` ,,AOm BDE LEGS SU GYUR

CIG ,'JIG RTEN MTHO RIS BYANG GROL LTA BA'I MIG ,SRID LAM 'KHYAMS PAS
DUB PA'I NGAL BSO'I GNAS, ,BDE LEGS RTZA BA DRIN CAN BLA MA DANG, ,RJE
BTZUN MKHYEN PA'I GTER GYI ZHABS LA 'DUD, ,'BAD BA CHU DUS RLABS CHEN
CHOGS SDUD LA, ,DGE LA RJES SU

YI RANG MCHOG TU GSUNGS, ,KHYAD PAR RANG GIS SNGON BYAS DGE BA LA,
,RLOM SEMS BRAL BAS DGA' BA CHER BSKYED NA, ,SNGON BYAS DGE BA GONG
DU 'PHEL LO ZHES, ,RGYAL BAS GSUNGS PA'I DON DE BSGRUB PHYIR DANG,
,DAGS PA GZHAN YANG MANG DU MTHONG BAS NA, ,

SEMS KHYOD DGA' BA 'DI LTAR BSKYED NA LEGS, ,DANG POR RGYA CHEN
MANG DU THOS PA BTZAL, ,BAR DU GZHUNG LUGS THAMS CAD GDAMS PAR
SHAR, ,THA MAR NYIN MTSAN KUN TU NYAMS SU BLANGS, ,KUN KYANG BSTAN
PA RGYAS PA'I CHED DU BSNGOS, ,TSUL 'DI BSAMS SHING

@53A *, ,MDUN MA LEGS NAS GDA', ,BKA' DRIN CHE'O RJE BTZUN MKHYEN PA'I
GTER, ,BLANG DOR GNAS LA KUN NAS 'THOMS PA'I MUN, ,YANG DAG THOS PA'I
SGRON MES MA BSAL BAR, ,LAM MI SHES NA THAR PA'I GRONG MCHOG TU,
,'JUG PAR 'GYUR BA SMOS

KYANG CI ZHIG DGOS, ,DE NYID PHYIR NA MI PHAM CHOS RJE DANG, ,'DZAM
GLING RGYAN DRUG MCHOG GNYIS ZHES GRAGS PA'I, ,GZHUNG LA PHYOGS
RE BA DANG RAGS PA RES, ,TSIM PAR MA BYAS KUN LA ZHIB TU SBYANGS, ,TSUL
'DI BSAMS SHING MDUN MA LEGS NAS GDA', BKA'

DRIN CHE'O RJE BTZUN MKHYEN PA'I GTER, ,KHYAD PAR TSU ROL MTHONG BAS
DNGOS PO YI, ,DE NYID GTAN LA 'BEBS PA'I SGO GCIG PU, ,YANG DAG RIGS PA'I
GZHUNG GI DKA' GNAS LA, ,'BAD PA DU MAS YANG NAS YANG NAS DU
SBYANGS, ,TSUL 'DI BSAMS x BKA' DRIN CHE'O x

MDO SNGAGS GZHUNG LA NGAL BA MANG BYAS KYANG, ,ZAB DON NYAMS SU
LEN DANG SMRA BA NA, ,GANG YANG MA BSLABS CI YANG MI SHES PA'I, ,LTA
BA'I TSUL LAS RING DU MA SONG BAR, ,MTHONG NAS LHAG PAR KLU SGRUB
GZHUNG LUGS KYI, ,ZAB MO 'BYED PA'I PHRA BA'I RIGS LAM

NAS; ;YANG DAG LTA BA 'DREN PA'I GNAD KUN LA, ,LEGS PAR SBYANGS TE THE
TSOM CHOD PAR BYAS, TSUL 'DI x BKA' DRIN x 'DI NA RDZOGS SANGS RGYAS
SU BGROD PA LA, ,ZAB MO RDO RJE THEG DANG PHAR PHYIN THEG ,RNAM PA
GNYIS YOD GSANG SNGAGS PHAR PHYIN LAS,,

SHIN TU KHYAD PAR 'PHAGS PA YIN NO ZHES, ,NYI MA ZLA BA LTA BUR KUN
TU GRAGS, ,TSIG DE BDEN PA'I TSIG TU 'DOD BZHIN DU, ,ZAB MO'I THEG DE JI
LTA BU ZHIG CES, ,'TSOL BAR MI BYED MKHAS PA'I KHUR 'DZIN PA, ,DE 'DRA DE
YANG SHES RAB CAN YIN NA,,

