@001A *, ,RJE BTZUN BLA MA TZONG KHA PA CHEN PO'I NGO MTSAR RMAD DU BYUNG BA'I RNAM PAR THAR PA DAD PA'I 'JUG NGOGS ZHES BYA BA BZHUGS SO, , @001A [DD] #, ,RJE BTZUN BLA MA TZONG KHA PA CHEN PO'I NGO MTSAR RMAD DU BYUNG BA'I RNAM PAR THAR PA SKYES PA RABS KYI TSOGS NYUNG ZAD CIG YONGS SU BRJOD PA'I GTAM DU BYA BA, DANG PA'I 'JUG NGOGS ZHES BYA BA, RJE BTZUN BLA MA DMIGS PA MED PA'I THUGS RJE CHEN PO DANG LDAN PA DE'I ZHABS LA GUS PA CHEN POS PHYAG 'TSAL LO; ;TSOGS GNYIS SPYOD PA RLABS CHEN SHAR RI'I RTZER, ,RGYAL SRAS DPA' BO SMRA BA'I ZLA BA 'DZEGS, ,THUB BSTAN KU MUD BZHAD PA'I DPAL YON CAN, ,RJE BTZUN BLA MA SNYING GI MUN SEL RGYAL, , @002A [DD] *, ,BLO BZANG DBYANGS CAN NGAG GI DPAL MNGA' BA, ,GRAGS PA'I RDZA RNGA PHYOGS KYI MDZES MAS BRDUNG, ,DPAL LDAN MKHAS PA KUN GYI MGOS GTUGS PA, ,KHYOD KYI ZHABS LA BDAG KYANG PHYAG BGYID DO, ,MI DMAN BRTUL ZHUGS MCHOG GIS LEGS BSDAMS SHING, ,RNAM DPYOD CHES PHRA THUB PA'I GZHUNG LUGS KUN; ;ZHIB MOR 'BYED LA ZLA DANG BRAL GYUR PAS, ,GCIG TU SGRUB LA DGYES PA 'DI RMAD DE, ,MGON PO DE YI YON TAN RGYA MTSO CHE, ,'BYAMS KLAS GYUR PA'I GTING MTHA' JI TZAM ZHES, ,MTHU CHEN RNAMS KYANG KHYOGS LA 'PHYANG 'GYUR NA, ,BDAG LTAS CUNG ZAD DPOG 'ANG GA LA NUS, ,'ON KYANG 'DI NA SHUGS DRAG DAD PA'I MES, ,SNYING GI CHU @002B GTER KHOL BA 'DZIN BYED PA, ,'DI DAG GDUNG SEL SPOBS PA'I RNGA YAB RTZES, ,CHU THIGS TZAM ZHIG BLANGS TE GAR BGYI'O, ,'DI NYID PHYIR NA 'JIG RTEN GZHAN DU YANG, ,'DI LTA'I MGON GYIS NAM YANG MI GTONG ZHING, ,DE YI LEGS BSHAD BDUD RTZIS 'TSO GYUR ZHES, ,RANG DON LA GUS RE BA'I ZHAGS PA YIS, ,BDAG GI SNYING NI YANG DAG DRANGS GYUR CING, ,SHES LDAN DAD PA RAB DKAR NGANG MO'I TSOGS, ,DPAG YAS YON TAN 'O MA'I CHU GTER LA, ,RAB DGA' RGYAS PA'I SLAD DU 'DIR 'BAD DO, ,SOS KA CHAR SPRIN RGYAS PA'I SGRA DBYANGS CAN, ,DPYID KYI DPAL MO ME TOG DO SHAL DGOD, ,RMA BYA GZHON NU ROL PA'I RTZED 'JO STON, ,'DI DAG 'JIG RTEN YA MTSAN CI YANG BYED, ,MKHAS RNAMS YID KYI BRTAN PA NYAMS BYAD PA, ,DAM PA'I SPYOD PA RMAD BYUNG BRJOD PA'I GTAM, ,SKAL BZANG RNA BA'I BTZUD LEN BSGRAGS PAS KYANG, ,THUB RNAMS YID NI CI YANG CHAGS PAR 'GYUR, ,GZHON NU NYID DANG NGES PAR 'BYUNG BA'I TSUL, ,DON CHEN GNAS LA DKA' BA LHUR BLANGS PAS, ,RGYAL BA DGYES PA'I GO 'PHANG MCHOG @003A *, ,BRNYES PA, ,'DI DAG NGO MTSAR GTAM GYI GLENG GZHI YIN, ,DE YANG BDAG GI DPAL LDAN BLA MA DAM PA SANGS RGYAS BCOM LDAN 'DAS KYI RING LUGS PA CHEN PO, 'JIG RTEN THAMS CAD LA RGYU MED PAR YANG GCIG TU MNYES GSHIN PA'I NGANG TSUL CAN, RING MO ZHIG NAS BYANG CHUB SEMS DPA'I SPYOD PA RLABS PO CHE DAG GI PHA ROL TU BYON PA, RJE BTZUN 'JAM PA'I DBYANGS KYI THUGS KYI 'OD ZER GYIS BLO GROS KYI PADMO KHA PHYE BAS SHES BYA'I DKYIL 'KHOR MTHA' DAG LA GZIGS PA DAG PA'I SPYAN DANG LDAN PA, THUN MONG DANG THUN MONG MA YIN PA'I MNGON PAR RTOGS PA'I YON TAN RIN PO CHE'I TSOGS KYIS THUGS KYI BANG MDZOD YONGS SU GTAMS PA'I BDAG NYID CHEN PO MTSAN BRJOD PAR DKA' BA 'DI NI, BSKAL PA DPAG TU MED PA'I SNGA ROL NAS SA BCU YONGS SU RDZOGS PAR MDZAD DE, MA DAG PA'I 'JIG RTEN GYI KHAMS RNAMS SU YANG, LA LA LA NI 'KHOR LOS SGYUR BA DANG, LA LA LA NI KHAMS KYI RGYAL PO DANG, 'GA' ZHIG TU NI BRGYA BYIN DANG TSANGS PA'I GZUGS DANG, DE BZHIN DU BYANG CHUB SEMS DPA' KHYIM PA DANG RAB TU BYUNG BA'I TSUL LA SOGS PA GDUL BYA DANG 'TSAM PA'I SKU'I RNAM PAR 'PHRUL PA DPAG TU MED PA JI LTAR NAM MKHA'I LAM LAS ZLA BA'I DKYIL 'KHOR GCIG NYID KYIS SA'I STANG DU CHU SNOD THA DAD PA SNA TSOGS PA ZHIG GI NANG DU CIG CAR RANG GI GZUGS BRNYAN STON PA DE BZHIN DU 'BAD RTZOL MED PAR NYE BAR BSTAN PA LAS, BDAG CAG @003B RNAMS LA NI, 'U BU CAG RANG DANG 'GRO BA RIGS MTHUN PAR SKYE BA BZHES PA'I DGE BA'I BSHES GNYEN NYID KYI RNAM PAR BSTAN PAS DON MDZAD DO, ,ZHES BYA BAR KHONG DU CHUD PAR BYA BA YIN PA GOR MA CHAG STE, 'DI LA BDAG NYID YID CHES PAR BYA BA'I LO RGYUS KYI GTAN TSIGS GTAM DU GLENG BA'ANG THOS SO, ,DE LTA MOD KYI TSUL DE NI SKYE BO PHAL MO CHE DAG GIS BSAM PAR BYA DKA' BA'I GNAS YIN PA'I PHYIR DANG, BDAG CAG DAD PA DANG BSAM PA'I STOBS DMAN PA DAG GI RANG BZHIN DANG SKAL PA JI LTA BU YIN PA NYE BAR GZIGS PA'I DBANG GIS BDAG NYID KYANG DON 'DI ZHAL GYIS 'CHES PAR MI MDZAD PA'I PHYIR, GNAS 'DI NI BSNYAD PAR BGYI BAR MI NUS SO, ,DE LTA NA YANG, 'DI NYID BYANG CHUB SEMS DPA' LAM LA SLOB PA'I TSUL NYE BAR BZUNG NAS DON MDZAD CING PHAN PA MDZAD PA'I YONGS SU SPYOD PA DAG GI PHUL DU BYUNG BA'I YON TAN GYI MTHA' YANG, BDAG CAG SA'I DBANG PHYUG MA THOB PA DAG GIS NI, PHYOGS TZAM ZHIG GZHAL BAR BYA BA'I RNGO YANG MI THOGS MOD KYI, RE ZHIG GDUL BYA DMAN PA DAG LA YANG THUN MONG DU SNANG BA TZAM GYI MDZAD PA NYID LA NYE BAR BRTEN NAS, BDAG NYID KYI KHONG DU CHUD PA'I RNAM PAR THAR PA'I CHA SHAS 'GA' ZHIG DANG PA'I SOR MO LAN CIG MIN PAR BSKYOD PA'I 'DU BYED KYIS, ,GTAM DU BYA BA'I ME TOG GI PHRENG BAR BRGYUS TE, SKAL BZANG SKYE BO DAG GI RNA BA LA DGOD PAR BYA'O, ,DE YANG 'DI SKAD CES RJES SU THOS TE, BDAG NYID CHEN PO 'DI THOG MAR SKU BLTAMS PA'I MDZAD PA GANG DU BSTAN PA'I YUL NI, MDO @004A *, ,KHAMS SMAD KYI SA'I CHA, SHAR TZONG KHA ZHES GRAGS PA, SNGON DUS KHA BA CAN PA RNAMS KYI RJE BO LHA BTZAN PO DAG GI MNGA' RIS KYI CHAB 'OG TU GTOGS PA'I YUL GYI LJONGS LA, 'DI NYID SA'I YON TAN PHUL DU BYUNG BAR RGAN PO DAG GI BRGYUD PA'I KHA LAS SGOG PAR BYED PA DE NYID DE, 'DI'I YAB NI, DPA' ZHING DES PA DANG, SGRIN CING BRTUL PHOD PA DANG, 'BYOR CING RANG BZHIN DRANG BA LA SOGS PAS, SKYE BO GZHAN GYI YID DU 'THAD PA'I CHOS KYIS BRGYAN PA, DA RA KHA CHE KLU 'BUM DGE ZHES BYA BA YIN LA, YUM NI, BUD MED KYI RTEN LA G-YO SGYU CHUNG BA DANG, SEMS KYI NGANG RGYUD MCHOG TU BZANG BA NYID DO, ,ZHES LJONGS DE'I SKYE BO DAG MTHUN PAR GLENG BA SHING MO AA CHOS ZHES BYA BA STE, YAB YUM DE GNYIS LA SRAS DRUG MNGA' BA LAS, BDAG NYID CHEN PO 'DI NI BZHI PA YIN ZHING, 'DI'I GDUNG RUS NI MAL YIN LA, RJE NYID DANG GDUNG CHOS GCIG PA TZAM DU GTOGS PA LA MI NGO STONG PHRAG LONGS PA YOD CING, BDUN BRGYUD MA CHAD PA'I GNYEN DANG SNAG GI GNYEN MTSAMS YANG RGYAS PA ZHIG STE, DE DAG LAS SNGA PHYIR RAB TU BYUNG BA YANG DAG PAR BLANGS PA MANG PO ZHIG BYON PA THAMS CAD KYANG BRTUL ZHUGS MA SMAD CING, RNAM DPYOD YANGS PA'I MIG CAN SHA STAG GO, ,ZHES GRAGS SO, ,DE BAS NA SEMS DPA' CHEN PO DE NI RNAM PA DE LTA BU'I RIGS DANG RUS DANG CHO 'BRANG PHUN SUM TSOGS PA'O, ,DE YANG 'DI NYID GANG GI TSE YUM GYI LUS LAS NYE BAR BLTAMS PA DE'I TSE, 'DI'I DBU @004B NI GDUGS LTA BU DANG, DPRAL BA DBYE SA CHE ZHING SMIN MA 'DZAR LA SHANGS KYI GZENGS MTHO BA DANG, SNYAN SHAL RING DU 'PHYANG ZHING YAN LAG DANG NYING LAG RGYAS LA DKU SKABS PHYED PA DANG, DBANG PO YONGS SU GSAL ZHING PAGS PA'I MDOG NI ME TOG KU MU DA LTAR DKAR BAS 'JIG RTEN GYI SKYE BO GZHAN DANG MI MTHUN PA'I MTSAN GYI DPAL GYIS MDZES PA MIG GI BDUD RTZI ZHIG BTZAS TE, DE DANG LHAN CIG TU 'DZIN MA MTHA' DAG NOR BU RIN PO CHE'I COD PA NA BLANGS PA LTAR GYUR TO, ,GZHON NU DE NYID NI BYIS PA'I GNAS SKABS NYID NAS KYANG BYIS PA'I RGUD PA THAMS CAD LAS YANG DAG PAR 'DAS SHING, BAG MED PAR RTZE BA MTHA' DAG LAS NI NGANG GIS LOG ,NYES PAR SPYOD PA RNAMS NI RANG BZHIN GYIS BSDAMS, KUN LA SNYAN PAR SMRA ZHING KHRO BA SPANGS PA DANG, 'GROGS NA BDE ZHING SLONG BA'I SKYE BO DAG LA GTONG BA'I LAG BRKYANGS PA DANG, MGON MED PA DAG LA SNYING BRTZE ZHING BDEN PAR SMRA BA DANG, BLO GROS DPAG PAR DKA' ZHING CHOS 'TSOL BA LA NGANG GIS ZHUGS PA LA SOGS PA BYANG CHUB SEMS DPA'I SPYOD PA RLABS PO CHE DAG NI, BYIS PA GZHAN DAG SKYES TZAM NYID NAS NU ZHO LEN PA'I KUN TU SPYOD PA DAG CHED DU BSLAB PAR BYA MI DGOS PA JI LTA BA DE BZHIN DU GYUR TO, ,DE YANG SANGS RGYAS BCOM LDAN 'DAS KYIS, BSTAN PA RIN PO CHE LA THOG MAR 'JUG PA'I SGO DAM PA NI SO SOR THAR PA'I SDOM PA DANG, YON TAN KUN GYI GZHI YANG TSUL KHRIMS NYID DU GSUNGS SHING, SO SOR THAR PA'I SDOM PA YANG KHYIM PA DANG RAB TU BYUNG BA'I PHYOGS GNYIS SU @005A *, ,GNAS PA LAS, GZHON NU 'DIS RAB TU BYUNG BA'I LO'I GRANGS SU MA SON PA'I SNGA ROL TU, CHOS RJE KARMA PA ROL PA'I RDO RJE LAS DGE BSNYEN GYI SDOM PA YONGS SU RDZOGS PAR MNOS TE, MTSAN YANG KUN DGA' SNYING PO ZHES BTAGS SO, ,DE LTA BU'I GZHON NU DE NYID DGUNG LO GSUM BZHES PA'I TSE, CHOS KYI RJE DON GRUB RIN CHEN PA DE NYID, RJE 'DI'I YAB KYIS GDAN DRANGS PA ZHIG GI DUS NA, KHONG PAS YANG LA RTA DANG LUG LA SOGS PA ZANG ZING GI GNANG SBYIN DPAG TU MED PA MDZAD NAS, KHYOD KYI BU 'DI NGA LA PHUL ZHIG CES BKA' GNANG BA YAB KYIS KYANG DANG DU BLANGS TE SPRO DGA' DANG BCAS PAS PHUL, DE NAS DGUNG LO BDUN PA LA NYE BAR BAB PA NA, CHOS RJE DE'I ZHABS DRUNG DU PHEBS PAR MDZAD DE, RAB TU MA BYUNG BA'I SNGA ROL NYID DU CHOS RJE DES GSANG SNGAGS RDO RJE THEG PA'I SGOR SMIN PAR MDZAD CING, BCOM LDAN 'DAS 'KHOR LO BDE MCHOG DRIL BU PA DANG, KYEE RDO RJE DANG PHYAG NA RDO RJE LA SOGS PA'I DKYIL 'KHOR DU BCUG CING DBANG BSKUR ,GSANG MTSAN DON YOD RDO RJE ZHES BTAGS, RIG PA 'DZIN PA'I SDOM PA DANG DAM TSIG YONGS SU RDZOGS PAR MNAS TE, MIG GI 'BRAS BU LTAR GCES PAR BSRUNG BAR MDZAD DO, ,DE YANG CHOS RJE DE'I DRUNG DU THOG MAR 'PHEBS MA KHAD NAS, GSUNG RAB KLOG PA PO MANG DU 'DUG PA RNAMS LA GZIGS SHING THUGS KYIS DPYAD PAS DE TZAM GYIS KLOG RANG NYID KYIS THOGS MED DU 'DON PAR NUS PA BYUNG ZHING CHED DU GTAD NAS @005B BSLAB DGOS PA MA BYUNG, DBANG THOB NAS RAB TU MA BYUNG BA'I GONG DGUNG LO BDUN DU NYE BA TZAM GYI DUS NYID DU'ANG, BDE MCHOG DGYES RDOR KUN RIG GSHIN RJE'I GSHED LA SOGS PA'I DKYIL CHOG MANG PO THUGS LA BZUNG, BDE MCHOG DRIL BU BA'I BDAG 'JUG KYANG LAN MANG DU MDZAD CING, LHA'I RNAL 'BYOR DANG BZLAS PA'I RIM PA LA SOGS PA LA GCIG TU GZHOL BAR MDZAD PA YIN NO, ,DE LTAR RAB TU MA BYUNG BA'I DUS DE'I TSE NYID NA SKABS SHIG NAS BCOM LDAN 'DAS PHYAG NA RDO RJE GTUM PO PHYAG GNYIS PA'I RNAM PA ZHIG YUN RING PO'I BAR DU NUB RE ZHING MNAL LAM GSAL BAR 'CHAR BA DANG, KHYAD PAR JO BO CHEN PO DPAL LDAN AA TI SHA MNAL LAM DU NAR MAR 'ONG BA ZHIG BYUNG, PHYIS DBUS SU PHEBS DUS SKU 'DRA GZIGS PA NA RNAM PA JI LHA BAR 'DUG GO ,ZHES GSUNGS TE, PHYIS JO BO NYID SLAR YANG KHA BA CAN PA'I BSTAN PA NYAMS PA GSO BA'I SLAD DU BYON PA LTAR, MDO SNGAGS KYI LAM GYI RIM PA YONGS SU RDZOGS PAS GDUL BYA RNAMS SMIN CING GROL BAR MDZAD DE, BSTAN PA RIN PO CHE MI NUB PA'I RGYAL MTSAN 'DZIN PA RNAMS KYI GTZUG GI NOR BUR 'GYUR BA 'DI NYID KYI SNGA LTAS SU GDON MI ZA'O, ,DE LA 'DI SKAD CES BYA STE, DAD BRTZON DRAN DANG BAG YOD SHES BZHIN DANG, ,BRTUL ZHUGS MCHOG DANG BLO GROS DPAG DKA' BA, ,RING NAS 'DRIS PA'I YID GCUGS GROGS RNAMS KYIS, ,GZHON NU NYID NA'ANG MDZA' BA MA BTANG NGO, ,LUS KYI MYU GU DANG POR GYUR PA YI, ,GNAS SKABS DER YANG YON TAN ME TOG NI, ,DPAG MED DRI BZANG RDZOGS PA'I SNYING PO @06A *, ,CAN; ;'DI LTA'I NGO MTSAR SU YIS BSAM MI BYA, ,ZHES BYA BA NI, RJE BTZUN BLA MA TZONG KHA PA CHEN PO'I RNAM PAR THAR PA YONGS SU BRJOD PA'I GTAM DU BYA BA, DAD PA'I 'JUG NGOGS ZHES BYA BA LAS, GZHON NU NYID KYI GNAS SKABS YONGS SU BRJOD PA'I RIM PAR PHYE BA STE DANG PO'O,, ` DE LTA BU'I GZHON NU DE YANG, SNGON LAN CIG MA YIN PAR GOMS PAR BYAS PA'I BZANG PO'I RIGS KYI BAG CHAGS YONGS SU SAD PAS, BYIS BA'I GNAS SKABS NYID NA YANG 'DI LTAR RTOGS TE, KHYIM NA GNAS PA NI BYA BA NGAN PA SNA TSOGS PA'I LAS KYIS BREL BA'I 'CHING BA DAM POS BSNGAMS PA, BAG MED PA'I GNAS SU GYUR CING, NYE BAR ZHI BA DANG 'GAL BA, ZAS GOS DANG KHYIM GYI SO TSIS DANG NOR MNGON PAR SGRUB PA SOGS KYIS RNAM PAR DKRUGS PAS BZOD PAR DKA' BA'I SDUG BSNGAL GYI ME 'OBS LTA BUR GYUR LA, RAB TU BYUNG BA NI NYES PA DE DANG DE 'DRA BA GZHAN DAG LAS KYANG RGYAB KYIS PHYOGS PAR BYED PA'I SGO DAM PA STE, DUS GSUM GYI SANGS RGYAS THAMS CAD KYIS KYANG, RAB TU BYUNG BA NYID YANG DAG PAR BLANGS SA SNYAM DU DGONGS NAS DGUNG LO BDUN PA'I TSE, KHYIM NAS KHYIM MED PAR RAB TU 'BYUNG BAR MDZAD DE, NGUR SMRIG GI RGYAL MTSAN YANG DAG PAR BZHES SO, ,DE LA RJE RIN PO CHE 'DI NYID, THOG MAR YONGS SU 'DZIN PA DANG, RAB TU 'BYIN PAR MDZAD PA LA SOGS PA'I DGE BA'I BSHES GNYEN NI, GONG DU BRJOD PA CHOS RJE DON GRUB RIN CHEN BA ZHES GRAGS PA DE NYID YIN LA, DE'I RNAM PAR THAR PA PHYOGS MTSON TZAM @06B ZHIG ZHAR BYUNG DU BRJOD NA, DE'I 'KHRUNGS YUL NI MDO KHAMS SMAD YIN LA, GZHON NU LA RAB TU BYUNG ZHING DBUS GTZANG DU BYON, SNYE THANG PA BKRA SHIS SENGGE SOGS LA PHAR PHYIN DANG BYAMS CHOS THAMS CAD MKHAS PAR BSLABS, GTZANG GI SNAR THANG DU BYON, BCOM LDAN RIGS RAL GYI BU CHEN, BCOM LDAN PA RANG GI GDAN SA PA, LDONG STON RIGS PA'I SENGGE LA TSAD MA RNAM NGES GSAN SBYONG MDZAD, DE'I TSE RIGS PA'I GNAS KYI DGAG SGRUB CUNG ZAD 'CHAR DKA' BA BYUNG BA LA, ZHA LUR BYON NAS THUGS RJE CHEN PO RANG BYON GYI DRUNG DU GSOL BA DRAG TU BTAB CING, ZHABS LA KHRAG RDOL GYI BAR DU NYIN MTSAN DU SKOR BA MDZAD PAS, BLO GROS KYI NUS PA MCHOG TU GYUR PA 'KHRUNGS TE, RIGS PA'I GNAS LA THOGS PA MED PAR GYUR NAS, RTZOD PA BZANG BA'I MCHOG TU GRAGS PA BYUNG ZHING, MTHUN RKYEN DKON PO BYUNG YANG SNAR THANG PA'I SKYO TSUL LA BRTEN NAS KYANG LEGS PAR SBYANGS, DE RJES ZHVA LUR GRVA SKOR LA BYON PAS, RIN PO CHE BU STON THAMS CAD MKHYEN PA GDAN SAR PHEBS NAS 'DUG PA LA'ANG, TSOGS SU BGRO GLENG MDZAD PAS LEGS PAR ZIN, MKHAS PA'I GRAGS PA'ANG THOB, SLAR MDO SMAD DU BYON, SHING KUN SDE GSAR GYI MKHAN PO MDZAD, DE'I SKABS SHIG TU BDE BA CAN GYI GDAN SA MDZAD PAR ZHU BA'I GDAN 'DREN BYUNG BAS DBUS SU PHEBS, 'ON KYANG GDAN SA'I STABS MA 'PHROD, YO BYAD MANG DU BSNAMS BYON PA RNAMS KYIS BDE BA CAN DANG SNAR THANG SOGS SU GTZUG LAG KHANG DANG DGE 'DUN GYI ZHABS TOG RGYA CHEN BSGRUBS @007A *, ,NAS, YAB CHOS SDINGS SU SKYES MCHOG RTOGS LDAN PA'I DRUNG DU SGRUB PA LA BYON, PHYAG RDZAS GANG YOD BLA MA LA PHUL, SGRUB PO LA RTZE GCIG TU DRIL BAS, ZHI GNAS KYI MYONG BA KHYAD PAR CAN 'KHRUNGS, DE RJES MDO SMAD LA BYON, BYA KHYUNG DANG, SHA SBRANG DGON ZER BA'I DGON PA GNYIS BTAB, LO SBREL GYI BAR DU PHAR TSAD KYIS THOG DRANGS, BYAMS CHOS RNAMS DANG, BRTAG GNYIS, SPYOD 'JUG SOGS KYI BSHAD PA MDZAD KYANG, BZHED PA LTAR GYI PHAN THOGS CHER MA BYUNG BAS THUGS SKYO BAR GYUR TE, SHA SBRANG DU DPON PO SH'AKYA BZANG PO ZER BA ZHIG GDAN SAR BSKOS, KHONG RANG GI BYA KHYUNG DU SGRUB PA RTZE GCIG TU MDZAD PA YIN TE, 'DI NI MKHAS SHING GRUB PA BRNYES PA, LHAG PA'I LHAS DNGOS SU RJES SU BZUNG ZHING BYIN GYIS BRLABS PAR YANG GRAGS PA, SKU 'DA' BAR NYE BA NA LHA'I SIL SNYAN DANG ME TOG GI TSEGS LA SOGS PAS MCHOD CING 'DI NAS BYANG PHYOGS LOGS SU, RNGA SGRA SGROGS ZHES BYA BA'I DE BZHIN GSHEGS PA'I ZHING DU 'BYON PAR NAM MKHA' LAS SGRA MNGON SUM DU BYUNG BA, LKOG TU GYUR PA'I YUL MNGON SUM DU GZIGS PA THOGS PA MED PA LA SOGS PA'I MNGON PAR RTOGS PA'I YON TAN DPAG TU MED PA MNGA' BA ZHIG TE, DE YANG KHONG PAS SNAR THANG DANG BDE BA CAN DU JA SKOL DANG 'BUL BA MANG DU BTANG, DE DUS STON SER ZHIG ,RJE 'DI PA SKU DRUNG NA BZHUGS PA LA, TSES GRANGS DANG DUS NGES PAR YID LA ZUNGS SHIG ,DE RING SNAR THANG NA RANG RE'I JA SKOL DANG @007B 'BUL BA BYED KYIN 'DUG GSUNGS, RJE 'DI PAS KYANG, DUS TSIGS THUGS LA BZHAG NAS, PHYIS 'BUL SKYEL BA RNAMS KYIS MAR LA SLEBS DUS LEGS PAR DRIS PAS, JA SKOL BYAS PA'I NYI MA DE NYID RANG DU 'DUG GSUNG BA DANG, YAB TU RTOGS LDAN PA SKU GSHEGS NAS BYANG SEMS PA GDAN SAR BSKOS, KHONG GI GSUNG YIG 'BUL SKAL DANG BCAS PA MDO SMAD DU KHONG PA LA'ANG BSKUR BYUNG BA'I LAN RNAMS YAR LA BSKUR DUS, SNGAR GYI 'BUL SKAL BSKUR BA SOGS 'PHROD PA'I RGYU MTSAN DANG GSUNG SHOG THAMS CAD GU RU DKON GZHON PA LA MDZAD, SNGAR RANG RE LA BYANG SEMS PAS BYUNG BA YIN PAS DE LA MDZAD PA DRAG LAGS ZHUS PAS, 'DI GAS 'ONG GSUNG, LAN 'KHYER MI RNAMS KYIS DBUS SU SLEB TZA NA, BYANG SEMS PA'ANG 'DAS NAS, GU RU DKON GZHON PA YAB KYI GDAN SAR BSKOS TSAR 'DUG GSUNG, DE LTA BU LA SOGS PA'I LO RGYUS MANG DU BSNYAD DU YOD KYANG MDAS PAR 'GYUR BSAM BRIS LA, DE 'DRA BA'I YON TAN GYI TSIGS KYIS MNGON PAR MTHO BA'I BLA MA DON GRUB RIN CHEN PAS MKHAN PO MDZAD, DBUS GTZANG DANG BAL PO SOGS SU MKHAS GRUB DANG PAndI TA DU MA LA MDO SNGAGS DU MA SBYANGS PA'I BSHES GNYEN CHEN PO, TA DBEN GZHON NU SENG GE ZHES GRAGS PA'I SLOB MA GZHON NU BYANG CHUB CES BYA BAS SLOB DPON MDZAD DE, TSIGS SNGA MA DGE TSUL GYI SDOM PA YANG DAG PAR MNOS SHING, MTSAN YANG BLO BZANG GRAGS PA'I DPAL ZHES BYA BAR GSOL TO, ,BLA MA 'DIS BYIS PA NYID NAS @008A *, ,BDAG GIR MDZAD DE, BSTAN PA RIN PO CHE'I BDAG PO CHOS KYI RGYAL POR 'GYUR BAR DGONGS NAS, THUGS KYI YUL DU SHIN TU GCES PAR BZUNG STE, SMAN GYI SHING LJON PA CHEN PO MNGON PAR 'GRUB PA'I MYU GU LTAR LEGS PAR BSKYANGS, RAB TU BYUNG ZHING RDO RJE THEG PA'I SGOR SMIN PAR MDZAD DE, DBUS GTZANG DU 'BYON PA'I RDZONG TAR DANG DO DAM SOGS SHIN TU CHE BAR MDZAD PAS, BKA' DRIN CHE BA'I BLA MA ZHIG TU MDZAD PA YIN NO, ,'DIR SMRAS PA, DBANG PO RAB ZHI DUL BA'I DPAL GYIS NI, ,TSANGS SPYOD KYIS RGAN LHA YI DRANG SRONG YANG, ,MI BSPUN BYIS PA LTAR MDZAD GZHON NU DE, ,'DIR NI GANGS CAN SA YI THIG LER GYUR, ,RGYAL SRAS GZHON NU SNYING RJE'I ZLA BA DE, ,THUN MTSAMS NGUR SMRIG GOS BZANG 'DZIN GYUR PA, ,DE YI MDO LA KHYIM GYI SKYED TSAL DU, ,'DOD PA'I KU MUD LA DGA'I RTZE DGA' BTANG, ,ZHES BYA BA NI, RJE BTZUN BLA MA TZONG KHA PA CHEN PO'I RNAM PAR THAR PA YONGS SU BRJOD PA'I GTAM DU BYA BA DAD PA'I 'JUG DOGS ZHES BYA BA LAS, KHYIM NAS KHYIM MED PAR NGES PAR BYUNG BA YONGS SU BLANGS PA'I RIM PAR PHYE BA STE, GNYIS PA'O,, ` DE LTAR RAB TU BYUNG NAS 'DI SNYAM DU YONGS SU RTOG PAR MDZAD DE, CHOS KYI RJE SANGS RGYAS BCOM LDAN 'DAS NYID KYIS RJES SU LEGS PAR GSUNGS PA'I CHOS 'DUL BA LA RAB TU BYUNG BA DAG GI LAS SU BYA BA NI GNYIS SHIG BKA' STZAL TE, 'DI LTAR KLOG PA THOS BSAM DANG, SGRUB PA BSAM GTAN GYI RIM PA'O, ,DE BAS NA BDAG @008B GIS KYANG JE DANG POR KLOG PA THOS BSAM GYI SGO NAS RGYAL BA'I GSUNG RAB LEGS PAR GSUNGS PA'I RGYA MTSO CHEN POR BSHES GNYEN MKHAS PA'I DED DPON LA BSTEN TE, BRTZON PA'I GRU BO DUS DANG MTHUN PA'I RLUNG GIS BSKYOD NAS, RNAM PAR DPYOD PA'I SKYA BA 'DZIN PA LA BZO BAS 'JUG PAR BYA'O SNYAM DU DGONGS TE, DE YANG GANGS RI DPAL DANG LDAN PAS YONGS SU BSKOR BA'I KHA BA CAN GYI LJONGS 'DIR SNGON GYI CHOS RGYAL BYANG CHUB SEMS DPA' RNAMS DANG LO PAn MKHAS GRUB RIM PAR BYON PA RNAMS KYIS BYIN GYIS BRLABS SHING, BSTAN PA RIN PO CHE YONGS SU RDZOGS PA'I SGRON ME CHES CHER DANG POR GSAL BAR MDZAD PA DANG, BAR DU BSHES GNYEN DAM PA DAG GIS RGYAS PAR MDZAD CING, DA LTA'ANG RGYUN CUNG ZAD GNAS PA'I YUL GYI LJONGS MCHOG TU GYUR PA NI, DBUS GTZANG GI SA'I CHA 'DI NYID YIN PAS PHYOGS 'DIR 'BYON PAR BZHED PA 'KHRUNGS TE, DAM PA'I CHOS 'TSOL BA LA DPA' ZHING, BRTUL PHOD PA BYANG CHUB SEMS DPA' RTAG TU NGU LTAR, RING NAS BGROD PA'I LAM GYI SDUG BSNGAL BZOD PAR DKA' BA DAG LA'ANG JI SNYAM DU MI SEMS SHING, LEGS BSHAD TSOL BA LA RINGS PAR CHAS PA ZHIG GO ,DE LTAR DGUNG LO BCU DRUG PA'I TSE, BLA MA'I BKAS KYANG BSKUL ZHING, BDAG NYID KYANG SGRO SHUGS DRAG POS DBUS GTZANG GI PHYOGS LA 'BYON PAR BRTZAMS SHING, DE'I TSE CHOS RDZA DON RIN PA'I ZHAL NAS, NGAS KHYOD LA CHOS SHIG 'CHAD PA YIN, CI 'DRA ZHIG 'DOD GSUNGS PA LA, SEMS LA PHAN PA'I ZHAL TA ZHIG THUGS @009A *, ,LA 'DOGS 'TSAL ZHUS PAS, BLA MA DE MA 'ONGS PA'I 'BYUNG BAR 'GYUR BA MKHYEN PA'I MNGON PAR RTOGS PA MNGA' BA'I STOBS KYIS, 'BYUNG 'GYUR DANG MTHUN PAR, DANG POR THOS BSAM 'DI LA GYIS, DE'I RJES SU 'DI LA GYIS ZHES SOGS KYI RIM PA DANG, DE NAS DE DAG GI DON NYAMS SU LONGS LA, DE RJES GDUL BYA RNAMS SMIN PAR GYIS SHIG ,CES PA TSIGS SU BCAD PA'I SGO NAS GSUNGS, GDAMS PA DE ZIN BRIS SU MDZAD NAS BYON PAS DBUS SU PHEBS TZAM NAS DE BOR, RTZAD BCAD KYANG MA RNYED, DUS PHYIS PHAL CHE BA'I TSIG BSNYEL 'DUG NA'ANG, THOS BSAM SOGS MDZAD PA'I RIM PA THAMS CAD DE DANG MTHUN PAR BYUNG 'DUG GSUNG ZHING, GDAMS PA DE'I TSIG PHYIS KYANG THUGS LA BZHUGS PA THO RE BA 'DUG PA NI 'DI LTAR, GZHON NU BLO BZANG GRAGS PA KHYOD, ,SNGON SBYANGS DGE BA'I LAS 'PHRO CAN, ,SNGON TSE DAM CHOS BDUD RTZI'I RO, ,'THUNGS PA'I BAG CHAGS YOD PAR NGES, ,ZHES PA DANG, YUM CHEN RGYAS 'BRING BSDUS GSUM GYI, ,RGYAN DU GYUR PA'I MNGON RTOGS RGYAN, ,THOG MAR BSLAB CING NAN TAN BYA, ,DE LA MKHAS PAR GYUR PA NA, ,LUNG CHOS KUN LA 'PHRIG TSUD 'GYUR, ,D YANG SEMS KYI ZUR LA ZHOG ,DE NAS BYANG CHUB SEMS DPA' YI, ,LAM DANG SPYOD PA'I RNAM GZHAG DAG ,STON PAR BYED PA'I MDO SDE RGYAN, ,MKHAS PA'I YAN LAG DAG TU BSLAB, ,'KHOR BA MYA NGAN 'DAS PA YI, ,RTEN DU STON PA'I CHOS DANG NI, ,CHOS NYID RNAM 'BYED BSTAN @009B BCOS DANG, ,THOG MA THA MA RNAM SPANGS PA'I, ,DBU MA'I LAM NI STON PAS NA, ,DBUS DANG MTHA' NI RNAM 'BYED DANG, ,SEMS KYI CHOS NYID DAG PA NI, ,SEMS CAN KUN LA YOD PA STE, ,DE NYID BDE GSHEGS SNYING POR NI, ,STON BYED THEG CHEN RGYUD BLA MA, ,BYAMS CHOS LNGA PO DE DAG LA, ,MKHAS PAR BYED PA'I GO CHA GYIS, ,RGYAS PA'I BSTAN BCOS RNAM 'GREL DANG, ,'BRING DU STON PA'I RNAM NGES DANG, ,SHIN TU BSDUS PA RIGS THIGS TE, ,LUS DANG 'DRA BA'I BSTAN BCOS GSUM, ,GTAN TSIGS THIGS PA 'BREL BRTAG DANG, ,RGYUD GZHAN SGRUB PA RTZOD RIGS TE, ,'PHROS PA YAN LAG LTA BU ZER, ,CHOS KYI GRAGS PA LAS BYUNG BA'I, ,TSAD MA SDE BDUN 'DZAM GLING NA, ,SANGS RGYAS BSTAN PA GSAL BYED PA, ,NYI MA ZLA BA LTA BUR GRAGS ,'DI YI 'OG TU DE RNAMS SLOBS, ,DE NAS 'GA' ZHIG BRJED 'DUG ,MTSAMS SHIG NAS, BLO GROS BZANG LDAN KHYOD KYIS NI, ,MTHA' BRAL CHEN PO'I LTA BA LA, ,GAL TE MOS PA YOD GYUR NA, ,'PHAGS PA KLU SGRUB KYIS MDZAD PA'I, ,DBU MA RIGS PA'I TSOGS RNAMS DANG, ,DE YI RJES 'BRANG ZER BA ZHIG YOD DE, LHAG MA RNAMS BRJED 'DUG GSUNG NGO, ,DE NAS 'BRI KHUNG THEL PA'I 'BUL DPON LDAN MA RIN CHEN DPAL GYIS GDAN DRANGS NAS 'PHRIN LAS PA DANG 'GROGS TE BYON, GLANG LO STON GYI DUS SU, 'BRI KHUNG DPAL GYI NAGS KHROD DU PHEBS, DE'I TSE, 'BRI KHUNG GI SPYAN SNGA RIN PO CHE CHOS KYI RGYAL PO BZHUGS PAS, KHONG GI SPYAN SNGAR MJAL, THEG CHEN SEMS BSKYED KYI CHO GA DANG, PHYAG CHEN LNGA LDAN LA SOGS PA @010A *, ,GSAN, DE NAS SLOB GNYER ZHIG LA 'BYON PAR BZHED PA LA, GROGS 'GA' ZHIG GIS DBANG MED DU KHRID NAS MI 'DOD BZHIN DU, TSAL PA'I SMAN PA MKHAS PA DPON DKON MCHOG SKYABS ZHES BYA BA'I GAM DU BYON NAS, GSO DPYAD KYI GZHUNG LA SBYANGS SHING, YAN LAG BRGYAD PA THUGS LA BZUNG, DER YUN HA CANG MI RING BA ZHIG BZHUGS NAS CHOS GRVA CHEN PO BDE BA CAN DU BYON, BDE BA CAN PA'I RIN PO CHE SNYE THANG PA BKRA SHIS SENGGE DANG, GDAN SA PA DGE BSKONGS PA GNYIS LA CHOS 'BREL GSAN, KLOG PA'I SLOB DPON GTZO BO SLOB DPON CHEN PO YON TAN RGYA MTSO DANG, ZHAR CHOS PA SLOB DPON CHEN PO AU RGYAN PAS MDZAD NAS, SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN RTZA 'GREL LA LEGS PAR THUGS SBYONG MDZAD, ZHAG BCO BRGYAD TZAM GYIS GZHUNG GI TSIG MTHA' DAG SHIN TU BYANG BAR THUGS SU CHUD CING, 'JAM SKYA'I t'I KA'I STANG NAS CHOS GSAN CING DON KUN CHUB PAR MDZAD DE, SBYOR BA BRTZI BA SOGS KYI THUGS RTZOL CHER MA MDZAD PAR YANG, RING PO MA LON PA LA SHES RAB KYI PHA ROL TU PHYIN PA'I TSIG DON LA SHIN TU MKHAS PAR GYUR NAS, SLOB DPON DANG GOGS MCHED THAMS CAD KYANG BLO GROS KYI RTZAL LA DPAG PAR DKA' BA'I BLOS CHES CHER NGO MTSAR BA'I GNAS SU 'DZIN LA, THEG PA CHEN PO MDO SDE'I RGYAN NI, SNGAR MDO SMAD DU BZHUGS PA'I DUS NAS THUGS LA CHUD CING, BSHAD GSAR DANG, 'CHAD @010B PA LA SOGS MDZAD KYANG, BDE BA CAN PA'I BLA MA 'JAM RIN PA ZHES GRAGS PA'I DGE BSHES CHEN PO DE BYAMS CHES LA SHIN TU MKHAS PAR BYED KYIN 'DUG PAS, MDO SDE RGYAN LA SOGS PA'I BYAMS CHOS RNAMS LEGS PAR GSAN CING THUGS SU TSUD PAR MDZAD, BDE BA CAN NA THUGS SBYONG LA BZHUGS PA'I TSE, SKABS SHIG TU, RJE BTZUN 'JAM PA'I DBYANGS KYI RNAM 'PHRUL, SA SKYONG MI'I DBANG PO'I COD PAN, DPAL LDAN BLA MA DAM PA BSOD NAMS RGYAL MTSAN PA DBEN GNAS CHOS RDZONG DU PHYAG PHEBS PA'I SPYAN SNGAR MJAL, 'JAM DBYANGS AA RA PA TZA NA'I RJES GNANG, BDE MCHOG DRIL BU PA'I LUS DKYIL GYI DBANG, BUR GYI MGON PO'I RJES GNANG RNAMS GSAN TO, DE LTAR LO GNYIS TZAM LA PHAR PHYIN GYI TSIG DON LA SHIN TU MKHAS PAR GYUR NAS, DGUNG LO BCU DGU'I STENG DU GSANG PHU DANG BDE BA CAN LA SOGS PA RNAMS SU GRVA SKOR LA BYON, BLO GROS DANG CHOS SKAD PHUN SUM TSOGS PA'I SNYAN PA RING DU SONG ZHING, BSHES GNYEN MKHAS PA DAG GI YID KYI DBANG PO RNAM PAR DPYOD PA'I LCAGS KYUS DRANGS PAR GYUR TO, ,DE NAS GTZANG PHYOGS LA 'BYON PAR BZHED DE, RIN SPUNGS KYI RONG CHE BA LA MDZAD, GZHUNG LAM BSRANGS NAS SA SKYA LA 'BYON PAR BZHED PA LA LAM GROGS JO GDAN PA ZHIG YOD PA'I STABS KYIS, RIN SPUNGS KYI RGYANG MKHAR PHU'I LA LA BYON, NYANG STOD MKHAR KHA LA MDZAD NAS ZHA LUR PHEBS, BU STON RIN