*, ,BYANG CHUB SEMS DPA'I TSUL KHRIMS KYI RNAM BSHAD BYANG CHUB GZHUNG LAM BZHUGS SO, , @01A #, ,BYANG CHUB SEMS DPA'I SDOM PA BZUNG NAS TSUL KHRIMS KYI PHUNG PO YONGS SU DAG PAR BYA BA'I TSUL RNAM PAR BSHAD PA BYANG CHUB GZHUNG LAM ZHES BYA BA, BYANG CHUB SEMS DPA' CHEN PO 'JAM DPAL GZHON NUR GYUR PA LA PHYAG 'TSAL LO, ,GANG GI THUGS NI RLABS CHEN SNYING RJES RAB TU BSKYOD GYUR PAS, ,SHIN TU BYA DKA'I KHUR NI DPAG MED BSKAL PAR BZHES PA YIS, ,GO 'PHANG BLA NA MED PAR GSHEGS NAS GSUNG DBYANGS MTHON PO YIS, ,'GRO BA MA RIG GNYID LAS SAD MDZAD DE LA GUS PHYAG 'TSAL, , RGYAL BA NGA YIS CHOS KYI RGYAL SRID NI, ,GANG LA GTAD PA RGYAL TSAB CHOS KYI RJE, ,SA YI DBANG PHYUG MI PHAM MGON DE YI, ,DRI MED MDZAD PAS 'GRO RNAMS SKYONG GYUR CIG ,DE YI ZHABS @02A *, ,ZUNG YID 'ONG PADMA'I RDUL, ,GANG LA REG RNAMS BKRA SHIS RGYAS BYED PA, ,GUS PAS GTZUG TU STEN MDZAD RGYAL TSAB SRAS, ,'PHAGS PA THOGS MED ZHABS LA MGOS PHYAG 'TSAL, ,MI PHAM ZHAL NAS BYON PA'I GDAMS PA'I PHUL, ,RGYAL SRAS SPYOD LA SLOB PAR KHAS BLANGS NAS, ,TSUL BZHIN SGRUB PA'I RIM PA 'DIR BSHAD KYIS, ,THEG MCHOG DGA' STON 'DOD RNAMS GUS PAS NYON, ,'DI NA THEG CHEN PA ZHES KHAS 'CHE BA, ,KHA CIG RGYAL SRAS RNAMS KYI 'JUG LDOG GI ,BCAS PA'I GNAS LA BLO MIG ZUM GYUR CING, ,GZHAN DAG TSIG TZAM 'DON YANG GNAS DE RNAMS, ,THEG PA MCHOG LA SGRUB PA LHUR LEN PA'I, ,RGYAL SRAS RNAMS KYI BGROD PA GCIG PA'I LAM, ,GDAMS PA'I MCHOG TU NGES PA MA RNYED PAS, ,THUB PA'I BCAS PA DOR NAS BAG YANGS SU, ,LCAGS KYU MED PA'I GLANG CHEN BZHIN 'JUG PA, ,DE DAG RNAMS KYI SNYING LA MI 'BAB KYANG, ,THEG MCHOG RIGS KYI NUS PA MI DMAN PA'I, ,SKAL BZANG RNAMS KYI DGA' BA RGYAS PAR 'GYUR, ` ,'DIR 'JAM DPAL RTZA BA'I RGYUD LAS, THOGS MED CES BYA'I DGE SLONG NI, ,BSTAN @02B BCOS DE NI DON LA MKHAS, ,MDO SDE NGES DON DRANG BA'I DON, ,RNAM PA MANG PO RAB TU 'BYED, ,'JIG RTEN RIG PA STON BDAG NYID, ,GZHUNG 'BYED NGANG TSUL CAN DU 'GYUR, ,DE YI RIG PA GRUB PA 'DI, ,SA LA'I PHO NYA MO ZHES BRJOD, ,DE YI SNGAGS KYI MTHU YIS NI, ,BLO NI BZANG PO SKYE BAR 'GYUR, ,BSTAN PA YUN RING GNAS BYA'I PHYIR, ,MDO YI DE NYID DON SDUD BYED, ,LO NI BRGYA DANG LNGA BCUR 'TSO, ,DE LUS ZHIG NAS LHA YUL 'GRO, 'KHOR BA RNAMS SU 'KHOR BA NA, ,YUN RING BDE BA RJES MYONG NAS, ,BDAG NYID CHEN PO MTHAR GYIS DE, ,BYANG CHUB THOB PAR 'GYUR BA YIN, ,ZHES LUNG BSTAN PA, DAM PA'I CHOS 'DZIN PA'I SMON LAM RGYA CHEN PO BTAB PA SKYE BA DU MAR TSOGS DPAG TU MED PA GSOG PA LA GOM PA LHUR MDZAD PA, CHOS KYI RGYUN GYI TING NGE 'DZIN BRNYES PA RANG DAR GZHAN GYI GRUB PA'I MTHA' RGYA MTSO LTA BU'I PHA ROL TU SON PA, CHOS RAB TU RNAM PAR 'BYED PA'I MTHU GZHAN GYIS DPAG PAR DKA' BA 'PHAGS PA THOGS MED CES BYA BA DES, RJE BTZUN BYAMS PA LA SPYIR CHOS KYI RNAM GRANGS DPAG TU MED PA GSAN CING KHYAD PAR DU THEG PA MCHOG GI LAM DANG 'BRAS BU'I TSUL RGYA CHER GSAN PA'I DON NYE BAR BSDUS PA BYANG CHUB SEMS DPA'I SA ZHES BYA BA'I BSTAN BCOS CHEN PO NYE BAR SBYAR RO, ,DE LTA NA'ANG DE LA NI THEG PA MCHOG LA SNGON GYI GOMS PA CHUNG BA RNAM PAR DPYOD PA'I STOBS DMAN ZHING BRTZON PA'I MTHU CHUNG BA RNAMS KYI BSLAB PAR MI NUS PAR MTHONG NAS DE RNAMS KYI DON DU BYANG CHUB SEMS DPA'I SA'I TSUL KHRIMS KYI LE'U'I @03A *, ,DON TZAM ZHIG BLO DMAN PA RNAMS KYIS GO SLA BAR BSHAD PAR BYA STE, 'DI LTAR RGYAL SRAS KYI SPYOD PA RNAMS GANG LA GNAS PA'I RTEN BYANG CHUB KYI SEMS THOG MAR MAN NGAG BZHIN BSKYED NAS, BYANG CHUB SEMS DPA'I BSLAB PA LA SLOB PAR KHAS LEN PA'I SGO NAS SDOM PA BZUNG BA SNGON DU 'GRO BA CAN GYI BYANG CHUB SEMS DPA'I BSLAB PA LA SLOB PA MED PAR NI 'GA' YANG BLA NA MED PA'I BYANG CHUB TU 'GRO BA'I SKABS MED PA'I PHYIR RO, ,DE'I PHYIR 'DI NYID DUS GSUM GYI BYANG CHUB SEMS DPA' THAMS CAD KYI BGROD PA GCIG PA'I LAM YIN TE, BYANG CHUB SEMS DPA'I SA LAS TSUL KHRIMS GSUM BSHAD ZIN PA'I 'OG TU, DE LA NI 'DAS PA'I BYANG CHUB SEMS DPA' BYANG CHUB CHEN PO 'DOD PA RNAMS KYIS KYANG BSLABS SO, ,MA 'ONGS PA RNAMS KYANG SLOB PAR 'GYUR RO, ,DA LTAR PHYOGS BCU'I 'JIG RTEN GYI KHAMS MTHA' YAS MU MED PA NA GNAS PA DAG KYANG SLOB BO, ,ZHES DANG, TSUL KHRIMS LE'U'I 'GREL PA LAS KYANG, SKYES BU GANG BLA NA MED PA'I BYANG CHUB TU SEMS BSKYED DE THEG PA CHEN PO'I SGOR ZHUGS PA BDAG DANG GZHAN LA PHAN PAR 'DOD PA BSOD NAMS DANG YE SHES KYI TSOGS LA BRTZON PAR 'DOD PA'I SKYES BU GANG THEG PA CHEN POR KHAS 'CHE BA DE DAG GIS BYANG CHUB SEMS DPA'I SDOM PA LA GNAS PAR BYA'O, ,BYANG CHUB SEMS DPA'I BSLAB PA NI PHA ROL TU PHYIN PA LA SOGS PAR GSUNGS NA DE LA SLOB PA'AM DAD PA MED NA THEG PA CHEN PO PA ZHES SMRA BA YANG KHAS 'CHE BA TZAM SGA'I RJES SU 'BRANG BA TZAM DU ZAD KYI GDON MI ZA BAR MA YIN NO ZHES GSUNGS PA'I PHYIR RO, ,BYANG CHUB @03B TU SEMS BSKYED KYANG BSLAB PA LA NAN TAN GYIS MI SGRUB NA BYANG CHUB THOB PA MI SRID PAS BYANG CHUB 'DOD PAS NI BSLAB PA LA SLOB PA'I SGRUB PA SNYING POR BYA STE, 'PHAGS PA SDOM PA GSUM BSTAN PA LAS, 'OD SRUNGS RIGS KYI BU 'AM RIGS KYI BU MO BYANG CHUB SEMS DPA'I THEG PA LA YANG DAG PAR ZHUGS PA GANG ZHIG CHES DE DAG THOS MA THAG TU NAN TAN GYIS MI SGRUB NA DES BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR MI NUS SO, ,DE CI'I PHYIR ZHE NA, 'OD SRUNGS NAN TAN GYIS BLA NA MED PA YANG DAG PAR RDZOGS PA'I BYANG CHUB 'THOB KYI NAN TAN MED PAS NI MA YIN PA'I PHYIR RO, ,'OD SRUNGS GAL TE NAN TAN MED PAR BLA NA MED PA YANG DAG PAR RDZOGS PA'I BYANG CHUB 'THOB TU ZIN NA RI BONG DANG BYI LA YANG BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR RO, ,DE CI'I PHYIR ZHE NA, 'OD SRUNGS GANG DAG LA NAN TAN MED PA DAG BLA NA MED PA YANG DAG PAR RDZOGS PA'I BYANG CHUB TU 'GYUR DU ZIN NA NI, 'OD SRUNGS SGRA YANG BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR BA'I PHYIR TE, SANGS RGYAS SU 'GYUR BAR BYA'O ZHES BRJOD PAS SEMS CAN DPAG TU MED PA DAG SANGS RGYAS SU 'GYUR BA'I RIGS SO, ,ZHES GSUNGS PA'I PHYIR RO, ,GAL TE BYANG CHUB SEMS DPA'I SDOM PA BZUNG NAS DE'I BSLAB PA NYAMS SU LEN PA NI PHA ROL TU PHYIN PA'I THEG PA LA 'JUG NA YIN GYI, GSANG SNGAGS KYI SGO NAS 'JUG PA LA MI DGOS PAS BYANG CHUB SEMS DPA' THAMS CAD KYI LAM MA YIN NO SNYAM NA, 'DI NI LOG @04A *, ,PAR RTOG PA CHEN PO YIN TE DPAL SAMBHU tI DANG RDO RJE MKHA' 'GRO DANG RDO RJE RTZE MO RNAMS SU, BYANG CHUB SEMS NI BLA NA MED, ,DAM PA BDAG GIS BSKYED PAR BGYI, ,TSUL KHRIMS KYI NI BSLAB PA DANG, ,DGE BA'I CHOS NI SDUD PA DANG, ,SEMS CAN DON BYED TSUL KHRIMS GSUM, ,SO SOR BRTAN POR BDAG GIS GZUNG, ZHES RDO RJE THEG PA'I SDOM PA 'DZIN PA NA SEMS BSKYED NAS TSUL KHRIMS RNAM PA GSUM LA SLOB PAR KHAS BLANGS PA DANG SBREL NAS RIGS LNGA'I SDOM PA 'DZIN PA DGOS PAR GSUNGS SHING, DKYIL 'KHOR GYI CHO GA KHUNGS THUB PA DU MAR YANG THUN MONG DANG THUN MONG MA YIN PA'I SDOM PA GNYIS GNYIS 'DZIN DGOS PAR GSUNGS PA'I THUN MONG BA NI BYANG CHUB SEMS DPA'I SDOM PA YIN PA'I PHYIR DANG, SEMS BSKYED NAS BYANG SEMS KYI BSLAB PA BZUNG STE KHAS LEN BYAS PA LTAR TSUL KHRIMS GSUM MAM PHA ROL TU PHYIN PA DRUG LA SLOB PA LAS GZHAN PA'I LAM PHA ROL TU PHYIN PA'I THEG PA CHEN PO LA YANG MED PA'I PHYIR DANG, DE YANG GSANG SNGAGS KYI RGYUD SDE BZHI GANG GI SGOR 'JUG KYANG DGOS PA'I PHYIR SEMS BSKYED DANG PHAR PHYIN DRUG GI LAM NI RDO RJE THEG PA DANG, PHAR PHYIN GYI THEG PA GNYIS KYI LAM THUN MONG BA YIN GYI SNGAGS KYI THEG PA PAS RNAM PA THAMS CAD DU 'DOR DU MI RUNG NGO, ,DE LTAR YANG 'JAM DPAL RTZA BA'I RGYUD LAS, CHOS GSUM DANG LDAN NA SNGAGS KYI SPYOD PA YONGS SU RDZOGS PAR 'GYUR TE, GSUM PO GANG ZHE NA, SEMS CAN THAMS CAD YONGS SU MI GTONG BA NYID DANG BYANG CHUB SEMS DPA'I TSUL KHRIMS KYI SDOM PA BSRUNG BA DANG RANG GI SNGAGS YONGS @04B SU MI GTONG BA NYID DO, ,ZHES DANG, RDO RJE RTZE MO LAS KYANG, PHA ROL PHYIN DRUG SPYOD PA LA, ,GO RIMS BZHIN DU BSLAB PAR BYA, ,SEMS CAN GYI NI DON LDAN PAS, ,BYANG CHUB SEMS DPA'I SPYOD PA SPYAD, ,CES DANG, RDO RJE GUR GYI LE'U BCU GNYIS PA LAS KYANG, BDAG GIS BYANG CHUB MCHOG SEMS BSKYED, ,AE MA 'O SEMS CAN KUN MGRON GNYER, ,BYANG CHUB SPYOD MCHOG MDZAD BZHIN SPYAD, ,'GRO LA PHAN PHYIR SANGS RGYAS SHOG ,CES GSUNGS PA'I PHYIR RO, ,DES NA THEG PA SDE GNYIS LA GNAD BKAG MI 'DRA BA 'GA' RE YOD KYANG PHAL MO CHE MTHUN PA YIN PAS PHAR PHYIN GYI THEG PA DANG GSANG SNGAGS KYI THEG PA GANG GI SGOR 'JUG KYANG SDOM PA 'DI NGES PAR GZUNG DGOS PAR SHES PAR BYA'O, ,DA NI TSUL KHRIMS KYI LE'U BSHAD PAR BYA STE, DE LA GNYIS, SDOM DU BSDU BA DANG, SDOM GYI DON BSHAD PA'O, ,DANG PO NI, ,BYANG CHUB SEMS DPA' RNAMS KYI TSUL KHRIMS GANG ZHE NA, TSUL KHRIMS MDOR BSDUS PA'I SDOM NI, NGO BO NYID DANG THAMS CAD DANG, ,DKA' BA DANG NI SGO KUN DANG, ,SKYES BU DAM PA LDAN PA DANG, ,DE BZHIN RNAM PA THAMS CAD DANG, ,PHONGS SHING 'DOD DANG LDAN PA DANG, ,'DI DANG GZHAN DU BDE 'GYUR DANG, ,RNAM PAR DAG DANG RNAM DGU STE, ,MDOR NA TSUL KHRIMS DE YIN NO, ,ZHES GSUNGS PA LTAR RNAM PA DGU'O, ,DE LA TSUL KHRIMS KYI NGO BO NYID NI SPYI'I MTSAN NYID DO, ,TSUL KHRIMS THAMS CAD NI DE'I DNGOS PO'I DBYE BA RGYAS PA'O, ,DKA' BA'I TSUL KHRIMS NI SGRUB DKA' BA LA 'JUG PAS THUN MONG MA YIN PA'I KHYAD PAR RO, ,THAMS CAD KYI @05A *, ,SGO NAS KYI TSUL KHRIMS NI GANG NAS SAM JI LTAR 'JUG PA'I DBYE BA'O, ,SKYES BU DAM PA'I TSUL KHRIMS NI BYED PA PO RTEN GYI KHYAD PAR RO, ,RNAM PA THAMS CAD KYI TSUL KHRIMS NI RNAM PA'I RAB TU DBYE BA'O, ,PHONGS SHING 'DOD PA'I TSUL KHRIMS NI 'GREL CHEN LTAR SDUG BSNGAL SEL BA'I BYED PA'AM, YANG NA YUL DANG BYED PA'I KHYAD PAR GNYIS SO, ,'DI DANG GZHAN DU BDE BAR 'GYUR BA'I TSUL KHRIMS DANG RNAM PAR DAG PA'I TSUL KHRIMS NI 'BRAS BU'I KHYAD PAR TE, RIM PA LTAR SPONG BA DANG THOB PAS KHYAD PAR DU BYAS PA'O, ,SDOM GYI DON BSHAD PA LA DRUG ,NGO BO NYID KYIS MDOR BSTAN PA, THAMS CAD PAS RGYAS PAR BSHAD PA, BSHAD PA DE'I RAB TU DBYE BA, TSUL KHRIMS KYI PHAN YON, TSUL KHRIMS KYI BSDU BA, TSUL KHRIMS KYI BYED LAS SO, ,DANG PO LA GNYIS, NGO BO NYID DANG, DE'I CHE BA'O, ,NGO BO NYID LA BZHI LAS YON TAN GYI GRANGS NI, TSUL KHRIMS KYI NGO BO NYID GANG ZHE NA, MDOR BSDU NA YON TAN BZHI DANG LDAN PA STE, PHA ROL LAS LEGS PAR YANG DAG PAR BLANGS PA'I YON TAN DANG BSAM PA SHIN TU RNAM PAR DAG PA'I YON TAN DANG, NYAMS NA PHYIR GSO BA'I YON TAN DANG MI NYAMS PAR BYA BA'I PHYIR GUS PA BSKYED NAS DRAN PA NYE BAR GNAS PA'I YON TAN NO, ,YON TAN GYI BYED PA NI, PHA ROL LAS BLANGS PAS NI, BSLAB PA LAS NYAMS PA'I RKYEN NYE BA NA GZHAN GYIS SMAD NA MI RUNG NGO SNYAM NAS NYES SPYOD LA 'DZOM PA'I KHREL YOD PA BSKYED DO, ,BSAM PA DAG PAS NI, BSLAB PA LAS NYAMS PA'I RKYEN NYE BA NA RANG NGAM RANG GI, @05B CHOS RGYU MTSAN DU BYAS NAS NYES SPYOD LA 'DZEM PA'I NGO TSA SHES PA SKYED DO, ,NYAMS NA GSO BA DANG MA NYAMS PAR BYED PA GNYIS KYIS NI 'GYOD PA MED PAR 'GYUR TE 'DI LTAR YANG DAG PAR BLANGS PA DANG BSAM PA DAG PA LA BRTEN NAS SKYES PA'I NGO TSA DANG KHREL YOD DANG LDAN NA MI NYAMS PAR BYED PA DANG NYAMS NA GSO BA'I SGO NAS TSUL KHRIMS BSRUNG BAR 'GYUR LA, DE LTAR BSRUNGS NA NI LTUNG BA DANG MI LDAN PAR MTHONG NAS 'GYOD PA MED PAR 'GYUR RO, ,DE DAG GIS NI 'DI SKAD BSTAN PA YIN TE, SDOM PA BLANGS PA RNAMS KYIS NI, TSUL BZHIN DU RTOG PA'I SHES RAB KYIS RANG GI RGYUD LA JI TZAM BRTAGS KYANG LTUNG BA PHRA RAGS GANG DANG YANG MI LDAN PAR MTHONG NAS YID LA 'GYOD PA MED PA'I RGYUD GTZANG SING DE BA ZHIG BSKYED DGOS SO, , DE LA YANG DANG PO NAS NYES PAS MA GOS PA'I PHYIR DU 'BAD PA DANG, BRGYA LA BRJED NGES PA SOGS KYI NYES PAS GOS NA YANG JI MI SNYAM PAR MI 'JOG PAR BSHAd PA DANG BSDAM PA SOGS KYIS PHYIR 'CHOS PA ZHIG DGOS SO, ,DE 'ONG BA LA NI NGO TSA DANG KHREL YOD CHEN PO DANG LDAN DGOS LA, DE SKYE BA LA YANG SDOM PA LEN PA'I TSE YUL MTSAN NYID DANG LDAN PA'I BSHES GNYEN CIG LA BLANGS PA DANG, LEN PA'I BSAM PA YANG GZHAN GYI G-YAM LA RGYUG LA SOGS PA MIN PAR SNYING THAG PA NAS DANG, 'CHI BA'I PHYIR LA SOGS PA BSAM PA DMAN PA MIN PAR BSAM PA DAM PAS BLANGS PA ZHIG DGOS PAS THOG MA'I RGYU GNYIS PO LA NAN TAN DU BYA'O, ,YON TAN DANG PO LEN PAR BYAS NAS PHYI MA GSUM BSRUNG BA LA 'GREL PA 'GA' ZHIG GIS BSHAD KYANG GZHUNG RTZA BA NAS @06A *, ,DANG PO GNYIS KA BSRUNG BA'I RGYUR GSUNGS PA DANG, SDOM PA NYI SHU PA LAS KYANG, DE NI BSAM PA DAM PA YIS, ,BLA MA SDOM LA GNAS SHING MKHAS, ,NUS DANG LDAN LAS BLANG BAR BYA, ZHES GSUNGS PA'I PHYIR YON TAN DANG PO GNYIS LEN PA DANG PHYI MA GNYIS BSRUNG BA'I PHYOGS SU BSDU'O, ,SDOM PA 'DI BLA MA MA RNYED NA SANGS RGYAS DANG BYANG CHUB SEMS DPA' RNAMS BSAMS TE DE'I SPYIN SNGAR BLANGS PAS SKYE YANG PHA ROL PO LAS BLANGS PA DGOS PAR GSUNGS PA NI, RNYED PA YOD NA NI NGES PAR DGE BA'I BSHES GNYEN BTZAL NAS BLANG DGOS PAR STON PA YIN TE, DE LA BLANGS NA NI BSLAB PA SRUNG BA LA DGA' BA DANG GUS PA BDE BLAG TU SKYES NAS TSUL KHRIMS DAG PAR 'GYUR BA'I PHYIR RO, ,DE LTAR YANG BSLAB PA KUN LAS BTUS PA LAS, SDOM PA GZUNG BA YANG BYANG CHUB SEMS DPA'I BSLAB PA'I GNAS LA GOMS PA LHUR BYED PA SDOM PA DANG LDAN PA LAS MNOD PAR BYA STE, DE LTAR BYAS NA DE BSLAB PA LAS 'DAS NA RAB TU NGO TSA BAR 'GYUR ZHING BLA MA LA BSLUS PAR DOGS PA'I 'JIGS PA SKYE BA'AM, DE LA NAN TAN BYA MI DGOS PAR DGA' BA DANG GUS PA 'GRUB PAR 'GYUR RO, ,DE BAS NA BYANG CHUB SEMS DPA' RNAMS DE BZHIN GSHEGS PA'I SPYAN SNGAR BSLAB PA'I 'DI'I NANG NAS BSLAB PA GANG YANG RUNG BA 'GRUB PAR 'DOD PAS YANG DAG PAR LEN PAR BYED DO, ,ZHES GSUNGS PA'I PHYIR RO, ,YON TAN RNAMS KYI RGYU 'BRAS KYI TSUL NI, YON TAN SNGA MA GNYIS KYIS PHYI MA GNYIS 'DREN PAR BYED PAS SNGA MA GNYIS RGYU DANG PHYI MA GNYIS 'BRAS BUR RIG PAR BYA STE 'DREN TSUL NI DE MA THAG TU BSHAD PA LTAR NGO, @06B YON TAN GYI GRANGS NGES NI, CI'I PHYIR YON TAN BZHIR NGES SHE NA, TSUL KHRIMS RNAM PAR DAG PAR BYED PA LA DANG PO NAS NYES BAS MA GOS PAR BYED PA DANG GOS NA PHYIR DAG PAR BYED PA GNYIS SU NGES LA, PHA ROL LAS BLANGS PA DANG BSAM PA DAG PA DANG MI NYAMS PA'I PHYIR DU DRAN PA STEN PA GSUM GYIS NI MI NYAMS PAR BYED LA, NYAMS NA SLAR GSO BAS NI PHYIR 'CHOS SHING LTUNG BA LAS SLONG BA'I PHYIR BZHIR NGES SO, ,'GREL PA RNAMS SU NI YON TAN BZHI'I SDUD TSUL BZHIR BSHAD DE, DANG POS BLANG BA DANG PHYI MA GSUM DE'I RJES SU BSRUNG BA NI DANG PO'O, ,BSAM PA LA GCIG DANG SBYOR BA LA GSUM NI GNYIS PA'O, ,BSAM PA DAG PAS LEN PA DANG TSUL KHRIMS KYI NGO BO NYID GSUM NI GSUM PA'O, ,LEN PA LA YANG RANG GI TSIG BTZUN PAR BYA BA DANG GZHAN GYI BSOD NAMS KYI ZHING DU BYA BA DANG DBANG PHYUG GI BDAG PO THOB PA NA SEMS CAN LA GNOD PA SPANG BA'I PHYIR LEN PA GSUM MO, ,TSUL KHRIMS GSUM NI BLANG BYA'I TSUL KHRIMS DANG PHYIR GSO BAR BYA BA DANG BSRUNG BAR BYA BA'I TSUL KHRIMS SO, ,TSUL KHRIMS DAG PA'I RGYU GNYIS DANG 'BRAS BU GNYIS NI BZHI PA'O, ,TSUL KHRIMS KYI CHE BA LA BZHI, DGE BA DANG, DPAG TU MED PA DANG, PHAN 'DOGS PA DANG, 'BRAS BU DANG PHAN YON CHE BA'O, ,DANG PO NI, YON TAN BZHI DANG LDAN PA'I TSUL KHRIMS DE YANG DAG PAR BLANGS PA DANG BLANGS PA'I RJES SU BSLAB PA LA YON TAN CI YOD CE NA, BDAG LA PHAN PA SOGS SO, ,DE LA NYAN THOS LA SOGS PA'I BDAG LA PHAN PA'I BDEN PA SHES PAS NYON MONGS PA DANG SDUG BSNGAL SPANGS PA THOB PA'I PHYIR DU DON DANG @07A *, ,BYA BA NYUNG LA RANG ZHI BA DANG DUL BA TZAM SGRUB PA'O, ,BYANG SEMS KYI BDAG LA PHAN PA NI SPANGS PA GNYIS DANG YE SHES GNYIS SO, ,GZHAN LA PHAN PA NI SEMS BSKYED PA'I DUS NA RIGS YOD MED GNYIS KA LA PHAN PAR ZHUGS PA'O, , RIGS MED PA LA PHAN PA 'CHAD PA NA, SKYE BA MANG PO LA PHAN PA NI RE ZHIG NGAN 'GRO LAS SKYOB PA MI DGE BA MA SKYES PA MI SKYED PA DANG SKYES PA SPONG BA'O, ,SKYE BO MANG PO LA BDE BA NI BDE 'GRO LA 'GOD PA DGE BA MA SKYES BA SKYED PA DANG SKYES PA SPEL BA'O, ,'JIG RTEN LA SNYING BRTZE BA NI RIGS MED PA'I SKYE BO DE DAG GI NANG NAS ZHE 'GRAS PA DANG SKAL BA MED PA DANG SNOD DU GYUR KYANG LOG PAR LTUNG BA NGAN 'GROR SONG BA MGRON PO LTA BU LA PHAN BDE'I BSAM PA MI GTONG BAR DUS LA SNGOD PA'O, RIGS YOD PA LA PHAN PA 'CHAD PA NA, LHA DANG MI RNAMS KYI DON NI RIGS YOD PA DAG DGE SBYONG GI TSUL LA 'GOD PA'O, ,PHAN PAR 'GYUR BA NI DGE SBYONG GI TSUL DE 'DREN PA'I LAM TSOGS SBYOR RO, ,BDE BAR 'GYUR BA NI TSE 'DI LA BDE BAR GNAS PA STE SHIN TU SBYANGS PAS LUS SEMS SIM PA DANG RNAM PAR GROL BA'I BDE BA MYONG BA'O, ,RGYU MTSAN DE DAG GI PHYIR NA DGE BA STE MI SLU BA'O, ,'GREL PA RNAMS NAS RNAM GRANGS GZHAN YANG BSHAD MOD KYI MA BRIS SO, ,DPAG TU MED PA NI, BYANG SEMS KYI BSLAB PA'I GZHI DPAG TU MED PA BSDUS PA'O, ,PHAN 'DOGS PA NI, 'JUG PA DANG 'BRAS BU'I DUS NA SEMS CAN LA PHAN BDE'I PHYIR GNAS PA'O, ,'BRAS BU DANG PHAN YON CHE BA NI, BYANG SEMS KYI SKABS NA RDZOGS PA'I BYANG CHUB 'BRAS BUR 'DZIN PAS @07B 'BRAS BU CHE BA DANG SANGS RGYAS PA'I SKABS NA GZHAN LA 'BRAS BU SBYIN PAS PHAN YON CHE BA'O, ,NYAN THOS RNAMS KYI NI BSLAB PA GSUM THOG MAR DGE BA SOGS YIN LA, BYANG SEMS KYI NI TSUL KHRIMS 'BA' ZHIG LA YANG DE DAG YOD DE, DANG POR SEMS BSKYED DUS NAS RANG GZHAN LA PHAN PA RGYAS BSHAD DANG BCAS PA NI THOG MAR DGE BA DANG, SEMS CAN LA PHAN 'DOGS PA NI, BAR DU DGE BA DANG, 'BRAS BU DANG PHAN YON CHE BA NI THA MAR DGE BA'O, ,THAMS CAD PAS RGYAS PAR BSHAD PA LA GSUM, , BLANG BYA'I TSUL KHRIMS BSHAD PA DANG, LEN PA'I TSUL BSHAD PA DANG, BSRUNG BA'I TSUL BSHAD PA'O, ,DANG PO LA BZHI, DBYE BA DANG, RANG BZHIN DANG, PHUN SUM TSOGS PA'I RGYU NANG, DON BSDU BA'O, ,DANG PO NI, BYANG SEMS KYI TSUL KHRIMS GANG ZHE NA, 'DI LA GNYIS LAS RTEN GYI DBYE BA NI, RTEN GYI NANG TSAN MANG YANG RIGS MDOR BSDU NA GNYIS TE, BYANG SEMS KHYIM PA DANG BYANG SEMS RAB BYUNG GI PHYOGS SU GTOGS PA STE, DE DAG GI RTEN LA YOD PA'I TSUL KHRIMS NI TSUL KHRIMS THAMS CAD CES BYA STE, BYANG SEMS KHYIM PA DANG RAB BYUNG GI RTEN THAMS CAD KYIS GANG LA BSLAB PAR BYA BA'I TSUL KHRIMS YIN PA'I PHYIR RO, ,DE YANG 'GRO BA GSUM LAS NGAN SONG DANG LHA'I 'GRO BA NA YOD PA'I CHOS NYID KYIS THOB PA NI KHYIM PA'I TSUL KHRIMS DANG, MI'I 'GRO BA LA YOD PA NI GNYIS KA'I TSUL KHRIMS SO ZHES DZI NA SU TRAS BSHAD CING, SA MU DRA ME GHAS BYAS ZER BA'I 'BREL PA LAS NI NGAN SONG DANG GZUGS KHAMS NA PHA ROL LAS LEN PA MED PAS CHOS NYID KYIS THOB PA YOD LA, DE @08A *, ,NI KHYIM PA'I TSUL KHRIMS SO, ,'DOD PA'I LHA DANG MI LA NI CHOS NYID KYIS THOB PA DANG PHA ROL LAS LEN PA GNYIS KA YOD DE, DE'I PHYIR DE LA KHYIM PA DANG RAB BYUNG GI PHYOGS GNYIS KA YOD DO, ,BYANG SEMS KYI SDOM PA SHI 'PHOS KYANG MI GTONG BAS GANG DU SKYES KYANG CHOS NYID KYIS THOB PA'I TSUL KHRIMS YOD PAR 'CHAD DO, ,SPYIR BYANG SEMS KYI SDOM PA SHI 'PHOS KYANG RJES SU 'BRANG BAS 'GRO BA GSUM GA NA YOD PA 'THAD LA, KHYIM PA DANG RAB BYUNG GI PHYOGS GNYIS SU 'BYED PA NI DGE TSUL LA SOGS PA RAB BYUNG SNGA LNGA'I SDOM PA DANG LDAN PA DANG MI LDAN PA'I BYANG SEMS KYI DBANG DU BYAS PA YIN NO, ,RANG BZHIN GYI DBYE BA NI PHYOGS GNYIS LA BRTEN PA'I TSUL KHRIMS DE YANG MDOR BSDU NA, SDOM PA DANG DGE BA'I CHOS SDUD PA DANG SEMS CAN LA PHAN 'DOGS PA'I TSUL KHRIMS GSUM STE, BYANG SEMS KYIS BSRUNG BAR BYA BA'I TSUL KHRIMS THAMS CAD NI GSUM PO 'DIR 'DUS BA'I PHYIR RO, ,CI'I PHYIR TSUL KHRIMS GSUM DU BYAS SHE NA, NYAN THOS KYI THEG PA LA NYON MONGS RTZE 'JIL BA'I SO THAR DANG RKYEN YOD KYANG RE ZHIG MI LDANG BA'I BSAM GTAN GYI SDOM PA DANG, RGYUN GCOD PA'I ZAG MED KYI SDOM PA GSUM YOD PA DANG GRANGS MTHUN PAR BYAS PA'O ZHES 'GREL PA RNAMS LAS 'CHAD MED KYANG, BYANG SEMS KYI BYA BA NI GNYIS SU ZAD DE, RANG GI RGYUD DANG GZHAN GYI RGYUD SMIN PAR BYED PA'O, ,DANG PO LA NYES SPYOD SPONG BA DANG LEGS SPYAD BSDU BA GNYIS SU NGES BAS SDOM PA DANG DGE BA CHOS SDUD GNYIS YIN LA, GZHAN SMIN PAR BYED PA LA SEMS CAN DON BYED KYI TSUL KHRIMS DGOS PA'I PHYIR GSUM DU NGAS @08B SO ZHES BSHAD NA LEGS SO, ,CI'I PHYIR TSUL KHRIMS GSUM GYI GO RIMS DE LTAR NGES SHE NA, NYAN THOS DANG THUN MONG BA SPONG BA'I TSUL KHRIMS NI PHYI MA GNYIS KYI RGYU DANG THUN MONG MA YIN PA 'JUG PA'I TSUL KHRIMS NI, BDAG MA GROL BAS GZHAN SGROL BAR MI RIGS BDAG MA ZHI BAS GZHAN ZHI BAR MI 'GYUR ZHES GSUNGS PAS DGE BA SDUD PA DANG POR MA BYAS NA SEMS CAN GYI DON BYED PAR MI 'GYUR BAS RIM PA NGES PAR SA MU DRA ME GHAS BYAS ZER BA'I 'GREL PAR BSHAD PA LTAR 'THAD DO, ,RANG BZHIN LA GSUM LAS, SDOM PA'I TSUL KHRIMS NI, SO THAR GYI SDOM PA RIS BDUN PO STE DE YANG DGE SLONG PHA MA DANG DGE SLOB MA DANG DGE TSUL PHA MA'I TSUL KHRIMS NI RAB BYUNG GI PHYOGS DANG DGE BSNYEN PHA MA'I TSUL KHRIMS NI KHYIMS PA'I PHYOGS YIN NO, , SO THAR RIS BRGYAD YOD KYANG BSNYEN GNAS MA GSUNGS PA NI SDOM PA NYI SHU PA'I DKA' 'GREL LAS, NYIN ZHAG GCIG PA'I YANG DAG PAR BLANGS PA NI DKA' BA SPYOD PA DANG 'DOD PA LAS DBEN PA MA YIN PA'I PHYIR DANG YUN RING BAR RJES SU MA 'BREL BA'I PHYIR 'DI LA 'OS PA MA YIN PAS MA BSTAN NO, ,ZHES GSUNGS PA LTAR RO, ,SA MU DRA ME GHAS BYAS ZER BA'I 'GREL PAR BSNYEN GNAS LA NYE BAR GNAS PA'I DGE BSNYEN ZHES ZER ZHING, DE DGE BSNYEN DU 'DUS PAS MA BSTAN PA'I BSHAD YAMS DANG DGE SLOB MA'I SDOM PA DGE SLONG MA'I SDOM PAR BSDUS PA NI 'THAD PAR MI SNANG NGO, ,GAL TE BYANG SEMS KYI SDOM PA'I TSUL KHRIMS LA RIS BDUN LAS GZHAN YOD DAM MED, YOD NA BYANG SAR RIS BDUN LAS GZHAN MA GSUNGS PA DANG 'GAL LO, , @09A *, ,MED NA SO THAR SHI 'PHOS PAS GTONG BAS BYANG SEMS KYI SDOM LDAN SHI 'PHOS PA LA SDOM PA'I TSUL KHRIMS MED PAR 'GYUR ZHING, LHA'I RTEN GYI BYANG CHUB SEMS DPAS TSUL KHRIMS GSUM LA SLOB PAR KHAS LEN PA'I BYANG SEMS KYI SDOM PA BLANG DU MI RUNG BAR 'GYUR RO ZHE NA, 'DI LA BYANG SEMS KYI SDOM LDAN RAB BYUNG YIN NA SO THAR RIS LNGA GANG RUNG SDOM PA'I TSUL KHRIMS YIN LA, BYANG SEMS KYI SDOM LDAN DGE BSNYEN PA MA LTA BU'I KHYIM PA YIN NA SO THAR RIS GNYIS GANG RUNG SDOM PA'I TSUL KHRIMS SU GZUNG NGO, ,LHA LTA BU SO THAR GYI RTEN DU MI RUNG BA'I BYANG SEMS KYI SDOM LDAN YIN NA MI DGE BA BCU SPONG BA'AM LUS NGAG GI MI DGE BA BDUN SPONG BA'I SPONG BA BDUN LTA BU RANG BZHIN GYI KHA NA MA THO BA SPONG BA SO THAR RIS BDUN DANG THUN MONG BA RNAMS SDOM PA'I TSUL KHRIMS YIN GYI SO SOR THAR PA'I SDOM PA DNGOS MIN NO, ,DE SKAD DU YANG LAM SGRON GYI 'GREL PA LAS, DE LA SDOM PA'I TSUL KHRIMS NI BCAS PA'I KHA NA MA THO BA BSRUNG BA'I SO SOR THAR PA RIS BDUN GYI SDOM PA DANG RANG BZHIN GYI KHA NA MA THO BA BSRUNG BA MI DGE BA BCU BSRUNG BA'O, ,ZHES GSUNGS PA'I DANG PO NI SO THAR DNGOS YIN LA PHYI MA NI SO THAR RIS BDUN DANG THUN MONG BA TZAM YIN PA'I PHYIR DANG, DGONGS RGYAN LAS KYANG, DE LA SDOM PA'I TSUL KHRIMS GANG YIN PA DE NI LDOG PA'I TSUL KHRIMS KYANG NGO, ,DE YANG SPONG BA RNAM PA BDUN GYI MTSAN NYID CAN TE 'DOD CHAGS MED PA DANG ZHE SDANG MED PA DANG YANG DAG PA'I LTA BA RNAMS TE CHOS GSUM NI DE KUN NAS SLONG BAR BYED PA'O, ,ZHES PA DANG, KUN NAS @09B SLONG BAR BYED PA DANG BCAS PA'I TSUL KHRIMS KYI DBANG DU BYAS NA DGE BA BCU'I LAS KYI LAM RNAMS SU 'GYUR RO, ,ZHES GSUNGS PA LTAR RO, ,SDOM PA NYI SHU PA'I DKA' 'GREL LAS KYANG, BYANG SAR SO THAR RIS BDUN SDOM PA'I TSUL KHRIMS SU GSUNGS PA LTAR BSHAD PA'I SKABS SU SO SOR THAR PA'I SDOM PA NI BYANG CHUB SEMS DPA'I SDOM PA'I YAN LAG TU 'GYUR BA YIN TE PHYOGS GCIG NYID DU RIG PAR BYA'O, ,DE'I PHYIR SO SOR THAR PA'I SDOM PA GZHAN DANG LDAN PA 'DIS BYANG CHUB SEMS DPA'I SDOM PA YANG DAG PAR LEN PA'I SNOD DU GYUR PA LA BSLAB PA'I TSIGS 'DI YANG SBYIN PAR BYA ZHES BYA BA'I DON TO, ,'DI LA SROG GCOD PA LA SOGS PA LAS LDOG PA'I CHO GA GZHAN PA NYID NI MA YIN ZHING, DE RNAMS LAS KYANG LDOG PA MA YIN PA LA NI BYANG CHUB SEMS DPA'I SDOM PA YANG DAG PAR LEN PA'I SNOD DU GYUR PA YANG YOD PA MA YIN NO ZHES SROG GCOD SOGS LAS LDOG 'DOD MED PA NI BYANG SEMS KYI SDOM PA SKYE BA'I SNOD DU MI RUNG LA, DE DAG LAS LOG PA'I TSUL YANG SO THAR DANG THUN MONG BA LA DGONGS NAS SO THAR RAS BDUN BDE SEMS KYI SDOM PA'I PHYOGS GCIG TU BYANG SAR GSUNGS PAR BSHAD DO, ,BYANG SEMS KYI SDOM LDAN LA 'OG NAS 'BYUNG BA LTAR SROG GCOD SEGS LUS NGAG GI BDUN GNANG BA'I SKABS SRID KYANG SROG GCOD SPONG BA SOGS SO THAR DANG THUN MONG BA MA YIN PA'I SKYON MED DE, DPER NA CHANG MA GTOGS PA'I BCAS PA RKYANG PA RNAMS NAD PA LA GNANG YANG SPYIR DGE SLONG GI SDOM LDAN RNAMS KYIS DE LAS LDOG DGOS PA DANG, DGE SLONG GA SDOM PA LAN PA NA YANG YAN LAG NGES PA MED PAR THAMS CAD SPONG BAR 'DOD @10A *, ,PAS BLANG DGOS PA BZHIN TE, LUS NGAG GI BDUN DMIGS BSAL GYI SKABS MA GTOGS PAR SO THAR BZHIN DU SROG LA BAB KYANG MI 'JUG PAR BSRUNG BAR GSUNGS PA'I PHYIR RO, ,DES NA LAM SGRON DU, SO SOR THAR PA RIS BDUN GYI, ,RTAG TU SDOM GZHAN LDAN PA LA, ,BYANG CHUB SEMS DPA'I SDOM PA YI, ,SKAL BA YOD KYI GZHAN DU MIN, ,ZHES GSUNGS PA YANG LAS DANG PO PA LA SO THAR RIS BDUN GANG RUNG MED NA TSUL KHRIMS KYI SDOM PA KHYAD PAR CAN SKYE BA'I SKAL BA MED LA, SO THAR RIS BDUN DANG THUN MONG BA RANG BZHIN SPONG BA MED NA BYANG SEMS KYI SDOM PA TZAM SKYE BA'I SKAL BA MED CES STON PA YIN GYI, SO THAR RIS BDUN MTSAN NYID PA GCIG MED NA BYANG SEMS KYI SDOM PA MI SKYE BAR BZHED PA MIN TE, LAM SGRON 'GREL PAR, GZHUNG DE'I MTSAMS SBYOR DU, DA NI TSUL KHRIMS KYI SDOM PA'I RTEN KHYAD PAR CAN BSTAN PAR 'DOD NAS ZHES PA DANG, GZHUNG DE SLOB DPON BYANG CHUB BZANG PO'I 'GREL PA SNGAR DRANGS PA DE'I DON BSDUS PA YIN PAR GSUNGS PA'I PHYIR RO, ,DON 'DI LA SNGON GYI DUS SU LUGS GNYIS BYUNG STE, 'DI LTAR BYANG SEMS KYI SDOM PA SKYE BA DANG GNAS PA LA SO THAR RTEN DU DGOS PAR 'DOD PA RTEN CAN PA DANG, SO THAR GANG YIN NYAN THOS KYI YIN PAR BZUNG NAS BYANG SEMS KYI SDOM PA'I GEGS SU 'DOD PA'I RTEN MED PA'O, ,DE LA RTEN CAN PA RNAMS NA RE, BYANG CHUB SEMS DPA'I SO SOR THAR PA ZHES GSUNGS PAS THEG PA CHE CHUNG GNYIS KA'I SO THAR RIS BDUN BDUN YOD LA GZHAN LA GNOD PA LAS LOG PA'I SO THAR RIS BDUN SPYI TZAM PA ZHIG RTEN DU DGOS TE PHAN 'DOGS PA LA GNOD PA @10B LAS LOG PAS KHYAB PA'I PHYIR RO, ,THEG PA GNYIS KYI SO THAR GYI KHYAD PAR YANG RGYUN CHAGS PA DANG GZHAN SEMS RJES SU BSRUNG BA DANG BCAS PA DANG SLAR GSOR RUNG BA DANG GZHAN DON DON DU GNYER BA'I BSAM PAS PHYE BA DANG DE LAS BZLOG PA'O, ,BYE BRAG DANG BRAL BA'I SPYI MI SRID PAS THEG DMAN GYI SO THAR NI RTEN DU 'GAL LA, THEG CHEN GYI SO THAR NI BYANG SEMS KYI BSLAB PA NYID YIN PAS RANG NYID RANG GI RTEN DU 'GAL BA'I NYES PA YANG MED DE, DKON MCHOG SPRIN LAS SO THAR GYI BSDAMS PA DANG BYANG SEMS KYI BSLAB PA THA DAD PAR GSUNGS PA'I PHYIR RO, ,THEG CHEN GYI RIS BDUN YANG LEN PA DANG BSRUNG BA LA SOGS PA NI 'DUL BA LTAR BYA'O ZHES ZER RO, ,'DI NI MI RIGS TE, RIS BDUN GYI SO THAR SKYE BA'I RTEN DU DGOS NA BYANG SEMS KYI SDOM PA SKYE BA'I LHA MI SRID PAR 'GYUR ZHING, GNAS PA'I RTEN DU DGOS PA DANG SHI 'PHOS PAS MI GTONG BA'I RGYUN CHAGS PA YIN NA LHA DANG DUD 'GRO'I DGE SLONG SOGS SRID PAR 'GYUR RO, ,SO THAR BYANG SEMS KYI SDOM PA SKYE BA'I RTEN DU MI DGOS PA NI THUB PA'I DGONGS PA'I RGYAN LAS KYANG 'BYUNG STE, JI SKAD DU, GANG ZHIG DGE BSNYEN DANG DGE BSNYEN MA DANG DGE TSUL DANG DGE TSUL MA DANG DGE SLONG MA DANG DGE SLONG DANG DGE SLONG MA'I DBYE BAS JI SRID 'TSO BA PA'I SO SOR THAR PA'I SDOM PA BDUN PO RNAMS LAS GANG YANG RUNG PA'I SO SOR THAR PA'I SDOM PA LA GNAS PA NYID KYIS BYANG CHUB SEMS DPA'I SDOM PA BLANG BAR BYA YI, GZHAN GYIS MA YIN TE GZHAN LA BYANG CHUB SEMS DPA'I SDOM PA MI SKYE BA'I PHYIR RO ZHES ZER BA DE NI THEG PA CHEN PO LA YONGS SU NGAL BA MANG PO MA BYAS PA STE, @011A *, ,GAL TE SO SOR THAR PA'I SDOM PA MED PAR BYANG CHUB SEMS DPA'I SDOM PA MI SKYE NA NI DE'I TSE BYANG CHUB SEMS DPA'I SDE SNOD LA SOGS PA DANG DE'I RJES SU 'BRANG PA'I GZHUNG DU 'DI DE'I RTZA BAR BSHAD PAR 'GYUR RO, ,DGOS PA NI GDON MI ZA BAR BRJOD PAR BYA BA YIN TE DPER NA THEG PA CHEN POR BYANG CHUB KYA BAR DU GSUM LA SKYABS SU 'GRO BA LTA BU'O, ,ZHES SO, ,DES NA BYANG SAR SDOM PA'I TSUL KHRIMS NGOS BZUNG BA'I SKABS SU SA THAR RIS BDUN LA GSUNGS PA NI, SO THAR RIS BDUN DNGOS DANG DE DAG DANG BYANG SEMS KYI SDOM PA GNYIS THUN MONG BA'I RANG BZHIN GYI KHA NA MA THO BA SPONG BA GNYIS CHAR LA GO BAR BYA'I RIS BDUN 'BA' ZHIG LA MI GZUNG NGO, ,'DI LA SO THAR DANG THUN MONG BA'I RANG BZHIN GYI KHA NA MA THO BA SPONG BA'I SDOM PA'I TSUL KHRIMS NI, BYANG SEMS KYI SDOM PA BZUNG BA DANG MNYAM DU SKYE BAS DE DANG BYANG SEMS KYI SDOM PA LA RTEN DANG BRTEN PA RTZI BA'I DON MED LA, SO THAR RIS BDUN DNGOS LTA BU LA NI SNGAR MA BLANGS KYANG BYANG SEMS KYI SDOM PA SKYE YANG SO THAR GYI RTEN DU RUNG NA SNGON DU KHYIM PA DANG RAB BYUNG GANG RUNG GI SO THAR ZHIG BLANG BAR BYA STE, GZHAN DU NA RGYAL BA'I BSTAN PA'I RIM PA LAS 'DAS PAR 'GYUR BA'I PHYIR TE, DPER NA DGE TSUL MA BLANGS PAR DGE SLONG GI SDOM PA BLANGS NA SKYE MOD KYANG BYAR MI RUNG BA BZHIN NO, ,RTEN MED PA KHA CIG NA RE, RANG DON GYI BSAM PA MA LOG NA BYANG SEMS KYI SDOM PA MI SKYE BA'I PHYIR SKYE BA'I GEGS YIN LA, BYANG SEMS KYI SDOM LDAN GYIS RANG DON GYI BSAM PA BSKYED NA SDOM PA DE NYAMS PAR 'GYUR BA'I PHYIR GNAS PA'I GEGS SO @011B ZHES ZER BA NI, SO THAR GYI SDOM PA DANG THEG DMAN GYI BSAM PA GNYIS KHYAD PAR MA PHYED PA'I 'KHRUL PA STE, 'DI LTAR BYANG SEMS KYI SDOM PA SKYE BA LA THEG DMAN GYI BSAM PA GTANG SGOS KYANG SO THAR GTANG MI DGOS LA THEG CHEN GYI SDOM LDAN GYIS THEG DMAN GYI BSAM PA BSKYED NA THEG CHEN LAS NYAMS KYANG SO THAR MI GTONG STE, SO THAR NI THEG PA GNYIS KYI THUN MONG BA YIN PA'I PHYIR DANG BSAM PA DE SO THAR GYI GTONG RGYUR MI RIGS PA'I PHYIR DANG SO THAR GYI SDOM LDAN GYIS SDOM PA GONG MA LEN PA NI PHUN SUM TSOGS PA'I RTEN DU 'GYUR BA'I PHYIR RO, ,DE LTAR NA SDOM PA GONG MA LA GNAS PAS 'OG MA 'DOR BAR BYED PA NI RGYAL BA'I BSTAN PA'I RTZA BA GCOD PAR BYED PA SKYE DGU'I PHAN BDE'I LO THOG GI SER BA CHEN PO, GZHUNG GONG 'OG GI GNAD GTAN NAS MA GO BA'I LOG PAR RTOG PA YIN PAS RGYANG RING DU DOR BAR BYA'O, ,'DI LTA BU'I LOG PAR RTOG PA 'BYUNG BA BZLOG PA'I PHYIR 'PHAGS PA SDOM PA GSUM BSTAN PA LAS, DES JI SKAD DU BSTAN PA'I SO SOR THAR PA DANG MTHUN PAR BYA'O, ,'OD SRUNGS GANG DAG SO SOR THAR PA DANG MI MTHUN PAR BYA BAR SEMS PA DE DAG NI SANGS RGYAS KYI STOBS DANG MI 'JIGS PA DANG MI MTHUN PAR BYA BAR SEMS PA'O, ,GANG DAG SANGS RGYAS KYI STOBS DANG MI 'JIGS PA DANG MI MTHUN PAR BYA BAR SEMS PA DE DAG NI 'DAS PA DANG MA BYON PA DANG DA LTAR BYUNG BA'I SANGS RGYAS BCOM LDAN 'DAS RNAMS KYI BYANG CHUB DANG MI MTHUN PAR BYA BAR SEMS PA STE, DE'I RNAM PAR SMIN PAS NI STONG GSUM GYI STONG CHEN PO'I 'JIG RTEN GYI KHAMS KYI SA NI JI SNYED PAS NAm DMYAL BA'I SDUG BSNGAL GYI @12A *, ,TSOR BA MYONG BA'I TSOR BA DAG DE'I BRGYA'I CHAR YANG NYE BAR MI 'GRO, STONG DANG BRGYA STONG DANG BYE BA BRGYA STONG DANG GRANGS DANG CHA DANG BGRANG BA DANG DPE DANG RGYUR YANG MI PHOD DO, ,SDUG BSNGAL DANG YID MI BDE BA 'DI LTA BU 'DI DAG YONGS SU SPONG BAR 'DOD PAS DGE SLONG DE DAG GI SPYOD PA 'DI LTA BU DE DAG DPAG TSAD STONG BAS KYANG RING DU YONGS SU SPANG BAR BYA STE, BZLAS PA'I SGRA YANG YONGS SU SPANG BAR BYAN BLTA BA DANG NYAN PA LTA CI SMOS TE DE DAG YONGS SU SPANG BAR BYA'O, ,ZHES PA DANG, DBUNG BZANG GIS ZHUS PA'I RGYUD LAS KYANG, JI LTAR LO THOG THAMS CAD SA LA NI, ,BRTEN NAS SKYON MED PAR NI SKYE BA LTAR, ,DE BZHIN TSUL KHRIMS BRTEN NAS CHOS DKAR MCHOG ,SNYING RJE'I CHUS BRLAN PAS NI RNAM PAR SKYE, ,RGYAL BA NGAS GSUNGS SO SOR THAR PA YI, ,TSUL KHRIMS RNAM DAG 'DUL BA MA LUS LA, ,SNGAGS PA KHYIM PAS RTAGS DANG CHO GA SPANGS, ,LHAG MA RNAMS NI NYAMS SU BLANG BAR BYA, ZHES GSUNGS SO, ,'DIS NI RAB BYUNG GI RTAGS DANG LAS KYI CHO GA DANG THUN MONG MA YIN PA'I BCAS PA RNAMS MA GTOGS PA 'DUL BA NAS BSHAD PA'I BLANG DOR RNAMS SNGAGS PA KHYIM PAS KYANG NYAMS SU BLANG DGOS PAR GSUNGS NA, SNGAGS PA RAB BYUNG DANG BYANG CHUB SEMS DPA'I SDOM LDAN GYIS LTA CI SMOS, LOG PAR RTOG PA'I THA CHAD 'DI KHA CHE'I BDE BAR GSHEGS PA RNAMS KYI GTZUG GI NOR BU MKHAS PA CHEN PO DZNY'A NA SHR'I MI TRAS KYANG NAN TAN DU MAS BKAG STE JI SKAD DU, TSUL KHRIMS DANG SDOM PA DANG DAM TSIG MI 'GAL BA LAS, DANG POR RAB TU BYUNG BRTEN NAS, , @012B SNGAGS DANG PHA ROL PHYIN LAM GNAS, ,PHYI NAS DE RNAMS RMONGS SOGS KYIS, ,'DUL BA YI NI BSTAN BCOS LAS, ,NYAN THOS LA SOGS SDOM GNAS PA, ,SO SOR THAR DANG LO DRIR GNAS, ,DER BSHAD PA YI BSLAB PA RNAMS, ,PHAL CHER BSRUNG BAR MA NUS PAS, ,BYANG CHUB SEMS DPA'I SDOM PA DANG, ,'GAL BA NYID DU YONGS BZUNG NAS, ,DA LTAR DE BTANG RNAM PAR GNAS, ZHES DANG, RAB BYUNG SDOM PA BTANG NAS NI, ,SNGAGS KYI SDOM PA'AM SBYIN SOGS KYI, ,SDOM PA YANG NI BZUNG MI BYA, ZHES DANG; BLO LDAN KHYAD PAR 'PHAGS PA YIS, ,DGE SLONG BYANG CHUB SEMS DPA' NI, ,THABS LA MKHAS PAS THAMS CAD DU, ,RMI LAM DU YANG 'GAL MI BSAM, ,ZHES SOGS KYIS RGYAS PAR GSUNGS SO, ,MDO SDE DU MAR YANG 'KHOR LOS SGYAR PA'I RGYAL PO KHYIM NA GNAS PA'I SEMS DPA' CHEN PO BYANG CHUB SEMS DPA'I SPYOD PA LA RING NAS BSLABS PA DU MAS KYANG KHYIM SPANGS TE RAB TU BYUNG ZHING BSNYAN PAR RDZOGS PA CHED DU GNYER NAS MDZAD PAR GSUNGS PA'I PHYIR, SO SOR THAR PA'I SPYI DANG NGA'I NANG NAS KYANG RAB TU BYUNG BA'I SDOM PA RNAMS NI THEG PA MCHOG LA GNAS PA RNAMS KYIS GCES SPRAS SU GZUNG DGOS SO, ,DGE BA CHOS SDUD KYI TSUL KHRIMS LA GSUM, MDOR BSTAN PA NI, BYANG CHUB SEMS DPAS TSUL KHRIMS YANG DAG BAR BLANGS PA'I 'OG TU BYANG CHUB CHEN PO'I PHYIR LUS NGAG GI DGE BA BSAGS PA GANG CI YANG RUNG BA DE DAG THAMS CAD NI MDOR BSDU NA DGE BA'I CHOS SDUD PA'I TSUL KHRIMS ZHES BYA'O, ,GZHUNG MANG PO LAS SDOM PA'I TSUL KHRIMS YANG DAG PAR @013A *, ,BLANGS PA ZHES KYANG 'BYUNG NGO, ,'DI LA GSUM LAS, DUS NI 'OG TU ZHES PA STE DGE BA'I CHOS GANG DAG CI YANG RUNG BA DE DAG THAMS CAD NI TSUL KHRIMS LA GNAS NAS ZHES MDO LAS GSUNGS PAS TSUL KHRIMS LA GNAS PA KHO NA'I DGE BA'I CHOS SKYE BA DANG GNAS PA DANG 'PHEL BAR BSTAN PA'I PHYIR TE, BYANG SEMS KYI SDOM PA YANG DAG PAR BLANGS NAS DGE BA RNAMS BSDU BAR BYA BA'I DON TO, ,DE YANG SNGON LA SDOM PA'I TSUL KHRIMS BRTAN PAR BYA'O, ,DMIGS PA NI, BYANG CHUB CHEN PO'I PHYIR TE RANG RGYUD LA SANGS RGYAS KYI CHOS YONGS SU SMIN PA'I DBANG DU BYAS PA'O, ,DES NA DGE BA SDUD PA NI RANG RGYUD SMIN PA'I DBANG DU BYAS LA SEMS CAN DEN BYAD NI GZHAN SMIN PAR BYED PA STE KHYAD PAR NI DE'O, ,MTSAN NYID DAM RANG BZHIN NI, LUS DANG NGAG GIS DGE BA BSAGS PA STE YID MA SMOS PA NI DGE BA SDUD PA'I TSUL KHRIMS KYI SKABS YIN LA TSUL KHRIMS KYANG LUS NGAG KHO NA'I YIN PAS SO ZHES 'GREL PA GZHAN RNAMS NAS 'CHAD KYANG RGYAS BSHAD NAS YID KYI DGE BA DU MA BSHAD PA DANG SLOB DPON YON TAN 'OD KYI 'GREL PAR YID KYANG BSHAD PAS LUS NGAG SMOS PAS YID SHUGS LA GO BAR NUS PAS MA BSHAD DO ZHES GSUNGS PA LTAR LEGS SO, ,SDOM PA NYI SHU PA'I DKA' 'GREL DANG LAM SGRON 'GREL PA NI GZHUNG LA YID YOD PA'I LUGS SU BYAS SO, ,DE LTAR NA SGO GSUM RE RE BA DANG GNYIS GNYIS DANG GSUM CHAR GYIS BYAS PA'I DGE BA SDUD PA'I TSUL KHRIMS YOD DO, ,RGYAS PAR BSHAD PA LA BRGYAD LAS, SHES RAB GSUM BSKYED PA NI, BYANG CHUB SEMS DPA' NI SDOM PA'I TSUL @013B KHRIMS LA BRTEN CING GNAS NAS RNAM PAR G-YENG BA MED PAR GTZUG LAG DAM PA MNYAN TE THOS PA'I SHES RAB BTZAL LO, ,THOS PA'I TSOGS BSAGS PA LAS DPYOD PA DANG LDAN PAS SEMS SO, ,DE NAS NI SGOM PA LA 'JUG STE ZHI LHAG SGOM PA'O, ,DE YANG LUS 'DU 'DZI DANG SEMS MI DGE BA'I RNAM RTOG GIS DBEN PA LA LTOS PAS GCIG PUR DGA' BA'O, ,SDOM PA NYI SHU PA'I DKA' 'GREL DU GCIG TU DGA' BA ZHES 'BYUNG NGO, ,DE LA ZHI GNAS NI TING NGE 'DZIN GYI BSLAB PA YIN LA THOS BSAM GYI SHES RAB DANG LHAG MTHONG NI SHES RAB KYI BSLAB PA STE TSUL KHRIMS LAS BSLAB PA GNYIS 'GRUB PA'O, ,ZHING KHYAD PAR CAN LA TSOGS BSAGS PA NI, BLA MA RNAMS LA MTHONG NA MI 'GYING ZHING DGA' BZHIN DU BDE BAR BYON TAM ZHES GSONG POR SMRA NGA'AM GUS PAR SMRA BA DANG, LUS KYIS PHYAG 'TSAL BA DANG LANGS NAS STAN STOB PA DANG STAN LAS 'PHAGS TE GUS PA STON PA'I MNGON PAR LDANG BA'AM MYUR DU LDANG BA DANG, NYE BAR 'ONGS PA DANG MIG LAM DU SNAD BA NA PHYAG BYED PA'AM THAL MO CAM SBYOR BA DANG G-YOG BYED PA'I GUS PAR RIM GRO BYED PA DANG, NAD PA RNAMS LA BRTZE BAS NAD G-YOG BYED PA'O, ,DE LA PHAN 'DOGS PA DANG BLA MA DANG SDUG BSNGAL GYI ZHING GSUM STE DANG PO NI PHA MA DANG, GNYIS PA NI MKHAN SLOB DANG GSUM PA NI NAD PA STE 'DI DAG BYANG SEMS RAB TU BYUNG MA BYUNG GNYIS KA'I BSOD NAMS SKYE BA'I GZHI YIN PAS ZHING NGO, ,YON TAN DANG YON TAN CAN LA DGA' BA NI, GSUNG RAB MA NOR BAR SMRA BA DANG DKON MCHOG GSUM GYI BSNGAGS PA BRJOD PA'I LEGS PAR SMRA BA LA LEGS SO STER @014A *, ,BA DANG THOS PA LA SOGS PA'I YON TAN DANG LDAN PA'I GANG ZAG GI BSNGAGS PA BRJOD PA DANG SEMS CAN KUN GYI DGE BA RNAMS LA BSAM PA THAG PAS YI RANG ZHING TSIG TU BRJOD PA'O, ,DE YANG GZHAN GYIS YON GNAS SU SHES NAS YI RANG BAR 'GYUR BA DANG RANG GI PHRAG DOG SPANG BA DANG MA BYAS KYANG BYAS PA DANG 'DRA BA'I BSOD NAMS 'THOB PA DANG, LEGS PA DE DAG GI RJES SU 'JUG PAR BYA BA'I PHYIR RANG GIS BYAS PA LA DGA' BA BZHIN DU DGA' BAR BYA'O, ,BZOD PA BSTEN PA NI, PHA ROL GYIS GNOD PA BYAS PA THAMS CAD LA SO SOR BRTAGS TE SNGON GYI LAS SU LTA ZHING SNYING RJE BSKYED NAS SLAR MI KHRO ZHING GNOD LAN MI BYED PA'O, ,BSNGO BA DANG SMON LAM GDAB PA NI, BYAS PA CHUD MI ZA BA DANG BSOD NAMS THA DAD PA BSKYED PA'I PHYIR SGO GSUM GYIS BYAS PA DANG BYED PAR 'GYUR BA'I DGE BA RNAMS BYANG CHUB MCHOG TU BSNGO BA DANG, YON TAN TSAD MED PA BSGRUB PA'I PHYIR DUS DUS SU SA BCU PAR BSHAD PA'I SMON LAM BCU 'AM, BZANG PO SPYOD PA'I SMON LAM GDAB PA'O, ,DKON MCHOG MCHOD PA NI, DKON MCHOG GSUM LA MCHOD PA RNAM PA THAMS CAD PA ZANG ZING DANG SGRUB PA'I MCHOD PA GNYIS DANG NGAN PA MIN PA'I RGYA CHEN PO'I MCHOD PA'O, ,BAG YOD BSTEN PA NI, RTAG TU RGYUN MI 'CHAD PAR PHYIN DRUG GI DGE BA'I PHYOGS RNAMS LA BRTZON PA CHEN POS 'JUG PA'O, ,TSOGS LAM GYI GNAS SU GYUR PA'I DGE BA NI, YID KYIS DRAN PA DANG SHES BZHIN DANG LDAN BZHIN DU LUS NGAG GIS BSGRUB PA'I GZHI RNAMS LA SPYOD PAS KUN NAS BSRUNG BA DANG DBANG PO MA BSDAMS PAS YID DU 'ONG BA DANG MI @014B 'ONG BA'I YUL GYI RJES SU 'BRANGS NAS CHAGS SDANG SKYE BA LAS SEMS SRUNG BAR BYED PA'I DBANG PO'I SGO BSRUNG BA DANG, HA CANG 'GRANGS PA DANG HA CANG BKRES TE BRTZON 'GRUS RTZOM PAR MI NUS PA'I MTHA' GNYIS SU MA LHUNG BAR LUS GNAS PA'I PHYIR DU RAN PAR ZA BA'I ZAS KYI TSED REG PA DANG, MTSAN MO LA THUN GSUM DU BYAS PA'I BAR PA LA NYAL ZHING SNGA PHYI GNYIS DANG NYIN PAR LA LA TON DANG RNAL 'BYOR DU BYED PA NAM GYI CHA STOD DANG CHA SMAD LA MI NYAL BAR RNAL 'BYOR LA BRTZON PA DANG, DGE BA LA 'DZUD CING MI DGE BA LAS ZLOG PA'I GROGS SKYES BU DAM PA DANG LUNG 'BOGS PA LA SOGS PA BYAD PA'I DGE BA'I BSHES GNYEN BSTEN PA DANG, RANG GIS RANG GI BSHES GNYEN BYAS TE RANG GI NYES PA LA BRTAG CING NYES PA DE'I 'DI PHYI'I NYES DMIGS SHES PAR BYAS NAS GNYEN PO BSTEN PAS SEL BAR BYED PA DANG, 'KHRUL PA'AM NYES PA BYUNG BA RNAMS SANGS RGYAS SRAS BCAS DANG 'PHRAD PA'I SKAL BA YOD NA DA DAG DANG MAD NA DE DAG GI SKU GZUGS KYI SPYAN SNGAR PHYOGS BCU'I RGYAL BA SRAS BCAS LA MKHYEN PAR GSOL TE MTHOL ZHING 'CHAGS PA DANG CHOS MTHUN PAR SPYOD PA'I GROGS LA'ANG DE LTAR BYED PA'O, ,DON BSDU BA NI, DE LTA BU DANG MTHUN PA'I DGE BA'I CHOS RNAMS SGRUB PA DANG BSRUNG PA DANG RNAM PAR 'PHEL BAR BYED PA'I TSUL KHRIMS GANG YIN PA DE NI BYANG CHUB SEMS DPA'I DGE BA'I CHOS SDUNG PA'I TSUL KHRIMS ZHES BYA'O, ,DE LA SGRUB PA NI GSAR DU BSKYED PA STE SHES RAB GSUM BSKYED PA LTA BU'O, ,SRUNG BA NI SKYES PA RNAMS CHUD MI ZA BAR BYED PA'O, ,DE YANG BZOD PA BSNYED PA LTA BU STE KHONG KHRO MA @015A *, ,BKAG NA DES DGE BA BSAGS PA RNAMS 'JOMS PA'I PHYIR RO, ,'PHEL BAR BYED PA NI BSRUNGS BA RNAMS SLAR YANG 'PHEL BA DANG RGYA CHE BA DANG RTAS PAR BYED PA STE BSNGO BA DANG SMON LAM 'DEBS PA LTA BU'O, ,SEMS CAN DON BYED NI, BYANG CHUB SEMS DPA'I SEMS CAN LA PHAN 'DOGS PA'I TSUL KHRIMS GANG ZHE NA, DE NI MDOR BSDU NA RNAM PA BCU GCIG TU RIG PAR BYA STE, GROGS BYA DGOS PA DANG THABS LA RMONGS PA DANG PHAN 'DOGS PA DANG 'JIGS PAS NYEN PA DANG MYA NGAN GYIS GZIR BA DANG YO BYAD KYIS PHONGS PA DANG, GNAS 'CHA' BAR 'DOD PA DANG BLO MTHUN PAR 'DOD PA DANG YANG DAG PAR ZHUGS PA DANG LOG PAR ZHUGS PA DANG RDZU 'PHRUL GYIS GDUL BAR BYA BA RNAMS KYI DON JI LTAR RIGS PAR SGRUB PA'O, ,PHUN SUM TSOGS PA'I RGYU LA GSUM LAS, SDOM PA'I TSUL KHRIMS PHUN SUM TSOGS PA'I RGYU NI, BYANG SEMS SDOM PA'I TSUL KHRIMS LA GNAS PA JI LTAR NA LEGS PAR BSDAMS PA'I TSUL KHRIMS CAN DU 'GYUR ZHE NA, 'DI LA BCU LAS 'DAS PA'I 