*, ,RJE'I RNAM THAR SHIN TU GSANG BA NGO MTSAR RMAD DU BYUNG
BA'I GTAM ZHES BYA BA BZHUGS SO, ,

@01A #, ,SLOB DPON CHOS KYI RJE THAMS CAD MKHYEN PA BLO BZANG
GRAGS PA'I DPAL GYI RNAM PAR THAR PA KHYAD PAR CAN JI LTA BU
ZHIG LAGS ZHIS, RJE BTZUN LA ZHUS PAS, DE NYID KYI RNAM PAR THAR
PA

SNYING STOBS KYI SPYOD PA RLABS CHE BA, GSANG BA LAS KYANG CHOS
SHIN TU GSANG BA NGO MTSAR RMAD DU BYUNG BA'I GTAM BYA BA NI,
'DI DAG YIN TE, SNGAGS MTSAN NYID KYI PHYOGS RNAMS GANG ZAG GCIG
'TSANG RGYA

BA'I THABS SU, RGYAB RTEN TSAD MA CAN GYIS GRUB PA NI, RNAM PAR
THAR PA PHUL DU PHYIN PA'I DON GYI GTZO BO SKAL PA BZANG PO DANG
LDAN PA RNAMS LA, NGO MA TSAR RMAD DU BYUNG BA'I DGE TSOGS SPEL
BA'I GTAM NI

'DI LTA STE, SNYING STOBS PHUL DU PHYIN PA'I SEMS DPA' CHEN PO
'DI NYID, SNGON RJE BTZUN 'JAM PA'I DBYANGS KYIS YANG YANG DU
THEG PA CHEN PO'I DGE BA'I BSHES GNYEN MDZAD, PHYI NANG GI RIGS
PA'I

GNAS RNAMS LA THOGS MED DU SMRA BA'I SPOBS PA'ANG THOB, MNGON
PAR SHES PA LNGA LA YANG MNGA' BRNYES, DE BZHIN GSHEGS PA DBANG
PO'I TOG GI DRUNG DU, RJE BTZUN DANG 'KHOR MANG PO DANG BCAS

@02A *, ,TE BYA NA, DE'I TSE DE BZHIN GSHEGS PA DBANG PO'I TOG
GIS, LUS SROG LA MI LTA BAR LTA BA RNAM PAR DAG PA DANG 'BRAL
BA'I SNGAGS MA DAG PA'I ZHING RNAMS SU RGYAS PAR BYED PA NI,
MYUR

DU MNGON PAR RDZOGS PAR 'TSANG RGYA'O ZHES SOGS KYIS BSNGAGS PA
MANG DU BRJOD, DE'I TSE SEMS DPA' CHEN PO 'DI NYID KYIS 'KHOR
RGYA MTSO'I DBUS SU BZHENGS TE, MA DAG PA'I ZHING RNAMS SU LTA
BA RNAM

PAR DAG PA DANG 'BREL BA'I SNGAGS LUS SROG LA MI LTA BAR BDAG
GIS RGYAS PAR BYED NUS PAR GYUR CIG ,CES SMON LAM BTAB BO, ,DE'I
MOD LA DE BZHIN GSHEGS PA DBANG PO'I TOG DANG 'KHOR BYANG SEMS

RNAMS KYIS KYANG SMON LAM GNANG, DE BZHIN GSHEGS PA DE'I MTHUS,
PHYOGS BCU'I RGYAL BA RNAMS KYIS KYANG, THUGS KYIS DGONGS TE
SNGAR BZHIN MDZAD, DE BZHIN GSHEGS PA THAMS CAD

KYIS, 'DI NI SNYING STOBS PHUL DU PHYIN PA'O ZHES MGRIN GCIG TU
BRJOD, DE'I TSE SNYING STOBS PHUL DU PHYIN PA'I SEMS DPA' CHEN
PO 'DI NYID NI, SANGS RGYAS KYI ZHING DPAG TU MED PA 'DAS PA'I
BYANG SHAR

@02B MTSAMS SU, NGO MTSAR RMAD DU BYUNG BA'I BKOD PA SNA TSOGS
PAS MDZES PA ZHES BYA BA'I ZHING DU, DE BZHIN GSHEGS PA SENG
GE'I NGA RO ZHES BYA BAR 'TSANG RGYA'O ZHES LUNG BSTAN, DE NAS
BZUNG STE MA DAG PA'I ZHING RNAMS SU SNGAGS RGYA

CHER SPEL BA, BKOD PA SNA TSOGS KYI SGO NAS GRANGS LAS 'DAS PA
THABS MKHAS KYI MDZAD PA DANG, YANG ZHING KHAMS MTHA' YAS PA
RNAMS SU SKAD CIG GCIG GIS YANG DE NYID MANG DU RGYAS PAR MDZAD
DE ZHES PA DANG, DE LTA RTOGS PA'I TSAD

NI, MTSAN NYID THEG PA DANG BSTUN NA ZHING SBYONG BA SOGS KYI
'GO RTZOM ZHES GSUNG, 'O NA DE BZHIN GSHEGS PA DE'I SKU'I TSAD
DANG, RGYUN PA'I 'OD ZER RNAMS KYI TSAD JI LTAR LAGS ZHUS PAS,
RGYUN PA'I SKU DPAG TSAD GCIG, SKU MDOG LJANG