PO CHE BA'I DAM PA'I CHOS KYI RGYAL SRID 'DZIN PA'I GDAN SA PA, LO TZ'A BA MKHAN CHEN RIN CHEN RNAM @11A *, ,RGYAL BA'I DRUNG DU MJAL, BDE MCHOG MEE TRI BCU GSUM MA'I DBANG ZHIG GSAN, DE NAS SNAR THANG LA BYON, DE NAS GDAN SA CHEN PO DPAL LDAN SA SKYAR PHEBS, SA SKYA'I DUS CHOS MA TSUGS KYI RING LA SA BZANG DU BYON NAS, SA BZANG PAn CHEN MA TI BA'I DRUNG DU CHOS BKA' CI RIGS PA GSAN, CHOS TSUGS NAS SA SKYAR PHAR PHYIN GYI GRVA SKOR MDZAD, DE KA'I 'PHRO 'THUD PA LA, LA STOD BYANG LA BYON, 'DAR BZANG LDAN, NGAM RING 'GA' RONG CHOS SDE RNAMS SU'ANG GRVA SKOR MDZAD NAS, JO MO NANG DU PHEBS, CHOS RJE PHYOGS LAS RNAM RGYAL BA'I DRUNG DU SBYOR BA YAN LAG DRUG GI 'KHRID LA SOGS PA GSAN, DE NAS BO DONG LA BYON, MAR RES SPYI BO LHAS SU PHEBS, DE'I MKHAN CHEN PA LA BKA' GDAMS LAM RIM GYI LUNG THOB CIG MDZAD, DE NAS CHOS GRVA CHEN PO AER GRVA SKOR MDZAD NAS SNAR THANG DU PHEBS, SNGAR GYI PHAR PHYIN GYI t'I KA 'JAM SKYAS MDZAD PA DE'I NANG NA, MNGON PA MDZOD KYI LUNG MANG PO DRANGS 'DUG PA LA 'BRU GNON PA DKA' BAR 'DUG PAS RKYEN BYAS NAS MDZOD CIG GSAN PAR BZHED PA'I THUGS BZHED CHE BAR BYUNG STE, SNAR THANG GI MKHAS PA, BLA MA LO TZ'A BA DON BZANG PA LA BSAM BZANG GI t'I KKA'I STENG NAS MDZOD KYI BSHAD PA TSAR GCIG GSAN KYANG, BDAG NYID CHEN PO 'DI BLO GROS DKYIL CHES BAS DE TZAM DU THUGS KHENGS PA MA BYUNG, DE'I DUS SNAR THANG DU DGE BSHES SHIG GI LAG NA PHAR PHYIN GYI NYA t'IKA CIG 'DUG PA GZIGS PAS, SNGAR GYI @11B 'JAM SKYA'I t'AKKI LA LTOS NA, SHIN TU GSAL ZHING GO BA SKYED PA ZHIG 'DUG PAS THUGS SPRO BAR GYUR TE, KHONG PA LA PHAR PHYIN GYI BSHAD PA ZHIG GSAN PAR BZHED PA DANG, NYA t'IKA DE NA MDZOD KYI GZHUNG CI RIGS LA YANG BSHAD PA GSAL PO 'DUG PAS, MNGON PA LA YANG LEGS PO YOD PA 'DRA DGONGS PA 'KHRUNGS NAS, NYANG STOD DU PHYAG PHEBS, GNAS RNYING DU THOGS TZAM ZHIG BZHUGS, GNAS RNYING PA'I GZUNGS SGRUB KYI STENG DU PHAR PHYIN GYI GRVA SKOR MDZAD, DBYAR CHOS LA RTZE CHEN DU PHEBS PA MDZAD NAS, MKHAS PA'I DBANG PO RIN PO CHE, NYA DBON KUN DGA' DPAL BA'I SPYAN SNGAR PHAR PHYIN GYI GZABS BSHAD TSAR GCIG GSAN, THUGS RAB GSAL ZHING RNAM DPYOD YONGS SU RNO BA DANG, BSHAD PAR BYA BA'I GNAS RNAMS BRDA SPROD PA PHUL DU BYUNG BAS GDUL BYA'I RNA BAR 'BAB CING, MKHAS PA'I RNAM 'GYUR GYIS SHIN TU THUGS RANGS PAR GYUR, DE'I TSE KHONG PA LA MNGON PAR MDZOD CIG GSUNG BAR ZHUS PAS, NGAS LEGS PO SHOD PAR YOD DE DON GNYER BYED MKHAN MA BYUNG BAS LTA RTOGS KYANG RE DGA' DGOS, KHAMS KYANG MA BDE ZHING PHAR TSAD 'CHAD DGOS PA 'DIS 'PHRAL LA 'CHAD PA MI 'GRUB PA 'DUG ,NGED KYI SLOB MA RED MDA' BA 'DI BLO GROS CAN MNGON PA LA SHIN TU MA KHAS PA ZHIG YOD PAS KHYOD RANG YANG 'DI LA NYAN NA 'THAD CING, NYAN PAR MI SPRO NA MDZUB KHRID CIG BCOL BA DRAG CES YANG YANG GSUNG GIN 'DUG PA DANG, KHONG GI SLOB MA SNGAR NAS ZHAL 'TSO BA YOD PAS KYANG MTSAMS SBYAR NAS, RJE BTZUN RED MDA' BA DBYAR DE SA SKYA @12A *, ,NAS RTZE CHEN NA PHEBS 'DUG PA LA MNGON PA MDZOD KYI RANG 'GREL GYI STENG NAS MDZUB KHRID DU MDZAD DE GSAN PAS, GZHUNG GI TSIG RIS TZAM LA BRTEN PA MA YIN PAR, BSTAN BCOS KYI LUS YONGS SU RDZOGS PA'I DON GYI KHOG LEGS PAR BSGRIGS NAS 'GANGS 'CHUN PA'I GO BA BOGS CHOD DU STER NUS PA ZHIG 'DUG PAS DAD PA CHEN PO 'KHRUNGS, GANG GSUNGS THAMS CAD LAN RE KHO NAS TSIG DON LHAG MA MED PAR THUGS SU CHUD CING, DKA' BA'I GNAD RNAMS LA DRI GTUGS LEGS PAR MDZAD PAS, RJE BTZUN PA YANG SHIN TU THUGS 'PHROGS PAR GYUR TE, KHYED LA MDZUB KHRID BYED PA LA LEGS PAR BSGRIM DGOS PA 'DUG CES GSUNGS, DE YANG BSKAL PA DPAG TU MED PA'I SNGA ROL NAS, SNYIGS MA'I DUS LA BAB PA NA, RGYAL BA'I DAM CHOS MTHA' DAG LEGS PAR BZUNG NAS, BSTAN PA'I SNYING PO MI NUB PA'I RGYAL MTSAN 'DZIN PA'I SMON LAM PHYOGS GCIG TU YANG DAG PAR 'BYOR ZHING, SKU TSE SNGA MA DAG TU YANG LAN CIG MA YIN PAR THEG PA BLA NA MED PA DAG GI DAM TSIG YONGS SU DAG PA'I DRI BSUNG RDZOGS PA'I SNYING PO CAN, DAM CHOS PADMA DKAR PO'I PHRENG BRGYUD RING POS MKHAS PA NGANG PA'I DED DPON ZUNG 'DI PHAN TSUN LU GU RGYUD DU 'KHYUD PA'I 'BREL PA YONGS SU CHAD PA MED PA'I RTEN CING 'BREL BAR 'BYUNG BA'I CHOS NYID KYIS, THOG MA NYID NAS DPON SLOB SHIN TU THUGS GCUGS PAR GYUR TO, ,DE LA RJE BTZUN DAM PA RED MDA' PA CHEN PO KU M'A RA MA TI @12B ZHES 'JIG RTEN GSUM NA MCHOG TU DKAR BA'I GRAGS PA'I BA DAN CHES CHER GSAL BA 'DI NI, GZHON NU NA TSOD YONGS SU MA SMIN PA'I SKABS NYID NAS, LEGS PAR SPYAD PA'I NUS PA YONGS SU SMIN PAS, BYIS PA NYID NA YANG, CHOS BRGYAD BUNG BA'I ROL RTZED LA CHAGS PA'I KUN RTOG SPROS PA'I NYI 'OD NI NUB, CHAGS SDANG 'BYUNG PO'I BYA TSEGS RGYU BA'I BDAG 'DZIN MUN PA'I SMAG RUM NI SANGS, THUB BSTAN GANGS KYI RI SUL SKYONG BA'I RNAM DPYOD GDONG LNGA'I LUS RTZAL NI YONGS SU RDZOGS, SRID GSUM DRI ZA'I GRONG KHYER LTAR GZIGS NAS RGYAL SRAS SGYU MA'I RNAM ROL GYIS SPYOD PA ZHIG STE, GZHON NU LA RAB TU BYUNG NAS RGYAL BA'I BSTAN PA LUNG GI CHOS MTHA' DAG LA LEGS PAR SBYANGS, DBANG DANG LUNG GSAN PA TZAM MA GTOGS, DA LTA'I BSHES GNYEN GZHAN DAG GI KHA LA RAG LAS PA MED PAR YANG, MDO RGYUD DGONGS 'GREL DANG BCAS PA GANG LA YANG LAN CIG GAM GNYIS SHIG ZHIB TU GZIGS PA TZAM GYIS BSTAN BCOS DE'I RTZA 'GREL LEGS PAR SBYAR BA'I DON GYI LUS YONGS SU RDZOGS PA KHOG BSGRIB TE RANG RANG GI LUS MA 'DRES PAR THUGS SU CHUD NAS RIGS PA'I LAM NAS MTHA' DAG PAR DRANGS TA GZHAN LA 'DOMS PA LA THOGS PA MI MNGA' ZHING, KHYAD PAR DBU TSAD KYI RIGS PA'I LAM THAMS CAD LEGS PAR NUB NAS MING TZAM YANG MA MCHIS PAR GYUR PA NA RANG STOBS KYIS DBU TSAD KYI RIGS PA'I LAM SROL PHYE NAS BYANG PHYOGS KYI MKHAS PA KUN GYI @13A *, ,MGO BO LA BKA'I PHRENG BA NGAL BSO BGYID PA'I SHING RTA CHEN POR GYUR PA YIN NO, ,DAM PA 'DI'I MNGON PAR RTOGS PA'I YON TAN NI, LHAG PA'I TSUL KHRIMS NYES SPYOD KYI DRI MA THAMS CAD DANG BRAL BA ZHIG MNGA' BAS GNAS BRTAN 'DUL BA 'DZIN PA GSER RI'I PHRENG BA'I DBUS NA LHUN PO LTAR MNGON PAR 'PHAGS SHING, BDAG PAS GZHAN GCES PA'I BYANG CHUB KYI SEMS BCOS MA MA YIN PA THUGS LA RGYUN CHAGS PAR MNGA' BAS 'GRO BA KUN LA BU GCIG PA LTAR DGONGS TE, GZHAN LA PHAN PAR GZIGS NA DMYAL BA'I ME YANG PADMO'I TSAL LTAR GZIGS NAS 'JUG PA LA YA MI NGA ZHING, RANG GI CHED DU YONGS SU DAG PA'I ZHING GI 'BYOR BA YANG RMI LAM GYI DGA' STON LTAR GZIGS NAS LTOS PA MED PA GANG YIN PA 'DI NI SO SO SKYE BO'I BYANG CHUB SEMS DPA' PHAL MO CHE DAG GIS RJES SU YI RANG BA TZAM YANG BYA DKA' BA'I RGYAL SRAS KYI SNYING STOBS PHUL DU BYUNG BA MNGA' BA, DPAL GSANG BA 'DUS PA DANG 'KHOR LO BDE MCHOG SOGS KYI BSKYED RDZOGS KYI TING NGE 'DZIN SHIN TU BRTAN PO BRNYES PAS, THUN MONG DANG THUN MONG MA YIN PA'I MNGON PAR RTOGS PA'I YON TAN GYI CHOGS LA 'GRAN PA'I ZLA THAMS CAD DANG BRAL BA, RGYAL BA'I SPYAN SNGAR KHAS BLANGS PA'I DAM TSIG LAS MI G-YEL BA'I SRUNG MA KHYAD PAR CAN DANG, DKAR PHYOGS MNGON PAR SKYONG BA'I LHA DAG GIS DNGOS SU BSNYAN BKUR ZHING, LEGS SO GSOL BA'I TSIG GIS MNGON PAR BSNGAGS PA, @13B GZHAN LA CHOS STON PA'I 'PHRIN LAS LHUR MDZAD PA LA DGONGS PA MNGON DU PHYOGS PA'I TSE, NUB GCIG NAM MKHA'I DBUS NAS, 'PHAGS PA KLU SGRUB DANG THOGS MED LA SOGS PA SHING RTA'I SROL 'BYED CHEN PO DAG GIS DAM PA'I CHOS KYI RNGA BO CHE BZHI MNGON PAR BRDUNGS BA'I SGRA CHEN POS 'JIG RTEN GANG BAR BYAS PA'I LTAS MNGON PAR GZIGS PA LA SOGS PA BRJOD KYIS MI LANG BA'I YON TAN GYI TSOGS KYIS MTHO BA ZHIG STE, RJE RIN PO CHE 'DI NYID KYIS KYANG RGYAL BA'I GSUNG RAB KYI DRANG NGES RNAM PAR 'BYED PA'I SHING RTA CHEN PO DAG GI LAM SROL, DBU TSAD KYI RIGS PA'I SGO DANG POR RJE BTZUN 'DI NYID LAS RNYED PAS, DE'I PHYIR 'GRAN ZLA MED PA'I BLA MA GTZO BAR MDZAD PA YIN NO, ,DE LTA BU'I BLA MA DE NYID LA MDZAD KYI CHOS MTHUN 'GA' ZHIG MJUB KHRID KYI LUGS SU MDZAD, DE LHAG DON LA KHYAD PAR MI 'DUG KYANG DA LTA'I MTSAN NYID PA RNAMS LA GRAGS PA DANG BSTUN NAS CHOS NYAN BSHAD KYI LUGS SU BYAS NAS GSAN GSUNG, RTZE CHEN GYI DBYAR CHOS DE GROL NAS, STON BLA MA RJE BTZUN PA DANG DPON SLOB GNYIS KAS NYANG STOD BSAM GLING DU CHOS PAR LA BYON NAS, RJE BTZUN PA LA, DBU MA LA 'JUG PA TSAR GCIG GSAN, RJE BTZUN PAS KYANG DBU MA GSUNG BA'I SNGA SHOS DER 'DUG ,DE'I DUS SU GRUB PA BRNYES PA'I RNAL 'BYOR GYI DBANG PHYUG CHEN PO GNAS LNGA RIG PA'I MKHAS PA MKHAN CHEN LOTZTSA BA BYANG CHUB RTZE MO DBUS SU BYON, DGUN CHOS @14A *, ,LA SKYID SHOD KYI PO TA LAR MNGON PA KUN LAS BTUS GSUNG BA 'DUG CES GSAN NAS, DE DUS KHONG MNGON PA'I BDAG POR BYED KYIN 'DUG PAS, CI NAS KYANG KUN LAS BTUS TSAR GCIG GSAN PAR BZHED DE, STON GYI MJUG LA NYANG STOD NAS PHYAG BTEG NAS DBUS SU PHEBS PA MDZAD, PO T'A LAR BYON NAS MNGON PA GSUNG BAR ZHUS PAS, KHONG PA RANG SHIN TU GSUNG BAR BZHED PA 'DUG PA LA, 'ON KYANG DGUNG LO MANG DU BZHED PA SOGS KYI DBANG GIS MYUR DU KHONG RANG GI GDAN SAR PHEBS PA 'THAD SNYAM PA YED LA BZHAG NAS, MYUR BAR GTZANG PHYOGS LA THEG PAR 'DUN PA'I ZHU BA RDZONG CHI BAS PHUL BA LA BRTEN NAS, DE 'PHRAL LA DBUS NAS GTZANG PHYOGS SU PHYAG BTEG ,YAR LAM CHOS RDZONG DU CHOS RJE BLA MA'I SKU 'DRA LA MJAL NAS 'BYON GYIN 'DUG ,MNGON PA'I THUGS BZHED MA GRUB KYANG CHOS 'BREL ZHIG GSAN, DE'I DGUN CHOS BDE BA CAN DU BYON NAS BZHUGS, DE RJES SKYOR MO LUNG PA'I MKHAN PO DKA' BZHI PA BLO GSAL BA ZHES GRAGS PA 'DUL MDZOD LA SHIN TU MKHAS PAR BYED PA DE'I DRUNG DU SKYOR MO LUNG DU BYON, KHONG SNGON DUS KYI 'DUL BA 'DZIN PA RGYA MTSO'I KHROD NA NYI MA LTAR GRAGS PA'I 'DUL 'DZIN CHEN PO ,DGE BA'I BSHES GNYEN THAG MA PA'I BU CHEN, SBAL TE DGRA BCOM PA'I BSHAD RGYUD 'DZIN PA'I GDAN SA PA 'DUL BA LA SHIN TU MKHAS PAR 'DUG PAS, DE'I LEGS PAR BSHAD PA'I BGO SKAL BLANG BAR @14B BZHED DE, KHONG LA 'DUL BA MDO RTZA BA 'GREL BA CHA LAG DANG BCAS PA RDZOGS PAR GSAN TE, KHONG GI THUGS LA MNGA' BA'I 'DUL BA'I BSHAD SROL LHAG MA MED PAR THUGS SU CHUD CING KHYAD PAR LHAG PAR RTOGS, DE'I TSE CHOS GSAN PA'I ZHOR LA MDO RTZA'I RGYA CHER 'GREL GYI DBU NAS NYIN RE ZHING MDA' TSAD BCU BDUN RE TZAM MA CHAG PAR THUGS LA BZUNG, DUS DE DAG GI TSE NA, TSOGS SU MANG JA LA BYON PA SOGS KYI SKABS SU, DGE 'DUN RNAMS YUM GYI SGRUB PA MDZAD PA'I MDO 'DON PA'I RING LA, SHER PHYIN ZHAL TON DU MDZAD CING CHOS THAMS CAD SNANG LA NGOS GZUNG MED PA'I DON LA MNYAM PAR BZHAG PAS, DGE 'DUN GYI CHOS SPYOD DANG, BDUD BZLOG SOGS KYI TSIG 'BRU TZAM 'ANG THUGS KYIS MI NGES PAR, RNAM RTOG GI RGYU BA RAGS PA THAMS CAD LOG NAS, GSAL STONG 'DZIN MED KYI NGANG LA THUGS RTZE GCIG TU GNAS PA MANG JA'I 'GO MJUG 'KHYONGS PA 'BAD RTZOL MED PAR 'JUG PA BYUNG, BOD KYI GRUB THOB TU BYED PA'I RTOGS PA BZANG SHOS MTHAR THUG PA DE THUGS LA 'KHRUNGS 'DUG NA'ANG, GSUNG RAB KYI GNAD MA LUS PA THUGS SU CHUD PA'I BDAG NYID CHEN PO 'DI NI DE 'DRA BA LA YANG SEMS GNAS KYI NYAMS BZANG PO THUGS LA 'KHRUNGS PA'I TING NGE 'DZIN THUN MONG BA'I KHYAD PAR TZAM MA GTOGS, DE KHO NA NYID RTOGS PA'I TING NGE 'DZIN THUN MONG MA YIN PAR 'KHRUL PA'I DRI TZAM YANG MI BRO BA 'DI LTA BU NI MKHAS PA MGU BA'I YON TAN DPAG PAR DKA' BA YIN NO, ,DE'I TSE RGYA CHER 'GREL GYI BAM PO BZHI @15A *, ,BCU LHAG TZAM THUGS LA CHUD PAR GYUR PA TZAM GYI MTSAMS SU, BAR GCOD KYI RNAM PA SKU STOD BSNYUNG BA'I SNYUNG DRAG PO ZHIG BYUNG, YUN RING DU MA PHAN PAS, STOD LUNG PHUR AU RGYAN BSNYEN SGRUB LA MKHAS PA ZHIG GI GAM DU BYON NAS, MAN NGAG THUGS NYAMS SU BZHAS KYANG PHAN PA MA BYUNG, BDE BA CAN DU BYON NAS KYANG BCOS THABS CI RIGS PAR MDZAD KYANG MA PHAN, BDE BA CAN NA KHA MCHU DANG 'KHRUG LONG MANG DU 'DUG PAS KYANG THUGS SKYO BAR GYUR TE, DPON SLOB 'GA' ZHIG GIS DGUN GTZANG PHYOGS LA BYON, SA SKYAR 'BYON BZHED PA LA, LAM DU HA CANG GRANG BA'I REG PAS 'O BRGYAL BAR 'DUG PA DANG BSHUL LAM THAG RING BAS NGUR SMRIG GI PHU LA MDZAD GNAS RNYING DU BYON, DE'I DGUN GNAS RNYING DU BZHUGS, GNAS RNYING PA'I DON GNYER BA DANG PHYAG PHYI LA BYON PA 'GA' ZHIG GIS NAN CHER GSOL BA BTAB PA LA BRTEN NAS, DE GONG MNGON PA KUN LAS BTUS LA CHED DU GTAD PA'I GZIGS RTOG MA MDZAD KYANG, DE DUS TSIG LA GZIGS PA TZAM GYIS DON YANG THUGS LA CIG CAR DU GSAL BAR 'CHAR BAS, THOG MAR GZIGS PA'I RIM PA BZHIN GZHAN LA YANG 'DOMS PA'I SGO NAS, MNGON PA KUN LAS BTUS TSAR GCIG RTZAL BSHAD MDZAD DO, ,DE'I DPYID KA SNAR THANG LA MDZAD NAS SA SKYAR BYON, DE'I TSE SA SKYA NA BLA MA RJE BTZUN RED MDA' PA CHEN PO LAM 'BRAS GSAN GYIN 'DUG PA DANG MJAL NAS DE NAS BZUNG STE ZLA BA BCU GCIG @15B TZAM GYI RING LAS SKYAR KHONG GI SPYAN SNGAR BZHUGS, RJE BTZUN PA KHONG RANG LAM 'BRAS SOGS GSAN PA'I NGANG NAS, BLA MA 'DI LA MNGON PA KUN LAS BTUS GZABS BSHAD TSAR GCIG MDZAD, GZHAN YANG DE'I TSE TSAD MA RNAM 'BREL LA GTZO BOR SBYANGS SHING GSAN BA DANG, DBU MA 'JUG PA SOGS KYI BSHAD PA DANG, 'DUL BA LUNG LA SOGS PA BKA' BSTAN BCOS MANG PO'I LUNG YANG GSAN, BLA MA RDO RJE RIN CHEN PA'I DRUNG DU BRTAG GNYIS SA LUGS KYI BSHAD PA TSAR GCIG KYANG GSAN CING, SA SKYAR BLA MA RJE BTZUN PAS MTSAMS SBYOR MDZAD NAS BLA BRANG SHAR PA TSANG GI SNGAGS KYI DGE BSHES BGRES PO MAN NGAG LA MKHAS PAR BYED PA ZHIG 'DUG PA LAS, MAN NGAG BLANGS TE BLA BRANG RIN CHEN SGANG GI RGYAB PHYOGS DE LA 'BYON GYIN MA NING GI HA 'DON PA SOGS LAN 'GA' YAR MDZAD PAS SNGAR GYI SKU STONG KYI BSNYUNG GZHI DE LHAG MA MED PAR THON, SA SKYA NAS DPON SLOB RNAMS KYIS LA STOD BYANG GI SA'I CHA DAM RING DU CHOS BAR LA BYON NAS, DPYID DANG DBYAR GNYIS KA NGAM RING DU BZHUGS, BLA MA RJE BTZUN PAS DER MNGON PA KUN LAS BTUS KYI t'IKA CHEN MO DE'I RTZOM PA MDZAD, BRTZAMS TSAR RIM BZHIN RJE 'DI PAS KYANG THUGS LA CHUD PAR MDZAD CING, RGYAS PA'I BSTAN BCOS TSAD MA RNAM 'GREL PHYI RANG 'GREL DE ZHIB TU GSUNG BAR ZHUS NAS TSAR GCIG GSAN TO, ,DE'I STON 'KHRUNGS YUL TNAS RKYEN DU BAB PA'I 'TSOG CHAS CI RIGS PA 'PHRIN LAS PA'I NANG DU 'BUL BA BSKUR YOD PA 'DRA ZER NAS DE BZHES @16A *, ,BA LA SOGS PA'I SLAD DU NGA MA RING NAS SA SKYA LA MDZAD DE DBUS SU BYON, DBUS SU PHEBS NAS, GROGS DANG SLOB 'BREL MANG POS BSKUL ZHING, MDO SMAD NAS YUM GYIS KYANG ZHU BA NAN CHER BYUNG BAS RKYEN BYAS NAS, LAN CIG MDO SMAD LA 'BYON PAR BZHED PA 'KHRUNGS TE, MAL GRO LHA LUNG DU BYON, LAG LEN 'GA' ZHIG LA THUGS SBYONG YANG MDZAD PAR BRTZAMS PA LA MTSAMS SHIG NAS, CI PHYED DE 'DRA BA LA DGOS PA MI 'DUG ,DA NI MDO KHAMS DANG YUL GYI PHYOGS LA GTAN NAS MI 'GRO BA'I YI DAM BCA' BAR BYA'O, ,SNYAM DU DGONGS PA SHUGS DRAG PO SKYO SHAS DANG BCAS PA ZHIG 'KHRUNGS NAS DE 'PHRAL DU MDO SMAD LA MI 'BYON PA'I THUGS THAG BCAD DO, ,LAR YANG BLA MA 'DI NYID KYI SKYE BAS THOB PA'I MNGON PAR RTOGS PA'I YON TAN GYI TSOGS BGRANG BA LAS 'DAS PA'I YAL 'DAB RNAM PAR RGYAS PA'I TZANDAN GYI SHING LJON PA CHEN PO'I NGOS LAS ZAGS PA, GSAR DU MNGON PAR 'BAD PA'I RKYEN GYIS CUNG ZAD KYANG MA BSGOS PAR YANG LHAN CIG SKYES PA'I DRI BSUNG GIS SRID PA'I CHE GDUNG 'JIL BAR MDZAD PA'I GA BUR GYI THIGS PA'I CHA SHAS RE RE SNYING LA REG BA'AM, DE'I NGO MTSAR BA'I RNAM PAR THAR PA'I ME TOG RNAM PAR BKRA BA GCIG TZAM YANG; TSIG GI SRAD BUS GANG GI RNA LUNG MDZES PAR BYAS PA'I SHES LDAN RNAMS KYI MIG GI PADMO CHU'I KHUR GYIS MNGON PAR NON PA DANG LHAN CIG TU LUS KYI SKYED TSAL BA SPU G-YO BA'I MGO LCOG DANG BCAS PAS YID KYI BRTAN PA NYAMS @16B PA GSAL BAR BYED CING, DAD PA'I SHUGS KYIS BRTABS PAR GYUR BA'I BSTOD CING SMRE BA'I TSIG BAB COL DU SGROGS PAR 'GYUR PA 'DI LTA BU MNGON PAR SKYED PA'I RGYU NI BSAM PAR BYA DKA' BA STE, DE YANG BDAG NYID CHEN PO 'DI LA CHED DU BSAMS PA'I SGO NAS RNYED BKUR DANG, SNYAN GRAGS DANG, 'KHOR BA'I PHUN TSOGS GZHAN GANG YANG RUNG BA, THA NA TSANGS PA DANG BRGYA BYIN GYI DPAL LA 'ANG MNGON PAR 'DOD PA'I SRED PA SKYE MA MYONG BA LTA ZHOG GI ,PHUN SUM TSOGS PA'I DPAL JI TZAM 'BYOR BA DE TZAM GYIS SLAR ZHING SRED PA ZAD PA'I STOBS CHES CHER RGYAS PAR 'GYUR BA'I GROGS BYED PA NI, DAM PA RNAMS KYIS DRAN SHES KYI LCAGS KYUS YID KYI GNYIS 'THUNG YONGS SU BZUNG BA'I 'BAD PA LA LTOS NAS NYAMS SU BLANG BA YANG SHIN TU BYA DKA' BA'I GNAS YIN NA, 'DI NI BLO SNGON DU GTONG BA LA CUNG ZAD KYANG LTOS PA MED PAR YANG GZHAN DAG GIS BSNYEN BKUR BA DANG, SNYAN PAR SMRA ZHING LEGS PAR BSNGAGS PA DANG, 'BYOR BA'I KHYAD PAR MCHOG TU GYUR PA RGYA CHEN POS MNGON PAR MCHOD PA SOGS PHUN SUM TSOGS PA JI TZAM ZHIG BYUNG BA DE TZAM GYIS KYANG SLAR ZHING 'DU BYED THAMS CAD LA MI RTAG PA'I 'DU SHES DANG, MGON MED PA THAMS CAD BSKYABS PAR 'DOD PA'I BRTZE BA DANG, RGYAL BA SRAS BCAS THAMS CAD BSNYEN BKUR BAR BZHED PA'I DAD PA RNAMS PHAN TSUN 'GRAN PA BZHIN DU 'PHEL BAR 'GYUR GYI, GZHAN DU NA SRED PA 'PHEL BA DANG, RJES SU MTHUN PA NI GNAS MED CING GO SKABS MED DO, ,'DI NI 'DI'I SKYE BAS THOB PA LHAN SKYES @17A *, ,KYI YON TAN YIN GYI, SKU TSE 'DI NYID DU GNYEN POS GSAR DU BSKYED PA'I SBYOR BYUNG NI MA YIN NO, ,DE YANG KHO BO LA GZHAN GYIS STAN BZANG PO BSHAMS PA DANG, GUS PA'I BSNYEN BKUR SOGS CI TZAM BYAS PA TZAM GYIS CHED DU BSAM MI DGOS PAR DUS DE'I SKABS RANG DU, 'DI THAMS CAD MI RTAG CING YID BRTAN DU MI RUNG BA, SGYU MA'I BLO BRID DANG 'DRA BA YIN SNYAM PA'I SKYO BSHUGS DRAG PO SNANG BA BUN LONG DU THONGS PA YID GTING NAS 'GYUR BA RGYUN RING PO RE SKYE BA ZHIG DANG PO NYID NAS RANG CHAS SU YOD PA YIN, ZHES GSUNG NGO, ,'DI NI SHIN TU MTHO BA'I RTOGS PA KHYAD PAR CAN DU BOD LA GRAGS PA MANG PO ZHIG GIS CHA TZAM DU YANG BSGRUN PAR MI NUS PA'I MNGON PAR RTOGS PA'I YON TAN YIN LA, ZAG BCAS KYI PHUN TSOGS LA SRED PA 'GOG PA MED DU MI RUNG BA'I DGOS BA NYE BAR GZIGS NAS, CHOS KYI RJE SANGS RGYAS BCOM LDAN 'DAS KYIS KYANG, DE'I GNYEN PO YID LA BYED PA THEG PA CHE CHUNG GI MDO SDE RNAMS SU LAN CIG MA YIN PAR BKA' STZAL BA LTA ZHOG GI ,THA NA DGE SLONG RNAMS LA RIN PO CHE'I KHRI LA 'DUG PA SOGS BYA DGOS PA BYUNG NA MI RTAG PAS NYEN PA'I 'DU SHES NYE BAR GZHAG PAR BYA BA SOGS KYI BSLAB PA BCAS PA'I SGO NAS KYANG DAN DE SGRUB PAR MDZAD PA YIN TE, DE BAS NA TSUL 'DI NI MKHAS PA MGU BA SKYED PA'I RNAM PAR THAR PA CHES NGO MTSAR RMAD DU BYUNG BA YIN NO, ,DE NAS STON DE MA LA GRO LTA LUNG PA'I BLA MA BSOD GRAGS PA LA CHOS LUNG YANG MANG RAB @17B GSAN CING, BAR ZHIG TU SKU MTSAMS BCAD NAS THUGS DAM MDZAD, RNAM 'GREL GYI RNAM BSHAD RIGS MDZOD LA GZIGS RTOG MDZAD CING, LE'U GNYIS PA'I SKABS KYI LAM GYI RNAM GZHAG STON PA'I SKABS LA LEGS PAR GZIGS PAS RKYAN BYAS NAS, CHOS KYI GRAGS PA'I GZHUNG LUGS DANG RIGS PA'I SROL LA DPAG TU MED PA'I DAD PA SHUGS DRAG PO MNAN PAS MI NON PA 'KHRUNGS SHING, STON DER BZHUGS KYI RING LA RNAM 'GREL GYI GZHUNG LA GZIGS TZAM NAS DAD PA'I SPU LONG G-YOS TE SPYAN CHAB KYI RKYUN BCAD PAR MI NUS PA RTAG TU 'ONG BA ZHIG BYUNG GSUNG NGO, ,DE'I DGUN CHOS BDE BA CAN DU BZHUGS, DPYID CHOS SNGON MA LA, GRVA SKOR MDZAD BZHED PA'I PO TI 'GA' YAR GYI GZIGS RTOG MDZAD NAS GTZANG LA BYON, SNAR THANG DU PHEBS, BLA MA LOTZTSA BA DON BZANG PAS TSAD MA'I t'IKKA ZHIG MDZAD 'DUG PA DE TSAR GCIG CIS KYANG NYON, ZHES BKA' GNANG NAS GSAN DGOS PA BYUNG, DBYAR CHOS DE SNAR THANG DU RNAM 'GREL MNGON PA GONG 'OG MDO RTZA DANG BCAS PA'I GRVA SKOR MDZAD, SNAR THANG DU GZHUNG BSKYUR BTZUGS PA'I THOG MA DE YIN, DE NAS STON CHOS LA, BLA MA RJE BTZUN CHEN PO BO DONG NA CHOS PAR LA PHEBS PA GSAN NAS AER BYON, BLA MA LOTZTSA BA NA MKHA' BZANG PO LA, SNYAN DNGAGS ME LONG GI BSHAD PA LA SOGS PA GSAN, GTZO BOR BLA MA RJE BTZUN PA LA DBU CHED MNGON PA SOGS GSAN CING, PHAR PHYIN DANG 'DUL BA YANG RANG RE'I DRUNG DU TSAR RE NYAN NA RTEN 'BREL GYI KHYAD PAR @18A *, ,ZHIG 'ONG DU RE BAS GSUNG 'TSAL ZHUS NAS TSAR RE GSAN, DBU MA 'JUG PA'I BSHAD PA MA GTOGS, RTZA SHE LA SOGS PA'I RIGS TSOGS GZHAN GYI BSHAD PA GSAN PA MA BYUNG ZHING, DBU MA RIGS TSOGS THAMS CAD KYI LUNG ZHIG SNAR THANG MKHAN PO KUN DGA' RGYAL MTSAN PA LAS BLANGS, KHONG GIS NI KHONG RANG GI ZUR CHEN GYI GO SA DE SNGAR DBU MA'I ZUR CHOS PA ZHIG GI GO SAR 'DUG PAS DE NAS BRGYUD PAR 'DUG GSUNG ZHING, BDE BA CAN PA'I BLA MA 'JAM RIN PA LA'ANG LUNG GSAN, KHONG GIS CHOS RJE BLA MA LA GSAN PAR 'DUG ,BLA MA RJE BTZUN GYIS DBU MA RIGS TSOGS RNAMS KYI LUNG BRANG MO CHE'I GDAN SA PA BLA MA CHOS BSHES PA LAS BLANGS, KHONG GIS SNAR THANG PA SHER SENG GI DRUNG DU LUNG GSAN PAR 'DUG GSUNGS TE, MDOR NA DE'I TSE KHONG DPON SLOB LA RIGS TSOGS RNAMS KYI BSHAD PA LTA ZHOG ,LUNG LEN PA'I YUL YANG DKA' BAR BYUNG 'DUG GO ,DE NAS DPON SLOB GNYIS KA THABS CIG TU SA SKYAR BYON, RJE RIN PO CHE 'DIS, DE'I TSE SA SKYAR GONG DU SMOS PA'I DKA' CHEN RNAMS KYI GRVA SKOR MDZAD, DE DUS PO TI GZHAN BCU LHAG TZAM GYI GRVA SKOR YANG MDZAD PAS CHOG PA YOD KYANG, DE DUS KYI GRVA SA RNAMS NA PO TI GZHAN RNAMS KYI GRVA SKOR BYED PA'I LUGS MDAR 'DUG PAS MA BYAS GSUNG NGO, ,DE NAS DE 'PHRAL LA NGA BUS LA BYON NAS, SOS GUNG THANG TSES BCU'I GNAS SKABS NAS BRTZAMS TE, RIM PA BZHIN DU GSANG PHU DANG RTZAS THANG LA SOGS PA'I @18B GRVA SA CHEN PO RNAMS SU, PHAR PHYIN SNGAR NAS MDZED TSAR BAS, DE MA GTOGS PA BKA' CHAN LHAG MA BZHI'I GRVA SKOR MDZAD CING, DE'I TSE DBUS GTZANG GI GRVA SA CHEN PO RNAMS KYI DGE BA'I BSHES GNYEN SDE SNOD 'DZIN PA RGYA MTSO LTA BU MTHA' DAG KYANG, DAM PA 'DI'I BLO GROS KYI BANG MDZOD LAS 'ONGS PA'I LEGS BSHAD GSAR PA'I DUS STON NYAMS SU MYONG BAS NI YID TSIM, RNAM DPYOD 'DAB BZANG DBANG PO'I SPAR KHYIM LAS THON PA'I DNGOS STOBS RIGS PA'I SDER MO MI BZAD PAS BSDIGS PAS NI SNYING 'DIR, MKHYEN RAB GTING MTHA' YANGS PA'I CHU GTER CHEN PO NGA RGYAL KHENGS PA'I RLABS 'PHRENG ZHI BAS DUL BA'I DPAL GYI NI DAD PA'I SPU LONG KUN NAS G-YOS TE, 'JIG RTEN MA LUS PA NGO MTSAR BA'I GTAM GYI DGA' STON LA ROL BAR BYED PAS DUS 'DA' ZHING, SA GSUM NA SNYAN PA'I BA DAN BTZUGS PAR GYUR TE, ,SMRAS PA, SNYING STOBS ZLA BA RDZOGS PA DE YI SNYING, ,BDE GSHEGS BSTAN PA BDUD RTZI'I DPAL LA CHAGS, ,LEGS BSHAD LAM DU BLO GROS GOM PA NI, ,RTAG TU NGAL BSO MED PAR KHYOD KYIS BKOD, ,DGE LEGS RTZA BA BSHES GNYEN NYIN BYED KYI, ,LEGS BSHAD 'OD STONG MA LUS 'THUNGS GYUR PA, ,DAM CHOS SBRANG RTZI'I RGYAL MTSAN DBANG PO DE, ,SKAL BZANG PBUNG BA KUN GYI NYE 'TSOR GYUR, ,SRID PA'I PHUN TSOGS GDUG PA'I SPRUL GYI LCA, ,BSKYOD PA'I ZLOS GAR LTA BUR GZIGS PA DE, ,YUL LA MNGON 'DOD SRED PA'I 'CHING BA NI, ,MI GTZANG MNGAL GYI RGYA DANG MNYAM @19A *, ,DU GROL, ,NU MA MNGON DGA' PADMO'I BZHIN RAS CAN, ,LUS PHRA'I MIG ZUR 'PHANGS PAS CHAGS LDAN BZHIN, ,THUB PA'I LEGS BSHAD SBRANG RTZI'I DOG PAS KYANG, ,KHYOD THUGS RKANG DRUG LDAN PA'I BRTAN PA PHROGS, ,MI BZANG RIGS PA'I SDER MO PHYOGS KUN GYI, ,RGOL BA GLANG CHEN SPYI BOR NGAL BSO BA, ,KHYOD KYI RNAM DPYOD YANGS PA'I KHYON GYIS NI, ,MTHA' DGE SHES BYA'I TSAD KYANG NYUNG NGUR BYAS, ,KHYOD KYI RAB DKAR GRAGS PA'I DO SHAL GYIS, ,PHYOGS KYI MDZES MA'I MGRIN PA SKAL BZANG BYED, ,MGON KHYOD BSNGAGS PAS BREL PA'I 'JIG RTEN 'DI, ,BYA BA KUN LA CHAGS BRAL BLANGS PA BZHIN, ,ZHES BYA BA NI, RJE BTZUN BLA MA TZONG KHA PA CHEN PO'I RNAM PAR THAR PA YONGS SU BRJOD PA'I GTAM DU BYA BA DAD PA'I 'JUG NGOGS ZHES BYA BA LAS, THOG MAR PHA ROL TU PHYIN PA'I THEG PA LAS GTZO BOR BRTZAMS PA'I MANG DU THOS PA YONGS SU BTZAL BA'I RIM PAR PHYE BA STE GSUM PA'O,, ,, ` DE'I TSE CHOS GRVA CHEN PO RNAMS SU GRVA SKOR LA BYON PA'I SKABS DAG TU YANG, DAD PA'I SHUGS KYIS GSOL BA 'DEBS SHING, DAM PA'I CHOS KYI BKA' STZAL MNYAN NAS, BDAG NYID KYI SLOB MAR KHAS LEN PA'I SDE SNOD 'DZIN PA'ANG DU MA ZHIG BYUNG LA, LEGS SU 'DOD PA DAG NI, 'DI 'DRA BA'I DAM PA'I MGON LA BRTEN PA LAS 'DOD PA'I GNAS 'THOB PAR 'GYUR GYI, GZHAN GYIS NI MA YIN NO SNYAM DU BSAMS NAS BDAG NYID CHEN PO 'DI'I ZHABS 'BRENG DU KHAS LEN PAR @19B YANG BYED DO, ,DE NAS RTZES THANG GI GRVA SKOR TSANG NAS, YAR LUNG RNAM RGYAL DU, MA BYON SANGS RGYAS GSUM PA KHA CHE'I PAndI TA BSOD SNYOMS PA CHEN PO SH'AKYA SHR'I BHA DRA'I MKHAN BRGYUD, TSOGS CHEN PO'I MKHAN PO, DKA' BZHI PA TSUL RIN PAS MKHAN PO MDZAD, TSOGS PA BYE RDZING PA'I MKHAN PO GNAS BRTAN 'DUL BA 'DZIN PA SHER MGON PAS LAS KYI SLOB DPON MDZAD, BYI RDZING PA'I DBU MDZAD SDOM BRTZON BSOD NAMS RDO RJES GSANG STE STON PA MDZAD CING, TSOGS PA GNYIS KYI DGE SLONG KHA SKONG DU 'OS PA GRANGS TSANG BAS DAD PA'I DGE 'DUN MDZAD NAS BSNYEN PAR RDZOGS PA'I SDOM PA YANG DAG PAR BZHES TE, LHAG PA TSUL KHRIMS KYI BSLAB PA YONGS SU RDZOGS PA'I LHA'I CHU BOS THUGS RGYUD KYI BUM BZANG NYE BAR GTAMS SHING, LHA DANG BCAS PA'I 'JIG RTEN GYI YON GNAS GCIG PUR GYUR TE, ,DE NAS GDAN SA THEL DU BYON, SPYAN SNGA RIN PO CHE GRAGS PA BYANG CHUB PA'I DRUNG DU MJAL, LEGS BSHAD KYI SKYES PHUL ZHING DAM PA'I CHOS KYI BKA' MCHED MDZAD PAS, CHOS RJE SPYAN SNGA BA DAD PA'I SHUGS KYIS SPYAN CHAB BYUNG, PHYIS KYANG DRUNG NA 'KHOD PA DAG DANG PHEBS PA'I MCHID GLENG BA NA, SKUN GZHON NU 'DI 'DRA BA