@53B DE LAS GZHAN PA'I DBANG PO RTUL PO GANG, ,SHIN TU PHRAD DKA'
GONG NA MED PA'I LAM, ,'DI 'DRA YAL BAR 'DOR BA KYE MA'O MTSAR, ,DE
NYID PHYIR NA RGYAL BA'I THEG PA MCHOG ,SANGS RGYAS LAS KYANG DKON
PA'I RDO RJE THEG ,DNGOS GRUB GNYIS KYI GTER GYUR ZAB MO DER, ,ZHUGS
NAS 'BAD PA

MANG POS RING DU SBYANGS, ,TSUL 'DI x BKA' DRIN x RGYUD SDE 'OG MA
GSUM GYI LAM GYI TSUL, ,MI SHES DE YIS RNAL 'BYOR BLA MED RGYUD,
,RGYUD SDE KUN GYI MCHOG TU THAG BCAD KYANG, ,DAM BCA' TZAM DU ZAD
PAR LEGS MTHONG NAS, ,GSANG BA SPYI RGYUD LEGS PAR GRUB PA DANG,
,DPUNG BZANG

GIS ZHUS BSAM TAN PHYI MA SOGS, ,BYA RGYUD RIGS GSUM SPYI DANG BYE
BRAG GI ,RGYUD SDE RNAMS LA RING DU 'DRIS PAR BYAS, ,TSUL 'DI x , BKA'
DRIN x RGYU SDE GNYIS PA SPYOD PA'I RGYUD RNAMS KYI, ,GTZO BOR GYUR
PA NAM SANG MNGON BYANG GI ,RGYUD LA SBYANGS PAS SPYOD PA'I RGYUD
KYI PHYOGS

GANG YIN DE YANG LEGS PAR NGES PAR BYAS, ,TSUL 'DI x BKA' DRIN, x ,RGYUD
SDE GSUM PA RNAL 'BYOR RGYUD RNAMS KYI, ,GTZO BOR DPAL LDAN DE NYID
BSDUS PA'I RGYUD, ,BSHAD RGYUD RDO RJE RTZE MO LA SOGS LA, MO LA SOGS
LA, ,SBYANGS PAS RNAL 'BYOR RGYUD KYI DGA' STON BKA'

DRIN x BZHI PA RNAL 'BYOR BLA NA MED PA LA, ,'PHAGS YUL MKHAS PA
RNAMS LA NYI ZLA LTAR, ,YONGS SU GRAGS PA'I PHA RGYUD 'DUS PA DANG,
,RNAL 'BYOR MA RGYUD KYEE RDOR BDE MCHOG GI ,RTZA RGYUD BSHAD PA'I
RGYUD LA SOGS PA DANG, ,BSDUS RGYUD GZHAN DANG BSHAD SROL MI 'DRA

BA'I; ;SHING RTA'I SROL 'BYED DUS KYI 'KHOR LO'I RGYUD, ,GSAL BYED DRI MA
MED PA'I 'OD LA SKYANGS, ,TSUL 'DI x BKA' DRIN x DANG POR RGYA CHEN PO'I
MANG DU THOS PA BTZAL BA'I SKABS TE DANG PO'O,, ,,DE NAS GDUL BYA'I BLO
MUN SEL BA'I MCHOG ,'JAM PA'I

@54A *, ,DBYANGS LA SHUGS DRAG RGYUN RING GI ,DAD PA BRTAN POS
GZHUNG LUGS GDAMS PA RU, ,'CHAR PHYIR GSOL BTAB RGYU TSOGS KUN LA
'BAD, ,TSUL 'DI x BKA' DRIN x DE LTAR 'BAD PAS KLU SGRUB THOGS MED LAS,
,RIM BZHIN BRGYUD PA'I BYANG CHUB LAM

