*, ,LHO BRAG GRUB CHEN DANG MJAL TSUL, MKHAS GRUB RJE LA TSEMS
GNANG SKOR BZHUGS SO, ,

@01A #, ,NA MO BADZRA P'A nA YE, YANG THIG PHYIR CHOS 'KHOR GYI
DUS GCIG ,RJE DKA' BZHI PA BLO BZANG GRAGS PA'I SLOB MA, BSHES
GNYEN KUN DGA' BZANG PO DANG, YI DAM GYIS LUNG BSTAN PA'I SLOB
MA, MDO SMAD

GSER LDAN BA DHVA JA BHA DRA SOGS DGE BA'I BSHES GNYEN MANG PO
BDAG MJAL DU BYON BYUNG BAS, KHONG RNAMS KYI GSUNG NAS, BDAG CAG
RNAMS KYI BLA MA DAM PA TZONG KHA PA CHEN PO, KHYED KYI MTSAN
BRJOD PA NA MTSUNGS MED NAM MKHA'

RGYAL MTSAN PA ZHES DANG, LHO BRAG RJE BTZUN PHYAG RDOR BA 'DI
SKAD GSUNG ZHES SOGS BKA' DRIN CHE ZHING NGO MTSAR BA'I BSNGAGS
PA MDZAD KYI NA 'DUG PAS, RJE TZONG KHA PA DANG MJAL BA'I DUS
NGO MTSAR BA'I GZIGS SNANG

DANG, RTAGS RTEN 'BREL BYUNG TSUL RNAMS GSUNG 'TSAL ZHES NAN
CHER ZHUS PA'I NGOR RAGS RIM ZHIG BRJOD NA, BDAG GIS LO BDUN CU
LON DUS, BU MO DKAR MO GCIG NA RE, BYAMS PAS BYIN GYIS BRLABS
PA'I

GANG ZAG 'JAM DPAL DBYANGS DANG GNYIS SU MED PA, LHA MO DBYANGS
CAN MAS RIG PA STER BAR BYED PA PHUN SUM TSOGS PA ZHIG DANG SKYE
BA BCO LNGA'I GONG NAS 'BREL PA YOD CING, PHAN TSUN DPON SLOB TU
'BREL PA 'ONG BA YOD PAS, DE LA

CHOS BKA' LA SRIS MA 'JUG PAR BYIN, PHAR YANG CHOS ZHUS ZER BA
ZHIG BYUNG BAS, BDAG MOS GUS DPAG TU MED PA SKYES SO, ,YANG LAN
CIG MGON PO BYAMS PA 'BYON GYIN YOD, ZER BA'I SKAD LHANG BA ZHIG
BYUNG, CHOS RJE DKA'

@02A *, ,BZHI PAS RGYA MO RI'I 'PHRANG LA PHEBS PA'I TSOD DU
'DUG ,BCOM LDAN 'DAS KYIS CHOS KYI 'KHOR LO BSKOR BA'I DUS, LUG
ZLA'I CHES BZHI'I NYIN LHO BRAG GRO BO DGON PAR PHYAG PHEBS BYON
PA BDAG GIS BSU BA LA PHYIN PAS,

RJE BTZUN 'JAM DBYANGS 'OD KYI DRA BAS MDZES PA ZHIG PHEBS BYUNG
BAR MTHONG KHONG GIS BDAG PHYAG NA RDO RJE DNGOS SU GZIGS SHING,
DE'I GSUS PA'I DKYIL 'KHOR SHIN TU LDIR ZHING BE d'UR+YA LTAR
DVANGS PA LA SBRUL SNGO KHRAS SPRAS PAR

GZIGS 'DUG ,DE NI SNGAR LAS KYANG GDUL BYA 'PHRIN LAS RGYAS SU
'GRO BA'I BRDA YIN, DE'I NUB MO KHONG GI GSUNG NAS, BLA MA'I
RNAL 'BYOR CIG ZHU GSUNG, BDAG GIS BLA MA'I RNAL 'BYOR ZHIG PHOG
PAS, PHYAG NA RDO RJE BYON NAS

KHONG LA THIM SONG, YANG TSES BCO LNGA'I THO RANGS BYAMS PA NYID
LA BSLAB BTUS ZHUS ZER BA ZHIG BYUNG, KHONG LA BSLAB BTUS GSUNG
BAR ZHU ZHUS PAS, KHONG GI GSUNG NAS, YI DAM DE SKAD GSUNG NGAM
GSUNG, GSUNG

LAGS ZHUS PAS, BSLAB BTUS GSUNG, CHOS NYAN DUS MTHONG SNANG LA
KHONG GI DBU'I STENG NA RJE BTZUN BYAMS PA BZHUGS, DPUNG PA
G-YAS NA 'JAM DBYANGS DKAR PO, G-YON NA LHA MO DBYANGS CAN MA
BZHUGS 'DUG ,