LA'ANG YON TAN GYI GTER CHEN PO 'DI LTA BU 'DUG NA, KHO BO'I SKYE SA 'DI 'DRA BA ZHES THUGS PHYUNG BA'I GSUNG YANG YANG 'BYON PA'I GTAM GLENG BAR GRAG GO ,DE'I TSE, SPYAN SNGA RIN PO CHE DE NYID LA LAM 'BRAS BU DANG BCAS PA'I MAN NGAG YONGS SU RDZOGS PA DANG, N'A RO PA'I CHOS DRUG DANG, RJE PHAG MO GRU PA DANG, CHOS RJE 'JIG RTEN MGON PO'I BKA' 'BUM @20A *, ,LA SOGS PA GSAN, DE DUS BLA MA LOTZTSA BA NAm BZANG PA SPYAN SNGA BAS GDAN DRANGS NAS PHEBS 'DUG PAS, KHONG PA'I DRUNG DU SGRA'I SA RIS YONGS SU RDZOGS PA ZHIG MDZAD PAR BZHED PA'I THUGS 'DUN CHE BAR YOD PA LA, 'GAL RKYEN CUNG ZHIG BYUNG BAS MDZAD PA MA GRUB, DE NAS 'ON GYI LHA KHANG KE RUR TSAS BAR LA BYON, TSA GO DPON PO SOGS SDE SNOD 'DZIN PA MANG PO ZHIG LA PHAR TSAD DBU MA SOGS KYI CHOS MANG DU GSUNGS, DE NAS SKYID SHOD DU PHEBS TE, TSAL DU BZHUGS NAS, BKA' DANG BSTAN BCOS BOD YUL DU 'GYUR RO 'TSAL LA GZIGS RTOGS ZHIB PAR MDZAD, GSUNG RAB MTHA' DAG GI DON LA RNAM PAR DPYOD PA'I SGO DUM ZHIG THUGS LA 'KHRUNGS, MNGON PAR RTOGS PA'I RGYAN 'GREL PA DANG BCAS PA'I RNAM BSHAD CHEN MO DE NYID KYI RTZOM PA'ANG MDZAD, DE'I TSE 'DZIN BZANG BAR GRAGS PA'I GLING MTSUNGS MED DANG, MDO SMAD PA 'JAM DPAL BKRA SHIS DANG, SH'AKYA GRUB CES PA GSUM DANG, RJE 'DIS 'DZIN GYI KHYAD PAR CHE CHUNG NYAMS SAD MDZAD PAS, RDZA 'DES TSAL DBUS GLING GI GTZUG LAG KHANG GI TOG GI RTZE LA NYI MA SHAR BA DANG MNYAM DU SNGON GZIGS MA MYONG BA'I MDA' TSAD PHRENG DGU MA ZHIG GI SHOG LDE BZHI, SHIN TU DAG PAR THUGS LA CHUD 'DUG CING, GLING MTSUNGS MED KYIS PHYED DANG GSUM THO RE BA ZHIG DANG, GZHAN GNYIS KYIS RE RE LAS MA ZIN PAR 'DUG CES ZER RE, ,SKABS SHIG TU, TSA GO DPON PO MKHAN CHEN NGAG DBANG GRAGS PA PHYAG PHYI LA KHRID NAS, LHA @20B SAR JO BO THUGS RJE CHEN PO RANG BYON LNGA LDAN GYI DRUNG DU BYON NAS SMYUNG GNAS MANG DU MDZAD, DE'I DUS NUB GCIG GI TSE, DPON SLOB GNYIS KAS GSOL BA DRAG TU BTAB NAS MA NAL LAM GYI LTAS BRTAGS PAS, TSA GO BA LA DUNG DKAR CHEN PO GNYIS NAM MKHA' LAS BABS NAS KHONG GI THU BAR LHUNG BYUNG BA, DE MA KHAD DE GNYIS 'DRES NAS GCIG TU SONG 'DUG ,DE LAG TU BLANGS NAS BUS PAS, SGRA CHEN PO DPAG TU MED PA GRAG PA ZHIG RMIS 'DUG STE, PHYIS KHONG GIS RGYAL MO RONG GI SMAD DU SANGS RGYAS KYI BSTAN PA DAR ZHING RGYAS PAR MDZAD DE, 'PHRIN LAS RGYA CHEN PO BYUNG 'DUG PA DE'I LTAS YIN PA 'DRA, RJE 'DI PA'I MNAL LAM DU, SNYE THANG GI YAR 'PHRANG YAR LA THEN PA'I BRAG MDA' SGRO ZER BA DE 'DRA BA ZHIG GI BRAG RI GZAR PO ZHIG LA 'DZEGS BYON PAS, RDO LEB DKAR PO SHIN TU 'JAM PA ZHIG GI STENG NA, AUTPA LA SNGON PO CHES CHER RGYAS SHING KHA DOG GSAL BA, 'DAB MA MA RNYINGS PA YU BA DANG BCAS PA ZHIG 'DUG, DE PHYAG TU BLANGS, 'DI RJE BTZUN MA SGROL MA'I PHYAG MTSAN DU 'DUG PAS DES RJES SU 'DZIN PA'I LTAS YIN NAM DGONGS PA NA, DA LAN DE MA YIN, TSE'I LTAS YIN GSUNG BA ZHIG BYUNG GSUNGS, TSAL NAS DGUN CHOS LA BDE BA CAN DU BYON, SDE SNOD MANG DU GSUNGS, DPYID CHOS DBU STOD BYA YUL DU PHEBS, DGE BA'I BSHES GNYEN BDUN CU TZAM ZHIG LA, PHAR TSAD DBU MA 'JUG PA, MNGON PA KUN LAS BTUS RNAMS GSUNGS, @21A *, ,SLAR YANG TSAL DU BYON NAS, PHAR PHYIN GYI RNAM BSHAD KYI 'PHRO MDZAD CING MJUG BDE BA CAN DU RDZOGS PAR MDZED, TSAL BA, MDO RGYUD KYI GZHUNG CHE CHUNG DU MA LA MKHAS PAR SPANGS SHING, KHYAD PAR DUS KYI 'KHOR LO CHA LAG DANG BCAS PA LA MKHAS PAR GRAGS PA, BLA MA RTOGS LDAN YE SHES RGYAL MTSAN PA LA DUS 'KHOR GSUNG BAR ZHUS, KHONG GIS KYANG ZHAL GYIS BZHES NAS DPON SLOB GNYIS KAS SKYOR MO LUNG DU BZHUGS TE, DUS KYI 'KHOR LO'I 'GREL CHEN DRI MA MED PA'I 'OD KYI BSHAD PA ZHIB PAR GSAN CING, RGYU MTSAN RTZIS DANG LAG LEN RNAMS LA'ANG MKHAS PAR SBYANGS, SKYOR MO LUNG DU SDE SNOD 'DZIN PA MANG PO LA GZHUNG CHE CHUNG MANG PO'I BSHAD PA'ANG GSUNGS NAS, SLAR YANG DE'I PHYI DE, DBYAR CHOS BDE BA CAN DU BZHUGS, BLO GSAL 'DUS PA RGYA MTSO'I TSOGS LA SDE SNOD KYI BSHAD PA MANG DU GNANG, DE NAS DGUN STOD LUNG MTSO SMAD DANG NGANG DKAR DU, DUS 'KHOR LA THUGS SBYONG SHIN TU 'GRUS PAR MDZAD, BSHES GNYEN BLO GSAL MANG PO LA SDE SNOD KYANG MANG DU GSUNGS, DE NAS RDZONG CHI GRAGS PA RIN CHEN PA DE RJE 'DI PA LA DE GONG NAS MI PHYED PA'I DAD PA YOD PAS SNGAR PHYIR GSOL BA MANG DU BTAB PA LA DGONGS NAS YAR LUNG PHYOGS LA 'BYON PAR BZHED DE SRIN POR RI PHEBS PA NA, DE DUS GONG DKAR NA SGOM PA CHOS RGYAL YOD PA, KHONG YANG RJE 'DI PA LA SNYING NAS DAD PA YOD PA'I DBANG GIS ZHU BA NAN CHER PHUL TE, SOS DE RIGS LNGA LHA KHANG DU BZHUGS, SDE SNOD 'DZIN PA BDUN @21B CU LHAG TZAM LA PHAR TSAD MNGON PA GONG 'OG 'DUL BA MDO RTZA DBU MA 'JUG PA SOGS GSUNGS, GONG DKAR NAS BSNYEN BKUR DANG ZHABS TOG TSAD MED PA BYAS, DE NAS YAR LUNG DU BYON NAS SMON MKHAR DU BZHUGS TE SDE SNOD MANG DU GSUNGS SHING, RDZONG JI BAS, YO BYAD MKHO DGU THAMS CAD KYIS GUS PAS MCHOD, DE LTAR SNGA PHYIR SDE SNOD DPAG TU MED PA NAR MAR GSUNGS PA DE DAG GI SKABS RNAMS SU YANG, RGYUD SDE GONG 'OG GI DKYIL 'KHOR CHEN PO RNAMS SU SKAL BA DANG LDAN PA'I GDUL BYA DBANG GIS SMIN PAR MDZAD PA DANG, GZHAN YANG LHA SO SO'I RJES GNANG DANG, LUNG DANG MAN NGAG LA SOGS PA GANG LA GANG 'TSAMS KYI CHOS KYIS GDUL BYA DPAG TU MED PA SMIN CING GROL BAR MDZAD DO, ,LHAG PAR YANG DE'I TSE, BLA MA 'DI NYID NGAG GI LHA MO DBYANGS CAN MAS RJES SU BZUNG BAR GRAGS SHING, DE'I RJES GNANG ZHU BA GAR BYON DU MANG BA ZHIG 'ONG ZHES GRAG GO ,DE NAS DGUN MON MKHAR BKRA SHIS GDONG DU BZHUGS, DE DUS NUB CIG ZHUGS ME LA BZHUGS NAS BOD KYI MKHAS GRUB RNAMS KYI RNAM PAR THAR PA CI RIGS PA GSUNG BA'I SKABS SU, DKA' BZHI PA SHER SENG GIS CHES THAG GCIG LA PO TI BCU GCIG GSUNGS 'DUG ,DUS PHYIS BOD DU PO TI DUS GCIG LA GSUNGS PA DE MANG SHOS SU 'ONG BA 'DRA GSUNG, DE NAS DGE BSHES SHA STON LA SOGS PAS, 'DI NAS KYANG DE TZAM ZHIG DUS GCIG TU GSUNG 'TSAL ZHUS PAS, RTZOL BA BYAS NA DE TZAM ZHIG 'CHAD THUB PA 'DRA GSUNG, 'O NA CIS KYANG GSUNG 'TSAL, @22A *, ,ZHES NAN GYES GSOL BA BTAB PAS ZHAL GYIS BZHES TE, ZLA BA DE'I TSES BCU NAS GNAM GANG GI BAR SKYE MTSAMS BCAD NAS GZIGS RTOG MDZAD, GNAM GANG GI NYIN PHYAG DPE THAMS CAD KYI SKU RAGS BCINGS, TSES GCIG NAS CHOS 'DZUGS PAR BZHED PA LA, GSANG PHU SOGS NAS 'BYON PA'I DON GNYER BA SDE SNOD 'DZIN PA MANG PO ZHIG SGUG DGOS PA BYUNG BAS, NYI MA GSUM TZAM GYI BAR DU MI DAL DANG MAR PA SOGS KYI GSUNG RGYUN THOR BU BA 'GA' GSUNGS, TSES LNGA NAS NYI MA GCIG LA RGYA GAR SKAD BCO LNGA'I DBU DUS GCIG TU BTZUGS NAS, NYIN RE ZHING THO RANGS NAS SROD KYI BAR LA CHOS THUN BCO LNGA RE MA CHAG PAR THUGS BSHAD MDZAD, DE'I NANG NAS PO TI CHUNG BA GNYIS RDZOGS PAR GSUNGS TSAR BA NA, DE'I DOD DU SLAR YANG CHUNG BA GNYIS BTZUGS NAS, TSAD MA RNAM 'GREL, PHAR PHYIN, MNGON PA GONG 'OG GNYIS, 'DUL BA MDO RTZA BA, BYAMS CHOS PHYI MA BZHI, DBU MA RIGS PA'I TSOGS LNGA, 'JUG PA, BZHI BRGYA PA, SPYOD 'JUG STE BSTAN BCOS BCU BDUN GYI BSHAD PA DKA' CHEN 'GA' ZHIG BOD KYI tA'IKKA CHEN MO RE GZHIR BZHAG PA'I THOG TU 'GREL PA'I 'CHAD TSUL DU MA DGAG SGRUB DANG BCAS PAS GTAN LA PHAB CING, GZHUNG GZHAN RNAMS PHAL CHE BA RANG RANG GI 'GREL PA'I STENG NAS GZHUNG PHRA RAGS MA LUS PA LA BSHAD PA ZHIB PAR MDZAD DE ZLA BA GSUM LA RDZOGS PAR MDZAD CING, DE'I SKABS @22B SU 'ANG, SROD CHOS GROL NAS RDO RJE 'JIGS BYED KYI BDAG 'JUG LA SOGS PA THUGS DAM RIM GNYIS KYI RNAL 'BYOR RNAMS MA CHAG PAR MDZAD DE, SKYE BO KUN KYANG 'DI NI LHAG PA'I LHAS DNGOS SU BYIN GYIS BRLABS PA'AM, GZUNGS THOB PA'I BYANG CHUB SEMS DPA' CHEN PO ZHIG YIN PAR NGES KYI GZHAN LA 'DI LTA BU 'BYUNG BA MI SRID DO, ,ZHES MTHUN PAR GLENG NGO, ,DE'I DBYAR KHA YAR LUNG AO KAR BRAG TU BZHUGS NAS SKU MTSAMS DAM PO MDZAD, BCOM LDAN 'DAS DPAL 'KHOR LO BDE MCHOG GI SGOM BZLAS DANG THUN BZHI'I RNAL 'BYOR, BDAG 'JUG SHIN TU MANG BAR MDZAD CING, NE GU CHOS DRUG GI DMIGS SKOR RNAMS THUGS NYAMS SU BSTAR NAS LEGS PAR SBYANGS TE, ZHAG RE LA GTUM MO'I RLUNG SBYOR YANG BRGYAD BRGYA RE TZAM MDZAD DO, ,ZHES GSUNG ZHING, GTUM MO LA SOGS PA'I THUGS DAM GYI NYAMS BZANG PO MANG DU 'KHRUNGS SO, ,DE NAS STON SKYID SHOD DU PHEBS, RJE BTZUN RED MDA' BA'I ZHAL SNGA NAS KYANG DBUS SU CHES BAR LA PHEBS PAS DPON SLOB GNYIS KAS BO TA LAR BZHUGS NAS DAM PA'I CHOS KYI BKA' BGRO BA MANG DU MDZAD CING, GDUL BYA RNAMS LA'ANG LEGS PAR BSHAD PA'I SKYES STZAL NAS, RJE BTZUN PA SLAR YANG GTZANG LA BYON, RJE BLA MA 'DI NYID KYIS DE'I DGUN ,SKYOR MO LUNG GI BRAG TU BZHUGS NAS, SDE SNOD 'DZIN PA CHEN PO DU MA LA, DUS 'KHOR DANG, PHAR TSAD MNGON PA SOGS MANG DU GSUNGS SO, ,DE NAS DE'I DPYID RTA'I LO LA, RGYUD SDE CHEN PO @23A *, ,RNAMS KYI BSHAD PA, DBANG LAG LEN MAN NGAG DANG BCAS PA MTHA' DAG RDZOGS PA ZHIG RTZAD GCONG MDZAD PAR BZHED PA DANG, BLA MA RJE BTZUN PA DANG DPON SLOB GSUNG GLENG MDZAD PA'I DGOS PA 'GA' ZHIG GI PHYIR DU GTZANG LA BYON, RONG GI SNUBS CHOS LUNG DU BZHUGS, TSOGS PA'I MKHAN PO RIN PO CHE GRAGS PA BSHES GNYEN PA LA BKA' LUNG CI RIGS PA GSAN, DE DUS RJE 'DI PA'I ZHABS 'BRING LA YOD PA'I SNGO PHYI DPON PO BSOD NAMS GRAGS DANG, MDO SMAD PA DGE BSHES SHES RAB GRAGS, ZHES PA GNYIS KYIS, BLA MA DBU MA PA BRTZON 'GRUS SENGGE BDE MCHOG STENG ZHES PA'I DBEN GNAS SHIG NA BZHUGS PA'I DRUNG DU MJAL BA LA PHYIN, CHOS 'BREL ZHUS, GSUNG GLENG BYUNG BAS, KHONG PA NA RE, NGED KHYED KYI SLOB DPON PA DE LA DBYANGS CAN MA'I RJES GNANG ZHIG ZHU DGOS GSUNGS, DE NAS KHONG PA DANG RJE 'DI PA ZHAL 'DZOM MDZAD DE, RJE 'DI LA DBYANGS CAN MA'I RJES GNANG ZHUS, DE'I TSE GSUNG GLENG ZHIB TU MDZAD PAS, BLA MA DBU MA PA KHONG RANG LA MDO KHAMS NA PHYUGS MA SKYONG BA'I DUS NYID NAS RJE BTZUN 'JAM PA'I DBYANGS KYI SKU DANG GSUNG GI SNANG BA NAR MAR 'ONG TSUL DANG, DE LA SNGA PHYIR BRTAG PA BYAS TSUL LA SOGS PA ZHIB PAR ZHUS NAS, DA DUNG NGED 'DI LA GTING NAS NGES PA RNYED PA MED PAS BRTAG DPYAD YANG DAG CIG THUGS LA 'DOGS PAR ZHU, DA LAN YANG RJE BTZUN GYI SKU'I SNANG BA DE'I GSUNG NAS, RANG RA LA DBYANGS CAN MA'I RJES GNANG ZHU BA LA RGYUG GSUNGS NAS 'ONGS PA YIN, ZHES GSUNGS PA LA RJE @23B 'DI PAS DBU MA'I LTA BA SOGS CHOS KYI GNAD ZAB MO RNAMS KYI DRI GTUGS MDZAD PA SOGS KYI SGO NAS LEGS PAR BRTAGS PAS BRTAG THUB PAR 'DUG PAS, THUGS YID GNYIS ZA DGOS PAR MI GDA', GSOL BA DRAG TU THOB MDZOD, 'ON KYANG RJE BTZUN GYI SKU DANG GSUNG RANG MTSAN PA DA LTA DBANG SHES LA SNANG BA MIN, YI DAM GYI SKU DNGOS KYIS GTAD PA'I RNAM PA YID SHES LA DNGOS SU SNANG BA ZHIG YIN, NGED KYANG 'JAM PA'I DBYANGS KYI SGRUB SKOR MAN NGAG SOGS 'DI PHYOGS LA SHES 'DOD CHE BAR YOD PAS ZHU DGOS NA 'ANG, DA LAN RJE BTZUN RED MDA' BA'I DRUNG NAS STAG TSANG DU 'BYON PA DANG DPON SLOB DUS NGES MDZAD PA'I MJAL PHRAD DGOS PAR YOD PA SOGS KYIS BREL NAS MI 'GRUB PAR 'DUG ,RJES SU RTEN 'BREL ZHIG CIS KYANG SGREG 'TSAL ZHES GSUNGS, DE NAS STAG TSANG RDZONG KHAR BYON, MKHAN CHEN LO TZTSA BA GRAGS PA RGYAL MTSAN PA DANG, ,RJE BTZUN DAM PA RED MDA' BA DANG, BLA MA LO TZTSA BA DON BZANG BA DANG, RJE RIN PO CHE 'DI PA'I ZHAL SNGA NAS DANG, DE DAG GI ZHABS 'BRING DU LHAGS PA'I BSHES GNYEN SDE SNOD 'DZIN PA PHUN SUM TSOGS PA DU MA DANG, GNYUG MAR GNAS PA'I DGE 'DUN GYI TSOGS DANG BCAS PA'I YUL MCHOG TU GYUR PA GDAN MNGON PAR 'DZOMS PA THAMS CAD KYI NYE BAR MKHO BA'I 'TSOG CHAS, ZHAL ZAS DANG GNAS MAL LA SOGS PA PHUN SUM TSOGS PA'I MTHIL LEN GYI THUGS KHUR RGYA CHEN PO DAG ,RGYAL SRAS 'DUL BA 'DZIN PA CHEN PO GZHUNG LUGS RAB 'BYAMS LA MKHYEN PA RGYAS SHING, GCIG TU BSTAN PA RIN @24A *, ,PO CHE'I KHUR GNYIS 'KHYER BA LA MI MNYAM PA'I BRTUL ZHUGS CAN, CHOS RJE LO TZTSA BA SKYABS MCHOG DPAL BZANG POS BZHES SHING, KHONG GIS MTSAMS SBYOR MDZAD NAS, MKHAS MCHOG DANG PA'I DED DPON DAG GI 'BEL GTAM MGRIN PA'I SGRA DBYANGS SGROG PAS, THUB BSTAN PADMO'I MTSO YANG SKAL BZANG NYID DU BYAS LA, DE'I TSE RIN PO CHE GRAGS PA RGYAL MTSAN PAS PHAR PHYIN DANG, CHOS RJE SKYABS MCHOG PAS BRTAG GNYIS GSUNGS SHING, RJE BTZUN DAM PA RED MDA' BA'I ZHAL SNGA NAS, KHONG RANG GIS MDZAD PA'I RNAM 'GREL RGYAN GYI 'GREL BSHAD CHEN MO DE GSUNG BA RJE 'DIS GSAN CING, DPON SLOB GNYIS KYIS DKA' BA'I GNAS GTAN LA 'BEBS PA'I RIGS PA'I BRGAL BRTAG KYANG MANG DU MDZAD, DE NAS DPON SLOB GNYIS KYIS 'BA' 'U 'BA' GNYER DU CHOS BAR BTEG NAS BYON, RJE RIN PO CHE 'DIS BLA MA RJE BTZUN RED MDA' PA'I ZHAL SNGA NAS LA, RGYUD KYI RGYAL PO DPAL GSANG BA 'DUS PA'I RTZA RGYUD KYI BSHAD PA TSAR GCIG GSAN, DE'I TSE GONG GSUM SDE CHEN PA'I BLA MA RIN PO CHE CHOS KYI DPAL BA'I DRUNG DU DUS 'KHOR ZHIG GSAN DGOS DGONGS PA BYUNG BA'I NUB GCIG MNAL LAM DU, CHOS KYI DPAL GYIS BU STON RIN PO CHE LA DUS 'KHOR 'GREL CHEN TSAR BCU BDUN NYAN PA YIN NO ZER BA ZHIG BYUNG, PHYIS KHONG DANG MJAL DUS, RIN PO CHE BU STON GYI DRUNG DU DUS 'KHOR TSAR DU GSAN PA LAGS ZHUS PAS, BCU BDUN NYAN ZHES GSUNG NGO, ,DE DUS RJE BTZUN PA'I ZHAL @24B NAS, SNGAGS KYI RTZAD GCOD DE TZAM MDZAD PA LA YUN RING 'GYANG, DA LTA SDE SNOD KYI BSHAD PAS PHAN THOGS RGYA CHEN PO 'ONG GIN 'DUG PAS RE ZHIG BSHAD PA MDZAD PA MI 'THAD DAM ZHES GSUNGS PA LA, BDAG SNGAGS KYI PHYOGS LA 'DUN PA DRAG PO BDOG PAS SNGON LA SNGAGS PHYOGS KYI RTZAD GCOD BGYID PA LAGS, ZHES ZHUS GSUNGS, DE YANG DA LTA'I DUS KYI THOS PA TSOL BA RNAMS NI PHAL CHER MTSAN NYID THEG PA'I PHYOGS KYI GZHUNG LA CUNG ZAD BLO KHA PHYOGS NA SNGAGS KYI GZHUNG LA RANG NYID KYANG 'JUG PAR MI 'DOD CING, RANG GI TSIG NYAN PA DAG 'JUG PA'ANG THABS DU MA ZHIG GIS PHYIR PHYOGS PAR BYED LA, KHA CIG NI SNGAGS PHYOGS LA MOS PA LTAR SNANG ZHIG SKYES NA DE NYID RGYU MTSAN DU BYAS NAS, PHA ROL TU PHYIN PA'I SDE SNOD LA DGOS PA CHUNG ZHING DMAN PAR SEMS PAS RANG GZHAN PHYOGS DE NYID LAS PHYIR PHYOGS PAR BYED DE, CHOS SPONG BA'I LAS KYI SGRIB PA SHIN TU MI BZAD CING RNAM PAR SMIN PA RAB TU TSA BA NGAG BLO SNGON DU BTANG NAS LEN PAR BYED LA, RANG BZHIN BZANG BA'I NGANG TSUL CAN DU KHAS LEN PA DAG KYANG CIG SHOS KYI PHYOGS LA 'JUG PAR SPRO BA YANG DANG DU MI LEN LA DNGOS SU SMOD PAR YANG MI BYED PA TZAM ZHIG DE'I SNYING POR ZAD DE, RGYAL BA'I BSTAN PA LA SGO THAMS CAD NAS 'DZIN PAR 'DOD PA'I LAS BZANG PO YONGS SU BSAGS PA DE LTA BU NI 'GA' TZAM YANG MTHONG BAR BYA DKA' BA NYID DU GYUR LA, SNGON DUS KHA BA CAN GYI BSHES GNYEN CHEN PO DAG LA 'ANG PHYOGS RER MA CHAD PA'I CHOS @25A *, ,KYI SPYAN MDA' BA NI SHID TU DKON PAR BYUNG SNANG NGO, ,DE LTA MOD KYI BDAG NYID CHEN PO 'DI NI, GZHON NU'I DUS NYID NAS KYANG BSTAN PA YONGS SU RDZOGS PA'I KHUR 'KHYER BAR RINGS BAR CHAS BZHIG STE, RJE'I ZHAL NAS, NGA LA SNGAGS KYI PHYOGS LA GZHAN GYIS BSKUL DGOS PA MED, CHUNG DU NAS 'DI LA SHES 'DOD DRAG PO YOD CING, DE YANG RGYUD SDE MTHA' DAG YONGS SU RDZOGS PAR BSLAB DGOS SNYAM PA ZHIG DANG PO NAS YOD CES GSUNG NGO, ,DE NAS BLA MA RJE BTZUN PAS SA SKYA LA PHYAGS BTEG ,RJE 'DI PAS RONG CHOS LUNG DU BYON, BLA MA DBU MA PA DANG CHOS KYI GSUNG GLENG MANG DU MDZAD, RJE BTZUN 'JAM PA'I DBYANGS KYI CHOS SKOR YANG MANG DU GSAN, DE DUS NAS SNGAGS KYI THUGS BZHED RNAMS GSAN TE SGRUB PA LA 'BYON PA'I THUGS THAG CHOD, DE NAS NYAD STOD DU RIN PO CHE SDE CHEN PA'I DRUNG DU 'BYON PAR BZHED PA LA, PHAG MO GRU PA'I DMAG CHEN LA STOD LA KHYER BA LOG 'ONG GIN 'DUG ZER NAS, DE'I DMAG THAG MCHOD KYI BAR GYI STON KA DE RONG GI RING LUNG PHUG TU BZHUGS, DE NAS STON GZHUG NYAD STOD KYI GONG GSUM SDE CHEN DU PHEBS NAS, THAMS CAD MKHYEN PA BU STON RIN PO CHE'I BU CHEN RNAMS KYI NANG NAS DUS KYI 'KHOR LO LA MKHAS PA'I MCHOG TU GYUR PA, GZHAN YANG SNGAGS KYI GZHUNG DANG LAG LEN MAN NGAG SOGS MTHA' YAS PA LA MNGA' 'BYOR PA'I RIN PO CHE CHOS KYI DPAL BA'I DRUNG DU MJAL, THOG MAR MJAL BA'I DGONGS MO DE PHYAG PHYIS DAR SER PO ZHIG PHUL, SANG NYIN JA ZHAL ZHIG MDZAD DE, GOS NE CO KHA YUG GCIG PHUL @25B NAS DUS KYI 'KHOR LO'I 'GREL CHEN CHA LAG DANG BCAS PA GSUNG BAR ZHUS, DE DUS KYANG 'GREL CHEN GSUNG PA'I LE'U DANG PO RDZOGS PA'I MTSAMS LA 'DUG BAS, KHONG GI ZHAL NAS, MDANG GI DAR SER PO DE SA'I KHAMS SDUD RIM DANG MTHUN PAS RDZOGS RIM YONGS SU RDZOGS PAR 'ONG BA 'DUG ,DA NANGS KYI GOS YUG 'DI LJANG GU NAM KHA'I KHAMS YIN, BSKYED RIM DANG MTHUN PAS BSKYED RIM YONGS SU RDZOGS PAR 'ONG BAR 'DUG ,CHOS MTSAMS LE'U GNYIS PA'I 'GO ,GANG ZHIG CHEN PO'I MI RNAMS SMON PAR BYA BA'I DON DU, ZHES PA'I SKABS LA SLEBS BYUNG BAS RTEN 'BREL SHIN TU LEGS, CHOS THAMS CAD YONGS SU RDZOGS PAR BYED DGOS, ZHES DGYES BZHIN DU ZHAL GYIS BZHES, LE'U DE NAS DBU BTZUGS TE GSUNGS SHING, SLAR YANG LE'U DANG PO'I GO NAS BSKYAR TE GSUNGS, STON MJUG DE NAS DPYID CHOS SNGA MA RDZOGS RING LA BZHUGS NAS ,RGYUD 'GREL GYI BSHAD PA PHYAG LEN GYI MDZUB KHRID, SBYOR DRUG GI NYAMS KHRID SOGS RDZOGS PAR GSAN TO,, DE NAS YO GA'I BKA' LUNG BSHAD PA MTHA' DAG GSAN PAR BZHED PA LA, SNGON DU PHYAG LEN ZHIG SBYANG BAR BZHED NAS, ZHA LU NA DE DUS BU STON RIN PO CHE PA'I MCHOD G-YOG PA GTZO BO ZHIG YIN PA YO GA'I LAG LEN LA SHIN TU MKHAS PAR GRAGS PA'I YO GA BA TSE DBANG ZHES PA'I SLOB MA DRAG PA, YO GA BA MGON BZANG ZHES BYA BA GDAN DRANGS NAS, KHONG DANG GNYIS KYIS NYANG STOD SMAD KYI MTSAMS, 'KHRIS RTZVA KHANG ZHES PAR BZHUGS NAS, RDO RJE DBYINGS DANG DPAL @026A *, ,MCHOG RTZE MO LA SOGS PA YO GA'I DKYIL 'KHOR CHEN PO MTHA' DAG GI BRI THIG GAR DBYANGS, DKYIL CHOG GI CHOG KHRIGS, PHYAG RGYA 'CHING BA SOGS LA SHIN TU BYANG BAR SBYANGS, DE'I TSE NUB GCIG MNAL LAM DU, KHRI CHEN PO ZHIG GI STENG NA BLA MA KHYUNG PO LHAS PA YIN ZER BA'I BLA MA BGRES PO DBU RGYAN GSOL, RDO RJE BRIL BU PHYAG NA BZUNG BA ZHIG BZHUGS, DE'I SKU MDUN NA RJE'I DRUNG NAS BZHUGS 'DUG PA LA, BLA MA DE BZHENGS NAS RDO RJE'I 'GROS KYIS DRIL STABS DANG BCAS RJE 'DI NYID LA G-YAS SU SKOR BA LAN GSUM MDZAD CING, PHRENG BA NAS 'BYUNG BA'I AE K'A PA TZIK'A ZHES SOGS KYI SGRA BSGRAGS NAS RJE'I DBU'I STENG DU RDO RJE DRIL BU BZUNG STE, KARM'A BADZRA ZHES BYA'O, ,ZHES GSUNGS NAS KHRI LA BZHUGS SONG BA ZHIG BYUNG, MAN LA SAD NAS BRTAGS PA NA, SNGAR GYI GSANG MCHEN DON YOD RDO RJE YIN PA DANG, KARM'A BADZRA YANG DON GRUB KYI RIGS KYI MING DU 'DUG PAS 'DRA BAR 'DUG DGONGS PA ZHIG BYUNG GSUNG NGO, ,SLAR YANG DPYID SMAD DE NAS DBYAR DANG STON 'GO MA'I RING LA SDE CHEN DU BYON NAS, RIN PO CHE CHOS KYI DPAL BA LA RDO RJE PHRENG BA'I DBANG LUNG MDZUB KHRID BSHAD PA GAR THIG DBYANGS GSUM GYI PHYAG LEN KHRID DANG BCAS PA'I SGO NAS PHRENG BA SKOR GSUM LA MKHAS PAR SBYANGS, GZHAN YANG, BCOM LDAN 'DAS PHYAG NA RDO RJE 'KHOR LO CHEN PO LA SOGS PA'I DBANG LUNG MAN NGAG DANG BCAS PA LA SOGS PA, ZAB CING RGYA CHE BA'I CHOS @026B MANG DU GSAN, DE NAS ZHVA LUR RIN PO CHE KHYUNG PO LHAS PA LA YO GA'I SKOR GSAN PA LA 'BYON PAR DGONGS YOD PA LA, NUB GCIG MNAL LAM DU, KHRI CHEN PO ZHIG GI STENG NA RIN PO CHE KHYUNG PO NGA YIN ZER BA BLA MA BGRAS PO RANG ZHIG BZANG PO'I 'DUG STANGS MDZAD NAS BZHUGS, DE'I DRUNG NA RJE 'DI PA'ANG BZHUGS YOD PA LA, BLA MA DES PHYAG GNYIS KYIS THUGS KA'I NA BZA' BSAL NAS, THUGS KA STON GYIN 'DUG PA LA GZIGS PAS, BLA MA DE'I THUGS KA NAS SNGAGS KYI PHRENG BA RING PO RIM PA DU MAS SKOR BA'I 'KHOR LO YIG 'BRU RNAMS HRAM ME 'DUG PA GZIGS PAS SNGAGS RNAMS PHAL CHE BA BKRAGS PA ZHIG RMIS, PHYIS MJAL BA NA SKU'I RNAM PA MNAL LAM DU BYUNG BA DE NYID RANG DU 'DUG GSUNG NGO, ,DE NAS STON PHYI MA DGUN DPYID DBYAR RNAMS SBREL NAS ZHVA LUR BZHUGS, SNGAGS 'CHANG RDO RJE 'DZIN PA CHEN PO RIN PO CHE KHYUNG PO LHAS PA'I DRUNG DU, YO GA'I DKYIL 'KHOR CHEN PO RNAMS KYIS THOG DRANGS RGYUD SDE 'OG MA RNAMS KYI BKA' DA LTA BOD NA RNAM PAR DAG PA'I DBANG GI CHU BO RGYUN MA CHAD PAR YOD PA PHAL CHE BA YONGS SU RDZOGS PAR GSAN CING, BCOM LDAN 'DAS 'KHOR LO BDE MCHOG L'U AI PA DANG NAG PO PA'I LUGS LA SOGS PAS THOG DRANGS PA'I BLA MED KYI BKA' LUNG YANG DPAG TU MED PA GSAN TE, KHONG LA MNGA' BA'I BKA' LUNG PHAL CHER BUM PA GANG BYO'I TSUL DU THUGS RGYUD LA GTAMS PAR MDZAD DE, DE'I TSE 'BUL BA TSOGS 'KHOR, ZHABS TOG NAR MA SOGS KYIS MNYES PAR MDZAD CING, DAD @027A *, ,PA'I LCAGS KYUS THUGS KUN TU DRANGS PAR GYUR TO, ,DE DUS RJE BTZUN KHYUNG LHAS PA'I ZHAL SNGA NAS, DBANG RE RE GNANG TSAR BA'I MJUG TU 'DI NGA LA YANG BLA MA 'DI ZHES BYA BAS DGYES BZHIN DU GNANG BA YIN BYA BA RE CIS KYANG GSUNG ZHING, BKA' LUNG RNAMS RDZOGS PA NA, DA NI CHOS BDAG PO LA 'PHROD PAS 'GYOD PA MED DO ZHES GSUNG ZHING, DANG PO BU STON THAMS CAD MKHYEN PA DANG, BLA MA KHYUNG LHAS PA GNYIS KAS, KUN MKHYEN 'PHAGS 'OD PA'I DRUNG DU DPAL GSANG BA 'DUS PA DANG YO GA LA SOGS PA'I DKYIL 'KHOR CHEN PO RNAMS KYI DBANG GSAN DUS TSOGS 'KHOR ZHIG GI GRAL DU, KUN MKHYEN PA'I ZHAL NAS, RJE MAR PAS, NYI MA SHAR DU KA CHAN BTZUGS PA DE, ,ZHES SOGS KYI MGUR MA DE 'DON PA SPOS NAS, NYI MA SHAR DU KA CHEN BTZUGS PA DE, ,KHYUNG PO STON SGOM KHYOD LA MI ZER RAM, ,ZHES GSUNGS PA'I LO RGYUS KYANG GSUNGS, DE NI RJE BTZUN KHYUNG LHAS PAS, KUN MKHYEN 'PHAGS PA DANG, BU STON THAMS CAD MKHYEN PA GNYIS LAS SNGAGS KYI GDAMS PA RGYA MTSO LTA BU BZHES PA'I BYIN RLABS KYI BCUD MA NYAMS PAR, RJE RIN PO CHE 'DI PA'I PHYAG TU RDO RJE THEG PA'I BSTAN PA YONGS SU RDZOGS PAR 'PHROD NAS PHYOGS 'DIR SKYE DGU THAMS CAD KYI PHAN BDE'I RTZA LAG TU GYUR PA 'DI'I DON LA DGONGS PAR GSAL LO, ,RJE RIN PO CHE 'DI BA'I ZHAL NAS, SNGAGS KYI DNGOS GRUB THAMS CAD KYI RTZA BA GTZO BOR BLA MA MNYES PAR BYAS PA 'BA' ZHIG LA RAG LAS 'DUG PAS, DBANG GNANG BA'I @027B DUS THAMS CAD DU BLA MAS MNYES BZHIN DU RJES SU GNANG BA YIN NO, ,ZHES GSUNGS BA DE LA DPYAD RGYU CHEN PO ZHIG 'DUG GO ,ZHES GSUNG NGO, ,DE NAS RJE BTZUN DAM PA KHYUNG PO LHAS PA LAS GSAN DGOS RNAMS KYI THUGS THAG LEGS PAR CHOD NAS, PA RNAM GYI PHAG PA RI NA BLA MA SDE CHEN PA CHOS KYI DPAL BA GDAN DRANGS NAS BZHUGS 'DUG PA'I SPYAN SNGAR BYON, SLAR YANG RDO RJE SNYING 'GREL, PHYAG RDOR STOD 'GREL, N'A RO 'GREL CHEN LA SOGS PA DUS 'KHOR GYI CHA LAG MANG PO ZHIG GSAN CING, DPAL GSANG BA 'DUS PA LUGS GNYIS LA, BU STON RIN PO CHE BAS YIG CHA MDZAD PA CI YOD KYI BSHAD LUNG LA SOGS PA CHOS BKA' MANG DU GSAN, DE NAS KHONG PA SDE CHEN DU THEGS ,RJE 'DI PAS PHAG PA RIR, ZHVA LU BA'I YO GA BA MKHAS PA SDE SNOD 'DZIN PA CHEN PO RGYAL MTSAN GRAGS PA SPYAN DRANGS NAS, YO GA'I GAR DBYANGS SOGS PHYAG LEN RNAMS KYI DAG THER YANG MDZAD, BKA' YANG CI RIGS PAR GSAN, KHYAD PAR RIN PO CHE BU STON GYIS MDZAD PA'I RDO RJE 'BYUNG BA'I RNAM BSHAD CHEN MO GSAN CING, YO GA'I RTZA RGYUD DE NYID BSDUS PA, BSHAD RGYUD RDO RJE RTZE MO, DPAL MCHOG ,NGAN SONG SBYONG BA'I RGYUD LA SOGS PA DANG, DE NYID SNANG BA, KO SA LA'I RGYAN, DPAL MCHOG 'GREL CHEN LA SOGS PA, RGYUD DANG 'GREL PA RGYA GZHUNG GI RIGS DPAG TU MED PA'I LUNG YANG GSAN TO, DE NAS SPREL LO'I STON, BLA MA DBU MA PA DANG LHAN CIG TU DPON SLOB GNYIS KA DBUS KYI DGA' BA GDONG DU PHYAGS PHEBS, @028A *, ,LHA SAR JO BO RIN PO CHE'I DRUNG DU GSOL BA 'DEBS PA LA BYON NAS, DPON SLOB GNYIS KAS DGA' BA GDONG DU SKU MTSAMS LEGS PAR BCAD NAS BZHUGS SO, ,DE YANG BLA MA DBU MA PA 'DI'I RNAM PAR THAR PA ZUR TZAM SMOS NA, KHONG DANG PO MDO KHAMS NA BYIS PA GZHON NU PHYUGS MA SKYONG BA'I DUS NYID NAS, SNGON GYI LAS BSAGS PA'I MTHU CHES PAS, TSE 'DIR 'BAD PA MDZAD PA LA MA BLTOS PAR, RANG GI KHONG PA'I NANG NAS AA RA PA TZA NA'I SNGAGS KYI SGRA DRAG PO 'BYUNG BA DANG, SKU'I SNANG BA'ANG CUNG ZAD 'BYUNG BA RANG RDOL DU BYUNG, DE NAS LUNG DANG RJES SU GNANG BA MNOS NAS BSNYEN SGRUB LA 'GRUS PAR MDZAD PAS SKU DANG GSUNG GI SNANG BA MANG DU 'BYUNG BA ZHIG YOD, 'ON KYANG DE LA THUGS NGES RANG NI MA MDZAD, DE NAS DBUS KYI GSANG PHUR SLOB GNYER LA BYON, PHAR PHYIN GYI GZIGS RTOG MDZAD PAS CHES SKAD PHUN SUM TSOGS PA BYUNG, GRVA SKOR MDZAD PAR DGONGS PA LA, YI DAM GYI GSUNG GIS YO BYAD CI YOD THAMS CAD TSOGS SU THONGS GSUNG, SLOB GNYER BYED PA'I CHAS MI 'ONG BAR 'DUG ZHUS PAS, GTER ZHIG 'DON RGYU YOD KYIS GSUNG, DER YO BYAD THAMS CAD TSOGS SU BTANG TSAR NAS, DA GTER 'DON 'TSAL ZHES ZHUS PAS, DA BYA BRAL THAG CHOD GYIS LA DGE SBYOR GYIS SHIG CES BSKUL LO, ,DE NAS BYA BRAL MDZAD NAS KONG PO PHYOGS LA BYON, SKAM TSANG GI CHOS SKOR PHYAG RGYA CHEN PO LA SOGS PA ZHUS, THUGS DAM MDZAD PAS, SNGAR LAS KYANG YI DAM GYI SKU @028B DANG GSUNG GI SNANG BA CHES GSAL ZHING BRTAN PA BYUNG, DE NAS BSAM YAS SU RTOGS LDAN MCHO DKAR BA LA SBYOR DRUG GSAN PAS, DE'I TSE YI DAM GYI RNAM 'PHRUL GSAL ZHING BRTAN PA DPAG TU MED PA BYUNG, RTOGS LDAN PA LA ZHUS NA BYAS PAS, MA ZHU GSUNGS, DE NAS DPAL RI BA'I BLA MA GZHON RGYAL BA LA ZHUS NA BYAS PAS, ZHUS BAS 'ONG GSUNGS, KHONG GI LAM 'BRAS NAS BSHAD PA'I MAN NGAG DBANG BZHI'I BRDA RNAMS BSTAN PAS BRDA LAN RGYUD NAS BSHAD PA LTAR 'JAL GYIN 'DUG ,BRDA LAN 'JAL LUGS RNAMS ZHUS PAS, KHYED KYI 'DI RNAM DAG CIG YIN PA 'DUG CES GSUNG, YI