*, ,RJE RIN PO CHE'I GSANG BA'I RNAM THAR RGYA MTSO LTA BU LAS CHA SHAS NYUNG DU ZHIG YONGS SU BRJOD PA'I GTAM RIN PO CHE'I SNYEM BZHUGS, , @01A #, ,RJE BTZUN BLA MA DMIGS PA MED PA'I THUGS RJE CHEN PO DANG LDAN PA, RGYAL BA KHYAB BDAG RDO RJE 'CHANG CHEN PO DANG DBYER MA MCHIS PA DE'I ZHABS LA GUS PA CHEN POS PHYAG 'TSAL LO, ,BRTZE BA CHEN POS DUS THAMS CAD DU RJES SU GZUNG DU GSOL, ,RGYAL BA KUN GYI MKHYEN BRTZE NI, ,'GRO 'DI'I BSOD NAMS DPAL 'BYOR LAS, ,MGON KHYAD GZUGS CAN BZHIN GYUR PA, ,SKYE DGU'I NYER 'TSO RGYAL GYUR CIG ,KUN LA THUN MONG BA NYID DU, ,BSNYAD PAR BGYI BA'I PHUL BYUNG GTAM, ,KHYOD KYI MDZAD PA LAS BRTZAMS NAS, ,BDAG GIS 'BAD DE GZHAN DU BSGRAGS, ,'ON KYANG SLAR NI GSANG BA LAS, ,SHIN TU GSANG BA'I RIN CHEN GTER, , MTHU CHEN GYIS KYANG BSAM DKA' BA, ,NGO MTSAR BLA NA MED PA'I GTAM, ,MGON KHYOD ZHAL GYI BUM BZANG LAS, ,DGYES BZHIN STZAL BA'I BDUD RTZI'I RGYUN, ,BDAG BLO DAD PA'I SNYIM PA YIS, ,GCES PAR BZUNG BA DE NYID KYIS, ,SKAL BZANG DAD PA BRTAN PO CAN, ,THEG PA MCHOG GI BSHES GNYEN LA, ,SNYING NAS GUS PA'I BRTUL ZHUGS NI, ,RAB TU BLANG BA 'GA' YI CHED, ,BDUD RTZI'I BGO SKAL 'DI SBYIN GYIS, ,SKAL BZANG DAD PA'I LUS MDZES MA, ,'DUN LDAN RI DVAGS MIG CAN GYIS, ,RNA LUNG MDZES BYED RGYAN 'DI LONG, ,DE YANG BDAG CAG GI DPAL LDAN BLA MA DAM PA RJE BTZUN TZONG KHA PA CHEN PO ZHES 'JIG RTEN GSUM NA RNAM PAR DKAR @02A *, , BA'I SNYAN PA'I BA DAN GYO BA DE'I RNAM PAR THAR PA PA YON TAN RIN PO CHE'I 'BYUNG GNAS LAS THUN MONG DU YONGS SU BSGRAG PAR BYA BA, PHUL DU BYUNG BA'I DAM PA'I SPYOD PA NGO MTSAR BA DAG NI BDAG GIS PHYOGS GZHAN DU BRJOD ZIN LA, DE LTA NA'ANG THUN MONG MA YIN PA'I RNAM PAR THAR PA SKU DANG GSUNG DANG THUGS KYI GSANG BA BLA NA MED PA BLO MCHOG TU GYUR PA DAG GIS KYANG BSAM PAR BYA DKA' BA BGRANG BA LAS 'DAS PA ZHIG MNGA' BA LAS, SKAL BA DANG LDAN PA DAG LA CUNG ZAD TZAM ZHIG BSGRAG PAR RJES SU GNANG BA, BDAG GIS PHYOGS TZAM ZHIG BLO LA NGES PA GANG YIN PA DE 'DIR BRJOD PAR BYA'O, ,DE LA BLA MA DBU MA PA DANG MJAL BA YAN CHAD KYI RNAM PAR THAR PA NI THUN MONG BAR BRJOD ZIN PA LTAR RO, , BLA MA DBU MA PA DE YANG SKU TSE DPAG TU MED PA'I SNGA ROL NAS TSOGS GNYIS RGYA CHEN PO BSAGS SHING, KHYAD PAR DU SKU TSE LAN GRANGS MANG POR RJE BTZUN 'JAM PA'I DBYANGS KYIS RJES SU BZUNG BA'I MTHUS, SKU TSE 'DIR BSNYEN SGRUB SOGS LA 'BAD PA CHER MA MJAD PAR YANG, BYIS PA GZHON NU'I DUS NYID NAS MDO KHAMS SU PHYUGS RDZI MDZAD PA'I TSE, LUS KYI KHONG PA'I NANG SNYING GI THAD TZAM NAS, AA RA PA TZA NA'I SNGAGS KYI SGRA 'UR 'UR BA 'ONG ZHING, DE BYUNG RES KYIS LUS KYI BA SPU ZING BYED CING, THUGS BZUNG MI THUB PA 'DRA BA 'ONG BA ZHIG YOD DE, LAN CIG DE LTAR BYUNG BAS RKYEN BYAS NAS BRGYAL BAR GYUR CING, BRGYAL BA SANGS PA DANG, MDUN NA RJE BTZUN 'JAM PA'I DBYANGS SKU @02B MDOG NAG PO ZHIG 'DUG PA DNGOS SU GZIGS PA'I SNANG BA BYUNG, DE RJES RJES GNANG DANG SGRUB PA'I LUNG GSAN NAS, BSNYEN SGRUB LA SHIN TU 'GRUS PAR MDZAD PAS RNAM PAR THAR PA THUN MONG BAR BSNYAD PA LTAR SKU DANG GSUNG GI SNANG BA RGYUN CHAGS SU 'ONG BA ZHIG YOD PAR SNANG, RJE RIN PO CHE 'DIS GTZANG RONG DU KHONG DANG MJAL NAS, BLA MA DBU MA PAS LOTZTSA BA MDZAD, RJE 'DIS 'DRI BA PO MDZAD NAS, RJE BTZUN 'JAM PA'I DBYANGS LA CHOS KYI DRI BA MANG DU MDZAD, KHYAD PAR DU DBU MA'I LTA BA 'DI MA BTZAL NA LAM GYI SROG MI RNYED BTZAL KYANG SHIN TU RNYED DKA' ZHING, PHYIN CI LOG TU BZUNG NA GOL SA DANG NYES DMIGS GZHAN LAS KYANG CHE BAR 'PHAGS PA YAB SRAS KYIS GSUNGS 'DUG PAS, 'DI NYID 'BA' ZHIG YID LA GCAGS PA'I THUGS KYI BZHED PA RTAG TU RGYUN CHAGS PAS, DE KHO NA NYID TSOL BA LA BYANG CHUB SEMS DPA' RTAG TU NGU DANG 'DRA BAR YOD PAS, DE'I TSE YANG RJE BTZUN LA LTA BA'I DANG DRI BA RANG SHAS CHER MDZAD, DE DUS NGED KYI LTA BA 'DI THAL RANG GANG YIN ZHUS PAS, GANG YANG MIN GSUNGS, DE DUS RJE 'DI'I THUGS LA YANG KHAS LEN CI YANG MED CING, GANG DU'ANG BZUNG MI NYAN PAR LTA BA DE THUGS LA BDE BA TZAM YOD PAR 'DUG GO ,DE NAS LTA BA'I SKOR LA DRI BA DANG, BRGAL BRTAG MANG DU MDZAD PAS, RJE BTZUN 'JAM PA'I DBYANGS KYI GSUNG NAS, SNANG PHYOGS DANG STONG PHYOGS LA NYE RING GTAN NAS BYED MI NYAN, KHYAD PAR SNANG BA LA GTZIGS SU BYED DGOS ZHES YANG YANG GSUNG, PHYIS DGA' BA GDONG DU BZHUGS DUS KYANG DE 'DRA BA MANG DU BYUNG STE, MDOR NA THA SNYAD TSAD MAS GRUB PA BZHAG SA MED PAR 'KHRUL NGO TZAM LA BSNYAD NAS GZHAN @03A *, ,NGOR 'JOG PA MA GTOGS, RANG LUGS LA GANG YANG BZHAG SA MED PAR LAS 'BRAS LA SKUR 'DEBS KYI CHAD LTA CHEN PO LA DBU MA'I LTA BA MCHOG TU 'DZIN PA DE NYID 'GAG PA'I CHED DU, RJE BTZUN GYIS NAN TUR CHE BAR MDZAD DO, ,DE LTAR DRI BA DANG BRGAL BRTAG MANG DU MDZAD PA'I SKABS SU RJE BTZUN GYIS THAL RANG GI KHYAD PAR, LHAN SKYES DANG KUN BRTAGS KYI BDAG 'DZIN GNYIS KYIS JI LTAR GYI BDAG DANG, RTAGS KYI DGAG BYA'I TSAD PHRA RAGS, LTA BA RTOGS PA'I TSAD, THAL 'GYUR BA'I LTA BA 'DI'I LUGS KYIS KUN RDZOB BA RNAM PAR 'JOG PA'I TSUL LA SOGS PA RNAMS KYI PA DPYAD PA ZHIB TU MDZAD PA'I SA BON SHIN TU 'DRIL BA RE DANG, SNGAGS MTSAN NYID KYI LAM THUN MONG DANG, THUN MONG MA YIN PA'I KHYAD PAR DPAL GSANG BA 'DUS PA'I RIM PA LNGA'I NGO BO DANG, GO RIM GRANGS NGES LA SOGS PA RNAMS KYI GNAD THUN MONG MIN PA SHIN TU 'DRIL BA RE GSUNGS, MI GO BA 'DUG LAGS ZHUS PAS, 'DI RNAMS MA BRJED PAR GYIS LA ZIN BRIS SU BRIS, BLA MA DANG YI DAM THA MI DAD DU BYAS PA LA GSOL BA 'DEBS SHING BSNYEN SGRUB BYED PA DANG, BSAGS SBYANG GNYIS LA LEGS PAR 'BAD PA DANG, GZHUNG LUGS KYI DON LA RIG PAS RNAM PAR DPYOD CING ZHIB TU SEMS PA RNAMS SUM SGRIL DU NYAMS SU LONG LA TSIM MA SLA BAR, RGYUN BSRINGS LA LEGS PAR DPYOD CIG DANG, SKABS SU BABS PA NA, NGAS DA LTA SA BON BTAB PA 'DI RNAMS KYIS KYANG RKYEN BYAS NAS LEGS PAR GO BA ZHIG MYUR DU 'ONG BAR 'DUG CES GSUNG NGO, ,'PHAGS PA KLU