` ,,NA MA: SHR'I GU RU

MANYDZU GHO sh'A YA, SKABS GSUM PA DANG DBANG PO'I DGRA ,DRI ZA
GDENGS CAN GRUB PA'I GTZO, ,KUN GYI GTZUG RGYAN NOR BU YIS, ,GANG GI
ZHABS PAD MDZES BYAS PA, ,GSER 'OD 'KHYUG PA'I DPAL GYIS BRJID PA'I SKU,
,DRI ZA'I DBYANGS KYIS BSGRUN DU MED PA'I

@012A *, ,GSUNG; ;NYI MA BYE BA'I MDANGS LAS GSAL BA'I THUGS, ,MTHA' YAS
'GRO BA'I 'DREN MCHOG SH'AKYA'I TOG ,DAG PA'I MKHA' LA SHAR BA'I GZA'
SKAR RNAMS, ,CHU GTER DBUS NA YONGS SU GSAL BA BZHIN, ,DANG BA'I YID
MTSOR KHYOD KYI YON TAN GYI,

GZUGS BRNYAN MA 'DRES GSAL BAR RAB BKOD NAS, ,ZLA ZER PHOG PA'I CHU
SKYES GZHON NU BZHIN, ,LAG PA'I SOR MO SNYING GA'I NGES SU ZUM, ,RTZE
GCIG YID KYIS KHYOD SKUR MNGON PHYOGS TA, ,CUNG ZAD BSTOD LA THUGS
RJE CAN KHYOD DGONGS, ,SKAR MA'I TSOGS

KYIS MKHA' LA ZLA BA BZHIN, ,RGYAL SRAS DPA' BO RNAMS KYIS KUN NAS
BSKOR, ,BA LANG KHYU YI THOG MAR KHYU MCHOG BZHIN, ,DGRA BCOM
'KHOR GYI TSOGS KYIS MDUN DU BDAR, ,NAM MKHA'I KHYON KUN 'GENGS PA'I
'OD ZER GYI, ,DRA BA STONG GIS YONGS SU DKRIGS

PA'I SKU, ,NAM MKHA'I LAM NAS CHO 'PHRUL DU MA YIS, ,NGANG PA'I RGYAL
PO BZHIN DU LDING ZHING GSHEGS, ,DE CHE RING NAS BSKRUN PA'I BZANG
PO'I LAS, ,YONGS SU SAD PA'I LHA MI STONG PHRAG BRGYA, ,KHYED ZHAL
MTHONG BA'I MOD LA MI BSRUN YID, ,NYES BRGYA'I 'CHING BA KUN NAS
LHOD PAR

GYUR; ;DPA' BO KHYOD KYIS BYANG CHUB SHING DRUNG DU, ,MKHYEN
BRTZE'I DPUNG GIS YID SRUBS BDAG PO'I SDE, ,MA LUS ZIL GYIS GNON PA'I
MDZAD PA NI, ,DRAG PO'I RLUNG DANG NYE BA'I SPRIN NAG BZHIN, ,MDA'
MTSON GO CHA MA BZUNG BAR, ,RANG NYID GCIG PUS BYE BA'I BDUD, ,MA LUS
PHAm

MDZAD G-YUL GYI LAS, ,KHYOD LAS GZHAN PA SU YIS SHES, ,DE LTAR KHYOD
KYI BYAMS PA'I MOS, ,'DOD LHA'I SNYING NI RAB GDUNGS KYANG, ,BRTZE BA'I
GTER KHYOD LUS CAN LA, ,RIS SU CHAD PAR GYUR PA MED, ,KHYOD NI 'GRO
BA'I DON GYI SLAD, ,CUNG ZAD TZAM YANG MI NGAL ZHING, ,

@012B 'GRO BA RNAMS KYANG KHYOD KYI NI, ,YON TAN BRJOD LA NGAL MA
GYUR, ,RGYA MTSO'I KLONG LTAR RAB TU ZAB PA'I THUGS, ,LHA YI RNGA
BZHIN LEGS PAR 'DOMS PA'I GSUNG, ,LHUN PO'I SPO LTAR MNGON PAR 'PHAGS
PA'I SKU, ,MTHONG THOS DRAN PA DON LDAN MDZAD PA KHYOD, ,'JIG RTEN
KUN

