` ,,AOm BDE LEGS SU GYUR CIG, THAMS CAD MKHYEN PA LA PHYAG 'TSAL LO,
,GANG LA

BRTEN NA BDE BLAG TU, ,THAR PA'I GRONG DU BGROD PA'I THABS, ,BDE
GSHEGS BSTAN PA'I SNYING PO MCHOG ,SO SOR THAR CES GRAGS PA GANG,
,NGO BO DANG NI RAB DBYE DANG, ,SO SO'I NGOS 'DZIN SKYE BA'I RTEN,
,GTONG BA'I RGYU DANG PHAN YON TE, ,RNAM PA DRUG GIS JI BZHIN BSHAD,

NGES BYUNG BSAM PAS RGYU BYAS NAS, ,GZHAN GNOD GZHI DANG BCAS PA
LAS, ,LDOG PA DE YANG LUS NGAG LAS, ,GZUGS CAN YIN ZHES 'DOD PA DANG,
,SPONG BA'I SEMS PA RGYUN CHAGS PA, ,SA BON DANG BCAS YIN NO ZHES,
,'DOD PA'I TSUL NI RNAM PA GNYIS, ,RANG

GI SDE PA GONG 'OG SMRA, ,BSNYEN GNAS DAG BSNYEN PHA MA DANG, ,DGE
TSUL PHA MA DGE SLOB MA, ,DGE SLONG MA DANG DGE SLONG STE, ,SO SOR
THAR PA RIGS BRGYAD DO, ,KHYIM PA'I SDOM PA DANG PO GSUM, ,RAB BYUNG
SDOM PA THA MA LNGA, ,RTZA BA BZHI DANG YAN LAG BZHI, ,BRGYAD SPONG

BSNYEN GNAS SDOM PA'O, ,MI TSANGS SPYOD DANG MA BYIN LEN, ,SROG
GCOD RDZUN DU SMRA BA RNAMS, ,RTZA BA BZHI YIN MAL CHE MTHO,
,CHANG 'THUNG GAR SOGS PHRENG SOGS DANG, ,PHYI DRO'I KHA ZAS YAN
LAG BZHI, ,GSED RKU SMRA DANG LOG PAR G-YEM, ,MYOS 'GYUR 'THUNG BA
LNGA

@61B SPONG BA, ,DGE BSNYEN GYI NI SDOM PA'O, ,SNA GCIG SNA 'GA' PHAL
CHER SPYOD, ,YONGS RDZOGS SPYOD DANG TSANGS SPYOD DANG, ,SKYABS
'GRO'I DGE BSNYEN RNAM PA DRUG ,RTZA BA BZHI LAS GCIG GNYIS GSUM,
,'DOD LOG MI TSANGS SPYOD SPONG DANG, ,SKYABS 'GRO TZAM GYI DGE

BSNYEN DU, ,KHAS LEN RNAMS DANG GO RIM BZHIN, ,RTZA BA BZHI DANG
YAN LAG DRUG ,BCU SPONG DGE TSUL SDOM PA'O, ,GAR SOGS PHRENG SOGS
RNAM GNYIS DANG, ,GSER DNGUL LEN DANG RNAM PA GSUM, ,PHYE BAS YAN
LAG DRUG TU 'GYUR, ,MKHAN POR GSOL BA GDAB PA

DANG, ,KHYIM PA'I RTAGS NI SRONG BA DANG, ,RAB BYUNG RTAGS NI LEN PA
LAS, ,NYAMS PA RNAM GSUM BSNAN PA YIS, ,SPANG BYA BCU GSUM DAG TU
'GYUR, ,DGE TSUL SDOM PA THOB RJES SU, ,RTZA BA'I CHOS DRUG RJES MTHUN
GYI, ,CHOS DRUG SPONG BA'I SDOM PA NI, ,DGE SLOB MA YI SDOM PA YIN,
,GCIG PU