SGRUB YAB SRAS KYI LUGS KYI DBU MA DANG GSANG BA 'DUS PA LA SHES 'DOD SHIN TU CHE BAR YOD PAS @03B RTZAD GCOD PA'I BLA MA BOD NA SU DRAG ZHUS PA LA, RED MDA' BA LAS DRAG PA MED, 'ON KYANG KHYOD LA MTHA' MA LUS BCHOD PA'I GO BA RDZOGS PAR BSKYED MI THUB, DBU MA PA LO TZTSA BYAS NAS NGAS KHYOD LA BSHAD NA DE GA DRAG PA 'ONG NA'ANG, KHONG YANG MYUR DU MDO KHAMS LA 'GRO DGOS PAR SNANG, DES NA DA LTA NAS BSHAD PA MA BYED PAR BYA BRAL GYIS LA DBEN PA STEN, GONG DU BSHAD PA LTAR SUM SGRIL DU NYAMS SU LEN PA DANG, DMIGS RNAM SKYONG BA SOGS LA LEGS PAR 'BOD DANG, RING POR MI THOGS PAR DE RNAMS KYI DON RNYED PAR 'GYUR RO, ,ZHES GSUNG NGO, ,GZHAN YANG CHOS KYI GNAD DANG GZHUNG GANG LA BRTEN NAS TSOL BA SOGS GSUNGS PA LA TSAD MED, RGYA GAR GYI PAndI TA MKHAS PA RNAMS LA'ANG 'GA' ZHIG GI LA GZHUNG LA 'KHRUL MED RANG 'BA' ZHIG TU BZUNG MI NYEN PA'I DMIGS BSAL RE TZAM YANG BYUNG BAS, 'O NA 'PHAGS PA KLU SGRUB KYI DGONGS PA 'GREL BA LA SLOB DPON ZLA BA GRAGS PA 'KHRUL MED RANG 'BA' ZHIG TU BZUNG BAS AE CHOG ZHUS PAS, ZLA BA GRAGS PA NI STENG PHYOGS KYI 'JIG RTEN GYI KHAMS KYI ZHING ZHIG GI DE BZHIN GSHEGS PA ZHIG GI ZHABS DRUNG NAS BYANG CHUB SEMS DPA' RNAM DPYOD DANG SNYING STOBS MCHOG TU GYUR BA ZHIG ,ZHING 'DIR 'PHAGS PA KLU SGRUB KYI LUGS, BSTAN PA'I SNYING PO GSAL BAR BYA BA'I SLAD DU BSAM BZHIN DU SKYE BA BZUNG BU YIN PAS, 'DI 'PHAGS PA KLU SGRUB KYI DGONGS PA 'GREL BA LA SNGAGS MTSAN NYID GANG GI SKABS SU'ANG 'KHRUL PA PHRA MO TZAM YANG MED PAS, 'DI LA RNAM PA THAMS CAD DU YID CHOS KYI GNAS 'BA' ZHIG TU NGES PAR BZUNG DGOS PA YIN NO, ,ZHES GSUNG NGO, ,BLA MA DBU MA PAS RJE BTZUN @04A *, ,'JAM PA'I DBYANGS LA, RJE RIN PO CHE 'DI'I SKU SKYE SNGA PHYI SOGS KYI ZHU BA MDZAD PAS, SNGON SANGS RGYAS 'JIG RTEN NA BZHUGS PA'I DUS SU BLA MA 'DI, RGYA GAR DU BRAM ZE'I KHYE'U ZHIG TU 'KHRUNGS, DE'I TSE DGE SLONG GI CHA LUGS 'DZIN PA'I BYANG CHUB SEMS DPA' MOS PA'I BLO GROS ZHES BYA BA DANG MJAL NAS, DE NYID MNYES PAR BYAS SHING ZHABS 'BRING DU 'BRANGS, CHOS MANG DU GSAN, DES KHRID DE STON PA SH'AKYA THUB PA'I ZHABS DRUNG DU MJAL ZHING SEMS BSKYED, DE'I TSE STON PA LA SHEL DKAR PO DRI MA MED PA BRGYA RTZA'I PHRENG BA ZHIG DAD PAS PHUL NAS, SMON LAM BTAB PAS STONG PA NYID KYI LTA BA PHYIN CI MA LOG PAR RTOGS PA'I SA BON BZHAG PA YIN, DA SKU SKYE 'DI'I PHYI MA LA DGA' LDAN DU RGYAL BA MA PHAM PA'I CHOS KYI MDUN SAR THEG PA CHEN PO'I 'BYOR PA DPAG TU MED PA LA LONGS SPYOD PAR 'GYUR ZHING, MTSAN LA BYANG CHUB SEMS DPA' 'JAM DPAL SNYING PO ZHES BYA BAR 'GYUR RO, ,ZHES ZER RO, ,DE'I LO RGYUS SKU MDUN DU ZHUS DUS, 'DI'I PHYI MA DGA' LDAN DU 'GRO BA 'DI LA RANG BLA MA DBU MA PA, BLA MA PHYAG RDOR BA SOGS MANG PO ZHIG KHA 'CHAM PAR 'DUG ,CES GSUNG NGO, ,GZHAN YANG NYAMS SNANG BA LA SOGS PA MANG POS RJE BLA MA 'DI'I SKU SKYE SNGA PHYI'I SKYES RABS SOGS MANG PO ZHIG GLENG BA NI, BLA MA NYID KYI ZHAL SNGA NAS THUGS NGES MI MDZAD PAR 'DUG PAS MA BRIS SO, ,DE DUS RJE RANG YANG CUNG ZAD 'CHAD NYAN LA THUGS BZHED CHE, BLA MA DBU MA PA YANG DE DANG MTHUN PAS SKU'I NA TSOD SHIN TU GZHON ZHING, MKHYEN RAB DANG PHAN THOGS SHIN TU CHA BA 'DI 'DRA BA LA, DA DUNG BSHAD NYAN RANG MDZAD @04B NA BSTAN PA LA PHAN THOGS SHIN TU CHE ZHING, 'CHAD NYAN 'PHEL PO 'DI 'DRA BA'I 'PHRO LA BYA BRAL LA BYON NA, NGED LA'ANG SKYE BO RNAMS KYIS KHA ZER DU 'ONG BAS NA, RE ZHIG 'CHAD NYAN MDZAD PAS CHOG PA ZHIG 'TSAL, ZHES ZHUS PAS RJE BTZUN GYI ZHAL NAS, BSTAN PA DANG SEMS CAN LA GANG PHAN KHYOD KYIS MI SHES, KHA ZER BA LA BZOD PA SGOMS, DBEN PA BSTEN NAS THUGS DAM MA BYAS NA SKU TSE RING PO MI 'ONG, PHAN THOGS KYANG LTAR SNANG ZHIG LAS MI 'ONG BAS BYA BRAL LA PHYIN PA 'THAD CES GSUNG NGO; ;SKYID SHOD DGA' BA GDONG DU BLA MA DBU MA BYA DANG DPON SLOB GNYIS PO LAS MED PA'I SKU MTSAMS DAM PO BCAD, GNYIS PO'ANG GZIMS KHANG SO SOR MDZAD NAS GSOL JA SOGS LA 'TSOG PAR MDZAD CING, GSOL JA BZHES PA'I SKABS SU'ANG BLA MA DBU MA PAS LOTZTSA MDZAD NAS, RJE BTZUN LA CHOS MANG DU GSAN CING DRI BA DPAG TU MED PA MDZAD, DE DUS THOG MAR BLA MA DBU MA PA LA RJE BTZUN GYIS GNANG BA'I ZHI GNAS KYI DMIGS PA GSAN NAS SGOM GYIN YOD PA LA, DO ZHAG RANG 'DI LAS KYANG RJE BTZUN NYID LA GSOL BA BTAB CING BSNYEN SGRUB BYAS NA DE RANG DON CHE BA 'DRA DGONGS NAS, BLA MA DBU MA PA LA DE LTAR ZHUS PAS DE BZHIN MDZAD PAS KHYAB CES GSUNGS NAS, NYIN MTSAN DU BLA MA DANG RJE BTZUN THA MI DAD DU BYAS PA LA GSOL BA BTAB CING BSNYEN SGRUB MDZAD PAS, ZHAG MANG PO MA SONG BA LA NYIN GCIG ,DKYIL 'KHOR GYI LTE BA'I RGYA KHYON 'TSAM PA ZHIG KHA DOG RGYA MTHING BZANG POS LEGS PAR BYUGS PA 'DRA BA LA, SHIN TU DVANG PA, LTA BAS CHOG MI SHES PA ZHIG GI DBYIBS SHIN @05A *, ,TU ZLUM POR 'DUG PA'I MTHA' THAMS CAD 'OD ZER KHA DOG SNA LNGA PA 'JA' TSON LTA BU'I DRA BAS 'KHRIGS PA'I DBUS KYI LTE BA SNGON PO DE'I RGYA KHYON DANG 'TSAM PAR RDO RJE'I SKYIL KRUNG GIS BZHUGS PA'I 'JAM PA'I DBYANGS AA RA PA TZA NA GUNG KUM GYI MDOG CAN, LTA BAS CHOG MI SHES PA ZHIG GI SKU'I SNANG BA DNGOS SU GZIGS, DE BLA MA DBU MA PA LA MA ZHUS KYANG, BLA MA DBU MA PA NA RE KHYED RANG LA'ANG SKU'I SNANG BA YOD PA 'DRA GSUNGS NAS THIGS BYUNG, DE 'DRA BA'I SKU'I SNANG BA DE NAM 'DOD RES KYIS GSOL BA BTAB PA'I DUS PHAL CHE BAR DNGOS SU NAR MAR 'BYUNG BA ZHIG DE NAS BRTZAMS TE DA LTA'I BAR DU RTAG PAR YOD, CES GSUNG NGO, ,DE YANG RJE RIN PO CHE 'DIS, RJE BTZUN 'JAM PA'I DBYANGS DPA' GCIG DANG, BLA MED LA SOGS PA RNAMS DANG, BKA' SDOD GSHIN RJE CHOS KYI RGYAL PO PHYI NANG GSANG GSUM LA SOGS PA RNAMS KYI RJES GNANG DANG BYIN RLABS TING NGE 'DZIN GYI DBANG BZHI SOGS NI BLA MA DBU MA PAS LOTZTSA MDZAD CING, RJE BTZUN 'JAM PA'I DBYANGS RANG NYID LA GSAN LA, DE YANG DPA' GCIG GI RJES GNANG MDZAD PA'I RING LA RJE BTZUN YANG DPA' BO GCIG PA RANG GI SKU'I RNAM