'DOD PA RNAMS LA MI LTA BA NI, BYANG CHUB SEMS DPA'I MI'I 'DOD PA'I MCHOG 'KHOR LOS SGYUR BA'I RGYAL SRID THOB PA YANG BOR TE RAB TU 'BYUNG ZHING RAB TU BYUNG NAS KYANG DE LA MI LTA BA NI DPER NA RTZA'AM MI GTZANG BA LA JI LTA BA BZHIN NO, ,'DOD PAR BYA BAS NA 'DOD PA STE DNGOS PO'I 'DOD PA LONGS SPYOD DANG 'DIS 'DOD PAS NA 'DOD PA STE NYON MONGS PA'I 'DOD PA SRED PA'O 'DIR NI DANG PO STE, DE YANG PHYAG BDAR GYI 'DU SHES KYIS SPANGS PA'I RTZA LA SLAR YANG MI LTA BA BZHIN DU CHAGS PAR BYA BA'I SNYING PO MED PAR MTHONG NAS SNGAR SPANGS PA LA SLAR MI LTA'O, ,YANG MI GTZANG BA'I BLOS SANGS PA'I @015B PHYIS RUL PA LA SLAR MI LTA BA BZHIN DU 'DOD PA DE DAG NYON MONGS PA PHYIS RUL PA LTA BU DANG 'BREL BAR MTHONG NAS SLAR YANG MI LTA'O, ,DE LTAR NA DANG POR KHYIM GYI LONGS SPYOD SPANGS NAS RAB TU BYUNG YANG SLAR DE DAG LA LTA BAR BYED NA SDOM PA YONGS SU DAG PAR MI 'GYUR NGAS SLAR YANG MA CHAGS PA BSTEN PAR BYA STE SNGA MA BSHAD PA'I DPE GNYIS BZHIN DU 'DU SHES 'JOG DGOS PA'O, ,MA 'ONGS PA'I 'DOD PA LA MNGON PAR DGA' BA MED PA NI MA 'ONGS PA NA BDUD KYI GNAS SU GTOGS PA GZHAN 'PHRUL DBANG BYED PA'I 'DOD PA'I LONGS SPYOD LA YANG SMON NAS DE'I DON DU TSANGS PAR MI SPYOD NA DE LAS GZHAN PA'I 'DOD PA'I DON DU LTA CI SMOS, DE LA MI DGA' BA NI DPER NA STAG GZIG LA SOGS PAS GANG BA'I NAGS THIBS POR 'JUG PAR MI 'DOD PA BZHIN DU LTA BA'O, ,'DIR 'DAS PA LA MI LTA BA LA MI'I 'DOD PA SMOS KYI LHA MA SMOS PA NI SDOM PA'I TSUL KHRIMS KYI GTZO BOR RAB TU BYUNG BA'I SKABS YIN LA LTA LA NI RAB TU 'BYUNG BA MED PA'I PHYIR RO, ,MA 'ONGS PA LA MI DGA' BA LA LHA'I 'DOD PA SMOS KYI MI MA SMOS PA NI 'DOD PA'I LONGS SPYOD LA PHYE MAR SMON PA MAD PAR STON PA'I SKABS YIN ZHING 'DOD PA'I LONGS SPYOD LA BDUD KYI GNAS KYI LAS LHAG PA MED PA'I PHYIR RO, ,MDOR NA RAB TU BYUNG BA'I SDOM PA DAG PA'AM LEGS PAR BSDAMS PA LA MA 'ONGS PA 'DOD PA'I CHED DU YANG TSANGS SPYOD LA MI GNAS PA ZHIG DGOS KYI SNGAR SPANGS PA'I 'DOD PA LA MI LTA PA TZAM GYIS MI CHOG PA'O, ,DA LTAR BA LA LHAG PAR ZHEN PA MED PA NI, RGYAL PO DANG KHYIM BDAG SEMS CAN RGYA CHEN PO'I RNYED BKUR GYI 'DOD PA LA YANG RO MYANG BAR MI BYED @16A *, ,NA SEMS CAN THA CHAD KYI RNYED BKUR LA LTA CI SMOS, DE NI DPER NA ZAS ZOS PA PHYIR SKYUGS PA LA RO MYANG BAR MI BYED PA DANG 'DRA BAR YANG DAG PA'I SHES RAB KYIS DE DANG 'DRA BAR MTHONG BA'O, ,DE LA GTZO BOR PHYI MA'I 'DOD PA LA SMON NAS TSANGS PAR SPYAD NA LEGS SMON TZAM DU 'GYUR BAS SO THAR GYI SDOM PAR MI 'GYUR PAR 'DRA YANG 'DOD PA'I LONGS SPYOD SNGAR THOB PA 'DOR BA DANG, DA LTAR BA LA MI CHAGS PA NI KHYIM PA'I SDOM PA'I TSUL KHRIMS LA MED MI RUNG MA YIN GYI RAB BYUNG LA NGES PAR DGOS PAS SPYIR 'KHOR BA DANG, KHYAD PAR DU 'DAD PA'I NYES DMIGS BSGOMS NAS SNGAR LTAR BLO MA BZLOG NA LEGS PAR BSDOMS PA'I TSUL KHRIMS CAN DU MI 'GYUR BA LA NGES PA DRANGS DGOS SO, ,DBEN PA NA GNAS PAR DGA' BA NI LUS DBEN PA'I GCIG PU LA DGA' BA DANG MANG PO'I NANG NA GNAS KYANG 'DOD PA LA RTOG PA LA SOGS PA RGYANG BSRINGS TE GNAS PA'O, ,DE YANG TSUL KHRIMS TZAM GYI MCHOG PAR MI 'DZIN GYI DE LA BRTEN NAS BYANG SEMS KYI TING NGE 'DZIN TSAD MED PA GSAR DU SGRUB PA DANG GRUB ZIN PA LA DBANG THOB PA'I PHYIR DU 'BAD PA'O, ,'DIS NI TSUL KHRIMS DGE BA TZAM LA CHOG SHES BYAS NAS YON TAN GONG MA MI 'TSEL NA TSUL KHRIMS PHUN SUM TSOGS PAR MI 'GYUR BAR BSTAN NO, ,NGAG DANG RTOG PA YONGS SU DAG PA NI, 'DU 'DZI'I NANG NA 'DUG PA'I TSE YANG NGAN PA'I TSIG NYON MONGS PA CAN GYI GTAM MI SMRA LA, DBEN PA NA GNAS PA'I TSE NI 'DOD PA LA SOGS PA'I RTOG PA NGAN PA CUNG ZAD KYANG MI SKYED PAR LEGS PAR SDOM PA'O, ,BRGYA LA BRJED NGES PAS BYUNG NA YANG DE MA THAG TU NYES DMIGS SU @16B LTA ZHING 'GYOD PA DRAG PO SKYED DO, ,DE RGYUN DU BYAS NA DE LA BRTEN NAS NGAG YID NGAN PA BYUNG MA THAG TU DRAD PA SKYE ZHING MI BYA BA'I SEMS KYANG THOB NAS 'DOR RO, ,'DOR BA LA GO MAS NA SNGAR DE GNYIS LA DGA' BA JI TZAM SKYE BA DE LTAR PHYIS KUN TU SPYOD PA LA MI DGA' BA SKYE STE BLO GNYIS GOS 'PHO BAR 'GYUR RO, ,DANG PO NAS MI 'BYUNG BA LA 'BAD PA DANG BYUNG NA YANG JI MI SNYAM PAR MI 'JOG PAR NYES DMIGS SU LTA ZHING 'GYOD PA DRAG PO BSKYED PAS BLO SNGA PHYI GNAS 'PHO BA 'DI NI BYA BA MA YIN PA BKAG STE TSUL KHRIMS YONGS SU DAG PAR 'GYUR BA'I MAN NGAG BRA NA MED PA'O, ,RANG LA KHYAD DU MI GSOD PA NI, SOR CHUD PA RNAMS KYI TSUL KHRIMS GSUM YANGS SHING RGYA CHE BA DANG BSLAB GZHI BA GANG LAS 'DAS PA'I DPAG TU MED PA DANG RTOG GE'I YUL MA YIN PAS BSAM GYIS MI KHYAB PA DANG, BSKAL PA GRANGS LAS 'DAS PAR SPYOD PA'AM YUN MI THUNG BAR ZHUGS PA'I YUN RING BA DANG LUS LA SOGS PA GTONG BA GZHAN GYIS BYA MI NUS PA'I BYA DKA' BA DAG THOS PA NA DA DEG LA 'JIGS PA DANG BAG TSA BA DANG, NGAS MI NUS SNYAM PA NI BDAG KHYAD DU GSOD PA STE DE 'GOG PA'O, ,JI LTAR 'GOG PA NI DE DAG KYANG MI 'GYUR BAS RIM GYIS BSLABS PAS BSLAB PA DE DAG DANG LDAN PAR GYUR PA YIN GYI DANG PO NAS DE LTAR NUS PA MIN NO, ,BDAG GIS KYANG RIM GYIS SLOB PA'I BRTZON PA MA BTANG NA GDON MI ZA BAR DE DAG 'THOB PAR 'GYUR RO SNYAM DU SPRO BA BSKYED PA'O, ,DES NA BSLAB GZHI DPAG TU MED PA DE DAG MNYAN NAS DE 'DRA BA SUS SLOB PAR NAS ZHES YAL BAR 'DOR BA DANG YANG BYANG SEMS GZHAN RNAMS @17A *, ,KYI YIN GYI BDAG GI MIN NO SNYAM DU DOR NA RIGS KYI NUS PA RGYAS PA'I GEGS CHEN PO YIN PAS SNGAR BSHAD PA LTAR ZHUM PA BKAG NAS DNGOS SU 'JUG PAR NUS PA LA 'BAD PA DRAG POS 'JUG CING, RE ZHIG MI NUS PA RNAMS KYANG BDAG GIS 'DI LTA BU LA SLOB PA NAM 'ONGS NA SNYAM DU SPRO BA MANG DU BSGOM PA DANG, DE'I RGYUR GSAG SBYANG LA 'BAD CING SMON LAM RLABS CHEN PO BYA DGOS SO, ,NGES PA NI, RANG GI NYES PA LA RTOG PAR BYED KYI PHA ROL GYI NYES PA LA MI RTOG CING SDUG BSNGAL MI BSKYED PA'O, ,'O NA PHA ROL GYI NYES PA DE LTAR 'JOG GAM ZHE NA, MA YIN TE NYON MONGS PA'I CHOS CAN LA DMIGS NAS SNYING RJE BSKYED DO, ,JI LTAR SKYED NA 'DI NI GANG ZAG 'DI'I NYES PA MIN GYI NYON MONGS PA'I STOBS KYIS RANG DBANG MED PAR BYUNG BA'O ZHES MA RUNGS PA DANG TSUL KHRIMS 'CHAL BA RNAMS LA KUN NAS MNAR SEMS DANG KHONG KHRO MI SKYED PAR SHAS CHER BRTZE BA SKYED CING DER MA ZAD BYED 'DOD BSKYED DE, 'DI LTAR CI NAS KYANG BYANG CHUB TU SEMS BSKYED LA NYON MONGS PA'I DBANG DU MI 'GYUR BAR DE DANG PHRAL LA BLA NA MED PA'I BYANG CHUB THOB PAR BYA'O SNYAM NAS BSHES GNYEN BYED 'DOD PA'O, ,BZOD PA NI, GZHAN GYIS LAG PA DANG BONG BA DANG MTSON LA SOGS PAS BSNUN PA YANG SEMS KYIS SDANG BA YANG MI BYED NA ZHE GCOD PA'I SDIG PA CAN GYI TSIG 'BYIN PA'AM RJOG PAR LTA GA LA BYED ,DES NA RIM PA LTAR YID NGAG LUS GSUM DAG PA'O, ,DE LTAR GNOD PA CHEN PO YANG BZOD NA PHAN PA MED PAR PHA ROL LA SPYO BA DANG TSIG GIS GSHE ZHING KHRO BA DANG SDOD CIG CES DAM 'CHA' ZHING DE 'DRA BA'I GNOD PAS @17B SEMS KYI SDUG BSNGAL DU GYUR PA CUNG ZAD TZAM YANG MI BYED PAR BZOD PA LTA CI SMOS, ZHES SA MU DRA ME GHAS BYAS ZER PA'I 'GREL PAR 'BYUNG NGO, ,GZHUNG DU NI SPYO BA'AM KHRO BA'AM BRGYAD BKAG GIS SDUG BSNGAL BAR 'GYUR BA'I GNOD PA CHUNG NGU DAG GIS LTA CI SMOS ZHES BSNUN PA'I LAN DU SDANG BA TZAM YANG MI SKYED NA DE DAG GIS LTA CI SMOS ZHES GSUNGS PAS, PHA ROL POS GNOD PA CHUNG NGU BYAS PAS SEMS MI 'KHRUG PAR STON PA STE DGE SBYONG DU BYED PA'I CHOS BZHI LA GNAS PA'O, ,BAG YOD PA NI, SNGON GYI MTHA' DANG PHYI MA'I MTHA' DANG DBUS KYI MTHA' DANG LDAN PA DANG SNGA NAS BYA BA DANG LHAN CIG RJES SU SPYOD PA'I BAG YOD PA LNGA STE, DE DAG KYANG RIM PA LTAR 'DAS PA'I DUS SU NYES PA RNAMS CHOS BZHIN DU PHYIR BCOS PA DANG, MA 'ONGS PA'I DUS SU YANG DE LTAR BYED PAR NAN TAN DU SAMS PA DANG DA LTAR YANG BRJED PA MED PAR DE LTAR BYED PA DANG, BDAG JI LTA JI LTAR SPYOD CING GNAS NA NYA SA PA MI 'BYUNG BA DE LTA DE LTAR SPYOD CING GNAS NA CI MA RUNG SNYAM DU RAB TU SGRIM PAR BYED PA DANG, DE LA BRTEN NAS DE LTA DE LTAR SPYOD CING GNAS PA'O, ,'DI NI GTZO BOR SO THAR LAS 'BYUNG BA'I BSLAB GZHI LA BAG BYED PA'O, ,DE LNGA LA YANG BZHI PA RTZA BA STE DE YOD NA LNGA PA SKYE LA BRGYA LA DE MA SKYES PAR NYES PA BYUNG NA'ANG CHOS BZHIN DU RIM PA BZHIN DU GSO BA 'BYUNG NGO, ,CHO GA DANG 'TSO BA DAG PA GCIG TU BYAS PA'I CHA GA'AM SPYOD PA DAG PA NI GRAGS PA 'DOD NAS DGE BA MI SPYOMS PA DANG SDIG PA MI 'CHAB CING SGROGS PA DANG NGAN NYUNG RNYED PA LA YID MI BDE BA MED PA'I 'DOD PA CHUNG BA DANG BZANG MANG 'THOB PA LA LHAG PAR DON DU GNYER BA MED PA'I CHOG SHES PA DANG, GRANG BA DANG @18A *, ,BKRES SKOM SOGS KYI SDUG BSNGAL BZOD PA DANG MA RNYED PAS YID MI BDE BA MED PAS GDUNG BA MED PA DANG DBANG PO DUL BA DANG ZHI BAS MI RGOD PA DANG YUL GYI RJES SU MI 'BRANG BAS YENG YENG PO MA YIN PA DANG SPYOD LAM RNAMS MDZES SHING TSUL BZHIN DU YID LA BYED PAS SPYOD LAM RAB TU ZHI BA'O, ,'TSO BA DAG PA NI, TSUL 'CHOS SOGS LOG 'TSO LNGA DANG BRAL BA'O, ,BSDAMS SU ZIN KYANG RGYU DRUG GIS LEGS PAR MA BSDAMS PA STE DE TZAM GYIS CHOG PAR 'DZIN PA KUN SLONG DANG BCAS PA'I DAG MA DAG PA KHYAD DU GSOD PA 'KHOR MI 'DZIN PA NYES PA MI 'CHOS PA CHO GA DANG 'TSO BA MA DAG PA'O, ,DANG PO LA GNYIS TE, LUS NGAG BSAMS KYANG DUS GSUM GYI 'DOD PA LAS SEMS MA BSDAMS PA DANG BSDAMS SU ZIN KYANG TSUL KHRIMS LA BRTEN NAS TING NGE 'DZIN SGRUB MI 'DOD PA'O, ,'KHOR MI 'DZIN PA NI TSUL KHRIMS KYI 'KHOR BZOD PA MI 'DZIN PA ZHES SLOB DPON YON TAN 'OD KYIS BSHAD DO, ,DGE BA SDUD PA'I TSUL KHRIMS KYI PHUN SUM TSOGS PA'I RGYU NI, LNGA TSAN GNYIS LAS PHAR PHYIN DANG PO LNGA'I NYER GNAS NI, RIM PA LTAR DE DAG GI MI MTHUN PHYOGS LUS DANG LONGS SPYOD LA CHAGS PA'I SER SNA PHRA MO YANG DANG DU MI LEN PA DANG TSUL KHRIMS 'CHAL BA'I GZHIR GYUR PA'I NYON MONGS PA DANG, NYE BA'I NYON MONGS KHRA BA DANG KHO NA 'DZIN SOGS BYUNG BA THAMS CAD DANG DU MI LEN PA DANG KUN NAS MNAR SEMS DANG KHRE BA DANG KHO NA 'DZIN BYUNG BA DANG DU MI LEN PA DANG, DGE BA LA MI 'JUG PA'I LE LO DANG, NYAL BA GLOS 'BEBS PA 'PHRES PA MA GUS PA'I SNYOM LAS BYUNG BA DANG DU MI LEN @18B PA DANG BSAM GTAN GYI RO MYANG BA DANG DE'I SA'I NYON MONGS SAM SEMS ZHUM PA DANG RGOD PA SOGS BYUNG BA DANG DU MI LEN PAR SPONG BA'O, ,MDOR NA MI MTHUN PHYOGS DE DAG BYUNG RES KYIS GNYEN PO BSTEN NAS 'GOG CING DE DAG GI DBANG DU GTAN NAS MI GTONG BA'O, , SHES RAB KYI NYAR GNAS NI, DGE BA'I PHAN YON DANG DGE BA'I RGYU DANG DGE BA'I 'BRAS BU LA PHYIN CI LOG PA DANG MA LOG PA DANG DGE BA SDUD PA'I BAR DU GCOD PA LNGA JI LTA BA BZHIN DU SHES NAS MI SHES PA LNGA DANG BAR DU GCOD PA SPONG BA'O, ,PHAN YON NI LHA MI DANG BYANG CHUB GSUM MO, ,RGYU NI MNGON MTHO DANG NGES LEGS KYI RGYU DGE BCU LA SOGS PA STE, DGE BSHES LA BRTEN PA DANG CHOS NYAN PA DANG SEMS PA DANG SGOM PA LA SOGS PA'O, ,DGE BA'I 'BRAS BU THOB PA LA RTAG PA BDE BA GTZAD PA BDAG TU LTA BA NI PHYIN CI LOG YIN PAS DE LAS BZLOG PA NI PHYIN CI MA LOG PA STE BYANG SEMS KYIS DGE BA'I 'BRAS BU THOB PA LA PHYIN CI LOG TU LTA BAR MI 'GYUR RO, ,DE LTAR NA PHYIN DRUG GI DGE BA'I 'BRAS BU'I YON TAN DANG DE'I RGYU SHES SHING BAR GCOD SNGAR BSTAN PA'I PHYIN DRUG GI MI MTHUN PHYOGS SHES NAS SPANGS PA'I SGO NAS PHYIN DRUG GI DGE RTZA SDUD PA NI, DGE BA THAMS CAD SDUD PA DANG MYUR DU SDUD PAR 'GYUR BA STE 'JIG RTEN LAS 'DAS MA 'DAS KYI DGE BA THAMS CAD DRUG TU MA 'DUS PA MED PA'I PHYIR DANG, DE DRUG GI MI MTHUN PHYOGS SPANGS NA BDE BLAG TU BSDU BAR NUS PA'I PHYIR RO, ,'DIR NYER GNAS NI SBYIN SOGS BDE BLAG TU 'GRUB PA'I RGYU'I DON TO, ,SEMS CAN DON BYED KYI TSUL KHRIMS PHUN SUM TSOGS PA'I RGYU NI RNAM PA BCU GCIG GIS SEMS CAN GYI DON BYA BA'I TSUL KHRIMS RNAM PA THAMS CAD @19A *, ,LA GNAS PA STE, DE YANG RE RE ZHING YANG RNAM PA THAMS CAD LA GNAS PA'O, ,'DI NI GROGS BYA BA LTA BU GCIG LA YANG GROGS BYA DGOS KYI SEMS CAN THAMS CAD DAM GROGS KYI RNAM PA THAMS CAD BYED PA LA BYA'AM YANG NA PHAN 'DOGS PA'I SKABS SU GSUNGS PA LTAR SEMS CAN BCU GCIG PO RE RE LA YANG DON BYA BA BCU GCIG RE JI LTAR RIGS PAR SGRUB PA'O, ,DE LA GROGS BYA DGOS PA'I DON BYED PA LA GNYIS, BYA BA BYED PA'I GROGS BYED PA DANG, SDUG BSNGAL BA'I GROGS BYED PA'O, ,BYA BA SKYED PA'I GROGS BYED PA LA BRGYAD LAS, BYA BA SEMS PA NI, GANG BYAS PA DANG MA BYAS PA LAS 'BYOR PA DANG RGUD PAR 'GYUR BA SEMS PA'O, ,BYA BA GTAN LA 'BEBS PA NI, DA LTA NYID NAS BYA BAR NGES PAR 'DZIN PA STE DE GNYIS NI GROGS BYED LUGS SEMS PA DANG GRAGS BYAD PA'I KHUR 'DZIN PA'O, ,LAM DU 'GRO ZHING 'ONG BA 'GRON PO DANG PHYI BZHIN 'BRANG BA MED PA LA NI LAM GCOD PA'I GROGS BYED PA'O, ,LAS KYI MTHA' LA SBYOR BA'I GROGS NI, KHA NA MA THO BA MED PA'I ZHING LAS LA SOGS PA'I THABS STON PA'O, ,LONGS SPYOD BSRUNG BA NI, BSGRUBS PA'I LONGS SPYOD RKUN PO SOGS KYIS MI 'KHYER BA'I THABS STON PA'O, ,BYE BA SDUM PA NI, 'KHON SPYONG BA'O, ,DGA' STON NI NYI MA NGES PA'I BSOD NAMS KYI LAS SO, ,BSOD NAMS KYI BYA BA NI, DUS DAS PA MED PAR BSOD NAMS RTZOM PA STE DE DAG GI GROGS BYED PA'O, ,DE DAG GI DANG PO GNYIS KYIS LONGS SPYOD MA THOB PA THOB PAR BYA BA DANG LAS MTHA' DANG BSRUNG BA NI SBEL BA DANG SRUNG BA'O, ,THA MA GNYIS NI 'PHEL ZIN PA YON GNAS LA 'BUL BA'O, ,ZHES SLOB DPON @19B YON TAN 'OD KYIS BSHAD DO, ,SDUG BSNGAL BA'I GROGS BYED PA LA GNYIS LAS, LUS KYI SDUG BSNGAL BZHI PO NAD PA LA NI, SMAN SBYIN PA DANG NAD G-YOG BYED DO, ,DBANG PO NYAMS PA LA NI, LONG BA RNAMS LA 'DOD PA'I GNAS SU PHYIN PAR BYED PA'I LAM STON NO, ,'ON PA LA NI, SPANG BA DANG BSTEN PAR BYA BA LAG BRDAS STON NO, ,YAN LAG MED PA LA NI, RANG GI LUS SAM BZHON PAS 'DOD PA'I GNAS SU SKYEL BA'O, ,LAM GYIS NGAL BA LA NI, GNAS DANG ZAS SBYIN PA LA SOGS PAS LUS MNYE BA'O, ,SEMS KYI SDUG BSNGAL LA GSUM LAS SGRIB PA'I SDUG BSNGAL NI, 'DOD PA LA 'DUN PA SOGS SGRIB PA LNGAS KUN NAS DKRIS PA LA GDAMS NGAG BSTAN PAS SEL LO, ,BAR CHAD MED PA'I SDUG BSNGAL NI, RTOG PA BRGYAD KYIS KUN NAS DKRIS PA'I SDUG BSNGAL GYI GNYEN PO'I CHOS BSTAN PAS SEL LO, ,RTOG PA BRGYAD NI 'DOD PA, GNOD SEMS, RNAM 'TSE, NYE DU, YUL GYI MI MI 'CHI BA'I RNAM RTOG DANG, GZHAN GYIS KHYAD DU GSOD PA'I RTOG PA DANG, LONGS SPYOD DANG RIGS PHUN SUM TSOGS PAR 'DOD PA'I DBANG GIS BDAG NI RIGS MTHO'O, ,ZHES PA KHYIM GYI 'BYOR PA DANG LDAN PA'I RTOG PA'O, ,GZHAN GYIS SMRA PHAB PA'I PHAM PA'I SDUG BSNGAL NI, 'THAB PA LA RGYAL PHAM 'ONG BA 'JIG RTEN GYI RIGS PA DANG BDAG MED BSTAN PA LA SOGS PA 'JIG RTEN LAS 'DAS PA'I CHOS BSTAN PAS SEL LO, ,RIGS PA LA RMONGS PA'I DON BYED PA NI, NYES SPYOD KYI 'BRAS BU SMIN NAS NYON MONGS PA LA NI CHOS BSTAN TE NYES SPYOD LAS LDOG PA LEN DU 'JUG PA'O, ,CHOS STON PA'I @20A *, ,CHUL NI TSIG 'BRU 'BYOR PA SOGS BRGYAD DE DE YANG DRI BA GSUM LA YON TAN BZHI DANG LDAN PA'I LAN GYIS STON TE MI SHES NAS 'DRI BA LA NI TSIG 'BRU 'BYER PA DANG 'BREL PA STE, PHYIN CI MA LOG PA'I DON DANG DE'I MTSAMS SBYOR BA'I LAN NO; ;'GAL BA'I DRI BA LA NI RJES SU MTHUN PA DANG RJES SU 'PHROD PA STE CHOS NYID DANG MTHUN PA DANG SNGA PHYI'I DGONGS PA DANG MI 'GAL BA'I LAN NO, ,GNYIS KA 'DRI BA LA NI THABS DANG LDAN PA DANG 'TSAM PA STE GO BAR BYED PA'I THABS DANG GDUL BYA DANG 'TSAM PAR SHES PAR BYED PA DANG MTHUN PA DANG 'GRUS SKYONG GI TSOGS TE 'JIG RTEN PA'I YON TAN SGRUB PA DANG MTHUN PA DANG 'PHAGS PA'I LAM GYI TSOGS KYIS LAN 'DEBS PA'O, ,'GRUS SKYONG NI RTAG PA DANG SGRIM PAR SKYONG BA STE RGYUN DU GUS PAR ZAG PA RNAMS LAS SEMS SRUNG BA'I PHYIR RO, ,ZHES YON TAN 'OD KYIS BSHAD CING DZI NA SU TRA YANG DA DANG MTHUN NO, ,PHYI MA GNYIS RTOGS PA'I DBANG DU BYAS NAS GDAMS NGAG 'DRI BA'I LAN DU YON TAN 'OD KYIS BSHAD PA DZI NA SU TRAS KYANG THOB PA'I DBANG DU BYAS PAR 'CHAD DE, DE DAG GI LTAR NA DRI BA GSUM ZHES BSHAD KYANG DRI BA BZHI SNANG NGO, ,YANG NA 'BYOR BA NI 'BREL PAS BSHAD DE SNGA PHYI MTHUN PAS SO, ,RJES SU MTHUN PA NI 'PHROD PA STE CHOS NYID DANG MTHUN PA'O, ,THABS DANG LDAN PA NI 'TSAM PA STE GDUL BYA DANG 'TSAM PAS SO, ,MTHUN PA NI 'GRUS SKYONG GIS TE TSANGS SPYOD DANG MTHUN PA'I PHYIR TE, DPER NA ZAB PA DANG SNYAN CING 'JEBS PA DANG YID DU 'ONG BA DANG RNAM PAR RIG PAR BYA BA DANG MNYAN PAR 'OS PA STE GSUNG GI YAN LAG LNGA RIM PA BZHIN DU 'BRUG SGRA DANG RNAR SNYAN PA DANG DGA' BAR BYED PA @20B DANG RNAM PAR GSAL BA DANG MI MTHUN PA MED PAS BSHAD PA BZHIN NO, ,TSIG ZUNG RE RE'I SNGA MA PHYI MAS BSHAD PA 'DIS NI DRI BA THAMS CAD LA YON TAN BZHI DANG LDAN PA'I LAN GDAB PAR BSTAN TE, SNGA PHYI MI 'GAL BA DANG CHOS NYID DANG MI 'GAL BA DANG, GDUL BYA DANG MI 'GAL BA DANG DON GYI MCHOG DANG 'BREL BA'O ZHES YON TAN 'OD KYIS BSHAD DO, ,'DIR GZHUNG LAS YANG NA THABS MKHAS PAS KYANG STON PAR BYED CES PA NI TSIG 'BRU BRGYAD KYI SGO NAS SNGAR TSUL KHRIMS 'CHAL BA'I NYES SPYOD CAN RNAMS NYES SPYOD LAS LDOG PA'I CHOS STON PA BZHIN DU SER SNA CAN LA SOGS PA RNAMS SBYIN PA LA SOGS PA LA SBYAR BA'I PHYIR YANG DE LTAR STON PA'O, ,YANG NA THABS KYIS 'GRAS PA DANG DMUS BYANG BAR MI 'GYUR BAR CHOS STON PA NI THABS MKHAS PA'O, ,TSE 'DI LA YANG DAG PA DANG TSEGS CHUNG DUS LONGS SPYOD SGRUB PA DANG SRUNG BA'I THABS STON PA DANG BSTAN PA LA SDANG BA RNAMS DAD PA BSKYED NAS 'JUG PAR BYED LA ZHUGS PA NI MTHONG SPANG GI NYON MONGS SPONG ZHING LTA BA RNAM PAR DAG PAS NGAN SONG LAS BZLA BA'I PHYIR YANG DAG PHUL GYI CHOS STON CING, MTHONG LAM THOB PA LA KUN SBYOR LHAG MA SPONG BA'I THABS STON NO, ,PHAN 'DOGS PA'I DON BYED PA NI, MTHONG BA NA GUS PAR BYAS TE TSUR BYON LEGS PAR BYON TO ZHES SMRA ZHING DGA' BAR BYED STAN DANG GNAS SBYIN PAS BSU ZHING RNYED BKUR GYIS PHAN BTAGS PA DE DANG MNYAM PA'AM LHAG PAS PHAN 'DOGS KYI CHUNG DUS NI MA YIN NO, ,DE'I BYA BA LA YANG MA BCOL BAR GROGS BYED NA BCOL NA LTA CI SMOS, DE BZHIN DU RDZU 'PHRUL GYIS SKRAG CING 'DUN PAR BYA BA'I BAR GYI DON BYED @21A *, ,BA LHAG MA RNAMS KYANG BYED DO, ,'JIGS PAS NYEN PA'I SKYABS BYED PA NI, SENG GE DANG STAG LA SOGS PA DUD 'GRO THANG LA GNAS PA DANG CHU'I KLONG DNGOS SAM DE NA GNAS PA'I SROG CHAGS CHU SRIN 'DZIN KHRI SOGS DUD 'GRO CHU LA GNAS PA GNYIS DANG CHAD PA DANG NAN THUR GYI MTHU DANG LDAN PA'I RGYAL PO DANG, MTHU DANG 'JAB BUS NOR 'PHROG PA'I CHOM RKUN DANG NOR LA SOGS PA LA BAR CHAD BYED PA'I PHYIR RGOL BA'AM DGRA BO DANG RIS SU BCAD PA NYI TSE BA'I KHYON LA DBANG BA'I JO BO DANG BDAG PO'I 'JIGS PA STE MI'I 'JIGS PA BZHI DANG, GCES PA DANG MI LDAN PA GSUM PO YO BYAD DANG, LEGS PAR SPYOD PA DANG, SMRA BA'I BYA BA DANG MI LDAN PAS 'TSO BA MED PA'I 'JIGS PA DANG, MI SNYAN PA'I 'JIGS PA DANG, 'KHOR DU BAG TSA BA'I 'JIGS PA DANG, MI MA YIN PA GNYIS PO DANG PO NAS MI MA YIN DU SKYE BA BLANGS PA'I SKYE BA'I KHYAD PAR DANG RIGS PAS BSGRUBS PA'I KHYAD PAR SNGAGS BTAB PAS RO LANGS SU GYUR PA LTA BU STE DE DAG GI 'JIGS PA LAS SKYABS BYED PA'O, ,MYA NGAN GYIS GZIR BA'I MYA NGAN SEL BA LA GNYIS, GNYEN BSHES DANG BRAL BA'I MYA NGAN DANG, LONGS SPYOD DANG BRAL BA'I MYA NGAN NO, ,DANG PO LA LNGA LAS SKYED PA'I RGYUR GYUR BA'I GNYEN DANG BRAL BA NI, PHA MA SHI BA'O, ,YONGS SU BZUNG BA DANG 'BRAS BU'I GNYEN DANG BRAL BA NI, BU DANG CHUNG MA SHI BA'O, ,NGAG NYAN PA'I GNYEN DANG BRAL BA NI, BRAN PHO MO DANG LAS BYED PA DANG ZHO SHAS 'TSO BA SHI BA'O, ,PHAN 'DOGS PA DANG BYAMS PA'I GNYEN DANG BRAL BA NI, MDZA' BSHES DANG GROS GROGS DANG NYE DU GZHAN DANG RGAN RABS SHI BA'O,, @21B PHAN PA STON PA'I GNYEN DANG BRAL BA NI, MKHAN SLOB DANG BLA MA LTA BU TSANGS PAR MTSUNGS PAR SPYOD PA SHI BA'I MYA NGAN NO, ,LONGS SPYOD BRAL BA LA GNYIS, 'JIG RTEN THAMS CAD KYI SDUG BSNGAL GYI RGYU DANG, KHA CIG GI THUN MONG MA YIN PA'O, ,DANG PO THAMS CAD DANG THUN MONG BA NI, RGYAL PO DANG CHOM RKUN GYIS PHROGS PA DANG MES TSIG PA DANG CHUS KHYER BA'O, ,THUN MONG MA YIN PA LA GNYIS, BDAG GIS TSUL MA YIN PA DANG, GZHAN LAS GYUR PA'O, ,DANG PO LA GNYIS LAS LONGS SPYOD SRUNG BA TSUL MA YIN PA NI, GTER DU SBED PA MA LEGS PAS CHUD ZOS PA'O, ,LONGS SPYOD SGRUB PA TSUL MA YIN PA NI, SGRUB PA'I LAS LA NAN TAN LAGS PAR MA BYAS PAS MA RUNG BAR GYUR PA'O, ,GZHAN LAS GYUR PA LA YANG GNYIS LAS BGO SKAL LA SPYOD PA'I DBANG GIS SDUG BSNGAL BA NI, BGO SKAL LA SPYOD PA MI MDZA' BA RNAMS KYIS KHYER BA'O, ,'DI LA 'GRENG PA KHA CIG TU GNYEN MI MDZA' BAS KHYER BA ZHES 'BYUNG BA LTAR YIN PA 'DRA'O, ,RANG GI KHYIM NAS BYUNG BA RNAMS KYIS SDUG BSNGAL BA NI, KHYIM DU KHYIM GYI PHUNG KROL BA BYUNG BA'O, ,'DI LA 'GREL PA KHA CIG TU RIGS SUN 'BYIN PA 'BA' ZHIG SKYES PA DANG DE'I NOR SPYOD MI SHES PAS 'THOR BA LA 'CHAD DO, ,DE LTAR GNYEN DANG LONGS SPYOD KYI GZHI DE DAG LAS MYA NGAN CHUNG 'BRING CHEN PO SKYES PA RNAMS MI RTAG PA BSTAN PAS SEL BAR BYED DO; ;DE LAM LA SOGS PA SHI BA LAS BYUNG BA NI CHEN PO DANG BRAN LA SOGS PA SHI BA LAS BYUNG BA NI 'BRING DANG LONGS SPYOD BRAL BA LAS BYUNG BA NI CHUNG NGU 'AM YANG NA MKHO DA DANG GCES PA LAS RIG PAR BYA'O ZHES 'CHAD DO, ,YO BYAD KYIS PHONGS PA'I DON BYED @22A *, ,PA LA DRUG LAS, 'TSO BAS PHONGS PA'I SDUG BSNGAL BA LA NI, ZAS DANG SKOM 'DOD PA LA DE DAG SBYIN PA'O, ,DUB PA'I SDUG BSNGAL BA LA NI, THEG PA DANG BZHON PA 'DOD PA RNAMS LA DE DAG SBYIN PA'O, ,NGO TSA SKYE BA'I SDUG BSNGAL BA LA NI, GOS DANG RGYAN 'DOD PA RNAMS LA DE DAG SBYIN PA STE GOS DANG RGYAN MA 'BYOR NA NGO TSA SKYE BA'I PHYIR RO, ,YO BYAD MI LDAN PA'I SDUG BSNGAL BA LA NI, SNOD SPYAD 'DOD PA LA DE DAG SBYIN PA'O, DRI NGA BA'I SDUG BSNGAL BA LA NI, SPOS DANG ME TOG PHRENG BA DANG BYUG PA 'DOD PA LA DE DAG SBYIN PA'O, ,GNAS DANG SNANG BAS PHONGS PA'I SDUG BSNGAL BA LA NI, 'DUG PA LA SOGS PA'I GNAS DANG BRTZON 'GRUS RTZOM PA MAR ME'I SNANG BA 'DOD PA LA DE DAG SBYIN PA'O, ,GNAS LA STEN PAR 'DOD PA RNAMS KYI DON BYED PA LA GNYIS LAS, BSAM PA GANG GIS 'KHOR SDUD PA NI, GRAGS PA DANG RNYED BKUR 'DOD PA MA YIN GYI SNYING BRTZE BA'I SEMS KHO NA SNGON DU BTANG STE ZANG ZING MED PA'I SEMS KYIS THOG MAR GNAS SBYIN PA'O, ,SBYOR BA GANG GIS SDUD PA LA GNYIS, ZANG ZING GIS SDUD PA DANG, CHOS KYIS SDUD PA'O, ,DANG PO LA GNYIS LAS, PHA ROL LAS BTZAL BA NI, BSDUS PA'I 'KHOR DE DAG GI PHYIR DU SBYIN BDAG DAD PA CAN RNAMS LAS CHOS DANG MTHUN PAR GOS ZAS MAL CHA STAN NA BA'I GSO SMAN DANG YA BYAD RNAMS TSOL BA'O, ,RANG GI YO BYAD THUN MONG DU BYED PA NI, RANG GIS GOS LA SOGS PA CHOS MTHUN GYIS RNYED PA DE DAG KYANG THUN MONG DU SPYOD PA'O, ,CHOS KYIS SDUD PA LA GNYIS LAS GDAMS NGAG SBYIN PA NI BRGYAD DE, SEMS MI @22B GNAS PA DMIGS PA LA GNAS PA'I PHYIR DU GDAMS NGAG LNGA STE, 'DOD CHAGS DANG ZHE SDANG DANG GTI MUG DANG NGA RGYAL DANG RNAM RTOG SHAS CHE BA LA RIM PA BZHIN DU MI SDUG PA DANG BYAMS PA DANG RTEN CING 'BREL BAR 'BYUNG BA DANG KHAMS KYI RAB TU DBYE BA DANG DBUGS 'BYUNG RDUB RJES SU DRAN PA'O, ,SEMS GNAS PA LA RANG GI DON THOB PAR BYA BA'I PHYIR RTAG CHAD DU LTA BA'I GNYEN POR RTAG CHAD DANG BRAL BA'I DBU MA'I LAM STON PA'I GDAMS NGAG GCIG GO ,LAM MNGON SUM DU MA BYAS PAR BYAS SO SNYAM PA DANG 'BRAS BU MA THOB PAR THOB BO SNYAM PA'I MNGON PA'I NGA RGYAL 'DOR DU 'JUG PA'I GDAMS NGAG GNYIS TE, GNAS PA DANG RNAM PAR SGYUR BA DANG SBYOR BA 'DOR BA GSUM DU BSDU'O, ,RJES SU BSTAN PA SBYIN PA LA LNGA STE, KHA NA MA THO BA DANG BCAS PA NI MI RUNG NGO ZHES DGAG PA DANG KHA NA MA THO BA MED PA NI RUNG NGO ZHES GNANG BA DANG BKAG PA LA SPYOD NA DE LAS LDOG PA'I PHYIR DU BSKUL BA DANG DE LTAR BYAS KYANG MI GTONG NA TSAR BCAD PA DANG GNANG BKAG MA NOR BAR SPYOD PA LA DGA' BAR BYA BA'O, ,SEMS MTHUN PA 'DOD PA'I DON BYED PA LA GNYIS LAS, MDOR BSTAN PA NI, BYANG SEMS SEMS CAN GYI DON DANG MTHUN PAR BYED PA NA DANG POR SEMS CAN RNAMS KYI BSAM PA DANG RANG BZHIN DANG KHAMS SHES PAR BYAS NAS SEMS CAN GANG DAG DANG JI LTAR LHAN CIG GNAS PAR BYA BA DE LTAR GNAS PA DANG SEMS CAN GANG DAG LA JI LTAR BSGRUB PAR BYA BA DE LTAR SGRUB PAR BYED DO, ,DE LA BSAM PA NI, SEMS PA STE DGE MI DGE DANG ZHE SDANG DANG BYAMS PA GANG GI BSAM PA DANG LDAN PA'O, ,RANG BZHIN NI MOS PA STE THEG PA GANG LA MES PA @23A *, ,BRTAGS TE MOS PA DE DANG KHAMS NI BAG LA NYAL TE DE DAG DANG MTHUN PAR BYED PA'O, ,RGYAS PAR BSHAD PA LA, PHAN GNOD LA LTOS PA NI, SEMS CAN DANG MTHUN PAR BYED PA'I LUS NGAG GI SPYOD PA GANG GIS SEMS CAN DE LA SDUG BSNGAL DANG YID MI BDE SKYE BAR SNANG NA 'DI LTAR BRTAG STE, SDUG BSNGAL DANG YID MI BDE DES SEMS CAN DE MI DGE BA LAS BSLANG STE DGE BA LA 'JOG PAR MI 'GYUR NA BYANG SEMS KYIS SPYOD PA DE 'BAD NAS SPANGS TE DE'I SEMS DANG MTHUN PAR BYA'O, ,GAL TE SDUG BSNGAL DANG YID MI BDE DES GZHAN DGE BA LA 'JOG PAR NUS NA NI GZHAN LA SNYING BRTZE BA KHO NA NYE BAR BZUNG NAS GZHAN GYI SEMS DANG MTHUN PAR MI BYA BAR SPYOD PA DE BYA DGOS TE PHUGS SU DE LA PHAN PA'I PHYIR RO, ,DE BZHIN DU SPYOD PA DES MTHUN PAR BYA BA'I SEMS CAN DE LA SDUG BSNGAL MI BSKYED KYANG DE LAS GZHAN PA LA BSKYED PAR SNANG NA YANG SPYOD PA DE GTONG MI GTONG GI TSUL YANG SNGA MA DANG 'DRA'O, ,GZHAN DANG MTHUN PA SGRUB PA'I SPYOD PA MA YIN PA'I RANG GI LUS NGAG GI SPYOD PAS GZHAN LA SDUG BSNGAL SKYE BAR SNANG NA DE LA YANG RANG GI BCAS PA'I NANG DU MI GTOGS PA DANG TSOGS GNYIS DANG MI LDAN PA DANG GZHAN MI DGE BA LAS BSLANG STE DGE BA LA 'JOG PAR MI 'GYUR NA GZHAN GYI SEMS BSRUNG BA'I PHYIR BTANG LA, DE GSUM LAS BZLOG PA YIN NA SNYING BRTZE BA KHO NA NYE BAR BZUNG NAS 'JUG PAR BYA'I GZHAN GYI SEMS DANG MI BSTUN NO, ,DE BZHIN DU LUS NGAG GI SPYOD PA GANG GIS PHA ROL LA 'PHRAL DU BDE BA DANG YID BDE BA SKYE BAR SNANG LA PHUGS SU YANG PHAN NA NI 'JUG LA PHUGS SU @23B GNOD NA NI GZHAN DANG MI BSTUN PA SOGS KYANG SNGAR BZHIN RIG PAR BYA'O, ,YANG BYANG SEMS SEMS CAN DANG MTHUN PAR BYED PA NA GZHAN KHRO BA'I KUN DKRIS KYIS KUN NAS DKRIS PA LA KHRO BA MA ZHI BA'I BAR DU DE'I BSNGAGS PA YANG MI BRJOD NA BSNGAGS PA MA YIN PA LTA CI SMOS TE SHAD SBYANG YANG ME BYED DO, ,NGOM GZUM CAN 'JIG RTEN GYI TSUL MI SHES PA GZHAN MI SMRA BA LA YANG SMRA ZHING DGA' BAR BYED NA TSUR LA SMRA ZHING DGA' BAR BYED PA LA LTA CI SMOS, GZHAN DAG SMRA 'BEBS PA NA DE LA 'KHRUG PAR MI BYED DE DE DAG NYID LA SNYING BRTZE BA'I PHYIR SMRA 'BEBS PAR ZAD DE DBANG PO RNAMS RAB TU ZHI BAS BYED DO, ,SKYE BO MANG PO'I NANG DU SMRA 'BAB PA'I RGYU YIN PA'I PHYIR 'PHYA BAR MI BYED LA BSTING BA DANG BAG 'KHUMS PAR YANG MI BYED DO, ,BDE BA LA MI REG PAR BYA BA'I PHYIR 'GYOD PA SKYED PAR YANG MA BYED DO, ,CHAD PAS BCAD CING SMRA PHAB ZIN PA LA YANG CHAD PA'I GNAS KYIS MI GLENG STE SKYENGS PA'I PHYIR RO, ,DGA' BA SHES CHUNG BA RNAMS KYI MDUN DU BDAG NYID MTHO BAR MI STON TE ZHUM PA'I RGYU YIN PA'I PHYIR RO, ,GZHAN DAG LA MI STEN PAR YANG MI BYED DE BSHES SHING 'DRIS PA MED PAR 'GYUR BA'I PHYIR RO, ,HA CANG STEN PAR MI BYED DE RTAG TU 'GROGS PAS PHA ROL GYI BYA BA LA BAR CHAD DU 'GYUR BAS MI DGA' BA'I PHYIR RO, ,DUS MA YIN PAR STAN PAR YANG MI BYED KYI DUS DUS SU STEN PA STE DE GSUM NI 'GREL PA 'CHAD PA SPANG PA'I PHYIR RO, ,GZHAN GYI MDUN DU DE'I MDZA' BO LA SMOD PA DANG MI MDZA' BA LA BSNGAGS PA MI BRJOD DE MI DGA' BA'I PHYIR RO, ,MA 'DRIS PA LA YID RTON PAR MI BYED DE RNAM PA GZHAN DU SEMS PA'I PHYIR RO, ,PHAR LA RGYUN DU MI BSLANG ZHING TSUR LA BYIN PA LA YANG TSOD SHE @24A *, ,PAR BYA STE SKYO BA DANG MA DAD CING 'PHYE BA DANG PHYIR ZHING MI STER BA DANG TSIG PA ZA BA DANG BYIN NA YANG BRNYAS PA SKYE BA'I PHYIR RO, ,ZAS SKOM SOGS LA BOS NA YANG MI SPANG STE BSAM PA'I BAR CHAD DU MI 'GYUR BA'I PHYIR RO, ,YANG NA CHOS MTHUN GYIS SHAD SBYANG BYA STE KHA TON NAM BSAM GTAN NAM BSNYEN RDZOGS BYED DO ZHES MI DGA' BA MED PAR BYA'O, ,DON TSAN DE DAG RE RE'I MGOR BYANG CHUB SEMS DPA' GZHAN GYI SEMS DANG MTHUN PAR BYED PA NI ZHES SBYAR RO, ,YANG DAG PAR ZHUGS PA'I DON BYED PA NI, DAD PA DANG TSUL KHRIMS DANG THOS PA DANG GTONG BA DANG SHES RAB KYI YON TAN DANG LDAN PA LA DE DANG DE'I GTAM GYIS GZENGS BSTOD PA'O, ,TSUL KHRIMS DANG GTONG PA NI LUS DANG LONGS SPYOD PHUN SUM TSOGS PA'I RGYU STE MNGON MTHO'I RGYU'O, SHES RAB NI NGES LEGS KYI RGYU'O, ,DE 'DREN PA NI THOS PA'O, ,DAD PA NI DE GNYIS KA LA 'JUG PA'I RGYU'O, ,LOG PAR ZHUGS PA'I DON BYED PA NI, NYES PA DANG 'GAL BA CHUNG 'BRING CHE GSUM LA BSAM PA MA 'KHRUGS PA DANG SDANG BA MED PAS TSIG GIS SMA DBAB PA CHUNG 'BRING CHE GSUM BYA STE CHAD PAS GCOD PA YANG DE DANG 'DRA'O, ,NYES PA CHUNG 'BRING LA NI DE DANG GZHAN DAG LA SNYING BRTZE BA'I BSAM PAS SLAR DGUG PA'I PHYIR ZLA BA GCIG GNYIS SAM LO 'GA' TZAM RE ZHIG BSKRAD PAR BYA'O, ,NYES PA CHEN PO LA NI DE DAG LA SNYING BRTZE BAS DE DAG BSOD NAMS MA YIN PA MANG DU 'DZIN PAR MI 'GYUR BA DANG GZHAN LA YANG PHAN PAR 'DOD PAS PHYIN CHAD 'GROGS PA DANG LONGS SPYAD PAR MI BYA BA DANG, JI SRID 'TSO YI BAR DU TSUR MI DGUG PA'I TSUL GYIS BSKRAD @24B DO; ;BSOD NAMS MA YIN PA NI MI RIGS PAR DAD PAS BYIN PA LONGS SPYOD PA DANG TSANGS PA MTSUNGS PAR SPYOD PA DAG LAS PHYAG LA SOGS PA BDAG GIR BYED PA'O, ,DE LA NYES PA NI BYA BA'I RIGS PA MI BYED PA'O, ,'GAL BA NI BYA BA'I MI RIGS PA BYED PA'O ZHES SLOB DPON YON TAN 'OD KYIS BSHAD DO, ,RDZU 'PHRUL KYIS GDUL BAR BYA BA'I SEMS CAN GYI DON BYED PA LA GNYIS LAS, RDZU 'PHRUL GYIS SKRAG PAR BYA BA NI, TSA GRANG GI SEMS CAN DMYAL BA RNAMS SPRUL NAS MIR GYUR PAS NYES SPYOD BSAGS PA'I 'BRAS BU MI SDUG PA 'DI LA KHYOD LTOS SHIG CES SKYO BAR BYAS NAS NYES SPYOD SPONG DU 'JUG PA DANG, SEMS CAN KHA CIG BYANG CHUB SEMS DPA' 'KHOR CHEN PO'I NANG NA 'DUG PA LA DRI BAS SMA DBAB PAS TSIG MI BTZUN PAR BYA BAR 'DOD PA LA BYANG CHUB SEMS DPA' LAG NA RDO RJE 'AM, GNOD SBYIN KHA DOG DPA' ZHING LUS DANG STOBS CHE BA GANG RUNG ZHIG TU SPRUL NAS 'JIGS SHING SKRAG PAR BYED DE, DES YID CHES PA SKYES SHING GUS PAR GYUR PA NA DRI BA LEGS PA KHO NAR LAN 'DABS SU GZHUG PA DANG SO SOR DRIS PA LAN BTAB PA DES SKYE BO PHAL PO CHE DE DAG 'DUL BA'O, ,'DI NI 'KHOR CHEN PO'I NANG DU BYANG CHUB SEMS LA GNOD PA BYA BA'I BSAM PAS MI SMRA BA LA PHYIR DRIS PA'I LAN 'DEBS SU GZHUG PA'I PHYIR DU RDZU 'PHRUL GYIS SKRAG PAR BYAS NAS DRIS PA LAN 'DEBS SU BCUG PA YIN PAR DZI NA SU TRA SOGS 'CHAD DO, ,RDZU 'PHRUL GYIS 'DUN PAR BYA BA NI, GCIG TU GYUR NAS MANG POR 'GYUR BA DANG MANG POR GYUR NAS GCIG TU 'GYUR BA DANG RTZIG PA DANG RI DANG RA BA LA LUS KYIS THOGS PA MED PAR THAD KAR 'GRO BA NAS TSANGS @25A *, ,PA'I 'JIG RTEN GYI BAR DU LUS KYIS DBANG BYED PA DANG, STOD NAS ME 'BAR BA DANG, SMAD NAS CHU 'BAB PA SOGS CHO 'PHRUL PHRUGS SU STON PA DANG, ME'I KHAMS LA SNYOMS PAR 'JUG PA SOGS BSTAN PAS 'DUN ZHING MGU LA DGA' BAR BYAS NAS MA DAD PA DANG TSUL KHRIMS 'TSAL BA DANG THOS PA NYUNG NGU DANG SER SNA CAN DANG SHES RAB 'TSAL BA RNAMS RIM PA BZHIN DU DAD PA DANG TSUL KHRIMS DANG THOS PA DANG GTONG BA DANG SHES RAB PHUN SUM TSOGS PA LA 'GOD PA'O, ,DON BYED BCU GCIG GI GRANGS 'GREL PA GZHAN RNAMS NAS GZHAN DU BSHAD KYANG SNGAR BSHAD PA DE SDOM PA NYI SHU PA'I DKA' 'GREL NAS BSHAD PA LTAR YIN TE GZHUNG DU BYA BA BYED PA'I GROGS DANG NA BA DANG SDUG BSNGAL BA'I GROGS BYED PA GSUM GA GCIG TU BSDUS PA DANG SHIN TU MTHUN NO, ,DZI NA SU TRAS BDAG GI BSOD NAMS 'PHEL BAR BYA BA'I PHYIR BYAS PA'I DGE BA CHOS SDUD PA NI GZHAN DAG LA PHAN GDAGS PA SGRUB PA'I BSAM PAS SEMS CAN GYI DON BYA BA'I TSUL KHRIMS SU 'GYUR RO, ,ZHES DNGOS SU GZHAN GYI DON MI BYED KYANG GZHAN DON DU DMIGS NAS BYAS PA YANG SEMS CAN DON BYED KYI TSUL KHRIMS SU BSHAD KYANG 'DIR DNGOS SU SEMS CAN GYI DON BYED PA LA GSUNGS SO, ,DE LA SEMS CAN GYI DON DNGOS SU MI BYED PA'I TSE SEMS CAN DON BYED KYI TSUL KHRIMS DANG MI LDAN PAR THAL BA'I SKYON MED DE, DNGOS SU SPANG BYA SDOM PA'I SEMS MED PA YID GZHAN DU G-YENGS PA DANG GNYID LOG PA SOGS KYI TSE SDOM PA'I TSUL KHRIMS YOD PA BZHIN NO, ,SEMS BSKYED DANG YI DAM BLANG BA'I CHO GA LAS, LAS DANG PO PA LA NI SDOM PA'I @25B TSUL KHRIMS GTZO BO YIN PA'I PHYIR NA YI DAM GYI SPYOD PA'O, ,MOS PA'I SPYOD PA CAN LA NI DGE BA'I CHOS SDUD PA'I TSUL KHRIMS GTZO BO YIN PA'I PHYIR NA TING NGE 'DZIN GYI SPYOD PA'O, ,SA LA BZHUGS PA LA NI SEMS CAN GYI DON BYA BA NYID GTZO BO YIN PA'I PHYIR NA SEMS MGU BA'I SPYOD PA'I, ,ZHES GTZO CHE CHUNG GIS DE LTAR GSUNGS KYANG SDOM PA BLANGS PA'I DUS NYID NAS SEMS CAN DON BYED LA BSLAB DGOS SHING MNGON PAR SHES PA DANG MI LDAN PA'I RING LA GZHAN GYI DON BYED PA GNAD DU 'GRO DKA' BA LA SLOB DPON 'DIS DON BYA BA'I YUL SEMS CAN GYI RNAM DBYE DANG, DE DAG GI DON BYED TSUL RNAMS GSAL PAR GSUNGS PA 'DI SHIN TU GAL CHE BAS LEGS PAR SHES PAR BYAS LA DE DAG DANG MTHUN PAR GZHAN GYI DON BYA STE, DE LTAR NA BYANG CHUB SEMS DPA' RNAM PA THAMS CAD KYIS SEMS CAN GYI DON BYA BA'I TSUL KHRIMS DANG LDAN PA YIN NO, ,DON BSDU BA NI, BYANG SEMS KYI TSUL KHRIMS KYI PHUNG PO GSUM PO SDOM PA DANG DGE BA SDUD PA DANG SEMS CAN GYI DON BYA BA'I TSUL KHRIMS SU GTOGS PA'I TSUL KHRIMS KYI PHUNG PO DE DAG NI TSUL KHRIMS MTHA' YAS PA BSDUS PA YIN PAS DE LA SLOB PA RNAMS KYANG BSOD NAMS KYI PHUNG PO DPAG TU MED PA DANG LDAN PA YIN NO, ,DE DAG NI BYANG SA LAS BSHAD PA RNAMS YIN LA, BYANG SA'I RNAM PAR GTAN LA DBAB PA BSDU BAR NI 'DUL BA RNAM PA GSUM DU BSDUS TE SDOM PA'I TSUL KHRIMS SOGS GSUM MO, ,DE LA SDOM PA NI SO SOR THAR PA RGYAS BSHAD DANG BCAS PA NAS JI LTAR GSUNGS PA LTAR SLOB PA'O, ,DGE BA SDUD PA NI SEMS DRUG LA BRTAGS NAS NYAMS SU LEN PA YIN TE, BSDU BA LAS, @026A *, ,'DUL BA NI BSDU NA RNAM PA GSUM DU RIG PAR BYA STE, RE ZHIG BCOM LDAN 'DAS KYIS NYAN THOS RNAMS KYI 'DUL BA LA DANG POR SDOM PA'I TSUL KHRIMS KYI 'DUL BA JI LTAR BSDUS PA DE NI 'DUL BA BSDUS PA YIN PAR BLTA BAR BYA'O, ,DGE BA'I CHOS SDUD PA'I TSUL KHRIMS KYI 'DUL BA BSDUS PA GANG ZHE NA, DGE BA'I CHOS SDUD PA'I TSUL KHRIMS LA BRTZON PA'I BYANG CHUB SEMS DPAS MDOR BSDU NA SEMS DRUG LA SOR BRTAG PAR BYA STE DRUG GANG ZHE NA, KHYAD DU GSOD PA'I SEMS DANG LE LO DANG LDAN PA'I SEMS DANG SGRIB PA'I SEMS DANG BRTZAL BAS YONGS SU SKYO BA'I SEMS DANG GNAD PA DANG LDAN PA'I SEMS DANG BAR CHAD DANG LDAN PA'I SEMS SO, ,DE LA BYANG CHUB SEMS DPA'I DGE BA'I CHOS RNAMS LA SPANG BAR SEMS PA NYID DANG MI MOS PA'I SEMS NYID DANG BRNYES PA'I SEMS NYID GANG YIN PA DE NI KHYAD DU GSOD PA'I SEMS ZHES BYA'O, ,LE LO DANG GLAG NGAL DANG BAG MED PAS KUN NAS DKRIS PA'I SEMS NI LE LO DANG LDAN PA'I SEMS ZHES BYA'O, ,'DOD PA LA 'DUN PA LA SOGS PA NYON MONGS PA DANG NYE BA'I NYON MONGS PA'I SGRIB PA GANG YANG RUNG BAS KUN NAS DKRIS PA'I SEMS NI SGRIB PA'I SEMS ZHES BYA'O, ,BRTZON 'GRUS BRTZAMS SHING GNAS PA'I LUS KYI NGAL BA DANG SEMS KYI 'PHRUG PA ZIL GYIS NON PA'I SEMS NI BRTZAL BAS YONGS SU NGAL BA'I SEMS ZHES BYA'O, ,GNOD PA GANG YANG RUNG BAS ZIL GYIS NON PA'I SEMS SBYOR BZOD PA'I MTHU MED PA NI GNOD PA DANG LDAN PA'I SEMS ZHES BYA'O, ,SMRA BA LA DGA' BA LA SOGS PA BAR CHAD DANG LDAN PA'I SEMS NI BAR CHAD DANG LDAN PA'I SEMS ZHES BYA'O, ,ZHES @026B GSUNGS, ,SEMS DE DAG SKYES PA NA DANG DU BLANGS PA DANG MA BLANGS PA LA NYES PAR 'GYUR MI 'GYUR YANG, DE NYID LAS, BYANG CHUB SEMS DPAS SEMS DRUG PO DE DAG LA 'DI LTAR SO SOR BRTAG PAR BYA STE, CI BDAG GI SEMS LA SEMS DRUG PO DE DAG LAS GANG YANG RUNG BA RAB TU SRONG BA YOD DAM 'ON TA MED SNYAM DU SO SOR BRTAG PAR BYA'O, ,DE LAS BYANG CHUB SEMS DPAS SEMS DANG PO GSUM PO DAG NI SKYES SO COG TU DANG DU MA BLANG BAR BYA STE, GAL TE DANG DU LAN PAR BYED CING SPONG BAR MI BYED NA THAMS CAD DU KHA NA MA THO BA DANG BCAS PAR 'GYUR RO, ,BRTZAL BAS YONGS SU SKYO BA'I SEMS NI SKYES PA NA GAL TE 'DI LTA BU'I SEMS KYIS DGE BA'I CHOS RNAMS LA SBYOR BA GTONG BAR BYED DE, CI NAS KYANG LUS DANG SEMS NGAL ZHING 'KHRUG PAR BYED PA 'DI SO SOR BSAL NAS YANG DGE BA'I CHOS RNAMS LA SBYOR BAR BYA'O, ,SNYAM DU SEMS NA NI KHA NA MA THO BA MED PAR 'GYUR RO, ,GAL TE BDAG LA DGE BA LA SBYOR BA GANG GIS BDAG TSE 'DI LA SDUG BSNGAL BAR 'GYUR BA 'DI LTA BUS CI ZHIG BYA SNYAM DU SEMS SHING, THAMS CAD KYI THAMS CAD DU GTAN SRONG BAR BYED NA NI DE DE LA KHA NA MA THO BA DANG BCAS PAR 'GYUR RO, ,GNOD PA DANG LDAN PA'I SEMS NI NYE BAR GNAS PAR GYUR PA NA BYANG CHUB SEMS DPA'I DGE BA'I SBYOR BA LA 'DOD DGUR BYAR MED PA YIN PAS DE DANG DU BLANGS KYANG KHA NA MA THO BA MED DO, ,BAR CHAD DANG LDAN PA'I SEMS NI NYE BAR GNAS PAR GYUR PA NA GAL TE 'DOD DGUR BYAR MED DAM, DON CHES CHEN PO ZHIG YANG DAG PAR RJES SU MTHONG NAS DANG DU LEN PAR BYED NA NI KHA NA MA THO BA MED DO, ,GAL TE DE LA 'DOD DGUR BYAR YOD DAM DON MED @027A *, ,PA'I MA DON CHES CHUNG BA ZHIG YANG DAG PAR RJES SU MTHONG NAS DANG DU LEN PAR BYED NA NI KHA NA MA THO BA DANG BCAS PAR 'GYUR RO, ,SEMS DRUG PO DE DAG LAS SEMS SNGA MA GSUM PO DAG GI BYUNG BA DANG DU BLANGS SO COG NI GCIG TU KHA NA MA THO BA DANG BCAS PAR 'GYUR RO, ,GNOD PA DANG LDAN PA'I SEMS GCIG PU NI DANG DU BLANGS KYANG KHA NA MA THO BA MED DO, ,SEMS LHAG MA GNYIS KYI BYUNG BA DANG DU BLANGS SO COG NI RNAM GRANGS KYI KHA NA MA THO BA DANG BCAS PA DANG KHA NA MA THO BA MED PAR 'GYUR RO, ,ZHES GSUNGS PA'O, ,SEMS CAN DON BYAD LA 'JUG PA NA GNAS DRUG LA BRTAG DGOS TE, BSDU BA LAS, SEMS CAN GYI DON BYA BA'I TSUL KHRIMS LA BRTZON PA'I BYANG CHUB SEMS DPAS NI RNAM PAR RTOG PA'I GNAS DRUG LA SO SOR BRTAG PAR BYA STE, BDAG DANG GZHAN DANG ZANG ZING GIS PHONGS PA DANG ZANG ZING 'BYOR PA DANG CHOS KYIS PHONGS PA DANG CHOS 'BYOR PA NI GNAS DRUG PA YIN NO, ,DE LA ZANG ZING GIS PHONGS PA ZHES BYA BA NI CHOS GOS DANG BSOD SNYOMS LA SOGS PA MA RNYED PA RNAMS MI RNYED PA DANG RNYED CING 'JUG PA RNAMS RGYUN CHAD PAR 'GYUR BA'O, ,ZANG ZING 'BYOR PA NI DE LAS BZLOG PA LAS RIG PAR BYA'O, ,CHOS KYIS PHONGS PA ZHES BYA BA NI BSLAB PA NYAMS PA DANG DE BZHIN GSHEGS PAS GSUNGS PA DON DAM PA PA'I CHOS KYI TSIG SNGON MA THOS PA MNYAN DU MED PA DANG SNGON MA THOS PA JI LTA BA BZHIN DU SNGON MA BSAMS PA BSAM DU MED PA DANG, THOS PA'I BAR CHAD DANG BSAMS PA'I BAR CHAD DANG THOS PA DANG BSAMS PA BRJED PA DANG BSGOMS PA LAS BYUNG BA'I DGE BA MA THOB PA MI THOB PA DANG THOB PA YONGS SU @027B NYAMS PAR 'GYUR PA'O, ,CHOS 'BYOR PA NI DE LAS BZLOG PAR RIG PAR BYA'O, ,ZHES GSUNGS TE BDAG DANG GZHAN NI CHOS DANG ZANG ZING GIS 'BYOR PA DANG RGUD PA'I GZHI'O, ,GNAS DRUG LA BRTAGS NAS 'JUG LDOG BYED TSUL DANG DE DAG LA NYES PAR 'GYUR MI 'GYUR GYI TSUL YANG ,DE NYID LAS, DE LA BYANG CHUB SEMS DPAS BDAG NYID KYI CHOS KYIS PHONGS PAS GZHAN DAG GI ZANG ZING 'BYOR PAR BYA BA'I PHYIR SBYOR BAR MI BYA'O, ,ZANG ZING 'BYOR PAR BYA BA'I PHYIR JI LTA BA BZHIN DU CHOS 'BYOR PAR BYA BA'I PHYIR YANG DE BZHIN NO, , DON GYI SKABS 'DIR CHOS KYIS PHONGS PA ZHES BYA BA NI BSLAB PA NYAMS PAS BSDUS PA DANG, BSLAB PA NYAMS PA DANG RJES SU MTHUN PAS BSDUS PA DANG, 'THOB PA'I CHOS YONGS SU NYAMS PAS BSDUS PA YIN PAR RIG PAR BYA'O, ,BDAG NYID KYI ZANG ZING GIS PHONGS PAS GZHAN DAG GI ZANG ZING 'BYOR PAR BA BA'I PHYIR NI BRTZON PAR BYA STE ZANG ZING 'BYOR PA DE YANG GAL TE CHOS KYIS PHONGS PA SKYED PAR MI BYED NA'O, ,GAL TE CHOS KYIS PHONGS PA SKYAD PAR BYED NA NI BRTZON PAR MI BYA'O, ,ZANG ZING 'BYOR PAR BYA BA'I PHYIR JI LTA BA BZHIN DU CHOS 'BYOR PAR BYA BA'I PHYIR YANG DE BZHIN NO, ,BDAG NYID KYI ZANG ZING 'BYOR PAS GZHAN DAG GI ZANG ZING 'BYOR PAR BYA BA'I PHYIR YANG BRTZON PAR BYA'O, ,ZANG ZING 'BYOR PAR BYA BA'I PHYIR JI LTA BA BZHIN DU CHOS 'BYOR PAR BYA BA'I PHYIR YANG DE BZHIN NO, ,BDAG NYID KYI CHOS 'BYOR PAS GZHAN DAG GI ZANG ZING 'BYOR PAR BYA BA'I PHYIR YANG BRTZON PAR BYA'O, ,ZANG ZING 'BYOR PAR BYA PA'I PHYIR JI LTA BA BZHIN DU CHOS 'BYOR PAR BYA BA'I PHYIR YANG DE BZHIN NO, ,DE LTAR SBYOR BAR MI BYED NA NI KHA NA MA THOB DANG BCAS PAR 'GYUR LA SBYAR BAR BYED NA NI KHA NA MA THO BA @028A *, ,MED PAR 'GYUR RO, ,DE LTAR NA DE NI RE ZHIG BYANG CHUB SEMS DPA'I SDOM PA YANG DAG PAR BLANGS PA'I 'DUL BA BSDUS PA YIN TE, DE LA BYANG CHUB SEMS DPAS DUS RTAG TU YID LA BYA ZHING BSLAB PAR BYA'O, ,ZHES GSUNGS PA'O, ,DES NA GANG ZAG GZHAN GYI CHOS KYI DON NAM ZANG ZING GI DON BYAS PA NA RANG GIS KHAS BLANGS PA'I BSLAB PA DNGOS SU NYAMS PA DANG DNGOS SU MA NYAMS KYANG NYAMS PA DANG RJES SU MTHUN PA DANG, SNGAR THOB PA DANG GSAR DU 'THOB PA'I CHOS NYAMS PAR SNANG NA GZHAN GYI DON MA BYAS KYANG NYES PA MED LA, DA BZHIN DU GZHAN GYI DON BYAS PA NA RANG NYID ZANG ZING GIS PHONGS PAR SNANG NA CHOS KYIS PHONGS PAR MI 'GYUR NA NI MA BYAS NA NYES PAR 'GYUR ZHING CHOS KYIS PHONGS PAR 'GYUR NA NI MI BYA'O, ,DE BZHIN DU RANG GI CHOS DANG ZANG ZING 'BYOR PAR GYUR NA YANG GZHAN YA DE GNYIS SGRUB PAR MI BYED NA NYES PAR 'GYUR RO, ,GZHAN GYI DON BYED PA LA NYES PAR 'GYUR