@01A *, ,DGE TSUL GYI BSLAB BYA GNAM RTZE LDENG MA BZHUGS, ,

@01A #, ,THAMS CAD MKHYEN PA LA PHYAG 'TSAL LO, ,DGE SLONG GI
LTUNG BA SDE LNGA PO THAMS CAD, DGE TSUL LA RNAM PA GSUM DU
'GYUR TE, DE YANG 'GA' ZHIG BLANGS PA LAS 'DAS PA'I NYES PA,
'GA'

ZHIG PHYOGS MTHUN GYI NYES PA, 'GA' ZHIG LTUNG MED DU 'GYUR RO,
,BLANGS PA LAS 'DAS PA'I NYES PA LA GRANGS SUM CU RTZA DRUG TU
BYAS PA'I, DANG PO SROG GCOD BZHI DANG ZHES PA'I, MI GSOD PA
PHAM PA DANG 'DRA BA'I NYES

BYAS LA, GZHI, BSAM PA, SBYOR BA, MTHAR THUG GI YAN LAG GO ,DANG
PO LA RTEN DANG YUL GNYIS, RTEN DGE TSUL GYI BSLAB PA RNAM DAG
DANG LDAN PA'AM, GSOR RUNG YAN CHAD, SHES PA RANG BZHIN DU GNAS
PA,

BSLAB PA MA BCAS PA'I GONG GI DGE TSUL MA YIN PA'O, ,YUL MI 'AM
MIR CHAGS PA'O, ,BSAM PA LA 'DU SHES DANG, KUN SLANG GNYIS, 'DU
SHES NI, MI'AM MIR CHAGS PA YIN PA LA, YIN PAR 'DU SHES

PA'AM, THE TSOM ZA BA'O, ,KUN SLONG DE GSOD PAR 'DOD PA RGYUN MA
CHAD PA'O, SBYOR BA RANG NGAM BSKOS PAS DUG DANG MTSON LA SOGS
PA GANG YANG RUNG BAS GSOD PAR RTZOM PA'O, ,MTHAR THUG SROG GI
DBANG PO

'GAGS PA'I TSE NA, MI GSOD PA PHAM PA DANG 'DRA BA'I NYES BYAS
SO, ,MDOR NA SROG GCOD KYI PHAM 'DRA'I NYES BYAS MA GTOGS PA MI
GSOD 'DOD DANG, DUD 'GRO LAS GZHAN PA'I MI MA YIN GSOD 'DOD

@02A *, ,GYIS KUN NAS BSLANGS PA'I LUS NGAG GI NYES PA THAMS CAD
DER GTOGS KYI BSHAGS BYA'I NYES BYAS SO, ,GNYIS PA DUD 'GRO DANG
BCAS PA BRDEG PA BSHAGS PAR BYA BA'I NYES BYAS LA, GZHI YAN

LAG GNYIS ,RTEN GONG DANG 'DRA, YUL DUD 'GRO'I SKYE GNAS SU
GTOGS PA'I SROG CHAGS YIN PA THA MAL PA'I MIG LA SNANG DU RUNG
BA GZHI DANG BCAS PA'O, ,BSAM PA LA GNYIS 'DU SHES SROG CHAGS
DANG BCAS PA LA

BCAS PAR 'DU SHES PA'AM THE TSOM ZA BA'O, ,KUN SLONG SROG CHAGS
DANG BCAS PA GZHAN DON DU 'DU SHES PAR 'DOD PA RGYUN MA CHAD
PA'O, ,SBYOR BA RANG NGAM BSKOS PAS SROG CHAGS DANG BCAS PA LA
GZHAN DON DU 'DEBS

PAR RTZOM PA'O, ,MTHAR THUG SROG CHAGS JI SNYED SHI BA DE SNYED
KYIS BSHAGS PAR BYA BA'I NYES BYAS SO, ,GSUM PA DUD 'GRO DANG
BCAS PA LA SPYOD PA BSHAGS PAR BYA BA'I NYES BYAS LA GZHI YAN
LAG SOGS GONG

DANG 'DRA, KUN SLONG RANG 'BA' ZHIG GI DON DU SPYOD 'DOD DANG,
SBYOR BA RANG NGAM BSKOS PAS RANG 'BA' ZHIG GI DON DU SPYOD PAR
RTZOM PA'O, ,BZHI PA DUD 'GRO GSOD PA BSHAGS BYA'I NYES BYAS LA
BZHI LAS, RTEN SNGAR

