` ,,DE NYID LA RJE RED MDA' PA'I GSUNG LAN, DBEN PA'I GTAM DANG BCAS PA'I NANG NA MAN NGAG 'DI BA'I LUGS LA NGES 'BYUNG DANG SEMS BSKYED LA 'KHRID TSUL DANG BOGS 'DON KHYAD PAR CAN CIG YOD PA 'DRA STE, YI GER ZHIB TU BKOD NAS RGYA BYAS TE, DBUS NAS BRGYUD NAS BSKUR BA BYUNG NA KHYAD CHE, @62B GSUNGS PA DE NYID KYI LAN ,NGES 'BYUNG DANG BYANG SEMS LA DMIGS RNAM KHYAD PAR CAN BCAR PA'I TSUL DANG, GO RIM NGES PA CAN GYI 'KHRID TSUL, SLAR YANG RJE BTZUN GYI GSUNG GI GNANG BA NOS PA'I ZHU YIG PHYI MA, SPYIR 'DI LA YANG, ZHU YIG SNGA MA'I LAN, RDZE RED MDA' PA'I GSUM LAN DANG SBYAR NA, GO PHAN CHE BAR 'DUG PAS GSUNG LAN LAS NGES 'BYUNG SOGS CHOS GSUM PO DE NYAMS LEN GYI GNAD SROG NAS GZUNG BA'I GDAMS PA YIN TSUL DANG, NGES 'BYUNG DE YANG, GANG ZAG GSUM GYI RGYUD LA YOD CHUL DANG, CHOS GSUM GYI NGO BO DANG, DE JI LTAR RGYUD LA BSKRUN PA'I TSUL DANG, SKYES PA'I TSAD DANG, DE GSUM GO RIM NGES CAN DU 'KHRID TSUL DANG, RANG NYID KYIS DBU MA'I LTA BA'I DGONGS TSUL BZHI BYUNG BA'I TSUL RNAMS ZHU YIG SNGA PHYI BSGRIGS NA PHAN NUS CHE BAR YOD PAS 'DIR DE'I THO TZAM BRIS PA YIN,, ` ,, DE YANG SPYIR STONG PAS YOD MTHA' DANG SNANG BAS MED MTHA' SEL PA 'DI RGYANG PHAN GYI BAR LA THUN MONG BA YIN PAS THAL 'GYUR BA'I KHYAD CHOS LA, SNANG BAS YOD MTHA' DANG STONG PAS MED MTHA' SEL ZHING, STONG NYID RGYU 'BRAS SU 'GRO TSUL SHES DGOS LA, 'KHOR 'DAS KYI CHOS RNAMS RGYU LA BRTEN NAS 'BRAS BU 'BYUNG ZHING MI BSLU BA'I TSUL RANG LUGS SU KHAS LEN LA, DE NYID KYIS MTHA' THAMS CAD SPONG BA'I STONG PA NYID DU 'GYUR TSUL SOGS DPAG TU MED PA YOD LA, DE YANG GZHAN NGOR RGYU 'BRAS MI SLU ZHING, RANG LUGS LA SLU MI SU'I RNAM GZHAG GANG YANG KHAS MI LEN ZER BA YANG MIN, MA DPYAD NA RGYU 'BRAS MI SLU BAR MTHONG ZHING, DPYAD NA 'DI YIN MA RNYED NAS, DA GZOD RGYU 'BRAS MTHONG TZA NA DE GNYIS GZHI GCIG GI STENG DU SBYAR BA LA BSAMS NAS, RTEN 'BREL DANG STONG PA DBYER MED @63A *, ,DU BYED PA YANG MIN PAR RGYU LA RTEN NAS 'BRAS BU 'BYUNG BA MI SLU BAR MTHONG BA'I BLO DE NYID KYIS BLO GZHAN LA LTOS MED DU DMIGS GTAD ZHIG PA'I STONG PA YANG 'ONG BA'I TSUL DANG, RGYU 'BRAS MI SLU BA'I GTAN TSIGS DE NYID KYIS RTAGS GZHAN LA LTOS MED DU YOD MTHA' SOGS DANG BRAL BA'I STONG PAR 'GRUB PA'I TSUL LAS RGYU 'BRAS MI SLU BA LA GTING NAS NGES SHES 'DRONGS SHING, DE KA NAS DMIGS GTAD THAMS CAD ZHIG PA'I ZHEN MED KYANG 'ONG BA YIN, ,DE YANG SPYIR CHOS KYI RNAM GRANGS MANG