MGON PO PHYAG BZHI PA DANG PHYAG DRUG PAS GTZO BYAS PA'I CHOS
SKYONG DANG MKHA' 'GRO BSAM GYIS MI KHYAB PAS BSKOR NAS 'DUG GO
,GZHAN YANG DKAR PHYOGS LA DGA' PA'I LHA 'DRE'I TSOGS MANG PO
CHOS NYAN ZHING 'DUG

@02B PAS MOS GUS THUN MONG MA YIN PA SKYES SO, ,SO SOR 'BRANG
MA'I DBANG DANG, SEMS BSKYED KYANG ZHUS SO, ,KHONG GIS BDAG LA
TSUR CHOS ZHUS PA LA, BYANG CHUB LAM GYI RIM PA'I BKA' BABS GSUM
GYI KHRID, PHYAG NA RDO RJES GSUNGS PA'I GSANG BA

BSAM GYIS MI KHYAB PA'I KHRID LUNG RJES GNANG, PHYAG RDOR SKU
LNGA'I RJES GNANG, ZHU LAN RDO RJE'I PHRENG BA, ZHU LAN GCES
'PHRENG GI LUNG RJES GNANG, PHYAG NA RDO RJE KHYUNG LNGA'I DBANG
DANG RJES GNANG, DREGS PA KUN 'DUL GYI DBANG, RTA MGRIN DPA' BO
GCIG

PA ZHAL GSUM PHYAG DRUG PA'I RJES GNANG SOGS BYAS PA'I DUS, RJES
GNANG DANG DBANG GI BYA BA d'A KI RNAMS KYIS BYED PA DANG, BDUD
RTZI KA B'A LA GANG KHONG LA PHUL BAS, DER LBU BA SHAR BA'I NANG
DU 'JAM DBYANGS, DZAM LA RNAM SRAS RNAMS RE RE BZHUGS PA

GZIGS SHING, RTAGS NGO MTSAR CAN MANG ZHIG BYUNG STE BSHAD KYIS
MI LANG, KHONG GIS 'KHOR BLA MA 'JAM DKAR BA SOGS PHUN SUM TSOGS
PA MANG BAR 'DUG PA RNAMS LA YANG BDAG GIS CHOS LUNG MANG DU
BYAS, DPON SLOB THAMS CAD LA DAD PA

THOB BO, ,DE'I STOBS KYIS BDAG LA'ANG YON TAN BAG RE SKYES BA
BYUNG NGO, ,BDAG GIS GDAMS NGAG RNAMS BSTAN PA'I DUS SU, BDAG GI
MGO THOG TU SH'AKYA THUB PA, G-YAS SU PHYAG NA RDO RJE, G-YON
DU GDUGS DKAR MO RNAMS PHAL CHER 'BYON GYIN 'DUG PAS BAR

CHAD MI 'BYUNG BA'I RTAGS SU 'DUG ,DE NAS RE ZHIG NA DKA' BZHI
PA'I GSUNG NAS, BDAG LTA BA'I SKOR GYI THE TSOM 'GA' ZHIG YOD
PAS, 'DI SEL BA LA RGYA GAR SHING GI RI NA RJE MI TRA BZHUGS
PA'I DRUNG DU 'GRO 'DOD PAS, DE LA BAR CHAD MI 'BYUNG LAGS SAM
GSUNG

@03A *, ,GIN 'DUG PA LA, LTA BA'I GNAD RNAMS BDAG GIS YI DAM LA
ZHU YIS, RGYA GAR LA BYON NA KHYED RANG MI TRA DANG MJAL BA SOGS
NGO MTSAR BA 'ONG NA'ANG, KHYED KYI 'KHOR 'DI RNAMS TSOGS LAM
DANG SBYOR LAM CHEN PO LA GNAS PA

SHA STAG 'DUG PAS, 'DI RNAMS KYI CHE'I BAR CHAD DU 'GYUR BA 'DUG
CING, KHYED KYANG RGYA GAR DU BZHUGS NAS TSUR MI PHEBS, DE BAS
BOD PHYOGS 'DIR BSTAN PA LA PHAN PA'I THABS LA 'BAD NA 'GRUB PAS
DE BZHIN MDZAD 'TSAL ZHES ZHUS

SHING, BDAG GIS BSHOL BTAB PO, ,DE NAS LTA BA'I GNAD RNAMS YI
DAM LA ZHUS PAS, BDUD RTZI SMAN MCHOG CES PA'I GDAMS PA GNANG
NAS 'DIS MA TI BHA DRA SHR'I'I THE TSOM SEL LO GSUNG, MA TI BHA
DRA SHR'I DE GANG LAGS ZHUS PAS, BLO BZANG