PAR YOD PA LA, NANG SGRUB DANG GSANG SGRUB SOGS KYI DBANG MDZAD PA'I TSE, DPA' BO GCIG PA DE, DE MA THAG YAB YUM ZHAL SBYOR GYI RNAM PAR 'GYUR 'GRO BA DANG, CHOS SKYONG GI RJES GNANG MDZAD PA'I SKABS SU DE MA THAG BCOM LDAN 'DAS RDO RJE 'JIGS BYED KYI SKU'I RNAM PAR GYUR NAS, GSHIN RJE CHOS KYI RGYAL PO LA BKA' BSGO BAR MDZAD PA LA SOGS PA DE 'DRA BA'I RNAM 'PHRUL NGO MTSAR BSTON PA YOD PAR 'DUG @05B DE NAS RJE BTZUN GYIS BLA MA DBU MA PA LA GNANG BA'I LAS TSOGS DANG DMIGS PA SKYONG BA'I RIM PA SOGS MANG PO ZHIG GI LUNG NI BLA MA DBU MA PA NYID LA GSAN NO, ,DE NAS SGRUB PA LA 'BYON PA'I THUGS THAG BCAD, 'KHOR JI LTA BU 'KHRID RJE BTZUN LA ZHUS PAS, THUN MONG BAR BRIS PA'I BRGYAD PO DA 'KHRID PA'I GNANG BA BYUNG, DE NAS BLA MA DBU MA PA MDO KHAMS LA 'BYON PA'I SKYEL MAR LHA SAR BYON DUS, DA DPON SLOB RE ZHIG MI MJAL, GNAS BYIN RLABS CAN 'DIR RJE BTZUN LA GSOL BA BTAB, NYAMS LEN GYI GNAD BSDUS PA'I GDAMS PA ZHIG ZHUS PA DRAG CES BKA' BGROS NAS, LHA SA'I THOG STENG MA RANG GI LHO PHYOGS KYI GSER PHUBS KYI BYA 'DAB 'OG DER MCHOD PA BSHAMS, GSOL BA DRAG TU BTAB PAS, RJE BTZUN GYI NYAMS LEN GYI GNAD BSNGAS PA'I TSIGS SU BCAD PA 'GA' ZHIG GSUNGS, RJE BLA MA 'DIS DE KA'I DUS SU GSUNG RIM BZHIN YI GER BKOD 'DUG GO ,DE NAS THUN MONG BAR BKOD PA LTAR SGRUB PA LA BYON, 'OL KHA'I CHOS LUNG DU PHEBS, DGUN DPYID RNAMS DPON SLOB THAMS CAD KYIS GTZO BOR BSAG SBYANG LA THUGS DAM GYI MTHIL DU MDZAD PA'I SKABS SU, RJE 'DIS LTUNG BSHAGS DANG BRGYA PHYAG SPRAGS NAS MDZAD RES KYIS SANGS RGYAS SUM CU RTZA LNGA'I SKU'I SNANG BA DNGOS SU GZIGS PA NAR MAR BYUNG, DE'I TSE RJE BTZUN BYAMS PA MGON PO SKU GSER BTZO MA'I KHA DAG LTA BU LA RIN PO CHE'I RGYAN DANG CHOS 'CHAD KYI PHYAG RGYAS ME TOG GI SDONG BU BSNAMS PA, RIN PO CHE'I KHRI LA SKYIL KRUNG GIS BZHUGS PA DE 'DRA BA'I SKU SHIN TU CHE BA DANG, RGYAL BA SMAN GYI BLA BLA GOS SER PO MAN BAS PA DANG, RJE BTZUN BYAMS MGON BZANG PO'I 'DUG STANGS MDZAD PAR BYUNG GI CHA @06A *, ,BYAD CAN SNAM SBYAR GSOL BA PHYAG GIS KLU SHING GI SDONG BU RIL BAS MTSAN PA 'DZIN PA DE 'DRA BA DANG, GZHAN YANG RGYAL BA TSE DPAG TU MED PA DANG BCAS PA RNAMS KYI SKU'I SNANG BA DNGOS SU GZIGS PA MANG DU BYUNG, 'DI RNAMS NYAMS SNANG YIN PAS NGES PA CHER MED DGONGS NAS DE TZAM DU CHED CHER MA MDZAD NA'ANG, BLA MA RTOGS LDAN 'JAM DPAL RGYA MTSO BA LA RJE BTZUN GYI SKU DANG GSUNG GI SNANG BA MNGON SUM 'BYUNG BA 'KHRUL MED GCIG YOD PAS, KHONG LA RJE BTZUN GYI GSUNG NAS, RJE LA GZIGS SNANG BYUNG BA DE RNAMS NYAMS SNANG RANG DGA' BA MIN PAS GSOL BA DRAG TU THOB, PHYIS RTEN 'BREL KHYAD PAR CAN YOD PA YIN GSUNG BA BYUNG 'DUG GSUNG NGO, ,RTOGS LDAN PA'I SNANG PA DE LA'ANG RJE'I DRUNG NAS BRTAG DPYAD MANG BU MDZAD CING, CHOS KYI GNAD ZAB MO DRIS PA RNAMS PHAL CHER 'PHYUG MED DU 'ONG BA 'DUG BAS THUGS LEGS PAR CHES SO, ,DE'I DPYID KA DE RJE BTZUN GYI ZHAL NAS, DMU RGOD GDUL DKA'I SEMS CAN 'DI RNAMS LA, ,BSHAD PAS PHAN THOGS CHEN PO GAL 'GYUR, ,DE BAS SGRUB PA LHUR BLANG DBEN PA STEN, ,RANG GZHAN GNYIS KA 'TSENGS PA'I LAM RNYED SNYAM, ,ZHES GDAMS SHING SGRUB PA LA BSKUL BAR MDZAD DO, ,DE NAS RDZING JI'I JO BO LA MJAL NAS RGYA SOGS PHUR BYON, THUGS DAM SHIN TU 'PHEL, DE DUS RJE BTZUN 'JAM PA'I DBYANGS KYI SKU SHIN TU CHE BA GZHI BRJID PHUN SUM TSOGS PA ZHIG LA SANGS RGYAS DANG BYANG CHUB SEMS DPA' DPAG TU MED PA'I 'KHOR GYIS BSKOR BA DANG, 'PHAGS PA KLU SGRUB, A'R+YA DE BA, SANGS RGYAS BSKYANGS, KLU BYANG, ZLA BA @06B GRAGS PA, THOGS MED SKU MCHED, PHYOGS GLANG CHOS GRAGS, YON TAN 'OD DANG SH'AKYA 'OD, LHA DBANG BLO, RGYAN MKHAN PO, KA MA LA SH'I LA, AA BHA YA LA SOGS PA'I PAndI TA DU MA DANG, RGYAL PO AINDRA BH'U TI, BRAM ZE CHEN POS RA HA, SLOB DPON CHEN PO L'U AI PA, DRIL BU PA, NAG PO SPYOD PA LA SOGS PA'I GRUB CHEN DU MA'I SKU'I SNANG BA DNGOS SU GZIGS, NYAMS SNANG LA GTAD PHA MED LAS CHE DGONGS PAS RJE BTZUN GYIS SNGAR BZHIN, NYAMS SNANG RANG DGA' BA MIN PAS GSOL BA DRAG PO THOB, 'DI RNAMS KYI GZHUNG LA BRTEN NAS RANG GZHAN LA PHAN THOGS RGYA CHEN PO 'ONG BA'I RTAN 'BREL YIN, ZHES GSUNG NGA, ,DA'I TSE BCOM LDAN 'DAS RDO RJE 'JIGS BYED KYI SKU ZHAL PHYAG YONGS SU RDZOGS PA SHIN TU CHE BA GZI BRJID BZOD PAR DKA' BA ZHIG ZHAL GZIGS, DE DUS NAS 'JIGS BYED KYI BDAG 'JUG NYIN RE ZHING MDZAD PA NAM YANG CHAG MED DU MDZAD DO, ,YANG DER SNGAR DANG 'DRA BA'I RJE BTZUN GYI SKU'I SNANG BA DNGOS SU GZIGS PA'I THUGS KA'I NANG NA PHAR RAL GRI'I YU BA ZUG CING, DE'I THUGS KAR RTZA MO ZUG PA LA, BDUD RTZI'I RGYUN KHA DOG DKAR POR SHIN TU SNUM PA 'OD KYI CHU RGYUN 'DRA BA ZHIG RJE BTZUN GYI THUGS KA NAS RAL GRI'I STENG LA BRGYUD DE NAR RA RA BYUNG NAS, RJE 'DI'I THUGS KAR ZHUGS PAS, SKU'I NANG THAMS CAD BDE BA CHEN PO DPAG TU MED PAS GANG BA BRJOD PAR MI NUS PA 'DRA BA ZHIG 'KHRUNGS, DE'I DUS NGO MKHYEN PA DANG MI MKHYEN PA'I 'KHOR DU MA KHA GDANGS NAS BZED 'DUG PAS, 'GA' ZHIG GI KHAR MANG DU 'GRO ZHING, 'GA' ZHIG GI KHAR NYUNG ZAD RE DANG, 'GA' ZHIG GIS KHA GDANGS KYANG CUNG ZAD KYANG MI 'GRO BA DE 'DRA BA'ANG 'DUG @07A *, ,GSUNG NGO, ,MDOR NA GNAS DER DE 'DRA BA'I DAG PA'I SNANG BA DANG THUGS RGYUD LA MNGON PAR RTOGS PA'I YON TAN DPAG TU MED PA ZHIG 'KHRUNGS SO, ,DE NAS RJE BTZUN GYI GSUNG GIS BSKUL BA LA BRTEN NAS, RDZING JI'I GTZUG LAG KHANG GI ZHIG GSOS MDZAD PA'I TSUL ZHIB PAR THUN MONG BA NYID DU BRJOD ZIN LA, DE'I TSE RJE BTZUN GYI GSUNG GIS RJE BTZUN BYAMS MGON GYI BSTOD PA RIN PO CHE GSAL BA'I SGRON ME ZHES BYA BA, RJE BTZUN BYAMS MGON LA PHYOGS BCU'I SANGS RGYAS THAMS CAD KYIS 'OD ZER CHEN PO'I DBANG BSKUR BA LA GZHI GYIS LA RTZOMS GSUNG BA LA BRTEN NAS RJE BTZUN BYAMS MGON GYI BSTOD PA RIN PO CHE GSAL BA'I SGRON ME MDZAD CING, DE BZHIN DU BDE BA CAN DU SKYE BA 'DZIN PA'I SMON LAM ZHING MCHOG SGO 'BYED DANG, RANG NYID MA 'ONGS PA NA