BZHIN, YUL DUD 'GRO'I SKYE GNAS SU GTOGS PA'I SROG CHAGS YIN PA
GZHI MED PA'O, ,BSAM PA LA 'DU SHES NI, DUD 'GRO YIN PA LA YIN
PAR 'DU SHES PA'AM THE TSOM ZA BA'O, ,KUN SLONG DE GSOD PAR 'DOD

@02B PA RGYUN MA CHAD PA'O, ,SBYOR BA RANG NGAM BSKOS PAS MTSON
LA SAGS PA GANG YANG RUNG BAS GSOD PAR RTZOM PA'O, ,MTHAR THUG
SROG GI DBANG PO 'GAGS PA'I TSE NA'O, , ` MA BYIN LEN ZHES PA LA
BZHI, GZHI YAN LAG GI RTEN SNGAR BZHIN, YUL GANG LA

BRKU BA'I YUL NI, MI YIN PA RANG LAS NOR THA DAD PA'O, ,GANG
BRKU BA'I DNGOS PO NI, YUL DUS DER SBYOR BA GCIG GIS, BRKU BYA
RKU BYED GNYIS KA LA BLTOS PA'I RIN THANG TSANG BA, MI YIS BDAG
GIR BYAS SHING DBANG BA G-YOS SU BYAS PA'I KHA ZAS DANG, GSHED

MA SOGS PAS GLO BUR DU BDAG GIR BYAS PA'I DUR KHROD PA'I RDZAS
MA YIN PAS MI DMAN PA'O, ,BSAM PA LA 'DU SHES SPYI DANG BYE BRAG
MA 'KHRUL BA'O, ,KUN SLONG GZHAN GYI YIN TE MA GNANG YANG RANG
'TSO BA'I CHED DU GTAN DU 'BRAL 'DOD RGYUN MA CHAD

PA'O, ,SBYOR BA RANG NGAM BSKOS PAS RKU BAR RTZOM PA'O, ,MTHAR
THUG THOB BLO SKYES PA'I TSE NA'O, ,MA BYIN PAR LEN PA'I PHAM
'DRA'I NYES BYAS MA GTOGS PA RKU SEMS KYIS KUN NAS BSLANGS PA'I
LUS NGAG GI NYES PA THAMS CAD DER GTOGS KYI

BSHAGS BYA'O, , ` MI TSANGS SPYOD DANG ZHES PA LA, GZHI YAN LAG
GNYIS, GANG GIS RTZOL BA'I RTEN NI, NOR BU YIN PA, RANG GI RGYUD
DANG 'BREL BA, LAS SU RUNG BA NAD DANG BRAL BA'O, ,GANG LA
BRTZAL BA'I YUL NI, LAM GSUM DANG,

DE GANG LA GNAS PA'I LUS GNYIS, LAM GSUM NI, KHA DANG, BSHANG
LAM DANG, MO'I ZAG BYED GSUM GYI PHYOGS KYI DANG PO'I MTSAMS YAN
CHAD, NAD LA SOGS PAS MA NYAMS PA'O, ,DE GANG LA GNAS PA'I LUS
NI LUS TSANG BA'AM

@03A *, ,LUS KYI STONG SMAD GANG RUNG TSANG BA, RTEN DU RUNG BA
STE, DE YANG SHI BA DANG GSON PO'I LUS MI DANG MI MA YIN PA
DANG, SKYES PA DANG, BUD MED DANG, MA NING DANG RANG DANG GZHAN
GYI LUS GYI RMA'I SGO GANG YIN YANG PHAM 'DRAR 'GYUR BA LA
'DRA'O, ,BSAM

PA LA GNYIS, 'DU SHES 'KHRUL MA 'KHRUL 'DRA ZHING, KUN SLONG LAM
DANG, YAN LAG GI RNAM PA 'PHAD PA'I REG PA BDAG GIR BYED 'DOD
RGYUN MA CHAD PA'O, ,SBYOR BA BSAM PA'I DON LA DE LTAR RTZOM
PA'O, ,MTHAR THUG BCUG PA'I REG PA LUS SHES KYIS

