, STAN DANG, STEN MA DANG, KHYIM DANG, NOR DANG, 'BRU DANG, NOR BU DANG, MU TIG DANG, GSER DANG, DNGUL DANG, BYU RU DANG, RGYAN RNAMS DANG, 'TSO BA'I YO BYAD RNAMS NYE BAR SGRUB @249A *, ,BAR BYED PA NAS, DGE BCU'I LAS KYI LAM RNAMS SU SEMS CAN RNAMS RAB TU BKOD DE, TSANGS RIS NAS 'OG MIN GYI LHA RNAMS KYI BAR DU SKYES NAS SANGS RGYAS KYI ZHING SNA TSOGS PA RNAMS SU BLA NA MED PAR YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BA DAG YOD DO, ,ZHES BYA BA NI 'OG MIN GYI MTHAR THUG PAR 'GRO BA'O, ,SH'A RI'I BU BYANG CHUB SEMS DPA' SEMS DPA' CHEN PO GANG DAG BSAM GTAN BZHI SGRUB STE BSAM GTAN RNAMS LAS YONGS SU NYAMS NAS BSAM GTAN DANG PO SGRUB STE TSANGS RIS KYI LHA RNAMS SU SKYE ZHING, DE DAG YANG BSAM GTAN RNAMS BSGRUB NAS 'OG MIN NYID DU SKYES NAS SANGS RGYAS KYI ZHING SNA TSOGS RNAmSU BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS PA DAG YOD DO, ,ZHES BYA BA NI 'PHAR BA'O, ,SH'A RI'I BU BYANG CHUB SEMS DPA' SEMS DPA' CHEN PO GANG DAG TSANGS PA'I 'JIG RTEN NAS SHI 'PHOS NAS GNAS GTZANG MAR SKYES TE GNAS GTZANG MA'I GNAS GCIG GAm ,GNYIS LAS RGAL TE 'OG MIN DU SKYES NAS SANGS RGYAS KYI ZHING SNA TSOGS SU BLA NA MED PAR YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BA DAG YOD DO, ,ZHES BYA BA NI PHYED DU 'PHAR BA'O, ,SH'A RI'I BU BYANG CHUB @249B SEMS DPA' SEMS DPA' CHEN PO GANG DAG BDAG NYID KYI LUS DE PA'I SKU LTA BUR SPRUL NAS DGA' LDAN GYI GNAS SBYANGS NAS TSANGS RIS KYI LHA NAS 'OG MIN GYI LHA'I BAR DU SKYES TE THABS LA MKHAS PA'I SEMS CAN DMYAL BA PA RNAMS LA CHOS STON ZHING, DUD 'GRO'I SKYE GNAS DANG, GSHIN RJE'I 'JIG RTEN PA RNAMS LA'ANG CHOS STON PA YOD DO, ,SH'A RI'I BU BYANG CHUB SEMS DPA' SEMS DPA' CHEN PO GANG DAG PHA ROL TU PHYIN PA DRUG LA GNAS SHING BDAG NYID KYI LUS SANGS RGYAS KYI SKU CI 'DRA PA DE 'DRA BA'I LUS SU MNGON PAR SPRUL NAS SHAR PHYOGS KYI SANGS RGYAS KYI ZHING GANG+G'A'I KLUNG GI BYE MA SNYED DAG TU 'DOD ZHING SEMS CAN RNAMS LA CHOS STON PA DANG, DE PA RNAMS LA BSNYEN BKUR BYED PA DANG, CHOS NYAN ZHING BYANG CHUB SEMS DPA'I DGE 'DUN DANG, SANGS RGYAS KYI ZHING GI YON TAN RNAM PAR PHYE BA DAG KYANG MTHONG BAR BYED CING DE DAG SANGS RGYAS KYI ZHING DE DAG GI MTSAN MA YONGSU BZUNG STE, DE BAS KYANG RGYA CHE BA'I KHYAD PAR DU 'PHAGS PA'I SANGS RGYAS KYI ZHING MANG PO YONGS SU BSGRUB CING SANGS RGYAS KYI ZHING DE DAG TU BYANG CHUB SEMS DPA' SEMS DPA' CHEN PO TSE GCIG GIS THOGS PA SHA STAG SKYE BAR BYED PA DANG, DE BZHIN DU LHO DANG, NUB DANG, BYANG DANG BYANG SHAR DANG, SHAR LHO DANG, LHO NUB DANG, NUB BYANG DANG, 'OG DANG, STENG GI PHYOGS KYI PHYOGS RE RE ZHING SANGS RGYAS @250A *, ,KYI ZHING GANG+G'A'I KLUNG GI BYE MA SNYED DAG TU 'DONG ZHING SEMS CAN RNAMS LA CHOS STON PA DANG, DE BZHIN GSHEGS PA RNAMS LA BSNYEN BKUR BYED PA DANG, CHOS NYAN ZHING BYANG CHUB SEMS DPA'I DGE 'DUN DANG SANGS RGYAS KYI ZHING GI YON TAN RNAM PAR PHYE BA DAG KYANG MTHONG BAR BYED CING, DE DAG SANGS RGYAS KYI ZHING DE DAG GI MTSAN MA YONGS SU BZUNG STE, DE BAS KYANG RGYA CHE BA KHYAD PAR DU 'PHAGS PA'I SANGS RGYAS KYI ZHING MANG PO YONGS SU BSGRUB CING SANGS RGYAS KYI ZHING DE DAG TU BYANG CHUB SEMS DPA' SEMS DPA' CHEN PO TSE GCIG GIS THOGS PA SHA STAG SKYE BAR BYED CING SANGS RGYAS KYI ZHING SNA TSOGS SU BLA NA MED PAR YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BA YANG YOD DO, ,ZHES BYA BA NI GNAS THAMS CAD DU 'CHI 'PHO BA'O, ,SH'A RI'I BU BYANG CHUB SEMS DPA' SEMS DPA' CHEN PO GANG DAG BSAM GTAN DANG GZUGS MED PA BSGRUB PAR BYED PA GANG DAG TSANGS RIS NAS DGE RGYAS KYI LHA'I BAR DU SKYES SHING, DE NAS NAM MKHA' MTHA' YAS SKYE MCHED NAS SRING PA'I RTZE MO'I BAR DU SKYE BAR BYED DE, DE NAS SANGS RGYAS KYI ZHING SNA TSOGS SU SKYE BAR 'GYUR BA DAG YOD DO, ,ZHES BYA BA NI SRID PA'I RTZE MO'I MTHAR THUG PAR 'GRO BA'O, ,SH'A RI'I BU BYANG CHUB SEMS @250B DPA' SEMS DPA' CHEN PO BSAm GTAN DANG GZUGS MED PA'I SNYOMS PAR 'JUG PA THOB PAR GYUR PA, DE DAG NAM MKHA' MTHA' YAS SKYE MCHED NAS SRID PA'I RTZE MO'I BAR DU SKYE BAR 'GYUR ZHING, DE NAS SANGS RGYAS KYI ZHING SNA TSOGS SU SKYE BAR 'GYUR BA DAG YOD DO, ,ZHES BYA BA NI GZUGS KYI 'DOD CHAGS DANG BRAL BA'O, ,SH'A RI'I BU BYANG CHUB SEMS DPA' SEMS DPA' CHEN PO, ,GANG DAG PHA ROL TU PHYIN PA DRUG LA SPYOD PA'I TSE LUS LA SKYES BU CHEN PO'I MTSAN SUM CU RTZA GNYIS KYIS BRGYAN ZHING DBANG PO YONGS SU DAG PA BLA NA MED PA RNAMS DANG LDAN TE, NAM YANG NGAN SONG NGAN 'GRO LOG PAR LTUNG BA RNAMS SU SKYE BAR MI 'GYUR BA NYID DANG, BDAG NYID LA BSTOD PAR MI BYED DO, GZHAN LA SMOD PAR MI BYED DBANG PO YONGS SU DAG PA, DE RNAMS DANG LDAN PA'I SKYE BO MANG POS BYAMS SHING YID DU 'ONG BAR 'GYUR RO, ,SEMS CAN GANG DAG GIS BYANG CHUB SEMS DPA'I SEMS DPA' CHEN PO, MTHONG BA DE DAG GIS KYANG RAB TU DANG BA DE NYID KYIS THEG GSUM RIMS KYIS YONGS SU MYA NGAN LAS 'DA' BAR BYED PA DAG YOD DE, ,SH'A RI'I BU DE LTAR NA BYANG CHUB SEMS DPA' SEMS DPA' CHEN PO LUS YONGS SU DAG PA LA BSLAB BAR BYA'O, ,NGAG YONGS SU DAG PA DANG, YID YONGS SU DAG PA LA BSLAB PAR BYA'O,,@251A *, ,SH'A RI'I BU BYANG CHUB SEMS DPA' SEMS DPA' CHEN PO PHA ROL TU PHYIN PA DRUG PA SPYOD PA GANG DAG DBANG PO SHIN TU GSAL BA THOB NA, DE DAG DBANG PO SHIN TU GSAL BA DE DAG GIS BDAG LA MI BSTOD CING GZHAN LA MI SMOD PA DAG YOD DO, SH'A RI'I BU BYANG CHUB SEMS DPA' SEMS DPA' CHEN PO GANG DAG DANG PO SEMS BSKYED PA NAS NYE BAR BZUNG STE SBYIN PA'I PHA ROL TU PHYIN PA DANG, TSUL KHRIMS KYI PHA ROL TU PHYIN PA LA GNAS SHING PHYIR MI LDOG PA'I SA MA THOB KYI BAR DU NAM YANG NGAN SONG NGAN 'GRO LOG PAR LTUNG BA RNAMS SU MI SKYE BA DAG YOD DO, ,SH'A RI'I BU BYANG CHUB SEMS DPA' SEMS DPA' CHEN PO GANG DAG DANG PO SEMS BSKYED PA NAS NYE BAR BZUNGS NAS PHYIR MI LDOG PA'I SA MA THOB PA'I BAR DU DGE BA BCU'I LAS KYI LAM MI STONG BA DAG YOD DO, ,SH'A RI'I BU BYANG CHUB SEMS DPA' SEMS DPA' CHEN PO GANG DAG SBYIN PA'I PHA ROL TU PHYIN PA DANG TSUL KHRIMS KYI PHA ROL TU PHYIN PA LA GNAS SHING 'KHOR LOS BSGYUR BA'I RGYAL POR GYUR NAS SEMS CAN RNAMS LA SBYIN PA BYIN TE DE DAG NYID DGE BA BCU'I LAS KYI LAM RNAMS LA RAB TU 'GOD PA DAG YOD DO, ,SH'A RI'I BU BYANG CHUB SEMS DPA' SEMS DPA' CHEN PO GANG DAG SBYIN PA'I PHA ROL TU PHYIN PA DANG, TSUL @251B KHRIMS KYI PHA ROL TU PHYIN PA LA GNAS SHING, 'KHOR LOR BSGYUR BA'I RGYAL SRID RGYA PHRAG DU MA YONGS SU BZUNG, 'KHOR LOR BSGYUR BA'I RGYAL SRID BRGYA STONG DU MA YONGS SU BZUNG STE, DE LA GNAS NAS SANGS RGYAS KYI ZHING BYE BA KHRAG KHRIG PA RGYA STONG DU MA RNYED PAR BYED DE, BCOM LDAN 'DAS DE DAG THAMS CAD LA BKUR STIR BYED, BLA MAR BYED, RI MOR BYED, MCHOD PAR BYED CING DE'I 'OG TU BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BA NGAG YOD DO, ,ZHES BYA BA NI MTHONG BA'I CHOS LAS MYA NGAN LAS 'DA' BA'O, ,SH'A RI'I BU BYANG CHUB SEMS DPA' CHEN PO SHES RAB KYI PHA ROL TU PHYIN PA LA SPYOD PA GANG DAG BSAM GTAN BZHI THOB PA DANG, TSAD MED PA BZHI DANG, GZUGS MED PA'I SNYOM PAR 'JUG PA BZHI THOB PA DE DAG BSAM GTAN DANG TSAD MED PA DANG GZUGS MED PA'I SNYOM PAR 'JUG PA DE DAG GIS RNAM PAR RTZE ZHING BSAM GTAN DANG PO LA SNYOM PAR 'JUG GO ,DE LAS LANGS NAS 'GOG PA'I SNYOM PAR 'JUG PA LA SNYOM PAR 'JUG GO , DE LAS LANGS NAS BSAM GTAN GNYIS PA LA SNYOM PAR 'JUG GO ,DE LAS LANGS NAS 'GOG PA'I SNYOM PAR 'JUG PA LA SNYOM PAR 'JUG GO ,DE LAS LANGS NAS BSAM GTAN GSUM PA LA SNYOM @252A *, ,PAR 'JUG GO ,DE LAS LANGS NAS 'GOG PA'I SNYOMS PAR 'JUG PA LA SNYOM PAR 'JUG GO ,DE LAS LANGS NAS BSAM GTAN BZHI PA LA SNYOM PAR 'JUG GO ,DE LAS LANGS NAS 'GOG PA'I SNYOM PAR 'JUG PA LA SNYOM PAR 'JUG ,DE LAS LANGS NAS NAM MKHA' MTHA' YAS SKYE MCHED LA SNYOM PAR 'JUGO ,DE LAS LANGS NAS 'GOG PA'I SNYOM PAR 'JUG PA LA SNYOM PAR 'JUG GO ,DE LAS LANGS NAS RNAM SHES MTHA' YAS SKYE MCHED LA SNYOM PAR 'JUG GO ,DE LAS LANGS NAS 'GOG PA'I SNYOM PAR 'JUG PA LA SNYOM PAR 'JUG GO ,DE LAS LANGS NAS CUNG ZAD MED PA'I SKYE MCHED LA SNYOM PAR 'JUG GO ,DE LAS LANGS NAS 'GOG PA'I SNYOM PAR 'JUG PA LA SNYOM PAR 'JUGO ,DE LAS LANGS ('DU SHES MED)? NAS 'DU SHES MED MIN SKYE MCHED LA SNYOM PAR 'JUG GO ,DE LAS LANGS NAS 'GOG PA'I SNYOM PAR 'JUG PA LA SNYOM PAR 'JUG PA DAG YOD, ,SH'A RI'I BU DE LTAR BYANG CHUB SEMS DPA' CHEN PO SHES RAB KYI PHA ROL TU PHYIN PA LA DPYOD PA THABS LA MKHAS PA DANG LDAN PA RNAMS BSAM GTAN DANG, TSAD MED PA DANG, TING NGE 'DZIN DANG, SNYOM 'JUG 'DI DAG YANG DANG YANG DU RNAM PAR GNANG ZHING SNYOM PAR 'JUG PAS THOD RGAL LA SNYOM PAR ZHUGS NAS SANGS RGYAS KYI ZHING SNA TSOGS SU BLA NA MED PA @252B YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA'O, ,ZHES BYA BA NI LUS KYI MNGON SUM DU BYED PA'O, ,SH'A RI'I BU BYANG CHUB SEMS DPA' CHEN PO GANG DAG PHA ROL TU PHYIN PA DRUG LA GNAS NAS SEMS CAN RNAMS LA SANGS RGYAS KYI CHOS KYI SNANG BAR BYED CING, BDAG NYID KYANG BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS KYI BAR DU SANGS RGYAS KYI CHOS KYI SNANG BA DE DANG BRAL BAR MI BYED PA DAG YOD DO, ,ZHES BYA BA NI DGRA BCOM PA'I RGYUN LA ZHUGS PA'O, ,SH'A RI'I BU BYANG CHUB SEMS DPA' SEMS DPA' CHEN PO GANG DAG SANGS RGYAS MI BZHUGS SHING NYAN THOS RNAMS KYANG MED PA'I 'JIG RTEN GYI KHAMS SU RANG BYANG CHUB TU MNGON PAR RDZOGS PAR 'TSANG RGYA BA DAG YOD DE, DE DAG THABS LA MKHAS PAS SROG CHAGS BRGYA STONG BYE BA KHRAG MANG PO THEG PA GSUM GYIS YONGS SU SMIN PAR BYAS NAS BLA NA MED PAR YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BA YIN NO, ,ZHES BYA BA NI RANG SANGS RGYAS SO, ,ZHES GSUNGS SO, GNYIS PA NI, RTZA BAR NYI SHUR BSDUS PA'I DON SLOB DPON 'PHAGS PAS BKRAL TSUL DANG, SLOB DPON SEB DE BZANG POS BKRAL TSUL GNYIS, DANG PO NI, GZHUNG GIS DNGOS SU BSTAN PA'I 'OG MIN 'GRO NAS SRID @253A *, ,RTZE'I MTHAR THUG 'GRO'I BAR LNGA PO GONG DU 'PHO BA ZHES NYI SHU'I YA GYAL GCIG TU BGRANGS PA'I GZHUNG GIS DNGOS SU ZIN PA BCU DRUG DANG BRGYAD PA DANG BAR BA GNYIS KYI 'BRAS GNAS RTZAM PO GNYIS DGRA BCOM ZHUGS PA BZHI SNAN PAS NYI SHUR 'CHAD DO, ,GNYIS PA NI, SLOB DPON GYIS RGYUN ZHUGS KYI SKOR LA DNGOS SU ZIN PA BZHI DANG, RGYUN ZHUGS 'BRAS GNAS RTZAM PO KHA SKANG NAS LNGA DANG, PHYIR 'ONG GI SKOR LA DNGOS SU ZIN PA GNYIS DANG, PHYIR 'ONG 'BRAS GNAS RTZAM PO KHA SKANG NAS GSUM DANG, PHYIR MI 'ONG LA ZHUGS PA DNGOS SU ZIN PA DANG, 'DA' BA BZHI STE LNGA DANG, 'OG MIN 'GRO DNGOS SU ZIN YANG, DBYE GZHIR MDZAD NAS DE LA PHYE BA'I GONG DU 'PHO BA GSUM DANG, SRID RTZE'I MTHAR THUG 'GRO DANG, GZUGS KYI CHAGS BCOM DNGOS SU ZIN YANG GRANGS KYI YA GYAL DU MI BGRANG BAR DON GCIG TU BSDUS NAS DBYE GZHIR MDZAD DO, ,MTHONG CHOS GZHI DANG LUS SNGON BYED GNYIS SU PHYE NAS DGRA BCOM ZHUGS PA KHA SKANG STE GZHUNG GI DNGOS SU ZIN PA BCU BDUN DANG, RGYUN ZHUGS 'BRAS GNAS RTZAM PO, PHYIR 'ONG 'BRAS GNAS RTZAM PO, DGRA BCOM ZHUGS PA KHA SKANG NAS NYI SHUR 'CHAD DO, 'DIR DBYE GZHI NI BYANG 'PHAGS KHO NAR NGES @253B TE; NYI SNANG LAS DE LTAR GSUNGS PA'I PHYIR TE, DE NYID LAS, DE LA DGE 'DUN DKON MCHOG NI 'DIR PHYIR MI LDOG PA'I BYANG CHUB SEMS DPA'I DGE 'DUN YIN PAR BRJOD PAR BYA'O, ,DE DAG KYANG ZHUGS PA DANG 'BRAS BU LA GNAS PA'I DBYE BAS SKYES BU BZUNG BZHIR 'GYUR RO, ,ZHES GSUNGS PA'I PHYIR, BYANG SEMS KYI DGE 'DUN DE LA YANG RNAM PA BZHIR GSUNGS TE, RGYUD PA'I 'GREL BAR, BYANG CHUB SEMS DPA' BZHI NI SEMS DANG PO BSKYED PA DANG, SPYOD PA LA ZHUGS PA DANG, PHYIR MI LDOG PA DANG, SKYE BA GCIG GIS THOGS PA'O, ,ZHES GSUNGS SHING DANG PO LA RGYUN ZHUGS KYI SKOR, GNYIS PA LA PHYIR 'ONG GI SKOR, GSUM PA LA PHYIR MI 'ONG GI SKOR, BZHI PA LA DGRA BCOM ZHUGS PA'I MING GIS BTAGS PAR BYA LA, SPYIR NI THAMS CAD LA YANG DGE 'DUN NYI SHU PO THAMS CAD KYI MING GIS GDAGS SU RUNG STE, 'DOGS PA'I RGYU MTSAN, BTAGS PA'I DGOS PA, DNGOS LA GNOD BYED GSUM TSANG BA'I PHYIR, DANG PO GRUB STE; SPANG RTOGS KYI RIGS LA SOGS PA'I YON TAN DANG, YON TAN GYI MING GI SGO NAS KYANG 'DRA BAR BZHAG PA DU MA YOD PA'I PHYIR, GNYIS PA GRUB STE, KHYIM PA'I RTEN @254A *, ,CAN SOGS BYANG SEMS 'PHAGS PA RNAMS ZHUGS GNAS KYI MING GIS BTAGS PA LAS DGE 'DUN DKON MCHOG MTSAN NYID PAR RTOGS PA DANG, THEG CHEN BKA' MIN PAR 'DOD PA'I LOG RTOG SPANG BA DANG, LHAG MED MYANG 'DAS THOB ZIN PA'I THEG DMAN RNAMS KYANG THEG CHEN GYI LAM DU 'JUG PA'I PHYIR SNGAR THOB ZIN PA'I 'BRAS BU RNAM PA BZHI LA MCHOG TU 'DZIN PA BKAG STE, 'BRAS BU BZHI THOB PAR 'DOD PA RNAMS KYIS THEG CHEN GYI LAM DU 'JUG PAR RIGS TE, ,'DIR BSHAD PA'I 'BRAS BU RNAMS LAS MCHOG TU GYUR PA'I DGE SBYONG TSUL GYI 'BRAS BU BZHI THEG CHEN LA YANG YOD PAR BSTAN PAS MTHAR THUG THEG PA GCIG TU BSGRUB PA'I DGOS PA YOD PA'I PHYIR, GSUM PA GRUB STE, BYANG SEMS 'PHAGS PA RNAMS ZHUGS GNAS MTSAN NYID PAR 'DZIN PA DANG, RGYAL BU RGYAL BYED KYI TSUL CHUS YONGS SU GANG BAR 'DZIN PA'I 'DU SHES RNAMS LOG SHES SU MTSUNGS PAR PHYIR MI LDOG PA'I 'KHOR LO'I MDO LAS GSUNGS PA'I PHYIR, 'DOGS PA'I RGYU MTSAN RNAMS DE NYID LAS 'DI GSUNGS TSUL NI 'DI LTAR YIN TE DE NAS BCOM LDAN 'DAS LA TSE DANG LDAN PA KUN DGA' BOS 'DI SKAD CES GSOL TO, ,DE BAS GANG LA DGONGS TE DAD PA'I RJES SU 'BRANG BA YONGS SU BSTAN PA DANG, CHOS KYI @254B RJES SU 'BRANG BA YONGS SU BSTAN PA DANG, DE BZHIN DU BRGYAD PA DANG, RGYUN TU ZHUGS PA DANG, LAN CIG PHYIR 'ONG BA DANG, PHYIR MI 'ONG BA DANG NYAN THOS DGRA BCOM PA DANG, RANG SANGS RGYAS YONGS SU BSTAN PA BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS BSTAN DU GSOL, BCOm LDAN 'DAS 'KHOR BZHI PO LUD PA'I SGRA YANG MI 'BYIN PAR CI YANG MI SMRA BAR MCHIS PA 'DI DAG BCOM LDAN 'DAS SROG CHAGS BRGYA STONG MANG PO THE TSOM BCANGS SOM NYI 'TSAL BAR 'GYUR TE, DE PA DGRA BCOM PA YANG DAG PAR RDZOGS PA'I SANGS RGYAS KYIS CI LA DGONGS NAS DAD PA'I RJES SU 'BRANG BA YONGS SU BSTAN ZHING DE BZHIN DU RGYA CHER RANG SANG RGYAS KYI BAR YONGS SU BSTAN SNYAM PA DE DAG GI THE TSOM BSAL DU GSOL, ZHES SOGS DANG, KUN DGA' BO DE'I PHYIR LEGS PAR RAB TU NYON LA TSUL BZHIN DU YID LA GYIS SHIG DANG, JI LTAR DE PA DGRA BCOM PA YANG DAG PAR RDZOGS PA'I SANGS RGYAS KYIS BYANG CHUB SEMS DPA' SEMS DPA' CHEN PO LA DAD PAS RJES SU 'BRANG BA YONGS SU BSTAN PA DANG, DE BZHIN DU CHOS KYI RJES SU 'BRANG BA DANG, BRGYAD PA DANG LAN CIG PHYIR 'ONG PA DANG, PHYIR MI 'ONG BA DANG, NYAN @255A *, ,THOS DGRA BCOM PA DANG, RANG SANGS RGYAS YONGS SU BSTAN PA NGAS KHYOD LA BSHADO, ,BCOM LDAN 'DAS LEGS SO ZHES GSOL TE, TSE DANG LDAN PA KUN DGA' BOS BCOM LDAN 'DAS LA LTAR NYAN PA DANG, BCOM LDAN 'DAS KYIS 'DI SKAD CES BKA' STZAL TO, ,KUN DGA' BO 'DI LA BYANG CHUB SEMS DPA' SEMS DPA' CHEN PO SEMS CAN GRANGS MED DPAG TU MED PA DAG CHAGS PA MED PAS SANGS RGYAS MTHONG BAR BYA BA'I PHYIR YANG DAD PAR BYED LA, SANGS RGYAS KYI CHOS DE DAG KYANG YANG DAG PAR RJES SU MI MTHONG ZHING, DE GZUGS LA MI CHAGS ,DE BZHIN DU TSOR BA DANG, 'DU SHES DANG 'DU BYED RNAMS DANG, RNAM PAR SHES PA LA MI CHAGS PA 'DI NI, KUN DGA' BO BYANG CHUB SEMS DPA' SEMS DPA' CHEN PO DAD PAS RJES SU 'BRANG BA ZHES BYA'O, ,ZHES SOGS KYI DON TSIGS SU BCAD PA NI, SANGS RGYAS MTHONG LA CHAGS MED DE, ,SEMS CAN DPAG MED DAD PAR BYED, ,DE NI DE LA CHAGS PA MED, , DE PHYIR BLO LDAN DAD PAS 'BRANG, ZHES DANG, CHOS RGYUN BSAM MI KHYAB PA DANG, ,RGYUN DE LAS KYANG 'DA' MI BYED, ,CHOS NYID DE LAS RJES SU THOB, ,DE PHYIR CHOS RJES 'BRANG ZHES BYA, ,ZHES @255B DANG; ;LOG PA BRGYAD LAS SHIN TU 'DAS, ,RNAM PAR THAR BA BRGYAD LA REG ,YANG DAG BRGYAD LA ZHEN PA MED, ,DE PHYIR BRGYAD PA ZHES BRJOD DO, ,ZHES DANG, LAM LA RGYUN ZHES DES BRJOD DO, ,BSAM DU MED PA'I SANGS RGYAS LAM, ,GANG DAG LA LA 'DIR GNAS PA, ,DE DANG DE DAG RGYUN LA GZHOL, ZHES DANG, GANG GI BYANG CHUB 'GRUB 'GYUR BA'I, ,RKYEN RNAMS MANG PO RAB GSUNG PA, ,RKYEN DE SHES PAR BYA'O ZHES, ,DE DAG 'TSOL ZHING 'ONGS PA YIN, ,ZHES DANG, ,'GRO BA RNAM GSUM GANG DU YANG, ,DE NI PHYIR BZHIN MI 'GRO STE, ,SANGS RGYAS CHOS RNAMS THOB PAS NA, ,DE NI PHYIR MI 'ONG ZHES BRJOD, ,CES DANG GANG GI SEMS CAN SDUG BSNGAL BA, ,NYON MONGS THAMS CAD DE YIS BCOM, ,NYON MONGS PA LAS SEMS CAN 'BREL, ,DES DE DGRA BCOM ZHES BRJOD DO, ,BYANG CHUB ZHI BA SPROS PA MED, SNYOG PA MED PA SGROG PAR BYED, SKYE BO DPAG TU MED LA SGROG ,DES DE NYAN THOS ZHES BRJOD DO, ,MA RIG NAM MKHA' 'JIG RTEN TE, ,CHOS RNAMS THAMS CAD MTSAN NYID MED, ,'DI NI MNGON DU GYUR PAS NA, ,RANG RGYAL BA ZHES BRJOD PA YIN, ,ZHES SOGS RGYAS PAR GSUNGS SHING, ,'GREL CHEN GNYIS LAS KYANG PHYIR MI LDOG PA'I MDO LA ZHAL 'PHANGS MDZAD DO, ,GDAGS PA'I SNGAR BSHAD@256A *, ,KYI DGOS PA DE RNAMS 'THAD PA'I RGYU MTSAN, GNAD KYI ZLA 'OD LAS, NYAN THOS KYI GANG ZAG DANG MING 'DRA BA NI DGE 'DUN DU YID CHES PA'I DON DU'O, ,ZHES GSUNGS SO, ,DNGOS LA GNOD BYES NGAR BSHAD DE 'THAD PA'I RGYU MTSAN, PHYIR MI LDOG PA'I MDO LAS, KUN DGA' BO DGE SLONG DE DAG NI CHU MIN PA LA CHUR 'DU SHES PA DAG STE, JI LTAR DGE SLONG DE DAG CHU MIN PA LA CHUR 'DU SHES PA DE BZHIN DU, DE DAG RGYUN DU ZHUGS PA'I 'BRAS BU MIN PA LA RGYUN DU ZHUGS PA'I 'BRAS BUR 'DU SHES, LAN CIG PHYIR 'ONG BA'I 'BRAS BU MIN PA LA PHYIR 'ONG BA'I 'BRAS BUR 'DU SHES, PHYIR MI 'ONG BA'I 'BRAS BU MIN PA LA PHYIR MI 'ONG BA'I 'BRAS BUR 'DU SHES DGRA BCOM PA NYID KYI 'BRAS BU MIN PA LA DGRA BCOM PA NYID KYI 'BRAS BUR 'DU SHES, RANG SANGS RGYAS NYID MIN PA LA RANG SANGS RGYAS SU 'DU SHES, ZHES SOGS RGYA CHER GSUNGS SO, ,GSUM PA RTZOD SPANG NI THEG DMAN LA ZHUGS GNAS BRGYAD MED PAR THAL, THEG DMAN LA MYANG 'DAS MED PA'I PHYIR TE, DES NA SANGS RGYAS MA THOB PAR, ,MYA NGAN 'DAS PA MI THOB STE, ,ZHES GSUNGS PA'I PHYIR, ZHE NA MA KHYAB STE, LOG RTOG DE NI SNGAR MYANG 'DAS @256B KYI SKABS SU BKAG ZIN PA'I PHYIR, KHA CIG ,LAM RJES SHES LA GNAS PA'I PHYIR MI 'ONG CHOS CAN, THA MA'I CHA MTHUN SNGA MA SPANGS PAR THAL, DE DAG GI SA BON MA SPANGS PA'I PHYIR TE ,DE'I DNGOS GNYEN BAR CHAD MED LAM MA THOB PA'I PHYIR, ZHE NA, RTZA BA LA KHYAB PA MED PAR THAL, NYAN THOS SGOM LAM PA DBANG RTUL RNAMS KYIS KHAMS GONG 'OG GI NYON MONGS MNGON GYUR RIM GYIS SPANGS SHING, DE RNAMS KYI SA BON GYI CIG CAR DU SPONG BA'I PHYIR TE, DE LTAR MIN NA SPANG BYA CIG CAR BA DANG, RIM GYIS PA'I RNAM GZHAG MI 'THAD DGOS PA'I PHYIR TE, 'DOD NYON SPANGS NA GONG MA'I NYON MONGS SPANGS PAS KHYAB PA'AM, YANG NA, DANG POR 'DOD NYON GYI DNGOS GNYEN BAR CHAD MED LAM DGU, DE RJES GONG SA'I NYON MONGS KYI DNGOS GNYEN BAR CHAD MED LAM DGU SKYE BAR THAL BA'I SKYON YOD PA GANG ZHIG ,DE RNAMS MI RIGS PA'I PHYIR RO, ,GZHAN YANG, RGYUN ZHUGS RIGS NAS RIGS SKYE MED PAR THAL, 'DOD NYON GSUM PA SPANGS PA'I RGYUN ZHUGS RIGS NAS RIGS SKYE MED PA'I PHYIR, DER THAL, 'DOD NYON DRUG PA SPANGS PA'I PHYIR 'ONG DANG, DGU BA SPANGS PA'I PHYIR 'ONG RNAMS MED PA'I PHYIR, RTAGS KHAS, THOD RGAL BA'I ZHUGS PA GNYIS SBYOR @257A *, ,LAM STAN GCIG PA NAS BZHAG PA MI 'THAD PAR THAL, DE LA SKAD CIG BCO LNGA NI, ,MA MTHONG MTHONG PHYIR MTHONG BA'I LAM, ,ZHES SOGS KYIS DE GNYIS KYI ZHUGS PA DANG, RGYUN ZHUGS ZHUGS PA RNAMS BSTAN PA'I PHYIR, ZHE NA MA KHYAB PAR THAL, DE NI BYE BRAG TU SMRA BA'I BZHED PA SKYAR BA TZAM YIN PA'I PHYIR, GZHAN YANG, RGYUN ZHUGS ZHUGS PA LA 'PHAGS PAS KHYAB PAR THAL, DE LTAR DU GZHUNG DES BSTAN PA'I PHYIR, KHYAB PA KHAS, 'DOD MI NUS TE, RGYUN DU ZHUGS PA'I 'BRAS BU LA 'JUG PA GANG ZHE NA, GANG NGES PAR 'BYED PA'I CHA DANG MTHUN PA LA, ZHES GSUNGS PA'I PHYIR, DES NA SBYOR LAM STAN GCIG PA LA GNAS PA'I THOD RGAL BA'I ZHUGS PA GNYIS YOD DE, DE LA GNAS PA'I RGYUN ZHUGS ZHUGS PA YONG PA GANG ZHIG ,STOBS MTSUNGS PA'I PHYIR, GNYIS PA GZHUNG DON NI, 'DIR BSTAN BYANG SEMS KYI DGE 'DUN DKON MCHOG DE LA RNAM PA NYI SHUR YOD DO, DBANG RTUL DAD PA'I RJES 'BRANG GI MING CAN NAS BSE RU LTA BU'I RANG SANGS RGYAS KYI MING CAN GYI BAR RNAMS SU YOD PA'I PHYIR, ` DMIGS PA DANG NI RNAM PA DANG, ZHES SOGS KYI SKABS SU, SPYI DON DANG GZHUNG DON GNYIS, DANG PO LA, SBYOR LAM GYI RTEN BSHAD PA, BRTEN PA SBYOR LAM BSHAD PA, DE DAG GI RNAM GZHAG LA @257B DPYAD PA DANG GSUM, DANG PO LA LUS RTEN DANG SEMS RTEN GNYIS, DANG PO NI, LUS KYI RTEN MTHA' GCIG TU MA NGES TE, BDE 'GRO DANG NGAN 'GRO CI RIGS PA'I RTEN LA SKYE BA YOD PA'I PHYIR TE, THEG CHEN SEMS BSKYED LA DE LTAR YOD PA GANG ZHIG ,RGYU MTSAN MTSUNGS PA'I PHYIR DANG, SBYOR LAM DANG PO GNYIS LA GNAS PA'I GANG ZAG LAS DBANG GIS NGAN SONG DU SKYE BA LEN PA YOD PA'I PHYIR, GNYIS PA NI, SA DGU LA BRTEN PA YOD DE, DRAN PA NYE BAR GZHAG PA, YANG DAG SPONG BA RDZU 'PHRUL RKANG PA, DBANG PO STOBS RNAMS DE LA BRTEN PA YOD PA GANG ZHIG ,PHYI MA GNYIS SBYOR LAM GYI GNAS SKABS LA BZHAG PA'I PHYIR TE, MDZOD LAS, BYANG CHUB DANG NI LAM YAN LAG ,MA GTOGS 'DOD KHAMS SRID RTZE NA, ,ZHES DANG, KUN BTUS LAS, TSOGS LAM DANG SBYOR LAM GYI YON TAN GYI RIGS MTSUNGS PAR GSUNGS PA'I PHYIR, MDZOD LAS, SGOM BYUNG MI LCOGS MED PA DANG, ,KHYAD PAR BSAM GTAN SA PA'O, ,ZHES GSUNGS PA DANG 'GAL LO SNYAM NA MI 'GAL TE; GTZO CHE BA LA DGONGS PA'I PHYIR TE, DE LAS GZHAN DU NA GZHUNG SNGA PHYI 'GAL BA'I SKYON YOD PA'I PHYIR RO, ,GNYIS PA LA, MTSAN NYID, DBYE BA, SA MTSAMS, SGRA BSHAD DANG BZHI, DANG PO NI, @258A *, ,RANG GI NYER LEN DU GYUR BA'I TSOGS LAM RDZOGS RJES SU BYUNG ZHING, DON MNGON RTOGS KYI RIGS SU GNAS PA'I MKHYEN PA, GNYIS PA LA RTEN GYI SGO NAS DBYE NA, NYAN THOS RANG RGYAL THEG CHEN GYI SBYOR LAM DANG GSUM, NGO BO'I SGO NAS, DROD RTZE MO BZOD PA CHOS MCHOG DANG BZHI, CHA SHAS KYI SGO NAS CHUNG DU, 'BRING, CHEN PO DANG RNAM PA GSUM, DE YANG RGYUD GCIG PA'I DBANG DU BYAS NAS, DANG POR SKYES PA, BAR DU SKYES PA, THA MAR SKYES PA'I SBYOR LAM DANG GSUM, RGYUD THA DAD PA'I DBANG DU BYAS NA, DBANG PO RTUL PO 'BRING RNON PA'I RGYUD DANG 'BREL BA'I SGO NAS CHUNG DU 'BRING CHEN PO GSUM LA BZHAG PAR BYA BA YIN LA, 'DI BZHIN BYAS NA, NYAN THOS KYI SBYOR LAM DE CHUNG DU, BRING, CHEN PO DANG RNAM PA GSUM, DE YANG RGYUD GCIG PA YIN LA, THEG DMAN GYI CHOS MCHOG LA RGYUD THA DAD PA'I DBANG DU BYAS PA'I CHUNG DU 'BRING CHEN PO YOD KYANG RGYUD GCIG PA'I DBANG DU BYAS PA'I CHUNG DU 'BRING CHEN PO'I KHYAD PAR MED DE, DE LA SKAD CIG SNGA PHYI'I RIM PA MED PA'I PHYIR TE, DE DUS MTHA'I SKAD CIG MA YIN PA'I PHYIR TE, KUN BTUS LAS, 'JIG RTEN PA'I CHOS KYI @258B MCHOG NI RANG BZHIN GYI SKAD CIG MA STE, TSE RABS DE NYID KYI DUS CAN KHO NA'O, ,ZHES DANG, MDZOD LAS DE NI SKAD CIG GCIG DE BZHIN, CHOS MCHOG CES GSUNGS PA'I PHYIR, GSUM PA SA MTSAMS NI; NYAN THOS KYI TSOGS LAM RDZOGS RJES NAS, BYANG SEMS KYI MTHONG LAM MTHOB PA'I BAR NA YOD, BZHI PA NI, BDEN PA MNGON SUM DU RTOGS PA LA SBYOR BA'I DON GYIS SBYOR LAM, RGYUD MTHONG SPANG LAS NGES PAR 'BYED PA'I CHA NAS NGES BYED CHA MTHUN, RGYUD MTHONG SPANG LAS NGES PAR 'BYED CING THAR PA THOB PA'I YAN LAG YIN PA'I DON GYIS NGES 'BYED YAN LAG ,RNAM PAR MI RTOG PA'I YE SHES KYI ME SKYE BA'I SNGA LTAS YIN PAS DROD, LOG LTAS DGE RTZA GCOD PA'I RTZE MOR GYUR PAS NA RTZE MO, BDE 'GRO 'BA' ZHIG TU SKYE ZHING NGAN 'GROR LAS DBANG GIS SKYE BA CHAD PAS BZOD PA, 'JIG RTEN PA'I CHOS KYI MCHOG YIN PAS CHOS MCHOG ZHES BYA'O, ,'O NA DROD SOGS BZHI'I NGO BO GANG ZHE NA, SBYOR LAM DROD KYI YE SHES NI STONG PA NYID LA DMIGS PA'I SGOM BYUNG DANG POR THOB PA'I SGO NAS KUN NAS NYON MONGS GZUNG RTOG MNGON GYUR SPONG BA'I YE SHES, RTZE MO NI DE RJES RNAM BYANG BZUNG RTOG SPONG BAR BYED PA'I YE SHES, BZOD PA NI, DE RJES RDZAS 'DZIN RTOG PA SPONG BAR BYED PA'I YE SHES, @259A *, ,CHOS MCHOG NI DE RJES BTAGS 'DZIN RTOG PA SPONG BAR BYED PA'I YE SHES YIN TE, RGYAN LAS, DE NAS DE 'DRAR GYUR BA GYI, ,BYANG CHUB SEMS DPA' MNYAM GZHAG PAS, ,YID KYI BRJOD PA MA GTOGS PA, ,DON KUN RAB TU MI MTHONG NGO, ,ZHES DANG, CHOS KYI SNANG BA 'PHEL BA'I PHYIR, ,BRTZON 'GRUS BRTAN PO KUN TU BRTZOM, ,ZHES DANG, CHOS KYI SNANG BA 'PHEL NAS NI, ,SEMS TZAM LA NI GNAS PAR GYUR, ,DE NAS DON DU SNANG BA NI, ,SEMS SU RAB TU MTHONG BAR 'GYUR, ,DE TSE DE YI BZUNG BA YI, ,RNAM PAR GA-YENG BA DE SPONG 'GYUR, ,DE NAS DE LA 'DZIN PA YI, ,RNAM PAR GA-YENG BA 'BA' ZHIG LUS, ,ZHES DANG, DE TSE BAR CHAD MED PA YI, ,TING NGE 'DZIN LA MYUR DU REG ,DE LTAR DE YI 'JUG THOGS SU, ,'DZIN PA'I RNAM PAR GA-YENG BA SPONG, ,'DI DAG GO RIM BZHIN DU NI, ,DRO BAR 'GYUR SOGS YIN ZHES BYA, ,ZHES GSUNGS SHING, KUN BTUS RGYAN SNANG SOGS SU'ANG, ,'DI DANG MTHUN PA KHO NAR GSUNGS, GSUM PA LA THOB PA'I RTAGS DANG SBYOR LAM GYI BLO RIGS BSHAD PA GNYIS, DANG PO NI, STONG NYID LA DMIGS PA'I LHAG MTHONG DANG POR THOB PA DANG, STONG NYID RTOGS PA'I SBYOR LAM DANG POR THOB PA DUS MNYAM ZHING, GANG @259B ZAG GI BDAG MED LA DMIGS PA'I LHAG MTHONG DANG POR THOB PA DANG, SBYOR LAM THOB PA DUS MNYAM STE, STONG NYID MA RTOGS PA'I SBYOR LAM YOD PA'I PHYIR, GNYIS PA NI, SBYOR LAm GYI BLO RIS DE LA RNAM PA DU MA YOD DE, TSOGS LAM LA DE LTAR YOD PA GANG ZHIG RGYU MTSAN MTSUNGS PA'I PHYIR, DANG PO GRUB STE, TSOGS KYI LAM GANG ZHE NA, SO SO SKYE BA'I TSUL KHRIMS DANG, ,DBANG PO'I SGO SDOM PA DANG, , ZAS KYI TSOD RIG PA DANG, NAM GYI CHA STOD DANG CHA SMAD LA MI NYAL BAR RNAL 'BYOR LA BRTZON PA DANG, YANG RGYUR GYUR PA'I DGE BA GZHAN DAG DANG, THOS PA DANG, ,BSAM PA DANG, SGOM PA LAS BYUNG BA'I SHES RAB DAG KYANG RUNG STE, ZHES KUN BTUS LAS GSUNGS PA'I PHYIR, GNYIS PA GRUB STE, DE NYID LAS, SBYOR BA'I LAM GANG ZHE NA TSOGS KYI GANG YIN PA SBYOR BA'I YANG DE YIN NO, ,ZHES GSUNGS PA'I PHYIR, MDOR NA TSOGS SBYOR BA'I THUGS RGYUD KYI RNAM PAR DAG PA'I SHES RAB GSUM, SDOM PA'I NGO BOR GYUR BA'I SPONG SEMS, DBANG PO LOG PA'I LAM LA 'JUG PA 'GOG PA'I DRAN SHES BZHIN, ZAS GOS LA MA CHAGS PA'I DGE BA RNAMS MOS SPYOD KYI SA YIN LA, GZHAN YANG SKABS DER YON TAN BSAM GYI SA MI KHYAB PA THOB STE, DKON MCHOG SPRIN LAS, SA 'DI LA GNAS @260A *, ,PA'I BYANG CHUB SEMS DPA' NI SO SO SKYE BA YIN YANG, BYIS PA'I RGUD PA THAMS CAD LAS YANG DAG PAR 'DAS SHING TING NGE 'DZIN DANG, GZUNG DANG RNAM PAR DAG PA DANG, MNGON PAR SHES PA LA SOGS PA'I YON TAN GRANGS MED PA DANG LDAN NO, ,ZHES TSOGS SBYOR BA'I THUGS RGYUD KYI SPYAN DANG MNGON PAR SHES PA ZAD PA ZIL GNON SOGS KYANG THAR LAM DU GSUNGS SO, ,KHO NA RE, SBYOR LAM LA SGOM BYUNG GIS KHYAB PA YOD PAR THAL, SGOM BYUNG MI LCOGS MED PA DANG, ZHES SOGS GSUNGS PA'I PHYIR, ZHE NA MA KHYAB TE, DE NI GTZO CHE BA LA DGONGS PA'I PHYIR, SBYOR LAM LA THOS BSAM GYI SHES RAB MED PAR THAL, SHES RAB GSUM PO 'GAL BA'I PHYIR TE, THOS PA'I SHES RAB YIN NA MING KHO NA LA DMIGS PAS KHYAB, SGOM BYUNG GI SHES RAB YIN NA DON KYANG PA LA DMIGS PAS KHYAB, BSAM BYUNG GI SHES RAB YIN NA DE GNYIS KA LA DMIGS PAS KHYAB PA'I PHYIR TE, MDZOD LAS, MING DANG GNYIS KA DON YUL CAN, ,ZHES GSUNGS PA'I PHYIR, ZHE NA MA KHYAB STE, 'DI NI BYE BRAG TU SMRA BAS RNAM PAR RTOG PAS BTAGS PA TZAM YIN PA'I PHYIR, GZHAN YANG SHES RAB GSUM PO MI 'GAL BAR THAL, THEG CHEN SGOM LAM GYI NGO BOR GYUR PA'I SHES RAB GSUM YOD PA'I PHYIR TE, YANG DANG YANG DU @260B SEMS DPA' DANG, ZHES PA'I 'GREL BAR, THOS PA DANG, BSAM PA DANG, SGOM PA LAS BYUNG BA'I SHES RAB DAG GI ,ZHES SOGS GSUNGS PA'I PHYIR, DES NA GTZO BOR MANG DU THOS PA'I STOBS LAS BYUNG BA LUNG DON BSAM PA'I STOBS LAS BYUNG BA, TING NGE 'DZIN SGOM PA'I STOBS LAS BYUNG BA'I SHES RAB RNAMS GO RIMS BZHIN THOS PA BSAM PA SGOM PA LAS BYUNG BA'I SHES RAB GSUM YIN PA'I PHYIR RO, ,DES NA 'DIR DNGOS BSTAN GYI GTZO BOR GYUR BA'I SBYOR LAM NI STONG PA NYID KYI DON SPYI LEGS PAR SHAR BA'I SGO NAS STONG NYID BSGOM PAR BYED PA'I DRAN PA BCAD SHES YIN LA, SPYIR NI, MNGON SUM MA RJES DPAG YI DPYOD RNAMS YOD DO, ,DMAN LAM SNGON DU MA SONG BA'I BYANG SEMS KYI SBYOR LAM MNYAM GZHAG YE SHES CHOS CAN, STONG NYID LA 'KHRUL PAR THAL, DE LA RTOG PA YIN PA'I PHYIR, KHYAB STE, RTOG PA LA 'KHRUL SHES KYIS KHYAB PA'I PHYIR, DE'I KHYAB PA GNYIS KA YOD PA YIN TE, DMAN LAM SNGON DU MA SONG BA'I BYANG SEMS KYI SBYOR LAM MNYAM GZHAG DE NI STONG PA NYID LA 'KHRUL PAR THAL, DE LA RTOG PA YIN PA'I PHYIR, KHYAB STE, MA 'KHRUL BA MA YIN PA'I PHYIR, MA GRUB NA, DES STONG NYID MNGON SUM DU RTOGS PAR THAL, MA GRUB PA'I PHYIR, 'DOD NA DE BDEN 'DZIN KUN BTAGS KYI DNGOS GNYEN BAR CHAD MED LAM DE@261A *, ,THAL, 'DOD PA'I PHYIR, 'O NA, SBYOR LAM CHOS MCHOG CHEN PO'I YE SHES DANG, THEG CHEN GYI MTHONG LAM SDUG BSNGAL CHOS BZOD DES MTHONG SPANG SPANGS PAR THAL, 'DOD PA'I PHYIR, KHO NA RE, DMAN LAM SNGON DU MA SONG BA'I STONG NYID LA RTZE GCIG TU MNYAM PAR GZHAG PA'I SBYOR LAM GYI NGO BOR GYUR PA'I BSAM GTAN GYI DNGOS GZHI PHYI MA GSUM CHOS CAN, RTOG PAR THAL, STONG NYID DRAN PA'I DRAN PA DPYAD SHES YIN PA'I PHYIR, RTAGS KHAS, 'DOD NA, MA YIN PAR THAL, RTOG PA LA 'DOD CHAGS DANG BRAL ZIN PA'I PHYIR SNYAM NA MA KHYAB PAR THAL, BSAM GTAN GYI YAN LAG TU GYUR PA'I RTOG PA DANG, RNAM PAR RTOG PA DON MIG CIG PA'I PHYIR, GZHAN DU NA, DGRA BCOM PA'I RGYUD LA RTOG PA MED PAR THAL, RTOG PA LA 'DOD CHAGS DANG BRAL NA RTOG PA MED DGOS PA'I PHYIR, GNYIS PA NI, BYANG SEMS KYI SBYOR LAM DROD SOGS BZHI PO CHOS CAN, THEG DMAN GYI SBYOR LAM LAS KHYAD CHOS LNGA'AM DRUG GI SGO NAS KHYAD PAR DU 'PHAGS TE, DMIGS PA; RNAM PA, RGYU BYED TSUL, YONGS SU 'DZIN TSUL, SPANG BYA SPONG TSUL, DBYE BA'I RANG BZHIN SOGS KYI SGO NAS KHYAD PAR DU 'PHAGS PA'I PHYIR, DANG PO GRUB STE, BYANG SEMS KYI SBYOR LAM @261B BZHI PO DE NI, BDEN PA BZHI PO DE LA NGO BO RGYU 'BRAS CHOS NYID KYI RNAM PA SOGS MTHA' YAS PA'I SGO NAS DMIGS PA'I PHYIR, GNYIS PA GRUB STE, DE BDEN BZHI LA BDEN ZHEN 'GOG PA'I RNAM PA CAN YIN PA'I PHYIR, GSUM PA GRUB STE, THEG PA GSUM GYI BYANG CHUB STER BAR NUS PA'I THEG CHEN MTHONG LAM GYI NYE RGYU BYED PA'I PHYIR, BZHI BA GRUB STE, SRID ZHI LAS SKYOBS PAR NUS PA'I YONGS 'DZIN KHYAD PAR CAN LAS THEG CHEN GYI LAM RDZOGS PAR THOB CING PHA ROL TU PHYIN PA DRUG GI MI MTHUN PA'I PHYOGS DANG, BDUD LAS SPONG TSUL PHYIN CI MA LOG PAR THOB PA DANG LDAN PA'I PHYIR, LNGA PA GRUB STE, SBYOR LAM BZHI PO 'DIS 'OG NAS 'CHAD PAR 'GYUR BA'I BDEN 'DZIN GYI RNAM RTOG RNAMS SPONG BAR 'GYUR BA'I PHYIR, DRUG PA GRUB STE, BYANG SEMS KYI SBYOR LAM BZHI PO THAMS CAD LA YANG RGYUD GCIG PA'I DBANG DU BYAS PA'I CHUNG DU 'BRING CHEN PO GSUM GYI DBYE BA YOD PA'I PHYIR, KHYAB STE, THEG DMAN GYI CHOS MCHOG LA DE LTA BU'I DBYE BA MED PA'I PHYIR, DE SKAD DU 'ANG 'GREL CHEN LAS, LAS DANG PO BA, DE LTAR GDAM NGAG THOB PA LA, ,BSOD NAMS TSOGS NI YANG DAG RDZOGS, ,DE NAS BLO LDAN BSAM PA BRTAN, ,DAD SOGS DGE BA'I CHOS RNAMS KYIS, ,RGYUD NI YONGS SU DGOS GYUR PA, ,BSKAL PA GRANGS MED NGES BYUNG @262A *, ,BAS; YE SHES TSOGS NI GRUB PA'I PHYIR, ,MNGON SHES GDAM DAG BSTAN PA YIS, ,SPYOD PA'I LAS LA RAB TU 'JUG ,CES BSHAD PA 'DI LTAR BYAS NA MOS PAS SPYOD PA'I SA YONGS SU SBYOR BAR BYA BA'I PHYIR THOS PA LA SOGS PA RAB KYI MTHAR PHYIN PA THOB PA THAR PA'I CHA DANG MTHUN PA DAD PA LA SOGS PA'I MTSAN NYID KYI DGE BA'I RTZA BA'I 'OG TU BDEN PA BZHI RTOGS PA DANG, RJES SU MTHUN PA NGES PAR 'BYED PA'I CHA MTHUN PA BZHI PO 'JIG RTEN PA'I SGOM PA LAS BYUNG BA DRO BAR GYUR PA ZHES BYA BAR BRJOD PAR BYA BA YIN PA LA, 'DI NI NYAN THOS LA SOGS PA'I DROD LA SOGS PA LAS MI RTAG PA NYID LA SOGS PA'I MTSAN NYID DNGOS PO LA DMIGS PA LAS KHYAD PAR DU 'PHAGS PA'I PHYIR DANG CHOS SU LTA BA'I GNYEN PO'I PHYOGS SU GYUR PA NYID KYIS MNGON PAR ZHEN PA MED PA LA SOGS PA'I RNAM PA KHYAD PAR DU 'PHAGS PA NYID DANG THEG PA GSUM RTOGS PA'I RGYU NYID KYI KHYAD PAR DANG, DGE BA'I BSHES GNYEN THABS LA MKHAS PA'I MTSAN NYID KYI YONGS SU BZUNG BAS KHYAD PAR DU 'PHAGS PAS KHYAD ZHUGS PA YIN PAR BRJOD PAR BYA'O, ,DE BZHIN DU KUN NAS NYON MONGS PA'I DNGOS PO LA BRTEN PA DANG, GNYEN PO'I PHYOGS KYI DNGOS PO LA BSTEN PA STE, NGES PAR GZUNG PA'I RNAM PAR RTOG PA GNYIS DANG, @262B SKYES BU RDZAS SU YOD PA LA BRTEN PA DANG, SKYES BU BTAd PAR YOD PA LA BRTEN BDE 'DZIN PA'I RNAM PAR RTOG PA GNYIS PO 'OG NAS BSHAD PA'I RTZE MO'I MNGON PAR RTOGS PAS BSDUS PAS, MTHONG BA DANG SGOM PA'I LAM GYIS SPANG BAR BYA BA'I RNAM PAR RTOG PA BZHI PA NI GRANGS JI LTA BA BZHIN DU KUN NAS NYON MONGS PA LA BRTEN PA 'DI DAG NI NGES PAR 'BYED PA'I CHA YIN NO, ,ZHES BRJOD PAR BYA'O, ,DE BZHIN DU JI SKAD DU BSHAD PA'I RNAM PAR RTOG PA DANG KUN TU SBYOR BA LA BRTEN PA 'DI DAG RE RE ZHING CHUNG DU DANG 'BRING DANG, CHEN PO'I DBYE BAS KHYAD PAR DU 'PHAGS PA YANG BRJOD PAR BYA BA YIN PAS, KHYAD PAR RNAM PA LNGA'O ZHES GSUNGS, ` KHYAD PAR GZHAN SPONG BA DANG MI SPONG BA, ZHES SOGS KYI SKABS SU, RTZOD PA DANG, LAN GNYIS, DANG PO NI, DMIGS RNAM LHAG MA STON PA'I RGYAN GYI GZHUNG LA BRTEN NAS BDEN BZHI MI RTOGS PA'I SKYON YOD PAR THAL, 'DI RNAMS KYI BDEN BZHI MI RTAG LA SOGS BCU DRUG DNGOS SU BRJOD DGOS PA LAS DE DNGOS SU MA BRJOD PA'I PHYIR, DANG PO GRUB STE, BYANG SEMS KYI SBYOR LAM DE BDEN BZHI MI RTAG LA SOGS BCU DRUG LA DMIGS NAS BDEN ZHEN 'GOG PA'I RNAM PA CAN YIN PA'I PHYIR TE, DE RNAMS BDEN BZHI MI RTAG LA SOGS BCU DRUG MNGON SUM DU RTOGS PA'I MTHONG LAM GYI NYE @263A *, ,RGYU YIN PA'I PHYIR, GNYIS PA GRUB STE, DMIGS PA MI RTAG LA SOGS PA, ,BDEN PA'I RTEN CAN, ZHES BYA BA MA GTOGS PA DMIGS RNAM LHAG MA STON PA'I RGYAN GZHUNG GIS BDEN BZHI DNGOS SU MA BRJOD PA'I PHYIR, GNYIS PA LA, CHOS CAN BDEN BZHI LA BRTEN PAR DNGOS SU MA BRJOD PAS DE LTAR MA RTOGS PA'I SKYON MED PA DANG, DE LTAR DNGOS SU MA BRJOD KYANG DON GYIS GO BAR BYA BA GNYIS, DANG PO NI, DMIGS RNAM LHAG MA STON PA'I RGYAN GZHUNG RNAMS KYIS CHOS CAN BDEN BZHI DNGOS SU MA BRJOD KYANG DMIGS RNAM LHAG MA BDEN BZHI LA BRTEN PAR MI RTOGS PA'I SKYON MED PAR THAL, BDEN BZHI'I KHYAD CHOS MI RTAG LA SOGS BCU DRUG BRJOD PA NA BDEN BZHI BRJOD PAR 'GYUR BA'I PHYIR TE, CHOS BRJOD KYI SGRA DANG CHOS CAN BRJOD PA'I SGRA GNYIS KYIS BRJOD TSUL 'GAL YANG BRJOD BYA MI 'GAL BA'I PHYIR, DE LTAR DU DPAL CHOS KYI GRAGS PA'I GZHUNG LAS BYUNG PA'I PHYIR TE, KUN LA RDZAS DANG DNGOS BRJOD PAS, ,SGRA YI KHYAD PAR 'DI NYID TE, ,DE PHYIR DE DAG BRJOD BYA LA, ,KHYAD PAR 'GA' YANG YOD MA YIN, ,ZHES GSUNGS PA'I PHYIR, GNYIS PA NI, DMIGS RNAM LHAG MA STON PA'I RGYAN GZHUNG LA BRTEN NAS DROD CHUNG DU'I RNAM PA DE BDEN PA BZHI LA BRTEN PAR RTOGS NUS PAR THAL, DMIGS RNAM LHAG MA STON PA'I @263B RGYAN GZHUNG RNAMS KYI BDEN PA BZHI LA BDEN PAR MNGON PAR ZHEN PA 'GOG PA'I YE SHES DE DRONG CHUNG DU'I RNAM PAR BSTAN PA'I PHYIR, ,YANG DMIGS RNAM LHAG MA STON PA'I RGYAN GZHUNG LA BRTEN NAS DRONG 'BRING GI DMIGS PA BDEN BZHI LA BRTEN PAR RTOGS NUS PAR THAL, DE RNAMS KYIS DGAG SGRUB BDEN GRUB DANG BRAL BAS KHYAD PAR DU BYAS PA'I BDEN BZHI DROD 'BRING GI DMIGS PAR BSTAN PA'I PHYIR, ,DMIGS RNAM LHAG MA STON PA'I RGYAN GZHUNG LA BRTEN NAS DMIGS RNAM LHAG MA BDEN BZHI LA BRTEN PAR RTOGS NUS PAR THAL, DE LTAR STON BZHED NAS, DMIGS PA MI RTAG LA SOGS PA, ,BDEN PA'I RTEN CAN, ZHES THOG MI'I GSAL BYED MDZAD PA'I PHYIR, KHYAB STE, BRJOD BYED KYI SGRA RNAMS NI BRJOD 'DOD KYI RJES SU 'BRANGS NAS RANG GI BRJOD DON STON PA'I PHYIR TE, DE LHA MIN PAR RANG DBANG DU DON STON PA'I NUS PA MED PA'I PHYIR TE, RNAM 'GREL LAS, SGRA NI BRJOD 'DOD RJES 'BRANG PHYIR, ZHES GSUNGS PA'I PHYIR, KHO NA RE, DMIGS RNAM LHAG MA STON PA'I RGYAN GZHUNG RNAMS KYIS CHOS CAN BDEN BZHI DNGOS SU BRJOD PAR THAL, 'DI RNAMS LA BRTEN NAS DMIGS RNAM LHAG MA BDEN BZHI LA BRTEN PAR RTOGS NUS PA'I PHYIR, ZHE NA MA KHYAB PAR THAL, DE LTAR DNGOS SU MA BRJOD PA NI RGYAN GYI TSIG LE'UR BYAS PA SDEBS SLA ZHING LEGS PA'I @264A *, ,DGOS PA YOD PA'I PHYIR, KHA CIG NA RE, DMIGS RNAM LHAG MA STON PA'I RGYAN GZHUNG LA BRTEN NAS BDEN BZHI MI RTOGS PAR THAL, DE YIS NI, ZHES SOG KYIS DMIGS RNAM LHAG MA BDEN BZHI LAS NGO BO THA DAD DU BRJOD PA'I PHYIR TE, DE YIS NI; ZHES PA'I SGRA DE DRUG SGRA MA YIN PA'I PHYIR, ZHES ZER, KHA CIG NA RE, LHAG MA RNAMS CHOS BRJOD PA'I THAMS CAD DU BRJOD PA NI, ZHES BRJOD PA MI RIGS PAR THAL, LHAG MA RNAMS GNYIS KAS BRJOD PAR RTZOD PA YIN PA'I PHYIR, ZHES ZER, MI 'THAD DE, THAL 'GYUR DANG PO LA KHYAB PA MED PAR THAL, BDEN BZHI LA NGO BO THA DAD PAR BRJOD NA BDEN BZHI LA MA BRTEN PAS KHYAB PA MED PA'I PHYIR TE, RAS YUG GI DKAR PO ZHE PA'I NGAG 'DIS RAS YUG DANG DKAR PO NGO BO THA DAD PA LTA BUR BRJOD KYANG DES RAS YUG DANG DKAR PO GNYIS KA BRJOD PA'I PHYI RO, ,THAL 'GYUR GNYIS PA DE YANG MI 'THAD PAR THAL, DE NI 'BREL MED DON GZHAN GYI THAL 'GYUR YIN PA'I PHYIR TE, 'DI'I PHYOGS SNGA SMRA BA POS DMIGS RNAM LHAG MA STEN PA'I RGYAN ZHUNG DES DMIGS RNAM LHAG MA BDEN BZHI LA BRTEN PAR MA BRJOD PAR KHAS BLANGS PA LA, DMIGS RNAMS LHAG MA BDEN BZHI LA BRTEN PAR CHOS BRJOD KYI SGRA 'BA' ZHI GIS BRJOD PAR KHAS BLANGS PA MI 'THED, DE LTA BU'I SGRA GNYIS KAS DMIGS RNAM LHAG MA BDEN BZHI LA BRTEN PAR BRJOD PAR KHAS BLANGS PA'I PHYIR ZHES RTZOD LAN BTAB PA'I PHYIR, 'KHOR GSUm, KHA CIG NA RE, DMIGS RNAM LHAG MA BSTAN PA'I SGRA CHOS CAN BDEN BZHI MI GO BA'I SKYON MED PAR THAL, NGES DMIGS PA BDEN BZHI DANG DMIGS @264B RNAM KUN BDEN BZHI'I KHYAD CHOS SU BRJOD RIGS PA LAS DE LTAR MA BRJOD PAR DMIGS RNAM LHAG MA CHOS BRJOD KYI SGRAS BRJOD RIGS PA'I PHYIR, ZHES ZER, KHAS BLANGS NANG 'GAL TE, CHOS BRJOD KYI SGRA DANG CHOS CAN BRJOD PA'I SGRA GNYIS KYI BRJOD BYA YIN KHYAB MNYAM YIN PA'I PHYIR, 'KHOR GSUM, 'O NA CHOS BRJOD KYI SGRA DANG CHOS CAN BRJOD PA'I SGRA'I KHYAD PAR JI LTA BU ZHE NA, RANG GI BRJOD BYA KHYAD PAR GZHAN SPONG PA'I TSUL GYIS GO BAR BYED PA'I SNYAN BYA NI CHOS BRJOD YI SGRA DANG, RANG GI BRJOD BYA KHYAD PAR GZHAN MI SPONG BA'I TSUL GYIS GO BAR BYE DPA'I SNYAN BYA NI CHOS CAN, BRJOD PA'I SGRA YIN, DE YANG 'CHI DGU'I LUS, SGRA CAN GYI MGO BO ZHES BRJOD PA NA LUS DANG MGO BO KHYAD GZHI, 'CHI GU DANG SGRA CAN KHYAD CHOS SU NGAG DES GO BAR BYED DO, BUM PA'I GZUGS ZHES PA'I TSE BUM PA KHYAD CHOS DANG GZUGS KHYAD GZHI LTA BUR NGAG DE NYID KYIS GO BAR BYED PA'I PHYIR TE, BUM PA'I GZUGS ZHES PA'I NGAG 'DIS BUM PA DE GZUGS KYI YAN LAG LTA BUR BRJOD PA'I PHYIR TE, RNAM 'GREL LAS, DE SPYI YAN LAG TU BYAS TE, BUM PA YI NI GZUGS SO ZHES, ZHES GSUNGS PA'I PHYIR, ` GZHI DANG DE YI GNYEN PO YI, ZHES SOGS KYI SKABS SU SPYI DON DANG, GZHUNG DON GNYIS, DANG PO LA, SBYIR RNAM PAR @265A *, ,RTOG PA'I THA SNYAD DU MA GSUNGS TE, YANG DAG PA'I RTOG PA, YANG DAG PA MIN PA'I RTOG PA SEMS RTZIN BA'I RNAM PA CAN GYI RTOG PA, SGRA DON 'DRES RUNG DU 'DZIN PA'I RTOG PA, RNAM GA-YENG GI RTOG PA, BDEN 'DZIN GYI RTOG PA SOGS DU MA GSUNGS PA'I PHYIR, DANG PO BZHI NI, 'GREL BA 'DIR, YANG DAG PA'I LTA BA DANG, RTOG PA DANG, ZHES DANG, DBUS MTHA' LAS, YANG DAG MA YIN KUN RTOG NI, ,SEMS DANG SEMS BYUNG KHAMS GSUM PA, ,ZHES DANG, MDZOD LAS, RTOG DANG DPYOD PA RTZING ZHIB NYID, ,ZHES DANG, RNAM 'GREL LAS, SHES GANG GANG LA SGRA DON 'DZIN, ,DE NI DE LA RTOG PA YIN, ,ZHES GSUNGS PA LTAR RO, ,LNGA PA NI, BDEN GNYIS KYI SKABS SU DBYE BA TZAM BSTAN ZIN LA, DRUG PA 'DI NYID 'CHAD PA LA, MTSAN NYID, DBYE BA, DGAG SGRUB GANG GI RNAM PA CAN YIN DPYAD PA MU BZHIR RTZI TSUL, RTZOD PA SPANGS BA DANG LNGA, DANG PO NI, RANG YUL BDEN KUN GRUB TU ZHEN PA'I RIG PA, GNYIS PA LA, BZUNG RTOG DANG 'DZIN RTOG GNYIS, DANG PO NI, BZUNG BA'I CHOS LA DMIGS NAS LONGS SPYAD BYAR BDEN PAR ZHEN PA'I RIGS SU GNAS PA'I RIG PA, 'DI LA KUN NAS NYON MONGS BZUNG RTOG DANG, RNAM BYANG BZUNG RTOG GNYIS, BZUNG RTOG GANG ZHIG ,KUN NAS @265B NYON MONGS KYI PHYOGS LA DMIGS NAS LONGS SPYAD BYA BDEN PAR ZHEN PA'I RIG SU GNAS PA DE, DANG PO'I MTSAN NYID, DE GANG ZHIG ,GNYEN PO RNAM BYANG GI PHYOGS LA DMIGS NAS LONGS SPYAD BYAR BDEN PAR ZHEN PA'I RIGS SU GNAS PA'I RIG PA, GNYIS PA'I MTSAN NYID, 'DZIN PA'I CHOS LA DMIGS NAS LONGS SPYOD BYED DU BDEN PAR ZHEN PA'I RIGS SU GNAS PA'I RIG PA, 'DZIN RTOG GI MTSAN NYID, 'DI LA RDZAS 'DZIN RTOG PA DANG, BTAGS 'DZIN RTOG PA GNYIS, RDZAS 'DZIN LA DMIGS NAS LONGS SPYOD BYED DU BDEN PAR ZHEN PA'I RIGS SU GNAS PA'I RIG PA, DANG PO'I MTSAN NYID, DE GANG ZHIG , BTAGS 'DZIN LA DMIGS NAS LONGS SPYOD BYE DU BDEN PAR ZHEN PA'I RIGS SU GNAS PA'I RIG PA, GNYIS PA'I MTSAN NYID, SO SOR YUL GYI SGO NAS DGU DGU YOD DE, DE LTAR DU 'OG NAS 'CHAD PA'I PHYIR, 'O NA RDZAS 'DZIN DANG, BTAGS 'DZIN JI LTA BU ZHE NA, GANG ZAG DON BYED NUS PAR 'DZIN PA DANG, RANG SKYA THUB PA'I RDZAS YOD DU 'DZIN PA'I RDZAS 'DZIN, GANG ZAG BTAGS YOD DU 'DZIN PA DANG, BDEN STONG SGYU MA LTA BUR 'DZIN PA NI BTAGS 'DZIN YIN NO, ,RDZAS 'DZIN SO SKYE'I RTEN CAN DANG, BTAGS 'DZIN 'PHAGS PA'I RTEN CAN DU GSUNGS PA NI GTZO CHE BA LA DGONGS @266A *, ,TE; SKABS LNGA PA'I SKABS SU 'CHAD DO, ,GSUM PA NI, DGAG RTOG DANG SGRUB RTOG GNYIS YOD DE, BDEN 'DZIN GYI RNAM PAR RTOG PA RNAMS SKABS 'DIR BSTAN PA'I PHYIR TE, DE LTAR MA YIN NA SPANGS GNYEN GYI RNAM GZHAG MI RTOGS PA'I SKYON YOD PA'I PHYIR TE, DES NA BDEN STONG BDEN GRUB TU ZHEN PA DANG, BDEN STONG MED PAR ZHEN PA RNAMS NI DGAG RTOG ,BZUNG BYA BDEN GRUB TU ZHEN PA'I RTOG PA RNAMS NI SGRUB RTOG YIN TE, BDEN STONG YOD PAR 'DZIN PA'I RTOG PA DGAG RTOG, ,GZUGS SOGS YOD PAR 'DZIN PA'I RTOG PA SGRUB RTOG YIN PA'I PHYIR TE, BDEN STONG YOD PA DE DGAG PA DANG, GZUNGS YOD PA DE SGRUB PA YIN PA'I PHYIR, GZHAN YANG, BDAG DANG 'JIG RTEN MI RTAG PAR BLTA BA'I LUNG MA BSTAN GYI LTA BA DE SGRUB RTOG YIN PAR THAL, BDEN STONG BDEN GRUB TU ZHEN PA'I RNAM PAR RTOG PA DE SGRUB RTOG YIN PA'I PHYIR, RTAGS KHAS, 'DOD MI NUS TE, LUNG MA BSTAN BYI LTA BA STON PA'I SKABSU DE LTAR MA YIN PAR KHAS BLANGS PA'I PHYIR, BZHI PA MU BZHI RTZI TSUL NI, KUN NAS NYON MONGS KYI CHOS KHO NA LA DMIGS NAS LONGS SPYAD BYAR BDEN PAR ZHEN PA'I RIG PA NI, KUN NAS NYON MONGS BZUNG @266B RTOG KHO NA YIN PA'I MU, RNAM BYANG GI CHOS KHO NA LA DMIGS NAS LONGS SPYAD BYAR BDEN PAR ZHEN PA'I RIG PA NI RNAM BYANG BZUNG RTOG KHO NA YIN PA'I MU, ,KUN BYANG GI CHOS GNYIS KA LA DMIGS NAS LONGS SPYAD BYAR BDEN PAR ZHEN PA'I RIG PA NI GNYIS KA YIN PA'I MU, ZAG MED YE SHES NI GNYIS KA MA YIN PA'I MU YIN TE, ,NYI KHRI SNANG BA LAS, DE LA BZUNG BA'I RNAM PAR RTOG PA DANG PO NI, ,DNGOS PO THAMS CAD LA KHO NA YIN LA, GNYIS PA NI, RNAM PAR BYANG BA'I DNGOS PO LA KHO NA YIN TE, 'DI NI BZUNG BA'I RNAM PAR RTOG PA 'DI DAG GI KHYAD PAR YIN NO, ,DE LTAR BYAS NA, BRJOD PA BZUNG BA'I RNAM BAR RTOG PA DANG PO GANG YIN PA DE NI GNYIS PA YANG YIN NO, ,ZHES BYA BA NI TSIG SNGA MA DANG LDAN PA'O, ,RIGS TE DANG PO DE NI GNYIS PA YANG YIN PA NI DPE NA BZUNG BA'I RNAM PAR RTOG PA DANG POR GYUR PA DNGOS PO THAMS CAD PA BZHIN NO, ,GNYIS PA KHO NA YIN GYI DANG PO MIN PA NI BZUNG BA'I RNAM PAR RTOG PA GNYIS PA RNAM PAR BYANG BA TZAM LA BRTEN PA BZHIN NO, ,ZHES GSUNGS PA'I PHYIR, DE BZHIN DU BZUNG BA KHO NA LA DMIGS NAS LONGS SPYAD BYAR BDEN PAR ZHEN PA'I RIG PA BZUNG RTOG KHO NA, 'DZIN PA KHO NA LA DMIGS NAS LONGS SPYOD BYED DU BDEN PAR ZHEN PA'I RIG PA, 'DZIN RTOG KHO NA @267A *, ,RNAM PAR SHES PA KHO NA LA DMIGS NAS LONGS SPYOD BYA SPYOD BYED GNYIS KAR DU BDEN PAR ZHEN PA'I RIG PA NI, BZUNG RTOG DANG 'DZIN RTOG GNYIS KA YIN TE, DE LTAR DU SNGAR GYIS RIGS PAS GRUB PA'I PHYIR, LNGA BRTZOD SPANG NI, PHYI DON BDEN GRUB TU ZHEN PA'I RNAM PAR RTOG PA CHOS CAN, BDEN 'DZIN YIN PAR THAL, SHES SGRIB BZUNG RTOG YIN PA'I PHYIR TE, BZUNG DON RTOG PA SPONG PHYIR DANG ZHES SOGS BSHAD PA'I PHYIR, ZHE NA MA KHYAB PAR THAL, SKABS DER BSTAN GYI BZUNG RTOG YIN NA BZUNG RTOG MA YIN DGOS PA'I PHYIR TE, PHYI DON BDEN GRUB TU ZHEN PA'I RIG PA YIN NA BDEN 'DZIN YIN MA DGOS PA'I PHYIR TE, PHYI DON BDEN STONG DU RTOGS NA BDEN STONG RTOGS MI DGOS PA'I PHYIR TE, SEMS TZAM PA RNAMS KYIS KYANG PHYI DON BDEN STONG DU RTOGS PA'I PHYIR, KHA CIG NA RE, RI RVA BDEN GRUB TU ZHEN PA'I BLO CHOS CAN, SHES SGRIB RTOG PA YIN PAR THAL, RANG YUL BDEN GRUB TU ZHEN PA'I RIG PA YIN PA'I PHYIR TE, RI RVA BDEN GRUB TU ZHEN PA'I RTOG PA YIN PA'I PHYIR, ZHE NA, RI RVA BDEN STONG DU RTOGS PA'I RTOG PA CHOS CAN, RANG YUL BDEN STONG DU RTOGS PAR THAL, RI RVA BDEN STONG DU RTOGS PA'I PHYIR, KHYAB PA KHAS, 'DOD NA, BDEN STONG RTOGS PAR THAL, RANG YUL BDEN STONG DU RTOGS PA'I PHYIR, @267B 'KHOR GSUM RIMS BZHIN SONG, KHA CIG NA RE, DGAG RTOG DANG SGRUB RTOG MI 'GAL BAR THAL, BZUNG RTOG DANG 'DZIN RTOG MI 'GAL BA'I PHYIR, 'DOD NA, DGAG SGRUB MI 'GAL BAR THAL, 'DOD PA'I PHYIR ZHE NA, BZUNG 'DZIN 'GAL BAR THAL, BZUNG RTOG DANG 'DZIN RTOG 'GAL BA'I PHYIR, 'KHOR GSUM, GZHAN YANG, GZUGS SOGS DANG GZUGS SOGS PA BDEN STONG GNYIS KA LA DMIGS NAS BDEN GRUB TU ZHEN PA'I RTOG PA CHOS CAN, DGAG RTOG MA YIN PAR THAL, SGRUB RTOG YIN PA'I PHYIR, KHYAB PA KHAS, DER THAL, GZUGS BDEN GRUB TU ZHEN PA'I BLO YIN PA'I PHYIR, 'DOD MI NUS TE, GZUGS SOGS BDEN STONG BDEN GRUB TU ZHEN PA'I BLO YIN PA'I PHYIR, KHYAB PA SGRUBS ZIN, GNYIS PA GZHUNG DON NI, RNAM RTOG BZHI PO LDAN RTEN PA ZHES PA'I BYANG SEMS KYI SBYOR LAm DE BDEN 'DZIN GYI RNAM RTOG SPANGS SBYAR LDAN PA'I RGYU MTSAN GYIS THEG DMAN GYI SBYOR LAM LAS KHYAD PAR 'PHAGS PAR BSTAN PA'I RGYU MTSAN RGYAS PAR BSHAD PA LA GZHUNG 'DI GSUNGS, 'DI LTA BU'I GZHUNG GSUNGS PA CHOS CAN, DGOS PA YOD DE, BYANG SEMS KYI SBYOR LAM THEG DMAN GYI SBYOR LAM LA SPANG BYA SPONG TSUL GYI SGO NAS KHYAD PAR DU 'PHAt PAR STAN PA'I PHYIR DU BDEN 'DZIN GYI RNAM PAR RTOG PA RNAMS KYI RAB DBYE RGYAS PAR BSTAN PA'I CHED YIN PA'I PHYIR, BDEN 'DZIN GYI GYI RNAM PAR RTOG PA CHOS CAN, KHYOD LA RNAm PA GNYIS SU YOD DE, KHYAD LA SHES SGRIB BZUNG RTOG DANG, SHES SGRIB 'DZIN RTOG @268A *, ,GNYIS SU YOD PA'I PHYIR, SHES SGRIB BZUNG RTOG CHOS CAN, KHYOD LA RNAM PA GNYISU YOD DE, KHYOD LA KUN NAS NYON MONGS BZUNG RTOG DANG, RNAM BYANG BZUNG RTOG GNYIS YOD PA'I PHYIR, GNYIS PO 'DI YANG CHOS CAN, SO SOR RNAM PA DGU DGU YOD DE, YUL GYI DBYE BAS DE LTAR DU YOD PA'I PHYIR, SHES SGRIB 'DZIN RTOG CHOS CAN, RNAM PA GNYIS YOD DE, RDZAS 'DZIN 'DZIN RTOG DANG, RTAG 'DZIN 'DZIN RTOG GNYIS YOD PA'I PHYIR, GNYIS PO DE YANG CHOS CAN, SO SOR DGU DGU YOD DE YUL GYI DBYE BAS DE LTAR YOD PA'I PHYIR, ` SEMS MI 'GONG PA, ZHES SOGS KYI SKABS SU, SPYI DON DANG, GZHUNG DON GNYIS, DANG PO LA, BSTEN BYA DGE BA'I BSHES GNYEN GYI MTSAN NYID, BSTEN BYED SLOB MA'I MTSAN NYID, JI LTAR BSTEN PA'I TSUL, BSTEN PA'I PHAN YON, MA BSTEN PA'I NYES DMIGS DANG LNGA, DANG PO NI, DUL BA DANG ZHI BA LA SOGS PA'I YON TAN BCU DANG LDAN PA'I DGE BA'I BSHES GNYEN DU DMIGS PA DE YIN TE, RGYAN LAS, BSHES GNYEN DU LA BZHI BA NYER ZHI BA, , YON TAN LHAG PA BRTZON BCAS LUNG GIS PHYUG ,DE NYID RAB TU RTOGS LA SMRA MKHAS LDAN, ,BRTZE BA'I BDAG NYID SKYO BA SPANGS LA BRTEN, ,ZHES DANG, 'GREL PAR, BRTEN PA'I RTEN NI, YON TAN DE LTA BU DANG LDAN @268B PA'I DGE PA'I BSHES GNYEN YIN TE, DUL BA NI TSUL KHRIMS KYI SLAB PA DANG LDAN PA'I PHYIR DBANG PO DUL BAS SO, ,ZHI BA NI TING NGE 'DZIN GYI SLAB PA DANG LDAN PA'I PHYIR SEMS NANG DU ZHI BAR GNAS PAS SO,, NYE BAR ZHI BA NI, SHES RAB DANG LDAN PA'I PHYIR NYON MONGS NYE BAR GNAS PA NYE BAR ZHI BAS SO, ,YON TAN LHAG PA NI MNYAM PA'AM, CHUNG BA MIN PA'O, ,BRTZON PA DANG BCAS PA NI, GZHAN GYI DON LA GA-YEL GI BA MIN PA'O, ,LUNG GIS PHYUG PA NI THOS PA PHYUNG BA MIN PA'O, ,DE KHO NA NYID RAB TU RTOGS PA NI, ,DE KHO NA NYID KHONGS SU CHUD PA'I PHYIR RO, ,SMRA MKHAS PA DANG LDAN PA NI, SMRA MKHAS PA DANG LDAN PA'O, BA RTZA BA'I BDAG NYID NI ,ZANG ZING SEMS MED PA'I PHYIR RO, ,SKYO BA SPANGS PA NI, RTAG TU CHOS STON PA'I PHYIR RO ZHES GSUNGS, DES NA, GROL BA DON GNYER RNAMS KYIS BSHES GNYEN DAM PA 'TSOL RIGS TE, SKYE RAB LAS, DMAN PA BSTEN PAS MI DAG NYAMS 'GYUR ZHING, ,THAD KAR BAB PA BSTEN PAS SO NA GNAS, ,GTZO BO BSTEN PAS DAM PA THOB 'GYUR BAS, ,DE PHYIR BDAG PAS CHES MCHOG BSTEN PAR BYA, ,ZHES GSUNGS PA'I PHYIR DANG, MI DGE BA'I BSHES GNYEN NI, 'DI PHYI THAMS CAD KYI PHAN YON MA LUS PA 'JOM PA'I GTZO BOR GSUNGS PA'I PHYIR, GNYIS PA NI, BLO GZU BOR GNAS PA LA SOGS PA'I YON TAN GSUM DANG LDAN PA'I SGO NAS, RANG @269A *, ,RANG GI YONGS 'DZIN DAM PA BSTEN PAR KHAS LEN PA'I GANG ZAG TU DMIGS PA, BZHI RGYA PAR GZUR GNAS BLO LDAN DON GNYER BA, ,NYAN PO GNOD CES BYA BAR BRJOD, ,SMRA PO YON TAN RNAMS GZHAN DU, ,MA 'GYUR NYAN PA PO LA'ANG MIN, ,ZHES DANG, 'DIR YANG, SANGS RGYAS RNAMS LA LHAG PAR BYAS, ,DE LA DGE BA'I RTZA BSKUN, ,ZHES SOGS BSHAD DO, ,GSUM PA NI, SLOB MA RNAMS KYIS BSHES GNYEN DAM PA BSTEN DGOS PA'I RGYU MTSAN YOD DE, DUS GSUM GYI SANGS RGYAS RNAMS KYIS KYANG, DANG POR SLOB LAm DU DBANG BSKUR ZHUS PA'I SLOB DPON LA SANGS RGYAS PA'I DUS SU YANG PHYAG DANG MCHOD PA 'BUL PA'I PHYIR TE, BLA MA LNGA BCU PA LAS, DBANG BSKUR MCHOG THOB RDO RJE YI, ,SLOB DPON LA NI DE BZHIN GSHEGS, ,PHYOGS BCU'I 'JIG RTEN KHAMS BZHUGS PAS, ,DUS GSUM DU NI MNGON PHYAG 'TSAL, ,ZHES GSUNGS PA'I PHYIR, BSTEN TSUL SPYIR BSTAN PA NI, BLA MA LNGA BCU PA LAS, MCHOG TU DANG BAS DUS GSUM DU, ,DKYIL 'KHOR ME TOG BCAS THAL MOS, ,STON PA BLA MA BSNYEN BKUR ZHING, ,ZHABS LA SPYI BOS PHYAG BYA'O, ,ZHES GSUNGS SHING, PHYAG BYA BA'I DMIGS GSAL NI, DE NYID LAS, KHYIM PA'AM NI GSAR BU LA, ,'JIG RTEN SMOD PA SPANG PA'I PHYIR, DAM @269B CHOS LA SOGS MDUN BDAR TE, BRTUL ZHUGS 'DZIN PAS BLO PHYAG BYA, ZHES GSUNGS TE, RANG NYID RAB TU BYUNG BA DANG SLOB DPON KHYIM PA LA SOGS PA YIN NA YANG SBYIR BTANG LA PHYAG BYA BA LA SOGS PA'I TSE DGAG BYA DANG 'BREL BA NA, DAM CHOS SOGS MDUN DU BZHAG NAS DNGOS SU DE DAG LA LUS KYIS PHYAG BYA LA, BLOS BLA MA LA PHYAG BYA STE, 'JIG RTEN PAS SMOD PA LA SOGS PA'I DGAG BYA SPANGS PA'I CHED YIN PA'I PHYIR; DGAG BYA MED NA LUS KYIS PHYAG BYA'O, ,DGAG BYA YOD PA'I TSE LUS KYIS BSNYEN BSKUR BYA STE, DE NYID LAS, GDAN BSTABS PA DANG LDAN BA DANG, ,DON GYI BYA BA SOGS BSNYEN BSKUR,, BRTUL ZHUGS CAN GYIS KUN BYA STE, ,PHYAG DANG DAM PA MIN LAS SPANGS, ZHES GSUNGS TE, YAN LAG LNGAS PHYAG 'TSAL BA DANG, DAM PA MIN PA'I LAS RKANG PA BSKUR BA LA SOGS PA SPANG TE DE MA GTOGS PA'I BSNYEN BSKUR KUN BRTUL ZHUGS CAN GYI SLOB MAS RANG GI BLA MA LA BYA'O, ,YON SOGS JI LTAR 'BUL BA'I TSUL NI DE NYID LAS, BLA MA LA NI GUS BYAS YON, ,RJES MTHUN KHYOD KYIS SBYIN PAR BYA, ,DES NI RIMS SOGS GNOD PA RNAMS, ,PHYIR ZHING 'BYUNG BAR MI 'GYUR RO, ,ZHES DANG, RANG GI DAM TSIG SLOB DPON NI, SBYIN MIN BU DANG CHUNG MA DANG, ,RANG SROG GIS RTAG @270A *, ,BSTEN BYA NA, ,LONGS SPYOD GA-YO BAS SMOS CI DGOS, ,ZHES DANG, RTAG TU RANG GI DAM TSIG BSRUNG, ,RTAG TU DE BZHIN GSHEGS PA MCHED, ,RTAG TU BLA MA LA DBUL BYA, 'DI NI SANGS RGYAS KUN DANG MNYAM, ,MI ZAD DE NYID 'DOD PA LAS, ,CUNG ZAD YID 'ONG GANG DANG GANG, ,SHIN TU KHYAD PAR GYUR PA NYID, ,DE DANG DE NI BLA MAR DBUL, ,DE BYIN SANGS RGYAS THAMS CAD LA, ,RTAG TU BYIN PA NYID DU 'GYUR, ,DE BYIN BSOD RNAMS TSOGS YIN TE, ,TSOGS LAS DNGOS GRUB MCHOG TU 'GYUR, ,ZHES DANG, ,DE YANG, BLA MA SANGS RGYASU PA LTAS PA'I SGO NAS 'BUL BA SOGS BYED DGOS PA'I RGYU MTSAN NI, DE NYID LAS, DE BAS SLOB MA SNYING BRTZEG STONG, ,TSUL KHRIMS BZOD PA'I YON TAN LDAN, ,SLOB DPON DANG NI RDO RJE 'DZIN, ,THA DAD PA NI MI BRTAt GO ,ZHES DANG, 'DI YANG RDO RJE MKHA' 'GRO'I LE'U SO GNYIS PA LAS, SANGS RGYAS KUN GYI RANG BZHIN SKU, ,YANG DAG BYANG CHUB SEMS DPA' STE, ,BA SBU RNAMS NI DGRA BCOM NYID, , SPYI GTZUG RIGS LNGA'I SANGS RGYAS TE, ,'JIG RTEN PA NI ZHABS KYI GDAN, ,'OD ZER SNOD SPYIN GSANG LA SOGS, ,DE LTAR YON TAN RNAG BZHIN LUS, ,RNAL 'BYOR CAN GYIS RTAG TU BLTA, ,ZHES SOGS @270B GSUNGS SO, ,DES NA BLA MA'I SKU'I GRIB MA DANG STAN SOGS LA MI 'GOM PA NGES PAR DGOS TE, BLA MA LNGA BA BCU LAS, MCHOD RTEN BSHIG 'DRA'I SDIG 'JIGS PAS, GRIB MA'ANG 'GOm PAR MI BYA NA, , LHAM DANG STAN DANG BZHON PA SOGS, 'GOM MI BYA BA SMOS CI DGOS, ZHES GSUNGS, BKA' BZHIN SGRUB DGOS PA'I RGYU MTSAN NI, DE NYID LAS, SLO GROS CHE NOS DGA' SEMS KYIS, ,BLA MA'I BKA' NI 'BDE MNYAN, ,RIGS PA YIS NI MI NUS NA, ,MI NUS DE LA TSIG GI SBYANG, ,BLA MA LAS NI DNGOS GRUB DANG, ,MTHO RIS DANG NI BDE BA THOB, ,DE BAS 'BAD PA THAMS CAD KYIS, ,BLA MA'I BKA' LAS 'DA' MI BYA, ,ZHES GSUNGS SHING, DE YANG RIGS PA MIN PA LA SBYOR BA'I BKA' LAS 'DAS KYANG NYES PA MED DE, 'JAM DPAL GRAGS PAS, MI DGE'I LAS SBYOR TSIG DAG LA, ,'DAS PAR GSOL TE BTANG SNYOMS BZHAG ,CES DANG, 'DUL BA MDO RTZA LAS KYANG, CHOS MIN BA SMRA NA LDOG PAR BYA'O, ,ZHES DANG, DKON MCHOG SBRIN LAS KYANG, DGE BA'I CHOS LA DE DANG MTHUN PAR SPYOD LA, MI DGE BA'I CHOS LA MI MTHUN PAR SPYOD DO, ,ZHES GSUNGS SO, ,BLA MA'I MDUN DU SPYOD LAM GUS PAS BSTEN TSUL NI, BLA MA LNGA BCU PA LAS, MAL STAN 'DUG DANG SNGON 'GRO DANG, ,GTZUG TOR DAG DANG BCAS PA@271A *, ,DANG; STAN LA RKANG 'JOG SKYED PAR NI, ,LAG BZHAG MA NYE BAR MI BYA'O, ,BLA MA DAG NI LANGS PA NA, ,NYAL DANG 'DUG PAR MI BYA'O, ,RTAG TU DE YI BYA BA LA, ,LDANG MKHAS PHUN SUM TSOGS PAR BYA, ,MCHIL MA LA SOGS 'DOR BA DANG, ,STAN LA RKANG PA SKYONG BA DANG, ,'CHAG DANG RTZOD PAR SMRA BA DAG ,BLA MA'I MDUN DU MI BYA'O, ,YAN LAG NYE DANG GAR DAG DANG, ,KLU DANG ROL MO MI BYA ZHING, ,ZHES GSUNGS, ,MAL STAN LA 'DUG PA BLA MA'I MDUN DU MI BYA'O, ,ZHES SPYIR BSTAN GYI STAN TZAM LA 'DUG PA NI MA BKAG GO ,'GRO BA'I TSE 'JIGS PA DANG BCAS PAR 'GRO BA DANG ,GNANG BA THOB NAS BLA MA'I MDUN DU 'GRO BA LA NYES PA MED DE, BLA MA LNGA BCU PAR, BTUD DE STAN LA LDANG BA DANG ,GUS PA YIS NI 'DUG PAR BYA, MTSAN CHU 'JIGS BCAS LAM DU NI BSGO BA THOB NAS MDUN 'GRO BYA, ZHES GSUNGS, BLA MA'I MDUN DU BRE MO'I GTAM SOGS MI BYA STE, DE NYID LAS, GTAM GYI SBYOR BA MANG PO RNAMS, ,THOS PA'I NYE 'KHOR DU MI BYA ,SLOB DPON GYIS MTHONG MDUN DU NI, BLO DANG LDAN PAS LUS GCU DANG, KA BA SOGS LA BRTAN MI BYA, SOR MO'I TSIGS NI BGRANG MI BYA, ZHES GSUNGS, ZHABS BKRU BA SOGS LA GUS PAR PHYAG 'TSAL BA SNGON DU BTANG STE BYA DGOS TE ,DE NYID LAS, RKANG BKRU BA DANG LUS BKRU DANG, DRIL DANG MNYE BA LA SOGS LA, PHYAG NI SNGON DU 'GRO BAS BYA, DE BZHIN MTHAR YANG CI BA DER BYA, ZHES GSUNGS, MTSAN NAS BRJOD PA'I TSE RJE BTZUN DAM PA RIN PO CHE RDO RJE'I ZHAL SNGA NAS ZHES PA LTA BUS BRJOD DGOS TE, DE NYID LAS, DE YI MTSAN SMOS BRJOD @271B NA NI, ,MING MTHAR ZHAL SNGA LDAN PAR BYA, ,GZHAN DAG GUS PAR BYA BA'I PHYIR, ,KHYAD PAR CAN GYI TSIG DAG BRJOD, ,CES GSUNGS, BLA MA'I DRUNG DU NGA RGYAL DANG RGYAGS PA SOGS SPANG DGOS PA'I RGYU MTSAN NI, DE NYID LAS, BLA MA LA NI BKA' STZOL ZHU, BKA' BZHIN BGYING CES BRJOD PAR BYA, ,THAL MO SBYAR ZHING MA GA-YENGS PAR, ,BLA MAS BSGOM BA NYAN PAR BYA, ,RGOD DANG LUNG PA LA SOGS LA, ,LAG PAS KHA NI 'GAB PAR BYA, ,BYA BA ZIN NAS 'JAM PA YIS, ,TSIG DAG GIS NI GANGS PAR BYA, ,ZHES GSUNGS, CHOS NYAN PA SOGS KYI TSE, GUS PAS GSOL BA 'DEBS PA SOGS DGOS PA'I RGYU MTSAN NI, DE NYID LAS, MDUN DU DUL BAR 'DUG PA DANG, ,GOS SOGS TSUL NI BSNGAM PA DANG, ,PUS BTZUGS THAL MO SBYAR BYA YIS, ,NYAN SOGS 'DOD PAS GSOL GSUM GDAB, ,CES GSUNGS SO, , GZHAN YANG, RIGS PAS LEGS PAR BRTAGS NAS MI RIGS PA'I KUN SPYOD RNAMS SPANGS SHING, RIG PA'I KUN SPYOD BSTEN DGOS PA'I RGYU MTSAN NI, DE NYID LAS, BSNYEN BKUR SPYOD PAS THAMS CAD LA; YID NI NGA RGYAL MED PAR BYA, ,NGO TSA 'JIGS SHING BSDAMS PA YIS, ,BAG MA GSAR BA'I TSUL GNAS BYA, ,BSGEG PA LA SOGS BYA BA KUN, ,STON PA'I MDUN DU SPANG BAR BYA, ,GZHAN YANG DE 'DRA'I @272A *, ,BYA BA KUN, RANG GIS BRTAGS LA DOR BAR BYA, ,ZHES GSUNGS SO, ,BLA MA'I MDUN DU GNANG BA MA THOB PAR BLA MA'I SLOB MA LA CHOS 'CHANG PA DANG, GZHAN GYIS RANG LA PHYAG 'TSAL BA SOGS DANG DU BLANG BAR MI BYA STE, DE NYID LAS, BLA MA'I SLOB MA SLOB MAR MIN, ,SLOB MA'ANG BLA MA'I MDUN DU MIN, ,BSNYEN BKUR DAG DANG LDANG BA DANG, ,PHYAG SOGS BYED PA BZLOG PAR BYA, ,ZHES GSUNGS SO; ;RANG GIS BLA MA LA 'BUL BA DANG, BLA MAS GNANG BA LEN PA'I TSE GUS PAS BTUD DE LAG PA GNYIS KYI BLANG DGOS PA'I RGYU MTSAN NI, DE NYID LAS, SLOB DPON LA NI GANG 'BUL DANG, ,BLA MAS KYANG NI GANG STZAL BA, ,DE LA BTUD DE LAG GNYIS KYIS, ,BLO DANG LDAN PAS BLANG BAR BYA, ,ZHES GSUNGS, DMIGS BSAL NI, DE NYID LAS, NA BAS BLA MA'I BYA BA LA, ,BTUD DE RJES MA GNANG BA YANG BKAG PA RNAMS NI SPYAD BYAS KYANG, ,DGE SEMS CAN LA SDIG MI 'GYUR, ZHES GSUNGS, DON BSDUS TE BSTEN PA'I TSUL NI, DE NYID LAS, 'DIR MANG SMOS PA CI ZHIG DGOS, ,BLA MA DGYES BYED GANG YIN BYA, ,MI MNYES BYED KUN SPONG BA NI, ,DE DANG DE LA 'BAD DE BYA, ,ZHES GSUNGS PA LTARO, ,BZHI PA NI, DE NYID LAS, DNGOS GRUB SLOB DPON RJES 'BRANG ZHES, ,RDO RJE 'DZIN PA NYID @272B GSUNGS PAR, ,SHES NAS DNGOS PO RNAMS CAD KYIS, ,BLA MA YONGS SU MNYES PAR BYA, ,ZHES GSUNGS, ,RDO RJE 'DZIN PAS GSUNGS TSUL NI, ,RDO RJE SNYING PO RGYAN GYI RGYUD SOGS LAS, ,DE BAS THABS NI THAMS CAD KYI, ,RDO RJE 'DZIN PA BLA MA MCHOG ,RJES SU MTHUN PAR MNYES PAR BYA, ,DE MNYES SANGS RGYAS THAMS CAD MNYES, ,ZHES GSUNGS SO, ,DES NA RANG NYID BLA MA'I BRAN LA SOGS PAR 'BUL DGOS PA'I RGYU MTSAN NI, ,DE NYID LAS, GANG PHYIR BSKAL PA BYA BA NI, ,GRANGS MED PAR YANG RNYED DKA' BA'I, ,SANGS RGYAS NYID KYANG BRTZON LDAN LA, ,TSE 'DI NYID LA STER BAR BYED, ,CES GSUNGS SO, ,LNGA PA NI, SLOB DPON LA SMOD PA DANG MA GUS PA SOGS SPANG DGOS TE, DE LTAR BYED PA NYES PA KUN GYI 'BYUNG GNAS YIN PA'I PHYIR TE, DE NYID LAS, DE 'DRA'I MGON LA BSAM BYAS NAS, ,SLOB MAR GYUR NAS BRNYAS NA NI, ,SANGS RGYAS THAMS CAD BRNYAS PAS NA, ,DE NI RTAG TU SDUG BSNGAL 'THOB, ,CES GSUNGS, 'THOB TSUL NI, DE NYID LAS, ,SLOB DPON LA NI SMOD PA DE, ,YAMS DANG 'TSE BA'I NAD RNAMS DANG, GDON DANG RIMS DANG DUG RNAMS KYIS, ,RMONGS CHEN DE NI 'CHI BAR 'GYUR, ,RGYAL PO ME DANG SBRUL GDUG DANG, ,CHU DANG MKHA' GRO BRKUN PO DANG, ,GDON DANG LOG 'DREN RNAMS KYIS KYANG, ,BSAD NAS @273A *, ,SEMS CAN DMYAL BAR 'GRO, ,ZHES DANG, NAM YANG SLOB DPON DAG GI NI, ,KUN TU SEMS DKRUG MI BYA STE, ,GAL TE RMONGS PAS BYAS GYUR NA, ,DMYAL BAR NGES PAR BSREG PAR 'GYUR, ZHES DANG, MNAR MED LA SOGS 'JIGS RUNG BA'I, ,DMYAL BA BSTAN PA GANG YIN PA, ,SLOB DPON LA NI SMOD PA RNAMS, ,DER NI GNAS PAR YANG DAG BSHAD, ,CES GSUNGS PA'I PHYIR, MDOR NA TSONG DPON GYI BU NOR BZANG GIS MI PHAM 'JAM PA'I DBYANGS BSTEN TSUL, RGYAL SRAS RTAG DUS 'PHAGS PA CHOS 'PHAGS BSTEN TSUL DANG, PAn CHEN NA RO PAS GRUB CHEN TE LO PA BSTEN TSUL DANG, RJE BTZUN MI LAS RJE MAR PA BSTEN TSUL LTAR DU SLAB RIGS TE, BSHES GNYEN DAM PA TSUL BZHIN DU BSTEN PA DNGOS GRUB THAMS CAD KYI 'BYUNG 'KHUNGS YIN ZHING, BSHES GNYEN DAM PA'I THUGS KRUGS PA DANG, SKYON BRJOD PA SOGS NI NGAN 'GRO MI ZAD PA'I SGO 'BYED YIN PAR SNGAR BSHAD CING MDO BSDUD PA LAS KYANG, NAD PA'I TSOGS KYIS GSO PHYIR SMAN PA BSTEN PA LTAR, GA-YEL BA MED PAR DGE BA'I BSHES GNYEN BSTEN PAR BYA, ZHES DANG, SLOB MA BZANG PO BLA MAR GUS LDAN DE DAG GIS, ,BLA MA MKHAS PA RNAMS LA RTAG TU BRTEN PAR BYA, ,CI'I PHYIR ZHE NA MA KHAS PA'I @273B YON TAN DE LAS BYUNG, ,DE DAG SHES RAB PHA ROL PHYIN PA RJES SU BRTEN, ,SANGS RGYAS CHOS RNAMS DGE BA'I BSHES LA BRTEN TO ZHES, ,YON TAN KUN GYI MCHOG MNGA' RGYAL BA DE SKAD GSUNGS, ,ZHES GSUNGS SO, ,GNYIS PA GZHUNG DON NI, YUM BAR MA'I MDO LAS, DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS BYANG CHUB SEMS DPA' SEMS DPA' CHEN PO THEG PA LA GSAR DU ZHUGS PAS, BSTAN PA 'DI THOS NA ZHUM ZHING KUN TU ZHUM LA, 'GYOD DE DNGANGS PA DANG, KUN TU SKRAG PA DANG, KUN TU SKRAG PAS ZIN PAR MI 'GYUR BA LAGS SAM; BCOM LDAN 'DAS KYIS BKA' STZAL PA, RAB 'BYOR GAL TE BYANG CHUB SEMS DPA' SEMS DPA' CHEN PO THEG PA LA GSAR DU ZHUGS PA SHES RAB KYI PHA ROL TU PHYIN PA LA SPYOD PA NA THABS LA MI MKHAS PA DANG, DGE BA'I BSHES GNYEN GYI LAG TU SONG BAR MA 'GYUR NA NI DNGANGS SHING KUN TU SKRAG LA, KUN TU SKRAG PAS ZIN PAR 'GYUR RO, ,RAB 'BYOR GYIS GSOL PA, BCOM LDAN 'DAS GANG LA SPYAD PAS MI DNGANGS KUN TU MI SKRAG KUN TU SKRAG PAS ZIN PAR MI 'GYUR PAR SHES RAB KYI PHA ROL TU PHYIN PA LA SPYOD PAS BYANG CHUB SEMS DPA' SEMS DPA' CHEN PO DE'I THABS LA MKHAS PA @274A *, ,DE GANG LAGS, BCOM LDAN 'DAS KYIS BKA' STZAL PA, RAB 'BYOR 'DI LA BYANG CHUB SEMS DPA' SEMS DPA' CHEN PO, ,SHES RAB KYI PHA ROL TU PHYIN PA LA SPYOD PA'I TSE RNAM PA THAMS CAD MKHYEN PA NYID DANG LDAN PA'I SEMS KYIS GZUGS MI RTAG CES BYA BA SO SOR RTOGS KYANG DE MI DMIGS SO, ,ZHES SOGS GSUNGS, DE'I DGONGS PA 'CHAD PA LA, GZHUNG 'DI RNAMS GSUNGS, MCHOG GI SPRUL SKU CHOS CAN, BYANG SEMS SBYOR LAM PA'I PHYI'I YONGS 'DZIN YIN TE, DE LA THEG CHEN GYI LAM NYAMS SU LEN TSUL, PHYIN DRUG GI MI MTHUN PHYOGS BDUD LAS DANG BCAS PA RNAMS SPONG TSUL PHYIN CI MA LOG PAR STON PA'I DE'I DGE BA'I BSHES GNYEN YIN PA'I PHYIR, BYANG SEMS SBYOR LAM PA'I RGYUD KYI THABS SHES KHYAD PAR CAN CHOS CAN, DE'I NANG GI YONGS 'DZIN YIN TE, DE SRID ZHI'I MTHAR LTUNG BA LAS YONGS SU 'DZIN PA'I DE'I THUGS RGYUD KYI MKHYEN PA RNAM DAG YIN PA'I PHYIR, ` RTOGS PA YI NI CHOS DRUG DANG, ZHES SOGS KYI SKABS SU, SPYI DON DANG, GZHUNG DON GNYIS, DANG PO LA BYE BRAG