GRAGS PA SKYE BA 'DI'I GONG PAndI TA'I SKYE BA BDUN DU SEMS CAN
GYI DON BYAS, 'DI GA'I GONG DU'ANG KHA CHE GRIB BSTAN DU PAndI
TA MA TI BHA DRA SHR'I BYA BAR SKYES GSUNG, DE NAS BDAG GIS DKA'
BZHI PA LA, RDZING JI'I JO BO LA BSTOD PA MING TSANGS PA'I CHOD
PAN ZHES BYA BA

'GRO BA SDUG BSNGAL GYIS MNAR BA RNAMS LA THUGS RJES GZIGS PA'I
GSOL GDAB DANG RAB TU BYUNG BA'I RTAGS CHA TSANG BA DANG BCAS PA
PHUL NA DUS PHYIS SANGS RGYAS KYI BSTAN PA'I GZHI MA 'DUL BA'I
BSLAB KHRIMS SHIN TU DAR BA'I RTEN 'BREL YOD

CES NAN GYIS BSKUL BAS DE LTAR MDZAD, DGUNG LO BZHI BCU RTZA
LNGA LA SKU TSE'I BAR CHAD CIG YOD NYAN 'DUG PAS DE SEL BA'I
PHYIR DU, DPAL 'KHOR LO CHEN PO BDUD RTZI THIGS PA'I BSKYED
RDZOGS ZAB MO 'DI BDAG GIS KHONG LA PHUL ZHING, DA LAN

@03B 'DI NAS TZA RI DANG GNYAL SAGS LA BYON NA BSTAN PA DANG
SEMS CAN LA 'PHRAL DANG YUN DU PHAN PA'I THABS KHYAD PAR CAN
'DUG CING, RGYA GAR GYI MKHAS GRUB CIG GI SKU'I SNANG BA DANG
BSTAN BCOS LA BRTEN NAS ZAB MO'I DON LA DPYIS PHYIN PA'I NGES PA
RNYED

YONG BAS DA LTAR MDZAD CING RE ZHIG GI BAR DU BYA BRAL 'CHAD
NYAN MDZAD NA 'GRO PHAN CHE ZHES SOGS ZHUS PAS, KHONG GIS KYANG
GSAN DGONGS MDZAD, BDAG GI SA CHAR YAR MAR RNAmS SU ZLA BA BDUN
DU BZHUGS, LHO BRAG GI GRVA BU SLOB SKYE PO'I TSOGS DANG BCAS

PA LA GSUNG CHOS MANG DU GNANG NGO, ,BDAG GIS KHONG GI SKU BSOD
RGYAS PA'I PHYIR RNAM SRAS LA GTOR MA PHUL BAS, DE'I NUB MO RDO
RJE RNAM 'JOMS LA RNAM SRAS BZHIS BSKOR BA ZHAL MTHONG ZHING
DE'I SGRUB THABS LAS MTHA' DANG BCAS PA GSUNGS SO, ,

DKA' BZHI PA DANG MJAL TSUL ZUR TZAM BKOD PA'O,, ,,*, ,AOm SVA
STI, BLA MA DANG MGON PO 'JAM DPAL DBYANGS LA PHYAG 'TSAL LO,
,DGA' BA GDONG DU RJE BTZUN GYIS LUNG BSTAN MDZAD DUS, RJE'I
ZHAL NAS RJE BTZUN LA NGAS ZHING

'DIR JI TZAM 'TSO ZHUS PAS, RJE BTZUN GYIS KHYOD 'DAS PA'I SKABS
NI DA LTA'O, ,ZHES GSUNGS PAS, DA NI ZHING GZHAN DU 'GRO DGOS
DGONGS PAS, MGON PO TSE DPAG MED KYIS ZHAL BSTAN NAS SKU TSE
BSRING BA'I RTEN 'BREL BSGRIGS SO, ,DE'I TSE

RJE BTZUN GYI ZHAL NAS, DE LTAR NA CHOS LUNG DU TSEMS GCIG BUD
PA DE MKHAS GRUB PA LA SBYIN LA KUN LA KHYAB CHUG ,MJUG TU PHAG
LO'I ZLA BA BCU PA LA GSHAGS PAR 'GYUR RO, ,DE DUS KHYOD KYIS
RTEN RIL POR ZHOG DANG, LO SUM BRGYA LON

@04A *, ,PA DANG, LHA RNAMS KYIS LUNG BSTAN BYAS PA'I RIN PO CHE
CHOS RGYAL ZHES BYA BA'I PAndI TAS, SKU RIL PO MA GA DHA DANG
RDO RJE GDAN DU GDAN 'DREN BYED, DE'I DON GYIS ZHING 'DIR TSEMS
LA RING BSREL GYIS BYA BA BA'I DON DE YIN NO, ,