MYONG ZHING YID KYIS BDAG GIR BYAS PA NA MI TSANGS PAR SPYOD PA
PHAM PA DANG 'DRA BA'I NYES BYAS SO, ,MI TSANGS SPYOD KYI PHAM
'DRA'I NYES BYAS MA GTOGS PA MI TSANGS PAR SPYOD PA SMRA 'DOD
DANG, GZHAN GYIS SMRAS PA DANG DU LEN 'DOD KYIS KUN NAS BSLANGS
PA'I

LUS NGAG GI NYES PA THAMS CAD DER GTOGS KYI BSHAGS BYA'O, , `
RDZUN DU SMRA ZHES PA LA BZHI, GZHI YAN LAG LA GSUM, GANG GIS
SMRA BA'I RTEN SNGAR BZHIN, GANG LA SMRA BA'I YUL MI YIN PA SMRA
SHES PA, DON GO BA, SHES PA RANG BZHIN DU GNAS PA,

MA NING DANG MTSAN GNYIS PA MA YIN PA, THA SNYAD LNGA DANG LDAN
PA, LUS THA MAL DU GNAS PA, RANG LAS RGYUD THA DAD PA STE, CHOS
BDUN LDAN NO, ,DNGOS PO GANG SMRA BA'I MI CHOS BLA MA YIN TE,
'DOD KHAMS LAS 'DAS PA BSAM GTAN DANG PO YAN CHAD NAS

SANGS RGYAS KYI SA'I BAR GYIS BSDUS PA'I 'JIG RTEN DANG 'JIG
RTEN LAS 'DAS PA'I YON TAN GANG YANG RUNG BA'O, ,BSAM PA LA
GNYIS, 'DU SHES SPYI DANG BYE BRAG MA 'KHRUL PA'O, ,KUN SLONG NI
'DU SHES BSGYUR TE MI CHOS BLA MA SMRA 'DOD DANG GZHAN GYIS
SMRAS

@03B BA'I TSIG DANG DU LEN PAR 'DOD PA RGYUN MA CHAD PA'O,
,SBYOR BA NGAG YAN LAG LNGA LDAN TE, NGAG YIN PA, RANG GI YIN
PA, BDAG NYID DANG 'BREL PA, MA NOR BAR SMRAS PA, GSAL POR SMRAS
PA'O, ,DES MI YI CHOS BLA MA THOB PA SMRA BAR RTZOM PA'O, ,

GZHAN GYIS SMRAS PA'I TSIG DANG DU LEN PAR RTZOM PA'I, ,MTHAR
THUG DON GO BA'I TSE NA RDZUN DU SMRAS PA PHAM PA DANG 'DRA BA'I
NYES BYAS SO, ,RDZUN DU SMRA BA'I PHAM 'DRA'I NYES BYAS MA GTOGS
PA, 'DU SHES BSGYUR NAS MI CHOS BLA MA SMRA 'DOD DANG,

GZHAN GYIS SMRAS PA DANG DU LEN 'DOD KYIS KUN NAS BSLABS PA'I
LUS NGAG GI NYES PA THAMS CAD DER GTOGS KYI BSHAGS BYA'O, ,PHAM
'DRA'I NYES BYAS ZHES PA'I DON NYES BYAS YIN YANG, DGE SLONG GI
PHAM PA BZHI DANG BYED LAS 'DRA

BAS BZHI PO LA PHAM 'DRA ZHES BTAGS PA YIN NO, ,BYED LAS 'DRA
TSUL NI, DGE SLONG LA PHAM PA BZHI GANG YANG RUNG BA 'CHAB BCAS
BYUNG NA, SLAR GSOR MI RUNG DU BYAS PAS, TSE DE LA SO THAR GYI
SDOM PA GANG YANG RGYUD LA MI SKYE LA, 'CHAB MED

BYUNG NA, DGE 'DUN LA PHAM PA'I DAG BYED DU CHAD LAS KYI BSLAB
PA BLANGS NAS DGRA BCOM MA THOB NA, TSE JI SRID 'TSO'I BAR DU
CHAD LAS KYI BSLAB PA TSUL BZHIN SPYAD PAS, DAG PAR GSUNGS PA
BZHIN DU DGE TSUL LA YANG, PHAM 'DRA BZHI

PO 'CHAB BCAS BYUNG NA SLAR GSOR MI RUNG DU BYED LA, 'CHAB MED
BYUNG NA CHAD LAS KYI BSLAB PA BLANGS NAS TSUL BZHIN DU CHAD LAS
NYAMS SU LEN DGOS PA'I BSLAB SBYIN DGE TSUL TZAM DU RUNG BA YIN
PAS, DE LTAR YANG SUM BRGYA PA LAS