TU SMRA BA'I LUGS, MDO SDE PA'I LUGS, SEMS TZAM PA'I LUGS, DBU MA PA'I LUGS DANG BZHI, DANG PO NI, CHOG SHES PA'I BDAG NYID DU GYUR PA'I SEMS BYUNG MA CHAGS PA'I DGE @274B BA 'PHAGS PA'I CHOS RNAMS KYI RIGS YIN TE, DE LA BRTEN NAS 'PHAGS PA'I CHOS RNAMS 'BYUNG BAR 'GYUR BA'I PHYIR TE, 'DUL BA'I MDO LAS, CHOS GOS NGAN NGON TZAM GYIS CHOG SHES PA 'PHAd PA'I RIGS ZHES PA NAS, SPONG BA DANG SGOM PA LA DGA' BA 'PHAGS PA'I RIGS, ZHES PA'I BAR GSUNGS, DE YANG DANG PO GSUM GYIS THAR BA SGRUB TSUL DANG, BZHI PAS LAS DNGOS BSTAN TE, ,'DOD CHUNG CHO GA SHES LA BRTEN NAS SPONG BA DANG SGOM PA LA RTZON PAR BYAS NA SRED PA SPONG BAR 'GYUR BA'I PHYIR TE, DANG PO GSUM NYAMS SU BLANGS PAS BDAG GI BA LA SRED PA MNGON 'GYUR ZLOG ,PHYI MA NYAMS SU BLANGS PAS BDAG LA SRID PA GTAN ZAD DU BYED PA'I PHYIR TE, MDZOD LAS, MA CHAGS 'PHAGS RIGS ZHES DANG, GSUM GYIS TSUL BSTAN THA MAS LAS, ZHES DANG, BDAG GI BDAG 'DZIN DNGOS 'DOD PA, DE YI DUS DANG GTAN ZHI'I PHYIR, ,ZHES DANG, MDZOD 'GREL LAS, 'DI DAG LAS 'PHAGS PA RNAMS SKYE BAS NA 'PHAGS PA'I RIGS BZHI STE, ZHES GSUNGS PA'I PHYIR, DBANG PO RNO RTUL GYI KHYAD PAR YANG RIGS SU 'JOG STE, MDZOD LAS, KHA CIG DANG PO NAS DE'I RIGS, KHA CIG SBYANGS PA LAS GYUR TO, ,ZHES GSUNGS, GNYIS PA NI, DRI BCAS SEMS KYI STENG GI ZAG MED YE SHES KYI SA BON LA RIGS ZHES 'DOD DE,, @275A *, ,SLOB DPON RGYAL PO'I SRAS KYIS, ,MDO SDE PA DAG GI RIGS ZHES BYA BA NI SEMS KYI SA BON GYI NUS PA YIN TE, SO SO SKYE BO DANG, SLOB PA'I GNAS SKABS NA YANG YONGS SU NYAMS PA'I CHOS CAN KYI SA BON LA RIGS ZHES BYA'O, ,ZHES GSUNGS PA'I PHYIR, RANG BZHIN GNAS RIGS DANG, RGYAS 'GYUR GYI RIGS SOGS KYI THA SNYAD DNGOS SU NYAN THOS SDE GNYIS KAS MA BSHAD PAR NGES SO, ,GSUM PA NI, SKYE MCHED DRUG GI STENG GI ZAG MED YE SHES KYI SA BON DE NYID LA RANG BZHIN GNAS RIGS DANG, DE NYID THOS PA'I RKYEN GYIS GSOS BTAB PA LAS NUS PA MTHU CAN DU GYUR PA LA RGYAS 'GYUR GYI RIGS ZHES 'DOD DO, ,DE YANG, CHOS MNGON PA'I MDO LAS, BYANG CHUB SEMS DPA' RNAMS KYI RIGS NI THOG MA MED PA NAS BRGYUD DE 'ONGS LA CHOS NYID KYI THOB PA SKYE MCHED DRUG GI KHYAD PAR GANG YIN PA STE, ZHES DANG, BYANG SA LAS, DE LA RIGS GANG ZHE NA, MDOR BSDUS NA RNAM PA GNYIS TE, RANG BZHIN GYI GNAS PA DANG, YANG DAG PAR BSGRUB PA'O, ,DE LA RANG BZHIN GYI GNAS PA'I RIGS NI BYANG CHUB SEMS DPA' RNAMS KYI SKYE MCHED DRUG GI KHYAD PAR GANG YIN PA STE, DE NI GCIG NAS GCIG TU RGYUD DE 'ONGS PA, THOG MA MED PA'I DUS CAN CHOS NYID KYIS THOB PA DE LTA BU YIN NO, , @275B DE YANG YANG DAG PAR SGRUB PA'I RIGS NI, SNGON DGE BA'I RTZA BA GOMS PAR BYAS PA LAS THOB PA GANG YIN BA STE, ZHES GSUNGS PA DE BZHIN DU NYAN SA DANG, THEG BSDUS DANG, DON GSANG SOGS LAS KYANG BSHAD DO, ,RGYAN LAS MDO DE'I DON 'CHAD PA NA, YID DANG MCHOG DANG MTSAN NYID DANG, ,RTAGS DANG RId RAB DBYE BA DANG, ,NYES DMIGS DANG NI PHAN YON DANG, DPE RNAM GNYIS TE RNAM PA BZHI, ,ZHES MDOR BSTAN LA, ,RGYAS PAR 'CHAD PA NA, KHAMS RNAMS DANG NI MOS PA DANG, SGRUB PA THA DAD DBYE BA DANG, 'BRAS BU THA DAD DMIGS PA'I PHYIR, RIGS YOD NYID DU NGES PAR BRJOD, ,DE DGE KHYAD PAR YOD PA DANG, ,THAMS CAD DANG NI DON CHEN PHYIR, ,MI ZAD PA NI RGYU MTSAN PHYIR, ,RIGS MCHOG NYID CES BRJOD PA YIN, ,RANG BZHIN DANG NI RGYAS PA DANG, DE NI RTEN DANG BRTEN PA DANG, ,YOD MED NYID DANG YON TAN NI, ,SGROL BA'I DON DU SHES PAR BYA, ,SBYOR BA'I DON DU SNYING RJE DANG, ,MOS PA DANG NI BZOD PA DANG, ,DGE BA YANG DAG SPYOD PA NI, ,RIGS KYI RTAGSU SHES PAR BYA, ,RIGS NI NGES DANG MA NGES DANG, ,RKYEN RNAMS KYIS NI MI 'PHROG DANG, ,'PHROG PA NYID NI MDOR NA RIGS, ,DBYE BA 'DI NI RNAM PA BZHI, ,NYON MONGS GOMS DANG GROGS NGAN DANG, ,'PHONGS DANG GZHAN GYI DBANG NYID DANG, ,MDOR NA RIGS KYI NYES DMIGS DAG RNAM PA BZHIR NI SHES PAR BYA, ,RING MO ZHIG NAS NGAN SONG DU, ,'GRO ZHING MYUR DU THAR BA DANG, ,DER YANG SDUG BSNGAL CHUNG DU MYONG, ,SKYO BCAS SEMS CAN SMIN PAR BYED, ,GSER GYI RIGS @276A *, ,BZHIN SHES PAR BYA, ,DGE BA DPAG TU MED PA'I GNAS, ,YE SHES DANG NI DRI MED LDAN, ,MTHU RNAMS KYI YANG GNAS YIN NO, ,RIN CHEN MCHOG RIGS BZHIN SHES BYA, ,BYANG CHUB CHEN PO'I RGYU MTSAN PHYIR, ,YE SHES CHE DANG TING 'DZIN 'PHAGS, ,SEMS CAN MANG PO'I DON GNAS PHYIR, ,ZHES GSUNGS LA, THEG PA CHEN PO'I RIGS KHYAD CHOS BRGYAD DANG LDAN TE, SEMS CAN GYI RGYUD LA THEG PA GSUM GYI RIGS YOD PA'I SGRUB BYED, THEG CHEN GYI RIGS DE THEG DMAN GYI RIGS LAS MCHOG TU SGRUB PA, RIGS KYI MTSAN NYID, THEG CHEN GYI RIGS SAD PA'I RTAGS, RIGS KYI RAB DBYE, RIGS SAD PA LA BAR DU GCOD PA'I NYES DMIGS, THEG CHEN GYI RIGS SAD PA'I PHAN YON, RIGS MTSON PAR BYED PA'I DPE LA GSER DANG RIN PO CHE YOD PA'I PHYIR RNAM PA BZHI ZHES SMOS PA CHOS CAN, DGOS PA YOD DE, SNGAR BSHAD KYI DON DE DAG DON TSAN RNAM PA BZHI BZHI'I SGO NAS, 'CHAD TSUL RTOGS PA'I CHED YIN PA'I PHYIR, DE YANG, RGYAS PAR BSHAD PA NI, SEMS CAN GYI RGYUD LA THEG PA GSUM GYI RIGS THA DAD PA GSUM YOD PA'I PHYIR TE, LAM MA ZHUGS KYI GANG ZAG GI RGYUD LA KHAmS MI 'DRA BA GSUm, MOS PA MI 'DRA BA GSUm, LAm ZHUGS KYI SLOB PA RNAMS KYI RGYUD LA SGRUB PA MI 'DRA BA GSUM, MI SLOB PA RNAMS KYI @276B RGYUD LA 'BRAS BU BYANG CHUB MI 'DRA BA GSUM YOD PA'I PHYIR, THEG CHEN GYI RIGS NI THEG DMAN GYI RIGS LAS MCHOG TU GYUR PA YIN TE, DE PAS DGE BA'I RTZA BA KHYAD PAR DU 'PHAGS PA DANG, YON TAN THAMS CAD KYI RTEN GZHI BYED PA DANG, RANG ZHAN GYI DON BYED PA DANG, LHAG MED DU DGE RTZA MI ZAD PA'I RTEN BYED PA'I PHYIR, RIGS KYI MTSAN NYID DE'I NGO BO BZHAG TU YOD DE, RIGS DE LA RANG BZHIN GNAS RIGS DANG RGYAS PA LAS GYUR PA'I RIGS GNYIS YOD CING, SNGA MA RTEN DANG PHYI MA BRTEN PA YIN LA SLOB LAM NA YOD, SANGS RGYAS KYI SAR MED PA'I NGO BO DANG LDAN PA'I PHYIR, THEG CHEN GYI RIGS 'DI NI YON TAN GONG NAS GONG DU 'GRO BAR BYED PA'I YON TAN LDAN TE, 'DI LAS YON TAN GONG NAS GONG DU 'PHEL BAR 'GYUR BA'I PHYIR, DES NA RiGS GNYIS SLOB LAM NA YOD CING SANGS RGYAS KYIS NA MED PA'I KHYAD CHOS BZHI LDAN GYI SGO NAS 'PHAGS PA'I CHOS RNAMS KYI 'BYUNG KHUNGS DAM PAR DMIGS PA DE LA RIGS KYI NGO BO ZHES BYA'O, ,THEG CHEN GYI RIGS SAD PA'I RTAGS LA RNAM PA BZHI YOD DE, LAM MA ZHUGS KYI GNAS SKABS SU SEMS CAN LA DMIGS PA'I SNYING RJE SHES CHE BA THEG CHEN GYI CHOS LA MOS PA SHAS CHE BA, GZHAN DON GYI DKA' SPYAD LA BZOD PA SHAS CHE BA, SBYIN SOGS KYI DGE BA LA YANG DAG PAR SPYOD PA RNAMS SU YOD PA'I PHYIR, ,RIGs @277A *, ,LA DBYE NA RNAM PA BZHI YOD DE, NGES PA'I RIGS, MA NGES PA'I RIGS, RKYEN RNAMS KYIS MI 'PHROG PA'I RIGS, 'PHROG PA'I RIGS RNAMS SU YOD PA'I PHYIR, THEG CHEN GYI RIGS SAD PA LA BAR DU GCOD BYED KYI NYES DMIGS DE LA BZHI YOD DE, NYON MONGS PA LA GOMS PA SHAS CHES BA SDIG GROGS KYIS ZIN PA, YO BYAD KYI 'PHONGS PA, RGYAL PO SOGS STOBS LDAN GZHAN GYI DBANG DU GYUR PA RNAMS SU YOD PA'I PHYIR, THEG CHEN GYI RIGS SAD PA'I PHAN YON LA RNAm PA BZHI YOD DE, SNGON MI DGE BA BYAS KYANG YUN RING MO ZHIG NAS NGAN SONG DU 'GRO ZHING, MYUR DU THAR, CUNG ZAD GNAS DUS SDUG BSNGAL CHUNG DU MYONG, SEMS SKYO BA DANG BCAS PAS DER YANG SEMS CAN SMIN PAR BYED PA'I PHYIR, THEG CHEN GYI RIGS NI GSER GYI 'BYUNG KHUNGS DANG 'DRA STE, GSER GYI RIGS CHEN PO NI GSER MANG PO DANG 'OD GSAL BA DANG, DRI MA MED PA DANG, LAS SU RUNG BA BZHI'I 'BYUNG KHUNGS YIN PA BZHIN DU, BYANG SEMS KYI RIGS KYANG DGE BA DPAG TU MED PA DANG, YE SHES PHUN SUM TSOGS PA DANG, NYON MONGS KYI DRI MA MED PA DANG, MNGON PAR SHES PA LA SOGS PA'I MTHUN PHUN SUM TSOGS PA BZHI'I 'BYUNG GNAS YIN PA'I PHYIR, THEG CHEN GYI RIGS 'DI NI RIN PO CHE BZHIN DU SHES PAR BYA STE, RIN PO CHE'I 'BYUNG @277B KHUNGS DE NI RIN PO CHE'I RIGS PHUN SUM TSOGS PA, KHA DOG PHUN SUM TSOGS PA, DBYIBS PHUN SUM TSOGS PA, TSAD PHUN SUM TSOGS PA BZHI LDAN GYI RIN PO CHE'I 'BYUNG KHUNGS YIN PA BZHIN DU, BYANG CHUB SEMS DPA'I RIGS KYANG, BYANG CHUB CHEN PO DANG, YE SHES CHEN PO DANG, KHYAD PAR DU 'PHAGS PA'I TING NGE 'DZIN DANG, SEMS CAN GYI DON MANG PO'I 'BYUNG GNAS YIN PA'I PHYIR, RIGS CHAD KYI SEMS CAN DE LA RNAM PA BZHI YOD DE, SEMS CAN LA LA NYES PA 'BA' ZHIG SPYOD PA DANG, LA LA DGE BA'I RTZA BA CHAD PA DANG, LA LA DGE RTZA DMAN PA YOD KYANG THAR PA CHA MTHUN GYI DGE RTZA MED PA DANG; LA LA RGYU RANG BZHIN GNAS RIGS RGYUN CHAD PA'I SGO NAS RTEN YONGS SU MYA NGAN LAS MI 'DA' BA'I SEMS CAN DANG BZHI YOD PA'I PHYIR TE, DE NYID LAS, LA LA GCIG TU NYES PA SPYOD NGES YOD, LA LA DKAR PO'I CHOS RNAMS KUN TU BCOM, LA LA THAR PA CHA MTHUN DGE BA MED, DKAR PO DMAN PA YOD PA RGYU DANG BRAL, ZHES GSUNGS PA'I PHYIR, THEG CHEN GYI RIGS DE YON TAN GYI CHE BA'I BDAG NYID PHUL DU BYUNG BA DANG LDAN TE, DE NYID LAS, ZAB CING RGYA CHER BSHAD PA GZHAN LA PHAN PHYIR BSTAN PA'I CHOS CAN LA, MI SHES BZHIN DU 'ANG MOS PA SHIN TU RGYA CHE 'BYUNG ZHING BSGRUB LA BZOD, DE DAG THA MAR RNAM PA GNYIS MCHOG PHUN SUM @278A *, ,TSOGS 'GYUR GANG YIN TE, BYANG CHUB SEMS DPA'I RANG BZHIN YON TAN LDAN TE RGYAS PA'I RIGS LAS SHES, YON TAN SHIN TU RGYA CHE BYANG CHUB SHING SKYES PHYIR, BDE DANG SDUG BSNGAL CHEN PO ZHI BA THOB BYA'I PHYIR, BDAG DANG GZHAN LA PHAN TE BYED PA 'BRAS BU'I PHYIR, RIGS MCHOG DE NI RTZA BA BZANG PO LTA BU YIN, THEG CHEN GYI RIGS DE CHOS CAN, RGYU DUS KYI PHAN YON DANG LDAN TE, THEG CHEN GYI CHOS LA MOS PA RGYA CHEN PO 'BYUNG ZHING, MTHAR DON GNYIS PHUN SUM TSOGS PA 'GRUB PAR 'GYUR BA'I YON TAN DANG LDAN PA'I PHYIR, DE CHOS CAN, 'BRAS BU'I YON TAN DANG LDAN TE, STOBS SOGS KYI YON TAN RGYA CHE BA DANG, DGA' BDE RGYA CHEN THOB PAR BYED PA DANG, SDUG BSNGAL RGYA CHEN ZHI BAR BYED PA DANG, BDAG GZHAN LA PHAN BDE BSGRUB PAR BYED PA'I 'BRAS BU KHYAD PAR CAN GYI 'BYUNG KHUNGS YIN PA'I PHYIR, DPAG BSAM SHING GI RTZA BA BZANG PA, ,YAL GA DANG, LO MA DANG, ME TOG DANG, 'BRAS BU DANG GRIB BSIL PHUN SUM TSOGS PAS GZHAN GYI TSA GDUNG SEL BAR BYED PA'I YON TAN DANG LDAN PA LTAR RO, ,BZHI PA LA, DNGOS SMRA BA'I LUGS DGAG PA, RANG LUGS BZHAG PA, RTZOD PA SPANGS PA DANG GSUM, DANG PO NI, DRI BCAS SEMS KYI STENG GI ZAG MED YE SHES KYI SA BON DE RANG BZHIN @278B GNAS RIGS MA YIN PAR THAL, DE LA RANG BZHIN GNAS RIGS KYI DON MA TSANG BA'I PHYIR TE, DE NI RANG GI RGYU RKYEN GYI GSAR DU BCOS PA'I PHYIR, KHO NA RE, DRI BCAS SEMS KYI STENG GI ZAG MED YE SHES KYI SA BON RANG BZHIN GNAS RIGS YIN TE, YE SHES CHOS SKU'I RGYU RKYEN GYI RNAMS GRANGS YIN PA'I PHYIR, ZHE NA RKYEN GYIS YANG DAG PAR BLANGS PA LAS BYUNG BA'I RIGS YANG DER THAL, DE'I PHYIR, 'DOD NA, DE GNYIS LA MI 'DRA BA'I KHYAD PAR CUNG ZAD KYANG MED PAR THAL, 'DOD PA'I PHYIR, KHO NA RE, NYES PA DE KHYED RANG LA YANG MTSUNGS SO ZHE NA, MA YIN TE, KHO BO CAG NI RANG BZHIN GNAS RIGS CHOS NYID KYI RNAM GRANGS SU 'DOD LA, DE DANG RANG BZHIN GNAS RIGS 'DUS BYAS SU 'DOD PA LA SKYON BRJOD TSUL RNAMS MTSUNGS PA MA YIN PA'I PHYIR TE, DE SKAD DU YANG NYI SNANG LAS, DE DAG GIS NI RANG BZHIN DU GNAS PA'I RIGS LA RANG BZHIN GYI DON BRJOD DGOS SO, ,RGYU'I RNAM GRANGS GZHAN YIN NO, ,ZHEN RKYEN GYIS YANG DAG PAR BLANGS PA LAS BYUNG BA YANG DE NYID YIN PA NGES NA, DON GYI KHYAD PAR CI ZHIG YOD, , CHOS NYID KYI RNAM GRANGS YIN PA LA NYES PA MED DO, ,YANG NA DE DAG GI RIGS NI BTAGS PA BA YIN LA, 'DI NI MTSAN NYID PA YIN PA DES NA DE DANG 'DI NI 'GRIG PA MA YIN NO, ,ZHES GSUNGS TE, DNGOS SMRA BA @279A *, ,BZHED PA'I RANG BZHIN GNAS RIGS RNAMS BTAGS PA BAR GSUNGS BA'I PHYIR, GNYIS PA LA, RGYUD BLA MA NAS GSUNGS TSUL DANG, JI LTAR NYAMS SU LEN PA'I TSUL GNYIS, DANG PO LA, MDOR BSTAN, RGYAS BSHAD, KHAMS BSTAN PA'I DGOS PA DANG GSUM, DANG PO NI, DE NYID LAS, RDZOGS SANGS SKU NI 'GRO PHYIR DANG, DE BZHIN NYID DBYER MED PHYIR DANG, RIGS YOD PHYIR NA LUS CAN KUN RTAG TU SANGS RGYAS SNYING PO CAN, ZHES GSUNGS LA, DE LA SNYING PO'I MDO LAS, LUS CAN KUN RTAG TU SANGS RGYAS KYI SNYING PO CAN NO, ,ZHES GSUNGS PA'I RGYU MTSAN YOD DE, SEMS CAN THAMS CAD LA SANGS RGYAS KYI CHOS SKU'I 'PHRIN LAS 'PHRO BA'I PHYIR DANG, DE BZHIN NYID NI DE PA DANG SEMS CAN LA NGO BO DBYER MED DU YOD PA'I PHYIR DANG, SEMS CAN GYI RGYUD LA RDZOGS PA'I SANGS RGYAS KYI RIGS RNAM PA GNYIS YOD PA'I PHYIR, GNYIS PA LA RNAM BZHAG BCU'I SGO NAS SEMS RANG BZHIN GYI 'OD GSAL BAR BSTAN PA DANG, DPE DGU DON DGU'I SGO NAS SGRIB PA BLO BUR BAR SGRUB PA GNYIS, DANG PO NI, SANGS RGYAS BCOM LDAN 'DAS KYIS MDO LAS, DGE SLONG DAG SEMS LA SEMS MA MCHIS TE, SEMS KYI RANG BZHIN NI 'OD GSAL PA LAGS SO, ,ZHES SOGS KYI DON 'CHAD PA LA, DE NYID LAS, NGO BO RGYU @279B 'BRAS LAS LDAN 'JUG PA DANG, ,GNAS SKABS DE BZHIN KUN TU 'GRO PA'I DON, ,RTAG TU MI 'GYUR YON TAN DBYER MED PA'I, ,DON DAM DBYINGS KYI DGONGS DON YIN ZHES BYA, ,ZHES DANG, DE'I 'GREL PAR, MDOR BSDU NA DON DAM PA RNAM PA BCU LA DGONGS PAS DE KHO NA'I YE SHES DON DAM PA'I YUL, DE PA'I KHAMS RNAM PAR DAG PAR RIG PAR BYA'O, ,DON BCU GANG ZHE NA, 'DI LTA STE, NGO BO'I DON DANG, ,RGYU'I DON DANG 'BRAS BU'I DON DANG, LAS KYI DON DANG, LDAN PA'I DON DANG, 'JUG PA'I DON DANG, GNAS SKABS KYI RAB TU DBYE BA'I DON DANG, KUN TU 'GRO BA'I DON DANG, MI 'GYUR BA'I DON DANG, DBYE BA MED PA'I DON TO; ;ZHES GSUNGS SO, ,KHAMS BDE BAR GSHEGS PA'I SNYING PO 'DI NI RNAM BZHAG BCU'I SGO NAS GTAN LA DBAB BYA YIN TE, NGO BO'I DON, RGYU'I, 'BRAS BU'I, LAS KYI, LDAN PA'I 'JUG PA'I, GNAS SKABS KYI RAB TU DBYE BA'I, KUN TU 'GRO BA'I MI 'GYUR BA'I, DBYE BA MED PA'I DON RNAMS GTAN LA DBAB PA'I SGO NAS RTOGS PAR BYA BA YIN PA'I PHYIR TE, DE LTAR DU, RIN CHEN NAM MKHA' CHU DAG BZHIN, RTAG TU RANG BZHIN NYON MONGS MED, CHOS MOS LHAG PA'I SHES RAB DANG, TING 'DZIN SNYING RJE LAS BYUNG BA, ZHES SOGS KYIS 'CHANG BA'I PHYIR, DE GTAN LA DBAB PA CHOS CAN, DGOS PA YOD DE, SEMS KYI RANG @280A *, ,BZHIN LA SGRIB PA MA ZHUGS PA'I DON GYIS SEMS RGYUD SGRIB PA DANG 'BRAL RUNG DU RTOGS PA'I DGOS PA YOD PA'I PHYIR, DBEN CHU'I RANG BZHIN LA SNYOG MA, GSER GYI RANG BZHIN LA GA-YA' RNAM MKHA'I RANG BZHIN LA SPRIN, MA ZHUGS PA'I DON GYIS SNYOG PA DANG BRAL PA'I CHU, GA-Y'A DANG BRAL BA'I GSER, SPRIN DANG BRAL BA'I NAM MKHA' RNAm PAR DAG PA YOD PA BZHIN, DBUS MTHA' LAS, CHU KHAMS GSER DANG NAM MKHA' RNAMS, DAG PA BZHIN DU DAG PAR BRJOD, CES GSUNGS, GNYIS PA LA SGRIB BYA SGRIB BYED, LDAN PA'I DPE DON, SGRIB BYED DGU BSAL NA SGRIB BYA DGU MNGON DU 'GYUR TSUL SGRIB BYED KYI DPE DON, SGRIB BYA'I DPE DON DANG BZHI, DANG PO LA BSTAN BSHAD GNYIS, DANG PO NI, SEMS CAN GYI RGYUD LA NGO BO NYID SKUR 'GYUR RUNG GI KHAMS BDE BAR GSHEGS PA'I SNYING PO DRI MA DANG BCAS PA'I TSUL DU YOD DE, DE LTAR DPE DGU LA BRTEN NAS RTOGS PA'I PHYIR TE, DE NYID LAS, NYON MONGS SBU BAS NANG GNAS PA DE, ,DE DAG GIS NI SHES PAR BYA, ,ZHES SOGS GSUNGS PA'I PHYIR, GNYIS PA NI, JI LTAR SHES PAR BYA ZHE NA, DE NYID LAS SANGS RGYAS PA DANG NA SBRANG RTZI SBRANG MA LA, ,SBUN LA SNYING PO MI GTZANG NANG NA GSER, SA LA GTER DANG MYUG SOGS 'BRAS CHUNG DANG, @280B GOS RUL NANG NA RGYAL BA'I SKU DANG NI, ,BUD MED NGAN MA'I LHO NA MI BDAG DANG, ,SA LA RIN CHEN GZUGS YOD JI LTA BAR, ,BLO BUR NYON MONGS DRI MAS BSGRIBS PA YIS, ,SEMS CAN RNAMS LA DE BZHIN KHAMS 'DI GNAS, ,ZHES GSUNGS LA, SEMS CAN GYI RGYUD LA BLO BUR GYI DRI MAS SGRIBS SHING NGO BO NYID SKUR 'GYUR RUNG GI KHAMS BDE BAR GSHEGS PA'I SNYING PO YOD DE, DE LTAR DU DPE RNAM PA DGU LA BRTEN NAS GRUB PA'I PHYIR TE, PADMA MDOG NGAN PA'I SBUBS NA DE DANG BRAL BA'I SANGS RGYAS KYI SPRUL SKU SBRANG MA LA DE DANG BRAL BA'I SBRANG RTZI, SBUN LKOG GI NANG NA DE DANG BRAL BA'I 'BRU'I SNYING PO, ,MI GTZANG BA KHU KHRAG LTA BU'I NANG NA DE DANG 'BRAL DU RUNG BA'I GSER, SA 'OG NA DE DANG 'BRAL DU RUNG BA'I GTER, AA SMRA SOGS KYI SHING GI MYU GU LA 'BRAS BU PHUN TSOGS DANG LDAN PA'I SHING 'BYUNG DU RUNG BA, ,GOS RUL GYI NANG NA DE DANG BRAL BA'I RGYAL BA'I SKU, BUD MED NGAN MA'I LTO BA NA MI BDAG 'KHOR LOS BSGYUR BA'I RGYAL POR 'GYUR DU RUNG BA'I BU CHUNG, SA LAS BCOS PA'I LUG GONG GI NANG NA DE DANG BRAL DU RUNG BA'I DE BZHIN GSHEGS PA'I SKU GZUGS YOD PA SOGS KYI DPE LAS SNGAR BSHAD PA DE LTAR GRUB PA'I PHYIR, DPE DGU DANG DON DGU LA BRTEN NAS SGRIB PA SEMS RGYUD LA 'BRAL RUNG BLO BUR BAR SGRUB PA CHOS CAN, DGOS PA YOD DE,@281A *, ,DE LTAR RTOGS PA LA BRTEN NAS SGRIB GNYIS SPANGS PA'I NGO BO NYID SKU THOB PA'I PHYIR DU BRTZON 'GRUS LHAG PAR 'PHEL PA'I DGOS PA YOD PA'I PHYIR, GNYIS PA NI, DE NYID LAS, JI LTAR MDOG NGAN PADMA'I KHONG GNAS PA, ,MTSAN STONG GIS 'BAR DE BZHIN GSHEGS PA NI, ,DRI MED LHA YI MIG LDAN MIS MTHONG NAS, ,CHU SKYES 'DAB MA'I SBUBS NAS 'BYIN BYED PA, ,DE BZHIN BDE GSHEGS MNAR MED GNAS RNAMS LA'ANG, ,SANGS RGYAS SPYAN GYI RANG CHOS NYID GZIGS TE, ,SGRIB MED PHYIN MTHA'I MUR GNAS SNYING RJE YIS, ,BDAG CAG SGRIB PA LAS NI GROL BAR MDZAD, CES DANG, JI LTAR SROG CHAGS TSOGS 'KHOR SBRANG RTZI NI, ,SKYES BU MKHAS PAS DE DON GNYER BA YIS, ,MTHONG NAS THABS KYI DE DANG SROG CHAGS TSOGS, ,KUN NAS BRAL BAR RAB TU BYED PA BZHIN, ,DRANG SRONG CHEN POS KUN MKHYEN SPYAN GYIS NI, ,RIGS KHAMS SBRANG RTZI DANG 'DRA DE GZIGS NAS, ,DE YI SGRIB PA SBRANG MA DANG 'DRA BA, ,BSTAN NAS RAB TU SPONG BAR MDZAD PA YIN, ,ZHES DANG, JI LTAR SBUN LDAN 'BRU'I SNYING PO NI, ,MI RNAMS KYI NI LONGS SPYOD MI 'GYUR BA, ,ZAS SOGS DON DU GNYER BA GANG YIN PA, ,DE DAG GIS NI SBUN GNAS DE 'BYIN LTAR, ,DE BZHIN SEMS CAN LA YOD NYON MONGS KYIS, ,DRI MA @281B DANG 'DRES RGYAL BA 'ANG JI SRID DU, ,NYON MONGS DRI MA 'DRES LAS MA GROL BAR, ,DE SRID RGYAL MDZAD SRID GSUM DU MI BYED, ,CES DANG, JI LTAR RAB TU RGYU TSE MI YI GSER, ,LJAN LJIN RUL BA'I GNAS SU LHUNG GYUR LA, ,MI 'JIGS CHOS CAN DE NI DER DE BZHIN, ,LO BRGYA MANG PO DAG TU GNAS PA DE, ,LHA MIG RNAM DAG DANG LDAN LHA YI DER, ,MTHONG NAS MI LA 'DI NA YOD PA'I GSER, ,RIN CHEN MCHOG 'DI SBYANGS TE RIN CHEN GYIS, ,SGRUB PAR BYA BA GYIS ZHES SMRA BA LTAR, ,DE BZHIN THUB PAS MI GTZANG DANG 'DRA BA'I, ,NYON MONGS SU BYING SEMS CAN YON TAN NI, ,GZIGS NAS NYON MONGS 'DAM DE DAG BYA'I PHYIR, ,SKYES DGU RNAMS LA DAM CHOS CHU CHAR 'BEBS, ZHES DANG, JI LTAR MI DBUL KHYIM NANG SA 'OG NA, ,MI ZAD PA YI GTER NI YOD GYUR LA, ,MI DES DE MA SHES SHING GTER DES KYANG, ,DE LA NGA 'DIR YOD CES MI SMRA LTAR, ,DE BZHIN YID KYI NANG CHUD RIN CHEN GTER, ,DRI MED BZHAG DANG GSAL MED CHOS NYID KYANG, ,MA RTOGS PAS NA DBUL BA'I SDUG BSNGAL NI, ,RNAM MANG RGYUN DU SKYE DGU 'DIS MYONG NGO, ,ZHES DANG, JI LTAR AA SMRA LA SOGS SHING 'BRAS LA, ,YOD PA'I SA BON MYU GU 'JIG MED CHOS, ,SA RMOS CHU SOGS LDAN LAS LJON SHING GI, ,RGYAL PO'I DNGOS POR RIM @282A *, ,KYIS GRUB PA LTAR, ,SEMS CAN RNAMS KYI MA RIG SOGS 'BRAS KYI, ,LPAGS SBUBS NANG CHUD CHOS KHAMS DGE BA YANG, DE BZHIN DGE BA DE DE LA BRTEN NAS, RIM KYIS THUB PA'I RGYAL BA'I DNGOS POR 'GYUR, ,ZHES DANG, JI LTAR RIN CHEN LAS BYAS RGYAL BA'I GZUGS, ,GOS RUL DRI NGAN GYIS NI BTUMS GYUR PA, ,LAM GNAS LHA YI MTHONG NAS GROL BYA'I PHYIR, LAM NAS DON DE DE LA SMRA BA LTAR, ,THOGS MED SPYAN LNGA RNAM PA SNA TSOGS KYIS, ,NYON MONGS KYIS BTUMS BDE GSHEGS DNGOS PO NYID, ,DUD 'GRO LA YANG GZIGS NAS DE BZHIN DE, ,THAR BAR BYA BA'I DON DU THABS STON MDZAD, ,CES DANG, JI LTAR MI MO GZUGS NGAN MGON MED 'GA', ,MGON MED 'DUG GNAS SU NI 'DUG 'GYUR LA, ,MNGAL GYI RGYAL PO'I DPAL NI 'DZIN BYED PAS, ,RANG LTO NA YOD MI BDAG MI SHES LTAR, ,SRID PAR SKYE BA MGON MED KHYIM BZHIN TE, ,MA DAG SEMS CAN MNGAL LDAN BUD MED BZHIN, ,DE LA GANG ZHIG YOD PAS MGON BCAS PA, ,DRI MED KHAMS NI DE YI MNGAL GNAS BZHIN, ,ZHES DANG, JI LTAR NANG GI GSER ZHUN GZUGS RGYAS PA, ,ZHI PA PHYI ROL SA YI RANG BZHIN CAN, ,MTHONG NAS DE SHES PA DAG NANG GI GSER, ,SBYANG PHYIR PHYI ROL SGRIB @282B PA SEL BYED LTAR, ,RANG BZHIN 'OD GSAL DRI MA RNAMS KYANG NI, ,BLO BUR BAR NI RNAM PAR GZIGS GYUR NAS, ,RIN CHEN 'BYUNG GNAS LTA BU'I 'GRO BA RNAMS, ,SGRIB PA NGAG LAS SPYOD MDZAD BYANG CHUB MCHOG, CES SOGS GSUNGS LA, SGRIB BYED KYI DRI MA DGU BSAL NA SGRIB GNYIS SPANGS PA'I NGO BO NYID SKU MNGON DU 'GYUR TE, PADMA BUNG BA, SBUN LKOGS, MI GTZANG BA, SA CHEN PO, ,'BRAS SHUN, GOS RUL, BUD MED KYI MNGAL, SA LAS BCOS PA'I LUG GONG DANG BRAL BA'I TSE SANGS RGYAS KYI SPRUL SKU, SBRANG RTZI, 'BRU'I SNYING PO, ,DRI MA MED PA'I GSER 'DOD DGU 'BYUNG BA'I GTER, SHING LJON PA'I SDONG PO, , RIN PO CHE'I SKU, 'KHOR LOS BSGYUR BA'I RGYAL PO, ,GSER LAS BCOS PA'I DE BZHIN GSHEGS PA'I SKU 'DRA RNAMS MNGON DU 'GYUR BA'I PHYIR TE, DE SKAD DU DE NYID LAS, PADMA SROG CHAGS BUNG BA DANG, SBUN PA DANG NI MI GTZANGS, 'BRAS SHUN GO SA RUL BUD MED KYI, ,MNGAL DANG SA YI SBUBS NA YANG, ,SANGS RGYAS SBRAD RTZI SNYING PO BZHIN, ,GSER BZHIN GTER BZHIN LDON PA BZHIN, ,RIN CHEN SKU DANG 'KHOR LO YI, ,SGYUR BA BZHIN DANG GSER GZUGS BZHIN, ,ZHES GSUNGS, SEMS CAN THAMS CAD KYI RGYUD KYI KHAMS BDE BAR GSHEGS PA'I SNYING PO DE NYID DRI MA DGU BO DANG BRAL BA SRID DE, SANGS RGYAS KYI @283A *, ,SPRUL SKU DANG, SBRANG RTZI DANG, 'BRU'I SNYING PO SOGS DGU ,PADMA, BUNG BA, SBUN LKOGS LA SOGS PA'I SGRIB BYED DGU PO DANG BRAL BA'I DUS SRID PA GANG ZHIG ,RGYU MTSAN MTSUNGS PA'I PHYIR TE, DE LTAR MNYAM MED SH'AKYA'I RGYAL PO DANG, RGYAL BA MA PHAM PA GNYIS KYIS, GSAL BAR GSUNGS PA MNGON 'GYUR DU GTAN LA PHAB PA 'DI BZHIN CAN YIN PA'I PHYIR, SEMS CAN THAMS CAD SANGS RGYAS PA'I DUS SRID DE SEMS CAN THAMS CAD KYI RGYUD KYI KHAMS BDE GSHEGS SNYING PO SGRIB BYED KYI DRI MA DGU MA LUS PAR DAG PA'I DUS SRID PA'I PHYIR, GSUM PA NI, SGRIB BYED KYI DRI MA DE LA DGU YOD DE, DUG GSUM GYI BAG LA NYAL GSUM, ,KUN LDANG DRAG PO GCIG ,MA RIG BAG CHAGS KYIS, ,THEG DMAN GYI MTHONG SGOM LAM GYIS SPANG BYAR GYUR PA'I SGRIB PA GNYIS, MA DAG PA DANG DAG PA'I NGOS SKAL GYI SPANG BYAR GYUR PA'I SGRIB PA GNYIS YOD PA'I PHYIR, SGRIB PA DGU MTSON BYED KYI DPE DE LA RNAM PA DGU YOD DE, GO RIMS BZHIN DU PADMA DANG; BUNG BA DANG, SBUN LKOGS LA SOGS PA DGU YOD PA'I PHYIR TE, DE SKAD DU YANG DE NYID LAS, CHAGS DANG SDANG DANG RMONGS DANG DE'I, ,KUN LDANG DRAG DANG BAG CHAGS DANG, ,MTHONG SGOM LAM @283B SPANG MA DAG DANG, ,DAG PA'I SA LA BRTEN PA YI, ,SGRIB PA RNAM DGU PADMA YI, ,SBUB SOGS DPES NI RAB BSTAN TE, ,NYE BA'I NYON MONGS SBUB KYIS NI, ,DBYE BA BYE BA MTHA' LAS 'DAS, ,CHAGS SOGS NYON MONGS DGU PO 'DI, ,MDOR BSDUS NAS NI GO RIMS BZHIN, ,PADMA'I SBUBS LA SOGS PA YI, ,DPE DGU DAG GIS YANG DAG BSTAN, ,ZHES SOGS DANG, PADMA LA SOGS PA'I DPE DGU DANG, 'DOD CHAGS KYI BAG LA NYAL LA SOGS PA'I SGRIB PA DGU PO DPE DON MTSUNGS PA'I RGYU MTSAN YOD DE, DE NYID LAS, JI LTAR PADMA 'DAM SKYES DE, ,MDUN DU GYUR NA YID DGA' DANG, ,PHYIS NAS DGA' BA MED 'GYUR BA, ,'DOD CHAGS DGA' BA DE BZHIN NO, ,JI LTAR SROG CHAGS SBRANG MA NI, ,SHIN TU 'KHRUG TE MDUNG BRDEG LTAR, ,DE BZHIN ZHE SDANG SKYE PA NA, ,SNYING LA SDUG BSNGAL SKYE BAR BYED, , JI LTAR 'BRAS SOGS SNYING PO NI, ,PHYI ROL SPUN PAS BSGRIBS PA LTAR, ,DE BZHIN SNYING PO'I DON MTHONG BA, ,MA RIG SGO NGA'I SBUBS KYIS BSGRIBS, ,JI LTAR MI GTZANG MI MTHUN PA, ,DE BZHIN CHAGS DANG BCAS RNAMS KYI, ,'DOD PA BSTEN PA'I RGYU YIN PHYIR, ,KUN NAS LDANG BA MI GTZANG 'DRA, ,JI LTAR NOR NI BSGRIBS PAS NA, ,MI SHES GTER MI THOB PA LTAR, ,DE BZHIN SKYE LA RANG BYUNG NYID, ,MA RIG BAG CHAGS @284A *, ,SA YIS BSGRIBS, ,JI LTAR MYUG SOGS RIM SKYE BAS, ,SA BON SHUN PA GCOD PA LTAR, ,DE BZHIN DE NYID MTHONG BA YIS, ,MTHONG SPANG RNAM NI ZLOG PAR 'GYUR, ,'PHAGS PA'I LAM DANG 'BREL BA LAS, ,'JIGS TSOG SNYING PO BCOM RNAMS KYIS, ,SGOM LAM YE SHES SPANG BYA RNAM, ,GOS RUL DAG DANG MTSUNGS PAR BSTAN, ,SA BDUN RJES 'BREL DRI MA NI, ,MNGAL SBUBS DRI MA DAG DANG MTSUNGS, ,MNGAL SBUBS BRAL 'DRA MI RTOGS PA'I, ,YE SHES RNAM PAR SMIN PA BZHIN, ,SA GSUM RJES 'BREL DRI MA RNAMS, ,SA 'DAM GOS BZHIN SHES BYA STE, ,BDAG NYID CHEN PO RDO RJE LTA'I, ,TING NGE 'DZIN GYIS GZHOM BYA YIN, ,DE LTAR CHAGS SOGS DRI MA DGU, ,PADMA LA SOGS DAG DANG MTSUNGS, ZHES GSUNGS, DON BSDUS NA, 'DOD CHAGS KYI BAG LA NYAL NI PADMA DANG MTSUNGS TE, ,PADMA GSAR PA'I DUS SU YID DGA' ZHING, ,PHYIS NAS DGA' BA MED PAR 'GYUR BA BZHIN, ,'DOD CHAGS KYI DGA' BA'ANG DE BZHIN GNAS PA'I PHYIR, ZHE SDANG GI BAG LA NYAL NI SBRANG MA DANG CHOS MTSUNGS TE, SBRANG MA NI MDUNG RDEG PA SOGS KYIS GZHAN LA SDUG BSNGAL SKYED PA LTAR, ZHE SDANG SKYES PA NA SDUG BSNGAL SKYED PA'I PHYIR, GTI MUG GI BAG LA NYAL NI SBUN LKOGS DANG CHOS MTSUNGS TE, 'BRU'I SNYING PO SBUN LKOGS KYIS BSGRIBS PA NA, LONGS SPYOD DU MI RUNG BA BZHIN DU, ,SO SO SKYE BO BDE GSHEG SNYING PO MNGON SUM DU MTHONG BA LA MA RIG PA'I BAG LA NYAL GYIS BSGRIBS PA'I PHYIR, DUG @284B GSUM GYI KUN LDANG DRAG PO NI, MI GTZANG BA KHU KHRAG LTA BU DANG CHOS MTSUNG TE, MI GTZANG BA KHU KHRAG DE GTZANG SBRA CAN GYI YID DANG MI MTHUN YANG CHAd CAN 'DOD PA BSTEN PA'I RGYUR DGOS PA LTAR, KUN LDANG DRAG PO DE NYID, CHAGS BRAL DANG MI MTHUN YANG, CHAGS CAN 'DOD PA BSTEN PA SOGS KYI RGYUR DGOS PA'I PHYIR, MA RIG BAG CHAGS KYI SA NI SA CHEN PO DANG 'DRA STE, SA CHEN PO DES GTER MNGON SUM DU MTHONG PA LA BSGRIBS PA BZHIN, 'DIS KYANG BDE GSHEGS SNYING PO MNGON SUM DU MTHONG BA LA BSGRIB PA'I PHYIR, THEG DMAN GYI MTHONGS SPANGS NI SA BON GYI SHUN PA DANG MTSUNGS TE, MYU GU SOGS RIM GYIS SKYES PAS SA BON GYI SHUN PA GCOD PA LTAR DE KHO NA NYID MNGON SUM DU MTHONG BA NA, 'DI RNAMS KYANG LDOG PAR 'GYUR BA'I PHYIR, THEG DMAN GYI SGOM SPANG NI GOS HRUL DANG MTSUNGS TE, SPANG BYA KUN BRTAGS BCOM PA'I LHAG MAR LUS PA'I PHYIR, MA DAG PA'I SPANG BYAR GYUR PA'I SGRIB PA NI, MNGAL SBUBS KYI DRI MA DANG MTSUNGS TE, SA BRGYAD PA'I MI RTOG YE SHES NI MNGAL SBUBS KYI DRI MA LTA BU LAS GROL BA'I RNAM SMIN GYI LUS DANG MTSUNGS PA'I PHYIR, DAG SA'I SPANG BYAR GYUR PA'I SGRIB PA NI, SA 'DAM GYI GOS PA'I LUGS GONG DANG CHOS MTSUNGS TE, 'DI NI RGYUN MTHA'I RDO RJE LTA BU'I @285A *, ,TING NGE 'DZIN GYI GZHOM BYA YIN PA'I PHYIR, CHAGS SOGS DRI MA DGU PO 'DI CHOS CAN, PADMA LA SOGS PA'I DPE DGU DAG DANG CHOS MTSUNGS TE, BSTAN ZIN PA'I PHYIR, MA DAG PA'I DRI MA 'DI NI SA BDUN PA'I YE SHES SKAD CIG THA MA'I NGOS SKAL GYI SPANG BYA YIN TE, DAG SA'I SPANG BYAR GYUR PA'I SGRIB PA RNAMS RGYUN MTHA'I RDO RJE LTA BU'I TING NGE 'DZIN GYI SPANG BYA YIN PA'I PHYIR, SA BDUN PA'I RNAM GROL LAM GYIS SA BDUN PA'I NGOS SKAL GYI SPANG BYAR GYUR BA'I SGRIB PA MA SPANGS TE, SA BDUN PA'I YE SHES SKAD CIG MA THA MAS DAG SA'I NGOS SKAL DU GYUR PA'I SGRIB PA MA SPANGS PA DE'I PHYIR, DES NA SO SKYE YIN NA SGRIB PA DANG PO BZHI MA DAG PAS KHYAB PA DANG, THEG DMAN DGRA BCOM YIN NA MA RIG BAG CHAGS GYI SAS MA DAG PAS KHYAB PA DANG, THEG DMAN SLOB PA YIN NA THEG DMAN GYI MTHONG SGOM LAM GYI NGOS SKAL DU GYUR PA'I SGRIB PAS MA DAG PAS KHYAB PA DANG, THEG CHEN GYI SLOB PA YIN NA MA DAG PA DANG DAG SA'I NGOS SKAL GYI SGRIB PA GNYIS KYIS MA DAG PAS KHYAB PA RNAMS YOD DE, DE NYID LAS, DRI 'DI DAG GIS BYIS RNAMS DANG, DGRA BCOM SLOB DANG BLO LDAN RNAMS, RIM BZHIN BZHI DANG GCIG DANG NI, GNYIS DANG GNYIS KYIS MA DAG NYID, CES DANG, DE'I 'GREL BAR, 'DI LTA STE, SO SO SKYE BO DANG, DGRA BCOM PA DANG, SLOB PA DANG, BYANG CHUB SEMS DPA' ZHES GSUNGS SO, BZHI @285B PA NI, DI NYID LAS, RANG BZHIN GSUM GYIS BSDUS PHYIR KHAMS, SANGS RGYAS SOGS DANG CHOS MTSUNG SO, ,'DI YI RANG BZHIN CHOS SKU DANG, DE BZHIN NYID DANG RIGS KYANG TE, DE NI DPE GSUM GCIG DANG NI, LNGA RNAMS KYIS NI SHES PAR BYA, ,CHOS SKU RNAM GNYIS SHES BYA STE, ,CHOS DBYINGS SHIN TU DRI MED DANG, ,DE YI RGYU MTHUN ZAB PA DANG, ,SNA TSOGS TSUL NI STON PA'O, ,'JIG RTEN 'DAS PHYIR 'JIG RTEN NA, ,'DI LA DPE GZHAN MA DMIGS PAS, ,DE BZHIN GSHEGS PA NYID DANG KHAMS,, 'DRA BA NYID DU BSTAN PA YIN, ,PHRA MO ZAB MO'I TSUL BSTAN NI, ,SBRANG RTZI RO GCIG PA BZHIN TE, ,RNAM PA SNA TSOGS TSUL BSTAN NI, ,SNA TSOGS SBUB SNYING BZHIN SHES BYA, ,RANG BZHIN 'GYUR BA MED PA DANG, ,DGE DANG RNAM PAR DAG PA'I PHYIR, ,DE BZHIN NYID 'DI GSER GYI NI, ,GZUGS DANG MTSUNGS PAR BRJOD PA YIN, ,GTER DANG 'BRAS BU'I SHING BZHIN DU, ,RIGS DE RNAM GNYIS SHES BYA STE, ,THOGS MED RANG BZHIN GNAS PA DANG, ,YANG DAG BLANGS PA MCHOG NYID DO, ,RIGS 'DI GNYIS LAS SANGS RGYAS KYI, ,SKU GSUM THOB PAR 'DOD PA YIN, ,DANG POS SKU NI DANG PO STE, ,GNYIS PA YIS NI PHYI MA GNYIS, ,NGO BO NYID SKU MDZES PA NI, ,RIN CHEN SKU 'DRAR SHES BYA STE, ,RANG BZHIN GYIS NI BYAS MIN DANG, ,YON TAN RIN CHEN GTER YIN PHYIR, ,CHOS CHEN RGYAL SRID CHE LDAN PHYIR, ,RDZOGS LONGS 'KHOR LO BSGYUR BZHINO, ,GZUGS BRNYAN GYI NI RANG BZHIN PHYIR, ,SPRUL PA GSER GYI GZUGS LTA BU, ,ZHES GSUNGS LA, DE DAG GI DON GO RIM BZHIN BSDU NA KHAMS BDE GSHEGS@286A *, ,SNYING PO SANGS RGYAS LA SOGS PA'I DPE DGU DANG CHOS MTSUNGS PAR BSTAN PA'I RGYU MTSAN YOD DE, ,'DI NI RANG BZHIN GSUM GYIS BSDUS PA'I PHYIR, RANG BZHIN GSUM GANG ZHE NA, , 'DI BSDU BYED KYI RANG BZHIN DE LA GSUM YOD DE, DE LA CHOS SKU DE BZHIN NYID, RIGS RNAMS SU YOD PA'I PHYIR, DE RNAMS KYANG GO RIM BZHIN DU DPE GSUM DANG, GCIG DANG LNGA RNAMS KYIS SHES PAR BYA STE, DANG PO SANGS RGYAS KYI GZUGS SKU DANG, SBRANG RTZI DANG, 'BRU'I SNYING PO'I DPE GSUM, GNYIS PA LA GSER GYI DPE GCIG ,GSUM PA LA GTER DANG, SHING DANG, RIN PO CHE'I SKU DANG, 'KHOR LOR BSGYUR BA DANG, GSER GYI DPE LNGA RNAMS KYIS SHES PAR BYA BA YIN PA'I PHYIR, SKABS 'DIR BSTAN GYI CHOS SKU LA RNAM PA GNYIS SU SHES PAR BYA BA YIN TE, CHOS KYI DBYINGS SHIN TU DRI MA MED PA MNGON SUM DU RTOGS PA'I RTOG PA CHOS SKU DANG DE'I RGYU MTHUN GYI CHOS SKU GNYIS SU GSUNGS PA'I PHYIR, RGYU MTHUN BSTAN PA CHOS SKU LA GNYIS SU YOD DE, ZAB MO STONG PA NYID DNGOS KYI BSTAN BYA'I GTZO BOR BYED PA NGES DON GYI MDO, ,KUN RDZOB RNAM PA SNA TSOGS KYI TSUL DNGOS SU BSTAN PA DRANG DON GYI MDO GNYIS SU YOD PA'I PHYIR, RTOGS PA CHOS SKU'I DPE DON SBYAR BA NI, KHAMS GNAS 'GYUR PA LAS @286B THOB PAS RTOGS PA CHOS SKU DE NI DE PA NYID DANG 'DRA BA NYID DU BSTAN PA'I RGYU MTSAN YOD DE, 'JIG RTEN NA 'DI LA MTSON PAR NUS PA'I DPE MA DMIGS PAS DE LTAR BSTAN PA'I PHYIR TE, 'DI NI 'JIG RTEN LAS 'DAS PA'I MTHAR THUG GI YON TAN YIN PA'I PHYIR, BSTAN PA CHOS SKU'I DPE DON NI, RNAM PA GNYIS KYI SGO NAS SHES PAR BYA STE, PHRA MO STONGS PA NYID DNGOS SU STON PA'I DES NGES DON GYI MDO NI SBRANG RTZI'I DPE DANG KUN RDZOB SNA TSOGS PAR STON PA'I DRANG DON GYI MDO NI SBUN LKOGS DANG BCAS PA'I 'BRU'I SNYING PO'I DPES SHES PAR BYA BA YIN PA'I PHYIR TE, NGES DON GYI MDO SDE NI CHOS THAMS CAD BDEN STONG DU RO GCIG PAR STON ZHING, DE LTAR RTOGS PAS ZAG MED KYI BDE BA MTHA' DAG 'DREN PAR BYED PAS SBRANG RTZI MNGAR BA RO GCIG PA BZHIN DANG, KUN RDZOB SNA TSOGS PA STON PA'I DRANG DON GYI MDO SDE NI SNYING PO'I DON RTOGS PAR BYED PA'I PHAN YON DANG LDAN PAS SHUN PA SNA TSOGS KYI SBUB NANG NA 'BRU'I SNYING PO'I DPES SHES PAR BYA BA YIN PA'I PHYIR, DE BZHIN NYID NI GSER GZUGS DANG MTSUNGS PAR BRJOD PA'I RGYU MTSAN YOD DE; 'GYUR BA MED CING DGE BA'I SEMS KYI DMIGS PA MTHAR THUG PA DANG, RANG BZHIN GYI SGRIB PAS RNAM PAR DAG PA'I PHYIR, RANG BZHIN DU GNAS PA'I RIGS DANG, @287A *, ,RGYAS PAR GYUR PA'I RIGS GNYIS PO NI DPE RNAM PA GNYIS KYIS SHES PAR BYA BA YIN TE, GTER DANG 'BRAS BU'I SHING GNYIS KYI DPES GO RIM BZHIN DU SHES PAR BYA BA YIN PA'I PHYIR, RIGS 'DI GNYIS LA BRTEN NAS SANGS RGYAS KYI SKU GSUM THOB PAR 'DOD PA'I RGYU MTSAN YOD DE, RIGS DANG POS SKU NI DANG PO CHOS KYI SKU, RIGS GNYIS PA YIS SKU PHYI MA GZUGS SKU GNYIS THOB PAR BYED PA YIN PA'I PHYIR, NGO BO NYID KYI SKU'I CHOS MTHUN NI, NGO BO NYID SKU MDZES PA NI ,RIN PO CHE'I SKU 'DRA BAR SHES PAR BYA STE, RGYU RKYEN GZHAN GYIS RANG BZHIN BYAS PA MIN PA DANG, STOBS LA SOGS PA'I YON TAN RIN PO CHE'I GTER YIN PA'I PHYIR, LONGS SPYOD RDZOGS PA'I SKU NI 'KHOR LOS BSGYUR PA'I RGYAL PO BZHIN DU SHES PAR BYA STE, MTSAN DPE LA SOGS PAS SPRAS PA'I SGO NAS THEG PA CHEN PO'I CHOS KYI RGYAL SRID CHEN PO LA LONGS SPYOD PAR MDZAD PA'I PHYIR, SANGS RGYAS KYI SPRUL SKU NI GSER GYI GZUGS LTA BU STE LONGS SKU'I MTSAN DPE SOGS LA LTOS TE GZUGS BRNYAN GYI RANG BZHIN CAN YIN PA'I PHYIR, GSUM PA KHAMS STON PA'I DGOS PA LA, RTZOD LAN GNYIS, DANG PO NI, SPRIN DANG RMI LAM RGYU BZHIN DE DANG DER, ,SHES BYA THAMS CAD RNAM KUN STONG PA ZHES, ,GSUNGS NAS YANG 'DIR RGYAL RNAMS SEMS CAN LA, ,SANGS RGYAS SNYING PO YOD CES CI STE GSUNGS, ,ZHES GSUNGS LA, DON NI, @287B DE PA'I SNYING PO'I MDO LAS, SEMS CAN THAMS CAD KYI RGYUD LA SANGS RGYAS KYI SNYING PO YOD CES GSUNGS PA MI 'THAD PAR THAL, SHER PHYIN GYI MDO LAS CHOS THAMS CAD BDEN STONG SGYU MA LTA BUR GSUNGS PA'I PHYIR, GNYIS PA NI, SEMS ZHUM SEMS CAN DMAN LA BRNYES PA DANG, ,YANG DAG MI 'DZIN YANG DAG CHOS LA SKUR, ,BDAG CHAGS LHAG PA'I SKYON LNGA GANG DAG LA, ,YOD PA DE DAG DE SPANGS DON DU GSUNGS, ,ZHES GSUNGS LA, DON NI, SNGAR BSHAD MA THAG PA'I THAL GYUR LA KHYAB PA MED DE, SEMS ZHUM PA DANG, SEMS CAN DMAN PA RNAMS LA BRNYAS PA DANG, CHOS RNAMS BDEN STONG DU MI 'DZIN PA DANG, BDEN STONG LA SKUR PA 'DEBS PA DANG, BDAG CHAGS LHAG PAR 'GYUR BA'I SKYON LNGA SPANGS PA'I DGOS PA YOD PA'I PHYIR, 'DI NYID RGYAS PAR CHOS 'KHOR GYI SKABS LAS SHES PAR BYA'O, ,GNYIS PA LA RIGS SAD PAR BYED PA'I THABS, RIGS SAD PA'I RTAGS, RIGS NAS JI LTAR 'KHRID PA'I TSUL, RIGS SAD PA'I PHAN YON, RIGS KYI MTSAN NYID, DBYE BA, SA MTSAMS ,RIGS KYI SGRA BSHAD DANG BRGYAD, DANG PO NI, SKYABS 'GRO TSUL GZHIN DU BYAS PA LAS RIGS SAD PAR 'GYUR TE, DE LTAR BYAS PAS BSAGS SBYANG TSUL BZHIN DU BYAS PAR 'GYUR BA'I PHYIR, KHYAB STE, RIGS SAD PA 'DI BSAGS SBYANG SNGON DU SONG BAS KHYAD PAR DU BYAS PA'I PHYIR,, @288A *, ,GNYIS PA NI, 'KHOR BA'I NYES DMIGS DANG, THAR PA'I PHAN YON BRJOD PA NA, LUS KYI BA SPU LDANG BA DANG, MIG NAS MA CHI MA 'KHRUG PA LA SOGS PA'I THA SNYAD KHYAD PAR CAN GYI RTAGS LAS THEG CHEN GYI RIGS SAD PAR DPOG ,LAM MA ZHUGS KYI GNAS SKABS SU ZAB PA DANG RGYA CHE BA'I CHOS THOS PA NA MIG NAS MCHI MA 'KHRUG PA LA SOGS PA'I THA SNYAD KHYAD PAR CAN GYI RTAGS LAS THEG CHEN GYI RIGS SAD PAR DPOG STE, DE LTAR DU MDO SDE RGYAN, NYAN SA SOGS LAS GSUNGS SHING, ,CHOS BCU PA'I MDO LAS, DU BA LAS NI ME SHES DANG, CHU SKYAR LAS NI CHU SHES LTAR, BYANG CHUB SEMS DPA' BLO LDAN GYI, ,RIGS NI MTSAN MA DAG LAS SHES, ,ZHES GSUNGS PA'I PHYIR, GSUM PA NI, RIGS SAD PA'I RJES SU SKYES BU GSUM GYI LAM GYI RIMS PA LA BSAM PA LEGS PAR SBYANGS TE, THEG DMAN DU RIGS NGES PA RNAMS LA THEG DMAN GYI SDE SNOD BSTAN PA'I SGO NAS THEG DMAN GYI LAM LA 'KHRID PAR BYED, THEG CHEN GYI RIGS CAN RNAMS LA, SHIN TU RGYAS PA'I SDE SNOD DGONGS 'GREL DANG BCAS PA BSTAN TE THEG CHEN GYI LAM LA 'KHRID PAR BYA BA YIN TE, THEG DMAN GYI LAM RNAMS NI THEG DMAN DU RIGS NGES PA RNAMS KYIS RDZOGS PA'I SANGS RGYAS THOB PAR BYED PA'I NYE LAM YIN PA'I PHYIR TE, DE RNAMS DANG POR THEG CHEN LA 'KHRID NA THEG @288B CHEN GYI SEMS BSKYED LAS NYAMS PA'I SDIG LTUNG GIS BGOS PAR 'GYUR BA'I PHYIR, GDUL BYA SO SO LA LTOS NAS SANGS RGYAS KYI BSTAN PA RDZOGS PA'I SANGS RGYAS THOB PAR BYED PA'I THABS KYI GTZO BO 'BA' ZHIG TU 'GYUR TE, GDUL BYA SO SO LA LTOS NA SANGS RGYAS KYI BSTAN PA LA DMAN MCHOG GI RIM PA MED PA'I PHYIR TE, NAD PA SO SO LA LTOS NAS SMAN RNAMS LA BZANG NGAN GYI KHYAD PAR MED PA'I PHYIR, RTAGS GRUB STE, LANG GSHEGS LAS, GANG ZHIG GZHAN LA BSHAD PA DE, ,GZHAN LA BSTAN PAR MI BYA STE, ,JI LTAR NAD PA SO SO LA, ,SMAN PAS SMAN NI GTONG BA LTAR, ,SANGS RGYAS DE BZHIN SEMS CAN LA, ,SEMS TZAM DU NI RAB TU SGRAGS, ,ZHES GSUNGS PA'I PHYIR, RGYAS PAR NI DPAL LDAN LEGS PAR BSHAD PA'I RGYA MTSO BYANG CHUB LAM GYI RIMS PA LAS SHES PAR BYA'O, ,BZHI PA NI, RIGS SAD PA PHAN YON KHYAD PAR CAN DANG LDAN TE; BYANG CHUB GSUM LA DMIGS PA'I BLO SHIN TU BRTAN PAR 'GYUR BA DANG, BRTZON 'GRUS LHAG PAR 'PHEL TE, SGRUB PA LA NAN TAN SNYING POR BYED PA DANG, NGAN SONG LAS MYUR DU THAR PA SOGS KYI DGOS PA KHYAD PAR CAN YOD PA'I PHYIR, LNGA PA NI, 'PHAGS PA'I CHOS RNAMS KYI 'BYUNG KHUNGS DAM PAR DMIGS PA, 'PHAGS PA'I CHOS RNAMS KYI RIGS KYI MTSAN NYID, DPER NA STONG PA NYID NYAN THOS RANG RGYAL BYANG @289A *, ,SEMS SANGS RGYAS KYI CHOS RNAMS KYI 'BYUNG KHUNGS DAM PA YIN PA'I RGYU MTSAN GYIS CHOS KYI DBYINGS DANG, CHOS KYI 'BYUNG KHUNGS SU BSHAD PA BZHIN NO, ,DRUG PA NI, SPYIR RIGS KYI THA SNYAD RNAM PA DU MA GSUNGS TE, RGYAL RIGS, BRAM ZE'I RIGS, DMANGS RIGS, RDOL PA'I RIGS, SKU GSUNG THUGS KYI RIGS, DE BZHIN DU RIGS LNGA DANG DRUG LA SOGS PA DANG, CHOS RNAMS KYI SPYI LA RIGS SU BRJOD PA SOGS YOD PA'I PHYIR, 'DI LA RANG BZHIN DU GNAS PA'I RIGS DANG, RGYAS PA LAS GYUR PA'I RIGS GNYIS, RIGS GANG ZHIG GTER GYI DPES MTSON NAS BSTAN PA, DANG PO'I MTSAN NYID GANG ZHIG ,SHING 'BRAS BU CAN GYI DPES MTSON NAS BSTAN PA, GNYIS PA'I MTSAN NYID, DANG PO NI DRI BCAS KYI SEMS BDEN STONG LTA BU, GNYIS PA NI DRI BCAS SEMS KYI STENG GI ZAG MED YE SHES KYI SA BON LTA BU YIN TE, RGYUD BLA LAS, GTER DANG 'BRAS BU'I SHING BZHIN DU, ,RIGS DE RNAM GNYIS SHES BYA STE, ZHES GSUNGS PA'I PHYIR, RANG BZHIN GNAS RIGS 'DI LA DBYE NA, NYAN THOS KYI SGRUB PA'I RTEN RANG BZHIN GNAS RIGS, RANG RGYAL GYI SGRUB PA'I RTEN RANG BZHIN GNAS RIGS, ,THEG CHEN GYI SGRUB PA'I RTEN RANG BZHIN GNAS RIGS DANG GSUM, NYAN THOS SLOB PA'I RGYUD KYI RANG BZHIN GNAS @289B RIGS GANG ZHIG ,NYAN THOS KYI SGRUB PA'I DNGOS KYI RTEN GZHI BYED PA, DANG PO'I MTSAN NYID, 'DI'I SA MTSAMS, NYAN THOS KYI TSOGS LAM NAS NYAN THOS KYI SGOM LAM SKAD CIG THA MA'I BAR NA YOD, RANG RGYAL SLOB PA'I RGYUD KYI RANG BZHIN GNAS RIGS GANG ZHIG ,RANG RGYAL GYI SGRUB PA'I DNGOS KYI RTEN GZHI BYED PA, GNYIS PA'I MTSAN NYID, SA MTSAMS RANG RGYAL GYI TSOGS LAM NAS DE'I SGOM LAM SKAD CIG THA MA'I BAR NA YOD, THEG CHEN SLOB PA'I RGYUD KYIS BSDUS PA'I RANG BZHIN GNAS RIGS GANG ZHIG ,THEG CHEN GYI SGRUB PA'I RTEN GZHI BYED PA, GSUM PA'I MTSAN NYID, 'DI'I SA MTSAMS THEG CHEN GYI TSOGS LAM NAS RGYUN MTHA'I BAR NA YOD, BYANG SEMS KYI SBYOR LAM THOB ZIN PA'I SEMS DPA'I RGYUD KYI CHOS KYI DBYINGS GANG ZHIG ,THEG CHEN GYI SGRUB PA'I RTEN GZHI BYED PA DE, 'DIR DNGOS SU BSTAN PA'I THEG CHEN GYI SGRUB PA'I RTEN RANG BZHIN GNAS RIGS KYI MTSAN NYID, DBYE NA, THEG CHEN GYI RTOGS PA'I CHOS DRUG ,GNYER PO'I SGRUB PA, SPONG BA'I SGRUB PA, DE DAG YONGS SU STUGS PA'I SGRUB PA, SHES RAB SNYING RJER BCAS PA'I SGRUB PA, SLOB MA NYAN RANG SOGS DANG THUN MONGS MA YIN PA'I SGRUB PA, GZHAN DON GO RIMS SU BYED PA'I SGRUB PA, YE SHES RTZOL PA MI MNGA' BAR 'JUG PA'I RTEN RANG BZHIN GNAS RIGS RNAMS TE BCU GSUM YOD PA'I PHYIR, 'DI'I SA MTSAMS, BYANG @290A *, ,SEMS KYI SBYOR LAM DROD NAS 'JOG PA'I RGYU MTSAN YOD DE, ,DE NAS RIGS SAD PA LA BAR DU GCOD PA'I NYES DMIGS BZHI DANG BRAL BA'I RGYU MTSAN GYIS DE LTAR BSTAN PA'I PHYIR, NYES DMIGS BZHI NI, RGYAN LAS, NYON MONGS GOMS DANG GROGS NGAN DANG, ZHES BSHAD PA LTAR RO, ,BDUN PA NI, LAM MA ZHUGS NAS RGYUN MTHA'I BAR NA YOD DE, SANGS RGYAS KYI SA NA RANG BZHIN GNAS RIGS KYANG YOD PA MA YIN TE, RGYAN LAS, YOD DANG YOD MIN YON TAN NI, ZHES GSUNGS PA'I PHYIR, BRGYAD PA NI 'PHAGS CHOS RNAMS KYI 'BYUNG KHUNGS YIN PAS 'PHAGS PA'I RIGS ZHES BYA LA, MING GI RNAM GRANGS NI, BYANG SA LAS, RIGS DE NI GZHI ZHES KYANG BYA, STON PA DANG, RGYU DANG, BSTAN DANG, NYE BAR GNAS DANG, SNGON DU 'GRO BA DANG, GNAS ZHES KYANG BYA'O, ,ZHES 'BYUNG BA'I PHYIR, GSUM BA RTZOD SPANGS NI, RIGS CHAD PA'I SEMS CAN YOD PAR THAL, LA LA GCIG TU NYES PA SPYOD NGES YOD, ,CES GSUNGS PA'I PHYIR, ZHE NA MA KHYAB STE, DE NI SEMS TZAM PA'I BZHED PA SKYAR BA TZAM YIN PA'I PHYIR, SEMS CAN THAMS CAD KYI RGYUD LA, SANGS RGYAS KYI RIGS YOD PA MI 'THAD PAR THAL, 'KHOR BA THOGS MED @290B NAS; SANGS RGYAS RE RES KYANG SEMS CAN TSAD MED PA SMIN GROL LA BKOD ZIN PA GANG ZHIG DA DUNG 'KHOR BA NA SEMS CAN DPAG TU MED PA YOD PA'I PHYIR, ZHE NA MA KHYAB STE, SEMS CAN RNAMS RIGS KYI NYES DMIGS BZHI DANG LDAN PA'I DBANG GIS 'KHOR BAR GNAS BA'I PHYIR, 'DIR RIGS DNGOS SU BSHAD PA MI 'THAD PAR THAL, THEG CHEN SEMS BSKYED DANG THEG CHEN TSOGS SBYOR GYI SNGA ROL DU YANG THEG CHEN GYI RIGS SAD PA 'GRO DGOS PA'I PHYIR, ZHE NA MA KHYAB STE, MDO SDE RGYAN SOGS LAS DE LTAR GSUNGS PA NI RGYU 'BRAS DON GYI GO RIMS KYI DBANG DU BYAS PA YIN LA, 'DIR NI BSHAD PA'I GO RIMS KYI DBANG DU MDZAD PA'I PHYIR TE, DE LTAR MA YIN NA SANGS RGYAS BCOM LDAN 'DAS LA YANG KHAS BLANGS NANG 'GAL GYI SKYON YOD PAR 'GYUR BA'I PHYIR TE, MDO SDE KHA CIG LAS, SEMS BSKYED KYI SNGON DU RIGS BSHAD PA DANG, SHER PHYIN GYI MDO LAS SKABS 'DIR RIGS BSHAD PA'I PHYIR TE, 'GREL CHEN LAS, SEMS BSKYED PA DANG, THAR PA DANG, NGES PAR 'BYED PA'I CHA DANG MTHUN PA LA SOGS PA RNAMS KYI SNGON DU 'GRO BA DE YIN PAS DANG PO KHO NAR RIGS BSHAD PAR BYA BA MA YIN NAM, CI'I PHYIR 'DI LTAR BSHAD CE NA, DE NI BDEN MOD KYI DE NI DON GYI GO RIMS YIN LA, 'DI NI DANG POR 'BRAS@291A *, ,BU BSHAD NAS RGYU PHYIS BSTAN PA YIN PAS BSHAD PA'I GO RIMS YIN PAS NYES PA MED DO, ,ZHES SOGS GSUNGS SO, ,SEMS CAN THAmD THEG CHEN GYI RIGS CAN YIN PAR THAL, DE THAMS CAD SANGS RGYAS KYI RIGS CAN YIN PA'I PHYIR, ZHE NA, 'O NA THEG DMAN RNAMS THEG CHEN GYI GDUL BYAR THAL, DE RNAMS SANGS RGYAS KYI GDUL BYA YIN PA'I PHYIR, KHYAB PA KHAS SO, ,GNYIS PA GZHUNG DON NI, YUM BAR MA'I MDO LAS, RAB 'BYOR NAM MKHA' LA BYA'I RJES MED CING MI DMIGS SO, ,DE BZHIN DU BYANG CHUB SEMS DPA'I TSIG GI DON MED CING MI DMIGS SO, ,ZHES DROD DANG, YANG DAG PA'I MTHA' LA GNAS MED CING MI DMIGS SO, ,ZHES RTZE MO DANG, SGYU MA'I SKYE BU'I GZUGS LA GNAS MED CING MI DMIGS SO; ;ZHES BZOD PA DANG, SGYU MA'I SKYES BU'I NANG STONG PA NYID LA SPYOD PA'I TSIG GI DON MED CING MI DMIGS SO, ,ZHES CHOS MCHOG DANG, DE PA DGRA BCOM PA YANG DAG PAR RDZOGS PA'I SANGS RGYAS KYI RGYUD LA TSIG GI DON MED CING MI DMIGS SO, ,ZHES MTHONG LAM, SKYE BA MED PA'I TSIG GI DON MED CING MI DMIGS SO, ,ZHES SGOM LAM, NYI MA'I DKYIL 'KHOR MNGON PAR 'CHAR PA'I @291B TSE MUN PA'I GNAS MED CING GO SKABS MED DO, ,ZHES GNYEN PO'I SGRUB PA BSKAL PA'I ME 'BAR PA NA 'DU BYED KYI RNAM PA THAMS CAD KYI GNAS MED CING MI DMIGS SO, ,ZHES SPONG BA'I SGRUB PA, DE LA DGRA BCOm PA YANG DAG PAR RDZOGS PA'I SANGS RGYAS KYI TSUL KHRIMS LA TSUL KHRIMS NGAN PA'I GNAS MED CING MI DMIGS SO, ,ZHES DE DAG YONGS SU STUGS PA'I SGRUB PA, NYI MA DANG ZLA BA'I 'OD LA GNAS MED CING MI DMIGS SO, ,ZHES SHES RAB SNYING RJER BCAS PA'I SGRUB PA, NYAN THOS DANG RANG SANGS RGYAS DANG, GZA' DANG, SKAR MA DANG, NOR BU RIN PO CHE DANG, GLOG GI 'OD LA GNAS MED CING MI DMIGS SO, ,ZHES SLOB PA NYAN RANG DANG MTHUN MONGS MIN PA'I SGRUB PA, RGYAL CHEN BZHI'I RIGS KYI LHA RNAMS KYI 'ONG LA GNAS MED CING MI DMIGS SO, ,ZHES GZHAN DON GO RIMS SU BYED PA'I SGRUB PA, DE PA DGRA BCOM PA YANG DAG PAR RDZOGS PA'I SANGS RGYAS KYI 'OD LA GNAS MED CING MI DMIGS SO, ,ZHES YE SHES RTZOL BA MI MNGA' BAR 'JUG PA'I SGRUB PA'I RTEN RANG BZHIN GNAS RIGS RNAMS BSTAN LA, DE RNAMS KYI DON BSDU BA NI, GZHUNG 'DI RNAMS YIN, 'DI'I DON BSDU PA NI, SKABS 'DIR DNGOS SU BSTAN PA'I BYANG CHUB SEMS DPA' RNAM PA BCU GSUM PO'I RGYUD KYI CHOS DBYINGS CHOS CAN, THEG CHEN GYI SGRUB PA'I RTEN RANG BZHIN @292A *, ,GNAS RIGS YIN TE, SEMS DPA'I RGYUD KYI CHOS DBYINGS GANG ZHIG, KHYOD LA DMIGS TE SGOMS PAS THEG CHEN SGRUB PA'I SPANGS RTOGS KYI YON TAN GONG NAS GONG DU 'PHEL BAR 'GYUR BA'I PHYIR, DE SKAD DU YANG, JI SKAD BSHAD PA'I CHOS KYI GZHIR GYUR PA'I CHOS KYI DBYINGS KYI NGO BO NYID KHO NA LA RIGS ZHES BSTAN TO, ,ZHES GSUNGS PA'I PHYIR, ` BYAMS PA'I MGON BCAS BYAMS CHOS SMRA BA NI, ,BYAMS PA'I CHOS LNGA BYAMS PA'I DGONGS PA BZHIN, ,BYAMS PA'I ZHABS DRUNG BYAMS CHOS NYAN PHYIR BSHAD, BYAMS CHEN DGE BAS 'GRO KUN BYAMS BZHIN SHOG, ` DE'I 'OG TU DE DAG SKYES PA'I STOBS KYIS, ZHES SOGS KYE SKABS SU; SPYI DON DANG, GZHUNG DON GNYIS, DANG PO LA, SPANG BYA BSHAD PA DANG, GNYEN PO BSHAD PA DANG, GNYEN POS SPONG BYA SPONG TSUL, SPANGS PA'I DON, SPANGS PA'I PHAN YON, RTZOD PA SPANGS PA DANG DRUG ,DANG PO LA MTSAN NYID, DBYE BA, BSDU BA, SO SO'I RANG BZHIN DANG BZHI, DANG PO NI, MNGON PAR MTHO BA DANG, NGES PAR LEGS PA GANG RUNG THOB PA LA SGRIB BYED GANG ZHIG ,RANG GI GNYEN PO STOBS LDAN GYI SPANG BYAR DMIGS PA DE, 'DIR BSTAN GYI SPANG BYA'I MTSAN NYID, GNYIS PA LA RGYAS PAR DBYE NA SPANG GNYEN GYI RAB DBYE BSAM GYIS MI KHYAB STE, NAM MKHA' LTAR MTHA' YAS PA'I PHYIR, GO BDE BA'I PHYIR CUNG ZAD DBYE NA, @292B 'JIG RTEN PA'I LAM GYI SPANG BYA, MTHONG BAS SPANG BAR BYA BA, SGOM PAS SPANG BAR BYA BA DANG, YANG SGRIB PA LA RIGS KYI SGO NAS DBYE NA, CHAGS PA'I SGRIB PA, THOGS PA'I SGRIB PA, DMAN PA'I SGRIB PA, LAS KYI SGRIB PA, NYON MONGS SHAS CHE BA'I SGRIB PA, RNAM SMIN GYI SGRIB PA, 'DOD CHEN PA'I SGRIB PA, MU STEGS PA'I SGRIB PA, NYAN THOS KYI SGRIB PA, RANG BYUNG GI SGRIB PA, KHYAB PA'I SGRIB PA, NYI TSE BA'I SGRIB PA, LHAG PA'I SGRIB PA, MNYAM PA'I SGRIB PA, LEN PA DANG SPONG BA'I SGRIB PA, BYANG PHYOGS SO BDUN GYI MA MTHUN PHYOGS SU GYUR PA'I SGRIB PA, PHA ROL TU PHYIN PA BCU'I MI MTHUN PHYOGS SU GYUR PA'I SGRIB PA, SA BCU'I MI MTHUN PHYOGS SU GYUR PA'I SGRIB PA, ZHI GNAS KYI MI MTHUN PHYOGS SU GYUR PA'I SGRIB PA, LHAG MTHONG GI MI MTHUN PHYOGS SU GYUR PA'I SGRIB PA, YON TAN LA DBANG 'BYOR BA'I SGRIB PA, NYON MONGS PA'I SGRIB PA, SHES BYA'I SGRIB PA, SNYOMS 'JUG GI SGRIB PA, 'DOD PA LA 'DUN PA DANG, ,GNOD SEMS DANG, GNYID RMUGS DANG, RGOD 'GYOD DANG, THE TSOM DANG, GNAS NGAN LEN GYI SGRIB PA DANG, SA BCU GCIG PO SO SO'I MI MTHUN PHYOGS SU GYUR PA'I SGRIB PA RNAMS YONG LA, DANG PO GRUB STE, RGYUD BLA MAR, DAG GSAL GNYEN PO'I PHYOGS NYID KYI, ZHES CHAGS THOGS DMAN GSUM GYI SGRIB PA'I DAG PAS YON TAN DNGOS SU BSTAN PA'I PHYIR, DE YANG DANG PO NI, NYON MONGS PA'I SGRIB PA, GNYIS PA SHES BYA'I SGRIB PA, GSUM PA DMAN PA'I ZHI BDES THUGS PHROG TE THEG CHEN SEMS BSKYED LA BAR DU GCOD PA'I SGRIB PA YIN TE, RGYAN LAS, LAM 'GOG PA NI MI MTHUN PHYOGS SLONG ZHING DAD DU LEN PA'O, ,ZHE SUNGS PA'I PHYIR, DE'I @293A *, ,'OG MA GSUM GRUB STE, ,MTSAMS MED PA YI LAS RNAMS DANG, ,NYON MONGS SHAS CHEN NGAN 'GRO DANG, ,SGRA MI SNYAN SGRIB GSUM DU 'DOD, ,CES GSUNGS SHING, DE'I DANG PO NI, RANG GI PHA MA BSAD PA LA SOGS PA'I MTSAMS MED LNGA DANG, DE DANG NYE BA'I LAS LTA BU'O, ,GNYIS PA NI, 'DOD CHAGS SHAS CHER SPYOD PA'I SGRIB PA LTA BU, GSUM PA NI NGAN SONG GSUM DANG SGRA MI SNYAN LTA BU, DE'I 'OG MA BZHI BZHAG TU YOD DE, RGYUD BLA LAS, 'DOD CHEN MU STEGS NYAN THOS DANG, ,RANG BYUNG RNAMS KYI SGRIB RNAM BZHI, ,ZHES GSUNGS SHING, DE'I DANG PO NI, THEG CHEN GYI CHOS LA KHONG KHRO LHAG PAR 'PHEL BA'I RANG SDE KHA CIG GI SGRIB PA LTA BU, GNYIS PA NI, MU STEGS KYI RGYUD KYI BDAG LTA LHAG PAR 'PHEL BA'I SGRIB PA LTA BU, GSUM PA NI, 'KHOR BA'I SDUG BSNGAL GYIS SHIN TU 'JIGS PA'I SGRIB PA LTA BU, BZHI PA NI, SEMS CAN GYI DON LA LTOS MED DU RANG DON 'BA' ZHIG SPYOD PA'I SGRIB PA LTA BU STE, RGYUD BLA LAS, CHOS LA KHONG KHRO BDAG LTA DANG, , 'KHOR BA'I SDUG BSNGAL GYIS 'JIGS DANG, ,SEMS CAN DON LA LTOS MED DANG, ,ZHES GSUNGS PA'I PHYIR, DE'I 'OG MA SNGA MA LNGA BZHAG TU YOD DE, DBU MTHA' LAS, KHYAB DANG NYI 'TSE LHAG @293B PA DANG, ,MNYAM DANG LEN 'JUG SPONG BA NI, ,GNYIS KYI SGRIB PA BSTAN PA YIN, ,ZHES GSUNGS SHING, DE'I DANG PO NI, BYANG CHUB SEMS DPA'I THUGS RGYUD KYI SHES SGRING LTA BU, GNYIS PA NI, NYAN THOS KYI RGYUD KYI NYON SGRIB LTA BU, GSUM PA NI, CHAGS YUL DMAN PA LA 'DOD CHAGS DRAG TU 'PHEL BA'I SGRIB PA LTA BU, BZHI PA NI, CHAGS YUL BZANG PO LA 'DOD CHAGS LHAG PAR 'PHEL BA'I SGRIB BA LTA BU, LNGA PA NI, SNYING RJE'I DBANG GIS GZHAN DON DU 'KHOR BAR SKYE BA LEN PA DANG, MI GNAS PA'I MYANG 'DAS THOB PA LA BAR DU GCOD PA'I SGRIB PA LTA BU, SGRIB PA LNGA PO DE YANG, THEG PA GNYIS KYI SGRIB PA CI RIGS SU BSTAN TE, DER BSDUS PA'I PHYIR, DE'I 'OG MA GSUM BZHAG TU YOD DE, DBUS MTHAR, PHYOGS DANG PHA ROL PHYIN PA LA, ,SGRIB PA DAG NI GZHAN YIN NO, , DE'I DANG PO BZHAG TU YOD DE, BDEN BZHI'I GNAS LUGS LA MI MKHAS PA'I SGRIB PAS DRAN PA NYE BAR BZHAG PA LA BSGRIBS, LE LOS YANG DAG SPONG BA LA BSGRIBS, 'DUN PA DANG, BRTZON 'GRUS GANG RUNG MTSANG BAS TING NGE 'DZIN NYAMS PA'I SGRIB PA DANG, SEMS DANG SPYOD PA'I TING NGE 'DZIN GANG RUNG MTSANG BAS TING NGE 'DZIN NYAmS PA'I SGRIB PA GNYIS KYIS RDZU 'PHRUL GYI RKANG PA LA SGRIBS, THAR @294A *, ,PA CHA MTHUN GYI DGE RTZA RNAMS SKYED DU MI RUNG BAS RNAM BYANG DBANG PO LA SGRIBS, DAD SOGS NYAMS CHUNG BAS RNAM BYANG GI STOBS LA BSGRIBS, LTA BA NGAN PA LNGA LA SOGS PA'I NYES PAS BYANG CHUB KYI YAN LAG LA BSGRIBS, GNAS NGAN LEN GYI SGRIB PAS 'PHAGS LAM YAN LAG LA BSGRIBS PA'I PHYIR TE, DBUS MTHAR, BZHI LA MI MKHAS LE LO DANG, ,GNYIS KYI TING 'DZIN NYAMS PA DANG, ,MI SKYED PA DANG NYAMS CHUNG DANG, ,LTA DANG GNAS NGAN LEN SKYON CHAGS, ,ZHES GSUNGS PA'I PHYIR, GNYIS PA BZHAG TU YOD DE, PHAR PHYIN BCU'I MI MTHUN PHYOGS SU GYUR PA'I SGRIB PAS GO RIMS BZHIN DU NOR PHYUG PO DANG, BDE 'GROR SKYE BA DANG, SEMS CAN BLOS MI GTONG BAR 'KHOR DU 'DZIN PA DANG, NYON MONGS DAG CING YON TAN RNAMS 'PHEL BA DANG, GDUL BYA SANGS RGYAS KYI BSTAN PA LA 'DZUD PA DANG, RNAM GROL THOB PA DANG, PHYIN DRUG GI 'BRAS BU MI ZAD PA DANG, ,TSE RABS THAMS CAD DU DGE BA RGYUN MI CHAD PA DANG; SNGON GOMS PA'I DBANG GIS DGE BA DES PAR BYED PA DANG, BDAG GZHAN CHOS LA RDZOGS PAR LONGS SPYOD PAR BYED PA LA, SER SNA, TSUL KHRIMS 'CHAL BA, KHONG KHRO SOGS KYIS @294B RIMS PA BZHIN DU BAR DU BCOD CING BSGRIBS PA'I PHYIR TE, DBUS MTHAR, PHYUG PO DANG NI BDE 'GRO DANG, ,SEMS CAN MI GTONG SGRIB PA DANG, ,NYES PA DAG DANG YON TAN RNAMS, ,'GRIB DANG 'PHEL DANG 'DZUD PA DANG, ,GROL BAR BYED DANG MI ZAD DANG, ,DGE BA RGYUN MI CHAD PA DANG, ,NGES PAR BYED DANG CHOS RNAMS LA, ,LONGS SU SPYOD DANG YONGS SMIN BYED, ,CES GSUNGS PA'I PHYIR, GSUM PA BZHAG RTU YOD DE, CHOS DBYINGS LA GNYIS SNANG NUB PA'I SA BCU'I BAR CHAD MED LAM GYI MI MTHUN PHYOGS SU GYUR PA'I NYON MONGS CAN MIN PA'I MA RIG PA BCU NI SA BCU'I MI MTHUN PHYOGS SU GYUR BA'I SGRIB PA YIN TE, SA BCU'I BAR CHAD MED LAM NI DE'I GNYEN PO YIN PA'I PHYIR TE DBUS MTHA' LAS, CHOS KYI DBYINGS LA MA RIG PA, NYON MONGS CAN MIN SGRIB PA BCU, ,SA BCU'I MI MTHUN PHYOGS RNAMS KYI, ,GNYEN PO DAG NI SA YIN NO, ,ZHES GSUNGS PA'I PHYIR, DE'I 'OG MA GNYIS GZHAG TU YOD DE, DE DAG NI SNYOMS 'JUG GI SGRIB PA'I SKABS SU 'CHAD PA'I PHYIR, DE'I 'OG MA GCIG BZHAG TU YOD DE, DBUS MTHA' LAS, NYON MONGS NYE BA'I NYON MONGS DBANG, ,MI MTHUN PHYOGS KYI GNYEN POR NI, ,LAM GYI YANG DAG DE BRGYAD DO, ,ZHES GSUNGS SHING @295A *, ,DE'I DON NI, YON TAN MA THOB PA THOB PA DANG, THOB ZIN 'PHEL BA LA BAR DU GCOD PA'I SGRIB PA LTA BU'O, ,DE'I 'OG MA GSUM BZHAG TU YOD DE, RGYUD BLA MAR, NYON MONGS SHES BYA SNYOM 'JUG GI ,SGRIB GSUM LAS NI NGES GROL TE, ZHES DANG, MDZOD LAS, 'GOG THOB GNYIS KA LAS RNAMS GROL, ZHES GSUNGS PA'I PHYIR, SNYOM 'JUG GI SGRIB PA LA RNAM PA DU MA YOD DE, DBUS MTHAR, LE LO DANG NI GDAM NGAG RNAMS, ,BRJED DANG BYING DANG RGOD PA DANG, ,'DU MI BYED DANG 'DU BYED DE, ,'DI DAG NYES PHA LNGAR 'DOD DO, ,ZHES GSUNGS PA LTAR RO, ZHI GNAS DANG LHAG MTHONG DANG, NYER BSNGOGS DANG, MTHAR GYIS GNAS PA'I SNYOM 'JUG ,THOD RGAL GYI SNYOM 'JUG SOGS LA BAR DU GCOD PA'I SGRIB PA RNAMS SNYOM 'JUG GI SGRIB PAR BZHAG PAR BYA BA YIN PA'I PHYIR, DE'I 'OG MA LNGA BZHAG TU YOD DE, BSHES SPRING LAS, RGOD DANG 'GYOD DANG GNOD SEMS RMUGS PA DANG, ,GNYID DANG 'DOD LA 'DUN DANG THE TSOM STE, ,SGRIB PA LNGA PO 'DI DAG DGE BA'I NOR, ,'PHROG PA'I CHOM RKUN LEGS PAR MKHYEN PAR MDZOD, ,CES GSUNGS SO, ,GNYID RMUGS GNYIS GCIG TU BSDUS PA DANG, RGOD 'GYOD GNYIS GCIG TU @295B BSDUS PA'I RGYU MTSAN YOD DE, MDZOD LAS, ZAS DANG BYA BA GCIG PA'I PHYIR, GNYIS GCIG PHUNG PO GNOD BYED DANG, THE TSOM PHYIR NA LNGA NYID DO, ,ZHES GSUNGS PA'I PHYIR, DE'I 'OG MA GCIG BZHAG TU YOD DE, RNAM PAR GTAN LA DBAB PA BSDU BA LAS, DE LA MA RIG BAG CHAGS KYIS NI GNAS NGAN LEN GYI DRI MA PHRA MO ZHES SOGS GSUNGS PA'I PHYIR, GNAS NGAN LEN GYI DRI MA LA YANG RNAM PA DU MA YOD DE, KUN BTUS LAS, GNAS NGAN LEN THAMS CAD GANG ZHE NA, MNGON PAR BRJOD PA'I GNAS NGAN LEN KUN TU 'GRO BA DANG, TSOR BA'I GNAS NGAN LEN DANG, NYON MONGS PA'I GNAS NGAN LEN DANG, LAS KYI GNAS NGAN LEN DANG, RNAM PAR SMIN PA'I GNAS NGAN LEN DANG, NYON MONGS PA'I SGRIB PA'I GNAS NGAN LEN DANG, LAS KYI SGRIB PA'I GNAS NGAN LEN DANG, RNAM PAR SMIN PA'I SGRIB PA'I GNAS NGAN LEN DANG, SGRIB PA'I GNAS NGAN LEN DANG, RTOG PA'I GNAS NGAN LEN DANG, ZAS KYI GNAS NGAN LEN DANG, 'KHRIG PA'I GNAS NGAN LEN DANG, RMI LAM GYI GNAS NGAN LEN DANG, NAD KYI GNAS NGAN LEN DANG, RGA BA'I GNAS NGAN LEN DANG, 'CHI BA'I GAN NGAN LEN DANG, YONGS SU DAL BA'I GNAS NGAN LEN DANG, GNAS NGAN LEN BRTAN PA DANG, GNAS NGAN LEN CHEN PO DANG @296A *, ,GNAS NGAN LEN 'BRING DANG, GNAS NGAN LEN CHUNG DU DANG, NYON MONGS PA'I SGRIB PA'I GNAS NGAN LEN DANG, SNYOMS 'JUG GI SGRIB PA'I GNAS NGAN LEN DANG, SHES BYA'I SGRIB PA'I GNAS NGAN LEN TO, ,ZHES GSUNGS PA'I PHYIR, SNGAR GYI DE RNAMS KYI PHYI MA NI GZHAG TU YOD DE, TSIGS GSAL DUS LA 'JUG PA LAS, YAN LAG BCU GCIG RDZOGS GYUR PAS, ,RAB DGA' LA SOGS BCU GCIG ,RMONGS GNYIS GNAS NGAN LEN GCIG PA, ,MI MTHUN PHYOGS DE THA DAD YIN, ,ZHES BSUNGS PA'I PHYIR DANG, MDO SDE DGONGS 'GREL LAS, BCOM LDAN 'DAS SA 'DI RNAMS LA NI KUN TU RMONGS PA DU MCHIS, GNAS NGAN LEN MI MTHUN PHYOGS NI DU MCHIS, BCOM LDAN 'DAS KYI BKA' STZAL BA, SBYAN RAS GZIGS DBANG PHYUG KUN TU RMONGS PA NI NYI SHU RTZA GNYIS DANG, GNAS NGAN LEN MI MTHUN PA'I PHYOGS GCIG STE ZHES PA NAS SANGS RGYAS KYI SA LA NI SHES BYA THAMS CAD LA RAB TU PHRA BA'I CHAGS PA'I KUN TU RMONGS PA DANG, THOGS PA KUN TU RMONGS BA DANG, DE'I GNAS NGAN LEN MI MTHUN PA'I PHYOGS SO, ,ZHES PA'I BAR DANG, GSER 'OD DAM PA LAS, DE LA RIGS KYI BU CHOS DANG GANG ZAG LA MTSAN MA CAN DU MNGON PAR ZHEN PA'I RMONGS PA DANG, 'KHOR BA DANG, NGAN SONG GI NYON MONGS PA'I 'JIGS PA'I RMONGS PA DANG, RMONGS PA 'DI GNYIS @296B KYIS SA DANG PO LA BSGRIBS SO, ,LTUNG BA PHRA MO 'KHRUL BA LA RMONGS PA DANG, LAS DANG SBYOD PA RNAM PA SNA TSOGS MNGON PAR SKYE BA'I RMONGS PA DANG, RMONGS PA 'DI GNYIS KYIS SA GNYIS PA LA BSGRIBS SO, ,MA THOB PA THOB PAR 'DOD PA'I RMONGS PA DANG, GZUNGS DAM PA'I MCHOG THOB PA LA RMONGS PA DANG, RMONGS PA 'DI GNYIS KYIS SA GSUM PA LA BSGRIBS SO, ,MNYAM PAR GZHAG PA'I RO'I DGA' BA LA SRED PA'I RMONGS PA DANG, CHOS RNAM PAR DAG PA LA SRED PA'I RMONGS PA DANG, RMONGS PA 'DI GNYIS KYIS SA BZHI BA LA BSGRIBS SO, ,'KHOR BA LA NI SHIN TU SKYO BA'I RMONGS PA DANG, MYA NGAN LAS 'DAS PA LA MNGON PAR GZHOL BA'I RMONGS PA DANG, RMONGS PA 'DI GNYIS KYIS SA LNGA BA LA BSGRIBS SO; ;'DU BYED KYIS SGYU MA MNGON DU GYUR PA'I RMONGS PA DANG, MTSAN MA SBOM PO MNGON DU GYUR PA'I RMONGS PA DANG, RMONGS PA 'DI GNYIS KYIS SA DRUG PA LA BSGRIBS SO, ,MTSAN MA PHRA MO MNGON DU GYUR PA'I RMONGS PA DANG; MTSAN MA MED PA'I YID LA BYED PA'I RMONGS PA DANG, RMONGS PA 'DI GNYIS KYIS SA BDUN PA LA BSGRIBS SO, ,MTSAN MA MED PA LA CHED DU RTZOL BA'I RMONGS PA DANG, MTSAN MAR 'DZIN PA LA DBANG THOB PA'I RMONGS PA DANG, RMONGS PA 'DI GNYIS KYIS SA BRGYAD PA LA BSGRIBS SO, ,GANG CHOS THAMS CAD STON PA TSAD MED PA DANG, TSIG DANG YI GE TSAD MED PAR MTHUN PAR 'GYUR PA'I RMONGS PA DANG, SPOB PA LA DBANG THOB PA'I RMONGS PA DANG, @297A *, ,RMONGS PA 'DI GNYIS KYIS SA DGU BA LA BSGRIBS SO, ,MNGON PAR SHES PA CHEN PO'I DBANG BSGYUR MA THOB PA'I RMONGS PA DANG, DON DANG LAS GSANG BA PHRA MO LA MKHAS PAR MA GYUR PA'I RMONGS PA DANG RMONGS PA 'DI GNYIS KYIS SA BCU PA LA BSGRIBS SO, ,SPYOD YUL SHIN TU PHRA BA THAMS CAD LA SHES BYA'I SGRIB PA'I RMONGS PA DANG, NYON MONGS SHIN TU PHRA BA'I GNAS NGAN LEN PA LA RMONGS PA DANG, RMONGS PA 'DI GNYIS KYIS SANGS RGYAS KYIS SA LA BSGRIBS SO, ,ZHES GSUNGS PA'I PHYIR, GSUM PA BSDU BA NI, SGRIB PA THAmS CAD BSDU NA NYON RMONGS PA'I SGRIB PA DANG, SHES BYA'I SGRIB PA GNYIS SU BSDU STE, GTZO BOR THAR PA THOB PA LA BAR DU GCOD BYED KYI SGRIB PA DANG, GTZO BOR THAMS CAD MKHYEN PA THOB PA LA BAR DU GCOD BYED KYI SGRIB PA, GNYIS SU BSDU BA'I PHYIR TE, SGRIB PA GNYIS PO ZAD NA SGRIB PA THAMS CAD LAS GROL BA THOB PAR 'GYUR BA'I PHYIR TE, DBU MAR, NYON MONGS PA YI SGRIB PA DANG; SHES BYA'I SGRIB PA NYID DU BSTAN, ,DER NI SGRIB PA THAMS CAD DE, ,DE ZAD NAS NI GROL BAR 'DOD, ,CES DANG, DE'I 'GREL BAR, SGRIB PA RNAM PA GNYIS PO 'DI ZAD NA, SGRIB PA THAMS CAD LAS GROL BAR 'DOD DO, ,SGRIB PA RNAMS KYI DON SDUS PA STE, ZHES DANG, SDUS PA'I SGRIB PA MDOR BSDUS PA RNAM PA GNYIS PO GANG YIN PA'O, ,ZHES GSUNGS PA'I PHYIR, SPANGS BYA'I RIGS THAMS CAD BSDUS NA, 'JIG RTEN PA'I LAM GYI SPANG BYA'I RIGS @297B DANG; 'JIG RTEN LAS 'DAS PA'I LAM GYI SPANG BYA'I RIGS GNYIS SU BSDUS LA, DANG PO YANG NYER BSNGOS KYI SPANG BYA'I RIGS DANG, ,DNGOS GZHI'I SPANG BYA'I RIGS GNYIS SU BSDU, GNYIS PA 'DI YANG MTHOD LAM GYI SPANG BYA'I RIGS DANG, SGOM LAM GYI SPANG BYA'I RIGS GNYIS SU BSDUS SO, ,BZHI PA SO SO'I RANG BZHIN BSHAD PA LA, NYON MONGS PA'I SGRIB PA BSHAD PA, ,SHES BYA'I SGRIB PA BSHAD PA, ,'JIG RTEN PA'I LAM GYI SPANG BYA BSHAD PA, MTHOD SPANG BSHAD PA, ,SGOM SPANG BSHAD PA DANG LNGA, ,DANG PO LA MTSAN NYID DANG DBYE BA GNYIS, ,DANG PO NI, NYON SGRIB SPANGS PA'I THAR PA THOB PA LA BAR DU GCOD PA'I RIGS SU GNAS PA'I SGRIB PAR DMIGS PA, RIGS GNAS SMOS PA LA DGOS PA YOD DO, THABS SHES KHYAD PAR CAN GYIS ZIN PA'I SGO NAS DON GNYIS PHUN TSOGS BSGRUB PAR BYED PA'I THABS SU GYUR PA'I NYON MONGS PA RNAMS NYON SGRIB TU BSDU BA'I DGOS PA YOD PA'I PHYIR, DPER NA, SMAN DANG SNGAGS KYI NUS PA NYAMS PAR BYAS PA'I DUG RNAMS DUG YIN PA BZHIN NO, ,GNYIS PA LA, NYON MONGS MNGON GYUR DANG, SA BON GYI CHA GNYIS, DANG PO 'CHAD PA LA, KUN BTUS LAS, NYON MONGS GANG ZHE NA GRANGS DANG, MTSAN NYID DANG, 'BYUNG BA DANG, DMIGS PA DANG, MTSUNGS PAR LDAN PA DANG, RNAM GA-YENGS DANG LOG PAR ZHUGS PA DANG, KHAMS DANG, RIGS DANG, SPONG BAS KYANG NYON MONGS PAR LTA'O, ,GRANGS @298A *, ,GANG ZHE NA, NYON MONGS PA DRUG GAM BCU'O, ,NYON MONGS PA DRUG GANG ZHE NA, 'DOD CHAGS DANG, KHONG KHRO DANG, NGA RGYAL DANG, MA RIG PA DANG, THE TSOM DANG, LTA BA DANG DRUGO, ,DE DAG NYID LTA BA RNAM PA LNGA'I BYE BRAG GIS BCUR 'GYUR RO, ,MTSAN NYID GANG ZHE NA, CHOS GANG 'BYUNG BA NA RAB TU MA ZHI BA'I MTSAN NYID CAN DU 'BYUNG STE, DE BYUNG BAS SEMS KYI RGYUD RAG TU MA ZHI BAR 'BYUNG STE, NYON MONGS PA'I MTSAN NYID DO, ,'BYUNG BA GANG ZHE NA, NYON MONGS PA'I BAG LA NYAL MA SPANGS PAR 'GYUR BA DANG, NYON MONGS PA'I DBANG GIS CHOS KYANG SNANG BAR GYUR PA DANG, DE LA YANG TSUL BZHIN MIN PA YID LA BYED PA NYE BAR GNAS PA YIN TE, , DE LTA BU LAS, ,NYON MONGS PA 'BYUNG BAR 'GYUR RO, ,DMIGS PA GANG ZHE NA, NYON MONGS PA THAMS CAD NI, NYON MONGS THAMS CAD KYI DMIGS PAR LTA'O, ,NYON MONGS PA'I GZHI YANG DMIGS PA'O, ,MA RIG PA DANG LTA BA DANG, ,THE TSOM MA GTOGS PAR 'DOD PA NA SPYOD PA'I NYON MONGS PAS NI, GONG MA LA MI DMIGS SO, ,SA GONG MA'I NYON MONGS PAS NI, ,SA 'OG MA LA DMIGS PA MA YIN NO, ,'GOG PA DANG LAM LA DMIGS PA'I NYON MONGS PA GANG YIN PA DES NI DE DAG LA DMIGS PA MA YIN PAR LTA STE, 'DI'I DMIGS PA 'DI DES YONGS SU RTOG PA'O, ,GZHI MED PA LA DMIGS PA'I NYON MONGS PA NI LTA BA DANG @298B MTSUNGS PAR LDAN PA'O, ,DE LAS GZHAN PAS NI GZHI DANG BCAS PA LA DMIGS PA'O, ,MTSUNGS PAR LDAN PA GANG ZHE NA, 'DOD CHAGS NI KHONG KHRO DANG MTSUNGS PAR LDAN PA MA YIN NO, ,KHONG KHRO DANG JI LTA BAR THE TSOM DANG YANG DE BZHIN NO, ,LHAG MA NI DE DANG MTSUNGS PAR LDAN NO, ,'DOD CHAGS DANG, KHONG KHRO BA JI LTA BA BZHIN DU KHONG KHRO YANG 'DOD CHAGS DANG, NGA RGYAL DANG, LTA BA DANG MTSUNGS PAR LDAN PA MA YIN NO, ,NGA RGYAL NI KHONG KHRO DANG, THE TSOM DANG MTSUNGS PAR LDAN PA MA YIN NO, ,MA RIG PA NI NYON MONGS PA THAMS CAD DANG, MTSUNGS PAR LDAN PA MA 'DRES PA YANG YIN NO, ,MA 'DRES PA NI BDEN PA RNAMS MI SHES PA'O, ,LTA BA NI, KHONG KHOR DANG HE TSOM DANG MTSUNGS PAR LDAN PA MA YIN NO, ,THE TSOM NI 'DOD CHAGS DANG NGA RGYAL DANG, LTA BA DANG MTSUNGS PAR LDAN PA MA YIN NO, ,KHONG KHRO BA LA SOGS PA NYE BA'I NYON MONGS PA RNAMS NI PHAN TSUN MTSUNGS PAR LDAN PA MA YIN NO, ,NGO TSA MED PA DANG, KHREL MED PA NI, MI DGE BA THAMS CAD DANG MTSUNGS PAR LDAN NO, ,RMUGS PA DANG, RGOD PA DANG, MA DAD PA DANG, LE LO DANG, BAG MED PA NI, NYON MONGS THAMS CAD DANG MTSUNGS PAR LDAN NO, ,RNAM GRANGS GANG ZHE NA, KUN TU SBYOR BA DANG, 'CHING BA DANG, BAG LA NYAL DANG, NYE BA'I NYON MONGS PA DANG, KUN NAS DKRIS PA DANG, CHU BO DANG, SBYOR BA DANG, NYE BAR @299A *, ,LEN PA DANG, 'DUD PA DANG, SGRIB PA DANG, THA BA DANG, DRI MA DANG, SDIG PA DANG, ZUG RDU DANG, LCI