@001A #, ,NA MO GU RU MANYDZU GHO sh'A YA, RJE BTZUN DAM PA
THUGS RJE CHEN PO DANG LDAN PA RNAMS LA PHYAG 'TSAL LO, ,BYANG
CHUB LAM GYI RIM PA'I RGYA CHEN SPYOD PA'I BRGYUD PA LA GSOL BA
GDAB PA NI, 'DREN

PA MNYAM MED STON PA BCOM LDAN 'DAS, ,RGYAL TSAB DAM PA RJE
BTZUN MI PHAM MGON, ,RGYAL BAS LUNG BSTAN 'PHAGS PA THOGS MED
ZHABS, ,SANGS RGYAS BYANG SEMS GSUM LA GSOL BA 'DEBS, ,'DZAM

GLING MKHAS PA'I GTZUG RGYAN DBYIG GI GNYEN, ,DBU MA'I LAM
BRNYES 'PHAGS PA RNAM GROL SDE, ,DAD PA'I SAR GNAS BTZUN PA RNAM
GROL SDE, ,'JIG RTEN MIG 'BYED GSUM LA GSOL BA 'DEBS, ,RMAD
BYUNG NGO MTSAR

GNAS GYUR MCHOG GI SDE, ,ZAB MO'I LAM GYIS RGYUD SBYANGS DUL
BA'I SDE, ,RLABS CHEN SPYOD PA'I GTER GYUR RNAM SNANG MDZAD,
,'GRO BA'I RTZA LAG GSUM LA GSOL BA 'DEBS, ,LAM MCHOG SHER PHYIN
RGYAS

MDZAD SENG BZANG ZHABS, ,RGYAL BA'I MAN NGAG KUN 'DZIN KU SA LI,
,'GRO KUN BRTZE BAS RJES 'DZIN DGE BA CAN, ,'GRO BA'I DED DPON
GSUM LA GSOL BA 'DEBS, ,BYANG CHUB THUGS LA MNGA' BRNYES GSER

GLING PA, ,SHING RTA CHEN PO'I SOL 'DZIN MAR ME MDZAD, ,LAM
BZANG GSAL MDZAD STON PA RIN PO CHE, ,BSTAN PA'I SROG SHING GSUM
LA GSOL BA 'DEBS, ,RNAL 'BYOR DBANG PHYUG DPAL LDAN DGON PA PA,,

@002A #, ,ZAB MO'I TING 'DZIN BRTAN PA'I SNE'U ZUR PA, ,'DUL
BA'I SDE SNOD KUN 'DZIN THOG MA PA, ,MTHA' 'KHOB SGRON ME GSUM
LA GSOL BA 'DEBS, ,BRTZON PAS SGRUB PA LHUR LEN NAM SENG ZHABS,,

DAM PAS BYIN BRLABS NAM MKHA' RGYAL PO DANG, ,'JIG RTEN CHOS
BRGYAD SPANGS PA'I SENG GE BZANG, ,RGYAL SRAS BZANG PO'I ZHABS
LA GSOL BA 'DEBS, ,BYANG CHUB THUGS KYIS 'GRO KUN BU BZHIN
GZIGS, ,

LHAG PA'I LHA YIS RJES BZUNG BYIN GYIS BRLABS, ,SNYIGS DUS 'GRO
BA 'DREN PA'I BSHES GNYEN MCHOG ,NAM MKHA' RGYAL MTSAN ZHABS LA
GSOL BA 'DEBS, ,YON TAN KUN GYI GZHIR GYUR DRIN CAN RJE, ,

TSUL BZHIN BSTEN PA LAM GYI RTZA BA RU, ,LEGS PAR MTHONG NAS
'BAD PA DU MA YIS, ,GUS PA CHEN POS BSTEN PAR BYIN GYIS RLOBS,
,LAN CIG RNYED PA'I DAL BA'I RTEN BZANG 'DI, ,SHIN TU RNYED DKA'
DON CHEN

SHES GYUR NAS, ,NYIN TSAN KUN TU SNYING PO LEN PA'I BLO, ,RGYUN
CHAD MED PAR SKYE BAR BYIN GYIS RLOBS, ,LUS SROG G-YO BA CHU YI
CHU BUR BZHIN, ,MYUR DU 'JIG PA'I 'CHI BA DRAN PA DANG, ,SHI
BA'I RJES SU LUS DANG