@04A *, ,DGE SLONG BZHIN DU DGE TSUL YANG, ,PHYI NAS SDOM SKYE'I
SKAL BA MED CES SO,, ` GZHI MED CES PA NI, NYAMS PAR 'DUN PAS
MTHONG THOS DOGS GSUM GYI GZHI MED PAR SHES PA'AM, THE TSOM ZA
BZHIN DU 'DU SHES BSGYUR NAS, DGE SLONG

'DES MI TSANGS PAR SPYOD PA LA SOGS PA BYAS SO, ,ZHES BYED PA PO
DANG BYA BA SPYAR NAS SKUR BA 'DEBS PA'I TSIG GSAL POR SMRA 'DOD
SMRAS PA NA BSHAGS PAR BYA BA'I NYES BYAS SO, , ` BAG TZAM ZHES
PA NI, NYAMS PAR 'DUN PAS MTHONG THOS DOGS GSUM

GYI GZHI MED PAR SHES PA'AM THE TSOM ZA BZHIN DU 'DU SHES BSGYUR
NAS, DGE SLONG LA SOGS PA CHE GE MO MTHONG NGO, ,MI TSANGS PAR
SPYOD PA LA SOGS PA MTHONG NGO, ,ZHES BYED PA PO DANG BYA BA MA
SBYAR BAR SKUR BA 'DEBS PA'I TSIG MI GSAL BAR SMRA BAR 'DOD
PA'I,,

DES KUN NAS BSLANGS NAS SMRAS PA NA'O,, ` DGE 'DUN DBYEN ZHES PA
NI, DGE 'DUN NAM GANG ZAG ,STON PA GZHAN DANG, LAM BSLAB PA GSUM
'KHOR BCAS LAS GZHAN DU, DER SHES BZHIN DU 'DU SHES BSGYUR NAS
DBYE BAR 'DOD PA'AM DBYE NA'O, ,

` DE RJES PHYOGS DANG ZHES PA NI, 'DU SHES BSGYUR NAS, DBYE NA
DE'I GROGS BYED PAR 'DOD PA DANG, GROGS BYED PA NA'O, , ` KHYIM
SUN 'BYIN ZHES PA NI, KHYIM PA GNAS PA'I GRONG DU MYOS 'GYUR
'THUNG BA LA SOGS PA'I NYES PA BYAS PA'AM, DE'I MDUN DU

GROGS KYI NYES PA GLENG BA'I SGO NAS KHYIM PA YID SUN PAR 'GYUR
BA'I BYA BA BYAS PA LA, DGE 'DUN GYIS BSKRAD PA NAN TUR CHOS
LDAN DU BYAS PA'I TSE, DER SHES BZHIN DU 'DU SHES BSGYUR NAS,
BDAG LA BSKRAD PA NAN TUR MI RIGS PAR BYAS PA'I DGE 'DUN 'DI

@04B RNAMS 'DUN PA LA SOGS PAS 'GRO'O, ,ZHES SMRA BAR 'DOD PA
DANG, SMRAS PA NA'O, , ` SHES BZHIN ZHES PA NI, MI'I CHOS BLA MA
SMRA 'DOD DANG, SKUR PA 'DEBS 'DOD DANG, DBYEN DU GTOGS PA BYED
'DOD DANG, ZHAL TAB SOGS LA 'PHYA 'DOD DANG,

RANG GI BSLAB PA LA TSUL BZHIN 'JOG PA SPONG 'DOD DANG, BZA'
BTUNG SNGAR THOB KYANG DE NYID LHAG PO LEN PA'I PHYIR DE 'GEBS
'DOD RNAMS LAS GZHAN PA'I 'DUS SHES BSGYUR TE SMRA BAR 'DOD
PA'AM SMRAS PA NA'O,, ` SHES NGOR ZHES PA NI, GOS LA

SOGS PA'I RNYED PA DGE 'DUN LA SOGS PA GANG ZAG LA RIGS PAR
BSNGOS PA LA, DER SHES BZHIN DU 'DU SHES BSGYUR NAS MI RIGS PAR
BSNGOS SO ZHES SMRA BAR 'DOD PA DANG, SMRAS PA NA'O, , ` 'PHYA
BA DANG ZHES PA NI, ZHAL TA PA LA SOGS