DAM GYI ZHAL NAS, BRDA STON PA LA PHYAG RGYA RNAMS YID LA BSAMS PAS CHOG ,LUS KYI RNAM 'GYUR MI DGOS PA YIN TE KHONG RANG GIS MI SHES PA 'DUG GSUNG NGO, ,DE NAS GTZANG LA 'BYON PAR BZHED PA LA, DE DUS 'BAR 'JIG GNYIS GRAGS PA CHE BAR 'DUG PAS SU'I DRUNG DU PHYIN PA 'THAD ZHUS PAS, KHYOD RANG SONG DANG, 'BUM TSO GDONG GI 'PHRANG DER MI GCIG DANG 'PHRAD PAR 'DUG ,DE GANG ZER BA LTAR GYIS GSUNG, BYON PAS 'PHRANG DER BTZUN PA GCIG DANG PHRAD, DE LA DRIS PAS 'BA' RA BA CAN SONG ZER, DER 'BA' RA BA CAN DU BYON, PHYAG CHEN SOGS ZHUS, KHONG SKYO SHAS CAN ZHIG 'DUG PAS, DE'I STOBS KYIS NGES 'BYUNG DANG SKYO SHAS DRAG PO SKYES, SNANG SHAS CHUNG NGU 'GRO BA'I TSABS CHEN PO BYUNG, DE LA DGONGS PAR 'DUG ,KHONG GIS BSTAN PA'I LHAG MTHONG DE LHAG MTHONG MTSAN NYID PA AE YIN ZHUS PAS, CIS KYANG MIN GSUNG NGO, ,DE NAS YANG YI DAM GYIS LUNG BSTAN NAS SA SKYAR BYON, RJE BTZUN @029A *, ,RED MDA' PA LA DBU MA DANG 'DUL BA GSAN, DE NAS MAR BYON, RONG CHOS LUNG NA BZHUGS PA'I TSE, RJE RIN PO CHE 'DI LA'ANG 'JUG PA'I RANG 'GREL TSAR GCIG GSAN TO, ,MDOR NA RJE BTZUN 'JAM PA'I DBYANGS KYIS DGE BA'I BSHES GNYEN MDZAD NAS, THA RANGS MNAL SAD RES KYIS CHOS SHO LO KA RE MA CHAG PAR GSUNG BAR ZHAL GYIS BZHES, NGES 'BYUNG DANG, BYANG CHUB KYI SEMS DANG, LTA BA RNAMS BSGOM PA'I DMIGS RNAM SKYONG TSUL SOGS MTHA' DAG PAR DNGOS SU 'DOMS SHING, THUGS RGYUD NYON MONGS PA GANG SHAS CHE BA DE'I GNYEN PO STON PAR MDZAD, 'PHRAL GYI SGO GSUM GYI BYA BA PHAL PA THAMS CAD KYI 'JUG LDOG KYANG YI DAM GYIS STON PA MA GTOGS PAR RANG DGAR 'JUG TU MI STER, THUGS DAM LA BRTZON PA DPAG TU MED PA'I TSUL SKYE BO GZHAN GYIS BSAM PAR DKA' ZHING, MYA NGAN LAS 'DAS NAS, GDUNG ZHUGS LA PHUL BA'I TSE YANG, ME LCE DANG DU BA RNAMS LHA BRIS PA MKHAS PAS BRIS PA LTA BU'I RAL GRI DANG AUTPA LA'I GZUGS SU RGYUN MA CHAD PAR 'ONGS NAS RIM PA BZHIN NAM MKHAR YAL 'GRO BA DER 'TSOGS PA KUN LA MTHUN PAR SNANG NGO, ,ZHES ZER ZHING, RING BSREL SHEL LTAR DVANGS PA GUR KUM GYI MDOG CAN GRANGS LAS 'DAS PA BYON PA RNAMS KYANG 'PHEL GDUNG DU GYUR PA LAS, KHA CIG NI RING BSREL PHRA MO MANG PO GCIG LAS GCIG 'PHEL BA 'KHOR LO RTZIBS DRUG PA LTE BA MU KHYUD DANG BCAS PA SHIN TU LEGS SHING NGO MTSAR BA'I RNAM PA CAN YANG SNANG NGO, ,DE LTA BU'I YON TAN GYI TSOGS KYIS MNGON PAR MTHO BA'I BLA @029B MA DBU MA PA DANG THABS CIG TU DGA' BA GDONG DU BZHUGS KYI RING LA'ANG KHONG LA RJE BTZUN 'JAM PA'I DBYANGS KYI CHOS SKOR MANG DU GSAN CING, BLA MA DANG YI DAM THVA MI DAD DU BYAS PA LA GSOL BA DRAG TU 'DEBS PA DANG, YI DAM GYI BSNYEN SGRUB LA SHIN TU 'GRUS PAR MDZAD, KHYAD PAR RJE RIN PO CHE 'DI NI THOG MA MED PA NAS LEGS PAR SBYANGS PA'I RIGS KYI NUS PA YONGS SU SMIN PA'I DBANG GIS GSUNG RAB DGONGS 'GREL DANG BCAS PA LA THOS BSAM SGOM PA JI SNYED CIG MDZAD PA THAMS CAD LA'ANG, TSE 'DI'I RNYED BKUR DANG, SNYAN GRAGS DANG, 'KHOR DANG, 'DU 'GOD PHUN SUM TSOGS PA DANG, BDAG NYID GZHAN LAS KHYAD PAR 'PHAGS PA NYID DU MTHONG BAR GYUR NA CI MA RUNG SNYAM PA SOGS KYI KUN SLONG GI DRI TZAM YANG MA 'DRES PAR GCIG TU THAMS CAD MKHYEN PA'I CHED DU DMIGS PA 'BA' ZHIG GIS THUGS RANG DBANG MED PAR PHROGS PAS, TSIG 'GRIG 'GRIG MO DANG, DON MKHAS PA GZHAN GYIS BSHAD PA LAS KHYAD DU THEN THON MO DANG, MANG PO TSOGS PA'I DBUS SU RANG GI LUGS RNAM PAR BZHAG PA LA GZHAN GYIS BRGAL BAR MI NUS SHING, GZHAN GYI 'DOD PA THABS SNA TSOGS KYI SGO NAS DGAG NUS PA TZAM GYIS THUGS TSIM PA DANG DE 'DRA BA TZAM ZHIG LHUR MDZAD PA'I DRI TZAM YANG MI MNGA' ZHING, DE BAS NA BDAG NYID RGYAL ZHING PHA ROL SMA DBAB PAR BZHED PA DANG, RANG NYID MKHAS PAR RLOM PA'I NGA RGYAL GYIS DE NYID GZHAN LA GRAGS PAR BYA BA'I CHED DU, 'CHAD PA'AM, RTZOD PA'AM, RTZOM PA 'DI LTA BU ZHIG ,DANG PO THOS BSAM GTZO BOR @030A *, ,LHUR MDZAD PA'I THOG MA NAS BRTZAMS TE DING SANG GI BAR GANG GI SKABS SU'ANG DUS 'DI'I TSE, TSUL 'DI LTAR MDZAD DO, ,ZHES GZU BOR GNAS PA SUS KYANG LAN CIG KYANG DRANG POR GLENG BA'I SKABS MI RNYED PA 'DI NI, CHOS LA BLO KHA CUNG ZAD CIG PHYOGS PA YAN CHAD SUS BSAMS KYANG, GZU BO'I BLOS BSAMS NA NI, RANG DBANG MED PA NYID DU DAD PA LHAG PAR SKYED PA'I SKYES BU DAM PA'I RNAM THAR NGO MTSAR BA YIN NO, ,DE'I PHYIR GSUNG RAB DGONGS 'GREL DANG BCAS PA'I DON RNAM PAR GTAN LA 'BEBS PA NA'ANG, THAR PA DANG THAMS CAD MKHYEN PAR BGROD PA'I LAM GONG 'OG THAMS CAD RGYAL BA'I DGONGS PA JI LTA BA DANG, SHING RTA CHEN PO RNAMS KYI LUGS JI LTA BA BZHIN DU RNYED PA ZHIG JI LTAR BYAS NA 'ONG ZHIG GU SNYAM DU 'DI NYID 'BA' ZHIG THUGS LA GCAGS PAS DPYOD PAR MDZAD CING, DE YANG DBANG PO RNON PO CHOS KYI RJES SU 'BRANG BA'I RIGS MCHOG TU GYUR PAS, GZHAN GYI TSIG TZAM LA BRTEN NAS RNAM PAR DPYOD PA, LUNG TZAM SKYABS SU GYUR PA RNAMS KYI NGANG TSUL NI NGO BO NYID KYIS MI MNGA' BAS, 'DI SNYAM DU, RGYAL BAS GSUNG RAB 'GREL BA'I MCHOG TU LUNG BSTAN PA'I SHING RTA'I SROL 'BYED CHEN PO DAG GIS BSTAN PA'I RIGS PA LA BRTEN NAS RGYAL BA'I GSUNG RAB KYI DRANG NGES TSUL BZHIN DU PHYE BA'I NGES DON GYI GSUNG RAB KYI DON SHIN TU PHRA BA'I RIGS PAS RNAM PAR DPYAD KYANG MTHA' GZHAN DU MI 'GYUR BA'I TSUL GYIS RNYED PA ZHIG , @030B SKYES BU SKOM PAS GDUNGS PA BTUNG BA DON DU GNYER BA LTA BU'I THUGS KYIS, TSUL 'DIS GSUNG RAB KYI DON 'TSOL BA 'BA' ZHIG LHUR MDZAD DO, ,DE YANG RJE NYID KYI ZHAL NAS, DA LTA BOD NA SHES RAB GO BA BZANG BA'I MTHAR THUG TU BRTZI BA 'DI TSO LTAR, GSUNG RAB DGONGS 'GREL DANG BCAS PA'I BSTAN BCOS PHAL CHER LA, BLTAS PA TZAM NAS 'DI'I DON 'DIR 'DUG SNYAM PA 'BAD MED DU LAM LAM 'CHAR BA, DE GZHAN LA BSTAN NA GO BA CHEN PO BLO YUL DU BDE SANG SANG BA 'CHAR THUB PA ZHIG NGA LA SNGA MO NAS YOD DE, DE 'DRA LA YID BRTAN PA CANG MI RUNG, RIGS PA PHRA MOS LEGS PAR DPYAD PA NA, DANG POR YIN YIN 'DRA BA'I GO BA RNYED PA RNAMS KYANG PHAL CHER ZHIG 'GRO BA KA MANG, DES NA RIGS PA RNAM PAR DAG PA PHRA MO ZHIG GIS LEGS PAR DPYAD PA'I DPYAD PA MA RDZOGS BAR DU DON DER KHA TSON BCAD KYANG SHAB SHOB TU 'GRO BA YIN, ZHES GSUNG NGO, ,DE YANG DE'I TSE 'PHAGS PA KLU SGRUB YAB SRAS KYI DGONGS PA MTHAR THUG PA'I LTA BA DANG, GSANG BA 'DUS PA'I LAM RIM PA LNGA, DE'I NANG NAS KYANG SGYU LUS 'DI SHIN TU RTOGS DKA' BA DANG, RTOGS NA DON CHE ZHING, MA RTOGS NA NI LOG PAR LTUNG BA'I G-YANG SA'ANG SHIN TU CHE LA, DE KHO NA NYID BSGOM PA DANG, SNGAGS BLA MED KYI LAM LA BRTEN NAS SANGS RGYA 'TSOL BA SOGS TSIG TZAM DU 'GYUR BAR DGONGS TE, 'DI DAG MGON PO KLU SGRUB YAB @31A *, ,SRAS KYI DGONGS PA BZHIN 'KHRUL MED DU STON PA'I BSHES GNYEN DAM PA RGYA BOD BAL GSUM, DBUS GTZANG KHAMS GSUM SOGS GANG NA YOD KYANG DE'I KHUNGS SHIG RNYED NA NI, DE TSOL BA'I PHYIR DU LUS SROG THED LA BOR NAS DKA' BA CI BYUNG YANG DANG DU BLANGS TE DA LTA NYID DU'ANG 'GRO DGOS DGONGS PA SNYING NAS SHUGS DRAG PO DE'I TSE YOD DO, ,ZHES RJE NYID GSUNG NGO, ,DE'I PHYIR NA, DE'I DUS SU'ANG BLA MA DBU MA PA LA LOTZTSA BA BCOL NAS, RJE BTZUN 'JAM PA'I DBYANGS LA DBU MA'I LTA BA DANG, SNGAGS MTSAN NYID KYI KHYAD PAR, SNGAGS BLA MED KYI LAM GYI GNAD CHE SHOS RNAMS DANG, RIM PA LNGA'I GO RIM, GRANGS NGES SOGS MTHA' YAS PA ZHIG GI DRI BA DANG, DOGS PA CHED PA'I CHED DU BRGAL ZHING BRTAG PA'I SGO NAS 'DRI BA LA SOGS PA 'BA' ZHIG GTZO BOR MDZAD DO, ,DE'I TSE RJE 'DI'I THUGS YUL NA WANG KHAS LEN CI'ANG MAD CING GANG YANG RANG LUGS LA BZHAGS MED PAR GZHAN DO 'BA' ZHIG LA SKYEL BA'I DBU MA'I LTA BA DE CUNG THUGS LA BDE BAR YOD PAS, BDAG GI DBU MA'I LTA BA 'DI THAL RANG GANG GI LTA BA YIN ZHUS PAS, GANG GI'ANG MIN, ZHES GSUNG ZHING, GZHAN YANG GSUNG RAB KYI GNAD DANG, DPYAD PA MDZAD PA'I SGO BSTAN PA LA TSAD MED DO, , DE'I TSE GZHAN YANG RJE BTZUN GYI ZHAL NAS, DA PHYIN CHAD, BLA MA DANG YI DAM THA MI DAD DU BYAS PA LA GSOL BA 'DEBS PA, SNGAR BSAGS KYI SDIG LTUNG SBYONG ZHING TSOGS RGYA CHEN PO GONG NAS GONG DU SPEL BA'I BSAG SBYANG LA 'BAD PA, SHING RTA @31B CHEN PO RNAMS KYI RIGS PA LA BRTEN NAS MDO RGYUD DGONGS 'GREL DANG BCAS PA'I DON LA ZHIB TU DPYOD PA GSUM SUM SGRIL DU GYIS LA RGYUN MA CHAD PAR NYAMS SU LONG DANG, RING POR MI THOGS PAR LTA BA'I GNAD MTHAR THUG PA DANG, MDO RGYUD KYI DON MTHA' DAG LA MI 'KHRUL BA'I NGES PA RNYED PAR 'GYUR, DA LTA NAS BSHAD PA BYAS KYANG PHAN 'DOGS LTAR SNANG LAS MI 'ONG BAS, RE ZHIG BYA BRAL BYAS, DBEN PA BSTEN NAS SGRUB PA SNYING POR GYIS SHIG ,CES BSKUL BAR MDZAD DO, ,DE LTAR BSKUL BA DANG, RJE NYID KYIS KYANG TSUL DE LEGS PAR DGANGS NAS BYA BRAL MDZAD CING DBEN PA BSTEN NAS SGRUB PA SNYING POR MDZAD PA LA THUGS THAG BCAD DO, ,'DIR SMRAS PA, RIG SNGAGS 'CHANG GI GZHUNG LUGS RGYA MTSO CHE, ,RNAM DAG DBANG BZHI'I RLABS 'PHRENG CHER G-YO ZHING; ;RIM GNYIS DBU BA'I 'DZUM DKAR ROL PA CAN, ,DNGOS GRUB RIN CHEN BYE BA'I GTER GYUR TE, ,BDAG DON LA CHAGS RAB DKAR DGE BA'I GSHED, ,SRID PA'I LHA MIN SNYING RJE'I LTO BAR NI, ,NYID KYIS ZHU MDZAD KHYOD THUGS DRANG SRONG CHES, ,MA LUS RNAM DPYOD YANGS PA'I ZHAL DU DRANGS, ,MANG DU THOS PA'I 'DREN BYED STONG LDAN ZHING, ,BLO GSAL 'CHI MED TSOGS KYI RAL BA'I RGYAN, ,THEG MCHOG BDUD RTZI'I DPAL LA DBANG SGYUR BA, ,THUNG BSTAN YONGS 'DU'I BDAG PO RGYAL GYUR CIG ,CES BYA BA NI, RJE BTZUN BLA MA TZONG KHA PA CHEN PO'I RNAM PAR THAR PA YONGS SU BRJOD PA'I GTAM DU BYA BA DAD PA'I 'JUG DOGS ZHES BYA BA LAS, GTZO BOR SNGAGS KYI THEG PA LAS BRTZAMS PA'I MANG DU THOS PA YONGS SU BTZAL BA'I RIM PAR PHYE BA STE BZHI PA'O, , @32A *, , ` DE NAS BLA MA DBU MA PA DE KHA'I STON MDO KHAMS LA 'BYON PAR CHAS, RJE'I ZHAL SNGA NAS KYANG LHA SAR SKYE LA MA LA BYON, DPON SLOB GNYIS KAS GSOL BA DRAG TU BTAB, LHA SA'I SGO KHANG STENG GI GTZUG LAG KHANG DU, BLA MA DBU MA PA LA RJE 'DIS DPAL GSANG BA 'DUS PA MI BSKYOD PA'I DBANG BZHI RDZOGS PAR GNANG, DE NAS RJE RIN PO CHE PAS SKYOR MO LUNG DU PHEBS, STON GZHUG DE CHOS MANG DU GSUNGS, DGUN LA NYE BA SPRE'U LO ZLA BA BCU PA LA BAB PA, DGUNG LO SUM CU RTZA DRUG PA LA SKYOR MO LUNG NAS PHYAG BTEG ,SLOB DPON RIN PO CHE 'JAM DKAR BA ZHES GRAGS PA DPAL LDAN BZANG PO BA DANG, RTOGS LDAN BYANG SENG PA, GNAS BRTAN RIN CHEN RGYAL MTSAN PA, GNAS BRTAN BZANG SKYONG BA STE DBUS PA BZHI, BLA MA RTOGS LDAN 'JAM DPAL RGYA MTSO BA, DGE BSHES SHES RAB GRAGS, DGE BSHES 'JAM DPAL BKRA SHIS, DGE BSHES DPAL SKYONG STE MDO SMAD PA BZHI DANG BCAS PA PHYAG PHYIR KHRID, DA GONG NAS, GZHIS KA SNE'U RDZONG BAS ZHABS TOG LEGS PO MDZAD KYIN YOD CING, DE DUS KYANG KHONG GI ZHABS TOG BSGRUBS TE, DPON SLOB DGUS GZHUNG KO MDZAD NAS BYA BRAL LA BYON, 'OL KHAR PHEBS, DE'I DGUN DPYID RNAMS 'OL KHA CHOS LUNG DU BZHUGS SHING, DE NAS BZUNG STE 'OL KHA BA YAB SRAS RNAMS KYIS DAD PA CHEN POS SBYIN BDAG MDZAD DE ZHABS TOG PHUN SUM TSOGS PA BSGRUBS, DER BZHUGS KYI RING LA YANG, THOG MAR BSAG SBYANG GNAD CHE BAR @32B DGONGS TE DPON SLOB THAMS CAD KYIS STOBS BZHI TSANG BA'I BSAG SBYANG LA SHIN TU 'GRUS PAR MDZAD, RJE RIN PO CHE RANG GIS KYANG, LTUNG BSHAGS BRGYA PHYAG DANG BCAS PA DANG, PHYAG SOR GYI RTZE MO RNAMS SER KHAR SONG GI BAR DU MAndAL 'BUL BA SOGS LA DBAG PAR DKA' BA'I BRTZON PA DRAG PO MDZAD CING, DGE BA'I BSHES GNYEN GRO LUNG PA CHEN PO'I GSUNG LAS, MDO SANGS RGYAS PHAL PO CHE 'DI MA 'GYUR NA, BOD KYI BYANG CHUB SEMS DPA' RNAMS SPYOD PA LA SLOB TSUL JI LTAR BYED DAM, ZHES 'BYUNG BA LTAR DU, SANGS RGYAS PHAL PO CHE LA SOGS PA, BYANG CHUB SEMS DPA'I SPYOD PA RLABS PO CHE RNAMS STON PA'I MDO SDE RNAMS LA GZIGS RTOG ZHIB PAR MDZAD DE, THEG PA CHEN PO'I RIGS KYI NUS PA YONGS SU RGYAS PAR BYED PA'I THABS RMAD DU BYUNG BA, BYANG CHUB SEMS DPA'I SNYING STOBS DPAG PAR DKA' BAS, RGYAL SRAS KYI SPYOD PA RLABS SHIN TU CHE ZHING RNAM PA MTHA' YAS PA RNAMS LA SNGAR GYI BYANG CHUB SEMS DPA' CHAN PO RNAMS KYIS BSLABS SHING, DA LTA DANG MA 'ONGS PA'I BYANG CHUB SEMS DPA' CHEN PO RNAMS KYIS SLOB PA DANG, SLOB PAR 'GYUR BA'I TSUL MDO SDE LAS MTHA' YAS PA GSUNGS PA DE RNAMS LA, BDAG NYID KYANG DA LTA NAS DE LTA BU'I TSUL LA 'JUG PA LA ZHUM PA GTAN MI SKYE ZHING, SPRO DGA' SHUGS DRAG POS 'JUG PAR BYA BA'I CHED DU, MDO SDE NAS 'BYUNG BA'I RGYAL SRAS KYI SNYING STOBS DANG SPYOD PA GANG RLABS CHE CHE RNAMS LA RE RE NAS DMIGS PHUG GI NA THUGS SBYONG BA'I DMIGS RNAM NAR MAR @33A *, ,BSTEN PAS, DANG PO ZHIG CUNG DKA' TZAM BYUNG YANG, PHYIS LEGS PAR GOMS NAS 'BAD RTZOL MI DGOS PAR RANG SHUGS KYIS RGYAL SRAS KYI SNYING STOBS DANG SPYOD PA RMAD DU BYUNG BA JI 'DRA BA'I DPAG DKA' BA ZHIG LA'ANG ZHUM PA NAM YANG MI SKYE ZHING, SPRO DGA'I SHUGS DRAG PO NGANG GIS 'JUG PA ZHIG BYUNG ZHES RJE NYID KYI ZHAL LAS THOS TE, GSUNG 'DI TZAM YANG THEG PA CHEN PO LA SLOB PAR 'DOD PA'I GDUL BYA RNAMS LA RMAD DU BYUNG BA'I GDAMS NGAG DANG, BLO CHEN DAG GIS KYANG DPAG PAR DKA' BA'I RNAM PAR THAR PA'O, ,DE'I DBYAR RDZING JI'I JO BO BYAMS PA MA JAL, MCHOD PA DANG SMON LAM RLABS PO CHE MANG DU MDZAD, DE NAS DGUN DVAGS PO SMAN LUNG RGYA SOG PHUR BYON, THUGS DAM SHIN TU 'PHEL ZHING YON TAN GYI KHYAD PAR BSAM GYIS MI KHYAB PA MANG DU BRNYES, DE NAS BZUNG STE, DA BAR DU RDO RJE 'JIGS BYED BCU GSUM MA'I BDAG 'JUG NAM YANG MA CHAG PAR MDZAD DO ZHES GSUNG NGO, ,DPYID 'OL KHAR BYON, DE YANG RDZI NGA JI'I GTZUG LAG KHANG DE, SNGON GAR MI YON TAN G-YUNG DRUNG GIS BZHENGS PA, JO BO BYAMS PA'I SKU LI 'DRA MI TSAD LHAG TZAM SHIN TU BYIN RLABS CHE ZHING NGO MTSAR BA BZHUGS PA PHUL DU BYUNG BA ZHIG 'DUG NA'ANG, PHYIS LHA RIS THAMS CAD NYAMS SHING LEGS PAR GOGS, JO BO'I SKU DE YANG RDUL KHROD NA 'O BRGYAL ZHING, SKU LA BYA THAL SOGS KYI MI GTZANG BAS GOS PAR GYUR BA GZIGS PAS THUGS KYIS MA BZOD PAR SPYAN CHAB BYUNG ZHING, DE'I ZHIG GSOS MDZAD PAR DGONGS NAS, 'OL KHA STAG RTZE BA LA ZHAL TA GNANG STE, @33B RTZIG PA DANG THOG DANG ZHAL BA SOGS 'CHOS DGOS RNAMS KHONG GIS LEGS PAR BSGRUBS SHING, DE NAS RI MO BA DPON SLOB RNAMS LA RANG GIS CHE RKYEN DANG ZHAL TA MDZAD NAS SGRUB PAR BRTZAMS PA'I TSE, DPON SLOB BCU GNYIS YOD PA'I PHYAG RDZAS GTOR CHA SOGS GANG YOD LA RIN BTAB PAS ZHO BCU GNYIS LAS MA BYUNG, JI LTAR MDZAD KYI RNGO MA THOGS PA LA, RNAM SRAS KYI 'DZIN GTOR ZHIG BCAS NAS 'PHRIN LAS 'CHOL BAR DGONGS PA'I TSE MAR MED PA LA, BTZUN PA ZHIG GIS MAR GROD BU GANG PHUL, DE LA MAR GYI 'DZIN GTOR BCAS NAS 'PHRIN LAS BCOL BAS, DE'I SANG NYIN RANG LA, 'BROG PA 'GAS MAR THUD MANG PO BKAL BYUNG STE PHUL, DE NAS BZUNG STE 'BUL BA MANG PO RIM PA BZHIN BYUNG BAS YO BYAD KYIS MA THOGS, 'DIR MA ZAD CHOS LDAN GYI DGES PA KHYAD PAR CAN GZIGS PA'I SKABS GZHAN DU'ANG, RNAM SRAS LA MAR GYI GTOR MA DANG BCAS TE 'PHRIN LAS BCOL BAS YO BYAD DPAG TU MED PA SLO BUR DU BYUNG BA'I LE RGYUS MANG DU YOD DO, ,DE NAS YAR LUNG PHYOGS NAS KYANG LHA BZO BA TSON RTZI KHYER NAS RI MO'I DAD BLANGS LA 'ONGS PA'ANG MANG DU BYUNG, DE'I TSE LHA BZO BA RNAMS KYANG BSNYEN GNAS DANG GSO SBYONG GI SDOM PA LA BKOD NAS 'DRIR 'JUG PA DANG, LAS BYED PA'I MI PHAL BA RNAMS KYANG, THA MAL BA'I TSIG SMRA BA SPANGS NAS, SMON LAM GYI TSIGS SU BCAD PA SOGS SHAS CHER KHA TON DU BYED PAS LAS SGRUB PA LA GZHOL BAR MDZAD LA, THOG MAR RJE BTZUN 'JAM PA'I DBYUNGS @34A *, ,KYI ZHING BKOD 'BRI BA'I SKYA RIS BTAB TSAR BA DE LA RAB GNAS SHIG MDZAD NAS, KOD BA CHUNG CHUNG ZHIG TU SROD KYI 'GO LA MAR ME PHUL BA SANG NYIN PHYED BAR DU MA ZAD PAR BZUNG, DE NAS BZUNG STE, ZHING BKOD RE BRIS TSAR RIM GYIS RAB GNAS MDZAD DE, MAR ME PHUL BA LA MA BZUNG PA GCIG KYANG MA BYUNG, DE LTAR RI MO LEGS PAR GRUB NAS, 'JAM DPAL GSANG LDAN GYI DKYIL 'KHOR BZHENGS TE, RJE NYID KYIS RAB TU GNAS PA RGYAS PAR MDZAD CING, DE'I TSE SLOB MA SKAL LDAN BCU LHAG PA ZHIG LA GSANG LDAN GYI DBANG YANG GNANG LA, RAB STON MDZAD PA'I SKABS SU GDAN SA PHAN TSUN GYI MDO SMAD PA SOGS KYIS, GOS DAR SOGS KYI 'BUL BA MANG DU BYUNG BAS, RTEN 'BUR DU DOD PA RNAMS KYI NA BZA' LOGS BRIS THAMS CAD LA ZHAL KHEBS DANG BCAS PA LEGS PAR GRUB BO, ,DE'I TSE RAB GNAS DNGOS GZHI'I NYIN, THUGS DAM NAR MAR MDZAD PA DANG, LAS BYED DANG, BYA BA'I DUS TSIGS 'DZIN PA MANG PO ZHIG GIS THUGS DAM DANG BYA BA SOGS SNGAR LAS CHES SNGA BA'I TSOD LA ZIN NAS, 'DI CI ZHIG SNYAM DU GRIB TSOD BTZUGS SHING ZHIB TU BRTAGS PAS, DE'I NYIN NYI MA TSAD LAS CHES RING DU GYUR PAR SNANG NGO, ,ZHES DU MA ZHIG MTHUN PAR GLENG NGO, ,GZHAN YANG 'GA' ZHIG GI RMI LAM NA, MKHA' 'GROS RI MO 'DRI BA MTHONG BA DANG, LHO BRAG MKHAN CHEN PHYAG RDOR BA'I GZIGS SNANG LA, SANGS RGYAS RABS BDUN NAM MKHA' LA BYANG PHYOGS SU 'BYON PA GZIGS, GANG DU BZHUNG, CES GSOL PAS, @34B RDZING JI'I RAB GNAS LA SPYAN 'DREN GYIN 'DUG ,CES GSUNG PA'I TSES GRANGS DANG RAB GNAS MDZAD PA'I TSES GRANGS GNYIS PHYIS BRTZIS BAS MTHUN PAR 'DUG GO ,ZHES ZER RE, ,DE NAS RIN PO CHE LHO BRAG PA NAM MKHA' RGYAL MTSAN PAS, 'DIR GCIG CI NAS PHYAG PHEBS PAR ZHU, BKA' 'DRA ZHU BA'I 'DOD PA'ANG YOD, SKU TSE BSRING PA'I RTEN 'BREL SGRIG PA SOGS KYI, SNYAN BSKUL 'DRA YANG 'BUL BA LAGS, ZHES PA'I GSUNG YIG NAN CHER BYUNG BA LA BRTEN NAS LHO BRAG BRA BO DGON PAR BYON, MKHAN CHEN LHO BRAG PA RANG GIS GTZO MDZAD PA'I LHO BRAG GI DGE 'DUN RNAMS LA BSLAB BTUS LA SOGS PA'I CHOS MANG DU GSUNGS SHING, RIN PO CHE LHO BRAG PA RANG LA, GRVA LNGA'I DBANG LA SOGS PA DBANG RJES GNANG MANG DU GNANG, RJE NYID KYIS KYANG KHONG PA LA BYANG CHUB LAM GYI RIM PA'I KHRID GSAN CING, GNAS DER ZLA BA BDUN TZAM BZHUGS, DE NAS PHYIS 'DUL BA'I BSLAB KHRIMS RNAM PAR DAG PA'I SGO NAS BSTAN PA LA PHAN PA RGYA CHEN PO 'BYUNG BA'I RTEN 'BREL KHYAD PAR CAN ZHIG YOD PAR DGONGS NAS, CHOS GOS GSUM LHUNG BZED 'KHAR GSIL, GZHAN YANG MCHOD RDZAS DU MA ZHAL GSER DANG BCAS PA DANG, BSTOD PA TSANGS PA'I COD PAN ZHES BYA BA, DON RMAD DU BYUNG ZHING TSIG SBYOR YID 'PHROG PA MDZAD DE, RDZING JI'I RJE BTZUN BYAMS MGON LA 'BUL BA LA BSKUR ZHING, SLAR RGYA GAR SHING GI RI LA 'BYON PAR DGONGS TE LAM DU ZHUGS SHING 'BYON PAR CHAS PA LA, YI DAM GYI SKU DANG GSUNG GI GNANG BA YOD PA 'GA' ZHIG GIS RJE RANG LA SHING GI RIR PHEBS NAS GRUB CHEN MI TRA DANG MJAL BA SOGS NGO MTSAR BA 'ONG NA'ANG, @35A *, ,'KHOR PHAL CHES LA CHED PA 'ONG ZHING MANG PO ZHIG TSA'I DUS KHYAD PAR 'DUG ZER BA DANG, RJE RANG NYID KYIS KYANG DE LTAR DGONGS NAS SLAR LOG STE GNYAL LA BYON, GNYAL LO ROR BEBS NAS, LO RO STOD STAG TU ZLA BA LNGA TZAM BZHUGS DER DGE BA'I BSHES GNYEN CHEN PO BRIN LAS PAS MDZAD PA'I BSTAN RIM CHEN MO GDAN DRANGS BYUNG BA LA, BSU BA MDZAD, MCHOD PA PHUL, ZHIB BAR GZIGS PAS THUGS NGES CHEN PO 'KHRUNGS, DER BSTAN RIM TSAR GCIG GSUNGS, LAR YANG BYA BRAL LA BYON PA NYID NAS, RGYAL BA'I GSUNG RAB MTHA' DAG GI DON, TSIG SPYI TZAM LA MA LUS PAR DA LTA LAS DANG POS NYID NAS RANG GI RGYUD LA BSKOR NAS NYAMS SU BLANGS PAS CHOG PA'I TSUL, LAM GYI NGO BO, GRANGS NGES, GO RIM SOGS THAMS CAD SHING RTA CHEN PO RNAMS KYI LAM SROL DANG MTHUN PA ZHIG MED DU MI RUNG BAR GZIGS NAS BLA MA YI DAM LA GSOL BA DRAG TU BTAB CING, GSUNG RAB DGONGS 'GREL DANG BCAS PA MTHA' DAG LA ZHIB TU DPYOD PA RGYUN MI 'CHAD DU MDZAD PAS, THOG MAR BSHES GNYEN BSTEN PA NAS 'GO BRTZAMS TE, MTHAR ZHI GNAS DANG LHAG MTHONG LA BSLAB TSUL GYI BAR THEG PA CHE CHUNG THUN MONG DANG, THEG CHEN THUN MONG MA YIN PA'I LAM SPYI DANG, DE'I STENG DU SNGAGS KYI THABS MKHAS KYI KHYAD PAR THUN MONG MA YIN PA RNAMS SNON PA BTANG NAS NYAMS SU LEN TSUL GYI LAM GYI NGO BO DANG GO RIM DANG GRANGS NGES PHYIN CI MA LOG PA'I NGES PA 'KHRUNGS NAS GSUNG RAB DGONGS 'GREL DANG BCAS PA GANG LA'ANG KHOL BTON RE TZAM MA YIN @35B PAR THAMS CAD GANG ZAG GCIG 'TSANG RGYA BA'I CHA RKYEN DU SBYAR NAS NYAMS LEN GYI PHYOGS SU 'KHYER SHES PA, DE YANG BSHAD PA TZAM MA YIN PAR, DA LTA BLO MTHO DMAN DBANG PO RAB 'BRENG THA MA GANG YIN GYI RGYUD LA BSKOR NAS DMIGS RNAM GYI RIM PAR NYAMS SU LEN PA'I LAG LEN DU 'KHYER BDE ZHING 'CHUN CHE LA, SEMS 'DUL BA'I RIM PA 'BA' ZHIG LHUR MDZAD PA'I SGO NAS GDUL BYA MCHOG DMAN THAMS CAD JI LTAR BKRI PA'I RIM PA LA MNGA' BRNYES SHING, GANGS RI'I KHROD 'DIR TSUL 'DI NI, SEMS DPA' CHEN PO DPAL MAR ME MDZAD YE SHES KYI GDAMS PA BYANG CHUB LAM GYI RIM PA'I MTSAN NYID DANG SNGAGS KYI THEG PA'I LAM GYI RIM PA, PHYIN CI MA LOG PAR GTAN LA PHAB PA'I SHING RTA'I SROL 'DI NYID YA MTSAN PAR GZIGS SHING DE'I SROL LA BRTEN NAS THUGS NGES CHER 'KHRUNGS, DPAL LDAN AA TI SHA'I GDAMS PA'I SROL LA YANG DGE BA'I BSHES GNYEN CHEN PO PO TO BSOGS KYI GDAMS PA LA YANG RMAD DU BYUNG BA'I THUGS NGES YOD MOD KYI, 'ON KYANG LHAG PAR, BLA MA LOTZTSA BA CHEN PO BLO LDAN SHES RAB KYIS MDZAD PA'I BSTAN RIM DANG, DE'I SRAS KYI THU BO DPAL LDAN GRO LUNG PAS MDZAD PA'I BSTAN RIM CHEN MO SOGS DANG, RANG NYID KYIS DGONGS PA'I LAM GYI RIM PA RNAMS MTHUN SHAS CHE ZHING SROL PHUL DU BYUNG BAR GZIGS SO, ,DPAL LDAN AA TI SHA'I GDAMS PA DE YANG, GSUNG RAB DANG DGONGS 'GREL GYI BSTAN BCOS MAN NGAG MTHA' DAG LAM GYI RIM PA GCIG TU DRIL NAS STON PAR SNANG BAS, 'CHAD SHES PA DANG NYAN SHES PA GNYIS KYIS BSHAD CING @36A *, ,NYAMS SU BLANGS NA MAN NGAG CHAD CHUNG DU MA ZAD GSUNG RAB MTHA' DAG GI GUNG 'GRIG NAS 'ONG BAR SNANG BAS, LAM THUN MOD PA LA BLO SBYONG PA NAS 'KHRID DGOS PA'I GDUL BYA RNAMS LA KHRID KYI RNAM GRANGS MANG PO STON PA MA BYAS GSUNG ZHING, 'DI KHO NA'I STER NAS GTZO BOR 'KHRID BAR MDZAD DO, ,DE NAS GNYAL SMAD GSAL RJE GANGS KYI YAR 'DREN DGON PAR DBYAR THOG GCIG BZHUGS, DE'I TSE DPON SLOB RNAMS MTHUN RKYEN DKON PAR BYUNG BA LA RNAM THOS SRAS LA GTOR MA 'BUL DGOS PA'I MTSAN MA DGONGS NAS PHUL BAS MYUR DU MTHUN RKYEN PHUN SUM TSOGS PA LHAG DANG BCAS PAR BYUNG, DE NAS DPON SLOB SUM CU LHAG TZAM GYIS RTZA RI MA CHEN LA BYON, ZHAG 'GA' BZHUGS RI PA RNAMS LA MANG JA GNANG SBYIN DANG BCAS PA MDZAD, RI KHROD GZIGS SHING BDE MCHOG GI BDAG 'JUG LA SOGS PA MDZAD, NGO MA TSAR BA'I LTAS MANG DU BYUNG, RTZA RIR PHEBS 'BYON PA'I LA KHA NA MAR 'BYON DUS, GNAS 'DIR YANG NANG MCHOD DANG BCAS PA'I TSOGS 'KHOR RANG BYED PA MI 'ONG DGONGS PA ZHIG THUGS LA 'KHRUNGS PAS, DE MKHAD NAS ZHABS KYI KHOL BU ZHIG LA GLO BUR DU TSER MA ZUG PA 'DRA BA'I CHO ZUG DANG SNYUNG ZUG CHEN PO RANG YOD PA, SKRANGS PA, NAG PO CHEN PO DANG BCAS PA ZHIG BYUNG BA LA, SKABS SHIG TU NANG MCHOD DANG BCAS PA'I BDE MCHOG GI TSOGS 'KHOR ZHIG MDZAD PAS, TSOGS 'KHOR MA GROL BA NAS ZUG MED PAR, DE MKHAD DVANGS SO, ,DE @36B NAS YANG GNYAL LA BYON TE, GNYAL SMAD SENG GE RDZONG DU BZHUGS, GSER PHYE 'BUM PA LA MCHOD PA CHEN PO PHUL ZHING, DER 'DUL BA'I CHOS MANG DU GSUNGS, LAG LEN PHRAN TSEGS RUNG CHU 'DEBS PA YAN CHAD ZHIB PAR MDZAD, YON TAN THAMS CAD KYI GZHI MA KHAS BLANGS PA'I TSUL KHRIMS DAG DGOS PA YIN, NGED LA NI SO SOR THAR PA'I PHAM LHAG SPOM PO DANG BCAS PA'I LTUNG BA 'ONG MA MYONG, LTUNG BYED NYES BYAS DANG BCAS PA 'GA' RE BYUNG BA RNAMS BSHAGS BSNGAM BYED GSUNG NAS MDZAD CING 'KHOR RNAMS KYANG TSUL DE NYID LA SBYAR BAR MDZAD DE, GANGS RI'I KHROD 'DIR SANGS RGYAS KYI BSTAN PA CHES CHER NYAMS PAR GYUR PA LA, GTING NAS MA BZOD PA'I THUGS KYI SHUGS DRAG POS, BSTAN PA RIN PO CHE'I RMANG DKA' BA CHEN POS GZHI NAS BTZUGS PAR MDZAD PAS, PHYI RABS GANGS RI'I KHROD KYI SKYE BO YONGS LA, RGYAL BA NYID DANG MTSUNGS PAR BKA' DRIN CHE BA YIN NO, ,DE NAS DPYID GNYAL GYI SGANG CHUNG DU BZHUGS, DGE 'DUN RNAMS LA CHOS SNA TSOGS GSUNGS, GRONG BA SKYE BO'I TSOGS DPAG TU MED PA THUGS RJE'I SHUGS KYIS DAD PA DRAG PO DANG BCAS TE 'DUS PA THAMS CAD KYANG, BSNYEN GNAS DANG SKYABS 'GRO SOGS 'PHRAL DANG YUN DU PHAN PA'I DGE BA LA LEGS PAR SBYAR CING, RJE NYID KYIS THOG MA MDZAD DE, THAMS CAD BSKUL NAS TSA TSA 'BUM GTER MANG PO BTAB CING, PHYIS KYANG TSUL DE NYID SGRUB PA LA SBYOR BAR MDZAD DO, ,DE NAS GNYAL STOD RAB GRONG DU BYON, DBYAR BZHUGS MDZAD, @37A *, ,SLOB DPON RIN PO CHE DAR MA RIN CHEN PA'I ZHAL SNGA NAS DKA' BCU'I GRVA SKOR MDZAD TSAR NAS, DER MJAL BA LA PHEBS, DE'I TSE RAB GRONG MKHAN PO LA ZHAL TA GNANG NAS KHONG GIS SBYIN BDAG GI MTHIL LEN BYAS, GZHAN YANG DAD 'BUL MANG DU BYUNG BA LA BRTEN NAS, GNYAL PHYOGS KYI DGE 'DUN GYI SDE PHAL CHE BA'I SDE SNOD 'DZIN PA THAMS CAD BSDUS TE CHOS KYI 'KHOR LO ZHAG MANG PO'I BAR DU MDZAD CING, DE BAR DGE 'DUN TSOGS PA LA ZHABS TOG BSNYAN BKUR PHUN SUM TSOGS PA GRUB, DE YANG GNYAL GYI SDE PA RNAMS PHAN TSUN GRAL SOGS LA YE MI 'CHAM PAS LHAN CIG TU TSOGS PA MI SRID PA TZAM YIN PA LA, DE DUS RJE NYID KYI THUGS RJE'I STOBS DANG THABS MKHAS PA'I DBANG GIS THAMS CAD RTZOD PA MED CING, DAM PA'I CHOS KYI DGA' STON GYIS DUS 'DA' BAR GYUR LA, DER RJE NYID KYIS SO SO LA DAD 'BUL DANG BSNYEN BKUR RGYUN PA'I KHAS LEN GYI DAD BSKUL SOGS KYI ZHAL TA GNANG BAS, THAMS CAD SPRO DGA' DANG BCAS PAR GYUR TE, DING SANG GI BAR DU 'ANG, DE'I LO DUS LA CHOS 'KHOR ZHAG MANG PO RE BYED PA MA CHAG PAR YOD