GANG DU SPRUL PA'I SKUR 'TSANG RGYA BA'I MDZAD PA STON PA'I ZHING YONGS SU BZUNG BA'I SMON LAM YANG RJE BTZUN GYI GSUNG GIS BSKUL NAS, DON GYI NGO BO DANG GO RIM SOGS RJE BTZUN GYIS GSUNGS PA NGED KYIS TSIG SBYOR GYIS BSGRIGS PA YIN NO, ,ZHES GSUNG NGO, ,DE'I TSE RJE BTZUN 'JAM PA'I DBYANGS KYI ZHING BKOD BZHENGS PA'I SKYA RIS BTAB TSANG BA LA, RAB GNAS SHIG MDZAD PAS RJE BTZUN GYI SKU DNGOS SU BYAN NAS THIM SONG BA'I GZIGS SNANG BYUNG ZHING, DE NUB NAS MAR ME BZUNG, YANG SANGS RGYAS SUM CU RTZA LNGA'I SKU 'DRI BAR BRTZAMS PA LA, LHA BZO RNAMS KYIS SKU MDOG PHYAG RGYA SOGS JI LTAR 'DRI BA MA SHES NAS, RJE'I DRUNG DU ZHUS PAS, DE'I TSE GSOL BA BTAB PAS JI LTAR 'DRI BA'I GO RIM DANG MTHUN PAR RGYAL BA SUM CU RTZA LNGA'I SKU RIM BZHIN GZIGS PA'I GZIGS SNANG BZHIN DU SKU MDOG SOGS 'DI LTAR BRIS SHIG ,CES ZHAL TA GNANG NAS 'DRIR BCUG ,DER MA ZAD ZHING BKOD GZHAN RNAMS LA'ANG RAB GNAS KYI DUS SU YE SHES PA DGUG GZHUG MDZAD PA NA LHA DE DANG DE'I RNAM PA RE THIM SONG BA'I SNANG BA MA BYUNG BA MED, CES GSUNG NGO, ,DE'I PHYIR @07B RTEN DE DAG NI RGYAL BA DNGOS DANG MCHOD PA'I ZHING DU KHYAD PAR MED PAR SHES PAR BYES SHIG ,DE NAS LHO BRAG LA BYON PA'I SKABS SU YANG RJE BTZUN NAM MKHA' RGYAL MTSAN PA DANG MJAL NAS DGUNG LO BZHI BCU RTZA LNGA PA'I STENG DU SKU TSE'I BAR TSANG CHEN PO 'ONG BA'I MTSAN MA YOD PA DE BCOM LDAN 'DAS 'KHOR LO CHEN PO'I SGO NAS BZLOG PA'I RTEN 'BREL BSGRIGS, RGYA GAR SHING GI RIL 'BYON PAR BZHED PA'I SKABS SU RJE BTZUN GYI GSUNG NAS, RDZING JI'I JO BO LA DGE SBYONG GI RTAGS TSANG MA'I SKYES 'BUL BA DANG BCAS PAS BSTOD CING GSOL BA 'DEBS PA'I CHO GA TSANGS PA'I COD PAN ZHES BYA BA DON GYI RIM PA 'DI LTAR GYIS LA RTZOMS LA PHUL ZHIG DANG, PHYIS 'DUL BA'I BSLAB KHRIMS RNAM PAR DAG PA LA BRTEN NAS BSTAN PA LA PHAN PA RGYA CHEN PO 'BYUNG BA'I RTEN 'BREL YOD DO, ,ZHES GSUNGS PA LA BRTEN NAS DE LTAR MDZAD, PHYIS KYANG RJE BTZUN GYI GSUNG GIS NAN GYIS BSKUL CING, BSTAN PA'I RTZA BA YIN PA'I THUGS NGES SHUGS DRAG PO 'KHRUNGS PA DANG, BSTAN PA NYAMS PA THUGS KYIS BSRAN PAR MA BZOD PA'I STOBS KYIS, 'DUL BA'I LAG LEN PHYIR BCOS YAN CHAD YONGS SU RDZOGS PA SNGA MA'I SROL BA CAM LA MA LTOS PAR LEGS PAR BTZUGS PA YIN GYI, GZHAN LAS KHYAD PAR THON PA ZHIG DON DU GNYER NAS BYAS PA GA LA YIN, ZHES GSUNG NGO, ,DE NAS TZA RI NAS GNYAL LA 'BYON PA'I LAM DU MO LA'I LA RTZAR ZHAG BZHUGS MDZAD PA'I NUB, RJE BTZUN BYAMS MGON GYI SKU SHIN TU CHE BA, LHUN PO LTAR MNGON PAR BRJID CING NYI MA LTAR GZI BRJID 'BAR BA ZHIG GIS, RIGS KYI BU, KHYOD KYIS SANGS RGYAS 'JIG RTEN DU BYON PA 'DRA BA ZHIG 'ONG BAR SHES PAR BYOS SHIG ,CES SENGGE'I SGRAS DBUGS PHYUNG ZHING SPRO BA BSKYED PAR MDZAD @08A *, ,BA'I SNANG BA DNGOS SU BYUNG GSUNG STE, DE BAS NA SNYIGS MA'I DUS 'DIR RJE BTZUN BLA MA 'DI NI RGYAL BA'I BSTAN PA LA RGYAL BA NYID DANG KHYAD PAR MA MCHIS PA'I TSIG GIS BSNGAGS PA NI RANG BZHIN BRJOD PA STE, SHES LDAN DAG GIS KYANG STON PA NYID DANG MTSUNGS PAR CI'I PHYIR BLTA BAR MI BYA, GNYAL SMAD SENGGE RDZONG NA BZHUGS PA'I DUS SU DPAL DUS KYI 'KHOR LO'I RDZOGS RIM YAN LAG DRUG LA SOGS PA'I LAM GYI GNAD RNAMS LA DPYAD PA MANG DU MDZAD PAS MI 'KHRUL PA'I NGES PA 'KHRUNGS SHING 'CHUG MED KYI GZER THEBS NAS MI 'JIGS PA BRNYES, BCOM LDAN 'DAS DUS KYI 'KHOR LO DPA' BO GCIG PA ZHIG GI SKU'I GZIGS SNANG NAR MAR 'ONG ZHING, NUB GCIG GI MNAL LAM DU KHYOD KYIS DUS KYI 'KHOR LO 'DI LA RGYAL PO ZLA BA BZANG PO BYON PA 'DRA BA ZHIG 'ONG BAR YOD DO, ,ZHES GSUNGS TE, SNGON CHAD BSHAD PAS PHAN THOGS 'JIGS RUNG TZAM NI MA BYUNG, RANG GI RGYUD LA GO BA RNAM PAR DAG PA SKYES PA LA DGONGS PA YIN 'ONG, ZHES GSUNG NGO, ,GNYAL DU BZHUGS DUS MNAL LAM DU DBYANGS CAN MA'I GSUNG GIS, DGUNG LO LNGA BCU RTZA BDUN THUB, DE BAR RANG GZHAN GYI DON DPAG TU MED PA 'GRUB, GSUNG BA LA, RJE BTZUN MA RNAM PAR RGYAL MA LA SOGS PA LA GSOL BA BTAB CING BSNYEN SGRUB MANG DU BYAS PAS DE LAS RING ZHIG THUB PAR MI 'GYUR RAM, ZHES ZHUS PAS DE THAMS CAD PHAL CHER SNGON GYI SMON LAM GYI SHUGS DANG, CHOS RAB TU RNAM 'PHYED KYI SHES RAB LA THUGS 'DUN CHES PA LA SOGS PA'I DBANG GIS, BLO GROS GONG NAS GONG DU 'PHEL BA'I RGYU 'BA' ZHIG TU SONG BAS SKU CHA LA DE TZAM DU PHAN PA MA BYUNG, ZHES GSUNG @08B PA ZHIG BYUNG, RTOGS LDAN PA BRJE BTZUN GYI GSUNG NAS, DA PHAN CHAD SKU TSE'I BAR CHAD LA SGOS SU DMIGS PA'I BZLOG THABS DANG, SKU TSE BSRING BA'I PHYI NANG GI RTEN 'BREL LEGS PAR BSGRIGS NA, DKA' SE BA ZHIG LA BZLOG PAR BYA NUS SO, ,ZHES GSUNG BA DANG, YANG GNYAL GYI SENGGE RDZONG NA BZHUGS DUS RJE BTZUN LA SNGAGS MTSAN NYID KYI LAM GYI NGO BO DANG, GO RIM GRANGS NGES SOGS DANG, KHYAD PAR ZHI LHAG GI NYAMS LEN GYI GNAD RNAMS ZHUS PAS, DA NGED LA YANG YANG 'DRI MI DGOS, GZHUNG CHEN MO RNAMS LA ZHIB PAR DPYOD DANG, DED KYIS BSTAN PA RNAMS DANG PHAL CHER MTHUN PA SHA STAG 'ONG, MI MTHUN PAR TZAM BYUNG NA MDOR LEN GDAMS NGAG TU 'DOD PA RNAMS LA 'BABS KYI, GZHUNG CHEN MO RNAMS 'DOR DU MI RUNG NGO, ,ZHES GSUNG ZHING, MAN NGAG GIS LDE MIG BYAS NAS MDO RGYUD DGONGS 'GREL DANG BCAS PA RNAMS LA DPYAD PAS DPYAD PA RDZOGS PA'I CHAD NI, LUNG RIGS KYI LAM NAS DRANGS PA'I NGES PA RNYED NAS, BLO SA DON DER THAG BCAD KYANG, GTING NAS MI BDE BA'I RNAM PA MED PA ZHIG 'ONG, DE DUS DON DE LA DPYAD PA RDZOGS PA YIN NO, , ZHES GSUNG STE, PHYIN CHAD TSAD DE 'KHRUL MED RANG ZHIG BYUNG GSUNG NGO, ,GNYAL NAS DVAGS PO LHA SDINGS SU PHEBS, THAL RANG GI LTA BA'I GNAD RNAMS LA DPYAD PA NAR MAR BYA BRAL LA 'BYON PA'I GONG NYID NAS DE BAR DU MDZAD NA'ANG, MTHAR THUG PA'I GNAD LA MI BDE BA GTAN NAS LOG PA'I NGES PA 'DREN MA THUB, GNAS DER BLA MA DANG RJE BTZUN THA MI DAD DU BYAS SHING GSOL BA DRAG PO MANG DU BTAB PAS MTSAN MO ZHIG MNAL LAM DU 'PHAGS PA KLU SGRUB YAB SRAS LNGA RANG BZHIN YOD MED KYI GNAD RNAMS LA 'PHEL BA'I