*, ,BLA MA'I RNAL 'BYOR ZAB KHYAD CAN CHOS KYI RGYAL PO TZONG
KHA PA CHEN POS MKHAS GRUB THAMS CAD MKHYEN PA LA GCIG BRGYUD
KYI TSUL DU GNANG BA BZHUGS SO, ,

@01A #, ,NA MO GU RU MNYDZU GHO sh'A YA, ZAB MO BLA MA'I RNAL
'BYOR BSGOM PAR 'DOD PAS, THOG MAR SKYABS 'GRO SEMS BSKYED
TSAD MED BZHI BSGOM PA SNGON DU 'GRO BA BYAS NAS, RANG GI MDUN
GYI NAM MKHAR PADMA DANG, ZLA BA DANG

SENGGE CHEN PO BRGYAD KYIS BTEG PA'I RIN PO CHE'I KHRI YANGS
SHING RGYA CHE BA'I STENG DU, RANG GI DRIN CAN RTZA BA'I BLA
MA RGYAL BA TZONG KHA PA CHEN PO YIN PA LA, RNAM PA RJE BTZUN
'JAM PA'I DBYANGS SKU MDOG DMAR SER LI KHRI'I MDANGS CAN, ZHAL

GCIG ,PHYAG GNYIS PA, PHYAG G-YAS SHES RAB KYI RAL GRI 'PHYAR
ZHING, G-YON SHES RAB KYI PHA ROL TU PHYIN PA'I GLEGS BAM
THUGS KAR BSNAMS PA, DBU SKRA RAL PA'I THOR TSUGS ZUR PHUD
LNGA DANG LDAN PA, ZHAL 'DZUM BAG DANG

LDAN PA, RIN PO CHE'I RGYAN THAMS CAD KYIS BRGYAN PA, DAR SNA
TSOGS KYI NA BZA'I LHAB LHUB CAN, ZHABS RDO RJE SKYIL KRUNG
GIS BZHUGS PA, DE'I SPYI BOR AOm, MGRIN PAR A'A: THUGS KAR
H'Um GIS MTSAN PAR GYUR, THUGS KA'I H'Um LAS

'OD ZER 'PHROS PAS, RGYA CHEN SPYOD BRGYUD, ZAB MO LTA BRGYUD,
NYAMS LEN BYIN RLABS BRGYUD LA SOGS PA'I RTZA BA DANG BRGYUD
PAR BCAS PA'I BLA MA THAMS CAD SPYAN DRANGS TE, RJE BTZUN LA
THIM PAS, DE NYID BLA MA KUN 'DUS KYI BDAG

NYID DU GYUR, YANG THUGS KA'I H'Um LAS 'OD ZER 'PHROS BAS BYA
BA'I RGYUD, SPYOD PA'I RGYUD, RNAL 'BYOR GYI BRGYUD, RNAL
'BYOR BLA NA MED PA'I RGYUD KYIS BSDUS PA'I YI DAM DKYIL 'KHOR
GYI LHA TSOGS 'KHOR DANG BCAS PA SPYAN DRANGS

@02A *, ,TE, DE NYID LA THIM PAS, DE NYID YI DAM KUN 'DUS KYI
BDAG NYID DU GYUR, YANG THUGS KA'I H'Um LAS 'OD ZER 'PHROS PAS
BKA' SDOD SRUNG MA'I TSOGS THAMS CAD DANG, GNAS GSUM GYI DPA'
BO

MKHRO' RNAL 'BYOR MA'I TSOGS THAMS CAD SPYAN DRANGS TE, DE LA
THIM PAS, CHOS SKYONG KUN 'DUS KYI BDAG NYID DU GYUR PAR BSAMS
LA, GSANG BA 'DUS PA NAS BSHAD PA LTAR, NYER SPYOD ROL MO,
RGYAL SRID SNA BDUN, BKRA SHIS

RTAGS BRGYAD SOGS RGYAS PAR 'BUL, DE TZAM MA BYUNG NA YANG, GU
RU RTNA S'A PA RI WA RA ARGHAm PRA T'I TZTSA SV'A H'A, ZHES
SOGS SHAPTA'I PAR DANG, 'DOD YON LNGA DANG RGYAL SRID SNA BDUN
'BUL, DE NAS MAndAL RGYAS BSDUS

GANG RIGS PHUL NAS, SANGS RGYAS THAMS CAD 'DUS PA'I SKU, ,ZHES
SOGS RTZA BRGYUD KYI BLA MA RNAMS KYI BSTOD PA GANG SHES KYIS
BSTOD CING, SGO GSUM GUS PAS PHYAG BYA'O, ,DE NAS BLA MA DE
NYID, SANGS RGYAS KUN