MI 'GYUR GYI TSUL GZHAN YANG BSDU BA LAS, 'DI NA BYANG CHUB SEMS DPA' PHAN 'DOGS PA'I SEMS CAN RNAMS LA PHAN 'DOGS PA'I MTSAN MA'I RDZAS SU 'BRANG ZHING ZANG ZING DANG BCAS PA'I SEMS DANG PHYOGS YONGS SU BZUNG BA'I TSUL GYIS MDZA' BSHAS KYI BSAM PA SKYED PAR BYED NA KHA NA MA THO BA DANG BCAS PAR 'GYUR RO, ,GNOD PA BYED PA'I SEMS CAN RNAMS LA GNOD PA BYED PA'I MTSAN MA'I RJES SU 'BAD ZHING RNYOG PA'I SEMS DANG DGRA BOR YONGS SU BZUNG BA'I SEMS KYI DGRA BO'I BSAM PA SKYED PAR BYAD NA KHA NA MA THO BA DANG BCAS PAR 'GYUR RO, ,GNOD PA BYED PA YANG MA YIN PHAN PA BYED PA YANG MA YIN PA'I SEMS CAN RNAMS LA THA MAL BA'I BSAM PA @028B DANG BTANG SNYOMS KYI BSAM PA SKYED PAR BYED NA KHA NA MA THO BA DANG BCAS PAR 'GYUR RO, ,GAL TE RAB TU 'BYUNG BA'I PHYIR GSOL BA 'DEBS PA ZHIG 'ONGS NA DUS KYI SKYON DANG DUS THA MA'I SKYON GYI RJES SU 'BRANG ZHING RAB TU SBYIN PAR MI BYED NA NI KHA NA MA THO BA MED DO, ,GAL TE SNYING BRTZE BA'I SEMS NYE BAR BZHAG STE RAB TU 'BYIN PAR BYED NA YANG KHA NA MA THO BA MED DO, ,RAB TU 'BYIN PA JI LTA BA BZHIN DU BSNYEN PAR RDZOGS PAR BYED PA DANG GNAS SBYIN PAR BYED PA DANG 'KHOR SDUD PAR BYED PA YANG DE BZHIN DU RIG PAR BYA STE, RNAM PA DE DAG GIS BYANG CHUB SEMS DPA'I TSUL KHRIMS KYI PHUNG PO DE GSUM YONGS SU RDZOGS PAR BYA'O ZHES GSUNG SO, ,DE LTAR SDOM PA BLANGS PA DES TSUL KHRIMS GSUM LA GCES SPRAS SU BYAS TE BSLAB DGOS KYANG GNAD DU CHE BA NI SDOM PA'I TSUL KHRIMS SO THAR GYIS BDUN DANG THUN MONG BA'I BSLAB BYA LA SHIN TU YANG 'BAD DGOS TE, BSDU BA LAS, TSUL KHRIMS RNAM PA GSUM PO DE DAG LAS 'DI LTA STE SDOM PA'I TSUL KHRIMS 'DI NI SDUD PAR BYED PA DANG 'BYOR PAR BYED PA YIN TE, DE BSDAMS SHING BSRUNGS NA DE LAS GZHAN PA DAG KYANG BSDAMS SHING BSRUNG PAR 'GYUR BAS, DE MA BSDAMS SHING MA BSRUNGS NA DE LAS GZHAN PA DAG KYANG MA BSDAMS SHING MA BSRUNGS PAR 'GYUR BAS DE'I PHYIR BYANG CHUB SEMS DPA'I SDOM PA'I TSUL KHRIMS NYAMS NA SDAM PA THAMS CAD NYAMS PA YIN PAR BRJOD PAR BYA'O, ,ZHES GSUNGS PA'I PHYIR RO, ,'O NA BYANG CHUB SEMS DPA'I SDOM PA LEN PA NA TSUL KHRIMS GSUM PO DE'I PHYOGS RE'I SDOM PA GZUNG DU RUNG NGAM GSUM CHAR TSANG BA'I SDOM PA GZUNG DGOS SHEN, BYANG SEMS KYI SDOM PA LA NI SO SOR THAR PA LTAR SDOM PA RIM PA MANG @029A *, ,PO MED KYI RIS GCIG KHO NAR THAD PAS LEN PA NA YANG RIS SU CHAD PA MED PAR MTHA' DAG LA SLOB PAR KHAS BLANGS PA'I SGO NAS GZUNG DGOS TE RNAM PAR GTAN LA DBAB PA BSDU BA LAS, BYANG CHUB SEMS DPA' TSUL KHRIMS RNAM PA GSUM PO GANG YIN PA DE LAS GANG YANG RUNG BA ZHIG MA TSANG NA BYANG CHUB SEMS DPA'I SDOM PAS BSDAMS PA YIN PAR BRJOD PAR BYA BYA 'AM BSDAMS PA MA YIN PAR BRJOD PAR BYA ZHE NA, BSDAMS PA MA YIN PAR BRJOD PAR BYA'O, ,ZHES GSUNGS PA'I PHYIR RO, ,'O NA BSLAB BTUS LAS, DE BAS NA NANG GI MTHU DANG SBYAR TE DGE BA'I RTZA BA GCIG TZAM YANG DAG PAR BLANGS LA BSRUNG BAR BYA STE, 'PHAGS PA SA'I SNYING PO'I MDO LAS JI SKAD DU, DGE BA'I LAM BCU PO 'DI DAG GIS SANGS RGYAS SU 'GYUR GYI GANG JI SRID 'TSO YI BAR DU THA NA DGE BA'I LAS KYI LAM GCIG TZAM YANG MI BSRUNG LA 'ON KYANG TSIG 'DI SKAD DU NGA NI THEG PA CHEN PO PA STE NGA BLA NA MED PA YANG DAG PAR RDZOGS PA'I BYANG CHUB 'TSOL LO ZHAS ZER NA, GANG ZAG DE SHIN TU TSUL 'CHOS PA BRDZUN CHEN PO SMRA BA SANGS RGYAS BCOM LDAN 'DAS THAMS CAD KYI SPYAN SNGAR 'JIG RTEN LA SLU BAR BYED PA CHAD PAR SMRA BA STE DE RMONGS BZHIN DU 'CHI BA'I DUS BYED CING LOG PAR LTUNG BAR 'GRO'O, ,ZHES GSUNGS PA BZHIN NO, ,DUS JI SRID DU NUS PA DE SRID DU YANG DGE BA YANG DAG PAR BLANGS TE GNAS PAR BYA STE 'DI NI SMAN GYI BLA BEE d'URYA 'OD KYI RGYAL PO'I MDO LAS BLTA BAR BYA'O, ,ZHES BSLAB PA PHYOGS RE LEN PA'I BYANG SEMS KYI SDOM PA BSHAD PA JI LTAR YIN ZHE NA, 'DI NI BYANG SEMS KYI SDOM PA MAN GYI SMON SEMS BSKYED PA DES BYANG SEMS KYI @029B SDOM PA GZUNG BAR MI NUS NA, GOMS SU GZHUG PA'I PHYIR RANG GI NUS PA DANG BSTUN NAS BSLAB PA'I GZHI RE RE TZAM DANG, DUS KYANG JI SRID DU SRUNG NUS PA'I NYUNG ZAD RE'I BAR DU BSLAB PAR GSUNGS PA YIN TE, SDOM PA DANG BDAG NYID KYI STOBS DANG SBYAR NAS BLANG DGOS TE DE LTAR MA BYAS NA SANGS RGYAS SRAS BCAS DANG LHA DANG BCAS PA'I 'JIG RTEN BSLUS PAR 'GYUR BA LA SOGS PA'I NYES DMIGS GSUNGS NAS DE NAS SNGAR GYI LUNG DE 'BYUNG ZHENG DE'I 'OG TU SEMS CAN CHEN PO GANG DE LTA BU THOS NAS KYANG BYANG CHUB SEMS DPA'I SPYOD PA DKA' BA SHES RAB KYIS RTAGS PAR BYAS NA SKYE BO MA LUS PA SDUG BSNGAL LAS BSKYAB PAR KHUR KHYER BAR SPRE BA DES NI, ZHES BSLAB PA KHAS BLANGS NAS MA BSRUNGS PA'I NYES DMIGS THOS SHING BANG SEMS KYI SPYOD PA BYA DKA' BAR SHES KYANG BYANG SEMS KYI BSLAB PA'I KHUR 'KHYER BA LAM ZHUM PA ZHIG GIS BYANG SEMS KYI SDOM PA 'DZIN PAR GSUNGS PA'I PHYIR NA SNGA MA DE NYES DMIGS THOS SHING, SPYOD PA BYA DKA' BAR SHES PA NA BSLAB PA'I KHUR 'KHYER BAR MI NUS PA RNAMS SPYAD PA SNA RE RE NAS RIM GYIS YI DAM BCAS NAS BSLABS TE; BLO'I MTHU RGYAS PA NA SDOM PA LEN PAR GSAL BA'I PHYIR DANG SMAN BLA'I MDO KHUNGS SU BYAS PAS KYANG SHES TE DE NI MDO DE LAS SHES PAR BYA'O, ,LEN PA'I TSUL BSHAD PA LA GNYIS, SPYI'I DON DANG, DKYAS KYI DON NO, ,DANG PO NA, SLOB DPON KLU SGRUB KYIS SEMS BSKYED PA CHO GA MDZAD KYI DE LAS ZUR PA'I SDOM PA'I CHO GA MA MDZAD DO, ,'ON KYANG SEMS BSKYED PA'I CHO GA LAS, BYANG CHUB MCHOG GO SEMS NI BSKYED PAR BGYI, ,SEMS CAN THAMS CAD BDAG GIS MGRON DU GNYER, ,BYANG CHUB SPYOD CHOG YID 'ONG SPYAD @030A *, ,PAR BGYI, ,'GRO LA PHAN PHYIR SANGS RGYAS 'GRUB PAR SHOG ,DE SKAD LAN GSUM BZLAS, BYANG CHUB TU SEMS BSKYED PA'O, ,ZHES DANG ,BDAG GI SBYIN PA RTZOL BA DANG TSUL KHRIMS BSRUNG BA DANG BZOD PA SGOM PA DANG BRTZON 'GRUS RTZOM PA DANG BSAM GTAN LA MNYAM PAR BZHAG PA DANG SHES RAB RNAM PAR DPYOD PA DANG THABS MKHAS PA CI YANG RUNG STE, DE DAG THAMS CAD SEMS CAN THAMS CAD KYI DON DANG PHAN PA DANG BDE BA'I SLAD DU BLA NA MED PA YANG DAG PAR RDZOGS PA'I BYANG CHUB LAS BRTZAMS TE 'DAS PA DANG MA 'ONGS PA DANG DA LTAR BYUNG BA'I BYANG CHUB SEMS DPA' SEMS DPA' CHEN PO SNYING RJE CHEN PO DANG LDAN PA THEG PA CHEN PO LA YANG DAG PAR ZHUGS PA SA CHEN PO LA GNAS PA RNAMS KYI RJES SU 'JUG GO ,'PHAGS PA DAG BDAG BYANG CHUB SEMS DPA' LAGS KYIS BYANG CHUB SEMS DPA' LAGS PAR GZUNG DU GSOL, ,ZHES SPYOD PA LA SLOB PA DANG BYANG CHUB SEMS DPA' RNAMS KYI RJES SU 'JUG PAR KHAS LEN PA YOD LA SPYOD PA DANG LDAN PAR SEMS BSKYED PA NYID SDOM PA BZUNG BA YIN PAR BSLAB BTUS DANG SPYOD 'JUG LAS GSUNGS SHING, DUS GSUM GYI BYANG CHUB SEMS DPA' RNAMS KYI TSUL KHRIMS GSUM LA SLOB PAR KHAS BLANGS PA NYID BYANG SEMS KYI SDOM PA BZUNG BA YIN PAR GZUNG 'DIR GSUNGS LA SLOB DPON BYANG CHUB BZANG PO DANG A'A BHYA' KA RAS KYANG SDOM PA LEN PA'I CHO GA SHING RTA CHEN PO GNYIS KYI LUGS BSRES NAS MDZAD PA DANG, LAM SGRON GYI 'GREL PAR YANG JO BOS MDZAD PA'I SEMS BSKYED DANG SDOM PA'I CHO GA NI KLU SGRUB DANG THOGS @030B MED DANG ZHI BA LHA'I LUGS YIN PAR GSUNG SO, ,DE'I PHYIR 'PHAGS PA KLU SGRUB DANG THOGS MED GNYIS CHO GA' KHYAD PAR 'GA' ZHIG MI 'DRA BA MA GTOGS PA SDOM PA 'THOB PA'I CHO GA LA DON LA KHYAD PAR MED DO, ,DES NA LUGS DE GNYIS LA DBU MA LUd DANG SEMS TZAM LUGS KYI THA SNYAD BYAS NAS BLANG BA'I YUL DANG LEN PA'I CHO GA DANG RTZA LTUNG MI MTHUN PAR SMRA BA NI MA BRTAGS PA CHEN PO'O, ,'PHAGS PA THOGS MED KYIS SDOM PA LEN PA'I RTEN LA SMON SEMS BSKYED DGOS PAR BSHAD KYANG SDOM PA'I CHO GA MA GTOGS PA'I SEMS BSKYED KYI CHO GA MDZAD PA MI SNANG LA BYAMS CHOS DANG SLOB DPON DBYIG GNYEN GYI GZHUNG DU YANG MA BYUNG NGO, ,SLOB DPON DGRA LAS RNAM PAR RGYAL BAS NI SMON 'JUG DANG SDOM PA GZUNG BA'I RIM PA GNYIS MDZAD LA, DPAL MAR ME MDZAD KYIS KYANG SEMS BSKYED PA DANG SDOM PA'I CHO GA SO SOR MDZAD CING, MDO KUN LAS BTUS KYI 'GREL PA DANG, SPYOD 'JUG GI 'GREL PAR NAG PO PAS KYANG SMON 'JUG GI CHO GA SO SO BA'I RNAM GZHAG MDZAD DO, ,'DI LA 'JUG PA DANG SDAM PA'I CHO GA THA DAD PAR MDZAD PA 'THAD SNYAM PA MED LA SMON PA'I CHO GA SNGON DU BLANGS NAS BRTAN PAR BYAS TE PHYIS SDOM PA'I CHO GA MDZAD PA'I GSHES GNYEN GONG MA RNAMS KYI LUGS NI SDOM PA BRTAN PAR 'GYUR PA'I THABS BZANG PO'O, , 'O NA SKOM RIM BAR PA LAS, DE LA KUN RDZOB PA NI SNYING RJES SEMS CAN MTHA' DAG MNGON PAR GDON PAR DAM BCAS NAS 'GRO BA LA PHAN PA'I PHYIR SANGS RGYAS SU GYUR CIG CES BLA NA MED PA YANG DAG PAR RDZOGS PA'I BYANG CHUB 'DOD PA'I RNAM PA'I SEMS DANG POR SKYE BA'O, ,DE YANG TSUL KHRIMS KYI LE'U LAS BRTAN PA'I CHO GA BZHI @31A *, ,DU BYANG CHUB SEMS DPA'I SDOM PA LA GNAS PA MKHAS PA PHA ROL PO LAS BSKYED PAR BYA'O, ,ZHES GSUNGS PA'I DON GANG ZHE NA, DUS GSUM GYI BYANG SEMS KYI BSLAB PA'I GZHI THAMS CAD LA SLOB PAR KHAS LEN PA NA DON GYIS NI SEMS BSKYED PA KHAS BLANGS PA YOD PAS SEMS BSKYED PA'I CHO GA ZHES BYA'I SMON SEMS RKYANG PA'I CHO GA MIN NO, 'GYUS KYI DON LA GNYIS, BLA MA YOD PA'I CHO GA DANG, BLA MA MED PA'I CHO GA'O, ,DANG PO LA GSUM, SBYOR BA DANG, DNGOS GZHI DANG, MJUG GI CHO GA'O,, DANG PO LA LNGA, GSOL BA GDAB PA, TSOGS SGRUB PA, SDOM PA MYUR DU BSKUL BA, SPRO BA BSKYED PA, BAR CHAD DRI BA'O, ,GSOL BA GDAB PA LA GNYIS, GANG ZAG GI KHYAD PAR DANG, CHO GA'I KHYAD PAR RO, ,GANG ZAG GI KHYAD PAR LA GNYIS LAS, RTEN GYI KHYAD PAR NI, SLOM PA LAN PA'I RTEN LA JI 'DRA ZHIG DGOS SHEN, BYANG SEMS KHYIM PA'AM RAB BYUNG GANG YANG RUNG BA SNGAR BSHAD PA'I BYANG SEMS KYI BSLAB PA TSUL KHRIMS GSUM LA BSAM PA THAG PA NAS SLOB PAR 'DOD CING RDZOGS PA'I BYANG CHUB TU SMON LAM BTAB PA STA GDAMS NGAG BZHIN DU SMON PA'I SEMS BSKYED PA'O, ,SDOM PA BZUNG BA TZAM BYED KYI BYANG SEMS KYI BSLAB PA LA SLOB 'DOD MED PA DANG SMON SEMS MA BSKYED PA LA NI SDOM PA SBYIN PAR MI BYA'O, ,DE LTAR SDOM PA YANG DAG PAR BLANG BAR 'DOD PA'I BYANG SEMS LA BRTEN PAR BYA BA'I PHYIR SDOM PA STER BA'I SNGA ROL NAS BYANG SEMS KYI SDE SNOD KYI MA MO BYANG CHUB SEMS DPA'I SA 'DI LAS BYANG SEMS KYI BSLAB PA'I GZHI DANG NYES PA'I GNAS GANG DAG BSTAN PA DE DAG BSGRAG @31B PAR BYA STE, DE LTAR BSHAD PA LA GAL TE NUS SAM MI NUS SNYING NAS BRTAGS SHING SHES RAB KYIS SO SOR BRTAGS NAS SDOM PA YIN PA LA SPRO BAR GYUR LA RANG MI 'DOD BZHIN DU PHA ROL POS YANG DAG PAR 'DZIN DU BCUG PA'I PHYIR YANG MA YIN, PHA ROL PO DANG 'GRAN PA'I PHYIR YANG MA YIN NA BYANG SEMS BRTAN POR RIG PAR BYA STE, TSUL KHRIMS KYI SDOM PA YANG DAG PAR BLANG PA 'DIS CHO GA BZHIN DU DES KYANG MNOD PAR BYA ZHING DE LA DPOG PAR YANG BYA'O, ,DE LTAR NA 'DI NI 'DUL BA DANG MI 'DRA BAS SDOM PA MA BZUNG BA'I SNGA ROL TU LEGS PAR MNYAN NAS SHES PAR BYAS TE BSLAB PA BSRUNG BA LA BLO BRTAN PAR GYUR PA NA SDOM PA BLANG NGO, ,BSAM PA DE DAG DANG LDAN NA SDOM PA SKYE YI, MI LDAN NA MI SKYE BA NI BSDU BA LAS, GANG GZHAN LA GRAGS PAR BYA BA'I PHYIR DANG GZHAN GYI DOR BYA BA DANG, GZHAN GYIS YANG DAG PAR LEN DU BCUG PA NA DE LEN PAR BYED PAR ZAD KYI RANG GI DAD BAS BSAM PA THAG PA NAS RJES SU BRTAGS SHING SEMS CAN RNAMS LA SNYING RJE'I SEMS NYE BAR BZHAG STE, DGE BA 'DOD PAS LEN PAR MI BYED PA DE YANG BSDAMS PA MA YIN PAR BRJOD PAR BYA STE, DE NI DES DGE BA YONGS SU RDZOGS PA DANG SBYOR BAR YANG MI 'GYUR LA DE'I 'BRAS BU'I PHAN YON YANG THOB PAR MI 'GYUR RO, ,DE LAS BZLOG PA NI SDOM PAS BSDAMS PA DANG DGE BA YONGS SU RDZOGS PA DANG SBYOR BAR 'GYUR BA DANG, DE'I 'BRAS BU'I PHAN YON YANG THOB PAR 'GYUR BAR RIG PAR BYA'O ZHES GSUNGS SO, ,YUL GYI KHYAD PAR NI, SDOM PA LEN PA'I YUL LA JI 'DRA BA ZHIG DGOS SHE NA, BYANG CHUB SEMS DPA' SMON LAM BTAB PA STE SMON @32A *, ,SEMS BSKYED PA CHOS MTHUN PA PA STE BYANG SEMS KYI SDOM PA LA GNAS PA THEG PA CHEN PO LA MKHAS PA BSLANG PA NAD PAR GSAL BA LA SOGS PA'I NGAG GI RNAM PAR RIG BYED KYI TSIG 'BRU 'DZIN NUS SHING DON GO BAR NUS PA LAS BLANG NGA, ,JI 'DRA BA LAS MI BLANG ZHE NA, MKHAS PA YIN DU ZIN KYANG BYANG SEMS THAMS CAD LAS BYANG CHUB SEMS DPAS SDOM PA NOD PAR MI BYA STE BSAM PA DANG SBYOR BA NYAMS PA'O, ,DE LA BSAM PA NYAMS PA NI, DAD PA MED PA STE SDOM PA LA CHER MA MOS SHING 'BRING DU MI 'JUG LA CHUNG CHUNG MI RTOG PA'AM MI RTZOL BA'O, ,SBYOR BA NYAMS PA NI, PHYIN DRUG GI SBYOR BA NYAMS PA STE, DANG PO NI, LUS DANG LONGS SPYOD LA SRED PA'I BRKAM CHAGS CAN DANG DE'I DBANG DU GYUR PAS CHAGS PAS ZIL GYIS NON PA DANG, MA RNYED PA LA 'DOD PA CHA BA DANG RNYED KYANG CHO GA MI SHAS PA STE SBYIN PA'I MI MTHUN PHYOGS DANG DU LEN PA'O, ,GNYIS PA NI, PHAM PA BYUNG BAS SDOM PA LHAG MA MED PA TSUL KHRIMS NYAMS PA DANG LHAG MA DANG BCAS PA'I NYES PA SPYOD CING BSLAB PA LA MI GUS PAR LHOD PA'O, ,GSUM PA NI, MI MTHUN PA'I RKYEN DANG PHRAD PA NA MI BZOD DE 'PHRAL DU SEMS 'KHRUG PA'I KHRO BA DANG GNOD PA BYAS PA DRAN PA NA YANG DANG YANG DU 'KHRUG PA'I KHON DU 'DZIN PA DANG DGE SBYONG GI TSES BZHI'I MI MTHUN PHYOGS KYIS PHA ROL GYI NYES PA BZHI PO MI BZOD PA'O, ,BZHI PA NI, DGE BA LA MI SPRO BA'I SNYOM LAS DANG MI MTHUN PHYOGS LA DGA' BA'I LE LO CAN TE, DE NYID BSHAD PA NI SHAS CHER NYIN MTSAN DU GNYID KYI BDE BA DANG GLOS 'BEBS PA'I BDE BA DANG NYAL BA'I BDE BA NYAMS SU LEN PA DANG 'DU 'DZI'I GTAM GYIS DUS YOL BAR BYED PA'O, ,LNGA PA NI, ZHI GNAS @32B LA SOGS PA LA SEMS GNAS SU MI BTUB PAS SAMS RNAM PAR G-YENGS TE, THA NA BA 'JOS TZAM GYI BAR DU YANG DAG BA LA SEMS RTZE GCIG TU SGOM MI NUS PA'O, ,DRUG PA NI, 'CHAL BA'I SHES RAB LA GNYIS LAS KUN TU SPYOD PA NI, DE KHO NA RANG GIS SHES PAR MI NUS PA'I YID RTUL BA DANG BSTAN KYANG MI GA BA'I RMONGS PA DANG RGYA CHEN PO MI BZOD PA'I SPA 'GONG BA'AM RANG BZHIN GYIS RMONGS PA'I SEMS ZHUM PA'O, ,SHES RAB 'CHAL BA'I RGYU 'DZIN PA NI BYANG SEMS KYI SDA SNOD DANG SNGA SNOD KYI MA MO LA NGAN NO RUNG BA MA YIN NO ZHES SKUR PA 'DEBS PA STE DE RNAMS LAS SDOM PA NOD PAR MI BYA'O, ,'GREL PA KHA CIG LAS DNGOS SU NA 'DI LTA BU DANG LDAN PA CUNG ZAD LTA YOD MOD KYI SHIN TU LDAN PA LAS MA YIN NO ZHES BYA BA'I THA TSIG GO , ,ZHES SKYON DE DAG CHES CHE BA DANG MI LDAN NA CUNG ZAD DANG LDAN YANG NOD PAR BYA'O ZHES 'CHAD DO, ,CHO GA'I KHYAD PAR LA GNYIS LAS, RTEN GYI CHO GA'I KHYAD PAR NI, SNGAR BSHAD PA'I RTEN DES THOG MAR YUL DE'I RKANG PA GNYIS LA GTUGS PA'I PHYAG BYA STE MA GUS PA LA SDOM PA MI SKYE BA'I PHYIR RO, ,DE YANG DANG POR MAndAL BYA BAR DZE TA RI DANG A'A BHYA K'A RAS BSHAD PA LTAR BYA'O, ,DE NAS BDAG RIGS KYI BU KHYOD LAS BYANG CHUB SEMS DPA'I TSUL KHRIMS KYI SDOM PA YANG DAG PAR BLANG BA NOD PAR 'TSAL GYIS DE LA GNOD PA MA MCHIS NA BDAG LA THUGS BRTZE BA'I SLAD DU CUNG ZAD CIG GSAN CING STZAL BA'I RIGS SO, ,ZHES GSOL BA GDAB STA SDOM PA LEN MI 'DOD PA LA MI SKYE BA'I PHYIR RO, ,'DI LAN GSUM BYED PAR DZE TA RI BYANG CHUB BZANG PO MAR ME MDZAD A'A BHR'A K'A RA RNAMS KYIS BSHAD DO, ,DE'I TSE TZOG TZOG POR 'DUG CING @33A *, ,THAL MO SBYAR BA'AM G-YAS BA'I LHA NGA SA LA GZUGS PAR A'A BHYA DANG DZE TA RIS BSHAD PA NI 'OG NAS 'BYUNG BA'I LUS KYI SPYOD LAM STA GANG YANG RUNG BAS CHOG GO ,YUL GYI CHO GA'I KHYAD PAR NI, DE NAS BYANG SEMS SDOM PA 'BOGS PAR NUS PA DES BYANG SEMS SDOM PA 'DOD PA DE LA BYANG SAMS KYI SDOM PA'I PHAN YON RGYA CHER BRJOD NAS SDOM PA 'DOD PA LA BSLAB PA'I GZHI LCI YANG DAG KYANG BRJOD CING SPRO BA BSKYED PAR YANG BYA STE 'DI SKAD CES KYANG BRJOD PAR BYA'O, ,RIGS KYI BU KHYOD NYON CIG , KHYOD 'DI LTAR SEMS CAN MA BRGAL BA RNAMS BSGRAL BA DANG MA GROL BA RNAMS DGROL BA DANG DBUGS MA PHYIN PA RNAMS DBUGS DBYUNG BA DANG, YONGS SU MYA NGAN LAS MA 'DAS PA RNAMS YANGS SU MYA NGAN LAS BZLA BA DANG SANGS RGYAS KYI GDUNG RGYUN MI GCOD PAR 'DOD DAM, DE LA KHYOD KYIS SEMS BSKYED PA BRTAN PA DANG YI DAM BRTAN PAR YANG BYA'O, ,ZHES DE LTAR BRJOD PAR BYA STE DE YANG SDOM PA LEN PAR 'DOD PA MI SHES PA'I RIGS MTHONG NA SDOM PA LEN PA LA SPRO BA SKYED PA DANG BSLAB PA'I KHUR 'DZIN PA'I BSAM PA BRTAN POR BYA BA'I PHYIR RO, ,DE LA BSRUNGS PA'I PHAN YON NI 'OG NAS 'BYUNG BA RNAMS DANG GZHAN YANG BSLAB BTUS LAS, RAB TU ZHI BA RNAM PAR NGES LA'I CHO 'PHRUL GYI MDO LAS, 'JAM DPAL GANG GIS GANGG'A'I KLUNG GI BYE MA SNYED KYI SANGS RGYAS RNAMS LAS SANGS RGYAS RE RE LA YANG GANGG'A'I KLUNG GI BYE MA SNYED KYI SANGS RGYAS KYI ZHING NOR BU RIN PO CHE DBANG GI RGYAL POS RAB TU BKANG STE DBUL BA PHUL LA, DE LTAR 'BUL BAS GANGG'A'I KLUNG GI BYE MA SNYED KYI BSKAL PAR DBUL BA PHUL BA BAS, 'JAM @33B DPAL BYANG CHUB SEMS DPA' GZHAN GANG GIS RNAM PA 'DI LTA BU'I CHOS 'DI THOS NAS PHYOGS GCIG TU SOR STE 'DI LTAR SEMS KYIS MNGON PAR RTOG CING 'DI LTA BU'I CHOS LA BSLAB PAR BYA'O ZHES SLOB PAR 'DOD NA DES MA BSLABS SU ZIN KYANG BSOD NAMS CHAS MANG DU BSKYED DE, BYANG CHUB SEMS DPA' NOR BU RIN PO CHE'I DBANG GI RGYAL PO SBYIN PA'I BSOD NAMS NI DE LTA MA YIN NO, ,ZHES JI SKAD GSUNGS PA BZHIN NO, ,DE BAS NA DA LTA BU'I PHAN YON MTHONG BA'I BYANG CHUB SEMS DPAS CI NAS KYANG PHYIR MI LDOG PAR BYA STE, DE NYID LAS, 'JAM DPAL 'DI LTA STE DPER NA STONG GSUM GYI STONG CHEN PO'I 'JIG RTEN GYI KHAMS KYI RDUL PHRA RAB KYI RDUL SNYED KYI SEMS CAN DE LAS SEMS CAN RE RE NAS 'DZAM BU GLING LA DBANG BA'I RGYAL POR GYUR TE DE DAG THAMS CAD KYIS TSIG 'DI SKAD CES BDAG CAG GIS GANG THEG PA CHEN PO LEN PA NGANG 'DZIN PA DANG KLOG PA DANG KUN CHUB PAR BYED PA DE'I SHA LAS NYI MA RE RE ZHING YANG SRANG LNGA LNGA SAN MOS GCAD PAR BYA STE DE TSUL DE LTA BUS SREG DANG DBRAL LE ZHES SMRA BA LA, 'JAM DPAL GAL TE BYANG CHUB SEMS DPA' DE DE SKAD SMRA BAS MI SKRAG MI DNGANG DNGANG PAR MI 'GYUR TE THA NA SKRAG PA'I SEMS GCIG KYANG MI SKYED ZHUM PA MED GONG BA MED THE TSOM MED LA PHYIR ZHING CHOS YONGS SU GZUNG BA LA BRTZON TE KLOG PA DANG KHA TON BYED PA LA BRTZAN PAR 'GYUR BA'I BYANG CHUB SEMS DPA' DA NI, 'JAM DPAL SEMS DPA' BA SBYIN PA LA DPA' BA TSUL KHRIMS LA DPA' BA BZOD PA LA DPA' BA BRTZAN 'GRUS LA DPA' BA BSAM GTAN LA DPA' BA SHES RAB LA DPA' BA TING NGE 'DZIN LA DPA' BA ZHES BYA'O, ,'JAM DPAL GAL TE BYANG CHUB SEMS @34A *, ,DPA' DE GSOD PA'I MI DE DAG LA MI KHRO ZHING THA BA DANG ZHE SDANG GI SEMS MI SKYED NA 'JAM DPAL BYANG CHUB SEMS DPA' DE NI TSANGS PA DANG MTSUNGS PA DBANG PO DANG MTSUNGS PA MI G-YO BA YIN NO, ,ZHES JI SKAD DU GSUNGS PA BZHIN NO, ,'DI LAS KYANG DA LTAR GYI DUS NA BSLAB PA LA GUS PAR BYED PA 'BRAS BU RNAM PAR SMIN PA CHE BA YIN TE, ZLA BA SGRON MA'I MDO LAS, BSKAL PA BYE BA GANGG'A'I BYE SNYED DU, ,SANGS RGYAS DAG NI BYE BA KHRAG KHRIG LA, ,GDUGS DANG BA DAN MAR ME'I PHRENG BA DANG, ,ZAS DANG SKOM GYIS DANG SEMS MCHOD BYAS PAS, ,GANG GIS DA MA PA'I CHOS NI 'JIG PA'I TSE, ,BDE BAR GSHEGS PA'I BSTAN PA 'GAG PA NA, ,NYIN ZHAG TU NI BSLAB PA GCIG GZUNG BA, ,DE BAS BSOD NAMS 'DI NI KHYAD PAR 'PHAGS, , ZHES GSUNGS TE, DE BAS NA BSLAB PA LA GUS PAR BYA'O, ,ZHES GSUNGS PA LTAR BRJOD PAR BYA'O, ,BSLAB PA'I GZHI LCI YANG NI, LCI BA RTZA LTUNG DANG YANG BA DE LAS GZHAN PA'I NYES PA RNAMS MA BSRUNGS PA'I NYES DMIGS BRJOD PA STA BSLAB BTUS SU, GANG GI PHYIR DAM PA'I CHOS DAN PA NYE BAR BZHAG PA'I MDO LAS, CUNG ZAD CIG BSAMS NAS MI SBYIN PA NI YI DAGS SU SKYEL DAM BCAS NAS MI SBYIN PA NI SEMS CAN DMYAL BAR 'GRO'O ZHES GSUNGS NA 'GRO BA MA LUS PA'I BLA NA MED PA'I DON DAM BCAS NAS SGRUB PAR MI BYED NA LTA CI SMOS, DE PAS NA CHOS YANG DAG PAR SDUD PA'I MDO LAS KYANG, RIGS KYI BU BYANG CHUB SEMS DPA' BDEN PA LHUR BYED PAR 'GYUR BAR BYA STA, RIGS KYI BU BDEN PA YANG DAG PAR BRJOD PA NI CHOS YANG @34B DAG PAR BRJOD PA'O, ,RIGS KYI BU DE LA BDEN PA GANG ZHE NA, GANG BYANG CHUB SEMS DPA' BLA NA MED PA YANG DAG PAR RDZOGS PA'I BYANG CHUB TU SEMS BSKYED NAS SAMS DSOG GI PHYIR YANG MI GTONG ZHING SEMS CAN RNAMS LA'ANG LOG PAR MI BYED PA 'DI NI BYANG CHUB SEMS DPA' BDEN PA'O, ,GANG BYANG CHUB SEMS DPA' BLA NA MED PA YANG DAG PAR RDZOGS PA'I BYANG CHUB TU SEMS BSKYED LA SAMS DE PHYIS YONGS SU GTONG ZHING SEMS CAN RNAMS LA 'ANG LOG PAR BYED PA 'DI NI BYANG CHUB SEMS DPA'I BRDZUN DU SMRA BA THA MA YIN NO ZHES GSUNGS SO, ,'PHAGS PA BLO GROS RGYA MTSO'I MDO LAS KYANG, BLO GROS RGYA MTSO 'DI LTA STE DPER NA RGYAL PO'AM RGYAL PO'I BLON PO CHEN POS GROD KHYER GYI SKYE BO THAMS CAD LA ZAN SBYIN NO ZHES MGRON DU BOS NAS YAL BAR DOR TE BZA' BA DANG BTUNG BA MA SBYAR NA DES SKYE BA'I TSIGS DE THAMS CAD BSLUS PA YIN TE, DE DAG KYANG BZA' BA DANG BTUNG PA MA THOB PAS 'PHYA ZHING SLAR 'DOD PA DE BZHIN DU, BLO GROS RGYA MTSO BYANG CHUB SAMS DPA' MA BRGAL BA RNAMS BSGRAL BA DANG MA GROL PA DGROL BA DANG DBUGS MA PHYIN PA DBUGS DBYUNG BE DANG, YONGS SU MYA NGAN LAS MA 'DAS PA YONGS SU MYA NGAN LAS BZLA BA'I PHYIR SEMS CAN THAMS CAD LA DBUGS PHYUNG LA, MANG DU THOS PA DANG DE LAS GZHAN PA DGE BA BYANG CHUB KYI PHYOGS KYI CHOS RNAMS LA YANG BRTZON PAR MI BYED NA BYANG CHUB SEMS DPA' DE NI JI SKAD SMRAS PA DE BZHIN DU BYED BA MA YIN TE LHA DANG BCAS PA'I 'JIG RTEN LA SLU BA YIN NO, ,DE LTA BU DE SNGON SANGS RGYAS MTHONG BA'I LHA RNAMS KYIS MTHONG NA 'PHYA ZHING GZHOGS 'PHYAS BYED LA RNAM PAR SMOD DE GANG DAG MCHOD SBYIN BYA BAR DAM BCAS PA NYAMS @35A *, ,'OG TU CHUD PAR BYED PA'I MCHOD SBYIN GYI BDAG PO DE DAG NI DKON NO, ,BLO GROS RGYA MTSO DE LTA BAS NA TSIG GANG GIS LHA DANG MI DANG LHA MA YIN DU BCAS PA'I 'JIG RTEN SLU BAR 'GYUR BA'I TSIG DE LTA BU BYANG CHUB SEMS DPAS SMRA BAR MI BYA'O, ,ZHES GSUNGS PA LTAR KHAS BLANGS NAS MI SRUNG NA NGAN SONG DU 'GRO BA DANG BRDZUN GYI THA CHAD YIN PA DANG RGYAL BA SRAS BCAS DANG 'JIG RTEN THAMS CAD BSLUS PA DANG LHA RNAMS KYIS SMOD PA SOGS KYI NYES DMIGS SO, ,DE LTAR PHAN YON DANG NYES DMIGS MTHONG BAR BYAS NAS SEMS BSKYED PA MI GTONG BA DANG SDOM PA KHAS BLANGS PA'I YI DAM BRTAN PAR BYA'O, ,'DI LA DPAL MAR ME MDZAD KYIS NI PHAN YON DANG LCI YANG BRJOD PA DOR NAS RIGS KYI BU ZHES PA NAS YI DAM BRTAN PAR BYA'O, ,ZHES PA'I MJUG TU GZHAN DANG 'GRAN PA MA YIN NAM GZHAN GYIS NAN GYIS LEN DU BCUG PA MA YIN NAM ZHES 'DRI BAR MDZAD DO, ,BLA MA SNGA MA RNAMS LA NI 'DOD DAM ZHES PA SNGA MA BZHI'I MTHAR YANG SBYAR NAS 'DRI ZHING, KHYOD SDOM PA LEN PA 'DI GZHAN DANG 'GRAN PA'I PHYIR MA YIN NAM GZHAN GYIS RANG DBANG MED PAR LEN DU BCUG PA MA YIN NAM BYANG CHUB SEMS DPA'I SDE SNOD DAM SDE SNOD KYI MA MO THOS SAM SHES SAM DAD DAM CUNG ZAD SRUNG NUS SAM ZHES KYANG 'DRI BA LA CUNG ZAD THOS LAGS ZHES PA LA SOGS PAS LAN 'DEBS PA'I PHYAG SROL YOD DO; ;MA BRGAL BA LA SOGS PA NI SHES SGRIB LAS MA BRGAL BA'I NYAN THOS DANG RANG RGYAL RNAMS DE LAS BSGRAL BA DANG, GTI MUG LA SOGS PA'I SGRIB GNYIS KYI 'CHING BA LAS MA GROL BA'I CHAGS PA LA SOGS PA RNAMS DE LAS DGROL BA DANG, SDUG BSNGAL @35B LAS DBUGS MA PHYIN PA'I DMYAL BA LA SOGS PA RNAMS DBUGS DBYUNG BA DANG SEMS CAN MI GNAS PA'I MYA NGAN LAS MA 'DAS PA RNAMS MYA NGAN LAS 'DAS PA LA 'GOD PA'I DON DU SLOB DPON BHA BA BHA DRAS BSHAD DO, ,TSOGS SGRUB PA NI SO SOR THAR PA NI TSOGS RNAMS 'DUS PA TZAM LA GUS PAR BYAS PAS 'THOB PAR 'GYUR GYI SDOM PA 'DI NI DE LAS CHES KHYAD PAR DU 'PHAGS PA'I PHYIR SANGS RGYAS DANG BYANG CHUB SEMS DPA' THAMS CAD LA MCHOD PA BYA BA SNGON DU BTANG BAS THOB PAR 'GYUR BAS NA SDOM PA 'DOD PA DE BLA GOS PHRAG PA GCIG TU GZAR TE DE BZHIN GSHEGS PA'I SKU GZUGS MDUN DU BZHUGS SU GSOL NAS 'DAS PA DANG MA BYON PA DANG DA LTAR BYUNG BA'I SANGS RGYAS BCOM LDAN 'DAS DANG PHYOGS BCU'I BYANG CHUB SEMS DPA' SA CHEN PO LA BZHUGS PA ZAB PA'I YE SHES DANG RGYA CHE BA'I MTHU CHEN PO THOG PA PHYOGS BCU NA BZHUGS PA YUL DU BYAS LA, SDOM PA 'DI LTA BU DANG LDAN PA RNAMS KYI YON TAN NI 'DI LTA BU YIN NO ZHES DE DAG GI THUN MONG MA YIN PA'I YON TAN RNAMS KYANG YID KYIS MNGON DU DRAN PAR BYAS LA, SDOM PA DE MCHOG TU DGE BA'I BSAM PAS BSKYED PA YIN PA'I PHYIR BSAM PA THAG PA NAS DA LTAR GYI RTZOL BA'I CI NUS PA DANG, SNGON GYI RGYU'I STOBS CI YOD PAS DANG BA'I SEMS CHEN PO BSKYED PA'AM YANG NA RGYU RKYEN DE DAG GIS CHUNG NGU YANG BSKYED NAS LEd PAR MCHOD PAR BYA'O, ,MDOR NA SA PHYOGS BYI DOR LEGS PAR BYA ZHING LEGS PAR BRGYAN PAR BYAS NAS STON PA'I SKUS THOG DRANGS PA'I RTEN MANG DU BSHAM, PHYOGS BCU'I RGYAL BA SRAS BCAS RNAMS MNGON SUm PA LTA BUR DMIGS TE DE DAG GI YON TAN DRAN PA SNGON DU 'GRO BA CAN GYI DAD PA DRAG PO PA, BLA MA SER @36A *, ,GE'I KHRI LA BZHUGS PAR GSOL BA LA CHO GA NAS GSUNGS PA LTAR SANGS RGYAS KYI 'DU SHES BYA, ME TOG DANG BDUG PA DANG SPOS DANG MAR ME LA SOGS PA BZANG LA MANG BA MDZES PAR BSHAM, PHYAG DANG BSTOD PA SNGON DU 'GRO BAS MAndAL DANG MCHOD PA RNAMS SO SOR DKON MCHOG DANG BLA MA LA BLA MAS SLOB MA'I BLO LEGS PAR KHRID CING DBUL DU GZHUG GO ,SDOM PA MYUR DU BSKUL BA NI, DE NAS 'DUD PA'I TSUL GYIS PUS MO G-YAS PA'I LHA NGAS ? LA BTZUGS PA'AM TZOG TZOG POR 'DUG STE KHYIM PA ZHIG NA RIGS KYI BU ZHES PA'AM BTZUN PA YIN ZHING GZHON NA TSE DANG LDAN PA'AM RGAN NA BTZUN PAS BYANG CHUB SEMS DPA'I TSUL KHRIMS KYI SDOM PA YANG DAG PAR BLANG BA BDAG LA STZAL DU GSOL ZHES GSOL BA GDAB BO, ,MYUR DU STZAL DU GSOL ZHES PA DANG LAN GSUm BYA BAR DPAL MAR ME MDZOD KYIS BSHAD DO, ,RIGS KYI BU LA SOGS PA GSUM 'BYUNG BA NI RAB BYUNG DANG RANG LAS BSLAB PA RGAN PA KHO NA LA SDOM PA BLANG BA'I NGES PA MED PAR STON PA'I PHYIR RO ZHES YON TAN 'OD KYIS BSHAD DO, ,MKHAS PA DZNY'A NA SHR'IS, SNGAd SOGS LAS DANG SBYIN SOGS KYI, ,LAM NYID DAG NI DGE SLONG GIS, ,DGE SLONG MKHAS LA BLANG BYA YI, ,GZHAN NYID LAS NI MA YIN NO, ,ZHES GSUNGS PA NI DGE SLONG GIS SDOM PA GONG MA GNYIS BLANG BAR 'OS PA'I DGE SLONG YOD NA KHYIM PA SOGS LA MI BLANG ZHES STON PA YIN GYI GZHAN LA BLANGS PAS MI SKYE BA NI MA YIN NO, ,MCHOG TU SPRO BSGOM PA NI, DRAN PA RTZE GCIG TU BZHAG STE SEMS DANG BA KHO NA BSKYED NAS DA NI BDAG GIS RING POR MI THOGS PAR BSOD NAMS KYI GTER CHEN PO BLA NA MED PA ZAD MI SHES SHING DPAG @36B TU MED PA THOB PAR 'GYUR RO SNYAM DU DON DE NYID RJES SU BSAM ZHING CANG MI SMRA BAR THAL MO SBYAR TE 'DUG PAR BYA'O, ,BAR CHAD 'DRI BA NI, NOD PA PO DE LA 'BOGS PA PO MKHAS PA 'GRENG MA STAN LA 'DUG PA DES SEMS MA G-YENGS PAR BYAS NAS 'DI SKAD CES, RIGS KYI BU'AM CHOS KYI SRAN MING 'DI ZHES BYA BA KHYOD BYANG CHUB SEMS DPA' YIN NAM BYANG CHUB TU SMON LAM BTAB BAM ZHES DRI LA, DES KYANG LEGS SO ZHES KHAS BLANG NGO, ,DRI BA GNYIS KYI DON NI RIGS KYI NUS PA LEGS PAR SAD PA DANG SMON SEMS BRTAN PA LA BYA'O, ,SLOB DPON MAR ME MDZAD KYIS BAR CHAD DRI BA'I 'OG TU SPRO BA SGOM PA MDZAD CING DE NAS BYANG CHUB SEMS DPA' THAMS CAD KYI BSLAB PA'I GZHI RNAMS DANG BYANG CHUB SEMS DPA' RNAMS KYI TSUL KHRIMS DE DAG CI BDAG LAS LEN PAR 'DOD DAM ZHES SLOB MA LA 'DRI ZHING SLOB MAS KYANG LEN PAR 'TSAL LO ZHES LAN BTAB PA'I 'OG TU SDOM PA 'BOGS PAR BZHED DO, ,DNGOS GZHI'I CHOG NI, CHO GA'I BRDA DON RNAMS LEGS PAR 'PHROD PAR BYAS LA 'DI SKAD CES BRJOD PAR BYA STE, RIGS KYI BU MING 'DI ZHES BYA BA KHYOD 'DAS PA'I BYANG CHUB SEMS DPA' THAMS CAD KYI BSLAB PA'I GZHIR GYUR PA GANG YIN PA RNAMS DANG TSUL KHRIMS SU GYUR PA GANG YIN PA DANG, MA 'ONGS PA'I BYANG CHUB SEMS DPA' THAMS CAD KYI BSLAB PA'I GZHIR 'GYUR BA GANG YIN PA RNAMS DANG, TSUL KHRIMS SU 'GYUR PA GANG YIN PA DANG, DA LTA NA PHYOGS BCU DAG NA DA LTAR BYUNG BA'I BYANG CHUB SEMS DPA' THAMS CAD KYI BSLAB PA'I GZHI GANG YIN PA RNAMS DANG TSUL KHRIMS GANG YIN PA DANG BSLAB PA'I GZHI GANG DAG DANG TSUL KHRIMS GANG LA 'DAS PA'I BYANG CHUB SEMS DPA' THAMS CAD KYIS BSLABS PAR GYUR PA DANG, MA 'ONG @037A *, ,PA'I BYANG CHUB SEMS DPA' THAMS CAD SLAB PAR 'GYUR BA DANG, PHYOGS BCU DAG NA DA LTAR BYUNG BA'I BYANG CHUB SEMS DPA' THAMS CAD DA LTA NA SLOB PA BYANG CHUB SEMS DPA'I BSLAB PA'I GZHI THAMS CAD DANG BYANG CHUB SEMS DPA'I TSUL KHRIMS THAMS CAD DE SDOM PA'I TSUL KHRIMS DANG DGE BA'I CHOS SDUD PA'I TSUL KHRIMS DANG SEMS CAN GYI DON BYA BA'I TSUL KHRIMS NGA LAS NOD DAM, ZHAS LAN GSUM GYI BAR DU LAN RE RE'I MTHAR DRI ZHING DES KYANG LAN RE RE ZHING NOD LAGS SO ZHES LAN GSUM KHAS BLANG PAR BYA'O, ,DE LA BSLAB PA'I GZHI NI GANG LA BSLAB PA'I GNAS RNAMS SO, ,TSUL KHRIMS NI DE LA SLOB PA'I RANG BZHIN NO, ,DE YANG DUS GSUM GYI BYANG SEMS KYI BSLAB PA THUN MONG BAR BSTAN PA DANG DE LA SLOB PA'I TSUL BRJOD PA DANG DE DAG MDOR BSDUS PA'I TSUL KHRIMS GSUM KHAS BLANG BYAR BZHAG NAS LEN PA'O, ,'JUG GI CHO GA LA BZHI LAS MKHYEN PAR GSOL BA NI, DE BZHIN GSHEGS PA'I SKU GZUGS DE NYID KYI SPYAN SNGAR PHYOGS BCU'I SANGS RGYAS DANG BYANG CHUB SEMS DPA' BZHUGS SHING 'TSO BA THAMS CAD KYI ZHABS LA GTUGS TE THAL MO SBYAR NAS BYANG CHUB SEMS DPA' MING 'DI ZHES BGYI BA 'DIS BDAG BYANG CHUB SEMS DPA' MING 'DI ZHES BGYI BA LAS, BYANG CHUB SEMS DPA'I TSUL KHRIMS KYI SDOM PA YANG DAG PAR BLANG BA LAN GSUM GYI BAR DU MNOS LAGS TE, BDAG MING 'DI ZHES BGYI BA BYANG CHUB SEMS DPA' MING 'DI ZHES BGYI BA 'DI'I BYANG CHUB SEMS DPA'I TSUL KHRIMS KYI SDOM PA YANG DAG PAR BLANGS PA LA BDAG DBANG DU GYUR PAR PHYOGS BCU'I 'JIG RTEN GYI KHAMS MTHA' YAS MU MED PA DAG TU @37B 'PHAGS PA'I MCHOG LKOG TU GYUR KYANG THAMS CAD DU SEMS CAN THAMS CAD LKOG TU MA GYUR PA'I THUGS MNGA' BA RNAMS LA MKHYEN PAR GSOL LO ZHES LAN GSUM GYI BAR DU BRJOD PAR BYA'O, ,DE YANG SLOB MA DE 'DUG BZHIN DU PHYOGS BCU'I ZHING GI RGYAL BA SRAS BCAS KYI ZHABS LA GTUGS PAR MOS PA BYAS NAS DNGOS SU PHYOGS RE RER PHYAG GSUM GSUM DANG ME TOG RE GTOR NAS MTHAR 'GRENG STE THAL MO SBYAR NAS PHYOGS BCU RNAMS NA BZHUGS PA'I SANGS RGYAS DANG BYANG CHUB SEMS DPA' THAMS CAD BDAG LA DGONGS SU GSOL ZHES PAS SNA DRANGS TE MKHYEN GSOL MDZAD PA'I PHYAG LEN YOD DO, ,STENG DANG 'OG GI PHYAG NI DE DAG LA DMIGS TE SHAR DANG NUB TU BYA'O, ,LKOG TU GYUR PA NI BDAG CAG LA'O, ,MA GYUR PA NI SANGS RGYAS SRAS BCAS LA'O, ,PHAN YON GYIS GZENGS BSTOD PA NI, 'DI NI CHOS NYID YIN TE SDOM PA BLANG BA'I LAS RDZOGS MA THAG TU PHYOGS BCU'I 'JIG RTEN GYI KHAMS MU MED PA DAG NA SANGS RGYAS DANG SA CHEN POR CHUD PA'I BYANG SEMS BZHUGS TE 'TSO BA RNAMS LA, BYANG SEMS KYI RGYAL SRAS KYI SDOM PA YANG DAG PAR MNOS SO SNYAM DU DGONGS PAR 'GYUR BA DE LTA BU'I LTAS GDAN G-YO BA SOGS 'BYUNG NGO, ,DE'I RJES LA GANG DU GANG LA 'DRA BA ZHIG GIS BLANGS SNYAM DU DGONGS PAR 'GYUR TE DGONGS PAR GYUR NA YE SHES KYI GZIGS PA 'JUG GO ,GZIGS PA DES BYANG SEMS MING 'DI ZHES BYA BAS 'JIG RTEN GYI KHAMS GA GE MO ZHIG TU BYANG SEMS MING 'DI ZHES BYA BAS BYANG SEMS KYI TSUL KHRIMS KYI SDOM PA YANG DAG PAR BLANG PA LEGS PAR MNOS SO ZHES BYA BA DE LTAR THUGS SU CHUD PAR 'GYUR TE RGYAL BA RNAMS KYIS BU DANG @038A *, ,'DRA BA DANG RGYAL SRAS RNAMS KYIS SPUN DANG 'DRA BAR BAR CHAD MED PAR DON GRUB PAR GYUR CIG CES DGONGS PA BZANG POS SO SO NAS THUGS BRTZE BAR MDZAD DO, ,DE LTAR MDZAD PA'I BYANG SEMS DE'I DGE BA RNAMS RGYA CHER 'PHEL ZHING MI NYAMS SO, ,BYANG SEMS KYI TSUL KHRIMS KYI SDOM PA BLANG BA 'DI NI TSUL KHRIMS KYI SDOM PA BLANG BA THAMS CAD LAS KHYAD PAR BZHIS KHYAD PAR 'PHAGS PA YIN TE, BZHI NI CHES GONG MAR GYUR PA MED PAS BLA NA MED PA DANG BSOD NAMS KYI 'BRAS BU DPAG TU MED PA BSDUS PAS NA BSOD NAMS KYI PHUNG PO DPAG TU MED PA DANG LDAN PA DANG, SEMS CAN THAMS CAD LA PHAN BDE'I LHAG PA'I BSAM PAS BSKYED PAS NA SEMS KYI BSAM PA MCHOG TU DGE BAS BSKYED PA DANG SEMS CAN THAMS CAD LA SGO GSUM GYI NYES SPYOD 'JUG PA THAMS CAD KYI GNYEN POR GYUR PA'O, ,SO THAR GYI SDOM PA BLANGS PAS NI, BYANG SEMS KYI TSUL KHRIMS KYI SDOM PA DE'I BSOD NAMS KYI BRGYA'I CHA DANG STONG GI CHA DANG GRANGS DANG CHA DANG BGRANG BA DANG DPE DANG RGYUR YANG NYA BAR MI 'GO'O, ,GTANG RAG GI MCHOD PA NI, DPON SLOB GNYIS KAS PHYOGS BCU'I 'JIG RTEN GYI KHAMS MTHA' YAS MU MED PA DAG NA BZHUGS PA'I SANGS RGYAS DANG BYANG CHUB SEMS DPA' DE ? DAG LA SLAR YANG SNGAR BZHIN MCHOD PA BYAS LA ZHABS LA GTUGS PAR MOS NAS PHYAG BYAS TE LDANG BAR BYA'O, ,SDOM PA GYI TSOM DU MI BSGRAGS PA NI, BYANG SEMS KYI SDOM PA LEN PA'I CHO GA 'DI DON GZUNG ZHING TSIG KUN CHUB PAR BYAS KYANG BYANG SEMS KYI SDE SNOD LA SDANG ZHING SPONG LA MA DAD CING MOS PA MED PA'I SEMS CAN LA GYI TSOM DU SNOD MA BRTAGS PAR TSIG MI BSGRAG CING DON SHES PAR @38B MI BYA'O, ,DE CI'I PHYIR ZHE NA, DE DAG GIS THOS NA MA MOS SHING MI SHES PA'I SGRIB PA CHEN POS BSGRIBS PAS NGAN NO MA RUNG NGO DON MED DO ZHES SKUR BA 'DEBS PA'I PHYIR TE, DE LA SKUR BA 'DEBS PA DE NI SDOM PA LA GNAS PA'I BYANG CHUB SEMS DPA' BSOD NAMS KYI PHUNG PO DPAG TU MED PA JI TZAM DANG LDAN PAR 'GYUR BA TZAM DU DE NI SKUR PA 'DEBS PA'I SDIG PA'I TSIG DANG, DE LA YID KYIS ZHEN PA'I SDIG PA'I LTA BA DANG 'DU SHES KYIS KUN TU SPYOD PA'I SDIG PA'I KUN TU RTOG PA DE DAG JI SRID DU THAMS CAD KYI THAMS CAD DU MA SPANGS KYI BAR DU BSOD NAMS MA YIN PA'I PHUNG PO DPAG TU MED PA DE TZAM KHO NA DANG LDAN PAR 'GYUR RO ZHES BRJOD DO, ,DPAL MAR ME MDZAD KYIS MJUG CHOG BZHIR BSDUS PA LTAR GZHUNG LA YANG GSAL LO, ,SLOB DPON DES MKHYEN GSOL GYI 'OG TU GTANG RAG GI MCHOD PA MDZAD LA GZHUNG NAS SNGAR LTAR 'BYUNG YANG GTANG RAG GI MCHOD PA MJUG TU BYAS NA LAG LEN LA BDE'O, ,DE DAG GI DON BSDUS TE SDOM PA NYI SHU PAR GSUNGS PA NI, SANGS RGYAS SRAS DANG BCAS RNAMS LA, ,GUS PAS PHYAG 'TSAL CI NUS MCHOD, ,PHYOGS DUS KUN NA BZHUGS PA YI, ,BYANG CHUB SEMS DPA' RNAMS KYI KHRIMS, ,BSOD NAMS KUN GYI GTER GYUR GANG, ,DE NI BSAM PA DAM PA YIS, ,BLA MA SDOM LA GNAS SHING MKHAS, ,NUS DANG LDAN LAS BLANG BAR BYA, ,DE TSE DE LA DGE BA'I PHYIR, ,SANGS RGYAS SRAS DANG BCAS RNAMS KYIS, ,DGE BA'I THUGS KYIS RTAG PAR YANG, ,BU SDUG 'DRA BAR DGONGS PAR 'GYUR, ,ZHES PA DE TSIG RKANG DANG PO GNYIS NI SBYOR BA'I CHO GA'I MTSON BYED DO, ,DE NAS DRUG NI BLANG BYA DANG LEN PA'I BSAM PA DANG BLANG BA'I YUL STON @39A *, ,PA YIN LA, DE NAS RKANG PA BZHI NI PHAN YON GYIS GZENGS BSTOD PA STE MJUG CHOG GI MTSON BYED DO, ,BLA MA MED PA'I CHO GA NI, GAL TE SNGAR BSHAD PA'I YON TAN DE DAG DANG LDAN PA'I GANG ZAG MED NA DE BZHIN GSHEGS PA'I SKU GZUGS KYI SPYAN SNGAR BDAG NYID KYIS BYANG SEMS KYI TSUL KHRIMS KYI SDOM PA BLANG BAR BYA STE, BLA GOS PHRAG PA GCIG TU GZER NAS PUS MO G-YAS PA'I LHA NGA SA LA BTZUGS PA'AM TZOG TZOG POR 'DUG NAS 'DI SKAD BRJOD PAR BYA STE, BDAG MING 'DI ZHES BGYI BA PHYOGS BCU'I DE BZHIN GSHEGS PA DANG SA CHEN PO LA BZHUGS PA'I BYANG CHUB SEMS DPA' THAMS CAD LA GSOL BA 'TSAL TE, DE DAG GI SPYAN SNGAR BYANG CHUB SEMS DPA'I BSLAB PA'I GZHI THAMS CAD DANG BYANG CHUB SEMS DPA'I TSUL KHRIMS THAMS CAD DE SDOM PA'I TSUL KHRIMS DANG DGE BA'I CHOS SDUD PA'I TSUL KHRIMS DANG SEMS CAN GYI DON BYA BA'I TSUL KHRIMS GANG LA 'DAS PA'I BYANG CHUB SEMS DPA' THAMS CAD KYIS BSLABS PA DANG MA 'ONGS PA'I BYANG CHUB SEMS DPA' THAMS CAD KYIS SLOB PAR 'GYUR BA DANG, PHYOGS BCU NA DA LTAR BYUNG BA'I BYANG CHUB SEMS DPA' THAMS CAD DA LTA SLOB PA RNAMS BDAG GIS YANG DAG PAR BLANG NGO, ,ZHES LAN GSUM BRJOD NAS LDANG BAR BYA'O, ,LHAG MA THAMS CAD NI SNGA MA BZHIN DU RIG PAR BYA'O ZHES CHOG GZHAN RNAMS BLA MA YOD PA'I CHO GA DANG 'DRA BAR GSUNGS SO, ,'GREL PA RNAMS NAS KYANG LHAG MA RNAMS KYI 'DOR LEN GYI TSUL MA BYUNG YANG DRI BA BYA BA'I SKOR DANG MKHYEN GSOL DANG GYI TSOM DU MI BSGRAG PA RNAMS BZHAG PAS CHOG GAM SNYAM MO, ,BLA MA YOD MED @39B NI LUS SROG DANG TSANGS SPYOD KYI BAR CHAD DU 'GRO NA THAG NYE YANG MED PA YIN LA, DE DAG DANG YANG MI LDAN NA THAG RING PO NA YOD KYANG BTZAL DGOS PAR MDO KUN LAS BTUS KYI 'GREL PA LAS BSHAD DO, ,'GREL PA GSAR MA LAS SNGAR BLANGS PA NYAMS NAS SLAR GSO BA DANG MA GUS PAS SDOM PA LEN NA BLA MA MED PA'I CHO GAS MI RUNG BAS BLA MA YOD PA'I CHO GA LA BRTEN DGOS PAR 'CHAD PA'I PHYI MA BLA MA YOD KYANG DE LA MA GUS NAS RANG GIS LEN PA YIN NA BDEN YANG, SLAR GSO BA LA NI 'GREL PA RNYING MA LAS BLA MA YOD NA DE LAS BLANG ZHING MED NA BLA MA MED PA'I CHO GAS BLANG DU RUNG BA'I SHES BYED DU BYANG SA'I BLA MA MED PA'I CHO GA DRANGS NAS BSGRUBS PA NI 'PHAGS PA THOGS MED KYI DGONGS PA YIN TE, SDOM PA SLAR GSO BA'I SKABS SU YON TAN DE DAG DANG LDAN PA'I GANG ZAG MED NA ZHES GSUNGS PA'I PHYIR RO, ,DA LTAR BSTAN PA SHIN TU NYAM DMAS SHING KHYAD PAR DU THEG PA GONG 'OG THAMS CAD KYI 'JUG SGO SDOM PA GONG 'OG BLANGS NAS RANG RANG GI BSLAB PA LA GCES SPRAS SU BYAS TE SRUNG BA NYIN MO'I SKAR MA BZHIN DU SONG BAS SO THAR DANG GSANG SNGAGS KYI SDOM PA DANG PAR CHO GAS LEN PA LA BLA MA MED PAR BLANG THABS MED LA, LEN PA'I YUL YANG GZHUNG RNAMS NAS BSHAD PA LTAR MTSAN NYID TSANG BA LTA CI SMOS TE YON TAN DANG SKYON GNYIS LAS YON TAN SHAS CHE BA YANG SHIN TU DKON PAR SNANG NA YANG BYANG SEMS KYI SDOM PA 'DI NI DANG POR LEN PA'I TSE YANG YUL MTSAN NYID DANG LDAN PA MA RNYED KYANG RTEN GYI SPYAN SNGAR CHO GA RNAM PAR DAG PAS BLANGS NA MTSAN NYID YONGS SU RDZOGS PAR SKYE BAS NA DANG POR 'THOB PA'I TSUL SDOM PA GZHAN GNYIS DANG MI 'DRA BAS BLO DANG LDAN PA RNAMS KYIS 'DI LE, @40A *, ,PAR BLANGS NAS SRUNG BA LA SPRO SHUGS CHEN PO DANG BCAS TE SKYES BU'I RTZAL CI YOD KYIS 'BAD PAR BYA DGOS SO, ,DE YANG RGYAL SRAS ZHI BA LHAS, DENG DU BDAG CHE 'BRAS BU YOD, ,MI YI SRID PA'ANG LEGS PAR THOB, ,DE RING SANGS RGYAS RIGS SU SKYES,, SANGS RGYAS SRAS SU DA GYUR TO, ,ZHES SDOM PA 'DI THOB NA TSE DON YOD PA DANG MI'I LUS THOB PA'I SNYING PO BLANGS SHING SANGS RGYAS KYI SRAS KYI GSEB TU YANG DE TSUD DO ZHES GSUNGS PA LTAR BSAMS LA, DA NI BDAG GIS CI NAS KYANG, ,RIGS DANG MTHUN PA'I LAS BRTZAMS TE, ,SKYON MED BTZUN PA'I RIGS 'DI LA, ,RNYOG PAR MI 'GYUR DE LTAR BYA, ZHES GSUNGS PA LTAR DA NI CI LA THUG KYANG LTUNG BA'I RNYOG BSAM GOS PAR BYA'O SNYAM PA'I BSAM PA BSKYED DO, ,LEN PA'I TSUL BSHAD ZIN TO, ,BSRUNG BA'I TSUL BSHAD PA LA GNYIS SRUNG TSUL SPYIR BSTAN PA DANG, BYE BRAG TU BSHAD PA'O, ,SPYIR BSTAN PA NI, BYANG SEMS KYI TSUL KHRIMS KYI SDOM PA YANG DAG PAR BLANGS PA LA GNAS PA'I BYANG SEMS DES 'DI LTAR BDAG NYID KYIS KYANG BRTAG CING BRTAG CING 'DI NI BYANG SEMS KYIS BYAR RUNG BA'I CHA YIN NO 'DI NI BYA BA'I CHA MA YIN NO SNYAM DU 'JUG LDOG GI GNAS RNAMS SHES PAR BYAS LA, DE PHYIN CHAD NI DE JI LTAR GTAN LA PHAB PA DE KHO NA BZHIN DU LAS SU BSGRUB PAR BYA ZHING BSRUNG BAR BYA'O, ,BYANG SEMS KYI SDE SNOD DAM SDE SNOD KYI MA MO BSDUS PA 'DI LAS KYANG MNYAN TE MDO SDE DE DANG DE DAG TU BYANG SEMS KYI BSLAB PA'I GZHI STONG PHRAG DU MA GSUNGS PA DAG BSGRUB PA'I PHYIR DE KHO NA BZHIN DU BSLAB PAR BYA'O, ,BSLAB BTUS SU YANG, BYANG CHUB SEMS DPA'I SDOM PA NI, RGYAS PAR THEG PA CHE LAS 'BYUNG, ZHES DANG, @40B DGE BA'I BSHES GNYEN MI GTANG ZHING, ,MDO SDE RNAMS LA RTAG BLTA BAS, ZHES THABS DE DAG GI SGO NAS BSRUNG BAR GSUNGS TE BYANG SEMS KYI BSLAB PA'I GNAS LA GOMS PA GTZO BOR BYED PA'I BSHES GNYEN MI GTONG BA NI SRUNG THABS KYI MCHOG YIN LA, GZHAN YANG SPYIR NA MDO SDE RIN PO CHE RNAMS DANG KHYAD PAR DU BYANGS DANG BSLAB BTUS RNAMS MNYAN DGOS LA, DE TZAM MA NUS NA'ANG TSUL KHRIMS KYI LE'U TZAM RE NGES PAR MNYAN NA BYANG SEMS KYI BSLAB BYA LA CHES SHIN TU RMONGS PAR 'GYUR BAS DE'I THEG PA CHEN PO NI MING TZAM STE BYIS PA RNAMS 'DRID PAR NUS KYI THEG PA CHEN PO'I GZHUNG CHEN PO RNAMS LA NYAMS LEN GYI NGES PA RNYED PA'I MKHAS PA SU ZHIG DGA' BAR 'GYUR, DE DAG NYAN NAS KYANG 'BAD PAS BSLAB BYA LA SLOB DGOS KYI DBUL POS PHYUG PO'I NOR BGRANG BA LTAR MI BYA SE TSOMS LAS, GAL TE RIGS BCAS MANG DU SMRAS KYANG NI, ,BAG MED MI DAG DE LTAR BYED MI 'GYUR, ,DPER NA PHYUGS RJIS GZHAN GYI PHYUGS BGRANG LTAR, ,DE DAG DGE SBYONG SKAL BA THOB MA YIN, ,GAL TE RIGS BCAS NYUNG PA SMRA BYED KYANG, ,CHOS KYI RJES SU CHOS LA SPYOD PA DANG, ,'DOD CHAGS ZHE SDANG GTI MUG SPONG BYED PA, DE DAG DGE SBYONG SKAL PA THOB PA YIN, ZHES DANG, SPYOD 'JUG LAS KYANG, LUS KYIS 'DI DAG SPYAD PAR BYA, ,TSIG TU BRJOD PAS CI ZHIG 'GRUB, ,SMAN DPYAD BKLAGS PA TZAM GYIS NI, ,NAD PA DAG LA PHAN 'GYUR RAM, ZHES GSUNGS PA'I PHYIR RO, ,'O NA LAS DANG PO PAS MDO SDE LAS 'BYUNG PA'I BSLAB PA'I GNAS JI TZAM ZHIG LA BSLAB PAR BYA ZHE NA, LAS DANG PO PA LA RGYAL BAS DNGOS SU BKAG PA DANG, MA BKAG KYANG @41A *, ,LAS DANG PO PA'I SKABS SU DNGOS SU NYAMS SU BLANG MI RUNG BA GNYIS MA GTOGS PAS BYANG SEMS KYI BSLAB PA THAMS CAD LA MA BSLAB NA NYES PAR 'GYUR TE, BSLAB BTUS LAS, GANG DU BYANG CHUB SEMS DPA'I DBANG DU BYAS NAS SPYIR BSTAN PA DE YANG GOMS PAR BYAR MI RUNG BA'AM DGAG PA'I DBANG GIS BYANG CHUB SEMS DPA' LAS DANG PO PAS BSLAB PAR MI BYA BAR 'GYUR TE, DE GNYIS MOD NA NI THAMS CAD LA BSLAB PAR BYA'O, ,ZHES GSUNGS PA'I PHYIR RO, ,DMIGS BSAL GNYIS MA GTOGS PA LA SLOB PA NA MA NUS PA LA LTUNG MED DU 'GRO BA YANG, DE NYID LAS, DE LA YANG BSLAB PA GCIG SGRUB PA NA BSLAB PA GZHAN