GTAM GYIS BKA' BGRO BA MDZAD @09A *, ,KYIN 'DUG PA'I NANG NAS, SLOB DPON SANGS RGYAS BSKYANGS YIN ZER BA'I PAndI TA SNGO BSANGS SKU BONG CHE BA ZHIG GIS DBU MA'I RGYA DPE ZHIG PHYAG NA BZUNG BA TSUR BYON NAS BYIN GYIS BRLABS PA'I MTSAN MA ZHIG BYUNG, DE'I PHYI DE NYIN RTZA SHE'I 'GREL PA BUDDH'A P'A LI TA GZIGS PAS, 'BAD PA MED PAR THAL 'GYUR BA'I LTA BA'I GNAD DANG DGAG BYA'I MTSAMS 'DZIN SOGS LA SNGAR DANG MI 'DRA BA'I NGES PA GTING TSUGS PA 'KHRUNGS SHING, MTSAN 'DZIN GYI DMIGS GTAD THAMS CAD ZHING, DE KHO NA NYID KYI DON LA MTHA' GZHAN DU DOGS PA'I SGRO 'DOGS LHAG MA MED PAR DRUNGS PHYUNG BAR GYUR TE, PHYIN CHAD RANG RO'I RJES 'JUG RNAMS LA'ANG SLOB DPON SANGS RGYAS BSKYANGS KYI 'GREL PA 'DI LA BLTA DGOS ZHES YANG YANG GSUNGS PA'I RGYU MTSAN NI, DE LA BLTAS NA LTA BA'I GNAD LA NGES PA LHAG PAR RNYED PA'I RTEN 'BREL ZHIG YOD PAS DE LTAR BYAS PA YIN, ZHES GSUNG NGO, ,DE NAS RTZA SHE'I RGYA CHER 'GREL MDZAD PA'I SKABS SU, GZHUNG DKA' BA'I GNAS PHAL CHE BAR SANGS RGYAS BSKYANGS KYI 'GRAL BA RE DRANGS PA'I BSHAD PA YANG CHED KYIS MDZAD PA'I RGYU MTSAN YANG DE YIN LA, STON PA LA SHAS NAS MI PHYED PA'I DAD PA THOB PA'I SHUGS KYIS DRANGS PA'I BSNGAGS PA BRJOD PA ZAB MO RTEN CING 'BREL PAR 'BYUNG BA GSUNGS PA'I SGO NAS BSTOD PA LEGS PAR BSHAD PA'I SNYING PO ZHES BYA BA MDZAD DO, ,DE NAS 'OL KHA'I 'GAR PHUG DAG BRAG GDONG DANG, G-YE'I TE'U RAR BYON, CHOS MANG DU GSUNGS, SMAN LUNG GI RGYA SOG PHUR CHO 'PHRUL CHEN PO'I DUS MCHED KYI ZHAG BCO LNGA'I RING LA MCHOD PA RGYA CHE ZHING BKOD PA PHUN SUM TSOGS PA BSHAMS TE TING NGE 'DZIN GYIS BYIN GYIS BRLABS NAS, @09B MCHOD PHUL THAMS CAD MNYES PAR BYED PA'I MCHOD PA'I CHO GA DANG, 'PHRAL DANG YUN GYI PHAN BDE RGYAS PA'I SMON LAM DPAG TU MED PA MDZAD PA'I SKABS SU, MCHOD PA'I ZHING PHYOGS BCU'I DE BZHIN GSHEGS PA SPYAN 'DREN PA'I DMIGS PA DANG, THUGS KYI 'DUN PA SHUGS DRAG PO MDZAD PA NA, SHAR PHYOGS KYI DE BZHIN GSHEGS PA THAMS CAD SKU MDOG DKAR PO RNAM SNANG GI RNAM PAS SHAR PHYOGS KYI NAM MKHA'I KHYON THAMS CAD GANG BAR 'KHRIGS PA DANG, DE BZHIN DU LHO PHYOGS DANG NUB DANG BYANG DANG DBUS SAM STENG GI NAM MKHA'I MTHIL THAMS CAD RIM PA BZHIN DU, RIN 'BYUNG 'OD DPAG MED DON GRUB MI BSKYOD PA'I RNAM PA CAN GYI DE BZHIN GSHEGS PAS KHYAB CING, BKOD PA DE 'DRA BA'I SGO NAS STENG DANG LOGS KYI NAM MKHA'I KHAMS THAMS CAD BAR MTSAMS MED PAR DE BZHIN GSHEGS PA'I SKUS GUNG PHUB BA LTAR GYUR TE, MCHOD PA BDAG GIR MDZAD PA'I GZIGS SNANG DNGOS SU 'CHAR BA YANG YANG BYUNG, PHYIS LHA SAR CHO 'PHRUL CHEN PO'I MCHOD BRGYA CHEN PO BSAM GYIS MI KHYAB PA, SMON LAM CHAN MOR GRAGS PA MDZAD PA'I DUS SU'ANG GZIGS SNANG DE 'DRA BA NAR MAR BYUNG STE; DE DUS MCHOD YUL DANG MCHOD PA THAMS CAD LA BDE STONG GIS RGYAS BTAB CING MCHOD PA PHUL BAS, DE THAMS CAD BDE STONG GI RNAM ROL TU 'CHAR BA BYUNG GSUNG NGO, ,DE NAS NYANG PO MDANGS MDOR PHEBS PA NAS BZUNG STE, SRAS KYI THU BO GNYIS KYIS GTZO MDZAD DGE 'DRAN PHAL CHE BAS GRUB PA'I GNAS MCHOG 'BROG RI BO CHE DGE LDAN RNAM PAR GYAL BA'I GLING BTAB CING, RJE RIN PO CHES MCHIN DANG 'O LA KHA SOGS SU PHEBS PA'I BAR KYI RNAM PAR THAR PA GZHAN THAMS CAD THUN MONG GI YI GER BRJOD PA LTAR YIN @10A *, ,LA, 'O DE GUNG RGYAL GYI LHA ZHOL BYAMS PA GLING DU BZHUGS DUS, RJE BTZUN 'JAM PA'I DBYANGS KYIS GSUNG GI SNANG BAS SLOB DPON KLU BYANG GI RNAM GZHAG RIM PA LA RNAM BSHAD RTZAMS, PHAN THOGS CHEN PO 'ONG ZHES BSKUL BAS DE 'PHRAL DU MDZAD, RDO RJE 'CHANG GI LAM GYI RIM PA CHEN MO MDZAD PA LA, SNGAR RGYA SOG PHUNG BZHUGS DUS GRUB CHEN RNAMS DANG, SLOB DPON AA BHA YA'I GZHUNG LA BRTEN NAS PHAN PA CHEN PO 'GRUB PAR 'GYUR RO, ,ZHES GSUNG BA DE MA GTOGS RTZOM PA RANG GI SKABS SU DUS MYUR CHES, GSOL BA 'DEBS PA SOGS YUN RING MA GRUB PAS RGYU MTSAN KHYAD PAR BA GZHAN CHER MED, CES GSUNG NGO, ,DE NAS DBEN GNAS CHEN PO DGE LDAN GYI GZHI LDING BA'I SKABS SU, RJE'I ZHAL SNGA NAS 'OL KHA'I BSAM GTAN GLING DU BZHUGS PA'I RING LA, SKU MTSAMS DAM PO BCAD NAS BLA MA DANG YI DAM THA MI DAD DU DMIGS PA LA GSOL BA SHUGS DRAG PO 'DEBS PA MANG DU MDZAD CING, DPAL GSANG BA 'DUS PA'I RDZOGS RIM RIM PA LNGA'I NGO SPROD CHEN MO RIM LNGA GSAL BA'I SGRON ME RTZOM PA'I THUGS 'DUN BTANG, ZIN BRIS 'DEBS PAR MDZAD PA'I SKABS SU, MNAL LAM GYI LTAS NGO MTSAR BA BYUNG BA DAG BSNYEL BAR GYUR NA MI RUNG SNYAM DU DGONGS NAS, BRDA'I TSIG GIS RNAM PAR BCINGS PA'I TSIGS SU BCAD PAS YI GER MDZAD DE, KUN GYI MIG LAM DU MI 'GYUR BA'I GNAS JI LTA BAR BZHAG PAR MDZAD DO, ,DA NI 'DI YIN TE, RJE BTZUN 'JAM PA'I DBYANGS LA GUS PAS PHYAG 'TSAL LO, ,BY'A GHRA'I GONG GI TZANDRA NI, ,MIG DANG ZLA BA'I GRANGS GSUM LA, ,BGRO BA MDZAD PA'I CHU @10B 'DRES CHUS, ,KA LA SHA BKANG STER RTZIS BYED, ,BUL BYUNG NAS NI SUM BRGYA BCU, ,SONG ZER YAB GCIG DKYIL 'KHOR GTZO, ,BGRO BA MDZAD PA GNYIS KYANG SNANG, ,GRANGS BZHI PA LA RNAM PA CAN, ,KHRI YI STENG NA RTZA BA NI, ,GTAD NAS 'DI BDAG GIS ZHES TSE, , SNGAGS RGYAS LAN GSUM BTEG SNGON GYI, ,DE 'DRA'I LTAS GO LNGA PA LA, ,LHO YI THUGS BCUD DAM PA LA, ,'PHRIG TSUD DE NAS DRUG PA LA, ,NGES RNYED DE NAS BDUN PA LA, ,RTOG BSRES LAS NI SHIN TU NGES, ,SHID ZAN ZHES PA'ANG DE NAS GO ,DE 'DRA'I NGO MTSAR RMAD DU BYUNG, ,BRJED KYIS DOGS NAS YI GER BKOD, ,DE DON SGRUB PA MTHAR PHYIN SHOG ,GLANG GI LO ZLA BA BCU GNYIS PA'I TSES BDUN LA 'OL KHA'I BSAM GTAN GLING DU BRIS PA DGE LEGS SU GYUR CIG ,CES BYA'O, ,DA NI DE DAG GI DON RJE RIN PO CHE NYID KYI GSUNG DAG JI LTA BU BZHIN DU BDAG GIS DGROL BAR BYA'O, ,DE YANG BY'A GHRA NI STAG GI SKAD DOD YIN LA, DE'I GONG ZHES PA GLANG GI LO GO BAR BYED PA'O, ,TZANDRA NI ZLA BA'I MING YIN LA, ,MIG NI GNYIS DANG ZLA BA GCIG YIN TE, ,GCIG GI BRDA YIG GI 'OG TU GNYIS YIG BZHAG PA NI BCU GNYIS YIN PAS ZLA BA BCU GNYIS PA GO BAR BYED PA'O, ,GSUM LA ZHES PA NI ZLA