YANG THAR PA'I RGYUR 'GRO BA NI NGES 'BYUNG BYANG CHUB KYI SEMS LTA BA RNAM DAG GO ,DA LTA 'DI GSUM LA MYONG BA THON PA LTA ZHOG ,GO BA RNAM DAG YOD PA YANG DKON ,DE LA DANG PO GNYIS KYI GO BAS THAR PA'I SA BON 'JOG MI NUS, PHYI MA STOBS CHE BAS 'JOG NUS, DANG PO GNYIS GO BA TZAM LA MA LUS PAR YID 'GYUR BA'I MYONG BA THON PAS SA BON 'JOG ,DE YANG 'BAD PA DRAG POS DMIGS RNAM YID LA BYAS PA NA GOMS PA'I MTHUS YID 'GYUR BA NA, RTZOL BCAS KYI MYONG BA THON PAS DES THAR PA'I SA BON 'JOG NUS KYANG LAM GYI SNAR MA SLEB, SRID PA'I BDE 'BYOR DRAN TZAM DANG SEMS CAN DRAN TZAM GYIS NGES 'BYUNG DANG BYANG SEMS RGYUN LDAN DU 'JUG PA'I MYONG BA THON NA TSOGS LAM CHUNG NGUR 'JOG ,DE YANG 'KHOR BA'I NYES DMIGS DANG THAR PA'I PHAN YON MTHONG BA'I DRAN SHES NI RA BSTEN NAS SANG SHAS LA BLO 'GROR MI STER BAR SRID PA'I MTSANG BCAR ZHING, THAR PA'I PHAN YON LA SEMS 'DZIN PA'I DMIGS RNAM GOMS NAS NGES 'BYUNG LA MYONG BA MA BTON PAR SBYIN PA, TSUL KHRIMS, BZOD PA, BRTZON 'GRUS, BSAM GTAN GYI DGE RTZA GANG GOMS KYANG THAR PA'I RGYUR GTAN NAS MI 'GRO BAS @63B THAR 'DOD KYIS THOG MAR GDAMS NGAG GANG ZAB ZER BA GZHAN THAMS CAD BZHAG NAS NGES 'BYUNG LA RTOG BSGOM BYA DGOS, THEG CHEN SGRUB PA POS RANG DON YID BYED KYI SKYON DANG, GZHAN DON GYI PHAN YON LA DRAN SHES THUN RE BSTEN NAS SEMS BSKYED LA MYONG BA 'DON PA'I DMIGS RNAm NAS GOMS PAR MA BYAS NA GZHAN GANG BYAS KYANG LAM DU MI 'GYUR TE, GZHAN DU NA DGE RTZA RNAMS RANG DON YID BYED KYIS DBANG BYAS NAS DMAN PA'I BYANG CHUB KYI RGYU 'BA' ZHIG TU 'GYUR BA'I PHYIR TE, DPER NA NGES 'BYUNG LA DRAN SHES BSTEN PA'I DMIGS RNAM GOMS PAR MA BYAS NA DGE BA THAMS CAD SNANG SHAS KYIS DBANG BYAS NAS 'KHOR BA 'BA' ZHIG GI RGYU BYED PA BZHIN NO, ,DES NA SNGAGS LA SOGS PA'I GDAMS NGAG GANG ZAG ZER BA RNAMS BZHAG NAS THOG MAR NGES 'BYUNG DANG BYANG SEMS LA MYONG BA THON PA RE NGES PAR BYA DGES, DE SKYES PA DANG DE NAS DGE BA THAMS CAD THAR PA DANG THAMS CAD MKHYEN PA'I RGYUR DBANG MED DU 'GRO BAS, DES NA 'DI LA SGOM RIN MI CHOG PAR BYED PA NI LAM GYI GNAD GTAN NAS MA SHES PA YIN GSUNG, DE LTAR DE GNYIS KYIS THOG MAR RGYUD SMIN PAR BYAS NAS GROL BAR BYED PA NI THOG MAR MI RTOG PA LA DRAN SHES BRTEN NAS GNAS PA BRTAN PO 'ONG BA'I ZHIG GNAS 'GRO 'CHAG NYAL 'DUG GI SPYOD LAM DANG BSRE THUB PA'I GNAS PA BRTAN PO ZHIG BTZAL LA, DE NAS LHAG MTHONG BSGOM DGOS TE, DE YANG SEMS KYI GNAS CHA ZHIG MA RNYED PA'I GONG