YANG DANG, NYES SPYOD DANG, ZAG PA DANG, PHONGS PA DANG, YONGS SU 'DU BA DANG, 'KHRUG PA DANG 'THAB PA DANG, RIM NAD DANG, NAG SBYOR DANG, BAG CHAGS ZHES BYA BA DAG GO, ,ZHES SOGS DANG, LOGS PAR ZHUGS PA JI LTA BU ZHE NA 'DOD CHAGS NI, YUL DANG LTA BA LA LOG PAR RTOG PA'O, ,'DOD CHAGS JI LTA BAR KHONG KHRO'ANG DE BZHIN NO, ,NGA RGYAL NI SEMS CAN RNAMS DANG, LTA BA LA LOG PAR RTOG PA'O, ,'JIG TSOGS LA LTA BA DANG, MTHAR 'DZIN PAR LTA BA DANG, LOG PAR LTA BA NI SHES BYA LA LOG BAR RTOG PA'O, ,LTA BA MCHOG TU 'DZIN PA DANG, TSUL KHRIMS DANG BRTUL ZHUGS MCHOG TU 'DZIN PA NI LTA BA LA LOG PAR RTOG PA'O, ,THE TSOM NI GNYEN PO LA LOG PAR RTOG PA'O, ,MA RIG PA NI THAMS CAD LA LOG PAR RTOG PA'O, ,NYON MONGS PA BCU PO THAMS CAD NI, SDUG BSNGAL DANG KUN 'BYUNG LA DE'I RGYU DANG GZHI'I GNAS KYIS KYANG LOG PAR RTOG PA'O, ,NYON MONGS PA BCU PO THAMS CAD NI, 'GOG PA DANG LAM LA YANG DE LA SGRAG PA SKYED PAS LOG PAR ZHUGS PA'O, ,KHAMS KYIS JI LTA BU ZHE NA, KHONG KHRO BA MA GTOGS PAR KHAMS GSUM PO THAMS CAD DO, ,KHONG KHRO BA NI 'DOD PA DANG LDAN PA'O, ,'DOD CHAGS NI 'DOD PA'I KHAMS NA BDE BA DANG YID BDE DANG BTANG SNYOMS DANG MTSUNGS PAR @299B LDAN NO, ,'DOD PA'I KHAMS LA JI LTA BA BZHIN DU BSAM GTAN DANG PO DANG GNYIS PA LA'ANG DE BZHIN NO, ,GSUM PA NI BDE BA DANG BTANG SNYOMS DANG MTSUNGS PAR LDAN NO, ,DE YAN CHAD DU BTANG SNYOMS NYID DANG MTSUNGS BAR LDAN NO, ,KHONG KHRO BA NI YING MI BDE DANG BTANG SNYOMS DANG MTSUNGS PAR LDAN NO, ,NGA RGYAL NI 'DOD PA'I KHAMS NA YID BDE BA DANG, BTANG SNYOMS DANG MTSUNGS PAR LDAN NO, ,BSAM GTAN DANG PO DANG GNYIS PA LA NI BA DE BA DANG, YID BDE BA DANG BTANG SNYOMS DANG MTSUNGS PAR LDAN NO, ,GSUM PA LA NI BDE BA DANG BTANG SNYOMS DANG MTSUNGS PAR LDAN NO, ,DE YAN CHAD NI BTANG SNYOMS KHO NA DANG MTSUNGS PAR LDAN NO, ,NGA RGYAL JI LTA BA BZHIN DU; 'JIGS TSOGS LA LTA BA DANG, MTHAR 'DZIN GYI LTA BA DANG, LTA BA MCHOG TU 'DZIN PA DANG, ,TSUL KHRIMS DANG BRTUL BZHUGS MCHOG TU 'JIN PA YANG DE BZHIN NO, ,LOG PAR LTA BA NI 'DOD PA'I KHAMS NA YID BDE BA DANG MI BDE BA DANG BTANG SNYOMS DANG MTSUNGS PAR LDAN NO, ,GZUGS DANG GZUGS MED PA'I KHAMS NA NI TSOR BA GANG YOD PA DE DANG MTSUNGS PAR LDAN NO, THE TSOM NI 'DOD PA'I KHAMS NA YID MI BDE BA DANG, BTANG SNYOMS DANG MTSUNGS BAR LDAN NO, ,GZUGS DANG GZUGS MED PA'I KHAMS NA NI TSOR BA GANG YOD PA DE DANG MTSUNGS PAR LDAN NO, ,MA RIG PA NI NYON MONGS THAMS CAD DANG MTSUNGS PAR LDAN PA CAN YIN PAS GANG NA TSOR BA @300A *, ,GANG YOD PA DE DANG DER MTSUNGS PAR LDAN PA CAN ZHES BYA'O, ,MA RIG PA LA MA 'DRES PA GANG YIN PA DE NI 'DOD PA'I KHAMS NA YID MI BDE BA DANG, ,BTANG SNYOMS DANG MTSUNGS PAR LDAN NO, ,DE YAN CHAD DU TSOR BA GANG YOD PA DANG MTSUNGS PAR LDAN NO, ,CI'I PHYIR, NYON MONGS THAMS CAD BTANG SNYOMS DANG MTSUNGS PAR LDAN ZHE NA, THA MAL PAR 'DUG PA LA BRTEN NAS NUB PAR 'GYUR BA'I PHYIR RO, ,'DOD CHAGS NI 'DOD PA'I KHAMS NA RNAM PAR SHES PA'I TSOGS DRUG DANG MTSUNGS PAR LDAN NO, ,'DOD CHAGS JI LTA BA KHONG KHRO BA DANG MA RIG PA YANG DE BZHIN NO, ,GZUGS KYI KHAMS NA NI RNAM PAR SHES PA'I TSOGS BZHI DANG LDAN NO, GZUGS MED PA'I KHAMS NA NI YID KYI RNAM PAR SHES PA'I TSOGS DANG MTSUNGS PAR LDAN NO, ,'DOD CHAGS JI LTA BAR MA RIG PA YANG DE BZHIN NO, ,NGA RGYAL DANG, LTA BA THE TSOM CAN NI THAMS CAD DU YANG YID KYI RNAM PAR SHES PA'I TSOGS DANG MTSUNGS PAR LDAN NO, ,'DOD CHAGS DANG KHONG KHRO BA DANG, NGA RGYAL NI 'DOD PA'I KHAMS NA DNGOS PO'I PHYOGS GCIG LA 'JUG GO , 'DOD PA'I KHAMS JI LTA BAR GZUGS KYI KHAMS DANG, GZUGS MED PA'I KHAMS NA'ANG DE BZHIN NO, ,LHAG MA RNAMS NI THAMS CAD DU YANG DNGOS PO THA DAG LA 'JUG GO, ZHES GSUNGS SHING LHAG MA RIS DANG SPONG BA 'OG TU 'CHAD DO DE RNAMS KYI DON MNGON PA SPYI'I GRAGS @300B TSONG LTAR BSHAD NA, NYON MONGS PA CHOS BCU'I SGO NAS SHES PAR BYA STE GRANGS SOGS DGU DANG, SPONG BYED GNYEN PO'I SGO NAS SHES PAR BYA BA'I PHYIR, RTZA NYON BCU 'AM DRUG YOD DE, ,LTA BA LNGAR PHYE BA'AM, MA PHYE BA'I SGO NAS DE LTAR SHES PAR BYA BA'I PHYIR, MTSAN NYID NI SEMS RGYUD RAB TU MA ZHI BAR BYED PA'I SEMS 'BYUNG NGO, ,NYON MONGS PA RNAMS RGYU MED DU MI 'BYUNG STE, BAG LA NYAL GYI RGYUD DMIGS YUL, TSUL MIN YID BYED SOGS LAS 'BYUNG BA'I PHYIR; DMIGS PA MTHA' GCIG TU MA NGES TE, NYON MONGS PA KUN RANG LAS GZHAN PA'I NYON MONGS KYI DMIGS PAR 'GYUR ZHING GANG LA DMIGS NAS NYON MONGS 'BYUNG PA'I GZHI YANG DE'I DMIGS PA YIN PA'I PHYIR, MA RIG PA LTA BA THE TSOM GSUM GYIS GONG MA LA DMIGS TE, GONG MA DMIGS YUL DU BYAS PA'I DON GNYER GYI RNAM PA CAN GYI 'DOD PA'I SEMS RNAM NI DGE BAR 'GYUR LA, GONG SAS 'DOD PA LA GNOD PAR MI BYED PAS, KHONG KHRO ME SKYE LA, SA GZHAN GYI 'DU BYED LA NGAR 'DZIN MED PA'I NGA RGYAL GYIS KYANG MI DMIGS PA'I PHYIR RO, ,MA RIG PA LTA BA THE TSOM GSUM GYIS SA GONG MA LA MNGON SUM DU DMIGS PA MA YIN TE, DES KUN BRTAGS TZAM LA DMIGS PA LA DMIGS PAR BZHAG PA'I PHYIR, GONG SA'I NYON MONGS PAS KYANG 'OG SA LA SRED PA DANG LDAN PA'I SGO NAS MI DMIGS TE, DE LA 'DOD CHAGS DANG BRAL PA'I PHYIR, 'GOG LAM LA LOG PAR ZHUGS PA'I NYON MONGS PAS DE DAG LA,@301A *, ,DNGOS SU MA DMIGS TE, DE DANG 'DRA BA'I RTOG PAS RTAGS TZAM LA DMIGS PA LA, DES DMIGS PAR BZHAG PA'I PHYIR, NYON MONGS PA LA ZHEN YUL GYI GZHI MED PA DANG, YOD PA LA DMIGS PA BZHI YOD DE, 'JIG LTA, NGA RGYAL MTSUNGS LDAN DANG BCAS PA DANG PO, ,DE LAS GZHAN PA GNYIS PA YIN PA'I PHYIR, 'DOD CHAGS NI NYON MONGS LHAG MA DANG MTSUNGS PAR LDAN TE, KHONG KHRO DANG, THE TSOM DANG MTSUNGS PAR MI LDAN PA'I PHYIR; DE BZHIN DU KHONG KHRO YANG, NYON MONGS DE DAG DANG NGA RGYAL DANG LTA BA DANG MTSUNGS LDAN YIN TE, GANG LA ZHE 'BRAS PA DE LA SEMS KHONGS PAR MI GYUR ZHING DE LA LTA BA'I SGO NAS RTOG PAR MI BYED PA'I PHYIR, NGA RGYAL THE TSOM DANG MTSUNGS PAR LDAN PA MA YIN TE, GANG LA YID GNYIS SU GYUR PA DES SEMS KHENGS PAR MI 'GYUR BA'I PHYIR, MA RIG PA LA GNYIS SU YOD DE, NYON MONGS THAMS CAD DANG MTSUNGS PAR LDAN PA DANG, MA 'DRES PA'I MA RIG PA GNYIS SU YOD PA'I PHYIR, GNYIS PA NI, YID KYI RNAM PAR SHES PA KHO NA'I 'KHOR DU 'BYUNG ZHING BDEN PA LA LOG PAR ZHUGS PA'I MA RIG PA LTA BU'O, ,ZHE SDANG GI CHAR GTOGS RNAMS 'DOD CHAGS KYI CHAR GTOGS RNAMS DANG MTSUNGS LDAN MA YIN TE, 'DZIN STANGS 'GAL BA'I PHYIR, DE TSA KHREL MED MI DGE BA'I SEMS BYUNG THAMS CAD DANG MTSUNGS PAR LDAN PA YIN TE, RANG GZHAN RGYU MTSAN DU BYAS NAS NYES SPYOD LA MI 'DZEMS NA MI DGE BAR @301B 'GYUR BA'I PHYIR, DMU RGOD SOGS NYON MONGS PA THAMS CAD DANG MTSUNGS PAR LDAN TE, SEMS MI GSAL BA DANG, PHYI ROL DU 'PHRO BA DANG, SNYOG PAR BYED PA DANG, DGE BA LA MI SPRO BA DANG, ZAG BCAS LA SEMS MI BSRUNG NA NYON MONGS SU 'GYUR BA'I PHYIR, NYON MONGS KYI RNAM GRANGS DU MA YOD DE, RTZA BA DANG NYE BA'I NYON MONGS PA LA CHE BA'I RNAM GRANGS DANG, DUG GSUM GTZO BOR BYAS PA'I RNAM GRANGS SOGS YOD PA'I PHYIR, RGYAS PAR NI KUN BTUS KYI RNAm BSHAD KUN MKHYEN DAR MA RIN CHEN GYIS MDZAD PA LAS SHES PAR BYA'O, ,LOG ZHUGS 'CHAD PA NI, 'DOD CHAGS CHOS CAN, YUL DANG LTA BA LA LOG PAR ZHUGS PA YIN TE, SGOM SPANGS KYIS BSDUS PA YUL LA LOG PAR ZHUGS PA DANG, MTHONG SPANGS KYIS BSDUS PA LTA BA LA LOG PAR ZHUGS PA GNYIS YOD PA'I PHYIR, KHONG KHRO YANG DE GNYIS LA LOG PAR ZHUGS TE, YUL MI SDUG PA DANG, MI MTHUN PA'I LTA BA LA KUN NAS MNAR SEMS PA'I RNAM PAR ZHUGS PA'I PHYIR, NGA RGYAL NI SEMS DANG LDAN PA LA LOG PAR ZHUGS TE, CHUD DU BAS BDAG CHE MNYAM PA DANG, LTA NGAN LA MCHOG TU BZUNG NAS SEMS KHENGS PA'I PHYIR, 'JIG LTA SOd GSUM SHES BYA LA LOG PAR ZHUGS TE, GANG ZAG DANG PHUNG PO LA SGRO 'DOGS PA DANG BKUR 'DEBS KYI RNAM PAR ZHUGS PA'I PHYIR, MCHOG 'DZIN GNYIS LTA BA LA LOG PAR ZHUGS TE, LTA BA DANG, TSUL KHRIMS DANG, BRTUL ZHUGS NGAN PA LA MCHOG TU 'DZIN PA'I PHYIR, THE TSOm @302A *, ,GNYEN PO LA LOG PAR ZHUGS TE, 'PHAGS PA'I BDEN PA BZHI LA YID GNYIS ZA BA'I PHYIR, MA RIG PA YUL DANG LTA BA THAMS CAD LA LOG PAR ZHUGS TE, ,NYON MONGS THAMS CAD DANG MTSUNGS PAR LDAN PA'I PHYIR; NYON MONGS THAMS CAD DU SDUG KUN LA LOG PAR ZHUGS TE, SDUG KUN GNYIS KYI NYON MONGS KYI GZHI'I GNAS BYED PA'I PHYIR, NYON MONGS THAMS CAD 'GOG LAM LA LOG PAR ZHUGS TE, NYON MONGS PA'I DBANG GIS 'KHOR BA LA MNGON PAR DGA' ZHING 'GOG LAM LA SGRAG PA'I RNAM PAS ZHUGS PA'I PHYIR, KHONG KHRO MA GTOGS NYON MONGS GZHAN RNAMS KHAMS GSUM NA YOD LA, KHONG KHRO KHAMS GONG MA GNYIS NA MED, DE NA KUN NAS MNAR SEMS PA'I DMIGS PA MED PA'I PHYIR, DE NA YID MI BDE MED DE, 'DOD YON GYIS 'PHONGS PA DANG KHROD KHRO MED PA'I PHYIR, 'DOD CHAGS NI 'DOD PA DANG, BSAM GTAN DANG PO GNYIS NI TSOR BA BDE PA YID BDE BTANGS SNYOMS DANG LDAN TE, 'DOD PA NA RNAM PAR SHES PA TSOGS LNGA'I 'KHOR NA BDE BA YID SHES 'KHOR NA YID BDE, GNYIS KA RGYUN CHAD PA NA BTANG SNYOMS, BSAM GTAN DANG PO GNYIS NA DBANG SHES 'KHOR DU BDE BA, YID SHES 'KHOR DU YID BDE DANG LDAN PA'I PHYIR, BSAM GTAN GSUM PA NA BDE BA'I DBANG PO DANG BTANG SNYOMS DANG LDAN TE, DGA' BA LA 'DOD CHAGS DANG BRAL PA'I PHYIR, TSOR BA LA LNGAR PHYE BA'I YID BDE DANG MI LDAN TE, @302B DE LA 'DOD CHAGS DANG BRAL BA'I PHYIR, BSAM GTAN BZHI PA YAN CHAD DU BTANG SNYOm, KHO NA DANG LDAN TE, TSOR BA GZHAN RNAMS LA CHAGS PA DANG BRAL ZIN PA'I PHYIR, KHONG KHRO TSOR BA GSUM DANG LDAN TE, DBANG SHES LNGA'I KHOR DU SDUG BSNGAL, YID SHES 'KHOR DU YID MI BDE, DE GNYIS 'GAGS NA BTANG SNYOMS DANG LDAN PA'I PHYIR, BDE BA YID BDE DANG MI LDAN TE, MI DGA' BA'I RNAM PAS 'JUG PA'I PHYIR, NGA RGYAL TSOR BA DU MA DANG LDAN TE, 'DOD KHAMS NA YID BDE BTANG SNYOMS, BSAM GTAN DANG PO GNYIS NA BDE BA, GSUM PA NA BDE DBANG, BZHI PA YAN CHAD NA BTANG SNYOMS KHO NA DANG LDAN PA'I PHYIR, SGRO 'DOGS KYI LTA NGAN TSOR BA GSUM DANG LDAN TE; NGA RGYAL JI LTA BA BZHIN DANG LDAN PA'I PHYIR, BKUR 'DEBS KYI LOG LTA TSOR BA GSUM DANG LDAN TE, YID BDE YID MI BDE DE GNYIS 'GAGS NA BTANG SNYOMS DANG LDAN PA'I PHYIR, KHAMS GONG MA NI YID KYIS PA'I TSOR PA GANG YOD DANG LDAN NO, ,THE TSOM NI TSOR BA CI RIGS DANG LDAN TE, 'DOD PA NA YID MI BDE DANG, BTANG SNYOMS DANG LDAN, KHAMS GONG NA TSOR BA GANG YOD DANG LDAN PA'I PHYIR, MA RIG PA TSOR BA CI RIGS DANG LDAN TE; 'DRES PA'I MA RIG PA DANG MA 'DRES PA'I MA RIG PA'I BYE BRAG GIS DE LTAR 'GYUR BA'I PHYIR, NYON MONGS THAMS CAD MTHAR TSOR BA BTANG SNYOMS DANG LDAN PAR 'GYUR TE, NYON MONGS RNAMS SHUGS MA ZAD PAR @303A *, ,'GAG PAR MI GYUR GYI SHUGS ZAD PAS 'GAG PAR 'GYUR PA'I PHYIR, 'DOD CHAGS NI KHAMS GSUM NA RNAM SHES GANG YOD PA CI RIGS DANG LDAN TE, 'DOD PA NA RNAM SHES DRUG GZUGS NA BZHI GZUd MED NA YID KYI RNAM SHES DANG LDAN PA'I PHYIR, 'DOD PA NA KHONG KHRO DANG MA RIG PA YANG 'DOD CHAGS DANG LDAN LA, KHAMS GONG MA GNYIS NA MA RIG BA KHO NA 'DOD CHAGS DANG LDAN NO, ,NGA RGYAL SOGS GSUM NI YID SHES KHO NA DANG LDAN TE, YID KYI SA PA KHO NAS SDUS SHING, YID SHES KHO NA'I KHOR DU 'BYUNG BA'I PHYIR, 'DOD CHAGS SOGS GSUM YUL GYI PHYOGS RE KHO NA LA 'JUG STE, YUL YID DU 'ONG BA DANG, MI 'ONG BA DANG, RId SOGS LA DMIGS NAS 'JUG PA'I PHYIR, 'DOD CHAGS DANG NGA RGYAL NI, KHAMS GONG MA GNYIS NA YANG YUL GYI PHYOGS (RE) KHO NA LA 'JUG STE, YUL YID 'ONG DANG, RIGS PHUN TSOGS LA DMIGS NAS 'JUG PA'I PHYIR LHAG MA MA RIG PA, LTA BA THE TSOM NI RIS MA CHAD PA LA 'JUG STE, GZHI MTHA' DAG LA 'JUG PA'I PHYIR, GNYIS PA NYON MONGS KYI SA BON 'CHAD PA NI, NYON MONGS MNGON GYUR SNGA MAS PHYI MA PHYI MA SKYED PA'I NUS PA LA NYON MONGS PA'I SA BON ZHES BYA STE, RGYU RKYEN TSANG NA RANG GI 'BRAS BUR GYUR PA'I NYON MONGS PA RNAMS KYI SA BON BYED PAS DE LTAR BRJOD PA'I PHYIR, NYON MONGS PA'I BAGS CHAGS NYON MONGS PA'I SA BON DU BZHAG PA NI, SGRA JI @303B BZHIN PA MIN TE, NYON MONGS KYI SA BON NYON SGRIB YIN LA, BAGS CHAGS NI SHES SGRIB YIN PA'I PHYIR, GNYIS PA SHES SGRIB BSHAD PA LA MTSAN NYID DANG DBYE BA GNYIS, DANG PO NI, GTZO BOR THAMS CAD MKHYEN PA'I GO 'PHANGS THOB PA LA BAR DU GCOD PA'I RIGS SU GNAS PA'I SGRIB PAR DMIGS PA, SHES SGRIB KYI MTSAN NYID, RIGS GNAS SMOS PA LA DGOS PA YOD DE, BSOD NAMS KYI TSOGS SU GYUR PA'I BDEN ZHEN GYI LAS SDU BA'I DGOS PA YOD PA'I PHYIR TE, SANGS RGYAS LA SKYABS GNAS SU BDEN PAR ZHEN PA'I SGO NAS, PHYAG 'TSAL PA LA SOGS PA'I BSOD NAMS KYI LAS RNAMS KYANG SHES SGRIB YIN PA'I PHYIR TE, RGYAL LA SOGS LA CHAGS PA PHRA, ,ZHES GSUNGS PA'I PHYIR, GNYIS PA LA SHES SGRIB MNGON 'GYUR GYI CHA DANG, SA BON GYI CHA GNYIS, DANG PO LA BRGYA DANG BRGYAD YOD DE, SHES SGRIB 'JUG PA GZUNG RTOG DGU ,LDOG PA GZUNG RTOG DGU , RDZAS 'DZIN RTOG PA DGU , RTAG 'DZIN RTOG PA DGU LA KHAMS GSUM GYI DBYE BAS DE LTAR YOD PA'I PHYIR, GNYIS PA NI SHES SGRIB RTOG PA DE RNAMS SNGA MA SNGA MAS PHYI MA PHYI MA SKYED PA'I NUS PA LA SHES SGRIB KYI SA BON GYI CHA ZHES BRJOD DE, 'DI NI SHES SGRIB MTSAN NYID PA KHO NA YIN NO, ,GNYIS PA 'JIG RTEN PA'I LAM GYI SPANG BYA BSHAD PA LA, MTSAN NYID DANG DBYE BA GNYIS, DANG PO NI, MI SDUG PA BSGOM PA'I TING NGE 'DZIN DANG, ZHI RAGS KYI RNAM PA CAN GYI SO SKYE'I TING NGE 'DZIN SOGS LA @304A *, ,BRTEN NAS ZIL GYIS GNON PAR NUS PA'I SPANGS BYAR DMIGS PA, GNYIS PA LA, CI YANG MED MAN CHAD KYI SAS BSDUS PA'I NYON MONGS PA DANG, MI DGE BA'I LAS DANG, SGO GSUM GYI SPYOD PA NGAN PA LA SOGS PA DU MA YOD DO, BZHI PA LA, MTSAN NYID DANG DBYE BA GNYIS, DANG PO NI, SPANG BYA KUN BTAGS KYIS BSDUS PA GANG ZHIG ,RANG GI DNGOS GNYEN DU GYUR PA'I BAR CHAD MED LAM GYI GZHOM BYAR DMIGS PA, KUN BTAGS KYI BSDUS PA ZHES SMOS PA LA DGOS PA YOD DE, MI DGE BA'I LAS KYI RNAM SMIN GYI 'BRAS BUR GYUR BA'I NGAN SONG BA'I PHUNG KHAMS SKYE MCHED RNAMS DANG, SO SO SKYE BO'I LUS NGAG GI LAS NGAN PA RNAMS KYANG DER SDU BA'I DGOS PA YOD PA'I PHYIR TE, 'DI RNAMS MTHONG SPANGS YIN LA SPANGS BYA KUN BTAGS MTSAN NYID PA MA YIN PA'I PHYIR, 'DI RNAMS MTHOD SPANGS YIN TE, 'JUG PAR, DE'I TSE 'DI YIS SO SO SKYE BO'I SA RNAMS THAMS CAD ZAD, , CES GSUNGS PA'I PHYIR, DE RNAMS SPANG BYA KUN BTAGS MIN TE, DE RNAMS NI GRUB MTHAS BLO KHA CUNG ZAD KYANG MA BSGYUR BA'I GANG ZAG GI RGYUD LA YOD CING, SPANG BYA KUN BTAGS NI GRUB MTHAS BLO KHA BSGYUR BA'I GANG ZAG KHO NA'I RGYUD LA YOD PA'I PHYIR TE, DE NI GRUB MTHA'I DBANG GI DE DANG DER BTAGS PA PHYIN CI LOG TU BTAGS PA'I RGYU MTSAN GYIS SPANG BYAR GYUR PA YIN PA'I PHYIR TE, SPANG BYA KUN BTAGS RNAMS NI RNAM PAR RTOG PAS BTAGS TZAM @304B LA KUN BTAGS SU BYAS PA DE MA YIN PA'I PHYIR TE, 'DI NI MTSAN NYID GSUM DU BYE BA'I KUN BTAGS DANG DON MI GCIG PA'I PHYIR, GNYIS PA LA, MTHOD SPANGS SU GYUR PA'I NYON SGRIB DANG, SHES BYA'I SGRIB PA, DE GNYIS LAS DON GZHAN DU GYUR PA'I MTHONG SPANGS DANG GSUM, DANG PO LA, MNGON GYUR DANG SA BON GYI CHA GNYIS, DANG PO LA BRGYA DANG BCU GNYIS YOD DE, KUN GTUS LAS, RIS KYI JI LTA BU ZHE NA, NYON MONGS PA'I RIS GNYIS YOD DE, MTHONG BAS SPANG BAR BYA BA DANG, SGOM PAS SPANG PAR BYA BA'O, ,'DOD PA'I KHAMS NA SDUG BSNGAL MTHONG BAS SPANGS BAR BYA BA DAG NI BCU'O, ,SDUG BSNGAL MTHONG BA'I SPANG BAR BYA BA JI LTA BAR, KUN 'BYUNG BA DANG, 'GOG PA DANG; LAM MTHONG BAS SPANG BAR BYA BA RNAMS KYANG DE BZHIN NO, ,GZUGS KYI KHAMS NA SDUG BSNGAL MTHONG BAS SPANG BAR BYA BA DAG NI DGU'O, ,SDUG BSNGAL MTHONG BAS SPANG BAR BYA BA JI LTA BAR KUN 'BYUNG BA DANG, 'GOG PA DANG, LAM MTHONG BAS SPANG PAR BYA BA DAG KYANG DE BZHIN NO, ,GZUGS KYI KHAMS NA JI LTA BAR GZUGS MED PA'I KHAMS NA YANG DE BZHIN TE, DE DAG MDOR BSDU NA, NYON MONGS PA BRGYA RTZA BCU GNYIS NI MTHONG BAS SPANG BAR BYA BA'I NYON MONGS PA'I RIGS SO, ,ZHES GSUNGS PA LTAR RO, ,GNYIS PA NI, NYON MONGS DE RNAMS KYI RANG GI 'BRAS BUR GYUR PA'I NYON MONGS PHYI @305A *, ,MA PHYI MA SKYED PA'I NUS PA MTHONG SPANGS SU GYUR PA RNAM SO, ,GNYIS PA LA, 'JUG PA DANG NI LDOG PA LA, ,ZHES SOGS KYI SKABS NAS BSTAN PA'I SHES SGRIB RTOG PA MNGON GYUR BRGYA DANG BRGYAD, DE RNAMS KYI RANG 'BRAS SHES SGRIB RTOG PA PHYI MA SKYED PA'I NUS PA LA, SA BON DU BZHAG PA MTHONG SPANG SHES SGRIB BRGYA DANG BRGYAD YOD DO, ,GSUM PA NI, KUN BTUS LAS, JI LTA NA, MTHONG BAS SPANG BAR BYA BA YIN, MTHONG BAS SPANG BAR BYA BA RNAMS NI DU ZHIG ,CI'I PHYIR MTHONG BAS SPANG BAR BYA BA BTAGS SHE NA, NYON MONGS PA CAN GYI LTA BA KUN TU BTAGS PA RNAMS DANG, THE TSOM DANG LTA BA'I GNAS DANG, LTA BA LA LOG PAR ZHUGS PA'I NYON MONGS PA DANG, NYE BA'I NYON MONGS PA GANG YIN PA DAG DANG, GANG YANG LTA BAS KUN NAS SLANGS PA'I LUS KYI LAS DANG, NGAG GI LAS DANG, NGAN SONG GI PHUNG KHAMS SKYE MCHED THAMS CAD NI MTHONG BA'I SPANG BAR BYA BA'O, ,ZHES GSUNGS PA LTAR RO, ,MDOR NA PHUNG KHAMS SKYE MCHED RNAMS KYI PHYOGS GCIG TU GYUR BA'I MTHONG SPANGS THAMS CAD YOD DE, KUN BTUS LAS, THAMS CAD KYI PHYOGS GCIG GO; ;ZHES GSUNGS PA'I PHYIR, LNGA PA SGOM SPANGS BSHAD PA LA, MTSAN NYID DANG DBYE BA GNYIS, DANG PO NI, SPANG BYA LHAN SKYES GANG ZHIG, RANG GI DNGOS GNYEN DU GYUR BA'I SGOM LAM BAR CHAD MED LAM @305B GYI GZHOM BYAR DMIGS PA'O, ,GNYIS PA LA, SGOM SPANG SU GYUR PA'I NYON SGRIB DANG SHES SGRIB GNYIS, DANG PO LA, MNGON 'GYUR DANG, SA BON GYI CHA GNYIS, DANG PO LA BZHI BRGYA DANG BCU BZHI YOD DE, KUN BTUS LAS, 'DOD PA'I KHAMS NA SGOM PAS SPANG BAR BYA BA NI DRUG STE, 'JIGS TSOGS LA LTA BA DANG, MTHAR 'DZIN PAR LTA BA LHAN CIG SKYES PA DANG, 'DOD CHAGS DANG KHONG PHRO DANG NGA RGYAL DANG, MA RIG PA'O, GZUGS KYI KHAMS NA NI KHONG PHRO BA MA GTOGS PA LNGA'O, ,GZUGS KYI KHAMS NA JI LTA BAR GZUGS MED PA'I KHAMS NA YANG DE BZHIN TE, DE DAG MDOR BSDU NA BCU GCIG NI SGOM PAS SPANG BAR BYA BA'I NYON MONGS PA'I RIGS SO, ,DE'I DON NI, 'DOD PAR DRUG DANG, BSAM GTAN DANG PO NAS SRID RTZE'I BAR LA LNGA LNGAR DBYE BAS BZHI BCU ZHE DRUG PO DAG LA, CHUNG DU 'BRING CHEN PO GSUM DANG, GSUM PO DE LA YANG, CHUNG DU'I CHUNG DU SOGS KYI DBYE BAS DE LTAR YOD DO, ZHES PA'O, , GNYIS PA NI, NYON MONGS DE RNAMS KYIS NYON MONGS PHYI MA SKYED PA'I NUS PA'O, ,GNYIS PA SGOM SPANGS SU GYUR PA'I SHES SGRIB LA DBYE NA, SGOM SPANGS RTOG PA MNGON 'GYUR BRGYA DANG BRGYAD, SA BON LA RTOG PA DE RNAMS KYIS RTOG PA PHYI MA SKYED PA'I NUS PA BRGYA DANG BRGYAD RNAMS SU YOD DO, ,GNYIS PA GNYEN PO 'CHAD PA LA, KUN BTUS LAS, YANG GNYEN PO RNAM PA BZHI STE, RNAM PAR SUN 'BYIN PA'I GNYEN PO DANG, SPONG PA'I GNYEN PO DANG, RTEN GYI GNYEN @306A *, ,PO DANG, THAG BSRING BA'I GNYEN PO NI GNYEN PO SGOM PA ZHES BYA'O, ,RNAM PAR SUN 'BYIN PA'I GNYEN PO GANG ZHE NA, ZAG PA DANG BCAS PA'I 'DU BYED LA NYES DMIGS SU BLTA BA'O, ,SPONG BA'I GNYEN PO GANG ZHE NA; SBYOR BA DANG BAR CHAD MED LAM MO, ,RTEN GNYEN PO GANG ZHE NA, RNAM PAR GROL BA'I LAM MO, ,THAG BSRING BA'I GNYEN PO GANG ZHE NA, DE'I GONG MA'I LAM MO, ,ZHES GSUNGS LA, DE YANG BYANG SEMS TSOGS LAM PA'I THUGS RGYUD KYI MTHONG SPANGS KYI NYES DMIGS SEMS PA'I BLO NI MTHONG SPANGS KYI RNAM PAR SUN 'BYIN PA'I GNYEN PO, ,BYANG SEMS KYI SBYOR LAM BZHI, MTHONG LAM BZOD PA BRGYAD NI, SPONG BA'I GNYEN PO MTHONG LAM SHES PA BRGYAD NI RTEN GNYEN PO, ,MTHONG LAM RJES THOB YE SHES YAN CHAD NI THAG BSRING BA'I GNYEN PO YIN NO, ,GSUM PA NI, KUN BTUS LAS, SPONG PAS JI LTA BU ZHE NA, JI LTAR SPONG BA DANG, YID LA BYED PA CI 'DRA BA DANG, GANG ZHIG GANG LAS SPONG BA'O, ,JI LTAR SPONG ZHE NA, YONGS SU SHES PA DANG, YONGS SU SPONG BA DANG, ,GNYEN PO RNYED PAS SO SO YONGS SU SHES PA GANG ZHE NA, DE'I GZHI'I DNGOS PO YONGS SU SHES PA DANG, NGO BO NYID YONGS SU SHES PA DANG, NYES DMIGS YONGS SU SHES PA'O, ,YONGS SU SPONG BA GANG ZHE NA, 'BYUNG BAR 'GYUR BA DANG DU MI LEN PA'O, ,GNYEN PO RNYED PA GANG ZHE NA, MA SKYES PA SPANGS PA'I PHYIR LAM RNYED PA GANG YIN PA'O, ,YID LA BYED PA CI @306B 'DRA BAS SPONG ZHE NA, 'DRES PA LA DMIGS PAS SPONG STE, CHOS THAMS CAD BDAG MED PA'O, ,ZHES GSUNGS PA'O, ,MI RTAG PA'I RNAM PA LA SOGS PA GANG YIN PA DE DAG NI BDAG MED PA'I RNAM PA YONGS SU SPYOD PAR BYED PA'O, ,GANG ZHIG GANG GIS SPONG ZHE NA, 'DAS PA NI 'GAGS PA'I PHYIR MIN NO, ,MA 'ONGS PA NI MA BYUNG BA'I PHYIR MA YIN, DA LTAR BA NI LAM DANG MNYAM DU MI 'JUG PA'I PHYIR MA YIN NO, ,'ON KYANG, NYON MONGS PA'I GNAS NGAN LAN GANG YIN PA DE LAS SPONG STE, GNAS NGAN LEN GYI RNAM PA GANG GI GNYEN PO'I RNAM PA GANG YIN PA DE 'BYUNG BA DANG, GNAS NGAN LEN GYI RNAM PA 'GAGS PA RNAMS DUS MNYAM STE, DPER NA SNANG BA 'BYUNG BA DANG MUN PA 'GAGS PA BZHIN NO, ,ZHES GSUNGS, THEG CHEN GYI MTHONG LAM BAR CHAD MED LAM GYIS MTHONG SPANGS SPONG TSUL MTSON NA, THEG CHEN GYI MTHONG LAM BAR CHAD MED LAM NGES RANG DUS NA 'DAS PA'I MTHONG SPANGS RTOG PA RNAMS NI BUM PA THOBS BCOM PA'I TSUL GYI SPONG BA MIN TE, DE GNYIS DNGOS SU PHRAD PA MI SRID PA'I PHYIR, RANG DUS NA MA 'ONGS PA'I MTHONG SPANGS RTOG PA RNAMS MDUN NAS 'PHUL BA'I TSUL GYIS SPONG PA MIN TE DE GNYIS KYANG PHRAD PA MI SRID PA'I PHYIR, DA LTAR BA RNAMS MDZO SBREL GA-YANG LA LTUNG BA LTAR SPONG BA MIN TE, DE GNYIS DNGOS SU PHRAD PA MI SRID PA'I PHYIR TE, DE GNYIS RGYUN GNOD MED DU 'GROGS SU MI RUNG @307A *, ,BA'I PHYIR TE, DE GNYIS GANG ZAG GCIG GI RGYUD LA LHAN CIG TU YOD PA MI SRID PA'I PHYIR, DE NA THEG CHEN GYI MTHONG LAM BAR CHAD MED LAM DES MTHONG SPANGS RTOG PA'I SA BON SPONGS PA'I STOBS KYIS MTHONG SPANGS RTOG PA SPONG BAR 'GYUR TE, THEG CHEN GYI MTHONG LAM BAR CHAD MED LAM SKYE BA LA MNGON DU PHYOGS PA DANG, MTHONG SPANGS RTOG PA'I SA BON 'GAGS PA LA MNGON DU PHYOGS PA DUS MNYAM, THEG CHEN GYI MTHONG LAM BAR CHAD MED LAM SKYES PA DANG, MTHONG SPANGS RTOG PA'I SA BON 'GAGS PA RNAMS DUS MNYAM PA'I PHYIR, DPER NA, SNANG BA SKYE BA LA MNGON DU PHYOGS PA DANG, MUN PA 'GAGS PA LA MNGON DU PHYOGS PA DUS MNYAM, SNANG BA SKYES PA DANG, DE'I BSAL BYAR GYUR PA'I MUN PA 'GAGS PA DUS MNYAM PA BZHIN, DE BZHIN DU RGYUN MTHA'I BAR CHAD MED LAM SKYE BA LA MNGON DU PHYOGS PA DANG, GNAS NGAN LEN GYI DRI MA PHRA MO 'GAGS PA LA MNGON DU PHYOGS PA DUS MNYAm RGYUN MTHA'I BAR CHAD MED LAM SKYES PA DANG, GNAS NGAN LEN GYI DRI MA PHRA MO 'GAGS PA DUS MNYAm ZHING, RGYUN MTHA'I GNAS SKABS NA GNAS NGAN LEN GYI DRI MA MED KYANG SPANGS PA NI MIN TE, RKYEN MA TSANG BAS MED PA TZAM YIN GYI, DE SPANGS PA'I SO SOR RTAG 'GOG MA THOB PA'I PHYIR, GNYEN PO SKYE 'GYUR GYIS SPANG BYA 'GAG 'GYUR SPONG STE, SNANG BA SKYE 'GYUR GYIS MUN PA 'GAG 'GYUR @307B SEL BA'I PHYIR TE, ,SNANG BSKYE BZHIN P'I DUS DANG, MUN PA 'GAGS BZHIN PA DUS MNYAM PA'I PHYIR, GNYEN PO 'GAG 'GYUR GYI SPANG BYA 'GAG 'GYUR DNGOS SU SPONG PA MA YIN TE, GNYEN PO BAR CHAD MED LAM SKYE PA'I TSE, DE'I NGOS SKAL GYI SPANG BYA NGES PAR 'GAG DGOS PA'I PHYIR TE, NYI MA'I DAL SHAR PA'I TSE DE'I BSAL BYAR GYUR PA'I MUN PA 'GAG PA BZHIN YIN PA'I PHYIR, MTHONG LAM BAR CHAD MED LAM GYI DUS SU MTHONG SPANGS RTOG PA MED CING, RGYUN MTHA'I BAR CHAD MED LAM GYI DUS SU GNAS NGAN LEN GYI DRI MA YOD PAR 'DOD PA NI NANG 'KAL TE, RGYUN MTHA'I BAR CHAD MED LAM GYI DUS NA, DE'I NGOS SKAL GYI SPANG BYA MED PA DANG, YOD PA'I GZHI MTHUN KHAS BLANGS PA'I NYES PA YOD PA'I PHYIR, DE YANG RGYUN MTHA'I BAR CHAD MED LAM SKYE 'GYUR GYIS, DE'I NGOS SKAL GYI SPANG BYA 'GAG 'GYUR SPONG BAR THAL, THEG CHEN GYI MTHONG LAM BAR CHAD MED LAM SKYE BA'I TSE, MTHONG SPANGS RTOG PA MED PA'I PHYIR, 'DOD NA RGYUN MTHA'I BAR CHAD MED LAM GYI DUS NA DE'I NGOS SKAL GYI SPANG BYA MED PAR THAL, 'DOD PA'I PHYIR, KHYAB STE, RGYUN MTHA'I BAR CHAD MED LAM SKYE BZHIN PA'I DUS NA BAR CHAD MED LAM DE NYID MED PA'I PHYIR, 'DOD NA KHAS BLANGS NANG 'GAL TE, BAR CHAD MED LAM KYI DUS NA DE'I SPANG BYA YOD PAR THAL, BAR CHAD MED LAM SKYO 'GYUR GYIS DE'I NGOS SKAL GYI SPANG BYA 'GAGS @308A *, ,'GYUR SPONG BA'I PHYIR, RTAGS KHAS SO, ,KHYAB STE, BAR CHAD MED LAM 'GAGS BZHIN PA'I DUS NA BAR CHAD MED LAM YOD PA'I PHYIR, BAR CHAD MED LAM SKYE 'GYUR GYIS DE'I NGOS SKAL GYI SGRIB PA 'GAGS 'GYUR SPONG BAR THAL, RGYUN MTHA'I BAR CHAD MED LAM SKYE BZHIN PA'I GNAS NGAN LEN GYI DRI MA 'GAG BZHIN PA SPONG PA'I PHYIR TE, RGYUN MTHA'I BAR CHAD MED LAM GYI DUS SU GNAS NGAN LEN GYI DRI MA 'GAG BZHIN PA YIN PA'I PHYIR, RTAGS KHAS BLANGS SO, ,GZHUNG 'DI RNAMS KYIS MTHONG SPANGS RTOG PA'I SA BON MTHONG SPANGS RTOG PA'I RGYU MA YIN PAR BSTAN TE, GZHUNG 'DI RNAMS KYI MTHONG SPANGS RTOG PA'I SA BON GYI SNGAR MTHONG SPANGS RTOG PA 'GAG PAR BSTAN PA'I PHYIR TE, 'DI RNAMS KYIS THEG CHEN GYI MTHONG LAM BAR CHAD MED LAM SKYES PA DANG, MTHONG SPANGS RTOG PA'I SA BON 'GAG PA DUS MNYAm PAR BSTAN ZHING; THEG CHEN MTHONG LAM PA'I RGYUD LA MTHONG SPANGS RTOG PA MED PAR YANG BSTAN PA'I PHYIR, BZHI BA NI, MTHONG LAM BAR CHAD MED LAM LA BRTEN NAS MTHONG SPANGS RTOG PA'I SA BON SLAR SKYE MI RUNG GI CHOS CAN DU BYAS PA'I SO SOR RTAGS 'GOG THOB PA NI, MTHONG LAM BAR CHAD MED LAM LA BRTEN NAS MTHONG SPANGS RTOG PA'I SA BON SPANGS PA'I DON YIN TE, KUN BTUS LAS, MA'ONGS PA NA GNAS @308B NGAN LEN MI SKYE BA'I DON DU GNAS DE NI SPANGS PA'O, ,ZHES GSUNGS PA'I PHYIR, LNGA PA NI, 'DAS LAM GYI SPANGS BYA'I SA BON SPANGS PA NI PHAN YON KHYAD PAR CAN DANG LDAN TE, ZAG MED KYI DGA' BDE KHYAD PAR CAN THOB PA DANG, THEG PA GSUM GYI SPANGS RTOGS GYI YON TAN GYI RIGS RNAMS NGANG GIS 'PHEL BAR 'GYUR BA'I PHAN YON RNAMS THOB PAR 'GYUR BA'I PHYIR TE, YAMS NAD 'DI RNAMS ZAD NAS NI, ,YUN RING LON NAS DBUGS PHYIN LTAR, ,ZHES GSUNGS PA LTAR DON LA GNAS PA'I PHYIR, DRUG PA NI, RGYUN MTHA'I BAR CHAD MED LAM CHOS CAN, GNAS NGAN LEN GYI DRI MA LA DNGOS SU GNOD BYED MA YIN PAR THAL, DE DANG DNGOS SU PHRAD PA MI SRID PA'I PHYIR, ZHE NA MA KHYAB STE, DNGOS SU GNOD BYA GNOD BYED LA DNGOS SU PHRAD PAS MA KHYAB PA'I PHYIR TE, DNGOS SU PHAN GDAGS BYA 'DOGS BYED YIN NA DNGOS SU PHRAD PAS MA KHYAB PA'I PHYIR TE, NYI MA'I DAL GYIS PAD TSAL DNGOS SU RGYAS PAR BYED PA'I PHYIR, RGYUN MTHA' LA GNAS PA'I SEmS DPA'I RGYUD LA SGRIB PA YOD PAR THAL, DE'I THUGS RGYUD SGRIB PA DANG BCAS PA'I PHYIR ZHE NA, LHAG BCAS MYANG 'DAS LA GNAS PA'I NYAN THOS DGRA BCOM PA'I RGYUD LA ZAG PA YOD PAR THAL, DE'I THUGS RGYAD ZAG PA DANG BCAS PA'I PHYIR, KHYAB PA DNGOS, RTAGS GRUB STE, DE'I RGYUD KUN 'BYUNG BDEN PA DANG BCAS PA'I PHYIR, 'DOD NA, NYAN THOS DGRA BCOM PA'I RGYUD LA NYON SGRIB YOD PAR THAL, 'DOD PA'I PHYIR, 'DOD NA, DGRA BCOM PA LAS DBANG GIS 'KHOR BAR @309A *, ,SKYE BA LEN PA YOD PAR THAL, 'DOD PA'I PHYIR, KHO NA RE, RGYUN MTHA' LA GNAS PA'I BYANG CHUB SEMS PAS SGRIB PA SANGS PAR THAL, DE'I THUGS RGYUD LA SGRIB PA MED PA'I PHYIR, ZHE NA, MTHONG LAM BAR CHAD MED LAM LA GNAS PA'I SEMS PAS MTHONG SPANG SPANGS PAR THAL, DE'I THUGS RGYUD LA MTHONG SPANG RTOG PA MED PA'I PHYIR, 'KHOR GSUM, LAM PHYI MA PHYI MA LA GNAS PA'I GANG ZAG RNAMS KYIS, LAM SNGA MA SNGA MA LA GNAS PA'I GANG ZAG GI RGYUD KYI SGRIB PA SPANGS PAR THAL, DE RNAMS KYI RGYUD LA SNGA MA LA GNAS PA'I SGRIB PA RNAMS MED PA'I PHYIR, KHYAB STE, NYI MA'I DAL MNGON PAR 'CHAR BA'I TSE MUN PA'I GNAS MED CING GO SKABS MED DO, ,ZHES GSUNGS PA MI 'THAD PAR THAL, THEG CHEN MTHONG LAM PA'I RGYUD LA MTHONG SPANG RTOG PA'I SA BON YOD PA'I PHYIR, RTAGS KHAS, KHYAB STE, DE RNAMS DPE DON DU SBYAR NAS GSUNGS PA'I PHYIR, GNYIS PA GZHUNG DON NI, THEG CHEN GYI MTHONG LAM BAR CHAD MED LAM SKYE BA LA MNGON DU PHYOGS PA DANG, MTHONG SPANG RTOG PA 'GAGS PA LA MNGON DU PHYOGS PA DUS MNYAm STE, DE SKYAS PA DANG, MTHONG SPANG RTOG PA 'GAGS PA DUS MNYAm PA YIN PA'I PHYIR, DPER NA, RKUN PO PHYIR PHYUNG BA DANG, SGO 'PHAR BCAD PA DUS MNYAm PA BZHIN NO, ,DE'I 'OG TU ZHUGS PA LA SOGS PA, ZHES SOGS KYI SKABS SU, SPYI DON DANG, ,ZHUNG @309B DON GNYIS, DANG PO LA, DGONGS LDEM DGONGS KYI MDO BSHAD PA, GRANGS NGES KYI MDO'I RNAM GZHAG BSHAD PA, RTZOD PA SPANGS PA DANG GSUM, DANG PO LA BSHAD BYA'I MDO 'GOD PA, DGONGS PA CAN GYI MDO BSHAD PA, LDEM POR DGONGS PA'I MDO BSHAD PA DANG GSUM, DANG PO NI, DKON MCHOG RTZEGS PA'I MDO LAS, RIGS KYI BU DE LA JI LTAR NA BYANG CHUB SEMS DPA' DGONGS TE GSUNGS PA RTOGS PAR BYA BA LA MKHAS PA YIN ZHE NA, RIGS KYI BU 'DI LA BYANG CHUB SEMS DPA' DE BZHIN GSHEGS PAS DGONGS TE GSUNGS PA'I MDO ZAB MO GANG NGAG YIN PA DE DAG LA, SGRA JI BZHIN PA KHO NAR MNGON PAR ZHEN PAR MI BYED PA YIN TE, DE LA DE BZHIN GSHEGS PAS DGONGS TE, GSUNGS PA DE DAG KYANG GANG ZHE NA 'DI LTA STE, DE BZHIN GSHEGS PAS NYAN THOS RNAMS BLA NA MED PAR YANG DAG PAR RDZOGS PA'I BYANG CHUB TU LUNG BSTAN TO, ,ZHES GSUNGS PA NI DE LTAR MI BLTA'O, ,KUN DGA' BO NGA NI RO RGYAB NA'O, ,ZHES GSUNGS PA YANG DE LTAR MI BLTA'O, NGA NI RGAS GOGS TE GTUGS PA YIN GYI NGA'I BSNYEN BKUR BA 'TSOL CIG ,CES GSUNGS PA YANG DE LTAR MBI LTA'O, ,MO'U DGA' GYI BU KHYOD SONG LA SMAN PA'I RGYAL PO 'TSO BYED KYI GAN NAS SMAN LONGS SHIG DANG, BZA' BAR BYA'O ZHES GSUNGS PA YANG DE LTAR MI LTA'O, ,DE BZHIN GSHEGS PA NI, GZHAN @310A *, ,MU STEGS CAN KUN TU SPYOD PA PA DANG, KUN TU RGYU BA DAG DANG, LHAN CIG TU TSIG GI RTZOD PA BYED DO, ,ZHES GSUNGS PA YANG DE LTAR MBI LTA'O, ,DE PA'I ZHABS LA SENG LDENG GI TSAL ZUG GO ZHES GSUNGS PA YANG, DE LTAR MI BLTA'O, ,SKYES BU DA MA PA MIN PA LHAS SBYIN GYI YUN RING PO NAS DE PA'I GSHAD MA DANG, BCUGS CAN DANG, PHYIR RGOL BA DANG, DGRA BOR GYUR PA YIN NO, ,ZHES GSUNGS PA YANG DE LTAR MI BLTA'O, ,DE BZHIN GSHEGS PA NI, BSOD SNYOMS KYI PHYIR, BRAM ZE'I GRONG LA CAN DU, JI LTAR LHUNG BZED SKRUS PA BZHUG PA BZHIN DU PHYIR BYUNG NGO, ,ZHES GSUNGS PA YANG DE LTAR MI BLTA'O, ,BRAm ZE'I BU MO GREGS MAS SHING GI GZHUNG BU LTO BAR BCINGS TE, DE BZHIN GSHEGS PA LA SKUR BA BTAB BO, ,ZHES GSUNGS PA YANG DE LTAR MI BLTA'O, ,DE BZHIN GSHEGS PA NYON MONGS MED KYI LJONGS SU DBYAR GNAS BAR ZHAL GYIS BZHES PA NA ZLA BA GSUM DU RTA CHAG GI NAS GSOL TO, ,ZHES GSUNGS PA YANG DE LTAR MI BLTA'O, ,BCOM LDAN 'DAS KYIS DE SKAD CES BKA' STZAL PA DANG, BCOM LDAN 'DAS LA BYANG CHUB SEmS DPA' SEMS DPA' CHEN PO, ,DGE BA DRI MED RNAM DAG RIN PO CHE ZLA 'OD RGYAL POS 'DI SKAD CES GSOL TO, ,BCOM LDAN 'DAS DE PAS NYAN THOS RNAMS BLA NA MED PAR YANG DAG PAR RDZOGS PA'I BYANG CHUB TU @310B LUNG BSTAN BA DE JI LTAR LTA BAR BGYI LA, ,BCOM LDAN 'DAS KYIS BKA' STZAL PA, RIGS KYI BU, ,NGAS NYAN THOS RNAMS, BLA NA MED PAR YANG DAG PAR RDZOGS PA'I BYANG CHUB TU LUNG BSTAN PA GANG YIN PA DE NI, RIGS LA BRTAGS TE LUNG BRTAN TO ZHES SOGS DANG, GSOL BA, BCOM LDAN 'DAS KUN DGA' 'O, ,NGA NI (RO) RGYAB NA'O, ,ZHES GSUNGS PA DE JI LTAR BLTA BAR BGYI LA, BCOM LDAN 'DAS KYIS BKA' STZAL PA, RIGS KYI BU, NGAS PHYI MA'I SKYE BO, ,DE BZHIN GSHEGS PA SKU RDO RJE LTAR BSRA BA YANG SKU RGYA BSNYUNG NA, GZHAN DAG LTA SMOS KYANG CI DGOS SNYAM DU SEMS PA LA, THUGS BRTZE PAS DE SKAD GSUNGS PA YIN NA, DE LA MI BLUN PO KHA CIG ,DE PA'I SKU RO RGYAB SNYUNG ZHE'O, ,ZHES SGRA JI BZHIN PA KHO NAR 'DZIN PAR BYED DE, DE DAG NI RANG YANG NYAMS PAR BYAS LA, GZHAN YANG NYAMS PAR BYED PA YIN TE, DE BAS DE LA DGONGS NAS DE SKAD GSUNGS SO, ,GSOL PA, BCOM LDAN 'DAS NGA NI RGAS GOGS TE, GTUGS PA YIN GYIS NGA'I BSNYEN BKUR BA 'TSOL CIG ,CES GSUNGS PA DE JI LTAR BLTA BAR BGYI LA, BCOM LDAN 'DAS KYIS BKA' STZAL PA, RIGS KYI BU DE YANG, NGAS PHYI MA'I SKYE BO RNAMS LA THUGS BRTZE BAS NGA'I NYAN THOS RGAS GOGS TE GTUGS PA GANG DAG GIS, LUS LA BSNYEN BKUR BA DGOS PA DAG 'BYUNG BAR 'GYUR BA DE@311A *, ,DAG DE PAS RJES SU MA GNANG NGO ZHES 'PHONGS BAR MI GYUR BAR BYA BA'I PHYIR, DE SKAD GSUNGS TE, DE BAS DE LA DGONGS NAS DE SKAD GSUNGS PA YIN NA, DE LA MI BLUN PO KHA CIG ,DE PA'I SKU RO RGYAB SNYUNG ZHE'O, ,ZHES SGRA JI BZHIN PA KHO NAR 'DZIN PAR BYED DE, DE DAG NI RANG YANG NYAMS PAR BYAS LA, GZHAN YANG NYAMS PAR BYED PA YIN TE, DE BAS DE LA DGONGS NAS DE SKAD GSUNGS SO, ,GSOL BA, BCOM LDAN 'DAS, MO'U 'GA' GYI BU KHYOD SONG LA SMAN PA'I RGYAL PO 'TSO BYED KYI GAN NAS SMAN LONGS SHIG DANG GZA' BAR BYA'O ZHES GSUNGS PA DE JI LTAR BA LTA BAR BGYI LA, BCOM LDAN 'DAS KYIS BKA' STZAL PA, RIGS KYI BU DE YANG NGAS PHYI MA'I SKYE BO RNAMS LA THUGS BRTZE BAS NGA'I NYAN THOS GANG DAG LA SMAN DGOS PA DAG 'BYUNG BAR 'GYUR BA DE DAG DE PAS RJES SU MA GNANG NGO ZHES 'PHONGS PAR MI GYUR PAR BYA PA'I PHYIR, DE SKAD GSUNGS TE, DE BAS DE LA DGONGS NAS DE SKAD CES GSUNGS PA YIN NA, DE LA MI BLUN PO KHA CIG ,DE PA'I SKUR RGYAB SNYUNG ZHE'O, ,ZHES SGRA JI BZHIN PA KHO NAR 'DZIN PAR BYED DE, DE DAG NI RANG YANG NYAMS PAR BYAS LA, GZHAN YANG NYAMS PAR BYED PA YIN TE, DE BAS DE LA DGONGS NAS DE SKAD GSUNGS SO, ,GSOL PA, BCOM LDAN 'DAS DE PA NI, ,MU STEGS CAN SPYOD PA PA DANG, KUN @311B TU RGYU BA DAG DANG LHAN GCIG TU TSIG CIG GIS RTZOD PAR BYED DO, ,ZHES GSUNGS PA DE JI LTAR LTA BAR BGYI LA, BCOM LDAN 'DAS KYIS BKA' STZAL PA RIGS KYI BU DE YANG, NGAS PHYI MA'I SKYE BOS DE PA NYID LA YANG DGRA BO DANG PHYIR RGOL BA DAG YOD NA, BDAG CAG LA LTA SMOS KYANG CI DGOS SNYAM DU SEMS CAN DAG LA THUGS BRTZE BAS DE SKAD GSUNGS PA YIN NA DE LA MI BLUN PA DE DAG DE PA LA YANG DGRA BO DANG, PHYIR RGOL BA DAG YOD DO ZHES SGRA JI BZHIN PAR KHO NAR 'DZIN PAR BYED DE, RIGS KYI BU 'KHOR LOS SGYUR BA'I RGYAL PO DGE BA'I RTZA BA CHUNG DU DANG LDAN PA LA YANG, DGRA BO DANG PHYIR RGOL BA DAG MED NA DE PA BSOD NAMS KYI CHU BO CHEN PO DANG LDAN PA LA LTA SMOS KYANG CI DGOS, GSOL BA, BCOM LDAN 'DAS DE PA'I ZHABS LA SENG LDENG GI TSAL BA ZUG GO ZHES GSUNGS PA DE JI LTAR BLTA BAR BGYI LA, BCOM LDAN 'DAS KYIS BKA' STZAL PA, RIGS KYI BU DE PA LA NI LAS BDAG GIR BYA BA NYID STON PAR MDZAD DE, DE BZHIN GSHEGS PA NYID LA YANG SNGON BYAS PA'I LAS DAG YONG NA GZHAN DAG LTA SMOS KYANG CI DGOS, ZHES RGYU DE DANG RKYEN DE DANG GZHI NGES SDIG PA'I LAS LA DGA' BAR MI GYUR PA'I DON GYI DBANG DE GZIGS NAS DE PA LA, LAS BDAG GIR BYA BA NYID STON PAR MDZAD PA YIN NA, DE LA MI BLUN PO KHA CIG, DE BA'I SKU RO @312A *, ,RGYAB SNYUNG ZHE'O, ,ZHES SGRA JI BZHIN PA KHO NAR 'DZIN PAR BYED DE, DE DAG NI RANG YANG NYAMS PAR BYAS LA, GZHAN YANG NYAMS PAR BYED PA YIN TE, DE BAS DE LA DGONGS NAS DE SKAD GSUNGS SO,, GSOL BA, BCOM LDAN 'DAS SKYES BU DAM PA MIN PA LHAS SBYIN GYIS YUN RING PO NAS, DE PA'I GSHED MA DANG, BCUGS CAN DANG, PHYIR RGOL BA DANG DGRA BOR GYUR PA YIN NO ZHES GSUNGS PA DE JI LTAR BLTA BAR BGYI LA; BCOM LDAN 'DAS KYIS BKA' STZAL PA, RIGS KYI BU GAL TE, SKYES BU DAM PA LTAS SBYIN NI MED PAR GYUR NA DE PA LA SANGS RGYAS KYI PHYE BA'I BDAG NYID KYANG YONG PAR MI MNGON TE, RIGS KYI BU GANG GI PHYIR, SKYES BU DAM PA LHAS SBYIN GYIS DE PA LA RTZOD PA DANG, SBUNG PA DANG, PHYIR RGOL BA DAG BSTEN PA DE PHYIR DE PA LA SANGS RGYAS KYI PHYE BA'I BDAG NYID YOD PAR MNGON NO, ,RIGS KYI BU RGYAL PO'I TSIG GI SKYES BU LHAS SBYIN 'DI LAS DE PA RNAM PAR GZHOM PAR BYA'O SNYAMS NAS GRONG KHYER GYI DBUS NAS DE PA LA GLANG PO CHE CHEN PO NOR SKYONG RBAD PA GYUR PA GANG YIN PA DE, DE PAS BRTUL ZHING RNAM PAR BRTUL NAS DUL BAR MDZAD DO SKYE BO PHAL PO CHES DE MTHONG NAS NGO MTSAR DU 'DZIN ZHING RMANG DU BYUNG BAR MDZAD NAS DKON MCHOG GSUM PO 'DI LTAR TE, SANGS RGYAS DKON MCHOG DANG, CHOS DKON MCHOG DANG, DGE 'DUN DKON MCHOG LA SKYABS @312B SU SONG STE, DE YANG SKYES BU DAM PA LHAS SBYIN GYI SKYES BU'I RTZAL YIN PAR BLTA'O, ,DE LA MI BLUN PO DE DAG NI KYE MA LHAS SBYIN NI DE BZHIN GSHEd PA'I GSHAD MA DANG, BCUGS CAN DANG, PHYIR RGOL BA YIN NO ZHES SGRA JI BZHIN PA KHO NAR 'DZIN PAR BYED CES DANG, DE DAG NI GZHI DES LUS ZHIG NAS SEMS CAN DMYAL BA DANG, DUD 'GRO DANG, YI DVAGS SU SKYE BAR 'GYUR RO, ,DE CI'I PHYIR ZHE NA, 'DI LTAR, SKYES BU DAM PA LHAS SBYIN NI TSOGS SHIN TU BSAGS PA, DGE BA'I RTZA BA SHIN TU BSAGS PA, RGYAL BA DU MA LA LHAG PAR BYA BA BYAS PA, DGE BA'I RTZA BA SKYES PA THEG PA CHEN PO LA YANG DAG PAR ZHUGS PA, BYANG CHUB CHEN PO LA GZHOL BA, BYANG CHUB CHEN PO LA 'BAB PA, BLA NA MED PAR YANG DAG PAR RDZOGS PA'I BYANG CHUB TU NYE BA YIN PAS NA, DE LA SDANG BA'I SEMS SKYES PA DE DAG NI LUS ZHIG NAS SEMS CAN DMYAL BA DANG, DUD 'GRO DANG, YI DVAGS RNAMS SU SKYE BAR 'GYUR RO, ,GSOL BA, BCOM LDAN 'DAS DE PA BSOD NAMS KYI PHYIR BRAM ZE'I GRONG PA LA CAN DU JI LTAR LHUNG ZED BKRUS PAS ZHUGS PA BZHIN DU PHYIR BYUNG NGO, ,ZHES GSUNGS PA DE JI LTAR BLTA BAR BGYI LAGS, BCOM LDAN 'DAS KYIS BKA' STZAL PA, RIGS KYI BU DE YANG PHYI MA'I SKYE BO RNAMS LA BLTAS TE DE LTA BU BSTAN NO ZHES SOGS DANG, GZHAN YANG BDUD SDIG CAN GYI BRAM ZE @313A *, ,DANG KHYIM BDAG RNAMS BYIN GYIS RLABS NA, DE LTAR BSOD SNYOM MI GTER RO ZHES ZER BA YANG DE LTAR MI BLTA'O, ,DE CI'I PHYIR ZHE NA, BDUD SDIG CAN GYI DE PA'I BSOD SNYOMS KYI BAR CHAD BYED PAR MI NUS PA'I PHYIR TE, ZHES SOGS DANG, GSOL BA, BCOM LDAN 'DAS BRAM ZE'I BU'O DREGS MAS SHING GI GZHONG BU LTO BAR BCINGS TE, DE PA LA SKUR BA BTAG PO ZHES GSUNGS PA DE JI LTAR BLTA BAR BGYI LAGS, BCOM LDAN 'DAS KYIS BKA' STZAL PA RIGS KYI BU DE PA LA NI LAS KYI SGRIB PA'I NYES PA MED DE, DE PAS BRAM ZE'I BU MO DREGS MA 'JIG RTEN GYI KHAMS GANG GA'I KLUNG GI BYE MA SNYED DU 'PHANG BAR YANG SPYOD MDO KYI DE PAS THABS LA MKHAS PAS LAS KYI BYA BA BSTAN TE, NGA'I BSTAN PA 'DI LA RAB TU BYUNG BA LA SKUR BA BTAB PA DAG BYUNG BAR 'GYUR BA DE DAG YANG DAG PA MIN PA'I SKUR BAS 'GYUR BAS DE DAG 'GYOD PA RTZAM DU GYUR PA'I CHE DE DAG SKUR PA BTAB PA NA 'DI SKAD DU DE PA DKAR PO'I CHOS THAMS CAD DANG LDAN PA DES KYANG DE DAG GIS MNGON SUM DU SKUR BA NA NYES PAR GYUR NA BDAG CAG GI GAL TE DE CI'I PHYIR MI MNYES ZHES ZER ZHING DE DAG GI TSE SKYUR BA DE ZIL GYI GNANG NAS TSANGS PAR SPYOD PA YONGS SU DAG PA YONGS SU BYA BA SPYOD PAR 'GYUR BA DANG, NYAMS PAR MI GYUR BAR BYA BA'I PHYIR RO, ,ZHES DANG, GSOL BA, @313B BCOM LDAN 'DAS DE BA NYON MONGS MED KYI LJONGS SU DBYAR GNAS PA NA ZLA BA GSUM DU RTA CHAG KYI NAS DAG GSOL TO, ,ZHES BSUNGS PA DE JI LTAR BLTA BAR BGYI LAGS, BCOM LDAN 'DAS KYIS BKA' STZAL PA, RIGS KYI BU NGAS BRAM ZE DANG KHYIM BDAG DE DAG DE PA SPYAN DRANGS BAR MI SEMS PAR SHES TE, SHES BZHIN DU DE BZHIN GSHEGS PAS DER DBYAR GNAS SO, ,DE CI'I PHYIR ZHE NA, DE PA DGE SLONG GI DGE 'DUN DANG BCAS PAS ZLA BA GSUM GYI BAR DU GANG DAG GI CHAG GSOL BA'I RTZA LNGA BRGYA PO DE DAG THAMS CAD NI BYANG CHUB SEMS DPA'I THEG PA BA SNGON GYI RGYAL BA LA BSNYEN BKUR BYAS PA SHA STAG YIN TE; DE DAG SDIG PA'I GROGS PO'I DBANG DUS SONG BA'I SDIG PA'I LAS BYAS PAS LAS DES DE DAG DUD 'GRO'I SKYE GNAS SU SKYES TE RTA LNGA BRGYA PO DE DAG GI NANG NA RTA CANG SHES PA GANG YIN PA 'DI NI BYANG CHUB SEMS DPA' NYI MA'I SNYING PO ZHES BYA BA SMON LAM GYI DBANG GIS BSAMS BZHIN DU DER SKYES PA YIN LA, RTA LNGA BRGYA PO DE DAG KYANG BYANG CHUB SEMS DPA' NYI MA'I SNYING PO DE NYID KYIS BYANG CHUB YANG DAG PAR 'DZIN DU BCUG PA YIN PAS DE DE DAG YONGS SU SMIN PAR BYA PA'I PHYIR, DER SKYES TE RTA CANG SHES PA DE NYID KYI MTHUS RTA LNGA BRGYA PO DE DAG THAMS CAD KYI SNGON GYI TSE RABS RJES SU DRAN PAR GYUR ZHING DE @314A *, ,DAG GI BYANG CHUB KYI SEMS DE YANG MNGON DU GYUR PA'I PHYIR TE, RIGS KYI BU DE PA RTA BAS NA DE PA RTA LNGA BRGYA PO DE DAG LA THUGS BRTZE BA'I PHYIR DBYAR DER GNAS SO, ,ZHES SOGS RGYAS PAR DKON MCHOG RTZEGS PA'I MDO LAS GSUNGS TE DER BLTA BAR BYA'O, ,GNYIS PA LA, MTSAN NYID DANG DBYE BA GNYIS, DANG PO NI, DGONGS GZHI GTZO BOR GYUR PA'I MDO DE DGONGS PA CAN GYI MDO'I MTSAN NYID GNYIS PA LA, MNYAM PA NYID LA DGONGS PA, DON GZHAN LA DGONGS PA, DUS GZHAN LA DGONGS PA, GANG ZAG GI BSAM PA LA DGONGS PA BZHI STE, RGYAN LAS, MNYAM PA NYID DANG DON GZHAN DANG, DE BZHIN DU NI DUS GZHAN DANG, ,GANG ZAG GI NI BSAM PA LA, ,DGONGS PA RNAM PA BZHIR SHES BYA, ,ZHES GSUNGS PA'I PHYIR, DANG PO NI, SANGS RGYAS LA BRNYAS PA'I GNYEN POR MNYAM NYID GSUM LA DGONGS NAS NGA NYID DE'I TSE DE'I DUS NA SANGS RGYAS RNAM GZIGS SU GYUR TO, ,ZHES PA'I MDO LTA BU'O, ,MNYAM NYID GSUM NI, SANGS RGYAS THAMS CAD TSOGS GNYIS RDZOGS PAR MNYAm PA; CHOS SKU BRNYES PAR MNYAM PA, 'PHRIN LAS LHUN GRUB TU SPYOD PAR MNYAM PA YIN TE, MDZOD LAS, SANGS RGYAS THAMS CAD TSOGS DANG NI, ,CHOS SKU 'GRO BA'I DON SPYOD PAS, ,MNYAM @314B PA NYID DE SKU TSE DANG, ,RIGS DANG SKU PO NGAS TSOD KYIS MIN, ,ZHES GSUNGS, SANGS RGYAS LA BRNYAS PA'I TSUL NI, GDUL BYA THUN MONGS PA'I NGO BOR DGE SLONG LHAS SBYIN GYI BSLAB TSIGS DRUG LA SOGS PA BCAS PA'I SGO NAS BCOM LDAN 'DAS KYI 'KHOR LO RNAMS PHRAL BAR MDZAD PA DANG, DGE SLONG LEGS PA'I DKAR MAS BCOM LDAN 'DAS LA SGO DU MA NAS SKYON BRJOD PA LTA BU YIN, 'DI NAMS DES DON MIN TE, DGE SLONG LHAS SBYIN NI LHA'I DBANG PO BRGYA BYIN GYIS BCOM LDAN 'DAS KYI CHE BA BRJOD PA'I PHYIR DU SPRUL PA RTZAM YIN PA'I PHYIR, GNYIS PA NI, MTSAN NYID GSUM LA BDEN PAR YOD MED KYI KHYAD PAR PHYE NAS STON PA'I MDO LTA BU'O, ,GSUM PA NI, LE LO CAN GYI GNYEN POR BDE BA CAN DU SKYE BAR SMON LAM GTAB MA THAG DER SKYE BAR STON PA'I MDO LTA BU'O, ,BZHI PA NI, SBYIN PA TZAM GYIS CHOG PAR 'DZIN PA'I GNYEN POR SBYIN PA LA SMAD NAS TSUL KHRIMS KYI SNGAGS PA BRJOD PA'I MDO LTA BU'O, ,GSUM PA LA, MTSAN NYID DANG DBYE BA GNYIS, DANG PO NI, DGOS PA GTZO BOR GYUR PA'I MDO DE'O, ,GNYIS PA LA, ZHUGS PA LA LDEMS POR DGONGS PA, MTSAN NYID LA LDEMS POR DGONGS PA, GNYEN PO LA LDEMS POR DGONGS PA, SGYUR BA LA LDEMS POR DGONGS PA DANG BZHI YOD DE, RGYAN LAS, ZHUGS PA LDEMS POR DGONGS @315A *, ,PA DANG, MTSAN NYID LDEM POR DGONGS PA GZHAN, ,GNYEN PO LDEM POR DGONGS PA DANG, ,SGYUR PA LDEM POR DGONGS PA STE, ZHES GSUNGS PA'I PHYIR, DE RNAMS KYI MTSAN GZHI NI GO RIMS BZHIN, NYON MONGS DANG NI NGO BO NYID, ,DE BZHIN NYES PA 'DUL BA DANG, ,BRJOD PA ZAB PA NYID LA NI, ,LDEM POR DGONGS PA 'DI RNAMS BZHI, ,ZHES GSUNGS PA'I PHYIR, GNYEN PO LDEM DGONGS RGYAS PAR 'CHAD PA LA, RGYAN LAS, SANGS RGYAS CHOS LA BRNYAS PA DANG, ,LE LO CUNG ZAD MCHOG 'DZIN DANG, ,NGA RGYAL 'DOD CHAGS SPYOD PA DANG, ,'GYOD DANG MA NGES LDOG PA NI, ,SEMS CAN RNAMS KYI SGRIB RNAMS TE, ,DE YI GNYEN POR THEG MCHOG GSUNGS, ,ZHES GSUNGS, ZHUGS PA LA LDEM POR DGONGS PA NI, ,NYAN THOS SDE GNYIS BSTAN PA LA ZHUGS PA'I PHYIR DU PHYI DON BDEN GRUB YOD PAR STON PA'I MDO LTA BU DANG, RANG GZHAN GYI SDE PA KHA CIG BSTAN PA LA ZHUGS PA'I DON DU GANG ZAG GI BDAG YOD PAR STON PA'I MDO LTA BU, MTSAN NYID LA LDEM POR DGONGS PA NI MTSAN NYID GSUM LA BDEN PAR YOD MED KYI KHYAD PAR PHYE NAS STON PA'I MDO LTA BU, GNYEN PO LDEM DGONGS LA DU MA YOD PA'I NANG NAS SANGS RGYAS LA BRNYAS PA'I GNYEN POR GDAMS PA'I MDO @315B NI MNYAM PA NYID LA DGONGS PA'I MDO LTA BU, SANGS RGYAS KYI RTOGS PA'I CHOS LA BRNYAS PA'I GNYEN POR, SANGS RGYAS GANG GA'I KLUNG GI BYE MA SNYED DANG MNYAM PAR BSNYEN BKUR NA, BZOD THEG CHEN GYI RTOGS PA SKYE RUNG ZHES STON PA'I MDO LTA BU, SANGS RGYAS KYI LUNG GI CHOS LA BRNYAS PA'I GNYEN POR, SNYING PO MED LA SNYING POR SHES, ,PHYIN CI LOG LA RNAM PAR GNAS, ,NYON MONGS PAS NI RAB NYON MONGS BYANG CHUB DAM PA THOB PAR 'GYUR, ZHES DANG, PHA DANG MA NI BSAD BYA ZHING, ,RGYAL PO GTZANG SPRA CAN GNYIS DANG, ,YUL 'KHOR 'KHOR DANG BCAS BCOM NA, ,MI DE DAG BA NYID DU 'GYUR, ,ZHES SOd KYI MDO LTA BU STE, 'DI GNYIS SGYUR BA LA LDEM DGONGS KYI MDO'I MTSAN GZHIR YANG BZUNG NGO, ,LE LO'I GNYEN PO LA GDAMS PA NI, DUS GZHAN LA DGONGS PA'I MDO LTA BU, CUNG ZAD MCHOG 'DZIN GYI GNYEN PO LA GDAMS PA'I MDO NI GANG ZAG GI BSAM PA LA DGONGS NAS BSTAN PA'I MDO LTA BU'O, ,NGA RGYAL LA SPYOD PA'I GNYEN POR SANGS RGYAS LA LA'I PHUN TSOGS KYI BA SNGAGS PA BRJOD PA'I SGRA JI BZHIN PA MA YIN PA'I MDO LTA BU, 'DOD CHAGS LA SPYOD PA'I GNYEN POR SANGS RGYAS LA LA'I ZHING GIS SNGAGS PA BRJOD PA'I SGRA JI BZHIN PA MA YIN PA'I MDO LTA BU, 'GYOD PA'I GNYEN POR GANG DAG@316A *, ,SANGS RGYAS BYANG SEMS LA GNOD PA BYED PA DE DAG MTHO RIS SU 'GRO ZHES STON PA'I MDO LTA BU'O, ,MI SHES PA LDOG PA'I SGRIB PA'I GNYEN POR NYAN THOS RNAMS LUNG BSTAN PA'I MDO LTA BU, SNYING PO MED LA SNYING PO SHES, ,ZHES SOGS KYI DON NI, RNAM GA-YENG GI SNYING PO MED PA'I TING NGE 'DZIN GYI BA SLAB PA, GTZANG BDE RTAG BDAG SOGS SU 'DZIN PA LA PHYIN CI LOG PA'I SHES RAB KYI BSLAB PA; NYON MONGS PA'I MING GIS BSTAN PA'I TSUL KHRIMS KYI BSLAB PA GSUM NYAMS SU BLANGS PAS BYANG CHUB DAM PA THOB PAR BSTAN, PHA DANG MA NI BSAD BYA ZHING, ZHES SOGS KYI DON NI, ZAG PA DANG BCAS PA'I LAS, ,YID KYI RNAM PAR SHES PA, CHOG 'DZIN GNYIS, ZAG BCAS KYI SKYE MCHED DRUG MA LUS PAR SPANGS PAS DAM PA MYA NGAN LAS 'DAS PA THOB PAR BSTAN NO, ,DGONGS PA CAN GYI MDO DANG, LDEM DGONGS KYI MDO GNYIS SPYIR YIN KHYAB MNYAM YIN ZHING, GANG ZAG DE LA LTOS TE DGONGS PA CAN GYI MDO DANG, GANG ZAG DE LA LTOS TE LDEM DGONGS KYI MDO GNYIS 'GAL TE, GANG ZAG DE LA LTOS TE DGONGS PA CAN GYI MDO YIN NA DE LA LTOS TE SGRA BZHIN PA'I MDO YIN PAS KHYAB, GANG ZAG DE LA LTOS TE LDEM DGONGS KYI MDO YIN NA SGRA JI BZHIN PA MA YIN PA'I KHYAB PA'I PHYIR @316B DES NA LDEM DGONGS KYI MDO RNAMS RANG RANG GI CHED DU BYA BA'I GDUL BYA LA LTOS TE, DGONGS PA CAN GYI MDO KHO NA YIN, LDEM DGONGS KYI MDO NI MIN TE, RANG RANG GI CHED DU BYA BA'I GDUL BYA LA LTOS TE SGRA JI BZHIN PA'I MDO YIN PA'I PHYIR TE, PHYI DON BDEN GRUB TU STON PA'I MDO DE NYAN THOS SDE GNYIS LA LTOS TE SGRA JI BZHIN PA'I MDO YIN PA BZHIN NO, ,GNYIS PA LA, SEMS TZAN PA'I LUGS DANG, DBU MA PA'I LUGS GNYIS, DANG PO NI, BCOM LDAN 'DAS KYI MDO GANG ZHIG, RANG GI BSTAN DON SGRA JI BZHIN PA MIN PAR DMIGS PA, DRANG DON GYI MDO'I MTSAN NYID, DE GANG ZHIG ,DE LTAR RUNG BA'I MDO NGES DON GYI MDO'I MTSAN NYID, CHOS RNAMS BDEN GRUB TU STON PA'I MDO DANG, BDEN GRUB MED PAR STON PA'I MDO NI DRANG DON GYI MDO'I MTSAN GZHI, NGO BO NYID MED GSUM LA BDEN PAR YOD MED KYI KHYAD PAR PHYE NAS TSIG GIS ZIN PAR STON PA'I MDO DE NGES DON GYI MDO'I MTSAN GZHI YIN TE, DE LTAR DU, DE YANG BCOM LDAN 'DAS KYI YUL WA RA nA SIR, ZHES SOGS KYIS BSTAN PAR CHOS 'KHOR GYI SKABS SU BSHAD ZIN PA'I PHYIR, GNYIS PA NI, BCOM LDAN 'DAS KYI MDO GANG ZHIG, KUN RDZOB BDEN PA DNGOS KYI BSTAN BYA'I GTZO BOR BYED PAS RAB TU PHYE ZHING, SNYING PO @317A *, ,DANG BCAS PA'I SBUN LKOGS KYI DPES BSTAN PA, DRANG DON GYI MDO'I MTSAN NYID, DE GANG ZHIG, DON DAM BDEN PA DNGOS KYI BSTAN BYA'I GTZO BOR BYED PAS RAB TU PHYE ZHING, SBRANG RTZI'I DPES BSTAN PA DES DON GYI MDO'I MTSAN NYID, DE SKAD DU YANG, BLO GROS MI ZAD PA BSTAN PA'I MDO LAS, (NGES PA'I DON GYI MDO SDE NI GANG ,DRANG BA'I DON GYI MDO SDE NI GANG ZHE NA,) MDO DE GANG DAG KUN RDZOB SGRUB PA BSTAN PA DE DAG NI DRANG BA'I DON ZHES BYA'O, ,MDO SDE GANG DAG DON DAM SGRUB PA BSTAN PA DE DAG NI NGES PA'I DON ZHES BYA'O, MDO SDE GANG DAG TSIG DANG YI GE SNA TSOGS STON PA DE DAG NI DRANG BA'I DON ZHES BYA'O, MDO SDE GANG DAG ZAB MO BLTA BAR DKA' BA DANG RTOGS PAR DKA' BA BSTAN PA DE DAG NI, NGES PA'I DON ZHES BYA'O, ,MDO SDE GANG DAG SEMS CAN DANG SROG DANG, GSO BA DANG, SKYES BU DANG, BDAG DANG, SHED LAS SKYES DANG, SHED BU DANG, BYED PA PO DANG, TSOR BA PO SKAD SNA TSOGS KYI BSHAD PAR BYA BA, BDAG PO MED PA LA BDAG PO LTA BUR STON PA DE DAG NI DRANG BA'I DON ZHES BYA'O, ,MDO SDE GANG DAG DNGOS PO STONG PA NYID DANG, MTSAN MA MED PA DANG SMON PA MED PA DANG, MNGON PAR 'DU BYED PA MED PA DANG, SKYE BA MED PA DANG, SEMS CAN MED PA DANG, SROG MED @317B PA DANG, GANG ZAG ME PA DANG, BDAG PO MED PA, RNAM PAR THAR BA'I SGO STON PA, DE DAG NI NGES PA'I DON ZHES BYA STE, 'DI NI NGES PA'I DON GYI MDO SDE DE LA RTON GYI, DRANG BA'I DON GYI MDO SDE DE LA MI RTON PA ZHES BYA'O, ,ZHES DANG, YE SHES SNANG BA RGYAN GYI MDO LAS NGES PA'I DON GANG YIN PA DE NI DON DAM PA'O, ,ZHES DANG, TING NGE 'DZIN RGYAL PO'I MDO LAS, STON PA BDE BAR GSHEGS PAS BSTAN PA LTAR, ,NGES DON MDO SDE DAG GI BYE BRAG SHES, ,GANG LA SEMS CAN GANG DAG SKYES BU BSTAN, ,CHOS DE THAMS CAD DRANG BA'I DON DU SHES, ,ZHES DANG, 'JUG PAR, DE LTAR LUNG GI LO RGYUS SHES BYAS TE, ,MDO GANG DE NYID MA YIN BSHAD DON CAN, ,DRANG DON GSUNGS PA'ANG RTOGS NAS DRANG BYA ZHING, ,STONG NYID DON CAN NGES DON SHES PAR GYIS; ;ZHES DANG, DBU MA SNANG BA LAS, DES PA'I DON YANG GANG LA BYA ZHE NA, ,TSIG DANG BCAS PA DANG DON DAM PA'I DBANG DU MDZAD NAS BSHAD PA GANG YIN PA STE DE NI DE LAS LOGS SHIG TU GZHAN GYI GANG DU YANG BGRAD PAR MI NUS PA'I PHYIR, ZHES DANG, RGYUD BLAR, PHRA MO ZAB MO'I TSUL BSTAN NI, ,SBRANG RTZI RO CIG PA BZHIN TE, ,RNAM PA SNA TSOGS @318A *, ,TSUL BSTAN NI, ,SNA TSOGS SBUBS NANG BZHIN SHES BYA, ,ZHES GSUNGS PA'I PHYIR, KUN RDZOB KYI BDEN PA RNAMS NI DRANG DON YIN TE, GNAS LUGS KYI DON DE LAS GZHAN DU DRANGS PA'I SGO NAS BTZAL DGOS PA'I PHYIR, DON DAM PA'I BDEN PA NI NGES DON YIN TE DE NYID GNAS LUGS MTHAR THUG YIN ZHING, DE LAS GZHAN DU DRANGS MI DGOS PA'I PHYIR, GSUM PA RTZOD SPANG NI, BKA' THAMS CAD DGONGS LDEM DGONGS GYI MDO GNYIS SU 'DUS PAR THAL, THEG BSDUS LAS, DGONGS PA BZHI DANG LDEM POR DGONGS PA RNAM PA BZHIS SANGS RGYAS KYI GSUNGS THAMS CAD KHONGS SU CHUD PAR BYA'O, ,ZHES DANG, GNYEN PO LA LDEM POR DGONGS PA NI, GANG DU SPYOD PA BRGYAD KHRI BZHI STONG GI GNYEN POR STON, ZHES GSUNGS PA'I PHYIR ZHE NA, MA KHYAB STE DGONGS LDEM DGONGS GNYIS LA BRTEN NAS RGYAL BA'I GSUNG RABS THAMS CAD KYI DON THAMS CAD RTOGS PAR NUS SHING, BYAMS PA'I TING NGE 'DZIN LTA BU ZHE SDANG GI GNYEN PO YONGS SU RDZOGS PAR STON PA'I MDO GNYEN PO LA LDEM DGONGS SU BSTAN PA TZAM YIN PA'I PHYIR, BYAMS PA'I TING NGE 'DZIN ZHE SDANG GI GNYEN PO YONGS RDZOGS MIN TE, BYAMS @318B PA'I TING NGE 'DZIN MA RIG PA DANG 'DZIN STANGS DNGOS SU 'GAL BA MA YIN PA'I PHYIR, RTAGS KHYAB GRUB STE, ZLA BA'I TSIG GSAL LAS, SANGS RGYAS RNAMS KYI MDO SDE SOGS LAS BDEN PA GNYIS BSTAN BSTAN PA RNAM PA DGU, 'JIG RTEN RNAMS KYI DPYOD NGOR RGYA CHE GANG ZHIG 'DIR NI YANG DAG BSGRAGS GYUR PA, ,DER NI 'DOD CHAGS BSAL PHYIR GSUNGS PAS ZHE SDANG ZAD PAR BYED MI GYUR, ,ZHE SDANG BSAL BAR BYA PHYIR GSUNGS PAS KYANG NI 'DOD CHAGS ZAD PAR BYED 'GYUR MIN, ,GANG PHYIR NGA RGYAL SOGS ZAD BYA PHYIR GSUNGS PA DES KYANG DRI MA GZHAN MI 'JOmS 'DOM PHYIR DE NI CHES KHYAB MIN GSUNGS DE DAG DE DAG DON CHEN MIN, ,GTI MUG ZAD PHYIR GSUNGS PA GANG YIN DES NI NYON MONGS MA LUS 'JOMS, ,NYON MONGS MTHA' DAG GTI MUG LA NI YANG DAG BRTEN PAR RGYAL BA RNAMS KYIS GSUNGS, ZHES DANG, RNAM 'GREL LAS, BYAMS SOGS RMONGS DANG 'GAL MED PHYIR, ,SHIN TU NYES PA TSAR BCOD MIN, ,ZHES GSUNGS PA'I PHYIR, KHA CIG 'DUS BYAMS MI RTAG PAR STON PA'I MDO CHOS CAN, SGRA JI BZHIN PA MA YIN PAR THAL, DRANG DON DGONGS PA CAN GYI MDO YIN PA'I PHYIR, ZHE NA, MA KHYAB, @319A *, ,PAR THAL, GNAS LUGS KYI DON 'DUS BYAS MI RTAG PA LAS LOGS SU BTZAL DGOS PA'I DON GYI DRANG DON GYI DRANG DON DU BSTAN PA'I PHYIR, DES NA KUN RDZOB BDEN PA DNGOS KYI BSTAN BYA'I GTZO BOR BYED PA'I MDO RNAMS DRANG DON GYI MDO YIN TE, KUN RDZOB BDEN PA THAMS CAD DRANG DON YIN PA'I PHYIR, DPER NA, SHER PHYIN BRJOD BYAR BYED PA'I MDO LA, SHER PHYIN GYI MDO ZHES BRJOD PA BZHIN NO, ,KHO NA RE, GZUGS MED PAR STON PA'I SHE RAB SNYING PO'I MDO CHOS CAN, DES DON GYI MDO YIN PAR THAL, STONG NYID DNGOS KYI BSTAN BYA'I GTZO BOR STON PA'I MDO YIN PA'I PHYIR, 'DOD NA, MA YIN PAR THAL, DRANG DON GYI MDO YIN PA'I PHYIR TE, SGRA JI BZHIN PA MA YIN PA'I MDO YIN PA'I PHYIR, ZHE NA RTAGS MA GRUB STE, GZUt MED SGRA MED DRI MED ZHES SOGS KYI GZUGS DON DAM PAR RANG BZHIN GYIS MED PAR BSTAN PA'I PHYIR TE, PHUNG PO LNGA PO DE DAG KYANG RANG BZHIN GYIS STONG PAR YANG DAG PAR RJES SU BLTA'O, ,ZHES PA THOG MA'I GSAL BYED YIN PA'I PHYIR TE, DE BZHIN DU TSOR BA DANG, 'DU SHES DANG, 'DU BYED DANG RNAM PAR SHES PA RNAMS KYANG STONG PA'O, ,ZHES SBYAR BA'I PHYIR, GZHAN YANG, @319B GZUGS MED SGRA MED ZHES SOGS KYI SHES RAB SNYING PO'I MDO 'DIS GZUGS SGRA MED PAR MA BSTAN TE, 'DI'I CHED DU BYA BA'I GDUL BYA LA GZUGS SOGS MED PAR BSTAN DU MI RUNG BA'I PHYIR, KHYAB STE, BCOM LDAN 'DAS DANG RJE BTZUN SPYAN RAS GZIGS DBANG PHYUG LA, GDUL BYA DE'I NGO BOR GZUGS SOGS MED PAR GSUNGS 'DOD MED PA'I PHYIR, DE'I CHED DU BYA BA'I GDUL BYA DE THEG CHEN GYI RIGS CAN DBANG PO SHIN TU RNON PO YIN PA'I PHYIR, GNYIS PA GZHUNG DON NI, SA BCU PA LA GNAS PA'I BYANG SEMS NI GZHAN DON GO RIMS SU BYED PA'I SGRUB PA DANG LDAN TE; DE NI DGONGS LDEM DGONGS SOGS DRANG NGES KYI CHOS RDZOGS PAR BSTAN PAS GDUL BYA RNAMS SKAL PA DANG 'TSAM PA'I LAM LA 'GOD PAR MDZAD PA'I SGRUB PA DANG LDAN PA'I PHYIR, ` JI LTAR NYAN THOS THEG PA LA, ZHES SOGS KYI SKABS SU, NYAN RANG GI CHOS KYI BDAG MED RTOGS PAR SGRUB PA, DE NYID GZHUNG LA SBYAR BA, DE LA RTZOD PA SPANGS PA DANG GSUM, DANG PO NI, NYAN RANG GIS CHOS KYI BDAG MED RTOGS TE, DE LTAR DU LUNG DANG RIGS PAS SGRUB PA'I PHYIR, LUNG GI GRUB STE YUM BAR MA'I MDO LAS, 'DZAM BU'I GLING 'DIR, DGE SLONG SHA RI'I BU DANG @320A *, ,MO'U 'GAL GYI BU SHA STAG GIS 'DI LTA STE, DPER NA 'DAM BU'I TSAL LAM, ZHES SOGS DANG, RAB 'BYOR GYIS SMRAS PA TSE DANG LDAN PA SH'A RI'I BU JI LTAR BCOM LDAN 'DAS KYI CHOS THAmS CAD RMI LAM LTA BUR GSUNGS PA DE LTAR NA, DES LAS GSOG PA'I 'GRIB PAR 'GYUR BA MED DO, ,DE CI'I PHYIR ZHE NA, CHOS GANG YANG GSOG PA'I 'GRIB PA MI DMIGS PA'I PHYIR RO, ,'ON TE SAD NAS RNAM PAR RTOG NA NI DES LAS GSOG PA'm 'GRIB PAR YANG 'GYUR RO, ,ZHES DANG, LUNG PHRAN TSEGS KYI KA TA YA NA LA GDAM PA'I MDO LAS, KA TA YA NA GANG GI PHYIR 'JIG RTEN 'DI NI PHAL CHER YOD PA DANG MED PA NYID DU MNGON PAR ZHEN TE, DE'I DBANG GIS SKYE BA DANG, RGA BA DANG, NA BA DANG, 'CHI BA DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA DAG LAS YONGS SU MI GROL LO, ,ZHES SOGS DANG, NYAN THOS LA GDAM PA'I MDO LAS, ,GZUGS NI DBU BA SNGOS PA 'DRA, , TSOR BA CHU YI CHU SBUR 'DRA, ,'DU SHES MIG SGYU LTA BU STE, ,'DU BYED RNAMS NI CHU SHING BZHIN, ,RNAM PAR SHES PA SGYU MA LTAR, ,NYI MA'I GNYEN GYIS BKA' STZAL TO, ,ZHES SOG DANG @320B DKON MCHOG RTZEGS PA'I MDO LAS, 'ONG SRUNGS GANG DAG YOD CES BYA BA NI MTHA' GCIG GO ,MED CES BYA BA NI MTHA' GNYIS SO, ,DE GNYIS SPANGS PA NI DBU MA'I LAM MO, ,ZHES DANG, NYE BAR 'KHOR GYIS ZHUS PA'I MDO LAS, ,SNA TSOGS YID DGA' ME TOG KHA PHYE ZHING, ,GSER GYI KHANG BA RTZEGS 'BAR BA YID 'ONG BA, ,'DI NA DE LA BYED PO 'GA' MED DE, ,DE DAG RTOG PA'I DBANG GIS BZHAG PA YIN, ,ZHES SOGS DANG, RTZA SHE LAS, BCOM LDAN DNGOS DANG DNGOS MED PA, ,MKHYEN PAS KA TA YA NA YI, ,GDAM DAG LAS NI YOD PA DANG, ,MED PA GNYIS KA DGAG PAR MDZAD, CES SOGS DANG, RGYUD BLAR, RANG BYUNG RNAMS KYI DON DAM STE, ,DAD PA NYID KYIS RTOGS BYA YIN, ,NYI MA'I DKYIL 'KHOR 'OD 'BAR BA, ,MIG MED PAS NI MTHONG BA MED, ,CES DANG; NYI SNANG LAS, DE LA RTOGS PA DANG RNAM PAR RTOG PA NI DNGOS PO DANG DE'I MTSAN MA LA MNGON PAR ZHE NA PA STE, DE MED PA'I PHYIR CHAGS PA MED PA NYID DU RIG PAR BYA'O, ,YOD PAR MA GYUR PA NI CHOS THAMS CAD KYI DE BZHIN NYID DO, ,DES NA 'DIS NI CHOS KYI DBYINGS NYID 'PHAGS PA'I CHOS THAMS CAD KYI RGYU YIN PA'I PHYIR, RANG BZHIN DU GNAS PA'I RIGS@321A *, ,SGRUB PA'I RTEN YIN NO ZHES STON PAR BYED DO, ,ZHES SOGS GSUNGS PA'I PHYIR, GNYIS PA RIGS PAS KYANG GRUB STE, BDEN STONG RTOGS PA'I THEG DMAN GYI LAM MTHA' DAG LAS BDE STONG RTOGS PA'I BYANG SEMS TSOGS LAM PA'I SHES RAB BSOD NAMS LHAG PA'I SGO NAS KHYAD ZHUGS PAR SGRUB PA LA RGYU MTSAN DANG DGOS PA YOD PA'I PHYIR TE, BDEN STONG RTOGS PA'I THEG DMAN GYI LAM MED NA DE LAS BDEN STONG RTOGS PA'I BYANG SEMS KYI TSOGS LAM BSOD NAMS LHAG PAR SGRUB PA MI RIGS PA'I PHYIR TE, DE MED NA DE LTAR SGRUB PA LA RGYU MTSAN DANG DGOS PA MED PA'I PHYIR, GZHAN YANG, BDEN STONG RTOGS PA'I THEG DMAN YOD DE, BDEN STONG RTOGS PA'I THEG CHEN TSOGS LAM PA'I RTOGS PA SNGON DU SONG BA'I THEG DMAN YOD PA'I PHYIR TE, BYANG SEMS TSOGS LAM PAR GYUR PA'I DBANG RTUL THEG DMAN GYI LAM DU 'JUG PA SRID PA'I PHYIR TE, PHYUGS KYI SHING LTA LTA BU'I BYANG SEMS TSOGS LAM PA YOD PA'I PHYIR, GZHAN YANG, RANG RGYUD KYI DRI BCAS KYI SEMS BDEN STONG SGOM BYA'I GTZO BOR BYED PA'I RANG RGYAL GYI SGRUB PA YOD DE, RANG RGYUD KYI RANG BZHIN GNAS RIGS SGOM BYA'I GTZO BOR BYED PA'I RANG RGYAL GYI SGRUB PA YOD PA'I PHYIR TE, DE LTAR BYAS @321B PAS RANG RGYAL GYI SGRUB PA THOB PAR 'GYUR BA YOD PA'I PHYIR TE, NYI SNANG LAS, JI LTAR DMIGS PA NI 'PHAGS PA'I CHOS RNAMS KYI RGYUR 'GYUR BA DE LTAR RIGS YIN PAR BRJOD PA DE NA 'DIR YANG THAL BA CI STE BRJOD PAR BYED, CES GSUNGS PA'I PHYIR, GNYIS PA LA RTZOD LAN GNYIS, DANG PO NI, RIGS GSUM DANG RIGS CAN GSUM GYI DBYE BA MI 'THAD PAR THAL, SEMS CAN THAMS CAD THEG PA CHEN PO'I LAM GYI GNAS SKABS KYI RIGS LA GNAS PA'I PHYIR TE, DRI BCAS SEMS KYI CHOS DBYINGS THEG PA CHEN PO'I LAM GYI GNAS SKABS KYI RIGS YIN PA GANG ZHIG ,DE SEMS CAN THAMS CAD LA SPYIR GNAS PA'I PHYIR, DANG PO GRUB STE, SGRUB PA YI NI RTEN GYUR PA, ,CHOS KYI DBYINGS KYI RANG BZHIN DANG, ZHES SOGS GSUNGS PA'I PHYIR, BYANG CHUB SEMS DPA' KHO NA THEG CHEN GYI LAM GYI GNAS SKABS KYI RIGS LA GNAS PA'ANG MA YIN PAR THAL, RIGS CAN GSUM LAM GYI GNAS SKABS KYI RIGS LA GNAS PA'I PHYIR TE, DRI BCAS SEMS KYI CHOS DBYINGS DE LA RIGS GSUM GYI THA SNYAD 'DOGS PA MI 'THAD PAR THAL, DE LA NGO BO MI 'DRA BA'I DBYE BA MI 'THAD PA'I PHYIR, ZHES PA'I RTZOD PA GNYIS GSUNGS, GNYIS PA LA DON THOB KYI LAN DANG, DNGOS BSTAN GYI LAN GNYIS, DANG PO NI, @322A *, ,GZHUNG 'DI NYID LAS, DRI BCAS KYI SEMS KYI CHOS DBYINGS RIGS SU BZHAG PA LA RIGS GSUM DANG RIGS CAN GSUM GYI DBYE BA MI 'THAD PA'I SKYON MED PAR THAL, DRI BCAS SEMS KYI CHOS DBYINGS THEG CHEN GYI LAM GYI GNAS SKABS KYI RIGS MA YIN PA'I PHYIR TE, DRI BCAS SEMS KYI CHOS DBYINGS LA SGRUB PA GSUM GYIS DMIGS TE, SGOMS PA LAS 'PHAGS RGYUD MNGON PAR RTOGS PA SKYED PA'I NUS PA MTHU CAN DU GYUR PA NA DRI BCAS SEMS KYI CHOS NYID LA SGRUB PA'I RTEN LAM GYI GNAS SKABS KYI RIGS GSUM GYI DNGOS MING GI THA SNYAD 'DOGS PA'I PHYIR; DE LTAR DU, ,SGRUB PA YIS NI RTEN GYUR PA, ,ZHES SOGS DANG, NYI SNANG LAS GSUNGS PA'I PHYIR, GNYIS PA NI, ` ,BRTEN PA'I CHOS KYI BYE BRAG GI ,ZHES SOGS KYI SKABS SU, DON NI; 'DI LTAR, DRI BCAS SEMS KYI CHOS DBYINGS LA, NGO BO MI 'DRA BA'I DBYE BA MED KYANG, DE LA RIGS GSUM GYI THA SNYAD 'DOGS PA'I RGYU MTSAN YOD DE, DES SGRUB PA GSUM GYI RTEN BYED PA'I TSE DE LA SGRUB PA'I RTEN DU GYUR PA'I RIGS GSUM GYI THA SNYAD DNGOS SU 'JUG PA'I PHYIR, DPER NA RDZA'I BUM PA GCIG NYID LA, NGO BO MI 'DRA BA'I DBYE BA MED KYANG, ZHO SGRANG RTZI LI KHA RA SOGS @322B KYI RTEN BYED PA'I TSE, DE LA ZHO'I BUM PA, SBRANG RTZI'I BUM PA, LI KHA RA'I BUM PA ZHES PA'I THA SNYAD DNGOS SU 'JUG PAR 'JIG RTEN NA GRAGS PA BZHIN DANG, NAM MKHA' LA NGO BO MI 'DRA BA'I DBYE BA MED KYANG, LHA DANG, NYI MA DANG, BYA RNAMS KYIS BGROD PA'I CHA NAS DE RNAMS KYI LAM GSUM GYI THA SNYAD DNGOS SU 'DOGS PA BZHIN, GSUM PA NI, CHOS KYI BDAG MED RTOGS PA'I THEG DMAN MED PAR THAL, MNGON PAR RTOGS PA'I RGYAN 'DIR LTA BA LA BLTOS PA'I DBANG PO'I RIMS PAS THEG PA GSUM RNAM PAR GZHAG PA'I PHYIR, ZHE NA MA KHYAB STE, BDEN STONG RTOGS PA'I THEG PA DE LA YANG DBANG PO'I RIMS PA LA BLTOS PA'I, CHUNG DU 'BRING CHEN PO'I DBYE BA 'THAD PA'I PHYIR TE, ,DE LA YANG DE KHO NA NYID KYI RTING MYUR DU DPOG PA DANG, 'BRING DU DPOG PA DANG, 'BAD PA CHEN POS DUS YUN RING MO ZHIG NAS DPOG DGOS PA GSUM GYI RGYU MTSAN GYIS, THEG PA CHUNG DU 'BRING CHEN PO'I RNAM GZHAG 'THAD PA'I PHYIR, KHA CIG BDE STONG RTOGS PA'I LAM MED DE, MNGON PAR RTOGS PA'I RGYAN GYI DGONGS PA SEMS TZAM DU GNAS PA'I PHYIR TE, 'DI LAS PHYI DON MED PAR BSHAD PA'I PHYIR, ZHE NA, MA KHYAB STE, DES SEMS TZAM GYI LTA BA LAS MCHOG TU GYUR BA'I LTA BA YOD PAR BSTAN PA'I PHYIR TE, SHES @323A *, ,PA LA BDEN ZHEN SPONG NUS KYI LTA BA YOD PAR BSTAN PA'I PHYIR TE, SHES PA LA BDEN ZHEN SPONG MI NUS PA DE DMAN LAM GYI KHYAD CHOS SU BSTAN PA'I PHYIR, KHA CIG NA RE, CHOS KYI BDAG MED RTOd PA'I THEG DMAN MED DE, BZUNG DON RTOG PA SPONG PHYIR DANG, ,ZHES SOGS DANG, DE NI MTSAN MAR DMIGS SGO NAS, ,ZHES SOGS GSUNGS PA'I PHYIR, ZHE NA MA KHYAB STE, CHOS KYI BDAG MED MA RTOGS PA'I THEG DMAN 'PHAGS PA YOD PAR BSTAN PA TZAM YIN GYI, DES THEG DMAN 'PHAGS PA LA CHOS KYI BDAG MED MA RTOGS PA'I KHYAB PA BSTAN PA MA YIN PA'I PHYIR, GZHAN YANG, THEG DMAN 'PHAt PA LA CHOS KYI BDAG MED RTOGS PA DANG MA RTOGS PA'I TSUL GNYIS YOD DE, 'DI LA DBANG PO SNON PO DANG RTUL PO GNYIS YOD PA'I PHYIR, SNGA MA'I LAM BGROD TSUL NI, SHER PHYIN SUM BRGYA PA LAS, 'PHAGS PA'I GANG ZAG THAMS CAD NI 'DUS MA BYAS KYI RAB TU PHYE BA'I SLAD DU'O, ,ZHES SOGS KYIS BSTAN PAR 'GREL CHEN GNYIS LAS GSUNGS SHING, PHYI MA'I LAM BGROD TSUL NI, BZUNG DON RTOG PA SPONG PHYIR DANG, ZHES SOGS KYIS BSTAN PA'I PHYIR, GZHAN YANG, MNGON PAR RTOGS PA'I RGYAN RTZA 'GREL 'DIR CHOS KYI BDAG MED MA RTOGS PA'I THEG DMAN GYI LAM RGYAS PAR BSTAN PA LA RGYU @323B MTSAN YOD DE, BDEN STONG MA RTOGS PA'I THEG DMAN GYI RIGS CAN CHES SHIN TU MANG BA'I PHYIR, KHO NA RE, THEG DMAN LA CHOS KYI BDAG MED MA RTOGS PAS KHYAB STE, RGYAN LAS, CHE 'OS SEMS SKYED SPANGS PA'I SKYE BO DAG, GZHAN