BA DE'I TSES GSUM GYI MTSAN MO'O, ,DA'I TSE RGYAL BA KUN GYI YAB GCIG RJE BTZUN 'JAM PA'I RDO RJE LHA BCU DGU'I DKYIL 'KHOR YONGS SU RDZOGS PAR SNANG ZHING, DKYIL 'KHOR GYI GTZO BOS RGYAN BZANG PO SNA TSOGS PAS SPRAS PA'I RIN PO CHE'I BUM PA CHUS BKANG BZHIG RJE NYID LA STER RTZIS BYED CING, KA LA SHA NI BUM PA'I SKAD DOD YIN NO, ,BUM PA'I CHU 'DI JO BO CHEN PO DPAL LDAN AA TI @011A *, ,SHA SNYE THANG GI SKYI CHU'I 'GRAM NA BZHUGS DUS, RJE BTZUN 'JAM DBYANGS DANG RJE BTZUN BYAMS PA GNYIS SKU GSUM DANG GCIG GANG YIN LA CHOS KYI BGRO BA MDZAD PA'I CHU 'DRAS PA'I CHU YIN, 'DI JO BO CHEN PO NAS BZUNG STE, DA LTA'I BAR LA LO SUM BRGYA DANG BCU SONG, DE BAR DU STER SA MA RNYED, DA KHYOD LA STER BA YIN NO ZHES ZER ZHING, DE'I TSE CHOS KYI BGRO BA MDZAD PA PO RJE BTZUN BYAMS PA DANG, 'JAM DBYANGS GNYIS KYANG SNANG NGO, ,TSES BZHI'I NUB MO RIN PO CHE SNA TSOGS PAS SPRAS PA'I KHRI ZHIG GI STENG NA THAMS CAD MKHYEN PA BU STON RIN PO CHE YIN ZER BA'I BRA MA'I RNAM BA CAN ZHIG BZHUGS 'DUG BA DES, DPAL GSANG BA 'DUS PA RTZA RGYUD KYI GLEGS BAM ZHIG GNANG NAS 'DI'I BDAG PO GYIS SHI GCES GSUNG BA LA, MJUG NAS CUNG ZAD MA TSANG BA YIN NAM SNYAM DU DGONGS NAS GZIGS PAS THAMS CAD CHANG 'DUG ,DE NAS PHYAG GNYIS KYIS GLEGS BAM DE BLANGS, H'Um BADZRA AUTIshm'A ZHES PA'I SNGAGS DANG PHYAG RGYAS LAN GSUM DU DBU'I STENG DU BTEG ,KHA SANG NUB SNGA MA LA BUm PA CHUS BKANG BA STER RTZIS BYED PA'ANG 'DI'I LTAS YIN PAR 'DUG DGONGS PA BYUNG NGO, ,TSES LNGA PA LA LHO BRAG MAR PA'I THUGS BCUD DAM PA BSRE 'PHO'I SKOR LA 'PHRIG TSUD, TSES DRUG PA LA RGYUD DANG 'PHAGS PA YAB SRAS KYI DGONGS PA LA GNAS PA'I RMAD DU BYUNG BA'I MAN NGAG YIN PAR NGES PA RNYED, TSES BDUN GYI NYIN SLOB DPON 'PHAGS PA LHA'I SPYOD BSDUS GZIGS PAS GNYID DANG RMI LAM DANG BSRE BA'I SKOR GYI MAN NGAG GI GZHI THAMS CAD GTING YOD PA GZIGS NAS SHIN TU NGES PA RNYED, NUB SNGON MA'I DUS SU BCOM LDAN 'DAS 'KHOR LO BDE MCHOG @011B GI RTEN DANG BRTEN PA'I DKYIL 'KHOR GYI BRIS SKU ZHIG GI 'OG NA PHAR LA, BDE MCHOG GI TSES BCU'I MCHOD PA BYED PA'I BKOD PA ZHIG BRIS, DE'I 'OG NA SHID ZAN GTONG BA YIN ZER BA'I YI GE ZHIG BRIS 'DUG ,DE LA NUB BDUN PA'I DUS BCOM LDAN 'DAS 'KHOR LO BDE MCHOG CHOS SKOR RNAMS DUS PHYIS GANGS RI'I KHROD 'DIR SHI BA LTAR GYUR PA LA, RJE RIN PO CHE 'DIS LEGS PAR GSAL BAR MDZAD PA NI, MI SHI BA'I RJES SU SHID ZAN GTONG BA LTA BU YIN ZER BA'ANG DE'I TSE GO BAR GSUNG BA'O, ,GDAN RDZOGS KYI KHRID YIG DANG GSAL SGRON DU, 'DOD PA'I MTSAN MA BRTAN PO RNYED CES GSUNGS PA NI, DON 'DI NYID LA DGONGS PA'O, ,DE NAS DBEN GNAS CHEN PO DGE LDAN DU PHEBS NAS, LEGS PAR BSHAD PA'I DGA' STON GYIS GDUL BYA RNAMS TSIM PAR MDZAD CING, RGYUD SDE BZHI DANG 'BREL BA'I BSHAD PA DANG RTZOM PA DPAG TU MED PA MDZAD PA DANG, SKU TSE'I BAR CHAD BZLOG PA'I MTSAN MA BRTAN PA MA RNYED PAS, SKU MTSAMS LA BZHUGS PA SOGS NI THUN MONG BAR GSAL LA, SKU BSNYEL BA'I RNAM PA MA BSTAN PA'I SNGA ROL DGUNG LO NGA DRUG PA'I DUS SKU MTSAMS SHIN TU DAM PAR BZHUGS PA'I SKABS SU, LAN CIG THUGS DAM LA BZHUGS PA'I TSE STENG GI SNA RTZE'I PHYOGS LA AA BA DH'U T'I'I MAR SNA'I THAD NA MAR, AE WAm GYI GZUGS 'OD KYI THAG PA LTA BU SKYA NAR RE RE 'ONG BA ZHIG MNAL LAM DU BYUNG, DUS DE NAS THUN MONG MIN PA'I ZHU BDE KHYAD PAR CAN DANG STONG PA NYID SBYAR BA'I BDE STONG GI YE SHES DGA' BA BZHI DANG STONG PA BZHI'I BDAG NYID CAN 'KHRUNGS NAS, DE PHYIN CHAD BDE STONG GI YE SHES KHYAD PAR BA NAR MAR BSKYANGS PAS, MNYAM GZHAG TU @012A *, ,BDE STONG GI YE SHES RGYUD SDE NAS GSUNGS SHING, GRUB CHEN GYI GZHUNG LAS 'BYUNG BA, PHYI ROL PA DANG NANG PA GNYIS KA'I TING NGE 'DZIN THUN MONG BA'I CHAR GTOGS TZAM RE LA, BDE STONG GI YE SHES SU MING BTAGS PA DE LTA BU MA YIN PA'I TING NGE 'DZIN LA MNYAM PAR BZHAG CING, RJES THOB TU GANG SHAR LHA'I 'KHOR LO BDE STONG GI ROL PAR 'CHAR BAS DUS 'DA' BAR GYUR TO, ,TSUL 'DI NI RGYUD SDE DANG GRUB CHEN GYI MAN NGAG LA BLO'I 'PHRIG TSUD PA ZHIG GIS BSAMS NA DPAG PAR DKA' BA'I MNGON PAR RTOGS PA'I YON TAN RDO RJE 'CHANG CHEN PO TSE 'DI NYID LA STER BA'I LAM GYI RIM PA THUGS RGYUD LA 'KHRUNGS PA YIN PAR SHES PAR GYIS SHIG ,DE NAS DGUNG LONG BDUN PA'I SKABS SU SKU KHAMS BSNYEL BA'I TSUL BSTAN PA LA, NANG DU SKU MTSAMS KYI KHONGS SGRUB GROGS 'GA' ZHIG KYANG SHOG GSUNGS NAS, DAM CHAG DANG SDOM PA LA GNAS SHING LHA'I RNAL 'BYOR LA GOMS PAR BYAS PA, BSNYEN SGRUB DANG BZLAS PA TSAD DU PHYIN PA'I RTZA BA'I RDO RJE SLOB MA BDUN GYIS NYIN MTSAN DU ZHABS DRUNG DU NYE BAR BSNYEN NAS LHA'I RNAL 'BYOR DANG, PHYIR BZLOG DANG SRUNG BA'I 'KHOR LO SOGS LA BRTZON PAR BYAS SHING RJE RIN PO CHE RANG NYID KYIS NE NYIN PAR BCOM LDAN 'DAS RDO RJE 'JIGS BYED DANG 'KHOR LO CHEN PO'I THUGS DAM GTZO BOR MDZAD CING, MTSAN MO BDE STONG DBYER MED KYI TING NGE 'DZIN LA MNYAM PAR 'JOG PA LHUR MDZAD PA LAS, BAR CHAD KYI MTSAN MA MNGON MTSAN CHE BA RANG ZHIG GI SKABS SU, RJE RIN PO CHE BZHUGS GDAN LA BZANG PO'I 'DUG STANGS KYI RNAM PAS BZHUGS NAS THUGS DAM MDZAD PA'I ZHABS DRUNG NA @012B SKU RIM PA RNAMS KYANG 'KHOD NAS SGOM BZLAS LA YID GZHUNGS PAR YOD PA'I TSE, RJE'I ZHAL SNGA NAS, BCOM LDAN 'DAS THUB PA CHEN PO SKU SHIN TU BRJID PA, GSER BTZO MA'I MDOG LTAR MNGON PAR GSAL ZHING, NYI MA BYE BA'I MDANGS DANG LDAN PA'I 'OD KYI KHOR YUG CAN, BDUD 'DUL CHEN PO'I PHYAG RGYA MDZAD PA ZHIG MDUN GYI NAM KHAR BYON PA DNGOS SU GZIGS, DE'I TSE TING NGE 'DZIN BRTAN POS THUB PA'I DBANG PO DE NYID SLAR TSUR LA SPYAN DRANGS TE BDAG NYID LA BCUG PA'I DMIGS PA MDZAD PAS, DNGOS SU BDAG NYID KYI SKU LA THIM PA'I GZIGS SNANG DANG NGA RGYAL BRTAN POS BDUD THAMS CAD ZIL GYIS GNON PA LA BAG TSA BA MED PA'I GO 'PHANG BRNYES PAR GYUR PA'I TSE, DE'I RJES THOGS DE MA THAG TU, YE SHES MGON PO PHYAG DRUG PAS SNA DRANGS, GSHIN RJE CHOS KYI RGYAL POS GNOD BYED