PAS BZA' BTUNG MAL STAN GNAS KHANG LA SOGS PA RANG LA 'OS ZHING
'TSAM PA RIGS PAR BSTABS PA LA, DER SHES BZHIN DU 'DU SHES
BSGYUR MA 'DIS BDAG LA GNAS KHANG LA SOGS PA MI RIGS PA NGAN PA
BSTABS SO, ,ZHES ZHAL TA PA SOGS

LA 'PHYA BA'I NGAG SMRA BAR 'DOD PA DANG, SMRAS PA NA'O, , ` ZAS
CUNG ZHES PA NI, PHA ROL CHOS STON PA PO BZA' BTUB SOGS ZANG
ZING CUNG ZAD TZAM GYI PHYIR CHOS MI STON PAR SHES PA'AM, THE
TSOM ZA BZHIN DU 'DU SHES BSGYUR NAS, 'DI BZA' BTUD

SOGS ZANG ZING CUNG ZAD TZAM GYI PHYIR CHOS STON TO ZHES, SKUR
PA 'DEBS PA'I NGAG SMRA BAR 'DOD PA DANG, SMRAS PA NA'O, , `
LHAG MA'I SKUR 'DEBS DANG ZHES PA NI, NYAMS PAR 'DUN PAS MTHONG
THOS DOGS GSUM KYI GZHI MED PAR SHES PA 'AM,

@05A *, ,THE TSOM ZA BA LA 'DU SHES BSGYUR NAS, DGE SLONG LA
SOGS PA 'DI, DGE 'DUN LHAG MA'I SDE TSAN MAN CHAD DU GTOGS PA'I
LTUNG BA GANG YANG RUNG BA LA, BYED PA PO DANG BYA BA SBYAR
BA'AM, MA SBYAR BA'I SGO NAS SKUR BA 'DEBS PA'I TSIG

GSAL BA DANG, MI GSAL BA GANG YANG RUNG BA SMRA BAR 'DOD PA'AM,
SMRAS PA NA'O, , ` BSLAB PA SPONG DANG ZHES PA NI, DGE SLONG LA
SOGS PAS, DUS MA YIN PA'I KHA ZAS SPONG BA LA SOGS PA'I BSLAB PA
LA SLOBS SHIG CHES BSGO BA NA, DE'I TSIGS LA

YID CHES BZHIN DU 'DU SHES BSGYUR NAS KHYOD MI MKHAS PA SOGS YIN
PA'I PHYIR KHYOD KYI TSIG LA YID MI CHES PAS RE SHIG MKHAS PA LA
'DRI'I BAR DU MI SLOB BO, ,ZHES RANG GI BSLAB PA LA TSUL BZHIN
DU 'JOG PA'I GANG ZAG SPONG BAR 'DOD PA DANG, DES

KUN NAS BSLANGS PA'I NGAG SMRAS PA NA'O, , ` 'BRAS CHEN 'GOBS
ZHES PA NI, BZA' BTUNG SNGAR THOB KYANG DE NYID LHAG PO LEN PA'I
PHYIR, PHA ROL POS MA THOB PAR GO BA'I PHYIR DU, SNGAR THOB PA
DE, ZAS LA SOGS PA GZHAN GYIS 'GEBS PAR 'DOD

PA DANG, 'GEBS PA NA'O, , ` CHANG DANG ZHES PA NI, PHABS BTAB PA
'BRU'I CHANG DANG, MA BTAB PA RGUN CHANG LA SOGS PA BCAS PA'I
CHANG STE, MYOS PAR 'GYUR BA 'THUNG 'DOD KYIS MYOS 'GYUR LONGS
SPYOD MID THABS RE RE LA RE RE'O, , ` GLU ZHES PA NI,

RGOD BAG DANG, CHAGS PA LA SOGS PA'I BSAM PAS GLU DBYANGS LEN
'DOD KYIS MGRIN PA BSGYUR BA TZAM BYAS NA'O, , ` GAR ZHES PA NI,
RGOD BAG DANG CHAGS PA LA SOGS PA'I BSAM PAS BRO GAR BYED 'DOD
KYIS SMIN MA SKYOD PA TZAM BYED NA'O,,