LA, DE'I TSE SNGAR LTAR THAMS CAD RTZOD PA MED CING, CHOS 'KHOR DE LAS GZHAN PA'I SKABS SU NI PHAN TSUN GRAL SOGS LA RTZOD PA DANG BCAS PAS LHAN CIG 'DU 'GOD MI BYED DO, ,DE LTAR GNYAL PHYAGS SU BSTAN PA DANG SEMS CAN GYI DON RMAD DU BYUNG BA RNAMS LEGS PAR MDZAD NAS SLAR YANG 'OL KHAR PHEBS, DE NAS 'O DE GUNG RGYAL GYI LHA ZHOL @37B DBEN GNAS LHA SDINGS SU LO GCIG BZHUGS CHOS MANG DU GSUNGS, DE YANG THAL RANG GI LTA BA'I GNAD RNAMS LA, BYA BRAL LA 'BYON PA'I GONG NYID NAS DE BAR DU DPYAD PA NAR MAR MDZAD NA'ANG, MTHAR THUG PA'I GNAD LA MI BDE BA GTAN NAS LOG PA'I NGES PA 'DREN MA THUB, GNAS DER BLA MA DANG RJE BTZUN 'JAM PA'I DBYANGS THA MI DAD DU BYAS SHING GSEL BA DRAG TU 'DEBS PA DANG, RIGS PA'I DPYAD PA ZHIB PAR MDZAD PAS, BYIN GYIS BRLABS PA'I MTSAN MA KHYAD PAR CAN YANG BYUNG, SLOB DPON SANGS RGYAS BSKYANGS KYI 'GREL PA BUDDHA P'A LI TA LA LEGS PAR GZIGS PAS KYANG MTSAMS SBYAR TE, MGON PO KLU SGRUB YAB SRAS KYI LTA BA'I GNAD MTHAR THUG PA DANG DGAG BYA'I MTSAMS 'DZIN SOGS LA SNGAR DANG MI 'DRA BA'I NGES PA GTING TSUGS PA 'KHRUNGS SHING, MTSAN 'DZIN GYI DMIGS GTAD THAMS CAD ZHIG ,DE KHO NA NYID KYI DON LA MTHA' GZHAN DU DOGS PA'I SGRO 'DOGS LHAG MA MED PAR DRUNGS PHYUNG BAR GYUR TE, STON PA LA SHES NAS DAD PA THOB PA'I SHUGS KYIS DRANGS PA, ZAB MO RTEN CING 'BREL PAR 'BYUNG BA GSUNG BA'I SGO NAS BSTOD PA LEGS PAR BSHAD PA'I SNYING PO ZHES BYA BA'ANG MDZAD DO, ,DE LTAR DE KHO NA NYID KYI DON LA RIGS PA'I STOBS KYIS SGRO 'DOGS LHAG MA MED PAR CHOD DE, STONG PA NYID LA THUGS RTZE GCIG TU MNYAM PAR 'JOG PA'I TING NGE 'DZIN LHUR MDZAD CING, YANG DAG PA'I DRAN SHES KYIS LEGS PAR BSKYANGS PA'I GOMS PA PHUL DU PHYIN PAR MDZAD PA'I STOBS KYIS, RJE NYID KYI ZHAL NAS, DA LTA LEGS PAR GOMS PAS RJES THOB TU'ANG @38A *, ,SNA TSOGS PA'I SNANG BA 'DI THAMS CAD STONG BZHIN DU SNANG BA'I SGYU MA LTAR 'CHAR GYI, SONG PA NYID KYI RGYAS MA THEBS PA'I SNANG BA RANG DGA' BA CHER MI 'CHAR BAR 'DUG ,CES GSUNG NGO, ,TSUL 'DI NI MKHAS PA MGU BAR BYED PA'I RNAM PAR THAR PA CHES DPAG PAR DKA' BA, RGYAL BA SRAS DANG BCAS PAS KYANG BSTOD PA'I PHRENG BAS BSNGAGS PAR BYA BA'I YUL YIN NI, BDAG CAG DAG GIS LTA SMOS KYANG CI ZHIG 'TSAL, DE YANG BRA MA 'DI NI, GONG DU BRJOD PA LTAR BLA MA DANG YI DAM THA MI DAD DU BYAS NAS GSOL BA 'DEBS PA DANG, BSAG SBYANG SOGS LA RTZE GCIG TU BRTZON PAR MDZAD CING, SKYE BO PHAL PA RNAMS KYI BLO YUL DU BYA DKA' PA TZAM GYI BSNYEN SGRUB LA RGYUN MI 'CHAD DU BRTZON PAR MDZAD PAS, LHAG PA'I LHA DU MAS BYIN GYIS BRLABS PA'I TSUL DPAG PAR DKA' BA YOD LA, KHYAD PAR RGYAL BA KUN GYI YAB GCIG RJE BTZUN 'JAM PA'I DBYANGS KYI ZHAL MNGON SUM DU YANG YANG GZIGS SHING, DGE BA'I BSHES GNYEN MDZAD PA'I STOBS KYIS, GSUNG RAB MTHA' DAG GI DON LA 'KHRUL PA MI MNGA' BAR GYUR PA YIN LA, JI 'DRA BA'I RTAGS DKA' BA ZHIG YIN NA'ANG, THOG MAR RIGS PAS ZHIB TU DPYAD PAS PHAL CHER DGONGS 'ONG, DE LTAR MDZAD KYANG THUGS NGES MTHA' CHOD PA 'DREN MA THUB PA RNAMS LA, BLA MA DANG RJE BTZUN 'JAM PA'I DBYANGS THA MI DAD LA GSOL BA DRAG TU BTAB CING MAndAL PHUL BAS, DE MKHAD 'BAD MED DU DPYIS PHYIN PAR DGONGS NAS 'ONG BA BSNYON MI NUS PAR YOD LA, GZHAN YANG RJE BTZUN 'JAM @38B PA'I DBYANGS KYI SKU DANG GSUNG GI SNANG BA SOGS KYE ? RNAM PAR THAR PA ZHIB PAR NI DNGOS SU YONGS LA BSGRAG PAR MI NUS MOD, 'ON KYANG GSUNG RAB KYI DON LA TSUL JI LTAR DPYOD, DPYAD PA RDZOGS MA RDZOGS, NYAMS LEN GYI GNAD, GDUL BYA JI LTAR BKRI, 'KHOR JI LTA BU BSTEN, GNAS JI LTA BUR BZHUGS PA SOGS PHAL CHER RANG BZOS ZHUGS PA MA BYAS, ZHES GSUNG NGO, ,DE NAS STON 'OL KHAR BYON, DGUN DPYID MGAR PHUG TU BZHUGS NAS 'OL KHA'I DGE 'DUN RNAMS LA CHOS MANG DU GSUNGS DE NAS AE'I STE'U RANG BYO NA, DBYAR BZHUGS MDZAD, DBYE PA'I DGE 'DUN RNAMS LA CHOS MANG DU GSUNGS SHING, SKYE BO THAMS CAD DGE BA'I LAM LA BKOD, DE NAS 'OL KHA'I BRAG GDONG DU BYON, DGUN BZHUGS MDZAD, DE NAS RDZING JIR JO BO BYAMS PA'I DRUNG DU MJAL, CHO 'PHRUL CHEN PO'I DUS MCHOD LA DGONGS NAS ZHAG BCO LNGA'I RING LA MCHOD PA RGYA CHE ZHING BKOD PA YID 'PHROG PA RGYUN MI 'CHAD PAR MDZAD DE, BSTAN PA DANG SEMS CAN 'BA' ZHIG LA DGONGS NAS 'PHRAL DANG YUN DU PHAN BDE RGYAS PA'I SMON LAM RLABS CHE BA MDZAD DO, ,DE NAS DAR DPYID, SLOB DPON DKA' BCU PA'I ZHAL SNGA NAS GTZO MDZAD, SDE SNOD 'DZIN PA NYIS BRGYA LHAG TZAM LA CHOS MANG DU GSUNGS, DE NAS NYANG PO PHYOGS NAS DAD PA CHEN POS GSOL BA BTAB PA LA BRTEN NAS, NYANG PO MA DANGS MDO'I DGON PAR BYON, DBYAR BZHUGS MDZAD, NYANG PO PHYOGS KYI DGE 'DUN RNAMS LA CHOS MANG DU GSUNGS SHING, SKYE BO'I TSOGS LA PHAN PA RGYA CHEN PO MDZAD, DE'I SKABS SU, DPON NAM MKHA' @39A *, ,BZANG PO PAS RNGOG LO CHAN PO'I GDAN SA PA SLOB DPON CHEN PO DKON MCHOG TSUL KHRIMS PA NGO CHEN LA SBRAN TE SKYID SHOD PHYOGS SU PHEBS PAR ZHU BA'I GSOL BA 'DEBS PA SNGA MO NAS NAR MAR YOD PA'I RTING BSKUL GYI GSAL BAB DABS PAS SLEBS PA DANG, JO BO RIN PO CHE MJAL BAR BZHED PAS KYANG THUGS DRANGS TE, STON SKYID SHOD DU PHEBS, PO TA LAR BZHUGS NAS, GSANG BDE GUNG GSUM, DGA' SKYOR ZUL GSUM GYI GDAN SA PA RNAMS KYIS THOG DRANGS PA'I SDE SNOD 'DZIN PA BRGYA PHRAG DU MA LA, DBU MA SNANG BA, 'DUL BA, LAM RIM LA SOGS PA'I CHOS MANG DU GSUNGS, DE'I PHYI RES SOS KA DGA' BA GDONG DU BYON, THEG PA CHEN PO BAR KHAS 'CHE BA RNAMS KYIS, SANGS RGYAS DANG BYANG CHUB SEMS DPA' THAMS CAD DPANG POR BYAS TE KHAS BLANGS PA'I SEMS BSKYED KYI BSLAB BYA RNAMS LA JI LTAR SLOB PA'I TSUL MTHA' DAG PAR SHES NAS TSUL BZHIN DU SLOB PA ZHIG MA BYUNG NA, DE'I THEG PA CHEN PO PA MING TZAM DU 'GYUR BAR DGONGS SHING, GSANG SNGAGS RDO RJE THEG PA LA 'JUG PAR 'DOD NA LAM THUN MONG BA LA LEGS PAR BLO SBYANGS PA'I STENG DU, BLA MA BSTEN TSUL THEG CHEN THUN MONG BA'I SKABS SU BSTAN PA LAS KYANG CHES KHYAD PAR DU GYUR PA ZHIG GI SGO NAS, DBANG BSKUR RGYUD SDE DANG MTHUN PA ZHIG BLA MA MTSAN NYID DANG LDAN PA LAS MNOS TE, DE'I DUS SU KHAS BLANGS PA'I DAM TSIG DANG SDOM PA RNAMS MIG GI 'BRAS BU LTAR GCES PAR 'DZIN CING, KHYAD PAR RTZA LTUNG LA SROG BSDOS BYAS NAS LEGS @39B PAR SDOM PA ZHIG MA BYUNG NA, KHAS BLANGS PA'I DAM TSIG YAL BAR DOR NAS, SNGAGS KYI LAM LA SLOB PA SKAD BYAS KYANG NGAN 'GRO MI BZAD PA'I SGO 'BYED PAR DGONGS NAS, AE MA THEG PA CHEN PO SPYI DANG KHYAD PAR BA LA SLOB PAR KHAS 'CHE BA 'DI DAG ,TSUL 'DI LTA BUS SPYOD PAR GYUR NA CI MA RUNG SNYAM DU SNYING NAS SHAS MA BZOD PA'I THUGS BRTZE BA CHEN POS KUN NAS BSLANGS TE, GDUL BYA RNAMS LA'ANG TSUL DE NYID 'DOMS PAR MDZAD PAS, DER YANG, BYANG SA'I TSUL KHRIMS LE'U, BLA MA LNGA BCU PA, RTZA LTUNG BCU BZHI PA RNAMS KYI BSHAD PA SHIN TU ZHIB PAR GSUNGS, DE'I CHOS GZHUG LA, BLA MA RJE BTZUN RED MDA' PA CHEN PO'I ZHAL SNGA NAS MNGA' RIS NAS BYON, DBYAR GNAS STAG CHED DU MDZAD DE, DBUS SU BYON NAS, DGA' BA GDONG DU PHYAG PHEBS, BSU BA DANG, BSNYEN BKUR DANG, ZHABS TOG RMAD DU BYUNG BA MDZAD NAS, DPON SLOB GNYIS KAS CHOS MANG DU GSUNGS, DE NAS YAB SRAS GNYIS KA'ANG DBEN PA LA DGYES SHING, DBYAR RVA SGRENG GI DBEN PA'I GNAS KYI BSNGAGS PA GTAM DU BRJOD PA SNYAN DU SON PAS KYANG THUGS G-YOS PAR GYUR LA, DPAL LDAN AA TI SHAS LUNG BSTAN PA'I GNAS, STON PA RIN PO CHE YAB SRAS KYI GDAN SA, BKA' GDAMS PA'I DAM PA'I CHOS KYI CHU BO THAMS CAD KYI 'BYUNG KHUNGS SU GYUR PAS KYANG GZIGS PAR BZHED DE, YAB SRAS GNYIS KYIS THOG MA MDZAD PA'I DGE 'DUN SDE SNOD 'DZIN PA MANG PO'I TSOGS DANG BCAS PA RVA SGRENG LA PHYAGS BTAG ,DGUN BZHUGS RVA SGRENG DU MDZAD, BLA MA @40A *, ,RJE BTZUN CHEN POS, RIGS PA DRUG CU PA DANG GSANG 'DUS RIM LNGA SOGS GSUNGS, RJE RIN PO CHE 'DIS, THEG PA CHEN PO MDO SDE RGYAN DANG, DBUS MTHA' DANG, KUN LAS BTUS DANG, NYAN SA LA SOGS PA THAMS CAD KYI GUNG LEGS PAR BSGRIGS TE, ZHI GNAS KYI BSHAD PA MTHA' DAG PAR GSUNGS SHING, BSGOM DU BCUG PAS, 'GA' ZHIG GI RGYUD LA GSUNG RAB DANG MTHUN PA'I ZHI GNAS KYI MYONG BA KHYAD PAR CAN 'KHRUNGS, YAB SRAS GNYIS KYIS SNGAGS MTSAN NYID KYI LAM GYI GNAD DU MA LA 'BEL BA'I GTAM GYI BKA' MCHID SHIN TU ZHIB PAR MDZAD, DE NAS CHOS RJE LOTZTSA BA DANG, 'BRI KHUNG CHOS RJE GNYIS KAS ZHAL 'DZOM PAR ZHU BA'I PHO NYA DANG GSUNG 'PHRIN NAR MAR BYUNG BAS, RJE RIN PO CHE 'DIS DPYID 'GO 'BRI KHUNG DU BYON, CHOS MANG DU GSUNGS, SPYAN SNGA RIN PO CHE CHOS KYI RGYAL PO LA N'A RO CHOS DRUG DANG, PHYAG CHEN LHAN CIG SKYES SBYER LA SOGS PA GSAN, DE RJES YAB SRAS GNYIS KAS PHYAGS BTEG NAS BYON, RIN PO CHE LOTZTSA BA SKYABS MCHOG DPAL BZANG PO'I ZHAL SNGA NAS DANG CHOS RJE RNAM PA GSUM GA GNAM RTZED LDENG DU PAR CHEN PO BYANG CHUB YE SHES KYI GTZUG LAG KHANG DU ZHAL MNGON PAR 'DZOM ZHING, DPON YON TAN RGYA MTSO BAS DAD PA DANG GTONG BA SHIN TU YANGS PA'I BSAM PA BRGYA CHEN POS ZHABS TOG MDZAD DE, SDE SNOD 'DZIN PA RGYA MTSO LTA BU DU MAS THOG DRANGS PA'I DGE 'DUN DRUG BRGYA LHAG TZAM GYIS DBYAR GNAS PAR ZHAL GYIS BZHES NAS, CHOS RJE GSUM GAS KYANG, BSTAN PA RIN PO CHE'I DAG @40B THER RNAM PAR DAG PA ZHIG MDZAD PAR DGONGS SHING, DE YANG JI SRID DU RGYAL BA'I NANG MDZOD 'DUL BA RDZOGS PAR YOD PA DE SRID DU SANGS RGYAS KYI BSTAN PA YONG LA, DE MED NA MED PAR GSUNGS PA DE NYID THUGS LA LCI BAR GYUR NAS, BSTAN PA 'BA' ZHIG LA DGONGS PA'I THUGS KYIS, 'DUL BA MDO RTZA'I BSHAD PA RGYAS PAR GSUNG ZHING DE'I DUS SU, GZHI BCU BDUN NAS GSUNGS PA'I BCAS PA PHRA MO ZHIG YAN CHAD, DA LTA'I GANG ZAG GIS NYAMS SU BLANGS NUS TZAM RNAMS DANG, RNAM 'BYED NAS 'BYUNG BA'I BCAS PA RNAMS LAS 'DAS PA'I LTUNG BA THAMS CAD RANG RANG GI MING RIGS KYIS PHYIR 'CHOS PA'I CHO GA JI LTAR BSHAD PA BZHIN GYI PHYAG LEN RNAM PAR DAG PA'I SROL LEGS PAR BTZUGS TE, DE'I TSE 'DUL BA GSAN PA PHAL CHE BAS KYANG RANG RANG GI RGYUD LA BRTAGS NAS, LTUNG BA PHRA RAGS THAMS CAD BSHAGS YUL MANG NYUNG GI BYE BRAG DANG, DNGOS PO SPANGS PA'I CHAD LAS SNGON DU GTONG BA SOGS JI LTAR BSHAD PA BZHIN DU PHYAG LEN LA BTAB NAS PHYIR BCOS MDZAD DE, DE PHYIN CHAD PHYAG PHYI LA GNYUG MAR GNAS PA PHAL CHE BAS NYIN RE ZHIN, RANG RANG GI RGYUD LA BRTAGS NAS LTUNG BA DANG YUN DU MI 'GROGS PAR PHYIR 'CHOS PA DANG, YO BYAD BYIN RLABS, RUNG KHANG GCOD PA, NUB LHAG NYAL BSRUNG BA SOGS KYI PHYAG LEN DAG LA'ANG CHES BRTZON PAR MDZAD NA, DE TZAM DU BSGRUB MI DKA' BA RNAMS LA NI LTA SMOS KYANG CI DGOS, DE BAS NA SANGS RGYAS KYI BSTAN PA'I RTZA BA SO SOR THAR PA'I RMAD RDZOGS PAR GSOS PAS BSTAN PA LA BYA BA MDZAD PA ZHIG LA 'DI YA MTSAN PA YIN @41A *, ,NO; ;GZHAN YANG DBU TSAD LA SOGS PA'I CHOS KYI 'KHOR LO MANG DU BSKOR, DGAG DBYE THON NAS, RJE BTZUN CHEN PO GTZANG LA PHYAGS BTEG ,CHOS RJE RNAM GNYIS 'KHOR DANG BCAS PA SLAR RVA SGENG DU BYON, BRAG SENG GE'I ZHOL DU DBEN GNAS BTAB, CHOS RJE LOTZTSA BAS NAN CHER BSKUL ZHING, GZHAN YANG GSOL BA 'DEBS PA DU MA'I NGOR, RGYAL BA'I GSUNG RAB MTHA' DAG GI GNAD BSDUS PA, SHING RTA CHEN PO KLU SGRUB DANG THOGS MED GNYIS KYE LAM SROL, BYANG CHUB LAM GYI RIM PA'I SGO NAS SKAL BA DANG LDAN PA SANGS RGYAS KYI SAR 'KHRID PA'I TSUL RGYAS PAR STON PA'I LAM RIM CHEN MO'I RTZOM PA MDZAD, DE NAS DE PHYIN CHAD SNGAGS KYI CHOS THAN THUN 'CHAD 'DOD PAS, KHYED DRAG PA 'GA' RES CHOS RJE LOTZTSA BA LA DPAL GSANG BA 'DUS PA MI BSKYOD PA'I DBANG ZHUS LA SNGAGS KYI SDOM PA SOR CHUG GSUNG, SLOB DPON RIN PO CHE 'JAM DKAR BA DANG, SLOB DPON RIN PO CHE 'DUL 'DZIN PA'I ZHAL SNGA NAS GTZO MDZAD, NYI SHU RTZA LNGAS DBANG ZHUS, DE YANG RJE RIN PO CHE RANG GIS SMON 'JUG GI SDOM PA PHOG PA 'GA' ZHIG MA GTOGS PA RNAMS LA, CHOS RJE LOTZTSA BAS SMON 'JUG GI SDOM PA PHOG CING, DE NAS DBANG BSKUR BAR MDZAD DO, ,GZHAN YANG GNAS DE NYID DU RJE RIN PO CHE RANG NYID KYIS SNGAR GNAM RTZED LDENG DANG LAM PA DGON PA SOGS SU SMON 'JUG GI SDOM PA GNANG BA 'GA' ZHIG GI CHED DU GTZO BOR DGONGS NAS, BYANG SA'I TSUL KHRIMS LE'U'I RGYA CHER 'GREL PA'ANG MDZAD CING, DON GNYER CAN MANG POS GSOL BA DRAG TU BTAB PA LA BRTEN @41B NAS, RTZA LTUNG DANG BLA MA LNGA BCU PA'I RNAM BSHAD KYANG MDZAD DO, ,DE NAS CHOS RJE LOTZTSA BA LAM RIM GYI GLEGS BAM PHYAG TU BZHES SHING, LEGS BSHAD RIN PO CHE'I SKYES KYIS THUGS KYI BANG MDZOD GTAMS TE, GTZANG LA PHYAGS BTEG ,RJE 'DIS DBYAR DGUN GNYIS TZAM DE NYID DU BZHUGS NAS, LAM RIM LA SOGS PA CHOS MANG DU GSUNGS, CHO 'PHRUL CHEN PO'I DUS MCHOD LA MCHOD PA DANG SMON LAM SHIN TU RLABS CHE ZHING NGO MTSAR BA MDZAD DE, RIM GYIS BYON NAS LHAS PHU DGON GSAR DU PHYAG PHEBS, BLO GROS DANG LDAN PA'I SDE SNOD 'DZIN PA DU MA LA, TSAD MA RNAM 'GREL GYI BRJOD BYA'I GTZO BO MTHA' DAG RIGS PA'I LAM NAS DRANGS TE, GZHUNG LAM GYI RIM PAR BSGRIGS NAS NYAMS LEN LA SBYAR TE GSUNGS PAS, SDE SNOD 'DZIN PA THAMS CAD SNGON LAN CIG KYANG MA MYONG BA'I LEGS PAR BSHAD PA'I BDUD RTZI'I RO PHUL DU BYUNG BA MYONG BAS YID KYI SKYES BU RANG DBANG MED PAR PHROGS TE NGO MTSAR BA'I GTAM GYIS DUS 'DA' BAR BYED CING, DE PHYIN CHAD KYANG SKABS SKABS SU GSUNGS PAS, SNGON CHAD GANGS RI'I KHROD 'DIR TSAD MA TSIG GI NA YAM MAM, PHYI'I GO RGYA GCOD PA'I TSE BSTAN BCOS GZHAN LTA BA LA BLO CUNG ZAD DRAG TU 'GRO BA'I YAN LAG GTZAM DU NYE BAR MKHO BAR 'DZIN PAR ZAD KYI, 'DI NYAMS LEN LA MKHO BA'I THE TSOM TZAM YANG SU LA'ANG MED PAS, PHA LA MO CHE ZHIG DON MA YIN PA SKYED PAR BYED PA LA, DA LTA BLO GROS DANG LDAN ZHING GZU BOR GNAS PA DAG LA, @42A *, ,'DI NYID NYAMS LEN STON PA'I BSTAN BCOS SHIG LA RMAD DU BYUNG BA'I PHYOGS MTHONG TZAM YOD PA 'DI NI, RJE RIN PO CHE 'DI 'BA' ZHIG GI THUGS RJE LA BRTEN PA YIN TE, 'DI TZAM GYI BKA' DRIN YANG GANGS CAN LA YONGS KYIS BSAB PAR SLA BA MA YIN NO, ,DE NAS MI'I DBANG PO GRAGS PA RGYAL MTSAN PAS NAN CHER GSOL BA BTAB PA LA BRTEN NAS, 'ON SDE CHEN STENG DU PHEBS, SDE SNOD 'DZIN PA BRGYA PHRAG DU MA 'DUS PA RNAMS KYIS DE NYID DU DBYAR GNAS PAR ZHAL GYIS BZHES TE, RGYAL BZANG SMON MKHAR NAS ZHABS TOG BSAM GYIS MI KHYAB PA BSGRUBS, BYANG CHUB LAM GYI RIM PA'I KHRID DANG, DBU TSAD KYI DGA' BA'I GNAS 'GROL BA'I CHOS MANG DU GSUNGS, DE NAS 'O DE GUNG RGYAL GYI LHA ZHOL 'OL KHA'I BYAMS PA GLING DU PHYAG PHEBS, DON GNYER CAN RNAMS LA LAM RIM DANG BSKYED RDZOGS KYI CHOS RE GSUNGS, DPON SLOB RNAMS SKU MTSAMS SHIN TU DAM PA'I NGANG NAS, THUGS DAM LA LHUR MDZAD PA'I SKABS SU, SLOB DPON KLU BYANG GIS MDZAD PA'I RNAM GZHAG RIM PA'I t'IKKA MDZAD DE, DON GNYER CAN RNAMS LA ZHIB PAR GSUNGS, DE YANG SPYIR RIM LNGA'I DON DANG, KHYAD PAR RIM PA GSUM PA'I SGYU LUS KYI SGRUB TSUL SOGS DPAL GSANG BA 'DUS PA RTZA BSHAD KYI RGYUD DANG, 'PHAGS PA YAB SRAS LNGA'I GZHUNG NAS 'BYUNG BA'I DON THUN MONG MA YIN PA RAGS PA RNAMS DPYIS PHYIN PA ZHIG LEGS PAR GO NAS DE DUS LO BCU LHAG TZAM SONG BA LA DE BAR DU SMRAM @42B NUS, DE NAS ZUR TZAM SMRAS PA YIN, ZHES GSUNG NGO, ,DE NAS DAM PA MANG POS GSOL BA BTAB PA LA BRTEN NAS, RGYUD SDE BZHI'I LAM GYI LUS YONGS SU RDZOGS PA STON PA'I BSTAN BCOS CHEN PO GSANG CHEN LAM GYI RIM PA MDZAD, SDE SNOD 'DZIN PA DU MA LA SNGAGS LAM RIM GSUNGS, DE'I TSE BAR CHAD KYI LTAS SHIN TU RTZU BA PA CI RIGS PA BYUNG, DGE BSHES GCIG GNYIS KYANG 'DAS PA LA, DPON SLOB RNAMS KYIS SKU MTSAMS DAM PAR MDZAD DE, THUGS DAM DANG, ZLOG PA SOGS LA SHIN TU 'GRUS PAR MDZAD PAS TSEGS ? MED PAR BZLOG ,DE'I TSE BCOM LDAN 'DAS RDO RJE 'JIGS BYED KYI SGRUB THABS BDUD THAMS CAD LAS RNAM PAR RGYAL BA DANG, SBYIN SREG GI CHO GA RGYAS PA'I RTZOM PA YANG MDZAD, THUGS DAM SHIN TU 'PHEL LO, ,DE LTAR THUGS DAM SGOM BZLAS SOGS MDZAD PA'I SKABS SU, SKU MDUN RANG NA YOD PA RNAMS KYIS, SGO GSUM GYI SPYOD PA CI BYAS KYANG, CHAD DU GTAD NAS THUGS BCUG NA MA GTOGS, THUGS KYIS DE RNAMS CI YANG MI DES PA ZHIG YOD, 'DI DUS JI TZAM NAS LAGS ZHUS PAS, DGE SBYOR GYI DUS SU DE LTAR 'ONG BA BYAMS PA GLING NAS YIN, LTA RTOG DANG DPYAD PA ZHIB PO BYED PA'I SKABS SU DE LTA BA 'ONG PA SNGA MO NAS YOD DE 'DRA BA 'DUG ,CES GSUNG NGO, ,LO GNYIS BZHUGS NAS, DE NAS BYANG CHUB LUNG DU DGUN BZHUGS MDZAD, SNGAGS MTSAN NYID KYI SDE SNOD 'DZIN PA BRGYA PHRAG DU MA LA GSANG SNGAGS LAM RIM GSUNGS, SHED DU BYON, SNE'U NAS @43A *, ,DAD PA DRAG POS ZHABS TOG TSAD MED PA NAR MAR MDZAD DE, DBYAR GNAS SE RVA CHOS SDINGS SU BZHUGS, SKU MTSAMS SHIN TU DAM PAR MDZAD, GSANG 'DUS RIM LNGA DANG, MA RGYUD KYI RDZOGS RIM 'GA' ZHIG GSUNGS, DER GSOL BA 'DEBS PA MANG PO'I NGOR DBU MA RTZA SHE'I RGYA CHER 'GREL MDZAD PAR BZHED NAS GZHUNG GI RIGS PA'I GNAD PHRA MO RNAMS LA DPYAD PA ZHIB TU MDZAD PAS, RIGS PA PHRA MO 'GA' ZHIG LA DOGS PA CUNG ZAD DPYAD DKA' BA BYUNG NAS, BLA MA DANG RJE BTZUN 'JAM PA'I DBYANGS LA GSOL BA DRAG TU BTAB PAS, SKABS SHIG NA, SHES RAB KYI PHA ROL TU PHYIN PA'I MDO'I STONG NYID NYI SHU'I 'GREL RKANG RNAMS GSER BTZO MA'I YI GER BKOD PA'I RNAM PAS BAR SNANG KHRIG GIS GANG PAR GZId PA YANG YANG BYUNG BAS, RTZA SHE'I RIGS PA SHIN TU PHRA BA RNAMS LA'ANG DOGS PA LHAG MA MED PAR 'BAD MED DU CHOD SONG GSUNG NGO, ,DA NAS MYUR DU GSUNG RAB KYI DRANG NGAS RNAM PAR 'BYED PA'I BSTAN BCOS DANG, RTZA SHE'I RNAM BSHAD CHEN MO MDZAD, DE'I TSE RGYA NAG GI RGYAL PO CHEN PO TU MING GIS BLA MA 'DI LA DAD PA CHEN POS LUNG DANG GNANG SBYIN DPAG TU MED PA'I 'BUL SKYEL DANG, RGYA YUL DU BSOD NAMS KYI ZHING DANG, SKYE BO MTHA' DAG LA DAM PA'I CHOS KYIS BKA' DRIN MDZAD ? PA'I SLAD DU SPYAN 'DREN PA'I GSOL BA NAN CHER 'DEBS PA LA, GSER YIG PA T'A ZHING BZHIS MGO BYAS BRGYA PHRAG MANG PO MNGAGS BYUNG BA LA, DANG POR CUNG ZAD DBEN PA 'DRAR MNGON CHUNG BAR BZHUGS TE, GSER YIG PA RNAMS MJAL DU MA @43B GNANG, RJES SU MI DBANG GRAGS PA RGYAL MTSAN PAS GTZO MDZAD, DPON NAM MKHA' BZANG PO BA DANG BCAS PA NGO CHEN LA SBRAN NAS, GSER YIG BRNAMS MTSI ? MA BYUNG ZHING, ZHU BA NAN GYIS PHUL BAS SE RVAR PHEBS, MJAL KHA GNANG, 'BUL BA RNAMS BZHES, RGYA YUL LA 'BYON PA DGAG BYA CHE ZHING DGOS PA CHUNG BA'I RGYU MTSAN DANG BCAS PA'I ZHAL TA NAN CAN ZHIB PAR BYON NAS, SPYAN MA 'DRONGS PAR GSER YIG PA RNAMS PHYIR LA THEGS, DE NAS SE RVAR, RTZA SHE, DRANG NGES RNAM 'BYED, BZHI BRGYA PA, GSANG SNGAGS LAM RIM, RTZA LTUNG DANG, BLA MA LNGA BCU PA LA SOGS PA'I BSHAD PA ZHIB PAR GSUNGS SHING, BYANG CHUB LAM GYI RIM PA'I KHRID KYANG GNANG, SDE SNOD 'DZIN PA CHEN PO GSANG BDE DANG, DGA' SKYOR ZUL GSUM GYI GDAN SA PA, THANG SAG PA'I GDAN ZUR LA SOGS PA DGE BA'I BSHES GNYEN DRUG BRGYA TZAM RE 'DUS, SNE'U NAS DBYAR GNAS KYI BDAG RKYEN DANG, DPON SLOB RNAMS KYI SPYI SGOS KYI ZHABS TOG PHUN SUM TSOGS PA MDZAD, DE LTAR SER CHOS SDINGS SU LO GNYIS TZAM BZHUGS NAS, DGAG DBYE THON PA DANG, MI DBANG GRAGS PA RGYAL MTSAN PAS GSOL BA BTAB PA LA BRTEN NAS, SKYID SMAD GRUM BU LUNG DU PHYAGS BTEG ,PHYAG PHYIR BYON PA'I BSHES GNYEN LNGA BRGYA TZAM RE LA PHYOGS DANG ZHABS TEG PHUL DU BYUNG BA MDZAD CING, GZHAN YANG PHYOGS THA DAD NAS DAM PA'I CHOS KYI GSUNG GI BDUD RTZI LEN PA LA 'DUS PA DANG BCAS PAS, DGE 'DUN STONG LONGS PA TZAM RE TSOGS SHING, DGUN BZHUGS DER MDZAD, LAM RIM DANG BDE MCHOG LA'U AI PA'I SGRUB @44A *, ,THABS DANG, MA RGYUD KYI RDZOGS RIM SOGS RGYAS PAR GSUNGS, SE RVA NAS PHYAG MI 'DEGS PA'I GONG TZAM NAS, LHA SAR SMON LAM CHEN MO MDZAD PA'I THUGS KYI 'DUN PA BTANG, DPON NAM MKHA' BZANG GO BA LA'ANG ZHAL TA BYON, KHONG PAS KYANG LHA SA'I DKYIL 'KHOR STENG DANG SENG G-YAB SOGS KYI ZHIG GSOS RLABS CHEN MDZAD CING, SMON LAM GYI MCHOD PA'I YO BYAD RNAMS KYI STA GON YANG LEGS PAR MDZAD, GZHAN YANG GRUM BU LUNG DU BZHUGS KYI RING LA, 'BRI KHUNG DANG RVA SGRENG TSUN CHOD ,'OL KHA YAN CHAD KYI SDE DGON, MI CHEN YON BDAG BU SLOB KYI TSEGS LA DAD 'BUL BSKUL BA PHYOGS PHYOGS SU MNGAGS PA SOGS KYI ZHAL TA DANG, THUGS RTZOL CHER MDZAD CING, MI DBANG GRAGS PA RGYAL MTSAN PA LA'ANG ZHAL TA ZHIB PAR BYON, DE LTAR MDZAD PAS THUGS RJE'I SHUGS KYIS DAD 'BUL BA MTHA' YAS SHING DPAG PAR DKA' BA BYUNG, DPON SLOB RNAMS RANG LA'ANG, SMON LAM GYI THUGS 'DUN MDZAD PHYIN CHAD PHYAG TU YO BYAD CI BYUNG PHAL CHER SMON LAM PHYI CHAS LA BSNGOS, DE NAS GRUM BU LUNG NAS PHYAG MI 'DEGS PA'I GONG TZAM NAS, LHA SAR ZHAL TA MDZAD DE, LHA BZO BA MANG DU BSAGS, TSEN RTZI GSER SHOG SOGS MTHA' YAS PA 'DZOM PAS, LHA SA'I BRIS SKU DANG SKU 'BUR DU DED PA THAMS CAD DRI MAS SPAGS NAS 'GA' ZHIG GI SKU MDOG TZAM YANG JI LTAR YOD NGES DKA' BAR GYUR PA RNAMS, DRI BZANG GI CHU LA SOGS PAS LEGS PAR BKRUS SHING, DAG BYED KYI RDZAS KHA NA MA THO BA MED PA RNAMS @44B KYIS LEGS PAR DAG PAR BGYIS TE, SLANG TSON BZANG PO RNAMS KYIS LEGS PAR GSOS SHING, GSER SHEG LA SOGS PAS LEGS PAR SPRAS TE, GSAR DU BZHENGS PA LTA BUR MDZAD, GZHAN YANG BZO RIGS PA DU MA BSAGS NAS, GOS DAR GYI DAD 'BUL BYUNG BA RNAMS LA SKU GZUGS RNAMS KYI NA BZA' DANG, BA DAN 'TSEM PA SOGS KYI STA GON RNAMS LEGS PAR MDZAD DE, BYI BA LO ZLA BA BCU GNYIS PA'I SMAD LA LHA SAR PHYAG PHEBS, GNAM GANG GI NYIN SNYAN GSAN 'BEBS PA'I MCHOD PA MDZAD, DGE 'DUN STONG PHRAG BRGYAD LHAG TZAM BYUNG BA LA, DPON SLOB RNAMS RANG GIS SBYID BDAG MDZAD NAS, MI RE LA MAR LHA SA'I SRANG GI NYAG BZHI MA TZAM RE DANG, JA DKAR ZHO DRUG CU RTZA BA GRANGS PA'I MANG JA DANG BCAS PA'I TSUGS STON DRANGS, GLANG GI LO ZLA BA DANG PO'I TSES GCIG NAS BCO LNGA'I BAR DU CHO 'PHRUL CHEN PO'I DUS KYI MCHOD PA DNGOS GZHI MDZAD PA LA, JO BO RIN PO CHE'I DRUNG DU, DE BZHIN GSHEGS PA RIGS RNAM PA LNGA 'PHUL LAS BTEN PA DAR DPYANGS DANG BCAS PA'I DBU RGYAN RGYU GSER BZANG PO 'BA' ZHIG LAS BSGRUBS PA, RIN PO CHE NAL DANG, MU TIG DANG, G-YU LA SOGS PA'I PHRA BZANG PO BKOD PAS MDZES PAR BYAS PA DANG, JO BO MI BSKYOD PA DANG BCU GCIG ZHAL LA, DNGUL BZANG PO LAS BYAS PA'I DBU RGYAN PHUN SUM TSOGS PA DANG BCAS PA PHUL ZHING, JO BO RIN PO CHE'I DRUNG DU DNGUL GYI LHUNG BZED CHE TSAD DU LONGS PA, DE'I KHA LA 'TSAM PA'I DNGUL GYI MAndAL @45A *, ,DANG BCAS PA DANG, JO SH'AKA ZHAL GNYIS BCU GCIG ZHAL DANG BCAS PA LA CHO 'PHRUL GYI RING NYIN RE ZHING ZHAL GSER, TSES BRGYAD DANG BCO LNGA LA SKU YONGS RDZOGS KYI GSER CHAB DANG BCAS PA PHUL ZHING, JO SH'AKA ZHAL GNYIS DANG THUB PA GANGS CHEN MTSOS GTZO MDZAD SPRUL SKU'I RNAM PA CAN GYI SKU 'BUR DU DOD PA THAMS CAD LA, GOS DAR PHUN SUM TSOGS PA LAS BYAS PA'I BLA GOS DANG SNAM SBYAR DANG, SEMS DPA' DANG SEMS MA BCU DRUG LA SOGS PA DANG KHRO BO'I RNAM PAR BZHUGS PA LA SOGS PA RNAMS LA NI DAR CHEN DANG, GAN GOS LA SOGS PA'I STOD G-YOGS DANG SMAD G-YOGS DANG, GZHAN YANG GTZUG LAG KHANG CHE CHUNG RNAMS KYI TOG DANG BYA 'DAB LA SOGS PA'I RTZE ZUR PHAN TSUN DU THAG GUS SBREL BA THAMS CAD LA BA DAN DANG RNGA YAB DANG DRIL BU LA SOGS PAS BAR MA CHAD PAR MDZES PAR BYAS SHING, PHYI'I SKOR LAM CHEN MO'I PHYI ROL NAS SHING CHEN PO 'PHANG SHIN TU MTHO BA RNAMS LA GOS DAR SOGS LAS BYAS PA'I BA DAN CHEN PO 'JIGS SU RUNG BA LA PHYOGS SKYONG DE DANG DE'I SKUS TOG LA BRGYAN CING, DE DANG DE'I SNGAGS BA DAN NYID LA BRIS PA BCO LNGA PHYOGS SKYONG BA BCO LNGA PO RANG RANG GI KHA DOG DANG MTHUN PA RANG RANG GI PHYOGS SU LEGS PAR BTZUGS NAS NUB RE ZHING DE DAG GI RTZA BA'I GTOR STEGS KHAR PHYOGS GTOR GTONG BA DANG, DE DAG GI BAR BAR DU GDUGS DKAR LA SOGS PA'I RGYAL MTSAN RANG @45B RANG GI CHO GA BZHIN DU LEGS PAR BTZUGS SHING, BA DAN DANG RGYAL MTSAN DE DAG GI SHING RNAMS THAG GUS SBREL BA LA 'PHAN DANG RNGA YAB DANG, DRIL BU LA SOGS PAS BAR MA CHAD PAR MDZES PAR BYAS PA NI 'JA' TSON KUN NAS BKRA BAS NAM MKHA' LAM KHYAB PAR BYAS PA LTA BU DANG, GZHAN YANG, NYIN PAR YANG KHYAMS NANG MA YAN CHAD LA DKAR ME BRGYA PHRAG BZHI RE TZAM DANG, BAR SKOR LA BRGYA PHRAG LHAG PA DANG, PHYI SKOR LA RDO RING GI 'GRAM, JO BO RIN PO CHE'I ZHAL GYI DRANG THAD DU, KONG BU CHEN PO GRU BZHI PA, PHYOGS RE LA 'DOM TSAD MA GSUM GSUM YOD PA, DE NYID MAR GYIS LEGS PAR BKANGS PA LA 'TSAM PA'I SDONG BU LAS 'BAR BA'I ME LCE NI GSER GYI MCHOD SDONG GIS NAM MKHA' LAM 'GOG PAR BYED PA LTA BUS THOG DRANGS, RDZA'I KHOG MA CHEN PO MAR GYIS BKANG BA'I SDONG BU MI CHEN PO'I LAG PA'I SBOM TZAM LA, 'PHANG MDA' TSAD LHAG TZAM GYI MAR YA BAR THAG 'TSAM PAR BKOD PAS PHYI SKOR GYI PHYI RIM 'KHOR BA DANG, GZHAN YANG NGA MO CHE, KLU PHUG ,PO TA LA, GUNG THANG RNAMS SU'ANG DKAR ME DU MA DANG, MTSAN MO NI, BAR SKOR GYI RTZIG 'GRAM 'KHOR BA DANG, KHYAMS GRVA PHYI MA'I KA CHER JI LTAR YOD PA BZHIN DU MAR ME'I PHRENG BA BKOD PAS MIG GIS BLTA BA TZAM YANG BZOD DKA' BAR BYAS TE, JI LTAR SA CHEN PO LA MNGON PAR BRIS PA'I SGRON ME'I PHRENG BAS, LHA'I LAM LA 'KHRIGS PA'I RGYU SKAR GYI TSEGS LA 'PHYA BA @046A *, ,GSAL BAR BYED PA'I SO SO'I 'OD ZER GYIS, MTSAN GUNG LA BAB PA'I MUN PA'I TSOGS DPUNG DANG BCAS PA'ANG RAB TU ZHUM ZHING NGO TSA BAS SA'I 'OG TU SONG STE KUN GYI MIG LAM DU MI MNGON PAR GYUR TO, ,DE'I PHYIR, RA MO CHE DANG PO TA LA TSUN CHAD KYI LCANG MA'I LCUG PHRAN GZHON NU DAG GI RANG RANG GI LUS KYI