DON SEMS DANG DE YI THABS RNYED DANG, ,DGONGS CHEN DON DANG DE NYID MCHOG MTHONG BA'I, ,BDE BA DE SPANGS ZHI BAR 'GRO BAR 'GYUR, ,ZHES GSUNGS PA'I PHYIR, ZHE NA, MKHYAB STE, DE NI SEMS TZAM PA'I RANG GZHUNG YIN PA'I PHYIR, GZHAN YANG, KUN BRTAGS BDEN PAR MED CING GZHAN DBANG BDEN PAR YOD PA'I KHYAD PAR 'THAD PAR THAL, DE LTAR DU RGYAN LAS GSUNGS PA'I PHYIR, KHYAB PA KHAS, KHA CIG, CHOS KYI BDAG MED RTOGS PA'I THEG DMAN MED DE, RANG BYUNG NYID KYI DON DAM DE, ZHES SOGS KYI 'GREL BAR MDOR BSDU NA, GANG ZAG BZHI PO 'DI NI DE BZHIN GSHEGS PA'I SNYING PO BLTA BA LA MIG DANG MI LDAN PAR RNAM PAR BZHAG GO ,BZHI GANG ZHE NA, 'DI LTA STE, SO SO SKYE BO DANG, NYAN THOS DANG, RANG SANGS RGYAS DANG, THEG PA LA GSAR DU ZHUGS PA'I BYANG CHUB SEMS DPA' STE, ZHES SOGS GSUNGS PA'I PHYIR, ZHE NA, MA KHYAB STE, DE NI 'JIG LTA LHAG PAR 'PHEL BA'I SO SKYE DANG, PHUNG SOGS BDEN GRUB TU ZHEN PA'I NYAN THOS DANG, STONG NYID BSTAN @324A *, ,PA'I SNONG DU MI RUNG BA'I BYANG SEMS GSAR BU 'GA' ZHIG LA DGONGS PA'I PHYIR TE, RGYUD BLA'I 'GREL PAR, DE SKAD DU BCOM LDAN 'DAS DE PA'I SNYING PO 'DI 'JIG TSOGS LA LTA BAR LTUNG BA RNAMS DANG, PHYIN CI LOG LA MNGON PAR DGA' BA RNAMS DANG, STONG NYID LA SEMS RNAM PAR GA-YENGS PA RNAMS KYI SPYOD YUL MA LAGS SO, ,ZHES GSUNGS PA YIN NO, ,DE LA 'JIG TSOGS LA LTA BAR LTUNG BA NI BYIS PA SO SO SKYO BO RNAMS LA BRJOD DE, 'DI LTAR DE DAG NI BRTAN DU PHUNG PO LA SOGS PA'I CHOS ZAG PA DANG BCAS PA'I CHOS RNAMS LA BDAG DANG BDAG GI BA NYID DU KHAS BLANGS PA'I ZHES SOGS DANG, DE LA PHYIN CI LOG LA MNGON PAR DGA' BA NI, NYAN THOS DANG RANG SANGS RGYAS DAG LA BRJOD DE, DE CI'I PHYIR ZHE NA, 'DI LTAR DE DAG KYANG DE PA'I SNYING PO RTAG TU SGOM PAR BYA BA LAS SLAR DE RTAG PA'I 'DUS SHES SU SGOM PA LAS LOG NAS MI RTAG PA'I 'DU SHES SGOM PA LA MNGON PAR DGA' BA NYID DANG, DE PA'I SNYING PO BDE BAR SGOM PAR BYA BA LAS SLAR DE BDE BA'I 'DU SHES SGOM PA LAS LOG NAS SDUG BSNGAL BA'I 'DU SHES SGOM PA LA MNGON PAR DGA' BA NYID DANG, ZHES SOGS DANG, DE LA STONG PA NYID LA SEMS RNAM PAR GA-YENGS PA NI, THEG PA LA GSAR DU ZHUGS PA'I BYANG CHUB @324B SEMS DPA' STONG PA NYID KYI DON GYI TSUL DE PA'I SNYING PO LAS NYAMS PA DAG LA BRJOD DE, ,ZHES SOGS KYIS STONG NYID BSTAN PA'I SNOD DU MI RUNG BA'I GANG ZAG BZHI DMIGS KYIS GSAL NAS GSUNGS PA'I PHYIR, , RGYAS PAR NI, 'DI'I THAD KYI 'GREL PA LA ZHIB TU BLTAS PAS SHES PAR BYA'O, ,GZHAN YANG SO SO SKYE BO DANG THEG PA LA GSAR DU ZHUGS PA'I BYANG SEMS YIN NA BDEN STONG MA RTOGS PAS KHYAB PAR THAL, MDOR BSDU NA ZHES SOGS BSHAD PA'I PHYIR, 'KHOR GSUM, THEG DMAN 'PHAGS PA YIN NA DE PA'I SNYING PO MA RTOGS PAS KHYAB PAR THAL, MDOR BSDU NA ZHES SOGS GSUNGS PA'I PHYIR, 'KHOR GSUM, GZHAN YANG DRI BCAS KYI SEMS GANG ZAG GI BDAG GIS STONG PA'I STONG NYID DE PA'I SNYING PO MIN PAR THAL, THEG DMAN 'PHAGS PA YIN NA DE PA'I SNYING PO MA RTOGS PAS KHYAB PA'I PHYIR 'KHOR GSUM, GZHAN YANG, DRI BCAS KYI SEMS RIG CING GSAL TZAM RANG BZHIN GNAS RIGS MA YIN PAR THAL, RTAGS DE'I PHYIR, 'KHOR GSUM, GZHAN YANG MIG GI RNAM PAR SHES PAS GZUGS MA RTOGS PA'I GANG ZAG YIN NA, GZUGS MA RTOGS PA'I GANG ZAG YIN PAS KHYAB PAR THAL, ZAB MO STONG PA NYID MIG PHYE NAS GZUGS MTHONG BA LTAR MA RTOGS NA ZAB MO STONG PA NYID MA RTOGS PAS KHYAB PA'I PHYIR, @325A *, ,RTAGS KHAS, 'DOD NA, RNAM PAR RTOG PAS RTOGS NA MA RTOGS PAS KHYAB PAR THAL, 'DOD PA'I PHYIR, GZHAN YANG, MDOR BSDU NA GANG ZAG BZHI PO 'DI NI DE PA'I SNYING PO MTHONG BA LA MIG DANG MI LDAN PAR RNAM PAR BZHAG GO, ZHES SOGS KYI GZHUNG 'DIS CHOS KYI BDAG MED RTOGS PA'I THEG DMAN MED PAR MA BSTAN PA THAL, DES DE YOD PAR BSTAN PA'I PHYIR TE, THEG DMAN GYI MIG PHYE NAS GZUGS MTHONG BA LTAR DE PA'I SNYING PO MA RTOGS KYANG, DE PA LA DAD PA'I SGO NAS GSUNGS RAB KYI RJES SU 'BRANG STE DE PA'I SNYING PO RTOGS PAR BSTAN PA'I PHYIR, ,DMUS LONG GI MIG GI SHES PAS NYI MA'I DAL MA RTOGS KYANG GZHAN GYI BSTAN PA'I NGAG GI RJES SU 'BRANGS NAS, DES NYI MA'I DAL RTOGS PAR NUS PA'I PHYIR TE, ,RANG BYUNG RNAMS KYI DON DAM DE, ,DAD PA NYID KYIS RTOGS BYA YIN, ,ZHES SOGS KYIS RTOGS BYA MA YIN ZHES MA GSUNGS PA'I PHYIR, SKYE DGU'I PHAN BDE MA LUS 'BYUNG BA'I GZHI, ,CHOS KYI RGYAL PO BLO BZANG GRAGS PA'I DPAL, ,BZANG PO'I ZHABS KYI BSTAN PA'I RDZONG CHEN 'DI, ,YID CHES LUNG DANG DRI MED RIGS PA YIS, ,TSAD MED DPUNG TSOGS BZHI YI LUGS BZUNG STE, GRUB PA'I DBANG PHYUG MA 'ONGS MNGON SUM @325B GZIGS, BKA' BZHIN SGRUB PA'I MCHOD PAS MNYES BYED CING, LOG LTA'I DBANG GYUR RGOL NGAN THAL BAR RLOG ,DMIGS PA CHOS RNAMS THAMS CAD DE, ZHES SOGS KYI SKABS SU, SPYI DON DANG; GZHUNG DON GNYIS, DANG PO LA, GROL BA DON GNYER RNAMS KYI DMIGS PA'I RNAM GZHAG JI LTAR GSUNG TSUL SPYIR BSTAN PA DANG, 'DIR BSTAN GYI DMIGS PA BYE BRAG TU BSHAD PA GNYIS, DANG PO LA RNAM PA DU MA YOD DE, KUN BTUS LAS, CHOS LA DMIGS PA'I RAB TU DBYE BA GANG ZHE NA, KHYAB PA'I DMIGS PA DANG, SPYOD PA RNAM PAR SPYOD PA'I DMIGS PA DANG, MKHAS PA'I DMIGS PA DANG, NYON MONGS PA RNAM PAR SBYONG BA'I DMIGS PA'O, ,KHYAB PA'I DMIGS PA GANG ZHE NA, RNAM PAR RTOG PA DANG, BCAS PA'I GZUGS CAN DANG, RNAM PAR MI RTOG PA'I GZUGS CAN DANG, DNGOS PO'I MTHA' DANG, DGOS PA YONGS SU GRUB PA'O, ,RNAM PAR RTOG PA DANG BCAS PA'I GZUGS CAN GANG ZHE NA, MOS PA YID LA BYED PA GANG ZHIG NAS DANG LHAG MTHONG LA DMIGS PA'O; RNAM PAR MI RTOG PA'I GZUGS CAN GANG ZHE NA, DE KHO NA NYID YID LA BYED PAS ZHI GNAS DANG LHAG MTHONG LA DMIGS PA'O, ,DNGOS PO'I MTHA' GANG ZHE NA, GANG CHOS RNAMS KYI JI SNYED PA@326A *, ,YOD PA DANG, JI LTA BA BZHIN DU YOD PA'O, ,JI SNYED PA YOD PA NI, PHUNG PO DANG KHAMS DANG SKYE MCHED RNAMS SO, ,JI LTA BA YOD PA NI 'PHAGS PA'I BDEN PA BZHI DANG, RNAM PA BCU DRUG DANG, DE BZHIN NYID DANG, 'DU BYED THAMS CAD MI RTAG PA DANG, 'DU BYED THAMS CAD SDUG BSNGAL BA DANG, CHOS THAMS CAD BDAG MED PA DANG, MYA NGAN LAS 'DAS PA ZHI BA DANG; STONG PA DANG, MTSAN MA MED PA'O, ,DGOS PA YONGS SU GRUB PA GANG ZHE NA, GNAS 'BYUNG BA'O, ,RNAM PA BCU DRUG GI NANG NAS STONG PA NYID KYI RNAM PA DU ZHE NA, GNYIS SO, ,SMON PA MED PA'I RNAM PA DU ZHE NA DRUG GO, MTSAN MA MED PA'I RNAM PA DU ZHE NA BRGYAD DO, ,SPYOD PA RNAM PAR SBYONG BA'I DMIGS PA GANG ZHE NA, 'DOD CHAGS LA SPYOD PA RNAM GYIS NI MI SDUG PA'O, ZHE SDANG LA SPYOD PA RNAMS KYIS NI BYAMS PA'O, ,GTI MUG LA SPYOD PA RNAMS KYI NI RTEN 'DI LAS BYUNG BA RKYEN CING 'BREL BAR 'BYUNG BA'O, ,NGA RGYAL LA SPYOD PA RNAMS KYIS NI KHAMS KYI RAB TU DBYE BA'O; ;RNAM PAR RTOG PA LA SPYOD PA RNAMS KYIS NI DBUGS 'BYUNG RDUBS RJES SU DRAN PA'O, ,MKHAS PA'I DMIGS PA GANG ZHE NA, PHUNG PO LA MKHAS PA DANG, KHAMS LA MKHAS PA DANG, @326B SKYE MCHED LA MKHAS PA DANG, RTEN CING 'BREL PAR 'BYUNG BA LA MKHAS PA DANG, GNAS DANG GNAS MIN PA LA MKHAS PA'O, ,GNAS DANG GNAS MIN PA LA MKHAS PA JI LTAR BLTA ZHE NA, ,RTEN CING 'BREL PAR 'BYUNG BA LA MKHAS PA LAS BLTA'O, ,RTEN CING 'BREL PAR 'BYUNG BA LA MKHAS PA DANG, GNAS DANG GNAS MIN PA LA MKHAS PAS BYE BRAG CI YOD CE NA, CHOS RNAMS LAS CHOS RNAMS MNGON PAR 'BYUNG BA'I PHYIR RGYU BYED PA DAG, ,MI MTHUN PA'I RGYU YONGS SU SPANGS PAS RTEN CING 'BREL PAR 'BYUNG BA LA MKHAS PA'O, ,RGYU DANG MTHUN PAR 'BRAS BU 'BYUNG BA YONGS SU BZUNG BA'I PHYIR, GNAS DANG GNAS MIN PA LA MKHAS PA'O, ,NYON MONGS PA RNAM PAR SBYONG BA'I DMIGS PA GANG ZHE NA, SA 'OG MA RNAMS NI RAd PA NYID, SA GONG MA RNAMS NI ZHI BA NYID DO, , DE BZHIN NYID DANG 'PHAGS PA'I BDEN PA BZHI'O, ,ZHES DANG, NYAN SA LAS KYANG, 'DI DANG MTHUN PA KHO NAR BSHAD PA'I PHYIR, GNYIS PA LA, DGAG BZHAG SPANGS GSUM GYIS DANG PO NI, 'GREL CHEN LAS, GANG YANG CHOS KYI DBYINGS RTAG TU RNAM PAR DAG PA GNYIS SU MED PA'I YE SHES NYID NI DMIGS PA YIN NO SNYAM DU SEMS DPA' DE DAG GIS RTAG TU RNAM PAR DAG PA NYID @327A *, ,YIN BA'I GONG NAS GONG DU RNAM PAR DAG PA KHYAD PAR DU 'GRO BA JI LTAR BRJOD PAR BYA, CHU KHAMS GSER DANG NAM MKHA' RNAMS, ,DAG PA BZHIN DU DAG PAR 'DOD, CES GSUNGS PA YIN NO ZHE NA, PHYIR DE LTA NA NI DAG PA NI DE KHO NA NYID KYI YE SHES YIN NO, ,ZHES GNYAN PO'I PHYOGS LA MNGON PAR ZHEN PA YIN PA'I PHYIR MI MTHUN PA'I PHYOGS LA MNGON PAR ZHEN PA DON GYIS 'PHANG PA YIN NA, ,DE BAS NA MI MTHUN PA GNYEN PO'I PHYOGS KYI RNAM PAR RTOG PA SPANGS PA MED PAS, PHYOGS GCIG PA'I DAG PA BAR THAL BAR 'GYUR RO, ,KHYED KYI PHYOGS LTAR NA YANG RAB 'BYOR RNAM PA THAMS CAD MKHYEN PA NYID KYI DMIGS PA NI DNGOS PO MED PA YIN NO, ,ZHES GSUNGS PAS DMIGS PA DAG PA MTHAR THUGS PA JI LTAR YIN ZHE NA, NYES PA MED DE; GANG GI PHYIR RIGS PA'I RJES SU 'GRO BA'I DNGOS PO MED PA'I PHYIR NA DNGOS PO MED PA NI YANG DAG PA'I KUN RDZOB YIN PAR BRJOD LA, DE KHO NA NYID KYI RANG BZHIN SGRIBS PA NGE RIMS YI SGYUR MA LTA BUR RTOGS PA NYID NI RNAM PAR DAG PA YIN NO, ,ZHES GSUNGS PA 'DI YI DON LA, SEMS RTZOM PA'I 'DOD PA BRJOD PA DANG, DE 'GA' PA GNYIS, DANG PO NI, CHOS KYI DBYINGS RTAG @327B TU RNAM PAR DAG PA GNYIS STONG GI DE KHO NA NYID BDEN GRUB MI RTOG YE SHES KYI DMIGS PA YIN TE, GNYIS STONG GI DE KHO NA NYID LA GNYIS SNANG NUB PA'I YE SHES DES DBANG SHES LA SNANG BA LTAR MA GRUB PAR MNGON SUM DU GZIGS PA'I PHYIR, ZHES ZER, GNYIS PA NI, GZHAN DBANG LA DMIGS TE BSGOM PAS GZUNG 'DZIN RDZAS THA DANG DU 'DZIN PA'I RNAM PAR RTOG PA'I DE BZHIN NYID RNAM PAR DAG PA GONG NAS GONG DU KHYAD PAR DU 'GRO BA MED PAR THAL, 'KHRUL SNANG DANG RNAM RTOG GZHAN DBANG GI RANG BZHIN LA ZHUGS PA LTAR BDEN PAR GRUB PA'I PHYIR, KHYAB STE, BDEN GRUB LA BYA BYED MI 'THAD PA'I PHYIR, KHO NA RE, CHU DANG GSER DANG NAM MKHA' RNAMS, ,RANG BZHIN GYIS DAG PA YIN YANG RDUL DANG GA-YA' LA SOGS PAS RIMS KYI DAG PAR 'GYUR BA BZHIN DU DRI MA YANG GNYEN POS RIMS KYI NGAG PAR BYED DO ZHE NA, DE MI 'THAD PAR THAL, GZHAN DBANG DANG GNYIS STONG GI DE KHO NA NYID BDEN PAR GRUB PA GANG ZHIG ,BDEN GRUB RANG GI MI MTHUN PHYAGS SU GYUR PA'I GNYEN POS SPANG DU MI RUNG BA'I PHYIR TE, DE YIN NA GNAS LUGS MTHAR THUG YIN DGOS PA'I PHYIR, GZHAN DBANG CHOS CAN, KHYOD LA BZUNG 'DZIN RDZAS THA DAD DU SNANG BA DE @328A *, ,SNANG BA LTAR GRUB PAR THAL, DE BDEN PAR GRUB PA'I PHYIR, KHYAB STE, RDZUN PAS BDEN GRUB LA 'KHYUD PA'I SKABS MI SRID PA'I PHYIR, 'DOD NA GZUGS 'DZIN RDZAS THA DAD DU SNANG BA'I RNAM RTOG SPANGS SU MED PAR THAL, 'DOD PA'I PHYIR, DE NA MNYAM GZHAG YE SHES KYI GZHAL BYA BDEN GRUB TU KHAS BLANGS NA, SPANG BYA MI MTHUN PHYOGS SPANGS SU MI RUNG BAR KHAS BLANGS DGOS PAS BLO BUR RNAM DAG MED CING RANG BZHIN RNAM DAG KHO NA YOD PAR 'GYUR RO, ,KHO NA RE, MYU GU BDEN STONG CHOS CAN, BDEN PAR GRUB PAR THAL, MTHAR THUG DPYOD PA'I GZIGS DOR YOD PA'I PHYIR, 'DOD NA, SNGAR BSHAD PA'I NYES PA KHYOD RANG LA YANG YOD DO, ,ZHE NA, KHO BO CAG LA NYES PAR MI 'GYUR TE, MYU GU BDEN STONG RIGS SHES KYIS DMIGS KYANG DE BDEN GRUB TU KHAS MI LEN PA'I PHYIR TE, BDEN GRUB BKAG PA DE NYID KYANG BDEN STONG SGYU MA LTA BU YIN PA'I PHYIR TE, DE SKAD DU YANG, DBU MA BDEN GNYIS LAS, DGAG BYA YOD PA MA YIN PAS, ,YANG DAG DU NI BKAG MED BSAL, ,ZHES GSUNGS PA'I PHYIR, DES NA RIGS SHES RTOG MED RNAMS DON DAM YIN YANG, BDEN GRUB MIN TE, YANG DAG KUN RDZOB TU @328B 'DOD PA'I PHYIR TE, 'GREL CHEN LAS, DE LTAR BYAS NA, RANG BZHIN GTZO BOR GYUR PA NI, RIGS YIN LA RNAM PAR 'GYUR BA GTZO BOR GYUR PA NI, DMIGS PA YIN PAS GNYIS KA YANG GNYIS KA YIN PA LA NI DGAG PA MED DO, ,ZHES GSUNGS PA'I DON NI, DRI BCAS KYI SEMS BDEN PAS STONG BAR DMIGS PA'I SGO NAS RANG BZHIN GNAS RIGS SU 'GYUR GYI BDEN STONG TZAM RANG BZHIN GNAS RIGS SU MI RUNG LA, DMIGS PA'I SKABS SU SGRO 'DOGS BCAD PAR BYA BA'I GZHI NI KUN RDZOB GTZO CHE BA YIN GYI DE BZHIN NYID KYANG DMIGS PAR 'GYUR RO, ,MDOR NA DRI BCAS KYI SEMS BDEN STONG THEG CHEN SGRUB PA'I SGOM BYA'I GTZO BO YIN PA'I RANG GI SGRO 'DOGS BCAD PAR BYA BA'I GZHI YIN PAS DMIGS PA YANG YIN ZHES PA'O, ,DES NA GZHAN LUGS BKAG PA 'PHROS DON DANG BCAS PA'O, ,GNYIS PA LA MTSAN NYID, DBYE BA, SO SO'I RANG BZHIN BSHAD PA DANG GSUM, DANG PO NI, THEG CHEN SGRUB PAS SGRO 'DOGS BCAD PAR BYA BA'I GZHI'O, ,GNYIS PA NI, CHOS THAMS CAD THEG CHEN SGRUB PA'I DMIGS PA YIN LA, BSDU NA BCU GCIG STE, SPYIR BSTAN PA GSUM, BYE BRAG TU PHYAG BA BRGYAD YOD PA'I PHYIR, GSUM PA LA, SPYIR BSTAN PA GSUM DANG, BYE BRAG TU PHYE BA BZHI BSHAD PA DANG GNYIS, DANG @329A *, ,PO NI, LUNG DU BSTAN PA GANG ZHIG RNAM SMIN DKAR BA'I RIGS SU GNAS PA, DAG BA'I MTSAN NYID DE GANG ZHIG ,RNAM SMIN SANGS PA'I RIGS SU GNAS PA, MI DGE BA'I MTSAN NYID; DE GNYIS GANG RUNG DU LUNG DU SBTAN DU MI RUNG BA'I CHOS, LUNG MA BSTAN GYI MTSAN NYID, DNGOS BTAGS CI RIGS KYI SGO NAS BYE BA NI, KUN BTUS LAS, JI LTAR DGE BA YIN, DGE BA RNAMS NI DU ZHIG ,CI'I PHYIR, DGE BAR BTAGS SHA NA, NGO BO NYID DANG, 'BREL BA DANG, RJES SU 'BREL BA DANG, SLONG BA DANG, DON DAM PA DANG, SKYEBS THOB PA DANG, SBYOR BA DANG, MDUN DU BYA BA DANG, PHAN 'DGOS PA DANG, YONGS SU 'DZIN PA DANG, GNYEN PO DANG, NYE BAR ZHI BA DANG, CHOS MTHUN PAS KYANG DGE BAR BLTA'O, ,PHUNG PO RNAMS DANG KHAMS BCU GNYIS DANG, SKYE MCHED BZHI'I PHYOGS DANG, BDAG CHOS DANG LDAN PAR MNGON PAR ZHEN PA SPANGS BA'I PHYIR RO, ,GNO BO NYID KYI DGE BA GANG ZHEN NA, DAD PA LA SOGS PA SEMS LAS BYUNG BA'I CHOS BCU GCIG GO, ,'BREL BA'I DGE BA GANG ZHE NA; DE DAG DANG MTSUNGS PAR LDAN PA'I CHOS RNAMS SO, ,RJES SU 'BREL BA'I DGE BA GANG ZHEN NA, DE DAG NYID KYI DAG CHAGS GANG YIN PA'O, ,SLONG BA'I DGE BA GANG ZHE NA, DES KUN NAS SLANGS @329B PA'I LUS DANG DAG LAS SO, ,DON DAM PA'I DGE BA GANG ZHE NA, DE BZHIN NYID DO, ,SKYE BAS THOB PA'I DGE BA GANG ZHE NA, DGE BA'I CHOS 'DI DAG NYID SNGON SGOMS PAR BYAS PA LA BRTEN NAS DE'I NGO BO'I RNAM PAR NYIS PA MNGON PAR GRU BPA STE, DES DE DAG NYID LA RANG BZHIN GYIS SO SOR MA BRTAGS PA 'DOD PA KUN TU GNAS PA'O, ,SBYOR BA'I DGE BA GANG ZHE NA, SKYES BU DAM PA LA BRTEN PA DANG, DAM PA'I CHOS NYAN PA DANG, TSUL BZHIN YID LA BYED PA DDANG, GANG CHOS KYI RJES SU MTHUN PA'I CHOS SGRUB PA LA BRTEN NAS DGE BA SGOM PA'O, ,MDUN DU BYAS PAS DGE BA GANG ZHE NA, DE PA'I, MCHOD RTEN NAM, GZUGS SU BYAS PA'I, RI MOR BRIS PA MDUN DU BYAS PA'Am, CHOS SAM CHOS KYI GZHI GLEGS BA MA MDUN DU BYAS TE MCHOD PA'I LAS BNYED PA'O, ,PHAN 'DZOGS PA'I DGE BA GANG ZHE NA, GANG BSUD BA'I DNGO PO BZHI DAG GI SEMS CAN LA PHAN 'DOGS PA'O, ,YONGS SU 'DZIN PA'I DGE BA GANG ZHE NA, GANG SBYIN PA LAS BYUNG BA'I BSOD NAMS BYA BA'I DNGOS PA 'AM, TSUL KHRIMS LAS BYUNG BA'I MTHO RIS SU SKYE BA YONGS SU 'DZIN PA'AM, PHYUG PO DANG RIGS MTHON POR SKYE BA YONGS SU 'DZIN PA 'AM, RNAM PAR BYANG BA'I RJES SU MTHUN PA YONGS SU 'DZIN PA'O, ,GNYEN PA'I DGE BA GANG ZHE NA, GANG RNAM PAR BSUN BYIN PA'I GNYEN PO DANG, SPONG BA'I GNYEN PO @330A *, ,DANG; GZHI'I GNYEN PO DANG, THAG SRING PA'I GNYEN PO DANG, RNAM PAR MNON PA'I GNYEN PO DANG, NYON MONGS PA'I SGRIB PA'I GNYEN PO DANG, SHES BYA'I SGRIB PA'I GNYEN PO'O, , NYER BAR ZHI BA'I DGE BA GANG ZHEN A, GANG 'DOD CHAGS MTHA' DANG SPONG BA DANG, ZHE SDANG MTHA' DANG SPONG BA DANG, GTI MUG MTHA' DAG SPONG BA DANG, NYON MONGS PA MTHA' DAG SPONG BA DANG, 'DU SHES DANG TSOR BA 'GOG PA DANG, PHUNG PO'I LHAG MA DANG BCAS PA DANG, PHUNG PO'I LHAG MA MED PA'I MYA NGAN LAS 'DAS PA'I DBYINGS DANG, MI GNAS PA'I MYA NGAN LAS 'DAS PA'O, ,MTHUN PA'I DGE BA GANG ZHE NA, NYE BAR ZHI BA THOB PA, DE'I DBANG GIS YON TAN KHYAD PAR CAN 'JIG RTEN PA DANG 'JIG RTAN LAS 'DAS PA'I MNGON PAR SHES PA LA SOGS PA DANG, THUN MONG DANG THUN MONGS MIN PA RNAMS SO; JI LTAR NA ME DAG BA YIN, MI DGE BA RNAMS NI DU ZHIG ,CI'I PHYIR, MI DGE BAR BTAGS SHE NA, NGO BO NYID DANG 'BREL BA DANG, RHJES SU 'BREL BA DANG, SLONG BA DANG, DON DAM PA DANG, SKYEBS 'THOB PA DANG, SBYOR BA DANG, MDUN DU BYA BA 'AM, GNOD PA MED PA DANG, YONGS SU 'DZIN PA DANG, MI MTHUN PA'I PHYOGS DANG, BAR DU GCOD PAS KYANG MI DGE BAR BLTA'O, ,PHUNG PO DANG, KHAMS @330B BCU DANG, SKYED MCHED BZHI'I PHYOGS DANG, BDAG CHOS MIN PA DANG LDAN PAR, MNGON PAR ZHEN PA SPANGS PA'I PHYIR RO, ,GNO BO NYID KYI MI DGE BA GANG ZHE NA, YID DANG MTSUNGS PA'I LDAN PA DANG, GZUGS DANG GZUGS MED PA NA SPYOD PA'I NYON MONGS PA MA GTOGS PAR DE LAS GZHAN PA'I NYON MONGS PA DANG, NYE BA'I NYON MONGS PA DANG, NYE BA'I NYON MONGS PA KUN NAS SLONG BA'O, ,'BREL BA'I MI DGE BA GANG ZHE NA, NYON MONGS PA DANG NYE BA'I NYON MONGS PA DE DAG NYID DANG MTSUNGS PAR LDAN PA'I CHOS RNAMS SO, ,RJES SU 'BREL BA'I MI DGE BA GANG ZHE NA, DE DAG NYID KYI BAG CHAGS SO, ,SLONG BA'I MI DGE BA GANG ZHE NA, DES KUN NAS SLANGS PA'I LUS DANG NGAG GI LAS SO, ,DON DAM PA'I MI DGE BA GANG ZHE NA, 'KHOR BA THAMS CAD DO, ,SKYABS THOB PA'I MI DGE BA GANG ZHEN A, 'DI LTA STE, MI DGE BA SGOMS PAR BYAS PAS DE'I NGO BOR RNAM PAR SMIN PA MNGON PAR GRUB PAS TE, DES MI DGE BA NYID LA, 'DOD PA KUN TU GNAS PA'O, ,SBYOR BA'I MI DGE BA GANG ZHE NA, SKYES BU DAM PA MIN PA LA BRTEN PA DANG, DAM PA'I CHOS MIN PA NYAN PA DANG, TSUL BZHIN MA YIN PA'I YID LA BYED PA LA BRTEN NAS LUS KYI NYES PAR SPYAD PA SPYOD PA DANG, NGAG DANG YID KYI NYES PAR SPYAD PA SPYOD PA'O, ,MDUN DU BYA BA'I MI DGE BA GANG@331A *, ,ZHE NA, 'DI LTA STE, LHA'I RIGS GANG YANG RUNG BA BRTEN PA LA MDUN DU BYAS NAS, 'TSE BA SNGON DU BTANG BA 'AM, LTA BA NGAN PA SNGON DU BTANG NAS LHA RTEN BYED PA DANG, GANG DU SKYE BO PHAL PO CHE BSOD NAMS MIN PAS SBYOR BA DER MCHOD PA'I LAS SOGS LA SBYOR BA'O, ,GNOD PAR BYED PA'I MI DGE BA GANG ZHE NA, 'DI LTA STE, SEMS CAN RNAMS LA LUS DANG NGAG DANG YID KYIS LOG PAR BYED PA'O, YONGS SU 'DZIN PAR BYED PA'I MI DGE BA GANG ZHE NA, 'DI LTA STE, LUS KYI NYES PAR SPYAD PA SPYOD PA'AM, NGAG DANG YID KYI NYES PAR SBYONG BA SPYAD PAS NGAN 'GRO'Am BDE 'GROR 'BRAS BU MI 'DOD PA 'PHEN PA'I YONGS SU RDZOGS PAR BYED PA 'DZIN PA'O, ,MI MTHUN PA'I PHYOGS KYI MI DGE BA GANG ZHE NA, GNYEN PO'I MI MTHUN PA'I PHYOGS KYI CHOS GANG YIN PA'O, ,BAR DU GCOD PA'I MI DGE BA GANG ZHE NA, DGE BA'I BAR CHAD BYED PA'I CHOS GANG YIN PA DAG GO ,JI LTAR NA LUNG DU MA BSTAN PA YIN, LUNG DU MA BSTAN PA RNAMS NI DU ZHIG, CI'I PHYIR LUNG DU MA BSTAN PAR BTAGS SHE NA, NGO BO NYID DANG 'BREL BA DANG, RJES SU 'BREL BA DANG, SLONG BA DANG, DON DAM PA DANG, SKYE BAS THOB PA DANG, SBYOR BA DANG, MDUN DU BYA BA DANG, PHAN 'DOGS PA DANG, NYE BAR SPYOD PA DANG, YONGS SU 'DZIN PA DANG, GNYEN PO DANG, NYE BAR @331B ZHI BA DANG, RGYU MTHUN PAS KYANG LUNG DU MA BSTAN PAR BLTA'O, KHAMS BRGYAD DANG, SKYE MCHED BRGYAD DANG, PHUNG PO DANG KHAMS DANG, SKYE MCHED LHAG MA RNAMS KYI PHYOGS GCIG GO ,BDAG LA CHOS DANG, CHOS MIN PA DANG BRAL BAR MNGON PAR ZHEN PA SPANGS PA'I PHYIR RO, ,NGO BO NYID KYI LUNG DU MA BSTAN PA GANG ZHE NA, KHAMS DANG SKYE MCHED GZUGS CAN BRGYAD DANG, MTSUNGS BAR LDAN PA DANG BCAS PA'I YID DANG, SROG GI DBANG PO DANG RIS MTHUN PA DANG, MING GI TSOGS DANG, TSIG GI TSOGS DANG, YI GE'I TSOGS SO, ,'BREL BA'I LUNG DU MA BSTAN PA GANG ZHE NA, SNGANG BA'ANG MIN MI SDANG BA'ANG MIN PA'I SEMS SU GYUR PA'I MING DANG, TSIG DANG YI GE DE DAG NYID KYI YONGS SU ZIN PA'I SEMS DANG SEMS LAS BYUNG BA'I CHOS RNAMS SO, ,RJES SU 'BREL BA'I LUNG DU MA BSTAN PA GANG ZHE NA, DE NGAG NYID KYIS BRJOD PA'I BAG CHAGS SO, ,SLONG BA'I LUNG DU MA BSTAN PA GANG ZHE NA, DE DAG NYID KYI YONGS SU ZIN PA'I SEMS DANG SEMS LAS BYUNG BA'I CHOS RNAMS KYI GANG KUN NAS SLANG BA'I LUS DANG NGAG GI LAS SO, ,DON DAM PA'I LUNG DU MA BSTAN PA GANG ZHE NA, NAM MKHA' DANG SO SOR BRTAGS PA MIN PA'I 'GOG PA'O, ,SKYE BAS THOB PA'I LUNG DU MA BSTAN PA GANG ZHE NA, MI DGE BA'I CHOS RNAMS DANG, DGE BA ZAG PA DANG BCAS PA'I CHOS RNAMS KYI RNAM @332A *, ,PAR SMIN PA'O, ,SBYOR BA'I LUNG DUM BSTAN PA GANG ZHE NA, NYON MONGS PA CAN MA YIN LA, DGE BA YANG MIN PA'I SEMS DANG LDAN PA'I SPYOD LAM DANG BZO'I GNAS SO, MDUN DU BYA BA'I LUNG DU MA BSTAN PA GANG ZHE NA, 'DI LTA STE, LHA'I RIS GANG YANG RUNG BA LA BRTEN PA MDUN DU BYAS TE, 'TSE BA'AM LTA BA NGAN PA RNAM PAR SPANGS TE LHA BSTEN BYED PA DANG, GANG DU SKYE BO PHAL PO CHE BSOD NAMS KYANG MI SKYED LA, BSOD NAMS MIN PA YANG MI SKYED PAR LHA RTEN 'DZUG PA'O, ,PHAN 'DOGS PA'I LUNG DU MA BSTAN PA GANG ZHE NA, 'DI LTA STE, BRAN DANG, BLA MI DANG, LAS BYED PA RNAMS BU DANG CHUNG MA RNAMS LA SDANG BA'ANG MIN DANG BA YANG MA YIN PA'I SEMS KYIS SBYIN PA BYIN PA'O, ,NYE BAR SPYOD PAS LUNG DU MA BSTAN PA GANG ZHE NA, 'DI LTA STE, SO SOR BRTAGS PA MA YIN LA, NYON MONGS PA CAN MIN PA'I SEMS KYIS LONG SPYOD RNAMS SPYAD PA'O, ,YONGS SU 'DZIN PA'I LUNG DU MA BSTAN PA GANG ZHE NA, 'DI LTA STE, BZO'I GNAS LA GOMS PA'I PHYIR, MA 'ONGS PA NA DE'I NGO BO'I LUS YONGS SU 'DZIN PAR BYED PA STE, DES MYUR BAR BZO'I GNAS DE DAG LA BSLAB PA MTHAR PHYIN PAR 'GYUR BA'O, ,GNYEN POS LUNG DU MA BSTAN PA GANG ZHE NA, 'DI LTA STE, SO SOR MA BRTAd PAR SMAN BSTEN PA'O, ,NYE BAR ZHI BAS LUNG DU MA BSTAN PA GANG @332B ZHE NA; GZUGS DANG, GZUGS MED PA NA SPYOD PA'I NYON MONGS PA STE, ZHE GNAS DANG LDAN PA'I PHYIR RO, ,RGYU MTHUN PAS LUNG DU MA BSTAN PA GANG ZHE NA, SPRUL BA'I SEMS RANG LHAN CIG SKYES PA'O, ,YANG BSTAN PAS KYANG DGE BA DANG MI DGE BA DANG LUNG DU MA BSTAN PAR BLTA STE, DE YANG GANG ZHE NA, GANG SANGS RGYAS RNAMS DANG, BYANG CHUB SEMS DPA' DAM PA'I PHA ROL TU SON PA RNAMS KYIS SEMS CAN LA PHAN 'DAGS PA'I PHYIR STON PA STE, DE NA DE DAG DE BZHIN DU YONGS SU GRUB PA NI GANG YANG MED DO, ,ZHES GSUNGS PA LTAR YOD, DE BZHIN NYING DON DAM PA'I DGE BA YIN YANG DGE BA NI MIN TE, DGE RTZA CHANG BA'I RGYUD LA YANG DE BZHIN NYID YOD PA'I PHYIR, DGE BAR BSHAD PA'I RGYU MTSAN YOD DE, DGE BA'I SEMS KYIS DMIGS BA YIN PAS DGE BAR BSHAD PA'I PHYIR, GZHAN RNAMS NI PHAL CHER DGE BAR MNGON LA, 'KHOR BA DON DAM PA'I MI DGE BA YIN YANG; MI DGE BA MIN TE, GONGS SA BSDUS PA'I 'KHOR BA YOD PA'I PHYIR, MI DGE BA DANG 'DRA BAR SDUG BSNGAL KUN GYI 'BYUNG GNAS YIN PAS MI DGE BAR BSHAD, GZHAN RNAMS PHAL CHER MI DGE BA YI ZHING; LUNG MA BSTAN DU BSHAD PA RNAMS LUNG MA BSTAN YIN, MTSAN NYID KYI RIGS GNAS SMOS PA'I DGOS PA NI, KHONGS KHROS BCOM ZIN PA'I DGE BA RNAM SMIN PHUNG ZIN PA'I DGE BA, BSAM GTAN BZHI PA @333A *, ,YAN CHAD KYI DGE BA RNAMS DGE BAR BSDU BAR BYA BA'I PHYIR DANG, GNYEN POS BCOM PA'I MI DGE BA DANG, RNAM SMIN BYUNG ZIN PA'I MI DGE BA RNAMS MI DGE BAR BSDU BA'I PHYIR DU YIN TE, BSAM GTAN BZHI BA YAN CHAD KYI DGE BA'I LAS RNAMS TSOR BA BTANG SNYOMS MYONG 'GYUR GYI LAS SU GSUNGS SHING, RNAM SMIN BYUNG ZIN PA DANG GNYEN PO KHONG KHROS BCOM PA'I LAS KYIS KYANG RNAM SMIN GYI 'BRAS BU MI 'BYIN PAR GSUNGS PA'I PHYIR, GNYIS PA BYE BRAG TU PHYE BA BZHI BSHAD PA NI, LAS NYON GYI 'PHANGS SHING THOGS MED NAS 'KHOR BAR 'DRIS PA'I RIGS SU GNAS PA, 'JIG RTEN PA'I MTSAN NYID, NYE LEN GYI PHUNG PO LNGA LTA BU, ZAG MED GANG ZHIG ,THOGS MED NAS 'KHOR BAR 'DRIS PA'I RIGS SU GNAS PA, 'JIG RTEN LAS 'DAS PA'I MTSAN NYID, 'PHAGS RGYUD KYI BSAM GTAN BZHI PO LTA BU, LAS NYON GYI DBANG GIS BYUNG ZHING BDAG LTA'I GNYEN PO MI BYED PA'I RIGS SU GNAS PA; ZAG BCAS KYI MTSAN NYID, NYER LEN KYI PHUNG PO LNGA PO LTA BU, LAS NYON GYI DBANG GIS BYUNG BA MA YIN ZHING BDAG LTA'I GNYEN PO BYED PA'I RIGS SU GNAS PA, ZAG MED KYI MTSAN NYID, LAM BDEN LTA BU, RANG GI RGYU RKYEN LAS SKYES PA, 'DUS BYAS KYI MTSAN NYID, LAM BDEN LTA BU'O, ,RANG GI RGYU RKYEN LAS MA SKYES PA 'DUS MA BYAS KYI MTSAN NYID, BLO BUR DRI BRAL GYI DE BZHIN NYID LTA BU, 'PHAGS BZHI'I RGYUD LA 'BYUNG @333B RUNG GI RIGS SU GNAS PA'I YON TAN DU DMIGS PA, THUN MONGS PA'I YON TAN GYI MTSAN NYID, BSAM GTAN BZHI LTA BU'O, ,YANG DAG PAR RDZOGS PA'I SANGS RGYAS KHO NA'I RGYUD LA 'BYUNG RUNG GI RIGS SU GNAS PA'I YON TAN DU DMIGS PA, THUN MONGS MIN PA'I YON TAN GYI MTSAN NYID, SANGS RGYAS RANG RGYUD KYI BSDUS PA'I STOBS BCU LA SOGS PA LTA BU'O, ,SANGS RGYAS RANG RGYUD KYI BSDUS PA'I STOBS DE LA STOBS ZHES BRJOD PA'I RGYU MTSAN YOD DE, SANGS RGYAS KYI MNGON PAR RTOGS PA MA LUS PA'I RTEN BYED PAS DE LTAR BRJOD PA'I PHYIR, GSUM PA NI, 'PHAGS PA'I BDEN PA BZHI CHES CAN, THEG CHEN GYI MTHONG LAM BAR CHAD MED LAM GYIS DMIGS PAR THAL, DES SGRO 'DOd BCAD PAR BYA BA'I GZHI YIN PA'I PHYIR TE, DE BDEN 'DZIN KUN BTAGS KYIS DMIGS PA YIN PA'I PHYIR, 'DOD NA, DES DMIGS BAR THAL, DE'I DMIGS PA YIN PA'I PHYIR, GZHAN YANG DE LA SNANG BAR THAL, DES DMIGS PA'I PHYIR ZHE NA; THEG CHEN GYI MTHONG LAM BAR CHAD MED LAM GYI DMIGS PA YIN NA, DES DMIGS PAS MA KHYAB STE, DES SGRO 'DOGS DBYAD PAR BYAS PA'I GZHI YIN NA, DES DMIGS PAS MA KHYAB PA'I PHYIR, GZHAN YANG 'PHAGS PA'I BDEN PA BZHI PO DE STONG NYID LA RTZE GCIG TU MNYAM PAR GZHAG PA'I BYANG SEMS KYI SBYOR LAM DROD KYI DMIGS PA MA YIN PAR THAL, DE THEG CHEN GYI MTHONG LAM BAR CHAD MED LAM GYIS DMIGS PA MA YIN PA'I PHYIR, RTAGS KHAS, @334A *, ,'DOD NA, DMIGS PA MI RTAG LA SOGS PA, ,BDEN PA'I RTEN CAN DE YI NI, ,ZHES SOGS KYI GZHUNG DON MA GRUB PAR THAL, 'DOD PA'I PHYIR, GNYIS PA GZHUNG DON NI, RNAM MKHYEN THOB PAR 'DOD PA RNAmS KYIS THEG PA CHEN POR SEMS BSKYED, GDAM NGAG NYAN RANG BZHIN GNAS RIGS PA BRTEN NAS THEG CHEN GYI SGRUB PA NYAMS SU LEN PA'I TSE DGE BA'I CHOS MTHA' NGAG NYAMS SU BLANGS SHING, SDIG TO MI DGE BA'I PHYOGS MTHA' DAG SPANG BAR BYA BA DANG, LUNG MA BSTAN GYI PHYOGS RNAMS BTANG SNYOMS SU BZHAG PA'I SGO NAS SGRO BKUR GYI GA-YENG BA THAMS CAD SPANG DGOS SO ZHES STON PA LA GZHUNG 'DI GSUNGS, CHOS THAMS CAD CHOS CAN, THEG CHEN SGRUB PA'I DMIt PA YIN TE, DES SGRO 'DOGS BCAD PAR BYA BA'I GZHI YIN PA'I PHYIR, THEG CHEN SGRUB PA'I DMIGS PA LA BCU GCIG TU, GRANGS DES TE THEG CHEN GYI SGRUB PA BCU GCIG PO DE LA DMIGS TE SGRO 'DOGS BCAD PAS RNAM MKHYEN MYUR DU THOB PAR 'GYUR BA'I PHYIR, RE ZHIG DANG POR PHYIR DGE BA ZHES SOGS LA THEG CHEN GYI SGRUB PA'I DMIGS PA DE LA SPYIR RTEN GYI SGO NAS DBYE BA GSUM YOD DE, DE LA DE'I SGO NAS DBYE NA, DGE MI DGE LUNG MA BSTAN GSUm DU YOD PA'I PHYIR, DGE SBYONG GI TSUL CHOS CAN, DGE BA YIN TE, LUNG DU BSTAN PA GANG ZHIG ,RNAM SMIN DKAR BA'I RIGS SU GNAS PA YIN PA'I PHYIR, SROG GCOD PA'I LAS CHOS CAN, MI DGE BA YIN TE, LUNG DU @334B BSTAN PA GANG ZHIG RNAM SMIN SNAG PA'I RIGS SU GNAS PA'I PHYIR, LUNG MA BSTAN GYI SEMS KYI KUN NAS SLANGS PA'I LAS CHOS CAN, LUNG DU MA BSTAN PA YIN TE, DGE SDIG GANG RUNG DU LUNG BSTAN DU MI RUNG BA'I CHOS YIN PA'I PHYIR, SPYI DON SNGAR BSHAD PA RNAMS 'DI RNAMS LA YANG BLANG BAR BYA'O, ,SEMS CAN KUN MCHOG NYID, CES SOGS KYI SKABS SU, SPYI DON DANG, GZHUNG DON GNYIS, DANG PO LA, MTSAN NYID DBYE BA, SA MTSAMS RTZOD SPANGS DANG BZHI, DANG PO NI GANG GI DBANG DU BYAS TE TE THEG CHEN SGRUB PA NYAMS LEN LA 'JUG PA'I THOB BYA MTHAR THUG DE GZHUNG DE'I DNGOS KYI BSTAN BYA'I GTZO BOR GYUR PA'I THEG CHEN SGRUB PA'I CHED DU BYA BA'I MTSAN NYID, GNYIS PA LA SEMS PA CHEN PO, ,SPONG BA CHEN PO, ,RTOGS PA CHEN PO DANG GSUM, DANG PO NI, DE PA'I THUGS RGYUD KYI THUGS RJE CHEN PO LTA BU, GNYIS PA NI, SPANGS PA MTHAR THUG LTA BU, GSUM PA NI, BDAG MED RTOGS PA'I MTHAR THUG PA'I SHE RAB LTA BU'O, ,GSUM PA NI, 'DIR DNGOS BSTAN GYI CHED DU BYA BA'I SA MTSAMS SANGS RGYAS KYI SA KHO NA NA YOD, SPYIR NI LAM MA ZHUGS NA THEG CHEN SGRUB PA'I CHED DU BYA BA YOD DE, MNGON PAR MTHO BA DANG NGES PAR LEGS PA THAMS CAD THEG CHEN SGRUB PA'I CHED DU BYA BA YIN TE, GZHAN DON MTHA' DAG THEG CHEN SGRUB PA'I CHED DU BYA BA'I GTZO BO YIN PA'I PHYIR TE, GZHAN DON MTHA' DAG THEG CHEN KUN RDZOB SEMS BSKYED KYI CHED DU @335A *, ,BYA BA'I GTZO BO YIN PA'I PHYIR TE, SEMS BSKYED PA NI GZHAN DON PHYIR, YANG DAG RDZOGS PA'I BYANG CHUB 'DOD, CES DANG, 'GREL BAR, SANGS RGYAS SU GRUB NAS GZHAN GYI DON GYI PHYIR SKAL PA JI LTA BA BZHIN DU 'BAD PAR BYA'O, ,ZHES DANG SPYOD 'JUG LAS, DNGOS SAM YANG NA RGYUD KYANG RUNG, ,SEMS CAN DON LAS GZHAN MI SPYAD, ,SEMS CAN KHO NA'I DON GYI PHYIR, ,THAMS CAD BYANG CHUB PHYIR BSNGO'O, ZHES GSUNGS PA'I PHYIR, BYANG CHUB SEMS DPA' RNAMS CHED DU BYA BA SEMS CAN THAMS CAD KYI DON SGRUB PAR BYA BA'I THABS SU THOB BYA YANG DAG PAR RDZOGS PA'I SANGS RGYAS THOB PHYIR DU SEMS BSKYED PHYIR DRUG BSDU DNGOS BZHI'I SGO NAS RANG GZHAN MTHA' DAG GI RGYUD SMIN PAR BYED PAS NA, GZHAN DON NI THEG PA CHEN PO'I SGRUB PA DANG, BYANG CHUB SEMS DPA' RNAMS KYI CHED DU BYA BA'I GTZO BO, ,RDZOGS PA'I SANGS RGYAS DE SGRUB YOD KYI THABS RNAMS KYI GTZO BO YIN TE, DE LTAR DU CHOS KYI RGYAL PO SHAR TZONG KHA PAS DPAL LDAN 'DUS PA'I MTHA' DPYOD SOGS SU GSAL BAR GSUNGS PA'I PHYIR, BZHI PA NI, CHEN PO GSUM, THEG CHEN SGRUB PA'I CHED DU BYA BA'I GTZO BOR BSHAD PA MI 'THAD PAR THAL, GZHAN DON THEG CHEN SGRUB PA'I CHED DU BYA BA'I GTZO BO YIN PA'I PHYIR, ZHE NA MA KHYAB STE, CHEN PO GSUM PO DE NYID GZHAN DON SGRUB BYED KYI THABS KYI GTZO BO YIN PAS DE'I GTZO BOR GSUNGS PA'I PHYIR DANG, GZHAN DON MTHA' DAG GTZO BOR @335B BYED PA 'DOD PA RNAMS KYIS 'DI LTA BU GSUM THOB PAR BYA DGOS SO ZHES RTOGS PA'I PHYIR DU 'DI RNAMS THEG CHEN SGRUB PA'I CHED DU BYA BA'I GTZO BOR GSUNGS PA'I PHYIR, BYANG CHUB SEMS DPA' DANG RGYUD THA DAD DU GYUR BA'I SANGS RGYAS 'PHAGS PA'I THUGS RGYUD KYI CHEN PO GSUM PO CHOS CAN, THEG CHEN SGRUB PA'I THOB BYA MTHAR THUG YIN PAR THAL, THEG CHEN SGRUB PA'I CHED DU BYA BA YIN PA'I PHYIR, 'DOD NA, BYANG CHUB SEMS DPA'I THOB BYA MTHAR THUG YIN PAR THAL, 'DOD PA'I PHYIR, 'DOD NA, BYANG SEMS DANG RGYUD THA DAD DU GYUR BA'I GANG ZAG GI RGYUD KYIS BSDUS PA MA YIN PAR THAL, 'DOD PA'I PHYIR, ZHES ZER ZHING, NYAN THOS KYI LAM YIN NA NYAN THOS RANG RGYUD KYIS BSDUS PAS KHYAB PA DANG, THEG DMAN GYI LAM YIN NA THEG DMAN RANG RGYUD KYIS BSDUS PAS KHYAB BO ZHES ZER, NYAN THOS DANG RGYUD THA DAD DU GYUR BA'I NYAN THOS DGRA BCOM PA'I MKHYEN PA NYAN THOS DANG RGYUD THA DAD DU GYUR PA'I GANG ZAG GI RGYUD KYIS BSDUS PA'I NYAN THOS KYI LAM YIN PAR THAL, BYANG CHUB SEMS DPA' DANG RGYUD THA DAD DU GYUR BA'I SANGS RGYAS 'PHAGS PA'I THUGS RGYUD KYI CHEN PO GSUM PO DE BYANG SEMS DANG RGYUD THA DAD DU GYUR BA'I SANGS RGYAS 'PHAGS PA'I RGYUD KYI BSDUS PA'I THEG CHEN SGRUB PA'I CHED DU BYA BA YIN PA'I PHYIR, RTAGS KHAS SO, ,'DOD NA, DE CHOS CAN, NYAN THOS KYI RGYUD KYIS BSDUS PAR THAL, NYAN THOS KYI LAM YIN PA'I PHYIR, RTAGS KHYAB DNGOS, 'DOD NA, MA YIN PAR THAL, NYAN THOS DANG@336A *, ,RGYUD THA DAD DU GYUR PA'I GANG ZAG GI RGYUD KYIS BSDUS PA'I PHYIR 'KHOR GSUM, GZHAN YANG, DE CHOS CAN, THEG DMAN DGRA BCOM PA'I MKHYEN PAR THAL, NYAN THOS DGRA BCOM PA'I MKHYEN PA YIN PA'I PHYIR, RTAGS KHAS, 'DOD NA, THEG DMAN GYI LAM DU THAL, 'DOD PA'I PHYIR, 'DOD NA, DE'I RGYUD KYIS BSDUS PAR THAL, 'DOD PA'I PHYIR, RTAGS KHYAB DNGOS, 'DOD NA MA YIN PAR THAL, THEG DMAN DANG RGYUD THA DAD DU GYUR PA'I NYAN THOS KYI RGYUD KYIS BSDUS PA'I PHYIR, RTAGS GSAL DNGOS, GZHAN YANG, BYANG CHUB SEMS DPA' DANG RGYUD THA DAD DU GYUR BA'I SANGS RGYAS 'PHAGS PA'I RGYUD KYI SEMS DPA' CHEN PO CHOS CAN, SANGS RGYAS 'PHAGS PA'I MKHYEN PA YIN PAR THAL, RNAM MKHYEN YIN PA'I PHYIR, RTAGS KHAS SO, ,'DOD NA, SANGS RGYAS 'PHAGS PA'I RGYUD KYIS BSDUS PAR THAL, 'DOD PA'I PHYIR, 'DOD NA, MA BSDUS PAR THAL, SANGS RGYAS 'PHAGS PA DANG RGYUD THA DAD DU GYUR PA'I RGYUD KYIS BSDUS PA'I PHYIR TE, BYANG CHUB SEMS DPA' DANG RGYUD THA DAD DU RGYUR BA'I RGYUD KYIS BSDUS PA'I PHYIR ,RTAGS SNGA PHYI RIMS BZHIN KHAS BLANGS SO, ,GAL TE SANGS RGYAS 'PHAGS PA DANG, BYANG CHUB SEMS DPA' RGYUD THA DAD YIN NO, ,ZHE NA, RNAM MKHYEN CHOS CAN, BYANG CHUB SEMS DPAS KHYOD THOB PA MI SRID PAR THAL, BYANG CHUB SEMS DPA' DANG RGYUD THA DAD DU GYUR PA'I SANGS RGYAS 'PHAGS PA'I RGYUD KYIS BSDUS PA'I MKHYEN PA YIN PA'I PHYIR, RTAGS KHYAB DNGOS, 'DOD NA, @336B BYANG CHUB SEMS DPA' SANGS RGYAS PA'I DUS MI SRID PAR THAL, 'DOD PA'I PHYIR, GZHAN YANG, BYANG CHUB SEMS DPA' DANG RGYUD THA DAD DU GYUR PA'I GANG ZAG MED PAR THAL, BYANG CHUB SEMS DPA' DANG RGYUD THA DAD DU GYUR PA'I BYANG SEMS MED PA'I PHYIR TE, GANG ZAG DANG RGYUD THA DAD DU GYUR PA'I GANG ZAG GI RGYUD KYI TSOR BA MED PA'I PHYIR, MA GRUB NA, DE CHOS CAN, GANG ZAG GI RGYUD KYIS BSDUS PAR THAL, TSOR BA YIN PA'I PHYIR, KHYAB STE, SHING DANG BONG BA SOGS LA TSOR BA MED PA'I PHYIR, MA GRUB NA, SHING MES BSREGS PA DANG, MTSON GYIS BCAD PA NA SHING LA SDUG BSNGAL SNA TSOGS 'BYUNG BAR THAL, MA GRUB PA'I PHYIR, RTZA BAR 'DOD NA, GANG ZAG GI RGYUD KYIS MA BSDUS PAR THAL, DE DANG RGYUD THA DAD DU GYUR PA'I DE'I RGYUD KYIS BSDUS PA'I PHYIR, 'KHOR GSUM, GZHAN YANG, ZIN PA'I 'BYUNG BA LAS GYUR PA DANG, MA ZIN PA'I 'BYUNG BA LAS GYUR PA'I RNAM BZHAG MI 'THAD PAR THAL, TSOR BA YIN NA GANG ZAG GI RGYUD KYIS BSDUS PAS MA KHYAB PA'I PHYIR; RTAGS KHAS SO, ,DES NA, RIGS CAN GSUM PO RGYUD GCIG YIN TE, DANG POR NYAN THOS KYI LAM, DE RJES RANG RGYAL GYI LAM, DE RJES THEG CHEN GYI LAM GSUM LA RIMS KYIS 'JUG PA'I GANG ZAG YOD PA'I PHYIR, KHYAB STE, RGYUD THA DAD DU GYUR PA'I GANG ZAG PHAN TSUN GYI MNGON PAR RTOGS PA RGYUD PHAN TSUN LA 'PHO BAR MI NUS PA'I PHYIR TE, NYID KYI RTOGS PA GZHAN LA 'PHO MIN TE, ZHES SOGS KYI RIGS PA JI LTAR BA BZHIN MTSUNGS PA'I PHYIR, GZHAN YANG, @337A *, ,'GRO BA RIGS DRUG RGYUD GCIG YIN TE, DE RNAMS KYIS BDE SDUG RIMS KYIS MYONG BAR 'GYUR BA'I GANG ZAG YOD PA'I PHYIR TE, DE RNAMS SU RIMS BZHIN DU SKYE BA LEN PA'I GANG ZAG YOD PA'I PHYIR, THAL 'GYUR RTZA BAR KHYAB STE; BYAMS PA'I RGYUD KYI TSOR BA NYER SBAS KYIS MYONG BA DANG, NYER SBAS KYI RGYUD KYI TSOR BA BYAMS PAS MYONG BA LTA BU MI SRID PA'I PHYIR TE, DE GNYIS RGYUD THA DAD YIN PA'I PHYIR, RTAGS KHYAB GRUB STE, 'JUG PAR, BYAMS PA NYER SBAS LA BRTEN CHOS RNAMS NI, ,GZHAN NYID PHYIR NA RGYUD GCIG RTOGS MIN TE, ,GANG DAG RANG MTSAN NYID KYI SO SO BA, DE DAG RGYUD GCIG RTOGS PA RIGS MA YIN, ZHES GSUNGS PA'I PHYIR, GZHAN YANG, LAS MA BYAS PA DANG PHRAD PA DANG, BYAS PA CHUD ZA BA YOD PAR THAL, BDE 'GRO DANG NGAN 'GRO'I GANG ZAG RGYUD THA DAD GANG ZHIG, ,BDE 'GRO'I GANG ZAG RNAMS KYI NGAN SONG GIS SDUG BSNGAL MYONG BA YANG SRID LA, NGAN 'GRO'I GANG ZAG RNAMS KYIS BDE 'GRO'I BDEBS MYONG BA YANG SRID PA'I PHYIR RO, ,DON LA 'KHOR GSUM, GNYIS PA GZHUNG DON NI DMIGS PA BCU GCIG LA DMIGS NAS NYAMS SU SLANG BAR BYA PA'I THEG CHEN GYI SGRUB PA DE'I CHED DU BYA BA GANG ZHE NA, DE STON PA LA GZHUNG 'DI GSUNGS, CHEN PO GSUM CHOS CAN, THEG CHEN GYI SGRUB PA'I CHED DU BYA BA YIN TE, CHED DU BYA BA SEMS CAN THAMS CAD KYI DON DU THEG CHEN SGRUB PA NYAMS SU LEN PA LA 'JUG PAR 'DOD PA RNAMS KYI THOB BYA MTHAR THUG YIN @337B PA'I PHYIR, DE LTAR SGRUB PA'I RTEN DU, ZHES SOGS KYI SKABS SU SPYI DON DANG, GZHUNG DON GNYIS, DANG PO LA MTSAN NYID, DBYE BA, SA MTSAMS RTZOD PA SPANGS PA DANG BZHI, DANG PO NI, THEG CHEN SEMS BSKYED LA BRTEN NAS DON GNYIS SU PHUN TSOGS SGRUB PAR BYED PA'I CHEN PO GSUM LDAN GYI SEMS PA'I RNAL 'BYOR DU DMIGS PA, THEG CHEN SGRUB PA'I MTSAN NYID YIN TE, MDO SDE RGYAN LAS, GNAS RTZOM 'BRAS BU 'BYUNG BA CHE BDAG NYID, ,RGYAL SRAS RNAMS KYI SGRUB PA YIN PAR 'DOD, ,RTAG TU LEN PA CHE DANG BZOD PA CHE, ,DON CHEN YANG DAG SGRUB PA'I BYA BA BYED, CES GSUNGS LA, THEG CHEN GYI SGRUB PA CHOS CAN, CHEN PO GSUM DANG LDAN TE, GNAS PA CHE BA, RTZON PA CHE BA, 'BRAS BU 'BYUNG BA CHE BA, RTAG TU KHAS LEN CHE BA, BZOD PA CHE BA, DON CHEN YANG DAG PAR SGRUB PA'I BYA BA BYED PA'I PHYIR, DANG PO GRUB STE, THEG CHEN SEMS BSKYED LA GNAS PA'I PHYIR, GNYIS PA GRUB STE, RANG GZHAN MTHA' DAG GI DON LA RTZON PA'I PHYIR, GSUM PA GRUB STE, BYANG CHUB CHEN PO'I 'BRAS BU 'BYIN PA'I PHYIR, BZHI PA GRUB STE, SEMS CAN GYI DON NYE BAR BSGRUB PAR KHAS LEN PA'I PHYIR, LNGA PA GRUB STE, GZHAN DON DU SDUG BSNGAL MTHA' DAG DANG DU LEN PA'I PHYIR; DRUG PA GRUB STE, SEMS CAN MTHA' DAG GIS SDUG BSNGAL BA SEL BA DANG, PHAN BDE SGRUB PA'I BYA BA BYED PA'I PHYIR, THEG CHEN GYI SGRUB PA NGES RANG GZHAN GYI DON KHYAD MED DU SGRUB PAR STON PA'I RGYU MTSAN YOD DE, MDO SDE RGYAN @338A *, ,LAS; BDAG DANG GZHAN DU SNYAM PA'I SEMS NYID DAM, BDAG PAS GZHAN CES SDUG PA RNYED NAS NI, DE LTAR BDAG PAS GZHAN DON MCHOG TU SHES, RANG GI DON GANG GZHAN GYI DON GANG YIN, ,ZHES GSUNGS SHING MTSAMS SBYAR GYI 'GREL PAR, ,RANG GZHAN GYI DON GYI KHYAD PAR MED PAR TSIGS SU BCAD PA ZHES GSUNGS PA'I PHYIR, GZHAN DON GTZO BOR SGRUB PAR STON PA'I RGYU MTSAN YOD DE, GZHAN GYI DON KHYAD PAR DU BYA BAR TSIGS SU BCAD PA ZHES MTSAMS SBYAR NAS, MDO SNGE RGYAN LAS, JI LTAR SNYING RJE'I BDAG NYID GZHAN GYI DON GYI PHYIR, ,BDAG LA SDUG BSNGAL GDUNG BA MI ZAD RAB BYED PA, ,DE LTAR 'JIG RTEN SDUG PA'I LAS KYI GZHAN SMRA LA, ,SHIN TU BRTZE BA MED PAR RAB TU 'JUG MA YIN, ZHES GSUNGS PA'I PHYIR, MDOR NA, BYANG SEMS 'PHAGS PAS GZHAN DON DU MNAR MED KYI SDUG BSNGAL RANG GI MYONG BAR BYED DE, GANG ZAG GZHAN LA SHIN TU SDANG BA'I DGRA BO RNAMS KYIS GZHAN MNAR MED KYI ME LA BSREG PAR MI NUS PAS SO, ,THEG CHEN SGRUB PA 'DI'I YON TAN CHE BA'I BDAG NYID CUNG ZAD BRJOD NA 'DI LTAR YIN TE, RGYAN LAS, SGRUB PA 'DI YIS SRID DANG 'GRO BA KUN, ,ZIL GYI GNON 'GRO ZHI BA MCHOG DANG LDAN, ,YON TAN SNA TSOGS TSOGS KYI RNAM PAR 'PHEL, ,BYAMS PA'I BSAM PAS RTAG TU 'GRO BA BSDUD, ,CES GSUNGS PA LTAR YOD LA, PHYOGS TZAM MTSON PA TZAM MO, ,GNYIS PA LA, NGO BO'I SGO NAS @338B BSAm PA RGYA CHE BA GO CHA'I SGRUB PA, SBYOR BA LAG LEN RGYA CHE BA 'JUG PA'I SGRUB PHA, TSOGS GNYIS RGYA CHE BA TSOGS KYI SGRUB PA, RNAM MKHYEN DU GDON GDON MI ZA BAR NGES PAR 'BYUNG BA CHE BA NGES 'BYUNG GI SGRUB PA DANG BZHI, SGRAS BRJOD TSUL GYI SGO NAS DBYE NA MKHYEN PA YUL GYI SGRUB PA, SBYOR BA BYED BRAG GI SGRUB PA GNYIS RNAMS SU YOD, SKABS DANG PO GSUM NAS DNGOS SU BSTAN PA'I SGRUB PA RNAMS LA MKHYEN PA YUL GYI SGRUB PA ZHES BRJOD PA'I RGYU MTSAN YOD DE, GTZO BOR PHYIN DRUG NYAMS LEN GYI LDOG CHA NAS DNGOS SU MA BSTAN PAR SPYIR DGE BA'I CHOS KYI RTEN BYED PA'I LDOG CHA NAS DNGOS SU BSTAN PA'I PHYIR TE, GO SGRUB DANG TSOGS SGRUB KYI SKABS 'GA' ZHIG MA GTOGS SKABS DANG PO'I GZHUNG RNAMS DANG, SKABS GZHAN GNYIS KYI PHYIN DRUG NYAMS LEN GYI LDOG CHA NAS DNGOS SU MA BSTAN PA'I PHYIR, SPYOR BZHI'I SKABS SU BSTAN PA'I SGRUB PA RNAMS LA SBYOR BA BYE BRAG GI SGRUB PA ZHES BRJOD PA'I RGYU MTSAN YOD DE, DE RNAMS GTZO BOR PHYIN DRUG NYAMS LEN GYI LDOG CHA NAS DNGOS SU BSTAN PA'I PHYIR TE, SKABS BZHI PAR, SANGS RGYAS SOGS DMIGS DAD PA DANG, ,SBYIN SOGS SPYOD YUL BTZON 'GRUS DANG, ,ZHES SOGS DANG, LNGA BAR, SBYIN PA LA SOGS RE RES NI, ,DE DAG PHAN TSUN BSDUS PA GANG, ,ZHES SOGS DANG, DRUG PAR, SBYIN PA SHES RAB BAR DAG LA, ZHES SOGS DANG, BDUN PAR, SBYIN PA LA SOGS RE RES KYANG, ZAG MED CHOS KUN BSDUS PA'I PHYIR, ZHES GSUNGS PA'I PHYIR, @339A *, ,DES NA MKHYEN PA YUL GYI SGRUB PA DANG SBYOR BA BYE BRAG GI SGRUB PA GNYIS PO DE 'GAL BA MIN TE, BYANG SEMS KYI SGRUB PA DE MKHYEN PA YUL GYI SGRUB BA YIN PA GANG ZHIG, DE SBYOR BA BYE BRAG GI SGRUB PA YANG YIN PA'I PHYIR; BYANG SEMS KYI SGRUB PA CHOS CAN, DANG PO YIN TE, BYANG SEMS KYI SGRUB PA YIN PA GANG ZHIG, ,GTZO BOR DGE BA'I CHOS KYI RTEN BYED PA'I LDOG CHA NAS DNGOS SU BSTAN PA'I PHYIR TE, DE LTAR DU SKABS DANG PO GSUM GYIS BSTAN PAR BSGRUBS PA'I PHYIR, DE CHOS CAN, GNYIS PA YIN TE, GTZO BOR PHYIN DRUG NYAM LEN GYI LDOG CHA NAS DNGOS SU BSTAN PA GANG ZHIG, BYANG SEMS KYI SGRUB PA YIN PA'I PHYIR, DANG PO YIN TE, DE LTAR DU SBYOR BZHI'I GZHUNG RNAMS KYIS DNGOS SU BSTAN PAR BSGRUBS ZIN PA'I PHYIR, GSUM PA NI, THEG CHEN GYI TSOGS LAM NAS RGYUN MTHA'I BAR NA YOD, BZHI PA NI, BYANG SEMS KYI SGRUB PA CHOS CAN, PHYIN DRUG NYAMS LEN GYI LDOG CHA NAS MA BSTAN PAR THAL, MKHYEN PA YUL GYI SGRUB PA YIN PA'I PHYIR, BSTAN PAR THAL, SBYOR BA BYE BRAG GI SGRUB PA YIN PA'I PHYIR, THAL 'GYUR GNYIS LA KHYAB STE, MKHYEN PA YUL GYI SGRUB PA GTZO BOR PHYIN DRUG NYAMS LEN GYI LDEG CHA NAS DNGOS SU MA BSTAN, SBYOR BA BYE BRAG GI SGRUB PA GTZO BOR PHYIN DRUG NYAMS LAN GYI LDOG CHA NAS DNGOS SU BSTAN PA'I PHYIR, ZHE NA, MI RTAG LA SOGS BCU DRUG MNGON SUM DU RTOGS PA'I BYANG SEMS KYI @339B MTHONG LAM CHOS CAN, SKABS GNYIS PA'I GZHUNG GIS DNGOS SU MA BSTAN PAR THAL, GZHI SHES YIN PA'I PHYIR, BSTAN PAR THAL, LAM SHES YIN PA'I PHYIR, KHYAB PAR THAL, SKABS GNYIS PA'I GZHUNG GIS GZHI SHES GTZO BOR DNGOS SU MA BSTAN, LAM SHES GTZO BOR DNGOS SU BSTAN PA'I PHYIR, 'KHOR GSUM, ZUNG GCIG KHAS BLANGS SO, ,GZHAN YANG, BYANG SEMS KYI MTHONG LAM CHOS CAN, SKABS BZHI PA'I GZHUNG GIS DNGOS SU BSTAN PAR THAL, RNAM RDZOGS SBYOR BA YIN PA'I PHYIR, MA BSTAN PAR THAL, LAM SHES YIN PA'I PHYIR, KHYAB PAR THAL, SKABS BZHI PA'I GZHUNG GIS RNAM RDZOGS SBYOR BA BSTAN PA'I GTZO BOR BYAS NAS BSTAN LAM SHES DNGOS KYI BSTAN BYA'I GTZO BOR BYAS NAS MA BSTAN PA'I PHYIR, YANG 'KHOR GSUM, ZUNG GCIG KHAS BLANG SO, SGRUB PA GNYIS KYI KHYAD PAR SNGAR BSHAD PA DE MI 'THAD PAR THAL, THOS BSAM GTZO BOR GYUR BA'I SGRUB PA MKHYEN PA YUL GYI SGRUB PA DANG, SBYIN SOGS LAG LEN GTZO BOR GYUR PA'I SGRUB PA SBYOR BA BYE BRAG GI SGRUB PA YIN PA'I PHYIR, ZHE NA, MI 'THAD PAR THAL, THOS BSAM GTZO BOR GYUR PA'I DON MKHYEN GSUM BSTAN LA 'BEBS KYANG SBYIN SOGS NYAMS SU MI LEN PA LA BYED MI RIGS TE BYANG SEMS KYI SGRUB PA BZHIS SBYIN SOGS SU LEN PA'I PHYIR, SBYIN SOGS BSAM PAS NYAMS SU LEN PA'I BYA BAS MA ZIN PA'I BYANG SEMS KYI SGRUB PA MED PA'I @340A *, ,PHYIR; GZHAN YANG, THOS BSAm GTZO BOR GYUR PA'I SGRUB PA DANG, NYAMS LEN GTZO BOR GYUR PA'I SGRUB PA ZHES PA'I THA SNYAD MI 'THAD PAR THAL, THOS BSAM GYIS GTZO BOR GTAN LA PHAB PA DE NYID BSGOM BAS NYAMS SU LEN DGOS PA'I PHYIR, DE LTAR MA YIN NA THOS BSAM BYAS PA DON MED DU THAL BA'I SKYON YOD PA'I PHYIR, GZHAN YANG, SKABS 'DIR BRJOD PAR BYA BA 'GA' ZHIG YOD KYANG RNAM BSHAD SNYING PO'I RGYAN DU GO SLAR GSUNGS PAS DER BLTA'O GNYIS PA GZHUNG DON NI, THEG CHEN SEMS BSKYED LA BRTEN NAS DON GNYIS PHUN TSOGS SGRUB PAR BYED CING, CHEN PO GSUM LDAN GYI SEMS DPA'I RNAL 'BYOR CHOS CAN, THEG CHEN GYI SGRUB PA'I MTSAN NYID YIN TE, DE'I 'JOGS BYED CHOS GSUM TSANG BA YIN PA'I PHYIR, DE LA SGRAS STON TSUL GYI SGO NAS GNYIS SU YOD DE, DE'I SGO NAS MKHYEN PA LA YUL GYI SGRUB PA DANG, SBYOR BA BYE BRAG GI SGRUB PA GNYIS YOD PA'I PHYIR, MTSAN GZHI'I SGO NAS RNAM PA BZHI YOD DE, DE'I SGO NAS, GO SGRUB, 'JUG SGRUB, TSOGS SGRUB, DES 'BYUNG GI SGRUB PA RNAM SU YOD PA'I PHYIR, DE DAG SO SOR SBYIN LA SOGS, ZHES SOGS KYI GZHUNG GSUNGS PA CHOS CAN, DGOS PA YOD DE, SGRUB PA'I RTEN LA SOGS PA BRJOD PA'I RJES SU THEG CHEN GYI SGRUB PA BSTAN PA'I DGOS PA YOD PA'I PHYIR, DE LTAR BSTAN PA CHOS CAN, DGOS PA YOD DE, THEG CHEN DU SEMS BSKYED PA RNAMS KYIS BSGRUB PA NYAMS LEN LA GTZO BOR @340B 'BAD DGOS SO, ,ZHES RTOGS PA'I DGOS PA YOD PA'I PHYIR, THEG CHEN DU SEMS BSKYED PA RNAMS KYIS GTZO BOR SGRUB PA NYAMS SU LEN PA LA 'BAD DGOS PA'I RGYU MTSAN YOD DE, DE LTAR MA 'BAD NA BSAM PA BZANG BA TZAM DU ZAD PA'I PHYIR, 'DIR SBYOR LAM SOGS DANG, GO SGRUB SOGS SBYAR TE GSUNGS PA NI, MTSAN GZHI BZUNG BA TZAM YIN TE, GZHAN DU NA THEG CHEN GYI TSOGS LAM SGRUB PA MA YIN PAR THAL BA'I SKYON YOD PA'I PHYIR, DE DAG SO SOR SBYIN LA SOGS, ,ZHES SOGS KYI SKABS SU, SPYI DON DANG, GZHUNG DON GNYIS, DANG PO LA, MDO SDE RGYAN LAS GSUNG TSUL, DGOS BDE BAR BSDUS TE NYAMS SU LEN TSUL GNYIS, DANG PO LA, MDOR BSTAN, RGYAS BSHAD, ZHAR LA BSDU BA'I DNGOS PO BSHAD PA DANG GSUM, DANG PO NI, PHA ROL TU PHYIN PA RAB TU DA BYE BA'I SNGO MA NI, ZHES 'GREL PAR MTSAMS SBYAR BA'I RJES SU RTZA BAR, GRANGS DANG DE YI MTSAN NYID GO RIMS DANG, ,NGES PA'I TSIG DANG SGOMS PA'I YON TAN DANG, ,DE DAG RAB DBYE BSDU DANG MI MTHUN PHYOGS, ,YON TAN PHAN TSUN RNAM NGES YIN ZHES BYA, ,ZHES GSUNGS, GNYIS PA LA DU MA YOD PA'I DANG PO GRANGS 'CHAD PA NI, ,MNGON MTHO DANG NGES LEGS LA BLTOS TE PHA ROL TU PHYIN PA LA DRUG TU GRANGS NGES TE, DE NYID LAS, LONGS SPYOD DANG LUS PHUN SUM TSOGS PA DANG, ,'KHOR RTZOM PHUN SUM TSOGS PA MNGON MTHO DANG, ,RTAG TU NYON MONGS DBANG NYID MI 'GRO DANG, ,BYA BA RNAMS LA PHYIN CI MA@341A *, ,LOG PA'O, ,ZHES DANG, 'GREL PAR, DE LA PHA ROL TU PHYIN PA BZHI NI MNGON PAR MTHO BA RNAM PA BZHI STE, SBYIN PAS NI LONGS SPYOD PHUN SUM TSOGS PA'O, ,TSUL KHRIMS KYIS NI LUS PHUN SUM TSOGS PA'O, ,BZOD PAS NI 'KHOR PHUN SUM TSOGS PA STE, 'DI LTAR DE BSTAN PAS TSE PHYI MA LA SKYE BO MANG PO DGA' BAR 'GYUR BA'O, ,BRTZON 'GRUS KYIS NI BRTZOM PA PHUN SUM TSOGS PA STE, LAS KYI MTHA' THAMS CAD 'GRUB PA'I PHYIR RO, ,LNGA BAS NI NYON MONGS PA'I DBANG DU MI 'GRO BA NYID DE, BSAM GTAN GYIS NYON MONGS PA RNAM PAR GNON PA'I PHYIR RO, ,DRUG PAS NI BYA BA RNAMS LA PHYIN CI MA LOG PA STE, BYA BA THAMS CAD YANG DAG BA JI LTA BA BZHIN RAB TU SHES PA'I PHYIR RO, ,ZHES DANG, DON GNYIS SGRUB PA'I DBANG DU BYAS NAS PHA ROL TU PHYIN PA DRUG TU GRANGS NGES TE, DE NYID LAS, SEMS CAN DON LA RAB RTZON PA, ,GTONG DANG MI GNOD BZOD PAS BYED, ,GNAS DANG GROL BA GZHIR BCAS PA, ,RANG DON RNAM PA THAMS CAD SPYOD, ,CES DANG, 'GREL PAR, SBYIN PA DANG, TSUL KHRIMS DANG BZOD PA DAG GIS GO RIMS BZHIN DU GTONG BA DANG, MI GNOD PA DANG, GNOD PA BYED PA BZOD PAS SEMS CAN GYI DON BYED DO, ,GSUM GYIS NI SEMS GNAS PA DANG, RNAM PAR RTOG PA GZHI DANG BCAS PAS RANG GI DON RNAM PA THAMS CAD SPYOD DE, BRTZON 'GRUS LA BRTEN NAS GO RIMS BZHIN DU BSAM GTAN DANG SHES RAB DAG @341B GIS SEMS MNYAMS PAR MA GZHAG PA MNYAM PAR 'JOG PA'I PHYIR DANG, MNYAM PAR GZHAG PA RNAMS GROL BA'I PHYIR RO, ,ZHES GSUNGS PA'I PHYIR, GZHAN DON RNAM PA THAMS CAD LA BLTOS PA'I GRANGS NGES NI, DE NYID LAS; MI 'PHONG BA DANG RNAM PAR MI 'TSE DANG, ,RNAM 'TSE BZOD DANG BYA BAS MI SKYO DANG, ,DGA' BYED LEGS PAR BRJOD PA DE YI PHYIR, ,GZHAN GYI DON NI RANG GI DON YIN NO, ,ZHES GSUNGS, DE YANG, DON NI, SBYIN PAS YO BYAD MI 'PHONG, TSUL KHRIMS KYIS RNAM PAR MI 'TSE, BZOD PAS RNAM 'TSE BZOD, BRTZON 'GRUS KYIS GZHAN DON BYA BA LA MI SKYO, BSAM GTAN GYIS SDUG BSNGAL 'GAG PAR BYED, SHES RAB KYIS CHOS LEGS PAR BRJOD, ,GZHAN GYI DON NI BYANG CHUB SEMS DPA'I RANG DON YIN TE, BYANG CHUB SEMS DPA' GZHAN DON KHO NA BSGRUB CING, DE LA BRTEN NAS BYANG CHEN 'THOB PAR BYED PA'I PHYIR RO, ,THEG CHEN MTHA' DAG BSDUD PA'I GRANGS NGES NI, DE NYID LAS, LONGS SPYOD MNGON PAR MI DGA' DANG, ,RAB GUS GNYIS LAS MI SKYO DANG, ,RNAL 'BYOR RNAM PAR MI RTOG PA, ,THEG PA THAMS CAD 'DIR ZAD DO, ,ZHES GSUNGS, DE YANG, BYANG SEMS KYIS SBYIN PAS LONGS SPYOD LA MNGON PAR MI DGA', TSUL KHRIMS KYIS BSLAB PA LA RAB TU GUS, THOS PA DANG BRTZON 'GRUS GNYIS KYIS GZHAN DON LA MI SKYO, ,BSAM GTAN GYIS RNAM PAR MI RTOG ,SHES RAB KYIS MTSAN MAR MI 'DZIN PA'I PHYIR, LAM THAMS CAD BSDUD PA'I GRANGS NGES NI, DE NYID LAS, @342A *, ,YUL RNAMS LA NI MA CHAGS LAM, DE THOB RNAM GA-YENGS SDOM PA'I GZHAN, ,SEMS CAN MI STONG 'PHEL BA DANG, ,SGRIB PA RNAM PAR SPYOD PA'I GZHAN, ,ZHES GSUNGS, SBYIN PA NI MA CHAGS PA'I LAM, TSUL KHRIMS NI DE THOB PA'I RNAM GA-YENGS SDOM PA'I LAM, ,BZOD PA NI SEMS CAN MI STONG BA'I LAM, BRTZON 'GRUS DGE BA 'PHEL BA'I LAM, PHYI MA GNYIS NI SGRIB PA RNAM PAR SBYONG BA'I LAM YIN NO, ,BSLAB PA GSUM LA BLTOS PA'I GRANGS NGES NI, DE NYID LAS, BSLAB GSUM DBANG DU MDZAD NAS NI, ,RGYAL BAS PHA ROL PHYIN PA DRUG ,YANG DAG BSHAD DE DANG PO GSUM, ,THA MA GNYIS KYI RNAM PA GNYIS, ,GCIG NI GSUM CAR LA YANG GTOGS, ,ZHES GSUNGS, DE YANG DANG PO GSUM TSUL KHRIMS KYI BSLAB PA, LNGA PA TING NGE 'DZIN GYI BSLAB PA, DRUG PA SHES RAB KYI BSLAB PA, BRTZON 'GRUS NI GSUM KA'I KHONGS SU GTOGS PA YOD DE, BRTZON 'GRUS LA BRTEN NAS DGE BA'I CHOS MTHA' DAG NYAMS SU LEN DGOS PA'I PHYIR, MDOR NA PHA ROL TU PHYIN PA DRUG TU GRANGS NGES TE, MNGON MTHO DANG NGES LEGS GNYIS LA BLTOS PA DANG, DON GNYIS PHUN TSOGS LA BLTOS PA DANG, GZHAN DON RNAM PA THAMS CAD LA BLTOS PA DANG, THEG CHEN MTHA' DAG BSDUD PA LA BLTOS PA DANG, LAM MTHA' DAG BSDUD PA LA BLTOS PA DANG, BSLAB PA GSUM LA BLTOS TE PHA ROL TU PHYIN PA DRUG TU GRANGS NGES PA'I PHYIR, MTSAN NYID 'CHAD PA NI, DE NYID LAS, SBYIN PA MI MTHUN PHYOGS NYAmS @342B DANG, ,RNAM PAR MI RTOG YE SHES LDAN, ,GZHAN GYI 'DOD PA YONGS RDZOGS BYED, ,SEMS CAN SMIN BYED RNAM PA GSUM, ,ZHES GSUNGS LA, THOG MAR SBYIN PA LA SBYAR BA NI, MI MTHUN PA'I PHYOGS SER SNA NYAMS PA, ,CHOS KYI BDAG TU RNAM PAR MI RTOG PA'I YE SHES DANG LDAN PA, GZHAN GYI 'DOD PA THAMS CAD YONGS SU RDZOGS PAR BYED PA DANG, SEMS CAN DPAG TU MED PA SMIN PAR BYED PA ZHES GSUNGS LA, GZHAN RNAMS LA SBYAR BA'I TSUL NI, TSUL KHRIMS MI MTHUN PHYOGS NYAMS ZHES SOGS 'DON PA BSGYUR ZHING, TSUL KHRIMS 'CHAL BA NI TSUL KHRIMS KYI MI MTHUN PHYOGS, KHONG KHRO BZOD PA'I MI MTHUN PHYOGS, LE LO BRTZON 'GRUS KYI RNAM GA-YENGS BSAM GTAN GYI, SHER 'CHAL SHES RAB KYI MI MTHUN PHYOGS ZHES SOGS BRJOD PAR BYA'O, ,PHYI MA GSUM RTOGS PAR SLA'O, ,SBYIN SOGS DRUG LA RGYU 'BRAS KYI GO RIMS, DMAN MCHOG GI GO RIMS, RAGS PA DANG PHRA BA'I GO RIMS YOD DE, DE NYID LAS; SNGA MA LA BRTEN PHYI MA SKYE, ,DMAN DANG MCHOG TU GNAS PHYIR DANG, ,RAGS PA DANG NI PHRA BA'I PHYIR, ,DE DAG GO RIMS BSTAN PA YIN, ,ZHES GSUNGS PA'I PHYIR, PHAR PHYIN DRUG GI NGES TSIG BZHAG TU YOD DE, DE NYID LAS DBUL BA 'DOR BAR BYED PA DANG, ,BSIL BA THOB DANG KHRO BZOD DANG, ,MCHOG SBYOR BA DANG YID 'DZIN DANG, ,DON DAM SHES PA'I PHYIR BSHAD DO, ,ZHES GSUNGS LA, DE YANG, DBUL BA 'DOR BAS SBYIN PA, NYON MONGS @343A *, ,PA'I TSA GDUNG BSEL BAS TSUL KHRIMS, KHONG KHRO'I GNOD PA BZOD PAS BZOD PA, YON TAN MCHOG LA SBYOR BAS BRTZON 'GRUS, YID DMIGS PA LA 'DZIN PAS BSAM GTAN, DON DAM BDEN PA SHES PA'I PHYIR SHES RAB CES BYA'O, ,PHYIN DRUG SGOM PA'I RNAM DBYE BZHAG TU YOD DE, DE NYID LAS, KUN GYIS SGOM PA'I DNGOS PO DANG, ,DE BZHIN YID LA BYED PA DANG, ,BSAL BA DANG NI THABS DAG DANG, ,DBANG 'BYOR NYID LA BRTEN PAR BRJOD, ,CES GSUNGS LA, DE YANG, PHA ROL TU PHYIN PA SGOM PA LA LNGA YOD DE, DNGOS PO LA BRTEN PA, YID LA BYED PA LA BRTEN PA, BSAM PA LA BRTEN PA, THABS LA MKHAS PA LA BRTEN PA, DBANG 'BYOR BA NYID LA BRTEN PA RNAMS SU YOD PA'I PHYIR, PHYIN DRUG GI RAB DBYE BZHAG TU YOD DE, DE LTAR 'OG NAS 'CHAD PA'I PHYIR, JI LTAR 'CHAD NA, 'DI LTA STE, DE NYID LAS, DON RNAMS GTONG BAR BYED PA DANG, ,RTZA BA SEMS LA BRTEN PA DANG, ,LUS DANG LONGS SPYOD PHUN TSOGS DANG, ,GNYIS RJES 'DZIN DANG RDZOGS BYED DANG, ,DE YANG SER SNA MED LDAN DANG, ,CHOS DANG ZANG ZING MI 'JIGS GTONG, ,SBYIN PA DE 'DRAR YONGS SHES NAS, ,MKHAS PAS YANG DAG BSGRUB PAR BYED, ,CES GSUNGS LA, DE YANG GTONG SEMS NI SBYIN PA'I NGO BO ,MA CHAGS PA NI SBYIN PA'I RGYU, ,LUS LONGS SPYOD PHUN TSOGS NI SBYIN PA'I 'BRAS BU, RANG GZHAN GNYIS RJES SU 'DZIN PA DANG, ,TSOGS YONGS SU RDZOGS PAR BYED PA @343B NI SBYIN PA'I BYED LAS, SER SNA SPANGS PA NI SBYIN PA'I YON TAN DANG LDAN PA, CHOS ZANG ZING, MI 'JIGS PA SKYABS GSUM GYI SBYIN PA NI SBYIN PA'I RAB DBYE YIN NO, ,MKHAS PA BYANG CHUB SEMS DPA' CHOS CAN, SBYIN PA YANG DAG PAR BSGRUB PAR BYED DE, NGO BO RGYU 'BRAS LAS LDAN 'JUG PA'I RAB DBYE LA BRTEN NAS SBYIN PA NYAMS SU LEN PA'I PHYIR, YANG DE NYID LAS, YAN LAG DRUG BZHI BSAM PAS ZIN, BDE 'GRO GNAS PA SBYIN BYED DANG, RTEN DANG ZHI DANG 'JIGS PA MED, ,BSOD NAMS TSOGS DANG LDAN PA DANG, ,BRDAR BRTAGS CHOS NYID THOB PA STE, ,SDOM LA GNAS PA RNAMS LA YANG, ,TSUL KHRIMS DE 'DRAR YONGS SHES NAS, ,MKHAS PAS YANG DAG BSGRUB PAR BYED, ,CES GSUNGS LA, DE YANG YAN LAG DRUG GIS ZIN PA'I SPONG PA SPONG SEMS KYI NGO BO, ZHI BA MYANG 'DAS THOB PAR 'DOD PA'I SEMS 'BYUNG NI DE'I RGYU, BDE 'GROR GNAS PA DE'I 'BRAS BU, RTEN DANG, ZHI BA DANG, 'JIGS PA MED PA GSUM NI DE'I BYED LAS, BSOD NAMS KYI TSOGS SNA TSOGS DANG LDAN PA NI DE'I LDAN PA, SDOM LA GNAS PA'I BRDAR BTAGS PA'I TSUL KHRIMS DANG, CHOS NYID KYIS THOB PA'I TSUL KHRIMS NI DE'I RAB DBYE YIN LA, BRDAR BTAGS PA NI SO SOR THAR PA'I TSUL KHRIMS, ,CHOS NYID KYIS THOB PA NI BSAM GTAN DANG ZAG MED KYI SDOM PAS BSDUS PA'I SPONG SEMS, SDOM PA LA GNAS PA RNAMS LA YOD CES PA NI RTEN GYI 'JUG PA'O, ,MKHAS PA BYANG @344A *, ,CHUB SEMS DPA' NI CHOS CAN, TSUL KHRIMS KYI PHAR PHYIN YANG DAG PAR BSGRUB PAR BYED DE, NGO BO RGYU 'BRAS LAS LDAN 'JUG PA'I RAB DBYE'I SGO NAS TSUL KHRIMS RNAM DAG NYAMS SU LEN PA'I PHYIR, GSUM PA NI DE NYID LAS, MI BYED JI MI SNYAM SHES DANG, ,SNYING RJE CHOS LA BRTEN PA'I PHYIR, PHAN YON LNGA NI YANG DAG BSHAD, ,DE NI GNYIS KYI DON BYED DE, ,DKA' THUB GTZO DANG KUN LEN LDAN, ,DE LA DE NI RNAM GSUM 'DOD, ,BZOD PA DE 'DRAR YONGS SHES NAS, MKHAS PAS YANG DAG BSGRUB PAR BYED, ,CES GSUNGS LA, DE YANG, MI BYED PA DANG JI MI SNYAM PA, CHOS LA NGES PAR RTOG PA'I BZOD PA, GSUM GYI NGO BOR GYUR PA'I MI 'KHRUGS PA'I SEMS DPA' NI BZOD PA'I NGO BO, ,SNYING RJE CHEN PO NI BZOD PA'I RGYU, TSUL KHRIMS YANG DAG PAR LEN PA DANG, THOB PA NI DE'I 'BRAS BU 'KHON MI MANG BA DANG, DBYEN MI MANG BA SOGS NI DE'I PHAN YON, RANG GZHAN GNYIS KA'I DON BYED PA DE'I BYED LAS, DKA' THUB KYI GTZO BOR GYUR PA SOGS NI DE'I LDAN PA, GNOD PA LA JI MI SNYAM PA, CHOS LA NGES PAR RTOG PA, ,SDUG BSNGAL DANG DU LEN PA GSUM NI DE'I RAB DBYE, YANG NA, PHAN YON RNAM PA LNGA BZOD PA'I 'BRAS BUR SBYOR, BYANG CHUB SEMS DPAS BZOD PA'I PHAR PHYIN NYAMS SU LEN PA'I TSUL BZHAG TU YOD DE, NGO BO RGYU 'BRAS LAS LDAN 'JUG PA'I RAB DBYE SOGS KYI SGO NAS NYAMS SU LEN PA'I PHYIR, BZHI @344B PA NI, DE NYID LAS, DGE LA YANG DAG SPRO BA DANG, DAD DANG 'DUN LA BRTEN PA DANG, ,DRAN SOGS YON TAN 'PHEL BYED DANG, ,KUN NAS NYON MONGS GNYEN PO DANG, ,MA CHAGS LA SOGS YON TAN LDAN, ,DE DAG LA NI DE RNAMS BDUN, BRTZON 'GRUS DE 'DRAR YONGS SHES NAS, ,MKHAS PAS YANG DAG BSGRUB PAR BYED, ,CES GSUNGS, DE YANG DGE BA LA YANG DAG PAR SPRO BA NI BRTZON 'GRUS KYI NGO BO, ,DAD PA LA 'DUN PA NI DE'I RGYU, DRAN SOGS KYI YON TAN GONG NAS GONG DU 'PHEL BA NI DE'I 'BRAS BU, KUN NAS NYON MONGS PA SPONGS BAR BYED PA DE'I BYED PA, MA CHAGS PA LA SOGS PA'I YON TAN DANG LDAN PA DE'I LDAN PA, LUS NGAG YID KYI BRTZON 'GRUS SOGS NI DE'I 'JUG PA'I RAB DBYE'O, , BYANG CHUB SEMS DPAS BRTZON 'GRUS NYAMS SU LEN TSUL BZHAG TU YOD DE, DES BRTZON 'GRUS KYI NGO BO RGYU 'BRAS LAS LDAN 'JUG PA'I RAB DBYE'I SGO NAS, NYAM SU LEN PA'I PHYIR, LNGA PA NI, DE NYID LAS, SEMS NI NANG DU GNAS PA DANG, DRAN DANG BRTZON 'GRUS LA BRTEN PA, BDE BSKYED PAR BYED PA DANG, MNGON SHES GNAS LA DBANG BSGYUR BA, CHOS RNAMS KYI NI GTZO BO STE, DE DAG LA YOD DE RNAM GSUM, BSAM GTAN DE 'DRAR YONGS SHES NAS, MKHAS PAS YANG DAG BSGRUB PAR BYED, CES GSUNGS LA, DE YANG, SEMS YANG DAG PA'I DMIGS PA LA GNAS PA'I PHYIR, GZUGS KYI TING NGE 'DZIN LTA BU BSAM GTAN GYI NGO BO, ,DRAN PA DANG BRTZON 'GRUS DE'I RGYU, @345A *, ,BSAM GTAN LA BRTEN NAS THOB PA'I BDE BA DE'I 'BRAS BU, MNGON SHES SOGS LA DBANG BSGYUR BA DE'I BYED PA, CHOS THAMS CAD KYI GTZO BOR GYUR BA'I YON TAN DANG LDAN PA NI DE'I LDAN PA, RTOG PA DANG BCAS SHING DPYOD PA DANG RTOG PA MED CING DPYOD PA TZAM DANG, RTOG DPYOD GNYIS GA MED PA'I BSAM GTAN RNAMS NI, DE'I RAB DBYE'O, ,BYANG CHUB SEMS DPAS BSAM GTAN GYI PHAR PHYIN NYAMS SU LEN TSUL BZHAG TU YOD DE, NGO BO RGYU 'BRAS LAS LDAN 'JUG PA'I RAB DBYE SOGS KYI SGO NAS NYAMS SU LEN PA'I PHYIR, DRUG PA NI, DE NYID LAS, SHES BYA YANG DAG RAB RNAM 'BYED, TING NGE 'DZIN LA BRTEN PA DANG, ,KUN NAS NYON MONGS SHIN TU GROL SHES RAB 'TSO BA LEGS BSHAD DANG, ,CHOS RNAMS KYI NI MCHOG YIN TE, ,DE DAG LA YOD DE RNAM GSUM, ,SHES RAB DE 'DRAR YONGS SHES NAS, ,MKHAS PAS YANG DAG BSGRUB PAR BYED, ,CES GSUNGS LA, DE YANG, CHOS RAB TU RNAM PAR 'BYED PA SHES RAB KYI NGO BO, TING NGE 'DZIN NI DE'I RGYU, NYON MONGS PA LAS GROL BA DE'I BRAL 'BRAS, SHES RAB KYI 'TSO BAS 'TSO BAR BYED CING, LEGS BSHAD SGROGS PA NI DE'I BYED LAS, CHOS THAMS CAD KYI MCHOG TU GYUR PA'I LDAN PA DANG LDAN PA NI DE'I LDAN PA, 'JIG RTEN PA DANG 'JIG RTEN LAS 'DAS PA LA SOGS PA'I SHES RAB NI DE'I RAB DBYE'O, ,BYANG CHUB SEMS DPA' CHOS CAN, SHES RAB KYI PHAR PHYIN SOGS DRUG @345B NYAMS SU LEN TSUL BZHAG TU YOD DE, BSGRUBS ZIN PA'I PHYIR, BSDU BA NI, DE NYID LAS, DKAR PO'I CHOS KUN RNAM PAR GA-YENGS BA DANG, ,MNYAM PAR GZHAG DANG GNYIS KAR SHES PAR BYA, ,PHA ROL PHYIN PA GNYIS DANG NI; ;GNYIS KYIS YONGS SU BSDUS PA YIN, ,ZHES GSUNGS LA, SBYIN PA DANG, TSUL KHRIMS RNAM GA-YENG GIS BSDUS TE, DE RNAMS MNYAM GZHAG MA YIN PA'I PHYIR, BSAM GTAN DANG SHES RAB MNYAM GZHAG GIS BSDUS TE; DE RNAMS MNYAM GZHAGI SA PA YIN PA'I PHYIR, BZOD PA DANG, BRTZON 'GRUS MNYAM GZHAG DANG, MNYAM PAR MA GZHAG PA GNYIS KAS BSDUS TE, DE RNAMS LA MNYAM PAR GZHAG MA GZHAG GNYIS KA YOD PA'I PHYIR, PHYIN DRUG GI MI MTHUN PHYOGS NI, DE NYID LAS, BYANG CHUB SEMS PA'I SBYIN PA NI, MA CHAGS MI CHAGS CHAGS PA MED, CHAGS PA NYID KYANG MA YIN TE, MA CHAGS MI CHAGS CHAGS PA MED, CHAGS PA RNAM PA BDUN DU'O, , SBYIN PA'I MI MTHUN PA YI PHYOGS, ZHES DANG, 'GREL PAR, LONGS SPYOD LA MA CHAGS, PHYI SHOL LA MI CHAGS, CUNG ZAD TZAM GYI CHOG 'DZIN LA CHAGS PA MED, LAN LA RE BA LA MA CHAGS, RNAM SMIN LA MA CHAGS, MI MTHUN PA'I PHYOGS LA CHAGS PA MED, RNAM BAR GA-YENG BA LA CHAGS PA MED, CES GSUNGS SO, ,YANG BYANG CHUB SEMS DPA'I TSUL KHRIMS NI, ZHES SOGS LHAG MA LNGA KA RIGS 'GRE ZHING, 'GREL PAR JI LTAR SBYIN PA LA MA @346a *, ,chags par bshad pa ltar tsul khrims nas shes rab kyi BAR LA YANG DE DANG 'DRA BAR RIGS PAR BYA'O, ,KHYAD PAR NI 'DI YOD DE, ,LONGS SPYOD LA CHAGS BA'I SBYIN PA, 'CHAL BA'I TSUL KHRIMS LA SOGS PA LA MA CHAGS PAR BRJOD PAR BYA'O, ,ZHES GSUNGS LA, MDOR NA, PHYIN DRUG GI MI MTHUN PHYOGS BZHAG TU YOD DE, MA CHAGS PA BDUN LAS LOG PA'I CHAGS PA RNAMS NI DE'I MI MTHUN PHYOGS YIN PA'I PHYIR, PHYIN DRUG GI PHAN YON NI, DE NYID LAS; SANGS RGYAS SRAS RNAMS SLONG DANG PHRAD NA RANG GI SROG KYANG RTAG TU GTONG, ,SNYING RJES GZHAN LA PHAN KYANG MI RE 'DOD PA'I 'BRAS BU DON MI GNYER, ,SBYIN PA DE NYID KYIS KYANG SKYE BO THAMS CAD BYANG CHUB GSUM LA BKOD, RGYAL BA'I SRAS RNAMS SDOM DANG BRTZON PA'I RANG BZHIN TSUL KHRIMS GSUM DAG BLANGS, MTHO RIS MNGON PAR MI 'DOD YANG DAG THOB KYANG DE LA CHAGS MI SKYE TSUL KHRIMS DE NYID KYIS KYANG SKYE BO THAMS CAD BYANG CHUB GSUM LA BKOD, SANGS RGYAS SRAS RNAMS SHIN TU DKA' SPYOD DE BZHIN MI YI GNOD KUN BZOD, CES SOGS KYIS RGYAS PAR GSUNGS SHING, DON BSDU BA NI, DE NYID LAS, RGYA CHE BA DANG ZANG ZING MED, ,DON CHE BA DANG MI ZAD PA, ,SBYIN PA LA SOGS THAMS CAD KYI, ,YON TAN BZHIR NI SHES PAR BYA, ,ZHES GSUNGS PA LTAR RO, ,PHAN TSUN BSDU BA'I RNAm PAR NGES PA NI, DE NYID LAS, PHAN TSUN BSDU PHYIR RAB DBYE'I PHYIR, CHOS NYID PHYIR DANG RGYU MTSAN PHYIR, PHA ROL PHYIN DRUG RNAM KUN @346B TU; ;RNAM PAR NGES PAR SHES PAR BYA, ,ZHES DANG, 'GREL BAR, MI 'JIGS PA'I SBYIN PAS NI TSUL KHRIMS DANG BZOD PA BSDUS, ZHES DANG, CHOS KYI SBYIN PAS NI BSAm GTAN DANG SHES RAB DAG STE, ZHES DANG, GNYIS KAS NI BRTZON 'GRUS DANG ZHES DANG, DGE BA'I CHOS BSDUD PA'I TSUL KHRIMS KYIS NI, SBYIN PA LA SOGS PA THAMS CAD BSDUS TE, DE BZHIN DU BZOD PA LA SOGS PA THAMS CAD BSDUS PA YANG CI RIGS SBYAR BAR BYA'O, ,ZHES GSUNGS PA LTAR RO, ,GSUM PA ZHAR LA BSDUD NGOS BZHI BSHAD PA NI, DE NYID LAS, SBYIN MTSUNGS DE STON LEN 'JUG DANG, ,BDAG NYID RJES SU 'JUG RNAMS KYI, ,SNYAN PA SMRA DANG DON SPYOD DANG, ,DON MTHUN NYID DU 'DOD PA YIN, ,ZHES GSUNGS LA; SBYIN PA NI 'DIR DNGOS SU RGYAS PAR BSHAD MI DGOS TE, PHYIN DRUG GI SKABS DANG JI LTAR BA BZHIN MTSUNGS PA'I PHYIR, GZHAN GSUM NI 'GREL PAR SNYAN PAR SMRA BA NI DE STON PA YIN NO, ,DON SPYOD PA NI, DE YANG DAG PAR LEN DU 'JUG PA'O, ,ZHES DANG, DON MTHUN PA NYID NI, GANG LA YANG DAG PAR LEN DU 'JUG PA DE LA BDAG NYID RJES SU 'JUG PA'O, ,ZHES GSUNGS PA LTAR RO, ,MDOR NA, BYANG CHUB SEMS DPA' PHYIN DRUG BSDU DNGOS BZHI LA TSUL BZHIN DU SLOB PA'I RGYU MTSAN YOD DE, DE LTAR BSLABS PAS RANG GZHAN MTHA' DAG GI RGYUD SMIN PAR BYED PA'I PHYIR TE, PHYIN DRUG NI RANG RGYUD SMIN PAR BYED PA'I THABS KYI GTZO BO DANG, BSDU DNGOS BZHI NI GZHAN RGYUD SMIN @347A *, ,PAR BYED PA'I THABS KYI GTZO BO YIN PA'I PHYIR, GNYIS PA LA DRUG YOD PA'I DANG PO, SBYIN PA NYAMS SU LEN TSUL NI, GTONG BA'I SEMS PA NI SBYIN PA'I NGO BO, DE LA RTEN GYI SGO NAS DBYE NA, KHYIM PA'I RTEN LA GTZO BOR NYAMS SU BLANG BYA ZAD ZING GI SBYIN PA DANG, RAB BYUNG GI RTEN LA GTZO BOR NYAMS SU BLANG BYA CHOS KYI SBYIN PA GNYIS, DANG PO NI, ZANG ZING GI BDOG PA RNAMS GTZO BOR GTONG PA'I SEMS PA ,GNYIS PA NI DAM PA'I CHOS PHYIN CI MA LOG PAR GZHAN LA STON PA'I SEMS PA'O, RTEN GNYIS KAS NYAMS SU BLANG BAR BYA BA MI 'JIGS PA SKYABS KYI SBYIN PA NI, 'BYUNG BA DANG, RGYAL PO SOGS DANG, SENG+GE SOGS GCAN GZAN GYI 'JIGS PA LAS SKYOB PA'I SEMS PA RNAMS YIN LA, SBYIN BA LA SLOB TSUL RDZOGS PA'I TSAD NI, SER SNA'I KUN 'DZIN RMI LAM DU YANG MI 'BYUNG ZHING, BDOG PA THAMS CAD GTONG BA LA GOMS