DU LHAG MTHONG BSGOMS KYANG 'PHRO DRAGS PAS MYONG BA MI THON, GNAS CHA RNYED KYANG THOS PA RNAM DAG GI STOBS KYIS BDAG MED LA NGES SHES 'DRONGS NGES SHIG MED NA LHAG MTHONG GI MYONG BA RNAM DAG SKYE BA'I SKABS MED, DES NA GNAS CHA NAM RNYED PA DANG DE NAS @64A *, ,LTA BA LA MYONG BA GDON TE, DE YANG 'DI LTAR YUL SNANG GZHAN LA YANG RANG BZHIN MED PAR GTAN LA PHAB NAS BSGOMS NA YANG MYONG BA THON PA 'ONG MED, 'ON KYANG GNAD DU CHE BA NI DANG POR GANG ZAG GI BDAG MED RNAM PA BDUN GYIS BTZAL NA BDAG MED PA DE LTA BU LA LEGS PAR RIGS PAS GTAN LA PHAB NAS MA RNYED PA DANG DE KA'I NGANG LA DRAN SHES BSTEN NAS BZHAG ,NAM 'PHRO BA DANG YANG SNGAR BZHIN RIGS PAS BTZAL NAS MA RNYED PA DANG DE KA'I NGANG LA BZHAG STE, DPYOD PA 'DI HA CANG MANG DRAGS NA 'PHRO SHAS CHER SONG NAS MYONG BA MI THON, DES NA DA LTA'I GDAMS NGAG PA RNAMS 'DOD PA LTAR SEMS CIR YANG MI RTOG PAR BZHAG NAS, DE NAS LTA BAS GNAS LUGS CIR YANG THA SNYAD GDAGS SA MED PAR GTAN LA PHAB PA DANG GNYIS GCIG TU BSRES NAS SKYONG LUGS CI YANG YID LA MI BYED PAR 'JOG PA 'DIS SEMS GNAS TZAM MA GTOGS PA LHAG MTHONG LA MYONG BA THON PA MI SRID GSUNG PAS GNAS PA RNYED NAS MTSAN NYID THEG PA NAS GSUNGS PA'I DPYAD SGOM MA BYAS NA LTA PA LA MYONG BA MI THON PAS DPYAD SGOM BYA DGOS, DPYAD SGOM YANG SNGAR LTAR YIN GYI, 'GA' ZHIG LTAR RGYUN PAR BSAM ZLO 'BA' ZHIG GTONG BA YANG MA YIN, GNAS CHA GTAN MA BTZAL BAR LTA BA SKYONG BA YANG MA YIN, DES NA DA LTA'I SGOM CHEN GYI GNAS PA SKYONG LUGS 'DI GTAN NAS LAM NGO BO MIN GSUNG, 'DI RNAMS RANG RE DANG MTHUN SHAS CHE BAS ZUR TZAM SMOS PA DANG NGES SHES RNGAM CAN 'DRONGS MCHI, NGED KYI YID LA THAL 'GYUR BA'I LUGS KYIS SGOM DANG LTA BA KHYAD MI SNANG BAS RUNG LA, RANG RGYUD PHYIN LA SGOM LUGS 'DI LA NGE PO'I SGOM LUGS SU 'ONGS YE ME 'DUG SNYAM NAS ZHUS PAS PHYI MA DE GAR 'DUG, THAL 'GYUR BA'I @64B LUGS KYIS KYANG DE LTAR BYAS NAS BSGOMS NA SEMS GNAS SKYONG BA RKYANG PAR 'GYUR GYI, LHAG MTHONG LA NI NGES PAR DPYAD SKOM BYA DGOS GSUNG, MDOR NA DNGOS PO'I GNAS LUGS CI PA DANG BLOS KYANG CI YANG MI 'DZIN PA GNYIS MTHUN PAR 'DUG 'DUG BSAM PA DANG, MDO RGYUD RNAMS SU'ANG CI YANG MI SGOM PA GNAS LUGS BSGOM PAR GSUNGS PA LTA BU MANG DU BYUNG BA RNAMS KYI 'KHRUL GZHI BYAS NAS CI YANG YID LA MI BYED PA SGRA RTOG BKAG PA'I SGOM LA GNAS LUGS BSGOM PAR 'KHRUL 'DUG PA 'DI GTAN MI RIGS TE, CI YANG MI SGOM PA GNAS LUGS BSGOM PAR GSUNGS SHING, DE'I