GRIB MA BZHIN, ,DKAR NAG LAS 'BRAS PHYI BZHIN 'BRANG BA LA,
,NGES PA BRTAN PO RNYED NAS NYES PA'I TSOGS, ,PHRA ZHING PHRA BA
RNAMS KYANG SPONG BA DANG, ,DGE TSOGS MTHA' DAG SGRUB PAR BYED
PA LA, ,RTAG TU BAG DANG

@002B LDAN PAR BYIN GYIS RLOBS, ,SPYAD PAS MI NGOMS SDUG BSNGAL
KUN GYI SGO, ,YID BRTAN MI RUNG SRID PA'I PHUN TSOGS KYI, ,NYES
DMIGS RIG NAS THAR PA'I BDE BA LA, ,DON GNYER CHEN PO SKYE BAR
BYIN GYIS RLOBS, ,RNAM DAG BSAM PA DE YIS DRANGS PA YI, ,DRAN
DANG

SHES BZHIN BAG YOD CHEN PO YIS, ,BSTAN PA'I RTZA BA SO SO THAR
PA LA, ,SGRUB PA SNYING POR BYED PAR BYIN GYIS RLOBS, ,RANG NYID
SRID MTSOR LHUNG BA JI BZHIN DU, ,MAR GYUR 'GRO BA KUN KYANG DE
'DRA BAR, ,MTHONG NAS 'GRO BA SGROL BA'I KHUR 'KHYER BA'I,
,BYANG CHUB

SEMS MCHOG 'BYONGS PAR BYIN GYIS RLOBS, ,SEMS TZAM BSKYED KYANG
TSUL KHRIMS RNAM GSUM LA, ,GOMS PA MED NA BYANG CHUB MI 'GRUB
PAR, ,LEGS PAR MTHONG NAS RGYAL SRAS SDOM PA LA, ,BRTZON PA DRAG
POS SLOB PAR BYIN GYIS RLOBS, ,LOG PA'I YUL LA

G-YENG BA ZHI BYED CING, ,YANG DAG DON LA TSUL BZHIN DPYOD PA
YI, ,ZHI GNAS LHAG MTHONG ZUNG DU 'BREL BA'I LAM, ,MYUR DU RGYUD
LA SKYE BAR BYIN GYIS RLOBS, ,THUN MONG LAM SBYANGS SNOD DU GYUR
PA NA, ,THEG PA KUN GYI MCHOG GYUR RDO RJE'I THEG ,SKAL BZANG
SKYE BO'I

'JUG NGOGS DAM PA DER, ,BDE BLAG NYID DU 'JUG PAR BYIN GYIS
RLOBS, ,DE TSE DNGOS GRUB RNAM GNYIS 'GRUB PA'I GZHI, ,RNAM DAG
DAM TSIG SDOM PAR GSUNGS PA LA, ,BCOS MA MIN PA'I NGES PA RNYED
GYUR NAS, ,SROG DANG BSDOS TE BSRUNG BAR BYIN GYIS RLOBS, ,DE
NAS

RGYUD SDE'I SNYING PO RIM GNYIS KYI, ,GNAD RNAMS JI BZHIN RTOGS
NAS BRTZON PA YIS, ,THUN BZHI'I RNAL 'BYOR MCHOG LAS MI G-YEL
BAR, ,DAM PA'I GSUNG BZHIN SGRUB PAR BYIN GYIS RLOBS, ,DE LTAR
LAM BZANG STON PA'I BSHES GNYEN DANG, ,TSUL BZHIN

@003A *, ,SGRUB PA'I GROGS RNAMS ZHABS BRTAN CING, ,PHYI DANG
NANG GI BAR DU GCOD PA'I TSOGS, ,NYE BAR ZHI BAR BYIN GYIS BRLAB
TU GSOL,, ` ,,BYANG CHUB LAM GYI RIM PA'I ZAB MO LTA BA'I BRGYUD
PA LA GSOL BA GDAB PA NI, SMRA BA ZLA MED 'DREN

MCHOG SH'AKYA'I TOG ,RGYAL BA'I MKHYEN RAB KUN BSDUS 'JAM PA'I
DBYANGS, ,ZAB MO'I DON GZIGS 'PHAGS MCHOG KLU SGRUB ZHABS, ,SMRA
BA'I GTZUG RGYAN GSUM LA GSOL BA 'DEBS, ,'PHAGS PA'I DGONGS PA
GSAL MDZAD ZLA BA GRAGS, ,DE SRAS THU BO RIG PA'I KHU