'DUS, CHOS KUN 'DUS, DGE 'DUN KUN 'DUS, BLA MA KUN 'DUS, YI
DAM KUN 'DUS, CHOS SKYONG KUN 'DUS SU NGES SHES SHUGS DRAG
DRANGS TE, DUS 'DI NAS BZUNGS TE JI SRID BYANG CHUB MA THOB
KYI BAR DU, RE SA LTOS

SA KHYED MIN PA MED SNYAM BLO LINGS KYIS BKAL LA, MOS GUS
SHUGS DRAG POS SEMS MA YENGS PAR BYAS LA, DMIGS BRTZE MA GANG
MANG GIS GSOL 'DEBS RTZE GCIG TU BTAB NAS, BLA MA RIN PO CHE
BDAG GI BLO CHOS SU

@02B 'GRO BAR BYIN GYIS BRLAB TU GSOL, CHOS LAM DU 'GRO BUR
BYIN GYIS BRLAB TU GSOL, LAM LA BAR CHAD MI 'BYUNG BAR BYIN
GYIS BRLAB TU GSOL, PHYIN CI LOG GI BLO SNA MTHA' DAG 'GAG PAR
BYIN GYIS BRLAB TU GSOL, PHYIN CI MA LOG PA'I BLO SNA MTHA'
DAG RANG RGYUD LA SKYE BAR BYIN GYIS BRLAB TU GSOL,

ZHES GSOL BA BTAB PAS, BLA MA'I SPYI BO'I AOm LAS 'OD ZER DKAR
PO'I TSOGS DPAG TU MED PA 'PHROS, RANG GI SPYI BOR THIM PAS
THOG MA MED PA NAS LUS KYI SGO NAS BSAGS PA'I SDIG SGRIB THAMS
CAD BYANG ZHING DAG ,DBANG DANG PO BUM PA'I DBANG THOG LUS
LHAR BSGOM PA

LA DBANG BAR BYAS, 'BRAS BU SPRUL SKU 'GRUB PA'I NUS PA KHYAD
PAR CAN BZHAG BYUNG SNYAM DU MAS PA BRTAN PAR BYA'O, ,YANG
SNGAR BZHIN DMIGS BRTZE MA CI MANG BGRANGS NAS, BLA MA RIN PO
CHE ZHES SOGS KYIS GSOL BA BTAB PAS, BLA MA'I MGRIN PA'I A'A:

DMAR PO LAS 'OD ZER 'PHROS, RANG GI MGRIN PAR THIM PAS, NGAG
GI SGO NAS BSAGS PA'I SDIG SGRIB THAMS CAD BYANG ZHING DAG
,DBANG GNYIS PA GSANG BA'I DBANG THOB, NGAG SNGAGS BZLA BA LA
DBANG BAR BYAS, 'BRAS BU LONGS SKU 'GRUB PA'I NUS PA KHYAD PAR

CAN BZHAG BYUNG SNYAM DU BSAM, YANG SNGAR BZHIN GSOL BA BTAB
PAS, BLA MA'I THUGS KA'I H'Um SNGON PO LAS 'OD ZER 'PHROS,
RANG GI SNYING KHAR THIM PAS, YID KYI SGO NAS BSAGS PA'I SDIG
SGRIB THAMS CAD BYANG ZHING DAG, DBANG GSUM PA SHES RAB YE

SHES KYI DBANG THOB, SEMS TING NGE 'DZIN BSGOM PA LA DBANG BAR
BYAS, 'BRAS BU CHOS SKU 'GRUB PA'I NUS PA KHYAD PAR CAN BZHAG
BYUNG SNYAM PA'I MOS PA BYA, YANG SNGAR BZHIN GSOL BA DRAG TU
BTAB PAS, BLA MA'I GNAS GSUM GYI YI GE GSUM LAS

@03A *, ,'OD ZER DKAR DMAR MTHING GSUM 'PHROS, RANG GI GNAS
GSUM DU THIM PAS SGO GSUM GYI SDIG SGRIB BAG CHAGS DANG BCAS
PA BYANG ZHING DAG ,DBANG BZHI PA TSIG DBANG RIN PO CHE THOB,
'BRAS BU ZUNG 'JUG RDO RJE 'TSANG