BSNGAGS PA DPAG MED GSUNGS PA NI, SGRA RTOG TZAM MA YIN PAR 'DZIN PA MTHA' DAG DAG NAS RNAM GRANGS MA YIN PA'I DON DAM DANG BLO GNYIS DBYER MED DU SONG BA 'PHAGS PA'I MNYAM GZHAG LA DGONGS LA, SO SKYE LA RNAM GRANGS MIN PA'I DON DAM PA DANG BLO GNYIS RO GCIG TU SONG BA'I DON MTHUN PA GTAN NAS MED PA'I PHYIR DANG, SO SKYE LA GNAS LUGS LKOG TU GYUR PAS SGRA RTOG BKAG PA'I SGOM TZAM GYIS DE YUL DU BYA MI RUS PA'I PHYIR DANG, RTOG MED KYIS GNAS LUGS YUL DU BYAS NA MNGON GYUR DU THAL BA'I PHYIR RO, ,DES NA RNAM GRANGS MIN PA LA SO SKYE'I RTOG MED KYIS NYAMS LEN BYA MI NUS PAS DE 'PHAGS PA LA YIN LA, DE LA 'JUG PA'I THABS SU RTAN 'BREL RANG BZHIN MED PA SOGS LA GNAS LUGS SU ZHEN NAS DPYAD SKOM GYIS ZHUGS PAS RNAM GRANGS MA YIN PA'I DON DAM DANG RO GCIG PA'I RTOG MED THOB PAR 'GYUR GSUNG, DES NA SGOM DU MA ZAD LTA BAS GTAN LA 'BEBS PA NA YANG RNAM GRANGS MA YIN PA'I DON DAM MNGON DU GYUR PA'I NGO LTAR BYED NA, GANG GIS BSHAD @65A *, ,NAS GANG GIS NYAN, SUS GO 'ON KYANG RTOG PAS LTA BA'I GO YUL BTZAL DGOS, DE MA BYAS NA LTA BA GO BA GAR SRID, DES MTSON NAS DPAG TU MED, DE PHYIR THAL 'GYUR BA 'PHAGS PA CHEN PO RNAMS LA MNYAM GZHAG NA KHAS LEN THAMS CAD ZHIG PAS MNYAM GZHAG DANG KHYAD MED, DE DAG GI RJES THOB NI RTEN 'BREL GZUGS BRNYAN LTA BU DGAG TU MED PAR 'CHAR BAS, SO SKYA THAL 'GYUR BAS KYANG RANG BZHIN MED PA'I RTEN 'BREL GZUGS BRNYAN LTA BU NGES PAR RANG LUGS LA YONG 'DOD DGOS, DE KHAS BLANGS KYANG RE ZHIG LA SKYON DU MI 'GYUR, DE DGAG TU YANG MI NUS PAS KHAS LBANG, GZHAN NGOR KHAS LEN PA LA NI PHYI RGOL GYI BSAM PA LA BRTAGS NAS DES KHAS BLANGS PA'I TSUL LA LTOS NAS KHO'I 'DOD PA SUN DBYANG DGOS PAS DE LA NI RGYANG PHAN YAR BCAD KYI GRUB MTHA' LA LTOS NAS KHAS 'DI LEN DANG 'DI NI LEN MED, DE YANG KHO GANG 'DOD PA'I LOG PHYOGS DE KHAS BLANGS NAS MGO MTSUNGS SOGS BYAS PAS, MTHAR KHO'I 'DOD PA LA GNOD BYED MTHONG BA DANG, RANG LUGS BZHAG PA DE YANG DE DANG 'DRA'O ZHES BSTAN LA, RANG GIS DGOS PA'I DBANG GIS KHAS BLANGS PAR BSTAN PAS GNYIS KA MNYAM POR 'GRO ,DE YANG GZHAN DOR KHAS BLANGS TZAM GYIN GYI, NGAS KHAS MA BLANGS ZER DU MI BTUB PHYOGS GNYIS KA LA KHOS SKYON MA MTHONG GI BAR DU RANG GI ZHE 'DOD YIN PA BZHIN BYED DGOS GSUNG, DE LTAR GANG ZAG GI BDAG MED LA DPYAD SGOM GYIS MYONG BA THON PA DANG, DE NAS CHOS KYI BDAG MED KYI DMIGS RNAM DU MA LA RTZAL SBYANG NGO, ,BSNGAGS KYI RDZOGS RIM RNAMS LA YANG MTSAN NYID KYI