GRIB MA'ANG NYIN MO JI LTA BAR, SA LA 'BAB PAS NYIN MTSAN KHYAD PAR MI PHYED PA LTAR DU GYUR CING, RGYU SKAR GYI TSOGS NI NYI MA BRGYA PHRAG MANG PO CIG CAR SA GZHI LAS THON PAR GYUR TO SNYAM DU 'JIGS PA LHUR LEN PA'I BAB COL GYIS, MTSAN PHYED LA NAM MKHA' LAM BTANG STE RGYA MTSO CHEN POR BROS PA LTAR, MTSAN MO'I GUNG LA'ANG, STENG DU MNGON PAR BLTAS PA NA, NAM MKHA' MAR ME'I 'OD KYI GOS DANG BCAS PAS KHA DOG DMAR SKYA NYID DU MTHONG BA MA GTOGS SKAR MA GCIG GI GZUGS KYANG MTHONG BA'I YUL LAS 'DAS PAR GYUR TO, ,GZHAN YANG YON CHAB BRGYA PHRAG BRGAL BA NYIN RE ZHING GSAR DU MNGON PAR BSHAMS PA RNAMS LA NYIN RE ZHING KHA CHE GUR KUM SBANGS PA'I KHU BAS KHA LEGS PAR BSGYUR BA'I GUR KUM GYI RO MA NI NYIN RE LA'ANG BRES GZHAL DGOS PA DANG, GZHAN YANG SPOS KYI RGYAL MTSAN DANG, GDUGS DANG, SPOS SNOD THA DAD DU MNGON PAR BSREGS PA LA SOGS PA'I DRI BZANG POS PHYI ROL GYI KHOR YUG THAMS CAD DU'ANG NYIN MTSAN GNYIS KA MNGON PAR KHYAB CING, DU BA RNAMS NI BAR SNANG LA SPRIN GYI SNA RING PO DAG PHAN TSUN MDUD PA'I LDA LDI @046B BRIS PA LTA BU, THON PHYI SKOR GYI SKOR LAM RNAMS KYANG SPOS KYI CHUS CHAG CHAG BTAB PAR BYAS NA, GZHAN LTA CI SMOS, ZHAL ZAS MDA' TSAD LHAG TZAM LA MAR GYI RGYAL SRID RIN PO CHE SNA BDUN LA SOGS PA'I RGYAN YID 'PHROG PAS BRGYAN PA BRGYA RTZA BRGYAD RE NYIN RE ZHING GSAR PA GSAR PA PHUL ZHING, KONG BU CHEN PO'I G-YAS G-YON DU SA STEGS LA, RTZAM PA KHAL BZHI BRGYA RE LAS BYAS PA'I LHA BSHOS RGYAN BZANG PO DPAG TU MED PAS SPRAS PA, 'PHYAR DAR BTZUGS PA DANG BCAS MA MNGON PAR BSHAMS PA'I ZHAL ZAS RNYING PA RNAMS NI BDAG GIR BYED PA MED PAR SKYE BO PHONGS PA SPRANG PO'I TSOGS LA LTOS PA MED PAR BYIN PAS, PHONGS PA DAG KYANG BKREN PA'I 'DU SHES KYI 'CHING BA LAS GROL NAS BZA' BTUNG GIS TSIM PA LHAG PAR THOB PAS SLAR BZA' BA YID LA MI BYED PA LTA BUR GYUR TO, ,GZHAN YANG MCHOD PA'I BYE BRAG MTHA' YAS PA DANG, RGYAL SRID RIN PO CHE SNA BDUN LA SOGS PA'I BKOD PA YID 'PHROG PA DPAG TU MED PA DANG BCAS PAS MNGON PAR MCHOD DE, RJE BLA MA NYID KYI ZHAL SNGA NAS SNGAGS DANG PHYAG RGYA DANG TING NGE 'DZIN GYIS BYIN GYIS BRLABS NAS, MDO SDE DANG RGYUD SDE NAS BYUNG BA'I CHO GA RNAM PAR DAG PAS MNGON PAR MCHOD CING, BSTAN PA DANG SEMS CAN 'BA' ZHIG LA DGONGS PA'I THUGS KYI SHUGS DRAG POS BSTAN PA RGYAS PA DANG SEMS CAN LA PHAN BDE 'BYUNG BA'I SMON LAM RNAM PAR DAG PA NYIN RE ZHING MDZAD LA, DGE 'DUN SKYE BO'I TSOGS DANG BCAS PA LA NYIN RE ZHING SLOB DPON DPA' BOS MDZAD PA'I SKYES RANGS KYI CHOS THUN RE GSUNGS SO, ,DE'I TSE, LHA MCHOD MI @047A *, ,MCHOD RNAMS KYI MTHIL LEN, PHYOGS PHYOGS NAS 'DUS PA'I BLA MA DGE BA'I BSHES GNYEN, MI DBON SO SO, DAD 'BUL SKYEL BA LA BYON PA SO SO, BZO RIGS PA SO SO LA SOGS PA THAMS CAD KYI SNA LEN CHAS KA SOGS KYI MTHIL LEN, DPON NAM MKHA' BZANG PO KHU DBO GYIS THUGS DAD PA DANG GTONG BA RGYA CHEN POS GUS PAR BSGRUBS SHING, BDAG PO CHEN PO MI DBANG GRAGS PA RGYAL MTSAN PAS KYANG MCHOD PA RNAMS KYI MTHIL LEN GYI THUGS KHUR CHER BZHES PA DANG, GZHAN YANG 'BRI KHUNG SOGS KYI DAD 'BUL DANG, BSNYEN BKUR MANG BAS, ZHAG BCU DRUG PO'I RING LA, DGE 'DUN KHRI RVA CAN TZAM RE'I TSA DRO, TSA JA DRO JA DANG BCAS PA 'CHAG MED DU BYUNG ZHING, TSA DRO LA DGE 'DUN TSOGS PA'I TSE BSOD NAMS CHE BA LA DGONGS NAS, GRAL DU TSA DRO MI BZHES PAR SKOR BA MDZAD PA'I DGE 'DUN YANG STONG LHAG TZAM RE YONG BAR NGES SO, ,DE BAS KYANG SKYE BO MI NAG PA'I TSOGS 'DUS PA NI SHIN TU MANG STE KHRI PHRAG BGRANG PA YOD PAR MNGON LA, THUGS RJE'I SHUGS KYIS, DE TZAM DU TSOGS PA'I SKYE BO THAMS CAD KYANG, PHAN TSUN TSIG RTZUB MOS 'THAB MO MNGON TSAN CAN BYED PA NI GCIG KYANG MA MTHONG ZHING, SKOR BA GZHAN GYI SKABS LTAR GLU GZHAS DANG RKANG BRO DANG CHANG 'THUNG BA LA SOGS PA BAG MED PA DAG KYANG LHUR MI BYED KYI, GZHAN DU NA THAMS CAD RANG BZHIN GYIS RGYUD 'JAM PA DANG, DAD PA DANG, DGE BA LA SPRO BA SOGS KYI GZHAN DBANG DU GYUR PAS NYIN MTSAN KHOR YUG TU, CHOS NYAN PA DANG, @047B PHYAG DANG SKOR BA DANG, SMON LAM 'DEBS PA DANG, GZUNGS KHA TEN DU BYED PA SOGS 'BA' ZHIG GIS DUS 'DA' BAR GYUR CING, DE YANG MTSAN PHYED LA BAB PA'I DUS RANG NA PHYI SKOR BYED PA NYIN MO LAS CUNG ZAD NYUNG BAR MNGON PA TZAM MA GTOGS, SKOR BA BYED PA BAR CHAD PA NI CUNG ZAD KYANG MA BYUNG NGO, ,DE'I TSE NYAMS SNANG BZANG PO RANG YOD PA'I THUGS DAM PA ZHIG GI MNAL LAM DU, BUD MED CHEN MO ZHIG GIS LAG PA GNYIS KYIS GTZUG LAG KHANG LA 'KHYUD 'DUG ,CI BYED BYAS PAS ME'I GNOD PA BSRUNG BA YIN ZER BA ZHIG RMIS 'DUG ,DE'I PHYI DE NUB, KONG BU CHEN MO'I MAR PHAL CHE BA RDZOGS, MAR GSAR PA MA BLUGS PA'I MTSAMS SHIG TU, KONG BU'I NANG GI RAS RDOG RDOG RNAMS DANG MAR LHAG MA DANG BCAS PA THAMS CAD LA ME 'BAR NAS SHIN TU CHE BA'I ME'I PHUNG POR GYUR TE, SKYE BO THAMS CAD 'JIGS SKRAG TU GYUR PA LA, RJE'I ZHAL SNGA NAS DE MA KHAD GZIM KHANG DU BYON SONG NAS THUGS DAM LA BZHUGS PAS, RLUNG GCIG KYANG MED CING THABS RNAMS KYIS KYANG BZLOG SHIN TU SLA BAR BYUNG NAS DE MA KHAD ZHI ZHING GNOD PA CUNG ZAD KYANG MA BYUNG NGO, ,DE LTAR LHA MCHOD MI MCHOD KYI CHOS PHYOGS KYI DAD 'BUL DANG BCAS PA THAMS CAD RAGS PA TZAM ZHIG BRTZIS NAS PHYOGS GCIG TU DRIL BA LA, GSER ZHO DGU BRGYA DANG NYER GCIG ,GSER ZHO PHYED DANG LNGA BRGYA'I DNGUL, MAR KHAL KHRI TSO GSUM, STONG PHRAG BDUN DANG DRUG CU THAM PA, NAS RTZAM KHAL KHRI TSO GCIG ,STONG PHRAG BRGYAD DANG NYIS BRGYA DANG BCU GCIG ,JA DKAR ZHO BZHI BRGYA DANG BCU DRUG , @048A *, ,JA NAG SIGS BRGYA DRUG CU RE GSUM, BU RAM KA RA LTANG BCO BRGYAD, SHA SKAM KHOG PA NYIS STONG DANG BRGYA BDUN CU DON GNYIS, 'PHAN DANG RGYAL MTSAN CHEN PO SO GSUM, NA BZA' DANG GOS BTZEMS MA SUM CU, GOS DAR YUG NYIS BRGYA DANG DGU BCU, RAS YUG BDUN BRGYA SO GCIG ,KA DAN BSGRIL MA LNGA BCU LHAG GCIG ,G-YU RNYING RDOG PO CHE CHUNG 'DRES PA DRUG CU LHAG TZAM, MDZO RTA SOGS KYI RIN GONG BRTZIS PA SMAR ZHO NYES STONG DANG DON GSUM, SDONG RAS LA PHUL BA'I JA THER BCU BZHI, SPOS DKAR KHAL NYI SHU RTZA GCIG ,BLA BRE BTZEMS MA GSUM, SPOS RENG MDA' TSAD MA KHRI TSO GSUM DANG SUM STONG NYIS BRGYA BDUN CU, SPANG SPOS DANG DRI BZANG BSRES PA PHAD BU CHEN PO NYER LNGA, GZHAN 'DIR MA BRTZIS PA'I PHRAN TSEGS MTHA' YAS MOD, 'DI RANG GE DKAR CHAG CHEN MO LOGS SU MDZAD PAR BLTA BAR BYA'O, ,DE NAS TSES BCU DRUG GI NYIN GROL STON BZANG PO DANG SMAR DRUG NAM RE'I 'GYED DANG BCAS PA MDZAD CING, DE LTA BU'I SMON LAM BSAM LAS 'DAS PA'I SGO NAS BSTAN PA DANG SEMS CAN KUN GYI GSOS SU 'GYUR BAR MDZAD CING, DE'I TSE THUd DAM PA NYAMS SNANG SHIN TU BZANG PO ZHIG GI MNAL LAM DU, LHA SA'I NYE SKOR GYI SA GZHI LAS SKYE BO'I TSEGS GRANGS LAS 'DAS PA THON NAS, THAMS CAD NAM MKHA' LA YAR THAL BYUNG DU 'GRO YI 'DUG ,'DI CI YIN BYAS PAS, NGED RNAMS JO BO RIN PO CHE LA 'DI LTAR MCHOD PAS TSANGS PA'I 'JIG RTEN DU 'GRO @048B BA YIN ZER BA DE 'DRA BA'I RMI LAM YANG BYUNG 'DUG CING, DE YANG 'GA' ZHIG NI 'DI SKAD DU GLENG STE, SNGON CHOS RGYAL SRONG BTZAN SGAM POS KA BA SHING LO CAN DU GTER DU SBAS PA'I DKAR CHAG GI SHOG DRIL, JO BO CHEN PO DPAL LDAN AA TI SHA LA MKHA' 'GROS LUNG BSTAN TE GTER NAS BYUNG BA LA SHOG DRIL GSUM YOD DE, BLON PO RNAMS KYIS MDZAD PA'I ZLA BA 'OD 'JO, JE MO RNAMS KYIS MDZAD PA'I DANG DKAR GSAL BA, RGYAL PO RANG NYID KYI BKA' CHEMS CHEN MO KA KHOL MA'O, ,DE LA RGYAL PO RANG GI BKA' CHEMS DE'I NANG NAS BSTAN PA LA BYA BA MDZAD PA DANG, JO BO RIN PO CHE LA MCHOD PA MDZAD PA'I SKYES BU DAM PA 'DI 'DRA BA 'BYUNG BAR 'GYUR ZHES PA'I LUNG BSTAN MANG DU YOD PA LA, KHONG RANG GI BRGYUD PA'I RGYAL PA 'BYON LUGS DANG, LO CHEN RIN BZANG 'BYON PAR LUNG BSTAN PA'I RJES NAS RNGOG LO CHEN PO LUNG BSTAN, DE NAS DE'I LEGS BSHAD NYAMS TE, CI YANG YID LA MI BYED PA LAM GYI MCHOG YIN ZER NAS KUN RDZOB KHYAD DU GSOD PA'I LTA NGAN DAR BAR 'GYUR BAR LUNG BSTAN, BAR SKABS SU DRAGS PO LHA RJE KHU DBON GYIS LHA SA LA ZHIG GSOS DANG ZHABS TOG PHUN TSOGS MDZAD PAR LUNG BSTAN, DE NAS DUS 'PHYI MO NAS, RIGS PHA LA MKHAS PAS GONG GI LTA NGAN DE LTA BU CUNG ZAD NYAMS PAR BYED PAR LUNG BSTAN CING, DGE SLONG BYANG SEMS RDO RJE 'DZIN PA ZHIG GIS JO BO'I ZHAL BSGYUR ZHING MCHOD PA PHUL DU BYUNG BA MDZAD PAR LUNG BSTAN PA NI RJE BLA MA 'DI NYID YIN NO @049A *, ,ZHES ZER TE, JI SKAD DU, BKA' CHEMS LAS, DE NAS KHYAD PAR BSNYEN BKUR CHER MDZAD PA, DGE SLONG BYANG SEMS SHAR PHYOGS SKU 'KHRUNGS PA, ,GSANG SNGAGS 'TSANG ZHANG RNAL 'BYOR CHEN PO NI, ,SNYING PO'I MTHA' BRTEN SKYES CHEN DAM PA NI, ,ZHAL YANG BSGYUR ZHING BSNYEN BKUR DAM PA MDZAD, ,DE LA BSNYEN BKUR CHER BYED DE DAG NI, ,'PHAGS PA'I GANG ZAG DGE SBYONG SHA STAG GO ,ZHES 'BYUNG NGO, ,ZHAL YANG BSGYUR ZHES PA NI, JO BO RIN PO CHE'I ZHAL SNGON DBU RGYAN DANG MI LDAN PA LAS DBU RGYAN DANG BCAS PA NYID DU BSGYUR BA'O, ,DE YANG 'KHOR LA 'BYON PA RNAMS 'BYON BZHUD MANGS PAS CUNG ZAD THUd SUN NAS, DBEN DGON ZHIG 'DINGS PA'I ZHU BA SNGA MO NAS 'BUL KYIN YOD PAS, DE'I TSE SDE PA DANG YON BDAG BU SLOB SO SO NAS DGON PA RNYING PA 'BUL BA DANG, GSAR PA 'DINGS BA'I BDAG RKYEN BYED ZER NAS GSOL BA 'DEBS PA MANG DU BYUNG BA DE RNAMS GANG BZANG, JO BO RIN PO CHE'I DRUNG DU GSOL BA BTAB NAS, MAR ME DANG MNAL LAM SOGS KYI LTAS BRTAGS PAS, THAMS CAD KYI NA'A NAS 'BROG RI BO CHE BZANG BAR BYUNG STE, SMON LAM GROL BA DANG RJE NYID KYIS KYANG ZHABS KYIS BCAGS, DE NAS DPYID SNGON MA SE RVA CHOS SDINGS SU BZHUGS, SDE SNOD 'DZIN PA DRUG BRGYA RE TZAM LA, RTZA SHE DANG, TSUL KHRIMS LE'U DRANG, SGRUB THABS KUN BZANG DANG, LAM RIM LA SOGS PA MDO SNGAGS KYI CHOS MANG DU GSUNGS, @049B DE NAS SPYAN SNGA RIN PO CHE BSOD NAMS BZANG PO BAS GSOL BA NAN CHER BTAB PA LA BRTEN NAS, DPYID RTING MA RJE'I ZHAL SNGA NAS DPON SLOB NYIS BRGYA TZAM GYIS ZANGS RI'I PHU MCHIN DU BYON, SPYAN SNGA RIN PO CHE BSOD BZANG BA DANG, MKHAN CHEN RGYAL BZANG BAS GTZO MDZAD PA'I THEL PA'I RI DGE MANG PO DANG, GZHAN YANG SDE SNOD 'DZIN PA MANG DU 'DUS PA RNAMS LA, LAM RIM LA SOGS PA'I CHOS MANG DU GSUNGS, SLOB DPON DKA' BCU PA DANG, SLOB DPON 'DUL 'DZIN PA RNAM GNYIS KYIS THOG MA MDZAD PA'I DGE 'DUN PHAL CHE BAS 'BROG RI BO CHER BYON TE DGE LDAN RNAM PAR RGYAL BA'I GLING BTAB, PHYOGS KYI YON BDAG DANG, NYE SKOR GYI BAN SKYA'I SDE PA THAMS CAD KYIS DANG BSLANGS SOGS TSAD MED PA, DGA' SPRO DANG BCAS PAS BSGRUBS NAS DA GA'I LO LA GZIMS KHANG GIS THOG DRANGS BRANG KHANG RDZOGS PAR GRUB PA BDUN CU LHAG TZAM DANG, GZHI BTING BA BRGYA PHRAG BRGAL BA BYUNG, BRANG KHANG SO SO PHAL CHE BA LA'ANG, 'DUL BA NAS JI LTAR GSUNGS PA BZHIN DU, DANG POR GZHI BRTAG PA DANG, BRTAGS NAS DGE 'DUN LA GSOL BA DANG, DE NAS DGE 'DUN GYIS GNANG BA SBYIN PA DANG, LAG GI BLA SKO BA DANG, RDO BTEG PA'I MTHA' LAS BYUNG BA'I RUNG KHANG GCOD PA DANG, KHANG PA'I TSAD LAS MA LHAG PAR RTZIG PA SOGS KYI PHYAG LEN DAG THER CAN MDZAD PAS MKHAR LAS KYI PHYAG LEN TZAM GYIS KYANG BSTAN PA RIN PO CHE GSAL BAR MDZAD DO, ,RJE NYID KYIS DE'I DBYAR GNAS 'OL KHA BAS GDAN DRANGS NAS @050A *, ,'OL KHA BSAM GTAN GLING DU MDZAD, 'OL KHA DANG DVAGS PO SOGS KYI RAB BYUNG MANG PO DANG BCAS PA LA CHOS MANG DU GSUNGS, GNYAL GYI DGE BSHES 'DAS PAS, KHONG RANG GI KHA CHEMS BZHAG PA'I LUGS LTAR, 'BREL PA SHUL NA MCHIS PA DAG GIS KYANG G-YO ZOL MED PAR RJE BLA MA NYED LA MGUR MO'I GSER PHYE MA ZHO STONG PHRAG GCIG GIS THOG DRANGS DNGUL LA SOGS PA'I 'BUL BA DPAG TU MED PA BYAS, STON KA'ANG PHYOGS DER RANG GZHAN GYI DON RGYA CHEN PO MDZAD NAS, STAG LO ZLA BA GNYIS PA'I TSES LNGA LA RI BO DGE LDAN RNAM PAR RGYAL BA'I GLING DU PHYAG PHEBS, LAM RIM GSANG 'DUS SGRON GSAL RIM LNGA DANG BCAS PA GSUNGS SHING, MNGON PA KUN LAS BTUS DANG SA SDE LA SOGS PA'I 'GANGS KYI RNAM GZHAG DANG, TSAD MA'I DKA' GNAD KYANG MANG DU GSUNGS, DPAL GSANG BA 'DUS PA'I BSHAD RGYUD LHA MO BZHIS ZHUS DANG YE SHES RDO RJE KUN LAS BTUS GNYIS KYI RNAM BSHAD RGYAS PA'I RTZOM PA'ANG MDZAD, DE'I PHYI LO DE RIM PA LNGA RAB TU GSAL BA'I SGRON ME ZHES BYA BA'I LEGS PAR BSHAD PA'I GTER CHEN PO DE NYID DANG, RIM LNGA GDAN RDZOGS KYI KHRID YIG DANG BCAS PA'ANG MDZAD NAS, THEG PA CHEN PO'I CHOS KYI 'BYOR PA DPAG TU MED PA STZAL BAR MDZAD DE, DE NAS DGUNG LO LNGA BCU NGA BDUN PA'I STENG DU SKU TSE'I BAR CHAD CHEN PO YOD PA'I MTSAN MA DE'I LO BCU BZHI'I GONG DU RJE BLA MA RANG NYID KYIS JI LTAR DGONGS PA BZHIN DU 'KHOR GYI THOG MA 'GA' ZHIG LA @050B ZHAL TA GNANG STE, YOS BU'I LO LNGA BCU RTZA LNGA PA'I DGUN STOD NAS, RJE BLA MA RANG NYID KYIS GTZO MDZAD DPON SLOB SUM CU RTZA BGRANGS KYIS, SKU TSE 'PHEL BA DANG BAR CHAD ZLOG PA'I THABS, DPAL RDO RJE 'JIGS BYED KYI RGYAS PA'I 'KHRUL 'KHOR MANG DU MDZAD NAS, SKU MTSAMS DAM PAR BCAD DE, SNGA DRO RGYAS PA'I BZLAS SGOM, PHYI DRO PHYIR ZLOG GI BZLAS SGOM SHUGS DRAG LA RGYUN RING BA MDZAD PAS, RJE'I ZHAL SNGA NAS, DA DUNG LAN MANG DU BYAS NA DGA' RAB YONG BA AA YIN GSUNG, NGA DRUG PA'I STENG DU PHEBS PA NA'ANG DPON SLOB BZHI BCU RTZA BGRANGS KYIS SNGAR BZHIN MDZAD NA'ANG BAR CHAD BZLOG PA'I MTSAN MA GSAL BA RANG NI MA BYUNG GSUNG, 'BRUG LO'I STON, DA YANG YANG BSHAD PA AE YOD MI SHES PAS DA LAN RGYUD SDE BZHI'I GTZO BO RNAMS KYI BSHAD PA RE SMON LAM GYI RTEN DU BYED PA YIN GSUNG BA LA, 'KHOR GYI THOG MA RNAMS KYIS BKA' BGROS NAS, NGA MTSAN MA NGAN PA'I LO DUS KYIS GTUGS PAS, RJE'I ZHAL SNGA NAS SKU MTSAMS DAM PAR BZHUGS PA THUGS RJES GZUNG 'TSAL, BDAG CAG RNAMS KYIS KYANG SKU RIM 'BAD NAS BSGRUB PAR BGYI ZHES NAN CHER GSOL BA BTAB PA LA BRTAN NAS, 'BRUG LO ZLA BA BRGYAD PA'I TSES BDUN GYI NYIN NAS RJE'I ZHAL SNGA NAS GTZO MDZAD DPON SLOB SUM CU RTZA BGRANGS SKU MTSAMS LA BZHUGS SHING, DE NAS DRAG SHOS RNAMS RIM GYIS SKU MTSAMS LA BZHUGS NAS SNGAR BZHIN SKU RIM BSGRUBS NA'ANG, ZLA BA BCU GCIG PA'I NANG NAS SKU KHAMS @51A *, ,CUNG MI BDE BA ZHIG BYUNG STE, DE NAS BZUNG STE SKU KHAMS BSNYEL BA YUN RING DU BYUNG BA'I GNAS SKABS SU'ANG, MNAL GTAN NAS MED PA ZHAG NYI SHU RTZA RE TZAM 'THUD PA DANG, SKU'I SMAD KYI CHA LA SNYUNG ZUG TU MNGON PA RE 'GA' YOD GSUNG BA MA GTOGS, THUGS DAM ZAB MO LA MNGA' BRNYES PA'I TING NGE 'DZIN LAS G-YO BA MI MNGA' BA'I DBANG GIS, GSOL BA CHER 'GAG PA DANG, THUGS DAM LA SBYOR MI BZOD PA SOGS YE MED PAS, PHYI NAS MNGON PA'I MI BDE BA MNGON CHAN CAN RANG NI MED, DE'I SKABS SU SLOB DPON DKA' BCU PA'I ZHAL SNGA NAS GTZO MDZAD DGE 'DUN BYINGS DANG, NANG DU SKU LA NYE BAR GNAS PA 'GA' ZHIG DANG BCAS PAS LO NGO SBREL GYI BAR DU CUNG ZAD KYANG G-YEL BA MED PAR SKU'I RIM GRO NYIN MTSAN KHOR YUG TU SGRUB PA LA BSAM GYIS MI KHYAB CING, SNGON CHAD GANGS RI'I KHROD 'DIR BLA MA'I SKU'I RIM GRO BSGRUBS PA LA 'DI LTA BU GZHAN MA BYUNG ZHES MTHUN PAR GLENG LA, DE DAG GI SKABS SU DGE 'DUN GYI MANG JA DANG GDUGS TSOD LA SOGS PA'I BSNYEN BKUR, BU SLOB DANG SBYIN BDAG THAD THAD NAS BLA MA'I SKU'I RIM GRO 'BA' ZHIG LA DMIGS TE, 'DI NYID MI BZHUGS NA BDAG CAG THAMS CAD MGON DANG BRAL BAR 'GYUR RO, ,SNYAM PA'I GDUNG SHUGS DRAG POS BSGRUBS PA LA YANG TSAD MED DE, SKU RIM GYI SKABS SU DGE 'DUN GYI MANG JA 'DREN PA PHYI NANG KUN DRIL BA LA, JA DKAR ZHO STONG DRUG BRGYA LHAG TZAM ZHIG SONG 'DUG @51B COS ZER RO, ,DE LTAR THUGS DAM DANG SKU RIM GYI STOBS KYIS, SHIN TU BZLOG PAR DKA' BA'I BAR CHAD KYI MTSAN MA NGAN PA THAMS CAD BZLOG STE SKU KHAMS LEGS PAR DRANGS NAS, LHA DANG BCAS PA'I 'GRO BA YONGS KYIS DBUGS PHYIN PA THOB PAR GYUR TE, DE'I PHYI LO DE DBYAR GNAS LA MI DBANG GRAGS PA RGYAL MTSAN PAS GSOL BA BTAB NAS, 'ON GYI BKRA SHIS DO KHAR GDAN DRANGS, SDE SNOD 'DZIN PA BRGYA PHRAG DU MA LA DBU TSAD DANG LAM RIM LA SOGS PA'I CHOS MANG DU GSUNGS SHING, GDAN SA'I SPYAN SNGA RIN PO CHES THOG DRANGS, SHIN TU MTHO BA'I DPAL DANG LDAN PA KUN GYIS MCHOG TU DANG PA'I BSER BUS BSKYOD BA'I GTZUG GI PADMO ZHABS KYI NGOS LA G-YO BAS TSIM PA MED PAR GYUR TO, ,DE NAS SLAR YANG GDAN SA CHEN PO DAG LDAN RNAM PAR RGYAL BA'I GLING DU PHYAGS PHEBS, DE NAS BRTZAMS TE RIM PA BZHIN DU, DPAL 'KHOR LO BDE MCHOG L'U AI PA'I t'IKKA CHEN MO DANG, RDZOGS RIM RNAL 'BYOR BZHI LDAN GYI KHRID YIG CHE CHUNG, SGRUB THABS, DPAL GSANG BA 'DUS PA'I RTZA RGYUD DANG 'GREL PA SGRON GSAL GYI ZHUS DAG DAG THER CAN MDZAD NAS, TSIG DON SHIN TU ZHIB PAR 'CHAD PA'I MCHAN BU DANG, LE'U SO SO DANG SPYI'I DKA' BA'I GNAS RNAM PAR GTAN LA 'BEBS PA'I MTHA' GCOD DANG, DON TSAN SO SO'I DMIGS 'BYAD PA'I BSDUS DON DANG BCAS PA MDZAD CING, RGYUD SDE BZHI DANG 'BREL BA'I BSHAD PA MTHA' DAG PA RGYUN MCHAD PAR GSUNGS PAS, RGYAL BA'I BSTAN PA RIN PO CHE'I SNYING PO @52A *, ,MTHA' DAG LEGS PAR NYAMS NAS MING TZAM YANG MED PAR GYUR PA 'DI GZHI NAS BSLANGS TE LEGS PAR GSAL BAR MDZAD PAS RGYAL BA BAS KYANG BKA' DRIN CHE BAR GYUR PA YIN NO, ,DE LTA BU'I SKABS SU RJE'I ZHAL SNGA NAS, SGRUB MCHOD SOGS TSOGS KHANG DU BYAS NA DBANG MA THOB PA RNAMS KYIS KYANG DKYIL 'KHOR SOGS MTHONG BA'I DGAG BYA CHE BAR 'DUG PAS, SNGAGS KYI SGRUB MCHOD KHANG PA 'GOL BA ZHIG LOGS SU BYED DGOS PAR SNANG GSUNGS NAS, LUG LO'I DBYAR RMANG GTING SHING, DE'I MTHUN RKYEN DANG DAD BSKUL SOGS KYI THUGS 'DUN MDZAD PAS, PHYOGS PHYOGS NAS 'PHUL BA DPAG TU MED PA BYUNG ZHING, CUNG ZAD ZANGS DKON PAR YOD PA LA'ANG, GNYAL SOGS NAS ZANGS RU MANGS DANG RU GNYIS MA TZAM YAN CHANG CHE CHUNG 'DRES PA BRGYA RTZA BRGYAD DANG, ZANGS PHAN MANG POS THOG DRANGS PA'I ZANGS KYI DAD 'BUL MTHA' YAS PA BYUNG BAS, BYA LO ZLA BA GSUM PA NAS BZO RIGS PA SHIN TU MKHAS PA DU MA BSAGS TE, RTEN RNAMS BZHED BA'I BYA BA NYE BAR BRTZAMS SO, ,DE YANG GTZUG LAG KHANG KHYAMS GCANG KHANG DANG BCAS PA LA KA BA BDUN CU RTZA GNYIS KYI SA LA DBUS KYI GTZANG KHANG DU STON PA'I SKU JO BO RIN PO CHE'I SKU TSAD LAS CANG ZHIG GIS CHE BA DANG, STENG GI GTZANG KHANG DU DPAL GSANG BA 'DUS PA LHA SUM CU RTZA GNYIS, DPAL 'KHOR LO BDE MCHOG L'U AI PA LHA DRUG CU RTZA GNYIS, DPAL RDO RJE @52B DBYINGS KYI DKYIL 'KHOR CHEN PO RNAMS KYI RTEN DANG BRTEN PAR BCAS PA'I GZHAL YAS KHANG BLOS BSLANGS RNAMS RGYU RIN PO CHE 'BA' ZHIG LAS BSGRUBS PA, DE YANG GZHAL YAS KHANG DANG LHA GZHAN RNAMS ZANGS LA GSER GSOL BA, GTZO BO RNAMS DANG, PHYOGS KYI DE BZHIN GSHAGS PA DANG SNYING PO'I RNAL 'BYOR MA RNAMS DNGUL BZANG PO 'BA' ZHIG LAS BZHENGS PA'I GTZO BO YUM DANG BCAS PA RNAMS RE RE LA'ANG DNGUL BRE CHEN GNYIS LHAG RE DANG RDOR DBYINGS KYI GTZO BO LA DNGUL BRE CHEN GNYIS MA LONG TZAM DANG, 'KHOR GYI LHA BCU GNYIS LA RE RE LA'ANG DNGUL BRE CHEN BYED DANG GNYIS RE CUNG MA LONG TZAM DANG BCAS PA DANG, DE DAG LA RIN PO CHE DANG, G-YU RNYING BZANG PO DPAG TU MED PA'I PHRA BSAM GYIS MI KHYAB PA DANG, GZHAN YANG RJE BTZUN 'JAM PA'I DBYANGS, RGYAL BA TSE DPAG MED, RJE BTZUN BYAMS MGON, BCOM LDAN 'DAS RDO RJE 'JIGS BYED ZHAL PHYAG YONGS SU RDZOGS PA RNAMS KYI GSER SKU MDA' CHAD RE DANG, BCOM LDAN 'DAS MA GTZUG TOR RNAM PAR RGYAL MA DANG, GTZUG TOR GDUGS DKAR GNYIS KYI GSER SKU KHRU TSAD RE DANG, GOS DAR BZANG PO MTHA' YAS PA BRDUNGS PA'I DAR 'DAG 'BA' ZHAG LAS BSGRUBS PA'I BCOM LDAN 'DAS RDO RJE 'JIGS BYED ZHAL PHYAG YONGS SU RDZOGS PA'I SKU LA RGYAB MTHO BCU BDUN YOD PA RNAMS BZHENGS SHING, DE DAG THAMS CAD KYANG, LHA BZO'I BZO THIG DANG PHYAG TSAD PHAL PA MA YIN PAR, SH'A RI'I @53A *, ,BU DANG TSANGS PA AO dA'I BU LA SOGS PAS ZHUS PA'I PHYAG TSAD KYI YI GE'ANG MANG DU YOD MOD KYI, GTZO BOR DPAL 'KHOR LO BDE MCHOG SDOM PA 'BYUNG BA'I RGYUD KYI LE'U GCIG GIS LHA'I PHYAG TSAD ZHIB PAR STON CING, DE'I RGYA CHER 'GREL RATNA RAKshI TAS KHYAD PAR ZHIB TU GTAN LA PHAB PA DANG, DPAL GSHIN RJE'I GSHED DMAR PO DANG NAG PO'I RGYUD GNYIS KYI LE'U RE RES LHA'I PHYAG TSAD STON PA RNAMS GUNG LEGS PAR BSGRIGS PA'I THIG KHOG NAS DRANGS TE, LHA RNAMS RGYAL BAS GSUNGS BA'I PHYAG TSAD DANG LDAN PAR BZHENGS SHING, DE DAG RNAMS LA'ANG RGYU'I BYIN RLABS SOGS TSUL BZHIN DU MDZAD PAS, LUGS BTANG BA LA 'DI 'DRA BA'I LUGS 'DREN BDE BA DANG MTSAR BA SNGAR 'ONG MA MYONG ZHES LHA BZO BA DAG ZER LA, THAMS CAD KYANG BLTAS PA TZAM GYIS YID 'PHROG PAR BYED PA'I MIG GI BDUD RTZI 'BA' ZHIG NYE BAR BYON TO, ,DE DAG LAS KYANG, KHYAD PAR DU GZHAL YAS KHANG GSUM BZHENGS PA'I LUGS SNGA MA BTANG BA'I LUGS PHUD LA, DPA' BO KHAndA KA PA L'A 'JA' TSON MA BYON TE, DE YANG RGYU ZANGS YIN KYANG, LUGS KONG NAS BYON MA KHAD LA, ZANGS KYI KHA DOG YUNGS 'BRU'I RJES TZAM YANG MI MNGON PAR, SKU THAMS CAD 'OD ZER LNGA'I GONG BUR GYUR PA'I SNGON PO RNAMS NI RGYA MTHING BZANG PO'I MDANGS KYIS BSGRUN DU MED LA, DMAR PA DAG NI DA CHU BTUL MA BZANG PO'I KHA DOG LAS BDUN 'GYUR GYIS LHAG CING, DMAR SER DAG NI LI KHRI'I MDANGS MOG MOG POR BYED LA, @53B SER PO DAG NI GSER BZANG PO'I RGYAN GYI MDANGS KYANG RAG GAN LTAR BYED PA, GZHAN YANG DKAR PO DANG, LJANG KHU DANG, BCOD KYI KHA DOG SOGS DU MA SPEL BA NAM MKHA'I 'JA' TSON SKU LA 'KHYUNG PA'I RNAM PA LTA BU MIG GIS BZOD PAR DKA' BA'I 'OD ZER GYI PHUNG PO CHEN PO ZHIG BYON TE, BRAD BRDAR SOGS CUNG ZAD KYANG MA BYAS KYANG SHIN TU 'JAM ZHING GTZANG BA, SHIN TU NGO MTSAR BAR GYUR NAS, 'DI LTA BU CI ZHIG CES GZIGS SU PHUL ZHING, DAG BYED KYI RDZAS DU MAS SHIN TU DAG PAR BYI DOR BYAS KYANG, SNGAR LAS KYANG 'OD ZER RNAMS CHES CHER KHA DOG GSAL BAR GYUR NAS, LUGS KHA BCAD PA'I MTSAMS LA BLTAS PAS, ZANGS KYI KHA DOG THAMS CAD KYANG DE 'DRA BA 'BA' ZHIG TU GNAS GYUR NAS, BCAD MTSAMS 'OD ZER SNA LNGAR KHRIG GE SNANG NGO, ,RJE'I ZHAL NAS RTEN 'DI LA RGYAN DANG NA BZA' KHYAD PAR CAN PHUL LA GSOL BA THOB, BRAD BRDAR MA BYED CES GSUNG NGO, ,DE LTAR RTEN DE RNAMS DANG, GTZUG LAG KHANG DANG BCAS PA'I RAGS RIM ZHIG LO DE GA'I KHONGS SU GRUB, NYA SKOR GYI DGE 'DUN GYI SDE RNAMS DANG, LHAS KYI GRONG PA SKYE BO'I TSOGS DANG BCAS PA THAMS CAD BSAGS TE, RAB STON BZANG PO RMAD DU BYUNG BA MDZAD CING, RGYUD SNGA NAS GSUNGS PA'I CHO GA RNAM PAR DAG PAS RAB TU GNAS PAm PHUN SUM TSOGS PA RGYAS PAR MDZAD DE, DE PHYIN CHAD DBU RU STOD SMAD KYI PHYOGS KUN TU LO LEGS PA DANG, CHAR CHU DUS SU 'BAB PA DANG, BSHAD SGRUB RGYAS PA LA SOGS PA'I KHYAD PAR SNGAR LAS PHUL DU BYUNG BA'I NGO MTSAR DANG LDAN PAR GYUR TO, @54A *, ,KHYI LO LA SDE SNOD 'DZIN PA BRGYA PHRAG DU MA PHYOGS THAD THAD NAS BYAN PA DANG, GNYUG MAR GNAS PA'I DGE 'DUN DANG BCAS PA LA DGE LDAN NYED DU CHOS KYI 'KHONG LO RGYUN MA CHAD PAR BSKOR CING, DPAL GSANG BA 'DUS PA'I 'GREL PA SGRON GSAL MCHAN DANG BCAS PA DANG, BSHAD RGYUD 'GA' ZHIG DANG, RIM LNGA'I KHRING RGYAS PA DANG, SBYOR BA YAN LAG DRUG PA'I KHRID RGYAS PA DANG, DUS KYI 'KHOR LO'I 'GREL CHEN DRI MA MED PA'I 'OD KYI BSHAD PA CHES ZHIB PA DANG, GZHAN YANG DBU CHAD, BDE MCHOG ,LAM RIM LA SOGS PA'I CHOS ZAB CING RGYA CHE BA DPAG TU MED PA GSUNGS, DE'I DBYAR DANG STON LA, GTZUG LAG KHANG GI KHYAMS LA LOGS BRIS KYANG GRUB PAR MDZAD, DBU MA LA 'JUG PA'I RNAM BSHAD CHEN MO MDZAD PA'ANG LEGS PAR RDZOGS PAR MDZAD DO, ,LO DE'I GZHUG NAS THUGS KYI DGONGS PA DANG STA GON MDZAD NAS, DPAL GSANG BA 'DUS PA'I RTZA RGYUD 'GREL PA SGRON GSAL DANG BCAS PA PAR DU BRKO BA'I SBYOR BA NYE BAR BRTZAMS TE, 'BAD RTZOL MED PAR PHAG LO'I NANG DU LEGS PAR MTHAR PHYIN PAR MDZAD LA, PHAG LO LA SDE SNOD 'DZIN PA MTHA' YAS PA LA DPYID DANG DBYAR GYI RING LA, DPAL 'KHOR LO BDE MCHOG GI RTZA BA'I RGYUD LA SOGS PA'I CHOS DPAG TU MED PA GSUNGS SHING, BDE MCHOG RTZA RGYUD KYI t'IKKA RMAD DU BYUNG BA'I RTZOM PA RDZOGS PAR MDZAD DO, ,MDOR NA BDAG CAG RNAMS KYI 'DREN PA, 'JIG RTEN MA LUS PA'I MIG GCIG PU 'DI NI, LHAG PA'I LHAS DNGOS SU RJES SU BZUNG BA, DGE @54B LEGS THAMS CAD KYI RTZA BA THEG PA CHEN PO'I YONGS SU 'DZIN PAS NYE BAR BZUNG BA'I TSUL LA 'GRAN PA'I ZLA DANG BRAL ZHING, SDOM PA GSUM GYI BCAS PA PHRA ZHING PHRA BA YANG MIG GI 'BRAS BU LTA BA GCES PAR 'DZIN PAS, THUB PA'I BRTUL ZHUGS 'DZIN PA THAMS CAD KYI COD PAN, RTAG TU BSTAN PA DANG SEMS CAN 'GA' ZHIG LA DGONGS PA'I THEG PA CHEN PO'I LHAG BSAM RNAM PAR DAG PA'I RGYAL SRAS KYI SNYING STOBS RLABS PO CHE'I GZHAN DBANG DU GYUR PAS, SGO GSUM GYI KUN TU SPYOD PA PHRA ZHING PHRA BA TZAM YANG DON DU MA GYUR PA'I GO SKABS MI MNGA' BA, RIGS PA'I LAM DU NGAL BA BRGYA PHRAG LHUR BYAS PA'I MANG DU THOS PA BLO'I NUS PA MCHOG TU GYUR PA JI TZAM GYIS LEGS PAR BRTAGS KYANG GTING DPOG PAR RDO YANG MI THOGS PA'I BLO GROS KYI LUS YONGS SU RDZOGS SHING, RIGS PA DRI MA MED PA'I LAM LA LEGS PAR SBYANGS PA'I NYER LEN DAM PA, BSAG SBYANGS MTHA' YAS PA'I GROGS KYIS RGYUN LDAN DU BSKYANGS SHING, MANG DU THOS PA'I LHAN CIG BYED RKYEN BSAM GYIS MI KHYAB PAS ZIN PAR MDZAD PAS, RGYAL BA'I DAM CHOS MA LUS PA RGYAL BA'I DGONGS PA 'GREL PAR RGYAL BA NYID KYIS LUNG BSTAN BRNYES PA'I SHING RTA'I SROL 'BYED CHEN PO RNAMS KYIS JI LTAR BKRAL BA'I DGONGS DON 'BYED PA LA 'KHRUL PA'I DRI