BYUG CHE, ,RGYAL SRAS RIG PA'I KHU BYUG GNYIS PA'I ZHABS, ,RIGS
PA'I DBANG PHYUG GSUM LA GSOL BA 'DEBS, ,RTEN 'BREL ZAB MO JI
BZHIN GZIGS PA YIS, ,SHING RTA CHEN PO'I SROL 'DZIN MAR ME
MDZAD, ,LAM BZANG GSAL MDZAD STON PA RIN PO CHE, ,'DZAM GLING

RGYAN GYUR GNYIS LA GSOL BA 'DEBS, ,DA MAN SNGAR DANG 'DRA'O,
,GZHUNG PA NAS BRGYUD PA'I BSHES GNYEN RNAMS LA GSOL BA 'DEBS
PAR 'DOD NA, STON PA RIN PO CHE YAN CHAD SNGAR DANG 'DRA BAS DE
PHYIN CHAD NI, RGYAL BA'I GDUNG 'TSOB BSHES GNYEN PO TO BA,
,RNAM

DPYOD 'GRAN ZLA BRAL BA'I SHA RA BA, ,BYANG CHUB THUGS KYI BKA'
BABS 'CHAD KHA BA, ,'GRO BA'I RE SKONG GSUM LA GSOL BA 'DEBS,
,LUNG RTOGS MNGA' BDAG BYANG SEMS SPYIL BU PA, ,DRI MED LUNG GI
DBANG PHYUG MKHAS PA MCHOG ,KHAMS GSUM 'GRO BA'I MGON PO

RIN PO CHE, ,GNAS BRTAN CHEN PO GSUM LA GSOL BA 'DEBS, ,RNAM DAG
TSUL KHRIMS NGAD LDANG ZANGS CHEN PA, ,'DUL BA 'BUM SDE'I MNGA'
BDAG MTSO SNA BA, ,CHOS MNGON RGYA MTSO'I MTHAR SON MON GRA PA,
,'GRO BA'I 'DREN PA GSUM LA GSOL BA 'DEBS, ,ZAB CING

@003B RGYA CHE'I CHOS LA MNGA' BRNYES PAS, ,SKAL LDAN 'GRO BA
KUN GYI SKYABS SU GYUR, ,'PHRIN LAS BZANG POS BSTAN PA RGYAS
MDZAD PA, ,DPAL LDAN BLA MA'I ZHABS LA GSOL BA 'DEBS, ,ZHES
PA'O, ,GDAMS NGAG PA NAS BRGYUD PA'I BSHES GNYEN RNAMS LA GSOL
BA GDAB

PAR 'DOD NA, GRUB PA'I DBANG PHYUG CHEN PO TSUL KHRIMS 'BAR,
,BSHES GNYEN TSUL BZHIN BSTEN MDZAD GZHON NU 'OD, ,THEG MCHOG
LAM GYIS RGYUD SBYANGS DGYER SGOM ZHABS, ,RGYAL BA'I SRAS PO
GSUM LA GSOL BA 'DEBS, ,RMAD BYUNG YON TAN MDZOD

'DZIN SANGS RGYAS DBON, ,DE NAS NAM MKHA' RGYAL PO MAN CHAD
SNGAR DANG 'DRA'O, ,BYANG CHUB LAM GYI RIM PA'I BRGYUD PA RNAMS
LA GSOL BA 'DEBS PA'I RIM PA LAM MCHOG SGO 'BYED CES BYA BA 'DI
NI, DAD 'DUN CAN DU MAS BSKUL BA'I DON DU SEMS DPA' CHEN PO

DU MAS BYIN GYIS BRLABS PA'I GRUB GNAS BYANG RVA SGRIB RGYAL
BA'I DBEN GNAS KYI DGON PA GONG DU DPAL LDAN AA TI SHA'I SKU
DNGOS DANG KHYAD PAR MA MCHIS PA'I SKU 'DRA DBU YON MA CHE BAR
GRAGS PA'I SPYAN SNGAR YUN RING DU GSOL BA BTAB NAS, SH'AKYA'I
DGE SLONG BLO

BZANG GRAGS PA'I DPAL GYIS SBYAR BA'I YI GE PA NI SH'AKYA BZANG
GIS BGYIS SO,,