@05B ` ROL MO BYED CES PA NI, RGOD BAG DANG PO LANG LA SOGS PA'I
BLOS DGOS MED DU RNGA LA SOGS PA'I ROL MO'I SGRA 'BYIN PAR BYED
NA'O, ,SANGS RGYAS LA MCHOD PA BYA BA'I PHYIR NI, GYE MI DAG
STON PA LA MCHOD PA BYOS SHIG ,CES BRJOD NA NYES MED MCHOD

PA'I PHYIR YIN YANG, ROL MO DANG GLU DBYANGS BYOS SHIG CES BRJOD
NA NYES BYAS SO, , ` RGYAN DANG ZHES PA NI, DGOS MED DU RANG
DGAR RNA RGYAN DANG, SOR GDUB LA SOGS PA'I RGYAN 'DOGS PAR BYED
NA'O,, ` KHA DOG CES PA NI, DGOS MED

RANG DGAR LI KHRI LA SOGS PA'I TSON GYI KHA DOG GIS MCHU DANG
BYAD BZHIN LA SKUD CING 'CHANG BAR BYED NA'O,, ` SPOS NYUG CES
PA NI, DGOS MED RANG DGAR TZANDAN LA SOGS PA'I SPOS LUS LA BYUG
CING REG BYA NYUG PAR BYED NA'O,, ` PHRENG ZHES PA

NI, DGOS MED RANG DGAR ME TOG LA SOGS PA'I MDZES BYED KYI
PHRENG BA MGO LA SOGS PA LA 'CHING BAR BYED NA'O, , ` KHRI DANG
STAN NI CHE MTHO DANG, ZHES PA'I KHRI STAN CHEN PO LA GNYIS,
DGOS MED RANG DGAR BA SO DANG GSER DNGUL LA SOGS PA'I

RIN PO CHES SPRAS PA'I KHRI RIN THANG CHEN PO MTHO DMAN GANG
YANG RUNG BA KHRU GANG LAS LHAG PA LA 'DUG GAM NYAL NA'O, ,DE
BZHIN DU STAN DE LTA BU LA 'DUG GAM NYAL NA'O, ,KHRI STAN MTHON
PO LA GNYIS, DGOS MED DU RANG DGAR SHING LA SOGS

PA'I KHRI KHRU GANG LAS LHAG PA LA 'DUG GAM NYAL NA'O, ,DGOS MED
DU RANG DGAR STAN GANG YANG RUNG BA KHRU GANG LAS LHAG PA LA
'DUG GAM NYAL NA'O, , ` PHYI DRO'I KHA ZAS ZHES PA NI, RANG GNAS
PA'I GLING GI NYI MA PHYED YOL NAS SANG NANG PAR

@06A *, ,SKYA RENGS DANG PO'I SKAD CIG DANG PO MA SHAR GYI BAR
DUS MA YIN PA LA MA YIN PAR 'DU SHES PA'AM, THE TSOM ZA BZHEN
DU KHAM BU STAR KA LA SOGS PA'I DUS RUNG GI BZA' BTUNG LONGS
SPYOD 'DOD KYIS NAD LA SOGS PA GNANG BA'I

RKYEN DANG MI LDAN PAR SPYOD NA, KHAM RE RE LA RE RE'O, ,DUS
YIN NGA LA MA YIN PAR 'DU SHES PA'AM THE TSOM ZA BZHIN DU
LONGS SPYOD NA YANG DE LTAR 'GYUR RO, ,DUS LA DUS SU 'DU SHES
PA DANG, DUS MA YIN PA LA DUS SU 'DU SHES NAS LONGS SPYOD

KYANG NYES PA MED, DE LTAR NYES PAR 'GYUR BA'I MU BZHI, NYES
MED KYI MU GNYIS TE, 'DU SHES MU DRUG PO 'DI MI TSANGS SPYOD
MA GTOGS PA 'DU SHES GTZO BOS SKYED PA'I LTUNG BA RNAMS LA
YANG CI LTAR RIGS PAR SBYAR BAR BYA'O,, ` GSER

DNGUL LEN ZHES PA NI, RANG DBANG BA'I GSER DNGUL LA SOGS PA'I
RIN PO CHE LA RANG GI NGO BO'I CHA NAS MI RUNG BA'I BLO MA
BZHAG PAR RANG GI NGO BO LA NOR GYI BLOS BDAG GIR BYED NA'O,,
` NYAMS PA RNAM PA GSUM DAG DANG, ZHES PA'I DANG PO,

