` ,,PHYOGS BCU NA BZHUGS PA'I SANGS RGYAS DANG BYANG CHUB SEMS DPA'
THAMS CAD SBYIN PA'I BDAG PO 'KHOR DANG BCAS PA RNAMS LA DGONGS SU
GSOL, ,SBYIN PA LAS BYUNG BA'I DGE

@267A *, ,BA'I RTZA BA RGYA CHEN PO 'DIS MTSON BYED DU BYAS NAS RANG
GZHAN GYIS 'DAS MA 'ONGS DA LTAR DUS GSUM DU BSAGS PA'I DGE BA'I RTZA
BA RNAMS KYI MTHU LA BRTEN NAS, ,BLA MA DAM PA BDE BAR GSHEGS PA
RNAMS KYI

THUGS KYI DGONGS PA KHYAD PAR CAN GONG NAS GONG DU YONGS SU
RDZOGS PAR GYUR CIG ,PHAN BDE MA LUS PA'I RTZA BA SANGS RGYAS BCOM
LDAN 'DAS KYI BSTAN PA RIN PO CHE PHYOGS THAMS CAD DU DAR ZHING
RGYAS PAR GYUR CIG ,

BSTAN PA RIN PO CHE BSHAD PA DANG SGRUB PA'I SGO NAS 'DZIN PA'I DAM
PA THAMS CAD SKU KHAMS BZANG ZHING SKU TSE RING BAR GYUR CIG ,DE
DAG GI RNAM PAR DKAR BA'I 'PHRIN LAS PHYOGS THAMS CAD DU DAR ZHING
RGYAS PAR GYUR CIG ,

DGE 'DUN GYI CHOS SPYOD BCU'I SGRUB PA 'PHEL ZHING RGYAS PAR GYUR CIG
,DE'I BYIN RLABS DANG THUGS RJE LA BRTEN NAS SBYIN PA'I BDAG PO'I THAR
PA DANG THAMS CAD MKHYEN PA SGRUB PA'I 'GAL RKYEN BAR DU GCOD PA
THAMS CAD NYE BAR

ZHI BAR GYUR CIG ,MTHUN PA'I RKYEN TSE DANG DPAL DANG 'BYOR PA DANG
BSOD NAMS THAMS CAD ZLA BA YAR GYI NGO BZHIN DU GONG NAS GONG DU
'PHEL ZHING RGYAS PAR GYUR CIG ,GZHAN YANG DGE BA'I RTZA BA 'DI DAG
GI MTHU LA BRTEN NAS,

BDAG CAG RNAMS KYIS DENG NAS BZUNG STE SANGS MA RGYAS KYI TSE RABS
THAMS CAD DU RGYAL BA RNAMS KYI DAM PA'I CHOS MA LUS PA RGYAL BA'I
DGONGS PA JI LTA BA BZHIN DU 'DZIN NUS PAR GYUR CIG ,DE LA GEGS KYI
RNAM PA SKAD CIG

@267B KYANG MI 'BYUNG BAR GYUR CIG ,MTHUN PA'I RKYEN DGE BA'I BSHES
GNYEN LA BRTEN PA DANG GNAS DANG GROGS DANG TSE DANG 'TSO BA'I YO
BYAD RGYAL BAS GNANG BA THAMS CAD GTUGS PA MED PAR BDE BLAG TU
'GRUB PAR GYUR CIG ,DE DAG GI

'GAL RKYEN SEL ZHING MTHUN RKYEN SGRUB PA LA, SNGON SANGS RGYAS
MTHONG BA, DAM PA'I CHOS THOS PA, 'PHAGS PA'I DGE 'DUN LA BRTEN PA,
BSTAN PA DANG 'KHOR RNAM BZHI SKYONG BAR ZHAL GYIS BZHES PA'I SRUNG
MA DAM TSIG CAN RNAMS