LTA BA'I MYONG BA 'DON LUGS 'DI MED PAS, DE RKYANG PA BYAS NA LTA PA'I @65B GO YUL TZAM YOD KYANG LAM DU GTAN MI 'GRO, BDE GSAL MI RTOG PA'I NYAMS MCHOG TU GYUR PA SKYES NAS SGRA RTOG GTAN MI RGYU BA'AM, RGYU YANG GNAS CHA STOBS CHES PAS GCIG NAS GNYIS SU MTSAMS SBYOR MI THUB PAR DMIGS GTAD ZHIG PA SNYAM BYED PA DANG, YUL SNANG THAMS CAD SGYU MA LTAR 'CHAR BA YANG 'ONG SGRA RTOG GNAS CHA CHES PAS ZHI GNAS KYI MTHUS BKAG PA'I DMIGS GTAD ZHIG PA 'DRA BA ZHIG BYUNG BA YIN GYI, GNYIS SNANG GI RTOG PA LAS MA 'DAS PAS 'DI 'JIG MI THUB ,BSAM GTAN BZHI THOB NA YANG 'ONG, YUL LNGA'I SNANG BA THAMS CAD MNYAM PAR BZHAG PA NI NA BUN LTAR SNANG BA 'ONG, DER MA ZAD GZUGS MED THOB NA MNYAM GZHAG GI TSE SNANG BA 'GAGS NAS KYANG 'GRO BA 'ONG STE, LHAG MTHONG GI MTHU MIN GYI ZHI GNAS KYI STOBS KYIS YIN NO, , YUL SNANG DE LTAR SNANG YANG NANG GI MYONG RIG LA BROD PA 'DOR MI NUS TE LTA BA LA MYONG BA MA THON PAS SO, ,SNGAGS KYI LAM MYUR BAR BSHAD PA NI ZHI GNAS MYUR BA DANG, ZI GNAS STOBS LDAN SGRUB LUGS MTSAN NYID LA MED PA RNAMS YOD LA, ZHI GNAS CI TZAM STOBS CHE BA BZHIN LTA BA LA MYONG BA STOBS LDAN 'GRUB PA YOD PAS MYUR BA YIN NO, ,DES NA MTSAN NYID KYI THEG PA'I GNAD GSUM GONG DU BSTAN PA RNAMS KYANG SHES, SNGAGS KYI THABS LAM GYI GDAMS NGAG KYANG YOD PA KLU SGRUB DANG ZLA GRAGS 'DRA BA DE MTSAN NYID HTEG PA RKYANG BA'I GDUL BYA LAS MYUR BA DANG CHOS KHYAD PAR 'PHAGS PA YIN GYI, MTSAN NYID KYI LAM GYI GNAD MED PA'I SNGAGS KYI THUN MONG MIN PA'I GDUL BYA DE MTSAN NYID KYI GDUL BYA LAS DMAN TE, DES LAM DE KHO NA LA BRTEN NAS GTAN @66A *, ,NAS SANGS MI RGYA, ,MTSAN NYID KYI DES 'CHANG RGYA BAS SA, ,DE LTAR THUN MONG MA YIN PA'I LAM GYI DBANG DU BYAS NA MTSAN NYID MCHOG DANG, ,SNGAGS NYON MONGS KYI DBANG DU SONG DRAGS NAS RGYUD CHA DGE BA'I GDUL BYA LA MNGON MTHO'I THABS TZAM DANG, ZHI GNAS SOGS TZAM BSTAN PAS DMAN PA YIN GSUNG, 'DI RNAMS THAMS CAD LA DGAG SGRUB DPAG MED BYAS NAS ZHU GTUGS BYAS PA DU MA YOD KYANG BRIR MA LANG, 'DI THAMS CAD RANG RE LA NGES SHES 'DREN PA'I RGYUR 'GRO NGO SHES SNYAM NAS BRIS PA YIN, ,NGA LA NI THE TSOM GYI DRI TZAM YANG MED, ZHAL TA ZHUS PAS, SLOB DPON THAR BZANG GI SA NA KHO RANG GI LTA KHRID DE YOD ZER BAS, DE LA LUNG THOB CIG MDZAD NA SNYAM PA LAGS NA YANG, DE'I DPE LA ZHIB MO YANG MED, THAR BZANG KHO RANG LA YANG 'DIR RGYAG MED PAS KHONG YID MA CHES, DE BAS KHYED RANG GIS RAGS RIM ZHIG BRIS NAS