PA MTHAR SON PA NA DE RDZOGS PA YIN TE, SER SNA'I KUN 'DZIN SPANGS PA TZAM THEG DMAN DGRA BCOM LA YANG YOD PA'I PHYIR TE, DE NYON SGRIB YIN PA'I PHYIR TE, DE NI 'DOD CHAGS KYI SGRIB PA'I CHAR GTOGS PA'I PHYIR TE, SPYOD 'JUG LAS; BDOG PA THAMS CAD 'BRAS BCAS TE, ,SKYE BO KUN LA BTANG SEMS KYI, ,SBYIN PA'I PHA ROL PHYIN GSUNGS TE, ZHES DANG, MDZOD LAS, KUN LA THAMS CAD SNYING RJE YIS, ,SBYIN PAR BYED PAS SBYIN PA @347B RDZOGS, ZHES GSUNGS BYA'I PHYIR, 'GRO BA'I DBUL 'PHONGS KYI SDUG BSNGAL MI BYUNG BA SBYIN PA'I PHAR PHYIN RDZOGS PA'I TSAD MIN TE, GAL TE 'GRO BA DBUL BOR BA, ,SBYIN PA'I PHA ROL PHYIN YIN NA, ,DA DUNG 'GRO BKREN YOD NA SNGON, ,SKYOB PA JI LTAR PHA ROL PHYIN, ,ZHES SPYOD 'JUG LAS GSUNGS PA'I PHYIR, DES NA MYUR DU SANGS RGYAS THOB PAR 'DOD PA RNAMS KYIS DA LTA NYID NAS SBYIN PA LA SLOB RIGS TE, YONGS SU 'DZIN PA NI NYES BA DU MA'I 'BYUNG KHUNG DANG; BDOG PA KUN GZHAN LA GTONG BA NI 'DI PHYI KUN TU PHAN PA'I 'BYUNG GNAS DAM PA YIN PA'I PHYIR TE, DE LTAR DU RGYA BLA SRAS BCAS RNAMS KYIS DBYANGS GCIG DANG MGRIN GCIG TU GSUNGS PA'I PHYIR TE, ZLA BA SGRON MES ZHUS PA LAS, RTUL BAR GYUR PA'I LUS 'DI DANG, ,SROG KYANG GA-YO BA DBANG MED CING, ,RMIN LAM SGYU MA 'DRA BA LA, ,BYIS PA 'DI DAG CHAGS PAS NA, ,SHIN TU MA RUNG LAS BYAS TE, SDIG PA'I DBANG DU SONG BA DANG, MI MKHAS 'CHI BDAG GZHON PAS SO, ,DE DAG MI ZAD SEMS DMYAL 'GRO, ,ZHES DANG, SGO MTHA' YAS PA'I GZUNGS LAS KYANG, SEMS CAN GANG DAG KHA CIG RTZOD GYUR PA, ,DE YI GZHI RTZA YONGS SU 'DZIN PA STE, ,DE LTAS GANG LA SRED PAR 'GYUR PA SPONGS, ,SRED PA SPANG BAR BYAS NA GZUNGS SU 'GYUR, ,ZHES DANG, BSLAB BTUS LAS KYANG, 'DI LTAR BDAG GI LUS DANG SEMS, ,SKAD CIG RE RES 'GRO BA NYID, ,GAL TE MI RTAG DRI 'BAB @348A *, ,PA'I; ;LUS KYIS RTAG CING DRI MED KYI, ,BYANG CHUB THOB PAR 'GYUR BA NA, ,DE NI RIG MED RNYED MIN NAM, ,ZHES DANG, SKYES RABS LAS KYANG, ,BDAG MED 'JIG LA SNYING PO MED PA'I LUS, ,SDUG BSNGAL DRIN MED RTAG TU MI GTZANG BA'I, ,LUS KYIS GZHAN LA PHAN 'DOGS 'GYUR BA LA, ,DGA' BAR MI 'GYUR DE NI MKHAS MA YIN, ,ZHES DANG, SPYOD 'JUG LAS KYANG, THAMS CAD BTANG BAS MYA NGAN 'DA', ,BDAG BLO MYA NGAN 'DAS PA SGRUB, ,THAMS CAD GTONG BAR CHABS CIG LA, ,SEMS CAN RNAMS LA BTANG BA MCHOG ,CES DANG, ,PHAR PHYIN BSDUS PA LAS, SER SNA'I SKYON NI GANG GIS 'PHEL 'GYUR RAM, YONGS SU GTONG SEMS 'PHEL BAR MI 'GYUR BA'I, ,YONGS 'DZIN GEGS SU 'GYUR BA'I BSLU BA DAG ,BYANG CHUB SEMS DPAS MA LUS YONGS SU SPANGS, ,GANG GI GTONG SEMS GNYEN POR 'GYUR BA DAG ,YANG DAG BYANG CHUB LAM LA SGRIB BYED NA, ,DE 'DRA'I NOR RAM RIN CHEN RGYAL SRID KYANG, ,BYANG CHUB SEMS DPAS BLANG BAR 'OS PA MIN, ,ZHES DANG, THUB PA RNAMS KYI SPYOD MCHOG DRAN BYA ZHING, ,DE GZHOL RANG GI DAM BCAS BSAM BYAS TE, ,YONGS 'DZIN CHAGS PA RNAM PAR BSAL BA'I PHYIR, SEMS LA RTOG PA'I DAM PA 'DI DAG RTOGS, ,'GRO BA KUN LA BDAG GI LUS BTANG STE, ,DE BTANG CHOS KYANG BDAG GIS SPANG BYA ZHING, @348B PHYIR ROL DNGOS LA BDAG GIS CHAGS BYA BA, ,SLONG BAS GUS BZHIN BDAG LA RIGS PA MIN, ,ZHES SOGS GSUNGS PA'I PHYIR, GTONG SEMS BSKYED TSUL DNGOS NI, SPYOD 'JUG LAS, LUS DANG DE BZHIN LONGS SPYOD DANG, ,DUS GSUM DGE BA THAMS CAD KYANG, ,SEMS CAN KUN GYI DON SGRUB PHYIR, ,'PHANG BA MED PAR BTANG BAR BYA, ,ZHES GSUNGS LA, SEMS CAN THAMS CAD KYI DON DU BTANG BAS BSOD NAMS LHAG PAR 'PHEL BA'I TSUL NI, RIN CHEN 'PHRENG BAR, DE SKAD BRJOD PA'I BSOD NAMS GANG, ,GAL TE DE NI GZUGS CAN GYUR, ,GANG+GA'I BYE MA SNYED KYI NI, ,'JIG RTEN KHAMS SU SHONG MI GYUR, ,DE NI BCOM LDAN 'DAS KYIS GSUNGS, ,GTAN TSIGS KYANG NI 'DI LA SNANG, ,SEMS CAN KHAMS NI TSANG MED LA, ,PHAN 'DOD DE NI DE 'DRA'O, ,ZHES GSUNGS PA LTAR RO, ,DE YANG SBYIN PA GTONG BA'I ZHING NI, RANG LA PHAN 'DOGS PA'I MDZA' SHES, ,GNOD PA BYED PA'I DGRA BO, ,PHAN GNOD GANG YANG MI BYED PA'I BAR MA, YON TAN CAN DANG, SKYON CAN MTHA' DAG SBYIN PA'I ZHING YIN LA, GANG GIS GTONG BA'I BSAM PA NI, SBYIN PA 'DI LTA BU LA BRTEN NAS BLA NA MED PA'I BYANG CHUB KYI TSOGS SBYIN PA'I PHAR PHYIN RDZOGS PAR BYA'O SNYAM PA DGOS PA LA DMIGS PA DANG, DANG PO NAS BYANG CHUB SEMS DPAS BDOG PA THAMS CAD SEMS @349A *, ,CAN LA BTANG ZIN PAS BCOL BA LEN PA LTAR BTANG BAR BYA'O, RANG GI RDZAS LA GZHAN GYI YIN NO SNYAM PA DNGOS LA DMIGS PA DANG, ZHING RNAMS LA 'DI DAG BDAG GI SBYIN PA'I PHAR PHYIN RDZOGS PAR BYED PAS BDAG GI DGE BA'I BSHES SO SNYAM PA ZHING LA DMIGS PA NGES PAR DGOS TE, PHAR PHYIN BSDUS PA LAS, SLONG BA SNGON DU 'ONG NA RGYAL SRAS TE, ,RDZOGS PA'I BYANG CHUB TSOGS NI SPEL BA'I PHYIR; ;DES GZHAN 'DU SHES BDAG LA BZHAG BYAS SHING, ,DGE PA'I BSHES GNYEN 'DU SHES DE LA BSKYED, ,CES GSUNGS PA'I PHYIR, SBYOR BA JI LTA BUS GTONG BA NI MYUR POR MI STER LA RGYANGS TE STER BA DANG, NYON MONGS PAR BYAS NAS DE NAS STER BA DANG, CHOS THAMS CAD 'JIG RTEN GYI TSUL DANG, MI MTHUN PA'I LAS BYED DU BCUG NAS STER BA DANG SNGAR 'DI TZAM STER RO ZHES DAM BCAS PA LAS PHYIS KHRIS NAS NGAN PA'Am NYUNG DU STER BA'Am DRIN BGRANGS KYIN STER BA DANG, DUS GCIG TU SBYIN PAS CHOG PA LA SRINGS TE NYUNG DU NAS STER BA DANG, RGYAL POR GYUR PA NA GZHAN GYI BU DANG CHUNG MA 'PHROG STE STER BA DANG, PHA MA DANG, DRAN LA SOGS PA'I YO BYAD NAN GYIS SLANGS TE GZHAN LA STER BA DANG, GZHAN LA GNOD PAR 'GYUR BA'I THABS KYI SBYIN PA GTONG BA DANG, RANG NYID SNYOMS LAS SU SDAD DE GZHAN LA BYED DU 'JUG PA DANG, SLONG BA SMOD PAS @349B 'CHA' BA DANG, ZUR GYIS SMOD PAS STER BA DANG, NGAG RTZUB POS DPA' 'GONG BAR BYAS NAS STER BA DANG, SANGS RGYAS KYIS BCAD PA'I BSLAB PA DANG, 'GAL BAR BYAS TE STER BA DANG, LONGS SPYOD 'PHRAL LA JI LTAR BYUNG BA BZHIN MI GTONG BAR YUN RING POR BSAGS NAS STER BA NI, SPANGS PAR BYA BA'I SBYOR BA YIN PAS DE DAG DOR BAR BYAS LA, 'DI LTA BUS STER BAR BYA STE, BZHIN GYI MDANGS GSAL ZHING 'DZUM PA BYED LA, BSOD POR SMRA BA DANG LDAN PAS ZHING CI 'DRA GCIG LA YANG GUS PA DANG, RANG GI LAG GIS DANG, DUS SU DANG, GZHAN LA MI GNOD PA DANG, DKA' SPYAD KYI SDUG BSNGAL DRAN NAS SBYIN PAR BYA'O, ,DE DAG GI 'BRAS BU NI, BDEN PA PO'I LE'U LAS, RIM 'GRO BGYIS TE STZAL BAS NI MNYEN LA SOGS PAS RIMS 'GRO 'GYID PAR 'GYUR, LAG BDAR DE STZAL BAS NI RIMS 'GRO BA THOB PAR 'GYUR, DUS SU STZAL BAS NI DON RNAMS DUS SU THOB PAR 'GYUR, ZHES DANG, GZHAN LA MI GNOD PAR STZAL BAS NI LONGS SPYOD BRTAN PA DAG NYID THOB PAR 'GYUR MI BDE BA BZOD PAS STZAL BAS NI, 'KHOR SNYING NYE BAR 'GYUR, ZHES DANG, MDZOD LAS, LAG BDAR TE BYIN PA'I LONGS SPYOD RGYA CHEN PO RNYED PAR GSUNGSO, , LONGS SPYOD BRTAN PAS NI LONGS SPYOD LA GZHAN GYI BAR DU MI GCOD CING, ME LA SOGS PAS MED PAR MI 'GYUR BAR MDZOD LAS BSHAD PA LTAR RO, ,GZHAN YANG, GZHAN GYI SBYIN PA'I GROGS BYED PA'I SBYOR BA NI, RANG LA @350A *, ,YO BYAD YOD NA SER SNA CAN LAN 'GA' YANG SBYIN PA GTONG MA MYONG BA RNAMS KYI KHYIM DU SONG NAS MGU ZHING BAG PHEBS PAR BYAS TE 'DI SKAD DU NGA'I GNAS NA YO BYAD RGYA CHEN PO YOD DE, NGA SBYIN PA'I PHAR PHYIN RDZOGS PA'I PHYIR DU SLONG BA PO 'DOD PAS KHYED SLONG BA DANG, PHRAD NA LDOG STE MA GTONG BAR YANG NA NGA'I NOR LAS LONG LAS DE DAG LA BYIN CIG ,YANG NA NGA'I THAD DU KHRID LAS SHOG CIG ,NGA YI SBYIN PA LA YI RANG BAR GYIS SHIG CES SGO'O, ,DES KYANG NOR GOD MED CING DGA' BAS DE BZHIN DU BYED DO, ,DE LTAR NA DE DAG LA SER SNA'I DRI MA SEL BA'I SA BON BTAB PA YIN TE, RIMS KYIS GOM PA LAS, RANG NYID KYIS KYANG NOR MYUR DU BTONG ZHING MA CHAGS PA CHUNG DU LA BRTEN NAS 'BRING DANG, DE LA BRTEN NAS CHEN PO 'THOB BO, ,DE BZHIN DU RANG GI MKHAN SLOB DANG SLOB MA DANG, GROGS BKRAM CHAGS CAN GTONG MI NUS PA'AM DE MIN YANG YO BYAD MED PA RNAmS LA YO BYAD BYIN TE, DKON MCHOG GSUM LA SBYIN PA BYED DU BCUG CING RANG NYID MI BYING DO, ,'DI NI RANG NYID KYI BSOD NAMS SHIN TU MANG PO SKYED LA GZHAN KHA CIG GIS NYON MONGS BRTUL BA DANG, KHA CIG CHOS 'DOD PA RDZOGS PAR BYAS PA DANG, SEMS CAN 'DUS PA DANG, SMIN PAR BYAS PA YANG 'GYUR RO, ,DE BZHIN DU RANG LA YO BYAD MED NA BZO DANG LAS KYIS GZHAN GYI NOR SGRUBS TE STER BA DANG, YANG NA DBUL PO DANG SER SNA @350B CAN RNAMS KYANG SBYIN 'DOD PA'I CHOS KYI GTAM GZHAN LA BYED DE, ,YANG NA SLONG BA BYUNG BA RNAMS DAD PA CAN 'BYOR BA DANG LDAN PA'I KHYIM DU STONG BA DANG, RANG YANG NGER SONG NAS CI NUS KYI SBYIN PA GTONG BA'I GROGS BYED DO, ,GZHAN YANG SBYIN BYA'I RDZAS RNAMS LA BDAM TE BZANG RIMS NAS STER BA DANG, SBYIN PAR BYA BA'I RDZAS BSHAM PA RNAMS YONGS SU RDZOGS PAR SBYIN PAR BYED DO, ,BYANG CHUB SEMS DPAS SNYING RJE'I BSAM PA MA DAG PAR, LUS GZHAN LA MI SBYIN TE, ,NAM MKHA' MDZOD KYI MDO LAS, DUS MIN PAR 'DOD PA NI BDUD KYI LAS SO, ,ZHES DANG, SPYOD 'JUG LAS, SNYING RJE'I BSAM PA MA DAG PAR, ,LUS 'DI BTANG BAR MI BYA STE, ,CI NAS 'DI DANG GZHAN DAG TU, ,DON CHEN SGRUB BA'I RGYUR BTANG NGO, ,ZHES GSUNGS PA'I PHYIR, SNYING RJE'I BSAM PA DAG KYANG DGOS PA PHRAN TSEGS KYI PHYIR LUS MI SBYIN TE, SPYOD 'JUG LAS, DAM TE PA'I CHOS NI SPYOD PA'I LUS, ,PHRAN TSEGS CHED DU GNANG MI BYA, ,DE LTAR BYAS NA SEMS CAN GYI, ,BSAM PA MYUR DU RDZOGS PAR 'GYUR, ,ZHES GSUNGS PA'I PHYIR, SROG GCOD SOGS KYI PHYIR DU NI RE ZHIG TZAm YANG MI SBYIN, RANG GZHAN KUN LA GNOD PAR 'GYUR BA'I PHYIR, BDUD RIS KYI LHA DANG, DEBS BAS RLAMS PA'I SEMS CAN SOGS KYI SLONG BA MI SBYIN TE, DE DAG LA GNOD PAR 'GYUR BA'I PHYIR, SMYON PA DANG SEMS 'KHRUGS PA RNAMS KYIS SLONG NA MI@351A *, ,SBYIN TE, BSAM PA THAG PA NAS SLONG BA MIN PA'I PHYIR TE, DE DAG LA MA SBYIN NA LTUNG BA MED PAR MA ZAD PHAN YON DANG LDAN TE, BYIN NA SDIG LTUNG DU 'GYUR BA'I PHYIR, GZHAN YANG RAB TU BYUNG BA DANG, BSNYEN GNAS CAN LA PHYI DRO'I KHA ZAS DANG, ,SDOM RTZON CAN LA ZAS SKOM LHAG MAR GYUR PA DANG, ,BSHAD GCI SOGS KYI SBAGS PA DANG, SGOG BTZONG DANG SHA CHANG SPANGS PA LA SHA CHANG DANG, MI MDZA' BA DANG GNOD SBYIN PA DANG SRIN PO DANG, DRAG SHUL GYIS NON PA'm, BYAS PA MI BZO BA RNAMS KYI SLONG YANG DRAN DANG BU LA SOGS PA RNAMS SBYIN PAR MI BYA STE, DGOS PA MED CING NYES DMIGS CHE BA'I PHYIR, KLAN KA 'TSOL BA DANG, GLEGS BAM KYI DON SHES PAR 'DOD PA MIN PAR NOR GYI 'DU SHES KYIS SLONG NA SBYIN PAR MI BYA ZHING, BSAM PA RNAMS PAR DAG PAS DON SHES PAR 'DOD PA, YI GER 'BRI BAR 'DOD PA, PHYAG DANG SKOR BA SOGS BYA BAR 'DOD PA DANG, KHA 'DON SOGS BYA PHYIR SLONG BA RNAMS LA GLEGS BAM SBYIN PAR BYA ZHING DGOS PA GRUB NAS SLANG BAR BYAS NAS NYES PA MED CING PHAN YON SHIN TU CHE'O, ,MDOR NA SBYIN BYA'I RDZAS DE DANG DE YUL DUS DENG DER GANG ZAG DE DANG DE LA SBYIN PA BTANG NA DGOS PA YOD CING NYES DMIGS MED PA'I TSE SBYIN PA BTANG BAR BYA ZHING, DE LAS LDOG PA'I TSE MI BYA BA'I TSUL LA BYANG SEMS KYI SDE SNOD @351B DGONGS 'GREL DANG BCAS PA LAS GSUNGS PA LTAR SHES PAR BYA STE, DE LTAR BYAS NA PHAN BDE MA LUS PA'I 'BYUNG GNAS SU 'GYUR PA'I PHYIR, GNYIS PA TSUL KHRIMS KYI PHAR PHYIN LA SLOB TSUL NI, SPONGS PA'I SEMS PA NI TSUL KHRIMS KYI NGO BO YIN TE, NYA LA SOGS PA GANG ZHIG TU, ,DE DAG GSOD MI 'GYUR BAS BSKROD, SPONG BA'I SEMS NI THOB PA LAS, ,TSUL KHRIMS PHA ROL PHYIN PAR BSHAD, CES GSUNGS LA, NGO BO'I SGO NAS NYES SPYOD SNGOM PA'I TSUL KHRIMS, ,DGE BA CHOS BSDUD KYI TSUL KHRIMS, ,SEMS CAN DON BYED KYI TSUL KHRIMS, ,YANG NA LUS NGAG YID GSUM GYI TSUL KHRIMS RNAMS SU YOD, MYUR DU RDZOGS PA'I SANGS RGYAS THOB PAR 'DOD PA RNAMS KYIS TSUL KHRIMS, RNAM PAR DAG PA LA GUS PAR SLOB RIGS TE, TSUL KHRIMS RNAM DAG YON TAN KUN GYI 'BYUNG GNAS DANG TSUL KHRIMS 'CHAL BA NYES SKYON KUN GYI 'BYUNG GNAS YIN PA'I PHYIR TE, PHAR PHYIN BSDUS PA LAS, RDZOGS PA'I SANGS RGYAS TSUL KHRIMS RGYAN LDAN PA, ,'GRO BA THAMS CAD SGRUB DON GANG BRTZON PAS, ,RANG GI TSUL KHRIMS THOG MAR YONGS SU SBYANGS, ,TSUL KHRIMS DAG PA'I MTHU YIS STOBS KYANG BSKYED, ,CES DANG, TSUL KHRIMS NYAMS PAS RANG DON MI NUS NA, ,GZHAN DON TSUL LA MTHU YOD GA LA 'ONGS, ,DE PHYIR @352A *, ,GZHAN DON LEGS PAR BRTZON PA YIS, ,'DI LA RIMS 'GRO GLOD PAR RIGS MA YIN, ,ZHES DANG, LHA RDZAS DGA' RGYU MI YI LONGS SPYOD PA DANG, ,BDE MCHOG RO MCHOG LHA YI PHUN TSOGS DANG; ;TSUL KHRIMS RGYUS BYUNG CI ZHIG NGO MTSAR CHE, ,SANGS RGYAS CHOS RNAMS DE LAS BYUNG LA BLTOS, ,ZHES DANG, TSUL KHRIMS DE NI KHYAD PAR THOB PA'I LAM, ,SNYING RJE'I NGAG CAN RNAMS DANG MNYAM PAR SGRUB YE SHES GTZANG MA PHUL GYI RANG BZHIN TE, SKYON BRAL RGYAN DU GYUR PA'I MCHOG CES BYA, ,KHAMS GSUM KUN TU YID 'ONG DRI BSUNGS TE, ,RAB TU BYUNG DANG MI LA BYUG PA YIS, ,CHA LUGS MTHUN YANG TSUL KHRIMS LDAN GYUR NA, ,MI YI NANG NA DE NI 'PHAGS PAR 'GYUR, ,ZHES DANG, TING NGE 'DZIN RGYAL PO LAS, THOS PAS RGYAGS PA TSUL KHRIMS MI BSRUNGS TE, ,TSUL KHRIMS 'CHAL PAS NGAN 'GRO DER 'GRO DE, ,DE LA THOS PA MANG POS SKYOB MI NUS, ,ZHES GSUNGS PA LTAR, PHAN YON DANG NYES DMIGS NGES PA'I SGO NAS NYES SPYOD MTHA' DAG SPONG BA DANG, DGE BA MTHA' DAG SGRUB PA'I TSUL DA LTA NYID NAS NYAMS SU BLANG BAR BYA ZHING; DA LTA NYAMS SU LEN MI NUS PA RNAMS KYANG SMON LAM GYI YUL DU BYAS NAS BSLAB PAR BYA STE, RGYAS PAR NI BYANG SA'I TSUL KHRIMS LE'U'I RNAM BSHAD CHOS KYI RGYAL PO TZONG KHA PA NYID KYIS MDZAD PA @352B LAS SHES PAR BYA'O, ,GSUM PA BZOD PA LA SLOB TSUL NI, MI 'KHRUGS PA'I SEMS PA, ,BZOD PA'I NGO BO, DBYE NA, GNOD PA LA JI MI MNYAM PA'I BZOD PA, SDUG BSNGAL LA DANG LEN GYI BZOD PA, CHOS LA NGES PAR SEMS DPA'I BZOD PA DANG GSUM YOD, MYUR DU SANGS RGYAS THOB PAR 'DOD PA RNAMS KYIS BZOD PA RNAM DAG LA SLOB DGOS PA'I RGYU MTSAN YOD DE, BZOD PA BSGOM PA NI YON TAN KUN GYI 'BYUNG GNAS DANG; KHONG KHRO NI NYES SKYON KUN GYI 'BYUNG GNAS YIN PA'I PHYIR TE, PHAR PHYIR BSDUS PA LAS, GNOD 'DOR BA'I YID DANG LDAN PA LA, TSUL KHRIMS DAM PA BZOD PA YIN ZHES BYA, ,'JIG RTEN LEGS PA PHUN SUM TSOGS PA DAG, KHONG KHRO'I SKYON LA BZOD PAS YONGS SU SKYOB, ,MTHU LDAN RNAMS KYI RGYAN GYI DAM PA STE, ,DKA' THUB TSUL 'CHANG RNAMS LA STOBS KYI PHUL, ,GNOD SEMS GROGS KYI ME LA CHU YI RGYUN, , 'DI DANG GZHAN LA GNOD DGU BZOD PAS SEL, ,SKYE BO MCHOG GI BZOD PA'I GO CHA LA, ,MI SRUN SKYE BO'I TSIG GI MDA' GDUGS PAS, ,DE DAG BSTOD PA'I ME TOG BZANG GYUR ZHING, ,GRAGS PA'I 'PHRENG BA YID DU 'ONG BAR 'GYUR, ,ZHES DANG, YON TAN MDZES LDAN MTSAN RAB BRGYAN PA YI, ,GZUGS SGRUB BZOD PA'I GNAS KYANG BZOD PA YIN, ,ZHES DANG, SPYOD 'JUG LAS, GANG ZHIG SGRIMS TE KHRO 'JOMS PA, ,DE NI 'DI DANG @353A *, ,GZHAN DU BDE, ,ZHES DANG, BSKAL PA STONG DU BSAGS PA YI, ,SBYIN DANG BDE GSHEGS MCHOD LA SOGS, ,LEGS SPYAD GANG YIN DE KUN YANG, ,KHONG KHRO GCIG GIS 'JOMS PAR BYED; ;CES SOGS DANG, ZHE SDANG ZUG RDU'I SEMS 'CHANG NA, ,YID NI ZHI BA NYAMS MI MYONGS, ,DGA' DANG BDE BA'ANG MI 'THOB LA, ,GNYID MI 'ONG ZHING BRTAN MED 'GYUR, ,GANG DAG NOR DANG BKUR STI YIS DRIN BYIN DE LA BRTEN GYUR PA, ,DE DAG KYANG NI SDANG LDAN PA'I, ,RJE DPON DE LA GSOD PAR RGOL, ,DE YIS MDZA' BSHES SKYO BAR 'GYUR, ,SBYIN PAS BSDUS KYANG RTEN MI BYED, ,MDOR NA KHRO BA BDER GNAS PA, DE NI 'GA' YANG YOD MA YIN, ,ZHES DANG, SKYES RABS LAS KYANG, KHRO BA'I ME YIS BZHIN LDOG NYAMS GYUR NA, ,RGYAN GYIS BRGYAN YANG BZOD PAR YONGS MI SNANG, ,MAL STAN BZANG PO DAG LA NYAL GYUR KYANG; ;KHRO BA'I ZUG RDUS SEMS NI SDUG BSNGAL 'GYUR, ,BDAG LA PHAN PA'I DON SGRUB BRJOD GYUR TE, ,KHRO BAS RDUNGS NAS LAM NGAN 'GRO BAR BYED, ,GRAGS DANG DON GRUB PA LAS NYAMS PAR 'GYUR, , ZLA BA MAR GYI NGO BZHIN DPAL YANG NYAMS, ,MDZA' BSHES DAG GIS RAB TU BCUG GYUR KYANG, ,KHRO BA'I MI NI GA-YANG SAR LHUNG BAR 'GYUR, ,PHAN DANG GNOD PAR SEMS LA BLO NYAMS NAS, ,PHAL CHER 'GAL ZHING @353B SEMS NI MONGS PAR 'GYUR, ,KHRO BAS SDIG PA'I LAS NI GOMS BYAS PAS, ,NGAN SONG DAG TU LO BRGYAR SDUG BSNGAL MYANG, ,GNOD PA CHEN PO BYAS PAS SHA GNYER BA'I, ,DGRAS KYANG DE LAS LHAG PA CI BYAR YOD, , KHRO BA 'DI NI NANG GI DGRA, ,BDAG GI DE LTAR SHES NAS NI, ,DE YI THU NI KHRO BA DAG ,SKYES BU SU ZHIG BZOD PAR BYED, ,CES DANG, SPYOD 'JUG LAS, ZHE SDANG LTA BU'I SDIG PA MED, ,BZOD PA LTA BU'I DKA' THUB MED, ,DE BAS BZOD PA NAN TAN DU, ,SNA TSOGS TSUL GYIS BSGOM PAR BYA, ,ZHES GSUNGS PA'I PHYIR, ,'O NA BZOD PA JI LTAR BSGOM SNYAMS NA, ,GNOD BYED LA KHRO BAR MI RIGS PA'I RGYU MTSAN YOD DE, DE NYID NYON MONGS GOMS PA'I DBANG GIS GNOD PA BYED DU BCUG PA'I PHYIR, RANG DBANG CUNG ZAD KYANG MED DE, BZHI BRGYA PAR, KHRO YANG 'BYUNG POS BZUNG BA LA, ,SMAN PA 'KHRUGS PA MIN DE LTAR, ,THUB PAS NYON MONGS DAG GZIGS KYIS, ,NYON MONGS DANG 'BREL GANG ZAG MIN, ,ZHES DANG, SPYOD 'JUG LAS, DE LTAR THAMS CAD GZHAN GYI DBANG, ,DE YI DBANG GIS DE DBANG MED, ,DE LTAR SHES NA SBRUL LTA BU'I, ,DNGOS PO KUN LA KHRO MI 'GYUR, ,ZHES DANG, DE BAS DGRA 'AM MDZA' YANG RUNG, ,MI RIGS BYED PA MTHONG GYUR NA, ,'DI 'DRA'I RKYEN LAS GYUR TO ZHES, ,DE LTAR SOM TE BDE BAR MNOS, ,GAL TE RANG DAGS 'GRUB 'GYUR NA, ,'GA' YANG SDUG BSNGAL MI 'DOD PAS, ,LUS CAN DAG NI @354A *, ,THAMS CAD KYANG, ,SU LA 'ANG SDUG BSNGAL 'BYUNG MI 'GYUR, ,ZHES DANG, GANG TSE NYON MONGS DBANG GYUR PAS, ,BDAG SDUG NYID KYANG GSOD BYED PA, ,DE TSE DE DAG GZHAN LUS LA, ,GNOD MI BYED PAR JI LTAR 'GYUR, ,ZHES DANG, GAL TE GZHAN LA 'TSE BYED PA, ,BYIS PA RNAMS KYI RANG BZHIN NA, ,DE LA KHRO BAR MI RIGS TE, ,SREG PA'I RANG BZHIN MER BKON 'DRA, ,'ON TE SKYON DE BLO BUR LA, ,SEMS CAN RANG BZHIN NGES PA NA,, 'O NA 'ANG KHRO BAR MI RIGS TE, ,MKHA' LA DUD 'THUL BKON PA BZHIN, ,ZHES GSUNGS PA'I PHYIR, GNOD BYED KYI GANG ZAG LA KHRO BAR MI RIGS TE, ,ZHE SDANG GIS RBAD PA'I SGO NAS BDAG LA DNGOS SU GNOD PAR BYAS PA'I PHYIR, 'O NA MTSON DANG DBYUG PA SOGS LA KHRO RIGS PAR THAL, GZHAN GYIS SKUL BA'I SGO NAS BDAG LA DNGOS SU GNOD PAR BYAS PA'I PHYIR, KHYAB PA KHAS, RTAGS GRUB STE, SPYOD 'JUG LAS, DBYUG PA LA SOGS DNGOS BSKOL TE, ,GAL TE 'PHEN PA LA KHRO NA, ,DE YANG ZHE SDANG GIS RBAD PAS, ,NYES NA ZHE SDANG LA KHRO RIGS, ,ZHES GSUNGS SHING, GNOD BYED LA KHRO BAR MI RIGS TE, GNOD BYED DE NYID RANG GI LAS NGAN GYIS DBANG MED KYI BSKU LA NAS RANG LA SDUG BSNGAL SNA TSOGS 'BYUNG PA'I PHYIR TE, BDAG GI LAS NGAN GYIS BSKUL NAS DMYAL SRUNG RNAMS KYI BDAG LA GNOD PA BYED PA LTAR YIN PA'I PHYIR TE, SPYOD 'JUG LAS, BDAG GIS SNGON @354B CHAD SEMS CAN LA, ,'DI 'DRA BA YI GNOD PA BYAS, ,DE BAS SEMS CAN 'TSE BYED PA, ,BDAG LA GNOD PA 'DI 'BYUNG RIGS, ,ZHES DANG, BYIS PA SDUG BSNGAL MI 'DOD CING, ,SDUG BSNGAL RGYU LA BRKAM PAS NA, ,RANG GI NYES BAS GNOD 'GYUR PA, ,GZHAN LA BKON DU CI ZHIG YOD, ,DPER NA DMYAL BA'I SRUNG MA DANG, ,RAL GRI LO MA'I NAGS TSAL LTAR, ,RANG GI LAS KYIS 'DI SKYED NA, ,GANG ZHIG LA NI KHRO BAR BYA, ,BDAG GI LAS KYIS BSKUL BYAS NAS, ,BDAG LA GNOD BYED RNAMS 'BYUNG STE, ,DE YIS SEMS CAN DMYAL DONG NA, ,BDAG GI DE DAG MA BRLAG GAM, ,ZHES GSUNGS PA'I PHYIR, GZHAN YANG, GNOD BYED LA KHRO ZHING, GNOD LAN BYED PAR MI RIGS TE, ,DE LTAR BYAS NA SDUG BSNGAL DPAG MED MYONG BAR 'GYUR PA'I PHYIR TE, SPYOD 'JUG LAS, DA LTA'I SDUG BSNGAL 'DI TZAM LA'ANG, BDAG GIS BZOD PAR MI NUS NA, ,DES NA DMYAL BA'I SDUG BSNGAL RGYU,, KHRO BA CI STE ZLOG MI BYED, ,CES GSUNGS PA'I PHYIR, ,GZHAN YANG, GNOD BYED LA KHRO BAR MI RIGS PA'I RGYU MTSAN YOD DE, GNOD BYED DES GNOD PA BYAS PAS SNGON GYI MI DGE BA'I 'BRAS BU ZAD PAR 'GYUR ZHING, KHRO BA DANG GNOD LAN BYAS NA SDUG BSNGAL DPAG MED SLAR YANG MYONG DGOS PA'I PHYIR TE, DE SKAD DU YANG SKYES RABS LAS, GANG ZHIG RANG GI CHOS NYAMS MI SEMS PAR, ,BDAG GI SDIG SBYANGS PHYIR NI ZHUGS 'DRAL @355A *, ,'DI LA BDAG GIS BZOD PA MI BYED NA, ,DE LAS GZHAN PA DRI MED CI 'DRA ZHIG ,CES DANG, 'JUG PA LAS KYANG, SNGON BYAS PA YI MI DGE'I LAS KYI 'BRAS BU GANG, ZAD PAR BYED PAR BRJOD PAR 'DOD PA DE NYID GO, ,GZHAN LA GNOD PA DANG NI KHRO BAS SDUG BSNGAL PHYIR, ,SA BON NYID DU JI LTA BU NA 'KHRID PAR BYED, ,CES GSUNGS PA'I PHYIR, ,GZHAN YANG, GNOD BYED LA KHRO BAR MI RIGS PA'I RGYU MTSAN YOD DE, GNOD BYED DANG BDAG GI LUS GNYIS KA BDAG GI SDUG BSNGAL GYI RGYU GANG ZHIG ,BDAG GI LUS LA KHRO BAR MI RIGS PA'I PHYIR TE, SPYOD 'JUG LAS, ,DE YI MTSON DANG BDAG GI LUS, ,GNYIS KA SDUG BSNGAL RGYU YIN TE, ,DES MTSON BDAG GI LUS BYUNG NA, ,GANG ZHIG LA NI KHRO BAR BYA, ,SHU BA MI YI GZUGS 'DRA BA, ,REG TU MI BZOD SDUG BSNGAL CAN, ,SRED LDONGS BDAG GIS BZUNG GYUR NA, ,DE LA GNOD PA SU LA KHRO, ,ZHES DANG, LA LA RMONGS BAS NYES PA BYED, ,LA LA RMONGS TE KHROS GYUR NA, ,DE LA SKYON MED GANG GIS BYA, ,SKYON DANG BCAS TE GANG ZHIG YIN, ,ZHES GSUNGS, GNOD BYED LA KHRO RIGS TE, BDAG GI BSTOD PA DANG GRAGS PA SOGS NYAMS PAR BYAS PA'I PHYIR, ZHE NA, MA KHYAB STE, SPYOD 'JUG LAS, BSTONG DANG GRAGS PA'I RIMS 'GRO NI, ,BSOD NAMS MI GYUR TSER MI GYUR, ,BDAG STOBS MI'A GYUR NAD MED @355B MIN; ;LUS BDE BAR YANG MI GYUR RO, ,BDAG NI RANG DON SHES GYUR NA, ,DE LA RANG DON CI ZHIG YOD, ,CAS DANG, BYE MA'I KHANG BU RDEB GYUR NA, ,BYIS PA RNAMS NI GA CHAD DU, ,DE BZHIN BSTOD DANG GRAGS NYAMS NA, ,RANG GI SEMS NI BYIS PA BZHIN, ,ZHES GSUNGS PA'I PHYIR, GZHAN YANG, GNOD BYED KYI SDUG BSNGAL SNA TSOGS SKYED PA'I CHA NAS, KHONG KHRO MI RIGS PA'I RGYU MTSAN YOD DE, SPYOD 'JUG LAS, GAL TE BCOS SU YOD NA NI; ;DE LA MI DGA' CI ZHIG YOD, ,GAL TE BCOS SU MED NA NI, ,DE LA MI DGA' BYAS CI PHAN, ,ZHES DANG, TSA GRANG RLUNG DANG CHAR SOGS DANG, ,NAD DANG 'CHI DANG BSREGS SOGS LA, ,BDAG GIS BZE RE MI BYA STE DE LTAR BYAS NA GNOD PA 'PHEL, ,ZHES GSUNGS PA'I PHYIR, SDUG BSNGAL LA DGA' BAR RIGS TE, ,DE LTAR BLO SBYANGS PA'I YON TAN DPAG TU MED PA 'THOB PA'I PHYIR TE, ,SPYOD 'JUG LAS, SDUG BSNGAL MED PAR NGES 'BYUNG MED, ,GZHAN YANG SDUG BSNGAL YON TAN NI, ,SKYO BAS DREGS PA SEL BAR BYED, ,'KHOR BA PA LA SNYING RJE SKYE, ,SDIG LA 'DZEM ZHING DGE LA DGA', ,ZHES DANG, LAM SGRON LAS KYANG, BDAG RGYUD RTOGS PA'I SDUG BSNGAL GYIS, GANG ZHIG GZHAN GYI SDUG BSNGAL KUN, ,YANG DAG ZAD PAR KUN NAS 'DOD, ,SKYES BU DE NI MCHOG YIN NO, ,ZHES 'KHOR BA'I SDUG BSNGAL BSAM PAS, SKYES BU GSUM GYI LAM BDE BLAG TU@356A *, ,'DREN PA'I PHYIR DANG, DRI BA LHAG BSAM RAB DKAR LAS KYANG, SHING BZO MKHAS PA'I 'KHRUL 'DEGS BZHIN DU DMIGS PA, GCIG LA MNYAM PAR GZHAG PAS LAM SPYI'I LUS GA-YO BAR NUS PA'I DMIGS PA GANG, ZHES GSUNGS PA YANG 'DI KHO NA YIN PAR GO'O, ,GZHAN YANG, DANG POR GNOD BYED CHUNG DU LA BZOD PA BSGOM NA MYUR DU GNOD BYED MTHA' DAG GCOD PAR 'GYUR TE, SPYOD 'JUG LAS, GOMS NA SLA BAR MI GYUR BA'I,, DNGOS DE GANG YANG YONG MA YIN, ,DE BAS GNOD PA CHUNG BA SGOMS PAS, ,GNOD PA CHEN PO'ANG BZOD PAR BYOS, ,ZHES GSUNGS PA'I PHYIR, ,GOMS PA RANG GI NGAG GIS 'PHEL BAR 'GYUR BA'I DPE YANG YOD DE, SPYOD 'JUG LAS LA LA RANG GI KHRAG MTHONG NA, DPA' BRTAN LHAG PAR SKYE 'GYUR YOD, ,LA LA GZHAN GYI KHRAG MTHONG NA, ,'BOG CING RGYAL BAR 'GYUR BA YOD, ,DE NI SEMS KYI DANG BRTAN DANG, ,SNGAR MA'I TSUL LAS GYUR PA YIN, ,ZHES GSUNGS PA'I PHYIR, BZHI PA BRTZON 'GRUS LA BSLAB TSUL NI, DGE BA LA SPRO BA'I SEMS 'BYUNG BA RTZON 'GRUS KYI NGO BO YIN TE, SPYOD 'JUG LAS, BRTZON GANG DGE LA SPRO BA'O, ,ZHES DANG, BYANG SA LAS ,DGE BA BSDU BA DANG, SEMS CAN GYI DON BYA BA'I PHYIR DU, SEMS MNGON PAR SPRO BA PHYIN CI MA LOG PA DANG, DES BLANGS PA'I SGO GSUM GYI LAS GA-YO BA LAS ZHES BSHAD DO, ,ZHES GSUNGS PA'I PHYIR, DBYE NA @356B GO CHA'I BRTZON 'GRUS, SBYOR BA'I BRTZON 'GRUS, SEMS CAN DON BYED KYI BRTZON 'GRUB, MA ZHUM PA'I BRTZON 'GRUS, MI NYAM PA'I BRTZON 'GRUS, CHOG MI SHES PA'I BRTZON 'GRUS, LUS NGAG YID GSUM GYI BRTZON 'GRUS SOGS DU MA GSUNGS SO, ,MYUR DU SANGS RGYAS THOB PAR 'DOD PA RNAMS KYIS BRTZON 'GRUS KYI PHAR PHYIN LA BSLAB DGOS TE, BRTZON 'GRUS YON TAN KUN GYI 'BYUNG GNAS, LE LO NYES SKYON KUN GYI 'BYUNG GNAS YIN PA'I PHYIR TE, LHAG BSAM BSKUL BA LAS, SDUG BSNGAL KUN DANG MUN PA SEL BYED CING, ,NGAN SONG YONGS SU SPONG BA'I GZHIR GYUR PA, ,SANGS RGYAS KUN GYIS BSNGAGS PA'I BRTZON 'GRUS 'PHAGS GANG YIN DE NI RTAG TU BSTAN PAR GYIS, ,'JIG RTEN 'DI NA BZOD GANG CI YOD DANG, ,'JIG RTEN 'DAS SOGS GANG DAG CI YOD PA, ,BRTZON 'GRUS RTZAM LA RNYED PAR MI DKA' NA, ,MKHAS PA SU DAG BRTZON 'GRUS STOBS KYIS SKYO, ,GANG DAG SANGS RGYAS BYANG CHUB ZHUGS GYUR KYANG, ,DE DAG RMUGS NYID SKYON RNAMS MTHONG NAS NI, ,RTAG TU BRTZON 'GRUS RTZOM LA GNAS PAR BYED, ,'DI NI NGA YI DE DAG BSKUL BYAS YIN, ,ZHES DANG; PHAR PHYIN BSDUS PA LAS KYANG, YONGS SU SKYO MED BRTZON 'GRUS TSE LDAN NA, MI 'THOB MI 'GRUB RNAM PA GANG YANG MED, ,CES DANG, MI MA YIN KYANG DE LA PHAN PAR DGA', ,TING 'DZIN RNAM PA KUN KYANG @357A *, ,'THOB PAR 'GYUR, ,NYIN TSAN DUS NA 'BRAS BU YOD PAR 'DA', ,YON TAN TSOGS KYIS DMA' BAR 'GYUR BA MED, ,MI YI CHOS LA 'PHAGS PA'I DON RNAMS KYI, ,ME TOG AUTPAL LA BZHIN RNAM PAR 'PHEL, , ZHES DANG, 'JUG PAR, YON TAN MA LUS BRTZON 'GRUS RJES 'GRO ZHING, ,ZHES DANG, BLO GROS RGYA TSOS ZHUS PA LAS KYANG, LE LO CAN RNAMS LA NI, BYANG CHUB SHIN TU RING ZHING RNAM PAR RING NGO, ,LE LO CAN RNAMS LA NI SBYIN PA MED PAS NA SHES RAB KYI BAR DU MED, LE LO CAN RNAMS LA NI GZHAN GYI NGON MED DO, ,ZHES DANG, DRAN PA NYER BZHAG LAS KYANG, NYON MONGS RNAMS KYI GZHI GCIG NI, ,LE LO YIN TE GANG LA YOD, ,GANG LA LE LO GCIG YOD PA, ,DE LA CHOS KUN MED PA YIN, ,ZHES GSUNGS PA'I PHYIR, LE LO SKYE BA'I RGYU SOGS SPONG DGOS PA'I RGYU MTSAN NI, SPYOD 'JUG LAS, DE YI MI MTHUN PHYOGS BSHAD BYA, ,LE LO NGAN LA ZHEN PA DANG, ,BGYID LUG BDAG NYID BRNYAS PA'O, ,ZHES DANG, SNYOM LAS BDE BA'I RO MYANG DANG, ,GNYID LA BRTEN PA'I SRED PA YIS, ,'KHOR BA'I SDUG BSNGAL MI SKYO LAS, ,LE LO NYE BAR SKYE BAR 'GYUR, ,ZHES GSUNGS PA'I PHYIR, ,DES NA 'DU 'DZI RNAM GA-YANG SOGS LA ZHEN PA SPANG DGOS TE, SPYOD 'JUG LAS, DGA' BA'I RGYU NI MTHA' YAS PA'I, DAM CHOS DGA' BA'I MCHOG SPANGS NAS, ,SDUG BSNGAL RGYU YIS GA-YENG BA DANG @357B RGOD SOGS LA KHYOD CI PHYIR DGA', ,ZHES GSUNGS PA'I PHYIR, BDAG LTA BUS YANG DAG PAR RDZOGS PA'I SANGS RGYAS THOB PAR MI GYUR TE, SHIN TU DMAN PA'I PHYIR MNYAM DU ZHUM PA 'GAG DGOS TE, SPYOD 'JUG LAS, BDAG GIS BYANG CHUB GA LA ZHES, ,BGYID LUG PA NI MI BYA STE, ,'DI LTAR DE BZHIN GSHEGS PA NI, ,BDEN PA GSUNGS PAS BDEN 'DI GSUNGS, ,SBRANG BU SHA SBRANG BUNG BA DANG, ,DE BZHIN SRIN BUR GANG GYUR PA, ,DES KYANG RTZON PA'I STOBS BSKYED NA, ,BYANG CHUB THOB DKA' BLA MED THOB, ,BDAG LTA RIGS KYI MIR SKYES LA, ,PHAN DANG GNOD PA NGO SHES NAS, ,BYANG CHUB SPYOD PA MA BTANG NA, , BDAG GIS BYANG CHUB CIS MI THOB, ,CES GSUNGS PA'I PHYIR, DE LTAR BLO GZENG BSTOD NAS BRTZON 'GRUS RTZAM NA 'DOD PA'I BYA BA RNAMS LA GA NA YOD PA DANG 'DRA STE, SKYES RABS LAS, ZHUM PAS 'PHONGS PAS THAR LA MI PHAN GYI, ,DE BAS MYANG NGAN GDUNGS BA MI BYED PAR, ,DGOS PA'I DON SGRUB MKHAS LA BRTAN BYAS LA, ,RAB TU DKA' BA'ANG SLABS THAR BAR 'GYUR, ,DE BAS 'JIGS SHING MI DGA' MI BYED PAR, ,JI LTAR BYA PA'I THABS KYI DGOS PA SGRUBS, ,MKHAS PA'I GZI BRJID STON PAS GZENG BSTOD NA, ,DON RNAMS THAMS CAD 'GRUB PA LAG NA YOD, ,CES GSUNGS PA'I PHYIR, DE YANG MOS PA DANG 'DUN PA DRAG PO SKYED @358A *, ,PA'I SGO NAS BRTZON 'GRUS BRTZOM DGOS TE, SPYOD 'JUG LAS, BDAG NI SNGON DANG DA LTAR YANG, ,CHOS LA MOS DANG BRAL BA YIS, ,'PHONGS PA 'DI 'DRA BYUNG 'GYUR NA, ,SU ZHIG CHOS LA MOS PA GTONG, ,DGE BA'I PHYOGS NI THAMS CAD KYI, ,RTZA BA MOS PAR THUB PAS GSUNGS, ,ZHES GSUNGS PA'I PHYIR, MOS PA SKYED PA'I TSUL NI, SPYOD 'JUG LAS, DE YI RTZA BA RTAG TU NI, RNAM SMIN 'BRAS BU SGOMS PAS SO, ,ZHES DKAR NAG GI LAS LAS BDE SDUG 'BYUNG TSUL TSUL BZHIN BSAM PA'O, ,SPANG BYA SPONG PA'I BRTZON 'GRUS JI LTAR RTZAm BA NI SPYOD 'JUG LAS, 'THAB RNYING DGRA DANG LHAN CIG TU, GA-YUL NGOR RAL KHA LHAGS PA BZHIN, ,NYON MONGS MTSON LAS BZUNG BYA ZHING, ,NYON MONGS DGRA RNAMS 'JABS PAR BRTAG, ,CES GSUNGS PA LTAR RO, ,DGE SDIG GI BLANG DOR LA 'JUG PA'I TSE, ,DGE SDIG GI DMIGS PA MA BRJED PA'I DRAN PA RGYUN DU BSTEN DGOS TE, SPYOD 'JUG LAS, GA-YUL DU RAL GRI LHUNG GYUR NA, ,'JIGS PAS MYUR DU LEN PA LTAR, ,DE BZHIN DRAN PA'I MTSON SHOR NA, ,DMYAL BA'I 'JIGS DRAN MYUR DU BLANG, ,ZHES GSUNGS SO, DGE SDIG GI BLANG DOR TSUL BZHIN DU DRAN PA SHIN TU GAL CHE STE, BSHES SPRINGS LAS, DBANG PHYUG LUS STOBS DRAN PA BDE GSHEGS KYI, ,BGROD PA GCIG PA'I LAM DU NYE BAR @358B BSTAN, ,DE NI BSGRIMS NAS MNGON PAR SPUNGS BGYI STE, ,DRAN PA NYAM PAS CHOS KUN 'JIGS PAR 'GYUR, ,ZHES GSUNGS PA'I PHYIR, NYES LTUNG GIS GOS NA, DE MA THAG RGYUN GCONG DGOS TE, SPYOD 'JUG LAS, JI LTAR KHRAG LA BRTEN BCAS NAS; ;DUG NI LUS LA KHYAB 'GYUR BA, ,DE BZHIN GLAGS NI RNYED GYUR NA, NYES PAS SEMS LA KHYAB PAR 'GYUR, ,ZHES GSUNGS PA'I PHYIR, 'O NA DRAN SHES JI LTAR BSTEN MNYAM NA, DE NYID LAS, NYUNG MAR SKANG BA'I SNOD BSKUR LA, ,RAL GRI THOGS PAS DRUNGS BSDAD DE, ,BO NA GSAD BSDIGS 'JIGS PA LTAR, BRTUL ZHUGS CAN GYIS DE BZHIN SGRIMS, ,ZHES GSUNGS PA'I PHYIR, DE LTAR SGRIMS PA'I TSE NYON MONGS SKYE BA'I RGYU 'OD BAR SNANG NA MYUR DU BZLOG DGOS TE, DE NYID LAS, DE BAS SPANG DU SBRUL 'ONG NA, ,JI LTAR RING DU LDANG BA LTAR, ,DE BZHIN GNYID DANG SNYOMS 'ONG NA, ,MYUR DU DE DAG BZLOG PAR BYA, ,ZHES GSUNGS PA'I PHYIR, DA PHYIN CHAD SDOM SEMS MANG DU BTANG DGOS TE, DE NYID LAS, NYES PA 'BYUNG BA RE RE ZHING, BDAG LA SMAD NAS CI NAS KYANG, ,BDAG LA PHYIS 'DI MI BYUNG BA, DE LTAR BYA ZHES YUN RING BSAM, ,ZHES GSUNGS PA'I PHYIR, SDOM SEMS KYI RTZA BAR GYUR BA'I DRAN PA STOBS LDAN RGYUN CHAGS 'BYUNG BA'I RGYU RKYEN PHUN TSOGS LA BSLAB DGOS TE; DE NYID LAS, JI LTAR GNAS SKABS 'DI DAG LA, ,DRAN PA GOMS PA NYID GYUR ZHES, ,RGYU 'DI YIS NI PHRAD PA'Am, ,RIG PA'I LAS NI 'DOD PAR BYA, ,ZHES GSUNGS PA'I PHYIR, LNGA PA BSAM GTAN LA SLOB TSUL NI, DGE BA'I DMIGS PA @359A *, ,LA RTZE GCIG TU GNAS PAS RAB TU PHYE BA'I RIG PA BSAM GTAN GYI NGO BO YIN TE, SPYOD 'JUG LAS, DE LTAR BRTZON 'GRUS BSKYED NAS NI, YID NI TING NGE 'DZIN LA BZHAG, ,CES GSUNGS PA'I PHYIR, DBYE NA, NGO BO'I SGO NAS 'JIG RTEN DANG 'JIG RTEN LAS 'DAS PA'I BSAM GTAN, BYED LAS KYI SGO NAS MTHONG CHOS LA BDER GNAS KYI BSAM GTAN, YON TAN MNGON PAR 'GRUB PA'I BSAM GTAN, SEMS CAN DON BYED KYI BSAM GTAN RNAMS SU YOD, MYUR DU SANGS RGYAS THOB PAR 'DOD PAS, BSAM GTAN LA BSLAB DGOS PA'I RGYU MTSAN YOD DE, BSAM GTAN NI 'JIG RTEN DANG 'JIG RTEN LAS 'DAS PA'I PHUN TSOGS KUN GYI 'BYUNG GNAS, RNAMS GA-YENGS NI NYES SKYON KUN GYI 'BYUNG GNAS YIN PA'I PHYIR, DRUG PA SHES RAB LA SLOB TSUL NI, RIG PA'I GNAS LNGA SOGS LA MKHAS PA'I SHES RAB NI SKABS 'DIR BSTAN GYI SHES RAB KYI NGO BO YIN TE, BYANG SA LAS, SHES BYA THAMS CAD LA 'JUG PA DANG, ,SHES BYA THAMS CAD LA ZHUGS PA CHOS RAB TU RNAM PAR 'BYED PA GANG YIN PA RIG PA'I GNAS LNGA PO NANG GI RIG PA DANG, ,GTAN TSIGS KYI RIGS PA DANG, BSO BA RIG PA DANG, SGRA RIG PA DANG, BZO DANG LAS KYI GNAS KYI RIG PA LA DMIGS NAS 'JUG PA 'DI NI BYANG CHUB SEMS DPA' RNAMS KYI SHES RAB KYI NGO BO YIN PAR RIG PAR BYA'O, ,ZHES GSUNGS PA'I PHYIR, DBYE NA, KUN RDZOB SHES PA'I @359B SHES RAB, DON DAM SHES PA'I SHES RAG SEMS CAN DON BYED KYI SHES RAB RNAMS SU YOD, MYUR DU SANGS RGYAS THOB PAR 'DOD PAS, SHES RAB SKYE DGOS PA'I RGYU MTSAN YOD DE, MGON PO KLU SGRUB KYIS, MTHONG DANG MA MTHONG YON TAN NI; ;KUN GYI RTZA BA SHES RAB YIN, ,DE LTAR GNYIS KA SGRUB PA'I PHYIR, ,SHES RAB YONGS SU BZUNG BAR BYA, ,CHOS DON 'DOD DANG THAR PA YI, ,'BYUNG GNAS CHEN PO RIG PA YIN, ,DE LTAR DANG PO GUS PA YIS, ,SHES RAB YUM CHEN BZUNG BAR BYA, ,ZHES DANG, SHES RAB LDAN BA RNAMS LA NI, ,RGUD PA RNAM PAR 'JIG 'GYUR TE, ,LAG NA MAR ME THOGS PA YI, ,MDUN NA MUN PA MED PA BZHIN, ,SHES RAB THABS DANG LDAN PA LA, ,DGRA YI TSOGS KYIS CI BYAR YOD, ,LAG NA GDUGS DANG BCAS PA LA, ,CHAR GYIS RGYUN GYIS RDZIB MED, ,ZHES SOGS DANG BSDUD PA LAS KYANG, DMUS LONG DMIGS BU MED PA BYE BA PHRAG PHRIG RNAMS, ,LAM YANG MI SHES GRONG KHYER 'JUG PA GA LA NUS, SHES RAB MED NA MIG MED PHA ROL PHYIN LNGA 'DI, ,MIG BU MED PAS BYANG CHUB REG PAR NUS MA YIN, ,ZHES DANG, 'JUG PAR YANG, JI LTAR LONG PA'I TSOGS KUN BDE BLAG TU, ,MIG LDAN SKYES BU GCIG GIS 'DOD PA YI, ,YUL DU 'KHRID PA DE BZHIN 'DIR YANG BLOS, ,MI NYAMS YON TAN BLANGS TE RGYAL NYID 'GRO, ,ZHES GSUNGS PA'I PHYIR, YON TAN KUN GYI NANG NA SHES RAB CHES MCHOG TU 'GYUR PA YIN TE, DPAL LDAN DPA' BOS, SBYIN PA LA SOGS PA BSOD NAMS 'DI DAG NI @360A *, ,SHES RAB MGON BCAS LHAG PAR MTHU LDAN 'GYUR, ,GSER GYI RGYAN BZANG RNAM PA SNA TSOGS LA, ,RIN CHEN 'PHRA BA BKOD 'OD KYIS GSAL BA BZHIN, ,SO SO'I DON LA DE DAG YON TAN MTHU, SHES RAB 'DIS NI RGYA CHEN SGRUB PAR GYED, ,DBANG PO RANG RANG YUL GYI BYE BRAG LAS, ,MTHU GZHAN YID KYIS GSAL BAR BSTAN PA BZHIN, ,DAD PAS SOGS PA'I DBANG PO RNAM PA YANG, , DBANG PO GZHAN LA BLO BZHIN SHES RAB GTZO, ,DE YI MGON LDAN YON TAN SKYON SHES PA'I, ,NYON MONGS ZAD PA'I TSUL LA MKHAS PAR 'GYUR, ,ZHES SOGS BSAM GYIS MI KHYAB PA GSUNGS TE, DPAL LDAN LEGS PAR BSHAD PA'I RGYA MTSO BYANG CHUB LAM GYI RIM PA LAS SHES PAR BYA'O, ,'O NA PHAR PHYIN RNAMS KYI MTSAN NYID JI LTA BU ZHE NA, SRID ZHI'I PHA ROL TU SON PA MTHAR THUG PA'I YE SHES PHAR PHYIN GYI MTSAN NYID YIN, GTONG BA, SPONG BA, MI 'KHRUGS PA, DGE BA LA SPRO BA, DGE BA'I DMIGS PA LA RTZE GCIG PA, CHOS RAB TU RNAM PAR 'BYED PA'I SEMS BYUNG RNAMS SBYIN SOGS DRUG GI GO RIMS BZHIN MTSAN NYID DU BZHAG PAR BYA ZHING, DE RNAMS MTSUNG LDAN DANG BCAS PA'I RIGS SU GNAS PA'I PHAR PHYIN RNAMS SBYIN PA'I @360B PHAR PHYIN SOGS KYI MTSAN NYID DU RIMS BZHIN BZHAG LA, 'DI RNAMS YIN KHYAB SNYAM, SBYIN SOGS DRUG 'GAL ZHING PHAR PHYIN GYI SA MTSAMS SANGS RGYAS KYI SA KHO NA NA YOD, , PHAR PHYIN RE RE'I NANG DU DRUG DRUG TSANG BAR BSDUS NAS NYAMS SU LEN PAR 'DOD PA'I BSAMS PA'I BYA BAS ZIN PAS SEMS DPA'I RNAL 'BYOR, GO SGRUB KYI MTSAN NYID, RGYAS PAR DBYAN SUM CU RTZA DRUG ,BSDUS NA DRUG TU BSDUS, SA MTSAMS THEG CHEN GYI TSOGS LAM NAS RGYUN MTHA'I BAR NA YOD, GNYIS PA GZHUNG DON NI, MDO LAS, GANG POS GSOL BA, BCOM LDAN 'DAS DE NI GO CHA CHEN PO BGOS PA'I SEMS CAN LAGS TE, BCOM LDAN 'DAS DE NI THEG PA CHEN PO LA YANG DAG PAR ZHUGS PA'I SEMS CAN LAGS LA; DE NI THEG PA CHEN PO LA YANG DAG PAR ZHUGS PA'I SEMS CAN LAGS TE, DE'I SLAD DU BYANG CHEN ZHES BGYI'O, ,ZHES SEMS DPA' CHEN POR 'JOG PA'I RGYU MTSAN GANG POS BSHAD PA DANG, SH'A RI'I BUS JI TZAM GYIS GO CHA BGOS PA'I LAN RDU GSUNGSO, ,DE RNAMS KYI DON BSDU BA NI, DE DAG SOOR SBYIN LA SOGS, ZHES GSUNGS, 'DI LTA'I GZHUNG GSUNGS PA CHOS CAN DGOS PA YOD DE@361A *, ,SGRUB PA BZHI'I NANG NAS GO CHA'I SGRUB PA BSTAN PA'I DGOS PA YOD PA'I PHYIR, DE LTAR STON PA'I RGYU MTSAN YOD DE, THEG CHEN GYI SGRUB PA NYAMS LEN GYI DANG POR BSAM PA'I GO CHA LEGS PAR GO BGOS PA'I PHYIR, BSTAN BCOS MNGON PAR RTOGS PA'I RGYAN CHOS CAN, GO CHA'I SGRUB PA BSHAD DE, DE LA DRUG TSAN DRUG TU PHYE BA'I SGO NAS MDO'I DON BZHIN DU BSHAD PA'I PHYIR, GO SGRUB DE LA SUM CU RTZA DRUG YOD DE, DE LA SBYIN PA'I GO SGRUB DRUG NAS, SHES RAB KYI GO SGRUB DRUG GI BAR RNAMS SU YOD PA'I PHYIR, DER THAL, RNAM PA DRUG TU BSDUS TE, SPYIN PA NYAMS SU LEN PA'I GO CHA DRUG GI SBYIN PA'I GO CHAR CHOS MTHUN PA NAS, SHES RAB NYAMS SU LEN PA'I GO CHA DRUG SHES RAB KYI GO CHAR CHOS MTHUN PA'I BAR RNAMS SU BSDUS PA'I PHYIR, ` BSAM GTAN GZUGS MED LA 'JUG PA'I SGRUB PA, ZHES SOGS KYI SKABS SU, SPYI DON DANG GZHUNG DON GNYIS, DANG PO LA, RANG LUGS BZHAG PA DANG, RTZOD PA SPANGS PA GNYIS, DANG PO LA, SNYOM 'JUG GI RTEN BSHAD PA, BRTEN PA SNYOM 'JUG BSHAD PA, DE'I 'BRAS BU BSHAD PA DANG GSUM, DANG PO LA LUS RTEN BSHAD PA DANG, SEMS RTEN BSHAD PA GNYIS, DANG PO LA SPYIR BTANG DANG DMIGS GSAL GNYIS, DANG PO NI, MTSAMS MED BYAS PA DANG, NGAN SONG GI RTEN LA SNYOMS 'JUG 'DI DAG GSAR DU SKYE BA MED @361B DE; LAS SGRIB SHAS CHE BA DANG LDAN PA'I PHYIR, ZA MA DANG MA NING GI RTEN LA SNYOM 'JUG 'DI DAG GSAR DU SKYE BA MED DE, 'DOD CHAGS KYI SGRIB PA SHAS CHE BA'I PHYIR, SGRA MI SNYAN PA'I RTEN LA SNYOM 'JUG 'DI DAG GSAR DU SKYE BA MED DE, RNAM SMIN GYI SGRIB PA SHAS CHE BA'I PHYIR, LHA MA YIN GYI RTEN LA SNYOM 'JUG 'DI DAG GSAR DU SKYE BA MED DE, PHRA DOG GI SGRIB PA SHAS CHE BA'I PHYIR, GLING GSUM GYI SKYES PA DANG BUD MED MTSAN DON BYED NUS PA RNAMS KYI RTEN LA SNYOM 'JUG 'DI DAG GSAR DU SKYE BA YOD DE, SHES RAB KYI DBANG PO GSAL, 'KHOR BA LA DMIGS PA'I SKYO SHAS CHE BA LA SOGS PA'I RGYU LAS DE LTAR GRUB PA'I PHYIR, RANG SA'I RTEN LA RANG SA'I SNYOM 'JUG GSAR DU SKYE BA DANG, 'OG SA'I RTEN LA GONG SA'I SNYOM 'JUG GSAR DU SKYE BA YOD DE, DE LTAR SKYES PA LA DGOS PA YOD PA'I PHYIR, GONG SA'I RTEN LA 'OG SA'I SNYOM 'JUG GSAR DU SKYES PA DANG SGOM PA MED DE, RANG SA NA SNYOM 'JUG MCHOG TU GYUR PA YOD PA'I PHYIR TE, MDZOD LAS, BSAM GTAN GZUGS MED RANG DANG NI, 'OG SA'I RTON CAN 'OG DGOS MED, CES GSUNGS PA'I PHYIR, GNYIS PA NI, MTSAMS MED BYAS PA DANG, NGAN SONG GI RTEN LA SNYOM 'JUG 'DI DAG GSAR SKYES YOD DE, GANG GIS MTSAMS MED PA LNGA BYAS PA PAS DAM PA'I CHOS 'DI THOS NAS 'JUG CING MOS NA DE'I LAS DE LAS KYI SGRIB PA YIN NO ZHES NGA MI SMRA'O, ,ZHES MA SKYES DGRA'I 'GYOD PA BSAL BA'I MDO LAS GSUNG NGAN SONG GI RTEN LA BYAMS SOGS TSAD MED BZHI GSAR SKYES YOD DE @362A *, ,DE'I RTEN LA THEG CHEN SEMS BSKYED GSAR SKYED YOD PA'I PHYIR, SRID RTZE'I RTEN LA CI YANG MED PA'I SNYOM 'JUG SGOM PA YOD DE, DE NA GNAS PA'I THEG DMAN 'PHAGS PA'I RGYUD KYI 'DAS LAM CI YANG MED KYI BSDUS PA YIN PA'I PHYIR TE, DE NA GNAS PA'I THEG DMAN 'PHAGS PA RNAMS KYIS SRID RTZE'I SEMS LA BRTEN NAS 'DAS LAM SKYE BAR MI NUS, CI YANG MED DE LA NYE BA'I PHYIR TE, MDZOD LAS, SRID RTZE'I 'PHAGS PAS CI YANG MED, ,MNGON DU BYAS NAS ZAG PA ZAD, CES GSUNGS PA'I PHYIR, GNYIS PA LA SPYIR BSTAN PA, BSAM GTAN DANG PO'I NYER BSNGOGS BYE BRAG TU BSHAD PA, LHAG MA RNAMS DE 'DRA BAR BSTAN PA DANG GSUM, DANG PO NI, GONG SAS BSDUS PA'I NYER BSNGOGS LA RNAM PA BRGYAD YOD DE, BSAM GTAN DANG PO'I NYER BSNGOGS NAS SRID RTZE'I NYER BSNGOGS KYI BAR BRGYAD YOD PA'I PHYIR, PHAL CHER DAG PA BA YIN ZHING, TSOR BA RNAMS KYANG BTANG SNYOMS DANG, NYON MONGS CAN MI SRID LA, PHAL CHER SMOS PA'I DGOS PA NI; BSAM GTAN DANG PO'I NYER BSNGOGS ZAG MED YOD PAR BSTAN TE, MDZOD LAS, DE DAG LA NI NYER BSNGOGS BRGYAD, DAG PA BDE MIN SDUG BSNGAL MIN, DANG PO 'PHAGS PA'AM KHA CIG GSUM, ZHES 'BYUNG BA'I PHYIR DANG, 'GREL PAR NYER BSNGOGS DU SHIG YOD CE NA, DE DAG LA NI NYER BSNGOGS BRGYAD, RE RE LA GANG GIS DE LA 'JUG PA RE RE YOD DO, ,CI DE DAG KYANG RNAM PA GSUM YIN LA, DE DAG LA TSOR BA YANG DE DANG 'DRA BA YOD DAM, ZHE NA, SMRAS PA MIN TE, DAG PA BDE MIN @362B SDUG BSNGAL MIN, DE DAG NI DAG PA BA YANG YIN LA BTANG SNYOMS KYI DBANG PO DANG, MTSUNGS PAR LDAN PA DAG KYANG YIN GYI 'BAD DE BYA BA YIN PA'I PHYIR DANG, SA 'OG MA LAS YID 'BYUNG BA LAS MA 'BRAL BA'I PHYIR DANG, 'DOD CHAGS DANG BRAL BA'I LAM YIN PA'I PHYIR, RO MYANG BA DANG MTSUNGS PAR LDAN PA MA YIN NO, ,DANG PO 'PHAGS PA'ANG NYER BSNGOGS KYI DANG PO NI MI LCOGS PA MED PA STE, DE NI DAG PA BA YANG YIN LA, ZAG MED YANG YIN NO, ,NYER BSNGOGS KYI SEMS KYI NYID MTSAMS SBYOR BA NYON MONGS CAN YIN MOD KYIS, MNYAM PAR GZHAG PA LA NI NYON MONGS CAN NYID DGAG GO, KHA CIG GSUNGS, KHA CIG NI MI LCOGS PA MED PAR RO MYANG PA DANG MTSUNGS BAR LDAN PA YANG 'DOD DO, ,ZHES GSUNGS SO, ,BSAM GTAN DANG PO'I NYER BSNGOGS LA ZAG MED SRID PA'I RGYU MTSAN YOD DE, RGYUN ZHUGS KYI SKOR, PHYIR 'ONG GI SKOR, NYON MONGS RKYANG PA'I CHA LAS RNAM PAR GROL BA'I DGRA BCOM PA'I SKOR, SPANG BYA CIG CAR BA'I NYAN THOS DGRA BCOM PA'I SKOR RNAMS KYI 'DAS LAM YIN NA BSAM GTAN DANG PO'I NYER BSNGOGS YIN DGOS PA'I PHYIR TE, DE RNAMS KYI GONG MA'I DNGOS GZHI MA THOB PA'I PHYIR, SKOR SMOS PA NI ZHUGS PA RNAmS KYANG BSDU BA'I PHYIR DU YIN NO,, NYER BSNGOGS LHAG MA RNAMS LA, ZAG MED MI SRID PA'I RGYU MTSAN YOD DE, BSAM GTAN DANG PO'I DNGOS GZHI MA THOB PAR, DE RNAMS MI THOB, DE THOB PA'I TSE NYER BSNGOGS LHAG MA RNAMS LA BRTEN NAS 'DAS LAM SKYED PA DGOS PA MED @363A *, ,PA'I PHYIR, BSAM GTAN DANG PO'I DNGOS GZHI MTHOB PAR, NYER BSNGOGS LHAG MA RNAMS MI THOB PA'I RGYU MTSAN YOD DE, NYER BSNGOGS PHYI MA PHYI MA RNAMS SNGA MA SNGA MA LA 'DOD CHAGS DANG BRAL BAR BYED PA YIN PA'I PHYIR, BSAM GTAN DANG PO'I DNGOS GZHI THOB PA'I TSE NYER BSNGOGS LHAG MA RNAMS LA BRTEN NAS 'DAS LAM SKYED PA LA DGOS PA MED PA'I RGYU MTSAN YOD DE, BSAM GTAN GYI DNGOS GZHI RNAMS LAM SLA, NYER BSNGOGS LAM DKA' BA'I PHYIR TE, MDZOD LAS, BSAM GTAN DAG GI SA RNAMS SLA, SA GZHAN DAG NI DKA' BA YIN, ZHES GSUNGS PA'I PHYIR, 'DI'I RGYU MTSAN RGYAS PAR 'OG TU 'CHAD DO, ,NYER BSNGOGS LA NYON MONGS CAN MI SRID PA'I RGYU MTSAN YOD DE, NYER BSNGOGS RNAMS 'OG SA LAS 'DOD CHAGS DANG BRAL BAR BYED PA YIN LA, NYON MONGS CAN GYIS DE LTAR BYED MI NUS PA'I PHYIR, DES NA NYER BSNGOGS LHAG MA RNAMS DAG PA BA 'BA' ZHIG YIN TE, DE RNAMS LA NYON MONGS CAN DANG ZAG MED MI SRID PA'I PHYIR, MDZOD PA LTAR NA NYER BSNGOGS KYI TSOR BA LA BTANG SNYOMS 'BA' ZHIG YIN LA, KUN BTUS PA LTAR NA, DGA' BA BSDUS PA'I YID BYED NA YID BDE YOD PAR MNGON TE; KUN BTUS PA RNAMS KYI LUGS LA BSAM GTAN DANG PO'I SAS BSDUS KYI TSOR BA BDE SDUG BTANG SNYOMS GSUM KA YOD PA'I PHYIR, GNYIS PA LA MTSAN NYID, DBYE BA, SA MTSAMS DANG GSUM, DANG PO NI, RANG GI @363B THOB BYAR GYUR PA'I BSAM GTAN DANG PO'I DNGOS GZHI'I SNYOMS 'JUG THOB PAR BYED PA'I THABS KYI GTZO BO GANG ZHIG ,GONG SAS BSDUS PA'I DGE SEMS RTZE GCIG PA MTSUNGS LDAN DANG BCAS PA, GNYIS PA'I DE LA DBYE NA, LAS DANG PO PA'I YID BYED DANG, NYON MONGS RNAM SBYONG GI YID BYED GNYIS YOD DE, NYAN SA LAS, DE LA YID LA BYED PA'I LAS DANG PO NI RTZE GCIG TU BYA BA NYID LA JI SRID DU YID LA BYED PA MA THOB CING, SEMS RTZE GCIG PA NYID LA SEMS MA REG GI BAR DU LAS DANG PO BA YIN NO, ,DE LA NYON MONGS RNAM PAR SBYONG BA'I LAS DANG PO BA NI YID LA BYED PA THOB NAS NYON MONGS PA RNAMS LAS SEMS SBYONG BAR BYED PA'I MTSAN NYID SO SO RIGS PA YID LA BYED PA GANG YIN PA LAS RTZAM ZHING, LEN PA LA GOMS PA GANG YIN PA STE, ZHES GSUNGS PA'I PHYIR, NYON MONGS RNAM SBYONG GI YID BYED DE LA BDUN YOD DE, DE LA 'DOD PA'I 'DOD CHAGS DANG BRAL BAR BYA BA'I PHYIR, RAB TU BRTZON PA'I RNAL 'BYOR PA NI YID LA BYED PA RNAM PA BDUN GYIS 'DOD PA'I 'DOD CHAGS DANG BRAL BA RJES SU THOB, BDUN PO DE DAG KYANG GANG ZHE NA SMRAS PA MTSAN NYID SO SO RIGS PA DANG, MOS PA LAS BYUNG BA DANG, RAB TU DBEN PA DANG, DGA' BA BSDUD PA DANG, SPYOD PA'I YID LA BYED PA DANG, SBYOR BA MTHAR THUG PA YID LA BYED PA DANG, SBYOR BA MTHAR THUG PA'I 'BRAS BU YID LA BYED PA'O, ,ZHES DANG, KUN BTUS LAS @364A *, ,YID LA BYED PA RNAM PA BDUN GYIS BSAM GTAN DANG PO LA SNYOM PAR 'JUG STE, BDUN PO DE DAG KYANG GANG ZHE NA, MTSAN NYID SO SO RIGS PA YID LA BYED PA DANG, ZHES SOGS NYAN SA JI LTAR BA BZHIN 'DON PA BSGYUR TE GSUNGS PA'I PHYIR, DE YANG MTSAN NYID SO SO RIGS PA YID LA BYED PA NI, NYAN SA LAS, MNYAM PAR GZHAG PA'I SA YID LA BYED PA GANG GIS 'DOD PA RNAMS LA RAGS PA'I MTSAN NYID DANG, BSAM GTAN DANG PO LA ZHI BA'I MTSAN NYID DU SO SOR RTOGS PAR BYED PA DE NI MTSAN NYID SO SO RIG PA YID LA BYED PA ZHES BYA STE, YID LA BYED PA DE YANG THOS PA DANG BSAM PA DANG 'DRES PA MA YIN PAR RIG PAR BYA'O, ,ZHES GSUNGS PA LTAR RO, ,GNYIS PA NI, DE RJES NYAN SA LAS, DES DE LTAR 'DOD PA RNAMS YONGS SU NGES NAS BSAM GTAN DANG PO LA YONGS SU 'TSOL BA DANG, RAGS PA'I MTSAN NYID JI LTA BA BZHIN THOS PA DANG BSAM PA LAS YANG DAG PAR 'DAS NAS GCIG TU SGOM PA'I RNAM PAS MOS PAR BYED CING MTSAN MA DE NYID LA DMIGS PA'I ZHI GNAS DANG, LHAG MTHONG SGOM PAR BYED DO, ,SGOM PAR BYED PAS NA JI LTAR YONGS SU 'TSOL BA DANG, RAGS PA'I MTSAN NYID DE DAG LA YANG DANG YANG DU ZHI BAR BYED DE, DE NA MOS PA LAS BYUNG BA'I YID LA BYED PA ZHES BYA'O, ,ZHES DANG, GSUM PA NI NI NYAN SAR, DE KUN TU BSTEN CING SGOM PAR BYAS, LAN MANG DU BYAS PA'I RGYUS DANG PO KHO NAR NYON MONGS PA SPANGS PA'I LAM SKYE BAR 'GYUR ZHING, NYON MONGS PA SPONGS PA'I LAM YANG DAG PAR SKYES @364B PA GANG YIN PA DE DANG LDAN PA'I YID LA BYED PA DE NI RAB TU DBEN PA'I YID LA BYED PA ZHES BYA'O, ,ZHES DANG, BZHI BA NI, NYAN SAR, DES DANG POR 'DOD PA NA SPYOD PA'I NYON MONGS PA SPANGS PA DANG, DE'I PHYOGS KYI GNAS NGAN LEN DANG BRAL BA'I PHYIR, DE 'OG TU SPONG BA LA DGA' BA DANG, RAB TU DBEN PA LA DGA' BAR 'GYUR ZHING, SPONG BA DE LA PHAN YON DU MTHONG BA DANG, RAB TU DBEN PA LAS SKYES PA'I DGA' BA DANG, BDE BA CHUNG NGU LA REG NAS 'DI LTA STE, RMUGS PA DANG, GNYID DANG, RGOD PA SPANG PA'I PHYIR, DUS DUS SU RAB TU DANG BAR 'GYUR BA'I YID LA BYED PAS YANG DAG PAR RAB TU DGA' BAR BYED CING, KUN TU SKYO BAR 'GYUR BA YID LA BYED PAS KUN TU SKYO BAR BYED PA DE NI, DGA' BA BSDUD PA'I YID LA BYED PA ZHES BYA'O, ,ZHES DANG, LNGA PA NI, NYAN SAS DE LTAR SPONG BA'I DGA' BA DANG, SGOM PA'I DGA' BA LA YANG DAG PAR RAB TU BRTZON PA NA, RGYU'I GNAS KYANG RUNG STE, DE LA DGE BA'I PHYOGS LA SBYOR BA LA, GEGS BYED PA 'DOD PA DANG LDAN PA'I KUN NAS NYON MONGS PA'I KUN NAS DKRIS PA KUN TU 'BYUNG BAR MI 'GYUR BAS NA DE 'DI SNYAM DU SEMS TE, CI BDAG LA 'DOD PA RNAMS LA 'DUN PA YOD BZHIN DU MI MYONG NGAM, 'ON TE MED PAS MI MYONG SNYAM DU SEMS KYIS DE YONGS SU SPYOD PAR 'DOD PAS RAB TU DANG BAR 'GYUR BA'I MTSAN MA SDUG KUN GANG YANG RUNG BA YID LA BYED DE, DE'I BAG NYAL THAMS CAD KYI THAMS CAD DU MA SPANGS PA'I PHYIR, MTSAN MED YID LA BYED PA NA, RTEN PA LA GZHOL BA DANG, RTEN PA LA 'BAB PA DANG, RTEN PA LA 'BAB PA'I SEMS BYUNG BAR GYUR ZHING BTANG SNYOMS @365A *, ,SU MI GNAS PA LA YID 'BYUNG BA DANG, SLOD PA DANG, PHYIR LDOG PA DANG, MI MTHUN PAR GNAS NA DE 'DI SNYAM DU SEMS TE, BDAG GI SEMS NI 'DI LTA STE, 'DOD PA RNAMS LAS YANG DAG PAR 'DOD CHAGS DANG BRAL ZHING RNAM PAR GROL BA MIN NO SNYAM NAS DES BAG LA NYAL DE'I LHAG MA MA LUS PA RGYA CHER SPANGS PA'I PHYIR, DES BDAG GIS SEMS MNGON PAR 'DU BYED PAS MNGON PAR ZIN PA DANG, CHU BZHIN DU BCUS PA DANG, CHOS NYID KYI MNGON PAR ZIN PA DES SPONG BA LA DGA' BA DANG, SGOM PA LAS DGA' BA LA RGYA CHER GNAS PAR BYA'O SNYAM PA DE NI DPYOD PA YID LA BYED PA ZHES BYA'O, ,ZHES DANG, DRUG PA NI, NYAN SAR, DE DE LTAR SPONG BA LA DGA' BA DANG, SGOM PA LAS DGA' BA RGYA TSOR GNAS SHING ZHI GNAS DANG LHAG MTHONG BSGOM PA LA RAB TU RTZON PAR BYED PA NA YANG DANG YANG DU DPYOD PAR BYED CING DE'I GNYEN PO SGOM PAR BYED DE, DUS DUS SU SPANGS PA DANG MA SPANGS PA NYID LA DPYOD PAR BYED PA NA 'DOD PA NA SPYOD PA'I NYON MONGS PA THAMS CAD LAS RE ZHIG TZAM GYI TSUL GYIS SEMS 'BRAL BAR BYED CING SA BON GTAN BCOM PA NI MIN TE, DE'I TSE BSAM GTAN DANG PO LA SBYOR BA'I LAM GYI MTHAR THUG PA NYON MONGS PA THAMS CAD KYI GNYEN POR GYUR PA'I YID LA BYED PA YANG DAG PAR SKYES PA DE NI SBYOR BA MTHAR THUG PA'I YID LA BYED PA ZHES BYA'O, ,ZHES DANG, BDUN PA NI, NYAN SAR, DE'I 'JUG THOGS KHO NAS RGYU DE DANG RKYEN DES BSAM GTAN DANG PO'I DNGOS GZHI LA SNYOM PAR 'JUG CING, BSAM GTAN GYI DNGOS @365B GZHI DANG LDAN PA'I YID LA BYED PA SKYES PA DE NI SBYOR BA MTHAR THUG PA'I 'BRAS BU YID LA BYED PA ZHES BYA'O, ,ZHES GSUNGS PA LTAR RO, ,MDOR BSDUS NA, YID BYED DANG PO NI 'DOD PA RNAMS LA RAGS PA DANG, BSAM GTAN DANG PO LA ZHI BA'I RNAM PAR THOS BSAM 'DRES MA'I SHES RAB KYIS DPYOD PAR BYED PA DANG, GNYIS PA NI, DE RJES ZHI RAGS KYI RNAM PAR LHAG MTHONG LA BRTEN NAS DPYOD PA DANG, GSUM PA NI, DE RJES 'DOD PA'I NYON MONGS PA CHEN PO SKOR GSUM SPONG BAR BYED PA DANG, BZHI PA NI, DE RJES 'DOD NYON 'BRING SKOR GSUM SPONG BAR BYED PA DANG, LNGA BA NI, DE RJES 'DOD NYON SPANGS MA SPANGS DPYOD PA DANG, DRUG PA NI, DE RJES 'DOD NYON CHUNG NGU SKOR GSUM SPONG BAR BYED PA DANG, BDUN PA NI, DE RJES 'DOD NYON CHUNG DU SKOR GSUM SPONG PA'I YID BYED YIN TE, NYAN SA LAS, DE LA MTSAN NYID SO SO RIGS PA'I YID LA BYED PAS NI SPANG BAR BYA BA GANG YIN PA DE YANG YONGS SU SHES PAR BYED, THOB PAR BYA BA GANG YIN PA DE YANG YONGS SU THOB PAR BYED CING, SPANG BAR BYA BA SPANG BA DANG, THOB PAR BYA BA THOB PAR BYA BA'I PHYIR SEMS GTONG PAR YANG BYED DO, ,MOS PA LAS BYUNG BA'I YID LA BYED PAS NI, SPANG BAR BYA BA DANG THOB PAR BYA BA'I PHYIR YANG DAG PAR SBYOR BA RTZOM PAR BYED DO, ,RAB TU DBEN PA YID LA BYED PAS NI, NYON MONGS PA CHEN PO SPONG BAR BYED DO, ,DGA' BA BSDUD PA YID LA BYED PAS NI, NYON MONGS PA'I RNAM PA 'BRING SPONG BAR BYED DO, DPYOD PA YID LA BYED PAS NI@366A *, ,THOB PA LA MNGON PA'I NGA RGYAL MED PA LA SEMS 'JOG PAR BYED DO, ,SBYOR BA MTHAR THUG PA'I YID LA BYED PAS NA, NYON MONGS PA'I RNAM PA CHUNG DU SPONG BAR BYED DO, ,SBYOR BA MTHAR THUG PA'I 'BRAS BU YID LA BYED PAS NI, YID LA BYED PA'I RNAM PA DE DAG SGOM PA'I 'BRAS BU NYAMS SU MYONG BAR BYED DO, ,ZHES GSUNGS PA'I PHYIR, YID BYED BDUN PO DE DAG KYANG, GNYEN PO RNAM PA BZHIR BSDUS NAS GSUNGS TE, NYAN SA LAS, GZHAN YANG, MTSAN NYID SO SO RIG PA'I YID LA BYED PA GANG YIN PA'ANG, MOS PA LAS BYUNG BA'I YID LA BYED PA GANG YIN PA DE NI RNAM PAR SUN 'BYIN PA'I GNYAN PO DANG LDAN PA STE, RJES SU MTHUN PA'I YID LA BYED PA YIN NO, ,RAB TU DBEN PA'I YID LA BYED PA GANG YIN PA DANG SBYOR BA MTHAR THUG PA'I YID LA BYED PA GANG YIN PA DE NI SPONG BA'I GNYEN PO DANG LDAN PA STE, GNYEN PO YID LA BYED PA YIN NO, ,DE LA DGA' BA BSDUD PA'I YID LA BYED PA GANG YIN PA DE NI, GNYEN PO YID LA BYED PA DANG, DANG BAR GYUR PA'I YID LA BYED PA YIN NO, ,DE LA DPYOD PA YID LA BYED PA GANG YIN PA DE NI SO SOR RTOGS PA'I YID LA BYED PA ZHES BYA STE, DE LTAR YID LA BYED PA DRUG PO 'DI DAG NI YID LA BYED PA BZHI PO 'DI LTAR STE, RJES SU MTHUN PA DANG, GNYEN PO DANG, DVANG BAR 'GYUR BA DANG, SO SOR RTOG PA DAG TU BSDUS PAR RIG PAR BYA'O, ,ZHES GSUNGS PA'I PHYIR, YID BYED BDUN PO DE DAG LAM BZHIR BSDUS NAS KYANG GSUNG STE BSDU BA LAS MTSAN NYID SO SO RIG PA DANG ,MOS PA YID LA BYED PA NI SBYOR BA'I LAM GYIS BSDUS SO, ,RAB TU DBEN PA DANG SBYOR BA @366B MTHAR THUG PA GNYIS NI BAR CHAD MED LAM PA'I LAM GYIS BSDUS PA YIN NO, ,DGA' BA BSDUD PA NI LAM RNAM PA BZHI CAR GYIS BSDUS PA YIN NO, ,SPYOD PA YID LA BYED PA NI KHYAD PAR GYI LA GYIS BSDUS PA KHO NA YIN, ZHES GSUNGS PA'I PHYIR, 'DOD PA'I KHAMS RAGS PA'I RGYU MTSAN YOD DE, DE LTAR DU GZHI DRUG GI SGO NAS 'GRUB PA'I PHYIR TE, NYAN SA LAS, JI LTAR 'DOD PA RNAMS LA RAGS PA'I MTSAN NYID DU SO SOR RIG PAR BYED CE NA, SMRAS PA 'DOD PA RNAMS KYI GZHI DRUG PO DON DANG DNGOS DANG MTSAN NYID DANG, PHYOGS DANG DUS DANG RIG PA YONGS SU 'TSOL BA NA RAGS PA'I MTSAN NYID DU SO SOR RIG PAR BYED DE, DE LA RE ZHIG RAGS PA'I YONGS SU 'TSOL BA NI, 'DI LTAR 'DOD PA 'DI DAG NI, NYES DMIGS DANG BCAS PA'O, ,GNOD PA MANG BA'O, ,YAMS KYI NAD LTA BU MANG BA'O, ,'GO BA'I NAD LTA BU MANG BA'O, ,ZHES RAGS PA'I DON DU YONGS SU 'TSOL BAR BYED PA STE, 'DOD PA DE DAG LA NYES DMIGS MANG PO DANG, 'GO BA'I NANG LTA BU MANG PO'I BAR DAG YOD PA DE DAG NI RAGS PA'I DON YIN NO, DE LA DNGOS PO YONGS SU 'TSOL BA NI, NANG GI GNOD PA DAG LA 'DUN PA YOD PA DANG, PHYI ROL GYI 'DOD BDAG LA 'DUN PA YOD DO ZHES YONG SU 'TSOL BAR BYED PA'O, ,DE YANG RANG GI MTSAN NYID YONGS SU 'TSOL BA NI, 'DI DAG NI NYON MONGS PA'I 'DOD PA'O, ,'DI DAG NI DNGOS PO'I 'DOD PA'O, ,DE DAG KYANG BDE BA'I GNAS DANG MTHUN PA DAG DANG, SDUG BSNGAL GYI GNAS DANG MTHUN PA DAG DANG, SDUG BSNGAL YANG MIN, BDE BA YANG MIN PA'I GNAS DANG MTHUN PA DAG STE, DE LA BDE BA'I GNAS DANG MTHUN PA DAG NI @367A *, ,'DOD PA'I 'DOD CHAGS KYI GNAS DANG, 'DU SHES PHYIN CI LOG DANG SEMS PHYIN CI LOG GI GNAS DAG YIN NO, ,SDUG BSNGAL GYI GNAS DANG MTHUN PA DAG NI ZHE SDANG GI GNAS DANG KHONG KHRO BA DANG, 'KHON DU 'DZIN PA'I GNAS DAG YIN NO, ,SDUG BSNGAL YANG MIN BDE BA YANG MIN PA'I GNAS DANG MTHUN PA DAG NI 'CHAB PA DANG, 'TSIG PA DANG, RGYU DANG, GA-YO DANG, NGO TSA MED PA DANG, KHREL MED PA'I GNAS DANG, LTA BA PHYIN CI LOG GI GNAS DAG YIN TE, DE LTAR NA 'DOD PA 'DI DAG NI RAB TU GNOD PA'I TSOR BA DANG LDAN PA, RAB TU GNOD PA'I NYON MONGS PA DANG LDAN PA YIN NO, ,ZHES DE LTAR 'DOD PA RNAMS KYIS SPYI'I MTSAN NYID YONGS SU 'TSOL BAR BYED DO, ,JI LTAR NA PHYOGS YONGS SU 'TSOL BAR BYED CE NA, 'DOD PA 'DI DAG NI BDAG PO'I PHYOGS KHO NAR RTOGS PA STE, RUS PA'I RKANG RUS LTA BU DANG, SHA'I KHAMS TSAD LTA BU DANG, RTZVA'I SGRON MA LTA BU DANG, ME'I DONG LTA BU DANG, SBRUL SDUG PA LTA BU DANG, RMI LAM LTA BU DANG, GNYEN PO'I RGYAN LTA BU DANG, SHING SKYED PA KA'I 'BRAS BU LTA BU YIN TE, SEMS CAN RNAMS 'DOD PA YONG SU 'TSOL BAR BYED PA NA YANG, 'DOD PA YONGS SU 'TSOL BA LAS BYUNG ZHING SDUG BSNGAL DU MA @367B NYAMS SU MYONG BAR 'GYUR BA DANG, KUN TU BSRUNG BA LAS BYUNG BA DANG, MDZA' BO YONGS SU NYAMS PA LAS BYUNG BA DANG, NGOMS MI SHES PA LAS BYUNG BA DANG, RANG DBANG MED PA LAS BYUNG BA DANG, NYES PAR SPYAD PA LAS BYUNG BA'I SDUG BSNGAL NYAMS SU MYONG PAR 'GYUR TE, DE DAG THAMS CAD NI SNGA MA BZHIN DU RIG PAR BYA'O, ,BCOM LDAN 'DAS KYIS KYANG DE LTAR 'DOD PA LA BRTEN PA'I NYES DMIGS LNGA GSUNGS TE, 'DOD PA RNAMS NI GONG CHUNG LA SDUG BSNGAL MANG ZHING, NYES DMIGS MANG BA DANG, 'DOD PA RNAMS LA BRTEN PA NA NGOMS MI SHES CHOG MI SHES SHING SNYING TSIM PA'I MTHA' MED PA DANG, DAM PA RNAMS DANG, YANG DAG PAR SONG BA RNAMS DANG, SKYES BU DAM PA RNAMS KYI 'DOD PA RNAMS RNAM GRANGS DU MAS SMAD PA DANG, 'DOD PA RNAMS LA BRTEN PA NA KUN TU SBYOR BA RNAMS GSOG PAR 'GYUR BA DANG, DES SDIG PA MI DGE BA'I CHOS MI BYA BA CUNG ZAD KYANG MED DO, ,ZHES GSUNGS, DE LTA BAS NA 'DOD PA 'DI DAG NI MI NGOMS PAR BYED PA DANG; MANG PO DANG THUN MONGS PA YIN PA DANG, CHOS MIN PA DANG, SPYOD PA NGAN PA'I RGYUR 'GYUR BA DANG, 'DOD PA DANG, SRED PA 'PHEL BAR BYED PA DANG, DAM PA RNAMS KYIS SPANGS PA'I @368A *, ,'OS SU 'GYUR BA DANG, MYUR DU 'JIG PAR 'GYUR BA DANG, RKYEN LA BRTEN PA DANG, ,BAG MED PA'I SA YIN TE, MI RTAG PA DANG, GSOG DANG, RDZUN PA DANG, BSLU BA'I CHOS CAN DANG, SGYU MA LTA BU DANG, BYIS PA 'BRID PA YIN PAS TSE 'DI'I 'DOD PA GANG DAG YIN PA DANG, PHYI MA'I 'DOD PA GANG DAG YIN PA DANG, LHA'I 'DOD PA GANG DAG YIN PA DANG, MI'I 'DOD PA GANG DAG YIN PA DE DAG NI BSDUD PA'I SPYOD YUL LO, ,DE DAG NI BDUD KYI ZAN MA STE, DE DAG LA NI 'DI LTA STE, RNAB SEMS DANG, GNONG SEMS DANG, NYES TSOm DANG, SDIG PA MI DGE BA'I SEMS RNAM PA DU MA DAG 'BYUNG ZHING, 'PHAGS PA NYAN THOS GANG DAG 'DI LA SLOB PA, DE DAG GI BAR CHAD BYED PA YIN NO, 'DOD PA DE DAG NI SHAS CHER DE LTAR RNAM GRANGS DU MAR NAG PO'I PHYOGS KHO NAR RTOGS PA YIN NO, ,ZHES DE LTAR TSOGS YONGS SU 'TSOL BAR BYED DO, ,JI LTAR NA DUS YONGS SU 'TSOL BAR BYED CE NA, 'DOD PA DE DAG NI 'DAS PA DANG MA 'ONGS PA DANG, DE LTAR BYUNG BA'I DUS RNAMS SU YANG RTAG PA RTAG PA'I DUS DANG, THER ZUG THER ZUG GI DUS SU DE LTAR @368B GNOD PA MANG BA DANG, BGO BA'I NAD DU LTA BA'I BAR MANG BA DANG, NYES DMIGS MANG BA YIN NO ZHES GSUNGS PA DE LTAR DUS YONGS SU 'TSOL BAR BYED DO, ,JI LTAR RIG PA YONGS SU 'TSOL BAR BYED CE NA, ,'DOD PA RNAMS NI BTZAL BA CHEN PO DANG YONGS SU BTZAL BA CHEN PO DANG, ,DAL BA CHEN PO DANG, LAS DANG, BZO'I GNAS RNAM PA SNA TSOGS DAG GIS SGRIB PAR BYED CING; NYE BAR GSOG PAR BYED LA, DE DAG LEGS PAR BSDUS, LEGS PAR BSGRUB, LEGS PAR NYE BAR BSAGS NAS KYANG 'DI LTA STE, PHA MA DANG, BU DANG, CHUNG MA DANG, BRAN DANG, BRAN MO DANG, ,LAS MI DANG, ZHO SHAS 'TSO BA DANG, MDZA' BSHES DANG, SLOB DPON DANG, ,NYE DU DANG, SNGAG GI GNYEN 'TSAMS RNAMS KYI PHYI ROL GYI YONGS SU BZUNG BA'I DNGOS PO RNAmS DANG; NANG GI LUS GZUGS CAN RAGS PA 'BYUNG BA CHEN PO'I RGYU LAS BYUNG BA'I 'BRAS CAN DANG, ZAN GRON GYIS NYE BAR BSOS PA, RTAG TU BKU BA DANG, SKRU BA DANG, ,BRNYE BAS NYE BAR BRTEN PA, 'BRAL BA, 'THOR BA DANG, 'JIGS PA'I CHOS CAN 'DI BYUNG NGO COG NI SDUG BSNGAL SEL BA TZAM DU 'GYUR BAR ZAD DE, BKRES PA'I SDUG BSNGAL SEL PA NI KHA ZAS YIN NO, ,GRANG BA'I @369A *, ,SDUG BSNGAL BDEN SEL BA DANG, NGO TSA BA'I GNAS LAS GA-YOGS PA NI GOS YIN NO, ,GNYID KYI SNYOM PA'I SDUG BSNGAL BDEN PA DANG, CHAGS PA DANG 'DOD PA'I SDUG BSNGAL SEL BA NI MAL CHA DANG STAN YI NO, NAD KYI SDUG BSNGAL SEL BA NI NA BA'I BSOS SMAN YIN TE, DE LTAR NA 'DOD PA 'DI DAG NI SDUG BSNGAL SEL BAR BYED PA TZAM DU ZAD PAS 'DI DAG LA CHAGS PAS YONGS SU LONGS SPYOD PAR MI BYA ZHING, ZHEN PAS KYANG MIN TE, NAD KYIS BTAB PA'I NAD PAS NAD ZHI BAR BYED PA TZAM GYI PHYIR SMAN BSTEN PA LTA BU YIN PAS, YID CHES PA'I LUNG YANG DE NYID YIN LA, 'DOD PA DE DAG JI LTAR JI LTAR RAGS PA YIN PA DE LTA DE LTAR BDAG NYID LA, YID CHES DANG, MTHONG BA 'JUG PA YANG YOD RJES SU DPAG PA'I BYA BA YANG DE NYID YIN TE, 'DOD PA 'DI DAG NI RANG BZHIN THOG MA MED PA'I DUS NAS GRAGS PA'I CHOS NYID DANG, BSAM GYIS MI KHYAB PA'I CHOS NYID YIN PAS, DE DAG NI BSAM PAR MI BYA ZHING, RNAM PAR RTOG PAR MI BYA'O, ,ZHES DE LTAR RIGS PA YONGS SU 'TSOL BAR BYED DO, ,ZHES DANG, BSHES SPRINGS LAS KYANG, SDUG PA DUG DANG MTSON CHA DGRA'O DANG, ME BZHIN 'DOD PA'I BDE BAR YID 'BYUNG MDZOD, ,'DOD PA RNAMS @369B NI PHUNG KHROL BSKYED PA STE, RGYAL BA'I DBANG POS KIM PA'I 'BRAS 'DRAR GSUNGS, ,DE DAG SPANGS BGYI DE YI LCAGS SGROG GIS ,'KHOR BA'I BRTZON RAR 'JIG RTEN DE DAG BCINGS, ,ZHES GSUNGS PA'I PHYIR, BSAM GTAN DANG PO 'DOD PA LA BLTOS TE, ZHI PA'I RNAM PAR GNAS TE, SNGAR BSHAD PA'I NYES DMIGS MTHA' DAG DANG BRAL ZHING YON TAN DU MA'I 'BYUNG GNAS YIN PA'I PHYIR TE, NYAN SA LAS, DES 'DI BLTAS TE GZHI DRUG PO DAG GIS DE LTAR 'DOD PA RNAMS LA RAGS PA'I MTSAN NYID DU SO SOR RTOGS NAS BSAM GTAN DANG PO LA ZHI BA'I MTSAN NYID DU SO SOR RTOG PAR BYED DE, BSAM GTAN DANG PO NI 'DOD KHAMS KYI RAGS PA GANG YIN PA DE LTA BU RNAM PA THAMS CAD KYI SGO NAS MED DO ZHES DES BSAM GTAN DANG PO RAGS PA NYID DANG BRAL BA'I PHYIR ZHI BA YIN NO ZHES, DE LTAR BSAM GTAN DANG PO LA ZHI BA'I MTSAN NYID DU SO SOR RTOG PAR BYED DO, ZHES GSUNGS PA'I PHYIR, GSUM PA NI, ZHI GNAS MTSAN NYID PA DANG POR THOB PA NAS BZUNG STE BSAM GTAN GYI DNGOS GZHI MA THOB PA'I BAR NA YOD DE, BSAM GTAN DANG PO'I NYER BSNGOGS LAS DANG PO PA'I YID BYED DANG, NYON MONGS RNAM SPYONG GI YID BYED YOD PA GANG ZHIG ,SNGA MA DE NYID @370A *, ,PHYI MA'I SNGON DU NGES PAR 'GRO DGOS PA'I PHYIR, GSUM PA NI, NYER BSNGOGS LHAG MA RNAMS KUN BTUS SOGS SU RGYAS PAR DNGOS SU MI 'CHAD PA'I RGYU MTSAN YOD DE, SNGA MA LA BRTEN NAS GO BAR NUS PA LA DGONGS PA'I PHYIR TE, KUN BTUS LAS, BSAM GTAN DANG PO LA JI LTA BAR 'DU SHES MED 'DU SHES MED MIN SKYE MCHED KYI BAR LA YANG, DE BZHIN DU BLTA BAR BYA'O ZHES DANG, NYAN SA LAS, JI LTAR YID LA BYED PA BDUN GYIS BSAM GTAN DANG PO LA SNYOM PAR 'JUG PA DE BZHIN DU GNYIS PA DANG, GSUM PA DANG, BZHI PA LA SNYOM PAR 'JUG PA DANG, NAM MKHA' DANG RNAM SHES CI YANG MED PA DANG, 'DU SHES MED 'DU SHES MED MIN SKYE MCHED LA SNYOM PAR 'JUG PA YANG YID LA BYED PA BDUN GYIS YIN PAR RIG PAR BYA'O, ,ZHES GSUNGS PA'I PHYIR, DE YANG NYER BSNGOGS PHYI MA PHYI MAS DNGOS GZHI'I SNYOM 'JUG SNGA MA SNGA MA LA RAGS PAR BLTA BA YIN TE, NYAN SA LAS, DE LA BSAM GTAN GNYIS PA LA SNYOM PAR 'JUG PA'I PHYIR GANG GIS RTOG PA LA RAGS PA'I MTSAN NYID DU SO SOR RTOG PAR BYED CING, RTOG PA MED PA BSAM GTAN GNYIS PA ZHI PA'I MTSAN NYID DU SO SOR RTOG PAR BYED PA DE NI MTSAN NYID SO SO RIG PA YID LA BYED PA ZHES BYA'O, ,ZHES SOGS GSUNGS PA'I PHYIR, ` GNYIS PA BRTEN PA SNYOM 'JUG BSHAD PA LA MDO LAS GSUNGS @370B TSUL; BSTAN BCOS SU DE DAG GI DGONGS PA JI LTAR BKRAL TSUL, DON BSDU BA DANG GSUM, DANG PO NI, YUM BAR MA'I MDO LAS, RAB 'BYOR 'DI LA BYANG CHUB SEMS DPA' SEMS DPA' CHEN PO 'DOD PAS DBEN, SDIG TO MI DGE BA'I CHOS KYIS DBEN PA, RTOG PA DANG BCAS PA, DBEN PA LAS SKYES PA'I DGA' BA DANG BDE BA CAN BSAM GTAN DANG PO NYE BAR BSGRUB TE GNAS SO, ,DE RNAM PAR RTOG PA DANG RNAM PAR DPYOD PA NYE BAR ZHI NAS NANG YONGS SU DANG STE SEMS KYI RGYUD GCIG TU GYUR PAS RTOG PA MED PA DPYOD PA MED PA'I TING NGE 'DZIN LAS SKYES PA'I DGA' BA DANG BDE BA CAN BSAM GTAN GNYIS PA NYE BAR BSGRUBS TE GNAS SO,, DE DGA' BA LA 'DOD CHAGS DANG BRAL BAS DRAN PA DANG LDAN ZHING SHES BZHIN DU BTANG SNYOM SU GNAS TE BDE BA LUS KYIS MYONGS LA 'PHAGS PA RNAMS KYIS DE LA DRAN PA DANG LDAN PAS, SHES BZHIN DANG LDAN PA BDE BA LAS RNAM PAR SPYOD PA BTANG SNYOMS PA'O, ,ZHES BRJOD PA STE DGA' BA MED PA'I BSAM GTAN GSUM PA NYE BAR BSGRUBS TE GNAS SO, ,DES BDE BA YANG SPANGS, SDUG BSNGAL YANG SPANGS SHING YID BDE BA DANG MI BDE BA SNGA NAS NUB PA BDE BA YANG MED, SDUG BSNGAL YANG MED PA, BTANG SNYOMS DANG DRAN PA YONGS SU DAG PA BSAM GTAN BZHI PA NYE BAR BSGRUBS TE GNAS SO, ,DES RNAM PA THAMS CAD GZUGS KYI 'DU SHES LAS YANG DAG PAR@371A *, ,'DAS TE, THOGS PA'I 'DU SHES RNAMS NUB PAR 'GYUR ZHING, SNA TSOGS PA'I 'DU SHES YID LA MI BYED PAS NAM MKHA' MTHA' YAS SO ZHES TE, NAM MKHA' MTHA' YAS SKYE MCHED LA NYE BAR BSGRUBS TE GNAS SO, ,NGES RNAM PA THAMS CAD DU NAM MKHA' MTHA' YAS SKYE MCHED LAS YANG DAG PAR 'DAS TE RNAM SHAS MTHA' YAS SO ZHES RNAM SHES MTHA' YAS SKYE MCHED LA NYE