KYI MGRIN PA NAS ZHAGS PAS BCINGS TE KHRID BYUNG BA LA, GNOD SBYIN KshI TRA P'A LAS MJUG NAS DED CING BSDIGS BZHIN PA DANG BCAS PAS 'ONGS TE, MDUN DU MGO GRI GUG GIS BCAD NAS RJE RIN PO CHE'I TING NGE 'DZIN GYIS SPRUL PA'I 'BRUG KHUNG GI NANG DU BCUG SONG BA DANG MNYAM DU, PHYI ROL NA NAG PO'I PHYOGS KYI GZA', KLU, SHA ZA, RGYAL PO STE BDUD KYI RIGS KYI 'BYUNG PO MI BSRUS PA BZHI PO DE SDE DANG BCAS PAS, DMAG PHAM MO ZHES BYA BA'I TSE DE CHEN PO MI BZAD PA NGUD MO'I SGRA DANG BCAS PA BSGRAGS NAS PHYOGS BCUR BYAR BA, DE'I TSE ZHABS DRUNG NA 'KHOD PA'I NYAMS SNANG BZANG PO YOD PA 'GA' ZHIG GIS KYANG MTHONG BA BYUNG STE, DE NAS RING PO MA LON PAR SKU KHAMS KYANG RIM GYIS GONG NAS GONG DU BSNYUN DANG BRAL BAR GYUR TO, , @013A *, ,GZHAN YANG DE'I TSE BAR CHAD KYI MTSAN MA CUNG ZAD RTZUB PA RE 'ONG RES KYIS, RJE'I ZHAL SNGA NAS LA BCOM LDAN 'DAS RDO RJE 'JIGS BYED DANG, 'KHOR LO CHEN PO'I GZIGS SNANG RE NGES CAN DU 'ONG ZHING, DE'I STOBS KYIS BAR CHAD KYI MTSAN MA DE YANG MYUR DU ZHI 'GRO BA ZHIG 'DUG ,BCOM LDAN 'DAS RNAM PAR RGYAL MA DANG, SGROL MA DANG, GDUGS DKAR DANG, 'OD ZER CAN DANG, RGYAL BA SMAN GYI BLA DANG, DE BZHIN GSHEGS PA TSE DPAG TU MED PA RNAMS KYI SKU'I SNANG BA DNGOS SU GZIGS PA PHAL CHER GYI DUS SU BYUNG ZHING, YE SHES MGON PO PHYAG DRUG PA, GUR GYI MGON PO, PHYAG BZHI PA, RNAM THOS SRAS RNAMS KYI GZIGS SNANG YANG NAR MAR BYUNG NGO, ,ZHES GSUNG LA, GSHIN RJE CHOS KYI RGYAL PO DANG, GNOD SBYIN KshE TRA P'A LA GNYIS NI BRAN BZHIN DU BKA' SGRUB PAR BYED DO, ,SKU KHAMS BSNYEL PA CUNG ZAD DVANGS PA'I SKABS SHIG TU, RJE BTZUN 'JAM PA'I DBYANGS KYI ZHAL NAS, DA PHYIN CHAD GTZO BOR BSKYED RDZOGS KYI RNAL 'BYOR THUGS NYAMS SU BZHES PA LA 'GRUS PAR MDZAD NA, SNGAGS BLA MED KYI SGO NAS RTOGS PA KHYAD PAR CAN MYUR DU RGYUD LA 'KHRUNGS SHING, SLOB MA SKAL LDAN BDUN LA YANG, LAM GYI RTOGS PA KHYAD PAR CAN RE SKYE BAR 'GYUR RO, ,ZHES LUNG BSTAN PAR MDZAD PA LA, RJE'I ZHAL NAS, NGED KHAMS MA SNYOMS PA'I SKABS KYI NYAMS KYI SNANG BA LA GTAD PA CHER MED DAM, RTOGS LDAN PA LA'ANG 'DRI DGOS GSUNG NAS BKA' GNANG BAS, RTOGS LDAN PA NA RE, BSKYAR MA ZHU DGOS PA MED, TSE BLOS BTANG SNOD DU RUNG BA'I 'KHOR RNAMS LA @013B MDO SNGAGS KYI LAM RDZOGS PAR BSTAN NAS SGOM DU BCUG ,RJE'I ZHAL SNGA NAS RANG GIS GTZO BOR SKU MTSAMS KYI NGANG NAS SGRUB PA LHUR MDZAD NA, RJE'I ZHAL SNGA NAS RANG GI THUGS RGYUD LA LAM DE MYUR DU 'KHRUNG PA'I NANG GI RGYU BDE STONG GI YE SHES KHYAD PAR CAN LA SOGS PA SNGAR THUGS RGYUD LA 'KHRUNGS TSAR ZHING, PHYI'I RKYEN ZHING SKYES KYI PHO NYA MO RNAMS KYIS GROGS MDZAD PA LA SOGS PA KHYAD PAR CAN MYUR DU 'ONG, LHAG PA'I LHAS KYANG BYIN GYIS RLOB PAS RGYU TSOGS RNAMS TSANG, LAM DE MYUR DU THUGS RGYUD LA 'KHRUNG NGO, ,ZHES RJE BTZUN GYIS GSUNG, ZHES ZER RO, ,DE NAS NUB GCIG RTOGS LDAN PA'I MNAL LAM DU, RJE RIN PO CHE PA'I MCHOD RTEN YIN ZER BA'I PHYAG TSAD YONGS SU RDZOGS PA, NOR BU RIN PO CHE'I TOG SPRIN GYI GSEB NA SLEB PA, KHA DOG SHIN TU DKAR ZHING MKHREGS PA DKAR YOL GYI RNAM PA LTA BU BYAS PA ZHIG LA, MKHA' 'GRO MA MANG PO 'DUS PA, LA LA NI MI'I BU MO LTA BU DANG, LA LA NI LHA'I BU MO LTA BU RUS PA DANG RIN PO CHE'I RGYAN SNA TSOGS 'PHYANG BA, LAG NA RIN PO CHE'I BUM PA BDUD RTZI DKAR POS GANG BA THOGS PA DPAG TU MED PAS BDUD RTZI'I RGYUN GYIS KHRUS GSOL ZHING 'DUG MCHOD RTEN DE'I DRUNG NA DE'I SENG KHRI DANG MNYAM PA'I MCHOD RTEN DRUG 'DUG PA LA, 'GA' ZHIG NA RE BDUD RTZI GSOL BA DRAG CES ZER BA LA, LA LA NA RE 'DI RNAMS DA DUNG BCOS DGOS PAR 'DUG PAS DA LTA MI GSOL, BCOS TSAR NAS GSOL BAR BYED, CES ZER, YANG MCHOD RTEN GCIG GI GO SA ZHIG 'DUG PA DER AE GSOL ZER BA LA, DA LTA MCHOD RTEN MA BYUNG BAS MI GSOL BYUNG NAS @014A *, ,GSOL ZER RO, ,DE NAS MAN LA SAD BA DANG RJE BTZUN 'JAM PA'I DBYANGS LA SDANG 'DI 'DRA BA'I RMI LAM MI 'ONG BA LA DE LAN BYUNG BA 'DI JI LTA BU LAGS, ZHES ZHUS PAS, SNGAGS MTSAN NYID KYI GO BA THAMS CAD LEGS PAR RDZOGS RDZOGS RIM GYI RTOGS PA KHYAD PAR CAN BDE STONG GI YE SHES KHYAD PAR CAN THUGS RGYUD LA 'KHRUNGS PA RNAMS KYI LTAS YIN, ZHES GSUNG NGO, ,RJE'I ZHAL SNGA NAS LA, 'DI RNAMS KYI GO BA THAMS CAD YONGS SU RDZOGS PAR THUGS RGYUD LA 'KHRUNGS PA JI TZAM NAS LAGS, ZHES ZHUS PAS, SNGAGS KYI GNAD THAMS CAD LA THE TSOM GYI LHAG MA MED PAR YONGS SU RDZOGS PA NGA DRUG NAS YIN, PHA ROL TU PHYIN PA'I GNAD RNAMS SNGA MO NAS RDZOGS RGYU YIN NA'ANG, PHA ROL TU PHYIN PA'I YANG DAG MTHA' MNGON DU BYED TSUL DPYIS PHYIN PA ZHIG GO BA SNGAGS KYI SPYOD PA'I SKABS SHIG LEGS PAR GO BA LA RAG LAS 'DUG ,CES GSUNG NGO, ,DE NAS BSNYUN LEGS PAR DVANGS, GTZUG LAG KHANG RMAD DU BYUNG BA BZHENGS SHING, CHOS KYI 'KHOR LO ZAB CING RGYA CHE BA RGYUN MI 'CHAD PAR BSKOR BA RNAMS KYI RNAM PAR THAR PA NI THUN MONG BAR GSAL LA, YANG DGUNG LO DRUG CU RTZA GNYIS BZHES PA'I DGUN SMAD CIG CHOS SKYONG 'DI RNAMS LA'ANG GTOR MA 'BUL BA'I DUS DBYANGS KYI NGA RO DANG BCAS NA SHIN TU DGYES BAR 'DUG PAS 'DI BZHIN BYED PA YIN GSUNGS NAS, GSHIN RJE CHOS KYI RGYAL PO SPYAN 'DREN PA DANG, BSOD CING BSKUL BA SOGS KYI DBYANGS BZHI MDZAD, DE DUS NUB GCIG SKU DRUNG NA GNAS PA @014B BSNYEN SGRUB SOGS LA BRTZON PA ZHIG GI RMI LAM DU, GSHIN RJE CHOS KYI RGYAL PO SKU SHIN TU BRJID CING, CHE BA ZHIG LA TSAD NAS BYON NAS, BSTOD PA'I DBYANGS 'DI LTAR GYIS LA 'THEN ZHIG GSUNGS NAS, KHONG RANG GIS 'THEN GYIN 'DUG PAS, SA DANG RI BO THAMS CAD BE RE RE 'ONG GIN 'DUG PA ZHIG RMIS 'DUG ,GZHAN YANG DE 'DRA BA'I RMI LTAS 'GA' RE LA BYUNG, DE NAS DBYANGS SBYONG BA RNAMS LA'ANG 'DI'I GTOR MA MA BSHAMS PAR DBYANGS BYA MI RUNG PHAR 'DUG PAS MA BYED GSUNGS, SKABS SHIG TU DE'I RGYU MTSAN JI LTA BU MCHIS, ZHES ZHUS PAS, LAR RANG GSHIN RJE CHOS RGYAL 'DI KHONG RANG GI SKU'I RNAM PA JI LTA BAS KYANG MANG DU 'ONG, KHYAD PAR SKU DRUNG NA ZHABS TOG