GYI SEMS CAN THAMS CAD KYIS, ,DUS GCIG NYID DU THE TSOM DON ZHUS
KYANG, ,DE DAG RE RE'I MDUN DU'ANG DE SNYED KYI, ,SKU DANG GSUNG GI
BKOD PA DUS GCIG TU, ,MDZAD PA MDZAD KYANG RTOG PA NYER ZHI BA,
,KHYOD KYI SKU GSUNG THUGS KYI GSANG BA YI, ,TSUL 'DI RGYAL SRAS RANG
RGYAL NYAN

THOS KYIS, ,JI TZAM BRTAGS KYANG BLO YI YUL MIN NA, TSANGS DANG DBANG
PO SOGS KYIS SMOS CI 'TSAL, ,MKHA' LDING DBANG POS MKHA' LA BGROD
BGROD NAS, ,NAM ZHIG RANG STOBS BRI BAS LDOG 'GYUR GYI, ,NAM MKHA'
ZAD PAS LDOG PAR MI 'GYUR BZHIN, ,KHYOD KYI

YON TAN BRJOD PA'ANG DE LTAR LAGS, ,GSHOG RTZA LA RAB TU RDZOGS PA'I
MKHA' LDING GIS, ,BGROD PA'I LAM DU BYI'US RTZOL BA LTAR, ,STOBS BCU
MNGA' BA GANG DU GSHEGS PA YI, ,LAM MCHOG DER NI 'JUG PAR 'DOD PA
BDAG ,GNAS LUGS DON LA LTA

BA'I BLO MIG NYAMS, ,NGES 'BYUNG BYANG CHUB SEMS KYI 'BYOR BAS DBUL,
,STOBS LDAN NYON MONGS DGRA BOS RGYUN DU GTZES, ,BDAG 'DZIN GCONG
RONG ZAB MO'I SBUGS SU LHUNG, ,'DI 'DRA'I NYAM THAG GNAS SU GYUR LAGS
PA, ,BRTZE CHEN KHYOD KYIS YAL BAR 'DOR

LAGS NA, ,DMAN PA RNAMS LA CHES CHER BRTZE BA'I MGON, ,KHYOD LAS
GZHAN PA GANG LA SKYABS SU GZUNG, ,SNYIGS MA LNGA YIS HA CANG SBAGS
PA YI, ,ZHING 'DI GZHAN GYIS SPANGS DUS MGON KHYOD KYIS, ,YONGS SU
BZUNG STE RGYAL BA SRAS BCAS KYIS, ,PAD DKAR LTA

@013A *, ,BUR BSNGAGS PA'I DGOS PA'ANG CI, ,'ON KYANG KHYOD KYI 'PHRIN
LAS GDUL BYA LA, ,MA BRTAGS BTANG SNYOMS CUNG ZAD MI MNGA' BAS,
,SKAL NGAN BDAG GI NYES PA KHO NAR ZAD, ,DE PHYIR KHYOD LA SKYON GYI
SKABS MED PAS, ,DENG NAS BYANG CHUB SNYING POR BDUD SDE

LAS; ;JI SRID RGYAL BAR MA GYUR DE SRID DU, ,SKYE ZHING SKYE BAR KHYOD
KYIS RJES BZUNG NAS, ,GSUNG GI BDUD RTZIS NGOMS PA MED PAR SHOG ,CES
DE BZHIN GSHEGS PA DGRA BCOM PA YANG DAG PAR RDZOGS PA'I SANGS
RGYAS RIG PA DANG ZHABS SU LDAN PA BDE BAR

GSHEGS PA 'JIG RTEN MKHYEN PA SKYES BU 'DUL BA'I KHA LO SGYUR BA BLA
NA MED PA LHA DANG MI RNAMS KYI STON PA SH'AKYA THUB PA LA BSTOD PA
BYIN RLABS NYER 'JUG CES BYA BA 'DI NI, SDE SNOD 'DZIN PA 'JAM DPAL RGYA
MTSO ZHES BYA BA RANG GI SLOB MAS GSOL BA BTAB

PA'I DON DU, MANG DU THOS PA'I RGYAL KHAMS PA BLO BZANG GRAGS PA'I
DPAL GYIS GANGS CAN KHROD KYI GANGS RI'I DBANG PO'O DE GUNG RGYAL
GYI LHA ZHOL DU SBYAR BA'I YI GE PA NI SDE SNOD 'DZIN PA BHA DRA P'A
LA'O,,