RJE BTZUN GYIS ZHAG MANG RABS LUNG BSTAN MDZAD DO, ,PHYIS RJE
CHOS LUNG DU PHEBS TE THUGS DAM LA BZHUGS DUS, RGYUD SDE BZHI'I
LHA TSOGS DANG, KHYAD PAR SANGS RGYAS SUM CU SO LNGAS ZHAL GZIGS
TE BYIN GYIS BRLABS SO, ,DE DUS MKHAS

GRUB PAS, KUN MKHYEN PA LA, MDANGS NI PHA BLA MA'I LUNG BSTAN
BYED PA RMI BAS, RGYUD SDE BZHI'I DON BSDUS PA RDO RJE 'CHANG GI
LAM GYI RIM PA RNAMS BSHAD DU GSOL, ZHES GSOL BA BTAB PAS, RJES
KYANG DE LEGS GSUNG, CHOS ZAB

MO RNAMS GNANG, DE'I NYIN GCIG NYI MA'I 'OD ZER RGYAS PA DANG,
RJE'I ZHAL NAS 'OD CIG BYUNG NAS NAM MKHA' KHYAB PA KUN GYIS
MTHONG NGO, ,DE YANG LA LAS 'JA' 'OD DU MTHONG, RGYAL TSAB PAS
RJE RIN PO CHE'I TSEMS GCIG BUD PA GZIGS, 'DUL

BA 'DZIN PA DANG MKHAS GRUB PA GNYIS KYIS KYANG TSEMS GCIG BUD
PA GZIGS TE, RJE'I ZHAL NAS, LHUN PO'I DRUNG NA GSER RI LTA BUR
GNAS, ,'GRAN ZLA MED PA'I DGE LEGS KHYOD LA SBYIN, ,GSUNGS NAS
MKHAS GRUB PA LA GNANG NGO, ,

RGYAL TSAB BA DANG 'DUL 'DZIN SOGS KYIS NGED RNAMS LA MI GNANG
BA CI YIN ZHUS PAS, KHYED RNAMS LA MI GNANG BA MIN, MKHAS GRUB
PA 'DI LAS DANG SKAL BAR LDAN PA YOD, RJE BTZUN GYIS LUNG BSTAN
PA YANG YOD, RGYUD 'DI RNAMS 'CHAD PA'I DON YANG YIN, KHYED
RNAMS ZHAG BDUN GYI BAR GSOL

@04B BA THOB DANG GNANG BAS CHOG GSUNG NGO, ,MKHAS GRUB PAS
KYANG TSEMS KHONG RANG GI GZIMS KHANG DU KHYER NAS GSOL BA BTAB
PAS GZIMS KHANG 'OD KYIS GANG NGO, ,ZHAG BDUN SONG BA NA, RJES
TSEMS KHYER SHOG GSUNGS NAS MCHOD PA LEGS PAR BSHAMS PA DANG,

ZHAL PHYE BAS TSEMS RANG LA 'JAM DBYANGS KYI SKU ZHIG BYON, DE'I
DBU DANG PHYAG TSEMS RNAMS LA RING BSREL PHRA BTAB PA BZHIN
BYON, 'JAM DBYANGS DE'I SPYI GTZUG GI DUNG MDOG DPA' BO RDO RJE
LA GNANG, DPRAL BA'I SHEL MDOG RGYAL TSAB PA LA GNANG, MGRIN

PA'I GSER MDOG BU n+YEE SHR'I LA GNANG, THUGS KA'I BEEd'UR+YA
LTA BU 'DUL BA 'DZIN PA LA GNANG, RJE BTZUN GYI SKU DANG YAN LAG
LA RING BSREL STONG RTZA GNYIS BYON PA DE, DER BZHUGS PA KUN LA
KHYAB PAR GNANG, DE NAS BZUNGS TE PHAL CHER BYON PA RING

BSREL GYIS KHYAB PAR BZHUGS PA RNAMS LAS CAN RNAMS KYI MCHOD
RTEN NO, ,ZHES GSUNG, 'DI LTA BU'I LUNG BSTAN DANG LTAS KHYAD
PAR CAN BYUNG TSUL GYI DPE YANG, DBUS SU RGYUN CHAD DE MING TZAM
YANG MED PAR SONG BA, MANG DU THOS PA'I SPYAN DANG LDAN PA

RJE BTZUN DAM PA SANGS RGYAS RIN CHEN GYIS MA BZOD NAS 'BAD PA
CHER MDZAD PAS, MDO SMAD CO NE'I PHYOGS NAS PHUL BA 'DIS KYANG
BSTAN PA DRI MA MED PA DAR ZHING RGYAS PAR GYUR CIG, ,,MANGGA
LAm,,