'GRUB PA'I NUS PA KHYAD PAR CAN BZHAG BYUNG SNYAM PA'I BSAM PA
BSKYED, DE NAS RANG GI LUS KYI DBUS DRANG THANG SGAL TSIGS LA
CUNG ZAD NYE BA'I RTZA DBU MA, SBOM PHRA GRO SOGS TZAM DKAR LA
DMAR BA'I MDANGS CAN YAR SNA SPYI GTZUG LA THUG

PA, MAR SNA GSANG GNAS LA THUG PA ZHIG GSAL BTAB, DE'I NANG DU
RANG GI SNYING KHA 'DI NYID DA LTA KHA THUR DU LTA BA DE, BLOS
GYEN DU BSLANGS TE PADMA 'DAB MA BRGYAD PA'I RNAM PA CAN KHA
BYE BA ZHIG TU BSGOMS, RTZA DBU MA'I YAR SNA RGYA MTHONG KHA
BYE BA LTA

BUR THAL LE YOD PAR BSGOMS LA, SNGAR BZHIN GSAL BTAB PAS, BLA
MA DGYES TE DBU MA'I NANG NAS MAR BYON, SNYING PADMA 'DAB
BRGYAD DU GSAL BA'I STENG DU PAD ZLA'I GDAN LA BZHUGS PAR GYUR
PAR BSAMS LA, DMIGS BRTZE MA CI MANG BGRANGS

SHING, RANG GI RTZA DBU MA'I YAR SNA BKAG NAS LUS KYI NANG 'OD
ZER SNA LNGAS ZHAL BA BYAS PAR BSGOM PA NI MAN NGAG YIN NO,
,DE NAS THUN 'JOG KHAR, 'DOD DON LA GSOL BA BTAB PAS ZHAL GYIS
BZHES PAR BSAMS LA, PADMA 'DAB BRGYAD SPUNGS SKU

KHA BSDUS PA LTAR ZUM PA'I RTZE LA DMIGS BRTZE MA'I YIG 'BRU
RNAMS GSER GYIS BRIS PA LTA BU DANG, DE'I GSHAM NAS AA RA PA
TZA NA'I YI GE GSER GYI MDOG CAN GYIS BAR MTSAMS MED PAR DKRIS
PAR BSAM ZHING, NGAG TU YANG BRJOD NAS, BSTAN

@03B PA RGYAS PA SOGS KYI BSNGO BA BYED CING, DE NAS BZUNGS TE
BLA MA'I RNAL 'BYOR LA 'BAD PA GAL CHE'O, ,DE YANG SNYING
KHA'I BLA MA'I SKU'I BKOD PA 'CHI KHA TSUN CHAD DU SDUD RGYU
MIN PAS, RTZA DGU BA'I NANG NAS MAR BYON, SNGAR GYI SNYING KHA
PADMA 'DAB BRGYAD KYI SNGAGS DANG

YIG 'BRU RNAMS BKROL NAS PADMA 'DAB BRGYAD KHA SHAG BYE BAR
BSAMS NAS SNGAR GYI BLA MA'I SKU LA THIM PAR BSAMS LA GSOL BA
'DEBS PA DANG, PADMA KHA ZUM STE PHYI NAS YI GES DKRIS PA RTZA
DBU MA'I NANG DU 'OD KYIS ZHAL ZHAL BYED PA SOGS GONG BZHIN

BYA'O, ,BLA MA'I RNAL 'BYOR ZAB KHYAD CAN 'DI NI, CHOS KYI
RGYAL PO TZONG KHA PA CHEN POS, MKHAS GRUB THAMS CAD MKHYEN PA
LA GCIG BRGYUD KYI TSUL DU GNANG BA'O, ,'DI'I BRGYUD PA NI RJE
BTZUN 'JAM DBYANGS, CHOS KYI RGYAL PO TZONG KHA PA CHEN PO,
MKHAS

GRUB THAMS CAD MKHYEN PA RJE BA SO BA, 'JAM DBYANGS KUN DGA'
BDE LEGS, RJE BTZUN CHOS KYI RGYAL MTSAN, RJE BTZUN BDE LEGS
NYI MA, RJE SHAR PA NAM MKHA' RGYAL MTSAN, ZHAL SNGA NAS DGE
'DUN RGYAL MTSAN, DE NAS RIM PAR BRGYUD ZHAL SNGA NAS

GRAGS PA RGYAL MTSAN, DE NAS RIM PAR BRGYUD RDO RJE 'CHANG BLO
GROS RIN CHEN LA'O,, ,,SHU BHAm MA STU SARBA DZA GA TAm, BKRA
SHIS,,