SRUNG MA NUS KYANG LTUNG BAR MI 'GYUR TE DE SKAD DU 'PHAGS PA BLO GROS MI ZAD PAS BSTAN PA'I MDO LAS, SBYIN PA'I DUS NA TSUL KHRIMS LA RTUL BA BTANG SNYOMS LA SOGS PA RGYA CHER GSUNGS PA YIN NO, 'DI LA LHOD PAR YANG MI BYA STE LHAG MA GZHAN LA MI SGRUB PA YANG MA YIN GYI CI NUS CI 'OS SU DE BZHIN NYID DU SGRUB BO ZHES SA BCU PA'I MDO LAS GSUNGS PA'I PHYIR RO, ,ZHES PA'O, ,BSLAB PA DE DAG LA SLOB PA NA LTUNG BAR 'GYUR MI 'GYUR GYI TSUL NI GNYIS LAS, DANG PO NI, SEMS CAN THAMS CAD KYI BDE BA DANG YID BDE BA THAMS CAD BSKYED PA DANG SDUG BSNGAL DANG YID MI BDE BA THAMS CAD ZHI BAR BYA BA'I PHYIR DU G-YO MED PAR SNYING THAG PA NAS SGO GSUM BRTZON PAS NAN TAN MI BYED PAR YAL BAR BOR NA LTUNG BA DANG BCAS PA STE, DE YANG DUS SKAD CIG MA GCIG TZAM YAL BAR BOR YANG 'DRA'O, ,BRTZON PAS NAN TAN BYED KYANG DE'I MTHUN RKYEN TSOGS PA MI @41B TSOL BA DANG BRTZON PA DE'I 'GAL RKYEN GYI GNYEN PO LA MI 'BAD PAR SNGAR BZHIN YAL BAR BOR NA YANG LTUNG BA DANG BCAS PA'O, ,SDUG BSNGAL DANG YID MA BDE CHUNG NGUS DE GNYIS CHEN PO'I GNYEN PO MI BSKYED PA DANG DON CHEN PO SGRUB PA'I PHYIR DON CHUNG NGU NYAMS PAR MI BYED PAR SKAD CIG TZAM ZHIG YAL BAR BOR YANG LTUNG BA DANG BCAS PA'O, ,RANG GIS MI NUS PA'I BSLAB PA RNAMS MA BSKRUBS PA LA LTUNG BA MED DE, DE LA NI BSLAB PA BCAS PA MED PA'I PHYIR TE DGOS PA MED PA'I PHYIR RO, ,GAL TE DE LA BRTZON PAR BYED NA LTUNG BAR 'GYUR LA LTUNG BA DE YANG SPYIR SDIG PA BSHAGS PA'I NANG DU 'DUS PAS SGOS BSHAGS MI DGOS PAR DE LAS GROL BAR 'GYUR RO, ,NUS PA'I BSLAB PA RNAMS LA BRTZON PAR MA BYAS NA NYES PAR 'GYUR RO, ,'DI LA RANG BZHIN GYI KHA NA MA THO BAR GSUNGS PA NI SHES BZHIN DU ZHUGS PA'I CHA NAS YIN PA 'DRA'O, ,LTUNG BAR 'GYUR TSUL GNYIS PA NI, YANG MDOR NA BYANG SEMS KYI LTUNG BA GNYIS TA MA BRTAGS PAR ZHAGS PA'I LTUNG BA DANG BRTAGS KYANG 'OS PA LAS 'DAS PA'I LTUNG BA'I, ,DANG PO NI CI NUS PAR BYA BAR RIGS PA DANG MI RIGS PA MA BRTAGS PAR BYA BA DE RTZOM PA'AM DE LAS LDOG PA'AM BTANG SNYOMS SU 'JUG NA LTUNG BA'O, ,GNYIS PA NI, BYA BAR RIGS MI RIGS BRTAGS TE 'JUG PA DANG LDOG PA DANG BTANG SNYOMS SU BZHAG PAR 'OS PA LAS 'DAS TE, DE DAG LAS LOG PAR SPYAD NA THA NA GDOL PA'I BRAN GYIS 'PHYAS BA LAS 'DAS NA YANG LTUNG BA DANG BCAS PA'O ZHES BSLAB BTUS SU BSLAB PA SPYA'I KHOG TU GSUNGS SO, ,BYA BA'I CHA DANG BYA BA'I CHA MA YIN PA MDOR BSDUS PA SDOM PA NYI SHU @42A *, ,PA LAS 'BYUNG BA NI, GZHAN RNAMS DANG NI BDAG LA'ANG RUNG, ,SDUG BSNGAL YIN YANG GANG PHAN DANG, ,PHAN DANG BDE BA RNAMS BYA STE, ,BDE YANG MI PHAN MI BYA'O, ,ZHES BA'O, ,DE LA PHAN PA NI NYON MONGS PA CAN MA YIN ZHING KHA NA MA THO BA MED PA'I PHYIR PHYI MA LA YANG RNAM PAR SMIN PA BDE BA'O, ,BDE BA NI BDE BAR TSOR BA'O, ,'PHRAL DU BDE LA PHUGS SU PHAN PA NI RANG GZHAN LA BSGRUB PAR NGES LA 'PHRAL DU SDUG BSNGAL LA PHUGS SU GNOD PA YANG RANG GZHAN LA MI BYA BAR NGES SO, ,'PHRAL SDUG BSNGAL YANG PHYI MAR PHAN PA YIN NA BYA DGOS TE, DPER NA, DAM PAS SMAD PA'I NYES SPYOD LA 'JUG PA BKAG NA 'PHRAL DU SDUG BSNGAL BA LTA BU STE, DE NI SMAN TSA BA RO SHIN TU MI ZHIM PA 'PHRAL DU GNOD PAR SNANG YANG NAD LA PHAN PAS BSTEN PA BZHIN NO, ,LOG G-YEM LTA BU 'PHRAL DU BDE BAR SNANG YANG PHYI MAR SDUG BSNGAL MANG PO 'PHEL BA NI DUG BCAS KYI 'BRAS CHAN ZHIM PO BZHIN DU DGAG DGOS SO, ,'DI RGYAS PAR BYANG SA'I BDAG GZHAN GYI DON PHAN BDE'I RGYU'I SKABS SU BLTA BAR BYA'O, ,BYE BRAG TU BSHAD PA LA DRUG, SPANG BYA'I LTUNG BA DE LAS SEMS BSRUNG BA'I TSUL, NYAMS NA PHYIR BCOS THABS, CHAGS PA NYES PA CHUNG BAR GSUNGS PA'I DGONGS PA, NYES PA CHE CHUNG GI DBYE BA, BDE BA LA REG PAR GNAS PA'I RGYU'O, ,DANG PO NI, 'DIR LTUNG BA BSKYED PA'I RTEN CI 'DRA BA ZHIG LA LTUNG BA SDE TSAN DU SKYED PA YIN ZHE NA, RTEN NI THAMS CAD LA YANG SEMS 'KHRUGS PA DANG SDUG BSNGAL GYI TSOR BAS NYEN PA DANG SDOM PA MA MNOS PA LA NI SHIN TU NYES PA MED PAR RIG PAR BYA'O, ,ZHES GZHUNG LAS GSUNGS PAS SDOM PA THOB LAM @42B BTANG BA DANG BSAM PA RNAL DU GNAS PA STE CHOS GNYIS DANG LDAN PA ZHIG DGOS SO, ,LTUNG BA'I SDE CHEN NAM RIS NI, GNYIS KHO NAR NGES PA STE SDOM PA NYI SHU PA'I 'GREL PA RNYING MA LAS, GANG GI PHYIR BYANG CHUB SEMS DPA'I SDOM PA LA NYES PA'I RIS GNYIS SU ZAD PAR 'BYUNG STE PHAM PA'I GNAS LTA BU'I CHOS SU GTEGS PA DANG NYES BYAS KYI CHOS SU GTOGS PA'O, ,DGE SLONG GI SDOM PA LAS NYES PA'I RIS LNGA 'BYUNG BA LTA BU NI MA YIN NO, ,ZHES DANG, 'GREL PA GSAR MA DANG THUB PA DGONGS RGYAN LAS KYANG LTUNG BA'I LUS NAM SDE GNYIS KHO NAR GSUNGS SHING GZHUNG GI DON YANG DE KHO NA LTAR GNAS PA'I PHYIR RO, ,DE'I PHYIR BOD KHA CIG DANG NAG PO PA'I DKA' 'GREL LAS BYANG CHUB SEMS DPA'I SDOM PA LA PHAM PA'I GNAS DANG SBOM PO'I LTUNG BA DANG NYES BYAS KYI LTUNG BA RNAMS BSRUNG DGOS PAS ZHES RIS GSUM DU 'CHAD PA MI 'THAD DE, 'THAD NA ZAG PA CHUNG 'BRING GI LTUNG BA RNAMS SBOM POR BYA DGOS NA DE DAG PHAM PA'I GNAS LTA BU'I CHOS DANG NYES BYAS SU GZHUNG 'DIR GSUNGS PA'I PHYIR RO, ,DES NA ZAG PA CHUNG 'BRING GI LTUNG BA'I NGO BO NYAS BYAS YIN LA RIS SAM SDE TSAN NI PHAM PA'I SDE TSAN YIN TE, DPER NA PHAM PA'I SKABS KYI SPOM PO DANG NYES BYAS RNAMS PHAM PA'I SDE TSAN DU 'JOG PA BZHIN NO, ,DE LTAR NA SPANG BYA'I LTUNG BA LA GNYIS, PHAM PA'I SDE TSAN DANG, NYES BYAS KYI SDE TSAN NO, ,DANG PO LA LNGA, PHAM PA SO SO'I RANG BZHIN, DE DAG GI BYED PA, KUN DKRIS GSUM GYI DBYE BA, GSOR RUNG BA'I KHYAD PAR, ZHAR LA GTONG BA'I RGYU BSTAN PA'O, ,DANG PO LA GNYIS, GZHUNG 'DI NAS BSHAD PA DANG, GZHUNG GZHAN NAS BSHAD PA'O, ,DANG PO @43A *, ,NI, DE LTAR BYANG SEMS TSUL KHRIMS KYI SDOM PA LA GNAS PA'I PHAM PA'I GNAS LTA BU'I CHOS BZHI YOD DE BZHI GANG ZHE NA, 'DI LA PHAM PAR 'GYUR BA'I YAN LAG THUN MONG BA DANG, THUN MONG MA YIN PA GNYIS LAS, THUN MONG BA NI, KUN DKRIS KYI DBYE BA'I SKABS SU 'CHAD PAR 'GYUR RO, ,YAN LAG THUN MONG MA YIN PA LA BZHI LAS, DANG PO NI, RNYED PA DANG BKUR STI LA LHAG PAR ZHEN TE BDAG LA BSTOD PA DANG GZHAN LA SMOD PA BYANG SEMS KYI PHAM PA'I GNAS LTA BU'I CHOS DNAG PO'O 'DI LA GSUM SMRA SA'I YUL, BRJOD BYA GANG SMRAS PA, SMRA BA'I KUN SLONG NGO, ,DANG PO YUL NI, 'DI DAG LA BRTEN PA'I PHAM 'DRA YIN PAS RANG LAS RGYUD THA DAD PA SMRA SHES SHING DON GO BA RANG DANG RIGS MTHUN PA'I 'GRO BA CIG DGOS TE GSAL BAR MA BYUNG YANG DON GYIS 'THOB BO, ,BRJOD BYA NI, RANG GI YON TAN DANG GZHAN GYI SKYON YIN TE DE YANG BDAG LA BSTOD PA DANG GZHAN YON TAN CAN 'GRO BA RNAMS KYIS BKUR BA'I GNAS LA SMOD PA'O, ,KUN SLONG LA BZHI, CHAGS YUL RNYED BKUR GYI TSAD, YUL CAN CHAGS PA'I TSAD, RNYED BKUR 'THOB PA'I YUL GYI KHYAD PAR, KUN SLONG LA RNYED BKUR GNYIS KA LA CHAGS PA DGOS MI DGOS BRTAG PA'O, ,RNYED BKUR GYI TSAD LA RNYED PA NI, GOS DANG ZAS DANG GNAS KHANG DANG BZHON PA LA SOGS PA'I RNYED PA GANG YANG RUNG BA'O, ,BKUR STI NI KHRI DANG STAN LA SOGS PAS BKUR BAR BYED PA'O, ,YUL CAN CHAGS PA NI, DKON MCHOG MCHOD PA DANG DMAN PA LA SNYING BRTZE BAS PHONGS PA GSAL BA LA SOGS PA'I PHYIR RNYED BKUR DON DU GNYER BA TZAM MIN GYI RNYED BKUR LA RANG GI @43B NGO BO'I SGO NAS SRED PA STE LHAG PAR ZHEN PA'O, ,YUL GYI KHYAD PAR NI, RNYED PA LA RANG DANG NOR MI GCIG PA DGOS TE, DE LTA MA YIN NA BDAG BSTOD GZHAN SMOD DON MED PAS SO, ,BKUR STI NI RANG GI 'KHOR LA YANG DON DU GNYER BAS NOR SO SO PA MI DGOS SO, , KUN SLONG LA GNYIS KA DGOS MI DGOS NI BSTOD SMAD KA NYIS KA LA RNYED BKUR GANG RUNG LA CHAGS PA ZHIG NGES PAR DGOS KYI GNYIS KA TSOGS PA MA DGOS SO, ,DE LTA BU'I KUN SLONG GIS BSTOD SMAD GANG RUNG SMRAS PA PHA ROL POS DON GO BA NI PHAM 'DRA DANG PO'O, ,SDOM PA NYI SHU PA'I 'GREL PA GSAR MA LAS GZHAN NI YON TAN DANG LDAN PA 'GRO BA RNAMS KYIS BKUR BA'I GNAS LA BSHAD CING, SA MU DRAS BYAS ZER BA LAS KYANG GZHAN YON TAN CAN LA BSHAD PA SNGA MA DANG MTHUN NO, ,NAM MKHA'I SNYING PO'I MDO LAS BSHAD PA DANG 'DI GNYIS KYI TSUL NI 'OG TU 'CHAD DO, ,RNYED BKUR DANG DE LA CHAGS PA NA 'GREL PA GSAR MA LAS, RNYED PAR BYED PAS NA RNYED PA STE GOS DANG ZAS LA SOGS PA'O, ,BKUR STI NI LEGS PAR RIM GRO BYED PA STE DE DAG LA LHAG PAR CHAGS PA NI DE LA LHAG PAR ZHEN PA'O ZHES DANG, SA MU DRAS BYAS ZER BA LAS KYANG, RNYED PA ZHES BYA BA BZA' BA DANG BGO BA DANG NOR LA SOGS PA'I RNAM PA'O, ,BKUR STI NI RI MOR BYAS TE PHU DUD DANG RIM GRO BYA BA DANG KHRI STAN LA SOGS PA'O ZHES BSHAD DO, ,GNYIS PA NI, LONGS SPYOD DAG YOD DE BDOG BZHIN DU CHAGS PA'I RANG BZHIN CAN GYIS SDUG BSNGAL BA DANG BKREN PA DANG MGON MED PA DANG, RTEN MED PA'I SLANG BA PO LEGS PAR 'ONGS PA RNAMS LA SNYING SRA BAS ZANG @44A *, ,ZING MI GTONG BA DANG CHOS LA SER SNA BYED PA'I PHYIR DON DU GNYER BA LEGS PAR 'ONGS PA RNAMS LA CHOS KYI BGO BSHA' MI BYED PA BYANG SEMS KYI PHAM PA'I GNAS LTA BU'I CHOS GNYIS PA'O, ,'DI LA BZHI, SLONG PA PO, BSLANG BYA'I RDZAS, BSLANG SA'I YUL, BSAM PA JI LTA BUS MA BYIN PA'O, ,DE LA SLONG BA PO NI, NOR LA SOGS PA DANG MI LDAN PA'I SDUG BSNGAL BA DANG ZAS DANG MI LDAN PA'I BKREN PA DANG, JO BO LTA BU GSO BAR BYED PA'I MGON MED PA DANG GNYEN BSHES SAM PHAN 'DOGS NUS PA'I RTEN MED PA ZHES 'GREL PA KHA CIG TU BSHAD DO, ,MDOR NA LONGS SPYOD DE GNYIS KYIS PHONGS SHING, DE SEL BA YANG BYANG SEMS LAS GZHAN DA LTA MED PA'O, ,DE YANG BSAM PA THAG PA NAS SLONG ZHING DON DU GNYER BA'I PHYIR RANG GI DRUNG DU LEGS PAR 'ONGS PA'O, ,SA MU DRAS BYAS ZER BA LAS, SLONG BA MNGON DU GNAS NA ZHES 'CHAD DO, ,BSLANG BYA'I RDZAS NI MCHEN LA SOGS PA MI 'PHROD PA DANG DUG LA SOGS PA MI RUNG BA MIN PA STE, DE YANG GNOD PA DANG 'BREL BA'I CHE NA'O, ,BSLANG SA'I YUL NI, 'GREL PA GSAR MAR SBYIN PAR BYA BA'I DNGOS PO YOD PA DANG CHOS RNAM PAR NGES PA YIN YANG, ZHES GSUNGS PA LTAR RANG LA YOD PA'O, ,BSAM PA NI SER SNA'I 'JUNGS PAS ZIL GYIS NON NAS MI STER BAR THAG BCAD PA'O, ,GZHUNG LAS ZANG ZING MI STER BA LA SNYING SRA BA DANG, CHOS MI STER BA LA SER SNA SBYAR YANG 'GREL PA GSAR MA DANG, SA MU DRAS BYAS ZER BA GNYIS KA LAS CHOS DANG ZANG ZING GNYIS KA SER SNAS MI STER BA LA BSHAD CING, SDOM PA NYI SHU PA LAS KYANG @44B DE LTAR DGONGS PA BLANGS PA LEGS SO, ,BOD KHA CIG RANG GIS MI STER BAR THAG BCAD PAS MI CHOG GI SLONG BA PO RE BA CHAD PA DGOS ZER BA NI RGYA GZHUNG GANG NAS KYANG MI 'BYUNG ZHING DON GYIS THOB PA YANG MIN NO, ,GSUM PA NI, GANG GIS BYANG CHUB SEMS DPA' TSIG RTZUB MO SMRAS PA TZAM GYIS GTONG BAR MI BYED DE KHRO BA'I KUN NAS DKRIS PA DE LTA BU 'PHEL BAR BYED LA KHRO BAS ZIL GYIS NON NAS LAG PA'AM BOD PA'AM DBYUG PAS SA NAMS ? CAN RNAMS LA RDEG PAR BYED RNAM PAR 'TSE BAR BYED RNAM PAR MTHO 'TSAM PAR BYED CING, KHRO BA'I BSAM PA BDO BA KHO NA ZHE LA BZUNG STE GZHAN DAG GIS SHAD KYIS SBYANGS KYANG MI NYAN ZHING MI BZOD LA BSAM PAS MI GTONG BA 'DI YANG BYANG SEMS KYI PHAM PA'I GNAS LTA BU'I CHOS GSUM PA'O, ,'DI LA GNYIS LAS, 'TSOGS PA LA BSAM PA DANG SBYOR BA GNYIS SO, ,DANG PO NI, BYANG SEMS GZHAN LA KHROS NAS TSIG RTZUB PO SMRA ZHING DE TZAM GYIS KYANG KHRO BA MI GTONG BAR 'PHEL BAR BYED CING DES ZIL GYIS NON PA'O, ,GNYIS PA NI, DE'I DBANG GIS LUS DNGOS SAM DES 'PHANGS PA'AM DE DANG 'DREL BAS GZHAN LA RDEG PA DANG GO RAR 'JUG PA SOGS KYIS RNAM PAR 'TSE BA DANG LCAG GIS BZHU BA DANG 'CHING BA SOGS KYIS MTHO 'TSAM PAR BYED PA'O, ,'DI'I YUL SEMS CAN LA 'GRO BA GANG YIN MI GSAL KYANG RANG DANG RIS MTHUN PA'I 'GRO BA DON GO BA DGOS PA 'DRA STE, TSIG RTZUB MO SMRA BA'I NGAG GI THA SNYAD KYI YUL DU SNANG BA DANG, BSLAB BTUS LAS KYANG, TSUL KHRIMS 'CHAL BA LA BRDEG PA LA RTZA LTUNG DU GSUNGS PA'I PHYIR RO, ,SHAD SBYANG MI LEN PA LA BZHI, SHAD SBYANG BYAD PA PO, BYED PA'I TSUL, KUN SLONG, SHAD SBYANG MI LEN @45A *, ,PA'I NGO BO'O, ,BYED PA PO NI, 'GREL PA GSAR MA DANG DZIN SU TRAS, GNOD PA BYED PAS GNOD PA'I NYES PA SHAD KYIS SBYANGS KYANG ZHES 'BYUNG BA LTAR SNGAR BYANG SEMS LA GNOD PA BYAS PA DA LTA BSAM PA THAG PA NAS SHAD SBYANG BYED 'DOD PA'O, ,TSUL NI DUS DANG MTHUN PA DANG CHOS DANG MTHUN PAS BZOD GSOL GYI BRDA SPROD PA'O, ,KUN SLONG NI, SNGAR GYI GNOD PA LA KHROS PA'I BSAM PA BDO BA ZHE LA BZUNG BA'I KHO NA 'DZIN NO, ,NGO BO NI, NGAG MI NYAN ZHING BZOD PA KHAS MI LEN LA BSAM PAS KHRO BA MI GTONG BA'O; ;BZHI PA NI, BYANG SEMS KYI SDE SNOD LA SKUR PA 'DEBS PA DANG BDAG NYID DAM GZHAN DAG GI G-YAM LA DAM PA'I CHOS LTAR BCOS PA LA MOS NAS DE LA DGA' BA DANG STON PA DANG 'JOG PA NI BYANG SEMS KYI PHAM PA'I GNAS LTA BU'I CHOS BZHI PA'O, ,'DI LA GNYIS LAS, THEG CHEN SPONG BA LA GZHI DANG SPONG TSUL GNYIS SO, ,DE LA SKUR PA GAB PAR BYA BA'I GZHI NI, BYANG SEMS KYI SDE SNOD ZAB PA DANG RGYA CHE BA GNYIS KA STON PA TSOGS PA'I SPYO'O, ,SPONG TSUL NI 'OG NAS 'BYUNG BA LTAR SKUR PA 'DEBS PA'O, ,LTAR SNANG STON PA LA YANG GNYIS LAS BSTAN PAR BYA RGYUN NI, GZHAN RNAMS LAS GSAL BAR MA BYUNG LA, SA MU DRAS BYAS ZER BA LAS NYI TSE BA'I BSTAN PA 'AM PHYI ROL PA'I BSTAN PA LA BSHAD DE, 'ON KYANG DAM CHOS LTAR SNANG DU 'DUG GI THEG CHEN LTAR SNANG DU MI 'DUG PAS NAG PO BSTAN PA DANG RJES SU MTHUN PA THAMS CAD LA BYA'O, ,STON PA'I TSUL NI RANG NYID DE LA DGA' BZHIN DU GZHAN LA STON ZHING DE'I LTA BA LA GZHAN 'DZUD PA'O, ,DE DAG GI DON MDOR @45B BSDUS PA SDOM PA NYI SHU PA LAS 'BYUNG BA NI, NYON MONGS DRAG LAS 'BYUNG BA YI, ,SDOM PA ZHIG PAR GANG GYUR PA, ,DE YI NYES PA BZHI PO NI, ,PHAM PA 'DRA BAR DGONGS PA YIN, ,RNYED DANG BKUR STI CHAGS PA YIS, ,BDAG BSTOD GZHAN LA SMOD PA DANG, , SDUG BSNGAL MGON MED GYUR PA LA, ,SER SNAS CHOS NOR MI STER DANG, ,GZHAN GYIS BSHAGS KYANG MI NYAN PAR, ,KHROS PAS GZHAN LA 'TSOG PA DANG, ,THEG PA CHEN PO SPONG BYED CING, DAM CHOS 'DRAR SNANG STON PA'O, ,ZHES PA'O, ,NYON MONGS DRAG PO NI KUN DKRIS CHEN PO'O, ,DE'I ZHES PA NI BYANG SEMS SDOM LDAN DE YI'O, ,PHA ROL RGYAL NAS 'DI DAG GIS SNGOM PA LAS NYAMS SHING 'JIG PAR BYED PAS NA PHAS PHAM PA'O, ,SDOM PA NYAMS PA'I RGYU TZAM DU MTSUNGS PAS PHAM PA DANG 'DRA BA YIN GYI THAMS CAD DU NI MI 'DRA STE DGE SLONG PHAM PA BYUNG BA PHYIR BLANG DU MED KYI 'DI LA YOD PAS SO, ,ZHES BYANG CHUB BZANG PO 'CHAD DO, ,JI LTAR NYAN THOS 'KHRIG PA'I CHAGS PAS RANG GZHAN SUN PHYUNG BAS SKAL BA MED PAR 'GYUR BA BZHIN DU 'DIR YANG RNYED BDUR LA SRED PAS RANG GZHAN SU NA PHYUNG BA DANG, NYAN THOS BRKAM CHAGS KYIS GZHAN GYI NOR BRKUS NA PHAM PAR 'GYUR LA 'DIR NI CHOS DANG ZANG ZING YOD BZHIN DU MA STER NA PHAM PA DANG, NYAN THOS NI MI BSAD PAS PHAM PAR 'GYUR LA 'DIR NI SEMS CAN LA MNAR SEMS BSKYED NAS LAG PA LA SOGS PAS GNOD PA SKYED PA DANG, GNOD BYED KYIS SHAD SBYANG BYAS PA MI NYAN NA PHAM PA DANG, NYAN THOS MED BZHIN DU THOB PA'I CHOS BSGRAGS PAS PHAM PAR 'GYUR LA 'DIR NI YOD PA MI STON @46A *, ,ZHING DAM PA'I CHOS LA SKUR PA DANG CHOS MA YIN PA STON PAS PHAM PA'O ZHES RGYA MTSO SPRIN GYIS BSHAD PA DANG, 'GREL PA GZHAN RNAMS KYANG SO THAR GYI PHAM PA DANG GRANGS DANG KUN SLONG 'DRA BA PHAM PA DANG 'DRA BA'I DON DU 'DOD PAR SNANG NGO,, 'DIR PHAM PAR 'GYUR TSUL LA BOD KHA CIG NA RE, GZHUNG NAS PHAM PA'I GNAS LTA BU'I CHOS BZHI ZHES GSUNGS PA DANG, DE YI NYES PA BZHI PO NI, ZHES GSUNGS PAS BZHI KHO NA YIN GYI BRGYAD DU BYED PA MI 'THAD CES ZER TE 'DI YI LUGS LTAR NA PHAM PAR RE LA BSTOD SMAD LA SOGS PA'I CHOS GNYIS GNYIS TSOGS PA DGOS SO, ,YANG BOD KHA CIG BSTOD SMAD LA SOGS PA YA KHYAL RE RE LA YANG PHAM PAR 'GYUR BAS BRGYAD DANG SO THAR GYI PHAM PA BZHI STE BCU GNYIS SU SMRA STE DBYUG PA DANG SNUM 'KHUR GYI RIGS PA BZHIN DU RNYED BKUR LA CHAGS NAS BDAG BSTOD GZHAN SMOD BYAS PAS PHAM PAR 'GYUR NA 'KHRIG PA LTA CI SMOS, ZHES PA LA SOGS PA'I SGO NAS SGRUB BYED SMRA'O, ,'DI RGYA MTSO SPRIN 'DOD CES PA NI BYANG SA'I 'GREL PAR NI ZUR TZAM YANG MED LA SA MU DRA ME GHAS BYAS ZER BA'I TSUL KHRIMS LE'U'I 'GREL PAR RNYED BKUR LA CHAGS PA SOGS MI BYED NA 'KHRIG PA LA SOGS PA BZHI PO MI BYED PA LTA CI SMOS ZHES SO THAR GYI PHAM PA RNAMS LAS LDOG PAR BSTAN GYI BYANG SEMS LA DE DAG PHAM PAR BSTAN PA MED PA'I PHYIR DANG KHUNGS THUB KYI BKA' BSTAN BCOS GCIG KYANG MED PAS RANG BZO 'BA' ZHIG GO ,PHAM PA BZHIR GSUNGS PA NI BSAM PA'I NGOS NAS YIN TE 'DI LTAR RNYED BKUR LA CHAGS PA DANG LONGS @46B SPYOD LA SER SNA BYED PA DANG SEMS CAN LA GNOD PA'I SEMS DANG CHOS LA LOG PAR SGRUB PA'I RMONGS PA'I PHAM PA BZHI YIN LA, BRGYAD DU BYAS PA NA SBYOR BA'I NGOS NAS YIN TE 'DI LTAR BDAG LA BSTOD PA DANG GZHAN LA SMOD PA DANG CHOS MI STER BA DANG NOR MI STER BA DANG SEMS CAN LA 'CHOG PA DANG SHAD SBYANG MI LEN PA DANG DAM PA'I CHOS SPONG BA DANG CHOS LTAR SNANG STON PA'I PHAM PA ZHES BYA BA YIN PA'I PHYIR RO, ,DE'I PHYIR BZHIR GSUNGS PAS BRGYAD DU BYED PA LA MI GNOD DO, ,DES NA THUB PA'I DGONGS RGYAN LAS KYANG, BYANG CHUB SEMS DPA'I SDE SNOD LAS NI RTZA BA'I LTUNG BA BZHI KHO NA'O, ,ZHES KYANG BSHAD CING BDAG LA BSTOD PA DANG GZHAN LA SMOD PA DANG ZHES BYA BA LA SOGS PA'I LTUNG BA BZHI PA 'DI RNAMS KYANG SO SOR GNYIS GNYIS TE BRGYAD DO, ,ZHES GSUNGS PA BZHIN NO, ,GZHUNG 'DIR BSTOD SMAD LA SOGS PA BRGYAD SO SOR PHRAL NAS GSUNGS SHING RGYA MTSO SPRIN GYIS PHAM PA GNYIS PA'I SKABS SU SLONG BA PO NYAM THAG PA LA MA BYIN NAM CHOS KYI BAG BSHA' MA BYAS NA PHAM PAR 'GYUR RO, ,ZHES YA KHYAL RE RE LA PHAM PAR BSHAD LA DE'I RAGS PA GZHAN GSUM LA YANG 'DRA BA'I PHYIR DANG AA BHYAS BRGYAD DU MDZAD CING MDO KUN LAS BTUS KYI 'GREL PAR YANG PHAM PA BRGYAD DU GSAL BAR THOGS MED KYIS BSHAD CES 'BYUNG BA DANG, DPAL MAR ME MDZAD NAS BRGYUD PA'I BSHES GNYEN SNGA MA RNAMS KYANG BRGYAD DU BZHAD PAS PHAM PA BRGYAD DU BYA'O, ,BSLAB BTUS DANG SDOM PA NYI SHU PAR PHAM PA GSUM PA'I SKABS SU GCIG TU BSDUS PA LTAR YOD KYANG 'GYUR GYI KHYAD YIN GYI DON NI GNYIS SU BYA STE SDOM PA NYI SHU PA'I 'GREL PA RNYING MAR BYANG SA LTAR BSHAD PA DANG SPYOD 'JUG GI @47A *, ,'GREL PA SHER 'BYUNG BLO GROS KYIS MDZAD PAR KHROS NAS SEMS CAN BRDEG PA DANG, ,BSGRIMS TE DGA' BAR BYED PA NA, ,SEMS CAN LA NI MI BZED DANG, ZHES BSLAB BTUS RTZA BA DRANGS PA'I 'GYUR DE LTAR YOD PA'I PHYIR RO, ,GAL TE YA KHYAL RE RER LA PHAM PAR 'DOD NA, CHOS 'DOD PA LA SBYIN MI BYED, CES DANG, NOR 'DOD PA LA SBYIN MI BYED, CES DANG, GSHE LA LAN DU GSHE LA SOGS, ZHES DANG, PHA ROL SHAD KYIS 'CHAGS PA SPONG, ZHES DANG, THEG PA CHEN PO SPONG BAR BYED, CES DANG, BRTZON MIN PHYI ROL BSTAN BCOS BRTZON, ,BRTZON PAR BYAS KYANG DE LA DGA', ZHES DE RNAMS LA NYES BYAS SU GSUNGS PA DANG 'GAL LO ZHE NA SKYON MED DE, CHOS NOR MI STER BA'I PHAM PA LA NI KUN SLONG LA SER SNA DGOS KYI NYES BYAS GNYIS LA NI SER SNA'I KUN SLONG MED PA'I PHYIR RO, , 'GREL PA GSAR MA LAS KYANG CHOS MI STER BA LA DE LTAR BSHAD NAS GZHAN LA YANG KUN SLONG MI 'DRA BAS DBYE'O ZHES 'CHAD DO, ,RDEG PA LA SLAR RDEG PA NI BRDEG PA'I LAN YIN LA PHAM PA'I RDAG PA NI LAN LA MI LTOS PA'O, ,SHAD SBYANG MI LEN PA LA NYES BYAS SU GSUNGS PA LA NI KHO NA 'DZIN MAD LA PHAM PA LA YOD PA DANG, THEG TSAN SPONG BA LA NYES BYAS DANG PHAM PAR GSUNGS PA'I KHYAD PAR NI SA MU DRAS BYAS ZER BA'I 'GREL PA LAS, 'O NA GONG DU PHAM PA'I SKABS SU SDE SNOD SPONG BA DANG BYE BRAG CI YOD CE NA, GONG MA NI THEG PA CHEN PO'I SDE SNOD KUN LA BYA'I 'DI NI MDO SDE LAS GANG ZAB PA'I PHYOGS NYI TSE TZAM LA MOS PA MA CHUD PAS SKUR BA 'DEBS PA LA BYA'O, ,ZHES 'BYUNG BA LTAR YIN NO, ,'ON KYANG ZAB MO KHO NA LA SKUR PA 'DEBS PA MI DGOS TE GZHUNG NA GSAL LE, ,PHYI ROL @47B BA'I GZHUNG LA BRTZON PA LA NYES BYAS SU GSUNGS PA'I DANG PO NI, SANGS RGYAS KYI GSUNG RAB LA BRTZON PA BYAR YOD BZHIN DU BRTZON PAR MA BYAS PAR MU STEGS KYI GZHUNG LA BRTZON PA'I NYES PA YIN LA, PHYI MA NI SANGS RGYAS KYI GSUNG RAB LA NYIS 'GYUR DU BRTZON PAR BYED CING BLO MI 'GYUR BA'I DBANG RNON LA MU STEGS KYI GZHUNG LA BRTZON PA GNANG YANG DE LA DGA' BZHIN DU 'JUG PA MA GNANG BAS DGA' ZHING RANGS PAR BYED NA NYES BYAS SU GSUNGS PAS, DAM CHOS LTAR SNANG SNYON PA LA PHAM PAR GSUNGS PA NI RANG DGA' BA TZAM MA YIN GYI RANG DGA' BZHIN DU SGRUB PAR BYED LA GZHAN YANG SGRUB PA LA 'JUG PAR BYED PA'O, ,DE LTAR YANG RGYA MTSO SPRIN GYIS, DAM PA'I CHOS MA YIN PA STON PAS PHAM PAR 'GYUR RO, DE LA DGA' BA NA BDAG NYID 'DOD PA'I PHYIR RO, ,DE KHO NA BZHIN DU GZHAN DAG LA 'CHAD PAS NA STON PA'O, ,'JOG PA NI SGRUB PA'I SGO NAS 'DZUD PA'I PHYIR RO ZHES GSUNGS SO, ,'O NA BDAG LA BSTOD CING GZHAN LA SMOD CES DE LA NYES BYAS SU GSUNGS PA CI YIN ZHE NA, 'DI NI KUN SLONG MI 'DRA STE 'OG TU STON NO, ,'GAL BA SPONG TSUL DE LTAR BYA'I NGO TSA DANG KHREL MED PA SOGS KYIS DBYE BAR MI BYA STE DE LTA YIN NA PHAM PAR MI 'GYUR YANG ZAG PA CHUNG 'BRING GANG RUNG DU 'GYUR DGOS PAS MI 'THAD DO, ,GZHUNG GZHAN NAS 'BYUNG BA NI, BSLANG BTUS NAS 'BYUNG BA'I RTZA LTUNG RNAMS SO, ,'DI LA SLONG DPON BYANG CHUB BZANG POS NI NAM MKHA'I SNYING PO'I MDO LAS RTZA LTUNG DU GSUNGS PA RNAMS RTZA LTUNG MIN PA'I SGRUB BYED DANG YIN PA LA GNOD BYED GNYIS KYIS 'CHAD DO, ,DE LA SGRUB PA BYED NI DE RNAMS SDOM PA THOB PA'I 'JIG RGYU MA YIN PA'I PHYIR TE MDO DE NYID @48A *, ,LAS, RTZA BA'I LTUNG BA DE DANG LDAN NA RGYAL RIGS SPYI BO NAS DBANG BSKUR BA SNGON BSKRUN PA'I DGE BA'I RTZA BA THAMS CAD 'JIG PAR BYED CING LHA DANG MI YI BDE BA RNAMS LAS PHAM PAR 'GYUR NGAN SONG DU 'GRO BAR 'GYUR RO, ,ZHES SDOM PA MA BLANGS PA'I SNGAR BSKRUN PA'I DGE RTZA LHA MI'I BDE BA PHUN SUM TSOGS PA GCOD PA'I RGYUR GSUNGS PA'I PHYIR RO, ,GNOD BYED NI GAL TE SDOM PA BLANGS PA LA YANG LTUNG BA 'DI RNAMS SDOM PA 'JIG PA'I RGYU YIN PAS PHAM PA YIN NA NI DE'I CHE SDOM LDAN GYI BYANG SEMS LA PHAM PA'I LTUNG BA 'DI RNAMS LAS GANG RUNG BYUNG BAS KYANG SDOM PA GTONG NA THAMS CAD KYIS LTA CI SMOS ZHES RGYU DANG BCAS PAR BYANG SEMS KYIS SDE SNOD KYI MA MO BYANG SAR GSUNG DGOS NA MA GSUNGS PA'I PHYIR DANG RGYAL RIGS LA RTZA LTUNG LNGA DANG LAS DANG PO PA LA BRGYAD GSUNGS PA LTAR RGYAL RIGS LA SOGS PA'I SDOM PA THA DAD PA'I DBYE BAS DE DAG GI RTZA LTUNG SO SO BA YOD NA DE RIGS KYANG CUNG ZAD KYANG MED PAS ZHES 'CHAD DE, MDO DE SGRA JI BZHIN PA YIN NA RGYAL RIGS KYI LNGA LAS DANG PO PA LA RTZA LTUNG DU MI 'GYUR LA LAS DANG PO PA'I BRGYAD, RGYAL RIGS LA RTZA LTUNG DU MI 'GYUR DGOS PA LAS DE NI MI 'THAD DE SDOM PA SO SO BA MED PA'I PHYIR RO SNYAM DU BSAMS PA'O, ,SLOB DPON AA BHY'A NI NAM MKHA'I SNYING PO'I MDO DANG BYANG SA'I RTZA LTUNG MI 'DRA BA'I 'GAL SPONG LA GANG ZAG 'BRING DANG CHUNG NGU DANG CHEN PO'I BYE BRAG GIS LNGA DANG BRGYAD DANG BZHI'O ZHES LTUNG BA'I RAB TU DBYE BA RGYAS PAR BSTAN LA, GANG ZAG GCIG LA YANG GZHAN LTUNG BA DE RNAMS KYANG NGO ZHES RGYAL RIGS @48B LA LNGA GSUNGS PA GANG ZAG 'BRING DANG LAS DANG PO PA LA BRGYAD GSUNGS PA GANG ZAG CHUNG NGU DANG BYANG SAR BZHI GSUNGS PA GANG ZAG CHEN PO'I DBANG DU BYAS LA 'ON KYANG GANG ZAG DE DAG RE RE LA YANG LTUNG BA GZHAN RNAMS KYANG 'JOG PAR BZHED DO, ,DE LTAR NA GANG ZAG GSUM PO RE RE LA YANG LTUNG BA BCU BDUN BCU BDUN DU 'GYUR TE BYANG SA'I DANG PO NAM SNYING GI MDOR GSUNGS PAS DE DANG BCAS PA'I BCU BZHI DANG, BYANG SA'I LHAG MA GSUM GYI BAR BA GNYIS DANG THA MA'I DAM CHOS LTAR SNANG STON PA STE RTZA LTUNG BCU BDUN YOD PA'I PHYIR RO ZHE NA, BYANG SAR GSUNGS PA'I BZHI PO NYID KYIS GZHAN RNAMS BSDUS PAS BZHIR MA 'DUS PA'I RTZA LTUNG GZHAN YOD PAR MI 'GYUR RO, ,BSDUS TSUL LA SDUD BYED NI BDAG LA BSTOD PA SOGS BRGYAD DO, ,BSDU BYA NI THEG CHEN SPONG BA DANG RNYED BKUR GYI PHYIR DU BDAG BSTOD CING GZHAN SMOD PA SDUD BYAD NA YOD PAS DE DAG MA GTOGS PA'I NAM SNYING GI MDO NAS 'BYUNG PA DANG, THABS LA MKHAS PA NAS GSUNGS PA'I BYANG CHUB KYI SEMS 'DOR BA STA RTZA LTUNG BCU BZHI'O, ,JI LTAR BSDUS PA NI SO SOR THAR PA SPONG BA DANG NYAN THOS KYI THEG PAS 'DOD CHAGS LA SOGS PA MI SPONG BAR 'DZIN PA DANG ZAB MO'I DON LA BZOD PA THOB CES RDZUN SMRA BA GSUM NI BDAG BSTOD GZHAN SMOD DU 'DU STE, THEG CHEN BYANG SEMS RANG GI YIN PAS DE LA BSTOD CING THEG DMAN LA SMAD PA DANG RDZUN DU SMRA BAS NI GANG ZAG RANG LA BSTOD CING GANG ZAG GZHAN LA SMAD PAS GSUNGS SO, ,DKON MCHOG GSUM GYI DKOR DANG CHOS GOS 'PHROG PA DANG DGE SBYONG CHAD PAS GCOD 'JUG SOGS @49A *, ,GSUM DANG YANG DAG 'JOG GI LONGS SPYOD KHA TON PA LA SBYIN PA RNAMS NI SER SNAS NOR MI STER BAR 'DU STE, SER SNA DRAG POS CHAGS NAS PHA ROL POS RDZAS DE LONGS SPYOD PA MI BZOD PAS TSUR LA 'PHROG PA DANG STER DU 'JUG PA DANG STER BA DANG LEN PA DANG GANG ZAG 'GA' ZHIG LA SER SNAR 'GYUR BA'I PHYIR RO, ,DGE 'DUN GYI DBYEN BYED PA DANG ZHI GNAS 'DOR DU 'JUG PA NI SER SNAS CHOS MI STER BAR 'DU STE CHOS LA CHAGS PA'I SER SNAS CHOS KYI 'BYOR PA MI BZOD PAS 'BYED PA DANG SER SNA DRAG POS RANG YANG MI STON LA GZHAN YANG STON DU MI 'JUG PAS SO, ,TSUL KHRIMS 'CHAL BA SOGS LA BRDEG PA SOGS DANG MTSAMS MED GZHAN BZHI DANG GRONG LA SOGS PA 'JIG PA NI SEMS CAN LA BRJEG PAS BSDUS SO,, NYAN RANG GI CHOS SPONG BA DANG BLO MA SBYANGS PA LA STONG NYID BRJOD PA DANG BYANG CHUB KYI SEMS SPONG BA NI THEG CHEN SPANG BAS BSDUS PA STE, THEG CHEN LAS NYAN RANG GI THEG PA YANG STON PAS DE SPANGS PA NA DE GNYIS KYANG SPONG BA DANG BLO MA SBYANGS PAS STONG NYID SPANGS PA'I RGYU RANG GIS BYAS PA DANG BYANG CHUB KYI SEMS NYID THEG CHEN YIN PA'I PHYIR RO, ,LOG LTA BZUNG NAS MI DGE BA BCU LA RANG GZHAN 'GOD PA DANG RDZOGS BYANG LA ZHUGS PA BZLOG NAS THEG DMAN LA SBYAR BA NI DAM CHOS LTAR SNANG STON PAR 'DU STE THEG CHEN LA LTOS NA THEG PA GZHAN GNYIS DAM CHOS LTAR SNANG YIN PA'I PHYIR RO ZHES 'CHAD DO, ,BOD KHA CIG GDUL BYA SO SO LA LTOS PA'I MDO SO SO'I DGONGS PA YIN PAS CHO GA THA DAD GYI RJES SU 'BRANG BAR BYA STE, BSLAB BTUS DANG SPYOD 'JUG NAS @49B GSUNGS BA'I TSOGS LEN NA NAM SNYING GI MDO NAS BSHAD PA RNAMS RTZA LTUNG DU 'GYUR LA BYANG SA NAS GSUNGS PA'I TSOGS LEN NA BYANG SAR BSHAD PA RNAMS RTZA LTUNG DU 'GYUR BAR SMRA ZHING, KHA CIG NI DBU MA DANG SEMS TZAM GYI GRUB MTHA' THA DAD KYIS BYAS PAR YANG 'DOD DO, ,DE LA 'GREL PA GSAR MA'I LUGS DE NI 'THAD PAR MA MTHONG STE MDO'I DON 'GREL PA LA TSAD MAR GYUR PA'I SHING RTA CHEN PO ZHI BA LHA'I LUGS DANG 'GAL BAR SNANG BA'I PHYIR RO, ,'DI LTAR SLOB DPON DES RGYAL RIGS DANG LAS DANG PO PA DE DAG BYANG SEMS KYI SDOM LDAN YIN NAM MIN, YIN NA NI RGYAL RIGS LA LNGA DANG LAS DANG PO PA LA BRGYAD SO SOR NGES PA MI 'THAD DO, ,SDOM LDAN MIN NA NI DE DAG GI LTUNG BA 'CHA' BA MI RIGS SO NYES PA DE DAG SDOM LDAN GYI NYES PAR YANG JI LTAR 'GYUR ZHE NA ZHES DRI BA BKOD PA'I LAN DU GANG LA 'BYUNG NYE PA DE DAG LA DE'I LTUNG BA RANG MING NAS SMOS TE BSTAN PAS TES PA DE LA 'JIGS PA BSKYED PA'I PHYIR YIN PAS THAMS CAD LA LTUNG BAR 'GYUR BAS PHAN TSUN DU SDANG ZHES GSUNGS PA DANG JI LTAR MI 'GAL, RANG BZHIN GYI KHA NA MA THO BA CHE BAS NA SDOM PA MA BLANGS PA RNAMS KYI YANG SKAL BA MED PA DANG DGE RTZA CHAD PAR 'GYUR NA SDOM LDAN LA NI CHES 'GYUR TE ZHES GSUNGS PAS NA SDOM PA MA BRANGS PA'I GONG GI DAG RTZA GCOD KYI SDOM PA MI GCOD CES GSUNGS PA DANG SHIN TU YANG 'GAL LO, ,RTZA LTUNG DU 'GYUR NA BYANG SAR GSUNGS DGOS PA YANG MA NGES TE DES NA RGYU MTSAN CI YOD, GAL TE MA BSHAD NA BSLAB PA LA SLOB PA RNAMS KYIS RTZA LTUNG BZHI KHO NAR BZUNG NAS SLOB PA NA RTZA LTUNG GZHAN RNAMS KYIS SDOM PA BCOM YANG DER MI @50A *, ,SHES PAS SRUNG MTSAMS MI SHES PA'I SKYON YOD DO ZHE NA, 'O NA NI RTZA LTUNG MA YIN NA YANG RTZA LTUNG MA YIN NO ZHES BYANG SAR DOGS PA GCAD DGOS TE RTZA LTUNG MA YIN PA LA RTZA LTUNG DU GZUNG NAS SDOM PA MA ZHIG PA LA YANG ZHIG PAR 'DZIN PAS SRUNG MTSAMS MI SHES PA'I PHYIR RO, ,DES NA NAM SNYING GI MAD NAS GSUNGS PA'I BCAS PA RNAMS BYANG SAR MA GSUNGS LA 'DI NAS BSHAD PA'I NYES BYAS KYI BCAS PA BSLAB BTUS SU MA GSUNGS PAS DA DAG TU BSAB PA THAMS CAD 'CHAD DGOS PA'I NGES PA MED PAS BYANG SA DANG BSLAB BTUS GNYIS KAR MDO SDE LTA DGOS PAR GSUNGS SO, ,AA BHY'A K'A RAS BSLAB BTUS NAS GSUNGS PA RNAMS RTZA LTUNG DU BZHED PA LEGS KYANG BYANG SAR BSHAD PA'I BZHI POS BSDUS PAR 'DOD PA PHAL CHE BA LA YID BRTAN MI RUNG BAR SNANG STE, 'DI 'DRA BA'I BSDUS TSUL LA NA MTSAN NYID KYIS KHYAB PA'I SPYIS MTSAN GZHI'I DBYE BA SDUD PA YIN NA DE GTAN MI RUNG BA PHAL MO CHER 'DUS PA'I PHYIR RO, ,BOD KHA CIG GI 'DOD PA NI BSLAB BTUS SU SDOM LDAN YIN NA LTUNG BA SO SOR NGES PA MI 'THAD PA'I DRI BA'I LAN MDZAD PAS LEGS PAR BKAG PA YIN NO, ,MDO KUN LAS BTUS KYI 'GREL PAR RGYAL PO'I LTUNG BA LNGA RTZA LTUNG MIN ZHING LAS DANG PO'I BRGYAD RTZA LTUNG MTSAN NYID PAR BSHAD PA DANG, SLOB DPON KLU SGRUB DANG THOGS MED KYI LUGS MI 'DRA BAR BSHAD PA RNAMS KYANG BSLAB BTUS SU PHAN TSUN GYI LTUNG BA RNAMS BSRIS NAS BSHAD PA DANG 'GAL BAS DOR BAR BYA'O, ,DES NA MDO NAS KYANG RTZA LTUNG DU GSUNGS LA SLOB @50B DPON ZHI BA LHAS DE'I DON BSHAD PA NA YANG RTZA LTUNG DU BKRAL ZHING KHYAD PAR DU NAM MKHA'I SNYING PO'I MDO DANG BYANG SA'I DON GNYIS KA BSDUS NAS GSUNGS PA 'DI KHO NA BZHIN DU 'THAD PAS LUGS GNYIS CHAR BSBE BAR BYA STE BSLAB BTUS LAS, RTZA BA'I LTUNG BA 'DI DAG BDE BLAG TU BLANGS SHING BZUNG BA DANG GCIG GI 'DOD PA LTAR BSDUS PA'I TSIG LE'UR BYAS PA DAG BRJOD PAR BYA'O, ,ZHES 'GYUR RNYING LAS 'BYUNG LA, 'GYUR GSAR LAS 'GA' ZHIG GI LUGS GNAS PAR BYA BA'I PHYIR BSDU BA'I TSIG LE'UR BYAS PA DAG BRJOD PAR BYA'O, ,ZHES 'BYUNG BA'I SNGA MA LTAR NA LUGS GNYIS CHAR GCIG TU SDUD PAR GSAL LA PHYI MA LTAR NA YANG 'GA' ZHIG NI 'PHAGS PA THOGS MED DE DE'I LUGS GNAS PA STE BZHAG PA BYA BA'I PHYIR ZHES PA'I DON NO, , SPYOD 'JUG GI 'GREL CHEN DU YANG RTZA LTUNG DU BSHAD LA DGE BA LHA'I 'GREL PAR YANG, NAM MKHA'I SNYING PO'I MDO SDE NI, THOG MA NYID DU BLTA BAR BYA STE RTZA BA'I LTUNG BA BRTAG PAR BYA'O, ,SDOM PA 'JIG PAR BYED PA'I LTUNG BA'I SDIG PA LAS BYUNG BA RTZA BA'I LTUNG BA DAG NI NAM MKHA'I SNYING PO'I MDO SDE LAS PHAL CHAR GSUNGS PA YIN LA DE DAG DER BLTA BAR BYA'O, ,ZHES 'BYUNG BA DANG RNAM GROL ZLA BA'I 'GREL PAR YANG, RTZA BA'I LTUNG BA NI SDOM PA 'JIG PAR BYED PA STE NAM MKHA'I SNYING PO'I MDO SDE LAS BLTA BAR BYA'O, ,ZHES GSUNGS SHING RNAM SNANG 'TSO YI 'GREL PA YANG DE DANG MTHUN PAR YOD PAS RTZA LTUNG DU GDON MI ZA BAR KHAS BLANG BAR BYA'O, ,RTZA BA'I LTUNG BA RNAMS BSDUS PA'I TSIGS SU BCAD PA NI, DKON MCHOG GSUM @51A *, ,GYI DKOR 'PHROG PA, ,PHAS PHAM PA YI LTUNG BAR 'DOD, ,DAM PA'I CHOS NI SPONG BYED PA, ,GNYIS PAR THUB PAS GSUNGS PA YIN, ,TSUL KHRIMS 'CHAL PA'I DGE SLONG LA'ANG, ,NGUR SMRIG 'PHROG DANG RDEG PA DANG, ,BTZON RAR 'JUG PAR BYED PA DANG, ,RAB TU BYUNG LAS 'BEBS PA DANG, ,MTSAMS MED LNGA PO BYED PA DANG, ,LOG PAR LTA BA 'DZIN PA DANG, ,GRONG LA SOGS PA 'JIG PA LA, ,RTZA BA'I LTUNG BAR RGYAL BAS GSUNGS, ,BLO SBYONG MA BYAS SEMS CAN LA, ,STONG PA NYID NI BRJOD PA DANG, ,SANGS RGYAS NYID LA ZHUGS PA DANG ,RDZOGS PA'I BYANG CHUB BZLOG PA DANG, ,SO SOR THAR PA YONGS SPANGS TE, ,THEG PA CHE LA SBYOR BA DANG, ,SLOB PA'I THEG PAS CHAGS LA SOGS, ,SPONG BAR 'GYUR BA MIN ZHES 'DZIN, , PHA ROL DAG KYANG 'DZIN 'JUG DANG, ,RANG GI YON TAN BRJOD PA DANG, ,RNYED PA DANG NI BKUR STI DANG, ,TSIGS BCAD RGYU YIS GZHAN SMOD DANG, ,BDAG NI ZAB MO BZOD PA'O ZHES, ,LOG PA NYID NI SMRA BA DANG, ,DGE SBYONG CHAD PAS GCOD 'JUG DANG, DKON MCHOG GSUM GYI SBYIN BYED DANG, ,SBYIN PA LEN PAR BYED PA DANG, ,ZHI GNAS 'DOR BAR BYED PA DANG, ,YANG DAG 'JOG GI LONGS SPYOD RNAMS, ,KHA TON BYED LA SBYIN PA RNAMS, ,DE DAG RTZA BA'I LTUNG BA STE, ,SEMS CAN DMYAL BA CHEN PO'I RGYU, ,RMI LAM 'PHAGS PA NAM SNYING PO'I, ,MDUN DU 'DUG STE BSHAGS PAR BYA, ,BYANG CHUB SEMS NI YONGS 'DONG DANG, ,CHAGS DANG SER SNA MI BZOD PAS, ,SLONG LA SBYIN PAR MI BYED DAM, ,BSGRIMS TE DGA' BAR BYED PA NA, , @51B SEMS CAN LA NI MI BZOD DANG, ,KHROS PAS SEMS CAN RDEG PA DANG, ,NYON MONGS PA DANG GZHAN MTHUN PAS, ,CHOS LTAR BCOS PA BRJOD PA'O, ,ZHES BSLAB BTUS NAS GSUNGS PA RNAMS SO, ,DE LA PHAM PA DANG PO NI, DKON MCHOG GI DKOR MA BYIN PAR LAN PA'I PHAM PA'O, ,'DI LA DRUG LAS RDZAS BDAG NI, MDO LAS MCHOD RTEN DANG DGE 'DUN DANG PHYOGS BZHI'I DGE 'DUN ZHES PA TZAM LAS MA GSUNGS KYANG MCHOD RTEN GYIS SANGS RGYAS DANG CHOS GNYIS BSTAN PAS DKON MCHOG GSUM MO, ,'DIR SANGS RGYAS NI RGYAL BA DNGOS DANG SKU GZUGS SOGS GANG RUNG NGO, ,CHOS KYANG LUNG NGAM RTOGS PA'I CHOS SO, ,DGE 'DUN ZHES PA NI RIS SU CHAD PA YIN LA PHYOGS BZHI'I DGE 'DUN NI RIS SU MCHAD PA'O, ,DE YANG SO SO SKYE BO YIN NA DGE SLONG BZHI YAN CHAD YIN LA 'PHAGS PA YIN NA GANG ZAG RE RE YANG DGE 'DUN NO, ,DKON MCHOG GSUM ZHES 'BYUNG BA NI GZHUNG GZHAN NAS SANGS RGYAS DNGOS DANG 'GOG LAM ZAG MED DANG 'PHAGS PA SLOB PA LA BSHAD PA LTAR MI GZUNG STE, MCHOD RTEN DANG PHYOGS BZHI'I DGE 'DUN ZHAS GSUNGS PAS SNGA MA LTAR GSAL LO, ,MCHOD RTEN GYI RDZAS 'PHROG GAM DGE 'DUN DANG PHYOGS BZHI'I DGE 'DUN LA PHUL BA ZHES GSUNGS PAS RDZAS BDAG LA DKON MCHOG GSUM GA MI DGOS KYI GANG RUNG GCIG GO ,BLANG BYA'I RDZAS NI GSAL KHA MI SNANG BAS ZHING KHANG SOGS GNAS DANG BZA' BTUNG DANG BZHON PA LA SOGS PA GANG RUNG YIN LA, DNGOS PO'I CHE CHUNG GI TSAD LA YANG GSAL KHA MI SNANG ZHING DON THOB BYAS @52A *, ,PA'I TSAD KYANG DKA' BAR SNANG BAS JI TZAM BLANGS PAS MA BYIN PAR LEN PA'I LAS LAM DU 'GYUR BA'I MA MTHA' YAN CHAD DE YO BYAD DU BGRANG BA TZAM MO, ,DGE 'DUN LA PHUL BA ZHES GSUNGS PAS RDZAS BDAG GIS BDAG GIR BYAS PA YOD DAM MED KYANG 'DRA'I DKON MCHOG GSUM GANG RUNG LA BSDOS PA'I SGO NAS DE DAG DBANG PA'O, ,RKU BA PO'I RTEN NI, DGE 'DUN LA RKU BA'I TSE NA RANG DE'I GSEB TU MI GTOGS PA'O, ,BSAM PA LA GNYIS LAS, 'DU SHES NI, KUN SLONG BYE BRAG PA LA ZHUGS PA NI MA 'KHRUL BA DANG SPYI LA ZHUGS PA NI YID GNYIS YAN CHAD KYI RNAM PA MA DOR BA DGOS TE NOR NAS BRKUS PA LA LAS LAM DU MI 'GYUR BAR MA BYIN LEN GYI SPYI GZHUNG LAS GSUNGS PA'I PHYIR RO,, KUN SLONG NI, DKON MCHOG GI YIN LA RANG MI DBANG YANG GTAN DU 'BRAL DGOS SNYAM PA'O, ,SNYING BRTZE BA LA SOGS PA'I BSAM PAS GZHAN DON DU 'PHROG PA LA 'OG NAS 'CHAD PA LTAR LTUNG MED KYI SKABS SRID PAR GSUNGS LA, SDOM PA GZHAN GYI RTZA LTUNG SDOM PA GZHAN LA GNANG BA SRID KYANG SDOM PA DE NYID KYI RTZA LTUNG DE LA GNANG BA MI RIGS PA'I PHYIR RANG CHED DU 'PHROG PA'AM YANG NA KUN SLONG NYON MONGS CAN DGOS SO, ,KHA CIG 'DOD CHAGS DGOS PAR 'CHAD PA NI MA DES SO, , SBYOR BA NI, 'PHROG GAM 'PHROG TU 'JUG PA ZHES GSUNGS PAS RANG GIS BYED PA DANG GZHAN LA BCOL BA GNYIS 'DA'O, ,DE YANG MA TSOR BAR 'JAB BUS RKU BA DANG MTHUS 'PHROG PA GNYIS GANG RUNG STE 'GYUR RNYING LAS, DKON MCHOG GSUM @52B GYI 'PHROG RKU BA ZHES GSUNGS PA LTAR RO, ,MA BYIN PAR BLANGS PA'I TSAD NI, THAB BLO LA BYA'O, ,'DI LA SANGS RGYAS KYI DKOR 'PHROG PA'I PHAM PA SOGS GSUM MO, ,PHAM PA GNYIS PA NI, DAM PA'I CHOS SPONG BA'I PHAM PA'O, ,'DI LA GNYIS LAS SPANG BYA'I DAM CHOS NI, MDO LAS NYAN THOS KYI NGES PAR 'BYUNG BA BSHAD PA'AM RANG SANGS RGYAS KYI NGES PAR 'BYUNG BA BSHAD PA'AM, THEG PA CHEN PO'I NGES PAR 'BYUNG BA BSHAD PA SPONG ZHING 'GOG TU 'JUG PA 'DI NI RTZA BA'I LTUNG BA GNYIS PA'O, , ZHES 'AM GYA SGAS GDAM NGA CAN DU GSUNGS PAS THEG PA GSUM DANG LDAN PA'I MDO SDE GANG RUNG NGO, ,DE YANG THEG PA CHEN PO SPONG BAR BYED, CES PA'I SKABS SU THEG CHEN GYI THAB MO'I DON NAM MTHU'I DON GYI PHYOGS RE SPANGS PA LA NYES BYAS SU 'CHAD PAR 'GYUR BA'I PHYIR DANG BYANG SA DANG SKABS 'DI'I THEG CHEN SPONG BA'I PHAM PA 'DRA BAR BZHED PAS NA, THEG CHEN NI ZAB PA DANG RGYA CHE BA GNYIS CHAR STON PA'I MDO SDE'O, ,DE BZHIN DU NYAN THOS KYI NGES PAR 'BYUNG BA BDEN BZHI BSHAD PA DANG RANG SANGS RGYAS KYI NGES PAR 'BYUNG BA RTEN 'BREL BCU GNYIS BSHAD PA LTA BU'I THEG DMAN GYI SDE SNOD DE, 'DI LA YANG DE DAG GI DON GYI CHA RE RE TZAM SPANGS NA NYES BYAS SU 'GYUR BA THEG CHEN DANG 'DRA 'AM SNYAM MO, ,GAL TE THEG CHEN GYI MDO SDE'I DON GYI CHE RE RE SPANGS PA LA NYES BYAS DANG NYAN RANG GI NGES PAR 'BYUNG BA BSHAD PA SPANGS PA LA PHAM PAR MI RIGS TE SNGA MA SPANGS PA PHYI MA SPANGS PA LAS KHA NA MA THO BA CHE BA'I PHYIR RO ZHE NA SKYON MED DE SDOM PA GONG 'OG GANG LA'ANG KHA NA MA THO BA CHA NA @53A *, ,LTUNG BA'I BCAS PA CHE BA DANG CHUNG NA BCAS PA CHUNG BA'I NGES PA MI SNANG BA'I PHYIR TE DPER NA SO THAR GYI SKABS SU MI THA MAL PA BSAD NA PHAM PA DANG DE BZHIN GSHEGS PA BKRONGS PA'I SEMS KYI SKU MTSAL PHYUNG NA SBOM POR GSUNGS SHING; THEG PA CHEN POR YANG KHYIM PA THA MAL PA'I NOR MA BYIN PAR BLANGS PA LA PHAM PA MA BCAS SHING SLONG BA PO NYAM THAG PA LA RANG GI NOR SER SNAS MI STER BA LA PHAM PAR BCAS PA LTA BU'O, ,SPONG BA'I TSUL NI BSLAB BTUS DANG MDO BTUS SU SPONG ZHING 'GOG TU 'JUG PA ZHES DRANGS PA NI MDO LAS SPONG BAR BYED 'GOG PAR BYED CES 'BYUNG ZHING BYANG SAR THEG CHEN RANG GIS SPONG BA TZAM MA GTOGS PA GZHAN SPONG DU 'JUG PA MED LA 'DI GNYIS 'DRA BAR YANG BZHED PAS SPONG DU 'JUG PA YAN LAG TU MI DGOS LA, RANG GIS SPONG TSUL NI DE BZHIN GSHEGS PAS GSUNGS PA MA YIN NO ZHES SKUR PA 'DEBS PA'O, ,'O NA NYAN THOS THEG PA SPONG BAR BYED, CES DE LA NYES BYAS SU BSHAD PA DANG 'GAL ZHE NA, DE NI KHYAD DU GSOD PA TZAM YIN GYI 'DI LTA BU'I TSUL GYIS SPANGS PA MIN NO, ,ZHES 'CHAD PAR 'GYUR RO, ,'DI LA THEG CHEN SPONG BA SOGS GSUM MO, ,PHAM PA GSUM PA NI, RAB BYUNG LA 'TSE BA'I PHAM PA'O, ,'DI LA GNYIS LAS 'TSE BA'I YUL NI, MDO LAS SANGS RGYAS KYI RJES SU RAB TU BYUNG BA BYAS PA BSLAB PA'I GZHI BZUNG MA BZUNG DANG TSUL KHRIMS 'CHAL BA DANG TSUL LDAN GANG RUNG LA GSUNGS SHING TSIGS BCAD DE LA'ANG 'ANG GI SGRA YOD PAS TSUL KHRIMS 'CHAL BA'I DGE SLONG ZHES PA MTSON PA @53B TZAM MO, ,'TSE BA JI LTAR BYAS PA LA KUN SLONG NI, YUL DE LA GNOD CING 'TSE BA'I BSAM PA STE NYON MONGS CAN NO, ,SBYOR BA NI, GOS NGUR SMRIG 'PHROG PA DANG RAB BYUNG LAS PHAB STE KHYIM NA GNAS PA BYED DU 'JUG PA GANG RUNG BYAS PA'O, ,LAG CHAS BSNUN PA DANG BTZON RAR 'JUG PA DANG SRAG DANG PHRAL BA LA RTZA LTUNG DU GSUNGS PA NI, BRDEG PA DANG RNAM PAR 'TSE BA DANG, MTHO 'TSAM PA'I PHAM PAS BSDUS SO, ,RAB BYUNG SDOM LDAN GYI NGUR SMRIG 'PHROG PA'I BDAG PO LA DGE SLONG BZHIR MA CHANG BA DGOS TE BZHIR TSANG NA RTZA LTUNG DANG POR 'GYUR BAS SO, ,'DI LA NGUR SMRIG 'PHROG PA DANG RAB BYUNG LAS PHAB PA'I PHAM PA GNYIS SO, ,PHAM PA BZHI PA NI, MTSAMS MED BYED PA'I PHAM PA'O, ,DE YANG PHA DANG MA DANG DGRA BCOM PA BSAD PA DANG DGE 'DUN GYI DBYEN BYAS PA DANG DE BZHIN GSHEGS PA LA NGAN SEMS KYI KHRAG 'BYIN PA'I MTSAMS MED KYI RTZA LTUNG LNGA'O, ,'DI YI YANG DBYEN MA GTOGS PA BZHI NI BYANG SA'I PHAM PA LNGA PAS BSDUS SO, ,PHAM PA LNGA PA NI, LOG LTA 'DZIN PA'I PHAM PA'O, ,DE YANG DKAR NAG GI LAS 'BRAS DANG SKYE BA SNGA PHYI MED DO ZHES SKUR PA 'DEBS PA'O, ,'DI SKYES PA TZAM NAS DGE RTZA GCOD PAS MI DGE BA BCU BLANGS PA DANG GZHAN LEN DU 'JUG PA YAN LAG TU MI DGOS SO, ,PHAM PA DRUG PA NI, GNAS 'JIG PA'I PHAM PA'O, ,'DI LA GNYIS LAS, GZHIG PAR BYA BA'I GNAS NI GRONG DANG GRONG KHYER DANG LJONGS DANG YUL 'KHOR GANG RUNG NGO, ,'JIG PAR BYED PA LA KUN SLONG NI, DE DAG GZHIG PA'I BSAM PA NYON MONGS CAN NO, ,SBYOR BA NA, @54A *, ,'JIG PA'I THABS GANG YANG RUNG BAS BSHIG PA'O, ,DANG PO LNGA RGYAL PO'I LTUNG BA DANG DRUG PA GNYIS PAR BYAS NAS MTSAMS MED YAN CHAD LNGA PO BLON PO'I LTUNG BAR MDO BTUS SU DRANGS PA LTAR MDO NA YANG YOD DO, , 'DI LA GRONG LA SOGS PA NA YOD PA'I SEMS CAN BCOM PA'I RTZA LTUNG YIN NA NI BRDEG PA SOGS KYI PHAM PAS BSDUS LA DE DAG NA YOD PA'I LONGS SPYOD BCOM PA'I RTZA LTUNG YIN NA NI PHAM PA DANG PO'AM BCU GSUM PAR 'DU BAS 'DI NI GNAS 'JIG PA'O, ,DE LA NI GRONG 'JOMS PA SOGS KYI RTZA LTUNG BZHI'O, ,PHAM PA BDUN PA NI, SNOD MIN LA ZAB MO BSHAD PA'I PHAM PA'O, ,'DI LA GSUM LAS BSTAN PAR BYA BA'I YUL NI, NAN TAN GYIS BLO MA SBYANGS PA'I SEMS CAN TE STONG NYID BSTAN NA SKRAG PAR 'GYUR BA DANG RDZOGS BYANG DU SEMS BSKYED PA DANG LDAN PA'O, ,GANG BSTEN PAR BYA BA NI, SPROS PA THAMS CAD DANG BRAL BA'I STONG NYID DO, ,BSTAN PAS JI LTAR GYUR PA NI, DE LTAR STONG PA NYID BSTAN PAS SKRAG NAS RDZOGS BYANG GI SEMS LAS PHYIR LOG STE THEG DMAN GYI BYANG CHUB TU SEMS BSKYED PA'O, ,'DI NI SNOD MA BRTAGS PA LA YIN GYI SNOD BRTAGS PA NA RANG GIS SNOD DU RUNG BAR SHES NA DNGOS PO LA DE LTAR MA YIN KYANG PAM PA MI SKYED DAM SNYAM MO, ,PHAM PA BRGYAD PA NI, THEG CHEN LAS BZLOG PA'I PHAM PA'O, ,'DI LA GNYIS LAS BZLOG PAR BYA BA NI, SANGS RGYAS NYID LA ZHUGS PA STE RDZOGS BYANG DU SEMS BSKYED NAS THEG CHEN LA ZHUGS PA'O, ,BZLOG PA'I TSUL NI KHYOD KYIS PHYIN DRUG LA SPYAD PAR MI @054B NUS 'TSANG RGYA BAR MI NUS GYIS NYAN RANG GI THEG PAR SEMS BSKYED DANG 'KHOR BA LAS THAR BAR 'GYUR RO ZHES ZLOG PA'O, ,'DI