RIM LA, ,THUN MONG MIN PA'I NGES PA RNYED GYUR NAS, ,ZAB MO'I GZHUNG
MCHOG PHAR PHYIN GDAMS PAR SHAR, ,TSUL 'DI x BKA' DRIN x BYANG
PHYOGS 'DI NA TSAD MA'I GZHUNG LUGS LA, ,SBYANGS DANG MA SBYANGS DU
MA MGRIN GCIG TU, ,MDO DANG SDE BDUN KUN LA BYANG CHUB

TU; ;BGROD PA'I NYAMS LEN RIM PA YOD MIN ZER, ,'JAM PA'I DBYANGS KYIS
PHYOGS KYI GLANG PO LA, ,DNGOS SU 'DI RTZOM 'DI NI MA 'ONGS DUS, ,'GRO
BA KUN GYI MIG TU 'GYUR RO ZHES, ,GSUNG GI GNANG BSTZAL BA'AN TSAD
MAR BYED, ,DE NI MI RIGS SMRA BA'I PHUL BYUNG DU, ,

MTHING NAS LHAG PAR TSUL DER DPYAD PA NA, ,TSAD MA KUN LAS BTUS PA'I
MCHOD BRJOD DON, ,TSAD MA GRUB PAR LUGS 'BYUNG LUGS LDOG GIS, ,RNAM
GROL DON DU GNYER LA BCOM LDAN 'DAS, ,TSAD MAR BSGRUBS SHING DE LAS
DE YI NI, ,BSTAN PA KHO NA THAR 'DOD

'JUG NGOGS SU, ,NGES PA GTING NAS RNYED PAS THEG GNYIS KYI, ,LAM GYI
GNAD KUN 'DRIL BAR RIGS LAM NAS, ,LEGS PAR THAN PAS LHAG PAR DGA' BA
RNYED, ,TSUL 'DI x BKA' DRIN x DE NAS BYANG SA MDO SDE'I RGYAN GNYIS PO,
,LEGS PAR SBYAR TE TSUL BZHIN RAB

'BAD PAS, ,MI PHAM CHOS RJE'I GZHUNG DANG RJES 'BRANG GI ,GZHUNG KUN
NYAMS SU LEN PA'I GDAMS PAR SHAR, ,TSUL 'DI x BKA' DRIN x LHAG PAR ZAB
CING RGYA CHE'I GSUNG RAB TSOGS, ,BSGRIGS PA'I GO RIM NYID LAS LAM GYI
GNAD, ,KUN LA NGES STER BSLAB

@54B BA KUN BTUS LA, ,BRTEN NAS MDO SDE KUN LAS BTUS PA SOGS, ,KLU
SGRUB LUGS KYI GZHUNG MCHOG DU MA'I DON, ,NYAMS SU LEN PA'I RIM PA
LEGS PAR MTHONG, ,TSUL 'DI x BKA' DRIN x DE NAS BSAM GTAN PHYI MA
RNAM SNANG NI, ,MNGON PAR BYANG CHUB SANGS RGYAS GSANG BA

YIS; ;LEGS PAR BSHAD PA'I MAN NGAG LA BRTEN NAS, ,LAM GYI GNAD KUN
LEGS PAR GDAMS PAR SHAR, ,TSUL 'DI BSAMS x BKA' DRIN CHE'O x DPAL LDAN
DE NYID BSDUS PA'I LAM GYI GNAD, ,TING 'DZIN GSUM GYIS BSDUS PAR
MTHONG BA NI, ,CUNG ZAD SLA YANG

LAM DER ZAB MO'I DON, ,SGOM TSUL RTOGS PAR DKA' BA PAn CHEN NI, ,SANGS
RGYAS GSANG BAS RTZA BSHAD CHA MTHUN RGYUD, ,RNAM GSUM SBYAR TE
TSUL BZHIN BSHAD PA DANG, ,RGYUD SDE GSUM GYI ZAB MO'I NYAMS LEN
RNAMS, ,SGOM RIM JI BZHIN BSHAD PAS BLO MUN

BSAL; ;TSUL 'DI x BKA' DRIN x THUB PA'I LEGS BSHAD KUN GYI MTHAR THUG PA,
,DPAL LDAN RNAL 'BYOR BLA NA MED PA'I RGYUD, ,DE YI NANG NAS SHIN TU
CHES ZAB PA, ,DPAL LDAN GSANG BA 'DUS PA'I RGYUD RGYAL LA, ,SMRA BA'I
DAM PA KLU SGRUB 'DI SKAD GSUNGS, ,RTZA