SNGON, PHYAG G-YAS CHOS 'CHAD G-YON MNYAM GZHAG GI STENG NA
LHUNG BZED BDUD RTZIS GANG BA'I NANG NA BDUD RTZI'I KHO DOG LAS
KHYAD PAR 'PHAGS PA'I DBUS NA, MCHOD SDONG ZUR BZHI PA DBUS AEN
CIG MTHO BA, 'OD ZER SNA TSOGS KUN TU

'PHRO BA, BDUD RTZI DANG KHA DOG RIGS GCIG, DE BZHIN GSHEGS PA
DE'I ZHING DU DBANG PO RAB RNAMS KYIS MCHOD SDONG MTHONG BA'I
MOD LA, LTA BA RNAM DAG DANG 'BREL BA'I SNGAGS RANG 'KHRUNGS SU
RANG RGYUD LA RTOGS NAS BDUD RTZE MNGON DU BYED,

DBANG PO 'BRING DANG THA MA RNAMS LA GSUNG GIS LTA BA RNAM DAG
DANG 'BREL BA'I SNGAGS 'DOMS PA'I LTAS YIN GSUNG, 'KHOR NI LTA
BA RNAM DAG DANG 'BREL BA'I SGO NAS 'TSANG RGYA BA SHA STAG GO
GSUNG, 'O NA DE LTA BU'I ZHING DU SKYA BA LA RGYU TSOGS CI

@03A *, ,BSGRUBS NA SKYE ZHUS PAS, RNYED BKUR LA MI BLTA BAR
SNOD MIN SPANGS BA'I SHES BRTZON DAD PA DANG LDAN PA'I DBANG PO
RAB RNAMS KYIS GSANG SNGAGS LAM RIM NAS BSHAD PA LTAR NYAMS SU
BLANGS, GZHAN LA'ANG

BSTAN NA ZHING DER SKYE BA DANG, DBANG PO 'BRING DANG THA MA
RNAMS KYANG BSKYED RDZOGS KYI GO YUL MTHA' GNYIS SU MA LHUNG
TZAM RE GUS PA'I SGO NAS GO YUL SKYED, DAM TSIG DANG SDOM PA MED
MI RUNG GI YAN LAG RNAMS GUS SBYOR GYI SGO NAS NYAMS

SU BLANGS NA ZHING DER SKYE ZHES GSUNG, DE NAS PHUR TSUGS SU
GSOL BA BTAB PA'I SKABS SHIG TU DE LTA BU'I SKU'I RNAM PA DE
GSAL BA'I 'DUN PA YANG DANG YANG DU BYAS, RANG RGYUD KYI TSOGS
GSOG SGRIB SBYONG LA RTZE GCIG TU BSGRIL TE 'DUN PA

SHUGS DRAG PO MANG DU BYAS PA'I MTSAMS SHIG TU, DE BZHIN GSHEGS
PA DE'I SKU'I RNAM PA MI BONG GNYIS LAS CHE TZAM SPRUL SKU'I CHA
LUGS KHO LAG SHIN TU RGYAS PA SNGAR BSHAD PA LTAR ZHAG BCO
LNGA'I BAR DU GSAL PO BYUNG, PHUR TSUGS

SU GSOL BA BTAB STE, ZHING DER SKYE BA'I SMON LAM YANG DANG YANG
DU BTAB, 'O NA DBANG PO RAB RNAMS KYIS, ZHING DER SKYE BA'I RGYU
TSOGS JI LTA BU ZHIG BSGRUBS NA SKYE ZHES BSNAN NAS ZHUS PAS,
SNGAR BSHAD PA GZHIR ZHOG, DA'I STENG DU

GSANG SNGAGS LAM RIM LA GTZO BOR BYA STE, GZHAN SNGAGS LA SOGS
PA DE'I YAN LAG TU BYAS LA, SLAR BZHIN NYAMS SU BLANG ZHES
GSUNG, SNGAR BSHAD PA BZHIN DAD SOGS KYIS NGES PA GTING NAS
'DRONGS PA DANG, DE BZHIN GSHEGS

@03B PA'I SKU'I DON SPI YID LA GSAL PO BYA STE, SNGAGS MTSAN
NYID GANG RUNG GI YAN LAG BDUN PA DON SPYI GSAL POR BYAS TE PHUL
NA, DE NAS SMON LAM GANG 'GRUB THUN BZHIR BCAD DE GAL PO CHER
BYAS LA GDAB GSUNG, DE LTA BU'I NGO MTSAR RMAD DU

BYUNG BA'I GTAM DU BYA BA, SLOB DPON THAMS CAD MKHYEN PA SHAR
TZONG KHA PA BLO BZANG GRAGS PA'I DPAL GYI RNAM PAR THAR PA,
GZHAN LAS PHUL DU PHYIN PA 'DI, SLOB DPON RIN CHEN RGYAL MTSAN
BAS BKA' GNANG ZHING, RANG GI SLOB MA MDO SMAD PA

BSOD SHE DANG, MNGA' RIS PA DBON PO NAM MKHA' BZANG PO GNYIS
KYIS, GSER GYI MAndAL PHUL TE BSKUL BA LA BRTEN NAS, SPONG BA PA
'JAM DPAL RGYA MTSOS GSOL BA YUN RING DU BTAB NAS, RJE BTZUN GYI
BKA' JI LTA BA BZHIN DU,

YOS LO ZLA BA BRGYAD PA'I TSES BRGYAD LA YI GER BKOD PA'O,,
MANGGALAm,,