LA ZLOG PA TZAM GYIS CHOG GAM LOG PA DGOS SHE NA, SPYOD 'JUG GI 'GREL CHEN DU, THABS DANG BCAS PA'I BLA NA MED PA YANG DAG PAR RDZOGS PA'I BYANG CHUB LAS BZLOG STE THEG PA DMAN PA LA GZHAN GYI SEMS BSKYED PAR BYED PA 'DI NI GNYIS PA'O, ,ZHES 'BYUNG BA LTAR NA LOG PA DGOS PA 'DRA'O, ,PHAM PA DGU PA NI, SO THAR SPONG BA'I PHAM PA'O, ,'DI LA GNYIS LAS GO BAR BYA BA'I YUL NI, SO SOR THAR PA DANG 'DUL BA'I TSUL KHRIMS LA TSUL BZHIN DU SLOB PA'O, ,GO BAR BYED TSUL NI 'DUL BA'I TSUL KHRIMS DAG PAS CI ZHIG BYA RDZOGS BYAD DU SEMS BSKYED LA THEG CHEN LHOGS SHIG DANG NYON MONGS PA'I RKYEN GYIS BYUNG BA'I SGO GSUM GYI NYES SPYOD THAMS CAD DAG PAR 'GYUR RO ZHES SEMS BSKYED DANG THEG CHEN BKLAGS PA TZAM GYIS 'DAG PAR SMRA BA'O, ,'DI LA 'GYUR RNYING LAS SO THAR DANG SEMS BSKYED LAS BZLOG NAS THEG CHEN KLOG PA LA SBYAR BA YOD KYANG 'GYUR GSAR DANG NAM SNYING GI MDO LTAR 'BYUNG BA DAG STE SPYOD 'JUG GI 'GREL CHEN DU, SO SOR THAR PA'I BSLAB PA'I SDOM PA SPANGS NAS THEG PA CHEN PO LA SEMS BSKYED PA TZAM DANG DE KLOG PAS PHA ROL DAG PAR BSTAN PA LAS NI GSUM PA'O ZHES GSUNGS PA'I PHYIR RO, ,'O NA BYANG SEMS KYIS NYAN THOS KYI THEG PA LA BSLAB PAR MI BYA ZHES BZLOG PA LA NYES BYAS SU BSHAD PA CI ZHE NA, NYES BYAS NI GO BAR BYAS PA TZAM YIN LA PHAM PA LA NI BZLOG PA BZHIN DU LOG PA DGOS @55A *, ,PAR MNGON NO, ,PHAM PA BCU PA NI, NYAN THOS KYI THEG PA LA SKUR PA 'DEBS PA'I PHAM PA'O, ,'DI LA GNYIS LAS SKUR PA GDAB BYA'I YUL NI, SLOB PA'I THEG PA ZHES NI SLOB MA'I THEG PA STE NYAN THOS KYI THEG PA LA BSHAD KYANG RANG RGYAL DANG 'DRA BAS DE GNYIS GANG RUNG NGAM SPYI LA'O, ,SKUR PA 'DEBS PA'I TSUL NI, THEG PA DE DAG LA JI TZAM BSLABS KYANG NYON MONGS PA MTHAR 'BYIN PA'AM MA LUS PAR SPONG MI NUS ZHES BSAM PA THAG PA NAS SKUR PA 'DEBS PA'O, ,'DIR MDO LAS KHYOD KYIS NYAN THOS KYI THEG PA'I GTAM MA NYAN CIG GZHAN DAG LA LUNG MA 'BOGS SHIG GTAM DE CHO MAS SHIG CES DANG, THEG CHEN GYI GTAM NYID LA DAD PAR GYIS SHIG CES SOGS 'BYUNG YANG YAN LAG TU MI DGOS TE MDO LAS, DE LTAR SMRAS PA'I TSE YUL DES DE LA MNYAN TE DE 'DRA BA'I LTA BA BLANGS PA TZAM GYIS YUL LA YANG RTZA LTUNG DU GSUNGS PA'I PHYIR RO, ,DE'I PHYIR PHA ROL DAG KYANG 'DZIN 'JUG DANG, ZHES PA YAN LAG TU MI GZUNG NGO, ,'DIR YUL LA RTZA LTUNG BSHAD PA LTAR RTZA LTUNG BDUN PA DANG BRGYAD PA'I SKABS SU YANG YUL DE SDOM LDAN YIN NA BYANG CHUB SEMS 'DOR GYI RTZA LTUNG 'BYUNG MOD KYANG DE NI 'OG TU STON PAS DE DAG GI RTZA LTUNG LA MI BGRANG NGO, ,PHAM PA 'DI DANG PHAM PA GNYIS PA'I NYAN RANG GI CHOS SPANGS PA GNYIS NI MI 'DRA STE SNGA MA LUNG YIN LA 'DI RTOGS PA YIN PA DANG SNGA MA NI RGYAL BAS MA GSUNGS ZHES SPONG LA 'DI NI SRID PA'I RTZA BA GCOD MI NUS PAS 'KHOR BA LAS 'BYUNG BAR MI NUS ZHES SPONG BA'I PHYIR RO, ,PHAM PA BCU GCIG PA NI, BDAG @55B BSTOD GZHAN SMOD KYI PHAM PA'O, ,'DI LA BZHI LAS SMRAS SA'I YUL NI, DE DAG LA 'DUD PA DA RNAMS LA YANG PHRAG DOG GI RGYUS BDAG BSTOD CING ZHES BSLAB BTUS SU DRANGS PAS SMAD SA LA 'DUN PA'I GANG ZAG DANG, YANG ZHES PA GZHAN SMOD BYAS YUL DU BYAS PA LA BSTOD SMAD BYAS PAR MA ZAD CES PA'I DON DU SNANG BAS SMAD PA'I GANG ZAG GANG RUNG NGO, ,MDO ZUR DU BSGYUR BA LAS DE DAG LA 'DUN PA ZHES PA MA BYUNG YANG YOD PAR GSAL LO, ,CI ZHIG SMRAS PA YIN ZHE NA, RANG GI YON TAN DANG GZHAN GYI MI BSNGAGS PA BRJOD PA'O, ,BRJOD TSUL NI, RNYED BKUR DANG TSIGS BCAD KYI PHYIR DU THEG CHEN 'DON PA DANG KLOG PA DANG STON PA SOGS BYED BZHIN DU BDAG NI RNYED BKUR SOGS LA MI LTA BA'I THEG CHEN PA YIN GYI GZHAN NI MIN NO ZHES LCE GNYIS BYED PA'O,, MDOR MI CHOS BLA MA SGROGS PA'I BDAG BSTOD GSUNGS PA 'OG MA'I SKABS KYI MI CHOS BLA MA MA GTOGS PA STE 'DI DANG GONG MA GNYIS BDAG BSTOD KYI PHYOGS TZAM MTSON BYED DO, ,KUN SLONG NI RNYED BKUR LA CHAGS PA'I DBANG GIS GZHAN GYI RNYED BKUR LA PHRAG DOG PA'O, ,MDO LAS PHRAG DOG GI DBANG GIS SMRAS PAR SKABS BZHIR GSUNGS SO, ,SLOB DPON ZHI BA LHAS BYANG SAR BSHAD PA'I PHAM PA RNAMS DRANGS PA'I SKABS SU PHAM PA DANG PO MA DRANGS PA NI 'DIR BSTAN PA'I PHAM PA DANG DON GCIG PAR BZHED PAS NA BYANG SAR GSUNGS PA'I DON 'DIR BSHAD PA LTAR BYA DGOS PA 'DRA STE, BYANG SA'I SGRAS ZIN LTAR BYED NA 'DIR DE MA 'DUS PAS BYANG SA'I DE DRANGS DGOS SAM SNYAM MA, ,'ON KYANG BSTOD SMAD SO SOR 'PHRAL BA DANG RNYED BKUR @56A *, ,GANG RUNG LA CHAGS PAS CHOG PA SNGAR BSHAD PA LTAR RO, ,BSTOD SMAD LA BDEN RDZUN GANG YIN PA NI, MDO LAS NI MDOR BSTAN DU LCE GNYIS BYED PA YIN TE ZHES PA DANG, DON BSDUR RDZUN GYI RKYEN GYIS LCI BA CHEN PO'I LTUNG BA 'BYUNG STE, ZHES GSUNGS SHING SA MU DRAS BYAS ZER BA LAS KYANG MED BZHIN DU YON TAN DANG SKYON BRJOD PA LA BSHAD PA DANG 'GREL PA GSAR MA LAS KYANG, BSTOD PA NI YANG DAG PA DANG YANG DAG PA MA YIN PA'I YON TAN GYIS BSTOD PA BYED PA STE LOG PAR BSTOD CING ZHES 'BYUNG BA'I TSIG SNGA MAS BDEN RDZUN 'DRA BAR BSTAN PA LTAR SNANG NA YANG TSIG PHYI MA LTAR NA SNGA MA'I DON YON TEN MCHOG DMAN LA BYAS NAS PHYI MA'I DON BRDZUN GYIS SMRAS PA LA BYA DGOS PA 'DRA'O, ,PHAM PA BCU GNYIS PA NI, MI CHOS BLA MA BRDZUN SMRA'I PHAM PA'O, ,'DI LA GNYIS LAS SMRA BA'I YUL NI, DON GO BA'I GANG ZAG GO ,SMRA TSUL NI, STONG PA NYID KYI CHOS BSTAN NAS 'DI NI KHO BOS MNGON SUM DU BYAS NAS KHYOD LA SNYING BRTZE BAS BSTAN GYI KHYOD KYIS KYANG 'DI MNGON SUM DU 'GYUR BA DE LTAR SGOMS SHIG DANG KHO BO DANG 'DRA BAR 'GYUR RO, ,ZHES SMRA BA'O, ,DE YANG DE LTA BU'I RTOGS PA MED BZHIN DU PHRAG DOG MA GTOGS PA'I NYON MONGS PA CAN GYI BSAM PAS RDZUN DU SMRA BA SNGE PHA ROL POS DON GO BA NA'O, ,'DI LA NI RTEN DE BYANG SEMS KYI SDOM LDAN DGE SLONG LTA BU YIN NA PHAM PA GNYIS KA 'BYUNG BA'I GO SKABS YOD DO, ,SPYOD 'JUG GI 'GREL CHEN DU, BKLAGS PA TZAM GYIS ZAB MO'I CHOS RTOGS PAR STON PA DANG GZHAN DAG KYANG DE @56B BZHIN DU YANG DAG PAR LEN DU 'JUG PA LAS RTZA LTUNG DU 'CHAD PAN MDO DANG 'GAL BAR SNANG NGO, ,PHAM PA BCU GSUM PA NI, DKON MCHOG GI DKOR LEN PA'I PHAM PA'O, ,'DI NI MDUN NA 'DON DANG BLON PO SOGS KYIS RGYAL RIGS RNAMS LA BRTEN NAS DGE SBYONG LA NOR GYI CHAD PAS GCOD LA, DE LTAR BYAS PA NA DE DAG GIS GANG ZAG GI'AM DGE 'DUN GYI'AM PHYOGS BZHI'I DGE 'DUN GYI'AM MCHOD RTEN GYI YO BYAD DAG RKUR BCUG NAS DE DAG LA GSUG TU 'BUL LO, ,DE DAG GIS KYANG RGYAL RIGS LA 'BUL TE RGYAL PO DANG BLON PO SOGS GNYIS KA LA RTZA LTUNG NGO, ,DE LA DGE SBYONG CHAD PAS BCAD PA'I RTZA LTUNG NI RTZA LTUNG GSUM PAR 'DU ZHING DKON MCHOG GSUM GYI NOR LEN PA'I RTZA LTUNG NI RTZA LTUNG DANG POR 'DU BAS 'DI NI MA BYIN PA LEN PA'I RTZA LTUNG NGO, ,'ON KYANG RTZA LTUNG DANG PO NA RING GIS BRKUS PA'AM RKUR BCUG PA YIN LA 'DI NI GZHAN LA NOR GYI CHAD PAS BCAD PA NA DES BRKUS PA'AM RKUR BCUG PA'I DKOR BLANGS PA'I LTUNG BA'O, ,'DIR DGE SLONG GCIG GAM GNYIS GSUM LTA BU'I GANG ZAG GI DKOR BSHAD PA NI KHYAD PAR RO, ,LHAG MA NI SNGAR BSTAN PA BZHIN CI RIGS SU SBYAR RO, ,PHAM PA BCU BZHI PA NI, KHRIMS NGAN 'CHA' BA SOGS KYI PHAM PA'O, ,'DI LA GNYIS LAS KHRIMS NGAN 'CHA' PA LA KHRIMS 'CHA' BA'I YUL NI, CHOS SPYOD PA'I DGE SLONG RNAMS SO, ,KHRIMS JI LTAR BCAS PA NI, DE DAG RNAMS LA BRTZE BA'I BSAM PAS ZHI GNAS DANG LHAG MTHONG DANG MTHUN PA'I YID BYED 'DOR BA DANG NYON MONGS PA @57A *, ,MANG DU 'GYUR BA'I KHRIMS BCAS PA'O, ,YANG DAG 'JOG GI LONGS SPYOD MA BYIN PAR BLANGS PA LA BZHI LAS RDZAS BDAG NI, SPONG BA LA BRTZON PA'I DGE SLONG NGO, ,'DI'I RDZAS BDAG 'PHAGS PA DANG DGE 'DUN DU LONGS PA YIN NA PHAM PA DE RTZA LTUNG DANG POR 'GYUR BAS 'PHAGS PA MA YIN ZHING BZHIR MA LONGS MA'O, ,RDZAS NI DE DAG GI LONGS SPYOD GANG YANG RUNG BA'O, ,BSAM PA NI DE DAG LA SDANG BA'I BSAM PA'O, ,SBYOR BA NI, DE DAG GI RDZAS MA BYIN PAR BLANGS NAS KHA TON PA LA SBYIN PA'O, ,MDO LAS DE GNYIS KA LA RTZA LTUNG DU GSUNGS PA'I GNYIS NI RGYAL RIGS DANG DE LA SPONG BA PA'I MI SNYAN PA BRJOD PA'I DGE SBYONG NGO, ,'DI KHA TON PA LA RTZA LTUNG DU SMRA BA NI MDO DANG 'GAL LO, ,DE DAG CES PA NI RTZA LTUNG TSAN PA PHYI MA BRGYAD KYI MTHAR SBYAR TE BRGYAD PO DE LA MDO LAS LAS DANG PO PA'I LTUNG BA ZHES GSUNGS SO, ,SEMS CAN ZHES PA NI DE DAG GI NYES DMIGS SO, ,RMI LAM ZHES PA NI LTUNG BA LAS LDANG BA'I THABS TE BSLAB BTUS SU BLTA'O, , GAL TE RTZA LTUNG BYUNG NA SDOM PA SLAR YANG BLANG BUR BYA ZHES GSUNGS PA LTAR BYA DGOS PA MA YIN NAM BSHAGS PA 'DIS JI LTAR LDANG BAR NUS SHE NA, BSHAGS PA DES MDO NAS 'BYUNG BA LTAR NGAN SONG DU 'GRO BA BZLOG NUS KYANG SOR CHUD PA LA NI SDOM PA BZUNG DGOS SO, ,DE YANG BSLAB BTUS SU THABS LA MKHAS PA'I MDO DANGS PA'I SKABS SU RTZA LTUNG BYUNG YANG SLAR GSOR RUNG BA BSHAD PA'I SKABS LAS SHES PAS SKABS 'DIR MA SMOS SO, ,RNAM GRANGS GZHAN YANG LTUNG BA 'DI DAG GI @57B THUN MONG GI YAN LAG KUN DKRIS CHEN PO'I CHOS RNAMS MA TSANG NA PHAM BA'I SDE TSAN DU GTOGS PA'I THAG PHA CHUNG 'BRING GI LTUNG BA BSHAGS BYA YIN PA'I PHYIR YANG BSHAGS PAS DE LAS LDANG BAR BSTAN TE 'CHAD PAR 'GYUR RO, ,BYANG CHUB KYI SEMS 'DOR BA NI, SMON SEMS DOR BA'O, ,DE LA RTZA LTUNG DU THABS LA MKHAS PA'I MDO NAS GSUNGS LA RTZA LTUNG 'DI SKYED PA'I RTEN LA BYANG SEMS KYI SDOM LDAN DGOS PAS SEMS DOR BA'I SKAD CIG DANG PO LA SDOM PA YOD LA GNYIS PA NAS SDOM PA GTONG BA YIN GYI DOR BA TZAM NAS BYANG SEMS MA YIN PAR MI 'GYUR RO, ,LOG LTA SKYES PA LA YANG DE BZHIN SHES PAR BYA'O, ,DE'I PHYIR DE GNYIS LA NI BYUNG BA TZAM GYIS RTZA LTUNG DU 'GYUR BAS THUN MONG GI YAN LAG KUN DKRIS CHEN PO LA LTOS MI DGOS LA GZHAN LA NI DGOS TE 'CHAD PAR 'GYUR RO, ,CHAGS DANG SER SNA ZHES PA'I RKANG PA GNYIS KYIS NI CHOS DANG NOR SLONG BA LA MI SBYIN PA GNYIS BSTAN LA BSGRIMS TE ZHES SOGS DANG PA GSUM YANG 'GYUR GYI KHYAD PAR DANG BCAS TE BRJOD ZIN TO, , NYON MONGS PA ZHES PA'I RKANG PA DANG PO NI THUB PA DGONGS RGYAN DU DANGS PA'I 'GYUR 'GA' ZHIG LAM, NYON MONGS PAS GZHAN RJES ZHUGS PAS, ZHES 'BYUNG BA LEGS TE BYANG SAR BDAG NYID DAM GZHAN DAG GI G-YAM LA DAM PA'I CHOS LTAR BCOS PA LA MOS NAS ZHES 'BYUNG BAS, NYON MONGS PAS CHOS LTAR BTZOS PA BRJOD PA ZHES SBYAR BA NI BDAG GI TSUL MIN YID BYED KYI YIN LA GZHAN GYI RJES SU ZHUGS PAS CHOS LTAR BCOS PA BRJOD PA ZHES SBYAR BA NI GZHAN GYI @58A *, ,G-YAM RGYUGS BYED PA YIN PA'I PHYIR RO, ,PHAM PA'I BYED PA'AM NYES DMIGS NI, PHAM PA'I GNAS LTA BU'I CHOS DE DAG LAS GANG RUNG ZHIG BYAS NA YANG TSE 'DI LA BYANG CHUB KYI TSOGS RGYA CHEN PO GSOd PA DANG YONGS SU 'DZIN PA'I SKAL BA MED PAR 'GYUR NA THAMS CAD BYAS NA LTA CI SMOS, TSE 'DI NYID LA BSAM PA RNAM PAR DAG PAR 'GYUR BA'I SKAL BA YANG MED DE BYANG SEMS LTAR BCOS PA YIN GYI YANG DAG PA'I BYANG SEMS MIN NO, ,DE LA GSOGS PA NI 'PHEL BAR 'GYUR BA DANG YONGS SU 'DZIN PA NI SKYED PAR BYED PA LA SLOB DPON YON TAN 'OD KYIS BSHAD DO, ,'GREL PA GZHAN RNAMS NI SA'I RTOGS PA DANG NYE BA'I TSOGS BSAG PA'I MTHU MED PA LA 'CHAD DO, ,BSAM PA RNAM PAR DAG PA NI 'GREL BA THAMS CAD KYIS SA THOB PA LA BSHAD DE SA DANG PO'O, ,MDOR NA PHAM PA GCIG BYUNG NA YANG TSE DE LA SA DANG PO THOB PA MI SRID CING DE DANG NYE BA'I RGYU TSOGS RGYA CHEN PO SNGAR YOD 'PHEL BA DANG SNGAR MED SKYED PA'I SKAL BA MED NA PHAM PA YANG DANG YANG DU BYUNG NA LTA CI SMOS, DE'I PHYIR PHAM PA BYUNG YANG BYANG SEMS KYI SDOM PA BLANG DU YOD PAS SNYAM DU MI BSAM PAR RTZA LTUNG GIS GTAN MA GOS PA LA SROG BSDOS BYA'O, ,SPYOD 'JUG LAS KYANG, DE LTAR LTUNG BA STOBS LDAN DANG, ,BYANG CHUB SEMS STOBS LDAN PA DANG, 'KHOR BAR RES KYIS 'DRE BYED NA, ,SA THOB PA LA YUN RING THOGS, ,ZHES GSUNGS SO, ,PHAM PA BZHI NI GZHUNG 'DIR 'BYUNG BA TZAM YIN PAS BSLAB BTUS NAS GSUNGS PA'I PHAM PA RNAMS KYANG BYED LAS 'DI DANG 'DRA'O, ,NAM MKHA'I SNYING PO'I MDO @58B LAS KYANG NYES DMIGS GSUNGS TE JI SKAD DU, RTZA BA'I LTUNG BA DE DAG GI SA THEG PA CHEN PO LA YANG DAG PAR ZHUGS PA LAS DANG PO PA 'KHRUL PA RNAMS DGE BA'I RTZA BSNGON BSKYED PA THAMS CAD THAL BAR RLOG STE PHAM PAR GYUR CING LHA DANG MI DANG THEG PA CHEN PO'I BDE BA'I GNAS LAS LHUNG NAS NGAN SONG DU 'GRO BAR 'GYUR; YUN RING POR 'KHOR BA NA 'KHOR BAR 'GYUR DGE BA'I BSHES GNYEN DANG BRAL BAR 'GYUR RO ZHES GSUNGS SO, ,KUN DKRIS KYI DBYE BA LA KUN DKRIS JI LTA BUS MI GTONG LA JI LTA BUS GTONG BA'I TSUL NI, PHAM PA'I GNAS LTA BU'I CHOS BZHI PO 'DI DAG GI KUN NAS DKRIS PA CHUNG NGU DANG 'BRING GIS NI TSUL KHRIMS KYI SDOM PA YANG DAG PAR BLANGS PA DE BTANG BAR MI 'GYUR LA KUN DKRIS CHEN POS NI GTONG NGO,, DE LA PHAM PA'I GNAS LTA BU NI SNGAR BSHAD PA'I BSAM PA'I SGO NAS BZHI DANG SBYOR BA'I SGO NAS BRGYAD DU BYAS PA RNYED BKUR LA CHAGS PA SOGS SO, ,'DI BRGYAD MTSON BYED YIN TE BSLAB BTUS SU GSUNGS PA RNAMS LA YANG KUN DKRIS CHEN PO MA TSANG NA PHAM PAR MI 'GYUR TE DER GSUNGS PA'I MTSAMS MED LAS KYANG KHA NA MA THO BA CHE BA'I THEG CHEN SPONG BA DANG RNYED BKUR LA CHAGS NAS BDAG BSTOD GZHAN SMOD LA 'DIR KUN DKRIS CHEN PO MA TSANG NA PHAM PAR MI 'GYUR BAR GSUNGS PA'I PHYIR GZHAN LA YANG DE DGOS PAR GSAL LO, ,'ON KYANG LOG LTA SKYES PA DANG BYANG CHUB KYI SEMS DOR BA LA DE DAG SKYES PA TZAM GYIS CHOG GI KUN DKRIS CHEN PO TSANG MI DGOS TE BSHAD ZIN TO, ,DE NA NAM SNYING GI MDOR GSUNGS @59A *, ,BA KUN DKRIS CHEN PO MA CHANG BA RNAMS ZAG PA CHUNG 'BRING GANG RUNG DU SHES PAR BYA STE PHAM PA'I SDE CHEN LA PHAM PAR MA SONG BA RNAMS ZAG PA CHUNG 'BRING DU GZHUNG 'DIR GSUNGS PA'I PHYIR RO, ,KUN DKRIS CHEN PO NGOS GZUNG BA NI PHAM PA'I GNAS LTA BU'I CHOS BZHI PO 'DI DAG RGYUN MA CHAD PAR KUN TU SPYOD PA DANG NGO TSA SHES PA DANG KHREL YOD PA CHUNG NGU TZAM YANG MI SKYED PA DANG DES MGU BAR BYED CING DE LA DGA' BA DANG DE NYID LA YON TAN DU LTA BA CAN DU GYUR PA 'DI NI KUN NAS DKRIS PA CHEN PO YIN PAR RIG PAR BYA'O, ,'DI LA YAN LAG BZHI YOD PA LAS DANG PO NI, PHAM PA ZHES PA NAS SPYOD PA DANG ZHES PA'I BAR TE CHOS BZHI ZHES PA NI 'GREL PA KHA CIG 'CHAD PA LTAR BZHI GA TSANG BA MI DGOS KYANG GANG RUNG GCIG GO, RGYUN MA CHAD CES PA LA BOD KHA CIG LAN GNYIS YAN CHAD BYAS PA LA 'DOD PA DANG KHA CIG SBYOR DNGOS MJUG GSUM TSANG BA LA 'DOD PA YOD KYANG 'GREL PA GANG NAS KYANG MA BSHAD CING DON LA YANG MI THOB PAS DOR BAR BYA'O, ,DES NA PHAM PAR 'GRO RGYU DE RNAMS GANG RUNG ZHIG SPYAD CING DA DUNG DE LA PHYI PHYIR RAM SLAR YANG SPYOD 'DOD YOD PA NI SNGA MA DE RGYUN MA CHAD PA'I DON TE 'GREL PA GSAR MA LAS, NYON MONGS DRAG PA NI ZAG PA RNAMS PHYIR ZHING RGYUN MA CHAD PAR KUN TU SPYOD KYANG NGO TSA SHES PA DANG KHREL YOD PA CHUNG NGU TZAM YANG MI SKYED PA DANG, ZHES GSUNGS LA SA MU DRA'I 'GREL PA LAS KYANG, DE BZHI'AM BZHI LAS GANG YANG RUNG BA LA PHYI PHYIR ZHING SPYOD PAR BYED 'DOD DE @59B ZHES 'BYUNG BA LTAR RO, ,RGYA MTSO SPRIN DANG DZI NA SU TRAS PHAM PA'I GNAS LTA BU'I CHOS RNAMS RGYUN MA CHAD PAR KUN TU SPYOD PAS NI DE LTAR NGO TSA SHES PA DANG KHREL YOD PA RNAM PA THAMS CAD DU NYAMS PAR BYAS PAR 'GYUR TE DE'I PHYIR CHUNG NGU TZAM YANG ZHES BYA BA LA SOGS PA SMOS TE, ZHES RGYUN MI CHAD DU SPYOD PA NGO TSA KHREL YOD NYAMS PA'I RGYUR BSTAN TE DON NI SNGA MA GNYIS DANG 'DRA'O, ,'GREL PA KHA CIG GIS THUN TSOD LAS MA 'DAS PA LA 'DOD PA NI 'OG TU BSHAD DO, ,YAN LAG GNYIS PA NI, NGO TSA SHES PA ZHES PA NAS MI SKYED PA DANG ZHES PA'I BAR RO, ,DE LA NGO TSA DANG KHREL YOD NI BYANG SA LAS, BYANG CHUB SEMS DPA' KHA NA MA THO BA KUN TU SPYOD PA NA BDAG GI CHA MA YIN PAR SHES NAS 'DZEM PA NI NGO TSA SHES PA'O, ,DE NYID LA GZHAN DAG LA 'JIGS SHING GUS PAS 'DZIM PA NI KHREL YOD PA'O ZHES GSUNGS PA'O, ,'DI GNYIS KYI DMIGS PA NI NYES PAR SPYAD PA'O, ,RNAM PA NI 'DZEM PAR BYED PA'O, ,KHYAD PAR NI 'DI NI BDAG GI BYA BA'I CHA MA YIN NO SNYAM NAS RANG RGYU MTSAN DU BYAS TE 'DZEM NA NGO TSA SHES PA DANG GZHAN GYIS SMOD NA MI RUNG NGO ZHES GZHAN RGYU MCHAN DU BYAS TE 'DZEM NA KHREL YOD DO, ,'DI GNYIS CHEN PO DANG 'BRING LTA ZHOG CHUNG NGU TZAM YANG MA SKYES PA STE GANG LA MA SKYES PA'I GZHI NI PHAM PAR 'GRO RGYU'I NYES SPYOD LA ZHUGS PA LA'O, ,PHAM PAR 'GRO BA LA DE GNYIS KA MI SKYED PA ZHES GSUNGS PAS NGO TSA DANG KHREL YOD GANG RUNG ZHIG CHUNG NGU TZAM ZHIG SKYES KYANG PHAM PAR MI 'GYUR RO, ,'O NA DE GNYIS @60A *, ,SKYES PA DANG MA SKYES PA'I DUS GANG YIN ZHE NA, PHAM PAR 'GRO RGYU'I NYES SPYOD LA ZHUGS PA'I DE MA THAG YIN GYI THUN TSOD KYI NANG TSUN CHAD DU 'DOD PA MI 'THAD DE 'CHAD PAR 'GYUR RO, ,YAN LAG GSUM PA NI, DES MGU ZHES PA NAS DGA' BA ZHES PA'I BAR RO, ,'DI LA RGYA MTSO SPRIN DANG DZI NA SU TRAS NGO TSA MED PA DES KYANG MGU BAR BYED CES GSUNGS TE GZHI GANG LA NGO TSA MI SKYE BA'I NYES SPYOD DES MGU BA'AM YANG NA NGO TSA DANG KHREL MED PA DES BYA BA DE LA MGU BA SKYED PAR BYED PA LA BYA STE SA MU DRAS, NGO TSA DANG KHREL MED PA NYID KYIS RANGS TE DGA' BAR BYED, CES 'CHAD PA LTAR RO, ,NYES SPYOD LA ZHUGS PA LA 'DZEM PA MA SKYES PA TZAM GYIS MI CHOG BYA BA DES RANG GI YID MGU BA ZHIG DGOS ZHES PA'O, ,DE LA DGA' BA NI NYES SPYOD DE KUN TU SPYOD PA MI SPONG BA LA RGYA MTSO SPRIN DANG DZI NA SU TRA GNYIS KAS BSHAD DO, ,'DI RNAMS SNGA MA RNAMS GZHIR BZHAG NAS PHYI MA MA TSANG NA KUN DKRIS CHEN PO'I YAN LAG MI TSANG BAS SNON PA BYED PA YIN PA LA, MI SPONG BA MED NA SPONG BAR 'GYUR LA SPONG NA NI 'DZEM PA'I BLO SKYE BAS YAN LAG GNYIS PA YANG MA TSANG BAR 'GYUR RO ZHE NA, MI SPONG BA NI NYES DMIGS SU BLTAS NAS MI SPONG BA LA MI BYED DO, ,'O NA GANG ZHE NA 'DI LA SLOB DPON YON TAN 'OD KYIS, MGU BA NI BSAM PA THAG PA NAS DGA' BA SKYED PA DANG DGA' BA SBYOR BA'I SGO NAS GNAS PA LA 'CHAD PA LTAR MGU BA NI NYES SPYOD DE LA DGA' BA YIN LA DGA' BA NI NYES SPYOD DE SGRUB PA'I SBYOR BA LA DGA' BA TZAM LA BYAS NA DGONGS PA MTHUN NAM SNYAM MO, ,'O NA RGYUN MI @60B CHAD DU SPYOD PA'I PHYI MA LA SPYOD 'DOD YOD PA DANG ZLOS SO ZHE NA, MI ZLOS TE DE LA 'DOD PA DANG DE LA DGA' BA GNYIS SEMS BYUNG SO SO BA YIN PA'I PHYIR RO, ,YAN LAG BZHI PA NI, DE NYID LA YON TAN DU LTA BA STE 'DI YI DON BYA BA DE LA NYES DMIGS SU MI LTA BA LA RGYA MTSO SPRIN DANG DZI NA SU DRAS BSHAD DO, ,GAL TE NYES DMIGS SU LTA NA 'DZEM PA'I BLO MI SKYE BA DANG DE LA DGA' BA LA SOGS PA RNAMS JI LTAR 'ONG SNYAM NA, MI 'GAL TE NYES DMIGS SU LTA BA NGO TSA KHREL YOD KYI RGYU YIN GYI NGO BO MA YIN PA'I PHYIR DANG NYES DMIGS SU MTHONG YANG DGA' BAS 'JUG PA NI KHRIMS LDAN LOG G-YEM LA 'JUG PA BZHIN NO, ,DGA' MGU GNYIS KYI BSHAD PA BRJES PA MA GTOGS PA SA MU DRA YANG SNGA MA DANG MTHUN NO, ,SLOB DPON YON TAN 'OD KYIS PHAM PA'I GNAS LTA BU'I CHOS DE DAG NYID LA 'DI DAG NI YON TAN YIN NO SNYAM PA'I NGANG TSUL CAN GANG YIN PA DE DAG NI YON TAN DU LTA BA CAN NO, ,ZHES GSUNGS PA NI PHA MA PA'I GNAS KYI CHOS LA SKYON MED DU 'DZIN PA MA YIN GYI 'DOD PA'I YON TAN ZHES GSUNGS PA LTAR 'DOD PAR BYA BA'I PHYOGS SU LTA ZHING MI 'DOD PA'I PHYOGS SU MI LTA BA LA DGONGS PAS 'GREL PA RNAMS DGONGS PA GCIG GO ,MDO BTUS KYI 'GREL PAR RGYUN MA CHAD PA NI THUN TSOD LAS 'DAS PA'I BAR DU MA CHAD PA LA 'CHAD CING, DE'I DON NI SNGA MA MANG POS DE'I BAR LA NGO TSA KHREL YOD MA SKYES PAS DE GNYIS KYIS BAR MA BCAD PA LA 'DOD DE BDAG BSTOD SOGS KYI RIGS 'DRA MA CHAD PA DGOS NA HA CANG THAL SNYAM DU BSAMS PA'O, ,THUN TSOD @61A *, ,KYANG NYE BAR 'KHOR GYIS ZHUS PA LAS, BYANG SEMS LA SNGA DRO LTUNG BA BYUNG NA PHYED LA BYANG CHUB KYI SEMS DANG MA BRAL BAR GNAS NA DE'I TSUL KHRIMS MTHA' MED DO, ,DE BZHIN DU PHYED LA BYUNG NA PHYI DRO DANG PHYI DRO BYUNG NA SROD LA DANG SROD LA BYUNG NA NAM GUNG DANG NAM GUNG LA BYUNG NA THO RANGS BYANG CHUB KYI SEMS DANG MA BRAL NA TSUL KHRIMS MTHA' MED DO, ,ZHES GSUNGS PAS THO RANGS BYUNG NA SNGA DRO LA ZHES PA DON GYI 'THOB PAS NYIN LA CHA GSUM MTSAN LA CHA GSUM BYAS PA'I NYIN ZHAG GI DRUG CHA'O ZHES 'DOD DO, ,'DI LA SNGA MA MI 'THAD DE, RGYUN MA CHAD PA'I DON DANG NGO TSA DANG KHRAL YOD MI SKYE BA GNYIS GCIG TU SONG BAS GZHUNG NAS YAN LAG SO SOR BGRANGS PA DANG 'GAL LO, ,'DIR BSTAN PA'I YAN LAG RNAMS KYIS MA BSTAN KYANG KHA BSKANGS NAS THUN TSOD BYED NA, BYANG SAR KUN DKRIS CHEN PO'I YAN LAG TSANG BAR MA BSTAN PAR 'GYUR LA, GZHAN GYIS BSNAN YIN BYED NA DER YANG MA NGES PA'I YAN LAG DU MA 'JUG PAR RIGS PAS THUG PA MED PAR 'GYUR RO,, PHYI MA THUN TSOD KYI RNAM GZHAG KYANG MDO YI DON MIN TE MDO DE LAS, NYE BAR 'KHOR JI LTAR NA THEG PA CHEN PO LA YANG DAG PAR ZHUGS PA'I BYANG CHUB SEMS DPA' RNAMS KYI BSLAB PA BCOS SU YOD PA YIN LA, NYAN THOS KYI THEG PA PA RNAMS KYI BSLAB PA BCOS SU MED PA YIN ZHE NA, NYE BAR 'KHOR 'DI LA THEG PA CHEN PO LA YANG DAG PAR ZHUGS PA'I BYANG CHUB SEMS DPA' NI GAL TE SNGA DRO'I DUS KYI TSE NYES PA BYUNG LA GUNG TSIGS KYI DUS KYI TSE THAMS CAD MKHYEN PA NYID KYI SEMS DANG @61B MA BRAL BAR GNAS PAR BYED NA THEG PA CHEN PO LA YANG DAG PAR ZHUGS PA'I BYANG CHUB SEMS DPA'I TSUL KHRIMS KYI PHUNG PO YONGS SU MA GTUGS PA KHO NA YIN NO, ,GAL TE ZHES PA MAN CHAD DE BZHIN DU SBYAR TE GUNG TSIGS DANG PHYI DRO GNYIS DANG PHYI DRO DANG MTSAN MO'I THUN DANG PO GNYIS DANG THUN DANG PO DANG MTSAN MO'I GUNG THUN GNYIS DANG GUNG THUN DANG THUN THA MA GNYIS LA GSUNGS NAS, NYE BAR 'KHOR DE LTAR NA THEG PA CHEN PO LA YANG DAG PAR ZHUGS PA'I BYANG CHUB SEMS DPA' RNAMS KYI BSLAB PA NI BCOS SU YOD PA YIN TE, DE LA NI BYANG CHUB SEMS DPA' 'GYOD PA'I KUN NAS LDANG BA HA CANG BSKYED PAR MI BYA ZHING HA CANG YID LA BCAGS PAR YANG MI BYA'O, ,NYE BAR 'KHOR DE LA NYAN THOS KYI THEG PA PA LA YANG DANG YANG DU NYES PA BYUNG NA NI NYAN THOS KYI THEG PA PA'I TSUL KHRIMS KYI PHUNG PO NYAMS PA DANG RAB TU NYAMS PA DANG YONGS SU GTUGS PA YIN PAR RIG PAR BYA'O, ,DA CI'I PHYIR ZHE NA, NYAN THOS KYI THEG PA PAS NI NYON MONGS PA THAMS CAD SPANG PA'I PHYIR MGO DANG GOS LA ME 'BAR BA LTA BUR BYA DGOS PA'I PHYIR TE DE LTAR NA NYAN THOS KYI THEG PA PA LHAG PA'I BSAM PAS YONGS SU MYA NGAN LAS 'DA' BAR 'DOD PA RNAMS KYI BSLAB PA NI BCOS SU MED PA YIN NO, ,ZHES GSUNGS PA'I SNGA DRO LTUNG BA BYUNG NA ZHES PA'I LTUNG BA DE NI RTZA LTUNG YIN PA'I PHYIR RO, ,RTZA LTUNG YIN PAR CIS SHES NA THEG CHEN DANG NYAN THOS KYI BSLAB PA GNYIS PHYIR BCOS SU YOD MED KYI LAN DU GSUNGS LA DE'I DON BSDUR YANG DE LTAR NA BYANG SEMS KYI BSLAB PA BCOS SU YOD @62A *, ,PA ZHES DANG, NYAN THOS KYI THEG PA PA LA NYES PA BYUNG NA SLAR BCOS SU MED PAR GSUNGS PAS SHES TE RTZA LTUNG LAS GZHAN PHYIR BCOS SU RUNG BA NI NYAN THOS LA YANG YOD PA'I PHYIR BYANG SEMS KYI KHYAD CHOS MIN NO, ,GAL TE DE NI MI RIGS TE RTZA LTUNG YIN NA TSUL KHRIMS KYI PHUNG PO YONGS SU MA GTUGS PA KHO NA YIN NO ZHES GSUNGS PA DANG 'GAL BA'I PHYIR TE TSUL KHRIMS YONGS SU GTUGS PA'I DON NI NYAMS PA YIN PA'I PHYIR RO ZHE NA, SKYON MED DE BSLAB BTUS SU DRANGS PA'I 'GYUR LAS TSUL KHRIMS KYI PHUNG PO MTHA' MED DO ZHES 'BYUNG BA 'DI BDE STE DE'I DON NI BYANG SEMS KYI RGYUD KYI TSUL KHRIMS DE RTZA LTUNG BYUNG BAS PHYIR BLANG DU MED NA DE'I MTHA' DE TZAM DU ZAD PAS MTHA' YOD NA YANG BLANG DU YOD PAS MTHA' MED CES PA YIN PA'I PHYIR RO, ,GAL TE MDO DES THUN TSOD BSTAN DU CHUG NA YANG MI 'GRIG STE THUN CHAD 'DOD PA LTAR NA THUN DE'I NANG DU GNYEN PAS SLEB DGOS LA, SNGA DRO LTUNG BA BYUNG NA GUNG TSIGS LA ZHES GSUNGS SHING DE GNYIS KYANG THUN TSOD SO SO BAR 'DOD PA'I PHYIR DANG GZHUNG NAS NGO TSA KHRIL YOD DANG NYES DMIGS SU LTA BA YOD MED LA BSHAD LA, MDO LAS SMON SEMS DANG MA BRAL BA LA GSUNGS PA'I PHYIR RO, ,'O NA LAM SGRON 'GREL PAR, THUN TSIGS DRUG PO DUM BU BCO BRGYAD 'GYUR, ,SNGA DRO'I THUN LA DUM BU GSUM YOD PA'I, ,DUM BU DANG PO DUM BU BAR MA LA, ,NYES PA BYUNG BA DUM BU THA MA DER, ,BYANG CHUB SEMS BRJOD BYANG CHUB SEMS DPA' NYAMS, ,PHYI MA LNGA YANG @62B DE BZHIN BSGRE BAR BYA, ZHES GSUNGS PA CI ZHE NA, 'DI NI LUNG DE'I GONG DU, SDIG PA'I GROGS SPANGS THUN TSIGS SBYOR DANG LDAN, ZHES SOGS KYIS BYANG SEMS KYI SDOM PA BZUNG NAS LAM LA 'JUG PA'I SLOB MA'I MTSAN NYID BSHAD PA YIN TE, THUN TSIGS SBYOR DANG LDAN ZHES PA NI THUN DRUG RE RE'I DUM BU DANG PO GNYIS SU NYES PA BYAS PA DE DUM BU THA MA TSUN LA BYANG CHUB KYI SEMS DRAN NAS SLAR GSO BA'I SBYOR BA DANG LDAN PA DGOS KYI DE LTA MA YIN NA BYANG SEMS THA MA'I PHYIR BCOS KYI TSUL LAS KYANG NYAMS SO ZHES STON PA'I PHYIR RO, ,DE LTAR YANG LUNG DE'I 'PHROS NYID NAS, DUM BU DANG POR LEGS PAR GSO BYED PA, ,SKYES BU RAB YIN 'BRING NI GNYIS LAS SO, ,DUM BU THA MAR GSO BA THA MA STE, ZHES GSUNGS PA'I PHYIR RO, ,DER MA ZAD SKYES BU RAB KYI RAB NI SKAD CIG DANG PO DANG RAB KYI 'BRING NI GNYIS PA DANG RAB KYI THA MA NI SKAD CIG GSUM PAR GSO BAS DGU DRUG LNGA BCU NGA BZHIR YANG GSUNGS TE PHYIR 'CHOS PA'I TSUL YIN GYI PHAM PAR 'GYUR BA'I THUN TSIGS MIN NO, ,'O NA RTZA LTUNG BYUNG YANG TSUL KHRIMS SLAR GSOR RUNG BA DE BYANG SEMS KYI SDOM PA LA BYED DAM BYANG SEMS KYI RGYUD KYI SO THAR LA BYED, DANG PO LTAR NA SLAR GSOR RUNG BA LA SMON SEMS MA BRAL NA ZHES PA'I KHYAD PAR BRJOD PA MI RIGS TE SMON PA BTANG BA SLAR YANG SEMS BSKYED NAS BYANG SEMS KYI SDOM PA LEN NA SKYE BA'I PHYIR RO, ,GNYIS PA LTAR NA SO SOR THAR PA'I SDOM LDAN LA PHAM PA BYUNG NAS SLAR BLANGS KYANG SNGON GYI SDOM PA 'DRA BA PHYIR BLANG ? @63A *, ,DU MED PAR THEG PA CHE CHUNG GI GZHUNG MANG PO LAS GSUNGS PA'I PHYIR DANG SMON SEMS DANG BRAL MA BRAL KYI KHYAD PAR YANG MI 'THAD PA'I PHYIR RE ZHE NA, MDO 'DI SLOB DPON ZHI BA LHAS BYANG CHUB KYI SEMS KYI MTHUS SDIG LTUNG 'DAG PA'I SHES BYED DU DRANGS LA MDO'I DON NI RTZA LTUNG BYUNG YANG SMON SEMS DANG MA BRAL NA SLAR SDOM PA GSOR YOD PAR BSTAN PAS NA, RTZA LTUNG GIS SDOM PA SLAR SKYE BA'I GEGS BYED PA'I SGRIB PA BYANG CHUB KYI SEMS DANG MA BRAL BA'I STOBS KYIS BKAG CES BSHAD DGOS SO, ,DE'I PHYIR SO THAR GYI SDOM PAR MNGON TE BYANG SEMS KYI SDOM PA NI SMON SEMS BTANG BA LA YANG SLAR SKYE BA'I PHYIR TE SNGAR DRANGS PA LTAR SPYOD 'JUG TU LTUNG BA STOBS LDAN DANG BYANG CHUB KYI SEMS STOBS LDAN 'DRES MAR SPYOD NA SA THOB PA LA RING DU THOGS ZHES SMON SEMS BTANG BA'I NYES DMIGS KYI SKABS SU GSUNGS LA LTUNG BA STOBS LDAN NI, DE NI BYANG CHUB SEMS DPA' LA, ,LTUNG BA'I NANG NA LCI BA STE, ZHES LUNG DE'I GONG DU GSUNGS PA'I SMON SEMS BTANG BA'O, ,DE DAG SMON SEMS STOBS LDAN RES KYIS 'DRE BAR BYED PA NI LTUNG BA DE BYUNG NAS SLAR YANG SMON SEMS STOBS LDAN BSKYED PA YIN PAS SEMS BSKYED SOR CHUD NA SDOM PA MI SKYE BA'I DON MED PA'I PHYIR RO, ,NYE BAR 'KHOR GYIS ZHUS BA LAS KYANG, NYAN THOS KYI THEG PA PA RNAMS KYI SO SOR THAR PA'I SDOM PA NI JI LTAR BRJOD PAR BGYI, RANG SANGS RGYAS KYI THEG PA PA RNAMS KYI SO SOR THAR PA'I SDOM PA NI JI LTAR BRJOD PAR BGYI, THEG PA CHEN PO LA YANG DAG PAR ZHUGS PA'I BYANG CHUB SEMS DPA' @63B RNAMS KYI SO SOR THAR PA'I SDOM PA NI JI LTAR BRJOD PAR BGYI, ZHES BYANG SEMS KYI SO THAR ZHUS KYI BYANG SEMS KYI SDOM PA MA ZHUS PAS GANG ZAG THEG DMAN PA DANG THEG CHEN PA GNYIS KYI SO THAR GYI ZHU BA MDZAD PA'I LAN DU BYANG SEMS KYI BSLAB PA BCOS SU YOD PA DANG NYAN THOS KYI BSLAB PA BCOS SU MED PAR SMOS SHIG CES GSUNGS PA DE SNGAR GYI MDO DES 'CHAD PA YIN PA'I PHYIR RO, ,'O NA SMON SEMS DANG MA BRAL NA BCOS SU YOD PA DANG BRAL NA BCOS SU MED PA'I KHYAD PAR 'ONG BA CI ZHE NA SO THAR GYI SDOM LDAN GANG YANG RUNG BA LA RTZA LTUNG BYUNG BA PHYIR BLANG DU YOD NA KHYAD PAR DE DON MED KYANG DE NI MA YIN TE 'DI LTAR BYANG SEMS SO THAR GYI SDOM LDAN DE LA SO THAR GYI RTZA LTUNG BYUNG NA RTZA LTUNG BYUNG BA'I 'OG DE MA THAG YAN CHED DU SNGAR BSKYED PA'I SEMS BSKYED DANG MA BRAL NA PHYIR BLANG DU YOD LA, GAL TE BYANG SEMS YIN YANG RTZA LTUNG GI SBYOR DNGOS MJUG DE MA THAG YAN DU SEMS BSKYED BTANG NAS MI LDAN PAR BRAL NA PHYIR BSKYAR DU MI RUNG STE DE RUNG NA THEG PA DMAN PA'I RTEN LA YANG HA CANG THAL BAR 'GYUR RO, ,DES NA SNGA DRO ZHES PA NI SKYA RENGS SHAR NAS GUNG TSIGS LA MA SLEB PA'I BAR SPYI LA BYED PAS GUNG TSIGS LA ZHES PA NI LTUNG BA BYUNG BA'I DE MA THAG GI MTSON BYED DO, ,MDOR NA RTZA LTUNG BYUNG BA'I DE MA THAG YAN CHAD DU SMON SEMS DANG MA BRAL NA SEMS DE'I MTHUS RTZA LTUNG BYUNG YANG LTUNG BA DE SDOM PA SLAR SKYE BA LA GEGS BYED DU SKYO MI NUS LA BRAL NA DE'I NUS PA 'GOG BYED MED PAS SLAR GSOR MI RUNG ZHES PA'O, ,DES NA RTZA LTUNG MA BYUNG BA'I GONG NAS SEMS DE BTANG @64A *, ,ZHING BRAL NA BCOS SU MI RUNG BAS LTUNG BA DE BYUNG MA THAG GI MJUG TSUN CHAD DU SEMS DE DANG MA BRAL BA ZHIG DGOS SO DE LA DGONGS NAS MA BRAL NA ZHES SNGAR BSKYED PA DE DANG MA BRAL ZHING MA BTANG BA LA GSUNGS KYI DUS DER SEMS DE MA BSKYED NA ZHES MA GSUNGS SO, ,THABS LA MKHAS PA'I MDO LAS KYANG, RIGS KYI BU 'DI LA BYANG CHUB SEMS DPA' THABS LA MKHAS PA'I CI STE BRGYA LA LA LA ZHIG TU SDIG PA'I GROGS PO'I DBANG GIS NYES PA BYUNG NA DE 'DI LTAR SLOB BO, ,GAL TE BDAG GIS PHUNG PO 'DI DAG GIS YONGS SU MYA NGAN LAS 'DA' BAR BYA NA NI BDAG GI SEMS YONGS SU GDUNG BA DANG LDAN PAR YANG 'GYUR GYIS 'DI LTAR BDAG GIS SEMS CAN YONGS SU SMIN PAR BYA BA'I PHYIR PHYI MA'I MTHA'I MUR 'KHOR PA NA GNAS PA DE LTA BU'I GO CHA BGOS LA, BDAG GIS SEMS LA GDUNG BAR NI MI BYA'I JI LTA JI LTAR 'KHOR PAR 'GYUR BA DE LTA DE LTAR SEMS CAN YONGS SU SMIN PAR BYA'O, ,LTUNG BA 'DI YANG CHOS BZHIN DU GSO BAR BYA'O, ,PHYIS NYES PA MI BYA'O SNYAM DU SEMS SO; ;RIGS KYI BU YONGS SU BRTAG PA BZUNG NA GAL TE RAB TU BYUNG BA'I BYANG CHUB SEMS DPA' RTZA BA'I LTUNG BA BZHI PO THAMS CAD ZHIG PAR GYUR KYANG THABS LA MKHAS PA 'DIS SEL BAR BYED PA LTAR NA BYANG CHUB SEMS DPA' LA LTUNG BAR MI 'GYUR BAR NGA SMRA'O, ,ZHES GSUNGS PAS LTUNG BA'I RTEN LA BYANG SEMS DGOS KYI DANG POR RTEN GZHAN LA RTZA LTUNG BYUNG NAS PHYIS BYANG CHUB SEMS DPAR SONG BAS SO THAR SKYOR DU MI RUNG STE MDO GNYIS KA NAS BYANG SEMS KYI RGYUD KYI SO THAR KHO NA @64B LA GSUNGS PA'I PHYIR RO, ,'DI LA 'KHRUL NAS THEG CHEN PA'I LUGS KYI SO THAR LA PHAM PA BYUNG YANG PHYIR BSKYAR BAS SNGON BZHIN SDOM PA 'THOB BO ZHES SMRA BA NI THEG CHEN PA'I GRUB MTHA' DANG THEG CHEN PA'I GANG ZAG GNYIS GCIG TU BZUNG BA'I NOR PA CHEN PO YIN NO, ,NYE BAR 'KHOR GYIS ZHUS PA LAS THEG PA CHE CHUNG GI SO THAR GYI KHYAD PAR LA GZHAN GYI SEMS KYI RJES SU 'JUG PA'I RJES SU SRUNG BA DANG BCAS MA BCAS DANG PHYIR BCOS SU YOD MED DANG RING DU RJES SU ZHUGS PA DANG MTHAR CHAGS PA'I KHYAD PAR GSUM GSUNGS PA'I THA MA'I DON BYANG SEMS KYI RGYUD KYI SO THAR SHI 'PHOS KYANG MI GTONG BA RING DU ZHUGS PA LA 'DOD PA NI MI RIGS TE MDO DE LAS, BYANG SEMS DGE RTZA SMIN PAS NYON MONGS THAMS CAD CHE GCIG LA ZAD PAR MI BYA BAR RIM GYIS ZAD PAR 'GYUR BA DANG NYAN THOS DGE RTZA SMIN PAS NI MGO LA ME 'BAR BA LTAR BYED PAS SRID PAR SKYE BA SKAD CIG TZAM YANG BSKYED PAR MI BYA BA GNYIS RING DU ZHUGS PA DANG MTHAR CHAGS PA'I RGYU MTSAN DU GSUNGS PAS, SRID PAR 'KHOR BA CHED DU 'DZIN MI 'DZIN LA MDZAD PA'I PHYIR RO, ,SPROS PAS CHOG GO ,DA NI DKYUS KYI DON LA 'JUG PAR BYA STE, GAL TE KUN DKRIS CHEN POR 'GYUR BA LA DGAG PA'I SGO NAS NGO TSA KHREL YOD MA SKYES PA DANG NYES DMIGS SU MI LTA BA GNYIS, SGRUB PA'I SGO NAS PHYI MA LA SPYOD 'DOD DANG MGU ZHING DGA' BA GNYIS TSANG BA DGOS NA MED PA GNYIS GANG NAS GZUNG STE GANG GI BAR DU MED PA DANG YOD PA GNYIS KYANG GANG NAS GZUNG STE GANG BAR DU YOD PA DGOS SHE NA, 'DI LA @65A *, ,MED PA GNYIS NI KUN SLONG BYUNG BA NAS BRTZAMS TE DNGOS GZHI RDZOGS PA'I DE MA THAG YAN CHAD DU MED PA RGYUN CHAGS PA DGOS KYI BAR DE DAG TU NGO TSA SHES PA'AM KHREL YOD PA'AM NYES DMIGS SU LTA BA GANG RUNG ZHIG BYUNG NA KUN DKRIS CHEN PO'I YAN LAG MI TSANG NGO, ,DE BZHIN DU YOD PA GNYIS KYANG DUS DE DAG GANG RUNG DU BYUNG NAS DNGOS GZHI RDZOGS PA'I DE MA THAG YAN CHAD DU YID DE DAG LAS MA LOG PA DGOS KYI RIGS 'DRA BAR MA CHAD DGOS NA HA CANG THAL LO, ,'O NA KUN DKRIS CHUNG 'BRING GI KHYAD PAR JI LTAR SHES PAR BYA ZHE NA, 'DI LA RGYA MTSO SPRIN DANG YON TAN 'OD DANG DZI NA SU TRA DANG SDOM PA NYI SHU PA'I 'GREL PA RNYING MA RNAMS KYIS MA BSHAD LA, SA MU DRAS NYON MONGS LA 'BAB PA DANG GZHOL BA DANG BAB PA GSUM STE DANG POR SKYES PA TZAM DANG SKYES NAS DE'I RJES SU DE LA SEMS GZHOL BA DANG NYON MONGS PA DE'I DBANG DU GYUR PA LA BUN ? DKRIS CHUNG 'BRING CHE GSUM DU 'JOG PA'I RANG LUGS DANG, DKON MCHOG SPRIN NAS DUG GSUM LA CHE 'BRING CHUNG GSUM GSUNGS PA DANG SBYOR BA'I GZHAN LUGS GNYIS BSHAD KYANG SNGA MA GZHUNG LAS YE MI GSAL ZHING PHYI MA YANG 'DI DANG MI MTHUN PA SNANG NGO, ,SDOM PA NYI SHU PA'I 'GREL PA GSAR MA LAS, SAR GYI YAN LAG BZHI'I STENG DU GZHAN GYIS GSOL BA BTAB PAS MI LDOG PA BSNAN PAS LNGA CHANG NA KUN DKRIS CHEN PO DANG GSOL BA BTAB PAS LDOG NA 'BRING DANG GSOL BA BTAB PA LA MI LTOS PAR RANG STOBS KYIS MYUR BAR LDOG NA CHUNG NGU @65B BSHAD MOD, 'THAD SNYAM PA MI SNANG STE 'GREL BYED RES YAN LAG BSNAN YIN BYED NA YAN LAG GI MTSAMS GZUNGS MED PAR 'GYUR BA'I PHYIR RO, ,'O NA GANG ZHE NA, 'DIR SLOB DPON GYIS KUN DKRIS GSUM GYI RNAM DBYE MDZAD CING GSUM GA'I LTUNG BA NGOS KYANG BZUNG DAGS ? TE, MA ZIN NA GSUM DANG GCIG LA BSHAGS DGOS PA'I KHYAD PAR MI SHES PA'I PHYIR DANG SKABS GZHAN DU YANG MA GSUNGS PAS KUN DKRIS CHEN PO NGOS BZUNG BA'I SGO NAS SHES NUS PAR GSAL LO, ,DE LA BYA BA DES MGU ZHING DGA' BA DANG PHYI MA LA SPYOD 'DOD YOD PA DANG, NYES DMIGS SU MI LTA BA GNYIS NI PHYI MA NYON MONGS CHE BAR GSAL TE SNGA MA YOD KYANG NYES DMIGS SU LTA NA 'DZEM PA SKYES YOD LA NYES DMIGS SU YE MI LTA NA 'DZEM PA SKYES MED PA'I PHYIR RO, ,DE LA NYOS DMIGS SU LTA BA LA NGO TSA KHREL YOD DANG LDAN PAS MA KHYAB KYANG NYES DMIGS SU LTA BA MED NA DE GNYIS MI SKYE BAS KHYAB BO, ,DES NA KUN DKRIS CHEN PO'I YAN LAG MA TSANG BA'I TSE NYES DMIGS SU LTA BA 'DUG NA LHAG MA THAMS CAD TSANG YANG CHUNG NGUR SHES PAR BYA LA NYAS DMIGS SU LTA BA MI 'DUG NA 'BRING DU SHES PAR BYA'O, ,NYES DMIGS SU LTA BA MED PA NA NGO TSA KHREL YOD MED LA NGO TSA KHREL YOD BYUNG NA NYES DMIGS SU LTA BA 'BYUNG BAR NGES PAS DE GNYIS ZUR DU MA BRTZIS SO, ,BZHI PA SLAR GSOR RUNG BA'I KHYAD PAR NI, BYANG SEMS KYI PHAM PA'I CHOS LAN CIG TZAM KUN TU SPYAD PAS NI BYANG SEMS KYI SDOM PA BLANGS PA MI GTONG NGO, ,DE'I DON NI PHA MA BSAD PAS @66A *, ,DGE SLONG GIS SO THAR GYI SDOM PA BTANG BA BZHIN DU ZHES SNGA MA DE'I GONG DU GSUNGS PAS SO THAR BTANG BA DANG 'DRA BAR MI GTONG ZHES PA'I DON TE SO THAR PHAM PA BYUNG NAS BTANG NA SLAR BLANGS PAS SNGON BZHIN MI SKYE BAR GTONG BA DANG MI 'DRA ZHES BYA'I, PHAM PA LAN CIG GIS MI CHOG PAR LAN KHA YAR SPYAD PAS GTONG ZHES PA'I DON DU MI GZUNG NGO, ,DE'I PHYIR GZHUNG SNGA MA'I DE MA THAG TU, BYANG SEMS KYIS NI BLANGS PA BTANG DU ZIN KYANG TSE 'DI LA PHYIR NOD PA'I SKAL BA YOD DE DGE SLONG PHAM PA BYUNG BA BZHIN DU SKAL BA MED PA KHO NAR 'GYUR BA MA YIN NO, ,ZHES GSUNGS SO, ,GAL TE PHAM PA 'CHAB MED BYUNG NA SO THAR YANG SNGA MA PHUL NAS BLANGS NA BSNYEN PAR RDZOGS PAR GSUNGS PA MA YIN NAM CI'I PHYIR SLAR BLANG DU MED CES GSUNGS SHE NA, 'DI LA SDE PA KHA CIG 'CHAB PA MED NA PHAM PAR MI 'GYUR BAS PHAM PA THAMS CAD 'CHAB BCAS SU 'DOD PA LTAR NA PHYIR BLANG DU MED PA SGRA SOR BZHAG GIS CHOG GO ,DE YANG THEG PA DMAN PA'I RTEN LA DGONGS TE SNGAR BSHAD ZIN TO, ,PHAM PA 'CHAB MED 'DOD PA LTAR NA YANG BYANG SEMS KYI SDOM PA BLANG DU YOD PA DANG MI 'DRA STE BYANG SEMS LA NI SLAR BLANGS PAS SDOM PA RNAM DAG SKYE LA, THEG PA DMAN PA'I RTEN LA NI SLAR BLANGS KYANG DAG SLONG GI SDOM PA RNAM DAG MI SKYE BA'I PHYIR TE YUL RTEN LA LTOS NAS BSNYEN PAR MA RDZOd PA DANG RDZOd PA GNYIS KAR GSUNGS PA'I PHYIR RO, 'O NA SO THAR LA SLAR BCOS SU MED PA DANG BYANG SEMS KYI SDOM PA LA PHAM PA BYUNG BA SLAR BCOS SU RUNG BA'I RGYU MTSAN @66B CI ZHE NA 'DI LA RGYA MTSO SPRIN NI, NYAN THOS RNAMS KYI SO SOR THAR PA'I SDOM PA NI DGE BA'I CHOS THAMS CAD KYI GNAS SU GYUR PA'I PHYIR RTZA BA'I SDOM PA ZHES BYA STE DE CHAD PAR GYUR NA NGO TSA MED PA DANG KHREL MED PA DRAG PO KUN TU SPYOD PAS, NGO CHE SHES PA DANG KHREL YOD PA NYAMS PAR BYAS PAS TSE 'DI NYID LA SDOM PA YANG DAG PAR BLANG BA'I SKAL BA MED PAR 'GYUR RO, ,BYANG CHUB SEMS DPA' NI DE LTA MA YIN TE TSE 'DI NYID LA BYANG CHUB SEMS DPA'I SDOM PA YONGS SU BTANG DU ZIN KYANG TSE 'DI LA PHYIR NOD PA'I SKAL BA YOD DE NGO TSA SHES PA DANG KHREL YOD PA NYAMS PA MED PA'I PHYIR RO, ,ZHES SO THAR GYI PHAM PA BYUNG NA NGO TSA KHREL YOD NYAMS PAR BYED LA BYANG SEMS KYI SDOM PA'I PHAM PAS NYAMS PAR MI BYED PA RGYU MTSAN DU MDZAD CING; DE'I RGYU MTSAN YANG SO THAR DGE BA'I CHOS THAMS CAD KYI GNAS SU GYUR PA'I PHYIR ZHES 'CHAD DE DZIN SU TRA DANG SA MU DRAS KYANG DE LTAR BSHAD DO, ,PHYOGS 'DI LA NI SO THAR GYI PHAM PA BYUNG BA LA BYANG SEMS KYI SDOM PA SKYE MI SKYE DRIS NA LAN DKA' BAR MTHONG NGO, ,RANG GI LUGS NI SNGAR DRANGS PA'I NYE BAR 'KHOR GYIS ZHUS PA LAS NYAN THOS KYI THEG PA PA LA PHAM PA BYUNG NA DE'I TSUL KHRIMS YONGS SU GTUGS PA'I RGYU MTSAN DU NYAN THOS KYI THEG PA PAS NYON MONGS PA THAMS CAD SPONG BA'I PHYIR MGO DANG GOS LA ME 'BAR BA LTAR BYA DGOS PA'I PHYIR ZHES GSUNGS SHING, DA LTAN NYAN THOS KYI BSLAB PA BCOS SU MED PA'I ZHAS GSUNGS PA DANG, THABS LA MKHAS PA'I MDO LAS KYANG, PHUNG PO 'DIS MYA NGAN LAS 'DA' @67A *, ,BAR BYA NA NI BDAG GI SEMS YONGS SU GDUNG BA DANG LDAN PAR 'GYUR GYIS ZHES SNGAR DRANGS PA LTAR 'CHAD DGOS PAR MTHONG NGO, ,DE YANG SPYIR SO THAR THEG PA CHE CHUNG GNYIS KA'I RTEN LA YOD PAS SO THAR LA THEG PA CHE CHUNG GNYIS SU YOD KYANG SO THAR GYI BCAS PA GANG LA MDZAD PA'I GDUL BYA'I GTZO BO NI THEG DMAN GYI GANG ZAG GO, THEG DMAN GYIS NI TSE DE LA DGRA BCOM THOB PAR NUS MI NUS GANG YIN YANG TSE DE LA ZAG PA ZAD PAR BYA BA'I PHYIR DU BSAM PA'I GO CHA CHEN PO BGOS NAS MGO'AM GOS LA ME SHOR BA GSOD PA LA BRTZON PA LTA BU'I NYON MONGS SPONG BA'I BRTZON 'GRUS RTZAM DGOS SO, ,DES NA SDOM PA LEN PA YANG TSE DE LA ZAG PA ZAD PA THOB PA'I PHYIR DU YIN PA LA, GAL TE PHAM PA 'CHAB BCAS BYUNG NA DES SKYE BA DE LA ZAG PA ZAD PA 'THOB MI SRID PAR BYED PAS SDOM PA BLANGS PA'I DGOS PA'I GTZO BO GTAN LDOG LA, BYANG SEMS LA BYANG SEMS KYI SDOM PA'I DBANG DU BYAS PA'I RTZA LTUNG BYUNG YANG SDOM PA MNOS PA'I DGOS PA'I GTZO BO MI LDAG PA NI PHYIR BCOS SU RUNG MI RUNG GI RGYU MTSAN DU GZUNG STE, SNGAR DRANGS PA LTAR MDO GNYIS DBANG DU GYUR PA'I PHYIR RO, ,'DUL BA MDO YI RGYA CHER 'GREL LAS KYANG, SDOM PA BLANGS PA RNAM PAR GROL BA'I PHYIR YIN NA PHAM PA BYUNG BA DES RNAM GROL THAG RING DU BSRINGS PAS YOD KYANG MED PA DANG 'DRA BAR GSUNGS SO, ,LNGA PA GTONG BA'I RGYU NI, MDOR BSDU NA RGYU GNYIS KHO NAS BYANG SEMS KYI SDOM PA BLANGS PA GTONG STE RDZOGS BYANG DU SMON PA BTANG BA DANG PHAM PA'I GNAS LTA BU'I CHOS KUN DKRIS @67B CHEN POS SPYAD PA'O, ,'O NA BSDU BA LAS DE GTONG BA NI MDOR NA RGYU BZHIS 'GYUR TE YANG DAG PAR LEN PA'I SEMS KYIS MI 'DRA BAR NGES PA'I SEMS SKYED PAR BYED PA DANG MI BRDA PHRAD PA'I DRUNG DU 'BUL BA DANG LDAN PA'I TSIG RJOD PAR BYED PA DANG, PHAM PA'I GNAS LTA BA'I CHOS BZHI PO DE DAG LAS THAMS CAD DAM RE RE'I NYES PA 'BYIN PA DANG PHAM PA'I GNAS LTA BU'I CHOS BZHI PO THAMS CAD DAM RE RE LA KUN NAS DKRIS PA CHEN PO'I NYES PA 'BYIN PAR BYED NA BYANG CHUB SEMS DPAS SDOM PA BTANG BAR BRJOD PAR BYA'O, ,ZHES BZHIR GSUNGS PA JI LTAR YIN GZHAN YANG GTONG RGYU PHYI MA GNYIS SO SOR BGRANG TSUL YANG JI LTA BU ZHE NA, DE LA BYANG SAR GNYIS BSHAD PA DANG DE'I RNAM PAR GTAN LA DBAB PAR GRANGS DE LAS MANG BAR BSHAD PA GNYIS MI 'GAL TE RTZA BA DANG 'GREL PA LTA BU YIN PA'I PHYIR RO, ,GTONG RGYU DANG PO NI SEMS SKYED PAR BYED PA ZHES PA STE THEG DMAN DU SEMS BSKYED PA'O, ,DE YANG SNGAR SDOM PA LEN PA NI SEMS CAN GYI DON DU SANGS RGYAS THOB PAR 'DOD PA'I SEMS KYIS BLANGS PA'I SEMS DE DANG MI 'DRA BAR NGES PA STE MI MTHUN PA'I SEMS BSKYED PA DE SMON SEMS BTANG BA'O, ,GTONG RGYU GNYIS PA NI MI DON GO BA'I DRUNG DU BSLAB PA 'BUL BA'I TSIG BRJOD NAS PHA ROL POS GO BA'O, ,'DI SO THAR GYIS SDOM PA 'BUL BA DANG MI 'DRA STE DE LA NI SRUNG BAR MI NUS PA NA PHUL BAS SDOM PA RJES SU 'JUG PA'I BSOD NAMS CHAD PA YIN GYI PHUL BA RANG GI NGO BO NAS SDIG CHEN PO MI SKYED LA, 'DI @68A *, ,LA BYANG SEMS KYI SDOM PA PHUL NA NI SEMS CAN MTHA' YAS PA'I PHAN BDE SGRUB PAR KHAS BLANGS NAS SDOM PA GZUNG BA BCAD PAS NGAN 'GROR LHUNG NAS YUN RING DU 'KHYAM DGOS TE, SEMS CAN GCIG GI BDE BA BSHIG PA LA YANG NGAN 'GROR 'GRO DGOS NA LUS CAN MTHA' DAG GI BDE BA BSHIG NA SMOS SU MED PA'I PHYIR RO ZHES RGYU MTSAN DU MAS BSGRUBS PA'I PHYIR RO, ,DE LTAR YANG SPYOD 'JUG LAS, GAL TE DE LTAR DAM BCAS NAS, ,LAS KYIS SGRUB PA MA BYAS NA, ,SEMS CAN DE DAG KUN BSLUS NAS, ,BDAG GI 'GRO BA JI 'DRAR 'GYUR, ,DNGOS PO