BA'I RGYUD DU LAM GYI GNAD RNAMS NI, ,MTHA' DRUG TSUL BZHI'I RGYA YIS
BTAB STE GNAS, ,DE PHYIR BSHAD PA'I RGYUD KYI RJES 'BRANGS NAS, ,BLA MA'I
MAN NGAG LAS NI SHES BYAR GSUNGS, ,TSUL DE GNAD DU BZUNG NAS MAN
NGAG GI ,MTHAR THUG MDOR BYAS SPYOD BSDUS

RNAM GZHAG SOGS, ,'DUS PA 'PHAGS PA'I SKOR GYI PHRAN KUN LA, ,RING DU
'DRIS PAR BYAS TE RTZA BA'I RGYUD, ,SGRON ME LTA BUR GSAL BAR BYED PA
LA, ,BRTEN NAS BSHAD RGYUD CHEN MO LNGA DANG NI, ,LEGS PAR SBYAR LA
'BAD PA CHEN POS SBYANGS, ,SBYANGS PAS 'DUS

@55A *, ,PA'I RIM GNYIS SPYI DANG NI, ,KHYAD PAR RDZOGS PA'I RIM PA'I GNAD
KUN RNYED, ,TSUL 'DI x BKA' DRIN x DE YI MTHU LAS BDEN DGYES DUS 'KHOR
SOGS, ,RGYUD SDE MANG PO'I GNAD DON GDAMS PAR SHAR, ,DE DAG BDAG
GIS GZHAN DU BSHAD PAS NA,,

'DIR NI RNAM DPYOD CAN LA SGO TZAM ZHIG ,TSUL 'DI x BKA' DRIN x BAR DU
GZHUNG LUGS THAMS CAD GDAMS PAR SHAR BA'I SKABS TE GNYIS PA'O,, ,,DE
LTAR GDAMS PA'I GTER DU GYUR PA NA, ,THEG CHEN GNYIS KYI THUN MONG
LAM DANG NI, ,THUN MONG

MIN PA'I LAM GYI RIM PA GNYIS, ,GNAD BSDUS TSANG BA'I LAM LA 'DRIS PAR
SBYANGS, ,TSUL 'DI x BKA' DRIN x RGYAL SRAS SMON LAM GANG G'A'I KLUNG
RNAMS NI, ,DAM CHOS 'DZIN PA'I SMON LAM NANG 'DUS PAR, ,GSUNGS PHYIR
DGE RTZA JI SNYED BSAGS PA NI, ,KUN

KYANG THUB BSTAN RGYAS PA'I CHED DU BSNGOS, ,TSUL 'DI x BKA' DRIN
CHE'O x THA MAR NYIN MTSAN KUN TU NYAMS SU BLANGS PA DANG, ,KUN
KYANG BSTAN PA RGYAS PA'I CHED DU BSNGOS PA'I SKABS TE GSUM PA'O,,
,,RANG GI DGE BA RGYA CHER SPEL PHYIR DANG, ,RNAM DPYOD

LDAN PA'I SKAL BZANG MANG PO LA, ,'JUG SGO MA NOR TSUL BZHIN BSTAN
PA'I PHYIR, ,RANG GI RTOGS PA BRJOD PA 'DI BYAS SO, ,DE LAS THEB PA'I DGE
BA'I TSOGS RNAMS KYI, ,RIM PA 'DI YIS 'GRO BA MA LUS KUN, ,THUB PA'I BRTUL
ZHUGS BLA NA MED BZUNG NAS, ,RGYAL BA

DGYES PA'I LAM LA 'JUG PAR SHOG ,CES RANG GI RTOGS PA BRJOD PA MDO
TZAM DU BSHAD PA 'DI NI MANG DU THOS PA'I DGE SLONG SHAR TZONG KHA
PA BLO BZANG GRAGS PA'I DPAL GYIS 'BROG RI BO CHE DGE LDAN RNAM PAR
RGYAL BA'I GLING DU SBYAR BA'I YI GE PA NI DKA'

@55B BZHI PA RIN CHEN DPAL LO, ,'DIS KYANG BSTAN PA RIN PO CHE PHYOGS
KUN TU RGYAS PAR BYED NUS PAR GYUR CIG,