` ,,NA MO GU RU MANYDZU GHO SH'A YA,

PHUN TSOGS GRUB PA'I RIGS SU LEGS 'KHRUNGS SHING, ,RTAG TU GZHAN
PHAN BDE LA RAB TU GZHOL, ,SKAL BZANG RE BA SKONG BA'I 'PHRIN LAS CAN,
,CHOS KYI RGYAL PO BLA MA'I ZHABS LA 'DUD, ,DRI MED LHAG BSAM STOBS
LAS 'ONGS PA YI, ,THABS MKHAS SBYOR BA BZANG POS

GDUL BYA KUN, ,MI PHYED DAD PA'I MYU GU SPEL MDZAD PA, ,MTHONG NA
MI MTHUN MED PA KHYOD LA 'DUD, ,KUN GYI GTZUG GI RGYAN DU 'DZIN NA
YANG, ,KHENGS PA DER NAS DES PA'I DPAL GYIS MDZES, ,DUL BA'I MDZAD PAS
'GRO BA'I YID 'PHROG PA, ,'DREN PA BZANG PO KHYOD LA PHYAG @011A *,
,'TSAL LO, ,BSOD NAMS ZHING BZANG KHYOD LA DAD PA YIS, ,DGE LEGS BSOD
NAMS DAM PA BSKRUN PHYIR DU, ,NYE BAR LHAGS PA'I GDUL BYA JI SNYED PA,
,'BREL TSAD DON LDAN BGYID LA PHYAG 'TSAL LO, ,LEGS TSOGS BRGYA YIS
BSKRUN PA'I

RAB MDZES SKU, ,RNA BA'I DBANG PO TSIM BYED SNYAN PA'I GSUNG, ,MKHYEN
DANG BRTZE BA'I BDAG NYID RNAM DAG THUGS, ,YON TAN PHUNG PO KHYOD
LA PHYAG 'TSAL LO, ,SNGON TSE RMAD BYUNG DGE TSOGS DPAG MED LA,
,LEGS PAR SPYAD PA'I 'BRAS BU DU MA YIS, ,GZHAN LAS

PHUL DU BYUNG BAR LHAM ME BA, ,BSOD NAMS MCHOG GYUR KHYOD LA
PHYAG 'TSAL LO, ,'BYOR LDAN DAD CAN RNAMS KYIS RAB DANG BA'I, ,DPAL
'BYOR CHU BO 'DU BA'I MTSOR GYUR NAS, ,SER SNA DOR BA'I GTONG BA RLABS
PO CHES, ,RTAG TU SBYIN LA DGYES LA PHYAG

'TSAL LO, ,NYES SPYOD KUN SDOM TSUL KHRIMS 'PHAGS PA'I NOR, ,DAM PA
DGA' SKYED BDE LEGS KUN GYI GZHI, ,NYON MONGS GDUNG SEL BSLAB PA RIN
PO CHE, ,GUS PAS GCES SPRAS MDZAD LA PHYAG 'TSAL LO, ,MI BSRUN SKYE POS
GNOD PA'I LAS BRTZAMS

KYANG, ,KHO NA 'DZIN DOR NAS RAB TU BYAMS PAR MDZAD, ,LOG SGRUB SKYE
BO'I SPYOD PAS MI G-YO BA, ,BZOD PA'I GO CHA MNABS LA PHYAG 'TSAL LO,
,TSOGS GNYIS RGYA MTSO'I LEGS TSOGS BSDU BA'I PHYIR, ,DMAN PA'I LE LO
DOR NAS NYIN MTSAN DU, ,MNGON

PAR BGOS PA'I GO CHA CHER BGOS PA, ,BRTZON 'GRUS BZANG PO CAN LA
PHYAG 'TSAL LO, ,RNAM PAR G-YENG PA'I BDUD KYI SDE 'JOMS SHING, ,SHIN
TU SBYANGS PA'I DGA' BDE RGYAS BYED PA, ,SEMS LA DUL BA'I DPAL STER TING
NGE 'DZIN, ,BSAM GTAN MCHOG GIS

@011B DGYES LA PHYAG 'TSAL LO, ,BLANG DOR DE NYID LTA BA'I MIG GI
MCHOG ,LUS CAN THAR PAR 'KHRID PA'I LAM GYI SROG ,RMONGS PA'I RAB RIB
'JOMS PA'I SMAN CHEN PO, ,SHES RAB CHEN PO KHYOD LA PHYAG 'TSAL LO,
,RMAD BYUNG DGE LEGS DU MA'I STOBS KYIS NI, ,'GRO

BA'I YON TAN DAM PAR NYER 'KHRUNGS PA, ,SKYABS KHYOD MTHA' YAS GDUL
BYA'I RNAM 'DREN DU, ,DA DUNG RING DU BZHUGS PAR GSOL BA 'DEBS, ,DE
LTAR BLA MA MCHOG GI YON TAN NI, ,PHYOGS TZAM BRJOD PA'I BSOD NAMS
CI BSAGS PA, ,DES NI MGON MED

SEMS CAN THAMS CAD KYIS, ,RTAG TU BSHES GNYEN BZANG PO RNYED GYUR
CIG ,DAM PA RNYED CHE LEGS PAR MNYES BYAS NAS, ,RGYAL BA'I DGONGS PA
TSUL BZHIN BSGRUB PA YIS, ,RGYAL SRAS RNAMS KYI RJES SU RAB ZHUGS TE,
,DAL BA THOB PA DON LDAN BYED PAR SHOG ,THUB PA'I BSTAN

PA'I KHUR CHEN 'KHYER BAR SHOG ,'GRO LA SNYING RJE RGYUN MI 'CHAD PAR
SHOG ,ZAB MO'I LAM GYIS BDAG GZHAN SGROL BA LA, ,BDUD KYI BAR CHAD
GANG YANG MED GYUR CIG ,CES MTHA' YAS PA'I 'GRO BA'I 'DREN PA BLA MA
DAM PA CHOS KYI RGYAL PO LA CUNG ZAD BSTOD

PA 'DI NI, BLA MA CHOS SGO BA BKRA SHIS RIN CHEN DANG, ,SLOB DPON
CHEN PO SHES RAB DPAL DANG, ,GZIMS G-YOG PA YON TAN RIN CHEN GYIS
BSKUL BA'I DON DU, ,SH'AKYA'I DGE SLONG BLO BZANG GRAGS PA'I DPAL GYIS
SBYAR BA'O,,