BAR BSGRUBS TE GNAS SO, ,DES RNAM PA THAMS CAD DU RNAM SHES MTHA' YAS SKYE MCHED LAS YANG DAG PAR 'DAS TE CUNG ZAD MED DO ZHES CUNG ZAD MED PA'I SKYE MCHED LA NYE BAR BSGRUBS TE GNAS SO, ,NGES RNAM PA THAMS CAD DU CUNG ZAD MED PA'I SKYE MCHED LAS YANG DAG PAR 'DAS TE 'DU SHES MED 'DU SHES MED MIN SKYE MCHED LA NYE BAR BSGRUBS TE GNASO, ,ZHES GSUNGS, GNYIS PA NI, NYAN SA LAS, 'DOD PA DAG CES BYA BA NI RNAM PA GNYIS TE, NYON MONGS PA'I 'DOD PA DANG, DNGOS PO'I 'DOD PA'O, ,'DOD PA DAG LAS, DBEN PA ZHES BYA BA YANG RNAM PA GNYIS TE, MTSUNGS PAR LDAN PA LAS DBEN PA DANG, DMIGS PA LAS DBEN PA'O, ,SDIGS PA MI DGE BA'I CHOS RNAMS LAS DBEN PA ZHES BYA BA NI 'DOD PA'I RGYU LAS BYUNG BA STE NYE BA'I NYON MONGS PA MI DGE BA'I CHOS 'DI LTA STE, LUS KYIS NYES PAR SPYAD PA DANG, NGAG GIS NYES PAR SPYAD PA DANG, YID KYIS NYE BAR SPYAD PA DANG, MTSON 'BYIN PA DANG, DBYIG PA 'BYIN @371B PA DANG, ,'THAB MO DANG, 'TSANG 'BRU BA DANG, RTZOD PA DANG, 'GYED PA DANG, GA-YO BYED PA DANG, BSLU BA DANG, SNYING RJE MED PA DANG, RDZUN DU SMRA BA KUN TU 'BYUNG BA STE GANG DAG YIN PA DAG STE DE DAG SPANGS PA'I PHYIR SDIG PA MI DGE BA'I CHOS RNAMS LAS DBEN PA ZHES BYA'O, ,RTOGS PA DANG BCAS PA, DPYOD PA DANG BCAS ZHES BYA BA NI RTOG PA DANG DPYOD PA DAG LA SKYON DU MI BLTA BA'I PHYIR 'DOD PA'I GNYEN PO RANG GI SA'I RTOG PA DANG SPYOD PA DGE BA DAG DANG LDAN PAS NA RTOG PA DANG BCAS PA, SPYOD PA DANG BCAS PA ZHES BYA'O, ,DBEN PA LAS ZHES BYA BA NI, 'DOD PA LAS DBEN PA SBYOR BA MTHAR THUG PA'I YID LA BYED PA LAS SO, ,SKYES PA ZHES BYA NI RGYU DE DANG RKYEN DES DE'I 'JUG THOGS KHO NAR YANG DAG PAR SKYES PA LA BYA STE, DE'I PHYIR DBEN PA LAS SKYES BZHES BYA BA GSUNGS SO, ,DGA' BA DANG BDE BA CAN ZHES BYA BA NI, 'DOD PA DANG BDE BA'I DON THOB CING DGA' BA LA SKYON DU MI BLTA BA'I PHYIR DANG GNAS NGAN LEN THAMS CAD DANG BRAL ZHING SEMS DANG LUS LAS SU RUNG BA RGYA CHEN PO DANG LDAN PAS NI DGA' BA DANG BDE BA CAN ZHES BYA'O, ,BSAM GTAN ZHES BYA BA NI DMIGS PA LA YANG DAG PAR NYE BAR GTOD PA DANG, DRAN PA RTZE GCIG TU NYE BAR GTOD PA'I PHYIR BSAM GTAN ZHES BYA'O, ,DANG PO ZHES BYA BA NI, DANG PO 'DOD PA'I KHAMS NAS BSKYOD PA'I GO RIMS BZHIN DU BGRANGS BA'I @372A *, ,PHYIR DANG PO ZHES BYA'O, ,SGRUB ZHES BYA BA NI, SBYOR BA MTHAR THUG PA'I 'BRAS BU YIN PAR SGRUB STE ZHES BYA'O, ,GNAS SO ZHES BYA BA NI PHYIS SGOM PA LAN MANG DU SGRUBS PAS CI 'DOD PA BZHIN THOB PA DANG, DKA' BA MED PAR THOB PA DANG, TSEGS MED PAR THOB PA'I PHYIR, BSAM GTAN GYI SNYOM PAR 'JUG PA DES MTSAN MO DANG, NYIN MO DANG, NYIN MTSAN DANG, NYIN MTSAN BDUN GYI BAR DU'ANG JI SRID 'DOD PA'I PHYIR 'DA' FBAS NA GNAS SO ZHES BYA'O, ,DE LA RTOG PA DANG SPYOD PA DANG BRAL ZHING NANG YONGS SU DRVANG STE ZHES BYA BA NI, RTOG PA DANG SPYOD PA DANG BCAS PA'I TING NGE 'DZIN GYI MTSAN MA DAG LAS SEMS RNAM PAR LOG NAS RTOG PA MED PA DANG, SPYOD PA MED PA'I TING NGE 'DZIN GYI MTSAN MA DAG LA LEGS PAR GTOD CING DMIGS PA LA MI RTEN PA, SPYOD PA LAS RNAMS PAR BRAL TE DMIGS PA LA BRTEN PAR SPYOD PA LA DANG GIS SEMS ZHI BA DANG DVANG BAR 'JUG PAR BYED CING RNAM PAR 'JOGS PAR BYED PAS NA DE'I PHYIR RTOG PA DANG SPYOD PA BRAL ZHING NANG YONGS SU DVANG STE ZHES BYA BA GSUNGS SO, ,SEMS KYI RGYUD GCIG TU GYUR PA'I ZHES BYA BA NI DE SGOM PA GOMS PAR BYAS PA'I PHYIR, RTOG PA DANG SPYOD PA MED PA'I TING NGE 'DZIN DE NYID LA RTOG PA DANG SPYOD PAS RAB TU SPYOD CING SKABS SU 'CHAD PA'I GNAS SKABS LAS YANG DAG PAR 'DAS TE BAR DU GCOD PA MED PA DANG, SKABS SU 'CHAD PA MED PA'I GNAS THOB PAS DE'I PHYIR SEMS KYI RGYUD GCIG TU GYUR PA @372B ZHES BYA BA GSUNGS SO, ,RTOG PA MED PA SPYOD PA MED PA ZHES BYA BA NI RTOG PA DANG SPYOD PA DAG RNAM PA THAMS CAD KYI THAMS CAD DU SPANGS PA'I PHYIR, RTOG PA MED PA SPYOD PA MED PA ZHES BYA'O, ,TING NGE 'DZIN LAS ZHES BYA BA NI; SBYOR BA MTHAR THUG PA'I YID LA BYED PA'I TING NGE 'DZIN LAS SO, ,SKYES PA ZHES BYA BA NI, RGYUD DE DANG RKYEN DES DE'I 'JUG THOGS KHO NAR YANG DAG PAR SKYES PA ZHES BYA STE, DE NYID TING NGE 'DZIN LAS SKYES PA ZHES BYA BA GSUNGS SO, ,DGA' BA DANG BDE BA CAN ZHES BYA BA NI, 'DOD PA DANG DE'I DON THOB CING DGA' BA LA SKYON DU MI BLTA BAS YANG DAG PAR RAB TU DGA' BA DANG LDAN ZHING BDE BA DANG LDAN PA'I PHYIR DANG, BSAM GTAN DANG PO'I RTOG SPYOD DANG, NYON MONGS PA'I PHYOGS GNAS NGAN LEN THAMS CAD DANG BRAL BAS DE'I GNYEN PO SEMS DANG, LUS SHIN TU SBYANGS SHING LUS LAS SU RUNG BA'I BDE BA DANG LDAN PA'I PHYIR DGA' BA DANG, BDE BA CAN ZHES BYA'O, ,BSAM GTAN GNYIS PA NYE BAR SGRUB STE GNAS SO, ,ZHES BYA BA LA GNYIS PA ZHES BYA NI GO RIMS BZHIN DU BGRANG BA'I PHYIR RO, ,LHAG MA THAMS CAD NI SNGA MA BZHIN DU RIG PAR BYA'O, ,ZHES DANG, DGA' BA'I 'DOD CHAGS DANG BRAL BA ZHES BYA BA NI DGA' BA'I MTSAN MA DAG LA SKYON DU BLTA BA'I PHYIR TE, DE'I PHYIR DGA' BA'I 'DOD CHAGS DANG BRAL BA ZHES BYA'O, ,BTANG SNYOMS LA GNAS SHING ZHES BYA BA NI, DGA' BA MED PA'I BSAM GTAN GSUM PA LA SEMS GTONG PAR BYED PA DE'I @373A *, ,TSE NA DE'I KUN TU 'KHRUGS PAR BYED PA'I SKYON RNAM PA G NYIS SO, ,BSAM GTAN GNYIS PA LA RTEG PA DANG DPYOD PA DANG, DA LTAR GYI DGA' BA DAG DANG BRAL BSAN, DE'I PHYIR BTANG SNYOMS LA GNAS SHING ZHES BYA BA GSUNGS TE, SEMS KUN TU 'KHRUGS PAR BYED PA'I CHOS, DE GNYIS NI SEMS RGYUN DU BTANG SNYOMS SU BZHAG PA LA GEGS BYED PA YIN PAS NA SEMS KUN TU 'KHRUGS PAR BYED PA ZHES BYA'O, ,DE LA BSAM GTAN DANG PO LA NI RTOG PA DANG DPYOD PA YOD PAS DES NA RGYUN TU BTANG SNYOMS LA 'JUG PAR MI 'GYUR RO, ,BSAM GTAN GNYIS PA LA NI DGA' BA YOD PAS DES NA DER YANG RGYUN TU BTANG SNYOMS LA 'JUG PAR MI 'GYUR TE, DE LTA BAS NA BSAM GTAN DANG PO DANG, BSAM GTAN GNYIS PA DE DAG LA BTANG STOMS SHAS CHER MED PAS DE'I PHYIR BSAM GTAN GSUM PA LA SNYOMS PAR 'JUG PA'I BSAM GTAN PA DE NI BTANG SNYOMS PA ZHES BYA'O, ,DRAN PA DANG, SHES BZHIN CAN YIN TE ZHES BYA BA NI, DE BTANG SNYOMS LA GNAS PAS NA JI LTA JI LTAR DGA' BA DANG LDAN PA'I 'DU SHES YID LA BYED PA, DE DAG KUN TU 'BYUNG BAR MI 'GYUR BA DE LTA DE LTAR DRAN PA NYE BAR BZHAG STE GNAS PAR BYED DO, GAL TE BSAM GTAN GSUM PA LEGS PAR GOMS PAR MA BYAS PAS BRJED NGES PA'I PHYIR,, @373B RGYA LA RGYA LAM NA DGA' BA DANG LDAN PA'I 'DU SHES YID LA BYED PA DE DAG KUN TU 'BYUNG BAR 'GYUR BAS NA MYUR BA MYUR BA KHO NAR DE DAG LA SHES RAB KYI SO SOR RTOG PAR BYED, LEGS PA KHO NA RAB TU SHES PAR BYED CING BYUNG NGO COG DANG DU MI LEN PAR SPONG BAR BYED SEL BAR BYED, 'BYUNG BAR BYED CING SEMS BTANG SNYOMS SU BYED PAS NA DE'I PHYIR DRAN PA DANG SHES BZHIN CAN YIN TE, ZHES BYA BA GSUNGS SO, ,BDE BA LUS KYIS MYONG BA ZHES BYA BA NI DE'I TSE NA GZUGS KYI LUS DANG, YID KYI LUS KYI TSOR BA BDE BA DANG, SHIN TU SBYANGS PA'I BDE BA SO SOR MYONG BAR BYED PAS NA DE'I PHYIR BDE BA LUS KYIS MYONG BA ZHES BYA BA GSUNGS SO, ,'PHAGS PA RNAMS KYI GANG DE DRAN PA DANG LDAN PA, ,BDE BA LA GNAS PA BTANG SNYOMS PA'O, ,ZHES BRJOD PA STE ZHES BYA BA NI BSAM GTAN GSUM PA MAN CHAD LA NI BDE BA DE LTA BU YANG MED LA, RGYUN DU BTANG SNYOMS LA GNAS PA YANG MED DO, ,BSAM GTAN GSUM PA'I GONG MA NGAG LA NI, BTANG SNYOMS YOD KYANG BDE BA DE LTA BU MED, DE LTAR 'OG MA DAG LA BDE BA DANG, BTANG SNYOMS MED PA DANG, GONG MA DAG LA BDE BA MED PA'I PHYIR, 'DI LTA STE, BSAM GTAN GSUM PO 'DI NI, DE DAG GI GNAS YIN PAS NA, 'PHAGS PAS KYANG DE LA DMIGS TE GNAS PA'I GANG ZAG YIN PA DE'I @374A *, ,DBANG DU MDZAD NAS GANG DE DRAN PA DANG LDAN PA, BDE BA LA GNAS PA BTANG SNYOMS PA'O, ,ZHES BRJOD DE 'PHAGS PA ZHES BYA BA NI, SANGS RGYAS DANG SANGS RGYAS KYI NYAN THOS RNAMS SO, DGA' BA MED PA ZHES BYA BA NI, DE LTAR BTANG SNYOMS LA GNAS PA NGES, DE'I TSE DRAN PA DANG SHES BZHIN KUN TU BSTEN CING GOMS PAR BYAS LAN MANG DU BYAS PA'I RGYUS, DGA' BA DANG LDAN PA'I TSOR BAS SEMS DGA' BAR BYED PA STE, SPONG BAR BYED CING, DGA' BA'I GNYEN PO DGA' BA MED PA, ZHI BA DANG RAB TU ZHI BA'I TSOR BA SEMS LA SKYE BAR 'GYUR BAS NA, DE PHYIR DGA' BA MED PA ZHES BYA BA GSUNGS SO, ,BSAM GTAN GSUM PA BSGRUBS TE GNAS SO, ,ZHES BYA BA NI SNGA MA BZHIN DU RIG PAR BYA'O ZHES DANG, DE BDE BA YANG SPANGS TE ZHES BYA BA NI BDE BA'I GNYEN PO NI RIGS 'DRA BA'I PHYIR SPONG BA'I GNYEN PO MA BSTAN PAR DE'I GNYEN PO BYAS PA BDE BA SPANGS PA GANG YIN PA DE NYID BSTAN TE, DE'I GNYEN PO YANG GANG ZHE NA, 'DI LTA STE, BTANG SNYOMS DANG DRAN PA YONGS SU DAG PA'O, ,DE DAG LA RTEN CING GOMS PAR BYAS PAS BSAm GTAN GSUM PA LAS SKYOD CING, BSAM GTAN GSUm PA'I SA PA'I BDE BA GANG YIN PA DE SPONG BAR BYED PAS NA DE PHYIR BDE BA YANG SPANGS TE ZHES BYA BA GSUNGS SO, ,SNGA NAS SDUG BSNGAL @374B YANG SPANGS SHING YID BDE BA DANG YID MI BDE BA YANG NUB PAS ZHES BYA BA NI DE'I TSE NA BSAM GTAN PA DES BDE BA DANG SDUG BSNGAL BA YANG DAG PAR 'DAS PA RJES SU THOB CING, DES SNGON SPANGS PA GANG YIN PA DE DAG GCIG TU BSDUS PA NA DE'I PHYIR SNGA NAS SDUG BSNGAL YANG SPANGS SHING YID BDE BA DANG, YID MI BDE BA GANG YANG RUNG BA ZHES BYA BA GSUNGS SO, ,DE NA BSAM GTAN BZHI PA LA SNYOM PAR 'JUG PA'I TSE NA NI BDE BA SPANGS SO, ,BSAM GTAN GNYIS PA LA SNYOMS PAR 'JUG PA'I TSE NA NI SDUG BSNGAL SPANGS SO, ,BSAM GTAN GSUM PA LA SNYOM PAR 'JUG PA'I TSE NA NI YID MI BDE BA NUB BO, ,BSAM GTAN DANG PO LA SNYOMS PAR 'JUG PA'I TSE NA NI YID MI BDE BA NUB BO, ,BDE BA YANG MIN SDUG BSNGAL YANG MIN ZHES BYA BA NI DES RE ZHIG GI BDE BA DANG SDUG BSNGAL SPANGS PA'I PHYIR, DE LA TSOR BA'I LHAG MA BDE BA YANG MIN SDUG BSNGAL YANG MIN PA NYE TSE BA YOD PAS NA DE'I PHYIR BDE BA YANG MIN SDUG BSNGAL YANG MIN ZHES BYA BA GSUNGS SO, ,BTANG SNYOMS DANG DRAN PA YONGS SU DAG PA ZHES BYA BA NI NGES DE'I TSE NA BSAM GTAN DANG PO YAN CHAD KYI SA 'OG MA'I SKYON 'DI LTA STE, RTOG PA DANG, DPYOD PA DANG, DGA' BA DANG, DBUGS RDUB PA DANG, DBUGS 'BYUNG BA THAMS CAD SPANG BAR GYUR ZHING @375A *, ,DE DAG SPANGS PA'I PHYIR DE LA BTANG SNYOMS DANG, DRAN PA GANG YOD PA DE YONGS SU DAG PA DANG, YONGS SU BYANG BAR 'GYUR TE, DE NA, BSAM GTAN BZHI PA LA SNYOMS PAR 'JUG PA DE'I SEMS DE MI GA-YO BAR GNAS SHING, GA-YO BA THAMS CAD DANG BRAL BAS NA DE'I PHYIR BTANG SNYOMS DANG DRAN PA YONGS SU DAG PA ZHES BYA'O, ,DE LA BSAM GTAN BZHI PA BSGRUBS STE GNAS SO, ,ZHES BYA BA NI BSAM GTAN DANG PO LA SOGS PA SNGA MA DAG LA JI LTA BA DE BZHIN DU RIGS PAR BYA'O, ,ZHES SOGS DANG, DE RNAMS LA THAMS CAD DU GZUGS KYI 'DU SHES RNAMS LAS YANG DAG PAR 'DAS TE, ZHES BYA BA NI NAM MKHAR MOS PAR BYED PA'I PHYIR, KHA DOG SNGON PO DANG SER PO DANG, DMAR PO DANG DKAR PO DANG, LDAN PA'I 'DU SHES DE DAG MI SNANG ZHING SKYO LA 'DOD CHAGS DANG BRAL BAS YANG DAG PAR 'DAS NAS DE'I PHYIR DE RNAM PA THAMS CAD DU GZUGS KYI 'DU SHES RNAMS LAS YANG DAG PAR 'DAS TE, ZHES BYA BA GSUNGS SO, ,THOGS PA'I 'DU SHES NUB PAR GYUR ZHING ZHES BYA BA NI DE DAG LAS YANG DAG PAR 'DAS SHING MI SNANG BAR GYUR PA'I RGYUS KHA DOG DANG THOGS PA'I RGYUR GYUR PA'I SGRIB PA'I 'DU SHES RNAM PA DU MA RNAM PA SNA TSOGS MANG PO DAG DANG BRAL BAS NA DE'I PHYIR THOGS PA'I 'DU SHES @375B RNAMS NUB PAR 'GYUR ZHING, ZHES BYA BA GSUNGS SO, ,SNA TSOGS KYI 'DU SHES RNAMS YID LA MI BYED PAS ZHES BYA BA NI DE DAG DANG BRAL BAS THOGS PA KHYAD PAR CAN RNAM PA SNA TSOGS PA DE DAG NYID LA, , 'DI LTA STE, ZAS DANG SKOM DANG GZHON PA DANG GOS DANG RGYAN DANG GNAS DANG SKYED MOS TSAL DANG NAGS TSAL DANG, DMAG DANG RIL SOGS PAR NYE BAR 'DOGS PA'I 'DU SHES 'JUG PA GANG YIN PA'I 'DU SHES DE DAG RNAMS LA BLTAS KYANG, RNAM PA THAMS CAD KYI THAMS CAD DU DE LA BYUNG BAR MI 'GYUR BAS NA DE'I PHYIR SNA TSOGS KYI 'DU SHES RNAMS YID LA MI BYED PAS, ZHES GSUNGS SO, ,NAM MKHA' MTHA' YAS SO SNYAM NAS ZHES BYA BA NI, DE DE LTAR GZUGS DANG GZUGS MED DANG THOGS PA DANG, SNA TSOGS KYI 'DU SHES DAG RNAM PAR ZHIG NAS, NAM MKHA' MTHA' YAS PA'I RNAM PAS MOS PAR BYED PAS NA, DE'I PHYIR NAM MKHA' MTHA' YAS SO SNYAM NAS ZHES BYA BA GSUNGS SO, ,NAM MKHA' MTHA' YAS SKYE MCHED BSGRUBS TE GNAS SO, ,ZHES BYA BA NI DER NYER BSDOGS LAS YANG DAG PAR 'DAS SHING, SBYOR BA MTHAR THUG PA'I YID LA BYED PAS GONG MA SBYOR BA MTHAR THUG PA'I 'BRAS BU'I DNGOS GZHI LA 'JUG PAR BYED PAS NA DE'I PHYIR NAM MKHA' MTHA' YAS SKYE MCHED BSGRUBS TE GNAS SO, @376A *, ,ZHES BYA BA GSUNGS SO, ,DE JI SRID DU DNGOS GZHI LA SNYOM PAR MI 'JUG PA'I BAR DU NI NAM MKHA' KHO NA LA DMIGS PAR BYED DO, ,SNYOMS PAR ZHUGS NAS NI NAM MKHA' DE NYID DANG DE LAS GZHAN PA RANG GI SA PA'I PHUNG PO RNAMS LA DMIGS PAR BYED DO, ,NYER BSDOGS KYI TSE NA NI 'OG SA'I PHUNG PO RNAMS LA YANG DMIGS PAR BYED DO, ,DE RNAM PA THAMS CAD DU NAM MKHA' MTHA' YAS SKYE MCHED LAS YANG DAG PAR 'DAS TE, RNAM PAR SHES PA MTHA' YAS SO SNYAM NAS ZHES BYA BA NI RNAM PAR SHES PA GANG ZHIG ,MTHA' YAS PAR MOS PAR BYED PA'I RNAM PAR SHES PA DE NYID KYI RNAM SHES MTHA' YAS SKYE MCHED LA SNYOM PAR 'JUG 'DOD PAS, NAM MKHA' MTHA' YAS SKYE MCHED KYI 'DU SHES LAS LDOG STE RNAM PAR SHES PA DE NYID LA MTHA' YAS PA'I RNAM PAS MOS PAR BYED CING, NAM MKHA' MTHA' YAS SKYE MCHED KYI DNGOS GZHI NYER BSNGOGS DANG BCAS PA LAS YANG DAG PAR 'DAS PAS NA, DE'I PHYIR RNAM PA THAMS CAD DU NAM MKHA' MTHA' YAS SKYE MCHED LAS YANG DAG PAR 'DAS TE, RNAM PAR SHES PA MTHA' YAS SO SNYAM NAS ZHES BYA BA GSUNGS, RNAM SHES MTHA' YES SKYE MCHED BSGRUBS TE GNAS SO ZHES BYA BA NI RNAM SHES MTHA' YAS SKYE MCHED KYI NYER BSNGOGS LAS YANG DAG PAR 'DAS SHING, SBYOR BA MTHAR THUG PA'I BAR DU YID LA BYAS PAS SBYOR BA MTHAR THUG PA'I 'BRAS BU'I DNGOS @376B GZHI LA SNYEMS PAR 'JUG PAS NA DE NYID RNAM SHES MTHA' YAS SKYE MCHED BSGRUBS TE GNAS SO ZHES BYA BA GSUNGSO, ,ZHES DANG, DE RNAM PA THAMS CAD DU RNAM SHES MTHA' YAS SKYE MCHED LAS YANG DAG PAR 'DAS TE CI YANG MED DO SNYAM NAS CI YANG MED PA'I SKYE MCHED BSGRUBS TE GNAS SO, ,ZHES BYA BA NI DE RNAM SHES MTHA' YAS SKYE MCHED LAS SKYED CING, RNAM PAR SHES PA LAS GZHAN GYIS DMIGS PA CI DANG YANG LDAN PA GZUGS CAN NAM, GZUGS CAN MIN PA YONGS SU 'TSOL BAR BYED PAS NA MI RNYED DE, DES DMIGS PA DE MA RNYED PAS NA RNAM SHES MTHA' YAS SKYE MCHED KYI DNGOS GZHI NYER BSNGOGS DANG BCAS PA LAS YANG DAG PAR 'DAS TE, DMIGS PA GZHAN CI YANG MED DO ZHES DE CI YANG MED PA'I 'DU SHES KHO NA LA MOS PAR GYUR TE, DE 'DU SHES LA MOS PA DE LAN MANG DU BYAS PA'I RGYUS CI YANG MED PA'I SKYE MCHED KYI NYER BSNGOGS LAS YANG DAG PAR 'DAS TE SBYOR BA MTHAR THUG PA'I 'BRAS BU YID LA BYAS PAS SBYOR BA MTHAR THUG PA'I 'BRAS BU'I DNGOS GZHI LA 'JUG PAR BYED PAS NA, DE'I PHYIR DE RNAM PA THAMS CAD DU RNAM SHES MTHA' YAS SKYE MCHED LAS YANG DAG PAR 'DAS TE, CI YANG MED DO SNYAM NAS CI YANG MED PA'I SKYE MCHED BSGRUBS TE GNAS SO ZHES @377A *, ,BYA BA GSUNGS SO, ,ZHES DANG, DE RNAM PA THAMS CAD DU CI YANG MED PA'I SKYE MCHED LAS YANG DAG PAR 'DAS NAS ZHES BYA BA NI, CI YANG MED PA'I SKYE MCHED LAS SKYOD CING CI YANG MED PA'I SKYE MCHED KYI 'DU SHES PA LA RAGS PAR 'DU SHES SHING NYES DMIGS SU 'DU SHES PAS CI YANG MED PA'I SKYE MCHED LAS LDOG PAR BYED PAS NA DE'I PHYIR DE RNAM PA THAMS CAD DU CI YANG MED PA'I SKYE MCHED LAS YANG DAG PAR 'DAS NAS ZHES BYA BA GSUNGS SO, ,'DU SHES MED CES BYA BA NI DE SNGON CI YANG MED PA'I SKYE MCHED LA SNYOMS PAR 'JUG PA'I TSE NA NI CI YANG MED KYI 'DU SHES LAS YANG DAG PAR 'DAS LA DA LTA NI CI YANG MED PA'I 'DU SHES LAS YANG DAG PAR 'DAS PAS NA DE'I PHYIR 'DU SHES MED CES BYA BA GSUNGS TE, 'DI LTA STE, CI GANG GI 'DU SHES DANG, CI YANG MED PA'I 'DU SHES MED PA LA BYA'O, ,'DU SHES MED MIN ZHES BYA BA NI, DE'I 'DU SHES 'DI LTA STE, DPER NA 'DU SHES MED PA 'AM, 'GOG PA'I SNYOM PAR 'JUG PA DAG GIS LTAR RNAM PA THAMS CAD KYI THAMS CAD DU DGAG PA MIN TE, 'DU SHES DE PHRA ZHING DMIGS PA LA MTSAN MA MED PAR 'JUG PA KHO NA YIN PAS NA DE'I PHYIR 'DU SHES MED MIN ZHES BYA BA GSUNGS SO, ,SKYE MCHED @377B BSGRUBS TE GNAS SO ZHES BYA BA NI DE DE LTAR SKYE MCHED DE LA MOS PAR BYED PA NA CI YANG MED PA'I SKYE MCHED KYI DNGOS GZHI NYER BSNGOGS DANG BCAS PA SBYOR BA MTHAR THUG PA'I BAR DU YID LA BYA BA'I SBYOR BA MTHAR THUG PA'I 'BRAS BU'I DNGOS GZHI LA SNYOMS PAR 'JUG PAR BYED PAS NA DE'I PHYIR DE RNAM PA THAMS CAD DU CI YANG MED PA'I SKYE MCHED LAS YANG DAG PAR 'DAS NAS 'DU SHES MED 'DU SHES MED MIN SKYA MCHED BSGRUBS TE GNAS SO, ,ZHES SOGS GSUNGS SO, , ` GSUM PA LA SNYOMS 'JUG GI RDZAS RIGS KYI SGO NAS MDOR BSTAN PA, SO SO'I RANG BZHIN SPYIR BSHAD PA, BSAM GTAN BYE BRAG TU BSHAD PA DANG GSUM, DANG PO NI, BSAM GTAN GZUGS MED KYI DNGOS GZHIS BSDUS PA'I RDZAS RIGS DE LA BSAM GTAN BZHI'I RDZAS RIGS, GZUGS MED BZHI'I RDZAS RIGS TE RNAM PA BRGYAD, ,BRGYAD PO LA SO SOR, NYON MONGS CAN, DAG PA BA, ZAG MED RNAM PA GSUM GSUM DU YOD DE, MDZOD LAS, DE LTAR SNYOM 'JUG DNGOS GZHI'I RDZAS RNAM PA BRGYAD BDUN RNAM PA GSUM, ZHES GSUNGS PA'I PHYIR, RANG LUGS NI SRID RTZE'I SAS BSDUS KYI ZAG MED KYI DNGOS GZHI'I SNYOM 'JUG YOD PA'I PHYIR, GONG 'OG MNGON PA'I GZHUNG LAS SRID RTZE'I SEMS LA @378A *, ,BRTEN PA'I ZAG MED KYI DNGOS GZHI'I SNYOM 'JUG MED PAR GSUNGS PA NI, THEG PA DMAN PA'I DBANG DU BYAS PA YIN PAS, 'DI DANG DON MI GCIG GO ,GNYIS PA LA, SNYOM 'JUG BRGYAD BSHAD PA, NYON MONGS CAN BSHAD PA, DAG PA BA BSHAD PA, ZAG MED BSHAD PA DANG BZHI, DANG PO LA SO SO'I NGO BO BSHAD PA DANG THOB PA'I RTAGS BSHAD PA GNYIS, DANG PO NI, YAN LAG GAM DMIGS PA GANG RUNG GI SGO NAS RANG RANG GI 'OG SA LAS 'DAS PA'I RIGS SU GNAS PA'I DGE SEMS RTZE GCIG PA MTSUNGS LDAN DANG BCAS PA DE KHAMS GONG MA'I DNGOS GZHI'I SNYOMS 'JUG GI MTSAN NYID, DE LA DBYE NA, BSAM GTAN GYI DNGOS GZHI'I SNYOM 'JUG DANG, GZUGS MED KYI DNGOS GZHI'I SNYOMS 'JUG GNYIS, DANG PO LA, MTSAN NYID DANG DBYE BA GNYIS, DANG PO NI, GONG MA'I DNGOS GZHI'I SNYOMS 'JUG GANG ZHIG YAN LAG GI SGO NAS 'OG SA LAS 'DAS PA'I RIGS SU GNAS PA'I RAB TU PHYE BA, RIGS GNAS SMOS PA LA DGOS PA YOD DE, RANG GI 'OG SA LA 'DOD CHAGS DANG MA BRAL BA'I BSAM GTAN GYI DNGOS GZHI'I SNYOM 'JUG DANG, BSAM GTAN GYI YAN LAG RNAMS KYANG BSAM GTAN GYI DNGOS GZHIR BSDU BA'I CHED YIN PA'I PHYIR, GNYIS PA NI, DBYE NA, DANG @378B PO NAS BZHI PA'I BAR RNAMS SU YOD CING, BSAM GTAN GYI DNGOS GZHI'I SNYOM 'JUG GANG ZHIG ,DPYOD PA GNYEN PO'I YAN LAG GIS 'DOD PA LA 'DOD CHAGS DANG BRAL BA'I RIGS SU GNAS PAS RAB TU PHYE BA, DANG PO'I MTSAN NYID, DE LA DBYE NA, RTZAM PO BA DANG, KHYAD PAR CAN GNYIS, DE GANG ZHIG, ,RTOG PA LA 'DOD CHAGS DANG MA BRAL BA'I RIGS SU GNAS PAS RAB TU PHYE BA DANG PO'I MTSAN NYID, DE GANG ZHIG , RTOG PA LA 'DOD CHAGS DANG BRAL BA'I RIGS SU GNAS PAS RAB TU PHYE BAR DMIGS PA, GNYIS PA'I MTSAN NYID, MDZOD LAS, RTOG MED BSAM GTAN KHYAD PAR ZHES SOGS GSUNGS, 'DI LA RTZAM KHYAD GNYIS SU 'JOG PA'I RGYU MTSAN YOD DE, BSAM GTAN DANG PO LA 'DOD CHAGS DANG MA BRAL BAR DE'I YAN LAG 'GA' ZHIG LA 'DOD CHAGS DANG BRAL BAR BYAR YOD PA'I PHYIR TE, BSAM GTAN DANG PO'I YAN LAG TU GYUR BA'I RTOG PA RAGS PA DANG DPYOD PA SOGS YAN LAG LHAG MA RNAMS CUNG ZAD PHRA BA'I PHYIR, BSAM GTAN LHAG MA RNAMS LA RTZAM KHYAD GNYIS SU MI 'BYED PA'I RGYU MTSAN YOD DE, BSAM GTAN LHAG MA RNAMS LA 'DOD CHAGS DANG MA BRAL BAR DE'I YAN LAG RNAMS LA 'DOD CHAGS DANG BRAL BAR BYAR MED PA'I PHYIR, BSAM GTAN GYI DNGOS GZHI'I SNYOM 'JUG GANG ZHIG ,NANG RAB TU @379A *, ,DVANG BA GNYEN PO'I YAN YAN LAG GIS BSAM GTAN DANG PO SOGS LA 'DOD CHAGS DANG BLA BA'I RIGS SU GNAS PAS RAB TU PHYE BA, GNYIS PA'I MTSAN NYID, GANG ZHIG ,DRAN SHES BZHIN BTANG SNYOMS GNYEN PO'I YAN LAG GIS BSAM GTAN GNYIS PA SOGS LA 'DOD CHAGS DANG BRAL BAS RAB TU PHYE BA'I RIGS SU GNAS PA GSUM PA'I MTSAN NYID, GANG ZHIG ,DRAN PA DANG BTANG SNYOMS YONGS DAG GNYEN PO'I YAN LAG GIS BSAM GTAN GSUM PA LA 'DOD CHAGS DANG BRAL PA'I RIGS SU GNAS PAS RAB TU PHYE BA, BZHI PA'I MTSAN NYID YIN NO, ,GNYIS PA LA MTSAN NYID DANG DBYE BA GNYIS, DANG PO NI, DMIGS PA'I SGO NAS 'OG SA LAS 'DAS PA'I RIGS SU GNAS PA'I RAB TU PHYE BA, DE GZUGS MED KYI DNGOS GZHI'I SNYOMS 'JUG MTSAN NYID, GNYIS PA NI, DE LA DBYE NA, NAM MKHA' MTHA' YAS NAS SRID RTZE'I DNGOS GZHI'I SNYOM 'JUG GI BAR BZHI YOD CING DE GANG ZHIG ,CHOS THAMS CAD NAM MKHA' LTAR MTHA' YAS SO SNYAM DU BSGOM PA LAS DE NYID MNGON DU GYUR PA'I RIGS SU GNAS PA, DANG PO'I MTSAN NYID, DE GANG ZHIG ,CHOS THAMS CAD RNAM SHES LTAR MTHA' YAS SO SNYAM DU BSGOM PAS, DE NYID MNGON DU GYUR PA'I RIGS SU GNAS PA, GNYIS PA'I MTSAN NYID, DE GANG ZHIG ,BZUNG BYA CI YANG MED DO SNYAM @379B DU BSGOM PAS DE NYID MNGON DU GYUR PA'I RIGS SU GNAS PA, GSUM PA'I MTSAN NYID, DE GANG ZHIG 'DU SHES RAGS PA RNAMS NI YOD PA MIN, PHRA BA RNAMS NI MED PA MIN NO, ,SNYAM DU BSGOM PAS, ,DE NYID MNGON DU GYUR PA'I RIGS SU GNAS PA BZHI PA'I MTSAN NYID, 'DIR RIGS GNAS SMOS PA LA DGOS PA YOD DE, MA 'KHRUL BA'I GZUGS MED KYI DNGOS GZHI'I SNYOM 'JUG RNAMS DANG, BDEN STONG LA GNYIS SNANG NUB PA'I GZUGS MED KYI DNGOS GZHI'I SNYOM 'JUG RNAMS 'DIR BSDU BA'I DNGOS PA YOD PA'I PHYIR, GNYIS PA NI, NYAN SA LAS DE LA BSAM GTAN RNAMS LA SNYOMS PAR 'JUG PA'I TSEN NI LUS SA'I 'OB TU BYING BA LTA BU'I RTAGS 'BYUNG NGO, ,GZUGS MED PA DAG LA SNYOMS PAR 'JUG PA'I TSE NA NI LUS NAM MKHA' LA 'PHUR BA LTA BUR SNANG BA'I RTAGS 'BYUNG STE, ,ZHES GSUNGS PA LTAR 'BYUNG NGO, ,GNYIS PA LA, MTSAN NYID DBYE BA, NYON MONGS CAN LA YAN LAG RNAM PAR MA BZHAG PA DANG GSUM, DANG PO NI, DAG PA BA'I RDZAS RGYUN GANG ZHIG ,SGRIB LUNG MA BSTAN GYI SEMS RTZE GCIG PA MTSUNGS LDAN DANG BCAS PA DE'O, ,GNYIS PA NI, DE LA SRED PA SHAS CHE BA, LTA BA SHAS CHE BA, NGA RGYAL SHAS CHE BA, MA RIG PA SHAS CHE BA'I SNYOMS 'JUG NYON MONGS CAN RNAM PA BZHI, DE GANG ZHIG ,SRED PA DANG MTSUNGS @380A *, ,PAR LDAN PA'I RIGS SU GNAS PA, DE GANG ZHIG LTA NGAN DANG MTSUNGS PAR LDAN PA'I RIGS SU GNAS PA, DE GANG ZHIG ,NGA RGYAL DANG MTSUNGS PAR LDAN PA'I RIGS SU GNAS PA, DE GANG ZHIG ,MA RIG PA DANG MA TSUNGS PAR LDAN PA'I RIGS SU GNAS PA, BZHI RIM PA LTAR GYI MTSAN NYID YIN TE, KUN BTUS LAS, NYON MONGS PA'I JI LTA BU ZHE NA LUNG DU MA BSTAN PA'I RTZA BA BZHI PO 'DI LTA STE, SRED PA DANG, LTA BA DANG, NGA RGYAL DANG, MA RIG PA STE, ZHES DANG, MDZOD LAS, GZHAN MIN BZHI ZHES NYI 'OG PA, ,DE DAG SRED LTA NGA RGYAL RMONGS, ,ZHES GSUNGS PA'I PHYIR, DAG PA BA'I BSAM GZUGS RNAMS NYON MONGS PAR BYA BA'I GZHI, GONG SAS BSDUS PA'I SNGAR BSHAD KYI NYON MONGS RNAMS NYON MONGS PAR BYED PA'I CHOS, ,SNYOM 'JUG DE DANG YUN RING DU 'DRIS PAR BYAS PA LAS DE DAG DANG MTSUNGS LDAN DU 'GYUR PAS NI NYON MONGS PAR BYAS PA'I TSUL YIN TE, MDZOD LAS, 'JIG RTEN PA YI DGE PA NI, ,DAG PA DE NI DE MYANG BYA, ,ZHES GSUNGS PA'I PHYIR, GSUM PA NI; MDZOD LAS, NYON MONGS CAN LA DGA' BDE DANG, ,RAB DANG SHES BZHIN DRAN PA DANG, ,BTANG SNYOMS DRAN PA DAG PA MED, ,CES DANG, 'GREL PAR, BSAM GTAN DANG PO LA NI DBEN PA @380B LAS SKYES PA'I DGA' BA DANG BDE BA ME DE, NYON MONGS PAS DBEN PA MA YIN PA'I PHYIRO, ,GNYIS PA LA NI NANG RAB TU DVANG BA MED DE, NYON MONGS PAS RNYOGS PA'I PHYIR RO, ,GSUM PA LA NI DRAN PA DANG SHES BZHIN MED DE NYON MONGS CAN GYI BDE BAS KUN TU RMONGS PAR BYAS PA'I PHYIR RO, ,BZHI PA LA NI, BTANG SNYOMS DANG DRAN PA YONGS SU DAG PA MED DE, NYON MONGS PAS DRI MA CAN DU BYAS PA'I PHYIR RO, ,ZHES GSUNGS SHING, BSAM GTAN DANG PO'I DNGOS GZHI'I SNYOMS 'JUG NYON MONGS CAN CHOS CAN, DBEN PA LAS SKYES PA'I DGA' BDE PHAN YON GYI YAN LAG TU MI LDAN TE, 'DOD PA'I NYON MONGS PAS DBEN PA MA YIN PA'I PHYIR, BSAM GTAN GNYIS PA'I SNYOM 'JUG NYON MONGS CAN CHOS CAN, NANG YONGS SU DVANG BA GNYEN PO'I YAN LAG TU MI LDAN TE, NYON MONGS PAS SNYOG PAR BYAS PA'I PHYIR; GSUM PA'I SNYOMS 'JUG NYON MONGS CAN CHOS CAN, DRAN SHES BZHIN GNYEN PO'I YAN LAG TU MI LDAN TE, NYON MONGS CAN GYI BDE BAS KUN TU RMONGS PAR BYAS PA'I PHYIR, BZHI PA'I SNYOMS 'JUG NYON MONGS CAN CHOS CAN, DRAN PA DANG BTANG SNYOMS YONGS DAG GNYEN PO'I YAN LAG TU MI LDAN TE, NYON MONGS PAS DRI MA CAN DU BYAS PA'I PHYIR, DES NA, DNGOS GZHI'I SNYOMS 'JUG NYON MONGS CAN@381A *, ,CHOS CAN, KHYOD KHAMS GONG MA'I DNGOS GZHI'I SNYOM 'JUG MA YIN TE, KHYOD DGE BA MA YIN PA GANG ZHIG ,KHYOD LA YAN LAG GI RNAM BZHAG CUNG ZAD KYANG MA GSUNGS PA'I PHYIR, KHYAB STE; KHAMS GONG MA'I DNGOS GZHI'I SNYOM 'JUG YIN NA DGE BA YIN DGOS PA'I PHYIR TE, MDZOD LAS, SNYOM 'JUG DGE BA RTZE GCIG PA, ZHES GSUNGS PA'I PHYIR, DE LTAR SNYOM 'JUG DNGOS GZHI'I RDZAS; RNAM PA BRGYAD BDUN RNAM PA GSUM, ZHES GSUNGS PA DANG 'GAL LO ZHE NA, MI 'GAL TE, SNYOM 'JUG GI RDZAS RGYUN YIN PAS SNYOM 'JUG GI RDZAS SU GSUNGS PA RTZAM GANG ZHIG ,SNYOM 'JUG GI RDZAS RGYUN YIN NA SNYOM 'JUG YIN MI DGOS PA'I PHYIR TE, DE SKAD DU 'ANG, MDZOD 'GREL LAS, NYON MONGS CAN JI LTAR BSAM GTAN, YIN ZHE NA LOG PAR SEMS PA'I PHYIR RO, ,HA CANG THAL BAR 'GYUR RO ZHE NA MA YIN TE, DE DANG RIGS MTHUN PA KHO NA LA DE'I MING NYE BAR BTAGS PA'I PHYIR, DPER NA SA BON RUL PA BZHIN NO, ,ZHES GSUNGS SO, ,GSUM PA LA MTSAN NYID DANG DBYE BA GNYIS, DANG PO NI, KHAMS GONG GI DNGOS GZHI'I SNYOMS 'JUG GANG ZHIG ,'JIG RTEN PA'I DGE BAR DMIGS PA, KUN BTUS LAS, RNAM PAR BYANG BA'I JI LTA BU ZHE NA, DAG PA BA'I BSAM GTAN @381B DANG GZUGS MED PA RNAMS KYANG DGE BA YIN PA'I PHYIR RNAM PAR BYANG BA ZHES BYA'O, ,GNYIS PA NI, DE LA NYAMS PA CHA MTHUN, GNAS PA CHA MTHUN, KHYAD PAR CHA MTHUN, NGES BYED CHA MTHUN DANG BZHI, DANG PO NI; DE GANG ZHIG ,RANG GI 'JUG THOGS DE MA THAG TU RANG SA'I NYON MONGS SKYE BA DANG RJES SU MTHUN PA, DANG PO'I MTSAN NYID, DE GANG ZHIG ,RANG GI RJES THOGS DE MA THAG TU RANG SA'I DAG PA BA SKYE BA DANG RJES SU MTHUN PA; GNYIS PA'I MTSAN NYID, DE GANG ZHIG ,RANG GI RJES THOGS DE MA THAG TU GONG SA'I DAG PA BSKYE BA DANG RJES SU MTHUN PA, GSUM PA'I MTSAN NYID, DE GANG ZHIG ,RANG GI RJES THOGS DE MA THAG TU ZAG MED SKYE BA DANG RJES SU MTHUN PA, BZHI PA'I MTSAN NYID YIN TE, MDZOD LAS, DAG PA NYAMS PA CHA MTHUN SOGS, RNAM BZHI DE NI GO RIMS BZHIN, NYON MONGS SKYE DANG RANG SA DANG, GONG DANG ZAG MED RJES MTHUN PA'O, ,ZHES GSUNGS PA'I PHYIR, SRID RTZE LA KHYAD PAR CHA MTHUN MED DE, SRID RTZE'I GONG SA MED PA'I PHYIR, GZHAN RNAMS LA NI BZHI PO THAMS CAD YOD DO, ,BZHI PA LA MTSAN NYID DANG DBYE BA GNYIS, DANG PO NI, KHAMS GONG GI DNGOS GZHI'I SNYOM 'JUG GANG ZHIG ,'JIG RTEN LAS 'DAS PA'I DGE BAR DMIGS PA, MDZOD LAS, ZAG MED 'JIG RTEN 'DAS PA'O, ,ZHES GSUNGS SHING, DE'I @382A *, ,'GREL BAR 'JIG RTEN LAS 'DAS PA'I SNYOM PAR 'JUG PA'I RDZAS GANG YIN PA DE NI ZAG PA MED PA YIN NO, ,ZHES GSUNGS PA'I PHYIR, GNYIS PA DE LA BSAM GZUGS FBRGYAD KYI NGO BOR GYUR PA'I ZAG MED KYI SNYOM 'JUG BRGYAD YOD DO, ,GSUM PA LA 'DUL BA NAS GSUNGS PA'I TSUL DANG, MDZOD LAS GSUNGS PA'I TSUL GNYIS, DANG PO LA BSNGOM GYI SGO NAS MDOR BSTAN PA DANG, RGYAS PAR BSHAD PA GNYIS, DANG PO NI, 'DUL BA LAS BSDOM NI, GRANGS DANG MI MTHUN PHYOGS YAN LAG ,DE DAG RGYA CHER RNAM BZHAG DANG, DBEN DANG SDUG BSNGAL GA-YO BA DANG, GONG MA'I YAN LAG KHYAD PAR YIN, ZHES GRANGS DANG, MI MTHUN PA'I PHYOGS DANG, YAN LAG DE DAG RGYA CHER RNAM PAR DAG PA DANG, DBEN PA DANG, SDUG BSNGAL BA DANG, GA-YO BA DANG, GONG MA'I YAN LAG DANG KHYAD PAR BRGYAD KYI SGO NAS GSUNGS SO, ,GNYIS PA LA BRGYAD YOD PA'I, DANG PO NI, DE NYID LAS, BSAM GTAN BZHI ZHES GANG GSUNGS PA LA, CI'I PHYIR BSAM GTAN BZHI KHO NAR ZAG MED CHES MANG BA YANG MIN LA CHES NYUNG BA YANG MIN ZHE NA, SMRAS PA, BDE BA DANG SDUG BSNGAL LAS, SHIN TU 'DAS SHING YONGS SU RDZOGS PA'I PHYIR TE, 'DI LTAR MTHAR KYIS BSAM @382B GTAN BZHI PA'I BAR DU BDE BA DANG SDUG BSNGAL LAS SHIN TU 'DAS PA YIN PA'I PHYIR RO, ,ZHES GSUNGS SHING, TSOR BA YID MI BDE DANG, LUS TSOR SDUG BSNGAL, NYON MONGS CAN GYI YID BDE DANG, BDE BA'I DBANG PO RNAMS LAS GO RIMS BZHIN DU 'DAS PA'I DBANG GI TSOR BA BZHIR BZHAG CING, ZAG PA DANG BCAS PA'I TSOR BA BTANG SNYOMS LAS 'DAS PA'I BSAM GTAN LNGA PA DNGOS SU MA GSUNGS TE; ZAG BCAS KYI TSOR BA RNAMS KYI NANG NAS GTANG SNYOMS NYID NYON MONGS 'DREN PA'I MTHU CHUNG BAS NA MCHOG TU GSUNGS PA'I PHYIR, GNYIS PA NI, DE NYID LAS, BSAM GTAN DANG PO'I MI MTHUN PHYOGS GANG ZHE NA, SMRAS PA DANG DE NI RNAM PAR LNGAR RIG PAR BYA STE, 'DOD PA'I 'DOD CHAGS DANG, 'DOD PA'I GNOD SEMS DANG, RNAM PAR 'TSE BA DANG, RNAM PAR RTOG PA DANG, SDUG BSNGAL DANG YID MI BDE DANG, 'CHAL BA'I TSUL KHRIMS DANG, RNAM PAR GA-YENG BA'O, ,BSAM GTAN GNYIS PA'I MI MTHUN PHYOGS GANG ZHE NA SMRAS PA, DE YANG RNAM PA LNGAR RIG PAR BYA STE, BSAM GTAN DANG PO'I 'DOD CHAGS DANG, RTOG PA DANG, DPYOD PA DANG, SDUG BSNGAL DANG RGOD PA DANG, TING NGE 'DZIN MA RDZOGS PA'O, ,BSAM GTAN GSUM PA'I MI MTHUN PHYOGS GANG ZHE NA SMRAS PA, DE YANG RNAM PA BZHIR @383A *, ,RIG PAR BYA STE, BSAM GTAN GNYIS PA'I 'DOD CHAGS DANG YID MI BDE DANG, DGA' BA DANG TING NGE 'DZIN MA RDZOGS PA'O, ,BSAM GTAN BZHI PA'I MI MTHUN PHYOGS GANG ZHE NA, DE YANG RNAM PA LNGAR RIG PAR BYA STE, DBUGS RDUB PA DANG, DBUGS 'BYUNG BA DANG, BSAM GTAN GSUM PA'I 'DOD CHAGS DANG, BDE BA LA SOGS PA DANG, TING NGE 'DZIN MA RDZOGS PA'O, ,ZHES GSUNGS, DON NI BSAM GTAN DANG PO'I MI MTHUN PHYOGS CHOS CAN, RNAM PA LNGA YOD DE, 'DOD PA'I 'DOD CHAGS DANG, GNOD SEMS DANG, RNAM 'TSE, RNAM RTOG DANG, 'DOD PA'I SDUG BSNGAL YID MI BDE DBANG, 'CHAL BA'I TSUL KHRIMS, 'DOD PA'I SAS BSDUS KYI RNAM GA-YENG RNAMS SU YOD PA'I PHYIR, BSAM GTAN GNYIS PA'I MI MTHUN PHYOGS CHOS CAN, RNAM PAR LNGAR YOD DE, BSAm GTAN DANG PO'I 'DOD CHAGS, RTOG DPYOD BSAM GTAN DANG PO'I LUS TSOR SDUG BSNGAL, BSAM GTAN DANG PO'I RGOD PA, TING NGE 'DZIN YONGS SU MA RDZOGS PA RNAMS SU YOD PA'I PHYIR, BSAM GTAN GSUM PA'I MI MTHUN PHYOGS CHOS CAN, RNAM PA BZHI YOD DE, BSAM GTAN GNYIS @383B PA'I 'DOD CHAGS DANG DE'I DGA' BA, DE'I YID BDE, TING NGE 'DZIN MA RDZOGS PA RNAMS SU YOD PA'I PHYIR, BSAM GTAN BZHI PA'I MI MTHUN PHYOGS CHOS CAN, RNAM PA LNGA YOD DE, BSAM GTAN GSUM PA'I DBUGS RDUB PA, 'BYUNG BA, 'DOD CHAGS, NYON MONGS CAN GYI BDE DBANG, TING NGE 'DZIN MA RDZOGS PA RNAMS SU YOD PA'I PHYIR, GSUM PA NI, DE NYID FLAS; BSAM GTAN DANG PO'I YAN LAG DU ZHE NA SMRAS PA, YAN LAG LNGA STE, LNGA GANG ZHE NA, RTOG PA DANG, DPYOD PA DANG, DGA' BA DANG, BDE BA DANG, SEMS RTZE GCIG PA NYID DO, ,BSAM GTAN GNYIS PA'I YAN LAG DU ZHE NA, SMRAS PA, ,YAN LAG BZHI STE, BZHI GANG ZHE NA, NANG YOD SU DVANG BA DANG, DGA' BA DANG, BDE BA DANG, SEMS RTZE GCIG PA NYID DO, ,ZHES DANG, BSAM GTAN GSUM PA'I YAN LAG DU ZHE NA, YAN LAG LNGA STE, LNGA GANG ZHE NA, DRAN PA DANG, SHES BZHIN DANG, BTANG SNYOMS DANG, BDE BA DANG, SEMS RTZE FGCIG PA NYID DO, ,BSAM GTAN BZHI PA'I YAN LAG DU ZHE NA SMRAS PA, YAN LAG BZHI STE, BZHI GANG ZHE NA, BTANG SNYOMS YONGS SU DAG PA DANG, DRAN PA YONGS SU DAG PA DANG, @384A *, ,SDUG BSNGAL YANG MA YIN, BDE BA YANG MA YIN PA DANG, SEMS RTZE GCIG PA NYID DO ZHES SOGS RGYA CHER GSUNGS SO, ,BZHI PA NI, DE NYID LAS, CI'I PHYIR BSAM GTAN DANG PO LA 'DOD PA RNAMS KYI DBEN PA ZHES BYA BA NAS SDIG PA MI DGE BA'I PHYOGS RNAMS LAS DBEN PA ZHES BYA ZHE NA, SMRAS PA, 'DOD PA RNAMS KYI RANG GI MTSAN NYID YONGS SU BSTAN PA'I PHYIR DANG, NYES DMIGS KYI MTSAN NYID YONGS SU BSTAN PA'I PHYIR, ZHES SOGS GSUNGS SO, ,LNGA PA NI, DE NYID LAS, CI'I PHYIR BSAM GTAN DANG PO LA SDUG BSNGAL GYI DBANG PO MA SPANGS ZHE NA, SMRAS PA, DE LA DE'I PHYOGS DANG MTHUN PA'I GNAS NGAN LEN DANG MA BRAL BA'I PHYIR GAL TE DE LA SDUG BSNGAL GYI DBANG PO SPANGS PAR GYUR NA, BSAM GTAN GNYIS PA DANG, GNAS PA'I KHYAD PAR MI 'GYUR BAS DE'I PHYIR MA SPANGS PA KHO NAR RIG PAR BYA'O, ,ZHES GSUNGS SO, ,DON NI, BSAM GTAN DANG PO DE SDUG BSNGAL GYI DBANG PO MA SPANGS PA'I KHYAD PAR DANG LDAN TE, DE LA LUS KYI TSOR BA SDUG BSNGAL PHRA MO YOD PA'I PHYIR TE, DER LUS TSOR SDUG BSNGAL GYI GNAS NGAN LEN CUNG ZAD KYANG MA SPANGS PA'I PHYIR TE, SPANG NA @384B DE BSAM GTAN GNYIS PA DANG KHYAD MED DU THAL BA'I SKYON YOD PA'I PHYIR, DRUG PA NI, DE NYID LAS, GANG GI TSE BSAM GTAN DANG PO LA SOGS PA'I RTOG PA DANG DPYOD PA LA SOGS PA TING NGE 'DZIN LA PHAN 'DOGS PA DAG BSAM GTAN RNAMS KYI RANG GI SA LA PHAN 'DOGS PA DANG YONGS SU DAG PAR 'GYUR BA'I PHYIR 'JUG PA YIN NA, CI'I PHYIR BCOM LDAN 'DAS KYI GA-YO BA'I MING GIS BSTAN ZHE NA, SMRAS PA, GZHAN GYI SA LA BLTOS TE YIN GYI, RANG GI SA LA BLTOS TE MA YIN NO, ,ZHES GSUNGS, DON NI, BSAM GTAN DANG PO'I YAN LAG TU GYUR PA'I RTOG DPYOD BSAM GTAN DANG PO LA BLTOS TE, BSAM GTAN GYI SKYON MIN YANG, DE BSAM GTAN GNYIS PA LA BLTOS TE BSAM GTAN GYI SKYON YIN TE, BSAM GTAN DANG PO DE BSAM GTAN DANG PO LA BLTOS NAS SKYON DANG BCAS PA MIN YANG BSAM GTAN GNYIS PA LA BLTOS TE SKYON DANG BCAS PA YIN PA'I PHYIR TE, BYANG CHUB SEMS DPA' 'PHAGS PA RNAMS RANG NYID LA BLTOS NAS SKYON DANG BCAS PA MIN YANG, SANGS RGYAS LA LTOS NAS SKYON DANG BCAS PA YIN PA'I PHYIR, RTAGS DANG PO GRUB STE, RANG NYID LA LTOS NAS BRTEN PA 'PHRAD PA 'BREL PA SOGS KYI RNAM BZHAG MI 'THAD PA'I PHYIR, BDUN PA NI, DE NYID @385A *, ,LAS; CI'I PHYIR BSAM GTAN DANG PO LA SOGS PA LA 'DOD PA'I KHAMS KYI BAR NAS BZUNG STE GANG NAS GONG DU YAN LAG RNAM PAR BZHAG CE NA, SMRAS PA, MDOR BSDU NA RGYU RNAM PA GSUM GYIS TE MI MTHUN PA'I PHYOGS KYI GNYEN PO DANG, RTOGS PA'I PHAN YON DANG, RTOGS PA POS RGYU GSUM PO DE DAG NI BSAM GTAN BZHI PO DAG LA YAN LAG LNGA YONGS SU BZUNG BA DAG LA YANG CI RIGS PAR RIG PAR BYA'O, ,ZHES GSUNGS, DON NI, BSAM GTAN GYI YAN LAG LNGA DANG BZHI LA SOGS PAR GRANGS NGES PA'I RGYU MTSAN YOD DE, 'DOD PA'I KHAMS NAS GZUNG STE RANG RANG GI SA PA'I ME MTHUN PHYOGS KYI GNYEN PO'I YAN LAG DANG, RANG SA'I BSAM GTAN LA PHAN 'DOGS PA'I YAN LAG DANG, DE GNYIS KYI GNAS KYI YAN LAG GI DBANG DU BYAS NAS DE LTAR GRANGS NGES PA'I PHYIR TE, KUN BTUS LAS, GNYEN PO'I YAN LAG DANG, PHAN YON GYI YAN LAG DANG, DE GNYIS KA'I GNAS KYI YAN LAG GI PHYIR RO, ,ZHES GSUNGS BRGYAD PA NI, DE NYID LAS, BSAM GTAN DANG PO DANG GNYIS PA KA KHYAD PAR CI YOD CE NA, SMRAS PA, TING NGE 'DZIN YONGS SU RDZOGS PA'I KHYAD PAR YOD DO, ,GNYIS PA DANG GSUM PA LA, @385B KHYAD PAR CI YOD CE NA, SMRAS PA, PHAN 'DOGS PA YONGS SU RDZOGS PA'I KHYAD PAR YOD DO, ,BSAM GTAN GSUM PA DANG BZHI PA LA KHYAD PAR CI YOD CE NA SMRAS PA, YONGS SU DAG PA RDZOGS PA'I KHYAD PAR YOD DO, ,ZHES GSUNGS, DON NI, BSAM GTAN DANG PO GNYIS LA TING NGE 'DZIN RDZOGS PA DANG MA RDZOGS PA'I KHYAD PAR YOD DE, DE GNYIS LA RTOG DPYOD KYI RNYOG PAS MA DANG BA DVANG PA'I KHYAD PAR YOD PA'I PHYIR, BSAM GTAN GNYIS PA DANG GSUM PA LA PHAN 'DOGS PA YONGS SU MA RDZOGS PA DANG RDZOGS PA'I KHYAD PAR YOD DE, DE GNYIS LA DGA' BA'I KUN BKRIS DANG BRAL PA'I BDE DBANG PHAN YON GYI YAN LAG TU MI LDAN PA DANG LDAN PA'I KHYAD PAR YOD PA'I PHYIR, BSAM GTAN GSUM PA DANG BZHI PA LA YONGS SU DAG PA MA RDZOGS PA DANG RDZOGS PA'I KHYAD PAR YOD DE, BSAM GTAN GYI SKYON BRGYAD KYIS MA DAG PA DANG DAG PA'I KHYAD PAR YOD PA'I PHYIR TE, MDZOD LAS, SKYON BRGYAD LAS NI GROL BA'I PHYIR, ,BZHI PA GA-YO BA MED PA YIN, ZHES GSUNGS PA'I PHYIR, SKYON BRGYAD PO GANG SNYAM NA, MDZOD LAS, RTOG DANG SPYOD DANG DBUGS DAG DANG, ,BDE BA LA SOGS BZHI YIN NO, ,ZHES BSAM GTAN DANG PO'I SAS BSDUS KYI RTOG DPYOD, BSAM GTAN GNYIS PA'I YA @386A *, ,LAG TU GYUR PA'I DGA' BDE, GSUM PA'I YAN LAG TU GYUR BA'I BDE DBANG, DBUGS 'BYUNG RDUB, 'DOD PA'I SAS BSDUS KYI SDUG BSNGAL YID MI BDE RNAMS BSAM GTAN GYI SKYON DU GSUNGS SO, ,BSDU NA, BSAM GTAN GYI DNGOS GZHI'I SNYOM 'JUG CHOS CAN, KHYAD CHOS BRGYAD DANG LDAN TE GRANGS KYI KHYAD PAR, MI MTHUN PHYOGS KYI KHYAD PAR, YAN LAG RGYA CHER RNAM PAR DAG PA'I KHYAD PAR, 'DOD PA SOGS KYI DBEN PA'I KHYAD PAR, ,SDUG BSNGAL GYI DBANG PO MA SPANGS PA'I KHYAD PAR, MI MTHUN PHYOGS KYI GA-YO BA'I KHYAD PAR, GONG MA'I YAN LAG GI KHYAD PAR, LNGA PHYI RNAMS LA DMAN MCHOG GI KHYAD PAR DANG LDAN PA'I PHYIR TE, ,DE LTAR DU SGRUB MA THAG PA DE'I PHYIR, GNYIS PA MDZOD NAS GSUNGS TSUL NI, MDZOD LAS, DANG PO LA LNGA RTOG DPYOD DANG, DGA' DANG BDE DANG TING 'DZIN GNAS, GNYIS PA LA NI YAN LAG BZHI, RAB DANG DANG NI DGA' LA SOGS, GSUM PA LA LNGA BTANG SNYOMS DANG, DRAN DANG SHES BZHIN BDE DANG GNAS, ,MTHA' NA BZHI DRAN BTANG SNYOMS DANG, ,BDE MIN SDUG MIN TING 'DZIN RNAMS, ,ZHES GSUNGS SO, ,DON NI, BSAM GTAN DANG @386B PO'I DNGOS GZHI'I SNYOM 'JUG CHOS CAN, YAN LAG LNGA LDAN YIN TE, RANG SAS BSDUS PA'I RTOG DPYOD GNYEN PO'I YAN LAG DBEN PA LAS SKYES PA'I DGA' BDE PHAN YON GYI YAN LAG ,TING NGE 'DZIN GNAS KYI YAN LAG TU LDAN PA'I PHYIR RO, ,BSAM GTAN GNYIS PA'I DNGOS GZHI'I SNYOM 'JUG CHOS CAN, YAN LAG BZHI LDAN YIN TE, NANG RAB TU DANG BA GNYEN PO'I YAN LAG, TING NGE 'DZIN LAS SKYES PA'I DGA' BDE PHAN YON GYI YAN LAG ,TING NGE 'DZIN GNAS KYI YAN LAG TU LDAN PA'I PHYIR, BSAM GTAN GSUM PA'I DNGOS GZHI'I SNYOM 'JUG CHOS CAN, ,YAN LAG LNGA LDAN YIN TE, DRAN SHES BZHIN BTANG SNYOMS GNYEN PO'I YAN LAG DGA' BA'I KUN BKRIS DANG BRAL PA'I BDE DBANG PHAN YON GYI YAN LAG ,TING NGE 'DZIN GNAS KYI YAN LAG TU LDAN PA'I PHYIR, BSAM GTAN BZHI PA'I DNGOS GZHI'I SNYOM 'JUG CHOS CAN, ,YAN LAG BZHI LDAN YIN TE, DRAN PA DANG BTANG SNYOMS YONGS DAG GNYEN PO'I YAN LAG ,RANG SA'I TSOR BA BTANG SNYOMS PHAN YON GYI YAN LAG ,TING NGE 'DZIN GNAS KYI YAN LAG TU LDAN PA'I PHYIR, BSAM GTAN GYI YAN LAG DE LA MING GI SGO NAS BCO BRGYAD YOD DE, BSAM GTAN @387A *, ,DANG PO'I YAN LAG LNGA, GNYIS PA'I BZHI, GSUM PA'I LNGA, BZHI PA'I BZHI RNAMS SU YOD PA'I PHYIR TE, MDZOD 'GREL LAS, BSAM GTAN DANG PO LA NI YAN LAG LNGA STE, RTOG PA DANG DPYOD PA DANG DGA' BA DANG, BDE BA DANG, SEMS RTZE GCIG PA NYID DE, DE LTA NA DE DAG NI YAN LAG LNGA YIN NO, ,ZHES DANG, BSAM GTAN GNYIS PA LA NI YAN LAG BZHI STE, NANG RAB TU DVANG BA DANG, DGA' BA DANG, BDE BA DANG, SEMS RTZE GCIG PA NYID DO, ,ZHES DANG, BSAM GTAN GSUM PA LA NI YAN LAG LNGA YOD DE, BTANG SNYOMS DANG DRAN PA SHES BZHIN DANG, TING NGE 'DZIN TO, ,ZHES DANG, THA MA NI BSAM GTAN BZHI PA'O, ,DE LA YAN LAG BZHI STE, BDE BA YANG MIN SDUG BSNGAL YANG MIN PA'I TSOR BA DANG, BTANG SNYOMS YONGS SU DAG PA DANG, DRAN PA YONGS SU DAG PA DANG, TING NGE 'DZIN YONGS SU DAG PA DANG, DE DAG NI BSAM GTAN GYI YAN LAG BCO BRGYAD YIN TE, DANG PO DANG GSUM PA DAG LA NI YAN LAG LNGA YIN LA, GNYIS PA DANG BZHI PA DAG LA NI YAN LAG BZHI YIN PA'I PHYIR RO, ,MING GI SGO NAS NI DER BLTA'O, , @387B YAN LAG DE RNAMS RDZAS RIGS KYI SGO NAS BSDU NA DGUR BSDUS TE, ,RTOG DPYOD GNYIS, ,BSAM GTAN DANG PO GNYIS KYI YAN LAG TU GYUR PA'I DGA' BA, ,GSUM PA'I YAN LAG TU GYUR BA'I SEMS TSOR BDE BA'I DBANG PO, ,DRAN SHES BZHIN BTANG SNYOMS GSUM, ,BZHI PA'I TSOR BA BTANG SNYOMS, ,TING NGE 'DZIN RNAMS SU BSDUS PA'I PHYIR, RTAGS DANG PO GRUB STE, ,RTOG DPYOD GNYIS RDZAS THA DAD PA KHO NA YIN PA'I PHYIR, ,RTAGS GNYIS PA GRUB STE, ,BSAM GTAN DANG PO GNYIS KYI YAN LAG TU GYUR PA'I DGA' BDE GNYIS NI YID BDER MTSUNGS PA'I PHYIR, ,GSUM PA GRUB STE, ,GSUM PA'I YAN LAG TU GYUR BA'I BDE BA NI DGA' BA'I KUN BKRIS DANG BRAL BA'I SEMS TSOR BDE BA YIN PA'I PHYIR, ,BZHI PA GRUB STE, GNYIS PA'I YAN LAG TU GYUR PA'I NANG RAB TU DVANG BA DANG, ,BZHI PA'I DRAN PA DANG BTANG SNYOMS YONGS DAG RNAMS DRAN PA DANG BTANG SNYOMS RNAMS SU BSDUS PA'I PHYIR, ,BSAM GTAN DANG PO'I YAN LAG TU GYUR PA'I RTOG PA @388A *, ,NI; SEMS PA'AM SHES RAB KYI CHA LA BTAGS PA, BRJOD BYED KYI NGAG KUN NAS SLONG BA RANG YUL LA RTZING BA'I RNAM PAS 'JUG PA YIN LA, DPYOD PA NI SEMS PA 'AM SHES RAB KYI CHA LA BTAGS PA, BRJOD BYED KYI NGAG KUN NAS SLONG BA, RANG YUL LA ZHIB MOR DPYOD PA'I RNAM PAS 'JUG PA ZHIG YIN TE, KUN BTUS LAS, RTOG PA GANG ZHE NA, SEMS PA'AM SHES RAB KYI CHA LA BRTEN NAS KUN TU 'TSOL BA'I YID KYI BRJOD PA STE, DE NI RTZING BA'O, ,DPYOD PA GANG ZHE NA, SEMS DPA'AM SHES RAB LA BRTEN NAS SO SOR RTOG PA'I YID KYI BRJOD PA STE, DE NI ZHIB PA'O ZHES DANG, RNAL 'BYOR SPYOD PA'I SA LAS, RTOG PA NI SHES RAB DANG SEMS PA'I RANG BZHIN TE, MNGON PAR RTOG PA DANG MNGON PAR MI RTOG PA'I DUS NA, GO RIMS BZHIN SEMS PA'I SHES RAB LA BRTEN NAS GO BAR BYA BA DANG, BYE BRAG TU GO BAR BYA BA'I RNAM PAS RAGS PA YONGS SU 'TSOL PA'I YID LA BRJOD PA'O, ,DPYOD PA NI DE BZHIN DU SO SOR RTOG PA'I RNAM BDE ZHIB MOR RJES SU DPYOD PA'I YID LA BRJOD PA'O, ,ZHES DANG, MDZOD LAS, RTOG DANG DPYOD PA RTZING ZHIB NYID, CES GSUNGS PA'I PHYIR, RTOG DPYOD GNYIS @388B BSAM GTAN GYI DNGOS GZHI'I YAN LAG TU LDAN PA MI SRID PAR THAL, RNAM PA MI 'DRA BA'I PHYIR SNYAM MAM KHYAB STE, RTOG PAS HA CANG ZHIB PAR MI BYED, DPYOD PAS HA CANG RTZING BAR MI BYED PA'I PHYIR TE; DPER NA CHU GRANG MO'I NANG DU MAR GSAR BCUG STE NYI MA'I 'OD LA BZHAG PA'I TSE, HA CANG GRANG DRO'I SKYON GNYIS DANG BRAL BA BZHIN NO, ,BSAM GTAN DANG PO GNYIS KYI YAN LAG TU GYUR PA'I DGA' BDE 'CHAD PAR BYED PA LA BYE BRAG SMRA BA'I LUGS, MDO SDE BA'I LUGS, SEMS TZAM PA'I LUGS, RANG GI LUGS DANG BZHI, DANG PO NI, BSAM GTAN DANG PO'I YAN LAG TU GYUR PA'I BDE BA NI; LUS SEMS SHIN TU SBYANGS PA'I BDE BA YIN TE, DE NYID TSOR BA BDE BA MA YIN PA'I PHYIR TE, LUS KYI TSOR BA YANG MA YIN, SEMS KYI TSOR BA YANG MA YIN PA'I PHYIR, DANG PO GRUB STE, BSAM GTAN DANG PO GNYIS LA SNYOM PAR 'JUG PA'I TSE LUS KYI TSOR BA BDE BA MED PA'I PHYIR TE, DBANG SHES MED PA'I PHYIR, GNYIS PA GRUB STE, SEMS TSOR BDE BA'I DBANG PO YANG MA YIN, YID BDE YANG MA YIN PA'I PHYIR, DANG PO GRUB STE, BSAM GTAN DANG PO GNYIS NA SEMS TSOR BDE BA'I DBANG PO MA THOB PA'I PHYIR TE, DGA' BA'I KUN BKRIS DANG MA BRAL BA'I PHYIR, GNYIS PA GRUB STE, BSAM GTAN DANG @389A *, ,PO GNYIS KYI DGA' BDE KHYAD MED DU GYUR PAS BSAM GTAN DANG PO YAN LAG LNGA LDAN DU MI 'GRUB PA'I PHYIR TE, MDZOD LAS, DANG PO NI, SHIN TU SBYANGS PA BDE BA YIN, , ZHES DANG, 'GREL PAR, BSAM GTAN DANG PO DANG GNYIS PA DAG LA NI SHIN TU SBYANGS PA LA BDE BA ZHES BSHAD DO, ,'DI LA NI SHIN TU SBYANGS PA BDE PA YIN, DE LA NI, TSOR BA BDE BA YIN NO, , TU SBYANGS PA BDE PA YIN, DE LA NI, TSOR BA BDE BA YIN NO, , ZHES BYA BA 'DI GANG LAS SHES SHE NA, SNYOM PAR 'JUG PA'I BSAM GTAN GNYIS NA BDE BA'I DBANG PO DANG MI LDAN PA'I PHYIR TE, DE LUS KYI YIN PAR NI MI RUNG STE SNYOM PAR 'JUG PA NA RNAM PAR SHES PA'I TSOGS LNGA MED PAS SEMS LAS BYUNG BA NI MIN TE, DAG BA ZHES 'BYUNG BA'I PHYIR RO, ,DGA' BA NI YID BDE YIN LA, BDE BA DANG YID BDE GNYIS GCIG CAR 'BYUNG BA MED DO, ,DE GNYIS RNAM SBYANGS KYI BSAM GTAN NA YOD PAR YANG RIGS PA MA YIN TE YAN LAG ZHES 'BYUNG BA'I PHYIR RO, ,ZHES GSUNGS PA'I PHYIR, DGA' BA NI YID BDE LA BYED RIGS TE, DE LTAR DU LUNG RNAM PA GNYIS KYIS 'GRUB PA'I PHYIR, MDZOD LAS, LUNG RNAM GNYIS PHYIR DGA' YID BDE, ZHES DANG, 'GREL BAR, BCOM LDAN 'DAS KYI RNAM PAR SGYUR BA'I MDO LAS, BSAM GTAN GSUM PA @389B BKA' STZAL BA NA 'DIR YID BDE BA'I DBANG PO SKYES PA MA LUS PA 'GAG PAR 'GYUR ZHES BKA' STZAL LA, BSAM GTAN BZHI PA LA NI BDE BA'I DBANG PO 'GAG PAR 'GYUR RO ZHES BKA' STZAL TO, ,YANG BDE BA YANG SPANGS TE SNGA NAS SDUG BSNGAL YANG SPANGS SHING YID BDE BA DANG YID MI BDE BA YANG NUB PAS ZHES GSUNGS PAS, DE'I PHYIR YANG BSAM GTAN GSUM PA NA YID BDE BA'I DBANG PO MED DE, DE LTA BAS NA DGA' BA KHO NA YID BDE BA YIN GYI, BDE BA NI MA YIN NO, ,ZHES GSUNGS PA'I PHYIR RO, ,MDOR NA BSAM GTAN DANG PO'I YAN LAG TU GYUR PA'I DGA' BA YIN BDE YIN TE, BSAM GTAN GSUM PAR DE NYID 'GAG PAR STON PA NA DER YID BDE 'GAG PAR GSUNGS PA'I PHYIR, GSUM PA'I YAN LAG TU GYUR PA'I BDE BA NI SEMS TSOR BDE BA YIN TE, DE NYID 'GAG PAR STON PA NA SEMS TSOR BDE BA'I DBANG PO 'GAG PAR STON PA'I PHYIR, ZHES BSHAD DO, ,GNYIS PA NI, BSAM GTAN GYI YAN LAG TU GYUR PA'I BDE BA NI SEMS TSOR BDE BA'I DBANG PO YIN TE, DE LTAR DU 'DI'I BZHED PA SKYAR BA NA MDZOD 'GREL LAS GSAL PAR GSUNGS PA'I PHYIR TE, DE NYID LAS, GZHAN DAG NA RE, SEMS LAS BYUNG BDE BA'I DBANG PO NI MED PA KHO NA STE, BSAM GTAN GSUM CAR NA YANG LUS KYI BDE BA KHO NA YAN LAG @390A *, ,TU RNAM PAR BZHAG GO ZHES ZER RO, ,ZHES GSUNGS PAS DES NA MDO SDE PA'I LUGS LA MNAR MED NAS SRID RTZE'I BAR GYI TSOR BA THAMS CAD LA BDE SDUG BTANG SNYOMS GSUM LDAN DU NGON GSANG RNAMS BSHAD LAS GSAL BAR BSHAD DO, ,GSUM PA NI, BSAM GTAN DANG PO'I YAN LAG TU GYUR PA'I DGA' BA BDE GNYIS NI DGA' BA MA YIN TE, SEMS KYI TSOR BA GCIG NYID KYIS RANG SEMS LA PHAN 'DOGS PA'I CHA NAS DGA' BA, LUS LA PHAN 'DOGS PA'I CHA NAS BDE BAR BZHAG PA TZAM YIN PA'I PHYIR, DE BZHIN DU BSAM GTAN GNYIS PA'I YAN LAG TU GYUR PA'I DGA' BDE GNYIS KYANG RIG PAR BYA'O, ,BZHI PA NI, SEMS TZAM PA'I RJES SU 'BRANG BA RIGS TE, 'DI NYID RIGS PA DANG LDAN ZHING GZHAN RNAMS LA RIG PAS GNOD PA YOD PA'I PHYIR, LUS SEMS SHIN TU SBYANGS PA'I BDE BA NI BDE BA MA YIN TE, NANG GI REG BYA YIN PA'I PHYIR TE, DE LTAR DU DBUS MTHA'I 'GREL BSHAD CHEN MO LAS GSAL BAR GSUNGS PA'I TSUL ZHI LHAG GI SKABS SU 'CHAD PA'I PHYIR, DES NA BSAM GTAN DANG PO'I BDE BA NI SHIN SBYANGS KYI BDE BA MA YIN TE, SHIN SBYANGS KYI BDE BA DANG, BDE BA NI 'GAL BA KHO NA YIN PA'I PHYIR, BSAM GTAN GSUM PA DANG BZHI PA DAG NA YANG SHIN SBYANGS PHAN @390B YON GYI YAN LAG TU 'JOG RIGS PAR THAL, DE NA SHIN SBYANGS KYI BDE BA SHIN TU MANG BA'I PHYIR TE, DE DAG 'DREN PAR BYED PA'I ZHI LHAG KHYAD PAR CAN SHIN TU MANG BA'I PHYIR, BSAM GTAN GYI YAN LAG TU GYUR PA'I BDE BA NI LUS TSOR MA YIN TE, BSAM GTAN GNYIS PA DANG GSUM PA'I SAS BSDUS KYI LUS TSOR MED PAR GSUNGS SHING, DE DAG GIS SAS BSDUS KYI BDE BA NI YOD PAR GSUNGS PA'I PHYIR, BSAM GTAN GSUM PA'I BDE BA NI, DGA' PA'I KUN BKRIS DANG BRAL BA'I SEMS TSOR BDE BA'I DBANG PO YIN TE, MDZOD LAS, LUS TSOR SEMS PA MA YIN GANG, ,SDUG BSNGAL DBANG PO'O SIM PA NI, , BDE BA'O BSAM GTAN GSUM PA NA, ,SEMS KYI DE NI BDE DBANG PO, ,GZHAN NA DE YID BDE BA YIN, ,ZHES BDE DBANG DANG YID BDE 'GAL BA LTA BUR GSUNGS PA LA BRTEN NAS SNGAR BZHIN DU 'GRUB PA'I PHYIR, 'DI GNYIS 'GAL BA NI MA YIN TE, YID BDE YIN NA SEMS TSOR BDE BA'I DBANG PO YIN DGOS PA'I PHYIR TE, YID BDE YIN NA SEMS TSOR YIN DGOS PA GANG ZHIG ,YID BDE YIN NA BDE DBANG YIN DGOS PA'I PHYIR, DANG PO GRUB STE, YID KYI RNAM PAR SHES PA'I 'KHOR DU BYUNG BA'I TSOR BA THAMS CAD SEMS TSOR DANG, DBANG PO'I RNAM PAR SHES PA'I 'KHOR DU BYUNG BA'I TSOR BA THAMS CAD LUS TSOR YIN PA'I PHYIR TE, KUDE@391A *, ,BTUS LAS, LUS KYI GANG ZHE NA, RNAM PAR SHES PA'I TSOGS LNGA DANG MTSUNGS PAR LDAN PA'O, ,SEMS KYI GANG ZHE NA YID KYI RNAM PAR SHES PA DANG MTSUNGS PAR LDAN PA'O, ,ZHES GSUNGS PA'I PHYIR, GNYIS PA GRUB STE, YID BDE YIN NA BDE BA YIN DGOS SO, ,BDE BA YIN NA BDE DBANG YIN DGOS PA'I PHYIR TE, SDUG BSNGAL YIN NA SDUG BSNGAL GYI DBANG PO YIN DGOS PA'I PHYIR TE, KUN NAS NYON MONGS PHYOGS KYI DBANG PO 'CHAD PA'I SKABS SU TSOR BA'I DBANG PO LNGAR GSUNGS PA LA, 'JOG BYED GZHAN NI YOD PAR SNGON GYI MKHAS BA RNAMS KYIS MA GSUNGS PA'I PHYIR, GZHAN YANG, YID BDE YIN NA DGA' BA'I KUN BKRIS DANG BCAS PAS KHYAB PA YOD PAR THAL, YID BDE DANG BDE DBANG 'GAL BA'I PHYIR, RTAGS KHAS, 'DOD NA, DGA' BA YIN NA DGA' BA'I KUN BKRIS DANG MA BRAL BAS KHYAB PAR THAL, DGA' BA YIN NA YID BDE YIN DGOS, YID BDE YIN NA DGA' BA'I KUN BKRIS DANG MA BRAL DGOS PA'I PHYIR, RTAGS PHYI MA DNGOS, 'DOD NA, NYON MONGS ZAD PAR SPANGS PA'I GANG ZAG GI RGYUD LA BSAM GTAN GYI YAN LAG TU GYUR BA'I DGA' BA MED PAR THAL, 'DOD PA'I PHYIR, 'DOD NA, DE'I RGYUD LA RGYUS NYOM 'JUG GI BSAM GTAN DANG PO MED PAR THAL, 'DOD PA'I PHYIR, 'DOD @391B NA; DE'I RGYUD LA RGYU SNYOM 'JUG GI BSAM GTAN MED PAR THAL, 'DOD PA'I PHYIR, 'DOD NA, DE'I RGYUD LA SPEL SGOM GYI NANG TSAN DU GYUR BA'I ZAG BCAS KYI BSAM GTAN MED PAR THAL, 'DOD PA'I PHYIR, 'DOD NA, SKYE DANG GNAS PAR BYA PHYIR DANG, ZHES SOGS KYI LUNG DON MED PAR THAL LO, GZHAN YANG, DE PA'I THUGS RGYUD LA DGA' BA TSAD MED BYANG CHUB KYI YAN LAG SOGS MED PAR THAL, DGA' BA YIN NA DGA' BA'I KUN BKRIS DANG BCAS PAS KHYAB PA'I PHYIR, RTAGS KHAS, GZHAN YANG, BDE BA YIN NA BDE BA'I KUN BKRIS DANG BCAS DGOS PAR THAL, DGA' BA YIN NA DGA' BA'I KUN BKRIS DANG BCAS DGOS PA'I PHYIR, 'DOD NA, DE PA'I THUGS RGYUD LA DGA' BDE MED PAR THAL, 'DOD PA'I PHYIR, KHYAB STE, NYON MONGS LHAG PAR 'PHEL BA'I GNAS SU GYUR PA'I DGA' BA DANG, DE LAS BYUNG BA'I NYON MONGS PA RNAMS LA DGA' BA'I KUN BKRIS SU GSUNGS PA'I PHYIR, TSOR BA 'DI GNYIS 'GAL BA LTA BUR GSUNGS PA NI DGA' BA'I KUN BKRIS DANG BCAS PA DANG, DE DANG BRAL PA'I SEMS TSOR BDE BA 'GAL BA LA DGONGS PA TZAM YIN NO, ,'DOD PA'I SAS BSDUS KYI BDE DBANG MED PAR GSUNGS PA DANG, SHIN SBYANG MED PAR GSUNGS PA RNAMS KYANG RAGS RTZIS KHO NA YIN TE, GZHAN DU NA 'DOD PA'I @392A *, ,SEMS DANG ZAG MED KYI YE SHES 'GAL BAR THAL BA'I SKYON YOD PA'I PHYIR RO, ,BSAM GTAN BZHI PA'I TSOR BA NI, BTANG SNYOMS SU BSHAD PA'I RGYU MTSAN YOD DE, ZAG BCAS KYI TSOR BA RNAMS KYI NANG NAS BTANG SNYOMS MCHOG TU GYUR PA SNGAR GONG DU BSHAD PA'I PHYIR, BSAM GTAN GNYIS PA'I YAN LAG TU GYUR PA'I NANG RAB TU DANG BA NI DE'I SAS BSDUS KYI DRAN SHES BZHIN BTANG SNYOMS GSUM LA DE'I MING GIS BRJOD PA YIN PA BSDU BA LAS, DE LA NANG YONGS SU DANG BA'I CHOS KYI NGO BO DE GANG ZHE NA, SMRAS PA DRAN PA DANG SHES BZHIN DANG BTANG SNYOMS KYI NGO BO NYID DO, ,ZHES GSUNGS PA'I PHYIR, BSAM GTAN DANG PO'I DRAN SHES BZHIN GSUM DE'I GNYEN PO'I YAN LAG TU MA BSTAN PA'I RGYU MTSAN YOD DE BSDU BA LAS, DE LA BSAM GTAN DANG PO LA NI, DRAN PA DANG SHES BZHIN BTANG SNYOMS DAG RTOG PA DANG DPYOD PA'I SGO NAS MNGON PAR SGRUB PAS NA DE'I PHYIR MA SMOS ZHES GSUNGS PA'I PHYIR, BSAM GTAN GNYIS PAR GNYEN PO'I YAN LAG TU BZHAG PA'I RGYU MTSAN YOD DE, DER DE RNAMS KYI GNYEN PO'I BYA BA BYED NUS PA'I PHYIR TE, DER NI DE NI RTOG DPYOD KYI RNYOG PA DVANG PA'I PHYIR TE, DE YANG RANG MING GIS MA SMOS PA'I RGYU MTSAN YOD DE, DGA' BA'I @392B NYON MONGS DANG MA BRAL BA'I PHYIR TE, BSDU BA LAS, BSAM GTAN GNYIS PA LA NI NGO BO NYID LAS LAS BYED PA DAG YIN ZHING, SEMS DGA' BA'I NYON MONGS PAS KUN NAS BKRIS PA YIN PAS; DE'I PHYIR YONGS SU DANG BA'I MING GI BSTAN TO, ,ZHES GSUNGS PA'I PHYIR, BSAM GTAN GSUM PAR DE RNAMS LA RANG MING GIS SMOS PA'I RGYU MTSAN YOD DE, DER DGA' BA'I NYON MONGS PA DANG BRAL BA'I PHYIR TE, DE NYID LAS, BSAM GTAN GSUM PA LA NI SEMS NYE BA'I NYON MONGS PA DE DANG BRAL BA'I PHYIR RANG GI MTSAN NYID DE KHO NAR BSTAN TE, ZHES GSUNGS PA'I PHYIR, DER YANG YONGS DAG GI SGRAS MA BSTAN PA'I RGYU MTSAN YOD DE, DER NI BSAM GTAN GYI SKYON BRGYAD KYIS MA DAG PA'I PHYIR, BSAM GTAN BZHI PAR DE RNAMS LA YONGS DAG GI SGRAS STON PA'I RGYU MTSAN YOD DE, DER BSAM GTAN GYI SKYON BRGYAD LAS GROL BA'I PHYIR, BSAM GTAN GSUM PA'I DRAN PA NI, DGA' BA'I KUN BKRIS LDOG PA'I DMIGS RNAM MI MDZED PAR 'DZIN PA'I DRAN PA YIN LA, SHES BZHIN DGA' BA'I KUN BKRIS 'BYUNG MI 'BYUNG DPYOD PAR BYED PA'I SEMS BYUNG DANG, BTANG SNYOMS NI @393A *, ,DGA' BA'I KUN BKRIS DANG BRAL BA NA, SEMS LHUN GRUB TU 'JUG PAR BYED PA'I 'DU BYED BTANG SNYOMS YIN NO, ,BSAM GTAN BZHI PA'I DRAN PA NI, BSAM GTAN GYI SKYON BRGYAD LDOG PA'I DMIGS RNAM MI BRJED PAR 'DZIN PA'I DRAN PA DANG, BTANG SNYOMS NI BSAM GTAN GYI SKYON BRGYAD LDOG PA NA, TING NGE 'DZIN LHUN GRUB TU 'JUG PA'I 'DU BYED BTANG SNYOMS YIN, 'DIR SHES BZHIN YAN LAG TU MA GSUNGS PA'I RGYU MTSAN YOD DE, 'DIR NI BSAM GTAN GYI SKYON BRGYAD 'BYUNG MI 'BYUNG RTOG PAR BYED MI DGOS PA'I PHYIR TE, BSAM GTAN GYI SKYON BRGYAD LOG NAS YUN RING DU LON PA'I PHYIR, SNGAR BSHAD PA RNAMS KYANG RGYU SNYOM 'JUG GI BSAM GTAN DANG, GZUGS MED KYI RNAM BZHAG BCOM LDAN 'DAS KYI MDO DANG BSTAN BCOS LAS RGYAS PAR SPYIR BSTAN PA RNAMS KYI DBANG DU BYAS PA YIN TE, ZHIB MOR DPYAD NA STONG NYID LA GNYIS SNANG NUB PA'I SEMS KYI BSAM GTAN DANG PO'I YAN LAG TU GYUR PA'I RTOG DPYOD MED PA'I PHYIR TE, DE NI KUN RDZOB PA'I RNAM PA CAN MA YIN LA, BSAM GTAN DANG PO'I RTOG DPYOD KUN RDZOB PA'I RNAM PA CAN YIN PA'I PHYIR TE, DE GNYIS NI, ZHI RAGS KYI DON LA RTZID PAR DPYOD PA DANG, ZHIB PAR DPYOD PA'I RNAM PA CAN YIN PA'I PHYIR, @393B BSAM GTAN BZHI PA THOB LA MA NYAMS PA'I BSAM GTAN DANG PO GSUM LA RTOG DPYOD DGA' BA'I KUN BKRIS DANG BCAS PA'I YID BDE SHES BZHIN RNAMS YAN LAG TU MI LDAN TE, DE RNAMS NI BSAM GTAN GYI SKYON BRGYAD DANG BRAL ZIN PA'I PHYIR, KHYAB STE, DE LTA MA YIN NA BSAM GTAN BZHI PA YANG DE RNAMS DANG LDAN PAR THAL BA'I SKYON YOD PA'I PHYIR, RGYAL BA RNAMS KYI THUGS RGYUD KYI BSAM GTAN DANG PO LTA BU LA TZAM PO DANG KHYAD PAR CAN GYI RNAM BZHAG MI 'THAD DE, DER BSAM GTAN GYI YAN LAG TU GYUR PA'I RTOG DPYOD MED PA'I PHYIR TE, DER NI YUL LA RTZID BA'I RNAM PAS 'JUG PA'I MKHYEN PA MED PA'I PHYIR TE; DE'I MKHYEN PA SKAD CIG MA GCIG GIS CHOS THAMS CAD MNGON SUM DU RTOGS NUS PAR BSHAD ZIN PA'I PHYIR, 'O NA DE'I THUGS RGYUD LA YANG DAG PA'I RTOGS PA MED PAR 'GYUR RO ZHE NA, SKYON MED DE, DE NI DAM PA'I CHOS STON PAR BYED PA'I NGAG KUN SLONG GI MKHYEN PA LA BRJOD PA TZAM YIN PA'I PHYIR, DE'I THUGS RGYUD LA GNYEN PO'I YAN LAG TU GYUR PA'I SHES BZHIN YOD PA MA YIN TE, DER SHES BZHIN GNYEN PO'I YAN LAG TU BZHAG PA LA DGOS PA MED PA'I PHYIR, DER NI BSAM GTAN GYI SKYON BRGYAD 'BYUNG BAR RTOG PAR BYED MI DGOS PA'I PHYIR, DE'I THUGS RGYUD LA TSOR BA BTANG SNYOMS CUNG ZAD KYANG MED DE, DE'I @394A *, ,THUGS RGYUD KYI TSOR BA LA BDE DBANG GIS KHYAB PA'I PHYIR, ZAG MED KYI TSOR BA RNAMS KYI NANG NAS BDE DBANG MCHOG TU GYUR PA'I PHYIR TE, DAG PA'I ZHING KHYAD PAR CAN RNAMS NA TSOR BA BTANG SNYOMS MED PAR GSUNGS PA'I PHYIR TE, BDE BA CAN GYI ZHING BKOD KYI MDO LAS, KUN DGA' BO DE NA SDUG BSNGAL YANG MIN, BDE BA YANG MIN PA'I TSOR BA'I SGRA YANG MED NA, SDUG BSNGAL DANG SDUG BSNGAL GYI SGRA YANG LTA GA LA YOD, CES GSUNGS PA'I PHYIR, RGYAL BA MI 'KHRUGS PA'I ZHING BKOD DANG, RGYAL BA DBANG PO'I RTOG GI ZHING GI BSNGAGS PA BRJOD PA'I DKON RTZEGS KYI MDO LAS KYANG DE KHO NA BZHIN DU GSUNGS PA'I PHYIR, MDOR NA ZHING DE RNAMS NA BZHUGS PA'I SEMS CAN GYI RGYUD LA TSOR BA BTANG SNYOMS MED PAR LUNG GIS GRUB PHYIN CHAD RGYAL BA RNAMS KYI THUGS RGYUD LA TSOR BA BTANG SNYOMS YOD PAR ZHEN PA 'GAL BA KHO NA YIN NO, ,RGYAL BA RNAMS KYI BSAM GZUGS BRGYAD NI NGO BO GCIG LA LDOG PA THA DAD THEG CHEN GYI MTHONG LAM BZOD PA BRGYAD PO LTA BU YIN TE, DE RNAMS LA DMIGS RNAM RGYU RKYEN BYED LAS YAN LAG SOGS MI 'DRA BA'I KHYAD PAR CUNG ZAD KYANG YOD PA MA YIN PA'I PHYIR TE, DE RNAMS STONG PA NYID LA GNYIS SNANG NUB PA'I @394B DANG NAS SHES BYA THAMS CAD MNGON SUM DU GTZIGS PA'I RNAM PA CAN DANG, TSOR BA NI BDE DBANG KHO NA DANG LDAN PA'I PHYIR TE, KUN BTUS LAS, GZUGS MED PA RNAMS NA NI YAN LAG RNAM PAR BZHAG PA MED DE, ZHI GNAS SU RO GCIG PA'I PHYIR RO, ,ZHES GSUNGS BA DANG, MDZOD 'GREL LAS, JI SKAD BSHAD PA'I SNYOM PAR 'JUG PA'I RDZAS DE DAG LAS BSAM GTAN RNAMS KHO NA LA YAN LAG RNAM PAR BZHAG GI GZUGS MED PA RNAMS LA NI MA YIN NO, ZHES GSUNGS PA DANG MI 'GAL TE, DE NI RGYU SNYOM 'JUG GI BSAM GTAN GZUGS MED 'CHAD PA'I RAGS RTZIS TZAM YIN PA'I PHYIR, GZHAN DU NA GZUGS MED KYI SNYOM 'JUG YIN NA STONG NYID RTOGS PA'I LHAG MTHONG MA YIN PAS KHYAB PAR THAL BA'I SKYON YOD PA'I PHYIR, 'DOD PAR MI NUS TE, KHAMS GSUM SA DGU LA BRTEN PA'I RNAM DAG SGOm LAM YOD PAR BSGRUBS ZIN PA'I PHYIR, RGYAL BA RNAMS KYIS ZAD PAR ZIL GNON, DRAN PA NYER BZHAG ,YANG DAG SPONG BA, RDZU 'PHRUL RKANG PA, DBANG PO, STOBS, BYANG CHUB YAN LAG, 'PHAGS LAM YAN LAG SOGS KYANG MI 'GAL TE, SNGAR BSHAD KYI RIGS PAS GO BAR NUS PA'I PHYIR, MNYAM RJES 'GAL BAR THAL, SNGAR BSHAD PA DE RNAMS 'GAL BA'I PHYIR, RTAGS KHAS SO, , @395A *, ,GSUM PA LA 'BRAS BU SKYE BA'I BSAM GTAN BSHAD PA DANG, 'BRAS BU SKYE BA'I GZUGS MED BSHAD PA DANG GNYIS, DANG PO LA, MTSAN NYID DBYE BA, MU BZHI BYED PA DANG GSUM, DANG PO NI, RGYU SNYOM 'JUG GI BSAM GTAN SGOM STOBS KYIS THOB PA'I RNAM SMIN GYI 'BRAS BU, RGYU MTHUN GYI 'BRAS BU, BDAG PO'I 'BRAS BU GSUM GANG RUNG GIS BSDUS PA, DANG PO NI, GZUGS KHAMS KYI TSOR BA LTA BU, GNYIS PA NI, DE'I RGYUD KYI BSAM GTAN GYI SNYOM 'JUG LTA BU, GSUM PA NI, GZUGS KHAMS KYI SNOD KYI 'JIG RTEN LTA BU, GNYIS PA NI, DE LA DBYE NA RNAM PA GSUM YOD DE, RGYU SNYOM 'JUG GI BSAM GTAN CHUNG NGU, 'BRING, CHEN PO SGOM PA LAS DE'I 'BRAS BU CHUNG DU, 'BRING, CHEN PO GSUM 'THOB PAR 'GYUR BA'I PHYIR TE, RGYU SNYOM 'JUG GI BSAM GTAN DANG PO CHUNG DU SGOM PAS TSANGS RIS, 'BRING DU SGOM PAS TSANGS PA'I MDUN NA 'DON CHEN POR SGOM PAS TSANGS CHIN, RGYU SNYOM 'JUG GI BSAM GTAN GNYIS PA GSUM PA BZHI PA RNAMS CHUNG DU, 'BRING CHEN PO SGOM PA LAS GO RIMS BZHIN DU 'OD CHUNG 'OD GSAL, TSAD MED 'OD, DGE CHUNG, TSAD MED DGE ,DGE RGYAS, SPRIN MED, BSOD NAMS SKYE, 'BRAS BU CHE BA RNAMS 'GRUB CING, SPEL SGOM @395B RNAM PA LNGA LA BRTEN NAS GNAS GCIG GI SKYE BA LNGA GRUB STE, KUN BTUS LAS, BSAM GTAN DANG PO LA CHUNG DUR YONGS SU SGOM PA DANG, 'BRING DANG CHEN POR YONGS SU SGOM PA'O, ,BSAM GTAN DANG PO LA JI LTAR BSAM GTAN LHAG MA RNAMS DANG, GZUGS MED RNAMS KYANG DE BZHIN NO, ,BSAM GTAN DANG PO LA CHUNG DU DANG, 'BRING DANG, CHEN PO YONGS SU SGOM PA'I 'BRAS BU NI, BSAM GTAN DANG PO NI SKYE BA GSUM MO, ,BSAM GTAN DANG PO LA JI LTA BAR BSAM GTAN LHAG MA RNAMS KYI'ANG DE BZHIN TE, BSAM GTAN SKYE BA RNAM PA GSUM GSUM MO, ,ZHES GSUNGS PA'I PHYIR, GSUM PA NI 'DOD KHAMS PA'I RGYUD KYI ZAG BCAS KYI BSAM GTAN RNAMS NI RGYU SNYOM 'JUG GI BSAM GTAN KHO NA YIN PA'I MU, GZUGS KHAMS KYI SNOD KYI 'JIG RTEN LTA BU 'BRAS BU SKYE BA'I BSAM GTAN KHO NA YIN PA'I MU, GZUGS KHAMS PA'I ZAG BCAS KYI BSAM GTAN RNAMS GNYIS KA YIN PA'I MU, MYANG 'DAS NI GNYIS KA MA YIN PA'I MU'O, ,RGYU SNYOMS 'JUG GI DON NI, 'KHOR BA'I RNAM SMIN GYI RGYUR GYUR BA'I ZAG BCAS KYI BSAM GZUGS LA SOGS PA'O, ,GNYIS PA LA, MTSAN NYID DANG, DBYE BA GNYIS, DANG PO NI, RGYU SNYOM 'JUG GI GZUGS MED SGOM STOBS KYIS THOB PA'I RNAM@396A *, ,SMIN GYI 'BRAS BU DANG, RGYU MTHUN GYI 'BRAS BU GANG RUNG GIS BSDUS PA, DANG PO NI, GZUGS MED KYI LHA DANG, DE'I RGYUD KYI PHUNG PO LTA BU, GNYIS PA NI DE'I RGYUD KYI ZAG BCAS KYI GZUGS MED KYI SNYOM 'JUG LTA BU, GNYIS PA NI, RGYU SNYOM 'JUG GI GZUGS MED CHUNG DU, 'BRING CHEN PO SGOM PA LAS, GZUGS MED KYI SKYE BA MTHO BA DANG, DMA' BA BZANG PO DANG NGAN PA RNAMS THOB PAR 'GYUR TE, KUN BTUS LAS, GZUGS MED PA NA NI, GNAS GZHAN MED PA'I PHYIR, SKYE BA THA DAD PA'ANG MED DO, ,DE NI CHUNG DU DANG, 'BRING DANG, CHEN PO YONGS SU SGOM PAS GZUGS MED PA RNAMS SU SKYE BA MTHON PO DANG, DMA' BA DANG, NGAN PA DANG, BZANG POR MNGON NO, ,ZHES GSUNGS PA'I PHYIR, MTHO DMAN GYI DON NI TSE RING THUNG DANG, BZANG NGAN NI NYON MONGS MANG NYUNG YIN NO, ,CHUNG DU, 'BRING, CHEN POR SGOM PA'I DON NI GUS SBYOR DANG RGYUN SBYOR GNYIS KA MED PAR SGOM PA NI CHUNG DUR SGOM PA DANG, GANG RUNG GCIG DANG BCAS TE SGOM PA 'BRING DU SGOM PA DANG, GNYIS KA DANG BCAS TE SGOM BA CHEN POR SGOM PA'O, ,'DIR YANG MU BZHI RTZI TSUL NI, SNGA MA BZHIN DU SHES PAR BYA ZHING GZUGS KHAMS KYI TSE TSAD LUS TSAD SNOD KYI CHAGS TSUL, GZUGS MED KYI TSE TSAD RNAMS KYANG @396B 'BRAS BU SKYE PA'I BSAM GZUGS 'CHAD PA'I SKABS 'DIR RGYAS PAR DNGOS SU MA BSHAD PA'I RGYU MTSAN YOD DE, BDEN BZHI 'CHAD PA'I SKABS DER BSTAN ZIN PA'I PHYIR, GNYIS PA NI, KHO NA RE, BSAM GTAN GYI YAN LAG RNAMS BSAM GTAN GYI DNGOS GZHI MIN PAR THAL, DE RNAMS BSAM GTAN GYI SBYOR BA NYER BSDOGS YIN PA'I PHYIR TE, ,NYI SNANG LAS, BSAM GTAN GYI DNGOS GZHI THOB PA NA DE'I YAN LAG YONGS SU MYA NGAN LAS 'DAS SO, ,ZHES GSUNGS PA'I PHYIR, ZHE NA MA KHYAB STE, DE NI NYER BSDOGS LA YAN LAG GI MING GIS BTAGS PA TZAM YIN PA'I PHYIR, DPER NA; LAM SHES KYI RGYU 'GA' ZHIG LA LAM SHES KYI YAN LAG TU BRJOD PA BZHIN, GZHAN YANG, BSAM GTAN GYI NYER BSDOGS DANG, BSAM GTAN GYI YAN LAG 'GAL TE, NYER BSDOGS RNAmS YAN LAG GIS MA ZIN PA'I PHYIR, ZHI LHAG CHA MI MNYAM PA'I RGYU MTSAN GYIS LAM DKA' BA DANG, DNGOS GZHI DE LAS LDOG PA'I RGYU MTSAN GYIS LAM SLA BA'I PHYIR TE, MDZOD LAS, BSAM GTAN DAG GI SA RNAMS SLA, ,SA GZHAN DAG NI DKA' BA YIN, ZHES DANG, DE'I 'GREL PAR, BSAM GTAN BZHI PO'I LAM NI SLA PA YIN TE, YAN LAG GIS YONGS SU ZIN PA DANG, ZHI GNAS LHAG MTHONG DANG @397A *, ,MNYAM PA DAG GIS 'BAD MI DGOS PAR RANG GI NGANG GIS 'BYUNG BA'I PHYIR RO, ,MI LCOGS PA MED PA DANG, BSAM GTAN KHYAD PAR CAN DANG, GZUGS MED PA RNAMS KYI LAM NI YAN LAG GIS YONGS SU MA ZIN PA'I PHYIR DANG, ZHI GNAS DANG LHAG MTHONG CHUNG BA'I PHYIR LAM DKA' BA YIN TE, MI LCOGS PA MED PA DANG, BSAM GTAN KHYAD PAR CAN NI ZHI GNAS CHUNG NGO, ,GZUGS MED PA DAG NI LHAG MTHONG CHUNG NGO, ,ZHES GSUNGS PA'I PHYIR, BSAM GTAN GYI YAN LAG RNAMS BSAM GTAN YIN TE, MDZOD 'GREL LAS, KHA CIG NI TING NGE 'DZIN GYI YAN LAG YANG YIN, BSAM GTAN YANG YIN LA, LHAG MA RNAMS YAN LAG YIN NO ZHES GRAGS SO, ,GZHAN DAG NI YAN LAG BZHI PA'I DMAG JI LTAR YAN LAG LNGA BA'I BSAM GTAN YANG DE BZHIN NO, ,ZHES GSUNGS PA'I PHYIR, YAN LAG BZHI PA'I