LA RGYUN PAR YOD PA GANG YANG RUNG BA RE'I GZUGS BYAD DU BYAS NAS GZIMS KHANG GI NANG DU PHAR 'GRO TSUR 'GRO DANG, SKU MDUN SOGS SU BYA BYED MANG PO BYED, SNYAN DRUNG DU SHUB SHUB KYIS ZHAL TA ZHU BA'I RNAM PA BYAS NAS, GTAM MANG PO ZHIG SMRA BA NAR MAR 'ONG, DE GZIMS KHANG NA NAR MAR GNAS PA MANG POS KYANG MTHONG BA 'ONG ZHING, DE YANG GANG GI GZUGS BSGYUR BA DER 'KHRUL NAS GZHAN TSOS NGO MI SHES PA ZHIG 'ONG, KHA SANG NAS DBYANGS BYED PA'I DUS THAMS CAD DU 'ANG DE 'DRA ZHIG 'ONGS NAS LAB LAB RANG BYED, GTOR MA STER DGOS PA 'DUG ,GTOR MA BYAS NA DBYANGS KYI NGA RO BYAS PA'I CHE DGA' BA'I RNAM 'GYUR SNA TSOGS BYED PA 'DUG ,CES GSUNG NGO, ,'DI DAG NI BDAG GIS, BDAG NYID CHEN PO 'DI'I MNGON PAR RTOGS PA'I YON TAN ZAD MI SHES SHING, GTING DPAG PAR DKA' BA'I CHU GTER CHEN PO LAS, SKA RTZE'I CHU TSOD TZAM BLANGS NAS @015A *, ,BRJOD PAR ZAD LA, MTHA' DAG BAR NI LTA CI ZHIG SMOS LA, CHE LONG DAG KYANG MA LUS PA BDAG CAG RNAMS KYI BLO YUL DU GYUR PA NI RDO MI THOGS LA, BDAG NYID CHEN PO 'DI NI JI TZAM GYI LUNG DANG MNGON PAR RTOGS PA'I YON TAN BRJOD KYIS MI LANG BA LA DBANG 'BYOR KYANG, KHENGS PA DANG MNGON PA'I NGA RGYAL GYI DRI TZAM YANG MI MNGA' BAR MA ZAD KYI, MNGON PAR RTOGS PA'I YON TAN CHEN PO'I CHEN PO DAG LTA ZHOG ,PHRA MO DAG KYANG PHYI ROL TU MI MNGON ZHING 'CHAB PAR MDZAD DE, RNYED BKUR DANG SNYAN GRAGS LA SOGS PA'I NGOR LTA BAS BDAG NYID GSAL BAR SGROGS PA NI, BSKAL PA DPAG TU MED PA'I SNGA ROL NAS RMI LAM DU'ANG RGYANG BSRINGS PAR MA ZAD KYI, NYID LA DAD PA BSGOM PA LHUR BYED PA CHEN PO DAG GIS NAN GYIS GSOL BA DAG LA'ANG BKA' STZOL BA SHIN TU DKA' DKA' LTAR STON NA, 'PHROS PA'I BKA' MCHID SNA TSOGS PA DAG GI ZHAR BYUNG GI SKABS PHYE NAS BAR MA DOR GSUNG BA NYID DU LTA GA LA 'GYUR TE, GZHAN LA PHAN PAR 'GYUR BA LA SOGS PA'I DGOS PA KHYAD PAR CAN NYE BAR MA GZIGS PAR, BDAG NYID PHUN SUM TSOGS PAR SGOG PA LHUR BYED PA NI DAM PA'I TSUL MA YIN PAR GZIGS PA'I PHYIR RO, ,DE LTA NA YANG BDAG NYID, RJE RIN PO CHE LA MI PHYED PA'I DAD PA SHUGS DRAG POS YUN RING DU GSOL BA BTAB CING, KHYAD PAR BDAG NYID CHEN PO 'DI'I MNGON PAR RTOGS PA'I YON TAN CHA SHAS RE TZAM YANG KHONG DU CHUD BAR GYUR TE DE NYID RGYU MTSAN DU BYAS PA'I SGO NAS THEG PA MCHOG GI DGE BA'I BSHES GNYEN LA DAD PA BSGOM PA LHUR BYED PA DANG, BDAG KYANG TSE RABS KUN TU DAM PA DE'I LEGS PAR BSHAD PA'I BDUD RTZIS 'TSO BAR SMON PA RGYUN GYI @015B RNAL 'BYOR DU BYED PAR GYUR NA CI MA RUNG SNYAM PA YID LA GCAGS BZHIN PAS, GSER GYI ME TOG DANG BCAS PA'I MAndAL SNGON DU BTANG STE GSOL BA BTAB PA LAS, RJE BTZUN BLA MA DMIGS PA MED PA'I THUGS RJE CHEN PO DANG LDAN PA DES BRTZE BA CHEN POS NYE BAR GZIGS TE, DGYES BZHIN DU BKA' STZAL BA CUNG ZAD MCHIS PA DAG ,RJE NYID LA MI PHYED BA'I DAD PA DANG LDAN PA'I BSHES GNYEN SDE SNOD DANG RGYUD SDE 'DZIN PA, LUNG DANG MNGON PAR RTOGS PA'I YON TAN GYIS PHYUG BA SHIN TU MANG PO ZHIG GIS THUGS KYI 'DAN PA SHUGS DRAG POS ZHAL TA NAN CHER GNANG ZHING BSKUL BA'I BKA'I KHUR LCI BAS NON PAR GYUR TE, SLAR YANG RJE BLA MA NYID LA GSOL PA BTAB CING, YI GER BKOD PA'I GNANG BA SPYI BOR MNOS NAS, RJE BTZUN BLA MA DE'I MNGON PAR RTOGS PA'I YON TAN RMAD DU BYUNG BA 'DI DAG SKAL BA DANG LDAN PA DAG LA PHAN GDAGS PA'I SLAD DU MCHOG TU GSANG BA'I GTAM GYI DGA' STON YI GER BKOD PA LA, NONGS PA MCHIS PA GANG LAGS PA DE DAG THAMS CAD, RJE BLA MA DMIGS PA MED PA'I THUGS RJE CHEN PO DANG LDAN PA DE'I SPYAN SNGAR 'CHAGS KYIS, BRTZE BA CHEN POS BZOD PAR BZHES TE BDAG LA SGRIB PAR MI 'GYUR BAR BYIN GYIS BRLAB TU GSOL, BDAG NYID CHEN PO 'DI LA GCIG TU DAD CING SKAL BA DANG LDAN PA DAG GIS KYANG YI GE 'DI NYID TSOGS PAR DBYUNG BA'I GTAM DU BYA BA MA YIN TE, MCHOG TU GSANG BA'I GTAM GYI ROL PAS, DAD PA LHAG PAR BSKYED PA LHUR BLANG BAR BYA'O, ,DE LTAR BDAG GIS RGYAL BA SRAS BCAS KUN, ,GCIG TU BSDUS PA'I RJE BTZUN THUGS RJE'I GTER, ,MNYAM MED 'GRO BA'I MIG GCIG TZONG KHA PA, ,DE YI RLABS CHEN @016A *, ,YON TAN RGYA MTSO LAS, ,RMAD BYUNG MNGON PAR RTOGS PA'I YID BZHIN NOR, ,SA STENG SKYE BO KUN LA GSAL MIN PA, ,GANG GI CHA SHAS TZAM ZHIG RAB BLANGS NAS, ,SKAL LDAN DAD PA'I RGYAL MTSAN RTZER BKOD DO, ,GANG YANG BDAG BLO'I NYES PAS 'DIR, ,SBAS DON GSAL BAR BGYIS LA SOGS, ,NONGS PA GANG LAGS GNONG BA YIS, ,BLA MA MCHOG LA BDAG 'CHAGS SO, ,DGE BA 'DI YIS TSE RABS KUN TU BDAG ,GANG GI MTSAN YANG BSKAL PAR RNYED DKA' BA, ,THEG MCHOG DGE BA'I BSHES KHYED ZHABS KYI RDUL, ,'BRAL MED GTZUG PHUD RGYAN DU BSTEN PAR SHOG ,DER NI SGO GSUM BYA BA KUN GYIS KYANG, ,KHYOD MNYES BGYID PA 'BA' ZHIG LHUR BLANGS NAS, ,DE YI MTHU LAS THUGS KYI BCUD PHYUNG BA, ,KHYOD GSUNG BDUD RTZI'I RO YIS 'TSO BAR SHOG ,THEG CHEN LAM GYI GZHUNG SHING BYANG CHUB SEMS, ,YANG DAG LTA BA'I GNAD DANG RIM GNYIS LA, ,'KHRUL MED NGES PA RNYED NAS BRTZON PA YIS, ,KHYOD GSUNG SGRUB PA SNYING POR BYED PAR SHOG ,CES RGYAL BA THAMS CAD KYI MKHYEN BRTZE GCIG TU BSDUS PA, LNGA BRGYA BA THAMS CAD KYI GTZUG GI NOR BU, SNYIGS MA'I DUS 'DIR RGYAL BA'I BSTAN PA LA RGYAL BA NYID DANG MTSUNGS PA, SKYE DGU MA LUS PA'I GNYEN GCIG PU, RNAL 'BYOR GYI DBANG PHYUG THAMS CAD MKHYEN PA BLO BZANG GRAGS PA'I DPAL ZHES SA GSUM NA YONGS SU GSAL BA DE'I ZHAL SNGA NAS KYI RNAM PAR THAR PA MCHOG TU GSANG BRGYA MTSO LTA BU LAS, CHA SHAS NYUNG NGU ZHIG YONGS SU BRJOD PA'I GTAM, RIN PO CHE'I SNYE MA ZHES BYA BA 'DI NI, DPAL LDAN BLA MA DAM PA @016B DMIGS PA MED PA'I THUGS RJE CHEN PO DANG LDAN PA DE'I ZHABS KYI PADMO LA GUS PAS GTUGS PA'I BKA' DRIN GYIS NYE BAR 'TSO BA'I MANG DU THOS PA'I GTZUN PA DGE LEGS DPAL BZANG POS, GRUB GA'I GNAS MCHOG PHYOGS THAMS CAD LAS RNAM PAR RGYAL BA'I SDE CHEN PO 'BROG RI BO CHE DGE LDAN RNAM PAR RGYAL BA'I GLING DU SBYAR BA PHYOGS DUS THAMS CAD DU DGE ZHING BKRA SHIS PAR GYUR CIG, ,,MANGGA LAm,, ,,