PHAL PA CUNG ZAD LA, YID KYIS SPYIN PAR BSAM BYAS NAS, ,MI GANG SBYIN PAR MI BYED PA, ,DE YANG YI DVAGS 'GYUR GSUNGS NA, , BLA NA MED PA'I BDE BA LA, ,BSAM PA THAG PAS MGRON GNYER NAS, ,'GRO BA THAMS CAD BSLUS BYAS NA, ,BDE 'GROR CIG 'GRO 'GYUR RAM, ZHES DANG, GANG GZHAN SKAD CIG 'DI YIN, ,BSOD NAMS BAR CHAD GEGS BYED PA, ,SEMS CAN DON LA DMAN GYUR PAS, ,DE YI NGAN 'GRO MU MTHA' MED, ,SEMS CAN GCIG GI BDE BA YANG, ,BSHIG NA BDAG NYID NYAMS 'GYUR NA, ,NAM MKHA' MA LUS MTHA' KLAS PA'I, ,LUS CAN BDE BSHIG SMOS CI DGOS, ZHES GSUNGS PA'I PHYIR RO, ,RGYU MTSAN DE RNAmS NI SMON SEMS BTANG BA DANG DE MA BTANG YANG BYANG CHUB KYI SPYOD PA'I KHUR KHYER BA'I YI DAM BTANG BA GNYIS 'DRA BA YIN PAS RNAM PA THAMS CAD DU DBUL DU MI RUNG NGO, ,DE'I PHYIR LEGS PAR BRTAGS NAS BLANG DGOS TE GZHAN DU NA NYES DMIGS SHIN TU @68B CHE BA BSLAB BTUS SU MDO GSUM GYIS BSGRUBS TE SNGAR BSHAD ZIN TO, ,GTONG RGYU GSUM PA NI NYES PA BZHI GA TSOGS PA 'AM RE RE'I NYES PA GANG RUNG LA BSHAD CING GTONG RGYU BZHI PA DE GNYIS KUN DKRIS CHEN POS SPYAD PA LA GSUNGS KYANG KUN DKRAS CHEN PA MA CHAD NA PHAM PA'I SDE TSAN DU GTOGS PA'I NYES PAR 'GYUR GYI PHAM PAR DNGOS SU MI 'GYUR BAS SDOM PA GTONG BA'I LTUNG BA MIN LA GTONG RGYU BZHI PA BYUNG NA GSUM PA GSUNGS PA YANG 'BYUNG BAR SNANG NGO, ,DES NA KUN DKRIS CHEN POS SPYAD PA'I NYES PA RE RE DANG GNYIS MAN CHAD TSOGS PA GNYIS NI GTONG RGYU PHYI MA GNYIS TE, GZHUNG 'DIR GSUNGS PA'I GTONG RGYU GNYIS PA LA GNYIS SU PHYE BA'O, ,BZHI PO THAMS CAD CES GSUNGS PA NI GNYIS MAN CHAD TSOGS PA'I PHYOGS TZAM MTSON BYED DO, ,BYANG SEMS SDOM LDAN GYI SMON SEMS KYANG MA BTANG ZHING BSLAB PA MA PHUL LA PHAM PA'I GNAS KYI KUN DKRIS CHEN PO MA SPYAD NA TSE 'PHOS KYANG 'OG DANG STENG DANG THAD KA RNAMS SU SKYES PA NA BYANG SEMS KYI SDOM PA MI GTONG NGO, ,TSE 'PHOS PA'I TSE BRJOD NA YANG DGE BA'I BSHES GNYEN LA BRTEN NAS DRAN PA BSO BA'I PHYIR NOD PAR ZAD KYI GSAR DU LEN PA NI MIN NO, ,DE LA STENG NI LHA DANG THAD KA NI MI DANG 'OG NI NGAN SONG STE DER SMON LAM MAM SEMS CAN GYI DON NAM LAS KYI DBANG GIS SKYIS PA LA 'GREL PA RNAMS KYIS BSHAD DO, ,SKYE BA GZHAN DU YANG BYANG SEMS DANG MI 'TSAM PA'I LAS LA MI 'JUG PAR 'DZIN SU DRA DANG SA MU DRAS 'CHAD DE SDOM PA GNAS PA'I MTHU'O, ,GNYIS PA NYES BYAS KYI SDE TSAN LA GNYIS LAS, SPYIR @69A *, ,BSTAN PA NI, BYANG SEMS KYI SDOM PA LA GNAS PA LA NYES PA DANG BCAS MA BCAS DANG NYES PA DANG BCAS PA LA YANG NYON MONGS CAN YIN MIN DANG NYES PA RNAMS KYI CHUNG NGU DANG 'BRING DANG CHEN PO'I RNAM PAR DBYE BA YANG RIG PAR BYA'O, ,DE LA LTUNG BAR 'GYUR MI 'GYUR DANG LTUNG BA LA YANG NYON MONGS CAN YIN MIN NI NYES BYAS RNAMS KYI SKABS SU STON LA CHUNG 'BRING CHEN PO NI SKABS 'OG MAR 'CHAD PAR 'GYUR RO, ,NYES BYAS SOOR BSHAD PA LA GNYIS, DGE BA'I CHOS SDUD PHYIN DRUG GI MI MTHUN PHYOGS KYI NYES PA DANG, SEMS CAN DON BYED KYI MI MTHUN PHYOGS KYI NYES PA'O, ,DANG PO LA DRUG SBYIN PA DANG TSUL KHRIMS DANG, BZOD PA DANG BRTZON 'GRUS DANG, BSAM GTAN DANG, SHES RAB KYI MI MTHUN PHYOGS KYI NYES PA'O, ,DANG PO LA LNGA LAS, ZANG ZING GI SBYIN PA'I GTZO BO NYAMS PA NI, DKON MCHOG GSUM LA GSUM MI MCHOD, CES PA STE SKYABS SU SONG BA DANG KHYAD PAR DU YANG BYANG CHUB TU SEMS BSKYED PAS NYIN RE BZHIN DU DKON MCHOG GSUM LA MCHOD PA DANG RIM GRO MI BYAR MI RUNG BAS DE MI BYED PA'I NYES PA'O, ,'DI LA GSUM LAS MCHOD PA'I YUL SANGS RGYAS NI, DE BZHIN GSHEGS PA'AM DE'I MCHOD RTEN NO, ,CHOS NI CHOS SAM CHOS KYI GLEGS BAM DU BYAS PA BYANG SEMS KYI MDO SDE'I SDE SNOD DAM SDE SNOD DE'I MA MO'O, , DGE 'DUN NI DGE 'DUN LA YANG RUNG STE PHYOGS BCU DAG NAS CHEN POR CHUD PA'I BYANG SEMS KYI DGE 'DUN NE, ,DE LA DE BZHIN GSHEGS PA NI DNGOS YIN LA MCHOD RTEN NI SKU'I GZUGS BRNYAN NO, ,CHOS NI RTOGS PA'I CHOS 'GOG LAM DANG GLEGS @69B BAM DU BYAS PA NI LUNG GI CHOS TE DE YANG BKA' DANG DGONGS 'GREL GNYIS SO, ,BYANG SEMS KYI SDE SNOD CES GSUNGS PAS THEG PA CHEN PO'I CHOS DGOS SO, ,DGE 'DUN NI DGE 'DUN ZHES PAS BSTAN PA'I DON SA CHEN POR CHUD PAR BSHAD PAS NA BYANG SEMS 'PHAGS PA'O, ,DE BZHIN GSHEGS PA'AM ZHES PAS NI DE DANG MCHOD RTEN GNYIS GANG RUNG GIS CHOG PAR STON LA, CHOS SAm ZHES PAS NI LUNG RTOGS GNYIS GANG RUNG DANG SDE SNOD DAM, ZHES PAS NI BKA' DANG DGONGS 'GREL GNYIS GANG RUNG GIS CHOG PAR STON NO, ,DE BZHIN GSHEGS PA'I MCHOD RTEN NAM ZHES PA DANG SDE SNOD KYI MA MO'AM DGE 'DUN LA YANG RUNG STE ZHES PA RNAMS KYIS NI MCHOD YUL GSUM GANG RUNG LA MCHOD PA GRUB NA YANG MCHOD PA'I MA MTHA' BYAS PAS NYES BYAS KHEd PAR STEN PA'O, ,MCHED PA'I DNGOS PO NI, YUL DE DAG LA MCHOD PA'I BYA BA CHUNG NGU'AM CHEN PO CI YANG RUNG STE THA NA LUS KYIS PHYAG GCIG TZAM 'TSAL BA DANG THA NA NGAG GIS YUL GSUM GYI YON TAN LAS BRTZAMS TE TSIG BZHI PA GCIG TZAM BRJOD PA DANG THA NA SEMS KYIS YUL GSUM GYI YON TAN DRAN PA SNGON DU 'GRO BA'I DAD PA GCIG TZAM BYED PA'O, ,'DI GSUM LA YUL LA GSUNGS PA LTAR GDAM PA CAN GYI SGRA MED PAS DKON MCHOG GSUM GANG RUNG GCIG LA YANG GSUM GA BYA DGOS SO, ,'GREL PA GSAR MA LAS, CI 'BYOR BA'I ME TOG LA SOGS PAS MCHOD PAR BYA STE THA NA LUS KYIS PHYAG GCIG TZAM 'TSAL BA DANG, ZHES BSHAD PA DANG SA MU DRAS KYANG, NYIN KYANG RUNG MTSAN @70A *, ,KYANG RUNG DGE BA SPYOD PA DANG MCHOD PA LA SOGS PA GZHAN MA NUS NA CHUNG NGU NA LUS KYIS PHYAG BYA ZHING, ZHES GSUNGS PAS ME TOG SOGS KYIS MCHOD NA YANG NYES BYAS 'GEGS NUS SO, ,DUS NI DE LTA BU'I MCHOD PA DE MA BYAS PAR NYIN ZHAG GCIG 'DAS NA KHA NA MA THO BA SKYED PAS NYES PA DANG BCAS PA BYANG SEMS KYI CHOS NYID DANG 'GAL BAS 'GAL BA DANG BCAS PAR 'GYUR RO, ,'DIR BSAM PA DAG PA'I SAR CHUD PA LA NYES PA MED DE DPER NA DGE SLONG GIS SHES NAS DAD PA THOB PA NI DUS THAMS CAD DU YANG CHOS NYID KYIS STON PA DANG CHOS DANG DGE 'DUN LA BSNYEN BU KUR BYED CING MCHOD PA DAM PAS MCHOD PA BYED PA LTA BU'O ZHES GSUNGS PA NI, BSAM PA DAG PA'I SA RAB TU DGA' BA THOB PAS MCHOD PA MA BYAS KYANG NYES PA MED PAR STON PA MIN GYI, ,SA DE THOB PA RTAG TU DKON MCHOG MCHOD PA DANG MI 'BRAL BAS NYES BYAS 'DI DE LA MI 'BYUNG BAR STON PA'O, ,LTUNG BA DE YANG BSLAB PA LA MI GUS PA DANG DAD PA MED PA'I SNYOM LAS DANG NYES PA LA SPRO BA'I LE LOS BYAS NA NYON MONGS CAN YIN LA BRJED PAS BYAS NA NI NYON MONGS CAN MIN PA'O, ,'GREL PA GSAR MAR, CHAGS PA KHONG KHRO NGA RGYAL SOGS, ,NYON MONGS LTUNG BAR 'DI BSTAN TE, ,LE LO BRJED NGAS LA SOGS PA, ,MCHOD LAS GZHAN DU NYON MONGS MIN, ZHES GSUNGS PA LTAR ZHE SDANG SOGS LCI BA LAS NYON MONGS CAN DANG LE LO SOGS CUNG ZAD YANG BA LAS DMAN PA LA DGAG SGRAS NYON MONGS CAN MA YIN PA ZHES NYES BYAS KYI SKABS RNAMS SU GSUNGS TE 'ON KYANG, SKABS @70B 'DIR SNYOM LAS DANG LE LO LA YANG NYON MONGS CAN DU GSUNGS PA NI GZHI CHEN PO LA NGES PAR BYA BA LAS 'DAS PA'O ZHES GRO LUNG BA GSUNG NGO, ,NYES BYAS 'DI SNGAR BSHAD PA'I DGE BA CHOS SDUD KYI RGYA CHE BA'I MCHOD PA LAS NYAMS PAR 'GREL PA GSAR MAR 'CHAD DO, ,GNYIS PA SER SNA'I GNYEN PO NYAMS PA NI, 'DOD PA'I SEMS KYI RJES SU 'JUG ,CES PA STE 'DOD PA CHE BA DANG CHO GA MI SHES PA DANG RNYED BKUR LA CHAGS PA GSUM MAM BZHI GANG RUNG BYUNG BA'I RJES SU 'JUG PA STE DANG DU LEN PAR BYED CING 'GOG PAR MI BYED NA NYON MONGS CAN GYI NYES BYAS TE 'DI LA LTUNG BA BYUNG NA NYON MONGS CAN MA YIN PA MED DO, ,SEMS DE DAG DGAG PA'I PHYIR DU 'DUN PA BSKYED CING 'BAD PAS BRTZON 'GRUS RTZOM LA DE'I GNYEN PO YONGS SU 'DZIN PAS DE'I GEGS LA GNAS TE BZLOG KYANG RANG BZHIN GYIS NYON MONGS PA SHAS CHE BA'I PHYIR DES ZIL GYIS MA NAN NAS YANG DANG YANG DU SPYOD PA LA BCAS PA DANG 'GAL BA'I NYES PA MED KYI SKYON YE MED PA NI MIN NO, ,'DI SDOM PA'I TSUL KHRIMS KYI SKABS KYI RNYED BKUR LA CHAGS PA DANG DU MI LEN ZHING 'DOD CHUNG CHOG SHES LAS NYAMS PA YIN PAR 'GREL PA GSAR MAS BSHAD DO, ,GSUM PA MI 'JIGS PA'I SBYIN PA'I RJES SU MI MTHUN PA LA GNYIS LAS, YUL GYI KHYAD PAR DANG 'BREL PA NI, RGAN PA RNAMS LA GUS MI BYED, CES PA STE BYANG CHUB SEMS DPA' RANG LAS SDOM PA'I SGO NAS CHES RGAN ZHING YID CHES PAR BYA BA'I YON TAN DANG LDAN LA DE GNYIS KYI SGO NAS GSONG POR SMRA BA LA SOGS PA'I 'SU GYUR PA'I @071A *, ,PHYIR BKUR STI BYA BAR 'OS PA RANG DANG CHOS MTHUN PA MTHONG NA LANGS SHING STAN MI STOB NA NYES BYAS SO, ,YUL GYI SPYI DANG 'BREL BA NI, DRIS PA LA NI LAN MI 'DABS, ZHES PA STE PHA ROL POS DGA' BAR BYA BA'I PHYIR RANG LA GSONG POR SMRA ZHING NAD 'DRI BA LA SOGS PA'I TSIG KUN TU SMRA LA YANG DAG PAR DGA' BAR BYED CING SNGA MA LAS DON GZHAN PA'I BYE BRAG 'DRI BA LA RIGS PA'I TSUL GYIS LAN MI BRJOD NA NYES BYAS SO, ,RIGS PA'I TSUL NI 'GREL PA KHA CIG LAS LAN BTAB PA LAS RNYED PA 'DOD PA SOGS MED PAR 'CHAD MOD KYANG 'GREL PA GSAR MAS RJES SU MTHUN PA'I LAN LA BSHAD PA LAGS SO, ,YUL DE GNYIS LA DA LTAR MA BYAS KYANG NYES PA MED PA LA RTEN GYI SGO NAS NYES PA MED PA NI, RANG NYID NAD TSABS CHE BA DANG GNYID LOG PA NA GZHAN GYIS SAD PA'I 'DU SHES KYIS SMRA BA SOGS BYED PA LA LAN MA BYAS KYANG NYES PA MED PA STE GNYIS SO, ,GNAS SKABS KYI SGO NAS LTUNG BA MED PA NI, RANG GIS GZHAN LA CHOS STON PA'AM GZHAN DANG CHOS KYI 'BEL GTAM BYED PA DANG, YUL GNYIS PO DE LAS GZHAN PA'I GANG ZAG SMRA BA SOGS KYIS DGA' BAR BYED PA'I DUS DANG, GZHAN GYIS RANG LA CHOS STON PA NYAN PA'AM GZHAN 'BEL GTAM BYED PA LA RNA BLAGS TE NYAN PA'I DUS TE GSUM MO, ,DGOS PA'I SGO NAS NYES PA MED PA NI, LANGS PA SAGS BYAS NA GZHAN CHOS NYAN PA'I BAR CHAD DU SONG NAS GZHAN MI DGA' BAR 'GYUR BA BSRUNG BA DANG, CHOS SMRA BAR MI DGA' BAR 'GYUR GYI DOGS NAS DE'I SEMS SRUNG BA DANG, MI LANGS PA LA SOGS PA'I @071B THABS DES DE DAG MI DGE BA LAS BSLANG STE DGE BA'I GNAS LA 'GOD PA DANG, PHYAG MI BYA BA DANG MI SMRA BA SOGS KYI NANG KHRIMS DGE 'DUN GYIS BYAS PA BSRUNG BA DANG, GUS PA DANG SMRA BA SOGS BYAS NA RANG LA SKYE BO MANG PO KUN NAS MNAR SEMS SKYE BA BSRUNG BA STE LNGA'O, ,DE DAG LAS GZHAN DU LTUNG BAR 'GYUR BA LA NYON MONGS CAN NI, NGA RGYAL DANG GNOD PA BYA BAR 'DOD PA'I KUN NAS MNAR SEMS DANG SEMS 'KHRUG PA'I KHONG KHRO BAS LDANG BA SOGS MI BYED PA'O, ,NYON MONGS CAN MA YIN PA NI SNYOM LAS DANG LE LO DANG LUNG MA BSTAN DANG BRJED NGAS KYIS KUN NAS BSLAR BA'O, ,NYES BYAS DE GNYIS NI SEMS CAN DON BYED KYI TSUL KHRIMS KYIS GZHAN GYI SEMS BSRUNG BA LAS NYAMS PAR 'GREL PA GSAR MAS BSHAD DO, ,BZHI PA GZHAN GYI SBYIN PA'I RKYEN MI BYED PA LA GNYIS LAS, MGRON DU BOS PA KHAS MI LEN PA NI, MGRON POS BDAG GIR MI BYED CING, ZHES PA STE GZHAN DAG RAB BYUNG GI GANG ZAG GI KHYIM MAM DGE 'DUN GYI GTZUG LAG KHANG DAM KHYIM PA'I KHYIM DU BAS SKAM DANG GOS LA SOGS PA'I YO BYAD LA MGRON DU BOS PA LAS NGA RGYAL KUN NAS MNAR SEMS KHONG KHROS BOS PA BDAG GIR MI BYED CING MI 'GRO NA NYON MONGS CAN GYI NYES BYAS SO, ,SNYOM LAS DANG LE LO'I DBANG GIS MI 'GRO NA NYON MONGS CAN MA YIN PA'I NYES PA'O, ,MA SONG YANG NYES PA MED PA LA RTEN GYI SGO NAS NI, NA STE MI NUS PA DANG SNGAR GZHAN LA KHAS BLANGS PA STE GNYIS SO, ,LAM GYI SGO NAS NI, LAM THAG RING ZHING BDE @072A *, ,BLAG TU BGROD MI NUS PA'I YUL 'DZAD MA RING DANG LAM NA DGRA DANG GDUG PA DANG GNOD PA MANG BA'I 'JIGS PA DANG BCAS PA STE GNYIS SO, ,SBYIN BDAG GI SGO NAS NI MTHO 'TSAM PA'I BSAM PAS BOS PA'O, ,DGOS PA'I SGO NAS NI, MA SONG BA'I THABS DES SNGAR BSTAN PA LTAR 'DUL 'DOD PA DANG RGYUN DU DGE PHYOGS LA BRTZON TE DE'I BAR CHAD BSRUNG BA DANG, SNGON MA THOS PA'I DON LDAN GYI CHOS MNYAN PA LAS NYAMS SU DOGS PA DANG, SNGON MA THOS PA'I 'BEL BA'I GTAM DE LTA BU DANG, GZHAN CHES MANG PO'I MNAR SEMS SRUNG BA DANG LHUNG BZED KHA BUB PA SOGS KYI DGE 'DUN GYI NANG KHRIMS SRUNG BA STE DRUG GO ,YO BYAD BSTABS PA MI LEN PA NI, GSER LA SOGS PA LEN MI BYED, CES PA STE SBYIN BDAG GZHAN GANG YANG RUNG BA LAS GSER DNGUL MU TIG BEE d'UR+YA LA SOGS PA NOR GYI RNAM GRANGS SNA TSOGS PA RNAMS 'THOB CING NAN GYIS SBYIN PA'I DUS KYIS BSTABS PA LAS MNAR SEMS DANG KHONG KHROS MI LEN ZHING SPONG NA SEMS CAN YAL BAR 'DOR BA'I PHYIR NYON MONGS CAN DANG, SNYOM LAS DANG LE LOS MI LEN NA NYON MONGS CAN MA YIN PA'I NYES PA'O, ,'OG MA RNAMS SU DMIGS BSAL MED PA'I SEMS GNYIS ZHES 'BYUNG BA RNAMS SEMS CHEN PO GNYIS PO 'DI LA GO BAR BYA'O,, MA BLANGS KYANG NYES PA MED PA LA RANG GI NGOS NAS NI, DNGOS PO DE BLANGS PAS RANG GI SEMS CHAGS PAR 'GYUR BAR MTHONG BA'O, ,SBYIN BDAG GI NGOS NAS NI BYIN PA'I RJES SU 'GYOD DOGS PA DANG, RANG DANG GZHAN NOR DU DOGS PA DANG, YO BYED @072B BZUNG BA THAMS CAD BTANG BAS SBYIN BDAG DBUL POR SONG DOGS PA STE GSUM MO, ,RDZAS KYI SGO NAS NI DGE 'DUN NAM MCHOD RTEN LA BSNGOS PA YIN PAR DOGS PA DANG, GZHAN LAS MI RIGS PAS PHROGS PA DANG, DE LAS NYES DMIGS 'BYUNG BAR DOGS PA STE GNYIS SO, ,NYES DMIGS NI DE GSOD PA'AM 'CHING BA'AM CHAD PAS BCAD PA'AM MIG 'BYIN PA SOGS KYI GNAD PAR 'GYUR BA'AM SBYUGS PA'I SMAD PAR 'GYUR BA'O, ,DE DAG NI DZI NA SU TRAS BLANGS PA'I NYES DMIGS SU BSHAD LA SU MU DRAS 'PHROG MKHAN LA NYES DMIGS DE DAG 'BYUNG BAR MTHONG NAS MI LEN PA LA 'CHAD DO, ,NYES BYAS DE GNYIS NI SEMS CAN DON BYED KYI BSOD NAMS KYI LAS KYI GROGS SU 'GRO BA LAS NYAMS PAR 'GREL PA GSAR MAS BSHAD DO, , LNGA PA CHOS KYI SBYIN PA DANG 'GAL BA NI, CHOS 'DOD PA LA SBYIN MI BYED, CES PA STE GZHAN CHOS 'DOD PA RNAMS LA SEMS GNYIS SAM RANG BZHIN GYIS PHRAG DOG CAN YIN YANG RUNG STE DE DAG GI DBANG GIS CHOS MI SBYIN NA NYON MONGS CAN NO, ,SEMS GZHAN GYIS NI NYON MONGS CAN MIN PA'O, ,MA BYIN KYANG LTUNG BA MED PA LA RTEN GYI SGO NAS NI, NAD TSABS CHE BA DANG CHOS MI SHES PA STE GNYIS SO, ,DGOS PA'I SGO NAS NI CHOS MI SBYIN PA'I THABS DES SNGAR BSTAN PA LTAR 'DUL 'DOD PA STE GCIG GO ,GDUL BYA'I SGO NAS NI SNOD DANG MI LDAN PA STE MU STEGS CAN GLAGS TSOL BA DANG SEMS MA GUS SHING NGAG GIS ZHES MED LA LUS KYI SPYOD LAM NGAN PAS NONG PA DANG DBANG PO MA SMON PA'I DBANG PO RTUL PO CHES RGYA CHEN PO BSTAN PA THOS PA @073A *, ,NA DKA' BAR 'DZIN PAS SKRAG CING YID MI CHES PAS LOG PAR LTA BA DANG LEGS PAR BRDA SPRAD KYANG MI NYAN PAS LOG PAR MNGON PAR ZHEN PA DANG, GZHI DE LAS BSOD NAMS MIN PA MANG DU SKYE BAS GNOD PA DANG DE LAS NGAN SONG DU 'GRO BA'I NYAMS PAR 'GYUR DU DOGS PA DANG GANG ZAG DE'I LAG TU SONG NA GZHAN SNOD MIN LA 'PHEL DU DOGS PA STE BZHI'O, ,DE LA DANG POS NI KLAN KA TSOL BA GZHAN YANG MTSON LA GNYIS PA LA NI MA GUS PA SOGS RE RES KYANG CHOG CING GSUM PA LA YANG CHOS THAMS CAD TSANG MI DGOS SO, ,DE LTAR NA NYES BYAS GNYIS NI MI BYA RGYU BYAS PA'I NYES PA DANG GZHAN DRUG BYA RGYU MA BYAS PA'I NYES PA YIN LA NYES BYAS GNYIS PA LTA BU YUL DANG DUS DANG GROGS LA SOGS PA'I DBANG GIS GANG 'BYUNG NYE BA RNAMS ZUR DU BKAR TE SDOM SEMS MANG DU BTANG DGOS PA NI THAMS CAD DU SHES PAR BYA'O, ,NYES BYAS 'DI DGE BA SDUD PA DANG SEMS CAN DON BYED KYI SBYIN PA LAS NYAMS PAR 'GREL PA GSAR MAS BSHAD DO, ,TSUL KHRIMS KYI MI MTHUN PHYOGS LA GSUM GZHAN GTZO BOR GYUR PA DANG 'GAL BA, RANG GTZO BOR GYUR PA DANG 'GAL BA, GNYIS PA CHA MNYAM PA DANG 'GAL BA'O, ,DANG PO LA GNYIS, GZHAN GTZO BOR GYUR PA'I TSUL KHRIMS DANG 'GAL BA DNGOS DANG, SO THAR GYI RANG BZHIN GYI BCAS PA LA SLOB PA'I KHYAD PAR BSTAN PA'O, ,DANG PO LA GSUM LAS, LHAG PAR BRTZE BA'I YUL 'DOR BA NI, TSUL KHRIMS 'CHAL RNAMS YAL BAR 'DOR, ZHES PA STE, SEMS CAN MA RUNGS PA DANG TSUL KHRIMS 'CHAL PA @073B RNAMS DE GNYIS YIN PA RGYU MTSAN DU BYAS NAS SEMS GNYIS KYIS YAL BAR 'DOR RAM KHYAD DU GSOD NA NYON MONGS CAN NO, ,SEMS GZHAN GNYIS KYIS YAL BAR BOR BA DANG BRJED PAS KHYAD DU GSOD NA NYON MONGS CAN MIN PA'O, ,DE'I RGYU MTSAN NI BYANG SEMS NI MA RUNGS PA DANG TSUL KHRIMS 'CHAL PA DANG SDUG BSNGAL GYI RGYU LA GNAS PA RNAMS LA SNYING BRTZE ZHING BYED 'DOD PAS GNAS PA LTAR TSUL KHRIMS DANG LDAN ZHING SGO GSUM GYI SPYOD PA ZHI BA LA NI DE LTA MIN PA'I PHYIR RO, , DE LA MA RUNGS PA NI MTSAMS MED BYED PA SOGS SO, ,TSUL KHRIMS 'TSAL PA NI RTZA LTUNG BYUNG BA'O, ,SA MU DRAS ZHE SDANG CAN DANG BSLAB PA LA G-YEL BA LA 'CHAD DO, ,YAL BAR BOR YANG LTUNG BA MED PA LA DGOS PA'I SGO NAS, THABS DES 'DUL BA DANG GZHAN MANG PO'I SEMS SRUNG BA DANG DGE 'DUN GYI NANG KHRIMS BSRUNG BA STE GSUM MO, ,BCAS PA THUN MONG BA LA MI SLOB PA NI, PHA ROL DAD PHYIR SLOB MI BYED, CES PA STE, BYANG SEMS KYIS GZHAN GYI SEMS BSRUNG BA'I PHYIR BCOM LDAN 'DAS KYIS RTZA BA'I LUNG SO SOR THAR PA DANG DE RNAM PAR 'GREL BA'I RNAM 'BYED LA SOGS PA'I 'DUL BAR BSLAB PA BCAS PA'I BCAS PA'I KHA NA MA THO BA RANG BZHIN LAS GZHAN PA RNAMS LA NYAN THOS RNAMS DANG 'DRA BAR SLOB KYI DE DAG DANG THA DAD PA'I MI MTHUN PAR MI BYED DE, JI LTAR NYAN THOS RNAMS KYIS SPONG BA DE LTAR BYANG SEMS KYIS KYANG SPONG BA YIN NO, ,GZHAN GYI SEMS BSRUNG BA NI KHYIM PA LA SOGS PA SNGAR MA DAD PA RNAMS DAD PAR BYA BA DANG SNGA NAS DAD PA RNAMS @074A *, ,DAD PA PHYIR YANG 'PHEL BAR BYA BA'I PHYIR DU BCAS PA CHANG MI 'THUNG BA DANG DUS MIN PA'I KHA ZAS SPONG BA SOGS DANG SA RKO BA DANG ME LA REG PA SOGS SA, ,DE DAG LA NYAN THOS LTAR BSLAB DGOS PA LAS MA BSLABS NA SO THAR DANG 'GAL BA'I NYES PA 'BYUNG BAR MA ZAD BYANG SEMS KYI SDOM PA DANG 'GAL BA'I NYES BYAS SHIG KYANG 'BYUNG NGO, ,DE'I RGYU MTSAN NI NYAN THOS RANG GI DON TZAM LHUR LEN PA YANG GZHAN GYI YID SRUNG BA'I BSLAB PA LA SLAB NA BYANG SEMS GZHAN DON LHUR LEN PA RNAMS LTA CI SMOS PA'I PHYIR RO, ,DE LA YANG MA DAD CING MA GUS PAS MI SLOB NA NYON MONGS CAN DANG LE LO LA SOGS PAS MI SLOB NA NYON MONGS CAN MIN PA'O, ,ZHES 'GREL PA GSAR MAS BSHAD DO, ,NYES BYAS 'DI BYANG CHUB SEMS DPA' KHYIM PA DANG RAB BYUNG THAMS CAD KYI YIN NAM ZHE NA, 'GREL PA GSAR MAR RAB BYUNG GI BYANG CHUB SEMS DPA' LA BSHAD PA LTAR BZUNG STE 'ON KYANG BYANG SEMS KHYIM PA LA YANG SO THAR DANG THUN MONG BA'I BCAS RKYANG MANG PO SNANG NGO, ,THUN MONG MA YIN PA LA SLOB PA NI, SEMS CAN DON LA BYA BA CHUNG, ZHES PA STE, STON PAS NYAN THOS RNAMS KYI DON DANG BYA BA NYUNG BA DANG SNYING LAS CHUNG NGUR GNAS PA'I DBANG DU BYAS NAS BCAS PA GOS ZHAG BCU DANG SUM CU LAS LHAG PAR 'CHANG BA SOGS KYI BCAS RKYANG LA NI NYAN THOS DANG MTSUNGS PAR MI SLOB DGOS PA LAS MTSUNGS PAR SLOB NA NYES BYAS TE DE YANG SEMS GNYIS KYIS DON NYUNG BA SOGS BYED NA NYON MONGS CAN DANG SEMS GZHAN @074B GNYIS KYIS BYED NA NYON MONGS CAN MIN PA'O, ,DE'I RGYU MTSAN NI NYAN THOS BDAG DON LHUR LEN PA STE BDAG 'DUL BA LA ZHUGS SHING GZHAN DON LA MI LTA BAS GZHAN DON LAS BRTZAMS TE DON NYUNG BA SOGS KYIS GNAS PA MDZES KYI BYANG SEMS RNAM PA THAMS CAD DU SEMS CAN THAMS CAD LA PHAN BDE'I PHYIR ZHUGS PA'I GZHAN DON LHUR LEN PA LA GZHAN DON LAS BRTZAMS TE DON NYUNG BA SOGS MI MDZES PA'I PHYIR RO, ,DE LA DON NYUNG BA NI 'DOD PA CHUNG BA'O, ,BYA BA NYUNG BA NI YO BYAD MANG PO MI 'DZIN PA'O, ,SNYING LAS CHUNG BA NI 'PHAGS PA'I RIGS LA GNAS PA STE DE YANG CHOS GOS DANG BSOD SNYOMS DANG GNAS MAL NGAN DON TZAM GYIS CHOG SHES PA DANG SPONG BA DANG SGOM PA LA DGA' BA 'PHAGS PA'I RIGS TE BZHI'O, ,BYANG SEMS KYIS NI GZHAN DON DU GOS BRGYA DANG STONG YANG NYE DUR MI 'OD PA'I BRAM ZE DANG KHYIM PA LAS BTZAL BAR BYA STE SBYIN PA PO SKABS 'BYED PA ZHIG YOD NA YANG SEMS CAN DE DAG GI CHOG MI CHOG DANG POR BRTAGS NAS MI CHOG NA JI TZAM DGOS PA BLANG BAR BYA'O, ,SA MU DRAS BZOD DAM MI BZOD BRTAG CES BTON NAS DE'I DON BDAG GIS BLANGS PAS SBYIN BDAG DBUL BAR 'GYUR MI 'GYUR DANG GZHAN 'PHYA MA 'PHYA BRTAG CES 'CHAD PA MI 'THAD DE, 'DI NI SLONG BAR RIGS PA TSAD LAS LHAG PA LEN PA LA NYES PA MED PAR STON PA YIN PA'I PHYIR RO, ,GOS BZHIN DU LHUNG BZED KYANG DE DANG 'DRA'O, ,GOS KYI RGYU SKUD PA BLANGS PA NYE DUR MI 'ONG BA'I THA GA PA LA 'THAG TU 'JUG PA LA YANG GOS BLANGS PA DANG 'DRA STE LTUNG BA MED DO, ,GZHUNG 'DI LTAR NA THA GA PA @075A *, ,NYE DU MIN PA LA 'THAG TU BCUG NA THAGS GLA BYIN KYANG LTUNG BA YOD PAR GSAL LA 'DUL BA LAS NI LTUNG BA DE GLA MA BYIN PA'I NYES PAR GSUNGS SO, ,GZHAN DON DU MON DAR GYI MAL STAN BRGYA DANG STAN DU GDING BA BRGYA YANG BSTAB PAR BYA'O, , GSER DNGUL SRANG BYE BA PHRAG 'BUM LAS LHAG PA YANG BDAG GIR BYA'O, ,DZI NA SU TRAS MAL STAN SRIN BAL TZAN DANG GDING BA DANG STAN NANG TSANGS CAN ZHES 'CHAD DO, ,MON DAR GYI STAN GZHAN DON DU GNANG PAS SRIN BAL DANG BAL NAG DANG CHA GNYIS BSRES PA YANG GNANG NGO, ,STAN DU GDING BA ZHES PA NI, LO DRUG GE SPANG BA GNANG BA'O, ,DE DAG LA SOGS PA DON DANG BYA BA NYUNG ZHING SNYING LAS CHUNG NGUR GNAS PA LAS BRTZAMS PA'I BCAS PA RNAMS LA NYAN THOS DANG 'DRA BAR MI SLOB BO, ,BCOS PA DE GNYIS DANG 'OG MA NI BYANG SEMS KYI SDOM LDAN GYI DGE SLONG SOGS KYI RAB BYUNG RNAMS KYIS SO THAR GYI BCAS PA LA JI LTAR SLOB PA'I TSUL STON PA'I GDAMS PA CHEN PO STE 'DI LTAR SO THAR LA RANG BZHIN GYI BCAS PA DANG BCAS RKYANG GI BCAS PA GNYIS LAS DANG PO LA JI LTAR SLOB TSUL NI 'OG MAS STON LA, BCAS RKYANG LA GNYIS LAS GZHAN GYI SEMS SRUNG BA'I PHYIR DU BCAS PA LA NI 'GREL PA GSAR MA LAS, BYANG CHUB SEMS DPA' NI GZHAN RNAMS KYI LA CHES LHAG PAR BSLAB PAR BYA BA YIN PA DANG, RAB TU BYUNG BAR GYUR PAS NI RANG GI BSLAB PA RNAMS NGES PAR BSRUNG DGOS PA'I PHYIR RO, ,ZHES GSUNGS PA LTAR NYAN THOS LAS KYANG LHAG PAR SRUNG SEMS DAM DGOS LA, DON NYUNG BA SOGS KYI PHYIR DU BCAS @075B PA NI GZHAN DON DU DE LAS 'DA' DGOS PAS NYAN THOS LTAR MI SRUNG BA'I PHYIR DANG BCAS RIGS DE GSUM GYIS SO THAR GYI BCAS PA THAMS CAD BSDUS PA'I PHYIR RO, ,DE LTA BU'I RNAM DBYE MI SHES PAR SO THAR GYI BCAS PA THUN MONG BA RNAMS LA KHO BO CAG BYANG CHUB SEMS DPA' 'O GSANG SNGAGS PA'O DE'I PHYIR DE DAG LAS 'DAS KYANG GONG MAS 'DAG GO ZHES SMRA ZHING BAG YANGS SU 'JUG PA NI, SDOM PA GONG MA GNYIS DANG LDAN NA BYANG SEMS KYI BCAS PA DANG 'GAL BA'I NYES PA LHAG PO ZHIG BYUNG BAR 'DIR BSTAN LA SNGAGS KYI SDOM PA DANG 'GAL BA'I SBOM PO SKYED PAR, SDOM PA GNYIS KYI BCAS PA LAS, DGOS PA MED PAR 'DA' BA RNAMS, ,KHA NA MA THO SBOM 'GYUR TE, ,ZHES GSUNGS NA, SDOM PA GNYIS GANG YANG MI SRUNG BA'I THEG FCHEN PAR KHAS 'CHE BA RNAMS LA NI DE LTAR SMRA BA'I GZHI TZAM YANG GA LA YOD, DE'I PHYIR DE DAG NI STON PA'I BSTAN PA NGAN RTOG GI BTZOG CHUS SLOD PA YIN PAS BDAG LAGS SU 'DOD PA RNAMS KYIS DUG LTAR SPANG BAR BYA'O, ,'GREL PA RNYING MA LAS, DGE SLONG GANG NYE DUR MI 'ONG BA'I KHYIM BDAG GAM KHYIM BDAG GI CHUNG MA'I DRUNG DU SONG STE, GOS SLONG NA SPANG BA'I LTUNG BA'O, ,ZHES BYA BA DE LA SOGS PA'I BSLAB PA'I GZHI RNAMS SDOM PA GNYIS LA GNAS PAS GZHAN GYI DON BTANG STE BDAG GI DON LHUR LEN PA YIN PAR RIG PAR BYA'O, ,ZHES GSUNGS PAS GNANG BA DE RNAMS KYANG GZHAN GYI DON MIN PAR RANG GI DON LHUR LEN PA'I DBANG DU BYAS NA NI 'DUL BA NAS BSHAD PA'I NYES PA JI LTA BA BZHIN 'BYUNG NGO, ,DE LTAR @76A *, ,NYES BYAS GSUM PO DE RIM PA LTAR SDOM PA'I TSUL KHRIMS KYI NYES PA DANG DGE BA SDUD PA DANG SEMS CAN DON BYED LAS NYAMS PAR 'GREL PA GSAR MAS BSHAD DO, ,GNYIS PA NI, SNYING BRTZER BCAS NA MI DGE MED, CES PA STE 'DIR GZHUNG DANG SDOM PA NYI SHU PA'I 'GREL PA RNYING MA DANG TSUL KHRIMS LE'U'I 'GREL PA GNYIS LAS SROG GCOD SOGS LUS NGAG GI BDUN LA GNANG BA'I SKABS YOD PAR STON PA MA GTOGS PA GZHAN DON DU DE DAG LA MA ZHUGS NA NYES BYAS SU GSUNGS PA MED LA, 'GREL PA GSAR MA LAS NYES BYAS ZHE DRUG TU BSHAD PA LTAR NA 'DI YANG NYES BYAS GCIG LA BGRANG DGOS SHING, YANG 'GREL PA DE LAS PHA ROL DAD PHYIR SLOB MI BYED KYI DMIGS BSAL DU YANG 'CHAD PAR SNANG NGO, ,DE LTA NA YANG DZI NA SU TRA DANG SA MU DRAS BYANG SEMS DANG NYAN THOS KYI RANG BZHIN GYI KHA NA MA THO BA'I BCAS PA LA KHYAD PAR YOD PAR STON PA YIN PAR 'CHAD PA LTAR BSHAD DO, ,SO THAR LA RANG BZHIN GYI KHA NA MA THO BA'I BCAS PAR BSTAN PA LA BYANG SEMS KYIS THABS LA MKHAS PAS SPYAD NA NYES PA YANG MED LA BSOD NAMS MANG PO 'PHEL BA YOD DO, ,DE YANG GANG ZHE NA SROG GCOD SOGS LUS NGAG GI BDUN LA'O, ,DE LA RTEN NI, GZHUNG LAS LOG G-YEM LA BYANG SEMS RAB TU BYUNG BA NYAN THOS KYI BSTAN PA MI 'JIG PAR RJES SU SRUNG BAS NI MI TSANGS PAR SPYOD PA BSTEN PA RNAM PA THAMS CAD DU MI BYA'O ZHES RAB BYUNG LA BKAG CING BYANG SEMS KHYIM PA RTEN DU BZHAG LA MA BYIN LEN LA SOGS PA GZHAN DRUG LA @76B BYANG SEMS SPYI RTEN DU GSUNGS SO, ,'O NA SROG GCOD SOGS KYI PHAM PA 'BYUNG BA'I GZHI LA 'JUG PA'I BYANG SEMS DE RAB BYUNG DAM KYIS BA YIN, DANG PO LTAR NA LOG G-YEM LA MI RUNG LA MI GSOD SOGS LA RUNG BA'I KHYAD PAR MED DE DE GNYIS KA PHAN PAR 'GYUR MI 'GYUR MTSUNGS PA'I PHYIR RO, ,GNYIS PA LTAR NA GZHUNG NAS LOG G-YEM LA KHYAD PAR PHYE NAS GZHAN LA MA MDZAD PA DANG 'GAL LO, ,GZHAN YANG BSLAB BTUS SU, JI STE DE LAS SEMS CAN GYI DON DU 'GYUR BA LHAG PA MTHONG NA BSLAB PA DBUL LO,, BSKAL PA MANG POR GOMS PAS BDAG NYID DU GYUR PA'I SNYING RJE CHEN PO DANG THABS MKHAS PA LA SOGS PA YONGS SU RDZOGS PA'I DGE BA'I RTZA BA CAN GYI BYANG CHUB SEMS DPA' RNAMS LA 'DOD CHAGS KYIS BAR CHOD BYED PAR 'GYUR RAM CI 'DI NI MI SRID PA NYID DE, ,THABS LA MKHAS PA'I MDO LAS KYANG BSTAN TE, BRAM ZE'I KHYE'U SKAR MA LA BZHI KHRI NYIS STONG GI BAR DU TSANGS PAR SPYAD PA'I DBANG DU BYAS NAS DE GOM PA BDUN PA LA GNAS TE SNYING RJE SKYES NAS BDAG GI BRTUL ZHUGS 'DI BSHIG STE SEMS CAN DMYAL BAR SONG BAR GYUR KYANG SEMS CAN DMYAL BA'I SDUG BSNGAL DE MYONG BAR BZOD KYIS BUD MED 'DI SHING 'OD GIS BDE BAR GYUR CIG CES RIGS KYI BU BRAM ZE'I KHYE'U SKAR MA DE SLAR LOG STE BUD MED DE LA LAG PA G-YAS PAS BZUNG NAS SRU MO KHYOD CI 'DOD PA BYA LONGS ZHES DE SKAD SMRAS SO, ,ZHES BSHAD PA DANG 'GAL LO ZHE NA, SKYON MED DE MA BYIN LEN GYI PHAM PA SKYED PA LA RANG DON DU BLANGS PA YAN LAG TU DGOS PA BYANG SEMS LA DE GNANG BA'I SKABS SU GZHAN KHO NA'I DON DU LEN PAS MA BYIN @77A *, ,LEN GYI BAM PA GNANG BA MED DO, ,DE'I PHYIR SROG GCOD DANG BRDZUN GYI PHAM PA 'BYUNG BA'I GZHI LA 'JUG NA NI RAB BYUNG GIS BYAR MI RUNG BA MI TSANGS SPYOD DANG 'DRA'O, ,'O NA MI TSANGS SPYOD KHO NA LA KHYIM PA DANG RAB BYUNG GI KHYAD PAR 'BYED PA CI ZHE NA, SKYON MED DE SROG GCOD DANG MA BYIN LEN DANG BRDZUN LA LAS LAM BYUNG YANG PHAM PAR 'GYUR BAR MA NGES LA BCAS PA'I RTEN CAN LA MI TSANGS SPYOD KYI LAS LAM BYUNG NA RTZA LTUNG NGU 'GRO BAR NGES PAS DE LA DGONGS NAS KHYAD PAR MDZAD DO, ,BSLAB BTUS DANG YANG MI 'GAL TE SPYIR TSANGS SPYOD NYID GZHAN DON SGRUB PA'I MCHOG YIN PAS DE BTANG BA LA GZHAN GYI DON LHAG PO MED LA BYE BRAG TU SO THAR GYI RTZA LTUNG GI GZHI LA ZHUGS NA SEMS CAN GYI DON LHAG PO MTHONG BA'I TSE BSLAB PA PHUL NAS BYED PAS KHYIM PA LA GNANG BA YIN GYI RAB BYUNG LA GNANG BA MIN NO, ,DE LTA MIN PAR RAB BYUNG LA GNANG NA BSLAB PA 'BUL BA'I DON MED DO, ,DE LTAR NA SROG GCOD PA SOGS KYI LAS LA GZHAN DON DU 'JUG PA'I RTEN NI BSLAB BTUS SU, SA MA THOB PA PHA ROL TU PHYIN PA DRUG SPYOD PA LA 'DI BSAM PAR BYA'I GZHAN LA NI MA YIN NO, ,ZHES 'GYUR RNYING LAS 'BYUNG LA 'GYUR GSAR LAS SA THOB PA ZHES 'BYUNG BA LA KHA CIG SA THOB PA YIN NA PHYIN DRUG LA SPYOD PA DGOS PAR STON PA'I TSIG DON MED PAS 'GYUR RNYING PA LTAR LEGS PAR 'DOD PA 'THAD DAM SNYAM MO, ,'ON KYANG SNGAR BSLAB BTUS SU LUNG DRANGS PA LTAR SA MA THOB PA'I PHYIN DRUG LA SPYOD PA TZAM GYIS MI CHOG GI BSKAL PA DU MAR LAM LA GOMS PA THABS LA MKHAS PA DANG SNYING RJE CHEN PO DANG LDAN PA'I BYANG SEMS DGOS SO, ,DE YANG @77B BYANG SEMS KYI SDOM PA BZUNG NAS BYANG SEMS KYI BSLAB PA LA TSUL BZHIN DU SLOB PA BDAG PAS GZHAN GCES PA'I BYANG CHUB KYI SEMS DANG LDAN PA SROG GCOD PA SOGS LAS GZHAN PA'I THABS MA RNYED PA'I BYANG SEMS GZHAN DON DU 'GYUR NA GNANG BA YIN GYI THEG CHEN PA THAMS CAD LA GNANG BA MIN PAS, BYANG SEMS KYI SDOM PA LA TSUL BZHIN DU SLOB PA TZAM LA YANG MA GNANG NA SDOM PA MI SRUNG BA'I THEG CHEN PAR KHAS 'CHE BA RNAMS LA NI SNYING RJE DANG SEMS BSKYED LTAR SNANG RE YOD KYANG GTAN BYAR MI RUNG STE, DPER NA SO THAR LAS PHYI DRO'I KHA ZAS DGE SLONG NAD PAS MA ZES NA NAD LA GNOD CING ZOS NA NAD PHAN PA'I GROGS SU 'GYUR BA LA GNANG YANG DGE SLONG GZHAN THAMS CAD KYIS SRUNG DGOS PA DANG 'DRA'O, ,BSLAB BTUS KYI LUNG DE MI TSANGS SPYOD LA GSUNGS PA YIN YANG SROG GCOD PA SOGS KYI RTZA LTUNG GI GNAS LA YANG 'DRA BA YIN LA DE LAS GZHAN PA'I RDZUN LA SOGS PA BZHI DANG MA BYIN LEN 'OG NAS 'CHAD PA LTA BU LA SEMS CAN DE'I DON DU 'GYUR BA'I DGOS PA CHEN PO DANG LDAN ZHING DE DAG LAS THABS GZHAN MA RNYED PA'I TSE BYANG SEMS KYI SDOM PA TSUL BZHIN DU SRUNG ZHING SKABS DE DAG GI KUN SLONG GI SEMS DANG LDAN PA LA NYES MED DU 'GYUR MI 'GYUR NI ZHIB PA'I BLOS DPYAD PAR BYA STE, GNAS 'DI NI THUB PA NYAG CIG GI YUL YIN PAS SHIN TU KHRA LA NYEN CHEN PO DANG BCAS PA YIN PA'I PHYIR RO, ,RGYA MTSE SPRIN DANG DZI NA SU TRA DANG SA MU DRAS NI NYON MONGS CAN MIN PA'I BSAM PA CAN DBANG THOB CING BSAM PA DANG PA'I BYANG SEMS KYI KUN SPYOD YIN PAS DGE RTZA CHUNG BA DANG SHES RAB RTUL BA, @78A *, ,DANG RANG GI PHYOGS LA ZHEN PA DANG MDO SDE LA SGRA JI BZHIN DU 'DZIN PA RNAMS KYI YUL MIN GYI SANGS RGYAS NYAG CIG DE LA MNGON SUM YIN PAS GZHAN GYIS YI MI BYA STE, BSOD NAMS MA YIN PA YONGS SU 'DZIN PAR 'GYUR ZHES SROG GCOD KYI SKABS SU BSHAD DO, ,SROG GCOD GNANG BA LA YUL NI, NYAN RANG DANG BYANG SEMS BRGYA PHRAG MANG PO DAG ZANG ZING CUNG ZAD KYI PHYIR GSOD PAR CHAD DE MTSAMS MED PA'I LAS LA ZHUGS PA'I TSOM RKUN SOGS SO, ,BSAM PA NI, DE LTA BU MTHONG BA NA 'DI BSAD NA BDAG DMYAL BAR SKYE MOD KYI DE NI BLA'I SEMS CAN 'DIS MTSAMS MED BYAS NAS DMYAL BAR 'GRON MI RUNG NGO SNYAM DU PHYI MA LA SNYING BRTZE BA'I SEMS KHO NA NYE BAR BZHAG PA STE BDAG GZHAN BRJE PHOD PA'O, ,GSOD PA'I DUS NA RANG GI SEMS DGE BA DANG LUNG MA BSTAN GANG RUNG GI SEMS SU GNAS KYI NYON MONGS SOGS YA MI 'DRE BAR RIG PA DGOS SO, ,'DI LA KHA CIG GSAD BYA DE'I SEMS LA 'CHAD PA NI DON MIN NO, ,'DZEM BZHIN DU ZHES PA NI THABS DE LAS GZHAN MA RNYED PAS PHONGS CHOS SO, ,DE LTAR SROG DANG PHRAL NA NYES PA MED LA BSOD NAMS KYANG MANG DU 'PHEL LO, ,MA BYIN LEN GNANG BA LA YUL NI GSUM LAS, DANG PO NI, RGYAL BLON CHEN PO SHAS CHER GTUM LA SEMS CAN LA SNYING RJE MED CING GCIG TU GZHAN LA GNAD PA BYED PA LA ZHUGS PA GO 'PHANG DE LA GNAS NA BSOD NAMS MA YIN PA MANG DU 'PHEL BA'O, ,BSAM PA NI, SNYING BRTZE'I SEMS SAM PHAN PA LA BSAM PAS RGYAL SRID DE LAS 'BYIN ZHING DE 'PHROG PA'O, ,GNYIS PA NI, DGE @78B 'DUN DANG MCHOD RTEN GYI NOR MANG PO PHROGS NAS BDAG GIR BYAS TE SPYOD 'DOD PA'I TSOM RKUN NO, ,BSAM PA NI, GZHI DES DE DAG LA YUN RING POR GNOD PA DANG MI PHAN PAR GYUR NA MI RUNG NGO SNYAM PA KHO NAS SLAR PHROGS TE DGE 'DUN DANG MCHOD RTEN GANG GI YIN PA DE LA 'BUL BA'O, ,GSUM PA NI, ZHAL TE BYED BA'AM SKYED MOS TSAL BSRUNG BA GANG GIS DGE 'DUN NAM MCHOD RTEN GYI NOR MI RIGS PAS CHUD GZON PA DANG RANG GIS SPYOD PAR BYED PA'O, ,BSAM PA NI, BSHAD MA THAG PA LTA BUS DE DAG DE LAS 'BYIN PA'O, ,DE LTA BU'I MA BYIN LEN BYED KYANG NYES PAR MI 'GYUR LA BSOD NAMS KYANG MANG DU 'PHEL LO, ,LOG G-YEM GNANG PHO LA YUL NI, BYANG SEMS KYIS 'DOD PA MA BSTEN NA 'CHI BAR 'GYUR LA DE LA SA BON GYI BSAM PA 'DZIN PAS MI TSANGS PAR SPYOD PAS GZIR BA BYANG SEMS DE DANG 'BREL BA'I SEMS DANG LDAN PA'I BUD MED MGO GTZANG NGO, ,TSIG PHYI MAS NI LOG G-YEM SPONG BA'O ZHES 'GREL PA RNAMS NAS 'CHAD KYANG LOG G-YEM GNANG BA'I SKABS YIN PAS MI 'THAD DE, ,BSLAB BTUS LAS KYANG, DBEN PA ZHIG TU BYAS NA KHYO YOD PA'AM MGO GTZANG DAM RIGS DANG CHOS DANG RGYAL MTSAN GYIS BSRUNGS PA LA YANG RUNG STE 'DOD PA LA LOG PAR G-YEM PAR MI 'GYUR RO ZHES KHYO YOD MED GNYIS KA LA LOG G-YEM GYI NYES PA MED PAR GSUNGS PA'I PHYIR RO, ,'DI'I SKABS SU BSLAB BTUS LAS KYANG, YANG DAG BAR TSANGS PAR SPYOD PA RNAMS NI DON BYAS PA'I PHYIR DE DAG LA MA SRID LA SOGS PA BZHIN DU RING DU SPANG ZHING MCHOD DO, ,ZHES GSUNGS PAS PHAL CHER KHYIM @79A *, ,PA'I RTEN GYIS 'DUG PA DANG DE DANG DGE SLONG MI MTSUNGS PA DANG GAL TE DON LHAG PA MTHONG NA BSLAB PA 'BUL BAR GSUNGS PAS BYANG SA DANG DON 'DRA BA YIN NO, ,'GREL PA GSAR MA LAS KYANG, 'KHRIG PA KUN TU SPYOD PA NI LTUNG BAR 'GYUR ZHING PAR MCHOD PAR DMYAL BAR 'GRO BAR 'GYUR BA DANG, 'DUL BAR 'OS PA MANG PO YANG BSTAN PA LA MI DAD PAR 'GYUR BA DANG 'JIG RTEN PA RNAMS DE'I GNAS SKABS KHO NA LA GNAS PAR 'GYUR BA'I PHYIR RJES SU 'JUG BAR GZIGS NAS BDAG NYID CHEN PO YANG 'KHRIG PA LA BSTEN PA SBYOR BAR MI MDZAD DO, ,DE BZHIN DU MI'I SROG GCOD PA LA SOGS PA LA YANG DE RNAMS BYED PA MA YIN TE ZHES GSUNGS SO, ,BSAM PA NI, 'DI KUN NAS MNAR SEMS LA BRTEN NAS SDIG MANG DU 'PHEL NA MI RUNG NGO SNYAm ZHING 'DOD PA BSTEN NA RANG 'DOD PA BZHIN DU DGE BA LA GZUNG PA DANG MI DGE BA 'DOR BA LA DBANG DU 'GYUR SNYAM NAS SNYING BRTZE BA'I SEMS KHO NAS 'KHRIG PA BSTEN NA NYES PAR YANG MI 'GYUR LA BSOD NAMS KYANG MANG DU 'PHEL LO, ,RDZUN GNANG BA LA YUL NI SROG 'CHAD PA DANG LAG PA RKANG PA SNA RNA BA GCOD PA DANG, MIG 'BYIN PA'I DGAG BYA DANG LDAN PA'I SEMS CAN MANG PO'O, ,BSAM PA NI, NYES DMIGS DE DAG LAS BSKYAB PA'I PHYIR DU ZHUGS PA'O, ,RTEN NI BYANG SEMS RANG GI DON YIN NA SROG GI PHYIR YANG SHES BZHIN RDZUN MI SMRA BAS SO SOR BRTAGS NAS SEMS CAN GYI PHYIR DU RDZUN SMRA BA'O, ,MDOR NA CI DANG CIS KYANG SEMS CAN GYI DON KHO NA MTHONG GI DON MA YIN PA NI MA YIN TE RANG YANG ZANG ZING MED PA'I SEMS DANG LDAN LA PHAN 'DOD @79B 'BA' ZHIG GIS SHES BZHIN DU 'DU SHES BSGYUR TE RDZUN SMRAS MA NYES BAR YANG MI 'GYUR LA BSOD NAMS KYANG MANG PO 'BEL LO, ,PHRA MA GNANG BA LA YUL NI MI DGE BA'I BSHES GNYEN GYIS ZIN PA'I SEMS CAN NO, ,BSAM PA NI, 'DI DAG SDIG GROGS BSTEN PAS YUN RING POR GNOD PA DANG MI PHAN PAR GYUR NA MI RUNG NGO SNYAM NAS MI DGE BA'I BSHES GNYEN DANG DBRAL ? BA'I TSIG SMRA'O, DE LTA BU'I DBYEN BYAS KYANG NYES PAR MI 'GYUR LA BSOD NAMS MANG PO 'PHEL LO, ,TSIG RTZU BA GNANG BA LA YUL NI, LAM LOG PAR ZHUGS SHING MI RIGS PA BYED PA'I SEMS CAN NO, ,BSAM PA NI, NGAG RTZUB SMRA BA'I THABS DES MI DGE BA LAS SLANGS TE DGE BA LA 'GOD PA'I PHYIR DU'O, ,DE LTA BUS TSIG RTZUB SMRAS KYANG NYES PA MED LA BSOD NAMS KYANG MANG DU 'PHEL LO, , SA MU DRAS MI DGE BA BCU LA ZHUGS PA'AM, THEG CHEN GYI LAM SHES KYANG NYI TSE BA'I THEG PA LA ZHUGS PA DANG, THEG CHUNG SHES KYANG PHYI ROL PA'I LAM LA ZHUGS PA NI LAM LOG PAR ZHUGS PA DANG, RIGS PAR BYA BA SHAS KYANG BSLAB TSIG LA MA GUS SHING G-YEL BA NI MI RIGS PA BYED PAR 'CHAD DO, ,NGAG BKYAL GNANG BA LA YUL NI, GAR GLU ROL MO'I SGRA LA MOS PA DANG RGYAL PO CHOM RKUN ZAS SKOM SMAD 'TSONG MA LAM SRANG GI GTAM LA SOGS PA LA MOS PA'I SEMS CAN NO, ,RTEN DANG BSAM PA NI, GAR LA SOGS PA LA MKHAS TE SNYING BRTZE BA'I BSAM PAS GAR LA SOGS PA SNA TSOGS KYIS MGU ZHING 'DUN PAR BYAS TE DBANG DU BYED CING NGAG NYAN DU BCUG NAS MI DGE BA LAS BSLANG STE DGE BA LA 'GOD DO, ,DE LTA BU'I TSIG BKYAL @80A *, ,PA SMRA YANG NYES PA MED LA BSOD NAMS MANG DU 'PHEL LO, ,GZHUNG 'DI DANG RNAM SNANG MNGON BYANG DU LUS NGAG GI BDUN MA GTOGS PA YID KYI GSUM LA GNANG BA'I SKABS MA BSHAD LA CHOS LDAN RAB 'BYOR GYIS, GANG BDAG GI DON LA RJES SU LTA BA CUNG ZAD TZAM YANG MED LA BYED PA GZHAN GYI DON 'BA' ZHIG 'DOD CING THAMS CAD DU SNYING RJE DANG LDAN PA DAG LA NI YID KYI NYES PAR SPYOD PA GSUM MA GTOGS PA 'AM LOG PAR LTA BA MA GTOGS PA DAG RJES SU GNANG BA STE DA LTA BYANG CHUB SEMS DPA'I SDOM PA GTAN LA DBAB PA'I GTZUG LAG DAG LAS BLTA BAR BYA'O, ,ZHES 'CHAD PAR SNANG STE GSUNG RAB KYI KHUNGS SHIG DGOS PAR SNANG NGO, ,SO THAR GYI RANG BZHIN GYI BCAS PA LAS 'DAS KYANG NYES PAR MI 'GYUR ZHING BSOD NAMS 'PHEL NA BCAS PA'I KHA NA MA THO BA RNAMS LA LTA CI SMOS ZHES SLOB DPON BYANG CHUB BZANG PO 'CHAD, GZHAN DON DANG 'BREL BA'I DGOS PA CHEN PO MTHONG NA BCAS RKYANG THUN MONG BA RNAMS LA 'DAS KYANG NYES PA MED PAR SNGA MAS DPAG PAR NUS PA'O, ,GNYIS PA LA RANG GTZO BOR GYUR BA'I TSUL KHRIMS DANG 'GAL BA LA GSUM LAS, DANG PO 'TSO BA NYAMS PA NI, 'TSO BA LOG PA DANG DU LAN, ZHES PA STE TSUL 'CHOS LA SOGS PA'I LOG 'TSO LNGA, GANG RUNG BYUNG BA RNAMS DANG DU LEN ZHING DE DAG GIS NGO TSA ZHING 'JEM PAR MI BYED LA GNYEN POS SEL BAR MI BYED NA NYON MONGS PA CAN GYI NYES PA STE NYON MONGS CAN MIN PA MED DO, ,DE BSAL BA'I PHYIR 'DUN PA BSKYED KYANG NYON MONGS PA SHAS CHE BA LA NYES PA MED PA NI 'DOD @80B PA'I SEMS KYI RJES SU 'JUG PA LA BSHAD PA LTAR RO, ,LOG 'TSE LNGA'I MTSAN NYID NI RIN CHEN PHRENG BA LAS, TSUL 'CHOS RNYED DANG BKUR STI'I PHYIR, ,DBANG PO SDOM PAR BYED PA STE, ,KHA GSAG RNYID DANG BKUR STI'I PHYIR, ,TSIG 'JAM SNGAR NI SMRA BA'O, ,GZHOGS SLONGS DE NI THOB BYA'I PHYIR, ,GZHAN GYI RDZAS LA BSNGAGS BYED PA, ,THOB KYIS 'JAL BRNYAD PA'I PHYIR, ,MNGON SUM GZHAN LA SMOD BYED PA, ,RNYED PAS RNYED PA RNAMS 'DOD PA, ,SLAR THOB PA LA BSNGAGS BYED PA'O, ,ZHES GSUNGS PA LTAR RO, ,'GREL PA RNAMS NAS LOG 'TSO'I SEMS SKYES MA THAG MA TSOR NA NYES BYAS SU 'CHAD KYANG GZHUNG DANG 'GRIG PAR MI SNANG NGO, ,CHO GA NYAMS PA NI, 'PHYAR NAS RAB TU RGOD LA SOGS, ,ZHES PA STE, 'DOD CHAGS KYI CHAR GTOGS PA'I SEMS RNAM PAR MA ZHI BA NI RGOD PA STE ZHES YONGS SU ZIN PAS MA ZHI ZHING DE LA DGA' BA DANG RTA BA GANG DU RGOD PA DANG RTZE ZHING CA CO 'DON LA G-YENG BA DANG, GZHAN LA YANG RGOD DU GZHUS PAR 'DOD NA NYON MONGS CAN GYI NYES PA'O, ,BRJOD PAS DE DAG BYED NA NYON MONGS CAN MIN PA'O, ,RTA BA GANG DU RGOD PA MAN CHAD BYAS KYANG NYES PA MED PA LA RTEN GYI SGO NAS NI, DE BSAL PA'I PHYIR 'DUN PA BSKYED PA STE SNGAR BZHIN NO, ,DGOS PA'I SGO NAS NI, GZHAN KUN NAS MNAR SEMS SKYES PA THABS DES STZOL BAR 'DOD PA DANG GZHAN GYI MYA NGAN BSAL BAR 'DOD PA DANG GZHAN GAD MO DANG RTZED MO LA DGA' BA RNAMS DGE BA LA BSDU ZHING GZHAG PA DANG, RANG DANG SNGON MDZA' BA'I GTZUGS BA SRUNG BA'AM DE DANG MTHUN PAR BYA BA DANG GZHAN RANG LA MI DGA' BA DANG MNAR SEMS DANG RGYAB KYI @081A *, ,PHYOGS PAR 'GYUR DU DOGS PA LA DGA' BA'I BZHIN BSTAN PAS NANG GI BSAM PA DAG PAR BSTAN PA'I PHYIR TE LNGA'O, ,SRID PA'I RO LA BRKAM PA NI, 'KHOR BA GCIG PU BGROD PAR SEMS, ZHES PA STE MDO MANG PO LAS BYANG SEMS 'KHOR BA LA DGA' BA LTAR MYA NGAN LAS 'DAS PA LA DE LTA MA YIN NO, ,ZHES SOGS GSUNGS PA LA 'KHRUL NAS BYANG CHUB SEMS DPAS NI MYANG 'DAS LA DGA' BAR MI BYA'I DE LA RGYAB KYIS PHYOGS PAR BYA'O, ,NYON MONGS DANG NYE NYON LA YANG 'JIGS PAR MI BYA'O, ,DE DAG LAS SEMS KYANG SHIN TU DBEN PAR MI BYA STE 'DI LTAR BYANG SEMS KYIS NI BSKAL PA GRANGS MED PA GSUM DU 'KHOR BA NA 'KHOR ZHING BYANG CHUB BSGRUB PAR BYA DGOS SO ZHES DE LTAR LTA ZHING DE SKAD SMRA NA NYON MONGS CAN GYI NYES PA'O, ,DE LTAR LTA BA LA NYES PAR 'GYUR BA CI'I PHYIR ZHE NA, BYANG SEMS KYIS NI JI LTAR NYAN THOS MYANG 'DAS LA MNGON PAR DGA' ZHING NYON MONGS PA LAS SEMS SKYO BAR BYED PA DE LTA BU LAS BYE BA PHRAG 'BUm 'GYUR DU BYA DGOS PA'I PHYIR TE, 'DI LTAR NYAN THOS BDAG GCIG PU SRID PA LAS THAR BAR BYED PA LA YANG DE LTAR BYA DGOS NA BYANG SEMS SEMS CAN THAMS CAD SRID PA LAS THAR BAR BYA BA'I PHYIR BRTZON PA LA SMOS CI DGOS PA'I PHYIR RO, ,BYANG SEMS DES SNGAR BSHAD PA DE LTAR SEMS KUN NAS NYON MONGS PA MED PA LA GOMS PAR BYA BA SGRUB DGOS TE, RANG NYON MONGS DE DAG LAS MA GROL BAS GZHAN DE DAG LAS SGROL BAR MI NUS PA'I PHYIR RO, ,MDO SDE'I RGYAN LAS, MGO LA SEMS CAN @081B KHUR CHEN KHYER BA YI, ,SEMS DPA' MCHOG NI DAL GYIS 'GRO MI MDZES, ,BDAG GZHAN SNA TSOGS 'CHING BAS RAB BCINGS PAS, ,BRTZON PA BRGYA 'GYUR DU NI BYA BA'I RIGS, ZHES GSUNGS PA LTAR RO, ,DE LTA BU'I BYANG SEMS DE NI DGRA BCOM PA MA YIN KYANG DE LAS KHYAD PAR DU 'PHAGS PAR KUN NAS NYON MONGS PA MED PAS ZAG BCAS KYI DNGOS PO LA SPYOD PA'I PHYIR THABS LA MKHAS PA'O, ,SA MU DRAS NYAN THOS DBANG PO RTUL BAS KYANG 'KHOR BA'I SKYON RIG NAS SKYO NA BYANG SEMS DBANG PO RNO ZHING BLO TSAD MED PAS LTA CI SMOS ZHES 'CHAD DO, ,DE LTAR NA MDO SDER MYANG 'DAS LA DGA' BAR MI BYA BA DANG 'KHOR BA LA DGA' BAR BYA BAR GSUNGS PA NI SRID PAR SKYE BA 'DZIN PA LA GTAN RGYAB KYIS PHYOGS PA'I MYANG 'DAS LA DGA' BA 'GOG CING LAS DANG NYON MONGS PA'I 'CHING BAS MA GOS PA'I SRID PAR 'KHOR BA LA BSNGAGS KYI, LAS NYON DANG DE'I DBANG GIS 'KHOR BA LA MI SKYO BA DANG DE CHAD PA'I MYANG 'DAS LA DGA' BA 'GOG PA MIN NO, ,NYES BYAS DE GSUM NI, RIM PA LTAR SDOM PA'I TSUL KHRIMS KYI 'TSO BA DAG PA DANG MI RGOD PA DANG GCIG TU DBEN PAR GNAS PA LAS NYAMS PA DANG, NYES BYAS DANG PO LA CHANG DANG MTSON CHA DANG SROG CHAGS DANG RGYA SKYEGS LA SOGS PA 'CHIR BA DANG MA BRTAGS PA'I TIL DANG YUNGS KAR 'CHING BA'O, ,ZHING LA SOGS PA NI, SMOS KYANG CI DGOS TE ZHES DE DAG KYANG LOG 'TSOR SLOB DPON BYANG CHUB BZANG PAS BSHAD DE, ,GSUM PA RANG GZHAN GNYIS CHA MNYAM