KHA TSAR DANG PHUN TSAR MA BCAD PA DANG, GOS KHA DOG DKAR PO
LA SOGS PA KHYIM PA'I RTAGS MTSAN NYID PA DGOS MED DU BGO
ZHING, 'CHANG BA LA SOGS PA BYED NA KHYIM PA'I RTAGS SPONG BA
NYAMS PA'O, ,RANG DGON PA PAR GYUR PA'I TSE SKRA DANG KHA

SPU SOR GNYIS TZAM DANG, GRONG 'DAB PAR GYUR PA'I TSE SOR
PHYED GNYIS KYI TSAD TZAM 'JOG PA GNANG BA LAS, TSAD DE GNYIS
LAS SOR PHYED YAN GYIS LHAG PAR 'JOG NA GRANGS JI SNYED YOD PA
DE SNYED KYI BSHAGS BYAR 'GYUR RO, ,GNYIS PA BLA GOS DANG,

@06B MTHANG GOS LA SOGS PA RAB TU BYUNG BA'I RTAGS MED PA NA
SGRUB DGOS SHING, SGRUB NUS BZHIN DU MI SGRUB CING MI BGO BA
LA SOGS PA DANG, GCER BU'I YI DAM LEN PA DANG, SKRA LAS BYAS
PA'I GOS DANG, BYA 'UG PA'I SGRO LA SOGS PA LAS BYAS

PA'I GOS LA SOGS PA THUN MONG MA YIN PA'I MU STEGS CAN GYI
RTAGS MTSAN NYID PA DGOS MED DU 'CHANG ZHING, BGO BA LA SOGS
PA BYED NA RAB TU BYUNG BA'I RTAGS BLANGS PA NYAMS PA'O, ,GSUM
PA MKHAN PO LA MA GUS PA DANG, KHYAD GSOD LA SOGS

PA'I BLOS MKHAN POR MI 'DZIN ZHING CHOS LDAN GYI BKA' BSGO
BSGRUB NUS BZHIN DU MI SGRUB PA LA SOGS PA BYED NA MKHAN POR
GSOL BA GDAB PA NYAMS PA BSHAGS PAR BYA BA'I NYES BYAS SO,, `
SKYABS 'GRO SPYI'I BSLAB BYA DKON MCHOG

MCHOD PA SOGS DANG, SO SO'I BSLAB BYA SANGS RGYAS LA SKYABS SU
SONG NAS 'JIG RTEN PA'I LHA GZHAN DBANG PHYUG SOGS LA SKYABS
SU MI 'DZIN PA LA SOGS PA DANG 'GAL BAR BYAS NA YANG BSHAGS
PAR BYA BA'I NYES BYAS SO, ,SNGAR PHAL CHE BA

LA SBYAR BA LTAR KHA CIG LUS NGAG TU MA THON YANG BLANGS 'DAS
RNAMS KYI KUN SLONG BYUNG BA DANG DU BLANGS PA TZAM GYIS
BSHAGS BYAR BZHED DE, MDO RTZA BAR BSNYEN PAR MA RDZOGS SHING
RAB TU BYUNG BAS BLANGS PA LAS 'DAS PA LA YANG NGO, ,ZHES
DANG, RGYA

CHER 'GREL DU, PHAM 'DRA MA GTOGS PA DGE TSUL LA BLANGS PA LAS
'DAS PA'I NYES PA THAMS CAD BSHAGS BYAR GSUNGS PA'I DGONGS PAR
BYED PAR MNGON NO, ,SUM BRGYA PA RTZA 'GREL DU KUN SLONG BYUNG
BA NAS LUS NGAG TU MA THON PA LA, BSDAM

@07A *, ,BYAR BZHED PA 'DRA BA CIG KYANG SNANG NGO,, ` LTUNG
MED NI, 'CHANG BA DANG NI 'BRAL BA DANG, ,DE BZHIN SA NI BRKO
BA DANG, ,RIN CHEN REG DANG ME LA REG ,SPANGS NAS ZA BAR BYED
PA DANG, ,BYIN LEN MA BYAS ZA BA DANG, ,DE BZHIN GSOG 'JOG ZA
BA DANG, ,