BSKUR NA PHAN THOGS PA'ANG SRID GSUNG BAR GDA' BAS, RANG RE MJAL 'DZOM BGYID PA MA BYUNG NA KHYAD CHE SNYAM NAS BRIS PA LAGS, NGES 'BYUNG SEMS BSKYED, LTA BA'I MYONG BA 'DON LUGS 'DI RNAMS DA LTA SU LA YANG BSTAN RGYU MI SNANG BAS THUN MONG MIN PAR 'DUG KHYAD PAR LTA BA'I MYONG BA 'DON LUGS 'DI NGES PAR YIN NGO SHES SU SNANG, 'DI RDO RUS THUG PA YOD PA'I GDAMS NGAG DA LTA GCIG KYANG MI GDA', BYED LUGS 'DI BYAS NA RANG RE BAS LAM DE TZAM 'THOB, GDAMS NGAG GZHAN BSGOMS KYANG GLAGS MI CHE GSUNG, 'DI PA RANG GI LUGS KYIS NGES 'BYUNG SOGS GSUM LA 'KHRID LUGS ZHIB CHA DANG BCAS PA GNANG NAS YOD DE RGYAS PAR BRIR MA LANG, GYU RU LUGS BRIS KYANG 'GA' ZHIG BLA MAS BSTAN PA LA LTOS PAR SNANG BAS BRIS MA BYUNG, DE LTAR NA 'DI YI PHYOGS LA BSLUS 'DUG NA NGA'I MIG TU SGOG CHU @66B BRDUNGS PAS CHOG PAS, KHYED SGRUB PA ZHIG BYED NA CIS KYANG MDZOD MDZOD MDZOD, MYUR DU MJAL 'DZIM MA BYUNG NA TSE SGRUB DE ZIN PA DANG DE NAS SNGON LA RJE BTZUN GYI SGRUB PA DE LO GCIG PA CIG MDZAD NA, DE NAS RJE BTZUN RANG GIS DNGOS SU LEGS PAR 'DOMS PAR GDON MI ZA BAS RTZOL BA SKYED PA KHYED MKHYEN MKHYEN MKHYEN, BLO NYES MA MDZAD CIG ,'DI PA'I LAM GYI GNAD 'DI RNAMS RANG RE LA GZHAN DANG MI 'DRA BA'I NGES SHES RMAD DU BYUNG BA'I GSAL 'DEBS SU 'GRO MCHIS PAS JI LTAR BYUNG BA'I RGYU MTSAN DANG, RTEN 'BREL GYI DGOS LUGS THUN MONG MA YIN PA KHYED RANG LA GANG BYUNG BA RNAMS GSUNG SHOG ZHIB TU MDZOD LA BSKUR MDZOD, MTHUN MI MTHUN LTA BA LAGS, NGED KYI YID LA DA LTA 'CHAD NYAN BYED PA RNAMS LA YANG, THAR 'DOD 'KHRID LUGS DANG LAM GYI GNAD 'DI LTA BU LAS BRTZAMS TE BRIS NA, TSIG ZER LUGS LA BLTAS NA GO NGA 'DRA BA ZHIG SNANG STE, ZHE THAG PA NAS BLO GTAD DE 'KHRID DU BCUG NA YID BRTAN DU RUNG BA GTAN MI GDA', BSAM GTAN PA RNAMS KYANG NGES 'BYUNG DANG SEMS BSKYED THAR PA DANG THAMS CAD MKHYEN PA'I RTZA BAR 'DUG PA LA, DE GNYIS DGOS ZER YANG DE GNYIS KYI GO BA TZAM LA MYONG BA THON PAR BSAMS NAS, 'DI GNYIS SNGON LA MYONG BA THON PA RE MI BYED PAR 'DI GNYIS LAS RTZA RLUNG SOGS KYI DMIGS PA KHA CIG LA ZAB ZAB POR 'KHRUL NAS GTZO BOR MI BYED, 'GA' ZHIG GIS BYED KYANG 'DI GNYIS KYI GNAD LEGS PAR GO BA'I GO BA SHA CHOD RUS CHOD MED PAS DE GNYIS LTAR SNANG RE MTSAN NYID PAR 'DZIN PAR GDA', PHAL CHER BYIN PO DES CIR YANG MI SEMS PAR SEMS BZUNG BAS SGRA RTOG TZAM KHEGS PA'I BDE GSAL MI RTOG PA'I NYAMS MYONG, GONG @67A *, ,MA'I SEMS KYI ZHI GNAS LTA ZHOG ,'DOD SEMS