LAM DU 'GRO MI BYA, ,CHU BO'I PHA ROL RKYAL MI BYA, ,SKYES PA LA NI REG
MI BYA, ,SKYES PA DANG NI 'DUG MI BYA, ,SMYAN DU 'GYUR BA MI BYA ZHING,
,KHA NA MA THO 'CHAB MI BYA, ,DE DAG RTZA BA'I CHOS DRUG SPONG, ,GSER
LA BZUNG BAR MI BYA ZHING, ,'DOMS KYI SPU NI BREG MI BYA, ,BYIN LEN

MA BYAS ZA MI BYA, ,GSOG 'JOG BYAS PA BZA' MI BYA, ,RTZVA SNGON MI
GTZANG 'DOR MI BYA, ,SA NI BRKO BAR MI BYA BA, ,RJES MTHUN CHOS NI
RNAM DRUG SPONG, ,PHAM BRGYAD LHAG MA NYI SHU DANG, ,SPANG BA'I
LTUNG BYED SUM CU GSUM, ,LTUNG BYED 'BA' ZHIG BRGYA BRGYAD CU, ,

SO SOR BSHAGS PA BCU GCIG DANG, ,NYES BYAS BRGYA DANG BCU GNYIS TE,
,SUM BRGYA DRUG CU RTZA BZHI RNAMS, ,SPONG BAR BYED PA DGE SLONG
MA, ,PHAM PA BZHI DANG LHAG MA NI, ,BCU GSUM SPANG LTUNG SUM CU
DANG, ,LTUNG BYED 'BA' ZHIG DGU BCU DANG, ,SOR BSHAGS BZHI

@62A *, , {---------------------}?BCU GNYIS BSDOMS PA YIS, ,NYIS BRGYA LNGA BCU
RTZA GSUM RNAMS, ,SPONG BAR BYED PA DGE SLONG NGO, ,DE LTAR SO THAR
RIG BRGYAD PO, ,SGRA MI SNYAN PA MA GTOGS PA'I, ,GLING GSUM SKYES PA
BUD MED KYI, ,RTEN LA SKYE YI ZA MA DANG, ,

MA NING MTSAN GNYIS SOGS LA MIN, ,LDOM PA GTONG BA'I RGYU LA GNYIS,
,BSLAB PA PHUL DANG SHI 'PHOS DANG, ,MTSAN GNYIS BYUNG DANG LAN
GSUM GYUR, ,DGE RTZA CHAD RNAMS THUN MONG NGO, ,NYI SHU MA LON
DER SHES DANG, ,BSTEN PHYIR KHAS BLANGS NYIN ZHAG 'DAS, ,RIM BZHIN

DGE SLONG DGE SLONG MA, ,BSNYEN GNAS RNAMS KYI THUN MONG MIN,
,RTZA BA'I LTUNG BA BYUNG BA DANG, ,DAM PA'I CHOS NI NUB PA LAS, ,SDOM
PA GTONG ZHES 'DOD PA'ANG YOD, ,KHA CHE BYE BRAG SMRA BA RNAMS,
,SDOM LDAN RTZA LTUNG BYUNG BA LA, ,BU LON NOR LDAN BZHIN DU 'DOD,
,SDOM PA DE DAG

GSRUNGS PA LAS, ,GNAS SKABS 'BRAS BU LHA MI DANG, ,MTHAR THUG 'BRAS
BU BYANG CHUB GSUM, ,THOB PAR 'GYUR ZHES GSUNGS PA'I PHYIR, ,BRTZON
LDAN RNAMS KYIS SO SOR THAR, ,RTAG TU GUS PAS 'BAD DE BSRUNG, ,DGE DES
SKYE BAR LUS CAN RNAMS, ,RTAG TU TSANGS SPYOD LA

GNAS SHOG ,CES SO SOR THAR PA'I SDOM PA GTAN LA DBAB PA 'DUL BA RGYA
MTSO'I SNYING PO BSDUS PA ZHES BYA BA 'DI NI, YUL GANGS CAN GYI MTHAR
SKYES PA'I SNYAN DNGAGS MKHAN SHAR TZONG KHA PA BLO BZANG GRAGS
PA'I DPAL GYIS SBYAR BA'O,,