` ,,NA MO GU RU MANYNDZU GHO sh'A YA, LEGS TSOGS DPAG TU MED PA SKU
TSE DU MAR SPYAD PA LA BRTEN

NAS, BLA NA MED PA'I MGON GYI GSUNG GI BDUD RTZIS 'GRO BA MANG PO'I
NYER 'TSO CHEN POR GYUR PA BLA MA DE'I DRUNG DU SNYOMS LAS PAS ZHU
BA, SKU KHAMS RIN PO CHE BSTAN PA'I DPAL DU BRTAN ZHING ZAB MO'I DON
GYI DGA' STON RGYA CHER 'PHEL BA'I THAD NAS BKA' STZAL YI GER BRIS PA

DGE BSHES GNYIS LA BSKUR BA DGE BSHES RGYAL 'OD KYIS 'PHROD PAS ZANG
ZING MED PA'I DGA' BA DANG SPRO BA RGYA CHER 'PHEL, 'DIR YANG DGE
PHYOGS LA 'DUN PA MA DOR TZAM BDOG ,SKABS KYI ZHU BA LA, SPRE'U LO
LA JI LTAR GSUNG GLENG BYUNG BA BZHIN DU SGRUB PA LA THAG BCAD

CING DBEN PA BSTEN, DE DAG GI SKABS SU BLO NUS GANG YOD KYI MTHA'
DAG PAR DPYAD NAS GTAN LA PHEBS PA'I GO BA ZHIG MA RNYED BAR DU MOS
MON TZAM GYI YID CHES RE TZAM LA BRTEN NAS SGRUB PA BYED LO BYAS
KYANG GNAD DU 'GRO BA SHIN TU DKA' BAR MTHONG NAS THOG MAR SGRUB
PA LA

BLO BRTAN DU 'GRO BA'I THABS RNAMS THUB PA'I DGONGS PA RNYED PA'I
NYER LEN GYI RGYU LUNG DON TSUL BZHIN DU DPYOD PA'I DBU TSAD KYI
RIGS PA'I SGROS PHRAR GAS RNAMS LA NGES PAR SEMS PA DANG, DE DAG GI
LTAN CIG BYED PA'I RKYEN YI DAM GYI SGOM BZLAS DANG BSAG SBYANG GI
GNAD

THUB PA'I GSUNG LAS BYUNG BA RNAMS LA THUN THUN DPYAD NAS YUN
RING PO'I BAR DU SHIN TU 'GRUS PAR BYAS PA NA, GSANG SNGAGS DANG PHA
ROL TU PHYIN PA'I LAM GYI SROG RNAMS THUN MONG DU 'ONG BA DANG,
LHAG MTHONG GI RTOGS PA SKYE TSUL LA SA BON TZAM GYI GSUNG GLENG
BYUNG BA

@69A *, ,TZAM GYIS LAM GYI GNAD LA NGES PA SKYED PA LA SHIN TU PHAN
CHE BAR BYUNG, SPYIR DA LTA BOD NA GSANG SNGAGS DANG MTSAN NYID
KYI GDAMS PA MTHA' YAS PA ZHIG SNANG ZHING DE RNAMS KYANG SANGS
RGYAS BYANG SEMS LA MA BRGYUD PA MI SNANG BAS YI DAM RES GSUNGS PA
TZAM

GYI RGYU MTSAN LAS GZHAN 'GOD RGYU MA RNYED NA, THAD KA THAD KA'I
BLO NGO 'BA' ZHIG TU SONG NAS LAM GYI GNAD MA 'PHYUGS PA ZHIG LA
NGES PA RNAM DAG SKYE BA'I THABS MI 'DUG ,DES NA GZU BOR GNAS PA'I SGO
NAS BLO DANG LDAN PA RNAMS KYIS LAM 'PHYUG MED CIG 'TSOL NA, MDO
SDE

DANG RGYUD SDE RTZOD MED GANG DANG YANG MI 'GAL ZHING DE DAG NAS
ZIN PA DE YANG SHING RTA CHEN PO GCIG GI RIGS PA'I RJES SU 'BRANGS NAS
DRANG NGES LEGS PAR PHYE STE MTHA' GZHAN DU DRANG DU MI BTUB PAR
RIGS PAS GNOD MED DU 'GRUB PA ZHIG MED MI RUNG DU SNANG BAS

GSUNG RAB CHEN PO RNAMS DANG DE'I DGONGS PA 'TSOL BA'I RIGS PA'I SGO
DRI MA MED PA LA RTZIS PO CHER BZUNG NAS RGYUD LA SKYE BA'I RIM PA
SNGAR MANG DU BYUNG YANG DE TZAM LA CHOG SHES MA BYAS PAR BSTAN
PA 'BA' ZHIG LA DMIGS PA'I BSAM PAS KUN NAS

BSLANGS TE, YI DAM DANG BLA MA THA MI DAD PAR BYAS PA LA RGYUN MI
CHAD DU GSOL BA GDAB, BSAG SBYANG GI SGO DU MAL 'BAD PAS DA LTA
GSUNG RAB SPYI DANG DGONGS 'GREL GYI BSTAN BCOS CHEN PO RNAMS LA
KHOL BTON RE TZAM MIN PA'I LUS YONGS SU RDZOGS

PA NYAMS LEN DU 'GRA BA'I PHYOGS SU SHES PA YOD, TSUL DE LA NGES PA
BDE BLAG TU STER BAR BYED PA NI BDAG DANG GZHAN GYI GRUB PA'I MTHA'
RGYA MTSO LTA BU'I PHA ROL TU SON CING, NANG RIG PA'I SDE SNOD GSUM
GYI SNYING PO BSLAB PA GSUM GYI GNAD RNAMS PHYIN