RTZE GCIG PA'I CHAR GTOGS KYI TING NGE 'DZIN ZHI GNAS RJES MTHUN PA TZAM LA GNAS LUGS BSGOMS PAR 'KHRUL NAS SNANG LA, DRAG SHOS RNAMS KYIS DE RANG DGA' MAS 'CHID ZER NAS, LTA BA'I GO YUL SKAM PO ZHIG DE LA BSKON PAS MI ZHEN PAR 'DOD PA DANG, DE'I THOG MTHAR SEMS BSKYED DANG SMON LAM TSIG TZAM PA KHA YAR BYAS PAS LAM DU 'GRO SNYAM YANG NGES 'BYUNG DANG SEMS BSKYED GO BA RNAM DAG LA DRAN SHES KYIS DPYAD SGOM BYAS NAS MYONG BA THON PA MED PAS THAR PA DANG THAMS CAD MKHYEN PA'I RGYUR MI 'GRO LA, SEMS TZAM, RANG RGYUD, THAL 'GYUR BA GANG RUNG GI LTA BA LA PHU THAG CHOD PA'I NGES SHES 'DRONGS PAR BYAS NAS, DE RJES GNAS CHA BTZAL BA RNYED PA DANG, DPYAD SGAM GYIS LTA BA'I DMIGS RNAM LA DRAN SHES BRTEN NAS 'DRIS PAR BYAS PA'I LHAG MTHONG GI MYONG BA MA THON PAS LAM DU GTAN MI 'GRO BAR GDA', DE BAS NYAN BSHAD PA RNAMS LA BDAG MED LA DMIGS PA'I GO YUL RAGS PA RE 'THAD BYAS PA MANG RAB 'ONG BAS, THAR PA'I RGYUR 'GRO BA NYAN BSHAD BAG TZAM DRAG PAR GDA', 'ON KYANG BSHAD NYAN PA RNAMS KYANG BSTAN PA'I SNYING PO BDAG MED PA GNYIS MTSAN NYID KYI THEG PA'I DBU TSAD LTA BU NAS GSUNGS PA LA LEGS PAR BRGAL ZHING RTOG PA'I BLO'I NUS PA MED PAS GZHAN GYI ZER BGROS NYOG NYOG MANG PO ZHIG DANG THOS RGYA CHE ZHING DRAG PAR SGOM PA KHA CIG NI ZAB MO 'AM ZHIG YIN ZER NAS, DKA' LAS MA SHI BAR DU BYA DGOS LA, GNAS LUGS LA NGES SHES TIL TZAM YANG 'DRONGS RGYU MED PA'I RTZIS DANG SNOD BCUD KYI RNAM GZHAG DANG BSKYED RIM 'KHOR BCAS KYI CHO GA'I SPRAS SPROS DANG, RTZA RLUNG SOGS @67B KYI GTAM MANG PO LA MGO MYOS MYOS KYI BAR DU SEMS PAR GDA' BAS DON CHUNG BDAG MED KYI DON LA NGES SHES 'DRONGS PA RE SGRUB PA BYED PA LA MED MI RUNG DU 'DUG ,DE'I SGO NAS BSHAD NYAN BYAS NA RANG GZHAN LA PHAN PA CHEN PO BYAR YOD MOD, 'ON KYANG 'DI'I GO BA THAR PA'I RGYUR 'GRO YANG, 'DIS SNANG SHAS ZIL GYIS GNON MI NUS PAS PHAL CHER GYI RGYUD LA RNYED BKUR GYI PHYIR MI DGE BA TSAN CHEN PO GSOG BDAG MED KYI GO YUL RNAM DAG MA RTOGS PA'I DGE RTZA GANG BYAS KYANG 'KHOR BA 'BA' ZHIG GI RGYUR SNANG SHAS KYIS DBANG BYAS NAS THAR PA'I RGYUR 'GROR MI STER BAS SKYE BA BRGYUD MA MANG PO ZHIG TU BSTAN PA LA PHAN BTAGS PAS CHOG PA DE DA LTA'I BSTAN PA DUM TZAM PA 'DI MNYAN 'DUG PAS SNYAM PA'I SNYING RJE DANG BSTAN PA'I KHUR LTAR SNANG ZHIG GIS NYAMS PAR BYED PA YIN, DE RNAMS BYIS PA'I MDUN MA YIN, GDUL BYA DA LTA'I 'DI 'DRAR MA ZAD SEMS CAN MTHA' MED PA ZHIG GI RTZIS BTANG