DMAG NI, RTA DANG, GLANG PO CHE DANG, SHING RTA DANG, DPUNG BU CHUNG LA SOGS PA'I DMAG LTA BU, YAN LAG BZHI PA'I DMAG MA YIN KYANG DMAG YIN PA DE BZHIN DU, YAN LAG LNGA PA'I BSAM GTAN GYI YAN LAG RE RE BA RNAMS YAN LAG LNGA LDAN GYI BSAM GTAN MA YIN KYANG BSAM GTAN GYI DNGOS GZHI YIN ZHES PA'I DON NO, ,KHO @397B NA RE; LHA BYIN GYI YAN LAG LHA BYIN YIN PAR THAL, BSAM GTAN GYI YAN LAG BSAM GTAN YIN PA'I PHYIR, ZHE NA, MA KHYAB STE, 'PHAGS LAM GYI YAN LAG 'PHAGS LAM YIN NA, LHA BYIN GYI YAN LAG LHA BYIN YIN MI DGOS PA'I PHYIR, KHA CIG NA RE, RGYU SNYOM 'JUG GI BSAM GTAN DANG, 'BRAS BU SKYE BA'I BSAM GTAN 'GAL BAR THAL, SNGA MA YIN NA SBYOR BYUNG YIN DGOS, PHYI MA YIN NA SKYES THOB YIN DGOS PA'I PHYIR, ZHE NA, DANG PO MA GRUB STE, RGYU SNYOM 'JUG GI BSAM GTAN DANG PO DANG GNYIS PA LA CHOS NYID KYI STOBS KYIS THOB PA YOD PA'I PHYIR TE, MDZOD 'GREL LAS, GANG MI DAG GI NANG NA SEMS CAN GANG YANG RUNG BA BDAG NYID SLOB DPON MED PA CHOS NYID KYIS THOB PA'I BSAM GTAN DANG PO LA SNYOM PAR 'JUG PA DE LTA BU'I DUS KYANG YOD DE ,DE DE LAS LANGS NAS TSIG TU KYE NA DBEN PA LAS SKYES PA'I DGA' BA DANG BDE BA NI BDE BA'O, ,DBEN PA LAS SKYES PA'I DGA' BA DANG BDE BA NI ZHI BA YIN NO, ,ZHES SMRA LA, SGRA DE THOS NAS SEMS CAN GZHAN DAG KYANG SNYOM PAR 'JUG CING SHI NAS TSANGS PA'I 'JIG RTEN DU SKYE BAR 'GYUR TE, ZHES SOGS DANG, TSANGS PA'I 'JIG RTEN NA YANG SEMS CAN GANG YANG RUNG BZHIG CHOS NYID KYIS THOB PA'I BSAM GTAN GNYIS PA LA @398A *, ,SNYOM PAR 'JUG STE, LANGS NAS TSIG TU KYE MA TING NGE 'DZIN LAS SKYES PA'I DGA' BA DANG, BDE BA NI BDE BA YIN NO, KYE MA TING NGE 'DZIN LAS SKYES PA'I DGA' BA DANG BDE BA NI ZHI BA YIN NO, ,ZHES SMRA LA, SEMS CAN GZHAN DAG GIS KYANG SGRA DE THOS NAS SNYOM PAR 'JUG CING SHI NAS KYANG 'OD GSAL GYI LHA DAG GI NANG DU SKYE BAR 'GYUR RO, ,ZHES GSUNGS PA'I PHYIR, RGYU SNYOM 'JUG GI BSAM GTAN YIN NA SBYOR BA NYER BSDOGS LAS THOB MI DGOS TE, 'DI LA CHOS NYID KYI STOBS KYIS THOB PA YOD PA'I PHYIR, DE BZHIN DU NYON MONGS RKYANG BA'I CHA LAS RNAM PAR GROL PA'I DGRA BCOM PA'I RGYUD LA 'BYUNG BAR 'GYUR BA'I BSAM GTAN GYI DNGOS GZHI GNYIS PA YAN CHAD KYI SA BSDUS PA'I DNGOS GZHI'I SNYOM 'JUG RNAMS DE DANG DE'I NYER BSDOGS SGOM PA'I 'BAD RTZOL LA MI LTOS PAR THOB STE, GZHAN DU NA KHAMS GSUM GYI NYON MONGS ZAD PAR SPANGS KYANG 'OG SA LAS 'DA' BAR BYA BA'I PHYIR NYER BSDOGS SGOM PA'I SKYON DU 'GYUR BA'I PHYIR, NYON MONGS RKYANG BA'I CHA LAS RNAM PAR GROL BA'I DGRA BCOM PA'I RGYUD KYI 'DAS LAM RNAMS KYANG BSAM GTAN DANG PO'I NYER BSDOGS YIN TE, DE DAG GIS BSAM GTAN GYI DNGOS GZHI MA THOB PA'I PHYIR, NYER BSDOGS BDUN @398B GYI NANG NAS SBYOR BA MTHAR THUG PA'I 'BRAS BU YID LA BYED PA YIN TE, DE LAS GZHAN DU MI 'THAD PA'I PHYIR TE, DE SBYOR BA MTHA'I YID BYED MA YIN PA'I PHYIR TE, DES NYON MONGS ZAD PAR SPANGS PA'I PHYIR, SBYOR BA MTHA'I YID BYED BSAM GTAN DANG PO'I NYER BSDOGS KYIS BSDUS PA DE 'DOD NYON CHUNG NGU'I CHUNG DU'I GNYEN POR ,NYAN SA LAS GSUNGS PAR BSGRUBS ZIN PA'I PHYIR, GZHAN YANG, BSAM GTAN GYI DNGOS GZHI MA THOB PA'I DGRA BCOM PA MI SRID PAR THAL, NYON MONGS RKYANG BA'I CHA LAS RNAM PAR GROL BA'I DGRA BCOM PA DES BSAM GTAN GYI DNGOS GZHI THOB PA'I PHYIR, DER THAL, DE'I RGYUD KYI 'DAS LAM DE NYER BSDOGS BDUN PO GANG YANG MA YIN PA'I PHYIR, RTAGS KHYAB DNGOS, KHYAB STE, NYON MONGS RNAM SBYONG GI NYER BSDOGS LA BDUN YOD PAR GSUNGS SHING, BDUN LAS MANG BA GANG NAS KYANG MA BSHAD PA'I PHYIR, DANG PO GRUB STE, DE LA 'DOD PA LA 'DOD CHAGS DANG BRAL BAR BYA BA'I PHYIR, RAB TU RTZON PA'I RNAL 'BYOR BAS YID LA BYED PA RNAM PA BDUN GYIS 'DOD PA LA 'DOD CHAGS DANG BRAL BA RJES SU MTHUN PA THOB STE, ZHES SOGS GSUNGS PA'I PHYIR, GZHAN YANG, BSAM GTAN DANG PO'I NYER BSDOGS SU GYUR PA'I NYON MONGS RNAM SBYONG GI NYER BSDOGS LA BDUN MED BAR THAL, DE'I SBYOR BA MTHAR THUG PA'I @399A *, ,'BRAS BU YID LA BYED PA DE'I NYER BSDOGS MA YIN PA'I PHYIR ,RTAGS KHAS SO, 'DOD NA, NYAN SA DANG, KUN BTUS KYI DGONGS PA YAB SRAS RNAMS KYIS GSAL BAR BSHAD PA'I NYER BSDOGS 'CHAD PA'I RNAM BSHAD RNAMS DANG 'GAL LO, YANG KHA CIG NA RE, BSAM GTAN DANG PO'I MTHAR THUG PA'I 'BRAS BU YID LA BYED PA NI DE'I DNGOS GZHI YIN PAR THAL, DE THOB PA NA BSAM GTAN GYI DNGOS GZHI THOB PAR BSHAD PA'I PHYIR, ZHE NA MA KHYAB STE, DE THOB PA'I GANG ZAG GI RGYUD LA BSAM GTAN GYI DNGOS GZHI YOD PA LA DGONGS PA'I PHYIR, DPER NA SA THOB PA'I TSE YON TAN BRGYA PHRAG BCU GNYIS THOB CING ,KUN SBYOR GSUM PO SKYE BA'I PHUNG KHAMS SKYE MCHED SOGS SPANGS PAR GSUNG KYANG SA THOB MA THAG NAS KUN SBYOR GSUM SPANGS PA'I NGES PA MED PA BZHIN NO; DES NA SBYOR PA MTHAR THUG PA'I 'BRAS BU YID LA BYED PA 'DI LA DNGOS GZHIS BSDUS PA DANG, NYER BSDOGS KYIS BSDUS PA GNYIS YOD DE, TSOR BA BTANG SNYOMS DANG MTSUNGS PAR LDAN PA'I BSAM GTAN DANG PO'I SBYOR BA MTHAR THUG PA'I 'BRAS BU YID LA BYED PA YOD PA NI GANG ZHIG DE NI BSAM GTAN GYI DNGOS GZHI'I SNYOM 'JUG MA YIN LA, DE LAS GZHAN PA'I SBYOR PA MTHAR THUG PA'I 'BRAS @399B BU YID BYED PHAL CHER DNGOS GZHI YIN PA'I PHYIR, DANG PO GRUB STE, BSAM GTAN DANG PO'I SBYOR BA MTHAR THUG PA'I 'BRAS BU YID BYED THOB KYANG TSOR BA YID BDE'I DBANG POR 'PHO MI NUS PA'I GANG ZAG YOD PA'I PHYIR TE, DE THOB KYANG DBANG PO 'PHO BAR MI NUS PA'I GANG ZAG DBANG RTUL YOD PA'I PHYIR, DGRA BCOM THOB KYANG DBANG PO RTUL PO NAS THEG DMAN DBANG RNON DU 'PHO BAR MI NUS PA YOD PA GANG ZHIG RIGS PA MTSUNGS PA'I PHYIR, GNYIS PA GZHUNG DON NI, MDO LAS, SH'A RI'I BUS SMRAS PA GANG PO JI TZAM GYIS NA BYANG CHUB SEMS DPA' SEMS DPA' CHEN PO THEG PA CHEN PO LA YANG DAG PAR 'JUG PA DANG, THEG PA CHEN PO LA 'DZEG PAR 'GYUR BA YIN, GANG POS SMRAS PA, TSE DANG LDAN PA SH'A RI'I BU 'DI LA BYANG CHUB SEMS DPA' SEMS DPA' CHEN PO SBYIN PA'I PHA ROL TU PHYIN PA LA SPYOD CING 'DOD PAS DBEN, SDIG TO MI DGE BA'I PHYOGS KYIS DBEN PA RTOG PA DANG BCAS DPYOD PA DANG BCAS PA DBEN PA LAS SKYES PA'I DGA' BA DANG BDE BA CAN BSAM GTAN DANG PO NYE BAR BSGRUBS TE GNAS SO, ,DE BZHIN DU BSAM GTAN GNYIS PA DANG, GSUM PA DANG, BZHI PA NYE BAR BSGRUBS TE GNAS SO, ,DE BZHIN DU NA MA MKHA' MTHA' YAS SKYE MCHED DANG, RNAM SHES MTHA' YAS SKYE MCHED DANG, CI YANG MED PA'I SKYE MCHED DANG, 'DU SHES MED 'DU @400A *, ,SHES MED MIN SKYE MCHED LA SNYOM PAR 'JUG STE, 'DI DAG NI, BYANG CHUB SEMS DPA' SEMS DPA' CHEN PO'I BSAM GTAN DANG GZUGS MED PA'O, ,ZHES GSUNGS, DE'I DON BSDU BA NI, GZHUNG 'DI YIN LA, 'DI LTA BU'I GZHUNG GSUNGS PA CHOS CAN, DGOS PA YOD DE, GO SGRUBS BSTAN PA'I 'OG TU 'JUG SGRUBS BSTAN PA'I CHED YIN PA'I PHYIR, DE LTAR STON PA'I RGYU MTSAN YOD DE, DAM PA'I CHOS MTHA' DAG NYAMS SU LEN BAR 'DOD PA'I PHYIR BSAM PAS GO BGOS PA LAS DAM CHOS MTHA' DAG SBYOR BAS NYAMS LEN LA 'JUG PA'I SGRUB PA GDON MI ZA BAR 'BYUNG BA'I PHYIR TE, LUS NGAG GI BYA BA RNAMS NI KUN SLONG GI BSAM PA KHO NA'I RJES SU 'GRO LDOG BYED PA'I PHYIR, DAM PA'I CHOS MTHA' DAG NYAMS SU LEN PA'I SBYOR BA'I RTZON 'GRUS GTZO BOR GYUR PA'I SEMS DPA'I RNAL 'BYOR GANG ZHIG ,BYANG SEMS KYI SBYOR LAM DROD THOB PA'I RGYUD KYIS BSDUS PA 'JUG SGRUB KYI MTSAN NYID, DBYE NA RNAM PA DGU YOD DE, BSAM GTAN GZUGS MED NYAMS LEN LA 'JUG PA'I SGRUB PA NAS RNAM MKHYEN LA 'JUG PA'I SGRUB PA'I BAR RNAMS SU YOD PA'I PHYIR, 'JUG SGRUB LA DGUR GRANGS NGES TE, 'JUG YUL DGUR GRANGS NGES PA'I PHYIR TE, 'JUG YUL LA 'JIG RTEN @400B PA DANG MTHUN PA'I DAM CHOS DANG 'JIG RTEN LAS 'DAS PA'I DAM CHOS GNYIS SU GRANGS NGES PA'I PHYIR, BYANG SEMS SBYOR LAM PA'I RGYUS KYI BSAS GTAN GZUGS MED KYI SNYOM 'JUG NYAMS SU LEN PA'I SEMS DPA'I RNAL 'BYOR CHOS CAN, 'JUG SGRUB YIN TE, DAM PA'I CHOS MTHA' DAG SBYOR BAS NYAMS SU LEN PA'I BRTZON 'GRUS GTZO BOR GYUR PA'I BYANG SEMS KYI SBYOR LAM YIN PA'I PHYIR, ` BYAMS LA SOGS LA 'JUG PA'I SGRUB PA, ZHES SOGS KYI SKABS SU, SPYI DON DANG, GZHUNG DON GNYIS, DANG PO LA, MTSAN NYID, DBYE BA, SA MTSAMS, SGRA BSHAD DANG BZHI, DANG PO LA THEG PA CHEN PO'I LUGS DANG, MDZOD PA'I LUGS GNYIS, DANG PO NI, RANG GI BDAG RKYEN BSAM GTAN GYI DNGOS GZHI'I SEMS LA BRTEN NAS SEMS CAN RNAMS LA BRTZE SOGS KYI RNAM PAR YANG DAG PAR SBYOR BA'I TING NGE 'DZIN SHES RAB MTSUNGS LDAN DANG BCAS PA'I RIG PA DE, TSAD MED KYI MTSAN NYID YIN TE, RGYAN LAS, SEMS CAN RNAMS LA BRTZE BA CAN, ,PHRAD DANG BRAL BA'I DGONGS PA CAN, ,MI BRAL BA YI DGONGS PA CAN, ,PHAN DGONGS KHYOD LA PHYAG 'TSAL LO, ,ZHES DANG, KUN BTUS LAS, YON TAN 'DI RNAMS JI LTAR MNGON PAR SGRUB CE NA, PHYI ROL PA'AM, NYAN THOS SAM, BYANG CHUB SEMS DPA' YANG RUNG STE, DAG PA'I BSAM GTAN @401A *, ,BZHI LA BRTEN NAS TSAD MED PA RNAMS MNGON PAR BSGRUB BO, ,ZHES BSAM GTAN GYI DNGOS GZHI LA BRTEN DGOS PAR GSUNGS SO, ,GNYIS PA NI, MDZOD LAS, SPYOD YUL 'DOD PA'I SEMS CAN RNAMS, ,DGA' BA BSAM GTAN GNYIS NA YOD, ,GZHAN NI DRUG NA KHA CIG LNGA, ZHES DANG, DE DAG GI 'GREL PAR, 'DI DAG GI DMIGS PA NI 'DOD PA NA SPYOD PA'I SEMS CAN RNAMS YIN TE, ZHES DANG, DGA' BA NI BSAM GTAN DANG PO DANG GNYIS PA NA YOD DE, YID BDE BA YIN PA'I PHYIR RO, ,ZHES DANG, TSAD MED PA GZHAN GSUM NI DRUG PA MI LCOGS MED PA DANG, BSAM GTAN KHYAD PAR CAN DANG, BSAM GTAN RNAMS NA YOD DO, ,ZHES DANG, KHA CIG NI 'DI DAG MI LCOGS PA MED PA MA GTOGS PA LNGA NA YOD PAR 'DOD DO, ,GZHAN DAG NA RE, 'DOD PA'I KHAMS DANG NYER BSNGOGS RNAMS SNANG NAS BCU YOD DO, ,ZHES ZER TE, ZHES SOGS GSUNGS SO, RANG LUGS NI SNGA MA LTAR RO, ,GNYIS PA NI DE LA BYAMS PA TSAD MED, SNYING RJE TSAD MED, DGA' BA TSAD MED, BTANG SNYOMS TSAD MED DANG BZHI'O, ,TSAD MED GANG ZHIG SEMS CAN RNAMS BDE BA DANG LDAN PAR 'DOD PAS RAB TU PHYE BA, DE GANG ZHIG ,SDUG BSNGAL DANG BRAL BAR 'DOD PAS RAB TU PHYE BA, DE @401B GANG ZHIG ,BDE BA DANG MI BRAL BAR 'DOD PAS RAB TU PHYE BA, DE GANG ZHIG ,NYON MONGS PA DANG MI LDAN PAR 'DOD PAS RAB TU PHYE BA RNAMS GO RIMS GZHIN DU BZHI PO SOO'I MTSAN NYID DU BZHAG PAR BYA BA YIN TE; KUN BTUS LAS, BYAMS PA GANG ZHE NA BSAM GTAN LA BRTEN TE SEMS CAN RNAMS LA PHAN PA DANG PHRAD PAR SHOG CIG PA'I BSAM PA'I GNAS PA YANG DAG PAR 'BYOR BA'I TING NGE 'DZIN DANG SHES RAB GANG YIN PA DANG, DE DAG DANG MTSUNGS PAR LDAN PA'I SEMS DANG SEMS LAS BYUNG BA'I CHOS RNAMS SO, ,SNYING RJE GANG ZHE NA, BSAM GTAN LA BRTEN TE SEMS CAN RNAMS SDUG BSNGAL DANG BRAL BAR SHOG CIG PA'I BSAM PA'I SHES PA SNGA MA BZHIN NO, DGA' BA GANG ZHE NA, BSAM GTAN LA BRTEN TE SEMS CAN RNAMS BDE BA DANG MI BRAL BAR SHOG CIG PA'I BSAM PA'I SHES PA SNGA MA BZHIN NO, , BTANG SNYOMS GANG ZHE NA, BSAM GTAN LA BRTEN TE, SEMS CAN RNAMS LA PHAN PA'I BSAM PA'I GNAS PA YANG DAG PAR 'BYOR BA'I SHES PA SNGA MA BZHIN NO, ,ZHES GSUNGS SHING, RGYAN LAS KYANG, PHRAD DANG BRAL BA'I DGONGS PA CAN, PHAN DGONGS KHYOD LA, ZHES GSUNGS PA'I PHYIR, BSTAN PA BYANG CHUB SEMS DPA'I THUGS RGYUD KYI TSAD MED NI KHYAD CHOS BZHI LDAN YIN TE, MI MTHUN PHYOGS @402A *, ,SPANGS PA'I KHYAD PAR, MI RTOG YE SHES KYIS ZIN PA'I KHYAD PAR, DMIGS PA RNAM PA GSUM LA 'JUG PA'I KHYAD PAR, SEMS CAN RNAMS SMIN PAR BYED PA'I KHYAD PAR RNAMS DANG LDAN PA'I PHYIR TE, RGYAN LAS, BSTAN PA'I TSANGS PA MI MTHUN SPANG, ,RNAM PAR MI RTOG YE SHES LDAN, ,DMIGS PA RNAM PA GSUM LA 'JUG ,SEMS CAN RNAMS NI YONGS SMIN BYED, ,CES DANG, DE'I 'GREL BAR, TSANGS PA'I GNAS PA NI TSAD MED PA BZHI STE BYAMs PA DANG, SNYING RJE DANG, DGA' BA DANG, BTANG SNYOMS SO, ,BYANG CHUB SEMS DPA'I TSAD MED PA DE DAG KYANG MTSAN NYID BZHIR RIG PAR BYA STE; MI MTHUN PA'I PHYOGS SPANGS PA DANG, GNYEN PO'I KHYAD PAR DANG LDAN PA DANG, DMIGS PA RNAM PA GSUM LA 'JUG PA'I KHYAD PAR TE, 'DI LTAR DE DAG NI SEMS CAN RNAMS LA DMIGS PA DANG, CHOS LA DMIGS PA DANG, DMIGS PA MED PA'O, ,LAS KYI KHYAD PAR NI SEMS CAN YONGS SU SMIN PAR BYED PA'I PHYIR RO, ,ZHES GSUNGS PA'I PHYIR, SNYING RJE TSAD MED GANG ZHIG ,'KHOR BA'I SDUG BSNGAL GYIS MNAR BAS KHYAD PAR DU BYAS NAS SEMS CAN LA DMIGS NAS DE NYID SDUG BSNGAL DANG BRAL BAR 'DOD PAS RAB TU PHYE BA, SEMS CAN TZAM LA DMIGS PA'I SNYING RJE TSAD MED KYI @402B MTSAN NYID, SEMS CAN MI RTAG PAR TSAD MAS GRUB ZIN PA'I GANG ZAG GI RGYUD KYI TSAD MED GANG ZHIG ,MI RTAG PAS KHYAD PAR DU BYAS PA'AM BTAGS YOD KYI KHYAD PAR DU BYAS PA GANG RUNG GI SEMS CAN LA DMIGS NAS DE NYID SDUG BSNGAL DANG BRAL BAR 'DOD PAS RAB TU PHYE BA, CHOS LA DMIGS PA'I SNYING RJE TSAD MED KYI MTSAN NYID, SEMS CAN CHOS BDAG GIS STONG PAR TSAD MAS GRUB ZIN PA'I GANG ZAG GI RGYUD KYI SNYING RJE TSAD MED GANG ZHIG CHOS KYI BDAG MED PAS KHYAD PAR DU BYAS PA'I SEMS CAN LA DMIGS NAS DE NYID SDUG BSNGAL DANG BRAL BAR 'DOD PAS RAB TU PHYE BA, DMIGS MED LA DMIGS PA'I SNYING RJE TSAD MED KYI MTSAN NYID YIN TE, DE SKAD DU'ANG RGYAN LAS BSTAN PA RNAMS KYI DE DAG BDEN 'DOD DANG, SDUG BSNGAL GYIS NYAMS DAG DANG BDE BA DANG, NYON MONGS CAN DANG DE DAG BSTAN BCOS DANG, DE YI DE BZHIN NYID LA RAB TU 'JUG ,CES DANG, 'GREL BAR SEMS CAN LA DMIGS PA NI BDE BA 'DOD NAS SEMS CAN GYI TSOGS NYON MONGS PA CAN GYI BAR LA 'JUG STE, ZHES DANG, CHOS LA DMIGS PA NI DE DAG LA BRTEN PA'I CHOS LA STE, GANG LA GNAS PA DE DAG BSTAN PA'I CHOS LA 'JUG ,DMIGS PA MED PA NI DE'I DE BZHIN NYID LA 'JUG STE DE DAG RNAM PAR MI RTOG PA'I PHYIR, DMIGS PA MED PA DANG 'DRA BAS NA DMIGS PA @403A *, ,MED DO, ,ZHES GSUNGS SHING, 'JUG PAR, DANG POR NGA ZHES BDAG LA ZHEN GYUR CING, ,BDAG GI 'DI ZHES DNGOS LA CHAGS SKYED PA, ,ZO CHUN 'PHYAN LTAR RANG DBANG MED PA YI, , 'GRO LA SNYING RJER GYUR GANG DE LA 'DUD, ,'GRO BA GA-YO BA'I CHU YI NANG GI ZLA BA LTAR, ,GA-YO DANG RANG BZHIN NYID KYI STONG PAR MTHONG BA YI, ,ZHES SEMS CAN LA DMIGS PA'I SNYING RJE SOGS DMIGS PA'I SGO NAS MI 'DRA BA'I KHYAD PAR GSUNGS SHING 'DZIN STANG GI RNAM PA MI 'DRA BA'I SGO NAS KHYAD PAR MA PHYA BA'I PHYIR NA SNYING RJE PHYI MA GNYIS KYIS SEMS CAN MI RTAG PA DANG CHOS KYI BDAG MED DU RTOGS PAR 'DOD PA RNAMS NI RIGS PAR DBU MA 'JUG PA'I tIKA CHEN DGONGS PA RAB GSAL LAS GSAL BAR GSUNGS PA DANG, RNAM BSHAD SNYING PO RGYAN, THAR LAM GSAL BYED SOGS LAS GSUNGS PA RNAMS DON GCIG KHO NAR SNANG NGO, TSAD MED GZHAN GSUM NI DMIGS PA'I SGO NAS MI 'DRA BA'I KHYAD PAR GSUM GSUNGS TSUL YANG 'DI LA BRTEN NAS SHES PAR BYA'O, ,BYANG CHUB SEMS DPA'I SNYING RJE BYE BRAG TU BSHAD PA NI, RGYAN LAS, BDE DANG SDUG BSNGAL DE RGYU LAS, ,BYANG CHUB SEMS DPA'I SNYING RJE STE, ,RGYU DANG BSHES GNYEN RANG BZHIN LAS, ,BYANG CHUB SEMS DPA'I SNYING RJE'O, ,ZHES DANG, RAB 'BAR @403B DGRA YI DBANG DU SONG, ,SDUG BSNGAL GYIS GNON MUN PAS BSGRIBS, ,BGROD DKA' LAM LA KUN TU ZHUGS, ,'CHING BA CHE DANG YANG DAG LDAN, ,ZAS CHEN DUG DANG 'DRES LA ZHEN, ,LAS NI RAB TU GTOR GYUR PA, ,LAM GOL RAB ZHUGS STOBS CHUNG BA'I, ,SEMS CAN RNAmS PA SNYING RJE'O, ,ZHES DANG, BKREN LA BRTZE DANG MTSUNGS PA LA BRTZE DANG, ,KUN 'KHRUGS LA BRTZE BAG MED RNAMS LA BRTZE, ,YUL GYI GZHAN DBANG CAN LA SNYING RJE DANG, ,LOGS PAR MNGON PAR ZHEN LA SNYING RJE'O, ,ZHES SO, DE RNAMS KYI DON NI, BYANG CHUB SEMS DPA'I SNYING RJE NI RGYU RKYEN MTHA' YAS PA LAS 'KHRUNGS TE, SNGON SNYING RJE GOMS PA'I RGYU LA BRTEN NAS TSOR BA BDE SDUG BTANG SNYOMS GSUM GYI GZHAN DBANG DU GYUR TE, PHYIN DRUG GI MI MTHUN PHYOGS LHAG PAR BSTEN PA'I GANG ZAG RNAMS LA DMIGS NAS BSHES GNYEN DAM PA'I 'BRAS BU LAS SNYING RJE SKYE ZHES PA'O, ,MDOR NA THA MAL PA RNAMS KHONG KHRO DANG CHAGS PA LHAG PAR 'PHEL PA'I SEMS CAN RNAMS LA SEMS DPA' CHEN PO RNAMS DUG ZOS NYEN PA'I BU LA BRTZE BA'I MA BZHIN DU, THUGS RJE LHAG PAR 'PHEL BAS NA, 'GRAN ZLA MED PA'I MGON SKYABS DANG DPUNG GNYEN DAM PA LAGS PAS GUS PAR BSTEN CING GSOL BA 'DEBS PA SOGS LA 'BAD PAR ZHU, , @404A *, ,GSUM PA NI, LAM MA ZHUGS NAS SANGS RGYAS KYI SA'I BAR NA YOD DE, SNYING RJE DANG PO PHYI ROL PA DANG THUN MONGS BA, GNYIS PA NYAN RANG DANG THUN MONG BA, GSUm PA SANGS RGYAS DANG BYANG SEMS THUN MONGS PAR BYANG SA LAS GSUNGS SO, ,'O NA BLO GROS MI ZAD PA BSTAN PA'I MDO LAS, THOG MAR SKYED PA'I BYANG SEMS KYI BYAMS PA NI SEMS CAN LA DMIGS PA'O, SPYOD PA LA ZHUGS PA'I BYANG SEMS KYI BYAMS PA NI, CHOS LA DMIGS PA'O, ,MI SKYE BA'I CHOS LA BZOD PA THOB PA'I BYANG SEMS KYI BYAMS PA NI DMIGS PA MED PA LA DMIGS PA'O, ,ZHES GSUNGS PA DANG 'GAL LO ZHE NA MI 'GAL TE, DE NI DE DANG DE'I MTHUN MONGS MIN PA'I THOB BYAR GYUR PA'I BYAMS PA SOGS LA DGONGS PA TZAM YIN PA'I PHYIR, DPER NA SA GSUM PAR BSAM GTAN GZUGS MED KYI MNGON SHES THOB PAR SA BCU BA'I MDO LAS GSUNGS PA BZHIN NO, ,BZHI PA NI, 'BUM GYI GNOD 'JOMS SU, SEMS CAN TSAD MED PA LA DMIGS PA DANG, TSOGS TSAD MED PA'I RGYUR GYUR PA DANG, CHOS TSAD MED PA THOB PA'I RGYUR GYUR PA DANG, YE SHES TSAD MED PA'I SPYOD YUL DU GYUR PA'I PHYIR TSAD MED PA ZHES BYA'O, ,ZHES GSUNGS PA LTAR RO, ,GNYIS PA GZHUNG DON NI, BYANG SEMS SBYOR LAM PA'I BYAMS @404B SOGS TSAD MED BZHI NYAM SU LEN PA'I RNAL 'BYOR CHOS CAN, 'JUG PA'I SGRUB PA YIN TE, DAM PA'I CHOS MTHA' DAG SBYOR BA'I BRTZON GRUS GTZO BOR GYUR PA'I SGO NAS NYAMS SU LEN PA'I SEMS DPA'I RNAL 'BYOR GANG ZHIG ,BYANG SEMS KYI SBYOR LAM THOB ZIN PA'I GANG ZAG GI RGYUD KYIS BSDUS PA'I PHYIR, ` ZHI GNAS LHAG MTHONG BCAS PA DANG, ZHES SOGS KYI SKABS SU, SPYI DON DANG, GZHUNG DON GNYIS, DANG PO LA RANG LUGS BZHAG PA DANG RTZOD PA SPANGS PA GNYIS, DANG PO LA, ZHI LHAG SGOM PA'I PHAN YON, DE GNYIS TING NGE 'DZIN KUN GYI BSDUD BYED DU BSTAN PA, ZHI LHAG GI NGO BO, GNYIS KA SGOM DGOS PA'I RGYU MTSAN, GO RIM NGES TSUL, SO SO'I BSLAB TSUL DANG DRUG ,DANG PO NI, THEG PA CHE CHUNG GI YON TAN, 'JIG RTEN DANG 'JIG RTEN LAS 'DAS PA THAMS CAD ZHI LHAG GI 'BRAS BUR DGONGS 'GREL LAS GSUNGS SO, GNYIS PA NI, THEG PA CHE CHUNG GI TING NGE 'DZIN MTHA' YAS PA BKA' STZAL PA THAMS CAD KYANG ZHI LHAG GI BSDUS PAR DGONGS 'GREL LAS GSUNGS PAS NA, TING NGE 'DZIN DON DU GNYER BA RNAMS KYIS GSAL BA'I DBYE BA MTHA' YAS PA RTZA DANG DPYAD MI NUS PAS TING NGE 'DZIN KUN GYI SPYI'I 'CHING, ZHI LHAG GI SKYONG TSUL LEGS PAR RTZAD DPYAD DE TSUL BZHIN DU BSLAB PAR BYA'O, , @405A *, ,GSUM PA NI, DGONGS 'GREL LAS, DE GCIG PU DBEN PAR 'DUG STE NANG DU YANG DAG BZHAG NAS JI LTAR LEGS PAR BSAM PA'I CHOS DE DAG NYID YID LA BYED CING SEMS GANG GIS YID LA BYED PA'I SEMS DE NI NANG DU RGYUN CHAGS SU YID LA BYED PAS YID LA BYED DO, ,DE LTAR BZHUGS SHING DE LA LAN MANG DU GNAS PA DE LA LUS SHIN TU SBYANGS PA DANG, SEMS SHIN TU SBYANGS PA BYUNG BA GANG YIN PA DE NI ZHI GNAS SHES BYA STE, ZHES DANG, DE LUS SHIN TU SBYANGS PA DANG, SEMS SHIN TU SBYANGS PA DE THOB NAS DE NYID LA GNAS TE SEMS KYI SKYON RNAMS SPANGS NAS JI LTAR BSAM PA'I CHOS NYID NANG DU TING NGE 'DZIN GYI SPYOD YUL GZUGS BRNYAN DU SO SOR RTOG PAR BYED, MOS PAR BYED DO, ,DE LTAR TING NGE 'DZIN GYI SPYOD YUL GZUGS BRNYAN DE DAG LA SHES BYA'I DON DE RNAM PAR 'BYED PA DANG, RAB TU RNAM PAR 'BYED PA DANG, YONGS SU RTOG PA DANG, YONGS SU DPYOD PA DANG, BZOD PA DANG, 'DOD PA DANG, BYE BRAG 'BYED PA DANG, LTA BA DANG, RNAM PAR RTOG PA GANG YIN PA DE NI LHAG MTHONG ZHES BYA STE, DE LTAR NA BYANG CHUB SEMS DPA' LHAG MTHONG LA MKHAS PA YIN NO, ,ZHES GSUNGS, DE LA RNAM PAR 'BYED PA NI JI SNYED PA 'BYED PA @405B DANG, RAB TU RNAM PAR 'BYED PA NI JI LTA BA 'BYED PA DANG, RTOG PA NI RTZING BAR RTOG PA YIN LA, DPYOD PA NI ZHIB PAR DPYOD PA'O, ,ZHES BYANG CHUB LAM GYI RIMS PA LAS GSUNGS SO, ,DKON MCHOG SPRIN LAS, ZHI GNAS NI SEMS RTZE GCIG PA'O, ,LHAG MTHONG NI SO SOR RTOG PA'O, ,ZHES DANG, RGYAN LAS, CHOS KYI MING NI BSDOMS PA'ANG 'DI, ,ZHI GNAS LAM DU SHES PAR BYA, ,ZHES DANG, YANG GNAS PA LA BRTEN NAS NI, ,SEMS LA SEMS SU 'JOGS PHYIR DANG, ,CHOS RAB RNAM PAR 'BYED PA'I PHYIR, ZHI GNAS DANG NI LHAG MTHONG YIN, ,ZHES YANG DAG PA'I TING NGE 'DZIN LA BRTEN NAS SEMS 'JOGS PA ZHI GNAS DANG, CHOS RAB TU RNAM PAR 'BYED PA'I SHES RAB LA LHAG MTHONG DU GSUNGS LA, BYANG SA, SGOM RIMS SOGS LAS KYANG DE LTAR GSUNGS SO, , DES NA, RANG GI BDAG RKYEN DU GYUR PA'I SEMS GNAS PA'I THABS DGU LA BRTEN ZHING, LUS SEMS SHIN TU SBYANGS PA'I BDE BA KHYAD PAR CAN GYIS ZIN PA'I TING NGE 'DZIN MTSUNGS LDAN DANG BCAS PA'I RIGS SU GNAS PA'I RIG PA, ZHI GNAS KYI MTSAN NYID, RANG GI BDAG RKYEN DU GYUR PA'I ZHI GNAS LA BRTEN NAS BSAM PA'I DON LA RIGS PAS RNAM PAR DPYAD PA'I STOBS KYIS LUS SEMS@406A *, ,SHIN SBYANGS KYI BDE BA 'DREN PAR NUS PAS RAB TU PHYE BA'I SHES RAB MTSUNGS LDAN DANG BCAS PA'I RIGS SU GNAS PA'I RIG PA, LHAG MTHONG GI MTSAN NYID, DE GNYIS LA DBYE NA, JI LTA BA LA DMIGS PA'I ZHI LHAG DANG, JI SNYED PA LA DMIGS PA'I ZHI LHAG GNYIS, SA MTSAMS NI LAM MA ZHUGS NAS SANGS RGYAS KYI SA'I BAR NA YOD DE, JI SNYED PA LA DMIGS PA'I ZHI LHAG PHYI ROL PA RNAMS KYI RGYUD LA YANG YOD PA'I PHYIR TE, BSAM GTAN DANG PO'I MOS PA LAS BYUNG BA'I YID BYED KYI NYER BSNGOGS THOB NA JI SNYED PA LA DMIGS PA'I LHAG MTHONG THOB PAS KHYAB PA'I PHYIR, JI LTA BA LA DMIGS PA'I ZHI GNAS TSOGS LAM NA YOD CING, LHAG MTHONG NI SBYOR LAM YAN CHAD KHO NAR YOD LA, 'DI LA DGONGS NAS JI LTA BA LA DMIGS PA'I SGOM BYUNG THOB NA SBYOR LAM THOB PAR GSUNGS LA, STONG NYID LA DMIGS PA'I ZHIG GNAS LA DGONGS NAS TSOGS LAM NAS KYANG STONG NYID LA DMIGS PA'I SGOM BYUNG THOB PAR LAM GYI 'GREL tIKA CHEN MOR GSUNGS LA, YAB SRAS RNAMS KYI DGONGS PA NI MTHUN PA KHO NAR SNANG NGO, TSOGS LAM NA STONG NYID LA DMIGS PA'I BSAM GTAN GYI DNGOS GZHI YOD KYANG, DE LA DMIGs @406B PA'I ZHI LHAG ZUNG 'BREL GYI TING NGE 'DZIN NI YOD PA MA YIN TE, DE THOB NA 'BYOR LAM THOB PAS KHYAB PA'I PHYIR, 'DI NI DMAN LAM SNGON DU MA SONG BA'I TSOGS LAM GYI DBANG DU BYAS SO, ,BZHI PA NI; SGOM RIM BAR PA LAS, ZHI GNAS DANG BRAL BA'I LHAG MTHONG 'BA' ZHIG GIS NI RNAL 'BYOR PA'I SEMS YUL LA GA-YENGS PAR 'GYUR GYI, RLUNG GI NANG NA 'DUG PA'I MAR ME BZHIN DU BRTAN PAR MI 'GYUR RO, ,DE BAS NA, YE SHES KYI SNANG BA SHIN TU GSAL BAR MI 'BYUNG STE, ,GNYIS KA 'DRA BAR BSTEN PAR BYA'O, ,ZHES GSUNGS SO, ,ZHES DANG, ZHI GNAS KYIS NI MAR ME RLUNG SAR BZHAG PA BZHIN DU RNAM PAR RTOG PA'I RLUNG RNAMS KYIS SEMS GA-YENGS PAR MI 'GYUR RO, LHAG MTHONG GIS NI LTA BA NGAN PA'I DRA BA MTHA' DAG SPANGS PAS GZHAN DAG GIS GA-YO BAR MI BYED DE, ZLA BA SGRON ME'I MDO LAS, JI SKAD DU, ZHI GNAS STOBS KYIS GA-YO BA MED PAR 'GYUR, LHAG MTHONG GIS NI RI DANG 'DRA BAR 'GYUR, ,ZHES GSUNGS PA LTA BU'O, ,ZHES GSUNGS SHING, CHOS YANG DAG PAR BSDUS PA'I MDO LAS, SEMS MNYAM PAR GZHAG NA YANG DAG PA JI LTA BA BZHIN DU RAB TU SHES PAR 'GYUR RO, ,ZHES DANG, SGOM RIM DANG PO LAS SEMS @407A *, ,CHU BZHIN DU GA-YO BA'I PHYIR, ZHI GNAS KYI ZHI MED PAR GNAS PA MED DE, MNYAM PAR GZHAG PA'I SEMS NI YANG DAG PA JI LTA BA BZHIN SHES PAR MI NUS TE, BCOM LDAN 'DAS KYIS KYANG MNYAM PAR GZHAG PAS YANG DAG PA JI LTA BA BZHIN RAB TU SHES SO, ,ZHES BKA' STZAL TO, ZHES GSUNGS LA, SPYOD 'JUG LAS, SEMS NI RNAM PAR GA-YENGS BA'I MI, ,NYON MONGS CHE BA'I PHRAG NA GNAS, ,ZHES DANG, BZLAS BRJOD DANG NI DKA' THUB SOGS, ,YUN RING DUS SU SPYAD BYAS KYANG, ,SEMS GZHAN GA-YENG BAS BYAS NA NI,, DE NYID RIG PAS DON MED GSUNGS, ,ZHES GSUNGS PA LTAR RO, ,LNGA PA NI, SPYOD 'JUG LAS, ZHI GNAS RAB TU LDAN PA'I LHAG MTHONG GIS, ,NYON MONGS RNAM PAR 'JOMS PA SHES BYAS TE, ,THOG MAR ZHI GNAS BTZAL BYA, ,ZHES GSUNGS PA LTAR RO, ,SNGON LA ZHI GNAS BSGRUBS NAS, DE LA BRTEN TE LHAG MTHONG BSGRUB PA YIN NO, ,GZHAN YANG, DGONGS 'GREL LAS, ZHI GNAS LA BRTEN NAS LHAG MTHONG SGOM PAR GSUNGS PA DANG, BSLAB PA GSUM GYI RGYU 'BRAS KYI RIM PA DANG SBYIN SOGS DRUG GI RGYU 'BRAS KYI RIM PA GSUNGS PA LAS KYANG, @407B DANG POR ZHI GNAS SGRUB PA'I RJES SU LHAG MTHONG SGOM DGOS PAR GRUB BO, ,DRUG PA NI, ZHI GNAS LA SLOB TSUL DANG, LHAG MTHONG LA SLOB TSUL, DE GNYIS ZUNG 'BREL LA SLOB TSUL DANG GSUM, DANG PO LA ZHI GNAS KYI TSOGS BSTEN PA, DE LA BRTEN NAS ZHI GNAS SGOM TSUL, SGOMS PAS ZHI GNAS SGRUB PA'I TSAD DANG GSUM, DANG PO NI, RGYAN LAS, BLO LDAN GANG DU SGRUB PA'I YUL, ,LEGS PAR RNYED DANG GNAS BZANG DANG, ,SA BZANG BA DANG GROGS BZANG DANG, ,RNAL 'BYOR BDE BA'I GA-YO BYAD LDAN, ,ZHES GSUNGS SHING, LAM SGRON LAS KYANG, ,ZHI GNAS YAN LAG RNAMS NYAMS PAS, RAB TU 'BAD DE SGOM BYAS KYANG, ,LO NI STONG PHRAG DAG GI KYANG, ,TING 'DZIN 'GRUB PAR MI 'GYUR RO, ,ZHES ZHI GNAS SGOM PA'I MTHUN RKYEN BSTEN ZHING 'GAL RKYEN SPANGS PA'I SGO NAS SGRUB TSUL GSUNGs SO; ;GNYIS PA LA SBYOR BA DANG DNGOS GZHI GNYIS, DANG PO NI, SNGAR BSHAD PA'I SBYOR BA'I CHOS DRUG DANG, BYANG CHUB KYI SEMS YUN RING DU BSGOMS SHING DE'I YAN LAG TU SKYES BU CHUNG 'BRING DANG THUN MONG BA'I DMIGS PA'I NGO BO RNAMS LA SBYANG BAR BYA'O, ,GNYIS PA LA, LUS KYI SPYOD LAM JI 'DRA BAS SGOM PA DANG, SGOM PA'I RIM PA NYID BSHAD PA DANG GNYIS, DANG PO NI, SGOM RIM LAS GSUNGS PA LTAR @408A *, ,STAN SHIN TU 'JAM ZHING BDE BA LA LUS KYI KUN SPYOD CHOS BRGYAD DANG LDAN PAR BYA'O, ,DE LA RKANG PA NI SKYIL DKRUNG YONGS SU RDZOGS PA'AM, SKYIL DKRUNG PHYED PAS YANG RUNG STE DE LTAR BYA'O, ,MIG NI HA CANG PHYE BA DANG, BTZUM PA MIN PA SNA RTZER GTANG DO, LUS NI HA CANG SKYE BA DANG SGUR BA MA YIN PAR DRANG POR SRANG LA DRAN PA NANG DU BZHAG STE 'DUG PAR BYA'O, ,PHRAG PA NI THAD KAR MNYAM PAR GZHAG GO, ,DPUNG MGO NI MI MTHO MI DMA' ZHING PHYOGS GCIG TU MA YO PAR BZHAG STE, SNA NAS LTE BAR DRANG POR BZHAG GO ,SO DANG MCHU NI RANG LUGS SU THA MAL PAR BZHAG GO ,LCE NI YA SO'I DRUNG DU SBYAR RO, ,DBUGS NI PHYI NANG DU RGYU BA SGRA GCAN DANG, RNGAM PA DANG, RGOD BA GCAN DU MI BTANG GIs CI NAS KYANG PHAR RGYU TSUR RGYU MI TSOR BAR NGAL BU DAL BUS 'BAD PA MED PAR 'JUG PA DE LTAR BYA'O, ,DE LTAR THOG MAR LUS KYI KUN SPYOD BRGYAD DANG, KHYAD PAR DU RLUNG CHEM LA DBAB PA JI LTAR BSHAD PA BZHIN SGRUBS PAR BYA'O, ,GNYIS PA LA, TING NGE 'DZIN SKYON MED SKYED PA'I TSUL, DE LA BRTEN NAS SEMS GNAS SKYE BA'I RIM PA GNYIS, DANG PO LA, SEMS DMIGS PA LA GTANG PA'I SNGON DU JI LTAR BYA BA, DMIGS PA LA GTAD PA'I DUS SU JI LTAR @408B BYA PA; DMIGS PA LA GTAD PA'I 'OG TU JI LTAR BYA BA DANG GSUM, DANG PO NI, TING NGE 'DZIN SGOM PA LA MI SPRO ZHING, DE'I MI MTHUN PHYOGS LA DGA' BA'I LE LO 'GOG MA NUS NA, DANG PO NAS TING NGE 'DZIN LA 'JUG TU MI STONG ZHING, LAN RE THOB KYANG RGYUN 'THUD MI NUS PAS MYUR DU NYAMS PAR 'GYUR RO, ,DE'I PHYIR THOG MAR LE LO 'GOG PA GNAD DU CHE'O, ,DE LA LUS SEMS DGA' BDES KHYAB PA'I SHIN SBYANG THOB NA NYIN MTSAN KUN TU DGE BA LA SBYOR PA LA SKYO DUB MI 'BYUNG BAS LE LO ZLOG GO ,DE SKYED PA LA DE SKYED PA'I RGYU TING NGE 'DZIN LA BRTZON 'GRUS RGYUN LDAN DU RTZOM NUS PA DGOS SO, DE SKYED PA LA DON GNYER GYI 'DUN PA DRAG PO RGYUN LDAN PA DGOS SO, ,DE'I RGYUR TING NGE 'DZIN GYI YON TAN MTHA' DAG MTHONG BAS YID PHROGS PA'I DAD PA DRUG PO DGOS PAS TING NGE 'DZIN GYI YON TAN SEMS PA'I DAD PA YANG DANG YANG DU SGOM PAR BYA STE, DBUS MTHA' LAS, GNAS DANG DE LA GNAS PA DANG, ,RGYU DANG 'BRAS BU NYID DU'O, ,ZHES GSUNGS SO, DE LA GNAS NI 'DUN PA STE, RTZOL PA'I GNAS SO; ;GNAS PA NI RTZOL BA'I RTZON 'GRUS SO, 'DUN PA NI, YON TAN LA YID CHES PA'I DAD PA'O, RTZOL BA'I 'BRAS BU NI, SHIN TU SBYANGS PA'O, ,'DIR SGOM PAR BYA BA'I TING NGES 'DZIN GYI @409A *, ,YON TAN NI, ZHI GNAS GRUB NA SEMS LA DGA' BA DANG, LUS LA BDE BA RGYAS PAS MTHONG CHOS LA BDE BAR GNAS PA DANG, LUS SEMS SHIN SBYANGS RNYED PAS SEMS DGE BA'I DMIGS PA LA GANG 'DOD 'DOD DU SKOL DU RUNG BA DANG, RANG DBANG MED PAR PHYIN CI LOG GI YUL LA GA-YENG BA ZHI BAS NYES SPYOD MANG PO MI 'BYUNG ZHING DGE BA GANG BYED STOBS CHE BA DANG, ZHI GNAS LA BRTEN NAS MNGON SHES DANG RDZU 'PHRUL SOGS KYI YON TAN RNAMS SGRUB NUS PA DANG, KHYAD PAR DU DE LA BRTEN NAS STONG NYID RTOGs PA'I LHAG MTHONG GI RTOGS PA SKYED PAS 'KHOR BA'I RTZA BA MYUR DU GCOD PA SOGS KYI YON TAN BSAM NAS TING NGE 'DZIN SGOM PA LA SPRO SHUGS 'PHEL BAR 'GYUR BA RNAMS SHES PAR BYAS LA SGOM STE; 'DI SKYES NA NANG NAS TING NGE 'DZIN SGOM PA LA RGYUN DU BSKUL BAS TING NGE 'DZIN THOB SLA ZHING THOB NAS KYANG YANG YANG SGOM PA LA 'JUG PAS NYAMS PAR DKA'O, ,GNYIS PA LA SEMS GANG LA 'JOG PA'I ZHI NGOS BZUNG BA, DE LA SEMS JI LTAR GTOD PA'I TSUL GNYIS, DANG PO LA, DMIGS PA SPYI'I RNAM BZHAG DANG, SKABS SU BAB PA'I DMIGS PA NGOS BZUNG BA GNYIS, DANG PO LA, DMIGS PAS @409B DNGOS DANG, GANG ZAG GANG GIS GANG LA DMIGS PAR BYA BA BSTAN PA GNYIS, DANG PO NI, BCOM LDAN 'DAS KYIS RNAL 'BYOR PA'I DMIGS PA BZHI GSUNGS PA LA KHYAB PA'I DMIGS PA NI BZHI STE, MI SPYOD PAR 'JOGS PA DANG, SPYOD PA'I DMIGS PA GNYIS DANG, JI LTA JI SNYED KYI DNGOS PO'I MTHA' DANG SGOM PAS GNAS GYUR THOB PA NI DGOS PA GRUB PAS TE BZHI'O, ,SPYOD PA RNAM SBYONG GI DMIGS PA LA NI TSE RAB SNGA MAR 'DOD CHAGS ZHE SDANG GTI MUG NGA RGYAL RNAM RTOG LA SHES CHER SPYOD PA'I GNYEN POR MI SDUG PA DANG, BYAMS PA DANG, RTEN 'BREL DANG, KHAMS KYI RNAM PA'I RAB DBYE DANG, DBUGS 'BYUNG RDUB SGOM PA'I DMIGS PA DANG LNGA'O, ,MKHAS PA'I DMIGS PA LNGA PHUNG PO KHAMS SKYE MCHED RTEN 'BREL YAN LAG BCU GNYIS, GNAS DANG GNAS MA YIN PA LA MKHAS PA'I DMIGS PA'O, ,NYON MONGS RNAM PAR SBYONG BA'I DMIGS PA NI GNYIS TE, SA GONG 'OG GI ZHI RAGS DANG, BDEN BZHI MI RTAG LA SOGS BCU DRUG GO ,DE LA SPYOD PA RNAM SBYONG GI DMIGS PA RNAMS NI CHAGS SOGS LHAG PAR SPYOD PA RNAMS KYI CHAGS SOGS ZLOG SLA ZHING, DE LA BRTEN NAS TING NGE 'DZIN THOB SLA BAS, DMIGS PA KHYAD PAR CAN YIN LA, GZHAN RNAMS KYANG BYANG CHUB LAM GYI RIM PA LAS SHES PAR BYA'O, ,GNYIS PA NI, 'DOD CHAGS SHAS CHE @410A *, ,BAS NAS RNAM RTOG SHAS CHE BA'I BAR GYI GANG ZAG YIN MIN NAM GRUS ZHUS PA LAS GSUNGS PA LTAR RIM PA BZHIN DU MI SDUG PA NAS DBUGS 'BYUNG RDUB KYI BAR LA SO SOR NGES PA'I DMIGS RTEN BYA DGOS PAR GSUNGS, ,CHA MNYAMS PAR SPYAD PA DANG, NYON MONGS CHUNG BA'I GANG ZAG YIN NA SNGAR BSHAD PA'I DMIGS PA DE DAG LAS GANG LA DGA' BA GCIG LA SEMS BZUNG BAS CHOG GI; NGES PA CAN MI DGOS SO, ,GNYIS PA NI RGYAL BA'I SKU LAS BRTEN NAS BSGOM PAR BYA STE, DE LTAR BYAS PAS BSAGS SBYANG SPEL GSUM LA SOGS PA'I YON TAN KHYAD PAR CAN RNAMS MYUR DU THOB CING 'CHI BA'I CHA SANGS RGYAS RJES SU DRAN PA LAS NYAMS PAR MI 'GYUR BA'I PHYIR, DE LTAR DU TING NGE 'DZIN RGYAL PO SOGS LAS GSUNGS PA'I PHYIR TE, GSER GYI KHA DOG LTA BU'I SKU LUS KYI, ,'JIG RTEN MGON PO KUN TU MDZES PA STE, ,DMIGS PA DE LA GANG GIS SEMS 'JUG LA, ,BYANG CHUB SEMS DPA' DE MNYAM GZHAG CES BYA, ,ZHES GSUNGS PA LTA BU LA DMIGS RTEN BYA'O, ,DE YANG DANG POR DMIGS PA GANG GTAD PA DE NYID LA GTAD PAR BYA'I DMIGS PA GZHAN LA YANG YANG SPOR MI RUNG STE, 'PHAGS PA DPA' POS DMIGS PA GCIG LA BSTEN TSUL DU, ,YID KYIS BSAM PA BRTEN PAR BYA, ,DMIGS PA @410B MANG PO BRGYUD PA LAS, ,YID NI NYON MONGS 'KHRUGS PAR 'GYUR, ,ZHES DANG, LAM SGRON LAS KYANG, DMIGS PA GANG RUNG GCIG DAG LA, ,YID NI DGE BAR BZHAG PAR BYA, ,ZHES GCIG LA NGES BZUNG GI GSUNGS SO, ,DE LTAR THOG MAR SEMS GANG LA 'DZIN PA'I DMIGS RTEN RNYED PA'I TSAD NI, DBU DANG PHYAG ZHABS GNYIS DANG, SKU'I KHOG GZHAN LA RIM PA BZHIN DU LAN 'GA' BZUNG NAS GSAL BTAB LA; DE'I MTHAR SKU SPYI'I DON SPYI YID LA BYAS PA NA YID NGOR YAN LAG RAGS PA RNAMS CHA PHYED TZAM 'CHAR THUB PA BYUNG NA 'OD DANG BCAS PA'I GSAL PO MA BYUNG YANG DE TZAM GYIS CHOG SHES BYAS NAS DE LA SEMS BZUNG STE 'DI LTAR DE TZAM GYI CHOG SHES BYAS NAS SEMS MI 'DZIN PAR DE LAS GSAL BA GCIG 'DOD PAS YANG YANG GSAL GTAB NA DMIGS PA GSAL DU 'GRO YANG TING NGE 'DZIN BRTAN PO RNYED PA'I GEGS SU 'GYUR NA DMIGS PA CHER MI GSAL YANG, CHA PHYED TZAM DE NYID LA SEMS BZUNG NA TING NGE 'DZIN MYUR DU RNYED CING, DE NAS GSAL BA BOd STON PAS GSAL BYA BDE BLAG TU GRUB PA'I PHYIR RO, ,'DI NI SLOB DPON YE SHES SDE'I GDAM PA LAS BYUNG STE GAL CHE'O, ,GNYIS PA LA SKYON MED PA'I LUGS BZHAG ,SKYON DANG BCAS PA'I LUGS BSAL BA, THUN GYI TSAD BSTAN PA DANG GSUM, DANG PO NI, ZHI GNAS SGRUB PAR 'DOD PA RNAm@411A *, ,KYIS TING NGE 'DZIN GYI DMIGS PA GSAL BAR DRAN PA DANG, BYING RGOD RTOGS PA'I SHES BZHIN BSTEN DGOS TE, MDO SDE RGYAN GYI 'GREL PAR, DRAN PA DANG SHES BZHIN GYI NYE BAR GTOD PAR BYED PA STE, GCIG GIS SEMS DMIGS PA LAS MI 'PHRO BAR BYED PA'I PHYIR DANG, GNYIS PAS SEMS 'PHRO BA RAB TU SHES PA'I PHYIR, ZHES DANG, DBU MA SNYING PO LAS KYANG, YID KYI GLANG PO LOG 'GRO PA; ;DMIGS PA'I KA BA BRTAN PO LA, ,DRAN PA'I THAG PAS NGES BCINGS NAS, ,SHES RAB LCAGS KYUS RIMS DBANG BYAS, ,ZHES DANG, SGOM RIMS BAR PA LAS, DRAN PA DANG SHES BZHIN GYI THAG PAS YID KYI GLANG PO CHE DMIGS PA'I SDONG PO DE NYID LA GDAGS PAR BYA'O, ,ZHES DRAN PA LA BRTEN NAS TING NGE 'DZIN 'GRUB PAR GSUNGS PA DANG, DRAN PA THAG PA LTAR SEMS DMIGS PA LA RGYUN LDAN DU LTOD BYED DU GSUNGS PAS TING NGE 'DZIN SGRUB BYED KYI GTZO BO SKYONG TSUL NI DRAN PA'I SKYONG TSUL YIN LA, DRAN PA YANG NGES PA'I RNAMS PA CAN GYI 'DZIN STANGS CAN YIN PAS TING NGE 'DZIN SKYONG BA NA 'DZIN STANGS DAM PA MED PAR 'JOGS PA LA SEMS DVANG PA'I GSAL CHA 'ONG YANG NGES SHES KYI NGAR THON PA'I GSAL CHA MI THOB PAS DRAN PA STOBS CAN MI SKYE ZHING, BYING PA PHRA MO YANG MI KHEGS PAS, TING NGE 'DZIN SKYON CAN @411B DU 'GYUR RO, ,ZHES BYANG CHUB LAM GYI RIMS PA LAS GSUNGS SO, ,GNYIS PA NI, SNGAR BSHAD PA LTAR, SHES PA 'PHANGS STOD DE SGRIMS NAS MI RTOG PAR BZHAG PA, BYING BA MED KYANG RGOD PA SHAS CHE BAS GNAS CHA RGYUN THUNG THUB PA MI 'ONG BAR MTHONG STE, GLONG RAB LA SGOM RAB ZHES SMRA BA YANG MI RIGS TE, 'DI RMUGS PA DANG BYING BA CUNG ZAD KYANG MA PHYE BA'I GROL GTAM 'BA' ZHIG YIN PA'I PHYIR TE, TING NGE 'DZIN RNAM DAG YIN NA BYING RGOD BSAL BA'I SGO NAS DMIGS PA GSAL LA MI RTOG PA DGOS PA'I PHYIR TE, SGOM RIM DANG PO LAS BYING BA BSAL LA DMIGS PA DE NYID DAM DU BZUNG NGO, ,ZHES GSUNGS PA'I PHYIR, GSUM PA NI, SGOM RIMS THAM LAS, DE LTA BU'I RIM PA 'DIS CHU TSOD GCIG GAM THUN PHYED DAM THUN GCIG JI SRID NUS PA DE SRID DU 'DUG PAR BYA'O, ,ZHES GSUNGS LA, DANG POR DMIGS PA LA YUN RING DU SNYOM PAR 'JOG MI RIGS SO, ,GSUM PA LA BYING RGOD BYUNG DUS JI LTAR BYA BA DANG, BYING RGOD DANG BRAL DUS JI LTAR BYA BA GNYIS, DANG PO LA, BYING RGOD NGOS MA ZIN PA'I GNYEN PO BSTEN PA, NGOS ZIN KYANG DE SPONG PHYIR MI RTZON PA'I GNYEN PO BSTEN PA GNYIS, DANG PO LA BYING RGOD KYI MTSAN NYID GTAN LA DBAB PA DANG, SGOM PA'I DUS SU DE RTOGS PA'I SHES BZHIN SKYE PA'I THABS GNYIS, DANG PO LA, RGOD PA NI, KUN @412A *, ,BTUS LAS RGOD PA GANG ZHE NA, SDUG PA'I MTSAN MA'I RJES SU 'JUG PA'I 'DOD CHAGS KYI CHAR GTOGS PA'I SEMS RNAM PAR MA ZHI BA STE, ZHI GNAS KYI BAR DU GCOD PA'I LAS CAN NO, , ZHES DMIGS PA NI YUL YID DU 'ONG ZHING SDUG PA'O, ,RNAM PA NI SEMS PHYIR LA 'PHRO BA STE, 'DOD CHAGS KYI CHA SHAS YIN PAS YUL LA SRED PA'I RNAM PAS 'JUG PA'O, ,BYED LAS NI SEMS DMIGS PA LA 'JUG PA'I BAR CHAD BYED PA'O, ,BYING BA NI SEMS DMIGS PA 'DZIN PA'I 'DZIN STANGS LHOD NAS DMIGS PA GSAL BA'Am DAM PAR MI 'DZIN PAS DANG CHA YOD KYANG DMIGS PA'I 'DZIN STANGS GSAL BA MED NA BYING BAR 'GRO STE; SGOM RIM PAR PA LAS, GANG GI TSE DMUS LONGS LTA BU'AM, MUN PAR ZHUGS PA LTA BU'Am MIG BTZUM PA LTA BUR SEMS KYIS DMIGS PA GSAL BAR MI MTHONG BA DE'I TSE BYING BAR 'GYUR BAR RIGS PAR BYA'O, , ZHES GSUNGS LA, GZHUNG CHE BA GZHAN NAS BYING BA'I MTSAN NYID GSAL BAR GSUNGS PA MA MTHONG NGO, ,BYING BA LA DGE BA DANG LUNG MA BSTAN GNYIS YOD DE, DMUGS PA NI MI DGE BA DANG, SGRIBS LUNG MA BSTAN GANG RUNG DANG, GTI MUG GI CHA SHAS KHO NA'O, ,ZHES GSUNGS SO, ,BYING BA SEL BA LA SKU GZUGS SOGS DGA' BA'I YUL DANG SNANG BA BSGOMS NAS SEMS BZED BSTOD DGOS PAR GSUNGS @412B PAS YUL MI GSAL BA DANG, BLO'I 'DZIN STANGS DAM DU SONG BA BKAG NAS DMIGS PA GSAL BA DANG 'DZIN STANGS KYI SGRIM CHA GNYIS KA DGOS SO, BYING BA NI SHES PAR DKA' ZHING 'BYUNG NYE LA TING NGE 'DZIN SKYON MED DU 'KHRUL PA CHE BAS SGOM RIM LAS GSUNGS PA LTAR LEGS PAR BRTAGS LA NGOS ZIN PAR BYAS TE SPANG NGO, ,GNYIS PA NI, BYING RGOD BYUNG MA BYUNG JI LTA BA BZHIN DU SHES PA'I SHES BZHIN SKYE THUB PA GCIG DGOS TE; SHES BZHIN STOBS LDAN RIMS KYIS SKYES PAS BYING RGOD BYUNG BA'I DE MA THAG TU SHES BZHIN SKYE THUB PA LTA CI SMOS, BYING RGOD SKYE BA'I GRABS BYED PA NAS RIG PA'I SHES BZHIN SKYE DGOS SHING DE LTAR NUS PA'I PHYIR TE, SGOM RIMS PHYI MA GNYIS LAS SEMS BYING DU DOGS PAR MTHONG NA ZHES DANG, SEMS RGOD PA'Am RGOD DU DOGS PAR MTHONG BAS ZHES GSUNGS PA'I PHYIR DANG, DBUS MTHA' LAS, BYING DANG RGOD PA RTOGS PA DANG, ZHES DANG, SPYOD 'JUG LAS KYANG, GANG TSE DRAN PA YID SGO NAS, ,BSRUNG BA'I DON DU GNAS GYUR PA, ,DE TSE SHES BZHIN 'OD GYUR ZHING, ,ZHES GSUNGS PA'I PHYIR, SHES BZHIN SKYED PA'I THABS NI; SPYOD 'JUG LAS GZHAN YANG GSUNG STE, LUS DANG SEMS KYI GNAS SKABS LA, ,YANG DANG YANG DU BRTAGS BYA BA, ,DE DE KHO NAR MDOR NA NI, ,SHES BZHIN BSRUNG BA'I MTSAN NYID DO, ,ZHES GSUNGS @413A *, ,PA LTAR BYA'O, ,GNYIS PA LA SEMS NGOS BZUNG ZHING BYING RGOD 'GOG PA'I TSUL DANG, GANG LA BRTEN NAS BYING RGOD SKYE BA'I RGYU NGOS BZUNG BA GNYIS, DANG PO NI, KUN BTUS LAS, SEMS PA GANG ZHE NA SEMS MNGON PAR 'DU BYED PA YID KYI LAS TE DGE BA DANG MI DGE BA DANG LUNG DU MA BSTAN PA RNAMS LA SEMS 'JUG PAR BYED PA'I LAS CAN NO, ,ZHES RDO KHAB LEN GYI DBANG GIS LCAGS RANG DBANG MED PAR GA-YO BA LTAR DGE MI DGE LUNG MA BSTAN GANG RUNG LA SEMS GA-YO ZHING BSKUL BA'I SEMS BYUNG SEMS PA YIN PAS BYING RGOD GANG RUNG BYUNG BDE SPONG BA LA SEMS MNGON PAR 'DU BYED PA'I SEMS PA BZUNG NGO, ,'O NA, BYING RGOD 'GOG TSUL CI 'DU BYED NA, SEMS BYING BA NI HA CANG NANG DU BSDUS GRAGS NAS DMIGS PA'I 'DZIN STANGS SHOR BA YIN PAS DE LA NI SEMS 'PHRO BA'I RGYU DGA' BA'I DNGOS PO YID LA BYA STE, DE YANG SANGS RGYAS KYI SKU LTA BU YIN GYIS; NYON MONGS SKYE BA'I DGA' BA NI MA YIN NO, ,YANG NA NYI 'OD SOGS SNANG BA'I MTSAN MA YID LA BYAS NAS, BYING BA BSAL NA DE MA THAG NAS, DMIGS PA'I 'DZIN STANGS DAM PAR BYAS LA, SKYONG BAR SGOM RIM DANG PO LAS GSUNGS SO, ,PHAR PHYIN BSDUS PA LAS, LHAG MTHONG RTZON PA'I STOBS KYI MTHUS, ,ZHUM PAR GYUR NA BZENG YANG BSTOD, ,CES GSUNGS SO, ,RGOD PA NI CHAGS PA'I SGO NAS YUL LA SEMS RGYUGS @413B PAS DE LA SEMS NANG DU SDUD PA'I RGYU YID 'BYUNG BA'I DNGOS PO YID LA BYA STE, DBU MA SNYING PO LAS, RGOD PA MI RTAG LA SOGS PA, ,YID LA BYED PAS ZHI BAR BYA, ,ZHES DANG, PHAR PHYIN BSDUS PA LAS, RGOD PAR GANG TSE GYUR PA YID; ;ZHI GNAS TSUL GYIS BZLOG PAR BYA, ,ZHES GSUNGS PA'I PHYIR, GNYIS PA NI, DBANG PO'I SGOM BSRUNG PA DANG, ,ZAS KYI TSOD MA ZIN PA DANG, ,NAM GYI CHA STOD SMAD LA MI NYAL BA'I RNAL 'BYOR LA MI RTZON PA DANG; ;SHES BZHIN MED PAR GNAS SHING, GNYID RGOD SO SO'I RGYU NI, GNYID CHE BA SEMS DMIGS PA 'DZIN PA LA HA CANG LHOD PA ZHI GNAS BRTAN GRAGS PA, SEMS MUN PAR 'THUG PA, DMIGS PA LA MI GTOD PAR DGA' BA RNAMS BYING BA'I RGYU DANG, SKYO YIN SHAS CHUNG BA, DMIGS PA HA CANG DAM GRAGS PA, ,RTZON PA GOMS PAR MA BYAS PA, ,NYE DU LA CHAGS PA SOGS KYI RNAM GA-YENG RGOD PA'I RGYU YIN LA, DANG PO RNAMS BYING RGOD GNYIS KA'I RGYU YIN NO, ,GNYIS PA NI, ZHI TSE RNAL DU 'JOG PA'O, ,ZHES SOGS GSUNGS PA LTAR YIN LA, RGYAS PAR RDZU 'PHRUL RKANG PA'I SKABS SU 'CHAD DO, ,GNYIS PA LA, SEMS GNAS SKYE BA'I RIM PA DNGOS, ,DE STOBS DRUG GIS SGRUB LUGS, DE LA YID BYED BZHI YOD TSUL DANG BZHI, DANG PO NI, RGYAN LAS, DMIGS PA LA NI SEMS GTANG NAS, ,DE RGYUN RNAM PAR GA-YENGS MI BYA, ,RNAM GA-YENGS MYUR DU @414A *, ,RTOGS BYAS NAS, DE LA SLAR NI SLAN PAR BYA, ,BLO LDAN GONG NAS GONG DU YANG, ,SEMS NI NANG DU BSDU BAR BYA, ,DE NAS YON TAN MTHONG BA'I PHYIR, ,TING NGE 'DZIN LAS SEMS 'DUL LO, , RNAM GA-YENGS NYES PA MTHONG BA'I PHYIR, ,DE LA MI DGA' ZHI BAR BYA, ,CHAGS SEMS YID MI BDE LA SOGS, ,LANG PA DE BZHIN SHES PAR BYA, ,DE NAS SDOM RTZON CAN GYIS NI, ,SEMS LA MNGON PAR 'DU BYED BCAS, , RANG GI NGANG GI 'BYUNG BA THOB, ,DE GOMS PA LAS 'DU MI BYED, ,CES DANG, KUN BTUS LAS KYANG, ZHI GNAS GANG ZHE NA 'DI LTA STE, NANG NYID LA SEMS 'JOG PA DANG, ,RGYUN DU 'JOG PA DANG, SLAN TE 'JOG PA DANG, NYE PAR 'JOG PA DANG, DUL BAR BYED PA DANG, ZHI BAR BYED PA DANG, RNAM PAR ZHI BAR BYED PA DANG, RTZE GCIG TU BYED PA DANG, MNYAM PAR 'JOG PA'O, ,ZHES GSUNGS, DE RNAMS KYI DON BSDUS NA PHYI ROL GYI DMIGS PA THAMS CAD LAS SEMS BSDUS NAS NANG DU DMIGS PA LA 'JOG PAR BYED CING, DE NYID GZHAN DU MI GA-YENGS PAR DE LA RGYUN DU 'JOG PAR BYED PA DANG, GA-YENGS NA SHES PAR BYAS NAS SLAR YANG DE NYID LA 'DOGS PA DANG, SEMS RANG BZHIN GYI RGYA CHE BA LA YANG YANG BSDUS TE PHRA BAR BYAS NAS GONG NAS GONG DU 'DZEG PA DANG, TING NGE 'DZIN GYI YON TAN BSAM NAS TING NGE 'DZIN LA DGA' BA DANG RNAM GA-YENGS LA SKYON DU BSTAS @414B NAS TING NGE 'DZIN LA MI DGA' BA ZHI BAR BYED PA DANG, CHAGS SEMS YIN MI BDE GNYID RMUGS SOGS BYUNG BA RNAMS ZHI BAR BYED PA DANG, 'BAD MED DU 'JUG PA'I PHYIR DU 'BAD PA DANG, SEMS SNYOMS PAR GYUR NA BTANGS SNYOMS SU 'JOG PAR BYED PA DANG DGU'O, ,GNYIS PA NI, THOS PA DANG, BSAM PA DANG, DRAN PA DANG, SHES BZHIN DANG BRTZON 'GRUS DANG, YONGS SU 'DRI BA'I STOBS DRUG PO DE DAG GIS SEMS GNAS DGU 'GRUB PAR NYAN SA SOGS LAS GSUNGS SO, ,GSUM PA NI, SEMS GNAS DGU LA SGRIMS TE 'JUG PA DANG, CHAD CING 'JUG PA DANG, CHAD PA MED PAR 'JUG PA DANG, RTZOL BA MED PAR 'JUG PA'I YID BYED BZHI YOD PAR NYAN SA LAS GSUNGS SO, ,GSUM PA NI, DGONGS 'GREL LAS, ,BCOM LDAN 'DAS BYANG CHUB SEMS DPA' JI SRID DU SEMS LA DMIGS PA'I SEMS NANG DU YID LA BGYID PA NA, LUS SHIN TU SBYANGS PA DANG, SEMS SHIN TU SBYANGS PA MA THOB PA DE'I BAR DU YID LA BGYID PA DE LA CI ZHES BGYI, BYAMS PA ZHI GNAS NI MIN TE, ZHI GNAS KYI RJES SU MTHUN PA'I MOS PA DANG MTSUNGS PAR LDAN PA YIN PAR BRJOD PAR BYA'O; ;ZHES GSUNGS SHING, RGYAN LAS, DE GOMS PA LAS 'DU MI BYED, ,DE NAS DE YI LUS DANG SEMS, ,SHIN TU SBYANGS PA CHE THOB NAS, ,YID LA BYED DANG BCAS ZHES BYA, ,ZHES LUS SEMS SHIN TU SBYANGS @415A *, ,PA'I BDE BA THOB PA NAS ZHI GNAS MTSAN NYID PA DANG POR THOB CING BSAM GTAN DANG PO'I NYER BSNGOGS KYI THOG MAR GSUNGS SHING, DE LA BRTEN NAS YID BYED BDUN, DE LA BRTEN NAS DNGOS GZHI DE LA BRTEN NAS SPYAN DANG MNGON PAR SHES PA LA SOGS PA'I YON TAN GYI TSOGS 'THOB PAR GSUNGS SO, ,GNYIS PA LA, LHAG MTHONG GI TSOGS BSTEN PA, LHAG MTHONG GI DBYE BA, LHAG MTHONG SGO MTSUL, SGOMS PAS LHAG MTHONG GRUB BA'I TSAD DANG BZHI, DANG PO LA LHAG MTHONG GI TSOGS BSTEN TSUL SPYIR BSTAN PA DANG, KHYAD PAR DU LTA BA GTAN LA 'BEBS TSUL GNYIS, DANG PO NI, ,SKYES BU DAM PA LA BSTEN PA DANG, DE LAS CHOS THOS PA BTZAL BA DANG, TSUL BZHIN DU SEMS PA STE, GSUM SGOM RIM LAS GSUNGS SHING, RGYAS PAR BYANG CHUB LAM RIM CHEN MO LAS SHES PAR BYA'O, ,GNYIS PA LA, 'KHOR BA'I RTZA BA NGOS BZUNG BA DANG, BDEN 'DZIN SPONG BAR 'DOD PAS BDAG MED KYI LTA BA TZAL BA GNYIS, DANG PO NI, PHUNG PO BDEN GRUB TU ZHEN PA'I MA RIG PA 'KHOR BA'I GZHI RTZA YIN TE, RIN CHEN 'PHRENG BA LAS, JI SRID PHUNG PO 'DZIN YOD PA, ,DE SRID DE LA NGAR 'DZIN YOD, ,NGAR 'DZIN YOD NA YANG LAS TE, ,DE LAS KYANG NI SKYE BA YIN, ,ZHES SOGS DANG, STONG NYID BDUN CU PA LAS, RGYU DANG RKYEN LAS BSKYES DNGOS RNAMS, ,YANG DAG PAR NI RTOG PA GANG, ,DE NI STON PAS @415B MA RIG GSUNGS, ,DE LAS YAN LAG BCU GNYIS BYUNG, ,ZHES GSUNGS PA'I PHYIR, DE RNAMS KYI DON NI, BDEN PAR ZHEN PA'I CHOS KYI BDAG 'DZIN LAS NGA DANG NGA YIR 'DZIN PA'I 'JIGS LTA, DE LA BRTEN NAS DGE BA DANG MI DGE BA'I LAS; DE LA BRTEN NAS 'KHOR BAR SKYE BA, DE LA BRTEN NAS SDUG BSNGAL MTHA' DAG 'BYUNG BAR GSUNGS SO, ,GNYIS PA NI, 'KHOR BA SPONG BAR 'DOD PA RNAMS KYIS BDAG MED RTOGS PA'I LTA BA BSGOM DGOS PA'I RGYU MTSAN YOD DE, BDAG TU 'DZIN PA 'KHOR BA'I RTZA BA YIN PA GANG ZHIG ,BDAG MED BSGOM PAS BDAG 'DZIN MA LUS PA SPONG NUS PA'I PHYIR TE, BZHI BRGYA PAR, LUS LA LUS DBANG JI BZHIN DU, ,GTI MUG KUN LA GNAS GYUR TE, ZHES DANG, DE'I PHYIR NYON MONGS THAMS CAD KYANG, ,GTI MUG BCOM PAS BCOM PAR 'GYUR, ,ZHES DANG, RTZA SHES LAS, LAS DANG NYON MONGS ZAD PA'I MTHAR, ,LAS DANG NYON MONGS RNAM RTOG LAS, ,DE DAG SPROS LAS SPRO BA NI, ,STONG PA NYID KYIS 'GAG PAR 'GYUR, ,ZHES GSUNGS PA'I PHYIR, GNYIS PA NI, DE'I DBYE BA 'DZOGS PAR BYAS NA NGO BO NYID GZHI'I LHAG MTHONG, SGO GSUM GYI LHAG MTHONG, TSOGS DRUG GI LHAG MTHONG SOGS DGONGS 'GREL LAS GSUNGS PA LTAR BSLAB BO, , GSUM PA NI ZHI GNAS LA BRTEN NAS SO SOR RTOGS PA'I SHES RAB KYIS RNAM PAR DPYAD PA BYAS PA'I STOBS KYIS SHIN SBYANGS KYI BDE BA 'DREN NUS PA'I TSE LHAG MTHONG GRUB STE DE LTAR DU DGONGS 'GREL SOGS LAS GSUNGS PA'I PHYIR TE, @416A *, ,BCOM LDAN 'DAS BYANG CHUB SEMS DPA' JI SRID DU LUS DANG SEMS SHIN TU SBYANGS PA MA THOB KYI BAR DU JI LTAR LEGS PAR BSAM PA'I CHOS DGE BA LA TING NGE 'DZIN GYI SPYOD YUL GZUGS BRNYAN DU YID LA BGYID PA'I YID LA BGYID PA DE CI ZHES BGYI, BYAMS PA LHAG MTHONG NI MIN TE, LHAG MTHONG DANG RJES SU MTHUN PA'I MOS PA DANG MTSUNGS PAR LDAN PA YIN PAR BRJOD PAR BYA'O, ,ZHES GSUNGS PA'I PHYIR, GSUM PA ZHI LHAG ZUNG DU 'BREL PA'I TSUL NI, NYAN SA LAS, DE LA JI TZAM GYIS NA ZHI GNAS LHAG MTHONG 'BREL PAR GYUR ZHING, MNYAM PAR ZUNG DU 'JUG PA DANG, GANG GIS NA ZUNG DU 'BREL BAR 'JUG PA'I LAM ZHES BYA ZHE NA, SMRAS PA, SEMS GNAS PA RNAM PA DGU BO DAG LAS 'DI LTA STE, MNYAM PAR GZHAG PA'I RNAM PA DGU PA GANG YIN PA THOB PAR GYUR ZHING, TING NGE 'DZIN YONGS SU GRUB PA DE LA BRTEN NAS LHAG PA'I SHES RAB CHOS RNAM PAR 'BYED PA LA RAB TU RTZON PAR BYED, DE'I TSE NA CHOS RNAM PAR 'BYED PA'I LAM RANG GI NGANG GIS 'JUG PA DANG, RTZOL BA MED PAR 'JUG PAR 'GYUR ZHING, ZHI GNAS KYI LAM JI LTA BA BZHIN DU MNGON PAR 'DU BYED PA MED PA'I LHAG MTHONG YONGS SU DAG PA DANG, YONGS SU BYANG BA DANG, ZHI GNAS KYI RJES SU SONG BA DANG, NYAMS BDE BAS YONGS SU ZIN PAR 'GYUR TE, DE PHYIR DE YI ZHI GNAS DANG LHAG MTHONG GNYIS 'DRES PAR GYUR ZHING SNYOMS PAR 'JUG PA DANG, ZHI @416B GNAS DANG LHAG MTHONG ZUNG DU 'BREL BAR 'JUG PA'I LAM ZHES BYA'O, ,ZHES GSUNGS SHING, SGOM RIM THA MA LAS KYANG RGYAS PAR GSUNGS SO, ,MDOR NA ZHI LHAG GNYIS PHAN TSUN GCIG LA GCIG BRTEN NAS GCIG SHOS 'BAD MED DU 'DREN PAR NUS SHING LUS SEMS SHIN SBYANGS KYI BDE BA YANG RTZOL MED DU 'DREN PAR NUS PA NA, ZHI GNAS DANG LHAG MTHONG ZUNG DU 'BREL PA ZHES BYA'O, ,ZHI LHAG SGOM TSUL RGYAS PAR NI LAM RIM CHEN MO LAS SHES PAR BYA'O, , GNYIS PA NI, KHA CIG NA RE, ZHI LHAG GNYIS LA GO RIMS MA NGES PAR THAL, KUN BTUS LAS, LA LA NI LHAG MTHONG THOB KYI ZHI GNAS NI MA THOB STE DES LHAG MTHONG LA BRTEN NAS ZHI GNAS LA RTZON PAR BYED DO, ,ZHES GSUNGS PA'I PHYIR; ZHE NA MA KHYAB STE, NYER BSDOGS KYIS BSDUS PA'I LHAG MTHONG THOB CING DNGOS GZHIS BSDUS PA'I ZHI GNAS MA THOB PA'I TSE NYER BSDOGS KYIS BSDUS PA'I LHAG MTHONG LA BRTEN NAS DNGOS GZHI'I ZHI GNAS SGRUB PAR BSTAN PA TZAM YIN PA'I PHYIR TE, SA'I DNGOS GZHI LAS, GZHAN YANG SDUG BSNGAL NAS LAM GYI BAR YANG DAG PA JI LTA BA BZHIN RAB TU SHES LA, BSAM GTAN DANG PO LA SOGS PA NI MA THOB STE, DER 'DUG MA THAG TU SEMS RNAM PAR 'JOG STE, CHOS RAB TU RNAM PAR 'BYED PAR MI BYED DO, ,DE LHAG PA'I SHES RAB DE NYID LA BRTEN NAS LHAG PA'I SEMS LA BRTZON PAR BYED DO ZHE SO 'DIS NI, MTSAN NYID SO SO RIG PA'I YID LA BYED PA NYER BSNGOGS RNAMS KYI THOG MAR 'DOD PA YANG LEGS PAR @417A *, ,BKAG STE, 'DIS LHAG MTHONG GI SNGON ROL DU ZHI GNAS 'GRO DGOS PAR BSTAN PA GANG ZHIG ,MTSAN NYID SO SO RIG PA'I YID BYED SGOM PA NI LHAG MTHONG SGOM PAR GSUNGS PA'I PHYIR, ,MTSAN NYID SO SO RIG PA YID LA BYED PA LHAG MTHONG DNGOS NI MIN TE, 'DI NYID THOS PAS 'DRES MA'I YID BYED DANG MOS PA LAS BYUNG BA'I YID BYED SGOM BYUNG DU NYAN SA LAS GSAL BAR GSUNGS PA'I PHYIR RO, ,NYAN SA 'GA' ZHIG LA, MTSAN NYID SO SO RIG PA YID LA BYED PA MNYAM PAR MA GZHAG PA'I SAR GSUNGS SHING, ,NYAN SA PHAL MO CHER MNYAM PAR GZHAG PA'I SAR GSUNGS KYANG PHYI MA LTAR YIN TE, 'DI NYID ZHI GNAS MTSAN NYID PA DANG POR 'THOB RJES SU 'THOB PAR NYAN SA LAS GSUNGS PA'I PHYIR, GNYIS PA GZHUNG DON NI, MDO LAS, DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TE, BCOM LDAN 'DAS GO CHA CHEN PO BGOS PA GO CHA CHEN PO BGOS PA ZHES BRJOD PA BCOM LDAN 'DAS CI TZAM GYIS NA BYANG CHUB SEMS DPA' SEMS DPA' CHEN PO GO CHA CHEN PO BGOS PA ZHES BGYI BA LAGS, DE SKAD CES GSOL BA DANG, BCOM LDAN 'DAS KYIS TSE DANG LDAN PA RAB 'BYOR LA 'DI SKAD CES BKA' STZAL TO, ,RAB 'BYOR 'DI LA BYANG CHUB @417B SEMS DPA' SEMS DPA' CHEN PO NI THEG PA CHEN PO GO CHA 'DI LTA STE, ZHES GSUNGS LA, DE RNAMS KYI DON BSDUS TE STON PA LA, GZHUNG 'DI RNAMS GSUNGS, 'DI LTA BU'I GZHUNG GSUNGS PA CHOS CAN, DGOS PA YOD DE, 'JUG SGRUB BSHAD RJES TSOGS SGRUB BSTAN PA'I CHED YIN PA'I PHYIR, DE LTAR STON PA'I RGYU MTSAN YOD DE, DAM PA'I CHOS MTHA' DAG SBYOR BAS NYAMS SU BLANGS PA LAS TSOGS GNYIS KYI DPUNG RGYA CHEN PO GDON MI ZA BAR 'BYUNG BA'I PHYIR, RANG GI DNGOS KYI NYER LEN BYAS PA LAS BYUNG BA'I GNAS SKABS DANG MTHAR THUG GI BYANG CHEN GANG RUNG DNGOS SU THOB PAR BYED PA'I SEMS DPA'I RNAL 'BYOR, TSOGS SGRUB KYI MTSAN NYID YIN, DBYE NA BCU BDUN YOD DE, DE LA SNYING RJE CHEN PO'I TSOGS SGRUB NAS, GNYEN PO'I TSOGS SGRUB KYI BAR RNAMS SU YOD PA'I PHYIR, TSOGS SGRUB DE LA BCU BDUN PO DER GRANGS NGES PA'I RGYU MTSAN YOD DE, BCU BDUN PO 'DI TZAM KHO NAS RNAM MKHYEN DON GNYER GYI SKYES BU'I 'DOD DON THAMS CAD BSGRUB NUS PA'I PHYIR, SA MTSAMS NI BYANG SEMS SYI SBYOR LAM SKAD CIG THA MA NAS RGYUN MTHA'I BAR NA YOD DO, ,GZUNGS DANG ZHES PAR, GZUNGS LA MTSAN NYID, DBYE BA, SA MTSAMS, BYED LAS DANG BZHI, DANG PO NI, DAM PA'I CHOS 'DZIN ZHING SPEL BAR BYED PA'I THABS RNAM DAG GANG ZHIG ,DRAN PA DANG @418A *, ,SHES RAB MTSUNGS LDAN DANG BCAS PA'I RIGS SU GNAS PA'I RIG PA, GZUNGS KYI MTSAN NYID DE, 'GREL CHEN LAS, GZUNGS KYI NGO BO DRAN PA DANG SHES RAB KYI RANG BZHIN TE, DRAN PA DANG SHES RAB KHYAD PAR CAN LA GZUNGS ZHES BYA'O, ,ZHES GSUNGS PA'I PHYIR, GNYIS PA NI, DE LA TSIG GI GZUNGS, DON GYI GZUNGS, SNGAGS KYI GZUNGS, BZOD PA'I GZUNGS DANG BZHI, DANG PO NI, GSUNG RABS KYI TSIG MI MJED PAR 'DZIN PA'I GZUNGS LTA BU, GNYIS PA NI, DON MI MJED PAR 'DZIN PA'I GZUNGS LTA BU, GSUM PA NI, GSANG SNGAGS KHYAD PAR CAN RTZOM PA'I GZUNGS LTA BU, BZHI PA NI STONG NYID ZAB MO'I DON LA MI SKRAG PA'I GZUNGS LTA BU'O, ,YANG DE LA NGO BO'I SGO NAS CHUNG NGU 'BRING CHEN PO DANG RNAM PA GSUM, CHEN PO LA YANG CHEN PO'I CHUNG DU CHEN PO'I 'BRING, CHEN PO'I CHEN PO RNAM PA GSUM DANG PO NI, DGE BA'I LAS KYI RNAM SMIN GYI 'BRAS BUR GYUR PA'I GZUNGS LTA BU, GNYIS PA NI, TSE 'DIR MANG THOS BSGOMS PA'I STOBS LAS SKYES PA'I GZUNGS LTA BU, GSUM PA NI, TING NGE 'DZIN BSGOM PA'I STOBS LAS SKYES PA'I GZUNGS LTA BU, BZHI PA NI, BYANG SEMS TSOGS SBYOR BA'I GZUNGS LTA BU, LNGA PA NI, MA DAGS BDUN GYI GZUNGS LTA BU, DRUG PA NI, DAG SA'I GZUNGS LTA BU STE, RGYAN LAS, @418B RNAM SMIN THOS PA GOMS PA DANG, ,TING NGE 'DZIN GYI GZUNGS DAG NI, CHUNG DANG 'BRING DANG CHEN PO STE, ,CHEN PO DE YANG RNAM PA GSUM, BLO LDAN MA ZHUGS ZHUGS PA DANG, MA DAG SA PA RNAMS KYI NI, , CHUNG DNGU DANG NI 'BRING PO STE, ,DAG PA SA PA'I GZUNGS CHE YIN, ,ZHES GSUNGS PA'I PHYIR, GSUM PA LAM MA ZHUGS NAS SANGS RGYAS KYIS 'BAR NA YOD, BZHI PA NI, BYANG CHUB SEMS DPA' YANG DANG YANG, ,DE LA YAN LAG BRTEN NAS NI, ,RTAG TU DAM PA'I CHOS DAG KYANG, ,RAB TU 'DZIN CING STON PAR BYED, ,CES RGYAN LAS GSUNGS PA LTAR RGYAL BA RNAMS KYI DAM PA'I CHOS MA LUS PA 'DZIN CING SPEL BAR BYED PA'I BYED LAS KHYAD PAR CAN DANG LDAN NO, ,BYANG SEMS MTHONG LAM PA'I RGYUD KYI GZUNGS CHOS CAN, TSOGS SGRUB YIN TE, RANG GI DNGOS KYI NYER LEN BYAS PA LAS BYUNG BA'I BYANG CHEN DNGOS SU THOB PAR BYED PA'I SEMS DPA'I YE SHES YIN PA'I PHYIR, ` DE LA YE SHES KYI TSOGS NI NANG DANG ZHES SOGS KYI SKABS SU DGAG GZHI'I DBYE BAS STONG NYID NYI SHU DANG, YUL CAN DE RTOGS PA'I YE SHES NYI SHU DANG, YE SHES KYI DMIGS PA GANG YIN DPYAD PA DANG GSUM, DANG PO NI, YUM BAR MA'I MDO LAS, RAB 'BYOR BYANG CHUB SEMS DPA' SEMS DPA' CHEN PO'I THEG PA CHEN PO NI 'DI LTA STE, NANG STONG PA NYID DANG, @419A *, ,PHYI STONG PA NYID DANG, PHYI NANG GNYIS KA STONG PA NYID DANG, STONG PA NYID STONG PA NYID DANG, DON DAM PA STONG PA, 'DUS BYAS STONG PA, 'DUS MA BYAS PA STONG PA, MTHA' LAS 'DAS PA STONG PA, THOG MA DANG THA MA MED PA STONG PA, DOR BA MED PA STOD PA RANG BZHIN STONG PA, CHOS THAMS CAD STONG PA, RANG GI MTSAN NYID STONG PA, MI DMIGS PA STONG PA, DNGOS PO MED PA'I NYID NGO BO STONG PA, DNGOS PO STONG PA, DNGOS PO MED PA STONG PA, RANG GI NGO BO STONG PA, GZHAN GYI NGO BO STONG PA NYID DO, ,DE LA NANG STONG PA NYID GANG ZHE NA, NANG GI CHOS ZHES BYA BA NI, MIG DANG RNA BA DANG, SNA DANG LCE DANG, YID LA BRJOD DO; ;DE LA THER ZUG TU GNAS PA MED PA DANG, 'JIG PA MED PA'I MIG NI MIG GIS STONG NGO, ,DE CI'I PHYIR ZHE NA, DE'I RANG BZHIN DE YIN PA'I PHYIR RO, ,DE'I DON BSDU BA NI 'DIR, ,YE SHES DANG ZHES GSUNGS LA; 'DI'I DON 'GREL PA LA, 'GREL BAR, ` ,DE LA YE SHES KYI TSOGS NI NANG DANG, ,ZHES SOGS KYI SKABS SU, DON BSDUS NA, 'DIR BSTAN STONG NYID NYI SHU DE 'DIR BSTAN GYI DGAG GZHI NYI SHU BDEN GRUB KYIS STONG PA'I PHYIR TE, DE RNAMS NI BDEN PAR GRUB PA'I GCIG DANG BDEN PAR GRUB PA'I DU MA GANG RUNG DU 'ANG MED PA'I PHYIR, GNYIS PA NI, STONG NYID NYI SHU DNGOS SU STON PA'I MDO CHOS CAN, @419B STONG NYID RTOGS PA'I YE SHES NYI SHU BSTAN TE, THEG CHEN GYI TSOGS LAM NAS SANGS RGYAS KYI SA'I BAR GYI LAM RIM RDZOGS PAR BSTAN PA'I PHYIR, DE'I GTAN TSIG GRUB STE, STONG NYID DANG PO GSUM STON PA'I MDOS THEG CHEN GYI TSOGS LAM CHUNG DU 'BRING CHEN PO GSUM, BZHI BA STON PA'I MDOS, BYANG SEMS KYI SBYOR LAM, LNGA PA DANG DRUG PA STON PA'I MDOS, RIM PA BZHIN SA DANG PO DANG GNYIS PA, BDUN PA DANG BRGYAD PA STON PA'I MDOS, RIM PA BZHIN SA GSUM PA DANG BZHI PA, DGU PA DANG BCU PA STON PA'I MDOS, RIM PA BZHIN SA LNGA PA DANG DRUG PA, BCU GCIG PA STON PA'I MDOS, SA BDUN PA, BCU GNYIS PA STON PA'I MDOS, SA BRGYAD PA, BCU GSUM PA DANG BCU BZHI PA STON PA'I MDOS, SA DGU PA, DE'I 'OG MA GNYIS STON PA'I MDOS, SA BCU PA, DE'I 'OG MA DANG GSUM STON PA'I MDOS, SANGS RGYAS KYI SA BSTAN PA'I PHYIR, THA MA GSUM NI SGRIB GNYIS BAG CHAGS DANG BCAS PA ZAD PAR SPANGS PA'I RTEN YIN PA DANG, RANG BYUNG NYID YIN PA'I DON GYIS SANGS RGYAS KYI SA LA BZHAG GI, DANG PO BCU BDUN YE SHES KYI SPANGS BYA MNGON GYUR DANG, SA BON CI RIGS PA DANG BRAL BAS BCU PA MAN LA BZHAG GO, ,'GREL CHEN LAS, DE LA GANG GI TSE CHOS THAMS CAD BDAG MED PA'O, ,ZHES SGOMS PAS CHAGS PA @420A *, ,MED PA NYID KYI CHOS KYI DBYINGS BDAG NYID THAMS CAD KYI RTOGS SU ZIN KYANG NGES PA SKYED PA LA BLTOS NAS KUN TU 'GRO BA'I DON GYIS SO SOR RTOGS PA'I PHYIR, CHOS THAMS CAD NGO BO NYID MED PAR MNGON SUM DU BYED PA'I SHES PA SHIN TU GSAL BA SKYE BAR 'GYUR BA DE'I TSE, BYANG CHUB SEMS DPA' SKYON MED PA LA YANG DAG PAR ZHUGS PAS MTHONG BA'I LAM 'THOB PAR 'GYUR RO, , ZHES SA DANG PO'I BAR CHAD MED LAM GYIS BDEN PAS STONG PA'I CHOS DBYINGS CHOS CAN, MTHA' DAG LA KUN TU 'GRO BA'I TSUL GYIS RTOGS PA'I RGYU MTSAN YOD DE, CHOS CAN THAMS CAD BDEN PAS STONG PA LA SNGO SER LA SOGS PA LTAR KHA DOG DBYIBS SOGS MI 'DRA BA'I DBYE BA MED PA'I PHYIR TE, DE LTAR DU MNGON SUM GYIS MA DMIGS PA'I PHYIR, DPER NA BYAS MI RTAG LA RDZAS RIGS MI 'DRA BA'I DBYE BA MED KYANG, LDOG PA'I DBYE BA YOD PA LTAR RO, ,'DI YANG RJE BTZUN GYI DGONGS PA YIN TE, DBUS MTHA' LAS, KUN TU 'GRO DON MCHOG GI DON, ,RGYU MTHUN DON GYI MCHOG NYID DANG, ,YONGS SU BZUNG BA MED DON DANG, ,RGYUD RNAMS THA DAD MED DON DANG, ,NYON MONGS RNAM DAG MED DON DANG, ,THA DAD MED PA'I DON NYID DANG, ,'GRIB MED 'PHEL BA MED DON DANG, ,DBANG NI RNAM PA BZHI YI GNAS, , @420B CHOS KYI DBYINGS LA MA RIG PA, ,NYON MONGS CAN MIN SGRIB PA BCU, ,SA BCU'I MI MTHUN PHYOGS NYID KYI, GNYEN PO DAG NI SA YIN NO, ,ZHES GSUNGS LA, 'GREL BAR, KUN TU 'GRO BA'I DON LA SOGS PA CHOS KYI DBYINGS RNAM PA BCU LA NYON MONGS CAN MIN PA'I MI SHES PA GANG YIN PA DES NI BYANG CHUB SEMS DPA'I SA BCU LA GO RIMS BZHIN DU BSGRIBS TE, DE'I MI MTHUN PHYOGS SU GYUR PA'I PHYIR RO; ;'DI LTA STE, SA DANG PO LA NI CHOS KYI DBYINGS KUN TU 'GRO BA'I DON TU RTOGS TE, DES BDAG DANG GZHAN MNYAM PA NYID DU 'THOB BO, ,SA GNYIS PA LA NI CHOS KYI DBYINGS MCHOG GI DON TU RTOGS TE, DES 'DI SNYAM DU SEMS TE, DE LTA BAS NA SGRUB TU MTSUNGS PA LA BDAG GIS RNAM PA THAMS CAD DU YONGS SU SBYONG BA MNGON PAR SGRUB PA NYID LA RTZON PAR BYA'O SNYAM MO, ,SA GSUM PA LA NI DE'I RGYU MTHUN PA DON GYIS MCHOG TU RTOGS TE, DES CHOS KYI DBYINGS KYI RGYU MTHUN PA THOS PA MCHOG TU RIGS NAS DE YIS ME 'BAS STONG GSUM GYI STONG CHEN PO'I TSAD TZAM DU YANG BDAG NYID 'CHONG NGO, , BZHI PA LA NI YONGS SU BZUNG BA MED PA'I DON TU RTOGS TE, 'DI LTAR CHOS LA SRED PA YANG LDOG GO ,LNGA PA LA NI RGYUD THA DAD MED PA'I DON DU RTOGS TE, SEMS DANG BSAM PA RNAM PAR DAG PA PA MNYAM PA NYID@421A *, ,BCU RTOGS SO, ,DRUG PA LA NI KUN NAS NYON MONGS PA DANG, RNAM PAR DAG PA MIN PAR RTOGS TE, RTEN CING 'BREL PAR 'BYUNG BA'I DON LA KUN NAS NYON MONGS PAR 'GYUR BA 'AM, RNAM PAR DAG PAR 'GYUR BA'I CHOS DE DAG GANG YANG MED PAR RAB TU RTOGS PA'I PHYIR RO, ,BDUN PA LA NI THA DAD PA MED PA'I DON DU RTOGS TE, MTSAN MA MED PA'I MDO LA SOGS PAS CHOS KYI MTSAN MA THA DAD PAR MI 'GYUR BA'I PHYIR RO, ,BRGYAD PA LA NI, 'GRIB PA MED CING 'PHEL BA MED PA'I DON TU RTOGS TE, MI SKYE PA'I CHOS LA BZOD PA THOB PAS, KUN NAS NYON MONGS PA'Am RNAM PAR BYANG BA YANG 'GRIB PA'AM 'PHEL BAR MI MTHONG BA'I PHYIR RO, ,DBANG RNAM PA BZHI STE, RNAM PAR MI RTOG PA LA DBANG BA DANG, ZHING YONGS SU DAG PA LA DBANG BA DANG, YE SHES LA DBANG BA DANG, LAS LA DBANG BA'O; ;DE LA SA BRGYAD PA NYID LA CHOS KYI DBYINGS DBANG BA DANG PO DANG, GNYIS GNAS NYID DU RAB TU RTOGS SO, ,DGU PA LA NI YE SHES LA DBANG BA'I GNAS NYID DU RTOGS TE, SO SO YANG DAG PAR RIG PA 'THOB PA'I PHYIR RO, ,BCU PA LA NI LAS LA DBANG BA'I GNAS NYID DU RTOGS TE, JI LTAR BZHENG PA BZHIN DU SPRUL PA RNAMS KYIS SEMS CAN GYI DON MDZAD PA'I PHYIR RO, ,ZHES @421B GSUNGS SO, ,GSUM PA NI, 'GREL CHEN DU, YANG RNAM PAR MI RTOG PA'I YE SHES 'DI'I DMIGS PA CI YIN ZHE NA, ZHES SOGS KYI MDO 'CHAD PA LA, LUGS GNYIS 'GOD PA, LUGS GNYIS PA 'THAD PAR SGRUB PA ,DE LA GZHAN GYI KLAN KA SPANG PA, LUGS SNGA MA DGAG PA, YE SHES KYI DBYE BA GZHAN MA SMOS PA'I RGYU MTSAN DANG LNGA, DANG PO NI, SEMS TZAM PA NA RE, GNYIS STONG BDEN GRUB MNYAM GZHAG YE SHES KYIS GZHAL BYAR 'DOD, GZHAN DAG NI CHOS THAMS CAD BDEN PAS STONG PA DE'I GZHAL BYAR 'DOD DO, ,GNYIS PA NI, 'GREL CHEN LAS, GANG DAG GANG SHES PA YIN NA DE'I SHES BYA YIN NA BDEN STONG YIN DGOS TE, DPER NA, RMI LAM GYI RTA GLANG DU SNANG BA LTA BU, RNAM PAR MI RTOG PA'I YE SHES 'DI YANG SHES PA YIN NO, ,SHES BYA RANG BZHIN GYIS RTOGS PA, ,DMIGS PA MNGON SUM MA YIN NA; DON MTHONG RAB TU 'GRUB MI 'GYUR, ,ZHES GSUNGS PAS PHYOGS CHOS MA GRUB PA YANG MIN LA, MTHUN PHYOGS LA MTHONG BAS 'GAL BA YANG MA YIN, MI MTHUN PHYOGS LA MA MTHONG BAS MA NGES PA NYID KYANG MA YIN NO, ,ZHES GSUNGS, DE'I DON NI, GANG SHES PA YIN NA RANG GI SHES BYA BDEN PAR MED PAS KHYAB, DPER NA RMI LAM GYI SHES PA BZHIN, MI RTOG YE SHES 'DI YANG SHES PA YIN NO, ,ZHES PAS @422A *, ,SGRUB NGAG YANG DAG DANG, SHES PA DE MI RTOG YE SHES RANG GI DMIGS PA BDEN GRUB MED PAR SGRUB PA'I RANG BZHIN GYI RTAGS YANG DAG YIN NO ZHES BRJOD PA'I RGYU MTSAN YOD DE, SHES PA DANG, RANG GI DMIGS PA BDEN PAR MED PA GNYIS NGO BO GCIG YIN PA'I DON GYIS DE LTAR DU BRJOD PA'I PHYIR, SHES PA'I RTAGS KYIS MI RTOGS YE SHES RANG GI DMIGS PA BDEN STONG DU SGRUB PA'I PHYOGS CHOS MA GRUB PA MIN TE, ,SHES PA DANG MI RTOG YE SHES RNAMS RANG RIG GIS GRUB PA'I PHYIR TE, DE LTA MA YIN NA YUL RNAMS KYANG TSAD MAS MA GRUB PA'I SKYON YOD PA'I PHYIR TE, DE LTAR DU RNAM NGES LAS GSUNGS PA'I PHYIR, SHES PA NI, MI RTOG YE SHES RANG GI DMIGS PA BDEN MED DU SGRUB PA'I 'GAL RTAGS MIN TE, SHES PA NI BDEN MED KHO NA YIN PA'I PHYIR, SHES PA DE SGRUB KYI MA NGES PA'I GTAN TSIG MIN TE, DE BDEN GRUB LA MED PA KHO NA YIN PA'I PHYIR, ZHES PA'I DON YIN NO, ,GSUM PA NI, SEMS TZAM PA NA RE, CHOS THAMS CAD BDEN STONG CHOS CAN, BDEN STONG YIN PAR THAL, SHES PA'I DMIGS PA YIN PA'I PHYIR, 'DOD NA, CHOS RNAMS BDEN PAR GRUB PAR THAL, 'DOD PA'I PHYIR, ZHE NA, MA KHYAB STE, LHAS BYIN GYIS MCHOD SBYIN BSAD PA'I TSE LHAS BYIN BSAD PA'I 'OG TU MCHOD SBYIN SLAR YANG MI 'BYUNG @422B BA BZHIN, CHOS RNAMS BDEN GRUB BKAG PA'I 'OG TU BDEN STONG DE NYID BDEN PAR GRUB PA BKAG PA'I TSE, CHOS RNAMS BDEN PAR GRUB MI DGOS PA'I PHYIR, DPER NA MO BSHAM GYI BU MA SKYES PA DE NYID MA SKYES PA YIN NA, MO BSHAM GYI BU SKYES MI DGOS PA BZHIN NO, MDOR NA, GNYIS STONG GI DE KHO NA NYID CHOS CAN, GZHAN DBANG RDZUN PA LA BRTEN DGOS PA MI 'THAD PAR THAL, BDEN PAR GRUB PA'I PHYIR, RTAGS KHYAB DNGOS, KHYAB STE, BRDZUN PA LA BRTEN NA BDEN PAR MED DGOS PA'I PHYIR, BZHI BA NI, GZHAN DBANG DANG GNYIS STONG GI