KYIS SKAD CIG KYANG GA-YEL BA MED PAR GROGS MDZAD PAR GYUR CIG
,PHYOGS BCU NA BZHUGS PA'I SANGS RGYAS DANG BYANG CHUB SEMS DPA'
THAMS CAD BDAG MING 'DI ZHES BGYI BA LA DGONGS SU GSOL, ,TSE DANG
LDAN PA MING

'DI ZHES BGYI BA GZHI GSUM GYIS BSDUS PA'I DGE BA'I RTZA BA 'DI RNAMS KYI
MTHU LA BRTEN NAS, ,NAM MKHA' DANG MNYAM PA'I SEMS CAN THAMS CAD
KYI DON DU SANGS RGYAS KYI GO 'PHANG RIN PO CHE THOB PAR GYUR CIG
,DE MA THOB

PA'I TSE RABS THAMS CAD DU YANG RIGS MTHO BA DANG GZUGS BZANG BA
RNAMS KYI NANG NAS MCHOG TU GYUR CIG ,TSE RING BA DANG NAD MED PA
RNAMS KYI NANG NAS MCHOG TU GYUR CIG ,'BYOR PA DANG DBANG PHYUG
CHE BA RNAMS KYI NANG NAS MCHOG TU GYUR CIG ,SHES RAB CHE BA DANG
DAD PA CHE BA RNAMS KYI NANG NAS MCHOG TU GYUR CIG ,MANG DU THOS
PA DANG TSUL KHRIMS SRUNG BA RNAMS KYI NANG NAS MCHOG TU GYUR CIG
,GTONG BA LA DGA' BA DANG NGO TSA SHES SHING

@268A *, ,KHREL YOD PA RNAMS KYI NANG NAS MCHOG TU GYUR CIG ,GZHAN
YANG DGE BA'I RTZA BA 'DI DAG GI MTHU LA BRTEN NAS, 'JIG RTEN GYI KHAMS
THAMS CAD DU CHANG CHU DUS SU PHEBS PAR GYUR CIG ,LO TOG RTAG TU

LEGS PAR GYUR CIG ,MI NAD DANG PHYUGS NAD THAMS CAD RGYUN CHAD
PAR GYUR CIG ,DUS KYI 'KHRUG PA THAMS CAD NYE BAR ZHI BAR GYUR CIG
,SEMS CAN GDUG RTZUB CAN GYI BSAM SBYOR NGAN PA THAMS CAD NYE

BAR ZHI BAR GYUR CIG ,SEMS CAN THAMS CAD PHAN TSUN PHA MA LTAR
BYAMS PA LA GNAS PAR GYUR CIG ,SEMS CAN THAMS CAD RANG RANG GI
RDZAS DANG LONGS SPYOD DANG DBANG PHYUG DAG GIS CHOG SHES PAR
GYUR CIG ,

SEMS CAN THAMS CAD BDUD KYI ZHAGS PA LAS YONGS SU THAR BAR GYUR
CIG ,SEMS CAN THAMS CAD BDE DANG LDAN GYUR CIG ,NGAN 'GRO THAMS
CAD RTAG TU STONGS PAR SHOG ,BYANG CHUB SEMS DPA' GANG DAG

SU BZHUGS PA, DE DAG KUN GYI SMON LAM 'GRUB GYUR CIG ,RGYAL BA'I
DKYIL 'KHOR BZANG ZHING DGA' BA DER, ,ZHES SOGS BYA, ZHES PA BLO
BZANG GRAGS PA'I DPAL GYIS SBYAR BA'O,,

` ,,PHYOGS BCU NA BZHUGS

PA'I SANGS RGYAS DANG BYANG CHUB SEMS DPA' THAMS CAD TSE LAS 'DAS PA
MING 'DI ZHES BGYI BA LA DGONGS SU GSOL, ,TSE LAS 'DAS PA MING 'DI ZHES
BGYI BAS 'KHOR BA THOG MA MED PA NAS SBYIN PA BTANG BA DANG,