MA TZAM YANG MI MNGA' BAS BSTAN PA RIN PO CHE MI NUB PA'I RGYAL MTSAN 'DZIN PA THAMS CAD KYI NANG NA STON PA GNYIS PA LTA BUR GYUR PA YIN TE, DE YANG TSUL 'DI NI GTAM BU'I NGAG GAM SNYAN DNGAGS KYI GTAM GYIS RAB TU BTAGS TE BRJOD PA MA YIN GYI, KHO BO CAG GIS MI 'KHRUL BA'I @55A *, ,TSAD MAS LEGS PAR GRUB PA YIN NO, ,'DI CIS MNGON ZHE NA, JI LTAR RGYAL BAS LUNG BSTAN BRNYES PA'I SHING RTA'I SROL 'BYED CHEN PO DAG GI GZHUNG LUGS RNAMS LA RIGS PA'I DBANG PHYUG DAG GIS JI TZAM DPYAD KYANG KHAS BLANGS SNGA PHYI 'GAL BA SOGS KYI DRI TZAM YANG BRTAG PAR MI NUS PA LTAR, BDAG NYID CHEN PO 'DIS KYANG, MDO SDE DANG RGYUD SDE'I DGONGS PA 'GREL BA'I BSTAN BCOS SHIN TU MANG PO 'DI TZAM ZHIG MDZAD PA THAMS CAD LA'ANG, BDAG CAG GI DGE BA'I BSHES GNYEN GYI GSUNG YIN PA RGYU MTSAN DU NYE BAR BKOD PA'I RANG GI YIN PA'I 'DU SHES KYIS SGRO 'DOGS PA DANG, YID PHRAG DOG GI DUG CHUS CHES CHER MYOS PAS SKYON GDAGS PAR 'DOD PA 'BA' ZHIG GI SEMS KYIS SKUR PA 'DEBS PA GNYIS KA SPANGS TE, DRI MA MED PA'I RIGS PA'I LAM NAS 'ONGS PA'I BLOS JI TZAM LEGS PAR BRTAGS KYANG, RGYUD SDE GONG 'OG ,THEG PA CHE CHUNG, GRUB PA'I MTHA' SO SO LA SOGS PA GANG YIN PA DE'I GZHUNG LUGS DE DANG DE LAS PHYI ROL TU GYUR PAR LUNG DANG RIGS PA 'DIS GNOD DO, ,ZHES BYA BA'AM, LUGS DE NYID GZHIR BYAS PA LA'ANG, RANG TSIG 'GAL BA'I NYES PA 'DI LTA BUS REG GO ,ZHES BYA BA'I DRI TZAM YANG BRTAG PAR MI NUS PAR MNGON SUM GYIS GRUB PA 'DI NYID 'DI'I RIGS PA YANG DAG PA YIN NO, ,DE'I PHYIR TSUL 'DIS NI JI 'DRA BA'I MKHAS PA RMAD DU BYUNG BA GRAGS PA'I BA DAN GYIS MDZES PAR BYAS PA SNGON BYON PA'I CHEN PO DAG LA'ANG RANG RANG GI GZHUNG LUGS LA @55B RNAM PAR DPYAD NA, LUGS DE NYID GZHIR BYAS PA LA'ANG RANG TSIG 'GAL BA'I NYES PA LAN CIG MA YIN PAR 'BAB PA DAG MTHONG BA LAS NA, BDAG NYID CHEN PO 'DI'I BLA GROS DANG MKHYEN RAB RMAD DU BYUNG BA LA BSGRUN PAR BZOD PA'I BSHES GNYEN NI SNGON CHAD GANGS RI'I KHROD 'DIR LAN CIG KYANG MA BYON PA NYID DU KHO BOS YID CHES PA'I CHED MAS GRUB PA YIN NO, ,DE LTA MOD KYI JI TZAM MANG DU THOS PA DE TZAM DU, DE DANG DE'I DON THUGS NYAMS SU BSTAR NAS SGRUB PA SNYING POR MDZAD PAS BSLAB PA GSUM GYI MNGON PAR RTOGS PA'I YON TAN GYI CHA LA 'GRAN PA'I ZLA THAMS CAD DANG BRAL BA 'DI NI DE BAS KYANG DPAG PAR DKA' BA'I YON TAN GYI PHUNG PO YIN NO, ,DE LTAR RJE BTZUN RIN PO CHE 'DI NYID KYIS KHA BA CAN GYI LJONGS 'DIR SANGS RGYAS BCOM LDAN 'DAS KYI BSTAN PA RIN PO CHE SGO THAMS CAD NAS RNAM PAR DAG PA'I SROL CHEN PO RMAD DU BYUNG BA GZHI NAS BTZUGS SHING, CHES CHER RGYAS PAR MDZAD PA YIN TE, DE YANG SNGON CHAD BOD 'DIR RAB TU BYUNG BA DAG GIS BSGRUB CING LAG TU BLANG BA'I BYA BA'I TSUL NI 'DI LTA STE, GANG ZHIG KLOG PA KHA TON GYI TSUL LA ZHUGS NAS BSTAN BCOS CHEN PO DAG GI TSIG BLO LA LEN PA DANG, SLOB DPON LAS LUNG NAD PA DANG, DON YID LA SEMS PA DANG, BRGAL ZHING BRTAG PA DANG 'BEL BA'I GTAM GYIS RNAM PAR GTAN LA 'BEBS PA DANG, 'CHAD PA DANG, RTZOD PA DANG RTZOM PA'I SGO NAS THOS BSAM LHUR LEN PA'I DUS GANG YIN PA DE'I TSE NI MYOS @56A *, ,PA'I CHANG GI BTUNG BA DANG, DUS MA YIN PA'I KHA ZAS DANG, BAG MED PA'I RTZED MO SNA TSOGS PA DAG DANG, GLU DANG GZHAS DANG BRO GAR LA SOGS PA KHYIM PA YA RABS KYI NGANG TSUL LA BRTEN PA DAG GIS KYANG LAG TU BLANGS PA LA NGO TSA BA'I GNAS SU BYED PA GANG CI YANG RUNG BA THAMS CAD LONGS SPYOD CING LAG TU LEN PA NI THOS BSAM LA NAN TAN LHUR LEN PA'I LUS GSO BA DANG, KHAMS BSANG BA'I PHYIR SKYON MED PA YIN NO, ,ZHES BYA BA'I GTAM 'DI BSHES GNYEN CHEN POR RLOM PA DAG NAS BYIS PA NGUR SMREG GSAR DU BLANGS PA DAG YAN CHAD LA RLUNG LTAR GRAGS PA YIN NO, ,DE BZHIN DU THOS BSAM LHUR LEN PA'I TSE 'THAB PA DANG RTZOD PA DANG G-YUL 'GYED BA DANG DMAG GI BYA BA LA GNAS KYI BAR THAMS CAD NYAMS SU LEN PA LA'ANG, 'DI NI BYA BA MA YIN PA, CHOS MA YIN PA, RAB TU BYUNG BA'I TSUL NYAMS PAR BYED PA'O, ,ZHES SMOD PAR BYED PA SU YANG MED KYI, GZHAN DU NA, KLOG PA THOS BSAM GYI GAR ZHUGS TZAM NAS, PHAL CHE BA DAG ,BYA BA MA YIN PA DE DAG LA THE TSOM TZAM YANG MED PAR NGANG GIS 'JUG PA LA SU YANG YA NGA BA MED DO, ,DE LAS GZHAN PA THOS BSAM GYI TSE RGYAL BA'I GSUNG RAB MTHAR THUG PA'I LAM STON PA'I PHYOGS, RDO RJE THEG PA'I BSKYED RDZOGS DANG, DKYIL 'KHOR GYI CHO GA LA SOGS PA DAG LA DON DU GNYER ZHING SLOB PAR BYED PA MTHONG NA, SLOB DPON DANG, GROGS DANG, NYE ZHING SNYING BRTZE BAR SEMS PA THAMS CAD KYIS, 'DI NI BYA BA'I DUS MA YIN, DGOS PA CHUNG, SNYING PO MED PA STE NAM ZHIG THOS BSAM DANG 'CHAD NYAN GYI BYA BA MA LCOGS @56B PA'I TSE, GRONG DANG NYE BA'I DGON PA ZHIG TU SONG STE, GTOR MA DANG, KHRUS KYI CHO GA DANG, GSHIN PO RJES SU GZUNG BA LA SOGS PA'I SGO NAS RANG GI LTO BTZAL BAR BYA BA'I THABS YIN GYI, DA LTA NI THOS BSAM GYI BAR DU GCOD PA CHEN PO'O, ,ZHES RDO RJE 'CHANG GI GO 'PHANGS LAS 'BAD PA DU MAS PHYIR PHYOGS BAR BYED KYI, GANG ZAG GCIG LA SNGAGS DANG MTSAN NYID KYI THOS BSAM GZHI MTHUN DU 'DU BA CUNG ZAD KYANG MED DO, ,YANG GANG ZHIG GSANG SNGAGS RDO RJE THEG PA PAR KHAS 'CHE BA ZHIG YIN NA NI, MYOS PAR 'GYUR BA'I BTUNG BA DANG, DUS MA YIN PA'I KHA ZAS LA SOGS PA LONGS MA SPYAD PA LAS LTUNG BAR 'GYUR ZHING DAM TSIG DANG 'GAL BA YIN NO, ,ZHES BYA BA LA SOGS PA'I LOG PA'I GTAM GYI SBYOR BA RGYA CHER SPEL BAS 'DOD YON LA CHES CHER SRED PA DAG, RANG GI 'DOD PA DANG MTHUN PAS YID SHIN TU RANGS PAR GYUR CING, DE'I STOBS KYIS GSANG SNGAGS KYI TSUL LA ZHUGS PHYIN CHANG RAB TU BYUNG BA'I TSUL KHRIMS RTZA LTAR DOR NAS, GDUL BYA DU MA'I 'DREN PAR RLOM PA, CHEN PO DAG GIS BKUR BA YIN DU ZIN KYANG, NGUR SMRIG GI RGYAL MTSAN DANG BCAS BZHIN DU BU DANG BU MO DANG CHUNG MA'I TSOGS CHEN PO MNGON SUM DU BAB PA LA RANG NYID KYANG YA MI NGA ZHING, SU YANG SMOD PAR MI BYED LA, DE LTA NA'ANG RANG GI SRID DU GTOGS PA DAG GI RAB TU BYUNG BA DANG BSNYEN PAR RDZOGS PAR 'DOD PA DAG THE MI TSOM PAR SGRUB PAS, RGYAL BA'I BSTAN PA CHED DU NYAMS PAR BYED PA'I SBYOR BA NGAN PA LHUR LEN PAS KHYAB PAR GYUR PA NI GSANG SNGAGS PA LA 'DOD PA SPYOD PA SKYON MA YIN NO, ,ZHES BYA BA'I TSIG @57A *, ,GIS 'JIG RTEN BSLUS BA YIN NO, ,DE BZHIN DU GSANG SNGAGS LA RIGS PA'I DPYAD PA DOR BAR BYA BA YIN NO, ,ZHES BYA BA'I BLUN GTAM TSOGS SU BSGRAGS PAS, SDE SNOD LA BLO KHA CUNG ZAD KYANG MA PHYOGS PA'I GSANG SNGAGS PAR KHAS 'CHE BA DAG, BLUN PO RANG DANG MTSUNGS PAS MGU ,ZHES BYA BA'I TSUL GYIS SHIN TU YA MTSAN PAR GYUR TE, GSANG SNGAGS LA RTOG GE'I DPYAD PA BYAR MED DO, ,ZHES BYA BA'I TSIG 'DI TZAM LA SKYABS SU BZUNGS NAS, PHYI ROL BA'I GRUB PA'I MTHA' LAS KYANG SMAD PAR BYA BA'I LUGS, LUNG RIGS LA BLO KHA MA PHYOGS PA'I BLUN PO DAG GIS BSAMS NAS RNYED PA'I DON LA, BLA MA'I MAN NGAG LAS 'ONGS PA'I GSANG SNGAGS KYI LAM GYI GNAD MTHAR THUG PA'O, ,ZHES BSGRAGS PAS, PHAL CHE BA DAG RTOG DPYOD MI BYED PAR, TSUL DE NYID LA YID RTON PAR BYED CING, DE'I MTHUS, RGYUD SDE'I DGONGS PA GRUB CHEN GYIS BKRAL BA'I LAM GYI GNAD MTHAR THUG PA DAG MING TZAM YANG MA LUS PAR BYED DO, ,YANG GANG ZHIG RI KHROD DGON PA DAG TU SONG STE, DBEN PA'I GNAS LA BRTEN NAS BSAM GTAN LHUR LEN PAR 'DOD PA DAG NI 'DI SKAD DU, MYOS PA'I BTUNG BA DANG, PHYI DRO'I KHA ZAS SPONG BA LA SOGS PA'I 'DUL BA LAS GSUNGS PA DAG NI NYAN THOS PA'I DBANG DU BYAS PA, THEG PA 'OG MA, DMAN BA LA MOS PA DAG GI DBANG DU BYAS PA YIN GYI, THEG PA GONG MA DANG, SEMS KYI RANG NGO SHES PA LA DE 'DRA BA 'CHING BYED YIN PAS DGOS PA MED DO, @57B ZHES GLENG ZHING, RAB TU BYUNG BA'I KUN TU SPYOD PA DAG YAL BAR 'DOR BA LA JI MI SNYAM PAR MA ZAD KYI, KHA CIG NI BLA GOS DANG THANG GOS LA SOGS PA'I RTAGS KYANG CHED DU 'DOR BAR BYED DO, ,DE BZHIN DU BSAM GTAN LHUR LEN PA NANG LA GZHOL BAS NI, GSUNG RAB DANG, DGONGS 'GREL GYI BSTAN BCOS DAG LA BLTA BA DANG NYAN PA LA SOGS PA NI SPANG BAR BYA BA YIN TE ,DE DAG NI PHYI'I GO RGYA GCOD PA TZAM MA GTOGS, NANG SEMS KYI GNAS LUGS SEMS PA'I TSA RNAM PAR G-YENG BA'I RGYU YIN ZHING, DE DAG MED KYANG BLA MA'I MAN NGAG LAS GNAS LUGS RTOGS PAR 'GYUR BAS SO, ,DE BZHIN DU DKYIL 'KHOR GYI 'KHOR LO BSGOM BA DANG, GZUNG SNGAGS KHYAD PAR CAN GYI BZLAS BRJOD DANG, PHYAG 'TSAL BA DANG, MCHOD PA 'BUL BA LA SOGS PA SPROS BCAS KYI DGE SBYOR DAG DOR NAS, SPROS PA MED PA GNAS LUGS KYI DON 'BA' ZHIG BSGOM PAR BYA LA, GNAS LUGS KYI DON BSGOM PA LA RIGS PA'I RJES SU 'BRANG BA'I NGES PA RNYED MI DGOS KYI, TZA YANG YID LA MI BYED PAR THA MAL GYI SHES PA SO MA RANG BABS SU BZHAG PAS CHOG ,CES BSAM GTAN PA DAG MGIN GCIG TU SMA BAR BYED DO, ,DE LTAR RGYAL BAS TSUL KHRIMS GZHIR BYAS NAS GNAS LAGS THOS BSAM GYIS GTAN LA PHAB CING, DE'I DON SGOM BYUNG GIS YID LA BYED PA'I BSLAB PA GSUM GYI GO RIM RJES SU 'GRO LDOG MI 'KHRUL BAR GSUNGS PA DE NYID 'BAD PAS 'GOG CING, SNGAGS DANG PHA ROL TU PHYIN PA DANG, THOS PA DANG SGOM PA LA SOGS PA PHAN TSUN TSA GRANG LTAR 'GAL BAR BSAMS NAS SUN 'BYIN @58A *, ,PA DANG, THAMS CAD KYIS KYANG DAM PA'I CHOS 'DUL BA'I BSLAB KHRIMS RNAM PAR DAG PA LA SNYING THAG PA NAS SUN 'BYIN PAR BYED PA'I SGO NAS, KHA BA CAN GYI LJONGS 'DIR RGYAL BA'I BSTAN PA GZUGS BRNYAN TZAM ZHIG LHAG MAR GYUR PA'I TSE, RJE BTZUN RIN PO CHE 'DI NYID DAM PA'I CHOS 'DZIN PA'I SMON LAM RLABS PO CHE YONGS SU GRUB PA'I MTHUS BYANG PHYOGS KYI RGYUD 'DIR BSTAN PA RIN PO CHE GSO BA'I SLAD DU NYE BAR BYON TE, GONG DU JI SKAD BRJOD PA'I TSUL GYIS, RANG GZHAN GYI DON BSAM GYIS MI KHYAB PA DAG LA RMAD DU BYUNG BA'I BRTZEN BA DRAG PO LHUR MDZAD PAS DING SANG GI DUS NA THOS BSAM PA DAG GIS THOS BSAM LA BRTZON PA LHUR BYED PA'I TSE YANG BSLAB PA'I GZHI LA GCES SPRAS SU BYED PA DANG, KHYAD PAR DU YANG SDE SNOD 'DZIN PA CUNG ZAD DRAG PAR RLOM PHYIN CHAD CHANG DANG DUS MA YIN PA'I KHA ZAS SOGS 'JOL NYOG TU SPYOD PA LA NGO TSA BA'I GNAS SU BYED PA DANG, SNGON DUS GRVA SA CHEN PO DAG GI RAB TU BYUNG BA PHAL CHE BAS KYANG, GDING BA DANG LHUNG BZED LA SOGS PA'I DGE SBYONG GI YO BYAD DAG NGO SHES PA'ANG DKA' BAR GYUR CING, BLA GOS DANG THANG GOS SNAM PHRAN GLEGS BUR SBYAR BA LA SOGS PA NI RNA BAS KYANG THOS PAR MA GYUR PA LAS, DING SANG KHA CHE DANG RGYA NAG GI BAR THAMS CAD DU, DGE SBYONG GI RTAGS DANG CHA LUGS RNAM PAR DAG PA DE LTA BU DANG, CHANG DANG PHYI DRO'I KHA ZAS SPONG BA DANG, BYIN LEN DANG RUNG CHU DANG, NUB LHAG NYAL SRUNG BA SOGS BSLAB PA'I GZHI PHRA MO GCIG YAN CHAD LA NAN TAN DU BYED PA'I DGE SBYONG TSUL DANG MTHUN PAS KHYAB PAR GYUR PA 'DI 'DRA BA NI, BDAG CAG GI @58B DPAL LDAN BLA MA DAM PA RJE BTZUN RIN PO CHE 'DI 'BA' ZHIG GI BKA' DRIN MA YIN NA, GZHAN GANG ZHIG LA BRTEN NAS BYUNG BAR GYUR PA SOMS SHIG ,DE BZHIN DU GANG ZHIG SDE SNOD LA THOS BSAM LHUR BYED PA DE NYID 'BA' ZHIG LA ZHEN PA CHES CHER 'THAS PAR GYUR PA, GRAGS PA'I BA DAN GYIS MDZES PAR GYUR PA DAG LA'ANG, NYAMS SU LEN PA LA NYE BAR MKHO BA'I TSE, RANG GI RGYUD 'DUL BAR BYED PA'I TSUL, GZHUNG LUGS CHEN MO DAG NAS GSUNGS PA, LAG TU BLANG BA'I RIM PA 'DI LTA BU'O, ,ZHES BYA BA NI CUNG ZAD KYANG BSTAN DU MED CING, GZHUNG LUGS CHEN MO DAG NA DE LTA BU'I NYAMS LEN GYI GNAD YOD PA'I THE TSOM TZAM YANG MED PAR, GANG GI TSE RANG NYID NA SO YOL BA'I PHO NYAS ZIN PAS, 'CHI BDAG GI CHAD PA LA 'JIGS PA CUNG ZHIG SKYES PAR GYUR PA NA, BLUN PO CI YANG MA BSLABS PA, RI'I PHUG TU MI TSE YOL BAR BYAS PA ZHIG GI DRUNG DU SONG STE, DES JI SKAD GDAMS PA'I NGAG LAS CUNG ZAD KYANG 'DA' BAR MI NUS SHING, SNGON CHANG THOS BSAM LA JI SNYED 'BAD PA BYAS PA THAMS CAD, 'GYOD PA LHUR LEN PA'I YUL DU BYAS NAS, CI YANG YID LA MI BYED PA DUD 'GRO'I SGRUB THABS, HVA SHANG GI RING LUGS LA GNAS BZHIN DU, GSUNG RAB CHEN PO RNAMS 'CHI BA'I TSE DGOS PA MED PAR 'DZIN PA'I CHOS SPONG BA'I LAS KYI SGRIB PA SHIN TU CHE BAS NON BZHIN DU TSE'I DUS BYED PAR 'GYUR BA 'DI NYID 'BA' ZHIG TU ZAD PA LAS, DING SANG GI TSE NYAMS LEN GYI GNAD MTHAR THUG PA STON PA NI GZHUNG LUGS CHEN PO DAG YIN PAR YID CHES NAS CUNG ZHIG NYAMS SU LEN PAR 'DOD PA @59A *, ,NA'ANG TSUL KHRIMS LA GCES SPRAS SU BYED PA GZHIR BYAS NAS, BSAG SBYANG 'BAD DE GSUNG RAB CHEN PO DAG GI DGONGS PA SHING RTA CHEN PO DAG GIS BKRAL BA DANG MTHUN PAR NYAMS SU LEN PA DGOS KYI, GZHAN DU NA NGAL BA LHUR LEN PA'I DKA' BA JI TZAM ZHIG SPYAD DU ZIN KYANG, 'BAD PA 'BRAS BU MED PA YIN NO SNYAM PA'I GO BA RNAM PAR DAG PA CHAGS PA DANG, TSUL DE DANG MTHUN PAR NYAMS SU LEN PA'I BSHES GNYEN DAM PA MTHA' YAS PA ZHIG GI KHA BA CAN GYI THA GRU KUN TU KHYAB PAR GYUR TE, CHOS MA YIN PA CHES CHER NYAMS DMAS PAR GYUR PA 'DI YANG, BDAG CAG GI RJE BTZUN 'DI NYID 'BA' ZHIG GIS BKA' DRIN MDZAD PA MA YIN NA, YOD KYANG SNANG DU MI RUNG BSU ZHIG GI BKA' DRIN RJES SU DRAN PAR BYA, DE BZHIN DU DING SANG GI TSE NA MTSAN NYID KYI CHOS LA THOS BSAM LHUR LEN PA'I BSHES GNYEN DAG KYANG, DE TZAM ZHIG GIS YID MI TSIM PAR GSANG SNGAGS RDO RJE THEG PA LA SPRO BA CHEN POS 'JUG PA LHUR LEN ZHING, SNGON CHAD SNGAGS KYI MAN NGAG MTHAR THUG PA NI RGYUD SDE LA LTOS MI DGOS PAR, BLA MA'I NGAG LAS THOS PA TZAM GYIS CHOG PAR 'DZIN PA LA, DA LTA MAN NGAG GIS RTOGS PAR BYA BA'I ZAB DON MTHAR THUG PA NI RGYUD SDE RIN PO CHE RNAMS KHO NA NA YOD PAR RTOGS NAS, DE RTOGS PAR BYA BA'I DON DU RGYUD SDE RIN PO CHE DAG LA 'BAD PAS DON DU GNYER BA DANG, SNGON CHAD RGYUD SDE'I DGONGS PA GRUB CHEN GYIS BKRAL BA DANG MTHUN PA'I MAN NGAG GI GNANG THAMS CAD PHAL CHE BA MING TZAM YANG MA MCHIS PAR GYUR PA LAS, DING SANG GI TSE RJE BLA MA 'DI NYID KYI GSUNG GI BDUD RTZI MYANG BA LA BRTEN NAS,, @59B RANG GI BRTZON PAS SGOM PA LA 'GRUS PAR BYAS NA NI GDON MI ZA BAR TSE 'DI NYID LA RDO RJE 'CHANG GI GO 'PHANG 'THOB PAR NUS PA'I MAN NGAG GI GNAD GRUB CHEN GYI DGONGS PA LTAR 'KHRUL MED DU GO NAS BSKYED RDZOGS KYI LAM LA DBYIS PHYIN PA'I NGES PA RNYED CING TSUL BZHIN DU SGRUB PA DANG, DAM TSIG DANG SDOM PA LA GCES SPRAS SU BYED CING LHA'I RNAL 'BYOR LA GNAS PA DANG, RGYUD SDE'I DON LA MI 'JIGS PA RNYED PA DANG SKAL LDAN RJES SU 'DZIN PA'I RDO RJE SLOB DPON CHEN PO'I GO 'PHANG THOB PA DANG, BSKYED RDZOGS LA GOM PAR BYAS PAS RGYUD SDE DANG MTHUN PA'I MYONG BA PHUL DU BYUNG BA 'KHRUNGS TE, BOD LA GRUB THOB TU GRAGS PA DU MA ZHIG GIS BSGRUN PAR MI NUS PA'I TING NGE 'DZIN BRTAN PO RNYED PA DANG, LHAG PA'I LHAS BYIN GYIS BRLABS PA'I BSNYEN SGRUB DANG BZLAS PA LA GOMS PA RMAD DU BYUNG BAS, RANG GZHAN GYI BDUD DANG BAR DU GCOD PA TSAR GCOD PA LA THOGS PA MED PA'I NUS PA DANG LDAN PA LA SOGS PA, MDOR NA RGYUD SDE DANG MTHUN PA'I RDO RJE 'DZIN PA, SO SOR THAR PA DANG 'DUL BA'I KUN SPYOD RNAM PAR DAG CING BYANG CHUB SEMS DPA'I BSLAB PA'I GNAS DAG LA THEG PA CHEN PO'I SDE SNOD DANG MTHUN PAR GCES SPRAS SU BYED PA, SDOM PA GSUM GYI CHU BO YAN LAG BRGYAD DANG LDAN PAS THUGS RGYUD RNYOG PA MED PAR LEGS PAR GTAMS PA'I SDE SNOD 'DZIN PA STONG PHRAG MANG PO ZHIG GIS, NUB PHYOGS DZA LAN DHA RA NAS BZUNGS TE, SHAR PHYOGS RGYA MTSO CHEN PO LA THUG PA'I RGYA NAG GI RGYAL KHAMS YAN CHAD DU CI RIGS PAR KHYAB PAR GYUR PA 'DI @60A *, ,LTA BU NI, RJE BLA MA 'DI NYID 'BA' ZHIG GI RMAD DU BYUNG BA'I 'PHRIN LAS DPAG PAR DKA' BA YIN NO, ,GZHAN YANG BDAG CAG GI RJE BLA MA 'DI NI, SNGON DU LEGS PAR SPYAD PA'I RGYU'I STOBS BSAM GYIS MI KHYAB PA ZHIG LA GOMS PAR MDZAD PA'I STOBS KYIS, SKU TSE 'DI NYID LA CHOS DANG MTHUN PA'I 'TSOG CHAS KYIS CUNG ZAD KYANG 'BREL BAR MI 'GYUR BA LTA ZHOG GI ,GANGS DANG, RI SUL DANG, BAS MTHA' DANG, DGON PA'I GNAS DAG TU GCIG TU DBEN PA LA THUGS GZHOL BA'I TSE YANG, DBUS GTZANG MDO KHAMS RGYA NAG KHA CHE TSUN CHAD KYI 'BYOR PA'I KHYAD PAR RMAD DU BYUNG BA DANG, NYE BAR MKHO ZHING RKYEN DU BABS PA'I YO BYAD KYI KHYAD PAR GANG CI YANG RUNG BDAG THAMS CAD, DAD PA'I SHUGS KYIS YID KYI BRTAN PA NYAMS PA'I SKYE BO MCHOG DANG GTZO BO DANG DMAN PA DANG BAR MA DAG GIS DAM PA 'DI'I BSOD NAMS KYI ZHING LA DGE BA'I LO TOG BSKRUN PA'I SLAD DU RGYUN MI CHAD PAR SPYAN LAM DU BANG PAR NYE BAR 'GOD PA DANG, MCHOD CING BSNYEN BKUR BA'I TSUL LA NI SUS KYANG TSAD BZUNG BAR MI NUS SHING, GRANGS SU BRTZI BAR MI NUS LA, SNGON CHAD BOD KYI DGE BA'I BSHES GNYEN PHYOGS CHEN PO CAN, GRAGS PA'I BA DAN GYIS MDZES PA SU LA'ANG DE LTA BU BYUNG BA'I GTAM BRJOD PA MED DO, ,DE LTA NA'ANG DE DAG THAMS CAD, RGYAL PO DANG, GTZO BO DANG, MI DPON DANG, SKYES PA DANG, BUD MED SOGS KYI NGOR LTA BA DANG, LAN LA RE BA SOGS KYI CHED DU ZANG ZING GI 'DU 'GOD LHUR LEN PAS DAD PAS BYIN PA CHUD GZON PAR BYED PA LTA CI SMOS KYI, BDAG @60B NYID YONGS SU 'DZIN PA'I DRI TZAM YANG MI MNGA' BAS BSTAN PA 'BA' ZHIG LA DGONGS PA'I THUGS KYIS GDUL BYA MTHA' YAS PA DAG LA CHED BZUNG MI NUS PAR SBYIN PA'I SKYON THAMS CAD DANG BRAL BAR GTONG BA LHUR MDZAD PAS BSDU BA'I DNGOS PO BZHI'I SGO NAS GDUL BYA MTHA' DAG RANG RANG GI SKAL BA DANG 'TSAM PAR SMIN CING GROL BAR MDZAD LA, GZHAN YANG GTZUG LAG KHANG DANG, BDE BAR GSHEGS PA'I SKU GSUNG THUGS KYI RTEN DANG, DKON MCHOG GSUM GYI MCHOD PA DANG, BLA MA GONG MA DAG GI 'DAS MCHOD NAR MA DANG, DE BZHIN GSHEGS PA'I DUS MCHOD CHEN PO BZHI LA SOGS PA'I MCHOD PA NAR MA DANG, KLOG PA DANG SGRUB PA LHUR LEN PA BRGYA STONG PHRAG MANG PO ZHIG GI 'TSO BA'I YO BYAD DU GTONG BA LA SOGS PA'I TSUL BSAM PAR MI NUS TE, DE'I PHYIR DAM PA 'DIS SKU TSE RIL PO LA, YO BYAD 'DI 'DRA BA ZHIG LA THUGS KUN TU CHAGS PAR GYUR TO ZHES BYA BA'AM, NAS 'BRU GCIG YAN CHAD KYI BSKYED BDAG GIR MDZAD DO ZHES BYA BA'AM, BDAG NYID KYI 'TSO BA'AM YO BYAD KYI SLAD DU ZHING BRE GANG GI SA TZAM YANG BDAG GIR MDZAD DO ZHES GLENG BA'I SKABS CUNG ZAD KYANG MED PAS TSUL MA YIN PA'I LAS KYI MTHA' THAMS CAD THOG MA NYID NAS RANG GI NGANG GIS SPANGS PA ZHIG STE, 'DI NI 'DI'I RNAM PAR THAR PA CHA PHRA MO ZHIG YIN MOD KYI, DE LTA NA YANG, GANGS RI'I KHROD KYI CHEN PO DU MA ZHIG GI RNAM PAR THAR PAS 'DI TZAM LA YANG BSGRUN PAR BZOD PA MA YIN NO, ,DE LTA BAS NA, SNGON 'PHAGS PA'I YUL DU STON PA MYA NGAN LAS 'DA' BA'I MDZAD PA BSTAN @061A *, ,NAS LO BRGYA PHRAG MANG PO DAG 'DAS, SDUD PAR BYED PA'I 'PHAGS PA DAG ZHI BA'I DBYINGS SU BSIL BA'I DNGOS PO THOB PAR GYUR PA NA, THEG PA CHEN PO BKA' MA YIN NO, ,ZHES SKUR BA 'DEBS PA DAG GIS KHYAB PAR GYUR TE, RE ZHIG 'PHAGS PA'I YUL DU THEG PA CHEN PO MING TZAM YANG MA LUS PA LTA BUR NUB PAR GYUR PA'I TSE, 'PHAGS PA KLU SGRUB BYON TE, RGYAL BAS LUNG BSTAN PA LTAR, SNGAGS DANG MTSAN NYID KYI THEG PA CHEN PO'I SNYING PO MTHA' DAG GZHI NAS GSOS SHING, LOG PAR SMRA BA THAMS CAD TSAR BCAD DE, THEG PA CHEN PO'I BSTAN PA NYI MA LTAR GSAL BAR MDZAD PAS, 'PHAGS PA'I YUL DU 'PHAGS PA KLU SGRUB RGYAL BA NYID LAS KYANG BKA' DRIN CHE BAR BSNYON MI NUS PAR SHING RTA'I SROL 'BYED CHEN PO PHAL CHE BA DANG, GRUB CHEN PHAL CHE BA DAG MTHUN PA NYID DU YID LA BRNAGS TE 'DUG GO ,'PHAGS PA'I YUL DU 'PHAGS PA KLU SGRUB KYIS RGYAL BA'I BSTAN PA LA BYA BA CHEN PO MDZAD PA JI LTA BA DE BZHIN DU, DUS KYI THA MA 'DI LTA BUR GYUR PA NA, RJE BLA MA 'DI NYID KYIS GANGS RI'I KHROD 'DIR, RGYAL BA'I BSTAN PA'I SNYING PO MTHA' DAG RGYAL BA'I DGONGS PA JI LTA BA BZHIN DU GZHI NAS BSLANGS TE GSAL BAR MDZAD PA YANG TSUL DE DANG KHYAD PAR MA MCHIS PA YIN PAS, SKYES BU DAM PA'I NGO MTSAR BA'I MDZAD PA PHUL DU BYUNG BA DAG MTHONG ZHING THOS PA TZAM NYID NAS, DUG SPRUL GYIS GLA RTZI'I DRI TSOR BA BZHIN DU YID TSER MA'I MAL DU NYAL BA LTA BUR MA BYED PAR BDAG NYID LA RJES SU LTA BAR BYOS SHIG ,'DIR SMRAS PA, DPAL LDAN GSUNG RAB KUN LA LTA BA'I MIG ,DRI MED RIGS PA'I @061B 'DREN BYED STONG LDAN PA, ,KHYOD KYI DNGOS STOBS RIGS PA'I LAG NYAL GYIS, ,MTHAR 'DZIN RI BO MING GI LHAG MAR MDZAD, ,BZOD DKA' RIGS PA'I DRI BZHON RLUNG SHUGS KYIS, ,MA LUS PHYOGS KYI GO SKABS LA GNAS PA'I, ,LOG PA'I GZHUNG LUGS SPRIN TSOGS KUN BCOM STE, ,PHAN BDE SBRANG RTZI'I GNYEN GCIG MKHA' LA MDZES, ,DRI MED RIGS PA RNON PO'I MTSON 'CHANG BA, ,KHYOD KYIS RTZUB MO'I SBYOR BRGYANG BSRINGS KYANG, ,SMRA BA'I SENGGE KUN GYI NGA RGYAL GYI, ,RAL PA MA LUS CIG CAR SA LA LHUNG, ,BDE GSHEGS BSTAN PA'I SA CHEN KHYOD KYI NI, ,LEGS BSHAD DPUNG PA'I KA BA LA BRTEN PA, ,THEG MCHOG 'KHOR LO BSGYUR BA KHYOD KYI BKA', ,DPAL LDAN MKHAS PA KUN GYI MGO BOS 'DZIN, ,MI DMAN RGYAL BA'I SA BON SNYING RJE'I KHAMS, ,SHES RAB YUM GYI LTE BAR BSAM GTAN GYI, ,BDE DROD SNYOMS PAR BSTEN BAS LEGS SMIN PA, ,DUS GSUM RGYAL BA'I GDUNG 'TSOB SRAS 'DI BSKRUN, ,SNYING RJE'I ZLA BA RDZOGS PA'I GZHON NU NI, ,LHAG BSAM KUN GSAL MDZES MA'I PANG PA LAS, ,RMAD BYUNG BRTZON PA'I MGYOGS 'GROS RAB BLANGS TE, ,GZHAN DON SHAR RI'I BA GAM RTZE LA 'DZEGS, ,DE TSE DAM CHOS KU MUD BZHAD PA DANG, ,MNYAM DU THUB BSTAN GOS DKAR GYON PA'I LUS, ,GZIGS NAS SA GSUM 'GRO 'DI MUN BRAL ZHES, ,DGYES LDAN RGYAL BA KUN NI BTANG SNYOMS MDZAD, , RTZOD DUS 'PHROG SLAD CHED DU 'ONGS PA YI, ,RDZOGS LDAN BZHIN DU KHOR YUG RI BO'I KHONGS, ,MA LUS KHYAB PAR BSLAB GSUM RGYAL MTSAN NI, ,KHYOD GRAGS SNYAN PA'I BA DAN BZHIN DU BTZUGS, ,DE PHYIR DUS MTHAR LEGS BSHAD SBRANG RTZI'I GNYEN, ,SGRUB @062A *, ,PA'I NYI MA MA LUS ZIL GNON PA'I, ,SA GSUM 'OD MDZAD 'GRO BA'I BLA MA GANG, ,KHYOD DANG MTSUNGS PA'I SNANG BA GZHAN YOD MIN, ,ZHES BYA BA NI, RJE BTZUN BLA MA TZONG KHA PA CHEN PO'I RNAM PAR THAR PA YONGS SU BRJOD PA'I GTAM DU BYA BA DAD PA'I 'JUG NGOGS ZHES BYA BA LAS, RANG NYID CHOS KYI RGYAL PO'I GO 'PHANG BRNYES NAS, BSTAN PA DANG 'GRO BA'I DON JI LTAR MDZAD PA MDO TZAM SMOS PA'I RIM PAR PHYE BA STE LNGA PA'O,, ,,DE LTAR BSTAN PA DANG GDUL BYA'I DON RMAD DU BYUNG BA RGYA CHER MDZAD PAS GANGS RI'I KHROD KYI SKAL BA DANG LDAN PA SKU DNGOS KYIS GDUL BA DAG GI DON NI PHAL CHER MDZAD PA MTHAR PHYIN PA LA NYE BAR GYUR PA PHAG GI LO'I STON, STOD LUNG GI CHU TSAN LA BYON NA SKU LUS LA SHIN TU 'PHROD PAR 'GYUR RO ZHES GSOL BA DAG GIS 'PHRAL DU MTSAMS SBYOR BA'I RKYEN BYAS SHING, DON GYI GTZO BO NI, RANG NYID JO BO RIN PO CHE'I DRUNG DU SKU DE NYID KYIS PHYI MA MED PA'I PHYAG BYA BAR BZHED PA DANG, KUN TU RGYU RAB BZANG DANG DRI ZA'I RGYAL PO BZHIN DU, SKU DE NYID KYIS DNGOS SU GDUL BA'I SKYE BO MANG PO ZHIG GI DON BYA BAR YANG DGONGS SHING, SNGON NAS RANG NYID KYIS SMIN PAR MDZAD PA'I SKYE BO MTHA' YAS PA DAG LA LEGS PAR BSHAD PA'I GSUNG GI THA MA STZAL BAR BZHED NAS, RI BO DGE LDAN NAS PHYAGS BTEG STE LHA SAR MCHOD PA DANG SMON LAM RNAM PAR DAG PA MDZAD NAS STOD LUNG GI CHAB TSAN KHAR BYON, 'ON KYANG CHAB TSAN GYIS NI ZHABS LA CUNG ZAD TZAM BDUG PA LAS MA MDZAD, GTZO BOR STONG LUNG PHU MDA'I @062B SKYE BA'I TSOGS MTHA' YAS PA DAG LA CHOS DANG BYIN RLABS KYI SKYES GNANG ZHING, BSNYEN BKUR BA DANG 'BUL BA RMAD DU BYUNG BA DAG BDAG GIR MDZAD PA DANG, THA NA ZHAL MTHONG ZHING GSUNG THOS PA TZAM GYI SGO NAS KYANG DON DANG LDAN PAR MDZAD DE, SLAR 'BRAS SPUNGS SU BYON PA'I TSE, MDO LI LA GDAN DRANGS PA'I MDO LI'I SNA LA 'JA' TSON KHA DOG LNGA PA KUN NAS BKRA BA THAL BYUNG DU ZUG PA DANG, 'BRAS SPUNGS SU PHEBS NAS KYANG, CHOS GSUNG BA'I TSE CHOS GRVA'I DBUS SU 'JA' TSON SNA LNGA PA NAM MKHA'I DBYINGS NAS KA BA BTZUGS PA LTAR CHES GSAL BAR ZUG PA SOGS KYI LTAS MNGON SUM DU BAB PAR GYUR LA, GZHAN YANG 'BRAS SPUNGS SU BZHUGS KYI RING LA DGE BA'I BSHES GNYEN SDE SNOD 'DZIN PA STONG PHRAG GNYIS RE TZAM 'DUS SHING, SNE'U NAS ZHABS TOG DANG SPYI SGOS KYI PHOGS BSNYEN BKUR 'BUL NOD SOGS BSAM GYIS MI KHYAB PA MDZAD LA, DE'I TSE LAm RIm GYI KHRID, N'A RO CHOS DRUG ,DBU MA 'JUG PA, GSANG BA 'DUS PA'I RGYUD LA SOGS PA GSUNGS SHING, DE YANG SNGON CHAD GRONG PA'I SKYE BO PHO MO DU MA LA KHRID CHER MI GNANG, KHYAD PAR LAM RIM GYI KHRID LA'ANG 'TSOG TU MI RUNG BA LA SOGS PA'I DAM BZHAG CHE BAR YOD PA LA, DA DUS GRONG PA'I SKYE BO JI TZAM ZHIG 'ONGS PA DANG, DUS NAM ZHIG NA 'ONGS PA THAMS CAD LA KHYAD PAR MED PAR, THA NA SPRANG PO'I TSOGS DU MA 'DUS PA YAN CHAD THAMS CAD LA LAM RIM DBU MA LA SOGS PA'ANG BKAG PA MED PAR GNANG, 'BRAS SPUNGS SU SKABS SHIG NAS GZHAN PHAL MO CHE LA LKOG TU GYUR PA'I MNGON CHUNG BAR GYIS GSUNGS NAS LHA BZO BA LA @063A *, ,DAM BZHAG CHE BAR MDZAD DE, BCOM LDAN 'DAS RNAM PAR SNANG MDZAD KYI DNGUL SKU CHEN PO ZHIG BZHENG BA'I ZHAL TE MDZAD, DE LTAR CHOS KYI 'KHOR LO RGYA CHER BSKOR NAS, SNGON CHAD DUS 'KHOR MA GTOGS PA'I RGYUD LA LA MTSAMS MDZAD PA'I LUGS MED PA LA, DE'I TSE GSANG 'DUS KYI LE'U DGU PA'I SKABS LA CHOS MTSAMS MDZAD NAS, MYUR DU DGEN PAR 'BYON BZHED PA'I ZHAL TA GNANG, DE LA SBYIN BDAG DANG, CHES GSAN PA RNAMS KYIS DA DUNG ZLA BA GCIG GAM ZLA BA PHYED TZAM DU'ANG BZHUGS NAS CHOS 'PHRO RDZOGS PAR GSUNG BA ZHIG THUGS RJES GZUNG 'TSAL, THA NA RGYUD KYI 'PHRO BKLAGS LUNG MDZAD PA TZAM ZHIG KYANG GNANG 'TSAL ZHES GSOL BA NAN CHER BTAB KYANG GSAN DU MA BZHED NAS, NGA LAN MYUR DU BTEG PA THAMS CAD