PA'I TSUL KHRIMS DANG 'GAL BA LA GNYIS LAS, DANG PO RANG GI BSNGAGS PA MI SRUNG BA NI, GRAGS PA MA YIN MI SPONG BA, ZHES PA STE @082A *, ,RANG GI TSIG MI GTZAN PA 'AM MI BTZUN PAR GYUR PA'I DRI NGAS DANG MA SNYAN PA DANG GTAM NGAN 'BYUNG BA'I GZHI RANG LA YOD PA'I BDEN PA'I DNGOS PO MI BSRUNG ZHING MI SEL NA NYON MONGS CAN DANG GZHI MED PA MI BDEN PA'I DNGOS PO MI BSRUNG ZHING MI SEL NA NYON MONGS CAN MIN PA'I NYES PA'O, ,DRI NGAS SOGS GSUM NI SKYON BRJOD CHE 'BRING CHUNG GSUM MO ZHES GRO LUNG PA GSUNG NGO, ,MI SRUNG BA NI DANG PO NAS 'BYUNG 'GYUR MI 'GOG PA'O, ,MI SEL BA NI BYANG ZIN 'PHRO MI GCOD PA'O, ,MI SNYAN PA SMRA BA LA SEL THABS MA BYAS KYANG LTUNG BA MED PA LA BRJOD MKHAN GYI SGO NAS NI, MU STEGS CAN DANG BRDA SPRAD KYANG YID MI CHES PA MNGON PAR ZHEN PA'I GANG ZAG DANG KHRO BAS ZIL GYIS NON NAS NAN GYIS BRJOD PA STE GSUM MO, ,'GREL PA GSAR MAR GZHAN MU STEGS CAN MNGON PAR ZHEN PA ZHES DANG PO GNYIS MU STEGS CAN DU BYAS PA NI GZHUNG DANG MI MTHUN NO, ,BRJOD BYA'I SGO NAS NI, RAB TU BYUNG BA DANG SLONG MO SPYOD PA DANG DGE BA SPYOD PA'I GZHIS MI SNYAN PA BRJOD PA STE GSUM MO, ,GZHAN DON GYI SBYOR BA RTZUB MOS SGRAG PA NI, NYON MONGS BCAS KYANG 'CHOS MI BYED, CES PA STE PHA ROL MI DGA' BA'I GNOD PA'I THABS GANG LUS NGAG GI SPYOD PA MI SDUG PA'I CHAD PAS 'DUL BA'I THABS DRAG PO GANG GIS SEMS CAN GYI DON DU 'GYUR BA MTHONG BZHIN DU GZHAN MI DGA' BA BSRUNG BA TZAM GYI PHYIR THABS DE MI BYED NA NYON MONGS CAN NO, ,MA BYAS KYANG NYES PA MED PA NI DE BYAS PAS PHA ROL LA TSE 'DI'I DON CHUNG NGU ZHIG TU 'GYUR LA GZHI DES DE LA YID MI BDE BA CHEN POR 'GYUR BA'O, ,GZHAN GYI DON CHUNG @082B LA RANG NYID KYI TSOGS CHEN POR 'GYUR BA LA 'GREL PA RNAmS KYIS BSHAD PA YANG YOD DO, ,'GREL PA GSAR MAS, NYON MONGS DANG BCAS PA NI DRAG PO'I SBYOR PA'O, ,DE 'GA' ZHIG GIS MA YIN GYI 'JAM PO'I SBYOR BAS KYANG ZHES BYA BA NI KYANG GI SGRA'I DON TO, ,ZHES DRAG PO KHO NAR MA ZAD 'JAM POS KYANG MA BCOS NA ZHES GSUNGS TE 'DI LA DOGS PA GO LOG PA LTA BUR SNANG NGO, ,DES NA PHA ROL NYON MONGS PA'AM NYES PA CHEN PO DANG BCAS PA 'CHOS NUS KYANG MI 'CHOS NA ZHES BSHAD DGOS PA 'DRA'O, ,NYES BYAS DE GNYIS NI RIM PA LTAR DAG PA SDUD PA'I DRAN SHES BZHIN DU SPYOD CING RANG GI 'KHRUL PA SHES LA SHES NAS KYANG SPONG BA DANG SEMS CAN DON BYED KYI SMA DBAB PAS DRAN PAR BYED PA LAS NYAMS PAR 'GREL PA GSAR MAR BSHAD DO, ,BZOD PA DANG 'GAL BA LA GSUM LAS, DANG PO BZOD PA'I RGYU LA MI GNAS PA NI, GSHE LA LAN DU GSHE LA SOGS, ZHES PA STE DGE SBYONG GI CHOS BZHI DANG BRAL BA'I NYES PA STE NYON MONGS CAN NO, ,DE LA GSHE BA NI KHROS NAS SPYO BA'I TSIG GO ,SOGS KYIS BSDUS PA KHRO BA LA PHYIR KHRO BA NI KHROR GZHUG PA'I BSAM PA CAN GYI NGAG MI SDUG PA'O, ,RDEG PA LA PHYIR BRDEG PA NI SDUG BSNGAL BSKYED PA'I BSAM PAS BSNUN PA'O, ,MTSANG 'BRU BA LA PHYIR MTSANG 'BRU BA NI GCIG LA GCIG NYES PA GLENG BA'O, ,GNYIS PA KHRO BA'I RGYUN MI 'GOG PA LA GNYIS LAS, RANG GIS MI 'GOG PA NI, KHROS PA RNAMS NI YAL BAR 'DOR, ZHES PA STE, RANG GIS GZHAN LA NYES PA BYAS PA'AM MA BYAS KYANG GZHAN BYAS PAR DOGS PA GNYIS GANG RUNG LA PHRAG DOG SHAS CHE BA'I KUN NAS MNAR @083A *, ,SEMS SAM DMAN PAR SONG NA NGO TSA BA'I NGA RGYAL GYIS TSUL DANG MTHUN PAR SHAD SBYANG MI BYED NA NYON MONGS CAN NO, ,SEMS GZHAN GNYIS DANG BAG MED KYIS MI BYED NA NYON MONGS CAN MIN PA'I NYES PA'O, ,MA BYAS KYANG LTUNG BA MED PA LA DGOS PA'I SGO NAS NI THABS DES 'DUL 'DOD PA'O, ,SHAD SBYANG BYA BA'I YUL GYI SGO NAS NI, MU STEGS CAN DANG RUNG BA MA YIN PA KHA NA MA THO BA DANG BCAS PA KUN TU SPYOD PAS SHAD SBYANG BYED DU 'JUG 'DOD PA DANG, SHAD SBYANG BYAS NA SLAR 'KHRUG PA SKYE BA'I 'THAB KROL CAN RTZOD PA BYED PA DANG SHAD SBYANG BYAS MA BYAS GANG LA YANG SEMS 'GYUR BA MED PA'I BZOD PA'I NGANG TSUL CAN DANG, SHAD SBYANG MI 'DOD PA'AM DES NGO TSA BAR BYED PA STE LNGA'O, ,PHYI MA 'DI GNYIS GZHUNG NAS GCIG LTAR GSUNGS KYANG 'GREL PA RNAMS KYIS SO SOR PHRAL BA LTAR BYAS PA'O, ,GZHAN GYI MI 'GOG PA NI, PHA ROL SHAD KYIS 'CHAGS PA SPONG, ZHES PA STE, RTZOD PA GANG LA GZHAN LA NYES PA BYUNG BA DAG CHOS BZHIN DU MTHUN PAR SHAD SBYANG BYED KYANG KUN NAS MNAR SEMS DANG LDAN ZHING GZHAN LA 'TSE BA'I MTHO 'TSAM PA'I BSAM PAS SHAD SBYANG MI NYAN PA STE MI LEN NA NYON MONGS CAN DANG, SDANG BA MED KYANG MI BZOD PA'I NGANG TSUL CAN TE LEN MI 'DOD PA TZAM GYIS MI LEN NA NYON MONGS CAN MIN PA'I NYES PA'O, MA BLANGS KYANG NYES PA MED PA LA DGOS PA'I SGO NAS NI, THABS DES 'DUL 'DOD PA'O, ,YUL GYI SGO NAS NI, CHOS BZHIN MA YIN PA DANG MTHUN PA MA YIN PAR SHAD STUNG BYED PA'O, ,DE LA SNGA MA NI MI RIGS PA DANG PHYI MA NI TSIG TZAM GYIS BYED PA'O, ,PHYI MA @083B LA SDOM PA NYI SHU PA'I 'GREL BA GSAR RNYING GNYIS SU, DUS MA YIN PAR ZHES GSUNGS PA LTAR NA DAM THAG SHAD SBYANG MI BYED PAR GSUNGS PA'I DUS LA BYA'O, ,'GREL PA GSAR MAR MU STEGS CAN DANG 'THAB KROL CAN LA YANG NYES MED DU 'CHAD DO, ,GSUM PA GNYEN PO LA MI GNAS PA NI, KHROS PA'I SEMS KYI RJES SU 'JUG ,CES PA STE, GZHAN LA KHRO BA'I BSAM PA DANG POR BYUNG ZHING RGYUN MI GTONG BAS 'DZIN LA, NYES PAR MI LTA ZHING GNYEN PO MI BSTEN PAS BYUNG BA DANG DU LEN NA NYON MONGS CAN GYI NYES PA'O, ,SPANG BA'I PHYIR 'BAD KYANG MA LOG PA LA NYES PA MED PA NI SNGAR BSHAD PA LTAR RO, ,'DI KHRO BA BYUNG BA 'DZIN PA'I NYES PAR SLOB DPON BYANG CHUB BZANG PO BZHED DO, ,NYES BYAS BZHI YI DANG PO GNYIS RIM PA LTAR SDOM PA DANG DGE BA SDUD PA GNYIS KYIS GZHAN LA PHAN PA DON DU GNYER BA DANG DGE BA SDUD PA'I TSUL 'CHAL GYI GZHIR GYUR PA'I NYON MONGS PA DANG NYE NYON DANG DU MI LEN PA LAS NYAMS PAR 'GREL PA GSAR MAS BSHAD CING PHYI MA GNYIS LA GSAL KHA MI SNANG NGO, ,BRTZON 'GRUS DANG 'GAL BA LA GSUM LAS, DANG PO SBYOR BA DMAN PA NI, BSNYEN BKUR 'DOD PHYIR 'KHOR RNAMS SDUD, CES PA STE, KHRUS LA SOGS PA'I RIM GRO DANG STAN 'DINGS PA DANG LAS SU MI BSKO BA SOGS KYI BSNYAN BKUR LA ZHEN TE RDZAS 'BUL DU RE BA LA SOGS PA'I ZANG ZING DANG BCAS PA'I SEMS KYIS 'KHOR SDUD NA NYON MONGS CAN NO, ,ZANG ZING MED PA'I BSAM PAS BSAS PA NA RIM GRO SOGS BYED PA BDAG GIR BYAS PA LA NYES PA MED DO, ,SBOR BA MED @084A *, ,PA NI, LE LO LA SOGS SAL MI BYED, CES PA STE, SNYOM LAS DANG LE LO SKYAS TE SOGS KYIS BSDUS PA GNYID KYI BDE BA DANG MAL DU NYAL BA'I BDE BA DANG MAL DU NYAL BA'I BDE BA DANG GLOS 'BEBS PA STE SNYES PA'I BDE BA DUS MIN PA NYIN MO DANG MTSAN MO'I DUS LA YANG TSOD MI ZIN PA STE, NAM GYI GUNG THUN MA GTOGS PA CHA STOD SMAD LA BDAG GIR BYED CING SEL BAR MI BYED NA NYON MONGS CAN GYI NYES PA'O, ,BDAG GIR BYAS KYANG NYES PA MED PA LA RTEN GYI SGO NAS NI, NA STE MI NUS PA DANG LAM BGROD PAS DUB PA DANG DE SPANG BA'I PHYIR 'DUN PA BSKYED PA SNGAR LTAR BYAS PA STE GSUM MO, ,BYA BA NGAN PA LA CHAGS PA NI, CHAGS PAS BRE MO'I GTAM LA STEN, ZHES PA STE, RGYAL BLON CHOM RKUN BUD MED DANG 'DOD PA LA SOGS PA'I 'DU 'DZI'I GTAM LA KUN TU CHAGS PA'I SEMS KYIS DUS YOL BAR BYED NA NYON MONGS CAN GYI NYES PA'O, ,BRJED PAS BYAS NA NYON MONGS CAN MIN PA'I NYES PA'O, ,'DI GZHAN LA NYAN PA TZAM BYAS PAS DUS YOL BA DANG DUS YOL BA YANG SNGA DRO LAS PHYI DRO DANG DE LAS SROD DU THAL BSOGS LA SA MU DRAS 'CHAD DO, ,NYAN PA DANG SMRAS KYANG NYES PA MED PA LA NYAN MKHAN GYI SGO NAS NI, PHA ROL SMRA ZHING 'DUG PA LA NYAN PA DE YANG DRAN PA LA GNAS BZHIN DU PHA ROL GYI NGOR SKAD CIG TZAM NYAN PA'O, ,GTAM GYI SGO NAS NI, YA MTSAN PA'AM MTSAR GTAM LA PHAR LA 'DRI BA TZAM DANG TSUR LA 'DRI PA'I LAN 'DEBS PA TZAM BYED PA'O, ,SLOB PA LA BRTZON PA LA NI DE YANG NYES PA YIN PAR DZI NA SU TRA SOGS 'CHAD DO, ,NYES BYAS DE GSUM NI, SEMS CAN DON BYED KYI CHOS BZHIN DU TSOGS PA SDUD PA @084B DANG DGE BA SDUD PA'I BRTZON 'GRUS KYI PHAR PHYIN DANG SDOM PA'I TSUL KHRIMS KYI 'DU 'DZI'I NANG DU LONG GTAM NGAN PA DANG DU MI LEN PA LAS NYAMS PAR 'GREL PA GSAR MAS BSHAD DO, ,BSAM GTAN DANG 'GAL BA LA GSUM LAS ,SBYAR BA'I NYES PA NI, TING NGE 'DZIN GYI DON MI TSOL, ZHES PA STE, SEMS MNYAM PAR 'JOG PAR 'DOD PA LA MNAR SEMS DANG NGA RGYAL GYIS SEMS GNAS PA LAS BRTZAMS PA'I GDAMS NGAG GZHAN LA NOD DU MI 'GRO NA NYON MONGS CAN DANG, SEMS GZHAN GNYIS KYIS NI NYON MONGS CAN MIN PA'I NYES PA'O, ,MI GNOD KYANG NYES PA MED PA LA RTEN GYI SGO NAS NI, NA STE MI NUS PA DANG GDAMS NGAG LOG PA BYUNG DOGS PA DANG, BDAG MANG DU THOS PA YIN TE SEMS MNYAM PAR 'JOG NUS MA GDAMS NGAG GIS GDAMS NGAG GI BYA BA BYAS ZIN PA STE GSUM MO, ,DNGOS GZHI'I NYES PA NI, BSAM GTAN SGRIB PA SPONG MI BYED, CES PA STE, BSAM GTAN LA GEGS BYED PA'I SGRIB PA LNGA PO GANG YANG RUNG BA BYUNG BA DANG DU LEN ZHING SEL BAR MI BYED NA NYON MONGS CAN NO DE SPANG BA'I PHYIR 'DUN BSKYED PA SOGS LA NYES PA MED PA NI SNGAR BZHIN NO, ,SGRIB PA LNGA NI, BSHES SPRINGS LAS, RGOD DANG 'GYOD DANG GNOD SEMS RMUGS PA DANG, ,GNYID DANG 'DOD LA 'DUN DANG THE TSOM STE, ,SGRIB PA LNGA PO 'DI DAG DGE BA'I NOR, ,'PHROG PA'I CHOM RKUN LAGS PAR RIG PAR MDZOD, ,CES GSUNGS PA LTAR TE RGOD 'GYOD GNYIS SGRIB PA GCIG DANG GNYID RMUGS GNYIS SGRIB PA GCIG TU BYA'O, ,'DI LA GNYIS SBYANG BYA SGRIB PA DANG DE 'DREN PA'I CHOS NGOS GZUNG BA DANG, JI LTAR SPYOD PA'I TSUL LO, ,DANG PO @085A *, ,LA 'DOD PA LA 'DUN PA NI, GZUGS SGRA SOGS YUL LNGA LA SRED CING 'DUN PAS SEMS YUL LNGA'I RJES SU 'BRANG BA STE DE 'DREN PA NI YUL LA SDUG CING YID DU 'ONG BA'I MTSAN MA SGRO 'DOGS PA'I TSUL MIN YID BYED DO, ,GNOD SEMS NI GZHAN LA GNOD PA BYA BA DANG 'TSE BA'I BSAM PA STE DE 'DREN PA NI KHONG KHRO'I RGYU MI SDUG CING YID DU MI 'ONG BA'I MTSAN MA SGRO 'DOGS PA'O, ,RMUGS PA NI, GTI MUG GI CHAR GTOGS PA SEMS LAS SU MI RUNG ZHING BLONG BLONG POR GYUR PA'O, ,GNYID NI 'DIR GTI MUG GI CHAR GTOGS PA SEMS YUL LAS MNGON PAR SDUD PA STE DE GNYIS 'DREN PA NI SEMS LA MUN PA'I MTSAN MA YID LA BYAS PAS MI GSAL BA'O, ,RGOD PA NI, CHAGS PA'I CHAR GTOGS PA'I RNAM PAR MA ZHI BA'O, ,'GYOD PA NI, SEMS KYI YID LA GCAGS PA STE DE GNYIS 'DREN PA NI NYE DU DANG LJONGS DANG YUL DANG MI 'CHI BA'I RNAM PAR RTOG PA DANG SNGON BRGAD PA DANG BRTZES PA DANG DGA' BA DANG DGA' MGUR SPYAD PA RNAMS DRAN PA'O, ,THE TSOM NI BDAG DUS GSUM DU BYUNG NGAM MA BYUNG ZHES PA DANG DKON MCHOG DANG LAS 'BRAS DANG BDEN PA BZHI LA THE TSOM ZA BA STE DE 'DREN PA NI DUS GSUM PA'I CHOS DANG DE LA DMIGS PA'I TSUL MIN YID BYED DO, ,JI LTAR SBYONG BA'I TSUL LA GNYEN PO GANG GIS SBYONG BA DANG, SPYOD LAM JI LTA BUS SBYONG BA GNYIS SO, ,DANG PO LA GSUM LAS CHOS KYI DBANG DU BYAS PA'I SBYONG TSUL NI, 'DOD PA LA 'DUN PA'I GNYEN POR NI, RNAM PAR SNGOS PA DANG RNAGS PA LA SOGS PA'I MI SDUG PA BSGOM MI, ,GNOD SEMS KYI GNYEN POR NI BYAMS PA BSGOMS MO, , @085B RMUGS GNYID KYI GNYEN POR NI NYI ZLA LA SOGS PA'I SNANG BA'I MTSAN MA LEGS PAR BZUNG NAS SEMS GSAL BA'I RNAM PA CAN DU BYAS TE SANGS RGYAS DANG CHOS DANG DGE 'DUN DANG TSUL KHRIMS DANG GTONG BA'I YON TAN DANG LHA RJES SU DRAN PA DANG, GZHAN YANG DAD PAR 'GYUR BA'I DMIGS PA LA GTAD NAS SEMS GZENGS BSTOD PA DANG PHYOGS SU DANG ZLA BA DANG SKAR MA LA LTA BA DANG GDONG CHUS 'KHRU BA'O, ,RGOD 'GYOD KYI GNYEN POR NI SEMS NANG KHO NAR YANG DAG PAR 'JOG CING RGYUD CIG TU TING NGE 'DZIN DU BYAD PA'O, ,THE TSOM GYI GNYEN POR NI 'DAS PA'I DUS SU BYUNG BA DANG MA 'ONGS PA NA 'BYUNG BA SOGS KYI BDAG NI MED KYI CHOS TZAM GYI RGYU 'BRAS SU MTHONG NAS YOD PA YANG YOD PA DANG MED PA YANG MED PAR SGRO SKUR DANG BRAL BAR TSUL BZHIN YID LA BYED PA'O, ,GZHAN YANG DE DAG THAMS CAD LA GSUNG RAB LAS SGRIB PA LNGA DANG DE DAG 'DREN PA'I CHOS RNAMS LA NYES DMIGS KYIS SMAD PA DANG DE DAG DANG BRAL BA LA PHAN YON GYIS BSTOD PA'I TSIG RNAMS 'DON ZHING DON SEMS PA SOGS BYAS NA MA SKYES PA ME SKYE ZHING SKYES PA'ANG LDOG PAR 'GYUR RO, ,BDAG GI DBANG DU BYAS NAS SBYONG BA NI, SGRIB PA LNGA PO GANG RUNG SKYES MA THAG TU SGRIB PA DES SEMS NYE BAR NYON MONGS PA DANG SHES RAB CHUNG BA DANG DGE BA LA GNOD PA BYED PAS BDAG GI TSUL DANG MI MTHUN PAR RIG NAS NGO TSA BAR BYED CING DANG DU MI LEN PAR SEL BAR BYED PA'O, ,'JIG RTEN GYI DBANG DU BYAS NAS SBYONG BA NI, SGRIB PA LNGA PO GANG RUNG SKYES PA'AM SKYE BA'I DUS NYE BAR GNAS PA NA, BDAG GIS 'DI DAG BSKYED NA NI BDAG STON PA DANG BSAM PA @86A *, ,SHES PA'I LHA DANG GROGS MKHAS PA RNAMS KYIS SMOD PAR 'GYUR RO SNYAM NAS MA SKYES PA MI SKYED CING SKYES PA SPONG BA'O, ,SPYOD LAM JI LTA BUS SBYONG BA NI, GNYID RMUGS LA NI LANGS TE PHAN TSUN DU 'CHAG CING SBYONG BA YIN LA GZHAN BZHI LA SKYIL MO KRUNG LEGS PAR BCAS DRAN PA PHYOGS PAR BYAS TE SBYONG BA YIN NO, ,'DI DAG DANG DU MI LEN CING SEL BA NI TING NGE 'DZIN GYI DUS KHO NAR MI GZUNG GI THAMS CAD DU'O, ,RJES KYI NYES PA NI, BSAM GTAN RO LA YON TAN LTA ZHAS PA STE, BSAM GTAN RGYUD LA SKYES PA'I TSE DE'I RO MYANG BA STE DGA' BDE SOGS LA SRED CING RO MYANG BA LA YON TAN DU LTA NA NYON MONGS CAN NO, ,DE SPANG BA'I PHYIR 'DUN PA SKYED PA SOGS LA NYES PA MED PA NI SNGAR BZHIN NO, ,'GREL PA DAG NAS TING NGE 'DZIN GYI CHOG SHES BYAS PA'I NYES PAR 'CHAD DE 'GRIG PAR MI SNANG NGO, ,TING NGE 'DZIN NI SKYES KYANG DE'I RGYUN GNAS PA DANG KHYAD PAR DU 'GRO BA LA BAR CHAD NI NYON MONGS CAN BZHI STE RO MYANG CAN DANG NGA RGYAL SHAS CHE BA DANG MA RIG PA SHAS CHE BA DANG LTA BA SHAS CHE BA DANG LTA BA SHAS CHE BA STE BZHI'O, , NYES BYAS DE GSUM NI RIM PA LTAR SDOM PA'I TSUL KHRIMS KYI TING NGE 'DZIN SGRUB PA DANG RTOG PA NGAN PA MI SEMS SHING DGE BA SDUD PA'I SNYOMS 'JUG GI NYON MONGS PA DANG DU MI LEN PA DANG DGE BA SDUD PA'I SNYOMS 'JUG GIS RO MYANG BA DANG DU MI LEN PA LAS NYAMS PAR 'GREL PA GSAR MAS BSHAD DO, ,SHES RAB DANG 'GAL BA LA GNYIS, YUL DMAN PA DANG 'BREL BA DANG, MCHOG DANG 'BREL BA'O, ,DANG PO LA BZHI LAS, THEG DMAN SPONG BA NI, NYAN THOS THEG PA SPONG BAR BYED, CES PA STE, @86B BYANG SEMS KYIS NYAN THOS KYI THEG PA DANG LDAN PA'I CHOS NYAN PAR MI BYED TSIG DANG DON BSRUNG BAR MI BYA NAN TAN DU BSLAB PAR MI BYA STE DE DAG BYAS PA LA DGOS PA MED DO ZHES RANG DE LTAR LTA ZHING GZHAN LA DE SKAD SMRA NA NYON MONGS CAN GYI NYES PA'O, ,'DI NI NYAN THOS KYI THEG PA NYAN PA SOGS THEG DMAN LA DGOS KYANG BYANG SEMS LA MI DGOS SNYAM DU 'DZIN PAS NYAN THOS KYI THEG PA GTAN SPONG BA MIN LA SO THAR SPONG DU 'JUG PA'I RTZA LTUNG DANG YANG KHYAD PAR CHE'O, ,DE LTA BU LA NYES PAR 'GYUR BA'I RGYU MTSAN NI; BYANG SEMS KYIS NI MU STEGS KYI BSTAN BCOS LA YANG BRTZON PAR BYA DGOS NA SANGS RGYAS KYI GSUNG RAB LA SMOS CI DGOS PA'I PHYIR RO, ,BCAS PA 'DI NI CHOS RGYUS CHUNG BA RNAMS THAG CHEN PA LA SO THAR GYI BCAS PA LA SLOB PA SOGS MI DGOS SO ZHES CHOS KYIS PHONGS PAR 'GYUR BA'I LAS KYI SGRIB PA GSOG PA'I G-YANG SA CHEN PO 'GEGS PA'I GDAMS PA MCHOG GO ,THEG CHEN PA GANG MTHA' GCIG TU NYAN THOS KYI THEG PA LHUR LEN PA'I 'DUN PA BZLOG NAS THEG CHEN LA 'DUN PAR BYA BA'I PHYIR YIN NA RTEN GYI SGO NAS LTUNG BA MED DO, ,MTHA' GCIG TU DE LA BRTZON PA'I NYES PA NI, RANG TSUL YOD BZHIN DE LA BRTZON, ZHES PA STE, BYANG SEMS KYI SDE SNOD LA BRTZON PA BYAR YOD BZHIN DU DE THAMS CAD KYI THAMS CAD DU YAL BAR BOR NAS NYAN THOS KYI SDE SNOD LA BRTZON PAR BYED NA NYON MONGS CAN NO, ,DES NA THEG CHEN LA BRTZON PA MA BTANG BA'I NGANG NAS THEG DMAN GYI SDE SNOD LA SLOB DGOS SO, ,MU STEGS KYI GZHUNG LA MTHA' GCIG TU BRTZON PAR BYED PA NI, BRTZON MIN @87A *, ,PHYI ROL BSTAN BCOS BRTZON, ZHES PA STE, SANGS RGYAS KYI GSUNG RAB LA BRTZON PA BYAR YOD NA DE MA BYAS PAR MU STEGS KYI BSTAN BCOS PHYI ROL GYI BSTAN BCOS LA BRTZON PAR BYA BA MIN PA LA RANG GI GZHUNG LA BRTZON PAR MA BYAS PAR DE LA BRTZON PAR BYED NA NYON MONGS CAN GYI NYES PA'O, ,PHYI ROL GYI BSTAN BCOS NI PHYI ROL PA'I RTOG GE DANG SGRA'I BSTAN BCOS LAS MU DRAS 'CHAD DO, ,SNGA MA LA BRTZON PA'I GZHI LA BYANG SEMS KYI SDE SNOD DGOS LA 'DI LA NI SANGS RGYAS KYI BKA' TZAm GYIS CHOG GO ,RTEN GYI SGO NAS NI, SHIN TU YID GZHUNGS PA DANG LDOB RKYEN PA DANG YUN RING DU MI BRJED PAR NUS PA DANG DON SEMS PA DANG RTOGS PAR BYED NUS PA DANG SANGS RGYAS KYI GSUNG RAB LA RIGS PAS RTOGS PA DANG LDAN PAS BLO MI 'GYUR BA DANG LDAN TE PHYI ROL GYI BSTAN BCOS LAS NYIS 'GYUR GYIS NYIN GCIG BZHIN DU SANGS RGYAS KYI GSUNG RAB LA BRTZON PAR BYED NA PHYI ROL GYI GZHUNG LA BRTZON PA LA NYES PA MED DO, ,DE LA YID GZHUNGS PA NI, YUN THUNG DUS KYANG DRAN NUS PA DANG DON SEMS PA NI BLO RNO BA DANG DON RTOGS PAR NUS PA NI SHES RAB GSAL BA DANG GSUNG RAB RIGS PAS RTOGS PA NI LHAN CIG SKYES PA'I SHES RAB CHE BA LA DZI NA SU TRAS BSHAD DO, ,LDOB SKYEN PA NI, MYUR BAR LOBS PA'O, ,DGA' BZHIN DU MU STEGS KYI GZHUNG LA BRTZON PA'I NYES PA NI, BRTZON PAR BYAS KYANG DE LA DGAL ZHES BA STE, SNGAR BSHAD PA LTA BU'I TSUL DANG MI 'GAL BAR MU STEGS KYI BSTAN BCOS PHYI ROL GYI BSTAN BCOS LA MKHAS PAR BYED KYANG DE LTAR BYED PA NA SMAN TSA BA LA BSTAN PA BZHIN DU @87B BYED DGOS PA LA, DE MI BYED PAR DANG POR MNGON PAR DGA' BA'I TSUL GYIS BYED CING BAR DU DES DGA' BAR 'DZIN LA THA MAR RANGS PAR BYED NA NYON MONGS CAN GYI NYES PA'O, ,DES NA MI 'DOD BZHIN DU DGOS PA'I DBANG GIS 'JUG PA DGOS SO, ,DE LTAR NYES BYAS BZHI LAS, DANG PO NI, DGE BA SDUD PA'I SKABS KYI LOG LTA SPONG BA LAS NYAMS PA DANG GNYIS PA DANG GSUM PA NI DGE BA SDUD PA'I THOS BSAM LA SBYOR BA LAS NYAMS PAR 'GREL PA GSAR MAS BSHAD CING BZHI PA LA GSAL KHA MI SNANG NGO, ,YUL MCHOG DANG 'BREL BA LA GSUM LAS, DANG PO SHES RAB KYI YUL SPONG BA NI, THEG PA CHEN PO SPONG BAR BYED, CES PA STE, BYANG SEMS KYI SDE SNOD LA SKUR PA 'DEBS NA NYON MONGS CAN GYI NYES BYAS SO, ,DE LA CI ZHIG THOS NAS SKUR PA 'DABS SHE NA, SDE SNOD DE LAS DE KHO NA'I DON ZAB MO'AM SANGS RGYAS BYANG SEMS KYI RMAD DU BYUNG BA'I MTHU RGYA CHEN PO LAS BRTZAMS TE SO SKYE'I YUL MIN PAS ZAB PA NYAN RANG GI YUL MIN PAS MCHOG TU ZAB PA BSTAN PA DAG THOS NAS DE LA YID MA CHES SHING MA MOS NAS SKUR PA 'DEBS SO,, DE KHO NA'I DEN NAM MTHU LAS BRTZAMS TE ZHES GSUNGS PAS ZAB PA DANG RGYA CHE BA'I PHYOGS GANG RUNG GCIG LA SKUR PA BTAB NA NYES BYAS SU STON NO, ,SKUR PA 'DABS PA'I TSUL NI BZHI STE 'DI DAG BRJOD BYA DMAN PA'AM YE SHES KYI RTEN MIN PAS DON DANG LDAN PA MA YIN RJOD BYAD DMAN PA'AM BSOD NAMS KYI RTEN MIN PAS CHOS DANG LDAN PA MA YIN BYED PA PO DMAN PAS DE BZHIN GSHEGS PAS GSUNGS PA MA YIN, DE NYID KYI PHYIR NA SEMS CAN LA PHAN BDER 'GYUR BA MA YIN NO ZHES THAMS CAD DAM RE NGES @88A *, ,SMRA BA'O, ,SKUR PA 'DEBS PA'I RGYU NI, RANG GI TSUL MIN YID BYED DAM GZHAN GYI KHA PHYIR RJES SU ZHUGS PA'O, ,CHOS SPONG BA LAS SEMS BSRUNG BA'I TSUL NI ZAB CING MCHOG TU ZAB PA'I GNAS DAG THOS NAS SEMS MA MES NA BYANG CHUB SEMS DPAS DAD PA DANG G-YO MED PAS 'DI LTAR BDAG NI LONG BAR GYUR TE ZAG PA MED PA'I SHES RAB KYI MIG MED LA DE BZHIN GSHEGS PA'I SPYAN GYIS RJES SU SPYOD PAR ZAD PA DE BZHIN GSHAGS PAS DON GZHAN LA DGONGS TE GSUNGS PA SPANG BA NI BDAG GI BYA BA'I CHA MA YIN NO ZHES YANG DAG PAR BSLAB PAR BYA'O, ,BYANG SEMS KYIS DE LTAR BDAG NI MI SHES PAR BRTZIS LA DE BZHIN GSHEGS PA NYID CHOS DE DAG LA LKOG TU MA GYUR PAR YANG DAG PAR LTA NA DE LTA NA YANG DAG PAR ZHUGS PA YIN NO; ;MOS PA MA SKYES SU ZIN KYANG SKUR PA MI 'DEBS NA NYES PA MED DO, ,MDO SDE'I RGYAN LAS KYANG, YID KYI NYES PA'I RANG BZHIN GDUG PA STE, ,MI RIGS PA YI GZUGS LA'ANG MI RIGS NA, ,THE TSOM ZA BA'I CHOS LA SMOS CI DGOS, ,DE PHYIR BTANG SNYOMS BZHAG LEGS NYES PA MED, CES DANG, RIN CHEN PHRENG BA LAS KYANG, DE BZHIN GSHEGS DGONGS GSUNGS PA RNAMS, ,SHES PAR SLA MIN DE YI PHYIR, ,THEG GCIG THEG PA GSUM GSUNGS PA, ,BTANG SNYOMS KYIS NI BDAG BSRUNG BYA, ,BTANG SNYOMS KYIS NI SDIG MI 'GYUR, ,SDANG BAS SDIG 'GYUR DGE MI 'GYUR, ZHES GSUNGS PAS LAS DANG PO PAS THAMS CAD LA BLO DANG MTHUN PA'I MOS PA THOB PAR DKA' BAS MOS PAR MA NUS KYANG BTANG SNYOMS SU BZHAG NA NYES PA MED DO,, @88B 'BRAS BU LA LOG PAR SGRUB PA NI, BDAG LA BSTOD CING GZHAN LA SMOD, CES PA STE, ZANG ZING DANG BCAS PA DANG KHONG KHRO BA'I SEMS KYIS GZHAN DAG LA BDAG BSTOD CING GZHAN SMOD NA NYON MONGS CAN GYI NYES PA'O, ,ZANG ZING DANG BCAS PA'I SEMS NI 'GRAL PA GSAR MA DANG SA MU DRAS RLOM SEMS SAM SNYEMS PA'I SEMS LA 'CHAD DE NGA RGYAL LO, ,DZI NA SU TRAS BDAG LA GCES PAR 'DZIN PA'I SEMS LA BSHAD DE DON 'DRA'O, ,DES NA PHAM PA'I SKABS DANG KHYAD PAR CHE'O, ,BDAG BSTOD GZHAN SMOD BYAS KYANG DGOS PA'I SGO NAS NYES PA MED PA NI, BSTAN PA GNAS PAR BYA BA'I PHYIR MU STEGS CAN ZIL GYIS GNON 'DOD PA'I DUS DANG THABS DES GZHAN 'DUL BAR 'DOD PA DANG GZHAN MA DAD PA RNAMS DAD PAR BYA BA DANG DAD PA RNAMS PHYIR ZHING 'PHEL BAR BYA BA'I PHYIR BYED PA STE GSUM MO, ,SHES RAB KYI RGYU LAS NYAMS PA LA GNYIS LAS, THOS PA LA MI 'JUG PA NI, CHOS KYI DON DU 'GRO MI BYED, CES PA STE, GZHAN LA CHOS SGROGS SHING 'CHAD PA DANG CHOS KYI 'BEL BA'I GTAM GTAN LA 'BEBS NA NGA RGYAL DANG SEMS GZHAN GNYIS DANG LDAN PAS MI 'GRO NA NYON MONGS CAN GYI NYES PA'O, ,SEMS GZHAN GNYIS KYIS MI 'GRO NA NYON MONGS CAN MIN PA'I NYES PA'O, ,MA SONG YANG RTEN GYI SGO NAS NYES PA MED PA NI, CHOS SGROGS PA SOGS MTSOR BA DANG NA STE MI NUS PA DANG LOG PAR STON DU DOGS PA DANG CHOS KYI GTAM DE YANG YANG THOS SHING BZUNG LA SHES ZIN PAR SHES PA DANG MANG DU 'OS PA THOS PA 'DZIN PA THOS PA BSAGS PA YIN PA DANG RTAG TU DMIGS PA LA GNAS TE TING NGE 'DZIN SGRUB PA DANG @89A *, ,SHES RAB SHIN TU RTUL TE CHOS LEN PA DANG 'DZIN PA DANG DMIGS PA LA MNYAM PAR 'JOG PA LA ZHEN PA STE BDUN NO, ,MANG DU THOS PA SOGS GSUM NI THOS PA DANG SHES PA DANG RDZOGS PA'I RNAM GRANGS SO, ,LEN PA SOGS GSUM NI THOS BSAM SGOM GSUM MO, ,DGOS PA'I SGO NAS NI, RANG LA CHOS SMRA BA'I BLA MA'I SEMS MI DGA' BA BSRUNG BA STE GCIG GO ,THOS PA'I YUL LA LOG PAR SGRUB PA NI, DE LA SNOD DANG MI DGE RTEN ZHES PA STE, CHOS SMRA BA'I GANG ZAG LA BSAMS BZHIN DU KHYAD DU GSOD PA STE SNYING NAS DGE BA'I BSHES GNYEN DANG STON PA'I 'DU SHES MI SKYED PA DANG LUS KYIS BKUR STI MI BYED LA SMA 'BEBS PAS 'PHYA ZHING TSIG RTZUB PO SMRA PAS BSTING BAR BYED PA DANG TSIG 'BRU LEGS PA LA CHED CHER BYED PAS DE LA RTEN GYI DON LA CHED CHER MI BYED PAS DE LA MI RTON NA NYON MONGS CAN GYI NYES PA STE, MDOR NA TSIG MI LEGS NA DON LEGS KYANG DE LA MI GNAS LA TSIG LEGS NA DON MI LEGS KYANG DE LA GNAS PA'O, ,KHA CIG CHOS SMRA BA LA TSIG 'BRU TZAM 'CHAD PAR ZAD KYI DON MI 'CHAD PA'AM MI SHES SO ZHES SMOD PA LA 'CHAD PA NI YI GE'I DON LA YANG MA ZHUGS SO, ,DES NA BYANG SAR RTON PA BZHI'I SKABS SU SNGAR LTAR GSUNGS PAS DE BZHIN DU BYA'O, ,DZI NA SU TRA DANG SA MU DRAS KYANG CHOS LA MA GUS PA'I NYES PAR BSHAD DO,, NYES BYAS DE GSUM NI RIM PA LTAR LTA BA NGAN PA SPONG BA DANG THOS PA LA SBYOR BA DANG DGE BA SDUD PA'I BLA MA'I RIM GRO BYA BA LAS NYAMS PA DANG YI GE RTON GYI DON NI CHOS SMRA BA LA KHYAD DU GSOD PA'I DON DU TSIG 'BRU LA BRTEN PAR 'GREL PA GSAR @89B MAS BSHAD DO, ,SEMS CAN DON BYED DANG 'GAL BA LA GNYIS, DON BYA BA'I YUL SPYI DANG 'BREL BA DANG, BYE BRAG DANG 'BREL PA'O, ,DANG PA LA GNYIS LAS, DON MA SGRUB PA NI, DGOS PA'I GROGS SU 'GRO MI BYED, CES PA STE, BYE BA GTAN LA 'BEBS PA NAS BSOD NAMS BYED PA'I BAR BRGYAD LA SEMS GNYIS KYIS GROGS SU MI 'GRO NA NYON MONGS CAN DANG SEMS GZHAN GNYIS KYIS NI NYON MONGS CAN MIN PA'O, ,DE LAS GZHAN RNAMS NI SNGAR BSHAD PA LTAR YIN LA YANG DAG PA'I THA SNYAD NI YUL SO SO'I SKAD KYI THA SNYAD MI SHES PA LA DE SLOB PAR GRO LUNG PAS BSHAD DO, ,MA BYAS KYANG RTEN GYI SGO NAS NYES PA MED PA NI, NA STE MI NUS PA DANG SNGAR GZHAN LA KHAS BLANGS PA DANG NUS PA GZHAN LA BCOL BA DANG DE BAS CHES LHAG PA'I DGE PHYOGS LA BRTZON PA DANG RANG BZHIN GYIS YID RTUL ZHING LUNG 'BOGS MI MKHAS PA STE LNGA'O, ,BYA BA'I SGO NAS NI, GNOD PA DANG LDAN PA DANG CHOS DANG MI LDAN PA MI RIGS PA'I BYA BA STE GCIG GO ,YUL GYI SGO NAS NI, GROGS 'TSOL BA RANG GIS BYED NUS PA'AM BYED PA'I MGAN DANG RTEN YOD PA'O, ,DGOS PA'I SGO NAS NI THABS DES 'DUL BAR 'DOD PA DANG GZHAN CHES MANG BA'I MNAR SEMS BSRUNG BA DANG DGE 'DUN GYI NANG KHRIMS SRUNG BA STE GSUM MO, ,GNOD PA MI SEL BA LA GNYIS, SDUG BSNGAL MI SEL BA DANG, DE'I RGYU MI SEL BA'O; ;DANG PO LA GNYIS LAS, SDUG BSNGAL GYI BYE BRAG MI SEL BA NI, NAD PA'I RIM GRO BYA BA SPONG, ZHES PA STE, NAD KYIS THEBS PA DANG 'PHRAD PA NA SEMS GNYIS KYIS DE LA NAD G-YOG LA SOGS PA'I RIM GRO DANG BSNYAN BKUR MI BYED NA NYON MONGS CAN @90A *, ,DANG SEMS GZHAN GNYIS KYIS NI NYON MONGS CAN MIN PA'O, ,MA BYAS KYANG RTEN GYI SGO NAS NYES PA MED PA NI, NA STE MI NUS PA DANG NUS SHING NAD PA'I YID DANG MTHUN PA LA BCOL BA DANG SHES RAB SHIN TU RTUL LA LEGS PAR CHOS STON MI NUS LA LEGS PAR 'DZIN MI NUS SHING DMIGS PA LA SEMS MNYAM PAR 'JOG MI NUS PA DANG SNGAR GZHAN LA KHAS BLANGS PA STE BZHI'O, ,YUL GYI SGO NAS NI, NAD PA MGON DANG RTEN YOD PA DANG RANG GIS RANG GI G-YOG NUS PA DANG NAD RGYUN RINGS KYIS THEBS TE SOS TZAM DU 'DUG PA STE GSUM MO, ,DGOS PA'I SGO NAS NI, DGE PHYOGS RGYA CHEN PO LA BRTZON PA DE'I BAR CHAD DU 'GYUR BA BSRUNG PA'I PHYIR TE GCIG GO ,SDUG BSNGAL SPYI MI SAL BA NI, SDUG BSNGAL SEL BAR MI BYED PA, ZHES PA STE, NYON MONGS CAN YIN MIN GYI LTUNG BA DANG LTUNG MED KYI TSUL NI NAD PA DANG 'DRA LA GSAL BYA'I SDUG BSNGAL BSAL TSUL NI SNGAR BSHAD PA BZHIN NO, ,SDUG BSNGAL GYI RGYU MI SEL BA NI, BAG MED RNAMS LA RIGS MI STON ZHES PA STE, TSE 'DI DANG PHYI MA'I DON LA TSUL BZHIN MA YIN PAR ZHUGS PA'I SEMS CAN MTHONG NA SEMS GNYIS KYIS SKYON MED PA'I RIGS PA DANG JI LTAR 'TSAM PA'I TSUL BZHIN MI STON NA NYON MONGS CAN DANG SEMS GZHAN GNYIS KYIS NI NYON MONGS CAN MIN PA'O, ,MA BSTAN KYANG RTEN GYI SGO NAS NYES PA MED PA NI, RANG GIS STON TSUL MI SHES TE MI NUS PA DANG GZHAN BSTAN NUS PA LA BCOL BA STE GNYIS SO, ,YUL GYI SGO NAS NI DE NYID KYIS 'CHOS NUS PA DANG DGE BSHES KYIS ZIN PA DANG RANG LA KUN NAS @90B MNAR SEMS DANG LDAN ZHING BKA' BLO MI BDE BAS LOG PAR 'DZIN PA DANG RIGS PA BSTAN PA LA DGA' ZHING GUS PA MED PAS DMU RGOD DU GYUR PA STE BZHI'O, ,DGOS PA'I SGO NAS NI, MA BSTAN PA'I THABS DES 'DUL BAR 'DOD PA STA GCIG GO ,'DI YANG RGYAS PAR SNGAR BSHAD PA LTAR SHES PAR BYA'O, ,DON BYA BA'I YUL BYE BRAG PA DANG 'BREL PA LA GNYIS, PHAN MI 'DOGS PA DANG, TSAR MI GCOD PA'O, ,DANG PO LA DRUG LAS, DANG PO PHAN BTAGS PA LA LOG PAR SGRUB PA NI, BYAS LA LEN DU PHAN MI 'DOGS, ZHES PA STE SEMS CAN PHAN 'DOGS PA RNAMS LA PHAN LEN BYED MI 'DOD PAS BYAS PA MI GZO ZHING PHAN BTAGS PA MI DRAN PA'AM MI SEMS PAS BYAS PA MI TSOR TE MNAR SEMS KYIS DE BAS CHE BA'I MA NUS NA MNYAM PA'I THA NA CHUNG NGU'I MTHUN PA'I PHAN LAN MI BYED NA NYON MONGS CAN DANG SEMS GZHAN GNYIS KYIS NI NYON MONGS CAN MIN PA'I NYES PA'O, ,MA BYAS KYANG RTEN GYI SGO NAS NYES PA MED PA NI, PHAN LEN BYA BAR BSGRIMS BZHIN DU MA NUS SHING MA LCOGS PA STE GCIG GO ,DGOS PA'I SGO NAS NI, PHAN LEN MA BYAS PA'I THABS DES 'DUL BA STE GCIG GO ,YUL GYI SGO NAS NI, DE NYID PHAN LAN BYED PA DE MI 'DOD PA STE GCIG GO ,YID MI BDE BA LA LOG PAR SGRUB PA NI, GZHAN GYI MYA NGAN SEL MI BYED, COS ? PA STE, GZHAN NYE DU DANG LONGS SPYOD DANG BRAL BA LAS GYUR PA'I MYA NGAN BYANG BA LA MNAR SEMS KYIS MI SEL NA NYON MONGS CAN DANG SEMS GZHAN GNYIS KYIS NI NYON MONGS CAN MIN PA'I NYES PA'O, ,LTUNG MED NI DGOS PA'I GROGS SU 'GRO @91A *, ,MI BYED DANG 'DRA LA MYA NGAN GYI RNAM DBYE DANG DE BSAL TSUL NI SNGAR RGYAS PAR BSHAD ZIN TO, ,BKREN PA LA LOG PAR SGRUB PA NI, NOR 'DOD PA LA SBYIN MI BYED, CES PA STE, ZAS SKOM SOGS 'DOD PA YANG DAG PA STE RIGS PA DANG LDAN PA'I SLONG BA POS SLONG BA LA YO BYAD DE DAG SEMS GNYIS KYIS MA BYIN NA NYON MONGS CAN DANG SEMS GZHAN GNYIS DANG BAG MED PAS MA BYAN NA NYON MONGS CAN MAN PA'I NYES PA'O, ,MI BYIN YANG RTEN GYI SGO NAS NYES PA MED PA NI, RANG LA LONGS SPYOD DE DAG MED PA STE GCIG GO ,DNGOS PO'I SGO NAS NI, TSE 'DI 'AM PHYI MAR SKYON SKYED PA'I RUNG BA MA YIN PA DANG, SLONG BA PO DE LA MI 'PHROD PA'I RDZAS TE GNYIS SO, ,DGOS PA'I SGO NAS NI, MA BYIN PA'I THABS KYIS 'DUL 'DOD PA DANG DE LA BYIN NA RGYAL PO LA GNOD PAR 'GYUR BA BSRUNG BA DANG DGE 'DUN GYI NANG KHRIMS SRUNG BA STE GSUM MO, ,RANG GI 'KHOR LA LOG PAR SGRUB PA NI, 'KHOR RNAMS KYI NI DON MI BYED, CES PA STE, 'KHOR BSDUS PA LA MNAR SEMS KYIS GDAMS NGAG MI 'DOMS SHING RJES SU MI STON PA DANG PHONGS PA DE DAG GI PHYIR DU BRAM ZE DANG KHYIM BDAG DAD PA RNAMS LAS GOS ZAS DANG MAL CHA DANG STAN DANG NA BA'I GSOS SMAN DANG DE LAS GZHAN PA'I YO BYAD RNAMS CHOS BZHIN DU MI TSOL NA NYON MONGS CAN DANG SES GZHAN GNYIS DANG BAG MED KYIS MI 'DOMS SHING RJES SU MI STON LA TSOL BAR MI BYED NA NYON MONGS CAN MIN PA'I NYES PA'O, ,DE DAG MA BYAS KYANG RTEN GYI SGO NAS NYES PA MED PA NI, NA STE SBYOR MI BZOD PA DANG NUS PA GZHAN LA BCOL BA STE GNYIS @91B SO, ,DGOS PA'I SGO NAS NI, MI STON PA DANG MI TSOL PA'I THABS DES 'DUL BAR 'DOD PA DANG DGE 'DUN GYI NANG KHRIMS SRUNG BA STE GNYIS SO, ,YUL GYI SGO NAS NI, 'KHOR BSOD NAMS CHEN PO DANG LDAN PA'AM RANG NYID CHOS GOS SOGS TSOL NUS PAR SHES PA DANG, GDAMS NGAG DANG RJES BSTAN GYIS DE DAG GI BYA BA BYAS ZIN PA DANG SNGON MU STEGS CAN YIN PA LAS CHOS RKUR 'ONGS LA DE YANG 'DUL BA'I SKAL BA MED PA STE GSUM MO, ,CHOS DANG ZANG ZING GIS BSDU TSUL RGYAS PAR BSHAD ZIN TO, ,MTHUN PAR BYA BA LA LOG PAR SGRUB PA NI, GZHAN GYI BLO DANG MTHUN MI 'JUG ,CES PA STE, GZHAN GYI SEMS DANG MTHUN PAR MI BYED NA NYON MONGS CAN YIN MIN GNYIS SU 'GYUR BA NI DE MA THAG TU BSHAD PA LTAR RO, ,MTHUN PAR MA BYAS KYANG RTEN GYI SGO NAS NYES PA MED PA NI, NA STE SBYOR MI BZOD PA STE GCIG GO ,DGOS PA'I SGO NAS NI, GZHAN GYI 'DOD PA DE MI 'PHROD PA STE DE LA SLAR GNOD PAR 'GYUR BA'AM YANG NA DES RANG LA GNOD PA DANG 'DOD PA DE 'PHROD PA YIN YANG GZHAN CHOS MANG PO LA MI 'PHROD CING MI 'DOD PA STE DE LA MI DGA' BA'I SEMS BSRUNG BA DANG DGE 'DUN GYI NAR KHRIMS SRUNG BA DANG MU STEGS CAN TSAR GCOD PA DANG THABS DES 'DUL BAR 'DOD PA STE LNGA'O, ,'DI YANG RGYAS PAR BSHAD ZIN TO, ,YON TAN CAN LA LOG PAR SGRUB PA NI, YON TAN BSNGAd PA BRJOD MI BYED, CES PA STE, GZHAN DAG GI YANG DAG PA'I YON TAN SNGAR BSHAD PA LTAR DAD PA LA SOGS PA'I BSNGAGS PA MI BRJOD PA DANG LEGS PAR SMRAS PA LA LEGS SO MI STER NA SEMS GCIG DANG GSUM GYIS NYON MONGS CAN YIN MIN @92A *, ,DU 'GYUR BA NI SNGA MA LTAR RO, ,MA BRJOD KYANG RTEN GYI SGO NAS NYES PA MED PA NI, NA STE BRJOD PAR MI NUS PA DANG PHA ROL PO'I GTAM RDZOGS RDZOGS SU SDOD PA STE GNYIS SO, ,YUL GYI SGO NAS NI, RANG BZHIN GYIS 'DOD PA CHUNG BAS YON TAN BRJOD NA MI DGA' BA LA DER SHES PA STE GCIG GO ,BRJOD BYA'I SGO NAS NI, YON TAN DANG LEGS SMRAS LTAR SNANG DU SONG BA STE GCIG GO ,DGOS PA'I SGO NAS NI, MA BRJOD PA'I THABS DES 'DUL 'DOD PA DANG DGE 'DUN GYI NANG KHRIMS BSRUNG BA DANG BRJOD NA KUN NAS NYON MONGS DANG RGYAGS PA DANG KHENGS PA DANG GNOD PAR 'GYUR DU DOGS NAS DE BSAL BA'I PHYIR DANG MU STEGS CAN TSAR BCAD PA STE BZHI'O, ,TSAR MI GCOD PA LA GNYIS LAS, CHOS MIN SPYOD PA DBANG DU MI BYED PA NI, RKYEN DU 'TSAM PAR TSAR MI GCOD, CES PA STE, SEMS CAN SMRA DBAB PA DANG CHAD PAS BCAD PA DANG BSKRAD PAR RIGS PA RNAMS NYON MONGS CAN GYI SGO NAS SMRA MI 'BEBS SAM 'BEBS KYANG CHAD PAS MI GCOD PA'AM GCOD KYANG MI SKROD NA NYON MONGS CAN DANG SEMS GZHAN GNYIS DANG BAG MED PAS NI NYON MONGS CAN MIN PA'I NYES PA'O, ,MA BYAS KYANG RTEN GYI SGO NAS NYES PA MED PA NI, DUS LA SDOD PA STE GCIG GO ,YUL GYI SGO NAS NI, GTAM BYAR MI RUNG BA BKA' BLO MI BDE ZHING KUN NAS MNAR SEMS SHAS CHE BA STE BCOS SU MI RUNG BA DANG SHAS CHER NGO TSA SHES PA DANG KHREL YOD DANG LDAN PAS MYUR BA MYUR BAR MTHUN PAR BYED PA STE GNYIS SO, ,DGOS PA'I SGO NAS NI, SMA 'BEBS PA SOGS BYAS NA 'THAB PA DANG MTSANG 'BRU PA DANG 'GYED PA DANG RTZOD PAR 'GYUR @92B BAR MTHONG NAS DE MI 'BYUNG BAR BYA BA'I PHYIR DANG DGE 'DUN 'KHRUG CING 'BYE BAR MTHONG NAS DE 'GOG PA STE GNYIS SO, ,'THAB PA SOGS BZHI NI DANG PO SPYI YIN LA LHAG MA GSUM NI SHAGS NGAN DANG LAG GIS 'GYED PA DANG BLA'I GRAR 'GYED PA LA GRO LUNG PAS BSHAD DO, ,BSTAN PA LA 'GRAS PA SOGS DBANG DU MI BYED PA NI, RDZU 'PHRUL SDIG LA SOGS MI BYED, CES PA STE, RDZU 'PHRUL DANG MTHU SNA TSOGS DANG LDAN NA SKRAG PAR BYA RIGS PA SKRAG PA DANG 'DUN PAR BYA RIGS PA RNAMS 'DUN PAR BYA BA DANG BSTAN PA LA GNAS KYANG SDOM PA DANG MI LDAN NA DAD PAS BYIN PA MI 'JU BAS DAD PAS BYIN PA SPONG DU GZHUG PA'I PHYIR RDZU 'PHRUL GYIS SKRAG PA DANG 'DUN PAR MI BYED NA NYON MONGS CAN MIN PA'I NYES PA'O, ,SDOM PA NYI SHU PA'I 'GREL PA GNYIS KHA CIG LAS NYAS BYAS THA MA 'DI NYON MONGS CAN DU BSHAD PA NI YI GE MA DAG PA 'DRA'O, ,SNGAGS SAM RDZAS SNGOR RO ZHES RDZU 'PHRUL LA SKUR BA'I SHAS CHER ZHEN PA'I MU STEGS YIN NA MA BSTAN KYANG NYES PA MED DO, ,NYES BYAS BCU GNYIS PO DE RNAMS NI SEMS CAN DON BYED KYI RANG RANG GI SKABS LAS NYAMS PAR 'GREL PA GSAR MAS BSHAD DO, ,SNYING BRTZER LDAN ZHING BYAMS PHYIR DANG, ,SEMS DGE BA LA NYES PA MED, CES PA'I RKANG PA GNYIS NI, SNGAR BSTAN PA'I SGRUB PA DANG DGAG PA'I SGO NAS BCAS PA DE RNAMS LAS SEMS CAN RNAMS LA SNYING BRTZE BA DANG LDAN ZHING SEMS CAN LA BYAMS PA STE PHAN PAR 'DOD PA DANG GDUL BAR 'DOD PAS BYAS KYANG NYES PA MED PA'O, ,DANG GI SGRAS NI, SEMS NI SHIN TU NYON MONGS DANG, ,SDUG @93A *, ,BSNGAL TSOR BAS NYEN PA DANG, ,GNYID DANG MYOS PA DAG LA NI, ,BYUNG BA LA YANG NYES PA MED, ,CES PA RNAMS BSDUS PA YIN NO, ,ZHES SLOB DPON BYANG CHUB BZANG POS BSHAD DE, SKABS 'DIR GZHUNG LAS SEMS 'KHRUGS PA DANG TSOR BAS NYEN PA LA NYES MED DU GSUNGS PA DE RKANG PA GNYIS KYIS BSDUS PAR BZHED DO, ,SLOB DPON CHEN PO ZHI BA 'TSO NI, 'OG NAS 'BYUNG BA'I CHAGS PA NYAS PA CHUNG BAR GSUNGS PA'I STABS KYI NYES MED DE GZHUNG 'DIS BSDUS PAR BZHED DE 'DI LEGS SO, ,GNYIS PA DE LAS SEMS BSRUNG BA'I TSUL NI, BYANG SEMS RNAMS KYI BSLAB PA'I GZHI SNGAR BSHAD PA 'DI DAG NI MDO SDE LAS DNGOS SU BYUNG BA SHA STAG STE TSUL KHRIMS GSUM LA BRTZAMS NAS STON PAS MDO SDE GZHAN DANG GZHAN DU THOR BU THOR BUR GSUNGS PA'I THOR BU DE DAG BYANG SEMS KYI SDE SNOD KYI MA MO 'DIR PHYOGS GCIG DANG RGYUN GCIG TU TSANG BAR 'PHAGS PA THOGS MED KYIS BSHAD PA'O, ,DE LTAR NA RANG BZO DANG BRAL BA'I BSLAB PA'I GNAS LA BSLAB PAR BYA BA'I PHYIR DU BYANG SEMS GUS PA SKYES PAS BSAM PA PHUN SUM TSOGS PA GSUM GYIS GZHAN LAS SDOM PA YANG DAG PAR BLANGS NAS BSLAB PA LA SNYING THAG PA NAS MCHAG TU GUS PAR BYAS TE JI LTAR BCAS PA LAS MI 'GAL PAR BSLAB PAR BYA'O, ,BSAM PA GSUM NI, DE DAG LA SLOB PAR 'DOD PA'I BSAM PA RNAM PAR DAG PA DANG BYANG CHUB 'DOD PA'I BSAM PA DANG SEMS CAN GYI DON BYA BA'I BSAM PA'O, ,'DI GSUM TSUL KHRIMS GSUM LA BSLAB PA LA 'GREL PA RNAMS KYIS 'CHAD @93B KYID ? DANG PO BSLANG PA'I RANG BZHIN NI TSUL KHRIMS GSUM LA SLOB 'DOD DANG PHYI MA GNYIS CHED DU BYA BA BYANG CHUB DANG GZHAN DON GYI PHYIR DU SLOB PA LA BSHAD NA LAGS PAR MTHONG NGO, ,DANG POR SDOM PA BLANGS PA'I THOG MA NYID NAS KYANG NYES PA MI 'BYUNG BAR GUS PA CHEN PO BSKYED PAR BYA'O, ,BYANG SA'I LE'U BCO BRGYAD PA LAS KYANG, DE LA BYANG CHUB SEMS DPA' GANG DAG BDAG NI BYANG CHUB SEMS DPA' 'O ZHES KHAS 'CHE BAR GNAS LA BYANG CHUB SEMS DPA'I BSLAB PA RNAMS LA LEGS PAR MI SGRUB PA DE DAG NI BYANG CHUB SEMS DPA' LTAR BCOS PA YIN PAR RIG PAR BYA STE BYANG CHUB SEMS DPA' YANG DAG PA MA YIN NO, ,BYANG CHUB SEMS DPA' GANG DAG BDAG NI BYANG CHUB SEMS DPA' YIN NO ZHES KHAS 'CHE BAR GNAS LA BYANG CHUB SEMS DPA'I BSLAB PA RNAMS LA YANG LEGS PAR SLOB PA DE DAG NI YANG DAG PA'I BYANG CHUB SEMS DPA' YIN PAR RIG PAR BYA'O, ,ZHES GSUNGS PA 'DI DAG NI GRUB NA'ANG LEGS KYI MA GRUB NA'ANG DE LTA BAS MOD SNYAM DU MI BSAM PAR GNAD KYI GDAMS PAR BLTAS TE BYANG SEMS KYI SDOM PA BZUNG NAS PHAR PHYIN DANG BSDU BA BZHI SPYOD PA LA MA MTHAR BYAS TE SPRO SHUGS CHEN PAS RGYAL BA'I BSTAN PA ZAB PA DANG RGYA CHE BA'I TSUL RNAMS MTHA' DAG PAR SHES NAS SHING RTA CHEN PO'I LAM DU GSHEGS PA'I DAM PA RNAMS KYI RJES SU 'BRANG BAR BYA'I, BSTAN PA'I GNAD MTHA' DAG PAR MI SHES PA'I SPONG BA PA 'GA' ZHIG LA BLTA BAR MI BYA'O, ,GSUM PA NYAMS NA PHYIR BCOS PA'I THABS NI, MA GOS PAR BYA BA LA 'BAD KYANG MI SHES PA DANG BAG MED PA DANG NYON MONGS MANG PA DANG MA GUS PA STE LTUNG BA 'BYUNG BA'I RGYU BZHES NYES PA BYUNG NA YANG CHOS @94A *, ,BZHAN SLAR GSO BAS NYES PA LAS GSO BAR BYA'O, ,PHAM PA LAS GZHAN PA'I BYANG SEMS KYI BSLAB PA LAS 'GAL BA'I NYES PA THAMS CAD NI NYES BYAS SU 'DUS KYI SO THAR LTAR NYES PA'I RIS MANG PO MED DO, ,DE DAG BYUNG NA NYAN THOS GYI THEG PA PA'AM THEG PA CHEN PO PA GANG RUNG BSHAGS PA'I NGAG GI RIG BYED KYI TSIG DON KHONG DU CHUD CING 'DZIN NUS PA LA BSHAGS PAR BYA'O, ,DE YANG BYANG SEMS KYI SDOM PA DANG MI LDAN PA'I SO THAR GYI SDOM LDAN NI DGE SLONG PHA MA DGOS TE, DGE TSUL SOGS NI SO THAR GYI YANG LTUNG BA BSHAGS PA'I YUL DU MI RUNG BAS SO, ,'CHAGS PA'I RTEN RAB BYUNG YIN NA BSHAGS YUL RAB BYUNG YOD NA BYANG SEMS KHYIM PA LA YANG MI RUNG NGAM SNYAM MO, ,GAL TE KUN DKRIS CHEN POS PHAM PA'I GNAS LTA BU'I CHOS BYUNG NA DES SDOM PA BTANG BA LAN GNYIS SU SLAR YANG NOD PAR BYA BAR GZHUNG 'DIR GSUNGS SO, ,BSDU BAR YANG GAL TE PHYIR BLANG BA'I SEMS YONGS SU DAG PA THOB PAR GYUR NA YANG PHYIR BLANG BAR BYA'O, ,ZHAS GSUNGS SO, ,'DI LA BOD KHA CIG LAN GNYIS LAS BSKYAR DU MI RUNG ZHES PA DANG, KHA CIG DANG PO BLANGS PA DANG PHYIS LAN GNYIS TE LAN GSUM BSGYAR DU GNANG GI DE LAS LHAG PA NI NGO TSA MED PA CHEN PAR 'GYUR BAS MA GNANG NGO, ,ZHES BZHED PA NI, GZHUNG 'DIR LAN GNYIS ZHES PA'I DON YIN PAR SEMS KYANG MI 'THAD DE, LAN GNYIS ZHES PA NI, DANG POR SNGAR BLANGS PA LA LTOS PA'I GNYIS PA YIN GYI DE PHAN CHAD MI RUNG BA'I TSIG MED PA'I PHYIR DANG KHUNGS THUB PA'I RGYA GZHUNG LAS KYANG CHAD DE LTAR BZUNG PA MI SNANG BA'I PHYIR RO,, @94B SA MU DRA'I 'GREL PA LAS, NYON MONGS PA'I DBANG GIS BRGYA LA NYES PA CHEN PO BYUNG NA YANG DGE 'DUN LA BSHAGS NAS 'GRE BA KUN LA PHAN PA'I BSAM PAS BYANG CHUB TU SEMS BSKYED DE BSAM PA DAG PAS SLAR YANG BLANG BAR BYA'O, ,LAN GNYIS SU ZHAS BYA BA NI GNYIS KHO NAR CHAD PAR MI GZUNG STE THOG MAR BLANG BA LA LTES NAS, PHYI NAS YANG LEN PAR BYED PA DE LA GNYIS ZHES BYA'O, ,ZHES BSHAD DO, ,GAL TE ZAG PA 'BRING GI NYES PA BYUNG NA NI DES GSUM MAM DE YAN CHAD LA NYES BYAS BSHAGS PAR BYA STE MDUN DU 'DUG NAS THOG MAR LTUNG BA GANG BYUNG BA'I DNGOS PO BRJOD DE DE NAS 'DI SKAD CES, TSE DANG LDAN PA DGONGS SU GSOL, ,BDAG MING 'DE ZHES BGYI BA LA JI SKAD YONGS SU BRJOD PA'I GZHI LAS BYANG CHUB SEMS DPA'I 'DUL BA DANG 'GAL BA'I NYES BYAS KYI NONGS PA BYUNG STE, ZHES BRJOD LA LHAG MA NI DGE SLONG NYES BYAS 'CHAGS PA JI LTA BA DE BZHIN DU BRJOD PAR BYA'O, ,DA LA NYES BYAS KYI NONGS PA ZHES PA'I 'OG TU LTUNG BA GANG BYUNG BA'I MING BRJOD DE, DPER NA BDAG BSTOD DAM GZHAN LA SMOD PA BYUNG STE ZHES PA LTA BU'O, ,LHAG MA'I TSIG NI 'GREL PA RNYING MA LAS, DE DAG TSE DANG LDAN PA RNAMS LA BDAG 'CHAGS SHING MTHOL TE MI 'CHAB BO, ,BSHAGS SHING MTHOL BAS BDAG BDE BAR GNAS PAR 'GYUR GYI MA MTHOL ZHING MA BSHAGS NA BDE BAR GNAS PAR MI 'GYUR RO, ,KHYOD KYIS 'DI RNAMS NYES PAR MTHONG NGAM ZHES SMRAS NA MTHONG NGO ZHES SMRA PAR BYA'O, ,PHYIS KYANG SDOM PAR BYED DAM ZHES SMRAS NA CHOS BZHIN 'DUL BA BZHIN DU SHIN TU LEGS PAR SPYI BOS NOD PAR BGYI'O ZHES DE LTAR @95A *, ,LAN GNYIS LAN GSUM DU BRJOD PAR BYA'O, ,ZHES GSUNGS SO, ,'GREL PA GSAR MA LAS NI, SHAS SHING MTHONG LA DRAN NA CHOS BZHIN 'DUL BA BZHIN DU SHIN TU LEGS PAR SPYI BOS NOD PAR BGYI'O ZHES BSHAD LA, DE'I TSE LUS KYI SPYOD LAM JI LTAR BYA BA YANG DE NYID LAS, DE RNAMS LA THAL MO SBYAR TE PHYAG BYAS LA DMA' BA'I PHYOGS SU TZOG TZOG POR 'DUG STE THAL MO SBYAR NAS ZHES GSUNGS SO, ,'GREL PA GZHAN RNAMS SU SDOM MAM ZHES DRIS PA'I LAN DU LEGS PAR BSDAM PAR BGYI'O ZHES PA TZAM ZHIG BSHAD DO, ,KUN DKRIS CHUNG DUS PHAM PA'I GNAS LTA BU'I CHOD BYUNG BA DANG DE LAS GZHAN PA'I NYES PA RNAMS NI GCIG GI MDUN DU BSHAGS PAR BYA STE CHO GA NI SNGAR LTAR RO, ,GANG GI MDUN DU BSHAGS PAR BYA BA'I GANG ZAG MTHUN PA'AM BSHAGS YUL 'OS PA MED NA PHYIN CHAD MI BYA BAR SEMS BSKYED PAR BYA ZHING PHYIN CHAD KYANG BSDAM PAR BYA'O, ,DE LTAR BYAS NA NYES PA DE LAS BYUNG BA ZHES BYA'O, ,'DI LA DZI NA SU TRA SOGS KYIS BYIN GYIS BRLABS PAS NYES PA MED PAR STON PA NI DON MIN NO, ,DE DAG KYANG SDOM PA NYI SHU PAR, SDOM PA SLAR YANG BLANG PAR BYA, ,ZAG PA 'BRING NI GSUM LA BSHAGS, ,GCIG GI MDUN