@268B TSUL KHRIMS BSRUNGS BA DANG, TING NGE 'DZIN BSGOMS PA LA SOGS
PA'I DGE BA'I RTZA BA DPAG TU MED PA BGYIS PA DANG, BGYID DU STZAL BA
DANG, GZHAN GYIS BGYIS PA LA RJES SU YI RANG BGYIS PA DANG, GZHAN
YANG 'BREL PA SHUL NA MCHIS PA

RNAMS KYIS, DUS LAS 'DAS PA'I PHYIR DU BLA MA DANG DKON MCHOG LA
MCHOD PA PHUL BA DANG, DGE 'DUN LA BSNYEN CING BKUR BA DBUL PO LA
SBYIN PA GTONG BA BGYIS PA DANG, GZUNGS SNGAGS KYI BZLAS BRJOD BGYIS
PA, GSUNG RAB BSGRAGS

PA, DKYIL 'KHOR DU BCUG CING DBANG BSKUR TE, SDIG SBYONG BGYIS PA
SOGS KYI DGE BA'I RTZA BA RNAMS KYI MTHU LA BRTEN NAS DUS LAS 'DAS PA
MING 'DI ZHES BGYI BA, GAL TE LAS KYI DBANG GIS 'GRO BA RIGS DRUG GANG
DU SKYES SAM SKYE

BAR 'GYUR BA'I MI LAS CAN ZHIG YIN NA'ANG, DGE BA'I RTZA BA 'DI DAG
THAMS CAD DE'I RJES SU 'BRANGS SHING, RJES SU ZHUGS PAR GYUR CIG ,RJES
SU ZHUGS NAS KYANG RIGS DRUG SO SO'I SDUG BSNGAL LAS THAR NAS MYUR
DU MNGON PAR RDZOGS PAR

'TSANG RGYA BAR GYUR CIG ,CES GSUNGS LA, DE LTA BU MA THOB PA'I TSE
RABS THAMS CAD DU LUS KYI RTEN DAL BA PHUN SUM TSOGS PA THOB PAR
GYUR CIG ,DE YANG MTHO RIS KYI YON TAN BDUN DANG LDAN PAR GYUR CIG
,'PHAGS PA'I NER BDUN DANG LDAN

PAR GYUR CIG ,GZHAN YANG TSE RABS THAMS CAD DU SANGS RGYAS MTHONG
BA DANG MI 'BRAL BAR GYUR CIG ,DAM PA'I CHOS NYAN PA DANG MI 'BRAL
BAR GYUR CIG ,'PHAGS PA'I DGE 'DUN LA BSNYEN BKUR BYED PA DANG MI
'BRAL BAR GYUR CIG ,GZHAN

@269A *, ,YANG TSE RABS THAMS CAD DU RNAM PAR SMIN PA LA MI RE BA'I
SBYIN PA GTONG BAR GYUR CIG ,SRID PHYIR SKYE BA LA 'DUN BA DANG BRAL
BA'I TSUL KHRIMS SRUNG BAR GYUR CIG ,SEMS CAN LA ZHE 'GRAS PA MED PA'I
BZOD PA SGOM

PAR GYUR CIG ,DGE BA'I RTZA BA THAMS CAD MYUR DU SDUD PA'I BRTZON
'GRUS RTZOM PAR GYUR CIG ,GZUGS MED PA'I KHAMS RNAM PAR BSAL BA'I
TING NGE 'DZIN LA SNYOMS PAR 'JUG PAR GYUR CIG ,THABS SNYING RJE CHEN
PO DANG MA BRAL

BA'I SHES RAB KYI PHA ROL TU PHYIN PA'I DON RTOGS SHING KHONG DU
CHUD PAR GYUR CIG ,DUS LAS 'DAS PA MING 'DI ZHES BGYI BA RGYAL BA'I
DKYIL 'KHOR BZANG ZHING DGA' BA DER, ,ZHES BSNGO BA NI GONG 'OG 'BREL
BSGRIGS NAS GNAS

SKABS DANG BSTUN NAS MDZAD PAR ZHU, ZHES PA BLO BZANG GRAGS PA'I
DPAL GYIS SBYAR BA DGE,