DE KHO NA NYID CHOS CAN, GZHAN DBANG YIN PAR THAL, BDEN GRUB GANG ZHIG ,YONGS GRUB MA YIN PA'I PHYIR, RTAGS DNGOS, 'DOD NA, RDZAS GCIG DANG THA DAD GANG RUNG YIN PAR THAL, 'DOD PA'I PHYIR, 'DOD NA, GNYIS STONG GI DE KHO NA NYID 'DUS BYAS YIN PAR THAL, DE GNYIS RDZAS SU GRUB PA'I PHYIR, 'DOD NA, DE MI RTOG YE SHES KYI DMIGS PA MA YIN PAR THAL, GZHAN DBANG YIN PA'I PHYIR, 'KHOR GSUM, RDZAS THA DAD YIN SNYAM NA, DE GNYIS 'BREL MED DON GZHAN YIN PAR THAL, DE GNYIS RDZAS GZHAN GANG ZHIG ,DE GNYIS RGYU 'BRAS SU MI 'THAD PA'I PHYIR, 'DOD NA, GNYIS STONG DE NYID GZHAN DBANG GI GNAS LUGS @423A *, ,YIN PA MI 'THAD PAR THAL, 'DOD PA'I PHYIR, 'DOD NA, DE LA DMIGS TE BSGOM PAS GZHAN DBANG LA SGRO 'DOGS DANG SKUR 'DEBS SU BLTA BA CUNG ZAD KYANG SPONGS MI NUS PAR THAL; 'DOD PA'I PHYIR, 'KHOR GSUM, RIMS BZHIN KHAS SO, ,LNGA PA NI, SKABS 'DIR ME LONG YE SHES LA SOGS PA'I RAB DBYE MTHA' DAG DNGOS SUM BSHAD PA'I RGYU MTSAN YOD DE, SKABS 'DIR NI STONG NYID NYI SHU DNGOS BSTAN GYI BSTAN BYA'I GTZO BOR BYED PA'I SHER PHYOGS KYI MDOS, ,SHUGS LA 'PHANG ZHING STONG NYID RTOGS PA'I YE SHES KYI TSOGS NYI SHU TZAM ZHIG DNGOS SU STON PAR 'DOD PA GANG ZHIG; YE SHES KYI RAB DBYE MTHA' DAG 'DIR DNGOS SU BSHAD NA SKABS DON DE NYID NGES PA'I GEGS SU GYUR PA'I PHYIR, ` SA'I TSOGS LA SA GANG GIS YONGS SU SBYONG BA, ZHES SOGS LA, SPYI DON DANG, GZHUNG DON GNYIS, DANG PO LA, RANG LUGS BZHAG PA DANG, RTZOD PA SPANGS PA GNYIS, DANG PO LA, SPYIR BSTAN PA DANG, BYE BRAG TU BSHAD PA GNYIS, DANG PO LA, RGYUD KYIS MA BSDUS PA'I SA'I KHAMS BSHAD PA DANG, BSDUS PA'I SA'I KHAMS BSHAD PA, DE LAS GZHAN PA SGRAS STON TSUL GYI DBYE BA BSHAD PA DANG GSUM, DANG PO LA, KUN BTUS LAS, SA'I KHAMS GANG ZHE NA SRA BA NYID @423B DO; ;ZHES REG BYA LA GSUNGS PA DANG, MDZOD LAS, 'JIG RTEN GYIS NI THA SNYAD DU, ,KHA DOG DBYIBS LA SA ZHES BRJOD, ,CHU ME YANG NGO RLUNG TSOGS KHAMS, NYID YIN DE DANG 'DRA BA'ANG, , ZHES KHA DOG DBYIBS SOGS LA SA DANG, SA KHAMS SU BSHAD PA LA SOGS PA RNAM PA DU MA YOD DO, ,GNYIS PA NI, RGYUD KYIS BSDUS PA'I SRA BA DANG, ,'PHRANG PA LA SOGS PA YIN TE, ,YAB SRAS MJAL BA'I MDO LAS, DE NAS RGYAL PO ZAS GTZANG MA 'KHOR DANG BCAS PAS LHA MIN DANG NAM MKHA' LDING RNAMS NAS KUN TU RGYU RNAMS KYI BAR GYI LUNG BSTAN PA THOS NAS 'DI SNYAMS DU SEMS PAR GYUR TE, 'DI LTAR BCOM LDAN 'DAS KYIS LEGS PAR GSUNGS PAS 'GRO BA THAMS CAD TSIM PAR BYAS PA NI NGO MTSAR SNYAM NAS, DE YANG BU LA CHAGS PAS KUN TU BKRIS PAR GYUR TO, ,DE NAS BCOM LDAN 'DAS KYIS RGYAL PO ZAS GTZANG MA'I SEMS THUGS SU CHUD NAS RGYAL PO ZAS GTZANG MA LA BKA' STZAL PA, RGYAL PO CHEN PO KHYOD LA TSANGS PAR SPYOD PA THOG MAR DGE BA BAR DU DGE BA, THA MAR DGE BA, DON BZANG PO, TSIG 'BRU BZANG PO, ,MA 'DRES PA, YONGS SU RDZOGS PA, YONGS SU BYANG BA'I CHOS 'DI LTA STE, KHAMS DRUG RNAM PAR DBYE BA ZHES BYA BA'I CHOS KYI RNAMS GRANGS BSHAD KYIS DE LEGS PAR RAB TU @424A *, ,NYON LA YID LA BZUNG ZHIG DANG, NGAS BSHAD DO, ,BCOM LDAN 'DAS LEGS SO ZHES GSOL NAS RGYAL PO ZAS GTZANG MAS, BCOM LDAN 'DAS KYIS LTAR NYAN PA DANG, DE LA BCOM LDAN 'DAS KYIS 'DI SKAD CES BKA' STZAL TO, ,RGYAL PO CHEN PO KHAmS DRUG RNAM PAR DBYE BA ZHES BYA BA'I CHOS KYI RNAM GRANGS DE GANG ZHE NA, RGYAL PO CHEN PO SKYES BU GANG ZAG 'DI NI KHAMS DRUG PA, REG PA'I SKYE MCHED DRUG PA, YID NYE BAR SPYOD PA BCO BRGYAD PA STE, SKYES BU 'DI NI KHAMS DRUG PA ZHES GANG SMRAS PA DE CI LA BRTEN TE SMRAS ZHE NA, RGYAL PO KHAMS DRUG NI 'DI DAG GO, DRUG GANG ZHE NA 'DI LTA STE, SA'I KHAMS DANG, CHU'I KHAMS DANG, ME'I KHAMS DANG, RLUNG GI KHAMS DANG, NAM MKHA'I KHAMS DANG, RNAM PAR SHES PA'I KHAMS SO, ,RGYAL PO CHEN PO DE DAG NI KHAMS DRUG STE, SKYES BU 'DI KHAMS DRUG PA'O ZHES GANG SMRAS PA DE NI, DE LA BRTEN TE SMRAS SO, ,SKYES BU 'DI NI REG PA'I SKYED MCHED DRUG PA'O, ,ZHES GANG SMRAS PA DE CI LA BRTEN TE SMRAS ZHE NA RGYAL PO CHEN PO REG PA'I SKYE MCHED DRUG NI 'DI DAG YIN TE, DRUG GANG ZHE NA, GZUGS LA BLTA BA'I MIG REG PA'I SKYE MCHED DANG, SGRA RNAMS NYAN PA'I PHYIR, RNA BA REG PA'I SKYE MCHED DANG, DRI @424B RNAMS SNOM PA'I PHYIR, SNA REG PA'I SKYE MCHED DANG, RO RNAMS MYONG BA'I PHYIR, LCE REG PA'I SKYE MCHED DANG, REG BYA RNAMS REG PA'I PHYIR, LUS REG PA'I SKYE MCHED DANG, CHOS RNAMS RNAM PAR SHES PA'I PHYIR, YID RTOG PA'I SKYE MCHED DO, ,RGYAL PO CHEN PO DE DAG NI REG PA'I SKYE MCHED DRUG STE, SKYES BU 'DI NI REG PA'I SKYE MCHED DRUG PA'O, ,ZHES GANG SMRAS PA DE NI DE LA BRTEN TE SMRAS SO, RGYAL PO CHEN PO SKYES BU 'DI NI YID KYI NYE PAR SPYOD PA BCO BRGYAD PA'O, ,ZHES GANG SMRAS PA DE CI LA BRTEN TE SMRAS ZHE NA, RGYAL PO CHEN PO YID KYI NYE BAR SPYOD PA BCO BRGYAD PO NI 'DI DAG STE, BCO BRGYAD GANG ZHE NA, 'DI LA MIG GIS GZUGS MTHONG NAS YID BDE BA DANG, YID MI BDE BA DANG, BTANG SNYOMS SU 'GYUR BAR GZUGS LA NYE BAR SPYOD DO, ,RNA BAS SGRA THOS NAS YID BDE BA DANG, YID MI BDE BA DANG, BTANG SNYOMS SU 'GYUR BAR SGRA LA NYE BAR SPYOD DO, ,SNAS DRI TSOR NAS YI BDE BA DANG, YID MI BDE BA DANG, BTANG SNYOMS SU 'GYUR BAR DRIL NYE BAR SPYOD DO, ,LCES RO MYONG BA'I YID BDE BA DANG, YID MI BDE BA DANG, BTANG SNYOMS SU 'GYUR BAR RO LA NYE PAR SPYOD DO, ,LUS KYI REG BYA LA REG NAS YID BDE BA DANG, YID MI BDE BA DANG, BTANG SNYOMS SU 'GYUR @425A *, ,BAR REG BYA LA NYE BAR SPYOD DO, ,YID KYIS CHOS RIG NAS YID BDE BA DANG, YID MI BDE BA DANG, BTANG SNYOMS SU 'GYUR BAR CHOS LA NYE BAR SPYOD DO, ,RGYAL PO CHEN PO DE LA GANG DAG YID BDE BAR NYE BAR SPYAD PA DRUG DANG, GANG DAG YID MI BDE BAR NYE BAR SPYOD PA DRUG DANG, GANG DAG BTANG SNYOMS SU 'GYUR BAR NYE BAR SPYOD PA DRUG PO DE DAG GCIG TU BSDUS NA YID KYI NYE BAR SPYOD PA BCO BRGYAD DU 'GYUR RO, ,RGYAL PO CHEN PO BCO BRGYAD PO DE DAG NI YID KYI NYE BAR SPYOD PA STE RGYAL PO CHEN PO SKYES BU 'DI NI NYE BAR SPYOD PA BCO BRGYAD PA'O ZHES GANG SMRAS PA DE NI 'DI LA BRTEN TE SMRAS SO, ,RGYAL PO CHEN PO 'DI LA SA'I KHAMS NI RNAM PA GNYIS TE, NANG GI SA'I KHAMS DANG, PHYI ROL GYI SA'I KHAMS SO, ,RGYAL PO CHEN PO NANG GI SA'I KHAMS GANG ZHE NA, GANG CI YANG RUNG STE LUS 'DI LA NANG GI KHONG NA SRA BA DANG 'PHRANG BA'I RNAM PA DANG, NYE BAR GYUR PA DANG ZIN PA'O, ,DE YANG GANG ZHE NA 'DI LTA STE, SKRA DANG, SPU DANG, SE MO DANG, SO DANG RDUL DRI MA DANG LPAGS PA DANG, SHA DANG, RTZA DANG, CHU RGYUS DANG, RUS PA DANG RKANG DANG SNYING DANG MCHIN PA DANG GLO BA DANG, MKHAL MA DANG, SUL MANG DANG 'CHI BRI DANG, SGYU MA DANG, SNYE MA DANG, SGANG PA DANG, MCHER PA DANG, PHYI SA DANG, KLAD PA DANG, KLAD RGYAS DANG, GZHAN YANG LUS 'DI @425B LA NANG GI KHONG NA SRA BA DANG 'PHRANG BA'I RNAM PA DANG, LUS SU GTOGS PAR GYUR BA DANG, ZIN PA 'DI NI NANG GI SA'I KHAMS ZHES BYA'O, ,RGYAL PO CHEN PO PHYI ROL GYI SA'I KHAMS GANG ZHE NA, GANG CI YANG RUNG STE PHYI ROL GYI SRA BA DANG, 'PHRANG BA'I RNAM PA DANG, LUS SU MA GTOGS PA DANG, MA ZIN PA 'DI NI PHYI ROL GYI SA'I KHAMS ZHES BYA'O, ,RGYAL PO CHEN PO DE LA NANG GI SA'I KHAMS 'BYUNG BA'I TSE GANG NAS KYANG MA 'ONGS 'GAG PA'I TSE GANG DU YANG MI 'GRO, ZHES SOGS GSUNGS SHING, DE BZHIN DU NYAN SA LAS KYANG GSUNGS LA, MDOR NA TSOR BA 'BYUNG BA'I GNAS SU MA ZIN PA'I SA'I KHAMS LA PHYI ROL GYI SA'I KHAMS, TSOR BA 'BYUNG BA'I GNAS SU ZIN PA'I SA'I KHAMS LA NANG GI SA KHAMS ZHES GSUNGS SHING, RIG PA'I SKYE MCHED DRUG NI MIG GI 'DUS TE REG PA NAS YID KYI 'DUS TE REG PA'I BAR DRUG, YID KYI NYE BAR SPYOD PA BCO BRGYAD NI, YUL DRUG GI BCO BRGYAD LA LONGS SPYOD PA'I BDE SDUG BTANG SNYOMS KYI SGO NAS PHYE BA'I TSOR BA BCO BRGYAD DE RNAMS SKYE BA'I TSE 'ONG TSUL, 'GAG PA'I TSE 'GRO TSUL, BDEN PAR MOD CING THA SNYAD DU YOD DO ZHES PA'I DON NO, ,GSUM PA NI, GONG 'OG MNGON PA'I GZHUNG LAS, KHAMS GSUM SA DGU'O, ,ZHES GSUNGS PA LTA BU STE, MDOR NA KHAMS GSUM GYIS BSDUS PA'I SEMS DANG SEMS LAS BYUNG BA'I CHOS RNAMS LA KHAMS GSUM SA DGU ZHES BYA'O, ,GNYIS PA LA MTSAN NYID DANG DBYE BA@426A *, ,GNYIS, DANG PO NI, YON TAN KUN GYI GZHI RTEN DU GYUR PA'I MNGON PAR RTOGS PA DE THAR LAM DU GYUR PA'I SA'I MTSAN NYID, GNYIS PA NI, DE LA RTEN GYI SGO NAS NYAN THOS KYIS, RANG RGYAL GYI SA; THEG PA CHEN PO'I SA DANG GSUM, YON TAN KUN GYI GZHI RTEN DU GYUR PA'I NYAN THOS KYI MNGON PAR RTOGS PA DE DANG PO'I MTSAN NYID, DE LA DBYE NA, DKAR PO RNAM PAR MTHONG BA'I SA, RIGS KYIS, BRGYAD PA'I SA; MTHONG BA'I SA, SRAB PA'I SA, 'DOD CHAGS DANG BRAL BA'I SA, BYAS PA RTOGS PA'I SA, NYAN THOS KYI SA DANG BRGYAD, YANG NA ZHUGS GNAS BRGYAD KYI MNGON PAR RTOGS PA BRGYAD YOD DE, RIN CHEN 'BRENG BAR ;JI LTAR NYAN THOS THEG PA LA, NYAN THOS SA NI BRGYAD BSHAD PA, ,ZHES GSUNGS PA LTAR RO, ,YON TAN KUN GYI GZHI RTEN DU GYUR PA'I RANG RGYAL GYI MNGON RTOGS DE RANG RGYAL GYI SA'I MTSAN NYID, DBYEN RANG RGYAL GYI LAM LNGA YOD DO, ,GSUM PA LA RGYU'I SA DANG, 'BRAS BU'I SA GNYIS, DANG PO LA, BYANG SEMS SO SKYE'I SA DANG, 'PHAGS PA'I SA GNYIS, DANG PO NI, TSOGS SBYOR LTA BU DE RNAMS 'JIG RTEN PA DANG NYAN RANG GI RGUD PA LAS 'DAS SHING, DON DAM PA'I BYANG CHUB SEMS DPA'I SA NI MA THOB LA, DPER NA, 'KHOR LOS BSGYUR BA'I RGYAL PO MI'I MDOG LAS 'DAS SHING, LHA'I MDOG NI MA THOB PA LTA BU ZHES @426B DKON MCHOG SPRIN LAS GSUNGS, DE NYID LAS, MOS PA CHEN PO YANG CHEN POS SPYOD PA'I CHOS NYID KYI SA DANG PO DE MA THAG TU THOB PAR GNAS PA 'DI NI BYANG CHUB SEMS DPA'I BYANG CHUB KYI SEMS MA BSKYED PA'O, ,ZHES JI SKAD GSUNGS PA LTA BU'O, ,MOS PAS SPYOD PA'I SKAD CIG DE LA GNAS PA YANG RIGS KYI BU 'DI LTA STE, DPER NA, 'KHOR LOS BSGYUR BA'I RGYAL PO MI'I MDOG LAS NI 'DAS LA, LHA'I MDOG NI MA THOB PA YIN TE, DE BZHIN DU BYANG CHUB SEMS DPA' YANG 'JIG RTEN PA DANG, NYAN THOS DANG, RANG SANGS RGYAS KYI SA THAMS CAD LAS NI SHIN TU 'DAS LA, DON DAM PA'I BYANG CHUB SEMS DPA'I SA NI MA THOB PA YIN NO, ,ZHES DE NYID LAS RNAM PAR BSHAD DO, ,ZHES DBU MA 'JUG PA'I RANG 'GREL DU GSUNGS, GNYIS PA LA BSDOMS KYI SGO NAS MDOR BSTAN PA DANG, RGYAS PAR BSHAD PA GNYIS, DANG PO NI, RGYAN LAS, MTSAN NYID GANG ZAG BSLAB PA DANG, ,PHUNG PO GRUB PA RTAGS DANG NI, ,NGES PA'I TSIG DANG THOB PA YIS, ,GNAS PA DE NYID SA NYID DO, ,ZHES GSUNGS, DON NI, BYANG CHUB SEMS DPA'I GNAS PA NI SA NYID DO, ,RNAM GZHAG BRGYAD DANG LDAN TE, SA SO SO'I MTSAN NYID, RTEN GYI GANG ZAG BSLAB PA GSUM, PHUNG PO GSUM, GRUB PA THOB PA, NGES TSIG, THOB PA RNAMS KYI SGO SHES PAR BYA BA'I PHYIR RO, ,GNYIS PA LA MTSAN NYID BSHAD PA, DBYE BA BSHAD PA, DE'I RGYU MTSAN BSHAD PA, DRANGS NGES @427A *, ,BSHAD PA, 'PHO TSUL BSHAD PA, 'PHOS PA'I TSAD BSHAD PA, YONGS SPYOD BSHAD PA, DE'I RNAM GZHAG BSHAD PA, GANG ZAG GI RAB DBYE BSHAD PA, BSLAB PA SBYONG TSUL BSHAD PA, PHUNG PO GSUM 'BYUNG TSUL BSHAD PA, GRUB PA THOB MA THOB KYI KHYAD PAR BSHAD PA, BYANG CHUB SEMS DPA' YIN PA'I RTAGS SOGS THOB PAR BYA BA'I YON TAN BSHAD PA DANG BCU GSUM MO, ,DANG PO NI, THABS SHES KHYAD PAR CAN GYIS ZIN PA'I BYANG 'PHAGS KYI MKHYEN PA GANG ZHIG YON TAN KUN GYI GZHI RTEN BYED PA, BYANG 'PHAGS KYI SA'I MTSAN NYID YIN TE, 'JUG PA'I RANG 'GREL LAS, BYANG CHUB SEMS DPA' RNAMS KYI ZAG PA MED PA'I YE SHES SNYING RJE LA SOGS PAS YONGS SU ZIN PA NYID CHAR RNAM PAR PHYE BA NAS ZHES BYA BA'I MING THOB STE, YON TAN GYI RTEN DU GYUR PA'I PHYIR RO, ,ZHES GSUNGS, GNYIS PA NI, DE LA RAB DGA' LA SOGS SA BCU YOD DE, RIN CHEN 'PHRENG BA LAS, JI LTAR NYAN THOS THEG PA LA, ,NYAN THOS SA NI BRGYAD BSHAD PA, ,DE BZHIN THEG PA CHEN PO LA, ,BYANG CHUB SEMS DPA'I SA BCU'O, ,ZHES DANG, 'JUG PA'I RANG 'GREL LAS, JI LTAR NYAN THOS KYI THEG PAR ZHUGS PA'I 'BRAS BU'I LAM LA GNAS PA'I DBYE BAS NYAN THOS KYIS BRGYAD RNAM PAR 'JOG PA, DE BZHIN DU THEG PA CHEN POR YANG BYANG CHUB SEMS DPA' RNAMS KYI BYANG CHUB SEMS DPA'I SA BCU @427B YIN NO, ,ZHES GSUNGS PA'I PHYIR, GSUM PA NI, BYANG SEMS 'PHAGS PA'I SA LA BCUR 'BYED PA'I RGYU MTSAN YOD DE, GONG NAS GONG DU YON TAN GYI GRANGS 'PHEL BA'I KHYAD PAR, THUN MONGS MA YIN PA'I NUS MTHU THOB PA'I KHYAD PAR, PHAR PHYIN BCU'I NYAMS LEN LHAG PA'I KHYAD PAR, RNAM SMIN GYI SKYE BA LEN TSUL GYI SGO NAS RAB DGA' LA SOGS PAS RNAM PAR DBYE BAS BYANG SEMS KYI SA BCU RNAM PAR BZHAG PA'I PHYIR TE, 'JUG 'GREL LAS; DE YANG GONG NAS GONG DU YON TAN GYI GRANGS DANG MTHU PHUL DU BYUNG BA THOB PA DANG, SBYIN PA LA SOGS PA'I PHA ROL TU PHYIN PA LHAG PA DANG, RNAM PAR SMIN PA 'PHEL BA'I BYE BRAG GI SA RAB DGA' LA SOGS PAS RNAM PAR DBYE BAS DBYE BA RNAM PA BCU BZHAG GIS, ZHES GSUNGS PA'I PHYIR, SA 'DI RNAMS LA BDEN GRUB KYI DBYE BA NI CUNG ZAD KYANG YOD PA MIN TE, DE LTAR DU GANG LA BRTEN NAS KYANG RTOGS PAR MI NUS PA'I PHYIR TE, BAR SNANG GI BYA'I RKANG RJES BYA RNAMS KYIS KYANG JI LTA BA BZHIN DU RTOGS MI NUS PA BZHIN YIN PA'I PHYIR TE, 'JUG 'GREL LAS, 'DI LA RANG GI NGO BO'I KHYAD PAR GYIS BYAS PAS DBYE BA NI YOD PA MIN NO, ,JI SKAD DU, JI LTAR BAR SNANG BYA RJES MKHAS RNAMS KYI; BRJOD PAR NUS MA YIN BZHIN MI MTHONG BA, ,DE LTAR RGYAL BA'I SRAS KYI SA KUN YANG, ,BRJOD MI NUS NA MNYAN PAR GA LA NUS, ,ZHES GSUNGS SO, ,ZHES BSHAD PA'I PHYIR, BZHI PA NI, BYANG 'PHAGS KYI SA LA BCUD GRANGS NGES PA'I @428A *, ,RGYU MTSAN YOD DE, BYANG 'PHAGS KYI SA'I YONGS SBYONG LA BCUR GRANGS NGES PA'I PHYIR TE, BYANG SEMS KYI MTHOD SGOM LAM GYIS BSDUS PA'I YONGS SBYONG LA BCUR GRANGS NGES PA'I PHYIR TE, 'GREL CHEN LAS, MTHONG BA DANG SGOM PA'I LAM LA YONGS SU SBYONG BA'I CHOS KYI DBYE BAS RAB TU DGA' BA LA SOGS PA'I SA BCUR RNAM PAR BZHAG GO, ZHES GSUNGS PA'I PHYIR, SA DE'I SKYON ZAD PAR BYED CING YON TAN YONGS SU RDZOGS PAR BYED PA NI SA DE'I YONGS SBYONG GI MTSAN NYID YIN LA, 'DIR DNGOS SU BSTAN PAS DGU'I YONGS SBYONG DANG, DON GYIS THOB PAS BCU'I YONGS SBYONG NGO, ,BSDU NA SPANG BYA YONGS SU SBYONG BA DANG; GNYEN PO YONGS SU SBYONG BA GNYIS, DANG PO NI, GSER GYI DRI MA SBYONG BA LTA BU, GNYIS PA NI, KHANGS ZANGS YONGS SU SBYONG BA LTA BU YIN TE, DANG POS DRI MA ZAD PAR BYED CING, GNYIS PAS YON TAN SPEL PAR BYED PA'I PHYIR RO, ,'DOR NA, SA GNAS KYI SEMS DPA' RNAMS KYIS RANG GZHAN GYI RGYUD SMIN PAR BYED PA'I RNAM PAR DKAR BA'I YON TAN LA YONGS SBYONGS THUGS DAM NYAMS LEN ZHES BRJOD PA STE, RGYAS PAR NI SHER PHYIN GYI MDO DANG, MNGON RTOGS RGYAN RTZA 'GREL LAS SHES PAR BYA'O, ,LNGA PA NI, SA SNGA MA RNAMS KYI MNYAM GZHAG NAS PHYI MA'I MNYAM GZHAG TU 'PHO BA YIN TE, SA DANG PO'I BAR CHAD MED LAM NAS @428B GNYIS PA'I RNAM GROL LAM DU 'PHO BA GANG ZHIG, RGYUN MTHA'I BAR CHAD MED LAM NAS RNAM MKHYEN SKAD CIG MA DANG POR 'PHO BA'I PHYIR, DANG PO GRUB STE, SA DANG PO'I SGOM LAM BAR CHAD MED LAM YOD PA'I PHYIR TE, DE LTAR DU SNGAR GONG DU BSGRUBS ZIN PA'I PHYIR, GZHAN YANG, SA BDUN PA'I BAR CHAD MED LAM NAS SA BRGYAD PA'I RNAM GROL LAM DU 'PHO BA YIN TE, SA BDUN PA'I YE SHES SKAD CIG THA MA DE NYID MA DAG SA'I NGOS SKAL GYI SPANGS BYAR GYUR PA'I SGRIB PA DE'I SPONG GNYEN BRGYAD PA'I YE SHES SKAD CIG MA DANG PO DE DE SPANGS PA'I RNAM GROL LAM YIN PA'I PHYIR TE, RGYUN MTHA'I YE SHES SKAD CIG THA MA DAG SA'I NGOS SKAL GYI SGRIB PA'I SPONGS GNYEN DANG; RNAM MKHYEN SKAD CIG DANG PO DE DE SPONGS PA'I RNAM GROL LAM YIN PA'I PHYIR, DANG PO GRUB STE, RGYUD BLAR, SA GSUM RJES 'BREL DRI MA RNAMS, ,SA 'DAM GOS BZHIN SHES BYA STE, ,BDAG NYID CHEN PO RDO RJE LTA'I, , TING NGE 'DZIN GYIS GZHOM BYA YIN, ,ZHES GSUNGS PA'I PHYIR, GNYIS PA GRUB STE, RGYUD BLAR, SA BDUN LA BRTEN DRI MA RNAMS, ,MNGA' SBUBS DRI MA DAG DANG MTSUNGS, ,MNGA' SBUBS BRAL 'DRA'I MI RTOG PA'I, ,YE SHES RNAM PAR SMIN PA BZHIN, ,ZHES MNGAL NAS BTZAS MA THAG PA'I LUS MNGAL SBUBS KYI DRI MAS GSAR DU DAG PA BZHIN, SA BRGYAD PA'I MI RTOG YE SHES MA DAG SA'I SPANGS BYAS GSAR DU DAG ,MNGAL SBUBS KYI @429A *, ,LUS MNGAL GYI DRI MAS MA DAG PA BZHIN, MA DAG SA'I YE SHES RNAMS DE'I NGOS SKAL GYI DRI MAS MA DAG PA YIN NO, ,DRUG PA NI, SA DANG PO'I YONGS SBYONGS RDZOGS PA DANG, SA GNYIS PAR 'PHOS PA DUS MNYAMS SHING, GZHAN DAG LA YANG DE BZHIN DU SHES PAR BYA BA YIN TE, 'GREL CHEN LAS, JI SRID SA GANG GI YONGS SU SBYONG BA MA RDZOGS PA DE SRID DU SA DE YIN LA, RDZOGS NAS NI SA GZHAN YIN PAR RIGS PAR BYA'O, ,ZHES GSUNGS LA, 'DIS KYANG SA DANG PO'I NGOS SKAL GYI SPANG BYAR GYUR PA'I SGRIBS PA ZAD NAS GNYIS PAR 'PHOS ZIN PAS KHYAB PA YOD PAR BSTAN TO, ,BDUN PA NI, GONG DU BSHAD ZIN, BRGYAD PA LA, NGES TSIG BSHAD PA, THOB PA'I RTAGS BSHAD PA, SPANG GNYEN GYI RNAM BZHAG BSHAD PA DANG GSUM, DANG PO NI, RGYAN LAS, 'BYUNG PO DPAG MED 'JIG MED PHYIR, ,DPAG TU MED PA DE DAG LA, ,PHYI PHYIR GONG DU 'GRO LDAN PHYIR,, DE DAG NYID NI SAR 'DOD DO, ,ZHES DANG, BYANG CHUB LA NI NYE BA DANG, ,SEMS CAN DON SGRUB MTHONG BA LA, ,RAB TU DGA' BA SKYE 'GYUR TE, ,DE PHYIR RAB DGA' ZHES BRJOD DO, ,'CHAL TSUL RTZOL PA'I DRI BRAL PHYIR, ,DRI MA MED PA'I SA ZHES BYA, ,CHOS KYI SNANG BA CHEN PO NI, ,BYED PA'I PHYIR NA'ONG BYED PA, ,'DI LTAR BYANG CHUB PHYOGS MTHUN CHOS, ,RAB TU SREG BYED 'OD LTA BU, ,DE DANG LDAN PHYIR SA DE NI, ,GNYIS PO BSREG PAS 'OD 'PHRO CAN, ,SEMS @429B CAN RNAMS YONGS SMIN BYED CING, ,RANG GI SEMS KYANG RJES SU BSRUNG, ,BLO LDAN RNAMS KYI SBYANGS DKA' BA, ,DE PHYIR SBYANGS DKA' ZHES BRJOD DO, ,SHES RAB PHA ROL PHYIN BRTEN NAS, ,'KHOR BA DANG NI MYA NGAN 'DAS, ,GNYIS 'DI MNGON DU GYUR PA'I PHYIR, ,MNGON DU GYUR PA'I SA ZHES BSHAD, ,BGROD GCIG LAM DANG 'BREL BA'I PHYIR, ,RING DU SONG BA'I SAR 'DOD DO, ,'DU SHES GNYIS KYIS MI GA-YO'I PHYIR, ,MI GA-YO BA ZHES NGES PAR BRJOD, ,SO SO YANG DAG RIG BLO BZANG, ,SA DE LEGS PA'I BLO GROS YIN, ,SPRIN BZHIN GNYIS KYI NAM MKHA'I CHOS, ,SPRIN BZHIN GNYIS KYI NAM MKHA'I CHOS, ,KHYAB PA'I PHYIR NA CHOS KYI SPRIN, ,ZHES GSUNGS LA, DON NI, RAB DGA' SOGS BCU PO 'DI LAS ZHES BRJOD PA'I RGYU MTSAN YOD DE, DES SROG CHAGS DPAG TU MED PA LA NGAN 'GRO'I 'JIGS PA MED PAR BYED, RE RE YANG YON TAN DPAG TU MED PA DANG LDAN, SNGA MA SNGA MA LAS PHYI MA PHYI MA GONG NAS GONG DU 'GRO BA DANG LDAN PAS DE LTAR BRJOD PA'I PHYIR, SA DANG PO LA RAB TU DGA' BA ZHES BRJOD PA'I RGYU MTSAN YOD DE, DE BYANG CHUB CHEN PO LA NYE BAR PHYOGS PA DANG, SEMS CAN GYI DON BSGRUB PA MTHONG BA LA RAB DGA' KHYAD PAR CAN SKYE BOR 'GYUR BAS DE LTAR BRJOD PA'I PHYIR, SA GNYIS PA LA DRI MA MED PA ZHES BRJOD PA'I RGYU MTSAN YOD DE, DES 'CHAL TSUL GYI RTZOL BA DANG, THEG DMAN YID BYED KYI DRI MA DANG BRAL BA'I SA YIN PAS, DE LTAR BRJOD PA'I PHYIR, SA GSUM PA LA 'OD BYED PA ZHES BRJOD PA'I RGYU MTSAN YOD DE, MDO SOd @430A *, ,CHOS KYI SNAR BA CHEN PO BYED PA'I SA YIN PAS DE LTAR BRJOD PA'I PHYIR, SA BZHI PA LA 'OD 'PHRO BA ZHES BRJOD PA'I RGYU MTSAN YOD DE, DE RANG GI NGOS SKAL GYI BYANG CHUB PHYOGS MTHUN GYI SGRIB PA RAB TU BSREG PAR BYED PA'I YE SHES ME 'OD DANG LDAN PA'I SA YIN PAS DE LTAR BRJOD PA'I PHYIR, SA LNGA PA LA SBYANG DKA' BA ZHES BRJOD PA'I RGYU MTSAN YOD DE, BLO LDAN RNAMS KYI SA DE SBYANG BAR DKA' ZHING DE NYID BDUD RNAMS KUN GYIS PHAM PAR DKA' BA'I RGYU MTSAN GYIS DE LTAR BRJOD PA'I PHYIR, SA DRUG PA LA MNGON DU GYUR PA ZHES BRJOD PA'I RGYU MTSAN YOD DE, DER SHES RAB KYI PHA ROL TU PHYIN PA'I NYAMS LEN LHAG PA LA BRTEN NAS RTEN 'BREL LUGS 'BYUNG LUGS LDOG DANG 'KHOR 'DAS KYI CHOS THAMS CAD MNGON DU GYUR PAS DE LTAR BRJOD PA'I PHYIR, SA BDUN PA LA RING DU SONG BZHES BRJOD PA'I RGYU MTSAN YONG DE, DE BGROD PA GCIG PA'I LAM GYI NYE RGYUR 'BREL PAS DE LTAR BRJOD PA'I PHYIR, SA BRGYAD PA LA BGROD PA GCIG PA'I LAM ZHES KYANG BRJOD PA'I RGYU MTSAN YOD DE, SA BRGYAD PA YAN CHAD DU BYANG SEMS DBANG PO RNON PO'I LAM GYI BGROD PA KHO NA YOD PAS DE LTAR BRJOD PA'I PHYIR, SA BRGYAD PA DE LA MI GA-YO BA ZHES BRJOD PA'I RGYU MTSAN YOD DE, DE MTSAN BCAS DANG MTSAN MED KYI 'DU SHES GNYIS KYIS MI GA-YO BA YIN PAS DE LTAR BRJOD PA'I PHYIR, SA DGU PA LA LEGS PA'I @430B BLO GROS ZHES BRJOD PA'I RGYU MTSAN YOD DE, DES SO SO YANG DAG RGI P'I BLO GROS BZANG PO THOB PA YIN PAS DE LTAR BRJOD PA'I PHYIR, SA BCU PA LA CHOS KYI SPRIN ZHES BRJOD PA'I RGYU MTSAN YOD DE, DER MANG DU THOS PA'I CHOS NAM MKHA' LTA BU LA GZUNGS DANG TING NGE 'DZIN GNYIS KYIS SPRIN BZHIN DU KHYAB PA'I SA YIN PAS DE LTAR BRJOD PA'I PHYIR TE, RIN CHEN 'PHRENG BA LAS, RNAM SMIN GYI SKYE BA LEN TSUL DANG NGES TSIG PHYOGS GCIG TU BSDUS NAS GSUNGS PA'I TSUL NI, DE NYID LAS DE DAG DANG POR RAB DGA' BA, ,BYANG CHUB SEMS DPA' DGA' BYED PHYIR, ,KUN TU SBYOR BA GSUM SANGS SHING, ,DE BZHIN GSHEGS PA'I RIGS SKYES PHYIR, ,DE YI RNAM PAR SMIN PAS NA, ,SBYIN PA'I PHA ROL PHYIN MCHOG 'GYUR, ,'JIG RTEN KHAmS NI RGYA GA-YO ZHING, ,'DZAM GLING DBANG PHYUG CHEN POR 'GYUR, ,GNYIS PA DRI MA MED CES BYA, ,LUS DANG NGAG DANG SEMS KYI LAS, ,BCU BCANG DRI MA MED PA'I PHYIR, ,NGANG GIS DE DAG LA GNAS PHYIR; ;DE YI RNAM PAR SMIN PAS NA, ,TSUL KHRIMS PHA ROL PHYIN MCHOG 'GYUR, ,DPAL LDAN RIN CHEN BDUN GYI BDAG ,'GRO PHAN 'KHOR LOR BSGYUR BAR 'GYUR, ,SA GSUM PA NI 'OD BYED PA, ,YE SHES ZHI BA'I 'OD 'BYUNG ZHING, BSAM GTAN MNGON SHES SKYES PA DANG, 'DOD CHAGS ZHE SDANG YONGS ZAD PHYIR, DE YI RNAM PAR SMIN PAS NA, ,BZOD DANG BRTZON 'GRUS LHAG PAR SPYOD, ,LHA YI DBANG CHEN MKHAS PA DE, ,'DOD PA'I 'DOD CHAGS BZLOG PA YIN, ,BZHI PA 'OD 'PHRO@431A *, ,CAN ZHES BYA, ,YANG DAG YE SHES 'ONG 'BYUNG PHYIR, ,BYANG CHUB PHYOGS MTHUN MA LUS PA, ,KHYAD PAR DU NI BSGOM PA'I PHYIR, ,DE YI RNAM PAR SMIN PAS NA, ,RAB 'THAB BRAL NAS LHA RGYAL 'GYUR, ,'JIG TSOGS LTA BA RAB BYUNG BA, ,KUN NAS 'JOMS BYED MA KHAS PA YIN, ,LNGA PA SHIN TU SBYANG DKA' BDUD, ,KUN GYI SHIN TU THUB DKA'I PHYIR, ,'PHAt PA'I BDEN SOGS PHRA MO'I DON, ,SHES LA MKHAS PA 'BYUNG BA'I PHYIR, , DE YI RNAM PAR SMIN PAS NA, ,DGA' LDAN GNAS KYI LHA RGYAL 'GYUR, ,MU STEGS BYED PA THAMS CAD KYI, ,NYON MONGS LTA GNAS LDOG BYED PA, ,DRUG PA MNGON PHYOGS ZHES BYA STE, ,SANGS RGYAS CHOS LA MNGON PHYOGS PHYIR; ;ZHI GNAS LHAG MTHONG GOMS PA YIS, ,'GOG PA THOB PAS RGYAS PA'I PHYIR, ,DE YI RNAM PAR SMIN PAS NA, ,LHA YI RGYAL PO RAB 'KHRUL 'GYUR, ,NYAN THOS RNAMS KYIS MI 'PHROG PA, ,LHAG PA'I NGA RGYAL CAN ZHI BYED, ,BDUN PA RING DU SONG BA STE, ,GRANGS NI RING DU SONG LDAN PHYIR, ,GANG PHYIR SKAD CIG SKAD CIG LA, ,DER NI 'GOG LA SNYOMS PAR 'JUG ,DE YI RNAM PAR SMIN PAS NA, ,DBANG SGYUR LHA YI RGYAL POR 'GYUR, , 'PHAGS PA'I BDEN MNGON RTOGS PA'I PHYIR, ,SLOB DPON KHYU MCHOG CHEN POR 'GYUR, ,DE BZHIN BRGYAD PA GZHON NU'I SA, ,MI GA-YO BA STE MI RTOG PHYIR, ,MI GA-YO DE BZHIN LUS DANG NI, ,NGAG SEMS BSAM GYIS MI KHYAB YUL, ,DE YI @431B RNAM PAR SMIN PAS NA, ,STONG GI BDAG PO TSANGS PAR 'GYUR, ,DGRA BCOM RANG SANGS RGYAS SOGS KYI, ,DON GTAN 'BEBS LA 'PHROG PA MED, ,SA DGU BA NI LEGS PA YI, ,BLO GROS ZHES BYA RGYAL TSAB BZHIN, ,GANG PHYIR SO SO YANG DAG RIG ,THOB PAS 'DI LA BLO GROS BZANG, ,DE YI RNAM PAR SMIN PAS NA, ,STONG GNYIS BDAG PO TSANGS PAR 'GYUR, ,SEMS CAN BSAM PA DRIS PA LA, ,DGRA BCOM SOGS KYIS 'PHROGS PA MED, ,BCU PA CHOS KYI SPRIN YIN TE, ,DAM PA'I CHOS KYI CHAR 'BEBS PHYIR, ,BYANG CHUB SEMS DPA' SANGS RGYAS KYIS, ,'OD ZER DBANG GIS DBANG BSKUR PHYIR, ,DE YI RNAM PAR SMIN PAS NA, ,GNAS GTZANG LHA YI BDAG POR 'GYUR, ,BSAM YAS YE SHES YUL GYI BDAG ,DBANG PHYUG CHEN PO MCHOG YIN NO, ,DE LTAR BCU PO 'DI DAG NI, ,BYANG CHUB SEMS DPA'I SA BCUR GRAGS, ,ZHES GSUNGS SHING, 'DIS SA BCU'I NGES TSIG, PHAR PHYIN GYI NYAMS LEN LHAG PA'I KHYAD PAR ;RNAM SMIN GYI SKYE BA LEN TSUL, SO SO'I THUN MONGS MA YIN PA'I SPANG BYA, DE 'JOMS PAR BYED PA'I NUS PA, DER THOB PA'I YON TAN RNAmS BSTAN LA, DE YANG SA BCU LA GNAS PA'I BYANG SEMS RNAMS 'DZAM BU'I GLING DANG; GLING BZHI DANG, SUM BCU RTZA GSUM DANG, 'THAB BRAL DANG, DGA' LDAN DANG, 'KHRUL DGA' DANG, GZHAN 'KHRUL DBANG BYED DANG, STONG GI BDAG PO TSANGS PA, STONG GNYIS PA'I BDAG PO, GNAS GTZANG LHA'I RGYAL PO RNAMS SU @432A *, ,GO RIM BZHIN RNAM SMIN GYI SKYE BA LEN TE, SA BCU LA, SBYIN PA, TSUL KHRIMS, BZOD PA, BRTZON 'GRUS, BSAM GTAN, SHES RAB, THABS, SMON LAM, STOBS, YE SHES KYI PHAR PHYIN GYI NYAMS LEN RNAMS GO RIMS BZHIN DU LHAG PA'I RNAM SMIN LAS DE LTAR GRUB PA'I PHYIR, SPYIR NI SA BCU KA'I SKABS NA PHAR PHYIR BCU KA'I NYAMS LEN YOD DE, DBUS MTHA' LAS, KHYAD PAR CAN DANG KHYAD MED NI, ,SA BCU DAG TU SHES PAR BYA, ,ZHES GSUNGS PA'I PHYIR, SA BCU PAR 'OD ZER CHEN PO'I DBANG BSKUR TSUL BSHAD PA, SNANG BAS 'PHRIN LAS SGRUB PA DANG, MCHOD PAS DBANG BSKUR THOB PA GNYIS, DANG PO LA SNOD DAG PA'I SNANG BA DANG, BCUD DAG PA'I SNANG BA DANG, 'PHRIN LAS SGRUB PA DANG GSUM, DANG PO NI, SA BCU THOB MA THAG PA'I TSE TING NGE 'DZIN GRANGS MED PA 'BUM PHRAG BCU THOB PA'I RJES LA ,THAMS CAD MKHYEN PA'I YE SHES KHYAD PAR MED PAR DBANG BSKUR BA DANG LDAN PA ZHES BYA BA'I TING NGE 'DZIN THOB MA THAG TU, STONG GSUM 'BUM PHRAG BCU'I RGYA DANG SNYAM PA'I PADMA RIN PO CHE DU MAS SPRAS PA'I GDAN DANG, DE'I 'KHOR DU STONG GSUM 'BUM PHRAG BCU'I RDUL GYI GRANGS DANG MNYAM PA'I PADMAS GANG PAR SNANG BA 'BYUNG NGO, ,GNYIS PA NI, RANG GI GDAN DE LA MCHIS SHING 'DUG LA, 'KHOR GYI PADMA LA SA DGU PA MAN CHAD KYI BYANG SEMS BZHUGS PAS BSKOR TE 'DUG PA'I SNANG BA 'BYUNG NGO, ,GSUM PA @432B NI; BYANG SEMS DE'I ZHABS MTHIL GNYIS DANG, DPUS MO'I LHA NGA GNYIS DANG, LTE BA DANG RTZIBS LOG GNYIS, PHYAG MTHIL GNYIS NAS 'OD ZER GRANGS MED PA 'BUM PHRAG BCU BCU SPROS PAS RIMS PA BZHIN DU PHYOGS BCU'I YID DVAGS DANG, DMYAL BA DANG, DUD 'GRO DANG, MI DANG, LHA DANG LHA MIN GYI GNAS THAMS CAD DU SNANG BAR BYAS NAS SDUG BSNGAL RNAMS ZHI BAR BYED DO, ,'PHRAG PA GNYIS DANG, RGYAB MGUL GNYIS DANG, ZHAL NAS 'OD ZER GRANGS MED PAR BUM PHRAG BCU BCU SPROS PAS RIM PA BZHIN DU, PHYOGS BCU'I NYAN THOS DANG RANG RGYAL DANG SEMS DANG PO BSKYED PA NAS SA DGU PA'I BAR GYI GNAS GSUM PO RNAMS SNANG BAR BYAS SHING CHOS STONG BA'I SGO DANG ZHI BA'I TING NGE 'DZIN GYI SGO'I TSUL DANG, SHES RAB DANG THABS LA MKHAS PA'I TSUL YANG RIM PA BZHIN NYE BAR BSGRUBS SO, ,GNYIS PA LA, MCHOD PA DANG DBANG BSKUR BA GNYIS, DANG PO NI BYANG SEMS DE'I MDZOD SPU NAS 'OD ZER GRANGS MED PA 'BUM PHRAG BCU SPROS PAS PHYOGS BCU'I BDUD THAMS CAD ZIL GYIS GNAN TE DBANG BSKUR THOB PA'I BYANG SEMS RNAmS SNANG BAR BYAS NAS DE DAG GI LUS SU NUB PAR BYED DO, ,SPYI GTZUG NAS 'OD ZER STONG GSUM GRANGS MED PA 'BUM PHRAG BCU'I RDUL DANG SNYAM PA 'PHROS NAS PHYOGS BCU'I DE PA'I DAL THAMS CAD SNANG BAR BYAS, 'JIG RTEN LAN BCUR BSKOR NAS STENG GI NAM MKHA' LA 'OD ZER GYI DRA BA'I DKYIL 'KHOR DU BYAS TE, DE PA MCHOD SEMS CAN GYI DON BYAS NAS @433A *, ,DE RNAmS KYI ZHABS KYI MTHIL DU NUB PAR BYED DO, ,GNYIS PA NI, RGYAL BA SRAS BCAS DE DAG GI BYANG SEMS DE DBANG BSKUR BA'I DUS LA BAB PAR GZIGS NAS PHYOGS BCU NAS SA DGU BA MAN CHAD KYI BYANG SEMS MTHA' YAS BA 'ONG STE, BYANG SEMS DE LA BLTA ZHING MCHOD DE, TING NGE 'DZIN STONG PHRAG BCU BCU LA SNYOM PAR 'JUG GO ,BYANG SEMS DBANG BSKUR THOB PA RNAMS KYI DPAL BE'U DANG, RDO RJE DANG, BKRA SHIS LAS BDUD KYI DGRA LAS RNAm PAR RGYAL BA ZHES BYA BA'I 'OD ZER 'KHOR 'OD ZER GRANGS MED PA 'BUM PHRAG BCU DANG BCAS PA BYUNG STE PHYOGS BCUR SNANG BAR BYAS CHO 'PHRUL MU MED PA BSTAN TE, BYANG SEMS DE'I DPAL BE'U DANG, RDO RJE DANG, BKRA SHIS SU NUB PAS MTHU STOBS LHAG PAR 'PHEL LO, ,DE PA RNAMS KYI MDZOD SPU NAS, THAMS CAD MKHYEN PA'I MNGON SHES DANG, LDAN PA ZHES BYA BA'I 'OD ZER GCIG, 'KHOR STONG PHRAG GRANGS MED PA 'BUM PHRAG DANG BCAS TE PHYOGS BCU THAMS CAD SNANG BAR BYAS, 'JIG RTEN LAN BCUR BSKOR, DBANG PO ZHI ZHING BDUD ZI GYIS GNAN NAS BYANG SEMS DE'I SPYI BOR NUB LA, 'KHOR GYI 'OD ZER RNAMS NI 'KHOR GYI SPYI BOR NUB BO, ,'OD ZER DE DAG PHOG MA THAG TU BYANG SEMS DE DAG GIS SNGON MA THOB PA'I TING NGE 'DZIN STONG PHRAG BCU BCU 'THOB CIG ,'OD ZER DE DAG KYANG BYANG SEMS DE'I MGO LA DUS GCIG TU 'BAB PAR 'GYUR TE, JI SKAD DU, GANG TSE KHYOD KYIS @433B DBANG BSKUR SA BRNYES TSE, GRANGS MED 'BUM PHRAG BCU YI TING 'DZIN DANG, ,KUN MKHYEN YE SHES NYID DU DBANG BSKUR BA'I, ,TING NGE 'DZIN RNAMS MNGON DU GYUR PA'I MTHAR, ,STONG GSUM 'BUM PHRAG BCU YI RDUL SNYED KYI, ,PADMA'I 'KHOR GYI BSKOR BA'I PADMA NI, ,RTZA BA RIN CHEN LTE BA TZA DAN MCHOG ,ZI'U 'BRU YI RDO SNYING PO LO MA NI, ,'DZAM BU CHU BO'I GSER LTAR KUN DU SNANG, ,RIN CHEN KUN GYIS RAB SPRAS 'DAB BRGYA 'BYED, ,RIN CHEN DRA BAS KUN NAS GA-YOGS PA LA, ,DE DANG 'TSAMS PAR KHYOD SKU BZHUGS PA NI, ,'KHOR GYI PADMAR DE SNYED RGYAL BA'I SRAS, ,KHYOD KYI ZHAL DU PHYOGS NAS 'KHOD PA RNAMS, ,'BUM PHRAG BCU YI TING NGE 'DZIN LA ROL, ,DE TSE KHYOD KYI ZHABS MTHIL DPUS MO DANG, ,LTE BA RTZIBS LOGS PHYAG GI MTHIL GNYIS NAS, ,GRANGS MED 'BUM PHRAG BCU YI 'ONG PHYUNG NAS, ,NGAN SONG GSUM DANG MI DANG LHA MIN LHA, ,GNAS KUN SNANG BYAS SDUG BSNGAL ZHI BAR MDZAD, , PHRAG PA RGYAB MGUL ZHAL GYI SGO RNAMS NAS, ,SNGAR GYI 'OD KYIS NYAN RANGS DGU'I BAR, ,BYANG SEMS GNAS RNAmS SNANG MDZAD RIMS BZHIN DU, ,CHOS RNAMS TING 'DZIN THABS SHES TSUL RNAMS BSGRUBS, ,SNGAR BZHIN MDZOD PU NAS PHYUNG 'OD ZER GYIS, ,PHYOGS BCU'I BDUD RNAMS THAMS CAD ZIL GNAN NAS, ,DBANG BSKUR BRNYES PA'I RGYAL BA'I SRAS RNAMS KYI, ,SKU YI DKYIL 'KHOR DAG DU NUB PAR MDZAD, ,YAN LAG MCHOG LAS STONG @434A *, ,GSUM 'BUM PHRAG BCU'I, ,PHRA RAB RDUL SNYED 'OD ZER BYUNG NAS KYANG ,BDE GSHEGS 'KHOR GYI DKYILOR SNANG BYAS TE, ,'JIG RTEN LAN BCUR BSKOR NAS BAR SNANG LA, ,'OD KYI DRA BA'I DKYILOR CHEN PO YIS, ,KUN BZANG MCHOD SPRIN RGYA MTSO'I CHAR BAB NAS, ,'JIG RTEN LAN BCUR BSKOR NAS RGYAL RNAMS KYI, ,ZHABS KYI MTHIL DU KUN NAS NUB PAR GYUR, ,DE NAS SRAS BCAS RGYAL BAS DPA' BO KHYOD; ;DBANG BSKUR DUS LA BAB PAR GZIGS GYUR NAS, DBANG BSKUR THOB PA'I RGYAL BA SRAS BCAS KYI, ,RDO RJE DPA' BE'U BKRA SHIS RI MO LAS, ,GRANGS MED 'BUM PHRAG BCU YI 'OD ZER GYIS, ,'KHOR BCAS 'OD PHYUNG PHYOGS KUN SNANG BYAS TE, ,MU MED CHO 'PHRUL BSTAN NAS KHYOD KYI NI, ,RDO RJE DPAL BE'U BKRA SHIS RNAMS SU NUB, ,DE NAS DE MA THAG TU KHYOD KYI STOBS, ,'BUM 'GYUR LAS KYANG LHAG PAR 'PHEL BA'I TSE, ,PHYOGS BCU'I RGYAL BA RNAMS KYI MDZOD PU NAS, ,SNGAR BZHIN 'OD KYIS ZHING KUN SNANG BYAS TE, 'JIG RTEN LAN BCUR BSKOR TE CHO 'PHRUL BSTAN, ,BYANG SEMS BYE BA MANG BSKUL ZHING KUN BSKYOD, ,NGAN 'GRO ZHI MDZAD BDUD RNAMS ZIL GNON TE, BDE GSHEGS RNAMS KYI GDAN KUN RAB BSTAN NAS, , 'OD ZER GTZO BO KHYOD KYI SPYI BO DANG, ,'KHOR GYI 'OD ZER 'KHOR GYI SPYI BOR NUB, ,DE TSE BYANG SEMS RNAMS KYI SNGON MED PA'I, ,STONG PHRAG BCU YI TING 'DZIN @434B THOB PAR 'GYUR, ,ZHES GSUNGS PA LTAR RO, ,GNYIS PA NI, RGYAN LAS, SNANG DANG BCAS DANG MOS PA DANG, ,MA ZHUM PA DANG MI DMAN NYID, ,GZHAN DRING MI 'JOG BDAG NYID DANG, ,THAMS CAD RAB TU RTOGS PA DANG, ,KUN LA SEMS NI SNYOMS PA DANG, ,DKRI DANG RJES SU CHAGS MED DANG, ,THABS SHES 'KHOR DU SKYE BA NI, ,KUN LA RTAGS SU 'DOD PA YIN, ,ZHES DANG, 'GREL BAR, RNAM PA BCU PO 'DI NI SA THAMS CAD LA BYANG CHUB SEMS DPA' SA LA ZHUGS PA'I RTAGS YIN PAR RIG PAR BYA STE, SA GANG LA ZHUGS PA DE LA SNANG BA DANG, ZHES GSUNGS PA LTAR YIN NO, ,DON NI SA LA ZHUGS PA'I RTAGS DE LA BCU YOD DE, SA RANG RANG GI YON TAN SNANG BA DANG BCAS PAS PHYI MA PHYI MA LA MOS PA, ZAB PA DANG, RGYA CHE BA LA SEMS MA ZHUMS PA GZHAN DON GYI BKA' SPYAD LA MI DMAN PA, LAM SGOM PA LA GZHAN DRING MI 'JOG PA'I BDAG NYID, SA THAMS CAD KYI SGRUB THABS RAB TU RTOGS PA, SEMS CAN KUN LA SEMS SNYAM PA, ,BDUD SDIG CAN GYIS DKRI MI THUB PA, 'KHOR LO BSGYUR RGYAL SOGS KYI BDE BA LA YANG RJES SU CHAGS PA MED PA, SANGS RGYAS SGRUB PA'I THABS PHYIN CI MA LOG PAR SHES PA, SANGS RGYAS KYI 'KHOR DU SKYE BA RNAMS SU YOD PA'I PHYIR, GZHAN YANG, SA THOB PA'I RMI LAM GYI LTAS SU SA BCU LA GO RIM BZHIN STONG GSUM GYI STONG CHEN PO'I 'JIG RTEN GYI KHAMS 'DI GTER BYE BA KHRAG KHRIG BRGYA STONG GI GANG BA, RIN CHEN @435A *, ,DU MAS LEGS PAR BRGYAN PA, PHAS KYI RGOL PA THAMS CAD 'DUL BA, SA CHEN PO LA ME TOG SNA TSOGS MNGON PAR 'THOR BA, RGYAN THAMS CAD KYIS BRGYAN PA'I BUD MED KYI MGO BO LA ME TOG TZAM PA KA'I PHRENG BA 'DOGS PA, THEM SKAS BZHI DANG LDAN PA'I RDZING GSER GYI BYE MA GDAL BA, DVANG SHING RNYOG PA MED LA, YAN LAG BRGYAD DANG LDAN PAS YONGS SU GANG BA, ME TOG AUTPAL LA DANG, KU MU TA DANG PADMA DKAR POS BRGYAN PA'I CHU MTHONG STE DE LA BDAG NYID RTZE DAGS LONGS SPYOD LA, NGOS GNYIS NA SEMS CAN DMYAL BA'I GA-YANG SA MTHONG STE DE LAS SLAR LOG PA, PHRAG PA GNYIS NA RI DVAGS KYI RGYAL PO SENG GE RAL BA CAN CAN GZAN PHRA MO THAMS CAD SKRAG PAR BYED CING GNAS PA, SKYE BO BYE BA KHRAG KHRIG BRGYA STONG DU MAS YONGS SU BSKOR BAS 'KHOR LOS BSGYUR BA'I RGYAL PO MTHONG LA, TSANGS BA BYE BA KHRAG KHRIG BRGYA STONG DU MAS YONGS SU BSKOR ZHING MDUN GYI BLTAS PA LA CHOS STON PA'I DE BZHIN GSHEGS PA'I SKU MTHONG BA'I RMI LAM GYI LTAS RNAMS 'BYUNG BA'I RGYU MTSAN YOD DE, SA BCU LA GO RIMS BZHIN PHAR PHYIN BCU'I NYAMS LEN LHAG PAS DE LTAR 'BYUNG BA'I PHYIR; SA BCU KA'I RJES THOB TU GNYID DANG RMI LAM 'BYUNG BA'I RGYU MTSAN YOD DE, GNYID LA DGE MI DGE LUNG MA BSTAN, RTOG PA DANG RTOG MED KYI SHES PA LDAN PA'I 'DU BYED LA SOGS PA RNAM PA DU MA YOD PA'I @435B PHYIR TE, MDZOD LAS, DE LA 'GYOD GNYID MI DGE RNAMS, BSAM GTAN DANG PO DAG NA MED, ,CES DANG, GNYID MI DGE BAR BSHAD PA RNAMS NI MI DGE PA'I GNYID LA DGONGS PA'I PHYIR, RDZING SANGS RGYAS KYIS BSTAN PA, THEM SKAS BZHI NI DE 'JUG PA'I GRUB MTHA' RNAM BZHI, GSER GYI BYE MA GDAL BA RIGS, DVANGS SHING RNYOGS PA MED PA RANG BZHIN RNAM DAG DANG GLO BUR RNAM DAG STE, JI SKAD DU YANG, BSIL DANG ZHIM DANG YANGS DANG 'JAM, ,DVANGS DANG DRI MA MED PA DANG, ,'THUNG NA STO LA MI GNOD DANG, ,MGRIN PA LA NI MI GNOD PA'O, ,ZHES PA'I YAM LAG BRGYAD LDAN GYI CHUS GANG BA NI 'PHAGS LAM BRGYAD DO, ,ME TOG GIGS GSUM GYIS GANG ZAG GSUM MTSON TE, AUTPAL LA NI NYI MAS KYANG 'BYED GZHAN GYI TSE YANG 'BYED PAS NYAN THOS DANG KU MU TA NYI MAS ZUM PA DANG ZLA BAS 'BYED PA BZIIN NYI MA LTA BU'I SANGS RGYAS MA BYON PA'I TSE 'BYUNG PA'I RANG RGYAL DANG, PADMA DKAR PO LTA BU'I BYANG SEMS NI BYANG SEMs KYI MCHOG YIN NO ZHES 'CHANG DO, ,GZHAN YANG ,DKON MCHOG BRTZEGS PA'I MDO LAS KYANG, RDO RJE RAB 'JOMS BYANG CHUB SEMS DPA' GANG GI RMI LAM NA BDAG SKYE BO PHAL PO CHE'I DBUS NA 'DUG STE CHOS STON PAR KUN TU SHES NA BYANG CHUB SEMS DPA' DE NI SA BCU PO THAMS CAD DU BLTAS TE DE PA THAMS CAD DANG BDUD KYI LAS DANG, LAS KYI SGRIB PA YANG JI LTA BA BZHIN DU RTOGS PAR BYAS TE DES SPOBS PA YONGS SU BTZAL BAR BYA STE, SPOBS PA RNYED@436A *, ,NAS KYANG RNAM PAR NGES PA SGRUB PA'I LUNG 'BOGS PAR BYA'O, ,DNGOS PO THAMS CAD LA YANG LHAG PAR ZHEN PAR MED PAR BYA ZHING, DES DNGOS PO RNYED PA LA YANG YANG DAG PAR DGA' BAR 'GYUR BA'I NGANG TSUL CAN DU BYA'O, ,NGES NA DE'I LAS KYI SGRIB PA DE RNAMS PAR DAG PAR 'GYUR ZHING BYANG CHUB TU NGES PAR 'BYUNG BAR YANG 'GYUR RO, ,SBYIN PA'I GTAM STON BA KUN TU SHES NAS DANG PO LA GNAS PAR 'GYUR RO, , DGE BA BCU'I LAS KYI LAM GYIS NI SA GNYIS PAR RO, ,THOS PA'I GTAM GYIS NI SA GSUM PAR RO, ,SBYANGS PA'I YON TAN DANG YO BYAD SNYUNG BA'I BAR GYIS NI SA BZHI PAR RO, ,SNYOM 'JUG GI GTAM GYIS NI SA LNGA PAR RO, ,LEGS PAR SBYAR BA YONGS SU BRJOD PA'I GTAM GYIS NI SA DRUG PAR RO, BDAG SDE PA'I GTAM GYIS NI SA BDUN PAR RO, ,YE SHES SKOD PA'I GTAM GYIS NI SA BRGYAD PAR RO, ,SANGS RGYAS KYI SKOD PA'I GTAM GYIS NI SA DGU PAR RO, ,LUS KYI TSAD KYI GTAM GYIS NI SA BCU PAR RO, ,ZHES GSUNGS TE GO SLA'O, ,GSUM PA, ,SPANGS GNYEN GYI RNAM GZHAG NI, MDO SDE DGONGS 'GREL LAS, BCOM LDAN 'DAS 'DI RNAMS LA KUN TU RMONGS PA NI DU MCHIS, GNAS NGAN LEN MI MTHUN PA'I PHYOGS NI DU MCHIS, BCOM LDAN 'DAS KYIS BKA' STZAL PA SPYAN RAS GZIGS DBANG PHYUG SHIN TU RMONGS PA NI NYI SHU RTZA GNYIS DANG, GNAS NGAN @436B LEN MI MTHUN PHYOGS BCU GCIG STE, SA DANG PO LA GANG ZAG DANG CHOS LA MNGON PAR ZHEN PAS SHIN TU RMONGS PA DANG, NGAN SONG BA'I NYON MONGS PAS SHIN TU RMONGS PA DANG, DE'I GNAS NGAN LEN MI MTHUN PHYOGS SO, ,GNYIS PA LA NI; LTUNG BA PHRA MO'I 'KHRUL PA'I SHIN TU RMONGS PA DANG, LAS KYI 'GRO BA RNAM PA SNA TSOGS LA SHIN TU RMONGS PA DANG, DE'I GNAS NGAN LEN MI MTHUN PA'I PHYOGS SO, ,GSUM PA LA NI, 'DOD PA'I 'DOD CHAGS KYI SHIN TU RMONGS PA DANG; THOS PA'I GZUNGS YONGS SU RDZOGS PA'I SHIN TU RMONGS PA DANG, DE'I GNAS NGAN LEN MI MTHUN PA'I PHYOGS SO, ,BZHI PA LA NI, SNYOM PAR 'JUG PA LA LTOS PA'I SHIN TU RMONGS PA DANG, CHOS LA SRED PA'I SHIN TU RMONGS PA DANG, DE'I GNAS NGAN LEN MI MTHUN PA'I PHYOGS SO, ,LNGA PA LA NI, 'KHOR BA LA SHIN TU PHYIR PHYOGS PA DANG, MNGON DU PHYOGS PA YID LA BYED PA'I SHIN TU RMONGS PA DANG, MYA NGAN LAS 'DAS PA LA SHIN TU PHYIR PHYOGS PA DANG MNGON DU PHYOGS PA YID LA BYED PA'I SHIN TU RMONGS PA DANG, DE'I GNAS NGAN LEN MI MTHUN PA'I PHYOGS SO, ,DRUG PA LA NI, 'DU BYED 'BYUNG BA MNGON SUM DU GYUR PA'I SHIN TU RMONGS PA DANG, MTSAN MA MANG DU BYUNG BA'I SHIN TU RMONGS PA DANG, ,DE'I GNAS NGAN LEN MI MTHUN PA'I PHYOGS SO, ,BDUN PA LA NI, MTSAN MA PHRA MO 'BYUNG BA'I SHIN TU RMONGS PA DANG, RAB TU MTSAN MA MED PA YID LA BYA BA'I THABS LA SHIN TU RMONGS PA DANG, , @437A *, ,DE'I GNAS NGAN LEN MI MTHUN PA'I PHYOGS SO, ,BRGYAD PA LA NI, MTSAN MA MED PA LA SGRIB PAS SHIN TU RMONGS PA DANG, MTSAN MA DAG LA DBANG BA'I SHIN TU RMONGS PA DANG, DE'I GNAS NGAN LEN MI MTHUN PA'I PHYOGS SO, ,DGU PA LA NI, CHOS BSTAN PA TSAD MED PA DANG CHOS KYI TSIG DANG YI GE TSAD MED PA DANG, GONG NAS GONG DU SHES RAB DANG SPOB PA LA BZUNG BA'I DBANG GIS SHIN TU RMONGS PA DANG, SPOBS PA'I DBANG GIS SHIN TU RMONGS PA DANG, DE'I GNAS NGAN LEN MI MTHUN PA'I PHYOGS SO, ,BCU PA LA NI, MNGON PAR SHES PA CHEN PO LA SHIN TU RMONGS PA DANG, GSANG BA PHRA MO LA 'JUG PA'I SHIN TU RMONGS PA DANG, DE'I GNAS NGAN LEN MI MTHUN PA'I PHYOGS SO, ,SANGS RGYAS KYI SA LA NI SHES BYA THAMS CAD LA RAB TU PHRA BA'I CHAGS PAS SHIN TU RMONGS PA DANG, THOGS PA'I SHIN TU RMONGS PA DANG, DE'I GNAS NGAN LEN MI MTHUN PA'I PHYOGS SO, ,SPYAN RAS GZIGS DBANG PHYUG SHIN TU RMONGS PA NYI SHU RTZA GNYIS PO 'DI RNAMS DANG GNAS NGAN LEN BCU GCIG PO 'DI DAG GIS SA 'DI RNAMS RNAM PAR 'GOD PA YIN NO, ZHES GSUNGS LA, DE YANG GNAS NGAN LEN 'DAS LAM GYI SPANGS PA'I SGO NAS SPONGS DGOS PA YIN TE, KUN RMONGS MNGON 'GYUR RE ZHIG SPANGS PA TZAM GYIS CI YANG MI 'GYUR BA'I PHYIR TE, BSDU @437B BA LAS, CID KUN NAS BKRIS PA SPONG BAR BYED DAM, 'ON TE BAG LA NYAL SPONGS PAR BYED DAM, GANG LAS SPANGS NAS SPANGS PA ZHES BRJOD PAR BYA ZHE NA, BAG LA NYAL SPONGS PAR BYED DE, KUN NAS DKRIS PA NI SA DANG PO NAS SPANGS ZIN PA'I PHYIR RO, ,BAG LA NYAL SPANGS NA SPANGS ZHES BRJOD PAR BYA'O, ,DE CI'I PHYIR ZHE NA, KUN NAS DKRIS PA SPANGS LA BAG LA NYAL MA SPANGS NA NI YANG NAS YANG DU KUN NAS DKRIS PA 'BYUNG BAR 'GYUR GYI, BAG LA NYAL SPANGS NA NI BAG LA NYAL DANG KUN NAS DKRIS PA GNYI KA GTAN 'BYUNG BAR MI 'GYUR BA'I PHYIR RO, ,ZHES GSUNGS PA LTAR RO, ,SPANGS BYA SPONG TSUL RGYAS PAR NI SPANG GNYEN GYI SKABS SU BSHAD ZIN TO, DGU PA NI, 'ON BYANG CHUB SEMS DPA' RNAMS KYI RAB DBYE JI LTA BU ZHE NA, RGYAN LAS, BYANG CHUB SEMS DPA' RTAG TU NI, ,KHYIM PA 'KHOR LOR BSGYUR RNAMS SU, ,GYUR NAS SKYE BA THAMS CAD DU, , SEMS CAN RNAMS KYI DON BYED DO, ,SA RNAMS KUN LA BLO LDAN GYIS, ,RAB BYUNG LEN PA'I THOB PA DANG, ,CHOS NYID KYIS NI THOB PA GZHAN, ,RAB TU BYUNG BAR STON BYED YIN, ,RAB TU BYUNG BA'I PHYOGS DAG NI, ,YON TAN TSAD MED RNAMS DANG LDAN, ,DES NA SDOM BRTZON KHYIM PA YI, ,BYANG CHUB SEMS DPA' RNAMS LAS 'PHAGS, ,ZHES GSUNGS PA LTAR, BYANG CHUB SEMS DPA' LA KHYIM PA DANG, RAB TU BYUNG BA GNYIS YOD LA SNGA MA LAS PHYI MA @438A *, ,KHYAD PAR DU 'PHAGS SO, ,YANG BYANG CHUB SEMS DPA' LA LTA BA RNAM PAR DAG PA'I BYANG CHUB SEMS DPA' SA DANG PO BA, TSUL KHRIMS RNAM PAR DAG PA'I SA GNYIS PA BA, MI NYAMS PA'I BSAM GTAN LA MNYAM PAR GZHAG PA'I SA GSUM PA BA, MDO SDE LA SOGS PA'I CHOS THA DAD PA NYID KYI NGA RGYAL SPANGS PA'I SA BZHI PA BA, SEMS DANG BSAM PA RNAM PAR DAG PA MNYAM PA NYID RGYUD THAMS CAD MNYAM PA NYID DU 'JUG PA'I SA LNGA PA BA, RTEN CING 'BREL PAR 'BYUNG BA'I DE BZHIN NYID KYI MANG DU GNAS PA SA DRUG PA BA, MTSAN MA MED PAR GNAS PA'I MTHUS SKAD CIG RE RE LA BYANG CHUB KYI PHYOGS DANG MTHUN PA'I CHOS SO BDUN SGOM PAR NUS PA'I SA BDUN PA BA, LHUN GYIS GRUB PAR GNAS PA'I SA BRGYAD PA BA, SEMS CAN YONGS SU SMIN PAR BYED PA LA MKHAS PA'I SA DGU PA BA, MNGON PAR SHES PA CHEN PO 'THOB PA'I SA BCU PA BA RNAMS SU YOD DE, RGYAN LAS, BYANG CHUB SEMS DPA' LTA BA RNAM PAR DAG ,TSUL KHRIMS SHIN TU RNAM DAG MNYAM PAR GZHAG CHOS LA NGA SPANGS RGYU DANG KUN NYON MONGS, ,RNAM PAR DAG PA THA DANG NGA RGYAL MED; SKAD CIG GCIG BLO THOS PA GTANG SNYOMS PA, ,ZHING RNAMS SBYONG BA SEMS CAN SMIN BYED PA, ,MKHAS PA MTHUN CHEN LUS YONGS RDZOGS PA DANG, ,NGES PAR STON LA MKHAS PA DBANG BSKUR YIN, ,ZHES GSUNGS PA'I @438B PHYIR; BCU PA NI, RGYAN LAS, CHOS NYID RAB TU RTOGS NAS 'DIR, ,LHAG PA'I TSUL KHRIMS LHAG SEMS DANG, ,LHAG PA'I SHES RAB LA RJES THOB, ,SHES RAB SPYOD YUL GNYIS YIN TE, ,CHOS KYI DE NYID DANG DE NI; ;MI SHES SHES SOGS 'JUG PA NYID, ,CES PAS NI SA DANG PO DRUG TU SLOB TSUL BSTAN NO, ,BCU GCIG PA NI, RGYAN LAS, CHOS NYID RAB TU RTOGS NAS 'DIR, ,TSUL KHRIMS KYIS NI PHUNG PO SBYONG, , DE YI 'OG TU TING 'DZIN DANG, ,SHES RAB PHUNG PO RNAM PAR SBYONG, ,DE LAS GZHAN PA DAG LA NI, ,SGRIB RNAMS BZHI DANG THOGS PA YI, ,SGRIB PA LAS NI RNAM PAR GROL, ,GROL BA'I YE SHES RNAM PAR SBYONG, ,ZHES SA DANG POR CHOS NYID RTOGS NAS GNYIS PA TSUL KHRIMS, GSUM PAR TING NGE 'DZIN, BZHI PA LNGA PA DRUG PA RNAMS SU SHES RAB KYI PHUNG PO RNAM PAR SBYONG, SA LHAG MA BZHIR 'BRAS BU GEGS BZHI DANG SANGS RGYAS KYI SA LA THOGS SGRIB SBYONG BAS RIM PA LTAR RNAM PAR GROL BA DANG, RNAM PAR GROL BA'I YE SHES GNYIS SBYONG BAR GZIGS PA NI ZAG MED KYI PHUNG PO LNGA'I SBYONG TSUL LO, ,BCU GNYIS PA NI, RGYAN LAS, SA RNAMS THAMS CAD MA GRUB DANG, ,GRUB PA DAG KYANG MA GRUB DANG, ,GRUB PA DAG TU YANG 'DOD DO, ,CES GSUNG LA, DON NI, MOS SPYOD KYI SKABS SU 'PHAGS PA'I SPANG RTOGS MA GRUB, SA THOB NAS DE GRUB PA DANG, DE LA YANG MA DAG SA BDUN GYI SKABS SU 'BAD RTZOL @439A *, ,GYI 'DU MI BYED PA MA GRUB PA DANG, DAG PA SA GSUM DU DE GRUB PA GNYIS SU 'DOD PA YIN NO, ,BCU GSUM PA NI, RGYAN LAS, BRTZE DANG SNYAN PAR SMRA BA DANG, ,BRTAN PA NYID DANG LAG RKYANG DANG, , DGONGS PA ZAB MO NGES 'GREL BA, ,'DI DAG BLO LDAN RNAMS KYI RTAGS, ,ZHES GSUNG LA, DON NI, GZHAN LA SNYING RJE CHE BA, PHYIN DRUG GI GTAM SNYAN PAR SMRA BA, BLO GROS SHIN TU BRTAN PA, LAG RKYANG STE MCHOD SBYIN 'KHOR MOR BYED PA, MDO SDE ZAB MO'I DGONGS PA JI LTA BA BZHIN 'GREL BAR NUS PA RNAMS BYANG CHUB SEMS DPA'I RTAGS YIN NO, ,'O NA BYANG CHUB SEMS DPA'I MTSAN GYI RNAM GRANGS DE GANG ZHE NA, RGYAN LAS, BYANG CHUB SEMS DPA' SEMS DPA' CHE, ,BLO LDAN NYID DANG GSAL BA'I MCHOG ,RGYAL SRAS RGYAL BA'I GZHI DANG NI, ,RGYAL BYANG RGYAL BA'I MYU GU DANG, RTZAL LDAN DANG NI 'PHAGS MCHOG DANG; DED DPON DANG NI GRAGS MCHOG DANG, ,SNYING RJE CAN DANG BSOD NAMS CHE, ,DBANG PHYUG DE BZHIN CHOS DANG LDAN, ,ZHES RNAM PA BCU DRUG GSUNGS SO, ,BYANG CHUB SEMS DPAS THOB PAR BYA BA'I YON TAN BSAM GYIS MI KHYAB STE, SA DANG POR YON TAN RGYA PHRAG BCU GNYIS, GNYIS PA SOGS SU STONG PHRAG BCU GNYIS LA SOGS PA THOB PAR 'GYUR PA'I PHYIR, DANG PO GRUB STE, 'JUG PA LAS, DE TSE 'DI YIS SANGS @439B RGYAS BRGYA MTHONG ZHING, ,DE DAG BYIN GYIS BRLABS KYANG 'DI YIS RTOGS, ,DE YI TSE NA BSKAL PA BRGYAR GNAS SHING, ,SNGON DANG PHYI MA'I MTHAR YANG YANG DAG 'JUG ,BLO LDAN TING 'DZIN RGYA PHRAG SNYOM PAR 'JUG CING GTOD BYED DE; 'JIG RTEN KHAMS BRGYA 'DI YIS KUN NAS GA-YO ZHING SNANG BAR NUS, DE BZHIN RDZU 'PHRUL GYIS DES SEMS CAN BRGYA PHRAG SMIN BYED CING, BRGYA PHRAG GRANGS DANG RJES 'BREL ZHING DAG TU YANG 'GRO BAR 'GYUR, DE NI CHOS KYI SGO RNAMS YANG DAG 'BYED BYED THUB DBANG SRAS, RANG GI LUS LA LUS RNAMS KUN NAS STON PAR BYED PA'ANG YIN, RANG GI 'KHOR DANG BCAS PA MDZES 'BYOR LUS NI RE RE ZHING, ,RGYAL BA'I SRAS PO BRGYA PHRAG DAG DANG RJES SU 'BREL BA'ANG STON, ZHES DANG, DE'I RANG 'GREL DU, JI SKAD DU RAB TU BYUNG NAS KYANG, SKAD CIG THANG CIG YUD TZAM GCIG LA TING NGE 'DZIN BRGYA RAB TU THOB CING DE DAG LA YANG SNYOMS PAR 'JUG PA DANG, SANGS RGYAS BRGYA MTHONG BA DANG DE DAG GIS BYIN GYIS BRLAB KYANG YANG DAG PAR SHES PA DANG, 'JIG RTEN GYI KHAMS BRGYA GA-YO BAR BYED PA DANG ZHING BRGYAR YANG 'GRO BA DANG, 'JIG RTEN GYI KHAMS BRGYA SNANG BAR BYED PA DANG, SEMS CAN BRGYA YONGS SU SMIN PAR BYED PA DANG BSKAL PA BRGYAR GNAS PAR BYED PA DANG, BSKAL BA BRGYA LA SNGON DANG PHYI MA'I MTHAR YE SHES KYI GZIGS PA 'JUG PA DANG, ,CHOS KYI SGO BRGYA RNAM PAR 'BYED PA DANG, LUS @440A *, ,BRGYAR KUN TU STON PA DANG, LUS RE RE YANG 'KHOR BYANG SEMS BRGYA BRGYAD DANG LDAN PAR KUN TU STON PA'O, ,ZHES PA LTA BU, ZHES GSUNGS PA'I PHYIR, BSDUS NAS DANG POR YON TAN BRGYA PHRAG BCU GNYIS 'THOB STE, DUS SKAD CIG MA GCIG LA, SANGS RGYAS BRGYA'I ZHAL MNGON SUM DU MTHONG, ,DE RNAMS KYI BYIN GYIS BRLABS PA YANG RTOt, TSE BSKAL CHEN BRGYAR GNAS SNGON DANG PHYI MA'I BSKAL PA BRGYAR YE SHES KYI GZIGS PA 'JUG ,TING NGE 'DZIN BRGYA LA SNYOM PAR 'JUG LDANG BYED 'JIG RTEN GYI KHAMS BRGYA GA-YO BAR BYED, 'JIG RTEN GYI KHAMS BRGYAR 'GRO, 'JIG RTEN GYI KHAMS BRGYA SNANG BAR BYED, SEMS CAN BRGYA PHRAG SMIN PAR BYED, CHOS KYI SGO BRGYA RNAM PAR 'BYED PAR BYED, RANG GI LUS BRGYA STON PAR BYED, RANG GI LUS RE RE LA 'KHOR BYANG SEMS BRGYA PHRAG RE DANG LDAN PAS MDZES PAR BYED PA'I YON TAN RNAMS THOB PAR BYED PA'I PHYIR, RTZA RTAGS GNYIS PA GRUB STE, SA GNYIS PAR YON TAN STONG PHRAG BCU GNYIS, GSUM PAR 'BUM PHRAG BCU GNYIS, BZHI BAR BYE BA PHRAG BRGYA BCU GNYIS, LNGA PAR BYE BA STONG PHRAG BCU GNYIS, DRUG PAR BYE BA BRGYA PHRAG STONG 'GYUR BCU GNYIS, BDUN PAR BYE BA KHRAG KHRIG BRGYA DANG, BYE BA KHRAG KHRIG STONG PHRAG BCU GNYIS, BRGYAD PAR STONG GSUM BRGYA PHRAG STONG GI RDUL GYI GRANGS DANG MNYAM PA'I YON @440B TAN SDE TSAN BCU GNYIS, DGU PAR STONG GSUM GRANGS MED BRGYA PHRAG STONG GI RDUL GYI GRANGS DANG MNYAM PA'I YON TAN SDE TSAN BCU GNYIS, BCU PAR SANGS RGYAS KYI ZHING BRJOD DU MED PA'I YANG BRJOD DU MED PA'I RDUL GYI GRANGS DANG MNYAM PA'I YON TAN SDE TSAN BCU GNYIS 'THOB PA'I PHYIR TE, 'JUG PAR, BLO LDAN RAB TU DGA' BAR GNAS PAS YON TAN DE DAG NI, ,THOB PAR GYUR NAS DE BZHIN KHO NAR DRI MA MED GNAS PAS; ;DE DAG STONG NI YANG DAG THOB PAR 'GYUR TE SA LNGA PO, ,'DI DAG RNAMS LA BYANG CHUB SEMS DPA' YIS NI 'BUM PHRAG DANG, ,BYE BA PHRAG BRGYA THOB CING DE'I BYE BA STONG 'GYUR THOB, ,DE NAS BYE BA BRGYA PHRAG STONG 'GYUR YANG 'THOB BYE BA KHRAG ,KHRAG KHRIG BRGYAR RDZOGS PAR SGYUR DANG SLAR YANG STONG PHRAG TU, ,YANG DAG PAR NI SGYUR BA MTHA' DAG RAB TU 'THOB PAR 'GYUR, ,MI GA-YO'I SAR GNAS RNAM RTOG MED PA DES, ,STONG GSUM BRGYA PHRAG STONG BSDOMS 'JIG RTEN NA, ,RDUL TSAD JI SNYED YOD PA DE RNAMS DANG, ,GRANGS SNYAM YON TAN DAG NI 'THOB BAR 'GYUR, ,LEGS PA'I BLO GROS SA LA GNAS PA YIS, ,BYANG CHUB SEMS DES SNGAR BSTAN YON TAN DAG ,GRANGS MED BRGYA PHRAG STONG DU YANG DAG PAR, ,BSNGOMS PA PHRAG BCU'I RDUL TSAD 'THOB PAR 'GYUR, ,RE ZHIG BCU PA 'DIR DE'I YON TAN DAG ,NGAG GI SPYOD YUL LAS CHES 'DAS 'GYUR ZHING, ,NGAG GI SPYOD YUL MA YIN BSNGOMS@441A *, ,RNAMS NA, ,RDUL DAG JI SNYED YOD PA DE SNYED 'GYUR, ,ZHES GSUNGS PA'I PHYIR, GNYIS PA 'BRAS BU'I SA LA MTSAN NYID, DBYE BA, YON TAN KUN GYI GZHI RTEN DU GYUR PA'I MTHAR THUG GI MNGON PAR RTOGS PA 'BRAS BU'I SA'I MTSAN NYID, RGYAS PAR DBYE NA, ZAG MED KYI YE SHES SDE TSAN NYER GCIG LA SOGS PA YOD, RGYAS PAR NI SKABS BRGYAD PAR BSHAD PAR BYA'O, ,GNYIS PA NI, KHA CIG NA RE; LAM LA GNAS MI NA SA LA GNAS PAS KHYAB PAR THAL, THAR LAM YIN NAS YIN DGOS PA'I PHYIR, ZHE NA, MA KHYAB STE, SA LA GNAS NA THEG CHEN 'PHAGS PA YIN PAS KHYAB PAR THAL, LAM LA GNAS NA THEG CHEN 'PHAGS PA YIN DGOS PA'I PHYIR TE, BLO LDAN MA ZHUGS ZHUGS PA DANG, ZHES SOGS BSHAD PA'I PHYIR, GZHAN YANG, BYANG SEMS KYI SBYOR LAM LA GNAS NA BYANG SEMS KYI SA LA GNAS PAS KHYAB PAR THAL, DE BYANG SEMS KYI SA YIN PA'I PHYIR, KHYAB PA KHAS, RTAGS GRUB STE, SEMS BSKYED DE NI SA RNAMS LA, MOS DANG LHAG BSAM DAG PA DANG, ZHES SOGS BSHAD PA'I PHYIR, KHA CIG NA RE; SA'I KHAMS GANG ZHE NA, ZHES SOGS KYI DON MA GRUB PAR THAL, SA YIN NA THEG CHEN 'PHAGS PA'I MKHYEN PA YIN DGOS PA'I PHYIR, RE ZHIG SONG LA MI 'GRO STE, ZHES SOGS KYI DON MA GRUB PAR @441B THAL; LAM YIN NA THAR LAM YIN DGOS PA'I PHYIR, ZHE NA MA KHYAB STE, DE RNAMS NI 'JIG RTEN GYI GRAGS PA DANG BSTUN LA, 'DIR NI MKHAS PA SNGA MA RNAMS KYI MDZAD SROL DANG BSTUN PA'I PHYIR, ` GNYIS PA GZHUNG DON NI, YONGS SU SBYONG PA RNAM PA BCU YI, ,ZHES SOGS KYI GZHUNG GSUNGS PA CHOS CAN, DGOS PA YOD DE, RGYU SA DGU'I YONGS SBYONGS BSTAN PA'I DGOS PA YOD PA'I PHYIR, ZHAR BYUNG, TSOGS SGRUB GANG ZHIG ,YON TAN KUN GYI GZHI RTEN DU DMIGS PA, SA'I TSOGS SGRUB KYI MTSAN NYID, DE LA DBYE NA BYANG CHUB SEMS DPA'I SA BCU YOD DO, ` SA DGU 'DAS NAS YE SHES NI, ZHES SOGS LA, MDO LAS, RAB 'BYOR BYANG CHUB SEMS DPA' SEMS DPA' CHEN PO SA BCU PA LA GNAS PA NI DE PA NYID DU BRJOD DO, ,ZHES SOGS RGYA CHER GSUNGS LA, DE RNAMS KYI DON BSDUS PA NI, GZHUNG 'DI'I RTZA 'GREL RNAMS YIN ZHING, DON NI SA BCU PA'I RJES THOB CHOS YES CAN, BYANG CHUB SEMS DPA'I SA BCU PA YIN TE, 'DA' BYAS DGU LAS 'DAS PA'I SEMS DPA' YE SHES GANG ZHIG ,KHYOD LA GNAS PA'I GANG ZAG GI DBANG DU MDZAD NAS, SA BCU PA LA NI; BYANG CHUB SEMS DPA' SANGS RGYAS KHO NAR BRJOD PAR BYA'I YANG DAG PAR RDZOGS PA'I SANGS RGYAS NI MIN NO, ,ZHES BSHAD PA'I PHYIR, DE CHOS CAN, 'DA' BYA SA DGU LAS 'DAS TE, RIGS DANG, @442A *, ,BRGYAD PA DANG, MTHONG BA DANG, SRAB PA DANG, 'DOD CHAGS DANG BRAL BA DANG, BYAS BA RTOGS PA DANG, NYAN THOS KYI SA DANG, RANG SANGS RGYAS KYI SA DANG, SNGAR BSHAD PA'I BYANG CHUB SEMS DPA'I SA DGU PO GCIG TU BYAS PA RNAMS LAS 'DAS PA'I PHYIR, DANG PO NI, NYAN THOS KYI SBYONG LAM LTA BU, GNYIS PA NI, RGYUN ZHUGS ZHUGS PA'I MNGON RTOGS LTA BU, GSUM PA NI, RGYUN ZHUGS 'BRAS GNAS KYI MNGON RTOGS LTA BU, BZHI PA NI, PHYIR 'ONG GI MNGON RTOGS LTA BU, LNGA PA NI, PHYIR MI 'ONG GI MNGON RTOGS LTA BU, DRUG PA NI, NYAN THOS DGRA BCOM PA'I MNGON RTOGS LTA BU; BDUN PA NI, ZHUGS PA LHAG MA GSUM GYI MNGON RTOGS LTA BU, BRGYAD PA NI, RANG SANGS RGYAS KYI MNGON RTOGS LTA BU, DGU PA NI, BYANG CHUB SEMS DPA'I SA DGU PO LTA BU, DE SKAD DU NYI SNANG LAS, SA DGU PO DE DAG KYANG 'DI DAG YIN TE, 'DI LTA STE, NYAN THOS LA SOGS PA'I RIGS KYI MTSAN NYID NI RIGS KYI SA'O, ,'BRAS BU DANG PO LA ZHUGS PA NI BRGYAD PA'I SA'O, ,RGYUN DU ZHUGS PA'I NI MTHONG BA'I SA'O, ,LAN CIG PHYIR 'ONG BA NI SRAB PA'I SA'O, ,PHYIR MI 'ONG BA NI 'DOD CHAGS DANG BRAL BA'I SA'O, ,DGRA BCOM PA'I NI BYAS PA RTOGS PA'I SA'O, ,NYAN THOS KYI SA NI THEG @442B PA GSUM GSAL BAR RNAM PAR GZHAG PA LA DGONGS TE, JI SKAD DU NYAN THOS DANG RANG SANGS RGYAS KYI SA ZHES BYA BA 'DI NI, SA RNAM PAR BZHAG PA'I TSIG BLA DVAGS SO, ,ZHES BYA BA YIN NO, ,RANG SANGS RGYAS KYI SA NI BSE RU LTA BU DANG, TSOGS NA SPYOD PA'I RANG SANGS RGYAS RNAMS SO, ,BYANG CHUB SEMS DPA'I SA NI JI SKAD DU BSHAD PA'I RNAM PA DGU PA NYID DO, ,ZHES GSUNGS PA'I PHYIR, ZHUGS PA LHAG PA GSUM GYI MNGON RTOGS NYAN THOS KYI SA RU BSDUS PA CHOS CAN, DGOS PA YOD DE, 'DIR 'DA' BYA'I THEG PA DE LA NYAN THOS KYI THEG PA RANG SANGS RGYAS KYI THEG PA, BYANG CHUB SEMS DPA'I THEG PA GSUM YOD DO ZHES GSAL BAR RTOGS PA'I DGOS PA YOD PA'I PHYIR, SA BCU PA'I RJES YES THOB CHOS CAN, 'DIR BSTAN GYI THEG PA GSUM PO DE LAS 'DA' BA'I TSUL BZHAG TU YOD DE, SNGA MA GNYIS LA SHES MTHONG GI BLTAS NAS 'DA' BAR BYED, GSUM PA LA GNAS PA'I SGO NAS 'DA' BAR BYED PA'I PHYIR, SA BCU PA'I RJES THOB LA GNAS PA'I GANG ZAG DE LA SANGS RGYAS ZHES BRJOD PA'I RGYU MTSAN YOD DE, 'BAD RTZOL RAGS PA NYE BAR ZHI BA'I SGO NAS 'PHRIN LAS LHUN GRUB TU 'JUG TSUL SANGS RGYAS DANG 'DRA BAS DE LTAR BRJOD PA'I PHYIR, DE CHOS CAN YANG DAG PAR RDZOGS PA'I SANGS RGYAS MA YIN PAR BRJOD PA'I RGYU @443A *, ,MTSAN YOD DE, DE LAS SPANGS RTOGS DMAN PA'I PHYIR, DE SKAD DU YANG, RGYUD PA MA LAS, BYANG CHUB SEMS DPA'I TSUL 'DI NI, ,RJES THOB DE BZHIN GSHEGS RNAMS DANG, ,SEMS CAN YANG DAG SGROL PA LA, 'JIG RTEN NA NI MNYAM PA NYID, ,DE LTA MOD KYI SA RDUL DANG, ,RGYA MTSO BA LANG RMIG RJES KYI, ,KHYAD PAR GANG YIN SANGS RGYAS DANG, ,BYANG CHUB SEMS DPA'I KHYAD PAR YIN,, ZHES GSUNGS SHING, NYI SNANG LAS, DE PA'I MDZAD PA NYE BAR SGRUB PA YIN GYI, ZHES SOGS BSHAD PA'I PHYIR, ,DES NA MDO LAS, SA BCU THOB MA THAG PA'I BAR CHAD MED LAM DANG, DES DRANGS PA'I RNAM GROL LAM LAS BCU PA ZHES DNGOS SU GSUNGS SHING, SA BCU PA'I RJES THOB NAS SANGS RGYAS KYI SA ZHES DNGOS SU GSUNGS NAS SANGS RGYAS KYI SA'I SPANG BYA LA KUN RMONGS GNYIS DANG, GNAS NGAN LEN GCIG LA SOGS PA YOD PAR DNGOS SU GSUNGS PAS, PHAR PHYIN THEG PA NAS BSHAD PA'I SANGS RGYAS DANG, PHAR PHYIN THEG PA'I LUGS KYI SANGS RGYAS DON GCIG TU 'DOD PA NI RNAM PAR MA BRTAG PA'I BAB COL 'BA' ZHIG YIN PAR SKABS BRGYAD PAR 'CHAD DO, ,GNYEN PO'I TSOGS SGRUB 'CHAD PAR BYED PA LA, MDO LAS, RAB 'BYOR KHYOD KYIS GANG YANG 'DI SKAD DU THEG PA CHEN PO DE GANG NAS @443B 'BYUNG BAR 'GYUR ZHES SMRAS PA NI, DE MI DMIGS PA'I TSUL GYIS KHAMS GSUM NAS 'BYUNG BAR 'GYUR ZHING, GNYIS SU MED PA'I TSUL GYIS RNAM PA THAMS CAD MKHYEN PA NYID GA LA BA DER GNAS PAR 'GYUR RO, ,DE CI'I PHYIR ZHE NA, 'DI LTAR THEG CHEN PO GANG YIN PA DANG, RNAM PA THAMS CAD MKHYEN PA NYID GANG YIN PA'I CHOS GNYIS KA LDAN PA YANG MA YIN, MI LDAN PA YANG MA YIN PA'I PHYIR RO, ,ZHES SOGS RGYA CHER GSUNGS LA; DE RNAMS KYI DON 'CHAD PA NI, ` MTHONG DANG SGOM PA'I LAM DAG LA, ZHES SOGS SUNGS, 'DI LTA BU'I GZHUNG GSUNGS PA CHOS CAN, DGOS PA YOD DE, SA'I TSOGS SGRUB BSTAN PA'I 'OG TU GNYEN PO'I TSOGS SGRUB BSTAN PA'I CHED YIN PA'I PHYIR, 'DI NI BSHAD PA'I GO RIMS YIN TE, SA'I TSOGS SGRUB DANG, GNYEN PO'I TSOGS SGRUB DON GCIG MING GI RNAM GRANGS YIN PA'I PHYIR, 'DIR BSTAN GNYEN PO'I TSOGS SGRUB LA RNAM PA BRGYAD YOD DE, MTHONG SPANGS RTOG PA'I GNYEN POR GYUR PA'I TSOGS SGRUB BZHI, ,SGOM SPANGS RTOG PA'I GNYEN POR GYUR PA'I TSOGS SGRUB BZHI RNAMS SU YOD PA'I PHYIR, DANG PO GRUB STE, MTHONG SPANGS RTOG PA DE LA KUN NAS NYON MONGS BZUNG RTOG RNAM BYANG BZUNG RTOG, RDZAS 'DZIN RTOG PA RTAGS 'DZIN RTOG PA RNAMS SU YOD PA'I PHYIR, GNYIS PA GRUB STE, SGOM SPANG RTOG PA DE LA YANG SGOM @444A *, ,SPANG KUN NAS NYON MONGS BZUNG RTOG SOGS DE LTAR YOD PA'I PHYIR TE, NYI SNANG LAS, DE LA RNAM PAR RTOG PA BRGYAD PO 'DI NI 'DI DAG YIN TE, RE ZHIG MTHONG BA'I LAM GYI MI MTHUN PHYOGS KYI RNAM PAR RTOG PA NI BZHI'O, ,DE LA BZUNG BA'I RNAM PAR RTOG PA NI RNAM PA GNYIS TE, DNGOS PO TZAM LA BRTEN PA DANG, GNYEN PO LA BRTEN PA'O, ,'DZIN PA'I RNAM PAR RTOG PA YANG GNYIS TE, GANG ZAG RDZAS SU YOD PA LA BRTEN PA DANG, SKYES BU BRTAGS PAR YOD PA LA BRTEN PA'O, ,SGOM PA'I LAM GYI MI MTHUN PA'I PHYOGS KYANG RNAM PA BZHI PO NYID YIN TE, DNGOS PO TZAM GYI RNAM PA LA BRTEN PA DANG, GNYEN PO'I RNAM PA LA BRTEN PA ZHES BYA BA BZUNG BA'I RNAM PAR RTOG PA GNYIS DANG, 'PHAGS PA'I GANG ZAG THAMS CAD DU BTAGS PA LA BRTEN PA DANG, BTAGS PA DE'I RGYU MTSAN LA BRTEN NAS 'DZIN PA'I RNAM PAR RTOG PA'ANG RNAM GNYIS TE, DE LTAR KHAMS GSUM GYI RNAM PAR RTOG PA NI RNAM PA 'DI BRGYAD YIN NO, ,ZHES GSUNGS PA'I PHYIR, BYANG CHUB SEMS DPA'I MKHYEN PAR GYUR PA'I TSOGS SGRUB GANG ZHIG ,RANG GI MI MTHUN PHYOGS 'JOMS NUS DE GNYEN PO TSOGS SGRUB KYI MTSAN NYID, DE LA DBYE NA MTHONG SPANG GNYEN PO TSOGS SGRUB DANG, SGOM SPANG GNYEN PO TSOGS SGRUB GNYIS, GNYEN PO TSOGS SGRUB GANG ZHIG ,MTHONG SPANG GI GNYEN @444B POR DMIGS PA, DANG PO'I MTSAN NYID, DE GANG ZHIG ,SGOM SPANG GI GNYEN POR DMIGS PA GNYIS PA'I MTSAN NYID, DANG PO DANG THEG CHEN GYI MTHONG LAM DON GCIG ,GNYIS PA DANG THEG CHEN GYI SGOM LAM DON GCIG DANG PO LA MTHONG SPANG GNYEN PO TSOGS SGRUB BZHI, GNYIS PA LA SGOM SPANG GNYEN PO TSOGS SGRUB BZHI YOD DO, NGES 'BYUNG SGRUB PA 'CHANG PA LA, ` CHED DU BYA DANG MNYAM NYID DANG, ,ZHES SOGS KYI SKABS SU, 'DI LTA BU'I GZHUNG GSUNGS PA CHOS CAN, DGOS PA YOD DE, TSOGS SGRUB BSHAD PA'I 'OG TU NGES 'BYUNG SGRUB PA BSTAN PA'I DGOS PA YOD PA'I PHYIR, DE LTAR STON PA'I RGYU MTSAN YOD DE, TSOGS GNYIS KYI DPUNG CHEN PO BSAGS PA LAS SGRIB GNYIS KYI GA-YUL LAS RGYAL BA'I RNAM PA THAMS CAD MKHYEN PA NYID KYI GO 'PHANG GDON MI ZA BAR NGES PAR 'BYUNG BAR BYED PA'I SGRUB PA 'THOB PA'I PHYIR, RNAM MKHYEN GDON MI ZA BAR NGES PAR 'BYIN PA'I DAG SA'I RNAL 'BYOR CHOS CAN, NGES 'BYUNG SGRUB PA'I MTSAN NYID YIN TE, DE'I 'JOGS BYED CHOS GSUM TSANG BA YIN PA'I PHYIR, NGES 'BYUNG SGRUB PA 'DI LA BRGYAD DU GRANGS NGES PA YIN TE, NGES PAR 'BYUNG PA LA BRGYAD DU GRANGS NGES PA'I PHYIR, DER LA, BRGYAD PO DE LTA BU LAS KHYAD PAR DU 'PHAGS PA GZHAN MED PA'I PHYIR TE, NYI SNANG LAS, DE LA CHED DU BYA BA'I NGES PAR 'BYUNG BA @445A *, ,YANG RNAM PA GSUM TE, MCHOG NYID KYIS NGES PAR 'BYUNG BA DANG, SPANGS PA'I NGES PAR 'BYUNG BA DANG, RTOGS PA'I NGES PAR 'BYUNG BA'O, ,GANG GI PHYIR MCHOG NYID KYIS NGES PAR 'BYUNG BA'I DBANG DU MDZAD NAS GSUNGS PA NI, GANG GI PHYIR 'DI LTAR DE DANG DE LAS RTZAMS TE, SEMS CAN DE NI GO CHA CHEN PO BGOS PA LAGS SO, ,ZHES BYA BAS GSUNGS PA'I GO CHA'I SGRUB PA CHEN PO NYID DANG, THEG PA CHEN PO LA YANG DAG PAR ZHUGS PA, THEG PA CHEN PO LA YANG DAG PAR GNAS PA, ZHES BYA BAS, 'JUG PA'I SGRUB PA CHEN PO NYID DANG, CI'I PHYIR GO CHA CHEN PO BGOS PA ZHES BRJOD CES BYA BAS TSOGS KYI SGRUB PA'I CHEN PO NYID DE 'DI NI CHEN PO RNAM PA GSUM PO 'DI YIN PA DE BAS NA 'DI NI NGES PAR 'BYUNG BA'I SGRUB PA LAS BRTZAMS PAR 'THAD PA YIN TE, BCOM LDAN 'DAS THEG PA CHEN PO ZHES BGYI BA 'DI NI LHA DANG MI DANG LHA MA YIN DU BCAS PA'I 'JIG RTEN ZIL GYIS 'DI DANG GNAS TE 'BYUNG BAR 'GYUR RO, ,ZHES LEGS PAR GSUNGS SO, ,SNGAR BSHAD PA RNAMS KYI BSDU BA NI, NYI SNANG LAS, GO CHA'I SGRUB PA LA SOGS PA 'DI RNAMS KYI GO RIM GYI TSUL 'DI NI RIGS PA YIN TE, GO BGOS PAS NI 'JUG GO ZHUGS PAS NI DPUNG GI TSOGS GSOG GO ,DPUNG GI TSOGS BSAGS PAS NI MA RGYAL BA LAS RGYAL BA THOB PAS NGES PAR 'BYUNG BA YIN PA'I PHYIR RO, ,DE LTAR BYAS NA, @445B SEMS BSKYED PA DANG GDAM NGAG DANG, ,NGES 'BYED YAN LAG RNAM BZHI DANG, ,SGRUB PA YI NI RTEN GYUR PA, ,CHOS KYI DBYINGS KYI RANG BZHIN DANG, ,DMIGS PA DAG DANG CHED DANG NI, ,GO CHA 'JUG PA'I BYA BA DANG, TSOGS NI NGES PAR 'BYUNG BCAS RNAMS, ,THUB PA'I RNAM KUN MKHYEN PA NYID, ,CES GANG GSUNGS PA DE NI 'DIR RJES SU BSHAD PA'I 'GREL BA YIN PAR BLTA BAR BYA'O, ,SEMS BSKYED PA LA SOGS PA'I DON 'DI RNAMS KYI GO RIM GYI TSUL 'DI NI RIGS PA NYID YIN TE, BYANG CHUB TU SEMS BSKYED PA DON DU GNYER BA GNAS PA NI GDAM NGAG 'TSOL BA'I PHYIR DANG, PHYIN CI MA LOG PA'I GDAM NGAG LA NI NGES PAR 'BYED PA'I CHA DANG MTHUN PA SKYE BA'I PHYIR DANG, DE NAS SGRUB PA'I CHOS GANG LA BRTEN PA DANG, GANG LA DMIGS PA DANG, CHED DU BYA BA GANG YIN PA DANG, SGRUB PA GANG YIN PA STE RNAM PA BZHI YIN NO, ,ZHES GSUNGS PA'I DON NI RNAM MKHYEN THOB PAR 'DOD PA'I RGYAN GYI CHED DU BYA BA'I GDUL BYA RNAMS KYIS CHOS BCU DANG LDAN PA'I BSHES GNYEN DAM PA GUS PAS BSTEN PA'I SGO NAS THEG PA CHEN POR SEMS BSKYED ,ZAB PA DANG RGYA CHE BA'I THEG CHEN GYI GDAM NGAG NYAN CING; GDAM DON TSUL BZHIN SGRUB PAS NYAMS SU BLANGS PA'I SGO NAS KHYAD CHOS DRUG DANG LDAN PA'I BYANG SEMS KYI NGES 'BYED YAN LAG THOB STE, RANG BZHIN GNAS RIGS LA BRTEN, DMIGS PA BCU GCIG LA DMIGS NAS @446A *, ,SGRO 'DOGS TSUL BZHIN DU DPYAD, CHEN PO GSUM THOB PHYIR DU DANG POR BSAM PAS GO BGOS, DE RJES SBYOR BAS NYAMS SU BLANGS PAS TSOGS GNYIS KYI DPUNG RGYA CHEN PO BSAGS PAS SGRIB PA GNYIS KYI GA-YUL LAS RGYAL ZHING YON TAN GYI RIGS YONGS SU RDZOGS PA'I RNAM PA THAMS CAD MKHYEN PA NYID KYI GO 'PHANG BRNYES TE, ZAB PA DANG RGYA CHE BA'I CHOS KYI 'KHOR LO RGYUN MI CHAD DU BSKOR BAS, RANG NYID GCIG PUS MA NAM MKHA'I MTHA' DANG MNYAM PA'I SEMS CAN THAMS CAD KYI SDUG BSNGAL THAMS CAD SEL BAR NUS SHING, BDE BA THAMS CAD SGRUB PAR 'DOD PA'I BZHED PA'I DON 'GRUB PAR GYUR ZHES PA'O, ` BLO BZANG NYIN BYED DBANG PO YIS, ,THUGS RJE'I TSA ZER RAB 'PHROS PAS, ,BDAG BLO'I PAD TSAL RAB RGYAS TE, ,LEGS BSHAD SBRANG RTZI'I DGA' STON GYIS, ,SKAL BZANG BUNG BA TSIMS PAR GYUR, ,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN 'GREL PA 'GREL BSHAD DANG BCAS PA RGYA CHER BSHAD PA BSAM 'PHEL DBANG GI RGYAL PO LAS SKABS DANG PO'I SPYI DON LEGS PAR BSHAD PA'O, ,('DIS KYANG RGYAL BA'I BSTAN PA RIN PO CHE SGO THAMS CAD NAS PHYOGS THAMS CAD DU DAR ZHING RGYAS LA YUN RING DU GNAS PAR GYUR CIG,) MANG+GA LAm,, BHA WAN STU,, ,,