DU LHAG MA RNAMS, ,NYON MONGS MI MONGS BDAG SEMS BZHIN, ,ZHES PAS BSDUS NAS GSUNGS SO, ,DE LA RKANG PA THA MA'I DON NI, NYON MONGS CAN DANG NYON MONGS CAN MA YIN PA'I NYES BYAS RNAMS NI MTHUN PA'I GANG ZAG MED NA RANG GI SEMS GCIG TU KHREL YOD PA DANG NGO TSA SHES PA DANG DUL BA @95B DANG ZHI BA DANG PHYIS MI BYA BA'I BSAM PA CAN DBANG DU BYAS LA BSHAGS PAR BYA BA DE BZHIN DU GANG ZAG GCIG GI MDUN DU YANG BSHAGS PAR BYA'O, ,RANG GI SEMS BZHIN DU ZHES PA'I DPE BSTAN PAS KYANG NYAS PA GSO PA'I THABS GZHAN BSTAN NO, ,ZHES SLOB DPON ZHI BA 'TSOS BSHAD CING DE'I SHES BYED DU MTHUN PA'I GANG ZAG MED NA ZHES SOGS DRANGS NAS TSUL DE ZAG PA CHUNG 'BRING LA YANG SBYOR BAR BZHED DO, ,DE LA SLOB DPON BYANG CHUB BZANG POS ZAG PA CHUNG 'BRING GI LTANG BA DANG NYES BYAS GZHAN RNAMS NI PHYIR BCOS PA'I TSUL GTAN MI MTSUNGS TE 'DI LTAR CHUNG 'BRING GNYIS NI GNAS DER GSUM DANG GCIG MA RNYED KYANG GZHAN DU 'TSOL DGOS LA NYES BYAS LA NI GNAS DER GANG ZAG GCIG MA RNYED KYANG GZHAN DU 'TSOL MI DGOS TE RANG SEMS LA BSNGAMS PA'I SGO NAS SDANG BA'I PHYIR MA NGES LA SNGA MA GNYIS NI NGES PA'O, ,DE LTA MA YIN NA GSUM LA ZHES PA DANG GCIG GI MDUN DU ZHES YUL SO SOR NGES PAR BSHAD PA MI RIGS PAS GSUM LAS NYUNG BA LA BSHAGS KYANG MI 'DAG NA BSNGAMS PAS 'DAG PA'I GO SKABS GA LA YOD, BDAG SEMS BZHIN ZHES BYANG SA LAS MA GSUNGS PAS SO, ,DE LTAR 'DON PA NI LOG PA'O, ,DE'I PHYIR NYON MONGS MI MONGS BDAG SEMS LA'O, ,ZHES BYA'O, ,BYANG SA LAS KYANG 'BRING DANG TSUNG NGU'I LTUNG BA LA GSUM DANG GCIG GI MDUN DU ZHES PA DANG LTUNG BA GZHAN RNAMS LA MTHUN PA'I GANG ZAG MED NA SEMS KYIS SDOM PAR GSUNGS SO, ,ZHES 'GREL PA RNYING MA'I LUGS SUN 'BYIN PAR SNANG NGO, ,'DI NI 'THAD PAR MA MTHONG STE BYANG SEMS LAS, KUN NAS DKRIS PA CHUNG DUS PHAM PA'I GNAS LTA BU'I CHOS BYUNG BA DANG DE LAS GZHAN PA'I @96A *, ,NYES PA RNAMS NI GCIG GI MDUN DU BSHAGS PAR RIG PAR BYA'O, ,GANG GI MDUN DU BSHAGS PAR BYA BA'O GANG ZAG MTHUN PA MAD NA BYANG CHUB SEMS DPAS BSAM PA THEG PA NAS PHYIN CHAD MI BYA BAR SEMS BSKYED PAR BYA ZHING PHYIN TSAD BYANG BSDAM PAR BYA'O, ,DE LTAR BYAS NA NYES PA DE LAS BYUNG ZHES BYA'O, ,ZHES ZAG PA CHUNG NGU'I PHYIR BCOS NYES BYAS GZHAN RNAMS DANG 'DRA BAR SHIN TU GSAL BAR GSUNGS LA DE RUNG NA ZAG PA 'BRANG GI LTUNG BA LA YANG RIGS PA SHIN TU MTSUNGS TE, BSAM PAS LTUNG BA LAS LDANG GI CHAD LAS LA NGES PAR MI LTOS PA LTUNG BA PHYIR BCOS KYI SPYI GZHUNG YIN PA'I PHYIR DANG BYANGS LAS, BDAG SEMS BZHIN GYI SGRA DNGOS SU MED KYANG GCIG GI MDUN DU BSHAGS NA 'DAG PA BZHIN DU DE MED PA NA RANG GI SEMS LA BSDAMS PAS 'DAG PAR GSUNGS PAS DON YOD PA'I PHYIR RO, ,KHA CIG NYON MONGS CAN GYI NYES BYAS RNAMS YUL YOD NA GCIG LA BSHAGS DGOS LA NYON MONGS CAN MA YIN PA RNAMS NI YUL YOD KYANG SEMS LA BSDAMS PAS 'DAG GO ZHES SMRA BA NI MI 'THAD DE, KHYAD PAR MED PAR BYANG SA LAS GSUNGS PA'I PHYIR RO, ,DES NA ZAG PA CHUNG 'BRING DANG NYES BYAS ZHE LNGA NI YUL YOD NA BSDAMS PA TZAM GYIS MI 'DAG PAS GZHUNG NAS GSUNGS PA BZHIN BYA'O, ,DE DAG LAS GZHAN PA'I NYES PA RNAMS NI GANG ZAG GCIG LA BSHAGS NA NI NGO TSA DANG KHREL YOD SKYE SLA BAS SHIN TU LEGS LA MA GRUB NA NI SANGS RGYAS SRAS BCAS BSAMS NAS BSHAGS PAR BA STE TSUL KHRIMS KYI LE'U LAS, BDAG GI 'KHRUL PA RNAMS KYANG YONGS SU SHES SHING NYES PAR LTA BA YIN TE SHES SHING @96B NYES PAR MTHONG NAS KYANG GTONG BAR BYED PA YIN NO, ,'KHRUL PA YANG SANGS RGYAS DANG BYANG CHUB SEMS DPA' RNAMS DANG CHOS MTHUN PA BA RNAMS LA NYES BA 'CHAGS PAR BYED DE, ZHES DANG BYANG SA'I LE'U BCU BDUN PA LAS KYANG, YANG 'DAS PA DANG DA LTAR BYUNG BA'I 'KHRUL PA THAMS CAD DANG NYES PA THAMS CAD DGE BA'I BSLAB PA 'DOD PA DANG LDAN PA'I SEMS KYIS PHYOGS BCU THAMS CAD DU SANGS RGYAS BCOM LDAN 'DAS RNAMS LA SO SOR 'CHAGS PAR BYED LA GZHAN DAG KYANG DE NYID YANG DAG PAR 'DZIN DU 'JUG GO ,DE LTAR RGYUN MI 'CHAD PAR 'KHRUL PA SA SOR BSHAD NA TSOGS CHUNG NGUS LAS KYI SGRIB PA THAMS CAD LAS RNAM PAR THAR PAR 'GYUR RO, ,ZHES GSUNGS PA'I PHYIR RO, ,BSLAB BTUS LAS NI NAM MKHA'I SNYING PO LA RMI LAM DU BSHAGS PA'I TSUL DANG KHYAD PAR DU NA BYANG CHUB SEMS DPA'I LTUNG BA LCI BA DANG YANG BA RNAMS BSHAGS PAR BYA BA NI 'PHAGS PA NYA BAR 'KHOR GYIS ZHUS PA LAS GSUNGS PA'O ZHES DE NAS GSUNGS PA LTAR PHYIR BCOS BYA BAR GSUNGS SO, ,DE YANG BSLAB BTUS, NYE BAR 'KHOR GYIS ZHUS PA LAS KYANG BKA' STZAL TA, SH'A RI'I BU BYANG CHUB SEMS DPA' RNAMS KYI KHA NA MA THO BA CHEN PA DANG BCAS PA'I LTUNG BA GNYIS TE, GNYIS GANG ZHE NA, 'DI LTA STE ZHE SDANG DANG LDAN PA DANG GTI MUG DANG LDAN PA'O, ,DE BZHIN DU SBYAR TE SH'A RI'I BU DA LA BYANG CHUB SEMS DPA' DRANG POS THOG MA'I LTUNG BA SDE BCU LAS LCI PA RNAMS BSHAGS PAR BYA'O, ,LTUNG BA YOD PA SDE LNGA LAS LCI BA RNAMS BSHAGS PAR BYA'O, ,SH'A RA'I BU BUD MED KYI LAG PA NAS 'DZIN PA DANG MIG GIS LTA BA DANG GNOD SEMS KYANG LTUNG BA STE GANG ZAG GCIG GAM GNYIS LA YANG BSHAGS @97A *, ,PAR BYA'I, ,BYANG CHUB SEMS DPA' MTSAMS MAD PA LNGA DANG LDAN PA'I LTUNG BA DANG BUD MED LAS LTUNG BA BYUNG BA DANG LAG PA LAS LTUNG BA BYUNG BA DANG KHYE'U LAS LTUNG BA BYUNG BA DANG MCHOD RTEN LAS LTUNG BA BYUNG BA DANG DGE 'DUN LAS LTUNG BA BYUNG BA DANG, DA LAS GZHAN PA'I LTUNG BA RNAMS NI SANGS RGYAS BCOM LDAN 'DAS SUM CU RTZA LNGA LA GCIG BUS NYIN MTSAN DU LCI BA BSHAGS PAR BYA'O ZHES 'GYUR GSAR LAS GSUNGS SO, ,DE LA MDO DE NYID KYI 'GYUR LAS NI, NYES PA DANG PO'I LCI BA NI TSOGS BCU LA DRANG POR BSHAGS PAR BYA'O ZHES 'BYUNG BA LEGS PAS NYES PA LCI BA GNYIS BSHAD PA'I DANG PO ZHE SDANG DANG LDAN PA NI YUL BCU LA BSHAGS SO, ,LTUNG BA YOD PA LCI BA RNAMS SDE LNGA LA BSHAGS PAR BYA'O ZHES BCOS TE DE NI LCI BA GNYIS PA GTI MUG DANG LDAN PA LA BYA DGOS SO, ,'DI LA MDO LAS, BUD MED KYI LAG PA NAS 'DZIN PA'I NYES PA LCI BA NI TSOGS LNGA LA BSHAGS PAR BYA'O ZHES 'BYUNG STE, BSLAB BTUS SU NYES PA DE GANG ZAG GCIG GAM GNYIS LA BSHAGS PAR GSUNGS PA DANG MDO DE NYID KYI MDOR BSTAN DANG CHAGS PAS KUN NAS BSLAD PA RNAMS KHA NA MA THO BA CHUNG BAR GSUNGS PA DANG MI MTHUN PAS 'GYUR MA DAG GO ,BUD MED KYI LAG PA NAS 'DZIN PA SOGS GSUM NI GCIG GAM GNYIS LA BSHAGS PAR BYA STE, 'DI 'GYUR RNYING LAS LCI BAR BSHAD KYANG 'GYUR GSAR LAS YANG BAR BSHAD PA LEGS SAM SNYAM MO, ,DA LTA'I MDO LAS NI GNOD SEMS MA BYUNG YANG BSLAB BTUS SU GSUNGS PAS MDO LA CHAD PAR GSAL @97B LO; ;ZHE SDANG DANG LDAN PA'I NYES PA RNAMS LCI BAR BSHAD PA DANG GNOD SEMS YANG BAR BSHAD PA MI 'GAL BA NI RGYUD MA 'KHRUGS PA'I 'TSE BA'I BSAM PA TZAM LA DGONGS PA 'DRA'O, ,MTSAMS MED SOGS KYI LTUNG BA LCI BA RNAMS LTUNG BSHAGS KYIS NYIN DANG MTSAN DU SBYONG BAR GSUNGS PA NI GANG ZAG LA PHYIR BCOS KYI CHO GA LAN GSUM BYAS PA LTA BUS RNAM SMIN MI 'DAG PA LA DGONGS PA YIN PA 'DRA'O, ,SPYOD 'JUG LAS, NYIN DANG MTSAN MO LAN GSUM DU, PHUNG PO GSUM PA GDON BYA ZHING, ,RGYAL DANG BYANG CHUB SEMS BSTEN PAS, LTUNG BA'I LHAG MA DES ZHI BYA, ZHES GSUNGS PA'I PHYIR BCOS PA'I TSUL NI RTZA LTUNG GI LHAG MA'I LTUNG BA'AM BSAMS BZHIN DU BYAS PA'I LTUNG PA LAS GZHAN PA BRJED NGAS DANG SHES BZHIN MA YIN PAS BYAS PA'I LTUNG BA RNAMS NI PHUNG PO GSUM PA GDON PA DANG, RGYAL BA DANG BYANG CHUB KYI SEMS BSTEN PAS ZHI BAR BYA BA DANG PHUNG PO GSUM NI SDIG BSHAGS YI RANG BSNGO BA GSUM LA SHER 'BYUNG BLO GROS KYIS BSHAD DE LTUNG BSHAGS KYIS 'GRUB BO, ,GZHAN GNYIS DGE BA LHAS RTEN GYI STOBS LA BSHAD PAS SKYABS 'GRO DANG SEMS BSKYED DE, ,BYANG CHUB SEMS DPA'I BSLAB PA MTHA' YAS PAS PHYIR BCOS 'DI SHIN TU NYE BAR MKHO BAS BSAMS BZHIN DU BYAS PA LAS GZHAN PA'I LTUNG BA'I DAG BYED DO, ,DE YANG PHYIN CHAD MI BYA BA'I SDOM SEMS MED NA SNGAR BYAS SBYANGS KYANG 'DAG DKA' BA NI BYAMS PA SENG GE SGRA'I MDO LAS, BYAS PA YANG PHYI MA'I TSE PHYI MA'I DUS LNGA BRGYA THAM LA DAM PA'I CHOS NUB PAR 'GYUR BA'I DUS LA BAB PA'I TSE NA BYANG CHUB SEMS DPAR KHAS 'CHE BA 'GA' ZHIG 'BYUNG BAR 'GYUR TA DE DAG @98A *, ,NI LTUNG BA LHAG PAR 'BYUNG BAR 'GYUR ZHANG LUS MA BSDAMS PA DANG NGAG MA BSDAMS PA DANG YID MA BSDAMS PAS SDIG PA'I LAS LHAG PAR SPYAD NAS KYANG NYES PA BSHAGS PA TZAM GYIS DAG PAR 'GYUR BAR SEMS KYIS PHYIN CHAD SDOM PAR YANG MI BYED LA, PHYIN CHAD YANG DAG PAR BSDAMS PA'I PHYIR SDOM PAR YANG MI BYED DO, ,NGAS NI SNGON BYAS PA'I SDIG PA'I LAS ZAD PAR BYA BA'I PHYIR PHUNG PO GSUM PA'I CHOS KYI RNAM GRANGS BSTAN PA YIN NA, DE LA MI BLUN PO DE DAG NI LHAG PAR LTUNG BA MNGON PAR 'DU BYA BA MNGON PAR 'DUS BYAS NAS NYES PA BSHAGS SHING SBYANG BA TZAM GYIS DAG PAR 'GYUR BAR SEMS SHING PHYIN CHAD SDOM PAR NI MI BYED DO, ,ZHES GSUNGS SO, ,DE LTAR PHYIR BCOS PA'I THABS NI TSUL KHRIMS DAG PA'I YAN LAG TU SHIN TU GAL CHE BAR SNANG BAS SHING RTA CHEN PO RNAMS KYI LUGS RGYA CHER BSHAD DO, ,BZHI PA CHAGS PA NYES PA CHUNG BAR GSUNGS PA'I DGONGS PA NI, STON PAS BYANG SEMS KYI NYES PA NI PHAL CHER ZHE SDANG LAS 'BYUNG GI 'DOD CHAGS LAS 'BYUNG BA NI MA YIN PAR RIG PAR BYA'O, ,ZHES GSUNGS PA'I DGONGS PA NI 'DI YIN TE, SEMS CAN LA RJES SU CHAGS SHING DE LA BYAMS PA'I DBANG DU BYAS NAS CI SPYOD KYANG BYANG SEMS KYI BYA BA'I CHA YIN PAS BYA BAR RIGS PA BYED PA NI NYES PAR MI 'GYUR RO, ,SEMS CAN LA SDANG BA NI RANG GZHAN LA PHAN PAR SPYOD PA MA YIN LA DE YANG BYANG SEMS KYI BYA BA'I 'OS MA YIN TE BYA BAR MI RIGS PA BYED PA NI NYES PA'O, ,MDO SDE'I RGYAN LAS KYANG, SEMS CAN RNAMS LA PHAN BYED PHYIR, ,DE LA CHAGS SKYES LTUNG MI 'GYUR, @98B 'DI YI ZHE SDANG RNAM KUN TU, ,SEMS CAN KUN DANG 'GAL BAR 'GYUR, ,ZHES GSUNGS SO, ,NYE BAR 'KHOR GYIS ZHUS PA LAS KYANG, THEG CHEN LA YANG DAG PAR ZHUGS PA'I BYANG SEMS LA 'DOD CHAGS DANG LDAN PA'I LTUNG BA GANGG'A KLUNG GI BYE MA SNYED BYUNG BA DANG ZHE SDANG DANG LDAN PA'I LTUNG BA GCIG BYUNG NA BYANG SEMS KYI THEG PA DBANG BTZAN PAR BYAS NA ZHE SDANG GI LTUNG BA DE SHIN TU LCI STE, 'DIS SEMS CAN GTONG LA SNGA MAS SEMS CAN SDUD PAR BYED PA'I PHYIR RO, ,NYON MONGS PAS SEMS CAN SDUD PA LA NI BYANG SEMS 'DZEM PA DANG 'JIGS PA MED DO, ,DE LTA BAS NA KHYOD LA 'DOD CHAGS DANG LDAN PA'I LTUNG BA THAMS CAD NI LTUNG BA MA YIN PAR BSHAD DO, ,ZHES PA RNAMS NI 'KHRUL PA'I GZHI CHE BAS RGYAL SRAS ZHI BA LHAS DE'I DGONGS PA BSHAD DE, BSLAB BTUS LAS, 'DI'I DGONGS PA GANG ZHE NA, SEMS CAN SDUD PA NYID DE SNGAR BYE BRAG TU BYAS PA'I PHYIR RO, ,ZHES SO, ,DE'I DON NI 'DOD CHAGS DANG LDAN PA RNAMS LTUNG BA MA YIN ZHES GSUNGS PA NI, BRAM ZE'I KHYE'U SKAR MA'I BYUNG BA LTA BU SEMS CAN GYI DON DU 'GYUR BA'I TSE GNANG BA'I 'DOD CHAGS YIN GYI BYANG SEMS KYI 'DOD CHAGS GANG RUNG RUNG LA MIN TE, MDO DE'I GONG DU SEMS CAN SDUD PA'I 'DOD CHAGS LA BYE BRAG TU BYAS TA GSUNGS PA'I PHYIR RO, ,'DOD CHAGS LTUNG BAR MI 'GYUR BA RTEN GANG LA DGONGS TE GSUNGS PA YANG, BSLAB BTUS LAS, BSTAN PA 'DI NI LHAG PA'I BSAM PA DANG SNYING BRTZE BA DANG LDAN PA LA YIN TE DE NYID LAS DA MA THAG TU, NYE BAR 'KHOR DE LA GANG THABS LA MI MKHAS PA'I BYANG CHUB SEMS DPA' DE DAG NI 'DOD CHAGS DANG LDAN PAS 'JIGS @99A *, ,KYI ZHA SDANG DANG LDAN PAS NI MA YIN NO, ,NYE BAR 'KHOR BYANG CHUB SEMS DPA' GANG DAG THABS MKHAS PA DE DAG NI ZHE SDANG DANG LDAN PA'I LTUNG BAS 'JIGS KYI 'DOD CHAGS DANG LDAN PAS NI MA YIN NO ZHES GSUNGS SO, ,THABS LA MKHAS PA YANG GANG ZHE NA, GANG DAG SHES RAB DANG SNYING RJE GNYIS KYIS SEMS CAN GTONG BA LAS BZLOG PA'O, ,ZHES SNYING RJE CHEN PO'I RTZA BA CAN GYI BYANG CHUB KYI SEMS BRTAN PA DANG CHOS THAMS CAD RANG BZHIN MED PAR RTOGS PA'I SHES RAB KYI STOBS BSKYED PA DANG LDAN PA LA GSUNGS SO, ,DES NA CHAGS PA DANG ZHE SDANG GNYIS LA LTUNG BA MED PA DANG YOD PA'I KHYAD PAR MDZAD PA NI 'DOD CHAGS GTAN MI 'DRA BA'I BYAMS PA LA BYED NA ZHE SDANG DANG GNYIS NYES PA YOD MED MTSUNGS PA'I DOGS PA RTOGS LDAN LA 'ONG SA MED PAS DE'I DOGS PA GCAD MI DGOS LA, BYANG SEMS KYI RGYUD KYI CHAGS PA GANG YIN THAMS CAD LA NYES PA MED NA HA CANG THAL BAS BSLAB BTUS SU GSUNGS PA LTAR SEMS CAN GYI DON RLABS PO CHE DANG 'BREL BA SOGS YOD NA SEMS CAN LA BYAMS PA'I SGO NAS CHAGS PA NYES MED KYI SKABS MANG PO YOD LA, ZHE SDANG LA NI GNOD PA LAS BZLOG PA'I PHYIR KHROS PA LA NYES PA CI YOD CE NA, SKABS PHYE NA DA'I BAG CHAGS G-YOS PAR 'GYUR BAS SNYING RJE NYAMS PA'I NYES PAR 'GYUR RO, ,DE BCAD NA RTZA BA BCAD PAR 'GYUR RO ZHES 'OG NAS BSTAN PAR BYA'O, ,GAL TE SEMS CAN DE LA PHAN DU ZIN KYANG BYANG CHUB SEMS DPA' SNYING RJE NYAMS PAS SEMS CAN GYI DON CHEN PO'I RGYUN NYAMS PAR 'GYUR RO, ,ZHES GSUNGS PA LTAR GNANG BA'I SKABS MED LA, BYANG SEMS @99B YUL DU BYAS PA'I TSE YANG BU MO DPAL YON CAN BYANG CHUB SEMS DPA' DGA' BYED LA CHAGS PA'I DBANG GIS SHI 'PHOS PA LHAR SKYES LA, BYANG SEMS LA SDANG BA NI, NGAN SEMS BSKYED PA'I GRANGS BZHIN BSKAL PAR NI, ,DMYAL BAR GNAS PAR 'GYUR ZHES THUB PAS GSUNGS, ,ZHES PA LTAR YIN PAS RNAM PA THAMS CAD DU MI 'DRA'O, ,DE LTAR BSLAB BTUS SU CHAGS PA LTUNG BA MIN PAR GSUNGS PA'I DGONGS PA BLANGS PA LTAR BYANG SA'I DGONGS PA YANG SHES PAR BYA'O, ,LNGA PA LTUNG BA CHE CHUNG GI DBYE BA NI, BYANG SEMS KYI NYES PA RNAMS NI CHUNG NGU DANG 'BRING DANG CHEN POR RIG PAR BYA STE GZHI BSDU BA LAS 'BYUNG BA BZHIN NO, ,ZHES GSUNGS PA NI 'DUL BA'I MA MO BSDUS PA LAS, RNAM PA LNGAS LTUNG BA RNAMS KYI CHUNG 'BRING CHEN PO BSTAN PA LTAR YIN TE DANG PO NGO BO NYID LAS CHUNG NGU SOGS BZHAG PA NI, PHAM PA NI CHEN PO LHAG MA NI 'BRING DE LAS GZHAN PA NI CHUNG NGU'O, ,RNAM GRANGS GZHAN YANG PHAM LHAG RNAMS LCI LA LTUNG BYED DANG SOR BSHAGS GNYIS 'BRING NYES BYAS NI YANG BA'O, ,BYED PA LAS NI MI SHAS PA DANG BAG MED KYIS BYAS PA CHUNG NGU NYON MONGS MANG BAS BYAS PA 'BRING MA GUS PAS BYAS PA CHEN PO'O, ,BSAM PA LAS NI, DUG GSUM CHUNG 'BRING CHE GSUM GYIS BYAS PA RNAMS CHUNG 'BRING CHEN PO'O, ,GZHI LAS NI, BSAM PA MTSUNGS PAS GZHI RANG BZHIN GCIG LA PAS KYANG CHUNG 'BRING CHEN POR 'GYUR BA YOD DE ZHE SDANG GI KUN DKRIS MTSUNGS PAS DUD 'GRO DANG PHA MA MA YIN PA'I MI'AM MIR CHAGS PA DANG MIR GYUR PA'I PHA MA BSAD NA RIM PA LTAR LTUNG BYANG DANG MTSAMS MED MIN PA'I PHAM PA DANG MTSAMS @100A *, ,MED PA'I PHAM PAR 'GYUR RO, ,SOGS PA LAS CHUNG NGU SOGS SU 'GYUR BA NI, LTUNG BA GCIG NAS LNGA'I BAR DU BYUNG BA CHOS BZHIN DU PHYIR MI BYED PA NI CHUNG NGU DANG DRUG NAS GRANGS SHES PAR BYA NUS PA'I BAR DU BYUNG LA CHOS BZHIN DU PHYIR MI BYED PA NI 'BRING DANG LTUNG BA DPAG TU MED PA LA 'DI SNYED DO ZHES GRANGS SHES PAR MI NUS PA NI CHEN PO'O, ,DE LTAR GSUNGS PA LA 'DIR NI NGO BO NYID DANG GZHI GNYIS JI BZHIN MI SBYAR BAR SKABS DANG BSTUN LA GZHAN GSUM 'DRA'O, ,DE LA MI SHES PAS LTUNG BA 'BYUNG BA NI, LTUNG BA MA THOS SHING MA RTOGS PAS BLO MA BYANG BA'I PHYIR LTUNG BA LA LTUNG BA MA YIN PAR 'DU SHES NAS LTUNG BA 'BYUNG BA'O, ,SHES KYANG LTUNG BA 'BYUNG BA NI LTUNG BA LA BLO BYANG YANG BRJED NGAS PA DANG SHES BZHIN MA YIN PAR GNAS PAS DRAN PA NYE BAR MI GNAS PA LAS LTUNG BA 'BYUNG BA'O, ,NYON MONGS MANG BAS 'BYUNG BA NI, DUG GSUM SHAS CHE BAS 'DI NI BYA BA MA YIN NO SNYAM DU SHES KYANG RANG DBANG MED PAR 'BYUNG BA'O, ,MA GUS PAS 'BYUNG BA NI, LTUNG BA LA BLO BYANG YANG DMAN PA LA MOS SHING, SNGON RGYU MA SPYAD PAS DGE SBYONG GI TSUL LA MI LTA ZHING MYANG 'DAS DANG CHOS DANG DGE 'DUN LA MA GUS PA DANG RJE SA MED PA DANG NGO TSA MED PA DANG BSLAB PA MI 'DOD PA DANG MA GUS PAS CI 'DOD DGUR LTUNG BA 'BYUNG BA'O, , DE'I DANG PO GNYIS KYIS NI NYON MONGS PA CAN MA YIN LA PHYI MA GNYIS KYIS NI NYON MONGS CAN GYI LTUNG BA 'BYUNG NGO, ,ZHES 'DUL BA'I MA MO BSDU DA LAS GSUNGS SO, ,LTUNG BA 'BYUNG BA'I RGYU BZHI PO DE DAG GI GNYEN POR LTUNG BA LA MKHAS @100B PA DANG DRAN PA DANG SHES BZHIN BSTEN PA DANG NYON MONGS GANG SHAS CHE BA'I GNYEN PO LA 'BAD PA DANG NGO TSA KHREL YOD DANG STON PA DANG BSLAB PA LA GUS PAR BYA'O, ,DRUG PA BDE BAR GNAS PA'I RGYU NI, BYANG SEMS RANG GI 'DUL BA LA BSLAB PA LA BRTZON PA NI PHUN SUM TSOGS PA GSUM DANG LDAN PAS BDE BA LA REG PAR GNAS SO, ,DE LA SBYOR BA PHUN SUM TSOGS PA NI, THOG MAR TSUL KHRIMS DAG 'BRAL BAR MI BYED CING SGO GSUM GYI KUN SPYOD DAG PA DANG BAR DU BSLAB PA LA GUS PA DANG BAG YOD PA SHAS CHER GNAS PAS NYES PA RGYUN DU MI BYED PA DANG THA MAR BRGYA LA BYAS NA YANG SDIG PA 'CHAGS PAR BYED PA'O, ,'DIS NI LTUNG BAS DAG PAR MTHONG NAS NYEN DANG MTSAN DU DGA' BA SHAS CHE BAS BDE BA LA REG PAR GNAS SO, ,BSAM PA PHUN SUM TSOGS PA NI, CHOS NAS JI LTAR 'BYUNG BA BZHIN DU BSGRUB PA'I BSAM PAS RAB TU BYUNG BA YAN GYI 'TSO BA'I BSAM PAS MA YIN BYANG CHUB CHEN PO DON DU GNYER GYI MI GNYAR PA MA YIN DGE SBYONG GI TSUL DANG MYANG 'DAS DON DU GNYER GYI, MI GNYER BA MA YIN PA DANG, DE LTAR DON DU GNYER BAS DGE BA RNAMS LA BRTZON 'GRUS BRTZAMS PA'I PHYIR LE LOS GNAS PA MA YIN ZHING BRTZON 'GRUS MI ZHAN PA DANG SDIG PA MI DGE BA'I CHOS RNAMS DANG MA 'DRES PA'O, ,MI DGE BA JI 'DRA BA ZHE NA, TSE 'DI LA KUN NAS NYON MONGS PA DANG PHYI MA LA SRID PA LA YANG 'BYUNG PA'O; ;DANG PO'I NYES DMIGS NI LUS SEMS GDUNG BAS RIMS NAD DANG BCAS PA'O, ,GNYIS PA'I NYES DMIGS NI, NGAN 'GROR 'GRO BAS RNAM PAR SMIN PA SDUG BSNGAL BA'O, ,DE'I PHYIR NA YUN RING POR SKYE BA DANG RGA SHI GNYIS 'DREN PA'O, ,DGE @101A *, ,SPONG GI TSUL NI, SA BCUR BSLAB PA GSUM LA SBYOR BA'I LAM DANG MYANG 'DAS NI MI GNAS PA'I MYANG 'DAS TE DE GNYIS SGRUB PA'I SBYOR BA'I 'BRAS BUR JI NA SU TRA SOGS 'CHAD DO, ,'DIS NI KUN NAS NYON MONGS PA MED PAS BDE BA LA REG PA'O,, SNGON GYI RGYU PHUN SUM TSOGS PA NI, BYANG SEMS KYIS TSE RABS SNGA MAR SBYIN PA'I BSOD NAMS BYAS SHING LONGS SPYOD CHEN PO'I BAR CHAD SPANGS PA'I DGE BA BYAS PAS RANG NYID GOS ZAS DANG MAL STAN DANG NA BA'I GSOS DANG, YO BYAD GZHAN GYIS MI PHONGS LA GZHAN LA YANG BGO BSHA' BYED NUS PA'O, ,'DIS NI PHONGS PA SPANGS PA'I PHYIR BDE BA LA REG PA'O, ,PHUN TSOGS GSUM PO DE LAS BZLOG PA'I PHONGS PA GSUM DANG LDAN PA NI SDUG BSNGAL LA REG PAR GNAS PA'O, ,DE LTAR NA BYANG SEMS KHYIM PA DANG RAB BYUNG GI PHYOGS THAMS CAD KYI TSUL KHRIMS MDOR BSTAN PA NI NGO BO NYID YIN LA RGYAS PAR BSHAD PA NI THAMS CAD PA YIN PAS LHAG MA DKA' BA SOGS BDUN NI TSUL KHRIMS THAMS CAD PA DE'I RAB TU DBYE BA'O, ,GSUM PA BSHAD PA DE'I RAB TU DBYE BA LA BDUN TE, DKA' BA NAS RNAM PAR DAG PA'I BAR RO, ,DANG PO DKA' BA LA GSUM LAS DANG PO NI, LONGS SPYOD CHE LA DBANG PHYUG LA DBANG BYED CING 'DUG PA LAS DE GNYIS SPANGS NAS SDOM PA YANG DAG PAR LEN PA'O, ,DE LA GANG GIS LONGS SPYOD PA'I LUS 'BYOR BA DANG GANG DANG LHAN CIG LONGS SPYOD PA'I GNYEN 'DAB BYAMS SHING YID DU 'ONG BA MANG BA DANG GANG GIS BSGRUBS PA BRAN LA SOGS PA MED PA DANG GANG LA SPYOD PA ZAS LA SOGS PA MANG BA STE BZHIS LONGS SPYOD CHE BA'O, ,GANG GI @101B PHYIR SPYOD PA 'TSE BA CHE BA BSNAN PAS LNGA'O, ,BKA' BTZAN PAS DE DAG LA CI 'DOD 'DOD DU DBANG BSGYUR BAS DBANG PHYUG CHE BA'O, ,'GREL BA KHA CIG DBANG DANG PHYUG PA SO SOR 'CHAD DO, ,DKA' BA GNYIS PA NI, NYAM THAG STE SROG LA THUG KYANG SDOM PA BLANGS PA DE BAG TZAM NYAMS PAR YANG MI BYED NA SDOM PA MED PAR LTA GA LA BYED PA'O, ,DKA' BA GSUM PA NI, SDOM PA BLANGS NAS JI SRID 'TSO'I BAR DU RGYU BA DANG GNAS PA DANG YID LA BYED PA THAMS CAD LA BAG YOD LDAN DANG DRAN SHES MCHOG DANG LDAN PAS TSUL KHRIMS LA NYES PA PHRA MO'I 'KHRUL PA YANG MI 'BYUNG NA LCI BA LTA GA LA 'BYUNG BA'O, ,'GREL BA GZHAN DAG DANG POR LEN DKA' BA DANG BAR DU SRUNG DKA' BA DANG THA MAR MTHAR PHYIN DKA' BA GSUM DU 'CHAD KYANG YON TAN 'OD KYIS LEN PA DANG SRUNG DKA' BA GNYIS SU BYAS NAS PHYI MA GNYIS SRUNG DKA' BAR 'CHAD PA LTAR LEGS TE, 'GAL RKYEN GYI SGO NAS SRUNG DKA' BA NI SROG 'CHAD PA LA THUG KYANG MI NYAMS PAR SRUNG BA YIN LA, BSLAB GZHI DANG DUS KYI SGO NAS SRUNG DKA' BA NI MA SHI BA'I BAR DU NYES PA PHRA MAS KYANG MA GOS PAR SRUNG BA YIN PA'I PHYIR RO, ,'DI GSUM LA DA LTA DNGOS SU SLOB PAR MA NUS NA YANG SMON PA'I YUL DU BYAS TE BLO SBYANGS PAS SKYE BA GZHAN DU DE LTAR 'GYUR BA'O, ,GNYIS PA THAMS CAD KYI SGO NAS TSUL KHRIMS NI, GZHI LAS YANG DAG PAR BLANGS PA'I TSUL KHRIMS NI, DE LTAR GYI SBYOR BAS BSGRUBS PA STE TSUL KHRIMS GSUM YANG DAG PAR BLANGS PA'O, ,RANG BZHIN GYI TSUL KHRIMS NI, SEMS PA DANG 'DU BYED PA DANG SMON PA LA MI LTOS PA STE NUS PA SAD PA PHAR PHYIN GYI RTAGS DANG LDAN PA'I RIGS LA GNAS PA'I SEMS RGYUD RANG BZHIN GYI DGE BA KHO NA YIN PAS LUS @102A *, ,NGAG GI LAS YONGS SU DAG PAR 'JUG PA'O, ,GOMS PA'I TSUL KHRIMS NI, SNGON YUN RING MO NAS RGYUN CHAGS SU ZHUGS PA STE TSUL KHRIMS GSUM LA SNGON GYI TSE RABS GZHAN DU GOMS PAR BYAS PA'I RGYU'I STOBS BSKYED PA LA BRTEN NAS NYES PA KUN TU SPYOD PA LA THAMS CAD KYI THAMS CAD DU MI DGA' ZHING YID 'BYUNG LA DAG PA KUN TU SPYOD PA LA DGA' ZHING 'DOD PA'O, ,THABS DANG LDAN PA'I TSUL KHRIMS NI, GZHAN 'DUL BA'I THABS BSDU BA BZHI LA BRTEN NAS SEMS CAN RNAMS LA LUS NGAG GI LAS DGE BA 'JUG PA'O, ,BSDU BA BZHI NI ZANG ZING GIS SDUD PA'I SBYIN PA DANG BSDUS PA LA BLANG DOR GYI GNAS 'DOMS PA'I SNYAN PAR SMRA BA DANG SMRAS PA'I DON LA SGRUB TU 'JUG PA'I DON SPYOD PA DANG GZHAN SGRUB PA LA SBYAR BA LTAR RANG YANG DA LTAR GNAS PA'I DON MTHUN PA'O, ,DE BZHIN NI TSUL KHRIMS THAMS CAD LA 'JUG PA'I SGOR GYUR PAS NA THAMS CAD KYI SGO'O, ,GSUM PA SKYES BU DAM PA'I TSUL KHRIMS NI, LNGA STE RANG YANG TSUL KHRIMS DANG LDAN PA DANG GZHAN THA MAL BAR GNAS PA DAG TSUL KHRIMS LEN DU 'JUG PA DANG TSUL KHRIMS LA ZHE SDANG BA RNAMS LA DE'I BSNGAGS PA BRJOD PAS MNAR SEMS ZHI BAR BYED PA DANG, GZHAN DAG YANG DAG PAR ZHUGS PA'I CHOS MTHUN PA PA MTHONG NA YID DGA' ZHING PHRAG DOG MED PA DANG NYES PA BYUNG NA CHOS BZHIN DU PHYIR 'CHOS PA'O, ,DE LNGA NI GZHAN LA GNOD PA SPONG ZHING DON MA LUS PA BSGRUB PA'I DAM PA'I LAS DANG LDAN PAS DAM PA'I TSUL KHRIMS TA DANG PO DANG THA MAS RANG GI DON DANG LHAG MA GSUM GYIS GZHAN GYI DON SGRUB PAS SO, ,BZHI PA RNAM @102B PA THAMS CAD KYI TSUL KHRIMS NI, RNAM PA BCU GSUM STE RNAM PA DRUG DANG RNAM PA BDUN NO, ,RNAM PA DRUG GI DANG PO RGYA CHE BA NI, BSLAB PA'I GZHI RGYA CHEN PO BZUNG BAS GNAS RDZOGS PA DANG, BYANG CHUB CHEN POR BSNGOS PAS 'BRAS BU RDZOGS PA'I PHYIR RO; ;KHA NA MA THO BA MED PA NI, 'DOD PA'I BSOD NYAMS KYI MTHA' SPANGS PAS NYON MONGS CAN GYI BDE BA DANG BRAL BA'O, ,RAB TU DGA' BA'I GNAS DANG MTHUN PA NI, NGAL ZHING DUB PAR BYED PA'I MTHA' SPANGS PAS DON MED PA'I SDUG BSNGAL DANG BRAL BA'O, ,RTAG TU BYED PA NI, BSLAB PA BLANGS PA MI 'BUL BAR JI SRID 'TSO'I BAR DU SPYOD PAS BSLAB PA'I BAR GCOD PA SPANGS PA'O, ,BRTAN PA NI, RNYED BKUR LA MI LTA BAS DE GNYIS DANG RANG GI LAM LA NGES PA BRTAN PAS PHAS KYI RGOL BA DANG DANG SPANG BYA 'GOG PA LA SRAN 'DZUGS PAS NYON MONGS DANG NYE NYON TE MI MTHUN PHYOGS GSUM PO DE RNAMS KYIS ZIL GYIS MI NON ZHING MI 'PHROGS BA'O, ,'GREL PA RNAMS NAS RANG GI BSLAB PA PHUL TE MU STEGS KYI GNAS SU SDOM PA MI LAN PAS PHAS KYI RGOL BAS ZIL GYIS MI GNON PAR 'CHAD MOD KYANG BSLAB PA MI 'BUL BA SNGAR BSHAD ZIN PAS 'DI'I DON MIN NO, ,TSUL KHRIMS KYI RGYAN NI NYAN SA NAS 'BYUNG BA'I DGE SBYONG GI RGYAN BCU BDUN NO, ,DE YANG NYAN SA LAS SDOM DU MDZAD PA NI, DAD LDAN G-YO MED NAD NYUNG DANG, ,BRTZON 'GRUS SHES RAB 'DOD CHUNG DANG, ,CHO GA SHES GAS SLAD GANG SLA DANG, ,SBYANGS DANG MDZAS DANG DROD RIG DANG, ,SKYES BU DAM CHOS MKHAS RTAGS DANG, ,BZOD DANG NGES DANG GYA NOM YIN, ,ZHES PA'O, ,RNAM PA BDUN GYI DANG PO LDOG PA'I TSUL KHRIMS NI, GTAN MI BYA BA KHO NAS @103A *, ,SROG GCOD SOGS NYES SPYOD SPONG BA YANG DAG PAR LEN PA'O, ,'JUG PA'I TSUL KHRIMS NI, GCIG TU NGES PAR BYA BA KHO NAS DGE BA SDUD PA DANG SEMS CAN GYI DON BYED PA LA SLOB PA'O, ,KUN NAS SRUNG BA'I TSUL KHRIMS NI, RTAG TU BAG YOD PAS 'JUG LDOG GNYIS BSRUNG BA'O, ,DE GSUM NI TSUL KHRIMS KYI NGO BO'I DBYE BA'O, ,SKYES BU CHEN PO'I MTSAN RNAM PAR SMIN PAR BYED PA'I TSUL KHRIMS NI, SA RNAMS LA JI LTAR 'TSAM PA'I MTSAN 'GRUB PA'I SGRUB BYED LA 'JUG PA'O, ,LHAG PA'I SEMS SMIN PAR BYED PA NI, BYANG SEMS KYI TING NGE 'DZIN MANG PO 'GRUB PAR BYED PA'O, ,SDUG PA'I 'GRO BA SMIN PAR BYED PA NI, LHA MI'I LUS 'GRUB PAR BYED PA'O, ,SEMS CAN GYI DON SMIN PAR BYED PA'I TSUL KHRIMS NI, SEMS CAN GYI DON GYI 'BRAS BU 'GRUB PAR BYED PA'O, ,DE BZHI NI TSUL KHRIMS KYI 'BRAS BU'I SGO NAS DBYE BA'O, ,DE BZHI'I DANG PO NI DGE BA SDUD PA DANG BAR PA GNYIS NI SDOM PA DANG THA MA NI SEMS CAN DON BYED KYI TSUL KHRIMS SU SLOB DPON YON TAN 'OD KYIS BSHAD DO, ,DE LA RNAM PA DRUG NI YON TAN GANG DANG LDAN PA YIN LA RNAM PA BDUN NI NGO BO DANG 'BRAS BU'I RNAM PA'I DBYE BA'O, ,ZHES SLOB DPON YON TAN 'OD BZHAD DO, ,LNGA PA PHONGS SHING 'DOD PA'I TSUL KHRIMS NI, BRGYAD DE GSOD PA SOGS BRGYAD RANG NYID MI 'DOD CING DE LAS BZLOG PA BRGYAD PO 'DOD PA LA GZHAN GYIS MI 'DOD PA BSGRUBS NA BSAD PA SOGS KYIS PHONGS PA STE YID DU MI 'ONG BAR 'GYUR LA, BDAG JI LTA BA BZHIN DU SEMS CAN GZHAN YANG DE LTAR YIN PAR BDAG GI NYAMS LA DPAGS TE SO SOR BRTAGS NAS SROG GI PHYIR @103B YANG GZHAN LA MI 'DOD PA BRGYAD MI SPYOD PA'O, ,MI 'DOD PA BRGYAD NI, GSOD PA DANG MA BYIN LEN DANG 'DOD PA LA G-YEM PA DANG, RDZUN DANG PHRA MA DANG NGAG RTZUB PO DANG TSIG BKYAL BA DANG LAG PA BONG BA LCAG GIS BSNUN ZHING RNAM PAR 'TSE BA'I REG PA STE PHYI MA GSUM MI SDUG PA'I REG PA'O, ,'DOD PA BRGYAD NI DE DAG LAS BZLOG PA TSE RING BA DANG LOGS SPYOD CHE BA DANG CHUNG MA BSDAMS PA DANG MI SLU BA DANG 'KHOR MI PHYED PA DANG, SNYAN PA THOS PA DANG DON DANG LDAN PA'I GTAM DANG YID DU 'ONG BA'I REG PA'O, ,DE LTAR NA MI 'DOD PA'I PHONGS PA BRGYAD SEL BA DANG 'DOD PA'I PHYOGS BRGYAD SGRUB PAR BYED PA'I TSUL KHRIMS LA PHONGS SHING 'DOD PA'I TSUL KHRIMS ZHES BYA'O, ,DRUG PA TSE 'DI DANG GZHAN DU BDE BAR 'GYUR BA'I TSUL KHRIMS NI, RNAM PA BZHI DANG RNAM PA LNGAR PHYE BAS DGU'O, ,DE LA TSUL KHRIMS RNAM PA BZHI NI, SEMS CAN SDUG BSNGAL GYI RGYU LA 'JUG PA DGAG PAR BYA BA'I GNAS SU GYUR PA NI DE LAS 'GOG PAR BYED PA DANG, GNANG BAR BYA BA'I GNAS SU GYUR PA BDE BA'I RGYU LA MI 'JUG PA RNAMS LA NI GNANG BA STE RGYU DE SGRUB PAR BYED PA DANG, GNANG BKAG GI GNAS LA YANG DAG PAR ZHUGS PA'I SEMS CAN BSDU BAR 'OS PA RNAMS NI SDUD PAR BYED PA DANG, GNANG BKAG GI GNAS LA LOG PAR ZHUGS PA'I SEMS CAN TSAR GCOD PAR 'OS PA RNAMS NI TSAR GCOD PAR BYED PA STE DE BZHI LA RANG GI LUS NGAG GI LAS YONGS SU DAG PAR 'JUG PA'O, ,RNAM PA LNGA NI, TSUL KHRIMS MA GTOGS PA PHAR PHYIN LHAG MA LNGA DANG LDAN PA'I TSUL KHRIMS LNGA'O, ,DE DAG NI BYANG SEMS RANG DANG SEMS CAN GZHAN LA 'DI PHYIR BDE BAR 'GYUR BAS NA 'DI DANG GZHAN DU BDE BAR @104A *, ,'GYUR BA ZHES BYA'O, ,DE LA SBYIN PAS NI PHYI MA LA LONGS SPYOD CHEN POR 'GYUR BA DANG BZOD PAS NI RANG GZHAN 'DI PHYIR BDE BA'I RGYUR 'GYUR ZHING PHYI MA LA G-YOG 'KHOR DANG LDAN PAR 'GYUR BA DANG, BRTZON PAS NI 'DIR MI DGE BA DANG MI 'DRE ZHING PHYI MAR SPRO BA CHEN POR 'GYUR BA DANG BSAM GTAN GYIS 'DIR BDE BA LA REG CING PHYI MAR RNAM PAR DAG PA'I LHAR SKYE BA DANG SHES RAB KYIS 'DIR MKHAS PAR 'GYUR LA PHYI MA LA SHES RAB KHYAD PAR DU 'GRO BA'O ZHES DZI NA SU TRA SOGS 'CHAD DO, ,BDUN PA RNAM PAR DAG PA'I TSUL KHRIMS NI, RNAM PA BCU LAS DANG PO NYID NAS LEGS PAR BLANGS PA NI, LAM GYI SKABS SU DGE SBYONG GI TSUL 'DOD PA DANG MTHAR THUG PA NA RDZOGS PA'I BYANG CHUB 'DOD PA'I PHYIR DU TSUL KHRIMS BLANGS PA YIN GYI RGYAL POS BTZAS PA SOGS LAS THAR PA DANG 'TSO BA 'DOD PA'I PHYIR BLANGS PA MIN PA'O, ,HA CANG ZHUM PA MIN PA NI, BSLAB PA'I GZHI RNAMS KYI BCAS PA LAS 'GAL BAR BYAS PA LA CHUNG NGU 'GYOD PA'AM, 'GYOD PA CHUNG BA NI HA CANG ZHUM PA YIN LA DE MED CING 'GYOD PA CHE BA'O, ,DE LTAR YANG NYAN SA LAS, JI LTAR NA HA CANG ZHUM PA YIN ZHE NA 'DI LTAR 'DI NA LA LA BSLAB PA'I GZHI RNAMS LA NGO TSA MED CING 'GYOD PA CHUNG BA DANG LHOD CING G-YEL BAR BYED PA YIN TE, ZHES GSUNGS PAS 'GYOD PA CHUNG BA MED PA NI 'GYOD PA CHE BA LA BYA'I 'GYOD PA CHUNG BA TZAM YANG MED PA LA BYAS NA DE MED PA'I PHYIR HA CANG ZHUM PA MA YIN PA ZHES GSUNGS PA PHYIN CI LOG TU 'GYUR RO, ,HA CANG THAL BA MA YIN PA NI, 'GYOD PA'I GNAS PA YIN PA STON PAS MA @104B BCAS PA'I MTSAMS LAS 'DAS PA LA 'GYOD PAR BYED PA NI HA CANG THAL BA YIN PAS DE MED PA'O, ,LE LO MED PA NI, GNYID DANG GLOS 'BEBS PA DANG NYAL BA'I BDE BA RNAMS NYAMS SU MI LEN ZHING NYIN DANG MTSAN DU DGE PHYOGS LA BRTZON PA'O, ,BAG YOD PAS ZIN PA NI, SNGAR BSHAD PA LTAR YAN LAG LNGA'I BAG YOD PA LA BRTEN PA'O, ,SMON LAM LEGS PAR BTAB PA NI, RNYED BKUR LA ZHEN PA MED PA DANG LHA NYID DU SMON NAS TSANGS SPYOD LA GNAS PAR KHAS BLANGS PA MA YIN PA'O, ,CHO GA PHUN SUM TSOGS PAS ZIN PA NI, 'CHAG PA DANG 'GRENG BA SOGS KYI SPYOD LAM DANG CHOS NGOS BGO BA SOGS KYI 'PHRAL GYI BYA BA DANG KHA TON BYA BA SOGS KYI DGE BA'I PHYOGS KYI SBYOR BA RNAMS LA 'JIG RTEN DANG, 'DUL BA DANG MI 'GAL BAS LUS NGAG GI KUN SPYOD PHUN SUM TSOGS SHING 'TSAM PA'O,, 'TSO BA PHUN SUM TSOGS PAS ZIN PA NI, TSUL 'CHOS LA SOGS PA'I LOG 'TSO LNGA'I NYES PA THAMS CAD SPANGS PA'O, ,MTHA' GNYIS SPANGS PA NI, CHOS GOS DANG BSOD SNYOMS DANG MAL CHA SOGS CHOS SAM CHOS MA YIN PAS GZHAN LAS BTZAL BA LA LHAG PAR CHAGS PAS SPYOD CING DE LA NYES DMIGS SU MI LTA BA'I 'DOD PA'I BSOD NYAMS KYI MTHA' DANG, TSER MA DANG THAL PA'I NANG NA NYAL BA SOGS DANG ME DANG CHUR LAN GSUM DU 'JUG PA SOGS KYIS BDAG NYID GDUNG ZHING DKA' THUB DRAG PO LEN PA'I BDAG NYID DUB PAR BYED PA'I RJES SU SBYOR BA SPANGS PA'O, ,NGES PAR 'BYIN PA NI, MU STEGS CAN THAMS CAD KYI LTA BA RNAM PAR SPANG PA'O, ,TSUL KHRIMS BLANGS PA MA NYAMS PA NI, THAMS CAD DU NGO TSA MED CING BSLAB PA'I TSUL LA MI LTA BAS BCAS PA'I MTSAMS LAS 'DA' BA'I @105A *, ,NYAMS PA DANG RTZA BA'I LTUNG BA LA SPYOD PAS MED PAR MI BYED PA'O, ,DE LTAR MDOR BSTAN DU BCUR GSUNGS PA LA RGYAS BSHAD NAS BCU GCIG 'BYUNG NGO, ,'DI LA DZI NA SU TRAS, NYES PA DE GNYIS KA'I GNYEN POR JI LTAR BCAS PA RNAMS LA YANG DAG PAR SLOB PAS NA RNAM PAR DAG PA'O ZHES BSLAB PA LA MI SBYOR BA HA CANG ZHUM PA'I NYES PA DANG BSLAB PA MA BCAS PA'I RJES SU 'JUG PA HA CANG THAL BA'I NYES PA GNYIS KYI GNYEN PO GCIG TU BSDUS PAS, HA CANG THAL BA MIN PA DANG HA CANG ZHUM PA MIN PA GNYIS GCIG TU BYED PAR GSAL ZHING YON TAN 'OD KYIS KYANG BSAM PA'I NYES PA NI RNAM PA GNYIS TE LEN PA'I DUS NA NYES PAR BLANGS PA DANG, BSRUNG BA'I DUS NA HA CANG ZHUM PA DANG HA CANG THAL BA'I PHYIR RO ZHES DE GNYIS GCIG TU BSDUS LA, SA MU DRAS NI, TSUL KHRIMS BLANGS PA MA NYAMS PA NI GONG DU BSTAN PA BCU'I MJUG SDUD DU BYED PAR SNANG NGO, ,DE THAMS CAD KYANG 'THAD PA MA YIN TE SLOB DPON NYID KYIS NYAN THOS KYI SAR BAG MED PA DANG LE LOS YONGS SU ZIN PA ZHES RNAM DAG BCU'I LOG PHYOGS KYI NYES PA BCU'I SKABS SU DE GNYIS GCIG TU BSDUS PAS NA BAG YOD DANG LE LO MED PA GNYIS GCIG TU SDUD PA GZHUNG GI DGONGS PA YIN NO, ,DE LTAR NA DANG PO NAS NYES PAR BLANGS PA DANG HA CANG ZHUM PA DANG THAL CHES PA DANG BAG MED PA DANG LE LOS YONGS SU ZIN PA LOG PAR SMON PA CHO GA NYAMS PAS ZIN PA DANG 'TSO BA NYAMS PAS ZIN PA DANG MTHA' GNYIS SU LHUNG BA DANG NGES PAR 'BYUNG BA MA YIN PA DANG YANG DAG PAR BLANGS PA YONGS SU NYAMS PAR GYUR PA STE, NYAMS PAR @105B 'GYUR BA'I RGYU BCU DANG BRAL BAS NA PHUN SUM TSOGS PA'AM RNAM PAR DAG PA'I TSUL KHRIMS ZHES BYA'O, ,BZHI PA TSUL KHRIMS KYI PHAN YON LA GNYIS LAS MTHAR THUG GI PHAN YON NI, DA LTAR NA BYANG SEMS KYI TSUL KHRIMS KYI PHUNG PO CHEN PO 'DI NI BYANG CHUB CHEN PO'I 'BRAS BU SKYED PA STE 'DI LA BRTEN NA TSUL KHRIMS KYI PHAR PHYIN YONGS SU RDZOGS NAS BLA NA MED PA'I BYANG CHUB TU 'TSANG RGYA BA'O, ,DE LA PHUNG PO CHEN PO ZHES PA NI YANGS SHING RGYA CHE BA'I BSOD NAMS KYI TSOGS CHEN PO YIN PA'AM YANG NA TSUL KHRIMS RGYAS SHING TSAD MED PA DANG RDZOGS PA'O, ,SANGS MA RGYAS PA'I BAR DU YANG GNAS SKABS KYI PHAN YON LNGA 'THOB STE 'DI LTAR SNGAR BSHAD PA LTAR SANGS RGYAS RNAMS KYIS DGANGS PAR 'GYUR BA DANG MCHOG TU DGA' BA CHEN PO LA GNAS BZHIN DU 'CHI BA'I DUS BYED PAR 'GYUR BA DANG LUS ZHI GNAS KYANG GANG NA RANG DANG TSUL KHRIMS MTSUNGS PA'AM LHAG PA'I BYANG SEMS SKAL BA 'DRA ZHING CHOS MTHUN PA PHA DGE BA'I BSHES GNYEN DU GYUR BA DAG GNAS PA DER SKYE BAR 'GYUR BA DANG, TSE 'DI LA TSUL KHRIMS KYI PHAR PHYIN YONGS SU RDZOGS PAR BYED PA'I BSOD NAMS KYI PHUNG PO TSAD MED PA DANG LDAN PAR 'GYUR PA DANG TSE PHYI MA LA YANG RANG 'KHRUNGS KYI TSUL KHRIMS NYID DE DE'I BAG NYID THOB PAR 'GYUR BA'O, ,DE'I GNYIS PA'I DON NI PHYI MAR SANGS RGYAS BYANG SEMS DANG PHRAD PA YID LA BYED PAS 'CHI BA'I 'JIGS PA LAS 'DAS PA'I PHYIR MCHOG TU DGA' BA CHEN PO 'THOB PA LA DZI NA SU TRA SOGS 'CHAD LA, SA MU DRAS DE DANG DGE BA'I RTZA BA TSAD MED PA DANG LDAN PAS NGAN SONG GI 'JIGS PA MED PA DANG GNYIS LA BSHAD DO, ,LNGA PO DE DAG KYAN @106A *, ,RIM PA LTAR BDAG 'BRAS DANG BRAL 'BRAS DANG RNAM SMIN GYI 'BRAS BU DANG SKYES BU BYED 'BRAS DANG RGYU MTHUN GYI 'BRAS BU LA YON TAN 'OD KYI 'GREL PAR BSHAD DE BRAL 'BRAS SU BSHAD PA NI NYES SPYOD RTZE BCIL BA DANG LAGS SU SMON PAS YID MI BDE BA DANG BRAL BA LA BZHED DO, ,DE LA PHAN YON DANG PO NI 'DI PHYI GNYIS KAR 'THOB PA'I PHAN YON TE SDOM PA JI SRID GNAS PA DE SRID DU RGYAL BA SRAS BCAS KYIS BU DANG SPUN DANG 'DRA BAR DGONGS PAS DGE BA'I CHOS MI NYAMS SHING 'PHEL BA'O, ,GNYIS PA DANG BZHI PA NI TSE 'DI'I PHAN YON TE 'CHI KAR NGAN 'GRO'I 'JIGS PA MED CING BDE 'GRO KHYAD PAR CAN DU 'GRO BAR MTHONG NAS DGA' BA DANG DE'I GONG DU YANG SPYOD 'JUG LAS, GANG NAS BZUNG STE SEMS CAN KHAMS, ,MTHA' YAS RAB TU DGROL BA'I PHYIR, ,SEMS DE YANG DAG BLANGS GYUR PA, ,DE NAS BZUNG STE GNYID LOG GAM, ,BAG MED GYUR KYANG BSOD NAMS SHUGS, ,RGYUN MI 'CHAD BAR DU MA ZHIG ,NAM MKHA' MNYAM PAR RAB TU 'BYUNG, ,ZHES GSUNGS PA LTAR SKAD CIG RE RE LA YANG TSAD MED PA'I TSOGS 'PHEL BA'O, ,GSUM PA DANG LNGA PA NI SKYE BA GZHAN GYI PHAN YON TE BSHES GNYEN DAM PAS RJES SU 'DZIN PA DANG SKYE BA DU MAR SDOM PA DANG MI 'BRAL BA'O, ,PHYI MA 'DI'I RGYU GZHAN NI 'OD SRUNGS KYIS ZHUS PA LAS, BYANG CHUB KYI SEMS MI BRJED PA'I RGYUR GSUNGS PA NAG PO'I CHOS BZHI SPONG BA LA SOGS PA LA SLOB PA DANG, TING NGE 'DZIN RGYAL PO LAS, JI LTA JI LTAR MANG DU MIS BRTAGS NA, ,DE LA GNAS PA'I RNAM PAR RTOG PA DES, ,DE LTA DE LTAR DE LA SEMS GZHOL @106B 'GYUR; ;ZHES LAN MANG POR RGYUN LDAN DU YID LA BYED PA DE'I RJES SU SEMS GZHOL BAR GSUNGS PA LTAR BYED PA LA BLOB DPON ZHI BA LHA BZHED DO, ,PHAN YON BLA NA MED PA DE DAG MTHONG BA'I MKHAS PAS NI RGYAL SRAS KYI SDOM PA GZUNG BA LA 'BAD PA DRAG PO DANG LDAN PAR BYA'O, ,LNGA PA TSUL KHRIMS KYI BSDU BA NI, TSUL KHRIMS KYI NGO BO NYID LA SOGS PA DGU PO DE DAG THAMS CAD NI SDOM PA'I TSUL KHRIMS LA SOGS PA GSUM GYIS BSDUS PAR RIG PAR BYA'O, ,DGU PO RE RE YANG TSUL KHRIMS GSUM GYIS BSDUS PAR DZI NA SU TRA DANG SA MU DRAS BSHAD DO, ,DRUG PA TSUL KHRIMS KYI BYED LAS NI, CI'I PHYIR TSUL KHRIMS GSUM DU NGES SHE NA, 'DI LTAR BYANG SEMS KYI BYA BA NI MDOR BSDU NA GSUM DU ZAD DE KUN NAS NYON MONGS PA MED PA'I BDE BA LA SEMS GNAS PA DANG DE LA BRTEN NAS RANG GI CHOS SMIN PAR BYED PA DANG SEMS CAN GYI RGYUD SMIN PAR BYED PA GSUM YIN LA DE RNAMS KYANG SDOM PA DANG DGE BA SDUD PA DANG SEMS CAN GYI DON BYED PA'I TSUL KHRIMS GSUM GYIS SGRUB PA'I PHYIR RO, ,DE LTAR NA NYES SPYOD LAS LDOG PA'I SDOM PA'I TSUL KHRIMS LA 'BAD PA'I SGO NAS SEMS DGE BA'I DMIGS PA LA BKOL DU RUNG BA'I DGE BA'I DMIGS PA LA GNAS PA MED NA TSUL KHRIMS GZHAN GNYIS KYI GZHI STONG PA YIN PAS SNGAR BSDU BA'I LUNG DRANGS PA LTAR SDOM PA'I TSUL KHRIMS LA THOG MAR GCES SPRAS SU BYA STE DE YANG SO THAR RIS BDUN LA GSUNGS PAS, BSTAN PA'I RTZA BA SO SOR THAR PA'I SDOM PA GANG KHAS BLANGS PA DE LA BYANG CHUB SEMS DPA' 'BAD PAR BYA'O, ,'DI NI MGON PO KLU SGRUB KYIS KYANG NAN TAN DU GSUNGS @107A *, ,TE, JI SKAD DU RIN PO CHE'I PHRENG BA LAS, DE NAS RAB TU BYUNG BA YIS, ,DANG POR BSLAB LA RAB GUS BYA, ,SO SOR THAR PA 'DUL BCAS DANG, ,MANG THOS DON GTAN DBAB LA BSGRIM, ,ZHES GSUNGS PAS SHING RTA CHEN PO GNYIS DON 'DI LA DGONGS PA GCIG TU SNANG NGO, ,TSUL KHRIMS GZHAN GNYIS KYANG THOG MAR RANG SMIN BYED DGE BA SDUD PA'I TSUL KHRIMS LA GTZO BOR 'BAD DGOS TE, RANG MA SMIN PAR GZHAN SMIN PAR BYED PA NI GNAS MA YIN ZHING SKABS MED PAR GSUNGS PA'I PHYIR RO, ,BYANG SEMS KYI TSUL KHRIMS NI DGU 'AM GSUM PO DE DAG TU ZAD CING TSUL KHRIMS KYI PHAN YON YANG DRUG PO DE DAG TU ZAD LA TSUL KHRIMS KYI BYA BA YANG TSE 'DI LA BDE BAR GNAS PA'I PHYIR ZHI GNAS SU GNAS PA DANG LUS SEMS DUB PA MED PAR SANGS RGYAS KYI CHOS SMIN PAR BYED PA DANG SEMS CAN SMIN PAR BYED PA GSUM PO DE DAG TU ZAD DO, ,RANG BZHIN PHAN YON BYA BA GSUM PO DE LAS GANG NA YANG MED LA GSUM PO DE LAS LHAG PA STE DER MA 'DUS PA YANG MED DO, ,DE LA NI 'DAS PA'I BYANG CHUB SEMS DPA' ZHES SOGS SNGAR DRANGS PA LTAR GSUNGS PA NI DUS GSUM GYI BYANG SEMS THAMS CAD KYIS 'DI KHO NA LTAR SLOB KYI KHA CIG 'DI LA SLOB KYANG KHA CIG GZHAN LA SLOB PA LTA BU MIN PAS BYANG SEMS SANGS RGYAS KYI LAM LA TSUL BZHIN DU SLOB PA THAMS CAD KYI BGROD PA GCIG PA'I LAM DU BSTAN PAS LAM LA YID GNYIS SEL BA'O, ,'DI NI TSUL KHRIMS LA BSLAB PA'I TSUL TE PHAR PHYIN LHAG MA DANG BSDU BZHI LA SOGS PA LA SLOB PA'I TSUL YANG SHES PAR BYAS LA SNYING THAG PA NAS BSLAB NA DE'I TSE @107B BSLAB BYA GZHAN LA SLOB PAR MA NUS PA LA NYES MED DU GSUNGS TE, 'ON KYANG BSLAB BYA LHAG MA LA SLOB PA'I KHUR NI RNAM PA THAMS CAD DU 'DOR DU MI RUNG NGO, ,DE LTAR BYANG SEMS LAS ? PA LA THOG MAR GAL CHE BA TSUL KHRIMS KYI LE'U 'DI GZHUNG RDZOGS PAR DRANGS NAS BKRAL NA TSIG HA CANG MANGS PAR MTHONG NAS DON TZAM ZHIG BYANG SA'I 'GREL PA GNYIS DANG TSUL KHRIMS LE'U'I 'GREL PA GNYIS DANG GZHAN YANG BSLAB BTUS DANG, SPYOD 'JUG RTZA 'GREL SOGS BRJOD BYA MTHUN PA'I BSTAN BCOS RNAM PAR DAG PA MANG PO DANG MDO SDE RNAMS LA YANG BRTEN NAS LEN PA DANG BSRUNG BA DANG PHYIR BCOS PA'I DKA' GNAS RNAMS RGYAS PAR GTAN LA PHAB PA YIN NO, ,SA MU DRA ME GHAS BYAS ZAR BA'I 'GREL PA NI BYANG SA'I RGYAS 'GREL RTZOM PA PO RGYA MTSO SPRIN DANG MING MTHUN PA ZHIG TU, SNANG GI SLOB DPON DE MIN NO, ,SANGS RGYAS SGRUB PA'I THEG PA CHEN PO NI, ,GANG DU 'JUG KYANG NGES PAR BYA DGOS PA, ,THEG CHEN LAM GYI GZHUNG SHING SMON 'JUG GNYIS, ,LEGS PAR BZUNG NAS JI LTAR KHAS BLANGS BZHIN, ,RGYAL SRAS SPYOD LA SLOB PA 'DI MED PAR, ,THAMS CAD MKHYEN PAR 'GRO BA'I LAM YOD PA, ,RGYAL DANG DE SRAS MKHAS RNAMS MI BZHED KYANG, ,RDO RJE THEG DANG PHA ROL PHYIN PA LA, ,GNANG BKAG MI 'DRA 'GA' RE GSUNGS PA LA, ,CHES CHER 'KHRUL ZHING MNGON RLOM GYIS MTHO BA'I, ,SKAL DMAN RNAMS KYI THEG CHEN SPYI YI GZHUNG, ,DRI MA MED PA'I LAM BZANG NUB PAR BYAS, ,DE PHYIR RDO RJE THEG PAR 'JUG NA YANG, ,DRI MA MED PA'I MDO SDE RNAMS KYI DON, ,BYAMS PA KLU SGRUB THOGS MED KYIS BSHAD PA'I, ,BYANG CHUB SEMS BSKYED SDOM PA BZUNG NAS @108A *, ,NI; ;PHAR PHYIN DRUG LA SLOB PA GZHIR ZUNG LA, ,RDO RJE THEG PA'I LAM GYI SNON PA THOB, ,DE NI MA TSANG MED PA'I THEG MCHOG LAM, ,DE LAS GZHAN RNAMS BYIS PA DGA' SKYED YIN, ,DE LTAR SRAS BCAS RGYAL BA'I BGROD GCIG LAm,, RGYAL SRAS SDOM PA DAG PAR BYED PA'I TSUL, ,YID CHES LUNG DANG DRI MED RIGS PA LAS, ,RNAM PAR BRGAL BA'I RANG BZO'I DRI MA YIS, ,MA BSLAD RGYAL BA'I DGONGS PA JI BZHIN DU, ,GO SLA'I TSIG GIS RNAM PAR BKRAL BA 'DIS, ,GANG LA RGYUN DU GUS PA'I MTHUS BYUNG BA, ,'JAM PA'I DBYANGS LA RTAG TU PHYAG 'TSAL LO, ,THEG MCHOG LAM ZAB BDAG BLO BYIS PA'I TSUL, ,DE PHYIR TSIG DANG DON LA SKYON CHAGS NA, ,'PHAGS DANG MKHAS PA'I SPYAN SNGAR BDAG 'CHAGS KYIS, ,BRTZE LDAN RNAmS KYIS NONGS DA BZLOG TU GSOL, ,THUB BSTAN SPYI DANG KHYAD PAR THEG MCHOG GI ,LAM GYI SROG RNAMS PHAL CHER NUB PA YI, ,TSUL 'DI MTHONG NAS BSTAN PA GNAS BYA'I PHYIR, ,DE LTAR 'BAD LAS DGE BA GANG BSAGS PA, ,DE YIS 'GRO KUN LAM LTAR BCOS PA LA, ,DGA' BA MED CING YANG DAG LAM GYI GNANG, ,RDZOGS PAR MTHONG NAS SGRUB LA BRTZON PAR SHOG ,BDAG KYANG TSE RABS KUN TU 'JAM PA'I DBYANGS, ,DAM PA'I MGON GYIS BZUNG NAS THEG PA MCHOG ,TSUL BZHIN RTOGS NAS 'GRO BA SGROL BA'I KHUR, ,KHYER NAS RGYAL BA'I BSTAN PA RGYAS BYED SHOG ,BYANG CHUB SEMS DPA'I SDOM PA BZUNG NAS TSUL KHRIMS KYI PHUNG PO YONGS SU DAG PAR BYA BA'I TSUL RNAM PAR BSHAD PA BYANG CHUB GZHUNG LAM ZHES BYA BA 'DI NI BYANG CHUB @108B SEMS DPA'I SKYOD PA LA MOS PA CUNG ZAD SKYES PA SH'AKYA'I DGE SLONG BLO BZANG GRAGS PA'I DPAL GYIS RGYAL SRAS KYI SDOM PA BZUNG NAS BSLAB PA LA SLOB PAR 'DOD PA RNAMS KYI DON DU BYANG RA SGRENG RGYAL BA'I DBEN GNAS SU SBYAR BA'O,,