@69B CI MA LOG PAR SHAS NAS KHAS BLANGS PA TZAM LA MA BZHAG PAR
NYAMS 'OG TU TSUD PAR MDZAD PA MKHAS LA GRUB PA BRNYES PA'I DGE BA'I
BSHES GNYEN DU MAS RJES SU BZUNG BA LHAG PA'I LHA DPAG TU MED PAS
BYIN GYIS BRLABS PA'I SEMS DPA' CHEN PO DPAL MAR ME MDZAD YE SHES

KYI GDAMS PA BYANG CHUB LAM GYI RIM PA'I MTSAN NYID DANG SNGAGS KYI
THEG PA'I LAM GYI RIM PA PHYIN CI MA LOG PAR GTAN LA PHAB PA NYID YA
MTSAN PAR MTHONG NAS SLOB MA BKRI BA'I RIM PA RNAMS DE KHO NA'I
STENG NAS BYED KYIN YOD, GDAMS NGAG DE YANG GSUNG RAB DGONGS
'GREL

GYI BSTAN BCOS MAN NGAG MTHA' DAG LAM GYI RIM PA GCIG TU DRIL NAS
STON PAR SNANG BAS 'CHAD SHES PA DANG, NYAN SHES PA GNYIS KYIS BSHAD
CING NYAMS SU BLANGS NA MAN NGAG CHUNG CHUNG DU MA ZAD GSUNG
RAB MTHA' DAG GI GUNG 'GRIG NAS 'ONG BAR SNANG BAS 'KHRID KYI RNAM
GRANGS

MANG PO STON PA MA BYAS, NGED RANG GI YANG NGES 'BYUNG DANG BYANG
CHUB KYI SEMS DANG, LTA BA'I 'KHRID RNAMS KYI 'KHRID TSUL DANG, GSANG
SNGAGS DANG PHA ROL TU PHYIN PA'I LAM GYI THUN MONG DANG THUN
MONG MA YIN PA'I NYAMS LEN DU 'GRO TSUL GSUNGS PA RNAMS DANG THIG
GCIG TU 'ONG

BAR SNANG ZHING, NGAD RANG GI DE RNAMS SA BON TZAM DU SNANG LA
LAM RIM RGYA CHER 'GREL LTA BUR SNANG BA DANG, LAM RIM KUN LA
RTZOD MED DU GRUB CING, NGED RANG GI GDAMS PA RNAMS BSTAN NA SGRO
SKUR GYI GZHI CHEN POR SONG NAS PHAN SHIN TU CHUNG ZHING NYES
DMIGS SHIN TU CHE BA ZHIG

'ONG PAR MTHONG NAS LAM RIM 'DEBS PA MA GTOGS DE RNAMS KYI KHRID
ZUR DU MA BGYIS LAGS 'DIR YANG SGRUB PA LA PHYIN 'PHRAL NAS GDUL
BYA'I RIGS 'GA' ZHIG LA YI DAM GYI SKU DANG GSUNG GI SNANG BA BYUNG
BA THE TSOM NAM 'DOD KYIS BCAD PAS CHOG PA BYUNG 'DUG

@70A *, ,CING; KHYAD PAR DU GCIG LA NI GSUNG PHAL MO CHE NGES DON DU
'ONG ZHING MANG PO MI GSUNG BAR SNANG NA'ANG GSUNG RAB DGONGS
'GREL DANG BCAS PA'I GZHI GANG LA DPYED DANG TSUL JI LTAR DPYOD DANG
DE LTAR DPYAD PA RDZOGS MA RDZOGS RNAMS 'PHYUG MED DU

'ONG BAR SNANG BAS CHOS GANG STON DANG 'KHOR JI LTA BU STON DANG,
GNAS GANG DU SDOD LA SOGS PA PHAL CHE BA RNAMS RANG BZOS ZHUGS
PA CHEN PO MA BYAS LAGS, SNANG BA DE DAG GI GSUNG LA YANG NGED KYIS
BSTAN PA RNAMS LA GSUNG RAB DANG BSTAN BCOS CHEN PO RNAMS LA
DPYOD

DANG PHAL CHER MTHUN PA SHA STAG 'ONG, BRGYA LA GAL TE GZHUNG
CHEN MO RNAMS DANG MI MTHUN PA RE TZAM BYUNG NA 'DOR BA'I SPUS
MAN NGAG TU 'DOD PA RNAMS LA 'BAB KYI, GSUNG RAB CHEN PO RNAMS
RNAM PA THAMS CAD DU 'DOR DU MI RUNG BAR RTZIS PO CHER GZUNG DGOS
ZHES GSUNG PA

MAN NGAG GI MCHOG TU MTHONG NAS, DE BZHIN DU LEGS PAR BSNYAD PA
'DI LA TSOD KA DANG DPAGS PA'I PHAN CHE RAB CIG THOGS PA 'DRA BA 'DUG
CING, DE MIN NA'ANG RANG NYID KYI RGYUD LA LAM RNAM PAR DAG PA'I
BAG CHAGS SHIN TU BRTAN PA ZHIG LUNG RIGS KYIS PHU THAG LEGS

PAR BCAD PA'I NGES SHES GTING THAG PA NAS SKYE BA ZHIG BZHAG PA NI
GDON MI ZA BAR 'DUG PAS CIS KYANG MJAL BA'I THABS SHIG MDZAD PAR ZHU,
ZHES PA 'DI NI RJE THAMS CAD MKHYEN PA TZONG KHA PA CHEN POS BLA MA
DBU MA PA LA MDO KHAMS SU PHUL BA'O,,