DGOS, BSTAN PA DA LTA'I 'DI 'DRAR MA ZAD BSTAN PA MTHA' MED DANG, DE BZHIN DU SKYE BA DANG YUL DANG DUS THAMS CAD KYANG DE 'DRA'I RTZIS BTANG DGOS MED, DE BTANG NA DA LTA'I 'DU SHES DE RGYA CHUNG CHUNG DU 'GRO ,DES NA GZHAN DON 'DOD NA'ANG STOBS MI GCIG ,RGYA CHE CHUNG MI GCIG ,YUN RING THUNG MI GCIG PAR GO LAGS, DE LTAR 'DI RNAMS YID CHES KYI GNAS LAS 'ONGS BA 'BA' ZHIG YIN CING RANG RE LA 'DI RNAMS LHAG PAR THUGS YUL DU GZHAN DANG MI 'DRA BAR RMAD DU GYUR PA ZHIG TU 'GYUR ZHIG GU SNYAM DU BSAMS NAS BRIS PA LAGS PAS, THUGS YUL DU GANG BYUNG YANG 'DI LTAR YIN GYI GTAM RNAMS GZHAN LA MI 'PHEL BA'I THABS LA RANG RES NGED MA BSLUS PA ZHIG MKHYEN MKHYEN, DON DU MI 'GYUR PA @68A *, ,YIN PA GDA', RGYU MTSAN DE RNAMS LEGS PAR THUGS SU CHUD PA DANG YI GE 'DI ME LA PHUL MDZOD, MDOR NA SANGS RGYAS KYI 'PHRIN BSKYAL PA LAGS PAS GROS SU LA YANG MA DRIS PAR THUGS THAG RBAD BCAD NAS, SHI MIN GSON MIN DU MA SONG BA'I SGRUB PA'I RGYAL MTSAN ZHIG TSUGS DANG SKYE BA PHYI MA LA LTA ZHOG ,SKU TSE 'DI LA YANG GZHAN DON STOBS LDAN 'GRUB PA'I RGYU THUN MONG MA YIN PA'I YON TAN ZUR DU BRIS PA 'DI RNAMS DANG, MNGON SHES RDZU 'PHRUL LA SOGS PA'ANG THOB PAR GDON MI ZA BAR LUNG BSTAN PA LAGS SO, ,DGE 'DIS MTSON NAS DUS GSUM DANG 'BREL BA'I, ,BDAG GZHAN DGE BA'I RTZA BA JI SNYED PA, ,DE DAG THAMS CAD SKYE ZHING SKYE BA RU, ,BYANG CHUB MCHOG GI RJES SU MI MTHUN PA'I, ,SHES KYI KHE 'DOD PA DANG GRAGS PA DANG, ,'KHOR DANG LONGS SPYOD RNYED DANG BKUR STI'I RGYUR, ,SKAD CIG TZAM YANG NAM YANG MI SMIN PAR, ,BLA MED BYANG CHUB KHO NA'I RGYUR GYUR CIG ,GZHAN YANG BYANG CHUB SNYING POR MCHIS KYI BAR, ,RJE BTZUN 'JAM PA'I DBYANGS DANG MI GNYIS PA, ,DPAL LDAN BLA MA KHYED KYI ZHABS PADMO, ,'BRAL MED BSTEN NAS KHYOD MNYES BGYING PAR SHOG ,RMAD BYUNG SRAS BCAS RGYAL BA'I BYIN RLABS DANG, ,RTEN 'BREL BSLU BA MED PA'I BDEN PA DANG, ,BDAG GI LHAG BSAM DAG PA'I MTHU STOBS KYIS, ,RNAM DAG SMON PA'I GNAS 'DI 'GRUB PAR SHOG ,CES PA 'DI NI RJE TZONG KHA PA CHEN POS RJE BTZUN RED MDA' PA CHEN POS SKYA NA BZHUGS PA'I DRUNG DU 'BUL BA LA RTOG LDAN BYANG SENG PA GROGS MCHOD BTANG BA'I DUS KYI ZHU YIG NGO BO LAS SLOB DPON KRE BO THAR BZANG GIS JI LTA BAR BSHUS PA LA PHYI MO BGYIS PA'O, ,DA LTA GZHAN @68B DAG LA YOD PA 'DI NI 'DI NAS BTUS PAR BYED PAR 'DUG CING 'DI'I PHYI MO'I MGO SHOG BLA MA THAR BZANG PA'I DPE CHA'I NANG NAS GZHAN DU 'KHYAR BA 'DRA ZER NAS MI 'DUG GO,