LJON SHING 'DZEG DANG SHING GCOD DANG, ,RTZVA SNGON MI GTZANG
'DOR BA DANG, ,SA BON 'JOMS DANG BSLAB PA'I GZHI, ,ZLA 'JOG
DGON PA'I 'BRAL BA DANG, ,GSOG 'JOG BYED DANG DGE TSUL NYAL,
,MI SMRA 'GRO DANG BCO BRGYAD DO, ,ZHES GOS ZHAG BCU'I 'CHANG

SPANG NAS, LAS KYI GNAS NAS MI SMRA BAR 'GRO BA'I BAR PHYED
DANG BCO BRGYAD LTUNG MED DU BSTAN TO, ,PHYED NI KHYIM PA
DANG, NUB LHAG GI NYES PA BSRUNG DGOS SHING, DGE TSUL NANG
PHAN TSUN BSRUNG MI DGOS PAS DE PHYED DU BGRANG NGO, ,'CHANG
BA DANG NI ZHES PAS

GOS DANG LHUNG BZED ZHAG BCU'I 'CHANG SPANG GNYIS KA MED PAR
STON TO, ,BSLAB PA'I GZHI ZHES PA NI, 'CHANG BA'I BSLAB PA'I
GZHI, 'BRAL BA'I BSLAB PA'I GZHI ZHES, GZHAN RNAMS KYI MTHA'I
GSAL BYED YIN GYIS, DE RANG GIS LTUNG MED GCIG STON PA

MIN NO, ,DE BZHIN SA NI BRKO BA DANG, ZHES SOGS RNAMS RE RES
LTUNG MED RE RE STON TO, ,BSLAB PA'I GZHI ZHES PA YAN GYI
LTUNG MED KYI SDOMS NI, BYE BRAG TU BSHAD PA LAS GSUNGS PA 'OD
LDAN DU DRANGS SO, ,LHAG MA NYIS BRGYA BCU GNYIS NI, BSDAM PAR

BYA BA'I NYES BYAS SO, ,ZHES PA NI, NYIS BRGYA LNGA BCU RTZA
GSUM GYI SDOMS KYIS DNGOS SU BSDUS PA'I LTUNG BA, DGE TSUL LA
BLANGS 'DAS DANG LTUNG MED DU SONG BA RNAMS KYI LHAG MA 'BYIN
PA NAS CHU'I NANG DU MCHIL MA SOGS MI 'DOR BA'I BAR NYIS BRGYA
BCU

@07B GNYIS PO THAMS CAD, SNAM SPYAR MED DANG MU STEGS CAN
DNGOS SU 'KHOD PA'I 'DUG GNAS SU PHYIN PA'I NYES PA LA SOGS PA
'GA' ZHIG MA GTOGS PA GZHI BCU BDUN GYIS BSDUS PA'I DGE SLONG
LA 'BYUNG BA'I NYES PA THAMS CAD DGE TSUL LA BSDAM BYA'O,,

GLU GAR NAS PHRENG BA'I BAR BDUN NI LONGS PA GZHI GTOGS KYI
LTUNG BYED DU GTOGS PA'I BSLAB BYA'I NYES BYAS YIN LA, KHRI
STAN CHE MTHO LA 'DUG PA SOGS KYI NYES PA BZHI NI, KHRI RKANG
'CHOS PA'I LTUNG BYED DU GTOGS SHING, GOS DKAR GYON PA'I NYES

PA'I LHAG MA KHYIM PA'I RTAGS SPANGS PA NYAMS PA DANG, NYAMS
PA GZHAN GNYIS KYI NYES PA RNAMS GZHI DUS KYI NYES PA YIN PAS,
'DI RNAMS NYIS BRGYA LNGA BCU RTZA GSUM SDOMS KYIS BSDUS PA'I
LTUNG BA GANG DU YANG MI BGRANG NGO, ,LTUNG MED KYI

SHING GCOD PA DANG, SA BON 'JOMS PA GNYIS DGE SLONG LA SDOMS
KYIS DNGOS SU BSDUS PA'I LTUNG BA GCIG TU BGRANG NGO, ,DE LTAR
BKA' STZAL YI GER BKOD PA'I MTHUS, ,'GRO KUN LHAG PA'I TSUL
KHRIMS BSRUNG PA LA, ,BRTZON 'GRUS LHOD PA MED

PA'I RKANG BA DES, ,THAMS CAD MKHYEN PA'I GNAS SU PHYIN PAR
SHOG ,CES PA 'DI RJE'I BKA' BZHIN ZIN BRIS SU BKOD PA'O,,