LA DGA' BAS 'DEGS, RGYUD DANG LAM RIM 'PHRO LA 'JOG PA'I 'DUN PA KHA SING DU BTANG TSAR GSUNGS NAS CHOS MTSAMS MDZAD DE, DE YANG DA DUNG SNGAGS DANG MTSAN NYID KYI GSUNG BGROS KYI BSHAD RGYUN RDZOGS PA MED PAR 'PHRE RING DU GNAS PA'I RTEN 'BREL SGRIG PA'I DGONGS PA SNGON DU MDZAD PA YIN PAR GDON MI ZA'O, ,DE NAS LHA SAR PHYAG BTEG ,JO BO RIN PO CHE'I DRUNG DU BYON TE, PHYAG DANG MCHOD PA DANG SMON LAM RNAM PAR DAG PA RGYA CHER MDZAD NAS DA DUNG YANG BSTAN PA RIN PO CHE YUN RING DU GNAS PA'I GSOL BA BTAB, DE NAS CHOS RJE SH'AKYA YE SHES PAS SPYAN DRANGS TE SE RVA CHOS SDINGS SU BYON, KHONG PA LA SNGAR NAS ZHAL TA BYON PA DANG, KHONG PA RANG LA THUGS KYI 'DUN PA CHE BAR YOD CING, KHYAD PAR GANGS RI'I KHYOD @063B 'DIR SNGAGS KYI RGYUD SDE LA 'CHAD NYAN RNAM PAR DAG PA YONG YE THAMS CAD DU NUB PAR GYUR NAS RING ZHIG LON, RJE RANG NYID KYIS BSHAD PA RNAM PAR DAG PA MDZAD PA'I GSUNG GI BDUD RTZI NYAMS SU MYONG BAS BLO GROS KYI LUS YONGS SU TSIM PA MANG DU BYON MOD KYI, DE LTA NA'ANG DE DUNG RGYUD SDE'I 'CHAD NYAN RKANG TSUGS PA'I GRVA SA THINGS PA SNGON CHAD MED PAS, DE 'DRA BA'I 'CHAD NYAN GYI GZHI RNAM PAR DAG PA TSUGS NA CI MA RUNG SNYAM DU BSTAN PA 'BA' ZHIG LA DGONGS PA'I THUGS KYI 'DUN PA SHUGS DRAG POS DE'I TSE ZHAL TA GNANG STE, SE RVA CHOS SDINGS SU CHOS RJE BAS BDAG RKYEN GYI THUGS KHUR CHES CHER BZHES NAS, GZHI 'DUL BA'I BSLAB KHRIMS RNAM PAR DAG PA LA BRTEN TE, DPAL GSANG BA 'DUS PA DANG BDE MCHOG GI RTZA RGYUD LA 'CHAD NYAN RKANG BTZUGS PA'I GRVA SA RNAM PAR DAG PA 'JUGS PA'I ZHAL SKOS DANG, CHOS DPON BSKO BA LA SOGS PA MDZAD CING, RTEN 'BREL KHYAD PAR CAN BSKRIG PA'I CHED DU GNAS DER GSO SBYONG MDZAD, RGYUD KYI RGYAL PO GNYIS KYI DBU NAS CHOS THUN RE GSUNGS SO, , DE NAS RIM GYIS BA LAM BDE CHEN RTZER PHYAGS PHEBS, DER YANG BRAG DKAR RDZONG DPON PA YAB YUM LA ZHAL TA BYON CING, KHONG PAS KYANG DAD PA CHEN POS DGA' SPRO DANG BCAS TE BKA'I KHUR SPYI BOS MNOS NAS, BDE CHEN RTZER DPAL GSANG BA 'DUS PA'I 'CHAD NYAN RNAM PAR DAG PA RKANG BTZUGS PA DANG, GZHI 'DUL BA'I BSLAB KHRIMS PHYAG SROL MA NYAMS PA LA BRTEN PA'I GRVA SA BTZUGS, RJE RANG NYID KYIS KYANG BDAG RKYEN GYIS GNAS GZHI 'DZUGS PA SOGS KYI RKYEN DU BAB PA'I YO BYAD DPAG TU MED PA'I @064A *, ,GNANG SBYIN DANG, RDZONG DPON PAS BDAG RKYEN PHUN SUM TSOGS PA'I THUGS KHUR BZHES SO, ,DA NAS GNAS DE NYID LA RAB TU GNAS PAR ZHUS PAS, DA LAN MIN PA RAB GNAS BYED PA MI 'ONG BAS DA LAN RGYAS PA ZHIG BYED DGOS GSUNGS NAS RAB TU GNAS PA RGYAS PAR MDZAD DE, GNAS DE NYID KYI GTZUG LAG KHANG LA SNGAGS MKHAR ZHES BYA BAR MING DU GDAGS PA YANG MDZAD DE, DE NAS BRAG DKAR DU BYON, DE NAS GRU BZHIR GDAN 'DREN ZHUS NAS BYON TE, DE NAS 'BRAS SPUNGS NAS PHYAGS BTEG NAS, DGON PAR MA PHEBS KYI RING LA GANG DU SPYAN DRANGS PA THAMS CAD DU DA YANG YANG 'ONG BA MI 'ONG BAS DA LAN 'GRO DGOS GSUNGS NAS ZHAL GYIS BZHES PAR MDZAD DO, ,GRU BZHIR PHEBS PA'I NUB GAndI BRDUNGS PA'I SGRA CHEN PO GRAG PAS, THAMS CAD THE TSOM DU GYUR NAS BRTAGS KYANG, MI ZHIG GIS BRDUNGS PA MA YIN PAR NGES PA TZAM DU ZAD KYI, GZHAN DU NA RDUNG BAR BYED PA SU ZHIG GIS GNAS GANG DU BRDUNGS PA SOGS GANG DU'ANG BRTAG PAR MI NUS PAR YUN RING DU SGRA SHIN TU DRAG CING GSANG MTHO BA RDUNG BAR BYED DO, ,GZHAN YANG, 'BRAS SPUNGS NAS YAR LA PHYAGS MA BTEG PA'I GONG TZAM GYI SKABS SU'ANG, SA CHEN PO GLO BUR NYID DU G-YO BA DANG, NAM MKHA'I DBYINGS MTHA' MI MNGON PA'I LAM RING PO NAS 'ONGS PA'I 'JA' TSON RNAM PAR BKRA BA LHA'I PHO NYA LTA BU RI BO DGE LDAN GYI RTZE LA YANG DANG YANG DU 'DZUG PA LA SOGS PA LAN MANG DU BYUNG NGO, ,DE NAS GRU BZHI NAS PHYAG BTEG NAS DGE LDAN DU PHEBS PA NA THAG MAR YANGS PA CAN GYI GTZUG LAG KHANG CHEN @064B POR BYON TE, 'DIR NGA YANG YANG 'ONG PA MI 'ONG BAS, MCHOD GTOR RGYA CHER SHOMS GSUNGS NAS STON PA'I SKU DANG, GZHAL YAS KHANG RNAMS DANG, YI DAM GYI DRUNG DU MCHOD PA DANG GTOR MA RGYA CHER GDZAD DE GSOL BA GDAB PA DANG SMON LAM GYI RIM PA LA SOGS PA MANG DU MDZAD, DE NAS 'DU KHANG DU DAG 'DUN GYI MANG DZA 'DREN PA ZHIG GIS GDAN DRANGS PAS TSOGS KYI DBUS SU PHEBS TE, BSNGO BA MDZAD PA'I MJUG TU SBYIN BDAG SOGS KYIS CHED DU ZHU BA SU'ANG MED PAR, BDE BA CAN GYI SMON LAM RGYAS PA ZHIG MDZAD DE, DGE 'DUN GYI TSOGS PA RGYA MTSO'I DBUS SU SHIS BRJOD DANG BCAS PA MDZAD NAS PHYIS KYI RTEN 'BREL KHYAD PAR CAN SGRIG PA'I CHED DU THUGS GTAD PA'I RNAM PA YIN PAR GSAL LO, ,DE NAS GZIMS KHANG DU PHEBS TE, BZHUGS GDAN LA BZHUGS PA NA, DA NI RANG RE'I DGON PA RANG DBANG THOB PA 'DIR SLEBS BYUNG BAS BLO BDE'O, ,ZHES GSUNGS ZER RO, ,DE NYID KYI NYIN MO 'DAS PA'I MTSAN MO'I GUNG THUN LA BAB PA TZAM NAS SKU KHAMS CUNG ZHIG BSNYEL BA'I TSUL BSTAN TE, DE'I SANG NYIN NAS DGE 'DUN THAMS CAD KYIS KYANG SKU RIM LA 'BAD PA 'DON PA SOGS BGYIS, DE LTA NA'ANG SANG GI NYI MA PHYED TZAM BAR DU SKU LUS KYI CHA SO SO LA BSNYUNG ZUG TU MNGON PA CUNG ZAD YOD GSUNG BA MA GTOGS, DE NAS BSNYUNG ZUG KYANG CHEN PO MED BAR CUNG ZAD THUGS NYOG PAR GSAL TZAM GYI BAR LA NYIN ZHAG GNYIS KYI RING DU SKU RIM BSGRUBS, DA YANG SLOB DPON RIN PO CHE DKA' BCU PA LA SOGS PA LA BSTAN PA'I BYA BA MDZAD TSUL 'DI LTAR DGOS BYA BA LA SOGS PA'I ZHAL TA ZHIB PAR SNGA MO NAS GNANG CHER BAS @065A *, ,DE'I TSE RGYAS PAR MA GSUNGS, GNAS BRTAN RIN CHEN RGYAL MTSAN PA LA SOGS PA SKU DRUNG NA 'KHOD PA LA, TSUL 'DI SHES PAR GYIS LA BYANG CHUB KYI SEMS SGOMS SHIG CES SOGS TZAM GSUNG, GZHAN SKU KHAMS CUNG ZAD BSNYEL BAR TSUL BSTAN PA'I RING LA'ANG SNGAR GYI THUN BZHI'I RNAL 'BYOR DANG BDAG 'JUG LA SOGS PA'I THUGS DAM GYI RIM PA RNAM 'CHAG MED DU MDZAD PA DANG, GZHAN YANG GTZO BOR NANG GI TING NGE 'DZIN LA MCHOG TU GZHOL BA'I THUGS DAM LA KHOR YUG TU BZHUGS PAR GYUR TO, ,DE NAS NYI SHU BZHI'I DGONG PHYI MA RED DU SONG TZA NA, BCOM LDAN 'DAS BDE MCHOG 'KHOR LO'I MCHOD PA RGYAS PA ZHIG MDZAD DE DE'I TSE KA P'A LA MAR MED PA ZHIG KHYER SHOG GSUNGS NAS DER NANG MCHOD BYIN RLABS RGYAS PA ZHIG MDZAD DE, BDAG NYID KYIS BDUD RTZI MYANG BA LAN SUM CU RTZA GNYIS SAM, BCU DRUG PHRAG GNYIS SU MDZAD LA, DE YANG BDE MCHOG GI MCHOD PA DE DANG 'BREL BAS, DE NYID KYI DBANG DU MDZAD PA YIN LA RAG CING, GZHAN DU NA LHA'I 'KHOR LO 'DI 'DRA BA ZHIG GI DBANG DU MDZAD NAS BDUD RTZI MYANG BA MDZAD DO ZHES BYA BAR NI SUS KYANG KHONG DU MA CHUD DE, SKU DRUNG NA 'KHOD PA KHA CIG NI GRANGS LA DPAGS NAS BCOM LDAN 'DAS DPAL 'DUS PA'I SGO NAS MDZAD PAR YANG RTOG GO, GZHAN YANG DE DAG GI TSE YI DAM GYI KHYAD PAR MNGON SUM DU GZIGS PA LA SOGS PA'I GZIGS SNANG KHYAD PAR CAN MANG DU YOD PA'I RNAM PA DU MA MNGON MOD KYI, SKU DRUNG NA 'KHOD PA DAG GIS JI LTAR MCHIS PA ZHU BAR RNGO MA THOG @065B GO; ZHES ZER RO, ,DE NAS MTSAN MO'I RING LA THUGS DAM LA RTZE GCIG TU BZHUGS TE, DE YANG PHYI ROL NAS MNGON PA LA RDO RJE BZLAS PA LA SOGS PA MDZAD PA SHAS CHE BAR MNGON NO ZHES ZER TE, MDOR NA 'CHI BA 'OD GSAL CHOS SKU DANG BSRE BA'I MAN NGAG RNAMS THUGS NYAMS SU BSTAR BA YIN PAR NGES SO, ,DE'I SANG NYIN NYI SHU LNGA'I SNGA DRO DANG PO NAS ZHABS RDO RJE SKYIL MO KRUNG DU MDZAD, PHYAG GNYIS MNYAM PAR BZHAG STE THUGS DAM LA RTZE GCIG TU BZHUGS PA LAS NYI MA SHAR RJES TZAM LA STONG PA GSUM RIM GYIS THIM NAS THAMS CAD STONG PA 'DO GSAL DON DAM PA'I BDEN PA MNGON DU MDZAD DE, DE YANG SHANGS KYI SGO'I RLUNG RAGS PA RGYU BA NANG DU THIM PA NAS, ZHAL GYI DKYIL 'KHOR DE GONG CUNG ZAD SKU KHAMS BSNYEL BA SOGS KYIS SNGAR LAS SKU MA DANG SA CUNG ZHIG CHUNG BAR YOD NA'ANG, DE'I TSE BLO BUR DU ZLA BA RGYAS PA LTAR GYUR TE, SKU'I CHA THAMS CAD 'OD KYI LUS CAN GYI LHA BU GZHON NU LTAR GYUR CING, SKU'I SHA ZHU BA DANG, LTAR LTAR BOR GYUR PA DANG, KHANG KHUNG DU GYUR PA LA SOGS PA CUNG ZAD KYANG MED LA, SNGAR GYI SKU'I GNYER MA RNAMS KYANG SKRA'I RTZE MO BRGYAR GSHEGS PA'I TSOD TZAM DU'ANG THAMS CAD KYIS THAMS CAD DU MED PAR GYUR TE, BLTA BAR MI BZOD PA'I 'OD KYI PHUNG PO DANG LDAN ZHING, DE YANG KHA CIG NI SKU'I 'OD DMAR SER DU SNANG NGO ZHES ZER, KHA CIG NI DKAR SER DU SNANG NGO ZHES ZER, KHA CIG NI GSER BTZO MA LTA BUR SNANG NGO ZHES ZER TE, LO BCU DRUG LON PA'I NA TSOD DANG LDAN PA'I LHA'I LUS CAN, JI LTAR 'JAM DPAL GZHON NUR GYUR PA @066A *, ,RGYAN DANG CHA LUGS SPANGS NAS, NANG DU YANG DAG 'JOG LA MNYAM PAR BZHAG PA JI LTA BA DE LTAR GYUR PA NA, DE'I TSE GLO BUR NYID DU MGON DANG BRAL BAS, YID MYA NGAN GYIS BRLAMS TE, RANG GI 'TSO BA LA YANG MI LTA BAR GYUR PA'I SKYE BO DRUNG NA 'KHOD PA DAG THAMS CAD KYANG, AE MA MA LA 'DI 'DRA BA'I NGO MTSAR BA NI BRJOD PAR DKA' BA ZHIG STE, BDAG CAG RNAMS KYIS LHA'I LUS MNGON SUM DU MTHONG NGO, ,ZHES MYA NGAN GYIS MYOS PAS RANG DBANG BRAL BZHIN DU YANG NGO MCHER BAS BSKYOD PA'I MU COR GYI GAR BYED DO, ,DE YANG SKU 'DA' BA'I TSE SKU'I MDANGS DANG GZHON SHA LA SOGS TE, MDOR NA MI'I LUS GNAS GYUR NAS LHA BU GZHON NU'I LUS LTA BUR GYUR PA 'DI 'DRA BA SNGON CHAD SU ZHIG LA BYUNG BA'I LO RGYUS BSNYAD PA 'GA' THOS PA'AM, 'DI'I RGYU MTSAN NI 'DI LTA'O ZHES BRJOD PAR BYA BA CI ZHIG YOD CE NA, SNGON GYI TSE RGYA GAR GYI GRUB THOB PAndI TA GA YA DHA RA ZHES BYA BA DE NYID MKHA' REG TU 'DAS PA NA SKU LUS SHIN TU CHUNG ZHING GZHON SHA DANG LDAN PA'I BYIS PA'I NA TSOD LTA BUR GYUR TO ZHES THOS KYI, BOD KYI BLA MA SNGA MA SU ZHIG LA'ANG TSUL DE LTAR BRJOD PA MA THOS SO, ,'ON KYANG DE'I RGYU MTSAN NI 'DI YIN PAR 'KHUMS TE, BCOM LDAN 'DAS KYI GSUNG RAB DAG LAS, GANG GI RGYUD LA MTHONG BA'I LAM SKYES PA DANG, DGRA BCOM PA MNGON DU BYAS PA LA SOGS PA'I SGO NAS BDUD RTZI THOB PAR GYUR PA NA, DBANG PO YONGS SU GSAL ZHING, BZHIN GYI MDOG NI DAG LA, PAGS PA'I MDOG NI DKAR BA LA SOGS @066B PA LUS KYI MDANGS SNGAR LAS GNAS GYUR PA 'BYUNG BA DU MA ZHIG GSUNGS TE, DE BAS NA RJE 'DI YANG DE'I TSE 'OD GSAL DON DAM PA'I BDEN PA MNGON DU MDZAD DE, 'CHI BA CHOS KYI SKUR BSGYUR BA'I SGO NAS BAR DO SGYU MA'I SKUR BZHENGS TE, BAR DOR LONGS SPYOD RDZOGS PA'I SKU MCHOG GI DNGOS GRUB KYI GO 'PHANG MTHAR THUG PA MNGON DU MDZAD PA YIN PAR GDON MI ZA BAS, DE'I NGO MTSAR BA'I LHAS YIN PAR SHES PAR BYOS SHIG ,GZHAN YANG BAR DO LONGS SPYOD RDZOGS PA'I SKU MNGON DU MDZAD PA LA NI, SKU TSE 'DI NYID DU DE'I RGYU TSOGS RNAMS LEGS PAR THUGS RGYUD LA 'KHRUNGS TSA RA BA 'DI 'DRA'O, ,ZHES BYA BA LA SOGS PA'I RGYU MTSAN CHES ZHIB PA NYID DU KHO BO LA BSNYAD PAR BYA BA YOD MOD KYI, 'ON KYANG TSOGS SU BSKRAG PAR MA GNANG BSAM BRAS LA, CUNG ZAD BRDA GO BAR NUS PA TZAM ZHIG RNAM PAR THAR PA THUN MONG MA YIN PAR BRJOD ZIN TO, ,'O NA DGA' LDAN DU BYANG CHUB SEMS DPA' 'JAM DPAL SNYING PO ZHES BYA BAR 'GYUR BA NYID DU LUNG BSTAN CING ZHAL GYIS BZHES PA MA YIN NAM ZHE NA, DE NI 'PHAGS PA KLU SGRUB SA DANG PO THOB STE BDE BA CAN DU GSHEGS PAR GSUNGS PA DANG, YANG SKU TSE DE NYID LA RDO RJE 'CHANG CHEN PO'I GO 'PHANG MNGON DU MDZAD PAR GSUNGS PA'I TSUL GNYIS KA 'GAL BA MED PA DANG 'DRA STE, SPRUL PA'I SKU'I STON TSUL GYI DBANG DU BYAS PA'O, ,DE LTAR CHOS KYI SKU LA MNYAM PAR BZHAG PA'I RING LA, SKU'I ZHAL GYI DKYIL 'KHOR GYI THAD DRANG SHIN TU NYA BAR, 'JA' TSON KHA DOG SNA LNGA PA SHIN TU DVANGS SHING 'OD 'TSER BA RNAM PAR @067A *, ,BKRA BA SGYU MA'I SKU NYID NYE BAR MTSON PA'I SLAD DU CHED DU SPRUL PA BZHIN G-YO BA MED PA ZHIG YUN RING PO'I BAR DU KA BA BTZUGS PA BZHIN GNAS PAR GYUR TO, ,NGUS DE DAG GI TSE NAM MKHA' NI THAMS CAD STONG PA 'OD GSAL MNGON DU MDZAD PA'I TSUL NI 'DI 'DRA'O, ,ZHES 'JIG RTEN THAMS CAD LA GO BAR BYED PA BZHIN DU SHIN TU G-YA' DAG PAR GYUR TE CHES DVANGS SHING, THA MAL GYI SPRIN DANG RDUL LA SOGS PA THAMS CAD DANG BRAL SA GZHI RLUNG GI RGYU BA THAMS CAD DANG BRAL NAS BSER BU PHRA MO'I 'GRO 'ONG YANG RGYUN CHAD PA, ZHAG BZHI BCU RTZA DGU TZAM GYI BAR DU BYUNG LA, DE'I TSE DGON PA'I GLING GSEB NAS GZIMS KHANG GI PHYOGS SU RANG RANG GI BRANG KHANG GI STENG GI LA BAD KHA RNAMS SU MTSAN MO MAR ME'I PHRENG BA MTHA' YAS PA PHUL BA RNAMS DANG, GZIMS KHANG GI SGO DRUNG DANG PHYI ROL GYI CHOS GRA'I ZHAL DKAR THAD SO RNAMS SU MAR ME'I PHRENG BA TSAR DU DANG RA BA THAMS CAD KYANG MTSAN RING GANG LA ME LCE'I RTZE MO CUNG ZAD RLUNG GIS G-YO BA TZAM YANG MED PAR GYUR TO, ,GZHAN YANG LHA RNAMS KYIS MNGON PAR MCHOD PA DANG, DPA' BO DANG MKHA' 'GRO MA RNAMS KYIS MNGON PAR BSGRAGS PA'I ROL MO'I BYE BRAG BSAM GYIS MI KHYAB PA MTSAN GUNG LA GRAGS PA DANG, NYIN MO YANG SNGON TSOR MA MYONG BA'I SGRA'I BYE BRAG DU MA 'GA' ZHIG GI RNA LAM NA GRAGS PA LA SOGS PA DANG, LHA RNAMS KYIS MNGON PAR GTOR BA'I ME TOG GI TSOGS NI PHAL CHE BA KUNDA LTAR DKAR ZHING @67B MU TIG LTAR 'OD GSAL BAS MTHON PO NAS 'BYUNG BA NA ZLA BA LTAR 'TSER BA DANG, 'GA' ZHIG NI KHA DOG SNGON PO DANG, 'GA' ZHIG NI SER PO DANG, 'GA' ZHIG NI DMAR PO LA SOGS PA MI CHEN PO'I LAG PA'I MTHIL TZAM PA DANG, SHING RTA'I PHANG LO TZAM PA DPAG TU MED PA CHAR LTAR DU BAB PAR GYUR TO, ,GZHAN YANG PHAL CHE BAR NAM MKHA'I LAM THAMS CAD 'JA' KHA DOG DKAR PO SHIN TU YID 'PHROG BAS BLA RE LTAR BRES PA DANG, BA DAN LTAR 'PHYAR BA DANG, DGE LDAN GYI G-YAS G-YON DANG MDUN GYI LUNG PA THAMS CAD 'JA' KHA DOG SNA TSOGS PAS LDA LDI LTAR KHRIG GIS GANG BAR GYUR PA LA SOGS PA ZHAG MANG PO'I BAR DU BYUNG ZHING, GANG GI TSE BCOM LDAN 'DAS GRONG KHYER RTZVA CAN DU GZIMS MAL GYI THA MA LA GZIMS TE MYA NGAN LAS 'DA' BA'I MDZAD PA BSTAN PA'I LHA RNAMS KYIS MNGON PAR MTSAD PA JI LTA BA DE LTAR GYUR TO, ,SMRAS PA, LEGS BSHAD 'OD DKAR STONG GI DRA BA CAN, ,THUB BSTAN KU MUD MDZES PA'I GNYEN GCIG PU, , GLO BUR NYID DU ZHI BA'I DBYINGS SU NUB, ,SA GSUM 'GRO 'DI CIG CAR MUN PAS KHYAB, ,RING NAS KHYOD LA BRTEN PA'I SKYE BO 'DI, ,YID LA MYA NGAN ME LCE'I SBYIN SREG DANG, ,BZHIN LA MCHI MA'I RGYUN GYI DAG BYED DAG ,SDUG BSNGAL BSAM GTAN DRAG POS RTZE GCIG BSGRUBS, ,BLO GSAL 'CHI MED TSOGS KYI 'DOD DGU'I GZHI, ,MKHYEN BRTZE'I GRIB BSIL PHYOGS KYI MA THAR 'GRO BA, ,SNGON MED YONGS 'DU'I DBANG PO DBYINGS SU 'DZEGS, ,THAR 'DOD YID KYI GDUNG SEL SU ZHIG BSTON, ,THUB BSTAN @68A *, ,GANGS RI'I STOD G-YOGS NI, ,CIG CAR NYID DU LTUNG NGO ZHES, ,LHA RNAMS SKRAG PA'I CHO NGE BZHIN, ,SPRIN BRAL NAM MKHA'I RNGA CHEN BRDUNGS, ,CHU GTAR DU KU LA YI GOS, ,MYA NGAN RLUNG GIS RLABS BSKYOD PA'I, ,LJON SHING SPU LONG G-YO BA CAN, ,NOR 'DZIN LUS 'DI RING ZHIG 'DAR, ,'JIG RTEN KUN GYI LTA BYED NE, ,LHUNG BAS YID KYI BRTAN NYAMS TE, ,KUN GSAL MDZES MAS MU COR DU, ,CHU 'DZIN SMAD G-YOGS RGYA MTSOR DOR, ,DE YIS SKABS GSUM LHA RNAMS NI, ,NGO TSAS BAB COL GYUR PA BZHIN, ,'PHROG BYED BLA GOS BAK BA YIS, ,NAM MKHA'I BU MO KHYAB PAR BSGRIBS, ,KUN RTOG RLUNG GI GZHON PA KUN, ,MA LUS BCOM PAS SKRAG GYUR TE, ,MTHA' DAG DRI BZHON G-YO BA NI, ,STOBS LDAN BZHIN DU SA 'OG ZHUGS, ,MGON 'DIS CHOS SKU MNGON DU MDZAD PA NA, ,BDAG CAG BTANG SNYOMS 'DUG PAR MI RIGS ZHES, ,MTHO RIS PADMO MA LUS LHA RNAMS KYIS, ,MKHA' LA GTOR BA'I RNAM 'PHRUL CI YANG BYAS, ,KHYOD THUGS ZHI BA'I BDUD RTZIS MYOS MTHONG NAS, ,MNGON DGA' RGYAS PA'I ZLA BAS SKU LA 'KHYUD, ,DE TSE DE YI RJES 'BRANG RGYU SKAR TSOGS, ,RANG GNAS BTANG STE MKHA' LAS LHUNG BA BZHIN, ,MGON PO KHYOD KYIS BDAG CAG RAB BTANG STE, ,PHUN TSOGS SKU YI SGYU MAS BRID GYUR KYANG, ,MYA NGAN LCAGS KYUS YID KYI GNYIS 'THUNG NI, ,GTONG BA MIN ZHES KUN GYI CHO DE BYAS, ,'ON KYANG BLA MA MCHOG GIS SKU GSUM GYI, ,GO 'PHANG RGYA CHEN MNGON DU MDZAD DO ZHES, ,BDAG CAG @68B YID LA GDUNG BA CI LTAR RIGS, ,SLAR YANG TSUL DER DANG BA LHUR BYOS SHIG ,DE NAS DUS DE NYID DU, DGE 'DUN BRGYA PHRAG DU MAS ZHAG MANG PO'I BAR DU, PHYI NANG GI DKYIL 'KHOR CHEN PO DAG ZHAL PHYE NAS, BLA MA DANG RDO RJE 'CHANG THA MI DAD PA LA, PHYI NANG GSANG BA'I MCHOD PA RGYA CHEN POS MNYES PAR BYAS SHING, BDAG NYID 'JUG CING DBANG BLANG BA LA SOGS PAS DAM TSIG DANG SDOM PA RNAM PAR DAG PAR BGYIS TE THUGS KYI DGONGS PA RDZOGS PA DANG, BDAG CAG THAMS CAD LA NAM DU YANG BLA MA MCHOG GI YE SHES GZIGS PA 'BRAL BA MED PAR GYUR CIG ,CES YID LA BRNAG PA LHUR BYED PA'I SMON LAM GYI RTEN RGYA CHER BSGRUBS LA, DE BZHIN DU DBUS GTZANG GI DGE 'DUN GYI SDE CHEN PO DU MAR YANG MANG JA DANG 'BUL NOD PHUN SUM TSOGS PA RGYA CHER BSGRUBS SHING, DE YANG PHYIS KYI RAB TU BYUNG BA DAG LA, MKHAN PO DANG, SLOB DPON DANG, BLA MA DAG 'DAS PA NA THOS BSAM SGOM PA DANG CHOS 'CHAD PA LA SOGS PA DGE BA'I SBYOR BA DAG RGYUN BCAD DE, SKRA TSAD LAS LHAG PAR 'JOG PA DANG, GOS BSGYUR BA DANG, GTZUG LAG KHANG GI BA DAN SDUD PA LA SOGS PA, GRONG PA'I CHOS LUGS DAG YONGS SU GRAGS MED KYI, BDAG CAG RNAMS KYIS NI RJE NYID KYI THUGS KYI DGONGS PA DANG MTHUN PAR GRONG PA'I CHOS LUGS DE DAG RING DU SPANGS TE, 'DU BYED THAMS CAD KYI MTSAN NYID NI 'DI 'DRA'O SNYAM DU SKYO BAR 'GYUR BA'I MTSAN MA YID LA BYED PAS SLAR YANG 'KHOR LO GNYIS KYI BYA BA LA CHES CHER BRTZON PAR BGYIS NAS THUGS KYI DGONGS PA YONGS SU RDZOGS PA'I @69A *, ,BYA BA RGYUN MI 'CHAD PAR SGRUB PA LA ZHUGS PAR GYUR TO, ,DE NAS SGRUB MCHOD THON 'PHRAL LA, SLOB DPON RIN PO CHE DAR MA RIN CHEN PA'I ZHAL SNGA NAS, BDAG NYID CHEN PO'I CHOS KYI KHRI LA BZHUGS TE, GZIMS KHANG DU PHYAGS PHEBS NAS, RJES 'JUG YONGS KYI GTZUG RGYAN DAM PAR RING DU BZHUGS SHING, RJE NYID KYI MDZAD SROL DAM PA RGYUN MI 'CHAD PA'I BDAG RKYEN DU SLOB DPON RIN PO CHE GRAGS PA RGYAL MTSAN PA'I ZHAL SNGA NAS THOG MA MDZAD PA'I GNAS BRTAN YONGS KYI DGE BA'I BSHES GNYEN CHEN PO DAG GIS MGRIN GCIG TU GSOL BA BTAB STE, CHOS KYI RGYAL SRID CHEN PO'I BDAG POR MNGA' GSOL NAS, SNGAR RJE NYID KYI ZHAL SNGA NAS ZHAL TA MDZAD PA'I BCOM LDAN 'DAS RNAM PAR SNANG MDZAD KYI DNGUL SKU CHEN MO YANG LEGS PAR GRUB STE, RAB TU GNAS PA TSUL BZHIN DU MDZAD DO, ,DE YANG SKU DE BZHENGS BA'I DGONGS PA GANG YIN ZHES 'GA' ZHIG GLANG BAR BYAD MOD KYI, DE NI RJE RANG NYID KYI ZHAL SNGA NAS SNGAR BDE MCHOG DANG, GSANG 'DUS DANG, RDOR DBYINGS KYI GZHAL YAS KHANG RMAD DU BYUNG BA 'DI DAG BZHENGS PA'I DGONGS PA'I GTZO BO NI BLA MED DANG YO GA'I RGYUD SDE CHEN PO RNAMS KYI 'CHAD NYAN LEGS PAR NYAMS PA 'DI CUNG ZAD GSO AE THUB BSAMS NAS, DE'I RTEN 'BLEL PA SGRIG PA'I CHED DU BZHENGS PA YIN, DA DUNG SPYOD RGYUD RNAM SNANG MNGON BYANG 'DI LA BSHAD PA ZHIG GI SROL CUNG ZAD TZAM MA TSUGS NA, RGYUD SDE BZHI'I YA GYAL GCIG GTAN MED DU NUB SONG LA KHAD @69B 'DUG PAS, DE'I RTEN 'BREL CIG SGRIG DGOS ZHES GSUNG BA DE LA DGONGS PA YIN PAR GDON MI ZA'O, ,ZHES KHO BOS 'BUd ? SO, ,DE NAS CHOS KYI SKU LA MNYAM PAR BZHAG PA LAS BZHENGS NAS, SKU GDUNG ZHUGS LA GZHEN PA DANG, MA NYAMS PAR BZHUGS PA JI LTAR BYA ZHES BKA' BGRO BA MDZAD PA LAS MA NYAMS PAR BZHUGS NA BSTAN PA'I RGYUN LA SHIN TU PHAN PA'I DGOS PA CHE BAR DGONGS TE, MNYAMS PAR BZHUGS SU GSOL BA LA THAG BCAD NAS, SO SO NAS DAD PAS PHUL PA'I DNGUL BRE CHEN BCO BRGYAD TZAM LAS GRUB PA'I GDUNG RTEN CHEN PO, RIN PO CHE'I PHRA SNA TSOGS PA BKOD PAS SPRAS PA BZHENGS TE, DE'I BUM PAR SKU GDUNG SNAM SBYAR GYIS LEGS PAR G-YOGS TE TZANDAN 'BA' ZHIG LAS BSGRUBS PA'I SGROM DU BCUG NAS BZHUGS SU GSOL LO, ,DE'I RJES SU SNE GDONG DANG 'BRI KHUNG NAS THOG DRANGS PA'I SBYIN BDAG BU SLOB RNAMS KYIS, ZHO STONG PHRAG DANG BRGYA PHRAG BGRANGS PA'I GDUNG 'BUL BYUNG BA RNAMS DANG, GZHAN YANG PHYAGS PHYOGS SU ZANGS KYI DAD 'BUL BSKUL BA'I ZHAL TA MDZAD NAS ZANGS KYI 'BUL BA BYUNG BA RNAMS LA BRTEN NAS, SLOB DPON RIN PO CHE PA RNAM GNYIS KYIS ZHAL TA MDZAD CING, NANG RTEN GYI GSER SKU CHEN MO, JO BO RIN PO CHE'I SKU TSAD LAS KHRU GANG DU NYE BAS CHE BA SHIN TU BYON LEGS SHING RMAD DU BYUNG BA DANG, SKU GDUNG DANG, NANG RTAN BZHUGS PA'I SLAD DU GTZUG LAG KHANG SHIN TU CHE ZHING LEGS PA DANG BCAS PA GSAR DU BZHENGS TE, BYI BA LO'I NANG DU RAB TU GNAS PA YAN CHAD THAMS CAD YONGS SU RDZOGS PAR GRUB PAR MDZAD LA, DE YANG, SKU GDUNG GTZUG LAG KHANG GSAR BAR GDAN @70A *, ,'DREN PA'I TSE NA MKHA' 'DZA' TSON GYIS KHYAB CING, ME TOG GI CHAR BAR SNANG GANG BA BAB PO, ,GZHAN YANG BYI LO ZLA BA BCU PA LA DGE LDAN DU RDO RJE SLOB DPON BRGYA PHRAG DU MAS, DKYIL 'KHOR DPAG TU MED PA SGRUB CING, MCHOD PA'I DUS KYI MCHED PA ZHAG DU MA'I BAR DU BSGRUBS PA NA, NYI MA DANG PO DANG RJES MA LA ME TOG GI CHAR BAB BA NI, ME TOG MU TIG GI MDOG LTA BU CHUNG NGU 'DAB MA DRUG PA LA SOGS PA YU BA DANG BCAS PA BAB CING, NYER LNGA'I NYIN ME TOG CHUNG NGU DE LTA BU NI SA LA KHA PA LTAR CHAGS PA DANG, GZHAN YANG ME TOG 'DAB MA DRUG PA LA SOGS PA KHA CIG GI MDOG NI DUNG DANG, KHA CIG NI GSER BTZO MA DANG, KHA CIG NI LI KHRI LTA BU DANG, KHA CIG NI RGYA MTHING BZANG POS BYUGS PA LTA BU MI CHEN PO'I LAG PA'I KHYON TZAM PA DP PAG TU MED PA BAB PA DANG, DE'I TSE DPON NAM MKHA' BZANG PO BA KHU DBEN PA'I DRUNG NAS, RA GA BRAG TU CHOS RJE SH'AKYA YE SHES PAS THOG MA MDZAD PA'I DGE 'DUN DU MA SPYAN DNGAS NAS DUS KYI MCHOD PA RGYA CHER MDZAD DE, GSOL BA BTAB PAS KYANG ME TOG GI CHAR CHEN PO BAB BO ZHES GRAG GO ,MDOR NA MYA NGAN LAS 'DA' BA'I MDZAD PA BSTAN PA'I RJES SU'ANG, NYID KYI NGO MTSAR BA'I MDZAD PA DAG GIS GDUL BYA DPAG TU MED PA SMIN GROL GYI LAM LA BZHAG PAR MDZAD DO, ZHES BYA BA NI RJE BTZUN BLA MA TZONG KHA PA CHEN PO'I RNAM PAR THAR PA YONGS SU BRJOD PA'I GTAM DU BYA BA DAD PA'I 'JUG DOGS ZHES BYA BA LAS, MYA NGAN LAS 'DA' BA'I MDZAD PA JI LTAR BSTAN PA'I RIM PAR PHYE BA STE DRUG PA'O,, ` ,,KHYED KYI YID LA RING NAS GNAS BCAS MUN PA'I LAG 'GRA GDUG PA'I LCE, ,GNYIS PA DANG BCAS @70B CHAGS DANG SDANG BA'I GLOG 'PHRENG G-YO BA LTAR RNO BA, ,DGE LEGS SREG 'PHROG CHEN PO'I DUG GIS MYUR DU KHYAB BYED RMONGS PA NI, ,RGYAL BA'I THUGS KYI BUM PA LAS 'ONGS LEGS BSHAD BDUD RTZIS 'PHROG GYUR CIG ,RMA BYA DAG GI RNA BA LA, ,DBYAR SKYES SPRIN GYI SGRA DBYANGS BZHIN, ,DAM PA'I SKYE BO MA LUS PA, ,DAM PA'I SPYOD TSUL THOS PAS TSIM, ,DE PHYIR TSIG GI DOG PA NI, ,SBYOR TSUL RDZOGS PA'I DRI BZANG CAN, ,PHYOGS KYI MDZES MA'I RNA BA LA, ,'KHYUD PAR RTZOM PA BDAG GIS BYAS, ,CHEN PO'I GTAM GYI SBYOR BAS KYANG, ,DMAN RNAMS YID LA ZUG RDU NI, ,PHRAG DOG ME YIS BCOS PA BZHIN, ,ZHUM PA DAG DANG LHAN CIG 'BYUNG, ,NYI MA'I 'OD ZER 'THUNGS PA YI, ,PAD GZHON KHA YI BDUD RTZI LA, ,KHROS PA'I BUD BA GLANG CHEN GYI, ,'GRAM PA'I CHANG LA 'THUNG BAR RTZOM, ,DE LTA NA YANG BDAG GIS NI, , DAM PA RI DVAGS MIG CAN GYI, ,ZUR PHUD DAG LA 'OS PA GANG, ,NGO MTSAR GTAM GYI PHRENG BA BKOD, ,GANG GI BLO GROS BLO YI BANG MDZOD NI, ,LEGS BSHAD RIN CHEN BYE BAS GANG GYUR PA, ,BLO CHUNG TSAD KYIS BGRANG BAR MI SPYOD PA'I, ,SNYAN DNGAGS 'BYUNG KHUNGS DE LAS 'DI NYID 'ONGS, ,GANG ZHIG ZAB YANGS CHU GTER BZHI YI TSAD, ,SHES LDAN SU ZHIG CHU THIGS GRANGS KYIS BGRANGS, ,DE LTAR KHYOD KYI YON TAN PHUNG PO'I TSAD, ,BGRANG BAS MTHU CHEN KUN KYANG SGYID LUG 'GYUR, ,'ON KYANG LHO PHYOGS DRI BZHON GYIS BOS PA'I, ,RKANG 'THUNG ME TOG RGYAS PA'I SNYE MA BZHIN, ,MGON KHYOD YON TAN PADMO'I DRI BSUNG GIS, ,BDAG YID BUNG BA'I BRTAN NYAMS MU COR GYUR, ,DE PHYIR RJE BTZUN BLA MA'I YON TAN GYI, ,RIN CHEN 'BYUNG GNAS DAD PA'I 'JUG NGOGS DER, ,CHEG GA 'BAB STAGS RIM @71A *, ,PAR SPEL BA YIS, ,BDAG BLO'I DRI MA BKRU BA 'DI BRTZAMS SO, ,DGE BA 'DI YIS TSE RABS KUN TU BDAG ,GANG GI MTSAN YANG BSKAL PAR RNYED DKA' BA, ,THEG MCHOG DGE BA'I BSHES KHYOD ZHABS KYI RDUL, ,'BRAL MED GTZUG PHUD RGYAN DU BSTEN PAR SHOG ,DAR NI SGO GSUM BYA BA KUN GYIS KYANG, ,KHYOD MNYES BGYID PA 'BA' ZHIG LHUR BLANGS NAS, ,DE YI MTHU LAS THUGS KYI BCUD PHYUNG BA, ,KHYOD GSUNG BDUD RTZI'I RO YIS 'TSE BAR SHOG ,THEG MCHOG LAM GYI GZHUNG SHING BYANG CHUB SEMS, ,YANG DAG LTA BA'I GNAD DANG RIM GNYIS LA, ,'KHRUL MED NGES PA RNYED NAS BRTZON PA YIS, ,KHYED GSUNG SGRUB PA SNYING POR BYED PAR SHOG ,CES RGYAL BA THAMS CAD KYI MKHYEN BRTZA GCIG TU BSDUS PA LNGA BRGYA PA RNAMS KYI GTZUG GI NOR BU, SNYIGS MA'I DUS 'DIR RGYAL BA'I BSTAN PA LA RGYAL BA NYID DANG MTSUNGS PA, SKYE DGU MA LUS PA'I GNYEN GCIG PU, THAMS CAD MKHYEN PA BLO BZANG GRAGS PA'I DPAL GYI ZHAL SNGA NAS KYI RNAM PAR THAR PA YONGS SU BRJOD PA'I GTAM DU BYA BA DAD PA'I 'JUG DOGS ZHES BYA BA 'DI NI, LUNG DANG MNGON PAR RTOGS PA'I YON TAN MTHA' YAS PA'I NOR GYIS THUGS KYI BANG MDZOD YONGS SU GTAMS PA'I GNAS BRTAN YONGS KYI DGE BA'I BSHES GNYEN CHEN PO CHOS BZANG BA DANG, RIN CHEN RGYAL MTSAN PA GNYIS KYI BKAS NAN CHER BSKUL ZHING, GZHAN YANG DGE BA'I BSHES GNYEN CHEN PO DU MA ZHIG GIS YANG YANG BSKUL BA LA BRTEN NAS, DPAL LDAN BLA MA DAM PA DMIGS PA MED @71B PA'I THUGS RJE CHEN PO DANG LDAN PA DE NYID KYI ZHABS RDUL LA NYE BAR GTUGS PA'I BKA' DRIN GYIS 'TSE BA, MANG DU THOS PA'I BTZUN PA DGE LEGS DPAL BZANG PO, ,GTZANG NYANG STOD RIG PA'I 'BYUNG GNAS KYI SA'I CHAR GRUB PAR SBYAR BA PHYOGS DUS THAMS CAD DU BKRA SHIS PAR GYUR CIG, ,,DGE LEGS 'PHEL,, ,